لقاء كان حار بزاف مابين حكيم أو عبق....بقى خاشيها فيه مدة طويلة كتبكي بجهد أو هو ساكت مصدوم معرف باش ينطق بش يهدء من روع ديالها...أو من غضب كبير حطم صدرو لشضايا كتيرة منها شرف ختو....أنا:هئ هئ😭😭 خويا سمحلي بزاااف توحشتك أو توحشت ماما بزاااف هئ هئ😭😭....حكيم:مافهمت والو أختي شنو واقع هنا وش كنتي مع هاد راجل طول هاد لمدة؟؟؟....حيد وجهو من شعرها أو بقى شاد فيه كيتئمل ملامحها المرعبة....حكيم:شنو دار لك؟؟....(بقى كيدوي أو كيزير عليها بلغوات)دوييي يكما جيتي معاه بخاطرك وش كنتي كتدبي علينا وش كان خاطفك ولا كفاش؟؟...أنا:أيييي😭😭 هئ هئ كدرني أخويا راني عيانة عفاك سمعني أيييي....شوية يد جود تحطت بعنف على دراعو أو حيدها...رد عبق وراه أو وقف لوسط....جود:متقيسهاش ولا نجدخ لديل أصل مك عضامك.....أنا:هئ هئ😭😭 بركا عفاك حيد...دفعتو أو وقفت مقابلة مع حكيم كنقيس فوجهو نهدنو....أنا:هئ هئ😭😭 حكيم غنشرح لك كلشي غير تكالما الله يرحم لك لولدين ديني من هنا متخلنيش معاه عفاك....شديت فلمونطو كنجر فيه أو هو مبغاش يزيد تفيكسا على رجليه أو حتى عينيه على جود....أنا:هئ هئ😭😭 حكيم الله يخليك انشرح لك كلشي من بعد يلا عفاك....حكيم:بلاتي....جرني وراه أو وقف حداه بغى يدخل فيه براس خاصةً أن طول ديالهم تقريباً متشابه غير جود فايتو بشوية....حكيم:جود لوكاس ياك؟؟....جود:إياه أسي حكيم هو هدا....حكيم ضربوا براس أو جود رجع خطوة بلور....حكيم:(بلغوات)شنو بغيتي من ختي شنو درتي لها را بربي منتفاك معاك ليوم بي ولا بيك....جود:(مسح شوية دم فنيفو)مبغتش ندابز معك....نقل نضر ديالو لعبق المرعبة لدرجة شفايفها زراقو بلخلعة....جود:عبق أجي....أنا:لا خويا....جود:أجي را مغيفوت في حتى حد باش نودعك....نزلو ليا دموع من كلمة الأخيرة أو زدت تكمشت بش دار خويا يستفسر سبب لأريحية بش كيدوي بها جود قدامو....جود:(مشى عندها)عبق متحرمنش من هاد لحضة نتي عارفة مزيان بشحال أنتعدب أو حتى نتي....أنا:(دفعتو فصدرو)خويا هئ هئ😭😭 خويا كيشوف.....جود جرها من خصرها أو باسها فجبينها بقوة.....جود:أنتوحشك أحياتي خص علاقتنا توقف على لأقل مدة ترتاحي فيها أو ترجعي لعائلتك أو إلى شكيت لدقيقة بلي محتاجة لي غنجي بلا تردد أو إلى كملتي حياتك أو شفت بلي صحيتي أو رجعتي حسن من أول كنواعدك عمرك أتشوفني مرة أخرى ولكن مبغتكش تنسايني تفكري ديما بلي جوجو هنا (قاس فقلبها)أو عمرو غيموت....بقى كلامو كيدخل لي فحال سم منقدرش نزيد نسمع هاهي "لحضة وداع" تحقات لكن مضنتش بلي أتكون بهاد لقساوة كلها....جود:عبق بسلامة حياتي تهلاي فراسك أو قبل بغيت نسمع جوجو هههه....أنا:(كنموت بلبكاء أو طحت لأرض)هئ هئ هئ😭😭😭 صافي متعدبنش كتر صافي سكت....جود:(حنا لمستواها)على لقليلة أتصبرني....حكيم صافي بغى يهبل من لحديت رقيق أو لحنين لي كيدور بناتهم....شد فراسو أو رجع إلى لوراء مدهول....حكيم:شنو كيوقع هنا؟؟....جود دار عندو أو دار ليه حركة زعما سكت....جود:(كيتئمل ملامحها الباكية أو كيمسح دموع)رحميني أعبق أنا مغنمنعك على والو مي خليني نسمع أحب لقب عطاتو لي لفراشة ديالي امم؟؟؟....أنا:(تخنقت بلبكاء)أنا هئ هاعهئ هئ أهيء😭😭😭 جوجو ديالي هئ أهيء صافي بركا....جود تبسم أو مانع بصعوبة دموع حبيسة على وشك إنفجار فوق رموشو....جبدها أو عنقها فحالي كيستمد من أخر عناق بناتهم قوة تحمل ضخمة....جود:أنتوحشك بزاااف تهلاي فراسك(كيبوس راسها)خلي فقلبك غير دكريات زوينة علي أو سمحلي على لي فات سمحليا بزاااف أزين ديالي.....
شعر بها سكتات أو منين طل لقاها سخفات....أما حكيم مبقاش متسحمل أو نقض عليه ردو لور أو حتل لمكان ديالو...جو دار بزربة مسح دمعة حسابله أنه عمر عينيه أتبكي لكن مقدرش حيت لأمر أقوى من أنه يشوفها كتمشي قدام عينيه بلا مايدير والو....تنفس مزيان أو دار لقى حكيم هازها او كيقرطس فيه بنضرات كون كانت رصاص كون قتلاتو مفيهاش....حكيم:(بصوت مهدد)مغنساكش اجود لوكاس كنواعدك لكن ختي أهم منك دبا مي غنتلقاو أو أندمك على كل دمعة خرجت منها....جود تقدم هاد لمرة ناحيتو بخطوات كتخوف أو إستعمل على وجهو تعبير إجرامي بإمتياز.....جود:مخايفش منك نتواجهو راجل لراجل معنديش مشكل ولكن سمع مزيان إلى مشيتي حتى قستي شعرا وحدة منها غنقتلك بلا مانفكر غير شعرا منها أنعيشك جحيم عمرك شفتيه أسي حكيم....حكيم:احنا غنشوفو شكون غيعيش لجحيم...بقاو كيتقاتلو غير بعينهم حتى لحضة فاش دخل جود بسرعة لغرفة أو حكيم باس جبين ختو أو نزل درج....قبل ماوصل لباب المفتوحة وقفو جود من كتفو....جود:وراق ختك...خشاهم ليه فجيب أو قبل مايخرج نهائياً...نزل قبل شفايفها حدا حكيم لي كل دقيقة كيفقد صواب ديالو....طبع قبلة عميقة أو داز لحنكها حتى هو ببوسات خفاف.....جود:(بهمس ممسموعش)حتى أنا كنبغيك أعبق حياتي...رجع واقف بجبروت مزيف حداه.....جود:سير دبا قبل منبدل رأي ديالي....حكيم:أكيد عندنا لقاء من بعد كون متيقن....زاد بيها مخليه بحدو....جود:عبق لا...تبعو بلا شعور لقاه خرج من لفيلا أو حطها فوق ركابه أو كيلبسها لمونطو ديالو....جود وقف بزز حدا لجرياج بغى بشدة يردها لكن صافي صوت قوي فلداخل ديالو منعوا بحدة....جود:عبق متخلنيش....كيفاش غتقدر ترد عليه أو هي فضلات فقدان الوعي على داك لوداع لمؤلم....هزها خوها مرة جديدة أو دار عندو بوعيد....حكيم(بلغوات)غنتلقاو من بعد أجود متنسانيش....
صافي حكيم إختفى ما بين ضلمة لبعيدة أو جود فقد لقدرة أو طاح على ركابه....جود:عبق كيفاش غنعيش بلا بيك؟؟....نوضوه رجالو كل واحد شادو من جيه....داوه كيتمايل فحال سكران أو دخلوه لغرفة لجلوس....حطوه أو إختفاو من حداه خايفين من ردت فعل مجهدة عن قريب ...بقى ساهي أو صوت صمت تقب ليه ودنيه...بدا كيتخيل ضحكات دياولها أو كيفاش كانت كتفرحو غير بكلمة وحدة...."جوجو ديالي".....تفكر لمساتها لحنان أو بوساتها البريئة أو هدرتها الحلوة....شد فراسو أو دارو وسط رجليه....جود:لا عبااااق لا وقفي من ضحك هدشي كيمردني.....ناض كيدور أو دكرياتهم عاد مازال وضاحت ليه وحدة بوحدة....أول مرة شافها فلمطار أو باش كان مراقبها من بعيد....أول مرة لمسها باش فكها من جون أو بدا هداك رابط الخفي كيتحول لحقيقة مع لوقت....5 شهور ولا 6 ماشي ساهلة أنك تعايش مع أحاسيس جديدة نعشات قلبك أو رداتو حي بمعنى أوضح....كشفت خبايا فشخصية مجنونة فحال جود أو ورات ليه أنه يمكن ليه يبغي بشدة بعد ما كانت عندو قناعة أن لحب كلمة مفروغ منها فعالم الأحلام أو الخيال....كلشي تجمع عليه مشعرش براسو حتى تحول لوحش لحبيس في سجن مملكة لحب لي تبنات أو توهجات فيه معها مع عبق بحدها.....بدا كينزل أي حاجة جات فعينه....جود:(بلغوات دموع فعينه)عبااق لاااا علاش أديتك علاش محافضتش عليك علاش ديما كيضيعو ناس لي كنبغهم علاااش؟؟؟....إستمر فتحطيم أو تخريب على الله الجحر لي غادي أو كيغرق فيه يتوقف على جدبو لسواد حالك من ضلمة الفقدان لأعز روح كانت من لمقدر تجمع مع روح مجنونة "روح جود لوكاس"...
في صباح بلا بها...صباح جديد أشع بشمسو الكئيبة على جود لمليوح فقنت من لغرفة لي تفرتكات من تحت يديه ليلة لبارح....كان محدد بلاص وحدة ساهي فيها بعينين طفا وهج زرقييتهوم أو ولاو دابلين فحال لبركان لي حكمات عليه طبيعة بلموت....يديه مجروحين أو دم كرم ليه على لمفاصل باش ضرب لمريات أو هو كيتخيل فصورتو وجها لجميل....جود:عبق ميمكنش نخليك تمشي....ناض بزربة أو خرج من لفيلا....ركب فسيارة أو ديمارا مخلي لعجاج أو الغبرة متطايرة.....بقى كيسوق بلهفة أو متفائل يجبرها رافضة دهاب....جود:أنا جاي أعبق مستحيل نفرط فيك....
قام بإتصال سريع خبروه فين كان حكيم أو إنا فندق كان شاد مي للأسف كان مشى هاد صباح لمطار أو لغى لحجز فخطرة...قلب دورة لجهة لمطار باريس رئسي بسرعة أو قلبو كينقز مابين فرحة أو خوف....خدات ليه طريق نصف ساعة أو ركن بجهد فموقف ممنوع كل همو يلقاها....خرج كيجري فلسانو كلمة وحدة...."عبق"....دخل وسط ناس كتيرة أو بقى كيدور كيف لهبيل....جود:(شاد فراسو)عبق فينك؟؟....تحرك إتجاه جناح لمسافرين أو بدا كيفتش بين لوجوه وخا عارف مزيان أن وجها يقدر يفرزو بسهولة....ملقى حتى بنت كتشبه الجمال ديالها تماك...دخل عوتاني لداك صف طويل ديل تفتيش جوازات سفر أو من كترت لحر ديال لبعد كل بنت عندها شعر طويل كحل قلبها عندو....جود:(بلغوات)فينك أعبق فيييينك؟؟....ملقهاش أو بدا لأمل كيتبخر....شد فقلبوو مزير عليه أو بدا كيجري مابين ارجاء لمطار أو والو لا أتر...لموضفة:(بصوت في ميكروفون)رحلة *** المتوجهة من باريس للمغرب ستقلع الآن المرجو من ركاب التوجه إلى لممر *** إنه نداء الأخير شكراً.....ضرب ليه تحضيرها ببصيص أمل جديد أو دغيا جرا لرقم لممر....بدا كيدافع ولا بالأحرى هو لي كيدفع باش يوصل لها....وسعوا ليه طريق وأخيراً بانت ليه مع خوها كيفتشو لهم لموضف لباسبور....كانت ضعيفة بزاف تحت مونطو خوها....شعرها طايح بإهمال أو منزلا راسها لأرض أو إلى كان شي وصف ممتاز ديال لهم يكفي أنك تشوف فيها أو تفهمو مزيان....جود:(بنداء حاد)عباااق....جاع ناس دارو عندو...إلى هي بقات على ديك لوضعية كأنها ممتيقاش شنو كتمر به....جود:عبااق هدا أنا شوفي في عفااك....كان خوها دخل أو جات نوبتها من تفتيش....زاد تقدم أو وقفو عليه جوج حراس منعنووه بشكل قاطع....جود:(بلغوات)عبااق شوفي في أو رجعي لي أنا غير جود....أنا:جود؟؟....طلعت عيني بشوية عند بالي كنتهيء حتى كنلقاه بعيد علي بمسافة قصيرة أو جوج حراس واقفين ليه بالمرصاد....حكيم حتى هو بدا كيغوت برا مخلاوهش يخرج أو أنا مصدومة من حالتو كأنه ميت أو حي....أنا:(بشهقة)جود؟؟....جود:(بلغوات)عبق متمشيش.....أنا:هئ هئ هئ 😭😭😭جود عفاك سير....عطيت لموضف لباسبور أو أنا كنبكي كتر ما بكيت ليلة لفايتة.....جود شافها كتسرع أو بلا شعور ضرب الحارسين أو قرب لها ببطء....جود:عبق الله يخليك متخلايش عليا....أنا:هئ هئ 😭😭😭عفاك سربي بغيت نمشي سربي شوية....شدها أو هي تبعد دراعها كتشهق أو تمسح لعابها أو دموعها....جود:عبق كنواعدك منقربش لك ولكن غير نشوفك حدايا كل نهار كنطلبك أحياتي منقدرش بلا بيك راك وليتي فدمي....أنا:صافي براكا عفاك أنا كتر منك أجود....لموضف:احم انسة يمكن لك تمشي....جود شنق عليه أو قربوا لوجهو لمحقون بنار لخسارة....جود:مدام ماشي انسة مدام لوكاس فهمتي؟؟....أنا:هدشي مبقاش كيفرق أجود خويا كيتسناني برا خصني نمشي بسلامة هئ هئ هئ😭😭....جيت خارجة أو صوت تنهيدة محسرة رداتني ليه بقوة....شديت وجهو أو بستو فمو بوسة طويلة أو عامرة حب....بتاعدت بصعوبة أو لقيتو مغمض عينيه أو رحل لعالم تاني....أنا:جود بسلامة يمكن أنا غنمشي دبى مي لقلب ديالي معاك...جود:عبق لاا....إبتاعدت أو قبل منخرج جازيتو بضحكة واسعة أو قبلة طائرة....أنا:بسلامة جوجو ديالي كنبغيييييييك.....
جود خرج من لمطار بعد نداء حطم ليه كلشي....نداء إقلاع طائرة محلقة بعيد هازة معاها قطعة منو.....ركب فطنوبل أو حط راسو على لفلون كاتم صرخة معندهاش وصف محدد....حط يديه على شفايفو أو كلمة كنبغيك لمرة تانية كتردد فمسامعو فضروف قاهرة لولا قبل متنتاحر أو تانية قبل متمشي....ضرب راسو مع لغيدون أو فجأة ناض موgد أو حتى لمعان دموع إختفى نهائياً....جود:صافي أجود إقتانع برحيل أصلاً نتا مكتاب لك تعيش هاكدا كيفما خلاتك مك يلا ماتحلم حتى هي تبقى معاك اشنو أنتسنى من دنيا لي نهار كافأتني بها خداتها لي عوتاني....تنهد أو دور لمحرك فطريق رجعة.....
في طائرة عبق دخلات لحمام مقدرتش تستحمل وجهو منين خلاتو أو علامات ليأس لي عليه.....أنا:ياك بغيتي تمشي هئ هئ😭😭 علاش دبا كتموتي أعبق هيء جووود كنتقطع بلا بيك أحياتي هئ هئ.😭😭..بديت كنضرب فلفابو أو كنتشف شعري خاصةً أن خويا مدواش من البارح أو هدشي زاد علي بغيتو غير يغوت لكن مادار حتى ردت فعل أنا متأكدة غنتلقى منو أكفس معاملة فدنيا....شدتني دوخة أو جرحة عطاتني صداع....خرجت بخطى ميتة....بدات كتشكل لي ضبابة خفيفة أو أنا كنزيد فلممر طويل ريوس ناس كيبانو لي فحال دبان....تعكلت مع لكراسة أو كل واحد كيفاش كيشوف في شي كيعوني نزيد أو شي مستغرب من وجهي لمخطوف....وصلت لكرسي ديالي بلكشايف أو تلاحيت على كتف خويا....أنا:حكيم أنا عيانة بزاف أخويا....حكيم:(كيدوز على شعرها)نعسي أختي علاما وصلنا نعسي مزيان حيت أنا أو ياك من بعد عدنا هدرة كتيرة...........
دخل جود لفيلا أو مشى نيشان جمع حوايجها كاملين...كل بياسا كيحطها فلبالزة كيشمها أو يبوسها....ما خلا حتى حاجة كتنتمي لها....إنتهى من لحوايج أو داز لمكياج حتى هو...خشاه كامل فساك صغير...ضحك شوية حيت منين سلا ملقاش أتر خاتم زواج....جود:ديته معاك أحياتي كنقسم لك غير ناديني من بعيد أو غنجي جنبك أو عمرني نخليك(كيمسح صفحة وجهو بألم)ااااه أجود معامن كدوي....كمل جمع الأغراض أو هزهم لبرا....خدا مفاتيح لهارلي أو خرج....جود:أنا خارج يمكن لكم تمشيو بغيت نرجع منلقى حد....راجل:متأكد أسيدي؟؟....أنا:تحرك بلا هدرة خاوية....ركب على لمطور أو زاد بسرعة خيالية.....بقى سايق فطرقان طويلة بحدو....تفكيرو معها...واش أتكون وصلت؟؟....واش أتكون دبا تحت اسئلة عديدة ديال خوها؟؟...واش جرحة أتكون ضرتها واش مازال مريضة؟؟؟ عندك يكون حكيم مد يديه عليها??...هاد اسئلة أو كتر بغات تحمقوو.....جود:(بلغوات)باراكا أجوود نساها شوية رحم راسك....زاد فسرعة بشكل كبير ما حبس حتى لقى راسو فلوجهة لي بغى...لفيلا فاش دوز أبشع لحضات معها....هز لبالزة أو دخل....شعل أضواء أو دغيا جات عينيه فدروج منين طاحت....غمض عينيه متغاضي على فكرة أنه كون ما تناقشوش كون دبا راها حاملة ببنتو....طلع أو عوتني دخل فصراع نفسي منين شاف سرير فاش كان فاقد منطق تفكير أو تعدى عليها أو مقابل معه لبالكون فاش رمات راسها....لاح لبليزة فلبلكار أو سدها بعنف...جود:أنا سبااب كلشي مني إلى بقات معايا أتعدب كتر من أحسن لفراق اااه هدشي لي غاندير أنحاول نساك أعبق....تم خارج أو لفت نضرو دفتر محطوط بإهمال فوق كوافزة....طلع حجبانو بتساؤل أو قرب منو خايف من محتواه....جود:شنو هدشي؟؟....حلو ببطء أو لقى بزاف كتابات بلفرنسية أو حتى بلعربية لي مكيفهم فيها حتى وزة....بدا كيقلب صفحات حتى بانو ليه جوج صفحات عامرين كتابة بخط رقيق أو كيشبه لها فنعومتو....جود:لا ميمكنش...لآحو مبعد لور أو كيلعب بعضلات فكو بتوتر....جود:لا أعبق متردنش لك لاااا بغيت نساك مبغتش نقرة شي حاجة تخليني نتعلق بيك كتر من لول....ولا ليه بتصميم....هزو أو جلس فوق سرير بادي بأول جملة عصفات بشدة كل الأحاسيس لي فصدرو...."عبق:جوجو ديالي هادي أنا عبق حياتك..............."
(بصوت عبق)
كتعرف شنو لمعنى ديال سميتك؟؟....."جود"هو لكرم أو لعطاء هو أنك توهب كل مكتملك لإنسان...أو نتا كنتي أحسن متال لهاد الإسم....جود نتا عطتني بزاف حوايج فتقدتهم فحياتي من أمان أو حنان أو عطف أو إهتمام أو رعاية كلشي وهبته لي...هدشي طيحني هههه طيحني فيك أو وليت كنبغيك بجنون....أتجيك غريبة تسمعها أو أنا ميتة أو مبقاش عندي وجود فدنيا...لكن هاد لحمل تقل على كتافي مجاتش فرصة حسن من هادي نعبر لك بشحال كتحمقني أو كتسلب أنفاسي غير من عينيك لي من لحضة شفتهم بقيت معلقة بهم...أما ضحكة ديالك هاديك قصة بحدها من لأحلام هههه أتقول علي حماقيت دبا لكن هادي هي لحقيقة لمرة....كل دقيقة معاك كدوز قدام عيني أو مكرهتش نكتب كلشي فاش كنا فدار المهجورة فاش مشينا لدبي لمزرعة هنا فالفيلا فرحتي أو عدابي أو ضحكتي دموعي أملي يأسي أي شعور أو أنا شادة فيدك أو أنا كنستقبل قبلة منك..مي كنفضل نكتب فهاد لحضة صعبة على شعوري لمدفون أو حان لوقت نخرجو....أنا أجود كنبغيك...كتاشفت أن قلبي ولا مكتوب عليه بلخط لعريض "ملك جود لوكاس"...سديته بقفل أو خديتي سوارتو لحتيهم فلعدم بش منلقاهمش أو نبقى أسيرة لك...بصح نتا عدبتني أو خديتي مني أشياء محضورة بسيف أو محترمتش قراري أو بزاف مصائب حطموني ولكن منين كتدللني أو كنحس بلمستك لحنينة كنسى كنقسم لك أو هدشي لي مجنني مقدرتش نكرهك بل كل نهار كنعشقك كتر من سابق....مبغتش ندوي على خيانتك أو غلطة لي درت فاش تخليت عليك أو استسلمت لتهديدات رضا....مبغتش ندكر اكتر من هاكا أو نوسخ مشاعري فهاد صفحات لمقدسة....بغيت نكتب منحبسش كيفاش كنطير بلفرحة أو أنا معاك كنغيب كنولي فراشة بين يديك...نتا أجود متلتي أخ أو أب أو حبيب طول هاد لمدة أو أنا معك حميتيني أو حسستني باونتي وقفتي راجل معايا بغيرتك أو تهجمك على كل إنسان بغى يأدني هتميتي بأصغر تفاصيل بش تفرحني أو منين كنمرض كنعس على حضنك دافي أو كنقسم لك أن ألمي كيختفي....هدشي كامل كان كيزيد طين بلة أو كيغرقني فبحر الحب....كل خفقة من قلبي كتدق بسميتك أجود كل قبلة كتنزل فحال لعسل على شفايفي...نتا جناحي لي كنطير بها لعالم الأحلام لوردية....نتا هوائي أو غدائي مكنبقى محتاجة لوالو بمجرد كتقوليا حياتي...كيفاش غنزيد مازال نعبر لك نتا نتااا تكملة ديال روحي...بغيت الحروف دوي وش كيوصل لك هدشي؟؟...كتحس بكلماتي كتحس بلحرقة بش كنكتب؟؟جاوبني أجود أكيد غنسمعك...نتا شرقتي في سماء أحزاني سحبتي ضلام بخيوط نور قوية اقتحمات سواد أيامي و ولات مضيئة....بغيتك تعرف أن صرح قلبي معمرو غيتنازل على الحب ديالك أو أنبقى متمسكة به حتى بعدما أنموت أو مهما بعدات لمسافات لعهد لي عطيتو لراسي أنك تكون راجل الوحيد لي تعلمت على يديه قانون لقبل أو قواعد لعشق...تحت منك سمعت عبارات غزل دوباتني أو أنفاسك سخونة هاديك ليلة كانت معطرة بلغرام أو بعبير شوق كيفوح بنسيم جميييل ...كنت سعيدة أو منكرش بلي سلبتني قلبا أو قالباً...جسدي كيستسلم غير لك حيت كيعرفك غير نتا كأنني قطعة مشفرة أو نتا لي عندك سر باش تدخل لأعماقي....احترت شنو مازال نزيد نكتب حيت كنحس أن لكتابة مكتعبرش بغيت نقولك ما جال فخاطري ولكن ضعف خاني أو فضلت لهروب تحت سقف هاد دفتر لي كان مليوح لا قيمة له مي دبا راه حامل معاه أصدق إحساس....
جود حان وقت الوداع متنساش أن عبق لجود وخا بعد موت أنبقى لك...فيدي دبا لقلم أو لورقة ولكن لكلمات تقداو لي....انخلي لك هاد صفحات كأخر دكرى من فتاة كان كل همها تستقل فحياتها لكن لقدر فاجأها بحب مجنون أو نتيجة كانت موت فلدة مني....هاد دنب أنتحملو أنا حيت أنا سباب...جود سمحلي مقدرتش نعطيك لبنت لي كتحلم بها....سمحلي حيت انتخلى على حياتي...سمحلي حيت مواجهتكش...سمحلي حيت مكنستاهلكش....سمحلي بزااااف....
بشحال تمنيت نبقى أو نسمح لنفسي لكن لاااا مقدرتش أجوود مقدرتش....
لن أودعك لأنني أكره مراسم الوداع الذين نحبهم لا نودعهم، لأننا في الحقيقة لا نفارقهم، لقد خلق الوداع للغرباء وليس للأحبّة
بقلم عبق حياتك يا أجمل كيان....أحبك ❤ .....
***في المغرب****:
حطت طائرة جناوحها فأرض بلادي....رغم لبؤس ضحكت أو يدي على زاج سرجم....أنا:هههه حكيم وصلنا ...درت عندو كان ساكت أو قلب وجهو عليا...أنا:(جرتو من كتفو)خويا هههه توحشت لبلاد مالك مكتجوبنيش حكييييم خويا عفاك متعملنش بهاد لبرود....حكيم:(بصوت جدي)نوضي تقعدي....جمع لوقفة مع ركاب كيجبد حوايجو أو منخلني تماماً....جاتني البكية أو لبيت لأمر....شدني من يدي أو هبطنا....ضربني هوا زوين أو وخا نعيا مندور شمس مغرب دافية....إبتاسمت لهواء العليل أو الوجوه المحببة توحشت لمغاربة أو ضحك أو نشاط ديالهم وخا نساري دنيا لمغاربة مكينش بحالهم....حكيم بقى جارني أو أنا من كترت لفرحة فمي بقى محلول منين شفت نساء بجلبات أو لهدرة لحرة حيت ودني تولفات على لفرنساوية....نسيت كلشي أو تأترت بهاد أجواء حسيت بلي راني غريبة علي هاد المجتمع.....حكيم جبد تليفون أو عيط يجيبو ليه سيارة....دخل شاد فيها بقوة كلما كيدور عندها كيلقاها كضحك مع ناس أو كتشير لهم...غصة فقلبوو غادية أو كتكبر كل دقيقة كيتئكد بلي عقلها طار....
قضى المسائل الأمنية أو خرجو لبرا....لقى مكلف عطا ليه سوارت أو شد عبق حل لها لباب أو دخلا حداه فلمقعد الأمامي....حكيم:جلسي أو نتي غير حالة فمك...أنا:توحشت لبلاد أحكيم ماشي لخاطري...(سد عليها أو ركب)....حكيم:أمم مزيان أو توحشتي شي قتلة لعصا بلاتي أختي خليني غير نفهم هدشي لي كنت كديري فيه من تقحبن تماك أو ديك ساعة مغنهدرش......تكمشت فبلاستي أو قلبت وجهي من شوفاتو حسيت بلي كنشوف لعار أو دل...حرك سيارة أو زدنا....
بقينا غادين فطريق متحمسة يمكن أحسن حاجة من مجيتي هي ماما....كان كيقود بشوية عليه بلعاني بش يعدبني...مي متجرأتش ندوي خفت منو خاصةً أن هاد لبرود غادي يسالي بشي إنفجار كبير...خدات لينا طريق ساعة أو نص أو أنا كنتشوة....دخلنا لزنقة ديالنا أو بلا شعور بديت كنضحك بجهد....أنا:ههههه حكيم وصلنا هههه أنا فرحانة بزاف....مخسرش علي شوفة وحدة أو قلت نعنقو....دورت يدي على دراعو أو بستو فوقها...أنا:حكيم توحشتك أخويا....كانت ردت لفعل ديالو قاسية...دفعني بجهد فحال شي حاجة مسخة أو خنزر في.....حكي:متقيسنش ختي لي كنعرفها ماتت شوي حالتك كيف ولات وليتي عبارة على هيكل عضمي أو شعر مشنتف بلا مانتكلم على ضربات لي لقيتهم فكتافك أو صدرك...أو فوق هدشي كامل لقيتك مع راجل أنا لحد دبا مصدوم ولكن خليني حتى نصحى عاد نتفاهمو....طاحو لي دموع صامتين أو هو كيوقف حدا دارنا....حكيم:نزلي وخا مك مكتستاهلش بنت فحالك....حل لكوفر هز حوايجو أو تسنتو راسي محني حتى دخل عاد تبعتو....حكيم(كيحل لباب)مي فينك؟؟....خرجات فيروز كتجري من كزينة أو كتقلب بعينها جنابو....فيروز:(بلهفة)بنتي مجاتش معاك؟؟فين هي عبق علاش معلمتنش بلي جاي؟؟...فين هي بنتي ياكما ملقتيهاش؟؟....خرجت من مراه كنبكي من صوتها لحبيب أو هي توسع فمها أو دارت يدها على حنكها بضحكة كبيرة....أنا:هاني جيت مماتي😭😭 هئ هئ.....
فيروز:(بلغوات فرحانة)بنتييييي....جريت عندها أو عنقتها كنضحك أو كنبكي بجوج بهم....غير تلاقى صدري مع صدرها لحنين انفصلت على عالمي الأليم أو لأسود....حنان لأم شي حاجة خيالية ريحتها دخلات لأعماقي أما صوتها أو قبلاتها كانوا قراب من ديال جود فيهم نفس كمية لحب أو راحة....أنا:هااااع ماما توحشتك بزااااف هئ هي هاااهيع😭😭 ماااماا....فيروز:(كتبوس أو تعنق أو تبكي أو ضحك ماعرفت مدير)بنتي لحبيبة الله الله على كبدتي كانت مشوية من جهتك لحمد الله على سلامتك الحبيبة هئ هئ هئ.😂😂...جرتها بلطف أو بدات كتبوس حناكها أو يدها أو عبق حتى هي كتبوس فنما جات...فيروز منين تهدنات شوية عاد بدات كتلاحض ردود أو ضربات لي على عنقها أو وجها....فيروز:(بصدمة)شنو هدشي ابنتي شكون ضربك؟؟....أنا:(عنقتها)والو أماما هئ هئ😭😭😭 خليني نشبع منك....فجأة جاء حكيم أو جرها من دراعها حتى كانت اطيح أو كان شكل ديالو كيخلع....حكيم:(بلغوات😡😡)جاء لوقت لي دوي فيه فهمتي ولا نخرج فمك كتر ما خارج فيك دبا...فيروز تعلقات فيه تفكهم أو عبق مدافعاتش على راسها بقات كتشوف فيه بكراهية....أنا:شكون نتا بش تعاملني هاكا؟؟....حكيم:كيفاش؟؟....أنا:مكلفتش راسك تسول على حالتي دغيا كتحكم على شخص بلا ماتعرف أسباب أنا عييت منك عرفتي تهنيت منك نتا شيطان نتا عمرك بغتني نتا ديما أناني كيحسابلك أنك بوحدك شريف لعفيف أو ناس لي دايرين بيك كاملين مكيسواوش أو خارجين طريق...حكيم مصبرش أو سكتها بصقلة مدايراش...طاحت كترجف أو فيروز بدات كتغوت أو حنات عندها....فيروز:بنتيييي هئ هئ علاش ضربتها جمع يديك الله يلجها لك مكتشوفش حالتها مريضة...بقات كتحرك فيها أو للأسف كانت عبق سخفات....فيروز:(كتبوس حناكها)بنتييي هئ هئ شتي دوز هزها طلعها لبيت ترتاح المسخوط هلكتيني بغيتي تقتل لي بنيتي...حكيم متحركش بقى واقف كيسوط أو معصب حتى دفعاتو مو عاد لبى أمرها....هز ختو بسلاسة أو طلعها لبيت ديالها....حطها فوق لفراش أو خرج منفخ...فيروز:سير الله يغرد لك دوك ليدين....فيروز وسعات شوية حدا بنتها أو تخشات فيها كتبكي أو يدها دايرين على كرشها أو مرة مرة كتبوس وجها....فيروز:اشنو وقع لك الحبيبة ديالي علاش وليتي هاكدا شكون دار فيك هاد لحالة هئ هئ خرجو عليك أكبيدتي لكن مغنخلي حتى حد ياخدك مني مرة أخرى.....
***في فرانسا***:
جود دخل لفيلا عيان ماشي جسدياً انما نفسياً بسبب هادوك الكلمات لي قراهم....عينيه كانوا حمرين أو يديه كيرجفو بتوتر أو خاصةً هاديك لي هاز بها دفتر....طلعوا لمستوى عينيه أو رجع فتح صفحة لي كتبت فيها نهاية..."أحبك"...وخا كانت غير مكتوبة بحبر عادي مي حس بها صادقة من صدق بنفسو....حط جهة لمعبرة على فمو كيبوسها بحنين أو لقبضة ديالو غادية أو كتزير حتى بيضت مفاصل يديه....جود:حتى أنا كنبغيك أعبق أو مستحيل نخليك على لقليلة غير نكونو على أرض وحدة وخا من بعيد....جر تليفون أو ركب نمرة أو حطو على ودنيه بفرح جديد بأمل قوي هاد لمرة....جود:وجدو طيارة غنسافر المغرب.....
كنا جالسين أنا أو ياه فتلة كانضحكو بجهد...تلة كانت على جبل عالي أو مقدرتش نقرب لحافة حيت غارقة بزاف أو لبحر قدامنا كبير...صوت لماج هادي أو حتى نسمتو زوينة...مكنش خايفة حيت يد جود دايرة على ضهري....شفت فيه بحب أو قست لحيتو دهببة...أنا:جود أنا فرحانة حيت نتا معايا شفتي كلشي ولا زوين معاك أحياتي....مجوبنش أو ضحكة ديالو كانت غادية أو كتختفي...طلعت وجهي فسما حتى هي بدات كتكحال أما لبحر هاج أو لماج من بعيد كضرب بعضيتها بعنف....درت عندو لقيتو معبس أو عينيه مدمعين أو لمسة ديالو كتبعد علي شوية بشوية....أنا:جود جود مالك فين غادي؟؟....ناض وقف أو بدا كيحرك راسو يمين أو شمال....بغيت نتبعو ولكن تفيكسيت جسم ديلي لصق على وضعية وحدة....أنا:(بلغوات)جوووود متخلنيش عفاك لاااا....جود:(بصوت مخنوق)عبق نتي لي خلتني دبا خصني نمشي بش تعيشي مزيان بلا بي....أنا:هئ هئ لا عفااااك نتا هو كلشي أجوووود....بقى كيرجع بلور حتى وصل لحافة تلة أو شتى بدات كتسب علينا لجو ولا كحل أو رعد لبرق كلشي كان كيخلع....أنا:جوووود شنو كادير لاا عفاك....جود:بسلامة حياتي....لاح راسو لتحت أو أنا طلقت غوتة مدوية من لفقدان ديالو....أنا:(بلغوات)لااااااااااا جووووود....نضت كنرجف فلبيت ديالي أو ماما دخلت علي مخلوعة كتبوس راسي....فيروز:بنتي بسم الله عليك نتي فعار الله راك غير حلمتي....أنا:(بلا وعي)جود جود مات ماما جود عفاك هئ هئ😭😭 جود لا كان طاح فدك لخوية معرفتش مقدرتش نوض عندو....فيروز مافهمت والو بقات غير كتبكي أو ضامة بنتها عندها كتسكت فيها بلمسات حنينة....أنا:هئ هئ😭😭 أنا لي تخليت عليه أماما هئ هئ😭😭 درت بزاف حوايج فحقو هو حماني أو أنا مادرت حتى حاجة زوينة على قبلو....فيروز:هئ هئ ابنتي علامن كتدوي تهدني راك غير كتخيلي....أنا:(دفعتها)لا هئ هئ بصح كندوي على جود اماما جود عرفتي شكون هو جود هو حياتي أو راجل لي كنبغي....فيروز:اويلي بنتي حماقت بلاتي نفوسخك شوية بشبة او لحرمل أو نقرة عليك معودتين على الله تولي لباس....أنا:(بصراخ كندرب فراسي)أنا ماشي حمقة علاش ممتيقانش علااااش؟؟....فيروز:لا لا أنجب لك طبيب حالتك معجبانش....أنا:(كنشير بلوسايد)خرجو علي بعدوووو مني هئ هئ حتى حد مكيفهمني من غيرو كلكم كتعاتبوني غير هو لي كيحس بي هئ هئ....تخبطت كنبكي على جنبي أو ماما مشت كتجري لبرا....أنا:جود هئ هئ حياة بلا بيك مكتسوا والو رجع لي عفااااك ديني معاك من هنا هئ هئ 😭😭جووووود....
***في فرانسا***
جود وصل لموقف طائرة لخاصة به أو ركب فلمقعد من درجة لولا....شد فالكرسي بقوة أو عقلو كيسترجع كل كلمة قالتها ليه فدفتر حبهم....قرى صفحات بزاف لمرات لدرجة تشبع مع كل حرف أو حفضهم مزيان أو مبقى ليه حتى سبب لي يخليه يبعد بما أن لحب لي كتكنوو ليه أقوى من أي عقبة بناتهم....جود:أنا جاي أعبق حياتي غنبقى جنبك أو غنتبدل على قبلك....
فيروز جلسات كتحرق أو هي كاتسنا طبيب لعائلة....حكيم كان برا خرج من لحضة ضربها أو مولاش رجع....سمعات دقان أو ناضت تحل بلهفة....فيروز:سي علي دخل تفضل مرحبا بيك...علي:أهلاً لالا فيروز كي بقيتي؟؟...فيروز:أنا لباس عيط لك على ود بنتي ماعرفت مالها مسكينة مريضة ليا دخل طلل عليها الله يجازيك بالخير....علي:عبق رجعات؟؟اوا على سلامتها توحشناها....فيروز:زيد طلع يتوحشك لخير لكن ماشي فحال لول تبدلات علي...دخلاتو لبيت أو بقى كيشوف فيها....علي:ممم وجها سفر أو كنضن أن وزنها طايح....فيروز جلسات حداها او بقات كتدوز على شعرها أو هبطت باست عينيها لمغمضين....فيروز:هانتا كتشوف أسي علي يلا جات فصباح مكلات والو أو ضلات ناعسة أو منين كتفيق كتبكي أو تغوت....علي:كحزي شوية إلى سمحتي نعاين حالتها....بعدت ليه مكان أو جلس جبد من ساكو سناطة لقلب....بدا كيفحصها أو كيقيس لحرارة أو يعبر ضغط أو يفتش عينيها بضوء سفر....علي:ممم بنتك كتعاني على مكنضن من شي حاجة نفسية....فيروز:علاش أسيدي؟؟....علي:حيت ماعندها حتى مؤشر أن جسمها مريض لحرارة أو ضغط طبيعيان أو بنسبة لوجها أو ضعف أو حتى شنو قلتي على لبكا أو لغوت أنا كنضن أن نفسيتها مكهربة...شوفي أنوصف لها شي دواء مهدئ أو فيتامينات إلى مبراتش عليهم جيبيها لي لعيادة نديرو لها فحص شامل أو نتأكدو انشالله يكون خير.....حكيم جاء داخل مع لجملة الأخيرة أو بدا كيشوف فمو....حكيم:أهلاً سي علي...علي:أهلاً ولدي كي داير؟؟....حكيم:كيف جيتك أسي حكيم ماشي حتى أنا خصني شي فحص على مخي حيت كنحس به غينفاجر ....فيروز:(كتبرق فيه يسكت)هههه بغى يقول مصدع مع لخدمة....علي:اوا كلنا هكاك خليتكم على خير هادي ورقة دوا...(عطاها لحكيم)الله يشفيها حاولوا تساعدوها خليتكم على خير....نزلت معه فيروز لباب أو حكيم مشى جلس حدها أو هبط باسها فحنكها غير حس بمو دخلت جمع لوقفة....حكيم:لاش جايبة طبيب أمي دبا هاد لبرهوشة مريضة نفسيا هادي را خص والديها شي طرحة نيت ديال دق أو تشوفي كيفاش أتنوض....فيروز حمارت بلفقسة أو جراتو لبرا...دخلاتو لبيتها أو سدات كتنفخ أو تغدد....فيروز:وش قلبك فيه لحجر وش مكتشوفش حالتها أولدي رخف عليها الله يهديك را غير خت لي عندك....حكيم:مي راك معرفا والو فين أو معمن لقيتها....فيوز:مكيهمني والو أنا كنتيق فبنتي أو نتا غتبعد منها فهمتي أو إلى مشتي حتى قربتي منها أنا ساخطة عليك دنيا أو اخرة أو أنا ما مك ما نتا ولدي را نشوف حسك كتصدعها نقطع عليك هدرتي هانا علمتك....حكيم؛مي عفاك....فيروز:ششش صافي سكت حتى عييت دبا أنا قلت لي عندي ختك أتقيلها عليك أو حتى إلى بغيتي تكلم عاملها مزيان خليها تصح أو ديك ساع أتقولنا كلشي عفا وليدي....قربات منو بغات تبوسو أو نزل لها حنكو...فيروز:(باستو)الله يرضى عليك أحكيم نتوما لي عندي متخليش لعدى يضحك علينا وخا؟؟....حكيم:وخا مي مايكون غير خاطرك....فيروز:مزيان أنمشي نطل عليها أو حتى نتا أجي برك معنا....خلاها تمشي أو جلس كيحك وجهو بعصبية....ليوم قضى لوقت فلبحت على سمية "جود لوكاس"...ملقاش معلومات عليه من غير أعمالو فمجال لعقارات...ماوصل حتى أداة ربط بيبو أو بين ختو....بغى يحماق أو قام بعدة إتصالات لناس كيعرفهم متخصصين كيجبدو لمعلومة من قاع لخابية مي وصلوا حتى ليه أو ملقاو والو....حكيم:(بغضب)أععع تفووو شنو كنتي كديري أعبق مع جود لوكاس بغيت نتسطى كفاش وصلتي بسهولة لراجل فحالوا من نفود كفااااش؟؟.....
طائرة وصلت المغرب بعد 2 سوايع ديال تحليق....جود لصق عينيه فزاج يشوف لأرض قريبة ليه معمرو حط فيها رجليه....جود:لوالدة هاني جيت لبلادك عند عبق مرات ولدك هههه كون بقيتي حية تشوفي ولدك بشحال فرحان معاها....قطعات لمضيفة حديتو داخلي أو علماتو أن طائرة حبسات...نزل لبرا أو بدا كيستنشق هواء بلادو تانية...كان ضلام أو شوية تصفو 4 سيارات حداه شاعلين بولات ضربو ليه فعينه....خرج واحد فيهم كيجري لعندو....راجل:سي جود مرحبا وصلونا تعليمات من فرانسا تفضل كلشي واجد....جود:تعطلتو تسنتكوم 5 دقايق....راجل:سمحلينا سي جود طريق كانت عامرة أو راه كلشي واجد لفيلا أو حتى مسائل راحة....جود:تحرك....سبقو فتح ليه لباب أو ركبو كاملين في إتجاه لفيلا لي وصى عليها أو شراها تم تم مع لفلوس كلشي كيسهال....
في طريق بقى هايم مع لجو أو ناس لغريبة بنسبة ليه....جود:دويتي مع راجل فين هو دبا؟؟....سائق:احم كيتسناك فلفيلا أسيدي....جود:مزيان طلق يديك شوية....زاد فسرعة حتى ركن جنب فيلا كبيرة موجودة فزنقة هادية...كانت غير هي أو جوج خرين...هادوك لفيلات كانوا مازال متباعو حتاش غاليين يعني جود هو ساكن لوحيد أو لموقع جاء بعيد شوية على منطقة لعامرة بسكان بلمجمل جود أيكون إستقرارو فلمغرب سري على لقليلة فترة مؤقتة....عجبو تصميم أو حتى لمواصفات لي طلبها لقاها تماماً بلا نقصان....دخل لصالون أو لقى سيد لابس كوستيم جالس ساهي....حنحن أو ناض كيقفقف حاني راسو...جود تلاح رجل على رجل أو باسط دراعو على لفتاي....جود:جلس...راجل:سي جود مرحبا بيك....جود:جلس أو سمع....راجل:هاني أسي جود....جود:شوف نتا عارف مزيان شنو مطلوب منك لمعلومات كاملين عندك نبغي خدمة نقية....راجل:اااه أسيدي كون هاني كل نهار أيوصلك خبار على "مراتك".....جود:مانبغي حتى غلط دبا تفضل بدا شغل....راجل:وخا سي جود تصبح على خير.....جود جبد سيجارة أو بدا كيكمي....جود:معمري أنخليك أحياتي هاد لفترة من بعيد ولكن من بعد كنواعدك أنقرب لك كتر أو حسن من لول.....
في صباح:
حكيم جاب دواء لختو.. فطر بزربة ...طلع طل عليها ناعسة أو خرج....فيروز:غادي؟؟....حكيم:وي احم تهلاي فيها را وخا كنغوت رها عزيزة علي...مخلاهاش ترد عليه أو رد لباب كيتاصل....حكيم:على سلامة عولنا عليك بكري...أمدرا؟؟...(حل طنبل أو دخل كيغوت)كفاااش حتى خبار شكون بغى يكون هاد جود لقى لي عليه شي لعبة ضروري بي ولا به تلاح أز*** مكتنفعوو لوالو...(ضرب لفلون)تفووو.....
فيروز طلعات لفطور دكشي لي كتبغي عبق أو حتى دواء....فيروز:صباح لخير على لفنكشة ديال مها....أنا:صباح لخير ماما....فيروز:هههه لبارح مفقتي جاع أيكون فيك جوع ياك؟؟....حطت صينية أو باست لها راسها لقات صورة حسن على حجر بنتها...فيروز:توحشتي باك؟؟....أنا:بزااااف كان كيحامي علي دبا أنبقى مع داك المتوحش يرجع يسلخني أماما أنا كنخاف منو أو كيقسحني بزاف....فيروز:يسلخك؟؟..علاش أنا شنو كندير هنا يقيسك نقطع حسو يديه لي فرحان بهم مزيان راني دويت معاه متخافيش خليه على حسابي....أنا:طيبتي لحرشة؟؟....فيروز؛بجبن أو لعسل أو كاس منعنع هههه....أنا:هههه أري ناكل توحشت ماكلتك أمي زوينة....عطات لها تاكل أو مرة مرة كتبوساها بقوة.....فيروز:أححح على بنيتي....أنا:هههه بنينة الله يعطيك صحة.....ماما:في لغداء نطيب لك طاجين لحم مع لقوق أو جلبانة لي كتبغي....أنا:أو لحامض مسير أو زيتون ممممم يا سلام....فيروز:هههه من عيني بجوج.....عطت لها دواء أو باستها بحنكها....فيروز:بنتي فين كنتي شكون هو جود لي كنتي كدوي عليه؟؟....
عم سكوت طويل...تنهدت أو مقدرتش نشوف عينيها لمتسائلين بشدة أو طلب ديالهم لملح انني ندوي...شنو غنقولها؟؟...تزوجت به أو وليت على ذمة ديالو أو من فوق هدشي كنت حاملة....أنا:ماما عفاك مبغتش نهدر بغيت نرتاح شوية أنا مزال مشوشة أو عيانة بزاف خايفة من خويا عفاك أماما متحكريش عليا راني....فيرر:(قطعتها بتعنيقة)صافي أحببتي حتى تبغي دوي على خاطرك...أنا:شكراً على تفهم ديالك بلا بيك مكنتش عارفة شنو غاندير....فيروز:ونوضي جلسي معيا نتعاودو وخا؟؟....أنا:لا غير سيري جاني نعاس...باستني أو مشات...تكيت كنفكر فيه شنو غايكون كيدير دبا؟؟أيكون نساني ولا مازال؟؟...أيكون تولف على فراقي؟؟...أيكون بدلني بشي مرا خرا؟؟...أنا:أووووف غنحماق تفو هئ هئ😭😭 جوووود رجع خطفني عفااك هئ هئ😭😭....
في لمكتب....حكيم مخدمش بقى شاد غير بيسي أو كيقلب أي معلومة لقاها كيكتبها عندو....كيوصلoه إتصالات من شي ناس مكلفهم ولكين مكيفدوه بوالو....حكيم:(ضرب لمكتب بقوة)أععع غنموتتت شكون هو جود أو شنو كانت كادير معاه ختي راسي غينفاجر....عيط عليه عتمان أو مشى عندو معصب...دخل لبيرو بعدما سمحليه أو جلس بعقل طاير فجهة تانية...عتمان:مالك هاد يومين معجبتنش؟؟...حكيم ساهي مردش عليه داير يد على فمو أو عينيه كيشوفو بعيد....عتمان:وآ سي حكيم رجوع الله...حكيم:اااه؟؟...هاني معاك....عتمان:فاش كتفكر هههه يكما شي حب هدا لي مطير لك لعقل؟؟....حكيم ضربات ليه فراسو فحال رصاصة كان نساها نهائياً....ناض بسرعة كيجري ممستاجبش لنداء رئيس ديالو المتكرر....دخل لمكتب ديالو أو ففمو كلمة وحدة...."ريم".....
أما سيد لي كلفوا جود يراقب عبق من بعيد...ركن سيارتو بزاج فومي قدام دارهم...كان لابس كاسكيت أو نضارة سوداء أو تريكو حتى هو....جبد سندوتش كياكل أو كتوساع ضحكتو شوية بشوية....راجل:ههه هادي أحسن مهمة جاتني نراقب من بعيد أو لخلاص مخير هههه لالا عبق جيتيني دجاجة بكامونها أندخل معاك صرف مقود هههه....بقى حاضي دخلة أو مكان حتى شي جديد من غير صور لي رسلهم لجود فصباح ديال حكيم....
فجهة أخرى....جود كان كيدوز تصاور ديال حكيم لعلمي أو مضيق عينيه بكره منين كيتخيل أنه ضربها.....جود:بربي أو تكون مستي مرتي أنقتلك أو مغنحنش فيك أنسيبي لعزيز....
رجع حكيم فليل بيأس كتر من ما كان....جرب يوصل لها لكن مرداتش عليه...كان كيسمع غير صوتها لجميل فلهاتف كتعلم موتصيلها أنها إدا مرداتش أتكون مشغولة...كره راسو باش فقد أمل أو بقى كيعيط غير بش يستمع لرنة صوتها طفولية....حكيم:تفو علىا بشحال تحميرت تفوووووو....دخل لصالون كيبرgم أو مردش لبال لمو....فيروز:مالك كتفتف من دخلة ياك لباس؟؟...أنا:مي عقلي مفوري فوبري علي بشي دغمة را في لهيمري...فيروز:ممم مسكين جاي على كرشك ختك لمليوحة لفوق متسولش فيها؟؟....حكيم:مي هاديك ناسيها دبا حيت إلى دخلت فسين أو جيم معها غنوض نسلخها مزيان لي جامعو لديلمها بلاما نقولو لك....فيروز:هي لبغتي سخطة تكتب لك فجبهتك نوض قيسها حرررربش أولدي....حكيم:كتشديني من ليد لي كتوجعني راك معارفة والو أمي خليني ندوي...فيروز:(وقفات)انوض نوجد لك عشاتك أو سد علي هاد موضوع نهائياً...مشات منخلاه أو هو حيد سباطو أو تقاشر بعصبية....حكيم:مغتلويش دراعي أمي فحال مرة فايتة نتي لي خرجتي عليها مي دبا يا غتgر يا غنقتلها....
تعشى أو مشى صلى....فيروز دخلات لبنتها دواء أو تصادفات معه خارج....فيروز:فين بسلامة؟؟...حكيم:حيدي أمي بغيت نشوفها....فيروز:وياك تقرب لها....حكيم: بغيت نهدر معها...فيروز:هاكاك أنا غنغسل شي ميعنات أولدي دير لها لخاطر....حرك راسو بالإيجاب أو دق عليها...حكيم:احم ممكن؟؟....أنا:شكون خويا؟؟....حكيم:مم كي بقيتي؟؟....أنا:زيد أنا لباس...جلس حدايا بلا ضحكة بلا جوج....حكيم:ختي مغنطولش عليك بغيت تعاودي لي كلشي...بلعت ريقي أو تكمشت مبعدة عينيا عليه....أنا:مبغتش....حكيم زير على لقبضة ديالو كيحاول يهدء نفسو أو ميتهورش....حكيم:دوي عبق حسن لك بلا تعكاس شنو كنت كاديري مع داك راجل أو مشي أي راجل راه جود لوكاس عرفته ولا نشرح لك؟؟....أنا:(سدت ودني)أوف حكيم صافي أنا عيانة بزاف خليني عليك....حكيم بدا كيفقد صبر ديالو أو صوتو تبدل ولا حرش كتر من سابق...حكيم:غدوي بزز منك فهمتي عرفتي شنو معناها نلقى ختي مع راجل أو من لفوق كيبوسها قدامي (بلغوات😡)را غنقتلك شاداني غير مك دبا كتبانليا نهرس لمك راسك القحبة....أنا:هئ هئ😭😭 ماما عفاك أجي ديه من هنا....ناض جرها من شعرها أو شد فكها كان غيقسموو...خرج عينيه فيها أو بدا كيمخد فيها....حكيم:دوي شنو درتي معاه وش نعستي معاه دوييييي صافي كانت حامية فيك دودة يا لمسخة حتى بردتها عد جيتي شنو غندير بيك شكون غيرضى بوحدة فحالك بشحال بقيتي معاه وش منين كنتي كتعيطي كان معااك دوييييي....أنا:هئ هئ😭😭 أيييي ماما بسع مني راسي كيدرني...طلقها من شعرها أو جرها من ناموسية فحال ريشا....غرز صباعو فدراعها بجوج أو هبط لمستوى عينيها....حكيم:(بلغوات)اش كان بان لك أنا قواد ولا كيفاش باسك حدا عيني ففمك اشنو كيعني هدشي؟؟....أنا:(دخت)أيييي هئ هئ😭😭 هاااا ماااماا عتقيني ماااما....دخلات فيروز بزربة مصدومة أو بلا شعور دفعاتو أو جمعت معه بسماكة هانتو قدام ختو....فيروز:خرج علي يلاا....عينيه ولاو دم أو هو كيتوعدها....حكيم:هانية ميمتي كضربيني على برهوشة ولكن سمعي أعبق يا بربي منساها لك...خرج ضارب لباب بقوة أو هبط كيسب...حكيم:الله ينعل ز*** بوك لي مرباكش غنقتلك أبيبوو إلى منطقتش أنا ماشي راجل....
عبق جاتها سخفة أو بلكشايف باش حطتها مها على سرير أو غطاتها كتبكي....فيروز:هئ هئ بغى يقتل لي بنتي لمسخوط ياا ربي شنو درت من تحتك شي نهار نهز جلابتي متعرفوني فين مشيت (ديديكاس لأمهات لمغربيات هههه).....أنا:هئ هئ ماما بقاي معايا عفاك....نعسات جنبي معنقاني أو تخشيت فصدرها كنغزل بلخوف....أنا:كاكان غيقتلني أماما هئ هئ ببببقاي تسدي علي لباب عفاك هئ هئ...فيروز:ششش هاني حداك ماكين لي يمسك أو أنا كاينة ابنتي نتي نور عيني أنحميك بروح ديالي...بقيت مخشية فيها كنقارن وضعي دبا أو باش كنت معاه...فرق كبير بزاف أنك تكون دبا بوحدك محمي غير من أم ضعيفة أو أنك تكون محمي من جود لوكاس....أنا:(عنقتها)ماما جييييبي لي جود هئ هئ هو لي غيسلكني منو....فيروز كتمات شهقة أو مرداتش عليها حيت هي أصلاً معرفاش هاد "جود"....
حكيم خدا سيارتو أو بقى سايق معصب أو كينفخ نار....حكيم:(كيضرب لمقود)أنا أختي نتسرفق بسبابك أنا يتقلل من احترامي وخا ماشي مشكل منين وصلنا هنا غيولي تعامل جديد...ركن بجهد حدا لبار أو دخل...شد طبلة أو طلب قرعة خمر ينيسي بها....مكيبغش يستعمل هاد طريق باش يتهدن مي فحالتوو شراب هو لحل الوحيد قبل ميقتلها....بقى كيشرب بنهم بعيد على أضواء أو ضحكات لبنات أو رجال...أما لجاسوس كان مراقبو أو كلشي كيتسافط لجود بتمام أو لكمال.....
في صباح:
فيروز دخلات لبيتو لقات ريحة شراب قالبة لبيت أو ولدها ناعس على كرشو معري....فيوز:أوف أشهدشي سكر ولد لحرام أو لخدمة منك عليها....حلات سرجم أو ريدو خالقة شوية ضجيج شيء لي فيقو مدهشر...فيروز:صباح لخير صلاة ديال أخر زمان نوض تقعد لخدمتك....قلب وجهو لجهة تانية متغاضي عليها....فيروز:نوض عتادر من ختك أو راضيها نوض يلا....حكيم:نعتادر أنا را مكرهتش نحيد لها داك راس لخامج....فيروز:تفو طالع لباك الله يستر....أنا:أنا ماشي حسن فهمتي معمرك تشبهيني به...حيد لغطا أو شاف فيها بعتاب...حكيم:شكراً على تسرفقة أمي كبرنا أو ولينا نتسمكو حدا لبراهش...فيروز:أنا؟؟....(رد لباب أو خرج)....داز لعند عبق كيطل لقاها فايقة كتمسح دموعها أو ساهية....ضرب لباب برجليه أو وقف هاز صبعو فوجها....حكيم:مغدش نساها لك يا لكلبة إلى مرباكش باك أنا لي غنربيك من لول أو غدوي هي غدوي تسرفيق را ولينا ناكلوه مبقاش الإحترام حكيم غيولي واحد جديد...شافها مخلوعة أو كترجع بلور هازة وسادة تصد بها أي ضربة محتملة...جات فيروز بركات معنقها أو كتبوس فيها...حكيم:دسريها مازال تصلقيط رها وصلات ليه بقى لها غير تخرج لها نيشان تفو....فيوز:سير الله يلغيها لك تفو عليك نتا....أنا:(كنرعد)ماما أنا خايفة بزاف....فيروز:أنا معاك ابنتي....
الإيام بدات كتوالى أو كتمشي بريتم واحد...عبق حالتها كتسوء أو كل نهار كتبكي على فراقو لي خلق لها فراغ كبير...مبقاتش كتاكل أو كتنعس غير بدوا أو لمهديء....مخرجاتش من لبيت ديالها إلى فلحلات القصوى تحت رغبة مها....ضلام ولا صديقها المفضل أو خاتم زواجها مخبياه بحرص بشما يلقاهش خوها....كتجبدو تبوسو أو تردو....جرح لي فراسها نساتو أو مدواتوش جاع....
حكيم كيقضي وقتوا كامل فلخدمة كيدخل معطل بزاف حيت كيدوز يشرب فلبار....كيرجع عيان نفسيا حيت ماتوصل لوالو أو هاد جود دار ليه لقوق زائد ختو مبغاتش تدوي...بلمجمل بركان كبير فلداخل ديالو غادي أو كيحمى أو خايف لينفاجر حيت مبقاش قادر يستحمل....خدمتو ولا متراجع فيها...عتمان لاحض هدشي أو عيا مينبه فيه أو والو كيسها فلإجتماعات أو مبقاش كيوفق مابين خدمة أو أمور شخصية كيدابز مع أي واحد تلاج معاه....ريم مكتردش عليه أو تليفونها كيصوني بلا فائدة....وصل لطريق مسدودة أو لحل الوحيد هو لغرق فبحر من شكوك كل دقيقة خاصةً منين كيتخيل أن عبق فقدات شرفها....
***بعد مرور شهر***:
نضت مهلوكة....عيني نشفو من بكاء دموع مولاش لهم محل فحياتي....حليت سرجم شميت هوا ليل...توحشتو بزاف شهر داز طويل كأنه عام....كل ليلة كنحلم بنفس لحلم أنه كيترمى من تل عالي أو كيخلني فلعاصفة....أنا:جود توحشتك بزاااف أحياتي كنبغيك بزاااف فينما كنتي كنتمنى تكون نسيتني....دخلات ماما أو سديت سرجم رجعت بلاصتي...فيروز:ابنتي الله يهديك را ديك ناموسية بقات لها تنوض تلاوحك من سرجم نوضي تحرك دوري غوتي ديري شي حاجة....أنا:مقداش أما بغيت نعس....فيروز:الله يرضى عليك هانتي خوك مبقاش كيدوي معاك صافي كيفما نسا حتى نتي حاولي تنساي....أنا:اشنو غنسى أماما نتي معرفة والو لي دوزتو عمرني نساه....فيروز تشجعات أو خدات مكان حدها قابطة فيدها بقوة....فيروز:بنتي أنا مك مغنتخلاش عليك عاودي لي نقدر نفعك وخا؟؟...أنا:ماما ولكن؟؟....
حكيم حل بشوية لباب كيف لعادة....حيد سباطو بلخف أو لكستم لاحهوم فوق سداري....طلع بشوية لبيتو حتى كيتير إنتباهو ضوء خفيف جاي من بيت ختو أو هدرة دايرة بحس صغير...قرب بلا ضجيج أو وقف كيتسنط مور لباب....((((فيروز:دوي ابنتي صبرنا عليك شهر جا لوقت لي تشرحي لي فيه أو كنواعدك غنساعدك تيقي فيا....مالقيت منقول أو شديت فيدها تانيا....أنا:هئ هئ هئ ماما أنا كنت مع راجل مدة 5 شهور كنت كنكدب عليكم مكنتش كنقرا أو عمرني خدمت عند شي مرا كلشي كدبتوو هادي هي لحقيقة....فيروز شدت فمها بصدمة محسوو بجوج بحكيم حتى فرع لباب عليهم وجهو كيغلي أو صدرو كيطلع أو يهبط بعنف....حكيم:(بلغوات)مزياااان القحبة دبا عاد بدا لعب مي خرجيييي.....فيروز بدات كتبكي معنقة بنتها أو كتحرك راسها بنفي حيت عرفت أن لقضية كحالت....حكيم:(بصراخ حاد)مييييي خرجيييي ولا نقلل عليك لحيا خرجييييي....فيروز:لا هئ هئ😭😭 أنا ساخطة عليك إلى قربتي....حكيم:بلا سخطة بلا ز*** خرجيييي خليني مني لها صبرت حتى عييت....عبق ولات فحال لحوتة لي خرجوها من لما أو هي كتشوف خوها مربب أو ساعر لأول مرة بهاد لخطورة لدرجة سدايف قمجتوو غيطرطقو....أنا:ماما متمشيش عفاك متخلنيش معاه....جا حكيم شد دراع موو أو جرها من حضن عبق...بدات كتجار معاه أو تبكي....فيروز:هئ هئ لاا بنتيي طلقني يا لمسخوط....حكيم:(بلغوات)خرجيييي أمي بربي منتفاك ليوم تgر ولا نقتلها....أنا:هئ هئ😭😭 ماما لاا بعد مني عفاك متضربنش الله يرحم لك لولدين ماااماا اويلي لااااع ....شدها لاحها برا او سد لباب بساروت....دار كيحيد سمطا أو مفيكسي علي بنضرة ديال لموت....نقزت من لفراش هاربة لقنت ديال لبيت كنبكي...حكيم:بشحال جلستي معه 5 شهور ياك المسخة شبع فيك أو لاحك يا لكلبة لخانزة ليوم نفش لمك ضلوعك....أنا:لا عفاك هئ هئ الله يرحم لك لوليدين أخويا سمطا لاااا....حكيم:كتكدبي علينا درنا فيك تيقة سفطناك تقراي صدقتي هاربة مع راجل ليوم نبالي بيك....
تم جاي ناحيتي ساكت...عنقت راسي كنرعد ما حسيت حتى نزلات علي شلطة لفخد بغيت نموووووت....أنا:(بلغوات)هااااع هئ هئ😭😭😭 أيييي ماااماا....زادني وحدة تانية بديت كنقز فلقنت أو حنيت مغطية راسي...(فيروز كضرب فلباب أو كتغوت)....حكيم:(بلغوات😡😡)فيييين كنتي نطقييييي.....أنا:هئ هئ😭😭 كدرني بععععد مني ولا نعيط لبوليس....حكيم:(زادها شلطة قاسحة)لبوليس هوما لي غيشدوني بعدما نقتلك القحبة كنتييييي معاه 5 شهور دويييي....بدا كايضربني بسمطة أو محنش في كنت لابسة غير تريكو رقيق....صديت بيدي ضربات كنموت بلبكاء أو كينزلو علي فحال صاعقة....ماما غواتها زاد علي....بقى كيشلطني كي لكلاب لدرجة لحمي مات...حبس شوية كيتنفس بزربة....حكيم:الله ينعل زا*** بوك مبغتش دوي ياك؟؟...جرني من شعري أو جمع معايا بتسرفقة قريبة للكمة...طحت على لأرض أو رجع هزني....حكيم:تكلمي مغنفككش ليوم دويييي😡😡....أنا:(دايخة)كنكرهك الحمار....حكيم:(بلغوات)أنا حمار يا سلقوطة هاني غنربك مزياان....دفعها على لفراش جات طايحة على ضهرها أو بقى عليها بسماكات حتى طيبها....أنا:هااع😭😭😭😭 أيييي ماما عتقيني بعد مييييي....فيروز:(ورا لباب كضرب فيه)حل لباااب المسخوط ولا نعيط لبوليس حلللل هئ هئ😭 طلق لي بنتيي حرام عليك....حكيم:(كيغوت عروقو خارجين)دويييي حسن لك؟؟...طلقها شوية أو شد لها فكها غارز سباعو أو طلعها لمستوى عينيه....حكيم:شنو كنتي كديري معاه فدك 5 شهور را مغنتلقكش حتى تنطقي...وليت فحال ورقة لخريف كلشي كيدرني أو لحمي كيغوت أو صداع كلشي ضغط علي أو خرجت لكلمة بلا شعور....أنا:ككنت ساكنة معاه هئ هئ😭😭....حكيم:شناهوواا؟؟.....أنا:هئ هئ😭😭 عفاك طلقني أخويا مبقتش قادرة نتحمل....دهشرني بصقلة تسمعاات "طرااااخ"....درت على جنبي كنتوجع أو دم كيسيل من شنافتي....أنا:أهيء أهيء أيياي😭😭....حكيم دار كينتف شعرو أو لقدرة على نطق تفقدت ليه...حكيم:لا ميمكنش مستحييييل....أنا:عتقونعييي مااااما....فيروز:بنتييييي هئ هئ حلي لي لباب الله يلغيها لك فتححححح.....تعافرت أو نضت مقلوبة أو هو عاطني بضهر....شديت فسرير كيبان لي لباب فحال جنة ....يلا غنوصل ردني من شعري او ضربني مع الحيط....حكيم:(بلغوات)مزاال مساليت خرجتي لها نشاااان ااااه؟؟....أنا:طلقني هئ أهيء أهيء😭😭 نتا مجرم...قرب حدا ودني أو همس بصوت خطير....حكيم:شنو دار لك دوييي.....أنا:والو هئ هئ😭😭 حيييد خنقتينيييي حشوما عليك....دورني عندو أو شدني من شعري....حكيم:شنو علاقتك به اااه؟؟كان دايرك عاهرة ديالو ااا؟؟؟.....أنا:هئ شعريييي أمي غتقتلني راني مريضة فراسي...حكيم:(خبط راسها مع الحيط)دويييي يا لقحبة ولا تخرجي ميتة من هناا....أنا:أييييي راسي عتقونيييي😭😭.....حكيم محبسش غير كيخبط مؤخرة راسها مع الحيط....حكيم:كنتي كتنعسي معاه أو كيخلسك يااك دوك لفلوس منو شبعتي كوا يا لمسخة لقحبة لعاهرة...طحت ليه كنبكي مغطية وجهي...رجع نوضني أو عطاني عوتاني...مسبرتش أو نطقتها....أنا:(بلغوات)كفااش انكن عاهرتو أو هو تزوجني أخويا راني مراااتو أو هو رااجلي براكااا....
رخاني راجع بلور شاد فراسو مدهول من هول لخبر....أنا:هئ هئ بسع منيي الله ياخد فيك لحاااق....حكيم:تزوج؟؟مرات؟؟.هو راجلك؟؟مابقيت فاهم واااالو اشنو هاد شي ميمكنش....مشى جلس كيشخط أو ينخط ممتيقش اشنو سمع.....بانت ليه فيها أو ناض هزها عوتاني....حكيم:يكما كتكدبي؟؟كفاش زواج راني غنحماااق.....أنا:هئ تزوجنا أخويا كنقسم لك ولله تيقني....حكيم:وصلتي تزوجي بلا خبارنا دوييي....(طرشها)كفاااش قدرتي ديريها كفااااش؟؟...أنا:هئ هئ😭😭 خويا عفاااااك....حكيم:(كينتف شعرها)كي درتو تزوجتو فقاش أو فين أو امتى وصلتي لهاد لمواصل أختي تزوجي بلا خبارنا نطقيي؟؟.....أنا:وخا غير طلقني من شعري...حكيم:(رخاها)أنا كنسمع....أنا:تزوجنا هادي شي 4 شهور....حكيم:فين؟؟....أنا:فففدودوبي.....حكيم:فين؟؟...أنا:ففففف....حكيم:باركا من تقفقيف....أنا:فدبي....حكيم:(بصدمة)شناهووا دبي لي فلإمرات؟؟....أنا:ااااه عفاااك خليني هئ أهيء😭😭....حكيم:ناري غنحمااااق نااري غنقتلك....دور يديه على عنقي أو قجني...خرج عينيه أو عصر لي رقبتي بلا رحمة....حكيم:مشتي حتى لإمارات يا لقحبة أو جالسة كتكدبي بلا حشمة بلا حيى شنو ندير فيك شنووووو؟؟....أنا:حا....كي....م قجي..تي...ني...كح كح كح....حكيم:(بلغوات)أنا مغنقجكش صافي أنا غسفيها لك الله ينعل ديلمك العاهرة سحابلك هاديك ورقة زواج أتنفعك ولله حتى نوكلك لي عمرك دقتيه....أنا:(بصوت مخنوق)جود عفاااك أجي عتقني جووووود.....حكيم:احنا أنشوفو فين هو هاد جود لي غيعتقك من يدي ليوم كملي علاش تزوجتو وش نعستي معاه ولا كفاش؟؟....أنا:مدرت والوا تيقني تزوجنا فحالنا فحال ناس....حكيم:(سرفقها)ناس كيتزوجو وسط عائلاتهم الكلبة ماشي فسر دبا كون مجبكش كنتي أتكملي فلكدبة يااك؟؟....أنا:هئ هئ 😭😭لاا كان غيردني أو نوضحوو كلشي....حكيم:أياااه مسكينة عدر زوين هاد قنعني لدرجة جنوني غادين أو كيحماو الله يحرق طواسل دليلمك...أنا:عييت باركا علي عاودت لك كلشي طلقني الله يرحم لك لولدين دييير بوجه ماما من صباح أو هي تغوت عفااك....حكيم:مك هي لي دسراتك حتى طلعتي قحبة بطابع وش قاسك قبل ولا بعد زواج....أنا:(بإصرار)مغنقولكش دكشي شخصي....حكيم:(خبط راسها مع الحيط)جاوبني مشي غير جا أو تزوجك أكيد نعستي معاه....أنا:هئ هئ😭😭 راسي فرشخته لي...حكيم:(بصراخ)جاوبي...أنا:لاا طلقني...كافأني بضربة خرى أو فنما تعكست ليه كيلتخني مع الحيط....مبقتش قادرة أو طحت عيني كيتسدو بضبابة أو جرح فراسي عطاني صداع أو ألم رهيب....حكيم:نوضي بربي منتفاك معاك...هبط هزها أو هي سخفانة....رجليها خواو عليها أو طاحت عوتاني....حكيم عند بالو غير كتمتل أو مع الأعصاب هزها كيضرب راسها بعنف أو فجأة مع نطحة الأخيرة خرج دم لصق فلجدار....حكيم:(مخلوع)عبق؟؟....حط يديه على راسها أو زاد تصدم من دم لي ولا كيخرج بغزارة....حكيم:خخختي؟؟.....طاحوا بجوج أو كان عاد إسترجع الوعي ديالو أو اتار جريمتو صعقاتو....حكيم:عبااق؟؟....سمع غوتة كبيرة ديال فيروز ماشي طبيعية...ناض بزربة حل لها لباب أو دخلات سخفانة بلبكاء أو حناكها أو شعرها طايبين بنديب....فيروز:(ضربات فخاضها)اويلي على بنتي.....تلاحت عليها كتشهق أو حكيم معرف ميدير....فيروز:هئ هئ😭😭 الله الله على بنيتي هئ هئ.....بقات كتبوس فيها أو تنودها لكن غير حسات بدم سخون على يدها طلقات غوتة مدايراش....فيروز:اويلي بنتي ماتت عووك عووك اعباد الله....حكيم شاف لقضية حامضة أو دفع مو بقات كضرب ليه فضهرو بلفقسة...قاس ليها نبض أو هزها....حكيم؛مازال عايشة أنديها طبيب....نادت فيروز هزات فورنتها دورتها على شعرها أو نزلوو هي كتبكي بحدة...حكيم مفقوس أو مخلوع أما عبق غابت لعالم تاني....حلات ليه لباب أو مشى كيجري لسيارة....حطها بسرعة أو فيروز دخلات حدها دارت لها فوطة على راسها...حكيم مسح وجهوا بتوتر أو طلع حرك طنبل مخلي لعجاجة وراه...
أما لمراقب مدسرش لقضية أو تبعو أو فنفس لوقت عيط لرئيس ديالو ....راجل:ألو وقعات مصيبة عاد دبا شفت سي حكيم هاز ختو سخفانة أو وقلة غادي جهة لمستشفى....
حكيم وصل نيارة لمشفى أو فيروز خرجات بجري أو لبكى تنادي على مساعدة...أو فعلاً جاو تابعينها جوج ممرضين بحكم أن لمشفى خاص....لقاو حكيم هازها بخوف....حطها على نقالة أو دخلو بها بسرعة....كلشي كيغوت فيروز كتنوح حداها أو حكيم شاد فيدها أما طبة تجمعوا عليها بعدما شافو حالتها صعبة....طبيب:(بلغوات)لغرفة لعمليات بزربة....منعو فيروز دخل أو سدو لباب فوجها كتموووت أو دموعها شلال...قرب منها حكيم أو بغى يجلسها لكن تلقى صفعة ألماتو نفسياً....فيروز:(بصوت مخنوق)نتا مابقيتش ولدي متمسنش أنا مكنعرفكش المسخوط براااا منشوفش كمارتك....بقا حاني راسو فلأرض أو هو كيستامع لإهانتها المتكررة....غفلها بعناق حار رغم مقاومتها ضعيفة لكن مطلقهاش بقى مزير عليها كايبوس فوق راسها أو عينيه مغرغرين بدموع....حكيم:سمحليا مي ما صبرتش سمعت شي حوايج خطرين....فيروز:(كدفعوو)حيد بعد مني المسخوط هئ هئ قتلتي لي بنتي شنو دارت لك من نهار تزادت أو نتا حاط عليها دبا تهنيتي قتلتي لي كبدتي بععععد منيييي....رخاها أو مشى ريح فوق لكرسي كيمسح جبهتو من لعرق...كان فوضع خايب منين بدات كطيح عليه صدمات وحدة مور تانية...فقد أساس لمنطق أو داك لحر ديال أن ختو تزوجات أو كانت عايشة مع رجل غريب شعلو بزيادة أو خلاه بلا عقل أو نتيجة كانت كارتية...فيروز طاحت على سطح الأرضية الباردة شادة فراسها أو كتشهق فحال درية صغيرة....فيروز:هئ هئ بنتييي يا ربي بنتيي هي لي عندي متورنش فيها كتر ما شفت يا ربييي هئ هئ...إستمر لوضع 30 دقيقة من لعداب بنسبة لهم بجوج....سمعو ردة لباب أو ناضو تلاحو على طبيب....فيروز:هئ هئ بنتيي أسي طبيب؟؟....حكيم:كدايرا ختي؟؟....طبيب:(بنضرة تساؤل)شكون دار فيها ديك لحالة؟؟.....فيروز خنزراات فيه أو قلبات لموضوع قبل ميتفتح....فيروز:بنتييي غنمووت إلا صرات لها شي حاجا عفاك ....طبيب:حالتها مستقرة دبا درنا لها جميع الإسعافات لازمة....حكيم: لحمد الله ولكن خرج لها دم من راسها شنو مصدر ديالو؟؟...طبيب:كانت مغرزة تماك أو مع ضرب تفتح لها شوية لغراز مي لحمد الله استدركنا لموقف....حكيم:مغرزة؟؟....فيروز:كيفاش مغرزة مابقيت فاهمة والو هئ هئ الله الله على بنيتي الله.....طبيب:اياه كفاش معرفنش هدشي؟؟مهم حنا انقلوها لغرفة تانية دبا غتفيق أو نكملو لهدرة....دخل عوتاني أو فيروز بدات كضرب فدراعو أو تقرص فيه بلفقسة...فيروز:ولد لحرام حمار يا ربي يتgردوو لك دوك ليدين يا ربييي....حكيم:مي؟؟.....فيروز:سكت منسمعش حسك غير شفت فيك وجه الله منين نتا ولدي أما شي حد نقتلو بسناني....داروا عوتاني مع حلة لباب أو خرجوها ناعسة...دموع مها بداو من جديد فرحلة طويلة من الإنغزار أو حكيم رجع بلور مصدوم من ما خلفته يداه....وجها مزرق أو شنايفها عليهم كدمات حمرين....دراعها عليهم طبعات سباعو أما عنقها مخمج....فيروز شدات يديها أو تبعتهم حتى لبيت فاش غتنعس....حكيم شد فقلبوو يهدأ من روع ديالو أو لحق عليهم....كانوا نزلوها فوق سرير أو ركبو لها سروم أو قادو لها وضعية. مريحة...طبيب قيد معلوماتها أو علقهم جانب لفراش...دار يديه فجيابو أو خرجو كاملين من عندها...فيروز:أندخل نبقى معها؟؟....طبيب:يهدني أمادام دبا غتفيق غادي نقدم شكاية بعدا على هاد المتوحش لي سلخها....فيروز:(مخلوعة على ولدها)لا الله يرحم لك لوليدين تبقى سر را غير وقع سوء تفاهم....حكيم:(حط يديه على كتفها)لا مي أنا لمسؤول على هدشي أو زيدون أنا مشي مرا نهرب من لقضية....طبيب:ماشي حشوما عليك دير فختك ديك حالة؟؟...حكيم:شنو واقع لها بضبط؟؟....طبيب:كانت مغرزة من راسها أو لغراز مكانش كيتداوا أبدا شيء لي خلاه يتفتح بسهولة أو من فوق هدشي سيدة يلا دايرة عملية ....حكيم:(بإستغراب)انا عملية؟؟....فيروز:ااااه إنا عملية؟؟....طبيب:كيفاش معارفنش سيدة را كانت حاملة أو دارت عملية إجهاض....
فيروز شهقات ممسدقة حتى حرف أو حكيم شد فشعرو غارز سباعو فيه علاين يقتالعو....حكيم:لا ميمكنش نتا كداب كفاش حاملة كفااااش؟؟...طبيب:وش نتوما عائلتها ديال بصح را سيدة كانت حاملة أو لبيبي للأسف طاح....فيروز:اويلي وحدي أويييليي😭 على حاملة وش متئكد كدوي على بنتييي...طبيب:وايه فين هو راجلها؟؟...فيروز دارت كطلب من حكيم لمساعدة....حكيم عطا ضهرو الحيط كيتشوة...نار شعلات فيه من جديد...حكيم:(كيضرب راسو مع الحيط)لعاعا مستحيييل عبق تحمل؟؟كبرتي أختي حتى ولتيي تحملي..(بلغوات) ما بقى عندك لا شرف لا عفة جاع دكشي لي بنيتو تحطم....طبيب:مافهمت والو غنعيط لبوليس هما لي غيفكو هاد مشكل....حكيم:غنقتلها لقحبة لخانزة أو ندخل لحبس نيشان....تحرك إتجاه لبيت أو وقف ليه طبيب أو فيروز بلمرصاد...طبيب:(بلغوات)غنعيط لأمن أسي يكما حسابلك راسك فسيبة....فيروز:زدتي فيه بياااش مصنوع بياش ختك مريضة باراكا....حكيم:(بصراخ حاد😡)ميييي حيديييي نربيها مزيااااان وش سفطتها بنت رجعت لي مرا غنحمااق إلى مدرتش فيها يدي حيدوووو.....قبضة قوية دوراتو بسرعة لبرق أو ملقى راسو حتى تلاح مكربع على اتر لكمة زعزعات ليه لمشاعر....فيروز ضربات حناكها متراجعة لور مخلوعة من راجل عمرها تخيلات أنه كاين فلوجود....حكيم مسح دم من شنافتوو أو طلع وجهو....كان شعورو مابين فرحة حيت هاهو جاء برجليه أو إنتقام....ولكن جزء منو مرتابك من صورة لوحشية لي قدامو...كان صدرو كيطلع أو يهبط...شعروا هايج أو يديه مجموعين بقبضة قوية...أما عينيه عنوانهم كان "الإجرام"بلخط لعريض أو تعبير وجهو كأنه قاتل متسلسل هرب من سجن أبدي....جود:(بصوت خطير)دبرتيي عليها أزامل....
استمر سكوت كان كفيل يتسمى هدوء ما قبل لعاصفة...جود بدا كييزر على فكو لدرجة ولا كتلعب له عضمة قوية كتحرك بلا شعور....حكيم ناض واجهو بعينين فيهم تحدي فحالي مداير والو....جود ولا كيخرج نفخات سريعين بأنفاس حارة كيف تنين المغدور....حكيم:جيتي أسي جود مرحبا بيك....جود:ترحب بيك جهنم لي غتدخل لها دبا تبعني لكنتي راجل....سبقو بجوج خطوات كيتغدد...وقف منين مسمع حتى خطوات وراه....جود:(بصوت بارد)ياكما خفتي أو تخبتي ورا مك فحال لمرا؟؟....حكيم:هههه تفضل أنسيبي لعزيز....فيروز داخت غير طبيب لي شدها حسات بلي راها فحلم معرفات ساسو من راسو....فيروز:شششكون هدا فين غادي أجييييي حكييييم.....حكيم:لا مي هدشي بين رجال بقاي تماك....جود تحرك يديه فجياب دجين عينيه كيشعلو بنار أو حكيم مراه كيتمشاو فالكولوار طويل صوت خطواتهم لكبار هو لي كيتسمع مع هدوء كيتخللو بعد شهقات أنتوية معجبة....هبطوا دروج بواحد لهدوء كيصمك...جود كيخبط كل درجة بقوة أو حكيم كيرد عليه بنفسها....وصلو لردهة الإستقبال....حكيم كان على بعد مسافة قريبة بزاف...فجأة جود دور يديه بلا اندار مسبق أو عطاه واحد لالا مولاتي بونيا خلاتو يتراجع مدوخ أو يطيح مكوخ قدام ممرضات دايزين جاو مكربعين معاه فحال لعبة لبولينغ....كلشي بدا كيغوت...جود:(بلغوات😡)نتا تقيس مرتي أنا مرت جود خط حمررر يا ز***....حكيم ناض كيضحك رغم ترعيفة أو بدا كيسفق بجهد....حكيم:هههه جيتي برجليك سي لوكاس نقدر نسميك فهد لحضة أتعس راجل فدنيا....مع أخر كلمة مع جرا حتى دخل فيه براس من كرشو طاحو بجوج....لغوت ديل العيلات زاد جهاد أو ولا ضجيج لا يطاق فلممر....حكيم دور رجليه على كرش جود أو يلا جاء يضرب جود غفلوو بنطحة براسو خلاتو مدهشر...لغضب لي كان فيه كان أقوى من قوة 100 راجل فور سمع أن مرتو تعرضات لتعنيف من عند خوها...كان بعيد على لمدينة يلا راجع فطريق أو مينكرش أن لخبر من عند لمراقب خلاه ينحارف على لمسار ديالو بعنف أو يبدا فسلسلة لا متناهية من سبان أو كلمات نابية حتى وصل...سول عليها أو على حالتها أو زاد تعصب أو ماشي أي عصب...فقدان لعقل ديال راجل مجنون بلحب كيكون عندو طعم بخطورة خاصة....حكيم رجع على ضهرو هاد مرة أو جود حكمو مزيان عروقو خارجين من عنقوو أو جبهتو أما وخهو كيغلي بدم حامية أو يديه كيكلمو لبونيات بلا توقف....جود:(بصراخ رجولي😡)نتا أزامل ضرب لي مرتي شماتة لله ينعل ديلمك كتحgر على درية اااه دوييي ليوم نقتل زامل بووووك....حكيم بدا كيصد بدراعوو أو كل لكمة كتجيه على وجهو كيحس بلي عضام فكو تهرسوو....مبقاش قادر يصبر لوا رجليه على ضهر جود أو قلبو لكن جود مدسروش أو جمع معاه بكروشي لنيف....جود:الله ينعل زامل بوك 😡😡 أنربي أصل ديلمك باش لمرة جاية تضرب 100 حساب قبل متقيس شعرا وحدة من مرتي....حكيم:(كيمسح دم)مرتك يا الحقير اااه؟؟؟شنو درتي لها بش قبلات تزوج بيك كون كنتي راجل متستغلش ضعف بنت فلغربة أو تاكل لها عقلها هاديك نهار كنت مصدوم من دكشي لي شفت أو قلت لك أنتلاقاو او دبا جاء لوقت لي نبين لك فيه أن ختي عندها لي يحميها تبعني لبرا....خرج كيجري أو فنفس لوقت كيحل سدايف لقميجة....جود تبعو كيلهت أو لقاه فساحة لكبيرة ديال كلينك كيدير ليه حركة زعما قرب....جود:(حيد جاكيت)عرفتي شنو كتعني لي عبق أنسيبي ولا لا؟؟....حكيم:عاهرة؟؟....جود:(كيجمع شعرو)لا عبق هي روح ديالي(كيضرب صدرو بقوة)أو نتا تجرأتي أو دخلتي لمنطقة محضورة أو وسختي روح ديالي برجلة ناقصة لي تعاملتي بها معها ههه مي ليوم أو هاد ليلة عمرك أتنساها حيت غتجازى على فعلتك لمقودة معايا ...حكيم:هههه بين ليا أو نشوفو شكون راجل فينا...جود:مبغتش نشوف مرتي بش منقتلكش حيت كتبقى خوها....حكيم:(قاطعو)خوها لي غندمك على دكشي لي درتيه فيها....جود: قرب أسي حكيم لعلمي بربي غنعلمك درس عمرك تنساه أو ديما فكر أن عبق ماشي بحدها أو كاين فحياتها راجل مجنون بها....
ناس خرجات مشكلين دائرة كبيرة عليهم كأنهم أيتفرجو فصراع مبارزة حر مجانا....كل واحد شنو دار شي متحمس شي مصدوم...نساء حالين فمهم فجود تارة بضخامتو رجولية أو شكلو لغربي لبعيد على لوسامة لعربية لي لقاوها فحكيم فطرف تاني....أما الفضوليين تجرؤ كتر أو جبدو تليفونات يصورو معركة .شوارع...جود:(بلغوات)قرب مالك خايف نهرس لدلمك ضلوعك يا ولد لق*....يلا أيساليها حكيم مرضاش شي حد يعاير ليه مو مكيشوفوه ناس طالقين صرخات غير كينقز على جود أو كيوجه ليه نطحة لجبهتو....حكيم:(بصراخ)متجبدليييش ميييي....جود وصل لنقطة استفزازو بقوة أو بعدما كلا جوج بنيات مأتروو جاع فيه....جود:(بلغوات)مزيان يا لقو*** باش تعرف شنو حسيت منين جبدتي مرتي هاااك....(ضربو برجليه الكرش)...حكيم تكور كايتأوه أو جود مخلالوش لفرصة فين يطاكي...هجم عليه أو طلعو من لكول ديال لقميجة....جود:(بصوت حرش)كفاش عطاتك خاطرك تقيس مرتي منين قلت لمك متمسهاش كان كيسحابلك كنضحك معاااك....(عطاه براس)....حكيم طاح كيمسح نيفو من دم....جود:كترجل على بنت ااا؟؟يلا نوض ورينا عضلاتك مع رجال ولكن نتا مشي راجل مك حلات رجليها على شماتة....حكيم ولا كيبخ نار😡😡 أو هو كيدور عينيه على ناس لمتفرجة أو جود كيحتاقر فيه بلا قيد....ناض كيحل لقامجة حتى نصلها....حكيم:(بصوت كيبورش)مي خط حمر أزب**** أو مي ولدت رجال لي غيربوك دبااا....بقاو كيتشاوفوو كل واحد فيهم كيقتل تاني بنضرات طاحنة....قرب حكيم جوج خطوات أو فجأة شد جود من دراعو أو قلبو على ضهرو مزير على عنقوو بعنف....حكيم:شنو درتي لختي؟ نطق ولا نقتلككك😡😡....جود رد راسو لور بضربة باش يتفك أو هز رجليه عطا بها لوجه حكيم....حكيم إستدرك موقف ركلة تانية أو دخل فيه طلعو من لأرض شوية أو خبطوو على ضهرو.....حكيم:(بلغوات)شنو درتييي لختي واش كانت معاك بإرادتها نطااق....جود:ختك مرتييي مكانتش كادير شي حاجة بلحرااام دبا عاد فهمت مزيااان علاش كانت كترفض نقرب لها حيت طلع خوها مرييييض....حكيم:(بصراخ عروقو خارجين)سككككت....جمع قبضة يديه أو بدا كيعطيه لكمة مور تانيا....حكيم:خرجتييي على ختيي مغرحماااكش....جود لوا دراعو على عنق حكيم أو كرز عليه حتى نوضو أو عطاه ليه الكرش بركبتوو....جود:(بلغوات😡😡)نتا لي خرجتي عليهاااا بشحااااال كنت كنحلم بهاد لحضة نفدي فيك لقديم أو جديد....حكيم خرج لها دم من سنانو أو وخا هكاك مع الإستفزاز ديال جود مبقاش عندو درة لعقل أو طاقة لي فيه غادية أو كتكبر....جمعو بنص أو لوا لكوع ديالو على شكل V أو هبط بقوة على صدر جود....جود دار على جنبو أو حكيم ركلو لكرشو جوج مرات....حكيم:(بلغوت مجهد)أنا لي كنت كنحلم نتلقى بيك أجود لوكاس أوحش لعقارات....جود شد ليه رجليه أو جمع معه بحركة مقص....وقف بسرعة حيد تريكوه حتى هو أو قبل مايخلي لحكيم تانية يفكر فيها....تلاح عليه أو قجوو من عنقوو حاكم راسو مزياااان أو إستخدم صباع يديه تانية لقاسحين في تصويب مجموعة بونياات دامية....دم ولا غير كيشرشر من سنان أو نيف حكيم ملاقي حتى طوق نجاة من تحتو....جود:(بصراخ قوي نابع من غضب كبير)ختك شرف من الشرف فهمتيييي معمر شفت فحالها فلعفة أنا سبااااب أنا لجبرتها تزوج بيااا أنا لي هددتها تبقى معااياااا....حكيم:(تعصب أو دفعو)هدا سبب مقنع باش نصفيها لدلمكم نتا أو ياها....بداو كيلهتو بجوج مجروحين أو مزوقعين بدم أو لعرق....صداع كتر أو لمتفرجين كدالك....حكيم:شنو درتيي لختي شنووووو؟؟....جود:(بتصميم)ختك ملكي أنا......
العنف أو لخطورة لي كانت مرسومة على ملامح حكيم كلها ختفات فحال طيف أو حتل مكانها صدمة لواضحة....جود:ختك مدارت لا بيدها لا برجلها أنا سبااب أناا تواجه معايا أناا....حكيم شد فراسو عند بالو مخو كيضخم أو شوية غينفاجر....حكيم:كفاش أعبق وصلتي لهاد نقطة كفاااش ....جود:ختك بريئة من جاع تهم لي لفقهم لها عقلك لمريض ختك مربية عليك الواعي الفاهم أمول لعقل....حكيم:(كيسوط نار )لا ميمكنش لاااااا.....طار على عنقوو بقجة أو جود حتى هو شنق عليه....حكيم:هدشييي مدخليش لراسي دوييي شنو سبب رئسي أكيد مراك شي سر...جود:سر هو عبق لوكاس....حكيم:(نطحوو براس)سكااااات.....جود:نتا لي سد حلقك مازال مشفى غلي منك خصك تعلم أنني من هنا فصاعداً معمري مغنخليها عند متوحش فحالك...كلشي بدا كيغوت أو هما بداو عوتاني كيطاحنو....جود مسعور على مرتو لي مشفهاش هادي مدة كيحماق فيها كل نهار...أو حكيم مقادرش يتقبل أن ختو تزوجات أو حملات من لفوق....سيارات شرطة دخلت وأخيراً لفك نزاع أو وقفو 4 فساحة خارج منها بزاف لبوليس ....أما جود أو حكيم فعالم تاني شكون داها فيهم....أمرهم رئيس ديالهم يفكوهم أو دكشي لي دارو....تقدمو 4 مر جوج لكان مدور رجليه على خصر حكيم أو كيبونيي فيه....جروه أو دفعهم كيكمل عليه....جود:أخر مرة تقرب من عبق فهمتيييي ولا غتمووووت بربيييي منفلت مك....خلا لبوليس يجبدوه من فوقو....رجال خرين نوضو حكيم وجهو ممفرزش من تجندخ....حكيم:(بلغوات)مازال لينا هدرة أنا أو ياك....أضواء سيارات شرطة أو جوقة أو لغوت أو صداع تليفونات لهدرة أو ضجيج...هدشي كامل خلا لوضع يسوء أو جابو سطافيت طلعوا فيها جود مكبل أو تانية جات مراها ركب فيها حكيم...لبوليس فرقو لمجمع أو هزوهم داوهوم لكمسارية....فطريق جود كان كيفكر فيها أو حالف أن عبق عمرها اتغيب على عينيه مرة جديدة....
في لمخفر... خرجو جود معري أو عرقان....دم كيسيل ليه من طرف عينيه مع كدمة على جنب فمو أو جروح بسيطة....دخلوه هو لول....أو هبطوا حكيم حتى هو كتر منو....بقاو غادين فمسار طويل كلشي كيشوف فيهم بإستغراب أو رهبة...طرق واحد فيهم على لمكتب أو سمح ليه راجل بصوت شارف يدخل....شرطي:سعادة لعميد جبنا رجال لي مضاربين....لعميد:دخل لي هاد شماكرية.....غير بانو ليه خرج عينيه....من منضر جود لي كيخلع خلوق أو حكيم لي كاتبان فيه علامات لقتل....كل واحد عطاوه كرسي مقابل مع لبيرو أو لعميد جلس قبالتهم ممتيقش أن هاد لمصارعة نتيجتها كانت متوحشة هاكا....جود:(بلغوات)لاش ألق*** جايبني هنا فك لي هاد لق**** من يدي فككك.....حكيم:هههه سحبلك راسك ففرانسا هنا المغرب أولدي وما ادراك ما المغرب...جود:(بغى ينوض أو شدوه)أتسد كمارتك ولا نوض نكمل لك زواقة لي فوجهك...حكيم:(بصراخ)يلا نوض نفاريوها هنا....لعميد:سكات....هاي هاي هاي عندي بدر هاري أو أبوزعتر هنا مزيان تبارك الله....
جود:سكتنا أو فك لي يدي ولا نكبتها عليك حتى نتا....لعميد:حتارم راسك ولا نرميك فلحبس....جود:علاش معرفنش شكون أنا؟؟....حكيم:شكون بغيتي تكون وقلا أنا لي خصو يعرف شكون....عميد:نتا أو ياه بركا من الغاز لاش مضاربين؟؟....جود:حيت سيد المحترم سلخ لي مرتي....حكيم:لا حيت سيد نبيل تزوج ختي بلا خبارنا....لعميد:اش هاد تخربق؟؟مافهمت والو؟؟....حكيم:حسن لك أو فكني....لعميد:على بسلامة شكون نتا بش تأمرني؟؟....حكيم:حكيم لعلمي كتفكرك هاد سمية بشي حد؟؟.....لعميد تفعفع أو حرك عينيه يحلو ليه المنوط...جود:ااا زب*** فك لي لخرا نمشي نقود فحاالي....لعميد:سي حكيم متشرفين لأب ديالك كان معروف عدنا هههه ولكن تفادياً لمدابزة أنخرج سيد هو لول أو نتا من بعد.....حكيم طأطأ براسو موافق بلا مايتكلم أو جود ناض دافع لكرسي مطيحوو وراه...دق عليهم شرطي حامل اغراضهم....فكو لجود لأصداف أو دار خطف تركوه أو جكيتوو كيخنزر فحكيم....جود:بناتنا ليام أنسيبي....قبل مايرد عليه خرج كيجري أو كيتاصل فنفس لوقت....
تسنى مجرد دقائق محسوبين قدام لمخفر أو إدا بلجاسوس كيوقف جنبو....جود طلع أو بلا مقدمات نعت ليه لمكان لي بغى يوصل ليه بلهفة.....
***في لمستشفى***:
فيروز كانت جالسة حدا بنتها كتبكي بصمت...شابكة صباعها بيد عبق أو معرفات فين تعطي راس...واش لبنيتها المليوحة هنا كلها مزوقة لدرجة عينيها ليسري مبوقة...ولا لولدها لي ساقت ليه لخبار ضارب أو غبر من بعد....ولا الراجل لي خلعها بسيفتو الهمجية رجولية أو وحشية عينيه....ولا لحمل ديل بنتها أو حفيدها لي ضاع....ملقات حتى مهرب من غير تبكي حسن من والو.....عبق:بغي....ت لما....خرجها صوت بنتها لعيان من دوامة مشاكلها أو نادت كتبوس فيها أو نشيج بكاها عاد مزاد جهاد....فيروز:بنتيييي هئ هئ😭 كبدتي خرجو عليك كنتي كي لوردة ردوك دابلة أحببتي هئ هئ....أنا:(مهلوكة)بغيت نشرب....فيروز:اااه هي لولا....كبات لها كاس أو شربتها كتدوز على شعرها أو تزيد دمع على حالتها لميؤس منها....فيروز:باش كتحسي؟؟.....أنا:كنموت عضامي مفلعسن واه حكيم شدوه أنا مبغتش نبلغ به أمما أنقلهم شي كدبة مبغتش خويا يتشد....فيروز:تهدني أبنتيي متشد ما ولوووو راه غر لتحت...أنا:أووووف😟 لحمد الله بغيت ندير نمشي لحمام عاونيني نوض....شداتني من ضهري أو رفعاتني من سرير....أنا:أحححح عضامي بشوية عفاك....نزلات لي رجليا أو لقيت راسي لابسة وزرة لمرضى...طلعت عيني فيها جبرتها معاتباني وخا كتهتم بي جسدياً مي واحد لمحة ديال لعتاب متجلية بوضوح زادت دمراتني....مبغتش نهدر عييت أنخليها تمشي هاكا كيفما بغاها الله أصلاً أنا تكتب علي نعيش تعيسة.....فيروز:بشوية عليك وقفي هانتي أحببتي زيدي نديك....أنا:أنخرج راسي عفااك....شديت فسرير أو من بعد فلكرسي لي حداه حتي ستاعنت بلحيط نكمل طريقي لباب...فتحت بألم لقيت صعوبة مع أي حركة....فلكولوار دايرين عصا طويلة لاصقة فلحيط...مترددتش نكمل بها مساري أو أنا حانية راسي كنزيد خطوة بلكشايف فحالي كنتمشى على نار....يلا بعدت 5 خطوات محسوبين او فجأة شفت فلأرض سبرديلة كبيرة...كأن يد خفية سرفقاتني كأن لوقت توقف منين شميت رحتو لي كنحماق عليها....فحالا بوحدنا لي واقفين أو صامدين على حافة سقوط....قلبي بدا كيضرب خفت غير لا يسكت قبل منعمر عيني بطلة ديالو لحبيبة...توحشتوووو أو شكيت من كترت لفرحة باش حاسة دبا أن هدا غير حلم أو أنفيق فأي لحضة بدموع جمعتها أو تكدسات فجفوني....خرجني صوت أنفاسو سخونة من كابوسي لئيم أو زادت لمسة يديه لي كنعرف لحنان غير عليها....تشجعت أو واجهتو بوجهي لي أكيد غيخلعو مفيهاش....تيقنت من تعبير وجهو أنه كيفكر فشي جريمة شنعاء ولكن دكشي لي قالوا دوخني حتى بغات تجيني ضحكة....جود:(برقة)بشحال كتحمقي أزين ديالي....خطفني مدور يديه على ضهري أو رافعني لصدرو كيحاول ميزيرش بعناقوو على جسدي لمنهوك....بغيت نغوت أو نقوليه عنقني حتى نختفي أو ندوب بن يديك...لكن فضلت سكون أو سكات....خشى راسو فشعري كيشم أو كيهمس بكلمات ممفهومنش مي أكيد مصدرهم جاي من عمق كنوصل ليه غير أنا أو ياه....بقيت كيشي دمية...شعوري كان أكبر من انني ندور يديا على عنقوو أو نبادلو شوق لي يقدر يكون كتر من ديالو...كنعتارف جود هو أماني أو حياتي هو قلبي بلا به كنت ميتة أو به كترجع في نفس أو روح....جود هو مجنوني أنا....جود هو "مجنون بيبو"....
نهاية الفصل الأول
الفصل الثاني قريباً باحدات أو شخصيات جديدة انشالله أدور أحداتها فلمغرب هاد لمرة أيضاً بداية حب جديد أو ضحك على جهد مغيبقاش لحزن بزاف غتولي لغيرة بدوز عالية أو سفالة راقية كيفما قريتوها أو مفاجآت رااائعة أنا متيقنة أتجدبكم القصة أكتر
مجنون بيبو الجزء 14
محتوى القصة
التنقل بين الأجزاء