حورية البحر المجنونة الجزء الثالث

رواية حورية البحر المجنونة

بقا غالس فالحديقة وكيضور علي بين مريح تفطيرو شوية وعاود دخل لقاهم غالسين فالصالون وكل وحدة وفين كالسة ومخشية فتيلي ديالها دخل كلس عيط علي الخدامة جابت ليه قهوتو وبقا خدام فالبيسي ديالو ومركز حتي بداو البنات ايتناغزو 
صبا (كتغمز ليها بعينيها) ..بست بست قوليها دابا قولي قولي
راي(كتخنز فيها)..شششش صافي انقولها
شافتهم مايا وهي تنطق...ايوا الي عندكم شي حاجة قولوها لينا حنا كنسمعو بلاصة تبقاو تغامزو علينا
هز زياد راسو وشاف فختو وصبا لقاهم صفرين وكيشوفو فيه كيخلعهم كيسالي معاهم مكيخليهمش ايتململو اصلا هدا هو طبعو مع كلشي وعرفوه الي مشا حتي تعصب ايحرق الدار بلي فيها وميعقلش
زياد(رجع حدر راسو علي البيسي)..وي كنسمع
راي (هايما ربحة ولا دبحة).. بغينا نسافرو يوماين لشاون مع صحابنا وماطرين من المعهد
زياد..لا
صبا..علاش شوف زياد بليييييز غير هاد المرة والله منعاودوها عفااك 
زياد..قلت لا هي لا
راي..خويا دابا علاش مبغيتش والله متوقع شي حاجة كون هاني حنا قادات بريوسنا والا علاش داك المدرب معانا 3 ايام فالسيمانة
زياد..شتي الي وقف عليكم غير شي واحد من بحال الكارد ديالنا مشيتو فيها 
صبا..جربنا وتشوف
مايا..زياد عندو الحق كلسو فالدار حتي تبغو تخرجو او نخرجو كاملين (بغات تكفسها عليهم)
زياد (شاف فيها)..سكتي نتي
ناضت بالتنفيض مشات لبيتها مرضاتش ايقمعها قدامهم مموالفاش ليه
راي (عبر عليك).. زياد بليييز عفاك اهئ اهئ عارفة انا من فاش مات بابا وماما سافرات وليتي محرمها عليا (ايوا الله ايمسخك عاطيك لحرية لي معند اي وحدة) 
زياد..اووووف سكتيني ضريتيني فراسي صافي بلا هاد الديسك ديالك سيرو ولكن بشرط نقسم ليكم بلي خلقني وخلقكم نسيق بلي درتو شي حاجة ندفنكم حياة عارفيني ياكو
صبا..حلف حلف هههههههههههههههههه
راي(عنقاتو)...نتا احسن اخ فالعالم مواااح (باستو فحنكو)
صبا (حتي هي عنقاتو)..حيدي من خويا ماشي غير اجي وكون مسيو زياد بن ال راشد العلوي لي كلشي كيبغيه موااااح(باستو حتي هي)
وهنا جات الكارتة ديال راسيل وشافتهم فنضركم شنو غدير ههههههههههه
هبطات راسيل وشافتهم طايحات عليه وايبوسو فيه وايعنقو وهو حاضنهم وكيضحك بقات تشوف فيهم وتشوف فجنابها يمين ويسار دارت شافت اللور بحالا كتقلب علي شي حاجة عاود شافت فيهم شافت فراسها (بحال شي هبيلة هههه كتحلل الوضعية باش تهجم ههه) شورات حتي فسخات بانطوفا ديالها وهي ضربها بجرية وشعرها ايطاير فالهوا شافوها جاية وهربو لبنات طاحو فالارض حتي حسو بضهرهم تشقق هربو زحفا مكاين فين اينوضو اتخلطهم معاه زياد بقا ايشوف فداك الخير ايترفد وايتحط وخرج عينيه عطرات مع رجل الطابلة وهي تجي جالسة فوقو وشنايفها حدي شنايفو وعينيهم فنفس المستوي بقا كيشووووووف فعينيها لي كيهبلو خداو لون جديد فاش قاست الما قبل ضربها مايا صدرها كيتهز بالزربة وقلبها كيضررررب حس بيه والي زاد الكارتة ريحتها لي داب فيها لبنات دارو كيشوفو فبعضياتهم وكيشوفو فيهم
صبا (كتمتم)..ششت شتي شتي شنو كنشوف
راسيل بقات تشوف فيه عجبها بزاااف عن قرب هزات ايديها البيضين الصغيورين الرطيطبييييين شدات فيهم وجهو او كتحرك صباعها هو غير مخرج عينيه ممتيقش تخدر بالكامل قربات ليه وفلحضة لقات شنايفها معاه حلات عينيها كتسناه ايدير شنو دار ديك المرة(ههههههههه مفروحة هادي عجبها الحال بغاتو ايعاود) بدون شعور سد عينيه وحاوطها بايديه الكبااار زير علي خصرها وعصرها لجيهتو حتي حس بعضامها تداخلو مابيناتهم وتجمعو تسحلي داك الاحساس وبدا ايخشي لسانو ففمها وايدورو وايخشي شنوفة كلها وايرضعها خشا ايديه تحت تريكو دلكيطمة او بدا ايتسارا فضهرها لبنات من شدة الصدمة جرات وحدة الاخرة وناضو ايجرو عمرهم شافو هادشي عن قرب او جربوه خرجو عاد ايسدو لباب وقفات عليهم مايا كانت داخلة تاني (معندها نفس) شافو فبعضياتهم ودارو ضحكة شريرة
صبا..حبيبتي مايا دائما كتقولي لينا شحال زياد كيموت فيك
مايا(بغات تبان عليهم).. اكييييد ميقدرش ايعيش بلا بيا غير هاد الفترة معصب دابا ايرجع ايدوب فاحضاني
راي(بغات تفركع بالضحك وحلات ليها لباب)... تفضلي هادي مفاجئة منا ليك ههههه
حلو لباب وهي تشوفهم مايا لقاتو قالبها تحتو وكيلحس ليها فعنقها ومخدر بالكاااامل معاقلش شنو كيدير الحاجة الوحيدة لي عارف انو باغي اياكلها
راي(همسات ليها فودنها).. مكنضنش كيبان ليا دااايب فاحضان وحدة خرا ههههه

مايا خرجات عينيها مزيااااان كانت الصدمة قوية او بزااااف كانت اطيح كون مشدات فالحيط
صبا(كتشفي)..احم ايوا باينة كيبغي ودااايب مي ماشي فوحدة ضل تجبد فكمارتها وتعري لحمها للعادي والبادي كيعشق وحدة بجامالها الطبيعي ولي لا يضاهيه جمال برائة وعفة وهايهة قدامك خضري عينيك
زياد سمعهم وحبس ناض من علي راسيل لي كانت منساجمة معاه وخا معارفة والو لاح عليها جاكيطو وغطا بيها صدرها العريان لي كان كيرضع فيه للانو قطع ليها تريكو شهوتو كان كبيرة بزااااف جا بالزربة جيهتهم خرج وسد الباب وخلا راسيل لداخل 
زياد(كيدوي وساخط ناوي علي خزيت تاني مرة كيرغب بيها لدرجة كبيرة وميقدرش ايقيسها كيف بغا)..اش هاد لخ** مالكم تاني اش واااااااااااااااقع(غوت حتي جاو الخدامات ايجرو حتي هوما ايشوفو شواقع)
راي وصبا مشاو كلسو فدروج وبقاو ايشوفو
مايا (ناضت من الارض ودضرب ليه فصدرو)..غدار اهئ اهئ كتخوني مع كلبة ملقطة
زياد(مبغاش ايدربها شدها من ايدها وزير عليها)...عاودي شقلتي عاااااااااااودي
مايا..اهئ اهئ ايه ملقطة فضلتيها عليا انا لي كلشي ايتمناني وهاديك ممعروف لا اصلها لا فصلها اهئ اهئ علالالالاش شنو ناقصني انا شنو بغيتي ومعطيتوش ليك
زياد..مايا جمعي راسك معايا الي عقلتي قلت ليك فاش كنا اخر مرة فبرلين بلي حنا سالينا بديتي كتغوتي وكنتي اتنتاحري عقلتي ولا نعقلك اااا
مايا..اهئ اهئ زياد شوف (شدات فايديه وعينيها كلهم مجلخين بالكحل ولات بوعو) انا كنبغيك اهئ اهئ نموت ومنخليكش اهئ اهئ والله لا فرحات بيك
زياد..حيدي مني دابا عاد عرفتي الله مايا كلشي سالا
مايا (كتغوت)..بسبابها اهئ اهئ هي لي سحرات ليكم اصلا مستحيل تكونب داك الجمال كلو داكشي غير مصطنع هي سحارة اهئ اهئ
صبا...السحارة هي نتي خلي عليك البنت فتيقار
زياد..صبااااااااااااااااا سكتيني
مايا..اهئ اهئ كلكم كدابا ستغليتي حبي ليك باش تهيني
زياد..مايا لي عندي قلتو كلشي سالا
مايا..والله حتي ندمكم اهئ اهئ
قالتها ومشات تجري طلعات لبيتها جمعات حوايجها بالزربة او هبطات تخبط بلفاليز شافت فيهم كاملين وخرجات ركبات فطوموبيلتها ومشات

طلعو لبنات لبيت راي وبقاو كالسين كيفكرو فهادشي لي وقع واخيرا تهناو من مايا وناضو اينقزو اصلا مكيحملوهاش ولكن تستاهل هي مكتبغي حتي واحد من غير راسها اما زياد فغوت علي الخدم وكلا مشا ايجري لخدمتو ورجع دخل لقا راسيل لابسة جاكيطو وكتشوف فيه دخل مد ليها ايديه شدات فيه او طلعها لفوق دخلها لبيتها ومشا لبيتو وتلاح فوق الناموسية كيفكر فهادشي لي كيوقع ليه من نهار دخلات راسيل لدارو
بقا هكاك حتي نعس اما راسيل فمشات عند لبنات لقاتهم كيجمعو حوايجهم
راسيل..فين غاديين
صبا..غاديين فكايشن يوماين لشاون
راسيل(كتشوف فيهم مفهماتش)..كيفاش
راي..غاديين نمشو لواحد البلاصة زوينة ندوزو فيها واحد يومين هادو (اشارت ليها بصباعها) ورجعو 
راسيل..وانا
صبا(كضحك)..هههه اتبقاي مع حبيبك زياد
راسيل.. علاه زياد حبيبي
راي..هادشي لي بان ليا هههههههه
راسيل.. ههه انبقا نقول ليه حبيبي ولكن انا بغيت نمشي معاكم دوني حتا انا
صبا..زياد ميبغيش
راسيل..انطلبو
راي..ميبغيش انا لي عارفاه
صبا..راسيل عندها الحق زعما الي طلبناه ايبغي
راي..مشفتيش شنو دار لينا فاش خرجناها بلا علمو كان ايصفيها لينا محساك دابا تسافر معانا هيا باغا تبقاي فالدار
صبا..اه عندك الحق صافي شوفي راسيل هاد المرة غير نبغيو نسافرو مجموعين وندوك معانا صافي
راسيل..لالالا بغيت نمشي معاكم
خرجات تجري مشات لجناحو
راي..اجي راسيل اجي
صبا..خليها اتكون مشات عندو
بقات تجري حتي وصلات لجناحو بقات الدق مع مبقاتش عاقلة علي الكود ديال باب غرفتوعيات مدق والو جمعات قبضتها ضربات لوحت المفاتيح حتي تبجغات وتحل لباب ودخلات تجري عندو دخلات لقاتو ناعس علي كرشو فوق الناموسية وهي تمشي تجري وتلاحت عليه فاق مفزوع حتي طاح من الجيهة الاخري
زياد (كيحك فضهرو تقسح)..اااااااااو وششش البقر شكاين هرستيني
راسيل..بغيت نمشي
زياد..سيري را لباب قدامك
راسيل..شكرا هههههههه
مشات تجري او هو عاد ساحت معاه وتبعها شدها عند باب الجناح
زياد..صبري صبري فين غادة
راسيل..مع راي وصبا ههههههه
زياد..تكمشي لا
راسيل..عافاك بغيت نمشي غادي نبقا وحدي الا مشاو
زياد..بنت ليك انا باب هنا
راسيل..ونتا كتمشي معرفت فين كتمشي وكنبقا انا وحدي
زياد..كنمشي نحني انا راه كنمشي خدام وزايدو هادي اخر هضرة لقاك معتبة الباب هاد رجيلات زوينين نحيهم من بلاصتهم (كيشير ليها لرجليها) ختاري
راسيل (شافت فيه وشافت فرجليها)..الي حيدتيهم مغاديش نقدر نمشي
زياد..ايوااا ختاري
راسيل..انا بغيت رجلي وبغيت نمشي
زياد..كلسي ونعطيك شكلاط اصلا غدة غادي نديك معايا لواحد لبلاصة
راسيل..بصح بصح فين ههههه
زياد.. بقاي معايا وتعرفي
راسيل..صافي هههه
مشات تجري لعند لبنات وهو بقا ايشوف فيها بحالا كيربي دري صغير عندو فالدار خاصو ايواعدو بحاجة الي بغاه ايبقا ساكت وداير عقلو تكا علي الحيط او حس بشي حاجة دكاتو شاف لقا جهاز التحكم مهروس
زياد..راسيييييييييييييييييييييييييل

**عند امينة**
بعد مامر مراد كلشي ايمشي وايخليها وحدها دبر راسها وجدات امينة بايلاا بالحوت مع شلايض وعاصيرات المهم زوقات الطبلة مشات لبيتها دوشات بدلات عليها سات تريكو صوف سخون شوية سرحات شعرها رشات ريحتها باش تحيد منها ريحت الطياب او هودات ونزلات معاها البيسي لي عطاوها كلسات فالجنب وجابت معاها كاس ديال القهوة وهو كالس كياكل حد مكيدوي مع حد دار شاف فيها عاد رد ليها البال شنو لابسة عجبو لاطاي ديالها كيسالي معاه رجع ايكمل ماكلتو وعيط ليها تجمع داكشي هو بغا غير ايعدبها اما راه 11 خدامة فالدار ارا ميديرو.مشات قدامو بدات تجمع فداكشي وهو مشا كلس هز البيسي ديالها لقاها داخلة للفايس كدوي مع سارة و بدر فواحد لكروب طلع ليه الدم فاش شاف سمية بدر معاهم وكيهضرو وكيضحكو جات هي شافتو هاز لبيسي وكيبقشش فيه بلعات ريقها ومشات كلسات حداه زعمة باش ايردو ليها هو بلوكا ليها الفايس وعطا ليها البيسي
مراد..البيسي للخدمة ماشي للعب لقاك باقي تهضري مع شي مدكر نوريك لاش انا هنا
طلع لبيتو وخلاها حالة فمها من نبرة صوتو لي كتزعزع هزات تيلي ديالها وبدات دوي مع سارة وتشكي عليها وقالت ليها فاقرب وقت غادي نشوف كيفاش نهرب من هنا مستحيل نبقا خاصني غير نعرف فين هيا راسيل. طلعات تنعس وحلف نعاس لجاها خرجات مشات كلسات فتيراس كتشوف فنجوم واحد شوية او هو ايخرج حتي هو كيطل من البالكون دبيتو شافها كالسة وتشوف فنجوم بقا سااااهي فيها وكيفكر فالماضي ديالو سيفط ليها مساج فيه ماشي من طبعي نطلب سماحة ومغاديش نطلب تعودي عليا هكا.شافتو او طلات علي غرفتو بان ليها واقف وكيشوف فيها مشات وقفات قدام البالكون وموراها لابسين شافت فيه مزيااااان وهي ترخا ورجعات بلور وطاحت فيه كانت خطوة دكية منها باش تقول ليه بلي انا حرة ندير لي بغيت شافها هكاك بتاسم عجبتو شجاعتها وتمردها ودخل

رجعات راسيل عند لبنات قالت ليهم بلي غادي تبقا مع زياد وغادي ايعطيها شكلاط وغادي ايديها معاه لشي بلاصة زوينة وهوما بداو ايهرو فيها وايضحكو
صبا..اممممم زوينة تحليتي اشعيبية تحليتي ههههههه
راي..هههههه اجي لهنا نشوف سارقة قلب اخي ههههه
بقاو ايهرو فيها وهي ضحك حتي جا زياد وقف عليهم وشافو فيه
زياد..نتي لي هرستي جهاز التحكم دبابي
صبا..اويلي علي هرساتو بصح (ضارو شافو فيها)
راسيل.. ههههه نتا لي مبغيتيش تحل
زياد..وخا نتفاهمو من بعد ونتوما نعسو باش تمشو صبح بكري انسيفط لي ايوصلكم
راي..لالا راه انتجمعو فالمعهد مع 5 دصباح انمشيو فحافلة
زياد..اوكي يالله نعسو ونتي زيدي قدامي
جر راسيل وهي كدير ليهم باي باي مشا دخل لجناحو ونسا واش باقي جارها دخل وفسخ تيشورت ديالو وتلاح فوق الناموسية شافت حتي عيات او هي تلاح فوق ضهرو
زياد..هههههه بشوية عليك اتهرسيني
راسيل(ناضت)..هرستك
زياد(جرها رجعات فين كانت)..ههههه غير خليك
بقا ناعس علي كرشو وهي فوق ضهرو وكتدوز بصباعها علي الوشم لي فضهرو
راسيل.. الي مشيت شي نهار غادي توحشني
زياد (سمعها وضار عندها معصب)..كيفاش فين اتمشي نتي باقة مريضة ولا تدكرتي شي حاجة
راسيل..لالا غير قلت يعني اكيد واحد نهار غادي نمشي ولكن مبغيتكش تنساني كيف انا مغاديش نساك
حطات ايدها علي حنكو وجبهتها علي جبهتو وبقات تشوف فعينيه لي مغمضهم
راسيل(كدوي بشوية)..حل عينيك
حلهم شاف فعينيها ديريكت وبقات كتشوف فيه تسللو دكريات من لحضاتو مع عائيلتو ولكن هاد المرة تقاسمها هو وياها شدها قلبها تحتو وبقا كيشوف ليها فعينيها وهوما غايبين مستمتعين بدوك اللحضات حتي لفين شاف موت باه وناض من فوقها هز جاكيطو وخرج بلا مينطق بحتي كلمة
راسيل..معرفتش شحال انبقا ولكن لي عارفة اني مغاديش نساك

بقات متكية تما حتي داها نعاس رجع هو فليل لقاها ناعسة ومشا تخشا حداها جرها ليه ونعسها فحضنو بقا كيشم فشعرها حتي نعس.لبنات نعسو وفاقو مع 4 دصباح بزز باش فاقو مشاو بالزربة دوشو دخلو بزوج كل وحدة تغسل لخرا خرجو نشفو شعورهم ودارو معياج كل وحدة تقاد لصاحبتها ووقفو قدام لخزانات لي عامرين حوايج
راي..شنو لبسو
صبا..حيدي لجنب
مشات صبا مخشية فديك الخدانة حتي سلو زوج لباسي وحدة ليها ووحدة لراي اصلا ليفاليز واجدين غير ايلبسو وايخرجو صبا لبسات تريكو فالزرق بااارد محلول من جيهت لكاف مع شورط جينز قصييير وطالع شوية دخلات فيه تريكو ولبسات اديداس دارت قبعة وهزات نضاضرها رشات ريحتها وهاهي واجدة بقات تسني فراي لي لبسات شوميز قصيرة فوق الكرش ومشبكة كتبين لكتاف وضهر مع سروال فالغوز بارد طالع وفيه تقطيعات لبسات اديداس رشات ريحتها هزات نضاضرها وهاهية واجدة لاحو عليهم جاكيط فاش كانو خارجين للانو كان لبرد ومشاوحطو ليفاليز فالفا روميو ديال راي وتحركو من تما مشاو جيهت المعهد وصلو ولقاو الضو شاعل فقاعقة ديال شهاب بلاصاو الطوموبيل او مشاو طلعو لفوق لقاوهم كلهم كاينين كيتسناوهم غار هوما وشي بنات باقي مجاو دخلو عندهم او بقاو لبنات ايشوفو صبا سرحات ف اياد لي زينوفشكاااال خليط بين العربي والغربي مي غالب عليه الغربي بزاااااف متقولش مغريبي وشهاب لي لابس كلالالاص وواقف حدي النافدة كيطل دخلو لقاو التحية ومشاو سلمو عليهم كاملين وبركو فواحد القنت حاضيينهم

جاو البنات الاخرين ومشاو طلعو للحافلة حطو لي فاليز دياولهم وكل واحد خدا بلاصتو راي كلسات حدي صبا اكيد و شهاب كلس هو و اياد موراهم غير زادت الحافلة البنات دارو لكيت او تكاو ايكملو نعاسهم داكشي لي دار الاغلبية فاقو من بعد ساعة ونص دطريق قربو ايوصلو وماهية الا دقائق حتي وصلو توجهو لواحد الرياض كراه شهاب دخلو لتما وهوما كيتسيلفاو مع بعضهم فالرياض لي عجبهم ضربو سيلفيات لبنات بزااااف والبنات الاخرين مع اياد و شهاب بزاااف للانهم هوما زوينين بزاااف من بين دراري وخا تا لخرين كان فيهم غير تيتيز ولكن راي وصبا متصوروش معاهم مشاو خداو ليشومبغ فين ايغلسو وبدلو لبنات لبسات راي سروال جينز ازرق مقطع بزااااف ومزييير مع تريكو بلا كمام وقصير ودارت كاسكيط اما صبا فلبسات تريكو فوق البوط بشوية او لاحت عليها جاكيط وسروال اسود طالع دارت نفس الكاسكيط حتي هي وهزو كاميراتهم وخرجومن الغرفة تلاقاو معاهم خارجين ايفطرو شافو فدراري وشافو فيهم 
صبا..مال هادو كيشوفو فينا
راي..معرفتش علاش كيشوف فيا هكاك تقول واخدة ليه الورت
صبا..الله ايعميها لشي حد
مشات صبا تعلقات مع واحد الدري كيعرفوه وقرا معاهم عامية هزها فوق ضهرو وبقاو ضاحكين وراي تصور فيهم واياد غير كيشوف فيها وصلو لكوزينة للانهم هوما لي غادي ايديرو كلشي كل واحد وشنو بدا ايوجد هالي ايطيب هالي ايتسخر هالي اياكل وايضحك المهم ضحكو فجو زوييين وخرجو لمدينة ايضورو وهنا تفارقو لزوج كروبات شهاب ومعاه راي وصبا واياد و زوج كوبيل وشي وحدين اخرين والكروب التاني فيه تاني شي كوبل ودي امي برفقة مشرف هبطو لمدينة وبداو ايدورو واياخدو سيلفيات واكيد مع لهبال ديال البنات مخلاو حتي حد من غير اياد وشهاب كيتفاداوهم للانو شوفاتهم ليهم معجبوهمش دارو حتي عياو ووصلو لواحد الغابة كينزلو ليها بالدروج من الخشب هي مناش كدوز بقاو ايتصورو تما عجبهم المنضر بزااااف والجو بحالا اتصب شتا طلعات راي فوق من واحد الخشبة باش تصور تعكلات وكانت اطيح كون مشدهاش اياد بقات كتشووووف فيه ومن بعد عاقت براسها وحيدات مشات عندها راي طمنات عليها وقررو انهم ايمشو لشي مطعم فين اتغداو عاد اينزلو ايكملو الدوران وداكشي لي دارو مشاو لواحد الريسطو وطلبو بيتزا وكلسو تاني ايلعبو وايتصورو وناشطييييين مع الكليكة وحتي شهاب واياد منساجمين وكلشي متبع معاهم

كلاو سالاو وخلصو مشاو رجعو كيدورو هاد المرة قرب شهاب لراي وشدها زعمة اجي تصوري حدايا عنقها من لور وخشا وجهو فعنقها هي ترفعااااات صبا بقات كتشووووف فيها صوراتهم وتفرقو مشاو دارو وهي غير مهزوزة لسابع سماء حتي قرصاتها صبا باش توكض وصلات 9 ديال ليل عاد رجعو وكلا واحد وفين تلاح واحد شوية او هو ايجي ميساج لصبا وراي شافو فبعضياتهم وناضو خرجو لبرا
صبا.. كتفوجو مع راسكم وكدورو مفيها باس نعطيوكم شوية دالراحة لي مغاديش دوقوها من هنا قدام دابا بغيتكم تكونو عندي فالبلاصة لي كنتي اطيحي فيها فالغابة
راي..شنو نديرو
صبا..نمشيو باش نفضيو هادشي
راي..فهاد اليل منقدروش غادي نتجلاو والغابة خايبة تما
صبا.بغيتي تهناي زيدي
راي..ولكن
صبا..راي تيقي فيا يالله
هنا خرجو دراري اياد وشهاب 
شهاب..فين غاديين
راي..ااا غادين غادين لل...
صبا..غادين ندورو شوية
اياد..نمشو معاكم
راي..بلاش حنا انمشو وحدنا ونتاصلو نيت بزياد ايكون قلق علينا
شهاب..الوقيتة خايبة دابا زيدو انمشو معاكم
عياو معاهم البنات باش ايتفكو منهم والو ومشاو معاهم البنات القدام وهوما لور وصلو لفين قال ليهم هداك او هو ايوصهم مساج
الميساج..مكنتش كنضن بلي راكم غبيات لهاد الدرجة طول الوقت وحنا حداكم ونتوما ممنتابهاتش اوكي خليني نبين ليكم كلشي بغيتو تعرفو شكون انا دورو
شافو فبعضياتهم وهوما كلهم كيرجفو بداو كيدورو بشوية والصدمة باينة فوجوهم دارو لقاو شهاب واياد متكيين علي الشجر وكيشوفو فيهم
اياد..هااااي
راي شافت فصبا وعاودو شافو فيهم تنفسو مزيااااان او هوما ايضورو هربو وتفرقو فالغابة وكل واحد تبع وحدة
نرجعو لعند راسيل لي فاش فاقت ملقات حداها حد كان زياد فاق ومشا لخدمتو دوزات نهارها عاااااادي لا جديد غير الماكلة والشكلاط وشاعلين ليها التلفازة حتي جا زياد فالعشية عطاها واحد الفستان مشات بدلات لبساتو جات كتهبل دارت ليها وحدة من الخدامات مكياج وصيباتو ليها جات تيتيييييييييييييزة هبطات لقاتو كيتسناها حمقها مشات لعندو وقفات قدامو او هو مغيب محاضرش شدها فايدها وزيدها قدامو ركبو فالطوموبيل وتاجهو لقصر مراد دخلو ولقاوه كيتسناوهم عند الباب شاف راسيل وتبهر بجمالها كون مكانتش ديال صاحبو وهو طايح فامينة كون مزكلهاش دخلو لداخل وهي تشوف راسيل امينة نازلة من دروج ولابسة فستان زويييين ومزيزة علي الحالة اكيد تحت اوامر مراد غير شافو بعضياتهم او مشاو ايجرو ايتعانقو وزياد ومراد غير باركين وايشوفو فبعضياتهم..

مراد_فين كيعرفو بعضياتهم هادو
زياد_معرفتش 
مشا زياد حدي راسيل وشدها من ايدها وجرها مواه وشاف فامينة
مراد حتي هو جا جيهت امينة
مراد_هادي امينة مساعدتي الشخصية الجديدة
زياد_ وهادي راسيل البنت لي عاودت ليك عليها ضتها بلطوموبل
مراد_فينكتعرفو بعضياتكم
امينة_راسيل كانت عندي قبل ايوقع داك المشكل
زياد_شمن مشكل
امينة(عاوات ليه كلشي)_اوهكا وصلنا لهنا
مرادوزياد غير كيسمعو اكيد معاوداتش ليهم حقيقة راسيل
زياد (شد فيها)_علاش مقلتي ليا والو
راسيل(شافت فيه)_نسيت
زياد_هادي حاجة تنسي
ماد_افي مضغطش علي البنت خليها
بقاو كالسن وكيسمعو حتي وصل وقت العشا مشات راسيل وامينة حوه للانو مراد امر الخدمباش اينارو وايخلوهم ايكملو السهرة وحدم تعشاو فجو ملئ بالضحك والنشاط ومشاغبات راسيل لي مكتسايش سالا ومشاو كلسو حدي البيسين مجمعين كل واحد كيدوي علي راسو اكيد غير الشئ لي بغا الخرين ايعرفوه عليه واحد شوية او ناض مراد خدم موسيقي هاااادءة نوض امينة شدها من خصها قربها ليه وبداو ايشطحو نفس الشئبالنسبة لزياد حتي هو ناض مع راسيل با يشوف فيها وتشوف فيه وهو اينطق
زياد_هاداك لي كان ايتعدا عليك قاسك
راسيل(حركات راسها بالنفي)_لا ضربتو وهربت
زياد(زير عليهاوعنقها)( عمرني نخلي شي واحد ايقيسك صافي
راسيل_صافي

سالات الاغنية وستان زياد باش ايمشيو للان لوت متاخر سلمو عليهم وراسيل مبغاتش تفارق مع امينة بزز باش شدها زياد وركبها فطوموبيل شاو لدار دخلو وكلا واح مشا ليتو 
"عند البنات"
راي كتجري وتابعها شهاب
راي_عتقوناااااااااا اهئ اهئ بعد منييي
شهاب_وقفييي راي وقفييييييييييييي
راي_اهئ ائ حنا مقتلنا حد وعتقو الروووووووووووووووح
صبا حتي هي بقات كتجري واياد تابعها
صبا_بعدو منا شنو بغيتو (كتقولها وتجري وتخبط فالشجارتي ضربها غصن وطاحت ومع هو تابعها حتي هو عطر وجا فوقها ديريكت عطاتو لكرش برجلها وهي تنوض عاودعاد غادي تجري وهي تحس بشي حاجة ضرباتهاوغيبات)
راي بضورها جمعمعاها شهاب بتصرفيقة حتي غيبات وهزهاداوهم لواحد الدار مهجورة كانت قريبة من الغابة للانهم مخطين كلشي حوهمتماوكتفوهموخرجو علي بين مفاقو غي فاقو وطاحو ايغوتو
راي_وعباد الله وعتقونااااااااااااااااااا اهئ اهئ
صبا_واش كاين شي حد هنااااااااااا
جا دخل شهاب وايادوجابو كراسا وكلسو قدامهم
اياد_من لخر عندكم زوج ديال الحلول غادي توافقو انكم تنفدو شنو بغينا ولا غادي تكملو حياتكم فالحبس وسمعت سي زياد ب ال راشدالعلوي بااااح
راي (كتبكي بحرقة)_اهئ اهئ شنو بغيتو شنو درنا ليكم
شهاب_مدرتو لينا والو ولكن غادي ديرو
صبا_شنو باغييييييين
اياد_غادي تزوجو بينا راي _شنوووووووووو

اياد_غادي تزوجو بينا الوراق واجدين فالاوطيل نمشو تسينيو هادي فضيناها الحاجة التانية نخلي ويا ايشرحها ليكم
شهاب_اكيد كتعرو مراد لسياب هاد السيد عندو شيحاجة باغينها
راي_كتحلمو
شهاب(تعصب)_متقاطعينييييش
صبا_حنا مستحيل نفدواي حاجة كتقولو 
شهاب_اوكي اياد صوني لكوميسير حمد كنضن بلي حتي نتوما كتعرفو شكون هووعلاش قاد اه ونسيت متنساش تسيفط الخبر لصحافة
راي وصبا_صافي صافي 
اياد_مسمعتششنو قلتو
راي وصبا_انديرو كلشي لي كقولو ولكن شرط الكلي تعطوها لينا
شهاب_غادي توقعو اتفاقية الزواج وغادي تجيبو لينا البروجي ديالنا لي سرقو لينا مراد وديك الساعة نشوفو 
صبا_مكاينش تشوفو غادي طلقونا
شهاب_هههه زواج فمدة 48 ساعة واااو

راي_كيفاش
شهاب_عندكم 48ساعة غتجيبو لينا الضوسي ولا نهايتكم قربات
راي_كيفاش غادي نقدرو واش كتعرف علامن كدوي راه مراد السياب هدا
صبا_هادشي لي كطلبوه مستحيل
ايادحنا مكنطلبوش حنا كنامرو ونتوما خاصكم تنفدو
اي_ اهئ اهئ علاش كديرو هادشي
شهاب_فالعالم كاينين ناس مزيانين وكاينين ناس خايبين حنا مخايبينش كيف ما كضنو حمي لينا فرص باش ايرجع لينا البروجي لي تسرق منا وهاهي الفرصة جات لاش نضيعوها
صبا_ بغيتو تحققو هدفكم علي حساب تعاستنا ولا
شها_شيحاجة بحال هكا
اياد_براكة من الهضرة نوضو سلا وقت الهضرة غادي نمشو ونفدو هادشي وبالنسبة لوقت تليم الملف فوقتكم بدات دابا وايخطر ليكم انكمتمشو تقولو شي حاجة علي اي حاجة وقعات بيناتنا متلومو غار راسكم
فكوهم من الحبال باش مربطينم وداوهم الاوطيل دخلولقاو شي نعس شي باقي سهران كيجمعو دخلو ومشاو ديريكت داوهم اسنيو بعد تردد وتفكير طويييييل سيناو وهنا ولاو مزوجات رسمي 
شهاب_دابا جاوقت الجزء التاني غدة غادي رجعو وديك الساعة غادي ايبقا قداكم نهار واحد باش تجيبو لينا الاوراق
مشاووخلاو البنات كالسات وايتوكوكووايبكو الي مشا تاعرف زياد هادشي غيولو فخبر كان بقاو كيفكروليل كلو حتي غدرهم نعاس فاقو الغد ليه لقاوهم مشاو ايضورو تالو بالشوفير دازت ساعة ونص وهوا ايجي ليهم ركبو ورجعو لدار وحتي واحد معرفهم فين مشاو

دخلو لدار لقاو زياد وراسيل غالسين كيتغداو وو محارب معاها كيوريها كيفاش تاكل وغير مكتسمعش ليه وكيعتيها لراس دخلو وحاولو مينوش
زرا_ياك مادي ترجعو تال غدة
صبا_ ااا لا غير هو دابا
راي_ وقعو شي مشاكل للاحد المؤطرين ومبقيناش بقينا تما المدة لي حددنا
زياد_هممزيدو اكلو
راي وصبا_مفيناش انمشو رتاحو
راسيل غير كتشوف فيهم حسات بيهم مخبيات شي حاجة كيف ما زياد حس سالاو الغدا عطاها زياد شكلاطة كيف واعدها وخرج لخدمتو اما راسيل فطلعات تجري عند البنات لفوق لقاته كيدورو فالبيت وساهيات
راسيل(مشات كلسات وتاكل فالشكلاط)-مالكم
صبا_ راسيل ششش عفاك
راسيل_انا حاسة بيم غير قولو
راي (شافت ف صبا وتنهدات)_نعاودو ليها
صبا_معرفتش معرفتش ديري لي بغيتي
راي(عاودات كلشي لاسيل وشرحات ليها داكشي لي مفهماتش)_ حنا مقتلناش اهئ اهئ مقتلناش
راسيل(عنقاتها)_ايمكن نعاونكم
صبا(مشات شدا فيها_ كيفاش
راسيل_ لبارح مشينا لعند مراد صاحب زياد هدا لي عاودتو عليه او لقيت صاحبتي امينة لي كنت عاودت ليكم ليه حتي انا عندو وهي لي غدي تعاونكم
راي(شافت فصبا)_ ههههه وفيننقدرو لقاوهاولا نشوفوها
راسيل(ناضت خلاتهمومشات تجري لبيتها جابت واحد الورقة ورجعات كلسات حداهم)_هاكو عادي عطاتها ليا البارح
شوها لقاوا نمرتها صوناو ليها فالحين وحددو موعد عاها فالعشية باش ايشوفوها وهي موافقات علي الفور

مشات امينة طلبات الادن من مراد فالاول رفض ولكن من بعد قبل مفخبارهاش بلي غادي ايتبعها عند بالها غيرقبل وصافي بقات حتي ملات خدمتهاوصلات العشية لبسو لبنات وداو معاهم راسيل توجهو لكافي فين ديرين مع امينة وبقاو ايتسناوها حتي جات سلمو عليها وجلسو وهي كلسات حدي راسيل
امينة_وي كنسمعكوم شنو وفاش نقدر نعاونكم
راي_بغينا واحد الضوسي من عند مراد ونتي هي لي تقدري تعاونينا امينة(بلعات ريقها)_شمن ضوسي
راي(شرحات ليها شمن ضوسي بغاو)_وطلبي لي بغيتي
امينة_مستحيل غاديايقتلني الي عرف لا انا لا نتوما
صبا_ عفاك مسالة حياة او موة الي مجبناهش من هنا 5ساعات لي بقات مشينا فيها
امينة(بعد تفكير طويل فحالتها وشنو ايقدر دير)_غادي نعاونكم ولكن بشرط
راي_اي شرط بغيتي غادي ايتنفد لوس شحال قداش غير خلي فمك
امينة _مبغيتش فلوس بغيتكم تجيبو ليا راسيل اليوم فليل ومعاها طوموبيل
راي(خرجات عينيها)_شنووو وعلاش
امينة_غادي نهربو انا وياها بمجرد منعطيكم الضوسي
راسيل_ولكن ان مبغيتش
اامينة(شدات فيها)_اجي بغيت ندوي معاك
دت امينة راسيل وبدات دوي ماها علي جنب قنعاتها بانو زياد قد مصبر غادي اياديهاوخصوصا الي عرف حقيقتها ي فالاول رفضات ومتقبلاتش الفكرة ولكن امينة كانت سلطتها قوية عليها وراسيل غير تابعة وساكتة (هبيلة صافي ولكن هادي فرصة باش تبعد شوية هاد الحب مستحيل ايكمل اصلا)
رجعو البنات حدي راي وصبا وتافقو لي كلشي اليلة غادي تنفد الخطة صونا شهاب لرايوواهم فين غادي ايتم لتسليم وامينة خرجات من تما متاجهة للقصر والمصيبة لكبي انو مراد غير تابعها وغاي ايشوفهاشنو ادير

تاجهات امينة لدار وتبعها مراد وقف حدي الداردخلات وهو ايخدم كمرات الدار فتيلي ديالو وكيشوف حميع تحركاتها .بقات كتمشي وخايفة طلعات الزربة الفوق وتاكدات بلي باقي مجاش مشات دغيا دخلات للمكتب اكيد ماشي بهاد السهولة بقات كتخربق فالكود د ابلاب حتي تدكرات انو ايقدر ايكون ديار تاريخ دعيد ميلادو نزلات تسول الخدامات حتي وحدة مجاوباتها وفاش كانت طالعة بانت ليها واحد الصورة فالصالون رجعات دخلات وقربات منها بقات كتشوف فيها حتي بانت ليها واحد التريخ صغير لتحت فيه اب وام وزوج دراري واحد ايكون عندو شي 3 سنين و الاخر ايكون عندو شي 6 سنين شافت لقات 18/8/1987
امينة.. حمارة علاش عمرني شفت هاد الصورة هنا فين كان عقلي ولكن الي كان هدا مراد وهادا باه ومو شكون هاد الدري
مشات تجري ركبات التاريخ وتحل ليها الباب دخلات وبقات كتقلب
مراد (شاد اليتيلي ومعصب بزااااف).. برافو لالة امينة خلينا نشوفو شغديري
مشات قلبات ادراج المكتب والو حتي بان ليها واحد مسدود بقات مدابزة معاه حتي حلاتو لقات فيه الضوسي سلاتو ورجعات كلشي لبلاصتو مشات لغرفتها هزات حوايجها حطاتهم فالفاليز ديالا هزات عكرها ومشات للمراية كتبات ليه فيها..كنبغيك وي ولكن عمرني نخضع ليك
هزات داكشي وخرجات من الدار وكلشي كيشوف فيها تاصلات بالطاكسي بقات كتسناه فراس الشارع جا ركبات وتحركو من تما وتبعها مراد

** عند البنات**
راي.. اهئ اهئ خايفة زياد الي عرف مشينا فيها
صبا(مسحات دموعها وكتحاول تبان قوية)..راي راسيل اتمشي دابا ولا من بعد داكشي علاش خلينا نسربو قبل ايرجع زياد انا انمشي نجمع ليها حوايجها ونتي سيري عطلي الكمرات اوكي
راسيل بقات كالسة فالجردة كتفكر اي لحضة دوزاتها فهاد المنزل وخا ماشي لمدة طويلة مبغاتش تمشي ولكن هضرت امينة صحيحة هي هدفها تجي تجيب الزمردة وترجع ماشي تحب وتعشق المدة بدات كتسالي وهي مدارت والو .اكيد غادي تشتاق ليه او بزاف كتر من اي حاجة بغاتها فحياتها احساس غريب نتابها ولكن الي عرف حقيقتها غادي ايغدرها بحالو بحال اي واحد عرف بوجود الحوريات.بقات كتفكر حتي جاو البنات 
صبا..راسيل وصلات الوقيتة يالله
جات تنوض وهي تحس بنخسة قوية فقلبها وجلسات للارض وتدكرات شنو قالت ليها الملكة بشان الموت البطئ وانو هادي وحدة من علاماتو
لاحو لبنات داكشي للا باديهم ومشاو عندها ايجرو
راي..اهئ اهئ راسيل مالكي
راسيل (شدات فقلبها) هوالو غير عيانة شوية
صبا.. سمحي لينا ولكن حنا مدطرين يالله وقفي زيدي
شدو فيها او طلعوها لسيارة صبا حطو حداها لافاليز ركبو او زادو بسرعة كبيييرة
حتي جا مساج ل راي حلاتو لقات فيه بلي تبدل مكان التسليم
صبا..شنو
راي.. نهاية مدرج الطاءرة جهة الغابة حدي الجرف
صبا (شافت قدامها وبالغضب ضغطاط علي الكسيراتون وصلات السرعة ل 230)..انساليو هادشي دابا

راسيل غير متكية علي الزاج وكتشوف شادة علي قلبها وكتفكر فزياد لي متسناتش ليها الفرصة تودعو ولا تحضنو للاخر مرة
بعد نصف ساعة وصلو البنات للمطار دخلو فطريق الغابةوالصمت سيد الموقف وهنا حتي سيارة اللاجرة لي فيها امينة دخلات للغابة صبا من بعد مخرجات من الغابة وصلات لواحد السهل منبسط شوية كيتبان ليهم مدرج الطائرات قريب بزاف والجرف لي كاين فوق البحر وضلالام وصلو تما او وقفو الطوموبيل وبقاو لداخل سدو عليهم وبقاو ايتسناو
راي..شنو انديرو دابا
صبا..راي خليني نفكر ششش
بقاو ساكتين حتي واحد شوية سمعو الدقان فالزاج دارو لقاو امينة حلو ليها وركبات معاهم وعاودو قفلو عليهم
امينة (عنقات راسيل وكتفقدها)..حبيبتي مالكي شفتك صفرة
صبا..مريضة شوية
امينة (شافت فيها)..كلشي غادي ايتصلح اوكي
راسيل مجاوباتهاش ودورات راسها لجيهة الاخري واحد شوية سمعو صوت زوج ماطر من نوع تي ماكس و sbair
وقفو حداهم او حيدو لكاسك بان شهاب و اياد 
اياد سيفط مساج..نزلو
راي..بغانا نزلو
امينة مداتلم الملف شدوه او شافو فراسيل
راي (عنقاتها)..عمري نساك اهئ اهئ
بادلاتها راسيل العناق وحتي صبا ومن بعد راسيل و امينة بقاو فالطوموبيل ونزلو لبنات مشاو لعندهم وقفو قدامهم والهوي قوييي كيضرب فيهم صوت المواج طيضربو مع الحجر لتحت وصوت الطائرات كيقلعو 
اياد..برافو فالوقت المحدد
شهاب (مد ايدو)..الملف
راي(خباتو).. بشرط طلقونها حني مستحيل نبقاو لعبة بين اديكم
اياد..اوو مكنضنش هادشي
راي..شكتقصد
شهاب.. هالي كنقصد
سمعو صوت شي طوموبيلات جايين دارو ضرب فيهم ضو قوي بزاااف امينة شافت داكشي وخشات فيها راسيل وقفو الطوموبيلات لي من اخر موديل شافو لبنات وكانت الصدمة الساحقة هادي لخرا ليهم كاملات

راي(خرجات عينيها)..مراد
هبط مراد من الطوموبيل وهاز فايدو سلاح مشا جيهت طوموبيلت صبا ركب كاتم الصوت ضرب ضربة وحدة فالقفل تحلت طوموبيل شد امينة من شعرها ولاحها فالارض ونزل عندها
مراد..ياك القحبة يالكلبة درت فالقحبة يماك خير وقلت نعاونك تخرجي من الخنز لي نتي فيه الساعة بغيتي تلعبي بيا اوكي انوري المك لعب لي غادي تلعبي.شدها من شعرها وبقا مجرجر بيها الارض حتي وصلات حداهم فين واقفين هادشي كلو ومزال منزل الشخص الاخر من الطوموبيل غير نزل وكانت الصدمة الاخري نزل زياد هاز فايدو سنسلة كبيييرة من الحديد تكون توزل شي 30 كيلو جارها بايد وحدة وغادي جيهت الطوموبيل حل الباب جر راسيل من ايدها عطاها تصرفيقة حتي داخت وجابها حتي هو جيهتهم 
اياد..مرحبا 
راي..اهئ اهئ علاش درتو هكا علالالالالالالالالاش
شهاب..خلونا نبسطو شي امور نعرفكم ب خويا التاني مراد السياب
كلشي لبنات مصدومات و راي وصبا بزاف 
صبا(الهضرة وحلات ليها)..كي كيف كيفاش
زياد..كيف سمعتي اختي حبيبتي وهادشي كلو لي كتشوفوه تمتيل فتمتيل عند بالكم انا مكلخ لهاد الدرجة واش عارفين شكون هداك لي مات ولا لا واش باغيين تصفوها لباباتكم 
راي..اهئ اهئ نتا عارف
مراد.. حني عارفين من اول تانية وعق هادشي وكنا كنتسناوكم انكم تقولو لينا و صيفط خويا شهاب ايتكلف وفعلا هو واياد خويا التاني تكفلو بكلشي ونتوما هبيلات وزايدات فيه وورطو معاكم هاد القحبة(ضربها برجلو وزواها) عند بالها انا هبيل غادي تمشي تهز اي حاجة بهاد السهولة وتخرج لا احبيبتي محزرتيش راك معارفاش معامن

راي(مشات عند خوها)..اهئ اهئ عافاك سمح لينا
زياد (دفعها)..غلطي بزااف فاش درتي لي فراسك مساهلاش نسامح ليك وباش مكملينها دايين هاد لهبيلة معاكم
صبا..راسيل معندها حتي دخل هادو لي هددونا وحني خفنا علي سمعتك وامينة شرطات علينا انو راسيل نديوها ليها باش تهرب للانو مقادراش تعيش تحت رحمة مراد
مراد..هادا لي معاجبهاش راه شاري لقحبة يماها والي معجبهاش لحال تمشي تعاود لعرها بالتعربية تاعرابت ومزال مشافت وااااااالو
بقاو مخاسمين حتي سمعو صوت الهيليكوبتر هزو ريسوهم بانو ليهم طوموبيلات وماطر دايرين بيهم وخرجو منهم رجال كلا واحد قد الغول وهازين سلاح (بدات الملحمة)
اياد..تخباااااااااااو
كلا واحد وفين مشا تخبا مور طوموبيلتو وحتي الاخرين حطو صباعهم علي الزناد متلاو هزوه البنات مخلوعات ودراري شادين فيهم مور سيارة زياد ومراد المضادات لرصاص مخبي زياد وراسيل ومراد وشاد فامينة ومن مور سيارة صبا مخبي اياد وصبا و راي هي وشهاب 
امينة(كدوي ومقاداش)..شكون هادو
مراد..سكتي ولا لوح مك من الجرف
ل زياد الباب دطوموبيلتو وهو ايخرج رشاش اخر مخرج لاح واحد ل مراد ووزوج للاياد وشهاب وبداو فاطلاق النار دراري مدربين علي تقنيات عالية وحتي لبنات راي وصبا زياد كان مخصص ليهم مدرب خاص هزو تاهوما سلاح ولكن صغير(زياد كان حاس بشي حاجة ماشي حتال لهيه داكشي علاش ستاعد) وبدا تشتات راسيل بكترت ما الصوت عالي بدات غير كتبكي وكتغوت امينة حسات براسها غادي تسخف تزاد الدعم ورصاص عند دراري بدا ايكمل خاصهم ايتحركو من تما
زياد.. تفرقو
مراد..اوكي
ناضو دراري خرجو من تما بجرا وكيتفاداو الرصاص وبداو مدابزين مع هادوك دقة فيا زوج فيك راسيل خرجات كتجري دعرات وواحد صوب جيهتها سلاح شافتها امينة ومشات تجري ضربات راسيل بركلة ولاحتها من الجرف وجات الدقة فامينة
شاف زياد راسيل طاحت من الجرف بدون تفكري تبعها
زياد..رااااااااااااااااااسيل(تلاح من فوق الجرف)
مراد دار لقا امينة كتنزل شيوة بشوية فالارض وشاف لي دربقا جز موس من رجلو مشا ايجري عندو شد من من الراس ونحرو من لودن لودن هزها بالزربة ركبها فطوموبيلتو ديمارا وزاد تبعوه دراري اياد مع محتارف فالموطور لاح صبا موراه ومشاو وتبعهم شهاب وصبا فسيارة زياد

راسيل طاحت فالبحر او تبعها زياد بمجرد مدخلات الماء سطع نور وبدات كتحول وسط الماء شعرها ولا طويل بزاااف علي لي سبق وبشرتها بياضت ديلها خدا شكل جديد مرصع بماس اول مرة ايتشكل شي ديل بحال هكا جسمعا كان متعطش بزاف وفاش قاس الما ولا كيشع هادشي كلو داز تحت انضار زياد لي مستحيل انو ايتيق شنو كيشوف جاه راسو بحالا كيحلم فقد السيطرة علي راسو ودعر اول مرة ايتخيل حتي مجرد التخيل ميقدرش انو ايشوف ملاك ولا كتر واقف قدامو وشكون البنت لي ولا كيبغي خرج عينيه فيها وحل فمو نسا انو وسط الماء حس براسو تخنق وفاش كان ايطلع خانوه قواه من شدة الصدمة راسيل سارعات لجيهتو شدات فيه وداك الاحساس هاد المرة قوي بزااااف بغا ايحيد منها وهي تحكم فيها (كتزاد قوتها شوية تحت الماء) هزاتو للفوق باش ايتنفس وهنا فقد السيطرة ومبقا عاقل علي والو داتو جيهت الحجر وحطاتو تما وبقات جالسة وعاطياه بضهر وديلها فالماء بقات كتفكر حتي حسات بشي واحد كيراقبها دارت ولقاتو مخرج عينيه فيها
زياد..شكون نتي
راسيل (دارت تاني)..انا حورية
زياد..مستحيل هادشي كاين غير فالاساطير والخرافات
راسيل..ادن انا خرافة
زياد(شد فراسو)...مبقيت فاهم والو هادشي راه مستحيل(جا نايض او شاف ديلها وعاود كلس داخ) مستحيل تقكوني حقيقية
راسيل..انا قدامك كنتنفس
زياد.. هادشي مستحيل واش فهمتي راه مكاينش
راسيل..الصمت
زياد بقا كالس شحاااال عاد لقا بلي ايمكن الحاجة لي شافها صحيحة اصلا هاد الجمال كلو مستحيل ايتجمع فانتي وحدة وخا معرفت شنو ايطرا ناهيك علي الشعور زوين و البداهة ديالها بدا كيربط بين الاخدات ولقا بلي ايمكن عندها الحق مشا قاسها والو مكتحركش (كانت متكية علي حجرة ومغيبة)
زياد..راسيل فيقي راسيل
مبغاتش تفيق ناض هزها بين ايديه وبدات كتحول تاني البشرة العيون الديل تصدم كتر وكتر ولكن هادي هي حقيقة الشخص لي كيبغي وخاصو ايتقبلها كيفماكانت

رجعو لعند دراري كلا واحد كيحاول انو ايتخلص من هادوك لي تابعينو وكيسوق بسرعة خيالية مكانش ساهل عليهم انهم ايتخلصو منهم ولكن راه ماشي غير اجي وكون بحال هاد الجحوشة ماشي ابطال المهم واخيرا تفكو منهم مراد سيفط مساج باش ايمشي اياد وشهاب لدار دجبل ايتخباو تما علي بين ملحقو عليهم وايدو معاهم لبنات و هو زاد بامينة لي غايبة عن الوعي كليا داها للمشفي الخاص ديالو دخل وداز ديريكت لغرفة العمليات غوتة او بالاحري سبة وحدة تجمع المشفي كلو علي راس امينة ودخلو ايخرجو ليها رصاصة لي جات قريبة من القلب غير ربي حفض دازت مدة قصيرة للانو امهر الاطباء كاينين تما خرج واحد وشنق عليه مراد
طبيب..مسيو مراد كون هاني المريضة فحالة مستقرة غادي ايخاصها غير الراحة شوية وتولي بيخير انقلوها لغرفة العناية المركزة 
مراد..تقود دابا من قدامي (هادي هي شكرا فبلادهم)
مشا لبس ودخل عندها ديريكت مكاين لي ايقولو لا ولا ايحبسو
مراد(جبد كرسي وكلس حداها) .. كون مكنتش كنحس بشي حاجة من جيهتك وعارف كلشي عليك من نهار تزدتي جاني تقريرك كون راني دفنت مك تما ومدورتش وجهي ليك ولكن تكتب ليك عمر جديد وخا مغاديش ايكون ديالك كنت ناوي نبدل معاملتي معاك ولكن عاد مغتزيد تكفس كوني متاكدة
قال هكاك وخرج وهي معاقلاش مغيبة خرج من تما ومشا تاصل برجالو جابو ليه حوايجو او جابو ليه فيراري ديالو كحلة اخر موديل ركب وزاد باتجاه القصر لي فالجبل مستحيل انهم ايفكرو بلي ايكونو تما فالطريق تاصل بزياد وجاوبو (الي كنتو كتسولو كيفاش زياد تيلي ديالو ضد الماء وخا ايبقا تما عام ميوقع ليه والو)
مراد..فينك
زياد..سيفطلي طيارة خاصة 
مراد..فين غادي
زياد.. سيفطها وصافي لهاد البلاصة***
مراد..اوكي (وقطع)
تاصل برجالو وسيفطوها ليه ركب فيها وهو لي ساق مبغا حتي واحد ايشوف راسيل وهي فديك الحال عريانة بالكامل غير تيشورتو لي لايح عليها ايسترها شوية

من بعد 4 ساعات ديال الطيران المتواصل وصل مسيو زياد لجزيرتو الخاصة باحد الجزر اليونانية .هبطات الهيليكوبتر فحديقة القصر وكلشي الحراس شافوه ودورو وجوهم لجهة الحيط هدا من احد القوانين لي فالقصر جميع الحراس وجوهم للحائط والخدم الي شافوه ايوقفو بعيد حتي هو ايامر انهم ايقربو هبط من الطائرة ومشا بالزربة جاب واحد الملاية لاحها عليها او هزها دخلها لداخل او كلشي الخدم واقفين بعيد او كيشوفو مفاهمين والو حالتو حالة وحوايجو فازكين وهاديك لي هاز شكون هي وعلاش جابها هادو هوما الاسئلة لي كيدورو فبالهم هو بحالا مرفووع دخلها لبيتو لفطابق العلوي حطها ومشا ايجري عمر ليها بانيو بالماء سخون باش ايحطها فيه الماء كان بارد عليها بزااف اكيد اتكون مرضات هبط عندهم وردا ايغوت باش ايوجدو ليها متاكل وحوايج نقيين طلع عندها فسخ حوايجو بقا غير بالشورط هزها ودخلها للحمام حطها فالبانيو وشافها بدات كتحول بقا كيشوووف وهو مبهور هي غير قاست الماء وبدات تفيق حلات عينيها بشوية كيبان ليها هو بارك وكيشوف فيها 
راسيل(بصوت ضعيف)..فين انا
زياد(قرب ليها وكلس علي رجليه).. متخافيش انا معاك حنا فاليونان
راسيل..شنو هي اليونان
زياد.. جزيرة فاليونان فالقارة الاوربية
راسيل(مفاهمة حتي وزة).. شنو وقع ليا
زياد(عاود ليها كلشي).. وجبتك لهنا مستحيل نخاطر بانو شي واحد ايعرف شكون نتي
راسيل.. شفتيني
زياد(بتاسم)..وي شفت كلشي وانا متيقك 
راسيل(حنات راسها خجلا).. الصمت
زياد(فهمها)..شوفي نتي دابا دوشي اوكي انا غادي نخرج نوجد ليك متاكلي ومتلبسي اوكي
راسيل(بتاسمات ليه)..اوكي
جا خارج او شدات ليه فاديه وتهز بداك الاحساس الرائع
راسيل..شكرا
زياد(حط ايدو الاخري علي ايدها)..عمركي تشكري واحد كيهتم بحياتو
خرج وخلاها مفاهمة والو ولكن لي عارفة انو علي الاقل وجودو فحياتها كيخفف المها وبزاااف

نمشيو عند مراد لي لحق علي الدراري وتاجهو مجموعين للقصر لي فالجبل
امينة(حلات عينيها فالاصل خاصها الراحة التامة عاد خارجة من العملية ولكن شكون خلاها ترتاح هزها مراد بلا ميدوي مع شي حد وقالهم اتبرا فالدار).. ممكن تنقص من السرعة شويا حاسة بروحي اطلع (كتقولها بصوت يكاد يسمع وريقها ناشف)
مراد(زاد فالسرعة)..مدويش حسك منسمعوش
زاد فالسرعة كتر بغا غير ايشد معاها الضد فاش اياد وشهاب وهوما لحقو عليه
راي.. اهئ اهئ بسبابكم هادشي كلو وقع
شهاب.. بربي ومتسكتي حتي لوح مك من هنا هاني قلتها ليك
حتي صبي اكيد مساكتاش 
صبي..فين غاديين بينا (كتغوت مع صوت الموطور غالب )
اياد(زاد فالسرعة ومجاوبهاش)..الصمت
مع كسيرا هي ضربات مع ضهرو حتي داخت السيد حيط
وصلو للقلعة ماشي قصر كبير بزااااف وتصميمو بحال القلاع لي كتكون فبريطانيا حلو فامهم البنات وبقاو غير كيشوفو هادشي كتيير علي قصر ولا قلعة راي وصبا عندهم قصور وفيلات ودارو العالم مي اخر ضنهم انو ايكون فالمغرب بحال هاد القصر وصلو او هبطو من تما كل واحد مزيد قدامو وحدة تقول دافعينهم لحبل المشنقة اما واحد امينة مصابت كون دفنوها تما او متشوفش ف مراد باقي قلبها كيتقتع وعارفة انو لي جاي ايخليه ايتبخر مستحيل مراد ايرحمها من بعد الشئ لي دارت ومع العلم انو هو لي خطط ودبر لكلشي باش ايختبرها (واختباااار هدا)

حل مراد الباب اوتماتيك تحلت بوابت القصر ودخلوالقصر من لداخل غير علي برا كليا كلشي فيه موديرن وعصري الاتات غالي بزاااف وكيساوي ملايين الدلارات من التريات لي فالحيط دياول الكرستال والسجادات لي فارض دالجلد من الاجهزة الالكترونية من الانارات لي كيخدمو بنضام اللمس واي غرفة دخلتي ليها ايشعل فيها الضو تلقائيا.لبنات كيشوفو وكيضورو نساو الزبلة لي دارو اياد مشا طلع لبيت لفوق وتبعو شهاب اما امينة فبقات شادة فالحيط حتي جاو البنات ايجرو عاونوها وداوها تكلس فالصالون مراد مداهاش فيها ومشا لبيتو دخل فسخ حوايجو بقا صولو ودخل لدوش خوا عليه الماء وبقا تحت الرشاشة علي الله داك الماء البارد ايبرد شوية من حدة الغضب لي شاعلة فيه نفس الشئ دراري كلا واحد دخل ايدوش اما لبنات فبقاو مع امينة حتي رجعات روحها شوية مشات راي تقلب علي الكوزينة لقاتها دخلات او داخت كبيرة بزااااااف هي موالفة علي هادشي مي هادي بزاااف تاني مشات لتلاجة حلاتها لقاتها عاامرة
راي.هادو حتي تلاجة معمرينا قولو معولين علينا وصافي
هزات قرعة دالماء وكاس وخرجات تجري شربو امينة وقاسولها راسها لقاوها سخوونة
صبا..البنت طايبة شنو نديرو
امينة..انا بيخير دابا تنزل الحرارة كح كح
راي..سكتي شوفي كيف سخونة انمشي نعيط علي مراد هو ايتكلف
صبا..شوفي بربي او متكلسي حتي نوريك من ليوم هادوك الحيوطا لي لفوق اعدائنا كتفهمي
راي..مشفتيهاش غتموت
امينة..انا بيخير

بقاو لبنات كالسين حدي امينة حتي خفات ليها الحرارة شوية وهوما كيديرو ليها الكمدات لوجها وكيمسحو ليها ايديها واحد شوية نزل اياد هز طاب ديالو ودخل حداهم لصالون كلس ودار رجل علي رجل
اياد(بصوت خشن)..نوضي تقودي جيبي ليا قهوة
صبا (كتشوف فجنابها وجاوباتو باستهزاء)..معايا كدوي ابب
اياد..غتنوضي ولا نوض نفرع مك
راي..هيه نتا حتارم راسك الحمار
نزل شهاب وسمعها وجا شدها من راسها
شهاب (بغضب)..عاودي شنو قلتي ليه
راي(كتحاول تحيدلو ايدو مع قصحها)...بعد مني اشماتة حيييييييد
شهاب(عتاها تصرفيقة حتي ضارو حنوكها)... انا شماتة اوكي حبيبتي
نوضها من الارض وباقي شادها من شعرها وجارها موراه وطالع بيها لفوق جات بغات تمنعو صبا وعتاها اياد تصرفيقة حتي طاحة الارض وامينة غير كتغوت عليه
امينة (بلغوات وخا مقاداش)...هيه عتيها بالتيسااااع نتا
اياد(بابتسامة مكر)... ههه نتي غير شاهدي علي روحك احبيبتي ساعاتك معدودين ونتي (ضرب صبا برجلو) من هنا 10 دقايق قهوة كحلة بلا سكار تكون عندي فبيتي لفوق
مشا وخلا صبا شادة كرشها للانو زواها وامينة مقاداش تحرك للانو هي مدخلاها كتر من صبا اما راي فخداها شهاب لبيتها لفوق دخلها وسد عليهم ولاحها الارض ونزل لمستواها
شهاب..نونونو حبيبتي متبكيش دموعك غاليين عليا هههههه من نيتك كنتي طايحة فيا تسحابيني انديها فيك هههههه واااااو واش عارفا بلي انا مزوج ولا مفراسكش
راي(بصدمة)..شنووووو
شهاب...كيف كتسمعي انور عيني انا مزوج وكنبغي مرتي بزااااف وعندي وليد فعمرو عاماين وهاديك كانت لعبا منا باش نشوفو لعبكم فين ايخرجكم ونزيدك انا اصلا ماشي استاد ومساكنش فالمغرب عن قريب غادي رجع للالمانيا وغنديك معايا منسخاش بالبنت لي كتموت عليا نخليها من مورايا ومتشوفش حبي لمراتي قداش هههههه ومحدني انبقا هاد الايام هنا بغيتك تهلاي فيا وتنفدي جميع اوامري بالحرف معندكش حق الاعتراض او التكلم بدون ادني اي حاجة كنقولها تنفد مفهوم
راي(من شدة الصدمة بقات ساكتة وكتشوف)...الصمت
شهاب(شدها من وجها بقوة وقربها ليه)...مفهوووووووووووووم
راي(نزلو دموعها ونطقات بحروف تكاد تسمع)...مفهوم
شهاب(بتاسم)..اوكي يالله قودي من قدامي
ناضت راي وهي تحت تاتير الصدمة حب حياتها طلع مزوج وكيبغي مرتو عندو ولد وشارك فتمتيلية باش ايوقعا وايخرب صورتها قدام خوها كيفاش تقدر تحمل هادشي كلو

نخلوهم مع محاينهم ونمشو عند راسيل لي فاش سالات خرجات من البانيو ولوات عليها لفوطة حسات براسها تحسنات شوية علي البارح وكانو ستارجعات حيويتها خرجات للبيت لقاتو كبييير ومطلي باللون الرمادي الاسود والابيض اتات جد جد راقي ولمسات ساحرة كاينة فالغرفة خصوصا واحد الطابلو مرسومة فيه واحد البنت نصها كيبان والنص الاخر مطلي باللون الاسود وقفات قدامو وبقات متشوف فيه حسات بلي حياتها بحال هكاك نصها باين ونصها الحقيقي مخبي خافة خافة بزاااااف انو زياد ميبقاش مساندها وانو ايغدر بيها نزلات دمعة سخووووونة مليئة بالاحاسيس الجياشة من خدها لكن سرعان ممسحاتها وقررات انو غادي تقضي ايام زوينة مع زياد وخا تكون هادي هي اخر الايام ولكن غادي تخليها الاحسن والاروع مشات لخزانة الملابس ليلقاتها عااااامرة وكدوخ سلات واحد الكسوة مفتوحة من الصدر وهزات شي اكسسوارات لبسات الكسوة جاتها مزيرة بزاااااف ومتيرة بشكل رهيييب الصدر كلو كيبان والكسوة نازلة حتال لتحت مفيها لا فتحة لا والو طلقات شعرها من بعد منشفاتو ولبسات دوك الاكسسوارات خرجات من البيت وهبطات لتحت لقات الفيلة كتصفر من غير واحد المراءة كبيرة فالعمر ومن ملاميحها باينة مغربية وضريفة غير شافت راسيل او داخت
المراءة (بابتسامة عريضة قربات لراسيل وشداتها حسات بشي حاجة غيربة وزوينة بزااااف فاش قاستها )... مرحبا بيك ابنتي عتابري راسك فدارك انا هنا باش نفد اي حاجة بغيتيها
راسيل(شافت المراءة وتعاملها معاها حسات انها بغات تعنقها وداكشي لي دارت تلاحت فحضنها).. هههههه انولي نقول ليك ماما
المراءة (بفرح)..ونتي بنتي لي مولدتش
جا فيهم زياد وشاف راسيل معنقة دادا عيشة دار ابتسامة لا ارادية كيحماق علي عفوية راسيل وتحركاتها ادق التفاصيل فيها كيموت عليهم خرجو من شرودو الصاعقة فاش شافها شنو لابسة دادا فهماتو فاش شافها ونساحبات للكوزينة وهو قرب ليها بخطا متسارعة وقف قدامها شافت فيه جات بغات تهضر او قاطعها
زياد(حط صبعو علي شنايفها)...بغيت ندوقهم
راسيل( شافت فيه وبتاسمات)..الصمت
عتابر زياد هاديك اجابة بمعني انا ليك قرب ليها وحطهم عليها وبدا فالتقبيل بشكل جد مغري وحنون شتاق ليها بزاااف وعبر عن كل شوقو فهاديك القبلة مكانتش متوحشة كيف كتخيلو بلعكس كانت حنونة وبزاااف قبلات عاشق ولهان قبلات الهيام اما العشق ففاتو بمرااااحل

بعد شوية ايفسح ليريوسهم اياخدو النفس وبقا حاط جبهتو عليها 
زياد (كيشوف فعينيها)..علاش كنتي باغا تهربي
راسيل(تفلتات من بين ايديه ومشات جيهت المدفئة لي كاينة فالصالون ووقفات كتشوف فيها)...الصمت
زياد شافها كتحرك قدامو وجسمها كلو كيتزعزع شد راسو بزز ولكن الشئ لي خلاه ايفقد صوابو علاش مجاوباتوش طلعات ليه القدرة لراس ومشا عندها
زياد( شدها من ايدها بالجهد وضورها لعندو وغوت عليها)...فاش نكون كندوي معاك جاوبييييييييييييي
راسيل( خافة)... كنت خايفة فاش تعرف حقيقتي تقتلني ولا تبيعني
زياد(باستغراب).. وشكون قالك هاد الختربيق
راسيل..زياد اما ماشي انسانة انا حورية وهادشي بالنسبة ليكم مستحيل ايكون نتا براسك متيقتيش شكون انا فاش قلتها ليك كون مشتفيش بعينيك انا جيت لهنا علي هدف واحد ولي هو..... (عاقت براسها)
زياد(مخرج عينيه وزير عليها)... علي ود شنو جاوبي متعصبيش ديلمييييييييييييي
راسيل (متوترة غمضات عينها وقالتها بالزربة)..الزمردة
زياد(ترخاو ايديه وشاف فيها ممتيقش)..كي كيف كيفاش الزمردة شمن زمردة
راسيل.. الاوركيد السوداء
زياد(كلس بالجهد فوق الكنابي).. كيفاش وشنو علاقتك بالزمردة
كلسات حداه راسيل وعاودات ليه كلشي من نهار دوات مع الملكة كلشي بالتفصيل الممل حتال اللحضة لي هي معاه دابا وهو غير مكيزيد صدمة فو من صدمة
زياد..هي دابا الي مرديتيش الزمردة للملكة وطلبتي الادن منها متقدريش تعيشي برات الماء
راسيل(حنات راسها)...للاسف
زياد( بعد طول تفكير)...والي عطيتك الزمردة غترجعي
راسيل(حلات فمها)..شنوووو
زياد.كيف كتسمعي (شد فايدها) الي عطيتك الزمردة وديتيها ليها وخديتي حريتك غادي ترجعي ليا
راسيل(بفرح نقزات وعنقاتو)... مستحيل نعاود نخليك اكيد غادي رجع
زياد(حاوطها بايديه وزير عليها)...حتي انا مستحيل نعاود نخليك وغادي نمشي معاك حتي تعطيها ليها وترجعي مغاديش تغيبي من عينيا
راسيل( بعدات شوية)..وكيفاش غادي تجيبها
زياد(تنهد)..متخافيش هاد الامر عليا
ناض خرج وخلاها غارقة فافكارها وفنفس الوقت واخيرا غادي تقدر تعيش فالارض دائما مع زياد وغتنجح فمهمتها

نمشو دابا لعند مراد لي كان ناعس حتي صونالو تيلي ديالو شاف لقا زياد فتح الخط ودارو علي ودنو وبقا فنفس الوضعية ناعس علي كرشو
مراد(بصوت ناعس)...شنو كاين
زياد..بغيت الاوركيدة السوداء
مراد(حل عينيه وناض جمع الوقفة)..شنو وعلاش
زياد..اي تمن طلب وغادي ايكون عندك
مراد..شكتخري اصاحبي واش حنا بيناتنا خنز الدنيا مي من حقي نعرف شنو بغيتيها
زياد.. من هنا ساعة فتح سكايب باش ندويو مي تكون وحدك وعطل جهار التتبع
مراد..اوكي
قطع زياد وخلا مراد غارق فاسالتو شنو ايقدر ايكون باغيها وهي كتسوا هاد المبلغ الهائل من الفلوس هو مكيهموش للانو صداقتو بزياد كتعدي حدود اي حاجة وايفدو بعضياتهم حتال لموت
مسح مراد علي راسو ولبس تريكوه ونزل لتحت لقا امينة باقا فبلاصتها وصبا فالكوزينة كطيب للاياد ميجغدد وراي كتنضف محاشاهاش ليهم للانو عارف انو خوتو قادين عليهم ومشا جيهت امينة شدها من شعرها وجرها من بلاصتها طاحت للارض وحسات بلي لحمها تمزق ودمايات خارجة دخلها لواحد البيت كبير وزوين مفرش ومقاد لاحها فالارض ونزل عندها
مراد(كيدوي وكارز علي سنانو)..لقحبة ديالي صافي هادا جهدك كطيري مع طيور نونو احبيبتي معرفتيش راسك معامن وجديلي راسك ليوما ليلتنا اكبيدتي ندوقو لحلوة شوية نشوفو هاد السلعة واش مليحة ولا غير سالوك (غمزها) ديري من داك البارفان كيعجبني
مشا وخلا امينة معاقلاش كلامو نزل عليها بحال الساعقة ممتيقاش انو صافي شرفها ايضيع .لبنات شافو مراد نزل وطلعو ايجرو عند امينة لقاوها طايحة والدم كينزل منها تخلعو مي مبغاوش حد ايسيقلم الخبار عاد مغادي ايزيدو عليهم هزوها بشوية حتي حطوها فوق الناموسية مشات راي تجري جابت الماء وشي مراهم والفاصمة وباش تعقم ليها الجرح وصبا جابت الحوايج ليها باش تلبسهم بقاو معاونين عليها حتي بدلو ليها وعتاوها دوا وخلاوها تنعس وهبطو لتحت ملقاوش دراري وكلسو ايستراحو فالكوزينة

دخلو لبنات لكوزينة راي كلسات وصبا مشات وجدات جوج فناجين قهوة وكلسات بقات حادرة راسها تدور فالقهوة ديالا حتي سمعات شهيق ديال راي علات عينيها لقاتها كتبكي
صبا(مخرجة عينيها)..راي حبيبتي مالك
راي(بحرقة)...اهئ اهئ عييت مبغيتش باقي مبغيتش
صبا(تخلعات عليها ومشات كلسات حداها دوراتها عندها وهزات ليها راسها)...شششش صافي تهدني وقلوليلي شواقع
راي(كتمسح فعينيها).. شهاب اهئ اهئ
صبا..مالو شدار ليك
راي..اهئ اهئ شهاب مزوج اصبا مزوج وعندو ولد
صبا(بصدمة)..شنوووو كي كيفاش اويلي
راي..كيف كتسمعي مزوج اهئ اهئ وغادي ايمشي للالمانيا وغادي ايديني معاه وانا مبغيتش عارفاه غادي ايعدبني تما هو عارفني كنبغيه وبلعاني دايني باش ايزيد ايعدبني واما مبغيتش نتفارق معاك اهئ اهئ
صبا(عينيها كلهم حقد وكره)...مزال متزاد هدا لي ايفرقنا كتسمعي
دخل اياد وسمع شنو قالت صبا
اياد..هههههه حبيبتي مراتي شنو قلتي عاودي
صبا(لاحت الكرسي وناضت عندو)...كيف كتسمع
اياد(بابتسامة وقرب ليها حتي تخالطو انفاسهم)...علاش مفراسكش غادي نمشو لبريطانيا من هنا يومين
صبا(تعقد لسانها)..شش شن شنوووو
اياد(بتاسم ودار غادي)..كيف كتسمعي وجدي راسك
صبا(مشات وقفات قدامو).. حني مغاديين فين وغادي طلقني وعمري باقي غادي نشوفك كتفهاااااام انا وراي واحد ومكاينش لي ايفرقنا
اياد (هز تفاحة ومشا خارج)...هادشي من زمان من ليومة كاينة هضرا خراا
صبا دارت عند راي لقاتها عاد مزادت فالبكا مشات حداها وعنقاتها
صبا..ششش صافي انا عارفة شنو غنديرو
راي(شافت فيها بخوف)...شنو
صبا..غادي نهربو
راي..شنووووووو

يتبع

أجزاء القصة
قصص جديدة
قصة طباخة الرئيس
قصة طباخة الرئيس سناء الصنهاجي
قصة حب وسط الدماء
قصة حب وسط الدماء أسماء الجباري
قصة جنتي
قصة جنتي ليالي نسيم
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية