صورة مصغرة لـمجنون بيبو الجزء الرابع

مجنون بيبو الجزء الرابع

rab3 jonon w majnon bibo 
رواية مجنون بيبو بقلم شهد

جود بدا يفقد صبر ديالو ريم تعطلت بزاف...تقريباً ساعة أو نص مازال مبانتش....توتر أو خاف لا راجل يتعكس معها أو يرفض يخليها تدخل....بدا كيضرب فالفولون....فالباب... فراسو.....بحركات تدل على لعصبية...أو رجليه كتهزز فحالا خدامة بضو......جود:فينك أريم ؟؟.....طل على لباب مرة أخيرة حيت قرر إلى مخرجاتش أيطبق لخطة B......أو فعلا خرجات محملة بساك كبير أو كتسرع فمشيتها....تنهد تنهيدة إرتياح....دار لبوني على شعرو...أو خرج تعرض لها أو هز لها ساك تقيل.....ريم:زرب سربي....طلعوا بسرعة أو نطالق من الحي لي أيشوفو يمكن أخر مرة.....ريم كانت كترجف أو لعرق كيتسب من جبهتها.....جود:شنو وقع؟؟....ريم:سخفني بالأسئلة كنجمع حوايج أو هو حاضني أو فحالي متيقش....جود:اه؟؟.....ريم:وريتو لفلوس عد رطاب....جود:مزيان كلشي كيرطاب بالفلوس جبتي لوراق كاملين؟؟.....ريم:اه أصلاً كانت جامعهم فواحد ساك راني خشيتو لك تماك ناري قلبي كان أيسكت بالخلعة.....جود:هههه mission impossible....راك درتي أصعب من هدشي ولا نسيتي؟؟.....ريم:(بندم)متفكرنيش....جود:مزيان أزين ديالي....ريم:هههه يا شلاهبي....جود:هههه يا لمك شوفي حاولي تبعدي على هاد لبلاصة.....ريم:مم وخا دبى قولي شنو ناوي دير؟؟....جود:خصني نسافر أو نتي حضي معاك الأجواء....ريم:كفاش؟؟...فين أتمشي؟؟....جود:أنعلمك من بعد خلي غير دكشي لكنفكر فيه يصدق....ريم:جود زدتي فيه عييت منخبي فوقاش أترد لبنت؟؟....جود:ريم الله يرحم والديك لما سكتي نتي غير خبي عليها قولي بلي سافرات مع هاديك لمرة أو أتعطل أصلاً لعام سالا.....ريم:را خصها ترجع دوز إمتحانات غادي تسقطها.....جود:(فنفسوا)أللهم تسقط ولا تموت....ريم:جود فين سهيتي؟؟...جود:أنا معاك نتي ديري دكشي لقلت.....وصلها لدرب خاوي أو نزلوا بجوج.....وقفوا حدا مقدمة سيارة أو جود مد يديه لحناك ريم بطريقة أخوية.....جود:هتمي براسك خصني نمشي....ريم:(كتبكي)أنتوحشك.....جبدها عنقها أو خشاها فحال بنتو لكيخاف عليها بزاف.....جود:أنا بخير نبغي نجي نلقاك كبرتي أو طوليتي شوية حيت عنقي عواج ههه.....ريم:(كتبكي أو كضحك)هههه نتا حمق متعطلش أنا غادي نخبي عليكم أو تاصل بي....جود:أمم اوكي...هبط على طولتو أو باسها فحنكها...غمدت عينها أو حسات بالحنين لهاداك لحب لي كانت قدماتو ليه واحد نهار أو رفضوا....ريم:سير دابا....جود:بسلامة صغيورة ديالي....طلع لسيارة أو هي تشير ليه ببراءة أو هي كتشوفو كيبعد حتى مبقى غير لغبار....
جود وصل لدار لمهجورة...خدة ساك أو طلع بجرة لعندها....لاح ساك فبتوو....أو فتح خايف وخى مكيناش شي أداة تأدي راسها فالبيت...مي خوفو عليها ولا أكبر من أي شعور داز على قلبو لميت....رتاح باش شافها جالسة أو شعرها طايح على وجها أو مغطيه على مرآه.....جود:عبق؟؟....مهزاتش راسها..كتلعب فصباعها أو سكوتها ممريحوش......جلس حداها أو هز لخصلات لي طايحين باش يشوف تعابير وجها...لقاهم ميتين بلا روح....جود:عبق مالكي؟؟....هزات عنيها لمنفوخين أو بتاسمات إبتسامة عريضة.....أنا:مامليش غير أنتزوج برغم مني من واحد حمق......جود:سكتي أو جمعي راسك.....أنا:اه وخا شي حاجة أخرى أراجلي لعزيز....جود:بركة من طنز أو نودي وجدي راسك....أنا:هههه فين عوتني؟؟......جود:أنمشو من هنا.....قادي حالتك أو هاد نفسية غير ضربي عليها.....أنا:اه شي طلب أخر ؟؟.....جود:اه بغيتك تعرفي بلي مكنديرش هادشي غير هاكك.....طلعتو بعيني من رجليه حتى راسو.....شنو غنتسنى منو؟؟....حالتو باينة....دجين مقطع....تريكو مكمش....شعر طويل أو ممرتبش....بنية كبيرة...شمكار ديال لخلا...تفو كرهتوا من أعماق قلبي...دبى أنا فأخر يامي أنتزوج بهاد لحمق لهبيل الهمجي لمجنون ....جود:مالكي كتحنزي؟؟....أنا:أجي سد لي عيني حتى هما....(بلغوات)قطع علي تنفس حسن.....جود ضحك حيت هادي هي عبق لكيبغي يشوفها ماشي هديك ساكتة....جود:سيري غسلي حالتك...ساعة نلقاك واجدة.....مشى أو خلا لباب مفتوح....نضت تبعتو نشوف شنو ناوي يدير.....رد لباب أو رخيت ودني جلست نتسنط....
جود:ألو صاحبي....سافا لحمدلله....كي دايرة لخدمة؟؟....مزيان....شوف بغيتك فشي حاجة مهمة...طلعت لي شي خدمة بعيدة أو بغيتك تحجز لي فطيارة.....خصني ضروري نمشي....اوكي مزيان بغيتهم ليوم إلى كان ممكن....حجز لي جوج بلايص لدبي....لعز شكراً.....
أنا:(مصدومة)دبي؟؟...أنمشي لدبي؟؟...ميمكنش...فين بغا يديني خصني نلقى شي حل....فكري أبيبو فكري.....بقيت كنتخبط غير بوحدي...لرض كديني او كتجبني.....عييت بزاف بغيت غير نعس أو نرتاح أو من نفيق لقى كلشي حلم زوين أو خايب كنت عايشة فيه أو معمر مكان شي شخص سميتو "جود" فدنيا......

أهلاً فتيات...ليوما انشالله بليل غادي نحط لكم أجزاء جديدة....صراحة طلعتولي دم ديال بصاح ... محطيتش حيت كنحس راسي معنديش إعتبار جاع...أو فحالي زايدة ناقصة معاكم....حطيت هاديك هي محطتش لما أو شطابة طال لقاع المحيطات .....
كندير مجهودي باش نبدل ستيل لكتابة أو لأفكار لمتعاودة أو نمط الممل ديال لبطل رزين لمتالي لي مافيه حتى شي عيب أو لبطلة لحشومية ضعيفة لي معندهاش جاع إعتبار...أو رغم هدشي كامل مازال ضعف كبير فالقصة..
واش لقصة موسلتكمش معجبتكمش معندكمش مع هاد نوع ديال بطلة قوية معرفتش صراحة ...بارتيا من زمان هادي شهر يلى وصلوا 90 حتى 120 جيم....يعني خصني نعيد نضر فدكشي لكنكتب....صعيبة لكاتبة تحس راسها نكرة فعالم لقصص صعيبة بزاف....2 بنات ولا 3 لي سولو علاش محطيتش أو هادشي مبقاش في قد مبقى في لوقت لي كنخسو لكتابة كل نهار متخلية على أبسط حوايج ترويح على نفس فهاد صيف...
أنا مكنتشكاش بالعكس أنا كنوسل لكم شعور كنحس به........كنتمنى منكونش داوية خاوية أو هاد لكلام تقراوه ولا متقراوهش أو تقلبوا دورة...أو منساش نشكر أي بنت عندها اهتمام أو كتسول...أنا أعشق الكتابة ولكن في ضروف مماتلة فحال هادي كنحس بالفشل أو بلي غير كندبز أو كنخربق أو معنديش بلاصة كشهد فعالم الكتابة....شكراً لكل وحدة أتقرى أو تفهم....

قلبي كيدرني..كيدرني بزاف...لدرجة أن دموع رفضوا يساعدوني أو يخفوا شوية من لوجع لي كنحس به....مجموعة من الأحاسيس مستحودة علي ولكن طاغي عليها لكره لإنسان دخل لحياتي برغم مني...رونها خربقها قلبها سفاها على علاها....سكت أو قلت ماشي مشكل بما انني شي نهار أنرجع لحياتي طبيعية...ولكن دبا بغى يربطني به...بغى يشدني من يدي لكدرني...بغى يستغلني أشد إستغلال أو يجبرني نكون ليه.....علاش اشنو درت؟؟....تبليت بمجنون...مكنتش متخيلة هدشي كلو يجرى لبنت كانت باغية غير ترتاح....عايشة فضلم...بشحال صعيبة هاد الكلمة...صعيبة لدرجة كتنهش فيك كل تانية أو نتا ساكت أو يديك مربوطين....هاد شعور كان كيدور فالخلد ديالي أو أنا كنشوف إنعكاس صورتي فالمرايا....إنعكاس ميت..مخنوق..هادي ماشي أنا...هادي غير مجرد لعبة ولات بين يدين شخص بعيد كل لبعد على لعقلانية...إنسان متوحش قول كبر فالغابة...تفو على حالة...
غسلت وجهي أو عنقي باش نبرد لحر أو لمرض أو لموت لي طالعين معايا...فين غنمشي يا ربي حتى للإمارات....شنو بغى يدير لي....مين سالا لمكالمة أو أنا نفكر أو نخطط مالقيت حتى حل...منقدرش ندير راسي مريضة منقدرش نهرب...منقدر ندير والو....أنا:يا ربي عوني يا ربي شي معجزة من عندك يا ربي....سمعت خطواتو كيقربو من لحمام أو أنا نوض نجمع لوقفة....جود:(كيدق فالباب)عبق خرجي 2 سوايع أو نتي غابرة خرجي ولا نفرع على مك هاد لباب....أنا:بعد مني ....جود:(كيدق بجهد)خرجي ولاه يا مك حتى نفرعو.....أنا:(بلغوات)بعد مني مغدش نمشي معاك أو مغدش نتزوج بيك فهمتي غادي نقتل راسي أو نتهنى منك الحقييير.....دورت عيني بزربة نقلب على شي ألة حادة صافي عييت عييت ولله منكون ليه.......أما هو بدا كيخبط أو يغوت أو خفت غير لا يهرس لباب أو أنا مازال ماوصلت لمرادي ...بانت لي ماكينة ديال لحسانة فواحد لمجر....شديتو بيدي كنرجف...معمري تخيلت بلي غادي نخلي على حياتي...ولكن كان عندي تصميم كبير...أنا:(كنرعد)غادي نموت أو نتهنى منك منقدرش نبقى عايشة مع حمق فحالك.....كنقرب ماكينة من يدي أو صوتو أو غواتو تقب لي ودني....أنا:(بلغوات أو لبكا)جود صافي وأخيراً غادي نمشي أو نخليك أو نهني راسي من واحد فحالك نتا لي خرجتي علي نتا لي أتنهي حياتي هئ هئ .....فلحضة فحال لبرق...صوت مجهد ديال لباب... صدمني واحد لمدة أو أنا كنشوف جود داخل ساعر أو عضلات صدرو منفوخين....رجعت الوعي أو يلى انجرح شريان ديال يدي.. يديه تزرعات بعنف فدراعي أو خطفولي.....جود:(بغضب كبير)واش لمك تسطيتي؟؟....أنا:(كنبكي)حيد يديك علي المجرم تفووو بعد مني.....دفعني على الحيط أو طول جلوسي هنا معمري شفت هاديك نضرة شريرة لي كنشوفها دبا....جود:مغدش نخليك تبعدي عليا هدشي لي عمرك تحلمي به....أنا:كتحلم أنمشي هههه أو نتا غتبقى بوحدك بوحدك فهمتي....شوفات زادوا خلعوني كنحس به فحالي كاتم بركان كبير أو مبغاش يفرجعو فوجهي.....جود:احنا أنشوفو.......جرني بقوة لبيتو.....مقدرتش حتى نتبع خطواتو لكبار....دفعني أو لقيتو موجد ساك صغير.....بان لي واحد ساك فحالي عرفاه....قربت منو ....أو تأكدت بلي ديالي....أنا:شنو كايدير ساكي عندك؟؟....جود:(بدون إهتمام)ماعندك مديري به حتاجيتو غير باش نجيب لك وراقيك.....أنا:شنو كتقسد.....جود:جبت وراقك باش نسفرو.....أنا:(بلغوات)واش حماقتي؟؟...شكون قالك بغيت نمشي معاك؟؟....جود:مكنطلبكش أتمشي بلهلا يطريه لك.....أنا:تفو على حالة تفووو كون غير نموت أو منبقاش معاك....جود عدباتو هاد لكلمة بزاف مكرهش يعنقها أو يخرجها من هاد شك....جود:(فنفسوا)صبري أعبق مبقى والو أو نخبك فقلبي منهم.....أنا:حشوما عليك خويا غيقتلني هيء هئ إلى عرف بلي خرجت على فرانسا أنموت بيك ولا بلاش....جود:من غنكون راجلك تا حد مايقدر يقرب منك.....أنا:نتا عقلك مسدود ولا حتى يكون عندك شي عقل بعدا أنا غادي نفرشك أو نفضحك.....جود:ههههه نسيتي تصاورك أبيب حتى حد مغادي يتيقك......أنا:حرام عليك أجود خليني غير نرجع المغرب مابقيت باغية والو ولله.....جود:أنا باغيك نتي....أنا:(بترجي)جووود.....جود:(قطعني)صافي ساليت يلا نمشيو.....لاح فوجهي بوني أو جاكتة ديالو......جود:لبسي هادو.....أنا:بغيت ندي حوايجي.....جود:لا أصلاً هاد درابل منبغيكش تلبسيهم كلشي أيتبدل أعبق معايا أنا أو لي قلتها لك طبق.....أنا:مغدش نسمح لك....جود:اوكي ماشي وقت هاد لهدرة يلا طلقي راسك....لبست دكشي تحت انضارو أو مشيت هزيت ساكي....جود ملقى مايقول أو قرب مني....جود:أري نهزو يمكن أنحتاجوه....عطيتو ليه أو خدا الباقي ...شفت فالبيت لأخر مرة....هبطنا لتحت...لبست سبرديلة أو جود فتش بنضرة أخيرة دار لي تعرفت فيها على أسوأ شخص شفتو فحياتي....
بقينا غادين واحد طوالة على رجلينا....هو لقدام أو أنا تابعاه...لجو كان بارد أو كينبء بعاصفة قريبة....فحال قلبي تماما.....وصلنا لواحد بلاص عامرة شجر....كانت طنبل مخشية تماك....جود:طلعي....أنا:طلع فوقك جنية انشالله لحمار....جود:را سمعتك....خشى دكشي فالكوفر أو تسناها حتى طلعت أو خدة تليفون.....جود:(الحديت بالفرنسي)صاحبي غادي نسافط لك واحد لعنوان جيب رجال أو خوي كلشي بغيتها ترجع فحالي معمر مسكن فيها شي حد....تكلف نتا أنغيب شي فترة ....اوكي خليت لك كلشي تهلا.....طل على عبق من زاج أو كانت يائسة بزاف أو حس بشعورها حيت جربوا جرب كيفاش يعيش مدغوط أو ماعندو حتى خيار ولا فرصة يقرر فيها....جود:سمحلي بزاف أحياتي....شنو كنقول؟؟.....واش بصح وليتي حياتي كاملة أعبق؟؟.....

كنت عارفة شتا..... كتسب بهمجية....طول طريق أو لجو كيزيد يتكفس....ولكن قد مايكون خايب لجو لي فطونبل كان غريب....بقيت مخشية فجاكتو...كان فيا لبرد أو لخوف....قد ماندير راسي جبهة..كنخاف منو بزاف خاصةً باش كيفقد أعصابو....شنو ندير نتشكى بيه لأمن لمطار؟؟...ولا نسلت حتى نوصل عند لبوليس؟؟...ولكن أيشدوه؟؟...ياكما شداتني هاديك "عقدة ستكهولم" باش المخطوف كيولي يتعاطف مع لخطاف؟؟....مخسنيش نضعف يمكن ندير شي محاولة على الله نتنجح....ولكن عندو تصاوري....تفو إلى وصلوا لخويا غير نمشي نتاحر.....طليت عليه...كان مركز على طريق لخاوي....غير حنا لي سلكينها...معرفت فين كان خاشيني...لحمار راس طاروا.....داز من منحدرات أو شي فراجات دوخني....سحابلي راسي طولنطية ساعة قالي مكتعرفي والو.....سكت حسن لي...أنبقى نفرع معاه راسي أو نشحف حلقي.....جود كان كل مرة كيشوف فيها بنص عين....عارفها كتفكر فشي مهرب أو غارقة تلودنيها....حن فيها بزاف مرات أو تنهيداتها كيخرجوا مئلمين من صدرها.....زير على لفلون أو كان كيحاول يخرج فيه مقدار الغضب لي كيحس من ناحية لعصابة....مكرهش يقتلهم واحد واحد ولكن دابا يديه مربوطين حيت معه جوهرة تمينة أو غالية...."على قلبو".....
وصلنا لواحد ساحة كبيرة أو خاوية...كانت شمس شرقات شي شوية....كنت نعست حيت عييت من طريق....جود:عبق فيقي وصلنا.....حركت راسي بالإيجاب أو نزلنا....تلقى لينا واحد راجل لابس كوستيم كحل طويل أو عريض....سلم على جود أو تبعناه.....جود خطف لي يدي أو شدني بزز........ولكن فين هو لمطار؟؟.....مابقيت فاهمة والو؟؟.....أنا:جود؟؟...ياك قلتي أنسافرو؟؟.....جود:اه أنسافرو ولكن مخسنيش نعطيك فرصة تهربي....أنا:كفاش؟؟......طلعنا فشي دروج أو أنا غير تابعاه.....أو هنا كانت المفاجأة.....فوسط لبلاصة لي وصلنا لها كانت واحد طيارة كبيرة أو داير عليها رجال لابسين نفس لبسة ديال هادا لي جابنا.....جود زير على يدي...أو كملنا حتى وصلنا لطيارة....دخل بزربة راجل لي جاء معنا أو فدقيقة خرج راجل تاني باينة رئيس ديالهم....كبير فالعمر عندو شي 50 عام...شعروا شايب ولكن مازال حروف لوسامة مماتش على وجهوا....لابس دجين أو معطف غالي داير ساعة كبيرة فيديه أو شاد بيديه سيجار.....كان منتاسم فوجه جود....أو أمر واحد من رجالو يعيط لينا....مشينا ناحيتو أو جود باش وصل عندو عنقو بجهد.....جود:(الحديت بالفرنسي)مونسيور ريشارد بشحال هادي ماشفتك....ريشارد:ههههه توحشناك أجود .فين غابر؟؟....جود:دنيا أو صافي....ريشارد طلعني بعينه أو راسم على وجهوا نفس إبتسامة.....ريشارد:شكون هدا لي معاك؟......ولد لحرام قمعني سحابليه دري....جود:ههههه هادي خطيبتي غير لابسة هاكدا على حساب لبرد.....تفرشخ بضحك هاداك شارف لحقير.....ميكت أو مشيت جلست....طيارة لداخل كانت سخونة أو شراب مستف فواحد لقنت....تصميمها زوين أو دافئ بكراسة لونهم باج أو ارضيتها مفرشة بموكيط فيها ريش...حيوطها كلهم خشب من نوع رفيع....أو بانوا لي حتى جوج مضيفات بعاد.....وقيلة هادي طائرة خاصة.....عاد فهمت جود كان عارف بلي اندير شي شوهة أو بدل لبلان....أنا:ولد لحرام لكلب.....شيرت لمضيفة أو طلبت منها تجيب لي نخشي فوجهي....حيدت لبوني أو صافي ماعندي فين نمشي...رديت بمكتوبي معاه.....
جود:شكراً سي ريشارد....ريشارد:ماتقولش هاكا نتا فحال ولدي...جود:اه ههه.....ريشارد:دوقك فالبنات ولا عيان.....جود:هههه لقلب مكيشاورش.....ريشارد:اش عجبك فيها؟؟.....جود:(بحب)قلبها......ريشارد:شكون قال بلي جود غادي يطيح على راسو.....جود:هههه اييه مهم دبا خلينا من هاد لكلام أو نكملو هدرتنا.... شكراً حيت أدينا معاك حتى لدبي أو مغدش نسا لك هاد لخير.....ريشارد:ههههه كنرد لك خيرك حتى نتا نيت أنا كنت غادي عندي شي مسائل نقديها...راك عارف شغلي كرجل أعمال فحالك مكيخلينش نجلس....جود:اه حتى أنا.....شاف فعبق كانت بعيدة عليه أو كتكول بنهم.....عتادر أو ناد قرب منها....خدا لبوني أو لبسو لها.....أنا:شنو تادير؟؟....جود:لبسيه را كاين لبرد....أنا:بعد مني شكيت عليك تفو.....جود شاف ريشارد أو هو يحني على فمي بقبلة خفيفة....جود:متسرفيش هاكدا قدام سيد تصرفي عادي أو بقاي هادئة.....ولد لق**** ناري زرب علي زربة خايبة....كان فيا ميندمو ساعة حشمت من شارف كمدتها فقلبي أو سكت...حتى لماكلة دفعتها سد لي شهيتي يخ تفو....صوت ديال لبيلوط علمنا بلي غادي نقلعو.....جلست حدا سرجم أو حطيت يدي على زاج...أنا:بسلامة فرانسا بسلامة دعي معايا بالخير.....جود حمقاتو لبراءة لي على معالم وجها أو هي كتودع لبلاد....جود:غادي نعوضك أزين ديالي ولكن حدايا أنا......

في وقت ليس بقصير.....رحلة كانت طويلة بزاف....6 ساعات أو حنا طايرين....بقات لينا ساعة وحدة أو نوصلو لدبي....عييت جسدياً أو نفسياً.....نعست جوج مرات كل مرة كنلقى جود حدايا....أو من كنفيق كيبعد ولا كيتناقش مع هداك شارف....مشى لبالي بزاف مرات مع حكيم...كنتخايل غير شنو ممكن يدير إلى عرف...يقدر يقتلني أو ميحنش في....حتى أنا كنت بغيت عرس أو نعرض بنات لي كنعرفهم أو بنات لي كيكرهوني ههه ...أو خويا أو ماما يفرحو بي... مازال كنعقل على حكيم باش واعدني بلي غيدير لي عرس كبير يخلي كلشي يهدر عليه....طاحت دمعة من عيني باش تفكرت هاد مسألة....طليت على جود لقيتو كيشوف في بإهتمام....مسحتها بسرعة أو بعدت عيني على عينيه لي مازال كيئسروني وخى دار في هدشي كامل....
بعد ساعة تماما....هبطت طيارة فواحد ساحة واسعة.....كبيرة على لفايتة...من زاج ديالها بان لي بزاف طمبلات كحلين أو فومي....دكشي فحال ديال أفلام....خرجوا بزاف ديال رجال يشدوك يعجنوك....ندنا كاملين مور ما تفتح لينا لباب....ريشارد سلم على جود أو تعرضوا ليه شي رجال داوه معاهم فرونج روفر....أنا أو جود هبطنا أو كانت شمس حارة فحال ديال المغرب....مشينا في إتجاه واحد طمبل من نوع معرفتوش...لمهم كانت كبيرة أو واسعة أو كتلمع....تحل لباب أو فجأة خرج منها واحد تيتيز...دخت من طولة أو لوسامة ديالو....تلقاو هو أو جود....تعانقوا بضحك أو شي كيضرب فشي تفو ضحك ديال بناية.....واحد لحضة جود جمع معاه ببونيا تصدمت شهاد لعب؟؟ .... توتوز كان لابس كوستيم فالكحل....عندو لحية خفيفة أو شعروا مرتب بطريقة عصرية.... باينة شابع لعاقة....بقيت غير ساكتة أو أنا كنشوف جود كيعنقو بطريقة الهمجية ولكن حتى تيتز كان كيتسرف بنفس تهماجيت....جود:وا ساط وتوحشناك هههه.....شخص:(كيضحك بجهد)أنا كتر ياه ليام بشحال كانت مقودة....جود:(شاف في)سكتنا أصاحبي....تيتيز عاد نتابه لي بسيف أنا دايرة كي لكميشة حداهم....كيحساب لي راسي طويلة مي قدامهم وايلي بنت فحالي هاربة من الأقزام السبعة.....شخص:شكون هاد لموتشو لي جيبوا معاك؟؟....ناري ولد لق*** تاني قمعة فهاد نهار....ولكن من تييتز...قاسحة شوية.....جود:(تفرشخ بضحك)هههههههه ضحكتيني اوليد...هادي را بنت....وليد:(بإستغراب)وايلي؟؟.....جود:هههه أجي أبيب.....قربت منهم أو مديت يدي نسلم...وليد جاء يسلم علي أو جود سبق يديه ليده....جود:ساط أنخسر معاك را سيدة ديالي....أنا:(بصوت عالي)كفاش؟؟....وليد مفهم والو أو قلبها ضحك.....جود:ههههه مال زين ديالي وقيلا عيات بطريق.....وليد:ماشي مشكل مقلتيلناش راك تصيدتي.....جود:هههه هانتا عرفتيها....وليد:اه اوا يلا راه رجالك وصلوا.....جود:دبرتي لي فلوطيل.....وليد:وايلي أصحابي سويت فأفخم اوطيل كاين فدبي أنا غادي دبا بناتنا تليفون....تسالم معاه أو ركب فالحديدة أو مشى تابعينو 2 حديدات خرين.....مفهمتش رجال لي بقاو هنا ديالمن؟؟.....جود شد لي فيدي ولكن زيرت على بلاصتي مبغتش نزيد.....أنا:شنو هدشي؟؟....جود:زيدي حتى نشرح لك من بعد....أنا:عييت كلشي من بعد كلشي بغيت نعرف ديالمن هاد لغوال لي واقفين مستفين.....جود:هادو معايا رجالي....أنا:إنا رجال أجود؟؟.....جود:(جرني بزز)زيدي نخرجو من هنا بعدا......وصلنا لأكبر طنبل فيهم....خرج منها واحد سخط حتى هو قدو قداش...جود:كلشي مزيان؟؟....شخص:مرحبا بيك أسي جود كلشي بخير فرحنا حيت رجعتي....جود:مزيان غنجلس هنا شي يمات بغيت نعرف من بعد جاع تفاصيل مدة لي غبت فيها دينا اوطيل دبا لي حجز لينا فيه وليد....شخص:هي لولا تفضلوا...فتح ليا لباب .....دخلت أو عجبتني بزاف....كلها كحلة أو مفرشة بلكوير الفاخر....كنت كنشوف هاد نوع غير فالاشهارات أو تلفزة....ولكن لي حيرني هو جود.....واش هادشي ديالو ولا كيفاش؟؟....أنا كيحسابلي غير شمكار ديال لخلا......خصني نزيد نفهم كتر.....هاد راجل قاليه "سي جود"....يعني هما تابعين ليه....بقات كتحك في أو أنا نتشجع....أنا:جود واش هدشي ديالك؟،.....جود:اه ديالي....أنا:ولكن مفهمتش كيحسابلي نتا غير شمكار.....طنبل تزعزعات شوية حيت سيد لي كان سايق كان كيسمعني أو باش نعت جود بديك كلمة تفعفع أو فقد سيطرة على لفولون....جود:(بغضب)انوري مك شمكار كي داير حتى نوصلو....أنا:تفو كي داير أنا لي خصني لعصا....قلبت وجهي على زنفارتو أو بديت كنتفرج فلمدينة....صراحة زوينة بزاف..."دبي"مدينة الأحلام.....مدينة عالمية كنت كنتمنى نزورها شي نهار.....لبني متقدم بزاف أو طرقان فحال لحرير.....أجواء صاخبة أو جميع سيارات لي دازو من حدانا فاخرين أو ديال لوكس....لجو مشمش فحال ديال مغرب تقريباً....روح لمدينة عصري بزاف....أو كتأكد من تقدمها لباين على مرافقها أو بنيتها تحتية بلي مخدوم عليها بشكل متقن...خاسرين عليها لفلوس بهاد لعبارة....كل مطريق كتزيد بنا...كل محاجة جديدة كاتبان فحال مفاجأة كتمتع زائر....بانلي "برج العرب"كيطل علينا من جهة بعيدة...واو أطول برج فالعالم...كيبان طويل بزاف فحالي معندوش نهاية صراحة تلفزة كضلم فحال هاد المعالم....عجبني بزاف أو فتحت سرجم نشوفو أكتر وضوح.....دخل هوى لعشية بنسيم زوين....ريحة جميلة فكراتني بريحة بلادي....أو لهوى نقي كتحس بلي صفا لك مجرى تنفس ديلك....لمسار إنسيابي فحالي كنطير عليه أو حسيت بحيوية مجهدة....نسيت بلي جيت مع جود....أو خصصت هداك لوقت ساحر لي بوحدي....بعيدة على لهم لي جايبني لهنا.....ولكن رغم هدشي لخوف لي فقلبي كيزيد يكبر....هادشي قد مكيبان لي زوين أكيد غادي يكون موراه حاجة خايبة بزاف...أو هي "زواجي من جود لمجنون".....

زواج...هههههه أنا غنتزوج؟؟....ياه على كلمة بشحال صعيبة محسيتش بها حتى غنجربها....شخص:سي جود احنا وصلنا شنو نديرو مع رجالنا؟؟....جود:أترجعوو لفيلا أنبقى هنا باش منجيبش لي شبهات مبغيت حتى حد يعرف بلي جيت لإمارات....شخص:هيا لولا يعني حنا مندخلوش إلا وقع شي أمر طارئ؟؟...جود:لا أنا غنتكلف أصلاً مغديش نبقى بزاف نقدي شي شغل مهم أو نرجع....هاد لجملة لخرة قالها أو هو كيشوف في ....بلعت ريقي أو مافهمت حتى زبلة.....سكت أو جر لي يدي أو نزلنا....حشمت من حالتي...خنشة متنقلة هادشي لي أنقدر نوصف به راسي هاد دقيقة....بديت كنجر يدي من القبضة ديالو باش نحيد جاكيت ساعة لصق لصقة وحدة...لفيدور لي جابنا حرك طنبل أو مشى تابعينو هادوك لي جاو مورانا....
دخلنا لفندق.....كنشوف غير المجتمع راقي.....غير ناس ديال لأبهة أو بوكو حبة... لمدخل كان زوين بزاف عبارة على باب كبيرة تدخل فيل كلها مطلية بلون دهبي أو مزين على جوانبو بأواع أزهار جميلة كتفوح برائحة عطرة....زليج لي فلرض من نوع الفخم أو للحيوط كلها مزخرفة بأشكال من الفن لخط لعربي...تعرضوا لينا موضفين لابسين طقم أو على محياهم إبتسامة عريضة ناطقين بأجمل عبارة ترحيب....ملقاو عدنا والو ولكن رغم دالك واحد فيهم تصرف مع جود بإهتمام كبير أو رافقنا حتى الداخل....لموضف:احنا وسهلا بيك....جود:حنا من طرف سي وليد بلاشك كتعرفوه؟؟....موضف:اه ولله على راسنا من فوق تفضلوا استريحوا هكلم المدير بحضورك....جاتني غريبة نسمع لمصرية مباشرة قدامي....جلسنا فواحد لبلاصة زوينة ديال راحة ولا الإنتضار....كانت على شكل كراسي كتيرة محطوطة بشكل دائري متوسطهوم طبلة من خشب كيلمع أو غالي....أو لجدران ديالها كلها مرايا كطل على منضر نافورة أو جردة كتخلك حال فمك من شدة رونق ديالها....جالسين فديك ردهة مجموعة ديال ناس كل واحد أو شكيدر....شي كيلعب فتلفون شي كيتسنا شي مع ولادو....أما أنا فنسيت جود أو عطيتها غير لتبرجيج....لمهم لفندق كان من أخر لأماكن لي ممكن كنت نحلم نمشي لها.....كان راقي بزاف.....أو أجواء صاخبة أو ضجيج أو صداع....جهة ديال إستقبال عامرة بشخصيات لملعقة فلوس....شي نساء ضاربين لك شي لباس أو شي مشطات أخر ما يكون....أما رجال مكاين غير فيزا كارط كتشاير.....طليت على راسي غرقت بالحشمة....شوهة صافي.....ليل قرب يطيح أو في نعاس بزاف أو لعيا أو لخوف من مستقبل.. من خويا.. من جود.. أو حتى من راسي لي عطاتني خاطري نجي لهنا.....لمحت لموضف جاي كيجري عدنا......لموضف:أستاد جود تفضل حضرتك سويت بتاعك انتا أو لمدام جاهز.....أنا:(مستغربة)إنا مدام؟؟.....جود شكرو أو قسحني فيدي باش نسكت....تبعناه لسنسور....أو هنا أتبدا قصة خرا ديال إكتشافي لحاجات جداد....غير صنصور واقلة خاسرين فيه فلوس لي كيخسروهوم فمشروع فالمغرب....مساحة كبيرة بزاف فحال غرفة تقد عائلة متكونة من 4 أشخاص...باب من لحديد قاسح مضاد لأي حاجة تقد تأدي زبائن....حيوطو كان فيهم ربعة ديال مرايات تخلعت من لمنضر ديالي عليها سحابلهوم ولد....فينما ندور نلقى حالتي المشوهة في إنعكاس لمرايا....طلعة كانت هادئة فحالي مكيتحركش نهائياً.....وقف فطابق 20 ....لموضف دار لينا بحركة إحترام نتبعوه....كان طابق هادي بزاف....عندو ممر طويل مفرش بزرابي من صناعة عربية أولا خليجية.....أو لحيوط مزوقة بلوحات كلاسيكية أو مصابيح محجوزة فقاولب زجاجية من لكريستال.....رائحة ديل ند بلعود معطرة لجو...حسيت راسي فحالي كنحلم......وصلنا لباب كبير أو لموضف قدم لجود واحد بطاقة ديال لباب....لموضف:احنا تلقينا تعليمات إنو نحافض على راحة حضرتك انتا أو لمدام.....جود:شكراً أو جيب لينا شي حاجة ناكلوها بيب شنو تاكلي؟؟.....مجوباتوش حيت كانت حالة فمها .....جود:هههه جيب لي حاجة مزيانة ....لموضف:أمرك سعادتك تأمرني بأي حاجة تاني؟؟....جود:عدنا شي اغراض أيوسلو قريب جيبهم لينا اوكي.....لمدف:اوكي ماشي اتمنى يعجبك سويت بتاعنا أو تواني لأكل هايكون عندكم....جود كنش ليه شي دراهم فيدو أو مشا.....جود:درتي شوهة لعالمية....وا لالة....أنا:(ضربتني لفيقة)شنو؟؟.....جود:جمعي عينيك......أنا:فين غجلس أنا؟؟....جود:أتجلسي معايا...أنا:(بلغوات)واش حماقتي نجلسو مع مع....جود سد لي فمي بيد أو تانية حل بها لباب بسرعة أو دفعني لداخل.....جود:واش مريضة ولا مال مك؟؟...ياكما يسحبلك هنا فحال فرنسا تهدري نقطع لمك حسك أو راني عارف مزيان كيفاش....ضربني ضو حيت تفكرت لبوسة لي سخفاتني.....جود:تحركي الداخل....

هنا ريوجي غيسيلو....وضفاك.....لا لا بزاف عليا هدشي....لبيت قدما كبير مستوى نضر ديالي تشتت.....فخم لدرجة كتوجع لقلب تقول نجلس فلرض أو منجلسش فيه....كان مقسم على جوج....الجزء أول فيه ناموسية كبيرة مفرشة بغطاء أبيض ناصع....أو على جنابها جوج ستائر ديال حرير هابطين على شكل بابيون...مشدودين لوسط لخيط دهبي كاسر لون أبيض لي طاغي على سرير.....فلقنات ديالو جوج فيوزات بلون دهبي حتى هما.....جود دخل لغرفة أخرى وقيلة لحمام....أو أنا مشيت تلاحيت على سرير.....أنا:يوبي أحححححح بشحال رطب.....نضت كنقز أو عجبني لحال.....عييت أو مشيت نستكشف لكمالة....لأرض ديال سويت كامل كانت كلها باركي بني....أو جهة لجلوس كانت مفرشة بزرابي ديال ريش....فوتيات محتلين تقريبا مكان صغير من جزء تاني من لغرفة...كانوا من توب فلون أحمر غامق....طبلة فلوسط كلها زاج أو عليها مزهرية....فلقنات كانوا فترينات كبار وحدة عليها تلفزة ضخمة أو تانية فيها كتوب ماعرفت ديالاش.....قربت من ستائر بمجرد فتحتهم....أسرني شكل لمنضر لي كيطل على برا....ليل حل بنجومو أو قمر متربع على عرش سماء...طريق لتحت بعيدة أو مدوية بفعل حركة سيارات....لحاجز كان كلو زاج كيلمع كيخلك تشوف لجمالية ديال لمدينة كاملة ....عجبني لحال بزاف أو مكرهتش نكون كنعيش هاد لحضة فضروف أخرى.....سمعت مورايا جود ولكن مبغتش ندور.....جود:عبق دخلي دوشي را غيجيبو لماكلة دبا....أو فعلاً صونا لباب أو جود مشى حل....ستامعت لحديت لمهدب لي دار بناتهم بجوج أو جرارة ديال لأكل....كنت غنموت بجوع...بلا شعور درت...."شيت" سهيت واحد 2 دقايق فجود....كان لابس غير بنوار ديال لحمام....أو شعرو فازج...جا كيحمق....رجعت لوعي بصعوبة أو طليت على لماكلة....أنا:أوووو هدشي كيشهي....جود:واسربي را في جوع أنتسناك حتى تسالي أو ناكلو بجوج.....أنا:اوكي....طرت لحمام حيت خفت ليضرب كلشي يخليني كنشوف فسما...ولكن بلاتي شنو غنلبس؟؟...دخلت لحمام....أو كان حتى هو عبارة على شي حاجة من لخيال....شكل عصري بإمتياز....متوسطو بانيو عليه مختلف أنواع مستحضرات دوش...أو بلاكار ديال زاج فيها فوطات...أو لفابو برخام أسود أو عليه نقشات بيدين....أنا؛هدشي زوين بزاف....بديت كنحل أو نشم فأي حاجة لقيتها ....كل ريحة كتنسيني فالفايتة...حيدت حوايجي أو عمرت لبانيو أو خويت فيه ريحة ديال لفاني المفضلة عندي...تخشيت....الله بشحال كيرخي لعضام....نسيت راسي أو غمضت عيني مستمتعة على لأخر.....
جود:ألو وليد....وي سويت مزيان...شوف حضي معايا....راني متبوع أو مبغيت حتى حد يعرف بلي أنا هنا....اوكي أنتلاقو ضروري...بغيت نهدر معاك فشي أمور مهمة....اه مهمة بزاف...(شاف فلباب ديال لحمام)...مهمة لدرجة إلى غفلت عليها أضيع معها حياتي..... 

في المغرب:
مع 19:00...دخل حكيم عيان مجهد نفسياً بسباب كترت لخدمة لي تكبت عليه هاد شهر...دخلوه صفقات جداد أو بما أنه عندو مكانة كبيرة فشركة....فكان عليه يتاخد لقرارات أو يدرس صفقات بشكل متقن.....أو من جهة أخرى تصالات لي كانوا كيوسلوه من عند لمرا لي خدامة عندها ختو فكل فترة كتمنو عليها خلق ليه شك كبير فقلبو....كان قرر واحد لوقت يمشي ولكن أعمالو منعوه أو هو كيقنع راسو بلي كلشي مزيان....دخل طمبل لجاراج أو دخل لدار.....حكيم:(بلغوات)ميي.....فيروز:(من لكزينة)هانا ولدي أجي....مشى لعندها عنقها من لور أو شم ريحتها....حكيم:مي لحبيبة.....فيروز:هههه مالك طاح عليك هاد لحب ليوما....حكيم:ههه راك معارفة والو نتي أو ختي أهم حاجة عندي فدنيا....فيروز:الله يرضى عليك أولدي....سير ترتاح أنا انحط لعشاء.....بلاتي بلاتي....جبدات تليفون من جيب طبلية حيت بدا كيسوني.....حكيم تكى على بوطاجي أو عرف بلي شي حاجة كتعلق بختو....فيروز:ألو ريم بنتي؟؟...لباس عليك؟؟....فين هي بيبو را مشووشة عليها بلا قياس من هادي أخر مرة هدرت معايا مارجعت تاصلات.....حكيم شير لمو تعطيه تليفون.....حكيم(بنبرة كتخلع)ألو ريم هادا أنا حكيم خو عبق....سمع تنفسها سريع فحالي خايفة....حكيم:معرفتش سباب لكيخلك تهدري فبلصتها ولكن طمنينا عليها....بدا كيوصل ليه غير تفتيف ديالها أو كدخل أو تخرج فالهدرة....حكيم:مالكي أختي؟؟....قطعت إتصال أو بقى كيشوف فتلفون مفهم والو.....فيروز:مالها؟؟...حكيم:معرفتش بقات كتفتف عليا أو قطعات...مي أنا ممرتاحش وقيلة انهبط لفرانسا نجيب هاديك وجه نحس ديال بنتك....فيروز:را بخير ياك سيدة لي مخدماها كتاصل بيك؟؟....حكيم:إياه ولكن؟؟....فيروز:(قطعاتو)ماكين ما ولكن.....حكيم:أنا طالع خصني نخدم جيبي لي كاس ديال قهوة.....باسها فجبهتها أو مشى لبيتو....حيد كوستيم أو بقى عريان.....صوت ريم الانتوي أو هدرتها لمقطعة أو خوفها منو جدبو بزاف.....غسل وجهو أو تخيل كيفاش تقدر تكون هاد مولات صوت....حكيم:أكيد أتكون زوينة فحال صوتها هههه.....خرج لقى لكاس محطوط...فتح لبسي أو بدا كيخدم فلمشروع جديد أو صوت ريم نساه شوية فقلقوا على ختو....

جود:عبق خرجي لماكلة بردات........تفو مقدرتش نخرج نسيت راسي أو من فقت عاد نتابهت بلي ماعندي شنو نلبس....أنا:جود معنديش شنو نلبس......جود:وا غير خرجي را بربي تنضرب كلشي أو منخلي لك والو....سمعت حس لقص خرجت....جود من شافها بشعر كحل كيطيح منو لما أو بهيئتها ضئيلة مخشية وسط بنواير كبير...أو بنور لي على وجها.... داخ .....جود:أحم أنا كنت....هو سميتو.....أنا:باغي تكل كلشي أنا عارفة دوك دغمات لعندك قد يدي حيد....دفعتو أو جلست...جود دهشر ملقى مايقول ....بدا كيدور راسو هنا أو هنا....أو تبلوكا.....أنا:وا تا مالك أجي لبغيتي؟؟.....ممم هادشي زوين....جابو لينا دجاج أو خضرة بسوس باينة بنينة...أو شي روز وقيلة ديال شهيوات خليجية...أو حلوة بشكلاط...أو جوج كيسان عصير معرفتش ديلاش.....أنا:ممم هدشي باينة بنين.....جود جلس مقابل معها أو معرفش كي غيدير ياكل أو هي حداه بهاد لهالة ديال لعفوية أو البراءة حداه...قسم بلي شبع أو هي كتكول بحب أو مبقى باغي والو غير ديك لحضة توقف....لبنات لي دازو عليه من أنواع كتيرة....أغلبيتهم ولا كلهم طماعات أو بلا أخلاق....بلا مستوى تابعين غي لماديات أو لعاقة...أو يفرطوا بكلشي ... يديرو أي حاجة على وديت لي يعطيهم كتر...عمر ما شاف شي وحدة فيها من الأنوتة فحال عبق....وخى كيمتالكو جسم زوين أو مضهر جداب ولكن روحهوم خاوية أو قلبهم مكوسعش لراجل واحد أما عبق انوتها بحدها مضهراً حيت كانت عندو لفرصة يشوف لمفاجأة لي مخبية أو حتى داخلياً بتصرفاتها لعفوية لي مكتحتاج لا تحلوين لا زواق ....عمر شاف شي مغربية حيت عاش حياتو ففرنسا....أو مكانش متخيل بلي غادي يتزوج مغربية....خرجت ليه ضحكة ديال هاد لقدر لي كيفاجئ بنادم ....أنا:مالك كضحك؟؟...جود:وبشوية عليك المصيبة را غتخنقي....أنا:وشنو نبقى نتسنى فيك....جود:خشي فوجهك أو سكتينا....دورت عينها لكبار أو كملات شغلها لعضيم هههه....جود:حتى حد مغادي يأدك أعبق نفضل نموت أو نتي تبقاي حية.....ميمكنش وحدة بريئة فحالك تموت بسباب غلط مدرتوش....بقى ساهي فيها حتى ألمو لمنضر لجميل لي ممولفش عليه.....ناد من طبلة أو خدة تليفون أو دخل لحمام....أنا:(فمي عامر)مال هادة عوتاني بدا يحماق سير نيت نكمل هدشي.....
جود سد لباب أو حط يديه على صدرو يهدأ ضربات لي جهادو بزاف....جود:خصني نتهدن...مخسنيش نقيصها.....أنا مجيتش على هدشي...ولكن منقدرش بزاف عليا نتحمل....تاصل بوليد باش يبداو خطة جديدة.....جود:ألو وليد.... جهز دكشي لي تافقنا عليه غدا مع 10 صباح....هههه ولله حتى زربان....جيب معك كلشي ماشي حتى نوصلو لوسط لبحر أو تنسى شي حاجة نعول عليك على تهلا.....حط تليفون على قلبو أو بدا يتيق تمتلية لي كان دايرها غير باش ينقد عبق ساعة دبا كيقاتنع بلي كيديرها على ودو.....جد:غادي تولي ديالي أنا أو عمري نخليك.....
خرج بعد ما هدأ أعصابو....أو لقى عبق جارة هادك ساك لي فيه حوايجها....أنا؛جود جابو لينا هادا.....جود:(تعصب)خرجي عن لموضف هاكا؟؟.....أنا:اه صونا أو مشيت نحل....جاء لعندي بخطوات سريعة أو باينة قنديشة طلعت ليه....جود:(شد لها دراعها)واش مك خصني نعاود لك تربية؟؟....أنا:(مقسحة)علاش اشنو درت؟؟....جود:(بلغوات)لاش خارجة بهاد لحالة كنتي تجي لعندي أنا....أنا:أو نتا شغلك نخرج بلي بغيت....جود:(شد لها وجها بجهد)دسرت مك خصني وقيلة نقطع لمك رجليك....أنا:ماشي شغلك طلق لي وجهي....جود زاد زير عليها محسش براسو حتى قربها منو بزاف أو لغيرة كاتاكل فيه .....تخلطوا انفاسهم أو جود همس بصوت خطير ...جود:غتولي مرتي غتولي سميتك "عبق لوكاس"يعني ماشي لغادي أو لبادي يتفرج فيك....تصدمت من كلامو حاولت نبعد ولكن كان مزير عليا بزاف....كيتصرف فحالي عمرو عاش فمجتمع منفاتح....فكرني بخويا....أنا:طلق مني را كدرني....جود:هادي أخر مرة نشوف مك خارجة أو ممعبرانش نحش لمك رجليك....دفعني ولكن تمالكت راسي.....أنا:زدتي فيه وقيلا مطبقش عليا هاداك لحكام لخاوي حيت زواجنا غادي يكون غير على لاوراق بلا ميمشي بالك لبعيد.....جود:(بإستهزاء)اييه نوري مك دابا بيمن غتزوجي....شفتو كيحل عقدت بنوار ببطء....أنا:(بخوف)شنو تادير؟؟....جود:أنورك زواج لوراق كي داير.

....يلا أيحل بنوار طرت عليه..دورت يديا على كرشو أو خشيت وجهي فصدرو....أنا:لا لا جود مديرهاش صافي أنا ساكتة....جود:(فيه ضحكة)خليني نورك ولله حتى يعجبك.....أنا:(بخوف)لا اويلي حماقتي لا جود صافي هاني ولله مندوي....جود كان غيموت بضحك أو هي مزيرة عليه باش ميحلش...عند بالها بلي بهاد لحركة راها حاكماه....جود:صافي دابا حيدي.....رجعت بلور مغطية وجهي لا نصدق شايفة شي عجب تاني فهاد ليل.....جود؛هههه را غتموتي فيك واحد جبهة قد طوبس تخافي متحشمي.....أنا؛صافي هاد لعب لباسل را معنديش معاه......مشيت خديت ساك أو جريت لحمام أو كنحس راسي شوية أنسخف بالخلعة....جود حتى دخلات عاد بدا كيضحك بشوية باش متسمعوش.....جود؛هههههه مسخوطة أتركب في سكر هاد لبنت.....شوية جمع ضحكة أو تحولت بلاصتها حزن من لمستقبل.....جود:معمري ضحكت بهاد شكل أو نتي سباب...نتي سباب أبيبو هههه حتى سميتك غريبة.....
تفو لحمار راس طاروا لكلب لمشعكك الهمجي....يخ الله ينعل نهار لي شفتك فيه كنت غنموت غير بالخلعة ....جلست نتسترجع أنفاسي شوية حيت بصح خرجها مني....قلبت على منلبس فساكي...ختاريت تريكو فالكحل أو سروال واسع حتى هو جد والديه كحل باش نقطع لبوه لياس....تسنيت حتى تقطع لحس عاد خرجت....لقيت ضو مطفية أو جود مجبد على سرير....ولد لحرام فين غنعس أنا؟؟.....قربت منو بشوية كنحاول منديرش صداع....أنا:(كنحركو)جود نعستي؟؟...جود جووود.....مردش عليا يالا جيت ندور لقبضة ديالو دارت على دراعي أو خبطني على سرير....طلع فوقي أو أنا غير حليت فمي أو شهقت بلخلعة....جود:شنو قلت لمك على هاد لباس؟؟.....أنا:(كنتمتم)أنا كنت سحابلي....جود:شششششش صافي أنا غنتكلف بهدشي غدا صباح أنتزوجو وجدي راسك....ناري فحالي خوا عليا لما بارد بديت كندخل أو نخرج فالهدرة مكنتش متوقعة كلشي يجي بهاد سرعة.....أنا:جود عافاك خلينا نفكروا ماتقدرش دير في هدشي شنو درت لك؟؟.....جود:(كيدوز يديه على جسمها)أححح هاد جود بشحال كتخرج من فمك بحال لعسل.....أنا:(كنتغبن أو كنحيد ليه يديه )جود عفاك دبا خلينا نفكرو أنا غادي نموت لا خويا ساق لخبار....جود:امم زيدي هدري بهاد صويت باش نزيد نتأكد بلي باغيك....أنا:(حرشت صوتي فحال رجال )وا صاحبي باراكا من لبسالة....جود:(كيضحك)هههه وخى تحلقي نتزوجك نتزوجك....أنا:حشومة عليك ولله كتستغلني.....جود:لا مكنستغلكش أنا بغيت ن.....جود كان غادي يزلق فالكلام أو ناد قبل ميفرش كلشي.....جود:نعسي هنا أنا غادي نبقى سهران شوية.....أنا:(نضت)شنو كنتي بغيتي تقول؟؟.....جود:والو نعسي....مشى أو خلاني فضلام...حتى كان غيدوي تفو....اويلي على غدا انكون مرتو؟؟...ميمكنش.....تكيت أو من كترت لعيا أو لخوف داتني عيني فلحضة خاطفة......

جود خدة غارو أو حل سرجم باش ينعش نفسو الأخير ليلة أيكون فيها سنجل....ضحك ضحكة عريضة بزاف حتى بانو دراس....شكون قال جود أيتزوج شي نهار؟؟....طول حياتو عايش فالإجرام أو لحباسات أو لمضاربات أو سبطارات....جود:هههه شكون قالها جود غدا غيولي ملك بنت وحدة....ولكن فرحان بزاف معمري أندم.....كمل لكما...أو مشى لعندها...جلس جنبها...باس ليها جبهتها أو غطاها....جود:عبق المجنونة ديالي غادي تعيشي أحسن أيام حياتك أو مغديش تندمي على هاد زواج أبداً.....مشى جلس فوق لفوتاي فتح عينيه بلون سما فضلام لحالك مواعد راسو يتولف على هاد لوضع باش يحميها حيت خوفو لتمشي كيزيد نهار على نهار.....
في صباح:
أشعة شمس داعبت وجهي بخجل أو فيقت جد بويا بلها يطريه لي.....أنا:وردوا ريدو الخرا بغينا نعسو.....جود:(بلغوات)نوضي جمعي لوقفة تابعنا شغل غتجوجي ولا نسيتي؟؟.....أنا:(نضت كنقز)كفاش؟؟....جود:جمعي شعكاكتك أو توقدي.....أنا:واش هادشي بصاح؟؟.....جود:لا كنكدب يلا بدلي حوايجك أو تبعيني....مافهمت والو بقيت مجمدة....حتى دفعني لحمام.....جلست كندب شنو ندير.....ناري وحلة ديال لكلاب....قودتها.....جمعت شعري أو لبست دجين مقطع أو سبرديلة بيضة أو تريكو كحل.....خرجت عندو أو كان أول مرة أنلبس هاكا حداه.....خرجت منو ضحكة مفهمتش معناها...جرني أو هبطنا لتحت....كنت انخرة بالخوف أو لخلعة أو صدمة...كيجيو لمصائب دقة وحدة.....وصلنا المخرج أو جاب واحد لموضف سيارة فاخرة ديال فريع عطاه ساروت أو همس ليه شي كلمات أو داني لبلاصتي....أنا:من جبتي هاد لوطو؟؟....جود؛طاحت عليا من لمريخ طلعي....ركبت لقدام...أو جا حتى هو أو ديمارة....طول طريق أو أنا ساكتة أو رديت أعصابي كاملين فيدي....بديت كنكل فضفاري أو لعرق كيتسبب مني....واش غنتزوج دابا؟؟....اويلي سحابلي غير ضاحك ولا كيستفزني....قلت نمشي نتبع هبالو لكن صدمة كانت قوية.....أنا:جود....جود:شششش بلاما تفرع لي راسي بديسك ديال مبغتش أو عفاك أو زمر.....أنا:(شداتني لبكية)عفاك.....جود:لا هي لا.....طاحت دمعة من عيني حيت صافي مابقى عندي حتى أمل....شاف في أو قلب وجهوا مابقيت فيه حتى شوية.....مطلعتش جاع وجهي بقيت كنشوف غير فيدي لي ولاو حمرين بكترت مضغطت عليهم....

بعد مدة.....حبست طنبل....نزل جود أو فتح لي لباب....من شافني متحركتش جبدني...كنا فمارينا دبي...كانت شمس حارة أو ضاربة ولكن طول جود خلاني نشوفها بوضوح....لكلمة لي تليق بها هي "شي حاجة كتفوت الخيال".....جرني عوتاني أو تمشينا طول على واحد طريق مسايبينها على لما....فجنابها كانوا ليخوت أنواع أو أشكال....مرتبين واحد حدا واحد.....طريق فحالي مابغاتش تسالي....حتى وقف جود قدام يخت كبير بزاف لونو أبيض....أنا:فين دايني؟؟....جود:سكتي أجي....تمشينا على واحد لخشبة باش نوصلو ليه....جود نقز واحد لحديدة أو مد لي يديه...فهديك لحضة فحالي أناخد قرار مهم فحياتي واش نشد فيه ولا لا؟؟...إلى طلعت صافي أيامي كبنت عادية أتنتهي أو إلى نزلت أو مبغتش حياتي لي أتنتهي....خديت وقت أو جود حتى هو عرف فاش كنفكر أو منززلش يديه....ختاريت ألإختيار لول على أقل منموتش على يد خويا على قبل ماما....مديت ليه يدي...هزني من خصري أو طلعني حداه.....جود:دخلي داخل غتلقاي واحد سيدة تعاونك تلبسي أنا لفوق.....مشيت لقمرة لتحتانيية أو جود حاديني بعينه....صافي مغديش نهرب غير رتاح....جود حس بلي مضغوط كيتمنى غير فوقاش تسالي هاد ليلة باش يرخف عليها لحبال حيت طول لمدة طريق كان كينتاضر منها تنفاجر عليه ولكن دبا علاش ساكتة؟؟...هدشي لي زاد ألمو أو عصبو.....
دخلت عند لمرة بقلب ميت...رحبات بشي لغة مفهمتهاش.....وقيلة اسيوية.....جلست أو هي كتحاول ضحكني....أصلاً أنا مافهمت والو غير كنضحك كي لهبيلة....من عرفاتني ما قشبلت حتى خرية...بدات كتخدم الإشارات...مشات جبدات كسوة بيضة ديال لعرايسات....تخشى لي موس فقلبي أو هي جايبها جهتي....أنا:صافي مشيت فيها صافي دمرت...خرجولي دموع بلا اندار حيت عرفت بلي هادي هي نهايتي على يدين مجنون فحال جود.....
وليد:أهلاً العريس ديالنا هههه.....جود:(كيخبي شعور لألم)ههههه أهلاً أصاحبي صافي وجدتي كلشي؟؟.....وليد:الله يا ودي إلا محضرتش لعرس صاحبي لمن أنحضر؟؟......جود:لعز....جلسو على حافة ليخت أو جود رجع كيفكر فعبق لي دمرات ليه قلبوا بنضرة لحسرة لي على وجها......وليد:مالك كتبانليا فحالي مفرحانش؟؟....جود:لا فرحان أصاحبي ولله حتى هادي أول مرة كنحس بلي قلبي فرحان ديال بصاح ولكن بزاف ديال أمور واقفة لي فطريق فرحتنا أنا أو ياها....وليد:(بتساؤل)علاش شنو واقع؟؟....جود:كنت قلت لك بلي عندي شي حوايج مهمين خصني نعلمك بهم....وليد:أه شنو هما؟؟....جود:را حنا كلنا والدينا كيخدمو فالعسكر حتا باك أو عارف مزيان لوليد بطريقة لي مات بها.....وليد:اه الله يرحمو ولكن شنو لعلاقة ديال هاد لقضية بموت باك؟؟....جود:هاد لعلاقة مكتجمعش غير لوليد بوحدو را فيها بزاف ناس....أنا أو لوليد أو مرتي أو باها.....وليد:مفهمتش....جود:منقدرش نقولك كتر من هاكا مبغتش نورطك معايا لي نقدر نعلمك به بلي مرتي فخطر دابا أو خصني نسرع هاد زواج باش نحميها....وليد:ولكن؟؟.....جود:(ناض وقف)ماكين ما ولكن خصني نزرب أصاحبي را لخوف لي معمري حسيتوا فحياتي وليت كنحسو دبا أو هي قريبة مني أو فنفس لوقت بعيدة أو هادشي خصوا يتقاد بزواج....أنا هابط نلبس....مشى جود أو خلا وليد فحيرة مفاهم والو......
بعد مرور ساعتين:
دابا كنحس بداك شعور ديال لمونيكات لي كنا كنشدوهم كنلبسهوم أو عارفين مزيان بلي ماعندهم لا روح أو مكيحسو بوالو....نفس شي واقع لي أو أنا بين يدين هاد لمرة....لوقت لي داز أو هي كتجهزني كيدوز بطئ أو كل مكضيف لي حاجة كنزيد نفقد قطعة من قلبي....دخلاتني فلول لحمام أو دارت لي لا سير لحمي....أو سرحات لي شعري أو جمعاتو على شكل كعكة....دارت لي لماكياج أو دبا جاء وقت نلبس كسوة لي بنسبة لي كفن غادي نفدن فيه قلبي أو روحي أو حتى عبق الإنسان لي سلبو منها قرار تختار راجل لي تكمل معاه حياتها..... لبسة كانت عبارة على جوج قطع....لفوقاني كان مطرز بلؤلؤ أو دانتيل أو أحجار بيضين أو جزء تحتاني كان فحال جيب قصيرة حتى ركابي أو ناصعة بياض....محستش بها كسوة ديال عرس 100%...قد مدرني قلبي على الأشكال أو الأنواع لي تخيلتهم باش نلبسهم حتى أنا شي نهار فعرسي....سلب مني كلشي الحقير الحمق كلشي حتى إختياري لشكل توب لنلبسو أو دار كلشي فبلاستي....قفلات لي سيدة سنسلة لورانيا أو عطات لي طالون بيض أو كملت لوك ببوكي ديال ورد بيض أو وردي.....أنا:(بصوت ميت)finich؟؟.....سيدة:(نضارات إعجاب)you look fantastic madame...come look at yourself(تبدين رائعة تعالي أنضري لنفسك)....جرتني برفق لواحد لمرايا طويلة أو أنا براسي تصدمت من راسي....واش هادي أنا ولا كدبت؟؟...كنبان زوينة بزاف لدرجة مبغاتش دخل عقلي بلي أنا هي هادي بشحمي أو لحمي....سيدة كانت كضحك أو كتسفق حدايا...أودي نتي لي جات معاك...هانا كنبان زوينة ولكن لداخل ديالي مرون أو مقهور أو كيبكي دم....سيدة:ohhhh madame your hasband gonna be-so happy(سيدتي زوجك سيكون سعيد جدا).....ضراتني ديك لكلمة ديال راجلك....خنزرت فيها باش تجمع راسها... مشيت نجلس....أنا:give me water(اعطيني لماء).....مدات لي كاس ديال لما نطفي به لحرقة أو نار لشاعلة لي لداخل....زيرت على لكاس حتى بياضو عضام يدي.....أنا:جود أنا غادي نورك غتندم مزيان على كل نقطة ضعف حسيت بها من ليوم أنولي عبق وحدة جديدة هانتا اتشوف.....

جود حس باش نزل أو شاف لبدلات ديال عريس.... بلوعة مقدرش يفسرها....كانت خليط مابين لفرحة أو سعادة أو لحزن أو حتى واحد الإحساس نعش ليه قلبو لدرجة خلاتو يضحك غير بوحدو.....عرف بلي عبق أتعطل بزاف....جلس كيتسناها علا نار كيفاش غتكون؟؟....كيفاش غتبان؟؟...هي أصلاً زوينة بزاف....ولكن إلا زادت لبسات كسوة أو حطات زينة على وجها......جود:كنتمنى نتحكم فراسي هاد ليلة مخصنيش نخالف وعدي مانقدرش نقرب منك إلا بإدنك هادشي أقل حاجة نقدر نديرها بعد لعداب لي دوزتو عليك سمحليا بزاف.....
من وصل لوقت....ختار وحدة فالكحل....قميجة بيضة أو بابيون....جمع شعرو باش يتخلى على منضر لهماجي فهاد ليلة المميزة... كمل بصباط أسود لامع.....شاف راسو فالمرأة مقتنع بنتيجة....خرج برا عند وليد لي كان كيشرف على حفلة بسيطة ....مبغاش يخرجها بلاش حيت كيبقى عرسها فلول أو فالخر....طلع لفوق أو عجبو لمكان لجهزوا وليد على قبلهم.....على جوانب الحديدية ديال ليخت علقوا ورد بمختلف الألوان أو الأشكال....أو حطو طبلة طويلة مفرشة بلبيض عليها الورد أو أواني طعام خاوية....كيسان أو طباسل أو فراشط أو مناديل من نوع راقي....رشوا الورد حمر على لرض أو شموع مطفين حيت كان مازال نهار.....وليد:زوين هدشي؟؟....جود:مخير جاع.....وليد:لماكلة فالكزينة حتى يقرب الوقت أو يسربيوها أيبقى معانا سرفير حتى نزوجوكوم أو نمشيو كاملين تبقى لي على راحتك هههه.....جود:هههه جمع راسك أصاحبي أو دوي مأدب متخسرش لهدرة قدام لبنت....وليد:صافي هاني ساكت ولكن مازال ممبغيتش نتيق بلي راها بنت بانتلي فشي شكل....جود:ههههه مالها كتعجبني شغلك؟؟.....وليد:هاني ساكت عوتاني احنا أنشوفو.....جود:(شنق عليه)تشوف؟؟...حدر عينيك ولا نفرع خويا.....وليد:ههههه وا صاحبي طلق مني را غتخسر لي لوك.....جود:لوك؟؟...كنتي غير شمكار أو كتهدر على لوك نسيتي يامات شوارع.....وليد:نسيتي راسك كلنا فالهوى سوى....جود:ولكن كانت يامات زوينة كنا عايشين.....وليد؛وايييه كبرنا أو تبدلنا....أو نتا تزوجتي ههههه.....جود:غنهجرو لمك.....وليد : هههه أنا أنمشي نطل فين وصلوا....ربة ليه على كتفو أو مشا....جود مد يديه الورد لي فوق طبلة أو تلمس برقة فحالي كيتخيل فيه وجه عبق.....رتاسمات بتسامة مبيناش خوفاً يشوفوا شي حد أو يحس بلفرحة العارمة لي ملأت قلبو.....جود:خرجي أعبق خلاص خرجي تكون سميتي سميتك أو أنعوضك على كلشي.......
مقدرتش نخرج لبرا.....رجلي تجمدو...كنطل من مور لباب شفت بزاف ناس داخلين خارجين...شي هاز الورد شي هاز أطباق مغطين...شي هاز شمع....قلبي أيسكت بالخلعة.....سيدة لي معايا عيات في نخرج ولكن جوابي كان رفض لقاطع.....منقدرش نديرها واحد لحضة بانلي نهرب أو نهني راسي ولكن خفت لا جود يلقاني بسرعة فهاد لمدينة لكبيرة لي معارفة فيها والو..أو يعاقبني بطريقتو.....جلست أو وقفت أو درت على لبيت أو ماخليت ما درت باش نهدأ أعصابي أو حتى حاجة منفعتني....سيدة: madame plz calm down(سيدتي من فضلك إهدئي).....أنا:أنا بخير سكتيني.....سيدة:am gonna tell mrs that you are ready(سأخبر سيد بأنك جاهزة).....أنا:(وقفتها)no stop plz.......سيدة:why؟(لمادا).....أنا:(بخوف)am not ready(لست جاهزة)......سيدة:اوكي....مشات كملات ترتيب لحوايج أو أنا قربت نطل لا يبان لي جود خصني نهدر معاه لأخر مرة على الله يبغي أو يقتانع بلي مبغتش نتزوج به...أو يفكني من هاد لورطة....
جود بقى حاضي دروج..كل مرة كيتسنا دخل بفارغ صبر...كلشي وجد إلا هي؟؟.....وليد لمح ليه بزاف مرات بلي را تعتلات أو خصهم يبعدوا على ليابسة.....لهدشي مشى هبط عندها أو طلب من وليد غير يدماري ليخت أو يدخلوا لبحر.....هبط دروج أو تسنى شوية حتى بعد بمسافة مزيانة عاد دق لباب....

أنا:ناري دقان....نضت نحل ولكن تراجعت طلبت منها تحل أو أنا نسلت لحمام....جود:(بلغوات)عباق خرجي عيقتي.....سيدة:she is so norveous sir(انها خائفة جدا سيدي).....مجوبهاش أو عرف بلي كادير هاد لحالة باش تهرب منو....مشى لحمام أو دق عليها والو مبغاتش تفتح....جود:عبق خرجي را بديتي كطلعي ليا دم....أنا:سير أجود مبغتش نتزوج بيك صافي سير خليني عليك.....جود:(تعصب)عبق باراكا من لهدرة الخاوية أو خرجي دابا ولا نفرع لباب بلا متشوهني قدام ناس.....أنا:لا مغنخرجش....جود مابغاش يفضح راسو هاد ليلة حيت حتى واحد ماعارف بلي جابرها على زواج....جود:plz can you give me keys(اعطيني لمفاتيح من فضلك)....سيدة مشات كتجري لمجر أو مدات ليه سوارت لحمام....فتح وأخيراً أيشوف شكل لي تخيلو بزاف أو موصلش لصورة لأقرب لها.....لباب ترد بشوية أو ياريتو ماتفتحش ياريتو مواعدش راسو بلي ميقربش منها....أنفاسو تخطفات أو قلبو كيدق بجهد فحالي بغى يخرج من بلاصتو....تجمد فحال جبل ديال تلج..ولكن داخل ديالو شعلات نار كبيرة....كانت مخشية فواحد لقنت أو كترجف فحال شي قنية مغلوب على أمرها....كسوة ديال لعرس فحالي تخيطات عليها خصيصاً....جاتها مقادة لدرجة كتوجع....لون الأبيض بين ملامحها أو لون بشرتها الأسمر....شعرها لكحل كسواد ليل تجمع بطريقة مرتبة أو فنفس لوقت مغرية خلاتو يفكر يمشي يحلو أو يخشي صباعو فيه.....زينة ممعيقاش فحالي مدايرة والو...لون وردي ديال حشمة تلون على حناكها شيء لي حمسو بزاف يطبع قبلة عليه بلا تردد....مبقاش عارف حتى علاش جاء....أو هي بقات على هاداك لوضع أو متحركاتش كتزيد طيحو فبحر الإعجاب أو الحب...."الحب"....بصح هاد لكلمة دخلت ليه لقلبو بقوة لحضة فاش شافها؟؟....فتانية كلشي توقف هو شاد مقبض لباب أو كيشوف فيها بهيام أو هي واقفة كتشوف فيه بيأس أو بشوية ديال صدمة حيت أول مرة كتشوفو بهاد لأناقة.....متئكد إلا تخدات لهم تصويرة دابا لعنوان لمناسب لي يتكب تحتها هو:"توقف زمن بين وحش عاشق أو جميلة خائفة"........
جود:(بصوت حنين)عبق قربي......أنا:لا جود عفاك خليني نمشي عفااك.....جود:قربي بعدا....دار عند سيدة أو طلب منها تخرج....رجع عندها أو مقدرش يقيس هاداك لجمال كامل خاف ليوسخو....جود:عفاك نتي بلاما تعقدي الأمور دابا كضني بعد ما شفتك بكسوة ديال لعرس أنخليك.....أنا:(فيا البكية)عفاك أجود عاود فكر في را حكيم.....جود:(قطعها بلغوات)حكيم حكيم حكيم بزاف هاد حكيم شبغا يكون جاع...أنا:غيقتلني ولله أنا لي عرفاه....جود:متخافي من والو محد أنا معاك قصيك نقطع ليه يديه.....أنا:خويا هاداك....جود:هي لزدتي دابا قدامي كلشي كيتسنا....أنا:ولكن خصك تفهم بلي كندير هدشي أو أنا مجبورة لا جاء لعدول أو سولني غنقوله لحقيقة أو غادي يتلغى زواج....جود غير بمجرد تهيء لموقف لي ممكن يتحط فيه....قرب منها بشوية أو هي زادت تكمشات على لحيط.....غفلها بزربة أو هبط هزها على كتفوا.....جود:أنا غنورك تقولي لحقيقة.....أنا:(بلغور)جود نزلني جووود نزلني فين دايني؟؟.....جود:(ضربها لمؤخرتها)سكتي باغية تفضحني؟؟.....بديت كنغوت بأعلى صوتي أو كندرب فضهرو يحطني...ولكن مبغاش يوقف.....مشى لمقدمة ديال ليخت أو بقى واقف مدة حتى تخلع مزيان أو تحس بالخوف بدكشي لي غيدر فيها....جود:شنو دابا نرميك؟؟....أنا:(خايفة أو كنغوت)لا جود وااااش حماقتي؟؟....نزلني بجهد ولكن قبطني من دراعي حيت كنت دايخة.....جود:(جبد تليفون)أنا نوريك تصاورك باش تفهمي أو دخلي لعقلك بلي أنا مكنضحكش.....أنا:لا عافاك صافي مبغتش نشوف.....جود:لا أتشوفيهم باش نتي لتختاري.....شد لي راسي بقوة أو وراهم لي وحدة وحدة....كيفوتهوم بصبعو.....أو أنا فحالي كيسرفقوني....جود:هانتي شوفي هادي بشحال زوينة كي غتكون ردت فعل خوك؟؟.......أنا:(كنبكي)صافي عفاك طلقني.....جود:بلاتي مازال حاجة تانية....دار تليفون فجيبو أو خطفها مابين يديه...قرب لبحر لي كان غارق بزاف أو فحالي بغى يرميها فيه....أنا:(بلغوات)جووود شنو تدير هئ هئ واااش حماقتي....بقيت شادة فيه أو فعنقو أو فحوايجو......كيبانلي لتحت فحالا غادي ياكلني.....جود:باش تحسي بالموت خصكي تكوني قريبة منها....أما باش تقول بلي خويا أيقتلني أو هو أصلاً معرفكش معامن كاينة مغديش تصلح معايا هاد سبة.....أنا:(بخوف)جود هئ هئ صافي ولله صافي غنتزوج بيك غير نزلني ضخت هئ هئ......

جود قربها لصدرو بزاف لدرجة مكرهش يخشيها فيه.....أو نزلها حداه برفق.....بقى شاد فيها حيت كانت فأخر درجة لخوف علاين تسخف......جود:دابا نكملو ولا شنو؟؟.....أنا:نتا حمق هئ هئ حمق أو مجنون أو طاير لك لفريخ.....جود:ههههه مزيان باش تعرفي بلي كتسناك أيام زاهية معايا......جرني من يدي لبيت أو أنا مكنشوفش جاع مزيان من كترت دوران.....أمر سيدة تصاوب لي ماكياج حيت تجلخ كامل بلبكى...بقيت غير ساكتة صافي جربت أخر حل أو مصدقش.....جود بقى مراقبها متكي على طرف لباب أو كيشوف لون وجها لي ولا مخطوف ولكن رغم دلك مازال زوينة بزاف أو مبغاتش تنسا ليه لقطة فاش شافها.....جود:finich؟؟....سيدة دارت حركة اجاب برساها حيت كانت خايفة منو أو هما كيسمعو غواتها من بعيد.....قرب منها أو حنا على ركابيه......جود:شتي دابا وليتي زوينة فحال قبيلة وا ضحكي فايت قلت لك ضحكة ديالك كتعجبني.....شفت فيه بكره أو إحتقار خطفت بوكي ديال ورد أو خرجت.....تبعني لبرا أو قبل منوصل لفوق شدني من يدي أو غمزني.....ضحكت ضحكة صفرة أو كملنا طلعة......وليد باش شفاها حل فمو فحالة شاف ملاك.....بداو كيسفقو كاملين أو وقفو فوسط واحد لقلب مصاوب بلورد.....جود:(بصوت عالي)مرحبا بكم كاملين فعرسي.....تفو راس طاروا لحمار مكرهتش نقتلو....صبرت راسي بزز أو هو كيهدر فحال شي بوق بداك صوت ديال غوال.....وليد:مبروك أخويا...تلاح عليه عنقوو أو همس ليه حدا ودنيه....وليد:بشااخ أصاحبي كنت غالط سيدة طلعات قرطاس سعداتك.....جود ضربو بونيا لكرشو أو وليد تقسح ولكن مبغاش يبين.....وليد؛أييي أصاحبي غير ضحكنا......جود:جمع عينيك ولا نgلعهم لخويا.....وليد:(بعد منو)مبروك مرة خرا....مبروك أختي....مد يديه لها ولكن جود سلم عليه فبلاصتها......وليد قلبها ضحك أو رجع مكانو.....أنا:داير فيها مغيار باس لمنافق.....جود:سكتي أعبق....ضحكي حسن......أنا؛ضحك ليك جنية انشاالله.......
جلسنا على طبلة أنا أو ياه أو وليد....دورة زلافتي عليهم أو تفرجت على لبحر.....الله بشحال كبير...ولكن ميقدش يكون كبر من ضلم لي كنحس به.....تا حد ما فجنبي باش يعتقني منو....خصني معجزة مع هاد سيد مافيهاش....وليد:احم ختي مغديش نسمعو صوتك؟؟....جود خنزر فيه ولكن وليد مهتمش ليه......أنا:شنو نقول؟؟...وليد:أي حاجة زعما كي جاك هدشي أنا لي صوبتو....جود:الله يمسخك.....وليد:كداب أنا لجبت هدشي....جود:(سرفقو)جبتيه ماشي صوبيته....وليد بونياه لكتفو...أو جود بونياه لوجهو أو ناضوا يتزافطو بجوج بضحك.....أنا:تفو لهماج يخ....رجعوا جلسو كيضحكو أو أنا كنبكي على زهري لي طحت عند هاد المسوفجٍين....وليد:ههههه ختي مديش علينا هنا كنضحكو بهاد طريقة.....أنا:(ضحكة صفرة) اه زوينة بزاف هاد طريقة.....جود:(حط يديه على فخذها)بيب تاكلي فيك جوع؟؟.....حشمت أو حيدتها ليه....أنا؛شنو تادير؟؟....جود تقرص من تصرف ديالها قدام وليد أو قلبها ضحك.....جود؛هههه هي فيك جوع......وليد نوض عافاك جيب لينا لماكلة....وليد مشى وخا حس بشي حاجة ماشي طبيعية من لخوف باش قاسها......جود:شنو هدشي درتي؟؟....أنا:متقسنش فهمتي جمع يديك عندك.....جود؛أيييه؟؟....أنا:اه زواج وافقنا عليه شي حاجة أخرى حيدها نهائيا من بالك......جود:ياك؟؟...اوا من نكونو أنا أو ياك ديك ساع نشوف واش غتبقى فيك هاد جبهة كاملة.....ناض مشى بدا يكمي داير فيها مقلق....أنا؛حمار كلب كتحلم تقيسني ولله حتى نقتلك....
جاء سرفر أو حط لينا أنواع كتيرة ديال طعام....مع لهواء ديال لبحر جاني جوع....أو خاصةً ريحة كتشهي أو كتفتح نفس.....قربت من طبلة أو حطيت لمنديل على حجري....كب لي سيرفير فطبسل أو يلا جيت ناكل سمعت ضحكة ديال وليد.....وليد:جاك جوع العروسة؟؟......أنا:اه بزاف أجي حتى نتا.....وليد:(جلس حداية)اه مرحبا بي هههه....أنا:هههه تفضل.....خوة ليه أو بدا كياكل بطريقة ماشي مأدبة.....وليد:(فموو عامر)سمحلي أختي شتي دابا أنا وخى تشوفيني مستيلي هاكدا ولكن مازال فينا هاد تهماجيت......أنا:هههه شكون نتوما؟؟....وليد:أنا أو جود أو شلتنا لقديمة كل واحد فين تلات بيه ليام.....فكرت مع راسي هادي هي لفرصة نسولو على جود.....أنا:احم مفهمتش زعما شنو كنتو كاديرو؟؟.....وليد:(ضحكة حنين لماضي)كنا كنديرو كلشي...كنا كنعيشو تقريباً غير فشوارع ....وخا ولدينا كانوا لاباس عليهم ولكن هدشي مكانش عاجبنا كانوا بعاد علينا أو إلى متعلمتيش بوحدك تكون راجل فزنقة بسهولة ياكلوك....أنا:أو جود؟؟......وليد؛جود كان أكتر واحد مضلوم فينا كان باه قاسي بزاف بشحال من مرة كان كيقمعو أو يضربو أو يسرفقو قدامنا..

أنا:(مئلمة)بصاح؟؟....وليد:أياه كان صعيب بزاف أو جود كان كيحاول يعوض هدشي بتشمكير على برا...كان كيشرب بزاف كيكمي...لبيران لبنات مهم مخلا مدار باش يحس راسو عايش فدنيا أو خاصةً بلي مكان عندو حد مو ماتت أو باه بعيد عليه مكيحملوش....أو جداتو مكان عندها جهد ليه.....ضربات لي فمخي قضية ماريا كنت نسيتها.....أنا:زيد كمل....وليد:هي هديك فاش وصل 18 عام درنا كعية خايبة كاملين بانت لنا فواحد شارف لاباس عليه دخلنا هجمنا عليه أو جود لي كان قتارح هاد لفكرة أو سلخنا لكاردكور لي معاه أو سرقناه كان عدنا لفلوس ولكن لحد الآن معرفتش علاش درنا هاكاك ....شدينا هدوك لفلوس سافرنا بهم لبزاف لمدينات ففرنسا ولكن مين جينا عرفنا بلي شارف عندو علاقة مع لعسكر أو بات جود...صافي حنا تعاقبنا أو هو داه معاه لمعسكر من تماك مشفناه.....لخلاصة جود إنسان حكمات عليه لحياة يعيش معدب أو جاع تصرفات ديالو كاملين كنتفهموها...كنا فحال خوت أو باش سمحوا لينا ولدينا طلبنا باه بزاف يفكوا ولكن مبغاش....أنا:دابا جود عاش هدشي كامل؟؟....وليد:هدشي لي عارفوا أنا ولكن متئكد بلي كاين كتر ....أنا:أو باه فوقاش مات؟؟.....وليد:مات هادي 3 سنين ولكن مات بطريقة ماشي عادية.....أنا؛كفاش مات؟؟...وليد:باين جود مات ب.....جود:(بصوت عالي)ولييييد.....نضنا وقفنا بجوج بالخلعة.....جود باينة ساخط ناري قفارت.....جود:(شنق عليه)شنو كنتي كتقول لمرتي؟؟....وليد:(كيفك راسو)تهدن أصاحبي والو كنا غير كنهدرو عادي....أنا:جود تكالما عفاك....شاف في بعينه زرقين أو معرفتش علاش حسيت بواحد شعور ديال شفقة عليه....يمكن هو داير فحال هاكدا حيت عاش هديك لحياة لمكرفسة....طلقو حتى طاح على لكرسي أو جاء جرني من يدي....أنا؛جود فين غادي؟؟...شفت فوليد باش يعتقني ولكن كان خايف أو مقدرش يتحرك....أنا:(كنبعد يديه)جوود وقف عفاك صافي بعد مني.....هبطنا لتحت أو دخلني بجهد سد لباب أو أنا نرجع بلور من لخوف...كان معصب بزاف أو عضلات فكوا خارجين....جود:علاش شفتي في ديك نضرة؟؟....أنا:انا نضرة؟؟....جود:ديال شفقة دوي أعبق ولا كنقسم لك بلي أتشوفي مني واحد جود عمرك جربتيه....أنا:ولله ماشفت فيك غير تخايلتي....جود:(بلغوات)أنا حمار ياك؟؟ولا وقلة عور ؟؟شنو قالك هادك لق***.....أنا:اويلي أجود سكت ولله حتى هدرة عادية.....جود:(قرب منها)دوا على شي حاجة كتخسني؟؟غادي نتحاسب معاه من بعد ولكن بغيتك نتي لولا متكدبش علي....أنا:كان كيدوي ليا غير على حياتكم باش كنتو فسن لمراهقة صافي....جود:اه أو نتي باش سمعتي هدشي بقيت فيك أو شفتي فيا بشفقة.....أنا:لا أنا؟؟...جود:بلاما تكدبي هاديك نضرة شفتها بزاف ديال مرات وليت حافضها مزيان أو نفسها نفسها كانت فعينك....أنا:جود صافي بلاما تعقد الأمور.....بعدت جوج خطوات حيت ولا قريب مني بزاف...ولكن فلقطة دازت فحال لبرق...شد لي فكي بيده أو زير علي بزاف....جود:(مقهور)منبغيش نشوفك مرة أخرى كتعاملني بشفقة أعبق ولله حتى ندوز عليك لجحيم مبقتش باغي نشوفها أو خاصةً منك نتي بغيت نشوف حاجة جديدة حيت عييت بزاف....كلامو كان كيجرحني بزاف أو نزلت عيني لرض....طلقني أو مشا خرج فحال لعجاج.....مشيت جلست على سرير...هبطولي دموع...حيت بقا في بزاف...كان كلامو خارج من قلبو بواحد لحسرة كبيرة....شديت راسي بين يدي أو بقيت على هادك لوضع....
جود:وليييد.....خرج كيجري لعندو ولكن تلقى بونيا طيحاتو لرض....جود:كفاش تمشي تدوي علا حياتي مور ضهري....وليد ناض مسح دم على جنب شنايفو أو خنزر فجود.....وليد:ماقلت والو من غير لحقيقة زايدون راها غتولي مرتك....جود:شنهوا؟؟....وليد:نتا دايماً معصب ملي شي حد كيجبد لماضي ديالك حيت نتا أصلا كابر معقد....جود محسش براسو حتى شنق عليه أو ضربو براس....وليد تأوه من شدة نطحة أو رجع عطاه بركلة الكرش....جود:(بلغوات)أنا معقد؟؟....أنا غنورك تعقاد كي داير؟؟.....تلاح عليه مرة أخرى أو طاحوا بجوج على لرض....جود طلع فوقو أو ضربو سلسلة من بونيات...وليد مبقاش قدر يصبر أو قلبو على ضهرو....أو حتى هو كلم ليه.....
سيدة:(خايفة)madam plz mrs joud fight with his friend.....مفهمتش فلبدية حيت كنت نفاصلت على لعالم ديك لحضة فاش مشى جود أو خلاني...ولكن غير ستوعبت كلامها رميت طالون أو مشيت كندردك....طلعت درجات بزربة لقيتهم غادين ياكلوا بعدياتهوم....جود ولا فحال شي وحش...أو وليد كيقاومو بكل ماعندو من قوة....بغيت نمشي لكن سيدة شدتني.....مقدرتش نشوفهم بديك لحالة...جود بقى فيه لحال بزاف أو مرضاش....أو وليد مسكين دوا غير بعفوية مدارهاش بلعاني....نترت يدي أو قربت منهم لي ليها ليها....

شديت فدراع وليد حيت كان شي شانق شي....أنا:وهداو طلق منو....جود:(بلغوات)أنا أز****....نسيتي راسك؟؟...ليوما نوري مك قيمتك....وليد:(ساعر)لي فجهدك ديرو طلقي مني أختي....جود نتابه لي حيت كان وليد مدرقني بطولو.....جود:عبق بعدي هدشي بين رجال....أنا:واش حماقتي صافي طلقو علاش كتجبد صداع مادار والو....وليد دفعني جيت مكربعة على لرض ...نضت أو هاد لمرة جود لي كان متحكم فيه....أنا:(كنجرو)باراكا طلقو غادي تقتلوا....جود:حيدي أعبق انوري ز**** بوه شكون أنا.....أنا:جوووود صافي زدتي فيه.....لصقت فيه أو مين مصاب كي يدير دفعني...وليد:هههه عرسك أحسرا أو بديتي كضرب مرتك عاد قبل متزوج....غتبقى ديما همجي أجود....جود:سكوووووت....عطاه جوج بونيات حتى شرشر ليه دم....مقدرتش نتحمل كتر أو أنا نغوت....أنا:برااكاااااا....عييت صافي حبسووووو.....جود دار شاف في أو طلقو مجبد على لرض....طحت على ركابيا كنبكي بحرقة....تحنى حدايا أو كان كينهت....أنا؛هئ هئ باركا عفاكم باركا....جود:صافي هاني حداك....أنا:بزاف علي هدشي هئ هئ ولله حتى بزاااف....وليد:هدشي لي بغيتي؟؟....مزيان أجود دايما كتخرج على راسك بفعايلك....أو شي نهار ماغدش تلقاها قدامك....جود مين حس بمقدار صعوبة كلام وليد أو نفسيتو إلى مشات أو خلاتو...جبدها بجهد أو خشاها فحضنو مزير على عضامها أو حابس عليها نسمات لهواء....وصلاتو مقاومتها ضعيفة لكن مطلقهاش....جود:لا مغدش تمشي أو تخليني....لا عبق لاااااااا.....
صباعو مغروزين فلحمي...راسو ضاغط ليه بيه على كتفي أو حركتي مجمدة....كلمة "متخلينيش" خرجات معدبة فحالي أنا لوحيدة لي عندو فدنيا....معرفتش بشحال ديال وقت كان معدبني بديك تعنيقة...حتى قرر يبتاعد...نودني بشوية وجهي تجخلط تاني أو مين طليت عليه كانت عندو كدمة حدا فمو أو شوية دم....بلا شعور مدييت يدي أو مسحتو....جود أو لملمس ديال يدها على حنكو نساه كلشي...حتى هو حط صباعو على حنكها أو مسح لها دموع....جود:سمحليا عبق مكنتش عارف راسي شنو تاندير.....أنا:صافي لا بغيتي نسمح لك عتادر منو....جود:لا....أنا:جود خصك تعلم بلي را كل إنسان كيدير أغلاط أو خصك تعتارف بأخطائك....جود:هو لي....أنا:(قطعتو)جود إلى معتدرتيش منو دابا غادي نتقلق منك....جريتو من يدو أو مشينا عند وليد....لقيناه بدل حوايجو حيت عمرو بدم أو داير سباردرة على راسو أو فمو....قلب وجهو على جود أو بغا يخرج...زيرت على يد جود...شد في زعما منقدرش....برقت فيه أو وقفوا بليد لخرة فصدرو....جود:فين غادي؟؟.....وليد حد يد جود...ولكن هاد الهمجي تلاح عليه أو زيرو من عنقوا...وليد جاتو ضاحكة أو جود حتى هوا بدا كيضحك.....خرجوا لبرا شي كيدفع فشي...بقيت غير كنشوف مستغربة من طريقة تصالح ديال هاد نوع ديال ناس...من واحد ناحية قلبهوم بيض أو كون ماكانوش بصح خوت فحالي قال وليد كون واحد ميسامح تاني...تبعتهم أو بقيت كنشوف فجود...كيفاش يقدر يتقلب من لعصبية لحنان من لغوات لرعاية من لمكر لجدية....مقدرتش نحلل شخصيتو من غير أنه إنسان متقلب بزاف أو عمر تفهميه....وليد:صافي بعد مني....جود:وا لخرا باراكا اتبدا تغبن لي فحال دريات....وليد:(شاف فيا)سمحيلنا أختي مقصدتش تشوفي هدشي ولكن را عادي بناتنا.....أنا:بديت كنولف عليكم ......جود عجباتو باش قالت نولف حيت بغاها حداه أو تشوف شخصيتو لحقيقة لي غادي يرودها على قبلها....جود:ليل قرب يطيح أو غادي يجي لعدول سيري قاضي أنا أنتسناك....هبطت راسي أو مشيت لمرة تالتة نحسن مضهر ديالي ولكن شكون غادي يحسن بلألم لي في لداخل؟؟.....

لون الأسود بدا كيدخل فحال شقات كبار فسما لي تلونات حتى هي بالأزرق الغامق....لبرد تحرك بزاف أو صوت يخت بعيد كنسمعو جاي لجهتنا.....صافي قربت ساعة ديال لحسم....دابا غادي نسني على ورقة حياتي....ليوم غادي نكون لجود أو كنتمنى نكون ليه غير بسمية أو ميفكرش يأدني حيت كنحس بالعيا أو ماعندي جهد نقاوم....صوت ديال موطور ليخت غادي أو كيجهاد....خرجت لبرا بعد ما صوبت ماكياجي....طليت من بعيد بانلي واحد سيد كبير فالعمر هاز كتاب كبير أو لابس لبسة بيضة ديال خليجيين أو عليها كاب كحل عرفتو لعدول....كان كيعونو وليد يطلع ليخت ديالنا....سلم عليهم بجوج أو داوه لفوق....دخلت شفت راسي لآخر مرة ك"عبق لعلمي" أخر مرة كبنت حرة أو أخر مرة قبل منفقد شخصيتي أو نولي وحدة بعيدة كل لبعد عليا.....لمرة دخلات تعلمني بلي كينادوني....هزيت الورد أو خرجت....كل خطوة كنبطاها ناحية طبلة ديال لعرس كتغرز لي فلحمي أو كتعلمني بلي مشاكل كبيرة جاية مع خويا....شديت فالمقبض ديال دروج خديت نفس طويلة طويلة بزاف لانحاول نرد دموع لعيني بزز....قصة فقلبي لي بدا كيغوت من لحسرة صافي ماعندي ماندير ليكلشي سالا......

وصلت لفوق...أول حاجة شفتها يد جود ممدودة لي....شديت فيها أو وصلني لحتى طبلة أو جلسنا كاملين...أنا أو جود حدا بعض أو شهود كان وليد أو سرفير....جاتني ضحكة واحد لحضة...صقيل أو صوت لماج فحالي كيسمكني على وجهي....لعدول حنحن أو بدا الإجراءت....لعدول:بسم الله الرحمان الرحيم وصلاة و سلام على أشرف المرسلين...احنا ليوم إنشالله فحفل زواج السيد جود لوكاس والمدام عبق العلمي.....جود كان راسم إبتسامة كبيرة على وجهوا.....وليد كان متحمس سيرفر فرحان أو أنا؟؟ما محلي من إعراب هدشي كامل؟؟....دور عينيه بنضرة إرتياح أو فحالي كيقولي متخافيش....بغيت غير فوقاش ينتاهي هاد لكابوس أو نمشي نعس...هاد نهار داز طويل بزاف لدرجة ضنيتو كيختابر قدرة صبر ديالي....لعدول:مادام شو هي جنسيتك؟؟....كنت غايبة كنفكر حتى نغزني جود من تحت طبلة.....لعدول:مادام إيه هي جنسيتك؟؟.....أنا:أنا مغربية....لعدول:أو حضرتك؟؟....جود:فرنسي...لعدول كيقيد هدشي كامل سولني على رقم بطاقة أو شي تخربيق أو كنجاوبو على قد سؤالو.....جود:(حدا ودني)عبق عافاك مديريش في بحال هاكا....بورشني صوتو لي كيتوسل معارفش بلي منقدرش نضحك ولا نبين بلي أنا سعيدة هدشي فوق طاقتي ....صافي لعدول بدا كيقرى علينا دكشي ديال شروط ديال زواج....درت راسي كنسمع ليه أو باش نبين ضحكة تخايلت ماما أو بابا باش كنا بشحال هادي مجموعين قدام مدفأة فيامات لبرد....هههه كان بابا ديما خاشيني حداه أو ماما كتسايب مشروب سخون أو كتلتاحق بنا...كندوزو ليلة زوينة بزاف....كنتفرجو فيلم رعب ولا كوميدي ولا اكشن ولا كنلعب أنا أو بابا مسكين شطرنج.....توحشتو بزاف توحشت ريحتو أو تعنقتوو أو لحلم باش كان كيبكي أو كيطلب مني سماح عمرها رجعات....تناسيت لفكرة بزربة أو رجعت لواقع....لقيتو سالا خطبتو طويلة أو جاء وقت نسنيو...جود بدا هو لول جاوب بلي را موافق قبل مايكمل لعدول سؤالو...مدسرش توقيع أو مدو لي....لعدول:مدام عبق لعلمي توافقي زواج من المدعو جود لوكاس بكل ارادتك بعداً عن كل ضغط؟؟....لكلام نسيت عليه...ماقدرت نخرج من حلقي حتى حرف....بديت كنرمش شي لي خلا لعدول يعيد سؤال مرة أخرى....ضغط لي جود على يدي أو بتاسم بضحكة عرفت بلي كيهددني منها....
أنا:(كنتمتم)أنا...أنا....جود:نتي شنو؟؟هههه ياكما بدلتي رأي ديالك؟؟....صوتو كانت فيه واحد نبرة ديال تخويف....حسبت حتى 3 أو قلتها....أنا:موافقة.....عطاني ستيلو أو منكرش بلي سنيت سنية عوجة بلقفقافة....جاء تور وليد أو سرفير أو مقسروش حتى هما.....لعدول طبع بشي ختم أو نضنا كاملين....لعدول:مبروك عليكم صرتو رسميا زوج أو زوجة الله يتمم على خير....عطاه لعقد أو سلم علينا....جود دار عندي بوجه لأول مرة كنشوف بلي فرحااان لأبعد الحدود....قبط لي راسي أو طبع على جبهتي بوسة طويلة.....
جود لامس جبهتها أو كان كيحاول يرسل لها من خلالها كل درة سعادة كتغمر قلبو....بغا يطير....لحضة فاش سنات نسا كلشي أو واعد راسو يبداو صفحة جديدة....دابا لعصابة مغتقدر دير والو أو هما عارفين بلي راها محمية حيت لأن هو راجلها أو سند لها أو ميقدروش يفكرو يقربوا منها أو جود واقف فصرح لمملكتها.... أو يمكن ليه يدير أي حاجة على قبل حاجتو.....جود:مبروك....حط يديه على ضهري بلمسة تملكية أو تبوريشة طلعات مع سبعي صغير....جود:غادي نكملو سهرة لساعة تفضلوا.....كلشي تفرق لعدول مشى مع وليد أو بداو كيجبو لماكلة.....جود جرني حتى لمقدمة ليخت....أو كان ضلام تماك أو لموسيقى لي تشعلات ضافت لون رومانسي للمنضر....ضواو دبي فحال نجوم ملئلئة من بعيد....الموج كيضرب فأطراف ليخت حتى هو بحنية....أو لجو ولا لطيف على لبشرة....حتى عوامل طبيعية سعدات باش تكمل لوحة...لي كانت جميلة بزاف نساتني لوهلة بلي كلشي ضدي.....جود:عبق عندي لك مفاجأة....أنا:بصح؟؟.....جود:أه شوفي لهيه بعيد فسما....شير بصبعو لفوق أو فجأة طلعو ألعاب نارية كتيرة بدات كطرطق بألوان مبهجة.....حسيت بفرحة كبيرة....صوت ديالهم كان مجهد....أو زادوا جمالية للموقف لي محطوطة فيه...واش هدشي على قبلي أنا؟؟.....بتاسمت لا إرادياً....أو كلما كتزيد طرطق وحدة أخرى كندور نشوف فجود....بديت كنحس بشي حاجة غريبة ناحيتو شي حجة خلاتني نسا كلشي أو نفكر فيه كإنسان عاشق.....

جود كان مستمتع بضحكتها لي واخا مكتحاولش تبينها....لمنضر كان ساحر أو أي واحد طبيعي يقدر ينسى راسو أو يتفرج فالأضواء لي لونات سماء دبي بالفرحة...ولكن جود مهموش هدشي... بنسبة ليه المنضر الأجمل هو لي ختارتو عبق تتجمل به...واقفة بطريقة لطيفة أو جامعة يدها بجوج حدا فمها باش تغطي ملامحها لمتأترة....شعرها خرجوا منو خصلات طوال متمردين فحالها أو بداو كيرقسو بفعل ريح قدام وجها البريء.....بقى حاضي واحد زغبة لي عصباتو أو هي كتخشى لها فعينها...قرب منها بشوية لدرجة محساتش به....غير حط يدو عليها تفزعات....جود:شششش عجبك لحال؟؟.....أنا:اه زوينة بزاف أجود هدشي معمر شي حد دارو على قبلي....جود:غادي ندير ما أمكن باش نشوف ديما نفس ضحكة على وجهك.....أنا:ولكن أجود ديما غنتفكر شنو درتي في...أنا بصاح لمفاجأة حسساتني بلي أنا مميزة ولكن كل مكنرجع بدكرتي نهار خديتي لي تصاور كنكرهك أو منقدرش نسامحك.....جود:مكنتش غادي نسافط تصاور....كنت بغيت غير نخلعك....أنا:(بصدمة)كفاش؟؟....جود:أنا ماشي مريض نوري مرتي لرجال واخا يكون خوك.......لألعاب نارية وقفو فحال قلبي تماما....سما ولات كحلة....تصدمت من هاد الإعتراف لي قالوا بدم بارد....ولا كايبانلي فحالي شي وحش وجهو كحل أو مافيه حتى إحساس.....أنا:(معصبة)كنتي كضحك علي؟؟.....جود:يمكن كدبت عليك ولكن غير باش نوصل لهدف ديالي مكنتش ناوي نرسلهم....أنا:(بصوت مبحوح)نتا مريض لكداب الحقير كنكرهك أجوووووود.....مشيت دمعة فعيني كنجري لفوق...دخلت لبيت سديتو تلاحيت على كرشي أو بديت كنبكي بكل ألم على شمتة لي تشمت....أنا:(كنبكي)لكداب تفو الحقير هئ هئ هئ لاش درتي فيها هاكا أجود لآااش؟؟......
جود جلس على طرف لحديدة أو خدا نفس عميق....كدب عليها غير كدبة صغيرة أو قالت ليه كنكرهك....شنو غتقول إلى عرفات بلي مخبي عليها أمور خطيرة أو خطفها غير باش ياخد من عندها لوراق لي يفضح بهم لعصابة؟؟....راسو غادي ينفاجر بتفكير....بغى غير يلقى طرف خيط يبدا بيه حياة جديدة...."معاها".......
بعد مرور ساعة....جود مشى عندها باش يودعوا ضياف بجوج كزوج أو زوجة هاد لمرة.....دق لباب أو لا رد من طرفها....جود:عبق خرجي نسلمو على ضياف قبل ميمشيو حلي لباب.....أنا:لا رد....جود:عبق خلي نهار يسالي بخير خرجي....خفت لا يمشي يهرس لباب كلشي محتمل مع هاد لحمق.....نضت بتتاقل أو فتحت.....جود مفهمش بضبط هادك لعبة لي كادير معه كل مرة كتفتح لباب فوجهوا..كيدوخ...كيشوفها أجمل من مرة فايتة....فحالي ناوية تعدبو....هاد لمرة أجمل هيئة خرجت بها...حلات شعرها طويل أو طاح بهمجية على كتافها صغار ....غطاهم بحشمة فحالي لابسة رداء أسود حاميها من لسعات لبرد ....عينها لحمرين يلا خارجين من دوامة بكاء...مع نفخ صغير تحتهم زادهم إغراء....حناكها لورديين أو فمها لملتوي من كترت لفقصة لي كتحس بها من جيهتو....ربعات يدها أو قرات تسالي لحضة تعديب ديالو أو نزلات وجها لرض.....أنا:شنو بغيتي؟؟....جود:أنا كنت....أنا:جود عيانة بزاف أو بغيت نعس يلا نخرجو نسلمو على ناس باش نهيو هاد لمهزلة لي جبرتيني نكون لبطلة ديالها....جيت نخرج ولكن شدني من دراعي....جود:أجي بلاتي....مد يديه تانية لشعرو أو حلو...خدة لبوندا أو دورني...جود:بلاتي نجمع لك شعرك....رفضت ولكن ردني على الحيط أو وقف ملصق معايا باش منتحركش....أنا:أنجمعو راسي....جود:لا باغية تعصبيني زعما غير بغيتك تعرفي بلي حتى حد مغدي يشوف شعرك محلول من غيري....أنا:واش حماقيتي؟؟.....جود:اه حماقيت.....خشى يديه فجناب راسي أو جمع كلشي مخلة حتى زغبة خارجة....يديه كبار بزاف على راسي فحال شي مكنسة شفطات لخضر أو ليابس ....لواه على شكل عقدة مطالعاش بزاف....ولكن مازال كان واخد نفس وضعية وخى سالا....فجأة حسيت بيديه على كتفي كتلمسو بشوق....نتافدت فبلاصتي أو كنحاول ندور ولكن مقديتش من ضغط لي منزلو عليا....أنا:بعد مني أجود شنو تادير؟؟....جود:لا رد....أنا:جوود وقف باراكا.....مبغتش نغوت أو نجمع عليه ناس خفت نقولهم كيتحرش بي أو هو أصلاً ولا "راجلي".....جود هبط يديه لضهرها أو من بعد لخصرها نحيف لي من لحضة شافها بلبسة ديال لعرس أو هو كيناديه.....مقدرش يصبر أو دور يديه على كرشها باش يحكمها أو هبط بشفايفو على عنقها من لور......كبل مقاومتها أو هو مزيرها مع الحيط أو بيديه أو باش يستمتع كتر بحلاوة جسمها على فمو أو ميصدعو حد حتى هي بنفسها سد لها فمها بيديه أو دموعها كيسيلو على كفو....مقدرش يقاوم كتر... غريزتو كرجل فاتت حدود تحمل ديالو...كسرت لحاجز ديال وعد لي عطاه لنفسو...أو خاصةً بلي طعم ديالها مابين يديه كان شهي بدرجة كبيرة دفعاتو يزيد من حقنة ديال شوقو لها أو يبتها برحيق يمكن أدوقو لأول مرة على يديه.....

يمكن هو كيتلدد ولكن أنا كنتتعدب فحالا كيحرقني بقطرات شمع دايب....بكيت هدشي لي قضيت نعبر بيه على رفضي....مستغل لحالة ديال ضعف لي وصلت لها...كل دمعة خرجت مني ليوم إمتصت معاها طاقتي حتى مبقى عندي جهد ليه....كانوا يدي هما لي رافضين سطوة ديالو على جسمي كامل....حطيتها على دراعو أو كنت كنحاول نحيدها....كنضرب فيها كنقرسها....فحالي كنتعامل مع صنم ديال لحجر....أنا:(كنبكي)مممممممم هئ هئ....كان مازال كيبوسني فعنقي أو حل لي حتى سنسلة شوية.....دورني بجهد حتى كنت انفقد الوعي ديالي أو طلعت نفس كبيرة فحالي خارجة من بحر غارق من لهموم.....أنا:جود بعد مني...بعد مني الحقير....مكانش مركز مع كلامي....دفعتو فصدرو بكل وقتي ولكن هاد لمقاومة مكانت كتزدو غير يجعر....خشى راسو فعنقي أو صافي مبقتش قادرة نسكت...بديت كنغوت بأعلى صوتي شي حد يجي يفكني....أنا:(بلغوات) عونونييي وا عباد الله.....شد لي فمي عاود أو مبغاش يحبس.....كنحس بلي شوية نغيب....أنا:ممممم هئ هئ هئ.....لمحت وليد جاي نازل بشوية غير شافني على هداك لوضع....جاء بسرعة ناحيتنا أو جبد جود من كتافو.....وليد:(بلغوات)واش حماقتي أجود شنو تادير لبنت؟؟.....طحت لرض كنبكي أو شفت فيه كينهت أو قفافل قمجتوو على شوية يتحلوا......جود:طلقني صافي طلقنيي.....وليد كان مزير عليه بزاف مخلاهش يجي عندي....جود:ولق**** طلقني... عباق أنا سمحلي مكنتش عارف شنو تاندير....مقدرتش نشوف فيه أو نضت دخلت لبيت أو سديتو بساروت.....جود دفع وليد أو مشى كيخبط عليها.....جود:عبق خرجي خليني نشرح ليك عبااق.....وليد دورو من دراعو ولكن وجهو كان مازال على لباب.....وليد:حشوما عليك أجود علاش نتا ديما همجي أو ماتقدر دير والو بشوية ديال رحمة.....جود:عبااق خرجي را مقدرتش....وليد:(دور ليه وجهو)جود شوف فيا نتا دبا تزوجتي نسا عليك جود لقديم حيت را كتخلعها بيه.....جود:(دفعوا)طلقني أصاحبي جمع عليا بنادم لي برا أو قودوووو.....وليد:صافي هدشي لي بغيتي ليوم كان عرسك زعما أو بدتيه بلغوات أو سالتيه أو نتا غادي تاكل لبنت...أنا كنت بعيد أو بقى في لحال من لمنضر لي شفتو....جود:ماشي سوقك اوليد درج عليا زلافتك قبل منخرج فيك أعصابي سيرو كاملين بغيت نبقى بوحدي....ترمى على لرض أو دار يديه على راسو....وليد هبط لعندو أو قاس فركبتو بلمسة أخوية.....وليد:أنا نصحتك أجود حيت نتا فعلاً خويا أو عارفك مزيان أو سمحلي على هاد لكلام ولكن نتا إنسان مريض بماضي.... عارف بلي ماشي نتا لي ختاريتي هاد لحياة ولكن على الأقل حاول تبدل على قبلها.....جود كيسمع كلامو بنبرت وليد لجدية أو باش قاله نتا مريض مبقاش فيه لحال حيت بصح هادي هي حقيقتو لمرة....كان باغي غير يخبرها بلي هي ولات ديالو بقبلة بسيطة أو يمشي ولكن جدباتو ريحتها أو بنيتها صغيرة...حس بها بشحال خايفة أو هدشي زاد حمقو عكس لبنات لي دازو على يديه.....دموعها على كفو كان عندهم تأتير فحال لوقود لي كيزيد يهيج نار.....أما توسل ديالها باش يطلقها زاد طين بلة....ولكن لي سلا معاه هو لملمس ديالها من تحت شفايفو...مداقو فحال نبيذ لحلو لي كيعجبو يشربوا فيامات البرد الشديد أو هو بوحدو قدام سرجم كيتفرج فلشتا أو تلج لمغطي بلباسو لأبيض شوارع باريس رومانسية....كيسمع بكاها أو غواتها بلي كتكرهو بزاف....ناض أو هاد لمرة دق عليها بلطف أو بصوت هادي....جود:عبق حلي لباب.....أنا:(بلغوات)بعد منييييي مكتعرفش بشحال كنكرهك أو زدت كرهتك دبا كون معتقنش صاحبك كون يعلم الله شنو درتي في المجرم هئ هئ هئ.....جود:سمحلي أعبق مقسدتش را كان دكشي فوق طاقتي....أنا:كفاش بغيتي نعيش معاك واش خصني كل دقيقة نحضي راسي منك؟؟هدشي بزاف عليا........نضت فتحت لباب أو خرجت لبرا حيت تخنقت بزاف...بغيت نمشي عند لعدول نقوليه كان جابرني أو خاطفني أو بغى يتعدى عليا....بقى واقف متبعنش...طلعت كنجري لفوق لكن لقيت غير لخوا....فحالي عمرو كانت شي حفلة هنا كلشي إختفى...علاش كلشي شاد معايا ضد؟؟علاش كلشي بغا يخليني نبقى معاه؟؟...أنا:(بلغوات)فنكوووم؟؟....أجيو فينكوم عتقوني منو....مشيت شديت فالحديدة أو كنطل على لبحر أو ليابسة بعيدة بزاف....بديت كنغوت بأعلى صوتي حتى ولا كيدرني بلا قياس....أنا:عافاكم عتقوني منوووو يا ربي عييت....(كنبكي)هئ هئ عاونوني مبغتش نبقى معاااه....جود طلع درجات أو شاف كيفاش كتحرق أو كتنادي شي حد ينقدها منو...واش بصح هو إنسان متوحش لهاد درجة لكتوجع لقلب؟؟.....فقد لقدرة على لوقوف أو طاح على لأرض....حتى هي خواو لها رجليها من كترت لخوف لي كتحس بيه...بقاو بجوجهم على أرضية ليخت..هو متبع بجوارحو حركة الألم لي كتعبر بهم على لمصيبة لي طايحة فيها...أما عبق فلون رمادي سيطر على رؤية ديالها أو رغم هدشي مفقدتش الوعي....لقطة تبكي بدم حيت صعيبة بزاف لواحد يحس بلي مبقى عندو حتى مخرج أو طاح فنفق مضلم مع إنسان مجنون.....

شافها كيفاش كتقاوم شهقة كتخرج من حلقها....أو ناض ببطء جهتها......سمعتوا كيقرب أو خشيت وجهي وسط رجلي أو كنغطي بلكسوة ما أمكن من جسمي لباين ليه.....حنا حدايا ولكن محستش بيديه على لحمي.....جود:عبق باراكا متبكيش....أنا:لا رد....جود:عبق أنا عارف لخطأ ديالي نتي براسك قلتي لي خصني نعتارف بغلطي أو طلبت سماح من وليد أو سمح لي...حتى نتي خصك تسمحلي....جيت نجمع لوقفة ولكن شدني....عفت يديه مي عارفة بلي خصو حتى يسالي كلامو عاد يطلقني...مافيا لي يتجار معاه....سكت ولكن مخفاش عليا لمحة ندم لي شفتها واضحة على وجهو.....جود:عفاك بلاتي نقولك واحد لحاجة....بصح أنا تصرفت معاك خايب ولكن تأكدي بلي مكنتش واعي بشنو كندير....أنا:هههه زعما باش كتكون واعي تتكون مأدب...أنا لي كنئكد لك أن فالحالات بجوج راك مكتقسرش فتعديبي....جود:را نتي لي كتدبعيني أو معرفاش هدشي.....أنا:أنا أجود؟؟....أنا لي كنعدبك؟؟....بلاما تخليني نجعر عليك ديال بصح حيت زدتي فيه....تحكمتي في كتر من لقياس ولكن جا لوقت نسمعك جوج كلمات على ودنيك....أنا أجود بنت حرة أو أنبقى حرة حتى نموت...أو نتا إلى كبرتي فالحبس ولا مقهور فحياتك مغديش نتحمل تبعات هدشي....جود تشوكا من كلامها لي رماتو عليه فحال أسهم مسمومة...ملقى حتى حرف يسد بيه تجريحها القاسي أو إكتفى بسمع....أنا:نتا إنسان مريض أو مغديش نقبل هاد لمعيشة...صبرت لك بزاف خطفتيني عدبتني...ضربتني تجرأتي عليا بشحال من مرة....هددتيني أو خلعتيني بخويا ولكن يوصل لأمر نحس بلي نفضل نموت ولا نعيش معاك هدشي لمغدش نسمح بيه فهمتي؟؟....أنا أجود عبق العلمي...بنت ديما فارضة راسها أو نتا ولا حكيم ولا غيرك مايقدر يتحكموا في....هربت من خويا أو تكرفست عامين فالغربة بوحدي لا حنين لا رحيم....صبرت راسي أو قلت اللهم هنا ولا لجحيم فالمغرب معاه...باش نتكافئ بيك نتا؟؟...اه؟؟.....شنو دنبي؟؟...شنو لي يخليني نسكت على فعايلك؟؟....لهنا أو باراكا هادي أخر مرة نبكي فيها على واحد فحالك أجود....يكفي طلعتي واحد كداب بلاما تزيد تكرهني فيك كتر حيت معمرني حسيت بالكره لشي واحد فدنيا من غيرك....بانلي يتعصب أو أنا نار لي شاعلة في حتمات عليا نزيد نكمل عليه باش يدوق طعم المر ديال لخسارة.....أنا:عرفتي شنو قبيلة باش سولتني واش شفقت عليك...أنا غنجاوبك اه أنا شفقت عليك أو بزاف...شنو كيحسابلك بلي غادي نحن فيك أو نبغيك؟؟.....هههه أتكون غير كضحك على راسك شوف حالتك كي دايرة....كتبقى انسان مجنون همجي متوحش عديم رحمة أو مبجرد شوفة فيك...كنشفق عليك..........جود تألم بزاف صدرو ضرو لدرجة كبيرة...اعترافها دمروا أو خلا جاع هدوك الأحلام لي بناها فعقلو بلي ولات كتحس بشي حاجة من ناحيتو تهدم....كرها من قلبو...كان كيشوف فيها الإنسانة لوحيدة لي مال لها من جاع لبشر لمسخ لي عرفهم طول مدة عيشوا على هاد لأرض....طول لعامين فاش كان كيراقبها بخفاء...ستنتج بلي شخصيتها قوية أو منكرش بلي ولا كيحضيها بعد لمرات غير باش يستكشف شكون هي؟؟....كانت كتفوج عليه....كل مرة بمزاج...مرة كضحك مرة معصبة مرة كضارب مع دراري لكتعرفهم....مرة معنقة شي بنت....من غير الأخبار لي كيجيوه من ريم...فحالي ولا كيعرفها قبل حتى ميشوفها.....خلق رابط بينو أو بينها أو هي مسايقاش جاع بلي شي حد سميتو جود متعلق بها....
كلشي تبدل باش ولات قربو....ولا عندو هاجس غير بمجرد يفكر أنها شي وقت أتمشي أو تخليه....ولكن دابا كتخرج سم من فمها أو كتحقنوو بيه فحال لفعة.....هي لكان منتاضر منها تجبدو من سواد لي دمر ليه كل حاجة زوينة خص تكون فأي إنسان عادي....هي لي ستناها أو من لقاها دبا كتجازيه أو كترميه بحقيقتو لي كتئلم بزاف.....جود:سكتي......أنا:مغديش نسكت فهمتي سمع شنو كتسوا.....جود:(بعصبية)سكتي قبل مندير فيك يدي....أنا:هههه هدشي لكتعرف دير كلشي متوقع منك أصلاً شنو غنتسنا منك؟؟.....شفتو جاي جهتي بسرعة....رجعت بلور أو جريت لبيت قبل ميشدني....كان كيخلع أو محستش بشنو كنقول.....تعكلت مع دروج أو شدني من شعري.....تلويت ليه أو كنشوف لباب مفتوح فحال جنة.....أنا:طلقني أجود كدرني.....جود:علاش؟؟....حتى نتي صدقتي منهم؟؟....أنا:(مئلمة)أيييي جود بسع مني أجود شعري....زير عليه بزاف شوية أو يتقلع من بلاصتو.....جود:كيدرك شعرك؟؟...اه؟؟....جربتي الألم بشحال صعيب اوا ضربيه فما لا نهاية أو غتعرفي باش كنحس كل نهار أعبق....ولا عرفتي شنو خصك تحسي بحاجة كتخلع كتر....مفهمتش قصدو بضبط حتى داني بديك طريقة مجرورة من شعري لمقدمة ليخت....بديت كنبكي بصمت أو يدي على لقبضة ديالو نخفف بها دران.....حيدها وأخيرا أو مرخانيش.....جود:شوفي ها لبحر بشحال كبير....شفتيه؟؟....أنا:هئ هئ طلق مني أجود صافي عييت ولله.....جود:لا أعبق لا....كل كلمة قلتيها نهشات فيا ولكن نتي معرفاش شنو دوزت...كلشي كيحكم عليا أو مداقش من لكاس لي دقت...شفت فيك بصيص أمل يخرجني من حفرة غارقة عشت فيها وحدي سينين كتيرة....ولكن حتى نتي منهم....ادن خصك تجربي باش تفهمي....دار شاف فيها أو لون لأزرق فعينه إشتعل فحال لهيب....حسيت بلخطر أو فتانية لقيت راسي مابين يديه أو بلا مقدمات لاحني فالبحر....جود:(بلغوات)هدشي لي كنت عايش أعبق كنت عايش فبحر كبير من لقهرة أو كنغرق غير بوحدي حتى يد عون متمدات لي....جربي حتى نتي.....جربي تموتي أو نتي حية......

"عندما يصل الجنون إلى حد الموت...يصير منبعاً لسخرية من قدر ألقى حكمه على إنسان بريء ابتلاه به...ما دنبي؟؟....الست ضحية مؤامرة وسخة لا أعرف أين ومتى ستنتهي....الشيء الدي متلكني الآن هو جوف ضخم يسحب كل إحساس جميل كان في قلبي يوما....أريد فقط من ينتشلني ويغمرني بيدين حنونتين متل يدي أمي....يخبرني أن كل شيء بحير....يمسح على جبيني بلطف أو يبتني الحب....لكن لا أحد يعلم انني أقاصي وحدي وسط مملكة وحش وجد لدته في تعدبي و إستمتع بصوتي لمخنوق وأنا أنادي على منقد ما.....لكن هل فعلاً من منقد غير الموت؟؟....."

لحضة فاش رماني مستوعبتش واش فعلاً دارها بقلب قاسي حتى تخبطت مع لما لمتلج.....دخلت لداخل بعينين محلولة أو مع صدمة ماخديت حتى نفس...ضلام أو صوت لماء الهادئ سمكني....طلعت بجهد حيت الأكسجين تمحى من ريات ديالي.....خديت نفس عميقة أو لبرد دخلي مع عضامي.....بديت كنتخبط أو شي قوة كتجبدني لتحت....دموع سخونة طاحو على حناكي حرقت كل طرف من قلبي بقى فيه شوية ديال رحمة.....مقدرتش حتى ناديه بش يعوني....بزاف على هاد لحمق حد لجنون لي واصل ليه...خصو يتعالج مفيهاش....سمعت جملة ديالو لحطماتني....شعور خايب تكون فحال لي عبر بيه هو...واش بصح هادي هي لمقارنة ديال دكشي لدوزو فحياتو؟؟....أنك تكون وسط بحر كبير خاوي...ولكن أنا دبا معاه...كيبانليا لفوق...مضيق عينيه..أو كيتعدب أو أنا كنحارب غير بوحدي لموجات لي كيدوني أو كيجبوني بعنف....ولكن رغما عليه بغاني نجرب إحساسو...أو فعلاً نقدر نكون شعرت بلقلة لقليلة من معاناتو....حيت هو كان بوحدو ولكن أنا مستنجدة به....هو كان وسط لهموم أنا غير وسط لماء لي قد مايكون بارد أو متلج ميوصلش لحدة ديال لمشاكل فلحياة.....جزء مني ما عاتبوش...أنا فعلاً ما كنتش كنضن بلي حالتو صعيبة...ولكن مكانش عليه يدوقني لمرار بهاد طريقة....ياك قال بلي أنا كنهمو؟؟....علاش تصرف بلا عقل؟؟......حسيت بأطرافي ماتوا علي.... بداو رجلي كيفشلو من شدة برودة لماء....حمدلله كنعرف نعوم شوية.....كسوتي طلعات حتى لفوق أو طافت ساعداتني باش منغرقش....ستنجدت بيه غير بعيني....."متخلنيش أجود".....
جود... بلقب القلب لميت دبا كيتعسر بالألم عليها....كيشوف فيها بحب كبير...معرفش شنو دار...حتى فيقو ارتطامها مع لما من لعمى لي ولا مغشي عينيه لوقت لي هانتو أو رداتو صغير فالحجم بسباب شفقة لي شافها فنضرتها.....ولكن علاش مغوتاتش؟؟.....علاش مخافتش؟؟.....لاش كتزيد تعلقو بها؟؟....أي واحد مكانها كردة فعل طبيعية غيدر أي حاجة باش ينقد نفسو....ولكن هي لا.....واش أخيراً حسات بطعم المر ديال لموت أو نتا حي؟؟.....قرر يتنازل أو يجبدها باش عيات من لمقاومة أو طلبات منو يساعدها بلا صوت.....
رما حبل سميك طويل أو تلاح ناحيتها....عام شوية حتى وصل لها....أو كل مكيقرب قلبوا كيرجعو ليه نفس نبضات لحلوين باش كيكون جنبها...أو حتى هي فحال لي كانت كتنتاضرو....فتحات دراعها أو دموع لبكا قدر يفرزها على حناكها رطبين وخى كانت كلها فازجة.....دور يديه على خسرها أو يديه تانية على ضهرها....متصورش شنو لي خلاتو يدير هاد لفعلة.....كانت باردة بزاف أو ضمها كتر باش يمد لها حرارة جسمو لي بدا كيتحرق من قربها منو....تأكد بلي هادي غتكون ديما حالتو كلما يقيسها حيت كتنوض فيه أشياء فوق طاقتو.....دورات يديها على عنقوو....أو تخلات على أخر نقطة ديال تحمل.....بدات كتبكي بصوت تقب طبل ديال قلبو أو مزقو لأشلاء كتيرة.....
عارفة راسي أندم من بعد ولكن وليت كنشوف فجود الشخص الوحيد لي ممكن يعتقني من العالم كامل....هو لي يقد يلوحني أو يخرجني من حفرة غارقة....هو لي يمدني لنار أو يطفيها قبل متمسني....عنقتوو ماشي حيت حسيت بالبرد لكن باش نعرف بلي مكنحلمش أو بلي هادا واقع.....قربني منو بزاف فحالي بغا يخشيني فيه.....أو حتى أنا متخليتش عليه...لمسات ديالو على ضهري أو شعري كانوا حنان عكس ديال قبيلة....عرفت من خلاها أو من خلال هاد لموقف أو هاد ضلام أو حتى هاد لمشهد بأسره بلي جود هو راجل حياتي أو على يديه انعرف بزاف لمسات أو أحسايس منكتش متخيلة جاع بلي كاينين فهاد دنيا.....استنتجت بلي جود هو "حبي لمجنون".......

أنا؛(كنبكي)جود متخلنيش عفاك.....جود:شششششش هانا حداك صافي مطرا والو مغدش نخليك.....أنا:عفاك أجود.....غزرت ضفاري فضهرو أو كتافو حيت مبقتش عارفة مصيري كي غيكون بلا بيه....جود:صافي أعبق أجي نطلعو....جرني حتى لحبل لي لآحو....تعلق فيه هو لول...أو طلع بسرعة....مد لي يديه...طلعت فيه بعمق أو حاجة فييا الداخل تهزات بكترت مكنشوف بلي معمرو يقدر يئديني....شديت فيه بكل قوة أو جبدني من لما كوحدة متأكدة 100% من شعورها.....ولكن غنخبيه فقلبي حيت أكيد ايجي وقت أو أنرجع فحالي...لاش أنشوه راسي أصلاً هو مستحيل يحس بالحب إتجاهي.....وخا كيتصرف فحال شي إنسان كيبغي لكن هدشي واقلا حيت معمرو جرب شعور لحب...منرضاش لنفسي هاد لوضع....حيت أنا طالما تمنيت لي يبغيني ديال بصح ماشي غير يتولف بي أو نبني أحلام على لخوا....حطني على الأرضية....مسح وجهي من لما...أو رجع عنقني....بديت كنكح أو هو كيدوز بيديه على ضهري....حتى خفت.....عييت الإجهاد من راسي حتى رجلي....بغيت نعس نعسة طويلة....أو نفيق على واقع أجمل....أنا:جود عوني نوقف.....جود:باش كتحسي؟؟....أنا:عيانة بزاف أجود عوني عفاك....طبع قبلة على جبيني أو هزني بخفة....حتى أنا ماكان في لي يتمشى....شديت فلكول ديال تركوه أو مبغتش نغمض عيني كنقاوم رموشي بزز حيت خفت لا يمشي يقرب مني عوتني.....داني لبيت أو حطني كنرجف....خدة فوطة من بلاكار أو دفاني بها....جود:عبق خصكي تبدلي....هانا أنخرج أو من تسالي عيطي علي....حركت راسي بالإيجاب مستغربة من لأداب لولا فيه.....خرج مندافع لبرا....جلست كنسخن راسي شي دقايق أو نضت من بعد نقلب على شنو نلبس...
جود مشى لمطبخ صغير لي كاين فاليخت....سخن لما أو دار فيه أكياس شاي باش يساعدها هاد ليلة تنعس براحة....ولا كيبغها بزاف بزااااف...ولات حياتو كتمحور غير عليها بوحدها.....لقطة فاش بغى يطلعها من لما شاف لمعة غريبة لأول مرة مرسومة وسط جوج قطرات ديال لعسل لأسود فعينيها.....جود:سمحليا عبق سمحليا حياتي.....خدة لكاس سخون أو مشا بخطوات سريعة عندها.....
سمعت دقان خفيف فالباب أو كنوجد نفسي نرد شخصيتي معاه متصلبة أو عنيدة باش منزيدش نغرق فيه.....يمكن هدشي بدا بإعجاب بسيط ولكن كلما كان كيدير شي حاجة كتئلمني أو كيرجع ينقدني كنسا على كلشي....ولكن هاد لفعلة الأخيرة ياريتها موقعاتش حيت حلات لي عيني أو وراتني حب حياتي...سمحت ليه بدخول أو ككل مرة كيسها في...أو كيجمد بلاصتو...بادلتو نضاراتو لمرتابكة كتسارع شي حاجة قوية....نشوف شكون فينا أيستسلم؟....
هاد لمرة ماشي هي لي خرجت أو دوخاتو هاد لمرة لعكس...أصعب حاجة تكون فنفس لمكان مع بنت جميلة عندك كل الحق فيها ولكن تدفن رغبة ديالك باش تخليها سعيدة....لكاس حرق ليه يديه...ولكن مكيسوي والو قدام لحريق ديال قلبو أو هي كتزيد نعدبوو بشوفاتها لمغريين....لابسة كسوة طويلة فلون أحمر قاتم....هابطة على كتافها أو طويلة من أكمام.....اشنو ناوية دير زعما؟؟...كتغطي جسمها كامل أو كاتبين جزء بسيط باش تزيد تحمقو؟؟...كتستعمل معاه أشد أنواع ترويد نفس حقارة....شعرها مازال فازج أو محلول على طولتو مور ضهرها.....حمورية طفيفة زينات حناكها بخجل...لا لا بزاف عليه هدشي...أكتر أمنية بغاها تحقق هاد لحضة هي تفتح يديها فحال قبيلة أو يوريها بشحال جات زوينة بغزل ماشي بلكلام لكن بقبل على كل جزء اسروا منها.....لكن هادي فقط مجرد أحلام يقضة....جود:(بصوت حنين)عبق ؟؟....أنا:لا رد.....قرب مني أو حنا على ركابه...قاس لي وجهي أو جبهتي أو حناكي....جود:مفيكش سخانة بزاف هاكي شربي هادى غادي تنفعك.....أنا:ياكما داير فيه شي منوم باش هاد لمرة تغتصبني ديال صح؟؟.....جود:(مصدوم)شنو كتقولي؟؟...أنا:كلشي متوقع منك..فأي لحضة كيخرج منك تصرف مجنون يقد يفقدني حياتي.....جود:لا رد.....أنا:شنو غاندير معاك أجود؟؟....كرهتيني حياتي كنطلب منك حاجة وحدة متخلنيش نكره حتى راسي أو نفقد شرفي....على لأقل إلى عرف خويا بهدشي يكون عندي سبب نسد بيه تفكيرو لمريض....كنطلبك أجود كنطلبك عفاك....جود:(بحزن)مغديش نقيسك أعبق إلا إلى سمحتي لي نتي كوني هانية....شد لكاس ديال اتاي أو هبط عليه كامل....جود:أو هادشي مافيه والو قلت لك قبل أنا ماشي حقير نستغل نعاسك باش نلبي رغبة ديالي هدكشي كيدروه غير شمايت....ناض وقف أو قبل مايخرج طلعني أو هبطني بلهفة....جود:منكرش بلي باغيك ولكن أنصبر أعبق باش نبين لك بلي أنا كنتبدل على قبلك تصبحي على خير....فرحت أو ابتسمت لفراغ.....تمددت على سرير....أو داتني عيني فحالا مطرا والو هاد نهار أو لي يشوفني يقول عشت أجمل نهار فحياتي.....

يتبع