صورة مصغرة لـقصة جنتي

قصة جنتي

qisat 9isat Jannati
جنتي "سارقة القلوب"
قصة مرتبطة بـقصة باقة حب لا تذبل
رواية جنتي , الفصل الثاني من قصة باقة حب لا تذبل

القصة غاتكون مختلفة على باقة حب لا تذبل لي هي الفصل الأول .. و طبعا ماغاتكون ليها تا علاقة بيها .. مع ان الابطال غايبانو مرة مرة مي ماشي بزاااف .. ❤

ﺃﺧﻔﻲ ﺍﻟﻬﻮﻯ ﻭﻣﺪﺍﻣﻌﻲ ﺗﺒﺪﻳﻪ
ﻭﺃﻣﻴﺘﻪ ﻭﺻﺒﺎﺑﺘﻲ ﺗﺤﻴﻴﻪ 

ﻭﻣﻌﺬﺑﻲ ﺣﻠﻮ ﺍﻟﺸﻤﺎﺋﻞ ﺃﻫﻴﻒ
ﻗﺪ ﺟﻤﻌﺖ ﻛﻞ ﺍﻟﻤﺤﺎﺳﻦ ﻓﻴﻪ

ﻓﻜﺄﻧﻪ ﺑﺎﻟﺤﺴﻦ ﺻﻮﺭﺓ ﻳﻮﺳﻒ
ﻭﻛﺄﻧﻨﻲ ﺑﺎﻟﺤﺰﻥ ﻣﺜﻞ ﺃﺑﻴﻪ

ﻳﺎ ﻣﺤﺮﻗﺎ ﺑﺎﻟﻨﺎﺭ ﻭﺟﻪ ﻣﺤﺒﻪ
ﻣﻬﻼً ﻓﺈﻥ ﻣﺪﺍﻣﻌﻲ ﺗﻄﻔﻴﻪ

ﺃﺣﺮﻕ ﺑﻬﺎ ﺟﺴﺪﻱ ﻭﻛﻞ ﺟﻮﺍﺭﺣﻲ
ﻭﺍﺣﺮﺹ ﻋﻠﻰ ﻗﻠﺒﻲ ﻓﺈﻧﻚ ﻓﻴﻪ

ﺇﻥ ﺃﻧﻜﺮ ﺍﻟﻌﺸﺎﻕ ﻓﻴﻚ ﺻﺒﺎﺑﺘﻲ 
ﻓﺄﻧﺎ ﺍﻟﻬﻮﻯ ﻭﺍﺑﻦ ﺍﻟﻬﻮﻯ ﻭﺃبيه

(القصيدة مأخوذة عن الشاعر العظيم سلطان العاشقين ابن الفارض)❤

__أمريكا --- New York __
سهى .. "دارت من وراه كادير لو مسلج لكتافو و عنقو" اوهووه غاتكون عييتي بزااف ..!!
رائد .."كيدور راسو يمين و شمال " بفف بزاف .. 
سهى "حيدات لو الفيست'' الدنيا سخونة اليوم .."واجهاتو بابتسامة عريضة " رتاح .. 
رائد .."بادلها الابتسامة" شكرا ..
سهى .."جلسات فوق البيرو كاتشوف فيه بهيام و مبتسمة .."
رائد .."فتح صدافي ديال السشوميز ديالو و طلع فيها عينيه" مالك؟؟ لاش كاتشوفي فيا !
سهى .. ''ابتسمات ابتسامة رقيقة .." انا ديما كانشوف فيك على فكرة ..لكن هادي اول مرة تاخد بالك ..
رائد .. "ابتسم برجولية" ههه ..
سهى .. رائد بغيت نسولك!! 
رائد .. تفضلي ..؟
سهى .. واش انا خايبة ! شخصيتي خايبة .. فيا شي حاجة خايبة !؟
رائد .. ههههههههههه شنو جاك فداك الراس عاود تا تقولي هاد الهضرة!!؟
سهى.. بف .. ماعرفتش ايمتا غاتحس .. اوف .. صافي نسا .. اجي نخدمو .. على فكرة الى جا مستر زروقي مالقاش المشروع واجد غانوليو فهضرة اخرى!
رائد .. ههههههههههه مستر عليك نتي ماعلياش انا راه عشيري ..
سهى ..دونك نخافي غير على راسي مانخافش عليك نتا ههههههه. ..
رائد..نو ..😉 و زيدون فحاللا كاتنساي راني شريك بالنص هنا امادموزيل !!شكون يقد يدوي معاك و انا هنا ..
سهى ..هههه الله يخليكليا و صافي .. ...
تحناو على الخدمة رائد بالو فمكان اخر و سهى بالها و قلبها معاه هو من نهار شافتو اول مرة فالجامعة لي كانو كيقراو فيها و هي هايمة فحبو دارت بزاف تالحوايج باش تعرف عليه .. تعرفات على صحابو و تقربات منهم باش تعرف عليه معلومات و شحال فرحات فاش عرفات انو مغربي .. كانت كاضنو سوري ولا خليجي لانو ملامحو الشرقية و حرفو الكحلين كانو مميزينو على باقي الطلاب....اخر محاولة دارتها باش تدوي معاه هي انها رمات راسها قدان السكوتر ديالو لانو كان من عشاق الماطر الكبار و كان هو اذات النقل ديالو من نهار خرج من المغرب ..بهاد الطريقة قدرات سهى انها تدوي معاه و فاش دوات معاه زادت اعجبت بيه اكثر ..فاش اهتم ببها و هي فالكلينيك بعد الدقة لي كلات فركبتها جراء تهورها فاش رمات راسها قدامو ..من داك النهار بدات صداقتهم ولاو كيخرجو بزوج كيبريباريو بزوج و نهار على نهار كاتزيد تبغيه كان حبها ليه بريء بزااف و كانت كادير اي حاجة باش ترضيه لكن مع الاسف علاقتهم عمرها تعدات الصداقة كان كيشوف فيها دائما الاخت و الصديقة فقط ..و خصوصا انها مغربية و هو كان عندو صديق واحد مغربي "عبيدة زروقي" و هي من بعد منو ..لهذا كان من ديما كيحميها و كيهتم بها كانها اختو و عمرو فكر فيها بطريقة اخرى ..هي كذلك دائما ما كاتكتم حبها داخل قلبو .. عمرها واجهاتو واخة نضراتها كانو فاضحينها لكن عمرها حاولات تواجهو بسبب خجلها مع انها تعودات عليه بسبب الدة الطويلة لي قضاتها معاه لكن فهاد الامور ماتقضرش تواجهو ....
نهار عرفاتو انو فقلبو وحدة اخرى .. داك النهار كان اسوء يوم فحياتها بكات حتى نشفو دموعها و فالاخير ماستسلماتش و لي عطاها امل اكثر انو شي نهار يكون ليها هو انو خبرها بلي البنت لي كيبغي عمرها تكون ليه مع انها غاتبقى ديما فقلبو و عمر شي حد ينتزعها منو و هادي حاجة قهراتها لكنهاكاتحاول ماااااا امكن انها تكسب قلبو ...

حطات الاوراق قدامها .. عينيها مافارقوهش و هو خدام فاتح السديفات ديال القاميجة و مطلع الكمام مرة مرة يدوز يدو على لحيتو .. و خطرة اخرى على شعرة بطريقة رجولية .. كلما يعبس تلقائيا حجبانها كيتكرنو و فاش كيفتح بشرتو شفيفها بوووحدهم كيبتسمو هادي هي حالتها معاه ملي تعرفات عليه احد الآن .. تفتح عليهم الباب بعد مادق ..طلع رائد راسو ...
رائد .. على سلامة الشاف ..!! ماعندكش خدمة تخدمها النهار كامل و نتا كاتسركل ولا كيفاش !!
عبيدة .."شاف فسهى " ماكانبغيش نتقل فالخدمة .. مابغيتش يبانو التجاعيد من دابا .. تا سييير راني داكشي لي خدامو كاع ما تخدمو لا نتا لا .."غمز لسهى" المساعدة ديالك .. 
رائد .. ههههههههههه بااز اخااي بااز .. 
عبيدة .. بربي لا من لي صبح و انا خدام .. مشيت لشركة سيباستيان على ود المشروع الجديد ديالهم كان عندي معاه اجتماع ..
رائد .. شنو عندهم عاود ..!!
عبيدة .. "ابتسم بالجنب " و كيقول ليك انا ماخدامش و هو خدام بففف ...
رائد ...ههه وايلي وليتي تشد لنا على الحرف .. اصاحبي راك عارف نتا عليك الادارة و انا عليا الهندسة هادي حاجة معروفة..
عبيدة.. ما علينا دابا .. سيباستيان غايدير قرية سياحية .. 
رائد ..فين .؟؟
عبيدة .."عض على شفتو التحتية " .. المغرب .. 
رائد ...سو ماخدامش "رجع عينيه على اوراقو" .. يشوف ليه شي شركة وحدة اخرى ..!
عبيدة .."خزر فيه" كيفاش قضيتك نتا باغي ضيع لينا خدمة خمس سنين شتي هاد الصفقة لا ضربنااها غاتكون صفقة العمر .. اعلى اجر غانتقاضاوه هادي راه فرضة لااا تعوض و الى حضرتكم رفضتيها عمرك تحلم طلع الفوق .. 
رائد .. كلامي قلتو !! 
عبيدة .."ضرب فالبيرو و وقف معصب ..'' وااااش نتا هادي تحمق الز** بوويااا ولا كيفاش ..؟؟ واش عرفتي راسك اش كادير واااش عارف شكون هو سيباستياان ولا معارفش لي حليتي عليها فمك تكون ليك ؟؟ واا جمع راسك معايا اصاحبي ماشي انا كانضل ندووور على الشركات و رجال الاعمال باش نجيب الخدمة و نتا جالس هنايا مبرد ليا معارااسك كاتجيك الخدمة تال تحت فمك و ترفضها!!؟
رائد .."خزر فيه و شتت الوراق لي كان. قدامو .. وقف تقابل معاه و جرو من الكول تالشوميز ديالو" عمي ..غوت عليا خويت ليه المغرب كاااامل .. تعاودها مرة اخرى نخوي ليه هاد الحزااق كاامل و قلب لمن تولي تجيب الخدمة و شوف شكون يخدم لك بحال خدمتي .. راني انا لي هازك ماشي العكس .."دفعو و هز الجاكيت ديالو و خرج مكشكش ..سهى مسكينة بقات غا كاتشوف تا عيات و ضرباتها بجرية تبعات رائد ... اما عبيدة خزر فيها وااحد الخزرة من الطراز الرفيه ..
عبيدة ..تبعيه غايموت فالطريق الله ينعل الز** بوكم كاملين .. تفووو ....

خرج رائد من الشركة مكشكش نييت مكيشوفش قدامو ركب الاوطو ديالو و كسيرا قبل ما توصلو سهى .. اعدااا حاجة عندو هي شي حد يعلي عليه صوتو ولا يتجملعليه من صغرو و هو نفسو حارة مكيقبلش الاهانة واخة ماتكونش مقصودة من الطرف لاخر .. مكيقبلش على راسو يتضربو عليه المعاني .. كسيرا موقف حتال مكان بعييد و خاوي .. خرج من الاوطو ديالو و قف قدامها متكي عليها .. هاد الموقف فكرو بحاجة قديمة من ديك الساع تا حد ما على علبه صوتو حتال اليوم .. تفكر نهار غوت عليه تاج الدين و هانو .. 

__________(فلاش باك)___________
تاج الدين .."دخل عليه للغرفة ديالو بلا ميدق .." تبارك الله مشبح ليا مع راسك .. كانك مداير والو .. 
رائد ..."كان لابس غير شورط .. ناض بشوسة عليه لبس صوفيطمة ايكس و وقف قدام تاج الدين " نعام اعمي؟؟
تاج الدين .."بغا ياكل جنابو" واااش الخير لي كنت داير فيك غاتردهولي بومزوي؟؟ 
رائد .."كرز على سنانو" شمن خير ااش كاتخربق؟!!
تاج الدين .. تااا خيري نسيتيه ..ااااش غانقوول ..'وجع ليه صبعو لصدرو" لو كنتيولد الأصل ماتشوووفش فبنت عمك ...
رائد .. بنتك راني قااايل ليك كانبغييها.. و فووق ماتخايل و عمري غانتخلا عليها داكشي علاش ماعندك مناش تخاف حيت انا اكثر واحد ..اشمن ..انا الوحيييد لي قاادر يحميها و يخاف عليها كثر من راص
سو..
تاج الدين .. واش عند باالك خبارك ماواصلينيش؟؟؟
رائد .. "طلع فيه حاجبو" شمن خبار !!
تاج الدين .." ابتسم باستهزاء" مايهمش .. حايليا كاتهمنيي غييير بنتي .. فقط .. و لا حاولتي تقرب ليها خطرة اخرى ماتلوم غير راسك ..ماتخلينيش ندم على بزاف تالحوايج درتهم معاك .. ماباغيش نخسر مع يمن و انا عااارفك مقطر ليه من عينيه ..الخاوااا حدها الدنياااا ...
رائد .. من لي جيتي و نتا بارك عليا لي دىت معاااك و الخيير و البعاااابع و الزفوووط الخاااوي .. كنتي ناوي تخدمني فشركتك ..ابيه اسيدي ماتنساااش ديك الشركة نصعا ديال الوليييد .. الى بغيت نخدم فيها بلا جميييلك من غدا ولكن اناااا لي ماباااغيش ..!! 
تاج الدين .. هاي هاي كبرتي و طواال ليك اللسااان .. بشاااخ مربييين معانا لي ياااكلنا ...
رائد ..اسيدي مامريشاااي .. بااا لي رباااني .. و حااجة اخرى من غداا غانهز خرايا و نتقود غييير هني بااالك ..
تاج الدين .."طلع ليه الدم نيييت و هو عارف ان نقطة ضعف رائد هي شي حد يدوي معاه بديك لافاصون.. " ماتنسااش تحط الكاارط بونكير لي كنت داير لك ..
رائد .."مشا للبلاكار ديالو جبد منها بوشيط فيها الكارط و مدها ليه" تا رياال ماناقص منها نهار شدييتها من عندك .. شديتها غير بااش ما نقلقكش .. ساااعااا كون عرفتك غاتزلني بيها ماكنتش نشدها .. فلوسك كااملين مكمولين كيف ما حطيتيهظ ..ماناقصصهم تا ريااال .. 
تاج الدين... ايمتا غاتمشي لامريكا؟؟
رائد .. غير كون هااني فاقرب وقت فاش يصيفطو لي غانمشي و ماغانتلفتش ليك .. ااااا .. عمي ..😏 كي يصيفطو لي غانقلع ..
تاج الدين ..كانتمنى يكوون هادشي في اقرب وقت .... 
رائد .. كون هاني ..
تاج الدين .. و شغف بعد عليها .. و لا ماغاتلوووم غييير راسك!! فهمتييييي؟؟
رائد .."فتح ليه الباب" ..الله يعرضك السلامة اعمي ..!!
تاج الدين ...."حك لحيتو و تم خارج'' حذرتك و ماتلووم غير راسك ..''
رائد .."ردخ موراه الباب و مشا ديريكت للبلاكار كيجمع حوايجو و اي حاجة من تاج الدين كيرميها خلا غير حوايجو لي شاري من مصروف باه و من الخدمة لي كان يديباني بيها فالصيفية ..... 

غمض عينيه بعصبية كي تفكر هادشي حيث كل ما كيتذكر كيزيد يضرو قلبو على لي فااات مكيبغي تا حاااجة تفكرو بشغف لكن كل حااجة فياتو كاتفكرو فيها زير على دراعو تا سمع تمزيگة ديال الشوميز دور يديه بانت ليه تقطعات من جهة الكتاف ..نصلها كاملة و رماها تماا و رجع للوطو ديالو .. و كسيييرا لداارو .... بلاصا الاوطو فالباركينغ شوية باان ليه ضل شي حد جاي لجهتو .. دور راسو و هو يتنهد ..
رائد .. علاش جيتي ؟؟
سهى .."حطات يدها على فمها" فييين حوايجك ..
رائد .. ماديريش فبالك .. تقطع و رميتو .. راني سولتك لاش جيتي !؟
سهى ..''ابتسمات ليه" واش عند بالك غانخليك فهاد الحالة و نتا معصب؟؟ 
رائد .. سهى .. سيري لدارك .. الحال ضلام ..
سهى ..ابداااا غانبقى معاك تا تبرد ..اجي واش ماغادخلنيش؟؟ 
رائد .."خرج من الاوطو و تقابل معاها .. تنهد بقلة حيلة" دوزي قدامي دوزي ..😑
سهى .. "سبقاتو و قلبها كيفرفر كي وصلو لابارطومون ديالو فتح ليها الباب .. دخلات مدرمة للكوزينة صاوبات ليها قهوة و ليه تا هو .. كملاتهم و هزات الكيسان تلاقات معاه خارج من بيتو لابس سروال ديال سورفيت و تيشرت ..
سهى .."مدات لو الكاس .."تفضل ..!
رائد .. شكراا محتااجو نيت .."خذا الكاس و تزلع فوك الكنابي حط يدو تحت راسو عينيه فالسقف"...
سهى .. "جلسات حداه" شوية دابا؟؟
رائد .."تلفت ليها" علاه مالي؟؟
سهى .."ضرباتو لصدرو" بففف ماديررش ليا هكذا راني عارفاك كنتي معصب كثرةمن القيااس .😑..
رائد .."بان شبح ابتسامة على شفايفو'' هانتي قلتيها كنت .. اصلا نتي الشوفة فيك كاتريح الاعصاب .. 
سهى .. "حمارو حنيكاتها " بصح 😍..
رائد .."حرك راسز بالايجاب و دورو جهة التلفازة ..'' بصااح ..

سهى .. "حمارو حنيكاتها " بصح 😍..
رائد .."حرك راسز بالايجاب و دورو جهة التلفازة ..'' بصااح ..
سهى .. تال ايمتاغاتبقى هارب ..حياتك كاملة غاتبقى مدوزها فالغربة؟؟ 
رائد .. سدي الموضوع اسهى ..
سهى .."حطات القهوة " رائد .. سمعني واخة غير مرة وحدة فحياتك .. هاد قصوحية الراس ماغاتنفعكش..
رائد ..راك عارفاني علاش ماباغيش نزل للمغرب ...
سهى .. "حنات راسها" على ودها .. هاد المدة كاااملة و مزال ما نسيتيها 😔
رائد .."حط الكاس و دار لعندها" واش عارفة راسك اش كاتقولي ههههههههههه اااش غانسا نساا طفولتي ..؟؟ نسااا اجمل ذكريات حياتي ..؟؟ نسا مراهقتي و كوولشي معاها!؟ ااش غانساا و انا كي كانشوف الشكلاط كانتفكرها ..نسااا فاني إ شوكولا ؟؟؟ مستحيل هههه .."دوز يدو على شعرو" غانساهانهار نموت ولا نفقد الذاكرة ..!! ديك الساااع نقدر نساا لي فات من حياتي .. ''وقف و تم غادي'' انا غانمشي نصايب ليك البيت ..
سهى .."بنفس مكسووور'' لا غانمشي ..
رائد .."ضار خزر فيها'' فين غاتمشي؟ تكمشي لرض مابقات مشية هاد الوقت .. 
طلع و خلاها موراه كاااع تصرفاااتو كيخليوها تبغيه و بسبب حبو و تمسكو بحبو لشغف زاادت بغااتو اكثر .. اي تصرف كيديرو كيخليها تعذب اكثر و اكثر .. و ما اقسى عذاب الحب من طرف واحد ... 
رائد ..''نزل معاه غطاه'' ... اجي .. اش تعشاي .. 
سهى .."نزات صاكها و وقفات قدامو" راك عارفني مكانتعشاش .."باستو فخدو" بونوي .. 
رائد .. هزي لي بغيتي من البلاكار ..باش ترتاحي ..

ابتسمات ليه و طلعات لبيتو و قلبها كيدرب فالتسعين .. حطات صاكها و مشات للبلاكار ديالو خذات منو سروال ديال سورفيت احمر و تيشرت بيضاااء لبساتهم زيرات السروالو و مشات لبلاصتو تكات و تخشات فبها كاتشم فريحتو ..حتى غفااات ... اما رائد .. قرش فوق الكانابي و رجعو لور تا رجع فحال السرير .. حط المخدة و تلاح عليه خذا تيليفونو طل فيه ماشي كيف كل مرة .. من اااخر مرة صيفطات لبه شغف الرسالة لي كانت صاالدمة بالنسبة ليه ماعاوداتش صيفطات ليه حتى سلام .. شهرين من بعد الرسالة و هو لك ليلة قبل ما ينعس كيهز التيليفون ديالو يطل فيه لعل وعسى يلقاها مصيفطة لو واخة غير بالغلط..لكن والو .. دخل للانستغرام كيشةف تصاورها كل مرة هاهي مصورة و كاتخرج فرحلات و ضور مرة مع دار الايتام مرة مع الجمعيات و اكثر الاوقات كاتكون مصورة فالخدمة و لا مع تاج الدين .. و الضحكة ديما على فمها ماكاتفارقهاش .. ضاربة الدنيا بسباطها كيف كيقولو .. خذااكثر صورة عزيزة على قلبو هي صورتها مع الكلب ديالو لي خلاه ليها قبل مايمشي ..غمض عينيه و حط التيلي فوق صدرو ..
رائد .. تكوني نسيتيني و بديتي حياتك كيف قلتي ..!! تقدري ديريها!!
غفى و هو كيدوي مع الصورة هادشي كلو داز قدام عيووون سهى لي كانت ماشية تشرب... دمعو و هي كاتشوفو كي كيدوي مع الصورة حتى غفى و طاح التيليفون من على صدرو .. قربات ليه و هزات التيلي .. شافت فالصورة .. كانت هادي اول مرة تشوف شغف ..و عينبها خرجو كي شافتها .. دوزات تصاورها كاملين و حطات التيليفون فوق الطبلة
سهى .. اااااخخخ يا رائد كون تعرف شحال كاتعذبني اي حااجة كاديرها كاتعذبني .. .. هاد المدة كااملة ماكفاتكش بااش تنسااها .." نزلات على ركابيها تقابلات معاه .. و كدوز يدها على شعرو'' عارفات كاتعذب .. و حتى غاتكون كاتعذب لا كانت بصح تاتبغيك .. حاسة بييك .. انا اكثر وحدة حاسة بيك ..لي كانبغيه مكيبغينيش .. و عمرو فكر فيا .. ماعرفتش شنو ندير نخليك تنسااها .. مكرهتش لو كان قلبك خااوي نعمرو غير انا .. 😭 مكرهتش لو كان عاديني ولو غير شوية من الحب لي عاطيها هي ..😭.. علاش انا لا علاااش .. ياريت كون كا بيدي ندير شي حاجة.. و مانبقااش كانشووفك هكذا كاتعذب .. يااريت لو كنت نقدر ندوي معاها ودترجع ليك .. يا ريت لوكان يسمع مني باهااا .. ندير اي حااجة غير نتا تكون فرحان .. على قد ما كانبغيك على قد ما باغية غييير سعادتك .. و نشوفك مرتااح و فرحان واخة مع غيري ..اووف .. ,😭... 

...... باستو فجبهتو و طلعات كاتجري لبيتو ترمات على الناموسية..اما رائد .. فااش قاستو فشعرو فااق و سمع كاااع الهضرة لي قالت ماكاانتش صدمة بالنسبة ليه ان صديقتو المقربة كاتبغيه لانو كان عارف و متأكد انها مخبية ليه فقلبها حب كبييييير و هو ماعندو لبها جهد .. غطا راسو و بقا كيفكر حتى داااتو عينو .....

_______المغرب -- الرباط______
ريم .. واايلي اصااحبتي حراام عليك عن جد تعبت ..بغيت غا نجلس هوووووف ...
شغف .."وقفات و حطات يديها على خصرها" ههههههههههه واااع عياااانة اصااحبتي بفففف .. عاد ضربنا نص الطريق ..
ريم .الله يحرقها طريق معاك يخخخ .."جلسات فالأرض و ربعات رجليها..''
شغف ..اش قربك نتي لشي سبور ..عطيها غا للمااكلة والنعاس .. 
ريم.. خليني اختي فرحانة برااسي شيشي نيني خيخي ..حسن من هادالعذااااب ..😣
شغف .. "ضرباتها لضهرها " اااتييي نووضي ... حيدي شوية تالسموم من ذااتك ..😑
ريم ..هااالعاار غانسخف ليك .. بالله نفطرو فشي قنت .. بلييييز .. 
شغف ..اافف .. صاافي نووضي نفطرو ..🙄
جراتها معاها و دخلو لاقرب كافي جلسو و طلبو فطورهم ... 
ريم ..ماخداماش اليوم؟؟
شغف .. سيي خدامة .. "شافت فالساعة.." ديجا مزال الحال..مزال عندي ساعو و نص ..
ريم .. اايه اختي نسيييت بلي مفيقاانا قبل الدجاج ..
شغف .. "كتاكل و ضحك" ..واش انا قلت لك اجي ديري معايا سبوور ياك نتي لي لسقتيني البارح. ..
ريم .. اوا الله ينعل لي بغا يتسبورا معاك .. 😑
شغف ..ههه الله ينعلك تي .."عضات فالطوسط شوية تخلي فيه سنانها ..غوتات غوتة وحدة " ااعاااعععععععع ..
ريم.. ويلي مالك؟؟
شغف .."كتشير على السيرفور و تغوت '' اجييي اسييي اجي ..اااش هادشي عاطييني وااااش انا قلت لك كرييه و لا جيب لي خبز كااارم بنت لك معزة انا هنااا و لا كيفاااش😡
ريم.. " كاتجر فيها '' ويلي حشوومة .. دوي بشوية شوهتينا عباد الله كاع تتشوف. .
شغف ..خليهم يسمعو ااش هاد الحالة اسيدي شووف "رمات عليه الخبز" ااش غاناكل فهذا دابا انا .. 
السرفور .. كانعتاذرو امادموزيل سامحينا ..
شغف .. كون تهرسو سنااااني ديك الساااع غانشوفو فاش غاينفعك هاد الاعتذار..
المدير .."سمع الصداع جا كيجري " اش وااقع هنا؟؟
السيرفور ..المادموزيل لقات مشكل فالخبز .. 
شغف .."حمرات فيه عينيها و عاودات لو علاش تاتغوت".. زعمة راني كلياانة هنا و كل نهار كانجي ..
المدير.. يمكن نساوه فالفران .. كانعتذر مرة اخرى تفضلي جلسي غاتوصلي بالتعويض على حساب الريسطو ..راك كليانة مانبغيوش نخسروك مادموزيل الصقر ..
شغف .."جلسات نافخة ريشها ..اوا هكذاك .. 😏
ريم .. نااري تشوهنا اليوم .. 😑..
شغف .."طلعات فيها حجبانها" نتخلى على حقي ..ابدااا 😑...
ريم .. اوا بعدا تخليتي على حقك فالحب .. ..
شغف .. "عوجات سيفتها'' غلط حبيبتي ..لو كان حقي كون راه دابا من نصيبي ..و ملي هو مش من نصيبي .. لاش نقهر روحي ..!!
ريم .."ابتسمات ليها"عرفتي نتي هي مصدر قوتي كانحبك و الله.  😘
شغف .. عنيبة 😑
ريم ..الله ينعلط***ك ..
شغف .. و امك .. 😊..
السيرفور .."جاب لهم الفطور و اعتذر مرة اخرى .. يالله مشى حتى رجع مرة اخرى .. و هاز فيدو وردة حمراء و بلا ديال الكريم كراميل ليها لصاحبتها ..مد لها الوردة .." تفضلي مادموزيل .. هادي هدية من داك السيد لي جالس وراكي .. 
شغف .. شكون ..؟؟"دورات راسها و هي ترجعو مغوبشة" هذا مااالو تابعني ولا شنو..
ريم .. اححح اقلبيي .. وااااي وااي تيتيز اختي ..
شغف .. طزز 😑...
ريم .. لا بصح زوين .. شكون هذا ؟؟ 
شغف .. هذا يا لالة خدامين معاه داير معاه بابا صفقة .. و سميتو مصطفى شرف ...
ريم .. اووه زوين .. و سميتو مصطفى .. و من عائلة شرف اووه .. و انييق .. و وسيييم و رزين بااينة عليه ..😍 اخخخخ ..
شغف .."ضرباتها لراسها" سكتي لا كاتعرفي تسكتي 😑..
ريم .. ااحح هاهو جااي ..
مصطفى .. "بابتسامة مشرقة" صباح الخير ..
ريم.. صباااح النووور😍..
شغف .."خزرات فيها و طلعاا راسها فمصطفى''صباح الخير..😊
مصطفى .. و ما اجمله من صباح لي نتلاقى بيك فيه😉..
شغف .."نزلات رايها بخجل.." شكراا ..
مصطفى .. ديما كاتجي لهنا؟؟
شغف .. وي .. ديما كاندير السبور .. و كانفطر هنا ..

مصطفى .. ههه انا بالصدفة فطرت اليوم هنا ..لو كنت داري كتكوني هنا يومياا كنت غانبقى ديما لاسق هنا ..
شغف .. ههههههههههه ..
مصطفى.. "ابتسم ليها تا بانو نيابو" ماكانلقاش فرصة نتكلم معاك على انفراد فالخدمة.. واخة تخلي لي النمرة ديال التيليفون !! الخلاصة ديالك.. اربع شهور و حنا خدامين بزوج فشي شكل اننا مانكونوش كانتواصلو مع بعضنا ..!!
شغف .. "طلعاا فيه عينيها'' شنو لي فشي شكل فالموضوع .. عادي جدا .. حنا خدامين بزوج ماشي صحاب ..!!على ما اضن ؟
مصطفى .. ههههههههههه .. جميلة و ذكية.. 
شغف .. هادشي لي بغات الوقت .. 
مصطفى .."جبد كارت فيزيت ديالو و حطها لها قدامها" هذا كرتي .. كانتمنى تشاوري مت راسك .. و تتصلي بيا .. نديرو شي كاافي ولا نتعشاو بزووج علاش لا .. غايكون ليا الشرف نخرج مع بنت فجمالك!!
شغف .."ابتسمات فوق قلبها" هيهيه واخة ..😑..
مصطفى .. غانستأذن منكم دابا .. راك عارفة عندنا اجتماع كانتمنى ماتعطليش ..!!
شغف .. خدمتي ماتحتاجش توصيني عليها!! .. 
مصطفى .."ابتسم باعجاب " على فكرة .. عينيك كيدوبو الحجر .. يطيحو الزرزور من فوق الصور ..😉 .."غمز لها و تحرك خلاهم غا كيشوفو ..

ريم .. نااري دبت انا 😣.. ناري على كاريزما عندو .. هاادي و كيدوي بالعباار ياا ختشي😍..
شغف .."خلصات و هزات ساك ادو ديالها' زيدي نتي بنتي ليا فحال لا هترتي.. وليتي كاتخرفي ..
خرجو البنات من الكافي مشاو للجهة فبن كانت حاطة شغف سيارتها الرياضية لي كانت هدية مواعدها بيها تاج اادين و فاش شدات الباك ديالها هداها لها ..وصلات ريم لداهم عاد تحركات هي لدارها غير دخلات من البوابة جاتها الكرة فالمراية ديال الاوطو شخشخاتها..
شغف .."خرجات من الاطو مكحلة بالعمى هزات المورة و بقات كاتشوف فمراية" و اللله ينعلك الحماااااااار .. اليوووووم نقتل اليوووم😡😡😡
أيهم ..وقف ورا الاوطو كيطل عليها" و الله ما درتها بلعاني ..🙄
شغف ..اليوم بيااا و لا بيييكي .. بابااااااااااا .. 
ايهم.. المييييييمة ماتقوليهااش ليه .. "كيدير يدو على فمو كيرغب فيها" المييمة ..
شغف .. باباااااااااااااا ..
ايهم .. ندير لييك لي بغيييتي .. 
شغف .."خذات مقص من الاوطو ديالها و خشاتو فالكرة شركاتها ..
ادهم .."مشى للمراية الثانيةبكل هدوء" هاديك كانت كورتي .. شاريها بفلوسي !!و نتي شركتيها واخة عارفاها ديالي .. "جرا المراية الثانية قسمها و رماها لها جات حدا رجليها" باش تعلمي تصرفي فحوايج غيرك ..
شغف .."بقات واقفة مصمكة كاتشوف فيهم" 
ايهم "مشا حط يدو على كتف خوه" ههههههههههه ناااري حالتك تشفي اساطة .. ماقنعاتكش مراية وحدة هاهي السانية يالله جمعيهم دابا 😏 و سيري قوليها للواليد .. 
شغف .."رمات ديك الكرة هزات مراياتها ووطلعات كاتجري تشكي لتاج الدين كيف العادة" بااابااااااااااا ..
ريماس .."وقفات قدامها مخلوعة عليها" ياك لباس ؟؟
شغف .. شووووفي دووك الجنووون لي ولدتي اااش دارو لبا هءهءهءه😭
ريماس .."حطات يدها على فمها .. " هرسو لك المراية😐..
شغف .. المرياااياات و حياااتك كل واحد فيهم هرس وحدة 😭.. تفووو اش غاندير داابا و عندي اجتماااع بعد نص ساعة شنو نديير نمشي فالطااكسيااات ...
ريماس .. و مالهم كاكسياات عدي غير ماتقوليهاش لبااك .. غايعلقهم .. 
تاج الدين .."نازل من اادروج .." لو كانو كيتعلقو من الصغر كون ماتكوونش فيهم هاد القبااحة كاملة .. 
شغف .."كاتبوحط عليه" شوووف شنو دارو ليا ابابااا😢
تاج الدين ..صافي انا غانتسناك تا نديك معايا .. طلعي دوشي و بدلي .. 
شغف ...و دووك الزووج ماغادييير لهم واالو .. 
ريماس .."قرصااتها" اديييك الساامة .. 
شغف .."كاتحك بلاصة القرصة ".. اييييي امامااااا راااه المرايااات هادو اماااما ماشي اللعب ..
تاج الدين .. ماغاندوزهالهمش فينهم دابا ؟؟
شغف .. وا. راه مشاو يقراو يمكن ..
تاج الدين .. تا يرجعو و نتفاهمو ...
ريماس .."قالبة فيهم وجها" انا نخلص لك دوك المرايات غا عطيو لولادي بالتيقار 😠
شغف ..نتي لي مضسراهم علينا اماما .."طلعات كاتجري قبل لا تشير عليها ريماس بلي فرجليها"
تاج الدين .."جرها لعندو و باسها فعنقها" شنو زعما كاتكسري كلمتي .."عضها فعنقها
ريماس .."دفعاتو عليها"حيدي عليا نتا كاتشرف و تتهتر ..
تاج الدين.."خزر فيها انا شرفت انا؟؟ مزال نجيبها بنت تمنطاش .. 😑
ريماس .."دارت يدعا على جنابها " اوا راني قلت لك جاتك لي متتعلمش .. المراهقة المتأخرة..
تاج الدين .."جرها من خصرها و هزها بين يديه" قالك شرفت اجي نشوفو شكون شرف ''هزها تال الطبلة دالفطور حطها و هي كاضحك عليه" ..
ريماس . اصلا درتها لك بلعاني باش تهزني ..ضراتني ركبتي ..خخخ
تاج الدين .."قرصها فجنبها" ههههههههههه شكون شرف دابا انا ولا تي ..
ريماس ..بزاف عليك راني عاد فالربعينات .. 
تاج الدين .. ههههههههههه و تا انا عاد فالخمسينات .. 
ريماس .. ههههههههههه المهم هو الرح ديما تبقى شباب .. 
تاج الدين .." باس لها يدها" داكشي لي كااين .. الحند لله عليها نعمة ..😉..

درباتها شغف بتدويشة خفيفة و نشفات شعرها بالسوشوار خااتو مطلوق دهناتو غا بصيروم .. دارت مكياجها اليومي خفيييف .. لبسات سروال خفيف ابيض قصير شوية و دوني تا هو ابيض و فيست فالشيبي مع طالون فحالها فاللون .. دارت اكسيسواراتها لي كاتكون من ساعة و و خاتم و سلسال طول ..و حلقات ضايرين ..هزات صاك ابيض بسمطة طويلة و ملفاتها .. رشات بارفانها و نزلات لقات تاج الدين كيتسناها فسيارتو .. ركبو انجهو دييريكت للشركة .. اتجه تاج الدين للمكتب ديالو و اتجهات شغف بدورها للمكتب ديالها حضرات راسها للاجتماع و دخات للغرفة رافعة راسها و كاتمشا على اطراف اصابعها بأنوثة و كبرياء ..
شغف .. بونجيوغ .. ديزولي على الروطار ..
مصطفى .."كان حاضيها حتى جلسات و طفى الكارو ديالو" قلت لك عنداك تعطلي و تعطلتي 😉..
شغف .."شافت فالموضفين لاخرين " وقعات لي مشكلة فالسيارة ديالي داكشي علاش تعطلت كانتمنى ماتكونوش تسنيتوني بزاف ..
موضفة ..لاماشي بزاف امادموزيل .. 
مصطفى .."كيشوف فيها و داير ابتسامة جانبية على شفايفو" .. تقدري تبداي امادموزيل .. 
بدات شغف الاجتماع ديالها و كادوي فحال شي وحدة دات و جابت فالخدمة نيت .. كانت ضابطة كاااع شغلها اما مصطفى غا حاضيها و كي كاتحرك يديها و كي كاتشوف كل تفصيل من تفاصيلها يخليه انو يعجب بيها ..
شغف .. كنضن اننا متفقين على كولشي .. و بالنسبة للتصاميم فا اكيد المصممة الرئيسية ديال الشركة ديالنا مدام ريماس الصقر هي لي هاتكلف بيهم و طعا هادشي غير لانكم مميزين .. 
مصطفى .. صراحة برافو و ليا الشرف اني غانتعامل معاك .. احم .. كانقصد مع الشركة ديالكم ..
شغف .." ابتسمات بخجل .." سو تقراو العقد و الشروط ديالنا..
مصطفى.."خذا العقد و وقع عليه بلا ما يقراه" سمعة ال الصقر صابقاهم ..ماعندي لاش نقرى..😉..
شغف .."خذات من غندو العقد وقعات عليه حتى هي" او ..ميغسي بزاف .. "وقفات تلقي عليهم التحية ..مدات يدهالمصطفى" جد سعيدة بالخدمة معاك مستر مصطفى .. 
مصطفى.."تحنا شوية و بجنتلمانية" تحياتي .. 

خرجات شغف من قاعة الاجتماعات و الفرحة ماسايعاهاش هادي كانت اول صفقة كاتعقدها و فرحلنة حيت قدات على المهمة لي كلفها بيها تاج الدين .. مشات ديريكت للمكتب ديالو باش تفرحو ..
شغف .."دخلتت كي العجاجة" باااابااااا
تاج الدين .."طلع راسو من الوراق" شي نهار تقتليني بهاد الدخلات ديالك ابنتي .. ..
شغف .."مشات لعندو عنقاتو و باست ليه راسو" عااارفة قلبك قلب اسد يا احلى بابا ..
تاج الدين ..وش سبب هالسعادة كاملة ..
شغف ..''وقفات قدامو و علات راسها بغرور" واقفة قدامك الحين اصغر سيدة اعمال ..شغف الصقر ..
تاج الدين .. ههههههههههه الله يهديك ..
شغف .. و الله كاندوي معاك .. "جبدات العقد من الملف" تفضل اسي بابا سقي ليا عويناتك ..
تاج الدين .."دار نضاضرو و بدا يقرا " اوووه تبارك الله عليك سينيتي العقد و مع من مع مصطفى شرف صراحة برافو عليك .. و بالشروط ديالنا ..اللهم بارك ..
شغف .. اوا شكو كانلعبو هنل بنتك بألف راااجل 😍..
تاج الدين .. الله يحفظك من كل شر .. 
شغف .."خذات من عندو العقد و باستو فراسو" امييين حبيبي. .
تاج الدين .. يالله سيري تغداي ..
شغف ..ماغاتغداش نتا!!
تاج الدين .. راك عارفاني صايم اليوم ..
شغف ..اهه الله يقبل احبيبي .. هاني مشيت ..
تاج الدين الله يعاونك ..

خرجات من عند تاج الدين مشات ديريكت لمكتبها قدام الموضفين بكل ثقة .. دخلات لمكتبها حيدات الفيست و ترمات علي الكرسي حطلت عليه راسها و كادر بيه تا سمعات الباب دق ..
شغف ..تفضاال ..
مصطفى .."حبس السكريتيرة و دخل" هاني جيت نصدعك عاوتاني .. 
شغف .."تقادات فجلستها" مكين حتى صداع مستر مصطفى .. 
مصطفى .."جلس بطريقة رجولية" شكرا .. و يا ريت تحيدي بيناتنا الالقاب ..و خلينا منفتحين على بعض ..!
شغف .."طلعات حاجبها بنفس طريقة تاج الدين " اهاه ..!!
مصطفى .. "حس بيها تضايقات" .. بغيت نسولك ؟؟
شغف .. هاه ..سول ..مرحبا ..!!
مصطفى .."شاف فساعتو و رجع دوا" واش ماكاترتاحيش فالهضرة معايا .. تقريبا مكيناش شي مرة دويت معاك فيها و ماتهربتيش؟؟مع العلم اني كان بامكاني نصيفط لي ينوب عليا فالاجتماعات و مانحضرش انا ولكن نتي هي السبب اني كل مرة كانجي و هادي حاجة عمري درتها!!
شغف .."تلخبطات و تدعقات" اااا .. لا ماشي كيستيون ديال مكانرتاحش ليك .. غير هو انا مكانزعمش على ىالناس لي كانخدم معاهم .. مكانبغي تا مشكل يوقع .. داكشي علاش كانخلي مساحة بيني و بين الكليون .. الحياة الشخصية بوحدها و الحياة العملية بوحدها..
مصطفى .."ابتسم باعجاب'' و هادي تكثر حاجة حبيتها فشخصيتك .. 
شغف .."ابتسمات بخجل ..'' شكرا .. 
مصطفى .." مد ليها يدو ".. يعني دابا نقدرو نكونو اصدقاء .. حيت ماعندك مناش تخافي من جهتي ماغايوقع حتى مشكل .. و كيف ما قلتي الحياة العملية بوحدها و الشخصية بوحدها تا لا وقعات شي حاجة فالشخصية ماغاندمجوهاش مع العملية ..😉
شغف .. ههه"مدات ليه يدها" واخة اسيدي .. ههههه ..
مصطفى .. الله الله على الضحيكة .. 😉.. "شاف فساعتو " الوقيتة هادي .. نخليك تخدمي ..
شغف .. تا انا غانمشي .. تفضل شكرا ..😊..
مصطفى .. غاتمشي لدار ..ااه حقا الصباح قلتي لي خسرات لك الاوطو .. كاين لي يوصلك!!
شغف .. اصلا ماغادياش للدار غانمشي نتغدا الوقيتة هادي .. و عطى الله الطاكسيات ماغاديش نوحل .. 
مصطفى .."عقد حوتجبو" ماشي عيب تقولي هاد الهضرة.. انا غادي نتغدا ز نتي غادية تغداي و كل واحد غادي بوحدو تفضلي قدامي امادموزيل .. غانتغداو بزوج اليوم انا عارضك ..!!
شغف .. "شوكاها'' لا ويلي مكين لاش شكرا بزااف 
مصطفى ..انا مُصِر ....
شغف .."تنهدات بقلة حيلة .." .. واخة .. 
خذات الفيست ديالها لبساتها و هزات صاكها .. تمشات قدامو و هو حاضيها و حاضي تحركاتها كااملة .. نزلو تحت اعين الموضفين لي كانو اغلبهم كيشوفو فيهن لان شغف دائما شادة حدودها .. فتح لها الباب ديال الاوطو ديالو لي كانت من نوع الرونج روفر.... طلعات و اتجه تا هو لمكان القيادة دخل بكل رجولة و كسيرا لأحسن مطعم فالمنطقة كان كلاش و فحال لا مبني بالخشب بطريقة جميلة .. دخلو و اتجه بيها مصطفى للطاولة لي موالف كيجلس فيها .. كانت مقنتة و بعيدة على البشر واخة الريسطو كان نوعا ما خاوي ... 

مصطفى..."جر لها الكرسي حتى جلسات" جد سعيد اني غانتغدا مع انسة فجمالك ..😉..
شغف .." ابتسمات بخجل ..'' شكرا ..
جا السرفور دومونداو على غداهم...

مصطفى .. "كيتمعن فعينيها" عويناتك واعرين ..
شغف .."ابتسامة صفراء" شكرا. 
مصطفى .. امبد شالهة لماماك!!
شغف .. اه .. 
مصطفى .. غايكون الوالبد ديالك كيموت عليها هههه ..
شغف .. و شكون لي يشوف ريماس و ميموتش عليها ..
مصطفى ..امممم اكيد لا كانت زوينة فحالك..😉😉
شغف .. زوينة حسن مني انا غا شونتيو من جمالها .. 
مصطفى .. اووه .. ههههه يالله عاودي ليا على راسك باش نتعرفو اكثر .. 
شغف .. سولني و نجاوبك ..
مصطفى .. واخة .. عندك علاقة مع شي واحد ..
شغف .."شوكاها بهاد السؤال😐" ها .. ؟
مصطفى .. زعما واش كين شي واحد فحياتك ..
شغف .. لا ..مكين تا واحد و علاش سولتني هاد السؤال بالضبط ؟؟
مصطفى .. هه‍هههههههههه‍ حيت عارف عليك كولشي .. و بقى ليا غا هادالسؤال دارني فراسي .."تكى على الكرسي " بالحق دابا رتاحيت. 😉
شغف .. احم .. 
مصطفى .. انا غانعاود ليك عليا مانحتاجش تسوليني .. مصطفى شرف ..رجل اعمال واخة مزال صغير هههه تلاتين سنة .. الوريث الوحيد لشركات الشرف و املاكهم .. كاندير الكيك بوكسينغ شاركت فعدة مباريات .. لكن حاليا حبست بسبب الخدمة .. الواليد ديالي توفى بالحق مزال الجد و انا الوحيد لي عايش معاه حيت انا ابن ولدو الوحيد .. الله يرحمو ....😉
شغف .. الله يرحمو ..😊
مصطفى .. امين .. احم ..هو صراحة انا .. عارف راسي غانزرب لكن لي بغيت نقول ليك هو .."قاطعو السيرفور لي حط لهم الغذاء ..'' احم ..
شغف .."بدات ماكلتها ماتسناتوش تا يدوي .. كملات غداها على خاطرها عاد طلعات فيه راسها" .. كنتي كاتقول شي حاجة ..
مصطفى.."تياكل بشوية و حاضييها و ابتسامة جانبية فشفايفو"الحمد لله ملي تفكرتي ههههههههههه ...
شغف .."طلعات حاجبها" صوري .. مكانبغيش ناكل. و ندوي ..😊
مصطفى .. على العموم .. لي باغي نقول لك هو اني معجب جدا بيك ..سواء جمالك الخارجي لي مايتناقشوش عليه زوج ..ولا شخصيتك .. يعني فارضة وجودك من جميع النواحي .. 
شغف .. شكرا و هذا شيء يسرني ..😊..
مصطفى ..شغف .. انا مكانقولش ليك هادشي باش تشكريني!!
شغف .."طلعات فيه حاجبها بطريقة تاج الدين تماما" و علاش كاتقول بالسلامة !! حيت انا هادشي عارفاه ديجا .. 
مصطفى ..''ابتسم بالجنب" امم اكيد عارفاه ماشي اول واحد غايقولك هاد الهضرة ..
شغف .."بغرور .."" اكييد .. 
مصطفى .. ولكن مصطفى شرف ماشي اي واحد .. حيت مصطفى اول وحدة يقول ليها هاد الهضرة هي نتي ..
شغف .. اوووه .. و خصني نفرح دابا .. "خزرات فيه" على فكرة .. بحيت انا شغف الصقر هاد الهضرة سمعتها ماشي خطرة ماشي زوج حتى حماضت يعني ماغاتجينيش منك مميزة حيت نتي اوبس .. مصطفى شرف ..😕
مصطفى.."ماعجباتوش هضرتها" أهاه .. و الى قلت لك كاتعجبيني و باغي تكون شي علاقة بيناتنا .. يعني اكثر من صداقة .. "قرب يدو ليدها و شدها" اش غايكون رأيك .. 
شغف .. "طلعات حاجبها و شاف فيدو و عاد شافت فيه و نطرات يدها بعصبية " غنقووول لك اسيدي انا ماشي ديال العلاقات الغرامية ديالك .. ههه ساليتي مع بنات الرباط و باغي دوز ليا ولا كيفاش ..
مصطفى .. "طلع ليه دم " ااش كاتخربقي نتي دابا!!
شغف .. لي كاتسمع .. لا يكون فبالك بلي طمعتبني بدوك زوج كلمات تنا الوريث الوحيد و مانعرف اش .. بزعط اسيدي .. عيني عامرة الف الحمد و الشكر .. ووديك الهضرة سير قولها لوحدة اخرة .. حيت شغف الصق .. بنت تاج الدين الصقر ماشي ديال العلاقات الغرامية البااايخة ديالكم 😑..."هزات ساكها" قلت لك من الاول من الاحسن يبقى بيناتنا حاجز و هانتا ملي فسخت ليك المجال نكونو اصدقاء ضنيتي فيا حاجة اخرى .. على العموم مستر مصطفى تشرفت بمعرفتك مرة اخرى.. 
خرجات تحت نظراتو .. شوكاتو بالحق فاش رجع هضرتو لقا راسو ماكملش كلامو .. تكا على الكرسي و دار يديه تحت راسو .. ابتسم و عينيه لمعو بالفرحة .. خصوصا انها مكاوعاتوش من اول كلمة ..
اما شغف خرجات الكناوا كيشطحو ليها فوق الراس .. شدات طاكسي و اتجهات ديريكت للشركة كملات خدمتها و رجعات مع تاج الدين فاش وصل وقت انتهاء عملهم ...

فاتو ايام على ها الحال .. من داك النهار شغف عمرها شافت مصطفى ولا كيسيفط لي ينوب عليه و هادي حاجة ريحاتها اكثر .. دخلات عندها صديقتها المقربة ...
ريم ..مسااائو
شغف .."طلعات راسها و حيدات النضارات دياال الشوف" اهلييين
ريم ... كي بقيتيي .."كادور فراسها" كين شي تيتيز 
شغف ..كاين البعر .. التيتيز مكين ..
ريم .. وايلي 😉 فين مصطفى ..
شغف ..خليتو كيجمع دار و يرضع دراري .. 😑 مصطفى ولا الويل انا مزوجة بيه ..
ريم .. باااينة ماعاودش وراك وجهو مسكين ..
شغف .. لن يجرأ ههههههه عطيتو حاامض و خل ودنيه ..
ريم .."خزرات فيها " كين شي حامض و خل قدك .. غاتبقاي باايرة تا تموتي و عقلي على كلامي ...
شغف .. و الله ما هامني .. القلب لي فتحتو مرة سديتو و مانعاودش نفتحو ..
ريم ..اووف غاتبقاي متشائمة ليا فحال هكذا .. راه لا ماصدقش واحد ماشي بمعنى ماغايصدقوش كاملين ..
شغف .. اوا راه الخاطر لي مابقاتش احبيبة ..
ريم ..احم .. كانبغي ديما نسولك على واحد الموضوع .. بالحق كانتردد حيت كون بغيتي تعاودي ليا عليه كون ثلتي كولشي بلا مانسولك ولكن الفضوول يا ختي وراسي كيضرني .. 
شغف .. غا سولي مكينة تا حاجة تخبا عليك هههههه ..
ريم .. نتي و رائد كيفاش تا تفارقتو .. ااا ..انا عارفاكم تفارقتو و وقعو مشاكل بالحق ماعارفاش التفاصيل ..
شغف .. "جمعات الضحكة لي كانت مزينة شفايفها و نزلات عينيها .. كاتحاول ما امكن ماتفكرش ديك النهار بالحق ضروري كاتجي شي حاجة تفكرها تنهدات و قررات تخرج لي فقلبها لصاحبتها"...كان عيد ميلادي 17 داك العام كان عندي الباك .. دارو لبا سيربريز و عملو لب اكبر عيد ميلاد بطريقة فخمة في فندق خمس نجوم .. كانو بزاف تالناس لي تنعىفهم و تاتعرفهم مامت و بابا يعني كانو ناس فالمجال دخدمتهم و حتى بعض الفنان بحكم ماما مصصمة ديالهم مبها عيد ميلادي و منها بابا كان باغيني ننفتح على داك العالم و دوك الناس حيت غانولي خدامة معاه و معاهم .. رائد تضايق بزااف مع مكيعجبوهش دوك تلحفلات لب كيكونو فيهم الناس الكبار كان باغي شي حاجة شبابة .. بالحق كان حاضر تما هير على ودي ..
ريم .."حطات يدها على حنكها"اوا ؟؟؟
شغف ..اوا .. "رجعات بذاااكرتها للحذث مباشرة

___________(فلاش باك)__________

رائد ..''اتجه لعند شغف و جرها من يدها بعدها عليهم" واخذين مني الحبيبة ديالي بغيت نجلس انا ويلها شوية واش ماشي ممكن؟؟ 
شغف ..."حناكها حمارو" نااائح ماشي ممكن الحفلة مزال ما سالات ..

رائد .. انا لي صبري سالا .. اجي معايا..
خطفها من الحفلة و خرجها من الفنذق كااامل اتجهو لدراجتو النارية ركب وها و دار لها الكاسك و ركب تا هو بدورو كسيييرا ماوقف حتال البحر ... نزل و نزلها و تم غادي بيها تا وصلو لمكانهم لي موالفين يجلسو فيه .. كرااساا و قدامهم البحر .. 
شغف .. لاش جينا لهنا ..! الوقت ليل ..
رائد .."قرب ليها" ياكما خايفة مني؟؟
شغف .."خزرات فيه" علاش بالسلامة كاتعض!!
رائد .."زاد قرب و حاصرها بين يديه من جهة خصرها و خشا وجهو فعنقها عضها تا تآوهاات" مثلاااا. .
شغف .. حيد اويلي اش كدير حماقيتي !!
رائد .."جبد من جيبو سنسلة لبسها ليها و هو مزال معنقها " لا حماقيت نتي السباب ..😉 
شغف .. وااعع وا بعد علياا ..
رائد .."ضربها لفخضها" ماتبقايش تقولي بعد عليا "باسها فعنقها" 😡
شغف .. اوك اوك .. رآه شي حد يشوفنا يفهم غلط ..
رائد .. ههههههههههه قولي غايفهم صح .. 
شغف .."بعد عليها و هي تجر السنسلة من عنقها كانت عبارة عن سلسال طويل شوية ديال الفضة ..و فيه قلب فتحاتو و شافت صورتو و هو صغر من ديك الساع " زوييينة شكرا بزااف ..
رائد .. عذريني معنديش فلوس لي نشري بيهم حاجة اغلى من هادي .. راك عارفة البريكولات على قد الحال هههه .. مابغيتش نشري لك بفلوس باك ولا با ..
شغف .." ابتسمات ليه بحب و عينيها فيهم لمعة ديال الدموع " هادي اغلى حاجة جاتني ارائد ماتبقاش تقول هكذا ..
رائد .."جرها من السنسلة و تكا على الدراجة ديالو" هاذي مانبغيهاش تحيد من عنقك .. واخة نكون بعيد .. خليها ديما فعنقك ..
شغف .. عمرك غاتكووون بعبد ارائد .."عنقاتو و رجعات شافت فعينيه .. " كانبغيك ..😍.."وقفات على صباع رجليها فوق رجليه و طبعات قبلة خفيفة على فمو .. لكن قبل ماتحيد شفايفها هربانة منو .. زير عليها من خصرهاو عصر شفايفها بين ديالو .. كانت هادي اول مرة تكون قبلتهم دقيقة لهاد الدرجة ..
وقف عليهم تاج الدين كي القدر ... ماعرفو باش تبلاو يالله سالا السي رائد القبلة الرومانسية ديالو .. غمض عينيه بالجهد و عض على سنانو بالجهد..اماشغف من كثرة الصدمة تلسعات ولات غا كاترمش .. عبنبها ترلوماو على حجبان تاج الدين و عروق يديه لي بداو كيتنفخو .. 
شغف .....بب...ب..با با ..بابا انا .. 

.تاج الدين ..'' قرب ليها '' نتي ..!! "حط يدو على لحيتو" ههه .. نتي ..نتي شنو ؟؟ نتي شنو ابنت باااها شنو؟؟
.. شغف .."دمعو عينيها'' بابا😢
رائد .. .."زير يديه" عمي بغيت نقول ليك ..
تاج الدين .. "حمر فيه عينيه" اااش بااااااغي تقووول لياااا .. هااااااا و عندك الوجه تدوي؟؟ شنو قلت ليكم انا .. خليييت ليكم الحرية و قلت ليكم ااااش عرفو اش كاديرو حيت تكون شي حاجة بين جد الكلاب لي ولدوووكم راااه مستحيييل. ."جرو من الكول تالشوميز" اااااش قلت اديلمك نهار نشمشم خباااارك كاتلعب ببنتي نحيييك .. و شنو درتي نتتاااااا ودن سمعااات و ودن طنشاات ؟؟ كاتلعب بنتي اولد خووويا !!هاااا
رائد ..لالا ..ماعمري فكرت نلعب بيها .. انا بصح ..
تاج الدين .."زير عليه"ااااش نتااا بصاااااح ااااش ...
رائد .."تنطر من تاج الدين و مشا وقف حدا شغف لي كانت كاااترجف " اناكانبغيها .. و مستحيل نلعب بيها و نتا عارف هادشي مزيااان ..
تاج الدين .."عض على سنانو" 
رائد.. عمي غير وافق من غدا نتزوج بيها ..!! انا عارف هادشي لي شفتي ..
تاج الدين .."جر شغف ورا ضهرو تا ضرها فدراعها"الهضرة ماشي دابا ..و بربي و نشوف طيفك حداها و لا كدووور بيها كون اكبييد غاتشوف مني واحد الوجه لي عمرك شفتييه .. "ضرب لبه فصدرو" و هاني حذرتك .. 

شغف .." نطرات يديها من باها و وقفات بعيد عليه" علااش كادير فيا هكذااا ابابا علاااش خهءهء😢 كانبغيه ..و الله مانقدر نبعد عليييه .. نتااا ديما كنتي صدييق ليا قبل ماتكوون اب .. حرام عليييك تلعب دابا دور الاب القاسي .. 
تاج الدين .."قرب ليها" نتي شنو؟؟ نتي شنو ابنت باها ؟؟ كاتبغيه؟؟ من ايمتا هادشي ؟؟ هاااه من ايمتا هاد البغوو..؟
شغف .."استجمعات قوتها '' انا ورائد كانبغيو بعضياتنا من الصغر ماديرش رااسك ماعاارفش ماباااغيش تتقبل مااشي ماعارفش ..
تاج الدين .."جمع يدو تا جمعها و طلقها على حنك شغف و هادي كانت اول خطرة يحط عليها يدو .." كاتستغفلوووني!؟
شغف .."شادة فحنكها و مصدوووومة من ردة فعل باها '' ..
رائد .."غمض عينيه و كرز على سنانو" عميييي. .
تاج الدين .."زير على معصم ريماس و حبس رائد بيدو " بالرب المعبووود ماندوزها ليك .. سمعتي .. ماغاندوزهاش .. يالله بعد لهيه ..😡
جرها و هو جاااااعر رماها فالاوطو و كسيرااا .. كانت مصدووومة ماعاوداااتش نطقات ولا كلمة تا تاج الدين مادواش معاها كسيرا للفيلا كي وقف الاوطو نزلات كاتجري و طلعاا لبيتها سدات عليها .. اما رائد كي خداها تاج الدين من قدام عينيه ضرب حجرة برجليه و غوت بأعلى صوتو" اااااااااعععععهع،😡😡''شد فراسو و دوز على شعرو بعصبية .. و هو كيشوفها كادر تشوف فيه فحال لا كاترجاه بعينيها..."
__________(انتهاء الفلاش باك)________
شغف .. "مسحات دمعة فلتات من عينيها و ابتسمات لريم'' هادشي علاش تفارقنا .. هو صراحة ماتفارقناش ديك الساعة بقينا مرة مرة كايتصل بيا لكن غير مشا لامريكا بعد مدة قطع معايا التواصل .. خلاليا غير الكلب ديالو ريكس .. ههههههههههه ...
ريم .."حطات يدها على خذها " ناااري يا ختي عايشة فيلم تركي ..سعداااتك ..انا ديرة كي الجماد لا ضمير ولا احساس😥.. مكينش الحب والو والو ماعمري شفتو ولا قابلتوو ..

شغف .. ههههههههههه وااا ام كلثووم ..نوضي اماما خليني نخدم ..😑..
ريم ..اوييلي على تخدمي نوضي اصاحبتي تخرجي معايا .. بلييز 😥
شغف .. نو بب ..الخدمة مزيرة .. 
ماكملات هضرتها تا تردخ عليها الباب ..
شغف .. اش هاااذ الاعصاار ..
ايهم ... هاحنا جييينا و لا تقولو ما جينا ..
ادهم .."مشا عند ريم باس ليها يدها بطريقة لطييفة .." الزين هنا.
ريم ..يا ختي على هاد خووك كون غا كان كبير شوية و الله مانخليه .."جراتو باستومن حناكو"
ايهم .. اي غا هو لي يتباس ..
ريم .."جراتو تا هو باستو"اودي نتوما الكبيدة الحاارة نتوما ااخخخ 😍
ايهم .."دار يدو على قلبو "" ااح اقلبي ..
شغف ..لا ساليتو رومنسيتكم برا عليا يالله ..!
ادهم ..و حنا لي جايين نخرجوووك ..و نعشييوك ساعاماتستااهلييش ..
شغف .. برا عليا ما خاصني عشا عندي الخدمة و زيدون هذا عاد وقت الغدا .. 
ايهم .. و النمي الواليد و الواليدة معروضين و حتا حنا و هوما لي مصيفطينا نجيبوك دابا...
ادهم ..الواليد كيتسنا التحت .. نمشي نقول ليه مابغاتش؟؟
ريم .."جمعات الوقفة" حبي انا غانمشي ..
شغف .."سلمات عليها بالوجه" نشوفك غدا اوكي !!
ريم .. اوكي بب .."باست التوأم '' نشوفكم من بعد ..باااي ..
ادهم .. واش ماناوياش سيادتكم تنزلي معانا؟؟؟
شغف .."كاتأفف ..'' و نتوما اش جابكم للشركة اصلااا ..؟؟
ادهم .. وااا جينا من الليسي لهنا اش مشا لك نتي ..الشركة ديال الواليد 😡
ايهم .."كيحك يديه مع بعض " دابا انا لي كيبان ليا هاد ختنا مابغاتش تبنا .. يالله نمشيو نقولو للوليد راه كاتعصي كلامك
شغف .."وقفات كاتجمع صاكها" هااني غادية الهمااج مالكم ياااه .. "هزلت ساكها و تحركات لعندهم كل واحد عنقاتو بيد" وليتو طول مني البراهش ..
ادهم ..تي راك كي الريشة لا علاقة نهزك و نهرب بيك ..
شغف .. هههههه اش عرفك نتاا فهادشي ديال الرشاقة ..
ايهم.."حط يدو على قلبو " اححح على أريج ديالي 
شغف .. ههههههههههه هاديك راه كاتبان كبر مني .. نتوما العفاريت ديال دابا دغيا كاتكبرو ..
ايهم..بشوية لا تعيني ليا العميرة ديالي ..
شغف .. هاي هاااي شفتك زعمتي اولد الحاج ..
ايهم .. مالي نكدب المدرسة كااملة عارفة اريج ديال ايهم .. 
شغف .."تفكرات الذي مضى" .. ماتبغيهاش بزاف احبيبي .. من بعد فاذ يوقفو فطريقكم غاتحس بحوايج خاايبين ..
ايهم ..بخخخ .. شكون يوقف فطريقنا ..
شغف.."وصلو لقدام السيارة ديال باباهملي شافت فيه شوفة مطولة" اقرب نااس ليك احبيبي .. 
ادهم .. اش هاد الدراما .. "فلت من يديها و نقز فتح الباب القدامي" انا لي غانركب القدام. .
شغف .. لا حول ولا قوة الا بالله .. امتاا ناويين تكبرو هالعااار ..
ادهم .. كبري غا نتي ..
شغف .."دارت عند باباها باستو فحنكو" ..
تاج الدين .. عام و انا نتسنا هنا بوقلاتني الشمس .. هادشي غير قلت ليكم سربيز ..
ادهم ..واراه هي لي عطلاتنا الواليد ..ماكانتش باغية تجي معانا. .
تاج الدين .. "شاف فيها من المراية " علاش؟؟
شغف .. الخدمة بزااااف اباباااا بزاااف هاد الوقيتة كانت زايدة فيا ..
تاج الدين .." ابتسم برضى" .. هو انا كنت باغيك تكوني مهتمة بالخدمة و المستقبل ديالك بالحق بهاد الطريقة غاتعياي .. بزااف قبل الوقت .. داكشي علاش خاصاك االرااااحة مرة مرة .. 
شغف .. تتت مانعيااش من حاجة لاقية فيها راحتي ..
تاج الدين ..مع ذلك خاصاك الراحة ..
شغف .. قالوليا هاد الزوج معروضين شكون عارضنا نتتا ولا ماما ..؟؟

تاج الدين ...لا انا لا ماماك ..كوولنا معروضين ....
شغف ..شكون لي عارضنا عميتو؟؟
تاج الدين .. لا ..''مركز مع الطريق" واحد الكليان فالشركة .. 
شغف .. لاه لاه .. كون غا خليتوني نخدم ..شكون هاد الكليان عاوتاني يوووه ايهم .. تا حاجة ماتعجبك نتي .. بفف..
شغف .. سووووقك ..بابا شكون هاد الكلبان كانعرفو؟؟
تاج الدين .. كاتعرفي غا هو .. خدامة معاه نييت ..
شغف .. "كحلات بالعماا" غير ماتقولش لي مصطفى شرف ..
تاج الدين ..تماما.. غير هو الجد ديالو لي عارضنا ..هو لي تصل بيا .. 
شغف .. لا انا ماغانمشيش ..
تاج الدبن .. كولنا غانمشيو احبيبو .. السيد عارض عليا و قالب جيب كاع افراد عائلتك ..
شغف .."عضات على فمها بعصبية" اش ناوي يدير هذا 😡
ايهم .. قلتي شي حاجة !!
شغف .. ماسوقكش ..
بقات شغف مناقرة مع ايهم و داخلها كتاكل راسها من الغيض .. ماعارفاش اش ناوي يدير بهاد التصرف لي على غفلة .. وصلو للفيلا و نژلات شغف كاضرب برجليها محاملاش الوضعية طلعات ديريكت البيتها خلا تاج الدين كيغوت عليهم كل واحد يوجد راسو باش ميتسنا تا واحد فيهم ... دخلات لبيتها خذات تيليفونها مالقات منو حتى اتصال ...رماتو و اتجهات للحمام خذات دوش خفيف ماقاصتش شعرها .. نشفات جسمها و دهناتو بحليب ..صاوبلت شعرها و لبسات كسوة ديال الصوف زهرية ..مسانترية عليها و حد الركبة .. مع طالون ابيض و صاك طويل ابيض .. حطات مكياج خفيف و التحقات بيهم بعد ما لقات نضرة اخيرة على راسها ..نزلات لقات الكل مجمع فالصالون كيتسناوها ...
ريماس .. على سلااامتنا طل القمل ..
ايهم .. ناض من بلاصتو كيغني و يسفق" و اتمخطري يا حلوة يا زييينة ..
ادهم .."تبع خوه كيصفر عليها" هاي هاااي ماصدقتييش ساهلة الخوادرية .. 
تاج الدين... خليو ختكم ..
شغف .."خرجات ليهم لسانها و مشات حدا تاج الدين" .. بااوكونوغا عفيتيني من هاد المشية ..
ريماس .. هاد التحييلة كااااملة كااملة و يعفيك 
شغف..."قلبات قنانفها" ..وارااه مابغيتش نمشي ماشية غا فووق قلبي ..
تاج الدين .. ابنتي كااع غاديين فوق الخاطر راك عارفاني ماعنديش مع هاد العراضات و هادشي ولكن الراجل كبير مابغيتش نحرجو .. و زيد عليها هو اصر اننا كاااملين نحضرو .. 
شغف .. بففف "بقلة حيلة ".. اوكي .. 
ريماس .. يالله احبيبة ديالي و نعلي الشيطان .. عارفاك كفك كي بااك مكاتحملوش عباد الله مغولين الله يحفض ..
تاج الدين ..."مد يديه تحت فخضها" اش كاتقولي يا ام الاولاد مغول انا!!
ريماس ..اي .. ههههههه ينعلشيطانك ..
تاج الدين .."تحنا عند ودنيها" هاد اي عندك ولا بغات تبدل الحرامية ..
ريماس .. ههههههههههه كون تحشم .. 
ادهم .."داير يدو على خدو" اكوني تحشمي الحاجة عيب هادشي قدام الرجال..
تاج الدين .."خزر فيه" غانوض نعفط على بوك ..
ايهم ..كيغادير تعفط على راسك الواليد ؟؟
تاج الدين .. نوض نوري لولدي كي غاندير؛؛!!!
ايهم .. نونو الله يحفضك ابي العزيز .. 
تاج الدين .. اوا ترجل معانا .. 
ادهم و ايهم .."قادو الوقفة'' مرجلين الواليد .. 
تاج الدين .. "خطف لشغف التيليفون من يديها طفاه و حطو لها فالصاك" حفيتي عينيك ابنتي .. يالله نوضو قدامي .. 
التجهو كاملين لسيارة تاج الدين ركبو و كااانت الوجهة قصر شرف .. القصر لي كان مشهوور فالمنطقة لأنو اكبر حاجة فيها .. كلو حرس من برا و من الداخل .. كانو عندهم اوامر يدخلو الضيوف بلا ميقلبوهم لانهم مهمين و هوما لي عارضين عليهم و داكشي لي كان دخلو باحترامهم تال باب القصر .. نزلو من الاوطو و جا عندهم واحد من الحرس خذا السوارت باش يركنها .. بعد جات عندهم مدبرة المنزل تترحب بيهم و توجهات بيهم للصارون لي كان اكثر من راسع .. القصر او الفيلا كان كلو بالزليج التقليدي من الداخل و الأثاث باين عليه غالي .. كل بلاصة اصلا فداك القصر عالية .. جلس تاج الدين و جلسات حداه ريماس .. شغف جلسات في فوطوي بوحدها اما الحلاقم جلسو ف كانابي بوحدهم مقابلين مع واليديهم لي ضلو يوصيو فيهم باش يديرو عقلهم و ميحشموهمش .. ماتسناوش بزاف حنى جات الجد ديال مصطفى أبو بكر شرف .. الشهير بامبراطور السوق لأنو تقريبا منتجاتو مكتسحين السوق من افرشة و البسة و حوايج ااخرين ..رجل مسن و دا و جاب فالدنيا .. عايش هو وحفيدو فقط هو الصغير فخوتو لهذا كلهم توفاو .. و الزوجة ديالو كذلك متوفية .. عندو ابن واحد تا هو توفى و خلا لو مصطفى لي هو الوحيد ديالو .. و الام سعاد ديالو لي مزالة على قيد الحية و هي لي مهتمة بابو بكر لي ولا مقعد بسبب القلب لي سبب ليه جلطات صغار خلاوه يتأثر .. و بسبب القلب الضعيف ديالو قرر يكتب كاع ما يملك لحفيدو مصطفى .. 

سعاد ..''امرأة جميلة طويلة و محافضة على رشافتها واخة باين عليها الكبر لكنها مهتمة بالرشاقة و باسنة عليها مهتمة بالموضة لأنها كانت لابسة على الموضة و من تصاميم ريماس ..دخلات عليهم سايقة الكرسي المتحرك ديال ابو بكر و على وجهها ابتسامة" اهلا و سهلا مربا ..
أبو بكر..''على وجهو شبه ابتسامة" مرحبا .. تفضلو جلسو لاش وقفتو .. 
سعاد .."سلمات على الكل و قربات لحدا ريماس " ليلي الشرف نتعرف عليك مدام .. 
ريماس .."بادلاتها الابتسامة بلباقة " الشرف ليا شكرا بزاف ..مدام ...؟؟
سعاد ..سعاد ..😊
ريماس .. متشرفة بيك عزيزتي .."طلعات و نزلتت فيها" على الفكرة الفستان واكل من جسمك .. ماكانش يصحابلي تصاميمي غكيطلعو غزالين فحال هكذا .. بالحق السر فاللابس اكيد ..
سعاد .. اووه سي جونتيي ههههه السر فصبيعاتك لي كيتلفوو بالذهب .. 
ريماس .."بخجل .." شكرا 😊
ابو بكر .. مرحبا بيكم و مشكورين حيت شرفتوني بحضوركم ..
تاج الدين .. يرحب بيك الخير شكرا ..الشرف لينا..
ابوبكر .. "كيشوف فشغف و التوأم .." الوليدات هاذو .. ؟
تاج الدين .. ايه شغف.. أدهم و أيهم ..
ابو بكر .. ااه الله يخليهم ليكم .. تبارك الله ..
تاج الدين..ريماس .. ااميين .. 
تاج الدين .. شغف هي لي شادة الخدمة ديالكم .. 
ابو بكر .. اوه .. تبارك الله ..قالها لي مصطفى دابا ملي قلتيها لي جاتني عجب .. 
شغف ..''عقدات حواجبها'' علاش؟؟؟
ابو بكر .. هههه ماتفهميش غلط غير كاتباني صغيرة ..
شغف .. اه ماصغيرة والو غير كنبان هكذا ..
ابو بكر ..اوا الله يبارك ابنتي .. تباركالله عليك ..
شغف .."ابتسمات ليه " اله يبارك فيك .. 
بقاو مدة كيدويو هو و تاج الدين على الخدمة اما ريماس ملاهية فالهضرة مع سعاد .. الشيء لي خلا الدراري يموووتو بالملل خصوصا ان تاج الدين محلف فيهم على ود التيليفون لي جبدو فالعراضة يمشي ليه .. 
شغف .. "مشلت جلسات حدا خوتها" عيييت ملييت اووف اووووف ..
ايهم .. "حط راسو على كتفها" كون تشوفي خوك حاس براسي في جنازة.. 
ادهم .."حط راسو على كتفها الثاني" انا انصهر يا قوم .. اليس هناك مجال للتسلية او الفرفشة😕
ايهم .. اااخ من التسلية تركت الإيكسبوكس و اتيت الى ال..اخخخ
ادهم .. وايني شمتة سايكونط سانك هاظي🙄 
ايهم ..واه تا العشا مكين .. مانحنجرووش حنا ..
شغف .. اووف واش جيت عندكم تكماو عليا 😑"ناضت من حداهم و رجعات لبلاصتها .."
ابو بكر .. "شاف جهة شغف " الوليدات ملو على ما اضن .. سعاد .. اتصلي بمصطفى شفتو تعطل ..
سعاد.... هي اللولة اعمي ..
شغف .."سمعات سميتو فحال لا صوطتيها ولات كاضور فعينيها"
مصطفى .."داخل عليهم و كيدوي مع مو فالتيلي" هاني غا قطعي هههه ..
سعاد .... و مخليني كاندوي معاك ههههههههههه
مصطفى .. سلم على تاج الدين .." مرحباااا .. 
تاج الدين .. شكراا ..
ابو بكر .. كنا غانتعشاو بلا بيك .. زائد المادموزيل ملات هي و الشباب ..
مصطفى .." شاف فشغف .." ابوون ..طبعا غايملو الحااج و نتا كاع هضرتك على ايام الاستعمار. .
ابو بكر .."ضربو لضهرو" علاه ايام الاستعمار يقدو عليها ولاد اليوم ..
مصطفى .."تلفت لأدهم و ايهم''نقدو عليها اشباب ولا لا؟؟
ادهم .. نقدوو و نفوتوو ..
ايهم ... كانلعبو حنا عسكر ولا زمر 😡
مصطفى .. ههههههههههه شفتي بعدااا .. 
ابو بكر .."هز يديه " ماعندي مانقول ههههه ..
مصطفى .. شي عشيوة ولا والو !!
سعاد .. كولشي تحط .. يالله تفضلو .. مرحبا بيكم ...
اتجهو لمائدة العشاء لي كانت راااقية و ماا لد و طااب موجود فيها و بزيااادة .. تعشاو فجو راقي فحال المحيط لي ضاير بيهم الهضرة قليلة و الضحك بالحساب و القياس .. و هادشي مامعودهمش عليه تاج الدين ادهم و ايهم تا كيبغيو يزبلوها و كيتفكرو باهم ولا كيشوفو فيه غا كيغمزهم كيتجمعو 😂... 
أبو بكر.."بعد ما انتهو من الأكل وجه ابو بكر كلامو لمصطفى" ولدي خود الشبابا فرجهم على الحديقة و لا شربو شي حاجة فالصلون .. محتاج ندوي مع السيد و السيدة .. 
مصطفى .." وقف " ايه واخة .. تفضلو معايا .. "مد يدو لشغف لكن تجاهلاتو و وقفات بوحدها و هادي حاجة عجبات ابو بكر لي لاحضعا هو بوحدو اما مصفى جمع يدو من القمعة و دوزها على راسو بحرج .." ..
ابو بكر .. ممكن تتفضلو معايا للمكتب محتاج ندوي معاكم .. 
تاج الدين .."بتساؤل" ياك لباس !
سعاد .. "مبتسمة" كل خير انشاء الله .."وقفات و دفعات الكرسي ديال ابو بكر" تفضلو معانا ...
تبعوهم للمكتب لي كان فالطابق العلوي طلعو بالمصعد و على وجوههم علامات الاستفهام .. 

في الضفة الثااانية من العالم ..حس بنبضات قلبو فودنيه فاش شافها كاتبسم ليه بشفايفها الكرزية لي ضاهرين من بينهم حبات اللؤلؤ الامع .. و عويناتها الخوضر كغابات الأندلس ..حس بأنفاسو كيتوقفو و هي كاتقرب ليه بابتسامة مشاكسة ماعلا بالهاش بحالتو ..حطات صبيعاتها على جبهتو و مرراتهم على نيفو ثم شفايفو ببطئ شديييد خلا قلبو يترعد ..قلبو لي كان فحالة جنون ..
--واش هي هادي !! هي حبيبتو ؟؟ 
.."سد عينيه و استنشق ريحتها ..ماتغيراتش نفس الرائحة .. رائحة الفانيليا لي لي كاتفوح من جسمها و رائحة الشوكولاته لي كاتفوح من شعرها المموج الغجري .. عاود فتح عينيه فاش حس بلمسة يدها على صدرو ..كاتلمس فيه بنعوومة كاتعكس نعومة كفها الحريري و هي كتلعب بصبيعاتها بالشعيرات الخفاف لي فصدرو ..و فنفس الوقت كيشوف فشفايفها الوردية كاتقرب و تقرب و تزيييد تقرب حتى لامست شفايفو .. حينها فقط حس بطعم الحياة .. و سرعان ما طلعات راسها ضاحكة بمشاكسة طفولية .. جات تنوض و هو يرجعها .. جرها من دراعها جات طايحة فوق صدرو .. شاف مباشرة فعوينلتها لي توسعو و تمزجو فيهم الألوان من الوسط اصفر .. و من عليهم اخضر فاتح و دايرين بالخزي القاتم .. لون مميز عندها هي فقط ..زير على ذراعها بقوة و شوق و مشاعر متضاااربة فصدرو ..ضمها ليه و تنفس بجهد شحال توحشها .. حتى وحدة ماقدرات تخلي علامة فقلبو غيرها هي الوحيدة .. حبيبتو و بنتو و ختو و صديقتو .. حب طفولتو .. بعدها عليه و خذا وجها بين يديه قبلها قبلة عمييييقة و حاااارة .. و كانت متجاوبة لكن ما هي إلا ثواني و بدا كيحس بيها كاتلاشى من بين درعانو.. كاتلاشى فحال الهواء..حاااول ما أمكن يعمق القبلة مامتقبلش تمشي من بين يديه ..بااغي يزيد يتذوق طعم شفايفها لكن بدوون جدوى ......تبخرت في الهواء!!!

--شغف ..

همس اسمها بشوق قبل ما يتنفض برعب من بلاصتو و العرق كيقطر من جبهتو و سايل على عنقو و صدرو باغراء..
-- حلم !!
مسح جبهتو و عنقو بيدو و هو مزال مامستوعبش .. مامستوعبش الحلم لي كان فحال لا حقيقة .. واضح و باااين اكثر من الحقيقة ..

رائد .."ضرب بيدو على صدرو" شنوو هااااااعععععععع😡 شنوو .. بففف .. كل نهار كتاخذي رشفة من قلبي... 
نفس الحلم لي كيراودو منذ اسبوع .. كاتكون بين يديه حتى كاتلاشى و تطير مع الهواء ..ناض وقف و تم غادي للحمام بثقالة كيحك على عنقو و كيضورو يمين و شمال .. فتح الروبيني و خلاه دايز جمع الما بين يديه و رماه على وجهو مرة و زوج و ثلاثة .. طلع راسو و شاف فالمراية و تنهد...
رائد...أسوء انوااع الموت هو الموت البطيء يااا شغف .. اااخ .. 
خذا دوش خفيف كي شاف بلي الصباح بدا كيطلع و اتجه لبلاكار ديالو لبس كلاش كيف عادتو .. صاوب شعرو بتسريحتو المعتادة .. و اتجه للكوزينة صايب ليه قهوة مقطرة شربها و هو كيتفحص اخر الاخبار فالأنترنيت حتى كملها و ناض جمع الوقفة اتجه لخدمتو .....
عبيدة .."دخل عليه للمكتب" صباح الخير ..
رائد .."طلع عينيه فيه و ماجاوبوش حرك راسو و رجعو للوراق مزال واخذ منو موقف من كلامو" ..
عبيدة .. داير فحال المرا الغضبانة من راجلها .. فكها اصاحبي . وايلي ..
رائد .."حط الستيلو من يديه" .. كين ما نقضيو!!

عبيدة .. "غمزو" سهى !! فينها مبانتليش ؟؟
رائد .. الى لاحضتي مزال ااحال و تا وتحد من الموضفين مزال ما جا .. من غيري !! و نتا دابا ..
عبيدة .. اااه بون .. و علاش بكرتي اليوم كين شي حاجة!!
رائد .. خاصني ناخذ الإذن؟؟ 
عبيدة .. حاشااا الله يا ودي الدار دارك حنا لي ضياف .. انا جيت ناخد ملف و لقيتك قلت نجي نصبح عليك ..
رائد .. "رمقو بنضرات مامفهومينش" 
عبيدة .. واش غانبقاو هكذا ..؟؟ راني العشرة اصاحبي زعما ماشي مشكل الى فوتي ليا زوج كلمات زلقو بالغلط
رائد .." ناض من بلاصتو و اتجه لآلة القهوة صاوب فيها الكبسولة و حد الكاس من التحت .." قلتي بالقلط .. " كيحك لحيتو '' هههه ..شتي ديك الغلط ..هو الصح ..هو الصح لي معشش ليك فداك المخيخ... 
عبيدة ..قرب ليه '' شوف نتا صاحبي .. من نهار حطيتي رجلك هنا و حنا صحاب ..و بالنسبة ليا نتا خاي .. داكشي لي قلت قلتو باش نحفزك تخدم و تزيد بينا للقدام ..لا انا و لا هاد الشركة .. نسواو بلا بيك و نتا ادرا واحد بهادشي .. كيف قلتي ..اناغير كانجيب الخدمة .. اما لي كيسير الشركة .. و يشد الخدمة فاكيد هو نتا .. 
رائد .."طلع فيه راسو" .. مزيان ملي مزالك عاقل ..
عبيدة .. احم .. واخة نسولك!؟
رائد .. يا مؤدب .. من ايمتا هاد التهذيب فالكلام!!
عبيدة .. واش مكينش أمل ..!! زعما مستحيل تنزل للمغرب خذيتي قرار !!؟
رائد .."بدون تفكير " تماما خذيت قرار .. "تفكر الحلمة و تزير عليه قلبو" .. احم .. احم .."ضرب على صدرو زوج خطرات بقبضة يدو" ..
عبيدة .." بتفهم" واخة كانت هادي هي صفقة العمر .. و مانضنش ممكن نعوضوها'' تنهد" بالحق راحتك اهم ..كنت جاي نيت على ود هاد الملف باش نردو لهم ..
رائد ..مزيان ..خير ما درتي ..
عبيدة.."بقلة حيلة" يالله تهلا الى جات هسهاتي سلم عليها ..
رائد .."ابتسم بلهلا يطريه ليه" تسناها تا تجي و سلم عليها .. 
عبيدة .. ههههههههههه خلينا كابتينها و ساكتين ..
رائد .. و تال ايمتا .."خذا قهوتو رشف منها رشفة '' شحال قدك تخبي .. عينيك فاضحينك ..
عبيدة... تا يفرجها ربي .. يالله تهلااا ..
رائد .."شير لو بيدو" ...

______"فيلا ابو بكر شرف "______
ابو بكر ...تفضلو .. رتاحو .."ضرب جرس و فالحين حضرات خادمة" جيبي لنا قهوة من فضلك ..
الخادمة .. نعم سيدي ..
ابو بكر .. سي تاج الدين .. 
تاج الدين .."طلع حاجب و نزل خوه" نعام !!
ابو بكر .. ندخل فصلب الموضوع؟
تاج الدين .. كانتمنا ..!! مكين لاش تماطل 
ابو بكر .. واش عرفتي سبب هاد العزومة ديال اليوم ..
تاج الدن ..صراحة مستغرب من هاد العراضة !! حيت من زمان و نتوما خدامين مع شركة الصقر .. علاش بالضبط الآن قررتي تعرف علينا .!!
ابو بكر .."حنحن و بدا كلامو" اش غانقول ليك .. هاذشي لي غانقول فمصلحتنا حنا .. و فمصلحة الولاد دالنا تا هوما ..!!
ريماس .."باستغراب" الولاد اش دخلهم؟؟ 
ابو بكر .."ابتسم ليها" من اللخر .. انا باغي نطلب يد بنتكم شغف لولدي مصطفى ..!
ريماس .."فحال لا تكبعليها المااا طاايب" شنوووووووو؟؟ 
ابو بكر.."طلع حجبانو باستغراب" قلت شي حاجة ما هياش؟؟
تاج الدبن .."خزر فريماس من صوتها لي على" .. لا غير تفاجأنا ..
ابو بكر .."ابتسم باطمأنان" ااه و شنو رأيكم .. منها غلنكونو مرتاحين فالخدمة حيت غانكونو عائلة وحدة .. و منها انا غانتطمن على حفيدي .. و نتوما اكيد تطمأنو على بنتكم .. و انا نضمن لكم انها تعيش اميرة ..!!
تاج الدين .. "نضف حلقو و تقاد فجلستو" صراحة بنتي مزالة صغيرة .. 
سعاد .. ولكن شكون قال لك هي ماباغاش تزوج !؟ ..
ريماس .." عبسات" انا عارفاها مباغاش تزوج ..بنتي مزالة عاد بدات تخدم .. عاد بدات تحقق ذاتها علاش غاتدفن راسها بالزواج من دابا !! ..
سعاد .. علاش الزواج قبر!
ريماس .. ماشي هذا القصد ولكن الزواج مسؤولة .. و البنت مزالة صغيرة على الزواج ..
ابو بكر ..شحال فعمرها!!
ريماس .. اربعة و عشرين سنة ..!!
ابو بكر .. و فنضرك مزالة صغيرة على الزواج ..؟؟ ماعليناش من السن .. حنا عائلة ماشي متزمتة يعني كنقدرو المرأة و عاديينها قيمة كبيرة .. و بنتكم ماكين لي غيحرمها تخدم و تحقق ذاتها واخة مزوجة بولدنا!!
تاج الدين ..هاد الموضوع كان لازمكم نتوما لي تشرفونا لا بغيتو دويو فيه !! ..
ابو بكر .. اي نعم حنا عارفين الأصول لكن فضلنا تا نتعرفو عليكم ..
سعاد .. الحاج مكانش ناوي يجبد معاكم الموضوع حاليا .. و ولدنا مصطفى من كثرة ما دول ليه على بنتكم شغف .. تشوق يتعرف عليها و كانضن عجباتو بزاف داكشي علاش قرر يدوي معاكم اليوم ..
ابو بكر .. تماما ..كنت ناوي غير نتعرف عليكم و نشوف البنت لي ختار ولدي .. و خصوصا اني مريض و ماشي ديال التنقل كل ساع .. داكشي علاش فضلنا نشوفوكم اليوم عندنا و الى كان شي امل بين الاولاد عاد نجيو نطلبوها منكم رسمي ..
تاج الدين .. احم ..اشغانقول ليك ..
ريماس .."نغزاتو'' ماتقولش ليا غاتوافث ..
تاج الدين .. سكتينا واخة !!
ريماس .."زمات فمها بغيض و خزرات فيه"
ابو بكر .. "بابتسامة تشرح الصدر" اش بان ليكم فكلامي!
تاج الدين ..هو ماقلتي عيب .. ولكن القرار كيبقى ليها ..
ابو بكر ..تمام ..تا نتا ما قلتي عيي ..تشاور مع بنتك ..و رد عليا ..
تاج الدين .."حرك راسو بالايجاب" ..انشاء الله ...
ابو بكر .. على فكرة ..مدام ريماس كانحييك على تربيتك للمادموزيل شغف ..نعم التربية تبارك الله ..
ريماس .."هزات خنافرها بغرور" شكرا .. ربي يخليك ..
ابو بكر .. اكيد بنت الصقر غاتكون نعم التربية ..
تاج الدين .. بارك الله فيك ....

ايهم ... ''كيدور عينيه فالجردة ''..عرفتي اش كيبان ليا فهاد التيرا؟؟
ادهم .. اش؟؟
ايهم ..شي تيران ديال الفوت ..
ادهم .."خزر فيه"مخرب الطبيعة ..!! انا ندمت لاش ماجبتش الكاميرا .. 
ايهم ..غادير ليا فيها مصور فوتوغرافي و داكشي عاوتاني.. انا كانشوف للقداام .. نتا كاتشوف غا اللحظة .. 
ادهم .. كاتبلاني دار باك هادي!!
ايهم ... سكت يرحم والديم ..
شغف ..عند بالكم كادويو بشوية؟؟ 
ايهم .. ديها فراسك ..!!
مصطفى ..ماشي حشومة دوي فحال هكذا مع ختك الكبيرة؟؟
ايهم ..كاتجي من جيهتها هادي واااحد الساامة 
ادهم .. مامنهاش زوج .."ضربو يديهم بيد بعض.."
مصطفى .. حشوومة .. "زاد قرب لشغف لي كانت متوثرة من قربو" زعما!! 
شغف .."دواتو بشوية '' ااه غا بعد عليا
مصطفى .. اوو .. "وجه كلامو للتوأم ..''هي نخاف على راسي 
ايهم .. ايه العشير جبادة العوافي هادي ... ديما شارياها لينا مع الواليد ..
ادهم .. ولكن حنا كناخدو حقنا بيدينا😉
مصطفى..."ضرب يدو بيد ادهم" الرجوولة .. ههههههههههه ..
شغف .."زمات شفايفها و الغضب باين فعينيها من تصرفات خوتها و كي دوروها مع مصطفى" شنو دابا لا قلت هوما صغار نتا اش ؟؟ 
مصطفى .. "طلع ليه الدمو تم جارها من يدها" سمحو لنا واحد الدقيقة ..
ايهم ..غير ديها الما والشطابة..
شغف .. "نطرات يدها منو .."بعد عليا يدك ابنادم اش هاد التصرف ..
مصطفى .. "عواد جرها حتى بعدها عليهم" مالك هكذا مالك .. ؟
شغف .. ''غوتات عليه" ماللليييييي ..
مصطفى .."جرها من دراعها تا نفضها و لسقات على صدرو" فاش نكون كاندوي معاك تعلي عليا صوتك نقطع لحبك داك اللسان .. مفهوووووم ..؟
شغف .."نطرات يدها منو كاتفركها و خزرات فيه" شكووون عطاااك الحق تشد لي فيدي قصحتيني .."ميلات شفايفها"
مصطفى .."مكرهش ينقض عليها يبلعها كاملة .. تنهد و حاول يهدي دااك الاعصار لي فصدرو" .. اوكي .. سمحي ليا .. اشمن يد هادي .. اري نشوف ..
شغف .."ضمات يديها" عطيني غا بالتيساع ..
مصطفى .."ابتسم من تصرفها الطفولي العفوي"اودي غا اري ملتخافيش ..غانشوف ..!
شغف .."هزات خنافرها و مدات لو يدها" شوووف كي حمرة شووف ..
مصطفى .."خذا يدها كيتلمس فيها بنعوومة و صدمها فاش علاها لشفايفو باسها عدة بوسات منفرقة و مطولة خلاها غا كاتشوف " مزالة كادرك!!
شغف ..."توثرات و حمارو حناكها" 
عاود باسها بنفس الطريقة حس بيها بدات ترجف .. فرح ملي شاف تأثيرو عليها و هادشي لي عطاه امل مكانش عارف بلي هاد التصرف فكرها بالمااضي لي كانت مقررة انها تنساه ..
مصطفى .. مزال !!
شغف...."جرات يديها و عينيها كيلمعو بدموع حابساتهم داخل عينيها" تعطلو .. انا تندي خدمة غدا خصني نعس ..
مصطفى .. "مبتسم و كيشوف فيها و هي كادوي بتوثر و كاتحاول تخلق موضوع من والو" ..دابا هاهوما عندك .. مالك دغيا سخيتي بيا؟
شغف .. "طلعات فيه حاجبها" ها!!
مطفى .."جر خصلة من شعرها كيلعب بيها" انا بعدا ماشخيتش بيك .. و واخة نضل نشوف فهاد العوينات بالنهار و بالليل ماغاديش نسخى ..!
شغف .. "ضيق عليها و لانها مابقاتش كاتقدر تستحمل تسمع فحال هاد الكلام " يووووه .."خذات تيليفونها بغات تتصل بباها تا سمعات ادهم كيعيط عليها" اوف ..
ادهم ..شغوووف .. يالله الواليد كيتسنانا فالاوطو..
شغف .."جاها فحال رحمة الله'' اوكي بسلامة .. 
مصطفى .."جات تهرب و هو يجرها عنقها و سلم عليها بلا بيز" سيري جري جري مزال الايام بيناتنا. .😉
شغف ..مشات كاتنطر فحوايجها" يعطيك غبارة 😒..

#يتبع ..

أجزاء القصة صفحة القصة
قصص جديدة
قصة افتقدك من تأليف مريامة العروصي
قصة افتقدك مريامة العروصي
قصة الحب الصامت من تأليف سلوى شتيوي
قصة الحب الصامت سلوى شتيوي