فاقو أبطالنا كيف العادة كل واحد قاد راسو وهو فرحان انو ايشوف تاني عصام خرج بكري ركب طوموبيلتو وزاد عند شيماء من بعد ما لبسات حوايجها هبطات تفطر مع دار وصلات الوقت وخرجات غاديا جيهت شاريع تشد طاكسي كاتسمع (بس بس زوينة مانوصلكش) وقفات شحال هادي ماغرقات لشي واحد يالاه بغات تستاعد تعاير ضارت كايبان ليها عصام متكي على طوموبيلتو وعاقد ايديه وكايشوف جيهتها ومبسم
شيماء:هدا انت هه بايت كاتحلم بيا مصبح علي
عصام:وسكون ضنيتي ايكون من غيري سعداتك اتصبحي علي
شيماء:واكاتقتلني بتيقة فنفس زايدة
عصام:زيدي ركبي باش مانعطلكش على خدمتك ويتعصب منك المدير ديالك
شيماء:اه عندك صح عندنا واحد المدير وقف كايشوف فيها واش اتعاير ضحكات
شيماء:واحد المدير ضريف خاصك تلاقا بيه عاد تبسم ورجع ليه لون لوجهو رطبو وديمارا طوموبيل وزاد
عصام:كي صبحتي
شيماء:الحمدلله وانت
عصام:انا حسن منك ههه فطرتي بعدا
شيماء:اه فطرت خدم راديو وشاف قدامو سايك حتى وصلنا الخدمة حيد الحزام وهبط وهبطت حتى انا دخلنا مع بعضياتنا الموضفات حاضيينا بعينيهوم داز منعم حدانا
شيماء:صباح الخير منعم
منعم صباح النور
عصام:وانا مانستحقش صباح الخير شاف فيه منعم
منعم:صباح الخير موسيو عصام وهو متعجب من تغير المفاجئ ديال عصام لي كان غير عاقد غوباشتو رجع منعم للبيرو ديالو وشيماء لخدمتها داز نص نهار اللول عادي كيديما نفس روتين عند شيماء فالبيرو ديالها من بعد ماسلات الخدمة ديالها كالسة ترتاح فالكرسي ديالها حتى صونا ليها تيليفون كان بدر ماعرفتش علاش تقبط لي قلبي الله يسمعنا خبار الخير
شيماء:صباح نور بدور غبور هادي ياك لباس انا كانهضر وكلبي كايضرب
شيماء:اه شكرا انا اندوز ليهم دابا كان المحل قريب مشيت على رجلي دخلت لعندهوم خديت الوراق ديالي درتهوم فساك خلصتهم وخرجت ايكون عصام وصل وكايتسناني وصلت لجنب شارع فين مالف كايحطني كايبان لي جاي من بعيد بسكوتر ديالو وقف حدا رجلي كان لابس كاط وسروال دجين كحل تريكو طروا كار وشعرو مخليه ناشف وعادي حيد الكاسك ديالو
عصام:هاحنا الالة جينا فين اتمشي بينا
شيماء:انت غير زيد وسكت وانا انوريك طريق ياك كاتيق فيا
عصام:شيماء من نيت كاتسولي هاد سؤال انا تبسمت وحدرت راسي وهز يكمل بطبيعت الحال مكانتيقش فيك عقلتي أخر مرة شنو درتي ولا نفكرك شفت فيه بشوفات شريراة ونزلت عليه بساكي
شيماء:زيد زيد وانت فيك كترت الهضرة رطبت اللور بكل سهولة
عصام:ممم تقدم ملحوظ مابقيتيش كاتخافي ديمارا سكوتر وانا معنقاه هاد المرة من اللور وعاجبني الحال حتى من عصام ماكرهش مايوقفش باش غير تبقى شادا فيه بقات كاتنعت ليه فطرقان من هنا ولهيه حتى وصلو لواحد ساحة كبيرة قد الخلا وقفو وعصام كايشوف فشيماء وكايشوف فداكشي لي قدامو مامتيقش وشيماء كضحك ومبسما وكتسولو بعينيها كيجاتك المفاجئة
عصام:من نيتك من نيتك جايبانا لهنا
شيماء:اه وشنو فيها كيجيتك
عصام:واش تصطيتي منين جاوك الوراق
شيماء:راه شيماء هادي واجرك على الله جبتهم ريزيرفيت عليهم وانت شغلك المهم نستمتعو بالخرجة وبوقتنا
عصام:ممم نستمتعو ياكما جايبانا لهنا باش تقتليني وتنتاقمي مني شديت ليه ايديه ودخلتو وانا جاراه.كان أكبر سيرك فمراكش كلها بصدفة كنت كانخربق فتيليفوني وشفت الاعلان ماعطيتش الامر أهمية ولكن دابا لا بغيت ندوز اروع نهار مع عصام
عصام:ايه كانهضر معاك فين سرحتي
شيماء:هاد نهار بغيت ماتكولش لا وتسلم لي راسك شنو كلتي بقا كايشوف فيا جريتو القدام
شيماء:اصلا واخا تكول لا مكايهمش شاف فيا بعين وحدا وزاد كان عالم تاني ميكيات ملونين وجهوم ألعاب نارية فسما جاعندنا واحد السيد عطيتو تيكيتات وعطانا واحد البراصلي فزرق درناه فيدينا وبقينا كانضورو انا صراحة اول مرة نشوف هاد المنضر هدا خيالي ماحسينا حتى نقزنا علينا واحد لابس لباس ديال بهلوان مد لي ايديه زعمة اجي انا شفت فعصام كايكولي لا براسو ماحس براسو حتا وحدة نقزات عليه من لور لابسة غير المايو وملونة وجهة شدات ليه فيديه وغمزاتو بقاو غاديين بينا لواحد المدخل حتى لقينا راسنا فقاعة كبيرة فيها بزاف ديال اناس فيها القرودة ونمورة كاينقزو فالحوالق نارية ديك البنت كلسات عصام وانا مشاو بيا لواحد الغرفة فيها باب دخلوني منو كانلقا راسي فوصط دوك الحيوانات فالاول كنت خايفة ولكن بالاشارات ديال داك البهلوان كايدير لي بيديه ماتخافيش وقفني وعصام شافني تم وقف بغا يجي يخرجني خاف علي ولكن ديك البنت وقفاتو بحركة من ايدها خرجو دوك نمورة وجابو كليبات صغار على مزيناتهم انا واقفة ومافهما والو جابو دوك الحلقات عطاهوم لي فيدي وكالي بالاشرات مدير بحالو شديت ديك الحلقة فيدي ودرت بحل لي داير هو كانشوف دوك الكليبات كايجريو ورايا وكاينقزو من الحلقة ديالو هو للحلقة ديالي انا واحد الاحساس رائع عدبني المنضر عصام فهاد الوقت خدا تيليفون ديالو وبدا كايصورني باش هاد اللحظات يبقاو دكرى لينا بجوج بقاو دوك الكليبات كايلعبو من هنا ولهيه انا نسيت راسي سلاو الكليبات ماحسيت بحتا شيحاجة عنقتني من لور درت لقيت قرد فوق كتافي معنقني من عنقي وكايضور بوجهو من هنا ولهيه ضحكني خدا لي داك البهلوان ايدي وخرجني منين جابني لقيت عصام واقف كايتسناني شد البهلوان ايدي وحطها فيد عصام ودار واحد التحية ورجع
عصام:انتي والله حتى ماعندكش العقل
شيماء:مالي شنو درت خاص يكون عندك روح المغامرة كون غير دخلوك انت نضحك فيك شوية.كلسنا كنتفرجو شوية فدوك الالعاب البهلوانية ضحكنا من قلبنا خرجنا من تما
شيماء:عصام بيت نلعب
عصام:شنو تلعبي فاش تاني انتي اليوم اتخرجي لي عقلي
شيماء:وازيد زيد شحال فيك ديال الهضور ديتو لعبة نفق الرعب واخا انا اكبر خوافة ولكن خاصني نبان قدامو شجاعة وقفني عند الباب
عصام:واش متأكدة انك بغيتي تلعبي هاد اللعبة من نيتك
شيماء:اه شنو فيها ماتكولش لي انك خواف هههه
عصام:راه انتي لي نخاف عليك
شيماء:وا غير زيد مادام انت معايا مانخاف من والو (شيماء خاصك تهراس الفم ماعرفتش كيفاش حتى نطقت بهاد الكلمة) دخلنا لداك انفق مضلم وفيه جوج بلايص كلسنا درنا الحزام وعصام حلضيني وكايشوف فيا وانا مبسم ليه وكاتبان فوجهي الحيوية ونشاط وانا الداخل ديالي عالم بيه غير الله هاد زعامتي اتخرج علي بداو طوموبيلاتو كايتحركو شوية بشوية تسد الباب وكولشي مضلم شوية بداو الضواو كايشعلو بديت كانحس بالكراسا ديالنا كايتمشاو بزربة ماحسيت غير بواحد راس مونيكة طاح عليا
شي:وااااااااااااااااااااااع واميييييييي هيء هيء هيء شدني عصام كرزني عندو وسد لي فمي ماحدنا حنا زايدين والجتت كتيتلاحو علينا والهياكيل العضمية وانا غاديا وكانطلع فصوت فالغوات سمعت عصام غوت مسكين ماشي حيت تخلع لا حيت حتيت عليه بعضة ليديه حيت ساد لي فمي انا حاميها بالغوات وعصام ماعارف يسد لي فمي خايف نعضو تاني ولا يسد ودنيه حيت صمكتو وتكول داك انفق واش بغا يسالي وانا قلبي ايخرج من بلاصتو كانسكت شوية منين كانشوف دوك وجوه ساحرات غير يبانو ليا الهياكيل وريوسا ودوك زامبي كانحميها بالغوات شوية كانحس بشيحاجة شادا فعنقي بقيت كانضور وجهي غيﻻ بشوية وليت كولي باردة خفت لايكون شي هايكل حيا وبغا يديني معاه ضرت بشوية كانلقى وجه ليكسورسيست شادا لي فعنقي وتكلمات غوت غوتا وحدة هادشي لي عقلت عليه بديت كانحل عيني شوية بشوية كايبان لي راسي فوق واحد الكرسي هزيت راسي وعيني ضبتبة فيهم كايبان لي عصام جاي وهاز فيديه قرعة ديال الما وعصير جا كلس حدايا
شيماء:شنو نمشيو والله لا تحركت ليك من هنا حتى نجرب الالعاب كولشي وبلاما تبقا تشوف فيا دوك شوفات الا هي الا
عصام:يا ربي شنو درت بليتيني بهاد البلوة شديت ليه ايدو وجريتو تاني بحال شي دري كايقرا فتحضيري وغادية بيه اول مرة للمدرسة بانت لينا واحد الخيمة كبيرة شيماء:عصام اجي ندخلو هنا نشوفو شنو فيه
عصام:زيدي قدامي انتي راه مولات المصايب
شيماء:انا اصلا لاش كانتشاور معاك جريتو ودخلتو لديك الخيمة بزز وياريتني مادخلت عندو صح انا كانطير كانت الخيمة كلها ضواو ومشاش كحلين او واحد طابلة كبيرو فوقها واحد البلورة قدها قداش شاعل فيها ضو وشي رموز ديال الابراج ورا هاد طاولة واحدالمرة شعرها طويل وعاقداه بزيف ولباسها بحال الغجريات ودفار طوال وكاتهضر غير بالعينين شداتني من ايدي وكلساتني وبدات ضور فيديها على ديك البلورة وتشوف فيا وتشوف فعصام شاف فيه بزاف واشرات ليه يكلس كلس وبقات كاتشير ليه لجيهتي ودارت انتي وانت وجمعات ايدها وحطاتهوم على قلبها عصام كايشوف فيا عارفاه من الداخل مامتيقش هادشي ههه جينا نوقفو باش نمشيو وقفاتنا وقفات ومشات واحد القنت وجبدات صندوق جابت شيحاجة فيديها ورجعات عندنا هزات واحد البلورة وفتحات ايد عصام وحطاتها فيه وانا جات ورايا وركبات لي فعنقي سنسلة مدهبة عمري شفت بحالها وملصقة فيها بلورة واعرة عمر عيني شافت بحالها بحال لي كايكونو فالبحر شفت فعصام وشيرت ليه بعيمي هو مافهم جيت حدا ودنيه
شيماء:وا خلص سيدة وانت كاتشوف فيها دابا تحولنا انا وياك لجرانات ونبقاو هنا عصام ضحك وجبد شي حاجة وحطها ليها وخرجنا بالزربة
عصام:شفتي فعايلك شفتي فين كاتدينا
شيماء:وازيد زيد مالك طاح فيك انص مالها شنو دارت لينا اصلا سيدة كاع مكاتهضر واقيلة جوادها مانعين عليها الهضرة وانت لي كاتشوف فيها ومخرج عينيك ربي كون رداتك جرانة فين انضبر ليك على جرانة بحالك ونزوجك ليها فين
عصام:ساهلة ترضك حتى انتي جرانة ونديك ههههه عنقني من كتافي وبقينا كانتمشاو كولما شافت شي لعبة نبغي نلعبها زليقة المكحلة دواحات وحدة كايشدوك وايربطوك وكاتبقا طلع حتى لسما وتهبط ركبت فيها عصام بزز وانا ميتا فيه بضحك وكانصور فيه من هاديك لديك لي دائرة لاصقة فالسما وكايرجع راسك لتحت ورجليك الفوق طلعنا فيها انا وعصام وانا كانشهد شاف فيا عصام شد لي فيدي ومكرز علي
عصام:انا معاك ماتخافيش شفت فيه وتبسمت وهي تخدم ديك اللعبة طاع لي راكب تشكا مني ومن غواتي كاتحس بواحد الاحساس انك طاير فسما غير هبطنا هبطت بحال سكرانة وعصام كايضحك علي
عصام:شيماء واقيلة براكة عليك شوفي حالتك كي وليتي
شيماء:لا باقي غير وحيدة عافاك ونمشيو غير وحيدة وكنتغبن عليه
عصام:صافي سكتينا من تغبين شديت ليه ايديه وتمشينا لواحد العبة شاف فيا زشفت فيه ودرت ليه بعيني عافاك طلعنا فديك اللعبة كايكون صف كلو لابسين واحد اللبسة ومشدودين مع مع الارض هاد اللعبة كاتبغي الغوات مزيانة تنفس على الغضب ديالك لي كاتحس بيه وكاتجدد طاقتك طلعنا فيها كلسنا كل صف فيه 6دناس لبسنا داك اللباس وربطنا الاحزمة وبدا العد العكسي كاتمشي بينا لعبة وتجي بشوية حتى طلعات بينا لسما وتشقلبات بينا هنا بدينا كولنا كانغوتو على حر جهدنا عصام داير صباعو فودنيه وانا شادا فيه وكتنجي ليه حتى لحدا ودنيه ونغوت كسرت دنيا بالغوات وعاجبني الحال واحد الاحساس جديد كاتخرج كاع ديك طاقة سلبية لي عندك منين سالات اللعبة واخا صوت مشا لي ولكن حسيت ربراسي مرتاحة شفت فعصام لقيتو كايخنزر فيا
عصام:والله وتكولي لي مزال لعبة وحدةانتفاهم معاك بقيت كانكركر بحال شي بنت صغيرة
شيماء:ايوا شري لي صوفة ونمشيو خدا لي صوفة على سعدو وخرجنا من سيرك كان اروع نهار فحياتي ماسخيتش بيه يتقادا كنت باغية اني ندوز معاه وقت كبير
عصام:فاش كاتفكري
شيماء:انا والو غير فهاد نهار لي داز زوين (كنا كالسين فواحد الكافي نرتاحو ونشربو شيحاجة)
عصام:صراحة ماكنتش متوقع منك هادشي ولكن بغيت نشكرك شحال هادي ما نشطت بحال هكا من اخر مرة خرجنا انا وياك ولكن هاد انهار غير كانعقل هادشي مادوزتو منين كنت كانقرا فرنسا
شيماء:عاود لي كي كانت دوك الايام الى ممكن
عصام:صراحة زمان ليكايبدل الانسان مكانتش بحال هكا كون شفتيني داك الوقت ماتكوليش واش هو انا مامسوقش لحتى واحد اه كنت مجتهد فقرايتي ولكن حتة حاجة ماهماني ديما ضاحك وناشط حتى لنهار لي توفا فيه الوليد كنت قريب منو بزاف فيه خويا وصاحبي كانت صدمة بنسبة لي تما عرفت انو ايام الضحك واللعب سالات وبدات ايام الجد عرفت عندي مسؤوليات على ضهري رجعت المغرب وخديت بلاصت الواليد كانت مطبات فحياتي مرة نجح مرة نطيح واكن لالقوة والعزيمة وهضرت الواليد وقفت الخدمة على رجليها وزدت بيها القدام حتى ولات فنادق الوالي من أكبر الفنادق
شيماء:واو من هضرتك عمرك رتابطتي ولا حبيتي
عصام:صراحة الا مكانش عندي الوقت لداكشي نيهائيا كانت خدمتي وعائلتي هي المركز الاول فحياتي شاف فيا ومع راسو (حتى دخلتي لحياتي وقلبتيها ساسها على راسها شنو ندير معاك اشيماء كانبغيك كانبغيك فوق ما تصوري)
شيماء:سبحان الله فين يهيتي
عصام:ههه معاك راكي بديتي كاتعديني بسرحان ديالك
شيماء:هههه مهم نمشيو نضنا خلص عصام الكافي لي خدبنا وخرجنا ركبنا سكوتر وديمارا وصلني حتى لجنب دار وحطني نزلت
شيماء:شكرا انك ستحملتي هبالي وسمحلي على العضة هههه
عصام:هاد العضة اتبقى فتاريخ شكرا ليك انتي على هاد النهار بقيت كانشوف فيه مشيت جيهتو وبستو ف حنكو قريب لفمو ورجعت لور حليت الباب لزربة وسديت الباب وانا قلبي كايضرب من هاد تصرف لي درت عند عصام لي مزال مصدوم تو واقف وشاد حنكو ماضنهاش دير هكا حس بقلبو ايخرج من بلاصتو رجع خطوة لور تبسم وركب فسكوتر وديمارا عند شيماء طلعات لبيتها نيشان سدات عليها وكاضور فبيتها وكاتغني انا البي داليلي الي حاتحبي دايمان يحكيلي وبسدا انا البي البي دليلي ...) طاحت على نموسيتها
شيماء:اخاخ كنبغيك انا كنبغيك بروحي وعقلي وقلبي وكياني خاصني نعاود ليه الحقيقة غدا انعاود ليه كولشي كولشي انعاودو ليه اه انا قررت غدا فصباح انكولو كولشي ونحيد هاد الحمل تقيل علي من بعد ما قررت القرار ديالها ناضت بدلات حوايجها وهبطات تعشى باش تنعس بكري وهي كولها شوق لغدا .عند عصام مشا جنب واحد البحيرة وحط سكوتر ديالو وكايفكر فليجاي مبقا ليه مع شيماء ساعات معدودة ومازال مادار والو ومقرر والو خاصو يلقى شي حل لي تكون ليه ويقربها منو مايمكنش انها ضيع من ايديه قرر غدا ان شاء الله يعرض عليها العشا ويحاول معاها واخا ماتبغيش ايحاول ويقنعها حتى تبغيه معاها عرف معنى سعادة مع ناس كايكون قاصح كايشوفها كايلين خلاتو كل مهار بنفسية جديدة ومزبانة ولا كايعطي كتر بالفضل ديالهى تبدلات حياتو للفرحة وسعادة مايمكنش نضيع حوب حياتي ومندير والو ركب فسكوتر ديالو وزاد .أصبحنا وأصبح الملك لله فاقت شيماء كلها طاقة وحيوية وفرحة وعزيمة لبست تريكو محلول بالحمر وتحتو قميجة بالكارزيات حمر وبيض وزرق وفولار زرق وسروال سليم دجين وصبيبيط كحل بلا قاديت وجهي مكياج خفيف ريحتي وهزيتي صاكي سديت باب البيت وهبطت لدار التحت فطرت معا ماما اما خويا مكاينوضش بكري وبابا كايخرج لخدمتو فطرنا بجوج ساليت وخرج معا دعوات ماما لي كنت محتاجاهوم هاد النهار بضبط قريت سورة الكرسي ودعيت الله يسر لي امري خديت طاكسي لخدمتي وانا متوترة وقلبي كايضرب بجهد نزلني قدام الخدمة تلاقيت مع عصام فالباب
عصام:صباح النور اش هاد الحلاوة كلها ممم
شيماء:وانت كتر مني
عصام:طبيعت الحال انا دبما هكا
شيماء:باز والله حتى باز خلينا من هادشي محتاجة نهضر معاك ضروري
عصام:أجليها ماشي دابا عندي اجتماع مهم واخا
شيماء:واخا دخلنا مجموعين عصام مشا لخدمتو وانا لخدمتي صبحت على شاف رشيدة كيف العادة قادين برنامج اليوم وبدبنا الخدمة دبالنا وانا كل مرة كانشوف فساعة امتا يجي وقت الغدا نمشي لعند عصام نهضر معاه كادوز دقايق بحال الاعوام سالينا خدمتنا بنسبا للغدا وجا وقت الاستراحة ديالنا طرت للحمام قاديت حالتي وركب فالسانسور لمكتب عصام لقيت سوكريتير يالاه اتمشي تغدى
شيماء:فاتي كاين موسيو عصام
فاتي:نو سالا من الاجتماع ومشا مع الوفد لي جا يتغداو على برا
شيماء:وماكالاش ليك معاش غادي يجي
فاتي:كالي ايتعطل اليوم الى كاينة شيحاجة غير ايجي نكولها ليه
شيماء:لا والو ماتخديش فبالك مابيا والو شاف فيا وحدرات راسها كملت الغدا ورجعت لخدمتي وطلبات زبائن وانا كانتسنى امتا يوصل الوقت لي نشوف عصام ساليت خدمتي وصل وقت الموضفين يمشيو هزيت صاكي ورجعت لبيرو دعصام
شيماء:فاتي امضرى جا كاين
فاتي:يالاه مشا جري تبعيه مارابانا تلقايه هبطت كانجري بتلفة نسيت سانسور هبطت بجرا فضروج وصلت التحت خرجت قدام الاوطيل لقيت طوموبيلتو ديمارات اوفف اوف كون زربت غير شوية شنو اندير يا ربي هزيت تيليفوني كانسوني ليه كايسوني او والو ماشي مرا ماشي جوج او والو واعع خديت طاكسي عطيتو عنوان دار خالتي تورية وصلني طاكسي قدام الباب نزلت وكتليه يتسناني سونيت من بعد شحال فتحات فردوس الخدامة
فردوس:لالة شيماء تفضلي
شيماء:كاين عصام
فردوس:لا مزال مجا
شيماء:وخالتي تورية
فردوس:لا حتى واحد مكاينة لا لالة تورية وخالتي حليمة لبسو وجا سي بدر ماعرفتش فين مشاو
شيماء:واخا صافي عفاك بلاما تكولي اني جيت واخا هاني مشيت طلعت فطاكسي تاني وانا مع راسي كانعاير على هاد زهر هدا مشيت نيشان لدار وانا محبطة نفسيا عيطات علي ماما ندير كاسكروط متبغيتش دخلت البتي وسديت علي بدلت حوايجي وحليت شرجم وانا كانفكر علاش منين نبغي نحقق شيحاجة كاتعكس وتشد معايا ضد اه اه جاتني فكرة علاش مانصيفطش ليه ميساج ولكن لا هادشي ميتكالش فميساج شوية سمعت تيليفوني سونا مشيت كانجري لساك هزيت تيليفوني حليتو لقيت ميساج فتحتو لقيت نمرت عصام فرحت"نلقاك واجدة مع 7:30انجي نديك "نضت كانقز بالفرحة فوق ناموسية خاصني نكون كانضوي دخلت سخنت دوش درت الخرقة وصابون توضيت بعدا وصليت جوج ركعات فتحت الماريو كانشوف شنو انلبس جبدت كسوة طويلة فالكرونة لون واحد وزيف فالكري وبزطام بالكحل والري وفيه حجيرات لبستهوم قاديت الفولار عادي كلست قدام المرايا درت فوندوتان ديالي وخط فوق عيني وعكر فالموف مايل لكرونة ودرت ريحتي شفت راسي فالمرايا وهبطت عند ماما للتحت
ماما:فين غادية ابنتي
شيماء:ماما عصام عارض علي لعشا وغادي يجي يديني من هنا 5 دقايق
ماما:شافت فيا وغير ابنتي ماتعطليش الله يرضي عليك
شيماء:لا اماما كوني هانية انجي فالوقت ماكملاش 5 دقائق سيفط لي ميساج باش نخرج حليت الباب خرجت غير شافني وخرج من طوموبيل كان لابس كونبلي كحل وشعرو فازك ونقسو شوية وريحتو سبقاتو ريحة لي كادوخني وتخلط لي مع الانفاس ديالي تم جاي عندي شد لي فيدي وركبني فطوموبيل ونضراتو فشكل نضراتو فيهم هضرة كتيرة لي مابغيتش نزرب ونفهم غلط خدا بلاصتو هو وديمارا طوموبيل
عصام:ماشي عوايدك تبقاي ساكتة
شيماء:شنو انكول متلا
عصام:ماكلتيش لي فين غاديين فين غادي بيا مالفة هضرتك كي المقص
عصام:هه ماكلتيش لي شنو كنتي باغية تكولي صباح ماكنتش مسالي وكان عندي بزاف ديال الخدمة ياك لباس
شيماء توترات:لا والو باس حتى نوصلو فين انمشيو ونكوليك واخا
عصام:وهو كدلك واخا من بعد هاد الهضرة سكتنا كاتسمع غير صوت انفاسنا وعصام لي مع راسو مكرهش يعنق شيماء خصوصا كيطالعة ليومة فمنتهى روعة وريحتها لي بحال ريحت زهرة ليلاك ممزوجة مع الفانيلا والياسمين مرة مرة كايخطف نضرة ليها بلاما تحس وكايتمنى من قلبو انو هاد ليلة دوز من أحسن ليالي وتقرب ليه كتر وكتر باش الخطوة جاية تكون ساهلة بالنسبة ليه وصلو واحد البلاصة زنقة ديالها جات بحال شارع من شوارع فيينا كان تما مطعم ديال واحد الايطالي فيه ماكلة زوينة وكالم والجو ديالو رومانسي دخلو وجهوم سرباي للطبلة ديالهم لي ريزيرفا عليها عصام من قبل كانت موجدة بشموع والورد وجات فالقنت بعيد على الانظار كلسو
شيماء:ههه وليتي كاتقرا الافكار مهم فعلا عندي منكول ههه ماعرفتش كيفاش نكول ولا منين انبدا.سالامو عليكم مرحبا بيكم شنو حابين تشربو (اوف اوف ديما خاص يقاطعني شي واحد)
عصام:لا راني وصيت على كلشي شوف طلب باسم عصام الوالي
السرباي:داكوغ موسيو ومشا
عصام:كملي شنو كنتي غادي تكولي
شيماء:ههه عرفتي شنو خليها حتى انتعشاو باش مايقاطعنا حتى شي واحد
عصام:مم حتى هدا نضر.جا اسرباي هاز صينية فيها جوج طباسل فيهم شلايض وجوج فيهوم اللزانيا كاتعجبني وعصير منعش ديال الحامض حطهوم وستأدن ومشا
شيماء:باش عرفتي كاتعجبني الازانيا
عصام:غير خممت وصافي حيت كاتعجبني حتى انا كلت اتعجبك حتى انتي ياك كاتعجبك بعدا
شيماء:ههه اه كاتعجبني اسيدي غير كون هاني مالك مخلوع
عصام:انا مخلوع مناش منك انتي ههه نفكرك فالبارح ولا بلاش شوفي بلاصت سنانك صراحة كان خاصك تكوني مع دراكولة
شيماء:انا كاتعاير ياك ايوا غير كول حسن ليك لانكمليك على الايد تانية بدينا الماكلة ديالة ونكير نكيرنا كان بالنسبة لي بحال سمن مع العسل عصام عادتو كاياكول وهو ساكت منين شفتو ساكت حتى انا كاماكول بسكات طلعت راسي لقيتو كايشوف فيا
شيماء:مالك علاش كاتشوف فيا
عصام:والو قربي عندي
شيماء:علاش
عصام:ممكن تقربي عندي بلا هضرة قربت عندو خدا ايديه وقرب جيهت فمي ومسحلي جنب فمي كنت لمسة ديالو حنينة لمسة لي توحشتها بقيت قريبة حتى عقت لراسي ورجعت بلاصتي
شيماء:شكرا
عصام:العفو.كملنا العشا ديالنا فجو زوين وهادئ جا سرباي خوا طبلة شوية خدمو موسيقا ديال "لاشنتيمي كانطاري اونا كيطارا يمانو"لقيت عصام فوق راسي ماد لي ايديه انا بلا هضرة ستاجبت وعطيتو ايدي ايدو لي هضنات ايدي بكل لطف والايد تانية لي صماتني ليه بكل حنا وانا لي حطيت راسي عرا صدرو ونساجمنا فالرقصة حسيت واش غير انا وياه لي كاينين هنا وانا كانسمع دقات قلبو سريعة وكانشم ريحت العطر ديالو لممزوج مع ريحت الجسد ديالو ريحت لي كاتأسر وكاتخليك تحس تنك بوحدك واناك مالك دنيا كولهة وليت بحال شي ريشة فيديه رجلينا كايتمايلو مع الموسيقى كانبعد عليه نشوف فعينيه لي كانو كايبريو عينين ماشي ديال عصام لي كنت كانعرف عينين ديال حبيبي البطل ديالي نور عيني بغيت هاد اللحظات يطولو وهاد نظرات يبقاو مزروعين فدماغي مشينا لعالم أخور فيه غير انا وهو ونظراتنا كايحكيو كلشي لدرجت انو الاغنية سلات وحنى مزال كانشطحو ونشوفو فبعضياتنا حتا حسيت انو عينين ناس مراقبانا وحدرت ايدي وشفت فدنبي وتبسمت
شيماء:هه الاغنية زوينة لدرجة نسينا راسنا كملات وحنى مزال كانشطحو كنت باغية غير نبقى نهضر باش نهرس هاد توتر لي انا في عصام ماهضرش حيت حس بالارتباك ديالها ومن نضراتها حس انو ممكن حتى هي كاتبغيه ولكن تجري رياح بما لا تشتهي اسفن خدا ايدها ورجعو لبلاصتهوم لقاو سرباي جاب ليهوم قهوة اطالية المداق شوية شافت شيماء عند زاج كايبان ليها شتا بدات كاتصب
شيماء:عصام شوف برا على جاو سبحان الله كان الجو زوين ودابا شتا
عصام:سمعت واحد المقولة من واحد الفيلم كنت تفرجت فيه انو الى صبات الشتا وكان قبل الجو زوين كايكولو انو رجل غني تغرم بيبنت فقيرة شافت فيه شيماء وسهات فعينيه وتبسمات ليه
شيماء:ههه متكرتش نخرج نلعب فيها ماهضرش دارت شلفت فيه لاقاتو كايشوف فيها
شيماء:ههه شنو مالك كاتشوف فيا
عصام:شنو كنتي بغيتي تكولي لي كانسمعك دابا شيماء تبدل لون فوجها هزات كاسها ديال القهزة شرباتو
شيماء:بلعات ريقها اوف اه فعلا كاينا شيحاجة خاصني نكولها ليك ومخبياها عليك من شحال هادي ولكن دابا صافي جا الوقت لي تعرف فيه كولشي عصام رجع ايديه ورجع بالور وعقد غوباشتو عرف شيحاجة كراف كايشوف فيها تكمل الهضرة حتى بان ليه وجه انسان داخل المطعم ماغريبش عليه وجه لي شحال هادي ماشافو دور وجهو جيهت باب المطعم شيماء لي كانت كاتحاول بكل جهدها وما أمكن تكمل لعصام وماقداش تخرج الهضرة من فمها وخايفة من ردت الفعل ديالو بان ليها عصام مكاينش معاها كايشوف جيهت الباب دورات راسها جيهت فين كايشوف صدمها شخصلي واكف(لا لا ماشي وقتك انت لا مايمكنش يا ربي على حريرة انا فيها)
عصام:ماشي بدر هداك لي تما ولكن شكون هاديك البنت لي معاه كايشوف شيماء لي بقات ساكتة عند بدر لي عرض على مليكة لنفس البلاصة فين كاينة شيماء وعصام منين دخلو كايقلبو على شي بلاصة فين يكلسو ولكن كان المكان عامر كايقلب بعينيه حتى كاتبان ليه شيماءوعصام كالسين تصدم منين سافهوم بجوج منين شاف شيماء وجها باينة فيه مقلقة خاف يكون عصام دار ليها شيحاجة
بدر:مليكة انا جاي تسنيني هنا خلى مليكة ومشا لطبلت عصام
بدر:انا غادي ولكن الى مسيتي شعرة وحدة منها حسابك معايا مشا وهو كايدور اللور شد لمليكة فيدها ومشا
عصام:ممكن تشرحيلي اش هاد المسرحية
شيماء:انا انشرح ليك كولشي الى عطيتيني الفرصة وسكتي.عصام خبط طبلة بيديه وهو كولو كايترعد حتى طارت شيماء من بلاصتها
عصام:هضري خلاص هضري
شيماء:واخا انا وبدر مابيناتنا حتى حاجة .عصام ضحك وكايهز فرجليه .انا وبدر قرينا مع بعضياتنا من الابتدائي حتى لتانوي كنا كتر من صحاب كنا بحال الخوت وكتر كانتسارو مع بعضياتنا نخرجو ندخلو بجوج بالصدفة بدر تعرف على مليكة بنت جيرانا البنت لي شفتي كبيل من بعد صداقة وتعارف مشاعرهم تحولو للحب حب صافي ونقي ماعندو حدود .هي كاتعاود وعصام كايشوف فيها بنص عين انها تكمل
شيماء:حتى جا نهار لي عيط علي بدر للقهوة لي مالفين كانتلقاو فيها وعاودلي انا مو بغات ليه بنت ختها وانو مايقدرش يبعد على مليكة وانا ولد عمو لي هو انت واقف فجنب مو ويلا ماداها ايمنع عليه نصيب ديالو من الارت وعمرو يحلم بشي خدمة كيف كانت هنا عصام تفكر نهار داز بطوموبيل وشافهوم بجوج
شيماء:هنا انا ماحملتش عائلتو عائلة كايهمها غير رلسها والفلوس ومكايهمهاش سعادة بدر قررت اني نعاونو بأي وسيلة كانت وكيفما كانت بصدفة عيطو علي للخدمة ولصدف اني انخدم عندك انت فالاول ماكنتش عارفاك شكون انت حتى نهار لي مشيت عمدكوم لدار ليلت العشا وكان بدر حتى هو تم
عصام:ختاصري ومن بعد .شيماء كاتبان قوية من الداخل ومانزلات حتى دمعة
شيماء:تم عرفت انك ولد عمو ولكن ماكان فبالي والو حتى نهار لي انت عرضتي علي الاتفاق كنت وضنيتي واش انا هي البنت لي كايبغي بدر كنت غادي نرفض العرض ديالك ونرميه فوجهك ولكن تفكرت بدر والخدمة لي لقا وحوبو لمليكة والوعد لي عطيت ليه كلت مكاين باس نتحملك مدة شهرين فسبيل بدر
عصام:هيء لهاد درجة عزيز عليك ومهم بالنسبة ليك ولا كنتي كتبغيه وبغا وحدة غيرك يالا سخرية القدر
شيماء:انا عمري بغيت بدر من ديما كانفكر فيه بحال صديق ديالي وخويا حيت كنا علا الحلوة والمرة بجوج ودرت هادشي على ودو باش يفوز بالبنت لي كايبغي
عصام:بغيتي تكولي لي انو حكمي عليك كان غالط والفلوس بي خديتي مني شنو كاتسميها
شيماء:هادوك كانو كادو لبدر ومليكة لزواجهم
عصام:زواجهم؟؟
شيماء:كيما كاتسمع زواجهم مليكة باها قرر يزوجها بيما انو كانو كايبغيو بعضياتهم حب قوي وحتى هي قرر بدر يخطبها ولكن مكانوش عندو الامكانيات باش يخطبها وهو يلاه خدم وستاقر فخدمتو المبلغ لي عطيتيني خرجتو وعطيتو ليه هو باش ياخود بيه مساءل الخطوبة وخطبنا ليه انا وخالتي تورية شاف فيا
عصام كايضحك:وانا طبعا أخر من يعلم انا كيلكامبو وكاضحكو علي كي بغيتو كملي
شيماء:اصلا كولشي كلتو ليك واليوم فصباح بدر عقد شيماء ودابا راهوم مزوجين وحتى واحد مايقدر يفرقهم
عصام:وبطبيعت الحال انتي هنا سالا للدور ديالك ياك ستاغفلتيني ورديتيني واحد صغير ضحكتي عليه كيف بغيتي وتقربتي منو باش تحقي مرادك ومانعيقش بيك ياك ديك الهدنة والخرجات كولشي تمتيل فتمتيل
شيماء:مانكرش اني درت هادشي على قبل بدر ولكن على قبلك حتى انت انت ليهنتيني فكرامتي وجرحتيني ماشي مرة ماشي جوج حكمتي علي من الميتوى ديالي ومن المظهر ديالي ونسيتي اهم حاجة لي هي الاخلاق وتصرفات والقلب والعقل كونتي كول مرة سمحات ليك فيها الفرصة الا وكاتهيني قدام ناس وتجرحني بهضرتك شنو كايسحاب ليك راسك اني مونيكة تلعب بيها كيف بغيتي نسيتي حتا انا من دم ولحم وانانا كولنا سواسية رديتيني خايبة ورديتيني طماعة ورديتيني اي واحد كانمسي معاه شنو كنتي كاتسنا مني ا شنو كنتي كاتسنا مني
عصام:صفق ليها واو واو لهاد درجة مكاتحملينيش لهاد درجة هازا فقلبك من جيهتي مكنتش كانتصور هادشي ايدي منك ولو للحظة
شيماء:انت سبب وانت لي بديتي هادشي كولو بسبابك انت كل نهار كان كايتزاد كرهي ليك وكانزيد باش نوريك ماتحكمش على الناس وانا كولنا بحال بحال اهم حاجة شنو عندنا هنا اشرت ناحية قلبو وانو لواحد ميكونش عنصري واناني بحالك.عصام ولا كايحس بالماس فقلبو وتخنق وقف وهو كايشوف فيها...
طباخة الرئيس الجزء 13
محتوى القصة
التنقل بين الأجزاء