صورة مصغرة لـقصة عشق مشرملين

قصة عشق مشرملين

qisat 9isat 3ichq 3ich9 mchrmlin
رواية عشق مشرملين

ف رباط وبضبط ف حي رشاد 
ونتعمقو كثر ونقولو بزانضة ومن لا يعرفها عاصمة إجرام كما يطلق عليها 
حي شعبي ب متياز خاطيني برتكول ناس شعبين ولاد ذرب شادين حيوطة و بعالك كيلعبو وعيلات شادين حديث من سطوحة ناشطين حمد لله معندناش ومخصناش مهم 
ف نفس ذرب واقفة واحد بنت ق عمر 20 لبس سروال تجين وتريكو بيض مع كويرة كحلة جامعا شعرها واقفة فذرب شاد واحد جوان فيديها وكتنفت ذخانو لذاز كيسلم عليها
بطلتنا لهاذ قصة هي نوال عمرها 20 عام هي لعند ميمتها باها سامح فيها درات تخرج لزنقة ف عمر صغير تعلمات شحال من حاجة ومن بينات هاذ حوايج شفرة كتستخدم جمالها وذهائها وكتقذر تشفر بنادم بلا ما يشعر على أقل هاكا حسن من أنها تبيع شرفها
حمزة. خودريه غبرتي 
نوال. (حيطات سيجارة من فمها) هاحنا اخويا
حمزة. كيف دايرة وليدة شويه 
نوال. حمد لله (حطات يديها على كتفو) يالله تهلا اعشيري نمشي نشوف وليدة 
حمزة.يتوب عليك اختي
نوال.ايحفط

مشات نوال ف طريق وللقاتو تسلم عليه شكون لميعرفهاش نوال واجرك على لله 
ذخلات نوال لذارهم لكانت متوسطة صغيرة وزوينة ذخلات عند مها ولقاتها متكية
نوال.(باست ليها يديها) حنانة كيف صبحتي
لام.حمد لله ابنيتي
نوال.ياكما صدعك شي واحد 
لام.لا ابنيتي غير ديك جارة لله يهذيها كطلق موسيقى بجهد وعارفاني كنبغي نستغفر لله ابنيتي لله يهذي ماخلق
نوال.واخا اماما (كتقاد ليها بلاصتها) رتاحي انا انجي دابا
لام. (شدات يديها) فين غاذا ابنيتي
نوال. (شدات يديها مع بتسامة) متخفيش نجيب شي حاجة ونجي 
وقفات هبطات فذروج وصلات قدام باب ديك جارة وطقات
وخرجات ديك جارة بمسكة ففم وبيجامة حمرة
نتاع شيخات سميتها سكينة 
سكينة.اش كاين اش باغا
نوال.نقصي موسيقى وليدة مريضة 
سكينة. وأنا سوقي ف مك ولاجدك
نوال.مزال كنهضر بأداب احبس كلمة وحدة قلتها ومعنعاودهاش 
سكينه. (هزات قرعة تزاج وهرساتها) مالنا منخفوش 
نوال.دوري تقو** 
يالله ادور وهي تهضر سكينه
سكينه. ياتريكت عفن حتى باك سمح فيك 
معتجي فين تكملها حتى اتلاح عليها نوال بلكلكات لوجه كضرب ك شي وحش وكلام غير من سمطة لتحت حتى جاو جيران وبوليس وداو نوال لمزال كتحلف على سكينه اما سكينة وجهها مبقاش كيبان بكثرة عصا لكلات

هزو البوليس نوال للمغفر دخلوها وهي كتركل أما لالة سكينة داوها لسبيطار.
نوال:ونتا طلق أبنادم غادا بوحدي وطلق يخخخ.
بوليسي1:سكتي وتحركي.
دق دق دق
......:تفضل.
بوليسي (عطا تحية)شاف هاذ البنت تهجمات على واحد المرأة دكدكاتها عصا.
كان عاطي بالظهر ودار بقا كيطلع ويهبط فيها وهي كتخنزر.
.....:تشرميل باين في وججها.
نوال:شاف غادي نحتارمك ولاكن تخصر الهضرة راه منتفكش معاك.
......:جمعي فمك باقي ليا غير بنت زنقة تجي تهز عليا صوتها راك معرفاش معامن كتدوي.
منال(هزات مناخرها للسما)ومعامن كاع.
......:راك مع الضابط ناصر ومن لن يعرفه.
نوال:ههههههههههههه (ضحكة عالمية).
ناصر(بالغوات)جمي فمك ال****بة.
نوال:جمع فمك نتا وعرف أش كتفول.
ناصر:وشكون تكوني كاع باش نقاد هضرتي بنات زنقة بحالك عطاهم الله.
نوال:ساليتي نقدر نمشي.
ناصر:مشي بهاذ السهولة.
نوال:أوك حتى أنا معندي ميدار.
ناصر:فين والديك بعدا.
نوال:الوالدة خليتها في الدار ياك ما حتى هي غادي تجي لهنا.
ناصر:باباك فينو.
نوال (تزيرات)معنديش.
ناصر:مشا ياك إوى صافي راه باين العربون.
نوال(صمت)
ناصر (تعصب وزير ليها على يديها)ملي نكون ندوي حدري عينيك وجاوبي.
نوال:(الصمت)
ناصر:سعد سعد فينك.
سعد (بوليسي)نعام الشاف.
ناصر:دي هاذ الق***بة تكلاصا.
سعد:واخا أشاف (شدها)زيدي.
نوال:هاهي غادا..

داو نوال لبنيقة اح شحال باردة ذخلات نوال ولقات جوج بنات تما باينين بنات ليل بقاو كيشوفو فيها حتى هضرات وحدة
بتسام. زين اش جاي يدير ...هنا لقاوك مع شي شارف
نوال.(كطلع وتهبط) قلبي 6 9 وغبري
بنت لأخرى
اخلاص.هانا على ناس كيهضرو يمكن معرفتيناش
نوال.(بضحكة ستهزاء) علاش شكون نتوما ف ملك لله
بتسام.(هزات صبعها كتهديد) شوفي اديك خيتي 
شدات ليها نوال صبعها ولواتو حتى عوتات ربي لخلقها
نوال.مرى جاية عرفي كر* معامن 
بتسام. (وهي شادة صبعها )تندمي
نوال. وينو خلعتيني 
ومشات جلسات فواحد بلاصة ورجعات رأسها لور وتنهدات وتفكرات من سولها ناصر على باه
نوال.علاش تخليتي علينا علاش 
بقات جالسة نوال شويا حتى جات حارسة
حارسة.هي نتي زيدي معايا
نوال. (بشوية) حتى نتلقى مع طباسل مك برا ونوريك هزان على اصوله مشات معاها نوال وذخلوها واحد غرفة شويا تم 
ذاخل ناصر حط ليها قدامها شي 
وراق 
ناصر.سميتك سميتك باك عملك مكان سكنك رقم بطاقتك
نوال. واو واو ابشويا اعشيري مالك على هاذ
وراق كلهم اتصايب ليا شهادة سكنة
خنزر فيها ناصر وهي تصقل
نوال.سميتي نوال نوال جود عمري 20 اسم أم هناء آب عزيز مكان سكن حي رشاد شي حاجة اخرى
ناصر. علاش ضربتي مرى
نوال.حيث دارت علاش

ناصر:وأش دارت بالسلامة.
نوال:غير جهدات الموسيقى والوالدة عيانة وعاد (تفكرات وسكتات)
ناصر:وطلقينا.
نوال:وراه ستفزاتني وخدات لي تستحق وكون طلقني عليها دابا نرجع نشرملها تاني.
ناصر (شد راصو)الصبر يا مولانا الصبر.
نوال(ناري على مصيبة يخخخ)نقدر نمشي.
ناصر:وقعي هنا وخرجي.
نوال (وقعات)هاهي وعقل على وجهي مزيان مازال ليام أعشيري.
ناصر:سيري لا نغلط فيك.
نوال:تلاح.
رجعات نوال للدار في دخلة ديال درب تلاقات حمزة.
حمزة:العشيرة أش واقع.
نوال:فوتني عليك راه مخصرة هاذ نهار.
حمزة:وها بردي عندي ليك بلان.
نوال:حتى ليل ونتفاهمو.
حمزة:واخا تهلاي أعشيرتي.
نوال:يعزك الخوادري.
دخلات نوال للدار تلاقات مها.
نوال (باست راسها)الواليدة شوية.
الأم:فين كنتي شوشتيني عليك.
نوال:متخافيش كنت غير مريحة وصافي.
الأم:واخا نوضي تاكلي الله يرضي عليك.
نوال:واخا (باست راسها ويديها)الله يخليك ليا.
الأم:حتى نتي.
مشات نوال للكوزينة غسلات يديها سخنات الماكلة كلات وطلعات خدات دوش وخرجت لبسات سروال جينز واسع ومقطع شوية مع تيشرط وكويرة بالقب وسبادري جمعات شعرها دارت كاسكيك ودارت قب على راسها وخرجات عندها مهمة جديدية كيف قا ليها حمزة...

مشات نوال فتجاه واحد زنقة جات فذخلة ودنيا مظلمة 
بقات ذاخلة حتى حمزة متكي على حيط وشاد جوان
نوال. (حيطاتو ليه من فمو) ياك قلت ليك بارك من هاذ ويل 
حمزة.ياك اختي حتى نتي بحالي
نوال.راك مزال صغير اعشيري(عمرو 18) بعد ليك من هذشي
حمزة.واخا اختي نوال
نوال.ايوا لاش جايبني لهنا
حمزة. ختيتو ضبرة ف همزة نايضة بمعقول(يالله ايكمل هو يسمع غوات شي بنت)
نوال.اهذا اش هذشي
حمزة. (شاف فيها زعما معرفتش)
مشات نوال شويا حتى سمعات غوات
نوال. فهاذ زنقة 
مشات طلات وهي تشوف واحد جوج مجموعين على بنت تكون عندها ديك 20 
بنت. عفاكم بعدو مني 
شاب. ورق تيتيزة جاية حتى لهنا وقالت ليك بعد مني 
نوال .عشيري بعد من بنت 
دارو ليها دوك جوج شماكرية
شاب2. علاه شكون نتي اخت
نوال. (كتهز فكمامها) مرات باك انا
شاب. ناري يوم نعملو ختي خريطة فوجهها(وبعدو من بنت) 
نوال. (غمزات حمزة يجر بنت ودكشي لذار جرها وهرب) جرب تربح مكينة 
بداو كيقربو ليها شافت يمين وشمال وطلقات رجليها ريح هه

طلقات نوال رجليها للريح ودوك جوج موراها بقات غادا في زناقي شوية دخلت فشي حيط لا لا هذا بنادم طلعت عينيها ومع ظلام مبانش ليها وجهو مزيان ضورات بان ليها دوك جوج قربو.
نوال:حيد أعشيري من الطريق راه مزروبة.
ناصر:ومالكي كتجري.
نوال (هاذ صوت مشي غريب عليا)شكون نتا بعدا.
ناصر:أش كديري في هاذ البلاصة.
نوال مكيناش معاه كتشوف فداك جوج قربو لعنها.
شاب1:فين باغا تهربي.
نوال:مخيفاش منكم.
شاب2:جبتي معاك الحماية ههههه.
نوال (محملاتش راسها)أش كيسحاب راسكم.
ناصر(قرب شوية وبان وجهو)تحركو من هنا.
نوال:هذا نتا.
شاب:أووو وشنو غادي دير بالسلامة.
ناصر هز يديه ونزل عليه بكروشي وهز رجليه دورو لثاني جابهم طايحين.
ناصر:هاذ شي لي غادي ندير.
نوال:زيد زيد نمشيو.
ناصر:زيدي من بعد ونتفاهمو.
يلاه جا يدور واحد فيهم ناض وجبد موس.
شاب:لا لا مشي بهاذ السهولة.
وجه الوس جيهت ناصر لكان مع نوال وحيت يديها واكلينها كلات عليه الضربة وتجرحات هي.
ناصر:أش درتي أح****(شد نوال من يديها)
نوال:لا ما فيا والو غير طلق.
وقف ناصر لهذوك جوج لي غير كيشوفو ونزل عليهم شخشخهم مزيان ورجع هز نوال في يديه وطار بيها حطها لوطو وكسيرا ديركت لسبيطار....

هز ناصر نوال وداها سبيطار 
نوال.وغير نزلني راه مافيا والو
ناصر. (هوهازها)لا حتى نشوفو طبيب
نوال.وراني مضروبة فيدي مشي فرجلي 
ناصر. (طلعات معاه) احم (نزلها ) يالله تحركي
نوال.واخا اصحبي ابشوية ونتا خطوة. كتعمل فيها عشرة 
ناصر. (دار راسو مسمعهاش وزاد)
نوال.يخ على قنس 
وتبعاتو نوال وهي كتسب هه 
وقفو قدام واحد بيرو وذخلات نوال وناصر ليه ولقاو فيه واحد طبيب
ناصر.سلام ادكتور
دكتور.سلام اسي ناصر فاش نساعدك
ناصر. ممكن انك تفحص هاذ مريضة 
دكتور.اكيد تفضلي 
ناصر.شكرا ادكتور(صونا تلفونو) سمحو ليا (خرج)
دكتور. وريني يديك
نوال. مدات ليه يديها 
وهو يشدها بدا يشوف فيها شوي حول عينيه لصدرها مع تحلات ليها تجكيت من كانت كتجري 
دكتور. (عض على شفايفو) وراك توتا اح عليك
نوال. (جمعاتها معاه حتى رعف)يا زم** يا قو** اش كتسحاب كر* لله ينعل زام* لحطك 
بقات كتعاير فيه على إثر صوتها ذخل ناصر
ناصر.اش واقع 
دكتور.هاذ موسخة كانت باغاني نكو** من مقبلتش بدات كتعوت
نوال. كذاب ولله ....يالله اتقرب منو وهو يجرها ناصر
ناصر.اش هاذشي 
نوال. راه كيكذب 
دكتور. (وهو كيمسح فنيفو)شوف راه صدرها نصو باين
نوال. مالك كتكذب ياك نتا لي. ...
ناصر. (زير ليها على يديها لمجروحة فيها) انا لحمار داير راسي ف بنة زناقي بحالك
نوال. (بشوية بألم) بنت زناقي(دفعاتو) اه انا بنت زناقي صافي تهنيتي (وشافت فيه ومشيرة بصبعها جيهتو) انا مكيهمنيش تيقني ولا لا (وخرجات)

خرجات نوال من تما ويديها كتنزف رجعات للدار ساخطة كيفةدخلات شافتها ماماها.
الأم:ويلي ويلي أش هاذ شئ مالكي أبنتي في يديك.
نوال:والو الوالدة غير تجرحت وصافي.
الأم:زيدي ديري دوا الحمر ولا شي حاجة.
نوال:واخا غير سيري ترتاحي نتي.
《عند ناصر》
ناصر من بعد داك شئ لي وقع خرج معصب متوقعهاش دير هاذ شئ شوية تفكر تيلي خلاه محطوط على طبلة ورجع يجيبو وصل لبيرو ديال الطبيب وهو يسمعو كيدوي مع شي حد.
طبيب:عرفتي كون عرفني أ ش درت يقتلني.
طبيب2:ويلي أش درتي.
طبيب:راه أنا لي تحرشت بيها ورديتها هي لي بغات ن*****ها فهمتي.
طبيب:سي ناصر كون عرف هاذ شئ مشات فيها خدمتك.
طبيب:ويي...مشا فين يكمل كلامو حتى شافو الباب تقلع من بلاصتو وبركان هائج واقف قدامهم.
ناصر (كيسفق)👏👏👏👏برااافو عاود ليا حتى أنا أش درتي.
طبيب (كيقفقف)س..ي..ن..ا..ص..ر أنا مدرت والو.
جمعو ناصر بنص جابو طايح.
ناصر (قجو)الله ينعل زا****ل تاع بوك الكلب.
خرج ناصر صاعر كيسب.
ناصر:كيفاش جرحتها بكلامي بففف دابا فين غادي نلقاها ويديها مجروحة أووف (بقا كيفكر)صافي لقيتها...

خرج ناصر ديركت للمركز دخل لبيرو.
ناصر (هز تيلي)سعد غادي تجيب ليا الملف ديال البنت لي ضربات المرأة ..أوك بزربة.
وما هي إلى دقايق دخل سعد هاز الملف.
سعد:ها هو الشاف.
ناصر:شكرا.
جبد ناصر العنوان وخرج ركب في لوطو يلاه ديمارا وهو يصوني ليه تيلي.
ناصر:نعام الوالدة.
الأم:ولدي ختك مرجعاتش واش مكيناش معاك.
ناصر:كيفاش لا صافي صافي أنا جاي.
قلب ناصر لوطو وبالو مع جوج أش خاص نوال وختو لي معرفها فين هي ورجع للدار يشوف شنو واقع.
《عند نوال》
نوال لي كانت كتغسل المواع ما جايبة للدنيا خبار حتى تفكرت البنت لي كانو غادي يسرقوها الشفارة خرجت كتجري في الدرت وليل ديركت للبلاصة لي كيكون فيها حمزة لقاتو جاي هو وظاك البنت.
نوال(كتسوط)سم ليا نسيتكم.
حمزة:كون بقيتي تما حسن.
نوال:صافي برد أعسيري ونتي واش بخير.
البنت:الحمد لله بفضكم أنا بخير.
نوال:هانية أصاطا فين جات داركم.
البنت:في شارع*****.
نوال:يلاه نوضلوك.
حمزة:ومال يديك واش تأديتي.
البنت:هئ هئ هئ.
نوال:علاش دموع.
البنت:بسبابي تضربتي في يديك.
نوال:لا بسبب واحد ميخي المهم زيدي نوصلوك والديك غادي يتشوشو عليك.
البنت:واخا.
بقاو غاديين البنات وحمزة ضربو طريق طويلة حتى وصلو للشارع.
نوال:فين الدار راه هنا غير الفلات.
البنت:هذيك الفلة هي دارنا.
حمزة:بشااااخ بشاااخ وعايشين الحياة.
نوال:زيد وسكتنا.
مشاو معاها حتى وصلو لقدام الدار.
نوال:يلاه تلاحي لداركم الصاطة ومتبقايش تخرجي بحدك.
البنت:لا لا عافاكم دخلو معايا وقولو لخويا لي كاين راه غادي يغوت عليا عافاكم.
حمزة:عشيرتي أش بان ليك.
نوال:أمري لله زيد
مشاو دخلو من الحراسة وصلو للباب حلات الخدامة ومع دخلات شافها ناصر وتلاح عنقها.
ناصر:فين كنتي أختي.
البنت:أنا أنا بصراحة.
نوال (خنزرات ملي شافتو)الأخت مبقا عندي مندير هنا.
ناصر:نتي كيفاش فهموني أش كاين.
نوال:عشيري قول ليه معنديش الكانة للهضرة.
حمزة:راه ختك كانت غادي تشفر من عند واحد جوج ونوال عاوناتها وكلات دقة في بلاصتها وعتقاتها صافي.
ناصر:دابا قبيلة كنتي كتعاوني ختي.
مامات ناصر:بنتي شكرا ليك بزااف .
الأب:الله يحميك أبنتي (وعنقها).
هي في هاذ اللحظة تفكرت باها ونزلو دموعها بعدات عليه وخرجات كتجري وناصر تابع فيها.
ناصر:وقفي نوال وقفي عافاك.....

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki
قصة أعطتني شمسا من تأليف سندس الدحماني
قصة أعطتني شمسا سندس الدحماني