عاهرة العبري الجزء 14

من تأليف Fati El Chakir
2018

محتوى القصة

رواية عاهرة العبري

ستانلي: صافي غير بردو.. انا غنقول كاع داكشي لي كنعرف.. و باختصار.. اب مراد كان مع F.B.I و كان هو نفسو لي مكلف بقضية آباءكم.. كان الزميل ديالي.. فاش وصل لشي حوايج بعاد عليه و بدا كئقرب ليهم.. اكيد مغيسكتوش ليه.. حرقو ليه دارو.. تحرقات قدام عينيه.. كان طفل صغير.. بزاف.. هو من ام مغربية و اب امريكي.. و عندو زوج خواتات و اخ.. كريس كان صديق لباه.. مرتبتو علا من ديالي شوية.. عرف بطريقة ما بللي الثلاتي فكرو يبعدو من الجريمة و لكن مع كل الاسف اب مراد كان اقرب صديق لكريس.. هادشي من بعد شي 5 سنين.. عرف بللي اخت لؤي تخطفات.. خطفاتها شي مافيا.. بقات نهايتها مجهولة.. كريس هادشي مبردش ليه دمو.. تافق مع شي مافيا.. خاصو يقتلهم.. نشر اشاعة بللي كاين شي معلومات غلى اكرام.. هلاهم رجعو.. و قتلوهم.. مكانوش بنفس القوة حيت بهدو من الجريمة عاد مكانش عليهم الحماية..
فهاد الوقت مراد عاش مع واحد العاهرة مغربية.. هي لي رباتو ملقاش مشكل فانه يتعايش معاها.. عاش حتا مع ولدها من بعد.. دخل للاصلاحية فاش ضرب شي دري.. و خرج فاش كمل 18.. من بعد بمدة صغيرة.. قتل راجل المرا لي رباتو.. انا معارفش السبب بالضبط.. و لكن كريس عرفو شكون و خرجو من السجن ببراءة.. ماشي شي حاجة صعيبة عليه.. هادشي قبل ما يتقاعد.. و وراه حتا ختو.. كان هو لي تكلف بيها.. حيت مماتتش عتقوها فاخر لحظة..
يوسف : كنظن الانتقام كمل فاش تقتلو آباءنا..
لؤي: مكيهمش هادشي دبا.. هو لي باغي يلعب معانا.. و لكن لي مفهماش شنو علاقة ياسر بالموضوع..
ستانلي: معرفتش..
نزار: خاص تعرف.. 
ستانلي: صبر مؤخرا سمعت بللي ختو انتاحرات.. مفهمتش لاش.. و لكن ماشي لسبب عادي.. زعما ممكن تكون عندهم علاقة..
نزار : غتكون.. (وقف و تبعو لؤي و يوسف.. دارو فاتجاه الباب و بقاو غادين حتا كيوقفو صوت ستانلي)
ستانلي: اجي فين غادي.. مغطلقونيش نرجع بحالي..
نزار: (دار شاف فيه و رجع شاف فواحد من رجالو.. فهم قصدو غير من نظراتو و خرج.. مع الخرجة سمع زوج رصاصات طلقو.. طلع فسيارتو و كسيرا.. لؤي و يوسف دارو نفس الشيء واخا مزال معارفينو شغيدير.. مسافة الطريق و كانو قدام الفيلا.. نزار خرج و دخل للدار.. طلع للبيت و دخل للدوش اول حاجة.. حاس براسو عيان.. دوش بالخف.. لبس عليه غير دجين مع تيشورط فالكحل و البيض.. و نزل للصالة.. لقاهم مجموعين.. اكرام غير شافتو نطقات..
اكرام : اش غديرو دبا ا نزار.. يا ربي فين غنلقاو هاد مراد..
نزار: (فهم غير من هدرتها ان لؤي عاود ليهم بقا واقف و تكا على الحيط) غنمشي نجبدو منين مخبي..
لؤي: عارف بلاصتو بعدا..
نزار: عارف.. و غتنوضو دبا نيت قدامي..
يوسف : كي درتي ليها؟!..
نزار: بنت ليك كنلعب.. و انا فالمغرب قلبت على بلاصتو.. عندو مستودعو.. جا خارج على المدينة.. 
لؤي: سبقتيني فهادي.. (وقف و مشا فاتجاه يوسف)
اكرام : تانا غنمشي معاكم..
نزار: جلسي لرض..
اكرام : بلييييييز (شافت فيه و عينيها على عينبه.. كانت كتشوف فيه بطريقة دوباتو.. و لكن دغيا جمع راسو) 
نزار: راني هدرت.. مغنغامرش بيك حتا نتي.. و عاد ماشي بلاصتك.. مفياش ميتناقش و داك الشوفات ماشي وقتهم.. ممستاغدش نغامر لا بيك لا بقمر..
اكرام : اوووف.. هاهي بببكم

خرجو بثلاثة مرة خرى.. هاد المرة تبعوهم رجالهم فالسيارات.. عارفين الطريق و المكان المعلوم.. مشاو من طريق مختالفة على طريق نزار لؤي و يوسف..

نرجعو عند اكرام.. غير خرجو عطات نور للمربية و ناضت كتجري طلعات لغرفتها لبسات سبادري.. هزات السوارت ديال لوطو و نزلات.. كانت خارجة فاتجاه الباب حتا كتشوفها آلاء.. مشات كتجري عندها..
آلاء : اكرااام.. اكرااام.. فين غادة..
اكرام : غنتبعهم.. فين فنضرك..
آلاء : ميمكنش نخليك.. تسطيتي مخفتيش على راسك..
اكرام : انا دبا خايفة غير على بنتي لا أكثر.. بلا متحاولي مغتقدريش تحبسيني..
آلاء : دونك غنمشي معاك..
اكرام : تي مال جدك هبلتي.. راك حاملة ا الخرا..
آلاء : ميمكنش نخليك تمشي راسك.. صافي هدرنا.. يا نمشي معاك يا جلسي لرض..
المربية: نقدر نمشي معاك انا؟!..
اكرام : و نور.. لا معندك فين تمشي..
المربية: لا متخافيش ا لالة.. كنعرف نتعامل فهاد الحالات.. 
آلاء : نور يبقا معايا هانيا.. غير متمشيش راسك..
اكرام : طلقي راسك لبسي سبادري و تبعيني طيري.. (مشات المربية بسرعة فانجاه الدرج)
آلاء : دورو من الباب لوراني.. لي كيطل على الكوزينة.. رجالهم معمرين قدام الباب معندك فين تخرجي..
اكرام : واخا.. (هزات راسها بانت ليها المربية نازلة.. جامعة شعرها كوب شفال و السبادري فرجليها.. دارت اكرام فاتجاه المطبخ و هي تابعاها.. خرجو من الباب الخلفي و بصعوبة باش قدرو يسلتو من الحراس.. مشات لوطو لي حاط نزار برا.. هي لي هزات سوارتها.. طلعات فيها هي و المربية و كسيرات بسرعة على الله تلحق على رجالهم.. 
اكرام : شنو سميتك..
المربية: اا.. نعام لالة..
اكرام : مقلتيش ليا سميتك..
المربية: أسيا ا مدام..
اكرام : مشرفين.. (ضربات الدورة بقوة و هي لاحقة عليهم.. كتسنا بفارغ الصبر امتا ترجع تشوف بنتها)

وقفو بعيد على المستودع.. كان وسط غابة كبيييرة.. و رجال مراد باينين من بعيد.. نزار اكيد رسل رجالو قبل ما يجي باش اعرفو اش كاين.. و النقطة لي استافدو منها مكاينش كميرات فهاد البلاصة.. تفاهم مع رجالو على التنفيد.. كان كيهدر بجدية زايدة على الحدود.. بمعنى الى طرا ادنى غلط مغيرحمش الغالط.. تقدمو رجالو هما لولين من بعد ما عرف بللي قمر فغرفة بوحدها هي و شي وحدة.. هادشي اكيد وصلو من رجالو لي تم.. فوقت خيالي رجالو حاصرو المكان و دخلو.. قتلو رجال مراد بلا حس.. كانت الخطة مدروسة.. حتا كيشوفهم واحد من رجال مراد و كيضرب رصاصة فواحد من الرجال.. فزوج دقايق.. ولا كيتسمع غير صوت الرصاص و الطلقات النارية بين رجال نزار و رجال مراد.. رجال نزار كانو كثر.. بسهولة قدرو يتخلصو منهم.. بقا كيدور حتا طاحت عينيه على مراد.. كان واقف مقابل معاه و الفردي فإيد نزار.. هز إيديه و هو مبتاسم.. نزار طلع نفس قوي و هو فنفسو مكارهش يتيري فيه بلا ميتسنا دقيقة وحدة.. مراد دور وجهو كيشوف ورا نزار و الابتسامة مفارقاتش وجهو.. منطقش اكتفى فقط بالنظر.. نزار دار و هو متبع عينبه.. شاف فين كان كيشوف و هي تكون الصدمة..

فهاد الأثناء اكرام و اسية حتا هما وصلو.. وقفو لوطو بعييد شوية على سيارات نزار لؤي و يوسف و رجالهم باش ميشوفهمش.. كملو على رجليهم و هما متبعين خطواتهم.. كلما كيقربو صوت الرصاص كيزيد اقرب من مسامعهم.. اكرام كتحس بقلبها كيتهز مع كل طلقة نارية سمعاتها.. وصلو للمستودع و بقاو غادين و هما كيتخطاو فالجثث.. وصلو عندهم و تخباو ورا شي صنادق كبار.. طلات اكرام و هي تصدم.. حسات بقلبها غيوقف.. رجال نزار محاوطين الدنيا.. كاين فقط مراد وسطهم.. و كاين حتا واحد من رجالو هاز قمر بين إيديه و مصوب الفردي فاتجاه راسها.. كانت ناعسة بحال شي ملاك.. محساتش بعينيها حتا دمعو.. خايفة على بنتها بزاااف.. متقدرش تخسرها.. متقدرش تقبل الفكرة.. نزار حتا هو بقا مشوكي فبلاصتو.. مقدر ادير حتا حركة و هو كيشوف فقمر بين ادين وحش.. مغيرحمهاش..
مراد: تيري فيا.. اش كتسنا مزال..
نزار: (نزل سلاحو شوية) مراد.. مفياش ميتصادع معاك.. جيت ناخد بنتي.. غناخدها و نمشي.. من الاحسن ليك مدير حتا حركة تقدر تندم عليها.. حيت غندمك الى آديتيها..
مراد: علاش متقولش غتقتلني عاد غتمشي.. دبا بنتك بين إيدي.. جرب تحرك و غتشوف على عينيك كيفاش غتموت.. 
لؤي: مراد.. متكونش غبي.. 
مراد: انا من نهار دخلت فهاد الانتقام.. عرفت مزيان شنو كيتسناني.. داكشي لاش هدرتكم دبا كلها مهامانيش.. و غندير لي فراسي.. قول لرجالك ينزلو سلاحهم حسن ليك ا جوزيف.. و لا نقول نزار؟!.. 
من ورا الصنادق اسية شافت فاكرام و قربات لعندها همسات فودنيها بصوت خافت..
اسية: غير نوصل عندو جري و خودي قمر..
اكرام بقات كتشوف فيها و هي كتحاول تستوعب.. دارت ليها اسية بحال علامة لايك بيديها بحالة كطمنها.. هزات اكرام راسها باه و بقات كتشوف فيها و هي كتحيد فالسبادري و غادة..
نزار: مراد متهورش و طلب منو يبعد من قمر.. راك معارفش شنو نقدر ندير فيك.. (هز راسو شاف اسية لي غادة على طراف صبعانها.. مفهم والو و لكن عرفها.. مخلاتوش يعيق و دارت ليه اشارة بيديها باش اكمل كلامو عادي.. استدرك الموقف بسرعة و رجع شاف فمراد و كمل كلامو.. خاصو يشغلو باش ميشوفش فالاتجاه الآخر) نتا عندك انتقام منا حنا.. شنو دخل ياسر و خت ياسر بالموضوع.. شنو دنبهم حتا هما..
مراد: (دار ابتسامة جانبية) انا عندي اخت وحدة.. هي لي بقات ليا.. و بسباب ياسر انتاحرات.. بغاتو و لكن هو رفضها.. و من الصدفة كان حتا هو صديق ليكم.. دبا نزلو سلاحكم و لا غنتصرف.. قمر بين إيديا دبا..

كان كيشوف فيهم نظرة تحدي.. هز راسو يشوف فالحارس ديالو حتا كتبان ليه اسية.. يللا جا بهدر زربات عليهم شدات الحارس من إيدو لي فيها الفردي و طلعاتها لفوق.. فنفس اللحظة اكرام جات كتجري عندهم خدات قمر من بين إيديه قبل لا تقاس.. كان مضارب مع اسية مقدرش يتحكم فقمر.. اكرام غير شداتها بين إيديها جرات و تخبات ورا ضهر نزار.. اسية بقات مضاربة مع الحارس على الفردي حتا كتطلق رصاصة منو.. نزار هز الفردي بين ايديه و بخفة تيرا فالحارس جاتو فراسو.. بعدات عليه اسية و هي شادة فكرشها.. جاتها الرصاصة فجنبها.. مراد بقا غير واقف مفاهم والو.. دغيا زربو عليه و فلحظة تقلبات الآية.. وللا هو الفريسة دبا.. بلع ريقو و هو راجع بلور.. كيحاول يلقا اي فرصة باش اهرب.. و لكن اكيد نزار مغيسمحش ليه.. شدوه رجال نزار مزيان و كتفوه.. جا واحد من الرجال قلبو لا يكون هاز شي حاجة.. حطوه على عمود حديدي و ربطوه مزيان.. قرب ليه لؤي جمع إيدو على شكل كروشي و عطاه للوجه ختا رعفو.. زادو وحدة خرى.. الاانية الثالثة و الرابعة.. باغي يبرد جميع اعصابو فيه.. مزال كيشوف بين عينيه الليلة لي مات فيها ياسر.. مزال كيذكر مزيان حالة آلاء و هي مغتاصبة.. اكرام لي حرق قلبها.. و حتى كنزة لي بسبابو خرجات من وسط دارو.. مبعد منو حتا وللا وجهو كللو دمايات.. اكرام كتشوف فيه و كتشفا.. مكرهاتش تنوض تشتف عليه.. و لكن عارفة مزيان بللي غياخدو ليها حقها.. و غيتعاقب على فعلتو.. ارتاحت من هاد الناحية و هي كتعنق و تبوس فقمر.. الفرحة بادية من بريق عينيها.. توحشاتها بزاف.. توحشات ريحتها و براءتها.. توحشاتها كاملة.. مسخاتش تحطها.. و كيفاش متوحشهاش و هي و نور السبب لي خلاها تعيش من بعد ما فقدات الامل فالحياة.. 
غير بعد لؤي قرب ليه نزار و وقف قبالتو..
مراد: ههه.. شنو نوبتك دبا.. واخا معرت اش دير لي طرا طرا دبا.. صافي.. مغيتغير والو.. و مغتبردش غا كون هاني..
نزار مكان بادي على ملامحو حتا رد فعل.. كانت ملامحو باردة و شبه جامدة.. جمع إيدو و عطاه للأنف مباشرة.. تسمعات الطرطقة ديال عضم نيفو.. حس براسو هرسو.. كانت ضربة قوية واخا جات خفيفة.. خلاه يغوت بصوت مرتافع.. لؤي شاف فرجالو فهموه.. معروف اش غيطرا ليه.. جبدو ليه إيديه.. واحد شد ليه إيدو مزيان و تاني هاز حديدة سميكة.. غير شافهم مراد فهم اش طاري.. بدا كيغوت و هو كينادي لا.. محسش حتا تحطات على ايديه الحديدة بقوة.. خلات صوت تشخشيخ عضام إيدو يتسمع.. طرا ليه نفس الشيء فالايد التانية.. و نزلو للركبة.. اكرام دورات وجهها من هول المنظر و خشات قمر فصدرها.. باش متشوف و متسمع والو.. خلاوه كيغوت و يتوجع.. عضام ركبتو تهرسو لطراف صغااار و تشخشخو.. مقادرش يتحرك.. نزار بقا كيشوف فيه ببرود.. مزال مدار فيه والو.. شاف فاكرام..
نزار: خرجي..
اكرام : ااا.. لاش؟!..
نزار: قلت خرجي.. مغتبغيش تشوفي شي حوايج.. (مخلاش ليها فرصة فين تجاوبو.. شاف فاسية لي جالسة على الارض و شادة فجنبها و هدر مع رجالو) ديوعا للدار و جيبو ليها الطبيبة.. منبغيش شي خطأ و لا يوصل هادشي للبوليس.. (رجع شاف فاكرام لي فهمات راسها و خرجات.. اما نزار هز كرسي و جلس غليه و هو كيشوف فمراد و كيتسنا يسمع صرخاتو ديال الصح.. دار اشارة لواحد من رجالو.. قرب هدر معاه و خلاه ينفذ..

يوسف و لؤي حتا هما جلسو و هما كيتسناو طريقة موتو.. مدازش بزاف.. جاو رجالو خداو قفص كبيير بحال لي كيحطو فيه الحيوانات ف Zoo.. خشاوه فيه و سدو عليه.. المستودع كامل اصلا خاص غير بتعديب البشر كان فيه كلشي.. مراد مفهم والو بقا غير كيدور فعينبه و هو كيتسنا نهايتو كيفاش غتكون.. حتا كيبانو ليه جايبين برمة كبيرة و كتبان سخونة كتغلي.. فاش قربو فهمها زيت.. محسش على راسو الا و هو كيطلب و يغوت على نزار..
مراد: لا لا.. متقدرش دير هادشي.. لا ميمكنش.. (بدا كيضرب فالحديدات ديال القفص.. و هو مزال كيغوت) لاا جوزيف لاااا.. كنترجاااك لااا.. جوزييييف.. لاااا.. عفااااك.. (عيل ميطلب و يترجا و لكن والو ماخدا حتا شي جواب.. كان عارف راسو ميت و لكن ماشي هككا.. من فوق القفص تخوات عليه الزيت.. حاولو ما امكن ميقيسوش وجهو.. كان كيغوت و هو مقادر حتا يوقف او يتحرك.. نزار كلما سمع صرخاتو كيتفكر صرخة اكرام نهار ظنات ان بنتها تعدمات.. كانت صرخة قوية خارجة من الاعماق ديالها.. صرخة زلزلات كيانو.. كيزيد يتعصب و يفكر انه يزيد يعدبو كثر.. حوايجو لصقو عليه.. مبقاش كيحس بالجلدة ديالو من فوق لحمو.. احساس هيب بزاااف.. كانت الزيت سخونة لدرجة ان الحديد الفوقاني لي تخوات منو الزيت قرب ينصاهر.. مراد شوية من وجهو لي تقاس فقط.. نزار اكيد مزال مبرد الداخل ديالو.. شاف فرجالو لي فهموه.. عارفينو اش ناوي يدير.. و معروف ان هدرتو كتقال مرة وحدة.. مكتعاودش.. تم داخل واحد من الرجال و هو شاد فيدو ثلاثة ديال البيتبول.. كبااار لسانهم مدللي و هما كينهجو.. مراد مزال حاس بجلدتو لي تشوات.. بانو ليه البيتبول حس بخوف عمرو جربو فحياتو.. جرب جميع انواعو الا هادا.. هاد المرة بامكانو يعطي او يدير اي حاجة غير باش انجو.. صرخاتو ملات المكان مرة خرى.. يوسف جاه اتصال و خرج.. اصلا مبقاش باغي يشوف هادشي كثر.. حللو القفص الحديدي و دخلو ليه البيتبول من بعد ما حللو ليهم الصماطي.. رجعو سدو القفص.. مراد راجع بلور كيحاول يبعد منهم حتا لصق فالقنت.. واضح عليهم بزاااف الجوع.. و هو كان فريسة سهلة.. خصوصا بريحة الزيت الطايبة و لحمو لي وللا طري بالنسبة ليهم.. تلاحو عليه و هما كينهشو فلحمو.. نزار وقف بكل هدوء و قرب للقفص..
نزار: عندك الزهر ممساليش ليك و مناويش نطول فامريكا.. اما كنت نوريك العداب قبل الموت شنو ساوي.. كنت غنتفنن فتعديبك.. نخليك اسابيع و نتا كتمنا الموت.. ماشي غير نهار..
دار إيدو فجيابو و خرج.. لقا اكرام واقفة برا و كتراري فقمر لي كتغوت.. غير جا شافت فيه..
نزار: مالها كتغوت..
اكرام : باغا ترضع.. شنو فنظرك؟!.. اه و شنو درتو ليه؟.. صوت غواتو كيتسمع بزاف.. و لاش البيتبول؟.. شفتهم داخلين..
نزار: مغتبغيش تعرفي شنو طرا ليه.. بلا متسولي حسن..
اكرام : و لكن..
نزار : (قاطعها) مكين ما و لكن.. اجي بعدا ياك هدرنا و قلت ليك مغتمشيش معايا.. شفتك ضسرتي تاني.. ضروري مانبقا نعاود معاك الهدرة..
اكرام : صافي را بنتي هادي.. اش بغيتيني ندير..
نزار: صافي لي طرا طرا دبا.. المرة الجاية غنوريك.. كلمة وحدة مغنبقاش نعاودها..
اكرام : رجعنا تاني لهاد الحكام ديالك..
نزار: (قرب طبع قبلة جنب فمها و همس فودنيها) خاصك تولفي.. انا هككا..
اكرام : ولفت.. 
اكتفى بابتسامة و هو حاضي عويناتها لي كيلمعو من الفرحة.. و هي شادة بنتها.. جرها لعندو من كتفها مشاو فاتجاه السيارة و خلاو وراهم مراد لي نهشوه ي💋..

كانت ناعسة فوق السرير و وليداتها جنبهاها.. شعرها طايح على المخدة و ناعسة فراحة تامة.. شحال هادا مرتاحت هككا.. جلس جنبها و حيد ليها خصلات من شعرها من على وجهها.. حط إيدو على وجهها كيدوزها بشوية على بشرتها الناعمة.. بحال ديال لي بيبي.. كانت غارقة فسابع نومة محساتش بيه.. شاف جيهة التوأم.. حتا هما ناعسين.. نعسو بزوج من بعد ما رضعاتهم و كمطاتهم.. قرب و باسهم على راسهم.. حس بالراحة من بعد مدة مكانتش طويلة بزاف.. يمكن اسبوع اكثر او اقل بنهار او يوماين.. و لكن دازت عليهم بحال شهور من العداب.. تفكر اش دار فمراد.. كان خدا قرار بللي غيبعد من عالم الجريمة و المافيات بمرة.. و لكن الضروف حكمات عليه.. مقدرش اتحكم فنفسو.. من طبعو انه كيعاقب اي واحد تجرأ عليه.. و يمكن كثر من هاد العقاب بأضعاف.. و لكن دبا الامر اختالف.. مبقاش هو نفسو جوزيف القديم.. دبا وللا نزار.. تغير الاسم.. و حتا تصرفاتو القدام خاص اتبدلو.. مبقاش جوزيف العبري دبا.. مسح على راسو بنفاذ صبر.. مباغيش اندم على داكشي لي دار حيت مراد يستاهل ما كثر.. و لكن نفسو كتعاتبو هاد المرة.. ولا عارف مزياان شنو قيمة قتل الروح.. ماشي بحال قبل.. لعن الشيطان و ناض دخل للحمام يتوضا... 

فاقت بليل و الدنيا ضلام.. حلات عينيها بشوية و هي كتكمع.. تفوهات و شافت فولادها هما لولين.. حتا لقاتهم قدامها عاد رتاحت.. مزالين ناعسين.. دورات وجهها شافت فنزار.. لقاتو مفرش السجادة و جالس كيقرا فالقرآن بصوت مرتافع و كيجود فيه.. عجبها صوتو بزاف.. ابتاسمات و هي مزال كتسمع ليه.. واخا مفهماتش كيفاش تعلم لتجويد القرآن بهاد السرعة.. نهار على نهار كتزيد تصدم فيه كثر.. و مزال غتعرف ما كثر.. بقات ساكتة و هي متخشعة معاه.. خلاتو حتا سالا و حط القرأن فبلاصتو.. مشات عندو قربات و جلسات فوق رجليه..
اكرام : مكنتش عارفة بللي كتعرف تجود القرآن..
نزار: مكنتش كنعرف.. و لكن تعلمت..
اكرام : نزار..
نزار: (دور شعرها للجيهة التانية و خشا راسو فعنقها كيشم فريحتها) روح نزار..
اكرام : شنو درتي فمراد ؟!..
نزار: مراد تاني.. صافي راه مات.. نساي هادشي..
اكرام : و لكن بغيت غير نعرف كيفاش مات.. مفهمتش..
نزار: اكرام خلليني معاك مزيان.. رجعنا تاني لنفس الموضوع.. مغتبغيش تعرفي الطريقة.. داكشي لاش بلا متبقاي تسولي.. مبقيتش باغي نسمع سميت مراد مرة خرى..
اكرام : صافي هانا ساكتة..
نزار: هاد النفاس باقي مزال مغيسالي..
اكرام : ههه.. لا مزال..
نزار: و امتا غيسالي؟!..
اكرام : مزال يللا دازت نص المدة..
نزار: غتبقا نتسنا.. 
اكرام : ضروري (باستو جنب فمو) كنبغيك.. (بعدات عليه شوية و وقفات مشات فاتجاه الباب و خرجات.. ناض هو جمع السجادة لاحها فوق السرير و هز تيلي ديالو عندو شي ابيل)

حلات الباب بشوية.. لقاتها متكية فوق السرير.. وجها صفر و لايحة شعرها الاسود فوق الوسادة.. حالة عينيها و كتشوف فالسقف.. ملامحها ممفهومينش.. قربات ليها اكرام بخطوات بطيئة حتا جلسات جنبها فوق السرير.. شافت فيها اسية و ناضت بغات تقاد فالجلسة..
اسية: م.. مدام اكرام..
اكرام : (دارت ليها اشارة باش متحركش) غير خلليك مرتاحة..
اسية: شكرا..
اكرام : انا لي خاصني نشكرك.. نتي لي نقدتي ليا بنتي.. كون مكنتيش مكمتش نقدر نتخيل اش فيوقع..
اسية: لا ا لالة.. انا مدرت والو.. هادا واجبي..
اكرام : لا.. هادا ماشي واجبك..
اسية: (بعدم فهم) كيفاش؟!..
اكرام : (تنهدات) شوفي اسية.. انا ماشي مكلخة.. تعلمت حاجة وحدة فحياتي.. هي مكايناش شي حاجة كدار بدون سبب.. حتا من الخير.. مبقاش بدون سبب.. نتي غامرتي بحياتك باش تنقدي قمر.. بلا متقولي ليا بنت صغيرة و بقات فيك.. مكاينة حتا حاجة بدون مقابل.. 
اسية: مغنكدبش عليك ا لالة.. اصلا معندي مانستافد.. اه مكنتش غندير هكا على ود اي بنت صغيرة.. لا.. 
اكرام : اوا لاش بنتي؟!..
اسية: لالة.. انا كنت عايشة فامريكا و ايكزاكط فمدينة ديترويت.. مدينة كانت عايشة فالرعب فاش كنت صغيرة.. لدرجة ان الحي لي كنت فيه عمر البوليس وصلو.. واحد الحي كون لقاو كيفاش يحيدوه من الخارطة.. معلينا كان عندي 8 سنين فاش هجمات مرة واحد المافيا على الحي.. انا فاش كبرت و وعيت.. قدرت نفهم بللي اهلكم لي كانو كانو متحكمين فالحي.. و لكن فاش نساحبو من عالم الاجرام.. المافيات الخرين قررو يعاقبو سكان الحي على إخلاصهم للثلاثي.. هجمو عليه.. حرقو الديور ختاطفو البنات و قتلو الرجال بطرق وحشية.. شي حاجة منقدرش نوصفها ليك.. راك عارفة لي كاين.. بابا مات و ماما تشللات من الصدمة.. صاي فقدت الامل من حياتي حتا رجع الثلاثي و عوضو كلشي.. عطاونا دار فمدينة خرى.. مفرشة و مجهزة.. و عطاوني منحة باش نكمل قرايتي فمدرسة داخلية.. و عاد ماما لي تكلفو بعلاجها.. ماشي بوحدنا.. كاع لي خسرو تعوضو.. هادي هي الطريقة باش خلاو كلشي يخضع ليهم.. داك الحي كان مليئ غير بالطبقة الفقيرة.. كانو يد عون ليهم.. و فنفس الوقت خدامين تحت امرتهم..
اكرام : دبا هادشي لاش..
اسية: اه ا لالة.. عمري نسا خيركم.. حيت بسبابكم تبدلات حياتي.. واخا مدرتش شي حاجة كبييرة فحياتي.. و لكن باش تكوني بنت رجل جد بسيييط و من الطبقة لي مكيعبرها حتا واحد.. و نخدم فوحدة من بين اكبر الشركات العالمية لي كتوفر مربيات.. بالنسبة ليا را وصلت لشي حوايج خياليين..
اكرام : (وقفات و هي مبتاسمة) شكراا.. فلوس الدنيا كاملين مكيسواوش غير ريحة بنتي قمر.. راني ام.. راك رجعتي ليا روحي.. شكراا بزاااف.. (مشات فاتجاه الباب حلاتو و بقات واقفة) نخليك دبا ترتاحي..
اسية: (هزات راسها باه و خلات اكرام خرجات و سدات وراها الباب..)

نرجعو لنزار خرج للحديقة دار إيدو فجيابو و بقا واقف كشم فالهوا و دماغو مسافر بيه لبعيد.. حس بشي إيد محطوطة على كتفو.. طلع نفس قوي و هو كيشوف فلؤي قدامو..
لؤي: متأكد من داكشي لي درتي؟!..
نزار: معرفتش.. و لكن ماباغيش ندم..
لؤي: و لكن نفسك عاتباتك..
نزار: شكون كيهدر.. فين عمرك فكرتي فالنفس و لا كان عندك شي ضمير..
لؤي: انا ماشي نتا.. 
نزار: حاير براسي حاير.. عارف بللي ماشي شي حاجة ساهلة.. تقتل روح.. و لكن عمري سامحت لشي حد تجرأ عليا لهاد الحد و خلليتو يفلت بهاد البساطة..
لؤي: (اكتفى بابتسامة جانبية) علاش نتا غير قتلتيه و حبستي😏.. راك خلليتيه يتمنا الموت.. مات بابشع طريقة كان ممكن افكر فيها..
نزار: نفس الشيء.. فلخر مات.. و مزال موريتو شناهي ابشع طريقة ديال الموت.. راني قتلتو فسوايع محسوبين.. مكرهتش كون مات ببطئ.. كنت غنتلدد بموتو..
لؤي: هادا جوزيف قبل ما يسلم.. عارف هاد الموضوع بعيد عليا.. و لكن التوبة عندها شروطها.. و راك ولليتي عارف فالدين حسن مني زعما.. (حط ايدو على كتف نزار) نخليك دبا.. فكر فراحتك و خود قرارك.. الدين مافيهش اللعب.. (دار باش ادخل بحالو حتا كيوقفو صوت نزار)
نزار: مبروك بعدا..
لؤي: (بعدم فهم) لاش؟!..
نزار: قربتي توللي اب😉.. مجاتنيش فرصة نبارك ليك قبل..
لؤي: (ابتاسم) شكراا.. 
نزار: مكين لاش.. طلع شوف مرتك.. راك هملتيها فهاد ليام.. و قريب غدار جنازة لياسر.. كنت عطيتكم وعد بللي غدار نهار نقتل لي تسبب فقتلو.. هاد النهار جا دبا..
لؤي: باش كتعجبني مكتنساش..
نزار: مكنساش الوعود..
لؤي: تصبح على خير..
نزار: و نتا من اهلو..
طلع لؤي و بقا نزار شوية مع نفسو كيفكر فهدرتو.. عندو الحق.. خاصو يبعد من هاد الطريق كلها.. و لكن فنفس الوقت.. تبقا عندو مكانتو وسطهم.. باش مترجعش تعاود نفس قصة مراد مرة خرى.. بقا واقف شوية فالتالي استغفر الله و طلع لغرفتو.. حل الباب بشوية بانت ليه اكرام جالسة فوق السرير و حاطة نور و قمر قدامها كتشوف فيهم و هي مبتاسمة.. كتلعب معاهم بيديها و هما كيضحكو و كيحاولو يتلاحو عندها.. مزال صغيورين بزاااف.. فناكش.. هادا هو النهار لي ديما كان كيحلم بيه.. سد الباب و قرب جلس جنب اكرام و جرها لعندو من خصرها.. شاف فالتوأم و قرب ليهم كيلعب معاهم و ايديه مزال على خصر اكرام.. 
نزار: نجيبو العشا..
اكرام: مكرهتش تسيفط ليا على بيتزا هات..
نزار: فهاد الليل..
اكرام: (كتبيض فعويناتها بحال شي بنوتة صغيرة) بلييييز تشهيتها..
نزار: (زاد قربها ليه كثر.. هدر و هو خاشي راسو فعنقها كيشم فريحتها) غتبقاي تاكلي حتا دبدبي.. شوفي فورمتك كيولات..
اكرام : (بعدات منو بلا متحس و وقفات) ا ويلي.. مالها كيولات.. نااااري متقولش ليا غلاضيت.. واش متأكد.. (بدات كدور و هي كتوري فيه) لا لا هانتا شوف.. مزالة كيف كنت.. اضلا فورمتي كانت هككا ياااك ا نزار.. (لا جواب) واااا نزار...
كان ساهي فيها.. فملامحها و فحركاتها الطفولية.. مكرهش يخطفها مرة خرى و يبقا يشوف فيها ليل و نهار كيف قبل..

وقف و قرب ليها جرها لعندو بقوة من خصرها حتا ضربات فصدرو و حط إيدو على وجهها كيدوزها بشوية
نزار: بالعكس.. ضعافيتي.. و انا كنبغيك كيفما نتي.. ديريها فبالك.. الهبيلة ديالي..
اكرام : (هازة قنانفها للسما) مووك انا..
نزار: برهوشتي..
اكرام : (خنزرات فيه بلا متنطق و حطات إيديها على إيدو بغات تحيدها باش تبعد)
نزار: (زاد زير عليها) راك وليتي ام.. ديري عقلك.. (دربها على راسها بشوية و هو ساهي فعويناتها)
اكرام : (باستو جنب فمو بوسة حنينة طولاتها شوية) كنبغيك..
نزار: (حط إيدو على قلبو) باغا تسالي معايا هاد الليلة نتي.. سيري تجلسي ها البيتزا فالطريق..
اكرام : (ابتاسمات و مشات جلسات جنب ولادها و هي كتشوف فيه غير بنص عين.. هز تيلي و دوز لابيل بمطعم بيتزا هات.. يطلب ليهم عشا..

صبح صباح جديد.. اول ليلة كينعسو فراحة تامة.. بالنسبة لاكرام.. اما نزار مزال لحد الآن كيفكر فتصرفو مع مراد.. عقلو و ضميرو مبغاوش اتلاقاو.. مفهمش كيفاش ضميرو عاد فاق فلحظة.. ليل كللو و هو كيتقلب.. بغا غير انعس فراحتو مقدرش.. ناضت اكرام هي لولة غسلات و خرجات لبسات كسوة قصيرة حد الركبة و بلا كمام جات لاصقة على جسمها و مبينة فورمتها مزيان.. طلات على التوأم هما لولين لقاتهم مزال ناعسين.. شافت فنزار لقاتو كللو عرقان حسات بيه ليل كللو و هو كيتقلب.. حطات إيديها على راسو.. حرارتو عادية.. مفهمات والو.. كان بادي على ملامحو العيا واخا ناعس.. و لكن مدازش عليه اسبوع ساهل.. طبيعي هادشي.. هادشي فاش فكرات و نزلات فاتجاه المطبخ باش تفطر...
نزار اول ما فاق ملقاهاش جنبو.. دخل للحمام دوش على الله يرتاح شوية.. خرج لاوي عليه فوطة لقا اكرام جالسة كترضع فقمر.. طلعها و نزلها على الكسوة لي لابسة.. بارزة جسمها بشكل مثييير و صدرها غيخرج من بلاصتو عاد نازلة بزااف.. دار فاتجاه غرفة التبدال و فنفس الوقت موجه كلامو ليها..
نزار: تنزلي بديك الكسوة مرة خرى نكرد ليك رجليك..
هزات راسها شافت فيه مخلاش ليها فرصة فين تجاوبو و دخل يلبس.. خرج لقاها رضعات التوأم حطاتهم فبلاصتهم و واقفة كتلعب معاهم.. 
اكرام : و مال الكسوة؟!..
نزار: خاص نعاود الهدرة تاني.. قادي داك اللبس عندك و لا غنقادو بطريقتي..
اكرام : لا لا.. صافي نقادو راسي.. بففف..
نزار: هكاك..
اكرام : امتا غنمشيو..
نزار: شي نص ساعة هكاك.. 
اكرام : واخا بقا معاهم نمشي غير نبدل..
نزار هز راسو باه و خلاها مشات لغرفة التبدال..

داز الوقت و كانو فالمطار كاملين.. طلعو فالطائرة الخاصة بنزار و رجعو للمغرب.. وصلو بليييل.. على حساب طول مدة الطائرة و عاد فارق الوقت بين المغرب و امريكا.. كانو السيارات فانتظارهم.. مشا كل واحد لدارو.. فالغد جات كاميليا تشوف قمر من بعد ما فرحات برجوعها بزاف.. و دارو حفلة صغيرة بينهم.. نزار و لؤي حاولو ما امكن باش الموضوع ميوصلش للصحافة.. تفاهمو مع البوليس لي خدامين معاهم.. لؤي لي تكلف بهاد الموضوع باش تسد القضية بدون نقاشات كثيرة فيه.. رغم ذلك ضروري ميوصلو بعض المعلومات بسيطة و لكن كتبقا محط شك و غير موثوقة...

بعد مرور 3 اسابيع تقريبا... مدة طويلة و لكن متبدلوش فيها بزاف ديال الحوايج.. غير يوسف و ميساء لي تزوجو و اكيد حظاو بعرس ضخم لا مثيل له.. كان حاضر فيه كلشي بنيات صافية و ابتسامة نابعة من قلبهم.. من غير لالة فاطمة لي مبقاتش حضرات معاهم لحتا حاجة.. حتا فاش رجعات قمر مجاتش شافتها و حتا اكرام مبغاتش ترجع لفاس.. داك الرياض كيفكرها فبزااف ديال الحوايج.. كيفتح جروح عميييقة قربات داوى فقلبها..

حلات اليوم عينيها بشوية و هي كتكسل.. شمس قوية ضاربة ليها فعينيها.. دورات وجهها ملقاتش نزار جنبها.. وقفات بشوية عليها و مشات بخطوات بطيئة فاتجاه الحمام.. غسلات وجهها هو لول باش تصحصح و هزات راسها شافت المرايا.. عضات على شفايفها و هي مبتاسمة.. و دماغها مسافر بعيد.. خدات فوطة و خدات ليها دوش على خاطرها.. اغتاسلات و قادات حالتها.. خرجات لاوية عليها فوطة و كتنشف فشعرها.. دخلات لغرفة التبدال خشات راسها فالماريو جبدات ميني فونطر بالكمام فالغوز بار.. مع شورط دجين قصير لونو داكن شوية.. لبسات و خلات شعرها فراحتو.. مؤخرا صبغاتو و قاداتو كثر من بعد ما جابت كوافورة عندها.. صاوبات ليها اللوك الجديد ديال التاي اند داي فالبيض قريب للكري.. على الطريقة الامريكية.. خرجات و هزات الفيكس دوزات لابيل بالمطبخ.. جاوباتها وحدة من الخادمات و طلبات منها طلع ليها الفطور فغرفتها.. قطعات.. طلعات نفس و مشات فاتجاه غرفة التوأم.. حلات الباب لقاتهم فايقين كيلعبو و المربية كترضع فنور بالبيبرون..
اسية: صباح الخير مدام..
اكرام : صباح النور.. (قربات و هزات قمر) شفتهم فاقو بكري اليوم..
اسية: (هزات راسها باه) وي ا لالة.. فاقو فيهم الجوع داكشي لاش صاوبت ليهم البيبرون.. مبغيتش نخليهم حتا تفيقي.. 
اكرام : مزيان.. احسن حاجة.. (رجعات قمر لبلاصتها) 
اكرام كانت طلبات نزار يجيب مربيات خرين يكونو مع اسية.. و لكن واخا هكاك هي الوحيدة لي كطمأن على ولادها معاها.. رجعات اكرام لغرفتها.. فطرات و نزلات جلسات فالصالة شوية بيما جات عندها آلاء.. تسالمو و جلسو..
آلاء : ايهي الزين بان ليا منور ليوم..
اكرام: سيري تلعبي..
آلاء : غير ضاحكين.. مال جدك.. دبا كري و قولي شكاين.. لاش معيطة ليا خوي المزيويدة شمن مصيبة درتي تاني..
اكرام : مكتسكتيش.. غا بشوية خلليني غا نهدر بعدا .
آلاء : وا دوي خلاص..

اكرام : و والو ا نم.. غير عيطت ليك نجلسو شوية مع بعضنا.. شحال هادا ماجمعنا بزوجات الراس فالراس..
آلاء : ممم و قولي هكا.. 
اكرام: كي غادة مع الحمل.. 
آلاء : غير سكتي.. قهرت لؤي.. نهار كامل و انا كنتفشش عليه.. و نكدب عليك وليت ناكل منعقل ههه.. شوفي قداش وليت ا صكعة هه..
اكرام : لا لا عارفاك اش ساوية.. تكايسي عليه ا ختي واه..
آلاء : زعما بقا فيك خوك😒..
اكرام : راه خويا هه..
آلاء : سيري تلعبي.. خوك مالو مطفرو.. ممخلي ممدوز عليا.. منخرج مندرج و كلمة زوج كيطلع للسما.. 
اكرام : عادي كلهم هكاك.. انا را اللبس ولا داير ليا حالة عليه.. 
آلاء : واا ختي السيد سلم هه.. شكون بحالك هاديك غير الغيرة..
اكرام : انا فين و هي فين.. شمن غيرة الله اهديك.. 
آلاء : اجي نتي واحد ولادك غا ناسياهم فداك البيت..
اكرام : مالك بغيتيني نهزهم و نبقا ندور بيهم.. حتا تولدي و تعرفي بحقهم..
آلاء : متفكرينيش.. كيقول ليا لؤي نتي راسك و مقاداش بيه.. معرت كيغديري لشي ولاد.. هه..
اكرام : مكدبش..
آلاء : دبا قمر و نور شحال عندهم؟!..
اكرام : واحد 45 يوم.. لاش؟!..
آلاء : و نفاسك مزال مسالا؟!..
اكرام : لا.. ليوم غتاسلت.. صافي..
آلاء : ممم هي ليوم مغيطلقك نزار حتا يفلعصك ههه..
اكرام : (شافت فيها بنص عين) آلاء.. شفتك زعمتي هه.. تي شدي لرض كوني تحشمي..
آلاء : عادي.. ياكما بان ليك شي بولحية حدانا..
اكرام : عرفتي الصراحة خايفة..
آلاء : مناش بالسلامة ا ختي.. كون غمكنتيش والدة نفهمك بعدا.. ههه..
اكرام : صافي نساي.. انا لي دايرة فيك راسي..
آلاء : ا ختي غير ديها فراسك.. لبسي و تقادي و معندك مناش تخافي😉..
اكرام: عرفتي فاش كنفكر دبا..
آلاء : فاش؟!..
اكرام : مكرهتش نرجع للملهى لي كنت خدامة فيه.. 
آلاء : كح كح.. تي مال جدك هبلتي.. شغتمشي ديري تما.. ويلي تسطيتي و لا شنو..
اكرام : بغيت غير نشوف اش كاين.. ميمشيش بالك لبعيد.. و زايدون كنفكر نقولها لنزار هو بنفسو يديني..
آلاء : لا نتي كتقلبي عليه يفرشخك.. الناس كيولدو و يديرو عقلهم و نتي داك حبة اللوز لي عندك طار..
اكرام : وا عادي.. مالي غنمشي نشطح و نردح.. غنشوف غير اش كاين.. و بغيت نشوف ياسين.. عرفتي شحال ديال الوقت بيناتنا.. و راه كثر من خويا..
آلاء : لا نتي كتقلبي على نزار يطلقك بالثلاث..
اكرام : وا اصلا غيمشي معايا.. خاص غير نشوف كيفاش نقنعو..
آلاء : لا لا و الله حتا تخلخلتي فمخك نتي..
اكرام : درتها فراسي.. و غنمشي.. 
آلاء : لي فراسك فراسك..

اكرام : وي.. عمري غنسا واحد الفترة فحياتي.. اصلا تما فين كان لقائي لول بنزار.. يمكن مكنتش كنعرفو.. و لكن هو عرف عليا كلشي.. 
آلاء : ضبري لراسك.. عرفتي اش غديري نوضي دوري براسك شوية و خلليني نمشي بحالي..
اكرام: اش غندور براسي؟!..
آلاء : ويلي على الهبيلة.. خرجي شري ليك شي لعبة جديدة لبسيخا و سيري لسبا تحمحمي مع راسك و رتاحي شوية.. ديري لاسير و خلليهم يدورو بيك.. و من بعد نعيط ليك على واحد الكوافورة كنعرفها تجي حتا لعندك و دور بيك مزيااان.. راك مزوجة زعما..
اكرام : يييع.. دبا نتي كديري هادشي كامل.. معند جد بويا ميدار انا و لا شنو.. مكنحملش كثرة الصبايغ.. نبقى هككا حسن ليا.. داكشي لي بقا ليا غير السبا و الكوافورات.. و عاد الشراوط عطاهم الله مكنقيصهمش كاع.. 
آلاء : (بقات غير كتشوف فيها و هي كترمش فعينيها) بااااز لهاد نزار معاك.. متقوليش ليا عمرك ضرتي براسك و نتي معاه و لا شي حاجة..
اكرام : (حركات راسها بلا) اصلا انا كنت قحبتو بين قوسين.. يعني يستحيل نفكر فهادشي و انا اصلا مكنتش حاملة راسي معاه.. و من فوق هادشي كنبفي نبقا طبيعية معنديش مع داكشي.. 
آلاء : ممم اووك لي عجبك.. (وقفات) انا غنوض بحالي عندي ما يدار.. 
اكرام : (وقفات معاها) اوو الناس عندهم الاشغال..
آلاء : قودي..
اكرام : اححح كون اسمعك لؤي يا ختي.. غيعجبني فيك..
آلاء : كيشتي راسك نتي ساهلة هه.. 
اكرام : و صافي يللا قودي لدارك خلليني تانا نشوف اش ندير..
آلاء : بغيت نزار اسمعك.. احح و نتفرج فيك..
اكرام : تفرجي فموك يا القحبة.. سي فحالك الله ارحم باك..
آلاء : ههه هااهي غادة.. و كولي مزيان.. يللا تلقاي الجهد هاد الليلة مغتنعسيش.. 
دارت اكرام تهز صندالتها لقاتها وصلات للباب..
اكرام : الله العن الزامل تاع بوك.. يا الخانزة..
آلاء : موووك يا الخانزة.. (خرجات بسرعة قبل متوصلها اكرام.. ابتاسمات اكرام و هي طالعة فاتجاه غرفتها.. شافت ولادها هما لولين كانو ناعسين.. باستهم و خرجات لمكتب نزار لي فالجناح نيت.. مكتب كبييير وقفات و هي كدور عينيها على تصميمو و طابعو الرجولي الصارم.. كلشي فالأسود و الرمادي.. عجبها ديكورو بزاااف.. حطات إيديها على البيرو و هي كتساري فعينيها على أرجاءو.. بانت ليها مكتبة كبييرة على الحيط.. قربات و هي كدوز إيديها على الكتوبة لي تم.. كتقلب على شي حاجة تير انتباهها.. وقفات عند رواية ثارت انتباهها.. جبداتها و قىات العنوان "بطل من زماننا" A hero of our time .. نزلات عينيها لقاتها من تأليف ميخائيل ليرمونتوف Mikhail Lermontov كاتب روسي.. فهمات بللي رواية مترجمة للعربية.. دورات الرواية و هي كتقرا اقتباس منها.. عجبها الموضوع ديالها.. و شخصية البطل المحيرة.. زير النساء و متمرد بدون قضية.. بطل مخالف لابطال الروايات الروتينية.. زادت تشوقات باش تقراها كثر.. هزات و خرجات لغرفتها.. ربعات فوق السرير و جلسات كتقرا بتركيز تام..

دازو ساعات.. زينات القمرة السماء و نورات الدنيا من بعد الشمس لي غربات.. كانت مزالة جالسة فبلاصتها على نفس وضعيتها كتقرا فالرواية.. مقدراتش تهز عليها عينيها.. كيف ما توقعات رواية مشوقة بكل احداثها.. نسات راسها و هي شاداها.. محساتش نهائيا بالوقت.. غير الخادمة لي فكراتها فالغدا و طلعاتو ليها.. اما هي كانت ناسية راسها.. مدة طويييلة بزاااف مقرات شي رواية و عاشت مع احداثها.. حتا ولادها مبقاتش طلات عليهم.. قصتها مع الروايات.. قصة من نوع آخر.. كتحس براسها فعالم آخر و هي كتخاطب ابسط كلمات و تعابير الرواية.. حل نزار الباب و دخل بخطوات بطيئة.. حيد الكوستيم ديالو و لاحو فوق الكنابي.. مشا مباشرة للحمام.. توضى بخفة و خرج هز الصلاية فرشها فاتجاه القبلة و بدا كيصلي.. اكرام: فهاد المدة كاملة مهزاتش عينيها من على الرواية.. كانت مندامجة معاها.. هزات راسها فقط فاش حسات بيه تلاح فوق السرير على ضهرو بلا مينطق بادنى كلمة.. حاس بالعيا بزاااف.. داز عندو نهار طويل فالخدمة.. حضر لكثر من ثلاثة الاجتماعات.. و عاد بقا كيقاد فشي ملفات.. شحال هادا مداها فخدمتو مزيان.. تراكم عليه بزا ديال الشغل.. تنهدات اكرام و هي كتسد فالرواية.. حطاتها فوق الكوافوز و دارت شافت فيه..
اكرام: مالك؟!..
نزار: (هز المخدة دارها على راسو و هدر بصوت شبه نائم) غير عيان.. بغيت نرتاح و صافي..
اكرام : (شافت فيه واضح عليه التعب.. تفكرات هاد الليلة شنو كانت راسمة ليها.. نسات راسها مع الرواية و مقادات والو.. هو اصلا عين دبا.. وقفات و هي كتفكر.. فالتالي مشات هزات زيت ديال المساج حطاتها فوق الكوافوز جنب نزار و بدات كتحل ليه فالصدافي ديال الشميز.. حيد المخدة من على وجهو و شاف فيها و هو مستغرب.. فهمات قصدو عير من شوفاتو..
اكرام : بنتي ليا عيان.. ندير ليك مساج باش ترتاح..
شاف فيها و كمل حلان الصدافي.. حيد القميجة لاحها و دار تكا على ضهرو بلا ميزيد حتا كلمة.. مفيهش حتا ميدوي حاس براسو غينفاجر.. طلعات اكرام نفس و طلعات فوق من ضهرو.. هزات الزيت و بدات كتخوي منها على ضهرو غير بشوية بحالة كتنقط.. حطات إيديها و هي كتماصي بشوية.. كطلع لكتافو و عنقو و ترجع تنزل.. كتماصي و إيديها كيتحركو على ضهرو ببطئ شدييد.. و كتخرك صبعانها فوق لحمو بطريقة كتخليه يتبورش.. طلعات لراسو و بدات كتماصيه ليه بشوية.. حتا ترخا.. ولا كيحس حسن دبا.. بشوية بشوية بدات كتحرك فوق من ضعرو بجسمها كامل.. كتميل كاملة كلما طلعات إيديها شوية.. و شعرها كيطيح فوق ضهرو.. كتبقا تجرو بشوية حتا كتهزو.. خلات جسمو كامل يتبورش بحركاتها المقصودة.. مفهمهاش لاش كترمي بالضبط.. مكانش كيتحرك و هي فوقو.. بحالة مكيناش.. الشيء لي خلاها تعصب و تزيد إثارة لحركاتها.. كتحرك مؤخرتها كلما حركات إيديها.. كان مبرد بزاااف و مكيتحركش من بلاصتو.. حطات إيديها على كتفو و وقفات ضفرها.. بقات كتشوف فيه تشجعات و جرات ضفرها على لحمو حتا قمشاتو.. دارت خط طويل فوق ضهرو.. محساتش على راسها فزوج تواني لقات راسها تحت منو و هو فوقها.. غفلها و فلحظة خشاها تحتو.. كان قريب ليها و أنفاسهم تقريبا مخالطة.. بزوجهم كيتنفسو بصوت عالي..
نزار: علاش كتقلبي فهاد الليلة؟!..

اكرام : (و هي عاضة على شفايفها) والو..
نزار: متأكدة؟!..
اكرام : (هزات راسها باه و هي مزال عاضة على شفايفها)
نزار: (فهمها لاش كترمي.. ولا كيعرفها مزيااان و حافض جميع حركاتها..) هي سالات عطلتك..
اكرام : باش عرفتيها..
نزار: وليت حافضك..
اكرام : (اكتافات بابتسامة و هي كدوز إيديها بشوية على صدرو العاري.. نزل عينيه لشفايفها محسوش حتا تلاصقو شفايفهم و دخلو فقبلة طويلة.. قبلة كيفرغو فيها جميييع اشواقهم.. قبلة كتحمل كميات هائلة من الاحاسيس.. دخل لسانو كيتحسس فمها من الداخل و هو كيجر و يعض فشفايفها.. مبعد منهم حتا رجعو حمرين و منفوخين.. نزل بشوية و هو كيمص فعنقها.. خشا إيدو تحت من التريكو لي لابسة و هو كيعصر فصدرها.. هز راسو شاف فيها و طلع ليها التريكو.. هزات إيديها حتا خرجو و نزل على عنقها كيمص فيه و إيديه كتحل فلي سوتيان.. حل لي سوتيان و جرهم بخفة لاحهم.. خرج صدرها قدامو.. مع الرضاعة زاد كبر.. ضغط عليه بشوية و هو كيعض و يمص فعنقها نازل بعضات منتاضمين حتا كيوصل لصدرها و يرجع يطلع لفمها.. البلاصة لي داز منها كيخللي فيها الطراس ديال عضاتو و لمساتو.. فهاد المدة كاملة اكرام كانت بحال شي صنم مكدير حتا شي حركة.. مزال مولفات.. حاسة بحالة اول مرة غيقيسها.. و متنكرش ان الخوف تمكن منها.. معارفاش راسها مناش خايفة..و لكن شي حاجة فداخلها ممرتاحاش ليها.. خشا راسو وسط صدرها و عصرو بقوة هاد المرة حتا غوتات.. حس بشي حاجة سائلة نازلة مع وجهو.. هز راسو و هو كيمسح حنكو..
نزار: شهادشي؟!..
اكرام : (شافت فيه و هي كضحك.. تشتات بالضحك مقدراتش تحبسها) هههه راني كنرضع.. غير الحليب..
نزار: (خنزر فيها و هو كيمسح فوجهو) ضروري يخرج هاد الحليب زعما😒😒.. 
اكرام : من نيتك.. را عادي مع الرضاعة..
نزار: (ضغط ليها على صدرها مرة خرى حتا خرج الحليب كيطشطش.. شاف فيها و هو كيضحك.. شد صدرها بين إيديه و هو كيمص و يعض فيه غير من جنب بلا ميوصل لحلمات صدرها.. مرة مرة الى ضغط عليه كيخرج الحليب.. عجبو الحال و بقا مدة طويلة و هو كيلعب بصدرها.. تم نازل مع بطنها بعضات خفاف داز من سرتها و هو كيدوز لسانو بشوية.. حل ليها الشورط و بدا كينزلو بشوية حتا حيدو بقات غير بالسليب.. حيد سروالو و رجع فوقها هز ليها رجليها و حطهم فوق كتافو.. بدا طالع بالعضان و المصان مع فخادها.. خلاها تبورش.. كانت مستمتعة معاه فصمت و كتأوه بصوت منخافض و تغوت مرة مرة الى عضها بقوة.. و حتا ممارستو معاها كانت خفيفة.. باغي يستمتع بالهدوء معاها.. كان هو لي متحكم.. حط إيديه على الطوطو من فوق السليب حس بيها تهزات من بلاصتها.. بدا كيدوز إيدو بشوية من فوق الطوطو و هو كيحس بالسليب سارد و صباعو كيزلقو.. جر ليها السليب بخفة و نزل البوكسر.. غير شافت المعلم واقف محساتش براسها حتا تزيرات.. بلعات ريقها و سدات شوية فخادها.. مزالة مولفات.. حس بيها نزار و طلع عندها همس فودنيها..
نزار: متخافيش.. 
اكرام : (بنفس نبرة صوتو) عفاك بشوية..
نزار: (كيمص فعنقها) غير ترخاي..

طلع عندها و دخلو فقبلة اخرى كان كيلعب بلسانو وسط فمها و كيجر و يمص فشفايفها و فنفس الوقت كيدوز المعلم غير من الفوق على الطوطو باش ترخا.. بدا كيدخل فيه بشوية هز راسو شاف فيها سادة عينيها و عاضة على شفايفها.. شادة ليزار لي على السرير بيديها و كتوجع في صمت.. كاتمة صوتها.. ابتاسم و خرجو شوية و رجع دخلو دقة وحدة حسات بيه وصل للوالدة.. غوتات على حر جهدها.. و هي شادة فالسرير.. دازت مدة طويلة على اخر ممارسة.. مزال مغتولف.. حسات بحالة هادي هي اول مرة ليها.. طلع لعندها و حط إيدو على وجهها.. رجع خرجو و دخلو بشوية.. دخل معاها فقبلة خرى و هو خدام تحت منها.. كينزل بشوية مع عنقها و يعصر فصدرها و يرجع اطلع لفمها و المعلم مزال خدام كل مرة كيزيد و لا ينقص من نيفو الممارسة.. كانت كتوجع و تلوا تحت منو.. كتأوه بصوت مرتافع من الالم و الشهوة فنفس الوقت.. كيخلليه ازيد يجعر.. شدها من خصرها و هو كيدي و يجيب فيها بقوة فاش حس على راسو قرب اجيبو.. جابوه قد قد و تلاح تكا حداها.. خلاها كتنهج..
نزار: ههه دغيا عيتي..
اكرام : (هزات مخدة لاحتها عليه) الله الكيها ليك.. هادشي غا قلنا ليك بشوية مكتكايسش على الواحد.. (جرات عليها ليزار غطات راسها)
نزار: (دار قرب ليها و تكا جنب على إيدو و هو مقابل معاها.. جرها من خصرها و قربها ليه كثر) اجي لهنا مزال مسالينا.. مزال مشتي واالو..
اكرام : (كتبيض فعويناتها و تبوحط) حالف حتا تفلعصني هاد ليلة..
نزار: (غمزها) مزال عاد بدينا😉.. شحال و نتي حارماني منك.. و لا نسيتي.. هاد الليلة مغنتفاكش معاك حتا نفدي فيك كلشي.. جديد و قديم..
اكرام : (درباتو على كتفو بجهد) تفو.. دماغكم غا فداكشي.. ياك يللا كنتي عيااان و مدكدك من الخدمة😒..
نزار: (حيد عليها ليزار و جرها بخفة دارها فوقو) كنت عيان.. معاك نتي كنسا كلشي.. 
اكرام اكتافات بابتسامة و هي حادرة راسها.. قربها ليه من خصرها حتا تحنات فوقو كتحس بالمعلم ورا مؤخرتها مباشرة.. شعرها كان طايح فوق جسمو.. جمعو و دورو فاتجاه واحد و هو كيقرب لشفايفها.. طبع عليهم قبلة عنيفة و هو كيعض و يجر فيهم.. حسات بيه غياكلهم و إيديه كتعصر فصدرها و كتحرك على خصرها.. هزها من فخادها بشوية و هي حاطة ايديها على كتافو باش تشد توازنها.. طلعها و حطها فوق المعلم مباشرة.. غوتات مرة خرى و هي كتحس بالحريق شاعل تحت منها.. غرسات ضفارها فكتافو.. محسش عليها.. اصلا مكانش فهاد العالم.. رغم ذلك كانت مستمتعة.. شهوتها معاه كبر من هاد الالم كامل فهاد اللحظة بالضبط.. شدها من خصرها كيطلعها و يرجع انزلها و هي عاضة على شفايفها و كتأوه بصوت نلحون كيخليه ازيد اجعر.. تحنات لعندو هاد المرة هي و دخلات معاه فقبلة طويلة.. عضاتو فشفاتو بقوة حتا داقت طعم الدم ففمها فاش حسات بيه دخلو بقوة.. الحريق كيقطع فيها.. محساتش على راسها و هي مسيلة ليه الدم من فمو.. عضاتو بقوة.. كان قريب اجيبو مهتمش حتا جاب البليزير ديالو.. تكات على صدرو و هي كتنهج..

تكات على صدرو و هي كتنهج.. دور إيدو على خصرها و نزلها من فوقو بشوية.. حس بيها عيات.. كيشوف فعينيها شحال نايمين.. نسا راسو و هو كيشوف فيها.. مبقاش كيقدر ابعد عليها عينيه.. هي ليوم ديالو و حلالو.. اكرام جرات عليها الغطا و بقات متكية على صدرو لي طلع و ينزل.. اكتافات بالصمت و هي حادرة راسها و دماغها مسافر لبعيد.. حسات بشعور فشكل هاد المرة.. هادي ماشي اول مرة غتكون ليه فشي ليلة.. و لكن احياسها ماشي نفسو.. اول مرة كتحس بهاد الاحساس او كتجربو.. محساتش براسها رخيصة بحال قبل.. عاد عرفات قيمة الحب فالحلال شحال زوين.. رجع بيها دماغها لبعيييد.. فترة عمرها تقدر تنساها من حياتها.. هي لي ذلات راسها و رخصات راسها.. هي لي كانت سباب فكاع داكشي لي عاشت.. لو عطات راسها قيمة مكانتش غدوز من شحال من مرحلة.. كانت تقدر تشوف نزار فضروف حسن.. تبغيه بطريقة حسن.. هادشي فاش كانت كتفكر.. و هي فصراع مع نفسها.. تنهدات و هي كتقول مع راسها كلشي جا لاسباب.. و هاد الاسباب عايشاهم دبا... حس عليها نزار سهات بزاف و طولات.. حط إيدو بشوية على حنكها و نزلها هز ليها راسها من ذقنها بزوج صبعان.. حتا شافت فيه..
نزار: مالك؟!.. فاش كتفكري؟!..
اكرام : (بقات مدة كتشوف فيع فالتالي تنهدات و نطقات) والو..
نزار مفهم والو.. زاد جرها لعندو من خصرها و باسها فعنقها..
نزار: متفكري فوالو.. بغيتك تنساي كلشي لي داز.. بغيتك تفكري غير فالايام لي جايا.. غتكون حسن..
اكرام : انشاء الله..
نزار: كنبغيك..
اكرام : (ضرباتو على صدرو بقبضة ايدها و هي معبسة) سير بعد مني.. الله الكيها ليك.. شو كيرديتيني.. مزالة كنحس بالحريق.. مكتعرفش تكايس..
نزار: (بقا كيشوف فيها.. يللا كانت ياهية و غير كتفكر.. دغيا قلباتها مدابزة.. ابتاسم بلا ميشعر و هو حاضي عويناتها) لا.. مزال موريتك اش خاص ادار.. يللا ضربنا زوج كيف والو..
اكرام : (شهقات) الله امسخك.. كيف والو و نتا بقا ليك غير شوية و تفلعص ديلمي..
نزار: (زير ليها على خصرها حتا غوتات.. هدر و هو عاض على سنانو) مزال مناوية تقادي داك الفم عندك..
اكرام : اي اي.. صافي غير رخف.. و الله حتا نسيت..
نزار: تانا هنا غير باش نفكرك حتا تقادي.. و راني مزال محلف عليك.. تي خاصك شي تفرشيخة باش تقادي..
اكرام: (كدور فعويناتها) حرام عليك.. مالي اش دايرة انا..
نزار: الى جيت نحسب مغنساليش.. نسيتي فاش كنتي ناوية تحرميني من نور و قمر و لا شنو؟!.. عندك الزهر فاش لقيتك كنتي حاملة و كرشك سابقاك.. اما كنا غنتفاهمو😉..
اكرام : و صافي.. راك عارف مزيان اش واقع.. ماشي لخاطري تانا.. بحالة نتا دوزتي عليا الساهل.. غير خللي داك الجمل راكد.. لي شفت معاك نتا بوووحدو.. حتا من عيشتي كرهتها..
نزار: (باسها على جبهتها..) داكشي فات دبا.. و عمرو غيرجع اتعاود..
اكرام : نزار..
نزار: امممم..
اكرام : بغيت منك واحد الطلب صغيييور..

نزار: قولي شكاين..
اكرام : و متقولش ليا لا.. واعدني هي لولة..
نزار: (مطلع حاجب و منزل لاخر) غدوي لا.. 
اكرام : اووف.. احم.. دبا.. دبا بغيت.. بغيت نقول..
نزار: هدري خلاص براكة من الدوران..
اكرام : (جمعات قوتها و نطقات) بغيت نرجع للملهى لي كنت خدامة فيه.. بغيت غير نرجع نشوف و صافي.. دازت مدة طويييلة غيكونو تبدلو بزاف ديال الحوايج..
نزار بقا كيشوف فيها و طول فيها الشوفة.. طلع نفس قوي و حيد عليها بشوية و دار جنب.. عطاها بضهرو بلا مينطق.. مفيه ميدخل معاها فشي نقاش ماليه حتا معنى من الاساس... بقات كتشوف فيه كتسناه يهضر و لا يدير اي حركة.. ملات و هي كتسنا فيه يجاوبها.. طلعات راسها شافت فيه بشوية لقاتو ساد عينيه.. تعصبات و لكن سرعان مكتمات غضبها.. ماشي هكا غتحل الموضوع.. اصلا عارفة راسها مزيان كطلب شي حاجة صعيب بزاف انه يتقبلها.. قربات لودنو و همسات بصوت خافت..
اكرام : نزار.. (بقات على نفس وضعيتها كتسناه يجاوب.. والو لا رد.. خافتو يكون نعس.. تنهدات و هي حاطة إيديها على كتفو و دي و تجيب فيه..)
اكرام : نزاار.. نزار.. نوض بلا مرض تاني.. نزاااار..
نزار: اكرام بعدي خليني نعس.. معنديش الكانة ليك..
اكرام: ااااه.. قبل واحد نص ساعة كانت عندك الكانة ليا.. دبا لا.. ياااك ا ولد القحبة.. صافي.. كلكم بحال بحال.. 
قبل متكمل كلامها محساتش على راسها الا و هي تحتو.. دورها بخفة و جا فوقها و صدرو كيطلع و ينزل.. عينيه حمرين و عروق جبينو باينين.. بلعات ريقها بصعوبة.. عارفة راسها قفراتها.. يللا جات تهدر سبقها و هو كيحاول يتحكم فراسو و ميغوتش فوجهها..
نزار: اكراااام.. اش باغا فهاد الليلة.. مناوياش تخلليها دوز بيخير.. داك الفم عندك غير ديال التهراس.. و باش مكملاها باغا ترجعي للبار.. شنو دغيا توحشتي الزلالة و القحبات.. اقسم بالله و متشدي لرض حتا نهرس ليك رجليك..
اكرام : (بقات غير كتشوف فيه و الدمعة فطرف عينيها.. حسات بكل حرف قالو.. حدرات راسها كتحاول تجنب نظراتو و هي كتفكر فكلامو.. كتهدر و تنخسس بصوت مقطع) انا.. انا مفكرتش هكا.. بغيت... بغيت غير.. نرجع نشوف البنات.. ماشي شي حاجة.. انا.. انا دوزت مدة طويلة.. معاهم.. بغيت غير نشوفهم و صافي.. غير مرة.. حسيت بيهم بحال خواتاتي الصغار.. عشت مع كل وحدة و مشاكيلها.. واخا.. واخا عمري.. بينت ليهم حس الاهتمام.. و لكن ربي.. ربي لي عالم.. صافي.. ماشي مشكيل.. ديرني مدويتش يمكن حسن.. (سكتات و هي كتشهق و دموعها نازلين.. معرفاتش لاش هاد الموضوع حسات بيه فاعماقها و هي كتفكر ماضيها... نزار معرف راسو باش تبلا و هو كيشوف دموعها نازلين.. ندم كاع حتا لاش غوت فوجهها.. حط ءيدو بشوية على خدها و هو كيمسح فدموعها)

نزار: شوو صافي.. سمحيليا مقصدتش.. متحملتش فكرة نشوفك فنفس البلاصة مرة خرى و صافي.. 
اكرام : و الله ما قصدت شي حاجة.. بغيت غير نشوف البنات.. و الله😢..
نزار: (طلع نفس قوي) بشرط..
اكرام : (دغيا مسحات دموعها و شافت فيه و هي مبتاسمة) اي حاجة..
نزار: انا لي غنديك و نبقا معاك حتا ترجعي.. واخا محاملش هاد المشية كاملة.. غير غندير ليك خاطرك..
اكرام : (باستو على خدو) متخافش.. مغتندمش غير غنشوفهم و صافي..
نزار: (حاط إيدو على خدو بلاصة القبلة) صافي.. هادشي لي نستاهل..
اكرام : (ابتاسمات و هي عاضة على شفايفها.. قربات ليه دورات إيديها على عنقو و طبعات قبلة طويلة على شفايفو.. دار جنب و دورها معاه حتا هي و ايديه كتسارا فخصرها و كتعصر فصدرها.. نزل بعضات و مصات خفاف مع صدرها.. و ايدو كتعصر فمؤخرتها و فخادها.. مكيشبعش منها او من لمساتها.. كانت مستسلمة ليه كليا و هي بين ايديه.. عاطياه كل الحق فالتصرف.. هز ليها فخدها فوق رجليه و ايدو على الطوطو كيلعب فيه.. حاط صبعو و كيحركو بشوية كيتحسس فيه.. خللاها كتلوا بين ايديه.. كيعرف مزيان كيفاش يلعب ليها على الوتر الحساس.. حط المعلم على بلاصتو كيدوزو بشوية غير من الفوق حتا ترخات و بدا كيدخلو بشوية و هي كتوجع و تاوه.. عضاتو فكتفو فاش حسات بيه دخل...

صبح صباح جديد.. حلات عينيها بشوية و هي مزالة فحضنو.. هزات راسها و هي كتشوف فيه كيفاش مزال معنقها و خاشيها فصدرو.. بعدات بشوية يللا جات تنوض حسات بيه جرها عندو مرة أخرى..
نزار: (بصوت شبه نائم) فين غادة.. بقاي هنا..
اكرام : غنوض غير للدوش ا نزار..
نزار : (حل عينيه بتثاقل) صباح الخير..
اكرام : (حطات إيديها على وجهو) صباح النور.. غنوض ندوش..
نزار: (جرها لعندو خشاها غيه كثر و هو كيشم فريحتها.. وقف و هزها معاه بليزارها) 
اكرام : فين غادي؟!..
نزار: غندوشو بزوج.. (مشا بخطوات ثقيلة فاتجاه الحمام.. غير وصل لاح ليزار قدام الباب و دخلها.. دوشو بزوج و اكيد مفلتاتش اكرام من ملامساتو و حركاتو و شوية البيتيز.. غسل ليها و غسلات ليه و خرجو بزوج لاويبن عليهم فوطات.. خرج و هو هازها بين إيديه.. حطها فوق السرير و دخل لغرفة التبدال لبس عليه بالخف و خرج هز شي وراق و هو غادي فاتجاه الباب.. حتا كان خارج و رجعع..
نزار: وجدي راسيك ليوم بليل غنمشيو البار.. و لكن غير باش تعرفي انك مغطوليش غير باش تهناي..
اكرام : (اكتافات بابتسامة) صافي ماشي مشكل.. شكراا بزاف.. (خرج نزار مرة خرى.. اما اكرام وقفات فاتجاه غرفة التبدال.. حلات الماريو و هي كتقلب بعينيها على ما تلبس..

لبسات و مشات عند ولادها هما لولين كيف كل صباح.. هزات قمر بين ايديها هي لولة.. نور مزال ناعسة.. بدات كتلعب معاها.. معندهاش الطاقة باش ترضعها خاص حتا تفطر بعدا.. جلسات على الارض فوق طابي و حطات قمر حداها من بعد ما فرشات ليها اسية مزيان باش مطلعش معاها البرودة.. ربعات اكرام رجليها و هي كتلعب مع قمر و ضحك..
اسية: شفتك فرحانة ليوم ا لالة.. (غمزاتها) شنو السر..
اكرام : اممم بغيتي تعرفي شنو السر ؟
اسية: (هزات ىاسها باه بلا متنطق)
اكرام : و علاش حتا منفرحش.. الحمد لله مزوجة بسيد الرجال.. الف وحدة تتمناه.. بغاني انا.. و كان ليا انا.. و ضحا ببزاااف ديال الحوايج باش نتجمعو بزوج.. وللا كيعرف الله.. من بعد ما داز من مراحل صعيببة.. عندي عائلة كتبغيني.. مكيهمونيش بزاف ديال الاشخاص.. خويا و مراتو كافييني و اكبر عائلة بالنسبة ليا.. و اكييد ماما خديجة و غيثة ختي.. هما لي رباوني و كبروني.. اوا و منساش عندي زوج فناكش كيهبلو.. (قالتها و هي كتلعب مع قمر و تلعب ليها فحنيكاتها) ياا ربي تحفضهم ليا من كل شر.. 
اسية: امييين.. الله اخلليهم ليك و يخليك ليهم لا نتي لا سي نزار..
اكرام : امييين يا رب.. (دارت شافت فالخادمات لي داخلات بالفطور) هااا الفطور جااا.. حطيه عفاك غير فالارض هنا.. (وراتها فين تحطو و حطاتو قدامها.. بدات كتاكل بشوية غليها كتلدد و تشوف فقمر و تلعب معاها.. تفكرات هدرة اسية على فرحتها.. واخا هادشي كامل معارفاش لاش حاسة بشي نقص فالداخل ديالها.. شي حاجة مزال مكملات و خاص تنهيها.. تنهدات و هي كتحاول تبعد هاد الافكار من بالها)

داز نهار عادي و كللو روتين لا غير.. نمشيو لبلاصة خرى دبا.. كانو بزوج فالسيارة.. الصمت هو سيد الموقف بينهم.. مكيتسمع غير صوت ضربات قلب آلاء القوية و صوت انفاسها المسموعة.. خايفة بزااف من هاد الخطوة لي غدير.. معارفاش شنو ممكن اكون وراها.. حط إيدو فوق ايديها لي كترجف كيحاول يطمأنها..
لؤي: آلاء مكين لاش ديري هاد الحالة.. صافي معندو مايطرا.. انا معاك دبا.. و انا راجلك.. ميقدرش اوصل ليك.. خاصك تفوتي هاد المرحلة.. اووك؟!..
آلاء : (لا جواب.. غير ساتة و هي كتفكر فهدرتو و دورها فدماغها) 
لؤي: اوووك؟!.. آلاء..
آلاء : (نزلو دموعها خارين على خدودها) مبغيتش.. عفاك رجعني بحالي.. منقدرش نشوف فعينيه مرة خرى.. هو ماشي بابا.. لا.. الآباء مكيديروش هكا.. عفاك خلليني نرجع مبقيتش باغا نشوفو..
لؤي: (قرب ليها كثر و دور وجهها عندو شدو بين ايديه و هو كيمسح دموعها) متخافيش.. انا معاك.. و جنبك.. راه كيبقا الاب ديالك.. و كلنا كنغلطو.. حاولي تنساي الماضي.. ممكن اتغير..
آلاء : (كتحرك راسها بلا و هي كتشهق) لا.. لا هداك عمرو يتبدل.. هداك خاط حجرة فوق قلبو.. عمري نسا اش سمعت من فمو اخر مرة. عمري نسا كيفاش جرا عليا من دارنا و لاحني فالزنقا بحال شي وحدة مكتسواش.. و مكنت دايرة والو.. شفت خويا الله ارحمو.. لا مبغيتش..

لؤي: (تنهد و هو كيفكر كيفاش غينزلها) آلاء.. الله لي هالقنا كيسامح العبد ديالو.. صافي غتنزلي.. غتشوفيه.. ربع ساعة مكاملاش و غنرجعو لدارنا.. يعرفك بعدا غير واش حية و لا ميتة..
آلاء : (سكتات و هي كتمسح فدموعها)
لؤي: صافي واجدة دبا.. نزلو؟!..
آلاء : (هزات راسها باه) واخا 
نزل من لوطو و دار حل ليها الباب.. مد ليها ايديه قوات راسها شدات فيه و نزلات.. دور ايديه على خصرها و جرها عندو كثر.. هي كانت غير حادر راسها و كتحاول تجنب شوفات بنادم ليها.. تقريبا الدرب كامل وقف و هما حاضيينهم.. و كيفاش ميحضيوهمش و الفيراري فوسط حي شعبي بسيط.. لي كيدوي حاضيهم و لي خارج وقف و حتا لي فديوهم كيطللو من الشراجم.. حتا من الدراري الصغار وقفو لعبهم و هما متبعينهم بعينيهم.. هادشي عادي بزاف فاي حي شعبي بالمغرب.. و لكن رغم انه حي شعبي هو حي راقي و بسيط.. وقفو قدام الباب و دق لؤي على الباب بقوة شوية.. شاف فآلاء لي واقفة على اعصابها و قرب باسها فخدها..
لؤي: (بهمس) كلشي غيكون مزيان.. متخافيش..
هزات راسها باه و سرعان ما تحل الباب.. شافت مرات باها قدامها هي لولة.. تصدمات من شكلها.. لابسة بيجامة عرييضة و قديمة و لاوية عليها زيف حياتي من فوق راسها.. و فيديها سربيتة كتمسح بيها و محزمة بطابلية.. وجهها صفر و ذابل و حتا فمها بياض و تحت عينيها مكمش و لي سيرن شادين نص وجهها.. تصدمات من شكلها غير اخر مرة شافتها كانت كتلبس غير الغالي و ديما مهلية فراسها.. مريم حتا هي بدورها تصدمات و هي كتشوف فيها قدامها.. كيفاش لابسة و لؤي جارها من خصرها و مزير عليها.. مخفاتش عليها حتا الفيراري لي وراهم.. مبقات فهمات والو.. ممتيقاش بللي هادي نفسها آلاء لي خرجات من هاد الدار اخر مرة و هي مذلولة..
مريم: (بصوت راجف و باح باين فيه التعب) آلاء..
آلاء : اه انا.. رجعت.. 
مريم: (حدرات راسها و هي كتبعد و تحل الباب باش ادوزو) باباك لداخل..
آلاء غير سمعات باباك حسات بقلبها تهز من بلاصتو.. وقفات مبقاتش قادرة تحرك حتا كيجرها لؤي و للداخل..
لؤي: شكرا..
بقا جارها حتا وصلو للبيت و هي كدور عينيها فارجاء الدار.. متبدلاتش بزاف.. باقا كيفما كانت.. سهات و هي كتفكر ذكراياتها فهاد الدار.. اغلبيتها ذكريات حزينة تحفرات فدماغها.. دوزات طفولة صعبة.. كانو تابعين غير مريم لي كتوريهم فين امشيو.. وقفات قدام صالة و هي كتشوف فباها قدامها.. نزلات دمعة على عينيها و هي كتشوفو ناعس فوق السداري و واضح من وجهو التعب و المرض.. كان كيكح بصوت مرتافع.. هز كاس ديال الما بيدو لي كترجف.. شرب عاد شاف فيهم.. حتا هو متيقش عينيه كيشوف بنتو قدام عينيه.. ليوم تقلبات الآية.. آلاء نزلو دموعها حارين على خدودها و هي كتشهق بصوت مرتافع.. متحملاتش تشوفو فهاد الوضع.. رغم خوفها منو كيبقا الاب ديالها.. قربات جلسات حداه و شدات ليه فيديه..
آلاء : بابا..
داز الصمت واحد المدة قصيرة.. بزوجهم كيشوفو فبعضهم و سلسلة احداث حياتهم مع بعضهم كدوز قدام عينيهم.. نطق بصوت راجف و عيان.. كيخرج الهدرة بصعوبة..
احمد: بنتي.. آلاء..

يتبع في الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.