صورة مصغرة لـقصة مصيري في الغرفة 13

قصة مصيري في الغرفة 13

qisat 9isat lghorfa fi masir masiri
بقلم Safae BT
رواية مصيري في الغرفة 13

شحال صعيبة تسكت في الوقت لي قادر تهدر ودافع على حقك 😔 شحال صعيبة تعيش حكاية حب ومايكتبش المكتوب باش تكمل 💔 شحال صعيبة تتوحش ناس كانو فى القلب و ما وتقدرش تحكي معاهمـ ما تقدرش توصلهمـ 😳 شحال صعيبة تتفكر ناس عزاز عليك كانو معانا و ليومـ راهمـ تحت التراب 😓 شحال_صعيب هذ الزمان و الوقت شحال صعيبة الدنيا كي تعطيك بالظهر مي شحال وشحال......

فهاد الاثناء البطلة ديالنا غادة و لبرد و الريح كيضربو فيها غادة مكيمشة فراسها كيسحور لابسة قبية كحلة هازنة بيها gاع مفاتينها خوفا على راسها من الذياب البشرية لايهنشروها و عي وحيدة ماعندها لا ظهر تسند عليه و لا حضن تخشى فيه و لا شخص تيق فيه و يحميها من العالم لي عي عايشة فيه ..بلا منطول عليكم نعرفكم على بطلتنا هالة نسب ديالها معندهاش حيت بكل بساطة هي بنت يتيمة ماعندها لا حنين لا رحيم حياتها كاملة و هي عايشة فالميتم حتى وصلات للسن الرشد و كان ضروري متخرج منو باش تحدد مستقبلها و تبني شخصيتها و تكون قادة براسها و متبقاش عايشة تحت رحمة المديرة العاقسة لي دوزاتها عليها... المديرة لي كانت بدورها كتغير من هاد اللوحة الفنية اللي أبدع الخالق فتجسيدها لكون هالة كتميز بجمال فريد من نوعو كتميز بشعرها لي لونو لون الشمس فوضح النهار و عويناتها زريرقين كيف السما و هي صافية و خليك عليك حنيكاتها لي موردين و شفايفها لي منفوخين و مفاتينها لي بارزين و عاطين للعين هلاصة لقول فاتنة بكل معنى الكلمة... مهم بعدما وصلات هالة للوجهة ديالها بصعوبة نظرا لمضايقات الذئاب لي مكترحمش وصلات 

ﻷوطيل لي خدامة فيه باش تقدر تصرف على راسها و هاذ الاوطيل أقل ما يقال عنه فخم وغاية فالروعة بتصميمو المتميز ليكظهر على انه فقط للناس الراقية و المرموقة في المجتمع و هاد اﻷوطيل هو لي غيغير مصير البطلة ديالنا 
دخلات هلا لاوطيل و مشات نيشان للفيستير بدلات حوايجها و لبسات حوايج لخدمة لي هوما عبارة على مينبة قصيرة فلكحل مع شوميز بيض و صباط طالون كحل حتى تمات داخلة لبنت لي خدامة معاها سميتها صوفيا 
صوفيا: صباح لخير زوينات
هلا:بابتسامة...صباح النور
صوفيا:ههه كيف لعادة ديما مبكرة نتي لولة كتجي معندي منتسالك
هلا:اوا اختي الوقت بغات هاكا معندنا منديرو ...لبسي باش نخرجو نشوفو خدمتنا
صوفيا: واخا (بدلات تاهي لبسات تفس اللبسة حيت موحدة) يالاه
خرجو لبنات كيضحكو مع لعضياتهم حتى تلاقاو بلباطرون راجل كبير فلخمسينات من عمرو
سي طاهيري: شتكم نتوما خزال كدورو باقين مبيدتو خدمتكم
صوفيا:حانيا راسها...دابا اسيدي
سي طاهيري: يالاه تحركو شوفو شغلكم...و كيف لعادة بلا منوصيكم 
صوفبا: هي لولة 
تمو طالعين لبنات فسانسور حتى وصلو للطابق الاول لي كان عامر بالغرف و خدمتهم هي انهم خاصهم يدورو على الغرف و يجمعوهم و يقادوهم يعني خدمة تنظيف الغرف مهم من بعد متحل لاسانسير فالطابق الاول خرجات صوفيا و هلا كملات تالطابق الثاني خرجات و بدات دور على الغرف لي خاويين تقاد فيهم و تجمعهم حتى سالات ووصل وقت للغذا نزلات للكوزينة دريسطو تابع للاوطيل لقات صوفيا تما جالسة كتاكل مشات هلا غسلات يديها و هزات تاهي سندويش و بدات تاكل 
صوفيا: سمعتي شنو وقع لبارح
هلا:لا شنو وقع 
صوفيا:كتاكل و تهضر...قاليك عوتاني سمعو تهراس فديك الغرفة
هالة:بتوتو....واش كتقصدي الغرفة الغامضة
صوفيا:بففف اختي وليت نخافي فهاد الاوطيل ياكما تكون ديك ااغرفة مسكونة
هلا:وحلات ليها...كح كح ناري يا ختي عارفاني خوافة
صوفيا:و اختي انا غير قلت حيت هادشي غريب انا لي عارفة ان ديك العرفة مكيقرب ليها حد اذن شنو 
هلا:بقات كتشوف فيها...يمكن شي زبون باغي التيقار و صافي 
صوفيا:تا انا داكشي لي قلت...مهم لي علينا حنا هو نشدو تيقارنا 
هلا:داكشي اختي...الى ساليتي يالاه نطلعو نكملو باش ليوم نخرجو شويا بكري 
صوفيا:واخا يالاه 
ناضو لبنات تمو خارجين من المطعم حتى كدخل هلا فشي حد بلغلط هزات راسها بزربة وقالت 
هلا:سمحلي سمحلي مقصدتش
....:بضحكة...اووه شو هالحلا لك يالله شو حلوين هالمغربيات(شاف فيها بنظرة شهوانية)
هلا:احم (بضحكة صفرة) شكرا سمحلي شدات هلا فصوفيا و تمو غاديين كيزربو باش ما يتجبد ليهم حتى مشكل حيت لباطرون كولشي يدوزو ليهم الا لكليان خاصهم ديما يبقاو محتارمينو 
....:منو هالبنت القمر
....:استاذ سعود هي بتشتغل هنا بالفندق 
سعود:امم حلوة..حبيتها دبرلي ليلة معاه ..سوي كل ما فجهدك(هاعار ربي مقبلو على لخليجية ديالي )
...:تأمر استاذ سعود
لبنات مشاو كملو شغلهم حتى تعاشات لعشية و مشاو لفيستيير بدلو و تمو خارجين حتى
تمو خارجين حتى تلقاليهم الباطرون الباطرون:هلا تبعيني عندي ليك شي هدرة مهمة(ومشا)
صوفيا: مالو ..ياكما درتي شي زبلة يا صgعة
 هالة: لا اختي والله مدرت شي حاجة ..اويلي شغيكون بغاني
 صوفيا:اوا ختي الله و اعلم
هالة:اوكي صافي غير سيري تاننتبعك صوفيا:اوكي بب
 مشات هالة بخطوات بطيئة للمكتب دقدق دق دق
هو: دخل
هالة: سلام السي الطاهري قلتي ليا بغيتيني فشي حاجة ضرورية
 هو: الصراحة ابنتي ضبرت ليك على خدمة غتربحي موراها زبابل ديال الفلوس
 أنا: و اشناهيا
 هو: ليلة واحدة قادرة تعيشك حياتك كاملة أنا: (خرجاا عينيها بصدمو)ها ...لهاد الدرجة نزل بيك المستوى طلب من وحدة قد بنتك هاد الطلب خاب ظني فيك اموسيو
 هو: لا سمعي ليا متفهمينيش غلط هاد واحد الخليجي خانز فلوس طلب ليلة وحدة و يعيشك أميرة
 أنا: اشنو...مستحيل كيفاش قدرتي طلب مني هادشي اسي طاهيري... أنا خدمتي غتقتصر فقط على تنظيف الغرف
 هو: مهم لي عندي قلتو بغيتي مرحبا غيعيشك ملكة مبغيتيش من غدا نساي عليك هاد ﻷوطيل
أنا: شنو....لا عفاك ميممكنش تحطمني بهاد الطريقة راه شرفي هو الوحيد لي بقا ليا من هاد الدنيا...عافاك مديريش ليا بحال هاكا هو: (قلب وجهو و تم نايض) بلا ديك دراما ديالك خليها عندك أخر هدرة عندي قلتها القرار كيرجع ليك دبا هالة تصدمات و طاحت على ركابيها كتطلب و تزاوg فيه لدرجة رجليه كانت غتبوسهم ليه و لكن طلع قلبو مافيهش ذرة رحمة ..هز رجليه حتى هزها و دفعها بجهد
سي طاهيري :هادشي لي كاديري معندو باش ينفعك ...داك سيد ماعارفاهش علاش قاد و الى مامشيتيش معاه بلخاطر يديك بزز منك و يخلي كولشي يشوف فيك...ايخصك تختاري اما تمشي معاه و تاحد ميجيب ليك لخبار و على الاقل سمعة ديالك تبقا مزيانة و لا يشوهك وفلخر يديك ماتصدقي لا شرف لا سمعة و لا تاحاجة...دابا لقرار كيرجع ليك انا درت غير لعليا حيت انا بدوري خايف على خدمتي
 هالة ناضت من الارض و دموعها نازلين شافت فيه شوفة حادة و هضرات هالة:لقيتوني بنت ضعيفة معندي لي يحميني ولا يوقف معايا ...شرفي لي حياتي كاملة وانا محافظة عليه تاهوا طمعتو فيه ...حتى لهاد درجة دنيا عامرة غير بولاد الحرام ..تالهاد الدرجة ماعندي زهر فهاد دنيا منينما شديتها تعوجات
 سي طاهيري:(عطاها بظهر)منقدر نعاونك فوالو
هالة:(ضحكات فسخرية)بصح كون كانت بنتك بلاصتي كنتي تقدر دير شحال من حاجة ...ولكن ماعليش انا قادة براسي ..دقول لداك ساعودي ديالك انا موافقة سي طاهري:(باقي على نفس لوضعية هز تيلي و دوز نمرة) لبنت وافقات ....اوكي (قطع و دار عندها) غادي يجي لمرافق ديالو باش يديك توجدي راسك
 هالة:(حركات راسها) اوكي

وصل المرافق ديال داك العوج هالة حسات بروحها غتزهق مي حاولات متبيتش و تمالكات نفسها مشات معاه طلعو فاﻷسانسور نيشان للطابق التاني دخلو لواحد لغرفة غير دخلات بانو شي 4 البنات كيتسناو فيها شافت فيهم باستغراب حتة نطقاع وحدة منهم
البنت1: مادموزيل تفضلي معانا للحمام
زادت معاهم بلا منطق حتى حرف دخلت هوما يدورو بيها هالي تغسل ليها فشعرها الاشقر و ها لي تصايب ليها ظفارها ووحدة دارت ليها لي ماسك لوجها مهم كل وحدة كدير شغلها سلاو ليها خرجت كلسوها قدام المرايا و بداو تاني دارو ليها مشيطة خفيفة و مكياج سموكي تقيل برز ليها عويناتها الزرقين ختارو ليها كسوى فالحمر طويلة بلا سماطي محلولة من الفخاد و سباط عالي فالكحل و بوشيط فنفس لون حتى سلاو و جابو ليها مراية طويلة باش تشوف راسها كانت فقمة الروعة و كتبان بديك لكسوة سيكسي بزااف و لكن واخا هاكاك مادارت حتى شي ردة فعل حيت قلبها كانت شاعلة فيه لعافية و كتزيد تشعل منين كتفكر انهم بغاو بغصبوها فشرفها شا كانت كتشوف فلمراية و هي جسد بلا روح حيت اخيب احساس هو أنك تغصبي على شي حاجة لي نتي مبغاهاش و ممتقبلاهاش
بقات كتشوف فراسها حتى تم داخل للمرافق شاف فلبتات وقال: صافي واجدة 
لبنت:اه اسيدي راها واجدة دابا 
لمرافق:تقدرو تخرجو (هرجو لبنات) نتي تبعيني 
هالة:واخا(قاتها بنفاخة)
خرج و هي هزات بوشيطتها و تنات غادة تابعاه تاوصلو لواحد لغرفة فنفس الطابق لكن جات معزولة وصلو قدام لباب المرافق حلو ليها و دخلات و تما كانت الصدمة لكبرى بالنسبة ليها حطات يديها على فمها و خرجات عينيها لمرافق خرج و سد لباب و هي بقات جامدة فبلاصتها
سعود : هلا والله 
هالة: غمضات عينيها من هول لمظر لي قدامها كان سيد زبط وملابس والو ناوي على خلا عشتها 
سعود: ههه لا لا حبيبتي فتحي عيوني ابي ادوب فيهم .. اح طيز اموت ع طيز يا قلبي تعالي { شتو منين جايا كلمة تيتيز هههه} راح خليك اميرة فمملكتي يا قلبي يا عمري انتي 
هالة:{بتوتر} امم .د ههه اوكي من عيوني بس ابيك تعمل شي الاول 
سعود: شو حبيبتي اعمل لي تبيه تراك ما تدرين فرحتي وانتي وياي 
هالة: اول شي ابيك تدخل تتسبح لانو مبين عليك تعبان لهيك لازم تريح اعصابك 
سعود: جد ... اوم من عيوني بس بشرط 
هالة: احم شرط ؟! شو هاشرط 
سعود: اممم ابيك انتي تسبحيني بيدك 
هالة:{ حرق زامل بوك الكلب } احم احم اوك انت تدخل ع حمام وانا اجيب اغراض وبجيك حبيبي 
سعود: يا قلبي انتي فديتك وفديت فمك لي يقول حبيبي 
هالة : تفداك الروح يلا تفضل ع الحمام
سعود: اريد بوسة وبعدين ادخل 
هالة: اا...ممممم { لقد انقض على شفتيها مصهم كي شي جيعان عاد طلقهم يخ متوحش } 
سعود: اممم شفايف عسل وانتي كلك عسل 
هالة :{ عايفة راسها وكضحك بزز } هههه روح ع الحمام بجيب الاغراض واجيك 
سعود: اوكي حبيبتي استناك
ناض و تم غادي لجيهة لحمام و بيضاتو كيتحركو معاه دهل و خلا لباب محلول هالة هزات يديها و مسحات فمها بنتارة مكرهاتش تقلعو من بلاصتو حيدات صباطها و مشات كتجري لبالكون لي كان محلول شافت لتحت لقات راسها عالية بزااف يعني متقدرش تلاح بقات كتفكر كيدير تخلص من هاد الموصيبة لي نزلات عليها حتى بان ليها واحد لبالكون بعيد شوية بقات كتشوف و تبلاني و هي تحيد طالون لاحتو و تسلقات فلحديد دلابلكون و نقزات لواحد لحافة فيها 20 سنتيم يعني تململ طيييح بانت ليها واحد الجعبة دلقادوس و شدات فيها و بقات غادة بشوية خطوة فكل دقيقة و حاط يديها بجوج على لحيط باش يبقا عندها توازن و هازة راسها ماقدراش تشوف لتحت بقات غادة و كطلب ربي يعاونها حتى وصلات لداك لبالكون بقات كتشوف فيه تنفسات مزبان غمضات عينيها و تلاحت ليه جات على ترمتها للارض 
هالة:(شادة ترمتها)احححح اي الله يلقيها ليك اولد لحرام كولشي بسبابك 
جمعاع لوقفة و هي كتحك غترمتها و مع هزات راسها تشوكات و تصدمات من لمنظر لي قدامها مابقات دارت تاحركا جمدااااات بلاصتها

قلبها كيزدح و كتشوف فوحش واقف قدامها عينيه حمرييين و عروقو خرجين و كيشوف فيها شوفة دلقتيلة تم جاي كيقرب ليها و هي كتبعد حتى حبساتها لحديدة دلبالكون 
هالة: (بارتباك و لخلعة شاداها)ش ش شوف سمحلي حيت دخلت هنا غير بغيت
....:(قاطعها بصوت كيرعد)شكووون نتي
هالة:اا ....انا ..انا 
طلعها من لفوق تالتحت عطاها بظهر و تم داخل 
هالة: (بقات ضور فعينيها)ااه اربي نتفك من موصيبة نطيح فمكفس منها اشجابني انا لهنا اهئ اهئ اميمتي و على زهري اهئ سير اسعودي الله ياخد فيك لحق 
هالة بقات واقفة و كتبكي و تلوم فزهرها لعوج لي ديما عاطيها بظهر و مكوز ليها حتى شافت باب لبالكون لي هربات منو تحل و هرج سعودي كيقلب عليها و معاه حتى لمرافق ديالو و كانو باينين نعصبين 
سعود:لحيين الاقيها قدامي...شوف شغلك
لمرافق:امرك 
هالة بقات مدركة بواحد لفاز مغرةسة فيه شجيرة صغيرة حتى بانو ليها دخلو عاد رتاحت نسبيا لكن سرعان كشداتها الزقزاقة فاش تفكرات لموصيبة لي موال كتسناها بلعات ريقها و بدات تطلب ربي فخاطرها يعاونها و يخرجها من هاد لوحلة جمعات راسها و تمات غادة بلعرض لبطيئ حتى وصلات لبابلبالكون و بان ليها بيت كولو اسود شاعل فيه ضو خافث( مال هاد لبيت هاكا ...عمري شفت شي بيت فهاد لاوطيل مصبوغ بلكح....اهئ لا شنو زعما الاشباح) شداتها تقفقيفة و بدات ترعد غير بوحدها و رجليها مابقاوش قادين يهزوها و زادت فشلات فاش عاود سمعات صوتو لي داير كيرعد
....:مغدخلييييش
هالة:(كدور تشوف منين جاي صوت )ش ش شكون نتا ...انا بالله و الشرع معاك متأذيني من نأذيك 
....:(وقف قدامها كيجن)شجالسا تخبري عليا تما ...(قجها)واش معارفاش بلي ممنوع يوصل شي حد لهنا ...واش عارفة اشمن غرفة هادي 13 اكيد كتسمعي بلغرفة 13 الانسة هالة
هالة:(كتكح هيت خنقها)كح كح ط طلق 
الشخص طلقها وبقا كيشوف فعينيها و هي كتحاول تسترجع التفس ديالها ....:دخلييي(بلغوات)دخليييييي
هالة قفزات و تمات داخلة لغرفة كتجري هو سد باب لبالكون و تبعها بقات واقفة و كترعد
هالة:(شاداها لبكية)عافاك م متأذينيش والله مقصدت نوصل لهنا غير اضطريت
خنزر فيها مجاوبهاش و مشا جلس فوق واحد لفزطوي قدامو طبيلة دزااج و محطوط فوقها كمية من بودرة لكوكايين زائد كارط كيشي و فلوس ملوية جدييدة 
...:جلسي و متخافيش ...مكانش خاصك توصلي لهنا ولكن وصلتي دابا مابقاش فامكانك تخرجي من هنا 
هالة:(خرجات عينيها)هااااااا
هو خنزر فيها و نزل راسو شدزكوكاين و بدا يدير فخطوط رقاق بكارط كيشي حتى ولاو سطورة مصافين من بعد هز 200درهم بقا يلوي فيها حتى ولات فيها غير تقيبة و بدا يستنشق ويشم بيها المرو الاول و الثاني و الثالث كمل هز راسو و عينيه حمرين تكا على لفوطوي وغمض عينو ...مهم نعرفكم على لبطل ديالنا ايهم برادة شاب وسيم فاواخر العشرينات عندو ملامح رجولية حادة زيادة على شخصيتو لي غامضة لي غادي تعرفو عليها فالاجزاء الماجيين فهاد الاثناء الكوكايين بدا كيدير لمفعول ديالو و ايهم بدا يحس بالنشوة و الراحة و انه وصل لداكشي لي باغي حل عينيه و شاف فهلا لي حالة فيه غمها(سدي فمك لموت كدور) و مافاهمة والو 
ايهم: (بنبرة حادة) اشوصلك لهنا 
هلا: ها....(بدات تغبن) شوف عافاك راه والله مقصدت انا كنت ناوية غير نهرب لداك سعودي حيت بغا ياخد شرفي...عافاك عاوني نخرج من هنا و منقول تاحاجة و الله 
ايهم:(ضحك فسخرية) اجي لهنا 
هلا:ها ...علاش 
ايهم: قلت اجي 
هلا: شوف غير سم(قاطعها بلغوات)
ايهم: قلت لييييك اجييييي كتفهمي لهضرة من كرك و لا شنو 
هلا:(نقزات ملقات راسها حتى و هيا واقفة على راسو ) ش ش نو
ايهم: واش عارفة راسك فين غرقتي و لا نو 
هلا:ها...

هلا: ها.... (بتردد)قوليا بعدا واش نتا جن و لا انس غير باش نعرف راسي معامن 
ايهم: اشنوووووو(جاتو الضحكة) انا هو لي غانوض نفرع مك هنا و نوريك جنوون علاش قادين 
هلا: (شدات ضفرها و قربات ليه قرصاتو حتى قفز من بلاصتو) جنون مكيتقرسوش اذن نتا بنادم بحالي بحالك ..اذن معاندي لاش نخاف منك(خرجات عينيها غير دافعة جبهة وصافي) شكوم غتكون gاع فخلق الله ياكما كتخرى (حاشاكم) الشمع واقف و مفراسيش
أيهم:( وحابس الضحكة) لخرا ديال الصح هو لي غنجي نطلسو ليك لما زميتيش كرك 
هالة( كتقفقف مي صنطيحتها سابقاها) اووه خفت ناري ماما غطيني الوحش غيجيني
ايهم:(غير سمع كلمة وحش هو يجعر و عروق جبهتو و ايديه تنفخو جر هالة من شعرها حتى خلا نصو فيديه و نترها حتى جات طايحة على فمها فالارض و ناض و لا كيشخشخ لي جات قدامو و يعاير شافها فالارض طايحة وهو يمشي قاصدها شدها من سعرها و قرب وجها لوجهو حتى ولات نفسو السخونة كضرب فوجها و هي شبه مغيبة ) أنا وحش هاا دوي هانا غنوريك الوحش اش كيدير تلاح عليها بالبونيات و التصرفيق و هي كتغوت ربي لي خلقها مي شكون يتجرأ يدخل الغرفة #13 اكيد لا احد بقا يبندخ فيها و هي كلها دمابات حتى ترخات و سخفات لبه فيديه نترها بجهد حتى تزادح راسها نع الارض و هي غارقة فدمايتاها بينما هو متسوقلهاش و ناض حل لبلاكار جبد منو قبية كحلة رما لقب على وجهو و مشا حل بلاكار اخر و هو يبان واحد لباب الكتروني دار لكود مع لصمة ديالو و هو يتحل كان اسانسور مخزون وسط بلاكار دخل ليه و سدو برك على بوطونة و تم هابط لاسنسور حتى وصل للجردة دلوطيل عاد تحل خرج منو ايهم و هو متنكر تيبانو فيه غير لعينين و مشا ديريكت هز لوطو ديالو كانت واقفة فباركينغ خاص كانت من نوع فيراري كحلة ماط ركبها و ديمارا نيشان لواحد لمكان خالي من ناس غير لخلا والقيفار خدم سينيال دطوموبيل و هوما يتمو جايين بزاااف دطوموبيلات من نوع رانج روفر دارووبيه من كل مكان و نزل واحد السيد عزوة طويل و مgلدم من وحدة من دوك طوموبيلات و مشا فاتجاه سيارة ايهم لي كانت واقفة لوسط ايهم طفا ضواو و فتح زاجة دلوطو و خرج يدو بوحدها بينما لعزوة وصل عندو و فيديه شنطة فضية صغيرة كتبري و قال بصوت كيزعزع:(مدها لايهم)اوامر اخرى المعلم
ابهم:(شدها منو و دار ليه بيديه باش يمشي و لعزة معاودش معاه لهصرة طريق لي جابتو رداتو)
ابهم ديمارا اللوطو لي كانت فالوضع الصامت و زاد خلفة مع طرييف 

وصل لايهم للاوطيل حط اللوطو فبلاصتها المعهودة لي تحد ميتوصل ليها و مسا نيشان للجردة و طلع لغرفة ديالو كيف خرج منها غير دخل لمق هالة باقة طايحة فالارض معبرهاش بمرة و مشا حل دي شنطة كانت عامرة بخنيشات كوكايين بودرة ...حل خنيشة و جبد منها شوبا و دارو على شكل سطر فيديه و بدا يستنشق فيه حتى كملو عاد حس براسو رجع ارتاح و تهدن سد ديك الشنطة و خزنها و نشا جلس فوق الناموسية مقابل مع هلا كيشوف فها و كيتأمل فشعرها اﻷشقر لي مليوح على وجها و دوم الشنايف عندها غا ديال التشلقيم( أعود بالله من الشيطان الرجيم) نعل الشيطان و ناض هزها من الارض كيريشة و حطها فوق النموسية مشا جبد علبة الاسعافات داوا ليها جروحها و ناض رد لعلبة لبلاصتها حيد لقبية لي كان لابس و دخل للحمام دار دوش خفيف و تم خارج لاوي عليه فوطة لتحت و مخلي دوك البادر عريانين(بقاو حاضيني يالعوجات هادشي لي مقابلين تفووووو.....غير عطب تقني متخلعوش ) فهاد اﻷثناء بدات هالة كتسترجع الوعي ديالها و مع حلات عينيها تلقات صدمة جديدة و هي داك الملاك لي واقف قدامها اشمنك يازين و اشمنك يعطلات و اشمنك يطولة و عاد لوشامات اححح نسات راسها و سهات فيه و هو كذللك بقا سها فيها و بقا كيشوف فجسممها المنحوت و مرة مرة يهز يدو يح نيفو بطريقة كتبين على انه مدمن مخدرات حتى تفكر شنو قالت ليه و هو يجمع راسو و طلق فيها شوفة كيلقرطاااس
ايهم:فقتي يالاه نوضي تهزيييي من تم ...من ليوم بلاصتك هنا (و شير للارض)
هلا: (بغات تنوض لقات ضلوعها gاع معطوبين تقول داز عليها رموووك)اييييي ...اهئ حشومة عليك اهئ اشنو درت انا اهئ اهئ وكلت الله على لي كان سباب اهئ اهئ
بدات تبكي و تنخصص و ايهم كيشوف فيها و كيمرو على عينيه ذكريات مؤلمة و محدو كيسمع صوت بكاها و كيزيد يتعصب و يزير على يديه محس براسو حتى عضر بلغوات
ايهم:سكتيييييييييييييييييي متبكيييييش 
هلا تخلعات و جمعات رجليها عندها كيلكميشة و بدات تشوف فيه و عينيها عامرين دموووع و ماقادراش تهرج لبكية
ايهم:(خنزر فيها)علاااااااش كتبكي ها .....علاااااش بغيتي تبقاي ناعسة تما نعسي ماغانحاديكش و لكن بربي و نعاود سمعتك كتبكي حتى نقتلك هنا و مكاين لي يجيب ليك خبار 
هلا:(هضرات بصوت مخنوق)مابغيتش نعس هنا هادا بيتك بغيت غير نمشي بحالي 
ايهم مشا جيهت لبلاكار و نصل لفوطة قدامها بقا عريان كامل بينما هالة غير شافتو و هي تشهق و غمضات عينيها بزربة
هلا:واش نتا حمق لي معري قدامي 
ايهم:(ببرود)بيتي ندير فبه لي بغيت و تاحد مجبرك باش تشوغي فيا 
هلا:(مغمضة عينها)انا بغيت نمشي بحال و ديك ساعة نغضطرش نشوف فيك 
ايهم لبس بوكسور و شورط و مشا عندها بقا واقف كيشوف فيها و نزل راسو تاولا وجهو فوجها و نفسو كضرب سخونة فيها ...هالة حسات بيه و حلات عينيها شافت غيه و بلعات ريقها 
هلا: ب ب بعد 
ايهم:شوفي فيا مزيااااااان 
هلا: احم (شداتها لقفقافة)ر ر راه شفناك غير بعد 
ايهم:شتي هاد لوجه(كيدور يدو على وجهو)لي شافو (دوز يدو على عنقو)تيموووووووووت (طولها)
هلا: (بلعات ريقها) ا ا ...شنو 
ايهم:(بقا كيشوف فعويناتها زريرقين كيبريو وسرح فيهم ) متخلعيش مغنقتلكش و لكن متحلميش تخرجي من هاد لغرفة
هلا:منين مغتقتلنيش شغنبقا ندير هنا 
ايهم:(دار راسو كيفكر)كيف كتعرفي تاحد مكيوصل هنا داكشي لاش كنت انا لي كنجمع لغرفة و مدام دابا جيتي اتولي خدامتي يعني اي حاجة طلبتها ديريها 
هلا:شنو😢
ايهم:كيف سمعتي...يالا تهزي بعدا حيدي عليا هاد لحالة(شاف فالارض شويا ديال الدم)و مسحي داك الدم لي تم تgعدي 
هلا:(كتشوف فيه ببرائة)
ايهم: (بلغواات)تهزيييييي
ناضت هلا قافزة واخا ماقادراش تحرك :ش ش شنو ندير 
ايهم:(ناض مشا للبلاكار و جبد منو تيشورط كحلة نظرا ان حوايجو كولهم سود جا عندها ولاحها على وجها ) حيدي ديك لكسوة و لبسي هادي مكيعجبنيش نشوف الالوان 
هلا خداتها بلا كلمة بلا جوج و تمات غادة للحمام دخلات شافت فراسها فلمراية و هي تخلع كان وجها gاع مزرق 
هلا:ويلي على حالة ...اربي اشهادشي نتفك من موصيبة نطيح فما كرف منها اهئ اهئ شمن ذنب ارتاكبتو فحياتي حتى نبقا ديما مكرفسة اهئ اهئ ياربي انا مزاوgة فيك عاوني ودير ليا لي فيها لخير شافت فديك تيشورط و هي تنصل لكسوة لي كانت لابسة بقات غير بسليم بحكم ان لكسوة كانت لابساها بلا سوتينات لبسات ديك تيشورط لي وصلات ليها تاركبة و جمعات شعرها و خرجات 
ايهم:(مكسل فوق ناموسية و كيشوف فيسقف)على سلامة لاش خارجة كون درتي شهادة السكنى فالدوش 
هلا:مالنا 
ايهم: (خنزر فيها)لسانك طويييل و هادشي ماكنبغيهش بداي خدمتك و نتي قاطعة لحس 
شافت فيه و هي مخنزرة و رجعات للحمان هزات ادوات التنظيف و خرجات بدات تجنع الروينة لي هرس و هو حاضيها بنص عين كملات و نظفات حتى الارض من الدم عاد رجعات ادوات التنظيف للحمام لي تاهوا جمعاتو وقاداتو او ولات لغرفة فجأة نقية و كتشعل خرجات و مشات جلسات فوق لفوطوي و كتشوف فيه و تخنزر بعينيها و عي الف سؤال كيدور فدماغها 

ايهم:(داير يدو مور راسو)نزلي عينيك حسن ليك
هالة:بغيت نمشي بحال مفهمتش علاش باغي تحبسني
ايهم:(حك نيفو)بغييت ختاري اما نقتلك اما تبقاي محبوسة
هالة:(ميلات راسها و ضيقات عينيها)شكون نتا
ايهم:ههههههه سؤال زوين و لكن معنديش الاجابة ديالو
هالة:(سهات فضحكتو) علاش داير فراسك هاد لحالة
ايهم:(طرطق فيها عينيه كيلقرطاس)مالها حالتي كيجاتك
هالة:(بلعات ريقها و شافت فطبلة لي كانت عامرة بغبرة دلكوكايين)ش شنو هادا
ايهم:فرعتي ليا كري باسئلتك...هاداك كوكايين تحادين نعمي لمك عينيك كولشي الا هاداك
هالة:(وقفات و بدات كتسارا فلبيت و هو متبعها بعينو و كيحك على نيفو حتى ضارت بزربة)اشنووو سميتك
ايهم:(قلب وجهو)لا رد
هالة:دابا مابغبتي تجاوبني على والو ...اتحبسني عنا و انا معارفاش حتى سميتك باش غادي نبقا نعيط ليك
ايهم:(تنهد)ايهم...سميتي ايهم
شافت فيه و ضارت مشات لجيهة باب لبالكون بغات تحلو لقاتو مسدوود 
ايهم:مغيتحلش ليك بلا متعدبي راسك
هالة:لا رد
رجعات لبلاصتها و جلسات و بقاو شوف فيا نشوف فيك اطاجين لحووت 
هالة:ايهم(لحناتها)
أيهم:(أحح على صويت هادي بغاتني نغتاصب زامل بوها هنا) اشنو تاني
هالة: فيا جوع 😩😩
أيهم: و انا مالي
هالة:ميمكنش تهليني بلا ماكلة
ايهم: كوليني أنا حسن
هالة:(بشوية) ااحح مكرهتش باش نتهنا 
أيهم:هانا نخرج نجيب ليك ما تجغدي و يا ويلك يقولك داك الراس تهربي نحوي زامل بوك فيما كنتي
هالة: (لا رد)
أيهم:مفهوم
هالة:(لا رد) 
(بالغوات): واش داوي مع الحيط مفهوم
هالة: (كتقفقف) اا..ه واخا
أيهم هز قبيتو و دار لقب و مشا لداك بلاكار حل لباب لالكتروني و دخل و سدو موراه عاد نزل
هالة:اويلي منين خرج هاد لجنس 
بدات ضور عويناتها فلبيت لقاتو مشات حلات داك لبلاكار لي خرج ننو لقات لباب الالكتروني لكن مفهمات فيه ولاو داكشي صعييب عليها سداتو و هي مستغربو و مشات كتجري لباب لبالكون بغات تحلو او والو عيات متعافر معاه نابغاش يتحل و هي تمشي لباب دلغرفة بدات كدق بجهد و تغوت 
هالة: ماين شي حد هنا (كدق )عتقوووووني عفااااكم واااش كيسمعني شي حد 
ايهم:الله ينعل طب**مك القح**شدي لارض و هنينا
هالة:(بدات كتقفقف) اويلي منين جا هاد الصوت أيهم .....أيهم...فينك....بسم الله الرحمان الرحيم اكيما كيقولو قلب الكسكاس على سفاه يخرج البيت لمولاه (تحية كبيرة ليا شتي أ صفاء ختك مشتهدة هههه)
صفاء:مخرية ماشي مشتهدة ...الله يخليها سلعة اتفووووووو(نستسمح عن العطب)
هالة مافهمات تاوزة و معرفاتش منين جات الصوت حيت هي مفراسهاش بلي لبيت عامر كامرات صوت و صورة بحيث ايهم فاش نزل ركب فاللوطو ديالو و خدم كاميرة دلبيت فتيلي و قابلها معاه باش يبقا حاضي تحركاتها بينما هالة 
من بعد مافقدات الامل ان شي حد يوصل للغرفة 13 و يعتقها بقات كضور عويناتها على ارجاء الغرفة شدها الفضول و مشات لديك الطبلة تجرب داكشي دارت ليه كيما كيدير يالاه ستنشقاتو و هي تخنق و بدات تكحكح 
ايهم:يحرق الزامل بوووووووك ياك قلت ليك متحاديش داكشي 
هالة:(قفزات و لاحت داكشي من يديها)ف ف فينك و و واش كضحك معايا ياك
ايهم:نوضي تهزي من تم و سيري جلسي فوق الناموسية 
هالة: و و واخا
ناضت مشات جلسات فوق الناموسية و بدات كضور عويناتها و خايفة غير بوحدها ..بينما ايهم وصل لواحد سوبر ماركت نزل و هز معاه تيلي حاطو فيدو هز شاريو و بدا يهز اي حاجة كتكال حتى عمر داك شاريو مشا خلص و رجع للوطو تم راجع حتى بانت ليه واحد لبيزيريا باقي حالة وقف و نزل كيف لعادة غير لعينين لي كيبانو فيه كي شي شفار خدا بيتزا اومبورتي و عاود مشا للوطو ماوقف تاوصل للاوطيل وقف فبلاصتو و نزل هز معاه داكشي لي شرا ومشا جيهت لاسانسير السري و طلع عندها دخل لقاها مزال جالسة فبلاصتها

لقاها مزال جالسة فبلاصتها و كدور فعويناتها خنزر فيها حط داكشي لي جاب معاه و مشا وقف عليها كسملك الموت 
أيهم: أش قلت لمك ياك قلتيك حاجتي متحاديهاش
هالة:و راه غا بغيت نشوف أ....
ايهم:(قجها من عنقها) اخر مرة تحداييه كتفهمي ... ولا بربي حتى نفرع القحبة دمك 
هالة: (كتكح )طلق طلق الشماتة تفوو القحبة هي لي و لداتك و معرفات تربيك
هاد الجملة كانت كافية باش تجعر أيهم ﻷقصى درجة ماحس براسو حتى
تكا عليها بالبونيات و التمرميق تا و لات كلها زرقة شدهل من شعرها و بدا مجرجرها فالارض كيجرتيلة
هالة:(كتغوت )اييييي عتقووووني طلقنييييييييي ايييي اهئ حرام عليك 
أيهم: (صدرو كيطلع و يهبط) ااخ ر مرة تجبد.ي مي عل..ى لسا..نك فهم..تي(وطلقها و ركلها برجلو)
هالة:(كتبكي) اهئ اهئ حمااار شماتة الله ياخذ فيك الحق اهئ اهئ اشدرت ليك انا 
ايهم:(نزل لمستاواها و شدها من فكها و زير عليها) بغيتي نوريك الشماتة علاش قاد هااا...انا شماتة ياك ...انا شماتة حيت مقتلتكش يالمسخة 
نلض زاعف و مشا لبلاكار جبد كوردة كبيرة و سكوتش و حل لبالكون بساروت ديالو و رجع عندها دار ليها سكوتش على فمها و هزها فوق كتفو و داها لحافة دلبالكون بحال الى ايلوحها و هي مهرجة عينيها و كتركل بقا شادها بيد وحدة لدرجة غير تزبق ليه تموووت شد ديك لكوردة و ربط ليها يديها مع لحديدة و شد ليها ليد تانية و ربطها تاهيا 
ايهم:تما اتبقاي حتى ترباي و تعرفي هاد الشماتة لي قدامك علاش قاد 
دخل لبيت وسد لبالكون و خلاها هي معلقة و فمها مسدود و لبرد كيضرب فيها بينما هو جلس شاد راسو و كيتفكر شي حوايج لي خلاتو يتبدل 360 درجة على لي كان بدا يتفكر صوت لبكا و صوت الضرب ناض كيثور الهايج و بدا يهرس اي خاجة جااات قدااامو 
ايهم:(كيغوت)اععععععععععععععع لاااااااااااا براااكة براااااااكة (عينيه حمارو و عروقو برزو و لا كيخلع ) بقا على ديك لحال حتى تهد و جلس للارض و لبيت gاع مرون و عامر زاااج مشا كيجري حل لبلاكار و جبد ديك لافاليز و جبد منها خنيشة كوكاييين قادو و بدا يشم فيه حتى حس براسو تهدن شويا و لكن واخا هاكاك دمووو مزال كيغلي ....ليل كامل و هو حال عينيه مغمضش (هادو من اعراض لكوكيايين كيدير الارق) بينما هالة باتت ليل كامل و هي فديك لحالة حتى سخفاات بقوة لبكا ...ناض ايهم من بلاصتو و مشا حل لبالكو طل عليها لقاها مغمضة عينيها و راسها مرخي مميلاه جنب بقا كيشوف فيها شحال و هو يحل ليها لقنبة و هزها داها و حكها فوق الناموسية حيد ليها سكوتش قاس وجها لقاها باردة هز لغطا و غطاها و ناض بدا يجمع فديك روينة من بعد ماخدا الجرعة ديالو من الكوكايين لي كيعتابرو دوااا لي غينسا بيه gاع الذكريات المؤلمة ...جمع ديك روينة و ناض دخل للحمام خدا دوش خفيف ريح اعصابو و خرج لبس بوكسور و شورط كحل و جلس فوق لفوطوي مقابل معاها

بقا كيشوف فيها كيفاش ناعسة حس بشي حاجة غريبة تحركات فيه و هادشي لي فقدو من سنييين هادي فقد الاحساس بينادم كيفما بغا يكون نوعو ..ناض بخطوات ثابتة و تقدم لجيهتها جلس حدا راسها و هبط وجهو لمستواها و بقا كيستنشق فريحت شعرها و عبير انفاسها موgضو غير رنة الهاتف لي بدا يصوني ناض و مشا هزو من فوق الطابلة و دارو فودنو بدون ميقول حتى كلمة 
....:مسيو برادة محتاجين التوقيع ديالك ضروري فالشركة 
ايهم: (بنبرة حادة) اوكي
مشا لجيهة لبلاكار تجين اسود مع تريكو و جاكيط كوير سوداء و سبرديلة كحلة دار كاسكيط كحلة و رش ريحتو مع نضاضر شمسية و ساعة سبور فيدو (احححح عرفتو كيجااا نحلف عليه تيكيحكم الدريات) مشا جهت هالة تحنى و باسها فحنكها و خرج من المكان المعتاد استقل سيارتو ناوقف غير قدام واحد لبناية كبيرة دخل الوطو لباركينg و طلع مع واحد الاسانسور نيشان فالمكتب ديالو لي كان رجولي بامتياز عيط على سكرتيرة لي غير سمعاتو كاين فالمكتب و هي تبدى تقغقف قطع معاها و هو جالس فلكورسي و عاطي بااظهر للباب دخلات السكرتيرة و فيديها شي ملفات ضرباتها ريحتو رجولية لي كتشم عبر امياال وقفات قدام لبيرو و كيبان ليها غير ظعر لكورسي شكون جالس فيه ماعرفتش ...ايهم مد يدو حطات ليه الملفات حطهم قدامو و عاود مد يدو و مدات ليه ستيلو وهي غتموت بالخلعة 
ايهم بقا كيقرا فدوك الملفات راجعهم مزيان عاد وقعهم مدهم ليها و دار ليها بيديه اشارة و هي تم غادة حتى وقفاتها نبرة صوتو لي طيحات منها النص 
ايهم:دابا يكون عندي السرغيني 
سكرتيرة:ه هي لولة 
خرجات كتجري عيطات على السرغيني لي راجل فلخمسينات من عمرو دق و دخل و ايهم باقي فنفس موضعو 
سرغبني:مسيو برادة 
ايهم:سمعت بلي كدير شي حاجة مور ظعري اسرغيني 
سرغبني:(بلع ريقو)حاشا واش نلعبو من مور ظهر سيادتكم ...شكوون يتجرأ
ايهم:مزيااان ملي عارف تاحد ميتجرأ على ديفل اسي سرغيني ...عارف شغيكون مصيرك لا طحتي بين يدي منحتاجش نفكرك 
سرغيني:(كبترعد) عارف عارف 
ايهم:لبضاعة ليوم اتخرج ....نبغيها توصل سالمة مفهوووم 
سرغبني:مفهوووم ..نتا امر و انا نفد 
ايهم:شوق شغلك 


مشا سرغيني و ايهم ناض و نزل منين طلع ركب فاللوطو و تم راجع للاوطيل حتى لمق محل بيع الملابس النسائية وقف الوطو و بقا شحال كيشوف فداك المحال عاد نزل و تم غادي جيهتو او وجهو مغطي بلكاسكيط و نضاضر دخل و بدا كيشوف فالحوايج و اي حاجة كتبان ليه اتجي قد هالة كياخدها اكثرية لوان مغلوقة خلص بكارط كيشي ديالو حط لحوايج فاللوطو و ديمارا ماوقف حتى وصل للاوطيل ...نزل لحوايج و طلع للغرفة ...لقا هالة جالسة جامعة رجبيها و كتبكي بصوت مسموع غير شافتو و هي تنوض كتجري تركنات فواحد القنت تكمشاات و ضربات الطم حتى من النفس مابقاتش قادة تخرجها بقوة الخلعة

يتبع