كان في جوع مشيت انا وشاف المطعم ديال الفندق خدينا باش انتغداو مايوقف علينا غير سي وديع وهو كايندغ فالمسكة صراحة هاد سيد مكانحملوش وكايجيني تقيل واخا هو زوين زينو باسل وضاسر
وديع:اهلا اهلا شمون كاين هنا داكشي علاش المطعم نور
شاف:ربي خليك سي وديع كيداير لباس والانسة ليلى خطيبتك لباس
هنا وديع بحال الى صرفقتيه(ام اه الحمدلله غير شي خلافات)
شاف:انا عقت بيه من البارح منين كايشوف فيك ويضور بيك ستاغل الفرصة خطيبتو مسافرة انا هداك لي كانعرفو خدمت معا باه واحد المرة كاع الموضفات كايدور بيهم حضي راسك منو راه مكايسواش واخا تشوفيه مشى راه مكايتوبش غادي يرجع يستحفى باش يطيحك فشبكة
شياء:اختي رشيدة بغيت نسولك واش اول مرة تغدمي مع سي الوالي
شاف:لا ماشي اول مرة كنت خدمت معا باه الله يرحمو كان انسان الله يعمرها دار كل واحد كايعطيه حقو وكايتعامل مع الموضفين بحال ولادو وكثر هادشي لي كان ايعرضو لواحد الخسارة حيت لقاو شي واحد كايتلاعب بالحسابات وهنا فين جا ولدو عصام وبدا الخدمة حيت قرا على الفندق فافرنسا وحتى اسبانيا ودرس شوية فايطاليا باش ياخد خبرة على المطابيخ ديال اوروبا ولكن منين جا المغرب ولقا باه فديك الحالة مقدرش يخليه وهو لي شاد المسؤولية كلها ومات باه الله يرحمو وخلا ليه كولشي ودابا هو المسؤول على هادشي كولشي ومسؤول حتى على عمتو وختو لي مزوجة وعندها جوج وليدات عايشة فطنجة وهي صغيرة
شيماء:علاش هو شحال عندو
شاف:34سنة واختو 28سنة لي ماقديت نفهم هو عصام مكانش هكا كان انسان مختالف كايضحك ويلعب
وكيتصرف مزيان علاش انتي بضبط كايعاملك هكا
شيماء:واقيلة حيتاش انا على قد الحال ماراضيش يتعامل معايا كيف ناس فينما يشوفني كايدير في شوفات خايبين بحال الى معرفت شنو درت ليه وفينما نتلاقاو يسمعني هضرة كيف سم وكايردني بحال شي وحدة مامزياناش وباغية تصيد
شاف:ماديريش فبالك وماديهاش فيه لبلاصة لي كون فيها خويها انتي وتفاداي تهضري معاه باش تبقاي هانية ويدوز هاد سطاج على خير وديك ساعة ماتشوفيه مايشوفك يالاه يالاه بقينا بجماعة راه خاصنا نحطو ليهم الغدا باش تمشي وماتعطلي
شيماء:واخا يالاه مشينا
دخلنا وجدنا طباسل وكلشي فوق طبالي دخلو ناس وستقبلتهم بضحكة ديالي بحال ديما حتى دخل المخنزر بغا ينطحني شافت شاف كاديرلي بعينيها مانديهاش فيه داكشي لي درت قدمنا لناس الماكلة كلسي هو هداك سالاو ناس ماكلتهوم وجاو ناس لي يهزو الماعن جمعوهوم مشيت عند شاف
شيماء:دابا سالينا يمكن لي نمشي ياك خاصني باش نوجد نشوف نكري وناخود فولار
انسة شنو سميتك
ضرت لقيت المخنزر صبحنا على الله ياربي على زهر
شيماء:انسة شيماء الجندي
عصام تبعيني لمكتب بغيت نهضر معاك مشا وخلاني
شيماء:رشيدة شنز بغا هدا ياكما بغا يجري علي
شاف:تويلي لا سيري شوفي شنو بغا وماتسكتيش ليه
شيماء:واخا واخا يكون خير هاني مشيت دعي معايا
خرجت وكندعي الله مايجريش علي واصلا انا مادرت والو مع دخلة كلت بسم الله ودقيت ودخلت لقيتو كالس ورا المكتب ديالو كان مكتب كايعطيك واحد طابع بالهيبة وريحتو كاتعطي فيه كبيرة كبر من بيتي هههه الفطويات بالون القهوي بارد ومعلق شي لوحات فالحيط
عصام:الالة افين مشيتي حضري عقلك معايا المهم لي نطولوه نقصروه العشية بغيتك تمشي لهاد العنوان شي ناس جاين عندنا لدار منهم ختي وراجلها وعائلة راجلها وطيابة لي عندنا تهرسات رجلها ومكاينش عندي الوقت لي نجيب شي وحدة اخرى تبلاصيها وبغيتك انتي تجي وماتخافيش كاين لي ايعاونك
شيماء:شنو ولكن ولكن علاش ماتكولهاش لشاف رشيدة هي حسن مني ياك كلتي انا غير مساعدة ديالها وبغيتي تعطيني هاد المسؤولية ماخفتيش فبلاصة الملح ندير سكرولا ندير ليك دجاج بريشو وبراسو
عصام ناض من بلاصتو وجا حدايا ناري مي ويلي لا الخلعة طلقي مني
شيماء:عندي بزاف ديال الحوايج نقضيهم وهادشي لي كلتي جا ماشي فوقتو وحتى انا عندي دارنا اوالدي
عصام:ممم الى داركم عارفين الخدمة واتعلميهم اما على الغراض لي عندك اجليه ولا حبيب القلب مايقدرش يصبر
شيماء تعصبات دارت هزات ايدها حتى لسما وجمعاتها معاه بتصرفيقة معتبرة معرفاتش كيفاش دارتليها ولكن هو لي عصبها كل مرة كايجرحا جمعات ليه بزاف شوفاتو خلعوها منين تم جاي قاصدها وعينيه حمرين وكلهم شر هو جايها وهي كاترجع بلور حتى تزدح راسها مع الحيط دفعا وردخا وزير عليها مزيان
عصام:شنو كايسحاب ليك راسك درتي وشكون نتي لي ديري لي هكا وكيفاش حتى تجرئتي واش عارفة بسباب هاد الطرشة نقدر نجري عليك
شيماء:ماشي شغلي جري علي الى بغيتي وانا ماندماش حيت ضربتك تستاهل كثر من نهار دخلت لها ونتا غير تعايرين وضرب فالمعاني وانا ساكتا ليك ياكما كاتسحابني جفاف تمسح بيه رجليك
عصام تعصب وضرب ايديه مع الحيط
حتى طارت من بلاصتها كلها كاترعد
عصام:فخبارك ممكن نعاقبك على هادشي ماشي بضرب كاينينطرق خرين ايندموك على نهار فاش هزيتي ايدك علي
بدا كايقربيقرب حتى وجوهنا ايتلاصقو كانشم ديك ريحا رجولية ديالو ناري مي اشبغا يدير ناري مي لا ناريويلي لا خاص ندير شيحاجة وتفكرت واحد الفكرة شفتها فالافلام حسبت حتى ل3 وانا نطيح سخفت ديال بلعاني وانا حاسا بيه كيفيق في
عصام:انسة شيماء شيماء وافيقي واناري شحال تقيلة اش كاتاكلي الحجر
وانا فخاطري اليعطيك العما بسم الله علي
عصام:وافيقي واتتي غير على سبة
هزني وحطني فوق الكرسي ومشا يجيب لي كاس ديال الما وانا شاداني ضحكة جا قرب حدايا رشني وبديت كنفيق زعمة بالعاني
شيماء:ممم اح الراسي اشنو طرا لي وكانشوف فيه قريب لي اويلي اشنو درتي لي اويلي لاش قريب لي هكا هضر شنو درتي لي ومالي حالتي هكا ستاغليتي لفورصة ياك وكلتي هادي بوحدها فالمكتب معايا ناري واكواك اعيبادالله عتقو روح تكرفس علي واععع واعع حط اديه على فمي وداني وجابني
عصام:سكتي الكاريثة سكتي التسونامي انتي مالكي عوشارية مالك مكاتسكتيش اش بيني وبينك حتى نمسك اش فيك مايتعجب بعدة وانتي كيف شي دبدوب وانتي غير سخفتي وكانفيقوك بغيتي تحطي علينا باطل (غير حيد اديه وانا نسمعو واحد سانفونية يا سلام)
شيماء:انا دبدوب بزاف عليك ولهلا يحييك الى انا دابدوب انت شنو راسك كيف دنجالة انا بعدا دبدوب كايشريوه ناس بتمان ويعطيوه كادو كيتك انت لي راسك كيف تيمومة ) حتى طلقت الحلوق عاد عقت راه هادا المدير ماشي مول المحلبة لي فزنقة اويلي ليوم نمشي فحالي مافيهاش
عصام:ساليتي معيور ياكما يسحابليك راسك فالحمام راه وجهك نيت وجه الكسالات شوفي دابا بلا مزايدة انعطيك العنوان ديال دار خودي ليك طاكسي وسيري لدار ليل يكون كولشي واجد.
ناري ونجي ومنلقى حتى حاجة واجدة ولى ناقصة حسن ليك ماتعرفيش شنو غادي ندير ليك يالاه خرجي وسدي معاك الباب
شديت العنوان وهزيت ساكي وخرجت غادية ونعاير فبلاصة مايصيفت معايا شيفور كاليك شدي طاكسي وجهو صحيح مهم خاصني نعيط على ماما
خديت تاكسي وعطيتو العنوان بقا غادي بي حتى دخلنا لواحد الحي راقي غير الفيلات وديور الغزالين ولكن بالتسبة لي مكاين ماحسن من الاحياء شعبية ضحك وجماعة ويوقفو معاك وقت الحزة ماعليما حتى وقفني قدام فيلا واشمن فيلا غزالة غزالة مصبوغة بالون ازرق سموي بارد خلصت مول تاكسي سونيت فالباب حلات لي واحد البنت باقي صغيرة
البنت:وي لالة شنو حاب الخاطر
شيماء:هادي فيلا سي الوالي
البنت:اه هي هادي شكون انتي
شيماء:انا شيماء الجندي صيفطني سي عصام الهنا باش نوجد العشاء ديال اليوم
البنت:اه مرحبا تفضلي
غير دخلت تبارك الله واخا ناس عصريين ولكن الفراش بلدي وتقليدي معادا واحد صالون صغير لي عصري نوصف ليكم الصالون البلدي طلامت باللون الكري وتيركواز والكري داكن زربية تركية بشيبي والكبص فسقف والكليما وتريا كيدايرة والبلازنا قاد سينيما فالحيط اما صالة صغيرة فهي فوطويات ديال جلد وساعة دهبية فالحيط سجالة طراز جديد فوق طابلة وضو شوية ناقص كايعطيك الهدوء
او واحد الخزانة كلها كتوبة عاد المراح في صالة مونجي خشب ديال العرعار 12كرسي وقدها قداش عاد صالة تانية مكنتش شفتها تقليدية حتى هي بالغوز والموف والبيض والكري يعني كلشي غزال هادسي غير لي شفت حتى دخلت واحد المرة كبيرة فالعمر
المرة:سلام بنتي انتي هي لي صيفطك عصام ياك
شيماء اه هي انا
المرة:مرحبا بنتي انا حليمة وانا لي كنت مربية عصام وفمقام امو تبعيني الكوزينة باش نوريك كل حاجة وبلاصتها
تبعتها الكوزينة يا حليلي على الكوزينة نفرش فيها ونعس هادو هوما الكوزينات لي يحلى فيهم الطياب بالبيض وكلشي فيها البلاكارات وتلاجة والبوتاجي كلشي لونو ازورق سموي (هاد اللون كايجيب الراحة النفسية) داكشي باش دايرينو هاد الناس وراتني دادة حليمة كلشي وبلاصتو الماس المعالق العطرية الخضرة كلشي كلشي
دادة حليمة:هي نبداو ابنتي ضيوف قربو وانا لي انعاونك
ديك ساع درت طابلية وكفضت على كمايمي وداك زيف لي كنت دايرة حيدتو وعكفت بيه وليت بحال طيابات ديال الحمام المهم بديت بالبسطيلة ديال الحوت درت 5كبارات دخلتهوم الفران ومسكينة خالتي حليمة ماخلاتش من جهدها درت الروز الباسماتي مفور بادجاج محمر ولوز والكركاع والبصلة رقيقة محمرة ومعسلة عاد درت ليهوم اللحم مبخر ومحمر ومزين بالمشماش معمربالكركاع وكويرات البرقوق مطحونين ومدوزين فالجنجلان واللوز عاد شلاضة ديال جردة بحال شي طارت وفالحلاوة كيك كلاص بالشكﻻط والفاني هادشي كلشي وجدانه لي خاصو يبقى فتلاجة فتلاجة ولي سخون ايتحط سخون ماساليت حتى وليت كانحس رجلي ماشي مني اما الحلاويات لي ايتقدمو لضيوف فالول هادوك بوحديتهوم شوية سونيت الباب كايتسمع مشات ديك البنت لي كان سميتها فردوس كانت باينة قارية وزوينة مشات تشوف شكون جات كاتجري خالتي حليمة لالة سكينة وسيدي عبد اللطيف جاو
شيماء:امين اخالتي ربي يخليك ويطول عمرك .ماحسينا بالمخنزر حتى دخل علينا
خالتي حليمة :اهلا اهلا بولدي الغزال
عصام:سلام مي حليمة كيدايرة
( سبحان الله حتى هو كايضحك بحالنا وسنينات واسعدي على دحيكة الله الله اويلي نعلي شيطان واش تزلزلتي غير سخونية الفران لي اتر علي اضميري)
عصام:سلام انسة شيماء كلشي واجد
شيماء:اه اسي عصام كلشي واجد كانتسناو غير الوقت ويتحط العشا
عصام:كنتمنى حتى حاجة ماتكون ناقصة ولا راكي عارفة شنو اندير نقزات خالتي حليمة
خالتي حليمة:امالك انت على البنت ياك لباس من صباح وهي واقفة والشهد كايخرج من ايديها وجدات كلشي ودابا كاتحل فمك ياللاه خرج من كوزينتي يوصل وقت العشا كولها لي
عصام حشم مسكين وخرج بلاما يزيد كلمة وحدة من بعد نص ساعة دخلات واحد المرة كاتشبه لسعاد صابر الممثلة سبحان الله غير صغر منها بالشوية
خالتي حليمة: سلام ختي تورية كاين شيحاجة
الحاجة تورية:حليمة كولشي واجد الناس خاسنا نحطو ليهم العشا
خالتي حليمة:كلشي واجد
الحاجة تورية :انتي هي البنت لي فدات كلشي ياك انتي شيماء
غير خرجات الحاجة تورية سولت خالتي (خالتي شكون هادي)
خالتي:هادي ام عصام مرا حلوة والله يعمرها دار معندها مع بروتوكول ولا بخ عكس عمتو اوف مكانقدش عليها ابنتي اما اخت عصام حتى هي سكينة غير ضحوكية لاهي لا راجلها من بعد هاد الهضرة بدينا اتوجاد جاو جو سربايا وفردوس حتى هي انا خرجت معاهم نوريهم كل حاجة فين يحطوها ونرحب بناس مع دخلة دخلت كانت الحاجة تورية بقفطانها كالسة وهداها وحدة لابسة فراسة باينا فيها عاجبها راسها شوية وحداها كرسي خاوي وحداه بنت يكون عندها 17سنة هادي اتكون عمت عصام وبنت عمو وختها وصف تاني فيه واحد تاقادة دبال عصام غزال بالحية وحداه بنت قصيرة شوية وغير كاضحك زوينة دايرا زيف ولابسة قفطان فالغوز وحداها مرة ورتجل كبار شوية وبنية او وليد صغار ماعلينا بديت كانوري كل واحد شنو يحط وفين يحط حطو كلشي وعصام لي كالس حدا مو كايشوف في وفالماكلة جاتو لقوة سكت ليه الحس باس يعرف معامن سالاو سربايا كلشي
شيماء:مرحبا بيكم يمكن ليكم تبداو الى خصاتكم شيحاجة انا فالخدمة
الحاجة:ربي يخليك ابنتي تبارك الله عليك سيري ترتاحي دابا
شيماء:لا اختي ربي يخليك كولو نتوما بالصحة والراحة انا نمشي تبغية شيحاجة مرحبا دورا لي اندور يا ريتني ماضرت الصدمة كانت قوية اش كايديﻻ هادا هنا
بدر:شيماء اش كاديري هنا وسيد جاي قاصدني وباش كملها عنقني وجبدني من ودني وانا كاندب
الحاجة:ولدي بدر واش كاتعرفها
بدر:اه اخالتي هادي راه أعز الناس عندي راه من صغر واتا كانعرفها
الحاجة:عمرك كلتيها لينا
بدر:غير ماجابتهاش الوقت
شيماء:مافهمت والو اش كادير هنا
بدر:انتي اش كاديري هنا انافدار عمي
شيماء:شنو سي عصام هو ولد عمك لي كنتي كلتي لي
بدر:اه هو ماتكوليش لي هو شاف ديالك
عصام:بدر راه بغينا نتعشاو واش انبقاو نتسناو هنا لي اتكولوه اجلوه
بدر:سيري دابا حتى تبغي تمشي ونوصلك ونهضرو
انا مشيت بحال شي وحد نازلين علها بالمقلة لراس كيفاش اسيدي يا ربي هادشي هادو هوما عائلة بدر هادا هو ولد عمو وهاديك مو اميمتي راسي درني ياربي يساليو دغية نمشي بحالي الى زدت دقسقة هنا انتسطا ويخرج لي العقل
مشيت الكوزينة كنفكر فهاد الحريرة لي انا فيها هادي راه حرورة مابقيت فاهمة حتى حاجة أخر حاجة كنت كنضنها يكون بدر ولد عمت الباطرون ديالي اش جاب لجاب درافات لداك المغرور المكجف دعصام وهاديك مو ديال بدر باينا فيها شاطا ماطا لاهي ولا المونيكة لي حداها شوية فيقني عياط خالتي حليمة
خالتي:بنتي ياك لباس لون وجهك مخطوف ياكما عيانة نجيب ليك شي حاجة تاكليها ولا تشربيها
عصام:بدر راه عندنا ضياف وزايدون بنت خالتك والواليدة ديالك شكون ايوصلهم .انسة شيماء انا كنتسناك التحت ماتعطليش انا تزنزلت مكرهت كون غبرت ولا مشيت بوحدي ولا يوصلني هاد الوحش يا لطيف ناضت كاديت حوايجي وزيفي فالمرايا حتا كايبان لي تصويرة واحد الراجل طويل وغزال تبارك الله واخا كبير ومعنقو واحد دري غزال وضاحكين بجوج حتى نباتني لالة تورية من اللور
لالة تورية:هاداك ولدي عصام وباه عبد الرحمان الله يرحمو
شيماء:الله يرحمو سمحيلي
لالة تورية:لا بنتي انتي سمحيلينا ومرحبا بيك فاي وقت
سيماء:ربي يخليك اخالتي (هكاك هي زيغ هاد البيت بيت المخنزر كان زوين واول مرة نشوف ضحكتو ومالو على هاد الحالة كاملة وانا مالي انضرب بيه الكاغط وانا شغلي) هبطت مع دروج هاد الدار ماكرهت نبقى غير نتسارا فيها هبطت سلمت على الجميع وعلى خالتي حليمة
بدر:زين ديالي دابا نتاصل بيك نشوفك كي بقيتي وجبد لي حنوكي
انا:صافي الباسل هههه حيد انقطع ليك ايديك
انسة شيماء واجدة
انا: اه اه واجدة بسلامة عليكم وشكرا ليكم
لالة تورية:شكرا ليك ابنتي انتي والله يعطيك الصحة خرجت وركبت فالطموبيل وحدايا المخنزر ديمارا وزاد
انا ضربت طم ماهضرتش وماتزعزعتش
عصام:كي كاتحسي مزيان
انا الحمد لله بخير شكرا
عصام:شكرا ليك وسمحي لينا الى ضيعنا عليك شي موعد
( ياربي تصيرني بغيتي غير تعصبني واخاااا)
شيماء:لا هانية الى ماكانش ليوم ايكون غدا ايام الله طويلة
ماحسيت بيه حتى فرانة طموبيل بجهد كنت انطير من بلاستي
شيماء ياك لباس اشكاين الى انت كنتي باغي تموت انا لا بزالة بغيت نفرح براسي وندير وليدات ولا لناقس كاع هبطني غير هنا
عصام تعصب: واش انتي مكاتسكتيش واش خدامة بالحجر ولا ضو غير كولي لي كيندير تسكتي فمك ماحسيت بيه حتى شدني من ودهي وقربني ليه
عصام:دابا شنو اتسكتي ولا ندير شرع ايديا
انا:كي كيفاش شرع ايديك بغيتي تحكر علي الحكار او الله حتى نغوت شوف راه مكاتعرفنيش مزيان راه راه عندي الحزام الاسود راه والله حتى شوية بدا كايضحك ميت بضحك ههاهاههاهاهاها ديري ديﻻي الحزام ونتي بغيتي تموتي بين ايديا وتوحلي في
شيماء:ياخ راس تيمومة لاخور
عصام:شنو شنو كلتي عاودي مسمعتكش
شيماء:ماكلت والو كتليك يالاه تعطلت
داكشي لي كان نيت عصام بقا سايك وساكت وساهي حتى وصلني لدار بغيت انزل
عصام:شكرا مرة خرى وسمحيلينا عدبناك
شيماء:لا هانية مكاين مشكيل يالاه انسد الباب سونا لي بدر
شيماء:هههه توحشتيني ياك يالاه كنا مع بعضياتنا
بدر:كيبقيتي شوية شحال فيك ديال الهضرة مكاتسكتيش
شيماء:ماسميتيش سكت وعلى العموم اسيدي انا بخير وانخليك ونقطع راه اندخل لدار دابا ونعس
بدر:واقمعة هادي درتي لي تكركيبة ديال بصح واخا الالة تباتي فراحة تصبحي على خير غير قطع كانسمع صوت طومبيل ضيمارة بجهد نسيييت عصام وسمع بطبيعة الحال كلشي ماتسوقتش ليه كاتبان لي المانطة ونعاس
غير دخلت
ماما:الله ابنتي تعطلتي
انا:ماما راه علماك وكتليك انتعطل
ماما:دوزي تعشاي
انا:لا مافياش والله بغيت غير نتجبد انعس والله
ماما:ةاخا ابنتي سيري رتاحي الله يبيتك فراحة
انا:ماما غدا خاص نوض شوية بكري راكي عارفة الحنة عند هدى يالاه نمشي نكري وناخود لي خاصني
شيماء:هههه تسناي مالكي زربانة شوفي انتي اتسبقي مع هدى راه كانسمع الغنا واقيلة العريس وصل جات خالتي مامات هدى كالت لنكافة راه العريس وصل هو وحبابو واهلو (حنا درنا عرس مخلط الحباب كولهوم مجموعين دراري وعيالات حيت كامل مزوجين غير شي صحابو قلال لي كاينين) داكشي لي كان هبطات هدى واشراق ونكافة بصلاة وسلام انا بديت نقاد وجهي درت فوق عيني بدهبي والكحل والبيج فالعضم لي تحت الحاجب وقنت العين نقيطات دهبي وكحلت عيني حيت عمري كحلت ودرت عكل كرونة حيت عمري جربت هاد لون على فمي ودرت فراجو فالخوخي لبست تكشيطة ودرت جوج فولارات دهبي وكرونة قاديتهوم شدة دالمنسبات وصباط عالي فالكرونة خلاتو لي ماليكة وساكو كرونة والاكسيسوارات شافت فالمرايا تزعط فراسي ههههه شوية ها اشراق كاتسوني
شيماء:الو اشكاين تاني
اشراق:اديك الكانيشة سربي هبطي
شيماء:شكون كاين شكون جا بركي لي هههه
اشراق:يخليها قعيدة فيك العريس غزال تبارك الله مو وجوج خواتاتو واحد خوه مزوج وباه وخالاتو واحد عمتو وناس لي كايعرفو واحد صاحبو طولة وتجريدة احد تاني وابزاف اصاحبتي واش نخسر عليك تعبية غير فتبركيك حتى تهبطي وتشوفي
شيماء:صافي غبري مانفعي ماضري وقطعت عليها وتميت هابطة حتى كنسمع الغنا ديال فايف ستار اواه اواه ماكالوهاش لي واهي ناري الفرقة المفضلة دبالي اليوم نحيح هههه ماشغليش مع دخلة كاتبان لي هدى فالكرسي وعمران ماشاء الله مواتيين بعضياتهم غزالين ولالهوم اشراق كالسة ستاك ستاك وشطيح غير شافتني وجات جراتني جيت مع اغنية كلها دا زين ديالو غير انت سعدك مالو زرعك مالكا كيالو واليل يا ليل وا دادادا وليل يا ليل وكلست انا وإشراق شطيح ورديح وهدى وعمران ميتين بضحك وخالتي مامات هدى واشراق كايضربو راش ويرشو علينا بيديهوم وحنا هاك باراك
وحتا انا ماخليتش حقي فشطيح شحال هادي مابردت غدايدي ومكاينس غير ناس الكلاس فهاد العرس ماهمنيش شوية كاتبان لي مليكة داخلة غزالة فتكشيطة فزرق بو مارين والبيج طلعات فنة وانا نمشي جريتها حتى هي تنشط معانا وحنى كالسين واجيبو لي مول العود وهاك شوية وخود شوية وحنى مكاين غير لوي شوية ماحسنا حتى بسكينة جات عندنا كاتشطح انا تصدمت وتزعزعت هادي اش جابها لهنا لابسة تكشيطة موف ودهيبي عنقاتني
سكينة:فلول ماعرفتكش حتى حققت مزيان جيتي غزالة ماشاء الله كيبقيتي
طباخة الرئيس الجزء الثاني
محتوى القصة
التنقل بين الأجزاء