بغيت نعاود نعيط عليه ولكين معنديش صولد وايلي شيماء دارت كسيدة ؟؟ انا لي قلتلها تزرب خاصني نوض نخرج ولكين مغاديش يخليوني طبيبة يلاه قالت ليا سيمانة ديال راحة حيدت صيروم و دوك لخيوط مشيت لخزانة حدايا تنقلب فيها حتى لقيت حوايجي لبستهم بزز تنحس بالغرزات تيتحلو هزيت تيليفوني ديت لقبية وخرجت قدام صبيطار حتى لقيت حانوة خديت من عندو تعبئة وعيطت على خونا لي دوى معايا دبا قلت ليه سلام سلام قلتلو خويا سمحلي على قبيلا مع صدمة معرفتش ندوي ديك لبنت من عائلتي قاليا إوا أجي لمستشفى "لوحدة" راه غتلقانا فليرجونص قلت ليه اه صافي كون هاني تنهز راسي فصبيطار لي كنت فيه تتباليا مستشفى لوحدة شييييث كنا ف نفس لمستشفى يمكن تضربات قريبة هنا دخلت تاني ومن زهري لمكوز شافتني لواليدة وعيطات على طبيب خرج ليا شي فرمليات مقديتش حتى نحسبهم شي 4 ولا 40 شدوني بغاو يدخلوني وانا نبدا نتفرغع عليهم وا ولاد ... مالني حمق نزلوني راه واحد لبنت دارة كسيدة هنا تنعرفها وهوما يحطوني بديت تنقلب فلغرف حتى لقيتها ممضروباش شي ضربة باينة بحالا غير ناعسة وهو يجي داك طبيب قاليا نتا هو لي دويت معاه قلت ليه اه قاليا راها فخطر عندها نزيف فدماغ و عاد هيا فغيبوبة موحال تفيق جبتك غير تشوفها وتقرر واش نحيدولها لأجهزة ولا نخليوهم قلت ليه شنو خليهم متحتاجش تسولني أنا تلاقيتها بعد سنيييين متقدرش تخليني دبا جبدت تيلي عيطت على واحد عشيري خدام طبيب فواحد لمستشفى خاص مقاود قلت ليه بلي محتاجو يدخل هاد لبنت قاليا مرحبا ندير ليها بلاصة ليوم دبا نصيفطليكم طوموبيل تجيبهم بقيت تنتسنى ساعة وهوما يجيو هزوها مشيت معاهم وخا حتى انا مريض وخاصني نكون باقي ناعس وصلنا دخلوها مشيت عند طبيب عشيري قلت ليه خويا لفلوس متضربش همها لمهم بغيتها تخرج كيف كانت وحسن قاليا دبا نشوفو شنو نقدرو نديرو دخلوها هو و شي فرمليات ل واحد لبيت بقاو شي زوج سوايع عاد خرجو دوزوها هيا ل بيتها و جا لعندي قاليا محمد خويا بعد لفحوصات تتباليا ختنى خاصها عملية على دماغ و راك عارف داكشي غالي منقدر ندير ليك والو خاصك تخلص بحال كليان عادي قلت ليه صافي نخلص شحال كاع هانية و حتى باها عندو شركات و لقلاوي لكحل غي قول ..
قلت ليه شحال ديال لفلوس كاع قاليا واحد 50 مليون وضفاك منين غادي نحضرها جبدت تيليفون ديالها لقيتها يلاه مبدلا نمرة وتيلي خاوي فيه غير نمرتي دبا خاصني نشوف منين نحظر هاد لفلوس بغيت نبيع لموطور ولكين مجابش بزاف 7 دلمليون مدايرا والو بقات عندي حاجة وحدا هيا نسبة ديالي فديك شركة مشيت عند مول أكبر نسبة قلت ليه سلام سلام بفيت نبيع حصتي 21% قاليا مرحبا غنعطيك فيها 30 وضفاك شنو 21% تتساوي كتر من 150 مليون تجي نتا تاخدها بتراب د لفلوس قاليا لي بغيتي غادي تحطها فسوق و صبر شهر باش تلقى شاري فكرت مزيان انا محتاج فلوس شيماء غادي توقع ليها شي حاجة وغادي نبقى معقد فحياتي للهم نبيع قلت ليه شوف عطيني 50 مليون محتاجها قاليا صافي تسنى توقع على لوراق عطيتو حصتي و عطاني شيك فلبلاصة مشيت لعند طبيب قلت ليه صافي دير ليها لعملية ها لفلوس صافي قادو لغرفة وتيتسناو داك طبيب لمختص فالجراحة جى دخل ودخلو شي فرمليات و شي أطباء بقيت تنتسنى فيهم عند لباب واحد 4 سوايع عاد خرجو قاليا مبروك لبنت غادي تفيق دبا وقفنا نزيف ولكين مزال شاد فيها لبنت سير خود ليك شويا ديال راحة حتى نتا راك مريض بصح تنحس بالحريق فالضربة رجعت لبيتي ونعست معقلتش على راسي حتال ليل فيقني داك لولد صاحبي طبيب هدا مالو ؟؟ قاليا فيق أصاط باها جا لهنا وغادي يديها وغادي تخور نتا ؟؟ جا وايلي خرجت تنجري مشيت عندو قلت ليه عمي انا محمد لي كنت ساكن حداكم شحال هادي قاليا عارف ونتا سبب لي وصل بنتي لهاد لحالة عرفتو كعا بحال لواليدة لبارح قلت ليه سمح ليا ولكين خليني غير ندوي معاها بعدا وفهاد لحضة تيخرج طبيب قال لباها بنتك راه فيقا ولكين ضربة لي وعقاتليها فلحادثة خلاتها تفقد داكرة كنت شاك فراسي يهودي ولكين دبا تأكدت ناري على زهر دبا موحل واش تعقل عليا قاليا باها صبر غادي ندخل ندوي معاها وغادي نخرج ونكملو كلامنا قلت ليه صافي دخل بقيت تنتسنى فيه واحد نص ساعة حتى خرج وعينيه مدمعين قاليا غير سير أنا ومعرفاتنيش بقا غير نتا شنو ولله حتى ندخل مالك غالط بقيت تنطلب فيه حتى خلاني ندخل قاليا 5 دقايق بالحساب دخلت وقفة حداها وقلت ليها شيماء بقات تشوف فيا شحاال قالت ليا سمح ليا واش تنعرفك معرفتش شنو نقول قلت ليها لا سمحي ليا وخرجت مشيت لصبيطار لي كنت ناعس فيه لقيت لواليدة مزال تما عاودولي لخياطة حيت تحلات كاملة ليوم نهار داز مقود بدلي حياتي رجعت لزيرو لا خدمة لا حتى قلوى فسميتي بقيت فصبيطار واحد سيمانة ديال راحة مزيااان خرجت بقيت بارك فدار واحد شهر ديال راحة عاد مشيت مع لواليد عندو واحد لمقاولة صغيرة بديت خدام معاه تمارة ديال بصح كل نهار تنفيق مع 7 وتنرجع لدار حتال 5 مبقيتش تنتفرج فالإنمي بزاف مرة مرة فالحد وصافي ...
بقيت خدام عادي حتال واحد نهار خدام وهو يعيط عليا داك دري صاحبي لي كان دخل شيماء لداك صبيطار قاليا فين شتتعاود قلت ليه راه خدام مع لواليد قاليا علاش مقلتيش لباها يرجع ليك لفلوس لي خسرتي على بنتو قلت ليه صافي نسى وخا يبغي يعطيهملي مناخدهمش درت هادشي على ودها ماشي لفلوس أثبي قاليا لمهم أنا غير قلت ليك ها هوما جاين سيمانة لماجيا لكازا وغادي يجيو لهاد صبيطار يديو شي تحاليل وبغيت نقولك قلت ليه لله يحفظك خويا معندي علاش نجي قاليا صافي قطع معندي علاش نمشي لبنت متتعقل على والو صافي مدرت والو فبالي خدام عادي وخا قالي واحد راس نمشي نشوفها غير كيف ولات ولكين صافي دازت شي 5 يام داخل لمشروع فين خدام وهو يوقف عليا خونا طبيب قاليا فين أساط عارفك غادي تقلق ولكين راه قلت لباها بلي نتا لي كنتي خلصتي عليها لعملية و بغا يرجع ليك ديك لفلوس أجي قلت ليه من نيتك لا قلت لك مغاديش ناخدهم وهو يقوليا كنت عارفك غتقول هاد لكلام وجبتهم يسمعوه راهم وراك دبا متيقتش ختنى شيماء وباها بصح ورايا قاليا ولدي تبارك لله عليك وسمح ليا قلت ليه هانية شيماء تتباليا دمعة نازلة من عينيها و واقفة بعيد علينا ، قلت لباها واش رجعاتلها داكرة قاليا لا غير عاودنا ليها عليك من لول شيييث مشيت عندها سلام قالت ليا سمح ليا قلت لسها سمحيلي نتي هادشي طرالك بسبابي قالت ليا لا مكتابة وصافي معرفتش شنو نقول من بعد وهيا تشوف فيا وقالت ليا على حساب معاودولي تلاقينا بعد سنين و دبا لتاني مرة قلت ليها وايييه تاني مرة وهيا تقوليا فصراحة بغيت نقولك بلي انا مخطوبة دبا و خايفة لا شي نهار نرجع نتفكر كلشي و نندم عليك قلت ليها شنو مخطوبة ؟؟ مبروك أختي وهيا تقوليا وغير سمع بعدا أشمن مبروك و أشمن ختي راه مكنتش عارفة عليك والو فديك لفترة و غير لواليد لي بزز عليا وصافي غنشوف كيفاش ندير ليه قلت ليها شيماء تيباليا بلاش ممكتابينش لبعضياتنا كسيدة مورى كسيدة و مشاكيل تيبالي بلاش نتي ناسياني أصلا و أنا غادي ننسى مع لوقت ...
قلت ليها ميمكنش نكملو نتي مخطوبة و هادشي معكس بيناتنا وهيا تقوليا شنو من نيتك هادشي كامل وقع باش يكون تجربة ديالنا وصافي قلت ليها ونديرو أنا بغيت كاع نتي راك مخطوبة شنو غادي ديري قالت ليا أنا عارفة شغلي وافق نتا بعدا و غادي نقادو كلشي أنا وياك من لول تاني كلاتلي مخي بكلامها قلت ليها صافي أنا معاك وهيا تقوليا ممكن نعنقك متعرف ترجعلي داكرة خخخخخ عنوووبة حتى هيا عنقتها و هيا تقوليا عطيني نمرتك عطيتها ليها وهو يجي باها قاليها خليني انا وياه ندويو شويا طلعات هيا لطوموبيل بقيت انا وباها وهو يقوليا غتكون خسرتي 50 مليون و بعتي حقك فديك شركة لي تيساوي كتر باش تجمع هاد لفلوس لمحاسب ديالي حسب ليك واحد 110 لي كنتي تقدر تبيع بيها فديك لوقت قلت ليه فديك لوقت علاش شنو وقع لشركة قاليا مزيان ملي بعتي حقك راه جاها لإفلاس بعد شهر خخخخ زهري دارها زوينا هاد لمرة ، سيد ضرب يدو فجيبو وجبد شيك فيه 110 مليون درت فيها عزة نفسي قلت ليه لا ولله وهو يقوليا وتا خود فلوسك هادو صافي خديت شيك طلع هو لطوموبيل ومشاو بزربا مشيت لبنكة صرفت داك شيك فلوس درتها فشكارتي وخارج حتى صونات عليا نمرة متنعرفهاش سلام شطون معايا قالت ليا أنا شيماء غادي نرجع مع بابا لطنجة نتلفو ونرجع لكازا ندويو وفكر نتا فشي لعبة نديروها لهاد سيد لي جابو لواليد قلت ليها ههههه صافي قطعات خارج من لبنكة هاز معايا واحد 110 دالميون شنو غادي ندير بيها بقيت تنفكر تنفكر قلت صافي ناخد شي عقار وصافي مشيت خديت 4 ديور حدا بعضياتهم فسكن وخلصتهم فلبلاصة طلعولي بشي 99 بتضويرة بكلشي قاديت لوراق فواحد 3 يام وتندوي مع شيماء كل نهار صباح وعشيا حتى طاحت عليا واحد لفكرة مقاودة باش نفارقها مع خونا عيطت عليها قلت ليها شيماء أنا غدا ماجي لطنجة نقاد وضعيتنا مشيت لدار جمعت حوايجي وهزيت ديك 11 مليون لي كانت مزال شيطا عندي وقلتها لواليدة بلي مسافر مقلتش ليها فين وبلي انا رجعت مع شيماء لمهم نزلت لgراج لموتور مخرجتوش من يامات صبيطار لقيتو كامل مغبر ولكين صح و العمل كيف ديماريتو ناض ديتو لفاج فطريق غسلوه رجعوه جديد تاني وشديت طريق طنجة ...
وصلت لطنجة حطيت حوايجي فواحد لوطيل وعيطت على شيماء باش نتلاقاو قالت ليا صافي ونعتات ليا فواحد لقهوى نبركو فيها هزيت موطوري ومشيت لعندها تنسول حتى وصلت لتما تنتسنى فيها حتى دخلات سلام سلام شنو درتي فلبلان لي قلتيلي قلت ليها خليك بعيدة على هادشي قوليلي غير فين ساكن وتصويرتو باش منغلطش فيه قالت ليا صافي عطاتني ل فايس ديالو لقيت تصاورو وكلشي صلفي رجعت لوطيل مع دخلة سولت لولد لي حاضي لإستقبال عطيتو 200 درهم و قلت ليه صاط فين تيكونو لقحاب فهاد لبلد سعيد قاليا مرحبا نزل لقهوى لتحت غتلقاهم غير هوما لي بانت ليك شادة قرعة ديال لما فيديها عرفها منهم قلت ليه لعز نزلت تنجري تنضور فعينيا وضفاك كاع لحريم شادين قراعي ديال لما بقيت تنقلب على شي وحدا زوينة وتكون مزال صغيرة ولكين كاع صغار لاج ديال 19/20 حتى شفت واحد لبنت مبيناش فيها ديال هادشي مشيت عندها معرفتش شنو نقول أول مرة نتحط فهاد لموقف قلت ليها واش نتي ؟؟ قالت ليا وهيا حشمانة أه قلت ليها تشربي شي حاجة ولا نطلعو لبيت عندي لفوق قالت ليا لي بغيتي قلت ليها نشربو شي حاجة لفوق حسن طلعنا بقينا بزوج فلبيت تنحس بالهو ديالي و لأنا شدو لأنا لأعلى وحواوه فهاد لحضة وهيا تبدا تبكي وضفاك هادي مالها قلت ليها مالك علاش تتبكي قالت ليا سمح ليا وهيا مخلوعة قلت ليها لا قوليلي انا مغادي ندير ليك والو غير تهناي علاش تتبكي ياك ماكين باس قالت ليا مبغيتش ندير هادشي بغيت نقرى ونعيش حياتي عادية قلت ليها وشنو لي حبسك قالت ليا راه مول لوطيل عندو شيك خاوي ديال بابا وغادي يدخلو لحبس ومعندنا كيفاش نديرو من غير هادشي وانا لي عند بابا منقدرش نخليه يدخل لحبس وقلت ندير هكدا نرجعلو فلوسو ولكين مقديتش وبدات تتبكي تاني دموع سالو قلت ليها بقاي هنا أنا راجع نزلت لإستقبال عند داك خونا لي عطيتو 200 درهم قبيلا قلت ليه فيناهوا لبيرو ديال لمدير قاليا راه فطاج لأخر كاع على ليمن طلعت دقيت عليه قاليا دخل دخلت بركت قلت ليه بغيت ناقش معاك واحد لمشروع وعندي راس لمال قاليا مرحبا تشرب شي حاجة بعدا قلت ليه شي عصير ديال ليمون جابتو واحد لبنت شربت داك لعصير على خاطري وهو يقوليا ودبا شنو لمشروع لي باغي تدير قلت ليه دار ق*اب بدا تيضحك قاليا من نيتك قلت ليه أه وفيه قحبة وحدا هيا مك و انا نقز عليه من فوق لبيرو طيحتو قلت ليه دبا نوري مك كيفاش تبقى تدير بحال دوك ستونات لبنات قاليا شكون نتا بعدا خلعتو ؟؟ قلت ليه أنا خو ديك لبنت لي شاد لباها شيكات خاوين قاليا إنا وحدا فيهم فاك هادوك لبنات كاملين قلت ليه ليلة ليلتك أولد لعاهرة ربطتو بسلك ديال لكلافي د بيسي حليت شرجم ديال لموبل غنكونو فطاج 17 يمكن ظليت ليه نصو لفوقاني من لفوق وهو يبدا يغوت قلت ليه ششششششش ولا نطلق مك من هنا تنزل عندهم كفتا...
أوتاكو الجزء الثاني
محتوى القصة
التنقل بين الأجزاء