عذبها ظلما.. فغدرته قصدا الجزء الثامن

نفس(بصوت مخنوق و وجها حنر غيطرطق): و انا مبغيتش هد لولد لفي كرشي منك..و مغنخليهش يتزااد.. يعقوب(شاف فيها بصدمة و جاي جيهتها): حطي دكشي من يدك..و ديري عقلك اش هد لخصايل.. نفس: متقربليش و الله و قربتي حتى نغرسو فيا و نموت و نتهنى..متقرررربش.. يعقوب بلع ريقو و هو منخنزر فيها.. فجأة تخطى باقايا زاج لمرآة و وصل لعندها و شد يدها و بعدها على كرشها و بدا كيحاول يحيد ليها زاجة.. و هي مبغاش تطلق و كتزيد تكرز عليها حتى سال دم من يدها عاد طلقاتها و هو لاحها بعيد.. و شاف فيها و جمع يدو على شكل قبضة..و غمض عينيه و عاود حلهم.. شاف فيها شادة في يدها كتقطر بذم و كتبكي.. شدها و هو كيتفحصها.. جرها خرجها لحمام و خشا يدها فق لافابو و طلق لما و هو كيغسل فيها حتى حبس دم.. و مشى جاب شريط ابيض و حزمو لها على يدها.. و حط يدو على رقبتها و هز لما في يدو وبدا كيغسل ليها في وجها.. و هي كتنخصص حتى سالا و مسح ليها وجها بلفوطة.. و خرجات و مبغاش تشوف فيه و غادة خارجة من لباب.. هو يجرها.. يعقوب: اجي لهنا.. نفس: متقيصش فيا.. يعقوب: انا غلطن في حقك بزاف لحقد و لكره من جيهة باك كان عامي لعينيا..و هدشي معرفتو غي فاش سافرت نتي لوحيدة لكنتي شاغلة بالي.. نفس: طلق مني هد لهضرة مغتبدل والو.. دبا وقع لي وقع مكاين علاش تبرر لي صافي عيت.. يعقوب: يعني مغتنسايش.. نفس(بهدوء): طالما انا هنا مغنساش الا بغيتيني نسامحك خرجني من هنا و منوليش نرجع لهنا..و لقا لي ختي..و خليني نمشي نعيش بوحدي و خليك بعيد عليا.. يعقوب(تنهد هدشي لمكانش باغي يسمعو): واخا غنخرجك من هنا و غتمشي من هد لبلاصة ولكن غتبقاي في جنبي.. مادام نتي حاملة مني.. نفس(قلبات وجها): صافي بغيت نمشي من هنا..لقا لي ختي و نبقا معاك..و هد لبي بي لجامعنا مستاعدة نطيحوو..و ميبقا يجمعنا والو.. يعقوب(خنزر فيها): حاولي ديريها نقتلك.. قلبات وجها بزعفة و هو متبع حركاتها. يعقوب: غدا غنمشيو من هنا و غتعيشي معايا..غتبقاي هنا و متخرجيش حتى نرجع و غنسيفط ليك شي وحدا تعاونك.. حركات راسها بالإيجاب و شد وجها بين يديه و قربها لعندورو عينيه على شفايفها لجمعاهم..مكرهش يلتاهمهم لكن ماشي وقتو غمض عينيه و طبع قبلة على راسها.. و هي مدارت حتى ردة فعل بعد عليها و مشا خرج.. و هي دارت شبه ابتسامة و حاسة بفرحة جلسات و حطات يدها على كرشها كتحسسها بأطراف اصابعها..و فرحانة.. نفس: هه سمحلي اولدي انا اكثر وحدة باغاك في هد دنيا و متشوقة نشوفك..هه و ضطريت نمثل على باك هكاا ههه شحال حمقة انا غيولي بيناتنا ولد ولا بنت و مغنبقاش غي انا و نور غتزاد معانا واحد اخر.. بقات كتهضر مع راسها و فرحانة بلا قياس و فرحانة غتولي تجمعها هي و يعقوب شي حاجة..

و غتولي تجمعها هي و يعقوب شي حاجة واخا ظاهرات انها مبغاهش.. داز مدة.. قدام ڤيلا ال ديمير وقفات طموبيل صغيرة و نزلات منها عيشة..وجها شاحب و حزين.. لابسة عباية و دايرة فولار مغطي نص في شعرها..و دايرة نظارات شمسية سوداء كبار مغطين تحت من عينيهل لزرقين من كثرة الارهاق.. طول هد لفترة عذبها ضميرها و قلبات حتى عيات على بنات خووها و كتمنى لو تعاود تلاقا بيهم و تصلح علاقتها معاهم.. لأن اصعب شعور هو تاتيب ضمير..عرفات بلي غلطات بزاف و ارتاكبات ابشع لجرائم..و حتى حد مقدر عليها لانها كانت محمية بدرع خوها منصور.. لدابا خسرو كلشي و مبقاو يسواو والو هما ثنائي لكانو عصابات دولية كيخافو منهم و من افكارهم شريرة.. مشات عن لحارس و طلباتو يفتح ليها لباب ودكشي لدار و دخلات كتمشى على رجليها و كتشوف في جمالية لڤيلا.. و كانت نور كتلعب في جردة غي شافتها و هما يخرجو عينيها و مشات تجري تخبات مورا شجرة و بقات متبعة ليها لعين و عمرو عويناتخا بدموع و خزات ايديها صغيورين لسما و هي كتقول..بصوت خائف.. نور: يا ربي..يا ربي متعطينيش ليها سمر يا ربي منمشيش معاها يا ربي..خاصني نتخبا عليهم.. مشات تجري دخلات من لباب دلكوزينة و هبطات لطابق سفلي.. عيشة طرقات لباب لخشبي لكبير و بدات تصوني حتى جات لخادمة تجري فتحات لباب و طلعاتها و هبطاتها.. -شكون نتي.. عيشة: كاينة سمر.. -اييه كاينة لالة سمر شنو بغيتيها.. عيشة: قولي ليها عيشة بغات تشوفك.. -سمحيلي ولكن شكون نتي.. عيشة: سيري قولي لها غي عيشة صافي.. مشاات و بعد مدة رجعات لعندها و دخلاتها داتها لفين كانت سمر جالسة بوحدها.. و كتشرب في قهوتها..حتى وقفات عليها و طلعاتها و هبطاتها بحقد و عيشة حانية راسها مقادراش تشوف فيها.. سمر: جلسي اعيشة.. جلسات عيشة في لكرسي قبالتها و حيدات نضاضر و شافت فيها بنظرة حزينة.. عيشة: سمحيلي..اختي سمحيلي انا غلطت معاكم بزاف.. سمر: نتي اكيد مجيتيش على قبل هدشي.. عيشة: ياسمين الله يرحمها فاش كانت عندنا و ولدات بنتها مماتش.. سمر(استقامت في الجلسة): كفاش شنو كتقصدي.. عيشة: حفيدتك لنتجات على اثر عملية لاغتصاب مزال حية.. سمر: نتي كتكذبي مغنتيقكش.. عيشة: و كنحلف ليك بحياتي و انا غنعتارف بكلشي دكشي لي درت عيت و مبقيتش قادرة.. سمر: فين هي اعيشة لا وريتيها لي نسماحك و نعطيك ما بغيتي كنواعدك اعيشة..

سمر: فين هي اعيشة لا وريتيها لي نسماحك و نعطيك ما بغيتي كنواعدك اعيشة.. عيشة: مبغيت والو بغيت راحة نفسية و بغيت نتوب و نصلح ما فات..بشرط.. سمر: شنو هو ؟؟ عيشة: بنت خويا لكبيرة نفس بنت منصور خابسها ولدك عندو.. سمر: و من لعد.. عيشة: هو وياها بوحدهم و هو كيبقا راجل و اكيد مغيكون تعدا عليها او او.. مهم يتزوج بيها و تولي على ذمتو و غنعطيكم بنتكم و غنعتارف بكاع دكشي لدرت و مستاعدة نكمل حياتي في لحبس.. سمر: شنو.. مستحيل مستحييييل كتسمعي مستحيل ولددي يتزوج بي بنت لمجرم لغتاصب بي بنتي لقد بنتو و دمرها و بسبابو ماتت..مستحييل.. عيشة: اذن حتى نتوما مغتعرفوهاش فين..لا قبلتو عرضي حتى نتوما غتعرفو بنتكم فين لا كانت كتهمكم.. سمر: عيييشة مغتخرجيش من هنا حتى تقولي لي حفيدتي فين.. مكيمكنش ليك تمشي و نتي حييتي جرح سنين.. عيشة: كلام واحد هو. لكاين بسلامة عليك.. تما جاي من خلفهم كيتمشى و خاشي يديه في جيابو و عاقد غوباشتو..و لقى لفرصة و مغيلقى مع مو حتى مشكل.. يعقوب: انا موافق.. سمر(تلافتات لعندو بصدمة): لا اولدي اكيد كنكذب علينا..متيقهاش.. يعقوب: وشنو لي غيخليها تكذب الواليدة.. عيشة: اه معندي علاش نكذب و هكا غنصلح لاخطااء لدرتهم مع بنات خويا و تكتامل توبتي.. سمر: توبتك جامي تكتامل الا معطيتينيش حفيدتي.. يعقوب: صافي الواليدة جلسو خليونا نهضرو بلعقل.. سمر تأفأت و جلسات مخنزرة و في نفس لوقت متشوقة تعرف فين حفيدتها لطول هد سنين كتن عمد بالها ماتت كيف قالو ليهم.. عيشة: انا غنوريكم بنتكم ولكن في لول تا تزوج ببنت خويا لراهيا عندك.. يعقوب: نفس ؟؟ عيشة: اييه هي.. يعقوب: واخا انا موافق و غنتروج بيها.. سمر(خرجات عينيها): واش نتا صاحي و عارف شنو كتقول.. يعقوب(شاف فيها): اه خديت هد لقرار غيرضي كلا طرفين.. عيشة(وقفات): اذن بدا توجد لوراق و فاش نشوف لعقد كامل مكتمل غنوريكم بنتكم.. يعقوب: كوني هانيةلأوراق مغياخدوش وقت طويل.. (تنهدات و مشات و كتمنى من اعماق قلبها يتم هد زواج..غتحس بلي راه دارت شي حاجة زوينة في حياتها) سمر: اه تسناي..(شافت فيه بعتاب) لا لا نتا اكيد حماقتي باغي دخل بنت لمجرم لشتت شملنا لداري..و تكون مرت ولدي اه.. يعقوب(حط رجل فق رجل و كيشوف بعيد): انا مضطر.. سمر: كفاش.. يعقوب(ابتاسم): قريب غيجيك حفيد..بنت منصور حاملة مني و انا مستحيل نخلي ولدي ولا بنتي ينعتوهم بالحرام.. سمر(توسعو عينيها ): هاا... شنو نتا وياها غيكون بيناتكم ولد غتولد منها و غيجيني حفيد منها و غتكون مرتك..لا لا مغنقبلش بهدشي طول ما أنا حية دم دااك لقتال كيجري في عروقها.. يعقوب(ببرود): و نسيتي بلي داك لقتال هو نفسو لأب دحفيدتك..

يعقوب(ببرود): و نسيتي بلي داك لقتال هو نفسو لأب دحفيدتك.. هنا سكتها و ملقات متقول و سكتات و هي كتفكر.. سمر: نعرف حفيدتي فين غنمشي مع خالك من هنا و غنخلي ليكم هد دار.. يعقوب: لي بغيتي.. سمر(جاتها لبكية): علاش كتهضر معايا ببرود..وااش تعلقتي فيها وليتي تفضلها عليا و باغي تزوجها انا مباغاهاش ليك.. يعقوب: انا مباقيش مراهق متهور انا في عمري 30 عام و بإمكاني نحدد صح من لغلط..فبلا متدخلي.. هي عدبتها ظلما..سمعتي..و صافي انت ماشي فحال باها و لهدا غنصلح غلاطي..بطريقتي.. سمر: مكيهمش انا غنعرف حفيدتي غنهزها و نمشي من هد لبلاد تعيسة.. يعقوب: انشاءالله.. سمر(بحزن): واش درتي لي دار باها في ختك.. يعقوب: تماما مي بطريقة اخراا.. سمر تنهدات و معرفات متقول و انساحبات من حداه بهدوء.. و هو ابتاسم هدشي علاش كان جاي لعندها ولقا فرصة لتسهل عليه لقضية..وقال وهو كيحك دقنو.. يعقوب: عندك زهاار.. أ نفسي.. ابتاسم و ناض.. في ماربيلا.. فاق يزن بكري و خلاها ناعسة دوش و لبس حوايجو و خرج و سد عليها لباب من برا.. لأنه مكيتيق في حتى واحد و خصوصا لڤيلا كلها رجال.. و دازو ساعات عاد رجع و فتح لباب لقاها واقفة في لبالكون و ريح كيطير شعرها و مخنزرة.. هو يتحنحن من وراها..و هي تلافت.. هديل: تفو عليك جبتيني لهنا باش تقتلني بجوع و من لفوق تحبسني..اصلن اش غنتوقع من واحد خدام وسط مجرمين و ماشي بعيد يكون فحال دارت فيه نظرة سخرية و ربعات يديها و وقلبات وجها لجهة لاخرا و هو قرب منها حتى لصق فيها وحاصرها مع لحيط بيديه.. و كيهضر و يشوف في في شفايهاا.. يزن: شنو بغيتي.. هديل: والو بغيت غا نفطر..و هد لمرة يكون فطور نيت راه فيا جوع.. يزن: زيدي قدامي.. بعد عليها و مشات قدامو هو يجرها من سمطة دسليب لكان تحت من لبيجامة..و هي تبدا ضرب فيه.. هذيل: وا لخرا طلق واش حماقتي ولاا اويلي.. مبقيتيش كتحشم طيرتي لبلاكة.. يزن: نتي لطيرتي لبلاكة غادة نازلا هاكا..زيدي بدلي و طول محنا هنا مغنبقاش نوريك.. هديل: غي نسيت ابنادم.. يزن: حتى انا غنزول هد لحوايج.. هديل: واخا سبقني نتا.. يزن: نبدلو بجوج اش بانليك 😉 و نعطيو فرصة تعارف لأجسادنا.. هديل: تفوو عليك 😡.. يزن(ضحك عليها): هه راه ديجا قصت كلشي و شفت كلشي قبل منقيص.. هديل(حسات براسها مكتسوا والو، و وجها رجع حزين): مزيان..

هديل(حسات براسها مكتسوا والو، و وجها رجع حزين): مزيان.. يزن: غا تنضحك معاك.. هديل: صافي بعد مني الله يحفظك.. دخلات لبسات كسوة بسماط و حد وكبة في صفر مع صباط.. و خرجات عندو دار فيها شوفة د"واش من نيتك" هديل: افف ياله خلاص غنسخف بجوع.. يزن: دبا انا قلت ليك بدلي و تغطاي نتي زدتي تعريتي.. هديل(حطت يدها على خصرها و قارمة حواجبها): و نتا مالك اخويا كتحكم فيا ياكما ضارب بيا لكاغيط.. يزن: شنو هذا.. هديل: لاكط..لعقد ولا ختك..نلبس لي بغيتي.. يزن(خنزر فيها و قرب و شدها من دراعها): خاصك تعرفي بلي انا كنغير عليك من شوفات رجال في مفاتينك.. هديل(توسعنو عينيها بصدمة و فرحات من داخلها اكيد هد لغيرة كتجي من ورا لحب): هاا شنو قلتي😍 كتغير عليا.. يزن: دخلي بدلي براكة من لهضرة.. هديل: ممحركاش من هنا تتعاود شنو قلتي.. (طرطقات فيه عينيه ) واا بربي حتى تعاود شنو قلتي.. يزن(دفعها لدريسينغ): هه والله حتى مشرملة مع راسك.. وقفها و هي كتشوف فيه مضهشرة و كتفرنس و هو كيقلب في لحوايج حتى جبد ليها سالوبيط نص كم.. دوب و فضاض في لأسود.. و قاليها تلبسو و خرج.. و هي مزال حالا عينيها و مبتاسمة و ماشي غي مبتاسمة مشرعة فمها بأكملو.. و هي تنقز فجأة و هي طايرة بالفرحة.. هديل: وااو كيغير عليا (تلاشات ابتسماتها) اكيد غي فحال ختو.. لبسات سالوبيط و خرجات لعندو و فتح لباب و هبطو مشاو في اتجاه لكوزينة.. لكانت عامرة بالخدم و لشيف عالميين.. هضر مع وحدة من الخدم بالإسبانية و مشات توجد ليهم لفطور و هما جلسو في طبلة كيتسناو حتى بذاو كيحطو ليها في لفطور.. و بدات كتاكل و هو شاد تيليفونو كيقرا في اخر أخبار لبورصة.. حتى فطرات و سالات.. هديل: صافي ساليت غتخرجني ندور ياك.. يزن: لا.. هديل: يااك عقل فيها 😞 يزن: واخا واخا نوضي ياله.. ناضت هي وياه و خرجو.. ساراها في لمدينة كاملة و هي لشافتها كتبغيها و هو كيشريها ليها و دايرا فيها هبل تربح.. حتى داز نهار و رجعو لڤيلا..

حتى داز نهار و رجعو لڤيلا.. نزلو و هي هازا بزااف دصيكان و تابعاه..فرحانة طلعو لبيت و هي لاحتهم فق سرير و بدات كتجبد و كتشوف فيهم.. و هو دخل بدل عليه و خرج لقاها مضاربة مع لحوايج لشرات.. هديل: غندي هادو لماما فاش هضرت معاها قلت ليها غنجيب ليك كادو.. يزن: صافي حيدي دكشي جمعيه خليني نعس.. هديل: ا بلاتي نشوف.. يزن: هديل تگعدي من تم و لا نجمع دوك لحواج و نلوحهم على برا.. هديل جمعتهم و دخلاتهم.. بدلات عليها و لبسات بيجامة فق وكبة و فيها ميكي ماوث كتبان كيوت فيها.. و جبدات كلوص ماركة عالمية من لي شراتهم و وقفات قدام لمرايا كتذهن فيه لشفايفها و مصاتهم حتى ولاو كيلمعو و فايحة منهم ريحت لڤانيل.. و خرجات مبتاسمة تخشات حداه و طفات ضو دلفيوز..و تاقبلات معاه كان كيشوف فيها.. هو يقرب كيشم فيها.. يزن: فمك.. هديل: مالو يزن:فيه ريحت لڤانيل هديل: اه كيعجبك.. يزن: أه و بززاف..تشهيت ندوقو من فمك.. هديل: اويلي هذا غي كلوص بغيتو نجيبو ليك ماشي غي دوقو كوليه..نتا كاع.. سكتات فاش قرب كيلتاهم شفايفها و يمص فيهم و داغي جا فق منها.. و غرس صباعو في شعرها و هي داغي ذابت بين يديه و دورات يديه على عنقو..و مغمضة عينيها باستمتاع.. و هو بدا كيفتح ليها في صدايف دلبيجامة لي لفوق حتى بان صدرها و دوز عليه صباعو من لفوق.. و هي تفتح عينيها فاش سمعات صوت طلاقات رصاص..و وقفاتو و هو مسمع والو طبعا لأنه كان منغمس في عالم دشهوات.. هديل: صوت رصاص.. مكملتهاش حتى بداو كيسمعوه بتتابع كان..هو ينوض بزربة مخنزر.. يزن: فاااك..زواامل ولاد لقحاب كيتسرفو من عندهم معلمونيش.. ناض من فق منها كيجري دخل بدل بزربة لبس سروال جينز كحل و تشور و گاط.. و جا تحنى تحت من سرير جبد شنطاية صغيرة فتحها كانو فيها اسلحة..و معاهم ريموت صغيرة..هز واحد خشاه مر وراه ضهرو و لاخر في رجلو..و هي كتشوف فيه كترعد بلخلعة.. جرها وقفها و عطاها فردي..و هي من كثرة ما كترعد مقدراتش تشدو.. يزن: هديييل مااشي وقتوو شووفي متخافيش خااصك تكووني قوية هدا خليه عندك تحسبا لأي واحد دخل هنا.. بدون تردد تيري فيه.. هديل(كتبكي): هئ صافي هااذي نهايتنا غيقتلونا.. يزن: سكتي اهديل بلا متزيدي تعصبيني..غطفي ضواو و متخلي حتى ضو شاعل..غتخرجي لبالكو و غتوقفي اجي معايا (جرها و كيوريها بصبعو) شفتي هاديك شجرة باب و غي يبانليك جميع رجال دخلو تما و حتى تعرفيهم كلهم دخل و غضغطي على هد زر لأحمر لفي هد رايموت وياك تفلتيها من يدك بقاي مخبعة هنا.. هديل: هئ وااش غنفجرهم هئمغنقدرش..غيقتلونا ياك.. يزن: غتقدري اهديل تماك كاين مستودع لأسلحة و بيهم كيتقتلو ارواح بريئة في لحروب فحال سوريا الخ مكاينش وقت لشرح.. مسح ليها دموعها و فاش سمع صوت رصاص كثر قرب منها و باسهل في شفايفها و جرهم بجهد.. يزن: كنبغييك.. هديل(كتبكي، عنقاتو و زيرات عليه): هئ متمشيش لعندهم.. يزن بعدها عليه و جلسها بزز و كينصحها متديرش لحس.. و خرج سد عليها لباب دلبالكون من لداخل و طفا لأضواء و خرج كيجري من عندها و جبد فردي من ورا ضهرو اول مبان ليه واحد لعملاب جاي في اتجاه غرفتهم وجه سلاح لجبينو و ضغط على زناد فجر ليه راسو و طار عليه دم على وجهو مسحو و هبط كيجري..

و خرج كيجري من عندها و جبد فردي من ورا ضهرو اول مبان ليه واحد لعملاب جاي في اتجاه غرفتهم وجه سلاح لجبينو و ضغط على زناد فجر ليه راسو و طار عليه دم على وجهو مسحو و هبط كيجري.. خرج على برا و زاد خطوات لقدام و هو كيشوف بنظرات حادة واش مزال شي واحد كيدور و مشا في اتجاه لمستودع لأرضي.. و هديل حاضياه من لفوق و كتبكي و كيتسمع صوت لقرطاس و كتشوف في گاع رجال غادين يجريو في اتجاه شجرة لي فيها باب لمستودع.. و كل مرة تجي طموبيل اخرا يهبطو منها رجال مسلحين..كان منظر جد مخوف و عاد ما كتشوفوغي في لأفلام دلاكشن.. و لڤيلا تسطوكات بطموبيلات..و صداااع.. و هي كتبكي و تشهق في لقنت دلبالكون حاضياهم حتى حسات بلي تقريبا كلشي دخل.. و تفكرات يزن بلي قاليها فاش تشوف كلشي دخل لتماك ضغط على لفي رايموت صغيرة لي وراها.. ياله غتضغط ولكن تفكرات بلي غتفجرهم كاملين و يزن حتى هو داخل معاهم.. ولكن خاصها ذير بكلامو شوية حسات بشي خطاوي جايين اتجاهها تلافتات و هي تشوف واحد ضخم لبنية اسمر لبشرة.. شافها و ابتاسم و هي زادت تخلعات و بدات تبكي و كلها كترعد.. هديل: ش ششكون ننتا هئ شبغيتي.. ...... : اه هي غتكون شاهدة على للمجزرة دليوم.. قرب منها و جرها من رجلها و طلقاتها بغوثة.. مع يذو على شكل لكمة و عطاها لوجه حتى سال دم من فمها و من نيفها..و هي تهز رجلها و ركلاتو لحجرو حتى طاح على ركابيه.. و طاحت ريموت من يدها و لفردي لعطاها حتى هو تزلع و هي طاحت و جات كتزحف هربانة..و تبكي.. لمحات لفردي و هي تلاح عليه هزاتو و وجهاتو ليه و ضرباتو رصاصة جات ما بين عينيه.. هو يتسرح فق لارض و دم سايل و هي تشهق و خرجات عينيها.. هزات رايموت تخطات لجثة لقدامها و هبطات كتجري خرجات وصلات لنص في جردة و ضغطات على زر حتى حسات بلارض تهزات..و بدا دخان يتصاعد و جردة كلها تشقات لانها كانت هي سطح دلمستودع و ولا غي سواد مالي لمكان.. و هديل تلاحت لأن لهزة كانت قوية طاحت مغمة عليها.. و وقفو لبوليس في اخر لحظة توزعو في لمكان و هبطو كيجريو و جات سيارات لإطفاء.. و حتى لإسعاف.. هبطو كيجريو في دروج لمستودع لكان كلو تحرق و كلشي رجع رمااد..لأن لانفجار كان قووي..و صقفو طااح.. هديل فتحات عينيها بشوية و رؤية مواضحاش شافت ظل جا في اتجاهها و لكن سرعان ما وصل لعندها غيبات عاود.. و ملحقاتش تشوف وجهوو... صباااح يوم جديد.. كانت في غرفة بيضاء كبيرة مجهزة بأدوات طبية جد حديثة..

كانت في غرفة بيضاء كبيرة مجهزة بأدوات طبية جد حديثة.. ناعسة مغمضة عينيها و فمها زرق شوية من جناب و فيه جرحة صغيرة و لابسة بيجامة قطنية بيضاء و شعرها موزع فق لوسادة.. و معلقين ليها سيروم و هو دخل.. كان لابس كلشي في لون لأسود مع مونطو دوارتون.. و واقف معااه طبيب كيسولو على حالتها و كيطمأن فيه بلي مكايناش شي حاجة خطيرة خلا حتى مشا طبيب و شاف فيها..و قال باستهتار.. يزن: انا لكنت وسط لانفجار و مصرافيا والو اش هد تبوحيط.. قرب منها و تحنى باسها في شفايفها بكانو دافين.. وبانليه حدا راسها كاس دلما هو يبتاسم بشر و هزو.. و بعد منها و رفع ايدو حتال لفوق قابلها مع وجها و خواه عليها.. حتى شهقات ناضت جاهلة و قلبها كيضرب.. و هو بداا كيضحك على حالتها حتى صغارو عويناتو.. و هي تفكر كل شي لصرا معاها ليلة دلبارح..ناضت لعندو و نتفات سيروم من يدها و تلاحت في حضنو لاصقة فيه و تتبكي..و تنخصص و هو يبعد فيها غتسردو بلما..شوية فاش حس بيها متأثرة زاد ضمها ليه و خشاها في صدرو لعريض.. هديل: هيئ كنت خايفة بزاف حسابلي غتموت انا قتلت واحد هيئ معرفت شنو كان باغي يدير فيا والله ما فكرت.. كنت غنموت بلخلعة عند بالي مت.. يزن: هه نتي مقتلتي حتى واحد غي تخايل ليك و صافي نساي ليلة لمشؤومة دلبارح.. هديل: هئ منقدرش..منقدرش 😭 كيفاش ممتيش و حتى نتي كنتي معاهم في ديك لبلاصة.. يزن: فاش ضغطتي على زر طلع عندنا انذار بلي كاينة ثلاثين ثانية و غيتفجر لمكان تسلينا منهم بشوية انا و رجال لخدامين ضدهم..و فاش طلعنا و بعدنا شوية و هو يتفجر كلشي.. جلس فق لباياص و جرها جلسات فق رجليه شد وجها بين يديه و قابلو مع وجهوو..كانت غي كتبكي.. يزن: شووت صاافي غتنسااي كلشي لدرتيه لبارح صحيح و مع لقانون.. دبا تخلصنا من أهم عصابات كتساهم في قتل لأرواح لأبرياء عبر صنع اسلحة خبيثة..داخل داك لمستودع ماتو رجال د 2 عصابات و هكا فشلو بجوج و جامي يرجعو كيف كانو و دابا لبوليس غيكونو شدوهم.. هديل(بعفوية): و حتى نتا كنتي فرد من افراد ديك لمنظمة علاش مشدوكش.. يزن: بنت لحرام 😡 باغا تهناي مني هكا راه نتاقمت حتى مت قاتل بااك..بعدما خسر كلشي لكان ليل و نهار هو يخطط ليه اكيد غتجيه شي جلطة وسط لحبس.. هديل: دبا هو شدوه.. شرحلي ياك نتا كنتي معاهم كفاش نقالبتي عليهم.. يزن: ادموند هو لتسبب لواليد في سكتة قلبية و بسباب رجالو مااتت ختي بلغلاط..مهم دبا انتااقمت ليك 😈 حتى نتي.. هديل(بفرحة): دبا نتا ماشي شخص خايب و مجرم.. يزن: لا.. هديل شدات وجهو بين يديها و قربات منو حطات شفايفها على شفايفو و طبعات قبلة حارة و هي مغمضة عينيها و هو يعضها في شفتيها لتحتانين و بعدات عليه و كضحك..و تصرف لداارتو غير ارادي... هديل: بصصح كتبغيني ههه حتى انا كنبغييك والله 😍..

هديل: بصصح كتبغيني ههه حتى انا كنبغييك والله 😍.. يزن: شكون قاليك كنبغيك.. هديل: قلتيها لياا لبارح 😞 ياكما نكون غي تخيلتها.. يزن(كيدور في عينيه): يمكن.. هديل(خبطاتو لصدرو): زمر نتا قلتيها ليا و مزال عاقلة و بستيني في شفايفي.. يزن(ضحك و حط جبينو على جبينها و كيشوف عينيها): ماشي غي كنبغيك كنمووت عليك.. عرفتي شنو.. هديل(طايرة بالفرحة و حاسة بالعصافير كيزقزقو في معدتها): شنوو.. يزن: فاش هبط لمستودع و كان فحالا حرب لعالمية ثالثة..مكنتش خايف على راسي كثر نا خايف علييك.. هديل: و حتى انا كنبغيك بزاف و متصورش قداش و نتا وليتي كلشي في حياتي.. منتصورش نكمل حياتي بلا بيك.. يزن: و الا مت 😈 غتبعيني مثلا.. هديل: هاا لا ويلي مالني نقتل راسي على ودك نتا.. يزن: هههه يعني غتكملي بلا بيا.. هديل: دبا شنو جبدنا في لموت..قولي دبا نتا مبقيتيش خدام في دكشي لي مشتبه به.. يزن: لا.. نساي هدشي مبقيتش باغي نفكر فيه..غنرجعوو لمغرب من بعد ساعة.. هديل: هاه ليوما خلينا مزال.. يزن: لا لخدمة تراكمات و معندنا منبقاو نديرو هنا.. هديل(بحزن): واخا 😞 يزن: الا تقلقتي غنوليو نرجعو هنا و ماشي غي هنا غنديك لبزاف تليبايي.. هديل: صافي واخا ولكن فاش غنوصلو غنمشي لعند ماما.. يزن: اوكي لي بغيتي..انا غنخرج نخلص و نرجع عندك نلقاك لبستي راه جبت ليك شي حوايج.. خرج و من بعد مدة رجع لقاها لبسات سيرڤيت و ناضت شد ليها في يدها و خرجوو ركبو في طموبيل و ماهي الا مدة صغيرة.. و وصلو لمطار لقاو محمود قطعهم ليهم و وصلو في لوقت لغتقلع فيه طائرة.. في المغرب.. يعقوب كان خرج و تابعاه نفس مبتاسمة حتاش ليوم غتخرج من لمزرعة.. ركبو في طموبيل و هي حداه.. شاف فيها و هو ذايب فيها.. يعقوب: صافي دبا غنمشيو.. نفس(بضيق): افف. اخيرا.. ديمارى و انطالقو و هي طول طريق و هي مرهقة و ساهية..حتى فيقها بصوتو رجولي.. يعقوب: فيك جوع تبغي نوقفو تاكلي شي حاجة.. حركات راسها بلا و مشافتش فيه.. حرك راسو بحيرة و كمل في سوقان.. حتى دخلو لمدينة و وقفو قدام بناية كبيرة.. نزل و مشا فتح ليها لباب.. نزلات و كتدور في عينيها.. شد في يدها و دخلوو ركبو في سونسور و تحل و تمشاو حتى وقفو قدام باب و حداه بلاكة مكتوب فيه..مكتب لإحدى المحاميين.. صونا في لباب و هو يفتح ليهم لمحامي دلعائلة شخصيا و نفس عقلات عليه هو نفسو لكان جا لعندهل فاش كانت في لحبس..و سنات على لكونترا..

و سنات على لكونترا..بقات كتشوف فيه و ساهية و هو ماد يدو قدامو حتى حركها يعقوب و شافت في يدو و هي تسلم عليه..تحنحن بإحراج.. و دخلو معاه مشاو لبيرو جبسو قبالتو و هو بدا كيجبد في لوراق.. و شاف في نفس.. المحامي: بنتي نتي ليوم هنا باش توقعي على عقد الزواج بيعقوب الديمير و غتولي مرتو في شرع و القانون.. هزات عينيها زورق في يعقوب لحاط رجل على رجل و كيدوز يدو على لحيتو بطريقة رجولية لكيستنى ردة فعلها.. طولات فيه شوفة و فكرات بلي هي حاملة منو و معندها حد و معندها حتى شي خدمة و لا رفضات غتكون اكبر غبية على لكرة لأرضية هو راجل بمعنى لكلمة و فوق هدشي عندو نفوذ و لولد لحاملة بيه منو و لا مقبلاتش غتخلي ولدها بلا أب و من هدشي كامل كتحس بشي حاجة من جيهتو.. فعلاش مغتقبلش.. نفس: اه فهمت انا قابلة نتزوج بيعقوب.. بتاسمو بزوج و شافو في بعضياتهم برضى.. و عطاهم يوقعو على شي اوراق.. المحامي: كونو هانيين هد لوراق غيتقدمو لمحكمة مبروك عليكم وليتو زوج و زوجة..من نهار شفتها اولدي عرفت بلي غتجمعكم شي حاجة.. ابتاسم و هي شافت فيه و حنات راسها داغي بإحراج و ترسمات على شفايفها ابتسامة صغيرة.. شد في يدها و باسها و هي تزنگات و هبطو رجعو لطموبيل وولا ديمارى.. و طول طريق و هو كيهضر معاها و هي كتكتافي غي ترسم ابتسامة صغيرة..و من وجها باين عليها لإرهاق و هو لاحظ هدشي.. دخلو لڤيلا و وقفو قدام لباب و شاف فيها.. يعقوب: من ليوم هاذي هي دارنا فمرحبا بيك فيها.. نزل و نزلات حتى هي كتشوف في تصميم دلفيلا من برا و لخضورية لدايرة بيها..و شافت فيه و قالت.. نفس: زوينة.. كانو عينين حاضيينها من لبالكون كيشوفو فيها بنظرات انبهار من جمالها و كذلك نظرات حقد.. نفس تلافتات و هي تلمح نور كتجر في واحد لكلب و مضاربة معاه.. و هي تخرج عينيها و كتحقق فيها مزياان حتى تأكدات بلي هي و تلافتات لعندو.. نفس: شكرا بزاف شكرا هههه احسن حاجة درتي متوقعتهاش شكرااااااا.. يعقوب بقا كيشوف فيها بعدم الفهم.. و هي تمشي كتجري في اتجاه نور لي غي شافتهت طلقات لكلب و وقفات شوية مشات تجري غي وصلات لعندها تلاحت في حضنها..و نفس بداو دموعها يهطلو و كارزة عليها و جالسة على ركابيها و نور كذلك كامشة فيها.. نور: نفس ختي😍 جيتي عندي

نور: نفس ختي😍 جيتي عندي.. نفس(دمعو عينيها): جيت الحبيبة دختها جييت..(بعداتها عليها و شدات وجها بين يديها) توحشتك اصغيورة دياالي.. نور: و حتى انا ديما كنت تنحلم بيك في ليل.. بقات نفس تعنق و تبوس فيها.. سمر جات وقفات على يعقوب و كتشوف و كتحاول تكذب افكارها.. سمر: لا لا منين كيعرفو بعضهم.. مشات لعندهم و تبعها يعقوب من لاور حتى شافت نفس ظلهم واقف عليها و هي تهز عينها شافت فيهم.. و بقات كتشوف في سمر..لحتى هي حققات فيها مزيان و شافت في نور.. سمر: نور اجي عندي.. نور: شكرا ههه صافي ختي جاات ههه لا كانت غتمشي غنمشي معاها توحشتها بزاف.. يعقوب: نفس هاذي هي ختك.. متأكدة.. نفس(شاف فيه بابتسامة): اه هه هي هاذي.. سمر شافت في يعقوب و هي كتسولو غي بعينيها.. واش غتكون هي حفيدتها لكانت كتهضر عليها عيشة.. و هو حرك راسو بلإيجاب و هو مبتاسم.. و هي تشوف فيها و تحنات لعندها جراتها من عند نفس و باستها في خدودها.. سمر: ههه واش طول هد لفترة حفيدتي عندي و كيفاش انا معرفتش و بينك و بين ماماك الله يرحمها شبه واضح..ههه كنت غبية.. نور(بعدم لفهم): كنتي كتعرفي ماما ؟؟ سمر: ههه ماماك هي بنتي انا و نتي حفيدتي.. نور: ههه دبا نتي جداتي.. سمر(صغرات عينيها): تماما.. ولكن واش انا شارفة تال هد درجة باش تقوليلي جدة.. نفس شافت في يعقوب و انفااجرو بضحك و سمر شافت فيهم كتخنزر.. يعقوب: ههههه واش نتي تال هد درجة مغديريش عقلك و قريب غتصتادفي لحفيد ثاني ديالك.. سمر(وقفات): تبعني بغيت نهضر معاك.. مشات و خلاتهم و نفس مزال مسكتات من ضحك..و حتى نور شاركتها ضحك.. يعقوب: اجي لعندي ا نور (وقفات و قربات لعندو و هزها) دبا انا مبقيتيش غتقولي لي عمو.. نور: و شنو نقوليك ؟؟ يعقوب: غتقولي لي خالو حتاش انا خاالك.. نور: صافي واخا اخالو.. اه كنت غنسى هاديك نفس ختي لكبيرة.. يعقوب(ضحك بصوت رجولي): ههه انا لجبتها لهنا..(شاف في نفس لكانت حاضياهم) نوضي دخلو لداخل.. نفس(وقفات): دبا انا وليت مراتك ياك و ختي بنت ختك.. يعقوب: هه كيف جاك هدشي.. نفس(عوجات شفايفها): في شي شكل.. مشاو دخلو لداخل و شاف في سمر جالسة في صالة لقبالت لباب حاطة رجل فق رجل و كتشوف فيهم.. يعقوب: اجي غنطلعك لبيتي شوية و نرجع عندك.. نور: لا لا غنطلعها معايا انا لبيتي توحشتها تنعس معايا.. نفس(بهدوء): صافي واخا..متعطلش عليا.. شدات نور في يدها و مشاو في اتجاه دروج ..لعريض لجا في لوسط محاوطينو دصال..

 لعريض لجا في لوسط محاوطينو دصال..و طلعو و هو مشا جلس قبالت مو.. سمر: عيشة طلعات بنت لحرام مي مزيان فاش جبتيها بكري شوية و قدرنا نعرفو بلا عيشة و قبل ميطلعو وراق دزواج.. يعقوب: كلشي تقاد و قبل منجيو دزنا لعند لمحامي وقعنا على لعقد دزواج.. سمر(بصدمة): كفاش،، انا كنقوليك دائما متسرعش علاش كدير لي في راسك علاش.. يعقوب: مرانيش مراهق نستنى لإرشادات ديالك ا لوالدة..و انا كنت عارفها قبل و عرفت بلي لبنت هي بنت ياسمين الله يرحمها.. سمر(تصعقات): كي كيفاش .. علاش علاش كذبتي علاش مقولتيهاش لي.. يعقوب: ياك دبا عرفتي..مكاين علاش ديري فيلم عوتاني.. سمر(كتحرك راسها يمين و شمال بخيبة أمل): نتا تبدلتي عليا مبقيتش كنعرفك.. مستحيل تكون نتا هو ولدي..اكيد هي لبدلاتك عليا هاد لمدة فاش بقيتي معاها هي..يااك يعقوب(مشا جلس في جنبها و شد يدها ): انا مزال هو ولدك و متبدل فيا والو (باسها يدها من لداخل) و نفس مبدلات فيا والو.. سمر: مبغيتهاش تبقا معايا في هد دار.. يعقوب: ماشي مشكل دبا غنخرجو.. سمر(عينيها عمرو بدموع): لا بوحدها متمشيش معاها.. يعقوب: واش صافا راه ولات مراتي و وحدة من هد لعائلة.. سمر(غمضات عينيها): حجز ليا في اول طيارة غادة لإيطاليا غدا.. مبقيتش قادرة نفكر بلعقل لا بقيت هنا غندير شي حاجة.. يعقوب: واخا دبا كتباني لي عيانة طلعي رتاحي.. سمر: انا معياناش.. بخير و حتى نور غنديها معايا.. يعقوب: ولكن.. سمر(قاطعاتو): مكااااين ما ولكن حفيدتي انا لمسؤولة عليها من ليوم حتى نموت و يحبسني شي واحد..دبا خليني بوحدي.. تنهد و ناض من حداها عارفها واخا تعصب حتى تعيا ولكن في الأخير غتقتانع بالواقع لمحواطها.. خرجات لجردة و جلسات كتفكر و افكارها مشتتين.. يعقوب طلع لطابق ثاني و مشى في اتجاه لغرفة دنور.. ياله غيفتح لبواني و سمع صوتهم لهادئ و لمتشابه و من نبرتو باينة عليهم فرحانين.. و قهقهاتهم لخفيفة..بقا واقف مستقر في مكانو كيستامع لحديثهم.. كانت مسرحة نفس و حداها نور حاطة راسها فق صدرها و نفس كتلعب في خصلات شعر ختها لمموج.. نفس: زعمة هاديك لمرا جابتك معاها كنشوف فيها محملانيش.. نور: لا هه سمر ضريفة وحق الله ماشي هي لجابتني جابني يزن.. نفس: شكون يزن.. نور: ولدها.. هي ضريفة و انا عزيزة عليها دخلاتني نقرا و دايما كتشري ليا لحوايج و كتخرجني نلعب كناكلو على برا.. عزيزة عليا بزاف.. نفس: مبقيتيش شفتي بابا..

نفس: مبقيتيش شفتي بابا.. نور: لا مبقيتش شفتو و مباغاش نشوفو هو خلاني مع عيشة بلعاني.. مبقاش عندي بابا انا عندب غي نتي..و سمر و حتى يعقوب حتاش كيعاملني مزيان.. نفس: هه و شخص اخر.. نور: شكون.. نفس(شدات يدها صغيورة و عرات على كرشها و حطاتها فوقها): كاين هنا.. و غيجي حتى هو لعندنا.. انا حاملة.. نور ( و قفات و حطات يدياتها بزوج و كتلمس في كرشها بدهشة و كضغط عليها): واو بصح نتي حاملة..واو غنوليو حنا بزاف.. نفس(ضحكات): هههه و حيدي يديك كتهريني.. نور: علاش مكيبانش شكون دارو ليك.. تفتح لباب و دخل يعقوب نفس غي شافتو غطات كرشها و تگعدات جلسات.. يعقوب: درتو ليها أنا.. نور(ببراائة): اه دبا ولدكم بزوج.. حتى انا بغييت واحد 😞.. بغيت شي واحد يدير ليا تا انا بي بي في كرشي.. نفس( تفرقعات بضحك و شدات ليها فمها) هههه سكتي هد لهضرة لكتقولي عيب.. نور(جاتها لبكية): عيب عليا غي انا و نتوما لا.. نفس: هه حتى تكبري.. نور: واخا دبا شنو هو ولد ولا بنت انا بغيتو بنت نولي نلعب معاها.. يعقوب: لا ولد حسن باش..يولي يقوليك خالتو.. نور: خالتو 😨 لا انا ماشي خالتو انا ختو لا ميقوليش خالتو هيئ هئ.. نفس جراتها لعندها كتمسح ليها في دموعها..و طبطب عليها.. يعقوب: لا غا كنضحك معاك.. نور: صافي سيرو برا بغيت نعس..😤 نفس: ياك غنعس انا وياك.. يعقوب جر نفس من يدها و سدو عليها لباب.. و مشا في اتجاه غرفتو الشاسعة.. فتح لباب كانت فحال شي سويت كبيرة بزاف.. و الوانها زويينة.. يعقوب: هاذا هو بيتنا.. نفس: غنوليو نعسو بجوج.. يعقوب: وي سرير كبير و يقدنا و صوت مكيخرجش على برا.. نفس حمارت و هو مقصد فيها والو و هي فهمات غلاط..و مشات مع افكارها لمنحرفة و هو جاي يقرب منها بشوية و تخيلاتو غيديها لسرير و يبدا يطبق عليها في دكشي لقالو.. جات راجعة بلور و هي تخوي بيها رجلها كانت غطيح كون مشدهاش من خصرها و جرها لعندو و نفسو سخونة كضرب على وجها و هي تزادو دقات قلبا كثر من قربو ليها كانه اول مرة يقرب جيهتها.. بقات كتشوف في تقاسيم وجهو و ملامحو العربية دقنو لمزين بلحية..و شفايفو لكرزيين و حواجبو لمعقودين..و عينيها لكحلين فحال ليل.. و هو ساهي في عينيها زرقين..لكأنهم بحر بلا امواج..

..لكأنهم بحر بلا امواج..شفارها لمباعدين و طوال و بدا كيفكر فاش كترسم ابتسامة على ثغرها كتولي جذابة..و فاش كتبكي نيفها كيولي حمر.. و هبط كيشوف في عنقها طويل لابيض.. و هي كتشوف في تفاحة ادم كطلع و تهبط.. زاد طلعها لعندو وخشا وجهو في عنقها و طبع قبلة حارة.. حتى بورشها و هز راسو شاف فيها و هي مدايرة حتى ردة فعل غي كتشوف فيه..قرب من شفايفها و باسهم بوسة طويلة تحمل عدة معاني.. و هي غمضات عينيها و مستمتعة من قربو ليها و مكرهاتش يتوقف لوقت و يبقار هكاك.. حتى بعد منها و وقفها جرها لسرير جلسات و دار جلسة لقرفصاء قدامها.. يعقوب: بقاي تردي لبال لراسك تفاهمنا.. حركات راسها بالإيجاب.. يعقوب(ابتاسم): حتاش مبقيتيش بوحدك..و متبقايش تخافي مني جامي نضربك و نساي ديك لمرة فاش ضربتك تافقنا.. نفس: منقدرش كلما كنشوف لطراس في صبعاني لمهرسنين كنتفكر.. يعقوب: هه واخا الالة لطراس غيزولو و غيزولو معاهم جميع ذكريات لخيبة..(هز يدها و باسها صبعانها) امم مكليتي والو ملي جينا شنو تبغي نجيب ليك.. نفس: ما بغيت والو.. توحشت لبحر بغيت نشوفو.. يعقوب: واخا نتي ضروري تاكلي و فاش نسالي غنديك لبحر تشوفيه.. نفس: مبغيتش نشوفو بغيت ندخل ليه و نركب لمواج.. يعقوب: بدا يدخل فصل شتاء و هدشي غيكون فيه خطورة عليك.. نفس(شدات في يدو): عفاك.. يعقوب: واخا.. خرج من غرفتو و هبط غادي في اتجاه لكوزينة حتى وقفو صوت خشن من لور.. يزن(داير ابتسامة سخرية): موسيو لعريس.. يعقوب(تلافت لعندو): ز*** صاحب حاجتو علاش دخل معاك بنات ناس في داك لوسخ.. يزن(ضحك و قرب لعندو صافحو): ههه سكت سكت نتا اخر واحد يهضر لي على لأخلاق..حتى لبنت مسكينة حملات عاد تزوجتيها.. يعقوب(خنزر فيه): ديها في كرك.. يزن: صافي صافي طلقها اصاحبي مالك ديما عاقدها.. مشا كيتمختر و خاشي يديه في جيابو و كيعيط بسيمت مو و كل مرة معيط ليها بلقب حتى لمحها جالسة في جردة عاطياه بضهر و شعرها لبني كيطيرو لبرد.. ابتاسم و خرج مشا لعندها و عنقها من لور و باسها في خدها..و قال بصوتو لخشن.. يزن: لا برنسيس دو موند.. سمر(زيرات على يديه): حبيبي.. يزن(دار حداها و برك): حبيبتي.. سمر: الحمدلله على سلامتك..متصورش في غيبتك شحال كان قلبي مقبوض عليا.. يزن: هه لي سمعك يقول اول مرة غنخرج برا لبلاد.. سمر: هه مي هد لمرة في شكل..

سمر: هه مي هد لمرة في شكل.. يزن: عرفت بلي ولدك لكبير تزوج..دبا جات نوبتي اش بانليك.😉 سمر: ههه خوك ولا تيدير غي لي فراسو..نوبتك ؟؟ يزن: اش بانليك.. سمر: شكون هاذي بسلامة.. يزن: هه من بعد و تعرفيها.. سمر: هي وليتي كتبغيها.. لا لا كتموت فيها هدشي باين في عينيك.. يزن: يمكن..معرفتش امتا ولا فوقاش فيها شي حاجة مبدلة على لبنات لاخرين.. سمر: الله على ولددي ولدي ولا كيهضر بكلام لحب.. يزن: لواه زمر 😒 داز نهار عادي و جا يوم جديد.. فاق يعقوب من حدا نفس لكانت ناعسة و عاطياه بضهر دخل دوش و خرج بدل عليه لبس سروال دريصي كحل و تريكو بلكول كحل لاصق عليه و مع صباط كحل لامع و لبس جاكيط جلد كحلة‘‘ و طلع شعرو لفوق.. رش بارفيم ديالو و دار ساعة كلة في يدو.. و هز تيليفون و بزطامو و سوارتو و مشا.. قرب بعد شعر من على وجها و باسها في خدها.. و غطاها و خرج.. تلاقى مع سمر في لكلوار شادة من يد نور.. كانت لابسة كسوة فق ركبة في لكحل مع ليبا موس و طالون و دايرا مونطو لفوق قصيرة نص كم و دايرة صباعات في يديها دجلد و شعرها لبني جامعاه لور و دايرة قصيصة.. كانت كتبان فاتينستا.. و حداها نور ملبساها و دايرا ليها مونطو..و شعرها لمموج مطلوق و مغطي كتافها و لافخونش هابطة على عويناتها.. يعقوب: صافي وجدتو.. سمر: اه ياله ازين ديالي نهبطو نفطرو باش نمشيو لطيارة ياك كنتي متشوقة تركبي فيها ها نتي غتركبيها ليوم.. نور: اه متشوقة.. ولكن حتى نشوف ختي بعدا.. يعقوب: نفس مزال ناعسة حتى تفطري و طلعي شوفيها.. هبطو و لقاو مائدة لفطور واجدة و جلسو كيفطرو و لخدامات هبطو لڤاليز.. سالاو و طلعات نور تجري و صلات لبيت يعقوب و فتحاتو و بانت ليها ناعسة قربات ليها و باستها و جبدات من صاك صغيور لكانت معلقة ورقة..حطاتها قبالتها فق لكوافوز.. و خرجات ، هبطات لعندهم لقاتهم خرجو مشاو ركبو في طموبيلة يعقوب سمر و نور لور.. و لكرسي لقدام حدا يعقوب خاوي و ساق بيهم لمطار.. حرك راسو و هو كيضحك على مو عرفها مزال مقلقة منو.. و مرة مرة كيشوف فيها من لمرايا و نور هاضرة بوحدها.. نور: امتى غنجيو..اه مغنتعطلوش بزاف باش نجيو قبل متولد نفس باش نشوفها و هي كرشها كبيرة فحال دلاحة.. سمر: ههه لا مغنتعطلوش..

سمر: هه لا مغنتعطلوش.. نور: كون غي جات معانا..غتفرح بزاف.. سمر: عرفتي عند من غنمشيو عند ياسين عقلتي عليه ياك.. نور: علاش كتلفي لموضوع 😒 قلت ليك علاش منديوش معانا نفس.. يعقوب تكرشخ بضحك عليها.. و سمر خرجات فيها عينيها.. و هي تعقد غوباشتها.. نور: بصح نتي گاعما كتبغي ليا ختي.. يعقوب: نور حشومة هد لهضرة.. سمر: هي قالتها ليك.. نور: لا لا.. مقالت لي والو.. بعد مدة وصلو لمطار دولي..و نزلو و هبط ليهم ڤاليزاتهم.. و دخلو لريسيبشن و جلسو و هو مشا كمل ليهم لاجراءات ورجع لعندهم.. سمر: صافي غي سير اولدي مبقا والو لنداء طائرة.. يعقوب: لا حتى نتأكد بلي طلعتو عاد غنرجع.. سمر: صافي كلام واحد قلتو.. يعقوب: واخا.. مشا عنق نور و باسها و هي كرزات عليه.. و بعد عليها و شاف في مو و مشا عنقها.. سمر: انا ممقلقاش منك اولدي غي نفسيتي عيانة..و جامي نتقلق منك.. يعقوب: فاش توصلي صوني ليا..ردو لبال لراسكم و سلمي على خالي و مراتو و حتي ياسين.. سمر: واخا كون هاني..رد لبال لمراتك 😊 فرح فاش وصاتو على نفس ابتاسم ليها.. في لڤيلا.. فتحات عينيها و ناضت دخلات لحمام،،، و خرجات كتمسح في وجها و كتاوب باقي كتاوب و لمحات لورقة لخلات ليها نور.. مشات هزاتها و فتحاتها كانت كاتبة ليها بالدارجة.. " بسلامة اختي دبا عاودنا تلاقينا و مبقيناش غنتفارقو انا سافرت مع سمر و فرحانة بزاف لجوج حوايج اولا لأنني صافي شفتك و ثانيا غنمشي لبلاد اخرى متقلقيش مني عرفتك فاش غنجي لعندك عنلقاك ناعسة...دكشي علاش كتبت ليك في هد لورقة باي باي" قراتها و جمعاتها و هي مغوبشة و خايفة عليها و تفكرات بلي هما اخر وحدين تخاف منهم عليها لانهم هما لبقات عندهم هد لمدة كاملة و حماوها من كل شر و تهلاو فيها و هي وحدة منهم فكيفاش غادي تخاف منهم.. ضحكات على راسها و جمعات شعرها لفوق سفنجة مخربقة.. و فتحات لباب و خرجات غادة مع لممر طويل حتى تفتح باب دإحدى لغرف و خرج بشياكتو و وسامتو..لابس لباس رياضي و شمات راائحة عطرو و تلافتات ليه..و هو طلعها و هبطها..و ابتاسم ليها..و هي تخاف منو.. نفس: ششكون نتا.. يزن: متخافيش انا خو يعقوب صغير.. و نتي اكيد مراتو ياك..

يزن: متخافيش انا خو يعقوب صغير.. و نتي اكيد مراتو ياك.. نفس(حركات راسها بأه): واش مكاين حتى واحد.. يزن: معرفتش حتى انا فحالك عاد فقت..اجي تفطري..هبطات هي وياه و مشا جلسو كيفطرو و هو كيرحب بيها و حاس براسو.. و كيحط قدامها لماكلة و كيهضر معاها و هي كتكتفي بأه و لا و حشمانة منو.. يزن: متحشميش الالة لعروسة هههه.. نفس(خنزرات فيه): لالة زمر.. يزن: اوه يحسابلي غي كتحشمي.. واخا يجي راجلك غنتبرا منوو.. نفس: عارفو فين مشا.. يزن: منعرف علاش مقالش ليك.. تو تو متقوليش ليا من اول نهار بديتو في لخيانة.. يعقوب(جاي في اتجاههم): غتجمع فمك و لا غنهرسو ليك.. يزن: هههه..تهلاو غا كنضحك معاك أ شنو سميتك.. نفس: نفس..خود راحتك اسي يزن.. دار رتب على كتفها و مشا هبط لباركينغ ركب في بورش ديالو و كسيرا.. خرج من المدينة و مشا فطريق وطني.. بعد ساعة وقف في واحد لڤيلاج.. و هبط غادي و كيتمشى و بدا كيسول في رجال على اسم "دوار" لقالت ليه ..و گاع لكيعطيهم سمية جامي سمعو بيه.. و وقف معصب و كمش يدو.. يزن: بنت لحرام كدبات عليا بقسما ربي لكعبة مغندوزها ليها 😡.. مشا ركب في طموبيلتو و هو معصب كسيرا و غاذي و كيبانو ليه في جنب طريق ماشي غي دوار دواوير هما.. حتى وقف حدا واحد سوق اسبوعي.. و مشا دخل ليه ياله وقف على واحد راجل غيسولو و هي تبان ليه.. هديل هازة قفة و لابسة جلابة مكروزة عليها و طالقة شعرها كتلعب بيه و تلوي فيه بصبعانها.. هو يتبعها من لور و جرها من شعرها.. يزن: بنت لحرام لقييتك..علاش كدبتي عليا في سمية لڤيلاج و لا منعرف دوار لراكم فيه.. هديل(بفرحة): يزن..هذا نتا حيد ايدك اويلي نتفتيني.. يزن(حيد يدو من شعرها و دارت لعندو طلعها و نزلها): كتباني فحال شيخة و نتي وسط هد جلابة..و زايداها بهداك لون دشعر.. هديل: حتا نتا كتعرف شيخات ههه و مالني كيف جيتك..ويلي ويلي لبنات مشاو و خلاوني هنا.. زين: زيدي نخرجو من هنا كلي توسخت.. هديل: ويلي وشنو كتوقع من سوق اسبوعي عند بالك سبير ماركيت.. كون عرفتك جاي كون فرشت ليك سجادة لحمراء.. يزن: (خنزر فيهاء) ولات فيك لهضرة.. هديل: بلاتي نتقدا لخضرة و نجي عندك.. يزن: نتقداو بجوج.. هديل: لا غي بلاش غتوسخ.. جرها قدامو و مخنزر و هي كضحك عليه تعلمات حتى هي كفاش تستافزو و تعصبو..

تستافزو و تعصبو..مشات كتقدا في لخضر و تخشي في لقفة و هو تابعها من لور و هازها ليها حتى سالات.. و خرجو مشاو لعند طموبيل.. هذيل: غتوصلني غي حدا دار دخالتي و سير.. يزن(خرج فيها عينيه): نمشي..انا ضارب هد طريق كاملة باش نجي نهز ليك هد لقفة و نرجع.. هديل: يزن شوف هنا راه لعروبية و هما راه تفكيرهم في شكل الا دخلتك معايا شنو نقولهم..راه مكيعرفو لا مديري لا صديقي.. يزن: اذن قولي ليهم خطيبي.. هديل: و من امتى بسلامة.. يزن: من ليوم.. هديل: ههه ورااه حتى لخطوبة خاصهم حتى يشوفوها بعينيهم.. يزن: بلا متعصبيني و زيدي طلعي.. خشى لقفة في لكوفر و طلع و شافت حتى عيات و خبطات رجليها و طلعات عرفاتو مغيتنازلش و عندو لأمور بلعكس.. طلعات و ماهي الا دقائق دخلو لدوار لراه هما فيه و وقفو عند دار خالها لكان داير بيها سور.. و فتحات لباب و دخلو هو هاز لقفة و هي من وراه غادة و كتاكل في ضفارها.. حتى دخلاتو و عند لباب قالت ليه يسلت حذائو و داكشي لدار و دخلاتو لصالون و جلس فق سداري شاد وسادة قدامو و كيدور في عينيه.. جات خدات ليه لوسادة و رجعاتها لبلاصة.. هديل: أويلي واش كيحسابليك راسك في داركم..غنكلمهم و منك ليهم.. مشات كلمات مها لجات عندو بابتسامة سلمات عليه و كانت عاقلة عليه.. و عاد جا خالها و خالتها و مراتو..جلسو معاه..و ولادهم فاش كيشوفو ضياف مكيدخلوش عندهم هاذي هي قاعيدتهم.. و هديل بقات برا كتهضر مع خوها هيثم.. حتى عيطات عليها مها تصايب لو أتاي و دكشي لدارت و تبعاتها بنت خالتها جايبة طباسل دلحلوة و داكشي.. و حطوه ليهم و بدا خالها كيصب لو في اتاي..و كيهضر معاهم و خالها ومراتو و خالتها كيسولو اسئلة بايخة و هو كيجاوبهم الا مها لحشمانة منو.. الخال: ايوا اولدي جيتي مع بنت ختي اش سماك الله.. هديل: يزن.. الخالة: احاي على قلة لحيا هانتي اختي كنقوليك لبنت عندك مطيرا لبلاكة ومقصدرة.. يزن: لا الالة هي لمساعدة ديالي و انا شيف ديالها و هي تقدر تهتم حتى بأموري شخصية.. الخال: اه متشرفين اسيدي..و غا جيتي و كان.. يزن: لا جيت ندي معايا هديل.. هديل شافت فيه و كحلات بلعمى.. الخالة: فين غديها و هي عاد جات مزال مسخنات بلاصتها.. حياة: سكتي اختي..قولي اولدي واش كاينة شي خدمة ضرورية راه عاد جات.. يزن: اه فاش مشينا لاسبانيا تراكمات علينا لخدمة هنا اخالتي... حياة: اه لخدمة هي لولا اولدي..اجي معايا ابنتي توجدي راسك..

حياة: اه لخدمة هي لولا اولدي..اجي معايا ابنتي توجدي راسك.. ناضت معاها هديل دخلات لبيت و بقات تسول فيها و شاكة فيها لكن كيف كل مرة هديل سكتاتهت بحجة "المدير" ديالها.. هديل: اييه و نزيدك كيف كتعرفي في هد لمنطقة كاين قرى فقيرة جاب ليهم شي تبرعات.. باش تعرفي سيد مزيان.. واش باقا شاكة فيه.. حياة: لا ابنتي داك سيد باينة عليه الله يعمرها دار..و جمعي حوايجك و هبطي كلا حمقوه.. لتحت بقاو كيسولو فيه و هو يجاوب طبخو ليه راسو و صبر حتى عيا و خبط عليهم لكاس فق طبلة حتى قفزو.. يزن: غنخليكم هد ساعة الله يعاون.. الخالة: ويلي داغي سخيتي بينا.. يزن: حاشا الالة نتوما لواحد ميسخاش بيكم ولكن لوقت.. الخال: ايه اييه الله معاك اولدي و عاودها مرة خرا.. يزن: ضروري.. خرج عند لباب كيضرب فيه لبرد كون بقا معلهم كلا خلطهم بجوج..حتى جات عندو ام هديل كتهصر معاه و تشكرو على لخدمة لعطا لبنتها.. و وقفات عليهم بدات كتوصي فيها مها فحال شي بنت صغيرة..و هو داير ابتسامة سخرية و هي مرضاتش.. حياة: اه و حقا.. غنبقا نسول عليك جارة لمياء كل نهار واش كتباتي في دار و شكون كيبات معاك.. هديل حركات راسها بأه و دارت فيه شوفة "مغتبقاش كل ساعة خيطي بيطي لعندي" يزن(شاف فيها بشر): اه الحاجة نسيت مقولتش ليك هو في شركة عندنا كنعطيو لخداميين فين يسكنو و كاين حي خاص بيهمرو كاين شقق مجهزة..مادام مابقاي خايفة عليها وسط داك لحي شعبي هكا غترتاحي كاين تماك ناس راقيين..و معندك مناش تخافي.. حياة: انا حشمت منك بزاف اولدي هدشي كامل..اش غنقوليك.. يزن: اش عندك متقولي هدشي راه خدمتهم مفوراه ليهم..غي تجمع حوايجها و تسد دار.. حياة: واخا اوليدي.. سمعتي نتي سدي دار مزيان وديري لي قاليك.. يزن: ياله بسلامة.. سلم عليها و مشا و هديل عنقات مها و مشات ركبات حداه و دارت ليها باي باي بيدها.. و حياة بقات حاضياهم حتى غبرو عاد دخلات.. هديل: اعنننننننععع.😡 علاااش مطمع ماما مسكينة الكذاب.. يزن: كذااب ؟؟ غتقادي فمك ولا نقادو ليك.. هذيل: منين تسلطتي عليا كنت هانية هنا جيتي ديتيني و ماما تاقت بيك غتسكني فين غتسكني.. يزن: ههه غتسكني معايا.. هديل: باغدون ياكما يحسابليك راه حنا في اروبا... يزن: براكة من لهضرة..

يزن: براكة من لهضرة.. سكتات و معاودتهاش و هي اصلن متقلقاتش حتاش جابها لقاتها سبة باش تسلت من مها.. و كانت كلما كتفكر غتجي في لكار كديز بناقص..حتى جاتها لفرصة.. بعد مدة دخلو لمدينة.. هديل: دبا نتا فين غتسكنني.. يزن: غي لي بغيتي.. هديل(شافت فيه بشر): في لڤيلا ديالكم.. يزن: واخا.. هديل: حلف بالله.. يزن: مالني برهوش فحااالك..غتسكني معايا و صافي.. هديل سكتات و عرفاتو قد كلمتو و ماشي كذاب كيف نعتاتو قبيلة.. حتى وقفو قدام باب ڤيلا ديالهم و دارت ابتسامة كبيرة..و هي فرحانة جامي تخيلات غتسكن شي نهار في ڤيلا.. هديل(بعفوية): واو غنسكن في ڤيلا ديالكم..جامي تخيلتها و لا حلمت بيها وحتى فاش كنت كنصلي كنت نحشم نطلب من سيدي ربي نعيش في ڤيلا.. يزن شاف فيهل مصغر عينيه هو يفراني دام لباب حتى تحكو روايض مع لأرض و بدا كيضحك بصوت مرتافع.. هديل: حتى خوك كاين هنا ياك.. يزن(جمع ضحكتو) : شنو نفهم من هدشي ؟؟ هديل: احم مقصدت والو غي زعمة مغنبقاوش غي بوحدنا حنا و مدام اورونج.. يزن: هه مدام اورونج سافرات ليوم في صباح..كاين غي انا وياك هنا 😉 نيت ناخدو راحتنا اكثر.. هديل: ا اشنو كتعني.. هبط كيضحك هز صاكها و نزلات حتى هي دخلو.. و مشاو لبيتو و سد لباب و جاي عندها..حاوطها من خصرها.. يزن: في هد لحظة تشهيت و مكرهتش.. هديل: اويلي مالك كتوحم بعد عليا..وزايدون علاش جايبني هنا ما هذا لغباء.. يزن: نو هادا هو بيتنا..الأن هه خودي راحتك.. هديل: هدشي من بعد و نهضرو فيه انا بغيت ناكل فيا جوع.. يزن: غنمشيو عندي لخدمة.. هديل(جلسات فق سرير و مربعة رجليها): و الهلا مشيت لشي قنت ليوم راحة.. يزن: اذن مطرودة.. هديل: ناخدو ..ليوم راحة و غدا نبداو لخدمة.. بقاو مضاربين هو باغي يمشي لشركة و هي كتهرنن عليه و كدير في لحجج حتى قتانع.. و هبطو يتغداو سالاو لماكلة هما يشوفو نفس جالسة بوحدها في جردة.. و ريح كيطير شعرها شافت فيه مطلعة حاجبها و خرجات من لباب دلكوزينة مشات في اتجاهها..وقفات مقابلة مع وجها و جلسات حداها و وقف عليهم جلس في لكرسي لجا وسط منهم..و كيعرفهم على بعضهم..

يتبع