صورة مصغرة لـمجنون بيبو الجزء الخامس

مجنون بيبو الجزء الخامس

l5ams jonon w majnon bibo
رواية مجنون بيبو بقلم شهد

في صباح لباكر...ناض جود هو لول....حيد تيشرت أو وقف قدام لمرايا....كيشوف بنية ضخمة كبرات مع لوقت بتدريب أو بلمجهودات ديال سنين..سنين قديمة كان كيتمرمد كل نهار فلمعسكر لبعيد....فالبداية كان مجبر ولكن من بعد ولف أو بقى على هديك لحال حتى وصل لهاد نتيجة المرعبة....قاس فلوشم لي فكتفو.....تفكر نهار خرج من لمعسكر أول حاجة دارها مشى لمحل لوشم...عرض عليه لخطاط بزاف موديلات واحد عبر على دكشي لي داز عليه .."Do Not Judge My Story By The Chapter You Don't Know Anything"(لا تحكم على قصتي من فصل واحد أنت لا تعريف أي شيء)...هاد لكوط حس بها قريبة بزاف منو...ختارها تزين كتفوا مدى لحياة....غرز يديه فشعروا حتى هو مكانش طويل فلول..لكن دار فبالو بلي جود لي دخل ماشي هو لي أيخرج...كان عليه يتبدل شكلا أو مضمونا....تنهد بقلة حيلة..أو دخل لدوش.تخشى من تحت لما لبارد غسل تعب ليلة لفايتة كاملة....خرج من بعد لبس أو مشا يصاوب لفطور..........بشحال زوينة تنعس أو نتا مهلوك ..يمكن هادي هي أجمل حاجة بعد نهار شاق..نضت كنتكسل بعد ما شبعت نعاس....غسلت وجهي أو جمعت شعري بقراس..خرجت لبرا نشم هوا صباح....الله بشحال زوين....مع فتحة لباب دخل هواء منعش ديال لبحر...شمس كانت حارة كدفي بخيوطها دهبية الأمواج الهادئة أو كضيف لهم لون كيجعلهم براقين..تمشيت لمقدمة ديال ليخت أو دغية دكرت شنو دار فيها جود البارح....فديك نقطة بضبط اكتشفت حبي ليه...ولكن يا ترى شي نهار أتكون عندي لجرأة نصارحوا؟؟..لا منقدرش ..عنقت راسي أو تخليت على شعوري.. أنقتلو أو نكمل حياتي بلا جود بلا غيرو.....سمعت خطواتو كيقربو....مدرتش مخسنيش نضعف ....أنحاول ما أمكن نبعد عليه.....جود:عبق لفطور موجود أجي.....أنا:مافيا لي ياكل...جود:من لبارح مدقتي والو....أنا:جود شغلي هداك صافي....جود:لي بغيتي...شنو قال؟؟....دغيا لبى طلبي...درت بزربة كان إختفى مشى أو خلا أتر مجروح بداخلي.كيفاش يقدر يدير فيها هدشي؟؟...ياك كان كيجبرني ناكل دبى علاش تخلى علي؟؟....عفطت على كرامتي أو تبعتو....كان جالس على طبلة أو كياكل بهدوء...ولا غريب هاد صباح حتى طريقة الهمجية ستبدلها بهاد طريقة راقية....ممولفاش عليه هاكا....أنا بغيت جود لقديم.....جلست مقابلة معاه أو شاف في بدون تعبير..شنوا كيحاول يدير؟؟.....جود:بدلتي رأيك؟؟...أنا:اه حسيت بجوع فجأة...جود:بصحة...شهاد لخرا؟؟...جود أو "بصحة"؟؟....لا لا هادا وقيلا شرب شي حاجة دوخاتو...أنا:جود نتا بخير؟؟....جود:(بضحكة خفيفة)اه بخير.....أنا:ولكن؟؟..ناض وقف أو مخلاني حتى نكمل سؤالي...أنا:لا بغيت جود ديالي الحمق تفو...خشيت فوجهي بلفقسة أو كليت كلشي......من ساليت..مشيت نقلب عليه....أنا؛جود؟؟....فينك؟؟.....تخلعت أو قلبي تقبط علي...قلبت ليخت كلو أو مبان ليه أتر...جاتني البكية مستحيل يمشي أو يخليني..بقات لي بلاصة وحدة ديال لقيادة...هبطت كنجري أو فعلاً كان تماك كيساوب شي حاجة...بدون شعور دورت يدي على كرشو من لور كنرجف....أنا:جود فين مشيتي قلبت عليك أو ملقيتكش..جود كان شوية أو غيطرطق...بلع ريقو أو هي كتلعب بيدها فوق صدرو أو كضغط عليه....رجع تنفس ديالو بطئ بزاف أو قبل ميتهور على هاد لحركات لي واخا عفوية ولكن بنسبة ليه كتسل منو لقدرة على عدم الإنجراف نحو رغبتو فيها....حيد يديها أو دفعها برفق رد وجهو لجليدي أو خنزر فيها باش تبسع منو...جود:مالكي؟؟...أنا هنا فين أنمشي زعما؟؟ليوم أنرجعو....أنا:فين؟؟....جود:لوطيل سيري رتاحي حتى نسالي...أنا:(معصبة)علاش كتصرف معايا هاكا؟؟....جود:أو كفاش بغتني نعاملك؟؟ياك نتي قلتي بفمك بلي كل نهار كتزيدي تكرهيني بفعايلي...صافي أنا قررت من ليوم نبدل كلشي أو هاد جود لي أيتولي تشوفي....أنا:(بلغوات)لااااااااا بغيت جود لقديم.....جود:لا أعبق أنا....قطعتو أو جمعت معاه بتسرفيقة حتى قسحاتني يدي...أو من بعد شنقت عليه بيدي.....أنا:(دموع فعيني)لا أنا سرفقتك أجود يلا بوسني شنو كاتسنا؟؟أنا مبغتش تولي هاكدا....جود قرب يتهور عليها أو هي كترجاه يبوسها ولكن مستسلمش....دفعها بجهد أو خلا دمو بارد...أو هي كتغبن أو لاصقة فيه....جود:سيري خرجي ماساليش لعب ديالك....أنا:(كنبكي)كيفاش؟؟...مداهاش في أو هز طرنفيس.....تلاحت عليه نحيدو ليه ولكن مقدرتش....أنا:مديرش فيا هاكدا أجود هئ هئ ..جود:عبق خرجي لبرا....هزيت يدي سما أو رجعت سمكتو.....أنا:هانا كنسرفقك أجود دير شي حاجة تبين بها بلي مازال حمق أو بلي كتكدب علي.....جود زير على طرنفيس فيديه حتى كان أيقسمو....جدبو وجها لعامر بدموع أو كيفاش كتمسحهم بيدها صغار...أو شعرها لي قرب يطيح على ضهرها فحال ستار من ليل....ماقدش مازال يكدب عليها أو يكدب على راسو.. دور لي ختار يمتلوو فصباح مجاش معاه أو معمر غيقدر يتشبه بإنسان هادئ أو خاصةً قدام بنت بلعناد ديالها....قرب منها أو هي مبعداتش بقات تابتة فحالي كتناديه...رما لمفك أو دخل فيها بعنف حتى كلاها مع الحيط....حس بها كتعراق بزاف...جود:(بهمس)بشحال مدتي علي يديك من مرة؟؟....أنا:(بخوف)جوج...ضحك حدا ودنيها حتى بورشها.....جود:ادن غتكون بوسة طويلة....زير على خصري حتى طلعني لمستوى وجهو....رجلي كيلعبو فالهوى...أو أول مرة كنوصل ليه....جود:عبق متأكدة؟؟....مردتش عليه ماشي حيت وافقت ولكن؟؟......أخر كلما أنقولها فنفسي قبل متقطع بفعل قبلة رماها على فمي بكل حنان فصلاتني على العالم بأسره.....

"في لحب...توجد عبارات أو أفعال كتيرة...لكن أصعب موقف هو بداية دخولك هاد لعالم لكبير....يقال أن لحب أيضاً لا يحتاج إلى بوصلة....القبل رسائل أرواحنا...أول قبلة جميلة تمر على تغري...دقت أجراس اندار قلبي بقوة معلنة أن رجلي بين يدي ولن أعلم أبداً مداقها لحلو فقط على فمه لعطشان ....ارتوي ولا أعرف كيف....لا امتلك تجربة لأبحر أكتر....ما امتلكه فقط هو لهفتي إليه وأضنه أنه تكفي ليعلمني شروط قبلة لعشاق "

كان متحكم في كليا....ماعرفت ماندير من غير نجمع لقبضات ديالي أو نعراق...بوساتو على فمي كانوا حنان بزاف...عرفني ما محترفاش فلبوس أو غمرني بهم بشكل متقطع... كل وحدة كانت أحلى أو أطول من لفايتة....ساد عينيه أو غايب عليا...طلعت يدي بجوج نشد ليه فكتافو ولكن ترددت أو رجعت نزلتهم....بديت كنحس بدوخة أو عييت من هاديك لوضعية معلقة مابين يده....حشمت حتى من عدم معرفتي بقانون لقبل...حيت هادي أول مرة كيبوسني أو أنا راضية أو مرافضاش....معرفتش شنو لي خلاني بضبط ندير ديك شوهة لعالمية ديال قبيلة....تفو بشحال أنا حمااااارة....يمكن توالفت عليه لدرجة مبغتش نشوف جود فشخصية أخرى من غير لي عرفتو بها...تولفتو بزاف...كنعجز حتى نتخيل بلي نفيق شي نهار أو منلقاهش قدامي....نزلت دمعة حيت لهاجس رجع لبالي أو دورت يدي على عنقو بقوة....حيد شفايفو أو أنا مقيدش نشوف فيه أو خشيت راسي فيه....جود:(بخوف)عبق مالكي؟؟.....أنا:(كنبكي)متمشيش أجود عفاك أو تخليني....جود:(دوز يديه على ضهرها)ششششش فين أنمشي الهبيلة؟؟....بعد من الحيط ولكن محطنيش على لرض....بقى مزير عليي فلهوا....مسح ليا على راسي أو شعري لي تزلع مرايا باش نتهدن....جود:دبا علاش كتبكي؟؟....كنا فرحانين زعما....أنا:هئ هئ حيت أنا.....جود:نتي شنو؟؟.....حسيت براسي بلي أنغلط أو نبوح بشعوري أو تراجعت فاخر كلمة أو قلبت كلشي....حيدت راسي أو شفت فيه.....جود حنو عينيه فيها أو دموع فحال قطرات ندى على حناكها....جود:(مسح وجها)مسحي خنونتك هههه.....أنا:صافي نزلني...هبطني لتحت بشوية...بغيت نخرج من هاد لموقف المحرج لكن مسمحليش....جود:عبق أجي....شد لي راسي أو نزلت عيني ....جود:شوفي في....أنا:لا رد.....جود:شوفي فيا أو سمعي كل حرف أيخرج من هنا....حط يدي على قلبو....طلعت فيه أو كانوا تعاليم وجهوا جديين لدرجة خوفاتني....جود:عبق أنا مغدش نخليك مستحيل فهمتي؟؟....واعدت راسي من أول مرة شفتك فيها انني نحميك.. بلاما تسولني علاش...خصك تأكدي بلي نتخلى على حياتي أو منتخلاش عليك....دبا وليتي مرتي أو كتهميني بزاف....هدرتو عجبتني بزاف كسرت كل لهواجس أو لكوابيس لي بنيتها فدماغي.....جود:(حط يدها على صدرو)عبق هادا بشحال هادي كان خاوي أو دبا ولا عامر أو بعد ما وصلت لهاد نقطة مستحيل نتراجع.....مفهمتش هاد الإعتراف واش كيبغني زعما؟؟...علاش ميقولهاش أو يهنيني؟؟....ساهلة بزاف "كنبغيك"...كتسغرق 2 تواني ولكن تقد تبدل كلشي فحياتي......ضحك أو دوز كفو على وجهي....جود:مسحي عليا هاد دموع ياك؟؟....أو من لهنا لقدام غادي يتغير كلشي...واحد لحضة حط صبعو على فمي....أو ركز عليه بنضرة حادة....حتى أنا تخدرت....أو رجعت ضعت فمتاهة عينيه لجدابين.....جود:كانت أجمل بوسة فحياتي....أنا:اه؟؟.....جود:هههه وخا مكتعرفش تبوسي.....جبدني لعندوا بلخف أو لوا دراعو على خصري....بقات كتفصلنا شعرة على شفايفنا ولكن نيوفنا تباوسو حيت مابقوش صابرين على لبعد طويل......جود:(ضحكة مكر)ماشي مشكل أببيوو أنعلمك بزاف ديال لحوايج حتى تولي دوخي أو تسخفي من حلاوتهم....تزنجت أو سخونية ديال الحشمة غتنفاجر فداتي كاملة....أنا:(كندفعو)شنو كتقول واش حماقتي بعد مني.....جود عجبو خجلها أو بقى شاد فيها أو هي باغا تهرب من لموقف المحرج....قرر يرحمها وأخيراً أو طلقها....خرجات كتجري أو مخلية موراها ريحة لياسمين لي فشعرها....جود:(بحب)عبق حياتي ههههه....... 
دخلت لبيت كنرعد....سديتو بساروت أو ترميت فلرض...قست قلبي نهدأ نبضاتو المتسارعة.....كنحس فحالي ربحت فمراطون حب طويل....تنهيداتي ولاو ضحكات خفيفة من بعد دالة على إنفجار بركان من الورد أو الألوان المبهجة فلداخل ديالي...أنا:جود كنبغيك بزااف ههههه.....بزاف بزاف....غطيت وجهي بكفي حيت مبقتش متخيلة وأخيراً طحت ولكن ماشي فواحد عادي طحت فمجنوني بوحدي فجوجو ديالي ههههه......

بقيت على ديك لحالة من لفرح لي نعش جزء كنت كنضنو أيبقى مضلم أو معمرو أيتحرك فيا....سمعت دقان أو لمقبض ديال لباب كيتحرك....حمدلله سديت ما كون تشوهت....نضت أو قاديت حالتي....حليت ليه أو كان ملابس والو غير شورط....دخت من لعضلات...أو نزلت وجهي بسرعة.....جود:عبق أنا انهبط نعوم أجي تفرجي.....أنا:بصح؟؟...أنعوم حتى أنا....جود:هههه كتعرفي ولا غير لفهمات؟؟....أنا:لا مسلكة راسي....جود:اوكي لبسي شي حاجة خفيفة....سبقني أو مشيت نقلب....البارح مبانتلي حتى حاجة مستورة فلبلاكر من غير هادي لي لبستها....بديت عملية تفتيش عوتاني....
جود تسناها حتى تخرج...ضحك البحر لي كان كيبان ليه كحل ولكن دبا ولا صديقو المفضل حيت قربو منها.....جود:كنت كنحسك ضالمني ولكن شكراً حيت عوضتيني فالأخير.....
لقيت جامبسوت قصيرة كاتبين رجلين أو على شكل سميطات....توبها خفيف بزاف ولكن هدشي لي مغطي...لي بقا عبارة على بيكيني أو شي تخربق معري بزاف....طليت من لباب أو رجعت شفت راسي...ناري على خرية أنا كنطير....ملصقة بزاف..أو إلى تلاحيت فلما خلاص....نقوليه بلاش؟....لا لا يقد يرجع يتعامل معايا ببرود.....صافي أصلاً واعدني ميقسنيش أو جود كيوفي بلوعد....لقيت حل بسيط أو حليت شعري حتى غطا كتافي.....
جود:تعطلات هادي فين....يلى غيكمل لجملة مع دورة شافها جاية بخطوات متعترة أو مترددة....دار غمض عينيه أو ضغط على الحديدة.....مخصوش يضعف...خص يتحمل على قبلها....ولات كاتبين معالمها لأنتوية نهار على نهار....ليوم كشفت على كتافها أو رجليها طوال....أو شعرها رطب زعما غطات به ولكن غير ما زاد بين سمورية أو نعومة بشرتها.....دار تاني أو لقاها حداه ساكتة...رسم لمحة عادية عكس وحدة قوية ديال شوق...أو بين فحالي مكتغرز فيه حتى أبرا مليئة بالولع أو رغبة أو لهيام.....جود:سالتي؟؟....أنا:اه هدشي قصير بزاف....جود؛لا رد.....بعدات وجها عليه أو هبطت سروال لتحت....أو دغيا لفت إنتباهو فتحت صدرها سلات معاه...سخن بزاف أو بلا مقدمات لاح راسو فالبحر.....أنا؛جود تسناني....مسمعنش ماعرفت مالو تفو...ديما كنزبلها......مبقى كيبانلي جاع....أو رجعت خفت من فوقدانو.....أنا:جوود فينك؟؟جوود.....خرج وأخيراً عاد رتاح قلبي....أنا؛جود واش باغي تحمقني فين غبرتي؟؟....جود:(بصوت عالي)راك نتي لي غتحمقيني يالا تلاحي.....أنا:وا شدني.....جود:لوحي بعدا لحبل باش نقدوا نطلعو.....درت دكشي لي قال أو من جيت نتلاح دهشرت...أنا مولفة غير على بيسين ولا بحر عادي أما هادا غارق بزاف....أنا:جود شدني....جود:مصيبة كحلة وغير تلاحي واش مكتقيش في؟؟....أنا:كنتيق فيك.....جود:ياك أنا قلت لك مستحيل نخليك.....كلامو حمسني بزاف أو حسبت حتى 3 أو نقزت....تخشيت فلما لتحت....أو قبضة فتانية من زمن جبدتني لفوق.....أنا:(خديت نفس عميق)ههههه زوينة بزاف....جود:هههه بلاتي.....حيد لي شعري من وجهي أو ضحكة واسعة كتزين وجهو...أنا:هههه شدني أجود.....جود:مزيان دبا رخي راسك أو تبقي درعي بيدك أو رجليك....أنا:(شديت فيه)لا جود متمشيش كنخاف....جود:وطلقي المصيبة ندمنا جاع....أنا:(بلغوات)اويلي؟؟......جود:وا سمكتني مالكي؟؟.....عاد ضرباتني لفيقة أو تلاحيت عليه...أنا:جود لقرش واش كاين شي قرش ياكلنا.....جود تفرشخ بضحك أو زاد خلعني....أنا:عععلااش كضحك أجود ؟؟.....جود:وا ناري على كلاخ فيك وا هنا مكاينش لقرش ضحكتيني وطلقي مني قجيتني غنغرقو بجوج....رخفت عليه شوية أو كندور راسي يمين أو شمال.....جود:عبق براكا من لخوف هاد لمحيط مفهش لقرش أو كيجو بزاف ناس يعومو كون كانت شي حاجة خطيرة كون را علمونا خفر سواحل صافي؟؟....متيقتوش حيت أي كائن مفترس يقدر يبان فلما....دفعني أو هبط تحت لما فرمشة عين....أنا:(في لبكا)جود عفاك خرج لاا واع اعباد لله لا مديرش هاكا جووووود.....أو فجأة حسيت بعضة صغيرة فرجلي....تجمدت بالخلعة أو غير تعودات العضة مرة تانية غوت ربي لي خلقني...شكيت حتى سكان دبي أيكونو سمعوني.....أنا:(بلغوات)جوووووووووود....هئ اويلي رجلي مشات هئ هئ فينك جوود رجلي تكالت....جود طلع عندها فيه ضحكة أو هي كتبكي فحال دريات صغار.....جود:أملكي؟؟...نقزات عليه حتى خنقاتو أو كطلع على جسمو أو كتبكي بجهد....أنا؛جود لقرش كلا لى رجلي هئ هئ هئ رجلي مشات....جود قرب يفقد صبر واش كديرها بالعاني؟؟....كتقيس فيه فمناطق حساسة عند أي رجل فدنيا.....فصدرو فعنقو فوجهوا أو لحيتو...أو واحد لحضة مع لصقت فيه أو طلعات لفوق....لقى وجهوا على صدرها فحال شي مخدة....جود:(فنفسوا)شهد لق*****.........ستمرات كتعدبو هاكاك هي معيقاش بالخوف أو هو تأكد 100% إلا محبساتش دابا غادي يكولها هو ماشي لقرش......

جود:عبق هداي....أنا:جود ولله هئ هئ حتى حسيت بعضة وقلة كلاها أو داها معاه....جود:(معصب)عباق طلعي قودي فرعتي لي كري بلغوات....وقفت لحركة أو شفت فيه بصدمة...كان وجهو حمر بزاف أو من جهة أخرى سباعو مغروزين فلحمي....أنا:مقصدتش أجود سمحلي....جبدت راسي منو أو عمت حتى لحبل....شديت فيه أو فيا البكية حيت أنا كنت خايفة أو هو غوت عليا أو نهرني...مقدرتش نطلع أو فشلت مع لخوف أو مع لكسرة لي كسرني....نزلوا لي دموع بصمت أو أنا كنحول نطلع دغيا....سمعتوا بلي جاي جهتي أو أنا نمسح دموعي بكفي بزربة....جود:(حط يديه على ضهرها)عبق أنا....أنا:(قطعتو)طلعني بغيت ندخل....جود:عبق خلينا.....أنا:(بلغوات)صافي قلت لك طلعني أجود.....خويت ليه لبلاصة باش يطلع....أو مد لي يديه من بعد جبدني....جلست على لرض هبطت سروال شوية أو عاد نضت تحت أنضاروا....سرعت بزاف أو لبكا تحجر فجفوني كنحاول نشدو حتى نوصل لمكاني المغلق عاد نطلق لهم لعنان....جود مدارش هاكداك لخاطرو......هو بصح بغى يحميها ولكن حتى من نفسو....ضرب بالقبضة ديالو الأرضية صلبة أو دخل....
سديت عليا أو مشيت لحمام حليت لما أو تخشيت كنبكي بحرقة....علاش كيعاملني فحالي كنهمو فدقيقة أو دقيقة تانية مكنسوا عندو والو؟؟....كيعيشني حلم زوين أو كيردني فكابوس خايب...كنبغيه أو كنكرهو....أنا:هئ هئ حمار راس طاروا تفو عليك....قست فمي أو ندمت فاش خليتو يبوسني....أنا:ولله ما تحلم أجود تمسني هانتا اتشوف أنا غادي نهرك بطريقتي أو نرد لك ساع جوج مرات....أو عارفة كيفاش....
جود كمل تدواش أو تلاح نعس...حيت أصلاً مكانش ناعس فليل.....أو زادت عياتو ليوم بتصرفاتها لعفوية لي كطقتع ليه لقلب....حط راسو على لمخدة أو تفكر باش لامس وجهوا صدرها.....إبتاسم قبل ماديه جفونو متخيل نفس لمشهد لحنين.....
وصل ليل..لجو رجع بارد أو لأمواج من منضر ديالها كاتبان متلجة...فحالي عمرها كانت بديك سخونية لي كترخي لعضام....جود حسو تقطع أو أنا مجانيش نعاس...مشيت كليت أو دبا جالسة من لغروب حتى ضلام لحال...أضواء دبي تشعلو كيف لعادة من بعيد..جاء فبالي لقطة فاش دارلي لميش..ضحكت بلا شعور حيت كانت أحسن مفاجأة وقعت لي...لا لا ماشي أحسن....أول مفاجأة دارهليا جوجو ديالي....أنا:أووف شكانخربق يمشي يقود بو شعكوكة تفو عليه من صباح ما جا حزرني....نضت درني جوع عاود...دخلت لمطبخ فضلام أو حليت تلاجة...كاين غير شكلاط أو لبيرا تفو....بغيت شي خبز عامر كفتة...سديتها أو مشيت جلست....جاء فبالي خبز خانز أو بنين لي كيبعوه فسناكات فلمغرب...ياه بشحال كنت كنضرب منو.....أنا:ممم مكرهتش شي واحد دابا........جود فاق ناشط أو أول حاجة طاحت عليه هي يرضيها....حيت حس بفراغ كبير باش بعدت وخا كان ناعس...غسل وجهو أو أو مشى لمطبخ...شعل ضو أو هي تفززع...شافت فيه بعتاب أو تحركات تخرج....شدها أو دفعها الحيط....ضرباتو باش تفك راسها....أنا:بعد مني طلقني....جود:شنو كنت كاديري هنا؟؟....أنا:طلقني صافي ماشي شغلك.....جود:(زاد قربها منو)هداي ولا ندربها لمك بواحد تشلقيمة حتى نطير لدلموك شنايفك....أنا:(مخلوعة)كيفاش؟؟...جود:ايولو عندي جوج أسباب نبوسك إلى سرفقتني أو إلى تعكستي معايا....أنا:لا طلقني واش حماقتي؟؟؟..شد لي راسي أو حنا باسني فطرف شنافتي سفلية....جود:(حدا وجهي)ياكما كيساحبلك كنكدب عليك....أنا؛حمار دحش بعد مني....دفعني كنهج....جود:فيك جوع أبيب.....أنا:فيا لخرا همجي كنكرهك...جود:هههه عليها قبيلة ترجيتني نبوسك....أنا:عقلك موسخ كتفكر غير فداك شي أو أتحلم مرة أخرى تقسني فهمتي؟؟....جود:ههههه بصح؟؟مسكينة خلعتني.....أنا:هانتا اتشوف....خرجت لبرا كنجري ولكن كان سرع مني أو قبطني..تلويت ليه بكل جهدي ولكن كيبقى صحيح عليا تفو....أنا:(بلغوات)جود طلقني صافي براكا من لحماق.....جود:شنو قلتي؟؟....دورني عنو أو حكم لي يدي مور ضهري.....أنا:جوود صافي طلقني..جود:شنو قلتي مغدش نبقى نبوسك متأكدة؟؟...أنا إلا بغيت نقدر ندير شي حاجة كتر من لبوسان ولكن كنقول مع راسي مسكينة خليها حتى تولف عليا....أنا:(بصوت حزين)مازال معرفتي أجود بلي أنا تولفت عليك..بدل تعابير وجهو لجدية أو سكت كيسمع نبرة صوتي لغتلاح فنهر من لبكا عاود....أنا:نتا لي كتبعد علي أجود كنت خايفة أو قمعتيني....طلق لي يدي أو حطهم على دهري....أنا:(كنمسح دموعي)أنا ماطلبت منك والو غير تبقى جنبي....جود:عبق را كدري شي حوايج يمكن نتي محاساش بهم ولكن أنا را كن......أنا:نتا شنو؟؟هئ هئ شنو تندير؟؟....جود:صافي والو ماكديري والو....درت نمشي ولكن عنقني من لور....أنا:بسع ....جود:لا سمحلي....أنا:لا....هزني من لارض أو بديت كنغوت أو هو يبدا يدورني فحال طرومبية...أنا:جود ههههه صافي هههه دخت.....رنات ضحكتها طالعة كتفيق قلبو بإحساس طفولي....جود:لا هههه حتى تسمحي ليا.....أنا:هههههه اوكي صافي أووو ضخت......وقف ولكن بقى قابطها....كانت مازال كضحك بجهد...أنا:نتا حمق ولله هههه....جود:نتي لي أتكملي عليا...أنا:شنو؟؟...جود:ههه لا والو شنو ندرو دابا؟؟....أنا:ممممم بلاتي نفكر......صراحة هنا ماكين ميدار...ولكن بلاتي كنت ديما عندي واحد أمنية أو بما انني وسط لبحر نقد نحققها.....أنا؛جود أجي معايا.....جريتو حتى لمقدمة ليخت أو شفت فيه بمكر....جود:شنو ناوية ديري؟....جود:لقطة روز أو جاك فتطانيك...جود:هههه واش من نيتك؟؟....أنا:(كنتغبن)عفاك عفاك بليز ولله حتى كنت كتمنى نديرها مع راجل لي أنبغي....جود:أو نتي كتبغني؟...

مالقيت منقول واش نكدب عليه؟ولا نقولها ليه فهاد جو رومانسي؟؟...حتى هو محكرش بزاف... أو قربنا من الحديدة..لقمر ضرب فلما لأسود بنور أبيض أو كانت لقطة زوينة...طلعت أنا لولا أو هو مورايا.....جود:هههه ولله حتى نتي هبيلة....أنا:هههه يلا فتح لي يدي....درت نفس لحركة ديال لبطلة أو بديت كنغني لأغنية ديال سيلين ديون...وخا محفداش ولكن لحن عاقلة عليه....جود:ههههههه شنو كتخرمزي؟؟...أنا:هههه خليني غني معايا يالا قول معايا Near far whareever you are i bealive that the heart go on لا لا لا أووووو......جود شاد فيها فحال قطعة تمينة بعد ما لقاها وسط ضلام....عنقها من لور...أو هي محبساتش لغنى....جود:عبق جاك باش كان شاد روز من لور شنو دارو؟؟....أنا:(بلا وعي)تباوسو...جود:ادن إلا بغيتي المشهد يكمل خصنا حتى حنا نديروها.....حسيت بتبريوشة أو هو كيشم لي عنقي...أو يديه على كرشي...فحالي قرا أفكاري حيت أنا كنت كنحلم ندير لقطة ديال قصة جاك أو روز لي سلباتني كاملة....ولكن منقدرش....جود:عبق؟؟....أنا:أمم كنسمعك أجود ولكن أنا معنديش شجاعة ديال روز...أنا غير بيبو لبنت لمرجلة....درت شفت فيه أو قست حنكو....أنا:علاش تزوجتي بي أجود ؟؟...كاينين بنات حسن مني فالحب أو فالانوتة شوف غير سبنيولية كيف دايرة أنا مكنسوا والو ناحيتها.....جود:سكتي.....أنا:ماعندي والو أجود أنا.....جود كان كيسمعها كيفاش كتحتاقر راسها أو محاساش بشحال هي زوينة....واش يعلمها درس دابا بلي هي أجمل ماشافت عينيه...أو يوريها قيمة كل حاجة كتملك....جود:عبق سكتي.....أنا:جود نتا أحسن وحدة تتمناك أما أنا كنبقى شخص بعيد بعيد عليك بزاف.....جود مستحملش كلامها لي عدبو كتر ماكانت كتعدب هي....خرجات لها دمعة وحدة من عينها أو بقا حديها هابطة على حنكها بمسار بطئ....حلف مع راسو بلي هاد دمعة غتكون حياتها قصيرة....نزل وجهو أو باسها فديك دمعة ليتيمة حتى ختفاات....طعمها لمالح على لسانو وصل ليه مداق لحسرة لي كتحس بها....لأغرب هو أنها بقات صامتة أو رحبات بحركتوو الجريئة...تمادى كتر أو بقى ملصق شفايفو على حناكها....لي عمرو بدموع كتيرة لحقوا لولا بسرعة.....جود:أخر مرة نسمعك تقولي هاد لكلام على راسك....أنا:هئ هئ صافي أجود خليني نهبط.....جود:لا خصك تفهمي واحد لحاجة ولكن غندخلها لك لعقلك بلا كلام أو منبغيش مرة خرا نهدر فنفس الموضوع.....مفهمتش شنو قصد بيفهمني بلا كلام....كلاني مع لحديدة أو دارني لوسط.....خفت لا نطيح أو شديت فقمجتوو.....أنا؛جود شنو تادير غنطيح.....جود:أنا لي غنطيح دابا فاجمل بلاصة أو أنا راضي أو عاجبني لحال....شفت فلما تحت مني أو جود محاسرني من جميع نواحي....أنا:(كندفعو)جود غنطيحو شنو تادير؟؟.....جود:غادي نعرفك قيمة راسك عندي.....أنا:(خايفة)ماشي وقت هدشي أجود خليني نهبط.....زيرت على لحديدة بيدي أو نص ديال جسمي مدلي لتحت أو جود غير مكيزيد يدخل في....أنا:(بلغوات)حبس أجود غنطيح ديال بصح جود واش حماقتي عاود؟؟......مكانش كينفد طلبي أو أنا عيني غير علا لما لي جربتو بشحال كيكون متلج أو مبغتش نعاود لكرة....درت نشوف فيه باش يوقف ولكن كان قريب مني بزاف....لون عينيه الأزرق سحرني من أول مرة أو مازال لمفعول ديالهم كيكبر كل نهار أو كيجمدني من كساها فيهم.....أنا:جود؟؟....شد ليا راسي أو خشى فمو فشفايفي بطريقة عنيفة....مسوعبتش لأمر فالبداية بديت كنرمش بعيني أو أنا نصي خارج برا....جاتني البكية أو هو كيزيد يقرب حتى بقات نقطة وحدة حاطة فيها سباع رجلي....مالقيتش شي حل أو شديت فعنقو.....لقبلة واخا كانت عنيفة ولكن فحالي غاضبة كتجازيني على تحقير لي وصفت به راسي....أو كانت حتى أول مرة كندوقها منو عكس لفايتين لي كانوا اغلبهم بلا حتى إحساس أو وحدة حنينة ديال صباح...أما هادي كانت مليئة بالمشاعر الجياشة ديال الغضب أو شوق أو واحد مداق مقدرتش نفسرو...فحال ديال شي راجل غارق فالعشق حتى مبقاش قادر يتنفس....زيرت فيه بكل ما كنملك من قوة حيت مرعوبة بزاف لنفقدوو ولكن غقوله باش نساليو بلي كنت شادة أو متشبتة خوفاً من لوقوع باش على لأقل نخلي كرامتي طالعة......
لأمر بنسبة لجود كان صعيب بزاف من لحضة قرب منها أو شاف خوفها حتى بدا الإنتقام ديالو من اهانتها لنفسها....كان هو لي أيعاقبها ساعة باش دخل فمغارة تغرها....تاه أو مبقاش قادر يوقف....تأكد لحضتها بلي هي كلها عقاب بنسبة ليه....لمسات يدها على شعرو أو كتافو مزيرين كتعطيه إحساس بلي مبغاتوش يحبس....حرك يديه تستكشف خريطة جسمها لي من نهار شافو ولا فحال أمنية صعيبة يحققها....جبدها شوية لعندو...أو حط سباعو على خصرها أو ضهرها....أو شوية مين ما معارضاتش...هبط سميطة ديال لكسوة لمتيرة لي كانت لابسة فلون لكريما....نزلها بلطف أو لامس كتفها أو عنقها بحنان....حل عينيه شوية لقاها غايبة على العالم أو فرح حيت قدر وصل لها باش كيحس أو تمنى تفهم بلي كيبغها بزاف.... بعد فمو ولكن وزع قبلات خفاف فعنقها طويل أو كتفها العريان..غرزت ضفارها فكتافو أو حبس حيت شعر برفضها عوتاني....أخيراً بعد معركة طويلة رحم راسو أو رحمها ....معركة خرجت فيها هي رابحة واخدة لقب "ملكة تحطيم غرور رجل"...

خفت بزاف نجارف كنبقى انسان أو عندي رغبة ديالي...لي مبدات تحرك إلا معاه....ولكن رجعت لواقع بعد ما كنت فحلم زوين بزاف....تفكرت بلي أنا مخطوفة أو مزوجة أو خويا أو سفري لدبي...تأكدت بلي مخسنيش نعيش هدشي حيت كلشي ايسالي واحد لوقت أو فبلاصت من نوقف ليه أو نسد أي أمل غادي يعلقو بي....شنو عرفي بلي غير كيضحك عليا أو داير هدشي كامل باش يطيحني فالفخ ديالو ياخد مني لي بغا أو من بعد يلوحني كي شي كلبة سلا منها....مبقتش هاد لحضة كنتيق حتى فراسي..عمرني فكرت بلي أنستسلم لشي حد بهاد سهولة...جاء جود غير لي نضرتي أو حنتني فوعدي....دفعتو بجهد أو خوا لي طريق...مشيت كنجري لبيت أو سديت علي....مسحت وجهي كنرعد....قلبي شوية أو يسكت أو دموع رفضوا يخرجوا....علاش أنبكي أو أنا كنت فرحانة؟؟ ولا من أحسن خصني نبكي حيت فعلاً جود هو راجل لول أو لخر فحياتي أو حتى إلا رجعت لبلادي أو بعدت عليه عمرني نفكر فشي رجل تاني..........فرحة جود كانت كتوجعو فقلبوو فحلا فيه مرض مكيتعالجش...جود لي كان مرونها عيالات لدرجة ولا كينسا على سميتهم أو أشكالهم حيت كلهم متشابهات....ولكن هي؟؟...هي قلبت جاع لموازين....فحال شي إعصار فبلاصت مايرد أرض متمرة أو خضرة قاحلة دار لعكس...فحالا زمن توقف عند شفتيها لي ديما كيلقى فيهم مفاجأة فشكل...هاد لمرة عرف أو تأكد بلي هي لي غتكون أو هي لي أتبقى فحياتو لباقية.....جود:عبق كنبغيك بزاف هههه وأخيراً حسيت بلحب نتي لي حسستني بيه أو نتي غايكون لك بوحدك.... مشا عندها بكل تصميم يبدا أول مرحلة من حبو لها...وهي تبقى قريبة منو يضمن لراسو على لقليلة بلي لحياة بدات كضحك ليه....دق عليها أو كالعادة لباب مسدودة....أو أكيد اتخرج بهيئة أجمل من لفايتة...ولات كتعجبو لعبة ديال حلت لباب.....جود:عبق فتحي لباب....لا رد من جهتها.....جود:عبق فتحي لباب براكا ولله من هاد لعبة ديال لهروب حلي.....بقيت ملصقة ودني فالباب أو في ندم حيت صراع عندي الداخل...بغيتو ولكن ميمكنش معرفتش شعرو لحقيقي لي....حطيت يدي على لباب أو متخيلاها فوق صدرو لي ديما كيضق بنبضات سريعة كلما قستو.....أنا:جود سمحلي بزاف سمحلي.....جود مبغاش مازال يخلعها منو...مشى لبيتو أو خدا كوبي سوارت أو رجع لبيتها....قلب على ساروت لمناسب أو خشاه فحالي إلى مدرهاش بديك سرعة أيتقطع تنفس ديالو....دفع لباب أو هي تكربع على لرض....جود:هههه ياكما يسحبلك مغديش نوصل لك....أنا:كيكيفاش دخلتي أجود؟؟...جود:هههه كنتي لاصقة فالباب؟؟....أنا:لا أنا كنت....(نضت نجمع راسي)...أنا:جود خرج بغيت نعس عافاك.....جود:اه أتنعسي ولكن مغتوليش بلاصتك بوحدك....أنا:كيفاش؟؟...جود:أتولي بلاصة نعاسك حدايا أنا.....أنا:واش حماقتي؟؟....جود:بشحال من مرة كتسوليني هاد سؤال؟؟....أنا:أنبقى ديما نسولك حيت كل نهار كتبين بلي كتفقد عقلك أنا مغديش نعس حداك...جود:احنا أنشوفو....عرفتو غيهزني أو أنا نسلت لحمام...قبل منسد صدوا بيديه أو غلبني....أنا:جود صافي ولله حتى زدتي فيه...جود:(دفعها)هههه قد منزيد فيه منوصلش لك...لصقت فالحيط أو دورت عيني لشي مخرج ولكن كسدة ديالو كبيرة...جود:يلا تحركي فحال بنت محترمة أو عاقلة قدامي...أنا:هرب ليك؟؟ مغديش تجبرني راني فايتة قلتها لك....جود:ههههه عبق كضحكيني ولله نتي قد هك (دار حركة زعما صغيورة)..أو فيك شي فهامات مقادراش عليهم....أنا:ماشي شغلك....جود:يلا قدامي....أنا:لا هي لا.....جود:لا؟؟....دار لي خاوية فعامرة أو طلعني على كتفو....أنا:(بلغوات)جود لا صافي ولله حتى كتستغلني....جود:(ضربها مؤخرتها)سكتي....أنا:متقسنش الحمار واااع بعد مني..تم خارج أو أنا كنشد فأي حاجة لقيتها قدامي...أنا:(كنتركل)جود مبغتش نعس مفياش نعاس طلقني نزللني.....جود:ششششش ولله متهداي حتى نفيقك هاد ليلة كا مراتي ديال صح ...خلعني ولد لحرام أو زgيت....جود دخلها لبيتو أو لاحها فوق سرير....رجعات بلور خايفة منو أو مغطية كل جزء من جسمها....جود:أتولي بلاصتك حدايا صافي؟؟....أنا:(في لبكيا)لا جود لا عفاك الله يرحم لك لولدين مدرش فيا هاكدا....جود: شكراً على دعوة....أنا:عفاك....جود:لا...مشى لحمام أو أنا كنرجف بلخلعة تفووو زبل شنو غاندير دبا؟؟...شفت فالبيت كبير شوية على ديالي..أو مجهز بطريقة أنيقة.....بانلي تلفونو محطوط....هزيتو نبقشش أو مع شعلة...كنشوف تصويرتنا أنا أو ياه فالعرس...معرفتش شكون خداها لينا؟؟..واقلة وليد؟؟....كنا فوق طبلة ديال لعرس أو كنت مبتاسمة...خداو لي طوف فاش كنت كنتفكر فبابا ..بنت زوينة بزاف أنا أو جود كان شاد يدي كيبوسها على فمو.... فحال شي لعشاق لي عناو بزاف عاد توج لحب ديالهم....حطيت يدي على فمي أو دمعة عوتاني كتحارب عيني تخرج من قفصها....جود خرج أو شافها متأترة مع تصويرا....طلب من وليد ياخد لهم صورة مكتنساش... أو مين شاف نتيجة عجباتو بزاف ضحكتها لي كتحمقو....جلس حداها أو هي مازال غارقة فجمال صورة....حيد لها شعرها أو طلعت عينها لحمرين بنضرة حزينة...جود:عجبتك؟؟....أنا:أمم زوينة بزاف شكون قال بلي هداك نهار كان عامر مشاكل....جود:صافي مغدش يبقاو لمشاكل.....أنا:لا رد....خداليا تليفون أو شد لي يدي بجوج وسط كفو....جود:عبق كلشي أيتبدل صافي أجي نعسو.....أنا:خليني نعس فبيتي....جود:مين قلت لك كلشي أيتبدل عنيت بلي أيتبدل حدايا أو معايا....جبدني أو تكينا بجوج....عاد دربتني لفيقة بلي حيد قميجتو....عراقيت أو بغيت نكحز ولكن مخلانش....دورني على جنبي أو جاء ضهري على صدرو....أنا:جود شنو تادير؟؟.....جود:كنعس مراتي لي ديما أتبقى ديالي...

جاني لوضع غريب....تنفس ولا صعيب أو جود خاشي وجهو فعنفي...يديه مدورة على كرشي....جاتني ضحكة حيت تخيلت حكيم داخل من لباب لمحلول أو أنا مابين يدين رجل....أسهل حاجة ايدرها يلوحني فالبحر حتى نموت...هدشي درني بزاف حيت خويا إنسان قاسي أو طول مدة عيشي معاه ما بدر منو حتى حركة حب ليا...جود دار كلشي فبلاستو....جود علمني لحب فمدة قصيرة...أما خويا موحالش حتى هاد لكلمة واش كيعرفها....جود:عبق مالكي ساكتة؟؟.....أنا:لا والو غير كنفكر....جود:فاش؟؟.....أنا:فحالتي....جود:نساي عليك هدشي علاش كتعقدي ديما الأمور....أنا:مكنعقد والو نتا لي مبغيتي تشرح لي حتى حاجة دابا أنا كدن بلي فرحانة؟؟كل نهار كنزيد نغرق فشك...حسيت بيه تعصب أو زير على كرشي بزاف...مبغتش نوقف يمكن هاد لجو ملائم نفرقعو هاد رمانة ....أنا:كتعرف خويا أو شفت بعيني سمية با عندك شنو مخبي علي؟؟...طلقني أو دار لجهة لخرا...درت حتى أنا أو خبا علي وجهو حيت عرف بلي أنكشفو....أنا:جود دور جاوبني...جود:نعسي.....أنا:إلى مجوبتنيش أنمشي لبيتي....جود:تجرئي أو ديريها.....خفت من نبرة تهديد أو رجعت نعست بعيدة عليه....ليوما عييت بزاف..عييت من شجاعة لي خرجات مني أو أنا كنعيش سعادة بخاطري...كنعني لقبلات ديال جود...غمضت عيني أو غرقت فحلاوتهم لي كتسكر فحال لخمر لقاسح لي غولي مع جود مدمنة عليه.....
جود مين تأكد بلي نعسات دار عندها...دورها بشوية....فحال ديما فاتحة فمها شوية أو كتشخر....ضحك ضحكة خفيفة فحالي شاد بنتو صغيرة....حيد لها شعر من وجها بش يبان ليه بوضوح أو باسها فجبهتها...خشاها فحضنو أو مكرهش كون يخبيها فيه باش حتى حد مايقرب لها...جا فبالو لبوس ديال لعصابة لمكلفة تاخد لوراق...كيعرفو مزيان أو كيعرف لخبت ديالو أو حقارتو فين ممكن توصلوا....جود:(معنقها)أنقتلك أرضا انقتلك إلا خديتي مني روحي.....
صبح صباح جديد....عبق أو جود مازال مافاقوا كل واحد معنق تاني أو خايف ليمشي عليه....عينيها بداو كيتحلو بفعل واحد لخط ديال شمس مزعج ضرب لها فيهم....حكيت عيني بيد وحدة تانية ماعرفت فين مشات لي...كنحس راسي مضغوطة أو وزن تقيل على صدري....نفس ليد حركتها تحت مني...قست زغب....هبطت راسي لقيت جود ناعس على صدري أو خانقني...اويلي على لصقة هادا مالو واش تسطا؟؟.....أنا:جود نوض أوف مقديتش نتنفس....بديت كندفعو من كتفوا أو والو فحالي ميت....أنا:وا جووود أووف نوض....مبغاش جاع يتحرك....سمعت هزة تليفون كيسوني....مديت يدي باش ناخدو....جبدت دراعي مزيان حتى شديتو...كانت نمرة مجهولة أو دغيا طاح فبالي خويا حكيم....يقدر يكون وصل لي زعما؟؟...تشجعت أو شعلت لخط....قبل مندوي وصلني صوت ضحكة مجهدة ديال راجل باينة فيه شاب....ستمرت لقهقهات ديال ضحكة مدى طويلة خلعوني...كانوا حرشين أو مخبيين رعب كبير فرنة ديالهم طالعة....سكت من بعد أو مدواش... حتى أنا مبغا يخرج لي حتى حرف...شخص:جود يا جود ههههه سحابلك أتخفى علي فين نتا؟؟...هههه لا لا خبارك نعرفها وخا تكون من تحت لرض....أنا تشوكيت من صوت كيخوف بهاد لعبارة...شخص:مالك ساكت ياكما لكتكوتة لي معاك كلات لك لسانك......واش كيقسدني أنا؟؟.....يلا كنت أنجاوبو شكون نتا ولكن سبقني فلكلام....شخص:(بنبرة حادة)أنجيبك أجود أو نجيبها معاك أو نعدبك نتا أو ياها أو ناخد دكشي لي بغيت سحابلك أتخلعني بزواج ولا كيفاش؟؟....جود بدا كيفيق أو رمش بعينه....لقى وجهو حدا عنقها...أو هابط عليها بوزنو تقيل كامل...خاف عليها أو ناض ولكن تصدم فاش شاف فوجها عامر بدموع أو كتشهق بصوت خفيف أو تليفون فوق ودنها....خطفوا لها بسرعة أو خرج كيجري لبرا....سمعتوا كيقول ألوووو بلغوات أو زدت خفت...دخل عندي نوضني بعنف أو شدني من يدي بجوج كيمخدني فحال لبن....جود:(بلغوات)شكون دوا معاك قولي....أنا:(كنبكي)لا رد.....جود:(جعر)عباق دوي شكون دوا معاك ولا نقتلك دوييييييي....أنا:(بخوف)ككككان راجل أو قال شي هدرة كتخلع....جود(بلغوات)شنو قال؟؟...دوي واش باغية تحمقني....كي داير صوتو؟؟..دوييي أعبق مبقتش قادر نصبر....أنا:هئ هئ قال جود واش كيسحابك أتخفى علي بلاصتك أو.....بغيت نقوليه بلي عارف على زواج ولكن مقدرتش أصلاً أنا مصدومة من هاد نقطة....ضحك علي مرا أخرى....قررت مندوش حتى نعرف حقيقة.....أنا:صافي هدشي لي قال هئ هئ....جود:متأكدة مكتكدبش؟؟....أنا:لا ولله طلقني دريتيني....دفعني كنت غنطح أو دار كيجمع فشعرو لي هاج معاه....حطيت يدي على دراعي نخفف لألم لأكيد أيولي مطبع....جود:(بلغوات)أشداك تقيسي فتلفون واش عندك خرية كتفكري بها....أنا:كنتي ناعس عليا أو أنا مقديتش نوضك....جاء قرب مني أو جلسني على سرير..حنا على ركابه أو كان وجهو كيقتل بلخلعة....جود:دويتي معه؟؟...أنا:لا كان هو لي كيهدر....جود:وايك تكدبي أعبق ولله حتى تشوفي مني وجه خايب بزاف إلى قالك شي حاجة أو عرفت بلي كدبتي علي أندوقك من جود لمجنون ديال بصح....أنا:(علامات نفي )لا لا ولله هدشي لي قال.....جود:كي كان صوتو؟؟....أنا:معرفتش كان حرش أو ضحكتو كتخوف أو باينة شاب.....جود:أمم نوضي غنرجعوو.....قبل مايجمع وقفة كاملة....قرب مني أو غفلني ببوسة على حنكي...كانت قاسحة بزاف حتى درتني....ولكن قلبي مات...كل حرف قالوا راجل جرحني بموس عامر بلغدر....ميمكنش جود يكون تزوج بي على ود مصلحة غنموت لا دار في هدشي...

بديت كندور كلام راجل فدماغي....دكر موضوع زواج بصارح لعبارة...اش جابني أنا فهاد لمسألة؟؟...يعني جود تزوجني باش ينفد شي بلان؟؟...مفهمت والو اربي كلشي تخربق...حتى بديت كنتيق بلي بصح تزوجت على حب...بشحال أنا خرية أو مكلخة..عاقبت درجة لبلادة لفي أو بديت كندرب فراسي بجهد....أنا:علاش أنا حمارة علاش تيقت بهاد سرعة علاش؟؟ولكن جود قال بلي أيحميني أو معمرو أيخليني طول لمدة لي جينا لهنا حسيتو صادق بزاف...ميمكنش نتيق هادك المتوحش أو نكدب جود لي ديما بين لي بلي كنهمو بلكلام أو بلا كلام....أنا:غادي نواجهو حسن من هاد سكات....مشيت كنقلب عليه أو فبالي نصارحو....أنا:جود جوووود فينك؟؟..خرج بهيأة عنيفة أو غير كايصوت أو تعاليم وجهوا مكتفسرش مخلوع أو كيرعد...ستغربت من هاد لمنضر..لطالما جود قوي أو مامستسلمش فحال هاد نضرة لي متجلية فعينه....جود:مالكي؟؟....أنا:بغيت نقولك واحد حاجة.....جود:شنو دوي خلاص....أنا:كدبت عليك...جود:كفاش؟؟...أنا:ماقلتش لك لهدرة كاملة لي قالها لي راجل..محستش به حتى قبط لي دراعي شوية يهرس لي عضامي..جود:(بلغوات)واش كتختابري صبر ديالي ولا كفاش؟؟..بديت كبنكي من الألم لي فلداخل ديالي كتر من الخارج....أنا:خفت خفت أجود رحمني عفاك هدشي بزاف عليا وليت كنخاف من غدا لتخرج شي حاجة من جنب....جود رخف عليها أو قربها منو...قاس فحنكها بلطف...جود:عبق شنو قال لك؟؟....أنا:هئ هئ سيد عارف بزواج أو سحابله نتا لكدوي معه أو قال بلي واش غتخعلني بهاد زواج...جود تصدم أو لاحض فعينها نضرة إنكسار عرف معناها بوضوح.....جود:عبق واش كضني؟؟...أنا:هئ هئ ماتقولش أجود بلي تزوجتي بي على ود مصلحتك غندمر ولله هئ هئ....بقات فيه بزاف أو حط راسها على صدرو....جود:لا أعبق لا أنا مفكرتش هاكاك....أنا:ولكن هو قال بلي غتخلعهم بزواجنا أو قال لكتكوتة واش معاك؟ شكون دوك ناس؟؟قال عوتني بلي أناخد دكشي لي بغيت أو غيعدبنا أنا خايفة بزاف عليك.....جود:(شد لها راسها)معندكش مناش تخافي محدك معيا هداك غير شي واحد عندو شي حساب معايا أو أكيد وصلوا خبار زواجي أو بغى يهددني أنا أعبق حياتي عامرة مشاكل أو عندي أعداء كتار بصاح أتكون صعيبة عليك فلبداية ولكن أنا معاك..اوكي؟؟...أنا:متئكد؟؟....أنا:اه أو بزاف فايت واعدتك أو جود لا عطا لوعد مكيخلفش بيه....عنقها بجهد أو حتى هي دورات يدها صغار على ضهرو كتستشعر منو الأمان...جود:(فنفسو)أو وعد ديالي أيكون لك أز*** بلاتي تشوف شنو غاندير فيك......داها من بعد لقمرة لقيادة أو بدا كيتصرف عادي فحالي مهامو والو ولكن ما خفي كان اعضم....حلقو ولا مر من كترت لخلعة عليها...عرف بلي لمتصل كان "رضا"...شاف ديال لعصابة الحقيرة...إنسان لي مفقلبوش رحمة...حيوان بالأحرى لي بدا لعبة لمسخة من هادي عامين...ولكن دابا بدا فتنفيد...جود:(فنفسوو)مغدش نسمح لك تا حد مغياخدها مني..أنا:جود فين ساهي؟؟...جود:اه؟هههه أنا هنا هانتي أنحرك المطور نرجعو لدبي اوكي؟؟بقاي هنا أنا جاي....خرج كتافو طايحين فحالي هاز هموم دنيا كاملين عليهم....جود ضغط وسط عينيه يرد لهدوء باش يوهمها بلي الأمر مكيفرق عندو بحتى أهمية...ولكن كيفاش عرف بلاصتو؟؟..خدا تليفون أو سونا لوليد...جود:ألو وليد مافيا ليضحك أنا لباس ياك قلت لديلمك تا حد مايعرف بلي أنا هنا؟؟شكون هاد لقواد لي ديع لخبار؟؟معرفتيش؟؟....اوكي شوف تحقق لي واش "رضا لمختاري" كاين هنا فالإمارات أنا راجع لدبي دابا اوكي سربي....خشى تليفون فجبب أو جبد لمرساة أو شعل موطور......دخل لقمرة أو لقى عبق ساهية أو حاول يضحكها....جود:عبق مالكي؟؟...أنا:اه؟جيتي؟؟....أنا:اه هههه صافي مالكي مقلقة نودي نعلمك حاجة زوينة....أنا:مافياش....حط يديه على حناكها...أو دوز سباعو بلمسة أمان أو عطف....جود:واش غنخسرو شهر ديال لعسل ديالنا على ود مكالمة مكتسوى والو....أنا:خايفة حيتاش....جود:حيتاش؟؟.....أنا:(بحزن)خايفة تمشي أو تخليني...جود:هههه على هبيلة صافي وليتي مولفة عليا؟؟....أنا:-(هبطولي دموع أو عنقتو)أمم بزاف ولفتك أجود ما تمشيش عفاك...جود رجعت ليه لمحة لأسى أو هي مخشية فيه....باس لها راسها أو بحركات على ضهرها كيدهن فيها بلي ديما أيبقى حداها.......مين ساليت لبكا لي ولا كيجيني بلا منحس...تبدلت بزاف من عبق ضحوكية لي ضاربة دنيا بركلة لي كتبكي غير إلا توحشات مها....إلى عبق لحساسة ضعيفة من جهة شخص واحد سلب لي شجاعتي كاملة..."جود" كيدرني قلبي إلا ملقتوش حدايا كي غتكون حالتي إلا ختفى شي نهار؟؟....عرفتو كيحاول ينسيني أو تقبلت بالوضع حيت أنا متأكدة بلي وعدو لي معمرو أيتخلف....بدلت يأسي لأمل فحياة جديدة معاه....صافي غاندير مستحيل باش لعالم كامل يتقبلنا....خويا على راس هاد لمعماعة لي دخلت فيها مجبورة ولكن دبا ولات حرب فيها جوج حلول:"جود ولا ضياعي للأبد".....شدينا بجوج فالمقود لكبير أو حركنا ليخت...بدا كيزيد بنا أو فرحت..جود كان متحكم كتر حيت حركتو تقيلة خصها قوة....جود:عبق شدي دابا نتي اتسوجي....أنا:لا جود كنخاف...جود:هههه لا ساهل ديري فحالي....بدا كيطلقني بشوية بشوية حتى تحمكت فيه بوحدي....حسيت راسي بلوط...أنا:جود ههههه شوف كنسوgو بوحدي....جود ربع يديه أو كيستمتع بها كيفاش فرحانة او سعيدة...جود:(فنفسوو)ميمكنش تأدى طيبة قلبك أعبق أنقتلو على ودك نتي....خرجت ليه دمعة وحدة من حيت لا يدري...مسحها بيديه أو للحضة مسوعبش شنو وقع ليه....جود بكا؟؟ادن لقضية صعيبة بزاف حيت أقوى رجل من قلب حديد طاحت ليه دمعة على أول حب ليه.....

"عندما تقتل الدمعة في مهدها...لابد انني رجل قاسي...هدا ما شعرت به في ماضي ذهب مع أدراج الرياح ....سالت دمعتي الأخيرة فور إنتهاء طفولتي....ضننت انني لن أبكي يوما...وأن قلبي من حديد تصدأ مع زمن لهموم ولأحزان.....لكن تغير كل شيء لمرآها بين عيني الدامية بدموع حبيسة لن تشق طريقها فوق وجهي الدي احياه ماء وجهها لعدب...لطالما فزت بلقب رجل بدون قلب...لكن ليوم ما إن دخل لحب دالك لقلب تأكدت أن الرجل لا يبكي إلى مرة واحدة ولكن دموعه عندئد تكون من دم...."

جود بدا كيفكر فشي لي وقع ليه بفضول كبير....مكانش كيئامن بدموع إلا فأعين النساء....حيت عاش فوسط فيه رجال أقوياء أو كلمة "رحمة" أولى "بكاء" ليس لها وجود فقاموس ديالهم.....شنو لي تغير دبا؟؟....واش بسباب لحب؟؟...هاد لكلمة البسيطة صغيرة لي معمرو أصلاً حس بها نزلت ليه دمعة يتيمة باش كان كيشوف فيها سعيدة؟...تولى لقيادة من بعد فطريق رجعة حيت عيات أو مشات توجد راسها...أما هو فبقى مركز على لبحر قدامو أو خايف ليرجع يعاقبو بعد ما داق فوسطو لدة لحياة.....
جمعت دكشي لي خصني فساك أدو صغير أو راحة لي بدات كتكون فصدري بدات كتختفي من مور هاد لمكالمة المشؤومة....جود معصب بزاف...أنا ماشي مكلخة شفت خليط من لألم أو لخوف فعينه...ولكن لاش لحد الآن مبغش يصارحني؟....علاش حتى أنا مبقتش كنحكر على لموضوع؟؟...يمكن خايفة إلى عرفت بسبب نتصدم أو نبعد عليه....عارفة بلي كنوهم راسي بسعادة مزيفة...ولكن ماشي بيدي جود ولا محتل قطعة كبيرة من عقلي أو قلبي....أنا:أووف زمر راسي غنيفجر تفووو.....شفت راسي فالمرايا أو شكل جاني غريب مازال مولفت على مضهري لانتوي....لبست سلوبيط دجين قصير أو تريكو طويل فالباج....جمعت شعري كعكة....سبرديلة أو رشة عطر كان محطوط تماك....جلست كنتسنى نوصلو مبغتش ندرونجيه فالقيادة....كلما كنقربو من ليابسة قلبي كيتقبط....كون غير بقينا وسط الحوت على لأقل ماشي خطير فحال بنادم لي متعرف شنو من تحت راسو....
من بعد وقت قصير...جود دخل عندي بإبتسامة مخبي وراها قلق كبير....حتى أنا مبغتش نزيد نحط لعصا فرويضة...إلى زدت عليه بدكشي لي جامعة من خوف "عليه"....انعقد كلشي...حتى إلى مشيت شي نهار أو بعدت ولا فرقونا تكون عندي هاد دكريات زوينة لي أتحفر فقلبي حتى يوقف على نبض.....جود:بيب وصلنا أجي...مد لي يديه أو مشيت جريت قبطتها بإحكام...جود:هههه جيتي زوينة شتي شمكار لي كنت خطفتو مبقاش كيبان هههه أنا:(كنيغبن)جووود هههه.......هبطنا من ليخت أو غير حطيت رجلي على أرض لبشر واعدت نفسي بلي مغدش نتشكى أو نعيش مع جود لحضات مكتنساش....أنا:فين أنمشو أجود؟؟.....جود:أنمشو لوطيل أو نديك بلاصة أتعجبك....أنا:بصاح؟؟....جود:هههه اه....عنقت دراعو أو تمشينا لمارينة حتى وصلنا لبرا...كانت طنبل كبيرة بنفس راجل لي شفتو فساحة طائرة كيتسنانى.....حل لي لباب...طلعت ولكن جود جرو أو بعد هو أو ياه....عجبني منضر ديالو الجدي....كان كيهدر بتقة أو كيوصيه على شي حوايج أكيد مهمين....غير من حركاتو لمرعبين....
جود:بغيتك تحضي لمناطق دياولنا....رضا هنا فالإمارات كترو لمراقبة أو رجال....راجل:كون هاني أسي جود مايكون غير خاطرك....جود:مبغيت حتى خطأ كنقسم لك إلى تمست شعرة وحدة من مرتي غنصفيها لدلمكم كاملين أو نتا عارفني مزيان....شخص:كون هاني هنا انكون حدة لفندق 24/24.....جود:مزيان يالا دينا لوطيل....مشا طلع أو رد إبتسامتو الساحرة....شد لها فيدها أو نطالقو....
مور مسافات طريق...وصلنا لفندق لخيالي....يا الله بشحال زوين هادي تاني مرة أندخل ليه أو بكترت ما تصميم ديالو راقي...فحالي أنرجع نستكشفو من أول أو جديد....جود:تسنى احنا جايين.....جرني جود موراه ....طلعنا طابق ديالنا أو مشى جود خدا ساكي لكبير....أنا:شنو غدير به؟؟....جود:هههه أندرو بيه حاجة زوينة بزاف......أنا:هههه شنو؟؟....جود:غير أجي....هبطنا عوتاني في فضول كبير شنو غيدر هاد لمجنون....

جود:سير برج لعرب...أنا:شنو غنديرو تماك...جود:غنتهناو من واحد شخص....أنا:(مخلوعة)شكون؟؟..جود:تسناي أو تشوفي..تحركات طنبل فتجاه لبرج...شكون هادا لغيتخلصو منو؟؟...مهم بقيت ساكتة....تفرجت فطريق أو لمدينة حتى بدينا ندخلو فواحد طريق طويلة عندها مسار واحد فوق لبحر ....حليت سرجم كامل أو عجبني لمنضر....ريح خفيف أو مباردش حيت كان صباح....أو لبرج كان فوق واحد جزيرة إصطناعية....أنا:ووو جود زوين بزاف...فين حنا بضبط؟؟....جود:هادي بلاص كيقولو لها "لجميرا"....أنا:لجميرا؟؟..جود:اه منطقة سياحية كيجو لها ناس بزاف أو هدا برج أو فندق من أفخم فنادق فالعالم كامل....أنا:أووو حلف؟؟...جود:مم أو فيه بزاف مطاعم أو غرف أو أجنحة ولكن كلشي غالي يعني كيجيو غير شخصيات شبعانة فلوس....أودي كيقول هاد لكلام أو كنشوف غير قبل شهر كنت فداك لبيت لمحشر.....لبرج كل مكتقرب منو كيطوال فحالي معندوش نهاية...شخص:سي جود احنا وصلنا....هبط حلنا لباب....لمكان ساحر....هدشي مكنتش متخيلة فحياتي انوصل ليه....جود جارني فحال شي هبيلة عيني على لمنطقة لي كتخطف الأنفاس....لبرج كيشبه لشراع السفينة لعربية التقليدية فلهندسة ديالو....أو عندو جوج أجنحة على شكل حرف "V" بزاج لبراق مع ضو شمس....في دخلة...كلشي منضم أو تلقاو لينا جوج رجال من نوع لكبير....تبعناهم أو أنا ساهية فلبني كي داير بشااخ...هربوا علينا بسنوات هاد لخليجيين....فضاء الإستقبال خاوي شيء لي بين بوضوح بشحال كبير أو كلو رخام مع تصميم ديكور خيالي....مخلانيش جود نحنزز بزاف أو لقيت راسي فلمصعد....جود:شوهتني أعبق واش أنا فنما نديك شي بلاصة دوخي لي فحال دبا؟؟....سكت حيت عندو الحق....أنا:جود بشحال فين من طابق؟؟...جود:فيه 60 فوق لرض....أنا:وواااوووو علاش محجزناش هنا؟؟....جود تقرص من سؤال حيت سبب كان عدم رغبتو يعرفو ناس مجيتو لإمارات...بما أنه زبون قديم لفندق ديال هاد لبرج....جود:مال هاداك فحال فحال....بقينا طالعين طالعين حتى مليت.....أنا:جود عييت فين طالعين؟؟.....جود:سطح لفوق.....أنا:كككفاش شنو غاندير فسطح أجود؟؟....جود:(كيتأفف)مرضتيني سكتي شوية.....درت شفت رجال ولا الوحوش لي طلعوا معانا...باينا فيهم ماشي عرب لابسين نضارات أو كوستيم كحل أو دايرين واحد لوقفة فحال أصنام...سمعنا صوت لوصول أو تفتح صنصور...ستقبلنا سيد لابس بدلة ديال فندق أو دانا لباب كبيرة من حديد...دخلنا لسطح أو أول مبادرة خرجت مني هي حليت فمي فحال ضبع....رجال مدخلوش بقاو حدا لباب....مساحة ضخمة أو فمقدمة سطح كاين واحد دائرة خارجة على لبرج.....خفت منها فحالي منفصلة على لبناء....جود:شنو هاديك؟؟...جود:هاديك كيهبطو فيها طيارات كيلعبو فيها حتى تنيس أو كيتصورو فيها ولكن حنا أندرو فيها حاجة اخرا....أنا:لا منمشيش لها كنخاف من لعلو.......جود بقى بعيد عليها خاشي يديه فجيابو أو شعر كيضرب فيه ريح...كينقل نضرو مع كل حركة كادرها ديال إستكشافها...ولكن مقرباتش من موقف طيارات....جود:عبااق براكا أجي...أنا كنت بعيدة عليه...تبرجيج عندي فدم...خسارة معنديش تليفون نخلي صور كدكريات..بدا كيفرع ليا مخي بلغوات أو مشيت...أنا:شنو؟؟....جود:أجي عندي....وقفت حداه مقلقة حيت ديما محرم علي فرحتي....دخل واحد سيد من هادوك أو هاز معاه ساكي....شخص:sir here is the bag(سيدي هاهي لحقيبة)....أنا:شنو غنديرو بيه؟؟....جود:ساهلة أتمشي لديك دائرة أو أتلوحي جاع لحوايج لي هنا أو أتلوحي معاهم عبق لقديمة....تعجبت من هاد طلب لحمق.....أنا:ههههه أجود ولله حتى كدحكني واش حماقتي؟؟......جود:هههه اه حماقيت أجي..جرني لدوارة...غير قربت منها ضخت....وقفت ليه مبغتش نتحرك....أنا:لا جووود كنخاف من لعلو....جود:(بجدية)أنا معاك واش كدني أنخليك تأداي...أنا:لا...جود:اوا يالا...هبطنا درجات أو طلعنا فوقها....ووووووو كاتبان دبي كاملة...حسيت راسي فحالي فشي فيلم هوليوودي....جود:هنا أعبق أتبدلي أو أتخلاي على لبنت لي نتي كضنيها بلا قيمة...شد لي وجهي أو كمل بنبرة مافيهاش لعب...جود:أتلوحي كل بياسة فحالي كترمي شخصيتك لقديمة.....أنا:علاش أجود؟؟....جود:حيت نتي عندك هنا طاقة كبيرة أو مبغتكش تخبيها فكوم ديال حوايج بغيتك تبيني لعالم كامل بلي نتي بنت من حديد أو تا حد مغيخوفك.....أتر في كلامو أو يديه على قلبي كتشعرني بقوة تشجيع ليا.....أنا:(فيا البكية)اوكي ههه وخا فكرة حمقة....جود:أنا جود أو كلشي عندي مختالف على ناس لعاقلين....أنا:(فنفسي)أنا هاكا كنبغيك....

وقفنا فواحد لعمود فيه جود حديدات من جناب....جود شدني أو مبقاش عندي مناش نخاف....كنت انخرا بضحك على موقف ...أنا:جود ههههه دبا إلى طاحوا هاد سراول أو تركويات على ناس شنو غتكون ردت فعل ديالهم....جود:هههه شكون فحالهم را رزق هاداك...مهم أنا لهدف ديالي تلوحي معاهم شخصيتك لقديمة أو تبيني لعالم كامل بلي نتي عبق بنت قوية أما لحوايج عمرك أتعاودي تشوفهم ....حركت راسي بالإيجاب أو بديت بسروال كحل فحال يامي قبل منعرف جوجو.....رميتو فالهوى أو بقى كيطيح حتى إختفى...جود:شنو شفتي؟؟....أنا:شفت قطعة مشوهة دابت فحالي عمرها كانت معايا....جود:مزيان بغيتك ديري هدشي مع لبقية ولكن غوتي بأعلى صوتك قولي أنا عبق بنت بشجاعة ب- 100 راجل أو قولي لي بغيتي خرجيه من صدرك فحالي خنقك....هزيت رزمة هاد مرة أو شفت فيها بحقارة....لحتها فسما أو تشيرات مشكلة دائرة تخيلت فيها جاع لجبن أو لمعانات لي كانت مسيطرة علي....حسيت براحة كبيرة أو تكونات عندي طاقة تكسر لحجر....أنا:(بلغوات)أنا عبق بنت قوية أو كنخاف غير من لي خلقني....لمسة تشجيع على ضهري زادت حمستني حيت هو لبطل ديالي هو سند ديالي أو كلشي تبخر بمجرد نضرة أمل من عينيه....كملت على لبقية بنفس طريقة...كلشي كيترما فحال القمامة من حياتي شخصية عبق جديدة كتحتكرني كولني...أنا:(بلغوات)أوووووو موتو أولاد لحرام....جود:(بلغوات)عبق جديدة ديالي أو مراتي....أنا:(كنضحك بجهد أو كنغوت)اه أو جوجو أيبقى ديما معايا....جود:ههههه اه أو انعشوا فسعادة أو تاحد مغفرقنا....شفت فيه كيفاش خرجات منو لجملة لأخرى من جوف حلقو جملة صادقة....جاتني البكية ولكن مبغتش نخسر لجو.....بقنا كندحكو او كنهلو فسما فحال لمجانين...وليت فحلوا ولكن بفرق بسيط هو انني مجنونة بالحب.....
شد فيدي أو حسيت بالإمتنان لكبير ليه حيت كيغيرني لأحسن....كيبدل مني كل حاجة خايبة أو كرهاها فراسي أو أغلى حاجة كنشوفها فيه دبا هي حبو فقلبي لي ضخم بزاف...أنا:جود شكراً بزاف....جود:هههه ولكن ميمشيش بالك بعيد لباس مستور شعرك جمعيه....أنا:هاي هاي هاي داير لي فيها لحكام يكما يسحبلك راجلي ديال بصح....جود ضيق عينيه أو جبدني عندو دار دوك شوفات ديال لبسالة أو مكر....جود:إلا بغيتي ناخد بيت هنا را حنا ففندق أو تولي مراتي ديال صح معنديش مشكل.....كنت أنسخف من خطورة صوتو...حشمت أو ودني كيسفرو فحالي كليت فلفلة حارة....أنا:(دفعتو)شنو كتقول حشم....هربت لباب لكبير ولكن قبطني....جود:(كيضحك)ههههه وا مالكي شو كي وليتي حمرة.....أنا:صافي هاد لبسالة ديالك مكتعجبنيش.....جود عنقني أو باس لي راسي أو مازال كيضحك بجهد....جود:هههه يخلي لي لي كتحشم أجي نمشيو....شد لي يدي أو رد شخصية صلبة....علام ماعرفت كي كيدير لها؟؟....هبطنا عاود أو عييت بجوع....كنا فالمصعد مع نفس رجال....أو أنا كنتلوة بلهيمري....واحد لحضة مع كان سكات...كرشي دارت داك صوت ديال "بغغغغغغغجغ"....جود دار نضرة مصدومة أو فيه ضحكة تفووووو......جود:(فيه ضحكة)شهادشي؟؟....درت طليت على رجال لقيتهم مبتاسمن....تفو على شوهة ديال لكلاب.....أنا:(كنتمتم)لا غير هو أنا كنت......جود محسش براسو حتى بدا كيضحك بجهد أو حتى رجال لي معاه تفرشخو معاه....مرضيتش أو داك صوت غير مزاد جهاد....حسيت بالبكية أو جود كيضرب فالحيط ديال لمسعد حيت متحملش ضحك لي سيطر عليه....رجال هادوك لكلاب ولاد لحرام مبغاوش يسكتو....تفووو أنا شنو دنبي را بشحال هادي مدقت نعمة....ولكن لموقف جرحني خاصةً أن جود مبغاش يحبس أو غير مزايد فيه.....لمصعد حبس أو خرجت كنجري....متبعني حتى حد....دمعو لي عيني....ماشفت والو قدامي طلقت رجلي ريح نبعد ما أمكن على لإحراج الشديد...واحد لحضة تخبطت مع صدر ديال شي راجل....كنت غنطح لكن شدني من يدي...أو دموع مغشيين على عيني مابنش لي مزيان....بقا قابطني من يدي أو رغم محوالت نحيدها زير علي بجهد....أنا:طلقني عفاك....فعلاً رخاني أو كملت جرايا لبعيد.....لعينين من تحت نضارة سوداء بقاو حاضين حركتها حيا خرجات كلياً....دموعها باش شدها نساوه للحضة فراسو أو كون ما تعطل على إجتماع المهم كون إستسلم لعينيها بلون لعسل لأسود....

دموعي مبقاوش صابرين أو عمرو لي وجهي كامل أو أنا خارجة من لبرج كنبكي كي شي هبيلة....تخبطت مع راجل مرة تانية أو بديت كنغوت بلا مانشوف شكون....أنا:بعدو مني طلقني بعد مني هئ هئ....بديت كنتركل ليه تماك أو كلشي كيشوف فينا كان سائق ديال جود...شدني ولد لحرام صحيح مبغا جاع يطلقني....أنا:وا بعد مني خليني نمشي فحالي....شخص:تهدني الآلا عفاك....فين هو سي جود؟؟....أنا:مدكرش سميتو تفو شمكار كنكرهو....لوا يديه على دراعي كي لملقاط أو خدة واحد ميكرو حدا ودنيه أو دوا بالإنجليزية.....شخص:فينكم؟؟....اوكي هاهي معايا....مسحت دموعي أو شفت جود جاي ساعر أو تابعينوو هدوك لحمير....أنا:طلقني أندخل طنبل....رخاني أو ركبت...تسنيتو يجي يغوت علي ولكن أنا لغندمو على تقليل إحترام لي داروه ليا....كان سكات أو جود مطلعش....طليت من لباب حدايا أو كلشي غبر....جيت ندور راسي جود طلع في بلاصة سائق أو حرك لوطو.....أنا:فين غادي أجود؟؟....جود:لا رد....أنا:جوود وقف فين أنمشو....جود:(بلغوات)سكتي ولا ندم دلموك على شوهة لي درتي لي لداخل...
سديت فمي حيت خفت كان جاعر تفو....أو حنا غادين تفكرت سيد لي ضاربت معاه....لابس نضادر كحلين أو كوستيم هدشي لي لمحت من غير أنه طويل أو عامر...رحتو باش لصقت مع صدرو غريبة...واحد لحضة خفت منها أو ملمس يديه على ديالي رسل لي طاقة أو شحنة مرتاحيتش لها.....جود كان كيطل عليها من زاجا أو عينيها مازال حومر...مكانش قاصد يضحك ولكن هداك صوت ديال جوع انبو فقلبوو حيت مفكرش جاع فالأكل من كترت لفرحة لي كانوا عايشنها....باش خرجت من سنسور رجالو كانو كيضحكو أو هو مشتت على الأخير....بعد ما تهدن أو وبخ رجالو خرج كيقلب عليها....أو كان مرعوب حتى لقاها عند سائق ولكن داك لخوف كامل تحول الغضب غير بمجرد لمحها مقلقة من بعيد.....جود:ما مك؟؟....واش باغا دبري عليها معايا؟؟....أنا:سكت عجبك لحال ضحكتي علي نتا أو دوك البغال شفيتي في ناس كاملين شنو نقولهم راجلي قتلني بجوع أو شوف علامن أيضحكو نيت.....جود من هدشي كامل عجباتو غير كلمة "راجلي".....تفكر أو شداتو ضحكة ولكن كيطل عليها غضبانة بزاف أو حادياه على أقل إبتسامة أيتجرأ يديرها....جود:صافي سكتينا دبا غندك تحنجري حتى تنفخي...عوجت فمي عليه راس طاروا لخانز....جود:هههه عبق ولله عمرني ضحكت بديك طريقة را خريتيني بدموع ولله ههههه....بقا كيضرب فالفولون أو رجع لسلسلة ضحك لغريبة هاد نهار.....بديت كنضحك حتى أنا....أو شوية لقينا راسنا بجوج أنسخفو أو نديرو كسيدة.....أنا:ههههه جود براكا ولله ضرتني كرشي بضحك.....جود:(غيموت بضحك)ههههههههههه بزاف لا ميمكنش تسمعات غغغغغغ هههههه.....أنا:وصافي هههه را كان فيها الهيمري.....جود:هههه هاحنا وصلنا....فرانا أو هبطنا قدام مطعم من تصميم ديالو باينة اسيوي.....أنا:هدشي خايب أجود بغيت نمشيو مطعم مغربي....جود:أجي جربي أنا كنت كنجي لهنا بزاف.....جرني أو دخلنا....
حلت لينا واحد سيدة لابسة ساري ديال لهنود...جامعة شعرها بطريقة هندية أو دايرة نقطة حمرة فجبينها....سيدة:ohhh namaste joud beta (أهلاً جود ابني)....سلم عليها بحرارة أو عاد نتبهت لي...جود:this is my wife(انها زوجتي)...بتسمت لها أو جبدتني كتعنق أو تبوس في عاد رماتني عوتني....مافهمت والو.....جود:هههه هادي طريقة لهنود....تبعنها أو يلا بان لي لمطعم...زوين بزاف لحن هندي هادئ أو ريحة أكل شهية....كلشي مسبغ بألوان فاقعة لحيوط أو زرابي أو حتى ديكورات....أنا:ووووووااو هدشي كيحمق ولكن لاش لمطعم خاوي مافيه حد؟؟؟....جود:أيكون لينا بوحدنا أو كلي كلشي هههه.....أنا:هههه زدتي فيه....قرب مني أو باس لي نفي....جود:صغيورة ديلي جاها جوع شنو ندير أنا زعما؟؟...هادي أقل حاجة أنا لي مني لا فوت..... داني برفق جهة لكرسي أو جلسنا أو خدات لينا سيدة طلب ديالنا....لجو حميمي أو دافئ مع إضاءة ساطعة فحال شمس....أنا:جود كنتي كتجي لهنا؟؟...جود:مم بزاف ماكلة هاد سيدة بنينة أو حتى تعامل ديالها....أنا:مم شفت كيفاش باستني كان غطير لي حناكي....جود:هههه سكتي را مافيا لي يضحك هنا.....دخلت لمرا موراها جرارة فيها طباسل كتيرة...تحمست أو قاديت لجلسة....حطات لينا لمرة أطباق أو واحد ينسي فتاني....نادلة مشات أو شارفة بدات كتسمي كل طبق....حسيت فحالي سافرت من دبي لهند....سيدة:ok this is the menu...we have (برياني؛غولاب جلاب؛الدجاج تندوري؛مصالي؛كولفي(مشروب)؛دهوكلا) ....مافهمت تا لعبة غير سيري و هنينا خلينا نخشيو فوجهنا.....جود شكرها أو نساحبات....جفدت دراعي أو دقت واحد لعيبة سفرة....أنا:مممممم بنينة هادي....جود:ههه اه قولي بسم الله.....أنا:بسم الله هههه ولاه حتى هدشي كيشهي.....مهم بقيت كل ياما تاكل....كلشي لديد الله يعطيها صحة.....جود بدا كيشوف فيها كيفاش مستمتعة أو عجبوا لحال....مكان فيه لي يدوق شي لعبة....حيت يفكي سعادة لي ملأت كيانو أو روحو أو هي حداه.....
قدام مطعم لهندي...وقفات طنبل كبيرة فومي....زائر غي متوقع قرر يدخل لحياتهم بجوج....هبط سرجم ببطء أو نزع نضرات لكحلين فحل قلبو...ضهرو عينيه المتوحشين أو ملامحو لوسيمة...طلع فالباب لمدخل أو فتغرو إبتسامة نصر أو حتى فضول للبنت لي ديما رغب أنها تكون بين يديه.....رضا:تحرك سير لوطيل.....مشا بسرعة أو خلا غير عجاجة إنتقام وراه.....

في فرانسا:...ريم دخلات لجامعة بعد معاناة كتيرة ولات كتعرض لها كل نهار من اسئلة صحابها...جميع لكدبات ديال لعالم قالتهم....جلسات على طبلة إستراحة أو مسحت عينها لمدورين بهالات سوداء كدل على عدم راحتها بلوضع لي حطها فيه جود أو غبر..ريم:حشومة عليك أجود حشومة خرجتي عليا اش داني اربي ندخل فهدشي؟...شافت شلة جاية أو ردت وجها طبيعي باش تبدا فسيرة لكدوب عوتاني..جلسوا مجموعين أو كلشي رمى عليها عينيه لمتسائلين...نوال:مالكي أريم مريضة؟؟...ريم:ههه لا راك عارفة قربنا نسليو أو لمتحانات قربو...جواد: ولكن بيبو مسكينة مازال مبغات ترجع دوز إكزام فينال؟...ريم:أجواد الله يهديك راني قلت لكم عيطات لي أو سافرت مع لمرة لي مخدماها أو مبقاتش كاتعيط لي هانا حداكم واش شفتوني مشيت عندها أو خبيت عليكم؟؟...نهال:ولكن كل مرة كتقولي هدرة فشكل...ريم:(بلغوات)اش كتقسدي ؟؟را هي لي بغات تخدم واش أنا دنبي؟براكا مليت منكم..جواد:نتي صاحبتها المقربة أحسرا...ريم:(نادت أو ضربت طبلة بلغوات)نتا زدتي فيه كل دقيقة حاديني ياكما كيحسبلك مكنشوفكش بعد مني حسن لك ..كلامها ستفزو أو ناض واجها....جواد:شنو؟؟اش نتي فخلق الله؟؟حنا لي سكتنا لك بزاف يلا يلا خلينا نتيقوك أو تاصلي دبا نسمعو صوتها....ريم حسات بالخوف أو داعات أنها تعصبات حسن مضعاف....ريم:(بغضب كبير)ياكما أنا خدامة عندك لاش داير هاد لحالة كاملة؟ياكما كتحس بشي حاجة من ناحيتها....جواد تفاجئ بسؤال أو مين ريم جاها سكوتو فحال درهم لحلال كملات فستفزازو...ريم:عاد فهمت نتا كتبغيها ياك؟؟أو دكشي علاش خايف ولكن كنكأد لك بلي بيبو مكتحس بوالو من جهتك..جواد:(بصدمة)شنو كتقولي؟؟...ريم:هههه كنقول صراحة طلعتي كتبغيها هههه مشتي بعيد اولد عمي...جاء خالد جرها أو جواد عرق أو ولا حمر حيت كشفات سر ديالو ببساطة...ريم:غير حيدها من بالك فهمتي؟؟...خالد:سكتي أختي شنو كتقولي جواد مفكرش هكاك هي را فحال ختنا...ريم:طلقني نتا خليني نسمعو جوج كلمات على ودنيه باش يتفك معايا....جواد هز ساكادو ديالو أو مشى بخطى سريعة...ريم تخبطات على لكرسي أو كلشي تفرق من تجريح ديالها لجواد....ولكن خالد قبل ميمشي حتى مور صاحبتو قرب أو حط يديه على كتفها...خالد:خصك تعرفي أريم بلي فتحتي جرح كبير فقلب خونا أو من أحسن متبقايش متهورة حيت إلى صدقتي عارفة شي حاجة على ختنا أو خبيتي أتكوني لمتضررة لولا فالقضية....قبل متجاوبو مشا بجرا عنق نهال أو بعد عليها فحال شي جرتومة خطيرة...ريم:تفووو تفو عليك أجود يخ على حياة...دارت راسها مابين يدها أو وصلها صوتوا لولات كتحلم بها دغية ربطاتو مع هدرة خالد....ريم:لا إلى عرف حكيم بلي أنا مشاركة أيقتلني...لحضة فاش هدر معاها خلعها بزاف...من صوتو باينة شخص قاسي...أو عاد بيبو كانت ديما كتحكي لها عليه أو على تعامل لي خلاها تهرب منو....ريم:ناري ميمتي ختو أو مكيحنش فيها أنا باينة غيسفيها ليا.....مسحت وجها أو نادت كترجف....ريم:متخليش أجود متخويش بي...خالد خلا لبنات فالأنفي أو مشا كيقلب على جواد لي تعطل بزاف على درس...لقاه فدروج حاني راسو أو باينة فيه تعاسة....جلس جنبو أو بقا ساكت حتى يبدا هو...جواد:هههه شفتي أخالد تفرشت بكل بساطة...خالد:ماتقولش هاكدا أصاحبي نتا ديما كنتي مخبي هاد لحب أو تا حد مغيعرف....جواد:كيفاش؟؟ريم غادي تقولها حالتي الغبية باش واجهتني أنا حمار كان علي ندير شي ردت فعل قوية...خالد:دبا مالنا على هاد كلام صافي هاهي عرفات اشنو غيطرا؟؟...جواد:أو نتا شنو لي ضمن لك كتبغني فحال لكنبغيها....خالد:ههه باينة ماشفتش بلي نتا الوحيد فينا لي كتحترمك أو مكتقللش عليك لحيا أنا سور كتبغك....جواد:(فرح)ياك؟؟...خالد:100%...جواد قاس فقلبوا بأمل أو بدا كيبني أحلام مع لبنت لي دائماً سلبات ليه عقلو...مشاو لقاعة أو شاف فريم بخبت كبير..جلسوا أو بدا درس..ريم بالها بعيد..تليفونها ضوا شاشة بشي حد كيتاصل....شافت رمز غريب ديال شي دولة أو عرفات بلي جود ..خطفاتو أو خرجات كتسلت ولكن مخفاش عليها جواد لي داخلها فعضامها.....بعدات فالكولوار أو دخلات لحمام بخوف..بركات على زر الأخضر أو وصلها صوتو فرحان عكسها لي شوية أيجيها إنهيار عصبي..ريم:لا تبركلاه عليك أجود مابقيت فيك حتى شوية....كفاش نسيتني شوية يقتلوني هنا مبغيتي حتى تعلمني فينك نتا..اويلي على دبي؟؟..واش حماقتي؟؟.أو عبق معاك؟؟...اويلي يا ويلي؟؟...كيفاش منغوتش حرام عليك دير شي حاجة أو ردها را كلشي كيسول عليها أو أنا بوحدي لي جيت فالمرصاد...دبا شنو؟...نخبي مازال بشحال قدني نخبي أجود رحمني را غنموت بالخلعة...خوها هدر معايا أو طيح لي لما فركابي....مقديتش نهدر معاه تصدمت أو بديت كنقفقف أو طفيت عليه.....منقدرش هدشي صعيب علي.. بسلامة أو تهلا فيها...خرجات لبرا مطمنة شوية أو هي تلاقى مع لمديرة..ريم:تفو ماشي وقتها....(الحديت بالفرنسي)سلام مدام....لمديرة:أهلاً شنو تديري هنا؟؟..ريم:ههه والو مشيت لحمام....لمديرة:مم مزيان أجي صحبتكم فين غابرة سلات لمدة ديال عقاب ديالها أو خصها تجي تقرا....ريم:احم هوا دابا بيبو تعصبات بزاف من لقرار لخدتوه فحقها وخا كان جون هو لمدنب...لمديرة:هدشي مكيعنيش تغيب أو تخلي لمتحانات كنعيطو عليها مكتردش إلى ستمر لوضع أنتاصلو بأهل ديالها فالمغرب...مشات أو ردات لها خلعة حكيم لي مسيطرة عليها هادي مدة....هبطات على لرض أو كضرب فحنكها.....ريم:مشيت فيها مع حكيم مشيت فيها كفتة يا ربي عوني....

وصلت سيارة ضخمة لموقف سيارات برج لعرب...هبط سائق مرعوب من رئيس ديالو....خرج شخص..يمكن كيتعتابر أخطر أو أجرم راجل على الأرض...ولكن لمنضر الخارجي شافع ليه وراء حياتو لحقيقة أو شخصيتو المشوهة ....طويل أو عضلاتو بارزين من لبدلة الأنيقة....حيد نضارة أو بانو عينيه بلون سماء لفاتح...شعرو شهب مع لحية كتيفة بنفس لون دهبي ....بشرة سمرة أو بنية على لعموم كتفوح بلوسامة لمطلقة.....تمشى بخطوات تابتة أو بطيئة أو رجالو تابعينو بخوف....فلمدخل تعرضو ليه موضفين كتار كل واحد حني راسو أو كيرعد فالكلام...لموضف:سيد رضا في أشخاص مستنيين حضرتك في سويت بتاعك....رضا فهم بسرعة لبرق شكون هما زوار لمتوقعين.....تمشى شوية أو وقف فالبلاصة لي تساطح فيها معاها.....رجالو حتى هما حبسوا على لحركة كل واحد كيشوف فتاني....ريحتها أو عينها لباكين مبغاو جاع يتنساو ليه....حتى فالإجتماع كان ممركزش....تحرك عوتني أو فتحو ليه لمصعد....طلعوا الطابق الفخم محجوز ليه بوحدو....فتحو ليه لباب بإحترام مبالغ... أو كانوا لحراس مشكلين سلسلة من رجال أشداء على طول كولوار طابق.....
رضا تنفس بتقة أو توجه لصالون...لقى فيه شخص....علموا كيفاش يواجه لحياة صعيبة بضراوة.....(الحديت بلفرنسية)....رضا:سلام بوس....شاف في بإبتسامة خفيفة...أو مدواش...كان راجل كبير فالعمر...شعرو أبيض أو غليض بفعل سن ديالو.....لابس دجين أو بلوزة صيفية...هاز سيجار....أو باينة فيه مصاعب لحياة كلها دازت على عينيه ولكن خرج منها حي يرزق....رضا:هههه أوك الوليد صافي أخر مرة نقولك لبوس....نقل نضر ديالو لحارس لي جاوه شي تعليمات فودنه....لحارس:سي مارك طيارة كاتسنا فينا خصنا نمشيو.....مارك رجع ضيق عينيه على رضا لي رباه فحال ولدو....كبروا من كان صغير نهار فقد باه لي كان داخل حتى هو فالعصابة... هاد الأخير رتاكب خيانة أو قتلوه...ولكن داك نهار فاش داوه لدفن...لمح مرة جميلة بزاف حاملة فشهرها لأخر...كتبكي بحرقة أو يدها على كرشها....حس بواحد رابط مع طفل لي غيتولد....أول مرة شعر بتأنيب ضمير....قرر فلحضتها يكون دري لماجي كينتمي ليه أو فمقام ولدو لي معندوش... ولدو "رضا" ....مارك:أنا خصني نسافر أو لهدرة مبغتهاش تعاود أرضا....خصنا لوراق ولا نمشيو فيها كاملين نبغي نجي من لندن نلقاك سالتي مهمتك....رضا:كون هاني...مارك:صبرنا بزاف أو لازم علينا نساليو هاد لمهزلة لي حطنا فيها داك الحقير ديل حسن لعلمي....رضا:غاندير ما جهدي....مارك:كنتيق فيك أو عارفك قدها خصني ناخد عطلة طويلة فهاد صيف بلاما تاصل بي عاطيك ضو لخضر فكلشي....رضا:شكراً على تيقتك في الوليد....مارك ناد دار يديه فجيابو أو لحارس رمى على كتافو جاكيت ديال كوير....مارك:اعمالنا لخارجية ديال لعقارات خصها تمشى مزيان باش ميشك حتى حد فينا أو بنسبة لمخدرات لي جاين لفرسنا را مأمن عليهم مزيان...نتا حضي غير لبنت أو لعقارات لي شريناهم فدبي...خوي لي راسك من تخربق أما بنسبة لجود فكنضن درس ديال باه مبغش يتعلمو تهنى منو ....رضا:اوكي كون هاني....مارك فتح يديه أو رضا عنقو بجهد....مارك:متنساش بلي راك لبوس من بعدي أو فينما نغيب نتا لي كتكون لبوس لكبير حنا بن يديك أو نتا لأتفكنا من حريرة هاد لوراق....رضا:نعام الوليد ماتخافش.....ربت ليه على كتفوا بقوة أو مشا من سويت مخلي على أكتاف ولدو مسؤولية ضخمة خاصةً أن جود هو لبطل ديالها.......رضا تلاح على لكرسي أو شاف فسقف مدكر وجها لباكي أو يدها صغار....رضا:أتكون مهمة صعيبة بزاف أعبق العلمي....أو نتا أجود نهايتك أتكون على يدي أنا.....

كنت كنضن أن لحياة حلفات بنت لحرام لا تفرحني شي نهار...21 عام أو أنا على كوكب لأرض....5 قارات هههه أو مزالني وحيدة ...واحد مرحلة آمنت بلي حياتي أتكمل على هاد المنوال...ولكن كلشي تغير مع جود...فقلبي حب كبير لدرجة مبقاش كيوساع فيه....مكرهتش نفرقو على ناس نورهم بلي مازال هاد الإحساس الجميل كاين فدنيا....عينيه باش كنت كناكل كانوا مبتاسمن أو فمو ضاحك حتى هو....شعرت بلي أنا لوحيدة لكيكساب أو هاد شي فرحني بلا قياس....أنا دبا كنتفرج من سرجم ديال مطعم لكبير....مزيان بورود هندية أو منضر برا خلاب.....هاد سعادة خوفتاني بكترت ما زوينة....صدري ضرني من دخلت لعقلي لمرة لألف فكرة أن جود يقد يمشي أو تسالي هاد لقصة قبل جاع ما تبدا....شفت إنعكاسو لجميل من زاج أو رجعت بصعوبة لحالتي طبعية.....جود:(حط يديه على كتفها)عبق شبعتي؟؟....أنا:هههه اه أجود بزاف شوف كرشي خرجات....جود:هههه اوا مزيان الحمدلله..يلا نمشو؟؟...أنا:اوكي فين دبا؟؟...جود:معرفتش أجي حتى نشوفو دبي مدينة كبيرة.....درت يدي فيده أو خرجنا من مطعم.....طنبل كانت بعيدة حيت شانطي واسع.....شد لي يدي أو قطعنا....واحد لقطة سمعت صوت قوي جاي من بعيد....كنا مازال فوسط طريق أو طنبل جاية مسرعة....جود:عبق سربي....جرني بجرا ولكن ستدركتنا بسرعة لبرق....جود دور يديه عليا أو دفعني بجهد حتى لحمي تمزق مع أرضية صلبة ديال طريق....صوت صرير وقوفها سمكني....دورت وجهي لقيت جود حتى هو على لرض ولكن عينيه على لوحة طنبل قبل متحرك أو تمشي بنفس صوت المزعج.....
جود مين دفعها حتى هو رجع لور ولكن سائق كان غيدخل فيه أو رتد لور حتى طاح....شاف فلمراية عينين راجل مبتاسم بنضرات كحلين...عرفهم شكون....دار ليه حركة تخويف بلي هدشي غير كبداية من دكشي لي كيتسناهوم....لخوف عليها ولا كياخد مسار جديد حيت تأكد من هاد لفعلة بلي صافي تهديدهم مبقاش غير كلام....ناض بلخف أو مشى عند جوهرة حياتو.....جود:(بخوف)عبق نتي بخير؟؟....كنت مازال مشبحة على لارض أو واحد راجل جاء ساعدني...أما ناس لمتفرجين كتفاو بلمشادهة.....أنا:أحح ركابيا....نودني أو أنا كنعرج أو دم سايل حتى لتحت....جود:أنمشيو لطبيب....أنا:لا لا أحح بلاش أنداويهوم غير بدوا عادي....جود:لا سمحلي أنا كان علي ندفعك...أنا:لا ماشي مشكل ولكن شكون هاد لحمق لي تيسوق بهاد طريقة؟؟....جود:أيكون شي حد سكران....بديت كنعرج أو هو مدور يديه على دهري....مين شافني مقديتش هزني أو كملنا لطنبيل....حطني أو مشا مكسيري.....وصلنا لسبيتار...وخا عييت فيه فطريق بلي مكاين لاش...كان مصر أو انضارو كل شوية على ركابيا....دخلنا لداخل أو سبقوني عند اسعافات أولية....جات واحد ممرضة مسحت لي لجرح...قسحني بزاف ولكن جود بقى جنبي شاد فيدي أو كيخفف علي....ما سالات حتى قربت نسخف من لألم.....جود:دبا شوية؟؟....أنا:اه ولكن كنت خايفة يدهسك....جود:(عنقها)شششش أنا لي كنت خايف خصني نرد لك لبال كتر...ستحليت إهتمامو بي....واتقة كل تقة بلي تا شي حد مغيعاملني فحالوا.....بقى على ديك لحال ديال رعاية حتى دخلت نفس لممرضة....جود:ما عندها والو؟؟...ممرضة:شينو؟؟....أنا:جود سيدة مكتهدرش دارجة....درت ابتسمت لها أو سولتها على جرح....ممرضة:مدام عبق إنتي كويسة وسفتلك ديوا مرهم عادي بشفاء انشالله....خدا منها جود لوصفة أو مشينا أو أنا كنعرج حيت رفضت نبقى مهزوزة فحالي معنديش رجلين....
جود:عبق خصك تبدلي حوايجك أندوزو نشريو لك اوكي....حركت راسي بالموافقة أو طلعنا طنبل....فطريق جود كان عين على لقيادة أو تانية عليها...كانت مقسحة أو صوت خفيف ديال الألم كتعبر به محاولة متبينش بزاف ضعف ديالها....كتعجبو بزاف هاد لقوة لي فيها....حط يديه على فخدها أو هي تخلع.....بقات كتشوف فيها وش تحيدها ولا لا؟؟....ولكن مدرتهاش دورات وجها لزاج أو معرداتش لمسة ديالو لحنينة....
طول لمسافة ديال مشيتنا لبوتيك....كان مازال حاط يديه على لحمي...خفت فلول أو بغيت نحيدها ولكن عرفت بلي دارها باش يشارك معايا لألم أو يحسسني بلي هو جنبي وخى فأسهل معاناة....معاردتش أو فعلا تأتيرها كان فحال دواء...نسيت للحضة لجروح أو حطيت يدي عليها بلا شعور.....جود:عبق وصلنا....خرج بزربة باش يعوني...نزلت أو شفت لمحل بشحال كبير....دخلنا داخل أو عجبني لبوتيك...مفرع لبزاف أجنحة كبار...ستقبلتنا موضفة جميلة أو جود همس لها....جلسني فواحد كرسي أو مشى معاها جهة مكان لمخصص لنساء.....لمحل هادئ أو لملابس بمختلف أشكال أو أنواع أو أجناس....كلشي مرتب أو مستف...لموضفات كيدرو فحال نحلات بطقم خاص بماركة لمحل...أضواء بيضة كتساعد زبون يختار أو لمريات فكل جيه....مكانش عامر بزاف حيت جينا فوقت ماشي ملائم....جود تعطل بزاف أو بغيت نوض نقلب براسي ساعة درني هدشي تفو....
سائق لمكلف بتخويف جود وقف جنب طريق أو تاصل بلبوس ديالو.....سائق:سي رضا كلشي مزيان درت دكشي لأمرتني به أو كون متأكد 100% بلي جود ولات عندو نقطة ضعف وأخيراً....جود ولا مابين يدينا.....

جود وقف حدا لملابس من نوع خاص..أنتويين أو فنفس وقت مستورين....بدا كيهز أو كيرمي فوجه لموضفة مسكينة....لي بانت ليه أتجي عليها كيخدها بلا تردد...ولكن هدشي مامنعوش يختار حتى قطع لعينيه هو...مين دار لقى لموضفة مبقاتش كاتبان...جات تانية كتجري أو معها جرارة ديال لملابس....جود:تبعوني....وصل عند عبق أو ضحك لها حيت كانت غضبانة....جود:مال زين ديالي مالو؟؟...أنا:جود أوو تعطلتي؟؟...جود:هههه جبت لك متلبسي....خدا سروال كحل أو تريكو أو جاكيت صيفية فالخزي....جود:هانتي باش تعرفي دوقي زوين...نودي بدلي.....عوني حتى لبيت تبدال....لبست دكشي بالعداب أو خاصةً سروال....جمعت شعري ديل حصان أو خرجت....وصلت عندو كانوا دايرين دكشي فسيكان كتار...خطفت كاسكيت أو شد لي فيدي أو خرجنا....وساهم يجيبوا لينا لحوايج لوطيل...أنا:جود فين غادين؟؟...جود:أنمشيو بلاصة زوينة....فرحت أو مشيت معاه بلا تردد...باس لي حنكي أو جرني بشوية لسيارة....

في برج عرب:
دخل سائق لمكلف...دار تحية لرضا لي كان متربع على كرسي كبير....شاد سيجار أو كيتسنا أخبار مرضية.....رضا:جلس...نفد طلب ديالو أو بدا كيرتابك....رضا:(ضرب طبلة)دوي كي كان جود بعد ما خوفتيه....سائق:ككان خايف على لبنت أو دفعها لجهة بعيدة بزاف...فضل ندهسو هو أو هي لا....رضا خدة رشفة طويلة من سيجار أو نفخها فالهوى فحال لهيب....رضا:ممم مزيان هدشي بين لينا بلي جود ولا مكتف...هاد لبنت اضرب لينا جوج عصافير بحجر واحد:أتورينا بلاصة وراقينا أو تهنينا من جود .....خدا تليفون أو تاصل....رضا:اشنو درتو فسويت ديال لوطيل لي جالس فيه داك لحقير.....وصل ليه جواب مخيب للأمل...ناض كيغوت حتى عروقو خرجوا...سائق خاف أو خرج لبرا....رضا:(بلغوات)ماشي شغلي أنا رضا لمختاري فهمتي؟؟....اتلقى لي حل من هنا ليل...أو نبغي نسمع بلي تحجز لي سويت حدا سويت جود ولا نصفيها لدلمك....ضرب طبلة حتى تقلبت أو تخبط بنفس كتسارع....رضا:هانا جاي أسي جود ناخد منك مراتك لعزيزة....أندمك كنوعدك....لشافو من بعيد يخاف من شكلو فحال شي فهد ختار فريستو أو صمم حتى يقتلها بدم بارد....وصلوا صوت رسالة فتلفون....فتح صور أو دار ضحكة واسعة.....كانو بزاف لقطات موخدين لجود أو عبق شاد فيدها أو راكبين طونبل أو وحدين خرين باش هازها مدخلها لمشفى...أو حتى باش باسها قدام متجر لملابس....رضا:هههه داير فيها حنين أجود...شنو غتكون ردت فعلها إلا عرفات بلي كتستغلها على مصلحتك....مسكينة أيبقى فيها لحال أو تأكد بلي أنا لي أنكرها فيك.....أو نقدي عليكم بجوج....بدا كيضحك بجاهد فحال شي إنسان فقد أخر درة من عقلو.....
جود فجهة أخرى خلا عبق فلوطو أو تاصل بيدو ليمنة فدبي.....جود:(بصوت تهديدي)سمع مزيان شنو غادير...جمع رجال أو سير لفيلا ديال داك الحقير ديال رضا...طرطقو على ديلمهم بالكابوس أو شدو لمكلف تماك أو قولوا هاد لكلام....جود مكيخافش منك أو إلى كنتي راجل تواجه معايا متصافطش كلاب يهدوني بدهسة صغيرة حيت أنا جربت ما كفس...أو زيد قوليه بلي غيحيد لمك راسك أو يجبد لك مخك حداك إلى فكر فمرتي....فهمتي؟؟....خربو كلشي باش يعرف تهديد ديال بصح كي داير....طفا عليه أو فعينه وعيد كبير لرضا.....جود:بربي حتى نقتلك هاد لمرة أرضا...ضيعتو حياتي لولا كاملة ولكن صافي لهنا أو براكا مغنسمحش ضيعوا حياتي جديدة.....

بقيت كنتسنى جود..أو لأغرب أنه مين خرج سد علي لباب أو قالي منحل لحد...شفتو جاي بنفس الإبتسامة ولكن براكا مايضحك علي بهاد لفعايل أنا عارفة بلي مخبي سر كبير أو لحد دبا كيماطلني باش منسولوش....حتى كنبغي نتشجع أو نعرف منو المستور ولكن غير كنشوف ضحكتو أو تعاملوا زوين كنسى كلشي أو كنقول مع راسي"لا" يقدر دكشي لي مخبيه يصدمني أو نكرهو أو فنفس لوقت إلا جبروني نبعد عليه تبقى عندي دكرى نعيش بها..جود:(طلع طنبل)بيب يلا نمشو.أنا:جود؟؟مغدش نكرهك ياك؟؟دكشي لي مخبي علي أيكون ساهل علي نتخطاه؟؟...جود توتر أو بعد وجهوا عليها..أنا؛جود قولي اه عفاك قولي بلي كلشي أيكون بخير..جود:صافي أعبق معندش لوقت....جوابو صدمني أو زاد من شك ديالي..هزيت ليه يديه أو حطيتها على صدري...عيني دمعو بغيت غير يخرج كلمة "اه"..انكون أكتر وحدة سعيدة فدنيا...أنا:جود عفاك هني قلبي أو قوليا بلي مغاديش نكرهك....جود مسح لي دموعي أو رجع إبتاسم بضحكة يطمئني بها....جود:عبق كتيقي فيا ياك؟؟...حركت راسي بالإيجاب..جود:اوا هدشي أيئكد لك بلي عمرك أتكرهني صافي؟؟...أنا:اوكي أجود ريحتيني كنتمنى هدشي يكون بصح....مجاوبنيش حرك سيارة أو نطالق نحو لمجهول عوتاني...نهار بدا كيسالي أو حتى قلق ديالي ولا كيمشي شوية بشوية...شمس قربت تغيب مخلية خيوط حمراء فسماء...لجو لطيف على لبشرة أو كلما كنقربو من لبحر كيزيد يبرد برودة خفيفة...ساعة أو جود كيسوق...ماقلنا حتى حرف..حليت سرجم أو تنفست بعمق لهواء لجميل ديال دبي الساحرة..سيارة وقفات أو من درت جود نزل بزربة أو خدة من جيبو غارو..بعد شوية أو شعلوا بدا كيكمي بنهم....مقدتش نقرب منو حيت باينة فيه معصب أو طالعة ليه لقردة لسطح....
جود دمروا سؤالها أو وجها لي كيتوسل ليه..للحضة بغا يقول لها كلشي..ولكن تراجع حيتاش مازال عندو غرض بلوراق....حلف من نهار يدخل لهاد لوكر بلي غيدمرهم كاملين...عصابة لمخدرات لي مازال لحد دبا كتسلب أرواح كتيرة غرقت فبحر الإدمان..أو أرواح أخرى بعدت على ناس لي كتبغي..أما هو فعيشاتو فرعب من نهار حل عينيه على باه...جود:سمحلي أعبق خصني نكمل حتى لخر...سمع تليفون كيسوني أو دار شاف فيها ساكتة أو بعد ما أمكن حتى إلى وصلوا شي خبار متشوفش ردت فعلو...جود:ألو شنو درتو؟؟....مزياان خربتو كلشي؟؟..أهاه؟؟.اوكي مزيان أو وصيتو لمكلف بكلامي؟؟..مزيان صافي دبا نتسناو شنو غيكون رد ديالهم....جود:(طفا تليفون)بلاتي أرضا كلشي إلا مراتي نقتلك أو نمشي جنازتك....
جود تعطل بزاف تفو علي علاش أنا ديما متسرعة....خرجت نقلب عليه حتى كيبانليا جاي بنفس لوجه الجامد..جود:عبق أجي...أنا:جود واش مقلق؟؟..جود:لا علاش؟..أنا:حيت مهدرتنيش جاع واش درت شي حاجة؟؟؟...جود حن فيها أو حيد لها كسكطة...جود:لا مدرتي والو الغلط مني أجي دوري..دورني عندو أو حل لي شعري...مع لهوى طار مورايا...جود:هههه دبا ماكين حد غير أنا لأنشوفو..أنا:هههه ياك مازال مبغيتي تنازل..جود:(بصوت جدي)أي حاجة كتعلق بيك عمري نتنازل فيها وخى نموت...جرني موراه أو بدينا كنتمشاو فرملة أو صوت الموج مجهد..شمس مخبية باستيحاء مور لبحر كتعلن رحيلها لقريب حتى تبان فنهار جديد كنتمنى يكون جميل أو ممتع فحال شعوري دبا أنا أو ياه...وقفنا أو جود دار مرايا أو غمض عيني..أنا:جود ههه شنو كادير؟؟...جود:يلا تمشاي بشوية ياك قلت لك عندي لك مفاجأة..أنا اوكي..تمشيت تابعاه فالمسار لي كيدفعني به..جود:دبا انفتح...تسنيت هزة يديه بفارغ صبر..من توضحت لي رؤية...جمدت بالفرحة...فمي بحدو لي تشرع من لمنضر لي خطفلي أنفاسي..أنا:وااااو أجود هدشي زوين بزااف ...جود:(جرها لمكان)عجبك أعبق؟؟...نترت يدي أو قربت أكتر...أنا:جود ولله حتى هادي أحسن حاجة شفتها فحياتي:كان عبارة على جلسة فرملة مفرشة بغطاء بلأبيض أو أسود أو وسايد مفخفخين بألوان غامقة أو شموع حبيسة فقنادل زجاجية...كان تأتير ديال لجلسة فحال سحر على قلبي...جود حس بالعكس هي لي سحراتو بشكلها طفولي أو شعرها طاير مع كل حركة فرحة كتخرج منها...جود:عبق أجي...مسختش نبعد أو لبيت طلبوا وليني عيني مزالين معلقين تماك...جود:(دور لها راسها)عبق شوفي فيا..أنا:زوين بزاف...جود:درت هدشي غير باش نشوف هاد لمعة فعينك....أنا:هههه أصلاً نتا أي حاجة كدرها كتعجبني ولكن هاد لمرة سالتي معايا أجي نجلسو..جريتو أو جلست أنا لولا ولكن هو بقى واقف..أنا؛جود أجي تيتي..جود:هههه أشناهيا هاد "تيتي"...أنا:ههههه هي شد لرض...جود:هههه زوينة هاد لكلمة اه اوكي أنتيتي ولكن بهاد طريقة....جلس ضهرو على لوسادة أو فتح رجليه...جود:أجي هنا...ما تحركتش أو عاود طلبني بنبرة حنينة...قربت ليه بحشمة حيت خجلني لوضع....جود:(جرها)أجي أو نتي كدري فحالي أناكلك..أنا:هههه جوود....جود دور يديه عليها أو مزير على رجليها أو نيفو فشعرها...جود:أححح بشحال كتحمقي..أنا:(حشمت)لا رد..جود:هههه والو أبيب والو..سكتنا كنطل على غروب شمس لي ردات من بعيد سما بلون أزرق غامق...جود:عرفتي أعبق باش كنا فالبحر.أنا:أمم ؟؟...جود:كان أجمل يوماين فحياتي..أنا:لا رد...جود:كنت فيما كنمشي ليه كنكرهو حيت متخيلو ديما ضدي...رخف علي أو دورني عندو...شد لي وجهي أو تعابيرو لأول مرة فحالي كيبكو بلا دموع...جود:ولكن دابا ولا أكتر مكان أنولي نحس فيه بلي أنا إنسان حيت نتي أعبق لي علمتني هدشي...شعرت بواحد نبع ديال لحب كيدفق من كياني كامل لدرجة قررت ندير حاجة صعيبة....حطيت يدي على وجهو أو جبدتو عندي..

أنا:حتى نتا أجود علمتني هدشي..قربت من شفايفو أو بستو بوسة طويلة نروي بها لحقل ديال لجفاف لي لطالما عانى منو بلا بي..جود فلول دهشر حيت لمبادرة لي جات منها مكانش متوقعها...من عاد فاق من صدمة أو بدا كيستشعر حلاوة شفايفها لمترددين...هزها فوق حجرو أو حيد لها شعرها أو كل خصلة مزعجة أتعيق من شوقو ديالو لها...المشهد كان الرومانسية بحد داتها...جوج عشاق حتى واحد مبغى يتنازل أو يعتارف ولكن رغم دالك كيبينو بطرق غير لكلام بشحال كيحنو لبعض...عبق سلات معاه ببنيتها صغيرة أو يدها لباردين على لحيتو....مكنتش مترددة ولكن لاصقة فحالي كتاخد نفس يرد لها حياتها..حتى هو مقسرش أو حاول ما أمكن ميئاديهاش حيت رغبة ديالو جامحة لحد هو براسو مكيتصروش....معرفتش شنو كندير بضبط غير انني سكرت ولكن ماشي بلخمر...هاد لكمية فحقنة لحنان تعطات لي هاد لمرة بدوز طالعة...ضخت أو كنت انفقد الوعي ولكن تشبتت به خوفاً على كرامتي لي مبغتهاش طيح أكتر..يكفي أن هاد لمرة أنا لي كنت سباقة...ولكن منادماش بصح كنستمتع دبا لدرجة حاسة راسي فسما كنحلق أو لأرض موسعانيش...مين صافي هداك شوية ديال الوعي لي بقى لي قرب يمشي وقفت بصعوبة ولكن هو كان مازال بغي أو ناوي يسخفني مفيهاش...أنا:جود صافي عفاك براكا...جود:عبق مديريش في هاد لحالة....نضت بزربة أو جريت لسيارة....جاتني ضحكة أو البكية فنفس لوقت معرفتش شكون نسبق واش نفرح حيتاش كل نهار كنآمن بلي جود هو حب حياتي ولا نبكي خوفاً انني نكتاشف أن هاد سعادة لي مخبية موراها داك سر لغامض....أما جود رجليه تجمدوا مقدرش يتبعها خليه يهدأ لعاصفة لي وهجات فيه عاد يمشي...يمكن إلا مطلقهاش أيوقع دكشي لمبغهاش..جود:عبق علاش كتجبدني علاش؟؟....جلس شاد راسو مابين يديه بقوة يقلل ما أمكن من صورتها مابين عينيه....داز لوقت طويل أو إستعان بغارو تاني أو هو كيراقب سماء لبسات رداءها لأسود لمزين بقطع لؤلؤ بيضاء....ركز على نجمة بعيدة أو كانت كدوي....ضحك متخيلها عينيها من كتبدا دمع ليه فاش كتبغي حاجتها....جود:اااااه أعبق بشحال عمرتي علي حياتي ميمكنش تمشي شي نهار مستحيل....ناض نفض رملة أو مشا لعندها....لقاها ناعسة أو راسها طايح على زاج....طلع أو قاد لها وضعتيها....أو رجع لفندق.....بعد مسافة طريق طويلة بدا كيفيقها....جود:عبق فيقي..كانت غايبة على الوعي ملقى حتى حل أو هبط هزها....بدا طالع بها أو لعينين كلشي عليهم....وصل لبيت أو حطها فوق سرير...دخل غسل يديه أو وجهوا أو لباب سونا برنة خفيفة....مشى حل أو كانوا سيكان لملابس لي شراهم.....شكر لموضف أو خرجهم كاملين...فجأة طاحت ليه ورقة من واحد ساك...ستغرب أو هزها قراها....تصدم من رسالة لي كان مضمونها:"مدام عبق كنتمنى تكوني بخير هاد لحضة ولكن من بعد أتعشي عداب كبير كنواعدك: لموقع لبوس"....جود:عبق لا....بديت كنحل عيني بصعوبة...معرفتش كي درت نعست لحمدلله نوم نقدني من لموقف....مين توضحت لي رؤية...لقيت راسي فسويت ديال فندق...أو جود هاز واحد لورقة أو يديه على قلبوا كينطق بسميتي بشكل متكرر....أنا:جود؟؟....دار بسرعة أو خبى لورقة فجيبو....جوف:فقتي؟؟...أنا:شنو دكشي؟؟....جود:لا لا والو غير واحد الفاكتورة....أنا:اه اوكي أنمشي لحمام.....نضت بصعوبة أو لألم فركبتي ...عاد تفكرت بلي مازال مجروحين....أنا:أحح رجلي....جود:خصك تبدلي أعبق لفاصمة أنمشي نجيب لك دواء...ساعدني ندخل لحمام أو مشى....جود هبط بسرعة حتى لتحت بعد ما سد لباب عليها ...بان ليه لموضف المصري فردهة أو عيط عليه....لموضف:أمر سعدتك؟؟...جود:جيب هاد دواء أنا جاي...لموضف:مين عيني لاتنين...خرج من لفندق أو مشى باركينغ بزربة....خدة سوارت أو قلع مكسري....فطريق وصى شي رجال يجيو قدام لفندق لبان لهم شي حد مشتبه به....أو عاد تاصل بوليد يتلقاو فلبلاصة المعهودة....محسش بمسافة طريق حتى لقى وليد متكي على سيارتو كيتسنة فيه....وليد:مالك أصاحبي؟؟....جود:(بلغوات)داك ز*** ديال رضا شوف شنو مسافط لمرتي....وليد قرى لورقة أو حتى هو تعصب....وليد:واش هادا تسطة؟؟اش باغي؟؟...جود بدا كيدرب فطنبل يخرج بركان لكره لي كيكنو لداك الحقير....جود:(بلغوات)انقتل ز*** بوه...كيقلب على ديلمي هاد لمرة ولا كفاش؟؟....وليد:تهدن أصاحبي راك جود أو معاك غير رجال....جود:مرتي؟؟راه بمجرد كنتخايلو كيفكر فيها كنبغي نموت شنو اندير إلا مسها؟؟الحمدلله ماشفتش لورقة ما كون تفرشت...

وليد دعموا بقبضة قوية على كتافو...وليد:ولله يا ز**** بوه حتى نوريوه شنو حنا نتا غير كالمي...جود:اوكي غنحاول أنطلب منك حاجة وحدة خلي هدشي بناتنا...وليد:وايلي حتى نتا....تعانقوا فحال خوت أو جود مزق لورقة لاحها أو ولا عندها.....
مين ساليت دوش...شفت راسي فالمرايا...حسيت بلي تبدلت وليت زوينة ولا كفاش؟؟...كيقولو إلى كنتي فرحانة داخلياً هدشي كينعاكس على صورتك لخارجية أو أنا دبا واش سعيدة؟؟...قست شفايفي أو تفكرت لبوسة...خرجت مني ضحكة صغيرة..غطيت وجهي أو ضحك ولا مجهد...اه انقولها بأعلى صوتي أنا سعيدة مع جود...فرحانة هادي هي لجنة فوق فلرض...لبست تريكو زرق أو شورت حتى ركبة على جرح.....جود مازال ما رجع أو مالقيت مايدار...نضت كنقلب على شي حاجة نتلهى بها أو لقيت جهاز موسيقى صغير....فتحت شاشة أو دخلت لتطبيقات...أنا:أووو أنغامي كاين...بركت عليها أو أنا نتفكر شعبي لمغربي...أنا:ولاهيلة نشط شوية....درت أغنية أسماء لمنور "عندو زين"...اوا نضت كنشطح عليها...أنا:(بلغوات)أيوااا سير عندو زين عندو لحمام دايرو في دارو أو أنا لحب أو أنا لغرام جابني حتى لدارو أيواااا....بقيت كنشطح أو زدت فصوت لأخر حد....
جود خدا دواء أو طلع لفوق...لحلا لي غحل لباب بانت ليه عبق كتحير أو كتشطح بحركات مغرية أو مرات مسطية...جاتو ضحكة أو هي محاسش به...مقدرش يصبر أو بدا كيضحك أو كيقرب منها....جود:(بلغوات)عبق هههههه....لا رد سيدة كدردك...مشى وقف حداها أو هي تصدم وقفت بواحد لحركة غريبة...أنا:(بصدمة)جود؟؟....بلعت ريقي أو حماريت بلحشمة....مشيت نوقف لموسيقى ولكن شدني....جود:لا لا بلاش أجي نكملو...أنا:لا أنا كنت...جود:يلا كملي هههه يا لحمقة....أنا:هههه اوكي أنا أنعاودها.....جود:أيوا سير على الله.....بدينا كنشطحو بجوج أو جود سلا معايا بحركات لمغاربة لي كيدروهوم فالعراسات...أنا:ههههه فين تعلمتي هدشي....جود:سيري شطح هههه عندو زين شنو لخرا....أنا:ههههه عندو لحمام....شد واحد غطاء كيدورو فسما أو أنا كنتحير....متنا بضحك أو عجبني الحال حيت جود طلع مغربي حر...سخفنا أو تلاحينا كانضحكو فوق سرير.....جود:ههههه ااااه بشحال ما نشطت هاكا.....أنا:ههههه وا قتلتني بضحك الهبيل....جود:نودي نخرجو.....أنا:(نضت كنمسح دموع ضحك)عاود فين عوتاني؟؟.....جود:أنمشو لبلاصة زوينة ....أنا:هههه أجود ولله هاد لبلايص ديالك كيفاجؤني....أنا:(بنضرة تسلية)أحح نتي لي فاجأتني قبيلة إلا كنتي أتعطيني فحال ديك لبوسة نديك لغاع بلايص لعالم....ناري ولد لحرام ديما كيحشمني...هربت لحمام او ضحكتو زادت ستفزاتني من لور....أنا:تفو على حمارة أنا يخ.....جود جلس كيتنهد بألم....كلما لوضع كيزيان بناتهم كيخاف كتر....جود:(بلغوات)عبق يلا لبسي نخرجو.....مشى بلاكار لبس تريكو جديد أو سروال دجين....سمعتوا كيعيط...خليت نفس تريكو أو لبست دجين أو سبرديلة.....مين حليت لقيت بوندا فكمارتي....جود:جمعي داك شعر لي فرحانة به....خديتها بزعاف أو لويتو.....أنا:فين أنمشو؟؟...جود:وا تي سكتي...هز بزطام أو سوارت أو هودنا....
ركبنا كان لجو ديال ليل زوين...جوع ولد لحرام ناض عوتاني....أنا:(بلغوات)جود درني جوع....جود:ههه عوتاني....أنا:وا اااه بغيت ناكل....جود:الله قلبي على صويت الله....أنا:هههه واش ندير ليه كيخرج هاكا....جود:أححح كيسالي معايا كلك عسل أبيب كلك.....أنا:ويلي حشمتيني هههه....حرك سيارة أو مشينا كانضحكو..دبي زوينة فليل وخا بقيت فيها بشحال نهار جت ولكن كنا فلبحر.....وصلنا لواحد ساحة كبيرة فيها بزاف ناس....فيها لمحلات أو مالين سناكات أو ريحة لماكلة....كلها مدوية أو فينما دور عينيك تلقى جنسية فشكل....ها لهنود ها شناوة ها شهبين....حشد ديال ناس أو كلشي فرحان....أنا:وووو أجود فين حنا؟؟.....جود:هادو أسواق شعبية فيهم تقريباً كلشي كيبقاو فاتحين حتى لصباح أجي ناكلو....جرني عند واحد سيد كيبيع خبز فيه لحم...ريحة شوا كتشهي...خدينا جوج أو جلسنا كنتفرجو فناس...أو لموسيقى مجهدة أو حتى أصوات دراري صغار كيلعبو....جاني فحال لا فوار فلمغرب....وصلنا طلب ديالنا أو جود مدسرش دكشي خشاه فجوج دغمات....أنا:واش هداك فم عندك ولا gراج؟؟....جود:هههه وكلي سربي.....ساليت أو تحركنا ندخلو وسط ناس....دزنا لمحل دهب....خدة لي سنسلة رقيقة فيها حجرة وردية جاتني زوينة بزاف....جود:خليها فيدك اوكي؟؟....أنا:أممم ماتخافش...مشينا بدينا كندورو عند ملين أقمشة أو ملين لعطور خديت عطر فرنسي ريحتو هبلاتني...... درنا سوق كامل حتى طابو رجلي ....جلست فوق فوق واحد الحيط حادر أو رديت نفسي حيت عندي فوبيا من بلايص عامرين....جود:بخير؟؟....أنا:جيب ليا لما....جود:اوكي جلسي هنا أنا جاي...مشى بعيد دخل وسط ناس حتى مبقاش كيبان....تسنيتو بخوف فحالي عمرو أيرجع....طول بزاف أو تشجعت ندخل نقلب عليه....أنا؛جووود فينك؟؟....دخلت لداخل فقلبي هاجس يمشي بلا عودة.....
جود خدا لما من واحد لمقهى قريب أو رجع بنفس سرعة.....فاش شاف لبلاصة خاوية طاح ليه لكاس تفرتت فحال قلب....جود:(بلغوات)عبق؟...قلب عليها فالأنحاء أو لا أتر لها....نفسو تحبسات على تنفس أو دغيا جاء لبلو منضر رضا أو هي بن يديه....جود:(بلغوات)لاااااا عباق.....

تهت فداك سوق....كل واحد مين كيدفعني أو دموع فوجهي فحال شلال....وصلت لمحل ديال دهب أو مشيت دخلت ليه....أنا:(كنبكي)عفاك سيد لي جاء معايا هنا واش بان لك؟؟...لبائع:اااه شتريتي شي؟؟....أنا:أيوا أنا شتريت هادي....وريت ليه سنسلة ولكن قال بلي جود مجاش هنا بلمرة....قلبي أيسكت بلخلعة...ماشي حيت مكنعرفش طريق ولكن داك لبعد عليه مقدرتش نتقبلو....خرجت عاود أو بديت كنتمشى أو كنتلفت ولكن وجوه كتار فين أنلقاه فين؟؟؟....
جود طاحت ليه فكرة بلي تقدر تمشي فين ركن سيارة ديالو....مشى كيجري وخى كان زحام....بدا كيدفع لي جاء قدامو لمهم هو يلقاها أو يجمع معاها حتى تشوف نجوم.....وصل وأخيراً أو فقد لأمل...باركنج خاوي أو لفكرة ديال رضا كتعزز ليه فمخو كل تانية أو هي بعيدة على عينيه....جود:(كيضرب فطونبل)لا لا أنا حمار علاش خليتها بوحدها علااش؟؟؟...
فلمكان المزدحم...مكانش غير عبق أو جود لي كيقلبو على بعض....كان شخص تالت متنكر بزي كحل...قب على راسو أو هيئتو عادية عكس اشنو كيسوة ديال بصح....كان معاه راجل حتى هو لابس ملابس مكرفسة...كانوا حاضين عبق واقفة فساحة ديال سوق...شعرها محلول أو كتقلب بخوف...شادة قلبها أو واحد لميكا صغيرة فيدها....أو مرة مرة كتمسح دموع باش توضح لها رؤية....ركز مزيان على كل حركة كاديرها...أو تفكر عطر ديالها باش ضاربو فلبرج...راجل:سي رضا راهيا لبنت لي كنقلبو عليها...هادي فرصة جات حتى ليدينا أنا أنمشي نجيبها....رضا امرو ميتحركش غير بحركة....مهدرش انضارو كاملين عليها.....بعد مدة ناض وقف....أو حتى راجل لي معه كيتسنا غير إشارة منو يمشي يخطفها....رضا:لا ماشي لوقت لمناسب....عرفتي شنو كيدير لفهد؟؟...كيتسنا فريستو بكل فارغ صبر حتى كطيح بين يديه أو مكيبقى عندها حتى مخرج ولا مهرب من غير سنانو....أنا بغيت نطيحها أو ندمر جود فنفس لوقت...أو إلا تحركنا دبا هدشي مغيكونش فصالحنا....دنيا هنا عامرة أو جود أيكون غير فالأنحاء....أنا بغيت شي طريقة هي لي تخليه أو تجي لعندي حيت هدشي أيكون أصعب بنسبة ليه....راجل كان كيسمع ليه بإهتمام مقتانع بكل كلمة....راجل:أيه أسي رضا نتا دكي بزاف....رضا:هههه أنا عارف هدشي يلا نتحركو....طلعها أو هبطها بفضول أو إختفى من ساحة.....
أنا:الله يا ربي اش داني؟؟...تفووو هئ هئ فينك أجود فينك....اااه يقدر يكون مشا لباركينغ....ولكن معقلتش على لبلاصة....شفت واحد سيد هاز سوارت طنبل أو مشيت نسولو على طريق.....نعتها لي كانت قريبة بزاف....مشيت كندردك لآخر ملجأ نقدر نلقاه فيه....أو فعلاً كان تماك حاني على ركابه أو شاد فراسو بجهد.....أنا:(بلغوات)جوووووود.....سمع صوتها فحال لا جبدو من قعر مضلم كل شوية كيجبدو لتحت....نتاشلو من بحر لوحدة لي مبغاش يرجع لها....ناض أو هي جاية كتجري لعندو.....للحضة كان غيعنفها بواحد جوج سماكات لوجها.....ولكن نقزات فحضنو أو لفكرة تخلى عليها باش حس بحلاوة وجودها فحياتو....بدات كتبكي أو هو هازها أو مدور يديه عليها بكل قوة لدرجة تهيء بلي عضامها كيطرطقو....كانت كتغرز ضفارها فيه أو بكاها غادي أو كيجهاد.....جود:علاش أعبق علاش؟؟...كان غيسكت لي لقلب....أنا:هئ هئ جوود كنت أنسخف بلخلعة...منقدرش بلا بيك....جود بقى كيهدنها بلمسات حنان على ضهرها....بغى يهبطها ولكن هي رفضات تفرق عليه.....أنا:لا خليني هئ هئ أنا مكنحلمش ياك؟؟....جود:لا عبق صافي أنا حداك....كنت على نقشة أنموت أو أنا متخيل بلي..تراجع على سمية رضا بصعوبة أو زاد ضمها أكتر....جود:صافي أعبق عمرني نخليك بوحدك...نتي كلشي بنسبة ليا.....

نزلني لرض ولكن ما طلقتوش....بقيت مدورة يديا على كرشو أو خاشيا راسي فصدرو....جود:ششششش صافي سكتي.....أنا:هئ هئ جود أنا تأكدت بلي منقدرش نعيش بلا بيك...ضحك بجهد حيت بانت فحالشي درية صغيرة لقات باها بعد ما تلفات عليه...بعدها عليه أو مسح لها دموعها....جود:ولكن كون ما حشمت كون سمكت ديلمك حتى تحوالي على تنقاز أو تفرطيط ديالك....أنا:خفت حيت تعطلتي بزاف أو مشيت نقلب عليك...جود:أخر مرة ديريها مين نقول شي حاجة نفديها....أنا:أمم صافي....جود:يلا نمشيو....أنا:لا بلاتي أجود أنا شفت واحد سيدة كتنقش أو بغيت نقش يديا....جود:واش دبا وقت شي نقيش....أنا:عفاك عفاااك أجوجو ديالي....جود جاتو ضحكة أو دور وجهو باش يطلقها قبل متشوفو....أنا:(كنجرو)وا يلا أجود عافاك....جود:مصيبة كحلة ليوم بربي متعاودي تبعيني هاد لمرة....أنا:وا صافي دبا أنا هنا....يلا نحني يدي أصلاً أنا مزوجة أو لحنا ضرورية لمرة لمزوجة....جود:علا نتي مرة ؟؟راك فمازال بنت خصني نعاونك باش تقدري تقولي هاد لكلمة ديال "مرأة"....بقيت كنشوف فيه بصدمة أو هو كيهدر فالموضوع لي fucking محرج بصوت عالي قدام ناس بلا أي إعتبار....تخليت على يديه أو سبقتوو لقدام نبعد على بعض دراري سمعوه أو بداو كيفرنسو...تفو لحمق كنكره هاد تصرفات لباسلين....جود:ههههه أجي أو نتي دغية كتحشمي....شدها من يدها أو نفدتها أو هي كتمشى بلا هدى....جود:هههه وا عبق كنضحك معاك...أنا:براكا هاد ضحك ديلك لباسل ماعندي ماندير به تفووو مين عارف صوتك كي دعدوع هدر بشوية كلشي سمعك شوهتيني خصني نعلمك لاداب أجود مفيهاش.....جود كلما كانت كتزيد كلمة كتخرج ليه إبتسامة سعادة أو هي كتلعب بيدها بحركات غضب....جرحا عندو عاد سكتات أو باس لها فوق راسها....جود:هههه وا صافي هاني ساكت....أجي مال شعرك محلول؟؟.....أنا:من كنت كنجري نقلب عليك طاح من كترت منتفتو مسكين....جود:هههه اوكي يلا نحنو لك العروسة.....دخلنا لسوق أو قلبنا على محل نقش العربي...لقينا بزاف سيدات كيحنيو الأجانب أو بانت لي بلاصة خاوية مشيت جلست....سلمات علي لمرة كانت لابسة عباية كحلة أو دايرة شال مزوق بألوان مخلطة أو واحد الحديدة على وجها مغطية ليها نفها أو كيبانو غير عينها مكحلين...لمرة:شو بدك تسوي يا غالية؟؟...أنا:نقش يكون زوين...لمرة:هههه إنتي متزوجة؟؟...شفت فجود ساد نيفو أو بغي يتقي....أنا:مالك؟؟...جود:تفووو على ريحة شهاد لخرا؟؟....أنا:هههه ريحة الحنة أجود وايلي سير تسناني برا....جود:على أنا حمق نخليك مرة أخرى أنستحمل ماعندي ماندير...بقى في خاشى راسو فتركوا أو شاد واحد لقنت بعيد ولكن حاضني....لمرة:زوجك؟؟...أنا:أيوا....لمرة:زين ماشالله تبركلة....أنا:هههه شكراً....لمرة:انتي عروسة يديدا بنقشلك بحنة عربية أصيلة شكل وايد تحبينه...أنا:اوكي....بدات كتنقش لي أو مرة مرة كنطل على جود لي شوية أيسخف بريحة....قتلني بضحك....مين سلات عجبتني بزاف دارت شكل كيحمق....خلصها جود بواحد سرعة أو من خرج خدا نفس طويلة أو أنا يدي فسما أو كنضحك عليه....أنا:لواه أجود زدتي فيه....جود:تفووو على ريحة كيفاش كتقدرو تستحملوها....أنا:ههههه وا صافي يلى نمشو....بقينا غادين أو جود كيشوف لي نقشة أو مبعد راسو...شرينا غلاس باردة أو بقى كيوكلني...ركبنا أو رجعنا لوطيل....فطريق جود حل سراجم كاملين حيت ريحة جهدات أو أنا كنموت بضحك لقيت نقطة ضعف ديالو....أنا:هههههها جود اويلي واش من نيتك....جود:لا بزاف هاد ريحة كتقيي تفووو لخرا دوي لي على لحنة نفش مك...أنا:ههههه نتا فحال خويا حتى هو كيكرها....سكتنا بجوج حيت خرجت مني ديك لكلمة مألمة.....حط طنبل فباركنغ أو خرجنا...لكن هو وقف حيت تليفون سونا ليه...جود:عبق هاكي لا قارة دلبيت أنا جاي....حطها فجيبي أو طلعت....جود: ألو شنو؟؟...كيفاش؟؟...اوكي غدا أجي عندي صباح....جود:شنو هاد شي خرج لي تفووو...

طلع بسرعة....أو بدل بلخف أو مشى لعندها....جود:عبق شنو كدري؟؟...أنا:كنغسل لحنا أنا خارجة....مسحت يدي أو ولات كحلة حيت هنا عندهم حنا قاسحة ماشي فحال ديال مغرب...لبست تريكو بيض أو شورط...غير حليت لباب يد جود جرتني أو جلسني...هبط على ركابه أو دار لي دوا رجلي....كان مهتم بلعمل لي كيقوم به...مكان عندي ماندير غير أن فرحتي تكبر كل دقيقة فقلبي....طلع وجهوا بإبتسامة ساحرة أو حتى أنا بادلتها معاه....حط لفاصمة أو جرني نعس حداه....أنا:جود لحنا؟؟...جود:ماشي مشكل من كتكوني قريبة مني هاكا مكيبقى هامني والو....باس لي راسي أو غمض عينيه مستغربة من هاد لكم ديال لأحاسيس لي مفهمتش بضبط شنو موراها..ولكن منقدش نبعد عليه حتى أنا عنقتو أو نعسنا....
في صباح..جود فاق هو لول...عبق كانت عيانة بزاف باس لها حنكها أو خرج سد عليها لباب...هبط لصالة الإستراحة أو لقى راجل لي كيتسناه....سلم عليه أو بقى كيتسنا لخبار لخابيب لي زعجو به البارح فليل..جود:شنو واقع أحمد؟؟...أحمد:سي جود وقع مشكل البارح وصلني إتصال من عند سيد لأنشريو منو لارض هنا فدبي..جود:اهاه؟؟..أحمد:عيط علي شاري أو قال بلي تعرض عليه مبلغ أكبر من ديالنا بي 20%...جود:اهاه؟؟..أحمد:ولكن بما أن سيد كيعرفنا من زمان لدلك قرر يدير حفلة مع شاري جديد أو تماك توضح لأمور...جود:شكون شاري؟؟....أحمد:معرفتش شخص مجهول ولكن باينة أيكون شي إيمراتي ملعق فلوس..جود:شنو هدشي خرج لي من جنب هاديك لأرض ميمكنش تخاد منا....أحمد:عارف أسي جود ولكن بنادم كيشوف لفلوس كيطمع كتر....جود:اوكي فوقاش هاد لحفلة؟؟...أحمد:غدا فليل فبرج لعرب أيحضرو شخصيات مهمة..جود:اوكي انكون تماك..ناضو سلموا على بعض...أو جود وصى على لفطور أو طلع عند عبق..لقاها فاقت جامعة شعرها أو كتقلب على متلبس...جود:زين ديالي صباح لخير...أنا:صباح نور...جود:عبق نعطيك تهدري مع مك؟؟...أنا:(بفرحة)اااه عفاك...خدا تليفون ركب نمرة المجهولة أو عطاني ندوي معها....جاء ردها فحال لبرق بصوت حنين..جلست فواحد لقنت أو بقيت كندوي معها بلا توقف...مبكيتش بالعكس فرحات من سمعت صوتي السعيد..حتى جود خلاني على راحتي حتى ساليت بخاطري....مين سليت شكرتو أو نضميت ليه لفطور....جود:عبق نتي فرحانة؟؟..أنا:اااه بزاف..جود:مابقيتش كتحسي راسك مخطوفة...أنا:لا بلعكس (قصت يديه)أنا أجود تخليت على هاد شعور بشحال هادي..جود:غدا انشالله أتكون حفلة فليل خصك تمشي معايا....أنا:وايلي أجود لا منقدرش ممولفاش على هدشي.جود:راك مرتي أعبق أو اندير صفقة عمل خصك تكوني معايا....أنا:لا لا مقبلاش...مسحت فمي أو نساحبت....جود:اوكي فكري ولكن انكون مرتاح أو نتي حدايا....أنا:لا رد...صعيبة نولي من هاد المجتمع الراقي...أنا غير بنت عادية مفياش تملق أو مكنعرفش كيفاش نجامل ناس...درت شفت فجود جاني تعصب...أنا:تفو سمحلي أجود منقدرش نمشي معاك....ولكن أنا مرتو أو هدا واجب ديالي.....أو مالي أنا شنو خاصني زعما خايبة ولا عوجة؟؟...هادي فرصة جات حتى لعندي نتعلم كيفاش نولي إمرأة ديال مجتمع ماشي غير مشمكرة لي دواء معايا نكلاشيه....شفت حتى عييت أو قربت منو...أنا:جود صافي أنمشي معاك....سيد فرح أو عنقني....جود:هههه هاكا نبغيك كان كيحسبلي بلي مازال ملحتي ضعف ديالك....أنا:لا رد ...جود:اش بان لك ندرو Race(سباق سيارات)كتعرفي تسوقي؟؟...أنا:اااه كنعرف أجود واش بصح؟؟...جود:آه هههه يلا لبسي نمشيو.....مشيت طايرة لبست لي جات قدامي...شديت فيديه أو نزلنا.....بعد مسافة طريق كلي لهفة نوصل تماك...أوووو لأحلام ديالي كاملة كتحقق مع جود...طاح علي فحال داك جني لمارد لي كيلبي طلبات سعيد لحض فحالي...وصلنا لواحد دخلة كبيرة أو فتحوا لينا لباب..أجمل حاجة متقونة شفتها فحياتي...لمكان كبير بزاف أو مشكل بطرق طويلة أو منحدرات....أو فجناب كاين خيمات مصنوعين من لحديد أو لقماش لبيض يمكن كيستارحو فيها...أو مين تقدمنا بطنبل شفت واحد جراج كبير فيه سيارات سباق كيتعرضو لإصلاح ولا لغسيل....أنا:واااو أجود شنو سميت هاد لحلبة؟؟....جود:سمتها Dubai Autodrom...أنا:كتحمق أنتسابقو أنا أو نتا؟؟...جود:اااه أنغلبك بكل سهولة....أنا:متحلمش بزاف...شاف في بتحدي أو هبطنا....تلقاو ليه لعمال أو رحبوا به...تسنينا شوية كنضاربو شكون لي أيسبق...أو أنا في غير جبهة عمري جربت هدشي..دايرة فيها معلمة....داونا لواحد غرفة تبديل لملابس خديت فيستا ديال سباق فالحمر أو لبيض..أو حتى جود لبس وحدة فلون زرق....عطاونا جوج سيارات ديال Race....أنا:مشيتي فيها ليوم نخسرك....جود:ههههه احنا انشوف أبيب يلى ركبي....طلعنا لداخل أو دارو لي صمطة أو كاسك أو جود تكلف بنضام لحماية راسو بما أنه مولف...شداتني لقفقافة صراحة...لعامل:جاهزين؟؟....جود:بطبيعة لحال....طل علي من سرجم أو دار واحد لحركة ديال "أتخسري مافيهاش".....بلعت رقي أو شغلت المطور..أنا:كنطير أشداني لشي سباق....

جود شاد لفلون بتقة كبيرة أو مرة مرة كيدور يشوف فيها بشحال متوترة من سرجم....صوت دمراج ديال سيارات بجوج كاعلان إستعداد باش ينطالقو فسباق ممتع....جود:(بلغوات)عباق hard luck أنتافقو على 4 دورات اوكي؟؟....شفت فيه أو أنا رعدة غتقتلني أو شوية نسخف...أشداني تفو على هاد لفم ديما خارج علي...لعامل وقف فالوسط أو هاز واحد راية بمربعات بيضين أو كحلين مطلعها فسما.....لعامل:جاهزين؟؟....جود دار جوج كسيريات مجهدين بلي را ready....لعامل:يلا 1 2 3...إنطلااااق....لوح راية فسما أو كسرينا بجوج فدقة....أول حاجة مقدرتش نديرها هي لفولون لي كان كيفلت من لقبضة ديدي....أو صهد لداخل...جود سبقني بزاف أو قرب يكمل دورة لولا....درت فبالي لخوف لي لحتو فبرج لعرب...أو قلبي ولا قوي....كسيرت أكتر أو أو زدت فسرعة....ولات سيارة كاطير....تفو هدشي ماشي فحال لي تخيلتو....وصلت لمنعرج أو قلبت لفلون أو شوية رويدات دارو أو احتكاكهم مع لرض سمكني....رديت توازن بطريقة خيالية....أو رجعت فطريق طويلة....جود كمل دورة أو دخل فتانية أو أنا يلى انوصل ليه....توالفت شوية على سياق ديالها وخى جاتني صعيبة....جود محترف كيعرف كي يتعامل معاها....زيرت على لغيدون أو قررت يكون هاد سباق فحال تحدي بنسبة لي...حطيت جود فنقطة نهاية قدام عيني....قلت فنفسي إلى ربحت لقدر أيكتبو لي أو إلى خسرت أيوقعو بزاف مشاكل فحياتنا....هاد لقرار صعيب حيت للحضة أمنت به....أو كان علي نربح بش نحيد توتر ديالو فنفسي....أنا:أنربح أجود على قبلك نتا....دكشي لي درت جهدت لآخر حد سرعة المسموح بها لدرجة ضنيت بلي نفاصلت على لرض...ولكن وجه جود أو لحضن ديالو كانوا عندي أهم من لحالة ذعر لي مسيطرة علي....لوح لي لعامل بلي دخلت دورة تانية أو جود بعيد علي بنص تقريباً....أنا:يلا بيبو يلاا....جود كان كيطل عليها من زاجا قدامية قريبة ليه أو كل مرة كتزيد فسرعة....خاف عليها بزاف حيت عرفها عنيدة أو مكتقبلش تنهزم....خفف سرعة شوية حتى وصلات ليه....حل سرجم أو حيد لخودة....دار لها إشارة تهبط سرجم.....جود:(بلغوات)عباق حماقتي نقصي lvitesse.....أنا:(بلغوات)لا جود كتحلم.....طلعت زاج أو سبقاتوو....جود بقى مبهوض من شجاعة لي جات على غفلة منها...واحد جزء منو فرح حيت هادي هي عبق لي حلم يشوفها...ولكن لباقي منو مخلوع لا تمشي تقلب بها سيارة....تبعها أو كل واحد فيهم كيزيد باش يتقدم أكتر.....جود مبقى باغي لا سباق لا والو كان ناوي يفوتها باش يقطع عليها طريق ولكن هي عكسات ليه أو مباغياش تستسلم.....فينما كان كوصل لها كيدير لها حركات توقف ولكن شكون داها فيه....حل واحد لبقى ليه هو يسد ممر لبداية....بطى فلكسراتور أو فاتها حتى وصل لنقطة الإنطلاق....وقف بجهد أو خرج بسرعة....جر لعارضة ضخمة لي كتسد طريق أو هي جايا بجهد....مشى وقف قدامها أو هي بلخلعة فقدات تركيز....جود حاول ما أمكن يحبسني ولكن معارفش بلي هدشي كنديرو على ودو...حتى فرحت أو قلت بلي لوعد لي عطيتو لراسي أيتحقق بقاو لي جوج دورات أو جود أيكون كأس فوز انشدها فلخر كأحسن أو أفضل جائزة فحياتي....ولكن كلشي تبخر بمجرد ما دار لي بلوكاج فطريق....كي غاندير نوقف دبا؟؟...سيارة فأخر درجة ديال سرعة....أشكايدر هاد لحمق؟؟...وقف لي قدام لعارضة أو وجهو جامد....لا ميمكنش نقدر نحبس....بركت على لمكابح بكل قوة....سيارة حلفت لا تحبس أو جود متحركش....اش ناوي يدير؟؟....بقيت كنبطى على لفران أو والو....هبطولي دموع أو فجأة كنحس بلي طنبل كتراجع ببطء...صوت تلاقي رويضات مع أرضية ديال لحلبة صلبة خلف ضجج كبير....شوية حبست أو غمضت عيني...تخبط راسي مع لكرسي أو رجع على لفولن.....حليت عيني أو كنتمنى بلي جود يكون بخير حيت كلما كنت كنقرب متزعزعش من مكانو....حليت لباب أو كلي كنرعد...قربت منو واقف فحال شي جبل ممأترش بلعاسفة لي قربات منو ..كان بين ركابه أو بين مقدمة سيارة شعرة وحدة.....طحت حيت ركابيا فشلوا...أو حيدت لخودة نتنفس لهواء بكترت ما تخنقت بالخوف عليه....كنت انقتلو بسهولة...حب حياتي لي راهنت عليه كان ايموت بسبابي؟؟...جود تحرك عندها أو فبالو حاجة وحدة يعاقبها على هاد قلة لعقل لي عندها...كانت غايبة على ما يحيط بها...محساتش حتى بيديه كطلعها من لرض حتى لوجهوا بعنف....هز يديه حتى لفوق أو سمكها لحنكها باش ترجع لعالم لواقعي...طاحت مجبدة أو سيل ديال دم رقيق هابط من شفايفها....جود:(بلغوات)حماقتي؟؟...كفاش عطاتك خاطرك ديري في هدشي؟؟....

طرشة ديالو نستاهلها...أنا لي عندت أو مابقى كيبان لي والو من غيرو.....رداتني بسيف لخطر لي حطيت فيه راسي أو حطيت فيه جود...رمشت بعيني أو يد جود جبداتني من كول ديال بدلة...جود:واش تستطتي؟؟اش غاندير معاك؟؟.كنتي أتقتلي راسك بكل سهولة...شفت فيه بتوسل أو عينيه حنو علي فحال ديما...مسح لي دم أو عنقني بجهد...حتى أنا ضميت دراعو بقوة كلما كنتفكر بلي من لممكن يكون دبا مهرس من رجليه بسبابي...أنا:علاش متحركتيش أجود علاش كنت غنضربك....جود:حيت أي حاجة أتأدك خصها دوز علي أنا لول....أنا:(كنبكي)نتا حمق أجود حمق أو كل نهار كنفقد عقلي معاك..جود:(باس لها راسها)ششششش صافي أعبق صافي مطرة والو....أنا:لا رد....غير لبكا لي خدام أو لخلعة حتاكرات علي حتى بردت علي داتي كاملة...زدت دخلت فيه باش نحس بلإمان معاه أو نتخلى على دنب لي كنت أنرتاكبو....حتى جود حس بالارتجاف ديالها شديد أو حاول ما أمكن يهدئها.....بعد مدة كافية رجعت نبضات قلبها لحالتها أو جسمها طبيعي....جبدها من صدرو أو زاح لها شعرها بلطف....جود:عبق شوفي في....بقيت منزلة راسي مقدرتش نلبي أمر ديالو حتى هزو لي أو بقى مزير على فكي...جود:عبق أخر مرة نصبر على غلطة منك تقدر تمسك بأدى صافي؟؟....مردتش عليه أو فهم بلي أنا موافقة....قرب مني أو باسني فجهة لي سال منها دم....غمضت عيني أو ستسلمت لها....جود:عبق سمحلي على ضربة مكنتش قاصد ولكن عصبتيني....أنا:لا أجود نتا لي سمحلي كنت أنقتلك....جود:ههههه إلا كنت أنموت على يديك معنديش مشكل....جابلي ضحكة ولكن مقدراتش تخرج...جرني أو ركبنا فسيارة ديالو...ردنا فين كنا...أو أنا كنحس راسي عيانة أو بغيت نسا هادشي كامل....حطيت راسي على زاج بعيدة على انضارو لي كتعاتبني رغم أنه ضحكني....وصلنا لجراج خرج بزربة أو مشيت غرفة تبديل لملابس...بدلت أو لحرقة ديال انني كنت نقدر نكون سبب فموتو كتاكلني من راسي حتى رجلي....خرجت لقيتو كيتسناني تخطيتو أو مشيت لطنبل جلست لور....مور شي دقايق قليلة...كان جاي أو ركب بلا ميهدرني....نطالق في إتجاه لعودة....مرة مرة كنشوف فمراية...كنلقى عينيه كيتسألو على ردة لفعل ديالي...أنا كنعاقب راسي أجود على تهور ديالي...طمعت أو كنتي أتموت....رديت عليه غير بعيني علاه يفهمني....رجعت كنتفرج فطريق طويلة....أنا:(فنفسي)سمحلي أجود سمحلي أحياتي.......جود فهم هاد صمت ديالها...حتى هو خلاها على راحتها أو ما حكرش على موضوع....مين وصلوا لفندق نزلات بنفس سرعة....ردخات لباب أو وقفات قبالتو مادة يدها بلا كلام....جبد لا كارط أو خطفاتها أو مشات كتجري لبيت...تنهد حاط راسو على لباب...جود:عبق عبق تفووو لاش كتصعبي علي منطيحش فيك كتر علاش؟....دخلت لبيت أو طريق كاملة جامعة البكية بكل مكنملك من قوة....غير سديت طلقتها كاملة....كل دمعة كتحرقني..تلاحيت على سرير أو كل لحضة كتجي مابين عيني لمعة رعب لي كان كيشوف فيا بها...قبل يضحي بحياتو على قبلي...لا بزااف أجود....منقدرش نستحمل هاد شي لكتعامل معايا به...وش كتبغني؟؟....قولها أو هني قلبي نعرف على لقليلة كي نقدر نتعامل معاك...بقيت كنهرنن حتى داتني عيني فلمحة بصر...يمكن سخفت يمكن فقدت الوعي معرفتش ولكن متأكدة من مسألة وحدة بلي جود ملاك نور حياتي لمضلم.....جود جلس فردهة ديال فندق...كما أو شرب كاس ديال قهوة...كل نهار كيغرق فالعشق...أو كتجبدو بطريقة أو بأخرى لعندها لقلبها لروحها لكيانها...شاف بزاف ناس داخلين خارجين...ولكن اش نفع ديالهم أو هي بوحدها لي معمرة ليه دنيا كاملة؟؟....قرر يراضيها أو تنعس عندو هاد ليلة فحال مرات فايتين فحضنو..يحس بها فحال لمسة الأم الحنون لي كتنعس والدها...الأم لي معارفش قيمتها بسباب لموت لي خطفها أو خلاه وحيد....طلع لسويت أو كان ليل حل هاد لمرة بسواد مغشي على كل قطعة من قلبو...دخل لبيت أو كان صقيل أو سكات ممولفش عليه...قرب من ناموسية أو جلس...كانت فايقة ولكن دارت راسها ناعسة باش متواجهش معاه...باسها فراسها أو كحزت لبعيد..تجبد حداها أو جرها عندو...جاه رفض ديالها ولكن حكمها مزيان...جود:علاش دايرة هاد لحالة دابا؟؟...أنا:لا رد....جود:بشحال أو نتي ناعسة ؟؟مدروكش جنابك؟؟...أنا:بعد مني أجود..جود:لا مغنبعدش منك حتى تصالحني...درت شفت فيه بحسرة....أنا:نتا أجود؟؟نتا لخصك تسامحني...جود:أو شكون قالك أنا مخاصمك؟؟...لاش كتخايلي بزاف؟؟...أنا:يعني نتا ممقلقش مني؟؟...جود:ههههه لا بيب كيفاش نقد نديرها...درت عندو كاملة أو عنقتوو....أنا:(شداتني البكية)ولكن أجود أنا كنت أندهسك قلتي لي وقف أو مسمعتش...جود:(عنقها)صافي حتى دبا هاني حداك ولكن كنت فرحان حيت وليتي قوية...ريحني كلامو شي شوية...نودني شاد فيدي جارني مراه...جود:أجي لبسي نخرجو....أنا:فيين عوتاني؟؟...جود:أنورك حاجة نتي أول وحدة أتعرف بيها...عجبني لحال حيتاش أيشاركني سر من أسرارو....خديت حوايج دخلت لحمام لبست...خرجنا من فندق ساكتين...حيت أنا مازال في تأنيب ضمير....شدينا طريق أو كل مرة كيشد يدي كيطبع بوسة على كفي....جود:وا ضحكي مالكي ساكتة؟؟...أنا:أنا معاك أجود غير مازال ماسمحت راسي..جود:أووو كتزدي فيه فكري بلي كانت تجربة زوينة صافي؟؟....بتاسمت ليه أو وقف قدام واحد لمحل صغير....مرسوم علي أبوابو الات موسيقية...غمزني أو خرج بجرة....مافهمت والو أو تسنت بلهفة شنو ناوي يدير؟؟...رجع فيدو غيتار كبير...طلع كيضحك أو رماه لور....جود:هدا هو سر ديالي...أنا:جود كتعزف؟؟...جود:آه متقولها لحد ليوم تفاجئي بلمهارات ديالي...

يتبع