حكايتنا الجزء 28

رواية حكايتنا بقلم سكينة أيت الكبير

شاف فيديها لي على فخدو مزينها خاتم لي هداها وقال مبتاسم:جااك زويين الخاتم
توبة:ههههه ياك ؤاه يدي لي زوينين هههه
محمد:على هي زوينين وسكتي ههههه غزااليين بحال مولاتهم
توبة:ههههه مصواب مع راسك اطريفات تلوز ههههه
محمد:ههههههه كنسمع هاد الكلمة منك بزااف علاش تتقوليها؟؟
توبة:حيت لوز غاالي وبنين ههههه
محمد:(بذكاء)ذايقااني ههعع
مركها وقالت كتلف الموضوع :فين بينا نمشيوو؟؟
محمد:للنكافة هههعه غتمشي معايا نتي لي بنت وغتعرغي اش اعجب اميرة داك سوق لبنات مكنفهمش ليه
توبة:مالك عمرك شديتي لشي بنت شي كادو؟؟
محمد:الكادو فشكل والعرس فشكل..البنت دغيا تقدر تعرف اش كيعجبها مي فعرسها نو خصها مراا سختو حتا المغاربة كيكثرو لبااسي هههه ها المراكشيو ها الفاسية ها المكناسبة
توبة:وكاينا الصحراوية والشلحة والملالية والتطوانية وزيد وزيبد ههههه
محمد:هههه ومالكم على حالتكم ؟؟لبسو غوب وحدا وبقاو بيها ليل كاامل بلا كثرة التبدال
توبة:ولاش فرق الله الريوس باش كل شعب ادير لي مسلكو هههه الى جينا حنا درنا هاكاك بحالهم باش بينا نتميزو عليهم هههه
محمد:شعب لا يقهر هههه
توبة:حسن عوان لي غتدييك هههه
محمد:هههههه
بضحكتو قفل على الموضوع..تقرصات من انه قفل على الهضرة ماشي حيت معشوقة فالزواج مي بغاتو على الاقل ابين ليها بلي باغيها تبقا معاه كيما هي باغاه..دورات وجهها لجيهة الزاج عاضاعلى شفايفها وملامحها تبدلو..أما هو كمل سياقتو وهي سمع سكاتها ..تلفت جيهتها كيحك يديها لي محيداتش من فخدو وقال:مالكي؟؟
توبة:(بابتسامة مزيفة)والو
محمد:ومالكي ساكتا؟؟
توبة:بيت هه 
محمد؛مولفك ديما كتهضري
توبة:اوا ولفني ساكتا شوي ياك نتا كيعجبك الكاالم
محمد:سي كيعجبني الكالم مي معاك نتي لا..كتنشطي ليا مون موند ههه
توبة:شبخة أنا هههه
محمد:ههنن لا هي كتعجبيني ونتي ناشطة وكضحكي
توبة:اوا ضحكني ههه
محمد:نهرك مثلا هههه
توبة:والله وتقيسني تانشوهك هههه راه دغيا تنفيبري ههه بهر ..راك طاكتيل باقي خداام ههه
محمد؛ههه وايلي (مد يدو قرصها فجنبها)
تهزات وغوتات وقالت:اهععععع زgاا ينعل جدك ههههههه
محمد:(تشتت بضحك)😂😂😂😂😂😂😂الله يرحمك الكلاوي 😂😂😂😉😉😂😂😂😂😂😂
توبة:ههههههه زgي مكافشك حسن ليك اه تنضرب
محمد:هههههههه صافي لقيت ليك لمود بااس ديالك ههههه
توبة:بربي وتعاود تهرني تانخمج ليك وجهك هههه
وقف لاوطو قدام محل كبيييير ديال اكبر تريتور فالربااط نزل هو وحل ليها لباب نزلات وقالت:واااوو ناري على محل
محمد:سي زويين ياله ندخلو
ياله غتزيد وشد فيديها شابكها مع يديه وقال:ياله دابا
دخلو للمحل لي كان كبير بزاااف وفيه بزااف تالناس ستقبلهم مول الشيء شخصيا بابتسامة عريضة كيسد فالصدافي تالكوستيم وقال بالفرنسية:مرحبا بموسيو الكلاوي
نحمد:شكراا براك الله وفيك
مد يدو لتوبة وسلم عليها بابتسامة وقال ماد يديه مرر ليهم الطريق:تفضلو معايا للمكتب ديالي
محمد:شكرا
جر معاه توبة غاديين معاه وهو كيطري غليهم وفرحان حيت ختاروه هو اتعاملو معاه
دخلو البيرو وجلسو فاص ليه وقال:شرف كبير ليا انكم خناريتوني انا نتكلف بعرس سيادتكم
محمد:بتاسم
التريتور:مدموزيل مبرووك مسبقا بالبنين والبنات انشاء الله
تحرجات زضحكات ليه وقالت:واقلة فهمتي غلط اه ماشي انا العروسة
التريتور:ههههه سمحي ليا غلطت هههه ولايني مشاء الله عليك كتباني بجالا عروسى
محمد:ندوزو للاهم..بون كي شرحت ليك فالتيليفون العرس ديال ختي وغيكونو الناس كثار من جميع انحاء العالم..صحاب الواليد والعائلة وعاد عاىلة العريس من الهند يعني ناس كثااار..مغنجيش انا نوريك خدمتك راه تبارك الله خبرة وماختاريتك الا وراك قاد على هاظ المهمة
التريتو:(فرح)شرف ليا اموسيو الكلاوي
محمد:مغنحكرش ليك على خدمتك..بغيت فغضون 12 لساعة توصلني لاليست تالماكلة وانا بدوري غنصيفت ليك لاليست تالضياف
التريتور:4 سوايع ان شاء الله وتكون لاليست عندكم..وبالنسبة للنكافة راه خص العروسة تجي تشوف اشنو عجبها
محمد:حنا لي غمشوفو..غتشوف توبة شنو غيعجبها
التريتور:تاهذا نظر..(وقف)تفضلو معايا نوريكم شنو عندنا
وقفو معاه مشابكين ليدين وتابعينز وكلشي لي خدام تما كيشوف فيهم تسحابوهم هوما لعرساان ومعجبين فيهم حيت صغاار..داهم عند النكافة لي جايبا لباسي جداد خصيصا لاميرة باقي ملبساتهم تاوحدا..شافت توبة وتعزلات شنو غيعجب أميرة
النكافة:غيكون حسن امادموزيل الى جربتيهم
توبة:ولكن ماشي انت العروسة
النمافة:هههه عرفنا هي بغيناك تجربي نشوفو واش غيجيوك فالقياس
توبة شافت فمحمد وقال بابتسامى:سيري ههه
مشات معاه متحمسة داتها لواحد البيت وعطاتها لبسة الحنا فالاخضر الملكي لبساتها بعدما قلعات حوايجها بقات هي بالدوبياس..شافت توبة راسها فالمرايا وعجبها راسها بزاااف خاصة حيت بيضة واللون زاد فتحها ووجها صافي بلا ماكياج..بتاسمات وقالت:كيما توقعتها بتجيها زوييينة
النكافة:تبارك الله ماشاء الله جاتك هي هاديك بحالا مفصلة عليك
توبة:بصح😍😍
النكافة:خرجي اشوفوك

توبة:ولايني جات مجرجرة شوي هههه عطيني شي طالون ابيني هي شوي طويلة
النكافة:خهههه مراكشية لا؟؟
توبة:ايييه 
النكافة:حنان(كتنادي على مساعدتها)اري ليا شي صباط زوين يليق بهاد الغزالة
وفعلا جابوه ليها ولبسوه ليها..وشدو فيها مخرجينها لعند محمد لي كان باقي كيهضر فتفاصيل للعرس مع للتريتور بجدية خاشي يدو فجيابو وكيعبر باليد لوخرا حتا بان ليه التريتور ركز شوفتو فبلاصة وحدا ومعاطبهش الانتباه..تلفت شافو فين شاف ولقاها هي..جايا كي بياض الثلج فوسط لبسة الحنة خضرة وزادت بينات ليها زينها وعويناتها هي تيدورو شافت فيه بفرحة عاجبها راسها وتقدمات جيهتو بكل ثقة ةالابتسلمة مفرقاتش وجها أما هو تسمر بلاصتو..بقاو عينيه كيطلعو ويهبطو فيها بحالا فيهم السهال(😂😂😂)..مكرهش اشدها اقرا عليها العديد من قصائد الغزل ليها بوحدها يكتبهم ايها بوحدها ..محس بيها تاوقفات قدامو وهو باقي ساهي فيها وقالت:كيجيت هههه؟؟
محمد:واااو واااو واو هههه(بتاسم)دابا نتي لي طريفات لوز تاعي يااك ههه
توبة:(ضحكات)😂😂😂😂جات معايا بعدا؟؟
محمد:مخيطة على قبلك بوحدك(شاف فالترينور)تقدرو تخليونا بوحدنا
التريتور:bien sûr
غمز للنكافة ومساعداتها وخرجو خلاوهم بوحدهم فالاتوليي تالنكافة ..وقف جنبها حاوط خصرها بيدو وقرب من وذنيها وقال:حمقتيني أ توبة بزااف
ضحكات بخجل:ههه زgا اه تتهرني ههه
ضحك تاهو ومشا جيهة وذنها وباسها فيها ببطء وقال:كتسطيني هههه ديك ساعا عيطي ليا نجي عندك لاش خرجتي هاكا 
توبة"هههه حيت بييت ههه عرفتي هاد اللبسة هي لي غتجي لاصقة مع أميرة
محمد:اودي(تنهد)مغتجي هي معاك هاد الساعة هههه كون مكانت تالعرايس كون خديتها ليك
توبة:تانبي نتزوج ونشريها هههه
محمد:هههههه وامتا غتزوجي
توبة:تانلقا لي يستاهلني هههه
محمد:(دورها عندو باس راسها)جاتك غزاالة والله..ماشاءالله عليك
توبة؛هههه شكرا ياله عيط ليهم اعاونوني نحيدها ونمشيو
محمد:سي راه ساليت
توبة:صتفي قضيتي كلشي
محمد:وي نااضي ههه(شاف فيها تاني باعجاب كيطلعها وينزلها)خطيييرة هههه
توبة:وابرااكا ؤاه مكنحملش نحماار هههه
محمد:ههههههههه(باسها فنيفها)سيري احبيبة سيري
عيط غلى النكافة ودخلات عاوناتها نا بدلاتها ولبسات عليها عاد خرجات عندو لقاتو كيتسالم مع التريتور وهي بدورها تسالمات معاه وخرجو مشادين من تما ركبها وضار من الجهة لوخرا تاهو..طلع وتوجهو ديركت لواحد القهوة
توبة:زوين هنا هه
محمد:تانتي زوينى ههه
توبة:عارفا راسي زوينة ههههه
محمد:الواحد هو لي يكون ثايق فنفسو
توبة:غنتغداو برا ولا فالدار
محمد:(شد يديها)لي بغات حبيبتي نديروه
توبة:براا عفااك ههه شحال ماخرجنا بجوج
محمد:واخا علاش لا
حطو ليهم المشروبات لي طلبو وبقاو كيهضرو وبصحكو ومرا اعصبها ولا يهرها تاتولي تضرب فيه..دوزو وقيت زويين مع بعضباتهم تاتسمع صوت تيليفونها هزاتو لقات ماماها..حاوبات بفرحة:المشكودرة هههه
وردة:غيزو غيزو تاعي هههه
توبة:احح عليك لباس عليك؟؟
وردة:بخير ونتي؟؟
توبة:فوق فكيك هههه توحشتك
وردة:اييه داكشي باش بقيتي فالفيلا عند عمك
توبة:علاه فين نتوما؟؟
وردى:فالرباط ههه وgالو لينا خرجتي مع محمد
توبة:سي مشينا شفنا شي حوايح تالعرس ههه هاحنا شوي ونجيو
وردة:واخا ابنتي ومتعطلييش
توبة:دااكوغ ..اجي اجي تتعرفي تعومي؟؟
وردى:اوا تلاحي😂😂😂😂شتاريه
توبة:هام هام
وردة:شوكولا😂😂😂😂😂
قطعات معاها وشافت فيه وقالت:بنت سبعة رجال هاد المشكودرة عههه
محمد؛ زعما غندكم شي هضور هههه
توبة:داكشي متوت كي لوز ههه(غمزاتو)
محمد:تحرش هذا أ نسة؟؟
توية:على زين gداامك وحمامك تانتحرش بيك
محمد:(غمزها)هههه زين تالوجه معرفتش ولكن قلبي زوين
توبة:باش عرفتيها؟؟
محمد:كون مكانش قلبي زوين مكنتيش غتجلسي معايا هاد الجلسة هناههههه
توبة:الثقة فالنفس ياأخي ههههه
محمد:الحند لله..سمعتك قلتي لماماك شوي ونجيو مغنتغداوش برا باقي
توية:(بأسف)لا محال حيت جاو وخصني نمشي نخاف بابا اشك فشي حاجة
محمد:الصمت
توبة:تقلقتي؟؟شوف مرا خرا ونعوضوها
بتاسم ليها وشد يدها باسها وقال:نتقلق من كلشي ونتي لا عرفتي علاش؟؟
توبة:(بفرحة)علاشش؟؟
كانت كتناظرو اقول ليها حيت كنبغيك..باغاه اقولها وعندها رغبة كبيرة انه يقولها يمكن تريح الشك لي فداخل ديالها لي عيات متغطيه بعلاقتهم المحببة دابا..وفالاخير قال:حيت هبيلة ونية ولي فقلبك كتخرجيه ديركت
تجمعات بتسامتها او بالاحرى نقص بريقها وقالت متصنعة:هههه بصح
محمد:والله..لي عاحبني فيك هو أنك صريحة وكتخرجي لناس ديركت واخا شي مرات كتكذبي
توبة:😳😳😳فين كذبت؟؟الله يمسخك عمري كذبت عليك
محمد:(بهدوء)سي كذبتي علي مامرة ماجوج
توبة:فاش؟؟فكرني نشووف
محمد:لا بلاش داكشي فات
توبة:واهي هضر نسمع 
محمد رشف من قهوتو وقال؛نهار تغاوتي مع باك وعيطت ليك ومعاودتيش ليا تا بززت عليك ونهار سولتك فين كاينا وقلتي ليا خارجا منقدىش نهضر ابيل فيديو ونتي كنتي هي فبيتك كتبكي نزيدك؟؟
توبة:دابا هاد حزقا لاورب تاهوما كذوب هه
محمد:يمكن كيجيوك عادي ولاكن انا كنرض لبال لابسط التفاصيل وعدويا الكذوب

توبة:هادوك هي كذيبات خفاف باش متشوفنيش كنبكي وصافي أما اه متنكدبش
بقا كيشوف فيها شحاال وفالاخير ناض من بلاصتو وجلس حداها حط يد على كرسبها ويد على الطيلة وقال وعينيه فعينيها:والى مبكيتيش قدامي انا قدامن غتبكي مثلا؟؟الى معاودتيش ليا لمن غتعاودي..قبل منكون حبيبك راني أمي ديالك تقدري تعاودي ليا أي حاجة طاحت فبالك واخا تكون عندك باسلة انا غنسمعها وغنعطيك وذني
توبة:(بغنج)وعلاش نتا ماتشكيش علي؟
ضحك وقال:حيت انا معنديش مشاكل شخصية ههه هاد الساعة حالتك لي معاجبانيش ودايرا لي القوق فرااسي
توبة:مالها خالتي كيجاتك ههه 
محمد:كضحكي مرة وتبكي عشرة شو عينيك خرجتي عليهم
سكتات مجاوباتش تا حسات بيه جرها حط ليها وجهها فصدرو وقال:متبقتيش تبكي
سكتات ماعندها ماتقول ليه كتافات انها تعمر رئتها بريحتو لخفيفة لي الى مقربتيش منو بزااف متقدريش تشميها..بقاو لدقائق هاكاك تا نطق هو:نمشيو؟؟
توبة:واخا هه
طلب الحساب خلص وشد فيها وخرجو تاني للفيلا لي مجموعة فيها العائلة كاملة..
وصلو للفيلا ونزلو ودخلو وكيسمعو الهضرو بزااف مشات تتزرب تتقلب على مها هي شافتها وتلاحت عليها عنقاتها:هههههعه المشكوودؤة ههه
وردة:ناري على بنت الحلوفة خنقات ليا ريتي ههه
توبة:(باستها)توحشتك أ حبي هههه
الساجدي:اوا وحنا معليناش لله لمك ههه
مشات عندو كتزرب تعلقات فيه كي ديما تاتهزات من الارض وباستو فحنكو وجبهتو وقالت:صحاحيتي الهفرييت هههه
الساجدي:قل أعوذ برب الفلق ههههه 
باسها فجبتها:صافا غيزو غيزو ديالي؟؟
توبة:بخيير توحشتكم ههه
نعمة :تانا ههه
طلقات من باها وهزاتها كتبوس فيها وجات تا اكليل تعانقو وجلسو والاروع أنه حتا خوالها جاو مع عيالتهم والسالكة وزهرة..
جلسو كامليين بعد السلام وللحديث مجمعيين تاوجد الغدا وتجمعو على الطبلة الكبيرة..جلسو وهي تنطق توبة:بحالا دايريين الصدقة😉😂😂 شحال كثار
فتيحة:gولي تبارك الله هههههه الله يخلينا ديما مجموعيين
الكل:اميين
جلسو وبداو كياطلو وعينين مترقبة توبة بحرارة وباعجاب ماشي عينين محمد انما أحمد لي ملي دخلات ماحيدش عينيه عليها هي تيشوف فيها ويبتاسم لعفويتها وتاحد مرض ليه لبال كلشي كيضحك وكياكل..تانطقات اميرة:أمدرا شفتو ليا لباسي؟؟
توبة:ستينا ليك شب تويشيات وااعرين هههه بيجيوك غزاالين
اميرة:ههه حلفي
توبة:بلا حلوف هههع
وردة:امتا غيجيو دار العريس؟؟
وفاء:نهار العرس
توبة:مخصهمش احضرو للذبيحة وصاقي ههعه احاااي اشوفو البgر تيموت 😂😂😂
سليمة:😂😂😂😂😂😂😂اححح تخيلي معايا اميرة والساري الهندي هههه
وفاء:غتجي غزااالة ههههه
أميرة:قوليها ليهم ههه
فتيخة:زينة يابنيتي ماتديهاش فيهم تريكة البايرات هههعه
توبة:اوا حشااك زعما نتي تزوجتي صغيرة راه كنتي gدي وباقي تتوقفي فالشراجم مع المختار
فتيخة:(قرصاتها)الله يرحمو ويوسع عليه فهاد النهار
اكليل:جدي راه كان بهيبتو ههههه(كطنز)الى دخل الماعن فالدار تيتقرقبو بوحدهم😂😂
توبة:😂😂😂😂😂احخح على جدي كون جاني دابا والله منديه فسبيل الله
فتيحة:اوا لقاي خي بحالو وهضري
سليمة:موجود ألميمة خص هي نقبلو(بغرور)لمخير فالرجال اجي لعندنا
وردة:شارابوفا تتي وياها..الله يمسخكم صبا صبا هههههه المخيرة فيكم البيضة هي لخرا متعرف تسلقها😂😂😂
الساجدي:تباؤك الله على لي تزوجات كتعرف لمجمر والمحمر 😂😂😂😂
وردة 😂😂😂😂هذاك زمان وهذا زماان
سليمة:بحال بحال هههه اصلا انا الل بقيت بلا زواج غنتزوج بأحمد ولد غمتي لبنى
لبنى:وتقبلي علي عجوزتك ههه
سليمة:نبيتك فالجردة أ عميتو😂😂😂
فؤاد:داخلا على طمع😂
أحمد:لا اختي نتي طياارة ههههه منقدرش عليك هههه(شاف جيهة توبة)نتزوج بتوبة لي كتبان بعقلها
الكل:😂😂😂😂😂😂😂😂😂😂😂😂😂
احمد:مالكم ههه
فؤاد:الله اولدي الله اش هاد الكذبة هههههه مولات الهقل صراحة
توبة:(كتقلب فشفارها)وضريفة هههههه ومنوضش الدجاجة على بيضها
محمد:(لي اول مرة اهضر)لا لا والله تا صفات ههههه تجي نتا مورايا وتديها ههه انا داير عليها الدمونود من درووك
توبة:كيلو تاع غريبة أنا هههههه
محمد شاف فيها وقال؛شي حاحة كثر هههه
الساجدي:هي برد نتا وياه منزوحها لحتا واحد ههههه
وفاء:بااز اخويا ماباغيش تخليني نتناسي نعاك هههه
الساجدي:ههههههه بنتي صكعة ماشي غتبيتك فالجردة غديرك حدا العساس
الكل:😂😂😂😂😂😂😂
كملو غداهم ميضحكو ونشطو تاسالاة وهزوها دقا مراكشية تاني المراكشيين بيناتهم كيضحو..ومنوراها تجمعو على القهوة الا محمد ستأذن منهم باغي يرتاح وبالفعل طلع للفوق ونعس ديركت حيت مناعسش مزيان فليل
####
وضلات العشية مع الستة وهوما باقيين مجموعيين كيتعاودو تا ملات توبة وناضت مستأذنة لبيتها وهادشي قدام أحمد لي شافها وناض حتا هو عيط ليها بعدما طلعات لفوق تلفتات ليه وقالت:نعام
أحمد:فين غاديا؟؟
توبة:نصيد الحمام تمشي معايا؟؟
أحمد:(على نيتو)اهاه غلاش لا؟؟
توبة:😂😂😂😂😂من نيتك اولد العبد ههههه ياله سير جيب صباطك واجي نصيدو سراق الزيت ههههههه

ضحك أحمد على نيتو وقال:درتيها بيا العفريتة ههه
توبة:بصحتك ههه نزل لتحت وريق
أحمد:ههههه عالام نتي معرت كيدرتي تا فلتي ليا هاد سنين كاملة ههعهه
توبة:على أساس كون نيت بنت ليك كنتي بيتي تسوgر شي لعبة ههههه والو
أحمد:ماشي بحال هههه ديك ساعا كنت غنتلتقاك ونتشاوفو مرا مرا
توبة:انا ضريح انا حتا تشوفني ههههه بيتي تزور مني
بدا كيضحك تاني من نيتو وهذا حالو معاها تتهضر وتيبدا تيضحك بلا ميحس حط يدو على ذراعها وقال:كوميك مع راسك
ياله غتجاوبو وهوما اسمعو صوتو من بعيد كيقول:ضحكونا معاكم
تلفتو بجوج بان ليهم محمد لابس حوايج خرين وباينا ياله فايق من النعاس جاي بملامح ممفهوماش وقف عليهم وقال"علاش كضحكو
أحمد:ههههه هاد توبة عالام والله عندها شي هضور هي ديال الماكلة هههه
محمد:يااك(تقرص)
أحمد:واييه أجي اش بان ليك نخرجو ليوم فليل نبدلو لجو
توبة:شكون حناا؟؟
أحمد:نعلمو بنات خالي امشيو معانا(شاف فمحمد)وتانتا ياله معانا مجاتش مبقاو هي فالدار
شافت غيه توبة كتقرا تعابير وجهو لي كانت خالية من أي معنى تانطق:لا..معنديش الوقت سيرو نتوما
أحمد:اوك..صافي من هنا ساعة نلقاك واجدة
محمد:لا سيرو نتا والبنات خواتاتي توبة مغتمشيش
أحمد:علاش؟؟(شاف فيها)غتمشي؟؟
توبة:(حيرانة)معرفتش مي محال ميخلينبش بابا
أحمد:(ضحك)ههههه علاه نتي باقي ديال ميخلينيش بابا ههههه ياله براكا من الاعذار بلا فايدة
توبة:(شافت فمحمد لي واقف وكيحنزز فيها)نمشي؟؟
محمد:لي بغيتي
داز فيهم وخلاهم واقفين بلاكة أما توبة تقمعات حسات بيه ممسوقش ليها كااع تمشي ولا تجلس..بقا فيها الحال وحنات راسها ونطق احمد:دابا تش قلنا؟؟
توبة:سمح ليا منقدرس والله عياانة ضليت ليوما كنضور مرا خراا
أحمد:علاش؟؟ياله اليوم مزيان نيت موراها العرس غتعياي
توبة:لا والله منقدر عيانة مرا خرا راه باقي هنا 
احمد:اوك خاطرك
نزل حتا هو فين كانو جالسين لقا محمد نضم ليهم وقال:لي في ياله نخرجو اليوما
سليمة:فين؟؟
أحمد:معرفتش المهم نخرجو
أميىة:حسن والله ياله نخرج من ستريس تلعرس
سليمة:اوك وغتمشي تاتوبة
أحمد:نو مبغاتش قالت عياانة
وردة:عاد كانت مزيانة
اكليل:ولات دغيا كتعيا(شافت فباها)بابا نمشي تانا معاهم عفااك
شافت فيه بترجي وهو بقا شحال كيشوف فيها وفالخير خاف احرجها قدام كلشي وقال:سيري ابنتي وشوفي مع ختك الى بغات
أحمد:غتكون مزيانة ههه ياله نوضو لبسو نتوما ياله توجدو ههه
ناضو بثلاثة طلعو للفوق عند توبة لقاوها مسندة على الفوتوي كتلعب بتيلي وهضرو معاها ولكن رفضات وفالاخير نقبلو قرارها ومشاو لبيوتهم البسو أما هي بقات جالسا كتكتب فاولى اجزاء قصتها بالدارجة لي غتحط فالقريب وكتوجد وحزينى من جهة محمد وبرودو جيهتها فبعض الاحيان لي مرضها انه مكيلمح لوالو
بينما هي كتكتب تحل باب بيتها وقالت:لولو بلا فريع له مغادياش
محمد:علاش؟
هزات فيه راسها شافت فيه ببرود وعاودات نزلات راسها:هاكاك
قرب جيهتها وجلس حداها ساكت مدوااش وهي كتكتب او بالاحرى كنخربق حيت تلفات تا حسات بيدو على كتفها جارها معنقها ولايح عينيه على التيلي وفال:أش كديري؟؟
توبة:كنقتل القمل تعاوني؟؟(سدات تيلي)
محمد:كتكتبي فديك القصة لي قلتي ليا ياك؟؟
توبة:(بنفخة)ايييه ونتا قاطعتيني
بتاسم على غضبها المصنطع وبرودها كذلك وقال:مقلقة؟؟
توبة:لا
سكت شوي كيشوف قدامو ويدو لي على كتفها كداعب ذراعها عاد قال:اش كنتي كديري مع أحمد؟؟
توبة:كنا بينا نمشيو نصيدو بوجعراان😏😏😏
محمد:كنهضر بصح(بجدية)
توبة:اه تانا جاوبتك
شاف جيهتها وقال؛صافا با نو؟؟راه سولتك
توبة:اوا تانا جاوبتك..gاليا فين غاديا gلت ليه نصيد بوجعران تمشي معايا ونتا تجي
محمد:مممم وكنتي ناويا تخرجي معاه؟؟
توبة:معرفتش
محمد:كيفاش معرفتيش؟؟باغا تخرجي معاهم؟؟
توبة:الصمت
محمد:(بدا كيتعصب وحركة يدو وقفات على ذىاعها)راه سولتك؟؟
حولات نظرها جيهتو وقالت:لا مكنتش بنمشي بلا بيييك صااافي ..ساعا نتا قمعتيني قمعة عالمية نموت ومنساهاش خدام علي سيري الى بيتي وزداي خلفة زعما ضبري لمخك أ فلانة انا ماشغليش فيك كي gلستي كي مشيتي كي نتاحرتي..زعما موتي انا مالي مهامانيش
محمد:(بجدية)شهاد الهضرة تاني؟؟منين جبتيها؟؟
توبة:من سوق لالة رقية(تتهضر مفقصة وطنز)داك لي حدا القصر تالملك بغففف انا فين ونتا فينن أ محمد
محمد:دابا على سؤال صغير عاطياني هادشي كولو..كون فغيمون كتخدمي شوي تالعقل مغتوقفيش معاه فالكولواار كااع
توبة:دابا الى وقفني نعطيه مشي يااك😠😠
محمد:نولي لتحت ويتبعك وهضرو ماحبستكش على لهضرة مع الرجال ولاكن تاني ماشي بوحدكم طيط أ طيط كونو وسط النااس
بقات كتشوف فيه شحال بمرارة ونطقات سؤال خلاه ازيد احير فعقليتها:محمد شنو أنا بالنسبة ليك؟؟شنووو؟؟

الى جينا نعطيو تعريف الغيرة الحقيقي فهو ملي الرجل كيحس بلي مراتو او حبيبتو مهتمة بشي حد اخر من غيرو بعني ولا نظرها كولو عليه بتصريح اخر الغيرة هي ان الرجل او المؤأة يحس بناقزس الخطر اي ان الطرف الاخر مبقاش مهتم بيه ومهتم بشي اخر...هذي هي الغيرة اما الى هضر معاها شي حد ولا شاف فيخا شي حد واتعصب هذاك سميتو تخلف..راه اي مرأة كتكون مجبرة تهضر مع الرجال..راه الخضار راجل والتستاذ راجل والجزار راجل والمدير راجل وكلشي رجال..شنو زعما متهضر مع حد ماوالو ووقاما وقفات على شي حاجة تسنا سي السيد تا بجي باش ميغيرش..لهلا بقلب ولا يشقلب بيه ويلي..
خرجو علينا القصص حتا ويلينا كنقزلو الى شافني مع شي راجل ومغارش راه مكيحس بوالو من حيهتي ولا مهاماهش اصلا ولاكن هذا غلط شتي داك لي تيشوفك واقفا مع شي حد واخا هي ولد خالك وكيبدا عليك فرقيه عليك وكدا وكدا راه بوحزوووق😂😂😂حيت معندو مايدار وملقا علامن افرس سيطرتو الرجولية وأحكامو المأمورية وبغا يبردهم فيك خههه
المهم ماعلينا ها بيت نوضح بلي محمد ماشي مغيغيرش مي علاش اغير ولحد الساعو أحمد مدار والو كيهضر عادي 
خدمو عقلكم وراخ خرجو علينا القصص 😉😉😉
اه وحاجة خرا البنات لي كيقولو توبة مطلعاتش بحال وردة ومحمد مطالعش بحال فؤاد..الى بغيتو اتعاودو نفس الشخصيات بادق تفاصيلهم راه هانيا نعاود نفس الشيء تاني وتولي لقصة فالتكرار على سابقاتها..خليو حلاوة القصة تكون هاكا بصعوباتها حيو اغلب الهلاقات هاكا

لحظاات ويخرج الحكم..لحظات وسوف تعلن ايها الجلاد عن قدري
قدر مشاعري المتعلقة بك..
قدر علاقة وحكاية لا أعرف من أين افسرهما
***
بقات كتشوف فيه كتسناه اهضر ادوي اريخ النار لي فقلبها ولي مخلياها صاعرة باغا تعرف شنو واقع بينهم وشنو هادشي لي حاصل عليها
شاف فيها بترقب كأنه كيسولها بعينيه شهاد السؤال عاد نطق:توبة منين كيطيحو عليك هاد الاسئلة كاملة؟؟
توبة:(باصرار متجاهلى هضرتو)شنو انا بالنسبو ليك أمحمد
خاول اهدن راسو وشد يديها بين يدو ياله غيهضر وهي تنطرها من عندو وقالت بنفاذ صبر:يااهضر 
محمد:متغوتيش وهضري بشوي وغنجاوبك
توبة:ياله دوي
شد يديها تاني بين يديه وقال: راه باينا نتي حبيبتي
توبة:حبيبتك بزعطاا..محمد(جمعان شجاعتها)كتبغيني؟؟
تصعق من سؤالها وكيفاش انها تسولو هاد السؤال وهوما باقي فطور بداية علاقتهم..اما هي مكنشة عينيها كتسناه اهضر ويديها كيترعدو وقلبها كيضرب فالتسعين تانطق:غنعاود نشرح معاك نن لول..انا وياك دابا مع بعضباتنا..ولي كنحس بيه تجاهك معندوش اسم ماشي حيت انا مباغيش نسميه لا..ولاكن حيت نتي عندي مميزة..نهار بغيت نكمل معاك ونكونو بجوج قصدتها من قلبي علاش؟؟حيت نتي لوحيدة لي نقدر نمشي معاها فالطريق ونكون حاس بلي فغبمون غادي مع حبيبتي..حيت نتي لي فاش كنعنقك كنلقا راسي رااجل مع مرأة مميزة حيت نتي مختالفة على بزااف تالبنات لي تلاقيت..حيت كلك على بعضك كتهميني ..كان فيا منقول ليك مورا يوماين بلي كنبغيييك اتوبة وكنحماق عليك وكدا وديك الهضرة تالمراهقين..لي كيجي يهضر مع البنت جوج هضرات وابدا عليها راك كنحس معاك بالحب وعمر شي بنت ماحبيتها وكدا..انا لا عندي كلشي فاص..سي كنحس ببزاف من جيهتك..كنحس بالفرحة والضحكى والنشوة والاهتمام والمسؤولية وبزاااف تاني على لي يقدر اتعبر بالكلمات ولاكن حيت هاد الاحاسيس من جهتك منقدرش نسميهم يمكن تمجدو قدامك..فهمتيني
توبة بقات كتشوف فيه وتاكلمة من دامشي مادخلات ليها لعقلها من غير انه باقي مقادرش اسمي احاسيسو تجاهها وفسراتها انه مقادرش ابغييها بتاتا..حزنو ملامحها وقالت بانكسار:خرج أ محمد فحالك
محمد:توبة متقلبيش الهضرو..راك عزيزة علي كثر من ألف وحدا بحالك فهاد الدنيا(بحنان)وحنا فطور اننا نحبو بعضياتنا
توبة:(شافت قدامها)خرج عقاااك
نحمد:غنخرج مي حتا تجاوبيني..كتبغيني نتي؟؟واش لحقتي توصلي لمرحلة الحب معايا وحنا باقي مكملناش ربع شهور مقادا باش بدينا بجوج(دور ليها وجهها عندو لقا عينيها مغرغرين)هضىي كتبغيني؟؟لحقتي تبغيني
خرجات تنخصيصة من أعماقها وحيدات يديه بخيبة أمل وقالت:معرفتش..
محمد:حنا باقي فالبداية ديال علاقتنا وكوني على بقين انه الى بقينا هاكا(بابتسامة)غنطيح فيك كثر من هاكا..دابا زمحمقاني وكنفكر فيك صباح وعشية مي واش هذا هو الحب؟؟معرفتش
توبة:(تألمات)اوك ممكن تخليني بوحدي
محمد:لا مغنخرجش(جرها عنقها )محتاجا ليا ومحتاج ليك بزااف
طاحت دمعة من عينيها وقالت:محتاج ليا ونتا مكتبغينيش اهئ اهى
بعدها عليه وقال:علاش بضرورة نبغيك باش نحتاج ليك..عرفتي شكون لي كنحتاجو اتوبة؟؟لس كيخلينا نفرحو بزااف ولي بسبابو كيبقا قلبنا يضرب بزاااف بحال دابا(حط يدو على قلبها)طيضرب بجهد
شافت يدو فين حاطها ومدات يديها لجيهة قلبو كترعد ولقاتو كيضرب بجهد وقالت:بحال هاكا كان مع سوزان؟؟
محمد:؟؟
توبة:(بانكسار)حتى سوزان كان قلبك كيضريك هاكا اهئ وحتى هي كانت كتجيب ليك الالهام باش تكتب اهى لهئ ووقتها فحياتك سالا باش تجي نوبتي تانا اهئ(طلقات منو وناضت)تانا واحد النهار غنخرج من حياتك حيت مغنقدرش نعطيك الابهام باش تكتب اهى اهئ عءهءهءهخءهءهءههء تانا واخد النهار مغنبقااش
ناض وقف مستغرب لكلامها وبغا بشدها من يديها وبعدات عليه بهستيرية وقالت:متقيسش فيا اهئ اهى تانتا كذبتي علي يااااك اهئ اهئ غنبقا معاك تاتلقا ماحسن مني وتزيد خلفة وتبقا علاقتنا عندك بحال كاع العلاقات
قرب منها وشدها بزز كيحاول ازكي ليخا يديها لي كتحركهم بجهد ودموعها طايحين على خدها بتعب..
محمد:توبة كاابم احبيبة كالم شوو(شدها حضنها)شووو صاافي(حط راسها فصدرو وبدا كيدوز يدو على شعرها باش اهدنها)سوزان كانت عزيزة عندي مي ماشي بحالك نتي..كلهم دازو ونتي لي غتبقاااي..وعد الحر ليك وعد ديال رااجل ليك ماعمرنا غنتفارقوو الا الى نتي ختاريتي هادشي..
تفركعات بالبكا فحضنو مباغاش تكذب هضرتو ولكن متيقاتهاش قضية انه مبغاهاش ولا موقعش فغرامها صعراتها..
بقا واقف بيها شحال تا حس بيها سكتات وهو يبعدها عليه باس راسها بوسة كويلة وقال:اجي رناحي
جرها لسريرها حطها فيه وغطاها وهي تقلب عطاتو بضهرها مباغاش تزيد مزال تبكي قدامو..
خلاها على راحتها وخرج من عندها مكسور بمثل كسرها..مفاهمش عقليتها كيف دايرا وكيفاش كتنتاظر منو انه اوقع فحبها فغضون شهر وكيفاش انه يعتارف ليها فغضون شهر..بالنسبة ليه الغرام والعشق شيء مهم وماشي هي جي وقولو
أما هي أعصابها عياانة بزااف ماشي قل منو.

موجوع قلبي، والتعب بيّه
من اباوع على روحي ينكسر قلبي عليّه

موجوع قلبي، والتعب بيّه
من اباوع على روحي ينكسر قلبي عليّه

تعبان وجهي وعيوني قهرتني
دنيا شلّت حال حالي، و فحياتي كرهتني
كرهت الحب، ماريده دمّرني!
طيب اني وادري طيبي لهالحال وصلني

كل يوم صدمه اقوى من القبلها
اني واصل بالشدايد شدّه محد واصل الها

محد وقفلي من جنت محتاج وقفه
الصلابه بهالناس؟ مدري هاي الدنيا صلبه
دخيل الله من الدنيا من العالم
ربي خلي هذا همي بنهاية كل ظالم

موجوع قلبي، والتعب بيّه💔💔💔💔💔
تخشات وسط فراشها كتواسي دموعها لي مبغاوش احبسو وتنخصص وتعاود مقادرش تحيس الدموع ..مر عليها وقت طويل تانعسات هاكاك اما هو توجه ديركت لبيتو مقلق ومنيرفي بوحدو..هز بيسي ديالو وبقا كيكتب تاني ناخرج فقصيدة سماها"كلهم عابرون الا أنت؟"
حط لبيسي على جنب ومشا عندها لقاها ناعسة جلس حداها وطبع قبلة على خدودها لقاهم سخونين وبدا كيفيق فيها بشوي وبحنان كيف ديما:توبة..حبيبة تووبة فيفي احبيبتي فيفي
توبة:😴😴😴
محمد:وا فيقي خلاص شكون غينعس ليك تاع ليل
توبة:عنننن
محمد:خه يا فيقي خلاص
حلات فيه عينيها مكشرة وقالت:اش كااين؟؟
محمد:كاين كلشي ههه نوضي ياله معايا
تقادات فالجلسة وتتشوف فيه ببرود وقالت:فين؟؟مافياش لي يخرج
محمد:لا هي ياله معايا ضروري
توبة:ؤاه gلنا ليك لا مبيتش سير فوتتي بيت ننعس معندك مدير بياا
ضحك وقال:لا عندي ماندير بيك ياله نوضي
توبة:(بجدية)راه مافيا لي ينوض 
حيد الغطا ودار يدو تحت من رجليها ويد خرا عند كتافها وهزها دغيا خلاها حالا فمها وقال:هووب هههه دوزي للحمام
توبة:اش بيتي عندي نزلني الحلوف فففف
محمد:دوشي وخرجي تانتساك لتحت 
توبة:مبيتش نمشي معاك بسع مني مكتبغينيش اللهم عطيني بتيساع
محمد بقا كيشوف فيها شحال كاتم بزااف تابهضرة مباغيش اقولها ليها وعاودات نطقات:سبر فحالك
محمد:دوشي انا برا
وبالفعل خرج وخلاها كتغدد دوشات بالغدايد زالفقصة عاد خرجات عندو مبدلة ومغوبشة وقالت:اش باقي تدير هنا؟
محمد :دارنا ولا لا
توية:بزعطا الى داركم
جرها من يديها وخرجو نزلو لتحت عندهم كي خلاوهم كي بقاو تا وقفو عليهم سلمو وجلسو معاهم كيضحكو ويهضؤو الى توبة لي مغوبشا ومعاجباها تا حاجة ستأذنات منهم وخرجان لبراا كتشم الهواا مربعة يديها تاحسات بيديه على خصرها شهقات من الخوف زقالت:فففف اوياي شكديير
بقا مزير عليها وكيدفع فيها تمشى للقدام وبهمس فوذنها:كنعنق حبيبتي عندك شي مشكل
توبة:طلق غيشوفنا شي حد ونصدقو فماهي ومالونها
محمد:ويشوفو اش غيوقع كاع
فلتات منو بصعوبى وقالت:لا والو هي بيرونوها على ريوسنا..متتفكرش نتا فهادشي
محمد:حيت عارف راسي قادر نواجههم لي سولتي غمقول ليه حبيبتي
توبة:والى سولوني غنكرك
محمد:متقدىييش هههه
توية:(بتحدي)تجرب؟؟
محمد:سيري نشووف
توبة:مشي وفواني عليك سير تاتبغيني عاد أجي
محمد:واراه بااغيك
توبة:بسع مني براكا من الطنز
دازت فيع وخلاتو هاكاك بلاكا معصب وميغاش ابين قدامها..طلعان لبيتها وءدات عليها ورفضات تنزل للعشا ونعسات فورا
أما هو فاش عرفها ماتعشاتش خلا هم ومشا وجد بلاطو ليها وطلعو ليها كيدق تاعيا ومجاوبة حد وكيبغي ادخل كيلقاه مسدود..تعصب ورجع لبيتو كيخمم فواقعتو..
وللاسف قطعات معاه الهضرة مبقاتش كتكثر معاه كيسولها كتحاوبو ببرود ومكتبقاش بوحدها باش ميبقاش اسول فيها ولا يهضرهل ومينفاردوش بجوج لهات راسها بالعرس والتوجاد وعاطياه برود مخليه مقلق ومعصب 24/24

دازو يومين كاملة ديال التوجادو جاء النهار المنتظر بالنسبة لاميرة ...كانت الجردة كلها اضواء مزينة بطريقة راقية بزاف البيسين منضرو جميل كيعكس الاضواء والموسيقى هادئة بيدما تهبط العروسة والبرزة فالوسط رائعة 
الحضور ناس من مختلف الجنسيات والعروق كانو رجال الاعمال من امريكا لابسين كلاص ونسائهم بكساوي مودرن ناي من عائلة العريس لعيالات بالساري والرجال بالزي الهندي وعاد عائلة اميرة كن خوالها وعمامها 
فالبيت الفوق كانت اميرة كتلبس اخر الاكسسوارات مهها النكفاة ومها والبنات ووردة كلهم لابسين التقليدي 
وفاء:(جات باستلها على راسها) بنتي كبرات وولات عروسة
سليمة:والحمد الله اللي داها شي واحد كنت كنقول غنبقا واحلا فيها😂😂
توبة:وداها عباد البكر كيتك نتي اللي محشاها ليك حتى مول البربوش دجامع الفنا هههه
وردة:عنقاتها)مبروك عليك احبيبة 
خرجوها النكافات والبنات معاهم كانت سليمة لابسا قفطان فالازرق الملكي منبت ودايرا مكياج خفيف 
وتوبة لابسا قفطان كحل ومعا هي بضا جات فيه غزالا دارت مكياج تقيل لعبات فيه علي العينين جاو عينيها فيه كيحمقو
خرجو من تم ولقاو محمد فكامل اناقتو لابس كوستيم كحل وصباط كلاص مرجع شعرو اللور وخفف من لحيتو شويا بانت ليه اميرة ومشا لعندها باس علس راسها
محمد:جيني غزالة...مبروك عليك
مابانتش ليه توبة الي كانت مورا النكافات خرجو من موراها كلهم من البيت وهي تبان ليه توبة بقا حال فمو فيها ووفاء ووردة كيتغامزو بيناتهم توبة عجبها بزااف شكلو هاكا كايبان كبير وناضج ولكن مبغاتش تسرط ليها هضرتو
سليمة:احم احم غنبقاو هنا....يالله 
النكافات بداو بالصلاة علي النبي وشد محمد فيد ختو اميرة وعينيه مازالين على توبة
تمو هابطين فالدروج وخرجو للجردة والناس دارو لجيهتهم كيشوفو تقدم محمد حتى لعند العريس ومدها ليه
والنكافات كيزغرتو ارتافعات صوت الموسيقى وبداو عائلة العريس كيعلقو فالهدايا لاميرة لان من تقاليدهم هدايا العرسان كتقدم فالاول 
فحين محمد وفؤاد اللي كانو باطلالة وحدا تنسيك فالاخرى توجهو عند مرترو
محمد:اش هاد الزين كلو...شفتك يسحابني نتي العروسة
وردة:وشنو راني مزالا صغيرة وزوينة ماشي بحالك الشارف
محمد:اش بان ليك نعاودو لعرس
وردة:هههههه دبا شويا ونزوجو توبة
فؤاد:راه ديما كنقولها انا اللي مزوج
وفاء:كبرنا افؤاد ودبا بنتنا عروسة
سليمة هي وفتيحة كانو عاطيناه للضحك والشطيح وتوبة كالسا بوحدها ماحسات حتى كلس حداها وقال
محمد:شد فيديها)توبتي
توبة:جرات يديها) نعام ولباقيش تشد فيا gدامهم
محمد:ماكاين اللي يديها فيك كل واحد حال فمو فمراتو(باعجاب).توبة جيتي زوينة
توبة:عارفا
محمد:اما عينيك فبلا مانقول...ماعرفو منين اوبعت عليهم احمد
نطق حمد لي كان معاهم فنفس الطبلة:توبة جاك التقليدي واعر حمقيتيني
شافت توبة فمحمد لقاتو كيحنزز قيه واخيرا تحركات فيه شي حاجة من ديك شوفا لي دار فيه
احمد:نوضي تشطحي راه سليمة كتشير ليك
ناضت وهي عينيها علي محمد لي خزر فاحمد وقال:أحمد صافا؟؟
أحمد:(متبع توبة بعينيه)وا فوق صافا هههه ناري شحال زويينى
محمد:شكون؟؟توبة؟؟
أحمد:سي هههع معرفتش واش ؤاها اونكوبل
محمد:(ببرود)سمعني اولد عمتي هاديك خط حمر متوصلهاش
أحمد:(شاف فيع)علاش؟؟
محمد:هاكاك(كيهددو بصبعو)هاني هضرت معاك داك تنوعير خليه بعيد فايطاليا 
أحمد:واتنوعير فينما مشيت هههه مالهم المغربيات ساهلات
محمد:(وقف)الى بغيتي شي وحدا بلايصهم معروفين(مسح على كتفو)توبة ديالي وباش نبقاو مزيانين حيد عينيك عليها
داز فيه وخلاه مبلق عينيه كيحاول افهم شنو قال
ركبات اميرة فالعمارية اللي كانت غريبة للبعض من الخاضرين ووقفو كاملين كيشيرو ليها والموسيقى كلشي فرحان الا توبة اللي كتخبي حزنها بضحكة صفرة
نزلات اميرة وصلعات مع النكافات وتبعوها لبنات
ماحسات توبة براسها حتي جرها محمد
محمد:توبة مالك
توبة:مماليش اش با يكون مالي
محمد:شوفي يقد كلشي تخفاي عليه الا انا

توبة: مبقيتش بيت نكمل معاك أ محمد.. 
طلق منها بشوية محمد و ربع يديه و بقا يشوف فيها بملامح هادئة:مفهمتش؟؟ 
توبة :شنو لي مفهمتيش فمبيتش نكمل معااك
محمد:علاش؟؟واش درت ليك شس حاجة؟؟اجي بيريود ديالك هادي يااك..داكشس باش معصبة هاكا(شد وجهها بين يديه)
توبة:(بعصبية و كتعبر بيديها و مع صوتها ممزوج بصوت نغمات الطرب الأندلسي لي طلقات وسط انشغال كولشي فالعرس بشريب العصائر و الحلوة لي كتفرق ) مكاين لا بيريود ولا سيدي زكري لاش بيت نبقا مع واحد مكيبغينيش.. فبلاصة واخد كان تايموت عليا و كان كيبوس رجلي باش نبقا معاه و على قبل مو لي مكانت باتني ليه تفارقت معاه.. على قبل كرامتي منعقل على حتى حد
محمد:دابا انا ضريتك فكرامتك هاا؟؟عمري جرحتك عمري عايرتك ولا حتى هزيت يدي عليك واخا هي بضحك..معمري حتا تعصبت عليك وتجي دابا تقارنيني بواحد اخر(رجع لبس الهدوء)دابا كان خاصني نقولك كنبغيك ا توبة كنموت عليك ا توبة باش نضمصك و ترتاحي... زعما لهاد الدرجة كاع الافعال لي كندير و لي كنبين بيهم قداش مرتبط بيك و شاريك ا توبة كلمة كنبغيك كانت هي الحاسمة باش تكملي معايا و لا لا؟؟ 
توبة بعصبية: اه كلمة كنبغيك مهمة.. عرفتي علاش ا سيدي حيت غدا ولا بعدو الى لقيتي ملهمة وحدة اخرى بيتي تجي عندي و تgوليا سمحيلي ا توبة بيت نتفارق معاك و انت عارفا انا ما وعتك بحتى حاجة ولا عمري gلتلك كنبغيك ا توبة... وانا قبل ما يجي داك النهار لي تسالي فيه بلاصتي بيت نعفيك من هاد العلاقة
محمد بابتسامة كيكتم بيها عصبيتو: فخبارك انا باش نسالي علاقاي مع سوزان حتى اقتنعت فعلا ان لي كنت عايشو معاها مكيعني والو قدام شنو كنحسو من جهتك.. انا ماشي داك دونجاون لي كتخيليه ا توبة و كون كنت هاد النسونجي لي كتخيلي كورا مغامراتي واصلين للاعلام و كولشي كيهضر عليهم انا مكندخل لعلاقة حتى كنكون مقتنع بيها و جوج لي قبل سوزان كانو علاقات و صافي عطيت بيهم فرصة راسي لتجربة الحب حتى تلاقيت بيها و لقينا راسنا عندنا ميولات و افكار و بزاف القواسم المشتركة و عشنا علاقتنا... اما انت لا ا توبة...نت مختلفة عليا و رغم كولشي تعلقت بيك كنت كنخلي اي حاجة اورايا غير باش نجي عندك ونكون معاك... العلاقات ا توبة ماشي كلمات و الا باغا الشفوي لي لا يعني شيئا ولي انا اصلا مكنعرفش نكتبو نبدا نقولوليك الا غادي ترتاحي...
استفزها باخر كلمة قالها وهي تبدا تعرعر 
توبة: متgولي منgولك ا سيدي و سالينا.. و غادي لقا لي يبغيني بصح بلا فلسفة ولا يلعبلي فيها نزار قباني و احمد شوقي... سؤالي كان واضح ا محمد واش كتبغيني او لا و عندو جواب واحد يا اه يا لا و انت مكانش عندك هاد الجواب الواحد ادا سالينا...
لأول مرة محمد يتعصب و هو يشد توبة من يديها بجوج بعصبية مكتومة من تحت سنانو: توبة علاش باغا تخرجي مني شخصية مكتشبهنيش علاش علاش باغا تتبرهشي... اختلاف شخصياتنا كان من اكثر الحاجات لي مشجعي باش نمشي بعيد فعلاقتنا و نكملو بعضياتنا ولكن التبرهيش و صغورية العقل لي منستحملش... 
توبة كتنتر منو و كتغوت: اوا ا سيدي انا برهوشة و انت واعر و بعقلك خليني عليك ا سيدي بعد مني.
محمد:واخا غنبعد منك واخا ولاكن قولي ليا هو لول واش هاد كلمة كنبغييك لي فاضحاني بيها من صباح واش كتحسي بيها من جيهتي بعدا؟؟ تانا غنجي نتحاسب معاك ونقوليك واش كتبغيني؟؟
توبة:الصمت
سكتات وبقات كتشوف فيه بغضب والحزن طاغي عليها من الداخل..تاعاود نطق بعدنا تنهد بعصبية:من بعد ونهضرو فهاد الموضوع أ توبة؟؟دابا راك معصبة داكووغ
توبة:الصمت
قرب ليها وشدها من وجهها بحنان وعينيه فيهم نظرة ترجي:متسبقيش الاحداث وتحكمي على علاقتنا بالاعدام من ديبار..عيانة هاد ليام داكشي بااش مكتخدمييش هقلك..انا مباغيش نتفارق معاك ولا نبعد عليك ولا حتى نكمل بلا بيك نهار غنكون متأكد بلي تنبغييك وماشي أي حب حب لي معمر شي راجل بغا بيه شي مرا غنجي عندك ونعتارف ليك بطريقة عمرك تنسايها
طاحو دميعات من عينيها وعضات على شقايفها فحزن كاتما بكاها وقالت:اهئ اهئ اهئ
جرها حط راسها على صدرو وبقا كيدوز على راسها بحنان وقال:صافي سكتي غتخسري داكشي لي بقيتي عليه السوايع باش تصايبيه
هز ليها راسها وعطاها بوسة طويلة بين عينيها وقال:رجعي للعرس قبل مايرضو لبال ليك
باقي مكملش هضرتو تسمع صوت موراهم
....: محمد 
طلق منها بهدوء محمد و دار بشوية و هو يباليه باه... 
محمد: الواليد.. 
صلاة و السلام على رسول الله و زغاريت تسمعو كيشيرو على ان العروسة هابطة طلعات فيسات توبة فالجروب نحو بيت العروسة باش تهبط معاهم...
اما محمد بقا مسمر للحظات كيتبادل نظرات ممفهومينش مع باه فؤاد داز من حداه وهو ينطق 
فؤاد بعصبية مكتومة: يسالي العرس خاصنا نهضرو... 
دار محمد نحو باه و ابتسم و كمل طريقو يرحب بضيوف العرس..
رجعات توبو لبلاصتها ساكتة مراشقا ليها على والو لا شطيح لا غنا تا جا عندها باها نوضها تشطح معاه هي وخوالها أما محمد رجع لبلاصتو ملامحو كاتمين عصبية عارمة داخلو

دخلو دقايقية وناضت وردة وفتيخة وانور ومراد والسالكة ومرت ولدها وجرو معاهم توبة لي معنظها خاطر..ضحك الساجدي وقال:خلات عليك الكلاوي ههههه شتي الطاقية تاع داك دقايقي بطير ليه😂😂😂
فؤاد:هههههه عارفهم فيهم النغزة تشبعة رجال
وبالفعل تداخلو مع الدقايقية وصدقو هوما لي منوضينها وكيضريو ويغنيو معاه وتا توبة دارت يديها وطقطقات معاهم ونضامات ليهم اكليل وسليمة ختموها ب"وا مراكش واهيا سبعة رجال" عاد كلها رجع لبلاصتو ومع مجموعين فطباة وحدا كلشي كيضحك ليهم عاجبهم اش دارو
وردة:ففف وا طرح هو واشمن طرح هههه
مراد:تخوفيش تلووز ههههه ومزال مكاينينش النواقص أما كون واهلي
توبة:وايييه هههه داكشي لي خاص
فتيحة:وايييه اححح كون كان المختار كون نغمهم تاهو بشي تقيوتات تالمازن المراكشيين
مراد:صرااحة الواليد كان نgعة😂😂😂
فؤاد:معندي مانتسالكم😂😂😂نشطو لعرس مزياان
السالمة:اوا تامنكونوش مراكشيين ههعه 
الساجدي:شتي ملي ناضت معاكم اكليل راه نشطات الوقت هههه
سليمة:مكنتش عارفاها كتعرف هههه
وردة:قبل ماتعلم تشد البزةلة كانت كتشد الطعريجة😂😂😂😂
وفاء:يعطيكم الصحة ههههه.
محمد جالس وسطهم مهضرش عينيه فقنت اخر ..فيها هي لي كتهضر من فوق قلبها اما الداخل كيبكي كتسنا يكمل العرس دغيا باش تنوض فحالها خلاص..بغات تنفارد براسها وتبكي تبكي تاتفش..مكرهاتش تنوض تقلب عليهم الطبلة وتغوت وتقول ليهم انا مارانيش بخير..مكرخاتش تغوت فوجهو وتقول محتاجااك بزاااف وماباغاش نبعد عليييك بااقي..وبزااف تالحوايج
تحت انغام الف هنية وهنية يالالة عروسة فالعمارية ناض كلشي واقف كيشير لاميرة لي طلعات اسم على مسمى أميرة وعبنيها العسليين كيبريرو وسط من وجهها المنور..كتشير ليهم وتسلم عليهم والعريس واقف كيضرب ليها تاهو بيديه مقدرش اركب..
وفاء:(دمعو عينيها)ولادنا كبرو أ فؤاد..هي لبارح كنت حاملة بيها
فؤاد:(عنقها)سنة الحياة بدينا بجوح وغنبقاو فالاخير بجوج هه
بادلانز العناق وبقاو كيشوفو فبنتهم فرحانة اما لكوبا لاخر فكانو واقفين كيشوفو فيها تانطات وردة:لعقبا لبناتنا ههه
محمد:امييين العرس المخير ادار لبناتي ههه
وردى:هههه 
كانت توبة واقفا كنشوف فيها باعجااب تاوقف حداها أحمد من ليسر وقال :توبة صافا؟؟بنتي ليا ماشي تال ديك جيه
توبة:نو ممالي والو هي العياا وصافي
أحمد:مباغاش تشطحي؟؟زعما اميرة صاحبتك
توبة:لا مافيااش
أجمد:واسيري كالاك مافيكش ههه(شد يديها غيجرها)ياله
ياله غيجرها تجرات توبة من ليد لخرا وجان حدا محمد بضبط لي شهد على لفيلم كولو وقال:راه قالت ليك مبغاتش
أحمد:هههه خليها كالتك تشطح ههه
توبة:احمد صافي هي سبر اه مافيااش
أحمد وقف فاص ليهم بجوج مكمش عينيه كيحقق فيهم:بيناتكم شي حاجة لا؟؟
محمد:فاش هامك؟؟سير أ حمد تشطح ولا ردح وقيلها عليك اه هضرت معاك قبيل
أحمد:والله ممحرك تانعرف شنو بيناتكم؟؟نتا حاضيها وهي خاضياك(بابتسامة دكاء)مصاحبين
مجاوبوش محمد جرها من ذراعها ملاصقها معاه ومبعدها عليه تاداها للطبلة جلسها بلاصتها ورجع عندو بلا ميقول ليها والو.
وقف فاص ليه خاشي يدو فجيابو وقال:أحمد راك ولد عمتي وعارفني كي داير..ديجا هضؤت معاك وقلت ليك توبة متبقاش تدير عليها دوك حركات الاغراء لي كدير على البنات
أحمد:شمن حركاات ولا نم؟؟راك عارفني كول مع كلشي
محمد:كوول عارفها وحاجة خرا عارفها..فوت عليك توبة متصلاحش ليك 
أحمد:وتصلاح ليك نتا؟؟ قوليا اش بيناتكم ونفوتها سينو غنبقا تابعها حتا نولي معايا
قرب منو كثى وعلى وجهو بتسامة سخرية وقال:وضحت ليك بالصواب وبالاداب وقلت ليك بصريح العبارة فوتها عليك(مسح على كتفو)متلومنيش الى باقي لقيتك كطوف بيها
خلاه هاكاك كيشوف وزاد راجع عند توبة لي كانت جالسة كتشوف فيهم من بعيد ورجل على رجل باين نص فسيقانها..نافخة ريشها تا شافتو جاي جيهتها وجلس مراشقاش ليه قرب لوذنها وقال؛متبقايش تعطي ليه بزااف تالوقت باش ميزعمش عليك..بحال داك نوع الى ضسرتيه كيطمع فما كثر
بتاسمات بجنب فخجل حيت واخيرا غار بعدا شوي وقالت جامعا الضحكة:علاه مالو اش بان ليك تيدير؟؟ياكما لقيتيه كيبوس فيا😠😠
خرج فيها عينيه وقال:توووبة(ضغط على تاء)براكا من تبرهييش اش جابنا تاني لهاد الهضرة؟؟
توبة:شوف ننا هضرتك اش تتgول خلينا ندوزو العرس على خير ونتا من صباح عاgد شوكتك😏😏
محمد:دابا انا لي من صباح هاز شوكتي؟؟ماشي نتي لي خداما علي نتفارقو
توبة:😏😏
محمد:اجلي الهضرة فهاظشي تال منبعد ونهضرو فيها وهاني علمتك متبقايش تهضري معاه بزااف 
توبة:😏😏
بتتسم وهو كيشوف تغوبيشتها وقال:كاع مقلتي ليا اليوم نتصورو هههه موالفا كتصرعي ليا راسي
شافت فيه مبجgة وقالت:ممم اوا gلت منبقاش نفرع ليك راسك
ضحك وجبد تياي دياالو وقال:نتصورو؟؟
توبة:(دفعات عليه كبير)مافيااش
بتاسم ولاح يدو على كتفها وهز تياي على شكل سيلفي وقال:ضحكي المشكودرة هههه
بتاسمات وشد سيلفي وبداو كيشوفو فيه وقال:خصنا شي وحدا نبانو فيها كاملين

يتبع

أجزاء القصة
قصص جديدة
قصة طباخة الرئيس
قصة طباخة الرئيس سناء الصنهاجي
قصة حب وسط الدماء
قصة حب وسط الدماء أسماء الجباري
قصة جنتي
قصة جنتي ليالي نسيم
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية