مصيري في الغرفة 13 الجزء السادس

من تأليف Safae BT
2018

محتوى القصة

رواية مصيري في الغرفة 13

هالة بقات جالسة فدار شحال كتفرج و مرة مرة كتقنط و تنوض تخرج للجردة يصرب فيها لبرد حتى بدا يظلام لحال بينما ايهم كان جالس فواحد ديبو كبير و عامر بالحراس جالس و داير رجل على رجل و قدامو واحد الشخص
ايهم:ههههههه كريستوف مورينو الملقب بلووووووس ...مرحبا بيك عند ديفل 
لبوووس:و اخيرا تلاقينا 
ايهم:مغيكونش اخر لقاااء
لبووس:هههههه مغتوريناش وجهك ..نشوفو ديفل شكون هوا 
ايهم:نخااااااف نصدمك 
لبوووس:اووووه ديفل كيخاااف 
ايهم:(ضحك بجهد)ههههههه ....كنسمعك شنوو مشكلتك لاش كتقلب عليا 
لبووس:بغيتك تعوضني على لخساؤة لي تسببتي لي فيها 
ايهم:اوووه ....و شحال قيمة دهاد الخسارة
لبووس:ملايين دولارات 
ايهم:شفرتهم ليك مثلا و لا شنووو
لبووس:دمك خفيف....المافيا الروسية من قبل كانت كتعامل معايا لكن ظهرتي نتا و طيحتي عليا سووق
ايعم:اممم اوكي جاااتك
لبووس:وااو مسحابليش واش بهاد السهولة عارف غالمجال ديالنا الكلمة هي كولشي 
ايهم:و انا عاطيك كلمتي
لبووس:هههههه كنظن خفتي مني 
ايهم:هههههه نو نو نتا من الاشخاااااص لي مستحيل نحاف منهم أجدي(ورك عليها) 
لبوووس:(تسمقل)كييفاش
ايهم ضحك و دار بلكوورسي ووقف كيشوف فيه بينما كريستوووف وسع عينيه و شاف فرجالو دار ليهم بيديه باش ينصارفو 
ايهم:(فتح يديه كيضحك)مغتسلمش على حفييذك اجدي
كريستوف:ا ايهم
ايهم:(حرك راسو بالايجاب) هو لي قدامك ولد بنتك 
كريستوف تصدم و كيشوف فيه ممصدقش انه كيشوف ولد بنتو كاميليا حفيذووو لي منهار ماتت كاميليا معاود شافو 
كريستوف:(قرب ليه و كيحقق فملاميحو) ههههه نتا ولد كامليا بنتي...ممصدقش نفس العينين و نفس الوجه (عنقووو)ولدييييي
ايهم:(بادلو لعناااق)هههه جدي توحشتك 
كريستوف:سمحلي اولدي سمحلي
ايهم:(ضرب على كتفو و بعدو عليه) ههههه خلعتي ليا المدام اجدي
كريستوف:مكنتش عارف اولدي ....كبرتي وليتي راجل 
ايهم:هههه راه ديفل لي قدامك
كريستوف:انا فخووور بيك اولدي ....توحشتك 
ايهم:(ضحك)هانتا شفتيني 
#عند هالة
لي عياات بقوة مكتسنا و نتضت طلعات لبيت دنعاس بدلات عليها وتخشات ففراشها كتفكر جتى داها نعاس بعد مدة سمعات لباب تحل بشوية عرفاتو هو غير من ريحتووو دخل بدل عليه و مشات تخشا حداها و عنقها و نعس 
🌇🌇صباح جديد فاقت هالة لقاتو مجبد حداها ناعس شافت فيه و ناضت شافت فياعة لقاتها تقرببا 6 دصباح مشات لبسات كولون بارا و قبية بيضة مع اديداس بيضة جمعات شعرها و نزلات حلات باب لفيلا بشوية بانو ليها لي كارد ناعسين و خرجات كتسلت جتى وصلات لباب لكبير و عطات رجليها لرييح كتجري بجهد و كضحك 
هالة:انة انتاقم منك اسي ايهم ...شووف فين تلقاني دابا 
بقات كتجري حتى بان ليها طاكسي شيرات ليه و طلعات 
هالة:(بالانجليزية)بلييز سونتر فيل 
...:اوكي
وصلها طاكسي فين بغات جبدات من جيبها بزطام ايهم لي ضرباتو ليه من جيب خلصات مول طاكسي و نزلات ...بان ليها كولشي خاوي و شي محلات يالاه كيحلو مشات لواحد جريدة جلساات فيها شحال و ريح كيضرب فيها عجبها لحال حتى بداو مسارنها كيغروطو ناضت و بقات غادة كتمشى حتى بانت لبها واحد لكافي دخلات ليها و جلسات هزات لموني بقات كتشوف فيه داكشي بروسية مفهامت فبه تاوزة لكن عندها زهر لقات تصاور قدام كل طبق جا عندها سيرفور و بظات توريه هادي و هادي ...يعد مدة جاب ليها السيرفور شنو طلبات و بدات كتاكل و تلتاهم فلماكلة ناضت خلصات و خرجات لقات دنيا بدات تعمر و ناس غاديا جاية و هي عاجبها لحال فخاد الاثناء ايهم يالاه حل عينو مد يدو اجيهتها تحسسها لقاها خاويا ناض دخل للحمام قلبو و تم نازل مع الدروج كيقلب و نادي بسميتها

قلب لفيلا بيت ببيت او والو مشا كيجري جبد بيسي ديالو و خدم كاميرات و بدا كيشوف شافهل ناضت بدلات و هزاع شي حاجة من سروالو و هرجات كتسلت ايهم صعر و عرق جبهتو بانو خرج كيجري لقا لي كارد قدلمو و بدا عليهم غير بلوبونيات 
ايهم:حرق الزوامل بووكم اولاد لقحااب دايركم هنا باش تنعسو ليا يولاد القحاب
مهم منعاودش ليكم خلطهم و هت دمو كيغلي اما لي كارد مافاهمين تاخريا تياكلو الدق و ساكتين 
ايهم:(شد فراسو) فين مشاات هاد الكلبة(بقا غادي جاي ) نوووضو تقودووو...قلبو ليا عليها فينما كانت توقع لبها شي حاجة نفرع زامل بوكم 
لكارد:اه اه هي لولة المعلم 
مشا ايهم ركب طوموبيلتو و تم غادي كيقلب كيلحمق و لي كارد تاهوما كل و فين زاد بينما لالة هالة ممسوقاش غاديا كدوور بوحدها كيلهبيلة و لي و كتاكل فالسقاطة و كتشوف فلمدينة لي عجباتها حتى وصلات لواحد لمووول دخلات ليه و هي حالة فمها بقات تسارا من هنا لهنا و خدات شي تخربيقات و خرجات فرحانة و كتشوف فداكشي لي شرات من دون متنتابه للطريق لي كانت جايا فيها سيارة بسرعة فائقة هالة مع هزااات راسها مع تسمعاااات بااااااااق و كتبان ليكم هالة تهزات تالسما و تخبطات ...ناس المارة كولشي تgجgج عليها و طريق تبلوكات و هالة دماياتها سايلين وقفووو جوج طوموبيلات كحلين و نزلو رجال ايهم كيجريو يشوفو شواقع غير شافو هالة و هوما يتصدمو دغيا فرقوووو جوقا و دارو بيها بينما ايهم وهو سايق شاداه غصة فقلبوووو و كيقلب كيلحمق حتى كيجيه اتصااال لي غيخليه يفقد التوازن و التركييز ديالو صدرو كيطلع و ينزل بطريقة رهيبة و عينيه مثبتها فاتجاه واحد بدون ميرمش حتى نزلات دمعة من عينو و غوت باعلى صووت عندو
ايهم:هاااااااااااااااااااالة 
ديمارا اللوطو و هو بلا عقل ماوقف حتى وصل للوبيطال لي نقلو ليه هالة دخل كيجري و كيقلب فلي كولوار كيلهبيل حتى بانو ليه رجالو واقفين حايننيين ريوسهم وقف عليهم حالتو حالة 
ايهم:(شنق على واحد)شنو وقع...فين هيا 
لكارد:(حاني راسو)راها فالعمليات 
ابهم رخا منو و مشا قدام لبلوووك و بدا كيدرب فراسو بجهد مع لحيييط 
ايهم:لاااا لاااا علاش اربي علاش 
بقا على ديك لحالة حتى عيا و جلس للارض و حوايجو gاع خارجبن و شعرو مخربق و عينيه حمرين ....بعد مدة من الزمن تحلات غرفة دلعمليات و خرج طبيب كيمسح لعرق من جبهتو ايهم غير شافو ووقف شنق عليه 
ايهم:بربي و توقع ليها شي حاجة حتى نقتل زامل بوك
طبيب:(تخنق)كح كح كح ح حيد 
ايهم:هضصصر ماوقع ليها والو 
طبيب:ط ط لق بعدا
ايهم:(نترووو بجهد)دوييي اتبي 
طبيب:(كيسترجع النفس ديالو)حنا درنا كل مافجهدنا لبنت لكن مع الاسف لبنت تلقات الاصابة فالرأس و دخلات فغيبووبة
ايهم:(نزلات عليه هضرت الطبيب كيصاعقة رجليه خوااو عليه)ش ش شنو طبيب: معرفناش لمتى تقدر تفيق مع الاسف دخلات كومة 

ايهم تصدم صدمة العمر حس بروحو كتزهق شويا بشويا لسانو تربط ورجبيه مابقغوش هازينو طاح للارض و شاد على راسو ممستوعبش ان حبيبتو لي دار المستحيل على ودها تقدر تمشي و تخليه النفس كطلع تقيلة و عينيه حمرييييين كيدم ناض بخطوات بطيئة حل داك لباب و تم داخل واي ممرضة كتجي قدامو باش تحبسو نظرا انه ممنوع شي حد يدهل لغرفة العمليات ...كيدفعها و يزيد و عاد رجالو قايمين بالواجب دخل بانت ليها هالة لاوين ليها فاصمة على راسها و معقمين لي جروحها و غرزين فيها بزااف دلخيوطة مشا عندها و بقا كيشوف فيها شحال و كيتألم من لداخل ديالو قرب لعندها تحنى لمستواها و هز يديها حطها على قلبو و هضر بصوت مخنووق و باح 
ايهم:فيقي....هالة فيقي....فيقي خلاص واش باغا تقتليني فيقي...(تحنى على يديها كيبكي كيشي طفل صغير)متخلينيش عافاك فيقي منقدرش احبيبتي منقدرش نعيش بلابيك ...فيقي و ريحيني متعذبينيش عليك ...هالة فيقي وجاوبيني بغيت نسمع صوتك و اسئلتك لي مكتقاداش ...مديريش فيا هاكا متحرقيش قلبي عليك 
تحنى على يدها كيبكي بصوت مرتافع حتى تحطات عليه شي يد هز راسو بشوية 
كريستوووف:متخافش غتكون بيخير 
ايهم:(كيبكي)مابغاتش تفيق...توحشتها و هي مابغاتش تفيق 
كريستوف: (طبطب على كتفو)غادي تفيق ...غير صبر خاصك تكون قوي 
هاكا مرات اسبوعين على ايهم لي ولا ذابل و لحيتو قوات و تحت عينيه زرق بقلة النعااس سي مصطفى ساق لخبار و شد طيارة لروسيا عند حغيذو و تما تلاقا بأخر شخص فكر يتلاقاه و هو كريستوف(البوس) لي من بعد موت كاميليا و احمد صارو اعداء بعد ماكانو اعز اصدقاء تسالم هو وياااه سلام بارد و بقاو مع ايهم و كيصبروه فمحنتو حيت عرفووو ان هالة هي ااشخص لوحيد لي قدر يغير ايهم ...اما هالة فحالتها لم تتلقى اي تحسن باتاتا ...و ايهم محدو كيشوف حالتها كيزيد يتأزم مكايفارقهاش تيبقا جالس حداها نهار و مطال و يبقى يهضر معاها كأنها كتسمعو و كتجاوب معاه كيخبرها على المستقبل لي كانت باغيا هي عيشة مرتاحة و يكونو عندها وليدات و يعيشو فسلام ....و ليوم مثل كل يوووم ايهم جالس شاد فيد هالة و عينيه ذابلين و شعرو و لحيتو مخربقين 
ايهم:(كيلعب فصبيعاتها وصوتو باح ) مابغيتيش تفيقي و تحني عليا ياك ...عاجبك لحال تشوفيني كنتعذب على ودك ...مابقيتش فيك ...ياك انا ايهم لي كتبغي...صافي مابقيتيش كتبغيني داكشي علاش مابغبتيش تفيقي ...(تنهد)الى مغقتيش غنمووت و نخليك و ديك ساعة مغتبقاي تلقاي معامن تغاوتي و تردي لهضرة (تنهد و تحنى نعس على يديها ) صافي عيييت عيييت بزاف مابقيتش قادر رحميني الله يخليك ...مابقيتش قادر نشوفك فهاد الحالة الموت اهون ليا ...كنتعذب بزااااف احبيبتي رحميني خلاص(وغمض عينو)

بقا ايهم حاط راسو على يديها حنى دخلات عليه الممرضة(😂😂😂بقيتو فيا من نيتكم كتسناوها تفيق) طلبات من بهرج باش تقاد ليها سيروم ناض بكل برود و خرج وقف قدام لباب و بقا كيشوف من زاج حتى تحطات عليه يد سي مصطفى 
مصطفى:متفقدش الامل 
ايهم: مابقيتش قادر ..قلبي كيتقطع 
مصطفى:يكووون خيييير 
ابهم حرك راسو بالايجاب و مشا جلس فوق لكورسي حط يدو على ركابيه و بقا كيشوف فنقطة وحدة حتى خرجات الممرضة و ناض عاود دخل عندها جلس فلكورسي ربع يديه و بقا كيشوف فيها مدة حتى غلبوو النعااس نعس وراسو مايل شويا بدا يسمع صوت انين خغيف حل عينووو بزربة بانت ليه هالة كتحرك صبيعاتها و كتنين شد فيديها بلهفة و بدا يهضر بصوت مبحوح بمزيج بشوية دلفرحة
ايهم:حبيبة ديالي ...فيقي كتسمعيني ...هالة 
هالة:امم 
ايهم:رتاحي حبيبة متعييش راسك 
ناش كيجري خرج عند جدو و هو غيطير بلفرحة 
ايهم:جدي فاقت فاقت
تلاح عليه بتعنيقة قوية و مشا كيجري عيط للطبيب و رجع عندها لقاها حالة عينيها كتشوف غير غالسقف 
طبيب:مدام على سلامتك 
هالة:لا رد 
طبيب:مدام كتسمعيني 
هالة:(نزلات دمعة من عينها)لا رد 
ايهم:حبيبة ...جاوبي طبيب متخليعينش 
هالة:ا ا ا ي هم
ايهم:روح ايهم ..هانا معاك احبيبة 
هالة:(بدات كتبكي بجهد )اهئ تهئ اهئ ا ا ايهم
ايهم:شش حبيبة متبكيش هانا معاك و حداك شوفي فيا اعمري 
هالة: اهئ اهئ اهئ ايهم فينك 
ايهم:(شد فيديها ) هاني اعمري ششش باش كتحسي 
هالة:اهئ اهئ اهئ ايهم فينك مكتابنش ليا شعل ضو 
ايهم:(ودنييه كيصفرو تصمك ) ش شنو....حبيبة ضو راه شاعل
هالة:و متفلاش معايا شعل ضووو خلاص راه ظلام بزااف
طبيب:(غير كيشوف مفاهمش لغتهم) نقدر نفحصها 
ايهم:(هز راسو فيه) قالت شعل ضو ظلام 😨😨
طبيب:اشنووو(بدا كيفحص فيها و كيضرب ليها بيل فعينيها و هي غير كتبكي )سي ايهم كيفما توقعنا لمدام فقدات لبصر ديالها على اثر الضربة لي جاتها فالراس ...و هاذا احتمال كان وارد ...كنا عارفين انها تقدر تفقد احدى الحواس و لا يكون عندها فقدان ذاكرة...لكن مع الاسف الحادثة اثرات ليها عل لبصر ديالها 
ايهم:(صافي ديوه كومة جاتو جلطة قلبية😂😂😂استسمح تكايسو بلا معيور راه هادشي لي عطا الله ) شنووو زعما مغتبقاش تشوووف
طبيب:منقدر نقول والو حتى نديرو ليها تشخيص على الحالة ديالها 
ايهم:دير لي تقدر عليه مرتي لا بد ميرجع ليها البصر ديالها كتسمع 
طبيب:(تنهد وطبطب على كتف ايهم) نتمناو ...مهم نتا حاول تفهمها لوضع و مخاصش نفسيتها تأزم غادي يكون خطر عليها ...بالشفاء 
هالة: ايهم 
ايهم:حبيبة 
هالة:راه ظلام بزااف 
ايهم:(سكت معرف ميقول)مغيطولش احبيبة(باس يديها)توحشتك 
هالة:شنووو وقع ليا 
ابهم:معاقلاش شنو طرا 
هالة:(تفكرات الحديثة)معرفتش كنت غادة حتى ضرباتني شي حاجة بجهد
ايهم:درتي حادثة 15 ليوم و نتي كومة
هالة:ااه
ايهم:مهم هو نتي دابا بيخير ....توحشت نسمع صوتك

هالة:اهئ اهئ مابقيتش كنشووف ياك اهئ
ايهم:شش متخافيش غترجعي غير مؤقتا احبيبة تيقي بيا 
هالة:بغيت نشوفك😢😢
ايهم:(تنهد و باس ليها يديها)معلووم اتشوفيني غير صبري شويا 
هالة:😢😢😢
ايهم:ششش متبكييش...مكنبغيش نشوف دموعك 
هالة:😢
ايهم: وصافي ...احح شحال توحشتك ..بقاي هنا انا نخرج نشوف طبيب و نرجع 
هالة:(شدات فيه)لا لا ظلام كنخاف بقا معايا 
ايهم:(بقا كيشوف فيها و تنهد)صافي احبيبة انا معاك مغادي فين هالة: صافي غير سير باينا انبقا هاكا و غتسمح فيا 😢😢
ايهم: اشنووو....حماقيتي لا ...راه واخا تكوني معاقة و منسمحش فيك نتي راك حبيبتي و عمارة قلبي مستحيل نفكر نسمح فيك و لا نخلييك نمووت بلعيشة بلا بيك 
هالة:بصح😢
ايهم:والله احبيبة ...ميمكنش نسمح فيك و اصلا شكوم قاليك نتي اتبقاي هاكا انا نديك لاحسن طبيب و احسن مستشفى فالعالم و غترجعي تشوفي بعيوانتك لي كيذوبوني كنت متوحش نشوفهم و نغرق فيهم 
هالة:واعنقني 😢😢بغيت نشم ريحتك 
ايهم:(عنقها)هانا يالاه رتاحي 
هالة:بقا معايا 
ايهم:انا معاك مغنتحركش من حداك 
هالة:هاكاك(شدات فيه مزيان بحالا خايفاه يهرب ليها)
ايهم تحنى باس راسها و زيرها عندو باش يحسسها راه معاها و مغيخليهاش حتى حس بيها ترخات طل عليها لقاها مغمضة عينيها هرفها نعسات حطها على مخدتها بشوية بغا ينووض لقاها شادة فتريكوووه و مزيرة عليه حيد ليها يديها حطهم ليها على كرشها باسها و خرج مشا نيشان عند طبيب 
ايهم:شنووو ممكن نديرو باش يرجع ليها الشوف 
طبيب:حنا دابا انديوها نديرو ليها التشخيص باس نشوفو لمشكل فين كاين و عاد نقدرو نديرو ليها العملية 
ايهم:وغترجع تشووف 
طبيب:على حساب اسيدي منقدرووش نعرفوووو ...غير هو تأكد اننا انديرو كثر مافجهدنا 
ايهم:وقتاش اتكون العملية 
طبيب:نقدروو نديروهالها ليووم 
ايهم:واخا ....دير لي فجهدك نبغيها ترجع كيف كانت 
طبيب:يكون خير 
خرج ايهم من عند طبيب لقا جدودو داخلين شافهم و مشا عندهم 
كريستوف:امدرااا....سمعت بلي فاقت
ايهم:(تنهد)فاقت و لكن فاقت مكتشوفش 
مصطفى:ااياياي مسكيينة ....و شنووو لمعمول 
ايهم:ليوم ايديرو ليها عملية لعينيها عالله 
كريستوووف:يكوون خيير 
ايهم:داكشي
خلاهم و مشا لعند هالة لي لقاها فايقة و دايرة منذبة كتبكي بجهد مشا عندها كيجري 
ايهم:حبيبة ديالي مالك 
هالة:اهئ اهئ خليتيني و انا كنخاف من ظلام اهئ اعئ ياك قلتي مغتخلينيش
ايهم:صافي سمحيليا..راه مشيت غير عند طبيب انا معاك 
هالة:متعاودهاش
ايهم:صافي احبيبة انا معااك 
هالة:اهئ اهئ سحابلي مشيتي عليا 
ايهم:وهالة الله يرضي عليك و بلا هضرة خاوية فين عندي انمشي ...صاغي قلت هاني معاك
هالة:لاش كتغوت عليا😢
ايهم:(تنهد)صافي سمحيليا منعاودش يالاه سكتي من لبكا
هالة:😢😢
ايهم:علاش خرجتي من دااار بوحدك ها؟
هالة:(بقات ساكتة)
ايهم:مزااال انتفاهمو على هاد لفعلة والله حسك لا دوزتها ليك...خليتيني طيلحمق نقلب عليك..باغا تقتليني عاد تهناي 
هالة:(قابطة فيه)الله يحفظك منقدرش نعيش بلا بيك
ايهم:ولاش خرجتي بوحدك ها...شفتي فين وصلنا دابا 
هالة:اهئ اهئ مكنتش عارفة ايوقع هادشي 😢😢
ايهم:صاغي سكتي دابا طيبتي دوك لعينين بلبكا 

جاو الممرضات داو هالة لغرفة التشخيص دارو ليها شي خيوط فرايها و تمو مدخلينها للسكانير ديك لعيبة لي كيدخل فيها بنادم كامل هالة كتحس بالاكسجين قلال و حاسة بالخنقة و بدات تبكي 
حتى سمعات صوت ايهم 
ايهم:حبيبة انا معااك ترخاي واخا 
هالة حسات شويا بالراحة غير ترخات غمضات عينيها و مشاات من بعد خرجوها و ضار طبيب شاف فايهم
طبيب:كوون هادشي العملية اتكون بسيطة ونسبة نجاح ديالها كبيييرة 
ايهم:(تنهد)واخا..شكرا 
طبيب:(شاف فالممرضات)وجدوها لغرفة دالعمليات
مشا ايهم كيجري عند هالة و شد فيها ايهم:حبيبة هانتي دابا ادخلي ايديرو ليك العملية متخلعي والو انا انبقى نتسناك برا حتى يخرجووك و تكوني بعويناتك متافقين
هالة(حركات راسها بالايجاب)واخا😢
ايهم:(باسها ففمها)كنبغييك بزااف 
هالة:حتى انا 
دخلات هالة للعمليات و ايهم بقا كيتسنى برا على احر من الجمر جتى دازت 3 دسوايع عاد خرج طبيب 
ايهم:اشنوووو 
طبيب:خاصها حتى تفيق عاد نشوفو شكاين 
ايهم:امتى تفيق
طبيب:حتى للصباح انشاء الله 
ايهم :اوك 
مسا ايهم جلس فقاعة الانتظار شحال حتى جا عندو جدو
مصطفى:شنووو وقع 
ايهم:(مغمض عينو)تالغءا و نعرفو اجدي 
مصطفى:اوا نووض سير ترتاح فدار شويا كتبان عياان 
ايهم:لا غير خليني ...اتفيق اتبقا تقلب عليا 
مصطفى:والصباح جي بكري 
ايهم:لا لا انبقى هما ...غير سير نتا رتاح 
مصطفى:واخا ولدي غدلا نرجع صبااح
ايهم:اممم
مشا مصطفى و خرجو خالة من غرفة العمليات و بانضة على عينيها و داوها لغرفة ديالها دخل عندها ايهم طلع حداها و نعس معنقها 
🌇🌇اصبح الصباح فاق ايهم على صوت الممرضة كتقاد فسيروم
ممرضة:سمحلي فيقتك
ايهم:(حرك راسو بالنفي زعما ماشي موشكيل و شاف فهالة) امتى اتغبق 
ممرضة:دابا شويا 
ايهم:اوك
بقا جالس حداها كيلعب فشعرها حتى بدات كتحرك حسات بيديه فشعرها
هالة:ايهم
ايهم:روحي...تسناي نعيط للطبيب
هالة:ها
ناض ايهم كيجري عيط للطبيب و رجع عندها شد فيديها و هي مزيررا عليه 
طبيب:صباح لخير ...انا انحيد ليها لبانضة خاصها تبقا تحل عينيها بشويا و مضغطش عليها 
ايهم:اوك...حبيبة طبيب ايحيد ليك لبانضة فاش تبغي تحلي عينيك حليها غير بشوية و متجهديش عليها
هالة:واخا
ايهم:تقدر تبدا 
طبيب حيد لبانضة لهالة و بدات كتحل عينيها بشويى كيف قالو ليها كتحلها و تعاود تسدها بقات شحال عاد حلاتها كاملة و كتبان ليها الضبابة و شويا بشوية الصورة بدات كتوضاح ليها بقات كترمش عويناتها و ساكتة و ايهم حاضي مع ردة لفعل ديالها 
ايهم:هالة 
هالة:(ابتاسمات و دمعة نازلة ليها)رجعت كنشوف ههه
ايهم:(ساط بجهد)اففففف كنتي اطيريها منيي (عنقها)مبروك حبيبتي
طبيب:على سلامتك
ايهم؛(ناض سلم عليه بليد)شكرا بزااف 
طبيب:هادا واجب 
ايهم:امتى تقدر تخرج 
طبيب:غدا انشاء الله يمكن ليها تخرج
ابهم:اوك شكرا ليك 

ايهم:(شاف فهالة مبتاسم)حبيبتي 
هالة:(مدات ليه يديها باش يعنقها)توحشتك 
ايهم:(كيمسح على شعرها)كون تشوفي انا ..كنت انمووت كن وقعات ليك شي حاجة(باس راسها)معرفتيش شنو وقع ليا و نتي ناعسة كنت نبقى نهضر بوحدي و نتي مكتجاوبينيش على شويا منحماق
هالة:(مزيرة عليه)سمحليا 
ايهم:متعاوديييش....لمرة جايا نقتلك بيدي و نتبعك كتفهمي 
هالة:صافي والله مانبقا نعاود
ايهم:(تنهد و باسها فراسها كيحس بحمل ثقيل نزاح على كتافو)كنبغيييك
هالة:حتى انا 
هاكا داز نهار عند ابطالنا غير فالمستشفى ايهم مقاداه فرحة حيت حبيبتو رجعات ليه نعس حداها مفارقهاش حتى صباح جديد فاق هو لول باسها و ناض كمل شي اجراءاا باش تهرج و رجع عندها لقاها يالاه فاقت 
ايهم:صباح نوور
هالة:فين كنتي 
ايهم:مشيت كملات الاجراءات باش تخرجي (هز ساك صغير في حوايجها و مشا جهتها )انلبسك 
حيد ليها كسوة دالمستشفى و بان ليه لحمها فيه شي زروقية بقات من الحادث حط عليهم يديه عgروها
ايهم:كيدرووك
هالة:شوية 
ايهم:بففغ...شتي شنوو درتي جبتيها لراسك بوحدك اشداك تخرجي 
هالة:وصافي😞
كمل ليها اللباس و نوضها بشوية لقاات رجليها تقال عليها بحث شحال و هي ناعسة 
هالة:اففف 
ايهم:غير بشوية عليك خااصك تحركي شويا راه شحال و نتي ناعسة 
خرجة بشوية من المستشفى لقاو لي كارد مستفين برا حلو ليهم لباب اللوراني فاللوطو ركبها و ركب حداها و زفووها نيشان للفيلا 
نزلو دهلو لقاو لفطور محطوط فطرووو و خرجو جلسو فجردة مفرق رجليه و حاطها قدامو و ساكتين 
هالة:ايهم 
ايهم:(مغمض عبنو)اممم 
هالة:ديك نهار فين مشيتي 
ايهم:شمن نهار فنهارات 
هالة:فاش تخاطرنا مندويوش و هرجتي بلا متقولها ليا و مرجعتي حتى لنصاصات ليل 
ايهم:خهههه كنتي فايقة اشنيولة 
هالة:لا غير حسيت بيك
ايهم:مشييت قديت غير شي شغل ليووم انعرفك على شي نااس 
ايهم:شكوون هادو
ايهم: دابا تعرفيهم
بقاو جالسين شحال حتى وصل وقت لغذا و ناضو ..تاتمو داخلين مصطفى و كريستوف بي علاقتهم بدات ترجع كيف كانت 
مصطفى:(سلم على هالة)بنتي على سلامتك
هالة:(شافت فيه بابتسامة و شافت فايهم)شكرا 
كريستوف:(بالروسية)على سلامتك
هالة:(حلات فمها)شتيقول هادا 
ايهم:ههههعهههه مكلخة قاليك على سلامتك 
هالة:انا جاني بحال الى عايرني 
ايهم:اجي نجلسووو....جدي اجي تجلس حتى نتا 
هالة:(قريات لايهم)كتهضر بحالو 
ايهم:وي حيت لواليدة كانت روسية و هادا لي هضر معاك راه جدي باها 
هالة:(خرجات عينيه)بصصح 
ايهم:ههه وي و هادا(شير على مصطفى)جدي بات احم مهم بات لواليد
هالة:(ابتاسمات) مزياان ضريفبن ماشي بحالك 
مصطفى:هههه ونتي زوينة ابنتي 
ايهم: جدييي
مصطفى:ههههههه ياكما تغير من جدك اهياتا 
ايهم:اما بوحدي لي نgوليها زوينة(شاف فيها و غمزها)
بقاو كيهضرو و يتحدثووو بينما كريستووف كيشوووف فهالة و كيحقق فملاميحها لي كيحس بيهم مألوفين عندو و خاصة فاش كضحك 

كريستوف:(كيشوف فهالة)ولدي 
ايهم:(شاف فيه)نعاام
كريستوف:هاد لبنت بصح مكتعرفش واليديها 
ايهم:(باستغراب)وي هي عاشت فميتم علااش كتسول 
كريستووف:لا والو غير سولت 
ايهم:(بتشكيك)اوكي...حبيبة مجاكش جوع 
هالة:ااه فيا 
ناض ايهم و نوضها و طلب من جدودو ينوضو تاهوما ..لتاجأو لمائدة الاكل و بداو ياكلو فحين ان كريستووف غير كيشوف فهالة و كيخمم و هادشي لي كان ملاحظو ايهم و مباغيش يبسن بينما هالة خدامة كتلتاهم فالماكلة ممسوقاش كملو ماكلتهم و ناضو ايهم طلع هالة لبيت دنعاس 
ايهم:نعسي شويا راك مزال مريضة...انا غنخرج عندي شي شغل اوك 
هالة:ايهم 
ايهم:مالكي
هالة:وقتاش انزلو للمغرب
ايهم:(حك عنقو)معرفتش وقتما غير نسالي شغالي و نمشيو
هالة:واخا 
باسها ايهم جنب فمها و نزل لقا كريستوف و مصطفى جالسين حتى نزل عندهم ايهم و جلس قدام كريستوف 
ايهم؛جدي كنسمعك 
كريستوف:مغهمتش 
ايهم:لاحظت نظراتك لهالة ....قوليا شكااين واش كتعرف شي حاجة
كريستوف:لا لا اولدي ...شغنكون كنعرف 
ايهم:جديييي 
كريستووف:(بقا ساكت شحال)واهو ممتأكدش و لكن كنتمنى ميكوونش هادشي لي جاني فبالي 
مصطفى:كريستووف دوي خلاص 
كريستووف:معرفتش غير شبهات ليا وصافي 
ايهم:معااامن 
كريستوف:فرانشيسكا سيونتمون ...كنظن اتكون كتعرفها

ايهم:(بصدمة)اشنووو.....وش متأكد 
كريستوف:معرفتش لكن الشبه راه بزااف بيناتهم انا كنعرف فرانشيسكا سينين هادي و تقريبا كانت فوطوكوبي دمرتك 
ايهم:مفهمتش هالة اذن شنوو وصلها للمغرب 
ممصطفى:حاول تعرف شنوو وقع بالضبط هادشي مغيصعابش على ديفل
ايهم:معرفتش..ماباغيش نحفر على شي حاجة لي تقدر تأذي هالة 
مصطفى: ننا تعرف لكن ضروري متبحث فالموضوع 
ايهم:(بقا كيخمم شحال) اففف منبن خرج هادشي تاني ...مهم جدي (مع كريستوف)لبضاعة ليوم غتوصل لروسيا من النغرب تكلف بيها نتا 
كريستوف:كوون هاني...شنو نوع البضاعة 
ايهم: سلاااح 
كربستوف:اوه...اوكي انا نتكلف 
مصطفى:ايهم شحال من حاجة كتسنى توقيعك 
ايهم:تكلف نتا...ياك عندك صلاحيات 
مصطفى:ونتا لي بديتي الخدمة خاصك تكملها 
ايهم:بففف صافي واخا اما نشووف شنو ندير 
ناض ايهم و كلع لبيت دنعاس لقا هالة فسابع نومة لايحة كل رجل فجيه ضحك عليها و دخل للحمام دوش و نقص من لحيتو و خرج لاوي عليه فوطة لبس بوكسور كحل و مشا تخشا حداها جرها عندو عنقها و نعس...بعد مدة هالة فاقت حلات عينيها لقت راسها مقابلة مع وجه ايهم لي ناعس و رابط غوباشتو زادت قربات ليه و بدات تقيس فوجهو تفكرات راسها شنوو كان ممكمن يوقع لو انها بقات فاقدة للبصر عمرها كانت مزال تشوف وجهو محسات براسها حتى حطات شفايفعا على تاوعو و يديها على لحيتو وبدات كتلتاهم فيه تجر كل شنووفة بوحدها و تبدا تمص فيها و تلذذ مذاقها حتى حسات براسها تهزات وولات من فوقو و مزيرها من خصرها و مخليها دير لي بغات منساجم نعاها ...هالة بعدات شويا و نغسها كضرب فيه شافت فعينيه و هضرات بصووت محلون حنين
هالة:كنبغييك
ايهم ابتاسم و جرها عندو بدا يبوس غيها و يقبلها بجنوون و هي متجاوبة معاه و يديها كتسارا على عضلاتو كتحسسهم و تخرج ليه لسانها كيمصوو حتى كيقرب يسرطو قلبها تحتو بسرعة البرق و بدا ينصل ليها فحوايجها و يطبع بوسات متقطعين فكل انحاء جسمها حتى جردها من ملابسها و بدا فالمعقوول مارس معاها فوضعيات مختالفة و هي مستمتعة معاه شبعاتو و شبعهاااا مزيان حتى عياو و تكاحداها جرها عندووو 
ايهم:كل نهار كتزيدي فالحلاوة ديالك
هالة:ههههه☺☺
ايهم:بشحال خرجنا من المباراة
هالة:(ضرباتو لصدرو) نتا يقد عليك شي حد
ايهم:هههههه نتي كتقدي علبا احبيبة(حطو يدو على كرشها)مناوياش تجيبي ليا شي فنكووش
هالة:شحال هادي مكنتيش باغي
ايهم:و دابا باغي
هالة:ولكن انا راه مابيدي والو 
ايهم:بيدي انا 😂😂عارف احبيبة
هالة:قبييح...كولشي بيد الله
ايهم:(شاف فيها و سكت)
هالة:مالك سكتي
ايهم:درت اخطاء بزااف فحياتي و مزال كنديرهم ....ماباغيش شي حاجة توقع ليك بسبابي 
هالة:ايهم عمرك صليتي ياك
ايهم:امم؟؟
هالة:واش عمرك صليتي
ايهم: لا 
هالة:عمرك فكرتي تصلي و تقرب من ربي شي مرة
ايهم:مكنعرف لا نتوضا و لا نصلي
هالة:هي نتا ماشي مسلم
ايهم:لا مسلم و لكن غير لجو لي كبرت فيه كان بعيد شويا على دين 
هالة:و المدرسة مقراوك غيها والو
ايهم:انا قربت هنا فروسيا
هالة: تبغي نعلمك 

هالة:اجي معايا 
ناضت و نوضاتو معاها دخلاتو للدوش و بدات كتعلموو كيفاش يتوضا و هو متبعها و مركز معاها حتى سالات و شافت فيه 
هالة:عقلتي 
ايهم:امم 
هالة:(تعلقات فيه باستوو)يالاه وريني 
ايهم ابتاسم و بدا كيتوضا و هي كتشوف فيه بابتسامة حتى سالا و شاف فيها 
ايهم:مزيان
هالة:ههه كتعقل مزيان(جراتة من يدو)يالاه اجي حافظ القرأن و لا لا
ايهم:حافظ الفاتحة
هالة:(شافت فيه و تكرشخات بالضحك)ههههههههعهههههههه ناري ايهم هههه نتا عالام
ايهم:(مرضاش)دابا علاش مضحكي راه بصح حافظ الفاتحة
هالة:مكاينش مصحف هنا ياك
ايهم:لا 
هالة:اوكي ...عطيني تيلي ديالك 
ايهم:اشبغيتيه
هالة:مغاناكلوش ارى لهنا 
ايهم:(ضيق عينيه شاف فيها و مسا جبدو من جاكبطةو مدو ليها)شباغا ديري
هالة:هانتا اتشوف(شعلاتو لقاتو ظاير تصويرتها و هي ناعسة فخلفية الشاشة)شهاد التصويرة البشعة لي داير ليا هنا
ايهم:ههههه كتعجبني
هالة:بدلها جيت كيلخرى فيها (حلات تيلي و دخلات لبلاي ستور و تيليشارجات المصحف الكريم جبدات صورات القصار و عطاتهم ليه )خاصك تحفظهم باش تبقى تصلي بيهم
ايهم:(نترو من يديها و بقا كيقرى كل سورة كيقراها جوج مرات و يدوز لتانية حتى كمل تقريبا جاع السور لقصار) صافي شنوو ندير دابا
هالة:قتليك حفظهم ماشي قراهم
ايهم:تا انا داكشي لي درت 
هالة:كيدرتي ليها ...كتفلى
ايهم:و راني حفظتهم قولي شنو من بعد
هالة:(خسرات سيفتها و نترات تيلي دخلات ليوتيب و كتبات كيفية الصلاة و عطاتو)شوف كيكاتكون الصلا 
ايهم بقا كيشوف و كيتمعن فداك لفيديو و مركز فيه دار فيدو اخر فيه شرح الصلاة و بدا كيتفرج تاني و هالة واقفة كتشوف فيه 
هالة:مالك 
ايهم:شش
بقا كيتفرج ايهم و حتى من الادعية خدمهم و بقا كيسمع فيهم حس بلحموو تبورش عليه حط تيلي و مشا للبلاكار هز تريكو و سروال كيطمة لبسهم و شاف فهالة 
ايهم:نتي مغتصليش 
هالة:لا 
ايهم:علاش مالك
هالة:جاتني لي غيكل عاد دابا شويا 
ايهم:امم اوك 
فرش ايهم زربية صغيرة شاف قدامو و تخشع دار التكبرة لولة و بدا فالصلاة ديالو جهرا هالة وسعات عينيها ممصدقاش انه عندوو صوت رائع بحال هاكدا و عاد سرعتو فالحفظ لي زادت صدماتها كمل صلاتو لي كانت صحيحة مية فلمية و هز كفوفو و بدا فالدعاء لي كان تيقولو و هو متخشع بحال الى مكاين تاحد من غيرو فالغرفة هالة حساات براحة كبيرة فقلبها و دمعو عينيها غير سالا و هي تلاح عليه بتعنيقة و كتبوس فوجهو كامل ذليل عل انها كتفتاخر بيه هو ابتاسم و حاوكها من خصرها و عنقها عندووو 
ايهم:نتي احسن حاجة وقعات ليا فحياااتي
هالة:و نتا احسن راجل شفتووو فحياتي ...كنموت عليك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.