وصلنا لواحد الدار كتاخد العقل حدا البحر وقفنا و هبطت شد ليا في ايدي تمينا داخلين مع الدخلة كنحس براسي عاطيني الصداع بزاف و هاد الدار كنعرفها مزيان شديت في راسي و دخلنا بقيت كندور عيني على الدار و كنحاول نتفكر شي حاجة و بعض التصاور كيدوزو قدامي و لكن كاينة شي حاجة مفقودة جا حدايا ياسين شد ايدي و شافني ماشي هي هاديك
ياسين: زينب مالكي ياكما كتضرك شي حاجة
زينب: لا لا والو غير راسي راك عارف
ياسين: اوكي اجي معايا
جرني و خرجنا لواحد الجلسة على البحر روعة جلسني و انا هادو التصاور مفارقونيش ناض شويا و تم جاي و في ايدو بلاطو فيه الفطور جلس حدايا و بدينا ناكلو و نضحكو
عند راوية لي مشات لدار عمتها هي و عائلتها كانت عمتها ساكنة في حي راقي فيه غير الفيلات الصغار قراب للبحر فاقت الصباح و خرجات تجري شويا وهي كتجري دازت من حداه ضرباتها ريحتو لي مستحيل تنساها زادت شويا و بغات تدور تتأكد يالاه غتدور تصطحات مع شي حاجة حتى كانت غتطيح كونما الايد لي دارت على خصرها و دار ابتسامة جانبية
أسد: كتقلبي عليا هانا حداك
راوية كتحاول تبعد مي هو حاكمها: ط طلق مني
أسد: و إلى مبغيتش
راوية: غندير صبعي في وذني و نغوت بأعلى جهدي
أسد: ديريها و شوفي اش كيتسناك
لمياء دارت ايديها في وذنيها و يالاه كتغوت حتى كتحس بشي حاجة سخونة فوق شفايفها خرجات عينيها و بعدات عليه مصدومة و مزنكة ضرباتو لرجليه و هربات شداتها جرية وحدة حتال لدار عمتها دخلات كتنهج و حناكها حمرين عمر شي واحد تجرأ عليها حتال هاد الدرجة و كان لي كيحاول يقرب كتعطيه علاش يدور شافتها بنت عمتها و جراتها
راوية: ببببف أمري لله ندخل ندوش و نبدل حوايجي و نخرجو
سلمى: يس يس (باستها في خدها )
دخلات خدات دوش و لبسات حوايجها و هبطات لقاتهم كيفطرو صبحات عليهم و جلسات تفطر كملو و غمزاتها سلمى و ناضو خرجوا توجهوا للقهوة فين موالفة تتلاقى سلمى مع زكرياء مع الدخلة راوية تكوانسات و قالت
راوية: لا ماشي حتال هاد الدرجة
أما أسد لي كان مع خوه ابتسم حتى بانت ليه الضرسة الأخيرة جلسو البنات سلمات سلمى على أسد و عرفاتو براوية حيت كيحساب ليها مكيعرفوش بعضياتهم حتى نقز و قال
اسد: راها تلميذتي القبيحة
سلمى: واااو صدفة زوينة
زكرياء: بعد منها علاش كتقوليها القبيحة
أسد غمزها: 😉 هي عارفة
عند زينب لي من بعد ما شبعات الكريشة تكات على رجلين ياسين مستمتعة بالجو محسات حتى نعسات مع الحريق ديال راسها و الفنيد لي كتشرب هزها ياسين حطها في الفوتوي و دخل هو الكوزينة يصاوب الغدا بعد حرب دازت في الكوزينة مدة ماشي قليلة قرب ياسين يكمل شغلوا عاد ناضت الأميرة ديالنا تبعات مصدر الصوت لقاتو في الكوزينة داير الطابلية و واقف كيصاوب الشلايظ جلسات مقابلة معاه و هايمة فيه شويا رجع ليها نفس الموقف نفسو و هاد المرة رجع كامل مناقصة منو حتى حاجة تزاد ألم رأسها و ناضت باش متخلعوش دخلات للحمام و راسها ضارها لأقصى درجات و عقلها كيرجع ليها كل ذكرياتها بقات واقفة شادة في راسها حتى وصلات لآخر صورة شافتها قبل الحادث السبب لي خلاها تخرج من الدار طاحت على ركابيها و كتردد
زينب: لا ميمكنش 😭😭 اااااااااااااااااااااااااااااااااااااااااااه
ياسين سمع غواتها خلا كلشي و طار لعندها شافها طايحة و كتبكي قرب ليها يالاه غيشدها تنترات منو
زينب: بعد مني
ياسين مخلوع: زينب مالكي شوفي فيا واش كتضرك شي حاجة
يالاه غيحط عليها ايديه ضرباتها ليه
زينب: قلت ليك بعد مني و رجعني لدارنا دابا
ياسين تعصب من تصرفها و كتمها: زينب اش هاد التصرف
زينب غوتات: بغيت نرجع فحالي داباااااا😡😡😡😡
ناضت ضربات فيه و خرجات للطوموبيل و هو كذالك ناض دخل الكوزينة طفى على البوطة وخلا الدنيا هاكداك حتى يعيط على شي واحد يجمعها و خرج لقاها جالسة لور و مغوبشة ركب و ديمارا و هو مفاهم والو معارفش مالها خايف تكون كتضرها شي حاجة خايف عليها و مقابلها من المرايا و كيشوف فيها و هي مغوبشة مفكاتش وجهها و كتفكر كيفاش قدر يخونها و علاش رغم أن داكرتها رجعات و عقلات على كلشي زوين دوزاتو معاه و على الحب لي هازاه ليه حتى و هي فاقدة الذاكرة بغاتو و لكن الصورة لي وصلاتها في تيليفونها اكتر حاجة شغلات تفكيرها بقاو غاديين في صمت رهيب و كل واحد وفين واخدو تفكيرو
عند حنان في المشفى كلشي داير بيها عائلتها و عائلة ياسين و كيضحكو و يباركو ليها زوقو ليها البيت و قادوه عونوها تلبس و ايمن شاد في مروان
ايمن: غتولي تجيب الحليب و لي كوش ا وليدي
مروان فرحان: ماشي مشكل هاد الملاك نجيب ليه لي بغى
ايمن: ههههه اححح وليتي هشيش
مروان: جايا نوبتك و نضحك على طاسيلتك
حنان: فين زينب
لمياء: خطفها ياسين الصباح معرفنا فين زادو
حنان: خليها ربما ترجع ديك نص ذاكرة لي مشات ليها
عند زينب
وصلو للدار هبطات بلا متشوف فيه مع الدخلة تلاقات مع موسيو العلوي تبسم ليها و رجعاتها ليه دورات عينيها مبان ليها حد
زينب: فين مشاو الكل
موسيو العلوي: صاحبتك ولدات و مشاو لعندها
زينب: بصح حتى انا غنمشي شكرا عمي
خرجات تصاطحت مع ياسين شدها من ايديها
ياسين: فين غادية
زينب: غادية للمشفى عند حنان ولدات
ياسين: تسناي نوصلك
زينب بعدات ايديها من عليه : بعد مني غنمشي بوحدي
ياسين تعصب: زينب متختابريش صبري قولي ليا مالكي على هاد التصرفات يالاه كنتي صحة سلام اش واقع هضري
زينب: مواقع والو مبغيتكش تبقى تمسني و لا تهضر معايا كتسمع و هادشي ديالنا قريب يسالي
ضربات فيه و دازت خلاتو كيغلي و هي خرجات شدات طاكسي و عطاتها للبكا حتى وصلات للمشفى مسحات دموعها و دخلات سولات على الغرفة ديال صاحبتها وراوها ليها و دخلات عند صاحبتها لقاتها هي و لمياء و ايمن و مروان أما العائلة خرجو يتقداو شي حاجة من السوق قربات لحنان و تلاحت في حضنها و كملات بكاها الكل استغرب من تصرفها لمياء غمزات الدراري و هما فهموها و خرجو يشوفو البيبي أما زينب بقات تبكي حتى تفشات هزات عينيها منفوخين و وجهها مزنك
زينب: مبروك ا صحايبتي
حنان: الله يبارك فيك و لكن خليك مني مالك نتي
لمياء: اه حالتك معاجبانيش
زينب: خوك كيخونني
البنات تصدمو حلو فامهم
لمياء: هااا كيفاش معاش اااف معامن كي درتي حتى عرفتيها
مروان: غتشوفيه ا حبيبة غير تولي تمشاي شويا غايديوك باش ترضعيه
ياسين مشافش جيهة زينب كااع: فليفلة مبروك العزري
ياسين: الله يبارك فيك ا خويا
بقاو مدة جالسين مع بعضياتهم حتى دخل امين و كريمة و علي و مريم لي كريشتها بدات تبان عندها 4 أشهر
زينب: هاي هاي امتى درتي هاد الكرش
علي: فاش كنتي ناعسة و مجايبة للدنيا خبار
زينب: وليتي كتغفل ا المغفل
امين: مكتقاداوش
زينب: اخي العزيز توحشتك
ايمن: احححم انا راه كنغير
امين: اه شوف الزحام لا راها ختي قبل منك
بقاو على الضحك و اللعب كلشي كيضحك إلا ياسين لي كان متكي على الحيط و كيخمم هزات راسها شافتو و معجبهاش الحال تشوفو هاكداك نسات أمر الزبلة و الانتقام هههه و تمشات تال حداك و تعلات على ريوس صباعها و قربات لوذني
زينب: حتى انا بغيت
ياسين شاف فيها كيقول هاد البنت غاتحمقني حال و عقل: اشنو بغيتي
ابتاسمت و بعدات عليه دوزو العشية كاملة عند حنان ضحك و تفلية و حتى ياسين تطلق حيت عرفها مبقاتش مقلقة منو رجعو الكل لدارو مع الدخلة واقفين الرباعي ديالنا
لمياء: اه شوفو انا راه عييت 😠 غدا تجيو تخطبوني و لا ندير ليكم شي مونتيف
ايمن: غندي عروسة هبيلة
لمياء: هادشي لي كاين عجباتك هي هاديك معجباتكش هي هاديك
ايمن: صافي عاجباني عاجباني
زينب: صافي غدا نخرجو ناخدو اش خاصنا و نتي علمي الدار و متقوليش ليهم شكون خليها مفاجأة
دخلنا و جلسنا في الصالون شويا جات نورة علماتنا بلي العشا واجد تعشينا و موسيو العلوي طلب من ياسين يتبعو للمكتب بغا يناقش معاه شي حاجة
مزيان هادي هي الفرصة طرت للبيت قاديتو و صاوبتو و دخلت دوشت و صاوبت حالتي باش نتصالح مع حبيبي على داكشي لي درت ليه الصباح ههههه بقيت شويا تم جاي ياسين حل الباب و تحل معاه فمو و عينيه
😳😳😳😳😳😳😱😱😱😱😱
دخل ياسين لقاها في أبهى حلتها و كتسنى فيه بقى واقف شحال مصدوم غير الصباح كانت كتقوليه بعد مني و دابا مبقى عارف فيها والو و لكن لي عارفو و متأكد منو هو أن هاد الانتى عندها تأتير كبير عليه فات مرحلة الحب ولى عشق و هيام فيها في تفاصيلها في كلشي ليها مكيقدرش يبعد عليها مكيقدرش على زعلها و اكتر إلى تخاصمت معاه نهارو مكيدوزش بقى شحال كيشوف فيها كانو اول مرة غيشوفها و تمنى ترجع ليها ذاكرتها و تتفكر كل حاجة دازت بيناتهم كيفما هو حافر كل لقطة من نهار تلاقى معاها لدابا قرب حداها وقفها تقابلت معاه و قال
ياسين: الزين هي قولي ليا بغيتي بيبي
زينب ابتسمت بخجل: هه اه و لكن هاد المرة مغنتوحمش على الببوش غنتوحم على شي حاجة حلوة
ياسين: بلاتي بلاتي رجعي ليا السينتة كيفاش باش عرفتي راسك كنتي كتوحمي على الببوش
زينب ضحكات: و باش غنعرفها في نظرك
ياسين: لا متقوليهاش
لوحات ليه براسها بمعنى اه هزها و بقى كيدور بيها و هو فرحان داكشي لي تمناه تحقق حطها
ياسين: اجي و علاش كنتي مقلقة الصباح
زينب غوبشات و شدات شنايفو بايديها: على هادو لي تحطو على وحدة أخرى 😠
ياسين ضحك حتى تسمعات في الفيلا كاملة: احححح غرتي
زينب: احححح كون معودات ليا لمياء ا وليدي ا ياسين كنت غنقطعهوم ليك بالمقص و يكون حافي
ياسين: ياك و باش نبوسك
زينب: استعن بصديق
ياسين: غنخبط مك و نوريك صديق
زينب ضحكات بالصوت و عويناتها تغمضو و غمزاتها بانو : غرتي غرتي
هو ساهي في ضحكتها و عويناتها و غمزاتها باس عينيها وحدة وحدة و داز لخدودها و بالضبط بلاصة الغمازات و باسهم بجوج شويا داز لشفايفها و نغامس فيهم و في رحيق فمها و هي دورات ايديها الصغار على عنقو و خلاتهم يتسللو لشعرو بلطف و دخلو لعالمهم الخاص 😴😴
أصبحنا و اصبح الملك لله فاق الكل هبطو يفطرو و في طاولة الفطور لمياء قالت لعائلتها انه غيجيو شي ناس في العشية يخطبوها سوما ابتسمت و موسيو العلوي استغرب و قال يكون خير طبيعي خاصو يعرف شكون هاد الناس راها بنتو الوحيدة ناضت سوما و الباتول خرجو يتقداو و كذلك البنات خرجوا بدورهم يشريو اش خاصهم و ياسين مشى للشركة و تبعو ايمن حيت متوتر
في الشركة عند ياسين
ايمن غادي جاي جاب ليه الدوخة و مخلاهش يركز في خدمتو
ياسين: ايمن وا صاحبي درتي ليا الطيارة
ايمن: اجي دابا في نظرك اش غيدير باباك
ياسين: غيقوليك باغي تزوج بختك نتا ماشي ولدي خرج عليا برا
ايمن: و الله حتى نخطفها و نزيد لا باقينش تشوفو وجهنا
ياسين: تلاقيتو هي باغية تخطفك و نتا باغي تخطفها يا ربي السلامة منكم و صافي معرفتش كيفاش غتعيشو بجوج
ايمن: كيفما نتا عايش مع زينب
ياسين ابتسم و رجع اللور: زينب حاجة اخرى 😍😍
ايمن: انوض قوليا اش ندير و نتا سرحتي
ياسين: تفووو ما معاك خدمة زيد قدامي بناقص يالاه نقادوك و نصاوبوك راك زعما عريس
راوية: غير رشقات ليكم و خرجتو ملقيت حتى واحد في الدار
زينب: لا غنمشي نخطب لخويا و جينا نتقداو
راوية: اوووه و اخيرا حنيتي عليها
لمياء: شتي كتشفي فيا العديان نتي و داك خوك
راوية: ياك لمك انا عديان
لمياء: نتي الحيبان زيدي
زينب: اجيو هاداك ماشي الدكتور أسد لي كان مقابلني
راوية غير سمعات سميتو قلبها بغا يسكت مدرتش : يالاه فحالنا قبل ميشوفنا
لمياء: اح كاينة ان
راوية: مكاين والو الله يهديك زيدو فحالنا
زينب: اتي صبري نيت باغية نسولو
شافهم أسد و تم جاي لعندهم مبتاسم
أسد: السلام عليكم
البنات: و عليكم السلام
أسد: كي بقات مريضتي
زينب بخير كنت غادية نجي عندك
أسد: علاش كاين شي جديد
زينب: وي رجعات ليا الذاكرة
اسد: اوووه مزيان اوكي نتسناك ان شاء الله باش نديرو الفحوصات الروتينية واخا كيبان ليا نتي بخير الحمد لله
زينب: اوكي شكرا دكتور
أسد: العفو
دار بقى كيشوف شحال في راوية لي مهزاتش فيه راسها خربق ليها شعرها و زاد
لمياء: تا والله حتى كاينة إن
زينب: كاينة إن و أخواتها زيدي زيدي راه مطالقينش منك حتى تعاودي لينا
بقاو البنات كيدورو من محال لمحال خداو داكشي لي بغاو و توجهوا لbeauty centre يدورو بحالتهم
أما عند سوما لي دخلات هي و الباتول مقديين و توجهوا للكوزينة
الباتول: ربي ربي لاش هاد كثرة التقدية و حنا غير بيناتنا
سوما: مخصهمش يعيقو بلي حنا عارفين
الباتول: اوا الله يعطيكم عقل كاملين و سي العريس لي معول ليا على زينب تخطب ليه مشى خلا مسكين
سوما: ههههه المهم نضحكو عليهم شويا وا زيدي نبداو نقادو راه مبقى والو
بداو يصاوبو في العشاء و يضحكو
عند ياسين و ايمن لي تفركسو و تقادو و عيطو على البنات عرفوهم في الصالون لحقو عليهم شويا تمو البنات خارجين و مقادين الحالة ركبوا في الطوموبيل و توجهوا حتال حدا باب الفيلا هبطات لمياء
راوية: دابا انا عائلة العريس و لا العروسة
لمياء: زيدي قدامي على انا شكون غيدخل معايا جراتها و دخلو يتعترو في جلايلهم شافتها سوما بدات تصلي على النبي و تزغرت طلعاتها للبيت و قالت ليها متخرجي حتى نعيطو ليك
عند زينب
زينب: يالاه ندخلو هاكا شد نتا هادا
عطات لخوها بوكي دفلور و عطات لياسين هز الحليب و التمر و هي هزات الشكلاط و دخلو شافتهم سوما دارت راسها مستغربة
دارو لقاوها طارت من قدامهم و مشات تخشات حدا موسيو العلوي
موسيو العلوي: ايوا بعدو منها هي تحت حمايتي
ضحكو الكل و عودات ليهم زينب انها استغلات الفرصة الصباح و مشات للبيرو عند موسيو العلوي و قالت ليه كلشي و تافقو يديروها بيهم لبس ايمن لمياء الخاتم و حتى هي صممات خاتم خصيصا ليه و ركباتو ليه و تافقو العرس بعد شهر تعشاو في فرحة و ضاحكين حتى قال ياسين الحاجة لي قلبات ميزاج زينب و خلات الدغمة توحل ليها و عينيها يتغرغرو 😢😢😢😢
ياسين: انا عندي شي خدمة في لندن شهر
زينب خرجات عينيها و فمها: اااا😳😳😳 كيفاش
موسيو العلوي: واش المشروع لي قلتي ليا
ياسين: اه هو خاصني نمشي نوقف عليه بايدي
هز راسو شاف في ختو غمزاتو زعما شوف زينب دار شاف فيها لقا عينيها مغرغرين و حابساها و ايديها كتلعب دليل على توترها شدها ليها هزات فيه عينيها مغرغرين وقفها و خرجو على برا للجردة غير بعدو و هي تعطي العنان لدموعها
زينب كتنخصص: اهئ اهئ مق ل اهئ تيهاش ليا 😭😭😭
ياسين: عرفتك غديري هاد الحالة شششش راه غير شهر و نجي ا حبيبتي
زينب: لا لا مبغيتش 😭😭 غنمشي معاك
ياسين: وا الغزالة راه الشهر كلو غيدوز غير خدمة و تمارة يعني حتى الوقت باش نتشاوفو مكاينش و انا منبغيكش تبقاي بوحدك
زينب: 😭😭 و انا منقدرش نبقى بعيدة عليك
ياسين قرب ليها مبتسم حط ايديه على حنيكاتها لي كانو حمرين بالبكا و مد صباعو مسح ليها دموعها و قربها ليه حتى لصقات فيه هز وجهها لعندو و قرب طبع قبلة طويلة فوق راسها و قال
ياسين: احححح شحال غنتوحشك
زينب تخشات فيه و خلات دموعها يسردو ليه حوايجو و هو كيمسح ليها على شعرها بقاو شحال و هما في حضن بعضياتهم عاد ذخلو و توجهوا لبيتهم نعسو و زينب مطلقاتش منو خوفا من أنه تفيق و ميكونش حداها
دازت سيمانة و مشى ياسين و خلا زينب تبكي و تعاود حتى مبقاوش ليها الدموع و قررات ترجع للخدمة باش تلاهي الوقت
فاقت كالعادة و لبسات حوايجها و خرجات هبطات لقات الكل كيفطر صبحات عليهم و جلسات تفطر كملو و كل واحد ناض توجه يشوف شغلوا خرجات متوجهة للشركة دخلات مشات نيشان لبيرو ياسين دخلات و استأنفات خدمتها بقات خاشية وجهها في الأوراق حتى عيط ليها ياسين ابتاسمات و جاوباتو
زينب: حبيبي
ياسين: توحشتك ا بوكاهونتاستي
زينب: انا اكتر 😢
ياسين: اوا لاش الدموع اشنو نتخاصمو
زينب: لا لا صافي مبقيتش نبكي
ياسين: فينك اش كتديري
زينب: انا في بيروك
ياسين: احسن ما درتي شغلي راسك بالخدمة باش متبقايش تبكي تغديتي
زينب: لا مزال
ياسين: اش كتسناي نوضي يالاه كولي شويا
زينب: اوكي حبيبي حتى نتا كول
ياسين: انا كليت
زينب: اوكي بالصحة
ياسين: يالاه بيزو في الليل و نهضرو
زينب: اوكي
ياسين: بلاتي فين بوستي
زينب: موااااااااح 💋💋
وقفات و خرجات توجهات لقسمها
توجهات لقسمها القديم باش تشوفهم و تخرج هي و أمل تتغدى يالاه وصلات و هي تغوت
زينب : ااااااااااااااااااااااه علي اش كتدير هنا
علي : شديت بلاصتك العوجة
زينب: العوج هو نتا ا راس الطنك امتى بديتي
علي: فاش كنتي في المشفى
زينب: مزيان 😍
سلمات على الكل و ملقاتش أمل و خرجات هي و علي يتغداو تغداو و هضرو و ضحكو و رجعو يكملو خدمتهم
داز شهر نفس الروتين زينب الخدمة و مرة مرة تخرج مع لمياء يتقداو شي حوايج و لمياء مع التوجاد للعرس طايرة من الفرحة مخلات ما وجدات و لي عجباتها تشريها أما واحد سوما و الباتول حولوا السوق لعندنا كلشي شراوه و لي شراوه للمياء يشريو لزينب و يشريو لراوية يقولو ليها خبي هادشي غتحتاجيه و هي غير كتضحك ههه بالطبيعة الحال شدوها زينب و لمياء دارو ليها استنطاق حتى عودات ليهم كلشي سولوها واش كاينة شي حاجة قالت ليك باقى صغيرة اوا السي أسد غتمحن شويا هههه
عند لمياء خارجة من بيتها كتشالي بايديها و تقلب على زينب حتى حسات بشي ايد جراتها و دخلاتها للبيت كان ايمن سد الباب و كالاها معاه شادها من خصرها و قربو كيوترها هزات عينيها فيه ضحكات و باستو
لمياء: توحشتك
ايمن: عاد البارح شفتيني
لمياء: انا كنتوحشك و نتا حدايا
ايمن: اي قلبي منقدرش انا على هاد الرومانسية كاملة
لمياء ضرباتو بشوية و ضحكات: ههههه
ايمن: مقادرش نتيق باقا 3 ايام على عرسنا بحال إلى كنحلم
لمياء: لا غير تيق ا حبيبي تبغي نقرصك
ايمن: لا بوسيني
لمياء: طلبتي غير الموجود
تلاحت على فمو كتبوس و تعض( متديوش عليها جاهلة) نخليوهم في بوستهم و نمشيو عند زينب لي كانت كتهضر مع ياسين غير قطع و ناضت باغا تنقز من الفرحة حيت قاليها في الليل غادي يكون عندها غير وقفات حسات بالأرض ضارت بيها و هي تطيح
عند لمياء و ايمن لي مزال داخلين في قبلتهم حتى بعدات عليه لمياء
لمياء: ويلي خليت زينب كتسنى
ايمن : فين غاديين تاني ا سليعفانات
لمياء: غادي نمشيو نشوفو علاء
ايمن خنزر: 😠 شكون علاء
لمياء: البوكوص ديالي
ايمن مكنزز على سنانو: لمياء
لمياء: ههههه غرتي من ولد شهرين
ايمن ضربها لراسها: اوا قولي ولد حنان
لمياء: اي وا ولد حنان راه عندو سمية
ايمن حل ليها الباب: خرجي غتحمقيني
خرجات كتضحك و توجهات لغرفة زينب حلات الباب و تمات داخلة و هي تغوت
لمياء : ااااااه ايمن عتقني
جا ايمن طاير لقى ختو طايحة في الأرض و لمياء حداها كتفيق فيها هزها حطها فوق الناموسية و خرج يعيط للطبيب طلعو سوما و الباتول لي سمعو غوات لمياء
الباتول اويلي مالها😱😱
لمياء: معرفتش جيت لقيتها في الأرض
سوما: ديريلها الماء في عنقها ووجها
خدات لمياء كاس الماء كان حداها و دارت كيفما قالت ليها ماماها والو مفاقتش خدات الباتول الريحة و شمماتها ليها حتى بدات كتفيق بشويا
زينب بصوت تقيل: اش وقع
لمياء: خلعتيني مالكي
الباتول: باش كتحسي
يالاه غتهضر و هو يدخل ايمن و الطبيب خرجو الكل فحصها الطبيب و خرج عندهم مبتاسم
ايمن: دكتور اش عندها
الطبيب: نتا راجلها
ايمن: لا خوها قوليا اش عندها
الطبيب: معندها والو مبروك عليكم المدام حاملة
الباتول: حاملة روروروروروروروي
سوما الفرحة غتنقز ليها من عينيها: شكرا ا دكتور
الطبيب: العفو هدا واجب خصها ضروري تشوف طبيبة مختصة و تبع معاها و تاخد شي فيتامينات للحمل و عطيوها تاكل
الباتول: واخا ا دكتور شكرا
مشا الحبيب و خرج معاه ايمن أما الآخرين كلهم دخلو عند زينب مدرمين و الفرحة غتنقز ليهم من عينيهم
لمياء كتشطح و تغني: مبروك مبروك يا حياة قلبي مبروك
لمياء: طيبيه ليها ا خالتي بالبصلة و الزبيب راه كيجي زوين واتي منين غتجيب ليك ياسين
زينب: بعدي مني 😢
لمياء: سكتي يا البوحاطية نتي لي دوا معاك تبداي تتغبني
سوما: لمياء خليها عليك كبيدتي اش بغيتي
زينب: بغيت شي حاجة حلوة
لمياء: احححح كتوحمي على الحلاوة انا وحده فيهم
زينب : بجوج
الباتول: هانتي هاد جيل قيمش
زينب: ههههه فهمونا
سوما: ياك لمك ضرتينا مكلخين كاع
ايمن دخل: زين ديال خوها شويا
زينب: شويا الحمد لله
ايمن قرب باسها في راسها: مبروك هي غنولي خال
زينب: ان شاء الله دعي معايا نحافظ عليه و ميمشيش بحال
ايمن قاطعها: شششش متقوليش هكدا داكشي ديال الله سبحان و تعالى و الأول مخسرتيهش بخاطرك
زينب حطات ايديها على كرشها كأنها كتعطي لولدها الأمان و كتقوليه متخافش غنحميك
قرب ليها ايمن و عنقها و قال
ايمن : ان شاء الله غتعمري لينا الدار بالبعالك
زينب: ههههه مالي قنية سير عند مرتك تعمر ليك الدار بالاولاد
لمياء: لا ا حبيبة انا غنولد غير واحد و إلى كترت 2
ايمن: 2 كتحلمي انا راه باغي 6 لفوق
لمياء: 6 😳😳 مالي ماكينة كي غندير ليهم
ايمن غمزها :😉 يالاه نكملو الدروس و نوريك كي غتديري ليهم
زينب: أعوذ بالله من الشيطان الرجيم اللهم إن هدا منكر
لمياء: مالكي نتي حلالي
زينب: سيري فحالك كون قلت ليه متاخدهاش كان غيسمع مني ياك ا ايمن
ايمن: اه الواحد هو لي ياخد الرضى ديال ختو
لمياء : اوا عقل ا سي ايمن ديرها فين تجيك( خرجات كتجر في رجليها مقلقة).
ايمن: هههههه هادشي لي بغيتي هاهي تقلقات
زينب: اوا جري تصالح معاها و انفرد بيها
و عنداك تحرقو المراحل 🙊
ايمن ضربها لراسها: مبقيتيش تحشمي
خرج تابع لمياء تلاقى مع الباتول و سوما هازين الماكلة لزينب دخلو جلسو معاها و هي كتاكل و تهضر معاهم و يضحكو حتى كملات حيدات لبلاطو من حداها و تقادات في بلاصتها بقاو معاها شويا حتى بدات كتغفى و خرجو و خلاوها ترتاح شويا
عند ياسين لي داز عليه هاد شهر بحال 10 سنين الخدمة بزااف و توحشها بزاف واخا كيهضرو في التيليفون و لكن مكافيش 😞 راكب في الطيارة و كيفكر فيها في تفاصيلها في اي حاجة فيها في زبايلها و كيفاش تلاقاو و كيفاش خلاتو هاد الصغيورة يتبدل من اول نهار في عينيه غمض عينيه و هو كيفكر فيها و باغي غير امتى يوصل لعندها و يشم ريحتها
عند زينب فاقت كتقلب ناضت دخلات للحمام غسلات حالتها و هبطات عندهم لقات عندهم النكافة و شي عيالات معاها قرصات لمياء
زينب: اش واقع
لمياء: اجي جابك الله اختاري معايا اش غنلبس
دخلات سلمات و جلسوا كيختارو و يعاودو هادي زوينة هادي لا هادي متجيش معاك هادي لونها خطير المهم دوزو العشية كاملة غير في الاختيارات مشاو الناس من عندهم و بقاو هما جالسين
زينب: بغيت طارطا ديال شكلاط ديال حنان
الباتول: خلي عليك الدرية نافسة نصاوبها ليك انا
زينب: لا 😢 بغيت ديال حنان
لمياء: باراكا من التغبان هانا غنعيط ليها
دوزات المكالمة لحنان
طيط طيط طيط
حنان: الو الفركة علاش مجيتوش شحال و انا نتسنى فيكم
لمياء: على حنا في خير مع هاد صاحبتك
حنان: هههه مالها
لمياء: سخفات لينا
حنان تخلعت: ااا كيفاش و دابا كي بقات
لمياء: شويا الحب متخلعيش هاهي دك و دردك و دابا كتوحم علينا بغات طارطا الشكلاط لي كتصوبي ليها
حنان: مبروك ا الخيبة إلى جات بنت انا مريزيرفياها لولدي من دابا
زينب: هههههه صافي مشات و الله حتى توحشتك
......: و انا متوحشتنيش
كانت عاطيا للباب بضهرها سمعات الصوت هو صوتو ريحتو لاحت التيليفون للمياء و ناضت طايرا في اتجاهو نقزات عليه و دارت رجليها في خصرو و وجهها خشاتو في عنقو و زيرات عليه بايديها و هو حط ايديه ورا ضهرها و الأخرى في شعرها و كيشم في ريحتها بعدها شويا و طبع قبلة في جبينها و قال
ياسين: توحشتك
زينب: حتى انا و بزاااااااااااااااااااااااف
ضحك ياسين و نزلها على الأرض و مشى في اتجاه الصالون سلم على الكل و جلس معانا جا موسيو العلوي كان خارج و راوية كانت في الكلية تجمعوا و كيسولو على أحوال بعضياتهم حتى دخل ايمن هاز في ايدو كرطونة حطها قدامها
ايمن: هاكي وليت خدام شيفور عندك
زينب: اش فيها إلى خدمتي على ختك
ايمن: ها راجلك جا تفششي عليه هو هههه العود فين
قرب حداه و تعانقو
ياسين: هانا توحشتيني
ايمن: شويا و كان هههه
جلس ياسين حدا زينب لقاها كتلتهم في الطارطا بوحدها متسنات حتى واحد و كتاكل بشهية
لمياء: اري ندوق هاد الطارطا
زينب غوبشات و بعداتها عليها: 😠 لاء ديالي بوحدي
ايمن: بعدي منها
ياسين: عطيها تدوق معاك على مالك غتاكلي هادشي كامل راه غيجيك سكر
سوما: ياسين خليها عليك
ياسين: لا ممزيانش يضرها زينب
زينب غير سمعاتو جمعات الدموع في عينيها و طلقاتها بالتغبينة: 😭😭😭😭 مبغيتش مبغيتش ديالي بوحدي نتا خايب لاش جيتي 😭😭😭😭
هزات كرطونتها و طلعات كتبكي و خلات ياسين مصدوم كيشوف كيفاش تقلبات عليه كي الزمان يالاه جالسة عليه توحشتك🤔🤔
سوما: صافي هادشي لي بغيتي
ياسين: مالها
لمياء: كتوحم
ياسين خرجو عينيه و ضار عند ختو باش يتأكد: اش قلتي
الباتول: راها حاملة ا وليدي وسع خاطرك معاها
ياسين مبقى كيسمع والو مورا كلمة حاملة ناض بالزربة طلع لعندها و الفرحة غتخرج ليه من عينيه طالع و كيواعد راسو هاد المرة غيكون حداها و غيحميها من اي حاجة وصل لغرفتو حل الباب لقاها كتاكل و تنخصص و معمرة حالتها شكلاط و دموع دار واحد الابتسامة جانبية و قرب ليها حيد الكرطونة و هزها دخلها للحمام وقفها مقابلة مع المرايا و غسل ليها وجهها و مسحو و قال
ياسين: ملقيا ليا بالبكا
زينب: نتا لي قلقتيني و غوتي عليا 😢
ياسين: اش هاد الباطل امتى غوت
خرجو من الحمام و مشا جلسها و قال
ياسين: توحشتك
زينب: حتى حنا توحشناك
ياسين: نتي و من
زينب: انا و ولدك
ياسين ابتسم و نزل هز ليها تريكو و باس كرشها و تم طالع حتى وصل لشفايفها و دخلو في قبلة😘 كيحيدو الوحش من بعضياتهم بعد عليها شويا و هو مبتسم كيشوف فيها مغمضة عويناتها و منساجمة معاه
ياسين: هي قولي ليا كتوحمي على الحلاوة هاد المرة مكتوحميش عليا
زينب: شكون قالها ليك
ناضت جلسات على رجليه و تخشات فيه و هو ابتاسم و حاوطها بايديه كيلعب بكريشتها و بشعرها و كيوزع قبلاتو في وجهها كامل
ياسين: شحال عندك دابا
زينب: باقا معرفتش مزال ممشيتش عند الطبيبة
ياسين: و كيفاش عرفتي راسك حاملة
زينب: سخفت اليوم
ياسين قاطعها قبل متكمل قابلها معاه و كيقلب فيها و الخوف كيبان في عينيه: سخفتي ما وقع ليك والو كيفاش كتحسي دابا
زينب ضحكتها وصلات فين بغات لأنها حسات بالخوف عليها في عينيه: انا مزيانة دابا
ياسين: اش قاليك الطبيب
زينب: قاليا خاصني نتبع مع الطبيبة و هي غتعطيني فيتامينات و خاصني ناكل مزيان
ياسين قرصها في فخدها: و نتي علاش مكتاكليش
زينب جبدات قنانفها : كنت موحشاك و مكتدوزش ليا الماكلة بلا بيك
ياسين: احححح يخليلي لي كيتوحشني انا 😘 كون تشوفي انا شحال توحشتك شهر هدا و انا صايم 😈
زينب فهماتو و ضورات ايديها على عنقو و دخلو في قبلتهم لي كتديهم لعالمهم الخاص😍😍
أصبحنا وأصبح الملك لله اليوم يوم خاص عند العائلة يوم الحنة ديال لمياء لي و اخيييييرا غادية تجمع مع الرجل لي حبات حياتها كاملة و عمرها عرفات من غيرو
عند زينب فاقت لقات ياسين حاط راسو فوق صدرها و ايديه في كرشها ضحكات و خشات صباعها بين خصلات شعرو كتلعب بيهم حتى بدى كيفيق هز عينو فيها منفوخين بالنعاس باس نيفها
ياسين: صباح الخير الحب
زينب: صباح النور التيتيز ديالي
ياسين هبط لكرشها: ولدي حبيبي صافا
زينب ابتسمت يالاه غتجوبو و هي تدفعو و ناضت كتجري للحمام تستفرغ جا ياسين وراها جمع ليها شعرها اللور و كيدوز ليها على ضهرها و هي سخفات بكترة ما استفرغات عاونها وقفات و غسل ليها وجهها و سنيناتها و غسل حتى هو وجهو و شد حنيكاتها بين ايديك
ياسين: شويا دابا
زينب: وي الحمد لله
ياسين حط ايديه على كرشها: متعدبش ليا ماما هداك الخايب
زينب ابتسمت و عنقاتو و خرجو من الحمام لبسوا حوايجهم و هبطو يفطرو لقاو الدنيا كتبوج كلشي خدام شي داخل شي خارج دخلو للكوزينة يفطرو بحكم تعطلو مفاقوش بكري فطرو و باسها و خرج عند ايمن يشد فيه شويا و هي توجهات لعند لمياء دخلات عليها بلا متدق لقاتها جالسة مقابلة شي تصاور و كتبكي تخلعات و طارت لعندها
زينب: اويلي مالك 😳
لمياء: 😭😭😭😭😭
زينب: يا هضري مالك ياكما تخاصمتي مع ايمن
لمياء: 😭 ف فمك لاحسو جرو 😢 لا
زينب: اوا مالك
لمياء: ممتيقاش و اخييرا غنتزوج بايمن
زينب: اوا سيري بغيت ليك الباسر نهار عرسك هما يجلسو فيك و نتي تقولي ليهم لا خليوني واقفة حسن
لمياء: تفو عليك الله ينجيني هادشي لي بغيتي ليا
زينب: اوا نتي لي خالعاني كنتي غتطيحي ليا البيبي
لمياء: بعدي مني اصلا اش جابك لعندي
ظينب: اياه عطيني انا لي جايا نشوفك و نحلقو على الحالة اليوم زعما الحنة
لمياء: هاااااء 😱😱😱 اليوم الحنة نسيت
زينب: أودي أودي عولنا عليك بكري
بقاو مناكرين حتى دخلات حنان هازة ولدها غير شافوها ناضو طايرين لعندو ملاهين معاه كيشوفو فيه واحد الفنيكيش على من زويناتو
زينب: احححح ا حنان ولدك خدا عويناتك شوفي انا مضومنضيا من دابا إلى ولدت بنت غنزوجها ليه
حنان: هههههه ان شاء الله الله يفك وحايلك على خير
زينب: امين
بقاو جالسين كيهضرو و يضحكو حتى دخلات راوية و كملات العصابة بقاو على الحديت و التجباد في لمياء و شادين فيها
زينب: لمياء فيك شي خلعة
حنان: و ضروري تكون فيها الخلعة راه داكشي كيكون صعيب في الاول
لمياء: فيا الخرى انا باغا غير امتى ننفارد بيه شتي خوك انا لي غنغتاصبو و هانا فين قلتها ليك
زينب: اويلي على بنت المكبوتة تي تبتي راه خاصك تكوني حشمانة
لمياء: وا 22 عام و انا حشمانة غير خليني
زينب: اوا الله يستر
الكل: هههههههههه
حنان: قرصي قرصي معاك ديك البايرة نحيدوها حتى هي من الطريق
لمياء: هي الأولى اجي لهنا نتي
راوية: لا لا شكون قاليك انا باغة نتزوج
لمياء: اوا و سي أسد لمن نخليوه
حنان: جديد عليا هاد البلان ديال أسد
زينب: حتال من بعد و نعاودو ليك
ناضو البنات بداو كيتقادو و يتصاوبو لبسوا قفيطنات خفاف بلا حزام رضعات حنان ولدها و رجعاتو ينعس و عيطات على المربية تبقى معاه و هبطو لقاو الموسيقى و الأغاني الشعبية و العائلة جاو و صحابات ماماها و جلسات لمياء في البلاصة ديال العروسة مهبطة راسها و لابسة قفيطين في الأخضر جلسات و جات حداها النقاشة و بدات كتنقش ليها نقشات ليها و دخل ايمن حشمان جلس حداها و باس راسها بقى معاهم شوية بحكم كاينين غير العيالات و خرج نقشو البنات كاملين و تعشاو من بعد مشاو الناس و بقاو غير هما بيناتهم حنتهم نشفات جمعوها في القطن و الليبات و ناضو يحيحوا على الشعبي يشطحو و يقولو ما شطحنا و لكن مكايسين راه زينب و مريم(مرت علي ) حاملات و حنان يالاه والدة غير دوك جوجات( لمياء و راوية) لي كيدردكو كي العودات بقاو عاطينها للتلواز و سوما و الباتول و حياة دادات مروان و مامات حنان مقابلينهم و يصفقو و يديرو ليهم بايديهم بشويا زعما تكايسو حتى سمعوا صوت الموسيقى تقطعات دارو بالسلو موشن لقاو الدراري مغوبشين
مروان: تبارك الله على النافسة
حنان: انا مدرت والو
ياسين: زينب 😠😠
زينب: و الله حتى كنت كنشطح غير بشويا
علي : يالاه نمشيو نتي باينة ليا باغة تبلزي قبل الوقت
جرها سلمو و مشاو
لمياء: ايمن شتك مقلتي ليا والو
ايمن: لا ا بب نتي غير شطحي معندك ممتقل عليك
الكل: هههههههههه
أصبحنا و أصبح الملك لله
فاق الكل في الدار كلشي معجوق اليوم احسن يوم في حياة لمياء و ايمن يوم غادي يتوج حبهم بالزواج ناضو البنات مشاو يدورو بحالتهم و كذلك العريس و معاه ياسين و مروان و امين لي عاد وصل من مكناس و سوما و الباتول مشاو يشوفو القاعة واش كلشي واجد المهم كلشي عندو شغالو
عند البنات في الصالون
البنات: وا لمياء وا المرضية هاكا يكونو بنات الرجال المحضية
حنان: وا لمياء اليوم غتدوقي الحلوة
لمياء: هاديك انا علاش بغيت نتزوج
زينب: تفو ماسخات و نتي مالك فيك الفارة
لمياء: سكتي نتي حلال عليك و حرام علينا
زينب: انا فين شتيني كندير شي حاجة
لمياء: اييياه و هاداك لي في كرشك منين جبتيه
راوية: متفهميش غلاط كي شتي العلم تطور دوزو ليها بالبلوتوت التوت الأزرق
زينب: حتى نتي تحل ليك الفم ا سليعفانة اوا الله يمسخكم ( شدات كرشها) اجي ا ماما متسمعش لعماتك الماسخات
جاو البنات بداو ليهم ها المساج ها السوان و الظفران و الشعر و المكياج لبسوا و وقفوا قدام المرايات كيتغزلو في راسهم كانت زينب بتكشيطة في الأسود و مخيطة بالذهبي و مشيطة سامبل و مكياج كذلك خفيف و كريمة بتكشيطة في الأزرق سماوي و مكياج هادئ و فولار
راوية بقفطان في البوردو و خلات شعرها مفرود و مكياج باين و حنان بتكشيطة خضراء و مشيطة زوينة و مكياج خفيف بقاو يتغزلو في بعضياتهم حتى نزلات لالة العروسة كانت قمر كيتمشى على الأرض كانت نازلة بتكشيطها بيضاء و السر طايح عليها بانت اية في الجمال نزلات حداهم و بداو يتغزلو فيها شداتها زينب قرات عليها المعوذتين و اية الكرسي و خرجوها بالصلاة و السلام على رسول الله و الزغاريت
عند الدراري لي واقفين شادين في ايمن
ياسين: صافي هانتا تشديتي حتى نتا في قفص الجوجية وجد راسك للحبس
ايمن: دابا ختي حبس
ياسين: ختك الحبس لي غنبقى فيه حياتي كاملة
ايمن: حيد عنيبة من درجة محابسي
مروان: شاداكش شي خلعة
امين: شوف غير رجليه كيقفقفو يعطيوك الخبار
ايمن: قلبو عليا هاد الساعة و هادو مالهم تعطلو
مروان: انا و ياسين تسنينا اكتر منك
ياسين: انا بزااااف و زيد كنت محاملش راسي داك النهار
ايمن:اياه كنتي محامل لا راسك محامل تتزوج شكون قال ياسين ما قبل الزواج يولي هكدا
ياسين: ختك سحرات ليا
الكل: هههههههههه
بقاو شادين في بعضياتهم حتى سمعوا الزغاريت هزو راسهم شافو البنات كلى شاف لي ليه و جرها لعندو مشاو كيضحكو ركبوا في الطوموبيلات و مشاو في اتجاه القاعة وصلو تلقاو ليهم الطبالة و الغياطة في الباب دارو النكافات بلمياء و دخلوها صاوبو ليها الاكسسوارات و خرجوها بالصلاة و السلام و الزغاريت تعالات الموسيقى في القاعة لي كانت عامرة بالعائلة و المعارف و الصحاب و الحباب و الكل فرحان جلس الكل و دخلو العروسة في العمارية و كيغنيو
الف هنية و هنية يا لالة 🎶🎶🎶🎶
العروسة في العمارية وا هيا لالة 🎶🎶🎶🎶🎶 دورو لمياء على القاعة و هي شادة السيلفي و كتصور الحاصول عروسة هبيلة هبطوها جلسوها حدا ايمن لي شد في ايديها و كيقرب لوذنيها يهمس ليها
ايمن: جيتي كتحمقي
لمياء حتى هي قربت لوذنيه: احححح كون تشوف نتا جيتي تيتيز كاع البنات حادينك تشوف هكدا و لا هكدا نقجك حتى يخرجو عينيك
ايمن: ههههه منقدرش الحب اصلا من نهار تزاديتي و انا مكنشوفش من غيرك
لمياء: أحيانا عليك و هادوك المعودات لي كنتي تضل تتصور معاهم في لي كلوب
ايمن: ايي راك متبعة هادوك كانو غير passe temps 😉
لمياء: واخا دابا نوريك passe temps
ايمن: هاهاهاهاهاها
اوا شعلت الموسيقى و كاع البنات ناضو يشطحو زينب حلف عليها ياسين متنوض جلسها حداه و هي قالبة قنوفتها ناضت لمياء بدلات اللبسة الأولى و التانية و التالتة و زينب باقا مركنة حتى جات مامات ياسين نوضاتو بغات تهضر معاه فشي موضوع
غير هو تفاوت من حداها و هي تنوض عطاتها للشطيح مع راوية و امين و كريمة بردت هوايشها و مشات جيهة لمياء و ايمن نوضاتهم يشطحو و تعنق في خوها فرحانة ليه
عند ياسين لي خرج مع ماماه
ياسين: ياك مكاين باس الوليدة
حياة: لا والو باس ا ولدي غير بغيت ناخد رأيك في واحد الموضوع
ياسين: مرحبا الله يسمعنا خبار الخير
حياة ابتسمت: خير خير ان شاء الله غير ا ولدي كي شتي فاش مشينا لعند لوستي لمياء خرجات مع بنت عمتها و خطيبها و خوه و خوه مني شافو لمياء جا هضر مع باها بغى يخطبها اوا انا قلت نتشاور معاك بحكم ساكنة عندك و نتا خوها الكبير
ياسين: و هاد الخطيب كتعرفوه خدام اش كيدير
حياة: اه ا وليدي خدام راه طبيب و راه قالينا راه كيعرفكم
دخلو القاعة و لقى المدام محيحة بالشطيح هي و العريس مشات مو و مشى هو جبدها من وسطهم
ياسين: انا اش قلت لمك
زينب: اويلي منفرحش لخويا اجي اجي حتى نتا فرح لخوتك
جراتو و دخلاتو حداهم هما كيشطحو و هو واقف مبتسم كيصفق دارو صور تذكارية و سيلفيات و البنات مخلاو كي تبوزاو شويا حتى جاو النكافات خرجو لمياء و جاو السربايا داو ياسين و زينب لطبلة العروسة لي كان فيها موسيو العلوي و سوما و الباتول و حياة و راوية جلسوا و جاو ايمن و لمياء جلسوا حتى هما
زينب: شوفو من دابا نتفاهمو انا كنتوحم ماتقولوش ليا طابلة العروسة كولي بالشيكي و الفورشيط و الموس و يبداو يصورو فينا و لا نوض فحالي نمشي نجلس حدا امين يتهلى فيا
لمياء: جلسي الأرض هدا زعما راه خوك
ايمن:وا تي كولي بايديك و رجليك مكاين لي يدوي ليا مع ختي
زينب: يخليك ليا الفنون
ياسين: زعما سبقتي ديك كتوحمي على أساس كون مكنتيش كتوحمي غتحشمي نتي راك تسوطي فيا حتى انا بالوحم و بلا وحم
زينب: كيما شفتيني تخليني 😏
سوما: بعد منها
موسيو العلوي: تفرق ليا على بنتي
حياة: خليها عليك
ياسين: وا هانتي التحالف كلشي معاك كون ترشحتي في الانتخابات تديها اكيد
كلهم بداو زينب زينب زينب هههه و هي وقفات كتشير ليهم بايديها و تقول
زينب : شكرا شكرا اخجلتم تواضعي و ان شاء الله نكون عند حسن الظن ديالكم غنقدي على البطالة و غنصلح الشوارع و.....
ياسين جرها: ريحي الأرض نتي تيقتي راسك
الباتول: انا بعد مع ياسين
زينب: اخخ عليك الباتول طول عمرك خائنة
بقاو شادين في بعضياتهم كيضحكو حتى جابو ليهم العشاء دخلات فيه زينب طول و عرض حتى عمرت الكريشة و رجعات اللور
زينب: الحمد لله شبعت
ياسين: كولي مخليتي والو
زينب: شوف هاكا حل ليا المضمة
ياسين: ضوري ديما مشوهاني
زينب: واراه ولدك تخنق
ضارت حل ليها المضمة خنقاتها حيدات الطالون عاد تنفسات جاو النكافات تاني خرجوا لمياء شحال عاد دخلوها باللبسة الفاسية و موراها الشلحة اوا شطحو و غناو و ضحكو و تفلاو شويا حتى دخلات بالكسوة البيضاء في ايد باباها لي غادي يسلمها لراجلها و مطمئن عليها كل الاطمئنان لأنه ايمن تربيتو عطاها لايمن لي شدها و باس راسها و ايديها و ركب ليها خاتم الزواج و هي كذلك وقفوا قدام البياس مونطي و قطعوها و كلشي كيصور وكلو بعضياتهم و زينب تخشات خدات أكبر طرف خلات ياسين تابعها كيقول
ياسين: وا باراكا غايضرك
زينب: واراه ولدك لي بغاها ماشي انا
ياسين: بقاي تخشي في داك الفم حتى يولي الباب ميدخلكش
زينب: 😏😏😏😏
اما سوما و الباتول و حياة عطاوها للدراما و البكا تقولها غاديا للمزنبيق جر ايمن لمياء ووقف في وسط القاعة لي طفى فيها الضوء و بقى غير ضوء خفيف موجه ليهم شدها من خصرها بايديه بجوج و هي دورات ايديها على عنقو و نساجمو في رقصهم و عينيه في عينيها لا هو مصدق انها الآن بين ايديه و حلالو قدام الله و قدام كلشي و لا هي متيقة انه كيشوف فيها ماشي بنظرة الأخ إنما بنظرة العاشق لي تعدب بزااااف باش وصل لحبييتو بقاو كيشطحو حتى سالات الموسيقى وقفوا مع تصفيقات الكل سلموا و جرها خرجوا و مشاو و سوما مبغاتش تسكت من البكا عنقها ياسين
ياسين: وا صافي راها غير حدانا و زيدون راك مزوجاها ايمن يعني مكاين لاش تبكي
سوما: الله يخليكم ليا
ياسين: امين
و خرجو شدو الطريق كل واحد لدارو
عند عرساننا لي وصلو للدار ديال الغابة عيانين دخلو كانت الدار مزوقة و مقادة و مع الضوء ديال النهار بدى كيطلع منظر رومانسي جدا هزها ايمن و طلعها لغرفتهم حطها دخلات للحمام و هو مشا تخبط مع الناموسية مهدود
و هي بقات شحال مضاربة مع الكسوة حتى حيداتها فكات شعرها عمرات البانيو و دارت فيه باندوش بالفاني و تخشات فيه بقات مدة ناضت تحت الرشاشة خدات دوش خدات الفوطة نشفات راسها و نشفات شعرها دهنات لحمها و لبسات شوميز دونوي ببينوارو كانت معلقاه ديجا في الحمام و خرجات لعندو شافتو و هي تحل فمها السيد مكرشخ بحوايجو مجايب للدنيا خبار مشات طارت عليه جلسات فوق ضهرو
لمياء: ا نوض و الله لا كانت ليك نووووووووض
ايمن: حبيبة خليني عيان
لمياء: اويلي نوض تكعد واش تسنيت 22 عام و مني قلت فرجت تجي تنعس نوض ابارد القلب نوض ا ..
باقي مكملتهاش كانت تحت منو
ايمن: اشنو بارد
لمياء: لا لا انا لي باردة
ايمن: لا لا مبايناش غير طرطيتك تعطيك العربون
لمياء : هههههههه
ايمن: زعما العرايسات كيكونو خايفات و حشمانات في هاد اللحظة
لمياء: و نتا باش عرفتيها
ايمن: تقافة عامة الزين
لمياء: انا غير
ايمن سرح عينيه شافها اش لابسة و ريحتها لي تغلغلات ليه في نيوفو نزل باسها في عنقها: 5 دقايق الزين و هانا معاك
لمياء: هه غير سير صبرت هاد الوقت كامل نزيد نصبر 5 دقايق مافيها باس
دخل كيضحك عليها للدوش دوش توكض لوا فوطة على خصرو و فعلا مكملش 5 دقايق خرج لقاها مقابلة مع المرايا كتدير في الليبستيك دور ايديه على خصرها معنقها من اللور و قال
ايمن: هداك لاش غادي يتمسح دابا
دارت عندو دورات ايديها على عنقو و قالت
لمياء: اصلا داكشي لاش درتو باش تمس......اممم
مخلاهاش تكمل تلاح على شفايفها بقبلة تحمل جميع المشاعر لي كنهم ليها من نهار تزادت من نهار لي بدى يبغيها و هي باقا برهوشة من نهار لي تحمل مسؤوليتها و بقى معاها خطوة بخطوة و ممخلي حتى واحد يقرب ليها حبو ليها أكبر من الوصف رغم انها كانت أمنية صعب تحقيقها و هي لا تقل عنه حلات عينيها فيه مكتعرف حد من غيرو هو و ياسين كان فيه كلشي خوها صديقها صاحبها حاميها حتال نهار تسلل الحب لقلبها و ولى حبيبها صعب المنال و لكن القدر قال كلمتو و هاهما دابا بين ايدين بعضياتهم هزها شويا حتى دورات رجليها على خصرو بقى غادي بيها في اتجاه السرير حطها و جا فوقها و رجع لقبلتو من جديد لي وصلاتهم لحوايج أخرى و دخلاتهم لعالم خاص بيهم عندو طعم خاص 😍😍😍😍
أصبحنا وأصبح الملك لله
عند زينب فاقت كتفيق في ياسين بزز
زينب: ياسين ياسين ياسين نوض و نوض اهئ اهئ نوض
ياسين فاق قافز : مالك اش واقع كتضرك شي حاجة علاش كتبكي
بقات كتلعب بوجهها و ايديها عرفها مالها رجع تكا في بلاصتو على ضهرو و حل ليها ايديه طلعات فوق منو و تخشات في عنقو هدا هو وحمها كتبغي تشم غير ريحتو كاع روايحها غبراتهم بقات تمخشش فيه و تعاود و تلعب ليه في عنقو
ياسين بورشاتو: رصاي لمك راه غنصدقو فشي طاب و شي تحرق
زينب قربات لوذنيه و همسات: اصلا انا داكشي علاش كنقلب
ياسين شقلبها: اياه طلبتي غير الموجود
نخليوهم و نمشيو عند عرساننا نشوفو واش فاقو
كان ايمن حال عويناتو و كيلعب ليها في شعرها و يهر ليها في عنقها و يبوسها في عينيها حتى حلات عويناتها
ايمن: صباح الحب
لمياء: صباح التيتيز
ايمن قرب و باسها في شفايفها : احح عليك نتي كنحماق على طاسيلتك
ايمن: ههههههه اجي اجي حمقة كنتسنى تحشمي و تهبطي راسك ساعة معامن انا
لمياء: وراه شحال هدا قلت ليك لا حياء في الدين
دخلو للدوش و سدو وراهم الباب
عند زينب لي خارجة من الدوش لبسات حوايجها و ياسين كذلك هبطو لقاو الكل مجموعين كيفطرو في الجردة جلسو حتى هما يفطرو سالاو و هضرو مع عرسان الغفلة لقاوهم شادين الطريق للمطار قالو ليهم الله يوصلكم على خير و قطعو معاهم ناض ياسين عيط لراوية باش يهضر معاها على انفراد ناضت مشاو بعدو عليهم و جلسو كيهضرو
عند حنان لي جات مسهوطة من العرس و ولدها كان كأنو كيتسناها غير حس بيها جات و هو يحميها للغوات
حلات عينيها غير بزز حيت سمعاتو تاني كيبكي لقات مروان باقي ناعس دفعاتو
حنان: مروان نوض شوف ولدك راه كيبكي
مروان مدوخ بالنعاس:حبيبة خليني ناعس
حنان: وا نوض راني مني جيت من العرس و انا فايقة
ناض بتتاقل هزو كيبكي جابو حطو وسطهم دار ليه السكاتة غير شم ريحة ماماه سكت حلو عينيهم بجوج مبتاسمين
حنان: ههه شتي الخانز عزيز عليه التمخشيش بحال باه
مروان: مال باه كي جات
حنان: باه راه الكبدة
مروان:نتي راه الدوارة كاملة
حنان: اخخخ بينا و بين الرومانسية غير الخير و الإحسان
مروان: خلي الرومانسية لماليها حنا خلينا في التطبيقي 😈
حنان: ماسخ شحال الساعة
مروان:و شكون عرف علاش
حنان: بغيت نمشي نشوف امين قبل ما يمشي لمكناس
مروان: امممم اوكي اه حاكا راه عيطات ليا ياسمين(اختو) غتجي السيمانة الجاية ان شاء الله
حنان: بالصح 😍 مزيان الله يجيبها على خير (تمات نايضة) رد ليه البال ندوش و نجي
ياسين: الزين ديالي صافا
راوية: نحمدو الله ا خويا الزين
ياسين: كي غادية مع القرايا
راوية: بخير 😏 ولكن جيني من الاخر اش تما
ياسين: ياك احسن حاجة من الاخر جاو فيك الخطاب واش باغية تتزوجي
راوية بحال إلى صرفقها بقات غير حالة فمها كيفاش و علاش و شكون مقدراتش تهضر
ياسين: إيهو فين مشيتي
راوية: ا ا كيفاش شكون
ياسين: كتعرفيه
راوية: 😳😳😳اويلي لهلا يطيح علينا شي باطل انا مكنعرف حد
ياسين: هههههه و إلى قلت ليك أسد
راوية: كح كح كح كح
وحلات ليها ولات تكحب و تعاود ياسين كيضرب في ضهرها مطلع حاجب و مهبط لآخر
ياسين: اوا اش تما
راوية: لا لا مكاين والو والله اخويا
ياسين: اوا اش بان ليك هو في الصراحة باينة عليه ولد الناس و طبيب يعني قاد براسو واخا نتي باقا صغيرة و انا مباغيش نعطي ختي دابا مي السيد جا من الباب اش قلتي
راوية: و الله معرفت آ خويا عمرني فكرت في هاد الموضوع
ياسين: بشويا عليك خودي وقتك و فكري على خاطرك عاد جاوبينا
راوية: اوكي
عنقها و تمو غاديين وصلو حداهم و هي جرات زينب و دخلو سدو عليهم البيت
زينب: مالو اش قاليك
راوية : جاو فيا الخطاب
زينب: اويلي و اسد
راوية: و راه اسد
زينب: كيفاش هو لي خطبك
راوية: اه
زينب: و نتي اش قلتي اكيد وافقتي 😍
راوية: مقلت والو خفت عمرني فكرت في الزواج
زينب: هههههههههههههههه
راوية: مالك تفرنسي ياك لاباس
زينب: حتى انا كنت مضربة على الزواج دايرة عزوف و لكن جا خوك و بدلني
راوية: هي اشنو نزعم
زينب: اوا زعم تأكل الحلوة
راوية: الله يمسخك
زينب: فهمتيها ادا صافي غير سيري تزوجي
راوية: و لكن حتى نخرجها منو نوريه ميجيش يطلبها مني انا الأولى 😈😈😈
عند عرساننا لي وصلو للمالديف خداو الشومبر ديالهم و دخلو يرتاحو من بعد خرجو للبحر لقاو يخت تما كيركبو فيه الناس يضورهم الجزيرة ركبو فيه و كان معاهم كوبل اخر كاوريين ايمن غير طلع حيد تريكوه و ياريتو محيدوش عضلاتو تقوليهم مرسومين لمياء حلات فمها و بقات تتأمل فيه ضارت بانت ليها الكاوية حتى هي حالة فمها فيه و مخلية راجلها صافي القرودة بداو كيشطحو في راسها غير حسات باليخت وقف و هي تمشي دفعاتو مع كان واقف في الحاشية زلق و لكن ماشي بوحدو جرها معاه جاو طايحين وسط الماء نيشان خرجها و خرج شادها معنقها
ايمن: ااااححح غرتي و دابا اشنو العقاب ديال هادشي لي درتي
لمياء: لي بغيتي المهم الكاورية العقروشة متشوفش فيك
ايمن ضحك و قرب ليها و دخلو في قبلة وسط الماء 😘😘
دازت سيمانة على الكل لي استأنف عملو و لي استأنف دراستو و لي باقي في شهر العسل و لي باقي عيان من العرس و لي رجع لدارو و لي كيبات سهران مع ولدو ههه
عند راوية لي باقا مشافتش أسد من نهار شافتو في القهوة و باقا كتفكر حايرة و معارفاش متنكرش أن أسد عاجبها و بزاف و لكن هي باغية تكمل قرايتها و باغا تولي طبيبة و باغية قصة حب قالتلك مديزاش مشات للكلية لابسة و مأنتكة مع الدخلة شافتو واقف مع شي وحدة القرودة ولاو كيلعبو فوق راسها و سخونية طلعات معاها زيرات على ايديها و دازت من حداهم خنزرات فيه و زادت
دخلات الحصة كاملة و هي مخنزرة و كتضرب اخماس في اسداس و هو يضرب دورة و يجي حداها و تقلب وجهها حتى سالاو و خرجات بلا ما تشوف فيه غادية في الكولوار حتى كتسمع شي واحد كيتبسل عليها
........: اييه الزين منشوفوكش
يالاه دارت باش تعاير شافتو و هي تغوت و تلاحت عليه شداتو من عنقو و هبطاتو قدامو
راوية: ااااااااا العشرة امتا جيتي
كمال كيضرب في ايديها: ا طلقيني بعدا و نقوليك امتى جيت ( طلقاتو) اااه يا ربي السلامة باقا نتي هي نتي
راوية: تدريبك
كمال هو المدرب ديال راوية و في نفس الوقت صديقها و هو ساكن في طنجة و كان عندو شي شغل في كازا و جا عندها باش يفاجئها
وقفو كيهضرو و يضحكو مع بعضياتهم حتى خرج الزين البلاد ديالنا غير شافتو قرمات لكمال على ايديه و هو غير كيشوف فيها
كمال: امالك
راوية: والو والو زيد هاهو جاي
كمال: شكون هدا واش كيتبسل عليك
راوية: ولا اصاحبي لبروف لي قلت ليك
كمال: اممممم الخطيب و انا مالي باغاني ناكل شي دقة مالك قارمة عليا هاكدا
راوية: أودي دقة مدات مجابت 😂😂😂😂
أسد غير شافها شادة في ايديه ولى أسد ديال بصح باغي امتى يوصل للفريسة و ينقض عليها و فعلا غير وصل عطا لكمال واحد الكروشي و جرها هي من ايديها عينيه حمرين و معصب و كيمشي بالزربة وصلها للطوموبيل لاحها و سد الباب دخل دار ليها السمطة و كسيرا خلا غير العجاج وراه بعد مدة وصل للغابة وقف معصب نزل و حل عليها الباب هابطة مبردة
أسد: فسري اش شفت
راوية: اش شفتي
أسد: كيفاش اش شفت شكون هداك المونيكا لي كنتي واقفة معاه و شادة في ايديه و كتضحكي 😠😠😠😠
راوية: كنضن ماشي سوقك باشمن حق كتسولني
أسد: كيفاش باشمن حق واش باغيا تجهليني 😡😡😡 كنضن داركم قالو ليك راني تقدمت ليك و شحال و انا كنتسنى الجواب و مبان والو صبرت و صبري تقادا
راوية: وانا مالي من هادشي كامل بعد مني مبغيتش نتزوج
أسد دورها بجهد: واش كتفلاي علاش واش كاين شي واحد في حياتك
وقف و شدها رجع ليها ايديها بجوج اللور و شدهم بايد وحدة و كلاها مع الطوموبيل و هز وجهها بايديه الأخرى: لا ا حبيبتي هادي دقة الغيرة
راوية: بعد مني انا ماحبيبتكش
بقات كتنتر منو و تعاود و هو سارح في تفاصيلها و وجهها و شفايفها شويا وقفات و علات راسها فيه و بقاو غير عينيهم لي كيهضرو حتى دخلو في قبلة طويلة💋💋💋 قطعها أسد و قال
اسد:و دابا موافقة على خطبتنا
راوية: لا مبغيتش ......
قبل متكملها تلاح عليها تاني مطلقها حتى خلاها تنهج
أسد: و دابا
راوية: لا......امممم
عوتاني عاود الكرة ههههههه حتى وافقات و تافقو السيمانة الجاية يجيب عائلتو و يطلبها رسمي
دازت سيمانة روتينية ايمن و لمياء باقين في شهر العسل و زينب الوحم دار ليها حالة ولات غير فاشلة و ترجع و تشهى و ياسين يجيب و في الاخر متاكلوش هههه شيباتو راوية مشات لطنجة باش توجد مع ماماها للخطبة و حنان جات لوستها و سافروا بجوج
عند زينب جالسة في البيرو حتى دخل عندها ياسين
ياسين: الحب اش كتديري
زينب: والو غير طلعت هنا مقدرتش نشم ريحة الطياب
ياسين: اممم (حط ايدو على كريشتها ) شوف هداك المشاغب تكايس ليا على بوكاهونتاستي
زينب: هههه ياسين
ياسين: احححح هاد ياسين مكتطلع غير فشي زبلة و لا تشهيتي ليا شي حاجة غابرة
زينب: اه عرفتي فين بغيت نمشي
ياسين : فين
زينب: دارنا
ياسين: اشمن دار
زينب : لي كنا ساكنين فيها اول متزوجنا بغيت نبقاو بجوج
ياسين: احححح هي غانسهرو
زينب: و لا الماسخ ماشي داكشي لي في عقلك
بدى كيقرب ليها
ياسين: اشنو في عقلي 😉 اممم
زينب دفعاتو : اويلي يهديك الله دابا يدخل عمي صافي بقى غير هو محصلناش
ياسين: أو اش فيها ا حبيبتي هاهو حصلنا
زينب: ههه باسل دابا اشنو غنمشيو
ياسين: ندي حبيبتي فينما بغات و لكن جمعي حوايجك باش غدا ان شاء الله نشدو الطريق من تما لطنجة
زينب:اه حكا نسيت مسولتكش تلاقيتي مع الطبيب
ياسين: وي شفتو جا عندي للشركة
زينب: كيجاك
ياسين: ولد الناس ضريف السيد قاري خدام و ساكن هنا بوحدو عائلتو في مراكش
زينب: اه مزيان شحال عندو من عام
ياسين: شكون بقى عاقل
زينب: وااع علامن معولة متدي خبار متجيب الأخرى
ياسين: انا داكشي مشغليش المهم غير يتهلى ليا في ختي واخا باقا صغيورة
زينب: ا متخافش راه باقا مجرجراه حتى نولد
ياسين: يااك و علاش
زينب:باش ندردك في العرس
ياسين: بغيتي نقزب لمك الرجلين اصلا غير تولدي غندير لمك كرش أخرى
زينب:سير بعد مني كرش أخرى هزها نتا
ياسين هزها: نهزك نتي وياها
داها للبيت حطها جمعات حوايجها و حوايجو و هبطو سلمو على دار و شدو طريق دازو تقداو حيت مكاين والو في الدار و مخلات مهزات اي حاجة شافتها تشهاتها سيزاتو ههههه و مشاو دخلات للدار و بقات تدور في عينيها جاها الحنين و تفكرات اول نهار جات ليها فاش دخلات عليه لبيتو و مع ذلك خرجات عينيها دخلو للكوزينة و بالضبط فين تحل شعرها نهار الأول قدامو جا وراها و حل شعرها و دخل صباعو فيه و قال
ياسين: هنا و في هاد البلاصة بالضبط و بسباب هدا(شعرها) طحت فيك و من تما و انا غادي و كنغرق في هواك
زينب دارت عندو مبتسمة : اخخ منقدرش انا على هاد الرومانسية كاملة
عنقاتو و هو هزها حطها فوق واحد الطبلة تما
زينب:الصراحة معرفتش امتى و لا كيفاش بغيتك و لكن نهار مشيتي 15 يوم و خليتيني حسيت بفراغ كبيير و مقدرتش نصارح بيه حتى نفسي دايما كنت كنقاوم فكرة نكون كنبغيك و ديما كنت كنحاول نخرجك من بالي و فاش رجعتي و تبدلات معاملتك فجأة واخا كنت متفاجأة و بزااف و لكن كنت طايرة بالفرحة و نهار حسيت براسي ممكن نخسرك صافي ديك الساعة كنت غادي نصارحك انا الأولى و نقولها بأعلى صوت
ياسين: حتى دابا قوليها
زينب: ياسين
ياسين: نعام
زينب: ياسيييين
ياسين: اممم
زينب:وااا ياااااااااسيييين
ياسين: اش بغيتي
زينب بأعلى صوت: كنبغيييييييييييييك
ياسين ابتسامة رضى على وجهو : هههه انا اكتر ا بوكاهونتاست ياسين نتي هي العقل ديال ياسين
قرب ليها اكتر و خداها في حضنو حتى كان غادي يهرس ضلوعها
بدلو عليهم و طيب ليها شي حاجة خلاها الفوق باش متشمش ريحة الطياب كلاو و دوزو العشية كاملة مع بعض كيضحكو و يتناكرو و يهضرو مع ولدهم تفرجو في فيلم و نعسو في حضن بعض لأنه الغد تابعاهم الطريق لطنجة من أجل الخطبة 😴😴😴😴😴😴
عند لمياء لي باقا كتدوز في شهر العسل دازو من المالديف للهند كيدورو و يعاودو مرة مناكرين مرة محابين حافظين بعضياتهم اش كيبغيو اش كيكرهو كيدورو حتى يعياو و يرجعو يشوفو في بعضياتهم بحال إلى ممتيقينش راهم مع بعضياتهم
فاقت الزين الصافي ديال لمياء دخلات للدوش و خرجات لبسات حوايجها و غادية مسلتة كتهضر مع راسها
لمياء:هانا غنوريك ا سي ايمن متخلينيش نمشي نشوف الشاروخان و شاهيد كابور هههه
طلقات ضحكة شريرة و هزات فلوس و خرجات كتسلت غير خرجات بشي 30 دقيقة فاق هو كيدور في عويناتو مستوعب راها مكايناش حتى داز شحال ناض مفزوع كيقلب عليها يدخل للدوش يخرج بسيجور والو لبس حوايجو هبط لتحت مشا عند المسؤولين على كاميرات المراقبة دخل شاف لقاها خرجات جايا لشي ساعة و تقابلت مع الكاميرا و كتدير حركات فهمهم " هانا خرجت بقى نتا ناعس😜 "
ساط خنزر ضرب رجلو مع الأرض و تم خارج كيقول
ايمن: عمرك غتديري عقلك ا لمياء
هز الطوموبيل و غادي في الطرقان يشوف من هنا و من لهيه
أما هي غادية كتدور ركبات في وسيلة النقل المعروفة في الهند(معرفتش سميتها) و مشات حطوها فشي دروبة هبطات و بقات تابعة شي بنات بانو ليها هازين الورد و الحالة تبعاتهم حتى دخلو لواحد الضرب كلو مزوق حلات فمها في الألوان و الورد لي كان تما بقات غير كتدور في عينيها و هزات تيليفونها كتصور قرب حداها واحد الولد صغير
الولد : ناماستي
لمياء حلات فمها مكتفهم حتى كلمة بالهندية قلباتها انجليزية: هاي
الحوار بالإنجليزية
الولد: السلام اشنو كتديري هنا ياكما من عائلة العريس
لمياء: لا لا انا غير سياحة هنا
الولد: اه إذن غتشرفينا في عرس ختي
ذخلها سلمات على ماماه و جلسات مع البنات كتشوفهم كيغنيو بقات غير كتصفق و حالة فمها حتى دخلو لعريس و العروسة و كل واحد مشى لجيهة و بداو في الغنى هو يغني و هي ترد عليه
لمياء حسات براسها في كوتشي كوتشي هوطا هي شويا و غيدخل الشاروخان يشطح و كاجول تشير ليه بزيفها هزات تيليفونها صورات و شطحات معاهم نسات راسها و نسات واحد غادي يتسطى بالتقلاب عليها شويا هزات تيليفونها لقاتو غادي يتفركع بالتعياط قفزات خرجات و جا عندها عوتاني نفس الولد الصغير عيط على خوه و مشاو وصلوها قالت ليهم سمية الاوطيل و وصلوها و في الطريق عيطات على ايمن لقاتو غادي يجهل قالت ليه راه في الطريق وقفو قد قد قدام الباب ديال الاوطيل شكراتهم على العشية و هبطات مشات لعند ايمن لقات العفاريت كيلعبو فوق راسو قربات لعندو هز ايدو حتى هزها كتصحابو غيدربها درقات وجهها بايديها حتى سمعات بووت
هزات عينيها لقاتو ضرب الطوموبيل و وجهو احمر و عينيه الشرار كيخرج منهم ضرب فيها و طلع باش ميديرش شي حاجة يندم عليها تبعاتو لأنها عرفات راسها اش دايرة و عارفاه محكم في راسو غير بزز دخلاتو لقاتو لايح التريكو في جيه و خارج للبالكون كيضرب فيه البرد جات وراه و عنقاتو
ايمن: لمياء قلبي عليا غنصدق داير شي حاجة مهياش
لمياء: سمح ليا نسيت راسي
ايمن صاعر: واش كتحماقي عليا و لا كيفاش واش عرفتي شحال قلبت عليك ملي حليت عيني و انا كندور في الشوارع كاع الكواريت طاحوا في بالي و نتي اشنو ولا على بالك يعلم الله فين كنتي و في بلاد غريبة ماشي حتى بلادنا نقدر نطمئن 😡😡😡😡
لمياء بدأت كتدمع: 😭😭 والله حتى كنت ناوية اهئ اهئ 😭😭 غير نوصل للمدينة و نعيط عليك 😭😭 ولكن هداك لي ركبت معاه داني فين كانو مصورين موتجسي شادي كاريكهو و حطني 😭😭 و عاد لقيت العرس ديال ولد عم الشاروخان و بنت خالة كاجول و جلست نتفرج هانتا شوف 😭😭😭 (وراتو التيليفون ) إلى ممتيقتنيش😭😭
بقات كتنخصص عليه و هو واخا مفهم حتى كلمة و لكن هضرتها و تنخصيصها و الفيديو لي كان في التيليفون جابو ليه الضحكة دار ضربها لراسها و شدها من وذنيها
ايمن: باقا تعاودي بحال هاد الفعايل نعلقك
لمياء تلاحت عليه: لا لا منعودش و يالاه ديني ناكل
ايمن: بقاي بالجوع لمك
لمياء دلات قنوفتها و يالاه غتكسيري تلاح باسها و قالها
ايمن: صافي هنينا زيدي قبل ما نرتكب فيك شي جريمة
خرجوا شادين في ايدين بعضياتهم و كيضحكو باز لايمن معاها
أما في طنجة عند راوية و حياة
دارو كاع السوق و لي تعجب حياة متعجبش راوية و لي تعجب راوية متعجبش حياة مكيتافقو حتى كيشحفو خداو اش غادي يخصهم للخطبة و شي حوايج لراوية
راوية: ماما باراكة راه جايين غير يهضرو
حياة: سكتي لمك و زيدي قدامي
راوية: و ماما راه عييت
حياة : سيري شربي ليك شويا الماء و ارتاحي انا غنشوف غير شي نابات للطبلة و نمشيو
مشات حياة كتشوف شي نابات ديال الطبلة سولات مول المحل بشحال هادو جاوبها هزات راسها لانو الصوت مغريبش عليها مع الهزة مع تكوانسات و عينيها خرجوا و عينيها غرغرو 😢😢
مشات بخطوات تقيلة نحو مصدر الصوت و عينيها دايزين بالدموع فتحات ايديها و خداتها في حضنها كانت صاحبتها لي ضلماتها الحياة و بعداتها على عائلتها و على ولادها و على صحابها و لكن ربي كبير بغا يرجعها تاني لحضنهم بقاو في حضن بعضياتهم كيبكيو متفارقو حتى فيقهم صوت راوية وراهم
راوية: ماما مالكي
حياة بعدات شويا: والو ا بنتي
خديجة: بنتك تبارك الله
راوية: السلام ا خالتي ( بينها و بين ماماها) شكون هادي ا ماما
حياة: صاحبتي عشرة عمري
بقاو كيهضرو شويا و حياة اصرات على خديجة تمشي معاها و تحضر لخطبة بنتها و حتى خديجة كانت موحشة صاحبتها و متشوقة تعرف أخبار ولدها
خديجة: ختي حياة واش تحولتو لهنا و لا كيفاش
حياة: لا راه طلقت من راجلي الأول
خديجة : هاء كيفااش
حياة: مكاتيب
خديجة مترددة: و ا ايمن
حياة: ايمن بقا معاه و غنعاود ليك كلشي عليه راه كبر تبارك الله و تزوج
خديجة لمعو عينيها بالدموع و كتحصر انها مكانتش مع ولدها في أهم نهار في حياتو و بنتها لي معمرها كانت معاها فحتى مرحلة في حياتها و معارفاها فين كاينة مشاو دخلو لدار حياة كانت الضلمة بدات كتطيح شعلات الضوء راوية حيت مكاينش باباها اول حاجة تارت انتباه خديجة هي الحيط لي عامر بتصاور ايمن و ياسين قربات ليه و عرفات ايمن من ملامحو لي قريبة ليها بقات كتدوز ايديها على التصويرة و عينيها دايزين بالدموع
حياة: اه واعدتك نزوجو لبنتك و وفيت و لا نقولو القدر لي فرقناها جمعهم
خديجة نزلات عليها هاد الكلام بحال الصاعقة في الاول كانت كتصحاب صاحبتها كتفلى و لكن مني حققات في ملامحها عرفاتها كتهضر بصح طاحت على طولتها هزاتها بمساعدة راوية جلسوها في السداري و عطاوها الماء
بقات تبكي في صمت معارفة متقول
راوية: ماما شكون هاد المرأة و مالها
حياة: هادي مامات زينب و ايمن
راوية: 😳😳 كيفاش
حياة:كيفما سمعتي
جلسات حداها و بقات كتطبطب عليها كتواسيها
خديجة:😭😭😭 كيفاش
حياة: قصة طويلة حتال من بعد و نهضرو دخلي دابا ترتاحي
خديجة: غير قولي ليا كيفاش لقيتوها
حياة: ملقيناهاش القدر لي جمعهم بنتك كانت مكتابة لولدي من نهار شنقات عليه في المشفى
خديجة ابتسمت رغم الحزن لي في الداخل ديالها دخلاتها حياة ترتاح في البيت جلسات خديجة و عقلها غير في لقائها مع بنتها كي غيكون واش غتعذرها حيت تخلات عليها؟! واش غتسامحها حيت عطاتها؟! واش ممكن يجي شي نهار و تجمع وليداتها بجوج في حضنها و تجلس معاهم؟! و واش تستحق تكون ام ؟! بقات تخمم حتى عيات و غفات
أما راوية و ماماها جمعوا داكشي لي شراو جا بابات راوية تعشاو و عودوا ليه على مامات زينب و مشاو ينعسو
عند راوية لي يلاه حطات راسها على المخدة مع هاد النهار الطويل و هي تسمع
سر سر سر
راوية: اشكاين مالك مصدعنا
أسد: متأكدة انك أنتى
راوية: هادشي لي كاين سير قلب ليك على شي أنتى و فكني انا
اسد: منقدرش الحب هو لي بغاك
راوية: شكون هو هاداك الماسخ راني عارفاك
أسد: قصدت قلبي و لكن عجبني تفكيرك
راوية: تفو عليك قطع ولا غدا غنقوليهم مبغيتوش
أسد: مبغيتوش على دخول الحمام بحال خروجه
راوية: وا أسد والله حتى عيانة اليوم السوق كامل ضرتو
اسد: احح سميتي كي كتخرج من فمك اش شريتي شي شوميزات دونوي
راوية: تفو عليك الماسخ
قطعات عليه خلاتو كيضحك دارت التيليفون سيلونس و نعسات
عند زينب فاقو و شدو الطريق لطنجة وقفات ياسين شحال من مرة باش تستفرغ احساسها مخرق و معارفة مالها واش مقلقة واش فرحانة فسراتو غير وحم غمضات عينيها و استسلمت للنوم حتى فيقها ياسين بقبلة في حنكها
ياسين: النعاسة هادي هي غتونسيني في الطريق
زينب شدات لحيتو: و الله ا حبيبي مقديتش
ياسين: ماشي مشكل يالاه نطلعو
طلعوا دقوا و هي تحل ليهم خديجة 😳😳
بقاو واقفين شحال كيشوفو في بعضياتهم خديجة عينيها غرغرو حيت عرفاتها فاش شافت ياسين محساتش بدموعها حتى بداو يطيحو بحال الشتاء
ياسين: مالك ا لالة ياكما مريضة
خديجة مهضراتش بقات غير كتشوف في زينب و تبكي حتى جات حياة من ورا الباب
حياة: اهلا جيتوا على سلامتكم
ياسين باس ليها راسها و عنقها: الله يسلمك
حياة: بنتي الغزالة كيدايرة
زينب عنقاتها: الحمد لله نتي لاباس
حياة:الحمد لله دخلو
دخلاتهم و جرات خديجة جلسات قدامهم باقا ممتيقايش أن هادي بنتها لي خلاتها لحمة كبرات و جالسة قدامها و معرفتهاش
زينب: خالتو فين راوية
حياة: راه مشات لعند الكوافورة
زينب: اه اوا خليها تفرح براسها
حياة: داكشي نتي شويا كي درتي باقى كتستفرغي
زينب: اه ولد ولدك دار ليا حالة
حياة: ههههه الله يفكك على خير
ياسين: ماما معرفتيناش
حياة: بنتي زينب هادي صاحبتي خديجة م...
قبل متكمل كانت زيرات على يد ياسين غير سمعات السمية قلبها بدا يضرب عرفات اشنو غتقول كانت حاسة مني و هي جايا في الطريق غرغرو عينيها و وقفات بلا كلمة بلا جوج دخلات للبيت و عطات العنان لدموعها 😭😭😭😭
دخل عليها ياسين لقاها هكداك خداها في حضنو و خلاها على راحتها بكات حتى شبعات و هزات عينيها فيه بحال إلى كتسولو اش غندير فهمها و قال
ياسين: واش كتلوميها
زينب: لا منقدرش انا معارفاش ضروفها 😭😭 و من اش دازت 😢
ياسين مسح ليها دموعها: ادا غادي تخرجي و تجلسي و تفهمي منها كلشي و انا معاك
زينب عنقاتو : واخا يالاه نخرجو
خرجو و جلسوا قدام خديجة بالضبط و هي عرفات انها كتسأل على الضروف لي خلاتها تتخلى عليها
خديجة: معرفتش واش عندي الحق نقوليك بنتي و لا لا المهم غتكون حياة عودات ليكم كيفاش تلاقيت مع الأب ديالك
زينب: هاداك ماشي الأب ديالي
خديجة: من حقك حيت لي دوزو عليك و على خوك ماشي ساهل اكيد نتي كتسألي كيفاش قدرت نخلي ولادي و نمشي بلا منشوف ورايا و لكن قلة الشيء و التكرفيس و زيد الراجل لي كنت مزوجة كان منوض فيا الرعب قبل منولدك بشي شهورة هربت من عندو لانو كان فينما يدور يهددني بقتلك و نتي مزال في كرشي هربت و تلاقيت شي ناس خدموني عندهم في دارهم واخا بكرشي جلست معاهم خدامة بعرق كتافي واكلة شاربة و حامدة الله جمعت شي فليسات و قلت غير تزادي نخرج نكري و نمشي نجيب خوك و نجمعكم تحت جناحي و لكن القدر كان قايل كلمتو نهار جاني الوجع داوني دوك الناس للمشفى و خلصوه عليا و لكن المفاجأة هي فاش جات عندي الممرضة و قالت ليا راه الناس لي جابوك قالو ليك نسايهم و مترجعيش عندهم معرفت مندير عيطت لحياة و جات و عودت ليها كلشي و كنت باغا غير نحطكم في ايدي امينة حتى نعرف هادوك الناس مالهم و لا نلقى خدمة و دار و نجيبكم عندي و لكن تجري الرياح بما لا تشتهي السفن خرجات حياة داك النهار و مرجعاتش تعطلت و انا تخلعت من هداك الوحش نضت بالجهد لي فيا هزيتك هكداك بمانطتك و خرجت و دايزة من حدا واحد الغرفة سمعت نقاش بين مرأة و راجلها مات ليهم ولدهم و المرأة مؤلمة حيت عمرها غتولد بقيت مترددة حتى بان ليا داك الوحش داخل من الباب دخلت عليهم حطيتك ليهم و خرجت بلا منشوف لا هكدا لا هكدا هربت مشيت عند الناس لي كنت عندهم قالو ليا راه جا راجلك حيح و غوت و جمع عليهم الجيران داكشي علاش مغيقدروش يخليوني معاهم عطاوني حوايج و شي باراكا و خرجت و انا باقا نفيسة معارفة فين نصد و لا نعطي الراس مشيت للمحطة و ركبت الكار بلا منعرف فين غادي بقا غادي حتى وصل لتطوان بان ليا طاكسي ركبت فيه ماشي حيت عارفة فين غادي لا غير بغيت نبقى شادة الطريق حتى يطلع النهار و فعلا بقا غادي بينا حتا وصل للفنيدق بدى الضوء ديال الفجر كيبان و كنشوف عيالات و رجال غاديين جيهة شي بلاصة عامرة سولت قالو ليا راه كيمشيو لباب سبتة ياخدوا السلعة و يجيو يبيعوها في السوق قلت ندير فحالهم و داكشي لي كان مرمدوني شفروني جراو عليا نعست في الزنقة في السوق في الجردة حتى تلاقيت مع واحد السيد الله يجازيه بالخير هو لي كيدخل لسبتة و يجيب السلعة بدأ يجيب ليا في الاول سلعة قليلة لي نقدر نزطط بشويا بشويا ولا كيجيب السلعة كتيرة و نبيعها وقف معايا حتى كريت و ولات عندي بلاصة في السوق و عرفت الناس اش كيبغيو و السوق اش كتطلب و جيت كريت هاداك الحانوت لي في طنجة و لي لقاتني فيه حياة البارح غتقولي علاش مقلبتش عليكم والو مكانش عندي الوجه لي يشوف فيكم واحد خليتوا عندو 4 سنين و وحدة لحمة كيغندير نشوف في وجههم بقيت نطير حتى جبت ليكم اب ميستاهلكومش و حتى انا منستاهلكمش كنت دايما كنصلي و ندعي تكونو بخير و على خير و يكونوا الناس لي معاهم مهلين فيكم
زينب: 😭😭😭😭😭😭😭😭😭😭😭😭😭😭😭
خديجة:سمحي ليا ابنيتي خليتك تبكي و نتي واحلة في روحك 😭😭
زينب: لا 😭😭 متقوليش هكدا 😭😭
قربات حداها حيت معرفات متقول و شدات في ايديها
زينب: ان شاء الله نعوضوك على كلشي 😭😭
خديجة هزات ايد بنتها و باستها:الله يخليك ليا
قربات و تعانقو و عطاوها للبكا و زينب اكتر مع الحمل ولات حساسة مسكتاتش
تفشو و هضرو و خواو قلبهم زينب عيات دخلات ترتاح هي و ياسين و خديجة ناضت مع حياة للكوزينة يشوفو اش خاص و يدورو في الدار بما جات لمياء
صفقة زواج من متعجرف الجزء 22
محتوى القصة
التنقل بين الأجزاء