عطاتو بضهرهاا وغادية حتا لقات راسها مقجوجة قابلها معاه وشادها من عنقها زداها مع اللوطو
كمال: عاودي اش قلتي
ديمنة:ععيد مبارك
كمال:اناا قرد!!
ديمنة(كتشوف فيه وكل مرة تبدل عينيهاا لجيهة) ااا اناا ليي قردة نتاا سيد رجاال غيطلق راه كنتخنق (بدات كتكحب حتى ولا وجها حمر طلقها وشدات عنقها) مالك ديما صاعر
كمال:نتي ي كتصعريني قريب غنسمح فهاد لمدينة هي باش منشوف وجهك
ديمنة:هههه متفرحش بزااف حنا راه جيراان مخخخ (سكتات كتشوف فيه وهوا واقف جنبهاا حاط ايد هلى اللوطو وايد فجنبوو مغوبش فيها كيتسناها تهدر )
كمال(ضربها لجبهتهاا بصبعو) اسبحان الله يالله (جر ليها رجليهاا حتى طاحت وشدات ترمتها ) تكركبي لداركم
حسن(تنهد كيشوف فروايض معصب) يضربك جن ونتنا منك ضربتي لفاز عاد شريتوو غير لباارح
ديمنة(عضات على فمهاا ورجعاات الطموبيل فين كانت ورجعاات فوق لفاز تاني ) نزيد ولا بارااكاا وكحز قبل متولي بحال لفااز (رجعات راسها لداخل) باقي متزادش لي يغلب ديمنة فالسوكاان هم
ركب باها حداها معفر دار كاسكيط على راسو والصمطة وكل مرة يقفزهاا
حسن: دايرة السمطة مم صافي سخنتي لموطور ولا غير حركتي
ديمنة:مركزة مع طريق)سخنتو وعطيتو يفطر غي هنيناا وايليي كتشرفو كتوليو هي تهتروو
حسن(حاضي معاها ومع طريق) عنداك داك مول لموطور راه السووق عامر تخرجي فشي حد نعطيك بلاصت لفلوس هنا علمتك
ديمنة😑😑😑 اللهم صبرك يارووح هي جيتيني لواليد اما نخسر معاك الضوسي
حسن:الله ارضي على ولدي صواب والادااب حسن من شي قماقم لوز
ديمنة:دوك لقماقم هوما لي ضبرو ليك فحولي وفين ابا خليل فين غادي بهاد الطوول قريب تقيس سطح
حفيضة: اوى كيولد سلوم هي سلوم طول منوو ههه
خليل:هادييك اخالتي هاديك هههه
حسن: داباا حنى ولينا سلوم الله اجازيك بخيير
ديمنة:هههه اجي فين واحد جدي باقي مجاا
حسن:غداا غيصليوو ويجيو عارفا جدك ميفرقش لحاج تهاامي حتى يصليو جميع
ديمنة؛وهيا مندبحو تنشبعوو روايح من عند جيراان
حسن:نتي مكتقداايش حفيضة جيبي لينا نتغداو بيت نمشي لحماام
خليل(كيوشوش لديمنة) اش درتي معاهم
ديمنة:لهلا يورييك ههه وباقي لخيير
خليل:اوداك خوناا
ديمنة:ههه نطلعو ونعاود ليك خبيرتو تاع لبارح
حسن:اااه منهناا عليا بليمين
ديمنة:وباش كيحلفو رجال شلاغمية وتقربي ل مولاي احمد ولا سعدية تنعييد بيك ...حفضناا الاسطورة الشااف هي نوض متخافش هيمشيو ناشطين ماشطين كلمة رجاال
حسن:وهكااك
تغداو فجو عائلي مليئ بضحك وتقشااب من بعد ناض كل واحد لشغلوو خليل وديمنة وحفيضة كلسو على نميمة كماال حتى لعشية دخل باهم من لحمام تعشااو او نعسو بعدماا صدعاات كماال فالتيلي بلا مطلع النمرة وكل مكيشدها كتسمع صوتو وتقطع ..
تقدمات سهيلة بطبسيل تاع الديسير حطاتو جنب سعيد لي هز فيهاا عينيه كانت بيجامة بيتية وشعرهاا كحل بلافرونش مغطية وجها كيبان هي شوياا من فمهاا بقا متبع ليها لعيين كيحاول يشوفهاا بلا ميتير انتفاه كمال لي ملهي فالتيلي
سعيد:شكراا
سهيلة(بصوت منخافض)بصحتكم
مشات خلات سعيد مراقبهاا حتى بعداات عاض على شفايفوو
اصبحنااا واصبح لملك لله
حلات ديمنة عينيهاا باقي الضو مطلع لقات راسها فوق صدر خليل ناضت خرجاات فطريقهاا لقات باها مفرش صلايتو وشاد لقرأن فإيدو وكيدعي فسروو بقات مدة كتشوف فيه رجعات لبيتهاا ودخلات دوشاات بلا متقيص شعرهاا خرجات نشفات حالتهاا ولبساات كنضورة فلبيض تاع صلا ودارت زيف فلبيض لبسات تقاشرها وجبدات بلغتهاا قلبات ايدهاا وتنهداات ناضت خرجات تلاقاات مع حليل لي كان بدورو بفوقية بيضة وصلاية على ضهرو ونعااس فيه
نزلو عند حفيضة وباسووهاا وبدورها عنقاتهم بحب وطبطبات على ضهرهم حتى دخل حسن عليهم بجبادور بيضة وجلابة بتوب خفيف قوقهاا مع بلغة بيضة وتقاشر بيضين مشاو سلمو عليه وباسو ليه ايدو
حسن:كون غير كل نهار عيد
ديمنة:متولفهااش درنا غير صوااب
حسن:هاكو سبقوني اللوطو وديماريوهاا
خليل:واخة
حسن:حفيضة كلشي واجد ياك غير نصليو ونجيو لحاج او محمد قاليك كيصليو بكري لمهيم تنجيو
حفيضة:كلشي موجوود الله اتقبل
حسن:امين
مع طلوع الشمس مشاو بطموبيل لمصلة فين كانت الناس مجمعة عيالات ورجال مفارقين تفارقو وكل واحد فين مشاا يصلي هزات ديمنة صلايتهاا ومشات كتقلب على بلاصة فلحشد لكبير تاع نساا كلساات فضليلة جنب مرة كيسمعو لفقيه وكيرددو معااه والشمش بدات كتسخن سلاو صلاا وبدا لمجمع كيتفرق كلشي كيباارك لعيد وكيشد طريقو لدارو دييمنة بدات كتقلب على باهاا لي تلف ليها هوا وخليل والشمش حرقاتهاا فراسهاا بدات غادية لجيهت الطموبيلات حتى كتسمع خليل
خليل:ناري شحال قلبت عليك
ديمنة:كون شفتي انا فين غبرتو الله احفض
خليل:زعمة معارفاش بابا ملي كيشد لهدرة مع شي حد
كيبان ليهاا حسن جاي ومعااه راجل بلحية بيضااء تيبان فنفس عمر حسن او كبر بجلابة بيضة وفوقها سلهاام وعلامة صلى فجبهتو
حسن:هادي هياا بنتي الحااح ..ديمنة هداا هواا السيد ليعاد سكن هوا وعائلتو فالشارع لي وراناا
الحاجة:اجي يابنتي شحال توحشتك قدااااش خلينا عويشة بغات تفركع بلبكاا هي مها اما نجيبهاا
حفيضة:مرحباا مرحبا بلحاجة زارتنا لبراكة
دخل لكل لصالون وطبلة مشكلة مخلات حفيضة محطاات لي حتى هياا لابسة فراشة فالشيبي مع شال بيض زاد نورهاا كلسات السعدية جنب لحاجة لكل مرة تقرصها باش تفك تغوبيشتهاا
احمد(تبهض فجسمها لبيض لممشوق وصدرهاا لبارز عينيه حوالو نستوه علاش دخل بغا يقرب جيهتهاا وجمعاتها معاه لكرشو) احح كلشي من عندك عسل ديمنة راه كنمووت فييك وغير انا لي نفووز فييك
ديمنة:غتخرج ولا غنصعر علييك خرج فحاالك خليني نلبس..تموت واقف كارم عوج وندفنوك فدورة تالدرب يخ على بشااار كاع مراجل وكيتمنظر فيا
غادي راجع بلور وكيشوف فيها حتى خرج ) تفوو على حماار
طلعات ديمنة لسطح فين كانو مجمعيين ورجال بدلو عليهم بينما لحاج كالس بعيد وكيتسنا ولادو يدبحو
حسن(لبس شورط وهاز موس كبير ماضي فإيدو) اوى مجمد واقف كتفرج تماا كيلعيالات زيد عاوني
محمد(جا حداه شد لحولي كيترطاا وخليل كيصور اما احمد واقف بعيد وكيشوف فيهم ) هانا غي صبر يالله نتا لي دبح
ديمنة:بلاتي بلاتي غتفلعصو هد لخرووف وانا حيدتو من فم سبع حيد اعمي رجليك على رجليه باابا ارى نشد من لكروون ونتاا نحر هه
حسن(كيمضي فلموس)لي ضربك ضربك على لكرون الاطيف ونتوما بقاو تفرجوو رجال لكرطووم
احمد: ومنكم ليه لي عليا انا غير نش ليكم على لقطباان
حسن(نزل على ركابيه سماا الله او كبر وديمنة حداه شادة ليه راس لحولي حتى دوز لمووس دازو لحولي التاني ننفس العملية والحولي التاالت هزات ديمنة لموس لي دبح بيع باهاا وهزاات دم من لحولي
ديمنة:تتعرفي هي تحنجري اما تنقيه لا ايوا دوقي الخرا شوي😂😂
حفيضة:ويلي ويلي هههه
لكل تفرشخ عليها بالضحك وقميصها لبيض ولاا كلو مسخ وجهاا عمر ناضت كتجري كتغسل فحالتهاا
ديمنة:هههه وتاتك لكرشة امرت عمي 😂😂😂
داز لعيد بشوا ورواايح عاطية فزناقي لحس مقطووع كل واحد فدارو مشارك فرحت لعيد مع ولادوو
كلسات ديمنة وفإيدها كاس تاع اتااي وكدور فيه وساهياا كلس حداها خليل
خليل:مالكي !!
ديمنة(شافت فيه بابتسامة صفرة ورجعات هبطات راسهاا حتى سمعاات لهدرة تاع مجد او خالهاا ناضت سلمات عليهم ورجعات لبلاصتهاا مجد بدورو جا جنبها وداروها لوسط)كحااز ازمر راه الصهد
مجد: وراه توحشتك ...اش بان ليكم نخرجوو شوياا نلعبو شي طرح تاع لبياار ولي غلب يخلص لقهوة
خليل:مشاات ونتيي ا قطيب اللوز
ديمنة:صبقوني نبدل هي حوايجي ونشوف جليلة ونجي غير شدو لبلاصة قبل ميعمر
ناضو دراري هبطو وتبعاتهم ديمنة لبيتهاا..
الخال:مالهاا!! يكماا وقعات شي حاجة تاني
حسن:لا بلعكس حتى شويناا وكلساات تاني بوحدها
الحاجة: هي خليوها عليكم ديمنة بزربة كتنساا دابا تخرج وترجع ناشطة
نزلاات لبساات عليهاا شورط حد الركبة فلبيج جاي سامبل بجيااب فجنااب وتيشور كحل مطلوق وعريض سرحات شعرهاا ونزلات لبسات صندالتهاا وغادية كتجر فيهاا فالزنقة لي بدات كتعمر ورجال بدات كتخرج تفكرات كمال ومو قبيلة والطريقة باش معنقها ضحكات بقات غادي حتى ادن لمغرب وهيا على حالتهاا كلسات فجريدة قريبة لجامع حتى قفزها عبااس
عبااس:احصلتييي
ديمنة(ناضت تقابلات معاه) الله اعطيك لعداب خلعتيني ازمر
عبااس:وعي بينا نضحكو معاك...شريتو لحولي
ديمنة:شريناا لكنافد ونتوماا
عبااس:شرينا معزة السعاتي نقزات من فوق سطح بنت لحراام لبارح جات بييق فالارض
ديمنة:هههه وباش عيدتوو
عبااس:درنا عين ميكة ودبحنا والديها لبارح ومالها ضييع راه حاط فيها رزقي انا ودراري
ديمنة:وبشحاال
عبااس:غلاا علينا واحد شفيفيير 4الف وغي بزز
ديمنة:با با باا غلاا بزااف عرفتي سير عند لواليد قوليه يدير ليك نص حولي فخبيز غابقيتي فياا
عباس:حلفي احفضك انا مشييت اجي مجاتش عويشتي
ديمنة:ههه عويشتك اييه كون سمعك لحاج ايعاود لوالديك طهارة لا مجاتش يالله تكركب
مشا كيجري لاح لكارو بقات كتشوفيه وكضحك حتى كيبان ليهاا كمال خارج من جامع وبيناتهم طريق بان ليها لحجر قداامهاا وهيا تبدا تهز وتسيفط كل مرة فين كتجي هز عينو كيقلب وهياا تبان ليه فوق لكرسي كالساا وتسيفط عليه حتى تسمعات بفالوطو بااق بغا يقطع وهيا تحبسو اللوطو خلاها تدازت وجاي ليهاا جمعات الضحكة وضرباتها بجرية وسط جردة وهوا موراهاا كينقز فلكراسة ولخطوة كيدير فيها جوج وصل عليهاا وشدها من شعرها كينهج زداها مع شجرو وسط ضلام
كمال(كيلهت) لاش لااش باغة توصلي شحفتيني الله اعطي لمك لحبس
ديمنة:ههه وبغيت هي نطيح منك الشحمة لي غلقتي بيها ليوماا ههه شوف راه غتبقا تشوفني حتى تعطيني لبراسلي ديالي
كمال:لحتوو شكون لي جابو ليك شي صاحبك هداا مم ماشي مشيكيل تصاحبي مع واحد اخور ويجيب ليك محسن منو مم
ديمنة: يكما ختك كتصاحب تسحاب كااع قبيلتكم كتصاحب جمع فمك وسير فحاالك وداك لبرااصلي والله تنردوو
كمال: هيا على هد لحسااب غالي عندك لدرجة تهصبتي
ديمنة:كتشوف فيه وكدفع فيه وهوا جامعها مع الشجرة هيا كضرب وهوا كيضرب صندالتها طارت ولات حفيانة كضرب فين مجاات ششوياا بدات كتبكي بلا متحس حبس كمال وكيشوف فيهاا
رحمة:لااا اولدي اناا لي لقيتوو طايح فراشك ...كلس نهدر معااك
كمال:ميمتي داكشي ليفباالك مكا
رحمة:كون تسمع وكلس(كلسات فوق سرير وحطات ايدها لكمال باش يجي حداهاا)شوف اولدي هد اللعب نتاا كبرتي عليييه مدخل تالنص الليل وشي مرات مكتباتش فالداار وغير نجبدو حس زوااج تولي واحد اخوور حنى راه باغين هي مصلااحتك اولدي لمرة اللولة مصدقاتش لييك ماشي معنااتها مغتلقااش بنت النااس وانا ولدي رااه بغيت نشوفك بولادك ونهزهم محدي فلحيااة هادي هيا امنيت كل ام فالدنيا تشوف ولادها بولادهم وسهيلة اناا مبغيتش نزوجهاا حتى نزوجك واش بغيتي توقف فرزق ختك
كمال(تنهد ومسح على وجهو وهوا حاط ايديه على ركابيه وكيشوف فالارض) سهيلة باقة صغيرة على زوااج ومغنجيش ونعطيها لمن كاان وانا الواليدة قضية زوااج نسيتهاا 4سنين هادي ف الله اعطيك ستر هد لهدرة عمرك تجبديها لياا وعطيني هد لبراصلي
رحمة:واش بغيتي نرمي عليك السخط ولا رضى هي لي بغيتي وهد لبراصلي مغتشدووش والى مفرقتي عليك بلية لكارو والله تنوصلها لبااك ماشي ولاو كتافك قد لكيضاار عاد بغيتي تبلاا راه غي دايرة عين ميكة عليك وزوااج نهار نلقاا ليك بنت النااس نكتفك بسنااسل تالعدوول
كمال(مسح على وجهو وناض) ديري لي عجبك ومتلومينيش لتحاشمتو مع شي حد
غادية ديمنة وايدها فجيابهاا جنب جردة حتى كتسمع الضحك جاي منهاا ضورات راسها بان ليها خليل و جليلة وسط ضلاام كيضحكوو وكالسا فوق رجليه
ديمنة:قريبا على شاشتكم وعقلي عليهاا لبغيت لحاجة نوصل نوصل كيتكم نتوماا كتلقااو فلقنات كيلمشاش الضالة وداك خيناا وديك خيشبيشا تاعو بقا ليها على ساندريلا هي سباط الزااج تبان من الليل الليل مغنقولش كي لكمرة حيت كمارتهاا بحال الى محكوكة براواايض تاع كاميو
خليل😂😂😂😂 كلااااش مجد في الصميم
مجد:مشفتي نتي نهار اللخر نلقاوك شادة الركنة حدا دار لعجزة هاااكي(عطاها صبع) قاتليك خيشبيشة هاديك راه goidalopi تاعي
جليلة:بقاليها على كوادالوبي هي الفريدوو 😂😂
قطع هدرتهم اتصال حسن باش يجيو يتعشااو ناضو جمييع كيضحكوو ولي دازت كيتغزلو بيهاا حتى وصلو لدار كانت ريحت طواجن عاطية سلمات ديمنة وطلعات لبيتهاا يالله بغات تسد حتى دفع احمد لباب ودخل وسدو وراه وغوبش فيهاا
ديمنة:اش كاين احمد
احمد:شكون داك لبرهوش لي كنتي معااه
ديمنة:برهوش😂😂😂 حكلو دارك تحت باطوو سير احمد سير ههه قالك برهووش
احمد(دار ايدو فجنابو) كدافعي علييه ااه واخة غنزل نهدر مع بااك ولا ملقيتي لي يحضيك
ديمنة(بلخلعة طاح ليها التيلي وبداات كتحط ايدها على فمهاا باش يسكت خليل تحنات تحت السرير لقات لخط مزال دايز داررتو فودنهاا وهياا مكوزة لخليل وشادة راسهاا)
كمال:ملي تعشااي صوني لياا لبغيتي لبراصلي ديالك
ديمنة(كتغبن) وااخة الشااف
دورات راسها ل خليل لي واقف كيتفرج
خليل:1_1 نوضي تعشااي قبل متلقاي هي عضاام واخة بان ليا احمد غيكددهم
ديمنة: (مسحات على وجهاا ) نزل انا جاية نعل لحماار لي نزل بيك ديك الطياارة كون تزلعات فسما كون كليت عليك كسكسو بلاصت الطاجين
نزلات كدفع فيه وجها حمر دفعات مجد حدا جليلة وكلسات وسط خليل ومجد مقابلة مع احمد نزلات على الطاجين عمية وكتاكل بنفاخة شافت الحاج هز لحمة من لوسط وهيا تحبس الدغمة
كمال(مدو ليها ولبواني تاع لباب تحل دفع ديمنة حتى طاحت وجا فوقهاا شاد ليها فمها او وجها مغطي بشعرهاا
رحمة:بسم الله الرحمن الرحيم فين هواا داك التيليفوون هاا هواا (هزاتو وخرجاات )
ديمنة(كتنهج تقل عليهاا كمال وزاد خنقها بإيدو وشعرها لمزلع على وجها) مم
كمال(حط راسو فعنقها شم شعرهاا بتتقال كانه كيتدكر دكرياات فاتت هليها اعواام ريحة خداتو لبعيد خلاه يستنشقو وعينيه مغمضاات نفسو سخونة كضرب فديمنة لي جمداات وقلبها كيضرب وهيا كتحس بشفايفو تحطو على عنقهاا حتى بورشاات باسهااا من تنقها هز راسو تقابل معاهاا كانت مغمضة عينيهاا وايدو على فمهاا نزل ايدو بشوية حتى تحلو شفايفهاا وحيد عليهاا شعر من على وجهاا حلات عينيهاا فيه وكتشوف فعينيه لي فيهم نضرة فشكل نضرة جدباتها وخلاتهاا تركز فتفاصيل وجهو بدقة وهوا ساهي فيها
ديمنة(بقات كتمنضر فيه وهوا كيحيد ليها شعر من على وجها مبقات كتحس لا بتقل لابخنقة غير نفسو لي كضرب فيها وهوا عينيه فيهاا وايدو على شعرهاا بدا كينزل بشوياا جيهت فمهاا وهيا متبعااه حتى غمضات عينيهاا واستشعرات طعم شفايفو باسها بوسة خفيفة ورجع باسهاا وهد لمرة ندامجو فقبلة طويلة تشاركو فيهاا ريقهم
من بعد لحضاات فيبرا التيلي فجيب ديمنة ليكالس عليه كماال حلوو عينيهم بسرهة لبرق وشفايفهم باقين ملاصقين
ديمنة(دفعاتو عليها وكتشوف فيه) اش داكشي فيبراا !! وووشكون عطاك الحق تبوسني(كتمسح فمهاا او وجها ولا حمر)
ناضت ديمنة ورجعات خدات لبراصلي من ايدو ومشاات كتجري متنفساات حتى فاتت دارهم وقفات كترجع نفسهاا:ناري على بوسة عندو😍😍 ...
كمال لي كان باقي قبلاصتوو مفاجئ منهادشي لي داار وكيحك على شعروو رجع تكا فالارض وايديه وراا راسوو كيحاول يبعد عليه افكار لمااضي ناض كيسووط حل لباب وسمع لباب تاع الدار كيتحل نزل وايدييه فجيبو طالع ليه الدم كتبان ليه ختوو بشعرهاا لمطلووق كحل وفرونش على جبهتهاا بسليم كحل وشوميز بيضة
كمال(طلع وهبط ليها قبل متشوفوو جمع غوباشتو وهضر معاها) فين كنتي واش هد اللبس هداا
سهيلة(من لخلعة لاحت الساروت) خخوياا كنت عند صاحبتي قلتها لماما
ديمنة: منجمعو حتى تجي خالتي رحمة يالالة طز فهادو لي جااو وتصيبي هي صاحب باباا ومع هوا موسوس منجيهتي عند بالو خطااب
حفيضة: لي عول عليك عول على لخلة
ناضت حفيضة كتجري دخلاات لدار نصباات وجمعات الصالوون وديمنة بقات شادة التيلي كتلعب ومرة مرة تناكر مع خالتها حتى تعشاات لعشية ودخل خليل او حسن كيوشوشو غي شافوها وقطعو لحس
دقان فلباب خلا ديمنة توقف وتمشي تحل وهيا باغة تعرف شكون هداا مشاتت كتحل لباب وريحة مغريبااش عليهاا مع لحلة تحلوو عينيهاا
ديمنة:مسيناااا على ربي وملاايكتووو اش جاب قدااارك يوجه النحس
ياسين(كان بقاميجة بيضة وسروال توب كرية وهاز بوكي تاع لورد فإيدو) زيديني زيديني احح شحال توحشتك عرفتي هدرتك كتجيني هيا مصدر الحب والرومنسية حق ربي
ديمنة:ويلييي على نتااا شفتي حااجة
حسن:اديمنة دخلي ضيف
ديمنة(حلات لباب كتخنزر فيه) يدخل فكاميوو تاع ليصانص نديرو عليه شعالة ياااااربي (بتاسم ليها وجاي داخل عرضات ليه رجلهاا حتى طاح على طولتو مجبد) التسخيناات فقط
ياسيين(جمع لوقفة كيضحك )كلشي بحلاوتوو الكبيدة
دخلات ديمنة مخنزرة فباها وخليل لي ضرب الطم حتى دخل ياسين وفإيديه لورد مشتت ومهرس بالكطيحة مدو ل ديمنة وكلس مقابل معاها
ديمنة:خااون لورد من جردة تاع لعماالة محشمتييش
حسن(نغزها)همهم سي ياسين مرحباا بييك
ياسين:شكرا اعمي احم خليت عمي جااي غير يصلي لعشاا
ديمنة:ونتا محسوب على ليهوود
حسن(بين سنانو)سكتي يسكت ليك لحس)هه متديش عليهاا
ياسين(رخاا عينييه)كلشي مقبول منها
حسن:اااحممم (الله ينعل لي ميحشم جيل قيمش ميحشم ميرمش)حفيضة جيبي اتااي
ديمنة:وكتري فييه لحااار تيجيبو بنين
خليل:هه انمشي نحل لباب غيكون عمك هداا
بقات ديمنة كتقطع فلورد وترمي على باهاا وتصلي على نبي وهوا كيقرص ويعض على فمو حتى دخل عم ياسين وسلم عليهم وكلس
العم:سي حسن نتا عارفنا لاش جيناا طالبين ضيف الله
ديمنة:معندكم زهر الواليد سقراام معندو ميعطيكم(حسات بقرصة سخوووونة طالعة معااهاا حتى غوتاات) اااه واش هادوك صبعااان ولا لقاااط تاتبداو تشرفو تاتوليو السم كيقطر (هزات تريكو كتقلب فجنبها وهوما حاضينهاا اما حسن بقا غير شويا ويغيب هزات راسهاا لقاتهم كيشوفو)وحضيوني راني كنفرق لحنااش
حفيضة(حطات الصينية وطباسل تاع لحلوى والفاكية وكلساات)مممرحباا
ديمنة:كوول اياسين لحلوة جابك الله مكتحط حتى كيجيو ضيااف
ياسين:شكراا ههه
خليل:سمعت بلي كنتي لبروف ديال ديمنة مزياان مزياان
ديمنة(شافت فييه)عطينا لمفييد وراه كنت كنبروفيتي فييه لأعمالي لمشبوهة
العم(ولا غير سااكت وهوا معول على لعروسة حشمانة لقا وحدة كطير وتنزل تقول فيهاا لحكة مكلسات حتا فقنت ولا كينغز ف ياسين باش يجمع فموو )وتاا جمع فمك
ديمنة:(ضورات راسها تابعااه )ههه بغا يتزوج هوا كلب كيخلعو بشااااخ الرجولة(ضارت لقات باها على راسهاا) احم شوف راه والله تأكبر عنيبة على وجه التارييخ واناا راه كنفكر لولاادي(كحزاتو) فيا جوووع خالتي جيبي داك الطاجين(كتحك فإيدها)غنفرسو وحدي
....
نمشيو عند كماال لي كان كالس فاللوطو ديالوو جنب لبحر ودخاخن لكارو مضبة اللوطو كيكمي واحد ورا وااحد حس بلجرح نزف من جديد وصعيب يتعالج جبد بزطامو من جيبو تاع لافيست حلوو وجبد صورة مجموعة على جوج حلهاا وبقا مدة ساهي فيهاا وهوا كيشوف فبنت شعرهاا لزعر مغطي نص فوجهاا وعينيهاا مدهبييين فيقو من سهوتوو التيلي لي صوناا وكان سعييد لي دار معاه باش يتلقااو ضور روايض ومشاا لقهوة جنب لبحر دخل ليها كيقلب بعينيه على سعيد ليكان فوق فوطووي وشااد الشيشة فإيدو
كمال(كيهضر بلا نفس وعاقدهم) اش هد لقنت جايبا لييه
سعيد:مالك على ديك تغوبيشة غارقين ليك لبابر كلس اصاحبي زعما ليوم راحة خلي ستريس حتى لغداا هادي بلاصة كالم بعيد على صدااع ومن صوتك فالتيلي بنتي لياا ماشي هوا هدااك
كلس مقابل معاه مسرح رجلييه ولكاسكيط على شعروو حط سوارت ورجع براسو اللور كيسمع لموسيقى الهادئة وساهي
سعيد:ملي كتكون هكاا كنعرف لقضية فيها ان اش كااين
كمال خدا منعندو الشيشة وطلق دخااان فسماا مع تنهيدة قوية: كنت كنبغيهاا اصاحبي وباقي مبغاتش تخرج من بالي
سعيد:نتا لي مبغيايش تخرجها من عقلك اوه 4 سنين ونتاا عاقدهاا فكها اصاحبي عطا الله لبناات ماشي نتا اللول ولا اللخر لي تكاصي
كمال: هههه كتهدر بحال الى معاارف والوو 8 سنين الى جاتك نتاا ساهلة اناا لاا.. كنت ناسيهاا حتى شميت ريحتها لي كنت كناخدها ليهاا وانا فرحاان (مسح على وجهو) كان كيعجبني نشمها فيهاا
سعيد: شوف معمرك غتقدر تنساها الى بقيتي هكاا مينسي لمراا غير مرا غيرهاا (غمزو) ونتاا متحتااجش تبع شي وحدة اااه غير بكليمة وحدة طيح فييك
كمال:تخرا كاشي طيح بنت ليك حفرة اناا اودي خليت ليك لبناات فيهم غير صداع الرااس
كمال:عطيني داك زعت خلااص (شاف فديمنة) تنفنفي نفلعصك من ليد التانية (شد لمنضف ولقطن وكيدوز بشوياا على ايدهاا باش ينقيها من جراحي لي خداات وكل مرة تقفز ويخنزر فيها وتجمع بداا كيقاد ليهاا لفاصمة وكيزيرهاا وهوا مركز فإيدها اماا ديمنة سرحاااااات عجول لاخرة مع كمال كانت كل مرة تهز عينيها فيه تلقااه مكونصونطري مع ايدهاا حتى سالااا)نوضي
دديمنة:ممم لاا باقي مصايبتيهااش مزياان
لممرضة:لاا هيا هاديك
ديمنة(من بين سنانها) مالك كتنقزي بلا سليب تفو على ماركا عقلي علياا هي بلااتي
كمال:يالله زيدو نتوماا ونتي معرفت اشمن بلاصة باقي مشفتكش فيها لقهااوي لكلية لباار الدااار لكوميسارية سبيطاار اش باقي!!
ديمنة:باقي مقبرة ومنين ندفنوك انا غنتبعك بالبندير ونبدا(بدات كتحرك اليد الصحيحة)مات مات والله الى مات..مات مات والله الى مات..عوج سيقان مات..الهبيل مات(كتحرك شعرها)مات مات ههه لمخنزر مات عههههههه..شكراا (ابتاسمات ليه)
عويشة(شهقااات) وراااه انا لي حلوف لغييس اماا هواا غير حلوة ومدرظر عليهاا لكوك كون عرفت هد الشرمولة عندكم كون بت منصبح فالدواار احاااااي على لمسمن بالشحمة
حفيضة(شدات فمعا وكدور فراسهاا) هااا وعولناا عليك تدوزيناا من لواد صدقاي قالباا على بونا لفلووكة واش انا جبتك بااش تنبشي وتعرفي لياا ديمنة اش بغاااتوو راه بداات كتشير
عويشة: اشوفاااه خيتي ديمنة الى بغااتو والله منزيدها غير لخيير كنلعبو هناا لا (شادة جنابهاا وكدور فراسهاا) والى مبغااتوووش انا عويشة بنت لاا عطوووش ناخدوو
ضلااام لحاال وديمنة واقفة وسط الضلمة مع مجد وخليل
خليل:واش غنباتو هناا
ديمنة(متكية على لحيط وكتشوف فدار لبزناس)شششت
مجد: الخط مشغول حالياا
عويشة جاية كتجري حتى وقفات عليه :ناري سخفت جاااو ولا باقي
مجد:اش كديري هناا
عويشة:جيت نشوف لمسمن فين وصل تا شغلك زرك لكماارة خليني نشوف الزين
ديمنة:جمعي راه غنفلقك
خليل:تخباااو هاهوماا جااو( تستفوو واحد فوق وااحد كيطلو كن لقنت وقفات لوطوو قداام لباب خرجاات رحمة ولحااج كيهدرو بقا شحال عاد نزل كماال وبعد كيهدر فالتيلي وايديه فجيب السرواال لكري تاع التووب لاصق خاشي فيه قميجة بيضة صدايفهاا والتنية تاع لإيد بلكري وسبااط كحل كيلمع ساعتو بلإيد واقف بكل شمووخ ورجوولة )
مجد: متأكدة هدا لبوكييموون هدا راه هوا كوكو ديال داركنبوول
خليل: كلشي على لوقفة
عويشة: احح على دجاج محمر
ديمنة(كتشوف فيه بإعجااب ومتبعة حركااتو وكل مرة يشوف فالسااعة وكيفاش كيهدر بتاسمااات وعيا كالسة قفازية كطل
مشات رحمة كتجر فيه ودار عندهاا وتخبااو هوماا جراتو من ايدو ومشا معااهم
خليل:وداباا شنوو
ديمنة(تكات على لحييط) غيدرني راسي الى معرفتش اش تيولولو تماا
مشات ديمنة وخليل كيتسلتو محنيين من جيهت جردة تاع دار دازو من حداا الشرجم سمعو لهدرة او وقفوو
ديمنة:شش يمكن كالسين لتحت
مشااو جنب الشرجم لكان ضاير بيه لحديد ومحلول مي عليه ريدوات مغطين لي كالس
رحمة:اوى سبق ليا وهدرت معااكم هداا هوا ولدي
الاب:مرحبااا مرحباا منلقاوش حسن منكم احم اجيبوو اتااي
الحااج(تينغز ف كمال لي مقندش داير رجل فوق رجل ومتكي ايدو على مخدة)وتاا طلقهاا
كمال: خليني ساكت لهدرت غنتحااشمو الواليد
تمات داخلة مراا هازة الصينية كترحب او وراهاا لبنت حشماانة كانت لابسة كنضورة صيفية فلكروونة وطالقة شعرهاا لكحل سواد الليل وخلخاال فرجلها كيتحرك كل متحركاات سلمات عليهم وسلمات على كمااال لي شاف فيهاا وهبط عينييه كلساات مقابلة معااه
12:00 بييييل واقفة ديمنة جيت جاامع قبالت دار حيااة كييتسنااوهاا تخرج لابسة جلابة ودايرة لقب على راسهاا وعويشة لابسة جلابة واسعة وشال كبير مغطي وجهاا بلكحل
عويشة:هاااا عار الله قولي لاش لويتيناا كي لغرااب
ديمنة(بغات تجاوبها وباانت ليهاا حياات خاارجة بجلاابة كحلة لاااصقة عليهاا صدر خارج والطرمة خاااارجة لابسة صندالة عالية فلحمر وصباغة حمرة فدفرانهاا تاع ايدها ورجلعاا ولخلخاال كيلمع بالشمش شعرر مسرررح ولمكيااج على جهد دازت من حداهم ريحتهااا سابقااهاا) ويلي هادي غادية لعرس ولاا لقاء زوااج
الغرام المجنون الجزء الثالث
محتوى القصة
التنقل بين الأجزاء