صورة مصغرة لـالشيطانة الفاتنة الجزء 12 والأخير

الشيطانة الفاتنة الجزء 12 والأخير

رواية الشيطانة الفاتنة

بقا جالس حتا قالت ليه الممرضة بلي داوها لغرفتها مشا عندها نااشط والفرحة غادي تخرج ليه من عينيه كانت متكية وباين فيها العيا حالا عينيها بالكشايف قرب ليها باس فمها بشوية وهو ضاحك ودنيا مسايعاهش ابتاسمات ليه حتا هي
صرب:مبروك علينا حياتي
روح:شفتيه
صرب:اه كيحمق بحال ماماه
روح:صغيير بزاااف بغيتو قول ليهم يجيبوه ليا
صرب:غادي يجيبوه ليك غير صبري نتي كيف بقيتي
روح:عيانة ولكن فرحاانة هههه خرجتها منك
صرب:هاد النهار عمري نساه فحياتي
روح:كنبغيك أنا ههه راجلي حبيبي
نزل باس عنقها قبلة دااافية خلاتها تبورش شوية دخلات عليهم أنغام ضاحكة وهازا فيديها مشات سلمات عليهم
أنغام:مبروك كبيدة يكبر فعزكم
روح:العقبة ليك
أنغام:حتا نلقا باااه بعدا ههه بغيت نشوف الخنيفيس
روح:دابا تشوفيه الحب غادي يجيبوه ليا
صرب:انا انمشي نجيب ليك ولبهاء حوايج جينا بلا والو
روح:ربي معاك حبيبي رد الباب فالطريق متسوقش بسرعة
صرب:(قبل راسها)اك رتاحي شوية انا دغيا نرجع
خرج خلاها جالسة مع أنغام كتعاود ليها شنو وقع شوية تمو داخلين عائلتها و الحاجة وجوري وحتا جنات لي حيدات من بالها صرب وفهمات بلي ليها عمرو يكون جات دير معاه الصواب حيت ضايفها فدارو وهو لي ليه الفضل حتا هي حية ترزق باركو ليها وكلهم كانت باينة عليهم الفرحة شوية تم داخل واحد الشخص لي خلا بلاصتو كبيرة فغيابو كان جابر لي عاد رجع من كاليفورنيا من بعد ما قرر يستقر تماك ويبعد على كلشي ولكن مني عرف شنو وقع وبلي روح عايشة وبلي رجعات هي وولدو لي رياه على يدو قرر يرجع ويكمل لي بقا ليه فعمرو فجنبهم كان كبر شوية على اخر مرة شافوه زاد شعرو شاب وبانو فيه علامات الشرف ولكن مزال وسيم كيف عادتو غير شافتو لمياء بدات تبكي بالفرحة وحتا روح فرحات بزاااف بشوفتو عمرها تنسا الايام لي دوزاتهم معاه كان عندو دور كبير باش يبني ديك فيها الشخصية وكون مكانش كون ضاااعت وتلاوحات فالزناقي سلم عليهم وبارك لروح
جابر:فين هو داك الدحش
روح:متعيرش ليا راجلي
جابر:ولا راجلك دابا كنتي محاملاهش
روح:كنااا وكنتو صرنا وصرتو ههه

خربق ليها على راسها
صرب:كنتو داووين عليا
جابر:الدحش
تصدم مني شافو مشا تعانق هو وياه
صرب:فييين كنتي عييت نقلب عليك غبر ليك الاثر
جابر:تهنيت منكم وصداعكم ونكيييركم بجوج ههه مزال ممتيق بلي تزوجتو (دار عندهم) اكثر جوج كانو كيكرهو بعضهم هما هادو
روح:راه الكره هو لي كيولد الحب منين كتعرف هادشي باير ههه
جابر:هاي هاي تقادو الكتاف ايوا تزوجت الالة
لميااء:حلف ا خويا
ليليا:نووو واااي
اياد:هههههه الهرببببة
صرب:يديرها راه هو لي مربيني ههه
روح:شنو بغيتي تقصد
صرب:واالو
شافت فيه بتشكيك يلاه اتجاوبو دخلو ليهم بهاء من بعد ما لبسوه دكشي لي جابو ليه صرب ولي كانت موجداه روح قبل غير شافتو مدات يديها بلهفة بغات تهزو حطاتو الممرضة فحضنها بداو يدمعو عويناتها غمرها احساس زوين بزاااف وصغيرها فحضنها كتقول فبالها بلي هاد القطعة من جنة ديالها هي لي ولداتو خادت يديداتو كتبوس فيهم بشوية جا حداها صربجلس حداهم كيشوفو فيه
روح:هءهء زويين بزااف
الحاجة:مسحي دموعك ا بنتي ممزيانش تبكي دابا
روح:راه غير الفرحة هءهء
حط جبهتو على جبهتها ممسوق لحتا حد كيشوفو فيه حتا هو ثأتر تمنى كون عاش داك الاحساس حتا مع حنين وكان معاها وتقاسمو الفرحة عطاتو لباها هزو حتا هو فرح بيه وكبر ليه ولجابر كلهم هزوه عاد لجعوه لمو وانصارفو خلاوهم على انفراد خادو ليها صرب غادي جاي بيه كان كيبكي جاه الجوع
الممرضة:خاصك ترضعيه الالة
روح:(تحركات)احح نبدل عليا بعدا باش تسهال عليا نجبد البزولة
عاوناتها حتا لبسات بيجاما فالغوز فيها الصدايف جيهة الصدر وجمعات جعرها للفوق باش ميعنكشهاش مني كملات خرجات الممرضة وخلاتهم بثلاثة بيهم
صرب:(مزال غادي جاي بيه)صافي ا سبع ديالي صافي ها هي ماما دابا تسالي وتعطيك ميمي صافي
روح:(كتشوف فيه وحابسة الضحكة) هههههههه عمرني توقعت نشوف شي نهار صرب المريني بجلاااله كيدوي بهاد اللغة ههههه
صرب:هههه ضحكي لمك ضحكي انا براسي مبقيتش عارف راسي اش كندير وا هاكي رضعيه راه حلوقو خرجو
روح:عطيه ليا
مدو ليها بشوية جبدات بزولتها حطاتها ليه حدا فمو صرب خاد كرسي وجلس كيشوف فيهم فاللول معرفش بهاء يشدها كيخشيها ففمو وتزلق ليه حتا داق شوية دالحليب وشدها شدة العما فالضلمة
روح:(قاارم عليها غمضات عينيها بألم)اححححح وعتني الخنفوش
صرب:معندوش سنان كيفاش ضرك
روح:(مركزة مع الألم وعاصرة عينيها) الله اوووف والله حتا كيضرني حنين مرضعاتش كان ممنوع عليا نرضعها حيت كنشرب دوايات هااادشي صعيب
حس بيها كتوعت ديال بصح قرب ليها شابك يديها مع يديه زيرات عليه دار راسها على عنقو كيصبر فيها وبهاء واخد راحتو كيرضع ومرة مرة يبدا يضحك بحال الملاك حتا نعس وهو شادها هزاتو بشوية ضربات ليه على ضهرو حتا تكرع عيط صرب للممرضة تديه
روح:لا خليه معايا
صرب:خاصك ترتااحي
روح:مشبعتش منو
صرب:حتا واحد مغادي يحيدو ليك ولكن خاصك ترتاحي دابا
عطاتو ليها وهي مساخياااش بيه بقات متبعة ليه العين حتا غبرو
صرب:يلاه تكاي
روح:وفين اتنعس نتا
صرب:متفكريش فيا أنا
روح:غير سير نعس احبيبي أنا وليت بيخير
صرب:لا انبقا معاك
روح:عفاااك سير رتااح
صرب:صافي حتا تنعسي ونمشي
جراتو من الكول عندها باستو ففمو بعدات وجهها وباااستو ثاني
صرب:رااه كتبديني
روح:معندك مدير دابا برد على روحك
صرب:شنو دابا ديري ليا فيها نافسة عطا الله الحب منديرو باش نقديو(غمزها)
روح:كنسى بعدالمرات بيمن مزوجة
صرب:نعسي ا دبدوبة
تكات وجا عداها كيقيس فشعرها بيد ويد شاد يديها كيدوز عليها بشوية حتا غطات فنوم عميق باسها فخدها وخرج طل على ولدو ودور مع الممرضة باش ترد ليه البال كثر عاد خرج مرتاااح رجع للفيلا وطاح دودة من بعد ما طل على بنتو لي كانت غارفة فنعاسها وما جايبة للدنيا خباار

#داز اسبوع دوزات فيه روح يومين لولة فالكلينيك عاد رجعات للدار كان كيعاملها صرب بحال كيف كتعامل هي بهاء بحال البيبي تماما يوكلها يعومها يبدل ليها حوايجها مفششها ديال بصح ممخليها محتاجة حتا حاجة اما بهاء دار جو مختلف فدار كلشي تقلب ولاو ينعسو بنهار ويفيقو بليل حيت حتال ليل عاد كيجيه البكا والغوات وميسكت حتا يشد البزولة غير تحيدها ليه يبكي ولا ديما ناعس وسطهم هي كتعوض نعاسها بليل اما صرب كيمشي للشركة راسو غادي ينفاجر عليه أما حنين حمافة على خوها ضنو بلي غادي تغير منو ولكن غير شافتو مبقاتش تفارقات معاه مزال كتبقى دور تبوس فيه وتقول ليهم بلي هو ولدها دار مخواتش دوك الايام ديما دارها وعائلتو كينين الحاجة ممقصراش من جهدها كتوقف على الخدامات باش يوجدو ليها المسمن والبغرير والحسوة ديال البلبولة وغيرها من المأكولات لي كيفيضو ليها الحليب كان اليوم هو اليوم السابع ولي دار فيه صرب حفل العقيقة لولدو لي كلشي غادي يدوي عليه جاب احسن منضمين الحفلات واحسن طريطورا و اشهر ديدجي لهاد المناسبة وشرا ثلاثة دالحوالة واحد لبنتو لي مدبحش ليها وجوج لولدو عاد بقرة كانت دنيا مقلوبة لتحت كلشي كيجري وكيقادو كل واحد باش مكلف أما روح كانت ناعسة فبيتها على جنبها مخرجة ثديها ودايراه ففم ولدها لي كان مكمط و حداها حنين كتشوف فيهم دخل عليهم صرب لي كان خارج كيطل على التحضيرات كان مزال الصباح
صرب:فقتي ونتي لاش خارجة هاكا غادي يضربك البرد سيري قولي للمربية تلبسك شي حاجا
حنين:اوك بااابي
نزل باسها ومشات كتجري
صرب:بشوية متجريييش
روح:صباحو حبيبي
صرب:(باس فمها)صباح العشق فيقك البرهوش ثاني
روح:هه وي مسكين مناضش هاد ليلة جاه جوع ياك ا مامي يااك وينو وينو على الخويب ديالي شوف العوينات شووف شووف نويف
بدا كيضحك ليها بحال إلا فهمها
صرب:شفتك البرهوش قسمتي معايا مرتي ياكما كاين باس
روح:ههه مغيااار
صرب:كنشم شي ريحة ماشي حتال لتم
روح:هههه دارها
صرب:خوينز
روح:لااا ولدي انا ماخوينزش ريحتو بحال ديال المسك أجي نشوفو واش درنا بوخا ههه
جلسات حيظات ليه الكماط وليكوش لقاتو خسرها
روح:ايف ايف على الخوينز ديال ماماه
صرب:باااز ليك كتصبري لهادشي
روح:شتيي الأم لشنو كتصبر
صرب:الله يسمح لينا منهم
بدلات ليه وعاودات كمطاتو وعطاتو لصرب يقابلو بينما خادت هي دوش ديالها جات عندو حنين بعدما لبسات
حنين:بابا
صرب:وي بنتي
حنين:بغيت نهزو ماما مكتبغييش
صرب:أجي جلسي حدايا
جلسات ودارو ليها على يديها وحتا هو شادو معاها لا تقلبو باستو فراسو وبقات تضحك معاه جبد صرب تيلي صورهم وخادو ليها

هكا داز الصباح وجدات فيه روح راسها جات أنغام وليليا وحتا جوري وجنات ستغربات فلول ولكن متسوقاتش ليهم صايبات ليها أنغام مشيطة خفيفة وليليا مكياج زوين ثقيل وانيق ومناسب التكشيطة لي لبساتها فالاخير ولي كانت بالحرير الابيض و مطروزة بالصم ذهبي وفيها حجيرات فالكتاف بالبوردو وجيهة الصدر بالازرق والمضمة بالذهبي حتا هي متوسطاها وريدة حتا هي مرصعة بالاحجار جاتها منحوتة على فورمتها دارت تاج خفيييف مذهب شافت راسها عجياتها النتيجة جات بحال الاميرة
أنغام:ما شاء الله تبارك الله جيتي كتهبلي
ليليا:اححح صرب اليوم يدوخ
جنات:(بابتسامة)جيتي غزالة
جوري:روح ممكن ندوي معاك شوية
شافت فيها مطولا شافت فالينات زعما خرجو خلاوهم بجوجات
روح:وي
جوري:احم بغيت نطلب منك السماحة انا تصرفت معاك خايب وكنت غالطة فيك جرحتك وطيحت بكرامتك ولكن والله حتا كنت خايفة على خويا ولكن كنت غالطة بزاااف
روح:انا مسامحاك المهم هو عتارفتي بغلطك وطلبتي مني الاعتذار
ابتاسمات ليها جوري
جوري:صافي يا لبن
روح:ههه حليب يا اشطة
قاطعهم الباب لي تحل كان صرب لي شاف محبوبتو خرجات جوري وخلاتهم قرب ليها وشدها من خصرها لاسقها معاه
صرب:اش هاد الجمال كلو اممم
روح:جيت زوينة؟؟
صرب:جيتي كثر من زوينة هادشي كلشي ديالي
روح:ههه لاا واخد بهاء شوية
صرب:انخلطك تي وياه
روح:كنت خايفة حنين تغير ساعا صدقتي نتا لي كتغير
بقا يشوف فمها كيف كيتحرك تلاح عليه كيجر ويعض كاع العكر سرطو ماطلقها حتا حس براسو اينوض شي حاجة مخصهاش تنوووض بعد منها ومشا حل مجر جبد منو بواط كبيرة عطاها ليها حلاتها لقات فيها طقم كااامل حلقاات وسنسلة وخاتم وبراسلي ومكانة كلشي بالذهب الابيض ومرصع بالالماس

روح:واااو زوييينين
صرب:مكايناش شي حاجة زوينة من هاد الضحيكة
تزنكات بالحشمة خاد السنسلة دارها ليها وباس عنقها والحلقات وكل ودن باسها والبراسلي وباس يديداتها اما الخاتم خلاه والساعة خلاهم قربات ليه مع كانت لابسة الطالون جات قد فمو شدات ليه وجهو بيديها
روح:احبك يا رجل (خطفات بوسة)
صرب:أعشقك يا امرأة
عنقاتو بجهد وحتا هو خشاها فصدرو ضامها بيديها بجوووج خلاتو ياخد دوش ديالو ومشات عند ولدها بدلات ليه ولبساتو جابادةر صغييييورة فالبوردة رشات ليه شوية دالريحة كان صرب خرج ولبس كومبلي فالنواغ جا وسيم هز بواط جبد منها كورميط مكتوب فيها بهاء قرب لولدو ودارها ليه فيدو دخلات عليهم حنين كيف العاصفة لايسة كسيوة فالبيض ودايرة حتا هي تاج صغيوة فوق راسها هزها صرب وهزات روح ولدها ونزلو عندهم كانت دنيا عااامرة بالناس العائلة والاصدقاء والمعارف ديال صرب والصحفة باركو ليهم وزررو بهاء داز سبوع ولا في الخياال كلشي ايبقا يدوي عليه هو موضوع الساعة ولكن منعات روح يصورو بهاء خافت عليه من العين واخا تكون محبة ممكن ضرو وهو مزال قد لحيمة كلشي داز على حقو وطريقو
هاكا دازت شهور وشهور كلها فرحة وسعادة كان صرب جالس فالمكتب ديالو فالشركة كيقرا فشي وراق ومركز شوية سمع دقان
صرب:دخل
دخلات أنغام باين فيها الثوثر
أنغام:موسيو...
صرب:ألف مرة كنقول ليك قولي يا صرب يا خويا صرب الرسميات حيديهم
أنغام:صرب جا عندك واحد الضيف
صرب:(حط الوراق)شكون هدا
قبل ماتدوي دخل اوزان كان مربي اللحية لابس كوستار فالرمادي مع كرافاط فالحمر جااا كلااص غير شافو صرب عروقو تنفخو و عقدهم ناض من بلاصتو
دار اوزان عند أنغام طلعها وهبطها وشاف فيها وحد شوفا خلاتها تنوى فراسها
اوزان:ممكن تفضلي بغيت ندوي مع خويا
حدرات راسها وخرجات

صرب:شنو جيتي دير هنا
اوزان:جلس بعدا لاش واقف (مشا جلس قدامو بقا صرب يشوف داك البرود حتا عيا وجلس حتا هو)
صرب:طلقنا خلاص
اوزان:(كان باين فعينيه الندم)انا مشيت باش نخلي ليك الوقت حتا تهدن اخويا انا غلطت بزاااف فحقك وفحق روح ولكن حتى انا كنت ضحية ديال هادشي كامل كان الانتقام عامي ليا عيني
صرب:(حن قلبو من هضرتو عارفو تضلم وتكرفس ولكن دكشي لي دوزو على روحو وبنتو مكانش ساهل ابدا باش ينساه ويدوزو مرور الكرام)واخا يوقع لي يوقع باش تأدي بنتي ومرتي عمرني ندوزها ليك سمعتي كون ضريتيني انا ندوزها ولكن حتال روح غاظي تكون هضرة اخرة بغيتي تشوف الوليدة أجي شوفها راه جبتها للدار ولكن متفوتش نص ساعة وغبر شي حاجة فوق هادشي مغتكونش
اوزان:أنا مكنتش قاصد نخلي الوليدة كنت غادي نرجع نديها ولكن مني عرفتك خديتيها مدخلتش
صرب:حتا انا ما قلت ليك والو جي شوفها إلا بغيتي هي لي بقات جامعانا
اوزان:هادي اخر هضرة عندك
سكت شوية صرب كيشوف فيه كيف نادم نزل راسو للوراقو ودار ليه بيديه باش يخرج
تنهد اوزان وناض خرج عاد طلع صرب راسو وتنهد حل الكرافاط جاتو الخنقة
اما اوزان خرج معصب ومكيشوفش قدامو بالعصاب دخل فشي حد حتا طاح نزل راسو و هي تبان لي جالسة شادا راسها كتألم مد ليها يديه
اوزان:ديزولي
شدات فيديه معا ناضت طاحت عليه شدها من خصرها
اوزان:اوووب بشوية عليك
أنغام:(مزنكة بعدات منو ونزلات راسها)سمح ليا
حط يدو على ضربة لي فراسها بدات تاخد اللون الاحمر
اوزان:خاصك ديري ليها ثلج غادي تنفخ
أنغام:(بدات منو)اه واخا انا انمشي نديرو ليها
اوزان:بما اني انا الفوتيف انمشي معاك
أنغام:بلاما...
اوزان:مبغيتش اعتراض
ابتاسمات وزادت قدامو نزلو لبوفيط خادت الثلج منها وجلسو فطبلة دايرة ثلج على راسها وحادراه معارفاش لاش مكتقدش طول فيه الشوفة ومفسراها هي بلي كتخاف من دكشي لي دارو لروح
اوزان:اتبقاي منزلة راسك هكاك
أنغام:(هزات راسها فيه)احم غير ضرني راسي
اوزان:واش كتخافي مني ولا جايب ليا الله
أنغام:كنخاف من لي خالقني صافي لاش غادي نخاف منك اتاكلني
اوزان:انا عارف بلي عاودات روح شنو درت فيها ولكن والله حتى ندمت
أنغام:راك زدتي خطوة القدام بعدا مني ندمتي هه (بسخرية)
ناض معصب من طريقة باش جاوباتو عمرو نزل للشي وحدة ودوا معاها بديك الطريقة وهي استهزئات بيه مشا وخلاها تنادم معاها الحال حسات بحال إلا ضلماتو نفضات راسها وناضت تقضي شغلها

عند روح كانت هازا بهاء فالحمالة قدامها ودايرة نضاضر دالشوف وشادا وراق فيديها كتقرا فيهم و فنفس الوقت غادا جايا كتراري بيه وهو مطلع عويناتو الخضرين بحال لونها تماما و كيشوف فيها شوية تحل عليها الباب دخل صرب باينة فيه مقلق باسها ففمها وباس راس ولدو ودخل الحمام بلا كلمة بلا جوج الشيء لي ممولفش ليه بقات غير تشوف حيدات ولدها من الحمال وحطاتو فوق الفراش كيلعب بيديداتو يلاه عندو 3 اشهر شوية خرج صرب لاوي عليه فوطة قربات ليه وشداتو من لور ديال عنقو
روح:حبيبي مالك مقلق؟؟
صرب:(ابتاسم ليها كيخبي تقليقة)نو مون اموغ غير العيا والخدمة هاد الايام شوية كثيرة
روح:صرب واش نسيتي شكون انا كنفهمك من نظرة الاولى قول ليا شنو عندك
صرب:(تنهد)جا اوزان اليوم
روح:ولاش جا
صرب:طلب السماحة
روح:اكيد سامحتيه
صرب:من نيتك ا روح نسيتي شنو دار فيك كان ايغتاصبك
روح:حتا نتا راك غتاصبتيني الانسان كيغلط وكيف سامحتك انا وطويت الصفحة حتا نتا خاصك تسامحو
صرب:(ولا حمر)كيفاش كتقارني شي بشي ا روح كييفاش هو راه عارف خوه كيبغيك وبغا يحط يدو عليييك
روح:لاش كتغوت عليا غادي تخلع الولد انا قلت ليك الصراحة الا كان الله وكيسامح لاش نتا متسامحش إلا كان هو ممزيانش نتا كون خير منو (قربات منو) عمر احبيبي دم ما كيرجع ما واش تبغي ولادك يتخاصمو شي نهار ويبقاو مطولين الخصام واش ترضاها ليهم حتا ماماك هكاك محتاجة تشوفكم تجمعتو قدام عينيها احبيبي هي عاد بدات ترجع صحتها خاصك تزيد تعاونها وتصالح مع خوك اكيد قلبك بيض وغادي تسامحو
صرب:مقادش نسا شنو دار ليك
روح:متنساش عطيه فرصة ينسيك هو جربو اش خاسر نتا عطيه فرصة ممكن تكسب اخ مكاينش بحالو ممكن وراه كاين انسان طيب بحالك نتا تفكر اش دوز فصغرو واش داز عليه واش ساهلة ا صرب طفل فداك سن يدوز داكشي اكيد ايكبر مع ديك العقدة والرغبة فالانتقام
صرب:(دورها فراسو لقا بلي عندها الحق مليون فالمئة)شنو ندير دابا أنا جريت عليه اليوم
روح:اممم عرض عليه للعشا مثلا دير خطوة نتا هاد المرة

صرب:(هز تيلي ولاسقها مع صدرو العاري دوز نمرتو وهو خاشي راسو فعنقها قال ليه يجي يتعشى معاهم قطع ولاح تيلي فوق الفوتوي غفلها وهزها فرق رجليها على خصرو)ناكل مك دابا
روح:هههه ويلي حطني
صرب:غير ديال الماكلة
عضها فعنقها حتا زيرات ليه على عنقو قمشاتو قرب لشفايفها لتاهمهم كيسالي من التحتانية كيطلع الفوقانية ويديه دخلها تحت الديباردور كيتسارا فضهرها اما هي خشات يديه فشعرو مقرباه ليها كثر نزل بقبلات مفرقة حتا عنقها وهي مغمضة عينيها مسافرة لعالم آخر وكتطلق اهاتها بشوية كتعبير على استمتاااعها قاطعهم البكا ديال بهاء خلاها تنوض من القلبة اما هو مزال خاشي راسو مكينش هنا
روح:امممم صرب بهاء كيبكي حبيبي احح وا حبببس
خرج راسو غادي يتفركع
صرب:واااش انا يهودي ولا كافر حتا كينوض عاد يبكي برهوشك
روح:حطني حطني كنت نولد فيه مع البرد
حطها ودار غادي يدير بوووم مشات هزات ولدها كضحك عليه وعلى حالتو عطاتو يرضع نعساتو وداتو لبيتو عاد هبطات توجد مع الخدامة العشا لقات عدوزتها لي تفاهمات هي وياها بزاااف كتعاون حتا هي
روح:خالتي غير سيري رتاحي انا نتكلف بالباقي
ملك:(العربية عندها مخربقة ومخلطة بالمصرية وتركية)غير خليني ابتي نعاونك
روح:لي يريحك اخالتي
تعاونو بثلاثة بيهم على العشا وتعمدات روح متقول ليها والو باش يديرو ليها سيربرااايز جات حتا حنين من المدرسة نيشان عند خوها كتلعب معاه ومعاها المربية مراقباها
شوية طلعات روح للغرفة دسالها لقاتو متكي هاز البيسي خدام فيه داز قدامو بدلات حوايجها ودارت شوية دالمكياج هو غير كيشوف
صرب:مالك على هاد زواق كلو اتستقبلي وزير الخارجية
روح:شنو نبقى بالبيجاما راه حشومة
صرب:حيدي هداك المكياج
روح:حشومة عليك حتا درتو
صرب:درتيه وغادي تحيديه فازي فازي
روح:ببببف اك
حيداتو سمعات صونيت فالباب
روح:نوض استقبلو ايكون جا
ناض مخنزر بقات ضحك عليه وعلى غيرتو تبعاتو شدات ليه يديه نزلو لقاوه يلاه دخل هاز بوكي كبير ديال الورد حمر سلم على خوه بابتسامة عريضة وقف قدام روح وعطاها داك البوكي ديال الورد 

اوزان:مرت خويا كيف العادة جمييلة
بقات كتشوف فاللباقة باش كيدوي وكتقول فراسها سبحان مبدل الاحوال تفكرات المغيار ديالها دارت عنظو لقاتو مكحل بالعما وكيضرب فيه شي تخنزيرات قربات ليه عنقاتو بجنب
روح:مرحبا بيك وشكرا على والورد تفضل دخل
زاد قدامها وجرها صرب من يديها 
صرب:سدي داك الفم شوية تبقاي لي شفتيه تشرعي ليه فمك بالضحك
روح:(طلعات باستو)اححح عليك نتا غير ديال البوسان
صرب:بقاي تنسيني راه غادي نفرشخو دابا لاش هاد الورد لاااش (خادو لاحو فالزبل)
روح:حشومة عليك هو دار غير صواب
صرب:ميديروووش معاك هاد الصواب يزيدو فكر... اعود بالله من الشيطان الرجيم
روح:(كتشوفو كيدوي بجدية ومحملش الجيسط لي دار مبغاتش تعقد الامور شدات معاه الخاطر)واخا ا حبيبي هو غلط صافي غير تهدن
صرب:انشوفو دار شي حركة ماشي تالهيه ثاني غادي نجري عليه هاني علمتك
روح:صافي حبيبي غير بقا ليا على خاطرك اجي اجي
تعلات وعنقاتو بيديداتها وقادات ليه شعرو و قاست ليه لحيتو
روح:هو غير بغا يعتاذر على دكشي شفتيه قال مرت خويا متقلقش منو احبيبي وخلي خاطرك واااسع
صرب:زيدي زيدي نتي اتصفيها ليا قبل الوقت
روح:سكت متقولش هاكا الله يحفضك ليا راجلي حبيبي تاااج راسي انا لي مزوجة انااا
صرب:ههههه زيدي ولا نهزك لغرفة التطبيقات وندير بالناقص من شي عشا ولا غدا
روح:مقزدر ههه
مشاو لقاوه جالس مع ملك لي كتبكي بالفرحة حيت ولادها بجوج حداها وقدام عينيها جلس معاهم بقات كدوي معاهم وكتعاود ليهم على طفولتهم وكيفاش كانو مكيتفارقوش اوزان كان عاااقل وعاارف شحال كان عزيز عند خوه صرب لي كان تااايه ومعارفش واش ينسا لي فات ويسامح خوه شاد يدين روح ودارهم بيه رجليه شادهم وفعز تفكيرو كيزير عليهم بحاال إلا كيستمد منها القوة داز العشا مزيان وحاول فيه صرب يتفاهم مع خوه ويدويو باش يقدر يطوي ديك الصفحة السوداء مني كان ايمشي اوزان خرج معاه صرب للباب 
اوزان:نتمنى يكون هاد النهار بداية جديدة
صرب:(شاف حتا عيا قلبو واخا كلشي حنين مد ليه يديه) بداية جديدة
جرو عندو اوزان عنقو ابتاسم صرب ضرب ليه على ضهرو عاد حس براسو حياتو تصلحات ورجعات المياه لمجااارييها
رجع صرب لدارو لقا مو جالسة كتقرى فالقرأن وابتسامة مرسونة على وجهها ونور مضوييه باس راسها وخاد رضاها عاد طلع لبيتو عند حبيبتو لي كانت طلات عليه وشافتو تصالح مع خوه عاد مشات خادت شاور مقاستش فيه شعرها ودهنات لحمها بلي كريم بنكهة الفراولة لي كتجننو فيها لبسات شوميز دو نوي طوييييل فالذهبي و جمعات خصلات من شعرها لور وخلاتو مطلوق رشات ريحتها المفضلة "سينيما" دارت خلخال فرجيلاتها شافت راسها راضية بالنتيجة هزات ولدها رضعاااتو حتا شبع نعساتو وداتو لغرفتو دخلات عند بنتها لقاتها حتا هي يلاه غادي تنعس باستها عاد رجعات لبيتها كتسنا فيه
شوية دخل ملقاهاش بقات كيقلب عليها سمع خطوات وراه ومع كل خطوة كيدق الخلخال فودنو يلاه بغا يدور شداتو من كتافو ممخلياهش يدور حس بباندا رارت ليه على عينو ابتاسم بجنب فمو حزمات ليه الباندا وهبطات يديها مع كتافو بشوية كتلعب ليه بشهوتو دارت عندو وغير صوت خلخالها لي كيتسمع حلات ليه القميجة بشوية بشوية وكتقل ومع كل صدفة كتقيسو بصبعها بشوية هو غير كيهز حاجبو وكيبتاسم ليها حيداتها ليه ولاحتها تعلات حتال عندو وعضاتو فودنيه عارفاها هي نقطة ضعفو بغا يشدها من خصرها بعدات بخفة
روح:أجي
بقات كترجع للور وهو تابعها ومتبع صوت الخلخال حتا وصلاتو للفراش دفعاتو عليه وجات فوقو بدات تقيس ليه حجبانو نيفو فمو قربات ليه حتا حس بنفسها هز راسو بغا يشد شفايفها بعدات عليه وهو تابعهم بلهفة نوضات فيه العافية بحركاتها حتا خلاتو يتشهاهم عاد روات عطشو تلاحت عليهم وحتا هو كال ليها فمها عمرو حس بهادشي لي حسساتو ليه خلاتو نادم على كل وحدة قاسها بكثرة ما دوخاتو بعدات شفايفها طلعات فوقو وقربات ليه عنقها استنشق ريييحتها حتا تغلغلات فريتو يلاه غادي يحط شفايفو عليه بعداتو ابتاسم عرفها غادي تنوض فيه العجب هاد الليلة نزلات هي لعنقو باستو وبقات نازلة بقبلاتها ال حارين من صدرو لكرشو محسش براسو حتا قلبها وجا فوقها وهو مزااال مغمض عينيه حيدات ليه الباندا بشوية بقا يشوف فيها وفتقاسيم وجهها لي واخد من القمر جمالو ومن شمس نورها ومن نجوم لمعاتها ومن الملك برائتو كلشي فيها زوين كلشي فيها كينوض فيه احاسيس كبر من طاقتو كيف قال حبو ليها مكيتاسعش لعمر واحد
دوز معاها من اجمل ليالي فحياتو بأصابح مرجفة كيقيسها بحال إلا خايف عليها تحطم داها لعالمو خلا انوثثها تفجر فحضنو وبين يديه وصل ليها قداش هو متييمم بعشقها ورا ليها بلي هي المرأة لي قلبات تارييخو بلي هي الشمس لي شرقات على قلبو وبلي هي المرأة لي حولات انفاسو عطر

صباح جديد ولكن هاد الصباح مختلف تماما على لي سبقو من بعد ما ضحات بثلاث سنوات من حياتها تحدات فيها كاع الضروف فسبيل تعتق حبيبها ومتهليش الموت تديه منها تحدات المرض تحدات المشاكل عطات جهدها وكثر بكثير باش تلقا ليه العلاج كانت كتفشل حتا كتقول صافي وصلات لهدفها وكترجع للنقطة الصفر من اول وجديد ولكن عمرها استسلمات ولا قالت انوقف شي نهار ولي كيدعمها كثر هما وليداتها وحبيبها لي متبعها فكل خطوة دارت ويشجعها باش تعطي الافضل ويحفزها معنويا وماديا دازت ثلاث سنين من عمرهم بحال إلا يلاه تزوجو عمرهم ملو من بعض ولا نعسو مخاصمين مع بعض كل واحد كيتنازل للاخر حيت مكيقدوش يبعدو على بعضهم عايشين احلى ايام ايام فحياتهم كيشوفو وليداتهم كيكبرو قدامهم وكيف قال مخلاش كريشتها خاوية غير دازت عامين عمرها ليها فهاد ثلث سنين تغيرو بزاف دالحوايج تزوجات جوري بمراد ولقات جنات حتا هي شريك حياتها تزوجها وداها تعيش فاسبانيا حيت تماك فين كاينة خدمتو رجع الياس خو روح من العسكر تصدمات مني شافتو كان كبر وتبظل كليا ولا راجل قدو قد السخط ترقى وولا جينيرال عاون صرب بات روح حتا رجع الشركة ووقفها على رجليها وستالمها من بعد اياد حيت عيا محمد وقرر ياخد قسطو من الراحة وقع لاياد مشكل حتا كان خطب البنت لي عجباتو وفسخو الخطوبة حيت متفاهموش ليليا تزوجات ب جوزيف من بعد ما علن اسلامو قرر حتا يتعمق فالدين ويعرفو كثر عاد يتزوج بيها وفعلا قلب وبحث وفهمو عاد جا خطبها وتزوج بيها اما اوزان رجع علاقتو بخوه وحتا بختو قوية بزااف أما علاقتو بانغام طورات مني ولا شريك مع خوه فالشركة تقرب منها وتأكد من حبو ليها عتارف ليها وحتا هي تشجعات وقالت لي فقلبها علنو خطوبتهم الرسمية ودار ليها عرس يليق بمقامها في قلبه
كانت ناعسة وكريشتها قدامها منفوخة شوية داخلة فشهرها السادس حطات يديها كتقلب عليه ملقاتوش ناضت بشوية عليها دخلات للحمام دارت روتينها الصباحي خرجات للدريسينغ روم لبسات كومبينيزون بيضة مع طوب بيض انيق ويليق لبحال ديك المناسبة قادات شعرها سامبل دارت اكسيسوارات مناسبة ومكياج خفيف جا مع بشرتها الحنطية الصاافية سمعاتو دخل لابس ديباردور و شورط وكلو عرقان جا سو هووت دوخها يلاه جاي من لاصال قرب ليها باس راسها
روح:صباح النور
صرب:صباح الحب
روح:يلاه سير وجد راسك تعطلنا أنا انمشي نشوف دراري واش فاقو
خرجات وخلاتو مشا ياخد دوش ديالو انا هي مشات عند بهاء لقاتو فايق وكيلعب بنونوساتو
روح:كبيدتي فاااق حبيبي اجي عند مامي اجي
بهااء:ماما غغغغ ماما
روح:حياة ماما و عمرها اححح عليك نوتيلا ديالي اش هاد الحلاوة اش
تمات داخلة حنين لي ولات فعمرها 8سنين
حنين:مااااما
روح:(قفزات)حرام عليك ابنتي طيرتيها مني اش كاين
حنين:فين هي الغوب لي بالموف
روح:بغفف هادشي لاش جايا كتغوتي سولي سيهام(المربية)
حنين:ملقاتهاش شنو غادي ندير دابا شنو هءهء هي لي كتعجبو هي
روح:شكون هادا
خرجات وخلاتها غير كتشوف وتقول الله يستر
نزلات هي وولدها كتفطرو وتفطر حتا هي جات حداها حنين تاكل ومنفخة وكتسوط غير بوحدها عاد نزل صرب باناقتو ووسامتو المعهودة كملو الفطور عطات روح ولدها للمربية من بعد ما شبعاتو بوسان وباست حتا بنتها عاد ركبات هي وصرب فلوطو فطريقهم للجامعة لي غادي يتقام فيها الاحتفال تكريم ديالها من بعد ما لقات العلاج هي وفريقها عام على هاد النهار وتم تجربتو والتأكد من انه كيعالج 100% وحتا صرب عطاتو ليه وفعلا تبين من التحاليل انه تشافى تمامااااا منو
وصلو شد ليها فيديها وهو مفتااخر بيها وباغي يقول لكلشي بلي هادي مرتي أنا دخلو للونفي طياطخ لي كان كبيير بزاف وتصميمو رائع لقاتو عاامر كلشي كاين عائلتها وحبابها والأساتذة لي قراوها و علماء من جميع انحاء العالم وخبراء فعلم النفس عاد الدكاترة كان الحفل مديور على قبلها ولتكريم انجاازها جلسات هي وحبيبها القدام فالبلاصة لي مخصصين ليهم

المقدم:(هاز الميكرو فيدو )كنادي على البروفيسورة "روح المريني" ولي هاد الحفل تقام لتكريمها على المجهودات لي بادلاتهم هي والفريق ديالها باش ينقدو البشرية من هاد المرض 
بداو ناس يصفقوا وكلشي وقف ليها وقفات شافت فعينيه خاد يديها و بباسها بجهد ابتاسمات طلقها تمات غادا طلعات للمنصة جا عندها المقدم عطاليها الميكرو و مشا بقات واقفة وكتشوف الاشخاص لي كانو جالسين فالصف الاول ناس لي خلاو بصمتهم فحياتها شدات الميكرو وراسها مرفوع و كتافها مهزوزين كدليل على ثيقتها فراسها 
روح:(بصوتها الانثوي الرهيييف)الحياة ماشي طويلة باش نجربوا فيها كلشي و ماشي قصيرة باش نعقلوا على كلشي ولكن هي زوينة إلا عرفنا بلي هي مساوية والو(سمعات الباب دالقاعة تحل بجهد ابتاسمات مني شافت الياس داخل سخفان ديما معطل كلشي بقا يشوف فيه مشا جلس فبلاصتو عاد كملات) الحياة عبارة عن قصة صغيرة خصنا نتعلموا منها كيفاش نعيشو فرحانين رغم قساوتها(شافت فهشام كان كبير فالسن ولكن مزال شاد فراسو ابتاسمات ليه مني تفكرات الهضرة لي كان قال ليها ولي عاوداتها بالحرف) الحياة ماشي عادلة خاصنا نعودو راسنا على هادشي فالمدرسة كيعلموك الدرس عاد كيختابروك أما الحياة كتختابرك عاد كتعلمك الدرس (سكتات لحضات كتجمع الكلمات لي مشتتين فكيانها حلاتهم جات عينيها فعينين توأم روحها ختها ليليا) كنعشق المصعد مكنستعملوش حيت معكازة هه (ابتاسمات ابتسامة خفيييفة) نوو ولكن كيعجبني نتأملو كتدخل ليه وتورك بصبعك على زر بلا حتاشي مجهود تطلع للفوق وتنزل لتحت يقدر يتخسر ونتا فيه بحال الحياة تماما مكيخلاش من الاعطاب مرة نتا فالقمة ومرة نتا فالأرض (دورات عينيها لقات اوزان كيشوف فيها و الندم ضاهر على محياه ولكن ابتاسمات ليه بحال إلا كتقول ليه نسيت لي فاات )الحياة قصيرة ولكن المصائب لي كتردها طويلة كيتألم القلب ومكيلقاش لي يحتاضنوا كيعيا الشعور ومكيلقاش لي يطمنوا (تنهدات) كنعيشوا حياتها مشتتين وحايرين مع اقرب ناس لينا من الاحساس خايفين وبسبب الاقدار تايهين بين هم و يأس وافكار ملأت الراس كنعيشو عمرنا فحزن فاشد احتياجنا مكنلقاو حتا واحد وفالامنا مكنواجهو حتا واحد من غير دموعنا لي كتجتاحنا بمدلة و خضوع كتخنقنا العبارات و لكن كنفضلوا نسكتوا ونعيشوا ايام حياتنا صابريين لكل معاناة ولكن لي كيضعف صبرنا هو قوة الصدمات (تنهدااات ودورات عويناتها الخضرين لي بحال زمرد وشافت فعويناتو الكحلين لي بحال سواد الليل وفيهم بريق بحال القمر لي كيضوي داك السواد ابتاسم ليها وبادلاتو بالابتسامة الساحرة ديالها)تعلمت بزاف د دروس من الحياة و أهمها أن العافية مكتطفاش بالعافية أنا بحال أي انسان ممعصوماش من الغلط غلطت بزااااف ولكن بسباب شي اشخاص كان عندهم دور كبير فحياتي حليت عيني على دوك الاغلاط ومكملتش فيهم و من هاد المنبر كنشكر كل واحد فهاد الاشخاص سواء لي جرحوني وطعنوني فضهري ولا لي شدو ليا يدي مني كنت انطيح و حماوني و خرجوني من الضلمة لي كنت فيها (سكتات مدة و شافت فجوري كانت بطبيعة الحال كتشوف فالارض حيت معندهاش الشجاعة تهز راسها ولكن غير هزاتهم وشافت ابتسامتها الهادية رتاحت وعرفات بلي نساات لي وقع)بغيت نقول لاي واحد هنا ميغركمش الارتقاء الساهل إلا كان المنحدر واعر الحياة منحسبوهاش بعدد السنين مي نحسبوها بعدد المشاعر حيت هي ماشي شي حاجة اخرا من غير شعور كل واحد فينا بيها ولكن رغم كلشي هي حياة وحنا مطالبين باش نعيشوها كيفما هي هاد الهضرة لي واخة قليلة فحق الحياة بغيت كل واحد هنا ياخد بيها بغيت كل واحد يعرف القيمة ديال دكشي لي عندو بغيت كل واحد غلط يحبس ويوقف ويراجع راسو ويصلح اغلاطو قبل مايفوت الفوت كل واحد فينا خاصو يعيش نهارو و كأنو اخر يوم فحياتو شدو فيدين ناس لي كتبغيوهم و مطلقوهاش واخا يوقع لي يوقع مضلموش و عيشو بضمير حي وديرو فبالكم الحياة عمرها مكتعطي شي حاجة فابور هي قد مكتعطي كتاخد منك مكتعطيك القوة حتا كتخليك تمشي على اشواك الخيبة آلاف المرات ومكتهديك الثبات حتا كتجلدك بسياط الصدمات مرة ورا لخرة
سكتات بقاو كيتسناو ناس شوية مني مزادت حتا كلمة كلهم وقفو و بداو يصفثوا بجهد كلشي ناض وبدون استثناء جا واحد البروفيسور امريكي مشهور عالميا عندها سلم عليها و مد ليها واحد الجائزة لي كانت عبارة على منحوثة على شكل مرة هازا يد للسما و يد محطوطة علة قلبها كان لونها ذهبي وكتلمع خداتها وبقات تأمل فيها و فجماليتها
ناض الفريق حتا هو عطاوهم شعار بحال لي كاين فديك التحفة كيتعلق فالحوايج سلمات عليهم واحد واحد ولاو عزاااز عليها وعندهم مشارييع جديدة مع بعضهم من بعد ما توفقو فالتجربة الاولى طلع عندها صرب باس راسها
صرب:مرتي الغزالة ديالي انا مفتاخر بيك فخبارك
روح:كلشي بفضلك إلا كنت انا هنا فالفضل كيرجع ليك
عنقاتو ونزلو جلسو فبلاصتهم وخلاو الفريق كيشرح العلاج ومناش مكون وكيفاش حتا وصلو ليه

بعد مرور 20 سنة
روح:بدر بدر اجي لهنا ا داااك جن صرب دوي مع ولدك
صرب:يلاه خارج من دوش باقي كيف هو مع شوية دشيب فراسو لي زادو وساالمة على وسامتو
صرب:اش كاين مالك
روح:داك البرهوش ديااالك عوتاني كب لما على ختو وااااش مغاديش تفاهم معاه
صرب:خليه عليك مزال صغير

روح:بففف معامن كندوي تا أنا بحال دالك الشبل من دلك الاسد
صرب:حنين فاقت الحب
روح:يمكن انا انمشي نشوف ملك خليتها كتغبن
صرب:(جرها عندو)وانا فين خليتيني اممم
روح:(كتلعب ليه فصدرو) شنو بغيتي ثاني مزال ما شبعتي امممم
صرب:عمري نشبع منك الخاايبة
روح:الله يخليك لينا
صرب:اخخخخ منك ومن هاد الجمال لي كيتزاد فيك يوم على يووم
روح:حبيبي خاصني نمشي نفيقهم انتعطلو و حنين تقجنا هه متسكتش من نكيير
صرب:واخا سيري جا بهاء
روح:عيط ليا راه نزل من طيارة دابا يتم داخل
صرب:اك حياتي
خرجات لابسة كسيوة فالموف طويلة حد الركبة وطالقة شعرها لي كانت صابغاه بالشاطان نزلات لقاتهم كلهم مجموعين غير صرب وبهاء و حنين لي ناقصين
لبس صرب طقم رسمي فالبلوغوا رش بارفانو وخرج مشا عند بنتو لقاها جالسة جالسة و كتلعب بيديها ومثرثرة
صرب:اميرتي مالها
حنين:مثوترة ا بابا بزاااف خااايفة
صرب:خمس شهو ونتي دربي خاصك تيقي فراسك
حنين:وإلا غلطت ولا شي حاجة اوووف
صرب:مغادي يوقع والو البوءة دياالي اجي نهبطو غادي تعطلي
باستو وشدات فيه نزلو جلسو فلايصهم صرب على راس طبلة وروح من جيهة الاخرى حداها نور لي كملات البنت الثالثة بعد بهاء فعمرها 20 عام اية من الجمال شبيهة امها لا تقل عنها جمال خدات كتقرا المعهد العالي للتجارة وتسيير حيت كتحماق على داك المجال عينيها خضرين وكبار والشفايف كرزية مرسومة الخدود مشدودة وشعر اسود طوييل عاد لا طااي كيف ديال روح تماما حداها بدر اخر عنقود فعمرو 7 سنين جا كسيدة ولداتو روح وهي عندها 38 عام كيطير من المقلة جني واخد من بااه كلشي من جيهة الاخري حنين لي كبرات وزااادت زيانت واخدة شوية من باها وشوية من روح قرات الصحافة وفنفس الوقت كملات فالرقص وولات كتقدم عروض كبرى واخييرا ملك المفششة الاميييرة فعمرها 16 سنة مفضلة صرب كيحماق عليها قيسي ليه كلشي إلا ملك سناها عى ماماه لي ماتت وباش يخلد دكراها سما بنتو على سميتها فطرو فجو عااائلي مرح شوية تم داخل شااب ف 23 من عمرو عينيه خضرين اسمر البشرو طوييل ومكلضم شهيب شوية ولحية خفيفة كان هداك بهاء المريني لي ورت من باه صوت وولا مغني مشهور ومحبوووب البنات يزعزع المشااعر ناضت روح كتجري تلاحت عليه تبوس وتعنق

روح:ولدي توحشتك
روح:حتا انا الوليدة توحشتك
ناضو خوتو سلمو عليه مشا تعانق هو وباه وجلس فبلاصتو كملو فطورهم وكلهم ناشطين إلا حنين لي متوترة غير بوحدها كملو وناضو كلهم لبسو حوايجهم الا بهاء لي بقا جالس مع واليديه كيقرقبو ناب حتا وجدو كلهم و وخرجو كل واحد ركب لوطو ديالو غير ملك وبدر ركبو مع روح وصرب وصلو لقاعة لي غادي يتم فيها العرض مشاو هما من الباب لي كيدخلو منو الناس ومشات حنين من باب اخر دخلات للغرفة التبديل شوية سمعات الباب تحل وراها تم داخل هاز وريدة قرب ودارها ليها على شعرها
مازن:مستعدة
حنين:متوترة وخايفة
مازن:انا معاك متخافيش
حنين:ويلاه خرج باش نبدل ما بقا والو
باسها فخدها وخرج خلاها غادي تدوب غير بوحدها لبسات الحوايج الخاصين بالعرض سمعات المقدم كيدوي تنفسات بجهد وخرجات شدات فيد مازن ومشاو للمنصة بداو العرض ديالهم كانت روح جالسة هي وصرب وولادهم بربعة حداهم كيشوفو فبنتهم زيرات ليه روح على يديه
روح:اوووف ايمتا اتسااالي عنداك طيييح ناااري (غمضات عينيها)
صرب:متخافيش كلشي غادي يدوز مزيااان
قربها ليه وعنقها كيطمنها بلمساتو حاط بمو على شعرها دار شاف فيهم واحد واحد وشاف فحبيبتو ابتاسم هز يديها باسها
صرب: عشقي..عمري..زوجتي الغااالية..استيقظت هذا الصباح معك ومع ثمرات حبنا..نظرت إليكم..انتم غدي..انتم بعدي..مستقبلي..كنتم انتم..غيرت اسم السعادة هذا الصباح..سميته روح حنين بهاء نور ملك بدر..حبيبتي..زوجتي..امرئتي..انت خلقت من هذا الرجل بطل..إن لم تكن هذه معجزة فماذا ستكون؟..انت خلقتي صرب..اكملتني بأصابعك .الرهيفة..خرجت من يديك..التففت باللحم والعضام..ولم تبقى عيني على شيء..روح خاصتي..انا لك وانت لي حبيبتي يا اول حب اقتحم حياتي..دعيني اتنفس عشقك..يا روحي..ابتليت بعشقك يا عميقتي العينين..وكانت ابتسامتك هي السر..روحي استقر بداخلك كما قااال الشاعر:《اذا كانت الروح غير مستعدة لتسليم روح..فأنا لا اقول حبي لأحد》..أنا سلمتك روحي يا عشقي..لأن هذا ليس حب يا امرئتي..أنه العشق الاعمى

وهادي كانت نهاية قصتنا الشيطانة الفاتنة لي بكينا معاها وضحكنا معاها كانت جزء من حياتي بنتي الاولى هاد القصة عندها مكانة خااااصة فقلبي حيت بكيييت معا روح وتقاسنت معاها معاناتها بحال أنا لي مريت بيهم و فرحت معاها عشت الدور
بعد كل صبر جميل اكيد كاين جزاء أجمل الانسان يتشبت بالله ويخلي ديما ايمانو فيه و ميتخلاش على الناس لي كيبغيهم هاد الحياة غير عابرة وقصيرة الواحد يستغلها ويعيش نهار بنهارو يفكر فالغد ولكن ماشي زيادة على اللزوم اما البارح هداك غير رميوه وراكم داز وعمرو غادي يرجع ولكن نتعلمو من اغلاطنا لي درناهم فيه
كانت هادي قصة عشق روح و صرب لي وراونا بلي المستحيل مكاينش فقانون العشاق وبلي الارواح مني كتاحد كتقدر تغلب على كلشي وبلي فشرع الحب مكاينش سجن محدد دائما كتكون العقوبة هي المؤبد

تمت

كايتنشرو القصص والأجزاء كل يوم مع التاسعة ليلا بتوقيت المغرب