صورة مصغرة لـحكايتنا الجزء 30

حكايتنا الجزء 30

رواية حكايتنا بقلم سكينة أيت الكبير

توبة:الى بيتي العسل صبر لقريص نحل هههه
محمد :اودي عسل هو هنهنهه لعقت فيه هي شوي وخلاني حمق ننهههههه
توبة:بشويا عليك لتجيب تبوهيلك علي متبقاش تمرgل
محمد:ههههه اش هاد المصطلحات تاني هههه منين كتجيبيهم
توبة:مكابراش فواشنطن اه بين العراصي وبين القصابي وفينما كانت شي سقاية فمراكش شربت منها تا وليت هوكا..وصوالح سيدي يوسف كلهم دزت عليهم
محمد:ببراكتك هههه(ناض وقف ووقفها معاه)غنخليك دابا توجدي راسك باش تمشي
توبة:(بغنج)سخيتي بيا دغيا
شاف فيها بنظرة غريبة وقال:كتهضري بصح؟؟
توبة:اوا نتا لي بيتي تسرسبني ههه
شد وجها بين يدو وطبع قبلة على جبهتها وقال:غنتوحشك بزاااف
توبة:(شدات فاليد لي حاط على حنكها)تانا ..غنبقاو نهضرو ماشي نكونو باردين فهضرتنا
محمد:الغلط كيوقع مرة الى نعاود كيتسما تبهليل ههه غنبقاو نهضرو بيدما ابرد باباك ونهضر معاه
توبة:(بتساءل)اش بيتي تgوليه؟؟
محمد:(بابتسامة)شي حاجة بيني وبينو(غمزها)
توبة:مممم(مبغاتش تحكر)دابا نشوفو
عنقها بحنان وقال:ديري عقلك وقراي لغتك مبقاش بزااف ونجي تانا
توبة:ان شاء الله
باسها فحنكها وخرج مخليها راسما بتسامة جميلة على وجهها فرحانة بتقدمو من جيهتها..مبقاتش باغا حتا حاجة من غير انها تكون معاه وبعض المرات الحب الحقيقي هو لي كيتفهم ماشي كيتقاال وأجمل حب هو لي كيترجم بالافعال اما كنبغييك راه كتخرج دغيا بحال شريب الما
كملات الجميع تاع حوايجها ودخلات هليها نعمة وقالت:توبة قالت ليك ماما ياله
توبة:واخا
جرات لفاليز ولاحت عليها كويرة وخرجات تلاقات باها بالكولوار مهزش فيها العين شد من عندها شانطا ونزلها عاد خرجات مها من بيتها وقالت بحزن:ماما قلقتو بزااف؟؟
وردة:(عنقاتها)زدتي فيه وتاهو حكر..خليه ارتاح وهضرو بالعقل
توبة:غيسامحني؟؟
وردة:(بابتسامة أمل)حيت نتي توبة غيسامحك 
توبة:ان شاء الله
نزلو لتحت لقاو اكليل ونعمة وخوالها وعيالاتهم وفتيحة وزهرة وعاىلة للكلاوي الا محمد لي فضل ابعد من توديعهم باش اتفاداو المشاكل..
تسالمو بيناتهم وتعانقو وخرجو للاوطو ديالهم ركبو ماملين وياله غتركب توبة هزات راسها لجيهة بالكون ديالو..شافتو واقف كبتاسم ليها صيفن ليها بوسة بتاسمات وطلعات فالاوطو مع باها لور..هاد الاخير لي بقا واقف مع الكلاوي فؤاد بعيد
فؤاد:غنهضرو من بع. واخا..راه مقالش شي حاجة تالعيب
الساجدي:(مخنزر)فؤاد بنتي مديالش داكشي واخا وحسن ليه انسا هادشي ولا والله(بجدبة)غنسا واش ولدك وصحبتنا غتوقف هناا
فؤاد:اش هاد الهضرة؟؟شوف سير تاتبرد واجي نهضرو متعرف نوليو نسااب ههه
الساجدي:ممناسبش اسيدي وبنتي باقي صغيرة مديالش الزوااج
فؤاد:بقا حاضنها عندك ههه(تعانق معاه كيضحط وهو مغوبش)طريق السلامة
الساجدي:الله يعاون
وردة:تهلاي فرااسك احبيبة والله يجعل كلشي مبارك مسعود
وفاء:هههه لعقبا لعندكم هي قولي لمحمد اطلق راسو معانا راه ناويين نتناسبو
وردة:اححح على حبيبي مصدووم معارف ميدير
وفاء:ادير الله خير احبيبتي طريق السلامة
فتيحة:(جات كتسلم)دوزو بخير الله يجعل كلشي مبارك مسعووود
وفاء:امييين لعقبا لعند بنات وردة
فتيحة:ياربي أميين نفرح بيهم تاهوما
طلعو العائلة كاملة بعدما توادعو معاهم وشدو طريق للمراكش عاصمة البهجة
توبة شاف فباها من المرايا قرات الحزن فعينيه وتاهو شاف فيها وقلب وجهو مطولش فيخا ااشوفة ااشيء لي لي خلا الحزن اترسم على وجهها..دارت الكيت فوذنيها ودورات وجهها جيهة الزاج كنشوف فالطريق بحزن..اما الساجدي كمل سيااقتو عاادي وقلبو كينزف بالجرح
أما محمد لي كان فبيتو فالبالكزن تا دخلات عليه مو وبااه على غفلة 
محمد:ياك لبااس؟؟
وفاء:والو بااس اوليدي(بعتاب)شداكشي قلتي لسيد؟؟
محمد:gلت شي حاجة عييب
فؤاد:فتي لعيب لهيه..تبغي نتا اجي عندك شي حد واقولك افلان ختك تتعجبني وباغي نكمل معاها
محمد:(ببرود)جا عندي سيف شي عام هذا وقالها وقلت ليه كمل قرايتك واجي تزوج بيها الى بغيتيها..بسيطة هاد القضية هي نتوما كتعقدوها..منتاقضين فكلشي..كون بقيت معاها فالحرام وهضرنا تا دوزنا القرون عاد جينا هضرنا معاكم غنصدقو برااهش..دابا فاش جيتو للصراحة مبغااش اوا خليه ميبغيش وانا نتصرف من عندي
فؤاد:(بغضب)واش شويا لباس لا؟؟شهاد القلبة تقلبتي علينا
محمد:موالفين محمد الضريف الكالم لي ميخرجش العيب مع شي حد ولاكن (كيهدد بصبعو)ملي هضرت اليوم وخليت ضار بو داك البرهوش نضتو كلكم ضايرين فياا بحالا ديك لي دخل عليها مامنكومش..من غير انها حبيبتي ولو متكون بيني وبينها والو ادخل عليها هاكاك نخلي عشتوو..(بسخرية)وباها لي محكر وزامتها وقاطعها فيها مهضرش لا ومتعصبش كااع علاش زعما؟؟
فؤاد؛حيت مكبر الموضوع على والو...أحمد مكانش غياديها
محمد:دااخل عندها تال لبيتها وتتgول ليا مغياديهاش..نتسناوه حتى ايأديها..كضحك علي الواليد
وفاء:واش بعقلك مشيتي عند باها وتتقوليه باغي تكمل مع بنتو ..كيفاش تكمل معاها؟؟زواج ولا خطبة ولا مصاحبيم بالعلالي
محمد:ماشي ممربيش باش نgوليه صاحبني معاها راه باغي نخطبها

وفاء:واش عارف اش كتعني هاد الكلمة؟؟أولدي راكم باقيين صغار على زوااج
محمد:الزواج محددش ليه الله سن واحد..يكفي يكونو باغيين بعضياتهم
فؤاد:(بحزم)كتبغيها؟؟
محمد:هاديك مسألة كتبقا بيني وبينها..جيتو ديركت وطلبتها منو عاادي..مدار الله الخطوبة الا باش اتعارفو جوج بيناتهم واتعارفو واشوفو واش قادرين اكملو بجوج
فؤاد:والى مقدرتوش غتفرتكوها ونبينا عليه السلام يعني غتعرض صحبتي مع الساحدي لي عمرها كبر منك للخطر
محمد:ضامنها غتصدق ..حيت عارف اض كندير
وفاء:هضرتي معاها هي..موافقة؟؟
محمد:باقي مهضرناش فهادشي ولكن باغيين بعضياتنا ومرتاحين مع بعضياتنا يعني الى كنا بجوج وبخباركم حسن منكوهو بجوج وبلا خباركم
فؤاد:راه باقي صغيرة وحتا نتا
محمد:عندي 22 طالع ف 23 ااه والحمد لله مخاصنب والو يعني قاري وقادر اني نوفر ليها لي بغات ونهز مسؤوليتها هادا من جهة ومن جهة خرا قادر نعطيها لي ممكن اعطيها اي رجل..معايا كتكون مزيان وانا بلا بيهل كتنقصني شي حاجة
فؤاد:شهاد الحب عندكم تاني؟؟
محمد:الحب عندك ماشي هو عندي لي بيني وبينها فات الحب..الحب الواليد بين الناس كاامليت ولاكن لي بيناتنا حنا سماوه حاجة خراا
وفاء:لي هو؟
محمد:شي حاجة بيني وبينها ههه..دابا مالكم مصعبين الامور خليوه ابرد وانا نهضر معاه وشوف اش غيدير
فؤاد:والى رفض؟؟
محمد:(بحزم)مغيرفضش
وفاء:نفترض رفض؟؟
محمد:الصمت
فؤاد:(بسخرية)شتي ها لي gلنا..معنظكش جوااب..انا باغي هي نفهم علاش هي بضبط لي باغي تخطبها ونتونا ياله كملتو شهر وسوزان لي ضربتي معاها عامين وفلخر نفارقتو
محمد:حيت هي توبة..
وفاؤ:كضحك علينا
محمد:لا والله..حيت هي توبة داكشي باش باغيها كثر من كلشي
فؤاد:غنتبعك فرايك ونشوف فين غيخرج ولكن انفوا باها ارفض معمرك تعاود تجبدها على فمك
محمد:اكون خير
وفاء:ياربي تسترنا ياربي
ناضت شادا ففؤاد وقالت موجهة لولدها الكلام:ولدي مديرش لي يخسر الخوااطر
محمد:عارف اش كندير
فؤاد:هاحنا غنشوفو
خرجو من عندو مخليينو حاير فاشنو كيدير ..معندو حتا تفسير لتصرفاتو مقادرش ابعدها عليه وفنفس الوقت مقادرش انطق كنبغييك باغيها حداه وديما..
كانت كلمة كنبغيك كيقولها لسوزان وكيظن انه فغيمون كيبغيها وجات تال توبة وتعكسات ففمو حلفات لخرجات..
جلس على الفوتوي كيفكر واعاود تا ضرو راسو وناض لبس عليه وهز سوارتو وتيلي ونزل لتحا خدا احدى السيارات وتوجه لامشفى لي فيه أحمد
ماهي الا مسافة الطريق وصل لقدام الكلينيك بلاصا الاوطو ونزل ودهل سول فالاستقبال وعطاوه نيميغو تشومبر..طلع فالاسانسور بهدوء..هي تحل لقا عمتو فوجهو لان للبيت مبعيدش على السانسور..خزرات فيه وقالت:اش جيتي دير هنا؟؟باقي مكملتيش اش درتي
محمد:(بهدوء)نقدرو نهضرو
لبنى:معندنا فاش نهضرو غتمشي فحالك ولا غنسا واش راك ولد خويا
محمد:غنمشي ولكن خمسة تدقايق منفوتهاش معاك
لبنى:(دازت وخلاتو)معندي منgول معاك..باغي تقتل ليا ولدي
شدها من ذراعها وضورها لغندو وقال:دابا نهضرو بالحق واش ضلمتو؟؟
لبنى:علاه شنو مضالموش..ضاربو بحالا تعدا عليها
محمد:كان ناوي ونضمنها ليك..أحمد من نهار شافها وهو حاط عليها وكيبقا لاصق فيها ونتي أكثر وحدة أعمتي عارفا ولدك كي داير..كيلعب بالبنات كي بغا وانا هضرت معاه عليها وقلت ليه فوتها راني معاها ومع ذلك دار لي فراسو ومشا دخل عندها للبيت فالصباح بكري باقي كلشي ناعس..فنظرك أش كان بغاها؟؟
لبنى:الصمت
محمد:باايناا
لبنى:(بشك)ونتا اش مشيتي دير عندها فالضبااح؟؟
محمد:انا موالف كنفيقها فالصبااح ديما وفاش شفتو تما متحكمتش فراسي ةضربتو
لبنى:(بغضب)اه ضربتيه..على قبل وحدا ماكتجيك والو
محمد:توبة حبيبتي ماشي مكتجيني والو..وبلا كون مكتجينيش كنت غنضربو الى دخل عليها..فيه بليى للبنات لي شافها بغاها لدرجة مابقاش كيفرق بين العائلة والصحاب
لبنى:واخا معرت اشتgول مغنساش ليك هادشي لي درتي(كتشير للبيت)هداك لي لداخل مهرس من نيفو ولدي وكبدتي
محمد:وديك لي كان بغا يأديها تاهي بنت نااس..وتا ختو راه بنت النااس ونهار بغا يتعدا عليها صااحبو البرهوش اه ضرت فيه وعطيتو علاش كيقلب وديك ساعا كتصفقي ليا وعاجبك الحال وفرحانة حيت مخليتوش اتكرغص على وفاء(بنتها)أما دابا توبة جاتك عاادي وولدك تاهو مدار والو مسكين ندوزوها ليه
لبنى:(ببرود)سير أ محمد من هنا ميصلاحش نهضرو هنا فهاد الموضوع
محمد:مغنبقاش أصلا نجبد هاد الموضوع مرا خرا وهنا غيتسد..جيت عندك حيت حسيت برايي غلطت فاش غوتت عليك وقللت لحيا قدامك اما ولدك استاهل اش درت ليه وللى عاود ناض وفكر ولو هي يهز فيها عينينه مغتلقاي متجمعي فيه..وراكي عارفاني أ عمتي كي داير واخا كتشوفيني كالم وضريف ولكن دمي فيه دم الكلاوي الحامي
لبنى:دابا كتهدد فيا ولا شنو؟؟حتارم راسك راني عمتك 
قرب ليها وباس راسها قبلة رضى وقال:وحيت عمتي وعزيزة علي مبغيتش خاطرك ابقا خايب من حيهتي..حاولي تقبلي أن ولدك غلط انا ولد خالو وحنيت فيه مقتلتوش شي واحد اخر مغيرحموش
سكتات وعطاتو بجنب بنفخى زعما فوتني وفعلا محكرش باقي المهم انه برر تصرفو وحيد عليه التقليد..خرج فحالو من السبيطار

خرج من السبيطار دوز نمرتها عيط ليها وطلع لوطو حتا كينفاجأ بيها قطعات عليه ستغرب وسد لباب عليه وطتب ليها ميساج:مالكي قطعتي
جاوباتو فالبلاصة:كاينا فطوموبيل مع بابا وبيتيني نجاوب 
محمد:هههه ااه..قريب احبيبة تولي تهضري قدامو بالعلالي
توبة:مصاب هي يسمح ليا بعدا😢😢😢
محمد:اوا ها لي مبغيتش تاني هاد تقليقى 
توبة:مبيديش حاسا براسي جرحتو
محمد:هو انا معرفش اش قلتي ليه ولا علاياش تناقشتو ولكن الى قسحتي معاه الهضرة خسك تعتاذري ليه راك بااك هذاك
توبة:نوصلو للدار وابرد ونهضر معاه
محمد:واخا احبيبتي..وصلي وصيفتي لبا انا غادي دروك للدار وسايق
توبة:اوك بيبي باي
محمد:بااي😘😘
قطعات معاه الهضرة ورحعات لموسيقتها ومرا مر كتهز عينيها تشوف فباها من المرايا كتلقا وجهو مغيم ويديه مفارقاتش تاع وردة لي مبتاسمة ليه عارفها مجروح
ماهي الا بعض الساعات حتا دخلو لمرااكش توجه بيهم ديركت للرياض وخوالها كلها تفرق فحالو..دخلو ودخلو رحيلهم وكل واحد طلع لبيتو ارتاح..الساجدي طلع ديركت لبيتو مهضر مع حد وتا توبة مشات لغرفتها كتكتب ليه مبساج بلي وصلات..دوشات وبدلات وخرجات تهضر مع باها..حارت واش دق واا لا..واقفا على نار قدام بيت واليديها تا كتبغي دق وكترجع يديها تاتحل لباب حلاتو مها وقالت بغرابة:توبة مالكي؟؟
توبة:بيت ندوي مع بابا
وردة:راسو عياان ابنتي زالله خليه تال من بعد ودوي معاه
توبة:مريض😔😔😔
وردة:لا هي العيا تسفر(مسحات على ذراعها)مابيه والو كينكو تاعي
توبة:اوا هليني نشوفو عفااك مبيتوش ابقا مقلق مني
وردة:(تنهدان)ففف واخا دخلي والى ضار فيك منك ليه
توبة:😢😢😢😢
دخلات وسدات لباب على وردة لي حافات لتحركات خافتهم انوضوها واصدقو مخاريين
تقدمات توبة ببطء كترعد جيهة سرير باها لي متكي فيه على ضهرو وداير يدو على عينيه..شافت لحيتو لي شايبا وزادتو وقاار وهيبة..من صغرها دايراه أميرها واول عشق ليها بعلامة"أنا أحببتك أولا"..محسات براسها تا طاحو دموعها فاش تفكرات طفولتها معاه..فاش كيهزها على كتفو ويجري بيها فالدار وهي صوت ضحكتها مالي وذنو ولا فاش كتحرم فيه النعاس وتجي تبقا تخبر عليه وهو ميت بالنعاس..تضفر ليه لحيتو وتبوسو فيها..كتجيب ليه الزبايل ويسمح ليها..علمها الملاكمة والكاراطي وعطاها أسرارو المهنية في الملاكمة باش معمر شي حد احكر عليها ديما كيقول ليها جملة وحدا:علمتك حيت مدايمش ليك غدا ولا بعدو مغنبقاش فحياتك وغتلقاي راسك بوحدك..كوني سبع باش مياكلوكش
طاحو دموع عزيرة من عينيها فاش تفكرات هاد اللحظات لي دوزات معاه..هزات يديها لمسات سنسلة لي فعنقها لي هدية منو فيها عبارة أحببتك اولا..كلما زادت فالعمر كيبدلها ليها حست كتزاد فالوزن..جلسات فطرف سرير ومدات يديها لصدرو دوزاتها بحنان تا فاق وقال بصوت مبحوح:توبة مالكي أبنتي؟؟
هي سمعات منو بنتي زهي تلاح على صدرو كتبكي معنقاه بيديها وكنبكي..مفهم والو ومعرف باش تبلة بغا خي يتقاد فالجلسة باش اشدها مزيان مخلاتش ليه فين يهضر..محتاجة حضنو بزااف ومحتاجة تقول ليه سمح ليا

﴿ وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلاً كَرِيماً﴾
الساجدي:(مخلوع عليها)توووبة بنتي مالكي(عنقها بيدو)لاش كتبكي؟؟قلقك شي حد
توبة:(من وسط حضنها ووشط دموعها)هءهءهءهءهذه😭😭😭😭😭جرحتك يااك اهئ اعئ اهئ gلت ليك هضرة خاايبتا ياااك اهئ اهئ اعئ مرضتك فصحتك وفراسك😭😭😭😭😭سمح بيا أبابا سمح ليا والله منعاود اهئ اعئ منبقاش نغوت عليك ولا نهز عليك صوتء اهئ اهى سمح ليا أبابا
بتاسم محمد وبعدها عليه شوي وشاف وجهها العامر يدموع كيتفكر ميسليهان كلها وقال بحب:واش كاين شي واحد كيتقلق على كبدتو هه؟؟
توبة:سي كاين..نتا خصك تقلق مني خصك تضربني حيت غوتت عليك وجرحتك بهضرتي😭😭😭😭والكن عذرني لهر اهئ اهئ كلشي على ضهري كثرة الضغط والسنريس اهى اهئ وحياتي تىوناات اهئ اهئ ونتا كتبقا ترمي ليا الهضرة
محمد:كنرميها ليك باش ديري بيها العقل ومتغلطييش تلني..الدنيا أ توبة ديااب يااكلوك الى مكنايش على بال وأكبر ذياب على وجه الارض هوما الرجال خاصة مع وحدا زوينة بحالك(عنقها)سي كطيري وعقلك كيفرفر ولكن كتجي لشي لحظات كتخدمي قلبك كثر..
توبة:بابا(بصوت مغنغن)
محمد:عيون بابا نتي هه متديريش لي يضرك باقي ضغيرة وباقي الحياة قدامك باقي غتقىاي وتخدمي وتولي طبيبة عاد ان شاء الله نفرح بيك واش انا غنبغي ليك الخايب...نهار لكبير عندي انا فحياتي هو نهار نفرح بيكم ونحط كل وحدا عند الراجل لي يستاهلها ولي يبغيها واخا راه مكاينش لي يبغيكم بحالي واخا ضورو الدنيا كاملة..حيت لي والد ماشي هو لي هي جا بغاك..
توبة:عارفا أبابا والله نتا راك صاحبي ماشي هي بابا ولكن أنا..
قاطعها:مكاين ماوالكن..الحياة قدامك قراي ونجحي وولي طبيبة كيق بغيتي
توبة:ومحمد؟؟
محمد:كتبغيه؟؟

بقات ساكتى كتشوف فيه بعيون دامعة وحايرة باغا تهضر وشي حاجة حاباسها وهو مترقبها بعيون متشوقة تعرف جوابها..نطقات بعد صمت داها لتفكير بعيد وقالت:اشناهو الحب أبابا؟؟نتا كتبغي ماما وكنشوفك كدير المستخيل على قبلها ديما كتفرحها وتجيب ليها لي كادو وداير ليها كي الما لقلبل..واش هذا هو الحب؟؟
الساجدي:الحب ابنيتي أفعال وماشي اقوال..لي كيبغيك كيدير المستحيل على قبلك
توبة:وفنظرك محمد مدار والو على قبلي أبابا؟؟(غلبوها دموعها)مكتشوفوش كي كيعاملني..كيجي من خر دنيا هي حيت سامعني كنبكي..كيتعامل معايا زويين بزاااف ومكيخليش من جهدو معابا
محمد:راه سولتك واش كتبغيه؟؟
توبة:الى كان الحب هو انه نحس براسي مرتاحة معاه واني نكون معاه باخسن حالاتي وانه يجي على قبلي منين ومنين ويبقا كعايا..وانه يرجعني كيما كنت من قبل ويرجع ليا الضحكى لوجهي فراه كنبغيييه كنيغيييه وبزاااف gاااع حيت يستاهل 
تصدم الساجدي وجاول اخبي ملامح صدمتو من جهتها وقال:ماشي صغيرة على الحب ابنتي
توبة:(بهدوء)الحب والموت أبابا مكيعرفوش العمر ولا لوقت..انا ومحمد مكتابين نبغيو بعضنا من صغر..الحب بينا بدا ملي اول مرا تشاوفناا فيها
الساجدي:وهو كيبغيك؟؟هضرت معاه ومقال ليا والو حدو قال بغيت نخطبها
سكتات معرفاتش تش تقول ليه وبالفعل مقال لا كنبغيك لا والو..تا عاود نطق:انكم تخطبو ممكن انه يديكم للزوااج لا ماشي ممكن انما اكيد علاش؟؟علاش خايف هليك حيت باقي صغيرة ومفاهماش اشناهز الزوااج..راه مسؤوولية كبيرة وتضحيات بزااف ونتي باقي مبديتي قرايتك ماوالو
توبة:كثبق فيا ابابا؟؟راه توبة معاك ماشي هي معاه..هارفا اش كندير..هو مجاش وgال ليك بيت نتصاحب معاها مي بغا المعقول
الساجدي:داك المعقوا لي مداخلش ليا لدماغي نهائياا..الى مشيتو تخطبتو خصكم تزوجو والى تزوجتو مخصكمش تفارقو حيت الى نتوما تفارقتو تا صحبتي انا وفؤاد غتخسر فاهماني اش بغيت نوصل ليك
توبة:معمرنا غنتفارقو..كيكونو مشاكل بين جوج وكيتغاوتو ولكن كلشي كيتحل الى الواحد مقدرش اكمل بلا لاخور
بتاسم الساجدي:كبرتي وليتي تانتي تاتحبي..نسيتي حب بااك
توبة:(بتاسمات أخيرا حيت حسات بيه قتانع)بابا لموغ الاول وكيف كيgول محمد كل فتاو بأبيها مغرمة
الساجدي:اوقع لي يوقع انا بااك وصاحبك وحبيبك وخوك نهار طيحي متردديش تجي عندي حيت عمري نرضك
بتةسمات وترمات فحضنو مرتاحة معنقاه وكتشم فيه نفس الريحة ..ريحة الامان والاطمئنان والحب..وتاهو قدرات هاد المحادثة تفك عقدو جيهة الموضوع حيت جلسات معاه اطابل وعطات وجهة نظرها وتاهو برر ليها..وهذا هو النقاش والحوار الحقيقي
الساجدي:(معنق بنتو)دخلي المشكودرة ههههه
حلات وردة الباب بزربة حيت كانت حاطا وذنها عند ااباب..بتاسمات وقالت:شتي نتوما هي لي دار فيكم راسوو هههه اما نتوما بلا بعضياتكم متعيشوش
توبة:خهخههه ياك بعدا
وردة:(قربات جيهته)شتك ولفتيها هههه حيدي خليني نعنقو تانا ههه
توبة:هخخهه كل ليلة تيبات حداك وتتعنقي فيه مشبعتييش
وردة:ههههه لا مشبعتش منو ومعمرني غنشبع
حيدات توبة وترمات فحضنو وردة وتاهو عنقها مبتااسم وقالت:هذا هو الحب علاش كنهضر هههه هاكا بيت نعيش انا
الساجدي:الى داك بوقال معيشكش داكشي لي كنعيشو انا وماماك راه هضرة خراا معاه ههه
حشمات وقالت:ياله نخليكم انا دروك غتكونو بيتو تنفاردو وتحاابو تاني علي هههه
وردة:زربانة توصليها ليه هههه
توبة:(باستهم)لوفيوو بيبيااتي هههه
خرجات بغات تنقز بالفرحة ومشات كتجري دخلات على اكليل تا قفزااتها وتلاحت عليها عنقاتها تاطاحو فوق النااموسية
توبة:هههههه اححخحح وووووووو وناااري وأهيرااا أخيرااا بابا وافق
اكليل:كح كح نوضي الكلبة تفوووكيوكلوك الشمندر فففف نوضي
توبة:غنتزوج أ إكليل
اكليل:نعام اشريفا؟؟

توبة:ههههههه غنتزوج
اكليل:بمن؟؟بكواي البgر😉😂😂😂
توبة:بجدك لي مات ومتلا رجع هههه ماشي زوااج كااع(غنقاتها)هي خطبة بمحمد الكلاوي
اكليل:فرااسي ههههه علاه اختي gاع دوط شوفاات والتعبير والصرف ومتخطبووش هههه
توبة:(تكات حداها على ضهرها فالناموسية)بصح ههه كيكيكون تيدير ههه
اكليل:(تكات على مرفقها كتلعب برجليها)كي الويل هعههعه كيبقا اشوف فيك بواحد الشوق هههه مكيكرخش اطير عليك
توبة:(فرحات)اححححح على طريفات لووز تااعي
اكليل:شناهيا هههه
توبة:اسم دلع اعشيرتي هههه نوض نعلمو
اكليل:مبروك مسبقا من هنا بلاصتي حدا البرزة
توبة:(بنفخة)منديكش معايا للبيت حسن
اكليل؛باقي مدقتي حلوة مهزيتي رجلين ونفختي علي ريشك ضوري فحالط هههه
توبة:بصحتي خههه نقشعووك
خرجات كضحك والفرحة مش سايعاها..فرحانة لانها قدرات تهضر مع باها وتقنعو وتحاور معاه مخسراتش ليه خاطرو ومخسراتوش لمحمد يعني دارت توازن واعتدال..قدرات تحمي الاحساس لي كينبض فقلبها وفمفس الوقت صلحات الجرح لي جرحات باها
دخلات لبيتها ومشات هزات تيلي لقاتو فيه ربعة تالاتصالات من عندز بتاسمات ودوزات ليه الابيل مدازش بزاف باش جاوبها وقال بصوت حنين:حبيبة مالكي تعطلتي باش تجاوبي
توبة:(أسرها صوتو وحطات يدعا على قلبو)اعطيك دقا ودقايقية على هاد الصواب كولو وفين نديرك انا فين
محمد:هههه ديريني فجيبك ههههه مالكي تعطلتي
توبة:قلع فين كنت
محمد:(كيطنز)فطواليط ههههههه
توبة:(خسرات صيفتها)اييه اوجه الخراا كنت تنبول واحد البولة معشقتها هي فوجهك تفوووو
تهز بضحك عليها؛ 😉😉😂😂😂😂😂😂😂يااك لمك هادا منسواا عندك هههههه
توبة:وننا لي خدام علي الطواليط..كون كنت فالطواليط بنجي نعاودها ليك ويلي
محمد:هههههه مبيناتنا احبيبة ههههه الى كنتي تا فطواليط علميني
توبة:سير خليني فصباغتي المحترمة معاك مبيتش نخسر الهضرة
محمد:لعاار خسريها😂😂😂دابا غنوليو وااحد
توبة:اييي علاه نتا خليتيني نكمل هضرتي خههه كنت كنهضر مع بابا
محمد:بصح؟؟
توية:والله هههه وقنعتو
محمد:بااش؟؟
توبة:بأننا نكونو بجوح
محمد:(مفهمتش)
توبة:كيفاش مفهمتيش اش لي مفهمتيش
محمد:اننا بجوج؟؟
تخلعات وبدا قلبها كيضرب وقالت:ياك هضرتي معاه(صوتها كيرجف)
محمد:فاش؟؟
توبة:علينا بجوج
محمد:مالنا حتا بجوج
توبة:ننن...محمد..براكا من المزااح
محمد:والله مكنتمازح علاش كتهضىي؟؟
توبة:(بدات كترعد)كي..كيفاش واش مدويتيش معاه وgلتي ليه بيتي تخطبني
محمد:نعاام نعاام؟؟أش gلتي؟؟اشمن خطبة تاني وانا وياااك عاد
تحجرات الدمعة فعبنيها وجلسات فكرسي قريب ليها كترعد وتيلي قرب اطيح من يديها وقالت:ياك gلتي لبابا باغي تخطبني
محمد:لا مقلت والو..بالعكس انا معاودت ليه والو
طاحت الدمعة من عينيها وهضرات بصوت مجروح:علاش أمحمد؟؟ياك واعدتيني
محمد:(مطمر)مواعدتكش هههههههههه(غلبااتو الضحكة)نهههههههه ناري على صوتك كي ولا ههههههههه مالكي يااك لباااس
خرجات عينيها وخرجو دنوعها وعاقت بيه كيتفلا عليها ومطلعها عليها وقالت بالغوات:كتفلا علي ياااك اهى اهئ اهئ تهجرو ان شاء الاه انا لي مكبرا ليك شااان اهئ اهئ😭😭😭😭تفووو عليك
محمد:اناري درتيها بصح هي تنضحك احبيبة
توبة:متضحكش معايا هاكاك اهئ اهئ اش كيحساب ليك مخك انا لعبة عندك يااك😭😭😭تبقا تطلعها علي وانا مثيقت بابا واافق
محمد:(بجدية)وايلي احبي درتيها بصح واش انا نسخا بتوبتي الحليوة ديالي ههههه هي تنضحك معاك
توبة:اهى هءهءهءههءه
محمد:كتبكي كااع؟؟توبة احبيبو هي كنضحك صاافي الله يعطيني العما لباقي ضحكت معاك ههه
توبة:امييين ومتشوف فحتا وحداا ان شاء الله
محمد:خخههه عندي كووود ههههه اش قاليك بابا
توبة:واقق هههه وافق وgاليا مغنحبسكش
محمد:(فرح)لوااه كيدرتي ليها انا عاد كنت ناوي نخليه ابرد ونجي نهضر معاه
توبة:ههههه صافي هضرت معااه ووافق ههه
محمد:(بارتياح)هي صافي هي نجي
توبة:لاش غتجي(حشمانة)
محمد:ناخد لداك باك ديك لفرحة لولة لي كيضل فاضحنا بيها هههههههه
توبة:ههههههه امتا غتجي؟؟
محمد:من غدا معندش مشكل
توبة:شغلك هذااك ههههه(قلباتها جدية)محمد متأكد من القرار لي خديتي
محمد:بحالا كنشوفك ههه متأكد مغنتراجعش فيه
توبة:لكن نتا باقي مكتبغينيش
محمد:قلتها ليك هههه؟؟ متبقابش تألفي من رااسك شوي ههه
توبة:مشي ههه اش كدير
محمد:والو كنرتاح باغي نعس وقلت نهضر معاك نتي لولة..توبة قطعي قطغي عندي تصال اخر 
توبة:اوووك 
قطعات معاه ودوز هو الخط لاخور وقال:الو
الساجدي:الو..صافا محمد؟؟
محمد:بخير كيوصلتو
الساجدي:(بصوت خشن)مزيان..المهم الى باقي ناوي داكشي لي فبالك دوزو لمراكش قبل مامشيو لامريكا
محمد:ان شاء الله غدا نكونو عندكم فمراكش
الساجدي:مالك على هاد الزربة
محمد:بغيت وصاافي ههه نتشاوفو غداا
الساجدي:اوك
قطع عليه ماهلاهش اكمل هضرتو كااع ضحك محمد وقال:وصلتها ليه للعظم هههه
حط تيلي ونزل لتحت عند باه ومو لقاهم فالمكتب قالبينها بوش ابووش..دخل بلا دقان وشاف مالم يكن في الحسبان وحنى راسو بزربة وقال:سمحو ليا
فؤاد:تفووو بنادم قاطع ليا رزقي

محمد:(مضور وجهو)فففف مقصدتش
وفاء:(حشمانة)مالك اولدي؟؟
ضور وجهو عندهم لقا باه كيمسح العكر من فمو وقال:عيط ليا عمي غدا غنمشيو لمراكش
فؤاد:شكون عمك فعمامك؟؟
محمد:الساجدي بابات توبة..غنمشيو غدا نهضرو معاهم على ود الخطبة
وفاء:صافي بيه فيه وكي طرا وجرا حتا وافق
محمد:هضرات معاه توبة وقنعاتو
فؤاد:بهاد السهولة؟؟
محمد:معرفتش..تانمشيو ونعرف كي دارت
وفاء:لعجب كي دار تا بغاا وهو لي مخرج عينيه وقال لا هي لا
محمد:سبحان مبدل الاحوال..ياله الاخوان براكا علينا من قلة الادب ونوضو وجدو حوايجكم باش غدا بكري نتحركو
فؤاد:قلة الادب حلال الحمد لله ولعقبة ليك تانتا حلال😉😉
محمد:تمسخت معاكم هههه
ضحك وخرج وخلاهم كيشوفو فبعضياتهم ياله غتهضر وقال:بوستك باقي مق*** بحال نهار لول(بنظرة شريرة)شنو السى؟؟
وفاء:ههههههه ونتا من نهار عرفتك ونتا مااسخ هههه خلينا فالمهم كيجاك هادشي لي غيدير محمد
فؤاد:بغيتي الصراحة انا 50% معاه والباقي لا
وفاء:علاش؟؟
فؤاد:مت جهة انا متأكد كيبغيها حيت كون مكانش كيبغيها وعرف بلي شي نهار باها غيسيق الخبار غيتفارق معاها وغيفضل ابقا سر باش ميتحرجش مع باها ومن حهة جاني صغير على هاد الخطوة هادي حيت الخطبة ماشي ضحك الى متوالموش غيتفارقو وغتبقا حساسية بيناتهم وبين حتا العائلات بجوج
وفاء:مي عاد قلتي كيبغيها يعني عمرو اتفرق عليها
فؤاد:سي مي الحب تهاد جيل هي مؤقت ماشي بحالنا حنا
وفاء:وولدك واخا ولد هاد الجيل ولكن عقلو جاي من زمانا حنا 
فؤاد:نتبعوه فرايو ونشوفو فين غيخرج
وفاء"صرااحة انا لمباركة الى تزوج بتوبة هي بعدا بحال بنتي كابرا قدامي منحتاجش نعرف كاراكتيرها وطريقة حياتها باش نتوالف معاها ربيتها انا نيت ههه
فؤاد:انفوا اتزوج بيها نعطيك عاام بالحساب لي غنبقاو معاهم موراها غنهبطو للمغرب وغنخلي ليه كلشي
وفاء:مجاكش كثرتي هلييه
فؤاد:خير باه هذااك وهو الوريث الكبير خصو اقابل رزقو ويتحك باش اترجل كثر
وفاء:قاسح اخااي فالخدمة
جرها عندو كيبوس فيها وقال:خااي هههه انا نوريك للاخ اش كيدير فختو هههه
### فالمغرب وفرياض ساجدي وبالضبط فبيتهم كانت معنقاه ملابسينش حوايجهم بعد ماتش دام لساعتين مورا الاتصال ديالو مع مجمد..كيلعب على كتافها بحب تانطقات:حبيبي علاش وافقتي؟؟
الساجدي:ماشي وافقت على كلشي وافقت هي يتعارفو قدام عينينا اما شي زواج مكاينش..
وردة:علاش؟؟مكثيقش فمحمد
الساجدي:كنثيق فيع مي مكتثيقش فعمرهم باقيين صغاار بزااف على الارتباط الرسمي..فاش كنت gدو كنت باقي تنضور فبلجيكا من ساطا لسااطا
وردة:ولكن محمد شكل اخر ماشي بحال الرجال لوخرين كيتأونgاجا مع وحدا كيبقا معاها
الساجدي:خايف توبة تجرح
وردة:شكون gليك بايجرحها وزايدون العمر ماشي شي حاجة ضرورية المهم هو يكون الحب
الساجدي:داك الحب لي شاك فيه واش كااين من جهتها هي عارفها كتبغييه ولكن هو مقال والو حدو بغا يرسم العلاقة باش تكون تحت عينينا ومنحسابوش غدرني أما معتارف بوالو
وردة:متعرف gالها ليها بينو وبينها
السااجدي"ممكن الله يدير لي فيها الخير محاملش هاد الارتباط تزفت هي داير الخاطر ليها وصافي
وردة:متكونش تاني متشائم نويها زينا متعرف هذا هو رزقها
الساجدي"ملخر انا مساخيش ببنتي
وردة:(ضحكات)ههههه اوا احنيني هي سخا راه باقي ليك جوج ان شاء الله وفلخر غتبقا معايا نتف ليك شيباتك وتنتف ليا دياولي هههه
الساجدي:عههههه زعما توخر لينا بجوج خههه ولدي لينا شي فنيكيشة ندوزو بيها الوقت بيدما نموتو هههه
وردة:مكرهتش والكن هذا جهدي هههه
الساجدي:معليش براكا ثلاثة تالبنات براكا..(شاف فيها)كنبغييك المشكودرة
وردة:تانا اكينكو

لأنك انت الفجر الذي يبزغ في كل صبااح صرت أتمنى ان تشرق الشمس كي أرسل لك رسالة صباحية أتصبح بها على وجهك المريح ..ارسل لك فيها قبلات تمنيت لو أعطيتها لكي..أعطيك بعض الأشعار التي كتبتها في حلمي عنك بينما كنتي تزورينني..
إذا نسيت يا سيدتي يوما أن أرسل لك رسالة الصباح فتلك حتما المنية التي أتتني وسرقتني منك قبل ان أكتب لك الرسالة الضباحية
حلات عينيها الخضيرين على ضوء الشمس الدافية ديال فبراير الاول من فبراير..وأخيرا دفات الشمس شوي..تعجزاات على راحتها وتفوهان..سرعان ما بتاسمات ملي تفكرات بلي غيجي اليوم باش اهضرو فيها كيف كيقولو..مدات يديها لطابل دو نوي لي حداها وهزات تيلي كي حلاتو طلع ليها ميساج منو فنمرتها حلاتو بلهفة ولقات فيه:صبااح النوور لأحلى نور فحياتي
جاوباتو:صبااح النووور 
بناسمات وهي كتسد تيلي جات تنوض باش تغسل وهو يصوني ضحكات وقالت:مالك اخا عااس علي خهه
شدات الخط وقالت:الو
محمد:معجازة مع راسك ههه مضيفت ليك ميساج مع الستة تصبااح وممجاوباني تال تسعود
توبة:ههههه اش بيندير انا فستة تصبااح نمشي نضربها بتسيقة لجامع الفنااا مثلا
محمد:ههههه تنوضي هي تشمي هوا تالله فصباح بكري 
توبة:عدويا الفياق بكري هههه
محمد:كابنين شي حوايج خصك تشوفيهم ملي يكونو النااس ناعسيم شي حوايج كيبانو هي فالغفلة بحال هاد الهوا تاع صبااح لي مافيه لا دخان لا والو حتا نفس تالبشر مافيهش
توبة:هههه ناري شحال كدقق فالحوايج هههه
محمد:هههههه سبحان الله..عاد فقتي؟؟
ناضت من بلاصتها شادا التيلي فوذنها وتفوهات:قفففف اااه غندوش باش نزل نفطر
محمد:اوا تسناينا للغدا
توبة:ههههه غتجيو للغدا
محمد:شاادين الطريق ياله خرجنا
توبة:فين وصلتو؟؟
محمد:باقي فالربااط الى كثرنا 12 نكونو تماا
توبة:ههههه حلف اوا صافي دابا نتسنااوكم
محمد:داركم فراسهم هي نتي لي مفراسك مايتعاود شابعا مع راسك نعاس
توبة:هههه بحالا ياريي مفايقا تال 12 وراه ياله 9 ونص
محمد:من بعد وتولي تقيقي بكري هههه
توبة:والله واخا تجرني من كراوعي منووض ويلي gااع متنوض نصلي الفجر 
محمد:كتعتارفي بيها بعدا هههه تانوصل عنظك ونهضرو مزياان فهاد الفياق بكري
توبة:ياكما مثيق بلي بيعطيوك ذهب😂😂😂راه مكاين هي نحااس وجاالوق هههه
محمد:هههه سبري فحالك عفااك هههههه سايg غضحكيني وندير شي كسيدة هههه
توبة:هههههه واخا..اجي كتعرف تعوم؟؟
محمد:(غلى نيتو)ااه علاش
توبة:اوا تلاح 😂😂😂😂باي
قطعات عليه كضخك خلاتو تاهو ضاحك ونااشط..حطات تيلي وحيدات كلاكيطتها وحوايجها ودخلات تحت الرشاشة طلقاتها وبدا الما كينزل عليها وهي مبتااسمة أحلى أياام حيااتها هي هادي..الما مغطي ليها شفارها وكيطيح على جسدها الرطب بسلاسة مع تفكيرها فيه الجميل:
بلسان توبة:حبيت محمد ماشي حيت زوين ولا حيت عندو الفلوس ولا حيت وسيم ولا حتى حيت مصواب وعندو الذوق وكيشري ليا حوايج زوينين لا
حبيتو حيت ملي كيفيق قبل مايقلب تيليفونو ويشوف اشنو الجديد عندو كيصيفت ليا ميساج اصبح علي فيه انا لولة..حبيتو حيت ملي كيمشي اجيب شي حاجة ليه ياكلها كيجيب ليا معاه..حيت ملي بكيت هليه وتنخصصت عليه حجز فاول طيارة وجا كيجري لعندي..حبيتو حيت ملي كنعنقو كيزير علي بحالا كيقوليا متخرجيش..حبيتو حيت ملي كيدوز خو نهار زويييين وكيجي تنgوليه افلان راه دوزت نهار خايب كيعنقني ويبوسني ويحاول بجهدو كولو باش اخلي دوك ساعات لقليلة لي بقات فنهاري دوز زوينة..حبيتو حيت ملي مكناكلش كيفكرني ..حبيتو حيت كيشوف فيا بنظرة بابا..حبيتو حيت هو محمد الكلاوي ولاغير"
كانت هادي هي طريقة حبها ليه ولي من نهار شافت ليفيديو تاع واحد رائد التنمية البشرية عن رأيو فالحب ولقان ان هضرتو مطابقا مع اش كتعيش قدرتت تعتارف داخلها انها كتبغيييه وكتبغييه بزاااف لدرجة نهارها مكيدوزش بلا بيه
والحب فالاخير أفعال وليس أقوال..مانفع ان تمجدني طوال الليل بكلمات العشق والغرام وفي الصباح أقف من دون سند وأجدك نائما من فرط السهر ليلة للامس
سدات الرشاشة وهزات فوطتها لواتها عليها زدارت فوطة على راسها ..خرجات لبسات عليها ونشفات شعرها وهزات تيلي ونزلات لتحت لقات مها وزهرة كيفطرو فطرات معاهم وقالت:ماما محمد غيوصل مع الثناش
وردة:(بابتسامة)عارفا ههه داكشي باش ممشيت فين ههه شوي وغنوض نوجدو لاغدا ليهم
توبة:(حشمات)فرحاانة بزااف
وردة:ان شاء الله يكون قرارك فمحلو
توبة:ان شاء الله..بابا فينو؟؟
وردة:مشا يقضي شي شغال وغيرجع ههعه ونتي نوضي وجدي راسد
توبة:اش بنوجد؟؟
وردة:تحمحمي وتعطري ولبسي شي حاجة ومااكي.
توبة:ويلي مالي غاديا للعرس راه هي دار عمي لي جاايين لاش بنتgاد وهوما شايفيني ههه
وردة:الى طفرتيه بولي على راسي هههههه
زهرة:شكون بيجي؟؟
وردة:الكلاوي هههع وبيجيو اخطبو توبة
زهرة:شكون توبة؟؟
توبة:حضرت جنابي محسوبتك انا هههههه
توبة:ممممم مزيان وفخبار بابام فتركيا
تزبة:(ناضت)شوفي عجوزتك منك ليها انا عقلي بطيرو لياا خههههه

وقفو ثلاثة تالسيارات قدام رياض الساجدي..لولا نزل منها الكلاوي ومرتو وبنتو سليمة وأشرف والثانية نزل منها محمد ولدو أما الثالثة كانو الحراس تاع فؤاد لي مكيفارقوهش..تجمعو كلهم فبلاصى وحداودقو وبعد لحظات حلات رشيدة مكضرة وقالت:نهار كببييير هذا اهلا اهلان 
سلمو عليها كاملين وهي تترحب بيهم حيت منهار دار محمدالرياض وهي معاهم مربيا البنات وعايشا معاهم وكتعرف عاىلة الكلاوي مزياان..دخلو لداخل وخرجات عندهم وردة لي سمعات صوتهم وبدات كتعنق فيهم وترحب بيعم:زارتنا البركة هههه(عنقات وفاء)ياختي هي لبارح تفارقت معاك وتوحشتك
وفاء:ياكما كتوحمي😂😂😂
وردة:تا شاب عاد دارو ليه حجااب هههه زيدو دخلو
فؤاد:فيناهو كينكو ديالك أوردة؟؟
وردة:كينكو ديالي مشا اقضي شي شغال دروك اتم جااي
فؤاد:اييه مزيان
محمد:وفين ديك الحلوة ديالك أخالتي هههه
ضربو باه بمرفقو بخفة لكرشو وقال:جيل قمش مايحشم مايرمش
محمد:ههههه اححح شرفتي وباقي دقتك ناضيا
وردة:هههههههه اينا حلوة فيهم اوليدب هههه والدا ثلاثة تشكاال ايناهي فيهم 
محمد:ديك الفقاصة اخالتي هههه لي عامرة زبيب وحلوة ولايني هي تحطها ففمك تهرس ليك سنانك خهههه
سليمة:ستغفر الله عليها كلمة😂😂😂اللهم ان ها منكر(كتعيط بجهد)توووبة واااتووووباااا توووبا أنزلي الفقاصة نزلي راه الحلاوي جا
وفاء:مكاينش لي مشوهني قد ولادي والله..كيكبرو وازيدو فالادوز تالحمااق
أشرف:الحاجة لي متشبه مولاها حراام
عطاه فؤاد للراس:كتمعني على بااك هههه
وفاء سبقاتهم للصالة:ناري نتوما شوهة الحمد لله هي دار الساجدي هادي أما كون خشيت راسي فشي حيط(مشات سلمات على زهىة)خالتي لباس عليك
زهرة:شنوو شنوو؟؟خالتك؟؟تخواي من جناابك كي طنبان ليك تاكتقولي ليا خالتي هاا
وفاء:😳😳😳
وردة:ههههه صافي هي جلسي متديش عليها
حلسو كاملين وجات رشيدة جايبا الصينية تأتاي والحلاوي معاه حطانهم كترحب بيهم وتعاود..كل واحد خدا كااسو وواحد مولاي محمد راسو كيضور كيقلب عليها..هز تياي صيفت ليها ميساج فيه:نزلي لتحت 
كانت فبيتها كتفرج فحلقو ديال اللغة تاني وصلها ميساجو خرجات من يوتوب بزربة شافتو وناضت كتجري لبسات كلاكيطها وخرجات من البيت كتزرب وتدردك فالدروج ولات عندهم كتنهج وقالت:فففف جيتو(كتفرنس)
سليمة:ههههه جابونا
وقف محمد ومشا لعندها شد يديها وجرها عندو سلم عليها من لوجه وقال:على سلامة فين كنتي؟؟
توبة:(بابتسامو حنونة)كنت فلبيت كنقراا
محمد:(بصوت منخافض)توحشتك
سليمة:(من لور)تا كلق البنت اهياا هههه
وردة:تعلمتي المراكشية هههههه
طلقات من يدو ودازت كتسلم عليهم كاملين وجلسات وسطهم وهو فاص ليها كيشوف فيها مبتاسم 
فؤاد:شت محمد تعطل؟؟نعيط ليه؟؟
وىدة:معرت مالو زعما درت معاه الثناش
وفاء:اقدر نسا راسو فالخدمة
وردة:انا نعيط ليه ههه
خرجات تعيط ليه مخلياهم مضورينها حمحمات سليمة وقالت:مرت خويا صافا؟؟
توبة:(خرجات فيها عييها)تخواي منضروسك ان شاء الله
سلينة:هههههه مال نيتك عووجة ههههه ومالها ياك جايين نخطبووك
وفاء:هههه بعدي ليا من عروسة ولدي(عنقاتها)
توبة حشمات واخا مولفا معاهم التقزدير ومبقاتش هضرات عاد نظرات محمد ليها لي كان تاهو محرج مكيحملش الانظار اكونو عليه..
توبة:(بمزح)اوا تانقبل بعداا هههه
محمد:ههههه هي جايبانا على لخوا الخااوي ههه
توبة:منعرف ههه(رضات شعرها لور)تا نشوف واش موالمني ولا لا
فؤاد:يابنتي واش هادشي فيه موالمني هههه نتوما تافقتو تا على الخاتم عاد جايين تسولونا حنا😂😂
وفاء:انا صافي كنززت غليك هههه نتي هي مرات ولدي بووحدك هههه من صغرك تنقولها ليك تنقول ولدي غيتزوج بوحدا نن بنات وردى
توبة:شوفو ليه توبة اه تاهي معقدة وعندها مع الكتب وداكشي غتعجبو هههه
محمد:لامووغ هو الاختلاف الى بحالي بحالها هي نبقا بوحدي باغي شي وحدا مصعوورة وتخنزيرتها تهز الجباال
فؤاد:باختصار بنت سبعة رجاال هههههه
سليمة:بنت الساجدي هههه
الساجدي:(واقغ عند الباب مع وردة)حم حم شكون ذكرني
شافو كانلين فباب الصالة وقالت سليمة:انا أعموو هههه
ناضت سلمات عليه وتا فؤاد ووفاء واشؤف جا تال محمد ومد ليه يديه ببرود وقال:على سلامتك
محمد:الله يسلمك..ضحك اصاحبي ونتى داير بحالا كتسالني الفلوس هههه
الساجدي:هي خلي الخساب على لخر ناشي درووك..جلسو
رجعو كااملين جلسو وتحط الغدا منوع ومشكل يلا اكليل ونعمة لي فالمدرسة ومخارجين تال ثلاثة
وفاء:الله كنضور تاكنضور وماكلة خالتي رشيدة ماليهاش مثيل
وردة:بصحتك احبيبتي
كملو ماكلنهم عادي وكيضحكو الا الساجدي لي مطمر وسااكت معاجبزش الحال تا تهز الطبسيل وتجمعو تاني..حط فؤاد رجل على رجا وقال؛محمد راك عارف لاش جينا أصاحبي
الساجدي:سي عرفت..وبغيت نهضر مع محمد (شاف فيه)بوحدنا
محمد:اهاه علاش لا
وقف الساجدي ووقف معاه محمد وخرجو من الصالة بوحدهم تحت انظار الكل لي خايفة من محادثثهم
اشرف:سويرتي وش ارجع ههه
سليمة:هيييه فؤاد نوض لحق ولدك
فؤاد:(رخا يديه)بيناتهم ياك هو لي بغا الخطبة اوا منو ليه..وراه رااجل هارفو قدها وقدود كي كيقولو خوتنا المصريين ههه

دخلو للصالة لي حداهم وجلس الساجدي فوق الفوتوي حط رحل على رجل وكذلك نفس الشيء لمحمد..عم صمت لتواني قليلة قبل مايجبد الساجدي كارو شعلو وقال:غنسولك وغتجاوبني بصرااحة
محمد:(بهدوء)قين عمري كذبت عليك
الساجدي:علاش بضبط توبة؟؟علاش لي ماشي سوزان ولا غيرها من البنات
محمد:وعلاش لي وردة علاش ماشي نيسليهان
للساجدي:واش دابا وقت الملاغة أمحمد جاوبني
محمد:حيت توبة عي توبة ..مكنهتاروش لي نرتاحو معاه ولا لي نحبوه ولا لي نبغيوه..القلب لي كيختار والخاطر لمن رتااح
الساحدي:كتبغيها؟؟
محمد:بيني وبينها هادشي..شوف أعمي انا شخص عزيز علي حياتي الشخصية تبقا سوكخي باش ابقا عندها واحد الرونق والجمالية اما نبقا فاضح راسي براسب لا..كون كنت باغي نضحك على توبة منجيش ونصارحك ونخرج فيك عيني ونgوليك اسيدي راني باغي نخطبها
الساجدي:(كيتكيف)مور الخطبة كاين زواج واش قاد عليه
محمد:الخطوبة أعمي فترة حللها الشرع باش واحد الجوج اتعارفو واتوالمو عاد ادوزو للحلال الكبير لي هو الزواج..وحنا راه تعارفنا وراه كابرين مع بعضياتنا هي بغينا نزيدو نتعارفو
الساجدي:والى متافقتوش؟؟غتفارقو وتفرتكوها وابقا الجو مرون بيناتكم وبين لعائلات بجوج
محمد:مغنتفارقووش..حيت لي وصلو النااس وصلنااه
الساجدي:فين وصلتو؟؟
كحمد:هي برد مايمشيش بالك بعيد أنا اخر واحد افكر اجرح توبة
الساجدي:وياك نتا اخر مرة هضرنا معاك فيها على الزواج قلتي لا باقي الحال ومكتفكرش فيه
محمد:انا انسان فلخر وأرائي كتبدل من وقت لوقت..نعطيك مثال نتا فاش كنتي جوون كنتي كاصاحب وتهضر وتدوز وقيتا زويينا وكان كيجيك داكشي عاادي ولاكن فاش كبىتي وولدتي وعرفتي بحق البنات وليتي رافض لدرجة بنتك لقيتيها هي تتعرف واحد معمرو حط علبها يديه وعطيتيها لي عمرها كلاتو ف 18 لعام من عمرها
الساجدي:(بسخرية)نتا بلاصتي كنتي غتصفق ليها؟؟
محمد:انا بلاصتك غنشد بنتي عندي ونسولها واش قرب ليها وي أو نو..واش كتبغيه والى كانت شي حاجة كغاف ديك ساعا هضرة خراا
الساحدي:كتهضر من فراغ معارفش اش حسيت
محمد:هاني كنكبر فالعمر وغنولد البنات وغنشوف هادشي علاش كتهضر
الساجدي:سمعني أ محمد توبة أول فرحة وأول بابا قالتها هي..أول ضحكة هب من عندمن سمعتها..خلاتها مها وهي باقي لحم ولاحتها ودازت وكبرتها وربيتها مع وردة وعطيتها كلشي كون تطلب عينيا نعطيهم ليها معمري عزيت فيها شي حاجة ولا غنعزها فيها..وملي جات عندي وهضرات معايا شفت فيها نفس النظرة ديال وردة نهار قالت كنبغييك..بنتي أ محمد كتبغيييك وبزاااف كااع حيت وقفتي معاها وكنتي معاها راجل وأنا مناكرش اش درتي على قبلها ولكن(نفخ من الكارو مزيان وخرجو)قسما بالله وتوصلني شي نهار بنتي ولا فكعانة منك بالله لي حسن مني ومنك غنوريك وجه الساجدي لي عمرك شتييه
محمد:(بهدوء مبتاسم)مينكنش شي نهار متقاقش مني وميمكنش شي نهار ماتفكعش مني ولاكن حيت خنا بجوج باغي نحلو أمورنا بجوج حيت تاواحد فهاد الدنيا مبارد كلشي كيتعصب وكلشي عندو ساعة غضب..والى هضرنا على تقليقة راه غنجبد الواليد لي ديما كيقلق الواليدة وتفكع وتمشي تبكي ويجي يطلب ويرغب ونتا نيت لي مامرا ما زوج قلقتي مراتك وتفكعات وحزرتيها كاينا ولا لا؟؟
الساجدي:سي كاينا ولاكن...
قاطعو:ولاكن بنتك ماخصهاش تقلق وانا كنواعدك وكنعطيك وعد الرجاال بلي عمرني مغنجرحها عند قصد ولا نقلقها وانا قاصد معادا الى زلقات ليا شي حاجة بلا علمي والانسان ممعصومش من الخطأ
الساجدي:امتا الخطبة؟؟
وقف محمد مبتاسم وقرب عندو حيد ليه الكارو ولاخر هي كيشوف:راه زعما صافي هضرنا بقا هي نلبسو الخواتم ههه
طفا الكارو وداز خارح وقال:نقص شويا من الكارو ونتا تا كبرتي تاد بيتي تبدا داوي عليه ههههه أنسيبي
خرج مخليه حال فمو وقال:البرهوش كبرولا ينصح فيا
خرج محمد فرحان ومبتااسم وأخيرا وافقو وبلا عند ياله غيدهل للبيت صونا تيلي ديالو جيدو شاف المتصل وبتاسم عاد جاوب وقال:الو..صافا..موياان بخير ونتا..انا فمرااكش ..سي نزلت لامغرب على حساب عرس ختي..ممم واخا انا نطلع عندك اوك انا نطلغ ياله بسلامة
قطع الخط مبتااسم ودخل عندهم وقال:وأخييرااا قبل بلا صدااع

فؤاد:نزغرت ليك هههههه
وفاء:(وقفات فرحانة)الحمد لله ههه
فرحو كاملين ووقفو كيسلمو عليهم واباركو ليهم وهوما كيتلقاو التهاني برحابة الصدر...وصلات توبة لي هي مبتاسمة والفرحة باينا هلى ملامحها وقفات حداه ومد ليها يديه شداتها وهو يجرها باسها فحنكها وقال:مبرووك
توبة:هههه علينا بجوج
دخل الساجدي وهي تجر يديها بخوف ولات كتنوا منو وكيتسحابها معرت شنو غيشوف ولا شنو غيفهم..قرب عندهم وقال بابتسامة؛مبرووك عليكم ولاكن 
فؤاد:ننا وليتي كتخلعني هههه اش ولكن
الساجدي:غتخطبوها هي بالفم ولا شنوو..والله اسيدي ومدخلتي هاز قوالب سكر من داك لباب ومقاد الحالة وتجي وتgولليا انا طالب يد لالة توبة لتسمات خطوبة
ضحكو كانلين وقال فؤاد:زيرتيني هااا..جاتك اسيدي نجيو نخطيو ونرغبو فيد لالة توبة
وفاء:وايلي الى هي هاكا على الراس والعين نجي بدقايقية
وردة:(بحماس)داخلنا عليك بالله ديريها هههه
شاف فيها ااساجدي مبتاسم وقال:خصك هي معامن تطقطقي هههن
وردة:ايييه هههه
وفاء؛واخا اسيدي عطيني ربع ياام بالخسااب ونجيو نخطبو لالة توبة (جراتها عنقاتها)هلاه مالها رخيصة عندي
توبة:(حشمانة)هههههه
محمد:نخليكم انا دابا غنمشي نشوف واحد صاحبي ونجي
سليمة:ديني معاك ههه نشوفو هاد صاحبك متعرف تانا ننزاح على قلبكم شوي ههه بابا راه تيgولو خطب لبنتك متخطب لولدك
فؤاد:نههههه محال اقبل عليك شي واحد ابنتي ههه
أشرف:غنتزوج انا ونتي تبقاي مقابلة الشطيح والرديح
سليمة:(بجgات فيه)سميتو لا دوونس بففف نحلف عليك كابر فشي زريبة ماشي أمريكا
محمد:ههههه الله يستر ياله نخليكم انا(شاف فتوبة لي كترجاه بعينيها ابقا)توبة أجي معايا
خرجات فيه هينيها مقدراتش تهضر كيفاش طلب منها هاكا قدامهم وقدام باها لي ولات كتموت منو وكتخافو افهمها غلط..سرطات ريقها ياله غتجاوبو بالنفي كان شد يدها وجرها من وسطهم وقال:دابا ترجع
خرجو من البيت شاد يدياتها بين يديه وهي موراه حشماانة..وصلو جبهة الباب وهو يوقف ووقفها قدامو وقال بابتسامة:مال حناكك حمريين؟؟
توبة:سخن الحال ههه
قرب منها شد وجهها بيد واليد لخرا طالقها وقال وهو مركز فعينيها:أول مرة نشوفك حشماانة..توبة جديدة فحالة جديدة هههه تستاهلي عليها شي قصيدة ههه
توبة:النااس تيgولو تستاهلي عليها شي مضمة ولا شي سرتلة ونتا قصيدة هنههه
محمد:(ضحك)واخا الالة عويشاا مولات الواد خهههه انا فاش ونتي فااش
توبة:(ضرباتو لصدرو)هي تنضحك معاك هههه(بفرحة)فررحتت بزاااف بزاااف
محمد:انا كثر(قرب طبع قبلة بين عينيها)ان شاءالله يكون قرارنا صحيح ونكملو بجوج حيت فغيمون باغي نكملو
توبة:(شدات فكم تريكو تاع اليد لي طالقها وحانيا راسها)هههه تانا
محمد:(بتاسم تا بانت غمازتو)ومالكي تتgوليها وحانيا رااسك هههه لا لا بزااف علي هاكا فينها توبتي لي مكتحشمش كنهضر معاها وكتخرج عينيها فياا
ضحكات بخفة وقالت:واحراام بنادم احشم معاكم خههه خليني نحس بلي عرووسة
مجمد:ههههه جا معاك تكوني كتحشمي وكتسمعي لهضرة أحبيبة
توبة:(بابتسامة انتصار)ولاكن متولفهاش حيت غنرجع دغيا لشاطا ماطا😂😂😂😂
محمد:فواالا خههه هانتي رجعتي كي كنتي ههه
توبة:ههههه الله يخلينا فصباغتنا..فين غادي دابا؟؟
محمد:عقلتي على صاحبي لي كنا مشينا عندو شحال هذا فاوريكا
توبة:اه مالو
محمد:جاو شي صحاب ديالنا قدام من برا ودارو تلاقاو تما وتصادفو معايا انا فالمغرب وغنمشي نشوفهم
توبة:ديني معاك 
محمد:لا احبيبة كلهم رجاال وعاد كبار غتقنطي 
توبة:ممم واخا صاافي ههه ياله سير وكي توصل صيفت ليا ميساج
محمد:واخا ههه
بقا كيشوف فيها مساخيش اطلقها وعينيه فزجهها المدور البيض وفعينيها الخضرين وكذلك فالخالة لي فوق فمها وعاطياها رونق خااص بيها هي..زعم وقرب عندها تحت نظراتها لي كتيرو كولو..طبع قبلة على خدها وقال بهمس فوذنيها:كتحمقيني
ضحكات بشوي وقالت:هههه بصح
محمد:والله
طلع راسو تاني وهز ليها راسها بصبعو وطبع قبلات متفرقة على جبهتها نيفها وكذلك جنب فمها وقال:هزي رااسك كثر
شافت فيه بعينيها ومجاتش فين تكمل الشوفة ديالو حتا طاح على فمها ببوسة عميييقة وسخوونة لدرجة ظغط على شفايفها مزياان وقكع فيها النفس..مع هو كويل عليها كيحني راسو بجنب عندها وهي مقادراش تتعلا وعاد خنقها..كيببوس بحنية وشوق كانو عمرو بااسها وفنفس الوقت دا ليها نفسها تا بعداتو بشوي وقالت كتكحب:كح كح تخنقت
بتاسم ودور يدو على خصرها وقال:مشبعتش منك هي بوسة واش كدير فينا واعسااك حوايج خرين
توبة:ههههه بااسل سير الى غادي لاوريكا
طلق منها وخطف بوسة من شفايفها وقال:الكريم أخوتي لاكريم هههه
خل لباب وقفات ليه تا مشا ركب شير ليها ومشاا مخلي قلبها كبشطح بالفرحة وباغي انقز..فرحها ودخل السرور على قلبها معرفاتش كيفاش تعبر على فرحتها..مكرهاتش تغوت وتقول"كنبغيييبك بزااف..عطاها وعد بسيط ووفا بيه ليها..فالأخير دخلات وسدات الباب مبتاسمة ورحعات نضامات ليهم فأحاديثهم على الخطبة وما جاورها
أما محمد شد طريق لوريكا نااشط وطالق موسيقى هادية وكيصفر معاها تا وصل للوريكا بعد مدة لاباس بيها تاع الطريق
يتبع❤❤

كايتنشرو القصص والأجزاء كل يوم مع التاسعة ليلا بتوقيت المغرب