غرغرو عينيها من طريقة باش قالها وكتمات تنخصيصة عارفاه هو حنين بزااف وحنانو كيطيح عليها الضيم مكرهاتوش يكون هناا معاها تعنقو وابقا تاني اطبطب عليها ويتعسل عليها بدوك الكليمات تاكتضحك بزز..
توبة كتحاول متبينش ليه من صوتها؛أش تتحربق؟؟لاش بنبكي؟؟
محمد:ياله خلي الكاام أحبيبة
توبة:راه gلنا ليك مكايناش فالداار أ محمد
محمد:دابا غنبقا نطلك ولا شنو؟؟وا حلي فكاام بغيت نشوفك توحشتك
توبة:(بامتناع)ياله صباح دوينا لحقتي توحشني
محمد:(بحنان)واحلي أحبيبتي حلي
توبة:(بنفاذصبر)ففففففف واخا
قطعات نعاه ودور ليها فلبلاصة فالواتس كاميرا تعطلات باش تجاوب بيدما قادات شعرها طلقاتو ومسحات على عينيها وناضت بزربة غسلات وجهها ومسحاتو عاد هزاتو وفتحات الحط وقالت:هاني أش بيتي؟؟
شاف فيها وهو جالس فمكتبو فكرسي عرييض:بغيتك نتي(كيحقق فوجهها)مال عينيك منفوخبين؟؟
ووبة:مماليش هي ياله فقت
محمد:كنتي كتبكي؟؟
توبة:لااا
محمد:بلا متكذبي راه وصلاتني لخباار
توبة:شكون وصلها ليك؟؟
محمد:ماشي مهم المهم هو علاش بكيتي؟؟لهاد الدرجة بااك جرحك
سكتات مجاوباتوش وعينيها تغرغرو وتتحاول تبعدهم على لكاميرا قطعات ليه فقلبو وقال:صبري علي هي هاد سيمانة ونجي أحبيبة ..(بحنان)مقلقينك لياا
توبة:(مسحات دمعة )عيييت أمحمد اهئ اهئ مبقيتش كنعرفو هي تنgول تgادات من جهة تتخسر من جهة اهئ لهئ اهئ ولا كيلوح ليا الهضرة ويجرحني بيها😢😢😢
محمد:علاش تناقشتو؟؟
توبة:اهئ هنهنهنهن على المشية للرباط مخلانبش😭😭😭تاطلباتو جدة وبدا عليها اه تطير😢😢😢معرت كي تنباان ليه أنا
محمد:حبيبة
توبة:ممم
محمد:كثيقي فياا؟؟
توبة:اه علاش؟؟
محمد:كنواعدك غنجي وغنهضر مع باك فهاد الموضوع وكلشي يرحع كيف كان
توبة:اش بيتgول ليه..السيد مبقاش كيقشع ولا حاضيني فالدخلة والخارجا وابقا ينقب كي الشارفا اهئ تهئ عيييت والله بيت هي نفوج شوي وبدا تيلوح فالهضرة
محمد بقات فيه ومسح على لحيتو بعصبية وقال:زاد فيه بزاااف وااه..واش هو ممدوزش كااع..انا من جهتي سيري عندو وقولي ليه اه مدرت معاه والو
توبة:المشكلة عارف هادشي وعارف بلي مقاسني مقرب لياا وكون قرب كون رعفت جدو ولايني هو لي فبالو فبالو بفففف
محمد:عارف أحبيبة عاارف والله..هاد ليام غتلقاي حاط عليك مع الوقت بينسى
ووبة:مغينسا تا افركع لمي المرارة
محمد:والى مرارتك نتي تفركعات أش ندير انا؟؟نموت أنا هااا نبقا انا بلا قلب
قطعات معاه مبناسمة كيف كل مرة كتقطع معاه كيطلع ليها المورال وتفرح وهو كذلك
بعدما رتابط بيها ولا كيحس براسو عايش برااحة رغم كل تناقضات بينهم والمفارقات لي بين شخصياتهم وبين أذواقهم الا أنهم لقاو راحتهم فبعضهم..صدق من قال:الحب تناقضات
في المساء بعدما رجعات توبة من الكور تلغة صيفنات لمحمد ميساج ونزلات تدير كاسكروط مع عائلتها دخلات مهضراتش جلسات حداخم وهزات كرواصة كتاكل فيها حتا نطق باها:توبة؟؟
هزات فيه عينيها ببراءة وقالت:نعاام
الساجدي:أحي احبيبة حدايا
ناضت مستغربة حداه جلسات معفؤة وقالت:هاني
لاح يدو على كتافها وقال:جمعتي حوايجك؟؟
توبة:مجممعتش مغادياش أصلا
ضحك وقال:ههههه ونتي تقدي تفلتي عليك الجموع هههه
توبة:اوا نتا لي داير ليا العصا فالرويضة ومزكر معايا
الساجدي:معلينا(بغا يقلب على الموضوع)هاكي هاد الكارت بونكيغ غتحتاجيها فالسفر والخدمة من غدا متجيش ليها
توبة:علاش؟؟معجباتكش خدمتي😒😒
الساجدي كيحاول اطيب بخاطرها:هههه لا هي حيت البنات غيجيو غدا فليل يعني نتوما غدا خصكم تكونو تماا
وهاهو الصباح الرباح في المغرب طلع بضوء جديد ونفس جديد منتعش للحياة..ناضت توبة قضات روتينها الصباحي ونزلات فطرات مع دارهم وكلها مشا لخدمتو بقات هي مع جداواتها تتعاود معاهم وتشد فيهم تاوصلها منو ميسااج كانت الوحدا عندها جاوباتو وقالت:عاد فقتي؟؟
محمد:عاد فقت ألحب ونتي؟؟
توبة:فقت وفطرت وجالسا نقرقب النااب مع الميمات
محمد:باقي ماحركتييش
توبة:نو تايجي بابا فالعشية باش اجيب معاه الشيفوؤ لي غيوصلنا
محمد:اااه مزياان ياله بون جوغني
توبة:نهارك مبروك أبيبي
ناض من بلاصتو قضى روتينو الصباحي ونزل تصيفن مع دارهم حيت غينزلو للمغرب الا أشرف غيبقا معاه
توجهات عائلة الكلاوي للمطار مع التسعود تصبااح محملين بفاليز ديالهم تسناو طيارتهم الخاصة توجد عاد طلعو والوجعى المغرب
أما توبة طملات نهارها حتا جاو واليديها تغداو مجموعيين وباها كيوصي فيها ويعاود
وردة:ههععع تانا ألحب ديالي..شيري فوجي ورتاحي مع راسك حنا هي نفضيو شغالنا ونلحقو عليك اوك
توبة:اوك
تعانقات مع زهرة ومع خواتاتها وخرجات لبرا ركبات فإحدى سيارات باها وحداها جداها وساق بيهم للشيفور والوجهة الربااط
جبدات تيلي تصورات وصبفتاتها ليه وقالت:هاني عاد غادياا
مكانش حال كااع وبدات كتكتب فأولى اجزاء قصتها لي معولة تحط فالكروب أما فتيحة جبدات عليه نعساات دقا وحدا وتتشخر..دوزات الطريق تقريبا كاملة هي تيلي ومحمد مباانش تا صيفت ليها:سعدات الرباط غاديا ليها حبيبتي
نزلات عي وياها اونفاض مع الباب الرئيسي ستقبلاتهم الخدامة وطلعاتهم لبيوتهم..دوشات توبة ولبسات عليها وخرجات من بيتها كدور فالفيلا او بالاحرى تتقلب على بيتو تالقاتو..دخلات ليه مبتاسمة تتقلب فديكوراتو لقاتهم عاديين وهاديين كتعكس شخصيتو..توجهات كذلك لحمامو كتمرر يدها على اي حاجة كتخصو عاد قصدات سرير ديالو تلاحت عليه على ظهرها كتحسسو بيديها ةطاحت فبالها فكرة أها تسنابي وهي فبيتو تصيفتها ليه وبالفعل دارت فيديو وصيفتاتو ليه مقراهش حيت محالش..أما هي سالات جولتها فبيتو وفكل انش كتقرا حرف من شخصيتو تاولات حاساه معاها..كتمشى فبيتو وتضحك كي الهبيلة..وعاجبها الحال..تفكرات دارهم وعيطات ليهم دوات معاهم واحد واحد ومشات عند فتيتوح نزلو تعشاو وفهمات من الخدامة بلي الباقي مغيجيو تال الليل يعني انعسة هوما
وبالفعل طلعو لبيوتهم بعدما مساو على بعضهم..تلاحت ففراشها وضيفتات ليه ميساج قيه:بوندودو طريفات تلوز تاعي هههه
العشق هو تراني فيك وأراك في وكلما سقطت أجدك تتشبت بي أكثر فما أسخف السقوط وما أروعك أنت
شرقات شميسة مضببة فمدينة ااربااط علنات على يوم جديد
فاقت توبة على نكير جداها المتكرر فوق راسها:يا نوضي أعيفة البنات نووضي ونتي بولك حمااااض نووووضي
توبة:عنننن فوتيني
فتيجة:(حيدات عليهاالغطا)فيقي اسgعة فيقي تنعسي ماتنوضي الناس جاو ونعسو وفاقو ومصيبتي باقي مفاقت
سليمة:هاكاوا على ناس حشمو لا لا بزاااف علي هادشي😂😂😂😂
أميرة:ههه ناري عليك نتي هههه
توبة:ههههه حتارموني راني حبيبة خوكم هنهه
سليمة:ناري غنطلعها عليه😉😂
توبة:لا لا وياااك عنداااك كون با يgولها ليك كون gالها..محمد فشكل كيبي اخلي حياتو الشحصية بعيييد
أميرة:وي عندك الحق😂😂😂(غلبها ضحك)توبة ومحمد هاكاوا هههه
سليمة:نهار احصلك باك والله تيدبحك😂😂😂😂ويلي ويلي أجي يالكلاوي طل على ولدك ههههه داكشي باش سيد ولا يدخل ضاحك ويخرج ضاحك والباج عندو مكاين هي لاموغ وكدا
توبة:بصح😍😍😍
أميرة:اويلي الشيطان ههههه
ضحكو عليها شحال وشدو فيها وبقاو مجمعين تا دازت ليلتهم عاادية بلا ميعيط ليها محمد نهائيا شيء لي قلقها
####
مر أسبوووع طااير فالفيلا عند الكلاوي دوزاتها توبة رفقة البنات كلها توجاااد معاهم مخلاو مشرااو ليهل واوجدو أما علاقتها لمحمد فقتاصرات على التيلي كيهضرو فالصباح وفالعشية فقط بينهم فقط صباح الخير صباح النور كيصبحتي وتوحشتك وكذا..ولا الملل فعلاقتهم ومحير كل واحد فيهم معارفش اشنو سبب هاد الملل والروتين يمكن حيت هو تشغل بالامتحانات وهي بالبنات يعني ولاو كيهضرو اه مي الهضرة عادية ماشي ديال جوج اونكوبل
اليوم بالليل كانت توبة متكبة بلاصتها تتطلع وتنزل فالفيس وهو مكانش حال كااع طلع ليها بوسط فواحد لباج فيه الجملة الاتية:المسافة بينك وبين من تحب تصنع قصص حب أخرى
شافتها وكوباتها وبحالا زادت كملات عليها على لي بيها..الشك تسلل لمخها ولحياتتها بخصوصو معرفات مدير
هزاتها حطاتها فالسطاطي تالواتس ومشات تاني كتسركل فالفيس وعقلها مرفوع داز وقت مطويلش صيفت ليها ميساج على السطاطي:لكن البعد يخلق إشتياقا من نوع أخر اشتقتك حلوتي
توبة:😔😔😔😔
طلع ليها vu وخرج من الواتساب او بالاحرى ساد كونيكسيون بقا فيها الحال ولاحت تيلي جنبها طاجت دمعة من عينيها وتلاوها دموع خرا معرفاتش علاش كتبكي..كتحس براسها بوحدها واخا وسط الناس..اصعب الاحاسيس انك تحس بالوحدة ونتا ضايرين بيك للناس انه طيح دمعتك فعز الفرح..تأزماات بزااف وكتجمع فقلبها ..تبدلات تغيير جدري مبقاتش فيها الحيوية والنشاط والتقشاب كلشي مشاا..عام على قدو ضاع منها ومقدراتش تستوعب فيه..خسرات بزاف تالناس وتغيرو فيهاشحال من حوايج مبقاتش قادرا انها تهضر مع شي حد ولا تواصل معاه..كيصلوها لي ميساج فالفيس والةاتس ومكتجاوبش ولا كتعطل فالجوااب معندهاش الخاطر تدخل فأي نوع من المحادثات ولا تبقا تجاوب مع شي حد ولا شي لهبة يكفيها انها تنعازل لوحدها فمكان مظلم وتبقا تشوف قالفراغ تاولات كتحس راسها داخلا فإكتئاب
مسحات أخر دمعة ليها بعد شلال من الدموع كيف كل ليلة..وناضت من بلاصتها حلات الشرجم تتشم لهوا..طلات على الجردة لقات الجو زوييين بزااف وكالم محتاجا تنفس على راسها..خرجات من البيت بمهل وكتحاول أها مديرش الحس وبالفعل تسللات تانزلات لتحت وتمشاات فالظلام لتحت جلسات فجليسة فالجردة وربعات رجليها وبقات كتشوف فاص ليها والبرد محرك على جهد وهي محاساش المها
بلسان توبة:
ولا كلشي عندي بحال بحال..ولات الدمعة لي طيح من عيني كل ليلة عادة عندي ووليت ديما كنعزل راسي على الناس واش حيت مبقيتش ضالحا لوالو ولا حيت مبقاش عندي دور فحياتهم..الناس كتمشي وتجي فحياتي ومبقا تا واحد معايا
"حلمي تحطم واختفى
والعزم في قلبي غفا
والدمع من عينيى يسقط ملهفا
املي تحطم في الصخور
والحزن اضحى بي يدور
والياس يكتب نفسه بين السطور
الخوف قيد اضلعي
لم يبقي لي شخص معي
وشعرت همسا خافتا في مسمعي"
أغنية حلمي تحطم واختفى
بكات حتا شبعاات فالاخير مسحاتهم وناضت راجعا فحالها لبيتها وحانيا راسها بخيبة أمل طلعات فالدرووج بشوي عليها وعطشاانة باغا تشرب..ياله حلات باب بينها ودخلات محسات هي بيد جراتها بزربو وقبل متغوت تحطات يد على فمها سداتو ليها وتكالات مع الحييط..خرجات عينيها فيه بصدمة مظناتوش اكون هو لي جاا بتاتا..عاد دوا معاها وطلع ليها vu ودابا هاهو قدامها مبتاسم بتسامتو الحنينة تاع ديماا
محمد حمقاتو فاش دخلات وجرها بزربة لعندو كان موحشها بزاااف ومشتاق ليها بين أحضاانو..بتاسم وقال:عويشتي فين خارجا فهاد الليل؟؟
بقات مخرجا فيه عينيها مقادرا دير تا ردة فعل..باقي ممستوعبااش تا ضحك ملي شافها هاكاك حيد يدو من عليها ونزلها ليديها بجوج شابك صباعهم مع بعضهم وبقا مكاليها مع الحيط مراقبها تحت الظلام ومراقب عينيها لي كيضورو مع كبار حمقوه محس براسو تاطبع قبلة عليهم خلاتها تغمض عينيها بلا شعور..وهمس فوذنيها:عمري فحياتي تصورت اني غنتوحش شي مرا بحال كي توحشتك ولا (قرب لوذنها كيهضر وشفايفو كتلامسهم مخليها غارقا)ولا ظنيت غتخليني شي وحدا نسالي شغلي دغيا باش نجي لعندها..توحشتك توحشتك توحشتك توحشتك توحشتك توحشتك
بقا كيكرر هاد الكلمة بزااف فودنيها كأنه كيحاول ازيد ابرهن ليها على شتياقو وما أحقر الشوووق..أما هي طاحت دمعة من عينيها وحاولات تفك من قبضة يدو بزو مع انه كان مزيرها معاه وممخليهاش فين تحرك ..والضو تالقمرة ضارب فيهم..محس هي بيديها ورا كرشو وراسها فصدرو وطلقات اهة عمييقة كدل على تعبها وحزنها
"لولا الغياب لما كان للعناق معنى"
طال العناق بينهم والاشتياق كان كبر من أي عنااق..تخشات فيه وكتزير عليه وتاهو كذلك مساخيش اخيدها..ودموعها قاسو ليه حوايجو..يد معنقها بيعا ويد حاطها على شعرها كيحكو ليها
محمد بعد بوجهوو شوي وهو كيشوف ليها فعينيها تحت ضو لكمرة كانو كيبريييو بدميعات لي فيهم قرب ليهاا وعينيه كيتحولو بين عينيها وكينزلو لشفايفها غمض عينييه حتى هي مبعداتش بحال الى كانت كتسنى رشفة وحدة تنسيهاا لغيااب نزلات بعينيها لشفايفوو لي تحطو على شفايفها بشوي دخلهم وسط فموو كيتلمس رطوبيتهم حطات ايدهاا على صدروو وهوا زاد قرب ليهااا حتى مبقااتش مسافة بيناتهمم هبط ايدو مع ضهرهااا وغرق فشفاايفهاا كيمتص ريقهم لي بالنسبة ليه احلى من الشهد صوت قبلاتهم بوحدها كتسمع باسها تحت فمهااا وهز ليها رااسهاا باش يستوطن عنقهاا بقبلااات حنان حتى كتنهد وايديه مزيرين على جنابهااا صوت نفسو لمجهد كضرب فعنقها سخونة كتخليها تبوورش هز راسوو من جديد وختمهاا بقبلة عميقة على شفايفهاا
دعيني اقبلك حبيبتي قبلة الورود
قبلة لا يشعر توهجها الا جسد مثلك
قبلة من شفايف حالمة
بلمسة من شفتيك
قبلة تذيب اركاني
تجعلني احب التتوق اليها دوما
سالات قبلتهم من عندو هو..حتاضن وجهها بين يديه ومسح دموعها وقال:توحشتك بزااااف
توبة:(بحزن)أنا لا😔😔😔كون توحشتيني مغتبقاش تهملني
بتاسم وجرها من يديها لكانابي تما..جلس وبقات واقفا هي قدامو شاد فيديها ياله غتجلس وهو يجرها على ركبتو جلساات منفخة ومدورا وجهها أما هو كيتمعن فوجها كأنه كيحاول ازيد احفض لعقلو ملامحعا..مد بديه حيد ليها شعر على وجهها وردو وراا وذنيها وقال:مال حبيبتي ساهرة تال دابا؟؟
توبة:بيت عندك شي مانع؟؟
باس ليها يدها وقال:مقلقة مني ؟؟
شافت فيه بعصبية:اه وبزاااف كاااع
محمد:وهلاش؟؟
توبة:(بنظرة شك)مفراسكش اسي محمد بلي الاهمال هو السبب لي تيخلي بزااف تالبشري اتفارقو
محمد:توبتي(بحنان)عارف راسي قصرت معاك هاد الاواخرومابقيتش كنعطيك وقتك لي كتستحقي مي هي حيت تشغلت وصاقي
توبة:يعني مستقبلا الى انا رجعت للقراية ونتا متقرى وخدام وعاد ديكالاج تالوقت بين أمريكا والمغرب مغنبقاوش نهضرو كااع يااك
محمد:(باستغراب)صافا با نو؟؟بديتي كتقلبي فالهضرة(بهدوء)سمحي لياا
توبة:الصمت
محمد:وا سمحي لياا
توبة:الصمت
جرها كثر تا جا وجهو فوجها ومكتفصلهم هي ميليمترات قليلة..وقال جيهة فمها:سمحي ليا احبيبتي
توبة:(غوبشات فيه)وكاين شي واحد سيمانة وهو هامل حبيبتو؟؟
محمد:هههه عارف راسي مقصر ولكن
قاطعاتو:ولكن أش؟؟هاملني على قبل قرايتك ولا تلى قبل خدمتك ولا قبل باش تكتب ولا تاني شي مؤتمر هذااا
محمد:(بجدية)الامتحانات لا غير وكنعيااا
توبة:كون نيت تنعني ليك كون كتلقا ليا وقت ولا تخلقو ليا صحا
محمد:اييه راه كنصيفن ليك مي مكنلقاش وقت باش نجمع
توبة:اوا سير تا تلقاه عاد جيي
ناضت من فوق رجليه معزفة ووقف تاهو وقال:اوا هاني جيت دابا وساليت ليك
توبة:(لقاتو تبرد فيه سمها)gاعلا تلقااه ليا..كون بقيتي تما حسن وسط كتوبك ومتحاناتك وانا خليني فتووش تاتسالي لياا..اصلا انا تاواحد مبقا مسالي لياا ومابقا حاي ليا..كلكم تاتقراو وانا لا..كلكم عندكم متحانات الا انا لي مساليا قبي..كلكم عندكم مشاغل وانا والو gالسا تيتي نيني وسط الداار..كلكم درتو صحاب جداد ونسيتو توبة..كلكم نسيتوني تا ولفت بلا بيكم(بدات كتبكي وحطات وجهها بين يديها محاملاهش اشوفها)
قرب لجيهتها بسرعة صدمو منظرها وخاب ظنو فأنه ممكن مجيتها للرباط تخليها تخرج من العزلة لي ولات فيها لكن صدق غيعاود ارجع معاها ملول ..حضنها وسط صدرو ودوز يديه على كتافها ضامها ليه وقال:كلشي يخليك الا أنا احبيبة
توبة:(وسط دموعها)اهى اهى هءهءهءهءهءهءهءهءهءهءهءهذههءهذهءهء اعئ كلشي مبقاش با يجلس معايا اهى ةهى حتا نتا مبقيتيش تتدوي معايا هءهءهءهءهءهذه اهى اهئ حراام عليييك اهئ اهى كان تيسحاب ليا بلي نتا ماشي بحالهم اهى اهئ وكنت كنزيد نتعجب بيك كثر بداك الاهتمام والحنان لي عندك من جهتي ولاكن صدق العكس😭😭😭😭
محمد:لا اعمري لا..انا هو أنا بحال نهار عرفتيني(هز ليها راسها)شوفي فيا أحبيبة..والله ماهاملك بالله..نتي عندي قبل اي حاجة ولكن الظروف كتجبرنا
توبة:هاد الضروف هي لي غتخليني نبعد عليييك اهئ اهئ كيما نتا محتاح لوحدا معاك أنا محتاجا لي يبقا معايا ويحن فيااا ويتهلا فيا ويبقا ديما تيسول فيا ماشي أنا فقندهار وهو فالحبشة ولا هضرة لا تواصل وبيتيني نبغييك كينديير ليها؟؟
بتاسم وقال:هي بعدا بديتي تاتبغيني المشة(باس دموعها لي على حنكها)سي كنت مشغول ولكن ماعمرك خرجتي من بالي ولا نسيتك..كنبغي ننعس كطيحي لي فبالي..كنكون كناكل شي حاجة وكنبقا نقول مع ىاسي معرت واش غتعجب حبيبتي هاد الماكلة..كنكون خداام وكنقول كون هي كانت معايا حبيبتي مكانتش غتكون الخدمة مملة هاكا
بصوت مغنغن قالت:سير gالاك تتفكر فيا😢😢😢
مسح ليها دموعها تاني وقال:فينها الضحيكة لي جايباني بلا هوايا
بقا كيشوف فضحكتها شحال وفعينيها لي كيوساعو ملي كضحك ومحس براسو تا شد شفايفها بين شفايفو كيبوس فيهم بحنية ويقكع بلا ميحرك حتا يد بقا فبلاصتو هي فمو لي خدام كيطبع قبل على شنايفها..تا تأوهات وسط فمو خلاتو ازيد اتعمق فقبلتهم لي ختمها بجملة وخدا:بزااف على شوكولا هادو هههه
ضجكات بخجل وقالت:ههه متبقاش تعاود
محمد:(باقي قريب منها)علااش؟؟
توبة:حيت حشونة ههه
محمد:حشومة هو نشوف هاد الخالة فوق هاد الشفايف ومنبوسهاش ههه
توبة دفعاتو بلطف من صدرو باش تخلق مسافة بينهم وقالت:ههه براكا من لبسالة دروك اجي شي حد ونصدقو فماهي ومالونها
محمد:ههه كلشي خاامر ههه هاحنا لي فايقيين
توبة:هههه اوا ننا لي مجاي تال نصاصات ليل ديك ساعا جي فالصبااح
محمد:الصباح دوزت اخر متحان وديريكت للمطار جيت فطيارة العائلة
توبة:مممم معليش ههه النهم جيتي
محمد:وجدتو شوي ولا والو
توبة:اللباسي والتكاشط والماكيااج كلشي شرينااه بقا هي التريتوور والنكافة
محمد:انا لي تكلفت ههه تصوريها معايا هاكا قدي قد الجمل ومكلفني با بالتريتو والنكافة هههه
بقا عند راسها كيحك ليها فشعرها بحنان ويتأمل وجهها المضوي عليه حياتو تا خرجو منو الكلمات بلا ميحس و ألف عليها قصيدة بدون موعد او سابق إنذار
محمد:
علمت ان للنساءأبواب يدخل منها الرجال
علمت أن للرجال حروب يربحونها من أجل النساء
وعلمت أيضا ان النساء عماد الحياة
لكني أبدا لم ادرك يوما أن الحياة من دونك كانت ستكون كقهوة محمود درويش من دون سكر
مرة ولا مذااق بها
كرسائل الكنفاني لغادة السمان..لا روح فيها سوى الاشتياق
أدركت ان لاعيون لغة اخرى غير مادرسته وان للقبل
تأثير اخر غير ماجربته
تعرفت على مئات النساء في مخيلتي لكن مثلك يا اميرتي لم يخلق في زمان أحلامي
#سكينة أيت الكبير
توقف عن القول وقرب باس ليها عويناتها وهي تشد ليه فيديه بحنان وكملات محاولتها للنوم..كمل تاهو فركو لشعرها فرحان بشوفتها ومقاداه فرحة توحشها بزااف والبعد لي كان خايف انه اثر عليه صدق هو لي مخليه ازيد اتشبت بيها كثر
بعد وقت ماشي طويل نعسات توبةفراحة على نغمات يديه وتاهو بعدها باس يديها وغطاها وخرج من بيتها قاصد بينو..دوش ولبس عليه وخرج تلاح فسريرو عيااان مدازش بزااف تا غفا
####
أصبح الصباح الجديد والمشوق عند الكل..فاق محمد هو لول قضا رةتينو ااصباحي وناض اوفي بوعدو ويفيقها هي خرج نن بيتو وغادي لبيتها وهو يسمع اسمو تلفت لقاه شاب فالعشرينات ببشرة سمراء ولحية خفيفة وطويل بحالو مبااسم وقال:أهلا اهلا
قلب الضورة لعندو مبتاسم ولاخر كذلك تقدم عندو مبادلو لابتسامة وقفو تعانقو بجوج ونطق محمد:عاش من شاقك أولد عمتي ههه
أحمد:هههه نتا لي ديما مشغول ههه الامور هانيا؟؟
محمد:والله الى بخيير ونتا؟؟
أحمد:بخسيير ههههه اوا نهار كبير هذا لي جمعاتنا فيه هاد العراسية
محمد:لعقبا لعندك ههه
احمد:وعلاش لي ماشي عندك هههه
محمد:نتا اخويا لي فينما ندخل للفيس نلقا تصاورك مع عشرين بنت هههه
أحمد:المعجباات هههه مامنوش داكشي خهه
محمد:الله يجعلني نثيق..جات معاك حتا عمتي لبنى
أحمد؛راها لتحت مع خالي ههه ملي جات وهي كتعنق فيه وتبوس بخالا الواليد كان حابسها
محمد:البنات كينعسو معريين ودابا كبرو مبقاوش صغار يعني هههه كمل من راسك
أحمد:مكذبش الواليد فاش قال هزو محمد الصغير وحطو بنادم بعقلو ههه واخا اسيدي معليش انا ننزل لتحت ياله نازل
محمد:لا غنفيقهم ونجي
أحمد:اوك ههه
توجه محمد لجيهة بيت توبة يفيقها هي لولة ..مدقش حيت عارفها تكون ناعسة دخل وفعلا كانت ناعسة مكمشا فغطاها وشعرها مغطي وجهاا..تقدم لجيهتها بشوي عليه كيتأمل هاد المخلوقة لي بلاه الله بيها..حمقو منظرها زهي ناعسة ملقا هي يحيد صباطو ويدور من جهة الاخرى ويتخشا حداها..جر عليه الغطا ودخل معاها فيه..هزها بشوي ودارها على حضنو ويا ماحلى الشعور لي حس بيه..يقدر فديك ساعا افني حياتو على هاد الاحساس وهي مكمشة فيه..مد يدو دوزها على وجهها بعد ليها الشعر وقال:حبيبة ديالي..توبى ديالي(كيمرر يدو بحنان على حنومها)توبتي الضاسرة فيقي أحبيبو ياله
توبة:😴😴😴
طبع قبلة على حنكها لقاه سخون ودافي..وعاود قبلة خرا وقال فوذنها بهمس:توبة توبو توووبة بيبي فيفي توبة
بدات كتحل فعوبنات المشة لي عطاها الله غير دارية فاشمن وضع راها كاينا..تسمع فقط اسمها فوذنها بشكل متكرر وحنين..هزات فيه راسها بشزي وعينيها باقي شبه مسدوديين..طولات فيه الشوفة وهو مقابلها بأعين اعجااب تا شافها خرجات عينيها وقفزاات وقالت:هييييي😱😱😱اويلي اش تديير هنااا؟؟
محمد:هههه بت هنا كيفاش اش كندير هنا؟؟
توبة:(بصدمة)شنااهو؟؟ويلي على بتي هناا اويلي وحدي على تباات هنا على قلة البيوت
محمد بدا كيضحك:ههههععه والبيوت عطا الله ولاكن النعسة الحلوة ماكاينا هي هنا هههه حداك(جرها لاحها فحضنو)صباااح النووور مبتش هناا
لبس صباطو ودخلات هي للحمام ناشطة على غير عادتها فهاد الاسبوع لي كتفيق بنفس مكسوور..قضات روتينها ااصباحي وخرجات لبسات عليها ونزلات لتحت مبتاسمة لقات كلشي على الطبلة تالفطور ومعاهم أحمد لي كتعرفو من بعيد ومعمرها تلاقاتو
بتاسمات وقالت:صباح الخييير☺☺☺
الكل"صباح النور
باست فؤاد ووفاء ولبنى وراجلها وصيفتات قبل هوائية للبنات وجلسات فاص مع محمد لي مراقبها بنص عين
وفاء:صابحة ناشطة اليوووم ما السبب؟؟
توبة:كويت بومزوي ههههه وصبحت اونفورم
فؤاد:اهههههع بصحتك
شاف فيها أحمد وقال كأنه كيحاول اتذكرها:توبة لاا؟؟
توبة عاد نتابهات ليه وقالت مبتاسمة:اه ههه
أحمد:معاقلاش علي؟؟
توبة:لا ماشي بزااف
فؤاد:هذااك ولد ختي لبنى
توبة:اااه داك المسرول ههههه(جمعان فمها)سموحات هي ضحكت😂😂😂
سليمة:😂😂😂😂😂هذاااك هذاااك ابب ههههه
محمد:هههه الحمد لله عقلات عليك
أحمد:هههههه ناري علاش كتعقلو خههه صافا ؟؟
توبة:بخيير ونت؟؟فين غاابرر
أحمد:هي القراية وصافي
توبة:باقي فافراان؟؟
أحمد:لا مشيت لايطاليا مورا لباك ونتي؟؟
توبة:هاد العام روبو ههه اني بلونش ههه
أحمد:كيفاش؟؟مقريتيش علااش؟؟
توبة تحرجات ماعرفات متقول ليه وهو ينطق محمد لي عتق الموقف:بغات ترتااح من العيا تالمدرسة
أحمد:ههه مزياانا هي هو زيانيتي اخر مرة شفتك كانت عندك شي هشر سنين مي متبدلتيش بزااف العينين والخالة ههعع
توبة:(بخجل)شكراا
محمد:ياك بعدا خهه غادا وكتزياان؟؟
أحمد:بجهد ههه كون عرفت باك غيولد هاد زين كامل كون جيت قريت حداكم فمرااكش
توبة:اوا الحمد لله معرفتيش خههه اما كون تنسرسب فيك فحالك تانتا هههه
أحمد:ومحرامش عليك تجري على الضيف المراكشين معروف عليهم الكرم
توبة:ضيافة نبي تلث ياام والباب الحبااب😉😂😂
أحمد:كااينا هههعع
لبنى:أحيانا عليك أ بوراس
أحمد:ههههه خلينا الواليدة ههه
توبة:خليه راه داك العصير لي gدامو مكفاهش تيقلب اريق بشي تويشيا خرا من عندي😂😂😂
سليمة:شرب نعام اس العصير ههه
فؤاد:بالصحة اولدي😂😂
أحمد:ههههه قمعتيني هخهه
محمد لي كان كياكل فصمت مهضرش ومبانت حتا شي ردة فعل عليه عادي كيسمع هضرتهم ويبتاسم تا سالاو وقال:انا غنمشي نكمل التوجاد لعرسك احبيبتي
أميرة:عذبتك معايا بزاااف جاي عياان ومزال كتغاوني
محمد ناض وباس راسها:راه هي جوج لي عندي هههه(شاف فتوية)مشينا؟؟
حكايتنا الجزء 27
محتوى القصة
التنقل بين الأجزاء