خرجات ريم بعضيماتها صحاح و خلات شغف كاتفتل و تغزل واش تقولها لرائد و لا لا خصوصا ان هضرتو كان فيها تهديد لرائد و ليها.. شافت تا عيات و اتصلات بالمحلات ديال ريماس على ود ريما حاولات تناسااا واقعة اليوم و كملات خدمتها ....
فهاد الوقت رائد كان فالكافي حتى جاه اتصال ...من صديقو و خبرو يجي عندو ..
...."ضربو لكتفو" افين افريرو ..!!
رائد .. اهلا العشير ..
...... صافا!! كولشي مزيان !!
رائد ...''طفا الكارو " بيخير .. كين شي؟؟
...... كين كين .. مصطفى شرف .. البرهوش المدلل ديال جدو خرج من القراية كي شد الباك حيت كاان كسوول و كيطلع غير برضاة الواليدين و باك صاحبي وحيد مو وباه لي توفا و بقات معاه مو كاترعى جدو حيت تا هو ماعندوش الولاد من غير باه .. فاش شافو متمطفرهاش فالقراية و عاطيها للبنات و الدوران زيدو للخدنة .. و من تما و هو داخل خارج فصفقات مكين غا الله يعطيك صحيحتك دهل مع ناس موسخين و ولا داخل فتبييض الأموال و شلا بلانات كبر الشركات ديال جدو و شهرو مزيااان و هادشي لي خلا جدو يرضى عليه و يكتب ليه كاع ميملكو تل هو عارف كيف ياكل خبيزتو تبلحس تا تمكن من جدو .. اما بالنسبة لعلاقاتو مع البنات حذث ولا حرج كي المنشار طالع واكل نازل واكل .. البنت لي شافها بغاها . مكيهموش السن ولا المكانة الاجتماعية لي كيهمو هو الحلوة و كيف سيأكلها مكيفوتش ليلة مع الدرية و لي ماتشداتلوش يشدها بزز بأي بلان كان .. ممكن ابتزاز بصور و لا فيديوهات .. ممكن اغتصاب .. و كيستعمل تا ديك القضية ديال يتمسكن تا يتمكن .. شحال من وحدة رفعات عليه دعوة .. لكن مكايخلي تا دلليل يتشد بيه ماعمر شي تهمدة تثبثات عليه .. لا و العكس البنت هي لي كاتشد بتهمة البلاغ الكاذب .. ملام على شلة تالمجرمين ضايريز بيه دايرهم كارد كورات و هوما صحابو .. ممكن يديرو اي حاجة على ودو حيت هو لي معيش عائلاتهم بيخير .. ديك القضية ديال التبرعات و الأعمال الخيرية لي كيدير و يجيب التيفي يصوروه زعمة رازي كاندير الخير شوفوني هاديك قضية مامنهاش حيت كيدير داكشي غير باش يقول لناس راني مزيان .. احم .. اخر احة عرفتها هي .."كيحك راسو" انو خاطب بنت عمك ..قول لها تحضي ..هادشي لي قلت ليك كلو مصور فهاد السيدي صديقو المقرب صاحبي .. ماشي شي صحبة ولكن كانسكرو فبار واحد .. شديتو درت ليه لونكيط و هو كاااو ضروكيتو مزيان
رائد .."زير على سنانو" واخة .. "خذا السيدي و مد ليه الشيك'' صافي ولا ؟؟
......."خرجو عينيه" صاافي و زياادة يحفضاااك الخوادري ..
رائد .."هز تيليفونو و السوارت. " بالصحة
غمزو و زاد كسيرا بالاوطو ديالو ماضيعش الوقت ديريكت لعند تاج الدين دخل للبيرو بلا اذن خلا الكاتبة تابعاه غير شافو تاج الدين و هو يشير ليها بيديه باش تمشي ....
تاج الدين ..ياك لباس اش واقع؟؟
رائد ..ارا ليا البيسي ديالك !!
تاج الدين .."طلع فيه حاجبو'' لاش بغيتيه ..!!
رائد .."رما لي السيدي" خدم هذا !!
تاج الدين .. شي فيلم هذا !! هههه اودي طار ليك الفريخ ..
خذا منو السيدي و خدمو بدا يتفرج عليه بكل تركيز لا هو رائد .. تاج الدين تصدم بالمعقول حيت هادشي مخالف تماما على المعلومات لي جاوه فاش سول على مصطفى ..طبعا كان لعب فيهم و وصل ليه غير ليبغااما ماخفي كااان أعظم ...
تاج الدين .. ويلي هادشي ميمكنش انا سولت عليه ..!
رائد .. "ابتسم بالجنب " ..اوا سولتي عليه هاهي حقيقتو و هاهو وجهو .. داكشي لي وصلو لك كلو زيرو هذا عشيرو .. سكرناه مزيان و فرفر لنا بالقديم و الجديد ..
تاج الدين .. ميمكنش ..!!
رائد ..تيقتي تبارك الله متيقتيش .. شغلك هذاك .. انا لي عليا درتو .. و شووف لمن كنتي غاترمي بنتك ..😒..
قطع معاها و ما هي الا خمس دقائق التحقات بيه .. و مع الدخلة تصدمات برائد بارك عندو شداتها القفقافة ..
شغف .. بغيتي شي حاجة ابابا؟؟
تاج الدين .. اجي جلسي ..!!
شغف .." .. جلسات قدام رائد كاتشوف فيه بنص عين.. لي كان دير يديه على ركابيه و كيشوف التحت ماطلعلهاش راسو" وي بابا. .
تاج الدين .. بغيت دوسي ديال داك مصطفى شرف ميبقاش فالشركة ديالنا و لا حتى فحياتك !! مفهوم!؟
شغف .. علاش؟؟
رايد .."وقف " العميم .. انا غادي .. "😉"
تاج الدين برك شرب قهيوة !!
رائد .. عندي مانقضي .. نتشاوفو من بعد ..
تاج الدين ..واخة .. "خرج رائد بقات شغف متبعة ليه العين كيفاش متجاهلها و ماباغي حتى يشووف فيها ..بقا فيها الحال لأعمق الحدود و كبتاتها فقلبها .. شافها تاج الدين سعات جهة الباب و هو يضرب على البيرو بصباعو" .. نتي معاياا!!
شغف .. اه معاك ..قلت ليك علاش هادشي كامل ..
تاج الدين .. اولا خدمتو موسخة .. تانيا ماشي كفئ انو يكون زوج ..
شغف .."ابتسمات بالجنب " .. اصلا رميت دوسيه الصباح و قطعت بيه علاقتي ..
تاج الدين.. وعلاش؟؟
شغف .. هكذاك ..
تاج الدين .."طلع فيها .." غا هكاك بدون سبب لله فسبيل الله ميمكنش ..!!
خرجات شغف من عند تاج الدين كاتقلب بعينيها على رائد و والو مالقاتوش مشاات لمكتبها كملات خدمتها هكذا داز اسبوع عااادي ممل مافيه تا حركة ولا جديد كل نهار الخدمة من بعد الدار حتى رائد عمرها شافتو من ااخر مرة اما مصطفى تا هو ماتلاش ضار بيها من نهار وصلو الدوسي ديالو.. و كيف كل ليلة كانت متكية ففراشها و كاتشوف فالسقف .. كاتفكر لقطاات دازو لها مع رائد .. قبل عشر سنين غمراهقتهم .. و حتى بغا يمشي تفكرات ااخر عيد ميلاد يحضر ليه معاها .. و السنسلة لي عطاها .. كانت عزيزة عليها و محافضة عليها فحال عينيها ..ندمات راسها على دلك الغبااء لي شد فيها نهار رماتها .. كانت عوالة تبدا حياة جديدة و علاقة جديدة .. علاقة مع واخد ميستهلهاش .. كان يصحابلها ساهل تنساه .. كيف غاتنساا لي فتحات عينيها علاه .. ولد عمها .. خوها حبيبها و صاحبها .. كولشي بالنسبة ليها.. كانت عاطياه مكانة ماوصل لها تا واخد .. لكن فغمضة عين مابقات تنفع لا محبة و لا معزة .. غمضات عينيها غاالبها النعاااس .. يالله بدات تسرح عجول الآخرة تا سمعات صوت شي حاجة تهرسات ..فتحات عينيها كاترمش بصعووبة و ثقالة ..كاتحاول تستوعب منين جاها داك الصوت ..و عقلها موضر بين الفياق و النعاس .. لكن هاد المرة يمعات مزياان صوت راجل كهمس ألفاض بديئة .. نقزات مخلوعة ماتسناتش تشوف شنو ذكشي طلقات صفارة الإنذار بواحد الغوتة يسمعها الصمك
لكن هاد المرة يمعات مزياان صوت راجل كهمس ألفاض بديئة .. نقزات مخلوعة ماتسناتش تشوف شنو ذكشي طلقات صفارة الإنذار بواحد الغوتة يسمعها الصمك ..سرعو فاتجاهها كانو زوج رجال ملثمين واحد منهمكيحاول يشدها..
......شدها شد زمر غاااتفصحنااا ..
.....وا كاليها من الهيه اصاحبي ..
نقزات من فوق الفراش باغية تهرب و هو يجي كيجري من جهتها يشدها و هي تنقز للجهة التانية لاخر مشا لجهة الباب باش ماتقدرش تخرج ... لاخر نقزلت ليه فوق النموسية و هو يطيح عليها جا ينوض و هو يتلوا ليه الفراش على رجليه بقى كيلعن و يسخط بألفاض بديئة ..بعد الغطااء على رجليه و عاود تبعها و هي كاتغوت و لسوء حضها تا حد ما قدر يسمعها ..
نقزات ليه من تحت يديه مع قصيورة و هو فيدور و وقفات فوق الكنابي ماحسات غير بالثاني كيحاوطها بيديه من خصرها و حاكمها مزيااان ..ولكن ضرباتو لكرشو بدراعها جات تهرب صدقات منقزة على لاخرجابتو تكب فوق الطبلو ديال زاج هرسها بضهرو عطاتو دقة لكرو و هربات لجهة البالكون ..جات تحلو و تطلق اكبر صرخة بالحق واحد منهم كان اسرع منها جرها من رقبتها دفعها للأرض و رمى كاع ثقلو عليها تا بجغها من كثرة ما كانت كاتنقز فالبيت هربانة منهم نفسها تقطعات و هذا كمل عابها تا هو بثقلو لي بجغها نيييت حتى منع الهواا يدخل و يخرج لرأتيها .. حط يدو على فنها و دااار ابتساامة مستفزة على فمو
..... اشنو دابااا ..اش ندييير فيك داباا!؟
ماقداتش تجاوبو ولا تحرك كادور غير فعينيها يمين و شمال و الدموع سااايحييين من عينيها لسووووء حضها كاع البيبان و السرااجم عازليين للصوت تا حد فالدار ماسمعها ولا عارف اش كيطرا لبنتهم ..
...... كان عندو الصح صطووف فاش قال عليك نمرة .. نمرة و اشمن نمرة .. "دوز صبعو على وجهاا بادلاتو بنظرات تقزز ا" ..ههههههههه ..كاتخبشي الغزالة
جا الثاني قرب ليهم كينين و شاد ضهرو كيعرج فالمشية ..
.........بنت الق*** هرساتني .. بنت هادي ولا شنو ..؛!! "سمع التخرشيش" شوووت .. سد لخرا فمها .. شي حد جاي يمكن .. يالله قبل مايعيقو... غايكونو سمعو غواتها !!
"الثاني" ..."كيشوف في عينين شغف لي كانو سايلييين بالدمووع" تت .. خصاااارة كنت ناوي ندوز معاك هاد الليلة ..😉.. ماكتابتش .. مرة اخرى ..
الاول ..وا ضرب الخرا خلينا نزيدو اصااحبي ..!!
الثاني .. خصااارة هاد الوجيه اتضرب ..اجي نضربوها على طريقتنا حتا😉 حرام فيها الضرب اعشيري ..
وسااعو عينيها بخووف و هي كاتشووف فيعنين داك لي ضاااغط عليها و البريييق لي كان فيهم .. و ريووگو سايليين كيف الكلب الجيعان .. بدات ترفس برجلبها و ضرب فيه و تجنن فينما جاتها الدقة تا جابتها ليه فالمعلم نقطة ضعفو من الحر طرشها تا عواج لها الحنك خلا الطبة حمرة مايرة للزروقة فوجها ...
الأول .. صاافي باراكا عليها .يالله زيد اصااحبي .."قفز فاش سمع صوت قرب بزاف و دق على باب البيت" شد فصاحبو لي كيتوجع كثر منو .." نوووض ..
اتجهو بزوووزهم كيعرجو فتحو باب البالكون و خرجو منو نزلو عبر المواسير .. و هربو .. فهاد الأثناء كانت شغف من الصدمة فحال لا شادها بوغطاط .. سمعات باها كيعيط عليها و والو .. ماقداتش تجاوبو...
تاج الدين .. "كيدق على الباب تا تعصب" شغف .. بنتي فتحي .. واش كاتبدلي؟؟ .. شغف واش نتي فالدوش !!
ريماس .."جاات عندو " ..ياك لباس مالك كاتغوت !!
تاج الدين .. شغف ماكاتحلش الباب ..
ريماس .. غاتكونوغا فالدوش .. كون كانت فالداش كون دوات .. ماشي اول مرة هادي نجي عندها و هي فالدوش ..
ريماس .."تخلعات" شغف .. بنتي فتحي هاد الباب .. فتحيي..
تاج الدين .. حيدي غانهرس الباب ..
تصوخرات للور و هو كذلك رجع تال للور و جا مجهد و دفع الباب تا ردخو للجهة الثانية .. مع الدخلة شاف شغف ملواحة وقف بحال لا سرفقتيه ماقدرش يتحرك اما رماس غير شافتو مصدوم دخلات كاتجري عندها طاخت على ركابيها و عزات ليها راسها كي شافت وجها و اليد المطبوعة عليه غوتات تا وصل عليها تاج الدين ..
ريماس .. اويلي بنتي اتااااج الدين .. بنتي .. هءههءهء .. شغف بنتي شكون دار فيك عاد الحالة شغف ..
تاج الدين .. "تحنا عندها عينيه بداو كيحمارو اول مرة يشوف بنتو فديك الحالة و اول مرة يبان الضعف على وجهو تحناهزها و خذاها لفوق النموسية ..كينوض فيعا و يطرشعلى وجهها بشوية. " بنتي ..شغف ...
شغف .."بدات كاتحل عينيها بثقااالة .." امممم..
ريماس .."كاتبووس فيدها و دموعها سااايلين .." بنتي حبيبتي مالك اش طرا ليك ..
شغف .. "مانطقاتش غير كاتنين و تشوف جهة البالكون..."
تاج الدين غير شاف عينيها فين مشاو .. بان ليه البالكون مترع و هو يقفز كيطل فيه والو مابان ليه تا واحد و هو يرجع عندها كيقيس ليها فراسها
تاج الدين ..شي واحد تهجم عليييك !!
مجاوبلتوش كانت فحال لا مخبوطة على راسها عينيها فاتحاهم على وسعهم و مكاترمشش لدرجة ريماس فاش لاحضاتها كانت غاتسخف بالخلعة علبها و اليد باينة مطبووعة على حنكها خلات تاج الدين دمو يفووور
تاج الدين.... " هزها و تم خارج"غانديها للكلينيك ..
حطات فولارها على راسها و تبعاتو كاتجر رجليها غا بالزز السخفة شاداها من راسها لساسها ماوصلو لداك الكلينيك تا كان تاج الدين غايرميها من الاوطو بكثرة ما صدعاتو بالبكااء ..
كي وصلو جاو كيجريو خادوها من عندو دخلو بيها ...خدا ريماس جلسها ووهداها شوية... و خذا تيليفونو اتصل برائد و خبرو...
حطات فولارها على رايها و تبعاتو كاتجر رجليها غا بالزز السخفة شاداها من راسها لساسها ماوصلو لداك الكلينيك تا كان تاج الدين غايرميها من الاوطو بكثرة ما صدعاتو بالبكااء ..
كي وصلو جاو كيجريو خادوها من عندو دخلو بيها ...خدا ريماس جلسها ووهداها شوية... و خذا تيليفونو اتصل برائد و خبرو...
----------. ------++++-------.
كان جالس فمحتبو حتى خبراتو السكرتيرة بلي صحابو باغيين يسوفوه .. سمح ليهم بالدخول حيتطبعاكان كيتسناهم يوصلو و يعطيوه الخبار ..
مصطفي .. علاه تعطلتو؟؟
الشخص ١..... وا يا حاي واااحد فليفلة ماتفكينا غا بزز علاين يشدونا ..!
مصطفى .. ''كيطلع و ينزل فيهم "الله الله ..! شكون دار فيكم عاد الحالة !؟
الشخص ١..."كيحمدك راسو" غير .. غير طحنا من البلكون ..
مصطفى ... ههههههههههه هي لي دارت فيكن هاد الحالة ..ماشاء الله !!
الشخص٢... هاديك ماشي بنت ديرة كي الزواق !!...
مصطفى .."خاشي يدو فجيبو " شافكم شي حد؟؟
الشخص٢ ..تا هي مشافتناش..تلثمنا..
مصطفى .. مزيااان ... هادي قرصة اذن .. مزال لي جاي احلى ..
الشخص١ .. تآمرنا بشي حاجة اخرى ..؟؟
مصطفى .. "مشا للبيرو ديالو جبد من المزنة زوج بريكات كل واكد عطاه وحدة .." هادي ليكم ..
الشخص.."فرح" لهلا يخطيك علينا اخاي ..
مصطفى . سيرو رتاحو ..من بعد و نتلاقاو ..
الشخص ..واخة الى حتاجيتينا صوني علينا ونكونو عندك
مصطفى .. عارف ..
خرجو من عندو و خلاوه بارك كيفكر فالخطوة الثانية .. كانت خطتو هي يخلع شغف و يفكرها بيه ..بلي مزال كين و مزال تابعها .. داكشي علاش قرر ياخد زوج من المجرمين لي دايرين بيه و عيفطهم ليها .. باي طريقة باغي يكسر غرورها مزاال حسابو معاها طويل ...
----------. ------------.
كان غاارق فالنعاس حتى جاه اتصال خلاه يقفز من سابع نومة و يكمل اللباس ديالو فالدروج حيت كان ناعس غا بشورط لبس كلاكيطة و هز تيشرت .. غادي فالطريق مكسيري و لي جا قداامو كضرب ليه كلاكصوون تا قفز المدينة كاملة فنصاصة تالليل ماوصل للكلينيك تا دا دعاوي عباد الله لي نااعسين و فيقهم بالكلاكسوون .. دخل جاهل للكلينيك و الكلاكيطة معنكشاه .. سول على غرفة شغف و رشدوه ليها لقى تاج الدين واقف و مربع يديه و ريماس جالسة و كاتبكي ..
رائد .."وقف قدام تاج الدين" شنوو طراااا ..
تاج الدين .. "ماتحركش " شي حد تهجم علبها على ما اضن !!
رائد .."وجهو صفاار" كيفاش شي حد تهجم عليها كيفاااش .. فين كنتو نتووومااااا؟؟ شنو وقع ليها فينها بغيت نشوفها!!
تاج الدين .. ماشي شي حاجة گغاف الطبيب عطاها مهدأ .. قال لنا بلي دخلات فحالة صدمة .. فاش تفيق غاتولي مزيانة انشاء الله ...
رائد ..شكووون لي غايتهجم عليييهاشكوووون برب المعبووود و نعرف شكون تا نحي ديلمووو "كيحك فراسو بعصبية .. " ايييمتاااا غاتفيق. .
الممرض .."سمع غوات رايد و هو يخرج ليه" الله يخليك راه حنا فكلينيك كينين مرضى مكيبغيوش الصوت العالي شوية تالكالم الله يخليك ..
رائد .."ضار عمدو بالعرض البطيئ .." اش قلتي .. كيفاش دابا نتاااا غاتوريني كيغاندوي .." يالله غان غايهجم علبه و هو يشدو تاج الدين ..''
تاج الدين .."للممرض" كانعتذرو .. تفضل لخدمتك ..!
رائد .."تنطر منو و شد فراسو كينطحو مع الحيط ..."هننههنهعععهععععع😡😡
تاج الدين .. تهدن ارائد .. تهدن هاد الاعصاال ماشي حل .. عيطنا على البوليس و كيتسناو شغف غير تفيق و غايدويو معاها ..
رائد .. "كيمشي ويجي كاره راسو" .. فاااك ..
فتح الباب و دخل عند شغف .. كانت مددة على الفراش و ناعسة ملصقين ليها الصيروم فيديها .. قرب لعندها شاف الدقة لي فوجها كانت زااادت زراقت و طبايع فيديها ديال صباع داك لي كان شادها .. غمض عينو بعصبية .. و هز يدها لفمو باسها من الداخل .. و حطها على حنكو ..
رائد .. بربي ماغانرحمو هذا لي دار اك هادشي .. انجبد الز** بوووه من تحت الأرض .. يقييسني فعيني و ميقيسنييش فيك....
بقي واقف عليها و مربع يدو حتى بداات كاتفيق .. قرب ليها كثر كانت كاتسعل .. و باغية دوي ماقاداش باقة تحت تأثير المهدأ ..
رائد .. "كيقيس ليها فشعرها " شوووت ماتحركيش ..
شغف.."كاتسعل" .. كح .. بب..بغييت ..
رائد ...اش بغيتي ؟
شغف .. نش..شرب .
رائد .."كارز على سنانو .. مدلها الكاس تالما و حط يدو تحت عنقها هز لها راسها شوية " .. بالشفا..
شغف .. شكرا ..😊..
رائد .. "وقف و بقى حاضيها تا تصايبات فبلاصتها و هو يجر الكرسي جلس عليه بالمقلوب" .. شنوطرا؟؟
شغف .."تفكرات لي وقع لبها " ماعرفتش ..انا .. شنو درت .. هءههءه ..شنو درت ليهمماعرفتش شنو وقع ضربوني و كاعرفتش شنو كانو غايديىو كون ما بابا جا ههءهءههء😭😭😭
رائد .."زير على يدو تا بانو عروقووو" .. ماشفتيش وجاهم ؟؟ ماعرفتيهمش!
شغف ..ماعرفتهمش ..كانو ملثمين ..
شافت جهة الباب كانتاج الدين دخل و ريماس تا هي دهلتت كاتجري عندها عمقاتها و كاتبكي و كل شوية كاتقلب فيها ..
ريماس .. الله يقطع ليهم يديهم الله يلقؤها ليهم .. انا بغيتلهم موووصيييبة شي
بينا و بينهم هءهءه ..
تاج الدين .."باس على راسها" شوية احبيبتي!!
ريماس .. "حركت لبهم راسها بالايجاب" ااه ..ماما باراكا من البكا الله يخليك ..
رائد .."وقف تا لاح الكرسي" لالا .. ماغانطمأنش عليها عندكم فالدار مزال ..
تاج الدين .."طلع فبه حاجبو" فين غاطمأن عليها بالسلامة ؟؟
رائد .. عندي فالداري ..!!
ريماس .."طلات عليه" علاه نتا عندك دار؟؟
رائد .. ايه عندي!!
تاج الدين .. لا و الله .. ههههههههههه واقلة راني باها بحال والو هي بنتي .."خزر فيه" اااش كاتخربق نتا؟؟
رائد .. "بادلو التخنزيرة " و انا مستحيل نقبل ترجع لديك الداار ميمكنش نخليها تم ممكن يرجعو فأي وقت ..
تاج الدين ..بصفتك اااش غاتديها لدااارك اسي!!
رائد .. بففف الى مقنعكش اني ولد عمها .. غاتمشي معايا بصفتي راجلها ..!!
ريماس ..😳😍😍
شغف ..😱😱😱😱😱😱
رائد .. بففف الى مقنعكش اني ولد عمها .. غاتمشي معايا بصفتي راجلها ..!!
ريماس ..😳😍😍
شغف ..😱😱😱😱😱😱 شنو هوووو ...
وساعو عينين شغف و هي كاتحاول تستوعب اش قال ..و رافقها سكات تاج الدين و ريماس لي كانت كاضور غعينيها بين رائد و تاج الدين ..امارائد ملامح وجهو الغاضبة ماتغيرووش نضرة تحدي فعينيه لتاج الدين و حتى بعد ما طلق عليهم كي القنبلة ماتحركات فبه شعرة
تاج الدين .. كيفاش اولدي مرتك!! واقلة ماسمعتش مزيان !!
رائد ..كيف كااع النااس ..مكنضنش كين معنى اخر لكلمة مرتي ..
رائد .. "بنفاذ صبر" عمي ماشي وقت الطنز .. انا كانشوف بلي حياتهت فخطر فقط .. هادشي لي كيبان ليا قدام عيني و مستحيل نخليهت فديك الدار يرجع شيةحد يدير فيها هاد الحالة !!
ريماس .. "نااضت من حدا شغف و اتجهات لعند تاج الدين شدات لو فدراعو" عييين العقل !! و بهاذ الطريقة غانتهناو على بنتنا و هي مع رائد .. يعني هو اكثر واحد يقدر يحميها..
شغف .."مبلقة عينيها" وا ماماااا ..
تاج الدين .."خزر فريماس و رجع شاف فرائد لي كان بقات ليه سنة و يطرطق.." كلامك ما قنعنيش .. الى كنتي غاتزوج بيها غير باش تحميها .. انا اولى بحمايتها انا باها و قاد بيها ..
شغف .. تا انا ما مقتنعاش ..
رائد .."شاف فيها شوفة وحدة تكمشات و رجع شاف فتاج الدين .." اجي معابا بغيت ندوي معاك ..
خرج رائد و ردخ الباب و تبعو تاج الدين كيستغفر الله على هاد الماركة لي خرجات لبنتو فعودها ..
تاج الدين .. مالنا!! مالك على هاد الجعرة كاملة كاضرب عليها برجليك و البيبان مااالنا..؟؟
رائد .."مخنزر فيه" واش نتا مستوعب واااش بنتك هادي تهجمو عليها ولا لا؟؟
تاج الدين ..ايه .. داكشي علاش انا اولى بحمايتها .. و من اليوم غانحط ليها حراسة خاصة على الباب و فالفيلا كاملة ..
رائد .. و مع ذلك انا ماغاطمأنش ..
تاج الدين.... دابا نتا اش باغي !! اش ؟؟
رائد .. باغي نتزوج ببنتك و نتا عارف هادشي مزياننن و هي راسها صخر ماغادير تواافق ولكن الى قبلتي نتا و ضغطتي غاتقبل ..
تاج الدين .."ربع يديه" و انا ماغاديش نضغط على بنتي و ماغاديش نبزز عليها الى مابغاتش ماعندي مانقول ..
رائد .. "كيحك لحيتو" واس باغيين طرطقو ليا شراييني نتا و بنتك؟؟؟ واش عارف اش كانقول لبك ولا معارفش .. انا بااغي نتزوج بشغف .. ماشي باغبها نهار ولا يمين و نردها لبك .. بااااغيييها مرتييي .. فالحلااال ..
تاج الدين ..لا حول ولا قوة الا بالله ..شوف اولدب سبق ليا قلت ليك ماعندي مانع فزواجكم ولكن القرار كيرجع لشغف .. ..
رائد .. واخة .. دوي معاها قول لعمتي دوي معاها شوفو شي حل ولا كنقسم ليك بالله هاد الشوية ديال الصبر اي عندي مابقاااش و غانجرها ديريكت عند العدووول حيت عييت من فشوشها
تاج الدين .. العفوو يا خويا .. "شاف البوليس رجعو" ..
البوليس.. السلام عليكم ..
تاج الدين .."حرك ليه راسو" عليكم السلام .. تفضل معايا ..
دخلو عند شغف لي شافتهم و هزات حجبانها للفوق اما رائد بقى واق فالباب متكي عليه و مكروازي رجليه ..
البوليس ..الحمد لله على سلامتك الآنسة ..!
شغف .. الله يسلمك!؟
البوليس .. معاك البوليس ..
شغف .. اااه وي ..
البوليس.. واخة عاودي لنا شنو وقع و كيفاش تهجمو عليك .. !!؟
شغف .."عينيها طفاو و نزلوت راسها كاتفرك يديها يتوثر" انا كنت متكية فرلاصتي .. فاش بدا كيشد فيا النعاس سمعت فحال التخرشيش ..ماقدرتش نوض قلت غير الكلب ديالي خلاوه يدخل لدار .. ولكن شوية سمعت صوت شي واحد ضرب فشيةحاجة وبدا كيسب فهضرة خايبة .. فتحت عيني و انا نتصدم بزووج ملثمين و لابسين النواغ .. ماعرفتش شنو ندير و انا نخوت بالحق البيت ديالي عازل للصوت مكايسمعش على برا بالحق لي على برا انا كنقدر نسمعهم ..فاس غوت جاو عندي بغاو يشدوني ولكن هربت ليهم .."كاتفرك فيديها و رائد كيشوف فيها عارف ديك الحركة كاديرها فاش كاتكون مضغوطة .. قرب لجهتها و وقف حداها".. فبنما كيبغيو يشدون كانهرب ليهم .. ضربتهم و واحد دفعتو على طابلة و جيت نهرب لجهة البالكون بغيت نغوت و و هو يجرني من عنقي "شدات فعنقها و رايد متبع حركاتها و مزير على يديه حي كانو جامعين ليها شعرها وبانت ليه طبعة زرقة فعنقها" .. و تلاح عليا ضربني .. "حطات يدها على عينيها كاتحاول تشد دموعها مينزلوش " و كون ما جا بابا يمكن كان غايتعدا عليا ..
..رائد .."ضرب الخيط بقبضة يدو تا ضارو شيافو فيه البوليس و كولشي .."
البوليس ..و ماقدرتيش تشوفي شي واحد فيهم؟؟
شغف .."حركات راسها بنفي"..
البوليس .. امم .. و نتي شاكة فشي حد ؟؟ يعني عندك عداوة مع شي حد ولا شي حاجة نشيتي ماقلتيها لينا ..
ريماس ...بنتي ماعندها عداوة مع تا حد .. ولكن ولاد الحرام مكيقيلو حد ..
شغف .. ''كاتحاول تفكر الهضرة لي كانو كيقولو و غاطيح غير فجملة ذكرو فيها (صطوف) ... انا .. لالاميمكنش .."حطات يدها على راسها" واحد فيهم قال ليا كان عندو الحق صطوف ملي قال عليك نمرة ..
رائد .."تقاد فالوقفة '' وااايلي !!
البوليس .. صطوف ؟؟ شكون هذا شي واحد كاتعرفيه ..
شغف .. انا..مصطفى كان هددني هادي صيمانة هكذاك .. انا نسيت السيجي ..ماعرفتش مي مكانعرف تا مصطفى غيرو؟؟
رائد ..ضرب فالباياص و عينيه خاارجين فيها" كيييفااااش هددك ايمتا هددك و علاااش ماااقلتيهاااش ..
تاج الدين ..خزر فيها" ايمتا هددك ؟؟ علاش ماقلتي لي والو؟؟
شغف .."خلعوها بغواتهم " انا .. انا ماكنتش عاطية هضرتو اهمية .. هو مارضااش فاش رائد ضربو .. ز مارضاش فاش خليتو و قال ليا بلب غايندني انا ورايد هااادشي ليوطرا انا شكووون قال ليا غايوقع هادشي قلت يمكن غير داوي خاوي ..
شغف .. انا كنضن مصطفى هو لي دار هادشي حيت اسمو تذكر.. زائد داك التهديد لي هددني هو الوحيد لي مشكوك فيه ..
البوليس ..واخة عطينا الاسم الكامل ديالو ..!!
شغف .. مصطفى شرف..
البوليس.." شافو فيها و رجعو سافو فبعضياتهم" شرف؟ .. حفيد ابو بكر شرف؟؟
شغف .. تماما .. هو كاان خطيبي ..
كملو معاهاا الاستجواب و فاش عرفو مصطفى شرف هو لي متهماه عرفو القضية خاسرة خاسرة.. حيت ماشي ساهل بعد ما خخرجو البوليس رجع عندها تاج الدين مزنفر..
تاج الدين .. هادي حاجة كاتخبى !؟ شووفي دابا حالتك ..
شغف .. و الله ما قصدت ابابا نخبي .. مابغيتش نكبر الموضوع و هو صغير ..
رائد ..صغييير؟؟؟ لاصغييير نيييت .."خذا تيليفونو و دور لشي واحد كيعرفو كوميسير عاود ليه البلان .." هذا ما كان .. ماباغيش نتصرف بوحدي خص لي يكون معايا و مانلقاش ماحسن منك مابغيتش نجيب مجرمين ولا قطاطعية مصدق فشي حوايج اااخرين ..
...... هو داك السيد مااساهلش و بلاناتو موسخين و ديما كيخرج منها كيف الشعرة من العجينة ..
رائد .. و داكشي علاش تصلت بيك تعاوني و نعاونك ..
....... تمام .. متفقين .. اول خطوة هي مذكرة بالقبض عليه فاش
رائد .. واخة .. علمني بالتوقيت و هاني معاك ..
..... مشات .. غدا انشاء الله هاني معاك..
رائد.."طفات التيليفون شاف فشغف و شير ليها بصبعو" .. عرفتي نتي .. بسببك يا غادي الروضة يا غادي للحبس ..
خرج رايد مكشكش كيجر فالكلاكيطة مشا خدا قهوة و خرج من الكلينيك شعل كارو و كلس فالدروج كيكمي ..
تاج الدين .."برك حداه جبد تا هو كارو كيكمي" .. كنت متوقع منك غاتمشي لدارو نيشان صدقتي على بال ..
رائد .. قبل ما نهاجم خصمي .. خصني نوجد للمعركة .. و عدوي لا كان عندو السلاح انا مانمشيش ليه خاوي .. حيت بينة غانرجع خاوي هذا الى رجعت .. داكشي علاش كانفكر قبل مانخطي الخطوة ..
تاج الدين .."ضربو لكتفو" ماعليكش..
رائد .. بالحق بربي لا بقااات فيه .. يقيسني فشرفي .. نحي مو ..
تاج الدين .. ههههههههههه .. ناوي دير العرس ولا لا؟؟
رائد .. ونتا موافق عليا زعما ؟
تاج الدين .. اش بان ليك ..
رائد .. العرس العروسة لي كاتقرر كي بغاتو .. انا عليا غير نخلص ..
تاج اادين .. "ضربو لقرفادتو" .. كبرتي تا نتا البرهوش ولا عندك جيب تخلص منو هههه....
رائد ... "كيحك قفاه" مالي كي جيتك كانرضع صبعي
تاج الدين .."طلع و نزل فيه" بهاد الحالة فحال هكذاك ..
رائد .."ناض وقف " اناغادي نبدل عليا الصباح مكون هنا ردو ليها البال اعمي
تاج الدين .. كاتوصيني على بنتي هههه
رائد .... انا غا قلت و صاف ..
بقى متبعو تاج الدين حتى ركب طونوبيلتو و تحرك من قدام الكلينيك رما الكارو و طلع ديريكت لعند شغف ...
تاج الدين ..بغيت ندوي معاك. .
شغف .. واخة ..
تاج الدين .. رائد طلبك مني للزواج .. فهاد الضروف انا كانصحك توافقي .. و القرار كيرجع لبك راني ديجا دويت معاك و فهمتك كولشي و نتي تعرفي ..
ريماس .. كاع دوينة معاك و راحتك انا متأكدة مع رائد غاتلقايها .. و نتي تعرفي .. ماتنسايش واش واخد هارفاه اش كيسوا حسن من واحد كيمثل عليك .. ديري عقلك ابنتي و انا اي حاجة قلتيها معاك فيها ..و رايد اكثر واحد غايحميك و غانطمأن عليك معاه ..
تاج الدين .. تماما .. بعد هاد السنين و هادشي لي وقع كاع و مزال متمسك بيك انا نعطيك ليه بعيني مغمضين حيت تاكدت منو ..
تاج الدين .."ماعندو خاطر للضحك مزال معصب من لي سمع منها على مصطفى ضرب كف بكف وخرج .."
شغف .. بابا مقلق مني..😢
ريماس .. تا نتي ديراها قد راسك .. فحال داكشي كيتخبا!! كون كنت انا كون هرسني ..
شغف .. و الله ماقصدت انا قلت غير كيهدد بالهضرة و صافي مكانش فبالي واش ود الحرام بصح .
ريماس .. اوا هاهي ديريها فباالك دابا ابنت الصقر .... و حاجة اخرى .. رائد ماشي غير كيبغيك .. مجنون بيك .. هادي لي قدامك خبيييرة فالحب و بدوون افتخار .. كانعرف لي كيحب غير من عينيه فاش كيتعصب .. و اليوم شفت فعينيه ماشي غير حب .. شي حاجة كثر .. يعني .. حيدي هاد النفخة شوية هاعار ربي ابنت كرشي راني قربت نسخط عليك ..
شغف .."الا سخطك اماما ههههههه"باست ليها يدها" .. صافي كانواعدك غانفكر مزيان خصني غير نخرج من هنا ماقالوش ايمتا خروجي ؟؟
ريماس .. يمكن غدا ..
بقات ريماس مع شغف داكشي لي بقى من ديك الليلة كاملة و هوما حت حت حت تقول ماشي هودو لي كان بيناتهم توثر فالفترة الاخيرة بالحق هذا هو حال البنت امها خصوصا لا كانو فحال الصحابات يضاربو من هنا و يتصالحو من هنا ..
تاج الدين ..."دخل لعندهم" مكاتقاضاوش؟؟
ريماس .."عنقات بنتها" كين شي حد بعقلو يشبع من هاد الزين ..
تاج الدين .. "حرك راسو يمين و يسار" يالله نوضي تنعسي شوية شديت ليك بيت .. خليها تنعس ترتاح شوية غدا انشاء الله غاتخرج و كوليها كاع نتي ..
ريماس .."باست بنتها"هههه واخة ..
خرجو من عند شغف خلاوها لوحدها تكات فبلاصتها وحطات يدها تحت من راسها كاتفكر فالي شاغل باالها.. من داخلها حاسة براسها مسامحاه .. ولكن واش كانت اصلا مقلقة منو ..!؟ من ديما واخة يدير عرفت شنو عمرها كانت كاتقلق منو .. ابتسمات لا اراديا فاش تفكرات كي كان ملهووف من نضرتو ليها فاش فتحات عينيها ولا الحالة لي جاي بيها .. مهما كانت المسافة بعيييدة بين زوج كيبغيو بعضياتهم قلوهم كيكونو قراب حيت فالاصل كيكونو متحدين .. و صعيييب اي حاجة تفرقهم .. هكذاطرا لبهم تفارقو بالحق قلوبهم عمرهم ماقدرو يتفارقة .. فبعض الاحيان كانقولو صافي .. عيينا و هادي هي نقطة النهاية .. كاتوقع حاجة ولو بسيطة تحركنا من الداخل و ترجعنا لنقطة البداية . حيت فاش كاتعطي قلبك لشي حد ماكاتقدرش تسترجعو .. كانضنو بعض الخطرات ان لي بيناتنا تسالا و مبقاش .. بسبب شي تصرف دارو الطرف الثاني .. ولكن بشوية ديال الاهتمام .. كيرجع كولشي كيف كان .. وش هادشي لي حسات بيه شغف ..الاهتمام .. اكثر حاجة كانت مفتقداها منو طوااال هاد السنين ..راءڜ الاهتمام و خوفو عليها .. و غيرتو عليها .. هادشي كانت باغية تحس بيه .. و كل ما كاتزيد فيه هو كيضهىهم اكثر داكشي علاش مابغاتش تسامحو بسهولة خوفا ان داكشي كاو يمشي فالروتين ديال العلاقة العادية ... تنهدات تنهييدة كبيييئيرة و غمضات عينيها كاتحاول تنعس و حرام واش زارالنوم عينيها ..تاسمعات الباب تحل ريحتو كانت سابقااه ماقداتش تحل عينيها كملات فتمثيلها بالنوم .. اما هو دخل عندها مشا هو كرسي حطو حدا راسها مقلوب و جلس عليه بقى مدة كيشوووف فيها بنظرة عميييقة قبل ما يمد يدو حيد لها خصلة من شعرها طايحة على وجها تفافات فاش حيات بلمسة يديه على وجها لانو تعمد يقيسو .. حسات براسها غاتبدا ترجف و تحركو رموشها .. وقف حدا راسها و تحنى تال عينيها باس كل عين بوحدها
رائد .. الى بغيتي ديري راسك ناعسة عمرك تحركي رموشك .."ماتحركاتش و بقات كيف ما هي تا عاود نطق .." عارفك فايقة غير فتحي عينيك
شغف .."فتحات عينيها بشوية "..امم ..
رائد... "رجع جلس بلاصتو و جر يدها شدها كيلعب فصباعها مدة عاد نطق" ماغاتنعليش الشيطان و تتقي فيا الله ..
شغف .."كاتشووف فيه" علاش هاد الهضرة!؟
رائد .. " تنهد" حط صبعو على شراينها كيتلمس فيهم " شفتي شنو طرا ليك بسبب عنادك و قصوحية راسك ..؟
شغف ..عنادي !! قصوحية راسي !! ديما انا لي خصني نتلام فأي حاجة .."جرات منو يدعا و تقادات فالجلسة" عمرك ما غلطتي نتي؟!
رائد .."تسند على الكرسي و ربع يديه" ايه هادشي كلو بسببك كون طاوعتيني من الاول مانطيحوش فهادشي كامل .. !
شغف ..."ابتسمات بسخرية و شافت فيه بصدمة" وااو .. هههه و نتا الملاااك .. الضحية !! ديما خصنيانا نكون خاضعة ليك و تحت طلبك فأي واقت خصني نلبي ليك لي تتقول عليه!! انا لي خصني ديما نتنااازل !! انا لي خصني ديما نتسناك؟؟ خصني ديما نكون ضعيفة وسط مجتمع و عقلية ذكورية خصني ديما نحني الراس ..!! لا اسيدي .. انا ماشي هكذا .. انا لي باااعني مرة عمري نشريه .. ماتنسااش بلي انا لي كنت كانحارب فهاد العلاااقة تال الآخر و انا اكثر وحدة تأذيت ..لالا انا الوحيييدة لي تأذييت ..حيت نتااا .. لي تخليتي عليا ماشي انااا
رائد.."ناض عندها منرفز وجهو فوجها عاقد حواجبو و عينيه عروقهم حمرينب الأعصاب و قلة النعاس .." مااااتخلييييتش .. عينيديما كانتعليييك .. داكشي لي تعذبتيه .. تعذبت دوبل ديالو ديما شايفك فحلامي عمر طيفك فاااارق خياالي .. ديما كنتخايلك معابا و بين يدي و عمر بنت المرا ما خذات بلاصتك هادشي ذخليه لهااااد المخ .."حط صبعو على راسها" .. عمرك .. عمرك تنطقي كلمة خليتك .. حيت نتي و انا عارفييين مزياااان علاش مشيت ..
شغف .."قلبات وجها للجهة الثانية " ..
رائد .."دور ليها ليها وجها" فاش نكون كاندوي معاك ماتبقايش تقلبي عليا وجهك .. شوفي فيا .. و هضري .. اليوم غانساليو هادشي "مشا جهة الباب سدو بالساروت و رجع عندها ..حاصرها بيديه فوق البياص " .. يالله دوي .. لي عندك بربعيه ..
شغف .. "حدات يدها على صدرو بغات تبعدو" بعد عليا عافاك ..مابغيت نقول والو ماعندي مانقول ..
رائد .."كي قاستو حس بالضوء ضربو" علاه؟؟ "زاد قرب ليها تا حط نيفو على حنكها و همس بصوت رجوولي مبحوح" شبه مسمووع علاش نبعد عليك؟ اممم .. ماتوحشتينيش. .؟
رائد .."كي قاستو حس بالضوء ضربو" علاه؟؟ "زاد قرب ليها تا حط نيفو على حنكها و همس بصوت رجوولي مبحوح" شبه مسمووع علاش نبعد عليك؟ اممم .. ماتوحشتينيش ..؟
شغف .."تغبنات" شي حاجة ماشي هي هاديك .. ماعرفتش علااش ماقاداش نسامحك ..
رائد .."ابتسم و خذا خصلة من شعرها لواها على صبعو" اممم و الى قلت ليك سمحي ليا!
شغف .."طلعات فيه عويناتها" مانقدرش .. خايفة .. بزاف ..
رائد .. هممم .. خايفة مني؟
شغف .. خايفة تعاود تعلقني و تزيد و تخليني
حط شفايفو على ديالها باسها بوسة خفيييفة خلاتها تبلوكا و تفتح عينيها على وسعهم لقاتو مغمض عينيه و مخششششع مدة بقى ملسسق شفايفو عليها و هو يبعد عليها شوية كانت غمضات عينيها فديك اللحظة.. ابتسم فاش حس بيديها على صدرو كينزلو .. خارت قواااها من المشاعر لي تخلطو عليها .. عاود حط شفايفو برقة على شفايفها بمجرد ما حركهم تجاوباات معاه ..حينها فقط عرف معنى السحر ..😌.. كيف لا .. هي ديالو من الصغر و تا واحد ماهايقدر يبعدها عليه .. هي جنته الخاصة قلبو كانو دقاتو مسموووعبن و داكشي لي كان كيحس بيه ميمكنش يتطرجم ..ماعرفش اااش كان عايش فديك اللحضة ..تجاهل الوقت .. المكان .. الظروف ..كل القوانين تجاهلها ديك الساااعة و هو كيضمها لصدرو كيشبع داك الشوق ليها من نهار تفارقو .. رما كولشي وراه و غاص فبحر الشوق و العشق هو ويااها .. كان مستعد يبيع العالم كااامل قدام ديك اللحظة ... و هي بين يديه قربات دووب من الخجل .. حس بيها حشماانة من السخونية لي طالعة من حنيكاتها ..شتااان بين البرووود لي شاافو منها مؤخرا و بين هاد الاستسلام و الدفئ لي طالع منها دابا و هو معنقها .. كان صدرو كيطلع و ينزل بعنففحال صدرها الفرق فقط فالرقة .. و يديه كيشقو طريقهم لضهرها بلمسات حنيينة و دافية ..من فوق دكي اللباس الفضفاض لي لبسوها فالكلينيك .. زير عليها و ضمها لصدرو اكثر و اكثر .. فصل القبلة و خشى وجهو فعنقها كيستنشق رائحة الشكلاطة لي من ديمة كاتنبع من جسمها بسبب الكريم لي كانت كاتحط و ماعمرها بدلاتو..و لي من ديما كان كيحمقو .. كانت مميزة في كل شيء من صغرها .. عينيها ..شعرها .. خدودها .. شفايفها .. وريحتها لي كانت كاتسكرو و مزاالة لحد الآن عندها نفس التأثير عليه بالكاد كيقدر يتحكم فراسو قدامها .. حطات يدها على ضهرو بادلاتو العناق .. و تنهدات فحال لا كانت هازة فقلبها شي حاجة تقييلة و رماتها بمجرد ما عانقها .. الكلمة لي كانت باغية تسمعها منو "سمحي ليا" سمعاتها .. و حسات بيها ..فديك اللحظة حطات كاع اسلحتها للأرض .. هي .. و هو فقط ...غمضات عينيها و ريحات راسها على كتفو مع كل تنهيدة منها كيزيد يزير عليها و يخشيها فصدرو ..
رائد .." بعد عليها شوية كيشوووف فوجها و حاوط وجهاا بيديه ابتسم و ملامح وجهو بانت عليهم الرااحة و الرضى و تحنى قبل جبهتها " ... رتاحي .. "صاوب ليها الوسادة تحت ضهرها"
حركات راسهاب الايجاب و حناكها غايطرطقو بالسخونية ..بقات كادور فعينيها ماعارفة مادير اما هو متبعها كي كاتفرك فصباعها متوثرة و حشماانة .. باقة كيما هي فيها واحد الجانب بريئ و برائتها ميئوس منها ماكاتعرف ما دير كل ما كان قريب ليها لهاد الدرجة .. ابتسم و مشا فتح الباب لي كانس سد و عاود رجع جلس فالكرسي كيشوف فيها ...
ابتسم و مشا فتح الباب لي كانس سد و عاود رجع جلس فالكرسي كيشوف فيها حتى دخل تاج الدين و من موراه ريماس كاتصايب شالها كي شافتو انشرح صدرها😂
ريماس ..اوه نتا هنااصبااح الخيير ..
رائد ..صباح النور..
تاج الدين ..ايمتا جيتي؟؟
رائد .. احم .."شاف فشغف'' عاد لقيتيني جلست ..
تاج اادين .. ام .."مشا باس شغف فراسها" شوية؟؟
شغف .."حناكها مزنكييين" امم .. بيخير ..
ريماس .. "قشعاتها" لالا اليوم وجهك منور تبارك الله..
رائد..."مابغاهاش تحرج ناض وقف " راني دزت عليهم التحت تقدر تخرج ..
شغف .. "شافت فماماها" جبتولي شي حاجة نلبسها ولا غانخرج هاكا؟
رائد.."مد ليها صاك " هاك .. جبتهم لك من الطريق ..
ريماس .."نغزاتها" ايهاي ..
شغف .. شكرا ..
خذات من عندو الصاك قلباتو لقات سيرفيت فالاحمر و سبادري فالأبيض و صاك ادو فالاحمر هزاتو و شافت فرائد" و هذا لاش ؟
رائد .. "كيحك نيفو" جبت كاع لي بان ليا فالمانكان مكانعرفش فداكشي ديالكم ..
شغف .."ابتسمات بحب .. ديك الابتسامة لي قشعها تاج الدين و حتى ريماس. ." ..
تاج الدين .. يالله نخليوها تلبس ..
خرجو كاملين لبسات شغف كاكشي كان على قياسها ديريكت و مشات للحمام كاتشوف فوجها كانت الضربة الزرقة على حنكها باينة مي ماشي بزاف خفات على قبل ..طلقات شعرها و ابتسمات حاسة فكرشها عامره فراشات و حناكها مابغاوش يبردو ..خرجات لعندهم لقاتهم باركين فالكولوار الا هو مكانش ..
شغف .."غمزت ماماهت" فينو؟؟
ريماس .. عيط عليه شي حد قال لنا ردو لبال لشغف و مشا كيجري ..
شغف ..."بقلق " الله يحضر السلامة ..
ريماس .. "نغزلتعا"هاي هااي ولنا نخافو ..
شغف .. اووه ماما. صباح هذا احبيبتي ..
ريماس .. "قرصاتها" الصباح غا علياانا لحنااك هااه ..
ضربو الطم قبل لا يضور فيهمتاج الدين و تبعوه ركبو فالاوطو و اتجهو للفيلا ديريكت كي دخلو لاحضةت شغف كمية الحرس لي تزادو من البارح لليوم كيفاش و يمتا تزادو الله و اعلم المهم فينما ضورات راسها كتلقى فيدور و هكذا حسات بالآمان اكثر .. ..
#في مكان_اخر
جالس فمكتبو بكل نخوة و غرور مفطح على الكرسي و حاط رجليه على الطبلة ديال المكتب بجنبو واقفة بنت فعمر الزهور جمالها بارز بمستحضرات التجميل لي مباالغة فوضعهم .. و لباسها شبه العاري لي كان عبارة عن تنورة سوداء جد قصيرة و مع كنزة صوفية رقيقة فالأحمر و حذاء عالي كذلك فالاحمر.. حاطة يدها على كتفو كادوزها عليه برقة .. حتى دخلتت عندهم السكريتيرة..
السكريتيرة.. سي مصطفى ...
البوليس .."دخلو وراها" مصطفى شرف .. مطلوب القبض عليك ..
مصطفى.."طلع و نزل فيهم" نعام؟؟ باشمن تهمة !
البوليس ... حتال تم و تعرف
مصطفى .. غانمشي فالسيارة ديالي ..
البوليس ..تفضل ..
خرجو معاه و توجهو ديريكت لمركز الشرطة و معاه ديك المونيكة لي كانت لاسقة عليه
مصطفى .."جلس فالمكتب ديال الضابط" باشمن حق تجرجروني من الشركة ديالي لهنا ..!!
رائد .."دخل للمكتب و سد الباب جلس قدامو مباشره" سي مصطفى صافا؟
مصطفى .."شافو بحال لا شاف جن قدامو" عفوااا منين كاتعرفني!
رائد .."ابتسم باستهزاء " وايلي وهل يخفى القمر .. نيتي ديك الطرحة لي خذيتي من عندي ههههه..
مصطفى ...."ضرب على الليرو و شاف فالضابط" لاش جايبيني لهنا اسي .. مجايش نضيع وقتي مع لي ماعمدو شغل ..
الضابط .. واخة اسيدي .. انت هنا بتهمة محاولة الاختطاف..
مصطفى .."طلع حواجبو" كاااع .. هههههههههههواش عارف راسك مع من ولا لا؟؟
رائد .. مع براك اوباما .. مع من مع خراي ! محمد .. دير خدمتك ولا غانوض ندير شرع يدي ..
مصطفى .. شكون لي متهمني بعدا هاد الاتهام الخطيير .. ههه
الضابط ..خطيبتك سابقا شغف الصقر...
مصطفى .. ههههههههههه و انا نفهم داكشي عاش هذا هنا !! شوف ااا .. اش سماك الله ..!
الضابط .. محمد ..
مصطفى .. شوف اسي محمد ..نتا قلتيها بفمك .. خطيبتي سااابقا .. يعني علاقتي بيها تقطعات شحال هاذي .. و انا راني راجل مزوج حاليا .. ماعندي ماندير بيها لا خطفتها؟؟
رائد .."تعصصصب و عينيه حمااارو ضرب على البيرو كان غاينقز عليه كون ما محمد حبسو" واااش سخن على مك ك** ولا كيفااش تصبنا ناااعسين على كر*ولا عاضين فقل*** البعيير ولا كيفاش
مصطفى .."وقف تقابل معاهم و شاف فرائد و كيدوي " ا سي محمد .. عندك شي دليل ضدي؟؟!
محمد .. "جلس رائد بزز" ريح اصاحبي ريح ..اسي مصطفى ..السيدة متهماك و نتا ديجا تهجمتي عليها فالمكتب ديالها و هددتيها ..
مصطفى .. شوف داكشي كان شحال هذا ..!! من بعد يومين انا تزوجت و مرتي هاهي كاتسنى فيا على برا .. يعني .. نسييت داك التخربيق زائد اني انا و ياها مكانتش بيناتنا حاجة قوية جمعاتنا الخدمة من بعد تخطبنا و ماكتابش فقط .. ماعندي لاش نخطفها ولا نتهجم عليها .. كيبان ليا بغات تردني و عرفاتني تزوجت لقات غير هاد الطريقة تحاربني بيها بيان جوي ههه ..
رائد .. "ناض من الجر لي فيه نزل عليه ببونية رعفو و جرو من الكول تالشوميز عطاه براس على زوج خطرات ولا كيشرشر من نيفو بالدمايات .. تا جا محمد كيجر فيه" اااش غاترض فيك الكلب و نتل ديار الق*** الله ينعل الز** بوووك الكلب .. كون مكانتش هي لي مخلياااك نتيقووق .. وا طلااااق امحمد طلاااق ..
محمد .. اجي معايا اصااحبي غاتخرج على رايك راك فالكوميسارية ..
رائد .."كيتجر منو" و حيد اصاااحبي حيد .. "حمر فيه عينيه" ماهمنيش نكون فالكوميسارية ولا زمر نمشي على الز**بوووه للحبس و ميهمتنييش😡😡
محمد ..."جرو لخارج المكتب" وا صاااحبي غاتخربق كوولشي .. تيق فيا غايتشد يتشد .. المشكلة دابا ماعندنا تا دليل عليه ..كلام البنت ماشي كافي ..
رائد .."دوز يدو على نيفو" .. شوف امحمد .. انا قاد بشغالي معاه .. الى كنتو غاطلقوه فحال كل خطره .. انا غانعرف شغلي معاه .. و العين بالعين و السن بالسن و البادي أظلم .. و هو لي بدااا بعزة جلال العالي تا نحيييه ..
محمد .."ربت على كتفو" تيق فيا .. راني قاني عليه من زمان بالحق كيخرج راسو كل خطرة و الأوامر كاتجينا من الفوق .
رائد .. ابه شنو غاندير انا دابا مثلا نتسنى الأوامر لي كاتجيك من الفوق يقولو ليك طلق الخرا و نعض انا فالاص .. طلقو ليا من ضرك ندمت تا دخلت البوليس فالمعمعة ..
محمد .."تنطر منو" شووف قلت ليك تيق فيا .. هو دابا خارج خارج و الغلط لي درنا هو اننا ماجمعناش عليه الادلة عاد جبناه ..
رائد .. نهار دخلتكم دخلتكم ماشي غير على ود شغف .. على ود بزااف و نتا عارف هادشي كون كانت المسألة فيها غا شغف .. كون خديت حقها بيدي ..
محمد ..اغاتمشي تضرب ضدويرة تبدل ساعة بخرى .."شاف تيليفونو لي كيصوني و ابتسم بالجنب" شفتي .. قلت لك كيجيو الاوامر من الفوق لحقو يوصلوها لبهم ..
رائد .. "ضرب كرسي كان قدامو شتتو" .. برب العالي مانكون من تريكت الصقر لا ما خليت الز***بووه يتكلاصا فتازممارت ..
خرج رائد مكشكش مكيشوووفش قدامو اما محمد جااوه اوامر باخلاء سبيل مصطفى شرف حيت مكينين ضدو تا ادلة متبثة .. عطاهم اوامر يخرجوه و تبع رائد لقاه يالله غايديماري و هو يركب معاه ..
محمد .. خصني نشوف بنت خالك ..
رائد .. بنت عمي .. عمي ..
محمد... اينيوااي .. نطمأن عليها و منها نسمع منها كولشي ..
رائد .. "قلب وجهو" يه مرحبا ..غاتكون خرجات من الكلينيك ..
محمد .. تمام ..
خرجات شغف من الكلينيك و اتجهو ديريكت للفيلا تلقى لها ادهم و ايهم فالباب ..
ايهم.."طار عليها عنقها" واخلعتينا عليك الساطه ..
تاج الدين .."ضربو لقرفادتو" اش هلد المصطلحات عندك اولدي ..!
شغف .."باستو فراسو " ههههههههههه باش تعرفو قيمتي ..
ادهم .."مخنزر" شكون دار هكذا .."شير ليها على الضربة لي فحنكها"
شغف ..ماعرفتش .. ههه ..
ادهم .."قاسها فالدربة و عنقها" على سلامتك ..
شغف .."باستو فحنكو" يخلي لي لي خاف على ختو ..هههه ..
ريماس .."مبتسمة" الله يخليكم لبعضياتكم ..
شغف .."عنكشات ليهم شعرهم و عنقات كل واحد بيد " اميين ..
ايهم .. ريم كينة لداخل ..
شغف .. بصح؟؟!
ادهم .. ايه ..
دخلات شغف مشات ديريكت لصالة لقات ريم شادة التيليفون و باركة شافتعا و هب تنوض تعنقها
ريم .. الله يا ختي خلعتييني عليك التيليفون مكاتجاوبيش عليه كون ما جيت كاع ما نعرف هادشي
شغف .. ماشي شي حاجة بركي ..
ريم .."دورات ليها وجها كاتشوف فيه" هادشي كامل و ماشي شي حاجة .. ايمتا غاتكون عندك شي حاجة؟؟ فاش يغتصبوك ولا يقتلوك؟؟ اش هاد البرود اصاحبتي !!
شغف .. يووه .. صافي غايفوت هادشي ..اصلا رائد ماساكتش و القضية وصلات للبوليس ..
ريم ..امم و شاكه فشي حد!؟
شغف .. مانكدبش عليك مصطفى متأكدة انو هو ..
ريم .. مصطفى😱
شغف .. ديك النهار هددني و لي تهجمو عليا نطقو اسمو ..يعني ..!؟
ريم .. ولد الحراااام نااري يا ختي انا لي شجعتك عليه .. سمحي ليا 😢
شغف .."ضرباتها لراسها" ههههههههههه من نيتك .. اودي داكشي غا ضد و تانيا المكتاب مامنو هروب .. دابا يتشد ..
ريم .. يا ربي 😡
بقاو مجمعين تا سمعو صوت رجولي قرب منهم و شغف بانت ليها ريم عينيها تعلقو و فمها تحل على وسعو ...
رائد ..السلام عليكم ..
شغف .."دارت شافت فيه" عليكم السلام .."شافت فلي كان معاه .."
محمد .. على سلامتك امادموزيل .." مد ليها يدو سلمات عليه" انا الضابط محمد .. صديق رائد ..
محمد .."ابتسم ليها تا بانو سنياتو البويض😎" متشرفين مادموزيل
ريم .."سهات فيه مدة عاد مدات يديها" الشرف ليا ..
شغف ..تفضل .. جلس .. لاش واقف ..
محمد .."جلس" شكرا ..
رائد ..فين عمتي ؟! و الدراري ..
شغف .. طلعات الفوق هي و بابا .. و الدراري يمكن خرجو ..
رائد ..اوكي مزيان .."ريح حداها"
ريم .. "ناضت سلمات عليها بالوجه" حبيبة انا غانمشي دابا .. نهضرو من بعد اوكي ..
شغف ..تمام بب ..ردي البال لراسك ..
ريم .."دارت شافت فرائد و طولات الشوفه فمحمد و تمات خارجة " فرصة سعيده ..
محمد ..شاف بنص عين و حرك راسو بلا ميدوي .."احم .. كي بقيتي شوية ..
شغف .. "بابتسامه" صافا الحمد لله شكرا ..
رائد .. محمد جا بغا يعرف منك كولشي من الاول ..
محمد .. تماما الى سمعت منك نتي لي وقع لك هادشي ماشي فحال لا سمعتو من حد اخر غاتعاودي ليا من لي تهجم عايك مصطفى فالمكتب و علاش تهجم عليك .. تال النهار لي تهجمو عليك دوك الزوج ..
شغف ...اه واخة ..فاش تهجم عليا مصطفى .. قبل كان ضارب معاه رائد .. و هو مارضاش .. خصوصا اننا كنا مخطوبين و رائد خداني من عندو و ماعجبوش الحال .. المهم انا نهيت علاقتي بيه و مارضااش ..هددني و كان باغي يضربني بااحق صدقت انا لي طرشتو و زاد جعر هددني قال ليا غاينتقم مني انا و رائد .. و جبت لو السيكيريتي رماوه برا
محمد .. اهاه ..!؟ كملي ..
شغف .."حطات يدها على راسها و مد رايد يدو حطها على ضهرها كيدوز عليها بشوية" .. من تما ما شتو و نسيت الموضوع قلت مع راسي راه داوي خاوي .. تال البارح كنت ناعسة تا سمعت تخرشيش و فاش فقت لقيت قدامي زوج ملثمين تهجمو عليا كنت كانحاول نهرب منهم و فاش شدوني ضربوني و واحد فيهم نطق اسم مصطفى .. هنا عرفتو بلي هو لي نفد التهديد ديالو ..
محمد .. امم .. كيعرف يلعب و بالحق قرييب يطيح
رائد .. "كيغزز سنانو" غايطيح طيحة خايبة ..
محمد ..انا غانمشي نشوف دابا اش ندير .. تهلاو ..
رائد .. فين غادي تسنا هاني معاك ..
محمد .. واخة .. هاني على برا ..مادموزيل فرصة سعيدة اكيد غانعاودو نتلاقاو .."ابتسم ليها و خرج " .
رائد .."خدا يدها باسها"راك بيخير ..
شغف .." بابتسامة .. اه بيخير .. و نتا؟
رائد .. امم.."حرك راسو بالايجاب.."
شغف ..هاد التغوبيشة لي على وجهك بدااات كاتشرفك .. فكها شوي..
حطي يدو على فخضها و ضغط عليها شوية عاد ناض خرجلعند محمد .... اما شغف .. بقات متبعاه تا سد الباب وراه .. عاد تنهدات و طلعات لبيتها ..لقاتها كاملة مصاوبة ماشي كيف خلاتها .. حطات الساكأدو ديالها و جلسات فوق النموسية بان ليها واحد الجرس كليكات عليه و هي تبدا صفارة فحال ديال حريق .. و ديك الساع دخل تاج الدين لعندها طفاها من تيليفونو ..
شغف .."باستفهام" بابا اش هادشي؟؟
تاج اادين .. هادي ابنتي باش الى وقعات شي حاجة غير ضربي يدك بهذا كاع لي كارد غايسمعوه و حتى حنا باش منطيحوش فنفس الغلط ..
شغف .."ابتسمات ليه" مانضنش غادي يعاودو نفس الغلط..
خرج تاج الدين و سد الباب ..مشات ديريكت حيدات حوايجها و دخلات خذات حمات داافي بعد ما حضراتو لراسها بالشموع و الزيوت العطرية خلقات جو هدأ ليها الأعصاب و طلقات أغنية ريحاتها أكثر.. تخشات فالبينوار كاتصنط بكاااع احاسيسها و هي مرخية و كاتردد الكلمات مع الأغنية ..
خذني إليك قد حار نبضي في الهوى بين يديك
قد سال الورد دمعاً مراً شوقاً إليك
موتاً حياةً لا أبالي فقلبي لديك .. خذني إليك .!!
أرتشف النور وأعتصر الرحيق من ثغر الشذى
يعانق روحي وردٌ أحمر فيه الردى
يا ضحكةً أشيح عنها ظل الندى .. خذني إلييك .!!
خُذني إليك إني ظلام يرتجى وجه الضحى
حنين هام كهمس سراب بوهم قضى
يسابق وهج صحوةٍ فيها الرجاء .. خذني إليك .!!
هَبني السماء ملاك أضناه النوى ووأد الهوى
يعاند طيف لذةٍ فيها الحياة
ينتظر وعداً من زلالٍ فيه النجاة .. خذني إليك .!!
بقات متكية فالبينوار كاتصنط للأغنية و تفكر فرايد و عينيه و كيف كان خايف عليها .. عصبيتو اللحضة فاش بايها و عنقها .. كاع داكشي داز قدام عينيها و هي راسمة بسمة على شفايفها .. حسات براحها هداات و ترخات و هي تشلل شعرها و ذاتها و خرجات لاوية عليها الفوطه جلسات على النموسية كاتدهن لحمها حتى سمعات تيليفونها كيصوني ....
جلسات على النموسية كاتدهن لحمها حتى سمعات تيليفونها كيصوني ..هزاتو كي شافت الرقم ابتسمات تلقائيا ..تنفسات بالجهد و حنحنا عاد ردات ..
شغف ..الو ..
رائد ..وي .. صافا!؟.
شغف ..الحمد لله و نتا !؟
رائد ..بخير بخير ..بغيت نشوفك ..
شغف. ." عضات على شفتها التحتية. ." دابا!؟
رائد .."شاف فالساعةديالو" مزال الحال ..ياك مناعساش
شغف .. الا مناعساش .. اجي .. الى بغيتي ..عادي..
رايد .. اوكي هاني جاي ..
قطع الاتصال و هزات فوطها و مشات كاتجري للبلاكار خذات كسوة ديال الدار حد الركبة موردة .. نشفات شعرها و نزلات للجردة كاتسنااه ..
رائد .. "وقف عليها كانت كاتلعب برجليها فالبيسين" سلام ..
شغف .. "طلعات فيه راسها" سلام ..
رائد .." مد ليها يدو و قبطات فيه " فين نجلسو !؟
شغف .. "شيراتليه للفوطويات لي فالجردة " بلا ماندخلو ..
رائد .. واخة..
جلسات و برك حداها ملاسق معاها ضورات عينيها شافت فيه غمزها و حرك لها راسو بعنى مالك بادلاتو نفس الحركة ..
رائد .."ابتسم بالجنب " تعلمتي تغمزي اشنيوله ..
شغف .. ههه ..
رائد .. "كيطلع و ينزل فيها بنص عين " و كبرتي .. و زيانيتي .. و بانو المفاتن ..
شغف .. ههههههههههه الله يمسخك ..
رائد ..امم ..
شغف .. "دارت عندو شافت فيه و تسندات على الكانابي" عرفتي اش تفكرت ..
رائد .. "طلع فيها حجبانو" مالنا لاش مفكرة داكشي ..
شغف .. ههههههههههه علاه انا غانسى ..ههه كنتي فشي شكل .. يصحاب لي حماقييتي ..
رائد .. راني حماقيت نيت ..
شغف .. "تنهدات" بالحق كنتي كيووت .. ههه .."حطات صبعها على عينيه" عينيك كانزدو معسلييين .. كيتفاحو و يتسدو غا بالتقالة و طاالع منهم الشر .. حنيكاتك كانو مزنكين .. طلعات ليك تبويقة لدماغ .. ههه "حطات صبعها الكبير على شفايفو" و شفايفك كانو مسكرين .. كاتفوح منهم ريحة الشراب و الكارو ..
رائد .."خرج نفس حااروة من نيفو و قرب وجهو من وجها بلا ميشوف فيها" هاذشي كامل؟؛
شغف .. "حركات راسها بالايجاب" ...
رائد ..احم ..اليوم شدو الز** بالحق دغيا طلقوه ..
شغف .. "خزرات فيه و بعدات وجها بقى فيها الحال على تصرفو .. ككانت كاتحاول ترطب معاه الهضىة صدق قامعها بالحق هو كانت مية حاجة و حاجة فراسو" خسرتي بزااف .. متقدرش تقول كلمة زوج بلا ماتخصر الهضرة
رائد .."درو ليها راسو مزنفر"مالك ضرباتك عليه النفس ؟؟
شغف .. شكون هو!؟
رائد .. مصطالخرا😡
شغف .. شتي .. كاتخصر الهضرة عاود ..ميمكنش ندويو بلا تخصار الهضرة ولا شنو؟!
رائد..ماتجننييش ديلمي كاتخلي القمر و تشدي فالصبع اش هاد المرض ..
شغف .. "ناضت وقفات" الى كنتي هادشي علاش جاي غير تتعصب و تغوت عليا فماكان ليها تا داعي .. انا غانطلع نعس .. بونوي ..
رائد .."جرها من يديها ورجع لاحها حداه" مالنا شتي جاعره؟
شغف .. اه فيه .. بالحق ماعرفتش واش كانت شاعله ولا لا ..
رائد .."خزر فيها" كيفاش شاعله و لا لا.. لاش ديرين داك الزمر لاش
شغف .. وا دوي بشوية ابنادم بشوية لاش كاتغوت داكشي الامن لي مكلفين بيه و تقريبا المكاتب مكاتوقع فيهم تا حاجة كين احتمال يتشعلو و احتمال لا .. لي متأكدة انهم كيتشعلو بزاف هوما ديال مكتب بابا و المكاتب المحاسبات ..
رائد .." زير على فكو و عض على لحمة من الداخل بالفقصة " على الله تكون مشعولة فداك النهار لي تهجم عليك
شغف .. "قلبات عينيها" تا الشهود غاينفعونا مالك معقدها كولشي غاينفع ..
رائد .. دابا نشوفو لكن خصنا دليل لي يدينو الشهود مكافيينش ..
شغف .. اكييد نكر ..
رائد .."ابتسم بسخرية" لا غيقول ليهم انا ..صافا با؟؟
شغف.. علاش نتا هكذا ؟؟ عاز الصباح كنتي كادوي و تعبر و الرومانسيه خارجة لك من العينين و تبوس و تعنق .. و دابا ؟! مالك فينما نقول شي حاجة تغوت ولا تستهزأ ..متناقض غا مع مخك ..
رائد .. الصبااح صبااح و داباا جدت شحال من حاجة .. يا ريت تقدري الوضع .. ماشي ديما غاتلقايني زاهي ..
شغف .. مابغيت نلقاك لازاهي لا منرفز .. كون غير نتا .. كيف ما نتا ...
رائد .. اوا راني انا كيف ما انا .. خصك نعرفي بلي داك رائد ديال شحال هادي تشونجات فيه شحال من حاجة و من الاحسن تتأقلمي مع الوضع فاي لحضة تلقايني ناشط و فاي لحضة تقي شري ..
رائد .."قرب ليها و طلع فيها حجبانو " سيري تنعسي اشغف .. مابغيتش نزيد نتعصب .. حيت غاتزيدي تقلقي .. و بالنسبة للعرس غاندوي فيه مع باك .. سيري تنعسي ..
شغف .. عرفتي ..انااا الغلطااانة حيت فكرت نعطيك فرصة 😡
رائد .."دفعها لجهة الباب تالفيلا" وا غبري ..
طلعات شغف الجنون كيلعبو ليها فوق راسها .. كانت متأملة يتقربو فاش دوا معاها و قال لها بغا يشوفها ضدق العكس تماما .. زاد بعد ...اما هو شد فراسو لي كان كيتفرع عليه و يالله غايخرج من الفيلا تا تعرض ليه تاج الدين لي كان داخل ..
تاج الدين ..رائد !؟ فاين سارح!
رائد ..اه العميم ..تا فين غير مع هاد الحجرة ديال بنتك ...
تاج الدين .."خزر فيه" اش درتي ليها عاود ..؟
رائد ..دااار ليا العميم ..دار ليا ..
تاج الدين.. ههههههههههه اجي نجلسو شوية ..؟!
رائد .. كون غا خليتيني نمشي .. لا نعصبك بحال بنتك تا نتا ..
تاج الدين .."جرو" وا زيد ..راني باغي نعرف اش درتو مع داك الكلب ..
رائد .."جلس " هداك اسيدي شدوه الصباح و طلقوه ديك الساعة لعدم وجود أدلة..
تاج الدين ..كيف العادة ..
رائد .. جيت نشوفها كي بقات .. و منها نيت نولها واش مكتبها فيه الكاميرات و تعصبات قالك ماتخصرش الهضرة .. وا انا فين و هي فين ..
تاج الدين ... ههههههههههه بحال مها وارتة التعنطيز من عندها ..
رائد .. اودي كون كانت فحال عمتي كاع مانلقى معاها مشكل ..و دابا نيت قلت ليها واش حددتي ايمتا نتزوجو قالك لا ماطلبتيش مني الزواج و ما رضيتش عليك و مانعرف اشنو ..
تاج اادين .. ههههههههههه عليا باليمين لا غاتعصر منك زيت ارگان .. غير اجي وحب ههههه سول لي قبلك ..
محمد .. وي رائد .. صاحبنا حطيت وراه شي رجال يراقبوه .. كي خلينا سبيلو تبعوه
رائد .."مسح فمو بصباعو" تمام ..بانت شي حاجة؟!
محمد .. عاد خبروني بلي غير خرج من عندنا خرج على المدينة تلاقى بشي واحد فشي صطاسيون ..
رائد ..اممم ..زعمة ممكن يكون منهم..
محمد ..خمسين فالمية .. يعني ماباغيش يتلاقى بيه فالمدينة ولا فدارو ولا كذا .. يعني كينة تما ان .. و الدري لي دوا معايا دابا قال لي كان فحال لا كيغوت عليه ..
رائد..ضرب الكرسي برجليه" ولد الق** غايلعب معانا كاش كاش ..
محمد .. تا حنا نلعبو معاه .. واحد من الدراري صيفطتو مورا شرف و لاخر مور داك لي تلاقى معاه..
رائد ..يحفضك اعشيري .. مانساش ليك هاد الخير ..
محمد .. ماتقولش هاد الهضرة ..خيرك سابق ..
رائد .. يالله تهلى .."قطع الاتصال و حط يدو على راسو "
تاج الدين .. كين شي جديد ؟؟
رائد .. هاد الخراا هذا مامسلكنيش .. "عاود ليه المكالمة ديالو مع محمد" ..
تاج الدين .. غدا نصبح على تسجيل الكاميرات الى مالقيتهمش فاتحين كاميرات مكتبها نخليها عليهم ..داخلين ليا الز** لقاع داري و انا ناعس على ودني ..
رائد .."سد ودنيه" السلامه يا ربي .. لاش سميتوها ريماس اودي .. ماواخدة تا حاجة من عمتي كاع ماتسمع صوتها ..
هاجر .. الى كانت بنتها ماخدات منها والو بنتي انا غاتاخد منها ههههههههههه
رائد .. هههه فعلا كينااا ...."حط يديه على راسو "
هاجر .. مالك اولدي!؟
رائد .. والو الواليدة غير العيا و صافي ..
يمن ..شنو درتي مع شغف !؟
رائد ..اش غاندير معاها غانتزوجو بغات ولا كرهات خصوصا دابا ماغادي نطمأن عليها تا تكون فداري
هاجر .. اتصلت بريماس غا قبيلة قالت ليا ولات مزيانه دابا .. غدا خصني نمشيو نشوفوها ..
يمن ..انشاء الله ..
رائد .. منها نيت تحددو معاهم ايمتا نديرو الخطبة ولا العرس شوف هي اش بغات انا مامساليش هاد اليامات ..
يمن .. يه.. علاش لا .. يكون خير ..
ريماس .. ياااي.. خويات غايتزوج بشوشو..
رائد...خوك غادي يشيب قبل الوقت ..
هاجر .. ههههههههههه تليق ليك و تليق ليها يالله توالمو بزوج ..
يمن .. تحمقها و تحمقك ههه ..
رائد .. محمقاني من شحال هادي ..
يمن .. اوا الله يسعدكم ..
رائد .. امين .."هز تيليفونو و وقف " انا غانمشي نرتاح شوية غدا عندي مسطوكي ..
هاجر .. سير اولدي تصبح على خير ..
يمن... الله يرضي عليك ..
رائد ..امين .."جر ريماس دارها تحت كتفو" نوضي تنعسي
طلع لبيتو نصل التيشرت من الباب رماها على الفوتوي و دفع الباب برجليه مشا لجهة البلاكار نصل السروال و مشا لدوش خذا حمام دافي و عقلو مخربق ماحيلتو لشغف ماحيلتو لمصطفى لي غادي يحماق و يعفنو فالحباسات ..شلل و دور عليه فوطة و الثانية كيمسح بيها شعرة خذا دوليبران من الفارماسي شربها لبس شورط اسود قصير و مشا لبلاصتو كيمسح فشعرو شعل تيليفونو بانت ليه شغف اون لاين فالواتساب ..
رائد ...مازال مانعستي!؟ 💬
شغف .."قرات الميساج و بعد مدة عاد جاوبات" شغلك؟!💬
طلعاااتلو الدم كثر ما هو طالع ديك الساع دور ليها غير شافتو كيصوني عرفات راسها قوداتها...حنحناتو تنفسات بالجهد عاد جاوبات..
رائد ... مالك مك قلقة الترابي مكاتعرفيش كيفاش تجاوبي ..!؟
شغف ..بزاااف عليك و قطططر الحامض على عينيك تا نكون انا قليلة الترابي ..لاش مصوني على وحده قليلة الترابي سير دوي مع المربيات لي كاتعرف ...
رائد ..اللهم طولك يا روح .. علاش باغية تعصبي ديلمي انا ماشي غا معصب فووت معصب لهيه ..
رائد .."ابتسم بالجنب .." انا ندوي كيف ما بغيت ماغاتعلمينيش كيفاش ندوي ..!؟
شغف ..انا غانسد ..ماعرفتش اصلا لاش اتصلتي بيا ..."يالله غاتسد و هي تسمع الكلمه لي زعزعات ليها الموازين ديال قلبها" ..
رائد ..كانبغييك ..
شغف .."الصمت اللمت"
رائد .. داكشي علاش كانتعصب عليك .. اي حاجة كاتعلق بيك كاتعصبني ..و هذا لي تجرأ عليك هو لي معصبني ماقاادش نجلس مرتاح و نتي كاتخصيني قاسوك فهمتي!؟ ..
شغف .."ابتسمات و قلبها كيشطح" مع ذلك ماتعصبش عليا ..😌
رائد .."حط يدو تحت راسو " غدا الواليد و الواليدة جايين يشوفوك .. و غايدويو معاك على العرس و الخطبة و داك التخرريق مانعرفش ليه انا نتوما بلانيو لداكشي و علموني ..
شغف ..هههه ماعندنا مانديرو بيهم فيهم غا الصداااع و غايخرجو راسهم قاااصح لبااهم ..
رائد .."جرها من شعرها" انا راسي قاصح لمك ..
شغف .. فووووق القيااس هههههه ولكن ممكن ندير معاك المزيان و نولد ليك ولد .. اش بغيتي تسميه!؟
رائد .. ماعرفتش.. عمري فكرت فهادشي هه ..
شغف .. نسميييوه تاج الدين على اسم بابا ..
رائد .. تا يزيد و سميه سعيد ههه .. دابا ماعارفاش راسك اش غاتولدي .. تا نديرو العرس و داكشي لاخر و يفيض البحر على الكورنيش و نشوفو داك الساع اش غايعطينا
شغف .."ضرباتو لصدرو" الله يمسخك مااسخ ..
رائد.. هههه مالي قلت شي حاجة ماهيااش غادي تحملي من البوس مثلا .. داكشي راه بين لابدا منو غير وجدي راسك ..
شغف .."خزرات فيه .. '' الله ينعل لي بغا يدوي معاك ..
جنتي الجزء الرابع
محتوى القصة
التنقل بين الأجزاء