مجنون بيبو الجزء السابع

رواية مجنون بيبو بقلم شهد

جود وقف حدا أكبر بيت بالفيلا أو حلو....قرب لناموسية ضخمة أو جبدها برفق نزلها...مسد عنقو أو حيد تركوه لفوقاني لاحو فلرض...او دخل لحمام....إلين تمشات على سباع رجليها....لقات الباب مردودة أو طلات بتخفي...بانت لها عبق ناعسة أو شعرها مغطي أغلب وجها....تشجعت تقرب ولكن جود خرج فجأة من لحمام...كيمسح يديه ففوطة...خدا بلاص حداها أو حيد لها زغبات باش تنفس براحة أو باسها فحنكها...إلين ضربات حجرها مبغاش يدخل لها هاد تصرف لحنين من جود بضبط....قرصات راسها متأكدة أن هدشي كابوس ولكن جود قدامها كيبوس عبق من حنكها أو كيطبطب على كتفها هدشي ميمكنش يكون خيال...مشات بديك لهفة تعاود هدشي لمساعدات ديالها...جود نزع سفيطمة أو تجبد حداها....عينيه كيستدو أو هو كيستعد لنوم طويل....أو غفا من بعد حاط يدها على صدرو لعريض.....
إلين شعلات ضو ديال بيت لخادمات أو دازت عليهم وحدة وحدة بشبشب ديالها باش تفيقهم من لغلبة...إلا وحدة نخلاتها....تجمعو عليها أو هي كتخرج كلمات صعبة لي لحد دبا ممتيقهاش....(الحديت بالفرنسية)..إلين:مغدش تعرفوا شنو وقع؟؟....لخدامات:شنو؟؟....إلين:مشينا فيها جات لي تحكمكم كاملين....خدامات:كيفاش؟؟....إلين:جود رجع....شافت إبتسامة عريضة على محياهم أو وحدة نادت كتنقز فوق لفراش....إلين:بلاما تفرحو بزاف جود جاء هاد لمرة معاه بنت....هاديك لي كانت كتنقز طاحت من جهة لخرى أو لخرات شهقو بصدمة....خدامة؛شكون واش شي عاهرة؟؟...إلين:معرفتش مين سولتو قليك هادي مراتي....وحدة فيهم ضربت حنكها بجهد حتى خلات طبعة حمرة....إلين:مافهمت والو را طلعها منعسها حداه....خدامة:لا ميمكنش يصدق هدشي بصح...جود تزوج؟؟را هاد الفكرة مغدخلش لعقل.... تفرقوا لبنات فداك لبيت لكبير كل وحدة شنو تادير مور صعقة لخبر...وحدة سخفت أو جوج كيوشوشو أو تالتة كتبكي أو إلين دايرة يدها فحنكها كتخمم...أما هديك لي نخلتها من لبدية سمعت الحديت كامل أو فرحات مع حركات راقصة بيدها...خادمة:مزيان مادرتي أسي جود نيت هاد شارفة تحد لها شوية...
لوقت تأخر بزاف أو ولات شي 3 صباح.....عبق بدات كتحل عينها مضطاربة أو وضعية نومها ما مورحاش..جمعت لوقفة أو بدات كتمشى بلا هدى..دخلت فالحيط عند بالها را مازال فدبي..حكت جبهتها تخفف لألم أو عاد توضح لها لبيت...غرفة كبيرة بزاف فحال سويت ديال فندق...ستائر بيضين ضارب فيهم ضو ديال صباح لبدا كيطلع....مبين لها ديكور بشكل طفيف....سرير متوسط لبيت أو جود ناعس كيشخر...بالكون مسدود أو كرسي كبير يقد جود فجلستو عليه.....مبانش لها الألوان بضبط...من غير أجسام لاتات....أنا:فين أنا؟؟شنو هدشي؟؟...قربت من جود أو قستو بصبعي جابلي ربي كنحلم.....لبست سندلتو أو خرجت....كلشي كحل بضلام....شديت فعارضة الخشبية ديال دروج....صندلة جود كبيرة كنت أنجي على فمي....يلا انحط رجلي على درجة أخيرة...تشعلوا أضواء كاملين....تبهرت من لمكان الجميل....مرح واسع أو ترية من كريستال مرتبعة لفوق....أو فكل جنب معلقة لوحة فنية كلاسيكية....أنا:واااو اش هاد الجمال....لاحضت مرة شارفة لابسة بنوار وردي شعرها شايب.. قصيرة أو رقيقة...كتفحصني بعينين متسائلين من تحت نضارات صغار...أو كتهزز رجلها بعنف أو جايبة معاها 4 بنات 2 من كل جهة كل وحدة كي دايرة أو خامسة بعيدة عليهم واقفة بتردد .....كيشوفو فيا بفضول أو بحقد أما هاديك فكتمعن في بحب من أول نضرة ...(الحديت بالفرنسية)....إلين:(بلغوات)هيي شكون نتي؟...أنا:نتي لي شكون نتي؟؟....إلين:هههه نتي كتسوليني...شافت فيا من رجليا حتى راسي....إلين:لابسة سندالة سي جود مكتحشميش....أنا:ههههه شغلك....نقزات واحد لخدامة بغات تجي عندي أو شداتها....إلين:شنو بغيتي من جود؟؟....لخدامة:ياكما نتي عاهرة؟؟....مستحملتش لكلمة أو حيدت صندلة أو طرت على هاديك لي هدرات أو كضحك...شديتها من شعرها أو كلشي بدا كيجر فيا....أو شوية بداو كينتفوني....ضربت وحدة برجلي حتى طاحت أو تانية قمشتها...إلين مع شارفة بعدات عجبها لحال...أما الخدامة لي بقات واقفة مخلوعة من الهجوم ديالهم على زائرة جديدة....لوضع ولا محرج أو صداع جهاد أو قربات بخوف عاونتها...جرات وحدة أو وقفت فوجهم....بيبو كتنهج أو هما كاملين مشتنفات....أنا:حمارة بلاتي يفيق جود نوركم....دارت عندي هاديك لي ساعداتني أو إبتاسمات ليا....لبنت:مغدش يفهموك الآلا...أنا:ننننتي مغربية؟؟....بنت:اااه صافي سري طلعي لبيتك....أنا:(الحديت بفرنسية)بلاتي يا مكم قالك عاهرة أنا زوجة جود مراتو....جمعت شعري أو بتسمت لبنت أو طلعت....إلين:لا لا ميمكنش لاا تفو.....لخدمات:ناري قفرناها ويلي ضربناها سي جود أيجري علينا....شافو فأيلين بإنزعاج حيت هي لي حرضاتهم....مشاو مجموعين دخلوا لبيت لخادمات أو المغربية شافت فيها بنصر أو ضحكت باش تفقسها....إلين:بلاتي فيك تعوجي علي تماك....تفووو من خرجت لي هادي...

دخلت زدحت لباب بجهد...مشيت تخبطت بلفقسة...أو سي جود مكرشخ ما هواش جاع هنا..أنا:(كندفعو)وا سي وا لقايد وا تا نوض أفف نوض شوف شنو دارو لي..بديت كنجر فيه أو تقول ميت..أنا:(بلغوات)جود نوض وقف شوف نتفوني بنات لحرام...جود:وا عبق خليني نعس راك كتحلمي ..دار من جهة تانية أو أنا نطلع فوقو....أنا:نوض شوف مكنحلمش ولله حتى ضربوني...جود دار هاد لمرة مصدوم...جود؛شكون ضربك؟؟...أنا:هدوك بنات لحرام لخدامات أو ديك شارفة غوتات علي..نضت من فوقو أو هو حيد لغطا أو مشى لباب معصب..تبعتو أو وقفت حدا دروج....جود غوت بسمية إلين حتى ترددات صدى ديالها فلمرح كامل...جات مسكينة كتجري أو حانية راس....(الحديت بلفرنسية)جود؛شنو هاد قلت لاداب؟؟...إلين:نعام أسي جود أنا شنو درت؟؟...جود:كيفاش كتحرشي لخدامات تضربو مراتي؟؟...إلين:ولكن أسي جود هي واش بصح مراتك؟؟...جود:(بلغوات)عبااق...هبطت كنتمختر قدامها أو حاسة بها مكتحملنيش....جود دور يديه على ضهري أو جبدني لعندو....جود:عيطي عليهم كاملين تحركي...مشات كتعتر فمشيتها أو جابت لخدامات بخمسة....وقفو بشكل طولي حانين راس أو كيغزلو...جود:مزيان عندي هنا سيبة شنو درتو لمراتي؟؟(بلغوات)دويو.....أنا:ضربوني أو شارفة كضحك إلا هديك مسكينة(شيرت المغربية)عوناتني عليهم....جود:كون نعرف عندي نسا قويات بلاما نخدم لي يحضي مزرعة على برا...إلين:ولكن أسي جود نتا دخلتها فجأة حنا ضنينا بلي من هادوك لي كتجبهوم....جود:سكتي نتي بالأخص نتي مولات لعقل زعما شوف لكلام موجه لكم كاملات عبق مراتي أو حنا تزوجنا فلفترة لي غبت فيها...خدا لي يدي لي دايرة فيها لخاتم أو أنا كنفرح من صدمة لي تجلات على وجهم أو ديك شارفة شوية تسخف....جود:هاهو لخاتم أو بما انني سيد ديال هاد مزرعة فغتكون من ليوم سيدة ديالها من نكون غايب أوامر ديالها تنفد أو احترامها واجب عليكم هنا أو حتى على برا....إلين:والكن؟؟...جود:ما كاين ما ولكن إلا شي واحد عصبها را فحالي عصبني أنا شخصياً أو إلى تشكات غادي نولي خايب بزاف كلامي مفهوم؟؟....إلين:وخا جود ولدي...باس لي راسي أو طلع كيجري لبيت....درت يدي لا خصري أو قربت منهم....أنا:سمعتو لكلام اوا طلبوا سماحة يلا...لخدامات:سمحلنا لالا....مشاو غضبانات أو إلين تبعاتهم كتغدد....المغربية بتاسمات أو يلا أتزيد تبعهم شديتها....أنا:نتي بقاي بغيت نهدر معاك...لبنت:لا لالا شكون أنا باش تدوي معايا؟؟..أنا:هاويلي يا ختشي را أنا بنت شعب قحة مفياش تبعكيك...لبنت:هههه ...أنا:ههه سمتي عبق كينادو لي بيبو أو نتي؟؟...لبنت:سميتي لارا....أنا:زوينة سميتك أجي نجلسو....مشينا ريحنا فدروج أو أو شعرت بلي رتاحيت لها....أنا:شحال فعمرك؟...لارا:عندي 22 سنة..أنا:أنا 21 مفهمتش نتي مغربية كتخدمي هنا؟؟....لارا:اااه أنا صراحة وليديا مغاربة جاو خدموا ففرنسا اعوام هادي...بابا لقى خدمة عند سي آدم...أنا:شكون آدم؟؟...لارا:اويلي باين سي جود...أنا:أاهاه كملي...لارا:هي هاديك بقى خدام عندو فهاد مزرعة أو بنينا دار صغيرة مع لفلاحين أو مين مات بابا بقينا أنا أو ماما أو راك عارفة مبغتش نخلي ماما بحدها تهز كلشي قررت نخدم عند سي جود أنا عزيزة عليه حيت كيجمعنا نفس دم ديال تمغرابيت أو نتي كيفاش تعرفتي على سي جود؟؟...أنا:أودي خليني ساكتة قصة طويلة...لارا:ولكن عرفتي شنو ولله حتى فرحت هديك شارفة إلين الله يعطيها مصيبة مكتحملنيش أو ديما حاgرة علينا أنا كتر صابرة غير على ود ماما أو سي جود....أنا:بلاتي يا لمها لما خرجت منها زيت لبلدية....لارا:هههه كضحكني...أنا:هههه ولله حتى نقطع لحسها جدر شتي جود براسو أو مبقاش كيحير في فين صاب هي الحقيرة شارفة...لارا:ولكن أختي جود كيقدرها بزاف مع كانت هنا قبل ميتزاد مين تبنات هاد مزرعة أو هي هنا...أنا:مكتموتش هادي؟؟....لارا:هههه حتى أنا هدشي لي قلت...أنا:نوضي وريني دار أجي بعد نقصيو ختك فيها لهيمري...لارا:أجي نوريك دار شوفي انكون أنا يدك ليمنية هنا..

مشينا لكزينة....كانت فدورة ديال دروج....لارا:أجي جلسي أنا نصاوب لك سندوتش....لمطبخ عجبني بتصميم ديال مزارع لي كنت كنشفهوم فمسلسلات مكسيكية....زربية طويلة شادة من دخلة حتى جهة بوطاجي...كلشي مصنوع تقريباً من لخشب...إلا تلاجة أو فرارن أو الات حديتة....أنا:وووووااو لارا لعيشة عندكم هنا زوينة....لارا:(كتساوب سندوتش)اااه بزاف لجو هنا غزال أو كناكلو غير حوايج طبيعية أو سي جود محارمنا من والو....أنا:دكشي علاش شارفة مماتتش كضرب بنت لحرام اطبيعي....لارا:هههه وايه ولله حتى فرحت جيتي تونسني فالوحدة ديالي هاكي تفضلي....بديت كناكل أو جلسات حداية كتشوف في فحالي كتعرفني....لارا:كنت متأكدة أن سي جود أيدي بنت بلاد تا وحدة مكانت أتصبر ليه على هبالو.....أنا:هههه ياك بعدا عارفينو حمق....لارا:ويلي بزاف أختي ولكن قلبو بيض أو مين كيبغي كيبغي ديال بصح...أنا:هههه شتك كتعرفيه مزيان..لارا:اااه بزاف ماما أو بابا كانوا كيعاودو لينا عليه أو باش جيت خدمت عندو عرفتو أكتر باش إلين كانت كتشكى مني كيغوت علي حداها أو من بعد كيجي يضحك معايا ..أنا:كح كح كح واش جود متأكدة؟؟...لارا:اااه هههه راك مازال مشفتي والو هو كيبين هاديك شخصية قوية ولايني داخل ديالو فحال شي دري صغير أنا كنعتابرو فحال خويا لكبير ماشي رئيس ديالي....بقى في لحال حيت كلامها حسيتو بعيد علي..كتهدر بتقة عالية أو أنا لمراتو ستغربت....لارا:سمحليا لالة مقصدتش نقلقك..أنا:لا لا ماشي مشكل مازال لوقت باش نتعرف عليه مزيان...لارا:لكن سي جود خصك تنتابهي من واحد حاجة فيه خايبة بزاف ....أنا:(بفضول)شنو هيا؟؟....لارا:(بنبرة حزينة)سي جود إلا خانوا شي حد كيولي شخص غريب بزاف خايلي معايا كان خدام عدنا عامل بشحال هادي ناض طمع بالفلوس أو خدا واحد نوع ديال سماد كان شراه سي جود...أو دا عينة منو لمزرعة المنافسة أو باش ساق لخبار رد ليه حياتو جحيم....أنا:تال هاد درجة؟؟....لارا:آه هدا غير عامل بسيط فين حار شي حد كيبغه ديال بصح...فمن الأحسن اللالا تبغي جود من قلبك أيعيشك في جنة ولكن إلى مشيتي فكرتي خنتيه أيخلك تمناي لموت....تخلعت من كل حرف واش جود عندو هاد لوجه لمضلم؟؟علاش عمرني شفتو؟؟....لارا:متخافيش نتي باينة فيك بنت مزيانة أو مفيكش هاد لفعايل....أجي نورك دار أصلاً مبقى والو أو نفيقو عدنا توقيت محترم كنودو مع 6 صباح كل نهار أو كنعسو مع 9...أنا:وواو هدشي فحال أفلام....لارا:هههه ليوم عندك زهر دور ديالي نجيب لحليب أو البيض لفطور تمشي معايا نورك مزرعة كي دايرة برا....أنا:اوكي...تبعتها في لمسار لي غادية فيه...لارا:فيلا كبيرة بزاف خصك مدة عاد تولفي عليها لمهم مكونة من 3 طوابق...حنا دبى فطبقة لولا فضلي....دخلت لواحد صالون حمقني بتصميم قروي رائع....لارا:هدا صالون كيستقبل فيه سي جود ضيوف مهمين...كما كتشوفي هاد لبيت أولى غيرو دار ليه ديكور من مصمم مكسيكي....مساحة صالون كلها بيضة...فوتيات بلون بني ديال جلد...أو زرابي بصوف غنم دافئ....كاين مدفأة مقابلة مع طبلة ديال خشب كتلمع....أو فالقنات ديال لبيت مزهاريات بالحجم الكبير فيهم ورد ديال مزرعة....أنا:هدشي زوين بزاف....لا:مشفتي والو أجي نكملو...جرتني من يدي حيت روعة صالون سلباتني....مشينا لبيوت كتيرة فنفس طابق....أغلبيتهم ديال خدم...لارا:دبا أنطلعو لفوق....شتي داك لبيت ديال سي جود هو أكبر بيت هنا حتى تكتاشفيه راسك بنسبة لبيوت لخرين فاهما ديال ضياف كيبقاو أغلبية خاوين حيت باش مات سي آدم مبقى كيجي حد...هانتي (بقات كتفح واحد بواحد بسرعة)مفرشين مزيان أو كل نهار كيتنضفو على والو....داتني لواحد جلسة فيها بالكون أو ألوانها غامقة...لارا:هادي كيجلس فيها سي جود باش كيكون خدام....فيها كنابي سوداء أو طبلة من زاج طويلة عليها مزهرية...ستار كان حتى هو أسود أو لحيوط بورق جدار عليه رسومات...لارا:سي جود عزيز عليه هاد ألوان كيريحوه...مهم هاد طابق خاص تا حد مكيطلع ليه...شفتي هاديك لغرفة....(شيرات بصبعها)ديال سي آدم من مات أو هي مطرقة....أنا:علاش؟؟...لارا:معرفتش رغبة سي جود كانت هاكدا أو لفوق كاين صالة رياضة أو كزينة صغيرة أو قاعة كيتفرج فيها أفلام أو لبيرو ديالو شخصي...حتى طلعي لها راسك....أنا:اوكي خصني بزاف وقت باش نتعرف على هاد لخير كامل....لارا:هههه اااه أو لي بقى حمامات أو بيوت مؤونة....لالة عبق أنمشي نلبس بدلة ديالي تسنايني باش نورك برا هاديك شارفة دبا أتنوض تزعجنا بواحد الجرس كي وجها...أنا:متخافيش من ناحيتها هاديك ضربيها على حسابي....لارا:ههههه وخا أنا جاية....مشات كتجري أما أنا بقيت مشوشة من كلامها على خيانة....أنا:جود كنتمنى مايجيش شي نهار نخونك فيه حيت مبغتش نشوف وجهك تاني..

بعد مدة قصيرة جات لابسة صايا طويلة كحلة أو قميجة بيضة أو طبلية بيضة...جمعت شعرها لبني ديل حصان أو زادت فوقو شريط أبيض مزين بدانتيل أسود....لارا:هاني كي جيتك؟؟...أنا:فنة كتلبسو هاكا؟؟...لارا:اياه أو فالبرد كنزيدو شي حاجة لفوق أجي معايا شارفة لقيتها نادت أو كتفيق فيهم...أنا:ولله حتى نورها زنباع فين كيتباع....لارا:هههه واحد نهار عايرتها بدريجة أو مافهمت والو أو سي جود سمعني را متنا بضحك عليها....أنا:هههه عبرتو عليها....تمشينا لخرجة أو كان صباح طلع أو زقزقة العصافير أو واحد الهواء منعش...صوت الفروج أو لبقر....أو ضجيج ديال لماكينات كنسمعو من بعيد...لارا:تفضلي...تقدمت أنا لولا هبطنا من دروج أو على طول مستوى نضر ديالي كنشوف غير لخضورة....جبال دايرين بلمزرعة أو حقل نضيف مسيج بلخشب...أو طريق مصوبينها مزيان بزفت....شجر كبير أو صغير فكل قنت....لارا:مالكي معجبة؟؟...أنا:هدشي كامل ديال جود؟؟...لارا:أو ديالمن زعما؟؟...عرفتي مسمينو هنا "راعي لبقر لوسيم"باش كيطلع على لحصان بدجين أو شابو أو صدر عريان ناري كنسخفو كاملين....أنا:ها حبيبتي را راجلي هداك....لارا:هههه كنضحك معك سعداتك....أنا:هههه شنو كيدير جود هنا بضبط....لارا:سي جود ماشي فحال رؤساء لخرين فيهم عياقة أو مكيقسوش تراب ...سي جود كيتعاون معنا كيورينا شنو نديرو قريب منا بزاف...كيساعد لفلاحين فالحفر أو كيسوق لماكينات لكبار...كيزرع بنفسو لخضر أو كيحضي أي كبيرة أو صغيرة هنا فالفيرما...أنا:واااو كان كيحسابلي صعيب أو مكيدير والو....لارا:لا لا سي جود فحال بانا كاملين لي عندو شي مشكل كيمشي عندو أو مكيرجعش خائب....هاحنا وصلنا....دخلنا لواحد جهة وقيلا إسطبل...لارا:هدا إسطبل لعوادن عاد أيفقوو ههه أجي ناخدو البيض....لقينا واحد سيدة سلمات عليها من بعيد كانت كتعمر لما....هزات سلة ديال لقش أو عزلات البيض لبلدي....لارا:هنا فالمزرعة لي نتجناه كيتصدر منو 80% أو لباقي كيبقى هنا....أنا:لمن كتصدرو؟؟....لارا:لبلدات صغار لي ففرنسا كاين تنافس بزاف ولكن حنا ولينا لولين حيت سي جود كيخدم من نيتو أو كيزرع بقلبو كيتعامل مع إنتاج فلاحي فحال طرف منو....أنا:بشحال كيحمق....لارا:عيلات لفيرما كاملين كيموتو عليه إلا أنا وقيلا...أنا:علاش؟؟...لارا:أنا حبي ممسوقش ليا....أنا:كتبغي شي حد هنا؟؟...لارا:آه تبقى سر كنبغي واحد دري كيخدم فالحليب...أنا:هههه ومالكي قولها ليه...لارا:لا منقدش عرفتي غنتلقاو به دبا را هو كيكون تماك....بقينا مدرقين حتى خرج واحد راجل لابس سلوبيط زرق أو بوتيو ديال ميكا كيتكسل..طويل أو العضلات أو شهب.....أنا:هههه هداك ويلي تيتيز اختشي....لارا:هههه ويلي كيسطيني أنا كندعي نهار يجي توري باش نتلقا به أو كنطلب بعد مرات إلين تخليني نخرج باش نشوفو بلاتي نتعصب شوية باش ميحسش بي طايحة فيه حتى لودني....بقات في حيت من جهة هي فحالي ماتقدرش تعترف بحبها أو فرحت من جهة أخرى حيت ماشي بحدي لي غارقة فالغرام.....قربنا جهتو أو بتاسم لها أو شافني بفضول...(الحديت بلفرنسية)....لارا:صباح لخير بيتر...بيتر:أهلاً لارا شكون هاد لغزالة لي معاك؟؟....لارا:(معصبة)هادي مرات سي جود...سيد مسكين ولا مزنg أو كتافو طاحو....بيتر:سي جود تزوج؟؟...أنا:هاي ههه متشرفة بمعرفتك عيطلي بيبو....سلمت عليه أو دخلنا...بيتر:مرحبا بيك نورتي مزرعة لوكاس....لارا:عطني لحليب ديال ليوم....مشا مسرع خدا قرعة كبيرة ديال لحديد أو خوا فيها لحليب...دورت عيني فداك لمكان..ريحة ديال لبقر أو عامر بلقش أو الوسخ....بيتر:لالا بيبو لبقر خرج يتحلب أو يتنقى أنا هنا كنبقى نجمع الوسخ أو نضف هاكي لارا....هزيت على لارا سلة البيض وخى رفضات أو دورني يوريني لبقية....كل بلاصة لياش مخصصة...وحدة ديال غنم أو وحدة ديال دجاج...أو بغى يوريني لكلاب مبغتش حيت كيخلعوني....بيتر:هدشي كلو كيتفحص من طرف اخصاء أو بياطرة باش لحم غنم أولى بقري يخرج من هنا مزيان أو لحلوف مكنبعوهش حيت سي جود مسلم....أنا:مزيان الله يعاونكوم احنا مشينا...جريت لار حيت بقات حالة فمها فيه...أو رجعنا لفيلا....
هي مشات لكزينة أو أنا تلاقيت مع إلين لابسة حتى هي فحالهم غير مديراش طبلية أو زايدة كوستيم نسوي أو طالون....خنزرت فيها أو كملت طلعة كنتعوج نفقس ديلمها....دخلت كنغوت أو جود مسكين تخلع...طرت عليه حتى تعلقت فعونقو....أنا:جوجو ديالي عندك مزرعة....جود:هههه وصباحاتو لالله هبطي....أنا:(حدا وجهوا)لا لا قالوا لي كيسموك راعي لبقر لوسيم....جود قربني منو أو غمزني....جود:علاش أنا ماشي وسيم؟؟....أنا:هههه وسيم....جود باسها فحنكها أو نزلها بشوية....حل لبلاكر لبس تريكو بسيط....جود:شفتي لمزرعة؟؟...أنا:شوية مع لارا...دوك بنات لحرام نتفوني البارح....جود:ههههه ونتي لي دخلتي عليهم فجأة....أنا:(كنتغبن)حيت مولف كتجيب لعاهرات هنا أو سحبلهوم أنا منهم....جود قرب مني أو دفعني حتى جلست أو حنا على ركابيه....جود:(كيقس شعرها)مبقات حتى وحدة فحياتي من غيرك من هنا لقدام نتي فيك كلشي لي كنبغي...محستش براسي حتى لقيتني فحضنو....جود عنقها بجهد أو كيتمنى تبقى ديما حالتها هاكا مابين يديه يعلمها أسرار لعشق..

تتمة:(الحديت بالفرنسي)
نزلنا معنقني أو كانت شارفة واقفة حدا دروج هازا ملف...جود:اش كاين تماك؟؟..إلين:مرحبا برجوعك اسي جود نيابة على لخادمات كنعتدر منك على وقاحتنا البارح..جود:خصكم تعتدرو من مرتي..شافت في بنص عين أو أنا ضد فيها لصقت فيه..كانت شوية أتموت أو باش نسكت لها لقلب..بديت كنطلع أو نهبط فحواجبي...ولات حمرة أو قلبت وجها..إلين:سي جود ليوم علمت كلشي بالحضور ديالك بعد غياب أو مالين زرع باغين يجتامعو معك أو حتى ملين لأرض لي شريتها أو...جود:(قطعها)ليوم لغي كلشي أنا عندي حاجة أهم...قابلني معاه أو دوز لي على حناكي كيضحك بحب....جود:أنا ليوم أنوري مراتي مزرعة كاملة...إلين:ولكن؟؟...جود:شششش يلا بيب نفطرو.دزت من حداها أو خرجت لها لساني..تبعتنا كتقرقب بلكعب..كانوا جوج خدامات حدا طبلة طويلة لي جات على جنب الأخير ديال لمرح لكبي فيها 12 كرسي من خشب رفيع أو مفرشة بناب بيضة...خدامة جرات ليه لكرسي أو رجعر بلور .جود:(شاف فيها)جرو لها حتى هي را ولات مولات هاد مزرعة شفت فحالي متقبلتوش هدشي أولا إلين؟؟...إلين:لا لا مرحبا بها غير حنا تفاجئنا...لخادمة جرات لي لكرسي على ليمن ديال جود..جات وحدة أخرى جايبة جرارة فيها طبقات..بداو كيتسفتو لأكل..كيابن كيلمع أو من شوفة كيشهي...جود فتح سربيتة دارها على حجرو أو رشف من كاس قهوتوو صباحية..جود:شتي أعبق لماكلة هنا طبيعية كلشي بلدي أتحسي بفارق كبير مع لمدة حيت هنا لجو زيد عليه لأكل أو نفسية مرتاحة بربي حتى دنيا أو مافيها ولكن هاد لمرة زادت حاجة أخرى أتخليني فرحان..أنا:(فمي عامر)شنو هي؟؟...جود:نتي..بديت كنكح أو لماكلة خرجت فحال صاروخ من فمي...جود ناض كيضحك أو عطاها لماء...هدشي كامل تحت نضارات إلين أو لخدامات...إلين وخا مافهمت والو من لغة ولكن طول مدة لفطور أو هي عينها عليه..ملاحضة نضراتو لها كلهم حب أو ولع.عبق ماكنتش مهتمة غير بلإكل..أو جود مستغل لحضة باش يشبع من عفويتها أو برأتها...إلين جبدت ودن لخدامة ديالها أو وشوشات لها بكره..إلين:كتشوفي دكشي لكنشوف؟؟..الخدامة:اياه سي جود طايح فيها...إلين:ماعرفت من خرجت لينا هاد المصيبة عاود خصنا ندبرو لها معاه..الخدامة:أنا أو بنات معاك غير لارا بنت لحرام تصاحبت هي أو ياها...إلين:أنخرج عليهم بجوج راك عارفة سي جود مكيحملش لي يخون ساهلة نلفقو لهم شي تهمة باش ياخد عليها نضرة خايبة...ضحكوا بجوج بخبت أو تخطيط أنهم يجبدو لها لمشاكل...جود:عبق بركا صافي كليتي كلشي...أنا:هدشي بنين أجود...طباسل هزوهم خاوين لكن مسختش نحبس من لدة ديال لأكل لبلدي...جود:مزيان نهار أيكون طويل أنوريك بزاف حوايج يلا سيري بدلي...طلعت بزربة ولكن فقست إلين شوية ههه....دخلت لبيت عاد بانولي الألوان كلشي كحل الله يستر..أنا:مالك أجود على هاد لوان؟؟..خدت دجين أو دباردور بيض بخويطات دايرين على لعنق أو زدت قامجة كاروات...جمعت شعري أو لبست سبرديلة أو نزلت...جود كان ماد لي يديه شدتها أو مشينا..إلين رافقتهم حتال لباب أو غير سداتو غوتات بأمر ناهي على لخادمات يتستفو حداها...إلين:فين هي لارا؟؟...خدامة:كتعزل لحوايج لخصهم تنضيف..إلين:مزيان خليها بعيدة أنا أو ياكم عارفين بلي مرات جود معندهاش بلاص بناتنا..كلشي حرك راسو بموافقة قاطعة...الين؛ادن أندرو ليد فليد باش نصفيوها لها أو ترجع مين جات مفهوم؟؟...لخدامات:مفهوم....لارا كانت هازة سلة لغسيل أو كتسنط لحوار لمسيء ..لارا:كتحلمي الشارفة لعقيصة نتي لأتمشي من هنا......فرعت راس جود بأسئلة...مين جات هادي أو لمن كتصلح هادي...أو فوقاش شريتي هاد مزرعة أو فوقاش تبنات...لمهم أي حاجة طاحت فبالي أو حنا كنتمشاو قلتها ليه...أو كان كيجاوبني بإهتمام أو منزاعجش أبداً من تساؤلاتي...دازو شي عمال من حدانا أو سلموا عليه بحرارة أو جود عجباتني شخصية المتواضعة معاهم عارف سميتهم واحد بواحد أو كيسول حتى على عائلاتهم أو صحتهم أو أحوالهم..عرفهم بي أو فرحو ليه بزاف.لاحضت أنهم عزيز عليهم بلا قياس..كل يوم كنكتاشف فيه جزء كيزيد يعلقني به أكتر..جود:عبق شوفي تماك هاد مساحة كاملة كنزرعو فيها خضرة..أنا:هدشي كلو كبيرة بزااف....جود:اااه لخضر كتحتاج لتربة مزيانة أو لسماد أو حتى لماء....كان شي عمال كيحيدو نبات لميت من بعيد أو جود نادا عليهم أو نتابهو لينا أو شيرو ليه بفرحة...جود:هنا خدامة كاملين كيتقنو شغلهم مكنبدل حتا حد...أنا:سمعت بلي رجال أو عيلات هنا كيحماقو عليك...جود:هههههه عيلات فهمنا رجال لاش؟.أنصحح لك كيحتارموني حيت كنحترمهم أما بنسبة العيلات ماعندي ماندير لهم أنا وسيم ماشي دنبي...أنا:(ضربتو أو زدت)نتا حاس براسك...جود تبعها أو عنقها من لور أو هرها فكرشها حتى بدات كضحك بجهد....جود:ههههه كتغاري ياك؟؟....أنا:ههههه جود لا براكا....دورها عندو أو باس لها جبهتها...جود:ااا شغنشوف من بعد ما لقيتك...شد لي راسي أو سحابلي أيقولي كيبغني ساعة بدا كيضحك بجهد....جود:حرمتي علينا ندوقو الحلوة مع سبنيولية أو نتي ما بغيتي دوقينا حلوتك أنا أبقى مقطوع دعيتك للالله هههه...تصدمت طلقني كيجري أو تبعتو...هزيت حجرة شيرت بها عليه....أنا:ههههه جود أجي...بقينا كنتجراو أو أنا سعادة لي فقلبي غادة أو كتكبر...لي يشوفنا بهاد شكل يحلف بلي لحب ديالنا مالي لكون بئسروو لكن للأسف حتى واحد مابغى يتنازل..

سخفني أو جلست على حجرة نرد نفس...جاء مازال كيضحك أو حنا لمستوى ديالي...جود:مفيكش صحة هههه....أنا:بعد مني هههه واش حماقك عاجبك؟؟..جود:(كيمسح لها وجها لعرقان)آه أو زدت حماقيت بيك..وقفني أو جرني لكن كنت عيانة بجري...أنا؛جود هزني....جود:هههه بلاتي نشوف؟؟...هبط كيقيس فرجلي..أنا:مالك؟؟..جود:أنشوف واش محنية؟؟..أنا:وا باراك من طنز سخفت بجرا أو مزرعة كبيرة...بقى حاني أو دور ضهرو...جود:يلى ركبي المعجازة...تعلقت فيه أو طلع كيتمشى فمسار فطريق طويلة...عنقتوو أو كنلعب بشعرو...أنا:جود لاش متقطعش شعرك؟؟..جود:لا كيعجبني طويل...أنا:بوشعكيكتي هههه....جود:أنهجرو لمك را ولله حتى نلوحك فدايا ديال لما راك عرفاني مسطي...أنا:هههه صافي هاني ساكتة بلاتي نجمعو لك...خديت بوندا كانت فجيبي أو جمعتو ليه سفنجة صغيرة...جود هاد لعملية عصباتو حيت عنصر اتارة عندو فشعر..تحمل لمساتها أو قربها شديد منو...لعفوية ديالها كتقضي عليه...أو باش كملتها أو جملتها هي تعنيقتها أو انفاسها بضحك حدا ودنو....وصل لإسطبل لي فيه حصانو المفضل...نزلها بشوية أو جرها بجرة...رحب بيه لخدام أو جود دخل بسرعة لداخل أو جر لعود لي من كترت فرحتو بدا كينقز أو جود كيحاول يهدنوو....جود:هو هو هو هههه كالم أليكس...أنا هربت لبعيد...لحصان لي جابو جود من أكبر أحصنة لشفت فحياتي...شكلو جميل بزاف...لون أسود أو أطراف ديالو بنية أو بيضة....فايتة قريت على هاد سلالة ديال عوادن كتنتمي لواحد منطقة فرنسية...ولكن رغم دالك شكل ديالو مرعب أو هو كيلعب مع جود....حتى هدنو عاد قربت منهم....جود:هههه عبق هدا أليكس لعود ديالي و صديق ديالي لمقرب أجي قيسي...أنا:لا لا دختي؟؟أنا لكلاب أو لخيل أو سراق زيت معنديش معهم...جود:هههه بشحال هادي مشافني دكشي علاش دبا على فرحان بوجودي...بدا كيبوس فيه أو يعنق أو أنا كنتفقس غرت من حيوان...جود طلب من لخدام يسرجوو حيتاش بغى يركب عليه....جود:(جا عندي)أنركبك معايا....أنا:لا كنخاف....جود:عبق وا شقلنا على لخوف را انكون معاك أجي....قربنا منو أو كل شوية كنتخبى مور جود....جبدني بلطف أو حط يدي على عنقوو....جود:ششش عبق خليه يتعرف عليك تلمسه بحب أو هو أيشعر بيك...بدا كيرخني حتى استجاب معايا كلياً...جود:(فنفسوا)أيبغيك أحياتي حيت حتى أنا كبنغيك....ما مرتش حتى دقيقة أو عبق تخلات على رهبة ديالها أو نساجمات مع لحصان....صافي لعامل كمل سراج أو جود عوتني بدا فعملية إقناع جديدة باش تركب...جود:وا لحماق عوتني وا عبق وا ركبي أنهزك....أنا:لا لا خليني ركب راسك...جود:شبغيت بنركب راسي أنا غنكون معاك أنعاونك....كنت متخوفة من صعود عليه حيت فايتة ركبت فواحد الحصان أو جرا بيا كون ما عتقوني ناس كون مت....هزني جود حتى ستقريت على ضهرو أو جود نقز جاء مرايا.....جود:هههه هانتي ساهلة....هز برجليه أو لعود بدا كيزيد....أنا:(بفرحة)هوووو هدشي زين....جود شاد سراج أو محاوطها بن يديه....بقاو ساكتين مستمتعين...عبق بركبتها بلا خوف أو جود موراها جدبو عنقها أو كتافها لعريانين...زير على سراج محاول ما أمكن يتحكم فغريزتو....شيطان خدام موسوس ليه يطبع قبلة طويلة على كل جزء منها كيحرقو....حتى كيقرب فمو أو كيبعد مرة أخرى خوفاً من ردت فعلها....جود:أنجرب على الله....مد يديه بتردد دورها على كرشها....أو جبدها حتى لصقات كلياً مع صدرو....مين شعر بلي مرفضاتش...حس غير بيدها تزيرو على دراعو....جود:متخافيش....همسة ديالو بورشاتني أو غصب على نفسي... جسدي مبقتش متحكمة فيه حيت باغيه..اااه هادي هي لحقيقة....لحصان وقف بحركة من جود أو نزل هو لول...حل يديه أو نقزت عندو...منزلنيش لأرض...كنا فبلاصة خاوية أو بقى غادي بي لمور واحد شجرة....معرفتش شنو طرا لي....فحالي تخدرت....بقيت كنشوف فعينه لي كيتوسلو....كلاني مع شجرة أو دوبني بإبتسامة صغيرة على فمو بغى يسخفني عوتاني...جود:(بصوت حنين)عبق شنو درتي في بضبط؟؟؟....أنا:لا رد...دوز يديه على فخدي أو رجلي أو بقى مطلعها حتى كرشي بلمسة بطيئة أو حلوة....شديت فتركوه أو رجلي دايرين على خسروا....قرب أكتر حتى تلصقنا متل جسم واحد...غمضت عيني أو خشيت سباعي فكتافو....كل تانية كدوز أو هو كيعدبني أو ريحة عطر ديالو كتمتالكني كاملة....جود:عبق مبقتش صابر كتر مازال مبغيتي تستسلمي؟؟....أنا:لا رد....جود:كنتمنى تعرفي من هاد لبوسة بشحال باغيك...أو فجأة شفايفو هجمو على فمي...غبت على لعالم أو تخيلت للحضة بلي طرت لسما...شد لي وجهي بيد أو يدو تانية كتسارة على طول رجليا أو ضهري أو حتى كتافي بتملك...بقيت كندعي فنفسي منسخفش مبغتش نتشوه مرة تالتة.

جود ديما كيدخل فقبل راسو...هو بحدو لي كيتحكم فيا...كلا لي وجهي أو عنقي حتى حسيت بلألم...ولكن كان ألم زوين أو كتبغي منو مزيد..بديت كنتنفس بجهد أو حتى هو صدرو كيدغط على صدري بقوة...حليت عيني وأخيراً..هو كان غايب أو سمعت شي تخرشيش أو ضحك ديال شي رجال جاين نحونا...دفعتو من كتافو من عنقي أو والو سيد ناعس...أنا:جود ناس أيشوفونا(بلغوات)جود صافي وقف....ناد بصعوبة أو عينيه كانوا دابلين أو مسح لي فمي بصبعو أو نزلني...جود:عبق خصني نمشي سيري من نفس طريق تا حد مغيقسك....طلقني أو مشى ركب بسرعة على لحصان أو ضربو برجليه أو نطالقو كيجريو...جاء شكلوا زوين دكشي علاش سماوه راعي البقر الوسيم...نفدت راسي أو مع لخرجة تلاقيت برجال...قروين هازين فؤوس على كتافهم أو طلعوني أو هبطوني بريبة....حالتي كانت مجعلكة....أو هربت كنجري منهم...وصلت لحدا واحد لحقل كيرعيو فيه لبقر...طلعت نفس حيت دروني رجلي بجري...جلست صاوبت حالتي عودت جمعت شعري حيت مين كان كيبوسني حلو لي كامل...بردت راسي أو تهدنت شوية...لحاجة لوحيدة لي مفرحاني هي مفقدتش وعي.كلي كنرعد أو الحشمة غتقتلني...ولكن جزء مني فرحان بزاف....نضت تخطيت سياج الخشبي...أو تمشيت فالحقل....جاء عندي راعي ديالهم...سلمت عليه أو دوينا شوية أو هو مكيشوفش فوجهي أبداً..شكيت لتكون في شي حاجة....شكيت فراسي أو خليتو....رجعت فطريق لعودة....كنتفكر لبوسة لفراشات كيلعبو فكرشي..قست حناكي أيطرطقو بسخونة...أو كنعتر فمشيتي فحال سكرانة...ناري قال واش مغندوقش الحلوة أو مغتستسلمش يعني هو كيعلن بصارح لعبارة بلي باغني..لا لا منقدرش خويا أيقتلني كل نهار كنخليه يتجرأ كتر صافي أجود هادي أخر مرة بنسبة ليك...مشيت كنجري نوصل لفيلا بأسرع وقت أو نتخشى فماء بارد....
جود وقف حدا واحد شجرة أو جلس تخبط جنبها...واحد لوقت باش غرق فيها....كان غيتهور أو يلبي مراد فداك لخلا...ولكن حمد الله حيت فيقاتو....جود:(كيمسح وجهو بتوتر)اشنو كدري فيها أعبق نتي بضبط؟؟علاش كتخلني نفقد عقلي...دازو علي بزاف بنات لكن نتي فشكل....تفووو على حالة....كنخاف عليك مني بزاف..مبغتش نأديك مبغتش....هز قشة فلرض أو مسحها أو حطها فمو...غمض عيني أو سرح رجليه...تعرض الشمس ساطعة مبينة لون شعر دهبي أو لعرق لي فعنقو الأسمر كيلمع بشوق "لها"......
دخلت مدرمة لفيلا أو طلعت كنجري لبيت....لارا تبعتني أو دقات عليا تطلب لإيدن...حليت لها أو لقاتني كنقفقف...جلست أو هي غطاتني مزيان سحبليها في لبرد....لارا:مالكي ألالة...أنا:ما مليش..لارا:مالكي باردة بزاف...أنا:بالعكس أنا سخونة كنحس راسي راسي ففران....لارا مافهمت والو ياك خرجت صحة سلام...عبق طلعت عنقها أو لارا شهقات بصدمة...أنا:مالكي؟؟...لارا:(دورات عنقها)شنو هدشي؟؟..أنا:شنو؟؟...لارا:(فيها ضحكة)يا سليعفنة كنتي زاهية أو كضحكي علي...أنا:ولله ما فهمت..جبدتني أو قربتني من لمرايا....لارا؛شوفي عنقك هههه....أنا:(ضربة فخدي)اويلي وحدي...لارا:كنتي عايشة سعادة من دبا شوية دكشي عاد باقي خضر...كانت واحد ندبة حمرة دكشي علاش راعي حشم يشوف في..شفايفي حمرين ويلي على شوهة....أنا:(كنبكي)اويلي وحدي...لارا:هههه وملكي خصك تكوني فرحانة را العيلات كيتمناو من سي جود غير شوفة...أنا:هئ هئ ولله ماشفتها....لارا:فين كنتو غاطسين؟؟...أنا:عفاك سكتي الله يرحم لك لولدين...لارا:وا صافي راك عاد عروسة جديدة هدشي دبا تولفي عليه أنا نوجد لك دوش بقات ساعة لغدا....مشات دخلت دوش كضحك أو أنا بقيت كنبكي جاتني غريبة........جود وصل لعود لإسطبل أو رجع لفيلا...قرر من هاد نهار ميقربش منها جاع...داز من حدا حقل نوار أو قطف باقة بغى يهديها لها...كمل طريق بخطى بطيئة يحيد فكرة لي كتنهش فيه من بالو ما أمكن.......عبق خرجات من دوش أو لبست أو نشفات شعرها أو فخفخاتو على عنقها باش ندبة متبانش...سمعت خطواتو لكبار كيقربو أو ردت حالتها طبيعية بإجهاد نفسي فوق طاقتها...جود دخل ضاحك أو مور ضهرو الورد لي كيشبه لها بزاف فصفاتو....جود:عبق جبت لك واحد حاجة؟؟....أنا:(بحشمة)شنو؟؟؟؟.....قدم لي ورد صفر أو رحتو زوينة....أنا:هههه جود علاش عدبتي راسك...جود مدو لها أو باسها فجبهتها...هي كانت ساهية مع الورد أو من حيد يدو بانت ليه بصمتو الرجولة عليها...داخ أو دخل لحمام بلا شعور نزع حوايجو كاملين أو تخشى وسط لماء متلج على لله يبرد من هاد لكم ديال لمشاعر لمستحودة عليه

نزلت لتحت...كانت طبلة لأكل واجدة أو يلا أتحط لماكلة فطبسلي...إلين حنحنات بصوت مجهد....إلين:مدام تسناي سي جود هو لي خصو يبدا لول....ماكان في لي يتجار معها...تسنيت جود حتى تام جاي بوجه ممفسرش...جرات ليه لكرسي أو عمرات ليه صحن ديالو....لوضع كان غريب أو سكات طاغي على لمكان...لارا بدات كتغمزني أو فيها ضحكة....كناكل بزز أو فجأة تفكرت لبوسة أو لحت دكشي كامل لي كان فمي....جود:بشوية عليك عطو لها لما...مدت لي لخادمة كاس أو عاد رديت نفس....أنا:كح كح صافي مفياش جوع جاني نعاس أنا غادية أجود...جود:(ناض وقف)بلاتي أنا خارج عندي شي غرض نقديه إلين تهلاو فيها أو متزعجوهاش...باس لي راسي او مشا...شفت فلارا أو غمزتها تبعيني....ولكن إلين وقفتها....إلين:وقفي عندك شغل سيري قابله...أنا:(قربت منها)شنو قلتي؟؟...إلين:سمعتي مزيان هدرتي أنا رئيسة لخدم هنا أو كلامي هو لكيتنفد..أنا:هههه إلى كنت نتي رئيسة خدم أنا مرات مول هاد مزرعة أو كلامي لي غيبقى يتنفد من هنا لقدام...سمعي نقولك من لحضة جيت شفتك معجبكش لحال...جوج كلمات خص دخلهم لعقلك...أنا مرات جود بشرع أو لقانون أو إلا طلعتلي فراسي غايكون مصيرك لباب...بقاي زوينة أو مأدبة أو متخلنيش نجري عليك من هنا اوكي؟؟...إلين ولات حمرة بلأعساب أو خاصةً أن هاد تهديد تقال حدا خدمات....أنا:واش اوكي؟....إلين:اوكي...شفت فيهم كاملين بنفس لقوة حيت تهديد موجه لكلشي جريت لارا أو طلعنا.....إلين:(كتغدد)حقيرة سمعتوا ياكو؟؟ا 40 عام أو أنا فهاد دار تجي نتي تخرجني منها...ولله لكانت لك....
جود وصل المرأب لكبير...ركب فسيارة رباعية دفع أو نطالق نحو لخرجة ديال لمزرعة...فطريق تاصل بريم لي بغى يفرغ لها بشحال من حاجة ضاراه....جود:ألو ريم لباس عليك؟؟...أنا هنا ففرانسا جيت هادي نهار....بغيت نشوفك ضروري أنا جاي لمدينة...وي عبق معايا...اوكي مور 4 سوايع نتلقاو فبلصتنا....طفا تيلي أو كمل طريقو طويلة لباريس....
بعد 3 ساعة ...وقف حدا لجامعة ديال عبق....دار لبوني على راسو أو خبى شعرو...هداك نهار كان ويك آند يعني ختار وقت مناسب فين يمشي أو مايكونش محط انضار طلاب..سلم على لحارس حدا بوابة مسدودة...بان ليه تهميش كبير فديك لجامعة أو فالمرافق ديالها...جود:ممكن نهدر مع مديرة...لحارس:عندك موعد؟؟...جود:لا ولكن جيت من بعيد على ود موضوع مهم بزاف...لحارس:معرفتش صراحة أنسول لك...جود:لا بلاش خليني ندخل متئكد بلي هاد الموضوع أينفع بزاف لجامعة ديالكم....لحارس رتاح لكلامو أو تهديب فالمعاملة أو فتح ليه لباب....جود:فين نلقاها؟؟....لحارس:أتلقاها فالبيرو ديالها كتبقى هنا نهار سبت فصباح تراجع شي مسائل....جود:شكراً على تفهم ديالك...مشى بخطوات واتقة حتى وصل لبيرو ديالها بتوجيهات من لافتات مرصوصٍين على طول لمسار ديالو....دق عليها أو وجد وجهوا لعوب لي كيدوب العيلات...لمديرة:تفضل؟؟...جود قرب منها كانت حانية راسها شايب على شي ورق مرتب بطريقة كلاسيكية راقية...دايرة نضرات صغيرة أو حمرة على فمها...مع ملابس عملية ديال إدارة..جود:(بصوت حنين)بونجور....لمديرة دهشرات من صوت أو من شافتو داخت من لوسامة المفرطة....ناضت وقفات أو كان ماد يديه...ما سلمتش ركزت غير على ضحكتو المرعبة أو رومانسية فآن واحد...جود:مغتسلمش علي؟؟....لمديرة:(سلمت عليه بلكف)آه سمحلي تفضل...جلسو بجوج أو هي حيدات نضارة أو قادات وضعية جلوسها....جود:ياكما جيت فوقت ماشي مناسب....جود كان كيتكلم أو مستخدم صوت رجولي أو نضراتو الجدابة مستغل أنوتة لمديرة أو يخليها تقبل طلب ديالو....مخفاش عليه الإعجاب ديالها به أو كيفاش كتبلع ريقها أو كتدغط على يدها بتوتر...أو باش يكمل عليها حيد لبوني أو طاح شعرو بشكل سكسي...لمديرة خرجت عينها أو تجاعيدها تجبدو بصدمة....لمديرة:واش نتا إنسان؟؟...جود:(ضحكة ساحرة)أنا انسان واقع فالحب...لمديرة:معامن؟؟....جود:مع بنت ضلمتوها بزاف فهاد لجامعة.....لمديرة:شكون؟؟...جود:عبق لعلمي

...لمديرة:ااااه لبنت غبرات هادي شهرين أو نص كنت غنتاصل بخوها لكن ريم كتقول بلي هي مزيانة أو منرفزة من لقرار لي خديناه فحقها....جود:دكشي لاش جيت ليوم...أنا صراحة تعرفت عليها فهاد لمدة هي بدات كتخدم باش دوز وقتها أو كان حوار خفيف بيناتنا فالقهوة لكتخدم فيها أو عرفت لمشكل....لمديرة:لكن هي ضاربات أو حنا معدناش سبة...جود:(قطعها)عرفت لكن مجتوش معها من واحد ناحية أو كنتو عنصرين هي متقبلاتش هدشي أو مبغاتش ترجع.....لمديرة:ادن أنتاصل بخوها ولكن شكون نتا؟؟علاش كدفع عليها؟؟...جود:أنا انسان وقع فحب عينها أو شعرها طويل كتأمني بالحب من بعيد؟؟....لمديرة:كيفاش؟؟...جود:(بصوت كيتئلم)كل نهار كنجلس فالقهوة لي كتسربي فيها باش نشبع عيني منها مقدرتش نقرب لها أو نعبر لها على غرامي....لمديرة:أنا شنو دخلني....جود مسك يد لمديرة وسط يديه أو قرب لكرسي منها....جود:نتي عندك دخل كبير أنا أنستغل هاد صيف باش نخطبها من عائلتها...كنطلبك متاصليش بهم علاما تسللت لقلبها لقاسح....لمديرة:هههه فكرتني فراسي...جود:شنو هههه؟؟.....لمديرة:كان راجلي فحالك كيبغني من بعيد أو بقى كيحاول حتى وقعني ..جود:نتي مبغتش تشوفي هاد راجل فرحان أو سعيد؟؟إلى تاصلتي بخوها أيردها لبلادها أو أتبعد علي أو تخليني وحيد بحب من طرف واحد....لمديرة حن قلبها لهاد لحب الخفي....أو دارت يدها تانية على قبضة ديالو...لمديرة:اوكي أنعونك مغنتصل بحد حتى تولي تبغيك سعداتها بيك ....جود:(فرح)شكراً بزاف ولكن إلا بغيتي فرحتي تكمل أنطلبك طلب تاني....خدا شيك أو سنا فيه أو حطو حدا وجها....جود:هدا شيك بسيط حطي فيه لمبلغ لي بغيتي أو نجحيها هاد لعام باش مضيعش....لمديرة:لا ميمكنش...جود عاود شد يدها أو زير عليها بلهفة....جود:بغيتها تبغني إلى عرفت بلي أنا لي جات مني هاد المبادرة أستهلي علي مأمورية...لمبلغ أينفعك بزاف أو أتقدري تصلحي به لجامعة ديالك....لمديرة بدا طمع كياكل فيها أو جود سبل عينيه زرقين بتوسل باش يجدبها ليه....لمديرة شدت شيك أو لخانة ديال مبلغ خاوية تقدر تحط رقم لي بغات أو تحل مشاكلها لكتيرة....ناضت من مكتب ديالها أو وقفت حدا سرجم مدة كتفكر...أما جود كيتمنى أن لخطة تنجح ليه....دارت عندو وأخيراً أو هزات راسها بالموافقة....لمديرة:اوكي انجحها غير على ودك...جود وقف حداها أو هز باس لي يدها بضحكة رضا على كرمها....جود:شكراً بزاف نتي ملاك معمري شفت شي مرة مبدلهاش زمن أو بقات بهاد الجمال كامل....لمديرة ضحكت بخجل أو رافقتو لباب....جود:كنتمنى لقائنا يكون سري أو سمية عبق تكون ضمن ناجحين فأخر لعام....لمديرة:كون هاني أنا فرحانة حيت انجمع جوج عصافير حب فحالكم....جود:هدا لطف كبير منك أو رفوار.....ودعها أو من عطاها بضهرو إبتاسم حيت حس بلي كفر على دنبو من جهة دراستها أو أيبقى عندو وقت يخلي خوها بعيد على أضواء.....جود خرج من جامعة أو بقات ليه حاجة وحدة أو يسكت أوضاع من جديد...مشا لبنك او سافط الأم عبق مبلغ فلوس معقول كدليل على خدمتها....خرج مرتاح ماشي كلياً ولكن غير مدة كافية يوصل لهدف ديالو....حرك سيارة أو مشا عند ريم....
ريم كانت فوق لكرسي كتسناه بلهفة....بانت لها طنبل كدخل من حي لخاوي أو مشات كتجري لعندو....وقف أو حل دراعو باش يلتلقاها عندو....طارت عليه معنقاه بجهد أو كضحك....ريم:توحشتك أجود بزااف....جود:هههه مازال مطوالتي....ريم:هههه تعطلتي بزاف....جود:هانا حداك دبا....نزلها لرض أو باس راسها....ريم؛(ضربات دراعو)حقير معطاكش قلبك تعيط ليا....جبدها عنقها أو ملامس شعرها بحنان أخوي....جود:كنت مزير ولله أجي عاودلي شنو وقع فغيابي.... جلسو أو ريم لاصقة فيه....جود:مالكي ضعافتي هههه ....ريم:بالفقصة أو تفكير مكينش شي كدبة مكدبتهاش مرضوني....جود:سمحليا محنك معايا....ريم:كي دايرة بيبو....جود:لباس عليها بدات كتولف علي..ريم:توحشتها بلا قياس....جود:شي نهار نجيبك تجلسي معها باش متشكش فيك...ريم:أنا أجود في تأنيب ضمير...جود:كون تشوفي أنا مشيت عند مديرة دبا كدبت عليها باش متاصلش بخوها...ريم نتافدات من حضنوا أو بدات كترعد...جود:مالكي سفارتي؟؟....ريم:ويلي هدر معايا عرفتي خلعني بداك صوت إلا عرف أنا معك غادي يقتلني مفيهاش....جود:هههه غير صوتوا خلعك مغيقرب منك حد كوني هانية....رجع عنقها أو هدنها شوية....جود:خصني نعلمك بواحد لحاجة....ريم:ممم؟؟...جود:أنا أو عبق تزوجنا.

ريم طلعت عينها تأكد من كلامو لقاسي على قلبها لجريح.....ريم:كفاش؟؟....جود:اااه فدبي تزوجنا....ريم وقفات كتحاول تحبس دمعة بجهد...ريم:ولكن شنو درتي واش حماقتي؟؟...علاش أجود؟؟....جود:سكتي أريم....ريم:كيفاش بغتني نسكت واش خاطف لبنت أو مزوجها من نيتك؟؟....جود:هدشي مغنقدرش نشرحو لك أريم....ريم:نتا مريض زدتي فيه كتغرقها فحماقك لياش بغيتي توصل بضبط؟؟....ريم بدات كتغوت أو جود كيحاول يسكتها....جود:ريم لاش دايرة هاد الحالة كاملة؟؟....نتي ماعرفا والو أنا غنمشي مين تقبلي هدشي كتعرفي نمرتي....خلاها وحيدة أو ختفى فحالي عمرو كان معنقها....دارت وجها بن يدها صغار أو بكات لمدة طويلة بزاف....عينها تنفخوا أو نيفها ولا حمر....كتفكر حبها لقديم لجود لي مبغاش يتمحى من قلبها بشكل نهائي....هي مادرتش ديك لحالة حيتاش تزوج بصارح لعبارة غارت من عبق ماشي غير عبق أي وحدة ختارها جود تكون مراتو كانت اتغار منها....علاش هي لي ختارها من دون بنات لعالم تحمل كنيتو....ريم:هئ هئ علاش أجود مبغتنش هئ هئ....كنت أنعطيك راسي أو رفضتيني علاش....رجعت لديك ليلة المشؤومة لي لبسات أجمل ما عندها أو قرات تصارحوا بحبها....من مور لقاء الكافي فاش عطات ليه نمرتها تسانتو بفارغ صبر يكلمها....أو فعلاً ولاو كيهدرو بزاف أو كيخرجوا بجوج....عقلها كان طايش أو أي بنت فسن لمراهقة كتحس بلحب من شخص كيهتم بها.....جود كان مدللها بزاف أو كيدير لها خاطرها فكلشي...هدفو فلبداية كان يقنعها تساعدوا تجيب عبق لفرانسا ولكن من بعد ولات عزيزة عليه أو عتبرها فحال ختو صغيرة...ريم مشى بالها بالعكس تهيئت بلي ولا كيبغيها....لا ماشي تهيئت بل كانت متأكدة أنه طاح فيها....تلاقات به فحال لعادة فبرطمة ديالو....كانوا داك نهار كيتفرجو ففيلم وسط ضلام....ريم تشجعت أو قالتها بصوت عالي مغمضة عينها أو خايفة ...ريم فالواقع دخلت فدوامة بكاء صعبة بزاف حيت ردت لعفل ديالو جرحتها لأبعد الحدود .....
فلاش باك:
جود:ههههههه كتبغيني؟؟....بدا كيضحك عليها أو هي مافهمت والو...حط بوبكورن أو طفا تلفزة أو هو مازال كيستهزأ منها....دمعو عينها من لمنضر المحرج....جود:أنا أريم نبغيك نتي؟؟ههههه ضحكتيني ولله فين مشى بالك كيفاش تخيلتي هدشي؟؟....ريم:لا رد....جود شدها بلطف من شعرها أو قربها من وجهو.....جود:أنا مستحيل نعتابرك فحال حبيبتي حيت مكتعجبنيش....ريم:كلامك قاسي بزاف أو شنو دكشي لدرتيه على ودي؟؟.....جود:هههه الورد أو شكلاط أو لخريج أريم ماشي دليل على لحب هههه نتي بنت صغيورة مازال كتحتاجي لي يفشك....دموع غطاو لها على وجها بكلامو الجارح....ريم:(كتبكي)كنتي كضحك عليا؟؟يعني نتا مكتبغنش؟؟....جود:هههههه لا كنبغيك فحال ختي صغيرة....مشات بجرة أو سرفقاتو....جود تصدم منها...بدات كضرب فيه أو كتجبدو من صدرو بطريقة مجنونة....جود مألموش تعنيفها بل المو منضرها....حيت لطالما شاف ديك بنت لطيفة أو ضريفة لي كتصرف بخجل أو عفوية أما دبا كايبان ليه لعكس....بنت مجروحة أو بلا قصد رفض حبها البريء.....ريم:(بلغوات)علاش مكتبغنش أنا ماشي بنت صغيرة أجود أنا كنبغيك بزاف نقدر نبين لك هدشي....تعلقت فيه أو باستو من فمو....تصدم مقدرش يبعدها أو هي كتقبلو بحرارة أو دموعها لصقوا على حناكو أو لحيتو....سترجع الوعي ديالو أو دفعها بقوة حتى طاحت....جود:(بلغوات)شنو تاديري أريم حماقتي؟؟....ريم:أنا أجود كنبغيك أو مستعدة نعطيك راسي فوقشما بغيتي...مشى قبطها من دراعها أو مخضها مزيان باش تحكم فشنوا كتخرج من فمها....جود:أنا أريم مكنبغكش إلا فحال ختي مستحيل نستغل هدشي باش نقيسك داخلي هدشي لعقلك....ريم عقلها غايب تماما على غواتو بعدم حبو لها...علقت امال كبيرة فيه أو قالت بلي هو لي أيخرجني من لفراغ لي عشت طول حياتي....جود:معرفتش شنو درت باش علقتك بي هاكدا ولكن....ريم:(قطعاتو بصوت مألم)لكن شنو؟؟...أنا نقولك شنو درتي؟؟....نتا دخلتي لحياتي أو عتقتيني أو رديتني أسعد بنت فالعالم نهار كامل أو أنا كنتسنى تعيط لي...كتجيب لي هدايا أو كتقبط لي يدي بحب...هدشي علاش تعلقت بيك حيت نتا شخص الوحيد لي بين لي نور من بعد ضلام أو دبا كتقول شنو درت؟؟....رجعت بلور مسحت دموعها أو هزات ساكها....ريم:كنكرهك أجود متبقاش تقرب من ساحتي مرة أخرى مبغتش نشوفك.....خلاتو أو خرجت كتجري....جود ترمى على لكرسي شاد راسو مابين يديه ممتيقش لحالة ديال لعشق لي وصلت لها ريم بلا خبارو....ريم:لا ميمكنش شنو درت؟؟..

ليشوفها طايحة على لرض بشعر أشعت أو عينين لونهم أحمر من شدة لبكاء على ماضي أليم تبقى فيه بزاف ....فوقاش أيدخل لحب لحقيقي لحياتها؟؟ واش متساتهلش شي حد يبغيها....مابقات كتيق فحد من بعد ما جود رفضها.....ولات كتشوف دراري أو رجال فحال فحال غدارين أو كدابين أو مكيسواوش....ريم:أنبقى طول عمري وحيدة أو حتى حد مغيبغني اااه كل واحد أيقوليى بغيتك فحال ختي هههه بشحال حمارة أنا علاش كنبكي عليه؟؟...نادت أو نفدات راسها أو تمشات بكتاف طايحين....تفكرت باش خرجت من عندو مشات لدار أو بقات حابسة راسها أيام كتيرة بلا ماكلة بلا شراب....عيا ميعيط لها أو والو رفضت تجاوبو....بغات تتمرد أو مبقاتش تولي تسمع صفة بنت صغيرة...لبست واحد ليلة توب معري أو خرجت بتتسل من دارهم...تجمعات مع شلة الفاسدة لقديمة أو مشاو لبار....بدات كتشطح أو تشرب بنهم....بغات تنسى ديك لكلمة لي دمراتها من حبها الوحيد.....بدات كتسكر أو لمسات دئاب متوحشة كيكترو على جسمها البريء....لحضة جات على غفلة فاش دورها واحد فيهم يلا أيبوسها....جاء جود أو ضربو حتى تجبد على أرضية ديسكو المليئة بأجسام عريانة أو نفوس كريهة بشراب....هبط عليه بلبونيات أو هي بدات كضحك بجهد....ناس تفرقو أو دري فقد الوعي ديالو بن يديه....ناض بصدر كينهج قبالتها أو جمع معاها حتى داخت أو طاحت حتى هي مجبدة أو سخفانة....لبسها معطف ديالو أو هزها خارج لمرقص ليلي....فتحت عينها فنفس دار لي عترفات ليه بحبها أو على راسها كمادة باردة.....مغطية مزيان أو لغرفة خاوية....كتحس بجناوة فراسها أو فجسدها حرارة لا تطاق...ناضت مقلوبة شادة فالحيط باش تخرج من دار المرعبة....ولكن تخبطات مع صدرو بنفس ريحة لي سلبات لها كيانها....دفعاتو أو مقدراتش حيت قوتها خانتها....شدها أو عنقها بجهد....مبغاش يطلقها رغم مقاومتها العنيفة.....مين عيات أو تجهدات استسلمت لحضنوا دافئ أو لمسات لي عمرهم تجرأوا عليها وخى كانت كتحلم يتمداو عليها أكتر.....
ريم فلواقع رجعوا سيطروا عليها دموع شيرات لتاكسي أو مشات مشبعة ألم أو حسرة على قلبها لي تجرح بزاف........................
في لمزرعة؛
لارا نهار كامل بقات مع عبق أو منزلاتش تخدم أبداً بأمر منها...هدشي عصب لخادمات أو إلين....خرجوا بجوج أو دارو فالفيرمة كاملة أو عبق تعرفات على لعمال رجال أو نساء ...دخلت لهم لقلبهوم لمزاحها أو حسها طفولي....هدرو حتى مع بيتر حبيب قلب لارا أو حاولت تقربهم لبعض....دوزو نهار زوين بزاف أو لارا ولات كتصرف معها عادي حتاش طلبت منها بيبو مدرش معها شكليات إلى قدام ديك شارفة....كلاو لمندرين أو علمها بيتر تحلب لبقرة....سخفو بجري أو دوران...أو من دخلو بجوج لفيلا...إلين رماتهم بنضرات صاروخية أو عبق باش تسكت لها لقلب....خدات واحد كعكة كانت مصوبة فالكزينة أو عمرت جوج كيسان عصير لها أو لارا.....إلين دخان خرج لها من ودنها أو لارا رفضات تجلس تاكل حداها لكن عبق بزات عليها....مين سلاو لارا مشات عند أمها تشوفها حيت توحشتها أو عبق عطات لها لأدن رغم أن لأحد هو ليوم لمخصص لخدامات يمشيو ديورهم....عبق طلعت لبيت تنعس من كترت لعيا أو طاحت دودة...جود وصل مزرعة كان ليل طاح....مع دخلة لقى إلين واقفة كاتسنا فيه بوجه ساخط....جود:سلام كلشي هو هداك؟؟....إلين:لا أسي جود كلشي مكفس من نهار جات مراتك...جود:شنو دارت؟؟...إلين:لا والو غير كتخربق قوانين هاد دار نهار كامل هي خارجة هي أو المغربية أو مين جاو خلاتها تمشي لدارها أو ليوم غير سبت....جود:خليها دير لي بغات نتي قابلي شغلك مبغتش صداع...إلين:ولكن أسي جود حنا غادين على منوال هادي سنين كيفاش بغتني نسكت على هاد تصرفات ..جود:(بلغوات)براكا صافي را لي في كافيني....خلاها أو طلع لفوق عندها توحش ضحكتها أو صداعها ولكن ردت فعل ريم مازال مأترة عليه....إلين:كتغوت عليا أجود هادي أول مرة كتقلل علي لاحيا؟؟....تفو كلشي بسبابك أبيبو....
جود سد لباب بإنهاك بغى غير يسد عينيه أو يرتاح خلاص....حيد لبوني أو تركوه بقى عريان فحالي موالف ينعس ديما....قرب منها ناعسة فحال لملاك...باس جبهتها أو فتحت عينها كتحكهوم بإعياء....جود:عبق فيك نعاس؟....أنا:اااه جيتي؟؟....جود:آه أنا حداك وخى نطلبك محتاج بزاف نعس قريب منك....حركت راسها بالإيجاب أو فتحت دراعها بجوج....تخشى وسط صدرها أو دور يديه عليها بحنان....عبق مشات فنوم عميق أو هو بقى كيشم ريحة عطرها لي كيشبه لحد كبير عطر الأمهات...تيق واحد لحضة بلي ناعس حدا مو من كترت دفء أو سعادة من قربها منو....عبق ولات كمتل ليه كلشي....مراتو أو مو أو ختو أو حتى حبو الوحيد....زير عليها بزاف من تخيل بلي رضا ممكن يديها منو شي نهار... باس عنقها قبل ميده نوم لي كيكون حلو إلا وهيا حداه...

حليت عيني على صوت الفروج أو ماكينات زرع كيخدمو من بعيد...نفس تقل على صدري براس جود....البارح باش طلب مني يكون قريب مني كنت نص فايقة أو مقدرتش نفكر حليت دراعي بلا مانشعر....قست شعروا أو إبتاسمت لوجهو لطيف باش كيكون هادئ او ناعس...مشطت لحيتو بصباعي....أو كان سخون أو مخشي في فحالي غنهرب....تهت فوسامتو أو حروفو لحرشين الله بشحال تيتيز ....حل عينيه أو زروقية مع أشعة شمس لي كدخل ضربات فيهم بانوا فحال شي نهر صافي من ماء منعش أو نقي...جود:بشحال زوينة تصبح على مراتك كتشوف فيك هههه را كنقولك كنعجبك.....أنا:(فقت من غلبة)اه؟؟...لا أنا كنت كنوضك من فوقي....جود:(بعد عليها)خنقتك؟؟...أنا:بزاف بشحال كيوزن داك راس عندك؟؟.....جود:هههه فيه شي 10 كلغ....أنا:ههههه أو بشحال فيك كامل بسلامة؟؟....جود:في 110 كلغ أو 2 متر طول....أنا:(مصدومة)أواااه عملاق.....جود:ههههه هي لا سكتي أو متجبهيش معيا را من كتبداي تغوتي كاتبني فحال شي قزمة غير مكنبغش نقسح معاك....أنا:ياااك كتعيرني....جيت نتقعد أو جرني كيضحك بجهد....درت فيها مقلقة أو أنا كندفعو....وقفني فوق سرير أو حط رجليه على كرشي أو طلعني فسما....أنا:ههههه اويلي حماقتي؟؟....جود:لعبي طيارة أووووو....بديت كنحلق فحالي أنا طيارة هههههه....أنا:جود ريح رجع ليسر أوووو....جود عاجبو لحال أو ماشي مع هبالها....كيشوف فشعرها طايح أو ضحكتها الخلابة أو أهم حاجة عينها لفرحانين....تحولت ضحكة ديالو فجأة لجمود حتى حركة وقفها او هي مازال كدير أصوات دراري صغار....خوا برجليه بجوج أو طاحت على صدرو العريان....تقسحت شوية أو هز لها راسها بلطف....أنا:أححح مالك أجود على هاد لعب أييي راسي...جود:لا رد...حادي غير ردت فعلها طفولية...شد بصبعو فكها أو جبدها حتى مبقات كتفصل بناتهوم غير سنتيمترات معدودين...كترمش بعينها بسرعة أو كمشت قبضة ديالها بتوتر....جود:عبق؟؟....دبا أنا دخلت لحياتك أو وليتي مراتي....أنا:لا رد....جود:أنا غالط أو بزاف عارف هدشي ولكن إلا جاء نهار أو تفارقنا....أنا:لا ميمكنش....جود:علاش؟؟أكيد ايجي نهار مغتبقايش تشوفيني أو أترجعي لحياتك طبيعية....لاحض لمعان عينها فحال كاس فيه بلماء أو مين كيعمر لحد ديالو كيتخوى....سيل ديال دموع هابط ببطء على حناكها أو فمها كيرجف أو لقبضة ديالها تزيرت على صدرو....جود:غتنسايني؟؟.....كنسمع كل حرف مؤلم ديال فراق كنفقد روحي معاه...شنو غنقوله؟؟....أنقوله بلي نتا وليتي كلشي بنسبة لي ولتي أكسجين ديالي أو إلى غيبتي غير شوية كنتخنق؟؟...أنقوله بلي البعد ديالو أيردني جسد بلا قلب حيت أيديه معاه؟؟...ولا نقوليه بلي بلا بيك أنا فحال شي طير بلا جناوح؟؟....لا منقدرش منقدرش ندوي....عبرت على إنكساري بلبكى أو عنقتو بجهد خشيت راسي فعنقوو أو كنحس بيديه على ضهري بلمسات كتحمقني....أنا:لا أجود هئ هئ متبقاش تقول هدشي مغتمشيش ياك؟؟هئ هئ هئ قوليا بلي أتبقى جنبي أنا بلا بيك مكنسوا والو....جود:شششش صافي أنا حداك....طلعت وجهي أو دموعي كيطيحو على لحيتو....أنا:(كنبكي)أو علاش كتقول بلي أتخليني را هاد هدرة كدمرني لفراق صعيب بزاف أجود....مبغتش نعيش بلا بيك محال محال فهمتي؟؟.....رجعت عنقتوو أو بقنا هكاك حتى سمعنا دقان فالباب....
جود مشى حل لإلين لي طلبت منا نهبطو نفطرو.....سد لباب أو جا عندي.....جود:بركا من لبكا أعبق صافي معرفتش شنو خرجت على فمي...بقى واقف جنب ناموسية كيشوف فيها مكورة على راسها أو مغطية وجها أو شهقات صغار معدبين على مسمعو فحال نار....جود:عبق نودي صافي سمحليا أنبقاو بجوج ديما صافي؟؟.....مقدرتش نتقبل تخفيف ديالو كيمرضني أو يرجع طلب سماح بكل بساطة؟؟....مدتهاش فيه أو أخيراً دخل لحمام أو زدحو بعصبية....ربعت كنمسح دموعي....أنا:حمار متحلمش نمشي أو نخليك...بعد مدة قصيرة خرج كيمسح بفوطة أو كيخنزر في...طلعت على سرير أو قرب مني حيت شيرت ليه بسبعي يجي...جود:شنو ساليتي بكاك؟؟...جريت الفوطة لي شدها أو جبتو لعندي...شديت ليه وجهو بن يدي أو ضربتها ليه بواحد لبوسة مجهدة....أنا:أتبقى تدوي فحال هاكدا أيكون هدا العقاب ديالك ماشي نتا لي كتعرف تعاقب.

نزلت كنجري أو سدت لحمام....جود مفهم والو طيح الفوطة أو جلس قلبوا كيضرب...قاس فمو أو تخبط بضهرو أو بدا كيضحك بدموع....جود:اااه أعبق ههههه على عقاب بشحال حلو....
بقيت كنتسنة حتى حسيت به مشا...تفو كنطير أشداني نبوسو؟؟...ولكن بداك لحر لي طغى علي بان لي غير نبوسو نبرد أعصابي...لبست شورت جري أو تريكو بيض حيت نهار مسهد...جمعت شعري أو خشيت سبرديلة أو نزلت...كان جود كياكل أو بركت حداه...جود:عبق أنمشيو عند اليكس ليوم...أنا:بصح؟؟....جود:اااه أو عندي لك مفاجأة....أنا:ههه اوكي ناكل أو نمشيو....قرصها من حنكها أو كملوا طعامهم....أما إلين كتغدد حداه بلفقسة....جود:عبق خصني نقولك واحد لحاجة؟؟....أنا:(فمي عامر)شنو؟؟.....جود:صيفت لماماك شي فلوس....خرج ليا دكشي لي كنمدغ أو تشتت على طبلة ...إلين:زدتي فيه واش مكتحكميش ففمك....شفت فيها حتى هي أو جود جرا عليها بلغوات....أنا:شنو درتي؟؟....جود:خديت رقم ديال حسابك لبنكي من وراقك أو درت هدشي باش متشكش فيك أو يتيق خوك بلي بصح كتخدمي....مالقيت باش نرد عليه صراحة فرحت حيت أنبقى مازال معاه ولكن درت راسي تقلقت....أنا:بشحال؟؟....جود:مبلغ معقول مبغتش نعيق صافي متقلقتش؟؟....أنا:شوية أو صافي....جود:يلا نوضي نوريك مفاجأة.....
خرجنا لإسطبل اوا لقيت واحد جوج كليبات مشبحن كيتسانوني بتمر أو الحليب تماك....أنا:جود كلاااب...تخبيت مراه أو تمو جاين كينقزو عليه....جود:عبق متخافيش أجي قربي منهم...أنا:(هربت)لاا كنخاف بعدهم عليا....جود:(مد يديه)أجي تعرفي عليهم مغاديش يقيسوك...تشجعت أو مشيت عندهم....واحد جاء كيجري كيدور عليا....أنا:(بلغوات)اويلي جوود أجي فكوا عليا....جود:(كيضحك)سكتي أو نزلي لعبي معاه....بدا كيلحس فرجلي أو هبطت قستو بشويا....جود نضم لينا أو رتاحيت لهم...أنا:جود هههه شوف كيخشي وجهو فيا....جود:خليه را ولتي عزيزة عليه....ديناهم لضل أو مشينا عند أليكس....شاف جود عوتني بدا كينقز بلفرحة...خرجو برا أو باسو....جاء لي كيقابلهم أو همس ليه شي حاجة فودنيه....مشى لعامل دخل لإسطبل....طرت عنقت أليكس حيت صافي تولف على ريحتي أو عارفني....جود:هاهي لمفاجأة دوري شوفي....درت بلهفة أو كان لعامل شاد سرج عودة رائعة لجمال....حليت فمي بدهشة أو جود شد ليا حناكي...جود:هاد لعودة أتكون ديالك من ليوم....أنا:(غنطير بالفرحة)ياااي بصح كدوي؟؟...جود:هههه اااه...طرت عليه بتعنقة حارة أو بستو فحنكو....مشيت من بعد عندها....ماشاءالله لوقفة هي هاديك...شعر مجموع على جنب أو طويل...لونها بيض صافي كي لبلار أو فيها نقط بنية....ولكن صغيرة مقارنة مع آليكس....جود شجعني نتواصل معها حيت خصها تعرف رحتي أو توالف علي....دكشي لي درت....دوزت يدي على عنقها طويل أو حتى هي رتاحت لمسة ديالي....عنقتها أو ضحكت معاها...بدات كدر داك صوت ديال أنها قدرات تبغيني على حساب كلام جود أو معرفتو بالخيل....جود:بقات لك حاجة وحدة دبا تسميها....أنا:أنا غنسمها؟؟....جود:بطبيعة الحال راها ديالك....أنا:بما أن لعود ديالك سميتو الكس غادي نسميها انشالله ألكساندرا.....جود:جات معها هههه ألكسندرا أو أليكس تخيلي يوليو يبغو بعضياتنهم....أنا:زعما فحالي أنا أو نتا؟؟....جود:شنو؟؟....تفووو عرفت راسي زبلتها أو مدرتش بقيت كنلعب مع الكساندرا عاطياه بضهر....جود:(فنفسوا)كنبمنى أحياتي يبغيها فحالي كنبغيك....مبغاش فحال ديما يحكر عليها أو باسها راسها أو هي معنقة لفرس ديالها.....دخلوا لعوادن ياكلوا أو أنا أو جود مشينا لحقل ....هاد لفم عندي خصني نقطع والديه لسان...هاديك نهار فاليخت قلت بلغلط بغيت تمنيت ندير لقطة تيتانيك مع راجل لي كنبغي أو دبا عوتني فرشت راسي...خصني نتحكم فلحب ديالي ولكن ماشي بيدي كل تانية كيزيد أو شوية أيدفق من قلبي....جود:عبق تسناي أبيب هنا أنا جاي...خلاني أو جلست كنفكر في همي لي بينا ايدوم أو أكتكبر كل نهار....فيا البكية وخى كندير راسي فرحانة لكن لمرارة ديال هاد دكريات لجميلة فحلقي ...فئي لحضة يقدروا يبعدوني عليه أو نموت اااه أنموت....بانلي جاي حبست دمعة بجهد مضني...أنا:شنو جبتي؟؟....جود:جبت نبتة أنزرعوها أنا أو ياك اتكبر هنا فالمزرعة أو أنسمها عبق...أنا:علاش كادر في هاكا؟؟....جود:شنو تندير؟؟...أنا:علاش كتعلقني بيك كتر....جود:(بنبرة جدية)حيت فحالي نتي ماتقدرش تعيشي بلا بي حتى أنا منقدرش بلا بيك...أنا:ولكن قبيلة خلعتني بلي أنتفارقو.....جود:(بلغوات)تا حد مغيفرقنا نتي مراتي....جبدني من قرفادتي أو قربني لوجهو....جود:(بصوت كيهدد)لي قرب منك أنحيه إلا نتي تخليت على بزاف ناس ولكن نتي مستحيل نتي ديالي أنا ....باسني بتملك بوسة خفيفة أو رخاني...طحت مصدومة أو هو بدا كيحفر بعصبية...

رجعت لور أو كنت ساهية فيه...حيد تركوه لسقو فسروال...شوية ديال لعرق كان فجبهتوو أو يديه كيتعاملو مع تراب بحنان....جدبني لمنضر ديالو الهادئ أو رجولي.... كنبغيه بزاف كنبغيه أو كنحماق على كل جزء منو.... جود دار تقبة فلأرض الخصبة.... أو عيط لها تجي.....جود:عبق أنكبروها بجوج وخا بيب؟؟...حركت راسي بالإيجاب أو حطينا أنا أو ياه فدقة غصن نبتة أو غطيناها بتراب....سقيناها أو مكانت باينة جاع مازال ممكتب لها تشوف نور....جود:هاهي عبق أتولي شجرة كبيرة....أنا:هههه آه أتولي كبيرة بزاف......وقفو بجوج أو جود جبدها عندو أو قاس حنكها بلطف...جود:ههه أنهتم بها أنا أو نتي بجوج ياك؟....أنا:أكيد ديما أنا أو نتا....جود:مغدش تخوننيني ياك؟؟....أنا:علاش هاد سؤال؟؟...جود:لا غير بغيت نتأكد....أنا:(شديت وجهوا)مستحيل راني قلت لك منقدش بلا بيك كيفاش بغتني ندخل هادشي لعقلك...جود:ههههه فحال لعقاب ديال قبيلة....أنا:(حشمت)صافي يلا نمشو....جود:أجي بلاتي نمسح لك تراب من حنكك....جود نقى جهة لي وسخها بيديه أو عينيه كيلتاهمو كل تفصيلة صغيرة منها....مكرهش كون ترحمو من هاد الجفاء....أو خلاص كتسالي معاه من كدوقوو بحلاوتها أو تراجع....خايف غير إلا شي نهار يفقد أخر نقطة تحمل أو يغصبها تكون ليه....جود:هاني ساليت يلا نمشيو...قبط يدها أو رجعو لفيلا في صمت....لقاو لخدامات مشاو كاملين بقات غير إلين...جود:صافي حتال تنين رتاحو هاد لأحد مزيان....إلين:مغتحتاج والو أسي جود؟؟....أنا:أنا هنا إلى بغى شي حاجة....محملاتنش أو هزات بالزتها أو نصارفات....أنا:تفو شارفة لعقيصة....جود:هههه وايلي أعبق حشوما مرة كبيرة....أنا:مكتحملنيش ماعرفت مالها معايا....جود:غير جاتها صدمة حيت تزوجت....أنا:أنا طالعة ندوش أجود أو نصاوب لغدا....جود:حتى أنا مبغتش ناكل...جاتني شي طلبية ديال سماد أنمشي مكتب نشوف شي وراق...كلي نتي أو نعسي ولا ديري لبغيتي هانتي لفيلا خاوية....باس راسي أو قرصني فحال شي قطيطة أو مشا طلع طابق تالت....دورت عيني نشوف شنو ندير صراحة الملل كون غير بقات لارا....
طلعت دوشت أو رتاحيت شوية....نزلت لكزينة صوبت سندوتش أو عصير...عجبني داك ديكور ديال لخشب دافي أو كتحس بالأمان...ساليت أو طلعت طابق تاني أو حليت لبيوت لخاويين كاملين خسارة حتى حد ما معمرهم....وصلت لبيت آدم باين جود...تقبط عليا قلبي أو أنا حدا باب....شديت فالمقبض أو كان مسدود....أنا:شنو درتي أسي آدم حتى ولدك مكيدويش عليك بلمرة؟؟....حنيت راسي أو كملت لديك لجلسة سوداء....جود كيبغي هاد لون يمكن حتاش عمرو عاش الفرح....ولكن كلشي أيتبدل معايا أندخل ألوان سعادة أو أنبغيه غير بوحدي مبغيت حتى وحدة تشاركني فيه....خرجت لبالكون...بانت لي لمزرعة من جهة زوينة...لحقل ديال الورد أو نوار بلون لأصفر كيمشي أو يجي مع ريح خفيفة بدات كتحرك....سما تغمغمات بسحاب زرق غامق....أو لسعة برد قرساتني فحال بعوضة....دخلت أو سديت زاج باينة أتسب شي شتيوة......حسيت بوجع فكرشي أو مدتهاش فيه....نزلت لواحد البيت فيه تلفزة أو لقيت برنامج مفضل ديالي...بقيت كنتفرج مدة طويلة أو لوجع غادي أو كيجهاد....مين إنتهى لعرض...مشيت كليت عوتاني كانت وصلات 6 عشية....صمت فالفيلا ولا رهيب أو مبغتش نصدع جود...طلعت لبيت أو فجأة شتاء نزلات فحال رشاشة من سماء لي ولات كحلة....طليت من بلكون لبيت...كلشي غبر أو حتى عامل مبقى كيدور فساحة....أنا:أيييي كرشي....مشيت ريحت شادة فيها أو شي حاجة هبطات من تحتي سخونة....أنا:نااري دم لا ميمكنش تجيني....كنت نسيتها بمرة أو تأخرت لي حيت تفقست أو هاد لعوامل أترو عليها....جاتني مازال كنعقل عند ماريا باش كنت عندها أو غبرات 2 شهور...تخلعت حيت باينة أتعدبني بزاف أو حتى دوايا معنديش....جاتني البكية أو دكشي غير كينزل فحال شلال.....حتى فوط صحية معنديش ويلي على شوهة....أنا:ااااه يا ربي بلا وجع هئ هئ....قالي واحد راس نتغطى أو نسخن من لممكن يحبس لوجع....شتاء زادت جهدات أو جود كنتمنى مايجيش يشوفني بهاد الحالة....بديت كنبكي أو مع شورت قصير سيدة نزلات على طول رجلي أو لفراش أيكون ولا حالتو....ضهري عواج أو كرشي كتغوت بلحريق....أنا:هئ هئ ااا ميمتي لا عفاك....
جود كمل شغل ديالو من مراجعة ضرائب أو حسابات أو عمليات بيع أو شراء زرع أو سماد بمشقة الأنفس....نسا راسو وسط لوراق أو ناض كيمسد عنقو يطل عليها....هبط درج أو كل مكيقرب من بيتهم كيوسل صوت بكاء خفيف أو نحيب....تفزع أو سرع لعندها....أسوأ منضر شافو فيها....كانت كتبكي بجهد أو مكمشة أو زغبات لصقوا على وجها بلعرق أو كتعض مرة مرة شفايفها....جود:عبق مالكي....مشى تلاح حداها أو عنقها....جود:عبق لاش كتبكي؟؟....أنا:هئ هئ أييييي اربي كنموت.....جود:مالكي شنو باش كتحسي؟؟....بغى يحيد لغطا ولكن مخليتوش أو مفلتوش من فوقي مغطي واحد ضايا دول دماء تحتي....أنا:لا عفاك خليني أنا مريضة....جود:كنتي بخير شنو وقع لك أعبق راك خلعتيني...مبقى عندي حتى حل من غير نشكي ليه يقد يفيدني....حسبت حتى تلاتة أو نطقتها....أنا:جاتني دورة شهرية أجود أو كنتعدب بزاف دبا هئ هئ..

جود:جاتك les regles؟؟.....أنا:اااه أجود هئ هئ ماعندي حتى دواء أجود خصني نشربو....جود:وخا انديك لحمام...أنا:لا أجود خليني ناعسة هنا أييييي أجود كنموت....جود بقات فيه بزاف أو ملقى باش ينفعها....جود:شنو ندير لك دبا؟؟....واش نشعل لك حمام سخون؟؟....أنا:واش بغيتي تقتلني هئ هئ....جود:شنو ندير لك مبغتش نشوفك هاكا كتعدبي...أنا:خصني always.....جود:شنو هاد always؟؟....أنا:فطات صحية....جود:من غادي نجيبهم لك أنا....أنا:وتماك فين كاين لمشكل هئ هئ أححح يا ربي بزاف مقدرتش بزاف لوجع كنقطع....جود:بلاتي نمشي نشوف بيت لخدامت لافيه شي حاجة صبري أعبق....مشى كيجري نزل درج بخفة....دخل لكولوار لمخصص لخدمات أو جاع لببان مطرقين...جود:تفووو لاش كتسدي لخرا آ إلين؟؟....رجع عندها أو ولات سفرة أو شفايفها يابسين....جود:ماكين والو هانتي تنفسي....أنا:لا بزاف أجود ولله كنحس راسي كنموت بالوجع....جود:(باس لها راسها)هانا حداك...بدات كترجف بشكل سطاه أو عنقها مزيان....لكن حالتها غادية أو كتسوء....جود:عبق أنخرج نقلب ليك على هاد فوطة أو نجي....أنا:(كنتوجع)شتاء أجود صافي غير سير خليني بوحدي....جود:حماقيتي نشوفك هاكدا أو نربع يدي؟...أنا جاي نتي تحملي أكي؟؟....باس راسي أو مشا خرج كي لعجاجة....تلويت على راسي شادة كرشي أو ضهري فيه لماس....أنا:سربي أجود عفاك هئ هئ....
جود هز معاه فالخرجة لبوني ديالو....هبط لتحت بسرعة أو خرج فديك شتاء...معارفش فين غيمشي مكاين لا سوبرماركت لا حانوت كاين غير لبقر أو لغنم....عمر بلماء أو تمشى حتى لديور لفلاحين لا تقدر شي بنت تماك تعطيه شنو محتاج....لفيلا كانت بعيدة على منازل لعمال جود ولا كامل مفزغ أو لبوني لصق ليه على راسو ولكن وخى هاكك كمل طريقو حتى وصل لواحد دار صغيرة....قبل ميدق حس بشوية لخجل حيت عمر طاح فموقف محرج أنه هوا راجل قدو قداش كيطلب فوط صحية ديال دورة شهرية....جود:أش هدشي وليت كنديرو أعبق على ودك....دق بجهد أو فضرف دقائق فتحت ليه مرة شابة لابسة لبس قروي بسيط أو بينا فاقت مفزوعة من نعاس....(الحديت بالفرنسي)....جود:سمحلي مدام جوانا على هاد مجية مفاجئة....جوانا مافهمت والو كتشوف رئيس ديالها قدام دارها متلتل بلماء بشكل جداب....جود:عندي مشكل أو مغتعتقني منو غير شي مرأة...جوانا:سي جود تفضل متباقش فشتاء....جود:لا أنا مزروب صراحة أنا حشمان نطلب منك هاد طلب ولكن مراتي خصها شي حاجة ضرورية....جوانا:شنو هي؟؟...جود:(حشمان)فوطة صحية إلا عندك منها...جوانا جاتها ضحكة ولكن دارت راسها كتفكر..جوانا:لا سي جود أنا معنديش منهم دبا راجلي حتى كيهبط لمدينة عاد كيجبليا سمحلي...جود:اوكي شكراً أنمشي نشوف دار أخرى....جوانا بقات حادياه غادي فديك شتاء متأكدة أن رئيس طاح هاد لمرة فالحب...جود دق على بزاف ديور حتى وحدة ملقى عندها مرادو....كل وحدة شنو عدر ديالها....شتاء حبسات أو بقات ليه دار وحدة فديك منطقة....دق بأمل كبير ميتعطلش على عبق....
بنت شقراء....بشرتها ناصعة لبياض....فيها نمش مزين وجها أو لابسة لبس خفيف كيضهر معالم انوتها لمتفجرة..طفات ضو ديال كزينة أو غدخل لبتها حتى تخلعات بدقان مجهد على لباب...أضواء دار تشعلو أو باها ناض أو حتى مها مخلوعين...مشات لبست بنوار أو تبعتهم لباب....لفاتحة لي غيتفح باها حلات عينها زرقين أو فمها صغير...حلم حياتها أو راجل لي كتحماق عليه واقف قدامها مبلل أو منضرو كيخطف لأنفاس...تركوه لاصق عليه مبين عضلاتو ضخمة أو أكتافو لعراض...أو شعرو طويل داير على عنقو حتى هو فازg....شدت قلبها تهادن نبضاتو سريعة... الأب دخلوا لكولوار ينشف...الأب:تفاني سيري جيبي فوطة لسي جود....متحركاتش بقات حالة فمها فيه كتئملوو بحب كبير هادي أكيد معجزة ولا شي حلم زوين غتنوض منو حيتاش هي دائماً حاضياه من بعيد كيفاش ليوم داخل حتى وسط دارهم؟؟....الأب:تفاني تحركي....دخلت لبيت دايخة أو خدات فوطة....داتها لمها أو هبطات وجها لأرض....جود مداهاش جاع فيها أو فالإرتباك ديالها همو الوحيد عبق....الأب:مالك أسي جود ياك لباس خلعتينى؟....جود؛رمى لبوني فوق لفترينة أو مسح شعروا مزيان أو يديه....جود:عندي مشكل....دار شاف فتفاني لي قلبها كان أيسكت بالخلعة من عينيه زرقين....جود:أو لحل عند تيفاني..

كانت أتسخف واش عارف سميتها؟؟....ابتسمات بضحكة خفية حيت كيحسابلها مكيعرفهش جاع...جود:ممكن نهدر معاها بوحدنا....لا لا بزاف يهدر معها بحدهم هاد طلب خلل لها توازن ديالها أو إستاعنت بالحيط باش مطحش....الأب:اوكي تفضل أسي جود لصالون....جر مرتو لبيتهم أو تفاني حانية راسها بخجل....جود:تفاني خصني نطلب منك طلب صغير....تيفاني:(بتلعتم)شششششنو حب لخاطر أسي جود؟؟....جود جرها من يدها أو كانت أدوب من ملمس ديالو....حسات بلي أمنية ديالها تحقات....تفاني:أاانا متيقاش اشنو كدر أسي جود؟....جود:شنو كندير أنا جيت على ود مرتي.....كلمة "مرتي" جاتها فحال شي لكمة على حنكها أو كرشها بقوة....بغاو دموع يخرجوا لها أو شدات بديك الفوطة غارزة ضفارها فيها بألم...جود:محتاج دكشي ديال بنات باش كتجيكم دورة إلا عندك؟؟....تفاني:دبا نتا جيتي على ود هدشي...جود:علاش أنجي زعما؟؟....تيفاني:(بحزن)اوكي أنا نجيب لك....مشات بيت خدات باكية أو داتها ليه...خداها بفرحة أو لعب لها فشعرها فحال شي درية صغيرة أو شكرها....خرج كيجري بلهفة يوصل عندها...دموع سخونة هبطوا بغزارة أو هي كتسد لباب...بان لها لبوني ديالو نساه عندهم..زدحات باب بيتها أو جلسات على لرض كتبكي بحرقة ضامة لصدرها قطعة منو تشم فيها رحتو....

جود دخل كيجري أو طلع منقز دروج بخطوات كبار.....دخل لبيت لقى عبق ناعسة أو مكمشة جبهتها حيت كتئلم...لعرق كيتسبب على طول عنقها أو مدورة عليها لغطا على سرير كامل....جود:-باس جبهتها)عبق نودي جبت لك دكشي....أنا:تعطلتي بزاف أجود كنموت هئ هئ....جود مسح دموعها أو عاونها تقاد وضعية جلوسها....جود:نودي تمشي لحمام....أنا:لا خرج من البيت عفاك....جود:خليني نعاونك....انا: صافي أجود خرج من البيت أو حتى نسالي أو أجي إلا كنتي كتحترمني شوية خرج....جود:اوكي أنا نوجد لك شي حاجة سخونة تاكليها....حط باكية فوط صحية أو سد لباب....نضت كنتوجع أو حليت لغطا ويلي تصدمت....بقعة قد لخبزة على لفراش أو رجليا ولاو مصبغٍين بلون حمر...سديت لباب إحتياطا أو حيدت ديك روينة ديتها لحمام...غسلت راسي أو درت فوطة ....بدلت فراش نقي أو صبنت هداك لي توسخ....خشيت والديه فالغسالة أو تأكدت بلي مبقى حتى أتر لي يشوهني...تخشيت فالفراش أو حاولت نسخن أو نخفف الألم لي فكرشي....
جود ساوب شوربة خضار أو مشروب سخون....طلع بلاتو لبيت أو دق عليها لقاه مسدود.....جود:عبق حلي لباب....نضت نحل ليه نسيتو جاع....جود أول مرة كادير معاه لعبة فتحة لباب ولكن ماشافش داك زين كامل لي كيئسرو ...شاف هاد لمرة بنت ضعيفة أو صفرة أو حالتها حالة....عينها منفوخين أو شادة فكرشها تخفف ألم....حط بلاتو على طبلة أو هزها عندو....جلس على سرير داير لها فحال وضعية الجنين لي كيوجدوه لنعاس...خشاها فحضنو البارد بحوايج مازال فازجين....جود:عبق فيك سخانة....أنا:ممم خليك هاكا أجود كتبردني شوية....قربات من عنقوو أو حطات شفايفها سخونة فحال نار تماك...دورات يدها على كتافو أو زيرات عليه بزاف...جود شداتو واحد رعشة فشكل أو ديك طريقة باش كتقيسو كتهيجوو برغبة قوية لها.

بلع ريقو بصعوبة أو قبل ميتزرف أو هي مريضة بلا قوة أو يهين رجولتو معها حطها أو غطاها مزيان....خدة ملابس نضيفة أو نشف راسو أو لبس حوايج دافئة...قرب منها أو حط بلاتو لأكل على حجرو....جود:عبق نوضي تاكلي....أنا:لا جود خليني بغيت غير نعس....جود:لا نوضي لازم تاكلي شوربة أتفيدك...أنا:أووووف مفياش أجود...مد يدو أو جرها من دراعها حتى تقعدات....جود:يلا فتحي فمك....خشى ملعقة شوربة فمها أو ملاحض تقلقيتها أو غوباشتها أو كتسوط بالأعصاب....جود:واش هاد لي غيجل كتجيكم بهاد تقليقة كاملة أو هاد زين أحح كاتبني فحال شي دجاجة محمرة....جابلي ضحكة أو فكيت جبهتي...أنا: هههه لي فيك ما هناك...جود:هههه شتي ضحكي أو نساي لهم....أنا:وكلني بنينة هاد شوربة....جود:أي حاجة كدوز من يدي كتولي بنينة....أنا:هاي هاي هاي على شكار راسو....جود:ههههه يلا بيب كلي أو شربي لحليب...مين ساليت مسح لي فمي أو شربت لحليب بشكلاط سخون....حسيت براحة كبيرة او لوجع غادي أو كينقص....مشى حط بلاتو أو جاء عندي....عنقني أو حط يديه على كرشي...جاتني البكية من هاد إهتمام كامل...معمر شي حد دار على قبلي هاد حركات المليئة بلعطف أو لحنان....جود:دبا مزيان؟؟....أنا:كلشي مزيان أو نتا بجنبي....باس راسي أو زاد قربني منو....تهت وسط حضنوا لكبير أو قبل مديني عيني سمعت جملة ديالو لي رماتني لعالم تاني من أحلام وردية...جود:أتبقى يدي هنا على كرشك نشاركك ألم حتى يمشي تصبحي على خير.......
كم هو جميل أن تنام في حضن دافئ و أنت تتألم...ليخف لوجع ويدهب مع أدراج رياح مع لمسته الحنونة....كم أعشق اهتمامه بي كم أحلم أن لا تفارقني دراعه كم اشتاق إليه عند بعده في تواني معدودة...الست مجنونة عندما أفكر بألم أن يصيبني مرة أخرى فقط من أجل قبلاته على جبيني أو ضم جسدي إلى قلبه نابض بدقات همجية كشكله لحبيب على مرأى عيني...أنا أحبه بل أعشقه...لا أضن أن ما أحس به أكتر بكتير لا يمكن أن اختزله في حرفين ككلمة "حب" أو تلاتة ككلمة "عشق"...."
صدري وجعني بزاف أو أنا كفكر فهاد لكلام حدا وجهوا نائم....وقت طويل أو أنا كنتئملوو أو دموع كينزلو فاش كنتهيء نقد نفيق شي نهار فحال هاكا أو نلقى غير لفراغ.....لبارح قد محسيت بالألم ليوم فهاد صباح زاد بنفس القدر حبي ليه...بست فحنكو باش نوصل شكر ديالي أو نضت لحمام...قضيت حاجتي أو بدلت حالتي أو نزلت نقاد لفطور....طيبت لقهوة حيت لاحضت بلي كيتعجبو فصباح أو سخنت طوست....خديت بلاتو أو درت فيه كلشي أو طلعت عندو....كان مازال ناعس أو جلست حداه نفيقو...أنا؛جود نوض تفطر....جود:ممم خليني نعس....أنا:جود نوض باش نمشو عند أليكس أو ألكسندرا أو نسقيو شجرتنا....بدا كيضحك أو جمعت ليه شعرو....جود:وطريقة عندك هادي باش تفيقي واحد مشبعش نعاس...أنا:أنا عارفة بلي منعستش حيت بقيتي حاديني أو أنا عندي لك جوج مكافأت....جود:شنو هما؟؟....أنا:لولا هي....(بست فحنكو بوسة طويلة)...أو تانية هي هادي...مشيت جبت بلاطو ديال فطور....جود:ههههه الله على صباح أري أري نقصي....حطيتو فوق حجرو أو بدا كياكل...هزيت كاسي ديال عصير أو سهيت فيه عاود...جود:هادي أول مرة كطيبي شي حاجة على ودي....أنا:أنبقى ندير أي حاجة على ودك لي بغيتها...جود:(بنبرة جدية)حتى إلى طلبت منك تكوني مراتي ديال بصح؟؟....دفلت لعصير لي كان فمي أو وليت مزنgة بلحشمة...حطيت لكاس أو دخلت لحمام....جود:هههه ادن جوابك هو لا ماشي مشكل نزيد نصبر....
جود لبس دجين أو تركوه أو دق عليها حيتاش غبرات فداك طواليت...جود:عبق خرجي خلينا نمشو عند أليكس.....أنا:(ورا لباب)متبقاش تقولي فحال ديك هدرا أجود را كنحشم....جود:هههه وغير ضحكنا صافي غير خرجي أتكون ألكساندرا توحشاتك....أنا:(فتحت لباب)نتا باسل بزااف بعد مني....شدها من لور معنقها أو هي كتقاومو بضعف....جود:هاي هاي دايرة لي فيها حشومية نسيتي راسك لبارح كيفاش بقيتي لاصقة في أو كتعيطي بسميتي ليل كامل....أنا:(مصدومة)أنا؟؟....جود:(كيعيب صوتي)جود عفاك متخلينيش جود عفاك بقى حديا....أنا:حمار طلقني....حشمني ولد لحرام كيعرف كيفاش يستفزني....جود:هههه وا هداي را أيكون دكشي كيهبط لك مجهد...أنا:ناري مصيبة طلقني صافي واش كل نهار كتحماق كتر....جد:هههه اااه...دورني عندو أو بقى معنقني....جود:كي بقيتي دبا؟؟....أنا:بعد مني أنا تقلقت منك أنا مستحيل نكون قلت ديك هدرا ....جود:هههه بربي حتى قلتيها....أنا:ويلي ويلي على شوهة....جود:هههه يلا نمشو نطلو على لخيول...هبطنا لتحت أو أنا فرحانة حيت مصبحتش على ديك وجه لكرشة ديال إلين....مشينا إسطبل أو لمفاجأة لقينا أليكس أو ألكسندرا واقفين حدا بعض أو أليكس حاط فمو قريب من عنقها أو كيضربها بديل ديالو....جود:ها لي قلنا هههههه......أنا:شنو كيدرو؟؟....جود:كيحاول يتقرب منها أو هي مرحبا بالفكرة....أنا:ياه حتى هما كيتعنبو على لبنات....جود:هههه أجي....جرني حتى وقفنا حداهم....جود بدا كيضحك مع أليكس على شجاعة ديالو أو أنا الكساندرا ساكتين سبحان الله كيتشابهو بجوجهم من نوع الماكر لعوب....أنا:شتي ألكسندرا فاش طحنا أنا أو ياك فمجانين..

ركبنا عليهم أو مشينا لحقل...علمني جود قبل كيفاش نشد او حتى كيفاش نوقف أو نزيد بها أو كيفاش نتعامل معاه بحنان أو منجبرها على والو إلى مبغاش يجري..لعبنا بربعة بنا أنا أو ألكساندرا مقدرناش عليهم فجرا...بصح كنت خايفة نطيح ولكن لعودة بغاتني أو كتستاجب مع أوامر ديالي بسلاسة...أححح على راعي لبقر ديالي لوسيم بشحال كيجي كيحمق مين كيتعامل مع لعود...أنا:(فنفسي)جاي على عودو كيشالي يا لالا ههههه لحبيب ديالي....تفاني كانت خارجة كتمشى فالمزرعة بعد ليلة شبعات فيها غير بكاء على حبها الوحيد...كتفكر كيفاش كانت كتهرب من دارهم اعوام مضت...كانت صغيرة بزاف أو يلا فعمر المراهقة أو من كتسمع بلي جاء لمزرعة كتسلت لحقل لي كيركب فيه على عودو...كتمنى منو غير نضرة وحدة...كتحرق قلبها مين كيغيب أو كتبقى على نار كتسنى حتى يجي عوتاني...كبرات مع حلم يبغيها شي نهار أو دبا قالها البارح بكل بساطة مراتي...مرتو جات بلا عداب أو خداتو في لمحة بصر..تيفاني:أنا لي كليت بشحال من قتلة ديال عصا على ودك نا لي رجلي طابو بلمشي أو رجوع لدار غير باش نشوفك من بعيد تقولي مراتي أجود كنكرهك..وقفت على لقطة كضمر أو زادت كملت عليها...كانت عبق أو جود راكبين على لخيول أو كيتجراو أو صوت ضحكاتهم واصل لسما....وجعها بزاف مشهد ديالهم ساحر...شافت فعبق بغيرة أو حسد أو تمنات كون كانت بلاصتها...زيرات على فستانها لبسيط بألوان زهرية أو شدت فضفيرة ديال شعرها دهبي بحرقة....تيفاني:كنتمنى دير لك شي فعلة تكرها بزاف أو تولي لي أنا....بطات على لأرض بغضب أو زادت فحالها....دينا لعواد لإسطبل أو سقينا شجرة ديالنا....كون كنت طير كون حلقت...لفرحة مقادنيش أو جود شاد فيدي راجعين لفيلا....عنقت دراعو أو هو بدا كيضحك علي...أنا:جوجو ديالي نتا...جود:هههه عرفتي رجالي إلى سمعوا هاد جوجو أترديني ضحكة أو ينزلوا مني..أنا:هههه ماتخافش قدامهم نعيط سي جود هههه....جود:هههه بيبو دبا غير قولي لي كيفاش سماوك هكدا...أنا:حيت gور مكينطقوش لعين أو لقاف هههه كيقولو لي حباك هههه ...جود:ههههه أو شكون سماك بيبو....أنا:شلة ديالنا صراحة توحشتهم بزااف أو ريم ناري خلات بلاصتها..جود:دبا يجي وقت أو تشوفيها..أنا:كيفاش؟؟..جود:(وقف)إلا هي صاحبتك أو كتيقي فيها صافي أنجبها تجلس معاك شي نهار هنا...أنا:(بفرحة)حلف؟؟...جود:هههه اااه....طرت عليه بتعنقة أو بقى كيدورني حتى سخفت...أنا:(معلقة فيه)دبا أنا فين خبيك فين كدير لي خاطري يا حليلي....جود:هههه أو لمدرتش لك لخاطر لمن أنديرو...أنا:هههه أنحطك فبلاصة بابا من كان كيفششني أو ماما مين كتهتم بي أو خويا باش كيغوت علي أو...جود:(قطعني)أو راجلك باش غيضربها لك بواحد لبوسة دبا....خشى فمو فشفايفي أو أنا بديت كنضحك أو بعدت عليه....جود:أنبقى هازك أنا هبطي تمشاي...أنا:(عنقتو)لا لا خليني معلقة.....جود:دايرة فحال لبضاعة خص لي يبقى هازك بلاتي نمشي نبيعك...أنا:هههه ياك صافي أنا هابطة...جود:هههه خليك دوزي لضهري....دورني جهة ضهرو أو بقينا غادين كنضحكوو بجوج....شوية بشوية كنخرج داك طفل لي فالداخل ديال جود لي مازال بغى يلعب أو جانب ديالو لمرح....كنحس بلي إبتاسمتوو صادقة أو فرحان ديال بصح....لكن فالداخل ديالي خوف من شي حاجة خايبة حاسة بها اتوقع....تناسيت لفكرة لخايبة أو دعيت الله نبقى معاه حتى يعرف لعالم بحبنا أنا أو ياه....دخلنا لدار وجدنا سندوتشات أو كلناهوم بزربة مكانش فينا جوع قد مبغينا نعيشو قراب من بعضنا...يمكن حتى واحد فينا مبغى يعتارف لكن هدشي كيترجم من أفعالنا أو عينيه لي فاضحينو حيت فينما كندور كنلقاه ساهي في بشوفة جميلة....ليوم لأحد مكيكونوش لخادمات أو بقينا غير أنا أو ياه....طلعنا لبيت أو قبل مندخلو وقفت...أنا:جود هداك لبيت ديال باك؟؟...جود:(تعصب)صافي أجي ندخلو....أنا:ولكن علاش مكتفتحوش؟؟علاش عمرك دويتي عليه...جود:(بلغوات)عبق خليك ساكتة أو مزيانة باش نبقى مزيان معاك مدخلش فالأمور لي مكتعنكش...أنا:علاش كتغوت علي شنو درت؟؟....جود:عبق نتي مازال بنت صغيرة تفكيرك محدود ماشي إلا ضحكت معك شوية طلعي لي فراسي...قلبي تحطم أو البكية أتنزل عوتاني...خلاني أو طلع لمكتب لفوقاني...أنا:(كنبكي)حمار سري أنا لي كندير فيك راسي المريض أتبقى ديما معقد....مشيت كنجري لبيت باه أو حاولت نفتحو نشوف شنو فيه ساعة مسدود تفو خبط والديه برجلي أو دخلت لبيت....جود ترمى على كرسي لمكتب أو شد راسو بن يديه...لاش كدخل إنسان حقير فحال أدم وسط فرحتهم بجوج....جود:علاش أعبق كتفكريني فيه تفو أنا مكرهتش نفقد داكيرتي من جهتو را هو لي قتل لك باك بدم بارد...
إلين كانت كتمشى راجعة لدارها أو لمحات تيفاني شادة قطعة فحال توب فيدها أو كتبوس بحنين أو ولع أو كتلمسها أو كضحك...قربت منها أو حنات مستواها....(الحديت بلفرنسي)....إلين:مالكي أحبيبة...تيفاني نادت مخبية لبوني مورا ضهرها أو تخلعت...تيفاني:إلين؟؟...إلين:مالكي اش واقع؟؟....تيفاني:أنا لا والو أنمشي بسلامة....إلين شدتها من دراعها أو جلسو بجوج على صور..إلين:عاودلي لاش قابتة لبوني ديال سي جود أو كتبسويه....تيفاني:كيفاش عرفتيه ديال جود؟؟...إلين:را فحال ولدي أو كنعرف حوايجو كاملين...تيفاني:(بقلة حيلة)هههه كتاشفتي سر ديالي بسهولة...إلين:كتبغيه؟؟...تيفاني:(كتشوف فالبوني)بزاف كنحماق عليه...إلين:أو اش كتسناي سيري قولها ليه...

....تيفاني:(بلخوف)مالكي دختي منقدرش...إلين:علاش نتي عارفة مزيان جود زير نساء شوفي راسك بشحال فنة أو غزالة ضروري مايضعف من جهتك كيبقى راجل...تيفاني:أنا كنت دايزة أو شفتهم كيفاش فرحانين أو مرتو زوينة بزاف اش هاد لهدرا؟؟....إلين:قد ماتكون زوينة رجال فحال فحال كيضعفو قدام لمرا لجميلة شوفي ديري سبة بهاد لبوني أو سيري ديه ليه أو عتارفيلو بالحب ديالك أنا متأكدة ايميل لك...تيفاني:زعما زعما؟؟...إلين:اااه دبا لخدامات مكيننش أو ديك لهبيلة ديال مرتو مكديهاش فيه أو هاد لوقت أيكون كيراجع شي حسابات...خدات من جيبها ساروت ديال باب لكزينة أو مداتو لها....إلين:لا سولك كي دخلتي قوليه لقيتها مفتوحة أو طلعي اتاج تالت أو قضي لغرض....تفاني شدات ساروت بإرتباك أو إلين شجعتها بضحكة أو دفعتها بلمسة قوية إتجاه طريق لفيلا...إلين:هههه احنا أنشوفو الحقيرة شكون فينا أتربح ههههه......
تفاني تشجعات بكلام تيفاني بزاف أو قررات تفرقع هاد سر خلاص...زيرت على ساروت فيدها أو لبوني حطاتو على قلبها لي فينما قربات من لفيلا كيجهادو نبضاتو...تيفاني:كنبغيك أجود أو نولي تراب تحت رجليك غير متخدلنيش عفاك...وصلت باب لكزينة أو حلاتو بشوية....تمشات بتخفي أو بخطى مكتسمعش حتى خرجات لمرح لمضلم....كان سكات أو فحالي لفيلا خاوية....طلعات مع دروج كما قلت لها إلين أيكون فالمكتب أو كملات حتى طابق تالت...كدعي من جوارحها يكون بحدو أو يتقبل فكرة أنها كتحماق عليه أو يعطيها فرصة تبين ليه هادشي....وقفات حدا أكبر باب مصنوع من خشب أو باينة هو لمكتب.....عجبها تصميم لفيلا لي كانت كتمنى دخل لها شي نهار أو تكون مولاتها على علاش لا؟؟....حلات ضفيرة شعرها أو طاح قدام كتافها بشكل حريري أو نزلات كسوتها بش يبان صدرها لكبير...تنفسات بعمق أو قرصات حنكها بش تولي حميمرة أو عاطية لعين....دقات بشكل لطيف أو جود حل بزربة فحالي كان كيتسنة شي حد مع سمية عبق على فمو....تصدم من زائرة غي متوقعة....سكت مدة خلاتها تبتاسم ليه أو تشبع عينها منو....عاد قدر يخرج سميتها مقطعة من حلقو....تيفاني:اااه هادي أنا أسي جود سمحلي على هاد زيارة...جود:شنو كادري هنا شكون لي حليك؟؟....تيفاني:كان باب كزينة محلول أو خليتي عدنا البارح لبوني ديالك....جود:اااه شكراً مكانش عليك تعدبي راسك....مدات ليه طربوش أو تلمسات يدو شوية....تفاني:وخا ندوي معاك فواحد الموضوع أسي جود؟؟....جود:باك خصو شي حاجة؟؟...تيفاني:لا هدشي ماعندو علاقة بلوليد هدشي كيخسني أنا وخا ندخل؟؟....جود:(مرتبك)اااه دخلي....تقدم مشى جلس على فوتاي أو هي خلات لباب شوية مردودة أو جلسات حداه بخجل....بقات حانية راسها أو جود مهبط عينيه غاض بصرو عليها...تيفاني:احم أنا أسي جود عندي مشكل كبير أو كنت خايفة نقولوا ليك...جود:أو أنا شدخلني بالمشكل ديالك؟؟....تفاني:(بضحكة أليمة)نتا هو لبطل ديال هاد المشكل....جود طلع عينيه فيها بإستفسار أو دموع كينزلو على حناكها لمنمشين....جود:اشنو كتقسدي؟؟.....
بكيت بزاف حيت غوت علي أو مبغتش مازال يبقى داك لماضي لي عاود لي عليه وليد يبقى طاغي على تصرفاتو....مسحت وجهي أو خرجت نصالحو حيت حسيت بلغلط ديالي أو غيابو كيقهرني...طلعت لفوق أو كلما كنزيد نقرب من لبيرو كنسمع نحيب خفيف...أنا:شكون كيبكي؟؟....قربت من لباب أو كان مردود...تفاجأت بالمنضر....كانت بنت زوينة بزاف كتبكي أو وجها حمر أو جود مفاهم والو أو مد لها منديل قبطاتو بارتجاف....شعرت بلي أنتسنط على خبر أيدمرني مرة أخرى أو انكون مفرجة على مسرحية لبطل فيها راجلي للأسف....طلقت ودني على لحديت ديالهم أو قلبي كيتعسر بلحسرة.....تيفاني:(كتبكي)أنا أسي جود هدشي لكنحس به كياخد من حياتي كل دقيقة أو كنغرق فالوحدة....جود:مافهمت والو....تيفاني نادت أو قاست يدو بحنان أو حطاتها على صدرها....تيفاني:(كتبكي بجهد)أنا كنبغيك أسي جود هانتا سمع أو حس بقلبي لي كيدق غير بسميتك...جود:تيفاني هدشي را مكيدخلش لعقل....تيفاني:(بلغوات)علاش؟؟...سنين طويلة من نهار فتحت عيني نتا لي ساكن فهاد لقلب لي تعدب بزاف بش قلتي لي تزوجتي....جود:تفاني راك وقلة مريضة سيري رتاحي من بعد نهدرو...تفاني تعلقت شنقت عليه أو بدات كترجاه....تيفاني:مريضة بيك الله يعطيك ستر دير في إي بغيت لمهم نبقى حداك خدمني هنا عندك نكون قريبة منك....جود تجمد أو مدار حتى ردت فعل....تيفاني:عفاك أجود حس بي غير شوية را ولله حتى كنموت هي بش حسن مني؟؟...إلا كان على زين فحتى أنا زوينة....جود:شنو كتخربقي؟؟...دفعها بلطف أو هي تحنات شدة فرجليها مازال مسيطرة عليها شحنة كبيرة ديال لبكاء المرير...تيفاني:الله يخليك اجود أنا ترات تحت رجلك....جود جرها من درعها أو وقفها كيمخدها....جود:واش حماقتي؟؟...تيفاني:أنا حمقة حيت نتا فأحلامي أو فكوابيس ديالي أو كنتنفس غير حتى نتا كتنفس كنقسم إلا وقعت لك شي حاجة أنتاحر....جود بقات فيه بزاف ولكن رغم دالك قرر يوقف هاد المهزلة بش يقطع حلم ديالها بيه....
عبق فجهة اخرا كانت كتطعن مع كل حرف أو دموعها كيسلو على يدها لي سادة بها فمها...مشات كتعتر أو نزلات لتحت أو مسمعتش لكلمة لي حلمات تخرج من فم حبيبها...جود:أنا اتفاني كنبغي مراتي كنحماق عليها..

جود:أنا كنبغي عبق أو كنحماق على كل تفصيلة فيها...ماشي غير على ود زين بحدو أنا عشقت روحها أو طيبة قلبها.....حس بها أيخواو عليها رجلها أو توقع لأرض....جلسها أو حنا حداها....جود:نتي بنت زوينة أو أكيد أتبغي شي حد ولكن أنا منصلاحش لك حيت أول حاجة قلبي عامر بحب مستحيل نتخلى عليه أو تانياً أنا كنعلمك من دبا بلي نسايني أو حيدني من تفكيرك حيت عمرني أنبغك ولا حتى تكوني جزء بسيط من عقلي حيت أنا كولني لمرأة وحدة من نهار سنيت ورقة زواجنا أنا أو مراتي....قلبي أو عقلي أو تفكيري أو جسمي كلشي لها هي بوحدها....تفاني كتسمع لتعبرو الخلاب على حبو لها أو صدرها كيتحطم فحال شي بناية من أحلام بناتها على ساس لحب ديالو أو جات صاعقة قوية ديال كلامو عليها أو دمرات داك ساس أو لبناية تهدمات مخلفة ألم قوي أو لا يطاق....جود:أنا عارف بلي هدشي أيمرضك ولكن أتنساي أنا متأكد....متعلقيش مازال أمالك علي أو نسايني حيت مستحيل نهتم بوحدة من غير مراتي....تيفاني دفعاتو أو وقفات دايخة لي يشوفها يقول عليها يلا خرجات من حانة شراب....تيفاني:صافي فهمت بلا متزيد كتر...ولكن كنتمنى حاجة وحدة كنطلب من الله يدمر قلبك أو قلبها فحالي خرجتو علي....مشات خرجت بكتاف طايحين أو قلب محطم أو أكيد كره كبير لمرة لي سلبات منها أمل كانت عايشة عليه أو دبا ولا يأس أيرجع عليها بمرض نفسي أينهش روحها....
جود تخبط على لفتاي مصدوم من هاد لقطة لي عمرو توقعها من بنت قروية طايحة فيه لهاد لحد....حن عليها أو مينكرش بلي حس بحبها ليه أو حتارمها على شجاعة ديالها حيت على لقليلة هي عتارفات أو هو لا.....جود:عبق؟؟....تحرك نزل عندها بسرعة خايف لتكون سمعت أو شافت تيفاني أو هي كطلب يقبل بعشقها ليه....لقى باب مفتوح أو مين دخل اسروا جمالها لي كيزيد نهار على نهار....دموع ناشفين يلا كيختفاو من حناكها أو شعرها محلول بهمجية أو نيفها حمر أو كتشوف بعيد أو ساهية حتى يدها على حجرها أو تنهداتها كيخرجو بطيئين أو مقتولين....حنا حدها أو مهزاتش لعين فيه....مسح وجها أو رد شعرها لور...شد فيدها أو عرف بلي كانت حاضرة معهم وقت الاعتراف أو دبا سكوتها جرحوا بزاف....جود:سمحيليا أعبق مكنتش عارف....مرداتش عليه غير دموع رجعوا حتاكرو وجها لي ولا صفر بالفقصة....جود:متبكيش أعبق.....أنا:منبكش حتاش سمعت بلي راجلي ولا محط إعجاب أو حب بزاف بنات....جود:شنو دنبي؟؟...أنا:(شفت فيه)لا دنب ديالي نتا ماشي مسؤول على مشاعر ناس لي كيبغوك...نضت ولكن جرني حتى تخبطت مع صدرو....أنا:(بلغوات)طلقني أجود صافي سير عند لبنت لي بغاتك طفي نار لي كتحس بها من جهتك...جود:(بلغوات)مغنطلقكش حتى تعرفي بلي حتى وحدة ماغتاخد بلاصتك....أنا:(بلغوات)بعد مني صافي طلع لي هدشي فراسي واش أنا كل نهار أنبقى نكتاشف حب جديد لك...بشحال من وحدة مازال كتبغيك آه؟؟...جود:بشحال ما بغاو يكونوا أنا مبقى كيهمني حد من غيرك....أنا:بعد مني الكداب الحقير كنكرهك أو كرهت نهار لي شفتك فيه....جود حتى كان أيعترف لها بمجموعة الأحاسيس لي جمعهم لها ولكن جملتها الأخيرة سرفقاتو بجهد أو طلقها كتغوت أو كتبكي محاساش بلجرح لي طعناتو به....أنا:(بلغوات)نتا كداب أو أنا منقدرش نكمل معاك هاكا حتى كنقول صافي جود ولا ملك انسانة وحدة حتى كنتسدم بمرة جديدة دخلت ساحة....جود:لا رد....أنا:ولكن لحاجة زوينة فهدشي كامل هي أنوقف تعلق ديالي بيك باش مين ايسالي هدشي مايبقاش في لحال أنتفكر غير لكم لهائل ديال لبغو فقلب العيلات لي طايحين فيك أو نقول مع راسي أعبق نتي مكتسواي والو حداهم....جود:كتاهمني بشي حوايج ماعندي حتى دخل فيهم أعبق أنمشي حتى تهدني أو كتعرفي فين تلقايني....مشى خرج أو تلاحت معنقة لوسادة كنبكي بصوت مجهد ماشي شغلي يسمع ولا يجلس....مقدتش نتقبل فكرة أن بزاف بنات كيبغو جود بغيتو لي بوحدي...كنحس بلي تقد شي وحدة تكون تبغيه كتر مني ولا إلا كترو المعجبات أو العاشقات أيتقلص أو يسغار حبي قدامهم....أنا:علاش أجود علاش متكونش غير لي أنا هئ هئ....لكن إلا بقيت غير كندب هكدا غنزيد نبعدو علي...هو ماعندو حتى دنب أو ممسؤلش على قلوب ناس ...أنا لي مني لا فوت أنا لي خصني نحي أي وحدة أتفكر تاخدوا مني...رميت لوسادة أو طلعت عندو كنجري....حليت باب لمكتب أو كان حاط يديه بن راسو أو كينتنفس بصعوبة.....أنا:جود هئ هئ....شاف في بعتاب أو حزن أو تلاحت عليه....عنقتوو أو لبكا غير مازال جهاد....أنا:سمحليا بزاف ولكن ماشي بيدي ولله....جود ضمها أو حيد شعرها....جود:صافي أعبق متبكيش حتى أنا غالط حيت.....أنا:(قطعتو)لا نتا مغالطش أنا لزدت فيه أو ضلمتك....جود:(كيهداً فيها)شششش صافي موقع والو....أنا:كدبت عليك أنا منادماش على نهار لي شفتك فيه قلت دكشي باش نعصبك....جود:صافي أعبق صافي...زيرت عليه بزاف أو هزني على حجرو أنفاسو سخونة كتلفح حدا ودني متل لهيب....جود:را قلت لك بلي مكتهمني حتى وحدة بعدما لقيتك....

عبق نعسات على حضنوا أو يدها صغار دايرين على عنقوو حتى فنعاسها مبغاتش تفارقوو....هزها أو هبط لبيتهم...حطها على سرير أو يلا بغى يمشي شداتو من يدو أو فتحت عينها لحمرين من شدة البكاء بإعياء...أنا:عفاك بقى حدايا عفاك....إبتاسم لي أو حيد لزار أو تخشى جنبي....عنقتو أو حطيت راسي على صدرو....أنا:متخلاش علي ياك؟؟....جود:جامي نخليك نعسي دبا....باس راسي أو مشيت مع نوم عميق....جود:(كيلعب فشعرها)أنا ليك نتي أو كنتمنى تكوني غير لي بوحدي.....عنقها حتى هو أو غمض عينها فمو فشعرها كيستنشق ريحتها لي مطيرة ليه لعقل......
في صباح لباكر:
نضت بوحدي راسي كيدرني بزاف أو باغية ندابز مع شي حد ليوم...تقرقيب ديال لخدامات لتحت عصبني أو جود مكينش هنا بنات لحرام كون كان هنا كون مداروش هاد صداع كامل....مشيت عند جد والديهم مزيان تبارك الله ....نزلت كنجري أو إلين كدر شي حركات بديها لخدامات باش يزيدوا يخبطو لكراسة....(الحديت بلفرنسية)....أنا:اديك شارفة واش بغتيني نقلل عليك الإحترام؟؟....جات لارا من كزينة أو وقفت شداتني عليها....لارا:عفاك سكتي خليها....أنا:طلقيني نتي نوريها شكون فينا لي كيحكم هنا....إلين:مالكي جاعرة ليوم أصلاً حنا تنين كنضفو دار أو نتي لي فايقة حتى هاد وقيتة را 12 صباح هدا...أنا:(بلغوات)ماشي شغلك نفيق فوقشما بغيت أجي حاسبيني حسن...إلين:هههه دبر راسك لمهم ندير شغلي....أنا:أنا غنورك أشارفة حتى يجي جود....إلين:(بصوت جدي)مال عينيك حمرين مسكينة ياكما كنتي كتبكي أولا دبزتي مع سي جود دكشي علاش شفتو خارج هاد صباح مقلق...بغيت نطير نتف لها دوك جوج زغبات لكن لارا شداتني....أنا:ولله متسكتي حتى نجي نحيد لك دار راس....إلين:هههه قليلة ترابي أجي لا قدرتي....أنا:ولله حتى نحيد لك سنانك أو نهرس لك عضامك نخليك كتجمعي فيهم على شرفك....لارا:كالمي أعبق صافي أجي نطيب لك فطورك....جراتني لكزينة أو عينها مزالين عليهم لمحة إستهزاء...إلين:(فنفسها)ييس خطة نجحات هههه برافو اتيفاني....
لارا:ناري خليها را مريضة هاديك....أنا:(معصبة)ولله حتى نمشي نرفس جد أصل والديها كتحاسب معايا....لارا:صافي أعبق هاكي كولي.....أنا:مالكي مقلقة؟؟...لارا:والو....أنا:مالكي متخبيش عليا....لارا:(تنهيدة طويلة)كل نهار كندوز من حدا بيتر كنتئكد بلي كنزيد نبغيه هدشي كيحرقني....أنا:عتارفلو مديريش بحالي...أنا:(بصدمة)كيفاش بحالك؟؟...أنا:لا لا والو أو بيتر واش كتحسي بلي كيبادلك شعور ديالك....لارا:معرفتش أختي كل مرة كي كنلقاه مرة كيضحك معايا مرة مكيدهاش في مرة معبرني مرة زربان فخدمتو....حطيت يدي على يدها أو شفت فيها بتصميم...أنا:أنعاونك....أرى:(بفرحة)كيفاش؟؟....أنا:أنخليو جد بوه يبغيك بزز من والديه مالكي شخصك زوينة كتحمقي را أيكون محضوض بيك...شفت فعنها واحد الأمل كبير أو تعانقنا...درت هاد بلان فراسي أو حالفة حتى نلاقي جوج ناس فالحلال...مشات كملت شغلها مع خدامات أو أنا ساليت لفطور....خرجت نبدل باش نمشي عند ألكساندرا أو سمعت إلين كتوشوش مع خدامة أو كيضاحكو....تخبيت مور الحيط أو طلقت سمع ديالي حيت لقضية فيها إن من دكرات سميتي...إلين:(بصوت خفيف)ههههه شتي خطة كي دايرة دبرت لهم على مشكل...خدامة:نتي عبقرية بزاف....إلين:وقيلة أنستغل تفاني تزيد تدخلوا مابين لعضام أو تفرقهم....أنا:بنت لق****......خدامة:تصدمت من تيفاني صدقت طايحة فيه أودي كلنا طايحن فيه ولكن بنت لحرام عندها جهبة قاسحة ..إلين:ههههه مزينة فيها البارح أكيد دابز أو هادي إشارة مزيانة باش علاقتهم تبدا تخسر....أنا:بلاتي أشيخا تشوفي شنو غاندير ليك....قلبت دورة أو مشيت لكزينة...شديت زبدة أو درتها فزلافة...أنا:أنا تقارنيني بديك تيفاني ولا خرا دايرة خطة فحال لحرايمية باش تبعدي علي جود حلفت لبارح بلي حتى وحدة مغدخل فطريقنا أو انبدا مع مك....طليت عليها لقيتها طلعت لفوق تقابل شغل لخدامات أو مشيت كنتسلت لدروج أو دهنت ديك زبدة في 7 درجات لخرين نوري مها شكون أنا....جات لارا نغزاتني بخوف...لارا:شنو كدري؟؟....أنا:سكتي أو تفرجي....كملت تملاس زبدة أو طلبت من لارا دي زلفة أو بقيت واقفة قدام دروج نشاهد على طيحة لعالمية....دازت شي دقايق قليلة أو تمت هابطة كتعفر....أو فجأة طلون ديالها زلق مع زبدة أو سيدة طلعت حتى سما أو تكربعات فأخر درجات فيهم زبدة....بدات كتغوت أو كلشي تجمع...جاتني ضحكة أو لارا كترجف حداية....لارا:ويلي ويلي كحلناها....لخدمات دارو عليها أو كل وحدة كتجر فيها من جيه....أنا:خليها يتفتو لها دوك لعضام أو تجلس تشد لأرض شوية....لارا:سي جود أيغوت عليك....أنا:هههه خليه على حسابي....قربت منها أو هي مازال كتوجع أو شادة ضهرها أو شعرها طلع لسما أو بغات تاكلني...أنا:غير حشمت نديرها من لفوق خفت لا نوحل فيك هدا جزاء ديال لخطة لي درتها فحقي....إلين:انقلها لسي جود...أنا:هههه قوليها ليه باش حتى أنا نقوله لفقتي بلان باش تفرقي بيناتنا ياكم سحبلك درتي شي إنجاز....البارح نعست على صدرو أو شبعني بوسات أححح بشحال كان كيراضيني بهم....أو نتوما مغتفهموش هدشي البايرات..

إلين:هانتي أتشوفي شكون أيتق فينا أنا معرفاش على كتهدري....أنا؛ههههه ولله حتى قتلتني بضحك وخا احنا نشوفو....إلين:أححح ضهري كلي وليت زبدة....لخدامات بغاو يقتلوني أو داوها لبيتها كتعوج....أنا أو لارا بقينا كنتشاوفو حتى تفرقعنا بضحك على مشيتها العجيبة....أنا:هههههه حقيرة بنت لكلبة....لارا:ناري على طيحة عبرتي عليها هههه ولكن سي جود شنو غيدر معاه؟؟....أنا:خليه على حسابي....أجي ندبر لك كيفاش طيحي بيتر......

إلين تجبدات على سرير أو خدماتها كيمسدو لها اجزائها لمفلعسن....إلين:أاييااي أيييي بنت لحرام....خدامة؛شكي على سي جود يصبنها....إلين:بلاتي حتى يجي أيياياي ضهري البنات تقسم واقيلا......بقات كتئلم أو كلشي داير بها أو مهتم بها....
أنا أو لارا مشينا عند ألكساندرا أو بلعاني دزنا من حدا بيتر...خليتها تحيد ديك دربالة أو طلعنا لها شوية سايا أو حيدنا طابلية أو طلقنا سالف لبني...دخلنا عندو أو جاء كيجري سلم عليا...بيتر:أهلاً سيدة بيبو لباس عليك؟؟....أنا:(دفعتها بكوعي)اااه بخير هاهي لارا معايا...بيتر شاف فيها بنضرة إعجاب أو هي ولات حمرة بلخجل....مد يديه يسلم عليها أو لمكلخة تبلوكات حتى دفعتها عاد مدات يدها ليه....بيتر:أهلاً لارا لباس عليك طولتي لغيبة؟؟....لارا:اااه؟؟..أنا احم....أنا:هههه مسكينة كتحشم...بيتر:ههه اه ملاحض هدشي...لارا ولات مزنgة أو بدات كترجف كي لهبيلة....أنا:اوا بيتر عاود لي على راسك خاطب مزوج عندك ولاد؟؟....أنا غير بغيت نجس ليه نبض باش نعرف كي ندوز ليه....بيتر:لا والو هاد ساعة مازال مالقيت نصي تاني.....لارا شدات في حيت وقيلا جاتها دوخة....أنا:اااه أو زعما نتا راجل تبارك الله أو مخسك حتى خير أو أي وحدة تتمناك..بيتر:هههه بصح؟؟...معرفش واش عندي شي معجبات هنا فالمزرعة....لارا:خصنا نمشو آلالا....أنا:اوكي لارا احنا غادين ابيتر أو تأكد بلي عندك معجبات غر حل عينك....مفهم والو مسكين أو هي جراتني بجري حتى بعدنا عاد بدات كتندب علي....لارا:اويلي على غدايدي دبا يعيق....أنا:وا دبا نتي باغياه ولا لا؟؟....لارا:ولكن؟؟...أنا:بغيت جوابك....لارا:وايه باغياه...أنا:اوا سكتينا نشوف كي ندير ندخلك فعقلو را مسكين باين مطايح فحتى وحدة أو مزيان هدشي بنسبة ليوم....أجي نمشيو عند ألكساندرا....ديتها وريتها لها أو لعبت معها شوية أو وكلتها أو خليتها مع أليكس ولاو يا سيدي كيتبغاو هههه......رجعنا لفيلا...لارا شافت جود أو جمعت شعرها أو مشات كزينة تخبا...كان جالس على طاولة ديال أكل أو كيتسنة في أو إلين جالسة حداها دايرة فيها موت يا حمار...شير لي نجي لعندو أو حتى أنا سgعة جريت كرسي أو جلست مقابلة معها او هي تنزل عينيها فحلا هي مضلومة أو شي دمعات كتنخصص بهم....أنا:شارفة دايرة راسها مضلومة شو كي دايرة.....جود:(بلغوات)عبق زدتي فيه واش حماقتي؟؟...أنا:هي لي جبداتني ولاهلة ضربني أو بكا سبقني أو شكا...جود:واش من نيتك دايرة زبدة فدروج أو مكربعة سيدة...أنا:قولي ليه شنو درتي كملي تشكيمتك....أنا:براكا عييت من هاد صداع من صباح أو أنا فتمارة نجي نلقى روينة هنا؟؟...أنا:عرفتي شنو دارت مشات شجعات تيفة ولا فاني ولا منعرف تجي تقولك كنبغيك....جود دار شاف فيها بريبة أو هي تخلع بصح مفهماتش لغة لكن عرفات بلي قتليه على سفرطة....(الحديت بلفرنسي).....جود:بصح هدشي؟؟....إلين:لا لا كتكدب عليك أنا منقدرش ندير هدشي...أنا:لعنة الله وعليك شو كدابة....جود:سكتي نتي...إلين ولله أو نعرف بلي كلامها صحيح حتى تشوفي لي عمرك شفتيه....أنا:عرفتي ديك خدامة غليضة سايقة لخبار سولها....جود غوت بسمية خدامة أو جات كتجري أو وقفت حداه حانية راس...إلين غمزاتها تكدب لكن جود مزادش معاها أو هي تgر......أنا:شتي أجود شكون كدابة فينا...جود جمع وقفة أو هي بدات كتنوح....إلين:ولله أسي جود حتى كنت بغيت غير نعونها أو مدنيتش أتجي هنا...أنا:كدابة سمعتها كتقول بلي خطة نجحات....جود:إلين درتي غلط كبير أو أتحاسبي عليه....إلين:(كتبكي)لا عفاك أولدي أنا ولله حتى عزيز علي منبغيش لك ضر.....جود:جمعي حوايجك نتي أو لخدامات تبقى غر لارا....إلين:لا هئ هئ... جود:خلاصكم أيوسل لكم فالوقت مراتي معايا مبقتش محتاج لكم....تم طالع فدروج أو أنا نخرج لها لساني أو فقصتها مزيان....أنا:موتي بسم شارفة....تبعتو لفوق أو إلين طاحت على كرسي كتبكي بحرقة....إلين:هئ هئ ولله لا بقات فيك هئ هئ...

أنا:جود ممكن ندخل؟؟...جود:دخلي...كان جالس أو كيمسد عنقو أو باينة فيه لعيا....طلعت على سرير أو حيدت يديه أو بديت كندير ليه مساج على عنقو من لور....جود استحلى تدليك أو يدها رطبين على كتافو....أنا:فين كنتي خرجتي بكري؟؟...جود:اااه مشيت وقفت على شي خدمة....أنا:شنو هي؟؟...جود:شي أيام أنصدرو شي سلعة أو كان علي نشوف فين وصلوا فلجني....أنا:اااه الله يعاونكوم....جود:واش هبلتي؟؟....أنا:(كندغط بجهد)لاش كدافع عليها شارفة سمعتها بودني كضحك أو فرحانة حيت دبرت لينا فمدابزة....جود:إلين تبدلات من نهار جيتي...أن:حيت كانت دايرة فيها مولات دار أو مين جيت حفات لها....جود سكت شوية حتى بدا كيضحك بجهد....أنا:هههه مالك؟؟...جود:كنتخيل طيحة مسكينة فيها غير جوج عضام....أنا:ههه خليها ..جود دور يديه على دهرها حتى جابها على ركابه ناعسة....جود:هههه وا فين نديرك الحمقة؟؟...أنا:(قست قلبو)درني هنا....جود:(كيقرب فمي)حتى أنا بغيت نديرها هنا...متحركتش أو يلا أيبوسني دقات لارا أو نضت بسرعة....جود:تفو حتى هادي ملقات فوقاش تجي...(بلغوات)شنو بغيتي؟؟..لارا:سي جود سيدة إلين بغات تمشي أو بغات تسلم عليك....جود:قولي لها مشغول تمشي الله يهنيها.....لارا:اوكي أسيدي...أنا:جود واش متئكد بلي مبقتش محتاجها....جود قرب منها أو قرصها فحنكها بلطف....جود:صافي بغيتك غير نتي بوحدك...ضحكت ليه أو باسني فحنكي أو دخل دوش....
هبطت عند لارا أو بقنا كنضحكو على شارفة خرجت كي لكلبة لمدلولة....أنا:لارا خصنا نطيبوا شي حاجة لغدا....لارا:انوجد فحال لعادة شلاضة أو دجاج مبخر أو شي سوس....أنا:حيدي علي دكشي طلع فراس اش بان لك نوجدو شي أكلة مغربية؟؟....لارا:فحلاش؟؟....أنا:(كنفكر)أمممم اااه لقيتها رفيسة....لارا:ههههه اويلي حماقتي؟؟....أنا:علاش لا؟؟..أتعجب جود بزاف ياك جاع لمكونات كاينين؟؟...لارا:أاه وقيلة....انا؛يلا نبداو نتي عجني لملوي أو أنا نطيب دجاج....لارا:ههههه ولاهلا لأيام أتولي معاك زوينة الالا هههه ....أنا:مبغتش ديك لالا عيطي ليا عبق....لارا:اوكي....لارا بدات كتعجن أو أنا كنصب دجاج....ساليت قبلها أو عاونتها فيه حتى طيناه....أنا:بشحال ساعة؟؟....لارا:بقات 15 دقيقة لغدا....أنا:سربي باش ينزل جود أو ناكلو كاملين....لارا:لا ختي أنا كنحشم....أنا:اويلي مالكي را عادي هدشي كيبغي جماعة...لارا:لا لا سي جود رئيس ديالي خلي عفاك داك إحترام بناتنا....أنا:أوكي لي بغيتي أري طبسيل كبير أو جيبي نصاوب لك....لارا:تهنينا من أوامر ديك شارفة تفو عليها....أنا:هههه من ليوم مكاين غير شهيوات مسكين جود كيبقى فيا صابر على ديك لماكلة الباسلة ديالها....لارا:ساليت تقطاع لملوي أجي نكبوا دجاج....قادينا دكشي جات كتشهي....خرجتها لطبلة برا أو لارا تاكل بقات فالكزينة....
جود تم نازل أو إستنشق ريحة أكل فشكل ماشي فحالي موالف يشمها....جود:شنو هدشي الله على ريحة....جات عبق كتجري أو جراتو حتى طبلة بفرحة....أنا:جود شوف شنو طيبت ليك....جود:دكشي علاش كنشم هاد ريحة أوو شنو هادي؟؟....أنا:هادي رفيسة ماكلة مغربية بنينة بزاف صوبتها على ودك en fait سوبناها أنا أو لارا...جود جر كرسي أو خدة موس أو فرشيطة عينيه على لبخار لي كيطلع من طبسيل أو ريحة شهية....جود:باينة هدشي بنين أعبق مليت من ديك ماكلة صفرة...أنا:اوا باش تعرف المغربيات شنو كيسواو.....جلسة حتى أنا أو بديت كنخشي بيدي....جود:حتى بغيت ناكل بيدي...أنا:وا حيد أجود فرشيطة هدشي كيبغي يدين...جود:معرفتش كي كديرو لها...أنا؛(كنعلمو)أتشد شوية ديال ملوي أو دجاج أو دوز فلبصلة أو العدس أو تخشي فحال هاكا ممم جات بنينة الله يعطيني صحة....جود:وكليني أعبق هدشي مكنعرفش ليه....أنا:صبر يا ربي ارا داك لفم....خشيت ليه دغمة أو دار واحد صوت بلي عجباتو بزاف....جود:اش هاد لبنة كاملة زيديني....أنا:ههههه وخا....بديت كنوكلو أو نوكل راسي...جود حماق عليها أو ضربها كاملة...أنا:وبركا عليك خليني نخشي حتى أنا...جود:زيدي الله يحفضك تبقاي طيبي لي هدشي ديال المغرب نرجع لأصل الواليدة....أنا:هههه شتي دبا كون بقات مك حية كون شبعاتك شهيوات...جود تعصب أو كنت كانقول هاد هدرة أو أنا كنوكلو أو عض صبعي....أنا:أحح أجود أييي واش جعرتي؟؟....جود:مبقتش باغي ناكل بصحة....ناد طلع لبيت أو أنا عاد حسيت بلكلام لمؤلم لي نطقت بيه...أنا:تفووو كنطير يخ عليا

جمعنا طبلة فسكات أو لارا حسات بي مقلقة...لارا:مالكي كنتي مزيانة؟؟...أنا:كنطير مشيت دويت على أم جود أو جرحتو...لارا:ولحمقة حطي سيري صالحيه..أنا:خايفة منو عرفتي دار في واحد شوفة خلعتني...لارا:وا بقاي هنا حتى يجيو يطيروه منك... بصح كلامه صحيح....أنا:اااه جود لي بوحدي....جمعت لوقفة أو طلعت عندو....ملقيتوش فلبيت ديالنا أو كملت طلعة لبيرو....حليت شعري أو داعيت البراءة...دقيت أو جرا على شخص بلا مايعرف شكون....دخلت بلهلا يطريه ليه أو بديت كنتعوج فمشيتي أو كندور سبعي على خصلة شعري....جود:(كيشوف فيها)عبق خدام خرجي حتى نسالي....أنا:(كنتغبن)أنا شنو درت صافي سمحلي ولله حتى غير خرجت لي عفوياً...جود:حتى أنا ماقلت والو بغيت نخدم....وصلت عندو أو قلبت لكرسي حتى تقابل معايا....أنا:(كنحلون)ياك أجوجو ياك دبا تقلقتي؟؟....جود داخ بداك صوت أو شعرها طايح حداه بطريقة مغرية أو يدها على ركابه ولكن شد فلغضبة حيتاش بصح المو كلامها لغير مقصود....جود:عبق خرجي عفاك بغيت نخدم را قلت لك خصني نصدر شي سلعة.....أنا:ودبا مالك على هاد تغوبيشة.....دفعتو أو جلست على حجرو....خرجو عينيه في أو ستغليت ديك صدمة أو بديت نبوس وجهوا كامل بوسات خفاف...أنا:(كنبوسو)متقلقش مني جوجو ديالي...جود:عبق شنو كاديري؟؟...أنا:(كنتلمس لحيتو)كنتصالح معاك....جود:واش عارفة بلي هاد طريقة شنو تادير فيا....أنا:(بصوت مغري)شنو تادير؟؟...جود:عبق خرجي ولا بربي حتى تندمي على هاد حركات....أنا:ههههه ماتقدرش تأديني أنا عفاك يلا نوض وريني مزرعة كاملة....جود:انخدم خرجي...دفعني نوقف لكن لصقت أو دورت يدي على عنقو بجهد...أنا:لا مغنمشش حتى توافق أو تسمحليا....جود:(كيضحك)هههه وا صافي الهبيلة....أنا:هههه وا نوض....جريتو بضحك حتى لتحت....خرجنا لبرا أو مشينا لإسطبل....ركبنا على أليكس أو دخلنا لمزرعة من جهة أخرى...جود:لمزرعة كبيرة باف را خصني نهارات باش نساليوها كاملة....أنا:دبا هادي ديالك؟؟....جود:هههه أييه ديالي أو ديالك....أنا:واااو وليت لباس علي هههه....جود:هههه الور هنا دبى فمنطقة فيها شجر لي كينقي لجو.....كنا فبلاصة دايرة فحال غابة صغيرة عامرة بشجر كبير أو كلما كندخلو كنخاف كتر....كنت جالسة وراه أو دورت يدي على كرشو....أنا:جود كاين شي ديب هنا؟؟....جود:(تفرشخ بضحك)ههههه فدبي كاين لقرش أو هنا كاين ديب...أنا:اويلي أجود را كنخاف غير من كلاب فين يبان ديب.....جود بغى يخوفها كتر أو بدا كيدير صوت ديب....جود:آايووووو.....أنا:(بخوف)جود سكت الله يلجها لك.....جود:هههه حيت را مكاين والو نتي كتهيئي بزااف....أنا:خرج علي من هاد غابة....كملنا لشي ديور متفرقين على حساب شرح ديال جود فهما ديال لفلاحين متشابهين فشكل أو حتى فالمساحة....وراني بزاف أراضي كل وحدة باش مزروعة بشي نوع خضرة...جود:أليكس عييتي؟؟..أنا:مسكين طيبناه ...جود:هههه عودي صحيح فحالي....وصلنا إسطبل كان ضلام قرب يطيح....دخل أليكس أو رجعنا فيلا...جود:عبق أنكمل لخدمة لفوق نتي رتاحي....باسني فحنكي أو مشيت عند لارا....لقيتها مسكينة يلا سلات شغل..أنا:حبيبة ديالي عييتي مشاو خدامات بقيتي غير بوحدك...لارا:هههه أهلاً لا لا عادي مولفة تهنيت منهم ولله....أنا:يلا نمشيو عند بيتر. أيكون سلا خدمتو أو نجلسو نهدرو أصلاً جود خدام دبا....لارا:اوكي يلا....مشينا خرجنا بجرة باش نلقاوه أو فعلا كان سد لجراج على لبقر أو يلى خارج يمشي لدارو..أنا:بيتر...بيتر شير لينا أو جاء بسرعة....بيتر:لالا بيبو اش حب لخاطر؟؟....أنا:والو غير بغينا نهدرو حسيت بلقنطة أنا أو لارا فالفيلا أو قلت إلى ماعندك ميدار نهدرو كاملين ياك آلارا؟؟...لارا:(بحشمة)آه إلى بغى بيتر...بيتر:ااه وخا ماشي مشكل يلا نجلسو فشي قنت .تبعناه هو قدامنا أو أنا أو لارا كنشطحو بالفرحة من وراه...بعدنا شوية أو الحال ضلم...صوت ريح خفيف تحرك أو كان لجو رومانسي بزاف...حليت شعر لار بلخف أو درت بوندا فجيبي...غمزتها تسكت أو لهواء بدا كيطر لها شعرها...بيتر شعل نار بشي عواد كان مليوح تماك أو جلسنا دايرين عليها...بيتر:أنا مستغرب أول مرة نشوف زوجة رئيس بهاد تواضع كتجلس مع عمال ديالها عادي....أنا:هههه حنا كلنا بشر ماكين لاش ترفع على ناس دوي آلارا مالكي ساكتة...بيتر عجبوا سكوتها الهادئ أو ضو نار لي كضرب لها فوجها طفولي...شعرها المتطاير وراها أو خجلها البريء....بيتر:لار كي دوزتي نهارك؟؟...لارا:فحال لعادة أو نتا؟؟...بيتر:حنا أنا سمعت بلي إلين هي أو خدماتها خرجوا فصباح ليوم...لارا:آه طرة مشكل معاهم أو سي جود جرا عليهم...أنا بقيت ساكتة حيت وأخيراً قدو يدخلوا فحديت بجوج...شجعتها بقبضة على يدها أو حتى هي طلقات..نساوني أنا أو بداو كيهدرو على بزاف حوايج...نساحبت أو محسوش بي جاع....بعدت شوية أو أسرني شكل ديالهم جاو مع بعضهم أو لارا ولات كضحك معاه كلها فرحة...أنا:كنتمنى يتجمع قلبكم بجوج....رجعت لفيلا أو تلفت ..دخلت من واحد لمسار بانت لي منو قبة لفيلا من بعيد...سمعت واحد صوت فحال شي حد تابعني أو درت مالقيت والو....زدت جوج خطوات رجع صوت بشكل أقوى..درت عوتاني أو تفاجئت سحابلي شي جنية بشكلها لي كيخلع...شعرها طايح على وجها أو منتوف أو لابسة كسوة كحلة أو كتنهت...أنا:بسم الله رحمان رحيم شكون نتي؟؟..قربات مني أو رجعت بلور...ضرب فيها ضو ديل بوطو أو عاد عقلت عليها...أنا:تيفاني؟؟.

(الحديت بالفرنسي)؛
أنا:شنو كدري لاش تابعاني؟؟...تفاني:خديتي مني شخص لي كنت ديما كنتمناه....أنا:واش حماقتي راجلي هداك راجلي غير حشمت البارح نتف مك....تيفاني:ههه راجلك؟؟..اشنو عطيته باش يتزوجك؟؟...أنا:أنا ماشي بحالك مشيت تلاحت عند رجليه أنا عندي كرامتي أو هو لي ختارني نكمل معاه حياتو....تيفاني:ههههه نتي حقيرة حيت كتبني سعادتك على تعاسة غيرك....أنا:هههه هدا هو لعدر ديالك نتي لي حقودة أو مبغتش تقبلي بلي جود مبغاكش...تيفاني:أندمك فهمتي...جات كتجري عندي أو يلى بغات تلاح على شعري سرفقت مها حتى طاحت على لرض....دربتني لرجلي بقوة أو لقيت راسي من تحتها أو جمعت معايا بجوج تسرفقات...تيفاني:(بلغوات)جود أيكون لي فهمتي لي بوحدي....قلبتها أو طلعت على كرشها...هزت يدي أو سمكتها حتى داخت....أنا:كتحلمي فهمتي جود لي أنا أو مستحيل يكون لشي وحدة أخرى....نودتها شادة فشعرها أو هي كتلوى علي...غفلاتني أو عضاتني بجهد....طلقتها أو ستغلت لفرصة أو شداتني من شعري....دخلت فيها براسي فكرشها حتى طحنا عوتاني....تيفاني:بسبابك خرجتي على كلشي كنت مكتافية غير بشوفتو من بعيد مكنت بغيت والو ولكن دمرت لي حتى داك أمل بسيط....أنا:(طلعت فوقها)أنا غنورك كيفاش طمعي فيه...طلع لي دم أو موليتش عارفة شنو كندير....شديت راسها أو بديت كنخبطو مع لأرض صلبة....أنا:(بلغوات)كلشي حسدني عليه ولكن حتى حد معرف بلي أنا كنبغيه أو كنحماق عليه....تفاني ولات كتنزف أو ملقاة كي دافع على راسها حيت بيبو حماقت أو ولات صحيحة بزاف....دخلت يدها فصدرها أو جدبت موس صغير حاد أو بلا مقدمات خشاتو فكرشها.....عبق حبست أو بدات كترمش بعينها مفهماتش بضبط شنو وقع لها حتى نزلات عينها أو دم بدا كيخرج بشكل غزير أو رد لها تريكو حمر....تيفاني دفعتها أو لموس فيدها عمر بقطرات دم...تيفاني:موتي انشالله موتي...سمعت خطواتها مسرعين أو أنا تقريباً مكنحس بوالو غير دم كينزل على سروال أو وصل لفخادي....شديت فلجرح أو عيني فسما على نجوم....دم فيدي سخون أو لألم بدا كيكلني فحال قرصات نحل قبل ميجهاد أو يولي لا يطاق....أنا:جود عتقني يا ربي مبغتش نموت حتى نعترف ليه.....أو كانت هادي أخر حاجة قلتها قبل مانولي نشوف غا لبيوضة أو دبابة....
لارا حسات راسها تعطلات أو نادت مع بيتر يردها لفيلا...لحسن الحض دازو من نفس طريق لي سلكاتو عبق...كانوا كيضحكو أو بيتر رتاح لها بزاف حيت إكتشف شخصيتها لجميلة أو لطيفة.....لارا:أنا فرحانة بزاف حيت قدرنا نعرفو بعض أكتر هاد ليلة...بيتر:هدشي بفضل مدام بيبو....لارا:اااه شكر كلو لها...بيتر:أنا رتاحيت لك أو مكرهتش تكرر لقأتنا....لارا:(بخجل)انشالله على لا؟؟...بيتر دور راسو حتى بان ليه جسم ممدد على لأرض فضلام لحالك...بيتر:شنو دكشي طايح ماشي بنادم؟؟....لارا:اااه ولاهيلا.....مشاو كيجريو حتى تصدم بعبق غارقة فدم أو لارا طلقات واحد لغوتة كبيرة تررد صدى ديالها بشكل مدوي....لارا:(بلغوات)عبااق....بيتر حنا حداها أو قاس لها نبض....بيتر:مازال حية حمدلله .....لارا بدات كتبكي أو هبطت مستواها كتقيس فيها أو ولات حمرة بدم يدها أو حوايجها أو وجها....لارا:أنا لي خرجت عليها هئ هئ شكون دار فيها هاد الحالة؟؟...بيتر حيد جاكيت ديالو أو غطاها حيت ولات باردة أو هزها في إتجاه لفيلا....
جود هبط دروج حيت قلبوا درو بزاف أو بقى شاد فيه بقوة...من وقت طويل أو هو كيحاول يهدن راسو أو والو فحالي شعر بشي مصيبة أيتصدم بها....جود:(بلغوات)عبق فينيك؟؟....لا رد غير ضلام أو هو كيدور فداك لمرح شاد فصادروا أو كيتئلم...شعل أضواء أو حتى لارا مبانتش ليه...جود:فين مشات هادي؟؟...طلع لبيت حتى هو لقاه خاوي أو زاد تخلع....جود:تهدن أجود أتكون غير مع لارا ...بدا كينتابه لشي خطوات كيقربو لدروج أو شي حد كيبكي تأكد لحضتها بلي داك لوجع لي سيطر عليه وراه حبيبة قلبو...حل لباب لكبيرة أو طاح على ركابه من مشهد لي جاي كيقرب ليه...بيتر كان هاز عبق بن يديه أو تركوه لبيض ولا أحمر أو لارا دايرة فحالي غطسوها حتى هي فدم أو كتبكي بحرقة....بيتر:سي جود دير شي حاجة نبض ديالها ضعيف....جود فتح يديه أو بيتر حطها بن دراعو....شاف فيها مغمضة عويناتها أو مقمشة من حنكها...دم مغطي صدرها كامل أو باردة فحال تلج....نزلوا ليه جوج دمعات طاحوا على وجها....لارا:(كتبكي)سي جود دير شي حاجة عتقها قبل مضيع....بيتر:(كيطلبو)سي جود مالك جمدتي عتق مراتك....جود بقى على ديك وضعية تشوكا نفاصل على لعالم لواقعي أو غواتهم بجوج كيوصلو بعيد...تخبط على لرض أو خشاها فيه....بيتر:(كيدفعو)نوض أسي جود تحرك دير شي حاجة...جود:(كيهدهد فيها)عبق متخلينيش واعدتني أتبقاي معايا ياك نوضي عفاك نوضي خلينا نمشو عند ألكسندرا....لارا:اويلي هدا شنو تايدير؟؟....بيتر:را فحالة صدمة ولكن سيدة أتموت نبض تقيل...بقاو كيفرجو فيه كيطبطب عليها فحالي غير كينعسها أو فمو كلمة وحدة:"عبق"....

جود بقى على ديك لحالة من ضياع أو دم كيتخسر هباءا منتورا....بيتر بدا كيدفع فيه أو جود غايب أو حناكو على وجها...لارا حتى هي كتغوت بجهد لي عطاه لها الله....بيتر ملقى حتى حل من غير يدربوا باش يفيق من لغلبة...حنا حداهم أو جمع قبضة ديالو أو طلع ليه وجهو شوية...بيتر:سماح لي سي جود...جمع معاه بلكمة قوية عاد توgد....بيتر:سي جود نوض عتقها....جود رجع لواقع أو دم عبق لصدرو....وقف أو مشا طلع مع دروج....تبعوه أو دخلو كاملين لبيت....حيد تركوه أو قطعو بشكل تولي أو طلع لها حوايجها....بيتر قلب نضر ديالو لبعيد أو لارا طاحت كتبكي....جود بان ليه لجرح أو قاسو بيديه مكانش عميق بزاف....جود:خرجوا بجوج من بعد نتفاهم معاكم....بيتر جر لار بلا مايزيد كلمة أو سدوا لباب عليهم....جود جبدها عنقها أو باس لها راسها أو دموع محجرين فجفونو....جود:عبق كلشي أيكون بخير صبري عفاك....مسح لعرق أو خدا بواطة كبيرة من بلاكار فيها كل ما يخص من فاصمة أو دوا حمر أو منضفات جروح أو ابر أو خيوط أو لصقات... فالمزرعة كل واحد عندو علبة اسعافات ديالو بما أن مستشفى بعيد أو كل واحد كيحتافض بها فلحلات طارئة....هز لها على كرشها كاملة دم مختر أو نزيف كانت باردة أو سفرة من شفايفها أما جسمها ولا زرق....نزع تريكوها أو بقات غير بلملابس داخلية....مهمو والو ديك ساع مشاف فحتى حاجة من غير تقبة ديل جرح....شد بزاف قطن أو دار فيه مادة حارقة كتحبس نزيف....تألمات بصوت خفيف أو عينها بداو كيتحلو كلما كيزيد من داك دواء....شد من بعد فوطة ساردة أو مسح ليها دم كامل باش يبان ليه جهة فين يخيط أو كل شوية كتبرد مابين يديه....جود:(عرقان)عبق حافضي على حرارتك عفاك حتى نسالي تقطب جرح أو نديك سبيطار...خدا خيط سميك أو خشاه فابرة عارف مزيان بلي أتعدب بلا بنج ولكن إلا مسدش جرح اتفقد دم أو يهبط لها طونسيو علاما وصلوا سبيتار....بديت كنشوف نور أو مازال دايخة أو لألم فكرشي مكيستحملش...من توضحت لي رؤية عرفت بلي حمدالله عتقوني أو أنا دبا فبيت جود....شميت ريحتو قريبة مني أو يديه على كرشي...كنحس بلبرد أو طرافي جامدين عليا....أنا:(بألم)جود؟؟....جود زاد تعصب حيت فاقت أو أتخيط أو هي واعية هدشي صعيب بلا مخدر....جود:عبق تحملي على ودي....أنا:شنو غادر؟؟....جود:(باس لها راسها)عبق الله يخليك تنفسي مزيان اوكي هدشي ساهل نتي قوية ياك شدي هاد فوطة أو عضي عليها....أنا:(كنبكي)لا أجود مبغتش....جود شد لي وجهي أو باسني فمي بقبلة طويلة أو حنينة....جود؛كتيقي فيا ياك؟؟....موصلوش حتى رد منها أو كمل فتشجعها....جود:عبق أنخيط لك جرحة أو نديك طبيب...خفت بزاف أو رجع حط لي راسي أو مبغتش نشوف لعملية لي أكيد أتخرجها مني.....جود تنفس بعمق أو يلى قرب لابرة غوتات....جود:عبق عافاك إستحملي شوية طريق طويلة أو إلا خلينا جرح أتنزفي بزاف....أنا:(كنبكي)لا صعيب بزاف أجود عفاك مبغيتش....جود قبط يدها لباردة أو باسها أو حطها على حنكو....جود:عبق نتي أقوى بنت شفت فحياتي أللهم تألمي ولا تموتي أنسالي دغيا واخا؟؟....أنا:(أنموت بلبكاء)سربي أجود....كنشعر به كيرجف أو لعرق كيتسبب منو...حسيت بنغزة ديال ابرا أو غير خشاها فلحمي غوت غوتة وحدة....جود كيصبر في أو كنعض فلفوطة بكل قوتي....جود:صبري عفاك أندخل تانية....مكنتش كنجوابو أو أنا فعالم بوحدي عالم أسود أو كنت كنتمشى فيه بوحدي أو كيضربني خنجر حاد من كل صوب أو ماعندي فين نهرب....أنا:(بلغوات)أيااايايي هئ هئ بزااف أاااع.....جود:مبقى والو صافي قربت نسالي...صبرت لآخر غرزة بلكشايف حيت إلا زاد غير وحدة أنموت ليه....جود:صافي ساليت أعبق برافو عليك....جود ولاو يديه مجلخين بدم...ناض بزربة من فوقاها مشى غسل حالتو أو خرج لبس تريكو جديد أو خدة لها تريكو من عندو أو جاكيت سخونة....لبسها أو دار لها بوني باش دفا حيت ولات باردة بلا قياس....هزها بين يديه أو نزل كيجري لسيارة لي لقاها واجدة قدام باب لفيلا...بيتر:سمحلنا أسي جود...جود حطها لور أو دار لها صمطة أو زدح لباب بجهد....جود:حتى نتفاهمو من بعد حضي معاك لفيلا أو من نجي جمع لي لخرا كامل قدام باب دار كنقسم بربي حتى نلقى هدا لي خشى فيها لموس أنقتلو بين يدي....ركرب أو كسيرة بسرعة مخلي تراب هايج موراه... بيتر دور راسو لقى لارا طاحت مغيبة بلخوف أو حنا هزها أو دخل لفيلا.....جود زاد فسرعة لآخر حد أو كل شوية كيطل فزاجة لقدامية كيتحسر على دا صوت لي كتخرجو فحال أنين معدب أو مقتول....جود:عبق صبري على ودي صبري أحياتي......
في ضرف ساعتين أو شي دقايق فبلاصة 3 سوايع لي كيسغرقهم عادةً من مزرعة لباريس....وصل لكلنيك أو بدا كيغوت يجيبوا ليه مساعدة..جاو ممرضات كيجريو أو هو داخل بها لردهة الإستقبال....حطها على جرارة لمرضى أو وقفوه فالكولوار الإنتضار....تخبط على لكرسي أو تنفس ديالو سريع أو كيفكر فهاد الحقير لقدر يدخل لمنطقة محضورة ديال جود أو تخطى الحدود....جود:أنقتلك بربي حتى نعدب هدا لي قاسك...

بعد ساعة أو شوية خرجات ممرضة أو طبيبة متقدمة فسن....جود بغى يدخل فيها من كترت توتر لي طغى عليه فديك فترة إنتضار....(الحديت بلفرنسية)....طبيبة:تكالما مسيور تفضل معايا...تبعها لمكتب ديالها أو حيدات كمامة نيف أو لبست طبلية ديالها....طبيبة:زوجة ديالك؟؟...جود:اااه لا خطيبتي....طبيبة:حالتها مستقرة شكون قطب لها لجرح؟؟....جود:أنا دبا كي ولات كانت باردة طول طريق طويلة باش جينا هنا....طبيبة:ههه مونسيور تكالما بغيت نقولك لعملية لدرتي كانت فمحلها حيت نزيف كون زاد غير شوية كون را فقدانها....جود:دبا يمكن لي نشوفها؟؟....طبيبة:اه تفضل ولكن رها مغيبة حتى غدا عاد تفيق...جود ناض ولكن رجع جلس أو بغى يعترف لها بواحد الوسواس سيطر عليه فلحضة باش كان كيتسنة فيها....جود:بغيت نطلب منك واحد الحاجة....طبيبة:تفضل....جود:عنداك تكون تعرضات لشي إعتداء جنسي؟؟......طبيبة:معرفتش حنا داوينا لها غير جرح....جود ولا حمر أو عضلات صدرو تنفخوا...أما تفاحة آدم فحلقو ولاد مضخمة أو يديه جمعهم على شكل قبضة أو هو كيطلب من طبيبة تكشف على مرتو لي يمكن تعرضات لشي إعتداء من طرف شخص لي ضربها....طبيبة:أنمشي نتفقد هاد مسألة بقى هنا أنجي بسرعة....جود غير خرجات دكتورة دفع لكرسي حتى تخبط مع الحيط أو قلب جاع زينة لي كانت فوق لبيرو....بدا كيغوت أو كيضرب فالحيط بلكمات خلات طبعة زرقة على عضام يديه....غادي يموت إلى وقع دكشي لي كيفكر فيه...أيهبل خاف عليها طول مدة لبقات معاه من راسو ميمكنش يجي شي حد يضيع ليه شرفها فدقيقة أو يضرب ليه كلشي فزيرو...جود:لا عبق لاااا تفووو علاش خرجتي علاش؟؟....تلاح على كرسي راسو أينفاجر مكانش باغي يفقد قدرة على تحمل هنا فلكلنك ولكن ضغط ديال فكرة لمرة على راسو كتاكل فيه أو كتسلب منو روح ديالو....سمع لباب تفتحت مع شهقة صدمة من منضر لمكتب لي خربوا أو رجع كيخلع....طبيبة جرات كرسي أو تقابلت معاه حاني راسو فلرض أو لبكا كيطيح على يدها فوق وجهوا...طبيبة:شوف فيا...جود رفض يلبي طلبها خاف بزاف لتصدمو بخبر أنها تعرضت الإغتصاب....طبيبة:(بلغوات)شوف في مونسيور....طلع عينيه لحمرين أو فحالي كيطلبها متكدبش عليه....طبيبة:مراتك كما ولدتها مها....جود:متكدبيش؟؟....طبيبة:لا مستحيل أنا فتشتها أو مازال صافية مافيها حتى جرح واحد....جود فرح بزاف أو عنق طبيبة بقوة جابليها ضحكة.....من بعد ما رجع لحالتو طبيعية...طبيبة رجعت لور كتشوف فيه بريبة أو فضول....طبيبة:واش نت خطيبها ولا راجلها؟؟؟.....جود:راجلها....طبيبة:لعجب ولكن لبنت مازال عدراء موقع بناتكم حتى علاقة كاملة.....جود:لا مازال....طبيبة:علاش واش عاد تزوجتو؟؟....جود:دكشي شخصي....طبيبة:(بصوت جدي)ادن مزيان من جات هاد المناسبة أسي جود باش نشرح لك واحد الحالة نادرة كتكون عند نساء أو قبل متبداو علاقتكم كزوجين طبيعيان خص تكون فبالك حيت نتا لمسؤول لأول أو لأخر....جود:باش مريضة مرتي؟..

طبيبة خدات واحد لملف فيه رسومات أو عطاتو ليه....جود مفهم والو فدكشي كيبان ليه شي رسوم على شكل قرون أو فألوان فحال وردي أو أحمر أو عليهم سميات طبية كدوخ....جود:اش هدشي؟؟...طبيبة:هادو أنواع رحم أو لبكرات لي عند نساء ....كحزات حداه أو جود مازال متوضحش ليه كلامها....جود:اشنو علاقة مرتي بهدشي؟؟....طبيبة:الور انشرح لك مونسيور كما كتعرف كل إمرأة فلعالم عندها نوع مهبل أو بكرة فشكل هنا فهاد رسم لي كتشوف فيه مجموع فيه أنواع كاملين لي هما 5....(شيرات على الأخراني)مراتك عندها هاد شكل بكرة سميكة...جود:واش مريضة؟؟...طبيبة:لا ماشي مريضة ولكن أسي جود هدا أصعب نوع بكرة عند نساء....لي بغيتك تفهم من هدشي كامل هو أن أيكون صعيب من دقة لمرة لولا تفض بشكل كلي.....جود:مفهمتش مزيان....طبيبة:بشكل أوضح إلا نعستي معها من مرة أولى أتكون صعيبة عليها بزااف ادن بعد مرور بزاف علاقات بناتكم عاد أتقدر تسرح بشكل عادي...جود:ولكن شنو أيوقع فلعكس...طبيبة ضربات طبلة بعصبية أو خنزرات فيه...طبيبة:ميمكنش أسي جود حيت إلا درتي عكس كلامي أتمرض بإلتهاب رحم خطير أو أتولي تفقد أي طفل حملات به أو تقد تولي عاقر...جود:هدشي معندوش علاج؟؟....طبيبة:لا لعلاج عندك نتا بوحدك خصك تساعف أو تصبر معها....جود:شكراً على توضيح مكنتش عارف هدشي مزيان من علمتيني....وصلاتو لباب أو طلب منها سماحة على تخريب لمكتب أو زاد عند عبق....دخلاتو لممرضة لي كانت كتفحس لها نبض أو تقاد لها سيروم....جود:شكراً أنبقى معها ليلة...ممرضة:حمد الله على سلامتها....جود قرب منها أو شد يدها لي مغروزة فيها ابرا سيروم أو باسها بقوة....حطها على صدرو أو باس جبهتها أو حناكها بجوج بحرارة....جود:عبق سمحليا حياتي حيت مهتمتش بيك...كنت أنموت إلا وقعات لك شي حاجة....كنبغيك بزاف كنبغيك كتر من حياتي أو مستحيل نفقدك....ضحك لها فحالي كتبادلو ضحكة...كانت مغمضة أو وجها صفر لابسة طبلية ديال مرضى أو شعرها مشتت على لوسادة...حتى أو هي مريضة أو تعبانة جات زوينة أو جدباتو لها شيء ليدفعوا يقبلها بزاف مرات فمها أو وجها كامل يطفي نار لي من نهار طاح فيها كتزيد تشعل....
حل صباح جديد...لغرفة ضوات بنور سيدي ربي أو عبق حلات عينها أو ألم فكرشها ولا خفيف مقارنة مع البارح....دورات وجها عندو....كان جالس على كرسي صغير بنسبة لضخامة جسم ديالو أو حاط راسو على يديه أو باينة فيه لعيا أو بلي عاد قدر يغفى شوية.....طاحت دمعة من عيني أو تفكرت بلي كنت أنقدر نموت بلا منقوله شعور ديالي صادق ليه....كنبغيه بزاااااف أو تأكدت البارح أكتر من هاد لحب سري....حيدت لزار أو ابرا سيروم أو تمشيت إتجاهو....شديت فجرح أو بقيت واقفة حداه....أنا:سمحليا أجود كنبغيك ولكن منقدرش نقولها لك مبغيتش نعيشك حلم زوين أو أنا ممتأكداش بلي أنبقى معاك...تلمست شعرو بلطف أو هبطت بستو فحنكو....جود رمش أو على وجهو قبلة سخونة...سحابله كيحلم لكن فتح عينيه لقاها حانية أو كتبوسو.....جود:عبق علاش نضتي؟؟....أنا:صباح لخير نتا لي خصك ترتاح أجود أجي حدايا سرير كبير....جود دفعها بحدر أو حط كفو على كرشها...جود:كتحسي بلألم؟....أنا:شوية ولكن حمد الله حيت كنت معايا....جود:أنا ديما معاك....شد لي خصري أو باس جهة جرح....درت يدي على فمي نسكت البكية حيت بزااف على هاد المعاملة لحنينة كتقتلني....جرني لسرير أو تجبدت غطاني أو جر كرسي عرفتو أيسولني شكون ضربني....جود:عبق شكون دار فيك هاد الحالة؟؟....سكت واحد شوية كنشوف فعينه لي ولاو كيخلعو.....مبغيتش نفرش تيفاني هي مازال صغيرة أو أدخل لحبس مفيهاش....أنا:معرفتش....جود:(بلغوات)كيفاش معرفتش....أنا:ماشفتش مزيان كان ليل أو غدرني على غفلة....جود:شكل ديالو راجل مرأة حاولي دكري...أنا:ولله ماعرفت دورني بجهد أو أنا راجعة أو مع صدمة لموس لي تخشى في ملاحضت والو....جود شك فيها أو خاصتاً دوك لقمشاات لي على حنكها كدل بلي لمجرمة مرأة....جود:غادي نحاسبو بطريقتي مغندخلش لبوليس غير دوي...أنا:أووف قتلك معرفتش....جود:صافي متعصبيش أنا انعرف بنفسي....درت جهة أخرى غنموت بلخلعة على تفاني أو على راسي حيت كدبت عليه

نهار تقريباً حتى ليل دوزتو غير فحوصات أو عودوا بدلو لي بزاف مرات فاصمة جود حدا راسي فينما داوني...شوية يدخل معايا لحمام....وأخيراً رجعت لبيت حطوني بشوية أو ردو لي سيروم....جود بقى واقف كيبتاسم لي حتى خرجوا لممرضات عاد جاء جلس حدايا.....جود:شوية دبا؟؟...أنا:اااه مزيان مابقيت كنحس بحتى وجع محدك معايا....حطيت يديه على صدري أو رجع ضحك فوجهي ضحكة حنونة....أنا:جود بغيت نخرج من هنا نرجعو مزرعة أنا تولفتها....جود:مخايفش من هداك لي دربك يولي يأديك؟؟....أنا:لا نتا معايا....جود:(معصب)أنا مكافيش خصك تقولي شكون باش نغبر لبوه شقف.....أنا:وا دويت معاك معرفتش أجود وآه هانتا أترجع تقلقني صافي أيكون مشى من مزرعة أصلاً ميقدرش يبقى....جود:عرفتي أو نسيق لخبار بلي كتخبي على شي وحدة أندمك حتى نتي.....أنا:كيفاش عرفتي لضربتني مرة؟؟....جود:يعني تخمين ديالي صحيح....أنا:(بخوف)لا ماشي هكاك نتا قلتي "وحدة"...جود:أنا شاك فتفاني أو إلين زعما ماشي هما؟؟...أنا:هههه تيفاني ههه لا موحالش تخرج أو تهور أو بنسبة لإلين فمكنضنش حيتش شخص صحيح جسمانياً.....جود:ممم دبا رتاحي غدا قلت لي طبيبة يمكن لك تخرجي...نعسي عطاوك مهدئ....أنا:اااه جاني نعاس....عنقت دراعو أو مشيت مع تأتير لمنوم...أما جود ممتيق حتى حرف أو عارف بلي كتخبي على شي حد أو حالف حتى يجبدو وخا يكون من تحت سابع أرض.....
في صباح لموالي جود وصى عليها لممرضة أو خرج شرا لها ما تلبس أو ورود حمراء أو دواء المطلوب...رجع لكلنيك لقاها فاقت...مد لممرضات لحوايج أو خرج يطمن على حالتها من طبيبة لإكدات ليه أن بعد مدة قصيرة أترجع لصحتها لعادية أو وساتو بزاف على مشكل بكارتها....ولا لبيت كانت واجدة أو كيعونوها توقف....جود:على سلامتك أبيب...باسها فمها حدا ممرضات أو هي دفعاتو حشمانة....جود:يلا نمشيو ليوم نديك ندورو فباريس تبدلي لجو اوكي؟؟....أنا:جود عيانة بغيت نمشي مزرعة....جود:أتكوني مرتاحة أكتر مع لخرجة.....أنا:وخا لي بغيتي.....
خرجنا لبرا شادني من دهري بسرعة بطيئة...ركبنا فسيارة أو تحركنا لبعيد....جود:جبت لك الورد هههه...أنا:يا حليلي اش هاد دلع....جود:ولله حتى نت أول بنت أنجب لها الورد....أنا:(كنشم فيه)ممم رحتو فنا شكراً بزاف ....توحشت باريس أو اجوائها صاخبة....بقيت حادية أو كنتفرج فطرقان....مدينة رومانسية لي ناس كتجي لها من كل بقعة فالعالم بش تلقى لحب ديالها ولا دوز شهر عسل ولا في الأحلام....أنا مكفأتنيش أو سحرها مبغاش يخدم في...مقدرش نقول لجود بلي كنموت عليه حيت هاجس أن خويا يلقاني أو يبعدني عليه كيوقف فطريق إعترافي أو حلقي كيتجمد على ديك كلمة بضبط....كلمة "كنبغيك"......
جود:وصلنا عبق.....نزل جاء يعوني كنا فبرج ايفل...سد سيارة أو هزني حدا ناس....انا: جود شنو تادر ويلي شوهة هبطني....جود:ههه سكتي أنمشو ريسطو بعيد من هنا أو نحطك....ستسلمت رغبة ديالو أو بقى غادي بي أو برج كيزيد يكبار....توحشت هاد بلاص بزاف كيفحل لعادة عامرة بمختلف لجنسيات...كبار صغار شراف كلشي مستمتع بهاد لمدينة الخلابة....أو أكيد بزاف لعشاق كياخدو سيلفي لدكرى....أنا:جود يلا نتصورو حتى حنا....جود:متأكدة؟؟....أنا:أمم يلا صورني او نصورك....جود:ههه وخا...نزلني أو جبد تليفون اوا بديت كندير البوزات لي في ما هناني...لكن بغيت نسا بغيت نعيش بغيت نبين ليه وخا غير بلحركات بلي عاجبني نبقى حداه أو معاه....صورني أو هو كيموت بضحك أو خدينا بجوج سلفي....مدتهاش فلجرح أو عشقت ديك لحضة أو أنا بين يديه خايف علي أو كيبتاسم لصور سلفي بحب....صافي عييت أو طلعنا واحد مطعم قريب من تماك....كليت بزاف حيت هادي يومين مدقت نعمة...من بعد داني جود لمعالم سياحية فباريس...بدنا بقوس نصر أو متحف لوفر....مشينا تاني لقصر غارنيه أو أوبرا باريس....أو منسناش شانزليزيه....أنا:جود يلى نمشيوه لجسر لحب....جود:هههه علاش؟؟....أنا:وباش نحطو لقفل فيه سمياتنا أو نلوحوه فنهر سين....لبى طلب ديالي أو شرينا قفل...كتب سميتي حدا سميتو أو رسم قليب عليه...سديناه تماك فواحد صور عامر بلقفولة ...أنا:(فنفسي)كنتمنى يبقى لحب ديالنا خالد للأبد....بست لقفل أو سورتناه بجوج....لحنا سروت لبعيد كندعي من أعماق قلبي يتلاح معه خوفي من مستقبل...

محسناش براسنا حتى ضلام لحال أو ولينا لمزرعة....نعست فطنبل مفقت حتى فتحت عيني على جود حطني على سرير أو باس لي راسي أو خرج.....
بيتر أو لارا وقفوا حدا دروج شافوه نازل أو بلا مقدمات جود بونيا بيتر حتى طاح على لرض أو لارا شدها من دراعها كيعنف فيها أو هي كتبكي بجهد....جود:فين مشيتو دوي؟؟....لارا:هئ هئ ولله أسي جود حتى معرفتش كي وقع دكشي...بيتر مسح دم أو مشى شد ليه فرداعو باش يطلقها....بيتر:ضربني أنا أسي جود هي مادرت والو....جود دفعها بقوة أو بيتر تلقى لها مابين يديه....جود:تبارك الله عندي سيبة هنا مراتي؟؟...تعرض محاولة قتل فالمزرعة ديالي....بيتر أو لارا ماقدرش يدويو عليه أو هو فتورة غضب....جود ولا كيسب أو يعاير غير من تحت حزام أو كيتحلف فهاد المجرم الحقير لتجرأ يمد يديه عليها....جود:غدا أتجمع لي كبير كل دار هنا حدا دار أو إستجوب كل واحد أو نتي لارا تيفاني أو إلين بغيتهم يكونوا عندي فصباح يلا كل واحد يمشي فحالوا.....بيتر خرج أو لارا مشات قبطات ليه فيديه بترجي....لارا:ولله أسي جود حتى خرجنا غير نشمو لهواء هي بغات ترجع أو أنا لي حمارة نسيت راسي بلهدرة أنا مستعدة تعاقبني غير متبعدنيش عليكم فحال إلين أنا را عزيزة علي بزاف هاد عائلة أو خاصةً باش جات مدامتك....جود حن فيها أو ربت على كتفها زعما ماشي مشكل أو طلع لفوق...لقى عبق كتقاتل مع فاصمة تغطي بها لجرح....تلاح حداها أو خطفها مابين يديها...جود:عبق عيطي لي نعاونك....أنا:لا ساليت بقات غير فاصمة....جود طلع ليا على تريكو أو حشمت رديتو لتحت...جود:عبق باراكا من حشمة خاوية لأمر متعلق بصحتك....خلتو يهز أو بدا كيقيسني تبورشت بزاف....جود:احنا سالينا أزين ديالي ههه فيك جوع؟....أنا:لا لكن مفياش نعاس رتاح نتا أنا أنزل عند لارا....وافق أو طاح على كرشو دودة.....نزلت لبيت لخدم أو دقيت...فتحت لارا دموع فوجها أو طارت عنقاتني حتى توعت....أنا:أححح هههه بشوية....لارا:(كتبكي)أنا سباب أنا أشداني لشي حب ولا زبل...أنا:صافي أصاحبتي هاني صحة سلام...دخلنا أو هي مبغاتش تسكت جاع....أنا:وا صافي وآه أنرجع فحالي....لارا:ههه صافي أنا سكت....أنا:عاودلي شنو طرة بناتكم؟؟...لارا:اويلي وش نتي مريضة أو كتسولني على بيتر؟؟....أنا:وا صافي مازال أنكمل لخطة حتى الأخير دوي....لارا:باش مشتي بقينا كنهدرو بزاف أو نسيت راسي مع كلامو لحلو صافي لقيناك فديك حالة أو ديناك لدار عرفتي سي جود مسكين تصدم أو بقى خاشيك فيه كون ما ضربو بيتر كون متحرك جاع...أنا:(مإترة)كملي؟؟....لارا:اوا صافي باش مشى أنا سخفت أو بيتر هزني لبيت هنا أو بقى كيشمم لي ريحة أو من كترت لخلعة عنقني....أنا:(بفرحة)ييييس برافو أحسن حاجة وقعت من هاد لحادتة...لارا:ههه ولله حتى نتي أكبر حمقى شفتها كنت غتموت أو فرحانة على ودي....أنا:هههه أهه بغت نجمعكم بجوج عاد نتراح...عنقاتني أو طلبات مني سماحة أو طلعت عند جود....كان فستين نومة بستو أو بقيت كنتئملو تحت ضو فيوز حتى غفيت.....
فصباح كان جود جالس على كرسي كبير أو إلين أو تيفاني حداه كيرجفو....تيفاني تحت عينها هالات سوداء حيت ليلات لفايتين منعساشتش خايفة من بوليس يجيو ديوها....أما إلين مادرت والو ولكن مخلوعة لتلصق فيها تهمة...جود:نتوما لمتهمات رأسيات فهاد لقضية....إلين:أنا كنت فداري أسي جود أو عندي شهود....جود:شنو ليضمن لي بلي مسفطيش شي حد من معارفك....إلين:أسي جود أنا ماشي قتالة أنا عايشة هنا قرابة 40 عام مستحيل نأدي شخص كيهمك...تفاني رتاحت نسبيا حيت مشكماتش عليها لكن أكيد أيكون مور هاد تخبية شي شرط كبير....جود:أو نتي آ تفاني فين كنتي نهار الحادتة؟؟...تيفاني:(كتمتم)أنا كنت في سميتو هو كان...لارا كانت منزلة عبق فدروج حتى وقفو عليهم...جود جرها بلطف جلسات على ركابه أو باسها فحنكها حداهم....جود:بيب كي صبحتي؟؟...أنا:بخير....دورت عيني بتحدي عند تيفاني شوية تسخف أو كترجاني نخبي على جريمتها....جود:عبق أنا جبت تيفاني أو إلين عفاك لا كانت شي وحدة فيهم غير عتارفي....نضت تاجهت عندهم إلين حانية راسها ولكن تيفاني كتغزل بلخوف....قربت من ودنها أو همست بصوت خفيف.....أنا:من هنا 10 دقايق نلقاك مورا فيلا كتسنايني....كحازيت أو وليت عندو...أنا:راني قلت لك حتى وحدة فيهم أجود صافي نسا لموضوع....جود:كيفاش نسا راك كنتي أتموتي؟؟....أنا:صافي هنا أنبقى حداك باش حتى حد مايفكر يقيسني...جود:عندكم زهر بجوج خرجوا عليا....تفاني إبتاسمات حيت تفكات من مشكل أو تلقاو فلخرجة مع بيتر داخل عند جود....بيتر:سولت كلشي أسي جود بانو لي طبيعيين بزاف تا حد ما عندو علاقة وقيلا لقتال هرب أيكون مسافط من شي منافس ديال مزرعات لي حدانا....جود:لا مكنضنش أيكون بناتنا....أنا:صافي أجود ما ضلم حد دبا نلقاوه....جود:أو نتوما؟؟اش داكوم تخرجوها فداك ليل....هزني أو حطني فوق بلاصتو أو قرب عند بيتر بغى ياكلوا بعينه...لارا جات حدايا أو شديت فيدها بتشجيع.....جود:اش كنت كادير فداك ليل مع مرتي أو لارا؟؟..دوي كنسولك...شنق عليه أو رضخو مع الحيط...أنا:(بلغوات)جود مدار والو را أنا لي مشيت بخاطري...جود:كنت ناوي على شي حاجة خايبة فحقهم دوي ولا نقتل مك.

لارا:(كتبكي)ديري شي حاجة أمدام....مشيت قربت منهم أو جريت جود لكن كنت ضعيفة أو هو معصب على بيتر مسكين...بيتر:أنا أسي جود كنخدم عندك هادي شحال ولله ما نويت شي حاجة تقلل من احترامك....جود ضربو براس أو لارا كتغوت بجهد...بيتر رعف أو أنا كنجر فيه....جود:كون ماتت اش غاندير فيك اااه؟؟...أنا:براكا أجود كضلم إنسان مغلط فوالوا....بيتر:خليه أمدام يفرغ غضب ديالو كامل...جود:كتجابه معايا؟؟؟...زادو ضربة أخرى لنيف حتى طاح أو رجع طلعو باش يزيد يكمل عليه لكن لارا مبقاتش قادرة تستحمل أو مشات كتجري وقفت ليه فلوسط دموعها مغشيين أو شهقاتها طالعين....لارا:أنا سبب بيتر مدار والو أو حتى مدام عبق أنا أنقول لحقيقة دنب ديالي بلي كنبغي بيتر أو مدام بغات تعوني أو مشينا باش تقربني منو بصح أنا أندم على هاد شي ولكن مضربوش عفاك...بيتر تصدم أو جود حن فيها بزاف أو هي راجعة بركض لبتها...عبق تبعتها أو جود ساعد بيتر يوقف...جود:مطيح فيك لبنت أو نتا لا خبار..بيتر:مكنتش عارف والو..جود:كون راجل أو دير شنو كيدرو رجال واش كتبغيها؟؟..بيتر:منلقاش حسن منها...جود:ادن أنوجدو لزواجكم...بيتر فرح بزاف بعد اعترافها حس بلي عندو قيمة أو باش عنقها شعر بواحد رابط قوي بناتهوم..أصلاً بقات لاصقة ليه ضحكتها فودنو دوك ليومين....جود دخل عليهم أو لقى لارا أتموت بلبكاء أو عبق معنقها....جود:لارا وجدي راسك بيتر كيطلب يديك زواج.....عبق حلات فمها بفرحة أو لارا مافهمت والو...سد لباب أو نضت كنشطح فوق ناموسية أو هازة وسادة كندورها فسما....أنا:ييس لخطة نجحات...لارا قلبتها ضحك أو نضمت لي كندحكو بجهد......بعد لحفلة صغيرة لي درناها أنا أو ياها تفكرت تيفاني أو مشيت نسمعها جوج كلمات على ودنها...تسلت من باب لكزينة أو درت على لفيلا لقيتها جالسة كاتسنا في....تيفاني:شكراً أبيبو حيت درقتي علي...هزيت يدي أو سمكتها...أنا:مدام لوكاس الله يخليك...بقات قابطة حنكها أو نزلت عينيها....أنا:عرفتي لاش درت هدشي؟؟...ماشي على ودك أنا درقت عليك غير على قبل وليدك مساكن مبغيتش يعرفو بنتهم مجرمة أو تانياً حيت نتي مازال صغيرة أو مبغتش نخشك فالحبس....في لمقابل منبقاش نشوف كمارتك ساحة جود نسايها او كنقسم فمي بالله إلا حصلتك مخطة مع إلين شي بلان خايب أنفضحك أو أنا بنفسي لي أنقول لجود فعلة ديالك أو راك عرفاه مزيان كي داير....تيفاني:وخا لالا سمحلية كنت مشوشة او فقدت عقلي فديك ليلة...أنا:يلا درقي زلافتك أو بعدي من إلين حسن لك....حركات راسها بالإيجاب أو غبرات....أنا:مزيان إلين جات نوبتك حتى نتي...رجعت لفيلا...أو لقيت جود مبدل أو نازل لتحت....جود:فين كنتي؟؟...أنا:غير مع لارا...جود:أيكون عدنا عرس هاد سمانة انرد لخدامات يساعدو لارا..أنا:أو إلين؟؟...جود:إلين لا خليها تندم على فعلتها معاك....أنا:يخليلي جوجو ديالي....جود:أنشد مك هههه تلاحي طلعي أنمشي ندوي مع مت لارا أو داك لبغل ديال بيتر.....أنا:بسلامة تهلا لي فراسك ههه...مشى فحالوا أو شدينا ستون أنا أو لارا....لغدة ندنا قسينا أو هي شوية يوحل لها بلفرحة....لارا:(عنقاتني)أنا كي كنت اندير بلا بيك...أنا:وا هيناري من صباح أو نتي تبوسي طيبتيني....لارا:فرحتي كدفق بيتر اعباد الله ماكنتش متصورة شي نهار أيشوف في حتى شوفة لكن غنتزوجو أو طلب يدي من فوق هدا أحسن أو أجمل شيء حصل فحياتي ولله ألالة حتى عمرني شعرت بسعادة حياتي كاملة ضربتها غير تمارة أو خاصة بعد موت بابا مسكين كان هاز علي لحمل....بدات كتبكي أو عنقتهى حيت حتى أنا فكرت الوليد...لأب نعمة مغنعرفوها حتى نفقدوها الله يسمح لينا من لولدين...أنا:صافي دبا خصك تنشطي را جود مشى عند أمك يعلمها الله يكمل بالخير....لارا:كنشكرك بزااف أتبقاي ديما معنا ياك؟؟....أنا:(بخوف)اااه انشالله....سونا لباب أو لارا مشت حلات...مسحت دموعي بلخف أو من خرجت أو لقيت لخدامات مستفين وحدة حدا وحدة فحال سردين أو منزلين راس...أنا:مرحبا بكم مرحبا لارا علاش مدخلتهم بتمر أو لحليب حشوما...لارا:(كضحك)هههه مكيحسابلش...أنا:مزيان مين رجعتو ولكن عندي قوانين كل وحدة تلتازم بها من هنا فصاعدا....قربت منهم أو بديت كنمشي أو نجي فحلا خدامة فالعسكر..أنا: أول الحاجة إحترامي هنا واجب تاني حاجة لي طلبتها تنفدوها بلا كترت لكلام تالتاً إلين مغتكونش معاكم يعني لي بغات تصرف براحتها معنديش مشكل غير فحدود رابعا لارا أتكون كبيرتكم أو أوامرها تنفد أو خامساً كونوا زونين أنولي ضريفة أما إلى ملتزمتوش أنخياب (بلغوات)مفهوم؟؟...كلشي:مفهوم....أنا: لعرس ديال لارا أيكون هادي يومين كونوا واجدين..لمحت صدمة على وجهم أو لفقصة أكيد لكن مغيقدرو يديرو والو من غير شارفة...طلعت لفوق أو بقيت جالسة كنقرا فواحد كتاب حتى دخل جود...جود:زين ديالي شوية؟؟...أنا:(عنقتو)جيتي توحشتك....جود:(هزها)أححح بشحال كتخرج هاد كلمة حلوة...أنا:ههههه توحشتك توحشتك توحشتك...جود: را غاندير فيك يدي...أنا:(كنبوسو فحنكو)ماتقدرش هههه....جود:ياك أجي نجربو...حطني فوق سرير غير بالعقل على ود جرح أو طلع فوقي...خفت شوية لكن مقومتوش...جود باس لها راسها أو نيفها أو حناكها بجوج أو يدو مدخلها فشعرها لي طوال بزاف على أول مرة شافو مطلوق..محسش برفض ديالها أو كمل فشوقو لي غادي ينفاجر لها بوحدها...وصل لفمها أو فجأة يدها تحطو بجوج على لحيتو بلمسة جريئة...خدا لها يد وحدة أو باس راحة يدها أو هو كيشوف فعينها لمغريين..جود:شنو درتي فيا؟؟..

نزل على شفايفها لحمرين بقبلة قوية كيحس راسو مبقاش قادر يصبر...براكا من العداب لي كتختابرو به....كيبقى راجل فآخر لمطاف أو هي كزوجة ديالو خصها تدير واجباتها أو خاصةً بلي كل نهار كتزيد تزيان أو بشحال من مرة كيقلب عينيه على أماكن متيرة عندها أو كيغني فنفسوا شي تخربقية باش ميسمعش داك صويت لحلو أو خلاص بش كتبدا تحلون عليه....شد لي شنافة سفلية أو مبغاش يطلق منها....يدها تغرزات فشعرو أو تانية على صدرو...هدشي زاد حمقو أو تجرأ أكتر....جبدها من ضهرها أو جاء جالس أو هي فوق منو مدورة رجليها على كرشو....ولكن مطلقهاش من فمها باش متفقيش من سحر جود لوكاس لي كيرمي به على لعيلات...لكن بفارق كبير حيت عبق متأتراتش به غير إلا هي بغات أو سمحات ليه...هدشي هو لي علقو بها أو بلخجل ديالها لي عرفوا فقط على لون لوردي لي كلون حناكها...خشى يديه تحت تريكو فضهرها أو بدا كيتلمس خسرها نحيف او كرشها من قدام....حس بها عرقات بزاف أو كطرطق بسخونة...بعد من فمها أو هبط لعنقها موزع قبلات حارين...مدات يدها أو حيدت سباعوو لي بداو كيفتحو قفلة سروال تحتها...هاهي عوتاني حبساتو من بعدما كان فوق سحاب....نضت من فوقو أو تلاحت كنبكي بصوت مرتفع....جود جمع شعرو أو بدا كيبرد فراسو...جود:عبق سكتي مالكي؟؟...أنا:حمار هئ هئ بعد مني تفو كنكرهك...حنا حدايا أو بغى يسد لي فمي....جود:سكتي شوهتينا شدرت لك؟؟....أنا:(كنبكي)نتا كتستغلني بلعاني واعدتيني أو كتخلف معفوون....جود:سكتي را كلشي كيسمع فيك ياك كنتي باغا....أنا:لا مبغاش شربت دواء كيدوخ أو مبقتش عارفة شنو كيسرى لي أو نتا ستغليت هدشي هئ هئ.....جود:أو أنا كي عرفت شربتي دواء سكتي صافي منبقاش نقرب لك....أنا:خرج بعد مني....جود:وا أجي نكملو...ناض كيضحك أو شيرت عليه بوسادة جات فلباب تفو....سديت صدفة أو قلبي كيزدح فحال طبل....جريت حدا لمرايا ويلي كي وليت...شعري تشعكك أو حوايجي طالعين أما فمي منفوخ أو لحرارة وقلة شي 40....أنا:ويلي على حمارة أشداني نخليه تفو تفووو....ديك وقت فاش باسني ترخيت أو ستسلمت كليا لبوسة لحنينة....منكرش بلي عجبني لحال أو دبت فحال شكلاط على نار ...لكن تخيلت وجه خويا لحرش كيغوت قدامي تخلعت أو سالات لحلاوة ديال جود بمعجزة....غسلت وجهي فالحمام أو ديك لحمورية مازال مبغات تخف....كنرجف فحال شي قنية فازgة ناري ميمتي هدشي غير قبل عادية أو شنو دارو في إلى دخل معايا لقاسح أكيد أيسكت لي لقلب....خرجت بدلت أو هبطت عند لارا نعاود لها...حيت إلى ما فرغتش لشي حد أنحماق...شفت يمين شمال لحمد الله جود مكينش...لقيتها فالمطبخ أو جريتها لبرا...لارا:ويلي مالكي حناكك حمرين...أنا:ويلي غير سكتي كان غيسكت لي لقلب...لارا:شنو؟؟...أنا:أنا انقليك سر يبقى بناتنا....(بصوت نازل)دبا أنا أو جود مزوجين ياك؟؟....لارا:اهاه؟؟...أنا:ولكن عمرو احم زعما فهمتي؟؟....لارا:شنو وضحي كلامك....أنا:زعمة أنا أو ياه معمر ما درنا احم دكشي....لارا:هههه وايلي....أنا:اااه ولكن بعد مرات كيبوسني أو عرفتي را كندوب أو جوج مرات سخفت غير ببوسة....لارا تفرجعات بضحك أو بدموع....أنا:ويلي سكتي دبى كضحكي علي سري أنا لي جاية نشكي عليك...قلبت دورة نمشي أو هي تشدني...لارا:ههههه ويلي را ختي مكنضحكش عليك كنضحك على حالتك وا ختي بسيف سي جود را قاهر نساء كيما كيسميو عليه...أنا:كيفاش؟؟...لارا:شتي قبل ماتجي هنا كان كايجيب بنات أو كنا كنتسلتو حدا دروج حنا أو إلين أو نسمعو لكومبا نايضة فالبيت أو ديك بنت مسكينة كتغوت ربي لي خلقها عرفتي را كنخراو بضحك...أنا:(مصدومة)وايلي...لارا:وحق ربي أو من دخلة كتمشى عادي أو من كتخرج كتخرج فركة أو مقسحة...أنا:اويلي يعني حتى أنا أنولي فركة؟؟.....لارا:هههههه ويلي مشيتي فيها غادي تخليه المسخوطة محروم حتى يغتاصك...أنا:تفو فمك لحسوا كلب دبا شندير؟؟....لارا:اديري مديرة الله أتسناي حتى تبراي من جرح أو صافي خليه أصحبتي يدوق الحلوة را صابر بزز....أنا:منقدرش راك مفاهمة والو....أنا:شوفي سي جود را فايتة قلت لك إلا بغا كيبغي من قلبو را ولله متلقاي محسن منو...شتي وخا هو شوية حمق ولكن ولله حتى حنين أو يحيد من عندو أو يعطيك....أنا:لا لا منقدرش را قصة طويلة باش تلاقينا أو خصني نحافض على راسي هاد مدة حتى يعرفو عائلتي...لارا:دبا أنا مفهمش لمشكل لكن سي جود عطيه لي بغى يعطيك لي معمرك حلمتي به را شتي العيلات كيرجعو عندو هنا يطلبوه عند رجليه أو نتي جلسي تبكي علي هنا....أنا:معنديش لوجه لقزديرة لي نبدا نتعوج بها مكنكسابهش....لارا:مالكي شخصك زوينة شعر كحل أو لعينين أو طايتك كتحمق وخا كتلبسي هاد درابل هههه لكن كتعجبه ولله بعد مرات كنلقاه ساهي فيك أو باغي ياكلك....أنا:هههه وا هاد لفهامات أنشوفو واش غتقدري ديرها مع بيتر...لارا:هههه أنا بيتر نهار لول نفرقع مع والديه رمانة....أنا:هاي هاي هاي فين مشات الحشمة ديالك أنا جاية نمشي نقلب لك عليها هههه...لارا:ولله أصاحبتي كي صابرة على ديك زين كامل أنا كون كنت بلاصتك كون غتاصبتو....أنا:ياك لمك مابقيتش كتحشمي هههه....

مشات كتجري فالمرح أو أنا تابعاها كنضاحكو حتى تزدحت مع صدرو أو كنت انطح كون ما شدنش من دراعي....جود:وبشوية راكي مازال مريضة...أنا:(حشمانة)أنا مزيانة طلقني...جود:ههه أو إلى مطلقتش؟؟....أنا:صافي...تفكيت منو أو هربت عند لارا....جود:يا ربي تصبرني عليها.....دخلت عندها لقيتها أتموت بضحك أو نتفتها شوية....لارا:أيييي ههههههه صافي أصاحبتي شتي كان غادي ي.....أنا:صافي سكتي بلاتي حتى نطلو عليك مور لعرس....لارا:هههه واحد نهار سي جود خرج من لحمام أو أنا كنت مدخلة ليه حوايجو لي حددت أو تلاقينا فاص فاص لابس غير بوكسور عرفتي خلعني عندو دكشي كبير قدو قداش ....أنا:(كندربها)سكتي ههههه سكتي را كتزدي تخلعيني....لارا:هههههه يحسن عوانك عرفتي طيحت لحوايج أو هربت يومين ما قدرت نشوف فوجهو....أنا:ويلي كتزيدي طيحي لي لما فركابي.....لارا مسحت دموع ضحك أو ولات جدية....لارا:دبا بصح ولله صافي نساي هاد حشمة أو لبسي شي حاجة زوينة هو أيفهم....أنا:لا صافي لا هو وعدني....لارا:أوف أعبق الله يهديك را رجال ماشي فحال العيلات را مكيصبروش...دبا هانتي متال بسيط حنا كنتسناو حتى نتزوجو هما لا را كيدزو لعجب هدشي غير بلا زواج كيفاش بغتيه يحس بلي كيتيق فيك بلا متسلمي ليه راسك....أنا:حيت عندي بزاف ضروف را ولله إلى عاودت لك قصتي أتبكي...لارا:أنا غير قلت لك أو نتي قرري...باستني فحنكي أو مشات لشغلها....أنا؛تفوووووو منقدرش مستحيل خويا أيشدني يقطعني طراف طراف.....خرجت نمشي عند ألكساندرا حيت منقدرش نشوف فجود....حتى وقفاتني لارا بفرحة....لارا:مادام تكلمي لسي جود....أنا:عععلاش؟؟....لارا:لعشية أتمشي نتي أو ياه مع بيتر حيت دبا هو مسكين ماعندو لا مو لا باه أو بغى سي جود يخطب ليه أو قالي نكلمك نا غنمشي دبا لدار نوجدو لخطبة....طلعت عندو كان كيجبد شي حاجة من شي كوفر فور....أنا:قالوليا طلبتي تشوفني....جود:وجدي راسك أنخطبو لبيتر....مد لي واحد بواطة كحلة أو رجع لبلكار...جود:هدا خاتم أنهديوه لارا شوفي واش زوين؟؟...فتحتها أو عجبني يجي على يدها كيحمق...أنا:واعر...جود:مزيان دوزي تشوفي شنو تلبسي ساعة نلقاك واجدة...أنا:أو نتا؟؟..جود:أنا لباسي راك عارفاه نتي لي كتعطلي أنا خارج وصيت على كادوا انشوف واش جابوه....خرج أو مشيت نقلب اش أنلبس كلشي مرجل كي وجهي....قلبت مزيان أو مبانت لي حتى شي لبسة مناسبة لحفلة لخطبة....أنا:كيفاش كيقولي لبسي أو عارف بلي ماعندي حتى خرية تفو عليك أجود....زدحت باب لبلاكار أو كونت....بعد ساعة عاد دخل هاز بواطة كبيرة....جود:(فيه ضحكة)مازال ملبستي....أنا:شنو غنلبس عندي سراول أو تريكو حشوما نمشي بهم سير راسك أو قولهم تزاد علي لحال....جود قرب منها أو حط لعلبة لكبيرة على حجرها....جود:على أنا نخلي مراتي حبيبتي بلاش....أنا:شنو هدشي؟؟.....جود:جبت لك كسوة فتحي تشوفي...حليتها أو تفاجئت بفستان كيهبل....أنا:وآااوو زوين بزاف...كان واصل لركبة أو معري من كتاف أو فالعنق على شكل حرف V....أسود لامع ن حرير أو بسيط بزاف مافيه حتى لمسة زايدة لكن راقي أو كيبان عليه لهيبة أو لوقار....أو معاه صندلة طالون مشبكة حتى هي فالأسود...جود:مستحيل سيدة لمزرعة تمشي مبهدلة فحال هاكا يا شمكارة بغيتي تشوهي بي هههه....أنا:هههه زوين بزاف أنلبس أو نجي...دخلت لحمام ...حيدت حوايجي أو لبست بقات لي سنسلة مقدرتش نوصل لها...جمعت شعري ديل حصان أو خرجت شي خصلات من جناب...درت شوية ماكياج مع عكر حمر....لبست صندلة أو طليت على راسي واو عجبني شكلي بنت سيدة محترمة غير هو لبسة كاتبين صدر شوية تفو....رديت يدي نطلع سنسلة من لور أو والو موصلتش....جود حتى هو لبس سروال كوستيم.. نسى ريحة ديالو فالحمام...مين دخل اسرو جمالها طبيعي....توقف على لحركة أو هو كيلتاهمها بعينه فئنعكاسها على لمرايا كتقاتل مع سنسلة...فمها أحمر قاتم غير ديال بوسان هادي فكرة طاحت فبالو أو هي كتلويه بغضب....أما ضهرها العريان فجا فبالو ديك لقطة تدوز عليه كامل بقبل عنيفة....طلع عينيه لعنقها طويل أو صدرها لباين بإحتشام...ندم على إختيار لفستان معرفش علاش أي حاجة جابها ليها كتجي عليها لديك درجة من الجمال....تحرك عندها أو وقف مراها كيتبادلو نضرات حارقة فلمرايا....حيد لها يدها أو بدا كيطلع فسنسلة مدوز إبهامو على طول دهرها....جود:جيتي زوينة بزاف..

جود:جيتي زوينة بزاف....أنا:(بخجل)اااه شكراً...جود تحكم فراسو بزز أو جرها لبرا....خدا علبة أو فتحها قدامها كان فيها عقد غليض بحجر أسود أو أخضر ملكي....دار مراها أو ركبوا لها...جود:باش تكمل لبسة جيتي مدام محترمة دبا....أنا:هههههه شكراً بزاف كدللني كتر من لقياس....جود:(قلبها عندو)كتستاهلي امراتي لعزيزة...غمزني أو دخل لحمام عرفتوا شنو قصد....جا خارج راش رحتو لي كدوخني...لبس قميجة بيضة برزات عضلاتو لكن لكوستيم رماه على كتافي...قبط يدي أو نزلنا....كانوا جوج خدامات شافونا حلو دلاقشهم...وحدة فيهم هازة ورد كبير أو تانية شي علب مختلفة أحجام....كان لحال غادي لغروب...خرجنا لبرا حطو دكشي فالكوفر أو بيتر حتى هو كيتسنانا حدا سيارة...أنا:مبروك العريس هههه....بيتر:(حني راسو)الله يبارك فيك....جود:أدي مغربية أعمي عول تحمقك ياك أبيب...أنا:(بدارجة)حشم أجود شهاد لبسالة...جود:هههه صافي هاني سكت....بيتر حل لينا لباب لوراني أو جود شنق عليه أو خشاه لور....جود:زعمة راك عريس اندير لك خاطرك انسوق أنا....أنا:ههههه شتي دلال شكون فحالك؟؟....بيتر:لا سي جود مجاتش...جود:ركب أو سكت بيب طلعي لقدام....ركبنا أو مشينا لدار لارا....أنا:بيتر هاك هاد لخاتم عطيه لها...بيتر:(حشمان)لا سي جود ولله إلى حشمتني بلكرم ديالك....جود:هههه راكم كتنتميو لي أو لارا فحال ختي صغيرة....بيتر:شكراً.....
وصلنا قدام دار أو فتحت أمها بقفطان جميل....سلمات على جود بحرارة أو بيتر باس لها يدها...فكراتني فماما مسكينة....دايرة نفس شدة راس أو من جات نوبتي عنقتها أو شميت ريحة لبلاد فيها....أنا:سميتي عبق أخالتي...لأم:أنا نعيمة ابنتي تفضلي....دخلنا أو لارا مبانتش....كان صالون بجلسة مغربية أو حاطة أكل أو شهيوات من حلوة أو كيك أو اتاي أو مكسرات ديال بلاد....نعيمة:مرحبا بكم دار داركم....بيتر حشمان أو جود داير واحد جلسة ديال لقياد جابلي ضحكة....أما أنا حسيت راسي فالمغرب....أنا:خالتي تبارك الله عليك منسيتش أصلك ولله حتى عجبتني أنك ففرانسا ولكن عالمك مغربي....نعيمة؛بنيتي لواحد هو ليبقى مفتاخر بأصلو أو فصلو...تبارك الله عليك اولدي جود مراتك كتحمق بزين....جود:أححح عارف أو صابر....أنا:(كنتحلف فيه)ويلي على شوهة....جود: فين هي لعروسة..نعيمة:حشمانة مسكينة....نعيمة:مدي يدك ابنتي دوقي طيابي نشركو طعام....أنا:(خديت طبسيل)وخا بشحال هادي مكليت هدشي....لحت علي داك كوستيم أو عمرت طبسيل بالحلوة أو لكيك...جود بغى ياكلني أو قرب لودني....جود:أتشوهيني عوتاني حطي طبسيل لي يشوفك يقول كنبيتك بجوع...أنا؛بعد مني أناكل لي بغيت....خشيت غريبة أو تفرتات على حوايجي....أنا:بنينة أخالتي الله يعطيك صحة....جود كيضحك مع نعيمة يبدل لجو سكات أو أنا طحت فلحلوة عمية...جود مكرهش يقتلني أو حتى أنا باش نجيب ليه تمام شديت فقاصة غمستها فأتاي أو كليتها كاملة....جود:(ضرب جبهتو)ناري شوهاتني..

نعيمة:هههه نزيدك اتاي؟؟...أنا:(فمي عامر)اااه زيديني....جود عجبوا شكلها طفولي أو بقى ساهي فيها أو فطريقة أكلها حتى فيقاتو نعيمة....نعيمة:أنمشي نعيط لبنتي....خرجت من صالون أو أنا كملت كاس أو مسحت فمي عاد شديت بلاصتي....جود:شوهة لعالمية جايبها معايا....أنا؛سير سير لي يشوفك كي كتاكل يهرب....بقينا تانتناgرو أو لمحت لار داخلة جاراها مها لابسة قفطان وردي أو جات زوينة بزاف....وقفنا كاملين سلمات على جود أو أنا بستها أو بيتر مقرباتش ليه....جود:مزيان من تجمع كلشي...بلا شك عرفينا على جينا بلا داك لكلام ديال طالبن راغبين خاريين....أنا؛(دفعتو)اويلي شنو كتقول؟....جود:هحهه سمحليا محستش لمهم بغينا لارا من عندك لبيتر على سنة الله أو رسوله....نعيمة:ولكن كاين مشكل أسي جود بيتر نصراني مسيحي شنو غنديرو فهاد لقضية؟؟....جود سول بيتر واش يقد يسلم جاوبو بالإيجاب لكن حتى يقرى على هاد دين حيت بغى يدخل الإسلام على ود راسو ماشي على ود لارا...نعيمة وافقات أو ناض ركب لها لخاتم....بيتر:Felicitations Laara.....لارا:(حشمانة)pour nous tous les deux....باسها فجبهتها أو نعيمة صلاة على نبي....صافي سالينا أو رجعنا فحالنا حطينا بيتر حدا دارو أو كملنا لفيلا....في رجعة شعرت بلي جود حاضي سيقاني أو رجلي أو كتافي لكن مين كنحصلو كيدير راسو منتابه لطريق...غير فرانا خرجت كنجري حليت أو يلا أنزيد مع دروج شدني من لور أو رفعني شوية على لأرض....أنا:طلقني أجود صافي بعد مني....جود:عبق صافي صبر ديالي تقاضى...أنا:(مخلوعة)لا أجود ...قلبني عندو أو عينيه كيشعلو داك زروقية ولات فحال لهيب نار....أنا:لا أجود وعدتيني...جود:علاش لي يبقى معاك عاد يبقى شاد فلوعد ديالو...أنا:لا أجود عفاك ممممم....خشى فمو في أو بدا كيبوسني نوحشية....دفعتو لجهد لكن غلبني أو شاد لي راسي....أنا:ممممم هئ هئ...جود نسى راس داخل تغرها لمسكر أو ملون بلون دم لي طول لخطبة صابر عليه....هزها من مؤخرتها باش توصل ليه...مشى لطبلة لأكل أو نزل طباسل لي عليها قلبهم على لأرض....حطها على ضهرها فوق طبلة أو هي كتقاومو أو كتبكي...رخاها من فمها أو ولا سخون...هي كانت كتبكي أو فمها تجخلط بلعكر....جود:هداي راك كتزيدي تجعريني ..أنا:لحمار بعد مني طلقني ميمكنش تخالف بوعدك...جود حوال مع صدرها لي طلع على لكسوة أو نزل على عنقها شد معصميها بيد وحدة أو تانية خشاها تحت لفستان كيقيس ففخادها....بقيت كنغوت أو نبكي بأعلى صوتي ...كرشي تقلبات علي أو تقل ديالو كامل على جسمي ضعيف...جرح كنحس به خرج دم أو وجعني بزاف..

أنا:(كنبكي)جود عفاك هئ هئ جرحة أتحل ليا...جود ناض بصعوبة عرقان أو كينهج....طلقها أو هي تلاح من طبلة طلعات كتعوج أو كتغوت بلألم....تخبط على لكرسي حل سدايف أو صدرو كيطلع أو يهبط بالفقصة أو بداك شعور لي لحد دبا مبغاش يحبس شعور عدم قدرة ديالو على مقاوتها...جود:تفو شنو درت خرا...جمع لوقفة أو تبعها....سمع بكاها من لحمام أو مين طل عليها لقاها حانية راسها على لفابو أو شادة فجرح....جود:(مخلوع)عبق مالكي؟؟....أنا:(كنبكي)بعد مني خرج برا....جود:سمحليا ماكتش عارف راسي شنو تاندير....أنا:ديما نفس لكلام ديما نتا معرفش راسك شنو تادير حتى تقتلني عاد تعرف ياك هئ هئ هئ....جود بقات فيه بزاف أو بغى يعاونها لك دفعتو أو سديت لباب بساروت....حيدت كسوة أو طليت على فاصمة ولات حمرة....بقى خانقني حتى لجرح تضغط أو خرج دم....حليتها بشوية مسحتو أو عقمتوو....عاودت فاصمة جديدة أو لبست حوايجي لخلتهم تماك....جود بقى حدا لباب متكي نادم على تهور ديالو....خرجت وأخيراً أو جبدها عنقها بقوة....حس بقبضتها على صدرو لكن مطلقهاش...جود:سمحليا صافي أنتحكم فراسي مرة جاية....أنا:ديما كتكدب علي صافي وليت كنخاف منك....جود:كنواعدك صافي سمحتي لي؟؟....أنا:لا...دفعتو أو تكمشت فسرير....جود مشى حيد حوايجو أو لبس غير سروال فحال لعادة أو تخشى حداها لكن بقى عاطي ضهرو فحالي لي عاطية بضهرها ليه....جود:عبق حتى نتي غالطة فهدشي راك معرفاش شنو تادري في؟؟...مجاوباتوش أو دار عندها لقاها كتشخر....جرها بلطف أو عنقها من لور...جود:سمحليا حياتي ولكن خايف من راسي بزاف لنفقدك بسبابك نتي لي كتخرجيني على طوعي...شم لها شعرها أو يديه على بلاصة جرح.....طفا ضو أو نعس أملا ترحموا عن قريب.....في صباح...نضت أنا أولا ...كان جات لارا أو وقفنا على شي اغراض ديال لعرس من زينة أو طوابل أو غطوات كراسة فكاميو كبير....حسيت بها فرحانة بزاف حيت جود مبغاش يخرجها بلا عرس كيليق بإسم باها لي عطا بزاف من وقتوا أو حياتو لآل لوكاس....قروه يديروه فحقل لمزرعة....حطوا دكشي كامل تماك أو بداو كيقادوه بطريقة لي بغات هي...ستفو طبلات لي أيجلسو عليهم ناس....فرشوهم بغطاء أبيض أو دارو عليهم ورد إصطناعي....ركبوا مسرح خشبي صغير....زينو بلبالونات أو الورد فكل مكان....كان لجو ساحر لعرس فلمزرعة شي حاجة مختلفة...بيتر أو لارا عجبهم بزاف شكل نهائي ديال عرسهم...جود عاد تم نازل أو باس عبق أو هي واقفة معاهم....بعدت شوية مخنزرة فيه....جود:فطرتي؟؟...أنا:ماشي شغلك..جود:بيتر مزيان هدشي؟؟....جود:الله يكتر خيرك أسي جود كرمتينا بزاف...لارا:شكران سي جود مكينش بحالك فالعالم...جود:ههه وقولوها لشي وحدين قالبين وجهم....أنا:حمار....زدت فحالي عند نعيمة حيت حتى هي جات معاها دراري رافدين لها شي تقضية...أنا:للا نعيمة شنو جايبة؟؟....نعيمة؛عرس بنتي هدا أو جبت نحط هادو فالكزينة عندكم أو نوجد ماكلة...أنا:بلاش جود وصى على كلشي...نعيمة:لا أندرو شي شهوات مغربية غير لفال....أنا:آه مزيان...مشات لداخل أو كملنا تجهيز حتى وقت لغداء....لقينا نعيمة وجدات لينا طاجين أو شلايض...كلينا مجموعين تحت رغبة جود....مشاو سلاو طياب أو أنا كنسبر فلارا حيت لخوف بدا يقبطها من لعرس أو تحت كلمات لغزل ديال بيتر....وصلت لعشية لبساتها أمها كسوة فالخضر أو درنا جلسة فلمرح مع لخدامات لي بدا كيعجبهم لحال...درنا عليها أو هي جلسات لوسط...مها بدات كتغني أو كترشها بزهر أو كتبكي...حتى أنا بكيت أو لخدامات مفهمو والو إكتفاو بتسفاق....جود أو بيتر غبروا فخطرة....دارت لها لحنا فيدها بجوج أو سلمنا عليها كاملين باركنا لها بدموع أو بصلى أو سلام....دخلات لبيت حيت بغات تبقى بوحدها أو أنا جراتني مها عطاتني قفطان بسيط لكن زوين....نعيمة:لبسيه غدا انشالله....أنا:شكراً بزاف أنردو لك...نعيمة؛لا حبيبتي خليه عندك راك وليتي فحال بنتي لارا عودات لي على كلشي كما جمعتي جوج قلوب كيتاحبو ربي أيجازيك من عندو....باست لي راسي أو مشات تكمل طياب....وصل ليل عاد سي جود تام داخل مع بيتر ريحة شراب كتعطعط منهم....جود:هههه بيتر عنداك مرتك حتى هي...ناري غيفرشني لكن شهق أو سكت كان مدوخ...بيتر وصلوا دار كان شوية واعي أو غمز لارا أو مشى....جود كلما كيقرب مني كيشهق أو مشيتو عوجة....دور يديه على عنقي أو ساعدتو يطلع لبيت...أنا:أييي تقيل أجود أشداك تشرب؟؟....جود:هههه درنا حفلة توديع عزوبية أو شربت بزااف على ودك نخب ديالك نتي حيت نتي لي بنت لي قدام عيني....أنا:اشنو كتخرمز صافي عوني شوية...وصلت بلكشاتف أو تلاح على كرشو كيموت بضحك...جمعت ليه شعروا...أو حيدت ليه سبرديلة.....أنا:عوجتي لي عنقي....جود:عباق بيبو ديالي أجي نبوسك أجي هههه.

يتبع

أجزاء القصة
كايتنشرو القصص و الاجزاء كل يوم ابتداءا من 8 دالعشية بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية