صورة مصغرة لـقصة أقدام معطوبة

قصة أقدام معطوبة

qisat 9isat a9daam ma3toba
رواية أقدام معطوبة

حسنا: اوووف عيييت بزاف اش هاد المرض خدمة كتيرة تقهرت بزاف...شي يخدم وشي ينعس 
سناء جمعي فمك راه الحيوط عندهم ودنين وزيدون تيساع
حسنا هدا راه ضلم والفرزيات بنادم يخدم ساعات قليلة فنهار وواحد نهار وماطال كيضرب تمارة حت تقسم ضهرنا
سناء هاديك راه مسنودة على جيهة تقيلة مكتشوفيش شاف كيفاش كيتعامل معها دونا عن كاع الخدامات الخرين ولي كارد كور مكيقربوش ليها...
حسنا وعلاش هدشي كامل ياك خدمة بحالنا بحالها وحنا قدام منها ياك رابعة سنين وشوية هادي باش جات ومن نهار جات يالله كتخدم غير ملي كيكون مول شي ومراتو وولادو هنا اما ملي ماكيكونش كتولي فراحة مكتخرجش من بيتها 
سناء شوف الله يرحم لك الولدين مقدينش على مشاكل راه شفيتها من نهار جات عمرها ماهضرت مع شي حد وكلشي عطياه تيقار حت لي حاول يقرب منها ولا شي كارد حاول يتحرش بيها مصيرو طرد ياك شفتي حميد ياك حاول يتقرب منها فلخر راه فزنقة ولى كلشي كيدير منها اطنسيون وكلشي عاطيها تيساع ياك حت من مكلتها عزلها بوحدها
حسنا ولكن علاش نهار كيكون مول شي وولادو كيحضروها وكيوقفوها معنى فالغرفة رئيسية ديل المكلة
سناء علمي علمك المهم ابنت ناس الى بغتي تبقي محافضة على خدمتك عطيها تيقار مهما كان راه معمرها ضلمت شي واحد ولا جبدت شي واحد والخدمة لي كتوكل ليها راه كديرها...
وقفات فشومبر ديالها قدام مرايا كبيرة شدة من الارض حت السقف وحديد فالوسط كتشد بيها باش كتمارس تمارين ديالها ...بقات كطلع وتهبط وتحسب الحركات ديلها والموسيقى عاطيا من سطيريو كتسمع هادية...بقات كتدرب حت دازت ساعة حبسات دخلت دوشات فدوش ديالها...وهيا كل صباح كتحمد الله على هاد شومبر لي عطها ولي جات مخبية وبعيدة على القصر ومجهزة بدوش وبمرايا وحديدة باش تقدر تخدم على الجسم ديالها ورجليها...كملت دوش خرجات بدلت ولبسات حوايج الخدمة وخرجات هاد المرة كاينة غير بنت مول شي وخاص كلشي يكون واقف على راسها حت تكمل عاد تفرق جوقة بحال رئيس الوزراء...انطلقت الخدمتها وهيا مكتشوف حت فواحد حيت عارفة بيلا كلشي الخدمات والكارد مكيحملوهاش حيت عدد ساعات الخدمة ديالها قلال دونا عن الجميع....وصلت فين كاينين الخدمات ووقفت بطريقة راقية ورفعات راسها...وهيا عارفة الهضرة لغادي تقال عليها من بعد فالكوزينة حفضت هاد نوطة مزيان...

هالمتكبرة المتنفخة جات ولي شايفة راسها وهيا خدمة بحالنا بحالها...معرفناش علاش نافخة ريشها كون غير عندها نقولو علاش...ياه المضاهر شحال خداعة ديما بنادم كيشوف غير توجيهة ولكن عمرو يشوف داخل ديل الانسان...ديما لسانا كيقودنا الكلام وهضرة كضر الاخر بلما كنحسو به...كملوالبرتكول ديل الوقوف كملت بنت مول شي وتحركات وهوما بدو كيجمعو طبلة وفرقو جوقة كيف العادة...غير كملت خدمتها تحركات مشات الشومبر بدلت حويجها..وخرجات مشات العند شيفور ولي حت هو مزادش معها الهضرة ركبات وزاد بيها وهدشي كلو من رئيس الخدم اي حاجة طلبتها تكون تحت الامر ديالها هدا هو القرار وحت واحد ماعندو الحق يعارضو علاش وكيفاش الله واعلم...تحرك بيها حطها فالبلاصة لي بغات وتحرك وقف فواحد القنت...شدات بتي طاكسي قدام عنين شيفور وزادت حت وصلت الوجهة ديلها...وصلت طلعات العنوان لي بغات دخلت جلست كتسنا نوبتها حت جات غير دخلت مشات جلست فالبياس حيدات صبابطها جا عندها طبيب بقا كيقلبهم وكيبرك عليهم...حت كمل وسالى ومشا البيروه....
طبيب: شوفي ابنتي نور الهدى هدشي مبقاش خدام لك خاصكي تحبسي
نور الهدى منقدرش
طبيب: غادي تزحفي... رجليك ضعاف بزاف وخصوصا العضام عندك ماشي صحاح
نورالهدى قول ليا اي حاجة الى نحبس ماشي وصلت حت الهاد المرحلة وبغتني نحبس
طبيب بنتي راه حت العمليات ماغاديش ينفعوك سمعي مني وحبسي هدشي غادي يخرج عليك هدشي لي بقا لك فحياتك عرفتي شنو هيا تزحفي ماشي ساهلة
نورالهدى كتب ليا دوى
طبيب راه مكينش ماسهل منو ولكن مغينفعكش ومكملها مكتكليش كون غير كتاكلي باش تسندي راسك شوية 
نور الهدى غير صبر مابقا قد مافات بقات غير ستة ديل شهر وكلشي غادي يكون هو هداك
طبيب اش غنقولك ابنتي لكنعرف طلعتي كتشبهي الموك تكيسي على راسك وقتما احتاجتني غتلقيني هنا
نور الهدى ان شاء الله الله يهنيك...خرجات من عندو وهيا كتفكر فهضرتو ولكن ماغاديش تحبطها غادي دير دكشي لي فبالها واخة تعرف ماشي غير تزحف واخة تعرف تموت...

وصلها شيفور غير دخلت عيط ليها رئيس الخدم وطلب منها تكون فالمناوبة ليلية مع حسنا...حيت سناء لي كتكون فليل خدات نهار باش تمشي تبات مع موها حيت باها مسافر...مشات الشومبر لبسات حوايجها وخرجات كتخدم خدمتها...وهيا رجليها كيضروها ولكن مسوقاتش بدات بالغرف هوما لولين مشات كتنضف فيهم وحسنا شدات جيهة خرى من الغرف باش يتلقو فنص....
دخل معصب ومنرفز معارفش مالو...كلو سخون وعرقان وعرف راسو بيلا داروه بيه صحابوعوتاني بقا كيسب وكيعاير هو بلا والو هايج...فيما يرجع من الامريكا المغرب هدا هو الاستقبال ديل صحابو...يشربوه شراب ويديرو ليه فيه الفياغر...طلع البيتو سد الباب دوش بالما بارد ساعة ماقضى فيه والو بقا كيمشي ويجي فالبيت بحال شي سبع هادي تاني مرة داروها به...راس غادي يتشتت عليه حيت دم عندو سخن وطلع ليه الراس...عيط الخدمة الغرف جاوباتو الخدمة طلب اسبرين وكاس ديل الما...قطع عيط الرئيس الخدم طلب منو يسفط ليه شي واحدة يقضي بيها ليل ويخفف على راسو هاد المصيبة...بقا كيمشي وكيجي وهو باغي يطرطق....
حسنا هزات صينية واخر غادي تشوفو...حيت مولفة كتشوفو غير فتلفازة ..اما دبا غادي تشوفو مباشرة حيت بزهر فيما كيجي كتكون كنجي...بقات هازة صينية حت تلقات مع رئيسة الخدم تانية طلعات فيها وسولتها..
رئيسة الخدم: فين غادية بهاد صينية
حسنا: مسيو حسام طلب اسبرين
رئيسة الخدم: وبهاد الحالة غطلعي عندو بهاد الحالة كلك مغبرة فين كنتي...
حسنا كنت فواحد شومبر مسدودة شحال هادي متحلت
رئيسة الخدم رجعي رجعي...رجعات وهيا معصبة بغا تبكي حيت حرمات عليها شوفتو حت تلقو مع نور الهدى جايا من جيهة الخرى حت وقفاتها رئيسة الخدم
رئيسة الخدم: مدموزيل نور الهدى اش كان عندك...دونا عن الخدم رئيسة الخدم الوحيدة لكتهضر معها بشكل رسمي هيا نور الهدى
نور الهدى كملت الجناح الشرقي ونازلة التحت نكمل الخدمة لي بقات 
رئيسة الخدم اوكي ممكن طلب 
نور الهدى وي مدام
رئيسة الخدم دي ليا هاد صنية البيت مسيو حسام

نور الهدى اوكي خدات صينية وشدات طريق الشومبر ديالو وهيا كدكر وجهو فالمرات قليلة لي كان كيجي فيها المغرب يشوف باه ومو ويرجع الولايات حيت تما حياتو وتما عايش...دقات دخلت بلما تشوف فيه مشات الكوفز حطات صينية...حت كتهز راسها وكتلقا الباب كيتسد وشي واحد كيتحك فيها..دارت لقاتو جرها ولسقها مع الحيط وحشا وجهو فعنقها وهيا عاطياه بضهر وكلها كترعد ولسانها تعقد من الخلعة دكشي لي بداتو هاديك غادي يكملو هدا يالله ماطلعة ماطلعة...قطعات نفس وهيا كتشوف فيه كيفاش كيغتصبها بدم بارد...عرفتو بيلا ماشي فالوعي ديالو غير من ريحت شراب لي عاطية منو وعنيه حمرين...بقات كتفكر وهيا كلها مرفوعة وهو كيكزر فيها...اش معنى لحياتها اصلا هيا تولدت الهدف معين...اش بقا ستة ديل شهر ؟؟؟ ههههه علاش غتغوت على ود شرف..حت يكون عندها دماغ باش تفكر عاد تغوت....حت تكون عندها شخصية باش تهضر وترفضها عاد تغوت...مدام معندها حت حاجة من هدشي فمعندها حت معنى تغوت اووووف الغو خليه يدير مبغا....ياه فيا نعاس بغيت نعس...نعس حسن يالله يكمل على خطرو مافيا مانتفارع معاه على حاجة مكتسوش....غيبات وخلاتو هو طاير وعايش عالمو كيلبي شهوة ديالو...حت طلع الفجر عاد نعس وهو رامي عليها يد ورجل...مولفة كتفيق بكري.... ضربتها الفيقة حيدات عليها ليزار ...لبسات حوايج الخدمة قدات شعرها بكل برودة اعصاب...لبسات صباطها شربات ديك اسبرين وحسبات دروج...مشات الشومبر ديالها دوشات لبست لبسة ديالها طلقات سيموفنية لغادي تخدم عليها ونطلقات العالمها....
تنصف نهار ضرباتو الفيقة راسو غادي يتشتت عليه...وكلو مسخسخ بحالي كان كيحفر وفعلا راه كان كيحفر فيها جر عليه ليزار حيت كان مصهوض رماه الارض وناض تحرك الدوش جلس فيه ساعة حت صحصح مزيان خرج وهو كيفكر شنو وقع البارح حت طاحت عينو على الفراش لقاه عامر بدم وبحالي سرفقتيه....مشا جلس فالكانبي وبقا كيفكر شكون هادي مزغوبة اليام لي خرج عليها...تعصب وحلف على صحابو كاملين يا حتى يخربها معهم ضحك ديالهم زاد على حدو وخرج على بنت معندها حت شي دنب...عيط الرئيس الخدم وراه شنو وقع وطلبو يعرف شكون الخدمة لي جات عندو البارح وعلاش تعطل فطلب البنت لي طلب
رئيس الخدم: راه سيفطتها لك وملي وصلت لقات عندك بنت واحدة خرى خلصتها ومشات
حسام بغيتك تجيب ليا هاد البنت لي وقع معها هدشي البارح نشوف حل الهاد المصيبة...فين كان عقلك اصاحبي...ملي تشوفني سكران متبقاش تسيفط ليا الخدمات
رئيس الخدم صافي هنا نتكلف راه كنت فمهمة رسمية خارج البيت مع الوليد ديالك

حسام مكيهمنيش خبرهم نهار نكون سكران سيفطو ليا راجل لي يخدمني دبا اش جاب مايفك هاد الوحلة....معرفتش واش تقبل الفلوس
رئيس الخدم تقبل 
حسام جيبها البيرو خلينا نحلو هاد المشكل
رئيس الخدم اوكي مسيو حسام..سيفط عليها تجي...تحركات بلباسها رسمي حت وصلت غير دخلت وقفات شافتو حدرات راسها اما هو ضربو ضو كيفاش قدر يتعدى على بنت بحال الورد
حسام تفضلي جلسي...تحركات جلسات بطريقة انيقة ولكن عنيها مهزاتهومش
حسام لي نطولوه نقصروه شحال بغيتي؟؟؟ باش تقدمي استقالة وتمشي فحالك
نور الهدى: هزات راسها بعرض البطئ وشافت فيه...شوفة فشكل ...اصلا ماخسرت والو....اما نمشي فحالي فمبقا قد مافات ستة دشهور ونمشي غير رتاح
حسام كيفاش ماخسرتي والو؟؟؟ يعني شرفك مكيسوى عندك والو
نور الهدى ههههههه الى كنتي خايف نتبعك ونشد فيك باش تزوجني ولا نشوهك فصحافة العالمية غير نعس مع جنب راحة...اعتبرها كادو من عندي 
حسام كيفاش..؟؟؟؟ شوفي بلما تبقي تخربقي عليا ها شيك قدامك عمريه بالمبلغ لي يناسبك كتر من هكا ماعندي منعطيك
نور الهدى : دكشي لي بغيت معندكش اصلا ودكشي لي باغي تعطني مغينفعني فوالو....عندك رئيس الخدم يكفي غيكون لك ضمانة من جيهتي...وقفات وخلتو بلاكة مافاهم والو كيفاش قضيتها ؟؟؟ دار عندو
حسام جيب ليا الملف ديالها كلو
رئيس الخدم مسيو حسام غير خوي راسك منها وماغاديش تابعك بوالو غير تهنا ورتاح...ماجا حسام يهضر حت لقا باه داخل مع البيرو تما تسد الموضوع مبقاوش هضرو فيه وحسام مازال دخلينو تناوي كيفاش بنت مغربية خسرات شرفها وفلخر عندها زايد ناقص...كون مدازتش عليه هاد القضية من قبل وضطر يتزوجها ويعطها مبلغ كبير ديل الفلوس ويطلقها يقول بيلا ممكن ولكن مع هادي القضية فيها ان...تحرك مشا شد طريق ولكن هاد المرة لعند صحابو حالف يحتى يفرشخهم...حيت البنت لي ضيعها دارت ليه العصا فرويدة وخلاتو حاصل حيت مستحيل يخلي القضية دوز غير هكاك...

رجعات الشومبر ديالها ووجها حمر ولكن جامد...كتسولو على دموع نور الهدى مبقاتش كتبكي ودعات دموع فاش كان عمرها خمسة سنين...رجعات الشومبر لبسات لبستها وبدات تدريبات ديالها حت جا وقت العشا طلبوها توقف دير البرتكول...وقفات اونفاص معاه ملي بدا يتعشا يالله هز عينو لقاها واقفة مع الخدم وحلت فيه ولكن هيا مكنتش كتشوف فيه هيا كانت كتشوف فواحد لوحة مور ضهرو ديما كانت فيما تمسح داك القنت كانت كتشوف ديك صورة ديل جوج رجال ومراة وسط منهم...بقات كتشوف فصورة وهو كيشوف فيها حت تعصب حيت مارمشات متحركات بحال شي تمتال جامد ومشافتش فيه...عكس الخدمات الخرين لي كلهم حاضين معاه...بدا فطلبات ديالو وهو مامولفش غير باش يشوف رد الفعل ديالها ولكن حرام واش تحركات ولا تزعزعات ولا حت رمشات...وهكا عادتها فبرتكول المكلة معندها حت معنى تجرى تخدم اشخاص لي جلسين فطبلة وكاينة عشرين خدامة خرى حت رئيس الخدم عمرو منهرها ولا قالها شي كلمة..كمل سالى حط دكشي معصب وطلع البيتو كيفكر واش هادي شي لعبة كديريها باش طيحو..بقا كيفكر بحكم تجربة ديالو فالولايات حيت هو نجم باسكيط بول فاقوى فرق ان بي اي اكشن فالولايات كلاعب كرة سلة معروف فهو كان متبوع من البنات والمعجبات وكانت كل واحدة كتحاول طيحو باي طريقة لدرجة كيديرو شي قوالب كيصدموك بيها...بقا كيفكر وقرر يزير رئيس الخدم باش يعطيها رزقها وتمشي...عيط ليه عطاه شيك وخبرو ربعة وعشرين ساعة متبقاش ...تمشي فحالها وتمضي على عقد عدم تعرض او المتابعة....تحرك رئيس الخدم باش ينفد دكشي لي تطلب منو....
فؤاد وسلمى اب وام حسام
فؤاد يمكن جا الوقت لي خصنا نمشو الولايات 
سلمى اوي ضروري جا الوقت شحال من عام داز دبا عشرين عام 
فؤاد عشرين عام وحت عام مافوتناه
سلمى اوووف اوي حت عام مافوتناه ومنقدرش نسى حت حاجة من دكشي لي داز...
فؤاد هاد المرة غادي نطلعو حنا وحسام
سلمى خصنا نبدو نوجدو...امدرا فين وصلتي فالمهمة ديالك 
فؤاد نجحات
سلمى وايلي علاش مقلتيهاش ليا 
فؤاد يالله حيدتيها ليا من طرف لساني
حسام علاش كتهضرو بنجوغ
فؤاد وسلمى بنجوغ....
سلمى غير على المشية ديل الولايات 
حسام غتمشو هاد العام 
فؤاد وي ضروري ولكن هاد المرة غادي نمشو شوية بكري 
حسام علاش ؟؟؟؟
سلمى عندنا شغل خصنا نقضيوه
حسام ديلاش هاد شغل
فؤاد حسابات قدام خصهم يتفضو...حسام بحالي فهم بيلا مبغوش يهضرو قلب الموضوع وبقاو كيهضرو عادي...دازت ايام وجدو مسائلهم وانطلقو الولايات مجموعين وحت من ولادهم الخرين مشاو وهاد المرة بدعوة اجبارية من كل من موهم وباهم....

دازت خمسة دشهور...وقفات فبيت نعاس ديالها....وهيا كلها معصبة منرفزة ومتوترة حيت نهار الموعود جا كلها كترعد ومخلوعة حيت لحضة لي فنات عمرها عشرين عام هادي جات مبقا كيفصلها عليها والو غير ساعات بسيطة....لبسات لبسة ديالها لولى حيت هاد لبسة غتكون غير رقصة الافتتاح...قدات مكياجها كلو صيبات مشيطة الشعرها....وهيا كلها مزيرة ....دق الباب تقدمات حلاتو وقف قدمها بحلة انيقة مد يديه شداتها وسدات الباب تقدم باس ليها جبهتها ونطق
رئيس الخدم واجدة 
نور الهدى اوووف واجدة.....
كانو جالسين فصالة كاملين فؤاد سلمى وحسام ومعهم حت ريم وهند ومراد
حسام وقت الحفل باقي ليه بزاف نمشو نتعشو عاد نتحركو
سلمى بتوتر وعصبية لا مغاديش نتعشو بغيتو تعشو سيرو تعشو نتوما
هند والله يهديك اماما ونتي كل عام كتحضري حفل ماشي اول مرة لي يشوفك يقول نتي لغادي ترقصي 
فؤاد تفرقي معها هاد المرة غير المرات لي فاتو
حسام علاش هاد المرة غير المرات لي فاتو اشنو واقع لاش نتي والوليد ماشي على برجكم كل عام كتحضرو الحفل ونتوما ناشطين ومامولفينش تفرضو علينا نحضرو وهاد العام فرضتو علينا نحضرو
فؤاد حيت هدا اخر عام غادي نحضرو ليه انا وموكم دكشي علاش بغيناكم تكونو معنا...تقدمات هيا ورئيس الخدم مع ممرات القصر حت خرجات فصالة الكبيرة فين جالسين غير وصلات عندهم هزو عينهم فيها وهوما مصدومين اما حسام كان عاطي بضهر بحلق فيهم ودور وجهو وتصدم كتر منهم وهو كيفكر هادي كيفاش جات الولايات؟؟؟ طلع راسو فيها وفلباسها وهيا كلها لبسة كسيوة فالبيض وكلها منبتة....بحال شي ملك جنية خرجات من الاساطير القديمة

غير وصلت وقفات وكلها باردة مزنكة ديك ساعة طلقات من رئيس الخدم تقدمات رفعات رجليها وقفات على صبعها وقدمات تحية السلمى وفؤاد لي كانو كيشوف فيها بافتخار وكيشوفو كيفاش كبرات ومبقاتش ديك البنت صغيرة لي شافوها اول مرة...قدمات تحية وسط صمت بارد وكلشي كيشوف فيها مصدوم وكيسول شكون هادي واكتر واحد كان حاير هو حسام...شكون هيا وشنو علاقتها بباه وبمو...بقات واقفة على رجليها طلعات وجها فتصويرة لي معلقة لفوق/نسخة من صورة كاينة واحة فالمغرب ووحدة فالولايات/ ولي فيها باها وموها وراجل تالت هو سبب خراب حياتها وعلى ودو تقيمات هاد القيامة وعلى ودو ضاعت عشرين عام من عمرها باش توقف قدامو عشرين دقيقة باش توصل ليه مسج من عند موها الميتة....حدرات عنيها تنفسات تقدمات سلمى باستها فجبهتها وفؤاد نطق
فؤاد نور الهدى....واجدة؟؟؟؟؟
نور الهدى ساطت مزيان ونطقات بكل تيقة....واجدة
حسام حت واحد ميتحرك من هنا حت تقولو لينا شنو واقع واش علاقتكم بهاد البنت
فؤاد ماشي وقتو تعطلنا اصلا
حسام بالغوات.......فؤاد
سلمى حسام بليز خلي هاد ليلة دوز على خير نتا عارف ماشي ساهل تعطل حفل الجوليارد مامعاهش لعب...عام وباك كيجري بين المغرب والولايات وخدم كاع نفود ديالو وكاع العلاقات ديالو باش يقنع واحد يرجع يسير فرقة رقص البحيرة البجع ويدخل بنت مبتدئة تادي دور رئيسي فالفرقة ماشي ساهل كيف كتخمم...خلي هدشي حت يسالي الحفل وغادي نجاوبو على الاسئلة ديالكم....تحركو كاملين وحسام عينو عليها وهو كيتفكر هضرتها 
فلاش باك 
نور الهدى: اصلا ماخسرت والو....اما نمشي فحالي فمبقا قد مافات ستة دشهور ونمشي غير رتاح
الى كنتي خايف نتبعك ونشد فيك باش تزوجني ولا نشوهك فصحافة العالمية غير نعس مع جنب راحة...اعتبرها كادو معروف

رجع الواقع وهو كيحلل هضرتها وكيشوف فيها حيت كانت جالسة بين باه ومو بحال الامانة وهو مافهمش سير هاد الاهتام كلو بيها وهدشي كلو لي دارو عليها باه ماشي طبيعي...معمن طاح؟؟؟؟
وصلو دخلت هيا وسلمى وفؤاد الكوليس من لور لقات كلشي لابس وكسيتنا سلمو عليها حيت جات من ستة دشهور باش تبدا معهم تدريبات الجماعية وفؤاد وسلمى لي جابوها وجابو خبار شنو وقع مع حسام ولكن هوما سكتو حت يدوز صعيب عاد يجلسو الطبلة تقدمات بدات كتدرب دارو ليها لمسات اللخرى...والمدرب كان راضي على الاداء ديالها حيت تدربت على يد خبيرة الباليه...موها.....جا واحد كيجري كيعلن على بداية الافتتاحية ولغادي ترقص فيها مع المجموعة ...دخلت كترعد رقصات مع المجموعة رقصة الافتتاحية ولي دازت فربع ساعة ولي رقصات فيها نور الهدى باحترافية كبيرة ...دخلت دغية كتجري مع المجموعة باش تبدل...فجهة الخرى كان جالس كل من فؤاد وسلمى وحسام وهند ومراد وريم...حسام بقا مصدوم من البراعة ديالها فرقص الباليه ومكانش كيتوقعو بدا كيدكر كيفاش كانت واقفة فصالة ديل المكلة وهيا كتشوف فصورة لي فضهرو وحت الوقفة ديالها ماشي الوقفة ديل بنت عادية....بقا كيفكر حت نزل صمت على كل فالقاعة وهوما كيشوفو واحد داخل بكل واقر وشيب ضارب فراسو تقدم لقا تحية عليهم...رئيس شرافي للفرقة الموسيقى وفنفس الوقت رئيس فرقة بحيرة البجع ولي غادي يأدها من بعد ماعتزل ولكن بطلب من مجموعة من شخصيات قبل يأدي وتكون هادي هيا اللخرة معرفش علاش طلبوه يرجع ...وهو عشرين عام هادي باش اعتزل الوسط ومشا بحالو من بعد دكشي لي وقع ليه مع نورة...وقف فصمت باش يلقي تحية غير دور عنيه على الجمهور غير شافهم ولى صفر صافي عرف ان رجعو المنصة مكانش بمحض صدفة وانما جيهة لي رجعاتو كانت جالسة قدامو....

لبسات تقادت صيبو ليها المكياج البجعة البيضاء هدا هو دور ديالها دور رئيسي ولي كان الحلم ديل الام ديالها ومتحققش...تقدمات مع الفرقة ديالها واضواء المسرح كانت كلها نازلة حت تقدم تحت وقع موسيقى كتأدن ببداية قصة حزينة البحيرة البجع...لكلها كتكون من دموع ولي كتبها كاتب روسي كيعبر فيها على قصة حب خيالية...ولكن هيا ماكتملك لا حب لا احلام لا خيال مجرد الم فالقلب والم فالاقدام لي تعطبات بسباب احلام شخص اخر مات وشبع موت وخلها معدبة...دبا هيا ديك البجعة لي كانت محكومة بسحر موها عشرين عام وهاد لحضة هيا لحضة لغادي تحرر من داك الحبس لي كان مفروض عليها وتحرر من حلم مكانش حلمها...تقدمات وسط رقصات البجع وهيا كتحس بكرشها كتلويها ولكن ماشي وقتها دبا...تقدمات وبدات كترقص رقصة لي كتعبر على حزنها حيت تسحرت من طرف ساحر لي حولها البجعة فنهار وفتاة فليل ولي خلى موها كتبكي حت عمرات البحيرة بدموع عليها...بدات كتادي وكترقص وهيا كلها مرفوعة حت الواحد لحضة سمعات شهقة فطرف بعيد من الجمهور وكلشي وقف فدقة واحدة اما هداك لي كان كيعزف طاحت العصا من يديه وهو كيشوف فيها مصدوم اما هو ماصبرش طار كيجري ليعندها حيت كانت كترقص وهيا مرفوعة وبين فخاضها دايزين بدم وهيا ماحسش بقات كتشطح وكتشوف حسام كيجري جيهتها وهيا كضحك...ياه نبؤة تحققت كنت هازة الهم لهاد نص لخر ديل القصة ديل الامير لي غادي يجي ويهرس لعنة سحر عليا هاهو جاي...يالله لقفها وغيبات...

فشومبر فصبيطار جلسو كاملين ومنهم رئيس الفرقة لي كان مصدوم من بنت...بنت نورة؟؟؟
جلس كل من فؤاد وسلمى وخالد رئيس الفرقة وحسام وخوتو وكلهم كيتسنو يشرحو ليهم شنو وقع؟؟؟؟
سلمى: كنت انا وفؤاد وختي نورة...اه ختي نورة من لحمي ودمي وسعيد بابات نور الهدى وخالد صحاب فالمغرب وكنتمو كلنا الاسر غنية وبحكم اننا كنتمو كلنا العائلات الفن فكلنا كنا كندرسو الفن فمعهد الفن وهكا كل واحد اختار تخصص ديالو انا ونورة رقص الباليه وسعيد البيانو اما خالد فهو كمان وفؤاد حت هو البيانو ..كونا كلنا كنمتلكو الموهبة وقررنا غير بضحك نسيفطو الجوليارد ارقى جامعة فن فالعالم فالولايات...الجميل فجوليارد هو انك مكنتش كتقبل على حساب فلوسك وانما على حساب الموهبة ديالك...
فؤاد قدمنا فيها وحنا غير ضاحكين وماشي غير حنا برمسيو ديلنا كلها كنا خارجين واحد الخرجة وبقينا كنهضرو هكا حت قالينا واحد نقدمو على الجوليارد بقينا كنضحكو عليه وكنقولو ليه واش من نيتك من المغرب للولايات كدرتي ليها... هادي هيا الحريك بالفن...بقينا كنضحكو حت قالنا واحد راه كاين نسيفطو ليهم رسالة ونشوفو فين تخرج..كتبنا رسالة وسيفطنها ونسينها كاع واش كانت...
خالد حت دازت شهرين وسيفطو لينا كيردو علينا وكيقولو لينا راه غادي يجو ويشوفو مدرستنا ويشوفنا الى كنا كنستحقو يدونا.... مصدقناش رسنا كاع واش بصح...حت جاو وفعلا تهزينا حنا خمسة من اصل عشرين وكنا حنا فؤاد وسلمى ونورة وسعيد وانا...
سلمى: مشينا الجوليارد مشينا نجومية وتحقيق الاحلام وكانت من اجمل رحلات لي درنا خمسة مغاربة كسرو طوق وقدرو يدخلو الجوليارد ويحقق احلامهم...بدينا دراسة تما والخدمة والفن ولكن نورة كانت كتصوبو الكمال والكمال لله كانت بغا ترقص رقصة بحيرة البجع باش تختم المشوار ديالها...ولكن لي كانت مخبياه على كلشي هو انها كانت مريضة من رجليها وكانو ضعاف ميقدروش يتحملو ولكن هيا مسوقاتش كان قلبها قاسح...تما عرفنا ان نورة انانية حيت مفكرتش فسعيد وفصحتها فكرت غير تحقق حلمها بنجومية والعالمية ومحسبات حساب الحتى واحد وهكا حت حد ماجاب خبار بيلا بقات كترقص غادي تزحف من رجليها...
خالد كنت ديما مشاد معها ومكنتش كنبغي نعطيها دور رئيسي ماشي حيت مكنحملهش كيف ماتخيلتو نتوما بلعكس حيت كنت كنبغيها مكنتش باغي نعطيها دور حيت بصدفة اكتشفت انها غتزيد ترقص صافي غادي تزحف فمرة وهكا قطعت عليها رقص وقطعت عليها ترقص رقصة اللخرة

فلاش باك.....فمسرح تدريب
خالد: شوفي انورة لغادي نطولو معاك غادي نقصروه رقص مغاديش ترقصي ودور رئيسي البحيرة البجع مغاديش نعطيه لك واخة نعرف نوقف رقصة كاملة مغاديش نخليك تلعبيه
نورة الى مخلتنيش غادي ندير لك العصا فرويدة 
خالد لي فجهدك ديريه
نورة ان عارفك معمرك محملتيني وبغيتي غير تصرف ليا حيت معطيتكش وجه وفضلت سعيد عليك
خالد قولي لي عجبك انا لي عندي راه سمعتيه وهاد دور متحلميش بيه وعمرو يكون لك
نورة هاد دور غادي نأديه ولا مأديتوش انا كاين لغادي يأديه عليا سوى طول زمان ولا قصار
الحاضر.........................
سلمى رجعنا المغرب ورجعات هيا وسعيد وحنا كلنا مزوجين ديك ساعة كان عندي حسام وهند حيت انا غير ملي عرفت راسي حملت بحسام اعتزلت رقص وفؤاد اعتزل حت هو وانطلق يأسس راسو باش يقدر يهزني انا ولدي اما هيا ماعتزلتش وسعيد مقدرش يعتزل بسبابها ولكن متخلش عليها حيت كان كيبغها حت وقعات الواقعة وتما فين رجعنا المغرب...غير دخلنا مات سعيد وهيا شدات ابارطمون وكانت ديك ساعة حاملة بنور الهدى وانعزلت على العالم...قررنا نوقفو جنبها ولكن هيا مخلتناش...خر يامها زحفت ودرنا ليها خدامة لي تقبلها وفنفس الوقت تقابل نور الهدى لي غير دارت 17 سنة مات نورة وجبنا نور الهدى عندنا...
حسام اهه وكيفاش جبتوها خدامة عندكم وهيا بنت ختك
فؤاد متحكمش علينا قبل ماتعرف شنو وقع
حسام : مبغيتش نسمع منكم واخة تعاودو ليا مغاديش نسامحكم لانه مهم وقع لي وقع ومغاديش تردو بنت من لحمكم ودمكم خدامة ....يالله بغا يتحرك وهو يجي طبيب وقفو كاملين كيتسنو منو اش غيقول...
طبيب مع الاسف البنت كلت دق بزاف...البنت زحفات من رجليها...وهاد زحف جا نتيجة الحمل لي كانت حاملة به هاد ستة دشهور لي فاتو تقل ديل الحمل تقل ليها على رجليها لي اصلا كانو مهددين بزحف اتر عليها وزحفها واخة جهضت ولكن مبقا عندو دبا حت معنى...كلهم تصدمو من هضرتو واولهم حسام مكانش كيتوقع دكشي لي وقع غادي يخرج بهاد شكل...بقات سلمى كتبكي وحسام خزر فيهم مغاديش نسامحكم ابدا نتوما سباب هدشي كلو لي وقع...سطح فيهم وخرج ومشا لجيهت شومبر ديالها يالله حل الباب لقها عاطياه بضهر وكتشوف فشرجم بجمود....شد كرسي وجلس فواحد القنت كيشوف فيها بحزن...لبدوه هوما كملو هو....

الماضي...........ينادي....لكل ام حالية او مستقبلية...لا تحاولي تحقيق احلامك من خلال ابناءك
ماما...ماما...ماما 
نورة اممم اش بغيت حبيبة ماما
نور الهدى بغيت نعزف البيانو بحال بابا
نورة لا احبيبتي لي بخانسيس مكيعزفوش البيانو لي بخانسيس كيشطحو البالي بحالي؟؟؟؟
مبغتيش تكون بخانسيس بحالي
نور الهدى وماماتي راه كيضروني رجليا بزاف وخصواصا صبعاني 
نورة حت انا كنت بحالك فلول ولكن ولفت...
..............
ماما هئ هئ هئ ماما عفك بركة عييت 
نورة سكتي يحرق ولديك الكلب والله متعلمي توقفي على رجليك لا خرجتي من هاد البيت
نور الهدي هئ هئ فيا جوع عفك غير ناكل ونوقف من هنا الغدا
نورة حرام نعمة مطيحش فكرشك حت تعلمي توقفي على رجليك وزيدون غليضة خاصك ضعافي عمرك مغاتوقفي على صباعك الى بقتي كتكلي كي الهيشة
نور الهدى هئ هئ هئ ياك حرماني من الحلوة ومن لي كاطو ومن كلشي ياك كنكل غير شلاضة والما حت الخبز مشبعاهش فكرشي...
نورة وهكا غتبقي حياتك كاملة......
ضروري خصني نبقا على واحد الوزن باش نقدر نوقف على صباعي...هكا دازت حياتي فابرطمون بين ربعة الحيوط لا تلفازة لا خروج ونهار كنخرج كنخرج عند طبيب لكيفحص ليا رجليا وكيدير ليا شوية ترويض باش نقدر نخدم بيهم...نورة كانت كتهمل كلشي الى رجليا كانت كتهلى فيهم حيت هوما لغادي يحققو ليها الهدف...عمرها جلست وفكرات انني نقدر نزحف بحالها ولكن هيا علاش غتفكر مدام ماشي هيا لغادي تزحف او بالمعنى انها هيا حياة راسها من خلالي انا....هكا داز عمرى شلاضة والما والعصا والوقوف على صباع رجلين وتدريب ليل بنهار مع سموفنيات حزينة....
........
نورة نوضي تكعدي نتي شتك خمرتي....
نور الهدى عفك اما غير شوية ما نعسنا حت جوج دليل بسباب تدريب وها دبا خمسة دصباح
نورة نوضي على يامك انا كنت كنعس غير ساعة
نور الهدى يحرق بو هاد البالي لي خلى ليا حياتي بحال هكا
نورة صقلتها ديلموك الكلب ولدتك على هاد سبب اما نتي حياتك معندها حت معنى نتي تولدتي باش توصلي الجوليارد وترقصي فجوليارد هدا هو دور ديالك
نور الهدى هئ هئ هئ حرام عليك اماما واش هدا من سوا عندك
نورة الى حققتي ليا حلمي راه نتي بنتي حبيبتي ...ولا فشلتي مانتي بنتي مانا نعرفك كتفهمي يالله تحركي
.........
طلوع...نزول....طلوع....نزول.....هادي هيا حياتي ساعات طويلة يد فحديدة وواقفة على صباع رجليا لي مبقتش كنقدر نحس بيهم...هدا ماشي حلمي ....تصدقو؟؟؟؟ هههه هدا حلم ديل ماما العزيزة حيت فشلت فجوليارد فبغات تحقق الحلم ديالها هيا فيا انا...انا مجرد ادة جات تخدم واحد الهدف ومن بعد مايبقا عندها حت معنى...ادة الام ديالي لي ماتت ومع دالك مامتش الحلم ديالها خلاتني كنكمل المشوار تحت عنين واحد خرين وملي نوصل الهدف ونحققو ديك ساعة ميبقا عندي حت دور ولا معنى...

عشرين عام من عمري تحكمت بين جوج..... فلحضة غضب هو رفضها وهيا تحداتو وهكا مشيت انا فرجلين....لغاتني ولغات شخصيتي باش تعيش حلمها وشخصيتها....كتستغربو كيفاش كنهضر عليها بحالي كنكرها....مكنكرهاش ولكن كنكرها حيت نكرات الوجود ديالي ولغات شخصيتي....شوفتني الويل فحياتي دونا عن الامهات الخرين لي كيبغو بناتهم وكيحنو فيهم انا الام ديالي كانت كتفيقني قبل الفجر وتخليني نهار كامل بجوع يقرب المغرب عاد تعطني كاس دالما وشلاضة اما حت القريا مقرتنيش فقط علمتني لغات باش منتسماش امية علمتني دكشي لغادي يخدم الهدف ديالها....عايشة وميتة عايشة كجسد وميتة كروح...اما الخروج فكان لعند طبيب ديل رجلين لي شحال نبها على انني غادي نزحف الى بقيت هكا ولكن هيا مهمهاش مدام انا لغادي نزحف ماشي هيا...وفعلا فاخر هنا زحفت...ولكن شيء الوحيد لي فرحت ليه انا حلمها واخة تحقق ولكن ماشي بطريقة البغات ربي انتقام منها بطريقة غريبة....اوووف واخير غادي نعس...
بقا جالس كيشوف فيها وكيسترجع الكلام لي ضار بيناتهم وهو معصب حيت عاد فهم وعرف علاش كانت مامسوقاش لدكشي لي وقع ليها ولي زاد كمل عليه الحمل لي حملت وهزاتو ستة دشهور وفلخر طاح...كان غادي يكون اب ولكن هيا حرماتو من داك الاحساس...ووليديه حت هوما مشاركين وعارفين شنو كاين تهز خرج عندهم وهو معصب منهم كيفاش مقدروش يوقفو ويفكرو واخة غير شوية ضيعو حياة بنت من دمهم ولحمهم....
فؤاد حنا غلطنا
سلمى اه حنا غلطنا ولكن اش كان بيدينا نديرو الى البنت صافي تبرمجات على هدف نورة قبل ماتموت ردات البنت بحال شي روبو
حسام مع دخلة الباب روبو وكملتو نتوما دكشي لي باقي...كنتو عارفين بيلا حاملة ومع دالك خليتوها تكمل ومحنيتوش فيها ومحنيتوش فولدي 
فؤاد حنا ماكنش عارفين تصدمنا بحالك ملي قالها طبيب
حسام انا لي جهلني كانت وسط منا خمسة سنين وكلشي كيجلس الطبلة ياكل ويضحك وهيا واقفة قدامكم مدلولة...وعارفكم وعارفينها ومع دالك ساكتين
فؤاد مضلمناش حنا فجات اول مرة هضرنا معها وقولنا ليها حبسي وعيشي حياتك ونسي لي فات....رفضات تحبس ورفضات تنسى بحالي كانت كتنتحر ولكن بشكل بطيئ عيينا معها وقلنا ليها ها شومبر ديالك منك من الولاد مقبلتش وطلبت تنفد الوصية بالحرف الواحد ديل موها وموها كانت كتوصي اننا نردوها خدامة وتكمل على تدريب ديالها...وهدشي كامل باش متشوفش دنيا وتشوف البنات كي عايشين وتنسى الهدف ديالها...هكا خدمتها فالقصر كان بشكل رمزي فقط ومعضم وقتها فتدريب

سلمى شوف ا ولدي مضلمناش درنا فوق طاقتنا وفوق جهدنا ووصينا رئيس الخدم يوفر ليها كلشي وميهضر معها حت واحد دير لي بغات وتمشي فيما بغات لكن مع الاسف البنت تشحنات نهار كنسمعوها كتخرج كنفرحو ولكن ملي كنعرفوها مشات عند طبيب رجلين ورجعات كنتحبطو....صافي تما عرفنا نور الهدى ضعات ولت غير جتة بلا روح..
بقا كيشوف فيهم معصب ومنرفز ياريتو عرفها من قبل مكنش غادي يخليها هكاك وكان غيدير المستحيل باش متوصلش لهادشي لي وصلت ليه دبا...تهز تحرك من حدهم دوز الخط مكالمة وتحرك لجيهت شومبر ديالها...دخل تقدم جيهتها حيد الغطا لقها مزال كتشوف فزاج لوى عليها منطة خفيفة وهزها....فؤاد وسلمى سمعو حسام هز نور الهدى داها ونزلو طلقو ليه وسط طريق...
فؤاد فين غادي بالبنت مكتشوفش كنتسنو طبيب العضم نشوف اش من حل نديرو ليها
حسام رفعو يديكم عليها....كون بغيتو ديرو كون درتو شحال هادي ماشي حت فات الفوت ووصلت الهاد الحالة وانا كملت عليها....دبا مبقات لا كتعرفكم ولا كتعرفوها...انا لي غادي نتحمل مسؤليتها....سطح فيهم وزاد حطها لور دار ليها سمطة داز على دارو هز حويجو وشد طريق سفر .....مع ساعات لولى ديل الفجر وصل الواحد الفيلا جات حدا البحر...لقى سيدة لي داير معها صديقة ديالتو هيا طبيبة ترويض ديل لعابة ديل الفرقة ديالو خدمتها رجلين....طبيبزة وسميمرة وضحيوكية سميتها سمانطا وكتموت على تيتز وتقشاب..وهيا وحسام سمن على العسل...
حسام الكبيدة ديالي منوصيكش
سامنطا اول مرة كنشوفك كتجيب فكتيم حت الهاد القنت اش واقع
حسام سامنطا هادي ماشي فكتيم هادي بنت خالتي حت من بعد ونعاود لك محتاجك دبا ديري شي معجزة باش تقدر تعاود تمشي....وقفات على راسها كتشوف فيها حيدات الكشا وهيا تعري ليها رجليها وهيا تشهق
سامنطا فين كانو هدو عقلهم...واش مكانوش كيوكلها نعمة
حسام المهم حسب المعلومات لي عندي عمر لحم ودجاج والحوت طاحو فكرشها غير شلاضة والما حيت كانت كترقص الباليه...
سامنطا صافي صافي سطوب متقوليش هاد نوع ديل رقصات البالي وعارضات الازياء هدا هو المصير ديالهم....

من بعد سنة...................
سامنطا واش مناويش تخرجي من لبسين وليت كي جرانة 
نور الهدى تفرقي مني اخنشة البطاطا اميرندا مقلوبة 
سامنطا شوفو عود ند ولى كيهضر
نور الهدى بزاف عليك عود نود راه كنوزن دبا ستين كيلو...بلي بيها فومك اطبوزية 
سامطنا كون مكنتش كنرفس لك الخبز والحليب وندفع لك دجاج ولحم كون كاع متوليش دحشة
نور الهدى نتي الحوب
حسام شكون الحوب...غير شافتو وهيا تخشى فقاع لبسين هكا حالها ملي بدات كتوعى على دنيا فلول غبر عليهم شي ستة ديل شهور باش يدير الجولة ديالو خلها غير مع سامنطا لي عملتها بحال شي بيبي صغير نهار وماطال المكلة وترويض وضحك حت شدات فصحتها وقدرات تمشى من بعد ما فقدت الامل فمرة...غير رجع تصدم فيها حيت تبدلت بزاف على اول مرة ومن تما ولى كيجي على غفلة ولكن هيا ديما هاربة ومخبية كتحشم منو ومكتبغيش تشوفو خصوصا ملي تفكرات ديك ليلة بقات راسخة ليها فدهن...اما هو ولى كيكتر من المجيات ديالو واخة طريق بعيدة ولكن مكانش كيسوق وفنفس الوقت كان مبعدها على عنين صحافة وباباراتزي.....
حسام غير خليها دبا طلع
سامنطا سير الله يجيبك على خير راه ولت كتنعس تما انا بعدا ملي مكتبغيش ليا شي حاجة هكا كدير حت كنشحف ونمشي ونخليها
حسام مالنا على هاد الكسكسو المحكوك...قلع حوايجو كاملين وتلاح سامنطا بحالي قراتها تحركات من تما نزل عندها غير شافتو بغات تبدا تهرب حت لقفها....ولكن عوض مايطلعها شقمها وشدها من شنيفها كيبوسها منساش ديك ليلة وتمنها تعاود...طلعها فوق كتافو كتغوت حت حطها فوق رولاكس وبدا كيقرب ليها وهيا حشمانة ...محدو كيقرب وهو كيدكر كيفاش فالاوخر ولى كيفكر فيها بزاف من دكشي لي وقع فالمسرح من تما ولى مشدود ليها خصوصا ملي كان كيجري جيهتها وهيا كتشوف فيه فرحانة حيت جاي عندها بحال لي جاي عندها حبيبها...بقا كيقرب حت خوات به وهربات الشومبر ديالها...
من بعد اسبوع قرر حسام يرجعو المغرب باش يشوفو نور الهدى حيت عياو فيه يشوفها ولكن هو رفض عقاب لهم حت ولت مزيان وبخير عاد قرر يرجعها ليهم...شدو طريق المغرب ولكن نور الهدى راجعة بنفسية مزيانة ومرتاحة حيت سامنطا لعبت دور كبير فالعلاج ديالها وعودت ليها على حياتها وخلتها تشوف الحياة بمنضور جديد وبينات ليها بيلا دنيا مغاديش توقف عند ديك نقطة لي تحطمات فيها وباقي عندها بزاف الفرص تبدا من لول جديد مدامها كتنفس...دازو على اسبانيا تما نزلو ونور الهدى مافاهمة والو...وتما حسام زيرها باش توافق على زواج رفضات ليه ....مشات طرطق ليه مرارتو ولكن هو ما رجع المغرب حت خدا الموافقة ديالها حيت كان متاكد بيلا كتبغيه ومحقدتش عليه على دكشي لي وقع حيت كانت عارفة بيلا دكشي وقع بلا خاطرو...رجعو المغرب ومامشو عند سلمى وفؤاد حت تزوجو عاد مشو عندهم...

فالمطبخ..................
حسنا والله الى هيا لي صدقات ليها كانت خدامة حت ولت واحدة من مالين دار شتي البنات علاش قادين غير دخلت عندو ليلة واحدة هاهو جابتو على زنافرو
سناء حسنا نتي غير كتهضري وماعارفة والو هاديك لي كتقول عليها هكاك راه بنت خالتو
حسنا وسيرو ضحكو على ناس بهاد الهضرة حيت مرضاوش يقول ناس عليهم راه ولدهم دا خدامة
سناء اللهم طولك ياروح انا مبقيتش غادي نزيد معك الهضرة وحمدي الله راه دخلت وتبدلو بزاف ديل الحوايج هاهيا بسبابها دوبل لينا سالير ديالنا وخفافت علينا الخدمة ولو عند العطل بزاف ومبقيناش كنوقفو قدام طبلة المكلة ولينا كناكلو حت حنا نفس المكلة ودوك لي كبرو فالعمر كلهم سيفطاتهم حج وحنا لي باقين صغار سيفطات ولدين...هنا باش تعرفيها بيلا بنت مزيانة وملي كانت خدامة معنا راه كانت كتشوف العداب لكندوزو فيه
حسنا انا ماقلت والو انا قلت غير ملي دوها خدامة علاش ميعترفوش بيلا ولدهم بغا خدامة
رئيس الخدام من مور ضهرها حيت هيا اصلا معمرها مكانت خدامة وهيا بنت خت مولت دار احسنا ومتحطيش راسك براسها ونتي اكتر واحدة تهلت فيك كتر من كلشي وعتقتك من شي حاجة خايبة كانت غتوقع لك خاصك تحمدي الله وتبوسي يديك ورجليك....وراه عطاتك هاد ضرف وعطاتك حق تلاتة سنوات تمشي تكملي قرايتك ومتضعيش وملي تكملي غترجعي تخدمي ولكن ماشي خدامة غترجعي تخدم منصب يلق بقريتك قولها غير زوينة....حنات راسها وندمات وفرحت بزاف حيت غتكمل قريتها....
من بعد شهرين فالولايات على نفس الفيلا................
حسام نور الهدى 
نور الهدى اممم
حسام شحال نولدو من وليدات
نور الهدى انا بغيت جوج
حسام انا بغيت ربعة 
نور الهدى نتا غير جالس وكتحط العدد صافي نحمل انا بجوج ونتا بجوج
حسام هنا نوري الموك نحمل بجوج هاد الجهامة كلها وهاد زرواطة لي سابقني القدام مابنتش لك انا نوض نوري طاسيلتك
نور الهدى كضحك ولا ماشي هكاك كيف فهمتي...شدها 
حسام اه كيفاش 
نور الهدى وهو دبا انا ملي نكون حاملة تكون نتا كترضع وتخرق
حسام بيبسيطوغ
نور الهدى اييييه
حسام نوضي ولا نهرسك دكشي لي بقا لي
نور الهدى واه راه نتي لي بغتي الولاد
حسام غتولديهم ورجليك فوق راسك...
نور الهدى هههههههههه اجي.... اجي نقولك قرب ليها..... وقربات ليه..... زاد قرب ليها .....وزادت قربات ليه .....يالله بغا يشقم فمها..... وهيا تشقم ليه نيفو .....خلاتو يحسب نجوم وجاتو دوخة...يالله جا بغا يشدها وهو يعطس.....وهيا علقت ليه هههههههههه ونتوما كتسنو البوسة نوضو الله يمسخكم...وهكا كيف العادة مشات حجيتنا...بلاتي بلاتي راه تبعها شدها فدورة...من واد الواد....وا يحرق جدك الخنزة بلاتي يالمصيبة راه بغا يبوس.....وخبير....بلاتي....تنا.....مواح....مشات مع ولاد الجواد....*ودي


أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki