جنتي الجزء الخامس

من تأليف ليالي نسيم
2018

محتوى القصة

رواية جنتي , الفصل الثاني من قصة باقة حب لا تذبل

صبح يوم جديد ..مشمس و الجو يشرح الصدر..فاقت شغف كاتكسل بقات مدة على فراشها كاتفكر قمكالمة البارح .. دورات راسها كاتقلب على التيليفون بان ليها مليوح فالأرض عرفات راسها ركلاتو..هزاتو شافت الساعه لقاتها 15:00.

-شغف .."نقزات من بلاصتها" اويلي .. 
مشات لدوش دغيا خذات دوش خفيف دافي حيدات بيه ريحة النعاس بلا ما تقيس شعرها قضات حاجتها و حكات سنيناتها و خرجات لبسات السيرفيت لي خذا ليها رائد مع السبادري و طلقات شعرها دارت حكر خفيف ماط مع ماسكارا بينات لبها عينيها و كبراتهم اكثر و نزلات لقات ريماس باركة مع هاجر مشات عندهم ..
ريماس..هاي هاي على الزوفري لي عندي فالدار ناعس تال العاصر ..
شغف .."باستها فراسها" صباااح الخيير ..
هاجر... شمن صباح هذا مزال قولي مساا الخير ..هههه ..
شغف .."سلملت عليها بالوجه" كنت عيااانه ..
هاجر .. كي بقيتي دابا؟؟!
شغف ..شوية الحمد لله حسن من الاول ..
ريماس .. وا راه بيخير كاع الزروقية زالت بقات غا شويوش تالحمورية غاتزول اليوم ..
شغف .. وي .. 
هاجر .. يعطيهم الگرد فاليدين .. بالحق غا بلاتي رائد يجبدهم يجبدهم ..هاد اليومين انا وخالعني عساك هوما فاش يلقاهم مانقولش ليك ..
شغف .. ههههههههههه اصلا هو عطيه شي حاجه فيها العنف و رجعي لور .. 
هاجر .. و مالك الراجل هو لي يموت على بلادو ولا على ولادو ومت ولادو هههه ..
شغف ..هههه..😊
ريماس.. ""كاتشووف فيها" يااه ماقالت والو يعني موافقه!؟ ..
شغف .. علايااش😳
ريماس .. على رائد ..!؟
شغف .." كلتفرك فصباعها" دوينا انا وياه .. البارح .. زعمه اتصل بيا بالليل و قال ليا غاتجي خالتو هاجر و عمي يدويو معاك نتي و بابا فداكشي تالعرس و الخطبة ..
ريماس .. هي نزغرك واخه مكانعرفش ..
شغف .. ههههه لالا بلاش غير غلتغوتي اماما .. بلاش .. 
ريماس .. هههه شوفي ليك البنت شنتااات .. 
هاجر .. بالسيف غاتاااخد ولدي رااائد سيد الرجال حقها تشنت 😌
ريماس .. ثانية بس .. على فكره ولدك غاياخد بنتي لاااالة شغف ست البنات بنت تااج الدين الصقر 
هاجر .. صافي تواتاو كاع كولهم تريكة الصقر حنا مالنا ههههههههههه
تاج الدين .."جا عندهم هو و يمن كانو فالصالة الثانية .." فقتي النعاسة ..!؟
شغف .. ااه هههه .."وقفات باست ليه يديه و سلمات على يمن .." ..
تاج الدين .. الله يرضي عليك ..صبحتي مزيانه!؟
شغف .. اه 😍 الحمد لله ..
تاج الدين .."جلس و جلسات حداه خشاها تحت كتفو " عرفتي هاد الناس لاش جايين ..

شغف .."حدرات راسها و تكمشات فيه" الدار دارهم وقتاش بغاو يجيو مرحبا ..
يمن .. الله الله على الناس لي يعرفو للصواب ماشي فحالكم ..
ريماس .. يالك اسي يمن .. حاطين ليك الفقااص و كعب الغزال و اتاااي و مانعرفووش للصواب ..
يمن .. ههههههههههه كعب الغزال خاشية فيه قرفية ..
ريماس .. واباااخويا باااز مكاتقشرش ..
تاج الدين .. هنيونا يا ..خليونا ندويو مع البنت ..
هاجر .. دوي اخاي دوي ..
تاج الدين .. شوفي ابنتي .. غانجيد من اللخر هاد الناس جايين يخطبوك لولدهم و ماجاش معاهم زيد علبها مجيبين لا ورد لا شكلاط ..
ريماس .. تا السكر ما جابوه و قالك صواب تعرف ليك تا بعداا ..
يمن .. اودي غاتعطيونا بنتكم و نعطيوكم ولدنا و خيرنا ميديه غيرنا ..
تاج الدين .. انا الى عليا ماتزربيش فكري مزيان الزواج ماشي لعبة ..
ريماس .."ضربات فخاضها" اويييلي حي على غدايدي غانتف حجباني مع هاد القوم ..
هاجر .. ههههههههههه الراجل ماسخاش ببنتو .. 
تاج الدين .."زير عليها " شكون يسخى بلي كيحن فيه ..
شغف..."ايتسمات و عنقاتو" حبيبي ..
هاجر.. اوا البنت مصيرها تزوج .. و زيدون هادي هي الفرصة بااش رائد يستقر فالمغرب بلاصة ما يبقى مغرب فبلادات الناس ..
تاج الدين .. دويتو معاه بعدا فهادشي!؟ بنتي راه ماتبعدش على دار باها!
ريماس .. اوا راه دروري تمشي لدار راجلها فينما كانت تا انا ماغانسخاش بيها ولكن راني باغية نشوف ولادها قبل ما نموت ..
شغف .. الله ينجيك احبيبتي .. مزال تشوفي ولاد ولاد ادهم و ايهم ..
تاج الدين .. دابا من هادشي كامل اش قلتي موافقة ولا مموافقاش .!؟
شغف .." ابتسمات بخجل" لي عجبك ابابا .. 
تاج الدين .. مالي انا غانتزوج بيه .. لي بغيتي نتي اماانا ماعليا غير نبارك ..
شغف .." "عضات على شفتها" الى كنتي نتا و ماما موافقين تا انا موافقة ..
تاج الدين .. اممم دابا الى ماوافقتش ماغاتوافقيش .. اوا السلام عليكم نوضو وريونا عرض قفاكم اناس ..
شغف .."جمعات الضحكه و حلات فيه عينيها مصدومه"
تاج الدين .." جابت ليه الضحكه " هههه غير بشوية عليك طلعي النفس ..
يمن.. . شوف البنت كي صفارت اصاحبي هرب منها الدم .. هههههه
تاج الدين .. اوا اش غانقول لك .. مبروك عليك ابنتي ..
شغف .."رجعات النفس و ابتسمات بخجل.." 
يمن .. مبروك عليك ابنتي.. 
شغف ..الله يبارك فيك اعمي ..😊..
ريماس .. مبرووك علينا كااملين ..
هاجر .. الصقور غايتزوجو فين غانديرو لكم العرس فالصحراء.. ههه ..
ريماس .. ههههههههههه و الله الى .. 
تاج الدين .. توما براسكم ضحكة و كاضحكو .. مزوجين عيالات مكيعرفو تا يزغرتو ..😕
ريماس .."هزات فيه حاجبها .." مزوجين عيالات ماشي زغراتات اسي تاج الدين ..
تاج الدين .. جمعيهم نتي .. ها .. جمعيهم ..😉
ريماس ... "صرتاتها اللقوة .." نضي تاكلي شي حااجة ابنتي نووضي. . 
شغف .''. ناضت للكوزينة ..'' هاني راجعه.... ! 

رائد فاق على النبوري اتصل بمحمد مالقى عندو تا جديد و لبس سيرفيتو فالتوار و سبادري تا هي فالنوال دار كاسكيط على راسو و خرج كيجري تا كمل ..طرك محمد فالكوميسارية و رجع للداردوش و بدل علبه عاد خرج للكافي فديك الوقت هاجر و يمن كانو فدار تاج الدين .. جلس كيشيش تا اتصل بيه محمد ..
رائد .."توگد" وي العشير كين شي جديد !؟..
محمد ..كين ... جبنا داك خونا لي تلاقى معاه مصطفى ..مشكوك فيه و عندو سوابق 
رائد ..اييه .. مزيان ..هانب جاب ..
قطع على محمد و كسيرا ديريكت لعندو للبيرو لقاه كيتسنا فيه قدام الباب. ...

محمد .."حط يدو على كتف رائد " رائد .. نتا عارف بلي هادشي ممنوع .. و الى تعرف بلي وقع غانخرج على راسي .. كاتفقدش السيطرة الله يخليك ..حنا غانتكلفو بكولشي و غايدوي غايدوي ..
رائد..تت .. ماتخافش اصاحبي ..
فتحو ليه الباب ديال المكتب لي كان شبه خاالي كان فيه فقط مكتب و وزوج كراسا واحد جالس عليه واحد من رجال مصطفى .. و واحد مشا جلس فيه ..
رائد .. شكون صيفطك .. تنطق بلا مانستعملو معاك العنف راني واكل دوا باش نوقف ندوي معاك عادي ..
الشخص .."كيدوي و يعبر بيديه بطريقة "المشرملين " عفوااا" انا ماصيفطني حد العشير شكون نتا ولا جايبيني لهنا الله وعلم .. واش غا لي بان ليكم كاتديوه ولا شناوا ..
رائد .."عض على شفتو بغيض مامتحمل يسمع تا كلمة " غانعاااود نقول ليك شكوون صيفطك!؟ .. مصطفى شرف ياك؟؟
الشخص .. شكووون اواا هذا مصطفى و لا مانعرف اش .. شوف اعشيري انا شفار معتارف بيها ولكن دابا .. ضبرت على بريكول .. و عفى الله عما سلف ..
محمد "شد ليه راسو من اللور و ردخو لبه مع المكتب تا ولاات تبان لبه زوج زوج من الحاجة" اشوف اعشيري يا غادوي يا غاتبكي .. خلينا مزيانين .. و دوي بلا ماتجني على ك** حيت لا مادويتيييش غانهبطك تكلاصااا فهمتي ؟ و الى هبطتي بالرب الجليل لا طلعتيها تم غاتبقى .. 
الشخص .."شد فراسو " ااااهااادشي ماااشي قانوني ... هادشي ضد القانون...
رائد .. جيبو ليه جمعية حقوق الانسان "شد من فكو زير علبه مزيااااان" غادوي ولا غاتحسب سنانك راني حابس روحي عليك بالسيف 
الشخص .."ماتكلمش.."
محمد ..عنك ..جرو من الكول ديال الشوميز و نزل عليه ببونية جابو مجبد .. جا واحد من البوليس هزو لبه و رجع عطاه بونية اخرى .. بقى عليه بالبونيات تا وا كيتگرع الدم جرو من قرفادتو جلسوه فوق الكرسي .. دابا غاتدوي؟؟ و غاتقول شكون صيفطك .. و شكون صاحبك لي كان معاك نهار تهجمتيو على البنت ..
الشخص .."كينهج و يمسح الدم من فمو " علي هو لي كان معاياا .. خدامين عند مصطفى كارد كورات .. لي قالها كانفدوها .. قال لينا خلعوها و خلعناها ..
رائد .."ضاغط على سنانو" شكون فيكم لي كان غايتعدى عليها؟؟؟؟؟
الشخص ..و الله ما انا الشاف و الله تا علي .. خليوني نمشي الله يسهل عليكم..
رائد .. فين غاتمشي .. برك غانجيبو ليك الوناسة غير تسنا ..
خرج ردخ الباب و خلا معاه محمد...
الشخص ..الله يسهلعليك اشااف خرجني بربي مابقيت كانشفر ..
محمد .."شاف فالي كان حداه " مسحو ليه هاد الكمارة و نزلوه التحت تا نجيبو ليه عشرانو ..
خرج تبع رائد لقاه على برا واقف كيكمي و معصب ..
محمد ..غانمشيو نجيبو داك عشيرو علي .. 
رائد .. باش غانعرفوه ..!
محمد ..ماعندنا عليه والو .. تا تصويرتو ولا عنوانو .. 
رائد.. "خطرات على بالو فكرة" بلاتي بلاتي .. عندي واحد السيدي غايديه لورا الشمس كيفاش تمسح من بالي .. و لي فالسيدي ممكن يكون هو علي لي كانقلبو عليه ؟
محمد اوا اش كاتسنى اصااحبي فينو؟؟
رائد .."هز تيليفونو اتصل بصاحبو لي كان جاب ليه السيدي" وي افين .. بخير .. قول ليا داك الكلب لي سكرتي معاه اش كانت سميتو؟... كيفاش ماعقلتيش اصاااحبي ركز معايا عندييل حياة مك.. ركز .. واش ماسميتوش على ؟؟ هي سميتو .. مزيان .. يالاه تلاح ..
رائد .. هو ..كيجلس فواحد البار كل نهار بالليل كيسكر تم ويقمر.. 
محمد .. تمام .. دابا هاهو لقيناه .. السيدي .. السيدي اصااحبي ...
رائد ..دابا يكون عندك .."ركب الاوطو ديالو و كسيرا ديريكت للدار خذا السيدي و تحرك بيه لعند محمد خلاه ليه و الجنون لي فيه مكانش قااادر يصبر كسيرا للشركة ديال يشوف التسجيلات ديال كاميرا تا هوما ماكرهش يجمع كاع الأدلة فديك اللحظة و يمشي يجرجر مصطفى كي الكلب للحبس ..

ماكرهش يجمع كاع الأدلة فديك اللحظة و يمشي يجرجر مصطفى كي الكلب للحبس ..دخل كيقلب على تاج الدين قالو لو مزال ما جاش و مشا ديريكت لعند السيكريتي سولهم على التسجيلات ..
رائد ..بغيت نشوف تسجيلات الكاميرا ديال نهار الثلاث..
السكيريتي .."طلع و نزل فيه .. و ضحك" مابغيتيش كرسي مجلس الادارة هههههه ..
رائد .."خزر فيه" بان ليك فوجهي كانضحك .."جرو من الكول ديالو تا جمع الضحكة" شوف فكمارتي مزياان " بنتك ليك كانضحك غانعطي لمك براس ..
السيكيريتي .."دفعو " ياك لبااس اشريف ااش كين شكون نتا اشخصك .!؟
رائد .. خصني التسجيل ديال الكاميرات تاع بيرو شغف ..
السيكيريتي .."جا ينطق و هو يجيه واحد ااخر" راه ممنوع اسيدي مكانعطيوش التسجيلات لأي كان ..
رائد.."كيحاول يكتم اعصابو .. حمر فيه عينيه و خذا التيليفون اتصل بتاج الدين" .. وي العميم .. واحد الخرا معكس ليا التسيجيلات دالكاميرا و معطلني هنا ..
قطع معاه و ما هي الا ثواني و اتصل تاج الدين بالسكريتيرة ديالو خبرها و هي اتصلات بيهم و عطاتهم امر من تاج الدين باش يخليوه يشوف التسجيلات ..
السيكيريتي .."فسح ليه المجال باش يدخل للبيرو ديالهم " سمح لينا اسيدي ماكناش عارفينك من طرف المدير .... تفضل معايا ..
رائد .."دفعو على الحيط بعصبية و داز تبع لاخر " مرة اخرى حفضوني ..
اتجهو ديريكت للبيرو لي فيه الاجهزة ديال المراقبة لقى السيد لي خدام عليهم نااعس و كيشخر لوا معاه تسرفيقة لقرفادتو..
رائد .. ملي نتا نااعس بسييف يتهجمو على الموضفين و نتوما ماجيلين للدنيا اخبار ..
الموضف .."ناض كيحك فعينيه" .. ياك لباس شكون نتا !؟
رائد .. جبد ليا التسجيل ديال الكاميرا تاع البيرو ديال شغف الصقر .. نهار الثلاثاء...
الموضف .."شاف فالسيكيريتي" شكون هذا ؟؟
السيكيريتي .. دير لي قال ليك الاستاذ من طرف السيد المدير ..
الموضف .." تفافا ..شير ليه على الكرسي لي حداه" تفضل جلس ..
رائد .."كيخزر فيه ..جلس منفخ تقول جالس على الجمر" .. جبد لي قلت ليك ..
الموضف .. "جلس كيقلب " انشوفو الى كانت مشعولة داك النهار ..
رائد .."ضرب يدو مع البيرو" تبااارك الله اسيدي على خدمة عندكم .. اش هاد الاهمال كامل .. كيفاش الى كانت .. 
الموضف .. "كيحاول يلقى تبرير" الكاميرا ديال السيد المدير و تاع المدخل الرئيسي و المدخل الخلفي هوما لي كانخدمو بزاف ..
رائد .. و الباقي لاش ديرينو ديكور مثلا !؟ و لا كايجيك الضو غالي .. كاتقتصد عليه!؟ كاتخلصو من جيبك ...
الموضف .. كانركز على دوك الكاميرات المهمين حيت مكانقدرش نشوف كاع اش كيوقع فالبيروات كاملين ..
رائد .."حس بالخنقة ماكرهش ينوض يفرشخو" .. واش عارف ك** اش كلتقول!؟ لاش مخدمينك هنا!؟؟؟ شنو هي خدمتك الى كان هادشي كيتلفك ..
الموضف .."حاني راسو مادواش " ..
رائد ..من اليوم نبغي كااع البيرواات كاميراتهم يخدمو من اكبر بيرو تال اصغر بيرو كاتفهم .. تا كاميرا مانبغيها تطفى .. و غايجي موضف اخر ولا زوج يخدمو معاك ولا رااك عارف .. الباب الحباب .. "شاف فالسيكيريتي " .. كاميرا غادار هنا و ديريكت مع تيليفوني باش نراقب كولشي .. ماعندنا مانديرو بلي غاينعس لينا هنا .. مفهووم ..
السيكيريتي .. واخة استاذ ..
رائد .."شاف فالموضف" .. اشتو مالقيتيش !؟"
الموضف .." تنفس الصعداااء فاش لقا الكاميرات كانو مشعولين ديك النهار كاملين .."هاهو لقيييتو.. ولكن ..!!

رائد .."حط يدو على راسو و ضرب كاس ديال الما بضهر يدو تا تشتت" فااااااك 
الموضف .. شي حد حذف جزء من التسجيل .. 
رائد ."حمارو عينيه دار عندو شدو من الكرافات جرو لعندو" و نتااااااا فاااين كنتييييي.. فاااين ..
الموضف .."كيتمتم".. ان .. انن.. انا .. مم ماكانخلييش البيرو .. غير الى بغيت .. نن .. نمشي لطواليط .. ولا نصاايب قهوة ..
رائد .."زدحو مع الكرسي .." عااود ليا القل** عااود ..
رجع عاود ليه التسجيل لي قطع حين دخول مصطفى لعند شغف .. عاودو شحال من مرة و كل مرة كيلمحو واخة مباينش مزياان بالحق شدو زومااا على وجهو مزيااان
رائد ..تماام مكينش كيف يرجع التسجيل لي تمسح!؟ ..
الموضف .. ميمكنش اسيدي ..
رائد .."خزر فيه" .. سجل ليا ديك اللقطة لي زوميت عليها .. 
دار كيف قال لو رائد و و عطاع السيدي .. نطرو من هندو و هز تيليفونو و خرج ديريكت لعند محمد ..
محمد .."ضرب يدو بالكلافيي" هاد الخرا منافعنا بوالو ..
رائد .."كيحرك رجليه بعصبية .."القل** لي فالمكتب ديال التسجيلات مكينش كاع .. لقيتو ناعس واخة يحطو حداه ميت ما يعيق .. 
محمد ..الحل الوحيد هو داك على و لا اش سمية والديه يحضر .. 
رائد .. الليلة نحضرو فينما كان ..
محمد.. "كيحك راسو" الليلة غانمشي انا وياك .. ماغاتمشيش بوحدك ..
رائد .."شاف فالساعة ديالو" مابقى والو يالله نوصلو ..
"هز سوارتو و تم نازل .. خذا محمد تا هو تيليفونو و تبعو ركب معاه كسيرا بأقصى سرعة للحانة لي كيجلس فيها خونا لقاوه بارك وسط رباعة ديال العاهرات ضايرين بيه و هو جالس كيعاود ليهم فالامجاد الاجرامية ديالو هزو محمد من قرفادتو تم غادي بيه يالله كان غايحبسو الفيدور ديال البار و هو يوريه الكارت ديالو تراجع ديك الساع طارو بيه للمخفر لاحوه فنفس البيت لي كان فيها صاحبو .. جاب واحد من البوليس لي معاه صطل ديال الما خواوه عليه و جابو ليه قهوة شربوها ليه بزز .. عاد سحا شوية ..
رائد .. فقتي اعمو!؟ ..
........ ياك لاباس لاش جايبيني لهنا .."كيضور عينيه فجنابو ..
محمد .. دابا غاتعرف لاش جبناك لهنا .."سفق للشاوش دخل ليهم البيسي ديال محمد مع السيديات".. اجي اباب تفرج ..
....... اش هادشي ..!؟ واش كاضحكو عليا علاش جايبيني لهنا ما درت والو ..
محمد .. .."شعل ليه السيدي .." .. شوف ابابا شوف فرجة ممتعة ..
........"بقى كيافرج فراسو مصدووم و هو كيسرسر كووولشي و اي حاجة على مصطفى شرف قالها و كاع اسرارو و الوسخ ديالو قالو.." ااش هادشي ايمتا هادشي..
رائد .."جاب الكرسي و جلس قدامو بالمقلوب " كنتي مغيب احبيبي .. 
........ هااا يعني هضرتي ميمكنش تخاد بعين الاعتبار .. حيت كنت سكران و جايب الكاو .."ابتسم بفخر فحال لا دار شي حاجة نيت😌". 
رائد .."خذا ليه راسو بحركة مفاجئة و رجخو لبه مع الطبلة تا داز لو دم من فمو .." غاتخااد بعين الاعتبار و غاتقول ختها دابا و نتا ساحي .. 
.......
بعد ما مشا عمها و مرتو مشات طلعات مباشرة لبيتها تجبدات فوق النموسية و اتصلات بريم ..
شغف ..ريما ..
ريم .. صافا بيبي .. كي بقيتي ..
شغف .. في احسن حالاتي ..
ربم .. اممم .. ما السر .. كيت شي جديد ..!!
شغف ..اايه الالا .. رايد .. خطبني .. و عاد جاو واليديه عندنا الصباح .. و الخطوبة بعد غدا .. 
ريم .. ياه ياه بالسرعة دي ..
شغف ..اويلي حي على السرعة ..اشمن سرعة اختي .. شحال و حنا محرومين ..
ريم .. ههههههههههه كانضحك معاك ..شحال فرحت ليك 😍 اخيرا تجمعتي مع الحيبان ..هههههه .
شغف ..العقبااااليك ..
ريم .. مع من مع الجنون ههههههههههه. .
شغف .. مثلاااا ..
ريم ..ماحنااا على فااالك .. تفو .. و الله و ماكان زييين و سمر و شعرو كحل و عينيه كحلييين و وييل و مبووودر اللحية ماشي مهمة .. 
شغف .. هاي هااي .. مرسوم هذا عندك ههههه حلمي احبيبة حلمي .. 
بقاو هادي من عندي و ديك من عندك تا غفااات شغف ما فيقها غير شي حاجة ضربات فالزاااج ديال البالكون ناضت مفزوعة كاتقلب فجنابها..

بقاو هادي من عندي و ديك من عندك تا غفااات شغف ما فيقها غير شي حاجة ضربات فالزاااج ديال البالكون ناضت مفزوعة كاتقلب فجنابها..جرات عليها بينوارها و تسحبات بشوية عليها تا وصلات للبالكون حيدات شويشو من الخامية طلات و هو يبان ليها رائد واقف ..حيدات الخامية و فتحال الباب .. بان ليها العنب حدا الباب كان كيدرب بيه الزاج ..
شغف .." اش كادير هنافهاد الوقت!؟
رائد.. "شير ليها بيدو تنزل و مشا جلس فالكنابي .." ..
لبسات بانطوفتها و نزلات كاتجري مبان ليهاتا حد كولشي نعس ..فتحات الباب خرجات و سداتو بشوية و مشات كاتجري عند رايد جلسات حداه .. 
رائد .. غير بشوية غاتهرسي الكنابي ..
شغف .." قلبات فيه عينيها"الى تهرس نشريو ااخر.
تنهد و رخى راسو على الكنابي كيشوف فالسماا كان بااين عليه العيااء بزااف و الارهاق .. تحت عينيه بدا كيكحال .. جبد كارو كيكمي و شغف دارت عندو بدات تتشوف فيه .
شغف .. مالك ..؟شنو عندك ..
رائد. "شاف فيها و ابتسم بخفة" ماعندي والو علاه؟
شغف .."حطات يدها على حنكو"حيت باينة عليك عيياان .. 
رائد .."خذا يدها باسها " كثر من سيمانة ما نعست .. غاتفووت ..
شغف .. علاش مامشيتيش تنعس دابا ..!
رائد .."طفى الكارو و تقاد فالجلسة " امم كان خصني ناخد جرعة من المخدر ديالي عاد نمشي نعس ..
شغف .."ضحكات بخجل"ههه .. امم كاتعرف تصبغ..
رائد..."طلع فيها حاجبو" قلت لك ناخد جرعة من المخدر ديالي .. المخدرماشي شي حاجة مزيانة فين الصباغة فالموضوع ..
شغف .."درباتو لكتفو " ههههه بااز .. اه قول لي فين كنتي النهار كامل .. جات عندنا خالتو هاجر و عمو يمن .. 
رائد .. نگغة ..عمو و خالتو بيمن غانتزوج انا .. 
شغف ...تت .. اووف .."ربعات يدها و دلات شفايفها بطريقة طفولية" 
رائد .."جرها من قرفادتها خشىها فيه" مالنا ..! ..
شغف .. مامالنااش ..😒
رائد .. اوا حددتو ايمتا الخطبة و العرس و داكشي ..
شغف .. الخطبة بعد غدا .. و العرس خلاوه ليك نتا تحددو ..
رائد .."كيلعب لها فشعرها" ..امم العرس من بعد صيمانة ..
شغف .. "طلعات رايها فيه" ماشي زربتي !؟
رائد .."شد لها فيدها كيلعب بصباعها" مكين بو زربا .. شحال و انا محروم تا من شوفة وجهك و كاتقولي ليا زربنا بحالنا خصو يكونو عندو الولاد دابا ..
شغف .. ههههههههههه ماتزيدش فيه ..
رائد .. العرس منور سيمانة كيف قلت ليك .. و غايكون كيف ما بغيتي .. بكاع طقوسو ..
شغف .. "شدات فيدو كادور فيها" ..مابغيتش عرس .. زعما مابغيتش شي حاجة اووفر .. غير عرس صغير على قدنا .. نعرضو العائلة و الصحاب المقربين و صافي ..ماخصني لا بكثرة طقوس ولا بكثرة مصاريف .. اصلا داكشي كلو ماشي مهم ..
رائد .. امم .. شنو لي مهم .. !؟ 
شغف .."ابتسمات و طلعات فيه راسها" اممم .. المهم هو اننا غانتزوجو .. اناا"حطات صبعها على صدرها .. " و ياااك .."حطات صبعها على صدرو''
رائد .. "شد صبعها و باسو"لي بغيتيها غاتكون و ماتهزيش هم للمصاريف عارفك فاش كاتفكري الخير موجود الحمد لله .. 
شغف .. و لو ..انا من ديما كنت كانقول ليك مابغيتش عرس كبير غير حفلة على قدنا .. و فستان ابيض يكفيني .. 
رائد .. واخة الالة .. لي بغيتيها هي لي غاتكون ..
شغف .."تكات على صدرو" بغيت نسولك .. شنو درتب فقضية مصطفى. ؟
رائد ..""كي سمع اسمو تشنجو عضلاتو" .. غدا انشاء الله غايساالي .. 
شغف .. كيفاش؟؟
رائد .. ماتهزيش فبالك نتي .. عرفنا لي تهجمو عليك .. و شديناهم اعترفو بكولشي .. و سي مصطفى غايطيح غدا كولشي غايسالي .. الوحيد لي عندو ادلة عليه طاح بين يدينا اليوم .. و خليتو انا وحدم يعترف و يسرسب كوولشي .. 
شغف .. "براحة .." الحمد لله .. غير مايهربش الى عرف هادشي ..
رائد .. ماتمافيش كولشي حاسبين حسابو ..
باسها فوق راسها و بقى كيلعب ليها فشعرها حتى غفااات و تبعها تا هو كان ميت بالعيااا .. داتو عينو و ماعقلوزش على روسهم بزوج نعسو فحضن بعض ..

باسها فوق راسها و بقى كيلعب ليها فشعرها حتى غفااات و تبعها تا هو كان ميت بالعيااا .. داتو عينو و ماعقلوزش على روسهم بزوج نعسو فحضن بعض .. تال واحد الوقيتة ضرباتو الفيقة لقاها مكمشة فيه و باااردة ..بشوية عليه تا هزها و طلع بيها لبيتها .. باسها فشفايفها و غطاها مزيااان وخرج ديمارا الاوطو و اتجه لدارهم..
جلس فوق الناموسية و تفكر صاحبو شحال ما دوا معاه..خذا تيليفونو و التصل بيه ..
رائد .. "كيعوج لو سميتو" عبوووودي
عبيدة ..الله ينعل بو مك ..
رائد .. كي دير العشير..
عبيدة .. كي الخ** اا ..مخلي عليا الخدمة و ماشي تفوج !!
رائد .. و الله الى داكشي علاش تصلت بيك .. عندي واحد المشكل كنت كانفكو.. و داتني الوقت ..
عبيدة .. امم .. مناويش ترجع!
رائد ...خلينا من هادشي حيت غاتجمع الشانطة ديالك و تجي ..و جيب معاك الخدمة لي عندنا فالمغرب ..
عبيدة .. شنااااوااااا ..
رائد .. اوا حشومة ماتحضرش عرس خوك .. 
عبيدة .. ههههههههههه وااايلي نويتي ..! هي نيت؟؟
رائد ..تماما .. 
عبيدة.. اوا مبروك و العقوبة لينا ..
رائد .. انشاء الله .. المهم هاد السيمانة تكون هنا ..
عبيدة .. احم .. نجيب معايا سهى .. قلتيها ليها بعدا!؟
رائد .."وحلات ليه .. حط يدو على راسو نسااا سهى من نهار رجع للمغرب و تا اتصالاتها مكيجاوبش عليهم" جيبها ماتجيبهاش سوقك هذاك ..
عبيدة .. اممم تمام.. اوا مبروك عليك العشير ..فرحت ليك اخيرا تجمع الشمل هههههههههههه 
رائد ... واياه ...
قطع معاه عبيدة و هز الوراق ديالو باش يمشي للشركة .. فهاد الوقت كانت سهى خدامة تا تفتح عليها الباب .. طلعات راسها لقاتو عبيدة و هي توقف ..اخر مرة شافتو كان عرض عليها للعشاء .. ماشياف منها غير الجفاء ..
سهى .. مستر عبيدة فين كنتي هادشي كامل شوشتيني عليك!! 
عبيدة .."ابتسم بالجنب .. " كيفاش !! شوشتك من ايمتا كاتهتمي بيا اصلا باش تشوشي عليا ..
سهى..من اخر مرة تعشينا ما جيتي .. و كنتصل بيك يا كاتقطع عليا .. يا مكاتجاوبش!!
عبيدة.. اه .. " جلس .. ورجع كيتفكر اخر لقاء بيناتهم .. " ...

#______فلاش_____بااك____
كانو جالسين فالريسطو لي ختارو عبيدة .. اختارت سهى احلى ما عندها باش تحضر العاء مع انو مكان فنيتها ولا خاطرها والو تجاه عبيدة لكن هي من طبيعتها كاتبغي تبان في ابهى حلة .. لبسات كسيوة لاسقة عليها فالأسود .. بلا درعين .. محجرة من الجناب و الكول مسدودة بالدونتيل حتالعنق.. شعرها جمعاتو كعكة مهملة بطريقة راقية و دارت لو بروش اسود مكيبانش تقريبة من غير اللمعة ديالو لي عاطية منر زوين اما المكياج فا ختارت انو يكون خفيف بالنسبة للشفاه و الوجنتين و تقيل فالعييون لي اعتمدات فيهم مكياج سموكي .. .. بهادشي ماخلاتش لعبيدة فين يتلفت بقى حال فيها فمو و هو من ديما كاتعجبو لكن اليوم شافها بطريقة مختلفة .. عجباتو و اكثر حمقاتو .. بثى سااهي فيها تا فيقاتو ..
سهى .."دوزات يدها قدام عينيه " هيهو .. فين مشيتي ..
عبيدة ..هاني غا هنا..معاك ..
سهى .. فين سهيتي!؟
عبيدة .."جاوب بدون تفكير" فييك ..!
سهى .. احم.. "توثرات " ..امم... شنو المناسبة ديال هاد العشااء امسيو عبيدة ..!!
عبيدة .. بفف هاد مسيو ماغاتحيديهاش..اولا انا هنا مامسيووش ..انا هنا عبيدة يا لالة خلي مسيو فالخدمه .. ثانيا مكينه تا منااسبة حبيت تبقى انا وياك على انفراد ..
سهى .. امم.."مامرتاحاش .." الجو زوين اليوم .. 
عبيدة .. انا بان لي كاع الجمال لي فالعالم خذيتيه الليلة ..!
سهى .. ههه ماتبالغش ..
عبيدة .." مد يدو قبط فيدها " ماكانبالغش .. كاندوي بصح .. اجمل منك مكينش اليوم ..
سهى .. "ملصات يدها منو" احم .. شكرا ..
عبيدة .."جمع يدو على شكا قبضة و جرها كيحك فلحيتو" ..ماقلت غير لي كين مكين لاش تشكريني .." تطلقات موسيقى كلاسيكية و مد لها يدو" تحبي ترقصي معايا !؟ ..
سهى .."بتهرب .." ااا .. كانحس براسي عيانة و بزاف ....
عبيدة .."رجع جمع يدو بعصبية .." راحتك امادموزيل راحتك ..
سهى ..بغيت نطلب منك واحد الطلب .. 
عبيدة .." ابتسم ليها " بكل سرور الله يا ودي ..!
سهى .. بغيت نزل للمغرب ..بغيت نشوف رائد..
عبيدة .." تبدل اللون فوجهو و طلع الدم من صباع رجليه تا لراسو حس بعينيه غايخرجو عض حنكو من الداخل و شاف فيها" علاش؟؟ 
سهى .. والو ..غير .. غير بغيت نشوفو مكيردش على اتصالاتي .. ضرني خاطري عليه ..
عبيدة .. " مخنزر فيها" مايضركش خاطرك الالة .. رايد بيخير .. و نتي ماعندك لا فين ولا لاش تمشي للمغرب عندك خدمة ولا نسيتيها !؟
سهى .." نزلات راسها ماحملاتوش فديك اللحظة .." ..اووف ..
عبيدة ..ماتأففيش .. رايد مشا يشوف عائلتو .. و حبابو .. خليه يرتاح .. كيبان ليا تخنق من كثرة الضغط هنا .. 
سهى .. شنو بغيتي تقصد اني ضاغطة عليه!؟ ..
عبيدة .. نتي تعرفي !! لي كانعرف انا هو رائد مشا على ود بنت عمو لي كيبغيها ..اكيد غايكون توحشها .. و غايكون توحش تا عائلتو يعني مكين لاش نزيرو عليه .. 
سهى .. " شعلات نار الغيرة فقلبها" .. بنت عمو .. 

عبيدة .." حط الخلاص ديال العشاء على الطابله و وقف .. " يالله نوصلك....
ناضت معاه سهى ماحاملاش راسها و هي دائما كانت كاتخبي قدامو حبها لرائد .. كاتخبيه على كولشي ماشي غير عليه هو الطريق كاملة و هو كيشوف فالطريق و مركز ماتلفتش ليها .. كيعجن و يخبز فدماغو و كيفكر واش يقول ليها و يصارحها بمشاعرو ولا يخبي كيف عادتو .. كي وقف قدام الموبل لي كاتسكن فيه .. دار عندها 
عبيدة .. سهى.. بغيت نقول ليك واحد الهضرة ماعرفتش كي ندير ليها بالحق غانقولها .." حك نيفو و رجع شاف فيها" صراحة ماعرغتش كيفاتكون ردة فعلك .. بالحق.. غانقول ولي ليها ليها ..
سهى .." فحال لا حسات " .. خير ..يك مكين باس!؟ ..
عبيدة ..خير خير .. "دور راسو لجهة السرجم و عاود شاف فيها .." .. صراحة انا من ديما كنت .. يعني كنت كانشوف فيك بنضرة غيير انك خدامة عندي ولا صديقة .. واخة ماعمرنا كنا اصدقاء قراب .. المهم .. سهى .. كاتعجبيني .. ماعرفتش ايمتا بدا هادشي ولكن لي عارف هو اني كل ما كانشوفك مع شي حد كانتحررق .. كانبغي نقتلو ..
سهى .." فحال لا سرفقتيها" ااش كاتقوول ..
عبيدة .. كانقوول باغي نتزوج بيك اسهى .. !! 
سهى .." شدات راسها" يا ربييي ..
عبيدة .. ماتجاوبينيش دابا .. ماغانعاودش نسولك .. حتى تقوليها ليا نتي بفمك ....يا موافقة يا ماموافقاش ...
شافت فيييه مدة و نزلات بلا ماتكلم ولا تنطق بحرق ..دخلات ديريكت لدارها خلاتو من وراها فحال داك لي كان كيتحارب ..

#انتهااااء______الفلاش__بااك ..
عبيدة ..احم .. كف الخدمه ..!؟
سهى .." ابتسمات ليه" مزيانة .. نتا كيف دير صافا..
عبيدة.. مزيان مزيان ..
سهى ..مزيان 
عبيدة.. جيت بغيت نقول لك واحد الخبر ناعرفتش واش زصلك ولا مزال ..
سهى .. خيير !!
عبيدة..رائد قال لي نزل للمغرب.. بحيت غايتزوج و بغاني نكون معاه ..
سهى .." فحال لا خوا عليها ما طااايب ." .. ااا ..اش غايدير !؟
عبيدة ..غايتزوج ب بنت عمو راك عارفة يمكن !؟كيبغيو بعضياتهم من الصغر .. 
سهى .." تجمعو الدموع في عينيها"... غايتزوج ..
عبيدة .. " حس بيها تقرصات" .. امم ..غايتزوج اخيرا ... المهم قال لي العرس قرب .. انا غانزل الى كنوي باغية تنزلي للمغرب .. و مهتمة تحضري للعرس قوليها لي .. انا غادي نشوف شي خدمة..
خرج من عندها عبيدة ماحاملش راسو .. اما هب طيحات راسها على يديها و عطاتها للبكاا .. تجرحات اكثر من اي مرة .. مع انو كان كيعطيها غير الجفاااء و معمرو طمعها بشي حاجة ولا عاملها بتعامل خارج الحدود الا انو كان مهتم بيها .. مع انو كان مهتم بيها غير حيت بنت و بوحدها فبلادي غريبة و كيعتبرها ختو ..لكن دائما فاش كانعطيو لشي حد اهتمام زائد كانطمعوه بطريق غير مباشرة ...

فاتو يومين كي البرق .. دوزهم رائد فالتخقيق مع محمد فالقضية ديال مصطفى شرف بالاعتراق ديال صحابو قدرو يبحتو وراه و يجيبو أدلة اخرين من اشخاص اخرين جمعوهم من خلال الشكاوي لي ديجا تقدمو بيها ضضدو هذا غير ملفات توصلو بيهم بالن عن علي لي اعترف مباشرة داك النهار بعد ما كلا قتلة ديال العصى .. هادشي كلو و مصطفى ناعس على ودنيه ما جايب للدنيا اخبار .. اليوم الخطوبة ديال رائد و شغف لي كي صبح الصباح فاقت من النجمة .. كانت فحال الوليد الصغير لي كيتسنى العيد باش يلبس الحوايج الجداد .. حيدات الخوامي على البيالكون و فتحاتو نفسات البيت و مشات للبلاكار خذات فوطة نقية و جديدة ودخلات للدوش .. شعلات اغنيتها المفضلة ديال فيروز .."أنا لحبيبي و حبيبي إلي " ...حطات زيوت عطرة فالبينوار و تخشات فيه استرخات نص ساعو و هي عايشة مع اغاني الزمن الجميل .. حتى سمعات ماماها كاتعيط عليها ..غسلات شعرها و ذاتها و لوات عليها فوطة و خرجات ....

ريماس .. " ابتسامه مزينة وجها" هاي هاي على الزين صابح ناشط ..
شغف .. ههههههههههه مالي .. عادي ..!
ريماس .. " قربات ليها و حطات يدها على يد شغف " امم ماعادي والو النور طالع من وجهك ما شاء الله ...
شغف .. ماما حبيبتي هذاك غير الحمام .. طلع عليا سرو 😅 هههههه
ريماس .."خزرات فيها" اوا الله يخليها سلعة ابنيتي .. تا الفرحة باينه على وجهك نكريها تا هي ..
شغف .. ههههههههههه لا مانكرش .. 
ريماس .. اشنو بلانك اليوما الالة العروسة ..!؟
شغف .. والو الصباح هاني غا هنا معاكم و العشية اتجي عندي رييم .. و غانخرجو نضربو ضويرة و نشريو شي تخربيق ..
ريماس .. هاويلي حي ابنتي و دوك النااس لي جااين يديو الخطبة الليلة لمن نعطيوهم !!
شغف .. ههههههههههه صاافي مانمشي فين نبقى حدااك
ريماس .. لا يا عمري غاتنوضي تلبسي و تخرجي بنفسك جيبي حلوة ولا شي تخربيقة على ذوقك ..
شغف .. لاه لاه .. تراني انا العروس .. لازمني اتكيف و ارتاااح ماشي نوض نتسخر عليكم و الله عيب عيب ..
ريماس.. اي اي اي .. شنتي ابنت تاج الدين .. نوضي تقلعي قلاك .. انا بغيتك تقداي على ذوقك راك عارفو شكون غايكون خالك حاتم و مرتو و بنتو و عمك محمد رضى و عمك يمن و ولادو و حنا جيبي شحال يقد .. دي معاك خوتك يعاونوك ..
انا ..نعم نعم ..باغياااني نضارب فالزنقة لالا ماخصنيش ندي معايا ريم ارحم ..
ريماس ..وا دي معاك لي بغيتي .. المهم جيبي لي قلت ليك ..
شغف .. هي لي ماتعاودش الحبيبة ديالي يالله خليني لبس و هاني جاية نوجد معاك ..
ريماس .. واخة .."باستها فحنكها و خرجات" .. 
اتجهات شغف لبلاكار خذات تريكو حمر و جينز مع جيلي .. لبساتهم بعد ما لبسات دوبياس فالاسود و لبسات لباسها فوق منهم و معاهم سباديرة بيج .. دارت مكيج خفيف بدون فونديشن .. فقط حمرة و ماسكارا و حمرة خدود .. بانت كيووت و صغييرة فالعمر خذات تيليفونها اتصلات بريم .. 
ريم .. الصباااحاتوالله .. حالمة بيا ..!!
شغف .. الله ينعل حسك .. باقي وقت نعاس دابا .. نوضي اليوم خطبتي يا قليلة الاصل شكون غايخرج معايا انا..
ريم .. خرجي مع خطيبك فارعة ليا مخاخي انا لاااش ..
شغف .. عنأصلمك .. دابا غاتنوضي انل نفطر و نمر عليك نلقاك قدام الباب..
ريم .."كاتحك راسها" واخة .. لبا الله انا شي يتجوج و شي تا النعاس ميشوفو ..
شغف .. و علاه انا قلت لك سهري تا يصبح الحال مع الزلالا على الفيسبوك ..!
ريم .. اوا الله يمسخك ..سيري خليني نوض نجغدد ..
كملات المكاله ديالها و هزات صاكها نزلات ديريكت للكوزينة تفطر تلاقات بتاج الدين ..
تاج الدين .. صباح الخير العروسة ديالنا ..
شغف .."باست ليه يدو" صباح الخير بابا .. 
تاج الدين .. شفتك لابسة فين بالسلامة!!
ريماس .."دخلتت عليهم" وصيتها على الحلوى تجيبهاعلى ذوقها ..
تاج الدين .. امم غادية بوحدك!؟ 
شغف .. لا غانمشي مع ريم ..
تاج الدين .. اوكي .. غايكونو معاكم زوج كارد كورات .. 
شغف .. "عوجات فمها" كارد كوران ! علاش!؟
تاج الدين .. الى نسيتي راه تهجمو عليك ديك النهار فقاع داري و فبيتك!! عند بالك نخليك تخرجي وحدك عادي .. 
شغف .. صافي .. مايكون غير خاطرك احبيبي .. واخة ماغاديينش نبعدو بزاف ..
تاج الدين .."عنكش لها شعرها" يالله فطري انا غانوصيهم غاتلقاي الاوطو كاتسنى برا ..
شغف .. " ابتسمات ليه" واخة .. 
حطات ليها ريماس تفطر .. نقبات شي تخربيق و هزات صاكها سلمات على ريماس و خرجات لقات رونج فالاسود واقفين قدامها زوج فيدورات شافوها واحد فيهم جلس فمكان القيادة و حل ليها الباب الوراني جلسات و ركب هو للقدام .. عطاتهم العنوان ديال ريم و جلسات كتاخد سيلفيات و تسنابي تا وصلات لعندها لقاتها واقفة قدام الباب .. فتحات الباب ديال الاوطو و نزلات حلات فيها ريم فمها

ريم .. هاي هاي .. مابقينااش ساهلين و كارد يا لالة ..
شغف .."هزات مناخرها" اوا غير مكانبغيش نباان عليك و صافي ..
ريم .."ضرباتها لقزيبتها" زيدي زيدي شتك فحال ضصرتي
شغف .. ههههههههههه و مالي مانضصر "ركبو فالاوطو .." عافاك دينا للمول .. !
دار كيف قالت لو و خذاهم للمور نزلو و تبعوهم و لي دازو من حداه كيبدى يحنزز و بلق عينيه فلي كارد و فالبنات اما ربم ولت تتمشى على صباع رجليها فاش شافت الناس كيحنزو فبهم حيت ماشاء الله تبارك الرحمن فالمغرب عندنا هادي عادة .. التحنزيز و التبركيك الى مابرككناش كاتبقى تاكل فينا من الداخل😅 .. اول حاجة مشاو لمحل ديال الحلويات مشهور و معروف .. دومونداو على طورطة للخطوبة هاد مشاو للجهة ثانية من المول... دخلو لاول محل لي كان ديال المكياج خذات داكشي ليغاتحتاج و بالزيادة الي عجباتها كاتاخدها ..
شغف .. احح شوفي هاد العكر شحال زوين ..!
ريم .. اويلي اصاحبتي شوفي السليلة عمرتيها واخة تكوني غاتماكي لدرب كامل ..
شغف .. خليني نفرح براسي .. ماغانتخطبش كل نهار
ريم .. ههههههههههه لا حول الله يا رب ..
شغف .. و زيدون هادشي ليا و ليك ماشي ليا بوحدي ..
ريم .. لالا احبيبة خودي غير لييك ويلي على نتي غاتولي تصرفي عليا ههههه ..
شغف .."ضرباتها لراسها" انا ويلك واحد و نتي عارفاني كانرتاح تا نشري وحدة ليا و وحدة ليك ..
ريم .. يخليك لياا نتي راه العمر ..

كملو التسوق ديالهم فالمكياج و لي نساوه عوضوه بحاجة اخرة من بعد دخلو لمحل ديال العطور والبخور كاع الروايح شموهم و فالآخير ختارت "قصة عشق" لي حمقاتها ريحتها و خذات بخور و مبخرة .. عاد اتجهو لجهة الاكسيسوارات كملو فيها البااقي شافت الساعة لقات حتى وقت الغدا فاتت ..مشاو ديريكت لمحل الحلويات خذااو ما لذ و طااب من الحلويات و لي طارط و كل حاجة بالزايد و جابو لهم طورطة لي كانت على شكل قلب كبير احمر و عليه صورة شغف و رائد ملي كانو صغار كيف صطاتهم قادو لها داكشيكيف حباتو .. هزو هوما .. و هزو لي كارد و خص لي يهز معاهم مازال .. تحركو من تما ديريكت للاوطو و اتجهو للفيلا مع الدخلة بانت ليهم الحركة فالجردة .. كانو حاطين كراسا بالصبالي دييالهم فالأسود و كل طبلة فيها بوكي ديال الورد فالأحمر من الوسط و ضايرين بيه كيسان ديال الشميعات بالذهبي و مزينين بطريقة رائعة وراقية .. 
ريماس ..اوا تبارك الله عليك هادي هي ماتعطليش ..
شغف .. يالله قداتنا الوقت و مزال زيرنا على روسنا.
ريم.."سلمات على ريماس بالوجه" لعنداكاخالتي مكاتقاضااش ..من محل لمحل جريتها بزز..كون ما فكرتها واش خطبتها اليوم كون نساات..
ريماس..احياانيراني عاارفة هاد الكرش اش ولداك غير خليني ساكتة .. 
شغف .. ياااك كادوروني و اناخطوبتي اليوم ..
ريم .. وييع بزعطة فىعتينا بخطوبتي اليوم غاتيل عمرك تزوجتي ..
شغف .. شوووف ليك الحسد و الغيرة مقهوووريييين من بنت الصقر..
ريم ..."ضحكات بصوت عالي و دفعات شغف"اوا الله ينزلعليك عالمسخ...
ريماس..داكشي لي خليتوه فالمول كملوه ليا هنا يالله طلعو وجدو روسكم .. 
شغف.." تمت غادية" سمعا و طاعة مون شاف ...
طلعو البنات للبيت ديال شغف خذات ريم كسوة من عند شغف عجباتها .. لبساتها جاتها هي هاديك .. اما شغف دخلات طرفات حالتها و دهنات راسها بكريمها ديال ديما الشوكولا ولافانيليا و خرجات لقات الفستان لي غاتلبس ديجا خرجاتو ليها ريمات و حطاتو فوق النموسية .. هزاتو كاتشوف فيه .. رفضات تلبسو فالخطبة ديالها مع مصطفى ..فحال لا كانتحاسة واش ماغاتكون غير ليه ..رائد فقط.. لانو فعلا ريماس خيطات كل قطعة منو بكل حب .. و كانت كاتمنى تلبسو بنتها للخطوبة ديالها مع الانسان لي كاتبغي .. و هاهي امنيتها تحققات .. لسات الكسوة و طلبات من ريم تسدها لعا من اللور .. كان عبارة عن فستان احمر بلا درعين وااصل تال التحت من اللور و من القدام قصير و مموج فيه ادونتيل من الفوق و توب حريري من التحت كلو منبت بالعقيق و الكريسطال الشيء لي مخليه يلمع و يعطي منضر اكثر من رائع .. صاوبات لها ريم شعرها بالبلاك جاها غزال بقات كاتشوف فرايها فالمراية و ضحك .. صاوبات مكياج زويين و ناعم حمرة باردة و لامعة و كحلتت عويناتها الخوضر و عطاو لون رائع مع الكحل .. حددات وجها بالكنتور مع انو محدد من عند الله لكن عطاها منضر زوين ..كملات مكياجها و خذات اكسيسواراتها لبسات حلقات كبار شوية و براصلي كذلك ... رشات من البارفان لي خذات و شافت فراسها .. كانت اية فالجمال .. فحال لا مرسومة عجباتها النتيجة بزاف واخة صاوبات لراسها ولكن هي كانت دائما فبحال هاد النهار تصايب لراسها .. ماهي الا دقائق حتى سمعو الطنوبيلات و الهراج فالجردة كيعلن على وصول الأقرباء و الأحباب ...
ايهم .."هجم عليهم بلا احم ولا دستور " .. الوليدة قالت لك نزلي .. "وقف كيشوف فهادي شوية و يشوف فهادي شوية" هاء هاء هاء .. بريانكا شوبرا و أنجيلينا جولي .. طززز ..
شغف .."رمات عليه مخدة" حيوان .. اجي قول لبا كولشي جا ..!؟ جا رائد !؟
أيهم .."رجعها لها للراس" الحيوانات مكيدويوش ..😌
خرج و خلاها كاتوف اما ريم تكرشخات بالضحك ماسكتات تا صيفطات ليها المخدة تا هي رجعات وقفات قدام تلمراية كاتشوف فراسها ياك ما ناقصة شي حاجة ..
ريم .. متوثرة!؟ ههههه
شغف .. ههه شاداني الرعدة ماعرفت علاش ..!؟

ريم ..عادي ابب .. يالله تنزلي و ديري فبالك ان المهم هو الانسان لي كانبغي اليوم خطبتك معاه .. ابتسمات ليها و و تحركو في اتجاه الجردة حيت تما كانت العائلة كاملة بالحق قبل مايوصلو و فجهة الدروج بان ليها رائد واقف فكامل اناقتو مضارب مع الساعة ديالو يسدها .. كان لابس كوستيم فالايود و شوميز فالأبيض فاتح ليها الصديفات الفوقانيين و مطلع شعرو بطريقتو الخاصة لي مامنضماش طلع راسو كي سمع التقرقيب ديال الطالون بانت ليه شغف و هو يزگ .. تبلوكا كانت اجمل مما كان كيتخايل .. ابتسم بالجنب و حك راسو رجع شاف فريم .. غمزها و حرك راسو زعما فهمي راسك .. داكشي لي دارت طارت فالتجاه الجردة .. اما شغف بقات غا تتشوف فيه و تشوف فيها تا غبرات .. قرب لحداهاتا قرب يكاليها على الحيط ..شاف مباشرة فعينيها و تكلم ...
رائد .. مسااء الورد .. 
شغف .."ابتسمات بارتجاف " اهلا ..
رائد .. "مخنزر" ناوية تحمقيني زعما ولا كيفاش!؟
شغف .."شافت تخنزيرتو و طلعات حاجبها" شنو درت عاوتاني!؟
رائد .."ابتسم بالجنب و قرب ليها اكثر و أكثر حتى لاسقها على الحيط" سلبتي عقلي .. و كياني ..!! شنو باغية ديري مزال اكثر من هادشي!؟
شغف ... "ابتسمات بدلع " انا و نتا واحد يا حبيبي .. كيف كان عقلك و قلبك عندك كيف راه عندي .. غانتهلا فيه ماتخافش عليه و هو معايا .. 
رائد .."خطووط كاترسم على جبهتو من كثرة ما زيرو كلامها .. ماشي كفاية عيونها و جمالها لي ذوبوه كملات عليه حتى بكلامها المعسول ..'' اشنو باغية تصنعي نتي اممم . اش باغية ديري !؟ باغية نكملو هاد الخطبة بالعرس ولا شنو !؟
قلبها كان كيرجف بالفرحة فاش لاحضات انهيار كيانو الداخلي رأسا على عقب قدام عينيها .. و كلماتها.. لاحضات هادشي من ارتجافة بؤبؤ عينيه و نفسو المتوثرة لي كاطلع و تنزل مزيرة و سخوونة .. مالقات ما تقول و ماعرفات ما دير بدون سابق اندار ضماتو و تخشات فصدرو حسات بيه فحال لا بورش فاش ضماتو فجأة .. لكن سرعان ما حط عليها يديه و ضمها لقلبو بقوة فحال لا خايفها تهرب منو ..❤

لكن سرعان ما حط عليها يديه و ضمها لقلبو بقوة فحال لا خايفها تهرب منو ... مافيقهم غير صوت ريماس كاتحنحن وراهم ..
ريماس .."واقفة و دايرة يديها على خصرها" .. دابا لا جاتاج الدبن و شافكم في هاذ الوضعية المخلة للحياء اش غايدير .. طبيعي غايكركبك نتا مع الدروج ..
رائد .."كيحك راسو" نتي وراجلك عشتو ما تيسرة ديال الامور ماغاتخليوناش نعيشيو حنا .. غاتوصلونا ديريكت لسن اليأس ..
ريماس .. ههههههههههه انا وراجلي عشنا لامور فالحلال .. و نتا باغي تمعشق غا هكاك ..
رائد .. لي سمعك يقول باغيها فالحرام .. را شي شوية غاتولي مرتي ماغايحيدها لي حد ..
ريماس.. اوا ريتما تولي مرتك "جرات بنتها من يدها" بعدو شوية على بعضياتكم ماغاتلاسقوش ..
رائد ..واخة الالة نصبرو معاكم اليوم تا بفرجها ربي .. "شاف فشغف لقاها كاضحك" بقاي ضحكي نتي... 
ايهم .."دخل كيجري عندهم" العدول وصلو ..😌
رائد .."صاوب الفيستا ديالو " يالله ..
شغف .."بصدمة " بلاتي بلاتي كيفاش العدول!؟ 
رائد .."خزر فيها" كيفاش كيفاش .. العدول لب غايزوجونا ..
شغف .."وقفات قدامو هازة حجبانها" ولكن بلاتي .. حنا ماتفقناش على هادشي؟؟ تفقنا ان اليوم خطوبة فقط ..
رايد .. اوا سي تاج الدين هو لي قال انا ماقلتش تفاهمي معاه هو .. 
مشا و خلاها واقفة كلتشوف فبه ماعجبوش الحال فاش حس بيها فحال لا مابغاتش!! و هو فعلا تاج الدين لي طلب منو يتكاتبو نهار الخطبة باش يكون مرتاح و هي كاتلقى بيه و تا هو لقاها من الجنة و الناس باش يلقى معاها راحتو .. خبطات رجلها مع الارض يالله بغات تسب و هي تشوف ريماس و النضرة لي كانت ديرة فيها تكمشات ..
شغف .. هادشي كنتي عارفاه اماما ..!!
ريماس ..''مخنزرة فيها" غادوزي قدامي و غاتفوتي النهار على خير ولا غانضرب لبنتي اكبر نتفة .. عيقتي اختي واخة تكوني مكاتحسييش اويلي السيد كيدير معرفت اش غير باش تبقاي مرتاحة ماتخصريش نهارك و نهارو شفتبه كي عقد حجبانو .. ماتنكديش عليه اليوم ..
شغف .. انا وااش بنتك و لا لقيتيني حدا الجامع هالعار ..😒..
ريماس .."قرصاتها" زيدي قدلمي .. و ضحكي عارفاك لابسة داك الوجه الخشب غا ضد و صافي ..الله يحفض يخليها سلعة ..
شغف .. ههههههههههه لا حول ولا قوه الا بالله ..
صاوبات حالتها و تمت غادية مع دخلات عليهم مع الباب كان كولشي مجموع و كل واحد جايب معاوه ولادو و وامد ا
لجنب كلو عامر بالدهاز و الهدايا لي جايبين اهل العريس لي كانو فطيافر ديال الزاج بتصاميم راقية ..كي شافوها كولشي وقف هاجر و مرات محمد كيصليو على النبي و الليقي كيزغرتو .. وصلات قدام تاج الدين و وقفات كاتشوف فيه هو كذلك شاف فيها مدة و عنقها .. 
تاج الدين ..شغوف كبرات تا هي و غاتزوج.."باس لها جبهتها" ..
محمد رضى .."خطفها منو باس لها يدها" انا كون ما كنتي بنت خويا كون طيرتك .. ههههههههههه ..
آيه .."سلمات عليها بالوجه" ياااك الغدار ههههه بالحق طلعتي غزااالة .. 
شغف .. شكرا ربي يخليك ..
عشق .."سلمات عليها هي و حاتم .." تبارك الله ما شاء الله "قرات عليها المعودتين" الله يحجبك ابيبتي من العين ..
شافت جهة رائد كان جالس بعيد عليهم و مزنفر كيحرك فرجليه و محمد بارك حداه ناض من حداه و مشا سلم عليها ..
محمد ..مبروك عليكم اختي ..
شغف .. الله يبارك فيك .. 
ريم .."نقزات من وراها كاتشوف فيدو واش فيه الخاتم لقاتو دايرو " العقوبة لولادك انشاء الله ..
شغف .." نغزاتها" اش حرق شطارطك نتي ..
محمد ... ههه نتزوج انا عاد يتزوجو ولادي ..😉
ريم .."ابتسمات و عضات على شفتها " اوا العقوبا ليك .."دارت مشات كاتشطح بالفرحة😂"
شغف .. ماتديش عليها .. هاد الحمقة شعبية و كاتداخل مع كولشي ..
محمد .."كيشوف جهة ريم'' ماعليش .. كيعجبووني الناس لي فحال ما هكذا ..
شغف .. ام .. ههههه.. 
تاج الدين .. العدول وصل .. تعالو .. 
كملات سلامها مع العائلة و لحقات على تاج الدين كان رائ بقى هو ااخر واحد ناض و تلات تا هي وصل حداها و دفعاتو بكتفها و غمزات لو ..
رائد .. مالنا!؟ ..
شغف .. مالك نتا!؟ عاد كنتي كاضحك لاش عگدتيهم ..
رائد ... ماماليش نتي لي بنتي ليا فحال تراجعتي غا سمعتي العدول ..
شغف .. "ابتسمات و قبطات لو فيديو " .. اممم هادشي علاش تفكعتي .. "وقفت قدامو و طلعات فيه راسها " انا غير تفاجأت ماكنتش عارفة .. بالحق تيقني مفاجأة زوينة ..😊
رائد ..اممم واخو الالة ..
طلع يدو لفمو باسها .. جرها من كتفها تا كانت غاطيح كون ما كان حاكمها .. وصلو عند العدول جلسات حدا تاج الدين و حانية راسها .. دارو طقوس التكاتيب و سماو على الدفتر و الفرحة تتشقشق من عينيهم بزوج و كاع العائله فرحانه ليهم حيت كولشي عارفهم كيبغيو بعض من الصغر و حزنو على فراقهم واخة ماعارفيزش السبب .. لكن اليوم تجمع رائد بفاني اي شوكولا لي كان كيحلم يتجمع معاها واخة كان على بالو عمرو ماغايرجعو لبعض و غايبقى يشوفها غا فأحلامو لكن ماكانمشيو غير فينما مشانا الله بسبب مصطفى رجع و تزوج بحبيبتو لي كان بعيد عليها سنين هادي ..

«يا مداعب الريح هونها على عاشقك .. و ارحم ظمأ من عجز يشرب هبوب الرياح»

ماكانمشيو غير فينما مشانا الله ' تزوج بحبيبتو لي كان بعيد عليها سنين هادي ..تعالت الزغايت و العائلة كاملة وقفو كيسلو و يباركو و يتمناو ليهم حياة سعيدة .. تاا الخاتم ما داروه حي على الزربة .. جرها من يديعا و تم غادي بيها ..
شاف ..هاويلي فين غادي بيا ..!
رائد .."شير ليهم .." ماتسناوناش ممكن نجيو ممكن لا ..!
خلاهم كيضحكو عليه و على تصرفو تا تاج الدين كون لقى كون طر عليه يقول ليه حط ليا بنتي ولكن مابقى عندو ميدير ولات مرتو ... 
شغف .."كاتجر منو" رائد شحوومة اش غايقولو علينا دابا ويلي على فضيحة..
رائد .."وقف و داى عندها مخنزر" دابا واش كاتريگلي على ديلمي ولا شنو!؟ راه وااقلة تكاتبنا ووليتي مرتي واقلة و الله اعام ..
شغف .. واخة .. حشومة 🤗
رائد ... حشومة ياك .."''حك لحتو و تحنا هزها فوق كتافو كيف الريشة دلاها لور خلا كولشي مشتت علبها بالضحكو هي غادية كاضرب لو فضهرو و تغوت هازها فحال شوال ديال الزرع و تم غادي بيها رماها فالاوطو و جلس تا هو فمقعد السياقة ..
شغف .."ربعاتيديها و دلات شفايفها" وحق الله ما عندك عقل .. 
رائد .."مبتسم بالجنب " العقل لي كان طيرتيه شحاال هذا ..
شغف .."دارت عندو " دابا فين غادي بيا هالعار اووف ..
رائد ..."تا هو دار عندها كارن حجبانو'' خاطفك .. عندك شي مشكل 🤨
شغف .. "جاتها الضحكة " .. ههههههههههه ياكما شارب عاوتاني ؟؟
رائد .."ابتسم مع غميزة" هاد المرة ساحي باش نعرف اش كاندير مزياان 😉😉
شغف .. "حمارو حنيكاتها" ياااه علل مااسخ😐
رائد .. "ديمارا الاوطو " شفتي نتي شي حاجة من المسخ نتي !! 
شغف .. لا ماشفتش .. شفت المسخ أون بيغصون ههههه 😌
رائد .."ضربها لورا راسها" ياك لمك ..شغف .."شدات راسها و عاقده حواجبها" اااو ..

جر لها يدها و حطها على قلبو.. ماعندو تا حاجة بالخاطر كولشي بالهنف و شغف تا هي مع رقيوقة ممكن يقسمعا بزوج صباع .. ضل الطريق كاملة و هو كيلعب بيديها فينما بغا يدي يديه كيديها معاه حتى وصلو للبحر ..طبعا المكان لي كانو موالفين يجيو ليه من صغرهم .. نفس البلاصة .. نزل من الاوطو .. فتح لها الباب و مد لها يدو قبطات فيه و نزلات كاتصايب فجلايلها..

شغف .. كون غا قلتي ليا غاتنجيو لهنا نبدل غير حوايجي ..!
رائد .."شابك يدو مع يديها و تحركو لقدام البحر و نفس البلاصة لي كانو كيجلسو فيها من قبل .. " كيف ما نتي بغيتك اليوم ..
شغف .."ابتسمات و استنشقات كمية كبيييرة ديال الهواء " اوه .. شحال هادي ما شميت الهوا ديال البحر بهاد الطريقة ..
رائد .."دورها لعندو'' كي كنتي كاتستنشقيه !!
شغف .."طلعات فيه عينيها" ماعرفتش .. كان ناقص .. ناقص بزاف .. و كل ما كنت كانستنشق أكبر كمية كانحس بروحي كانتخنق .. و خصوصا هنا ..و فهاد البلاصة ..
رائد .. "قرب ليها اكثر و تحنى على شفايفها طبع قبلة " و دابا !؟ ..
شغف .."غمضات عينيها" اممم .. احسن .. 
رائد .."رجع طبع على شفايفها قبلة اخرى" و دابا !؟
شغف .. "فتحات عينيها و شافت فيه " هههه ..صافي .. 
رائد ..ههه .."حط يدو فجيبو و خذا خاتم حطو لها فصبعها بلى ماتحس .. حتى طلع لها يديها .. كان خاتم بسييييط أبيض و فيه ألماسات رقيوقين .." هذا هو الجهد ..
شغف .. " شافتالخاتم عينيها دمعو" غزال ..غزال بزاف و الله 😍
رائد ..يمكن كنتي تمواح ما احسن منو مزال نعوضك نشاء الله .. 
شغف .."حطات صبيعاتها على فمو" لالا ماتقولش هاد الهضرة ..حمقني .. واعر بزااف .. نتا عارف ماكايعجبونيش الحوايج الأوفر ..غزال .. بسيد و فن ..و اهم حاجة منك نتا ..واخة يكون تاع البلاسايك و الله ماغايهمني . 
رائد .."عطاها خاتمو باش تلبسو ليه" هادشي كان خاصنا نديروه تم واقله قبل لا نتكاتبو!! هادشي لي كيديرو الناس !!
شغف .. ماشي ضروري نديرو كولشي بحال كاع الناس " لبساتو الخاتم لي كان فضي عريق شويوش مكتوبة عليه شغف بالخط العربي " 

رائد .."خا يدها باسها من الداخل" كنبغيك ..!
شغف .. "ابتسمات بخجل .. " كنموت عليك ..😊
رائد .. "حط نيفو على شعرها استنشق ريحتو" امم فاني إي شوكواا
شغف .. ههههههههههه مزال عاقل ..
رائد .."طلع فيها راسو و هز حاجبو" مالك نتي نسيتي !!
شغف .."حطعات يدها على لحيتو و اليد الاخرى هزات بيها يدو حطاتها على قلبها " علاه انا نقدر نسا !! الحاجة لي كتكون ساكنة القلب عمر العقل كيقدر ينساها ...
رائد .."ابتسم بالجنب دفمو" وليتي شاعرة صافي .. نسيتي دوك اليام لي ماكنتيش حاملة تشوفي فيهم كمارتي ..ههه ..
شغف ... "عضات على شفتها " خلينا نمحيو ديك المدة يا حبيبي .. 
رائد ..متأكدة باغية تكملي حياتك معايا !!
شغف ..كثر من اي حاجة .. 
رائد .. مزيان جيت هادي اخر مرة غانسولك ..
شغف .."حاوطات وجنو بين يديها و حطات صبعها الكبيربين حجبانو" فكهم شوية غاتشرف قبل الوقت .. نتا واش معصب عاقدهم .. فرحات عاقدهم.. 
رائد .. ههههه واخة الالة غير هو .."جرها لعندو و عنقها بقوة تا فلعصها" ماغانخليكش تفلتي مني .. نتي وليتي ديالي .. ملكي و مكتوبة على اسمي ..
شغف .."تنهدات" عرفتي .. كانحس بخوف .. كل ما كانفرح ...
رائد .. "خزر فيها" كاتخافي و انا معاك !! اش كاندير هنا انا ..
شغف .. "كلتلعب لو بيدو" ماعرفتش خايفة لا توقع شي حاجة تنغص علينا هاد الفرحة .. و لا تفارقنا ..
رائد .. تت .. مكين والو غير تهناي ..
شغف .. و داك مصطفى .. معرفتش حاااسة ماغاديش يسكت .. اكيد واحد بهاد الخبث ماغاديش ييحشم ..
رائد .. امم . هادشي مناش خايفة. . اوا الالة تهناي .. مصطفى اعتبريه فالحبس غدا انشاء الله غايشدوه .. و كينين ادلة هاد المرة يديوه وراء الشمس ..
شغف .. يا ربي ..😊

خذاها فحضنوو و شاد فيدها كيقبلها من الداخل ..بقاو مدة على ديك الحال حاطة راسها على صدرو مستمتعة السمفونية لي طالعة من قلبو .بعد المراات كانشكلو الأصوات كيف ما بغينا فحال صوت الحمامة و لا زقزقة العصافير .. صوت الرعد .. هكذا كانت شغف كاتشكل صوت نبضات قلبو على هواها و كل نبضة كاتطرجمها باسمها ..(شغف) و هوكذلك بدوىو كان هايم فخصلات شعرها الحريرية صباعو كيتخللو الخصلات من الفوق تال التحت باستمتاع و كل مرة يضغط عليها و يزيد يخشيها فحضنو اكثر و اكثر ولا كيقبلها فوق راسها و فجبهتها ..حتى حس بيها فحال لا رجقات بعد عليها شوية و حيد الفيست ديالو لبسها لها و عنقها..
شغف .. تت ماجانيش البرد .. الجو زوين ..
رائد .. "بلا ميتصنت ليها" شوووت ..غايدربك البرد ..
شغف .. يالله نرجعو لدار .. خايبة فحقنا خلينا العائلة و و صحابنا نتا خليتي محمد و انا خليت ريم .. تا العشاء ماتعشيناه
رائد... يضبرو محاينهم انا ديت مرتي و السلام ..
شغف .."بحماس .." عرفتي شنو .. كانتنبأ لمحمد و ريم بمستقبل بزوج ..
رائد .. "طلع ليها حاجبو" ايواا ضربتي ليهم الكارطة .. 
شغف .. لا احساس 😌
رائد .. ههه .. قولي لإحساسك يدخل سوق راسو .. !
شغف .. داخلو داخلو انا غا قلت ليك .. بالحق غاتكون شي حاجه بيناتهم من هنا للقدام هاني قولتها لك 😊 النظرات لي كانت بيناتهم مش عادية ..
رائد .. يا مولانا الحبيب .. زيدي قدامي ..
شغف .." نقزات سبقاتو" غانمشيو لدار !!
رائد .. "فتح ليها الباب دخلات و مشا تا هو دخل '' غانمشيو لدارنا ..!!

شغف .."دلرت عندو بالعرض البطييييئ'' دار من !؟
رائد .."دامارا الاوطو بالجهد كون ما كالاها بيدو كون خرجات من سرجم" دارنااا ..
شغف .. كيفاش هاد دارنا عاوتاني واش كاتفلا عليا .."دارت السانتير و دارت عندو" واش باغي تحمقني واش غاتبقى نتا ديما دير هكا غا لي قال ليك راسك انا مامحسوباااش ؟؟
رائد ..شششت .. مانسمعش حسك غا كاتخراي .. 
شغف .. و نتا نيت ..😑
رائد .. انا نيت شنوو .."خزر فيها .."
شغف ..ربعات يديها و دورات راسها لسرجم" شوف قدامك الله يرحم باك ..!!
رائد .. "جر يديها لعندو شابكها مع يديه و حطها على صدرو " غاتحمقي ديلمي الشنيولة ... راك مرتي ابنادم مرتي ..
شغف .. وامة انا مابغيت نسكن معاك تا نديرو العرس واش ماشي من حقي!؟ ..
رائد .. "مركز مع الطريق " علاه شكون قال غاتسكني معايا؟؟
شغف .. "دورات ليه راسها" و شنو كاتقول دابا ..!!
رائد ..غاندشنو دارنا و السلام .. غانباتو غير اليوم ..و غدا نردك لداركم 
شغف.."صغرات عينيها كادورها فراسها" وعلاش غانباتو غا اليوم !!
رائد .. ماعنديش مشكل الا بغيتي نبقاو كثر .."غمزها و رجع شاف فالطريق .."..
شغف .."ضرباتوو بيدها لي شاد لصدرو" .. ممسوخ كي دير ..و زيدوون انا ماقلت والو لمالين داى غايتخلعو عليا و خصوصا بابا ..
رائد .. شوفي ديك كلمة بابا و مانعرف شنو حيديها عليا دابا نتي على ذمتي .. مرتي مفهووم .. و باك عارفك معايا ماعندو لاش يتخلع ..
شغف .. اوووففففف..
رائد .."ضربها بخفة بيديها لفمها" ماتأففيش ..
ضربات الطم و حسات بلسانها تربط جاتعا اللقوة فهاد اللحظة ماعرفات مادير و لا ملتقول اصلا هي بلا والو و متوثرة قالك دارنا .. ماطارت لبها غا فكرة جهنمية على بااالهم لكن على من رائد الصقر طزز هههه..
شغف .. رايد .. طرگني للدار ناخد بيجامتي ... هادشي عنكشني ..
رائد .."ابتسم لها باستفزاز" كووولشي كين فدار ماريووم مطرطق ..غير تهناي ..
شغف .. "حلات فيه فمها" هاويلي هادشي من إيمتا بالسلامه. .؟؟
رائد .. و نتي شغلك !! انا خيت لك بعض الأتواش على ذوقي .. 😉
شغف .. الاه يستر من ذوقك و صااف .. 
ناهي الا دقائق وصلو لمجمع سكني راقي فيه موبلات هاي .. و باينه عليهم ساكنين فيهم ناس لاباس عليهم ..الدنيااا كااالم حس الذبانة مكينش .. نزلو الاوطو لباركينك و شد فيديها تمو غاديين تا وصلو للموبل لي عندو فيه أبارتومون .. طلعو فالسانسور لأنو كان فالطابق الخامس .. وصلو للدار لي كان بابها بالأسود فحال كاع بيبان الموبل فتح لبها الباب و رجع اللور باش دخل هي ..
رائد .. مرحبا بيك فدارك ..!..
دخلات برجلها اليمين بعد ما قالت بسم اللله شعل الضو لي كي برك على ساروت وحدة تشعلو كاع ليسبوت ديال دار بدات تدور راسها يمين و شمال كانت دوبليكس مرحة ماشي كبرة بزاف لكن متيسعة فيها زوج صالونات واحد مفرش بالعصري .."لي فوتوي فالأسود و مخادهم مزوقين بالأحمر و الأبيض و طابلو بنفس الألوان معلق فالحيط و الصالون الثاني مامفرشش .. أما الكوزينا فيها غير الأدوات المهمة فقط أما الماعن ماكاملينش .. بقات كاتشوف فالدار عجباتها بزااف .. و خصوصا انها ديالو هو ..
رائد ..هاد الصالون الثاني خليتو باش تفرشيه على ذوقك غدا ولا بعدو نمشيو نتقضاو لي خص تا الكوزينا خليت داكشي كلو يبقى على ذوقك نتي تختاري كلشي قبل العرس انشاء الله ..
شغف .. زويينة الدار واعرة😍..
رائد .. "جرها من يديها" .. اجي تشوفي الفوق فيه البيوت ..!
جرها للطابق الثاني لي كانو فيه أربع غرف .. وحدة ديالهم و هي الكبيرة لي فيها حمام وحدة ديال الجلوس .. و وحدة للضياف .. زائد غرفة الوليدات ..فرجها على كل غرفة على حدى حتى وحدة منهم ما كانت مفرشة من غير بيت النعاس ديالهم لي خلاااها هي اللخرة 😁😁 
رايد .. و هادي الالة بيتنا ..هاد الفراش ماشي شي حاجة غدا غايتحيد .. و نجيبو داكشي لي بغيتي نتي .. 
شغف .. مزيان غير الناموسية لي صغيرة شوية .. 
رائد .. ايه عندك الصح .. هاديك هي أكثر حاجة خصنا فيها التيساع فهاد الدار .. غايتلعلو عليها شلا ماتشات هوما ....
شغف .."حمارو حنيكاتها" بالاز ليك بااز .. 
رائد .. اري ليا ديك الفيست ..نمشي نجيب ما ناكلو و هاني راجع .. بدلي و دوشي رتاحي على ما نجي ..😉

مدات ليه الفيست بلا ما دوي .. نز منها البزطام ديالو و خرج خلاها واحلة فجنابها تا تيليفونها ما جيباه.. بالحق أول حاجة دارت هي فلات داك البيت شبر شبر و حيدات عليها ديك الكسوة .. حلات جهة من البلاكار لقات فيها حوايجو .. و هي تحل الجهة الثانية و حلات معاها فمها .. مكانوش الحواي .. كانو حوااااايج 😂بقات كاتشوف فلي شوميز طوال و قصار و كيلعبو بين أربع ألوان .. أسود .. فضي .. أحمر .. أبيض .. مكينينش ألوان اخرين .. و كولشي معرييي.. هو كينين طوال ولكن العرا لابد منو كاتلقى يا الفتاح تال الفخاض .. يا الصدر معري يا الضهر معري كل واحد فيه علة فشكل ..غمضات عينيها بغيض و قلبها كيرجف .. لا كيشطح الطانغو ..خذات واحد من دوك الفساتين الليلية لي قدامها😂 كان أبيض التحتي قصيور مامغطي والو .. و الفوقاني لي هو البينوار طويل عليه بشويوش ومع ذلك واصل حد الفخض .. هزاتهم وخذات دوبياس تا هوما فالأبيض و فوطة جديدة و دخلات للدوش كان فيه بينوار و دوش تاني .. دخلات للثاني سدات عليها الزاج .. بانو لها مصتحضرات رائد خذات الجيل دوش تاع نيفيا دارتو فالشبكة تاعو نيت و دوزتت على لحمها طرفات حالتها حيدات عليها المكياج تا هو أما شعرها ما قاستوش طلعاتو للفوق باش ميوصلوش الماء .. كملات دوشها و خذات الفوطة كاتمسح يالله جات تلويها عليها و هي تبان لها فالجنب مكتوبة رائد و شغف بالذهبي اسمها و بالفضي اسمو .. بقت كاتشوف فيها مدة ابتسمات تلقائيا و لواتها عليها حرجات اجهة المىايا نشفات حالتها مزيان بانت ليها ريحة ديال رائد رشاتها عليها و لبسات الدوبياس و الشوميز جاها خطييير .. طلقات شعرها و تمات خارجة مع الخرجة من الدوش غاتلاقى غا مع رائد تا هو داخل للشومبر كيحيد فالشوميز ديالو .. ..تصعقات ماعرفات ما دير ولات غا كاتلوي فيديها و رجليها ..

-رائد .. اللهم صلي على الحبيب المصطفى ،..😌
قرب ليها و هي واقفة جامدة .. مكاتحركش غا لاوية رجليها العريانين و كاتشوف فالأرض .. أما هو رمى ديك الشوميز و بقى بعضلاتو البارزة و زااادت تشنجات فاش شافها ..ياله بغات تسلت و هو يجرها لعندو تا ارتطمت مع صدرو الفولاذي 😍... 

-رائد .." كيشووف فيها منزلة راسها للتحت" فين كيقول ليك هاد الراسك هاربة !! اممم 

...كيشووف فيها وهو منبهر بأنوثتها الطاغية المفاجأة ..!! جرات شعرها كاتغطي بيه لي باين من صدرها زعما لكن بدون جدوى لي تشاف راه تشاااف .. طلع لها راسها بزوج صباع.. شاف مباشرة فعويناتها و انحسرات أنفاسو داخل صدرو و قلبو كينبض بقوة فحال لا كيضرب بالمطرقة ..حس بحلقو نشف حتى الهضرة مشات فهاذ اللحظة و هو كيتفحصها بعيون مضلمة من كثرة رغبتو بها و تعطشه للنظر في عينيها لي سحروه من الصغر ...

ضاقو عينيه و ولا كيشوف فيها كيف الفهد لي لقى فريستو على طابقم من ذهب ..!! تا هي كاتقلب عليها شنو متوقعة منو و هي لابسة لباس فحال ديال العرايس .. لااا فعلا هو لباس العريسات .. و هي عروسة .. شنو متوقعة منو غايخليها تفلت ببساطة ..!! ماتوقعاتش ردة فعلو زعما ..!! هادشي لي كان كيدور فبالو فديك الوقت ..نزل عينيه لعنقها لي كااان حمرررر .. رجع طلع عينيه لنيفها و حنيكاتها لي كانو تا هوما حمرين نييت من كثرة خجلها من هاد الموقف و هادشي زاااد حمسو باش يسحقها بين ذراعة .. و الليلة ..و حظو السووء كيف كل مرة ماغايصوني تيليفونو غير دابا .. و فهاذ الوقت .. 
شغف .." تنفسات براحة" .. تليفونك .... تيليفونك كيصوني ..
رائد .."عقد حجبانو بعصبية " و يصونء ولا يخرا مالنا حنا .."جبدو و ىماع فوق الكنابي بلا ميشوف فيه" بنادم ميرتاحش مع مرتو ولا شنو ..؟؟
يالله غايميل على شفايفها و هو يعاود يصوني مشا هز تيليفونو شاف شكون بان ليه محمد عرف غاتكون شي حاجة ضرورية ...
رائد .. انا غانخرج ندوي لتحت .. سيري لبيت لاخر تعشاي بينما جيت .." فتح التيليفون باش يجاوب .." ..
شغف ..لا مابغيتش .." مشات لجهة الناموسية " انا غانعس عيييت .. 
خزر فيها قبل ما يجيه صوت صاحبو و خرج كيدوي معاه ..كان غايخرج ليه من تيليفون حيت مكانت تا حاجة مهمة و قطع عليه اجمل اللحظات لي ممكن يعيشها فالوجود .. رجع بانت ليه شغف ناعسة و نغطية .. رامية اللينوار ..و ماعسة غير بالشوميز .. زفر بعصلية ... و نصل داك السروال رماه على الكنابي.. هز فوطة و دخل للدوش زعفان ما عاجبو حال .. خذا دوش خفيف فالوقت لي كانت شغف كاترعد بالجلعة حيت سمعاتو كيسب و يشتم فاش دخل للبيت و لقاها ناعسة بقات كاتدرب على تمثيل النوم تا سمعاتو فتح باب الدوش و غمضات عبنيها بالجهد .. اما هو ماشافش لجهتهانشف حالتو و شعرو .. لبس بوكسرو و مشا تكى حداها بقى مدة كيشوف فالسقف و داير يديه تحت راسو فاتت ساعة سعتين و تقول واش جاه النعااس .. كيغايجيه النعاس و فاني شوكولا ناعسة حداه .. دور راسو لعندها و كان ضوء القمر داخل من البالكون مضوي عليها دار لجهتها كانت عاطياه بالضهر ..بقى كيشوف فيها حتى حس بكتافها فحال لا كيتحركو .. و تنفسها مكانش منتضم .. صغر عينيه و طلع حاجبو عرفها ماناعساش غا كتمثل عليه ..

حس بكتافها فحال لا كيتحركو .. و تنفسها مكانش منتضم .. صغر عينيه و طلع حاجبو عرفها ماناعساش غا كتمثل عليه .. ابتسم بالجنب عرفها حشمانة منو .. رفع صبعو برقة تتنافى مع خشونة يديه فحوايج ااخرة .. و حطو على عنقها برفق من اللور لي كان عريان و نص فضهرها كذلك .. دوز بشوية على عنقها بصبعو ..انتفضات برعب حيت كانت ساهية و جاها على غفله ..بلع ريقه بصعوبة و تبع الحركات لي كيديرو يديه على عنقها تم نازل من عنقها تال وسط ضهرها عند فتحات السوتيام بحركات حنينة بهدووووء و ببطئ فحال لا كيدوز ريشة ناعمة على ملمس جسمها. .
حس بدقات قلبها من الضهر ديالها الشيء لي خلاه يحط يدو على صدرو يسمع نبضات قلبو لي كانو أقوى من انو يقدر يسمع أنفاسو اللاهثة بسبتهم ..عاود رجع صبعو لي كان فحال لا تبرمج على ديك الحركة كيمشي صعودا و نزووولا.. مرارا و تكرار ..ذهابا و إيابا من عنقها تال وسط ضهرها بحركات تذهب العقل و تأسر القلب .. حتى حس بيها كاترخى تحت لمسالتو السحرية لي كلنت صادمة بالنسبة لبها فالدقائق الأولى. . 
كانت غاتحماق من لمساتو ليها خصوصا فديك البلاصة ..ماكرهاتش دور تغوت عليه ولكن لسانها تربط مع حركات يديه شلّ ليها الحركة ماقدراتش تنطق ولا تحرك .. و بقات مستسلمة للمساتو و عبث أصابعو لي كيفقدوها أعصابها .. شعور غرييب و جديد اجتاح قلبها كيدفعها للابتسام بدون شعور مع أنهم كان بيناتهم حب قديييم من الطفوله .. لكن عمر ما وصل بيه و قاسها بهاد الطريقة .. قلبها و جسدها انفصلو تماماااا عن عقلها ..حسات بيه كيقرب و غمضات عينيها بتوثر عرفاتو غايطالب بحقوقو .. و قررات تستسلم ليه بكل حب .. علاش غاتحرمو و هو راجلها قدام الشرع و القانون و واليديها ..!! ماشي مهم العرس .. المهم هي الورقة و العقد لي ربطهم و هو ياما صبر ماشي من العدل تحرمو منها و هي أصلا محتاجاه و متأكدة أنها باغية كل لمسة من يديه غير الخوف لي مخليها مترددة .... حسات بشفايفو كيلامسو عنقها من اللور .. كي حطهم على بشرتها طلقات أنين أنين منخفض من بين شفايفها .. حطات يديها على فمها كاتكتم بيها الصوت لي خرج منها على غفلة .. زاد قرب ليها و عض علىشفتو التحتية أنينها حرك بداخلو شي حوايج ماعرفش يترجمهم ..مد يديه يد فخصرها بتملك و نفاذ صبر،مال على ضهرها كيوزع عليه قبلات على طول الأمتكن المكشوفة منو ..ماخلى حتى بقعة عريانة ماغطاها بقبلاتو الشغوووفة ..و أنفااسو اللاهتة كاتعرقها كل ما زفر فحال لا كان كيوشم بالنار على ضهرها .. آخر قبلات ليه على ضهرها كانت مبللة ..طبعهم بشغف و هو كيحس بقدرتو على الصبر و كبث شهوتو الضاهرة من عينيه تتلاشى ..

-رائد .."طبع قبلة على كتفها و حط عليه لحتو" دايرة راسك ناعسة اممم ... "عاود باسها فكتفها" خايفة مني ..! 
-شغف .."حركات راسها بالنفي " 
مال عليها براسو كيحك لحيتو الكثيفة بحنكها كيهرها حتى كيحس بيها ضحكات و يرجع يبوسها بين عنقها و فكها حتى تفكات و استرخات و هو يدورها لعندو بشوية دلع فوق منها مكالي بيديه و رجليه باش ميطيحش عليها تقلو حيت مية بالمية غايسحق عضامها .. بقى مدة كيشوف فيها مغمضة عيها و شفايفها فحال لا كيرجفو شوية .. نزل عينيه لصدرها لي كان نصو باين و كيطلع و ينزل بطريقة جنونية .. ابتسم بخفو نزل على وجنتيها كيقبل فيهم بشوية و جبهتها نيفها كل انش من وجها باغيها تعود عليه .. على لمساتو. وقبلاتو ..

-رائد .."حيقيس حنيكاتها بصبعو" حلي عينيك .. خليني نشوف عوينات معشوقتي .
-شغف .." حلاتهم بشوية و بتردد" .. 
-رائد ..."نطق بخشوونة و صوتو فيه بحة مدعدعة" مستعدة تكوني مرتي!! الى ماكنتيش مستعدة لأي تواصل جسدي نأجلوها ماغانبززش عليك؟؟ مع أن شوقي ليك ميتوصفش .!! لكن راحتك أهم عندي من راحتي .. 

عطاتو الأوكي بتصرف واحد .. مانطقاتش والا كلمة .. فقط حطات يدها على عنقو و خشات وجها بين عنقو و فكو طبعات قبلة حس بيها حرقاتو فقلبو .. ابتسم بخفة و تلاح على فمها كيقبل فيها بشغف و رغبة جااامحة فيها و فكل جزء من جسمها مع همسات من فمو خلاو أنينها يزيد يباان هذا غير لمساتو ضد جسدخا لي كيحرقوها و يجيليوها تجاوب معاه بكل طاقتها
-رائد .. عرفتي شحال من مرة حلمت و تخايلت هاذ اللحظة ..!! بكل الأشكال... فكل الأماكن!!
فتحات عينيها بشويوش كاتشوف فعينيه المشعة بالحب .. ابتسمات و نطقات بصوت فيه بحة فحال لا اول مرة غاتكلم ..
-شغف ..كانبغييك!!!
وساعت ابتسامتو على وجهو الأسمر الوسييم لي شحال هادي ما شافتها و فك العقدة لي بين حجبانو .. و خذاها بين دراعو هاد المرة طار بيها فوق السحاب في رحلة بينهم هوما فقط .. رحلة لمكان مقدس ..عالم ثاني كيحكيو فيه بلغة الجسد فقط .. و هنا أصبحو زوج و زوجة بكل جوارحهم و كيانهم .. !!

دوزو ليلة من أحسن الليالي لي دوزو فحياتهم .. و ما أجمل الحب فاش كيتتوج بعقد "الملكية" .. داك العقد هو لي كيزين العلاقة بين زوج و كيحسو بعلاقتهم عندها وجود .. ماشي خوفانين و كل مرة هربانين من العائلة و لا عيون الناس .. ديك الورقة هي لي كاتخليك تشد فحبيبك بيديك و سنانك و لي قال شي كلمة تحطها لو فوجهو ..
رايد كان أكثر من حنين مع شغف لأنو عارفها ليلتها الاولى .. مع أنو كان عارفها عذراء و مو بايس تمها غير أمها كيف كيقولو لكن فاش دخل عليها عاد حس بمعنى انو أول واكد فكياتها ..حس بفرحة فشكااال و هي بين حضنو ..

-رائد .. كانبغيك .."باسها فجبهتها و زاد ضمها لصدرو" كانبغيك يا آخرة صبري .. كانبغيك و غاندافع عليك بحياتي لآخر يوم فيها ..
-شغف .."معنقاه" ..زوجي قرة عيني 😁
-رائد .."نزل فيها عينيه" اشنو هذا عاوتاني ..!
-شغف .. هه‍ههه والو غير كانجرب كلمة رغجلي فمي ..😌
من كثرة ما دمها سخون و المشااعر لي فداخلها خلاوها ماتحسش بالألم بزاف .. كان بالنسبة ليها فحال وجع خفيف و صافي خصوصا انو كان معاها متساااهل و ضغط على راسو باش ميقصحهاش ولا يضعف قدام شهوتو ... غمضو عينيهم بزوج و غفاو على نغمات دقة قلوبهم لي كنو كيعزفو سمفونية العشق ...
«أرتشف من شفاهك أنغامي ..نبيذ العشق أسكرني ..
و أحتضنك طيلة ليلتي .. و بين ذراعيك أرتمي ..
وما بين صحوتي و موتي.. تتابع آهاتي و شهقاتي ..»
صباح جديد فاقت شغف كاتكسل حسات بعضامها مدگدگين جرات الغطاا غطات راسها و ابتسمات ابتسامة خجولة كي جا فبالها لي وقعةبينها و بين رائد البارح ..كانت بين يديه .. بين يدين حبيبها شكلها كيف ما بغى!! و كانت راضية طبعا .. بكل جوارحها راضية .. ضورات عينيها لقات بلاصتو خاوية ناضت كاتقلب عليه و كاتكسل يالله بغات توقف حسات بوجع تحت كرشها ..غمضات تينيها و رجعات جلست جرات البينوار ديالها لبساتو اما حتى الشوميز تقطع مسكين ..
-رائد .."داخل من الباب هاز بلاطو فيديه فيه الفطور و لابس غير شورط و الفوق عضلاتو عريانين .." صباح الخير .
شغف .."ابتسمات بخجل " صباح النور .. 
رائد ..رجعي جلسي فين كنتي غادة!؟ ..
شغف .. كنت غانقلب عليك ..
رائد .. "حط البلاطو حداهاو باس لها جبهتها.. رجع لجهة الثانية تكا و حط يدو تحت راسو .." كي صبحتي ..😉 
شغف .... مزيانة .. "جات تتصايب فبلاصتها و هي تتألم بان على ملاحها" ..
رائد .."شد لها فيدها " آذيتك!؟
شغف .."حركات راسها بنفي مباشرة" .. لا لا ..
رائد .."باس لها يدها من الداخل" .. حاولت نشد راسي تا عييت .. ماقدرتش .. 
شغف .."شافت فيه و نزلات عينيها" راه قلت ليك مكين والو هادشي راه عادي .. 
رائد .. اممم .. واخة الالة .. "جر البلاطو لعندو" اجي نفطر لالة العروسة ..
شغف .. ههههههههههه .. غاتعلمني الفشوش و دبر راسك معايا ديك الساع دغيا كانضسر 😁.."هزات كتافها بطريقة طفولية .."
رائد .."كيصايب ليها النوتيلا على الكرواصون .. عارفها هيدي احسن حاجة عندها تفطر بيها من صغرها" .. هانا الالة .. ضسري على خاطرك ماحدك فسبع أيام تالباكور .. ههه ..
شغف..."شدات من عندو و خشات نصها فمها" .. امممم ..😍
رائد .. هز زلافة داير فيها الفريز كياكل و يشوف فيها" .. كنتي كاتحاربي! غا بشوية غاتعكلي و نوحل فيك ..
شغف ..هههه"كتدوي وفمها عامر " فياا جوع راني مامعشياش
رائد .. ههه كولي بصحتك ..
شغف .."كلات و هزات الوردة الحمرااء لي كان حاط ليها فالبلاطو" و هادي لاش غصبتيها فحياتها مسكينة ..🙄
رائد ..كل وردة تقطف لك .. فازت بحسن الخاتمة ..
شغف .. "غطات وجها بديها " اححح شكووون بحالي ههههههههههه ..
رائد .."كيحك راسو" ماغانكونوش بحال الحاج تاج الدين ماعنديش مع هادشي دالشعر .. خصني ندير عندو دروس الدعم و التقوية ..
شغف .. ههههههههههه .. فعلا .. بس ماشي حالك مابيكش ..
حيدات ليه الزلاقة ديال الفريز من يديه و نزلات عليها تقول نيت كانت كات كاتحارب .. كملو ماكلتهم و ناض هزها ديريكت للدوش ما خلاها دير تا حاجة .. غسل ليها و نشفها و رجعها للناموسية مغطيها مزياان ....
رايد .. عندي غرض ضروري .. ماعرفتش .. واش تبقاي هنا و لا نديك للدار ..عندكم ..
شغف .."خزرات فيه .." شمن غرض ..!!
رائد .. ضروري نشوف دلكشي ديال شرف فين وصل .. 
شغف .."بتفهم " واخة .. بالحق ديني للدار مانبقاش بوحدي ..
رائد .."مشا جاب ليها حوايجها" واخة يالله لبسي .. 

خا شغف للفيلا ديالهم وصلها تال بيتها و نزل ديريكت وقف الاوطو ديالو قدام الشركة ديال مصطفى .. بايت كيحلم بيه و على ما قال ليه مصطفى بلي يقدو يشدوه في أي وقت داكشي علاش مشا هو ينال هاد الشرف .. شاد التيليفون فيديه و كيضور فيه و يشوف فالالعمارة لي كانت كيبيييرة بزااف و ضير بيها عدد كبير من الحراس ..بقى كيتسنااه و كيضور عينيه فالفيدورا لي واقفين فالباب .. الى دخل غايجني على راسو .. اللهم يبقى كيتسنااه حيت باغي مصطفى بوحدو ..بان ليه خارج من الشركة و جار فيديه بنت .. غاتكون بسن العشرين باينة عليها خايفة منو .. لاحها فالاطو و تحرك بدوون حرس شخصي لي كيرافقو ..كسيرا و تبعو رائد مبرق عينيه .. بقى تابعو بلا ميعيق .. كان ناوي يقطع عليه الطريق بالحق جاه فبالو يتبعو و يشوف فين غادي بالبين .. وصلو قدام عمارة بعيدة شوية على المدينة نزل .. و كيف طلعها نزلها و هو جارها من دراعها .. كانت كاتبغي تنطر منو بالحق كان حاكمها مزيان و حتى جسمها الصغير الهزييل ماكانش مسااعدها ..نزل رائد وراهم و تبعهم تا عرف اشمن شقة دخل .. كانت العمارة كاملة شققها خاويين .. و هي اصلا ملك ابو بكر شرف .. لكن لي كيتحكم فيهم هو مصطفى شرف.. و هادي كانت هي العمارة لي كيجيب ليها البناات و لي اغتصب فيها شحال من وحدة و فلت طبعا بعدم وجوود دليل ملموس .. بقى حاضي العمارة حتى شااف الضو تشعل فاشمن شقة و هو طلع مكسيري فالدروج لا سانسوغ مكانش خدام .. داكشي علاش تعطيل و كي وصل سمع غوات البنت .. بدوون سابق انذاار فرع الباب ديال الشقة جابو طايح للأرض داز عليه و دخل ديريكت لفين جاي الصوت كان مصطفى سمع الصوت و وقف عند باب البيت .. كان لابس السرال و الشوميز محلولين صدايفها و كيشووف فرائد بصدمة ..
رائد .." مربع يديه و كيشوف فيه من الفوق للتحت .." اووه .. جيت فشي وقيتة ماهياااش اسي شرف !؟
مصطفى .. "تضهشر" اا .. اش كادير هنا شكون عطاك الحق دخل هنا .. 
رائد .. "كيتصنت للبكا ديال البنت ..الدم غلى فعروقو" داك لي عطاك الحق تجرجر بنت النااس لهنا و تكرفص عليها ..
مصطفى .."دافع الجبهة " سووق مك نتا اش مشااا ليك ..!؟
رائد .."قرب ليه حنى راسو و ضحك و هز راسو على غفلة عطاه ليه لعين و جرو من قرفادتو" مشااا لمي بزااف اول الق** .. تقيييس ليا حاااجة تخصني نيييك ليك مك اولد ال** داير ليا فيهااا راجل غافينما ضور تخشيه اول الواسعه .."عطاه بونية للعين لوخرةو جرجرو للسيجور عطاع للكرش بركبتو و عاد ليو الراس فالجبهة خلاه دايخ تا طاح للأرض .." غانخليهم يوسعوهااالك فالحبس اول الكلبة .. شدو من شعرو و ضرب ليه راسو بالضص..
مصطفى .."كيحاول يجمع راسو وينوض .. و الدمايات دايعين من فمو " اااش .. ب..بببغيتي. ... 
رائد .."شدو من فكو " نتااا لي صيفطي دوك القحااب لشغف!!
مصطفى .. "مسح الدم من فمو و كيحاول ياخد تيليفونو .. قشعو رائد و هو يجرو ردخو ليه مع الحيط تا تشتت .." ااااش... درتي ..
رائد .."عينين حنرييين كيف نقطه الدم كيدير فبالو ان شغف كان ممكن تكون بلاصة هاد البنت لي مجرجر هاد القينت " ماقاادرش تطاكي على راسك لمك اول الكلبة فين هي الرجله لي كاتبين على الدريااات هاا ..!؟
مصطفى .. "جلس و تسند على الحيط هاز ركبة و الرجل الثانية مسرحها ..كيمسح الدم من نيفو " .... ههههه دير ليا فيها راجل .. هههههه شتي نتااا ماكاتعرفنيش .. و ماعارفش اش ممكن ندير غانقلب عليك و على عائلتك الدنيا ..بربي مانبقى فيك .. وداكشي لي دلت ل ..."سكت شوية و طلع فيه عينيه و على فمو بسمة استهزاء " حبيبة القلب .. كان غير قرصة اذن .. مزاال لي جاي اجمل .. 

قبل ما يكمل هضرتو كان رائد كي البركان يقبل اي حاجة الا واحد يوي على مرتو .. شرفو !! جرو من الكول ديال الشوميز و وقفو تقابل معاه ردخو مع الحيط ..كان كي الثور الهايج و استغل مصطفى ديك الالثواني لي بقى رائد محمر فيه عينيه فيهم و هو يشد ليه يديه بزوج من معصمو بقوة جمعها بالكشاايف باش يشل ليه الحركة و هو يدور رائد للحيط ردخو عليه بقوة لكن مع من كيتصارع بركان !! نطحو لجبهتو بأقصى قوة تا اتز راسو للور ز داخ .. خف على يديه مع قوة الضربة لي تلقى على جبهتو .. البنت لي كانت فالغرفة تفزعات من المضر لملمات حوايجها لي بدى كيقطعم لها قبل ما يدخل رائد .. و خرجات كاتفرج فيهم و الدموع على خذها ساايلينو حاطة يدها على فمها و كل ما كيضربو رائد ماتغوت بشوة و تغمض عينيها و جسمها كاع كيرجف ..أما رائد جر مصطفى من قرفادتو رمها و بدى يعطيه ركلى مور ركلة تا لاحو كلو دمايات .. ما جا فين يدور تا قفز مصطفى للطابلة كان فيها موس جرو و دار عند رائد .. و هو غير سمع البنت قال ليه "عندااااك" و غوتات ضار بالخف و الضربة ليكانت غاتجيه فالضهر جاتو فدراعو ....!!

يتبع ..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.