طباخة الرئيس الجزء 18

من تأليف سناء الصنهاجي
2018

محتوى القصة

رواية طباخة الرئيس

عصام:مكانضنش انها غادي تسمع مانك الوليدة راسها قاسح
بدر:وشنو المعمول
عصام:فناضارك شنو اندير ونزيدك حتى مامات شيماء رافضة اوووف ضرني راسي واتكول واش متافقين بجوج عييت من البارح مانعست بتفكير شنو اندير ابدر اخويا
بدر:عصام غير بشوية عليك كولشي انحلوه واخا تيق بيا 
عصام:لي كانعرف هو شيماء انديها طوال زمان ولا قصار ابدر مايمكنش نتخلى عليها حيت والدينا مابغاوش اندير اي حاجة كانت وانا كانكوليك.
خالتي تورية:ههههه وانتي ماشتيش عصام كي مان وجهو سيد لي مكانش كايرض الهضرة فوجهي خرج في عينيه
ماما:هههه شيماء مشات وحيحات على سيد لي جا يخطب وخرجات في عينيها وكاتليك غير عصام لي ندي
خالتي تورية:ومافهمتش انا هاد العناد من الاول علاش
ماما:مافهمتش اختيولكن الفكرة لي طيحتي علي واعرة خليوها باشنعلموها يضحكو عبينا ولكن شنو الخطوة جايا
خالتي:هههه الخطة جايا اتفقدهوم أعصابهوم ويعتارفو باش كايحسو باش نأدبوهوم تسناي من عندي تيصال واخا
ماما:كوني هانية أختي بسلامة قطعات ماما شيماء تيليفون واخا بقات فيها بنتها ولكن مكاين باس يدوقو لي داقوه هوما.
شيماء فبيتها من بعد ما لبسات حوايجها دغية هبطات فدروج حتى ناباتها مها
ماما:فين غادية كاتسلتي
شيماء:مكانتسلت لحتى بلاصة جاية لعندك نكوليك اما خارجة عند اشراق نبدل الجو
ماما:واخا سيري وماتعطليش خرجات شيماء حتى لجيهت شارع فين كان موقف عصام طوموبيلتو غير شافها نزل عندها عنقها شيماء مداتها فحتا واحد حيت كانت محتاجة لهاد الحضن ركبها فطوموبيل بلا هضرة ربطات الحزام وديمارا طوموبيل طول الطريق وهي ساكتة وهو ساكت حتى خرجو على مراكش شوية كين واحد الممر تما كايطل على واحد البحيرة سميتو ممر العاشقين هبطو تما وخرجو من طوموبيل مشادين ليدين وغادين وقفو عند ديك البحيرة عصام معنق شيماء لجيهت صدرو وكايتمشاو حتى سونا لعصام تيليفون جبد تيليفون من جيبو لقا نمرت بدر
عصام:الو بدر 
بدر:وي عصام فين كاين
عصام:انا مع شيماء علاش
بدر:اه مزيان حيت سونيت ليها لقيت نمرتها مسدودة جيبها معاك راه حنى عارضين عليكوم العشا
عصام:كون غير أجلتوها راك عارف حالتا انا وشيماء وهادشي لي واقع
بدر:لا مانسمعش منك شي هضرة زايدة غادي تجيو ودابا حنا كانتسناوكوم تبدلو الجو وتنساو شوية واخا عصام دابا وقطع عليه شافت فيه شيماء بستيغراب زعمة شنو
عصام:بدر ومرتو عارضينا لعشا وكاليك دابا ومصر كاليك والو تجيو الى كنتي مامرتاحة نعتادر ليه
شيماء:لا بالعكس شحال ماشفتو غير خلينا نفوجو شوية مع الحباب
عصام:واخا جبيبة لي بغيتي رجعنا لطوموبيل ركبناوديمارا سونيت على ماما وكتليها راه مليكة عرضاتني لعشا غير نتعشا وانجي .
عصام:شنو كاتليك
شيماء:مكالت والو مافهمتش ماما والله علاش تبدلات بهاد الزربة هادي
عصام:ماتقلقيش انلقاو حل ان شاء الله
شيماء:كنتمنى وصلو قدام دار مليكة نزلات عصام هو الاول حل لشيماء الباب وحل ليها حزام سلامة وبقا كايشوف فيها معا هوما مقربين لبعضياتهوم بغا يخطف بوسة قبل مايدخلو يالاه بغا يحط فمو على فمها سمع صوت وراه
بدر:ماشي هنا اصاحبي مالك زربان وكتيضحك وقف عصام وضار عندو
عصام:مكاتعرفش دق أصاحبي سير قابل مراتك وخطيني عليك شيماء حشمات ماعرفات تنزل ولا تبقى حيت واخا بدر مقربين ولكن هاد الموقف حشمها حتى خرجات مليكة سلمات على عصام وجات خرجات شيماء من طوموبيل عنقاتها وجراتها وراها دازت نن حدا بدر
بدر:ام ام كاتحشمي زعمة اح فيك جابتليه واحد دقة لكتفو
عصام:عبرات عليك
بدر:زيد دخل شحال فيك ديال حلان الفم دخلو بجوج دار مليكة كانت غزالة فيها جوج صلات كبار مفرشين واحدة بالحمر والباج او وحدة بشيبي عاد بيت نعاس بوحدو وبيت دراري صغار الى جاو ان شاء الله عاد بيت ضياف كبير وتواليت والحمام والكوزينة كبيرة فيها سالا مونجي عاد منين تكون طالع لسطح كاين واحد البالكون دخلنا لصالة كلسنا جا حدايا بدر وكلس جبد لي ودني
بدر:ادوي المساغبة ماحشوماش عليك دوختي لينا الراجل كنتي غادي طجيه من البلاد 
شيماء:ههه كولشي بسبابك اراس سطل
مليكة:لا لا راجلي راسو ماشي سطل 
شيماء:ممم مسيكينة هزاتك نفس عليه باز والله مكاتحشمي 
عصام:انت اسيدي اتنوض من حدا مراتي وسير حدا مراتك 
بدر:هاي عاي دغية رجعات مراتك امتا تكاتبتو شيماء غير شادا فمها وكاضحك
عصام:حنا مكاتبين من شحال هادي
بدر:ايوا اولدي انا كانعرفها قبل منك وكنت كانكلس وراها فطاولة 
شيماء:وعلاه هادي ايام تنسى ناري شحال كان مشاغب مكنتش كانحملو لعجب لي ولينا صحاب اما انت ماتنفع معاك صحبة عطاني واحد دقة لضهري
بدر:ياك الحسك ياك
شيماء:عصام شفتك انت كاتضحك نوض دافع علي مليكة ختي شدي هاد راس المقلمة دراجلك
مليكة:أختي انتومة الخوت بيناتكوم
عصام:عندها الحق انتوما خوت بيناتكوم هههه انا خليوني انتفرج فيكوم
بدر:علاش ماكنتيش كاتحمليني
شيماء:من نيتك كاتسول عقلتي على فعايلك عرفتو شنو هاد سيد كان كايدير كان كايجلس ورايا وكانت عندي واحد واحد جلابة عزيزة علي هنا بدر تفرش بضحك

شيماء:شفتو عقل على فعايلو
عصام:ايوا وكملي
شيماء:ديك جلابة كان فيها واحد شوشة كايهز ديك ويبقا يلعب بيها ورا راسي ويضفرها كانجي نبغي نكتب ويرجعني لور مع شوشة كايعصبني وندور نبغي نخاصمو ويدير راسو ماشي هو كان تاني حتى كانبغي نخرجو من القسم وياخود ديك شوشة ويديرها بين طاويلتو وطاويلتي كانبغي نخرج وكانبقا معلقة حتى تعوجات لي شوشة عصام ومليكة ميتين بضحك وبدر حتى خبطاتو شيماء
بدر:ويلي والله حتى تفكرت بالله هادش ناري ومنا انتي فرح
شيماء:مالي شنو درت ليك 
بدر:عقلتي ولا نفكرك كانت معانا واحد البنت غلييظة بزاف او واعرف كاتخلع كولشي كايخاف منها مشات لالة شيماء باش تنتاقم مني مشات عندها كاتليها بدر راه كاتعجبيه وكايموت عليك من شحال هادي البنت فاللول ماتيقاتش ولكن من بعد تيقات وجات عندي للحصة وكلسات حدايا كنت انطيح كاتلي موافقة وايلي هادي علاش موافقة دخلني شك وهاد شنيولة داخلة من باب الكلاس ميتا بضحك عرفت القضية فيها إن والمشكيل الكبير ماشي هنا المشكيل الكبير هادي البنت ممنوع تكوليها لا وترفض ليها طلب اترضك كفتة بقيت معاها حتى كملنا سنة دراسية كولها
عصام:اواه حتى كملتو دورة كلها وهو يتطرشخ بضحك 
مليكة:ناري ياختي حشومة عليك
شيماء:وماشفتيش فعايلو هو
عصام:هو على لفعايل مكاينش بحال شيماء
شيماء:ياك ياك علاش شنو درت ليك انا غير درويشة
عصام:امم درويشة نكوليهوم شنو درتي
بدر:وايلي حتى انت ماسلمتيش من فعايلها
عصام:عرفتي داك المندوب لي كان عمي كايتعامل معاه
بدر:ماتكولش لي سي الرازي
عصام:هو هداك اسيدي كان عندنا اجتماع كبير معاه سيري يالالة شيماء جينا للاجتماع بواحد الحالة شيماء ميتا بضحك
شيماء:سكت انت لي جبدتيني ديك ساع
بدر:ربي شنو لبستي
شيماء:عقلتي على ديك لبسة لي كنت كانلبس للمدرسة فاش كايكولي الاستاد اش هاد قوز قزاح لي لابسة هنا بدر تفرش بضحك
بدر:لا ماتكوليهاش ناري هادي البسة
شيماء:اه هاديك ومع صغارت علي وشي تعديلات فوجهي والمسكة فلاش بحال دوك لي فسيرك
بدر:ناري انتي والله تا علام عصام من هنا حضي راسك منها راه فيها الفعايل
عصام:داكشي لي حببني فيها
بدر:احمم رومانسية بدات تاني ههههه ناضت مليكة للكوزينة طل على الغدا وانا نتبعها وبقا عصام مع بدر
بدر:امضرا شنو قررتي دير
عصام:مزال ماقررت والو ولكن انت ماكلتيش لي واش هضرتي معاها
بدر:ماعرفتش مال خالتي تورية غير سونيت ليها باش نكوليها انجي نهضر معاها فالموضوع كاتلي الى علا قيبال عصام وزواجو بشيماء ماتهضرش معايا فيه وسدات علي
عصام:اووف ماعرفتش الواليدة مالها وهاد القسوحية ديال الراس
بدر:عطي الخاطر لراسك وماتجبد والو لشيماء خلينا فرحانين هاد الساعة وان شاء الله اتحل من عندو.
شيماء:دارك غزالة تبارك الله
مليكة:بصح عجباتك كولي لي كيدايرة امورك مع عصام
شيماء : الحمدلله غادية مزيانة مانكدبش عليك فرحانة بزاف وكنتمى هاد الفرحة يخليوها والدينا تكمل
مليكة:ان شاء الله عقلتي انا شحال ديال المشاكيل واجهوني ولكن ربي كبير غير ديري ايمانك بالله وان شاء الله مايكون غير الخير وغادي تكولي مليكة كالت
شيماء:يا ربي امين وانتي ولفتي زواج كيدايرة معاك مامات بدر
مليكة:الحمدلله كانمشي نزوروها وحتى هي كاتجي اما زواج ياختي زوين صراحة خصوصا مع شي انسان كايبغيك ويحتارمك ويقدرك هاديك أحسن حاجة والله
شيماء:الله يدومها محبة بيناتكوم يا ربي نباهوم بدر من برا
بدر:واش اتخليونا بجوع وتكلسو على تقرقيب ناب
مليكة:مالنا مانخافوش انت صبر
بدر:اياه احبيبة هي الولة انا صابر نابيتو انا
شيماء:ههه الحمدلله لي حياني الله حتى شفتك كاتصنت وتحدر الراس الله يعز الحكام
بدر:واسكتي وماتعجبي لا تبلاي دابا نشوفو انتي شنو اديري وديك ساع نتفرج فيك خرجت عندهوم هازة شلاضة حطيتها فوق الطبلة
شيماء:لا سمحلي انا راجلي حنين وعزيز عليه ومكايخسرش لي الخاطر
بدر:ممم دابا نشوفو منين طلع ليه القردة
شيماء:بصاح اعصام
عصام:ديها فيه احبيبة غير بغا يخصرنا مع بعضيتنا وصافي خليتهوم كايتناكرو ومشيت كانعاون مليكة فطباسل حطيتهوم فوق طبلة وقاديتهوم حطات مليكة البسطيلة ديال الدجاج مليكة حدا راجلها وانا حدا عصام قطعت لعصام وحطيت ليه
بدر:مم الحنان سعداتك اسيدي
شيماء:وباز غير تابعني واحضيني راه مراتك حداك تقطع ليك قطعات مليكة طرف وحطاتو لبدر قدامو باسها فوجها
بدر:الله يخليك لي
عصام:لا صافي انا غرت
بدر:ههه دبحتكوم فهادي ياك انا ماعرفت زعامة منين جاتني بست عصام فوجهو فرح وطلع حجبانو لبدر زعما ايحي فيك تغدينا بضحك من بعد البسطيلة جابت مليكة اللحم والمشماش كلينا صراحة فوجنا ونسينا همنا ومشاكيلنا جا وقت ديسير فواكه بالرايب بدينا ناكلو شوية بدر بدا كايضحك بوحدو
شيماء:مالك ياك لباس بسم الله عليك اش تفكرتي تاني
بدر:تفكرت رايب
عصام:رايب انا رايب
بدر:هههه تفكرت ادريس مول المحلبة شوية بديت كانضحك ومليكة كاضحك
مليكة:اميمتي كرشي هاداك سيد مسكين عندو شي حاجة فراسو
شيماء:واييه واسيد مكايحشمش 
بدر:اما انتي ساهلى ليه كنتي ضلي تعرقي ليه شيماء نسات واش عصام كاين
شيماء:ههه واييه واسيد وصلات بيه كاع بغا يتزوج بيا
بدر:وايلي
شيماء:والله البارح كالتها لي ماما جا يخطب ولكن ختك مشيت ليه عطيتو جوج كملات ورجعت فحالي
مليكة:ههه مسكين كون انا منو نرحل من ديك الحومة بقينا كانضحكو 
بدر:هههه عقلتي على انتي مسيمنات قلبي وحريشات عمري وفريميجت قلبي
شيماء:ناري يا خويا ماتفكرنيش نهار لي كنت جايا عندك لكافي واسيد قدام ناس كلس كايشعر علي 
بدر:اه هههه فاش درتي فيها عيزت نفسي
شيماء:صافي سكتنا بديتي تاني ههه
عصام:كايبان لي انا أخر من يعلم شكون هاد دريس(عصام من الداخل ديالو كايغلي بالغيرة انار شاعلة فقلبو أولا من هاد خينة)
بدر:ماديرش فبالك هدا واحد المسطي فحومت شيماء نهار كانت كانمشي عند مليكة شيماء غير تسخر عندو كايبقا يكوليها فشعر وكلام الحب
عصام:ممم هي انا محضوض لي شيماء ختارتني مادام عندها معجبين وختارتني انا منهوم
شيماء:ههه الله يهديك أشمن معجبين غير هداك مسكين شوية فعقلو هدا مكان ههه
بدر:شيماء تبارك الله ماتخافش عليها عمرها دسرات شي واحد عليها كانت بميات راجل ومكاتخليش شي واحد يفوت حدودو معاها حسيت بيد عصام على ايدي 
عصام:انا فرحان حيت عندي مرا بحالها وباس لي ايدي قدامهوم نضنا من فوق طبلة هزيت تيليفوني شفت فساعة لقيت هادي هي الوقت باش نمشي لدار حيت مشا الحال
عصام:نمشيو ياك
شيماء:اه من الاحسن نمشيو مشاو معانا بدر ومليكة حتى لباب دار
مليكة:عاوديها وجي عندي كانكون بوحدي منين كايمشي بدر لخدمة 
شيماء:ان شاءالله
بدر:تهلى لي فشنيولة ديالنا
عصام:واش كاتوصيني على حياتي سلم عليه عصام وسلمت على بدر وخرجنا مشادين الايدين حلي الباب ديال طوموبيل ومشا هو لبلاصتو وديمارا طول طريق ساكت ومغوبش شفتو غادي فواحد طريق وخرج على شانطي او وقف شفت فيه متعجبة 
شيماء:علاش وقفتي
عصام:كاتسولي معارفاش علاش
شيماء:لا ماعرفتش مالك
عصام:شوفي انتي كونماشي بدر لي جبد الهضرة على داك دريس ولا ماعرفت سميتو ماتكوليهاش ونكون انا أخر من يعلم ياك تافقنا على صراحة وزايداها كاتعاودي عليه وفرحانة(شيماء فرحات حيت حسات بعصام غار) ودارت 
شيماء:ولكن انا كلت هادشي ماشي مهم
عصام:شيماء لي يخصك كايخصني واي حاجة تخصك خاصني نعرفها كيفما بغات تكون واش عرفتي كيفاش حسيت وانتي كاتعاودي قدامهوم وانا مافراسي والو بحال شيغريب بحال لي لمكاينش ياك تافقنا ليكاين تكوليه لي واش عرفتي باش حسيت خرج عصام وضرب باب طوموبيل اوقف بعيد بقات كتشوف فيه شيماء وهو كيضرب الحجر برجلو خرجات من طوموبيل ومشات عندو شدات ليه فيديه
شيماء:انا والله مادرت فيها والو مكنتش بغيت نقلقك كتر مانتامقلق وخفتك دير شيحاجة حيت كنعرفك ومبغيتش نعقد الامور وانا حليت كولشي ولو اشيماء كان خاصني نعرف
شيماء:واصافي سمحلي والله مابقيت نعاود لي كاين انبقا نكولو ليك غير كون هاني شاف فيها وكايحقق شوفة
عصام:وعد
شيماء:وعد صافي مسامحة
عصام:اممم خليني نفكر ونرد عليك ضربتو ليدو
شيماء:وصافي بلاما تزيد فيه وتميت راجعة بجر من ايدو رجعت وسط لصدرو
عصام:زعما مكاينة بوسة ديال سماحة 
شيماء:لا مكايناش
عصام:لهاد درجة مابغيتي تحني على حبيبك وهو كايقرب فمو لي 
شيماء:لا مابغيتش باسها بشوية وشاف ليها فعينيها شيماء هنا جراتو لعندها من عنقو وباستو فمو هي لي خدات المبادرة هاد المرة هو معنقها من ضهرها وهي معنقاه من عنقو وشفاه ديالهوم ملاقيين فقبلات متقطعة وطويلة بوسات عصام لي كلها حنان ماشي بوسات رغبة ولا شهوة لا بوسة حنان وحب وأمان كايمتازجو فيها وكايضمو فيها شفاه بعضياتهوم عصام شاد وجه شيماء بين ايديه وكابوس كول جهة وكل شبرة من وجها وهي بدورها طلعات على صباع رجليها باستو فجبهتو وفشعرو وخشات وجها فعنقو وبتستو وبقات مخشية فعنقو ومخبية وكاتشم فريحتو وهو ضامها ليه بجهد ناسين فين كاينين غير هوما بوحدهوم فالعالم ديالهوم شيماء نسات راسها وكون صابت ماتمشيش من هاد البلاصة وتبقا مع عصام مايفرقهوم حتى حاجة نزلها عصام بشوية وباسها بوسة خفيفة فمها وعنقها من كتفها ومشا جهة كوموبيل ركبها ورجع لبلاصتو ديمارا طوموبيل وزاد وخدم الموسيقى فطوموبيل كانت أغنية ديال شيرين وفاضل شاكر كل عام وانت حبيبي كل عام وانت نصيبي عصام شاد فشيماء وكايغني مع الاغنية لشيماء وهي كاتضحك وعاجبها الحال حيت أول مرة تسمع صوت عصام كايغني ليها هي كاتغني فاش كاتغني شيرين وعصام مع فاضل شاكر حتى قربو لدار شيماء 
شيماء:عصام حبيبي وقفني غير هنا
عصام:خالتي ياك
شيماء:اه راك عارف
عصام:واخا حبيبة غير دخلي وسيفطيلي ميساج
شيماء:صافي كون هاني خرج حلي الباب خرجت سلمت عليه من الوجه عنقني وبقا واقف كايشوف فيا حتى دخلت لدار شيرت ليه بيدي وحليت ودخلت لدار حطيت سوارت ودخلت سلمت على بابا وماما
ماما:ايوا تعطيلة هادي
شيماء:راه كتليك انتعشا عند مليكة
ماما:قرب هادشي مايبقاش 
شيماء:كيفاش مافهمتش
ماما:طلعي لبيتك دابا من بعد وتفهمي ياربي تصبرني هزيت ساكي وطلعت لبيتي بدلت علي وتوضيت وصليت ساليت وتجبدت فوث ناموسية كانفكر.
خالتي:على سلامة
عصام:الله يسلمك اش مسهرك حتى لدابا مالفة كاتنعسي بكري
خالتي:كانتسنا فيك بغيت نعلمك قبل ماتنعس
عصام:باش الله يسمعنا خير
خالتي:سكينة غدا ان شاءالله غادي تجي راك عارف عرس بدر ماحضراتش ليه ودابا غادي تجي هي وراجلها
عصام:مرحبا بيها ولكن علاش كلتيها لي
خالتي:انا علماك باش تكون عارف المهم عندي ليك شي خبار حتى الغدا ان شاءالله ونهضرو انا انمشي نعس الله يصبحك على خير
عصام:تلقاي الخير بقا كايتعجب من تصرافات مو معاه كاتهضر معاه منيرفية ماشي عوايدها وهادشي كولو على ود غلط بسيط جات عندو خالتي حليمة شدات ليه فيدو
خالتي حليمة:ماتديش عليها اولدي راه غير بغات ليك الخير
عصام:ولكن أخالتي شنو درت انا
خالتي:مادرتي والو غير دير الخاطر لماماك وحتى كوثر الله يعمرها دار وبنت ناس وغاتعجبك ان شاءالله
عصام:كيفاش شكون كوثر
خالتي:علاه ماماك ماكاتليك والو
عصام منرفز:شنو اتكولي بضبط
خالتي حليمة:صافي خليها هي تكوليك اولدي الله يبيتك فراحة مشات لبيتها مبسمة وعصام راسو اينفاجر نافاهم اش هاد تخربيق وشكون هاد كوثر تاني طلع لبيتو بدل عليه وتكا فبلاصتو بحالو بحال شيماء نفس المشهد هزات شيماء تيليفونها وصيفطات ليه ميساج"توحشتك شنو كادير"وصل عصام الميساج وقراه وجاوبها"كانفكر امتا نشوفك حدايا وبجنبي ههه"واخا هو كان كايفكر فهاد المشكيل لي ماعرفش كيفاش يحيد راسو منو ولكن مابغاش يشطن شيماء معاه شوية سونا ليها باش يسمع سوتها
عصام:شنو كايدير العسل
شيماء:هههه كايفكر فسمن
عصام:توحشتك
شيماء:وانا كثر
عصام:خالتي كاتليك شيحاجة
شيماء:لا ماكالت والو
عصام:ان شاء الله اتقاد الامور تيقي بيا
شيماء:يكون خير يا ربي هي كاتهضر مع عصام سمعات دقان فالباب
شيماء:عصام شيواحد كايدق البيت تقدر تطون ماما انا انقطع دابا اوكي حبيبي
عصام:اوك كبيدة ديالي تصبخي على خير موااح قطعات معاه ونضت حليت البيت لقيت خويا طاها
شيماء:خلعتيني وقفزتيني مالك ياك لاباس
طاها:مالك شكون شفتي راه غير أنا جيت غير نكوليك واش تقدري من بعد ماتمشي تخلي لي هاد البيت ديالك حيت كبر من بيتي
شيماء:كيفاش اش كاتخربق انا بيت فالبيوتا وفين انمشي
طاها:منين تزوجي تخلي لي هاد البيت
شيماء:وشكون جبد موضوع زواج وعلاش كاتهضر
طاها:علاه مافراسك والو 
شيماء:لا مافراسي شاي شنو لي بغيتيه يكون فراسي
طاها:اه لا صافي بلاش حتى تكوليك ماما بغا يخرج وانا نجرو من الكول ديال تريكو
شيماء:اشوف اتكول لي دابا شنو كاين ولا والله مانعطيك فلوس الكونيكسيون يالاه كول شنو كاين
طاها:عطيني ونكوليك شفت فيه وجبدت صاكي ودورت معاه
شيماء:يالاه كول
طاها:سمعت ماما كبيلة كاتهضر مع شي مرا كاتليها مانلقاوش ماحسن منكوم لبنتنا وكاتليها مرحبا بيكوم نهار الجمعة نتسناوكوم شيماء كانت واقفة طاحت فوق نموسيتها كادور فعينيها ومصدومة 
شيماء:واش متأكد
طاها:والله أختي الى سمعتها واش انا انكدب عليك خرج طاها من البيت وخلاني مع صراعات ديالي واش ماما بغات تصطيني شنو ليوم الأربعاء خي بعدا غدا يجيو الخطاب الا مايمكنش هادشي دموعي نزلو بزز مني انا ماشي صغيرة راني بعقلي ومن حقي نتحمل مسوليتي وقراراتي وانا والله لا قبلت بهاد الزواج واخا يطرا لي طرا نضت صليت جوج ركعات وطلبت الله يدير لي تاويل ديال الخير فهادشي لي انا فيه مشيت لبلاصتس وتكيت حتى داتني عينس.فبيت طاها خو شيماء
ماما:امدرا درتي لي كتليك
طاها:كولشي هو هداك 
ماما:يالاه هاك ها باش واعدتك تبارك الله على ولدي عارفا الى عتامدت عليك عتامدت على راجل دابا مزيان نشوفو ختك شنو أدير وهي تبسم.أصبحنا وأصبح الملك لله صبح صباح نهار جديد كايحمل فطياتو بزاف ديال المفاجئات حسيت بشعا على عيني وريدويات كايتحلو
ماما:شيماء وانوضي باركة من العكز تنتي والعكز خوت هو يكوليك لالة وانتي تكولي لو سيدي نوضي
شيماء:وا ماما والله يهديك الله يهديك راه مزال الحال وا والله حتى حشومة عليك حليت عين وفتحت عين شفت ساعو كانت 8
شيماء:ماما دابا واش من نيتك واش باغا تسطيني واراه يالاه 8
ماما:انوضي براكة من الهضرة الخاوية نوضي تعاونيني 
شيماء:فاش انعاونك
ماما:فشقا راه انخملو دار ونصايبو شي حلوات 
شيماء:علاه شنو كاين جاي شي حد
ماما:نوضي وتعرفي يالاه نرجع نلقاك مازال مانضاي والله حتى ندوش ليك بالما البارد وانا كتليك هبطات ونضت بزز مني اول حاجة هزيت تليفوني لقيت عصام مسيفط لي ميساج "صباح العود ونرجس زهور على أجمل وردة فبستان قلبي غير كانقرا شيحاجة ليها كانبقى نفرنس جاوبتو انا"صباح معطر بنسمات لورود على أورع انسان شفتو عيني" حطيت تيليفون من ايدي ونضت كانجر رجلي دخلت لحمام غسلت وجهيوخردت جمعت بيتي وهبطت التحت لقيت ماما موجدة الفطور كلست كانفطر جمعت لماعن ديتهوم للكوزينة 
شيماء:دابا واش ممكن تكولي لي شكون جاي
ماما:شوفي ماتسوليني دابا كملي شغالك وديك ساع يجي وقت الحتيت مازدتش كلمة وحدة نضت على سعدي عكفت راسي بزيف وطلعت سروال حتى ركابيا وكلست شطب من هنا جفف من هنا قلبت الدار سفاها على علاها رضيتها كاتشعل ماساليت حتى ضهري تقسم غير ساليت كلست نستاراح بانت لي ماما جابا تقدية دبال الحلو الله يا ربي الله مزال حتى مارتاحت من تخمال وزيد عليها مقداش نهضر ونكوليها هادشي لي كادير فيه مامنو والو وانا والله لا وافقت على شيواحد من غير عصام واخا يطيرو وينزلو والله لا ديت غيرو تبعت ماما فهبالها وانا سادة فمي وكانتسنى لوقت لي نعاود ليها ونكوليها قراري ولكن والله لا هادشي ايكون دخلت الكوزينة بدست نصايب فديك الحلوة بالغدايد وانا كانتطل الله تخسر ولا تحرق وغير خربقت المقادير باش ماطلع ولكن الحاجة لي كاتعوجيها هي لي كاتجي زوينة ومقادة كولشي معكس معايا ساليت توجاد الحلوة وقاديتها فتباصل وطلعت لبيتي دوشت وخرجلت لبست حوايجي وتكيت فبلاصتي خديت تيليبوني سونيت لعصام مكايجاوبش المرة لولة وتانية او والو تشوشت عليه صراحة ماشي من عوايدو.
عصام:شوفي كلمة وحدة كلتها ليك انا راه ماشي صغير باش تبقاو تقرو علي 
سكينة:ولكن اخويا ماما بغات غير مصلاحتك 
عصام:سكينة دخلي سوق راسك انتي الله يخليك وخليك فتيساع
خالتي:عندعا دخل راها ختك وكوثر بنت ناس غير شوفها بعدا وحكم
عصام:واش باغيو تصطيوني بنت وحدة لي كانبغي وغادي ندي هي شيماء واخا ديرو لي درتو
خالتي:خلاص علي شيماء شيماء كون كانت كانبغيك ماتخليكش
عصام:هي ماخلاتنيش انا لي خليتها ولصقاتها فراسها باش ماتخسرش وجهي مع الاهل ديالها شوفي من هادشي كولو الواليدة واخا طيرو وتنزلو شيماء لي أندي
خالتي:والناس لي دايرين معاهوم غدا
عصام:شنو ضرب ايدو مع الحيط واكايتغدد واش كانكوليكوم ماديروش داكشي لي فراسكوم واش اتحمقوتي واش كاتسحابو بهاد التصرف اتحطوني قدام الامر الواقع لا والله لا كانت ودوك الناس لي اتمشيو عندهوم غدا سيرو بوحدكوم انا والله لا ضربت فيها عطرة معاكوم وانا كتليكوم وعارفيني وانكولها ونعاودها انا كانبغي شيماء وهي لي اتكون مراتي وسالينا خرج مع الباب وضربو حتى تهزو من بلاصتهوم سكينة شافت فمها وهوما يطرطقو بضحك وضربو ايديهوم مع بعضياتهوم 
سكينة:ناري يا ماما انتي زعمة خطيرة ماضنيتش ايطلع منك هكا
خالتي:باش يتعلمو يلعبو معانا قاش قاش شحال حمقونا وبكينا ومرصنا من فراقهوم ودابا جايين بحال الى حتا حاجة ماوقعات
سكينة:أه بصح عندك الحق صراحة خلعني واش شفتيه كيفاش عتارف قدامنا كايبغيها عمر عصام مكان هكا تبدل صراحة
خالتي:الحمدلله شيماء ماخيباتش لي ضني
سكينة:ودابا شنو الخطوة جايا
خالتي:دابا للخطوة جاية نوبت لالة عيشة هي من هنا ليل اتكولي شنو دارت هههه.
شيماء:كيفاش ههه كاضحكي ياك (انا عارفة ولكن اماما والله عمري رفضت ليك طلب حتا لهادا ولا)واش اماما رأيي ماعندو حتا أهمية عندك واش كاديريها لي بلعاني ولا شنو واش نهار جيت كلتي لي دريس ودابا جايبة لي حميد ولد صاحبتك خديجة لا واقيلة كضحكي
ماما:انا مجاياش ناخود رأيك انا جايا غير نعلمك باش غدا تكوني واجدة ناس ايجيو يشوفوك ونقراو الفتيحة 
شيماء:وا ماما واماما والله يهديك واراه حنى ماشي فالعهد الحجري شوفي ماما لي نطولوه نقصروه هاديك الخطبة والله لا حضرت ليها ولي انديه هو عصام هو لانسان لي كانبغيه
ماما:شوفي بلاما طلعيهوم في كون كنتي كاتبغيه ماتفسخيش الخطبة معاه واش حنا هنا كانلعبو راه ضسرتك وديما تابعاك فهبالك ودابا مجاياش ناخود رأيك غدا وجدي راسك بغات تخرج ورجعات
ماما:ومكاين خروج اليوم ديري شي ماسك لوجهك باش غدا تحمري لي وجهي مع ناس خرجات من البيت وهي كاتسمع فشيماء كاتغوت.والله لا ديتو وا والله لاكان لي وانا من عصام منخلاق وانا كنكولها ليك مشات مامات شيماء وهي كتضحك
شيماء الفقصة بغات تاكلها عيات ماتصبر قرات تعيط على عصام وتعاود ليه كولشي هادشي فوق طاقتها خدات تيليفون ركبات نمرتو كاتسوني والو مشغول اووف اوف مالقا امتى يهضر غير دابا كاتقطع كاتعاود نفس شي مشغوا.عند عصام لي طلع لبيتو معصب بقا شحال كايفكر خاصو ضروري يشوف شيماء ويلقاو حل لهاد الحريرة هادي خدا تيليفون ديالو ركب نمرتها وبقا كايسوني ليها كايلقا الخط مشغول زاد تعصب عاود المرة تانية او والو فجوج جوايه واحد كايعيط لتاني فدقة وحدة وهو يقرر يكتب ليها ميساج"شيماء خاصني نهضر معاك ضروري"شوية سمع تيليفونو لقا ميساج من شيماء"عصام خاصني نهضر معاك ضروري" فالوقت لي وصل ميساجو لشيماء من بعد جوج دقايق جاها ميساج من عند عصام "انا انسوني ليك دابا"ديك ساعة سونا ليها
شيماء:الو بجوج فنفس الوقت معامن كنتي كاتهضر (ي) بداو كايضحكو بجوج
شيماء:كنت كانسوني ليك
عصام:ممممم زعما غير gري معامن كنتي كاتهضري شيماء:كيفاش معامن كانهضر دابا واش هادي وقت غيرتك تاني والله حتى كنت كانهضر معاك عصام:صافي الالة تيقتك غير ماتقلقيش حتى انا كنت كانهضر معاك شيماء:ايوا شفتي القلب على قلب عصام:المهم ماعليناش بغيتك ضروري عندي مانقوليك
شيماء:حتى انا كول انت اللول
عصام:لا بداي انتي 
شيماء:ماما اعصام ماما اتحمقني
عصام:كيفاش مافهمتش شنو كاين شيماء بقات شحال ساكتة حتى زعزعها عصام
عصام:واكولي خلاص بلاما تعصبيني وانا لي في كافيني
شيماء:عصام غدا جاين لخطاب كالتها بزربة وسكتات 
عصام:(الصمت) 🤐🤐🤐شيماء:عصام واش سمعتيني شنو كلت ليك عصام:بلاتي عاودي اش كلتي كاضحكي علي ياك شيماء هادشي راه مافيهش الضحك الله يخليك كولي كاضحكي كانهضر معاك اشيماء وباراكة من تفلية وبلاما تختابري صبري
شيماء:دابا لاش كاتغوت علي انا كتليك شنو كاين غدا جايين الخطاب فيا ماما من صباح كاتوجد وتقاد 
عصام خبط ايدو مع الحيط العروق دراسو بانو مامصورش حبيبتو تكون مع شي واحد أخور والله للكانت واخا يعرف يخطفها يدير اي حاجة غير ماتكون لحتى واحد
عصام بالغوات:انتي مكاتعرفيش تكولي لا ياك ا شنو كلتي
شيماء:راه ماخليت ماكلت ليها مابغاتش تفهمني وغوتات علي لدرجة انا كتليك شنو كاين غدا جايين الخطاب فيا ماما من صباح كاتوجد وتقاد 
عصام خبط ايدو مع الحيط العروق دراسو بانو مامصورش حبيبتو تكون مع شي واحد أخور والله للكانت واخا يعرف يخطفها يدير اي حاجة غير ماتكون لحتى واحد
عصام بالغوات:انتي مكاتعرفيش تكولي لا ياك ا شنو كلتي
شيماء:راه ماخليت ماكلت ليها مابغاتش تفهمني وغوتات علي لدرجة منعاتني مانعتبش باب البيت
عصام:شوفي نكوليك عمرك ماتحلمي تكوني لشي واحد غيري واخا يطيرو وينزلو واش سمعيني شنو كانكول عمرك تحلمي تكوني لشي واحد أخور مفهوم اتكوني شيماء الجندي الوالي مفهوم حسات بالفرحة من الداخل ديالها حيت عصام واقف جنبها ومعاها راجل ومسؤول
شيماء:وانا عمري نكون لشيواحد غيرك ولكن شنو انديرو ومكلتيش لي انت شنو الحاجة ضرورية لي عندك
عصام:لا بلاش نساي
شيماء:عصاااااااام
عصام كايشد فراسو وكايدوز على شعرو
عصام:الوليدة بغات تخطب لي شيماء ليكانت واقفة طاحت فوق ناموسية وحسات بالغصة فحلقها مابقاتش واعيا اش كايضور فبالها جميع الاحتمالات دازو قدام عينيها احتمال تخسر عصام احتمال تفارق معاه من بعد هاد المعانات كلها واش اتفرح ولا اتستمر فهاد المعنات والاحزان ديالها واش من حقها تفرح ولا لا حتا حسات بدمعة سخونة نزلات من عينها
عصام:مابغيتش دمعة وحدة تنزل من عينيك واخا ان مامعاكش ولكن حاس بيك وقدام عيني وانا عطيتك كلمة وحدة عمر شي وجدة تكون لي من غيرك انتي وهادشي فهمتو حتى لوليدة 
شيماء:وشنو المعمول شنو الحل ماعرفتش انا مال هاد زهر ديالنا 
عصام:خاصني نشوفك دابا وضروري
شيماء:ولكن ماما مانعاني نخرج حتى من بيتي شنو ندير
عصام:ديري اي حل المهم بغيت نشوفك ودابا شيماء مانبغيش كلمت لا خاصنا نلقاو حل انا من هنا لنص ساعة نلقاك حدا شارع وقطع تيليفون شيماء بقات غير كاتشوف ماعرفات مادير كاتفكر لشنو تكول لمها حتى تخليها تخرج بقات ساهية شحال ناضت بزربة هزات صاك ديال الحمام خشات فيه شي حوايج واحد سطل دارت فيه الماعن ديال الحمام لبسات جلابتها ومع هي أصلا يالاه خرجات من دوش ماغاديش تعيق حلات الباب وهبطات بساكها وبسطلها باش تكول لمها غادية الحمام دخلات لمراح مالقاتها كوزينة مكايناش فيها ادا اتكون فالبيت غادية جيهت البيت كان غير مرضوض شوية كاتسمع مها كاتوشوش قربات يالاه حطات ايدها على البوانيي ديال الباب كاتسمع فمها كاتكول
ماما:واكون تشوفي وجها منين كتليها الخطاب جاين ولات كاتحمار وتخضار صراحة اختي تورية بقات في بنتي مكانتحمل نشوف دموعها ولكن على لي دوزو علينا كانكول هانية كل كلمة كانت كاتكولها مت شيماء شيماء كاتخرج عينيها وهي مصدومة من داكشي لي كاتسمع 
ماما:ولكن حتى انتي مساهلاش هاد الفكرة كاع ماطاحت على بالي ايوا الله يدير الي فيها الخير وعنداك حتى انتي لا تبيني لعصام ويحن قلبك قساحي ههه وادوزي بخير اختي تورية لهلا يخطيك تصبحي على خير رجعات شيماء بشوية باش ماتسمعها وقفات فدروج وهي مصطومة وفرحانة فنفس الوقت كيفاش داروها بيهوم حشومة عليهوم هي وعصام كانو غادي يحماقو ولكن وليديهوم طلعو ماسهلينش شيماء بغات تنقز وتغني غير خافت تسمعها مها قادات الوقفة وجلابة ودارت راسها يالاه هابطة وكاتعيط
شيماء:ماما ماما
ماما:هاني اش كاين شافتها وهزات حاجب فين غادية
شيماء:غادية الحمام واش بغيتيني نبقا بهاد الحالة بغباريتي وناس جايين غدا
ماما:ديك ساع دوشي فدوش
شيماء:ماما هاد الحالة خاصها فركة فالحمام ماشي دوش والجو بارد كيف درت وحلت الله يهديك
ماما:صافي سيري وماتعطليش راني عارفاك كاتمشي الحمام وتكلسي على جماعة هزيت ساكي وصطلي وخرجت وانا غادية بزربة وكنتلفت ورايا لاتكون جايا من ورايا غير خرجت جيهت شاريع كاتبان لي طوموبيلت عصام واقفة غير شافني حل لي الباب دخلت بزربة طلعني وهبطني
عصام مخنزر وباينة فيه معصب نيت:واش غادية الحمام
شيماء:هدا هو الحل لي كان عندي باش نخرج من دار ودابا زيد من هنا ديمارا طوموبيل وغادي بسرعة انا وليت اخايفة منو على هاد الحالة
شيماء:غير بشوية عليك مالك
عصام:بلاما تهضري دابا الله يرحمليك الوالدين خليني ساكت لاندير شيحاجة ماشي هي هاديك شفت فيه ودورت وجهي لعند شرجم شاف جيهتي
عصام:والله حتى زوينة هادي شفتك مرتاحة الالة وعاجبك الحال بحال الى حتا حاجة ماوقعة ياكما تكوني نيت بفيتي تهناي مني ضرت خنزرت فيه
شيماء:كيف درنا وحلنا هضرنا وحلة سكتنا وحلة ياك كلتي نسكت حتى نوصلو واهاني ساكتة وسكت حتى انت وهانينا عصام بقا مايشوف فيا ومن ردة الفعل ديالي وابسيف عصبني مشينا لقهوة ديالنا لي ولفنا انكلسو فيها حيت كاتكون خاوية وقف طوموبيل 
شيماء:من الاحسن نبقاو هتا انتفاهمو حسن ونفكرو مزيان على الى كان معانا شيواحد
عصام:لي بان ليك انا دابا ماعندي حتى قرار فبالي 
عصام:بغيت نكوليك شيحاجة
عصام:بلاما تكولي انا لي متأكد منو هو ماغادي تكوني لحتى شي واحد كانحلف بيك بالله اشيماء لاكنتي لشيحد ضروري نلقاو شيحل
شيماء:واش واخا تخليني نهضر
عصام:عارفك اش اتكولي هادوك وليدي ورضاتهوم هي لولة اه فاهم هادشي ولكن انتي مابقيتيش صغيرة نتزوجو اشيماء ونحطو قدام الامر الواقع هكا هدا هو الحل شيماء شوفي فيا ماتبغيني ياك كاتيقي فيا ديري ايديك فيديا ونمشيو من هنا نتزوجو راه مانقدش نتحمل انا ماحسيت بقيت شادا فراسي بزربة ضرت عندو وشديت ليه راسو بيدي وحطيت فمي على فمو وبستو بقا كايشوف فيا بعينيه بعدت عليه بشوية
شيماء:مالقيت ماندير هادي هي طريقة لي تسكت بيها وتخليني نهضر وانت من صباح لوك لوك لوك
عصام:ماعرفتش منين جايبة هاد البرود ديالك واش ماحساة بوالو ماعندك سوق لهادشي لي ايوقع
شيماء تقدات فالكرسي ديال طوموبيل ودارت ايديها ورا راسها وتبسمات:صراحة فاللول اه مانكرش كنت خايفة ولكن دابا الا
عصام بستيغراب:دابا الا وعلاش زعمة شنو لي تبدل 
شيماء:حيتاش كون كان هادشي لي ايوقع بصح كنت انتخوف منو ولكن مادام هادشي لي واقع كولو كدوب وتمتيل ماعندي علاش نخاف عصام مستغرب وساكت ضارت شافت فيه شيماء ومبسمة
عصام:شيماء هادا ماشي وقت الضحك ديالك جيني نيشان ببا لف ودوران وفهميني
شيماء:من صباح بغيت نفهمك انو هاد الخطبة وهادشي مامل لي واقع بينا انا وياك غير تمتيلية من عند خالتي تورية وماما عصام مع للكلام الخر بقا حال فمو وكايشوف فشيماء مامصدقش شنو سمع بقا ساكت وساهي
شيماء:امالك تقادات ليك الهضرة دابا
عصام بلع ريقو:شيماء الى منتي كاضحكي معايا وغير بغيتي تبرد علي شوفي شي طريقو وحدا خرى حسن اما هادي بلاش وتلعبي على أعصابي
شيماء:اووف راه كانهضر معاك بصح الوقت لي كنت جايا عندك هبطت عند ماما باش نكوليها انا غادية الحمام ولكن بصدفة سمعتها كانت فبيتها كاتهضر مع خالتي تورية وكايضحكو علينا وسمعتها كاتليها هادسي مامل داروه باش يعطيونا درس على داكشي لي دوزنا عليهوم فهمتي دابا ولا نزيد نشرح يعني كولشي تمتيل فتمتيل.
عصام حل فمو :هاه هاه هاه يعني يعني دابا داكشي لي كالت لي خالتي حليمة كانت بتيفاق الوليدة وحتى سكينة مشاركة فيه وحتى ماماك هاه هاه بقا كايحرك راسو من جيه لجيه مامتيقش دابا يعني مكاين لا خطيب لا والو ياك ياك اشيماء يعني هادشي كايعني انو انتي لي انا ياك جرني لعندو بجهد كايبوس فمي وجهي عنقي زيفي طيرو من راسي كايبوس ايدي عيني راسي ويعنق بجهد
شيماء:واباراكة واكواك راك بجغتيني واهاد الحمق بشوية 
عصام:واااااااو بجهد واهاااااو واععععع وااااووو انا كانجر فيه ونسكت فيه شدني وخشاني تحتو مابقيتش كانبان 
شيماء:عصام حبيبي الرجوع لله 
عصام:ماتصوريش قداش فرحتي ماتصوريش قداش ريحتيني وفرحتيني الحمدلله اللهم لك الحمد ناري كنت غادي نتسطا ونحماق شاف لي فوجهي وكايشوف فمالاميحي ماتصوريش قداش كانبغيك وزدت تيقنت كتر منين حسيت اني ممكن نخسرك انتي أغلى حاجة عندي وبنسبة لي مانقدرش نتصور حياتي بلابيك كايمسح على وجهي بيديه وقرب من فمي وطبع بوسة طويلة على فمي وحط جبهتو على جبهتي ومغمض عينيه عنقتو وبقيت شحال وانا قوسط من صدرو 
شيماء:شنو غادي ندير دابا غدا 
عصام:ماعرفتش انا منين سمعت هادشي مابقا هامني والو هههه لي مضحكني هو والدينا منين جابو هاد الافكار وتشيطين ديالهوم
شيماء:ماعرفتي كاع منين الله يخلف على المسلسلات والافلام كانو ايخرجوهت منا
عصام:واراه خرجوها منا نيت
شيماء:علاش حتا حنا مانديروها بيهوم شاف فيا عصام
عصام:اخ منك ومن أفكارك فاش كاتفكري تاني
شيماء:صراحة مزال مافكرت فشي حيلة ولكن خاصنا نلعبوها بيهوم كيف دارو لينا شنو بان ليك هههه
عصام:بحالاش متلا
شيماء:حتى واحد مايحضر غدا للخطبة 
عصام:هههه اهاه فين انمشيو بالنسبة لي الفكرة راقتني نيت
شيماء:هيهيهي حتا انا 
عصام:كاتخلعيني بفعايلك ولكن انا معاك فهادي
شيماء:صافي تسنى مني بليل ميساج نكوليك شنو الخطة تافقنا
عصام:صافي مشات ضحكنا بجوج وعاود رجعت نعست فصدرو مخشة فيه كيف شي مشة بقينا هكاك معانقين شحال تفكرت دار وانا نوض
عصام:مالك
شيماء:خاصني نمشي حيت تعطلت وبحال والو ماما تخلط علي الحمام ويلى مالقاتنيش تما نقدرو نتفضحو
عصام:واخا حبيبة ديالي مكرهتش نبقا معاك ولكن ايام الله جايا وغمزني باسني بوسة خفيفة على فمي وديمارا طوموبيل وزاد طول طريق ماطلقش لي ايدي حتى وصلني لشارع فين حطني بقيت شحال كاندور فعيني ليشوفني شيواحد مابان لي حتا واحد ضرت عند عصام ليكان كايشوف فيا نزلت على فمو بواحد البوسة ديال الغدايد حتى تسمع صوتها وحليت الباب دغية وهربت مع ساكي وسطلي ماتليتش تلفت من ورايا حتى وصلت لدار حليت الباب ودخلت لقيت ماما كاتعنر فأتاي مشيت بست ليها راسها
ماما:بصحة كيكان الحمام
شيماء:زوييين وسخون وخاوي ماتسخايش تخرجي منو
ماما:ايوا كون سكنتي فيه وبقيتي تما
شيماء:ماكرهت شافت فيا ماما
شيماء:ههه غير حيت الجو بارد برا والحمام سخون كاتسحلاي دفا كبي لي الحبيبة واحد الكاس بعقلو 
ماما:ياك لباس شفتك فرحانة
شيماء:حتى ندير لشعري باتشا ونكوليك اماما زوينة طلعت لبيتي وخديت تيليفوني سونيت لعصام ديك ساع جاوب
شيماء:ألو ماعنديش الوقت بزاف الي نكولو ليك ديرو الى وصلتي لدار اتكوليهوم انك وافقتي على الخطوبة 
عصام:وعلاش
شيماء:بلا علاش وكيفاش دير لي كتليك تيق فيا واخا
عصام:أمري لله واخا
شيماء:موااح هكاك نبغيك وانا نقطع معنقة تيليفوني وكانعض فشواربي وفرحانة بأفكاري توضيت بعدا وصليت ضورت باتشا لشعري وعكفتو بزيف وهبطت لعند ماما لقيتها فبلاصتها كلست حداها وخديت كاسي كانتمدق فيه وماما كاتشوف فيا وتشوف فضحكة لي على وجهي
ماما:لا لا انتي بيك شيحاجة ياك لباس
شيماء:وايلي اماما واش خطبتي غدا ومابغيتينيش نفرح
ماما:ايوا سبحان مبدل الاحوال غير كبيل كنتي تغبني وتبكي مابغيتش مابغيتش شفتك بدلتي رأيك
شيماء:ايوا اماما انتوما والدي واناس الكبار ماغاديش نعرف مصلحتي كتر منكوم وليدارتها ماما الحبيبة انا معاها
ماما باستغراب:وعصام
شيماء:كيف كلتي انتي مايصلاحش لي ومانصلاحش ليه ماما غير مبهوضة ضحكني شكلها (شفتي تصدمتي ماشي بحال صدمة لي تصدمت انا ولكن طلعت كانشبه ليك فالافكار)

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.