فااش كتوصل المرحلة ديااال أنك تكبت المشاعير ديالك ومكتبقااش تحس بالألم هاد شي لي واقع لياا دابا ...
سمحو لياا معرفتكمش براسي أنا إيمان البناني عندي 24 عام بنت زوينة عويناتي كبار وكحلين وشفاار كتاف حجباني مقادين والفيم صغير ومنفوخ البشرة دياالي بيضة أما شعري را طويل واصل حتى الخسر ديالي وقوي تبارك الله فورماي مقاادة عندي الخسر بارز وصدر بارز والكرش مكيناش وطول عندي هو هداك ساكنة بوحدي من بعد ما الوالدين ديالي ماتو في حادثة سير العائلة ديال ماما تخلااو علياا وغير عمي لي بقيت فيه وداني الدار عندو ولكن مرتو كانت كتعامل معايا خايب وولدهم لي كان كبر مني كان ديما كيتحرش بياا لدرجة واحد نهار حاول يتعدا علياا كون ملطف بياا الله كوراني فقدت أعز معندي لي هو شرفي هربت من عندهم وبديت كندور في القهاوي وديور وحتى الفيلات على الله لقاا شي خدمة والحمد لله لقيتهاا في واحد الفيلاا خدموني وكيتعاملو معاياا مزيان دابا شهرين باش خدامة معاهم شهر لول كلست عندهم وهو مقالو والو الله يجازيهم بيخير ولكن غير تخلست مشيت كريت واحد البيت المهم مستورة والحمد لله العائلة ديالهم كتكون من سي أحمد ولالة نعيمة وبنتهم سارا هي قدي في العمر وزوينة بزاف ولكن كنبقاا أنا حسن منها😂 تباا كم أنا متواضعة وعندهم شي ولدهم مكنعرفوش حيث مكيجيش عندهم الفيلا على مسمعت عندو شي مشكيل مع بااه
بفف بقيت كنعااود ليكم ونسيت راسي غنتعطل على الخدمة..
تكعدت دخلت دوشت وغسلت سنيناتي لبست حوايجي سروال دجين وقميجة كحلة وسبرديلا كحلة كلبس عادي حيت أصلا معنديش شي حوايج هادو غير شريتهم من البال درت مكيااج خفيف وجمعت شعري كوتشوفال وخرجت كنجري حيت مبقااوش عندي الفلوس ومبغيتش نتعطل وأنا كنجري بان لياا واحد شمكار هاااز موس على واحد البنت وهي كتبكي يمكن بااغي يكريسيهاا وبنادم كيتفرج تفو على شعب وقفت كنفكر آش ندير حتى كتباان لياا واحد الحجرة شوية كبيرة هزيتهاا وأناا نشير عليه مجااتو غير العين😂
شد في عينو لي باين تقبتهاا ليه وكيغوت ويعاير😂 أما البنت شوية كانت غتبول في سروالهاا قرب جيهتهاا
أنا:ختي بلاا متخاافي راه بحال هادو مكيقدو على والو
البنت:(كتبكي)شكرا أختي كون مكنتيش نتي كوراه خسر ليا وجهي
أنا:هاهو دابا هو لي خسر ليه وجهو وطارت ليه العين😉
شوية تجمعات جوقة عليناا وهو كيغوت وكيقول ليهم بغاات تقتلني تفو فااش البنت كانت كتشفر حتى حد مبان حتى تضرب عااد جايين يتخيبراو
نااس عيطو لابيلانس والبوليس بغيت غير نمشي شدوني قاليك حتى يجو البوليس نااري الخدمة مشات😢 قردت لرض أنا وديك البنت طلعات خوافة😂 بقيناا شي 20دقيقة عااد جاو البوليس أما لابيلانس كوراها متجي حتى يموت😂 شعب كيف داير يخ
بوليسي:شكون فيكم لي ضرباتو
أنا:أنا ولكن (قاطعني)
بوليسي:حتى لكوميسارية ودوي دابا يالاه زيدي معانا
أنا:شناوا مغاداش ومالك كتنفخ
بوليسي:غتزيدي معانا ولا نوريك تنفاخ وهادي واش معاك (شير على البنت)
أنا:لاا مكنعرفهاش
غمزتهاا باش تمشي بلاا ميجرجروهاا في الكوميسارية باراكا غير أنا لي حصلت بغيت ندير الخير صدقت في فيلم واا تفو أما درية فشكراتني غير بعينيهاا ومشاات
بوليسي:يالاه بلاا منستعملو العنف
أنا:بفف
ركبت معاهم في سطافيط كان فيها واحد الولد كلو خوطوطو وبنت نصهاا عريان ومجيرا وجها كيف شيخة وواحد شارف بقاا كيحنزز فياا تفو محماتش راسي على آخر يامي وليت حبايسية😝
وصلناا نزلوناا ودخلوناا دنياا عامرة بحال إلاا المغاربة كاملين مجرمين وصداع والغوات وقفوناا في واحد القنت حدا طواليط حاشاكم تعصبت صبرت حتى عييت ولكن ديك ريحة دوخاتني😡 وأنا نتفركع على داك البوليسي
أنا:وا بناادم واش من نيتك موقفني بحال إلا قاتلة روح وحدا هاد الخنز مالك كدوخ ولا شنو
البوليسي:حتارمي راسك راك في كوميسارية
أنا:ومن بعد مالك غتخل..
باقا مكملتش هضرتي حتى كنسمع سقيل وشي حد صوتو كيزعز هضر بجهد حتى كنت غنطلقهاا في سروالي
مجهول:واش كاينة سيبة هناا ولا شنو وشكون هااد الموسخة لي كتغوت هناا
البوليسي:(كيقفقف)سي مروان هادي ضربات واحد سيد بحجرة كانت غتقتلو
فااش دوا البوليسي عرفت بلي هاااد بناادم كان قاصدني أنا بالموسخة وأنا ندور ناوية على خزيت ولكن تصدمت من شفت ملااك أعبااد الله فورمة عندو مقودة طويل ومكدر شعرو كحل بحال ليل عينيه كحلين ورموش عندو كتاف وطالعين بحال إلا داير ليهم ريسيل وسمر شوية ولحية مطراسية واعر واعر ولكن دغية تفكرت ديك الموسخة لي قال واخا كنشوف في بنادم مخلوع وحتى أنا دار فياا رعب ولكن صنطيحة كاينة😂
عويناتو حمارو مدواش هز إيديه وعطاني واحد تصرفيقة لدوك الخباطات الله يعطيه شي مصيبة والهرس وشلل فيهم حتى بديت كنحسب نجوم وليت كنشوف غير ضبابة وتجرح لياا فمي
مروان:(بحدة)جيبوهاا البيرو نشوفو هاد الضسارة ديالها من جايباها
أنا:(بصوت كاع ممسموع) تجيك فراس المصيبة
داوني عندو البيرو كان كالس في جنب ديال البيرو دار ليهم إشارة بصبعو باش يخرجو وأنا مع عييت مشيت كلست في الكرسي وبلا منشعر قلت الله على راحة😂
محسيت براسي حتى جاتني واحد القرعة ديال لما لراس الحمد لله من ماشي جاج أما كوراكم كترحمو علياا بفف
أنا:أي راسي😐
مروان:واش قلت ليك كلسي
أنا:لا علاش
بغيت نعصبو😁 اليوم يقتلني ولكن في سبيل ديك تخنزيراا لي عندو نقدر نستشهد😍 نااض من فوق البيرو وجا جيهتي جرني حتى وقفت وبدا علياا بتصرفيق لاا كروشييات😂 بغيت ليه العذاب ياكماا يحساب ليه أنا جون سيناا وا راني غير بنت أبنادم بقاا كيخبط فياا حتى طحت لرض ولكن كاع مغيبت غير وجهي كاع رجع دمايات زااد جعر من شافني كاع مبكيت (من نهار شفت والدياا ميتين تصدمت ومبقاوش كيخرجو ليا دموع) وهو يبدا يركل فياا برجليه ويعير صافي ودني تصمكو بان ليا الباب تحل وأنا نغيب
تحل الباب ودخل صاحب مروان مراد
مرااد من شااف حالتي تخلع وبقاا مصدوم
مراد:مروان مالك أصاحبي درتي البنت هاكا راه إلا وقعات ليهاا شي حاجة غتخرج على خدمتك
مروان:هي لي عصباتني معرت كيفاش تجرآت تغوت علياا المهم أنا نديها السبيطار ونت ضمس القضية ديالهاا
مراد:أوكي
#نخليو مروان يهضر شوية
سلام أنا مروان العمراني عندي 30عام كوميسير شخصيتي صعيبة وصعيب في تعامل ديالي عصبي بزاف وكنبغي الإنضباط ومكنرحمش لي كيتهاون في خدمتو أما شي حاجة سميتهاا البنات فأنا ضارب عليهاا كنت بغيت مرة وحدة وطلعات غدارة ومكتسواش أصلا البنات بحال بحال كلهم كيبغيو غير مصالحهم اليوم فقت ناشط كيف ديماا درت سبور لبست حوايجي ومشيت الخدمة حتى كنسمع واحد البنت كتغوت على ياسين دري خدام معانا تعصبت ومع دالك حاولت نتحكم فراسي ولكن البرهوشة كترطاا وأناا دابا وحلت فيهاا بقيت عليهاا بعصا حتى غيبات لي مفهمتش علااش مبكاتش المهم ديتهاا السبيطار دارو ليهاا لازم ... باقا ناعسة بحال شي ملاك زوينة أووف آش كنخربق
مروان: سمحي لياا أختي إمتى غتفيق
الممرضة:حتى لغدا حيث عطيناهاا شي مسكينات على قبل الألم
مروان:واخا شكرا
الممرضة:العفو
مشيت بحالي الدار وبالي بقاا معاها معرفتش علااش ندمت حيت درت ليهاا هاكاك كيفماا كان الحال هي غير بنت
كنحل عويناتي بزز وكيبان لياا كلشي بيض عاودت غمضتهم عااد تفكرت داكشي بديت كنقيس فوجهي كيضرني أي أي يخ على بشاار زرقني كاملة نااري مي خاصني نعلق ليعااود يجي يكمل علياا😂 صراحة فرحت من عصبتو بوكوس بجهد😍 المهم داها فياا حيدت سيرو من إيدي حتى طار دم وخرجت كنتسلت مع ليل😂 مخرجت من دااك سبيطار حتى شهدت بغيت نشد طاكسي معنديش الفلوس😢 المهم ضربت ديك طريق على رجلي واخا جهد مكاينش آش ندير داك الحمار سخسخني الله يعطيه جربة
وصلت الدار بغيت نقول البيت لي كارية بدلت حوايجي جاني جوع ملقيت مناكل ونهار كامل مدرتش نعمة في كرشي.. عصافير بطني تزقزق😂 حتى كنسمع دقان قفزت من بلاصتي خفت غير يكون داك العملااق جاي يكمل مبدا
أنا:ش شكون (نخاف منحشم)
رقية:(مولات دار)حلي راه غير أنا
حليت ليهاا الباب وأنااا مخنزرة
أنا:وااش أخالتي تسطيتي ولاا طالعة ليك سخاانة جايا عندي فهاااد الوقت شوية وتسكتي لياا القلب آش حب بالخاطر بعدا
رقية:سمعي أهياتاا هادي دار محتارمة إلاا كنتي مغتجيني حتى نصاصات ليل غير جمعي قلوعك وقودي
أنا:شناوا مالي كنسعااك راه كنخلصك وزيدون ماشي الخاطري تعطلت راه كانت عندي الخدمة
رقية:أنا دابا دويت ومتلومي غير راسك وهااكي هاادي ديريهاا لوجهك بااش يتفش علم الله شكون دار ليك هاد الحالة
أنا:(عنقتهاا) ربي يخليك لياا نتي ضريفة والله
رقية:صاافي بعدي علياا (تماات غادا)
أنا:خالتي واش عندك شي حاجة تكال رااه مواكلة والو
رقية:آش درت في حيااتي حتى تبليت بيك زيدي طلعي كولي وهودي غبري كمارتك وهضرتي منعاودهااش تعطلي مرة خرا تلقاي شراوطك في زنقة
أنا:واخا منعاودش
طلعت عندهاا حطات لياا كليت حتى شبعت شكرتهاا وهودت بحالاتي لبيتي هاد رقية واخا كتبغي تبين راسهاا قبيحة ولكن راه القلب الكبير درت البوماضة لي عطاتني وحيت عييت حطيت راسي على المخدة وأناا نمشي لساابع نومة أصبحناا وأصبح الملك لله
كنفيق على المنبه مع 8h صبااح طفيتو وبغيت نكمل نعاسي وأنا نتفكر الخدمة بفف ماقاداش ولكن بزز مني نضت كيف ديما دوشت غسلت سنيناتي ولبست سروال تجين وقميجة بيضة وسبرديلا كحلة جمعت شعري درت شوية الماكياج غير باش نضرك ديك زروقية ولكن باقا باينة تفو
خرجت وكنحس براسي عيانة مقدرتش نضرب ديك طريق على رجلي بعيدة بزااف😏 شديت طاكسي حتى قربت لفيللا ووقفتو درت راسي كنجبد في الفلوس وأنا نعلق😂 جرية وحدة مبقيتش شفت مورايا حتى الفيلاا وصلت كنهج سلمت على با عبااس العساس ودخلت مشيت مباشرة الكوزينة لقيت مي خدوج طالع ليها دم
هااد مي خدوج هي لي كطيب ليهم
من كانت صغيرة وهي خدامة معاهم وسارا كتقول ليها دادا حيت هي لي كانت كتقابلهاا فاش كانت صغيرة
أنا:خالتي سلام
دارت عندي ويالاه غتبدا تسب فياا شافت وجهي وهي تصدم
خدوج:الله أبنتي الله مالك في وجهك وشكون دار فيك هاد الحالة
أنا:واحد الكلب مسعور أخالتي
خدوج:أديك شنيولة عاودي ليا آش وقع
أنا:والو غير طحت
خدوج:إيمان😡
عاودت ليهاا كلشي وهي تبدا تعاير تفو ها لي مبغينااش
نعيمة:أويلي حااي مكتعرفيش دخلي سوق راسك شي نهاار تجيبهاا فراسك آميمتي على البنت مكتحشم مترمش
أنا:ههههه راه جبتهاا في راسي ولكن أمي خدوج راه طحت فيه
خدوج:أويلي طحتي في شفاار😱
أنا:ولاا في الكوميسير آحح عليه فسر بزااف
خدوج:سيري جمعي البيوت دنياا مرونة قبل منجي نفلعصك كالاك آحح
أنا:واخا مي خدوج واش ماكين حد
خدوج:لاا راه مشااو لفرانسا البارح على قبل العرس ديال ولد صاحب سي أحمد
نضت ليقتهاا مطيبة الحوت وسلاد .. حطيت لياا غير الحوت في طبسيل يالاه هزيتو وهي تشدني دوخة طيحتو من إيدي وكنت غنتبعو كون مشداتني مي خدوج
خدوج:باسم الله عليك ابنيتي رااك مريضة بزاف كلسي رتاحي
كلست في الكرسي وتكيت على الطبلة بااش تمشي دوخة
خدوج:واش شوية دابا
انا:شوية بلاا متخلعي
مي خدوج: غير سيري الدار رتاحي وأصلا راك كملتي خدمتك
أنا:واخا أنا غادة
لبست حوايجي وخرجت وكل خطوة كندير فيهاا ساعة بحال الفكرون تفو نسيت مقلت لمي خدوج تعطيني شي ربعمية نشد غير طاكسي بغيت نقولب شي واحد بحال صباح ولكن معنديش سوفل باش نجري سير أ مروان الله يلقيهاا ليك تفو
#عند_مروان
فقت صبااح معصب وماحاملش راسي على داك شي لدرت لديك البرهوشة دوشت ولبست حوايجي خرجت من دار بلا منفطر مشيت السبيطار باش نشوفهاا ولكن ماقيتهااش الموصيبة هرباات نااري ونشدهاا نعاود ليهاا ترابي مشيت الخدمة وأنا حاقد عيطت على مراد يجي عندي
دق دق
مروان:دخل
مراد:صباح الخير صافا
مروان:ما صافا والو😏
مراد:هه مالك عوتاني
مروان:البرهوشة هربات😒
مراد:😂😂 وفين المشكيل
مروان:نوض قود من قدامي لنصدق داير فيك مصيبة وااش أنا معصب ونت كضحك😡
مراد:ياكماا طحتي فيها😇
خنزرت فيه وهو يسقل
مروان:بغيتكم تجيبوهاا لياا من تحث لرض اليوم تكون عندي
مراد:كيغانديرو ليهاا حناا تسميتهاا معدنااش
مروان:(ضرب إيدو على البيرو)واش كدوخ علياا درية شديتوهاا وجبتوهاا حتى الكوميسارية وحتى تحقيق الهوية مدرتوهش ليهاا
مراد:أنا مكنتش أصاحبي راه كنت في المهمة ديال دوك البزنازا
مروان:نوض غبر من حداياا مكتنفعو فحتى خرياا 😴
خرج مراد وأنا بقيت معصب وكنفكر فيهاا محيداتش من بالي معرفتش علااش واش بقات فيا حيث ضربتها ولا كيف قال مراد نكون طحت لاا مستحيل حتى الخدمة مقدرتش نركز فيهاا.. 😓
بفف جاني العطش ومعنديش الفلوس😊 نخدمو تحراميات شوية😂 ماطاعاش ماطالعاش بانت لياا واحد القهوة دخلت وكلست فيهاا جا عندي سرباي
سرباي:آنسة شنو تشربي
أنا:بغيت كافي كريم وقرعة صغيرة ديال لماا
سرباي:أوكي😊
أنا:خويا واش عندكم تيبان شوكولا
سرباي:وي
انا:واخا جيب ليا جوج
مشاا سرباي وانا تكيت شوية على طبلة حيث سخانة شدات فياا ديال بصح
جااب ليا داكشي لي طلبت كليت ومشيت لطواليط حاشاكم قديت حاجتي وخسلت وجهي رجعت لبلاصتي بغيت نوض نجري ولكن دوخة بنت الحرام حلفات لتخليني داكشي علااش شديت فكرشي نستغلو المرض 😂
أنا:أي أي عتقوني وا عباد الله عتقوني كنموت عطاوني تيبان قديم😦
تسرحت ليهم في لرض وكنغوت كااع لي في القهوة تجمعو علياا وكيعايرو في سربايا وصحاب القهوة شوية وهو يجي الباطرون ديالهم
الباطرون:آش هاد شي مالك أختي كتغوتي راه باينة كتمثلي بحال هااد البلانات عقناا بيهم غير نوضي مابغيناا كااع فلوسك
عقتي بيهم أنا نوري لمك لماا خرجتهاش منك راه مسميتيش إيمان😒 القرد لي حطك
أنا:وااا كرشي وااا عتقوني الموت أعيباد الله الموت
الباطرون:(كيغوت)واش وحدة داراها كرشهاا حتى دمعة مهبطاتهاا نوضي لنصدق داير فيك شرع إيدي
الولد:خوياا واش بعقلك شوف وجهاا كيف صفر وكترعد ومازال كتحل في فمك
البنت:أنا غنعيط البوليس هاااد شي بزااف
الولد:آه عيطي ليهم وأنا نعيط لوبيلونس
أويلي حااي على البوليس😳 قودتهاا قودتهاا
الباطرون:وااش بعقلكم آش من بوليس واش بغيتو تخرجو لياا على صمعة ديال القهوة
الولد:نتماا كتقتلو في ناس ماشي حشومة هااد الحالة لي درتو البنت
أنا:آي كرشي خوياا صافي غخليه أناا نمشي بحالي منو الله واخا هما سمموني ولكن منبغيش ليهم ضرر
بديت كنوض بشوية وشادة في كرشي😂 الله يسمح لياا رااه غير العطش لي دارهاا☺
الولد:لا أختي كلسي حتى يجو البوليس ولابيلانس
البنت:آه كلسي أختي راه ضروري يترباو على هااد شي
الراجل: هاهماا البوليس جااو
ناااري ميمتي آش ندير دابا😓 حصلة مقودة هاادي أتفو ملقيت مندير من غير نكمل تبوحيطي حتى نشوف هااد الخراء فين غيوصلني
دخلو البوليس كاانو جوج مبودرين وتوتوز😍 ولكن لي فرشخني حسن منهم آحح توحشتو ولكن أمنيتي منتلاقاش بيه😂 حيت إلاا لقااني أيدبح دين مي
بوليسي1:نعم شكون عيط ليناا
البنت:أنا أسيدي
بوليسي2:شنو واقع
البنت:راه عطاوهاا داكشي قديم ...
المهم البنت عمرات ليهم ضوسي😂 من نيتهاا خخخ هااد شي علاش كنكره هاد البلاد كيدخلو راسهم في شي حوايج معندهم بيها حتى علاقة أما داك الولد دار فيهاا شهامة ودكشي😂 صراحة دارو معايا المزيان وا الكلااخ حبست ضحكة غير بزز وكنغوت بكرشي
بوليسي1:(كيهضر مع باطرون)سي محسين أنا كنعرفك هاد شي ماشي ديالك
هاااا حليت عاينية حتى كنت غنخرجهم من بلاصتهم هذا كيعرف البوليسي😐 إيمان مشيتي فيهاا
شاف فياا الباطرون واحد.شوفة بحال إلا تيقني حيث أنا أصلا مريضة ههه دخلت ليه شك فراسو
جر البوليسي بداو كيدويو بيناتهم والبوليسي لاخر فرتك جوقة بقيت حاضياهم حتى كيبان لياا داك خانز رجلين ديال الباطرون عطاا الفلوس البوليسي صاافي تماا عرفت القضية فيهااا بااك صاحبي ولكن معاامن أعمو😒 لمااا شوهتكمش آجيو حتى لوجهي ودفلو
جاا عندي داك لي خدا الفلوس جرني من إيدي حتى وقفت وقال لياا غتفضلي معانا بتهمة النصب
أنا:نعم أجدي
البوليسي:غتجمعي فمك ولاا نوريك جدك آش كيسوا
أنا:نجمع فمي يااك
البوليسي2:هنيناا نتي وتحركي
أنا:قلتو نصب أنا نوري لمكم نصب كيف داير يااكماا يحساب ليكم حيث درية فتلعبو علياا
البوليسي2:هضر في لاسيلكي وقال ليهم آش واقع
#عند_مروان
غاارق في الخدمة من صباح وأنا من هذا لهذا بنادم مضارب على والو وكيجيو يصدعو لينا راسنا
دق دق
مروان:تفضل
ياسين:شاف كاين مشكيل في قهوة play لي فشارع .. وضباط كلهم مشغولين ومع كنتي كلفتيني بقضية القيض واخا أجلتها حتى نجي
مروان:لا كمل خدمتك أنا غنمشي نشوف آش كاين منها ناخد قهوة وشي حاجة ناكلها
ياسين:شاف
بفف هادو مكيساليوش نمشي نشوف آش واقع فهاد القهوة
هزيت لافيس ديالي وسوارت طوموبيل وخرجت
ضورت عويناتي في القهوة بانت لياا خاوية كتصفر وحتى الكاميرا مافيهااش درت شفت فيهم وأنا نبتاسم بتسامة شريرة😂 بديت كنقطع في حوايجي ونغوت عتقوني وكااع داكشي لي كان في طوابل شخشختو وضرب إيدي بواحد جاجة ديال كاس المهم رجعت راسي ضحية محاولة اغتصاب
خنزرت فيهم..
أنا:شفتي ديك تشلهيب أوليداتي سيرو ديروها على مكم لي ولداتكم مااشي علياا ودابا فكوهاا باغين تلصقو لياا نصب😂 لخراا لاا غير بلااتي تسنااو وغتشوفو آش غيوقع😉 (صراحة أنا برهوشة😂)
داك رشايوي تعصب وجااي قاصدني نااوي يزرق لياا شي عين وأنا نعلق وكنغوت بجهد في القهوة ونااس واقفة على برا كتفرج حتى حد مقدر يدخل حتى دوك سربايا كانو جراو عليهم برا صافي واحد لحظة بانت ليا ضبابة وقفت وهو يشدني من شعري ورك علياا حتى ضرني دورني عندو أنا غمضت عيني حيث عارفاه غيضربني 😂 يالاه بغا يصرفقني حتى كنحس بيه طاار من حدااياا حليت عيني بزربة لقيتو البوكوص😍 مخنزر وعويناتو حمرين آحح بب ديالي معصب😂 فرحت وخفت والمهم باناشي ولا عندي في قلبي
مروان:(كيغوت)دااباا غتشرحو لياا آش واقع دابا
تفو صمكني بغيت ليه الحلاقم
ب1:شااف هاادي راه فاتت الحدود بغات تنصب على سيد وعاد كتاهمنا بمحاولة اغتصاب
مروان:وهااد الحالة لي فيهاا شنو(زاد رفع صوتو)واش هي لي داتهاا راسهاا دوي😡
ب2:وي شااف راه هاديك شيطانة وكتبين البرائة😬
مبقيتش كنشوفهم مزيان بدات صورة كضبب لياا ولكن كنسمعهم آش كيقولو بلاتي آ إيمان مطيحيش حتى تفرشي القضية ديال رشوة شديت في مروان كاليت بيه وهو معرف باش تبلاا😂 مادار حتى حركة
أنا:(كندوي بشوية وكنشوف ليه فعينيه لي دوبوني)قلب ليهم جيوبهم داك الموسخ عطاهم الفلوس باش يتسترو عليه وبغاو يتعداو عليا آ مروان
فشلت مع غنطيح شدني من الخصر ديالي صافي غيبت
#عند_مروان
مروان:هيهو فيقي
مصيبة هاادي طلعت راسي فهادوك
مروان:حسابي معاكم هو لاخر
هزيتهاا وديتهاا الدار عندي حيت خفتهاا لتعاود تهرب عيطت على طبيب قال لياا غير لعياا وقلت الماكلة لي خلا الحرارة ديالها ترتافع حقنهاا بواحد لبرا داوا ليها جرح لي في إيديها وكتب لياا شي دوا نشريه ليهاا
ليل كامل وأنا كالس حداها كنتأمل فيهاا كتبان ملااك وهي ناعسة دوزت إيدي على وجهاا حطيت صبعي على فمهاا لي منفوخ بلاا منحس بستهاا ولكن دغية بعدت بفف معرفت فاش كنت كنفكر حتى درت هاكا خرجت من البيت وتكيت في صالون ومبغاااش يجيني نعاس ديك البوسة كانت حلوة تفوو مروان مالك كتفكر هاكا كلهم بحال بحال ولكن هي فشكل حركات فيا شي حاجة لداخل بقيت مضارب مع راسي كنحاول نستوعب هااد الإحساس
أنا:ماما مااااماا باباا وباباا نوضو دويو معااياا بنتكم أناا عافاكم عمي: إن لله وإن إليه راجعون
خديت من عندو لماا وإيدي كترعد هااد الكابوس مبغاش يخليني😔
مروان:واش حلمتي شي حلمة خيبة
أنا:آه حلمت بيك كضربني😢
مروان:شنو سميتك أختي
مع سمعت ديك ختي ريق وحل لياا وبديت كنكحب تفو واش مريض في كرو ولا شنو دابا أنا ختو😏
مروان:مالك
أنا:والو😑
مروان:سميتك
أنا:إيمان
مروان:سمعي غتبقااي هناا حتى تبراي وديك ساعة سيري بحالك ولكن باقي نعرفك درتي شي مصيبة منعقلش عليك
أنا:لاا غير يطلع ضو ونمشي بحالي راني خدامة
مروان:معندك فين تحركي طبيب قال خاصك راحة
أنا:والخدمة😯
مروان:فاش خدامة
هههه شنااواا أساط نقول ليك خدامة في ديور😂 شوهة لاا أ بب الكدوب هو الحل
أنا:خدامة مع عمي في القهوة
مروان:واخا عطيني العنوان نمشي نهضر معاه
أنا:لاا مبغيتوش يعرف صاافي أنا نبقاا حتى نبراا
مروان:نعسي دابا باش ترتاحي
أنا:تصبح على خير
أصبحناا وأصبح الملك لله
فقت صبااح كنتكسل الله على راحة تكعدت سديت علياا الباب دخلت دوشت حيت دوش عندو في البيت خرجت عريانة كندور في البيت باان لياا بلاكار خديت منو الفوطة مسحت وكانو شي حوايج ديال داك توتوز😍 خديت سروال كيطماا لبستو كان كبيير تنيتو من لتحث ومن الفوق زيرتو بسير ديال سبرديلاا وواحد تيشورت في البيض زوين😍 عندو دوق ولد الحرام خليت شعري مطلوب بااش ينشف وخرجت من البيت لقيتو ناعس في صالون ومعدب مسكين مع هو عملاق كااع مقداتو الفوطوي واخا بانو لياا شي بيوت خراين برطمة عندو كبيرة قربت حداه سهيت فيه شوية ومكرهتش نغتاصبو😘 آحح عليه آحح قربت حتى لحدا ودنيه وأنا نغوت بجهد حتى صمكتو مسكين😂 نااض قاافز
مروان:وااش نتي مسطية ولا مالك
أنا:سمح ليا غير بغيت نضحك معاك😑
مروان:ماشي ضحك هادا وزيدون آش بيني وبينك حتى ضحكي معايا😠
أنا:تفو أنا لي حمارة بااغاا نضحك معااك😒
ناااري معرفتو كيف دار نااض وعطااني واحد تمرميقة حتى حسيت بتريسينتي في وجهي
مرواان:هاذي بااش تعلمي دفلي على سياادك
أنا:هههههههههه نت😂😂 سيدي😂😂 أنا😂😂
تفركعت بالضحك وهو كاان غينفااجر بالعصاب
مبقااتش ضحكة بغاات تحبس لياا وهو يشدني من شعري وجرني جيهتو حتى حسيت بزغب ديال راسي غيطير كناا قرااب بزااف ممم الله ريحتو كتحمق وفمو ميااام😍سهيناا فبعضياتناا شوية المهم حتى شبعت فيه شوفاان درت ليه سكاانير ولد الحراام حتى هو تزعط فياا عقت بيه خفت نصدقو في شي حاجة وأنا نطق😂
أنا:آاااي أزمر وعتيني
مروان:سيدك وبزز منك تحتارميني تعااودي تهزي علياا صوتك نهرس لمك دااك الفم لي عاجبك😠 راه بنتي لياا كتقلبي عليهاا
عصبني تفو من نيتو هاااد بناادم قاالك سيدي لوااه نبك😑 خنزرت فيه مزياان
أنا:طلق مني أ مروان
مروان:لااا شنو غاديري يالاه وريني😏
أنا:وطلق
مروات:لاا😆
أنا:مبغيتيش😒
مروان:منطلقك حتى تقولي سمح لياا
مع قريبة ليه درت إيدي مورا عنقو جريتو عندي وضربتهاا ليه بواحد البوسة وعضيضة خفيفة ممم😍😍 كانت أول قبلة في حيااتي حلوة...🙈
أما سيدكم مروان حل عاينيه حتى قلت غيخرجو ليه من بلااصتهم😂 معرف بااش تبلااا دفعني حتى كنت غنطيح😂😂ضحكني
مروان:وااش زملتي
أنا:هاا نت طلقتيني☺
مروان:نتي مصيبة😒
أنا:هااد الجمال كامل مصيبة
وبديت كندور وندير حركات زعمة شوف تيتيز أ بب😂
مروان:بقاات في زين والعقل فين هو ضربني بصبعو لراسي
أنا:مشاا معاهم😔 (قصدت الوالدين ديالي)
مروان:شكون
أنا:العصاافير😂
مرواان بدا كيضحك معرفتش علااش ولكن فرحت من شفتو كيضحك حتى أنا بديت كنكركر معاه
مروان:مكنضحكش معاك كنضحك عليك الهبيلة😂
أنا:علياا😯
مروان:شكون قاليك لبسي حوايجي
أنا:آه كضحك على هاادو ملقيت ملبس وكان خاصني ضروري ندوش سمح لياا
شااف فياا ومجوبنيش مشاا دوش ولبس حوايجو جاا فن لبس سروال كحل وتيسورت بيض وسبرديلا بيضة ومطلع شعرو أماا واحد ريحة نشموهاا من راس درب يالاه غيخرجو مشيت كنجري جريتو من كتفو آحح زعمت
قصة مولات زبايل والكوميسير
محتوى القصة
التنقل بين الأجزاء