حب وسط الدماء الجزء الثالث

صبح الصباح فقت كلي نشاط وسعادة ليوم غانبدا حياة جديدة كلها فرحة مع أحسن زوج وأحسن عائلة حاسة غانعوض كل مافات وغانولي أسماء جديدة مدام الفاضلي اححح غانطير غانطير نضت بالجرى دخلت للدوش جلست فيه ساعتين نحك ونعاود غسلت شعري ودرت الصابون وخرجت ببينوار قصير فالغوز وكانشف شعري حتى كانلقا قدامي مجد حال فيا فمو..حشمت بقيت كانضور فعينيا حتى قرب مني بمشيتو الهادئة اللي كاتهبلني هو كيقرب وأنا كانرجع باللور حتى لسقت مع لحيط وهو لسق معايا ههه

مجد: مممممم صباح النور مرتي لغزالة 

أنا: صباح لخير..بقا كايشوف ليا فعينيا شوية قرب فمو لفمي وحتى كان غايبوسني وحبس ورجع اللور

مجد: كاتباني زوينة ونتي يالاه خارجة من الدوش المهم جيت نقولك لبسي حوايجك راه لعدول قرب يجي وراه حتى أنا غانمشي نبدل عليا وعيطي على خالتي نعيمة تهبط معاك ليفاليز راه غانمشيو دابا

أنا: واخا

مشا مجد وأنا بقيت فبلاصتي كانفكر علاش ماباسنيش ؟ يمكن غايصحاب ليه غانتقلق تاني هه كملت تنشاف شعري ومشيت هزيت اللبسة اللي كنت موجدة من لبارح اللي هي عبارة على سروال جينز قصير ومقطع من جيهة لفخض و تيشورط أسود قصير وفيه كتابة فلبيض مع سبرديلة كحلة وفيها لبيض ولحت عليا كويرة قصيرة كحلة مشيت جيهت لمراية سشورت شعري وخليتو مطلوق درت كريم أساس وماسكارا وفاراجو بارد وعكر فلغوز بارد ماط رشيت بارفاني وجريت ليفاليز دياولي بلامة نعذب خالتي نعيمة..هبطت حطيتهم ومشيت للكوزينة شربت كاس دالعصير حتى دخلات عندي سكينة لابسة سروال كحل ومونطو كحل وسبرديلة كحلة وشعرها ديل حصان ودايرة عكر حمر فقط

سكينة: لالة لعروسة مبروك عليك صبحتي منورة

أنا: الله يبارك فيك منورة بيك حبيبتي

سمعنا مجد كايعيط علينا من الصالون عرفت باللي لعدول جا نضت جمعت لوقفة وتوجهت أنا وسكينة عندو

بان ليا واقف لابس سروال جينز وسبرديلة بيضة وتيشورط فلبيض وكويرة فلكحل وموقف شعرو وحاط لافاليز ديالو حدا ديالي أنا وسكينة بان غزال وا طلي عليا وااا رقية

مجد: (فودني ) مممم مرتي لابسة بحالي هههه

أنا: كتافيت بابتسامة..شفت فجوج رجال لابسين لباس رسمي ماشي بحال لعدول اللي كانشوف فالأفلام المغربية المهم جلسنا كاملين على الطبلة وحطو ليا لورقة وطلبو مني نوقع بلا فاتحة بلا والو والناس عندهم العربية معكلة هههه أما مللي شفت لعقد فكانت صدمة حياتي لأنه كان بالإنجليزية هههه قربت لوذن مجد

أنا: مجد كيفاش هادشي أنا عمري شفت عقد الزواج بالانجليزية وعاد أنا مكانفهمهاش

مجد: (ياس الحمد لله) سيسيمتي راه عادي هاد الناس راه من جهة لواليد وهوما وجدو لينا عقد زواج أمريكي حيت حنا غانعيشو تما الى الأبد

أنا: اويلي على الى الأبد ياك قلتيلي غير لعرس اللي غايكون تما وكيفاش هاد التخربيقة دالعقد أمريكي ياك حنا مغاربة مسلمين خصنا نتزوجو بالطريقة اللي كايتزوجو بيها الناس كاملين

مجد: أسماء حتال امتى غانبقا أنا وسكينة بعاد على ماما وبابا راه بغينا نعيشو معاهم وأنا بغيتك تكوني جزء من عائلتي واش ماكاتيقيش فيا؟ 

أنا: بالعكس كانتيق فيك وبزاف غير هو....

مجد: أسماء صافي خلينا نسنيو راه الطيارة كاتسنا تيقي فيا وسني..(عطاني ستيلو) هاكي

خديت ستيلو وماعرفت علاش قلبي تقبط عليا وبداو يدي كايعرقو ولكن تشجعت ودرت تيقتي فالله وفمجد وسينيت بلاما نفهم حتى كلمة من اللي مكتوب فالورقة خدا مجد الستيلو وسنا حتى هو ودوك الرجال مقالو حتى مبروك هزو قلوعهم ومشاو أما مجد فاهز ورقة العقد والفرحة كاتبان فعينيه شوية قرب ليا وعنقني وقالي مبروك علينا ا مراتي لغزالة وجات سكينة عنقاتنا وباركات لينا شد ليا مجد فيدي وعيط على لعساس يخرج ليفاليزديالنا ب3 أما خالتي نعيمة فمابانتش ليا كاع فالفيلا

أنا: مجد فين خالتي نعيمة نودعوها

مجد: راه يالاه خرجات عاد دبا تجيب شي سخرة دبا تبانليك داخلة

تسنينا شي 2 دقائق حتى دخلات خالتي نعيمة سلمات علينا وباركات لينا زواجنا وودعاتنا وتمنات لينا حياة سعيدة وعلاما فهمت أنها غاتبقا ساكنة فالفيلا مقابلاها..خرجت أنا ومجد راجلي لبوكوص وسكينة فاتجاه الطوموبيل وأنا طايرة بالفرحة حيت تزوجت وفنفس الوقت كانفكر فهاد الطريقة اللي تزوجنا بيها بقيت غادة ساهية ويالاه غانحل لباب باش نطلع حتى كانحس بشي ابرة دخلات فكتفي ومن موراها مابقيت عاقلة على والو

بديت كنحاول نفتح عينيا بصعوبة باش نشوف فين أنا ولكن وخا هكاك كايبان ليا غير الظلام حاسة بيديا معلقة ومربوطة بشي حاجة قاصحة بحال السنسلة وحتى رجليا مربوطين.. راسي ماقادراش نهزو بكثرة ماهو تقيل عليا..فمي ناشف وشعري هابط على وجهي زيادة على صمت رهيب وريحة خانزة بزاف ماعرفتش منين جايا بقيت دقائق كنحاول نستوعب فين أنا ونتفكر شنو أخر حدث طرا..بقيت جامدة وكانشوف فالظلام حتى طاح فبالي مجد وسكينة عائيلتي الجديدة اللي بعدما كنت غانركب معاهم فالطوموبيل باش نتوجهو للمطار ماعرفت اش طرالي..واش أنا كانحلم؟ فين أنا؟ فين مجد؟ علاش أنا مربوطة وشنو هاد الجو الغريب اللي أنا وسطو؟ عقلي مزال ماتقبل هادشي اللي أنا فيه حتى حاولت نقطع هاد الصمت..

أنا: ممممممم...مممممممم(فمي مسدود بلصقة قوية) بديت نحرك فيدي ورجلي اللي فعلا كانو مربوطين بالسناسل ..ياربي فين أنا اهئ اهئ اهئ واش خطفوني؟ غايكون مجد وسكينة كايقلبو عليا اهئ اهئ مممممممم..ممممم (كنحاول نغوت)

الشخص: هاهاهاهاهاهاها (بالإنجليزية) لمشيشة ديالنا فاقت

أنا: ممممممم مممممم (يا ربي شكون هادا وفين هو راه كايبانلي غير الظلام)

تحل باب بطريقة مزعجة ضراتني فودني باين عليه باب ديال لحديد مصدي كايبانلي خيال راجل واقف بديت كانقفز بالخلعة

الشخص: welcome sweetie (أهلا حلوتي)

شعل ضو فالمكان اللي تمنيت كون ماشعلش.. شفت أبشع منضر يقدر يشوفو الإنسان فحياتو حسيت بقلبي وقف وأعضائي تشللو مادرت حتى ردة فعل من غير جسمي اللي مبلوكي ولساني اللي تعقد وعينيا غايخرجوا من بلاصتهم..

كانت غرفة كبيرة على شكل مستودع وكانوا ضايرين فيها عدد كبير من الجتث البشرية معلقين بنفس الطريقة اللي معلقة بيها أنا ولكن الأمر ماسالاش هنا لأن هاد الجثت مكانوش عادين لكن كانو مشوهين بطريقة اللي مايقدرش يتقبلها لعقل..محلولين من لوسط وكايبانو خاويين من لداخل بحال الحولي فالعيد لكبير مللي كانحيدوا ليه الدوارة.. كانو لابسين ملابس مبقاش كايبان لونها بكثرة الدم ..كانو بنات ودراري اللي وجههم كان أزرق ومنفوخ كانوا جثت معفنة وكاتنباعث منها ريحة خانزة بزاف..بعدما شفت هاد المنظر كانت ردة فعلي هي نغيب على الوعي مرة أخرى..

فقت مرة أخرى ولكن هاد لمرة ماشي بحال المرة الأولى على خاطري لا..فقت نتيجة سطل ديال لما مكلاصي تخوا عليا فقت مفزوعة وتخنقت وبديت نتركل ونترعد بكثرة البرد ومللي هزيت راسي شفت سكينة واقفة قدامي بنفس اللبسة اللي كانت لابسة فآخر مرة شفتها فيها..قربات لعندي وحيدات اللصاق االي على فمي بجهد حتى حسيت بحالا اللحم طار معاه

أنا: (وأنا كانبكي ونضحك) س..س..سكينة سكينة الحمد لله ياربي الحمد لله مللي لقيتيني (بانو ليا الجثت مزال معلقين وسديت عيني بالزربة) سكينة واش شفتي اختي هادشي اللي ضاير بينا فين حنا ا ختي وكيدرتي حتى لقيتيني وشكون جابنا هنا وفين مجد و..

سكينة: (بمقاطعة) اوووووووف اوف اوف واش صارطة كسيطة ضريتيني فراسي واش ماكاتعيايش من لهضرة(شدات فراسها وبدات ضحك بطريقة هستيرية)ههههههههههههههههه سمسووومة ههههههه حبيبة جيتي زوينة ليوم ههههه مبروك عليك الزواج هههههههه

أنا: (مامتيقاش اللي كانشوف) سكينة مالكي اختي ما..ما..مافهم..

سكينة: (قاطعاتني) وفين عمرك فهمتي يالمكلخة هه خطفوك؟ نعاونك؟ ههههه كيفاش غانعاونك وأنا اللي جبتك هنا احبيبة! هههههه كيجاك لقصر ديالي زوين (مشات جيهت الجثت وبدات كاتقيص فوجهم بصبعها) مممممم شوفي شوفي الزين ديال بصح هههههه اش بان ليك نردك بحالهم والله حتى غاتستمتعي وبزاف..

أنا بقيت غير كانشوف وكانحاول نستوعب هادشي اللي كايطرا ..سكينة؟ علاش كاتهضر هاكا؟ واش كاضحك معايا؟ اشمن ضحك وبنادم مصارنو خارجين حدايا..واش سكينة... لا لا سكينة بنت ضريفة وحنينة اش وصلها لهادشي..راسي بغا يتفركع بكثرة هاد التساءلات اللي كاضور فيه..ماعرفت راسي باش تبليت..فيقني من أفكاري صوت ثاني اللي زادني صدمة على صدمة..

مجد: وااااو ماتقولوليش مرتي لغزالة فاقت! مشا جيهت الجثت وكايهضر معاهم..

مجد: نادية هاهي مرتي أسماء كيجاتك زوينة هه ونتا ا فهد كيجاتك هه عنداااااكم تكونو قلقتوهاااا هههههههه 

أنا: مجد؟ مجد مالك؟ مجد شنو واقع (بلغوات فقدت السيطرة على أعصابي) وااااااع وا هادشي بزاف وا عتقوني وافين أنااااا...جاتني نوبة عصبية خلاتني نغوت على حر جهدي والوقت اللي أنا كانغوت كان مجد وسكينة كايضحكو بطريقة هستيرية ، فعلا كان منضر مهول بزاف..

بقيت كانغوت ونجدب حتى وقفني صوت الراجل اللي كان حل عليا لباب كان ضخم لجثة ولابس لبسة كحلة بحال ديال رجال المافيات كلو وشام وصلع..

ماكس: (بالإنجليزية) كاطا..ليو..(سكينة ومجد) غدا بالليل خصنا نخويو هاد الجثت من هنا (شاف فيا) هادي تاهية خصها غدا تدفن معاهم لمهم شغلكم راكم عارفينو (خرج)

تهديت وعييت بكثرة البكا والغوات بقيت ساكتة والدموع ماحبسوش وماكرهتش كون فهمت شنو قال داك الراجل حيت أنا ماكانفهمش الإنجليزية..لحاجة لوحيدة اللي فهمت هو أنه عيط لسكينة ومجد بكاطا cata وليو lio 

سكينة: (جاية جيهتي) اي اااي اي اياااا أسماء العلوي هه الضحية رقم 21 من ضحايا كاطا وليو

أنا: 21!!!!! ولكن كي..كي..كيفاش ضحايا؟

مجد: سكينة ههه مرتي ضرها راسها تهضري ولا نهضر

سكينة: هههه من عادتنا ماكانعاودوش للضحايا ديالنا مسارنا وقصة حياتنا..ولكن نتي اصاحبتي لعزيزة غانعاود ليك باش نعاودو نتلذذووووو بهادشي اللي كانديرو هاهاهاهاهاهاها (شداتني من شعري) بغيتي تفهمي؟ واخا امرت خويا أنا غانشرح ليك 

طلقات شعري بعدما قصحاتني فراسي بزاف ومشات جابت كرسي وجلسات مقابلة معايا ودارت رجل على رجل أما مجد فبقى واقف متكي على الحيط اللي حداها

سكينة: سكينة الفاضلي اخت مجد الفاضلي وبنت ليلى ومحمد الفاضلي.. (مبتاسمة وفنفس الوقت كاتبكي) كانوا عندنا أحسن أم وأب فالعالم كنا ساكنين فتطوان ب 4 حياة هادئة مليئة بالسعادة .. حتى لنهار اللي كان بشع ببشاعة هاد الجثت اللي ضايرين بينا.. بابا كان طبيب وماما كانت ممرضة وواحد النهار كتاشفوا أن مدير لمستشفى وفريق من الأطباء كايتاجرو فالأعضاء البشرية بطرق اجرامية وقرروا أنهم يفضحوهم ههههههههههه (كاضحك بالجهد) و و لكن دوك لمجرمين (كاتبكي) ساقو لخبار بللي ماما وبابا عرفو وقرروا أنهم يتخلصوا منهم..

كانت عندي 11عام ومجد كانت عندو 16عام..كنا جالسين مع خالتي نعيمة فالدار حتى وصلنا خبر موت ماما وبابا اللي لقاوهم مرميين بعدما نتازعو جميع أعضائهم..

مجد: حنا عرفنا هادشي من عند صاحب بابا حيت بابا كان عاود ليه كلشي قبل مايموت وأكيد هوما اللي قتلوهم بهاد الطريقة باش مايتفضحوش ...حاولنا نتابعوهم لكن القانون مالقا ضدهم حتى دليل..بقيت أنا وختي بوحدنا لاحنين لا رحيم كانتفكروا كل دقيقة منظر والدينا وهوما محلولين وخاويين من لوسط(كايبكي بحال شي دري صغير)..بقينا مع خالتي نعيمة هي اللي مقابلانا أما عائلتنا قليل فاش كايطلو علينا حتى نكرونا فمرة..كان عمي ادريس (صاحب أب مجد) هو اللي مهتم بينا وبقرايتنا وماخلاناش نقاطعوا عليها.. حتال واحد النهار جا عمي ادريس وخبرنا أن الشرطة لقات دلائل على دوك لمجرمين وكلهم تشدوا وتعاقبو عقوبات كبيرة..

سكينة: وخا المجرمين اللي قتلو واليدينا تعاقبوا ماحسينا بوالو حيت أصلا من نهار شفنا ديك الفاجعة ماتوا فينا كاع الأحاسيس..

أنا: تأثرت بزاف بهضرتهم والظروف اللي دازو منها وهوما فعمر صغير..صعيب تشوف والديك ميتين قدامك عاد أنك تشوفهم مقتولين بطريقة بشعة ومجردين من أعضائهم..للحظة دمعات عيني حسيت بيهم وبحالتهم واخا عمري كانوا عندي واليديا بحال الناس من ديما وأنا بوحدي..بقيت كانفكر فهضرتهم حتى فيقني صوت سكينة..

سكينة: بعد هادشي .. ماحبسناش من لقراية لكن ماكنا كانهضرو مع تاواحد وحتى فالدار ماكانش كايتسمع صوتنا وماكناش كانبكيو..(كاتبكي)

مجد: (كايمسح فالدموع اللي فعينيه) عمي ادريس حس بالحالة اللي حنا فيها وحاول يدير مافجهدو باش يخرجنا منها وقرر..

سكينة: وقرر أنه يخرجنا لنزهة باش نبدلو الجو كانت الفكرة يدينا للفيرمة ديالو للي جات فنواحي لمدينة..استعدينا ليها وفصباح ليوم الثاني داز علينا للدار ومشينا معاه..

مجد: كانت بلاصة زوينة بزاف وخاوية..كنت غير أنا وختي وعمي ادريس والعساس ديال لفيرمة كان راجل كبير فالسن

سكينة: خلانا عمي ادريس تما وطلب منا نستكشفو لمكان بينما مشا يجيب لينا الأغراض اللي غاتلزمنا..بقيت أنا ومجد تما جالسين بدون حراك والسكون ديالنا اللي ولا مرافقنا

مجد: لكن فلحظة قررت أنني نخرج نشم لهوا وتبعاتني سكينة حيت ماكانتش كاتفرق عليا..خرجنا وبدينا نضورو فالحديقة اللي كانت كبيرة بزاف حتى ثار انتباهنا لعساس اللي كان كايصايب واحد لبيكالا يمكن لينا باش نلعبو بيها..

سكينة: ههههههه و..و..ومن بعد قربت ليه من لور بلامة يحس وهزيت واحد لمطرقة كانت حداه

أنا: (خرجت عيني بصدمة)

سكينة: هههههههههه ذكية والله..اه ضربتو بيها للراس حتى هرست ليه الجمجمة ديالو ههههههههههههههههه

مجد:ههههههههههههههههههههههه

أنا: (بصراخ) لااااااااااا لااااااااااااااا واش نتوما حماق(كانغوت ونبكي)..

سكينة: هههه حتى مجد تصدم بحالك مسكين من تصرفي لكن بسرعة فهمني وكمل معايا

أنا: ا..ا..ش كمل😨

مجد: مممممم مشيت للمطبخ للي فالدار وجبت جناوا وشواقر 

سكينة: مللي جابهم شدينا داك لعساس وفتحناه كامل من صدرو حتى لتحت..كانضربوه بالشاقور ونعاودوه بالجنوي حتى ولينا كلنا دمايات هههههههه

أنا: بقيت غير حالة فمي وداتي بردات بالخلعة مجرد ماتخايلت المنضر كنت غانعاود نغيب حتى صرفقاتني سكينة

سكينة:هيييييييه .. غاتبقاي تسمعي حتى لآخر ولا غانوض نبدا بيك دابا..

مجد: من بعد جبدنا جميع أعضائو بيدينا قلب..كبدة..وحنا كانتلدذو بداكشي اللي كانديرو 

أنا: (مغمضة عيني) هو كايهضر وأنا عقلي باغي يخرج مامتيقاش أنهم قدروا يديرو هاد لجريمة لبشعة فحق رجل بريء ماآداهم بوالو..ولكن بديت نحلل هادشي اللي كايديرو وفهمت أنهم اختلوا عقليا بعد الفاجعة اللي وقعات مع واليديهم حيت ناس عاديين مستحيل يديرو هادشي ويهضرو مع جثت كاتخلع عادي بلاما يخافو بلاما يحسوا..داكشي اللي دازو منو صعيب ..لكن هذا مايعطيهمش لحق يقتلو ناس أبرياء .. هاد الجوج خصهم يداواو..

أنا: (موجهة ليهم كلامي بشجاعة) أنا عارفة داكشي اللي طرا مع واليديكم صعيب ولكن هادوك اللي قتلوهم تعاقبوا، نتوما لاش كاتقتلوا ناس أبرياء مادارو ليكم والو آه؟

سكينة: سدي فممممك! تاواحد مابريء ماكايهمنيش شكون قتل شكون بريء شكون ...لا اللي كايهمني أنني نقتلكم كاملين ونلعب فيكم كيما لعبو فواليدييا..ماما اهئ اهئ نتي ماشفتيش ماما كيكانت بالدم ومنظرها كايخلع..أنا غانردكم كاملين بحالها(كتغوت) كاملييين

أنا:سكتت حيت حسيت بالقضية بدات كاتحماض ناري و اش داني نهضر 

مجد: صافي صافي سكتونا ضرني راسي (شد فراسو بجهد) سكتو سكتو.. بحال هاكا بدا يغوت عليا عمي ادريس مللي لقانا غارقين فدمايات لعساس..

سكينة: ههههه مجد عقلتي على وجهو كيولا تصدم من اللي شاف قدامو داكشي لكن ماعلمش بينا لبوليس بالعكس عاونا

أنا: كيفاش!!! (شفت فيهم خنزرو فيا وأنا نرجع نسكت)

مجد: قالينا نتوما مراض وأنا ماغانخليكمش ضيعو..تعاونا ب3 ودفنا الراجل فديك الجردة وعمي ادريس تكلف باش مايبقا حتى دليل..حسينا بيه خايف منا ههههههه 

سكينة: خلانا بزوج فديك الدار كايجيب لينا لماكلة ويمشي دغيا حتال النهار اللي..

مجد: اللي قرر يسيفطنا هنا..

انا: ف..ف..فين؟

سكينة: أمريكا

أنا: (بصدمة) حنا دبا فأمريكا!!! الله ياربي الله ماطفرتو حتى فالمغرب لاقاني الله مع هاد لمراض عاد هنا فأمريكا (بديت نبكي)..

مجد: عمي ادريس قرر يجيبنا هنا باش نداواو خلانا نبيعو كاع أملاكنا فالمغرب وفالمقابل دخلنا لمصحة نفسية هنا..ولكن ههه

سكينة: ولكن حنا هربنا هههههه قدرنا نهربو من ديك لمصحة ديال والو ..بقينا غاديين بزوج كان الليل والضلام وفبلاد ماعارفين فيها والو..دزنا من واحد الزنقة وبانت لينا مشيشة ناعسة ومشينا درنا ليها مادرنا للعساس هههههه

مجد: حتى سمعنا صوت رجل مورانا كايضحك..

#فلاش_باك:

ماكس: هاهاهاهاها

مجد وسكينة :(ضارو كايشوفو فيه ويديهم فيهم دم القطة) شكون نتا 

ماكس : أنا هو اللي بغيت نعرف اش كاديرو هنا وعلاش قتلتوا هاد لمشة

سكينة: قتلناها حيت بغينا نقتلوها

ماكس: ماخفتوش من الدم؟

مجد: لا حنا كايعجبنا الدم..ماكس ابتاسم ابتسامة شر ورجع يهضر..

ماكس: فين واليديكم وفين ساكنين؟

سكينة: ماعندناش واليدينا وهادي ثاني ليلة عندنا هنا وحنا هربنا من مصحة نفسية..

ماكس فهم الحالة اللي قدامو وعرف أن هاد لخوت مراض نفسيا بالدم والقتل وماكايخافوش أنهم يرتاكبوا جريمة كيما كانت..فرح لأنه غايستافد منهم ويربيهم على يديه حيت هو رئيس منظمة كاتاجر فالأعضاء البشرية وهاد لخوت غايكونو الطعم اللي غايجلب ليه الضحايا بكل دم بارد..قرر أنه يديهم معاه ويعلمهم ويحقدهم على الإنسان ويزيد يقتل قلبهم ويردوا قسح من لحجر..كان ضروري خاص يكون شي واحد من اللي خدامين فالمنظمة طبيب ماعندوش ضمير مهني لهذا اقترح على مجد أنه يقرى مهنة الطب ويدفع مبالغ ضخمة باش ينجح ويكمل سنوات الدراسة ديالو بلا حتى مشاكل قراه فكلية خاصة وكان كايضغط عليه ويخليه مايرتكب حتى شي جريمة علاما يكمل سنوات الدراسة ديالو أما سكينة فقرر أنه يعلمها أولويات التمريض كيفاش ضرب لبرا وأنواع لمنوم..وعلمها أيضا عدة حركات قتالية وكيفاش ضرب بالسلاح..ماكس خدم على هاد لخوت مزيان حتى ردهم أبشع خلق الله يقدرو يديرو أي حاجة بلاما يحسوا ولا يتأثرو..بعد 7 سنوات تولدوا أمهر قتالين فالمنظمة الذكاء والخبرة والحيلة وهنا فين غايبداو فالمهمات ديالهم اللي هي أنهم يستدرجو ضحايا ويضحكوا عليهم ..يخليوهم يسنيو عقد(بحال اللي سنات أسماء) اللي كايقولو فيه أنهم غايتبرعوا بجميع أعضائهم او يبيعوهم تحت ظروف معينة..

سكينة: (الحاضر) فحياتنا قتلنا 20 واحد وقدمناه للمنظمة..وماكناش غير حنا اللي كانقتلو بل كانو عملاء كتار عندهم مهمات مختالفة..

سكينة: ممم غانعاود ليك على واحد الضحية اللي كان زوييين بحالك ههههه

أنا: مغمضة عيني وساكتة حيت مرضت من لداخل ديالي بهادشي اللي كانسمع

فلاش_باك_على_لسان_سكينة:

مارتن: ختي ختي طاحت ليك السنسلة ديالك

أنا(سكينة): اوووه ياربي شكرااا بزاف راه هادي اخر ذكرى عندي من ماما (عنقتو)

مارتن: (واو شحال زوينة) لا لا ماكاين مشكل..أنا مارتن ونتي؟

أنا: كاطالينا(ماكس سماهم كاطالينا وليوناردو cata..lio)

مارتن: هادا رقمي ممكن نبقاو أصدقاء؟

أنا: أكيييييد...بعدها ولا مارتن كايهدر معايا كل مرة وواحد النهار قتارح عليا نتلاقاو

مارتن: عافاك عافاك قولي اه ا كاطا عاااافااااك

انا: مممممم اوكي فين وامتا؟

مارتن: فمطعم..... مع 6 دلعشية

انا: لا لا ماعنديش مع جو لمطاعم اش بان ليك نتعشاو فالدار 

مارتن: (بفرحة) اه اه اوكي لعشية وهانا معاك

انا : اوكي😘

سكينة: وجدت الدار اللي كان دايرها لينا ماكس خصيصا باش نستدرجوا فيه الضحايا ديالنا..وجدت كل ماكايلزم وتسنيت مارتن حتى جا

مارتن: مرحبا بيا عند أجمل بنت فالعالم

أنا: (بخجل مصطنع) ههه تفضل! .. دخلنا وجلسنا فالصالون وناقشنا مواضيع مختلفة حتى لقيت راسي نضت بديت كانقبل فيه قبلات شرسة ففمو وعنقو

مارتن: (حيدني من على وجهو) كاطا واش كانعجبك ؟ واش حنا بزوج؟

أنا: yes baby.... رجع مارتن كايقبل كاطا قبلات ساخنة وتجردو من ملابسهم بعدما هزها لغرفة النوم بقاو ربع ساعة وهوما فلقبلات واللمسات والآهات حتى دخلو فعلاقة جنسية طويلة..مللي سالاو وكاطا على صدر مارتن العاري

أنا: اووووف بيبي كنتي رائع 

مارتن: ونتي أروع حياتي..كانحماق عليك (ويدو كاتلعب فصدرها)

أنا: مارتن مارتن بغيتك تمشي معايا لواحد الرحلة فيها غير les couples غانستمتعو بزاف😉

مارتن: اهاه نمشيو أحياتي علاش لا

أنا: (بستو من فمو) يااااي بلاتي نجيب ليك لعقد ديال الرحلة باش نسنيوه ونأكدوا أننا غانمشيو.. نضت كانجري جبت لعقد اللي كايقول ان مارتن مستعد يتبرع بأعضائو

مارتن: (شدو وبغا يبدا يقراه) ممم انشوف

أنا: اوووووف عاااااد غاتبدا تقرى وصافي سنيي (بدات تتقيس لمعلم بيديها بحركات مثيرة باش تسخنو ويسني دغيا)

مارتن: اااح اوكي (سنا بسرعة) هاكي يالاه اجي اجي ...

أنا: حبس بلاتي ناخدو سيلفي..

(لبناااات راه سكينة ماكاتعاودش لأسماء هاد السفالة ولكن أنا كانعاود ليكم حيت عارفاكم سافلات ههه)

سكينة فالحاضر: اييييه ومن بعد ديك الليلة درت معاه يجي عندي فالغد ومللي جا ضربت ليه نفس لإبرة اللي ضربت ليك وجاو رجال لمنظمة هزوه وجابوه فين مربوطة نتي دابا علقوه وانا بيدي قتلتو وجردناه من أعاضائو ...

أنا: بقيت غير كانسمع وكانتخايل راسي بحال مارتن حيت نهايتي باينة بلاما نفكر فيها ..كنت مابيا ماعليا حدا مي رقية..أنا اللي قلبت عليها اه أنااا.. دبا وليت باغا غا با صيكوك نعكر ليه ونشطح ليه ولا هاد لحصلة..الناس كايهربو كايتgريساو كايتغتاصبو..أنا لااا نيفو طالع جيت حتال لأمريكا وفيد من؟ يد منظمة التجارة فالأعضاء البشرية

مجد: وحتى أنا كانو عندي ضحايا غبيات بحالك هه بشوفة مني كانو كايطيحو حدا رجلي كانو طماعات ومكلخات كنت كاناخد منهم اللي بغيت كنت كانستاغل جسدهم فالجنس ومن بعد كانشوف شي طريقة نخليهم يوقعو على لعقد من بعد مباشرة كانجيبهم هنا ونتلذد بقتلهم بأبشع الطرق..وكاينين اللي كايكونو صعابات بحالك (ضحك بسخرية) كانوهمهم بالزواج ومللي كايسنيو ..راك عارفة لكمالة

سكينة: اه وكنا كل ضحية كاناخدو معاها صورة للذكرى ..(ناضت وعرات واحد الحيط فيه مجموعة من التصاور مرة سكينة مع ولد ومرة مجد مع بنت ودايرين عليهم علامة حمرة..لاحظت تصويرتي مع مجد ومافيهاش العلامة وتفكرت نهار جينا من لعشا ومللي مجد قال لسكينة أنني وافقت..كانت صوراتنا بواحد الكاميرا ودارت ليه بيديها 👍).. إذن أنا الضحية الموالية..

مجد: أسماء حبيبة أنا ماظلمتكش نتي اللي جيتي فطريقي ومشيتي معايا لداري بكل سهولة وأنا وسكينة غررناك بجوج دراهم ودغيا تقتي فينا ونهار قربت منك فالكوزينة فحيت تفكرت أنني حاط واحد الصندوق تما فيه شي معدات قدااااام كرم عليهم الدم وكنت ناسيهم وحاطهم فالدار دالمغرب ومانع نعيمة تقيس تما وخفت انك تفتحيه ..ولكن واخا غبائك عارفك غاديري فيها عزة نفسي من تصرفي وتبغي تخوي الدار عليها خططت أنا وسكينة أنني نعرض عليك الزواج.. وكيف سبق وقلت أنك مكلخة ، دغيا وافقتي وماعذبتيناش كنتي ضحية كيوت..وسنيتي على ورقة ماعارفاش شنو فيها..مللي خرجتي ضربات ليك سكينة الإبرة ومن تما جينا فطائرة خاصة لأمريكا وبالضبط لقصرنا زويييين..

اه وبالمناسبة حنا مستقرين بين أمريكا والمغرب وبيني وبينك كانجيبو من لمغرب ضحايا كثر من هنا بحال هادي (توجه لجثة بنت ) نادية وهادي سلمى وهادي منى وهذا فهد وهذا عبد الصمد هههه كلهم مغاربة طماعين وأغبياء ..يستاهلو

سكينة: ونتي احبيبة جا الدور ديالك باش تبعيهم كنتي ضريفة وزوينة ا بب ولكن خصنا نشوفو (قربات وحطات يدها على صدري وأنا كانحاول نبعد) نشوفو هناااا واش زوين ولا لا هههههههههههه

أنا: عفاكم ماتقتلونيش الله يرحم واليديكم عافاكم غير خليوني نمشي وغانسا كاع هادشي اللي شفت واللي سمعت أنا حياتي كاملة عشتها معذبة ماتعذبونيش حتى فموتي (موجهة هدرتي لمجد) مجد عافاك ماتقتلنيش مادرت ليك والو عافاك والله مانفتح فمي بكلمة غير خليوني نمشي

مجد: (بارتباك وعرق من جبهتو) س..س..كتي نتي غاتموتي اه اه غاتموتي وأنا اللي غانقتلك

انا: لا لا عافاك ماتآذينيش مادرت ليكم والو عافاك اهئ اهئ اهئ

سكينة: هيييييه بلاما ضيعي دموعك عمر شي واحد دخل لهنا وخرج عايش غير شهدي أ حبيبة حياتك هنا غاتسالي... مجد جيب داكشي

انا: (غير سمعتها قاتليه جيب داكشي بلت فسروالي بالخلعة وبديت نغوت) لاااااا لاااااا الله يرحم ليكم الوالدين لاما رحموني لاااااااااااااا

مجد: (كايشوف فأسماء ومرتبك) س..سكينة ماشي دابا أصلا ماكس مزال ماجاب لينا لمعدات كاملة وفين نحطو الأعضاء

سكينة: اواااااه بفففف وشنو دبا

مجد: خللي تال الصباح

سكينة : بف اوكي اوكي لمهم يالاه نمشيو دبا و قول للرجال يسدو الباب مزيان

مجد: اوكي أكيد ..(شاف فيا) ليلة سعيدة مع صحابك (دور عينيه على الجثت)