حب وسط الدماء الجزء السابع

من تأليف أسومة
2018

محتوى القصة


رواية حب وسط الدماء

أسد: ويلي ويلي على لخايبات عاد كايفطرو (باس ماماه وختو )
شيماء: ههههه خويا راه مزال مقلوب علينا لجو..اجي جلس حدايا وكول معانا
أسد: مممم غير بصحتكم ....لمهم هانا غادي للخدمة.الفرع اللي عندنا فلمغرب مزال خصو لخدمة بزاف وراني مقابل حتى الأعمال اللي فأمريكا غير عذروني مكانعطيكمش وقت
سهام: لا ا ولدي متقولش هكا حنا كاملين عاذرينك غير سير الله يرضي عليك
أسد: i love uuu
خرج أسد ركب فالطوموبيل ودوز اتصال...
أسد: ألو حسام واش داك المحقق اللي مكلف فأمريكا مزال مجاب حتى جديد
حسام: اصاحبي راه كل نهار كانهضر معاه وراه داير كثر من جهدو باش يلقاها ولكن والو تقول الأرض تحلات وصرطاتهم
أسد: (ضرب يدو مع الطوموبيل) fuuuuck اوكي لمهم اي جديد علمني باي
حسام: أكيد.. باي.........حسام هو صديق أسد من الطفولة وهو عميد شرطة..فعمرو 30 سنة كايمتاز ببنية قوية ملامح كحلين وبشرة سمراء بعض الشيء...لكن عندو جاذبية خاصة وكايمتاز بالصرامة..
#في_مكتب_أسد:
جالس وكايشوف فالزاج
أسد: مكلخ...كيفاش ا أسد تسرعتي وعطيتيها ليه بكل بساطة..مجاش فبالي نركب ليها جهاز GPS ولا نكلف شي واحد يتبعهم..شوقي لختي عماني وخليت أسماء بين يدين داك لمريض..هو ماداهاش للمنظمة أكيد حيت الى بان قدامهم غايحيدو ليه راسو....وغبر ليه الأثر من أمريكا..أكيد غايكون هرب معاها لبلاد خرا..بفففف عمري نسمح لراسي على لفعايل اللي درت معاها أكيد غاتكون كادعي فيا فكل لحظة هادي الى..الى كانت مزال حية...
دوز أسد النهار دافن راسو فالخدمة والإحساس بالذنب ديما مرافقو..كايحاول يقلب على مجد ومكلف محقق خاص فأمريكا لكن مجاه حتى جديد عليهم..مجد كان ذكي مللي خوا أمريكا حيت أكيد خطر عليه تما.. وهادشي راجع للغدر ديالو بالمنظمة وهروبو منها..
وصل الليل وأسد كمل لخدمة ورجع للدار لقا شيماء وماماه معانقين وناعسين فالصالون..فيقهم باش يمشيو لبيوتهم..وهو بدورو مشا لبيتو وسد عليه...أما فغرفة أخرى كانت كرزة اللي ناعسة وكاتشوف فتصويرتها هي وأسماء فتيليفونها
كرزة: اهئ اهئ صافي القحبة درتيها ومشيتي..أنا داك النهار كان قلبي مقبوط ..حسيت أنك مخبية عليا شي حاجة ولكن مانويتكش أنك كاتفكري تهربي بدون سابق إنذار..تفوووو عليك نتي مشيتي تعيشي حياتك وأنا مخلياني خنايني دايزين ...سري أنا اللي كنت معتابراك صاحبتي ساعة طلعتي غير صاحبت حاجتك منك من ديك لينا يخخ (مسحات التصاور ) صافي والله لازدت فكرت فيك 😠
#عند_أسماء:
أنا: كرزة اهئ اهئ😢 تواحشتك بزاف تواحشت تخصار لهضرة ولمعيور ديالك تواحشت لحماق ديالك والطيران اللي فيك تواحشت كلشي😢😢😢 ومدام سهام غاتكون سولات فيا ؟ بحال والو تكون بحالها بحال ولدها.اهئ اهئ مابقيت عارفة شكون باغيلي لخير وشكون باغيلي الشر طول حياتي والناس كايبيعو فيا ويشريو.. فالأول مي رقية بغات تعطيني للشارف مول صايكوك..ومن بعد مجد وسكينة للمنظمة..وفالآخر أسد لمجد..واش أنا ماشي بنادم علاش هاد الناس كايلعبو ليا بحياتي واش تال هاد الدرجة ماعنديش قيمة؟ كون كانو عندي واليديا كون راه ماوصلتش لهادشي كامل ولكن عمري مغانسمح لماما اللي لاحتني وتخلات عليا عمري اهئ اهئ......
بقات أسماء مقابلة مع الشرجم وكاتشكي حتى جاها النعاس..كان مجد حاط ليها لماكلة..هزات غير تفاحة كلاتها وتخشات ففراشها وستسلمات للنوم هروبا من الواقع الى عالم الأحلام..

مجد: أسماء
أنا: دخل..
مجد: (حل لباب ودخل لغرفة أسماء) آش هاد الزين كامل😍
أنا: (الصمت)
مجد: المهم بعد غدا غانمشيو للمغرب وجدي راسك
أنا: بصح؟؟؟؟ واو وأخيييرا ..شكرا بزاف
مجد: هاد المشية خايف دير لينا المشاكل.. ولكن على ود هاد الفرحة اللي فعينيك مستعد نخاطر..ولكن عندي شرط بعدا
أنا: اشمن شرط؟
مجد: (قرب ليا وبدا يلعب بخصلات شعري) بغيت نتزوجو وتقربي مني بحال أي مرا مع راجلها
أنا: (حسيت بالما برد ليا فالركابي) واخا من بعد حتى نزيدو نفكرو مزيان هادا راه ماشي لعب
مجد: (عينيه حمارو) أسماء أنا ماقلتش ليك لعب.. مللي غانمشيو للمغرب غانتزوجو والى رفضتيني غانقتلك ونقتل راسي سمعتي
أنا: اهئ اهئ علاش كاتهددني هاكا صافي قتلني دبا نيت وريحني
مجد: أسماء أنا قلت اللي عندي وجوابك بغيتو دبا
أنا : صافي اللي بغيتي ..ممكن تخليني بوحدي عفاك
مجد: وخا (خرج وسد لباب)
أنا: من نيتك المجرم والله لاكانت ليك..مللي كنت باغاك فالأول..كنتي باغي تجبد ليا مصارني ودبا عاد بنت ليك ..غانمشي للمغرب ونشوف كيندير نهرب والى ماقدرتش غانتاحر ..اه نموت ومانتزوجش هاد القتال بفف امتى غايوصل بعد غدا😢
............................................................................
حسام: سلام خالتي لباس عليك
سهام: أهلا ولدي لباس عليك كيداير نتا وكيدايرة خالتك؟
حسام: كلشي لباس يسول فيك لخير..واش أسد هنا ولامشا للشركة
سهام: راه فبيتو طلع عندو
حسام: واخا شكرا بزاف وسمحيلي
سهام: لا ولدي الدار دارك.....
حسام: (فغرفة أسد) هادشي اللي كاين ا صاحبي..المحقق أكد ليا أن داك مجد او ليو خوا أمريكا فمرة
أسد: ولد لحرام تفو على زهر..ودبا فين غانقلبو عليها ا حسام راه الإحساس بالذنب كايقتلني...سلمتها ليه بدم بارد وهي كانت دايرة فيا الثقة
حسام: دبا غايصعاب علينا نقلبو عليهم..او نقول يستحيل
أسد: (كايشوف جهة الباب) شيماء اش كاديري هنا
شيماء: بغيت نهضر معاك..
حسام: أسد نخليك وبيناتنا التيليفون (ابتاسم لشيماء وخرج)
شيماء: (سدات لباب ووجهات هضرتها لأسد) خويا واش مزال مالقيتو ديك البنت؟
أسد: لا مزال.. هداك الحقير خوا أمريكا كلها
شيماء: أسد مكانش عليك دير هكاك مكانش عليك ضحي ببنت بريئة على ودي.. كيما أنا عائلتي خايفين عليا حتى هي عائلتها غايكونو خايفين عليها اهئ اهئ مكانش عليك اخويا دير معاها هاكا مزال صوتها فودني وهي كاتعيط ليك تعاونها
أسد: صافي ا شيماء ماتزيديش عليا حتى نتي.. مللي شفتك تلفت وخليتو داها بكل برودة...المهم غانعاود نقوليك عنداك هادشي يوصل لشي واحد من العائلة وخصوصا ماما
شيماء: لا لا كون هاني... عفاك دير مجهودك باش تلقاها
أسد: والله حتى دايرو.. المهم سيري ترتاحي دبا هانا غادي للشركة
شيماء: وخا خويا الله يعاونك...وتهلا فراسك
أسد: (معنق ختو) مدام نتي وماما معايا راني فأحسن حال (تفكر آخر مرة شاف أسماء والبوسة اللي باسها)
شيماء: خاصة غير هي ياك
أسد: (عرف ختو عاقت بيه كايفكر فأسماء) كانتمنى نلقاها
شيماء : ان شاء الله😊

#بعد_مرور_يومين:
مجد: واجدة؟
أنا: اه اه واجدة...... دبا 8 ديال الصباح وأنا ومجد كانستاعدو باش نرجعو للمغرب..لبست سروال قصير فلبيض وقاميجة رمادية خشيتها فالسروال مع صندالة عالية فالأسود وهزيت كويرة فيدي كحلة..خليت شعري مطلوق وكتافيت بماسكارا فقط..أما مجد فكان لابس لبسة سوداء متكونة من سروال وتريكو لاسق وصباط كاط..هزينا ليفاليز وتوجنا للمطار بعدما مجد صايب لينا أوراق بسميات مزورة..
مجد: مالكي مخلوعة؟
أنا: أول مرة نركب فالطيارة..بغض النظر على الطيارة اللي ركبتوني فيها من المغرب لأمريكا بعدما نومتوني
مجد: (كايحاول يبدل الموضوع) لمهم متخافيش راه عادي غاتخافي غافالبداية
أنا: (الصمت)......جات لمضيفة وطلبات منا نصايبو لأحزمة ديالنا..حتى بدات الطيارة تتحرك وترتافع
أنا: (مغمضة عيني) ياربي ياربي يااربي
مجد: (شد فيدي) أنا معاك ماتخافيش
أنا: (نترت يدي منو) مخايفاش...
استقرينا فالجو وأنا كانشوف فالزاج أما مجد ماحيدش عينيه عليا مانعس موالو خايفني نهرب😏...بقينا هاكاك مدة حتى غفات عيني ..حتى فيقني صوت مجد
مجد: أسماء فيقي وصلنا
أنا: (طرت من بلاصتي) بصح وأخييييرا
دخلنا لمطار الدار البيضاء وبعدما كملنا الإجراءات خرجنا وكانت كاتسنانا سيارة كراها مجد على مافهمت..ركبنا فيها وشدينا طريق أنا معارفاش فين غاتوصلني..بقينا غاديين مسافة طويلة حتى بداو يبانولي بنايات فالأزرق والأبيض كان داكشي زوين بزاف
أنا: فين حنا
مجد: شفشاون..تاواحد مغايعرفنا هنا (ابتسامة ماكرة)
أنا: (تفو على مجرم معقد) مزيان..
بقينا غاديين حتى وقف الطوموبيل قدام دار بعيدة على وسط المدينة..كان حي هادئ أو بالأحرى كايصفر..كانت الدار متوسطة مصبوغة بالأبيض ودايرة بيها جردة..نزلنا وشد فيا مجد ودخلنا ليها
مجد: مرحبا بيك فدارك
كانت زوينة وراقية من لداخل أثات راقي وكايغلب عليه طابع البساطة وفيها 2 طوابق
أنا: بغيت نرتاح..
مجد: اجي ختاري لبيت اللي بغيتي...طلعنا لفوق وتفقدنا كاع الغرف اللي كانو 4 ماختاريت ماوالو حيت ان شاء الله غانهرب من هنا وماغانبقاش وقت طويل دخلت لبيت فاللونين الأسود والأبيض كان متوسط وزوين...مشيت نيشان جيهت الشراجم لقيتو داير فيهم السلوكة والشبيك بحال الدار ديال فرنسا..تعصبت وبديت نتركل غابوحدي..ومشيت تلاحيت فوق الناموسية وبديت نبكي ونشهق ونفكر كيفاش خصني نهرب ونسلك راسي من هاد الحبس..
في_غرفة_مجد:
مجد: أسماء هههه باغا تهربي لا لا بلاما تحلمي أنا عارفاك كاتكرهيني ولكن ا حبيبة انا كانبغيك ومستحيل نخليك تخرجي من هاد الدار مستحيل..نتي ملكي وايلا بقيتي كاترفضيني غانذبحك ونذبح راسي ههههههههههه قريب غانديرو عروسة وعريس ونعيشو الحب والسعادة ونولدو وليدات ونبقاو مخبيين هنا دييييما هههه حيت الى لقاونا غايقتلونا كاملين (تفكر مو وباه) قتالين مجرمين..تا أنا كنت مجرم ولكن على ودك ا أسومتي غانولي ضريف ......
بقا مجد يهضر ويبكي ويضحك غابوحدو فعلا مريض عقليا ونفسيا..أما أسماء فانعسات بحوايجها من كثرة لعيا ولبكا والعذاب الداخلي اللي كايقطعها...

دوزت فهاد الدار 3 أيام..محبوسة فلبيت غير ناعسة ونفيق ناكل وندوش صافي.. عييت مانحاول مع مجد باش نخرجو لكن كايقولي بللي مستحيل هادشي بلاما نحلم
أنا: مجد مجد وا مجججحد
مجد: (حل لباب بالساروت) هانا ياكما بغيتي شي حاجة
أنا: مجد تخنقت بغيت نخرج
مجد: واش كل النهار نعاودو نفس لهضرة؟ ممنوع هي ممنوع ....من بعد ماسكت بدا كايطلعني ويهبطني بنظرات فيها شهوة وأنا عاد نتابهت لراسي لابسة بيجامة بسميطات وقصيرة بزاف وشعري كلو مطلوق.. بدات خطواتو كاتقرب وأنا كانرجع باللور حتى لسقت مع الحيط وهو يقرب خشا راسو فعنقي وبدا يبوس فيه وأنا ندفعو لكن رجع شد ليا يدي بعنف ولسقهم مع الحيط وبدا كايمص ويبوس فعنقي بهمجية وأنا كانتركل وكانبكي وهبط لصدري بدا يبوس فيه حتى حسيت بيه جهل ..هزني لاحني فوق الناموسية وقطع ليا لبيجامة حتى بقيت غير بالملابس الداخلية..طلع فوقي وبدا يعصر فصدري ويدوز يديه على فخادي ويبوسني ففمي وعنقي ووجهي وأنا كانغوت ونبكي ونتركل لكنه كان أقوى مني حسيت بشي حاجة قاصحة فسروالو عرفتو صافي جهل وانا نبدا نغوت بالجهد
أنا: حيواااااان طلق مني نتا وحش نتا ماشي راجل نتا شماتة وحمااار طلق مني كانعيفك القتال بعد مني كرهتيني فلحمي......غير سمع مجد هاد الهضرة ناض فوقي وبدا يصرفق فيا لوجه وحيد السمطة وكايخبطني على حر جهدو وكشاكشو خارجين....أنا بكثرة الألم ولغوات بقيت سخفانة وهو كايضرب بيدو ويعاود بالسمطة حتى زوقني كاملة ولحمي ولا كلو زرق ووجهي كلو دم...خلاني ملاوحة وخرج وردخ لباب......
أنا: (فنفس الوضعية) ربي كبير وغايحميني من أي شر الحمد لله على أي حال (كانبكي) مجد غانتاقم منك على كاع هادشي اللي درتي معايا من نهار عرفتك كانقسم فمي بالله حتى غاتندم على كل ضربة ضربتيني وكل لمسة لمستيني وكل دمعة طاحت من عيني بسبابك.. الله ياخد فيك الحق المجرم الحيوان..حاشا واش تكون انسان الله ينعل النهار اللي شفتك فيه.....
نضت وأنا حالتي حالة لحمي كلو كايضرني ..دخلت للدوش وعمرت لبانيو بلما دافي وتخشيت وسطو ..بقيت نبكي فصمت ونفرك فأي بلاصة قاصني فيها بقيت تما ساعات عاد خرجت لبست بيجامة دافية فلبيض وتخشيت ففراشي
#في_الصباح:
مجد: أسماء فهميني ماكنتش فالوعي ديالي أنا ماعمري نويت نقرب ليك الا بالحلال
أنا: (مزال ففراشي وعاطياه الضهر) خرج عليا الله يعطيك شي مصيبة المجرم وا خررررررج اشمن حلال كافر بحالك كايعرف شي حلال
مجد: أنا غانوريك واش كانعرف لحلال ولا لا غير صبري عليا (حط ليا لماكلة وخرج)
أنا: (نضت هزيت داك لبلاطو ضربتو مع الحيط) وااااااا عتقووووني واااا عباد الله واااااااااااع (بقيت نغوت على حر جهدي)
مجد: (مورا لباب) مكاين اللي غايسمعك غا حافظي على الصويت احبيبة....اه ولبارح ماخليتينيش شبعت منك عليها شبعتك عصا وكانواعد غانعوضو بعضياتنا مزيااااان على ليلة لبارح (كايضحك بالجهد)
أنا: (طحت فالأرض) صافي هادي هي نهايتك أ أسماء عمري غانتفك منو عمري اهئ اهئ اهئ😢

#بعد_مرور_أسبوع:
شيماء: مامااااا واعافاك يالاه معايا
سهام: والله ابنتي الى عيانة باغا غانعس غير سيري وتهلاي ليا فراسك
شيماء: اوووف واخا واخا ديك السيمانة مابغيتيش تمشي وحتى هاد السيمانة لا..واااخا
سهام: ابنتي نتي للي خاصك تمشي تهلاي فراسك للي مزال صغيرة اما انا شرفت
شيماء: هههههه اويلي من نيتك نتي احسن واجمل أم فلعالم لمهم هانا مشيت راه الرونديفو عندي مع ل5
........................
أنا: دبا بغيت غانعرف فين غاديين
مجد: لطنجة
أنا: علاش
مجد: دبا تعرفي
أنا:( الصمت).......داز أسبوع وانا محبوسة فديك الدار ديال شفشاون مكاناكل مكانتهلا فراسي حتى ضعافيت وعينيا دخلو وليت بحال شي ميتة ولكن عايشة..مجد مابقاش قرب ليا من ديك النهار وحاسة بيه شاغلاه شي حاجة اللي معارفاش اشناهيا...ليوم فيقني فالصباح وقالي نوجد راسي حيت مسافرين....ولا كايتحكم فيا ويلعب بيا كيما بغا وأنا غير حادرة الراس وتابعاه.. كيما كايقولو، اش عند لميت مايدير قدام غسالو😢.........
مجد: وصلنا نزلي...
أنا: (كانشوف فين حنا) علاش جينا لهاد الأوطيل..
مجد: تبعيني وغاتعرفي
دخل مجد وحجز غرفة حطينا فيها حوايجنا وعاودنا نزلنا..
مجد: شوفي سمعيني مزيان جينا هنا حيت غانتزوجو فهاد المدينة وندوزو شي أيام عاد نرجعو لشفشاون
أنا: كيفاش غانتزوجو واش نتا حمق
مجد: (جرني من يدي بعنف ودخلني للطوموبيل) اه غانتزوجو ومن دابا لساعتين..انا وجدت كلشي هنا وفهاد الأوطيل غاندوزو أول ليلة لينا (حط يدو على وجهي) وأخيرا غاتولي ديالي هههههههههه
أنا: (كانبكي) لا لاااا مابغيتش نتزوج بيك مابغييييتش لا😢😢😢😢
مجد: راني ماتشاورتش معاك أنا غير قلت ليك..
أنا: (ساهية) وخا.... امتا غاديني نوجد راسي
مجد: كيفاش توجدي راسك؟
أنا: ياك غانتزوجو ليوم وانا هي لعروسة واش مغانمشيش للحمام والصالون ونقاد حالتي
مجد: (تعصب) لا مكايان لاش أنا بغيتك هاكا
أنا: (كاندمع) واش حتى راسي مانفرحش بيه اهئ اهئ
مجد: (شد فراسو) واخا واخا أنا غانديك لأقرب beauty center هنا
أنا: شكرا (هادي هي فرصتي خصني ضروري نهرب مللي يخليني تما والا غانبقى ديما تحت رحمة هاد لمريض)
مجد: فاش كاتفكري
أنا: والو امتا غانمشيو
مجد: دبا نيت......
تحركنا اتجاه مركز التجميل كان قريب من الأوطيل..وقف الطوموبيل وهبطنا
مجد: تسناي شوية...ألو واش جيتو...اوكي
بقيت كانتساءل شكون هادو حتى وقفو 3 ديال الرجال عمالقة
مجد: هادي هي مرتي ...نبغيكم تبقاو هنا قدام لباب وياويلكم تخليوها تفوتو
الرجال: وي شاف
أنا: (عينيا غرغرو والأمل اللي كان عندي تبخر)
مجد: هاكي هاد لفلوس ومللي تسالي خرجي هضري مع رجالي وهوما غايعيطو ليا باش نجي ليك
أنا: (شديت لفلوس فصمت).......دخلت للسونطر وانا دموعي شلال 😢 ستقبلوني لبنات ودخلوني للحمام..

بعدما ساليت من لحمام دارو ليا لاسيغ للحمي كامل..ماحسيت بوالو حيت مرفوعة لعالم اخر..عالم الخوف والحزن والعذاب..من بعد دوزوني للصالون..جلست وبداو يصايبو ليا فشعري وأنا كانتنخصص بلبكا وكلشي كايشوف فيا لكن ماتسوقت لحتى واحد....حتى سمعت بنت من مورايا كاتعيطلي
البنت: ختي هاكي مسحي دموعك
أنا: (ضرت عندها) شكرا
حسيت بكلشي كايشوف فيا بنضرة ديال الشفقة ماحملتش راسي..حبست لبكا بزز عاد دارولي المكياج اللي كان ثقيل شوية وشعري داروه ليا بوكلي وبقا مطلوق
لكوافورة: ختي بصحتك راك ساليتي..تبارك الله عليك غزالة بزاف وياربي يفرجها عليك
أنا: آمين
نضت خلصت وقلبي كايتقطع حيت قرب موعد معاناتي..اه معاناة وكبيرة بزاف..حاشا واش يكون زواج...حاولت نضور عيني على شي باب اخر من غير الباب الرئيسي لكن للأسف مكان حتى شي مخرج اخر..تنفست الصعداء وخرجت قدام الباب وهوما يتجمعو عليا رجال مجد
أنا: قولو ليه ساليت.... مشا واحد يهضر فالتيليفون ولوخرين بقاو لاسقين فيا وانا كانضور فعيني لكن مكاين حتى مجال باش نتحرك
الرجل: شاف قالينا نديوها حنا وهو غايتسنانا تما
ضارو بيا وساقوني بحال شي ضحية غاديين بيها للذبيحة ركبوني فالطوموبيل وزادو..مامشيناش للأوطيل لكن مشينا لبلاصة بحال شي صالة صغيرة دخلنا وجا عندنا مجد وهو لابس بذلة رسمية فالأسود مع قاميجة بيضة وبابيون فالأحمر..مطلع شعرو ومقاد اللحية ومبتاسم..اللي شافو مايتيقش بلي هاد الانسان حمق وقتال
مجد: أهلا بأحلى واجمل عروسة فالعالم...كوثر هاهي أسماء جات ديري خدمتك
جات واحد البنت جراتني معاها حتى دخلاتني لواحد لبيت وعطاتني نلبس كسوة فالأبيض حد الركبة بلا كمام وصباط ذهبي مرصع بالأحجار وعااالي وتاج صغير سامبل فالأبيض
أنا: مابغيتش نلبس هادشي
كوثر: لا نتي عروسة وضروري خصك تلبسي هادشي واش باغا تزوجي بهاد الكيطمة
أنا: (خنزرت فيها) اوكي خرجي
كوثر: لا ممنوع..راجلك طلب مني نبقا معاك هنا حتى تسالي
أنا: اووووووووووف
لبست ديك اللبسة بالنفخة ولبست الصباط..جات ديك البنت دارتلي التاج وشدات فيا وخرجاتني....كان مجد واقف وغير شافني حل فمو وجا جيهتي
مجد: واو أسماء جيتي زوينة بزاف..ماتصوريش شحال وانا كانتسنى هاد اللحظة
أنا: (قربت حدا ودنو) سمع مزيان هاد جوج كلمات.. أنا كانكرهك وكانعيفك المجرم والى قستيني غانتاحر وعمري غانعتابرك راجلي ..نتا دبا كاتزوج بيا بزز مني وفارض عليا راسك..كون كانت عندك النفس كون خليتيني نمشي بحالي شحال هادي....
مجد: (مزير على يدو وكيهضر تحت سنانو) كاتقولي هاد لهضرة باش نتراجع هه مايمكنش احبيبة بلاما تحاولي (شد يدي) زيدي ا لالة لعروسة
انا: (عينيا غرغرو وقلبي غايطرطق) تبعتو وانا كانشوف فالفراغ حتى جلسني على طابلة فيها عدول وجوج ديال الناس كانضن انهم شهود....
حط لعدول عقد الزواج قدامنا..
لعدول: مجد الفاضلي..قابل تزوج بالآنسة أسماء العلوي على سنة الله ورسوله؟
مجد: (شاف فيا) قابل
لعدول: أسماء العلوي..قابلة تزوجي بالسيد مجد الفاضلي على سنة الله ورسوله؟
أنا: (الصمت)
مجد: (كايكحب) أسماء جاوبي (خرج فيا عينيه)
أنا: قابلة (زيرت على يدي)
لعدول: هاكو سنيو هنا
خدا مجد العقد وسناه وكايبتاسم وعطاه ليا باش نسنيه ... شديت الستيلو ويدي كاترعد
مجد: أسماء سني
أنا: (كانتنخصص) قربت الستيلو للورقة ...
الصوت : هييييييه حبسي!!!!!

صمت وصدمة عمت المكان وأعين الجميع توجهات لمصدر الصوت..قلبي كايضرب بالجهد وعينيا خارجين فيه بصدمة..أسد! كان أسد هو صاحب الصوت..وضاير بيه جيش من الرجال مقتاحمين الصالة...كان كايشوف فيا بنظرة غريبة وانا كانشوف فيه ومبلوكيا..بدات خطواتو كاتقرب لينا
مجد: (ناض وشد فيا) شنو كادير هنا
أسد: هانا غانوريك شنو كاندير هنا.......ضرب أسد ديك الطبلة برجلو حتى تقلبات..لعدول ودوك الناس وكوثر كلهم هربو وبقينا غير أنا ومجد......مجد اللي وجهو صفار بالخلعة وبدا يعيط على رجالو
أسد: هههههههه هادوك ميخيات دياولك راه سلخوهم رجالي وسيفطوهوم
مجد: اش باغي مني ياك عطيتك اللي بغيتي لاش مزال تابعني
أسد: (شدني من يدي وجرني بالجهد وردني موراه) صافي مابقيت باغي والو
مجد: (عينيه خرجو) كيفاش تجرأتي تقيسها وعلاش جريتيها جيهتك هادي راها مراتي
أسد: هه كاااااانت غاتكون مراتك اما دبا غاتمشي معايا
مجد: مالك حماقيتي اش تاتقول هادي ماشي فعايل ديال الرجال أنا وياك تافقنا ودبا غدرتي بيا..أسماء راه مراتي وكاتبغيني وباغا تكمل معايا
أسد: اييييه واخا.. هانا غانسولها ويلا كانت هضرتك صحيحة غانعتاذر منك ونساحب...
أنا بقيت غير كانسمع وحالة فمي ...مامتيقاش هادشي اللي كايوقع..كان يسحابلي عمري غانعاود نشوف أسد..علاش جا ..وعلاش مابغانيش نتزوج مجد بقيت ساهية كانفكر حتى فيقني صوت أسد
أسد: (مقابل معايا ومركز فعيني) أسماء..جاوبي بصراحة.. واش كاتبغي مجد؟ وبغيتي تكملي معاه حياتك
أنا: (كانشوف فيه ومصدومة)
أسد: جاوبي..ضروري تجاوبي
أنا: (صرطت الريق وكانترعد) لا
أسد: (بتاسم وضار عند مجد) سمعتي ههه سمعتي ولا ماسمعتيش قالت ليك لاااا ودبا بسلامة عليك آ ليو😉
مجد: لا مغانخليكش ديها وتبعدها عليا مرة خرا مغانخليكش
أسد: وايلي بصاااح! شنو غادير مثلا؟ حمد الله مللي غانخليك حر طليق ماغانسلمك لالبوليس لالمنظمة..نصيحة سير تخبا فشي قنت وتكمش والى حاولتي ضور بساحتي غاندمك ا ليو ..غاندمك على النهار اللي تزاديتي فيه...
جاو جوج من رجال أسد شدو مجد وواحد ضرب ليه برا مع أنه حاول يقاوم بكل قوتو لكنهم كانو أقوى..شفتو حتى طاح دودة قدامي وبديت نترعد ونبكي حيت خايفة بزاف من أسد
أسد: (شاد وجهي بيدو) أسماء ماتخافيش..أنا مغانآديكش عارفاك مكاتيقيش فيا ولكن هادي هي الحقيقة....دبا بغيت نسولك وجاوبيني بصراحة......واش عندك شي عائلة نديك عندهم؟ ولا عند ديك لمرا اللي رباتك؟
أنا: (ماعندي حد فهاد الدنيا ومي رقية الى رجعت عندها غاتجري عليا تفو على موقف حسيت بالحكرة)
أسد: هضري !
أنا: ماعندي حد غير خليني نمشي أنا غانضبر أموري راسي
أسد: واخا اللي بغيتي لكن عندي شرط
أنا: (الصمت)
أسد: تمشي معايا هاد الليلة للدار وغدا تقدري تمشي فينما بغيتي
أنا: لا شكرا
أسد: غاتخرجي للزنقة فهاد الليل؟ ماخفتيش يخرجو ليك شي خوت ثاني؟؟ ماتواحشتيش ماما وكرزة!
أنا: (غاسمعت كرزة وأنا نبدا نقزقز) موافقة صافي (كانتنفخ)
أسد: اوكي يالاه اجي معايا.....
مشينا لطوموبيلتو ..ركبنا بزوج اللور وواحد من رجالو سايق بينا..
أنا: (كانشوف فالزاج وكانهضر فنفسي) اش كايديرو هنا فالمغرب؟ علاش عتقني وباش عرف أنني هنا؟؟ علاش تعامل معايا هاكا وفالأصل هو اللي سلمني لمجد النهار الأول؟ علاش باغي يعاوني! علاش قبلت نجي معاه واش انا مباغاش ندير عقلي ونتحكم فتصرفاتي ..كانتيق فناس غدروني..وشنو ضمن ليا أنه غادي بيا دبا لدارهم وماشي بلاصة أخرى.....
بقيت كانفصل ونخيط الطريق كاملة حتى حسيت بالطوموبيل وقفات.....

بعدما وقفات الطوموبيل..لقيت راسي قدام قصر كبير وكلو أضواء فين تباااان الفيلا ديال أمريكا..حل ليا السائق الباب ونزلت .....وأنا عينيا كايضورو ويستكشفو المكان حتى هضر أسد اللي كان مورايا....
أسد: مرحبا😊 تفضلي معايا
أنا: (الصمت) .....غمضت عينيا لثواني وعاودت حليتهم..تبعتو حتى حل لباب ودخلنا....كان بناء فخم بزاف وكبير..صالات كاتميز بالطابع المغربي الأصيل وأخرى بالطابع العصري..ألوان راقية وأثات كايبين على الطبقة اللي كاتنتامي ليها هاد العائلة.....بقينا واقفين حتى شفت فاطمة جاية جيهتنا كاتجري
فاطمة: (معنقاني) أسماء ...الله ياختي فين مشيتي بلاما تعلمينا خلعتينا عليك
أنا: (مبادلاها نفس العناق) لاباس عليك..توحشتكم ..فين مدام سهام
سهام: (هابطة فالدروج ومعاها فوزية ولينا) أسماء!!!!!!
شفت فيها وعينيا دمعو حيث فعلا عزيزة عليا وتواحشتها بزاف...أما فوزية ولينا نظراتهم كانت قاتلة وماحملونيش
أنا: خالتي سهام 😢 تواحشتك
سهام: (تقابلات معايا) كذابة..كون كنتي تواحشتيني ماتمشيش النهار الأول بلاما تقوليها لحتى واحد..غير هزيتي راسك وزدتي..مادرتي ليا حتى شي قيمة
أنا: (كانشوف فأسد) سمحيليا بزاف اهئ اهئ راه...
أسد: أسماء من بعد ونهضرو فهاد الموضوع
أنا: (شفت فيه بنظرات حقد) وخا
سهام: (عنقاتني) اجي بعدا كيفاش حتى جيتي للمغرب وكيفاش تلاقيتي أسد..
أسد: ماما راه قلت من بعد ونهضرو فهاد الموضوع ..فاطمة طلعي أسماء لأحسن بيت وعطيها أي حاجة حتاجتها
فاطمة: واخا سيدي
لينا: حتى تفكينا منها وعاودات رجعات .. وتاخد أحسن بين من لفوق مابقيت فاهمة والو فهاد الدار
فوزية: (كاطلع فيا وتهبط) ومالها جاية بهاد اللبس ياكمة هربانة من شي عرس
أسد: الدار داري ونجيب ليها اللي بغيت ..ونجري علامن بغيت..فهمتوني ؟؟؟
لينا: واخا اولد عمي الله يكثر خيرك (ضربات فكتفي ومشات)
سهام: ماديش عليها ..المهم سيري مع فاطمة ورتاحي..من بعد ونهضرو
أنا: شكرا........طلعت انا وفاطمة فالدروج اللي كانو طوااال عاد وصلنا للطابق الثاني دخلاتني لواحد البيت اللي حليت فيه فمي.. كان فالرمادي لوني المفضل.. ناموسية كبيرة وماريو كبير وفيه حتى البالكون اللي كتاشفت أنه كايطل على لبحر كان واعر واعر بزاف..
فاطمة: أسماء راه هنا مكاينش لحوايج صبري نجيب ليك شي حاجة من عند شيماء (خرجات)
أنا: شيماء؟ شكون شيماء؟ واش شي وحدة من العائلة ! (تكيت على الناموسية) الله على راحة ...اللهم هنا ولا فدار داك لحمق ..حتى النعاس ماكنتش كانعسو فخاطري..ولكن ماخصنيش نفرح بزاف حيت غدا غانمشي من هنا ونواجه قدري بوحدي😢
جات فاطمة وجابتلي شي حوايج حطاتهم ليا فالماريو وطلبات مني ندوش ونرتاح بعدما سولاتني واش فيا الجوع لكن أنا جاوبت بالنفي... نضت للدوش دوشت مزيان وخرجت لبست بيجامة فلباج جاتني مزيرة ..خليت لفوطة على شعري وتخشيت فالفراش وغمضت عيني كانحاول نعس لكن التفكير فالغد قتلني.. خايفة لانبقا فالزنقة ولا يعاود يلقاني مجد.....حياتي عذاب و هم ..باينة عمري مغانفرح ونعيش حياة مستقرة بحال الناس....

#في_مكتب_أسد:
أسد: .........وهادشي اللي وقع اماما
سهام: (كاتبكي) كيفاش باباك قدر يدير فينا هادشي ا ولدي اهئ اهئ اهئ كنت عارفاه ظالم وقاسي لكن ماتصورتوش يكون بهاد الشر والطمع كامل😢😢
أسد: ماكنتش باغيك تعرفي هاد الحقيقة لكن فالآخر كايبقى من حقك تعرفي..من بعد هاد السنين كاملة قررت ليوم نقول ليك كلشي ...كانتمنى تسامحيني ا ماما
سهام: نتا اللي سمحلي ا ولدي سمحلي حيت ماقدرتش نفهمك ونحس بيك ..طول هاد 4 سنين ونتا عايش فالجحيم وهاز الدقة بوحدك لكن اولدي ربي كبير وماكاينسا تاواحد
أسد: ونعم بالله...كانتمنى ربي يغفرلي على كاع دوك الذنوب اللي درت..
سهام: بقات فيا أسماء بزاف مايسحابليش داز عليها هادشي كامل..فعلا هاد البنت قوية وصبارة ..وانا ضد انك ضحيتي بيها مقابل شيماء راه بزوجهم انسان ماخفتيش أنه يقتلها..
أسد: صافي ا ماما أنا دبا صلحت الغلط ديالي ومزال غانصلحو كوني هانية
سهام: (عنقات ولدها) كانبغيك بزاف ا ولدي ..نتا وشيماء هوما لعوينات باش كانشوف لهلا يخطيكم عليا
أسد: (باس ليها راسها) تانتي لهلا يخطيك علينا والله يطول لينا فعمرك..كانتمنى ماتبقايش مفقوصة وكاتفكري فهادشي اللي عرفتي ليوم وسيري ترتاحي راه فات الحال..
سهام: واخا اولدي تصبح على خير..اه وأسماء شنو غانديرو معاها
أسد: تال غدا ان شاء الله وتعرفي
سهام: ان شاء الله
بعد الحوار اللي ضار بين أسد وماماه توجه كل واحد للغرفة ديالو فانتظار يوم جديد..
في_الصباح:
فقت وبقيت مدة كانستوعب فين أنا عاد تفكرت انني فدار عائلة أسد..نضت غسلت وجهي وسناني وجمعت شعري بطريقة مهملة وخرجت للبالكون يضربني لبرد حتى جات عيني على كرزة اللي كادير الرياضة فالجردة....بتاسمت تلقائيا وفرحت بزاف مللي شفتها ..مزال هي هي تجري وتكركب ههههه
أنا: (كانغوت) كرزززززززززة
كرزة: (هزات راسها شافت فيا وعاودات نزلاتو وكملات الجري وكأنها مشافتنيش)
أنا: اويلي مال هادي نخلاتني هاكا واش ماعرفاتنيش؟ كان يسحابلي تواحشاتني وغاطير عندي باش تشوفني..
فاطمة: (حلات لباب) صباح لخير أسماء.. سي أسد طلب مني نقولك تلبسي حوايجك وتهبطي لعندهم
أنا: واخا هانا جاية.....
مشيت حليت لماريو وقلبت فدوك لحوايج جبدت سروال كحل قصير وتيشورط مخططة بالأبيض والأسود مع فيست قصيرة فالأبيض وكاملة مشبكة..وفرجلي لقيت سباط كاط أسود تاهو هزيتو..لبست ومشيت جيهت لمراية ...مكان لامكياج لاسوشوار لا والو ..طلقت شعري كيما هو ومشطتو أصلا رطب من عند الله ووجهي خليتو طبيعي ونزلت...
كان أسد ومدام سهام وواحد البنت جالسين فالصالون وطلبو مني نلتاحق بيهم..قربت عندهم وسلمت على المدام بلوجه وأسد غير شفت فيه ودزت باش نسلم على ديك البنت..للحظة بقيت كانشوف فيها ونتفكر فين شايفاها
شيماء: ماعقلتيش عليا
أنا: ماعقلتش فين شايفاك لكن وجهك مألوف
شيماء: أنا البنت اللي مديت ليك باش تمسحي دموعك مللي كنتي فلbeauty center
أنا: ااااااااه عاد تفكرت (سلمت عليها لكن علامات الاستفهام واضحين على وجهي)
شيماء: أنا شيماء أخت أسد
أنا: (بدهشة) ااه متشرفين وأنا سميتي..
شيماء: أسماء..الشرف ليا
أنا: (ابتسامة)
جات فاطمة حطات لينا لفطور ومشات
أسد: أسماء فطري حيت من دبا شوية غاتمشي
أنا: فين غانمشي؟
أسد: بحالك...ياك لبارح قلتيلي غدا نمشي بحالي
أنا: (قلبي تزير) اه اه أكيد

فطرنا فجو مكهرب.. أما أنا فالماكلة ماكاتبغيش تصرط ليا خايفة مللي نخرج من هنا يضربوني لحيوط ونبات فالزناقي..كملنا فطورنا وناض أسد من على الطابلة...
أسد: أسماء يالاه خصك تمشي دبا
أنا: واخا.....ودعت المدام سهام وطلباتني نبقا معاهم لكن أنا رفضت..سلمت على شيماء..وقلبت بعيني على كرزة
أنا: خالتي فين كرزة؟
سهام: والله ماعرفت ابنتي يمكن خرجات
أنا: (بحزن) اوكي مللي تجي سلمي عليها بزاف
خرجت مع أسد قدام القصر وطلب مني نركب معاه...
أنا: علاش غانركب معاك فالطوموبيل؟
أسد: باش نوصلك لوسط لمدينة..هنا الدنيا خاوية
أنا: ااااه .......ركبت معاه وبقينا غاديين دوخني بريحتو الرجولية كان لابس سروال جينز وتيشورط فلبيض لاسق وجيلي فالأسود وسبرديلة فالأسود وداير نظارات شمسية كان كايهبل..
وصلنا وسط لمدينة ووقف الطوموبيل قدام واحد العمارة..نزل وجا حل عليا الباب
أسد: هبطي
أنا: (هبطت) فين حنا؟
شدني أسد من يدي وجرني معاه..حسيت بحالا ضربني ضو وتصدمت من تصرفو.. دخلنا لديك العمارة وطلعنا فالمصعد تال الطابق الثالت ..وقفنا قدام واحد الباب..شفتو جبد شي سوارت من جيبو وحلو......قلبي بقا كايضرب وتخلعت من هادشي اللي كايوقع ياكما جابني يتعدى عليا
أسد: (حط السوارت فيدي) هاد الدار من ليوم ولات دارك..كانتمنى تعجبك
أنا: كيفاش داري؟
أسد: عتابريها تعويض على الغلط اللي درت معاك..أنا عارف ماعندك حد هنا ونتي ماقبلتيش تبقاي معانا..اذن ماعندك فين تسكني عليها شريت هاد الشقة لبسيطة على ودك باش نكفر على الذنب ديالي
أنا:( عاودت حطيت ليه السوارت فيدو) شكرا.. ولكن مابغيتهاش.. وانا سمحت ليك حيت عتقتيني من مجد وماباغا منك والو (بغيت نمشي)
أسد: (شدني من يدي) أسماء .. عفاك ماترديهاش فوجهي
أنا: (بقيت ساهية فعينيه الزرقين اللي كانو كايترجاوني) صافي واخا ولكن غير مؤقتا بينما قاديت أموري
أسد: اوكي متافقين (مد ليا كارط وتيليفون)
أنا: علاش هادو؟
أسد: كارط باش تصرفي هاد الأيام وتيليفون الى حتاجيتي شي حاجة راه مسجلة فيه نمرتي
أنا: لا راه.....
أسد: حتى هوما رجعيهم مللي تقادي أمورك......وهاكي لاكارط ناسيونال ديالك راه لقيتها ليك
أنا: ش..ش..شكرا بزاف
أسد: ماشي مشكل (ابتسامة ومشا)
أنا: (بقيت كانشوف فيه حتى مشا) ويييلي على حشمة الدار ولفلوس والتيليفون 😨 كيغاندير نرد ليه هادشي! ولكن راه نيت خصو يكفر على ذنبو داكشي اللي دار فيا ماشي قليل..
دخلت للدار اللي كانت غزالة فيها صالون عصري فالباج فيه لفوتويات وطابلة ديال الزاج وبلازما معلقة وزربية فلقهوي..
كانو فيها 2 غرف كبار فيهم لبالكون ..وحدة فراشها فالأبيض والأزق سماوي والأخرى فالأسود والأحمر...أما لكوزينة فكانت عصرية بامتياز.....زيادة على الحمام اللي كان كبير ومجهز بطريقة زوينة....أنا بقيت غا حالة فمي ومامتيقاش أن هادي داري وغانسكن فيها بوحدي😍 ولكن ماخصنيش نفرح بزاف..حيت فينما كانضحك ضروري مانهجرو زهري وأنا عارفاه...
ختاريت لبيت للي فيه الأبيض والأزرق سماوي أنه يكون بيتي كان لماريو خاوي ولكوزينة خاوية وكلشي كايصفر..فقررت أنني نخرج نتقدا للي خاصني ..لكن شداتني لخلعة حيت معارفة لافين نمشي لافين نجي..توكلت على الله هزيت السوارت ولاكارط ديال البنك والتيليفون..وخرجت....

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.