مجنون بيبو الجزء 19 والأخير

من تأليف زهرة الشرق
2018

محتوى القصة

رواية مجنون بيبو الموسم الثاني

***في لمساء***:
لعائلة مجموعة قدام بيتها كينتاضروها تفيق....قلب حكيم كان مع ولدو لي نزل يشوفو بزاف مرات مشبعش منو أبداً.....فيروز حتى هي تالفة بغات تيقن من سلامة ريم عاد ضربها بتزغريتة....عبق عيات ملقات غير حضن جود تستلقى عليه....خرجات فرملية من لغرفة كتفرنس تنهي إنتضارهم....ممرضة:يمكن لكم تفضلو لمريضة فاقت....حكيم:ههه وخا شكراً....هجمو عليها كاملين.....باس لها حكيم جبينها أو هز يدها قبلها بقوة....حكيم:الحمد الله مني فقتي بقينا مشوشين عليك....ريم:(بتعب) فين هو ولدي؟؟...جاوبوها بنضرات خائفة .ريم:اويلي شنو وقع لولد يكما مات؟؟....حكيم:متخافيش أريم لولد بيخير ولكن تزاد قبل لوقت....ريم:(بخوف)يكما غيموت لا عفاك مكتكدبش عليا؟؟....حكيم:لا مكنكدبش أيبقى دبا فلقرعة حتى ينمو مزيان....ريم:الحمد الله تخلعت كان غيسكت لي لقلب أووف....حكيم:(حنا عليها)مغنخلي حتى حاجة تإدكم نتي أو ياه من هنا لقدام(باسها فوجنتها)ريم شكراً بزاف تعدبتي فلولادة أو جبتي لي أجمل ولد فدنيا....ريم:شفتيه؟؟....حكيم:ههه اااه صغير بزاااف أو زوين عرفتي شنو سميتو...ريم:(بحماس)شنو سميتيه؟؟...حكيم:ارسلان سمية كتعني بلعربية "الأسد".....ريم:هههه ايي مقدرش نضحك مي سمية زوينة.....جود:(حنحن)احم احم براكا من تمعشيق أو خليني نبوس ختي.....حكيم:(دفعوا)نتا بعد منها فهمتي رها مرتي مكان لبوس لا عنق....(غمزاتو)تالمنبعد....جود:على سلامتك أختيي....فيروز:بغيتي نعيط لماماك ابنتي؟؟....فيروز:لا لا بلاش غير غنخلعهوم خلي حتى يبرا دري.....حكيم:يلا مي سيرو ترتاحوا فدار غدا أجيو عبق كاتبان عيانة أو موكلاش جود ديها عفاك....جود:يلا حياتي حتال غدا أو نجيو....استسلموا لرغبة ديالو...ودعوها أو هبطوا فحالهم....حكيم جر كرسي جنب سريرها كيبتاسم.....ريم:كنبان كنخلع ياك؟؟...حكيم:هههه لا لا هادي أول مرة كنشوفك بهاد لجمال....ريم:كضحك علي؟؟...حكيم:لا مالكي كتقلبي أي حاجة قلتها لك؟؟....ريم:حيت مكنفهم منك والو داير بحال شي لغز....حكيم:أو بش غتشبهيني إلى قلت لك نتي هي لمفتاح ديال هاد لغز....ريم:والو مافهمت والو.....حكيم:ههههه باينة فيك شي مكلخة ..ريم:هههه مافيا مايضحك....حكيم:(مسك يدها)غتولي ضحكي بزاف أريم كنواعدك نتي أحسن حجا وقعات فحياتي أو كون ما لمشكل لي وقع مكنتش غنتلقى بيك ريم سمحيليا على كل دمعة سالت منك بسبابي أو على شهرين لي جلستي فيهم هنا فلمغرب خايفة أو على لحضة فاش عرفتي راسك حاملة أو مكنتش معاك....ريم:(كتبكي)سكت عفاك أهيء أهيء....حكيم:لا كنضن أن لوقت جاء فاش نقولك شعور ولا ضارني فقلبي كنقسم لك انني بديت كنحس بشي رابط بناتنا وخا قبل منشوفك مني كنا كندويو فتلفون كنحس بسعادة معاك كنولي بحل المقطوع إلى مسمعتش صوتك كل نهار ولكن شيطان عما لي عيني الإنتقام كلا لي مخي ندمت بزاااف نتي ماعندك حتى دنب أو أنا هدشي متفهمتوش.....ريم:أهيء أهيء دبا كلشي فات...حكيم:لا خليني نكمل أنا كنلوم راسي كل صباح بش كضحكي لي كنقول فخاطري علاش هاد لبنت سمحات لي بلعكس خصها تكرهني أصلاً غير فاش قررتي تجي بولدي أو مهربتيش بيه ولا نزلتيه كبرتي فعيني بزااف أو زيد عليها طيبة ديالك أو البراءة لي فعينيك مخسكش راجل بحالي....ريم:ولكن أنا كنبغيك نتا....حكيم:(متفاجئ)كفاش؟؟....ريم:كنبغيك أحكيم قلتها لك مرة أو أنعودها لك كنبغيك مكرهتكش أو مستحيل نكرهك نتا باين ولدي أو راجل لي غنكمل معه حياتي كنحس معك بالأمان أو مكنتخيلش شي نهار نفيق بلاما نصبح عليك وخا تكون معصب هانية لمهم هو نبقاو مجموعين مع ولدنا أما بنسبة لحب متزبرش راسك مستعدة نتسنى حتى تبغيني أو.....كتم بلادتها بقبلة سريعة....غمدات عينها أو شدات مورا رقبتو كتدوق حلاوتها لي عوضات طعم صدئ فمها....بعد شوية فوق من شفايفها كيهدر عليهم....حكيم:شكون قالك مكنبغيكش الحمقة كنحلف لك انني عرفت الحب على طريقك أو قلبي عد ولا بحال لبشر كينبض بسميتك أو بسمية ارسلان....ريم:كنبغيك بزااف أحكيم كنتمنى يكون هدشي حقيقة...حكيم:هههه لبوسة ما برهنات لك والو صافي حتى لدار أو نعيشك فالأحلام هههه...
شهرين لي جاو مور لولادة مرة بنسبة لهم عبر جوج بلايص...لمستشفى أو دار....فيروز أو حكيم كانوا كل نهار كيمشيو عندها أو بعد مرات كيبات معها...ارسلان حتى هو كيكبر فلقرعة بشكل متطور....مني إستقرات صحتها أو شفا لها غراز لخياطة صرحو لها بلخروج من لمشفى.....أو ولات حتى هي كتمشي معاهم عند ولدها لحبيب لي سلب لها روحها بلجمال ديالو.....كيبقاو معه بسوايع حتى لمساء...ولا بحل شي طقس صباحي لازم عليهم يديروه.... فرحانين بزاف من غير علاقتهم المتينة بولدهم لي نور حياتهم إلى أنهم تقربو بزااف من بعض أو إكتاشفو نقط مشتركة كتجمعهم...ولاو زوجين طبيعيان من جميع نواحي....60 يوم أخيراً سلات بعد إنتضار طويل...هاد صباح غيخرج ارسلان من لقرعة لدنيا....هاد نهار غيشم هوا طبيعي أو يشرب حليب ماماه أو ينعس فحضن باه.....ريم كانت متحمسة بزاف أما حكيم شوية يسخف بلفرحة....عبق متقلة ببطنها لمنتفخ كضحك لمنضرهم سعيد....فيروز:أولدي برك دوختيني....حكيم:لا مي مالهم تعطلو؟؟....ريم:وايه تعطلو أووف.....تدق لباب بجوج طرقات سرعين....حلت لممرضة راسمة على وجها إبتسام رضا....ممرضة:هاهو ارسلان لغزال هههه....تمو مدخلينو بجرارة صغيرة فاتح عويناتو كيرمش بسرعة ممولفش الشعاع جاي من نافدة....ريم غوتات كتبكي أو حكيم تبلوكا مخرجاتو من جمودوا غير تزغريتة حارة من فيروز.....حكيم:ولدي....

تقدم حكيم هو لول...هزو ببطء كيضحك معاه بواحد ضحكة غريبة أول مرة يشوفوها على وجهو...؛ضحكة مليئة بسعادة أو جوهرها كيشع بنور أو طاقة جديدة أو حتى مسؤلية ولات على عاتقو....حكيم:ولدي ارسلان هههه مرحبا بيك معنا...ريم:هههه ولدي لحبيب (باستو فراسو)هههه زوين بزاف....عبق شافت فجود بحنية كتخبرو غير بعينها أنهم قراب يعشو المتل مع بنتهم جاية....عطاه لريم حضناتو كتشهق بلبكاء أو كتبوس حنيكاتو رطبين بلا توقف....مداتو لفيروز لباكية لرؤية أول حفيد لها....عبق شبعاتو بوسان أو جود جاه صغير بزاف خاف لا يعبجو هههه أو ردوا لباه....شدو حكيم كيشم فيه ريحة جميلة...جلس على طرف سرير مع ريم....حلف فنفسوو ديك لحضة أنه يعيشوا حنان الأب بكل معانيه.....حكيم:لحبيب ديالي هههه شفتي أريم كيضحك هههه....ريم:ويتيي على الفنون هههه كوتي كوتي كوتي....حكيم:هههه منين جبتي هاد كوتي ارسلان لباس بابا بيخير قنطي بوحدك هههه....فيروز:يلا ولدي أدن ليه....حرك راسو بالإيجاب أو بدا كينطق ليه بشهادتين فودنيه....حكيم:ههه هاحنا سالينا اندير لولدي لحبيب سبوع فلعالم....ريم:ااا بلاتي؟؟.....حكيم:شنو؟؟...ريم:خلي حتى تولد عبق أو نديرو سبوع واحد أولا؟؟...أنا:فكرة زوينة هادي بش تكون فرحة مضوبلة....فيروز:وخا نتسناو شهرين خرين يلا نمشيو دبا كرهت سبيطرات....

رجعوا لدار...تلقاو تهاني من جيران أو دخلوا فرحانين بلعضو صغييور جديد في عائلة العلمي....كانوا موجدين ليه بيت جهزو حكيم بإتات أزرق أو أبيض كيتكون من سرير صغير مفرش بغطاء بيض....أو خزانة بيضة بزاج على طوابقها ملابس صغيرة أو ليكوش أو كل ما يستلزم رضع ....لحيوط غلفهم بورق مزوق بأشكال مختلفة.....دارو ليه لعب كتيرة فلإرضية المفروشة بزربية مريشة....حكيم:هاهو بيتك هههه كي جاك زوين....ارسلان ضحك بجهد بحالا جاوبو....حكيم:هههه ياك عجباتك أوبلا نعسو هنا....حطو ففراشو أو مشى خرج جاب لكاميرا....حكيم:ناخدو تصويورات مجموعين ههه....بدا بأرسلان التاقط ليه بحدو بزاف صور....جات ريم نضمات ليه خدة لها معاه بزاف لقطات مرة بايساه مرة معنقاه مرة كتضحك معاه....ريم:هههه مكيبكيش جاع زين ديالي بشحال كالم...فيروز:وا حيدو ناخد تصويرة مع حفيدي....
لعشية دازت غير ضحك أو تقشاب....حتى من جود أو حكيم ولاو صحاب أو هدرو بلا ميتعصب لواحد فيهم من تاني....فيروز وجدات عشا معتبر....ريم رضعات ولدها مع عبق فالبيت أو نزلوا بيه يشاركهم لأكل وخا غير بحضورو....حكيم:(هز كأس عصير)ليوما كنحتافل بولدي ارسلان فعائلة لعلمي...فيروز:سلام أو سلام على رسول الله إلى جاه إلى جاء سيدنا محمد......لولللوووي....جود:لوليدا وا واعديني ديري بحل هاد طواجن عند زيادة بنتي....فيروز:من عيني بجوج أولدي لحبيب دبا أنا فرحانة بزين(باستو)ضهر ليا غياخد لون عينيك أريم....ريم:هههه مكرهتش أو زين باه غيطلع تيتيز ولدي لحبيب....حكيم:هههه بحالي....جود:وتقة فنفس عندك...حكيم:مي هاهو كيجبدني....فيروز:هههههه حماق هاد جوج واش كبرتو أو ولتوو بولادكم أو مزالين كدابزوو....حكيم:هههه مغنبقاش نديه فيه جاء لي يعمر لي وقتي...جود:شفتيني أنا غا بغي نهدر معاك(قاس كرش عبق)أجي ابنتي دغيا نفقسو خالك شوية...أنا:ههههههههه وايه شفتهم نساونا.....لجميع على طاولة الأكل كان فرحان وأخيرا صفات لخواطر أو تهنات لقلوب مكينش ما حسن من سعادة عائلية كيولي بيت مليء بدفء أو لحنان....

***رجل ملثم رجع لسيارتو كيبرك على نماري بسرعة...حيد لثام لاحو بش يهدر مزيان مع شخص لي مسافطو.....كان مخلوع بزاف كيرتب لجمل فراسو....راجل:اللو سيدي جبت لك خبار جديدة راهم جاو من لكلنيك جابو دري أو شفت حتى لمعنية بلأمر مازال حاملة شنو ندير؟؟.....وصلوا صراخ طبل ليه ودنيه أو إضطر يبعد تليفون لور....راجل:وخا سيدي مايكون غير خاطرك أنفد الأوامر كيفما طلبتي بلا خطء مبغيتش نموت.....قطع لخط كيتوعد دار بنضرة قاتلة....راجل:بلاتي غير شوية أو تكوني بين يدي هاد ضحك مغتبقاوش تحلموا بيه.....***

***بعد شهرين***:
دخلات لبيت لمضلم متقلة بكرش التسعة أشهر....جلسات على طرف سرير كتفرج فتصاور لعديدة لها أو لجود أو هي حاملة...ضحكات بخفة عليه كيبان فرحان أو هو واخد وضعيات كتيرة مع الكرش....سدات تيلي حطاتو على لمنضدة...حيدات بنوار الحريري أو بقات غا بشومز وردية...جرت لغطاء ناوية تنعس حتى كتفاجء بيديه دارو على خصرها لي فقد نحفاتو... ريحتو لجميلة غمرات حاسة شمها بشعور لطيف كيزيد يعلقها بيه.....أنا:جود سليتي دوش؟؟؟أمم ريحتك زوينة بزااف.....جود:حياتي جات معك لحمالة عرفتي بشحال زيانيتي....أنا:(درت عندو مقلقة)علاش كنت خايبة متلاً؟؟...جود:ههههه كنتي خايبة....أنا:(ضربتو)جوود متعصبنيش صافي منبقاش نهدر معاك....جود:صافي صافي هههه بنت حملة ببنت مبغيتي جاع تكبري(كيحاول يبوسها)توحشتك....أنا:ههه ايي كتهرني بشوية ههههه....جود:هههه وا هاد لبنت أتبقى محرمة علي الحلوة ولا كيفاش أجيي غير نبوسك هههه....فلتت منو كنضحك ولكن زرب علي أو كالاني مع لحيط....جود:شنو زعما بغيتي ديري لي خاوية فعامرة بربي ممفاك ليوم....أنا:وا بعد مني أجود هههه واش أنا مقادة نهز تا لبنت....إشتاعلو عينيه برغبة لصوتها لحلو أو كتافها لعريانين أو شعرها لي زاد طوال أو زيان أو لجمالها الإسمر....دوبها وسط عينيه نقطة ضعفها أو بدا كينزل لبئر شفايفها لعدب....سكرها بريحتو أو شعرو كيداعب بشرتها....جود:توحشتك بزاف أعبق....أنا:حتى أنا أجوجو ديالي....جود عبر على أحب لقب على قلبو بضحكة صغيرة زادت من خجلها....حط راسو على جبينها أو شد وجها بيديه بجوج....جود:كنبغيك أحياتي كنحماق عليك نتي هي أعز أو أغلى جوهرة لقيتها وسط ضلام لي كنت عايش فيه أو دبا غتجي بنتي تزيد الحب ديالك فقلبي(باس جبهتها)هدشي كافيني مابقيت طالب والو من غير تبقاو بجنبي....أنا:(عنقتو)حتى أنا كنبغيك بزااف أو فرحانة حيت العلاقة رجعت لمجاريها معاك أو مع خويا شفتي كيفاش ولا فرحان مع ارسلان أو ريم ولاو عائلة سعيدة فينما كنشوفهم كيتفجى قلبي أو ماما حتى هي دموعها ولاه غير ديال لفرح عرفتي شنو أجمل حاجة فهدشي كامل أجود؟؟....جود:أمم؟؟....أنا:بابا ايكون مرتاح فقبروو من جهتنا....جود تقبط عليه قلبو أو تعسر بحال ليمونة باش دكرات حسن لي هو سبب لمشاكل كلها....جود:(مداعي الإبتسامة)آه بصح يلى دبا أجيو نعسو....أنا:مابقيتيش غتبوسني؟؟....جد:هههههه تال غدا دبا راك عيانة وصاتك طبيبة تاكلي أو تنعسي مزيان بش بنتي لحبيبة تولد ولادة طبيعية....أنا:أمم كولي فعقلي نتا كداب....جود:(مبغاش يخسر لها لخاطر)أجي لهنا هههه....
دقات ساعة بعد منتصف ليل....عبق مجهاش نعاس....كتقلب يمين أو شمال بصعوبة كتبرقق بعينيها فضلام أو ترجع تسدهم تقلب على نوم...والو حتى محاولة منجحات كتحس بشعور خايب طغى على تفكيرها مؤخرا....توسوسات لتموت أثناء لولادة خاصةً باش سمعت فالعيادة طبية شي عيلات كيهدرو على لموضوع...خافت حتى من كابوس أن بنتها تزاد ميتة رغم أن طبيبة ديما كتأكد ليها أن صحة ديالها ممتازة....أفكار شيطانية تخللو عقلها كل يوم بمصيبة جديدة....مي بلمجمل كانت مرعوبة بشي حاجة شنو هي معرفاتش....أنا:أوف أستغفر الله العضيم يا ربيي تديم علينا هاد لفرحة يا ربي....جرات لكوفر بهدوء بش جود ميفيقش حيت ولا مؤخراً معدب معها أو مع طلباتها التي لا تعد ولا تحصى أصلاً هاد 9 أشهر لماضية مخلا مدار ليها كيعاملها بحال لما لقليل كيهتم بيها بشكل مبالغ لدرجة كيقنطها....كيجيب لها لي تشهاتو أو كيعبر لها على لحب أو كلمات لغزل لي صبحوا بحال وصفة دواء خصها تاخدهم كل دقيقة هههه....أما لبنيتة ما خلا مشرا...وجد ليها بيت كبير عامر بلعاب بمختلف أشكال أو أحجام.....فرش ليها لغرفة بإتات وردي من طراز رفيع أو لغالي....جاب أكبر أنواع دببة ديال لفرو ناعم....حتى من لبالونات علقهم فزوايا لبيت....دخلت عبق كتدمع أو يدها على كرشها....مسحت دموعها لغبية أو بدات كتقيس فلحويجات صغار من تنورات أو طرابيش أو تركوات حتى سبيبطات كلشي مستف كيتسنى مولاتهم تخرج لوجود....أنا:بنتيي شفتي شنو دار لك بابك لحمق هههه شرا لك بزاف لعاب هههه وا جي دغيا شفتك طولتي بلا قياس بش نعلبو مجموعين هههه.....
خرجات من لغرفة كتنزل درج وحدة وحدة بلمهل حيت فوبيا سقوطها منهم بش فقدت ولدها لول مقدراتش تعالج منها....شعلات ضو لكزينة تشرب لماء....عمرت لكاس أو يلا بغات طلع بيه....وخزاتها كرشها بقوة....تنفسات صعداء منين مشى الألم بعد دقائق....نوات تكمل طريقها لكن بلألم صعقها مرة تانية بشكل أقوى من لول....مشات جلسات كترجف بلخلعة....أنا:أححح كرشيييي😖😖.....لوجع إختفى مجددا حتى طمأنات أنه غير دايز أو بغات تولي تنعس...لكن كيفما كيقولو تالتة تابتة....ضربها رعد طيحات لكاس أو طلقات غوتة عالمية.....حست بشي ما كتنزل لها بشكل كبير.....لقاتها ساقية تفرجعات....عرفات اللحضة وصلات بعد طول إنتيضار.....طاحت فلأرض كتلوى أو دموعها شلال....أنا:(بصراخ مهول)جوووووووووووود كنولااااااااااد.....

كأنها كتعرض لطحن ولا لقصف....بغات تحماق بلحريق....كحزات كتزحف حتى لبلكار أو لمياه لمخاض شكلوا ضاية على أرضية لمطبخ....أنا:(عرقت)أححح أمييي كرشيييي جوود أوووف آااياي أهء أهيء😭😭😭😭😭😭😭 جوود....
جود بدا كيفيق على صراخ مكتوم أو بعيد....كيصحابله غا كيحلم أو كيرجع يسد عينيه....مي لغوات غادي أو كيجهاد....حرك يديه بتتاقل جهة عبق أو تصعق منين ملقهاش....ناض بسرعة كيبلع ريقو بتوتر...شعل ضو كيقلب عليها وآلو لا أثر ....غير حل لباب تأكد من حقيقة صوت نزل كيدردج لمصدر ديالو....تشوكا كأنهم سلو منو روح ديالو....لمنضر كان مروع بزااف....عبق مليوحة سخفانة كتنين شعرها مشتت أو ملصق بلعرق...عينها مقلوبين بدموع....أو داك لما ديال ساقية مفزغ لها رجليها.....جود:عبق(بصراخ)عباااق.....تلاح عليه جرها لصدرو كيقيس لها وجها بخوف.....حلت عينيها كترجاه ينقدها أو ينهي معناتها....باس لها جبينها أو هزها لخارج لفيلا....من حسن الحض خلا طنبل برا....حل بسرعة لبرق أو خشاها فلمقعد الخلفي....قلبو كان كيرعد يديه تعرقوو صدرو تزير عليه أو حتى باش دخل لمقعد لقيادة تدهشر....أنا:أهيء أهيء😭😭 أييييي كرشييييي أميييي جووووود دينييي لطبيب سربيييي اش كتسنااا.....جود:وخا حياتي صبرييي شوية هاني معااااك......شغل لمحرك أو إنطالق مخلي وراه غير لغبار....

على مقربة من لمشفى عبق مصبراتش...تقلصات رحم جعلوها تغوت بلا توقف.....ناضت كتعض على لكسان أو تنتف شعرها كضرب جناب سيارة.....لمهم تخرج الآمها فئي قنت أو تخفف من الإعصار لي كياكل فيها بلا رحمة....جود:(بلغوات)عبااق هاحنا وصلنا حياتي سبرري الله يخليك ...أنا:أععععع أهيء أهيء😭😭😭 سكت....طارت عليه بنتفة لشعرو كتجر أو تعاود....جود شاركها صراخ طلقو تخليه يشوف طريق...أو هي وآلو بان لها بحال درهم لحلال.....فرانا بجهد قدام لكلنيك...حيد راسو بصعوبة من يدها.....خرج كيلهت شعروا طاير فسما....دار على سيارة فتح لها لباب....جود:يلا حياتي بشوية عليك....أنا:أهيء أهيء😭 أميييي كرشييي مبقيتش قادرة نتحممممل.....دور يديه على ضهرها كيساعدها تمشى....جود:(بلغوات)بغيييت مساعااااادة......
طلعوها فوق نقالة ديركت لغرفة لولادة....جود بقى ماسك يدها أو هي مخربة لكولوار بصراخها....طبيبة:يالا بسرعة جهزوا لمريضة فوراً.....فرقات يدها سباعو أو سدوا عليه بقات معه غير طبيبة....جود:واش غتولد؟؟....طبيبة:وي علما كيضهر لمهم نسولك من دبا دخل معها ولا بلاش؟؟؟....جود:ما ما ما عرافتش....طبيبة:(كتشوف فساعة)أسيدي معنديش لوقت قرر دبا....جود:صصصاصافي ندخل....طبيبة:يلى تفضل....

لبسوه وزرة خضراء.....جمع شعروا بغلاف رأس طبي...غسل يديه بصابون أو دار قفزات....دخل لغرفة المتكونة من كرسي واسع فوق منو مصباح كبير بأربع بولات مسلطين عليها.....على يمينها طاولة مرصوص عليها ملاقط أو مقوص أو كل ما يساعد على توليد.....أما على شمال متواجدة آلة قياس نبضات لقلب....طبيبة تقدمات كتضحك باش تخفف عليها.....طبيبة:اهلا اهلا بمدام لوكاس كي بقتي شوية؟؟....عبق:لا رد....فقط كتنين أو تخبط وجها يمين أو يسار أو لفرملية واقفة عليها تمسح لها لعرق....طبيبة:عطيتها الإبرة؟؟....لممرضة:نعام دكتورة....طبيبة:(دارت عند جود)سي لوكاس مالك مبلوكي أجي قرب ماتخافش....جود:هدشي صعيب بزاف مسكينة.....شد فيدها متحسر على حالتها....باس وجنتها بحرارة...تقلبات عندو كتبكي ولكن جازاها بضحكة ساحرة....جود:متخافيش أزين ديالي هاني معاك....أنا:جود أهيء أهيء خايفة بزااااف أهيء كنتقطع بلوجع....جود:تخيلي مور هاد لعداب كامل أتشوفي أجمل بنت فدنيا تنسيك فكلشي....أنا:اااه هههه انشالله....مرت دقائق طويلة كيتسناو لمخاض يبدا من جديد....طلعو لها رجليها فوق جوج حديدات....جود بقى كيهدر معها فودنها....طبيبة كطل مرة مرة على المهبل تسنى توسع ديالو يكمل 10 سم لمسافة لي تسمح بمرور رأس....طبيبة:عبق واجدة؟؟توسع وصل 8 سم أتبداي تحسي دبى بتشنجات قوية ولكن ماشي مشكل دواء لي عطيناك أيخفف تقريباً 30% من وجع الأصلي....أنا:كنحس بكرشي كتزير دبا أححح أيييي....جود:تحملي على قبل بنتنا أعبق يالا حياتي قاومي....أنا:أمممم أيييي أمعيعييتي بدااااا كيدرنييييي....طبيبة:(خشت راسها وسط رجليها)يالا مدام تقلص سالا خصكي دفعي بكل قوتك راقبوا دقات لقلب تحركيي نتي أو ياها......
كون كانو لحيوط يقدروا يتهرسو بلغوات....ميلقاوش ما حسن من رعدة لي نوضتها عبق فالبيت....ولات فحال ماكينة صراخ آدمية....كتعسر أو دفع بفور جهدها....كطلع حتى لفوق بجسمها أو تخبط على لوسادة....طبيبة حتى هي مخشية وسط رجليها كتقوم بواجبها....جود لأول مرة فحياتو كيخاف رغم انه وقف قدام أكتر رجال شدة أو رعب ....فقد القدرة على نطق...عراف أو بدا غير كيتمتم....كيشوفها كتقاوم أو كتقسح بحدها...مكرهش يشاركها صراعها لكن ميبيديه حيلة من غير يمسك فيدها بتشجيع أو يقبل جبينها لمتعرق....جود:(بصراخ)يالا حياتي دفعييي شوية مازال....أنا:ععععععععع أووووووف أوووووف أععع عيييييييييييت مالها مبغاتش تخررررج......طبيبة:يلا مدام زيدي شوية مزاااال إلى شدينا راس لباقي أيخرج دغياا يلا عونووها شوية.....طلعات كدفع لمرة الألف بكل ما تبقى لها من قوة....أنا:أععععععععععع(نعسات عيانة)أوووووف أووووف يا ربيييي كنموووووت....طبيبة:هاهو راس خرج لحمد الله.....جرات ما تبقى من الجسم لبرا....قلباتها بسرعة كضرب فمؤخرتها بلطف....أو فجأة غوتات كتبكي بصوت رد جود لحياة.....نقزو ليه دموع لبرا لرؤية بنتو لأول مرة....بتاسم قبل متحول الإبتيسامة لضحكة واسعة مخلطة مع دموع غزيرة.....قطعوا لبنت لحبل سري....لواوها ففوطة صغيرة أو حطوها نيشان فوق صدر مها....استقبلتها عبق بدموع كتبكي بحل شي درية صغيرة ناسية الآمها كاملين....شافت فيها لبنيتة كتغنج بصوت عدب.....عبق تفاجأت بلون عينيها الأزرق فحلا كتشوف فجود...شهقات بسعادة أو دورات عينيا تنادي عليه....أنا:جود أجي قرب هههه مالك مبلوكي أو كتبكي أجي تشوف زوينة بزاف كتشبه ليك بلا قياس....جود؛ب...بنت...بنتيي ههههه.....

جراتو طبيبة داتو لعندهم كيضحكو علي لجمود لي سيطر عليه....عينيه كانوا غير على بنتو كيدمعو بلا توقف....هبط باس راسها أو تبع ليه جبين عبق...دموعو كينزلو سخان على بنتو لمنتضرة....وقف كيمسحهم....بدا كيضحك بجهد فحلا تصطى....رجع لحضن عبق حط راسو على جبينها كيتفرجو على لملاك ديالهم....جبد تليفون من جيبوا أو خدا بعض صور يبقاو لدكرى....جود:كتشبه لي بزااف أعبق هههه شوفي لعينين بحل لون دعيني....أنا:ههههه اااه دبا أنا تقوبلت ولا كفاش....جود:كتبقى بنتنا فلإخر كادي لك شوية ففمك....أنا:هههه ايي مقدراش نضحك ولكن نساتني فكلشي بنتي لحبيبة....ضميتها لحضن ديالي بست حنيكتها راتبين....خداتها طبيبة مني أو عطاوها لجود....وضعتها بين يديه....هام بيها عشقها خشاها فمنطقة محضورة أو خاصة فقلبوا حتى حد مايقدر يوصل لها....تيقن أن الله فاش كيبغي عبادو كيوهب لهم ملائكة جميلة تعمر لهم حياتهم....مكانش متخيل أن لعين كتغشى بدموع بسهولة....قلبوو بدا كيرفرف أو كلما كيمرغ شوفتو فيها كيزيد يطيح فغرامها كتر أو كتر لحد لغرق أو الإختناق....دار عند عبق كيشكرها على هديتها لفائقة الخيال....لحلم ولا واقع أيكون أجمل أو أحلى مع مرور الإيام....باسها بقوة تحملها صغيرة ديالو أو خشى نيفو فعنقها كيشم ريحتها لي تبصمت ليه للأبد فعقلوو مدى الحياة....عطاها لهم يجهزوها....مشى باس لعبق فمها أو خرج غيطير بلفرحة....حك وجهو يسترجع لهدوء لازم بش يعلم عائلتها.....جود:الحمد الله كنشرك آربي على سلامة مرتي أو بنتي....عيط لفيروز يخبرها تجي.....بقى كيتسنا نص ساعة...سمع غوات جاي من لكولوار عرفها نسيبتو لحبيبة غير هي بدات سمكاتو فتلفون أو كملات لباهية هنا...ضحك على شكلها أو هي جاية كتجري عندو....ناض احتضنها بقوة...جود:نسيبتي تزادت بنتي بنتييي أنا هههه....فيروز:أهيء أهيء😭😭 علاش أولدي معيطيش كنت مشوشة كيف عاملة عبق؟؟....جود:مزيانة بجوج بصحة مزيانة عرفتي شنو لبنت كتحمق بزين صغيرة أو هشيشة بزاف هههه ولله مكرهت ندخلها بين ضلوعي....فيروز:مبروك أولديي أجيي نطلو علي بنتي....شدها من يدها أو مشاو عند دكتورة....داتهم هاد الأخيرة لغرفة لمخصصة لعبق....فيروز من دخلة طلقاتها بتزغريتة دايزها لكلام....عبق ضحكت لها رغم أن تعب مرسوم بوضوح على جسمها لمكسو بوزرة بيضاء أو لحم يدها مغروز بإبر سيروم إلى أن هدشي ممنعهاش تبادل العناق مع مها....فيروز:أهيء أهيء بنتيي لحبيبة على سلامتك الكبيدة أهيء أهيء....أنا:الله يسلمك أمي....جود:(قبل جبينها)على سلامتك أزين ديالي سمحيليا تعدبتي بزاااف....أنا:ههه مشي مشكل فين هي بنتي؟؟....جود:هاهما يجيبوها....فيروز:خوك هاهو غيجي دابا مع ريم أو ارسلان....بدات كداعب شعرها أو تبوس يدها...جود جلس جنبها كيمسد رجليها بحركات لطيفة....تدق لباب...دخل حكيم أو ريم....أما ارسلان كان معلق فصدر حكيم بحمالة صغيرة....ريم:(بلغوات أو ضحك)مبرووووووك الحبيبة فرحنا لك هههه.....باستها فحنكها أو تبعها حكيم بمباركة أو قبلة أخوية على راسها.....أنا:هههه جيتو بصداعكم ارسلان حب عمتو لباس عليه؟؟....حكيم:هاهو لخانز كيدير لبسالات مكيخليناش نعسو....ريم:أبا جود اش مازال تابعك من سهير أو بكاء أتبغي طج هههه🤣🤣....جود:ريم مغديش تخلعيني نموت على قبل بنتي مكيهمش....أنا:(غرت)وخا فيك صافي نسيتيني؟؟....جود:هههه نتي هي لحب....سمعوا صوت جرارة تلفتوو كاملين....جود رجعليه لحماس أو ناض نقز لعندها....جود:بنتييي هههه شوفو شحال كتفتن بزين صافي أنا دخت كتر علي لجمال هههه...ريم:ويينووو على فنيكشة سمحليا عبق نتي غير مسخرة أويلي جود محطوط منصوط....فيروز:(كتبكي)حفيدتي أهيء أهيء😭😭 الله يا ربي الله عيشتيني حتى شفت حفايدي حمدتك أو شكرتك....حكيم هبط ارسلان يسلم عليها بيديه صغيرة يرحب ببنت عمتو.....حكيم:ههههه ماشاء الله تربى فعزكم انشالله....جود:شكراً بغيت نهزها.....رفداتها لفرملية حطتها ليه فحضنوو...باسها جوج بوسات فراسها....أو خلاها تماك كيشوف فيهم بحالة بغى يقول شي حاجة أو خاف....جود:عبق لوليدة حكيم بغيت نطلبكم طلب إلى جات على خاطركم؟؟.....فيروز:الله يسمعنا خبار الخير.....جود:دبا أنا مكرهتش نخلي عبق تسميها ولكن عندي واحد أمنية كنتمنى توافقي عليها أحياتي بش فرحتي تكمل....أنا:جود من نيتك غاندير أي حاجة تخليك سعيد واش بغيتي تسميها؟؟....جود:(شاف فبنتو)اااه على سمية لوليدا الله يرحمها.....أنا:بلفرحة علي ماعندي حتى مشكل بلعكس خصك تحيي دكرى موت الأم ديالك بهاد المناسبة....جود:(بألم)بصح أنا معمري كانت عندي ميي ولكن غنولي نشوف صورتها فبنتي الحبيبة ديالي غنسميك "تاج".....

فرحو بلإسم جديد حتى عبق عجبها بزااف...بقات كتعودها بزاف مرات تولف على نطقها أو ضحك جاتها سمية مميزة...أصلاً بنت جود لوكاس محضوضة مني طاحت فأب حنين بحالو....ضلو نهار كامل فلمستشفى....جود مفارقش ولو تانية تاج...يدور يدور أو يشبعها بوسان أو كلمات حلوين بحل لعسل....نعسها فحضنو كيداعب شعرها لخفيف...خلا عبق تنعس ترتاح بعياء رضاعة أو ألم لولادة.....فيروز مشت مع حكيم أو ريم لدار يجيبوا لها لحوايج أو يرتاحوا بيدما صرحوا لها بلخورج.....حل ليل على جود أو بنيتو فصدرو كتغنج أو تلعب بيدها فوق وجها....كتخرج صوت كيحمقو.....كتضحك معاه كأنها كتشاركو متعة ديالو....كيقرب شعرو من يديداتها صغار كتشدو ليه أو تفرقع بضحكة جميلة كدغدغ أحاسيسو برقة أو نعومة ممعمرو تصور أنه كيمتالكها....عينيها زرقين بحال لبحر صافي بلا حتى قطرة دنب وحدة....كيشوف فيهم إنعكاس صورتو....قلبو كيضرب بجهد بفرح أو نفس وقت غضب من لمشاكل المستقبلية لي تقدر تواجه صغيرتو.....بساها فعينها بجوج عاطيها صبع واحد تلعب بيه....ضيق عينيه بشر فش فكر فئي حقير يتجرء عليها ولا يمس منها شعرا وحدة....جود:تاج لحب ديالي مكتعرفيش بشحال كنبغيك آه كتفهمي قداش وليتي مهمة فحياتي كتعرفي إلى حتى مشى أي واحد غير يفكر فيك بشر غنددمو..... نتي جوهرة غنحطها فبلاص مستحيل الجن يوصل ليها فمابالك الأنيس....غنبغيك كل يوم كتر من قبلو غنبغي كل حاجة منك سواء زوينة ولا خايبة أنعيشك دكشي لي تحرمت منو أو غنعطيك الحنان حتى تولي تجري علي هههه....ماماك قلبات كلشي فيا رداتني من راجل بقلب محجر لنبع من الحب بداتو....أو نتي نتي أحياتي معرفتش كفاش أو باش نوصفك إلى قلت لك أنك فؤادي أو شرايين لي كيمشي فيهم دمي غايكون قليلة فحقك....إلى قلت لك نتي وسام أيبقى معلق فوق صدري حتى نموت...نسيت لحزن من لحضة شفتك حسيت براسي كنطير أو ماعمري غنهبط لأرض إلى لحالة وحدة فاش تنزلي دموعك لحزينة....غنكون معك أو بنجبك مغنفارقش اطلالة ديالك لي كنحلف لك أتكون علاج دائم بنسبة ليا....غنعنقك ديما نستمد منك لقوة لي ولات كتخوني مأخرا بزااف مبقيتش جود ديال شحال هادي لعشق ردني ضعيف أحبيبتي قدامكم بجوج نتي أو عبق....(طاحت ليه دمعة فوق حنكها)كنبغيييك بزااف شكراً حيت دخلتو لحياتي(باسها)شكراً حيت رديتوني إنسان طبعيي عندو علامن يعيش....
عبق فايقة أو كتسمع كلشي....مالقاتش حسن من دموع لمتشبعة بلفرح الغامر يهيمنوا على وجها...أو ضحكة واسعة زينات فمها برضا كبير لنقطة فش وصلات حبيبها راجله أو أب بنتها.....أنا:أنا لي كنشكرك أجود حيت دخلتي بحل طائر لحديقة الجافة لي كانت فقلبي أو رديتي روح ليها حتى زهرات بتاج....جود:(مسح دمعتو)نتي فايقة؟؟؟هههه شوفي تاج مبغاتش تنعس عيت منخطب عليها هههه....أنا:أجي قربو....جود:(ناض بيها)وخا هي لولا يلا نمشيو عند ماما هههه.......

***... كيتسنى لحضة لمناسبة يجيبو ليه الهدف الصعب لمنال....شهور كتيرة أو هو كينتاضر الصغيرة لمدللة....طبعاً غتكون مفتاح لجميع صعوباتو أو فنفس لوقت اشد عقاب ليهم....حمارو عينيه بغضب كبير كيتوعد راجل لي خسر ليه سيفتو لوسيمة....هذ يديه كيقيس وجهو لمحترق...المشوه بندب ترك علامات راسخة ممعرها تعالج....بدا كينهج أو كيغزز فسنانو بحقد دفين أو إنتقام أيكون بنسبة ليهم عداب أو حرق تجلخ روحهم كتر من ملامحهم.....أيتمناو لموت أو ميلقاوهاش....أيغرز خنجر سام فصدرهم أو يمرمد نيفهم في الأرض....أياخد نقطة ضعفو أو يخليه يقاسي أو يواجه حلم ضحكة منها أو ميصيبهاش .....
......:(بصوت مرعب)كلكم غتشواو بشحال تسنييت بشحال كليت فراسي على ودها.....غندمركم كاملين بلا شفقة ولا رحمة كنواعدكم....

فهد لوقت لمشفى كيكون خاوي غير من بعض الحالات المستعجلة.....كتمشى فلكولوار عرقانة أو قلبها علاين يسكت...كتلفت يمين أو شمال حاسة بحالا غينشدها شي حد يندمها على لفعلة لي غترتاكب.....مسحت قطرة عرق نزلات لها على طول جبينها من شدة لخوف...لمبلغ لخيالي عما لها لبصيرة أو ملقات حتى حل من غير توافق....وصلات لغرفة لمخصصة لرضع حديتي لولادة....مسحات وجها كترعد من راس صباعها صغير...جبدات لكارط تحل لباب الإلكتروني بعدما تإكدات من خلو لمكان.....دخلات مسرعة كتقلب بين الأطفال....كتهز كل لوحة مكتوب عليها سميتهم....أو مرة مرة دور طل على لباب خوفا من دخول شاهد يخرب مهنتها كفرملية....لقات لبيبي المنشود...لواتها ففراشها أو هزتها بسرعة....سدات كتلفت هنا أو هنا أو عطات رجليها لريح....شدت لمصعد قبل ميتسد أو نزلات لطابق تحت الأرضي....عرفات أن داك لوقت مكيدخل فيه حد لكلنيك يعني أتهبط غير بحدها....شافت فلبنية كطلب منها سماح بعينيها....غطات نص وجها أو بدات كضرب بسباعها حيوط سانسور يوقف دغيا....إستقر اخيراً لوجهتها....غير تحل جرات لباركينغ لقات راجل لي وصاها واقف كيتسنى....مدات ليه لبنت أو غبرات من حداه كتركض في طريق لعودة حامدة الله أنها خرجت سالمة....
دخل راجل لطنبل أو عطا لبنت ليه....هزها بين يديه....حيد لها لغطاء كيضحك على تشابه لفج بينها أو بين باها....قاس حنكها بلطف أو دوزو على عينيها لمغمضين غارقين فنوم....حس بنشوة لفرح بدات كتعمر ليه صدرو كيفاش لا أو أغلى ما يملك عدوو اللدود فحضن شيطان بحالو....رضا:تحرك....
:***في صباح لموالي***:
لقربالة واقعة...لجميع كيقلب على طفلة لمفقودة....مبغاوش يعلم باها تأملا يلقاوها لكن للأسف تفتيش موسلهم لحتى نتيجة....الأطباء تجمعو فقاعة مليئة بلوم أو تفسيرات الفارغة....أما لحراس أو الأمن مخلاو فين قلبو حتى من الحمامات مزgلهومش....خرجو بحقيقة وحدة أن "تاج لوكاس"تعرضات لخطف من مجهول.... 

جود ناض من كابوس مزعج....شد فقلبو يسترجع نفسو.....وقف كيتئلم أو كيحك جهة لقلب بقوة مكمش جبهتو بحالا جرحوه بلمضى.....شرب شوية ديال لما كيبتاسم لعبق أو هي نائمة كيف لملاك....قبل جبينها بحنية كينوضها بطريقتو الهشة....جود:بيبو فيقي من نعاس باركا عليك هههه....حلات عينيها كتبادلو إبتيسامة نوعاً ما خائفة نتابه لها بوضوح....جود:مالكي أحياتي؟؟....أنا:معرفتش قلبي كيدرني بزااف جيب لي بنتي نشم ريحتها أو نرضعها عفاك....جود:ههه وخا حياتي حتى أنا توحشتها كون ما لبارح خداوها على ود لعلاج منسمحش فيها....أنا:ههه مسكينة مازال صغيرة خصها ترتاح أو تشد راسها.....جود:أنا جاي تسناي شوية هههه....دخل طبيب فجأة فزعهم من هول صدمة المرسومة على وجهو.....جود:شواقع مالك هاجم علينا على صباح؟؟....عبق شدات قلبها كتحرك راسها بنفي فحالة عرفات الأساس علامن....طبيب:(خايف)سي جود وقع مشكل كبير....جود:شنو؟؟ياكما شي حاجة كتعلق ببنتي؟؟؟....طبيب:أنا معرفتش كفاش نقولها ليك.....جود بلا تفكير بعقلانية تقدم بقوة عندو أو جرو بقبضة حطمات عنقو....قابلو معاه كيسوط عليه نار ساخنة....جود:(كيلهت)ببنتي؟؟....طبيب:سسسيي جوجوود سمح....سمحلي...نا تاج تخطفات....دموعو الحبيسة على سبة خداو ضو لخضر أو إنهامرو على حناكو بلا صوت....تجمد ليه لمرا فركابي....غوتة عبق لحارة أو بكاها لمجهد محرك فيه حتى طرف من جسدو لمتمجد بجليد صاعق....لبيت تقلب بصراخها المرعب....بقات كتدرب ففخاضها أو كتبكي بحرقة....حولات تنوض لكن الأسلاك منعوها....من كترت دهشة أو لحر لي كيشوي كبدتها نتراتهم حتى سال دم....شدات جنبها كتعوج أو كتزيد بضعف لعندو.....شدات فدراعوو تستاعن بيها على صمود ماشي من ألم لولادة ولكن صمود من موت محتمل.....أنا:أهيء أهيء😭😭😭 أععععهئ جووووووود أهيء أهيء أهيء جوووود فيييييق خطفووووو لي بنتيي أميييييي أهيء أهيء😭😭😭 لاااااااا جيب لي بنتيييي أعيباد الله مشبعتش منها عاد باقية صغيييرة أهيء أهيء😭😭😭 عاد ما رضعتهاش عاد مبستهاش أهيء أهيء(سرفاقو)فييييق أجوووود رد لي بنتيييي ولا نمشي نتاحر جيييبو لي تاااااااج أميييييي أجيييي تشوفييي بنتك شوااوها فكبدتها أهيء أهيء😭😭.....طحت فلأرض كنتلواا بين رجليه....نار كتاكل فيا لا وقيلة جهنم خشاوني فيها حيت جيسمي كيشتاعل بوجع معمري جربتو فحياتي....بدييت كنجر ليه فسرواالو ينوض من حالة صدمة لي تخشى فيها أو عارفة مزيان أنه غيفييق بشخص متوحش أيحرق ليابس أو لخضر بشروا.....أنا:أهيء أهيء😭😭😭 أحييعععا بنتيييي تااااج أهيء أهيء اميمتيي مدارت وآلو ردوووها مسكينة ماارتاكبات حتى دنب جوووووود الله يرحم لك لوليديييين.....جود:(بقلب مات على نبض)تااج.....

كيسمع لغوات أو صداع كيشوف طبيب كيقفقف حداه....كيحس بخبيش صباعها على رجليه أو الأمها واصل لعمق أعماق قلبو بقوة...ولكن صدمة خلاتو يتبلوكا...ضببو عينيه بغمامة كحلة أو هو فعالم أسود كيقلب على بنتو صغيرة على حلموا لي ضاع من جديد...على فرحتو لي مكملتش...على إنتضارو طويل باش فلخر يسمع كلمة حقيرة ديال "إختطاف"؟؟....هبط ببطء عندها....شنقات عليه كتبكي وجها حمممر أو دموع مجلخين ملامحها لي عاد كانت قبل دقائق مليئة بلفرح....كتشهق أو يدها مرة تضرب صدرها مرة تشدو من حنكو بقسوة مرة تجر شعرها....لعابها كيسيل أو عروقها خارجين حتى من إرتجفات على سائر جسمها بحالة كيضربوها بضو....أنا:أهيء هيء😭😭😭 رددد لياا بنتيي أجوود مالك سااااكت فيييق را خطفو ليينا تاج فييق(سرفقاتو بجهد)فيييق قلب ليا على بنتييي....إسترجع لمنطق وأخيراً بعد صراااع طويل عنوانو وجع دنيا أو مافيها.....جود:(بغضب جامح)نوضي أعبق متبكييش تاج موقع لها والو....أنا:أهيء أهيء 😭😭😭قالك خطفوها واش مكتسمعش خطفوولييا بنتييييي خدااوهاا مغنبقاش نشوفوها مزااال.....جود:(شاف فطبيب بنضرة قاتلة مفكرش جوج مرات أو تلاح عليه جمعو بنص كيغوت بفور جهدو)فيييين هييي بنتييييي دويييي...طبيب:ولله ماعرفنا أسسي جوود كنا كان....كنعاينو الأطفال حتى لقينا سريرها خاوي....جود بدا كينهج مبانت ليه ديك لقطة غا يشبعوا بونيا....يلى هز يدو يضرب حتى كيسوني ليه تليفون بشكل مزعج فوق طبلة....دغيا إلتفت أو ناض يجاوب خايف أن لفاعل يكون هداك لي فبالو....جود:أللوو؟؟....وصلاتو ضحكة حرشة عرف مولاها أو زاد غرق فواد رعب عليها....جود:(بغوات مجهد زعزع لبيت)غنقتلكككككك إلى مسيتي شعرا وحدا من بنتيييي بربي منرحمك أرضا هاد لمرة....عبق سمعات رضا الإسم المدمر لحياتها...وقفات من بكاء أو تحول لصدمة ملونة بجميع ألوان العداب....ناضت كتجري خطفات ليه تليفون أو تحول صوتها لنبرة مهددة مليئة بلغضب العارم أو الإحتيقان....أنا:(بصراخ)ولله أو تمس ليا بنتي حتى نشرب دمك فهمتيي خرج من حياتنا بسع منا شنو دارت لك بنت صغيييرة تحاسب معايا ولا مع جوود هدشي كيبين بشحال نتا كلب أو جباااان ولله أرضا منرحمك نقدر نقتلك فسبيل بنتي أو منحنش فيييك....رضا:ههههه تنفسي شوية مدام لوكاس اش خبارك؟؟....أنا:أععع😡😡😡 سككككككت فيييين تاااج رد لياا بنتيييي علاااش شنو دارت لك؟؟.....جود خدا ليها تليفون أو خرج مخنزر فطبيب أو جاع لي كيدوز من حداهم بنضرات عامرة بلغل....وقف بعييييد عليهم أو حط يديه على لحيط يتسند علييها.....جود:(بوعيد)رضا كنقسم ليك كنقسم بالله أو تمس تاج بلمسة من يدديك لمسخيين هاد لمرة مغنحرقكش ولا نخليك حي على ود مك هاد لمرة أنقطعك طراف طراف أو نعدبك جميع أنواع لعداب أو نتا حي شوف نلقاك نلقاك من أحسن تختار طرييق ساهلة حيت بربي مك مغتفكك من سناني هاد الخطرة....رضا:ههههه كتهدر على شهيرة الحقيرة أصلاً قتلتها من زمان على ود خيانتها ليا....جود بحالا خواو عليه سطل دلما سخون كفاش غيحن فبنت صغيرة أو هو ما حن حتى في مو؟؟لمرأة لي جابتو لدنيا مرحمهاش أو قتلها بنفس باردة......مينكرش أن الألم زاد توهج فصدرو لدرجة شوية أو يفقد لوعي....لكن شد فآخر سبيل لقوة المتبقية عندو أو رد عليه كأنه ما خوفوش جاع....جود:إلا بنتييي را مكتصورش شنو باغي نديير فيك دبا إلى لقيتك(بلغوات)شنو لمقابل نطططق.....رضا:ساهلة بغيت لورااق أو نرد لكم لبنت....

رجع لبييت مدمر كليا....زادت كملات عليه عبق كتفركل فوق سريرها أو تبكي أو تحول تفك راسها من أيادي لممرضات أو طبيب كيحاول يدق فيها إبرة مهدء....أنا:أهيء أهيء😭😭😭 بنتييييي طلقوووووو منيييي أعيباد الله جييبوو لياااا بنتييي أهيء أععععهئ أهيء😭😭 طلقوووووو مبغييتش نعس جوووود عونييييي عفاكم بغييت(بدات كترخة)بغيت تاج بغيت بنتي....طبيب:صافي رخييوها نعسااات....جود:(شنق عليه)زييد تقود قدااامي.....جرو من كول طابلية لبرا أو لاوحو فلكولوار....جود:(بلغوات😡😡)مغتفااك مع حتى حد هناااا فهمتووو هاد لمشفى غادي يررريب إلى كدب فييكم شي حد غندمر ليييه حيااتو حتى يولي يترجى لموت أو ميلقهاش....طبيب:(ناض كيقاد حوايجو)وخا سي جود عندك حق تعصب ولكن داك رضا ولا منعرفت حنا مدخلناش فييه باينة شي سبب شخصي لمشفى مالها علاقة.....جود:(بصراخ)غتسد فمممك ولا ندمك أنخليك فبلاصة مداوي ناس داوي راسك أو جمع ليا جاع لقل*** لي كاين هنا دااباا....طبيب:وخا سي جوود(عيط على حارس أمن)شكون كان خدام البارح فليل....الحارس:خدمات طبيبة نوال أو طبيبة نجلا أو شي فرمياات....جود:تحرك عيط ليهوم دابا....تخبط على لحيط يعيط لحكيم باش يعاونو فهاد لمحنة....جود:ألو حكيم أجي لكلنيك دابا ماتقول والو لمرتك أو لوليدة صافي حتى تجي أو تعرف....قطع الخط...دخل عند عبق باس لها راسها أو تأسف بزاف على لوعد لي عطاه لها أو خالفو....جود:سمحليا حياتي غنجيب بنتك بين يديك كنواعدك....خرج سد لباب أو جر داك طبيب لمكتب ديالو....
دخلو بعنف شاد فيديه من لمهاجمة غير باش يخليه حي أو ميقتلوش....جود:ولله أو نعرفك داخل لمعمعة تا نمحييك دبا دوي شنو وقع؟؟....طبيب:سسسمع أسيدي أنا مكنتش هنا البارح يلا علموني بلي غنتكلف بدراري لي تزادو ول البارح مني جييت نعاين تاج ملقيتهاش فسريرها....جود:كاميرات لمراقبة أكيد غيكونوو شدو مول لفعلة أكيد شي حد خدام هنا هو لي وصل لبنت عند داك لمجرم....طبيب:را قلبناهوم أو لسوء لحض كانوا طافيين جوايه 3 صباح....جود:(بلغوات)أو هاد زم*** لي كيحضي لكاميرات فيين كان ديلمو؟؟ناري غنحماااق(ضرب كرسي)غا نقتلكم كاملين....دق لحارس لباب أو تم داخل مع طبيبات بجوج أو 4 فرمليات....حطوا وجهم فلأرض أو تستفو بطول....جود تقدم عندهم محاول مايقلل على حتى وحدة فيهم لحيا ولكن ميقدرش اشنو غينفع الأداب فهاد لحضة....جود:دوي نتي أو يها فين كنتو البارح(بلغوات)نطقووو......طبيبة1:ولله ماكنت مكلفة بجناح الأطفال أسيدي....جود:أو نتيي؟؟...طبيبة 2:حتى أنا كنت لتحت مع لورجونس....جود:(شاف فلفرمليات)أو نتوما واش حتى حد مكان مكلف بدراري اشهاد الإهمال هاد لمشفى مخسوش يكون أبداً أغلى كلينيك فلمغرب اشهاد لحماق واش بغيتوني نجمع ديلمكم كاملين....طبيب:أيكونو لفرمليات هما لي شادين جناح أطفال....جود:بشحال كانت من فرملية؟؟....ممريضة:كككنا 5 معرفتش فيين هي جهينة؟؟....جود:شكون جهينة؟؟....ممريضة:كانت بيرمانس البارح ولكن ليوم جاع ماجات....جود:أدا هي لي وصلات ليه بنتيي....دخل حكيم مخلوع بلا ميدق شاف داك لمنضر تاني بعد منضر ختو مفهم وآلو...حكيم:شنو واقع هنا أجود؟؟...جود:(بصوت ميت)خطفو لي بنتيي خطفو روح مني.....

حكيم:(بصدمة)كييفاش؟؟....جود:خطف ليا بنتيي زا*** غنقتلوووو....ضرب لكرسي لمقابل مع مكتب حتى رضخوا مع لحيط....داز لمكتب هبطوا كامل....بدا كيغوت أو كيبكي بدموع صامتة....حكيم خلاه يفرغ أصلاً حتى هو معصب أو كياكل فراسو بديك لفكرة ديال أن تاج تقدر تعرض الموت أو هي مازال محضاتش بحنان باها....لبيرو تقلب سفاه على علاه....طبيبات هربو مع لممريضات بقى غير طبيب تكيمش فقنت أو حكيم كيطلع يدييه يتأفف أو يرجع يحطها على خصرو....حكيم؛جود هدشي مغينفعكش صافي خلينا نفكروا بعقلانية دابا هدا أصاحبي....جود:(بصراخ)داو لياا بنتيييي شنووو بغيتيي نديييييير....رمى تلفون الأرضي مع زاج نافيدة أو تلاح كينهج على الأرض....خشى راسو بين رجليه أو سكن تماما....حكيم:(قرب ليه أو حنا لمستواه)جود نوض نقلبو عليها أو بركا من هاد لحماق....جود:لا رد....حكيم:حاس بيك حتى أنا وليت أب ولكن هدشي أيعطيك قوة ماشي يردك بلور....جود:شنو دارت بنتيي باش يعاقبني بيها؟؟؟....حكيم:شكون هادا؟؟....جود:رضا لمختاري هو لي خطف لي بنتيي....حكيم:(بإستيغراب)كنضن جاء لوقت لي تقولنا فيه كلشي مبقى ميتخبى تاج أهم من هاد الأسرار لي فعينك....جود:وخا غنقولكم كلشي ولكن خلي بعدا نقلبو على لفرملية ناقصة....وقف بتصميم متوجه عند طبيب....خدا منو عنوانها أو تليفونها....عيط على حراسو يجيو عند عبق أو خرج مع حكيم لدارها.....
حكيم تولى لقيادة....ساق بسرعة أو جود حداه كيوصي رجالو يقلب على رضا....وصلو لشقة ديالها...خرج كيجري ساعر يشدها يعصر منها لكلام بلهلا يطريه ليها.....بدا كيخبط لباب أو كيغوت....كيدق بفور جهدو شيء لي خلا جارات يطلوا من سراجم من أجل تبرجيج.....جود:فتحيييي لباب الحقييرة فتحييي ولا نفرعوووو....حكيم:تهدن باينة مكيناش.....جود:ميييرد فيين غنلقااوها دبا.....
رجعو لكلنيك لقاو لفوضى أو سيارات لبوليس أو شي ممريضات طايحين فلأرض....مشى كيجري هو أو حكيم دخلو بين داك لحشد لمصدوم....حكيم:شنو واقع؟؟....تلفت عندو البوليسي بتسأل....حكيم:أنا خال لبنت لي تخطفات أو هادا باها....البوليسي؛وخى تفضلوا معايا....تبعوه لداخل مع لمكان كان مطوق....داهم عند العقيد لي كان كيدوي مع طبيب....البوليسي:إحترماتي أسيدي هاهما عائلة طفلة....لعقيد:سلام أو عليكم...حكيم:سلام أسيدي واش نتوما هنا على ود لبنت؟؟....لعقيد:لا هنا صراحة جينا على حاجة خرا ساعة لقينا جريمة أخطر منها....جود:علاش جيتو؟؟....لعقيد:لقينا بنت خدامة تعرضات هنا جريمة قتل....

حكيم رمق جود بلخف بان ليه بوضوح شمس أن خوفو تضاعف معمرو ضن أن راجل قوي بحالو أيتخذل بطريقة يولي يبان بيها أضعف كائن على وجه الأرض....جود:(بلغوات)هو لي قتلها أنا متئكد راجل لي خطف بنتي هو لي قتل لبنت(شد فراسو كيدور بلاصو أو يغوت)شنووو غنديير فييه واش لي قتل مو عاد أتسناي منو لخيير....حكيم:تهدن أجووود براكا دير عقلك....العقيد:نتوما عارفين شي حاجة على لجاني؟؟....جود:عارف كلشي عليييه هو شيطان قتال بنتي بين يدييه أو كنقسم ليك غنقتلوو.....العقيد:سي؟؟.....حكيم:أنا حكيم لعلمي أو هادة جود لوكاس...العقيد:تفضلو معايا لمخفر بش نفهم مزيان هاد القضية....جود:مغنمشي حتى بلاص(قرب ليه بهمس)هداك راجل را خطير إلى عرف أن لبوليس داخلين غيئادي بنتي.....العقيد شاف فيه بإستيغراب أو حرك راسو بالإيجاب....جبد نمرة ديالو أو خشاها ليه فجيب دجين....العقيد:انعمل على لقضية مغنساش دبا أنحقق فلجريمة ديال جهينة أو تاصل بيا ضروري نقدر نفيدكم....جود:شكراً أنتكلف أنا....مشى العقيد دو شعر شائب باينة عليه دكاء خلا في قلب جود نغزة من أمل....مشاو عند عبق كانت مازال ناعسة....واقفين على بابها جوج حراس....جود:حياتي مسكينة كانت غتحماق أجي مقلتي والو لوليدا أو ريم؟؟....حكيم:لا كون هاني دبا خصنا نلقاو شي خيط يدينا لتاج شكون هاد رضا؟؟....جود:قصة طويلة غنديو عبق لدار أو نشرح لكم كلشي را بغى لوراق حتى نقولكم ديلاش....حكيم:(بلمسة تشجيع)جود غنعاونك حتى الأخر تاج رها بنت ختي أو عبق ختي أو نتا وخى ماعمري عتارفت بيه ولكن شفت حبك ماليه حدود لختي نتا لي علمتيني كيفاش نبغي....جود:كنبغيهم بزااف كتر مكتصور.....حكيم:كون قوي تاج غترجع سليمة....جود:انشالله دبا كنتسناه يعيط بش نوافق على طلب ديالو قبيلة قالي نخليك تفكر أو قطع بنمرة مجهولة.....حكيم:غيكن غير فلمدينة ولكن لي كنشك فيه أن لوراق غير سبا هو باغي يحرق قلبك نتا أو عبق هادا شيطان حقير ناري أو نشدو....جود:أنا كاتبان لي فييييه نقطع لزم**** بوه طرافو (تنهد بقلة حيلة) مكيهمش هاد شي دبا تسناو يتاصل....دخلو عند عبق جلسو ساكتين كيتسنو رنة تليفون بفارغ صبر....جود كيحرك رجليه بعصبية بحالا كيشتوة بنار من تحتو أو حكيم فنما تعيط مو ولا مراتو يرطب صوتوا مداعي لعمل....جاء طبيب قاس لها ضغط لقاه نازل....كب لها دواء فسيروم أو طمأنهم عليها....استمر مرور لوقت شي ساعة....ريق جود نشف ولكن مبغى يشرب تا قطرة لما حتى يلقى حبيبتو....كيدور فداك لبيت بحال الأسد الجريح أو حكيم خاشي رسو فرجليه كيحاول يبان هادئ أو شجاع وخا قلبو كيشطح بلخلعة....فجأة سونا لهاتف....تلاح حكيم على جود لي حطو ديجا على ودنيه كيستامع بكاء تاج حبيبى قلبو مجهد أو حار....جود:بنتيي؟؟(بصراخ)بنتييي شنو كادير ليييها غنقتللللك....رضا:هههه سي جود معطلتينيش....جود:غنشرب من دمك ألق*** شنوووو كديرو لبنتي راها بنت صغيرة عاد تزادت....رضا:هههه مكيهمنيش لمهم أنها طرف منك أو دبا كنحرقها بحالي حرقتي وجهي....

جود:شنااااهووااا.....رضا:هههه كتعجبني بش كتعصب ماتخافش مغندير لها والو حتى ناخد وراقييا شوف بغيتهم فأقرب وقت بلا بوليس بلا صداع وإلا أتوصلك تاج كجتة هامدة....جود:غنجيب ليك لوراق ولكن تاااج خط حمممر....رضا:مزيان هههه هاكا نبغيك عندك يومين لا أكتر نتلقاو فبلاصة أنحددها من بعد(قطع)....جود:آلو😡😡😡 ألووووووووو.....حكيم:شنو قالك؟؟....جود:عطاني يومين نجيب لوراق خصنا نخرجو عبق بأسرع وقت من لمشفى....خرج عند رجالو أمرهم يصافطوو عدد منهم لدار فيروز يحرسوها....حكيم:واش لقضية خطيرة لهد درجة؟؟....جود:أكيد هداك را مجرم قتل مو فين تبان ليه فيروز ولا ريم...حكيم:(قلبو تقبط)خصنا نرجعو لدار بلاتي نمشي نطلب من طبيب يعطينا تصريح بلخروج.....
بعد دقائق....نزل عبق فوق من كرسي متحرك بعدما لبسها حوايجها....جروها لخارج لمشفى فاقدة لوعي ولكن علامات لحسرة باينة عليها....حل ليه حكيم سيارة ركبوها أو رجعوا لدار....كانوا كيهيئو أنفسهم يرميو لخبر على فيروز أو ريم بحل لقنبلة...كل واحد فيهم كيشوف فتاني بعينين خايفين...بقاو غير ساكتين حتى وصلو لقاو ديجا لحراس مطوقين دار....خرجات فيروز كتجري دموعها سابقينها...بدات كضرب فزاج سيارة بش يخرجو دغيا ولكن تسعقات بش شافت عبق فلمقعد لخلفي مافهمت وآلو.....فيروز:اش واقع علاش جاو هادو شنو كيديرو عندي فين هي تاج؟؟...جود:الوليدة خلينا ندخلو أو نشرح لك....خرجوا عبق مغيبة بحالة مزرية....مها كتبوس فراسها أو هي فحضن جود لداخل....حطها فوق سداري أو تلفت عند فيروز بوجه ميت....هبطات ريم كتجري شدت فدراع عجوزاتها تشاركها صدمتها من لفزع لي كيبان على جود أو حكيم....ريم:شنو واقع لاش جبتو عبق أو جاو دوك رجال تهجمو علينا أو فين هي تاج؟؟...حكيم:(بصوت خائف)ميي شدي راسك عنا خبار خيبة بزاف....فيروز:(شدت قلبها)شنو اويلي؟؟.....جود:خطفو تاج....فيروز طلقات غوتة يطيحو بسبابها لحيوط أو ريم شهقات كاتمة صرخة معدبة....مشى حكيم كيهز مو بعدما طاحت مجبدة فلرض كتبكي أو تغوت كضرب حناكها أو صدرها على حفيدتها صغيرة....أما جود عنق ريم كتبكي أو تشهق على صدرو....هبطات ليه دمعة طاحت على شعرها كيتخيل حالة تاج بين يدين داك مجرم ماعندو أساس رحمة في حياتو.....جود:(مسحها بسرعة)دبا خليونا من هاد لبكا مغينفع بواالو خصنا نلقاو لوراق....حكيم:نوضي أمي مسحي دموعك....فيروز:بنتييي أهيء أهيء أربي كون قتلتيني أنا أو عطيتيها عمري آربي متكويش قلب ميمتها عليها(مشاة عند عبق)بنتييي هيء أهيء😭😭😭 قتلوك أحبيبتي بلا رصاص أهيء أهيء الله ياخد فيهم ألحق الله يلاgيها لهم....عبق بدات كتململ بوجها لفوق أو ترجع طيحو فوق لوسادة....جاء جود حنا على حنكها كيقبلهم بلطف....حطت يدها على وجهو متأملة يقولها على سلامتك أو يجيب لها بنتها حتى صوت باش سولاتو مكانش مسموع من غير أنه كان كيتوسل.....جود:متخافيش أحياتي غنجيبها ليك....أنا:أهيء أهيء😭😭😭 أمعيمتييي مكنتش كنحلم أهيء أهيء (تقعدات كتندب حناكها)أويييليي بنتيي صغيرا عاد حضيضة مشربتش حتى حلييبي أمي غنتسطى إلى مرجعتش شفتها مرة خرا....نقزت من سداري لرجلين جود كنتتوسل ليه...وقفني كيعنق فيا بجهد....جود:شنو كاديري أعبق راها بنتي حتى أنا كتزيدي تعدبنيني هاكا....أنا:أهيء أهيء الله يخلييك جيب لي بنتيي نبوس لك يديييك عفاااك أهيء أهيء منقدرش نتحمل فراقها اويلي ماشفتها حتى جوج مرات مقادين أو بغاو يحرموني منها أهيء أهيء.....جود:رضا بغى لوراق أعبق أو هما فلأصل راهم معاك....أنا:كفاش معيا إنا وراق أجود ماعندي والو.....جود:بصح نتي مقلوبة عليك لقفا ولكن كلشي بسبابو.....أنا:شكون؟؟....جود:حسن العلمي.....

جلسو مجمعين على طبلة دائرية....حتى من العقيد عيط عليه جود بش يستامع لحقيقة لمرة....عبق تكات براسها على فيروز كتبكي بصمت...أو ريم تخشات فحضن حكيم مشوكيا من لواقعة فحالة كتعيش فيلم اكشن....العقيد شغل لكاسط أو ربع يديه كيشهد حالة الإرتيباك لي ضربات هاد العائلة....جود:احم أنعاود لكم كلشي من نهار تزاديت فهاد دنيا....العقيد:سي جود ملقيناش القاتل أو الأبحات غادية على قدم أو ساق كنتمنى هدشي لي غتقول ينفعنا....جود:أنا بغيت بنتيي مبقى كيهمني وآلو.....أنا:هدر أجود باركا من سكات أو الألغاز هانتا شفتي هاد سر فين وصلنا مطاحت فيه غير بنت صغيرة أهيء أهيء....جود:دنب كلو دنبي مكنتش عارف انني غنبغيك أعبق كنت باغي منك لوراق ندمر بيهم لعصابة لي دمرات حياتي أو ردات الوليد قسى من لحجر عشت معه حياة منقدرش نعطيها صفة حياة مرضني عدبني تكرفس علي نفسيا أو جسديا(تنهد كيتفكر الإيام الخوالي)....العقيد:شكون باك أو اش دخلو؟؟...جود:لوليد كان جنرال فلمعسكر لفرنسي سميتو آدم لوكاس أنا فرنساوي عشت تماك حياتي كاملة عاد جيت مئخراً لمغرب....العقيد:ولكن كيفاش كتقن دارجة بطلاقة؟؟.....جود:نهار ماتت لوليدا داتني جدا رباتني هي مغريبية بقيت معها 11 عام قبل ميديني آدم معاه أو ياريتوو مدارهاش....العقيد:علاش داك؟؟؟....جود:معرفتش علاش كان غير بغى يعاقبني على موت مرتو حيت بش ولدتني ماتت فلبلاص على حساب هضرتو قالك قتلت ليه حب حياتو واش كاين شي أب قاسي لهاد درجة مفهمتش اشنو دنبي....عم سكات متخللو بعض شهقات من مرتو المحروق قلبها...كيستامعو بكل حواسهم لكل كلمة من جعبة عامرة بلحقائق....جود:بش درت 11 كنت كنهدر غير دارجة حيت مادخلت لا لمدرسة لا والو نهار أو مطال كندور فدار جدة كتحاول تعوضني على حنان مي ولكن مقدرتش كنت كنسولها عليها تويريني غير صورتها كتسكتني سوا بأمر نسد على موضوع ولا كتقلبها بكاء...كل مكنكبر فلعمر كنتعلق بحلم تجي شي نهار عندي...ولات كتوصفها لي كانت كتقولي أنها مرا جميلة بزااف عاطية لعين متألقة ضحكة عمرها فرقات وجها أو قلبها بيض بزااف....أصلاً هدشي بقى غير هدرة مكانتش عندي فرصة أبداً نحضى بلقائها بقى حلم أو أيضل حلم يتحقق شي نهار عند الله....(تنهد)ماعلينا عشت ديك 11 عام بخير ناقصني غير مي حتى من آدم مكنتش كنحملو كان كيجي عند مو ينوض صداع أو يعايرني أو يمشي وليت كنتخبى بعد مرات فواحد لبلكار بش منسمعش داك دباز....ولكن هداك نهار قتلني جاء مصمم داني من عند ماريا جداتي بلقوة....بكيت أو كانت هاديك آخر دمعة خارجة مني....أيامي ولات كحلة معاه قسى علي بزااف كان كايضربني بلا سبب كان كيسبني أو يعايرني أو مايخلي بش يوصفني....هداك طفل مات فلداخل ديالي مقتول....كان ديمة كيشرب حدايا أو كيكمي كيجيب صحابو يقصروا...كنسمع ضحك ديالهم أو تقرقيب لقراعي كنشم ريحة لخمر أو لغارو كل دقيقة كدوز أو أنا فداك لجو كنشعر أن جود كيتحول من طفل بريء لطفل قلبو صغير عمر بلحقد أو لكره لباه أو لدنيا لي مكفآتنيش....بقيت على هاد لوضع حتى قررت نخرج لزنقة تعرفت على دراري من شوارع لقيت معاهم راحتي كبرت حتى أنا وسط لممنوعات نسي راسي تعلمت هدرة خاسرة عرفت دريات عاهرات....مقريت مادخلت مدرسة كانت سبورتي أو معلمتي هي زنقة....درت لمصائب لكحلين أو أنا مازال قاصر كنت كنشط معاهم أو كنتناسى أن راجل قلبو كحل كاين فحايتي....كبرت وليت راجل قلبو خاوي مريض كندير غير لي بان لي كنتصرف بلا وعي كنبغي لحاجة أو كنوصل ليها مكيهمونيش لعواقب....درت 18 أو تمك عوتاني غتحول حياتي الأسوء....لمجموعة معاش كنت كنتسركل حتى وليد كان معنا غدي تعرفوا عبق مشينا كنسرقو صدق راجل من معارف لوليد كانوا عندي لفلوس ولكن كان بنسبة لي تحدي أو قدرت نفدوو....نجحت لعملية أو مكنتش عارف بعد تصافيرة بدوك لفلوس غنرجع نتحبس فلمعسكر فش خدام آدم....تكرفس علي بضرب من عساكرية أو حبسني بلا ماكلة بلا شراب أيام طويلة بوحدي....من تماك وليت كنتعرض لأشد أنواع لعداب رباوني على جوج حوايج لولا أن رحمة متبقاش أو تانية لعنف...وليت من تلميد لأستاد جتزت جميع لعراقيل لي كانوا كيحطوها فطريقي.....بقيت مدة طويلة قررت فيها أن جود نهار يخرج من باب داك لجحيم يتبدل كتر مما كان....أو فعلا خرجت ولكن حتى قدرت ندير حاجة ممعرني تخيلت راسي انقد نديرها....مديت يدي على آدم أو مكنتش متصور أنه أيخرجني....(وقف يرتاح من الهدرة)مازال غتصدموو كتر من هدشي حيت عندي لكم أسرار غتبدل لكم أحاسيسكم من لحب لكره.....أنا:جود هدشي لي وقع لك خايب بزاف....جود:هدشي علاش وليت هاكدا ماشي بيدي دموع لي ممعمري قدرت نخرجهم كانوا كيجرحوني أو يطلعوا مني أسوء مفيا....العقيد:هدشي كولو تفهمناه ولكن اشنو علاقة آدم بلخطف؟؟.....جود:هانا جاي لك قبل منخرج من معسكر بديت كنشك فبزاف مسائل شخصيتو عاد قدرت نفهمها مزيان كان ديمة مخلوع حتى باش كيدق عليه شي حد كينوض يغوت أو يسب على والو...كيتلفت بجنابو أو كيخاف من إتصالات لي كتوصل ليه بشكل خيالي كل نهار....بيتو مسدود كيدخل ليه بخفاء حوايجو مخبين حياتو عبارة على غموض فغموض....هدشي حيرني أو زاد فيا رغبة نبقى نحضييه شكايدير وليت مهووس بتحركاتو حيت عرفت أن آدم لوكاس راجل مخبي لعجب أو فعلا كان مخبي سر خطير....

حكيم تقاد فلجلسة أو ريم حتى هي بدات كتاكل ضفارها بتوتر....عبق مسحات دموعها حيت صافي خصها توقد لأمر كيتعلق ببنتها مشي بقطعة ملابس....فيروز قلبها كيضرب بحالا علمها الله أنها أتسمع لهول....جود:بدا شكي تماك ولكن كمل برا بقى حارقني راسي أو لهاد لمشكل مخرجتش من دار آدم حيت إلى عندت ساعتها اتخرب لخطة لي نويت نبداها معاه.....باش ضربتو مبقاش كيهدرني عشنا كيف لغرباء أنا من جهتي منزيد معاه حتى دقيقة وليني شك قتلني خاصةً لمكالمة لسمعت ليه ورا لباب بينو أو بين سمية بقات لاصقة فبالي....كانوا كيهدرو بلا حس على شي بضاعة ما بضاعة اتهرب فليوم لفلاني أو خصها توصل لماليها فوقت....من كنا فدار طبعاً مكان كيدير حدايا والو كيخرج يقضي مصاليحو عاد يبان فليل....أنا هاد لوقت ستغليتها زعما نوصل لبدية لخيط مي والو كنت عارف أن آدم لوكاس مستحيل يخلي وراه دليل لدلك كتافيت غير بتجسس....أو سمية لي دكرت معمرها تمحات من بالي.....زدت كنتيقن كل ليلة أن آدم راجل غامض أو لمخبي اعضم من المكشوف....دازت يام صامتة بيني أو بينو عرفت من خلالها أن سمية لمعلومة كتهمو بزاف......العقيد:من أي ناحية؟؟.....جود:صداقة أو مشي أي صداقة أسي محمد(إسم عقيد)....العقيد:سمح لي كمل أسي جود....جود:شك ديالي بدا كيكبر أو طبعاً لمحاولات ديالي فكشف مستور كتجرا كتر أو كتر وليت كنتبعوو فينما مشى حتى نهار فاش صدمني كان ليل أو تلقى بشخص مباينش بزاف من غير أن لبنية ديالو قوية مخشية وسط كبوط كحل طربوش أو نضادر بنفس لون.....مد ليه شي باليزا كحلة صغيرة....تصافح معه أو رجع....أنا خديت طريق خرا بش منبينش ليه كنت تابعو....خليت حتى ضلام ليل عاد دخلت لدار أو كل همي نعرف شنو وسط لبالزا.....حكيم:(بلهفة)أو عرفتي؟؟....جود:ههه بطبيعة الحال عرفت وخا كانت صعيبة ولكن بسباب ديك لحقيبة باش شديت أول برهان على لوليد....العقيد:شنو لقيتي فيها؟؟....جود:لمخدرات أو بضبط الكوكايين....(شاف صدمة غادية أو كتكبر على محياهم)اااه لوليد كان خدام مع عصابة مخدرات أو عصابة كبيرة بزاف كان داير خدمتو غير ستار لأفعال غير قانونية من تهريب أو بيع فالسم.....العقيد:بلاتي بلاتي نتا كيفاش عرفتي هدشي؟؟....جود:عرفتو مور ما مات أما المعلومات لي قدر نجمعها فحياتو كانوا قليلة بزاف....حكيم:أو شنو لي وصلك لهد الحقيقة؟؟....جود:من بعد وفاتو بقاو عندي سوارتو كاملين ديورو أي حاجة فسميتو نتاقلات لي كنت مشوش هدكشي كان كتير بزاف دخت أو معرفتش بش نبدا....قررت نبدا نفتش فجميع عقاراتو لي كان كيمشي لهم أو لي كانوا مسدودين....فليت ديور أو لفيلات كاملين مخليت حتى زاوية مي كنلقى غير لخوا أو لفراغ.....حكيم:ولكن واحد الحاجة هاد العصابة مدارت حتى ردت فعل زعما مسبقوكش بخطوة؟؟....جود:ههه داروها مي حتى هما ملقو والو أصلاً آدم راجل دكي مستحيل يخلي وراه شي دليل....العقيد:أو نتا كي درتي ليها؟؟....جود:هانا جاي لك وصل واحد نهار فقدت الأمل جلست فبيتو كنفكر فطريق تخرجني من داك العالم ديال الشك لي ستحود عليا....بديت كنتخبط أو من كترت الأعصاب ضربت أي حاجة جات قدامي أو نزلت ديكورات كاملين أو هنا (رشق بيديه بحركة ضربة حض)طاحت حجرة مور لكوافز....فرحت أو فجأة تحول لغضب ديالي من جديد لأمل...خشيت يدي وسط لحفرة كان تماك بحال ساروت دورتو أو تفتح في الأرضية لي كانت عليها لكوفز باب كدي لسرداب ....تفاجئت بلمعقول مالقيت راسي حتى داوني رجلي لداخل....لمكان كان صغير مغبر أو مضلم بزاف....شعلت لبيل كنتصدم ببزاف وراق محطوطين فوق رفوف شي مرتب شي مرون....ملفات سلاح مستندات بزاف لوراق أو لغريب فلأمر حتى وحدة منهم مكتعلق بخدمتو فالعسكر كان عليها رمز غريب أو كلها حساب فحساب....تحمست بزاف هزيت كلشي بدفعات لبرا....ضليت ليل كامل كنقرا فدكشي كانوا عبارة على وراق لبيع ديل لمخديرات لي كان مكلف بيهم آدم حيت عرفت أن كل راجل داخل لديك العصابة كيعطيوه كمية يبيعها أو كلشي بدليل يتقدم لمول شي مي آدم كان كينسخ لمستندات أو يخبيهوم عندو....لمهم نعست بلعيا أو فقت على غد ليه نكمل البحت....كنت ساليت نص لول من كمية لوراق بقى لي نص تاني أو هادا هو لي عليه كلشي هو لي كتاشفت فيه شنو علاقة سمية لدكرت لكم قبيلة بآدم عرفت لمصالح لي كتجمعهم عرفت لمصير بش ماتو بجوج حيت مكانش موت عادية عرفت أن لغدر كان كبير فقلب الوليد أو طمع عما ليه عينيه.....حكيم:انا سمية هادي مافهمت والو....جود:(شاف فعبق)هاد سمية للأسف كتنتامي لكم منكم هاد سمية هي "حسن العلمي".....

عبق شهقت بصدمة او فيروز خرجات عينها لدكر إسم راجلها أما حكيم كبر فيه حب معرفة سر حتى مبقاش قادر على سكوت جود أو ضرب طبلة بجهد بش يكمل....حكيم:شنو علاقة حسن بباك؟؟هدر بزربة....أنا:اااه كفاش واش بابا كيعرف باك؟؟؟....جود:إياه كيتعارفو أو سبب هو"أن باكم كان حتى هو عضو من هاد العصابة"....حكيم(بصراخ)شنووو؟؟؟....فيروز:اويلي وحديي....أنا:لا لا لا ميمكنش....جود:للأسف حسن كان من رجال لي كيبيعو أو يشريو فلمخدرات هنا فلمغرب....فيروز بدات كتبكي أو عبق مشوكيا على الأخير....حكيم ربط تصرفات باه بهاد الحقيقة مع لوصف جود لباه عد تفهم شخصيتهم لغامضة أو مزاجهم لمتعكر بدات كتوضح ليه صورة ولكن كان خاصو لمزيد....جود:قريت شي رسائل كان مسافطهم حسن لآدم على نجاح بعض لعمليات على مسائل كتعلق بلعصابة على أسرار مدفونة على لفلوس مهم دكشي كان مخربق خدا مني وقت طويل نحط نقط على لحروف....حكيم:بلاتي أجود دبا حسن كان مشارك مع مجريمين أو كيبيع لا دروg أو حنا فدار غفلون.؟؟....جود:بضبط مشي غير هو لعصابة كانت مكلفة رجال فكل دولة منهم باك فلمغرب أو آدم ففرانسا هدشي علاش كانوا كيعرفو بعضياتهم أو يمكن لي خلا آدم أو حسن يتوافقوا هو أصلهم أو ولاو أصدقاء مقربين من شي لقاء بناتهم....فيروز:أهيء أهيء دكشي علاش كان كيسافر بزاف كان كيقولي كيجيب دواء لقلب ساعة كان كيقتل فعباد الله بدم بارد أهيء أهيء اويلي كنت عايشة مع مجرم.....جود حاول يكالمي عبق بنضرة حنينة...كانت كتبن فيها صدمة مع كل حرف كينطق بيه.....جود:هدشي مدنب حتى واحد فيكم كلنا ضحايا ولدينا هما لي وصلونا لنفق مسدود....حكيم:كمل أجود مبقيتش قادر نصبر....جود:هنا وضحت لكم جزء لول من سر لي هو علاقة كتجمع حسن بآدم تحت سقف لعمل مع لعصابة حتى لهنا مزيان....لوراق لي كانوا بين يدي مشملوش غير هدشي عرفت كدلك أن لمصالح بداو كيخربو هى صداقة شوية بشوية أو طمع ديال كل واحد فيهم كيبني ليه جنة....فواحد رسالة كتب حسن الوليد أنه غيجي لفرانسا يتلقاو مع أعضاء لعصابة بحال لعادة كانوا ديمة كيحتافلو أو كيوزعو عليهم هدايا.....هدشي وقع قبل مايموت حسن بعام كتعقلي أنسيبتي على شي نهار سافر فيه راجلك؟؟.....فيروز:إياه قال أيمشي يشري دوا....جود:اوا تماك بش تجمعوا فلمقر ديالهم....مور من الإجتماع سافط حسن رسالة تانية لآدم خبرو فيها أن كنز المنتضر بين يديه أو إلى هدد بيه رئيس العصابة غادي يعطيهم ليتحرق أو ميتم من فلوس أو أي حاجة حلمو بيها....حكيم:شنو هو لكنز؟؟؟.....جود:نهار سافر حسن لفرانسا ماعرفت شنو دار أو كفاش وصل لشي وراق فيهم جميع أسرار لي تقدر تودي بمافيا لمخدرات لهلاك....العقيد:كفاش؟؟؟....جود:اياه باينة دفع عليهم فلوس صحيحة أو بما أن تقة لي كان عاطيها حسن لآدم كبيرة مخباش عليه بلعكس شجعو يديرو ليد فليد أملاً يستفزو رئيسهم بيها ساعة لغير متوقع أن آدم يمشي يشكم بيه بش يطلع فلمقام أو تكبر بلاصتو بينهم....عبق فتحات فمها بغات تدوي لكن صعقة كانت أشد من تعبير على لجرح لي شرخ صدرها من جهة حبيب قلبها باها لملاك باها لحنين عليها مقدرتش تيق أن حسن راجل أول فحياتها سندها صدر صلب علياش كتنزل راسها يخرج منو لعجب....جود:(بنبرة قاسية)آدم بيع بيه خوا بحسن أو مشى خبر أن فيدو وراق غدمرهم أو إلى جيتو تفكروا شوية فطريق لي غتخرجهم من هاد لحريرة هي يستخدمو آدم بحال شبكة يطيح بها حسن....بدا كيسل ليه لسانو يعرف مكانهم مداعي الموافقة على لعرض....ناض حسن مفكرش فهد الإحتيمال حيت أولاً كان صاحبو أو معمرو شك فيه ولا ضن ايخوي بصحبتهم أو تانياً لحماس أو طمع لي عما عينيه....أدم متوصلش يعرف بلاص لوراق بتفصيل بعد رسائل كتيرة عطا ليه حسن غير راس الخيط أو هنا غنتعرف على سمية تانية....سمية سلبت تفكيري ولي مدمن عليها....العقيد:انا سمية؟؟....جود:(شاف فعبق)مرتي عبق مكتوبة بلخط العريض فسطر تالت بتحديد(متأسف على حالتها)عبق باك هو لي رماك بيدو لهلاك خبى عندك لوراق بلا خبارك متخيل أن حتى واحد مايقدر يوصل لهم أو باش قال لآدم أن لكنز عند بنتي وليتي لهدف ديالهم صبحتي بن ليلة أو ضحاها شخص لي مستعدين يقتلوا عليه الاف ناس بش طيحي بين يديهم العامرة بدم....

حكيم متحملش أو دار على طبلة شنق عليه من عنقوو... عروق جبهتو بانو خضرين أو بارزين من غموض الأحدات....حكيم:(بصراخ)اش كتخرمز شنو دخل ختي كفاش با غيرمي ببنتو لنياب دياب دوييي؟؟....جود:(دفعو)حتى أنا تصدمت فحالك أو يمكن ردت لفعل ديالي كانت أسوء منك خفت بزاف لا مصيرها يكون لموت بحال باك....حكيم:(بلغوات)إنا مصير إنا مووووت؟؟....جود:(قال كلشي دفعة وحدة بلا مياخد نفس)حيت أسي باك مات مقتول أو شخص لي قتلوا هو آدم فهمتي دبا....العقيد وقف بهمجية مطيح لكرسي موراه....حكيم تراجع مبهوض...فيروز طلعت فوتيرة لبكا كضرب فخاذها بلا توقف أما لمعنية بلأمر شعرات أن روح كتسلب منها أو قلبها كيتزير بحقد أو شوية يولي يحن من جهة باها المغدور....العقيد حاول يهدن أوضاع جر جود جلسو كيربت على كتفو أو دعا حكيم ياخد بلاصتو حتى هو....ريم جرات لكزينة تجيب لما لعبق المتجمدة على الحركة....أنا:(كنحس بلموت)دبا بابا هو لي لاحني في وكر مجريمين أو دبا كتقولي مات مات(تخنقت)مقتوووول؟؟....جود:هادي هي الحقيقة مكنكدش عليكم لقيت رسالة من رئيس سميتو مارك كيوسي فيها آدم يصفيها لحسن أو يجازيه من بعد بترقية فسلطة....حكيم:كفاش مات هداك نهار كان معنا أو شفناه بعينينا باش كاتو جلطة قلبية....جود:عارف باك كان مريض بلقلب أو كياخد دواه من فرانسا باش عرفوا لعصابة هدشي بدلو ليه دوا بتاني مسموم لمفعول ديالو بطئ كيطحن لقلب أو مكيبانش فتشريح ولا تحاليل دكشي علاش بان لكم كاملين أنه مات موتة طبيعية....أنا:أهيء أهيء لا ميمكنش(بلغوات)علاش دار في هدشي علاااش لاح راسو أو لاحنا معه فهد الحفرة.؟؟...جود بغى ينوض عندها لكنها منعاتو بحركة آمرة يبقى جالس....أنا:صافي كمل حتى لخر تصدمت بما فيه لكفاية خوي لمزيودة عفاك رحمنا كاملين....جود:وخا أحياتي أنا درت هدشي غير باش نحميك مبغيتكش تعرضي لقدر باك...أنا:(بحقد)ماشي بابا كنكرهووو بزاااف بغيت بنتيي دبا أو هاد لوراق أنا معنديش معرفتش بلاصتهم....جود:بطبع مغتعرفيش حيت نتي من الأصل مفخبرك والو أو هدشي لي حيرني لمهم هداك دواء كان خداه باك من آدم أو بش مات أو تهناو منو دازو لوليد حتى هو قتلوه رغبة فمحي جميع ناس لي كيعرفو بهاد سر....حكيم:وايلي بربي حتى دخت(شد فراسو)ميمكنش كنا عايشين فوهم أو ختي كانت غتموت بحالهم....العقيد:(بتسأل)ولكن علاش موصلش لها بعدما قتلوهم بجوج؟؟....جود:أنا تماك فهمت لبلان كامل تأكدت أن عبق هي لهدف تالي ديالهم أو كنت متيقن أنها من غطيح فيديهم أتعدب بأي وسيلة تنطق مكان وراقهم أو فلخر تموت لا أو لمصيبة أنها معرفا والو أيكون كيحسب لهم غير كتكدب عليهم(شاف فريم)أو حنا قررت نعتقها نخليها تحت حمايتي بيدما خديت منها لوراق معرفتش كيفاش مهم يطيحو بين يدي ندم بها هاد العصابة لقتالة أو نقد بها عبق أو بشحال من روح بريئة....أو لهد سبب تعرفت على ريم تقنعها بأي وسيلة تجي لعندي لفرانسا تحمسها لفكرة دراسة فلخارج أو فعلا عبق جات....باش خرجت من لمطار حفضت وجها أو جاع دوك المعلومات لي كانت كتوصلهم ريم لي ربطاتني بيها جمعت بيني أو بينها بصلة خفية مكنتش عارف أنني غنطيح فغرامها كنكدب راسي أو نعل احساسي كل نهار كنمشي نحضيها فيه كتزيد تعلقني بيها لدرجة حسيت انها عادة يومية موجبة علي نقوم بيها....إستمر لوضع لعامين حتى كترت عليها لقيل أو لقال مع كنت مكلف جاسوس يجيب لي شنو من تحت راس لعصابة راكم عارفين لفلوس كادير طريق فلبحر....دكشي علاش قررت نخطفها أو استعملت ريم مرة جديدة بلمشكل ديال جون باش يجريو عليها من لجامعة أو يبان اختفائها طبيعي من بعد جات نوبة ماريا لي استخدمت طيبة وجها تموه عبق بأنها محتاجة لي يساعدها أو بهاد طريقة تغبر بشكل عادي من محيطها بسب لعمل لمعروض عليها....كلشي مشى كيفما بغيت حتى جبتها لعندي عاد تهنيت عليها....أنا:أهيء أهيء درتي هدشي كامل باش تحميني أجود؟؟.....جود:اااه أحياتي مبغيتكش تموتي مبغيتكش تعدبي أو نتي ماعليك حتى دنب نتي بنت بريئة.....وقف كيتمشى ببطء ناحيتها....حنا على ركابيه أو شد فيدها باسهم بقوة....جود:بغيتك فديك لفترة لي بقيتي معيا عمرتي علي دنيتي أعبق ولات ريحتك زوينة كتفيقني كل صباح بصح كنت قاسي فلبدية أو عاملتك بشخصيتي لمريضة ولكن من هدشي كامل طحت فيك أو مبقيتش بغيت نخليك سوا لعائلتك سوا لراسك كنت أناني كنعتارف مي لحب دارها بي تعلقت بيك بضحكتك بلمسة ديالك بوجهك بنعاسك مبقى كيهمني لا وراق لا عصابة لا والو ولتي بوحدك هوس بنسبة لي كنت مستعد نتخلى على حياتي باش تبقاي سعيدة(مسح دموعها الغزيرة)نتي عبق حياتي أو مغنسمح حتى شخص يأديك كيفما كان حتى من راسي.....أنا:أهيء أهيء أهيء جود(عنقتو)كنبغيك بزاااف أهيء أهء عتقتيني أو دخلتي لخطر باش نبقى حيا بفضلك أنا مع عائلتي دبا سمح لي بزاف ضلمتك أهيء أهيء سمح لي حياتي...جود:(ضمها بقوة)ماكنت غنتردد حتى لحضة أزين ديالي نتي نور عيني كل مكيخسك كيرد فيا روح....

باسها فوجنتها أو ناض رجع بلاصتو كيمسح لعرق المتراكم في جبهتو.....جود:كنتمنى تكون توضحت لكم الجزء لكبير من لغز....حكيم:شنو باقي مازال أجود وش كاين شي حاجة خطر من هادي؟؟....جود:رضا لمختاري إبن رئيس العصابة مارك بتبني طبعاً....هو لي كلفو باه باش يخطف عبق ولكن وقفت ليه فطريقو أو نهار كنا فدار المهجورة هددني بيها أو كان من سهل يلقاوها لبوليس دكشي علاش تزوجت بيها باش حتى إلى كانت شي صعوبات فبقائها معايا أيكون عندي كل ألحق بصفتي راجلها أو هي مرتي سافرنا لدبي على ود زواج منها نبعد عليها شبهات أو منها ميعرفني حتى حد أن غنربط بنت بسميتي خاصة أنني كنت معروف ففرنسا أو خباري اتوصل بسرعة لبرق...حمدت الله باش سنات على ورقة انتمائها لي أو مايبقى عند رضا ولا غيرو حتى شعرا يلويو يدي بيها....مي ديما لمشاكل كتبان فوقت غير مناسب....العقيد:شنو وقع لكم تماك؟؟؟....جود:كان رضا حاضر أو وجودو تماك مكانش صدفة عرفني جالس فدبي أو دار سبا بشراء عقار كنت باغي نشريه باش يتلقى بيا أو يبدا يستفزني باش نخاف ولكن مكانش عارف أن عبق ديك ساع كانت كتمتل دنيا أو مافيها....ساليت معه بمدابزة أو رجعنا لفرانسا لمزرعة ديالي...حاولت نسيها فأحدات خايبة وقعت فدبي أو نعيشو كأزواج خاصةً أنها بدات كتولف علي هههه....حتى أنا عتبرتها من أولوياتي نساتني فحماقي ههه أو رداتني راجل متعقل مبقيتش مجنون ياك أعبق هههه....أنا:ههه كنبغيك كيفما نتا....جود:ولكن لجنون ديلي مرحمكش باش داك رضا معاه...حكيم:(ضرب سطح طبلة بقوة)كفاش داها فين أو كفاش؟؟؟....أنا:أهيء أهيء😭😭😭 كدب علي الحقير دبر لجود فمكيدة أو دخلوا لحبس تهجم على لمزرعة برجالو...هددني بجود قالي إلى مدرتيش دكشي لي غنقولك أيبقى فسجن مدة طويلة أنا مقدرتش نتحمل أضلاً كنت عارفة أن جود عاش حياة قاسية مبغيتوش يكملها فلحبس بين ربعة لحيوط أو فنهاية مالقيت حتى حل من غير نوافق....العقيد:شنو طلب منك ديري؟؟.....أنا:(شفت فجود)طططلب منيي شي حاجة خيبة بزاف جبرني نمشي عند جود لحبس أو (غطيت وجهي بخجل كنبكي)نقوله انني غنسلم راسي ليه أهيء أهيء😭😭 قتلني أو قتلتو فحلا أهيء أهيء فحالة ضربتو برصاصة....جود:صافي أعبق عفاك...أنا:نستاهل دكشي كامل لي وقع لي أنا حمارة هئ أهيء جود كان ديما كيشجعني نكون قوية أو أنا من أول مصيبة طعنتو في ضهرو....حكيم:(خنزر فجود)شنو درتي ليها باش لقيتيها؟؟....أنا:(بصراخ)مدار لي وآلو هو معمرو اداني بلعكس ولا حنين كتر من لول....جود:سمحيليا أعبق تعميت بزاف محنيتش فيك....حكيم:(ناض تلاح عليه كيغوت)شنو درتي لها ياكما تكرفسي عليها دويييي....جود:مغنكدبش عليك تخيل معايا تكون مقيد أو تجي لمرا لي كتبغي ترمي فوجهك أنها غتكون لراجل وحدا أخر حقر مجرم كلللب شنو غادير أحكيم؟؟....حكيم:(كيحط راسو فلموقف)ميييرد....دفعوا كيخبط الأرض برجليه....دار فبلاصتوو عدة مرات كيتغدد أو كيجمع لرضا كم كبير من الغل كيتخيل كون طاح بين يديه دبا كون كلاه بسنانو....العقيد:دبا خليونا من هاد نقطة أو وضح لينا أسي جود لاش رضا بغى ينتاقم منك....جود:نفس سبب باش لقيت عبق عندو كان كيحاول يتعدى عليها نقدتها فدقيقة تسعين....أو كنت غنقتلو كون ما مو ترجاتني أو هي نفسها لي عطاتني عنوان لمخبء ديالو أو مسكينة را قتلها بلا رحمة بلا شفقة الحقير....حكيم:أو شنو درتي ليه؟؟....جود:حرقت ليه لوجه لي شاف فمرتي أو ليدين لي قاسو فيها ولكن كنت حمار كون غير صفيتها لديلمو.....العقيد:دبى توضحت الأمور يعني رضا كينتاقم منك على ود تشيوه وجهو؟؟....جود:أمم أو بسبب تاني خطف لي بنتي(جاتو البكية عليها)غنحماق يقدر يكون كياديها لحبيبة ديالي....عبق غير تخيلات لمشهد بدات كترعد أو دموعها غا خدامين بلا توقف شوية تعمى....عنقتها فيروز أو ريم من جوايه بجوج حتى تهدنات شوية....جود:خصنا نعطيو ليه لوراق أو بقى لينا غير غدا باش لقاوهم أو معرفتش كيفاش مخبي حسن دكشي عند بنتو غنحمااق....

قلب الأم صعيب يتجبر خاصةً منين كتفقد قطعة من روحها أو هادي هي تماما حالة عبق لمسكينة....كتبكي بصمت أو كتشوف فجود بتوسل يلقى مكان لوراق....حكيم مشوش خاشي راسو وسط يديه أو مزير على مخو من إنفجار عقلي محتمل....فيروز جامدة بوجها راجعة بداكرتها لماضي بعيد بش يلا تعرفات على حسن عن طريق زواج تقليدي أو عجبتها ملامحو رجولية لقاسحة...كتشفات من بعد صعوبة تعاملو معه أو صبرت على لمزاج ديالو أو قساوتو لولدو لأول...لكن بش جات عبق خرج منو الجزء لحنين أو رقة الأب رتاحت معاه طيلة سنوات كبر عبق حداه أو خففت من حدة أو إنقلاب شخصيتو العنيدة...فجأة كيتكب عليها هاد الجرائم كاملة أو كتشوه صورتو فخيالها أو بنتو يا حسرة كفاش قدر يلوحها لعافية بيديه كون ما كان جود كون را ترزات فيها....طلعات فيه بعينين دامعة فنسيبها شجاع أو بلا وعي ناضت عندو....بلا مقدمات هبطات عند رجليه كتبكي بألم...جود إستدرك لموقف أو طلعها بسرعة معنقها بقوة....جود:شنو كاديري الوليدة صافي شششش تهدني....فيروز:أهيء أهيء شكرااً أولدي حبيبي ماعمري أنسا لك هاد الخير نقدتي بنتيي ضلمناك بزااف أهيء أهيء...جود:ماتقولش هاكا كنت مستعد نفدي بروحي على قبل عبق صافي مسحي وجهك(مسح دموعها أو قبلها فراسها)أنا منبغيكش تبكي كلشي أيولي مزيان....فيروز:ولكن لي مفهتمش علاش مخباهمش عند حكيم حيت مكانش عندو معه أو عبق لا كان كيبغيها بزاف....جود:كانوا غيجيو عندو ولكن را عرفو من لول أنهم عند عبق يعني حكيم مهامهم بوالو فهمتي دبا....فيروز:حقير ندمت حييت تزوجت بييه كنكرهو من قلبي....جود:دبا خليونا نفكرو كيفاش هاد وراق عند عبق....فيروز:بلاتي كان حسن عندو واحد بيت لحد دبا مسدود زعما مايكونش فيه شي حاجة؟؟....جود:(بسرعة بديهة)اااه يلا نقلبو....غمز حكيم أو مشاو كيتجراو لغرفة المغلقة من 3 سنوات أو معمرها تحلات أو حتى سوارتها مفقودين....جود:حكيم اندفع مرا أو نتا موري اوكي....حرك راسو بالإيجاب أو بداو كيخبطو لباب بتور حتى فرعوه....دخلو كينشو قدام وجهم من كتر لغبار...شعل حكيم ضوء أو ادى بيه كيتفاجء بتحول لمكتب لمقدس ديال حسن العلمي من رونقو لقديم لهاد الصورة المزرية....جود:أكيد غتكون شي حاجة هنا أكييد مستحيل هاد لمكتب مايكونش مخبي شي لغز....حكيم:وخا خلينا نقلبو....جود بدا برفوف لخزانة أو حكيم جلس على كلرسي كيقلب فمجور لمكتب....التاحق بهم العقيد أو غطسو بتلاتة في تفتيش عن طعم صنارة لغتجبد لهم السمكة لكبيرة لي هي "الأوراق".....
عبق بقات كتبكي على صدر مها....كتشهق أو ريم كطيح دموع بهدوء بش متزيدش عليها أو هي كتدوز على شعرها بحنان....أنا:أهيء أهيء بنتيي لحبيبة شفتها جوج خطرات تخيلي أمي مترجعش لي ولا يقتلها داك لوحش أهيء أهيء....فيروز:(كتبوس راسها بتشجيع)متخافيش ابنتي انشالله بعون الله أو بفضل باها غترجع لك....ريم:عبق حبيبة الله مغيتخلاش على بنت صغيرة غدي يكون معها أو أيحضيوها ملاكئتها نتي غير دعي معها....عبق جرت راسها من حضن مها أو وقفت كتزيد بكتاف طايحين لساكها....جبدات منو تليفونها أو جلسات على سداري كتفتش على تصاورها أو هي حاملة...تقطع قلبها لرؤيتهم ولكن آمنات أنهم أيخفوو عليها شوية علاما رجعت بين أحضانها دافية....أنا:بنتي لحبيبة تاج صبري شوية ها ماماك ادعي معاك كنواعدك مغنبكش مازال وخا....
في لمكتب...الأرضية تفرشات بأوراق كتيرة أو بملفات مشيرين هنا أو هنا....جود تأزم كتر أو شير بآخر ملف كان بين يديه بعصبية....جود:(بلغوات)مكاين والو حتى حاجة مغتوسلنا لهاد لوراق مييرد....حكيم:تهدن أجوود مازال مسالينا نقدرو نلقاو شي حاجة....حكيم كان هاز ملف حمر لقاه مخشي بتخفي...معطاش ليه أهمية مع كان رقيق أو معامرش بزاف...حيد لورقة لولا تبعها بتانية....لكن تالتة لفتات إنتيباهوو بسمية حافضاها عند ضهر قلب...حكيم:آدم؟؟....بدا كيقرى رسالة بحرص...كل مكيزيد حرف كيتصدم....كانت عبارة على تهديد من حسن لآدم أو هاد الأخير حدرو فيها عن طريقها بتهديد آخر....كملها كيرمش بعدم تصديق الحقيقة لكتاشفها....طلع وجهو شاف فجود المحطم كليا أو يمكن هاد لخبر ايرد فيه القليل من روح....ناض ببطء شديد أو لورقة بين صباعو كترجف كأنها كهرباء....حكيم:(بصوت مخنوق)جووو....جود لقيت شي حاجة.....جود:(بلهفة)شنو؟؟....حكيم:لمو....الموت ديال دياال....جود:نطق إنا موت؟؟....حكيم:لموت ديال ماماك غير كدبة....

تخطف لون من وجهو أو زاد خطف معاه لورقة كياكلها بعينه....حكيم:هههه جود ماماك حيا مماتش(عنقوو)حيا أصاحبي هههه....جود غايب مع أسطر رسالة أو دموعو كيعمرو فجفون عينيه حتى كيستسلم أو كيطلقهم بغزارة....جود:(بصوت مهزوز)لا كي..كفاش؟؟....شدو حكيم بسرعة حيت ختل توازن ديالو....حكيم:هههه مالك أصاحبي تاج مك حيا خصك تفرح جووود فيييق....جود:مي حيا هههه(عنق حكيم)لوالدة حيا هههه غنشوفها(كيبكي)أخيراً رحمني الله من هاد الكابوس....حكيم:ههههههه يلا نفرحو عبق بهاد لخبر....جرو من دراعو حيت كان مازال فاقد لوعي...حكيم:ميي عبق رييييم عدنا خبار زوينة بزاف...عبق تعرضات لهم فدروج بأمل حتى كتسعق بدموع جود....أنا:لقيتو شي حاجة فرحوني؟؟.....حكيم:مي لقينا خبار زوينة بزااف.....فيروز:أمدرا شنو وقع لقيتو بلص لوراق؟؟....جود:(بنبرة باكية)لا لقينا هههه(شد راس عبق كيضحك أو يبكي)مي تقدر تكون مازال حيا أعبق هههه ممتيقش....أنا:شنووو؟؟حلف كفاش هدشي هههه واش بصح؟؟...جود:(عنقها)اااه هههه مي تقد تكون مازال مماتت هههه عبق رجع لي الأمل من جديد هههه.....أنا:هههه جود هادي خبار زوينة بزاف....جود:(كيبكي بغزارة)لحمد الله يا ربييي كنتمنى تحقق لي حلمي فدنيا....ريم عنقت حكيم بفرح متخلين ولو لبرهة على شعور لحزن أو تعاسة.....
من بعد لحضات لفرح جلس جود كيقرى فلورقة أو يعاودها بلا توقف....عبق معنقة دراعو مشركاه إحساس بسعادة....أنا:جود دبا مك كانت عرفا بسر لعصابة أو آدم خشاها فمصحة أمراض عقلية؟؟...جود:(ضرب طبلة بعصبية)حقيير كوون كان قدامي كون....أنا:صافي شرح لينا مازال....جود:لي فهمت أن حسن كان عارف هدشي أو مني آدم تماطل بش يبداو لخطة هدو بلي غيفرشو أن تاج لوكاس مازال حيا أو مليوحة فسبيطار لحماق....حكيم:خصنا نلقاوها أتكون فشي مصحة ففرانسا....جود:منقدرش دبا خصني نلقى بنتي حتى نرجعها أو نقلب عليها يقدر هدشي يكون غير فرضية مبغيتش نعلق امالي على والو أو نتصدم....أنا:جود حبيبي انشالله مازال حيا منكرش أن هاد لخبار فرحني أو حمسني بزاف...جود:انشالله أحياتي(تنهد)مالقينا والو فلبيرو من غير هاد رسالة خصني نكلف شي حد يبدا يقلب عليها بلاتي نعيط....ناض عاطيهم بضهر كيتاصل بوليد....جاوبو بسرعة لبرق فحالة حاسس أنهم واقعين فمصيبة....جود:ملباسش أصاحبي أنا محطم بزااف كلشي مسدود فوجهي....وليد:مالك أجود غبرتي؟؟شنو واقع علاش مكتردش على إتيصلاتي....جود:خطفوا لي بنتي اوليد....وليد:(بصراخ)كفاش جوود علاش معلمتينيش هادي هي صحبة فيين هي لبنت ياكما رضا؟؟...جود:اااه هو زام***.....وليد:(بلغوات)حقييير ناري أو نشدوووو اش داه لبنت صغيرة شنو لمطلوب مني عرفتي أنا جاي لمغرب ماتخافش أجود كلشي أيكون بيخير....جود:وخا عندي لك خبر خرا.....وليد:شنو مازال يكما عبق؟؟....جود:مي تقدر تكون مازال حيا....وليد:وآاات؟؟؟؟.....جود:آدم رماها فسبطار الحماق حيت عرفات بمشراكتو فالعصابة هدشي لي عرفت حد آن أو من داك زمان لهنا معرفتش وش صمدات ولا لا هو عمرو بغاها الحقيير دار ديك تمتيلية بش متفضحوش...وليد:ناري غنحماق هدشي بزاااف وخا واش نكلف لي يقلب عليها؟؟...جود:أدير فيا خير كبيير أنا منقدرش نجي دبا....وليد:غدا نكون فصباح عندكم سافط لي لاضريس أو موضوع لوليدا ضربو على حسابي....جود:شكراً غنتسناك بسلامة......رجع عندهم بوجه ممزوج بين تعبيرات كتيرة....سكتو كيفكرو فحل....تخلل سكون بعض تنهيدات العميقة أو فجأة رن لهاتف قاطع حبل صمت بموس حاد....العقيد:خدم مكبر صوت أجود....جود:رضا.....رضا:ههههه سي جود لوكاس كداير؟؟....جود:(بلغوات)بلاما تستفزني كتر كدايرة بنتي؟؟....رضا:بنتك هههه كنعملها بحال لملاك ولكن نقد نبدل هاد معاملة لا مجبتيش لوراق....جود:وراقك أيوصلوك تالعندك....رضا:لبوليس....جود:حتى حد من لبوليس ماعندو لخبار كون راجل ولو غير مرة وحدة فحياتك أو دير بكلامك....رضا:مزيان غدا فليل فغابة *** تجي معك جوج حوايج لوراق أو عبق...

عبق سدات فمها كتمنع صرخة من لخروج....أما دموعها شلال....جود:لاش باغي مرتييي شوووف عبق خط حمر....العقيد حرك راسو بالإيجاب بش يوافق على طلب بلا تردد....رضا:صافي مغتجيبش عبق غترجع لكم بنتك ميتة....أنا:أهيء أهيء(بصراخ)سآاافييي غنجي الحقير متأديش بنتييي....جود:(مبزز على كلامو)وخا غنكون تماك فولقت ولكن متحلمش تدير شنطاج بيها...رضا:هههه من هنا تماك نشوفو تشاو....قطع لخط على وجه جود المغلي....جود:(بصراخ)غادي نحمااق فيين هاد ورااق مييرد غنتسطى....أنا:أهيء أهيء بنتييي غتموت أجود مسكينة لحبيبة دياالي أهيء أهيء...جود:سكتي أعبق حتى نتييي خليني نفكر فشي خطة مقادة....العقيد:غنعلم لقوات بش يساعدونا باينة غيجيب معاه رجالو....جود:خصنا نفكروا مزيان رضا راجل دكي أو إلى شم ريحة لبوليس غيئدي لبنت....العقيد:سي جود حضرت لغز كامل أو فهمتوا مزيان عندي 40 عام ديل لخدمة أو مغنتوناش حتى لحضة فلمساعدة ديالك....جود:شكراً بزااف أسيدي(تصافح معاه)متئكد أتفيدنا بزاف.....حكيم:فيين غيكون مخبي لوراق هاد حسن تفووو على راجل عاش غامض أو مات غامض حتى طاحت حفيدتو بين يدين داك شيطان.....ريم:حكيم؟؟....حكيم:سكتي أرييم....ريم:حكيم أنا....حكيم:وا رييم سكتيي شوية خلينا نفكرو....ريم:وسمعوني عندي فكرة....كلشي دار شاف فيها بإستيغراب.....حكيم:كيفاش؟؟....ريم:أنا أو عبق عدنا تقريباً نفس نوع آباء تا أنا بابا كان مدللني بزاف أو كان كيجب لي هدايا كتييرة هدشي لي عاودات لي عبق واحد نهار ياك؟؟....أنا:ولكن اش دخل موضوع هدايا فبلاص وراق؟؟....ريم:واحد نهار جاب لي بابا نونوس أو كان ديك ساع فدباز مع ماما على ود مشكل لقمر أو كانوا ديك فترة تصالحوا مئقتاً ولكن بابا مازال كان مبلي أو خبى ورقة لقمر فداك نونس حيت حصلتو كيجبدها منو او قلت مع راسي علاش مايكونش باباك خدة نفس منهاج او خبى سر فشي هدية جابها لك؟؟....حكيم:(تفاجئ بدكأها)بصح أرييم حتى هدا نضر....جود:(بأمر)يلا أعبق....طلعوا بسرعة لبيتها....عبق جبدات كرطونة مزوقة كانت جامعة فيها جاع لهدايا لي عطاهم لها باها...خبطاتها على سرير بنرفزة حيت دكرات بيها شخص لي دمر حياتهم....أنا:هنا مجموع جاع دكشي لي جاب لي....جود:(فتحها)مزيان ياك مديعتي والو....أنا:لا حيت قبل منمشي فرانسا خبيت كلشي هنا زعما بش متلف حتى حاجة....حكيم:ههه بقات فلهدايا يلا نبداو....خواو كلشي من دببة قطنية شرgتهم فيروز بلمقص كتقلب وسطهم....باكيات لمجوهرات حتى هما تمزقو....بعض الكتب كان مصيرهم مزري مي نتيجة لا شيء....جود:مييرد مكاين وآلو....أنا:بلاتي بلاتي هدى لي فداك لعام كرة تلج تقد تكون فيها شي حاجة كنت خبيتها من تحت سرير.....جود هبط بزربة متشبت بأي كلمة كيقولوها ليه....خشى يديه كيقلب حتى طاحت على كرة ملسة....خطفها أو جلس كيقلبها يمين أو شمال من لتحت مبانت ليه حتى تويشية غريبة....جود:مافيها وآلو....أنا:هرسها يلا اش كاتسنا....جود:متأكدة؟؟...أنا:مليون فلمية....ناض قبالت لحيط أو ضربها لمرة لولا بجهد....تشق زجاج أو زاد ضربة تانية بدات كتشرخ لخيوط طويلة.....جود:(بلغوات)يلاااا بغيييت بنتييي(ضربها بقوة حتى تهرسات).....تفرتت زاج أو بقات غير لقاعدة الحديدية....حكيم:قلب تماك أجود....جود:(كيحرك لحديد حدة ودنيه)كاين شي حاجة هنا كتحرك....جلس كيضارب مع لفتحة ديال سطح لقاعدة الحديدية....داك صوت ديل تقرقيب كان باعت فيه أمل أنه يكون مفتاح لغز....ساعدو حكيم بملقاط ماضي....كيتعافرو أو لعرق كيتسبب منهم كأن حياتهم واقفة على صوت المزعج لي كينباعت من داخلها....قدرو يوسعوا خوية مناسبة....خشى جود صبعو أو غير حس بهيكل مفتاح تنور وجهو....تجرحوا ليه سباعو بجناب لحديد لحاد....تقاتل مع شيء صغير أو كلشي قابط فقلبوو بلخلعة......جود:هاهو شديتو.....جرو لبرا قدام عينيه المكتسبة طعم جديد لحياة فور رؤية مفتاح صغير بزااف....أنا:هههه ساروت ولله إلى ساروت يقدر يكون لحل....فيروز:(عنقات ريم)بنتييي لحبيبة جاء لفرج شكرا هههه...حكيم:(شاف فريم بإعجاب)شكرا أحبيبتي....ريم:هههه لا لا مدرت والو لمهم هو تاج.....جود:بلاتي دايرة عليه ورقة....نتفها من دائرة لمفتاح أو حلها بحرص خوفا لتقطع....زاد فرح مني صاب رقم متكون من 6 أعداد....ولكن مفهمش ديالش....جود:764321 أتكون ديال شي بنكة؟؟ولا شي كوفر فور؟؟....حكيم:أطط عندي واحد صاحبي خدام فبنك المستندات هاد رقم إلى كان مسجل را مستحيل يعطيو رقم تاني لشي حد بلاتي نسولو.....خدا تليفون قدامهم أو عيط لصاحبو....حكيم:ألو هيثم لباس عليك؟؟شوف نطلبك الله يجازيك بلخير على خدمة صغيرة ممعمري نسا خيرك....قلب لي رقم فبنك لمستندات واش كاين بحالو حيت عندي واحد أو معرفتش واش هو لكاين...وخا قيد 764321...أنا أنتسنى....(مر وقت قصير)ألو هانا معاك...كاين غير هو؟؟وايلي بسميت من؟؟؟وخا شكراً بزاف....جود:أمدرا؟؟....حكيم:(ببشارة)رقم دخل قبل 3 سنين أو مقيد بسمية عبق العلمي يعني لقينا لوراق....

ماعقلوش على راسهم حتى لقاو أجسادهم قدام لبنك...استقبلهم صديق حكيم لداخل....عبق سلمات بطاقة تعريف ديالها يأكدو الإسم...أو فعلا داهم لغرفة كالم عامرة بخزنات صغار على شكل مكعبات صفرين وحدة لاصقة مع ختها....هيثم:هاهي لخزنة ديالك مدام عبق....حكيم:وخا شكراً ممكن بقاو راسنا....هيتم:أوكي خدوا راحتكم....جود حل لخزنة أو جبد ملف زرق غليض....جلسو كاملين على كرسي طويل موجود فوسط لغرفة.....بداو كيقراو بلهفة ورقة بورقة كيتيقنو من خلالها خطورة الأمر.....حقائق كتيرة منها إعترفات بخط الأيدي حسابات مبالغ ضخمة كميات لمخدرات الموزعة بشكل مهول توقيعات مختلفة اسماء أو مصادر أو حتى عناوين....جود:هدشي لي مخوف رضا حد لموت هاد لوراق غيديو لعصابة لهلاك....حكيم:وآيه شووف حتى أسماء الأعضاء مقيدين هنا واحد بواحد.....أنا:إلى رضا خدة هدشي يعني مغيبقى عدنا حتى دليل؟؟....جود:ضروري يكون داير شي خطة كنضن أن لوراق مشي هدفوا لوحيد....حكيم:إلى كان مصاوب خطة حنا غنفكرو فما حسن منها.....جود:خص يخرج كلشي سالك من مواجهة غدا مي خايف على عبق أو بنتي.....حكيم:(بلمسة تشجيع)ماتخافش كنواعدك حتى حد فينا مغيتصاب بسوء....جود:انشالله يلا نمشيو من هنا.....
في طريق لعودة...خبروا العقيد بلمستجدات....وصى جود رجالو يوصلوا فيروز أو ريم أو ارسلان لمكان محمي مزيان....تجمعو تماك كاملين كيدرسو لوراق....صراحة حسن عندو لحق فحاجة وحدة أنه بصح كان مخبي كنز كبير....كلما كيتعمقو فخبايا الأسطر كيتصدمو من كمية الجرائم لي مرتاكبة هاد لمافيا من نهب أو قتل أو بزنيس مسخ كيودي بحياة الأبرياء لهلاك....عبق نعسات بلعيا أو يمكن جبرات نفسها تاخد قسط من راحة باش تكون مستعدة جسدياً لداك الحقير....أما جود أو حكيم ضلو تالصباح يتعاونوا على تفكيك سر....فساعات مبكرة من ليوم لموالي....دخل عندهم ضيف لمنتضر...وليد استقبلوا جود بعناق حار أو هو بادلوا الإشياق لصحبتهم بكلمات تشجيع أو قوة....جود:مرحبا صاحبي تفضل رتاح....وليد:جود متخمم لوالو أنا معاك تا لخر جبت رجال كاملين أو كلهم تحت أمر ديالك....جود:هدشي صعيب بزااف حتى لبوليس داخل فلقضية يعني إلى رضا ساق لخبار مغيسلمش لينا لبنت....حكيم:هههه لا جود هو عارف مزيان لكنز لي بين يدنا حنا لازم علينا نفرقو لمهام بشكل مزيان....وليد:عندو ألحق أه بنسبة لموضوع الأم ديالك راني كلفت لي يجبدها وخا تكون فسابع أرض انشالله نلقاوها....جود:تخيل تكون حيا؟؟غنشوف لمرا لي ولداتني غتكون لفرحة مضوبلة منها بنتي ترجع لحضني أو منها نرجع أنا لحضن ميمتي.....وليد:يكون خير دبا بديتو فشي خطة؟؟....جود:كنتسناو العقيد يجي أو عبق تفيق حتى هي غتمشي معنا...وليد:وايلي ياكما داك خينا طلب منك تجييبها حيت عارفو مسخ....جود:بضبط ليوم بليل أنمشيو لغابة *** بش نسلمو ليه لوراق من لمفروض يكونوا رجالو مطوقين البلاص تماك....حكيم:آمم عندك صح علاش منديروش واحد لعبة.....وليد:شنو متلا؟؟....حكيم:علاش لا منسبقوهش بحطوا أو نسبقو حتى لبوليس أو نهجمو حنا لولين عليهم أو مني غيجي رضا أيكون سحابله را رجالو لي دايرين بيه.....جود:ولكن هدشي صعيب يقدر يفلت شي حد من قبضة ديالنا....وليد:ولكن بلاتي دبا لوقت بكري بزااف اش بان لكم نوزعو رجالنا حنا لولين بهاد طريقة لدخل يتشد سوربلاس....جد:هادي فكرة مزيانة.....وليد:ضرب المسألة على حسابي....ناض يقضي لغرض أو رجع عندهم....بعد ساعة إنضم العقيد ليهم أو حتى عبق...تافقو على خطة محبوكة أو متقونة....هدفها لأول لبنت أو تاني يطيحو رضا فشبكة....
وصل لوقت......وليد سبقو هو أو حكيم أو محمد لعين لمكان....شرطة داريا بكلشي او مستعدة أمر لعقيد...عبق كانت خايفة قلبها كيضرب لحد الجنون....لبسات سروال كحل أو سبرديلة بيضة...زادت جاكيت أو منساتش توجد مهاراتها القتالية كدرع لأي تهجم من رضا عليها....جود خدة نفس عميق كيدير سلاح مر ضهرو أو خرج لعندها....خشاها فصدرو بحال دريا صغيرة أو باس عدة مرات جبينها....جود:زين ديالي كلنا غنكونو بخير....أنا:أو بنتي أترجع لي ياك؟؟....جود:أترجع لينا بجوج كتيقي فيا؟؟....أنا:أمم بزااف عفاك أجود أنا مكيهمنيش راسي أنا بغيت بنتي تولي سالمة....جود:(حضنها)ششششش نتي كتهميني بزاف أحياتي أنا لي مستعد نموت فسبيل تعيشي حياة هانية....أنا:أهيء أهيء لا متخلعنييش علييك....جود:(شد حناكها بإصرار)عبق كنبغييك كتر مكتصوري وخا نعيا منوصف لحب ديالي لك فقلبي عمرني انقد نوصلو لك كيفما كنحس بيه ولكن إلى كتاب علي نموت متئكد أنك أتعيش فرحانة نتي أو بنتي كنقسم لك أنستقبل لموت بيدي بجوج أو مغنخاف من والو لمهم عندي هو سعادتكم مدى لحياة......

أنا:لا أهيء أهيء😭😭 مغتموتش أهيء أهيء😭😭 تا أنا كنبغيك بزااف بزاااف كغاندير نعيش أجود نتا حياتي كاملة....جود:(بتشجيع)هي لا مسحتي دموعك أو درتي يدك فيدي نجيبو بنتنا أو أهم حاجة أعبق تبعي لخطة أو متنساي حتى جزء منها....أنا:(مسحت دموعي)وخا حياتي مغنسى والو....جود قربها عندو هايم فعينها لحد الجنون...مينكرش أنه خايف ليطرا ليه شي حاجة لدلك قرر فنفسوو يشبع من وجها لحبيب على قلبو قدر الإمكان....باس جبينها أو نيفها أو حناكها لكن فمها قبلو بحرارة لمدة طويلة كيستمد منها الحب لي محتاجو حيت نهار بغاها عرف أنه لقوة لوحيدة الجبارة فهد العالم....جود:يلا حياتي....

***في لغابة***:
رجال وليد حاصروا لمكان من جميع نواحيها...الإقتراح ديالو نجح أو رجال رضا طاحو كاملين فقبضة وليد....كانوا فسيارة هو أو حكيم أو العقيد مخبية ورا شجر....وليد عطا مسدس لحكيم او علموا بسرعة كيفاش يستعملو فحالات طارئة....وليد:حكيم حاول تصوب مزيان أو متنساش طلع هاد نقشة بش رصاصة تخرج....حكيم:كون هاني فهمت مزيان....العقيد:سي وليد متئكد أن رجال رضا كاملين تشدو عندك؟؟...وليد:حتى فر مفلت غمقنا عليهم كاملين أو ردا دبا را فدار غفلون.....العقيد:مزيان دبا نتسناو يوصل يكون خير.....وليد:ولله يا ديلم تياكل قتلة لعصا من عندي...حكيم:بلاتي نشوف جود فين وصل....
جود كان غادي فطريق لغابة....قلبو مكيضربش بديك لعنف على مواجهة رضا بلعكس انما خايف على بنتو أو عبق لي طلب منو يجيبها معاه.....هز يدها الباردة أو طبع عليها بزاف قبلات خفاف....جود:عبق تخلاي على خوفك دبا محتاج تبيني أنك بصح غتواجهي لمستحيل على قبل تاج....أنا:مخيفاش أجود ولكن رضا واحد إنسان كلب أو معندوش ضمير مرعوبة ليكون قتل لي بنتي أو داير هاد تمتيلية بش ياخد لوراق....جود:لا مقتلهاش ميقدرش حيت عارف مزيان إلى مس شعرا وحدة منها اندير فيه لعجب هو را أكبر خواف شفتو فحياتي كون كان راجل يتواجه معايا ماشي يختار طريق ساهلة....أنا:حقير مجرم قربنا نوصلو؟؟...جود:صافي وصلنا لبستي دكشي؟؟....أنا:آه لبست....جود وقف طنبل بعيد على مدخل لغابة....وصلوا ميساج من حكيم رد عليه أن الأمور غادية بحالي لي خطو لها....شد يد عبق أو ملف لوراق فيدو تانية....تخشى وسط شجر كيعاين الإشارة لازمة ديال مجية رضا....جود:يلا رضا بان بش هاد لمرة نصافطك لجهنم بتدكرة بلا عودة.....

سرب من أربع سيارات ضخمة وقف وراء لغابة لمضلمة...عرف علاش ختار هاد المنطقة أولا من وحشيتها أو خلوها من أي كائن حي يقدر يشوش عليه....هبط من طنبل بتياب سوداء كي قلبو....مد ليه راجل تابع ليه تاج....شاف فيها بحل لعادة أو طلقتها بصرخة بسبب بشاعة وجهو المحروق....ضحك لها بشر أو زادت فوتيرة لبكا كيبان لها بحل لوحش....رضا:سكتي قطعي لحس ولا نعرف كي نسكتك البرهوشة....مفهماتوش بان لها غير أنه كيحرك سنانو لكبار أو عينيه كيشعلو بنار....بقات كتبكي بجهد حتى كانت غتسخف....عطاها لمربية لي جات معاهم عاد سكتت....رضا:كلشي واجد؟؟....راجل:نعام أسيدي رجالنا موزعين أو كيوصلنا تعليماتهم بكل حرف....رضا:مزيان جاء جود؟؟....راجل:مازال معلمونا ولكن ماتخافش غير يبان أيكون لخبار فرسك....رضا:غاندي منو كلشي غا بلاتي أسي جود لوكاس....
وليد أو حكيم دخلو لمنطقة فش شادين بعض رجال رضا أما تبقية تكلفو بهم لبوليس....كانوا مربوطين أو مكممين أو لكوابيس على ريوسهم من كل ناحية وصوب....وليد:أمدرا؟؟...راجل:رضا وصل أو سول واش سي جود وصل جاوبو هاد الحقير أو بان عليه لخوف....وليد نزل على ركابيه قبالة تابع رضا أو حط لكابوس على راسو....وليد:حيد ليه لكمامة نتفاهم مع ديلمو.....(نزعوا ليه لصقة من فمو)سمع ديلمك أتهدر دابا مع لقو** ديال صاحبك أو تقوله جود وصل او بربي أو تبان خايف ولا دير شي حركة مغتعجبنيش أنخوي هاد رصاص فمخك....راجل:وووخخا سي ما ما تتتقتلنيش....وليد:يلا(حط لهاتف الخلوي على فمو)دوي...راجل:(بشجاعة مصطنعة)شوف هشام جود وصل....وليد:(بصوت خفيف)قوله عبق جات معاه....راجل:جا اايه جاء هو أو عبق حنا مطوقين لبلاص مجاب معاه حتى حد لا ماتخافش....وليد:(دربوا براس لكابوس حتى سخف)الله ينعل زام*** بوك خواف تفووو....حكيم:شنو دبا؟؟....وليد:يلى نمشيو.....
وصلات الإشارة لجود بضوء صفر كيسنيي من بعيد أن رضا وسط لغابة....إستجمع نفسو أو خدا تليفون يتسنى إتصال منو....أو فعلاً لهاتف vيبرا فيديه بعت عبر أوصالو نفس رعب على تاج أو مها....جاوب بشجاعة أو بنبرة حرشة....جود:فينك؟؟....رضا:هههه جيتي توحشناك أصحبي....جود:رضااااا بركا من لعب أو قليا بلاصتك بش نساليو من هاد مسألة دغيا....رضا:هههه وخى سي جود مايكون غير خاطر خاطرك آجي لوسط لغابة تماك كاين مساحة كبيرة أو متحاولش تبين مهارتك حيت كلشي محضي أو لبق ميزهق معايا....جود:وخا أنا جاي....
تجمعوا رجال لي جايين مع رضا وراه بسلاحهم....رضا تقدم خاشي يديه فجيابو أو داير على راسو قب كحل كبير مدرق بيه لحرق....عينيه كيتوعدو لحضة فش أيخرج جود من مور شجر....تفيكسات نضرتوو فنقطة وحدة كيتغدد على ليوم لي ولا فيه بحل لعبة بين يدين جود.....فجأة شعلو عينيه لرؤية أكبر عدو ليه.....ضحك بإستيفزاز على لخوف لمرسوم فوجهو....أو إنتقل لعبق بشعرها الأسود أو جمالها الإسمر...رضا:(كيسفق)مرحبا بطيور الحب أهلاً أهلاً قد ما هاد لغابة مضلمة قد ما نورات بوجودكم(دار عند رجالو كيضحك بجهد)سفقو معايا اش كتسناو ههههه ماشي حشوما منستقبلوش لحيبان هههه....جود:(بصراخ)رضا هانا جيت أو معايا لوراق أو حتى عبق درت بكلامي فين هي بنتي؟؟....أنا:(بلغوات)نتا مريييض حقير كفاش قدرتيي تخطف بنت يلا تزادت تفووو عليك كنكرهك....رضا:شوفو شكون كيهدر هههه زيانيتي أبيبو هههه ولكن بنتك خدعاتك هههه مكتشبه لك فوالو كتدي غير الحقير ديال باها....أنا:عطيني بنتي بركا علينا من لعداب....رضا:(بصراخ)أنا عاد غنعدبكم مازال مغيشفى غليلي حتى نتيقن أن حياتكم أتدوز كلها كحلة....جود:(بلغوات)رضا قدارتك فاتت الحدود من أحسن تبدل دابا عرفتي إلى طاحوا لوراق فيد لبوليس أتمشي فيها عصابتك كاملة لمعلومات لي هنا(شير بلمف فسما) أتدمر رجالكم كاملين واحد بواحد.....رضا:أنعطيك لبنت ولكن أتعطيني لوراق أو عبق معاهم ولا معمرك غتحلم بشوفة تاج مرة جديدة.....

جود زير على يد عبق أو تحول لوحش كاسر كون ما كانت بنتو فيد الكلب لي قدامو كون قطعو بسنانو.....جود:(بصراخ مروع)متحلمممممش ارا لي بنتيييي....رضا:كتعقد عليك الأمور أجود عطيني عبق نعطيك بنتك....جود:(بلغوات أو عروق خارجين😡😡😡)لاااااااااا مستحييييل...رضا:هههه من نيتك أنبدل إنسان بوراق لا أجود غلطي فهادي دبا ختار مرتك ولا بنتك...جود داخ كيبلع ريقو شفايفو كيرجفو شاف فعبق كيحرك راسو بنفي أو هي كتبادلو حركات بلإجاب....جود:لا مغنخليكش(عنقها)عفاك متخلايش علي....دفعها كيقيس فوجها بحنية...جود:(بلغوات)مغنخلكش تمشي معاه....أنا:طلقني نتا لي خرجتي علينا كاملين مبقيتش باغية نبقى معاك(سرفقاتو)دمرتي حياتي الله ياخد فيك ألحق....جود:متمشيش عندو أحياتي متخلينيش نربي بنتي بحدي....أنا:(دفعتو)بعد مني أهيء أهيء تفووو ندمت على نهار لي شفتك فيييه ولكن غنضحي براسي على قبل بنتييي مبقى أصلاً كيهمني والو من غيرها....فلتت منو متراجعة بلور كنبكي أو مديت يدي يعطيني لوراق....أنا:ارا لوراق أجود....جود:عبق شنو كاديري واش حماقيتي؟؟....رضا:ههههههه مزيان أعبق كتفكري حسن من راجلك يلا اش كاتسنا عطيها لوراق....أنا:(بلغوات)أراهم متعندش را بنتنا فخطر....جود:(مد لها لملف)عبق عفاك مترييديش فيا هاكدا....أنا:سكت باركا درتي في ما كتر أو صبرت لك بزااف و جات فبنتي مسكينة بسبابك....خطفت لملف او قلبت دورة عند رضا....تمشيت برعب كل خطوة كنشعر أنني غنلوح بنفسي لدمار....وقفت على بعد 10 خطوات منو حاضنة لملف بكل قوة.....أنا:ارا لبنت هي لولا أرضا بغيت نبوسها أو نشم ريحتها قبل منمشي معاك....رضا:(حرك يديه بأمر)جيبوها....تقدمت لمربية عند عبق بخطوات بطيئة....كلشي كان ساكت أو صوت الأنفاس هي لمستحودة على دبدبات لجو لمكهرب....شدت عبق بنتها غتموت بلبكاء....عنقاتها بقوة أو شبعاتها بوسان....أو حتى تاج ضحكت لمها حيت فرزات بوضوح ريحتها....أنا:أهيء أهيء تاج حبيبتي لباس عليك(كنقلبها)مدار لك والو أهيء أهيء 😭😭😭توحشتك بزاف غبرتي علي 4 يام دازو علي بحال لعوام كنبغيك بزاااف أو مغندمش على أي حاجة غنديرها بش نقدك(كنبوسها بجهد)باباك غيتهلى فيك أنا متأكدة وخا سيري عندو دبا....رجعتها لبنت لي تمشات ناحية جود....رضا:يلا نتي تحركي لعندي.....كل خطوة كنزيد بيها عند رضا كتزيد معايا لبنت نفسها عند جود....وصلت عند رضا جرني من دراعي لوجهو تخلعت أو شمأزيت من لحريق عيفني بسبانو لكبار أو ضحكتو المتوحشة....رية:أهلاً زين توحشتك كنضن بقينا أنا أو ياك فلقطة زوينة قبل مينقدك راجلك ولكن هاد لمرة مغتفكيش مني....أنا:بسع مني(سرفقتو)طلق يدييي....بدا كينهج أو محسيت بصقلة منين نزلات علي......طحت لأرض مقسحة أو دم نازل من فمي.....شفت فجود أو حمدت الله أن بنتي بين يديه بأمان....رضا:(جرها بعنف)أنا غنوري ديلمك كيفاش تهزي يدك علي تلقي لوراق بعدا.....أنا:بعد منيييي(بصراخ)جوووود.....
جود مقدرش يتحرك أو لبنت عندو أو خاصةً أن سلاح موجه ليه....سمع تخرشيش بين شجر وراه....بدا كيتراجع شوية بشوية....أو إهتيمامو كامل مع عبق أو رضا فمواجهة الخاسرة فيها هي حب حياتو.....جود:حكيم أجي خود لبنت سربييي...خرج حكيم بسرعة شيء ليي اتار حفيضة رجال رضا....حكيم خطف تاج بلخف أو رجع تخشى بين شجر أما جود عاد تفك القيد ديالو أو هجم على رجال لي جاو ناحيتو بضراوة....سلخهم واحد بواحد كيخرج عن طريقهم ولو غير 1% من غضبوا لجبار.....رضا شاف لقضية حماضت...جر عبق من شعرها ناحية سيارة....أو لملف بين يديه.....بدات كتلوا ليه أو تغوت...تلفت كيقلب على رجالو ملقى حد مفهم والو.....فتح باب سيارة أو ادى بركلة قوية كتسافطو لبعيد....خرج وليد كيفور أو مفكرش جوج مرات؛...ترمى عليه ببونيات شداد...عبق ناضت كترعد خطفات لملف...خرجوا رجال وليد من ورا شجر أو سفارات لبوليس كيتسمعو قراب من وسط شجر.....رضا:(بلغوات)ضحكتو عليا أولاد ال.....وليد:(ضربو بجهد)سد ديلمك فمك ليووم تموت ياكما يسحبلك غتفلت منهاا............جود سلا مع معضم رجال رضا سرحهم بحل دبان...إنضم حكيم لمعمعة بان ليه واحد من أتباع لخصم لمتضررين غينوض يضرب جود برصاص...إستدرك بزربة لموقف لجبان...جبد لكابوس ديالو أو غوت بسميتو بقوة....جود كان خدام كيطحن فواحد منهم...سمع سميتو أو يلا غيدور....تفاجئ بصوت رصاصة قوية جات فشي حد...ناض مخرج عينيه فحكيم لي عتقو من موت محتمل.....حكيم:جوووود أنا غنتكلف سيير عند عبق اش كاتسنا.....

وليد جلخ وجه رضا حتى مبقاش مفرز....نوضو حاكمو من عنقوو أو عطا ليه ورا ركبتو طيحو راكع الأرض....وليد:كتجي تلعب رضا ولكن كتختار ناس مغتقدش عليهم....عبق لصقات مع باب سيارة مزيرة على لملف....الأصوات لمجهدة أو ضرب لغوت صداع المقاتلة كلشي جاها غريب حد الموت حساات براسها ففيلم رعب أو اكشن....طاحت كتبكي بصمت فرحانة من ناحية بنتها أو خايفة على جود....وليد:عبق سيريي من هنا تحركييي....رضا:ماشي بهاد سهولة....جبد موس صغير خشاه فرجل وليد بقوة....وليد:أيييييييعع عبااق هربيي....ناضت مستاعنة بباب سيارة توقف....بلعات ريقها مترددة تمشي أو تخلي وليد بحدو....أنا:ووووليييد؟؟.....وليد:(بصراخ)هربيييي....مزادتش تفكر أو عطات رجليها لريح.....كتجريي أو صوت ركض رضا تابعها....حساات بحالة كتسابق فمارتون الموت....رضا:وقفييييي عباااق....وقفات بش سمعت صوت تساطح ضخم....دارت متفاجئة بجود هاجم عليه....طاحت عوتاني على أبشع صورة شافت فيها جود شي نهار....توحش جسدياً أو حتى صوتوا إكتسب نبرة غريبة....خدم يديه بحل شي ماكينة فتوجيه لكمات لا تعد ولا تحصى....رضا فشل حل يديه على شك سليب أو جود متكي عليه بلا توقف....
جا حكيم هز ختوا من الأرض...عنقها من لور كيهمس فودنها أن كلشي ولا بيخير....حكيم:يلا عبق نمشيو من هنا....أنا:لا أهيء أهيء جود باركا متقتلووش عفاااك.....حكيم:(كيجرها)زيدييي أعبق لوضع خطير هنا....أنا:أهيء أهيء😭😭 لاا بعد مني غنمشي مع جوود....لحت لملف أو دفعت حكيم بكل ما بقى لي من جهد....تلاحيت على ضهرو كنجبد فيه...مبغيتش يتوسخ يديه بقتل مجرم حقير أو تبقى بصمة محفورة على جبينو مدى الحياة....أنا:أهيء أهيء جوووود براكا وقف را سخف عفاك لكنتي بصح كتبغيني حبس الله يخليك....توقف بقبضة كترعد في لهوى....رخاها بروية أو مضربوش كيجاوبها بلي بصح كيبغيها....عنقتو كندوز يدي على صدرو لمنتفض بجنون.....بشرتو سخونة أو ضهرو كيطلع أو يهبط بجسدي المتعب....ناض أو قلبني كيشوف بعينين متفحصين آتار ضرب رضا على وجهي....جود:(ركلو برجليه)حقير مابغيتش نوسخ يدي بدمك غنخليك تعدب فلحبس حيت لموت ارحم لك....أنا:أهيء أعععحئ😭😭😭 يلا جود نمشيو من هنا.....بعدو بمسافة مبعيداش بزاف قبل مينضم ليهم العقيد...خدا لملف لي غيساعو فتفكيك لعصابة أو تسالم مع جود على نجاح لخطة.....ولكن فهد الحديت...رضا فاق مقسح....عضام وجهو مهرسين...فتح عين بصعوبة أو خشى يديه وسط سروالو جبد مسدس ضغير ولكن تصويب ديالو دقيق....حط كوعو على الأرض يتقعد بيها أو وجه سلاح لضهر لجود....رضا:(بصراخ)جووووود مغنموتش بحدي حتى نتا أتمشي معايا فهد رحلة طويلة....برك على زناد...داز دكشي بحل ضربة لبرق....معطاهم حتى لوقت يستوعبوا إلا عبق لي ترمات في وجه رصاصة جاتها نيشان لصدر....جود:(بصراخ)عبااااق.....العقيد تكلف برضا أو نهى عمرو....حكيم تصدم ما عرف بش تبلى...جود نزل عندها أو جبدها لصدرو كيرمش بعدم تصديق....سدات عينها أو دموع كتلئلء فوق حناكها....جود:عبق لا ففففيقييي....

بدات كتكح أو حلات عينها بشهقة قوية....جود حيد لها جاكيت أو طلع تريكو كيحل لبدلة الواقية....جود:عبق نتي بيخير؟؟.....أنا:اااه غير كدرني شوية....جود:صافي أحياتي بشوية عليك هانا حيدتها....أنا:أووووف بشحال مزيرة فين بنتي؟؟....حكيم:ديتها لمكان مأمن يلا نمشيو من هنا.....
***في لمخفر***:
سلمو لبوليس تاج لعبق أو جود....دنيا كانت مطرطقة بصحافة....لكميسارية ولات بحال محج زوار لشي منطقة مشهورة....حتى فيروز أو ريم كانوا تماك....شدو رجال رضا شي فزنزانات شي دخل فحالات مستعجلة....أما رضا داوه جتة هامدة لمشرحة....جود حضن بنتو كيبوس شعرها أو عبق ناعسة على كتفو كتشوف فيها بغرام لعينيها زرقين....دخل عندهم العقيد...جر كرسي مقابل معاهم أو ربع كيتفرج فهم....العقيد::سي جود ممعري شفت فحياتي راجل بحالك كيبغي بهاد شكل....جود:كلمة نبغي قليلة فحق أهم إنسانتين فحياتي كنشكرك على مساعدة ديالك أسي محمد....العقيد:لا داعي هدا واجب مدرت والو صراحة مقارنة معاك حتى مدام عبق مرا قوية بزاف لخطة نجحات بفضلها....أنا:هههه بنتي بين يدي أسي محمد اشنو أنبغي كتر من هاد الحضن دافي ديالهم.....العقيد:(جمع لوقفة)سي جود لملف تسلم بسرية أو حرص لماليه كنواعدك أيقومو بلواجب أو كتر نتا تهنى من هاد ناحية أو تبارك الله عليك(صافحو)كون كانوا رجال فهد دنيا بحاك معمر لكره أو لمشاكل غتكون موجودة....خرج أو ماهية إلا دقائق تمت فيروز أو ريم ارسلان حكيم أو حتى وليد بعكازو داخلين متهجمين عليهم....أنا:هههه هاهما جاو....فيروز:أهيء أهيء تاج(خداتها فحضنها)حبيبتي مواح زين ديال جدا ياك مافيها والو....أنا:لا ماما قلبوها مزيان تاج بصحة مخيرة....ريم:رضا مات؟؟....جود:مات وخا كنت باغيه يتعدب كتر....أنا:(عنقت وليد)كي بقيتي توحشتك بزاف أخويا...وليد:هههه قشرني بحل لبطاطا هههه مي هانية على ودك نموت جاع هههه.....أنا:هههه ياك كيدايرة واحد حورية؟؟....وليد:(ضرب كرشو)حاملة هههه.....أنا:تزوجتي بلا خباري صافي أنا تقلقت....وليد:هههههههه مالي أنا نبقى نتسنى فيكم هههه نتومة ولدو أو أنا نش دبان.....جود:هههه مبروك زربتي عليها ولد لحرام.....حكيم عنق ارسلان باسو فحنكو أو عطاه لمو....باس جبين فيروز أو تاج نائمة فوق صدرها....بقات ليه حاجة وحدة أو يكفر على دنبو فحق هاد العشاق لي دار فيهم لعجب....حكيم:جود عبق وخا نهدر معاكم؟؟....جود:مالك أحكيم؟؟.....حكيم:أنا بغيت نطلب سماحة منكم بجوج....أنا:اويلي أخويا علاش غنسامحو لك شنو درتي لينا؟؟....حكيم:لا ختي أنا كنت شرير بزاااف وصلت بي الحقارة نبعد جود من حياتك أو ندخل لها راجل وحدا أخر سمحليا بزااف بش تخطفت تاج عد عرفت معنى أنك تفقد شي حد كتموت عليه....عبق حنت فيه أو شدات فيديه بجوج فوق قلبها....أنا:لا خويا أنا متفهماك مزيان نتا درتي شغل أي أخ فلعالم خفتي علي أو بسباب حسن تربى فيك ضل راجل ميت لقلب ولكن أنا كنبغيك بزاف كيفما بغيتي تكون.....حكيم:ههه أجي لعندي....ملئت حضنو بشعور دافي أو هو معنقها....عطاتو طعم جديد لأخوة عبق علماتو أن لحب كيتبين ماشي كيبقى مخبي فجحر بلا مايخرج بنورو لعالم.....باس جبينها أو إنتقل لجود بعناق رجولي محض....ضرب على ضهرو بشكر أو مودة....حكيم:شكراً أصاحبي طلعتي راجل أو غانكون مرتاح لبال على ختي معاك....جود:حتى نتا شكرا على مساعدة ديالك....وليد:أو أنا لي تجرحت ميعنقني حد؟؟.....الكل:ههههههههههه.....

مرت الإيام....أيام طويلة مليئة بسعادة....أول خبر مفرح أن الأجهزة لمغربية تعاونات مع دول كتيرة بش تفكك لعصابة أو فعلا تطورات لقضية فمنحى إيجابي رغم أن لمسألة خدات لهم وقت طويل أو مجهود بحث مضني إلى أهنم فالأخير قدرو يتوصلو لمارك أو يشدوه بتهم خيالية من قتل أو تهريب أو تزوير إلى آخره من جرائم الخطيرة.....
حكيم أو ريم عايشين فوق سحاب...ولا كيحماق عليها عوضاتو على لحب لي فتاقدوا طيلة سنواتو الثلاثون لماضية أو حس بنفسو تزاد من جديد معها....ولدهم ارسلان ضاف تتبيلة من بهارات سعادة أو لغبطة لحياتهم...حتى ولات وصفة كاملة مكمولة لعائلة يحسد عليها.....كان صباح بكري...كان حكيم كيصلي لفجر أو كيدعي فسجودو الله يديم عليه لفرح أو يبعد على ولدو كل سوء....بحال لعادة حس بتقل خفيف على ضهرو أو جاتو ضحكة....كمل تحية أو حابس بقوة من حديد ضحكة مجهدة....حكيم:السلام عليكم السلام عليكم....جبد ارسلان من ضهرو كيضحك على لحركة المفضلة ديالو وقت صلاة...دائماً كيتسنى باه حتى يصلي وخا فلفجر أو ينوض يتعلق فيه أو يبدا يكركر....ارسلان:بابا طيالا زوينة....حكيم:هههه مغتملش من فياق بكري ههههه (كيهرو)قول هههه أتبقى ديمة تعلق في أو تخسر لي صلاة شنو ندير فيك شنو(باسو بحرارة)كنبغييك أولدي يلا نوضو مامي تابعنا سفر.....هزو كيلعب بيه فسما حتى وصلو لبيت نعاس....حطو على وجه ريم أو غمزو ينتفها بش تفيق....ارسلان:ماما ماما هههه ماما(كينتفها)فييكي.....حكيم:وا نعاسا وا مدام(باسها فنيفها)وا فيقي عدنا طيارة مع 10 نوووضي بركا عليك....ريم:(غطات وجها)أووف كي نتا كي ولدك خليوني نعس شوية.....حكيم هز ولدو لآحو فسما أو شدو عاود ليه لعبة طيارة لي كيموت عليها....حكيم:يلا ارسلان غني أوولي أووولي أولي أوووليي أووليي يلا فيقي رييييم ارسلان غوت أبابا بداك صويت....ارسلان:ويييع لوولعيعيي لييم فيييكييي....ريم لاحت وسادة أو شافت فيهم بعصبية خاصةً فحكيم ولا برهوش مع ولدو....ريم:أووووف مرضتوني هاني نايضة متخليو لي يرقد....حكيم:هههه يلى ارسلان عطيني كف مهمة ناجحة ههههه..... 
***في فيلا جود***:
كتحبو على رجليها أو يدها....فتاة أقل ما يقال عليها بارعة الجمال....رغم أنها صغيرة بزاف على هاد لوصف ولكن لي شافها كيكون متيقن مستقبلا أنها غتكون من جميلات سكان الأرض....شعرها قصير كستنائي هو لي مبدل فملامحها المتبقية فحالي بغات ترضي مها من شي ناحية أو متشبهش كليا لجود.....بشرتها بيضاء نقى أو صفا من لحليب...عينها كبركتي ماء صافي أزرق عدب تشهى تعوم وسطهم....دخلات لغرفة والدايها ناعسين....ديما كتفيق بكري حيت كتحمقهم فليل أو كيضلو سهرانين معاها أو كيكون لحال فصباح بهاد شكل....تشعبطات فلحاف تا طلعت أو مشات تخشات بين رجلين جود كتنتف ليه زغب....جود:تاج نتي عوتاني هههه طيرتيلي زغبي ابنتي.....هزها لسما غيتسطى بضحكتها صباحية المنعشة....جود:شنو ندير فيك ناكلك ااه ناكلك.....حطها بلطف أو خشى فمو فحنكها كيعضها برفق أو يضحك معها....جود:ههههه منين جبتي هاد زيين منيين أححح غناكلك شي نهار....تاج:زوزو(فتحت يدها)بوثة كبيييلة.....جود:ههههه جوجو مشي زوزو شتي مك شنو علماتك ههههه يلا نمشيو نوجدو فطور؟؟....عنقها أو ناض كيلعب بيها فلهوا.....خلا عبق ناعسة مع سهرات البارح فأشغال زوجية ممتعة هههه.....هبط لكزينة أو حطها فكرسي ديالها.....جود:نطيبو بيض أو عصير أو شكلاط ياك أو قهوة لبابا....تاج:بعيت كنفنيكس....جود:وا كورن فليكس ابنتي مال فمك عوج هههه....تاج:(كتبوحط)بعييت كنفنيكس أهيء او شكلات....جود:هههه اناري على بوحاطية اجمعي دموعك....تاج:لا زوزو بعيت كنفنيكس أهيء أهيء.....جود:(بقات فيه)لمشكلة منقدرش على دموعك هاكي أو سكتيني(باسها)نمشي نفيق ماما أو نجي....طلع بخفة لبيتو أو جر عبق من دراعها حتى جابها واقفة....أنا:أيييي جود بغييت نعس طلقني....جود:هههه وا بنتك فاقت أو نتي مازال خامرة ولا نسيتي أزين بلي مسافرين ليوم....أنا:منسيتش را لبارح نعست معطلة....جود:يلا عبق مازالينا بزاف ميدار(هزها)خصني معاك لعنف أو تجرجير بش تسمعي لكلام ناس مزوجة بعيلات أنا عندي جوج برهوشات فدار.....أنا:هههه دبا أنا مشي من عيلات أو برهوشة اوا سي البارح فليل نفكرك شنو كنتي كادير لهد لبرهوشة؟؟أمم دوي....جود:ههههه أمبقيتيش كتحشمي....أنا:هههههه فين هي جود تاني؟؟...جود:هههه هاديك راها تاج متبقاش تقولي لها جود تاني....أنا:وا حبيبي قول درتيلا تفو أو حطيتيها مدات مني نقشة ديال شبه توحمنا عليك أو ندمنا....وصلوا لتحت تاج غير شافت مها مهزوزة بدات تبكي حيت كيضلو مقاتلين على جود....تاج:زوزو تا أنا تا أنا أهيء أهيء....أنا:جوجو ديالي أنا(عنقاتو)ماشي زوزو....تاج:لا زوزو دالي أنا....عبق نزلات أو مشات كدابز مع تاج فحال كل صباح....أنا:جوجو ديالي أنا أنا فهمتيي بلا متحلمي....تاج:(عقدات حجبانها أو زيرات على فمها)زوزو دالي أنا....أنا:سكتي أنا أناااا....تاج:لا دالي أنا....جود:(ضرب راسو بقلة حيلة)مصيبة هادي.....

بدات كتحرك دقن ديالها أو لوات شنافتها لتحت كتوجد لبكىة حقيقية....أنا:لا لا لا صافي زوزو ديالك لا بنتيي(عنقتها)متبكيييش منقدرش على دموعك هههه صافي تصالحنا...تاج:زوزو دالي أنا....أنا:هههه أجي عند مامي موااااح أحح على زييين كتاكلي كونفنكس....تاج:هههه كونفنكس هههه....أنا:ماعندك تا سنان هههه أجي نرطبو لبنتي فحليب أو يجي بنين....(جلستها نوكلها)جود طيارة مع 10 ياك؟؟؟......جود:أمم واجدة تخلاي على لعيش فلمغرب فخطرة؟؟....أنا:صعيبة مي غنبقاو نجيو أنا مساخياش صراحة....جود:فاهم ولكن ماعندي ماندير هنا مي كنواعدكم فصيف نجيو كاملين....أنا:انشالله أحياتي مهم أنا نطلع ندوش راني غسلت لتاج البارح فليل لبسها شي حاجة زوينة لبالزات مجموعين سالي أو دوش بش نمشيو نجيبو ماما....جود:وخا زين ديالي يلا تاج نبدليك حوايجك أوبلا شنو بغيتي تلبسي....تاج:بعيت فيه كطة(كتشير صدرها)هنا....جود:ههههههه قطة ماشي كطة ههههه....

إنتهو من توضيب الحقائب لازمة....جود لبس لتاج أو مشط لها شعرها....عبق كملات حتى هي لباس او بدات كتفحص لاتكون نسات شي حاجة ضرورية....إلتاحق بيهم جود أو نزل لبالز لسيارة....أنا:تاج يلا نقولو بايباي لدارنا(شيرات بيدها بحركة إلى لقاء)قولي بسلامة بش نمشيو....تاج:بسلمة داالنا....أنا:هههه يلى حبيبتي....جاء جود سد لباب أو هز تاج دور دراعو على عبق كيودعو بيتهم لي دوزوا فيه أجمل الإيام.....مروا على فيروز لي مسخاتش بدارها مبغاتش فلبدية تعيش فبلاد من غير بلادها ولكن مع إصرار ولادها أو حب حفايدها وافقات تسافر معاهم بشرط تجي جوج مرات فلعام....أنا:وا مي زدتي فيه......فيروز:أبنتي بلادي أهيء أهيء😭😭😭 صعيب يفارقها لواحد....أنا:هههه تاج بوسي جداتك بش تسكت....حطتيتها على حجرها أو بدات كتبوسها فنما جات أو فعلا قدرات ضحكها....عبق جلسات حدا جود أو باست ليه يديه حيت عرفاه مألم من جهة مو....أنا:جود ماماك غتكون مرتاحة فقبرها عفاك مكنبغيش نشوف نضرة الإنكسار فعينك....جود:هههه لا أصلاً مني سمعت خبر أنها ماتت فلمصحة بقى في لحال ولكن مكنتش باني آمال مكرهتش ولكن ربي بغاها أو خصني نتقبل لقدر ديالنا على لقليلة رسالة لي خلات لي أو تصاورها نورو صورتها فقلبي أو ردو في روح كانت زوينة بزاف كتبشه لي....أنا:هههه آه الله يرحمها مسكينة كانت غتكون فرحانة بيك(عنقتو)ماتخافش غنعوضك ديما أحبيبي ياك كتقولي فيك كلشي هههه...جود:ههههه نتي حياتي كاملة....

وصلو لساحة طيارة لخاصة....تاج غير شافت ارسلان بغات تنزل تعنقوو....حطها جود أو بدات كتمشى أو طيح حتى وصلات عندو أو تعانقوا بجهد....تاج:سلان هههه أزي لعب...ارسلان:تاز(شد يدها)بسوية باس مطيحيش....تاج:هههه زوزو جاب لي كطة كبيييلة....ارسلان:أنا بابا زاب لي طنبل كندير عنعن....حكيم:ارسلان تاج يلا نطلعو طيارة بركا من لعب...هزهم دخلهم لأماكنهم...دار لهم صمطة....أو باسهم بجوج....حكيم:ارسلان حضي تاج مزيان نعول عليك....ارسلان:وحا بابا....هبط من طيارة عند فيروز لي شوية غيسكت لها لقلب بلبكاء مبغاتش تركب....حكيم:أمي أنبقاو هنا وا يلا من صباح أو أنا نتسناكم....جود:ولوليدة وا بربي تنجيبك كل شهر ومسحي دموعك....فيروز:أهيء أهيء بلادي لحبيبة أهيء أهيء بسلامة أهيء أهيء خليت لك راحة....جراتها ريم من جيه أو عبق من جيه تانية كيضحكو عليها فصمت....طلعوها أو بقى غير جود أو حكيم كيتفرجو فنقطة بعيدة أو هوا صباح كيلفح وجهم فحلا كيودعهم....جود:حكيم مستعد؟؟...حكيم:بزااف صراحة مني إقتارحتي علي نخدم معاك أجود كنت متردد وليني مليت من عتمان خاصةً بش عرفت أنه كيستغل دهاءي بش يوصل ديما لصفقات لي بغى.....جود:أحسن مادرتي يلا مشينا؟؟...حكيم:بسم الله....
قلعات طائرة متوجهة لباريس....بعد ساعتين من زمن....حطت فساحة لمخصصة لها....نزلت فيروز دايخة مايتين عليها بضحك....عبق غير شافت بيتر مشات كتجري ترمات عليه معنقاه بحرارة...أنا:هههه بيتر توحشتك بزااااف هههه....بيتر:هههه(بدرجة معكلة)تا نا توشحتك هههه....أنا:ههههه وليتي كدوي بدارجة؟؟....بيتر:un peu لباس أليك؟؟.....أنا:ههه لباس كدايرا لارا؟؟....بيتر:لباس elle est hypercontente de te voir une autre fois(انها سعيدة لرأيتك مجددا).....أنا:هههه حتى أنا....سلم على بقية العائلة أو طلعنا لسيارة ناحية لمزرعة....جود بغى يسكنهم فباريس لكن عبق رفضات بغات تكمل حياتها فلمزرعة مع ناس طيبة أو لارا أو تعيش فنقاء طبيعة....طريق دازت غير ضحك أو عبق غتحلق بسعادة....وصلوا لمدخل مزرعة لوكاس أو بدا شعورها بلحنين لأيام جميلة كيستحود عليها....فرانا بيتر أو خرجات عبق هي لولا كتبكي لحضن لارا...تعانقو كيدمعو على كتاف بعض....باستها فحناكها أو بدات كتمسح لها دموعها....أنا:صافي أهيء أهيء خصنا نضحكوا توحشتك بزاف....لارا:أهيء أهيء😞😞😓 عبق حتى أنا حسبت ليام أو سوايع على قبل هاد لحضة....أنا:هههه أمدرا عندك وليدات؟؟....لارا:جوج هههه عندي مجد أو بنيتا سميتها أحلام....أنا:يااي تا أنا جبت بنيتا كدايرة خالتي نعيمة؟؟....لارا:كتوجد لكم لغدا هههه أو كانت مشغولة مع توجاد زواجكم نتي أو جود....أنا:ههه مسكينة عدبناها أجي نعرفك على بنتي....
بعد لقاء أو تعارف لحار....جلسنا مجموعين على طاولة الأكل لمغربية المحضرة من طرف نعيمة.....جود:الله يعطيك صحة لالا نعيمة هدشي بنين....نعيمة:بصحتك أولدي توحشناك خليتي بلاصتك بين لعمال أو حتى تربة توحشات يديك....جود:هههه اوا هاني رجعت مع ترينgة لبشار....أنا:هههههه هجمنا عليكم أخالتي ولله منمشيو من هنا....نعيمة:هههه دار دارك ابنتي نورتي بوجودك أو بوجود تاج لحبيبة أو ارسلان أو للا فيروز سي حكيم أو سيدة ريم اش خصنا مازال....فيروز:ربي يخليك الحبيبة صراحة كنت خايفة من لمعيشة هنا ولكن عجبني لجو زيين بحال لعروبيا أو ناس درييفين حتى نتي دخلتي لي لقلبي بعدا نلقى معامن نتعاود هههه.....بيتر:سي جود كلشي كيتسناك فلحقل بغاو يرحبوا بيك....جود:انشالله نسالي أو نمشي عندهم للا نعيمة لقيتي لعدول؟؟...نعيمة:اييه هبطني بيتر لمدينة أو لقيت واحد دار معنا غدا فاليل انشالله....جود:مزيان تبارك الله عليك غنديرو دكشي بيناتنا نوتق زواجي من عبق أو تولي مراتي قانونياً هاد لمرة وسط فاميلتها أو حبابها أنا فرحان بزاف حيت قدرت نحقق لها هاد الحلم(باس يدها)كنبغيك أحياتي.....

في لمساء....جود حضر لترحيب سكان لمزرعة ديالو بيه....ورا لحكيم أنحاء لفيرما برحلة على لعود....عبق فيروز لارا نعيمة أو ريم بداو بتجهيزات حفلة توثيق زواج ....جابو لعبق كسوة لعرس.....وصلت طلبية لحلويات لي غتوزع على سكان لمزرعة بهاد لمناسبة....نعيمة أو فيروز غرقوا فالكزينة واحلين مع طياب....عبق أو ريم أو لارا وجدوا لقفاطن أو بدل رجالاتهم....ريم:(تلاحت على سرير)أووووف عييت عضامي ضروني.....أنا:هههه تا أنا لارا عفاك جيبي تاج أو ارسلان أو حتى ولادك خصنا نعسو لوقت معطل....لارا:وخا مدام.....
من مور تواني تمت تاج داخلة مجلخة كاملة بلغيس كتمص صبعها أو كتبرقق بحالا مدايرة والو......لارا تفرقعات بضحك بدموع على شكلها المرعب....أنا:اويلي ويلي ويلي على لمسخوطة واش كنتي كتعومي فتراب؟؟....هزيتها لحمام أو شوية تبعاتني ريم بأرسلان حتى هو مزوق بتراب أو لغيوسات....ريم:دبا شتي هاد لبراهش اناري مييمتي قتلني فصحتي....أنا:وا شوفي هانتي جيت نعس خرجات لي هاد زرقة لعينين بخدمة....شعلت لحمام غسلنا لهم تراب....لبسانهم بلكشايف مبغاوش ينعسو عجبهم لجو برا....أنا:تاج متعصبينيش يلا نعسي...تاج:بعيت زوزو....أنا:جوجو برا مع خالك نعسي أحبيبة لوقت معطل....طفيت ضو أو خشيتها فصدري....أنا:تاج كنبغيييك أحبيبة عارفة هدشي؟؟....تاج:ماما تنبعيك تا نا.....أنا:حبيبة ديالي موااح ربي يخليك لي....تاج:لا رد....أنا:نعستي؟؟الله يخليك لي حبيبتي كنبغيك بزاف بزاااف.....غمضت عيني غادية فنوم عميق أو جميييل مع بنتي لي بدلات مني بزاااف حوايج لأحسن.....
***في صباح***:
الأعمال متوقفاتش....وجدوا جردة بطاولة طويلة متكونة من نفس عدد أفراد العائلة أو حتى لمدعوين.....زينوها بشكل عصري بنسبة لتوثيق زواج....أما صالون فرشوه بتقليدي...حطو الحلوة أو لعصائر...شغلوا لموسيقى بلحن شعبي.....طلعت ريم أو لارا لبسوا لقفاطن....جاو ضياف متكونين من ولدين ريم....أو حتى ماريا أصر جود أنها تكون حاضرة....جود:جدا ههههه(عنقها)توحشتك بزاف...ماريا:أهيء أهيء ولدي لحبيب حفيدي لغزال توحشتك بزاف نسيتيني حشوما عليك....جود:هههه تهنيتي مني زيانيتي أو صغاريتي هههه...ماريا:حشومة عليك حمق لاخر فين هي عبق؟؟؟....جود:كتوجد راسها أجي رتاحي....
عبق لبسات تاج كسيوة خضراء ملكية....دارت لي خيط دهبي على جبينها...لبسات لها بليغة صغيرة أو زرزراتها بدهب....أنا:تاج يلا حبيبة هبطي عند بابك او بشوية عليك فدروج.....تاج:وحا مامي....خرجت كتجري تساطحات مع ريم او لارا....ريم:هههه جات غزالة حتى ارسلان جا معاه لكستوم.....أنا:أووووف مازال خصني نلبس أجيو عاونوني......
تجمعات العائلة فصالون....جود أو حكيم ببدل رسمية مجلس كل واحد فيهم ولدو فحجرو كيلعب معاه....ارسلان كيضحك مع تاج أو يسافط لها قبل طائرة....ماريا مجمعة مع سعيدة أو بيتر شاد لحتيت مع حسن باين ريم.....بقاو جوج أشخاص كيتسناهم جود بفارغ صبر.....جود:تعطل وليد بيتر نوض شوف واش جاء؟؟....وليد:هههه لعشير أخليه بارك هاني....جود:أهلاً أهلاً هههه(عنقوو)تعطلتي بزاف أصاحبي....وليد:هههه حورية هي لي قاتلك طير نزل نجيب لها قفطان هاهي كي جاتك؟؟هههه مشي زوينة بلكريشة....جود:(سلم عليها)أهلاً حورية لباس عليك؟؟....حورية؛هههه حمد الله خويا جود....جود:ها لبطل ديالنا مراد هههه كبرتي بقى لك غا زواج....وليد:أكايدير شي بسالات دبا داير فيها حشمان هههه....جود:زيدو مرحبا بكم....
انتهت أخيراً من لبس فستان زفاف....قادو لها شعرها سامبل مهزوز من جناب بلفوال....لآغوب كانت زوينة بزاف جمالها كيكمن فبساطتها مخيطة من لفوق بدانتيل هابطة على لكتاف...مشدودة من لخصر بوشاح بيض بين لها رقة خصرها.....أما لتحت نازل منفوخ بتوب أبيض ناصع لبياض....ريم:غزالة نتي لي جات معاك هههه ضاربة جوج عراسيات....أنا:هههه هادي غتكون حسن وسط عائلتي أو حبابي....لارا:سالينا عبق يلا نزلو ريم زغرتي هههه صلاة أو سلام على رسول الله.....

نزلوها بزغاريت...لارا شادة لها توب من لور أو ريم كتساعدها تهبط دروج بلا تكربيع ههه.....جود واقف ففمقدمة دروج هايم بيها كتزيان فنضرو كل دقيقة....مد لها يديه أو جرها بلطف كيبوس جبينها....جود:جيتي كتحمقي مبقيتش قادر على هاد زين كامل....أنا:هههه حتى نتا جيتي وسيم بزااف جوجو ديالي....جود:(بهمس حدا ودنها)سكتي قبل مندخل بيك أو ندير بناقص بشي عرس....أنا:اويلييي حشم.....فيروز أو نعيمة حطوا لعشاء أو لحناء أو شموع....فيروز:لحمد الله سالينا فلوقت هههه...نعيمة:هههه وايه تبارك الله تيسر لهم كلشي....فيروز:اوا مالين دار تفضلو....تمو داخلين شدو بلايصهم.....عبق سلمت بحرارة على ماريا.....ماريا:سمحليا بنتي أهيء أهيء كدبت عليك.....أنا:ماتقولش هاكدا خالتي بلعكس نتوما حميتوني.....ماريا:سمحيلي ماجيتش فسبوع دراري ولكن هاني معاكم من هنا قدام انشالله....أنا:تنوريك تصاور سبوع دارو ليهم بواتهم عقيقة مكينش بحالها هههه مرحبا بيك تفضلي....جلسنا ندير فال لحنا....نقشت غر صبع....رشت علينا ماما زهر كيصليو على نبي....شربنا بعضنا لحليب أو كلينا تمر بش حياتنا تكون من هنا قدام حلوة...جود:دبا جات نوبة لخاتم بزربة أعبق ريحة لماكلة دوخاتني جاني جوع هههه...أنا:ههههههه ها أسيدي مبروك علينا....جود:(ركب لها خاتم ألماس جديد)مبروك أحبيبتي(باسها قدام ناس)كنبغييك....وليد:وا قتلنا جوع الحيبان طلقو راسكم....جود:سالينا يلا بسم الله....
من ورا لعشاء...خرجوا لجردة المضيئة بأنوار ملونة...عبق شادة جود من دراعو أو تاج فيديه تانية كتعكل أو تنوض حتى هزها....حكيم معنق ريم أو ارسلان فحضنوو كلا تا داخ ههه...فيروز نعيمة أو ماريا كيصليو على نبي أما وليد شد فكرشو كيزيد بزز....بيتر جاب لعدول هو جزايري خدام ففرانسا.....استقبلوه أو جلسو على طاولة مع جوج شهود لي هما حكيم أو وليد....لعدول:مبروك عليكم....جود:الله يبارك فيك....لعدول:نبداو لمراسم حنا ليوم فحفلة زواج موسيور جود لوكاس أو مدام عبق العلمي....سي جود قابل تزوج بآنسة عبق على سنة الله ورسوله؟؟...جود:(بصراخ)قابل حتى لموووت هههه....لعدول:أو نتي انسة واش قابلة؟؟....أنا:(قاطعتو)قابلة ولله حتى قابلة هههه.....لعدول:اوا مبارك أو مسعود كنعلنكم زوج أو زوجة سنيو هنا(قدم لهم دفتر العائلة)....جود سنا هو لول دوزوا لعبق....عطاو لشهود يكملوا الإجراء...وقفو كاملين كيسفقو...مد لهم العقد أو لارا جابت الحلوة نزلاتها بحرص قدامهم فيها صورة جود أو عبق أو حتى تاج.....لارا:هههه مدام عبق مونسير جود مبروك تفضلوا قطعوا الحلوة....مسكو لموس أو جابو حتى تاج وسطهم....قطعو أو وكلو بعضياتهم....خداو صور كتيرة أو شعلو لموسيقى كيشطحو بفرح على أنغام هادئة....وليد مع حورية....لارا مع بيتر....شارفات جالسين كيتبكاو على لمشهد رائع....ريم حطت راسها على كتف حكيم من كترت سعادتها بكات بدموع لفرح....أما لبراهش خالقين سعادة بأصواتهم البريئة ....إلا جود كان موجد مفاجأة لعبق....نساحبو فصمت من تماك أو داها لتلة جات كطل على لحقول كاملين....سما عامرة بنجوم أو لقمر فإكتيمالو...ريح خفيفة أو نسيم عليل كيضرب شعرها لور بانت بحال أميرات الحكايا الخرافية....أنا:واااو أجود هاد بلاص زوينة بزااف....جود:نتي أجمل منها أحياتي...عنقني من لور كنتفرجو على سماء المتلألئة بحالا كتشاركنا فرحتنا...كنحس قلبي هاني أو همومي تقدات....اشنو خصني مازال ربي جزاني بحب كبيير حارب صعاب على ودي بين لي كل مرة عشقو الأبدي ليا...هداني طفلة أجمل من لبدر...عيشني أحاسيس خطيرة كندوبني بحال شمعة....كنفكر فأحداثنا لماضية ...جود كان معايا فكل لحضة خايبة أو خرجني من وحلها لدنيا جديدة....واجه الموت على قبلي أو نقدني من شباك كانت كتجرني لضلام لحالك.....طوقني بحمايتو أو عطاني قلبو نحتافض بيه.....دمعت عيني حيت وصلنا بجوج لهاد نقطة أو صمدنا لنهاية....يكدب عليك لكداب لي يقولك أن الحياة ساهلة أو خاصةً من ناحية الحب هاد لكلمة وخا صغيرة وليني كتجمع من أصدق لعبارات فخبايا حرفيها...بصح تعدبت بكيت قاسيت توجعت تألمت ولكن صبرت أو صبر هو مفتاح باب لغرام لخالد....جود:عبق أنا فرحان بزاف كنبغييك بلا قياس...أنا:(شديت حناكو بإصرار)تا أنا كنمووت فييك نتا نور عيني بجوج نتا روحي أو راجل حياتي نتا بنسبة لي وتين قلبي عرفتي شنو إلى إنقطع لوتين كيموت بنادم أو أنا غنموت إلى وقعت لك شي حاجة لا نتا لا بنتي(كنبكي)أهيء أهيء...جود عنقها كيحاول يكالميها...باس شعرها أو حط يديه بلمسات سخان على ضهرها حتى سكنات من بكاء....جود:أنعيش حياتي أعبق غير فلخدمة ديالكم نتي أو بنتي ربي كيجازيينا دابا على صبرنا أنا أو ياك مشي ساهل دكشي لي مرينا بيه كنواعدك حتى حاجة مغتوقف فطريق سعادتنا أنا أو ياك أو تاج.....أنا:كنتيق فييك بزااف أحبيبي....جود:(دمعو عينيه)نتي قلبي لي كينبض قد مغنخرج من فمي كلمة كنبغيك كنقسم لك مستحيل تكون بقدر دكشي لي عامر عندي هنا(قاس فصدرو).....أنا:تا أنا كنبغيييك بزاااف بزااف(بصراخ مرح)بزاااف هههه المجنون ديالي ههههه....جود:(قربها ليه بزاف)بصح شوفي فسما بغيت نجوم كاملين يشهدوا على هاد لكلمة كنعتارف لك أو ليهم انني أنا جود لوكاس"مجنون بيبو"....قبط وجها بحنية بالغة أو غمض عينيه....حط شفايفو على فمها أو غرقوا فقبلة طويلة ختمت بدالك قصة حب غادوم مدى لعمر.....

🎉🎉🎉النهااااااااااية 🎉🎉🎉

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.