صورة مصغرة لـطباخة الرئيس الجزء السادس

طباخة الرئيس الجزء السادس

sads taba5at alra2is 
رواية طباخة الرئيس

خاصنا نخليو المرا وراجلها على راحتهم ولا اتبقاي واقفة تفرجي ماحملتنيش هزات ملفاتها وخرجات وانا تابعاه كانعيبها فالمشية سديت عليهم الباب وغمزت هدى وخليتهم كلست كانشوف فهاد المونيكة ومع انا مكانسكتش فمي حامي وانا نسولها
شيماء:شنو سميتك شافت في 
منية:انا منية
شيماء:انتي جديدة هنا ياك
منية:اه جديدة
شيماء:ماشي حشومة هاد الباس لي لابسة حشومة لوحدة بحالك شركة عامرة بالرجال وانتي كاتبيني فلحمك عليهم(انا مكانتاقدش لي كايلبس القصير كاينين ومخلقين ولكن هادي مامغطيا والو السدر عريان كولو والميني شبر) جات تهضر وانا نسكتها .خليني نهضر ماتقاطعينيش مزال ماساليت كلامي راني لاحظة تصرفك مع المدير ماشي حشومة وسيد مزوج ديري دوك تصرفات وعندك يكوليك مخك تلعبي عليه ولا تبغي طيحيه عمران كايموت على مراتو ويلى جاتني الخبار انكي حاولتي باي طريقة تغوي راجل ختي مغاتلوميش راسك طابعا ماتبغيش تخسري خدمتك وتجلسي فداركم ممكن ندير ليك فشيحة لي تخلي اي شركة ماتقبلكش واش مفهوم بقات غير كاتشوف فيا وشيرات لي براسها زعما فهمت وهي تخرج خدى هي وعمران مشادين ليدين وعينيهوم كايبريو ومن حالتهم باينة كانو كايديرو سفالة فالمكتب عمران:انسة منية دوك الملفات سنيتهم بيمكانك تخرجي وتاني مرة الى جات مدام هدى دخل بلا استئدان مفهوم
منية:مفهوم سي عمران وحادرة راسها خرجنا ركبنا مع عمران عارض علينا لعشاء انا بلعاني تحججت بشي خدمة خاصني نساليها حشومة نكلس معاهم ولكن هدى اصرت علي اني خاصني ضروري نمشي حشمت او وافقت وصلنوني لدار ومشاو هوما دخلت لدار مشيت سلمت على ماما وكلت ليها راه هدى عارضين علي لعشا على برا
ماما:وكلتيها لعمران (ياربي تصبرني واش انا سعدي فيه)
شيماء:اه اماما كلتها ليه 
ماما:راكي ابنتي دابا مابقيتيش حرة وليتي مرت راجل

شيماء:ماما ماما الله يهديك عفاك واش بدينا تاني ولاشنو عصام مزال ماولا راجلي حنى غير مخطوبين الله يهديك وزايدون واخا نتزوج صحاباتي مايحيدهوم لي حتى واحد انا مكانديرش شيحاجة خايبة انا مشيت نوجد راسي باش مانتعطلش.طلعت لبيتي توضيت بعدا وصليت صلاتي وكلست نستارح شوية عاد نوض نوجد راسي مشات بيا عيني ضرباتني الفيقة لقيت 7ناري مشيت فيها نضت غسلت وجهي لبست كسوة بالبيج او وريدات حمرين فولارها فالبيج وفيها وساك صغير حمرخداتها لي اشراق كانخليها الى انخرج قاديت وجهي دوزت خط فوق عيني وريسي وعكر كرونة هزيت ساكي هبطة
ماما:تبارك الله على بنتي الله يحجبك جاتك اللبسة فنة
شيماء:بصح اماما الله يخليك لي ياربي شوية سونا تيليفوني لقيتها هدى.ماما انا مشيت هدى كاتسناني على برا 
ماما:عنداك تعطلي بزاف وسلمي عليها.خرجت لقيت عمران بطوموبيلتو هبطات هدى من طونوبيل كاتحمق كاتسطي لابسة كسوة زرقاء تحت روكبة بليدين لاصقة حتى الخصر ومن التحت منفوخة كاتبري وطالقة شعرها المهم كاتحمق وحتى عمران
هدى:واي واي على حوبي جيتي فنة
شيماء:حتى انتي اكبيدة جيتي زاز
عمران:واش اتباتو تام وانا مكاين لي كولي جيت زاز مشيت فيها بدينا كانضحكو طلعنا دانا واحد المطعم راقي وغزال دخلنا وصلنا واحد السرباي لطبلاة ديالنا كانلاحض كاين 4ديال الكراسة وحنا غير 3شكون جاي وانا نسول هدى ودارت رايسها ماسمعاتنيش كوراه غير غلطو كانضن جلسنا حطو لينا العصير هو الاول جابو لينا الائحة حتى كانسمع صوت ورايا
الشخص:كانتمنى مانكونش تعطلت عليكم 
عمران:ههه لاجيتي فوقتك كون ماجيتي كانو هاد جوجات ايتحماو علي 
الشخص الا مانضنش وهو يمد لي ايديه
الشخص:سلام انسة..
شيماء:شيماء
الشخص:مشرفين انا فهد
شيماء:مشرفين
عمران:هادي هدى راك كاتعرفها كانضن 
فهد:الله اودي اكيد

اكيد كيدايرة ختي هدى لباس
هدى:الحمدلله وانت كيداير مع الخدمة 
فهد:الحمدلله
عمران:فهد صاحبي وقرا معايا وهو المدير ديال الفندق لي دوزنا فيه شهر العسل انا وهدى وجا عندو شي شغال هنا وعرضت عليه معانا
فهد:كنتمنى مانكونش قتاحت خصوصيتكم
هدى:الا بالعكس مرحبا بيك
فهد:الانسة شيماء كايبان لي مواخداش راحتها
شيماء:انا لا بالعكس مارحبا بيك معانا.وانا كانغمز هدى وكنتحلف عليها عارفاها شنو كاتخطط وهي كتمتل علي دور البراءة(نوصف ليكم فهد طويل وقلدة شعرو رطب ومادارش اللحية وانيق او وسيم وجهو بشوش وفيه البراءة وكاترتاحي لمالاميح ديالو) ختارينا لي غادي ناكلو ندامجنا فالهضرة وتعارف صدق فهد مفروح كتار مني صراحة تطلقت بزاف فالهضرة وضحك نسيت عصام ونسيت كولشي حسيت براسي بحال الى تزاديت من جديد ناقشنا بزاف ديال المواضيع جابو لينا المقبلة هي الاولة كانكلو ومستامتعين بالجو خصوصا المطعم الجو ديالو زوين ومريح كانضحك مع هدى شوية وحلات ليها كاتكوح بحال الى شافت عفريت عطيتها الما كانكوليها مالك وهي كاتشير ليا بحجبانها زعما شوفي وراك جيت نضور وياريتني ماضرت يا ريتني كنت حبة تلج لكي ادوب (العربية الفصحة كاتطلب شرع) مانلقا ليك غير عصام وهاجر كالسين فالطبلة وكايضحكو دورت وجهي باش مايشوفني درنا راسنا ماشفناهومش وكملنا مكالتنا وضحك ديالنا صراحة ماحسيت بيهم واش كاينين ولا لا زايد ناقص عندي 
فالطبلة ديال عصام
هاجر:عصام واش هديك الانسة شيماء ولا كدبت
عصام:فين؟
هاجر:راهي هي واحد البنت وجوج رجال ضار عصام كاتبان ليه هدى وعمران ونص فوجه شيماء والشخص تاني مابانش ليه مزيان (شي فيكتيم جديد هدا الالة شيماء)
هاجر:فين مشيتي 
عصام:لا والو
هاجر:يالاه نسلمو عليهم ونبارك لعمران نيت
عصام:غير خليهوم مانبرزطوهومش
هاجر:ناري راسك قاصح

وغير يالله عاجبك حنا كالسين كيف الغوال عفاك غير يالاه
عصام:واخا واخا يالاه
فالطبلة شيماء
هدى كاتغمزني قربت العندها
هدى:ماتعيقيش راه دوك جوج ناضو وجايين جيهتنا ماديري والو(صبحنا على الله ونابي راسول الله يا ربي اش هاد الحصلة ) بردت اعصابي ودرت راسي مكاين والو وكملت اجماعة مع فهد حتى كنسمع .كنتمنى مانكونوش كانقاطعوكوم
عمران:اوو عصام صدفة زوينة هادي غبرتي من نهار دفنوه ماتلاو زاروه
عصام:راك عارف الخدمة والوقت مكايناش
هاجر:عمران وانا ماغاديش تسلم علي
عمران:بقا مايشوف شحال لاااا مايمكنش هاجر دبوزة هادي انتي ههه وتبدلتي
هاجر:لا الله يخليك ماتليتش دبوزة هاد زبن كولو ودبوزة الف الف مبروك سمعتك تزوجتيوتبارك الله زين ماختاريتي
عمران:هدى هادي هاجر بحال ختي قرينا ب3بينا 
هدى:مشرفين
هاجر:شرف لي انتي هدى ياك تبارك الله كيفما وصفك عصام ماشاء الله شوية وشافت فشيماء.انسة شيماء انا فرحانة حيت شفتك مرا اخرى فيك تغيير فالول ماعرفتكش .عصام غير كايشوف فشيماء وساكت 
شيماء:انا لي فرحانة حيت شفتك مرا خرى مرحبا نقز عصام:انسة شيماء لباس عليك
شيماء:الحمدلله يسول فيك الخير سي عصام
عصام:مغاديش تعرفينا وكايشير جيهت فهد
شيماء:فهد هادا سي عصام الوالي عصام كايتسناني نكمل جا يهضر وانا نكمل المالك ديال اكبر سلسة فالفنادق هنا والمدير ديالي لي كندوز ستاج عندو سي عصام كنقدم ليك سي فهد مدير اكبر فندق فسعيدية وعندو منتجع هنا فمراكش بجوجهم نطقو بالمشرفين عصام معاجبوش الحال ماعرفت مالو وهدى مسكينة كتبيض بيضة هنا وبيضة فالعش كاتحس بالفاخر غادي وكايزند نقز عمران :تفضلو تعشاو معانا
عصام:لا بلاما نبرزطوكوم خليكم براحتكم وكايشوف فيا
عمران:لا وايلي اصاحبي مكاين لا صداع لا والو وصراحة توحشتك وتوحشنا ايامنا شحال هادي

ماكلسنا ولا خرجنا مجموعين 
عصام:هاجر شنو نكلسو
هاجر:وعلاش لا 
عصام:شاف فيا ماعندكوم حتى موشكيل
شيماء درت ديك اضحكة اصفرا:اكيد لا سي عصام مرحبا بيكم جاب سرباي جوج كراسة كلسات حدايا هاجر وعصام تقابل معاها ومعايا فالنفس الوقت طلبو المتكلة بحالنا جاب سرباي لي طلبنا وبدينا كاناكلو انا مكانشوفش ناحيتهم نيهائيا مجمعة معا فهد واخدين راحتنا فالهضرة ونين كانحدر راسي كانحس بعصام كايشوف فيا وديك هاجر مكاتسكتش من الهضرة وتلاكات مع هدى هي صراحة ضريفة غير كاتبان لي فيها الفزة صراحة ماتسوقتش ليها ولالعصام واخدة راحتي فالجماعة وكانكلو 
هاجر:عصام مد لي ديك قرعة لي هداك جا يعطيها القرعة دزيت منسمة قاس كاس دلما تكوب علي كولشي والبرد وزاد كمل علي الاا مرض هو سبابي 
عصام:سمحيلي ماقصدتش.ناض فهد شدني من ايدي وخدا مشوار وكايمسح لي عصام العروق دراسو بانو 
شيماء:لا ماوقع والو ماشي مشكيل انمشي لحمام ونرجع
فهد:يكما نمشي معاك (عصام مع راسو بقا غير الحمام تمشي ليه) شيماء:لا عارفة طريق بوحدي سمحولي مشيت لحمام وحاسة انا عصام دارها عنوة دخلت الحمام جات عندي وحدة خدامة فالمطعم سولاتني واش بيا شيحاجة منين شافت حالتي كاتلي اتجيب لي سيشوار حيت كايوقع متاهم هكا مرة مرة نشفت كسوتي ونشفات بعدا شوية قاديت وجهي ودرت شوية دلعكر الخرجة لي كونت خارجة جراتني واحد الايد لحمام ديال الرجال وسدات لي فمي انا تخلعت شكون هادا لي دار هاد تصرف بغيت نغوت اوالو حتى كنسنع فودني.مالك زربانة ولا توحشتي حبيب القلب عرفت ايكون غير هو مول هاد تصرفات دورني لعندو
شيماء:واش حماقيتي مدخلني الحمام الرجال شنو ايكولو ناس الى شفونا
عصام:مم شنو ايكولو ناس ولا فهد 
شيماء:انت راك مريض وانا مامحتجاش نوضح ليك تصرفاتي خليني نمشي.رجعني ولسقني مع لحيط

فين زربانة مادام باقي ماسمحت ليك تمشي هنا اتبقاي كانت كاتعطي منو واحد ريحة خليط بين رجولة ديالو وريحة لي دايرة كاتخليك ماتهضريش وتنساي شنو بغيتي تكولي
عصام:مالك ساكته ولا لمش كلى لسانك تاني
شيماء:عصام هادشي لي كادير فيه راه مامزيانش
عصام:شنو دبت انا مزال مادرت يالاه ناوي ندير كايقرب من بشوية وكايصوت على وجهي انا بديت كانترعد كيف شي ورقة معلقة فشجرة باسني فوجهي ودور نيفو على وجهي كايشم فيا باسني فجبهتي بدا كايقرب لفمي عرفتو بغا يبوسني مع تلفة عنقتو سمعت ضحكة ديالو وزير علي بعدت عليه وانا حادرة راسي بغيت نفتح الباب نخرج جرني حتى زداني مع صدرو ودورني لجيهت الحيط وهو ورايا وجارني العندو ومعنقني وخاشي وجهو فعنقي وحاكمني جيهتو .شيماء:عصام خليني نمشي راه ايجي شيواحد.عصام:شششش دورني جيهتو وخدا فمي بين فمو علاش منين كايبوسني كاتشل حراكتي شدلي ايدي وحطهوم على عنقو

سمعنا دقان فالباب ديال الحمام بالخلعة دفعت عصام كانو عينيه ناعسين وحمرين شير لي باش نسكت كانسمعو شيواحد كايكول واش كاين شي واحد هنا جاوبو عصام بأه انا ماتليتش زدت حتى كلمة سدر لي عصام سنسلة دالكسوة ودار لي الفولار مخربق مش شعرو بالصباع ايديه وسد القميجة دغية ولبس الفيستا دغيا حل الباب بشوية وخرج راسو كايطل مالقا حتى واحد وخرجني دغية مشيت الحمام ديال العيالات سديت علي حشمت من راسي وشنو كنت كاندير مابقيت فاهمة فراسي والو انا مكانحملوش ولكين لمسة وحدة كادوبني اه اه انا عارفة غير حيت مامجربا وهو عارف شنو كايدير فينما تلاقينا كايكون شي سيركوي واخا كانواعد راسي مايقيسنيش علاش مكانمنعوش علاش وكتنضرب فيدي معا لافابو كنحس بالفمي ولا ملس تمسحو من بصمات وعنقي كايضرني كاديت زيفي دغية دغية حسيت بشي ايد تحطات علي بالزربة ضرت
شيماء:ناري ياختي خلعتيني
هدى:انتي لي خلعتينا شفناك تعطلتي مال لون وجهك مخطوف بحال الى شفتي عفريت
شيماء:لا والو غير جيت ندخل حمام العيالات وكنت اندخل على رجال
هدى:ههه حمقة تجي ماشفتيش داك خونا
شيماء:شكون
هدى:عصام شكون ايكون كالينا جاه تيليفون من تما غبر 
شيماء:وفين انشوفو انا الله اعلم
هدى:كلستي بتي فالحمام 
شيماء:اجي انتي بعدا واش عندك ايد فهادشي
هدى:كيفاش

شيماء:بلاما ديري راسك ماعارفاش هاد فهد لي جبتوه بلعاني على ودي راني عايقة
هدى:والله اختي مافراسي والو بالله واش انا عارفا شنو واقع وخطوبتك مع عصام وندير هادشي ونزيدك حشومة تفكري فيا هكا راه عمران لي دار هكا كال يعرفكوم حيتاش هو مافراسو والو وغير تهناي سيد شفتو حط العين على وحدا خرى
شيماء:شكون هادي
هدى:هاجر من صباح مجمعين وكايتحتو زيدي زيدي كدامي لا يكولو وحدة مشات تبعاتها تانية خرجنا من الحمام من بعد ماكاديت حالتي ودرت العكر وشوية دريحة تمينا جايين كايبان لي عصام كالس وفهد وهاجر كايهضرو غير وصلت كالي فهد:تعطلتي بزاف ياكما بيك شيحاجة وهاجر كاتشوف فيه بحال الى تقرصات
شيماء:لا غير الحمام عامر وكنت كانتسنا كسوتي تنشف ماشي شيحاجة مهمة وانا نشوف فعصام كايشوف فيا واحد شوفة خايبة شوية فهد سونا تيليفونو عتادر منا وناض يهضر 
هاجر:مشا الحال وخاصني نمشي لوطيل ناخود شي ملفات على حساب خدمة ديال غدا 
عصام:انا نوض باش نوصلك وقف عصام
هاجر:لا غير خليك كمل
كمل العشا ديالك انا ناخود طاكسي
عصام:لا ليل هادا مخاصكش تمشي بوحدك جا فهد:مالكوم شنو كاين
هاجر:خاصني نمشي ناخد شي ملفات وعصام بغا يوصلني ومابغيتش نقطع عليه العشا
فهد:حتى انا خاصني نمشي جا عندي واحد سيد على حساب الخدمة ضروري نمشي سي عصام غير خليك انا انوصل هاجر معايا 
عصام:واخا لي بغيتي
فهد:نخليكم وشكرا بزاف على هاد العشا شيماء تيليفون بيناتنا انا تبسمت ليه خلاونا ومشاو شفت فعصام دار لي الضحكة ديال الاستهزاء ماتسوقتش ليه هدى وعمران مخشين فريوس بعضياتهم وكالسين على الحب وانا نساوني كانجي نضور وجهي كانلقا هاد راس المقلامة كايشوف فيا ويغمزني بغا يجلطني ماديتهاش فيه شوية بدات الفقرة الموسيقية وبدات واحد الموسيقى كاتحمقني ديال ياني بلاينك باي

بلايينك باي هارت كاتصطيني خدموها وانا نسيت راسي معاها كانتحرك معا الاغنية ومغمضة عيني الحلة لي حليت عيني لقيت عصام فوق راسي واد لي ايديه وهدى وعمران كايشوفو فيه
عصام:انسة شيماء ممكن تسمحي لي بهاد الرقصة
شيماء تلفات مابغاتش دور فيه وعمران كايشوف فيهم:ولكن انا مكانعرفش نشطح بحال هاد الشطيح
عصام:انتي تبارك الله كاتعرفي للهندي لي صعيب انا نعلمك راه ساهل وبقى ماد لي ايديه حشمني بغيت لو الحكة وقلت الضفار عطيتو ايدي وداني واحد لوصط شد لي ايدي بواحد ليد وايدو تانية ورا ضهري وانا وحط لي ايدي تانية على طتفو وكايوريني الخطوات غير شفت عمران وهدى رجعو للسفالة ديالهم حيت الطابلة ديالنا جات فبلاصة منعازلة والمطعم خوا وانا بغيت نوجد ليه الحلوق ديالي
شيماء:اش هادشي درتي واش مكفاكش داكشي لي درتي فالحمام
عصام:اولا انتي جاتك عادي كاتفرجي فالصاحبتك وراجلها ماقدرتيش ديري شيحاجة وتنوضي تخليهم تاني حاجة الحاجة لي طرات فالحمام ماشي بوحدي لي درت كانضن حتى واحد الانسة كانت مندامجة وعاجبها الحال وكون ماشي واحد الحاجة طرات كون ستاسلمات وعطاتني راسها انا بغيت نطرطق خنزرت فيه وهو كايضحاك
شيماء:عمرك ماتحلم اني نسلم ليك راسي واخا تبقى انت اخر راجل على وجه الكرة الارضية هاديك عمرك تحلم بيها
عصام:دابا نشوفو حسن ليك ماتبقايش تعطي وعود انتي ماشي كدهم وماغاديريهمش ودابا بلاما تبقاي طرطاي وتهضري بزاف صوتك كايصدع لي راسي وكاتجيني شقيقة زدحني مع صدرو وانا كانعاير فخاطري شحال عاجبو راسو وتيقة فنفس زايدة بقينا كانشطحو وانا غادية مع الموسيقى ماشي بيا هو بيا الموسيقى لي كاتعجبني بزاف هدا شنو كايدير تاني كنحس بيه كايلعب لي فضهري بيديه بلعاني حيدت راسي على صدرو شفت فيه وغمزني وخبط لي راسي مع صدرو تاني بقينا على داك

الحال حتى سلات الموسيقى جيت بغيت نمشي رجعني عندو
شيماء:شنو تاني واش انت مكاتملش كاتبغي اي فرصة تستغلها وتلصقني حداك ولايني لصقة
عصام:ماعرفتش شكون ليكان لاصق فيا كبيلة وعنقني امم دابا سمعيني ولي كتليك كولي واخا ماماك سونات ليك وخاصك ماتعطليش طبيعت الحال حشومة تنوضي صاحبتك وراجلها من هاد السهرة وهو متمتعين وانا لي انوصلك لا لا ماتحاوليش تكولي لا الما جيتي بالخاطر كاينين طرق وحدا وخرى وراكي عارفاني كد كلمتي دابا زيدي كدامي شاد فيا ورجعنا لطبلة 
عمران:بالصحة وراحة حبيبة نوبتنا حنا
شيماء:هدى ماما سونات لي خاصني نمشي 
هدى:تسناي نوصلوك
شيماء:لا لا غير خليكم كملو السهرة ديالكم سي عصام ايوصلني
هدى:فودني بشوية واش متأكدة
شيماء:اه متأكدة احبيبة بسلامة عليكم وشكرا بزاف خويا عمران على العشا
عمران:بالصحتكم تصبحو على خير خرجنا انا وسيهم عصام مكايعرف حتى للباقة خلاني وركب مافتحي حتى الباب ياربي تعطيني صبر ايوب مع هاد الراجل ركبنا درنا حزام سلامة وديمارا انا مدورة وجهي عند الزاج وكانشوف فشتيوة بدات كاتصب الجو يا سلام خدم عصام راديو وحاسا بيه كايشوفني كانو دايرين اهداءات وجا اهداء من عند وحدة لحبيب ديالها أغنية خليجية ديال وعد هادا لي باقي واو بحال الى علمو بلي فبالي ماحسيت براسي حتى جهدتها وبديت كانغني معاها هادا لي باقي يابيني دايما اخضع لاه مايدري انو فيلغي ليعبيتي وفاني (ديرو وعد هادا لي باقي اتفهمو مغزى الاغنية)المهم بردو لي القلب بيها عصام باينا فيه تجنن طفا الراديو 
شيماء:علاش طفيتيها اغنية زوينة حسن من هاد السقيل
عصام:مافخباريش بغيتي تسمعي صوتي وهضرتي
شيماء:تقة فنفس الوايدة كاتخرج على مولاها احبيبي ماتيقش فراسك بالزاف
عصام:مم كلمة حبيبي طالعة من فمك كي شهد احبيبة ديالي

شيماء:ماتكولش لي حبيبتي واش كتفهم
عصام:لا انا مكانفهمش شويةكنسمع سونيت ديال تيليفون جبدت حليت ساك ديالي خديت تيليفون كايبان لي رقم غريب ماعرفتوش وانا نجاوب
شيماءالو وي سلام عليكم 
فهد:الو شيماء هادا انا فهد
شيماء:اه وي فهد مرحبا لباس عليك
فهد:الحمدلله كبيل منين عطيتيني نمرتك نسيت ماعطيتكش ديالي
شيماء:اه وي حتى انا نسيت ماشديتهاش عندك
فهد:تاصلت بيك باش نسولك كي وصلتي 
شيماء:الحمدلله يسول فيك الخير
فهد:شنو بان ليك نعرض عليك لغدا غدا ان شاء الله الى سمحتي
شيماء:الله اودي بالفرحة علي وعلاش نلقى حسن منك نتغدا معاه غدا ان شاء الله انا معاك وكانضحاك عصام العلم الله اش ايسحاب حسيت بيه وقف واحد الوقفة كونما كنتش دايرا الحزام كون راسي تزدح حتى تهرس لي ولكن مابينتش اني تخلعت وماتسوقتش
شيماء:اوكي فهد نشوفك غدا (للمعلومة فهد راه قطع تيليفون غير انا بغيت نزيد فيه) حتى انا انتسنا الغدا يال غدا بالفارغ صبر ههه واخا كون هاني حتى انت تهلا فراسك وبزاف تصبح على خير ودرت راسي قطعت حطيت تيليفون فساك بشوية عليشفت فعصام لقيت وجهو حمر وكايشوف فيا
شيماء:مالك لاش وقفتي ياك لباس
عصام:لا والو باس حشومة نسوك وانتي كاتهضري الاميرة ديالنا حتى تكملي على خاطرك ماورانا والو 
شيماء:لا خاصني نمشي بكري تابعني بزاف مايدار غدا 
عصام:ممم حبيب القلب عارض عليك
شيماء:اه عارض علي كيجاك بوكوس ياك شفتي على طولة ولباقة عندو غزال واهم حاجة هو ولد اناس ومصواب 
عصام:نهار على نهار كنحمد الله اني تاخدت القرار صحيح باش نبعدك على بدر وباين لي نسيتي حاجة مهمة هو عندو بزاف ديال الفلوس ومايلقاش ماحسن منك يتاخدها عشيقة ليه ليدوز بيها الوقت هزيت ايدي حتى لسما وجمعتها معاه بالطرشة بقا شاد فحنكو وكايشوف قيا ودخان ايخرج ليه من نيفو

مغاديش يعجبك الحال لهادشي لي جاي
شيماء:انت احقر واحد شفتو انسان عديم ضمير وعديم شرف القلب ماعندوش مكايسواش تلاقيت بزاف بحالك عمرني شفت كنس بحالك انت شنو كايسحاب ليك راسك باشارة تقدر دير اي حاجة تقدر اي حاجة تجيبها عندك مغرور متكبر تقيل دم شوف شوف حالتك وجه الحبس سنانك كيف دروج المحكمة لا لا دروج المحكمة مستفين على سنانك لا زين لا مجي بكري 
عصام:واش عارفة هضرتك شنو اتخلصي عليها ولا لا وي مكايهمنيش لي فجهدك ديرو شدني من الفك ديالي وانا كانشوف فيه كايقرب لي 
شيماء:شنو كاين شنو بغيتي دير
عصام:لي اندير واضح وباين ياكما خايفة مني شفتك كترعدي
شيماء:ولاش غادي نترعد شكون انت بعدا باشغادي انترعد منو راك تايق فراسك بزاف 
عصام:ممم تيقة فنفس بعد المرات كاتكون فمحلها
شيماء:جبان ومغرور وعاجبو راسو طلق مني حسن ليك طلق راك ضريتيني بعد مني
عصام:ويلا مابعدتش شنو غادي ديري مثلا أأ
شيماء:غادي نغوت ونجمع عليك اناس
عصام:ههه اناس فينهوما هاد الناس يالاه جربي
شيماء:واكواك اعيبادالله عتقوني هاد الوحش بغا يتكرفس علي تلاح لي على فمي سدو لي بفمو كايبوس فيا وانا كنقاوم ونضربو فصدرو والو قاصح وتقيل ماقديتش نغلبو ماحدي كنقاوم وهو كايزيد فالعنف ديال البوسة من بعد ماكنت كندفع ليه سدرو وليت دايرة ايدي على عنقو وجاراه لعندي كنبوس فيه وليت كنحس بفمي فيه دم من البوسة ديالو لي كانت متوحشة حتى عضني فشواربي شوية كنحس بيه بحال الى جمد فبلاصتو ماهي حتى تانية ودفعني كايشوف فيا طلع واحد الحاجب ودار ابتسامة ديال اجنب وديال انصر
عصام:هادي باش عمرك تمدي علي ايدك مرا اخرى مفهوم احبيبة بقيت كنشوف فيه ماهضرتش كانشوف فيها وهو كايمش شعرو بيديه ويكاد حالتو ماكرهتش نخصر بيه المعاليم ديال وجهو بقيت ساقلة حتى كاتبان لي قرعة

ديال العصير كبيرة اللور هزيتها بيد بينما كان مشغول كايكاد حوايجو ايد حليت بيها الباب بلا حس وايد هازا بيها القرعة طلعتها حتى السما وكاودتها ليه مع شعرو بقى مشلل مدار حتى ردت فعل كايحس بيها كاتنزل عليه كيف شلال انا كانكب فيه وكنردد ليه
شيماء:وحش.حمار.ضبع.بغل.مكاتسواش.حيوان.جاهل.مكانحملكش كنكرهك الله ياخود فيك الحق انت زبالة وحسن منك فار قرد همجي استغلالي وغد حقير بوزبال تفو عليك وعلى نهار فاش شفتك دار شاف فيا وعينيه حمرين وكايترعد بالعصاب جا يجبدني من ايدي ضربت باب الطوموبيل وساكي درتو جنب وصباتي فيدي وانا نعيط جبد خرج بالزربة وتابعني وانا كانغوت انا نجري حفيانا وهو تابعني وشتا خيط من سما وليت كانبان بحال سوبير حادا درنا الحماق فشاريع وهو مزال ورايا دخلت لواحد زنقة فيها شي وحدين اغير لمقطعين وانا كنلهت حتى كايبان لي واحد اسيد كالس شاد اسبسي وكالس هاك باراك كايكمي مبوق كولو فيه سيكاتريس سافني فدبك الحلة وقف وتم جاي قاصدني
الشخص:مالك اختي ياك لباس شكون تابعك ومالك فهاد الحالة 
شيماء:اا شفار اخويا شفار انا مسكينة كانخدم فليل على ولديا ومالقيت طاكسي وشافني بوحدي بغا يتعدا علي اخويا لقاني وليا 
الشخص:دوزي ورايا اختي هادي حومتنا كوليه يمسك ولا حتى ندير ليه نايكا فوجهو كولي غير شقيف فدريبة ودوزي والله ويمسك نياك لو لوجه وصل عصام لراس زنقة كانبان ليه ومابانش لي اشخص تاني تم جاي وهو يشوفو خونا جاي رجعني الور
شقيف:شفتي ديك دار تما كاينا زنقة ادوزك لشاريع ديال طاكسيات وهاد كيليميني خليه لينا ضار عند عصام شوية صفر وعيط:بريقيقة عوينة رايس وهوما يتمو خارجين شي وجوه ياربي سلامة وهو يهضر هاداك:الخوت لي كايتعدا على شي بنت فحومتنا وفليل وبوحدها شنو كانديرو ليه.جاوبو واحد كانخطو ليه الوجه

المعلم وهو يشير ليهم على عصام انا تميت غاديا وبقيت مراقباهم من واحد القنت كانسمع فعصام
عصام:شوفو راكوم ماعارفينيش شكون انا بلا صداع وبلاما تجبدو لراسكم المشاكيل سيرو فحالكم انا بغيت البنت 
الشخص:وكاتكولها بوجهك حمر خوفتينا شوف كيف كانترعدو اليوم احبيب ماماه اتغرز داك الوجه اليوم نرسم لخويا خطوطو يالاه باليو بيه وهوما يتحماو على عصام عجبوني فيه كلسو عليه هادي تنفع هادي ضر واحد من هنا او واحد من هنا وانا كانقز فبلاصتي وكاندير هاك زيدوه هكاك بصحتكم بحال الى انا لي كانبوني فيه فاللول مرمدوه عجبوني فيه ولكن فالاخر كابانو لي هونا لي ايتمرمدو هو طلع صح منهوم بدا كايفرشخ واحد بواحد ويعطيهوم فالبونيات حتى خلاهم كامل دمايات انا منين شفت القدية اتحماض ودكهوم وراه باينة مع دوك العضلات هزيت على كسوتي وكلت من هنا دازو وصلت لشاريع جايا طاكسي شيرت ليها وقفات طلعت ليها وديمارا وانا كلي كنترعد بالبرد وشاداني حتى ضحكة باش نوريه اش كنسوا هههه كم انا شريرة يصلح ليه واخا العفريت صحيح كانضحك بوحدي وشيفور كايشوف فيا مع باقي صغير ضرت فيه
شيماء:مالنا ماتلا الواحد يضحك ويهضر مع راسو فهاد البلاد شوف قدامك وسوك .مزادش كلمة حدر راسو وكمل حتى وصلني لدار خلصتو وحليت لقيتهوم طافيين ضو نعسو يمكن غير خويا كايبان لي فايق شافني تم جاي عندي
طاها:مالك مالك فهاد الحالة ياك لباس
شيماء:والو باس غير وصلني طاكسي بعيد وصبات علي شتا وهضر بالشوية اتفيقهم يالاه تصبح على خير طلعت لبيتي حيدت ديك الحالة وبدلت حوايجي وغسلت وجهي لبست بيجامتي وتخشيت تحت المانطا وانا كنكركر بوحدي تفكرت تصرفات لي درت ولكن الضحك ماخلاش لي المخ ديال تفكير ناري ضروري ايجي مزوق غدا واع هههه كايصوني علي تيليفون عصام ناري قفرتها يمشي ينعس والله

والله لا جاوبتو بقا كايسوني حتى بغا تيليفون يطفا من كترت ليزابيل شوية جاني ميساج"مابغيتيش تجاوبي ديريها فين تجبك اشنيولة حسابي معاك هو الاخر وجدي راسك"والله لا جاوبتو خليه يغلي بوحدو درت سيلونس لتيليفوني وغيبت نعست
"فبلاصة تانية"
رفيق:سي سينيور
الشخص:انا فمراكش وصلت هادي نص ساعة وشومبر عجباتني بزاف كراسياس رفيق عارف اني انعتامد عليك فكلشي
رفيق:هادي خدمتي ماتنساش الفضل كايرجع كولو ليك
الشخص:الا المكانة لي وصلتي ليها بالمجهودات ديالك انت تبارك الله عليك المهم اشركة فالعنق ديالك دابا غير انسالي لخدمة لي هنا وغادي انجي ان شاء الله
رفيق:واخا كون هاني
الشخص:رفيق عندي ليك طلب تاني الى طاسلات بيك فيوليتا ماتكوليهاش فين انا رفيق:كون هاني سينيور
الشخص:كراسياس.
اصبحنا واصبح الملك لله صبحت عيانا ومافيا مايتشاف راسي ضارني وعيني منفوخين وعنقي دارني دخلت لدوش غسلت وجهي خرجت لبيت كتنمسح وجهي تطليعة لي طلعت وجهي لمرايا طلقتها بغوتة اويلي اويلي اش هادشي ناري ناري منين جاني هادشي تاني وهي سيدنا مي ناري وتشوف ماما هادشي شنو اتكول ناري قفرتها وكواك اش هادشي عنقي كولو زرك كولو بقع زركين ناري شداتني البكيةشوية كانسمع الدقان 
شيماء:ششكون هاني
ماما:اويلي على شكون حلي 
شيماء:واخا اماما بلاتي راني فالحمام ابلاتي مشيت كانجري رميت علي فولار بزربة وتنفست اوف وحليت الباب
ماما:مالك تسطيتي سادا عليك الباب وزايدون لاش كاتكولي شكون راكي فداركم شكون ايكون زعما
شيماء:لا راه غير كنت انبدل وخفت طاها يدخل ولا شيحاجة بجال هكاك وكنضير ضحكة ديال الخوف
ماما:مالكي حالتك معاجبانيش ياك لباس ولون وجهك مخطوف
شيماء:ةيلي اما اشنو ايكون والو غير حيت يالاه نايضا وصافي كاين شي فطور
ماما:كاين كتبغي غير الموجود يالاه هبطي

شيماء:واخا اماما انا هابطة بقات كاتشوف فيا وخرجات عاد تنفست سديت الباب وحيدت الفولار ورجعت المرايا كانشوف فحالتي (الهمجي الوحش الله يلكيها ليه اش حاد الحالة دار لي لي بغيتو ليه راه فيه يا ربي تبينها فيه بغيتي ليه دقة كتر من ديك الدقة لي فيه تفو تفو يا ربي اشنو نديرخلا لي لحمي كولو زرك بيديه اتار سباعو على عنقي كولو واع ناري وكون كان كدامي بغيت ليه زلكة فالحمام ويتصلق بالما سخون باش لي شافو يتخلع) نضت على سعدي وعدي درت بوماضة بيافين مرابانا تخفف هاد اشوهة هبطت فطرت وانا لاوية علي شال كلست كانفطر وماما كاتشوف في
ماما:مالك قاجة راسك ماشي من عادتك ديري الفولار فدار
شيماء:لا صبح سم ديال البرد وحسيت براسي بحال الى انتروح وخفت وكلت نديرو على لبرد هادا مكان
ماما:ايوا منين تبغي تمشي لخدمة تكبطي
شيماء:مغانمشيش هاد اصباح انسالي لفطور ونسوني لشاف رشيدة نكولها ليها حتى لعشية ونمشي
ماما:انتي تعرفي موهيم لبسي مزيان دخلات ماما للكوزينة هزيت اتيليفون حدايا وركبت نمرت شاف رشيدة وسونيت ليها
شاف:الو شيماء لباس عليك كي صبحتي
شيماء:الحمدلله وانتي شاف
شاف:الحمد لله مزالك ماجاياش
شيماء:داكشي لاش تاصلت بيك عفاك الى ممكن مانجيش هاد الصباح وفالعشية انا معاك واخا الى جات على خاطرك غير حيت عندي غراض 
شاف:واخا الالة ولكن اخر مرة واخا غير حيت مكايناش خدمة هاد صباح
شيماء:واخا ختي شكرا بزاف كنواعدك اخر مرة قطعت معاها الاتصال وجمعت طبلة غسلت الماعن ماما عجنات وانا وجدت الغدا ساليت طلعت دوشت ودرت الخرقة وصابون وبدا عنقي كايحرقني كل ما تحرقت كاندعي فعصام حيت هو صاحب دعوتي ساليت الغسيل توضيت خرجت لبست حوايجي وصليت صلاتي فتحت ماريويا نشوف شنو نلبس بقيت شحال كنفكر قررت نلبس جلابة فتيركواز بافولارها وساكها ونلبس تحتها سروال شبكة كحل وبوضي ديالو بليدين اصلا هي

اصلا هي سخونة داكشي لي درت وجدت راسي ويريحت ودرت فوندوتان وعكر مشماشي خفيف وريسي صافي هبطت مع دروج
شيماء:ماما انا مشيت
ماما:اتمشي بلا غدا
شيماء:حتى لتما ونتغدا هاني مشيت .فبلاصة خرى وضبط فاوطيل المامونية وصل عصام بطوموبيلتو دخل مشا نيشان للبيرو ديالو هز تيليفون وعيط لمنعم
منعم:وي سي عصام
عصام:تاصل بالقاعة شاف رشيدة وطلب من الانسة شيماء تجي عندي ودابا وسد على منعم دغيا من بعد 3دقائق جا منعم عند عصام للمكتب دق
عصام:وي تفضل دخل منعم حادر راسو وخايف من عصام حيت كايبان معصب الهز لي هز فيه عصام راسو منعم تصدم من المنضر ديال وجه عصام حدا فمو مجروح وتحت عينيه زرقة وضربة فجبهتو مخيطة
عصام:اتبقى تشوف فيا تما شنو كاين ياك طلبت انسة شيماء تحضر عندي
منعم:سيدي راه مشيت ولكن لقيت غير شاف رشيدة بوحدها وكاتليا انا الانسة شيماء مجاتش هاد صباح حيت عندها غرض مهم
عصام:صافي خرج علي برا ورد داك الباب منعم بزربة خرج وسد الباب مع خرج ضرب عصام ايديه مع المكتب واخا الالة شيماء حتى تجي وليتي تخرجي ودخلي وقت مابغيتي هز تيليفون ركب الرقم ديلها "ان خط مخاطبكم غير مشغل او خارج التغطية"قطع وردخ تيليفون مع الارض هز تيليفون ديال الخدمة وسونا للمساعدة ديالو "الو وي حياة نبغي منك تخبري شاف رشيدة انهم غدا يوجدو ريوسهم للغدا رسمي وحفل عشاء باليل بغيت كلشي على حقو وطريقو وحتى حاجة ماتخص غدا كاين حدت مهم بزاف واخا "وقطع وهو كايتحلف على شيماء.نرجعو عند شيماء من بعد ما خرجات من دار سونا ليها فهد
فهد:الو وي شيماء سافا
شيماء:الحمدلله وانت
فهد:الحمدلله خرجتي من دار
شيماء:اه خرجت
فهد:نعتي لي فين كاينة انا دابا انجي نجيبك .نعتات ليه شيماء فين كاينة وماهي حتى 5 دقايق كان كدامها هبط وحل ليها الباب من بعد ديمارا طوموبيل

شيماء:فين اتديني
فهد:انخطفك ههههه الالة اول حاجة انمشيو نتغداو فواحد البلاصة زوينة اتعجبك وتاني حاجة انخليها مفاجئة
شيماء:ههه واخا اسيدي بقينا غاديين وصلنا واحد المطعم زوين دايرينو فجردة والهوا نقي كلسنا جا عندنا السرباي كول واحد شنو خدا انا خديت بيتزا بالفواكه البحر كاتسطيني وفهد خدا كريب مالحين معمرين بالداند والكفتة بقينا كانهضرو عاود لي فهد على حياتو وعلى صغر ديال وكالي عندو جوج خوتو مزوجين واختو كاتقرا فبرا وامو عيات معاه يتزوج ومازال مالقاش البنت لي تناسب تفكيرو وتجي معاه لقينا بزاف ديال صفات كاتجمع بيناتنا جاب لينا سرباي الغدا تغدينا فجو مليئ بالضحك وتقشاب فوج علي صراحة من بعد جابو لينا حلوة بالشكلاط كاتحمق وانا كنموت فالشكلاط سالينا الغدا ناض وخدا ايدي 
فهد:صديقتي العزيزة هل انتي مستعدة للمفاجئة
شيماء:اجل مستعدة اتم الاستعداد هاد السيد مسطي ههه خلص الغدا خرجنا من المطعم ركبنا وديمارا بقا غادي بيا حتا وصلنا مدينة الالعاب واو يا سلام عمرني مالعبت هنا خرجنا من طوموبيل وانا مبهوضة واوو روعة 
فهد:كيجاتك المفاجأة وغمزني
شيماء:صراحة هدا احسن نهار فحياتي والله دخلنا ماخلا مافين لعبني طوموبيلات القطار ديك دائرة الكبيرة ديك اللعبة لي كايغوتو فيها صراحة ضحكت حتى سالاو دموعي يالينا اللعب وتمبنا راجعين شفت فساعتي ناري مشا الحال اليوم بجربو علي سافني فهد وفهم
فهد:تعطلنا ياك انا دابا انوصلك دغية دغية حل لي الباب وطلع ديمارا مشينا بجرية وحدة حتى وصلني قدام الاوطيل
فهد:شكرا لزاف على هاد الخرجة زوينة شيماء كنتمنى ماتكونش هادي الاخيرة وكنتمنى تقبلي صداقتي والاخوة ديالي واي حاجة حتاجيتيها انا معاك
شيماء:ربي خليك انت لي شكرا على هاد الخﻻجة زوينة بزاف عمري خرجت بحالها ومرحبا بالصداقة ديالك اسيدي وكنتمنى ان شاءالله نسمع خبر خطوبتك وعلاش لا زواجك وغمزتو
فهد:بلاتي اجي لهنا كيفاش مافهمتش وهو كايضحك
شيماء:ممم انت فاهم وانا فاهمة هههه ونا نخرج ليه لساني ههه
فهد:هههه واخا واخا عليك تفرقنا بالضحك ونشاط دخل لطوموبيل ديما وهو كايشير لي وانا كانشير ليه فهاد الوقت واحد الانسان او واحد البركان هايج مقابلهوم من الفوق دخلات شيماء كاتغني مع رايها وفرحانة خدات لسانسور هي طلعات وتابعها منعم باش يكوليها عصام كايتسناها ولكن ماشافتوش وصلات للكولوار كايبان ليها عصام جاي ناحية ديالها خارج من المكتب ديالو شافتو قاصدها عينيه حمرين وجهو كولو مبركع زرك شداتها الضحكة هي اصلا نسات قصتو وشنز طرا تلهات مع فهد هو جاي ليها وهي راجعة بالور ضارت ودارت راسها رجعات وبحال الى مابيها والو وهي كاتزرب فالمشية ولكن جلابة ماخلاتها تجري ولكن شكون خلاها هاد المرة تهرب تلحك بيها عصام وشدها من ايداها بجهد وتم غادي بيها لجيهت الكولوار وهي كاترطا وتنطر من ايديه
شيماء:وا بشوية واش بنت ليك انا معزة ولا بهيمة لي مكودني هكا راك دريتي اي ايدي يشوية
عصام شاف فيها شوفة ديال القتيل:مانسمعش حسك بالصيفة نيهائية قطعي الحس وهو غادي بيها هبطها مع شي سلالما وصل بيها للبيوت ديال الوطيل خدا كارط من جيبو دخلو فواحد المكينة وتفتح الباب دخلها البيت ورماها على ناموسيا ورجع سد الباب هي ناضت كاتجري هزات واحد الفازة 
شيماء:والله وتقرب لي حتى نعطيك بهادي وانا شاداها وكنترعد
عصام:هههه ضحكتيني يالاه بالي شنو كاتسناي لوحيها.كايكولها وهو ضاحك وجاي جيهتي
عصام:ماكنتش كنضن اني كانتعامل مع وحدة برهوشة سادجة من شحال وانتي كتجربي صبري ليك ولكن فعايل ديال البارح كفحوو الما لي كان فالكاس بزاف زدتي فيهم كل مرة كانكول انتاقى

فيك وجه الله ولكن انتي ماعندكش الوجه علاش تحشمي البارح حضرتك ولكن ماسمعتيش ودابا انا مامسؤولش على لي غادي ندير انتي مكاتفهميش بالهضرة كاتفهمي باللغو خرى هو كايهضر وكايحيد فالافيست
شيماء:عصام انتفاهمو غير بالعقل شنو ناوي دير وبديت كانغوت عتقوني بغا يتعدا علي عتقوني شوف اتقرب انا ماشي مسؤولة على ليغاندير
عصام:غوتي على جهد الحيوط ديال الفندق عازلين لصوت ههه لاح لفيستا بدا كايحيد فلقميجة وجاي جيحتي انا شفت القضية كاتحماض هزيت الفاز وشيرت عليك بيه ولكن مطور تنحى بجنب وجا حدا الباب بدا كايضحك ومقرب جيهتي حل القميجة كلها وحيدها لاحا وتم جي جيهتي بالزربة طلعت فوق الناموسية وهربت جيهت الباب باش نحلو وانا نسيت انو كاينحل بالكارط لي عندو بقيت كانشوف فيه
عصام:ماعندك فين تهربي احبيبة ليوم الاخر ليك رجع جاي عندي بخطوات تقيلة وانا نهرب تاني لفوق ناموسية 
عصام:واخا ضوري البيت كولو ماغاتهربيش مني اليوم بلاما تعدبي راسك جا نيشان قدام الناموسية.هبطي بلاما ندير ايدي
شيماء:الا بعد مني ماهبطاش انحارب لاخر نفس عندي
عصام:ههه كاينا فالحرب العالمية تانية غير هبطي واخا ديري لي درتي لي فبالي هو لي ايكون بقا واقف على اعصابو وانا كانترعد من هنا ومن هنا باش يحاول يشدني نقز ليه جاني على غفلة شدا لي بغا يشدني هربت تاني حدا الباب البيت جريتو كولشي تم راجع عند درت واحد جرية نقزت فوق ناموسية لجيهت الحمام دخلة لي اندخل جرني من قبي
عصام:كتليك ماعندكش فين تهربي وهز حاجبو وجرني وانا كانتركل ونغوت وشادا فالجيط وكانضرب معاه فينما جات الضربة كانتفركل كي البطة شد لي ايديا لواهم وراه وهزني فوق كتافو وانا كانغوت ربي لي خلقني لاحني فوق ناموسية درت صباعي فودنا وانا كانغوت سد لي فمي بيدو ...

يتبع