صورة مصغرة لـحورية البحر المجنونة الجزء الثاني

حورية البحر المجنونة الجزء الثاني

tani lmajnona majnon almajnon 7ouriat lba7r
رواية حورية البحر المجنونة

رجعو لعند راسيل لي فاقت علي صوت شي واحد كيدق فالباب.غير سمعات هكاك وهي تنوض بالزربة ولوات عليها الفوطة ومشات جيهة لباب
راسيل (كدوي من مور لباب بلا متحلو)..شكون
دادا فاطمة..بنتي نزلي تفطري راه كيتسناوك من قبيلة
راسيل..هاني جاية
مشات فاطمة وراسيل تاجهات زيجهت المراية وتصدمات شعرها زاد طوال ولحمها كيعطي ريحة جديدة وزوينة ولون عينيها تبدل لونهم وفمها تنفخ وحمار وبشرتها خدات لون جديد اكيد الماء لي باتت فيه جسمها فاش كياخد كفايتو من الماء كياخد خصال جديدة دابا تزادت جمالا ولاطاي ولات كتهبل كتر من لول مشطاط شعرها لي نشف وحدو وولا مسبسب ورداتو لور مشات جيهت الناموسية لقات محطوطين ملابس داخلية ولبسة لي عبارة عن سروال خير مع تريكوه محلول من الجنب حتي هو خيط ومحلول جيهت الصدر لبساتو ولبسات صندالة حتي هي لقاتها تما وقادات شعرها مع وقفات جابت الربحة زدردلالالالالاف عاودت ناضت وطاحت تاني بقات هكاك حتي ولات شوية تعرف ليه هههههه ممفاكاش والسالام مشات جيهت المراية شافت راسها خدات نفس عميق ومشات حلات الغرفة وهي تم نازلة اول الضحايا كانت الخدامة غير شافتها وهي تكوانسا بقات ترمش صافي اما شنو كتشوف ممتيقاش لحقات عليها الخدامة التانية غير شافتها عطرات وجات مربعة فالارض راسيل حسات بالخجل الشئ لي زاد الداهية وحمارو حنوكها تزنكات راسيل نازلة ودادا فاطمة طالعة تخاسمهم مالهم علي هاد صداع وهي تشوف راسيل نازلة شداتها اللقوة وبقات حتي هيا مشوكية وتصرفق فراسها كتشوف واش بصح هاد الكائن لي قدامها حقيقي. مشات عندها راسيل وقفات قدامها سولاتها فين كاينين
راسيل.. فين هو داك لي طويل وعريض وزوين لي جيت معاه البارح
دادا فاطمة (مصدومة حركات غير ايديها وشيرات ليها فين)... لي.. لل.. له.... لليه..... لهيه
راسيل (بتاسمات ليها)..شكرا
نزلات فاطمة علي رجليها كتشهد للانو فعلا هادشي لي شافتو كتير عليها.تمات راسيل داخلة وصوت الطالون كيتسمع دخلات لجناح الطعام ولقات راي وصبا جالسين فجناب وزياد كالس وعاطيها بالضهر هاد الاخير لي غير هز راسو و......

هز زياد راسو فراي لي حبسات الماكلة دور وجهو لصبا لقاها مخرجة عينيها غادي ايطيحو فالتبصيل علا راسو وشاف خلا عشتو فالبلاصة حس بلي سروالو تزير عليه والعرق كيتنزل من جبهتو شي حاجة ميمكنش ايطيقها لعقل واقفة قدامو جد بو اللقوة واطاسيلة اللقوة كلها ضرباتو وتعقدلو لسانو ويلي ويلي فين هي الشخصية والهيبة قدام هاد الانتي اشمن انتي قدام هاد الملاك
راي (بزز باش كدوي).. ششن شكو ششك شكون مات زارونا الملائكة
صبا(مخرجة عينيها).. ملائكة متيتزيييييين
راسيل (بتاسمات لزياد ومشات جيهتو)..شكرا حيتاش جبتيني لهنا (كتقولها وترمش بعينيها الساحرتين هههه)
زياد (مكوانسي معارف ميقول ويلي هي من بعيد ولمعلم كيطلب شرع محساك قريبة ليه وريحت جسمها عاطية وواحد مولاي صدر ايتهز وايتحط اما لالاهم المسعودة تهز جبال هههه)..الصمت
راسيل (شافت لماكلة)..فيا الجوع
بلا مقدمات مشات كلسات وبدات تهز وتاكل من هنا ومن هنا وهوما شبعو بقاو غار ايشوفو تا راه نهار لكبير ايشوفو هاد المخلوق الرائع قدامهم
صبا (همسات راي)... خوك مشا فيها كفتة شوفي كيفاش كيتعرق
دارت راي تشوف فيه لقاتو حماااااار عرفات وصلات فيه الله ايربح وحبسات الضحكة لتفركع
راي..احم احممم
زياد وتقول واش داها فيها حتي دارت شافت فيه راسيل وركز فعينيها اشمن ركز قول داب فيهم ويلي علي لون لوحة فنية مطلع هكا بقا يشوف حتي خرجات ليه لسانها وهو ايتجمع ناض بالزربة خرج من تما وطلع لبيتو تم ايفسخ فحوايجو ومشا تخشا فبانيو ديال لما باااارد علاه ايبرد شوية اما والله تا ينزل ايغتاصب مهما من دروك تا لعام جاي وميعيا
صبا.. راسيل شوية دابا
شافت فيها راسيل وهازت ايد فيها كرواصة وايد فيها لخبز تعض هنا وهنا
راسيل (فمها عامر ودوي)..اممم مزياان
راي..تبارك الله الشهية مفتوحة
راسيل..اه انا راسيل
صبا...مال هادي دخل وتخرج فلهضرة
راي...نوضي نوضي راه انتعطلوعلي لافاك خلينا نمشو لبسو ونتي احبيبة بالصحة خودي راحتك الدار دارك
راسيل (حركات راسها وابتاسمات ليها وهي كلها عامرة شكلاط كتموت عليه)..هههه شكرا
طلعات راي وصبا كل وحدة لغرفتها تبدل راي لبسات قبية هابطة شوية لحد فخادها وعقدات جناب فالخصر ديالها ولبسات صندالة وخيوطها طالعين مع رجل دارت كاسكيط ودارت ماكياج تقيل شوية هزات صاكها وهبطات لقات صبا حتي هي واجدة لابسة كسيوة بسميطات فالاخضر وسبادري وهازة جاكيط فايدها دارت مكياج خفيف صافي هزو طوموبيلاتهم راي رانج روفرفالاسود وصبا بورش فالاسود وزادو خلاو غير الريح موراهم وماهي الا دقائق حتي وصلو للمعهد العالي لدراسات الاجنبية لي كيقراو فيه هبطو وكلشي الانضار عليهم التقة فالنفس حاضرة وبقوة كيف لا وهوما اغني وحدات واجمل فتيات فكل المعهد واي واحد ايتمنا ايدوي معاهم ولكن هوماتي ممعبرات حتي واحد ودافعات كبير ولكن الي جاو شافو فحياتهم الحقيقة مفروحاااات غير فالمعهد كيبغيو ايبينو بلي جديات للانو الانضار وكلشي متبعهم.مشاو بخطا تابتة لداخل المعهد وهوما كيدويو علي لبروجي جديد شنو ايديرو فيه حتي شافت راي واحد الشخص بمجرد متلمحو كيانها كيتهز
راي (بصوت خفيف)..هاهو تاني اووف شديني انطيح
صبا..تقلي اصاحبتي مالكي غير كتشوفيه وتبداي تفافاي زيدي متعبريش المخلوق
هو علي راسو وشاف فيها وعاود حدرو كيكمل الشرح للاحد الطلاب تما غير سالا صونات وتاجهو للقاعة كل واحد خدي مكانو وبدات المحاضرة

بدا الاستاد ايشرح وكلشي حال فيه فمو لبنات ايحماقو وايهضرو معاه عادو ايضلو ايديرو البحوت وايجيبوهم ليه باش فاش ايصححهم ليهم هوما ايبقاو ايتمنضرو فيه وشبعو من ريحتو لي كتهبل وتسلب لعقل اما هو فممسوق لتا شي مخلوق كايشراح ومرة مرة كيضرب نصف شوفة لواحد الجيهة لكل بدون محس حتي حد. سالا الشرح وفتح باب المداخلات ناقش معاهم شنو مفهموش واكيد هادشي كلو باللغة البرتغالية للانو هاديك حصة بلغة البرتغالية صافي سالاو وبداو الناس ايخرجو حتي بغات تخرج راي وصبا وهو ايعيط عليهم
راي (كتهمس لصبا)..واش متاكدة بلي عيط علينا واش سمعتيه
صبا (كتقرص وتعض ووالو)..تي تبتي بغيت ليك الضر ههه (كتبتاسم ليه) زيدي قدامي وعلاه تشوهينا
مشاو جيهتو ووقفو تسناوه علي بين مسالا مناقشة مع واحد الطالبة وخرجات 
شهاب.. دموازيل راي صبا شهاد الغيبة هادي جوج اسابيع مجيتوش للحصص كاين شي مشكيل
راي (ممتيقاش بلي لاحض انها محضراتش للحصص كانت كضن بلي كاع ممسوق ليها).. لالا راه غير
قاطعاتها صبا..كنا فدبي وقعو شي مشاكل ومشينا علاش ياك لاباس (وشافت فراي)
شهاب.. كاينة واحد الخرجة من هنا يومين فقط ليوم واحد غادي نمشو فيه لشاون ندوزو نهار وقلت نقول ليكم الي بغيتو تمشو
راي (بفرح)..اه اه نمشيو علاش منمشيوش
صبا (ويلي حي علي لهبيلة)..اه ااستاد وخا نمشيو
شهاب..المهم الزملاء ديالكم ايعلموكم بالباقي انا غير تكلفت نعلمكم
راي(نقزات)..ونتا غادي (اويلي علي نتا غادي مال هاد فمي غير كيفرفر)
شهاب (بتاسم)..اه انمشي كوني هانية
راي( اويلي والله تا ضحك ليا احححح ميمتي)..ههههه غير سولت وصافي
صبا (نقدات الموقف)..سمح لينا خاصنا نمشو دابا
جرات راي لي حلفات لا تنتكات اما هو غير كيضحك خرجو من تما وجراتها للحمامات لسقاتها مع لحيط وطاحت تسرفق فيها
صبا..هيه وعاي فين غيبتي تاني
راي..احححح كنبغيه
صبا..توكضي معايا والله وايعرف شنو درنا حتي هو اللول ايبلغ علي مك حنا ماشي تاع الحب خاصنا لقاو حل لهادشي هو لول علاش وافقتي باش نمشيو معامن تشاورتي
راي.. معرفتش ولكن بغيت نمشي وهدا اخر كلام عندي (دفعاتها وخرجات)
صبا.. وخا الالة راي خلينا نشوفو هاد الحب فين ايوصلك (وخرجات حتي هي)

**عند امينة**
بقات حالة فمها فاش لقات راسها واقفة قدام رجل الاعمال مراد السياب دائما كانت كتسمع بيه عمرها تخيلات تلاقا بيه شخصيا جمالو خلاها تبقا تشوف فيه ومتوعاش براسها حتي حرك ايدو ليها زعما سيري كلسي عاد وعات ومشات جرات كرسي وكلسات مقابلة معاه هو مهزش راسو بارك ايشرب فقهوتو وايقرا فالجريدة اما هي فتسدات ليها الشهية وخا اصناف من الاكل محطوطة قدامها وواحد السؤال قاتلها شنو ايكون بغا مني 
امينة (تشجعات)..احمممم
هز راسو فيها وطوا الجريدة بكل جنتلمانية وحطها علي جنب
مراد..شنو سميتك
امينة (بتوتر)...امينة
مراد..امم مزيان ايوا فطري علاش باركة تبلقي فيا
امينة (اححح وعلاش منبلقش ميمتي جي هزيني).. لا غير بالصحة غير قول علاش جبتوني لهنا وشنو بغيتو عندي
مراد..من ليوم نتي مساعدتي
امينة (طلقات وااحد الضحكة)...ههههههههههههههههه كضحك علي لوقت لا
مراد (هز حاجبو فيها زعما جمعي)..انا مكنضحكش
امينة.. وايلي مراد السياب رجل الاعمال قدو قداش ملقا غار وحدة بحالي تكون مساعدتو واش عارف شكون انا ولا غير جاي مدرم
مراد..عارف طاسيلت مك كلها وبلا متبقاش تخصري فالهضرة عندك 10 دقايق نطلع نبدل نزل ملقاكش واجدة خبارك ايجيبوها التاليين(مشا وخلاها حالة فمها)
امينة..اويلي واش هدا تزنزن ولا مالو شضربو جايبني خاطفني مصبحني مع نبوري حكا اتولي مساعدتي لالا والله لا دوزتها ليه انطلع نقرقب عليه كيتسحابها سايبة (لاحت لفوطة وناضت تبعاتو)

امينة (كدق فلباب وتغوت)..هيه حل مزال مسالينا كيفاش غادي نكون....
حل لباب وخرج لابس غير شورط ولفوق كلو عريان وعضلاتو السداسية بارزة وواحد مولاي التاتو دارب صدرو من لفوق للتحت مكتوب فيه بالاسبانية (كن عبرة لغيرك)
امينة (كضور فعينيها وتحاول متشوفش فيه للانو منضرو مغري بزااف).. انا مموافقاش
مراد (كيدوز علي شعرو)..وشكون سولك اصلا
امينة (مخرجة عينيها)..كاينة السيبة فلبلاد
مراد (كيشير ليها بصبعو)..مدام عندك هادو (زعمة لفلوس) فراه كاينة السيبة فلبلاد
امينة..شنو كتسحاب راسك انا مموافقاش اصلا مكنعرف والو فداكشي ديالكم
مراد..حتي واحد متزاد معلم وزايدون اتكوني مساعدتي الشخصية ترتبي مواعيدي وتكوني مرافقتي فهمتي دابا ولا عاجبك تبقاي تكوزي لعباد الله 
امينة (حسات بالحكرة)..هاديك حياتي مسوق حتي واحد فيها ندير لي بغيت
مراد..ختاري عندك وحدة من الزوج هايما تخدمي معايا وتاخدي لفلوس صحاح تمشي تخرجي باك من دوك لكريديات لي عليه ولا تمشي فحالك نعلم علي مك مديتي ترمتك لشي قلا** نجي نح**ي مك تما نبغي نخرج لقا جوابك (غمزها ودخل ردخ لباب فوجها)
حارت بالاعصاب وفنفس الوقت شداتها البكية اول مرة ايحكر عليها شي واحد بحال هكا شنو دير وفين تصدر معرفاتش بقات شحااال كتفكر ولقات انو لحل لواحد تبع شنو تقال او تفرض عليها والا لا باها لا حياتها بحال هاد لماركة خاصك غير نعام سيدي ودفع لديك الجيه
مشات رجعات للبيت شافت فلمراية لقات شي مكياج تما محطوط ترددات فالاول ولكن خدات نفس عميق ووكلات امرها لله فالاخير اللهم هادشي والي تبقا فداك لوسخ لي كانت فيه. دارت مكياج غامق وركزات علي عينيها برزاتهم شعرها اصلا مقاد غير عاودات مشطاتو وصافي مشات جيهت الناموسية لقا حاطين ليها لبسة غير هزاتها بانت ليها ماركة عالمية وخرجاات عينيها وبقات تشوف باش تاكد واش هادشي نيت لي شافتو صحيح صافي لبسات داكشي ومشات جيهت لمراية كانت عبارة عن شورط قصيييير بزااااف فالخزي مع شوميز كتبين الصدر ومفتوحة بزاااف مخشية فيه لبسات صندالة صماطي طالعة رشات ريحتها وخرجات تكوز هبطات ملقات حد وفاش كانت خارجة جات عندها الخدامة قالت ليها سربي راه مسيو مراد كيعيط عليك خافت ومشات تجري عندو عاد ايبدا ايسب وايعاير شافها وهو ايتسمقل

**عند راسيل**
بقات تخشي ودك فالماكلة حتي حسات براسها غادي تفركع وهي دنا لجنب 
زياد (كيشوف فيها)..زيديك زيتونة وديري امارش
راسيل (شافتو لاباس ومانتك وحوالت)..هههه لا صافي شش ب شبعت
زياد (احح ياربي والله حتي نغتاصبها).. هاني مشيت متخرجيش
قالها وتم خارج وهي تنوض تجري تبعتو
راسيل..نمشي معاك
زياد..مغاديش لعب غادي لخدمة كلسي فدار ونعلم عليك خرجتي نحيد ليك رجليك
راسيل (شافت فرجليها)..والي حيدتيهم باش انتمشا
زياد (واش هادي مزنزنة لهاد الدرجة اترات فيها الدقة)... سيري تنعسي قبل لندخل فيك براس ترجع ليك الداكرة
مشا وخلاها تشوف فيه دارت لقات كلشي لخدامات مسرسبات موراها كيشوفو فيها
الخدامة1 (كتهمس)..يختي علي زين مشاء الله
الخدامة2..وغير تسناي وتشوفي لكيرة (لحرب) كيف اتنوض فاش تجي ديك عود السبسي ديال ماريا من امريكا وتشوف هادي هنايا والله حتا تحسي براسك مشاركة ففليم اكشن HD
الخدامة..ههههههه هادي عندك
دادا فاطمة...سيرو لخدمتك لي عندو شي حاجة ايقبلها شمقابلين ليا النميمة يالالالالاه
كلشي تسرسب لخدمتو مكيزيدوش معاها لهضرة مشاو كاملين وخلاو راسيل وحدها تشوف فقنات الدار (هاد الشوفة ماااعجبانيش علم الله اش ايطرا هههههه)
مشات رجعات لفين كانت لقاتهم كيجمعو فالطبلة وكلسات تشوف فيهم واحد شوية وهي تنوض طلعات للفوق وتلفات علي لبيت فاش كانت وهي دخل لبيت زياد بانت ليها لخدامة كتجمع فيه
راسيل..شكون نتي
الخدامة..انا خدامة الالة هنا تفضلي نعاونك فشي حاجة
راسيل (كتشوف فلبيت)...علاش بدلتي ليا بيتي
الخدامة (باستغراب)..هدا بيت السي زياد بيتك الالة راه لهيه
خرجات من تما وهي تمشي فاتت بيتها ودخلات لبيت راي ولقات خدامة كتجمع فيه وتاني نفس الشئ
راسيل...شكون نتي
الخدامة..انا امينة الالة خدامة هنا
راسيل...اه نتي امينة 2 فينهيا امينة 1
الخدامة (باستغراب)..للالة بغيتي شي حاجة
راسيل..علاش بدلتي ليا بيتي
الخدامة (ايوا الله ايستر)..هدا بيت للالة راي بيتك اللالة راه لهيه
خرجات من تما وهي تمشي هاد لمرا دخلات لبيتها مشات جيهت لبالكون طل وشافت الحديقة الخلفية فيها شلال زوييين بقات تمنضر وتشوف حتي قنطات وهيا تنزل للحديقة

فسخات صندالتها وبقات تمشي بطريقة متيييرة اما بالنسبة ليها فكتمشي عادي الحراس لي فداخل القصر غير شافوها قيمو كاملين من الطرف لطرف سخن عليهم راسهم ولاو غير كيترطاو وايقلبو منين ايدوزو ليها اما هي ممسوقاش كتشوف فسما وتستنشق الهوا بحالي ايسالي حسات راسها بلي اتفشل فالمهمة الزمردة صعيب انو تلقاها عاد العلم كبر من مكانت كتخيل الناس عايشين فعلاقات معقدة بزااااف وكل واحد كيجري علي ود مصالحو وهي هادشي كيخنقها .مشات وقفات حدي لابسين غير طلات بانت ليها حقيقتها (حورية بحر) فنعكاس صورتها فالمياه كلسات ربعات رجليها بلا ميقيسو لما ومدات صبعها كدور فالماء وكدير زوبعات صغيورين صبعها ولا بيض بزااااااف للانو قاس الماء وشعرها بدا كيكحال ناضة من تما وهي تبدا دور فالجردة مع كبيرة بزااااف بقات شحااال وهي الدور عاد رجعات لدار لقات لبنات جاو.وكالسين فالصالون وكل وحدة شادة تيلي ديالها وكتشاطي ومشات كلسات حدي راي وبقات تشوف فيها وتشوف فتيلي
راسيل(شداتو منها وكتقلب فيه وتخضو وتحطو حدي ودنها)..شنو هدا
راي (شافت ف صبا)... تيلي ديالي
راسيل..شنو هو تيلي
صبا..التيليفون كنهضرو فيه ونتصورو ونشاطيو
راسيل...كيفاش
لبنات بقاو غير كيدورو فعينيهم
راي..اجي نوريك دابا انا وياك الي بغينا نتصورو راه انضغط علي هدا اجي قربي ليا نتصورو
صبا..حتي انا هههههه
قربات صبا وبداو اياخدو سيلفيات اما هي فمفاهمة والو ولكن عجبها الحال
راسيل..دبا حني كاينين هنا ولهيه هههههه
صبا...فين لهيه ههههه واش نتي زان زان
راي...ههههههه خلي عليك البنت
صبا (ضرباتها بمخدة)...نتي زمي ديك الكابينة عندك
راي(عودات ضربتها)..ههههههه نتي لي سديها
بداو مضاربين وراسيل تشوف حتي هي بغات تشارك وكون غير مشاركاتش ههههه هزات جوج مخاد وهيا تنزل عليهم لراس كل وحدة طاحت فقنط تركل وهي تمت ضحك وتعطيهم فلعصا
صبا..واميييييييييييييييي واكواك عتقو الروح وا دادا والعمالو واهيا سيدي بوزيد
راي...وااااااااااااااااكواك عتقو الروح
جاو ايتجاراو بزز باش فكوهم منها وهي تمت تشير علي كلشي عند بالها كيضحكو وايلعبو هوما راهم علاو قتلا ديال لعصا عمرهم اينساوها

بقاو ايحكو فيها وهي كالسة فالجنب وتشوف مشاو جابو فاصمة وداروها لراي فجبهتها وهي غير مكمشة وتبلق وتبقشش فتيلي حتي تصور ودرب ليها لفلاش فعينيها تخلعات وهي تهزو ولاحتو فالشوميني والموصيبة شاعلة تسمعات ديك بااااااق
صبا..داعيييييييييييييييييش
راي.. واااااااااااااااااااهيا مي (ناضت تجري) تيليفوووووووووووني شدرتي يهاد الموصيبة اهئ اهئ
صبا (ناضت من تحت الطبلة لي تخبات فيها) وامي ههههههههههههههههههههههههههه واكواك ههههههههههههههه
راسيل(كتحك فعينيها لي خداو لون جديد موصيبة صافي اتفضح هاد اللون لي خداو فشكاااال بقات حادرة راسها وطلعات تجري لبيتها مبغات حد ايشوف عينيها هكاك ولو كيتوهجو بزاااف)..الصمت
راي..ديريها وهربي اهئ اهئ تيليفونييييييييييييييييي
صبا...هههههههه خلعتي البنت حرام عليك ايمشي تيلي وايجي تيلي
راي..محافضاش الكود ديال الفايس اهئ اهئ عاد لقيت الفايس ديال شهاااااب اهئ اهئ
صبا...ههههههههههههه عبرات عليك خليني نوض نشوف البنت راها بانت ليا بحالي كتبكي راه تخلعات
ناضت صبا ومشات طلعات عندها .حلات البيت وملقات حتي واحد سمعات الدوش عرفاتها كاينة تما بدات كتمشي جيهت الدوش باش تشوف مالها مع اتحل لبواني وهي تحرج راسيل حادرة راسها وكتحك فعينيها
صبا (كتشوف فيها)..راسيل مالك
راسيل (عينيها كيتوهجو كيحاولو ايرجعو لطبيعتهم مع غسلات وجها شعرها باقي كحل غير لاوية عليه فوطة وقلبها كيضرب خافت صبا لتعرف حقيقتها الي هزات عينيها
صبا ..هزي عينيك شوفي فيا مالك
بقات حادة راسها بزااااف عاد اتهزو وهي دخل دادا فاطمة
دادا فاطمة..مسيو زياد جا وقالكم نزلو
صبا (مشات نازلة).. حبيبتي مديريش فبالك نزلي اوكي باش نتغداو راه زياد جا
خرجو وخلاوها مشات تجري سدات لباب وهي تحيد الفوطة سعرها كحححححححححل وعينيها زرقييين علي الجهد وبشرتها بيضة بزاااف بقات تما دور دور حتي بدات ترجع لحالتها الطبيعية عاد خرجات

**عند امينة**
شافها مراد وبقا حال فمو اكيد بلا ميعيق زعما راه ممحاشيهاش ليها
مراد..قلت 10 دقايق ماشي نص ساعة 
امينة(زعمة مداياهاش فيه وهي راه هبلها التبوكيسة وتانتيكة).. كيفاش بغيتيني لبس ليك انا ف 10 دقايق وفالحالة الطبيعية كلبس ف ساعة ولا ساعتين
مراد.. ساعتين مالكي غادة تخيطي متلبسي زيدي زيدي راه تعطلنا قبل نتسيف علي مك هاد صباح
امينة (تجيك فالراس انشاء الله).. الصمت
مشا هو ركب لور والسائق لقدام جات غتركب للور وهو اينزل الزاج
مراد..غتزيدي تركبي هنا ولا نزل ليك
مشات تركب بتنفيض وهي محاملاهش ايدوي معاها هكاك بقات تهز وتحط ولحمها كلو ايتهز معاها غير شافها هكاك وهو ايقلب وجهو ليسدق مخرب لبلانات لي موجد.صافي تحركات اللوطو جيهت الشركة وهي ربي لي عالم بيها كتفكر فالصكعة ديال راسيل وشنو ايقدر تكون هدير دابا (اودي ديها غير فراسك هي قادة براسها )وصلو بعد مدة لقدام جوج شركات كباااااار ملتاحمين مع بعضياتهم بواسطة 3 الجسور زجاجية واحد فوق الاخر.جا الشوفير ايجري حل ليهم ونزل هوا اما هي من شدة محلات فمها فالشركة كانت اتجيبها علي راسها حتي شدها السائد وشاف فيه مراد زعما حيد ايدك ممتلكات خاصة.وقفات قادات حالتها وصوبات شعرها نزلات راسها وبقات تخربق فسالفها حتي تنفخ ردات راسها لور وبدات درب بيه وهو غير مخرج عينيه سيد حوال
دارت شافت فيه وبتاسمات من لداخل بلا متحسسو
امينة (الي مرديت لمك هادشي غير بالفن منتسماش امينة راك مع جنية كحلة ومفخباركش استنا علي شوية )..مشينا مسيو
خلاها وزاد دخل لشركة ولي شافة ايخوي ليه طريق وايوقف ايدير التحية بالسيف والا نهارو متصبح فباباه الشمس.مشا ديريكت جيهت مكتبو ولي كاين فاخر طاج مقنزع لفوووووووق وهي غير تابعاه وتبحلق الموضفين غير شافو شكون جاية معاه وتصدمو من جمالها بالزربة تداولات الاخبار وتعرف بلي هيا المساعدة الشخصية ديالو جديدة بمعني اخر كلشي سمعا وطاعة.طلعات حتي هي فالاسانسور معاه وبقات تقاد فعكرها عمدا فلمراية وهو غير متكي وكيشوف حتي تحل لباب ولقات راسها فجناح كبيييير عبارة عن غرفة مطلية باللونين الابيض والاسود ماتتة باتات فااااخر بزاااف وفيها مكتب كبير لوسط موراه حائط زجاجي كيطل علي كلشي عاد فواحد الجنب حمام رائع ومجهز زوين هلي فالجانب الاخر غرفة كدخلك لقاعة الاجتماعات لي بدورها اقل ما يقال عنها رااائعة.مشات هي دور وتشوف حتي عيط عليها وجات تجري عندو

**عند راسيل**
هبطات لتحت لقاتهم مجموعين علي طاولة الغداء شافت ف راي لقاتها حانية راسها والفاصمة فجبهتها المبوقلة رجعات شافت فصبا اشارت ليها بعينيها زعما دخلي متخافيش مشات كلسات وهي تشوف بنص عين ف زياد لي كالس كياكل بكل شياكة و مبغاش ايهز راسو حيتاش الي هزو كيسخن عليه ومكيعلم بيه غير الله.كسر صمتهم راي لي سولات زياد
راي (حادرت راسها كتقطع وتاكل بشوية)..سمعت بلي مايا غادي تجي فالعشية
زياد..وي غتجي
صبا (نغزاتها).. مطولاتش هاد المرة كيف عوايدها موافلة كتبقي فاستراليا بزااف
زياد..سالات خدمتها وراها راجعة (شاف فختو) اجي نتي مالك فراسك
راي (شافت فراسيل لي نازلة علي الطبسيل تاكل وتعاود ممسوقا لالي مشا ولا لي جا).. زلقت وطحط
زياد..خفتك قاتلاك 1000 مرة كنقول ليك نتي وديك شنيولة تقلو راكم ماشي شي وحدات لي ايقدرو ايتصرفو كيف بغاو بنادم حاط عليكم العين عرفي شكون حنا
صبا وراي..وخا
هز راسو بتوتر فراسيل لقاها هازة واااااحد مولاتي اللحمة وغارزة فيها الفورشيطة من الوسط وباقا تقطر بالمرقة وهي تاكل وتجبدوحوايجها كلهم عمرو وايدها نازل منها الصوص هههههه منكرش انو فالاول عاف ولكن من بعد عجبو الحال هاد خيتي كتصرف علي طبيعتها مكاين لا تصنع ولا غيرو اححح كيف اندير ليك مع ديك لي جاية
كمل ماكلتو خلاهم كالسات وستادن ناض طلع لبيتو بدل عليه بالزربة وخرج ركب فسيارتو من نوع رانج بيضة ومشا بسرعة خلا غير العجاج موراه فاتجاه شركتو

دارت تشوف صبا فراسيل وهي تلقاها فديك الحالة
صبا..ohh my god
راي.. what
صبا.. look at her
شافت فيها راي لقاتها تاكل وتجبد من اللحمة لي فايد وهازة كاس دلعاصير فايد
راي..ويلي ويلي (ناضت تجري عندها) اري اري عادي (حاولات تشدها منها)
راسيل (جرات ايدها)..امممممم ديالي
صبا..عارفينو ديالك غير نوروك كيفاش شوفي هاه كتشددي لوس بهالي ولفورشيط بهادي وتحطي هكا وتقتعي 
شاف فيها راسيل وشافت فاللحمة حاولات تقلدها ولكن فشلات وهي طرا علي ديك اللحمة وهزاتها تجبد
صبا..لا فائدة
راي..مخاصناش نستسلمو الي الجهاد ههههه
نوضوها من تما وبغاو ايحيدو ليها اللحمة حلفات لحيداتها غادة وتجغدد باقي فيها جوع طلعوها لبيت ودخلوها وسدو عليهم.هي كملات مسحات فحوايجها عاد شافت فيهم وعاقت بلي هي فبيتها وهوما معاها
راسيل..شنو مالكم كتشوفو فيا هكا
راي..تبغي تولي زوينة كتر من هكا
راسيل (شافت ف صبا وعاودات شافت ف راي وشافت فراسها)..بحالكم
راي..نتي حساااااان منا غير بغينا نزيدو شي توشيات وصافي هههههه
راسيل (باستغراب)..شنو هوما توشيات
صبا..وشرحيهم ليها دابا
راي..معليناش المهم دابا غدخلي تدوشي حالتك ياك باش نخرجو
راسيل..اه اه نخرجو ولكن مندوش
صبا...وعلاش
راسيل.. دوشت غار صباح
راي..همم صافي لي بغيتي المهم انا انمشي نجيب ليك متلبسي من عندي باش نخرجو نجيبو ليك حوايج صافي انا نيت خاصني شنو لبس فالخرجة
صبا...حتي انا يالله انا نمشي لبس
خرجو لبنات مشاو ايلبسو وجابو ل راسيل شنو تلبس وبداو ايوجدو راسهم لشوبنغ

مشات صبا دوشات بالخف وخرجات نشفات شعرها طويييل لي عاد سبغاتو بلون جديد و صوبات مكياج سموكي وركزات علي عينيها(غير قبلو علي وصفي للمكياج مع عمري درتو هههه مكنفهمش فيه) فاش سالات لبسات سروال فالابيض ومشرك كيبين فخادها ورجليها ولبسات واحد الديباردو حتي هو فالابيض كيبين الصدر وخشاتو فيه ولاحت عليها واحد القاميجا جينز خفيفة لبسات صندالتها ورشات ريحتها جات قووووقة .اما راي فلبسات بحال لبسة لي كانت لبسات راسيل سروال بتريكوه فلكحل حتال لعنق بالخيط مزير كيبين لاطاااي واعرة لاحت عليها جاكيط كحلة لبسات صندالة بخيوطها طالعين مع رجل وهزات صاكها رشات ريحتها وهي دخل عليها صبا وبداو ايضربو فالسيلفيات علي بين متسالي راسيل.هاد الصكعة لي بقات تشوف معرفات مدير عتاوها واحد الفستان ووحلو فيها معرفاتش كيفاش تلبسو بقات تشوف فيه وهي تمشي تخرج دقات علي راي
راي..دخوووول
دخلات راسيل وشافتهم لابسات وهي باقي
صبا..راسيل علاش مزال ملبستي
راسيل..معرفتش كيفاش
راي..زيدي نوريك كيفاش
داوها لبيت دخلو وسدو عليهم ناويين علي خزيت هههههههه بغاو ايفسخو ليها حوايجها ورفضات وراوها كيفاش تلبسو ودخلات لدوش بقات غير بدوبياس ولبسات داك الفستان لي مزييييييير ايطرطق كيبين الصدر مشدووود والمؤخرة احححححح اقلبي ونازل تحت الركبة بشوية صافي سالات وخرجات عندهم باش ايسدوليها السنسلة من لور مدات ضهرها لصبا وهي تبقا تشوووف فيه بيض بزاااف نغزات راي وحتي هي جات تشوف راسيل مدات مجابت بقات تسنا فيهم سدوه ليها وخا مسخاوش ايبقاو ايشوفو فيه.عتاوها كاب فالابيض قالولها لبسيه لبساتو شدو شعرها لي فاش كيقيسوه كيحسو فالانتعاش وريحتو زوينة بزاااف جمعوه ليها وخا البانضة كتزلق فيه غباو ليها منو مع تبارك الله كتير وطويل وخلاو الشئ لاخر نازل عليها المكياج دارو ليها شوية باش اينقصو من جمالها صدقو زادوه لبسوها صندالة فنفس لون الفسان بغاو ايرشو ليها ريحة ولكن رفضات صافي علموها كيفاش تهز الصاك وخا خاوي هههههه هزاتو وخرجو ايتمخترو كل وحدة تنسيك فالاخري ولكن راسيل قالت ليهم متعرفوش

خرجو ومشاو لاكاب ديال الطوموبيلات ختارو رانج فالاسود للانو هي لي غتحمل لهتران لي ايديرو هههه راي هيا لي اتسوق وصبا ركبات حديها لقدام عاد راسيل لور من بعد مدارو ليها الصمطة لي حلفات لديرها.زادو وتبعوهم جوج سيارات عامرين بالكارد للحماية شافتهم صبا وهي دور عند راي
صبا..كيخنقوني هاد الكارد
راي..اوووف غير سكتي ولكن انا لي انعرف ليهم اليوم انخرجو غير حنا لبنات مكاين لا حراسة لا والو (ناري ياريتكم مدرتوها) بدات راي كتزيد فالسرعة مع اصلا هي محتارفة فالسياقة والطوموبيلات تابعينها ولالو مفلتوهاش
راي..شدو مزيااان
صبا شدات مزيان اما راسيل فمفاهمة والو حتي دربات راي واااجد الضورة ورجعات لطريق الاخري لي كانت فيها بالعكس الطوموبيلات ديول الكارد مكانوش متوقعين هادشي خرجو علي الطريق ولكن بالزربة عاودو تبعوهم الشئ لي خلا لبنات شوية الوقت فاش ايسبقوهم بقاو غاديين فطريق وراي كتكسيري وصلو لملتقا طرق بلا رومبوان راي شافت الضو لحمر غادي ايشعل وهي تزيد فالسرعة وواحد الطوموبيل دايزة 
صبا (كتغوت).راييييييييييييييييييييييييييييييييييي
راسيل (دارت شافت فالطوموبيل وتوهجو عينيها).. الصمت
راي شوية باش فلتت وزادت مكسيرية والطوموبيلات وقفو بالضو الاحمر 
راي...واااااااااااااو فلتنا ههههههه
صبا (شادة فقلبها)..دعيتك لداك لي خلقك اهئ اهئ كنت انموت
راسيل غير كتشوف فيهم وساكتة
راي ..ههههههههه شوية اللاتارة معليها والو كيف جاك هادشي اراسيل زوين
راسيل..كنتي اتموتي (كدوي معاها بجدية وللاول مرة فاش عينيها توهجو ربي لي حفض)(قالتها ودورات وجها جيهت النافدة وسكتات)
شافو لبنات فبعضياتهم وعرفت راي بلي داكشي لي دارت مكانش خاصو ايوقع وفعلا ربي لي حفض
باش صبا تبدل الجو شعلات اغنية وبداو ايغنيو موراها هي وراي اما راسيل فغير كتشوف من النافدة حتي وصلو لمروكو مول بلاصات راي فالبارك وهبطو من بعد مقادو حالتهم وصابو العكر

نزلو من لاكاب وتاجهو المول وكلشي ايصفر واينكر عليهم ولكن هوما ممسوقات لحد راي شدات فراسيل للانو شاف بلي راسيل مبهورة بهادشي لي كتشوف الاضواء والناس وعاد فاش دخلو لداخل خلالالالالالاص بقات غار تمشي وحالة فمها والناس حالين فمهم فيها وراي مشوكية من دار الاحساس لي كيتسارا فجسمها زوين بزااااف ولكن حساتو بحالا كيسالي معاها وقررات انو تحيد تبقا غير تمشي حداها بلا متشد فيها 
صبا..زيدي نمشو لداك المحل كيبالي كاينين عندو حوايج زوينين
راسيل ..اه اه نمشيو ههههه
صبا..هههه ايخيليلي تيتيز زيدي
مشاو دخلو للمحل ودوك لي تما دارو بيهم للانهم كيعرفو مزيان شكون لي دخل عندهم اما فاش شافو راسيل صافي دابو فبلاصتهم 
راي بدات كدرو هزات شي 15 لبسة ودخلات تقيس فيهم وتخرج عند لبنات
صبا..اممم اول 10 لباسي جاوك زوينين هادو ماشي تال لهيه
راي..هممم اوكي خليني نمشي نشوف شي حاجة خرا
مشات راي وصبا تاهيا بقات تهز وتحط اما راسيل غير كتلعب بواحد الضو لقاتو من مور لحوايج سالاو لبنات ودارو جايين جيهتها شدوها وزيدوها معاهم ايقيصو ليها عتاوها ازيد من 20 لبسة ودخل تقيس وتخرج لاطاي ديالها كيحمق ختارو ليها بزاااافت لباسي حتي خواو المحل عاد خرجو مشاو لمحل اخر ديال الفساتين وطاحو اياخدو وايتصورو حتي ديشارجاو ليهم اليتيليفونات لاحوهم فالصيكان ومشاو ايكملو دازو خداو لراسيل واد الايفون 7 فالرمادي زويين كملو من تما ومشاو كلسو فواحد المطعم خداو ديساندويش وواحد البيتزا هي خلاتهم واقفين ايستيو وبان ليها الحوض ديال الماء كبييير فيه الحوت مشات تجري وتعطر حتي وقفات لسقات كمارتها فيه وتشوف فرحات بزاااف واخيرا شافت شي حاجة كدكرها بموطنها لبنات دارو ملقاوهاش تخلعو بزااف وناضو ايقلبو عليها جاب الله لقاوها بالزربة حدي لحوض
راسيل...هههههه شوفو شوفو
صبا.. خلعتيني عليك كان زياد اينحرنا ليوم
راسيل..زوينين ياك ههههههههههه
راي.. اهه عجبوك
راسيل...بزاااااف توحشتهم
صبا (باستغراب)..توحشتي لحوت
راسيل..ااااه بزاااف
هوما مشاو غالطين كيتسحابوها توحشات تاكل لحوت وهي كدوي علي موطنها حركوها بزز من تما وداوها كلسو وبقاو اياكلو

سالاو وناضو مشاو دخلو لمحل صبابط خداو منو شبغاو وبقاو ايدورو حتي بان لراي واحد دب كبييير حلفات لتفرقات بغات تاخدو وسالام مشات دخلات شراتو وخرجات راسيل بقات تشوف فيه وجاراه من ايدوتسناه ايتمشا وهو ايجرجر شافتها راي ومشات تجري عندها هزاتو وفاش كانو خارجن بان لراي محل حلويات وشكلاط معقلو ايمتا فلتات ليهم ومشات تجري دخلات ليه بدون ادن تمات تهز وتاكل فيه جاو هادوك ايجرو ايحبسوها شافوها او بقاو حالين فمهم براكا عليهم غير ايتمنضرو فهاد الجمال كلو جاو لبنات خلصو الاضرار لي دارت كلات نص المحل وخداو ليها بزاافت الشكلاط غادة وتخشي فوجها خرجو من تما ب 66 كشيفة وبنادم اينكر وايصور فيهم وهوماتي حادرات راسهم دخلو لطوموبيل او زادو بقاو غاديين حتي شافت راي شي واحد تابعهم عيات متراوغ والو تابعهم تابعهم اكدات تشوف شكون لقات واحد البي ام دابليو كحلة عرفاتو خوها ناري حشااااوها
راي..زياد
صبا..ويلي فينو
راي..مورانا ناري كحلناها هادي لخرة لينا
راسيل..اها اها فين هو نسلمو عليه
صبا..هو لي ايسلم عليك بشي راس غار حتي نوصلو
بقا غادي موراها حتي وصلو دخلو للقصر وهوما ايبلاصيو هو حبس واااحد لفران وتم جاي جيهتهم حل الباب لور شاف راسيل كالسة وتشوف فيه غير كترمش بعويناتها لي كيهبلو ولكن كان معصب كتر من انو ايتهدن بشوفة منها حيد ليها لحزام شدها من ايدها وزير عليها وتبعها موراه
راي..زياد هي مدارت والو راه....
قاطعها بلغوات...سكتيييييييييييييييييي نتي هاني جاي لطاسيلتك نزل لقاك فصالون نتي وياها
طلع وجار موراه راسيل لي تهرس ليها الطالون وبقات تعرج دخلها لبيتها قفل عليها من برا وهو ايتم نازل ايتفاهم مع ختو ناري مشاو فيها

دخلو لبنات لقاو مايا كالسة ودايرة رجل علي رجل اخر حاجة ايتمناوها انهم ايتخاسمو قدامها مكيحملوها مكيقبلوها وهي كتاااار منهم ضل تحشي ليهم فضواسا مع زياد
مايا..حبيباتي جيتوو (كتقولها وتعوج)
راي..حسن ليك تبعدي مني ممسالياش ليك دروك
صبا..بربي ومتعتيني شبر دتيساع حتي نتف لختي زغيباتها وهاني علمتك
دخل زياد لقاهم مخاسمين
زياد..لالالالا تبارك الله لمك نتي وياها دايعات ملقيتو لي ايحكم فيكم ولا ودايين معاكم ديك لهبيلة وكون جليتوها ولا وقعات ليك شي حاجة فين نسدقو وديك الاكسيدون لي كنتو اديرو تسحابوني مشفتش ولا شنو 
راي..اينا اكسيدون راه غير...
زياد..متعصبيش دين مي راه انتفركع عليك
صبا..حني غير خرجنا ندورو
زياد..ودوك لحيوطا لاش داير لق**ايماهم انا تما لاش باش تبقاو تفرجو فيهم ولاش
راي..سمح لينا
زياد...بربي لادوزتها ليكم من ليوم من لقراية لدار لخروج بلا خباري مكاينش تسحابوها سايبة ولا وهاديك لي لفوق انا حسابي معاها
مايا..علامن كدوي احبيبي
زياد..نتي هنيني
زاد خرج وخلاها مشا ركب فطوموبيلتو وبدل بساعة خرا للانو كان طالع ليه الدم عيا ميصوني عليهم والو مكيجاوبوش وسبع عصا وسبان فالكارد علاش تيغفلو عليهم وفنفس الوقت قلبو كان مهزوز من جيهة راسيل ايحماق وايلقاها

طلعو لبنات ايتجاراو عند راسيل دقو عليها لقاو لباب مقفول وزياد دارلو كود (لباب اوتوماتيك عندو لوحت مفاتيح)
راي (كدوي من مور لباب)..راسيل نتي بيخير
راسيل..اه بيخير علاش
صبا (كتهمس ليها)..صافي شش خليها محدها مفراسها والو متزيديش عليها
راي..لالالا غير بغيت نقول ليك سيري بدلي ياك ولبسي شي حاجة باردة لجو سخون شوية ياك وحاولي تنعسي باش غدا فاش تفيقي نعطيك الشكلاط صافي
راسيل (سمعات الشكلاط وناضت تنقز).. شكلاط بغيتوووووووووو
صبا..تفو علي مك هانتي جهلتيها عرفتيها تموت عليه
صبا..شوفي حبيبتي الي مدرتيش داكشي لي قلنا ليك الشكلاط بااااح
راسيل...شكون هو باح الشكلاط ديالي ماشي ديالو اهئ اهئ
راي (دفلات عليها)..تفو عليك هانتي بكيتيها ...لا شوفي باح يعني شكرا زوييين صافي نتي غير سيري بدلي عليك دعيتك الله نشفتيني
راسيل..صافي انا انمشي ولكن غدة بغيت شكلاط
لبنات..صافي غير سيري
مشاو لبنات لبيوتهم ايرتاحو ومايا طلعات لبيت زياد دخلات دوشات وبدات دير فلبرودويات معولة علي ليلة حمرة معاه.اما راسيل فمشات دوشات بقات شحااال وهي تلعب فلبانيو وتشوف فالديل ديالها وتلعب بيه حتي عيات خرجات من الحمام وهي تمشي جيهت الماريو حلاتو ملقات فيه والو من غير شورط قصييييير فالغوز مع السوتيان ديالو سبورت حتي هوما كيبينو كلشي لبساتهم بزز باش دخلو ليها مع تبارك الله لخير مدفك وهي تبقا تسرح فشعرها واحد الشوية وهي تشم واحد الريحة مغريباش عليها دورات راسها لقات زياد واقف موراها ومصدوم من الشئ لي كيشوف

راسيل (دارت عندو).. جيتي
زياد (كيقرب ليها وعينيه كيتساراو فجسمها كلوووو حمقو لدرجة ولا بزز باش كيقدر اينطق).. شنو درتي ليا
راسيل..شنو درت راه غير خرجنا شرينا حوايج
لسقها مع لحيط بشويييييية وكيشم فعنقها
زياد (كيدوي بصوت حنييييين وخاشي راسو فعنقها)..شنو شريتي
هي تهزات فاش بدا كيشم ليها فعنقها هكاك احساس زوين بزاااف
راسيل (كدوي ومقادراش).. شريت حوايج زوينين ....اااااه (قالتها بصوت حنيييين وخفيف)
حط ايدو علي خصرها وضربو كتر من الضو ماشي غار الضو حس براسو بحالي كيعوم فالما بااااارد فعز الصيف وداك الاحساس الزوين كيتسارا فجسمو كلو
زياد (كيقيس فداكشي لي باين فصدرها وكيجبد ليها سوتيانات وكيدوي بصوت خفيييف يكاد يسمع)...بحال هادو
راسيل (مقدراتش دوي مع خاشيها فالحيط وحاط كل تقل جسمو الضخم عليها).. ااه
هود ايدو بشوية لفخادها وداز لطرمتها كيبجغ فيها بشوية 
زياد...وهادو
كتافات انها تهز راسها وتنزلو بمعنا نعم
هز واحد الرجل وشدها من المسعودة ولواها علي خصرو وبقا شادها بايدو والايد لخرا شد بيها ايديها وعلاهم ليها فوق راسها
زياد (كيدوز شنايفو الحلوين علي شنايفها الرطبييييييين كيهيجها حتي هو ماشي ساهل).. بغيتي
راسيل (مغمضة عينيها وجاهلة كليا ماهية داك الاحساس ولكن لي عارفة انها باغاه وبشدة الشئ لي خلاها تحرك راسها بالايجاب)..ااه
قرب كتر لشنايفها وبدا ايبوس فيه بطريقة حنينة فالاول عاد بدا ايدخل لسانو شوية بشوية حتي بدا ايتفلورطا معاها باحترافية وكل حركة مدروسة وعارف لاش كيديرها اما هي مسلما ليه راسها الي داب فيه حس براسو رجع بيه الزمن لدكراتو وطفولتو الزوينة لي عاشها مع والديه وكل مكيزيد ايجر ليها فشي شنوفة كيزيد ايتمدق طعم فشكااال وخا ايقلب عليه فالكون كلو ماشي غير الكالم مستحيل انو يلقاه

بدا اينزل من الشفة الفوقانية لتحتانية وايجرب فيهم بزوج وكيحس بيهم كيدوبو ففمو شعور لا يوووصف بقا هكاك حتي حس بالدم ففمو خلاهم ايستراحو شوية علي ميرجع ليهم ونزل ايبوس فعنقها وايشم فريحتو لي كيف المسك ولا ريحة ضاهيها وايدوز فايديه علي ضهرها بقا بشوية حتي حيد ليها السوتيان وهي مواعياااش مستمتعة خليه هو ايدير كلشي هزها عندو بالخف وتم غادي جيهت الناموسية حطها بشوية وهو كيبوس فيها مبغاش ايفارق شنايفو عليها بحالا تلاسقو ومستحيل انهم ايتفارقو نزل ايدو بشوية لتحت قاس بين فخادها لقا شي حاجة سائلة شاف لقا الدم (ههههههههههههههههههههههه جاتها خالتها والمصيبة اول مرة ليها)
هو غير شاف هكاك مبغاش ايحسسها بلي هي مقرفة ولي شي حاجة للانوببساطة هي انقي من اي حاجة ايقدر القاها شور حتي حيد بشوية بشوية وباقي كيبوس فيها حتي حيد من حداها باسها فوق جبهتها وناض وهي باقامتكية فوق الناموسية مشا هز جاكيطو لي فسخ وحل لباب وخرج هي شافتو خرج وناضت شافت تحتها لقات شي حاجة حمرا معرفاتش شنو هي بغات تنوض وهي تبدا تحس شوية بالوجع تخلعات مع الدم كتير كاع دوك العيمان لي مجاتها تجمعات عليها وبكترة .هو مشا لبيتو وكيحك فراسو الحمد لله لقاها غيكلي اما كون مرحمها حتي يصفيه ليها اليلة اصلا بزز باش شاد راسو دابا دخل لبيتو وهو ايلقا مايا كالسة بطريقة متيرة فالفراش كتسناه دخل لاح جاكيط وهو باقي اتر الصدمة مزال موعا من شنو عاد هادي 10 دقايق دابا هي بدات تعنق فيه وتبوس وهو مرفوع حسد بلا روح واحد شوية وهو ايسمع الدقان فيقو من سهو دفع مايا وخرج لقا راسيل واقفة عند بابو وكتقطر بالدم من لتحت
راسيل (هزات فيه راسها)..شنو هادشي درتي ليا
هو خرج عينيه وبقا ايشوف فيها

مايا (جات كتجري)..شنو درتيييييي اويلي شنو هادشي وشكون هادي (بقات حالة فمها فيها)
زياد..مايا دخلي لداخل 
مايا..زياد جاوبني شكون هادي وشنو بينك وبينها
زياد (شدها وزير عليها).. غدخلي ولا غادي نقتل مك دابا ختاري
دخلات وهو ايسد الباب بالجهد وشاف لقا راسيل قدامو وباقي كتقطر شدها من ايدها وجرها موراه وكيبان ليه خط ديال الدم حتال بيتو وها خط اخر راجع هههههههه دارت ليه علامات المرور.دخلها لبيتها وهبط مشا لغرفة صحية فيها الادوية وفوطاط صحية اي حاجة تقدري تحتاجيها مشا جاب مطهرات وجاب فوطة صحية وشي دوا ديال الوجع ومشا لواحد الخزانة فيها شي حوايج احطياطيين ديال راي فالطابق العلوي ورجع لعندها دخل وسد عليهم وقف قدامها شاف فالارض لقا رقعة ديال الدم واه هادشي كتير بزااف
زياد(بتوتر)..هاكي دخلي نقي راسك ولبسي هادي باش متبقايش غادية وتسيلي كيف السطل لمتقوب مالك مدوخة ملك شدي
راسيل (شدات داكشي)..كيف ندير ليه
زياد..اويلي واش نتي هبيلة ولا مال مك كيفاش كيف ديري ليه سيري ديري ليه كيف ما درتي مالي بنت ليك موالف نديرو
راسيل..علاش نتا مكينزلش منك هادشي بحالي
زياد..ادخلي ولا ندخلك فحيط مزيان تبارك الله وشدي لبسي هادو راه دافيين ليك
عطاها داكشي ودفعها جيهت الحمام دخلات وبقات تشوف فداكشي لبساتو ب 66 موصيبة عاد لبساتو وخا عوج وبدلات حوايجها وهي تخرج عندو شاف فيها وبدا ايسخر الكيطمة جاتها الزاز كل ترمة معزولة وحدها ههههه مشا جاب الدوا سل حبة ومد ليها دوا
زياد..هاكي شربي
راسيل..شدات الحبة خشاتها ففمها وطاحط تمضغ
زياد..لالالالا لا متمغغيهاش لالالا.... مغضاتها.واش نتي هبيلة الي شد مك شي تسمم راه كيتسرط سيري سيري تنعسي وكلت فيك الله
خرج من بعد مسد عليها الباب وخرج شاف داك الخطوطة دياول الدم بتاسم لا اراديا ومشا لشي جناح اخر فين اينعس شكون داها فمايا لي غادي تموت بالفقصة والسم

ارجعو لعند امينة 
امينة..وي شنو
مراد..مكنقولوش شنو كنقولو وي مسيو مراد
امينة (كتغبن)..وي مسيو مراد
مراد (كيطلع فيها وايهبط)..غادي ايوريك سعد اساسيات الخدمة معايانا اوكي بغيتك تنفديهم بالحرف
امينة (الي نفدت شي حاجة هاوجهي ها وجهك دبا نشوفو)..اوكي مسيو مراد
عيط مراد علي مساعدو الشخصي سعد وكفلو باش ايوريها كلشي خرجو من تما وبدا ايدورها الشركة هلي طلعها لمكتبها لي مقابل مع مكتب المدير دخلات وهي تفرررح اول مرة تحس براسها عندها قيمة لهاد الدرجة وراها بلي خدمتها الكاملة هي مراد شنو بغا شنو طلب وهي خاصها تنفد ومتعطاردش والا غادي ايتقتع لباباها الراس.بلعات ريقها وسنات واحد الكونطرا مخلاهاش تقرا شنو فيها غير سينات وصافي.مشا وخلاها باركة فالبيرو ديالها ومشا دخل عند مراد
مراد..امضرا سيناتها
سعد (مدها ليه)..وي مسيو سينات علي طواعيتها الكاملة ليك وبلي نتا ليك كامل التصرف فيها دير فيها لي بغيتي
مراد (بتاسم)..ايوا خلينا دابا نشوفو هاد قصوحية راسها فين اتوصلها معايا سير خرج دابا وحتي واحد ميدخل عندي
مشا خرج وخلاه حادر راسو علي شي ضواسا خدام فيهم حتي عيا او صونا ليها تجيب ليه قهوة هي فديك الوقيتة مكان عندها ميدار باركة تضرب فالسيلفيات غير صونا عليها او هي تنقز من فوق لبيرو طاحت
امينة..الووو اهئ اهئ
مراد..مال مك شكاين
امينة (وقفات بالزربة)..والو مكاين والو احححح
مراد..جيبيلي قهوة تعطلي نحرك
قطع عليها ومشات تجري لعند سعد تقلب عليه باش ايوريها كيفاش قهوتو مي ملقاتوش توكلات علي الله وصاوباتها كيف موالفة ودايها ليه ورجليها كيقفقفو دقات ودخلات لقاتو حادر راسو حطاتها ليه جات خارجة كتبغي تحل لباب مكيتحلش (مراد سدو اوتوماتيك)
مينة (كتجر فالباب وتخاسم بشوية)..تفو ملقيتي نتا ايمتا تعكس غار دابا تا تحل قبل ايجمعها معايا اوووف

لاح ستيلو لي كان فايدو وتكا علي الكرسي وبقا ايشوف فيها مدابزة مع الباب باش تحلو حتي عيات او هي توقف خدات نفس عميييييق ودارت عندو لقاتو عيلعب بستيلو او كيشوف فيها ومطلع حاجب ومنزل الاخر طريقتو فاش جالس زوينة بزاااف وفنفس الوقت كتعطيك احساس بلي مناويش علي خير من موراها
امينة (بلعات ريقها لي نشف وكدور فعينيها).. وحلنا هنا لباب تسد
مراد(مالك حمارة مالك ههههه ولكن زوينة هكا).. همم ايوا شتي دابا خليني نشوف بعدا هاد القهوة كيف هيا علي بين ميحلو لينا الباب
هزها وهي غاد متبعا خطواتو وغادي تلقها فحوايجها كتقول صافي ليوم نمشي فيها خدا منها رشفة شربها وشاف فيها وحطها دار ليها بصبعو زعما باش تقرب غير شافت هكاك صافي دااابت بدات كتقرب شوية بشوية وكتقول مشيتي فيها كفتة يا امينة قربات ليه ووقفات حداه دار وهز فيها راسو 
مراد..من ليوم هكا اتولي تديري قهوة وخا بدلتيها بدون ادني ولكن هكا بغيتها
امينة (فرحات حيتاش عجباتو).. عجباتك
مراد.. مبيهاش سيري دابا لخدمتك راه لباب كيتسد اوتوماتيك الهبيلة
امينة (ويلي ويلي علي شوهتي تقول نازلة من كوكب زحل تفو عليا)..اوكي مسيو مراد
جات دايرة تمشي هز ايدو تال لفوق وهو اينزل علي ترمتها علي تهزات شداتها وهي دور عندو
مراد..متبقايش تكوزي لشي ولد لقاف ولا نح**ي مك دوي فحالك
امينة(سير بغيت ليك الحكة وقلت ضفار تفو عليك قسحتيني).. الصمت
حدرات راسها وخرجات تجري مشات لبيرو ديالها وطاحت تركل تقسحات بزاااااف مشات سدات عليها لبيرو ديالها وسدات شراجم فسخات الشورط بقات غير بسترينغ وكلو مشبك مفراسهاش بلي سيهم مراد بارك كيشوف فيها من البيرو ديالو ومتمتاااع علي الخالص غير هو كيتحكم فراسو للانو مدازش عليه لقليل وخا هادي هاد المرة غير كن اي وحدة جاب ضوسيها وعرفها بلي حتي واحد عمرو قرب ليها ومع هاد الخير كلو ولا ديالو مفيها باس ايتسني شوية باقي علي خبيزتو حتي طيب .سد لباب تاني اوتوماتيك ونزل الشاشة وبقا ايشوف فيها وهي كتحك فلبلاصة فين ضربها ودارت ليها واحد لكريم وهو غير مبتاسم صافي حسات بيها بردات وهي تلبس شورطها قادات مكياجها وهي ترجع تكلس بلاصتها وتخربق فضواسا بقا حاضيها حتي شبع ورجع ايكمل ضواساه

وصلات 6 ديال لعشية الموضفين بداو كيخرجو هي سالات ومشات جيهت الاسانسور كتسناه اينزل من الطابق العلوي واحد شوية او هو ايتحل بان ليها واحد الشاب فيه طويل وملامحو زوينة هو غير شافها عجباتو ودنا لجنب باش تطلع
عاد طلعات فيه او هو ايبان ليهم جاي مراد مع رجالو شاف فيها وشاف فالموضف طلعو ونزلو وطلع حتي هو فالاسانسور وطلع معاه سعد وواحد الكارد شد امينة من ايدها وجرها من لور جابها قدامووبقا واقف موراها وكيشم ليها فشعرها قرب ليها وهمس فودنها(لقا مك دوي مع شي زامل فهاد الشركة راك عارفة شغادي ايوقع ليك هاني علمتك)
هي شداتها التبوريشة من صبع رجلها صغير وبدات تفيبري حس بيها وبعد شوية تحل الاسانسور وبحالا تحلو ابواب النجاة بالنسبة ليها جات خارجة وكتسارع فخطواتها معقلات حتي خرجات بالزربة وهو غير تابعها وكيشوف لقا سيارتو كتسناه حل ليه السائق ركب وهو وياها ومشاو الكارد بالزربة ركبو فسياراتهم وتحركو من تما بعد ربع ساعة وصلو للقصر دخلو وهي تهبط بالزربة مشات تجري طلعات لبيتها هو مداهاش فيها حتي هو طلع لبيتو ودخل ايدوش اما هي فمشات دخلات لبيتها سدات عليها فسخات حوايجها وهي دخل تحت الرشاشة وبقات تكب عليها فالماء وتحاول تستوعب شنو باغي منها بالضبط وعلاش كيتصرف هكاك مكتجمعهم اي علاقة وكيتحكم ليها حتي فنفسها اما كون كتجمع بيناتهم علم الله (اودي غير سيري علي الله راك وليتي من ممتلكاتو ومفخباركش) خرجات من الدوش مشات جيهت الخزانة لقاتها مضروووووبة بالحوايج دارت لقات واااحد لبلاكار فواحد الملحق للغرفة عامر اخدية بجميع الانواع هلي فالجنب المجوهرات والاكسسوارات ومكياج روايح حقائب اي حاجة تقدر تبغيها بقات شوف فداكشي وتقيس فيه عجبها بزاف (سر سعادت اي بنت ههههه) مشات نشفات شعرها ومدارت لا مكياج لا وااالو اصلا ملاميحها بارزيب بلا مكياج لسات تريكو طويل بحال بيجاما وشورط قصيييير تحت منو ومع تريكو طويل كيبان بحالا لابساه غار وحدو جمعات شعرها رشات ريحتها وهي تنزل غادي تمووووت بالجوع هوما فاش نزلو ايتغداو هي منزلاتش بقات خداما فشي وراق صافي هبطات وهي تمشي قاصدة لكوزينة ديريكت

امينة..سلالالام
الخدامات..وعليكم السلام
امينة..فيا جووع بغيت ناكل بليز
كوتر..مرحبا الالة كلسي دابا نوجد ليك متاكلي
كلسات امينة علي بين متوجد ليها كوتر شي حاجة وبداو زوج خدامات ايتوشوشو عليها
امال..وهااانتي خلاني انا ومشا عند قحبة رجال الدنية كلهم دازو عليها
سارة..نتي شغتي راسك مالو غيديها فخديديمة
امال..ومالو داها فقحبة
سارة..متحكميش علي الناس من المضاهر علم الله شنو دفعها حتا ولات هكاك
امال..شوفي شتي هاديك الي بقات هنا هابيا ولا بيها وهاني فين قلتها ليك
تسناتهم امينة حتي وجدو ليها متاكل حطوه ليها ودخلات فيه عمية تاكل وتعاود وهوما غير كيشوفو فيها كاين لي عجباتو كاين لي عاتيها تيساع وكاين لي ناوي علي خزيت معاها وغادي ايلقاها حسات بلي غادي تفركع الي زادت شي حاجة ناضت شكراتهم ومشات طلعات لبيتها مبانش ليها مراد هزات تيلي ديالها وصونات لسارة 
امينة..نكارت لخير ايغيب عليك باندم نهار تنسايه ولا
سارة..بنادم كيقول الو سلام عليكم ونتي مسبكة خزيت
امينة..مال مك متسولي فيا واش ميتة ولا حية
سارة..حتي نشوف راسي انا بعدة
امينة..مالكي اوو شواقع غير غبت نهار زبلتيها ولا
سارة..بدر راه ناعس فبيتك بليز متخاسمينيش
امينة..اويلي شنوووووو وشكيدير فبيتي
سارة..جا معايا لبارح فاش بتانا نقلبو عليك نتي و راسيل صافي عيا ودخل اينعس واحد شوية وايفيق بليز متخاسمينيش
امينة (تنهدات)..اودي غير خليه علم الله شحال انبقا هنا
سارة..علاش شواقع
امينة(عاودات ليها كلشي)..وباااينة انبقا هنا معاه
سارة..ههههههه هو لي ايليق ليك ايوا اختي خرجي من هاد تكرفيص ديالنا حسن ليك معاه
امينة (شافتو داخل باينة كان خارج كيدير سبوور)..قطعي قطعي تال من بعد او نكملو هاهو جا سلامة
سارة...تهلاي فراسك بسلامة

جاي مقرب ليها وكيحيد لكيت داز من حداها معبرهاش وهي عينيها خرجو فاش شافتو هكاك شعرو فازك بلما لي كبو عليه والدباردو كيبين عضلاتو بقات غار كتشوف هو دخل وهي مشات كلسات حدي لابسين وبقات كتبقشش فتيلي حتي عيات وهي دخل مشات لقاتو فالصالون كالس وهاز التابليت ديالو كيخدم فيها مشات كلسات وهو غير كيشوف فيها بجنب سكتات حتي عيات او هي تنطق
امينة.. بغيت نمشي لداري
مداهاش فيها بحالا كاع مدوات هي تعصبات من لامبالات ديالو وهي تعاود قالتها او والو مكيسمعش شافت حتي عيات او زغب عليها الله مشات حيداتلو الطاب او بقات واقفة معفرة قدامو
امينة..ماشي انا لي ندوي ومتعبرنيش كتفهم من الاداب الي دويت تسمعني وتجاوبني ماشي تنخلني
مراد..دايرة ليا فيها العفراء اري زمر وتحناي طلبي سماحة
امينة (مصدومة من شنو قال)..واش نتا فيو ولا مالك راه قلت ليك ايمكن شنو عندي انا غير مساعدتك معندكش الحق دير هادشي لي كدير وخا ولا راه مغاديش ايعجبك الحال
مراد..اري لخرا ونزلي عتادري
امينة..والي مبغيتش
مراد..اخر مرة غنقولها اري الطاب ونزلي عتادري
زاد عصبها حتي صافي شدات الطاب وهي تردخ بيه حتي ولا كلو شقيفات
امينة..شوف نقول ليك زوج كلمات ماشي انا لي تعفط عليها برجليك وتزيد وماشي انا لي تقول ليها تحناي وتحنا مكنخاف الا من لي خلقني ووخا دير لي بغيتي تنحرني كيف كتقول عمرك تحلم اني نزل عند رجليك
مراد..كملتي ايوا خليني نقول ليك حتي انا زوج كلمات شتي دوق لوريقات لهيه سيري قراي شنو فيهم وديك الساعة نشوفو واش غادي تبقاي علي رايك
مشات علي وعدها وسعدها هزاتهم مع كتقرا وكتحس بالبرودة كتسارا فكل جسمها لقات راسها ماضية علي طواعية حياتها وحياة باها وحياة سارة ليه هي مهمهاش راسها قد مهمها باها وسارة لي مليهمش دنب وخا باها هو لي دخلها لهاد المصائب كلها ولكن متقدرش تكرهو راه باها.نزلو دموع من عينيها صافي حياتها مشات منها شورات حتي حطاتهم ومشات وقفات قدامو مسحات دموعها وهي تنزل علي ركابيها حدي رجليه هو داير رجل علي رجل شور حتي حيدهم ونزل شدها بايدو من دقنها
مراد (كيدوي ليها فودنها)..فراسك اخر واحد هز فيا غير عينيه راه كلاوه دياب لي مبغيتكش تشوفيهم اما نتي فهزيتو صوتك وايديك وكلك داكشي علاش تبتي حسن ليك قبل مندير فيك شي حوايج تحير فيهم البشرية اوكي حبيبتي (هزات راسها بالايجاب) ودابا نوضي وجدي ليا لعشا من ايدياتك
ناضت من تما وهي منهارة ومعارفاش بلي هادشي لي دخلات فيه كبر عليها وكبير بزااااف

** عند راسيل**
فاقت صباح وفيها لموت ديال جووووع مشات دخلات لدوش غسلات وجها وشعرها باقي مخربق مداتهاش فيه لاحت عليها تريكو وهبطات تقلب علي متجغدد لقات كولشي نااعس الا الخدم نزلات عندهم للكوزينة ولقاتهم كيوجدو فلفطور وبدات تخطف معاهم فالكوزينة وتعكل فيعم معاونتهم مخلاتهم حتي داقت الشكلاط وهي تمشي تهز القرعة ديال نيتيلا ومشات تجري تخبات تحت دروج وبدات تخشي فوجها وتلحس هوما عياو ايقلبو عليها ملقاوهاش وخافو زياد ليخاسم جا من سبور وناضو لبنات باش ايفطرو تجمعو علي الطابلة وهي مكايناش
زياد..دادا فين هيا راسيل
دادا فاطمة (بتوتر)..والله معرفت هزات قرعة شكلاط او طارت معرفت فين مشات
زياد(ضرب فالطبلة)..كيفاش طارت واش حماقيتو 
عاد غادي ايبدا ايسب فيهم وهي تبان ليهم دايزت من حداهم وتلحس فالقرعة بقاو كيشوفو فيها هزات راسها فيهم ولقاتهم كيشوفو فيها
راسيل (كتخرج لسانها تلحس شنايفها)..بنين دوقو شوية
زياد..واش باغا تحمقي دين مي مالك هبيلة مالك
جات نازلة مايا وسمعات صداعهم شافت راسيل وهي تبقا مبلقة عينيها
مايا.. شكون نتي زياد شكون هادي
زياد..خليك بعيدة عليها راها زان زان
قالها وكلس معصب اما لبنات فماتو عليها بالضحك شدوها كلسوها حداهم ومايا اتموت بالفقصة من جمالها وعلاش زياد مهتم بيها لهاد الدرجة بداو ايحطو ليها متاكل وغير كيبغيو ايحيدو ليها الشكلاط وتخرج عينيها وايتخلعو وايردوه ليها حتي نشفاتهم زياد ناض مشا لشركة وتبعوه الكارد اما مايا فسالات وهي طلع لبيتها تلبس مايو باش تهبط تعوم لبنات سالاو وطلعو مع راسيل لبيت

راي..حبيبتي كيف صبحتي
راسيل..نتوما مشيتو وخليتوني حتي جا عندي زياد
صبا..ايولي شنو جا ايدير وفليل (قرصات راي)
راي..اححح مالي انا لي قلت ليه ايجي عتيني بتيساع
راسيل (عاودات ليهم كلشي داكشي لي دارو ليها)..وعتوني شكلاط
راي..واكواك واش هادي نازلة من شي عالم اخر
صبا..هههههههههههههههه وامي كرشي شتي جدي لي فلقبر ايشوف هاد الخير ايقيم وخا كلاه ليه الدود محساك زياد
راي..هههههههه غير سكتي خويا دائما كيبان قاصح عمري تخيلت نشوفو هكا والله هههههههه
راسيل..وبغيت شكلالالاط
راي..كليتي قرعة نيتيلا كلها ومزال بغيتي واش مكتشبعيش
راسيل..بغيت شكلاط بغيتووووووو
صبا..صافي صافي نتي بقاي معاها انمشي نجيبو ليها باش نمشو للمعهد راه تعطلنا
راي..سيري انا انبقي معاها
مشات صبا جابت ليها شكلاط او وصاوها متخرجش باش متلاقاش مع مايا ليصدقو شاعلين فالقصر ومشاو بدلو حوياجهم
كل وحدة حلقات علي الحالة جات طوووووب خرجو ركبو ففيراري كحلة وزادة جهة المعهد بلاصاو الطوموبيل ومع صبا لي كانت كتسوق وراي كيف العادة كتلاهيها بالهدرة معقلات حتي زدحات شي حد نزلات شاعلة مع لفيراري عاد شراتها ديالها جديدة نزلات ساخطة بدات تخاسم ومزال كاع مشافت شكون مشات جيهتو دقال لو فزاج ديال سيارتو بي ام دابليو اخر موديل هبط الزاج فيمي ووهي تحل فمها شهاد الجمال واقف قدامها اححح علي تيتيز
صبا (ميمتي واش نتا حقيقي)..راك ضربتي ليا طوموبيلتي مكتشوفش
اياد..كنضن بلي نتي لي مكتشوفيش شوفي لهيه
دارت لقات بلي هو لي عندو الحق ايدوز قبلها وحمااارت مرضاتش
اياد..كديروها وفاش كتعرفو الغالط منكم كتحدرو ريوسكم علي كل الله ايسامح .طلع الزاج وخلاها غادي طرطق بالفقصة علاش تا يهضر معاها هكاك رجعات لاحت سوارت لراي هي لي بلاصات وخا الطوموبيل فيها غير خدش صغير نزلو ومشاو دخلو للمحاضرة وفاش كانو خارجين عيطو عليهم صحابهم مشاو للمكتب ديال شهاب لي غير شافتو راي وبقات حالة فمها بحالها بحال جل البنات ولكن مكانش وحدو كان معاه داك لي ضربو طوموبيلتو قبيلة
شهبا (كيدوي وكيبتاسم فوجهم)..بغيت غير نقول ليكم بلي الرحلة اتكون غدة انشاء الله مع 6 ديال صباح غادي نشدو طريق بغيت كلشي ايكون عندي هنا قدام المعهد مع 5 ديال الصبح وجيبو معاكم حوايجكم تحسبا للاي وضع للانو ايمكن نجلسو كتر هدا من جهة الامر تاني لي بغيتكم فيه هو انو اينضم لينا عضو اخر ولي هو خويا اياد عاد جا من بريطانيا وغادي ايمشي معانا
لبنات بقاو حالات فمهم اما صبا فمن ناحية حمقها ومن ناحية حالفة حتي ترضها ليه علي شنو دار ليها

نرجعو لعند راسيل بقات تاكل بشكلاط حتي سالا وهي تنوض طلات من البالكون بانت ليها مايا كتعوم مكرهاتش حتي هي تدير بحالها ولكن اتفضح فالاول نفدات شنو قالو ليها لبنات ولكن مقاتش تكلس هبطات للتحت شعلو ليها التلفازة وبقات تفرج فتوم وجيري وتضحك والخدم بلعاني كيتحججو اينقيو الصالون غير باش ايشوفو ضحكتها لي كتسالي معاااهم.سالات وهي تمشي كلسات حدي دادا فالكوزينة 
دادا فاطمة..بنتي بغيتي شي حاجة نوجدها ليك
راسيل.. لا مبغيت والو بغيت نعاونك
دادا فاطمة..ههه فاش ازوينة فاش بغيتي تعاونيني
راسيل..لي بغيتي نديرو ههههه
دادا فاطمة..وخا لي بغيتي ولكن متقوليهاش لزياد ايخاسم
راسيل..صافي
بدات توريها كيفاش دير حتي طيب وتعجن العجينة باش ايقادو بيها شي معجنات هي مع مقللة الدقيقة ومكترها الما بدات كتلس ليها فايدها مشات دارت لقات دادا مشغولةكتقطع فالخضر والخدامات كلهم ملاهيين كيجمعو فالقصر لي كبيييييييير مشات جيهت الروبيني باش تغسل ايديها مبغاش ايتحل ليها وهي تضربها بجربة خرجات ومشات لابسين حدرات علي ركابيها وهي تمد ايديها تغسل فيه لعجينة شافتها مايا وهي تخرج عينيها
مايا..هيييييييييييييه شنو كاديري
راسيل(شافت فيها وشافت فايديها)..كنغسل ايديا
خرجات مايا من لبيسين بالزربة وهي تمشي شداتها من ايدها وحسات بحالا ضربها الضو نفس الاحساس لي كينتاب اي واحد قاسها
مايا..شوفي شتي نتي ومبعدتيش من خطيبي والله حتي نوريك شكنسوا وهاني علمتك
راسيل (باستغراب).. شنو كتسواي
مايا (مخرجة عينيها)..وكتزيدي فيه.جمعات ايدها حتي لفوق وهي تنزل عليها لوجه راسيل بقوة الصفعة طاحت للارض 
هنا جاو دخلو لبنات او شافو راسيل طايحة او مايا شادة ليها فشعرها كتهددها ضربات صبا واااااحد لفران وهبطو كيتجاراو راي مشات عند راسيل وصبا شمرات علي ايديها وهي تعتي ل مايا بواحد البونية ولاحتها تاني فلابيسين(لبنات كيترينيو وصبا بزاااف داكشي علاش هي ومايا دايمن مشادات كتر من مكتشاد مع راي)
صبا..بربي باقي تحطي ايديك يهاد كلبة زناقي عغلي البنت حتي نوري لمك الوجه لاخر وختابري صبري وتشوفينا فين انوصلو

خرجات مايا من البيسين وجات جيهت صبا للانو مايا وهلييييي شنو هو سرها من مور عارضة ازياء كاين واااحد الشيطانة
مايا ..شنو كيتسحاب ليك راسك نتي لي دارباني علي ود هادي
صبا...ايييييييييييييييييييوا علي هادي شوفي اتسحابي راسك خطيبة زياد غادي طلعي لينا فوق راسنا بربي حتي ندفنك هنا
مايا.. انا لي لدابا صابرة عليك مبغيت نقول والو لزياد عليك نتي وختك 
صبا شافت فراي كيتسحابوها عارفة سرهم
مايا..نتي وياها كنتو كتعاطاو تسحابو مفخباريش
راي.. داكشي فااااااات وكانت نزوة ومشات فحالها
ناضو لبنات دخلو راسيل لي وجها مصورة فيه ايد مايا وداوها لبيت بقاو معاها وهي كتبكي حتي نعسات هبطو لقاوها كالسة كتشكي علي زياد وهو حماار بالاعصاب
زياد..فين هيا راسيل
راي..عمراتك علي البنت ماشي هاديك اللفعة هي لي ضرباتها حتي لاحتها
زياد كحل بلعما فاش سمع هكا ودار عند مايا
زياد..علاش ضربتيها
مايا.. والله مضربتها هي لي طاحت وحدها وفاش جيت نعاونها وجاو بداو ايخاسمو عليا
زياد..هاد الصداع ديالكم انا ضرني فراسي واش مكتقاداوش فينا هي راسيل دابا
صبا..راها ناعسة فبيتها (كدوي وكطلع وتهبط فمايا)
خلاهم زياد وطلع عندها دخل لقاها ناعسة وشعرها مليوح علي وجها هزو عليها وشاف ايدين مايا باقين مرسومين فوجها للانو بشرتها بيضة بزاااف ورطبة بقات لاطراس زير الي ايديه وبدا ايتحلف عليها باس راسيل بشوية ففمها وقاد ليها لغطا ونزل عندهم بلا كلمة ولا زوج هز ايدو او هو اينزل علي مايا
زياد..لقحبة يماك اخر مرة تقيسيها ولا ندفنك حيا فهمتييييييييييييييييييييي
مايا هزات راسها وعينيها كيدمعو اما لبنات بقاو غير حالات فامهم ومصدومات اول مرة كيمد ايديه عليها وخا كاع زبايل لي كدير.بقا كينهج جاه اتصال وهو ايخرج ايجاوب شاف لقاه مراد
زياد..وي مراد شنو
مراد..مالك اصاحبي شكاين شتك كتنهج
زياد..مشاكيييل حتي نشوفك ونهضرو ونتا مالك بنتي ليا ماشي تال لهيه
مراد..اودي هضرا خرا هاديك علي كل غدة عارض عليك لعشا جي بغيت نعرفك علي واحد الشخص وجيب معاك تا مايا
زياد..اوكي غنجي ولكن مغنجيبش مايا 
مراد..لي بغيتي اصلا مكنحملهاش تهلا نشوفك غدا
زياد..بسلامة

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki