قاليا أحمباك خود لي بغيتي و متأدينيش قلت ليه ها لكلام لي باغي نسمع رجعت طلعتو وقلت ليه شوف غتعطيني دوك شيكات كاملين وغادي نخرج بحالا مواقع والو قاليا صافي نعطيهم ليك راهم فامجر حليت لمجر لقيت بزااف ديال شيكات طويتهم ودرتهم فجيبي حليت ليه يديه وقلت ليه شوف هادشي بيناتنا غادي تدير شي حاجة غادي ندمك على نهار لي شفتيني عندك أوطيل ومحامدش لله تكون عندك شويا ديال لقناعة وتخايل دوك لبنات خواتاتك وخليتو خارج و تنحس براسي بحال دوك لأبطال ديال لأفلام خخخخ نزلت عند دوك لبنات فلقهوى لقيتهم تما طلعت فوق واحد طابلة وقلت ليهم سالا كلشي لي كان عليها شي شيك تقولي سميتها بديت تنفرق فيهم حتى بقى غير شيك واحد ديال لبنت لي مزال ف بيتي طلعت حليت لباب وهيا تقوليا فين مشيتي جبدت ليها شيك وقلت ليها ها هو شيك وهيا تضحك واحد ضحكة حسيت براسي درت شي حاجة بغات تاخد شيك من يدي وانا نرجعو لجيبي وهيا تقولي شنو كيفاش مالك ياكما باغي ؟؟ قلت ليها خخخخ لا غير عندي ليك خدمة عاد نعطيك هاد شيك قالت ليا أه فهمتك قلت ليها لا مفهمتينيش يلاه نزلو لقهوى لتحت ونشرحليك نزلنا بركنا تنضور فعينيا تيبانو ليا لأغلبية ديال لبنات لي رجعت ليهم شيكاتهم مزال باركين وشادين لقراعي وكما يقول لواليد {الحجرة عمرها دوب و لق*بة عمرها توب} (ها أنا تنعطي أمتلة تقولو متتفيدنا بوالو😆😇) شفت فلبنت قلت ليها لمهم بغيتك تطيحيلي واحد خونا خاطب واحد لبنت تنبغيها وبغيت نشوهو قدام باها ومن بعد مديري هادشي غادي نرجع ليك شيك ديال باك بحالا موقع والو قالت ليا مرحبا غير ديني لدار نبدل حوايجي و وريه ليا وغادي نعجبك قلت ليها صافي هزيت حوايجي جمعتهم فصاك و نزلنا لكاب واحد لموطور موقفش يوماين ديال طريق طلعنا تمينا غادين وصلنا لواحد درب دارهم فراس حلات لباب قالت ليا دخل دخلت لقيت باها تما بركنا خلاتني معاه وهيا طلعات تبدل حوايجها وهو يطلقها عليا بشمالية شني عندك نتينا ماجيلي مع بنتي فحومتنا بقى مطبقها عليا و انا مع لحشمة مبقيتش قاد حتى نشوف فيه قلت ليه لعميم برد برد غير باغي نعاونكم غير سمع لهجة كازاويا وهو يقولي نتينا من داخيل ؟ قلت ليه وايييه فهاد لحظة خرجات بنتو من بيتها وهيا ناري تبدلات د بصح طحت فيها أنا ولكين مبغيتش نفرش لقدية قدام باها قلت ليها صافي نمشيو #أختي قالت ليا أه قلت ليه لله يعاون العميم وهو يدير ليا ديك لعيبة ديال زوج صباع 👴✌👀 راني حاضيك زعما تخلعت انا تزعزعت حسيت براسي داخل لشي فيلم أمريكي لمهم خرجنا غادين فدربهم كلشي حاضينا وانا نقوليها و العداب هدا بحالا مخرجها سويدية شيييث وصلنا فين خدام خونا قالت ليا خليني نطلع بوحدي فكرني فسميتو قلت ليها سميتو وريتها تصويرتو ف لفايس ديالو و بعدت على شركة و وقفت تنتسنى شنو غادي يوقع ...
بقيت تنتسنى شويا وهوما يخرجو بزوج مشاو لواحد طوموبيل قدام شركة ركبو بزوج مشاو وانا نتبعهم بالموطور حتال واحد لفيلا دخلو وسد خونا لباب نقزت انا من صور لور لقيت شرجم محلول دخلت سمعتهم داوين فلبيت هههه كتقوليه نصل حوايجك وخونا من نيتو حيد حوايجو خليتو جتى سمعتو قاليها هانا حيدتهم جبدت تيليفون ودخلت عليهم خههههه خونا عريان وشاد ليها فيديها صورتو واحد تصويرة 3D شديتو من كاع جوايه بقا تيشوف تصدم قاليا شكون نتا قلت ليه 1-0 لمهم لبس حوايجك وغتلقانا لتحت بغيت ندوي معاك وشديت ليها فيديها وخرجنا بزوج غادين نازلين قلت ليها نتي بزاااااف هههه نصلتيه حوايجو ف 4 دقايق قالت ليا صافي راه أصلا كان تيجي بزااف لديك لقهوى لي فلوطيل وتيدي لبنات خخخخ مضلمتوش نزل لابس بيجامة ديال نعاس قاليا كيفاش علاش صورتيني انا متنعرفكش قلت ليه انا تنعرفك بغيتك تنسى ديك لبنت شيماء لي كنتي خاطبها إلى بغيتي نخليو سرك بيناتنا ولا نوري باها تصاورك و نديه لقهوى لي تتجيب منها لبنات قاليا صافي مخاصني بزواج أخاي غير مسح ديك طوف قلت ليه صافي طوف عندي عمرها تخرج إلا كنتي بعقلك قاليا صافي ولله خرجنا طلعت ختنى فوق لموطور وغادين وصلتها لدربهم نزلات وهيا تقوليا محمد نتا درتي هادشي كامل على ود ديك لبنت بغيت كون نلقا شي واحد يدير عليا هكدا قلت ليها دبا يجيبلك لله ولد ناس باستني وتمات غادا وانا نعيط ليها أجي راه نسيتي شيك ديال باك قالت ليا دايرة فيك تيقة غير سير جبدتو وقطعتو لا يعود يطيح ليا ولا شي لعبة مشيت لديك لقهوى لي كنت تلاقيت مع شيماء فيها وعيطت ليها قلت ليها أجي ندوي معاك قالت ليا مغتيقش شنو وقع انا جيا كنت غي دبا باغا نقولك أجي نتلاقاو بقيت تنتسنى فيها شويا وهيا توصل قلت ليها قولي نتي لولا قالت ليا خونا لي كان خاطبني راه قال لبابا صافي مبقاش باغي ونتا شنو كنتي باغي تقول قلت ليها والو غي أنا لي خليت داك لولد يقول لباك صافي خخخخ قالت ليا شنو درتي ليه خخخخ عاودت ليها بقات تتضحك قالت ليا مسخوط طيرتيني ودبا نوبتك نتا تجي تخطبني ...
قلت ليها ندوي انا مع باك ونمشي لكازا ديك ساعة نجيب لواليد و الواليدة وكدا قالت ليا صافي يلاه دبا عند بابا و راه كين غير فدار مشيت معاها وقفت لموطور قدام لفيلا ديالهم دخلنا لقيناه بارك فجردة قاليا محمد شنو تدير هنا قلت ليه جيت ندوي معاك وشفت فشيماء وقلت ليها خلينا بزوج بغيت ندوي معاه بوحدي قالت ليا شنو لا بغيت حتى أنا نسمع قلت ليها بقاي لمهم عمي بنتك لي هي شيماء كنت تنعرفها ملي كانت عندنا 13 عام وجبتيها هنا وقلت معكري نعاود نشوفها وشفتها و تضربت انا و دارت هيا ديك لكسيدة وكنا غادي نموتو وموقع والو هادشي كامل وتجي نتا تحبسنا من نيتك أعمي دير عقلك وبنتك مغاديش تلقى ليها شي واحد يبغيها بحالي طرطمتها عليه مزيااان وهو يقوليا صافي صافي حتى أنا مقلت والو لله يكمل عليكم بالخير أولدي قلت ليه صافي دبا غي نجيب لواليد و لواليدة قاليا مرحبا غي جيبهم وقتما بغيتي خرجات معايا شيماء توصلني لموطوري برى طلعت وهيا واقفة حدايا قالت ليا محمد عنداك مترجعش عنداك توقع ليك شي حاجة سير غير بشويا عنداك ... تنحس براسي صغير ولات تديرلي بحال لواليدة قلت ليها شيماء أش هاد زبل راه غادي نرجع بحال ديما شنو غادي يوقع كاع باستني و دخلات لدارهم شديت طريق كازا عاود تاني يلاه غادي نخرج من طنجة وقفت تنقلب شكارة ملقيتش لفلوس لي كنت هاز معايا 11 مليون لي بقات من لفوس لي عطاني بات شيماء شحال هادي كنت معول عليها ندير بيها شي عرس مفرغع تفكرت بلي غنكون خليتها فلوطيل ملي كنت تنجمع لحوايج صباح طيارة لتما داخل بزربا خديت ساروة طلعت تنقلب تنقلب والو ملقيتهمش وهو يبالي داك لمدير لي ضربتو واقف فلباب ديال لبيت قاليا علاش تتقلب قلت ليه ماسوقكش قاليا إلا كنتي تتقلب على فلوس راه لقيتهم أجي معايا لبيرو وغادي تاخدهم مشيت معاه طلعنا بركنا وهو يقوليا شوف عندك 11 مليون شدايرا ليك فهاد لوقت شبالك نعطيك خدمة تدخل بيها ديك 11 مليون وكتر كل نهار وخدمة ساهلة قلت مع راسي ياكما باغيني نولي قواد قلت ليه شنو لخدمة لي فهاد لبلاد سعيد لي تدخلي 11 مليون فنهار قاليا ساهلة نعطيك حاجة هنا توصلها لواحد أخر وتاخد لعمولة ديالك قلت ليه ههه لا سمحلي عندي خيري و غادي نتزوج هاد لأيام مقادش على مشاكيل قاليا وغي سمع نتا غتزوج وزواج تيبغي فلوس واش بغيتي تبقى حياتك كاملة فوق داك لموطور راه خاصك شي طوموبيل تكون صداع باش حتى عائلة لعروسة يقولو نسيبنا مقود بقى تياكلي فدماغي واحد نص ساعة حتى دخلي لفكرة لراسي غادي غادي نجمع معاهم شويا ديال لفلوس قلت ليه كيفاش و إمتى وشنو غادي نوصل قاليا ملي وافقتي أجي نزلو لاكاب ولكين لي شفتيها هنا تبقى هنا ...
نزلنا لكاب تيباليا غير داكشي بحال دقيق وشي رجال تيديروه فخناشي صغار شييث شداتني لخلعة هادشي فيه لحبس و لمؤبد فهاد لبلاد سعيدة قاليا خونا فيناهو موطورك قلت ليه برى قالي جيبو لهنا طلعت نزلتو قال لدراري لي معاه قادو ليه داكشي فلموطور بداو تيعمروه بركت انا وخونا قاليا شوف هاد سلعت جايا من سبانيا حضي راسك راه مغاديش يرحموني لا أنا لا نتا و فلوسك غادي تاخدها دبا وجبد ليا لفلوس واااع 10 دلمليون باقي مدرنا والو ورجع ليا 11 مليون ديالي وقاليا مزال جايك لخير أنا صافي عجبني لحال شنو غيوقع كاع قلت ليه أشمن مدينة تبغيني نوصليك هادشي قاليا قنيطرة من طنجة لقنيطرة ب 10 دلمليون هانية خديت لموتور ونمرة خونا وخرجت شديت طريق غادي ب 60 و داير لكاسك أول مرة نديرو يوليو موقفينا بهاد لمنتيف تنحس بالموطور تقال شويا ناري هاز معايا سم وصلت لواحد لمحطة قبل من قنيطرة وقفت ستاراحت شويا و درت ليصانص لموطور و كملت طريقي حتى وصلت ل قنيطرة عيطت على خونا قلت ليه بلي وصلت قاليا فين غادي نتلاقا بخوتنا مشيت عندهم غادي فطريق وهو يشير ليا واحد لولد وقفت قلت ليه مالك قاليا لله يرحم ليك لوالدين عندي متحان و ملقيتش لمركوب لله يخليك وصلني بقى فيا قلت ليه طلع بزربا أساط طلع ومشينا تينعث ليا لمدرسة بدينا تنخيطو فدروبا حتى وصلتو نزل قاليا قيد نمرتي نهار تحتاجني أنا معاك أخويا قلت ليه صافي خديت نمرتو وكملت طريقي تنتسنى فخوتنا فواحد لقهوى وحطيت لموطور قدام لقهوى و ريحت حاضيه من لداخل شويا جبدت تيلي وعيطت على شيماء بديت تنتعنب عليها حتى سهيت ومشالي لموطور من بالي مبقيتش تمشوف فيه كيف ضورت وجهي لعند لموطور تيباليا زوج ديال رجال حنطو لموطور ولاحوه فواحد بيكوب وطلعو حتى هوما لور وهوما يضورو بقيت مصدوم وتنشوف وهو يجي عندي سرباي قاليا واش موطورك هداك أخويا قلت ليه واييييه باقي شادا فيا صدمة وهيا ناري داو لموطور وسلعة وااموطورييي ...
خرجت برى نتأكد من عينيا ناري بصح داو لموطور و داكشي مزال وسطو جبدت تيليفون عيطت على مول سلعة داك مول لوطيل قلت ليه راه كنت تنتسنى خوتنا فلقهوى وجاو شي ناس هزو لموطور فبيكوب ومشاو دبا شنو ندير أنا قاليا ناري قودتيها علينا ياك قلت ليك قابل سلعة ومتفرقش عليها قلت ليها وبلاما تخلعني دبا تزيد عليا قاليا شوف كنا عاملين حساب شي حاجة هكدا راه درنا GPS فلموطور غنقولك فين هوما وجيب لموطور نتا بوحدك دبا معولين عليك هادشي لي نقدر ندير من هنا قلت ليه وخا أشمن بلاصة هوما دبا صاليا راهم قراب ليك دبا فواحد لافيراي بعد شي زوج زنقات مشيت تنجري لتما تنطل من لحيط قصير تيبانو ليا حاطين لموطور و واقفين حداه وعندي فشكارة 11 مليون ديالي و 10 لي عطانس خونا هيا 21 مليون دخلت عند خوتنا قاليا سلام كين شي ما نقضيو قلت ليه أه شفت داك لموطور عجبني وبغيت نسول واش للبيع بغيت نشري قاليا مرحبا ولكين راه لوراق والو قلت ليه هانية غير تصايب فثمن قاليا مرحبا عطيني مليون قلت ليه مرحبا خشيت يدي فصاك وجريت واحد لبريكة خرجتها وهوما يخرجو معاها لوراق ديال لموطور طاحو فالأرض خونا شافهم وهو يهزهم عرفني أنا مول لموطور وهو يعيط على لي معاه هزيت واحد سنسلة مصدية ديلمها تقيلة يلاه بغاو يدورو بيا وهو يباليا لولد لي وصلتو قبيلا لمدرسة دايز مور لحيط قلت ليه وهيا رجولة عتق عتق القلاوي شافني وهو ينقز لداخل حط شكارة هز واحد جعبة ديال لحديد وبدا تيخلط ليا فبنادم ملقيت ما نضرب بقاو فيا وليت أنا تنقوليه صافي سمح ليهم خليناهم منشورين هزيت لمليون و لوراق من لأرض وطلعنا لموطور غير بعدنا شويا و وقفنا نزل وقاليا خويا أنا غير هنا حتاجيتي شي حاجة عيط ليا نمرتي عندك قلت ليه كيف دوزتي متحانك بعدا قاليا مزيااان لله يحفظك خشيت يدي فصاك جبدت ديك مليون كانو غيديوها غير دوك خوتنا للهم فيك خود بيها شي موطور دري عينيه غرغرو قاليا لله يحفظك خويا قلت ليه صافي حلالك هادو سير تهلالي فراسك ونمرتك عندي فينما نطلع هنا نبغي نشوفك تتقرى راك تتشوف فحالتي دبا صداع هنا ولهيه ولخطار قاليا كون هاني أخاي ومشى رجعت لقهوى وعيطت على خونا قلت ليه شوف أساط رجعت لموطور داكشي لي تافقنا عليه ممسلكنيش راني ضربت تمارة ليوم معاك قاليا شحال باغي قلت ليه 50 ليوم قاليا جاتك حلال عليك ياك رجعتي سلعتنا قلت ليه اه انا تنتسنى خوتنا دبا قدام لقهوى و لموطور شادو بيديا لا تيقة بعد لأن قاليا ها هوما خوتنا قراب و متاخد منهم والو راه خلصوني فهاد لحظة وقفو عليا زوج طوموبيلات برادو كحلين قالو ليا نتا لي عندك سلعتنا قلت ليه اه قاليا تبعنا مشيت معاهم لواحد دار دخلنا عطيتهم لموطور جبدو داكشي ديالهم من لموطور وخلاوه مشتة بديت تنجمع ليه فلبياس وخرجت راجع ل طنجة فليل مع 9 وقفت فواحد لوطيل نعست حتال لغد ليه عاد كملت طريقي لطنجة وصلت عند خونا مول لوطيل قلت ليه فلوسي قاليا صبر شويا راه صيفطت لولد يجيبهم من لبنكة عجباتني خدمتك نقية أساط قلت ليه عطيني فلوسي باغي نرجع لمدينتي أول عملية وأخر عملية معاك أخونا قاليا هانية أخويا بلاما جاو فلوسك برك نفطرو نشركو لملحة فطعام وكدا قلت ليه مرحبا بركنا فلقهوى تنفطرو هدا مالو تيتعامل معايا هكدا ...
أوتاكو الجزء الثالث
محتوى القصة
التنقل بين الأجزاء