بديت الخدمة فمكتب المحامي توفيق....كنت كانفيق فالصباح نفطر أنا وخالتي نجمة وأسامة..كانخرج أنا وأسامة هو كايمشي للقهوة وأنا لخدمتي..دوزت معاهم 15 يوم..اه 2 سيمانات دازو بسرعة..كانو هاد الناس الله يعمرها دار وحسيت أنه أول مرة تضحك ليا الدنيا..وليت عايشة هانية ..عايشة حياة بسيطة وعادية..خالتي نجمة كانت موفرة ليا للي بغيت وهي اللي كاتصرف عليا حيت مزال ماوصل الشهر باش نتخلص..كانت حنينة عليا بزاف..كاتخاف عليا الى تعطلت وتوكلني بزز وديرلي خاطري وأنا بدوري كانعاملها بحال ماما اللي ماعنديش...معاودت ليها والو على حياتي وحتى هي خلاتني على خاطري وعمرها سولاتني..ماشي باغا نخبي عليها انما بغيت نسا ومانبقاش نتفكر للي فات..كنت مرة مرة كانتفكر أسد وكرزة..هاد 2 دالناس حاسة بيهم قراب بزااااف على قلبي..وأسد كانت مكانتو فقلبي مكانة خاصة ماعرفتش كيفاش نفسرها..كانتفكر أي لحظة كان معايا فيها ..ومللي كانتفكر نهار باسني قلبي كايبقى يضرب بالجهد...كانبقا نسول راسي واش غنعاود نشوفو مرة أخرى؟ ولا صافي علاقتي تقطعات بيهم فمرة بحالا عمري عرفتهم...
في_المكتب:
توفيق: أسماء مالكي كاتجي قبل موعد الخدمة بساعة راه بزاف عليك
أنا: لا لا بالعكس خصني نجي بكري ماتعرف يصوني شي كليان ومايلقى اللي يجاوبو
توفيق: تبارك الله عليك...حقا راه دبا دازت 15 يوم ونتي خدامة هنا عليها قررت نقسم ليك الخلصة ديال الشهر لاتكوني محتاجاها
نجمة: (فالتيليفون).....واش غانقولك ا ولدي أنا ماعندي كلمة سولها هي ...هي مولات الري والشوار ومانزيدكم غير الخير..
المتصل: وخا ا لالة نجمة يكون خير وكانتمنى تقبل عليا أسماء
نجمة: الله يكمل عليكم بالخير
المتصل: آمين...
خرجت من الحمام ودزت صايبت شعري عند لكوافورة اللي فالدرب عاد طلعت للدار لقيت خالتي كبيدتي موجدة الطاجين..تسنينا أسامة حتى جا عاد كلينا مجموعين وشكرني بزاف على التيشورط..عمرت لكريشة ومشيت لبيتي ضربتها بنعسة....
#في_الصباح:
فقت فنفس لوقت ديال ديما..فتحت لماريو جبدت تريكو فضفاض ديال الصوف خفييييف قصير من القدام وطويل من اللور فالبني فاتح مع سروال بيض لاسق وصباط عالي فلون التريكو..طلقت شعري على راحتو ودرت ماكياج اللي عبارة عن كريم أساس وماسكارا وفاغابوبييغ فالقهوي بارد وكلوص..هزيت صاك كحل صغير وخرجت لقيت خالتي نجمة موجدة لفطور وكاتسناني فطرنا بزوج وودعتها وخرجت لخدمتي...
توفيق: صباح الخير
أنا: سي توفيق..جيتي بكري ليوم..
توفيق: اه على حساب شي خدمة بغيت نساليها بالزربة
أنا: اااه ..
مشيت للمكتب ديالي وبديت خدمتي من استقبال المكالمات وتسجيل المواعيد حتى وصلات 12
أنا: سي توفيق هانا غانخرج نجيب لغدا واش بغيتي حتى نتا..
توفيق: (ناض) اه حتى أنا ولكن ليوم غانخرجو نتغداو برا المكتب
توفيق: لا لا ماغانتغداوش تما اجي معايا الى سمحتي...(غادي جيهت طوموبيلتو)
أنا: ولكن فين غانمشيو؟
توفيق: غير نتغداو فبلاصة مختالفة راه طلعات ليا ماكلة هادو فراسي...الى رضيتي تركبي معايا طبعا!
أنا: وخا شكرا...
ركبت أنا وياه وتحركنا بقينا غاديين ساكتين حتى وصلنا قدام واحد الريسطو..نزلنا وندخلنا ليه..ختار توفيق طابلة حدا الزاج جلسنا فيها وطلب لغدا...
توفيق: (كايشوف فيا) 😍
أنا: ستغفور الله تا مال هذا😨
توفيق: المهم ماجيتش هنا غير باش نعرض عليك للغداء وصافي..جبتك هنا باش نهضر معاك فواحد الموضوع
أنا: موضوع؟ وخا كانسمعك
***اجيو بعدا نوصف ليكم توفيق المحامي... هو طويل ومجدر شعرو غادي للزعورية..عندو اللحية أما لعوينات كحلين وكايدير نظارات طبية..المهم كيبان زوين وبعقلو..***
توفيق: أنا أب عندي وليد فعمرو 4 سنين سميتو علي..مراتي ماتت فحادثة سير وخلات علي عندو عامين..ربيتو بوحدي وعمري دخلت عليه شي خدامة ولا مربية..
أنا: (بتأسف) الله يرحمها مسكينة..
توفيق: آمين..المهم أسماء اللي بغيت نقولك أنه من نهار شفتك عجبتيني...شي حاجة جذباتني ليك من غير كاع لبنات..ماعرفت واش هي براءتك ولا جمالك ولا أخلاقك...وهادي مدة وأنا مراقبك وجيتيني الله يعمرها دار...عليها.....عليها بغيت نطلب منك الزواج
أنا: 😨
توفيق: هضرت لبارح مع لالة نجمة وهي اللي قالتلي خصني نشوف رأيك..أنا معارفش كيدايرة حياتك الخاصة واش عندك شي علاقة ولا كاتبغي شي واحد..أنا ماباغيش نعرف وماغانسولك على والو ...اللي باغي نعرف هو شنو جوابك على الطلب ديالي..وهذا فيه كلشي..
أنا: (الصمت)
توفيق: من حقك متوافقيش على راجل أرمل وعندو ولد..أكيد بنت زوينة بحالك غاتبغي راجل عازب بحالها ولكن تيقي بيا ...غانديرك فعينيا
أنا: ....عطيني وقت نفكر ونجاوك
توفيق: الوقت كلو ليك..شكرا حيت عطيتيني أمل
أنا: 😊
جابو لينا لغذاء وتغدينا فصمت.. فالأول كان فيا الجوع لكن من بعد هاد الهضرة تسدات ليا الشهية كليت غير شوية وحبست.. بقيت كانفكر ونفكر...كانفكر فيه.. ولكن علاااش كانفكر فيه فهاد اللحظة بالذات..أسد! علاش مستولي على تفكيري؟ واش ضروري نتفكرو كل مرة فكل نهار.....
بعد لغداء خرجنا من المطعم ووصلني حدا الدار قالي أنه نرتاح بلاما نكمل الخدمة فالمكتب ليوم..وقالي أنه كايتسنا جوابي بفارغ الصبر😕
#فالدار:
أنا: 😒
نجمة: مالي اش درت 😒
أنا: لاش ماقلتيش ليا بللي توفيق باغي يتزوج بيا
نجمة: راه قالهالي غا لبارح مللي كنتي فالحمام.. واش هضرتو
أنا: اه
نجمة: وباش جاوبتي؟
أنا: قلت ليه خليني نفكر
نجمة: ايوا فكرييييي ليا مع راسك..غير هو اللي نقولك..توفيق راجل مزيان..ولد عائلة والأخلاق الطيبة..مرتو ماتت مسكينة وخلات ليه واحد لوليد غزااال تبارك الله..أنا متأكدة أنه غايتهلا فيك وتعيشي معاه حياة زوينة ومستقرة..وراه لباس عليه عندو لفيلا والفيرمة والطوموبيل..المحاماة دايرها غير فوق الشبعة..
أنا: اجي عمري سولتك فين كاتعرفيه!
نجمة: كنت كاندير عندو لميناج فلبيرو وبعد المرات فالفيلا.ظكان مهلي فيا مسكين..
أنا: اااه...المهم أنا غانفكر فهادشي مزيان ونعطيكم جوابي..
نجمة: يكون خير ان شاء الله
أنا: هاديك هاه..ياكما باغا تهناي مني😠
نجمة: (باستني فراسي) احيااااني راه قلبي غايطرطق..غاتخوي عليا الدار ونرجع بوحدي أنا وأسامة..
أنا: (عنقتها) كنحماق عليك والله😘
في_اليوم_التالي:
فقت ليوم كلي نشاط لبست حوايجي اللي هوما عبارة عن كسوة لاسقة حد الركبة فالأسود بالأكمام مع سبرديلة بيضة وصاك بيض..جمعت شعري كعكة..درت نظارات شمسية وخرجت بلاما نفطر..
نجمة: (كاطل من الشرجم) أسمااااء اويلي مالكي ماجلستيش تفطري!!
توفيق: (شدني من يديا بزوج وباسهم) شكرا يا أجمل بنت شافت عيني😻
أنا: هانا غانمشي للمكتب ديالي
توفيق: لا لا لا واش عمرك شفتي شي عروسة خدامة... سيري للدار ووجدي راسك حيت فلعشية غانجي نخطبك رسميا من عند لالة نجمة..
أنا: (بحزن) خصك تعرف بللي راه ماعنديش وا....
توفيق: ششششش عارف كلشي... لالة نجمة قالتلي بللي ماعندكش عائلة..لكن أنا مكايهمنيش هادشي..أنا وعلي غانوليو عائلتك ان شاء الله
أنا: (بابتسامة) ان شاء الله..
توادعت مع توفيق وتوجهت للدار على أساس أنه فلعشية عندنا الخطبة الرسمية...أكيد كاتساءلو كيفاش خديت هاد القرار الحاسم بين نهار وليلة..لكن خديتو بعد تفكير عميق..شحال قدني نبقى ساكنة عند خالتي نجمة وأسامة..وخا هوما كايحسسوني بللي أنا بنتهم لكن البراني كايبقا ديما براني..شحال قدني نبقا بوحدي..إحساس عدم الإستقرار كايقتلني..بغيت حتى أنا نقول عندي داري وعندي عائلتي..وعلي! داك لوليد بغيت نكون أنا ماماه ونتهلا فيه وناخذ فيه الأجر..وحتى توفيق انسان متخلق وزوين ولباس عليه..والأكثر من هذا أنه باغيني وقابل عليا كيفما أنا فعلاش مغانقبلش؟ مانكرش أنني فطول مدة التفكير كانت صورة أسد بين عيني..واش زعمة غانكون وليت....! اه ومثلا خدا مكان فقلبي مالو غايدير مادار توفيق ويطلب مني الزواج هههههه لاعلاقة بيني وبينو..المهم نطلع دبا نقولها لطاتي نجمة😈
نجمة: هههه تاواحد راه غير كانت فيه وصافي.. المهم هاحنا حلينا قضية اللبس.. بالاه جمعي الدار مزيان وصايبي شي كيكة زوينة.. أنا غانشري الحلوة ونتقدا ...
أنا:(عنقتها) عمري نسا هادشي اللي درتي معايا
نجمة: اهئ اهئ اهئ
أنا: مالكي؟؟
نجمة: (استمرات فلبكا بلا جواب)...
بقيت معنقة خالتي نجمة حتى سكتات ..ماعرفتش علاش بقات كاتبكي هاكا واش على قبلي؟.. المهم ناضت كل وحدة فينا لشغلها باش ياربي نجيبوها مع لعشية..
نضت حيدت عليا حوايجي ولبست واحد البيجامة وبديت نجمع ونسيق ونحك المهم لحداكة ديال مي رقية نفعاتني... رجعت الدار كاتشعل..وأنا ندخل للكوزينة لقيت فيها كلشي موجود صايبت 2 كيكات ولبغرير والملوي..أما لحلوى فغاتشريها خالتي...المهم مع ساليت مع دخلات خالتي نجمة.. قاتلي نمشي للحمام والصالون عطاتني مسكينة فلوس تكفيني وتشيط..مشيت للحمام تفركت ودزت عند لكوافوة صايبت شعري بوكلي وصايبت الحجبان ودرت ماكياج خفيف وجيت للدار.. كانت 7 دلعشية...
نجمة: (فالتيليفون) واخا اولدي مرحبا مرحبا
أنا: معامن كنتي كاتهضري
نجمة: مع مولاي السلطان راه قالي قرب للدار... واجري لبسي وتقادي ..راه كلشي واجد ..
أسامة: (عنقني) مبروك عليك أسومة
أنا: (بادلتو العناق) يخليك ليلي خويا حبيبي..
دخلت لبيتي لبست القفطان وشعري طلقتو وصايبت النفيخة من القدام.. لماكياج اللي درت فالصالون كان كافي.. صافي جلست نصبغ ضفاري حتى سمعت صوت توفيق فالدار... بدا قلبي كايضرب..كاع أحاسيسي تقلبو.. ماشي للفرحة انما للحزن.. صورة أسد مابغاتش تحيد من بالي.. كرهت راسي علااااش كانفكر فيه.. المهم ترونت ووليت كللي كانترعد حتى جات عندي خالتي نجمة..
نجمة: أسماء مالكي ابنتي وجهك صفار ياك لباس
أنا: لا والو غير...غير توثرت شوية..
نجمة: ويلي ياالحمقة راه عادي..غير بردي بردي
أنا: شكون جا؟
نجمة: جا هو وماماه وباباه وولدو
أنا: ودبا شنو خصني ندير؟
نجمة: هههههه اجي معايا
نضت تبعت خالتي نجمة وأنا غانطرطق بالحشمة..خرجنا عندهم للمراح فين كانو جالسين ومعاهم أسامة.. كنت كانشوف غير فالأرض ماهزيتش راسي..
أم توفيق: تبارك الله على بنتي.. اجي جلسي حدايا..
جلست حداها عاد هزيت عيني فيها كانت مرا كبيرة فلعمر لكن كيما كانقولو الى مشا الزين كايبقاو حروفو.. باباه حتى هو كان رجل كبير وأنيق والطيبوبة باينة على وجهو... أما توفيق فكان لابس بدلة رسمية فالرمادي ..ماهزيتش فيه عيني برككت غامن لتحت (هاد برككت فكراتني فيك ا ندى😂😂)..
اب توفيق: ماشاء الله عليك ا بنتي ربي يحفظك وينجيك..
أم توفيق: غزالة تبارك الله وكاتشبه للالة نجمة بزاف واش كاتجيك؟
نجمة: الصراحة ماشي علاقة دم انما راها كثر من بنتي..
المهم بقاو جالسين على الصواب الصواب الصواب وأنا غاحانية راسي حتى شفت يديوات صغيروين شدو فصبعي..هزيت عيني كان وليد زعيعر وبيوض وفنيكيييش كايهبل ...
نضنا أنا وخالتي نجمة جبنا ليهم أتاي والحلوى وداكشي ورجعنا للطابلة...بقاو جالسين كايتافقو على موعد العقد وداكشي اللي قررو أنه غايكون من هنا ل15يوم..والعرس بعد منو بأسبوع..وافقنا كاملين على هادشي وختمناها بقراءة صورة الفاتحة..حطات خالتي لعشا تعشينا.. وناضو باش يودعونا..سلمنا عليهم ومللي وصلت عند توفيق باسني من راسي وعطاني تيليفون..خديتو عاد مشاو
نجمة: مبرووووووووك عليك ا بنتي..
أنا: الله يبارك فيك..
نجمة: الحمد لله داز كلشي على خير
أنا: اه😊..
بعد هاد الليلة..مابقيتش كانمشي للخدمة..توفيق كايصوني عليا كل نهار كايبقا عليا تواحشتك وامتا تولي مراتي..صور ليا لفيلا فين غانسكن كانت زوينة بزاف..وكانخرجو نوجدو وراق العقد وداكشي..المهم دازت 15 يوم بسرعة البرق..ووصل نهار العقد..
نجمة: وا لالة لعروسة ماناوياش تفيقي اويلي
أنا: مقلوبة بالنعاس هانا هانا..
فقت غسلت وجهي ولقيت ميساج من عند توفيق كايقولي بللي من هنا نص ساعة غايدوز عندي باش نمشيو نكتبو العقد.. لبست جلابة فالغوز بارد وجمعت شعري ديل حصان..لبست شريبيل وهزيت بوشيطة فيدي..وأنا نسمع لكلاكصون ديال طوموبيلة توفيق..نزلت أنا وخالتي لعندو وركبنا معاه..
وصلنا لمكتب لعدول اللي كان سابقنا ليه الأب ديالو..دخلنا وأنا قلبي كايضرب بالجهد ويديا كايترعدو... كتب لينا لعدول العقد وطلب منا نوقعو.. سنا توفيق بكل فرح وعطاني نسني.. حطيت ستيلو وكانسمع شي صوت فالداخل ديالي كايقولي لا ا أسماء ماديريهاش... لا أ أسماء.. لكن أنا غمضت عيتي وسنيت... بديت كانسمع مبروك وخالتي عنقاتني وعنقني توفيق وباباه وباركو لينا.. كتافيت بابتسامة صفرة فقط..خرجنا كاملين من تما.. عمي ركب فطوموبيلتو وزاد وخالتي شدات طاكسي وعلقات وبقيت أنا مع توفيق..ركبنا فطوموبيلتو وداني لكافي حدا لبحر..
توفيق: مزال مامتيقش أنك وليتي مراتي😻
أنا: (ابتسامة)
بقينا جالسين وتوفيق ماسكتش من الهضرة كان الفرحة باينة فعينيه.. قالي أنه هو اللي غايتكلف بالعرس اللي غايكون من هنا لسيمانة وأننا غانمشيو فشهر العسل لتركيا..أنا اللي قالها كاتقولو اه حتى سالا هضرتو ونضنا باش يوصلني للدار..
نجمة: (كاتزغرت) مبروووووووووك عليك يالكبيدة
أنا: الله يبارك فيك
نجمة: ومالكي جامعة غوباشتك ياكما قالك شي حاجة قلقاتك
أنا: لا لا (عاودت ليها داكشي اللي قلنا فالقهوة)
نجمة: مزياان الله يرضي عليه.. المهم سيري حيدي جلابتك ورتاحي ليا باش فلعشية نخرجو عند النكافة ولكوافورة
أنا: ياك هضرتي معاهم داك النهار
نجمة: واخضنا نزيدو نأكدو عليهم...
أنا: واخا (مشيت لبيتي)
نجمة: (فنفسها) أنا حاسة بيك مقلقة وماراضياش على هاد الزواج من قلبك.. زعما تكون كاتبغي شي واحد؟ ياربي تفرجها على بنيتي.. أنا متأكدة أن توفيق غايعوضها على كلشي..😊
#بعد_مرور_أسبوع:
ليوم ليلة الحنة ديالي.. لابسة قفطان فالأخضر وجالسة فالبلاصة اللي قادو ليا.. ضايرين بيا شي بنات وعيالات منهم جيران خالتي ومنهم شي وحدات جاو مع مامات توفيق..المهم كلشي ناشط وفرحان والموسيقى مجهدة ولعيالات كايزغرتو...جات النقاشة وبدات دير ليا فالحنة اللي مكانحملهاش..طلبات منها خالتي نجمة دير ليا غاشوية... دازت الليلة فالشطيح والضحك.. كلاو الناس وتوجهو لديورهم بعدما باركو ليا وطيبولي حناكي بالبوسان.. المهم دازت حفلة بسيطة وعادية غير بيناتنا..
أنا: واااع عتقي حيديلي هاد الحنة وفكيني من هاد القفطان راه دار ليا الصهد..
نجمة: يا ويلي غاقفطان دار ليك الصهد وغدا اللي لعرس اش غاديري فيه
أنا: اوااه واش دبا أنا مرا مزوجة؟ وغدا عرسي؟ صافي غدا غانبدا حياة مختلفة؟ بقيت نفكر ونفكر حتى داني النعاس..
#في_الصباح:
فقت على صوت نجيمتي..نضت بكسل غسلت وجهي وجلست نفطر معاهم..
نجمة: شوفي من هنا ساعة غايجيو لبنات باش يمشيو معاك للحمام..
أنا: واااخا..
طفيت تيليفوني وبقيت جالسة حاضية خالتي نجمة تجري من هنا ومن هنا وتالفة وكاتوجد وتهضر مع مامات توفيق وتأكد على لكوافورة..كادير معايا كثر من الأم مع بنتها..المهم جاو شي بنات من الدرب جروني معاهم للحمام..دارو ليا الشمع وداكشي وفركوني ها الورد ها الحنة هامانعرف شنو المهم قهروني عاد خرجنا..كانت 3 ديال لعشية..مشيت للدار لقيت خالتي حاطة ليا لغدا طلبات مني ناكل مزيان حيت خصني نمشي عند لكوافورة ..المهم كليت ولبست جلابتي..جاو نفس لبنات ثاني جروني عند لكوافورة هههه شداتني بدات ليا بلاسيغ نتفاتني كاااااملة عاد دازت ليا للوجه نقاتو مزيان وبدات ليا فالشعر..صايباتو وصايبات ليا ماكياج ثقيل بدلني 180 درجة..لبساتني اللبسة اللولة اللي هي التكشيطة البيضة عاد بدات تخدم ليا فالمشطة..مع شعري طويل وقوي طلعاتها ليا واااعرة..قالتلي أن عينيا حسن من ليلونتي أصلا عينيا رماديين..المهم ماخلاتش شي بلاصة فيا ماقاداتهاش..وأخيييرا سالايت..لبسوني صباط عالي كلو حجر وجلسوني..عاد بدات تصايب للبنات فشعرهم ووجهم..كانت الساعة وصلات 8 ديال الليل.. سمعنا الحيحة قدام الصالون والطوموبيلات عرفتهم جاو.. غطاو ليا وجهي وخرجوني كان توفيق لابس بدلة فالأسود ومقاد شعرو ولحيتو بطريقة زوينة.. ومعاه شي صحابو المهم ماشفتش مزيان..شدني من يدي وركبني فالطوموبيل اللي كانت مزينة بطريقة غزالة..قالي فوذني أنه فرحان بزاف وأنا كتافيت بالصمت حتى وصلنا للقاعة..كانت كبيرة وراقية.. بداو الدقة المراكشية كترحيب بينا..تلقات لينا خالتي نجمة لابسة ومقادة ومعاها النكافات ..دخلونا للقاعة اللي كانت عامرة بالحضور وكلشي كايشوف فينا..المهم بدا العرس وكل مرة كانوض نبدل اللبسة.. هزونا فوق العمارية والنشاط والتصاور..كنت كانضحك بزز باش نبان زوينة..لكن أنا فالداخل ديالي ماكنتش فرحانة.. كايقولو أن نهار العرس هو أحسن نهار فحياة البنت لكن أنا ماحسيتش بديك الفرحة..المهم لبست لاغوب اللي كانت زوييينة..بلا أكمام ومنفوووووخة..طلقو ليا شعري ودارولي تاج خفيف على راسي..هزيت لورد وشديت فتوفيق اللي كان لابس بدلة فلبلو مارين...قطعنا لكاطو اللي كان كبير وشطحنا شوية..حتى سالا العرس..رميت الورد للبنات وتمينا خارجين باش نمشيو للأوطيل اللي حجز فيه توفيق...سلمت على خالتي نجمة..عنقاتني مابغات طلقني وأنا كذلك.. فكونا غابزز..شدني توفيق وخرجنا فاتجاه الطوموبيل..حتى كايتسمع صوت 2 رصاصات تضربو..كلشي غوت وتصدم..موجهين نظرهم لوجهة الرصاص اللي كانت فكرشي نيشان.. بقيت واقفة مصدومة وتوفيق كايشوف فيا وأنا كانشوف فللي ضربني..كانت هي..اه هي..سكينة أخت مجد..راكبة فموطور أسود مقابلة معايا...بقات كاتشوف فيا حتى طحت..لاغوب ولات كلها حمرة وحسيت براسي بديت كانفاصل على العالم الخارجي..اخر صوت سمعتو هو صوت خالتي نجمة..
نجمة: أسماااااااااااااااااء
**ااه يمكن مامكتابش ليا نفرح مامكتابش ليا نعيش..مكتاب ليا نموت مقتولة..مكتوب على دمي أنه يسيل فموتة مغدورة**...هادو كانو آخر كلمات قلت فنفسي قبل مانغمض عيني لآخر مرة..
كانحل عيني بتثاقل..الضوء ضرني فعيني..حليتهم بشوية باش نشوف فين أنا..كايبانلي غير للبياض..مكانحسش بأعضائي..هدوء رهيب..فين أنا؟ وشنو كاندير هنا؟ كنحاول نتفكر شنو وقع ..كان صعيب لدرجة أنه حتى سميتي مشاتلي من بالي..بقيت دقائق حالة عيني فالسقف عاد توضحات الأحداث فبالي اللي كان مشوش ومخربق بزاف.. تفكرت العرس ديالي مع توفيق.. تفكرت لاغوب.. تفكرت صوت الرصاص..تفكرت الألم ديال الرصاصة اللي ختارقات الجسد ديالي وأخيرا.. تفكرت وجه سكينة اللي تيرات فيا..
أنا: وااااااااااااااااااااااع اهئ اهئ اهئ فين أناااا.. خالتي نجمة اهئ اهئ واش أنا ميتة.. فين أنا وعلاش مكانحسش بالجسد ديالي..
نجمة: راه كنتي فغيبوبة ابنتي ... طول هاد المدة كنت عايشة فعذاب حيت خايفاك تموتي وتخليني الله يحفظ
أنا: غيبوبة؟ شحال وأنا هنا؟
نجمة: شهرين ..شهرين ابنتي ونتي غايبة على الدنيا..
أنا: شهريييين!!!!!! و.. وشنو طرا ديك الليلة؟
نجمة: احياني على ديك الليلة ابنتي.. كان عرسك وكنا فرحانين حتى تقلب لجنازة.. شي بنت تيرات فيك وهربات.. خلاتك غارقة فدماياتك وحنا غارقين فدموعنا.. هزيناك بالجرى للسبيطار كانت حالتك صعيبة وكلشي قال موحال تعيشي.. حيت وحدة من الكلوات ديالك تضررات بزاف ومابقاتش خدامة... ودارو ليك عملية..
أنا: اشمن عملية؟
نجمة: حيدو ليك الكلوة ديالك.. وزرعو ليك فبلاصتها كلوة أخرى...نجحات العملية وتحيد الرصاص.. قالينا الطبيب أنه كلشي ولا مزيان.. بقيتي 3 أيام ونتي غايبة على الوعي.. الطبيب استغرب فهادشي.. وقالينا أنه السبب ماشي فالجسم ديالك ... إنما هو سبب نفسي.. قال باللي نتي مابغيتيش ترجعي تعيشي.. بغيتي تبقاي بعيدة عن العالم الخارجي عليها محاولتيش تجاوبي معانا وتفيقي اهئ اهئ😢
أنا: فين توفيق؟
نجمة: ممم توفيق.. توفيق مشغول شوية عليها مكاينش هنا.. أنا راه كل نهار كانجي للمصحة من الصباح حتال لعشية .. كانبقا نتسنا على أمل أنك تفيقي وترجعي ليا اهئ اهئ اهئ الله ياخد فيها الحق ديك المجرمة اش بغات عندك ابنتي
أنا: واش شدوها؟
نجمة: للأسف لا.... هربات بسرعة ولبوليس مزال ماقدر يوصل ليها... راه على برا كاين الحرس اللي كايبقاو قدام الباب 24/24 ساعة باش يضمنو أنك فالأمان....خلينا من هادشي.. قوليلي باش كاتحسي؟
أنا: مكانحس بوالو... بحالا جسمي ماشي مني..
نجمة: الله يستر... هاهو الطبيب راه جاي باش يشوفك.. ماتصوريش فرحتي قداش كبيرة مللي رجعتي ليا انوارة حياتي
أنا: الله يخليك ليا اهئ اهئ راه كانعتابرك ماما اللي ماعنديش والله.. نتي أحن إنسان عرفت فحياتي اللي ماعندها حتى معنى
بقيت أنا وخالتي نجمة جالسين حتى جا الطبيب اللي بقا كايفحص فيا وقلتلو أنني مكانحس بوالو وماكانقدرش نتحرك وهو بدورو طمئني وقالي أنه غير حيت شهرين وأنا على نفس الوضعية عليها عضامي ثقال عليا أما راه بريت وماعندي وااالو..
أنا: دكتور امتا غانقدر نخرج من هنا..
الطبيب: حتى من غدا.. راك دبا تعافيتي كليا
أنا: وخا شكرا
نجمة: على سلاااااامة كبيدتي..ماتصوريش فرحتي قداش
أنا: الحمد لله ياربي..
جابت ليا خالتي نجمة الماكلة وكلييييت حتى شبعت.. حاولات معايا حتى نضت ومشيت للحمام شفت فلمرايا كنت ضعيفة وعينيا دابلين ماحملتش نكمل فراسي الشوفة..رجعت لفراشي ولحد الآن كاينة معايا غير خالتي نجمة ماعرفتش علاش توفيق مجاش عندي!!!
بقينا غاديين مسافة طوييلة حتى بان ليا بدينا نخرجو من لمدينة! أوااااه فين غاديين؟ عييت مانسول فخالتي لكنها كانت كاتعطيني مبررات غير مقنعة..عييت بالهضرة وأنا نسكت حتى نشوف هادشي فين غايخرج.. المسافة طولات بزااااااااف حتى بانلي دخلنا لمدينة ماغريباش عليا وعرفتها من لون الطاكسيات.. طنجة؟
بقيت مخرجة فيها عيني بصدمة😨😨 هاويلي واش هادشي بصح ولاكانحلم...
عنقاتني وزيرات عليا عاد فقت من الصدمة وبديت نبكي ونضحك كي الحمقة.. كانعنق فيها ونقول ماعنقت نبوووس ونقول مابست ..كيفاش تبدلات نفسية كرزة فهاد المدة ماعرفتش ولكن اللي عارفة هو أنني أسعد وحدة فهاد اللحظة❤
بعدما سلمت على العائلة كاملة وكتاشفت أن مدام سهام وكرزة سامحوني فرحت بزاف وارتاح قلبي...لكن مزال ماعرفت كيفاش وقع هادشي وكيفاش حتى خالتي نجمة جابتني لدار أسد وكيفاش توفيق ماسولش فيا رغم أنه راجلي ...بقيت كانتخبط فأفكاري حتى فيقني صوت شيماء..
شيماء: أسماء، أجي معايا نديك لبيتك ترتاحي
أنا: ولكن بلاتي راه...
سهام: أسماء رتاحي ابنتي دبا ونهضرو من بعد راه الكلام مغايهربش..
أنا: وخا..
وصلاتني شيماء لنفس البيت اللي كنت جلست فيه فالأول..لقيتو مرتب ولماريو عامر حوايج وكاع اللي نقدر نحتاج..استغربت من هادشي كامل وأول حاجة جاتلي فبالي بعدا هي ناخد شي دوش عالمي..هزيت بينوار ودخلت للدوش سخنتو مزيااان وجلست نحك ونعاود حتى عييت عاد عمرت البانيو وتخشيت فيه..بقيت شي ساعة وأنا مغمضة عيني حتى كان غايديني النعاس نضت غسلت شعري ودرت الصابون وخرجت بالبينوار اللي كان فالأسود وقصير قريب يبين مسعودة..وقفت فالماريو نشوف شي بيجامة حتى سمعت الباب تحل..ضرت نشوف شكوت لقيتو أسد واقف كايشوف فيا..بديت نجبد ونهبط فالبينوار زعما باش نتغطى ساعة المسخوط كان قصير بزاف..
أنا: عفاك سد الباب راه كانبدل
أسد: وخا (دخل وسد لباب) هاهو
أنا: اويلي واش نتا حمق واخرج وسدو ماشي دخل..
بدا كايقرب ليا بخطى ثابتة حتى وصل عندي بقيت كانشوف فيه وهو كايشوف فيا..قلبي بدا يزدح يزدح ماعرفتش نوصف داك الإحساس اللي تملكني..ماحسيت حتى حاوط خصري بيديه وطبع قبلة على عنقي..بقيت مبلوكية ماعرفت باش تبليت زاد باس بوسة ثانية وثالتة ورابعة وأنا غير واقفة بلا حراك...شوية هزيت راسو من على عنقي وأنا نحط شفايفي على شفايفو (بلا حشمة بلا حيا) وغمضت عيني.. هو بدا كايبوس ففمي شوية بدا يجر ويمص ويدو حطها على خصري وبدا يعصر فيه ودفعني حتى لصقنا مع الحيط..أنا صافي طلعات معايا الحرارة حاطة يدي فصدرو وكانطلعها حتى لعنقو وحنا مزال كانتبادلو القبل شوية حسيت بيه بدا يحل لحزام دال البينوار عاد فقت ووعيت على راسي....دفعتو عليا وصرفقو حتى دار وجهو وطحت فالأرض بديت نصرفق فراسي ونريش فشعري وندب...
أنا: اهئ اهئ ا..ا..اش درت.. اش درت (كانصرفق فوجهي) راني مرا مزوجة راني كاتبة العقد على سنة الله ورسوله مع رجل اخر..اويييييلي الله يعطيني غير شي موتة اش هاد الشوهة درت فراسي...
أسد: (جا وقفني وصرفقني حتى هبط الدم من فمي) سكتي! سكتي أ أسماء سكتي..علاش كاضربي راسك هاه واش حماقيتي..
أنا: واش نتا حمق كيفاش ماشي راجلي راه درنا العقد والعرس وليلة عرسنا تضربت بالرصاص..
أسد: اه كيفما درتو العقد والعرس راكم تطلقتوا
أنا: تطلقنا!!!!
أسد: اه تطلقتو
أنا: ولكن علاش؟؟ كيفاش طلقني بلاما نعرف؟ أنا كنت فغيبوبة معاقلة على والو ..كيفاش طرا اهئ اهئ اهئ مابقيت فاهمة والو (شديت فراسي)
شدني أسد من يدي وجرني بهدوء وجلسني فوق الناموسية.. تحنى على ركابيه وتقابل معايا..
أسد: أسماء تهدني..شوفي لبسي حوايجك أنا كانتسناك قدام الباب مللي تسالي خرجي عندي
أنا: (كانتنخصص) و..واخا..
خرج أسد من البيت وأنا بقيت جالسة شي 2 دقايق ساهية والدموع ماحبسوش..نضت لبست كيطمة فالرمادي مزيرة ومعرية من الكرش مع بانطوفة وخليت شعري مطلوق وخرجت..لقيت أسد مربع يديه ومتكي راسو على الحيط..
أسد: اجي معايا..
مشيت معاه نزلنا لتحت وخرجنا من الدار فاتجاه الجردة وبالضبط قدام لابيسين..كان جو هادئ وزوين لكن أنا الدنيا كانت كتبانلي كحلة ..واش اعيباد الله حتى قلت صافي قطعت الواد ونشفو رجليا.. لقيت راجل كامل مكمول بغاني للحلال..تزوجت بيه..نهار عرسي طرطقولي كرشي ومللي بريت لقيت السيد طلقني اش هاد الزهر ديال لخرى عندي..
أسد: فاش ساهية؟
أنا: علاش جبتيني هنا
أسد: باش نجاوب على كاع الأسئلة اللي كاضور فراسك
أنا: تفضل هانا كانسمع..
أسد: عمري نسمح ليك.. خليتيني فالسبيطار وغبرتي .. مللي مشيت عندك باش نشوفك عرفت أنك خويتي الدار! عييت مانقلب عليك لكن تمحا ليك الأثر (زير على يديه) بقيت ديما كانحاول نعرف عليك شي حاجة وطلبت من حسام يعاوني.. أنا أصلا عندي مشاكل فالخدمة وفالدار وزدتيني نتي.. كرزة كانت مريضة بزاف.. أنا وماما وشيماء تكلفنا بعلاجها النفسي.. بقات مدة وهي كاتلقى العلاج اللي كانت رافضاه فالأول لكن تقبلاتو من بعد... ماما أيضا كانت مقلقة منك بزاف لكن قنعناها أنا وشيماء بللي نتي ماعندك حتى دخل فهادشي...ونهار عرفاتك تضربتي بالرصاص زادت سامحاتك وبقيتي فيها وبكات بزاف على ودك..وحتى كرزة أثر فيها الحادث اللي وقع ليك وحن قلبها من جيهتك..
أنا: وكيفاش عرفتوني تضربت بالرصاص؟
أسد: واحد النهار كنت فكافي كانرتاح وبالصدفة شفت كاطا (سكينة) داخلة تما...خبيت وجهي باش ماتشوفنيش..جلسات فالطابلة اللي قدامي وجبدات شي تصاور.. كانت تصويرت ليو (مجد) بقات كاتشوف فيها وهي تبوسها..شوية جبدات تصويرة ثانية اللي كانت تصويرتك..بقاو يديها كايترعدو وهي تجبد عكر حمر من صاكها وخربقات ليك بيه وجهك..تما عرفتها أنها ناوية تنتقم منك حيت بسبابك خوها فالحبس..درت اتصال سريع بواحد من رجالي وطلبت منو يجي للمقهى ومن بعد ماجا طلبت منو أنه يتبعها فينما مشات....وخبرت حتى حسام بالأمر لكن قال بللي ماعندو حتى شي تهمة ضدها.. هي كاع الجرائم اللي كادير كايكونو فأمريكا وهنا ماعندهم مايصورو منها حيت مكاين حتى حجة ضدها..وكلف حتى هو شي رجال يراقبوها..دازت يومين وصلني اتصال مع ل1 دالليل كايقولو فيه رجالي باللي سكينة خرجات بالليل وشدات الطريق لمدينة معارفينهاش ، طلبت منهم يتبعوها ومايتلفوهاش..نضت لبست حوايجي وتاصلت بحسام وشدينا الطريق حتى حنا
أنا: الصمت
أسد: من بعد مدة عرفنا أن الوجهة ديالها كانت هي مدينة الرباط..شافوها الرجال حتى نزلات فأوطيل ومن بعد نصف ساعة خرجات لكن ماركباتش فطوموبيلتها بل ركبات فموطور وزادت..تبعوها لكن هي كانت أسرع منهم ..أنا وحسام كنا يالاه دخلنا للمدينة ديك الساعة..كنت حاس غاتوقع شي كارثة ديك الليلة واحساسي ماخيبنيش..وصلنا اتصال صادم من عند واحد من الرجال قال أنه شافها حتى تيرات فشي عروسة قدام قاعة الأفراح..كانو تما البوليس لكن ماقدروش يتبعوها لاهوما لارجالنا..طارت بحال البرق..
حب وسط الدماء الجزء العاشر
محتوى القصة
التنقل بين الأجزاء