واقف حدا مرايتو كيقاد حوايجو وروح الندى متكية على جنبها كتشوف فيه مبسمة
روح الندى : فين غتمشي؟ غتخليني بوحدي؟
تلفت مبسم وقال : غنرجع ليك غير صبري (غمزها) عندي مايتقضا دابا نسالي ونجي ليك
مشا عندها تحنى عليها باسها وقال
- خليك بلاصتك هانا جاي .
تبسمات كتحرك راسها متبعة ليه العين حتى خرج وهي تخشي يديها تحت المخدة فرحانة مغطية نصها .
وسط الساحة دالقصر الكبيرة واقفين عبيد مستفين وحراس كل واحد فيهم قدامو فارس من الفرسان الخاينين ، وقدامهم واقفة العاءلة الملكية كاملة مو الملك محمد اصيل اللي واقف كيشوف فكلشي من فوق دروج عاليين .. هز يدو وقال
- اليوم بغيت كلشي يبقا عليه ... وكل عام غايكون عندنا عيد جديد نحييوه . هاد النهار غادي يتسجل وغتحتافلو بيه كل عام .. باش حتى واحد فيكم ماينسى ولا يتناسى و يزعم ويغدر بيا ولا يطعني فضهري ... ماشي محمد اصيل اللي يتغدر ... كلشي باغي يعرف شنو غيوقع فهاد النهار ... هاد النهار اللي غيبقا يتعاود كل عام ... غيتسمى ذكرى الخاااااااءن .
شار بيدو لفارس واقف مستاقم قدام الفرسان حدا حديدة طويلة طالعة معاها قنبة من يدو حتى للفوق .. جر الفارس القنبة بالزربة وهوا يطلع راس الامير سيف الدين مقطوع تعلق فالسما قدام كلشي ... قدام سكان القصر كاملين اللي شهقو شهقة وحدة ورجعو خطوة اللور ، ناعيك على العاءلة اللي صفار وجههم واحد واحد وحلو فامهم وكاين اللي سخفات فالارض وتعرضو ليها ، اما لاللة زينب فشلو بيها رجليها وتعرضو ليها الوصيفات شدو فيها و هي عينيها خارجين فراس الانير سيف الدين ،
قالت كترجف بلسانها : اش هادشي ؟! ااش هادشي كنشوف .. هادشي عمرو وقع
طاح كلامها فمسمع الملك وهوا يرفع راسو قاءل
- عمرو وقع .. لاكن فالحكم ديالي غيوقع ماكتر من هادشي ، اللي خان . واللي تضبط كيخالف القوانين مصيره غيكون بحال الخاين سيف الدين وهاد الخونة اللي معاه
غوت بالجهد وقال : قطعو راس اللي خان .. وعلقوه قدام كلشي .
تهزو السيوف فالسماء وتغمضو عينين النسا ما قدرو يشوفو داكشي اللي كيجرا قدامهم .. تقطعو الريوس كاملين قدام راس الملك المرفوع وهو كيزفر من مناخرو ، لاح عبايتو موراه ومشا خلا كلشي واقف وكلشي حال فمو وكلشي مصدوم والمدايات فالساحة والريوس معلقة وحدة حدا وحدة ، خلا قلوب العاءلة كتقطع على الامير سيف الدين وخلا عقولهم واقفة مجمدة .
رجع لجناحو مبسم عند روح الندى اللي مزالة ففراشها كتسناه .. غير دخل وخل وهي تهز راسها فرحانة مبسمة كتشوف فيه .... تكى حداها وتكات على صدرو حاطة راسها وقالت
- توحشتك بزاااف عمرك تمشي وتخليني بوحدي كنتسنا
باس راسها وقال : معاك اللي يونسك
هزات عينيها وقالت : شكون؟ حد مكيحملني هنا كن لقاو كن قطعوني طرااف طراف
تبسم وقال : ولدي ماشي وناسة ؟
عنقاتو كضحك وقالت : ونااسة ههه ... فرحان؟
باس خدها وقال : بزاف ... عارفة هادا اللي هازة فكرشك شكون؟ ... هادا راه هوا كلشي .. هادا هوا الخيط اللي غيجر سلالتنا لقدام .. هادا اللي غيحكم من بعدي ويخلي سميتي وسميت جدادي حية ... هادا راه كتسناه البلاد كاملة ماشي غير انا ونتي
روح الندى : وعلاش مال البنت ماشي نعمة ؟ من حقها تحكم حتى هي .. راه عندها حق حيت هي اللي كتحمل وتولد وتربي .. علاش اللي متحكمش؟ علاش غير الذكر اللي يحكم
شاف فيها شوفى غريبة دخلات ليه الشك وقال
- هاد الكلام مانعاودش نسمعو منك اروح الندى ... وماعندناش البنت اللي تحكم فسلالتنا و متقدريش لا نتي ولا غيرك يغير هادشي تفاهمنا؟
روح الندى : وشنو فيها من عيب الى تولدات البنت و خرجات حسن من شحال من راجل ؟ وكانت قادرة تحكم حتى هي .. علاش البنت ماعندها قيمة ؟ كما تقدر تولد وتربي راه تقدر تسيير بلاد .. وتقدر تكون حسن من بزاف ديال الرجال
مسح على لحيتو وقال كيتنهد : سمعيني الله يرضي عليك ... المرا تخلقات باش تولد وتربي وتكبر وتعيش معززة مكرمة ...يعني اميرة... ماشي هي اللي تجمع مع الرجال .. وتخرج تحارب وتحكاك مع شحال من راجل ... شغل الرجال بوحدو وشغل لعيالات بوحدو ... كما الراجل ماشي شغلو يولد حتى لمرا ماشي من شغلها تحكم وتحارب ... دورك نتي هوا تولدي ليا ولد دابا ... هوا الاول ونساي شي حاجة سميتها البنت اروح الندى ... نويت نولد معاك نتي .. وا نوي حتا نتي تجيبي ليا الولد وماتعاوديش تهضري فهادشي ونساي حكام البنات
روح الندى : والله حتى النسا غيقدرو ي..
خزر فيها وقال : صاافي سالينا ... سدي هاد الباب حيت غيجيك منو غير العداب... فكري فاللي ينفعك ماشي يخرج على حياتك
سكتات كتنهد.. شافتو تقلق من كلامها بغا ينوض وهي تحط يدها على كتفو وقالت
- صافي سمح ليا .. غير بغيت نعرف علاش كتقللو من النثوة وصافي
تلفت وقال : ماشي كنقلل منها ... شي حاجة اللي عمرها كانت رواه عمرها غتكون ... الحكام كيتعطى للرجال .. عمر النسا حكمو ولا كانت فشي بلاد اخرى... وكن ماكنتي عزيزة ماكنتش غنكمل معاك الهضرة
تبسمات وقالت : حتى نتا غالي وعز بيا من راسي ... ماتقلقش مني راه غير بغيت نعرف وصافي
تبسم ودار عندها شد راسها بين يديه وقال : عرفي الحاجة اللي تنفعك وبعدي من الحاجة اللي ضرك ... تبارك الله عليك ذكية وفطيطنة ماشي هبيلة ... خدمي الفطنة ديالك فاللي ترجع ليك بالنفع ماشي ترمي راسك لهلاك ... باش تبقاي حتى نتي عزيزة وغالية
باس جبهتها وقال : ردي لبال لراسك وللأمير اللي فكرشك ... وراكي اميرة بلا ماتحتاجي شي حد يقولها ليك
تبسمات وقالت : بصح اميرة؟
تبسم وقال : اللي كتزاد اميرة كتعيش اميرة و كتموت اميرة ... ونتي اميرة ... اميرة قلبي وروحي
شد خدها وقال : الى قالها ليك الملك براسو بلا متحتاجي شي حد يقولها ... ومللي باغا يعرفها كلشي .. مايكون غير خاطرك ... جيبي الولد و نعلنها فلبلاد كاملة
باس جبهتها وناض خلاها جالسة فبلاصتها كتشوف وتخمم ... والى جابت البنت ؟ والى ماجابتش الولد ؟ اشنو غيدير معاها ... هوا غيهبل على الولد وكيتسناه بالشوق .. الى جابت البنت كلشي غيتشفا فيها وكلشي غيضحك عليها .وحتى الملك يقدر يقلب وجهو عليها .. موصيبة كحلة وسييير على 9 شهور وهي هازة هم كبر منها ... كيفاش غتعرف شنو عندها وباش حاملة .. لالالالا ماتقدرش تصبر 9 شهور .. تبات بلا نعاس كتخمم ودمم هاد الشهور كاملة .
الحاصول .. كلاها الهم والتخمام وغرقات فبحر الهموم والخوف .. ماكانش عندها غرض تولد البنت ولا الولد .. عندها كلشي بحال بحال المهم تحمل طرف منو .. ولاكن كلامو دابا خلاها ترجع تفسخ خيوطها وتعاود تخيط من جديد وخاصها تجيب ليه الولد .. ماشي بيديها وماعندها مادير ومافيديها حيلة ... نتسناو المكتاب اش غيكتب عليها .
جالس تحت القمرة فالجردة المضوية بالشمع فلكيسان على الارض حدا لاللة ياقوت كيعاود بيها ماجرا ليه فالحرب ويحكي قصتو مع الغدار دولد عمو اللي طعنو فضهرو وكان ناوي يقتلو ويقول باللي مات فلحرب شكون يكون دابا الخليفة ديالو. تخلعات لاللة ياقوت من كلام الملك وحطات يدها على فمها وقالت
- حفضك الله اولدي... حفضك الله من الحفرة اللي حفر ليك ... والحمد لله اللي طاح فيها ورجعتي لينا سالم ... كان غيقول باللي تقتلتي فالحرب ... والحرب هاديك وكان كلشي غيصدق كلامو ... شووف الخاين وشنو خرج منو !
تنهد ساهي قدامو وقال : تخاف من الحبيب اللي قريب ليك اما عدوك راك عارفو كيحفر ليك
لاللة ياقوت : شوووف الغدار .. وانا اللي جالسة نبكي عليه ونضيع دموعي على خاين ... ياحسرة عوض يوقفو جنبك ويسخنو كتافك زادو هم على همك .
قال ساهي : وان ينصركم الله فلا غالب لكم
لاللى ياقوت : و مولاي قاسم واش حتى هوا معاه؟
غمز لعينو وهوا ساهي قدامو وقال : تأ مكنضنش ... مكنضنش واش الامير قاسم نيتو خايبة معايا ... يقدر يكون معاجبوش حكامي على شعبي .. باغي حتى هوا يتزوج ويدير ولادو .. هادشي مناش معصب ..اما شي حاجة اخرى غير هادشي منضنش... عدياني عارفهم واحد واحد .. من الضحكة كنعرفو علاش ناوي ولاش باغي يوصل .
حرك راسو وقال : شكون كره يحكم بلاصتي؟ شكون هادا اللي كيحني راسو ليا وهوا مرتاح ؟ .. حتى واحد ... كاع اللي كتشوفي هنا كيدورو ماكرهوش يحكمو بلاصتي ... حتى من النسا صدق ليهم ري جديد ورجعو حتى هما باغيين المرى تحكم ... بنادم هوا هادا مايمكنش تبدل فيه شي حاجة ... كل واحد باغي يكون حسن من لاخر
لاللة ياقوت : هي غتنوض السيبة
ضحك بالجنب وقال : اللي هز راس نقطعو لباباه واخا يكون من دمي ولحمي ... ويدي الى غدراتني نقطعها من الجدر ... حر الغدر قوى من خر الجرح .. وانا نصبر للجرح ومنصبرش للغدر (شاف فيها بنص عين ) وحتى اللي كيكدب ويخبي وعند بالو راه مخبي ... نهار يتكشف ويتفضح نشرب دمو واخا تكون الكرش اللي ولداتني
- قلت زعما تكون مخبية عليا شي سر ولا شي حاجة ... ماشي غير دابا وهنا حتى من هنا لقدام .. الى نوات تخبي عليا شي حاجة ... على خاطر الى جات صارحاتني بلسانها نقدر نسمح ... اما الى عرفتها بنفسي مابقا سماح
حطات يديها على كتافها كتحكم وتمتم وقالت
- البرد ... تحرك البرد شوية ... ندخلو بحالنا؟
هز حاجبو وقال : دخلي نتي الى جام البرد ... انا باغي هاد البرد يضربني يالاه نرتاح شوية
وقفات كتقاد سلهامها وقالت : شفتي روح الندى ؟
حرك راسو وقال : شفتها ... وردي معاها البال بانت ليا البنية بدات دخل وتخرج فالهضرة
لاللة ياقوت : لوحم هاداك اولدي غير ساعف ... والى بانت ليك فشي شكل سيفطها لقصر الريف تجلس فيه حتى دوز هاد الوقيتة ديال الوحم ويرجع ليها عقلها .. حسن مادير شي زبلة .. راه النسا فهاد الوقت كيكونو غراب ... يضحكو ويتعصبو على اقل ما هيا حاجة
حرك راسو وقال : غير خليها ... وردو ليها البال شوية ... ووجديها غدا تمشي معايا للشمال ... نخرجو من جو الحرب و الموت هادي
تبسمات لاللة ياقوت وقالت : علاش لا ... حسن كاع
مشات لاللة ياقوت وجلس موراها فالجردة شحال حتى كملات وقفات القمرة فالنص و ضربو الريح مزياان عاد ناض رجع لجناحو ... دخل بشوية عليه بان ليه المكان خالي .. مافيهش حس روح الندى .. البيت مضلم كامل وبيبان الشرفة محلولين .. خيامو الحمرا كدخل وتخرج والريح الهادي كيدي فيها ويجيب كيف بغا ، بدا كيشعل فالشمع وحدة مور وحدة حتى بدا الضوء كيبين اللوان ، حيد عبايتو حطها بقا للباس خفيف زرق غامق توبو شفاف مبين لحم صدرو وضهرو كامل ... خرج للشرفة عندها فين واقفة ساهية فالسماء والريح كيرجع شعرها للور لابسة عبايتو الكحلة اللي عطاها ساترة بيها مفاتن جسمها العارية ..حاطة التاج على راسها وواقفة مكتحركش .. مسلمة للريح اللي كيدور بيها من كل جوايه ، ماحسات بيه حتى حوط يدو على كرشها من اللور وحط فكو على كتفها ويدو كدوز على خدها .. همس فودنها كيشوف بعييد فين كتشوف هي وقال
- مالكي واقفة بوحدك ؟ شنو شاغل بالك ؟
جمعات النفس فصدرها حتى علاتو مزيان وطلقاات تنهيدة تقيلة من نيفها .. حط يدو على صدرها وقال
- هاد التنهيدة ديال اللي دار صدرك ديال وحدة هازة جبال من الهموم ...
قالت بشوية ساااااهية متحركاتش من مكانها
- بالي مع شي حاجة ما عرفتش شنو هي ... عقل معلق مع شي حد وماعرفتش شكون هوا ... قلبي مزير عليا وعقلي مشطون .. ماعرفت نفرح ولا نحزن ... نضحك ولا نبكي .. حاسة بشي حاجة غريبة غطرا وخايفة منها ... خايفة تقلب حياتي ... خايفة نفقد راحتي ... خايفة بزااف ... مناش ؟ مانعرف ؟!
شد يدها بشوية ودورها عندو . تكات بضهرها على الصور كتشوف فيه .. وهاد المرة شوفة ديال وحدة تالفة ... ضايعة بحال شي حمامة معارفاش فين ترصي . وكل شوية تنهد تنهيدة طول من ختها ، بنفس الشوفة ديالها شاف فيها حتى هوا وقال
- شنو اللي شاغل بالك ؟ واش كلامي خلعك؟ ولا الوحم اللي كيدير فيك هادشي ... حسب ما قالت ليا لاللة ياقوت .. كيجيكم الوحم ... وكيدوخكم ويغير جوكم بلا ميغرو ليكم شي واحد
رمشات كتشوف للجنب بشوفات تقال وقالت
- ماعرفتش ... انا باش حاسة راه قلتو ليك ... منين جاي ماعرفتش؟ خايفة وصافي
دور وجهها عندو وقال : الى كان كلامي هوا اللي تلفك ... بلا متعمري بيه راسك... انا عندي كي لبنت كي لولد بجوج فكفة وحدة ... غير انا كنفضل الولد هوا الاول ... وهادشي مكيعنيش باللي مغنبغيش لبنت الى تزادت ... بلعكس ... بلاصتها فقلبي بحالها بحال الولد (هز يديه بجوج قدامها وقال) كتشوفي هاد اليدين بجوج ... (حركات راسها) اليد ليمنة هي الولد .. وليسرة هي البنت ... ليمنية كتخدم بزاف وتحرك بزاف وعليها كنعتامد كتر .. وليسرة كتعاونها و مكتحركش بزاف بحالها ... وداكشي علاش حطيت الولد فلكف ليمنية والبنت فالكف ليسرية ... فهمتيني شنو كنقصد
حركات راسها وهبطات عينيها حازنة ..
هز ليها راسها وقال : ولاكن .... واش نقدر نقطع يدي ليسرية واخا مكنعتامدش عليها ؟ ... منقدرش ... وصعيب عليا ... بحال هاكاك البنت ... من دمي ولحمي و واخا بنت كتبقا بنتي منقدرش نفرط فيها ولا تمسها ناموسة وحدة
هزات عينها فيه وقالت : يعني بلا منخاف واخا نولد لبنت
تبسم وقال : بلا متخافي ... الى ولدتي البنت غنبقاو تابعين الولد حتى يجي بقيتي على خاطرك
تبسمات وبدات دور فراسها وترمش .. عنقها فحضانو ومع التعنيقة سمعو باب الجناح تحل ودخلو يشوفو يلقاو العبد دخل صندوق كبير منقوش حطو الوسط وحنا راسو
العبد : هادي هدية من لحريم ديالك ليك امولاي.. هما رسلوها ليك
خرج العبد خلى روح الندى مطرطقة عينيها فالصندوق بغات تقبو و الملك مبسم كيشوف فيه ، مشات ليه روح الندى بلا متشعر وقفات قدامو مكمشة يديها عندها باغة تحلو ... كلاوها وحلاتو بشوية كطل شنة فيه لداخل بعينيها . تكلم من موراها وقال
رجعات للصندوق جبدات عباية اخرى فلون اخر بنفس الطرزة وعطاتها ليه وقالت
- وهادي؟ ديالي؟
شدها شافها وقالت : لا ... خميسة .. ماسمعتيش العبد قال هدية من لحريم ... هادو سمياتهم
زفرات من مناخرها ورجعات للصندوق جبدات وحدة اخرى فلون اخر حتى هي بحال اللي سبقوها وكان يحسابها سميتها وكل مرة طلع سمية جديدة وعباية بلون جديد .. ها زهرة ... ها قمرة .. نجمة حتى هي ... وردة ... عود الريحان ... يامنة ... وشلا سميات هما بلا عداد .. وحرام واش طلعات سميتها ، طرا ليها لعجب وعلاش داكشي اللي نوات تهديه ليه هي صدقو سارقينو منها وهاديينو ليه هما ومن فوق هادشي كامل كل وحدة كاتبة سميتها باش يعرف سمياتهم وشحال بيهم وماتعرف من السمية تعجبو شي وحدة ... وهادشي طرطق المرارة لروح الندى ولاكن حتى سمي ما تجي فالفم حلوة بحال سميتها ، طلع ليها الدم وتفقصات و كرهات حتى يديها الل كيجبدة ويعطيوه يقرا بنفسو على الله طلع سميتها ... بقات هاكاك حتى خوا الصندوق وعمر السرير فالتواب اللي كل شوية حط فوقو سيد الملك توب قرا السمية اللي فيه ... وقفات كتلهت وقالت
- وييلي! مايمكنش راه انا اللي قلت للخياط يصايب لي عباية وقيها سميتي ... علاش ناضو دارو بحالي
تلفت هز وحدة منهم بغا يلبسها كيقول - مافيها باس .. مالكي باغا تبكي على والو ... حتى هادي يبكيو عليها الناس!
جرات العباية من فوق كتافو قبل مايلبسها وقالت كتغبن
مشات كدور من قنت لقنت باغا كلشي بعرف بسفرها مع سيد الملك .
اما هوا كان ليه هضرة وكلام مهم مع جداه لاللة زينب اللي طلباتو وكانت تستاه فجناح كبير ديال الوزراء . واقف قدامها مخنزر ضارب السنة فالسنة وكيشوف فبلاصة وحدة وهي قدامو كتشكي وتبكي وتوريه البزقة ديال روح الندى فين جات ، تبدل لون وجههو وحمارو عينيه وهوا كيسمع لشكاوي لاللة زينب من روح الندى
- ترضى لينا هادشي؟ ترضى لجداك اللي ولدات باك وكبراتك بين عينيها ودارت امير فقلبها حتى كبرتي تبارك الله ورجعتي ملك .. ملك علينا وعلى البلاد كاملة .. رافع راسنا قدام كلشي .. فاللخر جات مرى من قاع البير طيحات وجهي فالطين .. وجهي اللي كان ديما مهزوز ودابا قللات لحيا عليا وطيحات بقيمتي قدام اللي يسوا واللي ميسواش... دفلات عليا قدام كلشي .. وفوق هادشي كمدتها ومادرت والو .. حيت ضاربة ليك حساب وماشي يانا اللي نقرر ولا نحكم بلاصتك ... فاخر ايامي وعلى كبري جات وحدة صغيرة ضحكات على هاد الشيب اللي فراسي ... شكون يرجع لي حقي ويعلي بقيمتي من غيرك ... واش نسكتو على هادشي وندوزوه ؟ حتى يرجع كلشي يمسح فينا رجليه وحتا مربعين يدينا؟ ماتبقا لينا قيمة ... ترضا لينا هادشي اولدي؟ ترضى لواحد من حبابك اللي عشاو طول عمرهم رافعثن الراس وحد ما يهز عينيه فيهم ... يرجعو فاهر يامهم ضحكة وشفاية لاهل القصر كاملين؟ ولد عمك سيف الدين الله يرحمو وقطعتي راسو حيت غدر بيك ... وهادي اللي بزقات عليا ؟! واش غتعدل فحكامك اولدي ... الى بزقات عبيا راه بحال الى بزقات عليك حاشا واش تقدر ديريها وسمح لي على هاد الكلمة
فاض كاس سيد الملك وسمع ما يكفيه .. وعلى روح الندى ضلامو عينيه وبدات تبان ليه كحلة ويعلم الله شنو يقدر يقدر يدير فيها .
مور باب لجناح لكبير كانت واقفة لاللة ياقوت ... سمعات لكلام كامل وتزاد معاها الزايد ومشا الدم من وجهها بالخلعة وعرفات هادي اللخرة لروح الندى .. عارفة ولدها سيد الملك اش كيسوا ويقطع يدو من الجدر كما كيقول الى دلاتو وواخا يعيش حياتو كاملة فالضلام مايسمح لحد ينزل من قيمتو ولا من قيمة واحد فطاسيلتو .
ماهضرش .. ولاكن لاح عبايتو موراه بالجهد باينة عليه سخط والجمرة فعينيه كتكوي .. خرج من تما نيشان داز بحال الريح من قدام لاللة ياقوت اللي تهزات من بلاصتها خلعها بالخرجة اللي دار ، تبعاتو كتجري موراه وتعيط وتهضر مرعودة باغا توقفو
- غير وقف .. سمعني .. سمعني نهضر معاك ... انا كنت جايا نقول ليك شنو وقع وفاش شفت لاللة زينب سيفطات ليك حسيت بيها غتشكي ليك ...وقف نشرح ليك ... وقف غير نقول ليك شي كلام
وقفات قدامو كتنهج جارة جلايلها وقالت
- خاصك تسمعني... سمعني خاصني نقول ليك شي كلام
خزر فيها بعينيه باش تخوي ليه الطريق لاكن عي دغيا سبقات البكى مخلط بالهضرة مابغاتش كاع تسكت ولا تخلي ليه لوجيبة فين يزيد لقام
- روح الندى بنت خاااالك اااهىء اهىء اهىء .... ماتغلطش وتندم ... روح الندى بنت خووياااا خوياااا خويااا اااااهىء اعىء اعىء .. خويا اللي قلتوه ليا وحرقتو عاءلتي كاملة ... باك اللي حرمني منهم وخلاني مقطوعة من شجرة ... انا مزاااوكة فيييك .. انا مزاااوكة ماتحرمنيش منها هي اللي بقات ليا كنشم فيها ريحت عاءلتي اللي مشااات ... باك قتل باها بلا موجب شرع بلا ميدير ليه والو ... كان حاكم بلادو وراضي عليه شعبو وعمرو ضلم ولا غلط فشي حد ... قتلتوه ليا وجات نوبتك تقتل بنتو حرااام عليييكم ااااهىء اهىء .. اشنو درناااا ليكم حنا شنووو حتى ديرو فينا هادشي ... خديتو كلشي .. خديتو اللي بغيتو علاش مزال كتعدبو فينا ... علاش ختاريتيها هي بين لحريم كاملين ااااهىء اهىء اهىء حرااام عليكم خليونا نعيشو غير شوية بلا خوف بلا وسواس علدشي اللي بقا لينا من عمرنا
كان خيال جاي قدامهم مع الدورة كان غيدور وهوا يسمع جراهم ورغيب لاللى ياقوت ووقف ماكملش الدروة ومابانش ليهم ... سمع كلام لاللة ياقوت كامل من الحرف الاول حتى للحرف اللخر . تلفت كان هادا خيال روح الندى بشحمها ولحمها ... سمعات كلشي حتى تصمكو ودنيها وهرجو عينيها ونزلو دموعها بلا شهيق ... تصمرات فبلاصتها مخرجة عينيها متحركاتش ... تزيرو عينيها وحمارو وهي تحط يدها على فمها ومشات كتجري وشعرها كيطير موراها دخلات لجناحو كتبكي وطاحت على ركابيها كتشهق وتقطع فحوايجها .. لاحت التاج اللي على راسها ونترات الخلاخل من رجليها بالجهد حتى طوش الدم وبدات تردم فالبيت وترمي وتقطع فالخوامي وتجر من ليمن وتجر من ليسر.. قلبات الجناح سفاه على علاه وختماتها بالامبات اللي معلقين فقنات الجناح هرساتهم كاملين فوق السرير حتى تزلعو من الزيت وهي تشعل فيهم العافية .
حرقات كلشي نوضات الدخاخن كحلة فوسط الجناح والعافية كطرطق عالية قدامها وهي واقفة مغددة لاسقة مع الحيط حدا باب جناحو وشعرها مشعكك والنيران كبري فعينيها وهي كتشوف فيها كتاكل بيت سيد الملك .
تحلو البيبان بالجهد ودخلو الحراس كيجريو والعبد شافو العافية قدامهم وماشافوهاش هي اللي لاسقة مع الحيط موراهم حدا الباب .. غير دخلو خرجات هي بالزربة بلا ميقشعها حتى واحد فيهم وسلكات الطريق اللي مكيدوزش منها سيد الملك ومشات كتجري وتبكي حتى للكشينة وهي تخرج فعبدية خلعاتها بديك الحالة اللي هاربة بيها وشداتعا لسقاتها مع الحيط وقالت
مالكي اش هادشي . اش درتي ؟
تصمرات روح الندى مخرجة عينيها كتنهج مكتنطق مكتكلم والخدم قدامها كيتجاراو ويغوتو " جناح الملك شعلات فيه العافيا " تخلعات عبدية وهي ضرب حناكها وقالت
- اويييلي ... ياكما كنتي فيه ... ياكما وقعات ليك شي حاجة
بقات روح الندا يابسة مكتسمع مكتهضر غير ساهية مخرجة عينيها حتى دازت قدامهم لاللة ياقوت كتجري وتقلب بعينيها وسط الروينة اللي نايضة وشي كيجري على شي ... قشعاتها وهي تلاح عليها جراتها من يدها وعبدية موراها كتجري تابعاهم ... سلكات لاللة ياقوت من طريق مخبية مشافوها عينين وهي شد ليها فوجهها كترعد وقالت كتلهت
- هربي... هربي حسن ما يقطع راسك راه لاللة زينب شكات ليك ومشا قاصدك ناوي يصفيها ليك ... هربي قبل مايرد ليك البال ولا يفطن بيك ناوية تهربي
خرجات روح الندى فيها عينيعا وهي تقول بلسان تقيل
- نتي عمتي؟ ... با مات .... قتلوه ؟
خرجات لاللة ياقوت عينيها وقالت
- شكون قالك هادشي؟.... فين سمعتيييه؟
عبدية : اشنوووو؟!!!!
زيرات روح الندى على سنانها وقالت : اااانا اللي حرقت جناحو ... كما حرق عاءلتي غنحرقهم كامليييين ... ومغنخلي فيهم حتى واحد .... علاااااش خبيتي علييااااااا علاش خليتيهم كيمسحو فيا رجليييهم ... حتى نتي معاااهم ... حتى نتي غداااارة ااااهىء اهىء ... علاااش كتشوفي فيهم كيعدبو فيا ويطمرو فيا ويشحطو فيا وساااكتة
بدات لاللى ياقوت تبكي وقالت : غادي تفهمي علاش درت هادشي ... كلشي على قبلك نتي اهىء اهىء ... دابا مابقا وقت للهضرة ... هربي وسيري الى بقيتي هنا غيقتلك .. قبل مايفيق بيك حرقتي جناحو هربي .. هربي (تلفتات عند عبدية) وسيري معاها نتي ... سيري وسلكو الطريق اللي كتغرب منها الشمس وماتوقفيش .. تابعك طريق طريق طوييييييلة فيها شهور وليالي
بعدي شحال ما قديتي وماتلفتيش وراك وماتحبسي حتى تلقاي راسك قدام لبحر ... وديك الساعة راكي فأمان ... قطعي البحر وسيري حتى يرميك فوق الارض وقلبي على بلاد باك .. تما مكاينش اللي يوصلك بلاد باك فالطرف لاخر من الدنيا صعيب لواحد يوصل ليك .. وبلاد باك منفية هادي سنين حتى تمحات من البال
حيدات قلادة من عنقها صغيرة علقاتها لروح الندى على عنقها وقالت
- هادي ماتحيدش من عنقك ... وديري فبالك باللي الملك محمد اصيل كيحلم بالليل فاش كينعس حتى للفجر ... وباش ميحلمش بيك نعسي منك للقمرة ودوري بيك سبعة دلحجرات ودوري عليهم سبعة ديال الدورات وكتبي حدا راسك سميتو كاملة ونعسي ديك الساعة .. حتى تقطعي البحر وغيتقطع معاك خبارك ديك الساعة ميقدش يحلم بشنو كديري فنهارك ولا فين نتي ولا فين مشيتي ... ماتنسايش شنو قلت ليك
- طلعي وسيري دغيا ... هربي وخرجي قبل مايفطنو بيك ويمنعو عليك لخروج من الباب ... سيري هربي
بالخلعة طلعات روح الندى مخبية فوق عود الملك الكحل اللي كان كيضرب برجلو قدامها وطلعات عبدية كترعد وتبكي مفضوحة بلباس لعبيد حتى هي فوق عود ابيض .. ضربات لاللة ياقوت جنابها وقالت
- عود الملك ركبي فغيرو غايلوحك فنص الطريق (شافت موراها) صافي سيري سيري ... سييييري هربي مابقاش الوقت .. جري
ضربو برجليهم على الخيل وصدو مع طريق كلها شجر وحفاري كيجريو وسط القصر حتى للصور لكبير وخرجو من باب صغير شوية واقفين فيه حراس ولاكن ماردو لبال للهروب قالو اميرة من الاميرات خارجة ومعاها لخويدم ديالها .
عطات الخيل رجليها للريح وكانت خيل سريعة وشديدة كتجري كتر من الزمان ..بعدات روح الندى هاربة هي وعبدية والسلهام كحل مغطيها كيطير موراها والغبابر نايضة وموراها قصر الملك فوق جبل عالي كبيان من بعييييد
🚩🚩🚩
نهاية الفصل الأول
الفصل الاول من قصة عروس الملك السابعة انتهى .
كيف جاتكم نهايتو وشنو كتوقعو غيوقع فالفصل الثاني ، اكيد غيكونو شخصيات جداد وشخصيات مهمة جدا ماشي غير ثانوية فقط بل رئيسية وغنتعرفو على جوج شخصيات غتحبوهم كااملين وبزااف ... هاد الشخصيات كنت ناوية نخليهم حتى للفصل الثالت لاكن قررت نجمع بين الفصلين ففصل واحد بلا ماندير فصل ثالت من الاحسن نظرا لضيق الوقت .
كلكم تبعتو معايا القصة ودابا بغيت نعرف رأيكم فيها .. آراءكم الإجابية والسلبية . وحتى توقعاتكم للفصل القادم .
الفصل غيتعطل واحد الفترة عاد يتحط بما انني مددت القصة وخاصني نرتب الافكار عاد نبدا نحط فالاجزاء . ترقبو الفصل الثاني اللي كيحمل بزاف بزااااف بزاااااف ديال الاحداث الجديييدة و الشيقة و المثيرة ، الفصل غيكون درامي نوعا ما لاكن الكوميدية والطرائف ما غاديش تغيب طبعا .
👑 يور 👑 🌸 شادية 🌸
هادو الشخصيات الجديدة اللي غنشوفو فالفصل الثاني . وشخصيات غتحبوها بزااااااف حتى وكل شخصية كتختالف على الاخرى .
حكاية روح الندى والاصيل لم تنتهي بعد لاكن غنقول انها بدات وبدات بقوة وغندخلو فالمعقول دابا 😍😍😍 وفاش غنقرر نزل الفصل الثاني غادي نحط ليه اعلان طبعا ... دمتم سالمين 😘😘😘😘
عروس الملك السابعة الجزء 49
محتوى القصة
جرها من يديها لسرير وقال : غدا ان شاء الله غانمشيو نبدلو الجو شوية .
طلعات فوق السرير حداه نعسات على صدرو كيلعب ليها فشعرها ويتجمعو حتى داها النعاس .
الصباح صبحات كتقاد راسها قدام المراية فرحانة ودور بجنابها ... خرجات من جناحو عاجبها راسها ماعرفاتو فين مشا ... مللي فاقت مالقاتوش حداها ؟ فين خرج ؟ ياك قالها غادي يسافرو .
مشات كدور من قنت لقنت باغا كلشي بعرف بسفرها مع سيد الملك .
اما هوا كان ليه هضرة وكلام مهم مع جداه لاللة زينب اللي طلباتو وكانت تستاه فجناح كبير ديال الوزراء . واقف قدامها مخنزر ضارب السنة فالسنة وكيشوف فبلاصة وحدة وهي قدامو كتشكي وتبكي وتوريه البزقة ديال روح الندى فين جات ، تبدل لون وجههو وحمارو عينيه وهوا كيسمع لشكاوي لاللة زينب من روح الندى
- ترضى لينا هادشي؟ ترضى لجداك اللي ولدات باك وكبراتك بين عينيها ودارت امير فقلبها حتى كبرتي تبارك الله ورجعتي ملك .. ملك علينا وعلى البلاد كاملة .. رافع راسنا قدام كلشي .. فاللخر جات مرى من قاع البير طيحات وجهي فالطين .. وجهي اللي كان ديما مهزوز ودابا قللات لحيا عليا وطيحات بقيمتي قدام اللي يسوا واللي ميسواش... دفلات عليا قدام كلشي .. وفوق هادشي كمدتها ومادرت والو .. حيت ضاربة ليك حساب وماشي يانا اللي نقرر ولا نحكم بلاصتك ... فاخر ايامي وعلى كبري جات وحدة صغيرة ضحكات على هاد الشيب اللي فراسي ... شكون يرجع لي حقي ويعلي بقيمتي من غيرك ... واش نسكتو على هادشي وندوزوه ؟ حتى يرجع كلشي يمسح فينا رجليه وحتا مربعين يدينا؟ ماتبقا لينا قيمة ... ترضا لينا هادشي اولدي؟ ترضى لواحد من حبابك اللي عشاو طول عمرهم رافعثن الراس وحد ما يهز عينيه فيهم ... يرجعو فاهر يامهم ضحكة وشفاية لاهل القصر كاملين؟ ولد عمك سيف الدين الله يرحمو وقطعتي راسو حيت غدر بيك ... وهادي اللي بزقات عليا ؟! واش غتعدل فحكامك اولدي ... الى بزقات عبيا راه بحال الى بزقات عليك حاشا واش تقدر ديريها وسمح لي على هاد الكلمة
فاض كاس سيد الملك وسمع ما يكفيه .. وعلى روح الندى ضلامو عينيه وبدات تبان ليه كحلة ويعلم الله شنو يقدر يقدر يدير فيها .
مور باب لجناح لكبير كانت واقفة لاللة ياقوت ... سمعات لكلام كامل وتزاد معاها الزايد ومشا الدم من وجهها بالخلعة وعرفات هادي اللخرة لروح الندى .. عارفة ولدها سيد الملك اش كيسوا ويقطع يدو من الجدر كما كيقول الى دلاتو وواخا يعيش حياتو كاملة فالضلام مايسمح لحد ينزل من قيمتو ولا من قيمة واحد فطاسيلتو .
🚩🚩🚩
الفصل الاول من قصة عروس الملك السابعة انتهى .
كيف جاتكم نهايتو وشنو كتوقعو غيوقع فالفصل الثاني ، اكيد غيكونو شخصيات جداد وشخصيات مهمة جدا ماشي غير ثانوية فقط بل رئيسية وغنتعرفو على جوج شخصيات غتحبوهم كااملين وبزااف ... هاد الشخصيات كنت ناوية نخليهم حتى للفصل الثالت لاكن قررت نجمع بين الفصلين ففصل واحد بلا ماندير فصل ثالت من الاحسن نظرا لضيق الوقت .
كلكم تبعتو معايا القصة ودابا بغيت نعرف رأيكم فيها .. آراءكم الإجابية والسلبية . وحتى توقعاتكم للفصل القادم .
الفصل غيتعطل واحد الفترة عاد يتحط بما انني مددت القصة وخاصني نرتب الافكار عاد نبدا نحط فالاجزاء . ترقبو الفصل الثاني اللي كيحمل بزاف بزااااف بزاااااف ديال الاحداث الجديييدة و الشيقة و المثيرة ، الفصل غيكون درامي نوعا ما لاكن الكوميدية والطرائف ما غاديش تغيب طبعا .
👑 يور 👑 🌸 شادية 🌸
هادو الشخصيات الجديدة اللي غنشوفو فالفصل الثاني . وشخصيات غتحبوها بزااااااف حتى وكل شخصية كتختالف على الاخرى .
حكاية روح الندى والاصيل لم تنتهي بعد لاكن غنقول انها بدات وبدات بقوة وغندخلو فالمعقول دابا 😍😍😍 وفاش غنقرر نزل الفصل الثاني غادي نحط ليه اعلان طبعا ... دمتم سالمين 😘😘😘😘
التنقل بين الأجزاء