العنوان مفهوم ....و الشرف لا ينحصر فقط على العذرية او بكارة د الانثى ...فللشرف معاني اخرى داخل العائلة و هادشي لي غ غنتعرفوو عليه فقصتنا المميزة التي هي من تأليفي انا Safae Bt و زميلتي المحبوبة Rachida Hajjar
❤️❤️❤️
قدام بحر هايج امواجو عالية ...جو مغيم و سحابة فسما طاغية ....قطيرات شتا نازلة على ارضنا ساقية .
جالس عينيه حمرين ممصدقش بلي عليه كذبات دنيا ....
(صوت الهاتف كيرن) جبدو من جيبو و جاوب بصوت مخنووق :الو
...:كريييم اهئ ولدي فينك متحرقش قلبي عليك
كريم:شنو بغيتي
....:رجع لدار الله يرضي عليك اهئ اهئ نتا ولدي منقدرش بلل بيك ..سمع كلام ماماك و رجع للداركم اولدي
كريم:شمن دار كتهضري عليها ها؟؟ انا معندي دار و ماعندي عائلة ...انا ولد زنقة و خليوني عليش فالزنقة (وقطع عليها)
طفا تيلي خشاه فجيبو و رجع كيشوف فالبحر لي يخفف عليه همو و غموو ....كريم شاب فمقتبل العمر عندو 24 سنة ابن احدى العائلات المرموقة فالبلاد "الزياني" كان عايش على اساس انو ابن اصل و عائلة ليجد نفسه ابن زنا ...ولد الحرام ... ولد الزنقة ....عائلة الزياني معروفة بالانضباط و الاحترام بحييث رب العائلة شخص ملتزم كيعرف بينو و بين لي خالقوو ...لكن هاءا مكيعنيش انوو عمرو وقع فالغلط ...تاحد فهاد دنيا ممعصوم من الخطاأ ...غير هو الناس اصناف ..كاين لي هو لي كيمشي لعند الخطاأ و كيتبع طريقو ..و كاين للخطاأ كيجي لعندوو لكن من بعد كيتوب لله منو ...لذللك لازم على الانسان دائما يضبط تصرفاتو و يحاول ما امكن انوو يتجنبووو(الخطأ).....
ناض من بلاصتو و كلوو سارد هز يدوو مشط بيها شعرو الاسود الناعم طلعو للفوق و مسح على وجهوو بتعب تمشااا جيهة سيارتو من نوع بي ام دابليوو دو بورت فالاسود لامعة ركبها طلق المكيف باش يسخن شويا لانو كرم بالبرد و ديمارا...غادي و كيحس بتيليفونو كيفيبري فجيبوو وصل قدام واحد الاوطيل غاية فالفخاامة غير ديال نااس الهاي و لي هو ملك لعائلة دزياني ركن سيارتو و نزل عطا سوارت لسيكيريتي المكلف يدخلها لباركينغ فحين هو دخل لريسيبسيون خدا لا كارط دسويت ديالو و طلع بلا كلمة بلا جوج و لي داز من حداه من العاملين فالفندق كيستغرب منووو لانهم معودهم دائما على المعاملة الحسنة عمروو داز من حدا شي حد و تجاهلوو
حل سويت ديالو و دخل حيد حوايجوو و مشة نيشان الحمام طلق الماا سخوون تخشا تحتوو مخرج حتى حس بعظامو دفاو عليه لبس بينوار رجولي فالابيض و هز فوطة صغيرة كيمسح بيها شعروو سالا لاحها فوق الكانابي و تلاح نيشات فوق سريروو جبد عليه الغطاااا و غاص فنوم عميييق ...مافاق حتىىى للصباااااح.
كيسمع صوت دقان فالباب ناض بعينين معمشين كيحك فيهم كيحس بالنعاس باقي شاد فيه سد لبينوار مزيان و حل الباب
راضية:الله يا وليدي حشونة عليك دير فيا هاد الحالة
كريم:(تنهد و حل لباب كولو دخل و دخلات موراه) علاش جيتي هنا
راضية:كرييم خاصنا ندويو....(جراتو من يدو)اجي جلس الله يرضي عليك
جلساتوو فوق الكنابي و جلسات اونفاص ليه
راضية:انا ماماك واخا مولدتكش ولكن ربيتك حسبتك كىدتي وواحد من ولادي شنوو ذنبي انا تعاقبني بهاد الشكل ها؟؟ عمري فرقت بينك و بين خوووتك و عاد نتا معزتك عندي كثر منهم هوما لي والدة من كرشي ....مابقيتش فيك تخلي بالي مشغول عليم ليل كامل ....الى الحاج غلط فالماضي الله يسمح ليه
كربم:هانتي قلتيها ...هو غلط و انا نتيجة هاد الغلطة (ضحك فسخرية)عاد عرفت علاش با و خوتي مكيحملونيش ههه...حيت انا ولد الحرام ..جايبني من زنقة هو غلط و انا حياتي كاملة و هو كيحاسب فيا فين هو دين و فين عي المبادئ ديللو ..ها شنوو ذنبي حتى انا لي ديما مفرق بيني و بين خوتي ...ياك هو لي غلط و انا ؟؟!!! شنو ذنبي
مشات الخدامة كتجري دارت شنو قالت ليها راضية و هاد الاخيرة طلعات لبيتها فيقات راجلها محمد اىزياتي باش يوجد راسو و يمشي لخدمتو. ...نزلات بشوية عليها و خرجات للجردة بانت ليها مرا باقا صغيرة و هازا فيديها تريبية
محمد:(بلع ريقو مخرج عينيه) ما ....ر راضية تيقي بيا كانت غير غلطة ع عمري فكرت نخونك تيقي بيا
راضية؛(بلغوات)محمد هادا ولدك و لا لا
محمد:(حدر راسو)دوون رد
راضية:يخسارة حبي و تيقتي فيك امحمد ...من ليوم حرام زواجي بيك ....الى بقيت فهاد دار انبقى على ود ولادي و على ود سمعة العائلات بجوج ...نتا فطريق و انا فطريق
#نهاية_لفلاش باك
راضية:من ديك الوقت ربيتك و عتابرتك واحد فولادي كونت خاطهم هوما فكفة و نتا فكفة بوحدك معزتك عندي كانت كبيرة بزااف و خاصة.. عمري فكرت نقل ليك الحقيقة مدام هي جات و عطاتك ليا فصافي من ديك ساعا وليت ولدي و مكايناش ام ليك من غيري (سكتات) اما الحاج فكانت علاقتي بيه باردة واخا مكناش كنبغيو نبينو قدامكم و لكن من نهار حرمت زواجي بيه مابقات كتجمعنا شي علاقة .....سمحليا اولدي (شدات يدو)مكانتش باغاك تعرف هادشي باش متكره تاحد فحياتك
كريم:(باس يديها)نتي معندك ذنب بلعكس نتي الحاجة الزوينة لي وقغات فهادشي كاملة
راضية:(مسحات دموعها) و يالاه اولدي لبس حوايجك و خلينا نرجعوو
كريم:لا الواليدة ....انا غنرجع لفرانساا
راضية:شنووو ؟!!
كريم:هادشي لي كاين...مغنرجعش لدار الواليدة ...حياتي كاملة و انا محتارمهم حبت كبر مني و رغم غاع الكره و الحقد لي كيعاملوني بيه عمري رديت علبهم شي كلمة ...و لكن دابا لا مغنرجعش نعتوني بولد الزنقة عايروني ماباغيش نعاود نشوفهم سميحليا ...انا غنرجع لفرانسا
راضية:عافاك اولدي
كريم:فهمبني عافاك و متصعبيهاش عليا ...غنبقى نهضر معاك يوميا
راضية:ثافي خديتي القرار
كريم:امم
راضية:اوا لي تشوفو اولدي...واخا مساخياش بيك
كريم:جي عندي وقتما بغيتي
راضية:واخا احبيبي ...يكون خير .....
فجهة اخرى و بالضبط فحفل تكريم بعض الاشخاص لي فناو حياتهم فحماية و امن البلاد كان منهم العقيد مصطفى العزوزي لي وصل لسن ابراحة سن التقاعد سن لي يتخلى فيه على المنصب ديالو و راسو مرفوع تاركا المجال للاجيال القادمة باش يبينو على قوتهم و حبهم للوطن ....فنا حباتو و هو مخلص لخدمتوو معروف بالنزاهة ديالو عمرو ظلم شي حد و لا حط الباطل على شي حد ....معروف بالصرامة و الجدية ديالو كتبان عليه القسوة لكن اطيب و احن منو مكاين ...واقف بكل ثقة بدام الوزير المختص(دون ذكر الاسماء) و هو كيعلق ليه شارات على الهندام الرسمي ديالو دليل على تكريمو ...مدلو شهادة تقدييرية مخدوومة بالذهب الخالص خداو صورة تذكاارية عطاه التحية و نزل بكل ثقة تقدم للجهة لي جالسة فيها عائلتو
الجدة نعيمة: تبارك الله عليك اويليدي انبقاو مفتاخرين بيك دائما
مصطفى:(باس على راسها)لهلا بخطيك الواليدة
دار لجهة ثانية بانت لو الزوجة ديالو نادية مبتاسمة لو سلم عليها هي الاخرى و جلس مكانووو كيشاهدو فتكريم الزملاء ديالو
مصطفى:(بشوية)فين مروى
نادية: احم قالت اتجي شفتها تعطلات
مصطفى:امم واخا
سلات الحفلة خرج الجميع و منهم سي مصطفى العزوزي و عائلتو ركبو سيارتهم الخاصة لي كانت من نوع ميرسيديس سوداء فاتجاه فيلا العزوزي ...وقفات السيارة امام الفيلا لي كانت كبيرة ذات تصميم تقليدي محيط بيها سور كبير مغطيه ورق الاشحار لي مغروسين فالجردة تحطات السيارة حل العساس باب الفيلا و دخلات العائلة ديالنا ...مصطفى سابقهم بخطى مزروبة مليها الغرور و العجرفة شي لي كيعطيه هبة و كيذل على شخصيتو الصعبة و الصارمة ..فحين لالة نادية شادا فحماااتها و داخلين بذوية بحيث لالة نعيمة ركيبات مساو ليها و متنوضش من غير عكازها لي ديما فجنبها
نعمة:الله يابنتي و هاد ركيبات مشاو ليا
نادية:غابشوية عليك امي نعيمة (تنهدات)انا كنفكر غير فحريرتي ...ليوم نشهدو على روح ديك لبرهوووشة هاخليها عالله
نعمة:علاه مالها
نادية:مشفتيهاش ماجاتش لتكريم باها و لباىح جات معطلة راه غير كيشوف و ساكت و ولكن انا حاسة ليووم ينوض ليها
نعيمة:ياويلي على بنت الحرام كيفاش جات معطلة لبارح فين كانت
نادية:و انا عرفت راني بحالي بحالك....لبرهوسة ضسرت و مابقينا و مابقيت عارفة مندير معاها نعيااا نخبي عليها و لكن عارفة مصطفى راه مدارش بيه
طلع لبيتو بدل عليه و نزل خرج من باب لوراني دلفيلا و تم غادي جبهت واحد البيت معزول كان على شكل ورشة كيخدم فيها بعض المنحوتات بالخشب .....
كانت جالسة هي وصاحبتها اانتيم و جوج دراري ....مروى فتاة ذات عقدين من العمر طويلة ممشوقة القوام عويناتها خضيضرين مشفرين و شعرها اسود حرير دايرا لو كوب ديانا ...مخلية غير لقصيصة كتنزل على عويناتها ...هازا فيداها كاس كبير من لعصير بلاباي ديالو دايراها جتب فممها كضحك و تنشوا بيه
بدر:(بشوية بينو و بينها)و هضرنا فلفايس قلت ليك نتلاقاو باش نزيدو نتعارفو ...و انا عجبتيني فاش شفتك دابا و بغيت تكون بيناتنا شي علاقة
نهيلة:(حشمات) نفكر و نرد عليك
بدر:تفكري...واخا نتسناك فليل تردي عليا
نهيلة:واخا...دورات وجها شافت فمروى لقاتها جالسة ممسوقاش لاباي ففمها و كتشرب فداك العصير بشوية عليها و لا هي هونا اما داك خونا جالس على تحرمز الجمر مرضاش انها معطاتوش وبت ...و بالنسبة لمروى فشخصيتها هي هاكة تخرج و تلعب و ضحك لكن فامور الحب ممعمراس بيه راسها عكس صاحبتها نهيلة لي قدها فالسن لكن حبها للعلاقات كيخليها نهار و مطال مخشية فلغروبات مخلطين و تهضرمع هادا و هاداك و فينما تبغي تلقى بشي حد تقولو انجيب صاحبتي خوفا باش متنفاردش بيه بوحدها فحين هو مكيلقى مادير فحتى هوا يقرر بجيب صاحبوو باش يبقاو كل كوبل منعازل بوحدو
شيرات ليه ووقف وطلعات غحين نهيلة وقفات سلمات على دراري و قالت بخجل:متديوش عليها راه هي هاكا
يونس:لا معليش ...غير قوليها تواصع شويا و هي معرت اش حاسة براسها
تبسمات ليهم نعيلة و طلعات جنب مروى لي خنزرات فيها و قالت:زيد اسيدي.....شحال حامض و تقيل على القلب بخ كيداير
نهيلة:زدتي فيه اياحبتي حشمتيني معاهم
مروى:داك بدر شريف اما لاخر من جلس محملتوش ....تقية على الخاطر و ديك الفورمة عندو خههههه ......صافي هنينا قودتها مع العقيد ليوم غاسكتي ليوم يذبحني
نهيلة:تانتي منخافش عليك ههههه
وصلات نهيلة هي لولة نزلات و عطات مرو عنوانها لمول طاكسي ...تمات غادة و هي ياكتة و ليزيات فودنيها حتى وصلات خلاصتو و نزلات دقات فلباب حل ليها العساس و تمات داخلة كدور فعينيها و مخرجة لسانها جنب محسااات غير بودنيها مجبووودة
مروى:اي اي
تم غادي جارها وراه و هي كتغوت و تقول:احح و بابا برحم باباك ابابا اي اي طلق دريتبني
دخلها لورشة ديالو و سد لباب حمر فيها عينيه و طلقها :فين كنتي هااا
مروى:ها....و و الله ابابا حتى كونت مع نهيلة والله
مصطفى:بلغوات.....لبااارح فين كنتي
مروى:شداتها تقفقيفة.....ف دار
مع قااتها مع جمع ليها لوجه بتصرفيقة قاسحة و شدها من يديها مزيرها
مصطفى:طلقنا لمك اللعب باغا طلعي فوق راسنا ..ها ياك الخروج بليل ممنوع و ليتي تنقزي من لبالوكيات و تخرجي ادوي ويالموصيبة ....باغا ديريها بيا ابنت الكلب
خرجات عينيها قربات تبككي خصوصا فاش عرفاتو عرف بلي خرجات بليل و هادشي لي ممنوع عليها بمرة ...لكن بطيشها و خفتها هاهي جابتها فراسها ...شافت فيه بلعات ريقها حيت عارفاه مكبحملش شي حد يخالف الاوامر ديالو و هاهي دابا جنات على راسها
مروى:ب بابا س يمحلي عافاك ..و الله كان غير عيد ميلاد واحد لبنت كتقرى معانا و مشيت ليه
مصطفى:باغا تخرجي ليا للطريق كيدارت عمتك ها...باغاني نحبسك و نسجنك حتى نتي ادوي يالكارثة(كييديها و يجيبها مز دراعها) راه كنقسم فمي بالله و نعاود نشوف مك عتبتي باب دار من غير وقت قرايتك حتى نتفاهم معاك يالكلبة ....(بلغوات)غبري من قدامي يلعن بوك الكلب
مع طلقها مع طارت من حداه خلات غير ريح موراها فحين هو مسح غلى لحيتو بغضب و جلس بلاصتو كينحلف عليها
نزل من طوموبيلتو حل اكوفر جبد لافاليز ديالو جرها فيديه و تم داخل للمطار بمشية رجولية لابس قاميجة و سروال باللون الاسود و سبرديلة طالعة نفس اللون ...شاف موعد الرحلة ديالو لي باقي ليها ساعتاين قام بالاجراءات كاملة و جلس فقاعة د الانتظار حاط يديه على ركاببه و كيشوف قدامو ساهي
اما عند راضية لب رجعات لفيلا الزياني من بعد مودعاتو ...رجعات و هي مكسورة دالخاطرطول عمرها و هي كتعتابرو واحد كثر من ولدها ...كتلقى فبه الحنان كثر مكتلقاه فولادها لي من لحمها و دمها
عادل:(طويل و عامر فعمرو 34 سنة و هو الاخ الاكبر لكربم من الاب)اهلا اهلا الوالدة ....(كيشوف موراه)شتك جيتي وحدة فين وليدك الصغيور
راضية:غبر من قدامي مافيا لي يتصادع معاك.....مفهمتش سن دار ليك دري حتى تقول ليه ديك لهضرة ...حشومة عليك حشومة
عادل:ههه مالي كذبت عليه راه لي كاين قلتو ليه
راضية:راه خووك هاداك متنساش
عادل:ددمعنديش خوت من الزنقة
راضية:خنزرات فيه و زادت ...مغنجاوبكش
تمات غادا طالعة حتى كتصادف بولدها ثاني صغر من عادل بسنتين عندو 32 عام
عمر:الواليدة
راضية:مناقساكش تانتا ...ماقول حتى كلمة الله يستر عليك
عمر:شواقع...فين كريم
راضية:كريم سافر ...ياك مكتحملوهش اوا هاهوا خلا ليكم هاد دار ربحو بيها
عمر:اممم(ببرود) مزيان
شافت فيه بخيبة امل و كملات طريقها حلات بيتها لي كيجنعها مع راجلها لي ولا زواجها بيه غير على الورق فقط ...سمعات لما مطلوق فدووش متسوقاتش بدلات خوايجها لبسات حوايج دار عبارة على قفطان جوهرة رومي انيق قادات زيفها ...يالاه بغات تخرج و هي تسمع باب الحمام دارت عندووو و هي تصدم
طارت عندو شداتو من خصرو و هو كولو عرقان
راضية:الحاج ياك لاباس
محمد:شاد جهة قلبو و كبهضر كيلهت و بتوجع.....لموووت ها دي ا الالة راضية
راضية:اجي جلس ....شرب دواك اجي
جلساتو فوق السرير تسطح عليه و قالت بخوف:الحاج صبر صبر ...هاني نعيط للطبيب
طلع عمر كيجري عند باه و نو تابعاه دخلو لقاوه فبلاصتو كيشوف فالسقف دموعو نازلين و يدو حاطها على قلبو
راضية:اهئ الحاج
عمر:الواليد واش لاباس...جاوبني
محمد:(بصعوبة كيهضر)راضية..(قربات لو كتبكي) س سمحيليا اراضية
راضية:(شهقات)الحاج سكتقول ...متهصرش بقا مرتاك
محمد: ف فين كريي م
عمر:لواليد متعييش راسك الواليد
محمد:ف فين ولدي كريم
راضية:اهئ اهئ مكاينش الحاج...كربم ايسافر
محمد:دموعو نازلين.....ل لا متخليهش ...بغيتو يسامحني قبل م نموت غ غلطت فحقو ب بزاف ..ع عاقبوو ت على الخطأ دديالي و هو معندو ذنب ...ق قوليه يرج ع لدارهم اراضي ية .....و و سامحوني د كام لين .....ب بغيت ن نتلاقا مع مولانا و وانا مر رتاح (هز صبعو سبابة) س سامحيني ا را ضية
راضية:اهئ اهي م مسامحاك الحاج....غير متعييش راسك دابا يجي طبيب
محمد: ي ساعتي س سلات ....ق قولي الكريم يسامحني و ي يقبل بشنو خليت ليه....ة اشهد ان لا اله الا الله و ا ش هد ان محمد رسول ا لل. ه
رخا يدو و عنقو و طلعات روحو عند لي خلاقو لالة راضية خطات يديها على راسهة و ضرباتها بغوتة تفش الحرقة لي شعلات فيها فحين عمر طاحت من عينو دمعة هز يد باه باسها ووقف عنق موووو يصبر فيها
راضية:اهئ اهئ الحااااااااج اهئ اهئ الحاااااااج
كريم
كان جالس سمع نداء الرحلة ديالو و ناض جر لافاليز ديالو صغيرة فيد و لوراق فيديه ثانية وقف قدام مدخل المسافرين جرد تيلي ديالو بالته بغا يطفيه و هو يبدا يصوني ....
بعد ممرات 40 يوم على موت المرحوم محمد زياني ....مجموعين الاخوة بثلاثة ببهم مع الام ديالهم راضية فشركة الزياني ....جالسين فقاعة ظ الاجتماعات و قدامهم المحامي لي جمعهم باش يفتح وصية المرحووم
المحامي:الحاج قبل ميموت كان عامل وصية ليه (جبدها قدامهم)و طلب من بعد 40 يوم من موتو نحلها بشرط ركونو ولادو بثلاثة ببهم حاضربن بالاضافة للالة راضية
عاديل:(عالد حجبانو ) شنة فيها هاد ااوصيو...حنا مكناش عارفين لوالرد راه عامل وصية
المحامي: من نهار مرض بالقلب دارها لكن بفترة صغيرة قبل موتو عدلها
عمر:تقدر تفتخ هاد الوصية
المحامي:واخا
فتح المحامب الوصية و قراها عليهم كاملة عاديل و عمر سافو فبعضهم و عقدو حجباتهم فحبن كربم كان جالس حاني راسو و دموعو شلاى نازلين اما لالة راضية ترسمات على ملاميحها ابتسامة صغيرة و بقات جالسة محركات حتى ساكن
عادل:بنبرة حادة...تقدر تشرح لينا هادشي
المحامي:الحاج قبل ميموت عدل الوصية ديالو بحيث الاراضي و الاوطيلات و لفيلات قسمهم بالتساوي على ولادو بثلاثة ....اما بالنسبة لمجموعة شركات الزياني ف 50 فلمية من الاسهم كتبهم باسم ولدو الصغير كريم ...و 50فلمية الثانية باسم لالة راضية
عادل:اشنو...شهاد التخربيق هادا
عمر:كيفاش حنااا معندنا حتى شي حاجة فالشركة
المحامي:هادشي لي كاين
راضية:باكم دار لي شافو صحبح ...(شافا فالمحامي)شكرا ااستاذ
ناض عادل ضرب الكورسي بجهد و خرج مغزف و تفس الوقت تبعو عمر تاهوا بقا حالس كريم حادر راسو و بجنبو راضية مزال لابسة حق الله ...حط ليهم المحامي الوراق فوق الطبلة و استأذن و خرج
كريم:مكانش عليه يدير هاكا
راضية:بلعكس دار اللازم
كريم:انا ماباغي والو من هادشي اماما
راضية:عارفا احبيبي و لكن هادا حقك و تنا فاهمة على الخاج دار هاكا...حيت عارف خوتك لو بقا ليهم المحال مفتوح باش يسيرو الشركة و الاملاك كانو غادي يضيعوك و يضيعوها
كريم:نقدر نسمح ليهم فحقي
راضية:لا اولدي ...غتقلقني منك ....باك الله يرحمو مدار هادشي الا و راه تايق فيه تخلي الشركة ديما غادا لفوق مطيحش....اهئ شحال مسكين سول عليك و كيطلب مني نخليك تسامح ليه
كربم:مخاقدش عليه باش نسمح ليه
راضية:الله يرضي غليك احبيبي
مروى:مااااا مااااا ...فينك
نادية:اشكاين مالنا على هاد الغوات
مروى:ماما بغيت نخرج...واش غنبقى هاكا منخرج مندرج راه قنطت
اما عند كريم خرج من الشركة يدو فيد موو وصلها لفيلا دخلات و هو مشاا للاوطيل كيف عادتوو ....دخل للسويت ديالو رما سوارت فوق الكوافوز و مشا تلاح فوق سريرو مغمض عينو و فقلبو حظن كبير من جهة الاب ديالو ...تنهد تنهيدة حارة ووناض دخل للحمام فسخ حوايجو و دخل تحت الرشاشة دوش بالخف و خرج لاوي عليه بينوار دلحمام نفص شوية من لحيتو لي كبرات بعض الشيئ دهنها بسيروم ريحتو طيبة و خفيفة وخرج لبس عليه بوكسور و سيرفيت فالكحل و مشا هز لبيسي ديالو استعدادا باش يكون هو رئيس شركات الزياني
#ففيلا العزوزي ....نزلات مروى دايرة ليزيات فودنيها خرجات للجردة و جليات فواحد الزعلولة كتزعلل بقات تما مدة حتى داتها عينها بقوة الملل محسات براسها و غير هي مشقلبة على وجها ضرباتها بغوتة عالمية فير شافت شكون دفعها و هي تنوض عاطية رجليها لريح و طالقا حلووقها
مرووى:وااااااااع و ماماااااااااااا .....و مامااااااااا
قصة ضحية شرف
محتوى القصة
التنقل بين الأجزاء