صورة مصغرة لـما بقيت فاهمة والو الجزء الرابع

ما بقيت فاهمة والو الجزء الرابع

rab3 w b9it fahma walo 
قصة مابقيت فاهمة والو

مروان:دابا شنو بغيتي
أنا:تيقار 
مروان:أووووف😠 أنا غنرجع بزبة وعنداك تمشي لشي بلاصة أنا:مشية بلا رجعة
مروان:شنو
أنا:والو 
خرج ودغية رجع جاب ميكة عامرة بالماكلة جاب الكرسي حدا لاموسية كلس بدا كيجبد فداك شي وكيحط في البلاطو 
مروان:كولي
أنا:مبغيتش كول غير نت 
كلس حدايا وبدا كيخشي ليا في فمي
أنا:مكتفهمش العربية😡 
مروان:سكتينا وكولي 😒
بقا كيوكل فيا ونسا راسو
أنا:خشي فوجهك تنتا مالك باغي تبقا بجوع 
مروان:وكليني من إيديك 
هزيت كرواصا خشيتها ليه كاملة في فمو تكان غيتخنق
أنا:😂😂😂😂
عينيه مغرغرين
مروان:سمحي ليا والله تغنتصطا معرفتش كيفاش قدرت ندير ليك هاكا كنحلف ليك متعاودش 
عنقتو وبديت كنبكي حسيت بالحنان ودفئ بين دراعو وتهضرتو أثرت فيا خاصني نلقا شي حل
مروان:صافي لاش كتبكي 
بعدني عليه مسح ليا دموعي
مروان: كلشي غيولي بيخير متخافيش
أنا:فين زينب 
مروان:ختك دابا راه كينا فدار جدك 
خرجت عينيا فيه
أنا:كيفاش دار جدي
مروان:جدك راه خاطف خوتك لي من باك وتمن من خوك سمير
أنا:شكون سمير عوتاني😳
مروان:سمير خوك صغير حيت فاش داتكم الخدامة
أنا:هاديك ماما أ مروان ماما لي رباتني ماشي خدامة مروان:فاش داتكم ديك ساعة ماها كانت حاملة
أنا:باقا مفهمتش ختي آش داها تما 
مروان:ختك مشات تما على أساس أنها خدامة وراه معاد تهو كاين تما خدام شيفور 
أنا:إلا عرفوها غيقتلوها ماكانش عليكم دخلوها فهاد شي هي راه خوافة 
مروان:متخافيش راه دربها معاد وعلمهاا كيف تصرف وآش خاصهاا دير 
أنا:وعلاش واليدينا باغين يقتلونا 
مروان:باش يعتقو ولادهم لاخرين حيت بالنسبة ليهم نتوما مكتسواو والو قدام لاخرين
أنا:حتى حناا كبدتهم مفهمتش
دخل طبيب
دكتور:سلام عليكم
أنا ومروان:وعليكم سلام 
دكتور:آنسة إيمان كيف كتحسي دابا
أنا:الحمد لله أنا بيخير 
دكتور:حاولي متبقايش تعصبي وأنا غنكتب ليك شي دوا باش تشربيه 
أنا:شكرا 
قادينا الوراق وخرجنا خدينا دوا ومشيناا الدار لا فيلا
أنا:كل مرة وفين 
مروان:وزيدي راه كيف مادرت معاك وحلة 
دخلنا ووراني بيتي
مروان:غنخرج شويا ونرجع
أنا:أوكي 
مروان:راه جبت ليك الحوايج إلا بغيتي تبدلي
أنا:شكرا 
مشا خرج وأنا دخلت دوشت وبدلت حوايجي لبست بيجاما شورط والفوق ديالو وبانطوفا ومشيت الكوزينة لي ضاربني ضاربني على كريشتي دخلت قصيت كلست في جردة تكنسمع صوت طوموبيل عرفتو مروان دخل وجا عندي
مروان:شوفي عافاك صيبي ليا شي حاجة ناكلها ودخلي من هنا
مال هذا داوي بصح أنا يالاه خارجة من سبيطار بغاني نشقا عليه
أنا:سير ضبر راسك أنا ماشي خدامة عند باك
مروان:شوفي أديك شنيولة داك تبرهيش مديريهش معايا ونوضي ديري لي قلت ليك 
وقفت من بلاصتي وشفت فيه ولكن معرفتش علاش بان ليا فشكل هاد شوفة لي فعينيه باردة
أنا:بلا متنفخ عليا والله متاكلو من مورايا والحيط راهو قدامك صطح راسك معاه 
مروان:تفو على موسخة 
مشا وخلاني مكلاشيا فبلاصتي ودموع كيهبطو مالو تقلب ياك غير دابا شويا كنت الحب ديالو دخلت وكلست تكنسمع تهراس في جيهت الكوزيناة مشيت كنجري لقيت كلشي مشخشخ ومروان إيديه كتقطر بدم
أنا:مروان مالك على هاد الحالة 
مروان:😡😡قلت ليك ديري ليا مناكل راه مكنعرفش نطيب ونتي دافعة كبير سيري غير تقودي من قدامي
أنا:على هاد شي داير هاد الحالة كنتي تقدر ديباني راسك
مروان:كون كنت كنعرف نطيب gاع منحاشيه ليك 
أويلي وداك الحوت شكون طيبو جنون لياا جنون مثلاا😴
مبقيت فااهمة واالو
أنا:عاود آش قلتي 
مشا وخلاني مكلاشياا للمرة ثانية وهاد المرة مصدومة ديال بصح حيت ماكانش بينا فيه كيضحك جمعت الكوزينة من داك جاج وصيبت ليه ميحنجر حطيتو ليه في صالون معيتش ليه إلا شافو راه ياكلو مشافوش يدبر كرو أنا مالي

دخلت لبيتي شعلت تلفازة درت مازيكا وكلست في الأرض كندور هاد شي لي واقع في راسي..
كيفاش مكيعرفش يطيب وعلاش هضر معايا بديك طريقة وهو غير صباح كان كيطلب في سماحة زعمة يكون لا لا ميمكنش مستحيل يكون هذا خوه عندي طريقة وحدة باش نعرف😐 مروان عندو واحد جرحة في جنب ديالو ولكن كيفاش غندير نشوفها وإلا كان هدا بصح ماشي مروان شنو غيوقع لا منقدرش نبقا معلقة خاصني نعرف وقفت وخرجت من البيت بان ليا كالس كيقصي مشيت كلست حداه
أنا:بصحة 
مجوبنيش ولد الحرام حتى شكراا مسمعتهااش منو 
أنا:كيف بقات إيديك
مروان:مافيها والو
أنا:ومالك كتهضر بحالاكا 
كيهضر ومكيشوفش جيهتي
مروان:كنهضر بحال ناس
نضت قربت ليه جريتو من إيديه
أنا:وقف عافاك 
شداتني تبوريشة فاش شديت ليه فإيديه
مروان:علاش
أنا:ووقف 
جريتو توقف وهزيت ليه تريكو لا ميمكنش هذا راه فيه نفس ضربة هزيت راسي فيه ووجهي ولا بحال مطيشة أما هو بان لياا تزير
دفعني
مروان:مالك زملتي ولا شنو
طلعت كنجري البيت وسديت عليا بقيت غادا جايا تخربقت واش زعمة بصح هذا مروان ولكن علاش كيتعامل بهاد البرودة كاملة
لا نحلف عليها بلي هو ماشي حياتي
دق دق
أنا:شكون
مروان:جنون حلي الباب
حليت ليه
أنا:شنو باغي
مروان:أنا خارج
أنا:فين غادي
مروان:ماشي سوقك 
أنا:من ماشي سوقي لاش مصدعني
خنزر فيا ومشا وغير سمعتو ديمارا طوموبيل وأنا نطلع كنجري لبيتو بقيت كنقلب في البلاكار والمجورة قلبت مزيان ولكن ملقيت تاشي خرية مهمة يالاه غنخرج وأنا نتفكر واحد الفيلم هيندي كانو مخبين الفلوس تحت لاموسية رجعت تخشيت تحتها وبقيت كنبقشش تطاح واحد جوا نضت من تحتها وحيلت داك جوا ناري شنو هاد شي الله يربي واش هذا مروان ولا خوه
مروان:شنو كديري هنا 
قفزني تفو
أنا:شنو هذا 
كنوريه في داك جوا
مروان:ماشي سوقك
خطفو ليا من إيدي
أنا:نت ماشي مروان نت غير توأم ديالو 
بمروان:آش كتخربقي😡😡
أنا:😠😠فين هو مروان والله تمشي توقع ليه شي حاجة منعقل على دين مو شي قواد
مروان:راه خويا هاداك وبسبابك نتي وختك هو راه في خطار هما باغينكم نتوما باش يطلقوه 
حسيت بقلبي غيسكت واش حب حياتي غيموت بسبابي لا منقدرش نثيق هاد شي
أنا:وهاد تصاور لي فجوا واش ديال مروان جاااااوبني مروان:آه هداك مروان 
جوا كانو فيه تصاور ديال مروان رابطينو فواحد الكرسي وكلو دم كان مغيب وجهو كلو زرق بضرب
مروان:أنا يونس
أنا:😭😭 وعلاش مقلتيهاش ليا خاصنا نعتقوه هادوك ناس مكيعرفوش رحمة 
يونس:الحل الوحيد هو نسلمك نتي وختك ليهم
أنا:نت واش بوليسي
يونس:آه أنا من البوليس 
معرفتش علاش مرتاحيتش ليه كنشم ريحت الغدر والله أعلم
أنا:عاود ليا كلشي 
يونس:مروان فاش خرج كان باغي يتلاقا معايا على قبل شي حويج كيخصو القضية ديالك حيت تأنا خدام عليها وقبل ميوصل عندي رجال ديال جدك خطفوه وصيفطو ليا هاد تصاور وقالو ليا حياة مروان مقابل حياتك نتي وختك 
أنا:أنا مكتهمنيش حياتي ولكن ختي لا لا 
يونس:نتي عارفة ختك فين كاينة قولي ليا باش نجيبها عندك وديك ساعة نفكرو في شي خطة
أنا:زينب راه
طن طن ياك هو بوليسي وكان خدام على القضية ديالي كيفاش دابا ماعرفش زينب فين كاينة
يونس:دوي 
أنا:معرفتش مروان مقال ليا والو
يونس:واش متأكدة
أنا:آه هو مكيقول ليا والو
يونس:وكيفاش عرفتي عندو توأم من مكيعاودش ليك أنا:طاح ليه البزطام ديالو هزيتو وشفت تصويرة كنتي فيها نت ومروان وواحد المرا كبيرة
عينيه تغرغرو وبحال إلا جاتو فشكل بلي خوه عندو تصويرة ديالهم
يونس:آش بالك تمشي تخدمي فدار جدك وديك ساعة تقدري تجيبي ليا معلومات تفيدنا باش نلقاو مروان وختك
أنا:موافقة 
يونس:سيري تنعسي حيت غدا غيخصك تنوضي بكري
أنا:واخا تصبح على خير 
مشيت البيت بغيت نعس ووالو مبغاش يجيني حيت كنفكر كيفاش غنخرج راسي من هاد المصيبة هاد يونس باينة فيه طالقها عليا وباغي يعرف فين زينب باش يصفيها لينا بجوجات فدقة ولكن كيفاش يقدر يغدر بخوه ويصيفطو الموت مستحيل يكون إنسان.... دابا لي خاصك ديري أ إيمان هو تفطري بيه قبل يتغدا بيك أويلي على نفطر بيه مالو كرواصا وغير غمضت عويناتي تكنسمع دقان فالباب تفو تفو تفو
أنا:وسير تخرا مالك 
يونس:حلي
أنا:خليني نعس وسير ترقد
يونس:وتي حلي ولا غنهرس دين مو هاد الباب 
يخ مبقا حد ينعس ونضت من بلاصتي مقرقبة حليت عليه
أنا:آش حب الخاطر
مد ليا واحد البوشيطا كبيرة
يونس:هاكي هاد الحوايج لبسيهم وخرجي عندي نشرح ليك الخطة

دخلت دوشت لبست دوك الحوايج لي جاب ليا كسوة كحلة قصيرة فوق ركبة بالكمام وظهر معري وصباط طالون تهو كحل وكويرة قصيرة فالحمر خليت شعري مطلوق ودرت مكياج خفيف طليت على راسي في المراية للمرة الأخيرة وجيت قوقة واخا معنديش مع هاد لبس هزيت الورقة لي فيها نمرة ديال عصام وحفضتها عاد لحث الوريقة حيت غنحتاجو خرجت عند حل فمو فيا
يونس:جيتي زوينة بزاف أ إيمان
أنا:وكلس فهمني آش كاين باركة من الهضرة الخاوية يونس:شوفي هما محتاجين خدامة لي تخدم عندهم وبسباب المعارف ديالي غادي دخلي تخدمي تما
أنا:واخا ولكن كيفاش غناخد منهم المعلومات 
يونس:كاينة طريقة وحدة
أنا:شنو 
مروان:جدك عندو حفيد من ولدو الله يرحمو سميتو رضى هاداك هو عينيه
أنا:لا نت مريض منقدرش 
يونس:على قبل ختك وعلى قبل دري لي كتبغي 
بلقت عيني فيه😳😳
يونس:مروان عاود ليا شحال كيبغيك وكنظن تنتي كتموتي عليه 
دموع بداو كيهودو ليا تفكرت بلي حتا إلا خرجت من هاد المشاكيل كلها راه مغيكونش ليا
أنا:ولكن
يونس:هذا غادي يكون غير تمثيل ضروري ماتخلي رضى يبغيك باش تقدري تقربي لجدك
أنا:واخا
يونس:نوضي يالاه 
خرجنا وركبت معاه في طوموبيل شحال وهو غادي وقف قدام واحد المول
أنا:علاش وقفتي 
مد ليا الفلوس وواحد الورقة
يونس:ركبي في طاكسي وعطيه هاد الورقة راه فيها العنوان
أنا:مالك نت متوصلني 
يونس:متكونيش مكلخة راه خاصنا نردو البال هاد شي ماشي لعب دراري صغار
أنا:واخا 
بغيت نزل
يونس:بلاتي
أنا:شوفي ردي البال مزيان متيقي فتاواحد قربي 
خرجت فيه عينيا
أنا:شنووووو
يونس:قربي نركب ليك هذا فودنيك باش تسمعيني ونسمعك
ووراني كيفاش نخدم داك زبل لي تسميتو تلفات ليا وعطاني تيليفون
يونس:عنداك يحصلوه عندك المسخوطة راه يصفيوها ليك أنا:متخافش
يونس:راه عندهم الفيلا كلها كاميرات ردي البال أنا كنوصيك أنا:صافي راني فهمت 
يونس:فاش توصلي قولي ليهم نتي من طرف بوحماد أنا:شكون هدا
يونس:هو لي كيجيب ليهم الخدامات
أنا:وسمية
يونس:خلي سميتك متبدليهاش
أنا:بسلامة
يونس:بالثوفيق مرات خويا 
شفت فيه 😊 هبطت من طوموبيل وركبت فطاكسي عطيتو الورقة لي فيها العنوان
م.طاكسي:هذا هو العنوان أبنتي
أنا:شكرا أعمي 
خلصتو وهبطت أويلي هذا مالو جابني هنا يونس قال ليا فيلا ماشي قصر وقدامو بزاف ديال سيكيريتي بقيت مصمرة في بلاصتي تجا عندي واحد من هادوك لي كانو فالباب سيكيريتي:ختي حيدي من هنا ممنوع الوقوف 
خلعني تكنت غنحيد داك طالون ونضربها بجرية وأنا نقول أعود بالله من شيطان راجيم
س:واا ختي كندوي معاك
أنا:صمكتيني أخويا 
دفعني بإيديه
س:سيري من هنا مكتفهميش
أنا:حيد إيديك أبنادم أنا راه جاية باش نخدم وراه هما لي باغيني 
بدا كيهضر فهداك لاسيلكي
س:كاينة واحد كتقول بلي باغينها على قبل العمل حول x:سولها من طرف شكون حول
س:شكون لي صيفطك 
ناري قودتها سمية لي قال ليا يونس نسيتها الحل الوحيد هو نخدم هاد الخرا لي فودني ولكن كيف غندير وهو كيشوف فيا

أنا:نااري آش هاد شي فعنقك أخويا 
كيقيس فعنقو
س:مافيا والو
أنا:متقربش مني عافاك 
دخلت ليه شك وهو يمشي عند صاحبو باش يسولو دغياا وركت علا ودني وعلى تيليفون
س:كتفلاي
أنا:لا علاش نتفلا عليك راه وقيلا داكشي طار 
س:وسربيني قولي شكون صيفطك 
يونس كيسمع
يونس:بوحماد
أنا:بوحماد هو لي صيفطني 
هضر مع هاداك في لاسيلكي وقال ليهم حلو الباب
س:مدموزيل تفضلي 
آش غنقول ليكم 15دقيقة غير في دخلة ديال جردة واااو على بيسين كبير مكرهتش نتلااح فيه نبرد هاد العافية لي شاعلة فياا جردة فيهاا جميع أنواع الورد وربحتهم كضرب لياا في نيفي
س:أجي من هنا
أنا:ولكن راه الباب فين كاين
س:هداك الباب ديال مالين شي أما الخدامة كيدخلو من باب الكوزينة
أنا:آه فهمت 
دخلنا من باب الكوزينة لي كانت عامرة شاف كويزيني والفريق ديالو الخلعة غالبة عليا واخا يونس كيدوي معايا وكيحاول يكالميني
س:وقفي هنا شوية ونجي
أنا:أوكي بقيت كنتسنا فيه وكلشي كيشوف فيا بنظرات شفقة علاش مالي حسن منهم 😕
البنت:سلام أختي أنا نسرين
مدات ليا إيديها باش نسلم عليها وأنا نفس شيء
أنا:سلام أنا إيمان
نسرين:متشرفين
أنا:شرف ليا 
يالاه بغيت نسولها علا ختي حيت تاهي خدامة هنا وهو يدوي يونس
يونس:عنداك ثيقي يقدر يكون غير فخ باش يعرفو آش تحت راسك
غير سمعت هضرتو رجعت لساني لفمي أصلا أنا مغنمشي تغنقفرها غير الله يصاوب😒
نسرين:بغيتي تقولي شي حاجة أحبيبة
أنا:نو كبيتي شكرا 
نسرين:خاصني نمشي نكمل خدمتي من بعد ونهضرو
أنا:😊إنشاء الله 
رجع داك بوعو ديال سيكيريتي يخ محملتو مقبلتو
س:غادي تجي دابا واحد البنت هي لي غتوريك البيت ديالك والخدمة لي غديري 
أنا:واخا 
غير دخلات ديك البنت وأنا نتصدم ميمكنش هادي ختي كتبان مبدلة بزااف زيانت العفريته 
زينب:سلام مدموزيل إيمان آجي معايا 
😳😳 المسخوطة من إيمتا كتعرف تمثل بهاد طريقة 
مشيت معاها في صمت تدخلنا لواحد البيت وركت على تيليفون باش ميسمعش يونس فاش غندويو
زينب:هدا بيتك 
سديت الباب بزربة وعنقتها بجهد ولكن هيا متجاوبتش معايا بعدت عليها
أنا:زينب مالكي أنا راه ختك شوفي فيا آش واقع ليك
زينب:الحوايج ديال الخدمة في البلاكار لبسيهم أنا غنتسناك حدا الباب باش نوريك شنو غديري 
دارت باش تخرج وأنا نعاود ندورها عندي وعطيتها واحد تصرفيقة تعوجت ليها الحنك وعنقتها وهاد المرة نهارت وبقات كتبكي ومزيرة عليا وحتى أنا بكيت حيت توحشتها بقينا نتباكاو حتى بردنا كلسنا فوق ناموسية
أنا:مالك أختي شنو كاين
زينب:كان يحساب ليا نسيتيني أنا راني خايفة بزاف 
شديت ليها في إيديها
أنا:واش نتي ضاربينك بقرعة خاوية مستحيل نفرط فيك راك توأم ديالي جزء مني الهبيلة
زينب:😭😭إلا كنتي كتبغيني عاونيني نخرج معاد من المصيبة لي طاح فيها 
الله ياربي الله واش حنا مغانساليوش من هاد الكوارت لي كطيح علينا وليت كنحس بلي حياتي فيلم رعب
أنا:آش من مصيبة عوتاني😃
زينب:راه عرفوه من البوليس
أنا:أويلي وشنو دارو ليه
زينب:راه حابسينو في لاكاب لتحث
أنا:كيفاش حابسينو ومالهم مقتلوه
زينب:😡😡مال دين مك كتفاولي عليه
أنا:لا غير غريبة هاد القضية نوغمالمو خاصهم يقتلوه علاش غيحبسوه

زينب:راه كيقلبو علينا وهما حابسينو هو وشي واحد آخر على حساب ماسمعت كيعدبوهم بزاف
أنا:واش معرفتيش شكون هاداك لي حابسينو معاه
زينب:لا ولكن كنظن حتى هو غيكون بوليسي
أنا:غادي يكون مروان
زينب:😂😂😂😂هذاك مروان ديالك واحد ولد القحبة أنا:جمعي فمك مالك كتعيري فيه
زينب:أنا غير البارح شفتو هنا وكان كيضحك هو و كريم أنا:شكون كريم
زينب:كريم هو إيد جدي ليمن
أنا:سمعتيهم آش كانو كيقولو
زينب:لا ولكن داك كريم عطاه واحد جوى حاجة ياينة غيكون فيه الفلوس 
مستغربتش حيت من ديبار كنت شاكة فيه ولايني شماته مفهمتش كيفاش يقدر شي واحد يغدر بخوه لا وتوأم ديالو غتكون شي مشكيلة كبيرة بيناتهم حيت يونس ماخيبش تلهاد درجة أنا شفتو كيفاش تأثر من دويت ليه على تصويرة لي كانت عند مروان
أنا:مروان راه محبوس مع معاد وهاداك لي شفتي يونس توأم ديالو
زينب:😳😳نعم ياروح أمك
أنا:هاد شي لي كاين
زينب:كيفاش زعمة هاد يونس صيفطنا كاملين لموت
أنا:هو ماعرفكش راكي هنا وماحدهم باقي معرفوكش تاواحد فينا مغيتقاس 
ناااري دابا عاد سرحات معايا هما دابا عارفيني شكون ولاد الحرام باغين يلعبو معايا 😈
زينب:أنا خايفة والله 
أنا:معندك مناش تخافي نفديك بحياتي مقلتيش ليا شنو خدمتي
زينب:تقادي البيوت
أنا:😶 ونتي
زينب:مسؤولة عليك 
أنا:😂😂تقدمتي أشعيبية 
زينب:الله يمسخك نوضي لبسي قبل ميحسو بشي حاجة راه تعطلنا
أنا:واخا ولكن سمعيني مزيان متبقايش تهضري معايا قدامهم وبقاي تعطيني غير الإنتقادات ردي بالك دابا كلشي كيعتامد عليك ماخصهمش يشكو فيك واخا حتى شوية
زينب:واخا
أنا:أول بيت بغيت نبدا بيه هو ديال رضى
زينب:نسيت هااد رضى راه كنعرفوه كان تابعك يامات ليسي
أنا:😳😳 شنااواا
زينب:مزيان نيت يقدر بعاونك
أنا:ممكن
زينب:فاش كتفكري عوتاني 
أنا:من بعد ونقول ليك 
لبست حوايج الخدمة لي عبارة على صاية كحلة فوق ركبة وقامجة بيضة وصباط طالون كحل جمعت شعري ديل الحصان
أنا:باسم الله نمشيو
خرجنا وزينب قدامي تابعاها وكنتمنظر فهاد القصر لي ديكورات ديالو داو لياا العقل أما لواحات لي معلقين واااو باينة ديال أحسن رسامة يااك أجدي عايش فهااد لخير كامل وباغي تصفيهاا ليناا غير تبنانا نتمتعو معاك😍 طلعنا في دروج وبقينا غادين في الكولوار توصلنا قدام واحد البيت
زينب:هذا هو البيت أمدموزيل كنتمنا تكون خدمتك مقادة منبغي حتى تقصير عندك ساعة باش ترتبي هاد البيت 
جابت ليا ضحكة مسخوطة 
أنا:واخا شكرا أختي 
مشات وخلاتني دخلت البيت ناري كيف داير أصلا راه مقاد ومجموع آش غنقاد فيه كان مسبغ بالبيض وديكورات لي فيه بالكحل لاموسية حمرا صراحة هاد البيت ديال ترومانساو فيه آه أجدي تمتع غير نت وحفيدك حنا ماشي حفيداتك زعمة فبلاصت متخاف علينا وتحمينا باغي تهناا مناا كلست فوق ناموسية وشعلت تلفازة بقيت كنتفرج وحتى زينب مرجعاتش عندي باينة غتكون فهمات علاياش ناوية هاد رضى بصح عمرني شفتو ولكن غنديرها فإيد الله وغنطلب منو يعاوني تحل الباب وأنا نقفز من بلاصتي وقفت كان رضى نوصفو ليكم هو طويل ومفورمي شعر كحل عويناتو كحلين وسمر عندو تقيبات ديال زين
أنا:رضى 
بان ليا مصدوم ومقدرش يخرج الهضرة مشيت سديت الباب
أنا:مالك 
رضى:واش نتي هي بنت عمتي 
كلاشاني ولد الكلبة وريق مبقاش بغا يدوز وايلي مالو عارف ياكما تاهو باغي يقتلني
أنا:نت شكون قالها ليك
رضى:فخباري باغين يقتلوكم راني عييت مع جدي باش يتراجع على القرار ديالو ولكن راسو قاصح هو كيكرهكم 
نزلو ليا دموع بلا منحس وبزربة مسحتهم
أنا:علاش جابني هنا 
رضى:شكون لي جابك
أنا:جدي
رضى:واش نتي مريضة جدي مفخبارو والو ماماك وباباك هما لي متافقين مع يونس وجابوك هنا 
أنا:علاش

رضى:منعرف
أنا:كيفاش معارفش رضى احمباك قول ليا شنو كاين حيت صافي راسي غيطرطق مبقيت فاهما توزه في لخرا كامل😑
رضى:والله معرفت أنا غير بصدفة سمعتهم كيدويو حيت ماماك كتجي هنا بزاف باش تشوف ياسين 
خرجت عيني فيه حيت إلا مشى تشافنا ياسين هنا غيفرشنا
أنا:مال ياسين ساكن هنا 
رضى:آه راه تاهو عايش هنا غير هو دابا في سبيطار حيث تضرب برصاصة رجليه
أوف الحمد لله ياربي غير ميجيش تنفك هاد الحريرة
أنا:الله يشافيه
رضى:أمين
أنا:نت غتعاوني ياك معنديش علامن نعول هناا من غيرك
رضى:نتي راكي بنت عمتي وهادي حاجة طبيعية نعاونك ولكن إلا كانت شي حاجة غتآدي جدي منعقلش عليك 
أنا:هذاك راه جدي حتى أنا 😔 معندي فااش نآديه
رضى:صافي تفقنا
أنا:باقي واحد المشكيل 
رضى:شنو
أنا:هادوك دراري لي حابسين خاصنا نهربوهم
رضى:من نيتك راه حاضينهم بزاف ديال رجال بلا مندوي على الكاميرات لي حاطين
أنا:وجدي كيفاش معرفهمش هناا واخا في دارو
رضى:حيث بزااف د رجال خدامين مع عمتي
أنا:ضاروري منلقاو شي حل
رضى:يكون خير
أنا:شكرا
رضى:مقلتيش ليا شكون هاد توأم ديالك وفين هي دابا
أنا:معرفتش فين هي راه غبر ليها الأثار 
رضى:واش متأكدة راه أنا باغي غير نعونكم 
لا آ إيمان نتي خاصك غير تستغليه وزيدون باش عرفتيه راه مكيكدبش زينب هي الورقة رابحة لي عندك إلا تعرفات غنموتو كاملين داكشي علاش تاواحد ماخاصو يعرف بلي هي ختي مخاصنيش نضيع الوقت حيت مروان ومعاد حياتهم فخطار
رضى:هيهو فين سرحتي 
أنا:والو غير المشاكيل 
تحل الباب تفو دخلات زينب وااااع على حصلة رضى بان عليه الاستغراب وزينب معرفات مدير وأنا تزيرت وكنحاول نقلب على شي كدبة بزربة قبل منتفضحو درت راسي مصدومة ودويت مع زينب غير بعينيا ومع حنا معاشرات فهماتني 
أنا وزينب:زينب إيمان 
شفت في رضى
أنا:رضى علاش مقلتيش ليا راه خدامة هنا
رضى:عمرني شفتها هنا
زينب:وديك القردة متوحشتينيش 
قربت ليها وعنقتها ودرنا فيها دراما خخخ كنكره نعيش في الكدوب ولكن للضرورة أحكام
رضى:وصافي براكة عليكم زينب فرحت من شفتك
زينب:حتى أنا خويا كنتي غبرتي
رضى:غير ظروف
زينب:إيمان خاصك تقادي شي بيوت
رضى:واش دابا إيمان كتقاد البيوت لا منقدرش نخليها دير هاد الخدمة خصوصا هي 
وسكت مسكين حيت يحساب ليه زينب مخبارها والو 😂
زينب:هي شنو
أنا:غير دوي أ رضى ضاروري زينب تعرف حيت غتعاونا وزيدون هي صاحبتي مكنخبي عليها والو 
رضى:إيمان بنت عمتي
زينب:ككيفاش واش كتفلاو عليا ولا مالكم 
أنا:راه بصح من بعد ونعاود ليك تفاصيل 
رضى:مغتخدميش هاد الخدمة وسالينا 
أنا:رضى هادي راه حياتي وحياة ختي وحياة دوك دراري لي محبوسين واش بغيتيني نفرط فيهم لا أنا راه ندير لي كان على قبلهم ودابا عافاك بلا متعقد الأمور 
زينب:راك عارفها راسها قاصح خليها دير لي بغات
رضى:واخا ولكن ردي البال 
وبغيت غير نعرف من شكون غنرد البال منك ولا من يونس ولا من جدي ولا من هادوك لي ولدوني من شكون علاش ياربي كيطرا ليا هاكا خايفة نخسر مروان خايفة نخسر ختي أما أنا راني خسرت راسي من شحال هادي
أنا:إنشاء الله كلشي غيكون مزيان زينب ديني البيت ديال جدي 
ههه حلو فيا فمهم مال هاد زبل خوافا واش معندهمش مع الأكشن 
زينب:عاودي احمباك آش قلتي مسمعتكش
رضى:واش تسطيتي
أنا:اليوم غنشوفو وسالات الهضرة يالاه أزينب
حليت الباب وخرجنا خليت داك بوراس بلاكا بقيت تابعة زينب حتا وصلنا قدام البيت
زينب:مدموزيل متعطليش 
مشات وخلاتني مبلوكيا مقدرتش نحل البيت حسيت شعور فشكل😦😓

خديت نفس عميق وتوكلت على الله دخلت ودموع في عيني البيت ديالو زوين مفرش على طريقة تقليدية والألوان لي فيه هادئة العكس بيت ديال رضى حتى هنا كان مرتب ونقي...
هزيت مخدة كنشم فيها وفي لحظة نهاريت بالبكى معرفتش علاش ولكن كانت هادي الطريقة الوحيدة لي تقدر تخليني نرتاح..
حتى كنسمع شي واحد كيكحب بجهد على برا مشيت كنجري حليت الباب لقيت واحد راجل كبير لابس كلاس باينة غيكون شي واحد مهم يقدر يكون صاحب جدي منعرف كان مكالي بإيديه على الحيط وكيكحب بان لياا مريض بزاف مسكين كان غيطيح وأنا نشدو 
أنا:غير بشوية عليك إلا كنتي مريض خاصك ترتاح
مجوبنيش دخلتو البيت ديال جدي وعطيتو الما
أنا:واش دابا شوية إلا كنتي كتحس براسك ماشي مزيان نقول ليهم يجيبو الإسعاف
راجل:أنا لاباس أبنتي
أنا:واش متأكد
راجل:كح كح آه أنا بيخير متخافيش
أنا:سمح ليا ولكن منقدرش نخليك تبقا فهاد البيت حيت ممنوع شي واحد يدخل ليه
راجل:واش نتي جديدة هنا
أنا:آه غير اليوم لي بديت الخدمة
راجل:وعلاش أبنتي ممنوع ندخل لهاد البيت
أنا:حيت هذا ديال مول شي وتواحد من غيرو ميقدر يدخل هنا
راجل:😊آه محمد راه صعيب معندوش القلب
أنا:😡😡علاش مالو ماشي بنادم متبقاش دوي عليه هاكا عافاك
راجل:😲ياك مكتعرفيهش إوى علاش كدافعي عليه
حيت هذاك جدي أعباد الله ومنقدرش نسمح لشي واحد يعيرو واخا أنا كنكرهو لا مكنكرهوش آه كنكرهو معرفتش المهم راه جدي ونفس ضرباتني عليه
أنا:مجرد رأي مقلتيش ليا نت آش كدير فهاد القصر
رضى:جدي واش نت بيخير
أنا:كككيفاش 
جدي:كح كح أنا راه محمد بنقرطوس كح كح وهذا القصر ديالي وحتى البيت ديالي
أنا:أنا راه 
رضى:نت باينة نسيتي تشرب دواك 
دابا أنا كنت داوية مع جدي لا ميمكنش كنشوف فيهم كيهضرو وأنا صافي بدات كتبان ليا غير ضبابة كنحس غير بشي واحد كيصرفق فيا وكيحاول يخليني نفيق من بعد غيبت فاش فقت لقيت راسي في واحد البيت كبير ماشي هذاك لي عطاتني زينب تكعدت وراسي ضارني شداتي تقية مشيت كنجري الطواليط تقييت ولكن المصيبة هي دم لي خرج ليا من فمي وااا ناااري بكثرت المشاكيل صحتي غضيع ليا غسلت وجهي ومديتهاش في داك دم قلت يقدر يكون غير من العصاب خرجت بدلت حوايجي وهبطت باش نبدا الخدمة بقيت من بيت البيت واليوم مشفت تواحد حتى من زينب مبانتش ليا كملت جميع ومشيت الكوزينة باش نخشي فوجهي حيت قتلني جوع دخلت وهي تجي عندي ديك سفريطة ديال نسرين
نسرين:حبيبة خاصك شي حاجة 
أنا:بغيت ناكل فيا جوع
نسرين:آه مرحبا كلسي أنا نجيب ليك شي حاجة
أنا:😁شكرا أحبيبة 
مشات جابت ليا منقسي وكلسات حدايا
نسرين:حبيبة نطلبك واحد طلب
أنا:وي مرحبا
نسرين:اليوم فيا نوبة باش نسربي وأنا راني كنخاف من سي محمد إلا كان ممكن تسربي نتي فبلاصتي 
وحلاتها ليا بنت القحبة بغات تلوحني العافية واش أنا غير البارح فرشتها معاه ودابا بغاتني نسربي لا هادي عطاتني الماكلة غير حيت بغات مصلاحتها
أنا:كدوي بصح أنا أحبيبة سربيت حتى راسي بغيتيه يجري عليا لا سمحي ليا
نسرين:😢😢عافاك راني خايفة ندير شي غلط ويولي جاري عليا وأنا راه كنصرف على خوتي والوالدة ديالي😭

ومشكيلة مع هادي آش غندير الله يا ربي الله
أنا:صافي بلا متبكي أنا غنسربي
نقزات عليا عنقاتني فرحانة بسيف وهي بعدات راسهاا على المشاكيل ولاحتني فيهم دابا كيف ندير نسربي وأنا مكلخة فهاد شي معلينا نحاول ربحة ولا دبحة
نسرين:شكرا بزاف أختي 
أنا:مبيناتناش أحبيبة
نسرين:يالاه نوضي راه الماكلة واجدة
أنا:واخا غير قولي ليا آش ندير 
نسرين:هانتي راه حنا غنحطو ليك كلشي فهاديك
كتشير بصبعها لشاريوات
نتي غادي غير تجريها حتا البلاصة فين غياكلو وتحطي ليهم في طابلة
أنا:أوكي😠 
داكشي لي دارو قادو داكشي وأنا مشيت عندهم كان جدي كالس وحادر راسو بحال إلا كيفكر في شيحاجة مهمة ورضى كيشوف فيا و واحد البنت زوينة زعرة ومرا كبيرة شويا وزوينة حتا هي ولكن باينة فيها قاصحة تقدمت وبديت كنحط فداكشي هز جدي راسو
جدي:كيف بقيتي أبنتي
نااري واش من نيتهم هذا مافيوزي كيهضر مع خدامة بهاد طريقة الله ياجدي شحال كتخرج زوين من فمك هاد كلمت بنتي دابا هذا باغي يقتل حفيداتو😯
أنا:الحمد لله أسيدي 
رضى:يااك رتاحيتي بعدا
أنا:الحمد لله أنا دابا بيخير 
زعرة:علاش مالها شنو وقع ليها 
رضى:كانت سخفات البارح 
زعرة:الله يجيب ليك شيفى أختي
أنا:أمين شكرا أمدموزيل
المرا:إلا كملتي تقدري تمشي تشوفي شغالك
كملت الحطان ومشيت بعينيا مغرغرين مال هاد العقروشة آش يحساب ليها راسها قمعتني الله يعطي لدين مها مصيبة دخلت الكوزينة معصبة ومحاملة حتى واحد
نسرين:مالك أختي
أنا:والو 
دموع كيهبطو ليا كنمسح فيهم تفو زعمة علاش بقا فيا الحال مالي ياك أنا خدامة هنا عادي تصرف معايا هاكا وزيدون مقالت والو ولكن لي مربي في العز عمرو يقبل بدل 
زينب:نسرين مال البنت كتبكي
نسرين:منعرف غتكون دارت شي زبلة وخايفة ليجرو عليها 
خنزرت فيها واحد تخنزيرة ديال إلا مرديتش لقحبة مك هاد شي راه منتسماش إيمان غير لقاتني منقدرش نجبد صداع على قبل الهدف ديالي أما كون ريشت دين مها نستاهل حيت درت فيها الخير
أنا:مدرت والو غير عيانة شوية 
زينب:سيري رتاحي ليك أختي راه باين فيك لعيا
نسرين:راه باقي خاصها تسربي
زينب:😠هاديك خدمتك مكنتيش قادة عليهاا كلسي في داركم البنت أنا لي مسؤولة عليها هادي ماشي خدمتها 
الله يخليك ليلي العمر شحال زوينة تكون عندك ختك خلات ديك سفريطة غطرطق شافت فيا زينب بمعنا نتلاقاو في البيت مشيت دخلت دوشت وتكيت حتا جات عندي ختي حبيبتي
زينب:إيمان مالك أختي كنتي كتبكي
أنا:والو غير طاح عليا ضيم أجي نتي فين كنتي غابرة زينب:واحلة غير فتوجاد ديال الحفلة
أنا:إنا حفلة
زينب:عيد ميلاد رضى
أنا:إمتا 
زينب:غدا مقلتيش ليا واش شفتي جدي
أنا:آه شفتو هو ظريف بزاف منظنش يكون خبيت لدرجة يقتلو حفيداتو مابيناش فيه
زينب:راني عارفاك غتقلبيها دراما داك الحنان لي فيك والقلب الهشيش ميليقش هنا ولا نسيتي معاد ومروان لي حابسهم بحال الكلاب...
أنا:منسيت والو وغادي نخرجهم من هنا غير تهناي
زينب:فوقاش غيسالي هاد شي
أنا:نوضي تخراي من حدايا 
زينب:تفو مال مك شكون بحالك باركة كنعطيك في نصائح أنا:وتصندلتي مع راسك
زينب:😂😂راني عارفاك كتغيري مني حيت أنا شافة ديالك أنا:وهانتي شافه باش نفعتينا والو
زينب:مقلتيش ليا ماما بغيت نقول ماها كيف دايرا في شكل ديالها 
أنا:كتسطاي عليا باش غنعرف أنا
زينب:قالو ليا راه تغدات هنا
زعمة ديك المرا هي ماما لااا مبقيتش قادرة على هاد شي هي عرفاتني بنتها ومتحركش فيها حس الأمومة بالعكس هي قمعاتني وبينات الكره ديالها منسمحش ليها لا دنيا لا آخرة فعلا إن لم تستحي فافعل ماشئت
أنا:آه كانت واحد لمرا يمكن تكون ماها عندها حقها في زين وعندها سم كيقتل 
زينب:ودابا
أنا:عندي واحد الخطة
زينب:مم شنو
أنا:سمعيني مزيان .....واش فهمتي
زينب:لا واش مرضتي بغيتيهم يقتلونا 
أنا:هذا هو الحل الوحيد ديري لي قلت ليك
زينب:واش متأكدة أن هاد الخطة غتنجح
أنا:لا ولكن هادي طريقة الوحيدة باش نعتقو دراري زينب:صافي واخا

يتبع فالجزء الأخير