صورة مصغرة لـقصة ما بقيت فاهمة والو

قصة ما بقيت فاهمة والو

qisat 9isat b9it fahma walo
قصة مابقيت فاهمة والو

إيمان فيقي راه 2ديال نهار واش باقي شي حد ناعس أنا:وبعدي مني واش مبقا حد يرتاح في دارهم 
ماما:والله ماتنوضي تنجي نريشك gراناتك تزوجو ولي مكتابش ليها الزواج راه خدامة ونت بقاي خامرة 
انا:واعباد الله بدينا عوتاني أنا نيضة أووف. 
سمحو ليا دخلت دخلة خيبة ولكن راكم عارفين الحنانة ديما هاكا المهم أنا سميتي إيمان عندي 20عام زوينة فوجهي شعري كحل وطويل الفورمة عندي زوينة ماشي كنشكر راسي بصح أنا زوينة غير الزهر لي طافي نهار نشدو نريشو حنا عيشين 5في الدار ماما وبابا وخوتي 2 واحد كبر مني سميتو عمر واحد صغر مني سميتو إياد بابا كوميسير هو صعيب شويا 
ماما:أجي تغداي أ ديك صكعة
نا:بلاتي نغسل كمارتي
مشيت كليت معاهم في جو عائيلي كيف كتعرفو ودابا كنخمم كيفاش نقول لماما باغا نخرج أووف هي مكتخلينيش نخرج حيت كتخاف عليا بزاف 
أنا:ماما باغى نخرج 
خنزرات فيا واحد تخنزيرا بحالا قتلت ليها شحد أوووف
ماما: ماعندك فين خارجة شدي لرد 
أنا:وماما راني قنت وزيدون غادة غير عند زينب نشوفها شويا ونجي😣
زينب هي صحبتي الوحيدة بحال ختي وماما كثيق فيها ماما:واخا صافي سيري ومتعطليش مشيت طيرا البيت لبست سروال تجين طالع وتيشرط نص كوم في البيض وفيه الكتبة بالحمر وكنبيغصا في الحمر طلقت شعري ودرت مايكاب خفيف المهم جيت قوقة خرجت تحت توصيات الوالدة الله يخليها ليا 
ماما:شوفي والله وتعطلي لبقيت خليتك خرجتي وسيري ونساي راسك راني عارفاك 
أنا:واخا راني فهمت مالك مكتقادايش هه وضربتها بواحد جريا لتصدق قاجاني المهم أنا غادة وكلشي متبعني بعينيه كل وآش يقول زين منتصاحبوش نجي ولا تجيني فراس خخخ قهرونا هاد العنابة وصلت عند صاحبتي طلعت نيشان الدار حيت كيخليو الباب محلول الله ينعل بوها قاعيدة دخلت مدرمة غير شافنني العفريتة وهي تنقز عليا 
أنا:تفو علا بشار راك خنقتيني 
زينب:يخ مالك راني غير توحشتك😒
أنا:كدبي عليا داكشي علاش كتجي عندي

زينب:راكي عارفة يونس مكيخلينيش نخرج وزيدون راه ميبغينيش نشوفك (يونس صحبها خخ) 
أنا:شوفي بلا متمرضي دين مي واش ضارب عليك الكاعط راه غير برهوش تفو 
زينب:وا صافي أزمر جمعي فمك هاداك راه حبي 
أنا:تفو الله يعطيكم الغراق بجوج 
زينب:😠😠
أنا:تفرgعي نتي gاع 
زينب:مال مك اليوم شتك جاعرة متكون غير خالتي ههه كتبرد ليا يعدا غديدي فيك 😂😂
أنا:راكي عارفة الوضع شي نهار نمشي بلا رجعة واخا هما ممخصيني من والو ولي حليت عليها فمي لقاها ولكن راه كنبغي نخرج تاأنا بحال ناس 
زينب:صافي أحوبي عافاك بلا مديري فبالك دابا يحن الله أنا:أوووف عييت😒
زينب:هالعار حيدي منك ديك أووف
أنا: تي سيري بلا مديري ليا فيها ماما
زينب:ياك وغير لي يبغي يدوي معاك أوجه الحبس 
أنا:فين ماماك 
زينب:راه مشات عند خالتي 
بقينااا مجمعين شحااال ونسيت راسي
أنا:أوكي شحال في ساعة 
زينب:9 علاش 
أنا:ناري اليوم تقتلني ماما راني تعطلت يالاه باي 
زينب:بسلامة أحوبي تهلاي في راسك 
أنا:تانتي بب😘
خرجت من عندها أووف دغيا ولا كيظلام الحال غادة شويا كنحس بشي حد جرني بزربة حتى لصق ظهري معاه وحط فردي علا راسي 
من إمتى عندنا الفرادة في المغريب😳 هذا واقلة كيضحك بقيت مصدومة مدواش معايا حتى كيبانو ليا بزاف ديال رجال حدانا مغطين وجاهم والبوليس ضيرين بيناا كيبان ليا بابا كيهدر في مكبر الصوت
بابا:معندكوم كيف ديرو تهربو طلقو من البنت وسلمو ريوسكم هداك لي شادني مادواش ومادار تردت فعل هدر واحد منهم X:ياغتخليونا نمشيو ولا نقتلو البنت 
كيهضر وكيحل في جاكيط ديالو
ونفجرو راسنا ونفجروكم معانا (في خاطري ناري سيد عندو المتفجرات في كرشو أولي معامن طحت معا الإرهابيين اليوم هو لخر ليا) بابا:واخا أحنا غنساحبو غير ماديروش شي حاجة تندمو عليها واحد فيهم مشى فش الروايض ديال الطنوبيلات ورجع حدا خوتا الله يعطيهم العداب غير تكنسمع شي ماطر جايين جيهتنا كلشي دار الكاسكات وتا أنا داروه ليا شدني داك خينا gلسني قدامو وكسيراو ومع ختكم كتخاف من الماطر تخشيت فيه بقينا غادين شحال شويا وقفو حدا واحد الطنوبيلات ركبو يلاه بغيت نهضر وأنا نرجع لساني هادو راه مجرمين معلينا دارو ليا بانضة كحلة علا عيني معرفتش كيفاش نعست فقت لقيت راسي في واحد البيت كبير وزوين بقيت كنضور فيه مبغيتش نبدا نغوت ليصدقو مصفينها ليا بديت كنسمع في الباب كيتحل حاولت نتحكم في الخوف ديالي بقيت واقفة في بلاصتي تدخل واحد الولد يكون عندو شي 30عام آش غنgول ليكم زوين لواحد درجة واو طويل ومgدر شعرو كحل وهو بيض وعينيه في الخضر بارد تزعت فيه مع ختكم زهوانية

هو:أنسة راني قلت ليهم يجيبو ليك الماكلة وكنتمنى ميكون تصداع
أنا:واش كتصطا عليا أبنادم نتوما خاطفيني وشويا وكنتو غتقتلوني ودابا جاي تقول ليا مبغيت صداع

نسيت راسي وبقيت كنتخيبرا 
خنزر فيا 
هو:بغيتي نكملو داكشي لي بدينا البارح 
جبد الفردي وحطو ليا على راسي
هو: كملي آش كنتي كتقولي😑
طلعات معايا البرودة
أنا:أ أنا مغندير تصداع😵 
هو:مزيان 
خرج ورضخ الباب تفو على بنادم كان غيبولني في سروالي يخ وااااع دابا كيف غندير في هاد الحريرة بقيت gالسة كنخمم والو ملقيت تحل بانت ليا تلفازة شعلتها ولكن ملقيتش تيليكوموند بديت كندق في الباب باش يعطيوه ليا حيت أنا متبعى داك المسلسل ديال مادهوبالا تحل الباب دخل واحد دري كيخلع داير بحال صعصع يلاه بغيت ندوي وهو يعطيني واحد الكروشي تزعزعني طحت اﻷرض بدا كيضربني برجليه وأنا مكاليا غير بإيدي وليت كلي دم خرج وخلاني مليوحة في لرض كنحاول نوض مكنقدرش بقيت كنبكي وحسيت بالحgرة😭

مع ديك تبنديخا غيبت معقلتش على راسي فاش فقت تصدمت
أنا:أنااري واش أنا كنحلم نتي آش جاب مك هنا واش باغين تصطيوني
زينب:(وهي كتبكي) إيمان واش غادي يقتلونا ياك هوما غادي يقتلونا
أنا:آش كتخربقي
زينب تخنقات بالبكى حيت هي خوافا بزاف العكس ديالي
أنا:واصافي أحبي مالك كترعدي مغيوقع لينا والو أنا راه معاك متخافيش 
زينب:شوفي آش دارو فيك ولاد الحرام 
أنا:دابا نتاقم منهم 😒
زينب:(بعدات مني) وتي سيري تخراي بقاي تحلمي هادو راه قتالة
أنا:هههه مالك كطيحي البنادم المورال دابا عاودي ليا كيفاش جابوك 
زينب:أوكي فاش قال ليا بابا شنو وقع ليك كنت غادة عندكم الدار توقفات واحد الطوموبيل في الكحل خرجو منها شي دراري صحاح شدوني يالاه بغيت نغوت وهما يديرو ليا شي حاجة على نيفي فاش فقت لقيت راسي حداك
آه نسيت مقلتش ليكم بابات زينب تاهو كوميسير وصاحب بابا
أنا:ولاد الحرام القضية فيها إن وأخواتها 
زينب:دابا شنو نديرو بغيت نجوبها تحل الباب 
يخ على بشار هدا داك لي حاس براسو
هو:آنسة كيف بقيتي 
أنا:لا رد 
هو: كنتأسف على داكشي لي وقع ليك 
أنا:نسولك أخويا 
هو:تفضلي 
أنا:واش هارب من 36 يخ على بشار 
قرصاتني ديك شنيولة لي حدايا تغوت عاد عرقت براسي آش كنقول أما هو مدواش خنزر فيا ومشا جيهت الباب باش يخرج 
أنا:شوف 
دار عندي 
أنا:بغيت تيليكومند ديال تلفازة 
ههه صدمة كانت قوية أما واحد زينب حلات فمها كاين شي حد خاطفينو وكيفكر في الأفلام
هو:أنا أنقول لهم يجيبوه لك ونت آأنسة (كيشوف في زينب)خاصاك شي حاجة
زينب: لا شكرا خرج وهي تنقز عيا 
زينب:نتي مالك تصطيتي باغاهم يقتلونا 
أنا:متكونيش مكلخة هما راه بغينا عيشين
بقينا مدابزين تدخل واحد الولد يكون عندو تهو 30عام زوين وعندو الفورمة واعرة شهب عطانا الماكلة وتيليكومند كيشوف في زينب وكيهضر أنا سميتي #معاد إلا خصتكم شي حاجة قولها ليا
أنا:شكرا أخويا واش تقدر تقول ليا علاش حنا هنا معاد:سمحي ليا منقدر نقول لك والو آ إيمان أنا شفت في زينب وعاودنا شفنا فيه 
أنا وزينب:باش عرفتيها 
معاد:شنو 
زينب:باش عرفتي سميتها 
معاد:حنا كنعرفو عليكم كلشي أ زينب خرج وخلانا مصدومين الفضول كيقتل فينا كنت كنحاول نخفف على زينب لي كانت مخلوعة

كلينا ونعسنا حيت كنا عيانين حتى قفزناا من بلايصنا زينب:شنو هاد شي😢
أنا:هدا راه صوت الرصاص مال مك مكلخة
زينب:أويلي ماماا
أنا:متخافيش 
تعانقنا وبقينا كنبكيو حتا دخل معاد و داك لي معرت ليه معاد:البنات خصانا نمشيو من هنا
هو:خود معاك زينب وأنا غتمشي معايا إيمان
أنا:كيفاش خود زينب باغين تقتلونا ياك
معاد:راه إلا بقيتو هنا لي غادي تموتو
هو:معندناش الوقت معاد نت سير من طريق العادية وأنا غنمشي من طريق الغابة
زينب:نتوما قتالة ماغنمشي معاكم لتا بلاصة
معاد:حنا راه من البوليس خلينا نخرجو من هنا ونشرح ليك زينب:واش بصح 
معاد:مروان رد البال لراسك ول إيمان 
مروان:صافي غير سير خرجنا بقينا كنجريو وشي وحدين تابعينا دخلنا الغابة وأنا عييت مع ديك القتلة لي كان عطاني صعصع وليت حالتي
أنا:راني عييت واش نقدرو نستارحو شويا 
مجوبنيش ولد الحرام شاد لياا في إيدي وغادي
أنا:واش دابا نت بوليسي سميتك مروان ياك 
مروان:آه 
وقف كيقلب علا شي حاجة
أنا: علاياش كتقلب 
مروان:واش مكتسكتيش 
كلاشاني ولد الحرام أنا عندي سكتي هي موتي
أنا:مالك معقد تفو
صرفقني تدرت
مروان:عاودي دفلي
أنا:داكشي لي كتعرف غير ضرب عند بالك هادي هي رجلة😠
شد ليا في دراعي وزير عليهاا
كون مكنتش مكلف بالح.. 
أنا:مالك سكتي كمل
مروان:سيري كلسي تما أنا غنشعل العافية باش ندفاو حيت منقدروش نمشيو في الغابة فهاد الضلام
مزدتش معاه الهضرة مشيت تكمشت في البلاصة لي قال ليا واخا مرضيتش فاش صرفقني ولكن حاولت منبينش ليه بقيت كنشوف فيه وهو كيجمع في داك تخربيق وكايحاول يشعل العافية صراحة كيبان زوين بزاف هبلني هاد زبل معرت من جاه هاد زين كامل من لخر أنا طحت فيه ههه تفو مليقت فيمن نتزعط معلينا السيد كمل وجا قال ليا أجي نكلسو حدا العافية
أنا:أوكي مشينا كلسنا وأنا كنترعد حيت لابسة غير تيشيرت خفيف ولا حالتو بالدم مروان:واش فيك البرد
أنا:لا فيا الصهد بزاف مالك عندك الكونيكسيو تقيلة
كيحيد في الكويرة لي لابس 
هاكي لبسيها
أنا:لا شكرا غير خليك لابسها راك تنتا مالابس والو مروان:واش بغيتي شي قتلة ديال العصة 
أنا:غير لي يبغي يحن فيك يخ أراها
خديتها وعجبني الحال فاش عطاها ليا واخا بقى فيا حيت تهو لابس نص كم

بقينا كالسين سقيل ههه ومع أنا لساني كياكلني ضروري منجبد الصداع
أنا:مروان 
مروان:شنو 
أنا:تيليفوني فيناهو 
مروان:(هز عينو فيا) لحتو
أنا: ككيفاش تفو علا مريض واش عارف آش فيه وزيدون راه غالي شكون غيشريه ليا باك مثلا 
بان لياا تعصب ولكن يستاهل أوووف
مدواش معايا بقى غير كيشوف
أنا:فين لحتيه نمشيو نجيبوه راه فيه تصاوري ونوامر ديال قاطعني
مروان:واش غتسدي داك الفم ولا نخشي ليك كمارتك فهاد العافية صارطة كصيطة آو
قمعني يخ
أنا:هايا ساكتة
مروان:أنا غنعس ونتي شدي العسة
أنا:واش كتقرقب عليا ولا مالك 
مروان:أنا راه منعسش يومين هادي خاصني نرتاح شوية دابا حاجة بسيطة مقادراش ديريها 
أنا:ولكن 
ماخلاش ليا تافين نكمل هضرتي تكى عطاني بظهر وااااع علا بشار غير لي يشد دين مو يبقى عليه بالعصى دابا آش غندير أنا كنخاف من ظلام كنت متحكمة فراسي حيت هو كان فيق ولكن دابا راه نعس تفو ينعس مينوض إنشاء الله بقيت نشوف فجنابي ولاصقة في مروان حتى سمعت واحد الصوت فشكل قلبي بدا كيضرب في 90
أنا:مروان مروان ومروان 
كنحرك فيه بإيدي 
مروان:بعدي مني
أنا:احمباك لما نوض 
مروان:(ناض) شنو
أنا:سمعت شي صوت
مروان: غادي يكون غير شي حنش حنا راه في الغابة 
آش غنقول لكيم جميع الألوان دازو على كمارتي حنش من نيتو أنا غير سراق زيت كينوض فيا الرعب وهو كيقول ليا حنش بقيت كنتخايل درت لقيت سيد رجع نعس بديت كنضرب فيه بإيدي
أنا:وانوض أزمر راني خايفة 
كيدوي وهو مغمض عينيه
مروان: نت كتخافي 
أنا:مالي ماشي بنادم 
ناض وتقبل معايا
مروان:شنو بغيتي دابا 
عنقتو خخخ صدمتو وتاا أنا تصدمت معاه
أنا:غنبقاو معانقين تالصباح وبلا متحاول دير شي حاجة 
ههه مدواش علاش أنا خليت ليه فين يحل داك دلقوش عندو بقينا معانقين تداني نعاس فقت الصباح ملقيتش مروان أويلي هادا فين مشا وخلاني وقفت من بلاستي وبديت كنقلب عليه أنا:مروان فينك مروااااان ومروان تخلعت عليه يمكن ولا يمكن غير خفت نبقاا حاصلة هناا
شي حد دفعني من لور تطحت وتجرحت في إيدي درت باش نشوف وأنا لقاه صعصع ولكن بلاتي ياك هد خينا خدام مع مروان تخربقت
أنا:علاش دفعتيني 
صعصع:صمت
جبد فردي بغى يتيري فيا غمضت عنيا وكنشهد تسمعت صوت رصاصة وشي حاجة ترشات عليا حليت عيني لقيت مروان هاز الفردي وصعصع مليوح في الأرض ودم ديالو مرشوش عليا حيت كان قريب ليا أنا تبلوكيت تزيزنت جا مروان شد ليا في إيدي وجرني بلا ميدوي بقينا غادين شحال وهو مزير ليا علا إيدي لي تجرحت فيها مردش ليها البال واقيلا ولكن مالو محسش بدم كنفكر وكنحاول نستوعب آش طاري

ضروني رجليا ومبقيتش قادرة نتنفس وسيدهم مروان غير جارني ومكينش فهاد العالم تفو على بنادم معرفتش علاش مقدرتش ندوي أصلا من بعد داكشي لي وقع تخلعت ديال بصح مروان وقف وشاف فيا 
مروان:إيمان مالك 
أنا:والو 
مروان:علاش ساكته 
أنا:نت قتال 
ورك عليا على إيدي
بلا ماتعصبي دين مي واش بغيتيني نخليه يقتلك 
أنا:إيدي أمروان 
عاد عاق وطلق مني ودم كيهبط منها
مروان:(بالغوات) علاش مقلتيهاش ليا شوفي إيدك كيولات هاد بنادم مالو كيتفرgع عليا دابا😈
أنا:تقب ليا ودني حسن 
قطع شويا من تريكو ديالو ودارو ليا علا إيدي
مروان:يالاه زيدي 
أنا:منقدرش راه عييت 
مدواش م هزني وأنا بلا منقاوم ضورت إيدي علا عنقو حيت عييت تكيت على صدرو وخليتو غادي
أنا:فين مشات زينب ومعاد
كينهج حيت أنا تقيلة شويا وهو غيكون عياا 
مروان:منعرف
أنا:كيفاش معرفتيش والله وتوقع لصحبتي شي حاجة تن
مروان:آش غاديري😒
أنا:نقتلك
مروان:وسبحان الله يالاه عتقتك هادي هي شكرا
أنا:لاواه نبg ماشي شكرا 
وقف قدام واحد دار لا حشومة نقول دار براكة هبطني ولا معرت شنو كااع موسخة من براا
أنا:متقولش ليا غنباتو هنا
مروان:آه
أنا:مالك بديتي كتفروح عوتاني 
مروان:مبغيتيش مدخليش سيري شوفي ليك شكون تعنقي 😲 حشمني ولد لدينة يخ
أنا:واخا زيد ندخلو أوجه لويل
مروان:كيفاش
أنا:والو 
دخلنا ناري على ريحة أووف كلشي مغبر باينة من شحال هادي مدخل شي حد لهاد القبر
مروان:جمعي دنيا باش نباتو في نقى
شديت كرشي بضحك
أنا:من نيتك والله أوليدي منعقل عليك دوك ليدين لي كيف ديال الحمار لاش ليقين
مروان:شي نهار نهرس ليك داك الفم دابا راه دوينا 
أنا:راه ضاراني إيدي غادي نقاد غير بلاستي ونت دبر راسك مروان:دابا نتي بنت
أنا:أنا بوشعيب 
بقينا مضاربين مع داك الوسخ تنقينا دنيا شوية وكل واحد تلاح في قنت
أنا:مروان
مروان:وي 
أنا:فيا جوع 
مروان:الكويرة لي لابسة فيها بيمو
أنا:(مخنزرة فيه)واش دابا بيمو هو لي غيشبعني
مروان:غير صبري غدا أنمشيو من هنا ونشري لك لي بغيتي
أنا:أوكي
جبت بيمو ومشيت عند مروان لي كان متكي علا ظهرو وداير إيدو تحت من راسو وكيشوف في سقف قسمت بيمو علا جوج
أنا:هاك
مروان:(شاف فيا) لا غير كولي 
أنا:والله متاكل لادرتو في فمي 
ناض وخداه من عندي 
مروان:آش هاد المحنة لي فيك
أنا:هاها كول 
مسكين عند بالو بقى فيا راه غير خفت ليكون داير فيه شي حاجة واخا مسدود ولكن مكيناش ثيقة بدينا كناكلو وكنشوفو في بعضياتنا حتى نفاجرناا بضحك
أنا:على آخر يامنا ولينا فيران
مروان:سيري تنعسي غدا غنوضو بكري 
تفو حاضي غير القميع
أنا:أوكي
أصبحناا وأصبح الملك لله
مروان:إيمان وا إيماان فيقي دغية 
قفزت من بلاصتي
أنا:مالك شنو وقع مروان واش كين شي مشكيل
مروان:سكتينا بديتي عوتااني نوضي راه خاصنا نمشيو أنا:راك خلعتيني أبنادم ماشي طريقة هادي باش تنوض شي حد
مروان:أستغفر الله العظيم
خرجنا من ديك البراكة وبقينا عوتااني غادين تخرجنا من الغابة
أنا:فين حنا 
مروان:منعرف 
أنا:معقد 
وقفات علينا واحد طوموبيل في الكحل وهو يجرني مروان وركبنا بجوجنا لور
مروان:(كيهدر مع لي سايg) محسين واش كلشي واجد
محسين:آه أسيدي كلشي مقاد 
مروان:مزيان
أنا:شنو واقع أمروان
مروان:واش كتيقي فيا
أنا:بالعمى 
مروان:سمحي ليا 
دار ليا شي حاجة علا نيفي وأنا كنحاول نقاوم فقدت الوعي

كنحل عيني كلقى راسي في واحد البيت في شكل مصبغ بالبيض والكحل وفيه واحد ديكور كئيب بزاف نضت من بلاستي واخا راسي ضارني بزاف مشيت نيشان الباب بديت كنضرب فيه بجهد وكنغوت باش يحلو دخل عندي مروان يالاه بغى يدوي وأنا نصرفقو تادار
أنا:(كنغوت)مالنا علا هاد الخرا كامل من نت نيتك خيبة لاش داير فيها جيمس بووند كرهتك آبنادم 
بقيت كنبلابلي عليه شاف فيا واحد شوفا فشكل خرج بلا ميقول تكلمة خلاني بلاكة جاتني البكية تفو غاا تدخل زينب تلاحت عليا تطيحاتني الأرض وزيرات عليا 
زينب:(كتبكي)توحشتك بزاف 
أنا:تا أنا وغير طلقي مني راك خنقتيني 
طلقات مني ووقفات
زينب:(مقلقة زعمة)ياك البوالة كان يسحاب ليا موحشاني ساعة نتي ممسوقاش ليا
أنا:مال دين موك باغة تقلبيها درامة واش ماشيفاش هاد المصيبة لي حنا فيها 
زينب:ماتخافيش أحوبي معاد ومروان معانا
أنا:واش تصطيتي ياكما كلا ليك الفار داك شوية العقل لي عندك 
زينب:علاش مفخباركش 
أنا:شنو 
زينب:راه
يالاه بدات دوي وهو يتحل الباب دخل عندنا معاد وحنا نصقلو
معاد:(هاز في إيديه شي ميكات) فين آإيمان لاباس
أنا:مالاباس والو نتوما والله مكتقشرو
زينب:مالك أصحبتي كدوي معاه هاكا
صدماتني هاد شنيولة😳
معاد:إيمان مالك مقلقة
أنا:زينب مالك أختي جيتي منهم هما راه خااااطفينا وفهميها
زينب:نتي مافاهما والو ومتبقايش تهدري بهاد طريقة مع معاد 
شفت في زينب وعينيا مغرغرين بالدموع ماتيقتش بلي هادي هي صحبتي
زينب:إيمان راك خاصك تفهمي شنو واقع
شديت فراسي حيت تزير عيا وكنبكي
أنا:نتوما كلكم كدابا 
دخل مروان لقاني فهاديك الحالة تصدم
ههه شي كيصدم في شي جا حدايا
مروان:إيمان مالك 
أنا:صمت
تفو هاد الدموع لاش كيهودو دابا
مروان:(كيدوي مع معاد و زينب)شنو درتو ليها ياكما قلتو ليها شي حاجة 
معاد:لا باقي 
مروان:دخلو سوق راسكم 
أنا:(كنشهق بالبكا)مروان راسي
مروان:(جا عنقني) صافي غير تهدني أنا معاك gلسني فوق واحد الفوطوي gلس حدايا شاف في معاد مروان:سير جيب ليها الدوى 
معاد:واخا زينب تبغي تمشي معايا 
زينب:آه معلوم 
معاد حط داكشي لي كان في إيديه ومشى مع زينب

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki
قصة أعطتني شمسا من تأليف سندس الدحماني
قصة أعطتني شمسا سندس الدحماني