مجنون بيبو الجزء السادس

شدينا طريق منبهرة بهاد الموهبة الخفية....وقف سيارة جنب واحد لقهوة على لبحر...هاد لمكان طبيعي ولا فحال رابط قوي بناتنا...نزلنا أو سد طنبل...أنا:جود أو لغيتار؟؟...جود:على أنا نخلي زين ديالي بجوع حلفت داك صوت لعاودت سمعتو هههه....أنا:هههه متفكرنيش...دخلنا لمقهى...كانت معمراش حينت كان ليل أو غير شي أشخاص عيانين ناعسين على طبلة بعد نهار شاق....طلعنا لفوق أو كان خاوي تماماً....طابق مبني على تلة كبيرة...مضلم أو شعلو ضو غير على قبلنا....توضح مزيان....فيه كراسي أو طوابل كأي مقهى...ولكن لي كيميزو ديكور خليجي من رسوم على طاولات أو أفرشة او حتى ريحة لعود لمعروف بها لخليج العربي...جلسنا فطبلة قريبة الشرفة على منضر ليلي لبحر....شفت لماج لكحلة أو ستغربت من انني كنت واحد لوقت وسط منها....تلاقات عيوننا....أو ضحكنا بجوج حيت لفكرة مرت على عقولنا فنفس لوقت....جود:اش تاكلي؟؟...جود:أي حاجة غير نسد جوع متلهفة نسمع لعزف ديالك....جود:عنداك تصدمي أعبق حتى حد مسمعني معرفتش كي غيكون؟؟....أنا:أيكون زوين فحالك....جود بقى كيشوف في مرسوم عليه صدمة طفيفة...عاد فقت بدكشي لي قلت أو قلبت وجهي....تفو كنطير يخ....مشى جاب طلبية ديالنا أو أنا فتحت عقدة شعري....الله على هوا كيرد فيك نفس....سامحني اربي على غلطة ديالي كنت انقتلو.....مسحت وجهي بيدي ضاغطة عليه باش نسى...لمسة ديالو على راسي فيقاتني....جود:هاهو شوية يجي لقص مخرجاني نهار كامل بجوع اش غاندير معاك الهبيلة؟؟....أنا:(كنتغبن)أجوود صافي وااه....جود:ههههه هاني ساكت....

حطو لينا أطباق كتيرة أو متنوعة...دخت معرفت منين نبدا....جود دخل فدكشي خلعني....فحالي كانوا رابطينوو....أنا:أجود رجوع لالله....مجاوبنش بسيف أيتخنق بلماكلة....ولكن كيعجبني هاكدا...ميمكنش ولو لدقيقة نتخيل جود الهمجي ديالي يتغير...شخصيتو جاية معاه...كل حاجة فيه كتجدبني..شعرو طويل...هيئتو ضخمة...طول ديالو...لحية أحح على لحية لحرشة....أما تصرفات فمكنتش كنتقبلها فالبداية كان كيجيني إنسان ماشي طبيعي...ولكن بعد ما عرفتو مزيان تأكدت أن كل ردت فعل كتجي معاه...غواتو...أعصابو...ضحكتو...لحنية لي عمرني شفت فحالها....حتى قبل ديالو فشكل كتغيبك....مكدبتش مين عطيت لها صفة مجنون....كنبغيه بزاف أو مكنستحملش فكرة يخليني شي نهار....ولا فحال الأكسجين ديالي...كملني بزاف فحال لعبة puzzle لي كتولي صورتها واضحة حتى كيتركبو قطعها كاملين....مكنتش متصورة بلي انطلاقا بشخصية غامضة أتخليني نطيح فيها لدرجة لعشق لي كيدرني لداخل فقلبي حيت مستحيل نصارحو به....هدشي كيعدبني ولكن أنستغل كل تانية قريبة منو أو نعطي لنفسي فرصة أخيرة نعيش لحياة قبل متفضح هاد لقضية أو يبعدوني عليه....جود حبس أو بقى كيشوف فيها ساهية فيه...مربعة يدها أو شعرها كيطير مراها مخلفة لوحة كتسلب لعقل من شدة لعفوية أو لبراءة ديالها...وجها حزين أو ملامحها كتسيل بضعف من خوف عارف مزيان منبع ديالو...بشحال كيتمنى دبا كون كانت ضروف أخرى سبب في لقائهم بجوج....جود:عبق علاش ساكتة؟؟...أنا:لا رد...حركها بلطف عاد نادت من ديك لحالة....جود:واش نتي بخير؟؟....أنا:اااه بخير أنا شبعت أو نتا؟؟...جود:حتى أنا يلا نمشو...خلص أو هبطنا فين حطينا سيارة...خدا لغيتار أو عاد فرحت شوية كنت غنتسطى كون ما فيقنيش من كترت تخمام فينا بجوج....هبطنا لبحر شادين فيدين بعضياتنا...مكان حتى حد...شكون من غير مجنون أو مجنونة ايجو فهاد لوقت لوسط رملة أو قبالة لماج...شدينا لرض...جلست قريبة من جود أو شافني بواحد نضرة ديال "عفاك متضحكش علي"....بغيت نشجعو أو بديت كنسفق باش يبدا....أنا:يلا جود يلا سمعني شي حاجة كتشبهك..جود:كفاش زعما؟؟..أنا:كتشبهك نتا كتعبر على حياتك بغيت نتشركها معاك...وجهوا تلون بلجدية أو بدا كيعزف بلحن هادئ....شعرو غطى علي وجهوا لوسيم...ولكن من لموسيقى لمنبعتة من أوتار لغطار عرفت بلي كيتئلم بزاف..عنقت راسي أو بقيت كنستمع لمعزوفة معدبة خارجة منو ماشي من لغطار...داك لكلام لي قال وليد ضفت عليه هاد لحن لحزين عرفت بلي جود أكتر إنسان تضلم فهاد دنيا...أو ما خفي اعضم...يمكن هدرة وليد غير نسبة قليلة من كم الجروح لي خلاو اتار مكتشفاش فقلبو....دمعو عينية أو لحن عاد مولى كيبكي..من غير موهبتو لي شاركني بها..جود شخص كيساتهل كل لحب ديال لعالم أو أنا لي غعطيه ليه....أما جود ولا فوق سحابة مغيمة...مبقى كيشعر بوالو من غير الأحاسيس ديالو لي جمعها طول سنين أو حاول ما أمكن يترجمها على شكل موسيقى كدمي روح....أوتار لغيتار ولات فحال خيوط سميكة جرحت كل سبع مازال كيلعب بها...كتقوله حبس براكا من هاد تعديب البطيء....حتى حاجة مابقات تقدر توقفوا إلا شي لمسة قوية...أو فعلاً حس بيدها لباردين على دراعو كترجاه يوقف....طلع وجهوا كانت كتبكي ولكن بلا متخرج حتى صوت..قالها عاونيني عفاك أعبق غير بنضرة مليئة بمعاناة بعينه...أو مضنش بلي أستاجب بديك سرعة ترمي لغيتار أو تحتل ماكانو...عنقاتو بجهد كأنها متشبة بآخر سبل لحياة...دور يديه عليها أو غمض عينيه بقوة...جود:شكراً أعبق حياتي....

كون قدرت نخشيه لداخل ديالي...اش هدشي كيوقع لينا بجوج؟؟....جود خصو يعرف بلي أنا لكنبغيه ولكن سر لي مازال مصارحني به داير لي حاجز كيزعزع تقة ديالي فيه....دوزت ليه شعرو بحنان...أو هاديك شوفة فاش طلبت منو يحبس دمراتني...أنا:جود كلشي أيكون بخير صافي؟؟....وصلتني تنهيدة سخونة حدا ودني....جامعة ما يكفي من ضلم تحول أو تشكل مع زمن لقسوة مزيفة كيحاول يخبي بها جود لحقيقي....أنا:نتا تاني واحد أجود قالي عبق حياتي مور بابا الله يرحمو....بعدت عليه شوية أو قست فوجهوا.....أنا:جود بابا قالها لي حيتاش كان كيبغني بزاف أو نتا؟؟....مردش علي مدة كتحرق فيها كل خلية من جهازي العصبي...طالباه بكل لجوارح ديالي يجوليا "كنبغيك"....

جود فضل سكوت وخا كان باغي يغوت بكلمة كنحماق عليك.....لكن أيكون متسرع إلا إستسلم لها دبا....أو باش ميضعفش أكتر...جبدها ضمها أكتر ليه....جود:صافي أعبق خليك هاكا مبغتش نهدر.....

داز وقت طويل بزاف....جالسة فوق منو أو هو معياش أو مملش أبداً من وضعية لوخداها....كنطل عليه مرة مرة كيشوف بتصميم فالموج لي بدا كيطلع علينا....كان فيها تصميم على شي حاجة خطيرة....أنا:جود مالك؟؟...جود:لا رد....نضت بشوية حتى وقفت أو بغيت نخرجو من هاد لحالة....مشيت حتى لشط أو خديت حفنة ديال لما....أو مشيت كنجري خويتها عليه....أنا:هههه ها باش تفيق.....بانلي ناض معصب أو أنا نضربها بجرية....عطيت رجلي ريح على طول لبحر أو هو تابعني...مرة مرة كندور نفقسو....ولا كيضحك أو جهد فسرعة حتى شدني مطلعني لسما....جود:(كيضحك)هااا سحابلك أتفلتي مني...بديت كنتركل ليه أو غنموت بسخفة أو ضحك....أنا:هههه جود صافي طلقني هههه......هبطني أو دورني عندو....جود:كيفاش كتقدري تخرجيني من حالتي لمريضة؟؟...أنا:حيت أنا عبق ياك أو كرمي عليك سحر ديالي هههه....جود إبتسم أو حيد لي شعري لي غطى وجهي كامل بالبرد....قربت منو أو تعليت على سباعي باش نوصل لوجهو....أو بستو فحنكو قبلة حنينة....أنا:أو حتى هادي من سحر ديالي بش متحسش راسك بوحدك من لهنا لقدام....جود غمض عينيه مستقبل أجمل بوسة دازت على حنكو شي نهار...حسها قبلة مسافطة من مو على شفياف عبق....دوز صبعو على حناكها رطبين أو فجأة هبط يديه لخصرها أو طلعها لفوق فحال بيبي صغير ....جاتو ضحكتها لعالية فحال بلسم كيداوي نهار على نهار جرح عميق بزاف بدا كيتجمع من نهار دخل لحب لقلبو....جود:(بلغوات)عباق نتي لي أنا.....فرحتني هدرتو وخا كنت فسما أو خايفة لنطيح....أنا: (شادة فوجهوا)هههه جود انطيح....جود:لا هههه عمرني نفلتك... نزلني شوية جاء راسو على صدري...أو بدا كيدور بي أو أنا دنيا موسعانش بالفرحة....حبس ولكن مازال كان معنقني....شديت ليه راسو أو بستو فجبهتوو....أنا؛جود معمرك تبقى تعزف داك لحن حيت من ليوم كلشي أيتبدل أنا أو ياك....حرك راسو بالإيجاب أو حطني...باس لي يدي أو جرني نمشيو....عنقت دراعو حاسة بنبع ديال حب ليه....أنا:(بشوية)جود كنبغيك بزاف سمحلي حيت معنديش جرأة نقولها لك....

ركبنا أو رجعنا فندق فصمت...طريق كانت خاوية او صباح قرب يطلع....جود باينة جاه نعاس أو كيسوق بزز...خديت يديه فوق حجري أو بتاسم....عينيه كيتسدو شوية يقلبنا....أنا:جود وقف طنبل أنكمل أنا....لبى طلب ديالي أو خدة بلاص جنب طريق....خرجت لجهة سوقان أو هو تحول بلاصتي...حط راسو على زاج....حركت سيارة أو زدت....مين وصلنا كان جود ناعس....أنا:(بشوية)جود فيق....بدا كيغمغم....أو خرجت يعاونوني عليه....جاو شي موضفين جاروه بصعوبة...سدت طنبل أو يلا أنخرج من موقف سيارات...شفت واحد لحديدة كبيرة خارج منها واحد شخص فحالي فايتة شايفاه....كان لابس دجين أو تريكو كحل أو معاه جوج مgلدمين لابسين كوستمات كحلين...مشافنش حيت جيت مدرقة شوية.....تبعت حركتهم أو كانوا غريبين صراحة....مديت ما جبت أو طلعت لفوق...لقيت موضفين سخفانٍٍ مساكن أو كيمسحو لعرق....شكرتهم أو دورت معاهم....خبطوه على ناموسية بصباطو بحالتو كي غاندير ليه؟؟....مشيت تعافرت حيدت ليه صباط أو قديت ليه وضعية أو حطيت راسو على لوسادة....أنا:أووف تقيل أجود فحال حب ديالك فقلبي....مشيت بدلت أو غسلت حالتي برملة....أو رجعت عندو طفيت ضو أو تكيت حداه.....مكانش في نعاس أو خليت غير لفيوز مشعولة...مدوية وجهوا بإضاءة خفيفة كتبن ملامحو رجولية لوسيمة أو عينيه مغمضين بطريقة ملائكية...دوزت سبعي على طول وجهو..من جبهتو حتى نيفو حتى فمو.... حبست تماك..أو بلا شعور قربت من فمو أو بستو ...أنا:جود كنبغيك بزااف ....خفت لا يفيق أو يحصلني نتشوه.....غطيتو أو درت على جنبي كاتمة دمعة حبيسة فجفن ديالي بزز...بعد ساعات قليلة صباح طلع...عييت منتقلب أو نعاس حلف ولد لحرام لبغى يجيني....نضت فتحت سرجم أو شميت لهواء نقي...مشيت لبست سوفطمة قهوية أو شورت كحل....خرجت لبرا ندور فالفندق....كان يلا بدا يعمر فشي 8 صباح....لقيت داك موضف مصري أو عيط عليه....أنا:في بحر قريب من لهنا؟؟....موضف:أيوا حضرتك تفضلي معايا....مشيت وراه دايرة يدي فجيبي أو كنتمنضر..دخلنا من واحد لباب ورانيا معمري حسابلي كاينة....موضف:تمشي طول حضرتك هاتلاقي البحر...شكرتو أو بعد طريق قصيرة لقيت راسي وسط رملة....أنا:(مستغربة)أواااه جود ماقالش كاين بحر قريب ولد لحرام....حيدت سنضالة أو دخلت....مكانش عامر بزاف أو يلا توصاوبو لبرصولات أو لوازم لعومان...وقفت حدا شط...تفكرت البارح أو ضحكت حيت فعلاً حسابلي بلي أنا أو جود لي عايشين على كرة الأرض....درت كنتمشى راسي لتحت أو عقلي معاه....معرفتش كي تكورت على لارض..دخل في واحد كان هاز مضلات شمس..راجل:أسف مدام ولله آسف....ولد لحرام كان غيهرسني...مع كنت ساهية رجلي تلوات مع طيحة المفاجئة...أنا:ماشي مشكل....نودني كنعرج عرج خفيف...أو شوية راجل بدا كيشوف موريا برعب...دورت راسي أو أنا لتخلعت كتر...كان واحد راجل طويل أو صحيح أو كيشوف فسيد لي دربني...أنا:سمحلي أنمشي...مرادي مكملش حينت شدني من دراعي بقوة أو نفس طاقة المزعجة ديال حادت لبرج سيطرت علي...لعامل هرب أو راجل لمألوف بدا كيحقق فيا....أنا:طلق مني...رخاني أو مد يديه....هو:أنا سميتي "رضا".....بقيت تنشوف فيها أو درت صواب سلمت عليه....أنا:متشرفين...رضا:لي شرف صراحة شفت لحادت أو قلت نساعدك..أنا:نتا مغربي؟؟....رضا:(ضحكة ساحرة)فحال هاكاك انشوف رجلك....هبط على طولتو أو شدها ليا..فلول دهشرت ولكن مين بقى كيتلمسني حيدتها من لقبضة ديالو....رضا:(طلع راسو)عندك إلتواء بسيط أنعاونك..أنا:لا بلاش خصني نمشي...درت ولكن تمشيت ببطء...فجأة لقيت راسي مبين يديه أو قلبي بدا كيدرب شوية يسكت...ناري إلا جاء جود على غفلة أو شافني أيقتلني مفيهاش...رضا:خصك تعالجي أنا متخصص فهاد أمور...منطقت بحتى كلمة أو حطني فوق واحد كرسي...رضا:اندير لك مساج...حط رجلي على ركبتو أو بدا كيماسي بشوية....دهشرت أو شداتني لقوة....ضربات فشعروا لمرتب شمس بان شهب بزاف أو كل مرة كيطلع عينيه مبتاسم كيبانو زرقين فحال شي ماء صافي...بنية ديالو ضخمة...أو كتافو عراض...شكيت واش هاد لخير كامل من المغرب..رضا:احنا سالينا دبا نودي وقفي..خدة لي يدي أو نودني أو فعلاً رجعات مسرحة...أنا:(كنحرك رجلي)اااه ههه شكراً دبا مزيان....رضا:الله يا ودي....أنا:هههه أجي فحالي شايفاك قبل...رضا:مستحيل أنا كون شفت هاد الجمال كامل عمرني نسا عليه....اويلي هادا كيتغزل عاين باين....أنا:اااه وقلة غير تخايلت مهم شكراً مرة أخرى بسلامة....بعدت عليه أو من درت لقيتو كيشير لي أو كيفرنس...رضا:بسلامة لغزالة متأكد بلي لقاءتنا أيكونو كتار هههه....وصلت سويت أو حاولت نرد راسي هادئة....ناري أو يعرف جود ولا يكون شافني هداك لموضف أيجيفني...أنا:(حدا لباب)تهدني أبيبو...خديت شهيق طويل أو حليت...لقيت جود يلا أيلبس تريكو أو هاز غارو فمو....لأعصاب أو الغضب وصلوا لي غير من واحد تخنزرة كون كانت رصاصة كون قتلني بها....أنا:جود صباح لخير كتكمي على ريق؟؟...جود:(بلغوات)فين كنتي؟؟...أنا:(كنقفقف)كنت غير هنا لتحت مشيت وصيت على لفطور....جود مشى بسرعة هز تليفون لأرضي أو جاء حطوا فكمارتي....جود:(بصوت مجهد)ماتعرفش تهزي لخرا تعيطي به....كنت غنبول بالخلعة بعدما دربو حتى تشتت....أنا:علاش كتغوت أنا غير بغيت ندور بوحدي شوية....جود:(شدها من دراعها)كلمة "بوحدي" دربي عليها فهمتي؟؟نحصل مك خارجة بلا خباري نحيد لمك رجليك....نفخ علي دخان أو مشى لحمام....أنا:ناري كون يعرف بلي راجل دار لي مساج أيقتلني تفو علي كنطير..

تفكرت بلي موصيتتش على لفطور غير كدبت...ناري على خرية فراسي...اويلي وحدي باينة غايكون واخد بيت هنا أو إلى طلاقا بي أو قالي كي بقات رجلك؟؟...ويلي ويلي نمشي نتاحر حسن لي..جود دوش بغضب حيت من فاق أو ملقهاش حس بفراغ خنقو....خرج أو كانت كتشوف فتلفون أو كترجف فحالي فيها لبرد...قرب منها أو جلس جنبها...جود:مالكي؟؟...أنا:(تخلعت)اااه؟؟والو يلا أجود في جوع يلا ناكلو....جود:اوكي تسناي نلبس...رديت لبال بلي ملوي غير فوطة أو نضت نبدل ساعة بأخرى...جود بقى حاديها حتى دخلات لصالون...جاتو غريبة أو 100% مخبية شي لعبة...خرجوا بجوج شاد فيها بقسوة أو مقسحها كيدغط على كل سبع بقوة....ولكن مادارت حتى ردت فعل...خداو طبلة فمطعم لفندق..أو جود متبع كل شوفة مضطربة خارجة من عينها لمذعورين...كتلفت يمين أو شمال أو كتحك يدها بتوتر..جود:(ضرب طبلة)مالكي؟؟...أنا:لا لا والو غير تعطل سيرفر...جود:هاهو جاي....حط لينا لفطور أو مع لخلعة ديال راجل لي يقدر يبان فأي لحضة طيحت لملعقة....أنا:(شفت فيه بخوف)غير فلتات من يدي...بقيت كناكل أو بشحال من مرة وحلات لي....جود:واش ديلمك أتبداي تحماقي علي هنا؟...أنا:لا غير هاد شي قاسح أنا مبغتش ناكل صافي....جود:يلا لعشية لحفلة خصنا نمشو نشريو لك متلبسي...حمدت الله فنفسي حيت خارجين....مين بعدنا من لفندق عاد تنفست صعداء..أنا:(بصوت عالي)أوف الحمدلله.....جود مفهم والو هاد صباح خرجت مرة وحدة بوحدها أو ولات بهاد لحالة كي غدير إلى طاحت فيدين الحقير ديال رضا...زير على لمقود أو كسيرا بجهد ما وقف حتى وصلوا لبوتيك...جود:نزلي...خرج مندافع بلاما يشد فيدي...تبعتو لداخل....كان هاد المرة عامر أو جود مع موضفة إستقبال....مشيت كونت حيت إلا رجعت فندق تاني انبدا نبين بلي مرتبكة من هداك رضا ماعرفت مين خرجليا كي جن ولد لحرام بغا يدبر لي فقتلة ديال لعصا خصني ندير ما فجهدي بش منوليوش .جود وصف لموضفة شكل فستان لي بغى أو مشى عندها كل مكيقرب كيزيد يشك....جود:هادي مالها كتدوي بحدها؟؟..حنا حداها أو حيد لها خصلة شعرها..جود:عبق مالكي هاد صباح جيتيني فشي شكل؟؟....أنا:اااه؟؟لا والو غير مخلوعة من لحفلة..جود:ههه عادي أتكوني معايا أجي تشوفي شنو بغيتي...مشيت معه غير دخلت جناح لملابس لحفلات نسيت كلشي...أنا:(بإعجاب)واااااو....كان عبارة على قاعة كبيرة فحال ديال أميرات...فيها بزاف فساتين من مختلف ألوان أو أشكال..ها طويل ها لقصير ها المعري من كتف ولا من رجلين ولا من ضهر ولا من صدر..دكشي خيالي أو كل واحد نسيك فتاني..أنا:واو أجود هدشي زوين...جود ضرب جبهتو أو هي كتنقز من جيه لجيه....جود:عبق أتشوهيني عاود هههه....أنا:ويلي أجود هدشي عمري تخيلت بلي كاين من غير فأفلام ديزني...جود:عبق أجي لعندي...درت دكشي لي قال أو تبعنا موضفة...بدات كتورني أو أنا دايرة فيها مصممة كبيرة ...حتى كنختار ولكن جود كيعكس بلي عريانة....واحد لحضة سمعت صوت انتوي كينادي بسمية جود...درنا بجوج نشوفو شكون هاد المتطفلة....تمت جاية عندو واحد لمرة بارعة الجمال...طويلة أو شعرها مجموع بشكل عفوي زوين...لابسة سروال كحل ملصق بين نحول ساقيها أو دبردور أبيض بين حتى صدرها...تلاحت عليه عنقاتو أو شداتو من راسو باستو فمو....بقيت غير كنشوف مافهمت والو...نار طلعات مع لمعدة ديالي...دنيا دارت بي أو وليت كنحس بلي مكنسوة والو حداها...طلقت يديه أو دار شاف في بعينين كيطلبو سماحة أو فنفس وقتٍ مصدومين....دموع تحجروو أو قبل منشوه راسي خرجت كنجري ولكن سمعت باش قالت ليه توحشتك بزاف فحالي ممعبرانش شكون أنا..لقيت طاكسي أو مشيت فندق....جود دفعها بشوية أو طلب منها ادن...جود:ألو..شوف مراتي أتجي لوطيل من دبا شوية حضيوها حتى دخل أو بقاو مراقبين سويت مغدش نجي...رجع عند لبنت لي مبغاتش تفاك معاه..(الحديت بلفرنسية)....جود:لباس جانيت؟؟...جانيت:أنا بخير توحشتك بزاف أجود...بقات كتحلون عليه أو هو كيفكر غير فعبق لي أتكون منكاسرة ..جانيت:فين غبرتي لبنات كاملين توحشوا لجلسة معاك....جود:أنا غير عندي شغل شنو جابك لدبي؟؟...جانيت:آه معروضة واحد حفلة فبرج لعرب....جود:اااه حتى أنا انكون تماك....طارت عنقاتو ناوية هاد ليلة تغويه باش يبات معها...بعدها عليه أو خنزر فيها...جود:متسرفيش هاكا را حنا ماشي ففرنسا...جانيت:مم اوكي أنا مشيت...بغات تبوسو لكن سلم عليها بليدين أو مشا....جانيت:أححح أجود بشحال توحشت احضان ديالك ليلة تكون لي....حطني تاكسي أو مكانش عندي لفلوس..مشى معايا عند موضف مصري أو خلصوا...مقدرتش نهدر حتى دموع لي كانوا خانقيني مبغاو ينزلو يخفوا شوية من لألم لي فقلبي..ولكن باش باستو فحالي خشات في جنوي....آه بصح هادي هي لمناضر لأنولي نشوفها جود حياتو عامرة سيدات جميلات..شو أنا كيدايرا؟؟..شبغى في؟؟...كل مرة كنقول بلي كيبغني مي مين كنرجع لواقع كاتجيني ضحكة من حالة لحلم لعايشة فيها....خديت سوارت أو طلعت لفوق....تفكرت رضا شخص لعوني أو مبقاش في تأنيب ضمير مالو هو؟؟..حيت هو راجل أو أنا بنت؟؟...أنا:حمار كلب أنا لي دايرة فيك راسي الحقير....جلست على الأرض...أو خشيت راسي مابين رجلي....أنا:(كنبكي)علاش أجود علاش؟؟كتغيبني على لعالم أو كتعيشني فلون لوردي أو كترجع طرشني هئ هئ علاش؟؟....

جانيت طلعت فسيارة ديالها أو تاصلات به..جانيت:ألو هههه درت دكشي لي قلتي البوس أو كما وعدتني جود ليوم أيكون لي بوحدي هههه خرجت كتبكي تور عليك دبا...جانيت:هههه مسكينة جود معمرو أيكون لمرة وحدة..

جود بقى برا حتى تمشي جانيت..أو من تأكد بلي بعدات بسيارتها عاد عاود دخل لمحل...مشا ديركت واحد الفستان عجبوا بزاف أو ايجي عليها زوين بلا قياس...جود:عفاك بغيت هدا أو معاه شي طلون أو اكسسوارات مناسبة...لموضفة:حاضر..جود:(بنبرة حزينة)رسلهيم لنفس عنوان ..خدا واحد الورقة من جيبو كتبها فسيارة أو مدها لها...جود:حطو هاد رسالة تماك...خرج بقلب ميت ناوي يمشي عند شخص علاه يخفف عليه....

لقاه فلبلاصة سرية ديالهم...عنقو بجهد كيقوله من خلالها ساعدني عفاك....وليد:مالك أصاحبي؟؟....جود:عيان بزاف أخويا....دخلوا جلسوا فطنبل ديال وليد أو جود حط راسو مابين يديه كيتنهد بصعوبة...خلاه وليد حتى يرتاح عاد يعرف سبب هاد الغضب...وليد:سافا دبا؟؟...جود:شوية أو صافي...وليد:مالك؟؟...جود:تابعيني غير لمشاكل حتى كيتقاد كلشي أو كيرجع يتعكس قبيلة كنا أنا أو مرتي فبوتك لحوايج أو تلاقيت بجانيت لا عرفتها من شلة فرنسا جات بستني قدامها عرفتي حسيت بالموت باش شفت وجها كي ولا...وليد:بنت لق****...دبرات لك معاها....جود:منقدرش نمشي نواجها هادي أول مرة كنحس بلي ضعيف قدام شي حد تحرك عفاك لدارك حتى توصل لحفلة أو نمشي....وليد:اوكي كون هاني أتفهمك....مردش عليه دور وجهو لزاج أو ديك شوفة مازال مسيطرة عليه.......نضت من نعاس..عيني كيتسدو...إستسلمت ليه حسن ما نبقى ناكل فراسي...غسلت وجهي أو سمعت دقان...حليت لباب سحابلي جود...سعا كان خدام جايب لي علبة كبيرة...لموضف:مدام جوزك بعت لك هاد....خدتهوم أو مين فتحت لقيت كسوة ديال لحفلة....أنا:هههه هارب نهار كامل أجود أو دبا جايب لي هدشي أتحلم نمشي معاك....رميت دكشي فلرض أو هي طيح واحد لورقة...هزتها بفضول...أو كانو كلمات من عند جود...كاتب فيها:"عبق سمحلي بزاف مكنتش ناوي تشوفي دكشي أنا معارفش شنو نقول لك من غير سمحليا بزاف:جود"...كمشتها أو لحت والديها بعيد....أنا:(بلغوات)حمار نسمح لك كتحلم....شفت فديك لفستان طايح فلرض أو هزيتو...هو لي ختارو...صراحة كان زوين بزاف...بلون وردي غامق أو مصنوع من لحرير رطب...طويل أو فتحة مشقوقة بخجل جهة ساق...بسيط ولكن روعة ديالو كتكمن فهاديك البساطة....خدالي حتى كعب فرمادي أو عقد الماسي بأحجار كبيرة...أو مستحضرات مكياج....جلست كنشوف فدكشي واش نمشي ولا لا؟؟..إلى بقيت أنبين ضعف ديالي أو لغيرة حتى هي...إلى مشيت أنكرهو كتر أو ممستعداش نشوف كمارتو....ولكن أنا خصني نديرها على قبلي...بغيت نوضح لراسي بلي أنا زوينة أو مانقصني والو إلى فهمت هاد نقطة أو مبقتش كنطيح من خليقتي...أتولي تقتي فراسي كبيرة أو مهامني رأي ديال حتى حد...أنا:يلا بيبو تشجعي بيني ليه بلي نتي قدها أو قدود...نضت هزيتو أو مقررة ليوم نخطف عقل كل واحد كاين فدك لحفلة إلى كان جود أيفقسني بجوج نسا...أنا غندمرو برجال كاملين....دوشت أو سرحت شعري بواحد مجفف كان تماك أو بوكليتو من لتحت...كانت علماتني ريم كيفاش نماكي...درت دكشي لكنعرف أو طلعت زوينة....أو لبست لفستان أو درت ريحة لشريتها من سوق لعطور...ضفت لعقد أو لبست طالون...خرجت لمرايا طويلة لي برا...شفت بنت قوية جميلة مصممة تغامر بأنوثتها باش طيح راجل سلب منها قلبها....بنت مبدلة بزاف أو لوهلة معرفتش راسي...حطيت شعري جنب أو ضحكت ضحكة إنتقام....أنا:بلاتي أجود تشوف شنو اندير ليك....مشيت جلست حتى يجيو يديوني...أو فعلاً بعد مدة قصيرة جاء واحد راجل دق لباب...فتحت ليه أو هو يدوخ أو نزل عيني الأرض..راجل:مدام غنديك لحفلة سي جود أمرني نسوني عليك فهاد لوقت نتي جاهزة؟؟....أنا:(بتحدي)جاهزة بزاف....هبطنا لتحت كنتمشى فحال لغزالة كلشي كيشوف فيا...عجبني لحال أو تقتي كتزيد مع كل نضرة إعجاب لدرجة العيلات جرو رجالهم من ردهة الإستقبال....فتح لي سائق لباب أو دخلت حالفة بربي لي خلقني حتى نوريه خيزو محلاه....أول مرة كنبغي ندخل نار برجلي..عارفة بلي جود أيتعدب ولكن أنستحلة بزاف هداك لعداب لي أنشوفو قريبا....بعد مسافة طريق وقفنا قدام برج الجميرا....حل لي سائق أو خرجت بروح عالية أو خطى محكمة....سائق:مدام سي جود فطابق 40 أنرافقك لتماك....أنا:اوكي....تمينا داخلين أو أول حاجة لفتت انتباهي ناس لكتيرة لي موجودة فإستقبال....لابسين أفخم ما عندهم من بدلات أو فساتين....قشعت بزاف تلميحات من نساء أو شوفات من عند رجال....ولكن أنا كيهمني شخص واحد بغيت نحمقو هاد ليلة....طلعنا فلمسعد أو مكنكرش بلي خوف بسيط تجلى فقلبي كل مكنقرب من طابق....وأخيراً أنا هنا...طلب مني سائق نتقدم أو كان الهدوء ولكن وصلنا لواحد الباب خشبية ضخمة...فتح ها لي على مصراعيها أو عاد توضح لي لكم ديال أترياء لي قابعين وسط غرفة مساحتها كبيرة بزاف...دورت عيني كنقلب عليه أو لهراج أو ضجيج لكان الدخل كولو توقف بمجرد حسو بي...

تقدمت خطوة أو خفت من لوجوه لمتسائلة أو بعض منهم معجبة...همس لي سائق بلي جود وسط هاد لمجمع أو مشى سد لباب لكبيرة وراه...زدت خطوة أخرى أو فنفسي كندعي غير نلقاه.....

جود كان مقنت هو أو وليد مأكد بلي عبق مغتجيش بعد موقف ديال قبيلة...خرج أعصابو فشراب وخا عيا فيه وليد يحبس على وديت صفقة ديال أرض...سمع موراه شي ضحكات أو تلميحات على ضيفة جميلة بزاف...شاف فوليد بستغراب أو بلا مقدمات وليد خلاه أو مشى يشوف شكون....مكملاتش حتى تانية رجع بوجه ضاحك...وليد:(حط يدو على كتفو)جود مراتك جات....حط لكاس أو طلع فوجهو بصدمة...جود:بصح؟؟...وليد:اااه هههه سير را غايكلوها ليك المسخوط....توحشو عينيه ولكن فمو تجلات عليه إبتسامة صغيرة...مشى بخطوات سريعة...لقاها واقفة فواحد جنب معارفة مادر بلا به ...فحالي كتسناه بشوق....كانت بأجمل حلة...معرفش علاش لحوايج لي كيختارهوم لها كيجو عليها بديك روعة...تقول كيتخيطو خصيصاً لها...لون لوردي برز جمال بشرتها سمراء أو شعرها طويل تجمع من جهة وحدة مبين كتافها أو عنقها طويل...أما هاديك لفتحة ستفزاتو بزاف أو هي مخرجا رجلها منها....دازت على بالو أصدق عبارة كيكنها لها عبارة أنه هي ليه بحدو أو كيبغها بزاف...

بقيت كنتفرج فالقاعة...مساحة ضخمة أو كل جزء منها مزين بستائر حريرية بلون أبيض أو أزرق سماوي أو أشرطة مدلية بطريقة راقية...مفرشة كاملة بزربية بلون كريمي عليها زواق عربي...أو حيوط مزخرفين بنقش أو لجبص من نوع لغالي...أضواء ساطعة أو براقة أو سقف مزكرش بزواق معماري اماراتي...طوابل طوال على شكل ساعة رمل مافيهمش لكراسة عليهم غطاء بيض على جنابو دانتيل بلون ستائر سماوية ...أو فوق من كل طبلة مزهرية زجاجية فيها ورد إصطناعي...فجهة بعيدة حاطين بوفي طويل عليه عصائر أو أكل كيشهي..أما لجو كان معطر برائحة مخلطة مابين ريحة لعود لي فينما مشيت هنا فدبي كتشمها حيت كترمز لتقافتهم أو حتى ريحة العطور فخمة أو ريحة شراب..لموسيقى هادئة أو كل واحد واقف فتجمع بسيط كيتناقشو أو كيضاحكو بأصوات عالية...بعد ما دخلت عندهم حبسو ولكن منكرش بلي بزاف رجال كنشفهوم دبا باغين يجيو لعندي...كنحاوول نبين بلي مامهتماش ولكن كنحس بالخوف أو لخلعة أو جود مكاينش....حنيت راسي على شي وجوه مكرهوش ياكلوني تفو...أشداني كنطير.... فجأة شميت ريحتو رجولية حدايا قريبة مني فرحت حيت وأخيراً بان ولكن رديت وجهي متصلب أو مطلعتش كمارتي...لقبضة ديالو دارت على دراعي أو مشعرتش حتى قربني من مجموعة كبيرة ديال ناس...شفت فيه بإستفسار أو ضحك معايا ضحكة أدوبني...شد لي حنكي أو هبط باسني قبلة طويلة حسيت فحالي كيطلب من خلالها سماحة...

مقدرش نتحرك مبغتش نحشمو حيت مشكلتو معايا أنا...مخفاش علي شهقات بزاف عيالات فالحفلة دارو يديهم على فمهم كاتمين صرخة غيرة أو حسد...شد لي فيدي مغبرها وسط يدو...أو دار عندهم كيتكلم بصوت عالي...جود:كنقدم لكم زوجة ديالي "عبق لوكاس"...نساء زادوا جهلو بنات لحرام....قشعت سفريطة لي باستو كتغدد فواحد لقنت أو ضحكت فوجها باش نفقسها....جود:بزاف منكم كيعرفني رجل أعمال كندير صفقات عقارية من بيع أو شرا هنا فالخليج أو حتى برا ...مرحبا بكم كاملين فهاد حفلة العمل ولكن أول مرة أتكون بنكهة خاصة حيت معايا مراتي...زير على يدي باش يطمئني حيت عرفني توترت...جود:شكراً لكم يمكن لكم تكملوا كلامكم كنت كنتسناها تجي باش نلقي كلمة ترحيب معاها أو باش يعرف كلشي بلي أنا صافي مبقيتش أعزب....بداو كيضحكٌو كاملين أو نساحبنا....خدينا طبلة بعيدة أو حيدت يدي بجهد...أنا:ياكما يحسبلك أنسامحك حيت قلتي داك لكلام....جود:نتي عارفة مزيان بلي ماكان فراسي والو عليها ....أنا:هههه ضحكتني ولله أو علاش مجيتش اااه؟؟....جود:حيت أنا....أنا:دوي مالك سكتي؟؟.....جود:صافي أعبق صافي أري يديك...أنا:بعد مني...خداها بقوة أو خشى تانية فجيبو...جبد بواطة حمرة أو كان فيها خاتم زوين...رقيق أو وسطو حجرة كبيرة كتلمع....لبسو لي بجهد حيت كنت كنجر يدي عندي...جود:نتي مراتي أنا أو لازم ديريه...أنا:غنحيدو....جود:انغرد لمك صباعك...خنزرت فيه بكره أو قلبت وجهي كنشوف بنص عين فالخاتم عجبني أو جا علي....بغيت نبدا خطة ديالي بسرعة ولكن ماعندي كي ندير...جود:عبق جيتي زوينة بزاف أنا ضخت ضخت هههه....جابلي ضحكة ولكن شديتها أو خرجت لساني نعصبوو ...جاء وليد نضم لينا أو أنا طيح فبالي فكرة جهنمية....أنا:احم جود سير جيب لي منشرب...غمز وليد يمشي ولكن أنا شديتو....أنا:سير نتا أنا مكنتيق فحد....وليد أو جود مفهمو والو أو جود ضربو لكتافو حيت حس بي جرحتو....مين مشا جريت وليد بشوية....أنا:سمح لي وليد ولكن أنا درتها بلعاني باش نهدر معاك...وليد:شنو أختي...أنا:قالك جود شنو دار لي ياك؟؟...وليد:اااه ولكن را هوا....أنا:(قطعتو)صافي بغيتك تعوني نتاقمو منو....وليد:واش حماقيتي لا لا أنجيبها فعضامي را جود صعيب من هاد ناحية خليك ساكتة عفاك....أنا:ولا الهبيل بغيتك غير تموهو شوية علاما مشيت عند شي رباعة بغيت نستفزو....وليد:لا ختي را جود حمق عندو صفقة ليوم مهمة خلي هاد نهار يدوز بخير عفاك را يقدر يدابز معهم....أنا:تفو عليك حتى نتا سير بعد مني...خليتو أو زدت معفرة...شدني من دراعي أو حرك راسو بإيجاب...وليد:صافي أنعاونك ولكن بشرط حتى تسالي صفقة....أنا:مزيان....لقيناه جاي أو حنا نسكتو....جود:هاكي عصير.....أنا:أو علاش نتوما كتشربو شراب....جود:(كيهدد)عبق بغيتي تسكري ولا كيفاش؟؟.....وليد غمزني زعما نسكت...جود:وليد هداك لخرا ديال شاري جديد معرفتش شكون؟؟...وليد:لا لا والو عييت منسول أو زيدون هاهو جاي دبا باين شي خليجي مgرع فلوس....جود:(هبط على كاس)ولله يا ديلمو لا داها...

جانيت بعد ما تصدمت من لخبر ديال زواج جود...تخبات من ضجة ناس أو تاصلات بمول لخطة معصبة أتسخف من ضحكة لي دارتها فوجها عبق...جانيت:ألو فينك؟؟...كيفاش كدبتي علي أو ستغليتيني أو فلخر يصدق مزوجها...كيفاش منغوتش هدشي كيدمر جود راجل لي ديما كنحلمو به حنا لبنات يربط حياتو ببنت وحدة....أنا سحابلي غير كيضحك عليها....فينك دبا؟؟...يلا طلع بزربة كلشي كيتسناك....قطعت لخط أو رجعات لدائرة ديالها..كتشوف فيها بحقد كبير....جانيت:تسناو بجوج هاهو رضا جاي.....

رضا خرج كيضحك بجهد من سيارة...حيت قرب يبدا لخطة ديالو لي غادية فمسار مرضي...شاف فساعة ليدوية لنادرة صنع...أو برق عينيه بنار إنتقام ولات شاعلة كتر من سابق بسبابها...بنت "حسن العلمي" لي كان كيضن فلول بلي لقائها أيكون ساهل جداً ولكن بعد ما قرب منها ليوم غير بزاف خطط...منهم يجبرها تبعد على جود أو يلقى شي طريقة لي يخليها هي تقولها ليه أو تانياً يستغلها أو تالتا ياخد أهم حاجة لوراق المهمين لي إلى طاحوا فيد دولة أيمشيو فيها كاملين....رضا:بدا لعب أجود غندمرك حيت دخلتي كتر من لقياس فشغلنا....تمشى بخطوات واتقين لحتى مصعد موراه مجموعة من كاردكورات صحاح....

وقف سانسور فطابق 20 أو هو يدخل مول الأرض...رجل اماراتي شارف أو خانز فلوس...لابس عباية أو رزة بيضة...أو فوقها سلهام بني لون...كرشو خارجة أو عندو لحية رقيقة....رضا:أهلا سي منصور.....منصور:(عنقوو بجهد)أهلاً بيك الولله فرحان وايد بوجودك معانا....رضا:ههه أنا أكتر....منصور:يا هلا يا هلا ولله تشرفت برجل أعمال زيك....رضا بقى كيضحك بزز أو معصب منو حيت فيه لهدرة بزاف...منصور:ولله يا رضا كنت راح أعتطيش الأرض بس أستاد جود أو معرفتو من زيمان عكست لوضع شوي...راح ألاقيك فيه أو انتو تفقو...رضا:انشالله تفضل....خرجو من مصعد أو رضا وجد وجهو لعوب يواجه لعدو ديالو لدود...منصور:تفضل تفضل أستاد رضا...حلو لباب أو رضا أول حاجة قشعها جود لي عاطيه بضهر أو وليد أو جزء من فستان لبنت لي ضل كيفكر فيها نهار كامل بعد لقائهم فالبحر...منصور:إنتباه الله يخليكم معانا شاري أرض اليديدة سيد "رضا المختاري".....جود تخشات ليه سمية فحال لموس لماضي أو شرgت ليه صدرو بلمفجاءة صادمة....دار فحال طوبس من هول صدمة...وليد حتى هو شدو من دراعو يساعدو يسترجع نفس من زائر لغير متوقع....شير ليه رضا بتحية خفية مكتبانش وسط ناس لي مشاو يسلمو عليه بحرارة....جود:وليد شنو كيدير هداك ز*** هنا؟؟...واش هو شاري؟؟....دار شاف فعبق كتجبد باش تشوف شكون جاء....جود:عبق خصنا نمشيو....شد لها يدها أو يلى ايزيد وقف قبالتهم منصور تلاح على جود بتعنقة حارة....

قلبي بغا يسكت مين لمحتو أو تعرفت عليه...كان هاد لمرة فحلة أنيقة ببدلة رمادية أو شعر مرتب فحال لعادة....بلعت ريقي خايفة لا يفرشني...منصور:يا هلا بجود شلونك؟؟..شلون أحوالك؟؟...جود مردش عليه أو هو كيتحرق من شوفات رضا لعبق لمدعورة...رضا:أهلاً جود لباس عليك...مد يديه كيتسنة لكف ديالو لكن وليد عتق لموقف أو سلم بلاصتو....وليد:أهلاً رضا كيداير....رضا:ههه أنا بأحسن لأحوال من شفتكم منورين هاد لحفلة....

صافي مبقتش قادرة نوقف مشيت حدا طبلة باش مندوخش كتر....جود كان بغى ياكلو بعينه مفهمتش سبب.. ويلي إلى قالي كي بقات رجليك حداه...ناري مي على وحلة جاتني البكية أو كانوا مازالين واقفين شي كيشوف فشي بنضرات قاتلة أو هداك بو كرش كيضحك بحال لهبيل...غنعلق إلا ستمر لوضع بهاد شحنة توتر كاين شي بلان خطير بينات دوك جوج مفيهاش..

جود:(بنبرة خشنة)شنو تادير هنا؟؟...رضا:ههههه جيت نوقف على شغلي مين عرفت بلي نتا شاري لمنافس صراحة عجبني لحال أو قلت نسلم عليك حيت بشحال هادي متشاوفنا....جود:(كيهدد)رضا....وليد:ههههه فرصة سعيدة أسي رضا جود أجي سمحولينا....جرو بعيد عليهم أو بدا كيهدن فيه...وليد:جود كالمي أصاحبي شوف هو كي مستغل لوضع صالح ديالو....جود:عبق هنا الخرا كون سحابلي جاي منجيبها جاع....وليد:صافي دبا لي عطاه الله عطاه هادي فرصة مزيانة تبين ليه بلي ولات كتخصك أو ميطمعش كتر....جود سمع ليه بإقتناع أو مشى جرها....حس بها خايفة أو باردة فحال تلج....وقفها حداهم أو باسها فراسها على مرأى من رضا....جود:أهلاً سي منصور كنقدم ليك مراتي....زير على كلمة الأخيرة بتملك هدشي خلا رضا يضحك بستفزاز....رضا:متشرفين وخا فايتة تلاقينا....رجلي فشلوا أو كنت غنطيح كون ما جود شدني بجهد....غرز سباعو فضهري بقوة أو دار عندي بتساؤل أو لمحة غضب....رضا:علاش مفخباركش أجود؟؟..أنا خديت سويت حداكم فالفندق لي جالسين فيه أو صدفة تلاقيت بها فصباح....جود كلما كان كيزيد كلمة كيورك على خصرها عكس تعابير وجهو الباردة....رضا:(شاف فرجلها)كي بقات رجليك بعدا؟....بديت كنتمتم أو خصري شوية يتقسم....أنا:لللاباس....رضا:اااه مسكينة كانت كتمشى أو ضربها واحد سيد بلغلط أو كنت تما بصدفة هزيتها أو درت لها مساج....وليد حل فمو أو خرج عينيه أو جود ولا سخون بغضب كبير مع كل كلمة حقيرة كتهين رجولتو....منصور نساحب حيت مفهمش لغة مغربية....رضا:صراحة أجود حنا ناس مربين ميمكنش لينا نشوفو سيدة كتئلم أو نميكو ياك؟؟....جود شاف فيها أو إبتسم....شد لها فكها بصبعو أو باسها فمها بواحد لقوة حسات بها بوحدها أو قرب حدا ودنها مخرج نار مشي كلمات تهديد ....جود:ولله ليوم نقتل مك....بعد عليها أو مسح لها جناب فمها....جود:زين ديالي هانا خسرت لك مكياج وليد ديها مرحاض سيدات نستغل لفرصة نهدر أنا أو ياه على صفقة....وليد كان فحال شي تمتال تجمد بهاد مسرحية تمتيلية... ولكن فاق بمجرد شاف عبق غادية بمشية مرعوبة أو تبعها....جود قرب من رضا أو بان فرق طول بناتهم....جود:كدبر على شي قتلة ديال عصا ليوم...رضا:هههه بشوية على لبنت أجود مالك ممئدبش أححح كون طاحت فيدي كون تشوف كفاش كيتعاملو ناس....وليد وصلو بوضوح ارتجافها مين وصلوا لحمام....عاونها تجلس أو حنا حداها....أنا:مشيت فيها اوليد أخويا مشيت فيها هئ هئ ....وليد:تهدني جود مايقدر يدير لك والو....أنا:اويلي قالي فودني ليوم يصفيها ليا وليد عوني الله يستر عليك ولله حتى مادرت والو....وليد:أشداك توقفي مع راجل يدير لك مساج واش حماقتي أختي؟؟...أنا:(جهاد لي لبكا)ولكن أنا معرفتش جاء بان على غفلة أو دهشرت...وليد:أو مقلتهاش ليه من نيتك؟؟عرفتي بشحال خايبة يسمع راجل بلي مراتو كان كيدير لها راجل تاني مساج لرجلها أو هازها من لفوق...كون غير مجاش كيزيد غير يخلعني أو يفشلي لما فركابي...أنا:(بترجي)عفاك لما عوني أخويا را ولله حتى خايفة بزاف...وليد:عندك حل واحد...أنا:أما هو؟؟...وليد:أتستغلي الحادت ديال صباح أو تقوليه بلي أنا شفتك بعيني بستيها متحاسبني على والو...أنا:أو مغيدر لي والو؟؟...وليد:كنضن أيتعصب ولكن حسن من والو أصلاً هو مازال كيحس بدنب....عجبتني لفكرة مريحة شوية أو تقدر تسلكني...شدني وليد بيدي دخلني لحمام....غسلت كمارتي أو عاودت درت العكر حيت ولاو شفايفي صفرين بلخلعة....خصني نبان هادئة أو نحاول ندرق هاد لخوف لي كياكل في....جود شد فأخر حبل ديال صبر عندو أو بعد على رضا بحركة تقيلة...رضا:هاي هاي هاي أجود وليتي مكالمي برافو صغيورة علماتك بزاف حوايج....جود:كنقسم لك فمي بالله حتى نربيك بطريقتي...رضا:(ضحكة عالية)هههههه ضحكتني ولله...أنا منك أجود نخبي داك زين كامل..أحح رجليها بشحال رطبين....جود يلى بغى يشنق عليه أو وليد جبدو فآخر لحضة.....جر عبق مرة أخرى حداه أو كيتنفس بصعوبة...صدرو كيطلع أو يهبط من تحت لكوستيم...حل صدفة لفوقانية أو أعصابو كاملين على ضهرها....وليد؛سي رضا حنا دبا فحفلة عمل بلا متدخل أمور شخصية هنا....رضا:الله يا ودي أنا فرحان من شفت صديق ديالي أو مراتو لجميلة كنستأدن...خطف كاس شراب من نادل كان دايز أو نضم مجموعة كان فيها منصور أو جانيت.....

جود جر عبق لي أتبات ليوم مفلعسة من كترت ضغط على عضامها....وليد بقى بحدو أو كان خايف بزاف عليها....جود وصلها لقنت بعيد أو خاوي نوعا ما....دفعها حتى تخبطات مع الحيط أو كلاها مابين يديه....جود:(بصوت كيخلع)شنو درتي فصباح؟؟....أنا:(كنقفقف)أنا كنت...ولله أجود حتى هو لي....ضرب الحيط بلقبضة ديالو أو رجع سولها هاد لمرة أو عينيه أياكلوها.....جود:شنو قلت لدلمك أنا حمار أنا؟؟...أنا:لا ولله أجود غير فهمني....جود:سكتي حتى نوصل أو نوري مك كيفاش ضحكي علي مخلياه يهزك أو يدير لك مساج من لفوق كون مشيتي بستيه حسن....أنا:(خايفة)ولله أجود ماكنت عارفة را غير عوني أنا رفضت ولكن هو أصر بزاف...جود:اه؟؟...أصر؟؟...أنا أنورك مك لإصرار كي كيكون....مشا زاد أو خلاني كنرجف من تهديداتو

رضا أو جانيت كانوا شادين كوب خمر مخفف أو كيضحكو لناس ولكن مرة مرة كيهدرو بشوية بنفس إبتسامة على محياهم...جانيت:كيفاش ضحكتي علي؟؟...رضا:لواحد هو لي يستغل مرأة جميلة فحالك..جانيت:أنا بغيت جود لي هاد ليلة أرضا نتا واعدتيني..رضا دار شاف فجود لي كيتوعدو بنضرات خطيرة من بعيد....رفع كاسو لفوق باش يزيد يعصبوو....رضا:راهوا سيري عندو كوليه نتي جاع....جانيت:نمشي مكيبانش لك معصب بغتني نتشوه هاد ليلة...رضا:ههههه أنا ديما كنبغيه نشوفو بهاد لحالة...جانيت:مراتو صدقت غزالة بزاف واش حاط عينك عليها؟؟...رضا:اه فحال دكشي....جانيت:واش حماقتي بغيتي دخل نار برجلك را جود هداك جوود...رضا:كيعجبوني تحديات ماشي أنا لي أنبعدها عليه هي لأتمشي برجليها بعيدة عليه أو تخليه بحدو مرة أخرى..جانيت:شنو ناوي دير؟؟..رضا:(هبط على لكاس) هانتي أتشوفي أو ديك ساع أيولي متاح العيلات كاملين....

رجعت عند وليد مقربتش منو..كنت ناوية زعما نبدا لخطة ديالي سعا جاء داك زغب الفار ديال رضا خصر لي شقف كامل تفو....وليد:عبق كوني قوية را جود إلا شافك على هاد الحالة أيلقى مين يشدك...أنا:راني خايفة بزاف شو كي واقف بوحدو كيشرب فحال لمجنون...وليد:وا ختي نتي كتنقزي بزاف أشداك تخرجي....أنا:سكت صافي كتزيد توترني......منصور وقف فوق واحد خشبة طالعة فيديه ميكرو....رحب بناس أو بحضورهم لمكتف...أو دعاهم للأكل...بينما يخليو ليه لفرصة يتناقش مع جود أو رضا على وديت الأرض....مشى خرج مكلف شي وحدين يناديو على مالين لعرض....خرج رضا هو لول...أو جاء واحد نادل يرافق جود لقاعة سرية....جود شاف فعبق أو غمز وليد يحضيها علاما يجي...تحرك قدام نادل برا...سد لباب رجع لهدوء فحالي مكينش جاع صداع لداخل...تمشى فكلوار طويل فنفس طابق لكبير...فتح ليه لباب أو دار ليه حركة إحترام يتقدم....بان ليه رضا جالس بكل أريحية مع ضحكة طفيفة على فمو...مكتب الإجتماع كان متوسط لمساحة أو مأتت بطريقة راقية أو عصرية....متوسطاه طبلة على شكل مربع أو دايرة بكراسة أو فوقها قراعي لماء أو أوراق خاوية...مفرشة موكيطة رقيقة فلون رمادي أو لبيض....أما فجنب الحيط فكانت محطوطة فيترينة خشبية طويلة....لإضاءة خفيفة أو بالمجمل كتسمح لهاد نوع من صفقات يدوز بسلاسة أو حتى لكن شي نقاش حاد ميتسمع والو بسبب لحيطان لعازلة صوت..منصور وقف جر ليه كرسي. جود تخبط بقوة بجلسة همجية أو عينيه غير على رضا...منصور:هلا بكم ولله شرف شرف كبير اجتمع وياكم...جود:(كيشوف فرضا)طلقنا أسي منصور....منصور حنحن ملقى شنو يقول....رضا قاد لوضعية أو ربع يديه....رضا:سي منصور ماعليك دبا غير تقرر بناتنا نتا عارف لعرض ديالي مزيان....منصور:هههه أستاد رضا الله يخليتش ما بفهم هادي لغة...جود:(الحديت بالإجلزية)اوكي دبا اتفهم أنا لي كنت شاري لول قبل منتفاجء بخبر ضهور منافس جديد..منصور:أيوا بس؟؟...جود:مكاين بو ولكن؟؟نتا عارفني مزيان أسي منصور أنا كليان قديم هنا أو لازم تحترم هدشي...رضا بدا كيضحك بجهد أو منصور عراق من وضع مربك...رضا:عطيته أجود 2 ملاير أو 700 مليون فحالي؟؟...منصور:سيد رضا مافي داعي تكشف على المبلغ...جود:هههه إوا معرفتكش طماع لهاد درجة أسي منصور على 400 مليون زايدة بدلتي كليان شرا منك اعوام كتيرة...منصور:ولله يا جود انتا عارف أعمال العقارات إلي بيعطي أكتر ياخد لأرض...جود:ولكن أخلاق لعمل واضحين من هاد ناحية أنا براسي كنبيع ولكن كنفضل كليان لي شادو فجيبي..رضا:شكون قالك بلي أنا ماشي زبون وفي؟؟...جود:(ضرب طبلة)نتا سكت...منصور:الله يخليكم خلينا نتكلم بهدوء أستاد جود ولله معزتك عندي وايد كبيرة بس محتاج فلوس علشان إستتمار مهم أو إنت لمبلغ لي قدمتو ضعيف مقارنة مع أستاد رضا..جود:2 مليار أو 500 مليون....رضا:2 أو 800 مليون...جود ناض وقف حيت عرف مزيان بلي كيدير هاكدا ضد فيه...جود:(كيغوت)رضاااا...منصور وقف شد فيه أو جلسو كينهت....رضا عكسو بقى مكالمي أو متزعزعش من مكانو....منصور:ولله ما أريد توصل الأمور بهادي صعوبة....جود زاد فتح صدافة أو جمع شعرو موراه....منصور:أوكي الحين خلينا نتفق أنا صراحة واتق بسيد جود إلي كان دايماً يشتري عقارات هنا أما بنسبة للمبلغ إلي قدم رضا فأنا حاير لأنو مغري...رضا جبد من جيب كوستيم واحد الورقة أو ناض حطها حدا منصور...رضا:أنا عارف بلي عندك أرض أخرى اتعرض ليبيع أو مستعد نشرها من عندك باش نأكد لك بلي مكنضحكش...عضلة فك جود تحركات بلاعصاب لي غادين أو كيركبو فيه أو أو مبغاش يخرجهم فعبق...منصور:(هز لورقة)انتا كيف عرفت؟..رضا:(حنا حداه)حنا مكلعبوش أسي منصور كيف عارف هدشي من الإختصاص ديالنا لعقد قدامك أو انسيه فوقاش ما بغيتي..منصور شاف فجود بقلة حيلة أو طوى لعقد أو هو نايض...منصور:أسف سيد جود لأرض لسيد رضا...جود ناض بجهد مطيح لكرسي وراه...خرج بزربة كيضرب لأرض برجليه ..جود:بلاتي أز*** .

دخل لقاعة أو بانت ليه عبق مخشية حدا وليد أو خوفها كايوضاح كل مكيقرب عندها..جرها حتى كانت اطيح....دار شاف وليد بنهزام...أو وليد بادلو نضرة حنينة موجها لعبق...بقى كيتمشى بخطوات كبار مقدراتش عليهم....لمصعد تحل..شنق على موضف لي كان فيه أو خرجوا لبرا...دفعها أو بطة فزر 0....كيحرك رجليه باهتزاز أو فلداخل ديالو بركان من أحاسيس سلبية أتكب على وجها للأسف....سهرة كاملة أو وليد كيهدن في بكلمات تشجيع...درنا أنا أو ياه خطة بسيطة على الله تنجح مع هاد لحمق...مين شفتو جاي فحال لغول ناحيتي...لكلام لجمعتو كلو تخربق أو جرني بقبضة شعرت مين خلالها بلي كلشي مشالو مزفت...ناري مين كيجو مصائب كيجو فخطرة:رضا أو شوهة لشوهني أو دبا باينا خسر صفقة...دبا هابطين كنمسد فدراعي أو هو واقف جامد أو متأكدة بلي حالتو هي:"الهدوء ما قبل لعاصفة"...خرجنا بنفس لوضع من لبرج...سائق تلاح فلرض مسكين حيت جود دفعو أو ركب صاg هو....طلعت حداه أو درت صمطة....خرجنا من الجميرة بنفس الهدوء...لكن وصل لطريق طويلة أو بدا كيضحك بجهد.....ضحك ديالو غير مزاد جهاد أو كيضرب فالفولون بقوة....دار لعندي أو عينيه كيلمعو فحال شي أسد لقى فريستو بعد طول إنتضار كيوصفو لألم لي سببتو ليه....حبس ضحك أو فاجئني بواحد لغوتة حتى نقزت بلاصتي أو لصقت على لباب....جود:(بلغوات)أنا أعبق أناااا تردي مني دري صغير دويييييي....مبغاش لكلام يخرج من حلقي....خفت كنت غنبول تحتي....جود:(كيضرب فالمقود)شنو قلت لديل أصل مك ديك نهار...قلت لك مكتكدبش علي...أو شنو درتي نتي بكل بساطة خبتي لموضوع.....نطقي....أنا:كككنت خايفة أجوود أنا.....جود:(قطعني)خايفة؟؟لا تبركلاه مازال مك مشفتيش لخوف كي داير أنا قواد أنا؟؟...تخليه يقيسك أو تجي بدم بارد تكدبي علي...قالها فحالي مدار لك والو....أنا:(كنبكي)صافي عفاك...جود:مصافيش ليوم أيكون مخرود مع مك....زاد فسرعة أو سكت عوتاني....بقيت كنتنخسس كندعي غير ربي يعطيني شجاعة نخرج رد ليعتقني منو هاد ليلة.....فرانا حدا لفندق حتى رويضات تحردو مع لرض....حليت صمطة أو خرجت كنجري....ماعقلتش على راسي حتى وصلت لمسعد....لا كارط ديال بيت كانت عندي وحدة....كان جاي بزربة أو فآخر تانية تسد لمسعد فوجهو....وصلت دخلت كنرجف لدرجة مبانش لي دخلة ديل مفتاح ....حيدت طالون أو مشيت دخلت لحمام سديت علي....جود طلع فدروج حيت مقدرش يتسنى مصعد خاوي...كينقز 2 ولا 3 درجات دقة وحدة....وصل طابق 6 عاد لقى المسعد خوا...جرا على لموضف أو كمل لفوق...حالف ليوم حتى تشوف وجهو تاني...وصل وأخيراً فتح أو لقى لبيت خاوي....مشى ديركت لحمام كيخبط عليها....جود:(بلغوات)عبق فتحي لبااااب.....موصلو حتى رد من غير لبكا....جود:عبق فتحي لباب مطلعش لي دم كتر ما هو طالع.....جلست على حافة لبانيو فحال لا كيضربوني بضو...منحلش لا ولله غيقتلني.....دموعي مبغاوش يحبسوا أو قلبي كيضرب شوية يسكت أو نطيح مقتولة غير بالخلعة....صوتو جهاد أو لباب تهيأ لي إلى زاد غير شوية غادي يطيح قدامي...مسحت وجهي أو قررت نحل ولا نتفضحو هنا....دورت ساروت أو دفعوا أو جبدني من دراعي....أنا:جود عفاك طلقني ولله مادرت شي حاجة....كربعني على سرير أو نضت رجعت لور لصقت معاه....جود:(بلغوات)أنا؟تحشمي بي قدام ناس...أنا:(كنبكي)انا ناس أجود كان غير وليد أو بو كرش ما فهم والو.....جود:(هز كرسي ضربو مع لرض)هدا هو لعدر ديالك مكيهمني حتى قواد من غير كرامتي لي جيتي نتي فحياتي كاملة عندي 29 عام فعمري أو تا حد مقدر يواجهني....أنا:هئ هئ جود كتخلعني عفاك براكا....خدا غارو أو فتح شرجم كيكمي بحرقة كيتعامل مع طرف فحال ساك أكسجين...مسحت دموعي أو قلت الحمدلله تهدن ولكن رجع دار شاف في أو حيد كوستيم أو فتح عقدة ديال قميجة حتى نص...غرز سيجارة فطفاية أو تم جاي لعندي....شدني من شعري أو وقفني حداه...جود:شنو قالك؟؟....أنا:أيييي شعري أجود عفاك هئ هئ....جود:(زاد زير عليها)دوي...أنا:والو غير عوني...جود:عاونك؟؟بهاد سهولة كتخرجيها من فمك أو معرفاش بلي كتحرقني بزاف....رخاني أو دار شاد فراسو....جلست كنبكي من لحgرة أو تعب...جود:(بنبرة خطيرة)عرفتي باش حسيت؟؟حسيت بالموت طالعة معايا أو هو كيفقسني بعينه....تعصبت بزاف أو مشافش لموت لي بقات كتاكل في لعشية كاملة باش تباس حدا عيني...تشجعت أو نضت قبالتو....أنا:كيقول واحد لمتل من لحقارة تحاسب ناس على أفعالهم أو متحاسبش راسك نتا لول...خنزر فيا ولكن أنا عد ما لكلام زاد تسرح لي....أنا:شفتك كتبوسها قدامي أو رغم هكاك صبرت أو تفهمت ولكن نتا مشفتي ماحضرتي لحتى حاجة أو كتعصب علي بهاد طريقة أنا عييت منك شنو كنسوا عندك بضبط؟؟علاش كتصرف معايا هاكا؟؟أنا بصح مرتك على لوراق ولكن ماكين لاش تغار علي حيت مواقع بناتنا والو.....تسناني حتى ساليت أو ضحك بجهد...جود:ههههه كضحكني وحق ربي يحسابلك بلي أنحير فيك....جا بخطوات مسرعة أو دفعني حتى جيت طايحة على ضهري....جود:إلا بغيت نقدر ناخد منك لي بغيت فرمشة عين...ولكن كتبقاي فيا....أنا:(بلغوات)بعد مني المجريم تا مريض فهمتي مريض أو معندكش شوية ديال لعقل....جود:أو من عارفة هدشي لاش وقفتي معاه....أنا:لا رد...جود:(بلغوات)دوي.....أنا:صافي حسيتي مزيانة فيك نيت بش تشعر بلي قاسيتو لمدة كاملة أو أنا بحدي....

توحشوا عينيه أو أنا وليت غير كنهدر معرفاش اش كنخرج على فمي..أنا:نتا حلال عليك أو أنا حرام اه؟؟...حيت نتا راجل حيت نتا تقدر دير لي بغيتي أو أنا نربط حياتي بشخص واحد خاطفني أو كيدير في لي بغا....جود:أنا كندير فيك لي بغيت؟؟...بديت كنجبد يدي من قبضة ديالو لقاسحة....جود:اشنو قلتي قبيلا أصر عليك ياك؟؟....أنا:طلق منيي عاونوني هئ هئ.....قبط لي يدي فوق راسي أو بديت كنتركل ليه....شد مور راسي أو وقفني لاصقة معاه...خبطني مع الحيط او دخل فيا....جود:أصر عليك أو ستسلمتي ليه يعاونك؟؟أجي شوفي لإصرار كيداير نشوف واش حتى أنا أستسلمي ليا لهاد شي....مفهمتش حتى خشى فمو فيا....أنا:(أنموت بلبكاء)مممممممم.....بدا كيبوسني بجهد أو بعنف...فقدت تنفس أو حتى قوتي....محاسرني من جاع لمناطق....صدرو عرقان على صدري أو قلبو كيجاهد شيء مرعب....كرشي دارت علي أو لألم فشفايفي مكيطاقش...فحالي أيتقطعو....خنقة دموع أو تنفس قدات علي أو كندير أي محاولة باش نفك راسي...منقدرش نسميها قبلة حيت ماحسيت بوالو من غير أنها كتقرف أو مشمئزة.....كل مرة كنفشل كيردني عندو بشكل أعنف من سابق...مالقيت حتى حل أو عضيتو بسناني....طلقني شاد فمو طوش بدم...طحت كنبكي أو كسوتي تجعلكات كاملة بلمقاومة....جود:(مسح دم)هاد لمرة ديري شي حاجة غتعصبني اندوز مرحلة جديدة أنا أو ياك....مرديتش عليه.....سمعتوا غير كيبدل أو خرج زدح لباب...

جود خرج أو تكا على جنب لحيط....يرد نفس لي مشات ليه بعد المصارعة لي كان لبطل فيها من ناحية القوة...ولكن علاش ديما كتغلبو من ناحية ضعف لي كيحسو إلا وهي بين يديه...غضبوا أبكر بكتير من أنه يخرجو فيها غير بوحدها...جود:بلاتي أرضا لما فرعتش مك ليوما...عيط لموضف المصري لي جاه كيجري فمدة قصيرة....جود خلعو بواحد شوفة خدامة ليه مزيان أو تأتيرها كيطيح لما فركابي....جود:رضا لمختاري جاء لهاد لفندق؟؟...لموضف:(كيرعد)أنا حضرتك ولله معارف حاجة أنا هنا فقط موضف بسيط....جود شنق عليه حتى طلع لمستوى وجهوا....جود:ماقلتش لك عاود لي قصة حياتك أنا كنسول على رضا لمختاري ولا ندبر ليك فجرية من لهنا....لموضف:لا حضرتك عندي أولاد....جود:هي لا نطقتي....لموضف:حاضر راح إسأل صاحبي....دفعو بجهد أو المصري جبد تلفونو كيبطى على نوامر أو يرجع يمسحهم حيت كيغلط بلخلعة....لموضف:ألو عزيز الأستاد رضا إلي اجا صبح سويت بتاعو رقم كام؟؟..لا هو أنا مليش دعوة بطابق بتاعكو بس كلفني أجيبلو حاجة يعني....أها اوكي ماشي سلام.....جود سولو بعينه أو قاليه بلا مقدمات ليتاج لي جالس فيه رضا...جود طلع فالمسعد حالف يخرج منو كل دمعة خرجت من عينيها بسبابو...باش عضاتو فمو عاد عرف غلط ديالو...هي معارفة والو من هاد الحريرة كاملة...اشنو دنبها؟؟...معرفتش بلي غادي يستغلها بهاديك طريقة الحقيرة....غير باش يعصبو أو فعلاً وصل لمراد ديالو أو بقوة... يمكن لخطأ لي دارتو هي خبات عليه أو هدشي بديهي حيت ديما كيلمح لخوف ديالها منو باش كيدوي على موضوع أنها ليه....لمصعد توقف فطابق 30...مع لحلة بانو ليه رجالو مصفوفين قدام لبيت...واحد فيهم دخل بجرا أو 3 وقفو ليه واحد حدا تاني مشكلين درع بشري...خشا يديه فجيبو كيتمعن فيهم واحد بواحد بنضرات قاتلة....جود:حيدو من طريقي...مردوش عليه أو زادوا قربو من بعض....جود:انحسب حتى 3....جبد يد وحدة أو رقم حتى لتلاتة بلا كلام....أو فجأة شد راس لولاني عطاه لمخ...تاني مد يديه ولكن جود كان سرع أو ضربو بونيا أو تالت جمع معه بكروشي الكرش مخليهم طايحين كاملين فحال دبان كيتئوهو....فتح لباب بقوة...لقى رضا متربع على كرسي ضخم من لكوير لأسود كيصفق....رضا:برافو برافو أجود عرفتي دوك رجال لي برا من أقوى كردكورات عندي....جود تمشى ببطء أو وقف عليه...لكاردكور لي دخل وقف وسط منهم كيحمي لبوس ديالو ...جود محسش حتى عطاه بونيا كدوخ....جود:نتا حيد أو نتا القواد نود تقود قدامي راجل لراجل....رضا:(وقف مقابل معاه)أوكي أنا جاي...جود:ولكن بلاتي نعطيك شونتيو ديال دكشي لغادوقو....شدو من وجهو أو ضربو براس أو زاد ليه بركبتو الكرش....جود:هدشي باش تعلم دير خطط تقرب لمراتي أز***....دفعوا جاء طايح على لكرسي ولكن الغريب فالأمر رضا عوض تعبير على لألم شديد بضحك...شي لي خلا جود ينفاجر فحال لبركان....هزوا أو شنق عليه....جود:(بلغوات)علاش كضحك علاااااش.....رضا:(كيضحك)حيت مراتك أتولي لي أنا أجود...

جود:(بنبرة خطرة)شنو؟؟؟.....رضا:هههه ساهلة بعدما أتعرف بلي كتستغلها مسكينة باش تاخد وراقنا منها أتكرهك أو أنا أنشدا مسكينة انخفف عليها أو نواسيها....جود تهيأ لمنضر المرعب لي يمكن لها طيح فيه مع أكتر إنسان ياخد لقب شيطان فصفة إنسان....رضا:يكما نسيتي أجود بلي درتي هدشي كامل على وديت تاخد لوراق أو تصفيها لينا تيقتي تمتلية الحقيرة لي دخلتي فيها عبق البريئة...جود ولا مدهشر أو تلقى بونيا من عن رضا...رضا:(بلغوات)لعبتي لعبة لقط أو الفار ياك؟؟..صافي جاء وقت لحقيقة....ياكما غنبقى ساكت على كدوب ديالك...أنا رضا لمختاري فهمتي أو برهوشة فحالها مغتحيرش فيا....قتلت ما أقوى منها أو متحرك في حتى شعرة....جود كيسمع تحقيرو لها أو كيزيد يجهل....حمارو عينيه أو لون زرق ولا فحال دم....بدا كينهج فحال تور الجريح...أو جرى دخل فيه...طاحوا بجوج على لرض أو جود دور رجليه على كرشو.....جود:(بلغوات)غنقتل مك الز***.....رضا حاول يدافع على راسو لكن جود كلم ليه مجموعة ديال لكمات دمات ليه طرف عينو أو جناب فمو....رضا قلبو على ضهرو أو مد يديه بقبضة قوية...جود خوا ليه أو جات فلرض....دخلو رجال لي طاحوا بعدما رجعوا الوعي ديالهم....رضا:(بلغوات)مدخلوش خرجوا قودووو....جود كان معصب بزاف منو أو عاد ما شعل لعافية لي كتحرق فيه مور لحفلة بعد هاد لكلام لي ماشي صحيح أبداً....جود:كتهددني القواد اه؟؟....رضا:هههه مالك خايف بزاف حيت كلامي درك....جود ضربو براس أو طار عليه فحال شي وحش كان حبيس الآف سنين أو تحرر.....حاصرو مع الحيط بدراع على عنقوو أو يديه خدامة كتعطيه بونيات فالكرش....جود:كلامك كي ز***.....عبق أتيق واحد فحالك هههه مرضتي ولا الكوكايين لي كضرب دوخك يا رباعة لمجرمين .....رضا:(كيتنفس بصعوبة)هاحنا أنشوفو....دفعو أو جود رجع خطوات قلال لور...رضا دار حركة مقص برجليه....أو جود كان دكي نقز فأخر لحضة أو عطاه بصباطو لفكو ...رضا تقلب على ضهرو من ضربة لمفاجأة أو جود ستغل لوضع أو مشى كمل عليه....خنقوا من لكول ديال تريكو بيد أو تانية إستخدمها تاني فالكروشيات المبرحة....رضا وجهوا تجلخ بدم أو فقد لقدرة على لمواجهة....جود:هاد لمرة غير مجرد تكفر دور بساحتي أنقتلك...أو كنصحك بقى بعيد على مرتي....ناض وقف بصعوبة حيت مكرهش كون مات بين يديه..برك على صدرو برجليه أو زير عليه بزاف...جود:هاديك لأرض ربح بها أو ربح بهاد فندق حتى هو خليت لكم كلشي ولكن أهم شخص لقيتو أو كنكئد لك مغديش نفرط فيها....دفل عليه أو تم خارج بصدر منفوخ أو كدمة حدا فمو جات فيه بلخطأ....رضا بقى كيشوف فسقف أو بدا فسلسلة من قهقهات عالية تردد صدى ديالها فجدران الجناح لكبير....

داز وقت طويل....بكيت حتى تنفخت أو جلوسي فلرض وجعني بزاف....ولكن تاحجة متضاهي لوجع لي داز على فمي...من خرج أو أنا كنمسحو....عيفني أول مرة كنشمأز من شفايفو....مفهمتش علاش كيستعبدني أو باغني بأي طريقة أو مكيصارحني بوالو....نضت بدلت أو تخشيت فالفراش...تفيت الأضواء كاملين بغيت نبقى فسواد....باش منشوف حتى قنت من هاد لبيت لي شهد على غلطة دارت فحقي منو....كنحاول نتفكر لحضات زوينين بيناتنا ولكن هاد تعنيف ضرب لى كولشي أو كرهني فيه عاود....سمعت صوت لباب تحل أو غمضت عيني داعيت نوم.....كنحس بأنفاسو سخونة كتقرب لجهتي أو قلبي بدا كيضرب بجهد...جلس حداية أو ملمسنيش...غير تنفسو كيخرج مألم من صدرو كيوصلني تأنيب ديالو بوضوح...مغديش نسامحو صافي هدشي قررتو قبيلة أو مستحيل نرجع فيه....درت لجهة تانية أو هاد لمرة حسيت بيديه على شعري كيمشطو بصباعو بلطف...مبغتش نتحرك يمكن يمشي...ولكن دائماً كيدير عكس توقعاتي...تجبد حداية أو دور يديه علي أو قربني منو....لعرق بدا كيخرج من جبهتي أو متحلمتش أو بعدت منو....نضت وقفت فضلمة كنقلب على لفيوز...خطواتو كيقربو مني أو لمكان ديال زر ضو تلف ليا...حط يديه فضهري أو دفعتو....أنا:متقسنيش أجود....جود:لا رد....جبدني عندو....أو عنقني....تبلوكيت من حرارة صدرو....خشى نيفو فعنقي أو يديه على شعري....أنا:جود عفاك بعد مني....جود:(بصوت حنين)سمحليا عبق....أنا:طلقني أجود صافي زدتي فيه....بعدني من حضنو أو بقى كيبان غير عينيه زرقين فضلام....جود:مكنتش عارف شنو تندير....أنا:نتا ديما مكتعرفش شنو تادير.....جود:(حط صباعو على فمها)ضريتك؟؟....أنا:لا رد.....جود:مبغتش تبقى أخر قبلة بناتنا هاكا...بغيت نعوضك تسمحليا؟؟....طلب ديالو كان حرج أو مرضي دقة وحدة على قلبي....فقدت لقدرة على نطق يمكن سحابله موافقة....قرب وجهوا مني أو شهيق ديالو ولا سريع...كنت غنسخف كون ما دراعو كتنقدني من الوقوع كل مرة....لامس فمي بلطف....غمضت عيني أو قررت نتلقاها منو باش نسا كرهي ليه....بدا كيبوسني بواحد لوحشة كيطلب مني سماحة بطريقتو....جود معندوش ضرب ولا تعبير على أحاسيس جميلة إلا بالقبل....لي تقدر تكون مؤلمة ولا طيرك على سحاب من روعة ديالها....تحرك بي حتى لنفس الحيط لي عنفني فيه...نسيت كلشي أو رد حبو فقلبي أكبر من أول...مبقتش قادرة نستحمل أو تزير علي صدري بكترت هاد لمشاعر الجياشة....أخر حاجة سمعتها قبل منطيح هي سمحليا بزاف أو ستسلمت لفقدان الوعي مرة تانية مابين يديه..

جود مسكها بقوة أو حط حنكو على وجها...جود:ميمكنش تخليني ياك؟؟؟معامن كنهدر؟.....هزها أو حطها فوق سرير..باس لها جبهتها أو غطاها....جود:كلشي أيكون بخير تصبحي على خير...توجه حدا سرجم أو فتحو...خدا سيجارة أو بدا كيكمي أو كلام رضا كيدوز عليه فحال تسرفيق مؤلم على وجهو....جبد تليفون أو برك على شي نماري....جود:ألو وليد وجد لنا طيارة غدا فصباح أنمشي فحالي ...قطع لخط أو كمل الكمي...مشا من بعد تخشى حداها أو نعاس حلف لابغا يسد جفونو أو يرتاح هاد ساعات لقليلة لي كتفرقو على صباح جديد..أو فعلاً مقدرش يغفى أبداً...ناد دوش أو لبس حوايجو أو وصا على لفطور...جلس على لكرسي جنبها حاديها حتى تفيق...كتعجبو باش كتحل شوية من فمها أو كيخرج شخير خفيف فحال شي لحن موسيقي كيفرح ليه قلبو...منزلش نضرو عليها لمدة لي بدات كتفيق أو كتفتح عينها لي كيعشقهم....إبتاسم أكتر أو هي كتجبد أو كتحك وجها باش تصحى من سخفة....جود:صباح لخير البوحاطية.....سمعت صوتو أو حليت عيني كان جالس مربع يديه أو على فمو ضحكة إستهزاء....مكرهتش لرض تنشق أو تبلعني حيت تفكرت شوهة ديال بارح....درت تقلبت على جهة بعيدة عليه....أنا:تفووو على حمارة أنا يخ....خشيت راسي فالغطاء أو رجليه كيجو لجهتي....جود:(كيحيد لها ليزار)نودي السخافة نودي هههه ..أنا:بعد مني...حيد لها لفراش بقوة أو هي زادت تكمشات على راسها....جود:نودي تاكلي أو وجدي راسك أنمشيو....حبست على لحركة أو درت شفت فيه بإستغراب....أنا:فين؟؟...جود:صافي أنرجعو باريس خصني نوقف على شغلي تماك...أنا:لا ميمكنش أنا مازال بغيت نبقى هنا....جود:وا براكا علينا عندي شغال يلا طيارة أتكون مع 10....حسيت بنفسي ضاقت علي أو معجبنش لحال...نضت كنخبط فلرض أو دخلت لحمام.....معصبة مقهورة حيت أخر حدت وقع بناتنا كان خايب بزاف وخا باسني ولكن أنا مازال ماسمحت ليه....دوشت أو نشفت شعري...لبست تريكو أو سرفيت بيضة أو دجين أو سبرديلة بيضة...مين خرجت جود كان كيجمع شي وراق فشي ساك أو موجد....جلست كليت أو شهيتي مسدودة....مسخيتش نمشي من هاد لمدينة لي كتاشفت فيها لحب ديالي الوحيد...هزيت ساك أو خشيت فيه دكشي لي شراه لي درت سنسلة حتى هي فيدي أو العطر...يمكن هادو أشياء بساط منو ولكن أيبقاو ديما معايا حيت إحتمالية أنه يبعد شي نهار علي منستهاش....خرجنا لردهة الإسقبال....المصري مسكين تعرض لينا بجرارة صغيرة أو رما جود فيها اغراضنا...وصلنا لباب لكبيرة كان تماك سيارة أو داك سائق لمgلدم...خشاو دكشي فالكوفر أو جود جر سائق بدا كيدوي معاه...لموضف:نورتونا ولله ابقوا زورونا مرة تانية....أنا:هههه اوكي كون هاني....لموضف:أستاد جود وأخيراً لقى حب حياتو....أنا:كفاش؟؟....لموضف:طب أقلك حاجة تبقى سر أستاد جود طول عمرو بيجي على دبي...أنا كنت موضف ببرج لعرب قبل مينقلوني هنا كنت بشوفو دايماً غضبان أو مع شلة بنات صايعين داخل خارج على كازينوهات بس لمرة دي غير....أنا:زيد وضح...لموضف:أصل أستاد جود كان من أخر ناس لي كنت أضن إنو راح تتجوز فاجأني صراحة لما دفع عقد زواجكم علشان سويت أو دا أكيد إنو بيحبك موت...أنا:بصح؟؟...لموضف:أيوا أنا متئكد الله يكمل عليكم بالخير ولله إنسان طيب أو لقى بنت جميلة أو حبابة زيك ....بديت كنرمش حيت مالقيت باش نرد عليه...كيفاش هو لاحض بلي جود كيبغني أو أنا لا؟؟...زعما واش بصح باين شي حب عليه باش كيكون معايا؟؟....جود:(شد لها فيدها)يلا نمشيو...خنزر فلموضف المصري أو غمزو زعما كيضحك معاه أو دور معاه مزيان...جرها بواحد لحالة ديال ضياع أو ركبو فسيارة...

سلكنا نفس طريق باش أول مرة جينا لهنا....جيت بواحد لألم أو لخوف أو دبا مولىة بقلب عامر بأحاسيس كتيرة منها لحب أو لغرام أو لغيرة أو حتى شك....شفت بنص عين فيه....كنقول مستحيل يكون كيبغيني ولكن كنتفكر الأحلام الوردية لي عيشني كنتيق بلي على لقليلة را معجب بي....أنا:(فنفسي)شنو كنخربق علاش تقتي فنفسي كتزعزع غير إلا كان الأمر كيتعلق بجود...جود شاف فيها..شعرها طايح أو ساهية....بعدو بيد أو طلعات وجها كتمعن فيه باسئلة كتيرة كيدوزو فحال شريط سينمائي فعينها...جود:مالكي؟؟....أنا:لا لا والو....تخليت على يديه أو رجعت كنتفرج فطريق...سيارة وقفت فنفس ساحة...مع حليت لباب وليد تم جاي مسرع عندنا...وليد:لاش أتمشي أصاحبي ياك قلتي؟؟....جود جرو بعيد مني...سائق خرج ساك أو طلب مني نتبعو....ولكن أنا مغنمشي حتى نسلم على وليد..........جود:سكتنا أصاحبي...وليد:علاش ياك قلتي أتبقى هنا بزاف...جود:لأرض مشات خداها داك ز****...أو ضاربنا أنا أو ياه البارح سلخت ديلمو قاليا شي هدرة را معرفش كي شديت راسي باش منقتلوش....وليد:واش مرضتي؟؟...شاف فعبق لي بدات كتشر ليه من بعيد....وليد:لاش دخلتها فهدشي لاش؟؟...جود:أنحميها بروحي ماتخافش دبا حضيه معايا هنا أو وصلي اخبارو ضروري أيبقى هنا حيت شرا لأرض أو خصو يكمل لمعاملات...وليد:كون هاني أنمشي نسلم عليها....وليد أو جود جاو ناحيتي....وليد:ختي أنتوحشك ولله...أنا:هههه أنا أكتر....وليد:وخى نعنقها أجود؟؟...جود ضحك بإيجاب...دورت يدي على عنقو أو هزني شوية ضامني بقوة....أنا:ابشوية علي هههه....وليد:تهلاي فراسك نتي بنت مزيانة بزاف مكتستهليش هاد لغول ....جود جرو حتى هو عنقوو أو كيخبط فيه....جود:براكا من تعناب هههه تهلا العشير....بعد الوداع لحار صراحة دمعو عينيا....طلعنا طيارة أو ودعت وليد من زاج أو ودعت معاه دبي ساحرة أو أنرجع تاني لبرودة باريس من جديد....

فنفس لبلاصة كانوا أشخاص اخرين كيراقبو طائرة أو هي كتستعد تقلع فسما....راجل:شنو المعمول أسي رضا هاهي فلتت عوتاني....رضا ركز بعينه على إقلاع طائرة لي خلفات ضجيج كبير من بعد....كان وجهو عامر بلكدمات أو لجروح...ليلة البارح دمر لبيت كلو مور ما مشى جود أو ليوما فاق بكره أكتر ليه أو بانتقام أشد منهم بجوج....رضا:خليه يمشي خليهم يتعلقو كتر ببعض حيت كل ما طلعوا لسما بجوج لأبعد نقطة وقوعهم أيكون مؤلم بزاف...ركب أو سدوا عليه لباب باش يقدر يتكلم فسرية....رضا:ألو جود جاي لفرنسا شوف غنقدي شي مسائل أو نرجع أو نبداو لخطة....لبنت خصها طيح فيدي....أو جود أنقتلو بسيوفي كنواعدك...

7 سوايع كيفصلو مابين لمدينات بجوج ماشي سآهلة...نعست أو فقت أو كليت أو مشيت طواليت...تفرجت أو تمزكت أو قتلني لملل...جود جاء عندي لكن جريت عليه حيت مقدرتش نشوف ليه وجهو بعد بوستو لي سخفاتني..دبا را هو جالس كيقرا فشي وراق أو مركز معاهم....الله بشحال زوين باش كيولي جدي أو كيخدم بستيلو كيلعب فسباعو أو هاديك نضرة ديال تركيز....طلع وجهو أو قشعني تفو....حطيت راسي على لكرسي المريح أو تسنيت هبوط طائرة....أخيراً طيارة ستقرات مكانها....هبطوا درج المتحرك أو جود قبط لي يدي...فحال لعادة مع لخرجة من أي قنت فباريس كضربك واحد صفعة ديال لبرد....لجو كان كئيب أو صقيل...هبطنا فنفس ساحة....جود رما على كتافي جاكيتو أو نزلنا...فرق كبير بين عبق لي مشات أو عبق لرجعت لنفس لمدينة....تغيرت بيه أو فيه....جود راجل لي كنبغيه أو أنبقى نحماق عليه طول حياتي...مين فكرت لقيت هاديك ردت لفعل لي دار معايا عادية جداً حيت وخى مكيبغنيش كيبقى راجلي فالوراق...حل لي باب واحد سيارة كانت كاتسنا فينا....أو عوتاني دخل وسط هادوك رجال كيوصيهم بتعليمات كتخرج بحركات مرعبة....بزاف هدشي خنقني...أنا:أووووف عييت من هاد تخبية أجود...جاء ركب حدايا أو ولا وجهو عادي....جود:رحلة كانت طويلة ياك؟؟...متخافيش انديك واحد بلاص أتحسي فيها براحة بزااف أو أنطلب منك تصبري حيت مازال طريق أتكون طويلة....أنا:ممكن نمشي لور نعس...جود:أمم سري....رجعت لور تجبدت أو مع لعيا داتني عيني انشوف عوتاني فين اتلى بي ليام.....

جود بقى شي 3 ساعات أو هو كيسوق لطريق لمزرعة ديالو....لي نتاقلات ليه مع أملاك باه من مور ما توفى...من غير لعقارات لي خدام فيهم...فجود كيدير دكشي ديال تصدير الخضروات الطبيعية أو الأسمدة أو حتى مستخرجات الحليب لبلدات صغار فانحاء فرانسا أو كيساعد لفلاحين في شراء لماكينات ولا لوازم زراعة بتقديم لهم قروض....لمزرعة كبيرة بزاف كتمتد على هكتارات كبيرة أو ناس لي ساكنين تماك كلهم كيعرفوه....عندو فيلا أو حقل داير بها...بغى يبعد بيبو ما أمكن من لمدينة...حيت تماك لوضع آمن أو أيعرفها على سكان كاملين لي كيحترموه بزاف أو توسع دائرة لحماية ديالو من خلالهم....كيطل عليها مرة مرة من زاج لقدامي أو كيبتاسم بفرحة لدخولها لحياتو....وأخيراً وصل..."مزرعة لوكاس" مكتوبة على لافتة معلقة على جسر مابين جوج بحيرات صغار....دخل لواحد طريق متربة أو كلما كيزيد طنبل كترتافع أو تنزل مع تضاريس لأرض....ضلام طاح أو ولا كتبان ليه ديك لحضة غير سرير....عينيه كيتغمدو أو قوتو غادية أو كتهبط...تشعلو أضواء مرصوصة على طول لمسار لي كان غادي فيه....أو واحد نغزة ديال سعادة كتشوكوو حيت ايوري لعبق لمكان لي كيبغيه بزاف....كيحس فيه براحة بعيد على ضجيج لمدينة أو صداع بيع أو شراء لأراضي...كيتعامل مع زراعة فحال بنتو...عندو موهبة كبيرة باش يكبر أو يحافض على نبتة حتى كتولي جاهزة لبيع...لحيوانات من خيول أو غنم أو بقر أو طيور كلشي كيخرج من مزرعتو بجودة عالية أو هدشي لي مخليه معروف فسوق تصدير....كلشي كيتيق فيه من هاد ناحية أو أي حاجة نتجها مكتبقاش عندو نسبة لكاليطي ديالها....فرانا قدام دخلة ديال لفيلا...كان كلشي ناعس حيت فهاد لوقت لفلاحين أو حتى عيالتهم أو ولادهم كيمشيو يقابلوا أعمالهم منزلية بعد نهار شاق ديال لخدمة فالفيرمة لكبيرة..دار كيحرك فيها أو أي جزء فيه كيغوت بلعيا...جود:عبق نودي...نودي مافيا ليهزك...مصيبة هادي كتخمري خمرة وحدة....هبط أو توجه عندها...جرها شوية من تحت كتافها أو حكم لوضعية ديالها أو هزها فوق كتافو....جود:بقيتي لي غير نتي فالحساب....سد سيارة أو دخل عوتاني من باب حديدية....تمشى واحد 5min أو لباب خشبية لكبيرة كتبان ليه فحال باب جنة....

سيدة شارفة لابسة بنوار أو كتمسد عنقها...خرجت من كزينة أو فيدها كاس ديال لما....غير صوت شبشب ديالها هو لي كيتسمع فوق الأرضية رخامية ديال لمرح....كان ضلام حالك ستاعنات غير بنضارتها أو ضو ديال لقمر كيدخل من سرجم زجاجي....سمعت خطوات كيطلعو من دروج ديال برا أو من مراهم جرس لباب برنة زقزقة العصفور....دهشت من هاد زائر لي جاي فهاد لوقت....حطت كاس لما على منضدة لأكل طويلة أو تمشات بخطى خايفة...سيدة:c qui؟؟(من أنت)....جود:c moi Ellen(هدا أنا إلين)...مشعرتش براسها حتى حلات لباب على جوايهو بجوج...مصدومة من منضر مرعب...جود فوق كتافو بنت شعرها طايح....إلين:c qui cette fille(من هاته الفتاة؟)...جود:(تخطاها أو طلع من دروج)c ma femme(انها زوجتي).....إلين داخت أو شدت فمقبض لباب...مفهتش واش جود سكران أو هادي وحدة من لي كيجبهوم يقصروا معاه ولا بصح داوي....إلين:c pas vrai...

يتبع