صورة مصغرة لـعروس الملك السابعة الجزء 60

عروس الملك السابعة الجزء 60

sab3 malik sabi3a 3aros almalik

القصة متوقفة مؤقتا !

رواية عروس الملك السابعة , زوجة الملك السابعة

صبح الحال وباتت الملكة فالشرفة ليلة كاملة .. الصباح مع لفجر وقفات فبيت لخزين هي وعبدية كتوريها عشوب منوعة وتخلط ليها 

الملكة : هاد العشوب اللي خلطتي ليك ... غادي تجيبو منهم بالقنطار وتخلطهم مزياان ... وغادي تمشيو للواد اللي كيفصل بيني وبين الاصيل وتخويوهم تما ... منعو اهل البلاد يقربو من الواد .. ومانبغي حتى واحد يوصلو ولا يقرب ليه .. وديرو ليه حد على طولو باش ميوصلو لا كبير لاصغير 

عبدية : هي اللولة

الملكة : يالاه بداو .. من دابا كترو لعشوب وخويهم فالواد 

عبدية : صافي كوني هانية

الملكة : انا غنرجع لبيتي قبل مايمشي ليه يور . كل صباح كيصبح عليا وبغيتو يلقاني فيه 

خرجات الملكة طلعات لبيتها جلسات .. صلات الفجر وحجة ليها لفطور كتفطر ... دخل عليها الانير يور مبسم . باس يديها وجلس جنبها كيتكلم 

الامير : صبحتي منورة تما شي سر 

الملكة : لاااللة ... غير الجو هنا عاجبني... ولاكن بلادي اللولة شاغلة بالي ... خاصك ترجع وحل محلي .. ماتخليش لبلاد بوحدها 

الامير : وياما سافرنا وخليناها .. اصلا ناسها قلال وحاكمة راسها براسها

الملكة : ولاكن انا مايهنا لي بال الى مرجعتيش وشفتي شنو اللي واقع 

تنهد وقال : ندوز معاك شي يامات ونمشي

الملكة : لااا لا اولدي لا ... خاصك تمشي ضاروري 

هز الامير حاحبو وقال : ومالكي على هاد الزربة ... شفتك باغا تسيفطيني ...

قاطعاتو بالزربة كتفتف وقالت : لااالا... صافي بقا الى بغيتي ... نمشي انا ماشي مشكل غير مابغيتش نخلي بلادي بوحدها 

سكت شوية وقال : دابا نمشي .. غير ماساخيش بيك هاد الساعة .. يالاه جيتي .. شحال وانا بعيد عليك دغيا سخيتي بيا وباغا تكركبيني

الملكة : اوييلي على نكركبك ! راك عاارف حياتي بلا بيك ضلمة وكتجيب لقلبي الغمة ... راك عارف راسك نتا هوا الضوء دعينيا والبسمة ديالي .. نتا هوا دقات قلبي يا لحبيب ديالي 

هبط راسو كيضحك من عينيه وقال كيتلف ويتلهى

- سعدات لواديك بيك ... كتسالي معايا انا بعدا بحلاوة لسانك 

تنهدات وسهات مبسمة وهوا جالس امعا كيشوف فعينيها مبسم وهي كتهضر بلا متشعر وتلوي فطراف شعرها وتنغم 

- باك ... باك كان صعييب بزااف كتر مايتخيل ليك ... ولاكن كان يجي حتى لعندي .. ويتقضاو ليه ويرجع زبدة بين يدي ... كان كيعجبو صوتي ... وكان مينعس حتى نغني ليه ولا نحكي ليه حكاية ... كان الى تعصب كيعيط ليا نجلس معاه .. وغير بكليمة كنت كنرجعو على خاطرو (تنهدات) ليام بداااالة اولدي ... والله يجيب ليك حتى نتا اللي تريحك

تبسم جنب وقال : هه... مزااااال

الملكة : وعلاش مزال ... ها لبنات قدامك غير هما ... المخيرة ديالك علاش ماريحاتك حتى وحدة !

تبسم وقال : كاملين بحال بحال ... مكايناش شي وحدة اللي يبغيها لقلب 

الملكة : ايوا رخي قلبك الى بغيتيه يبغي

تبسم وقال : وفيين هي هادي اللي غتخليني نبغيها 

الملكة : هأ! وهادو مساكن اللي دايرين كل ما فجهدهم باش يخليوك تبغيهم ! فاش كتفكر غير قول ليا ... الى كاينة شي وحدة فبالك قولها 

حرك راسو : واالو مكاينة حتى وحدة ... بغيت شي وحدة حرة . . . اللي بغيت انا موحااال لقاها 

هزات حاجبها وقالت : يااا ويييلي ههه !!! ها الصفراء ها لكحلة ها البيضا ... وفهادو كاملين مابانت ليك حتى وحدة !

ناض وقف وقال : ماعرفتش اش غنقول ليك ... المهم مكاين والو وموحال يكون ماحدهم كاملات كيطيحو عند رجلي ... الحاجة الساهلة كطلع فالراس بالزربة ... خليت الراحة غادي نخرج للصيد على برا لقصر .
عيشة : وغييير لبسييييها تجي زويييينة 

شادية: واااابعدي مني منقدرش نخرج عريااانة بديك لقضييحة ... تفرقي عليا اعييييشة .. تفرقي عليا راه مانلقيش ليك ... بعدي بلايا علا بلاك حسن ليا وليك ... وهاااني فيت كنعلمك 

لسقات فيها عيشة وقالت : يالاااه غير جربي ... واجربي غير بيني وبينك مالكي على هاد الزمر اللي فيك 

بقات عيشة حتى قنعات شادية تلبس الكسوة البيضاء وماتهنات حتى لبساتها بيها بيديها ووقفاتها قدام لمرايا كتوسوس ليها فودنيها

عيشة : وا هااانتي ياختي . ولله فين ابان وحدة من دوك السفريطات قدامك ... هااي هااي على الزييين 
دارت شادية يدها على صدرها وقالت 

- لااالة ختي .. ويلي نخرج بصدري هاكا عريان قدام لعادي ولبادي ! اويييلي منقدرش

عيشة : ومااالي انا ... هانا خرجت بهاد لكسوة لبارح ااش وقع كاااع ! بلعكش غارو مني ماشي بحالك غادية ليا بديك العزافة فوق راسك كتباني نيييت شوافة اللي يشوفك يحلف عليك 

شادية : وييلي زعما نخرج هاكا !!! منقدرش اصاحبتي 

عيشة : وا نطرطقو غير لخرقومات مرارتهم .. هانا بحالك مالك
شادية : هاد الكسوة محلولة من جناب بزااف الى طيرها لبرد كلشي اللي فيا يبان ... شوفي درعاني كي عريانين ... وصدري نصو كيبان 

عيشة : وهاد لقلادة تجيك فيه كتحممممق 

علقات ليها عيشة فعنقها قلادة صغيرة وقالت

- ناااااري جيتي غزاااالة 

شادية : واطلقي ليا بعدا غير شعري راه هادشي معري... ضهري باين 

عيشة : جاتك السبولة كتحمممق الى حيدتيها تخصري كلشي 

حارت شادية وقالت : والله اختي ماعرفت 

عيشة : انا اللي عااارفة اش عند جدك ماتفهمي ... زيدي والله لاحيدتيهم

شادية : فيين غانزيد!

عيشة : نخرجو ندورو شوية فجنانات القصر وجراديه نبقاو محبوسين هنا ... زيدي 

جراتها من يدها وخرجاتها بديك الكسوة البيضاء كاملة كتجرجر موراها ومفتوحة من جناب ومشدودة من لكتاف بشوكة فيها وردة كتبري.. الدرعان عريانين والصدر ابيض كيبان وداتها معاها فرحانة

يتبع

قصص جديدة
قصة افتقدك من تأليف مريامة العروصي
قصة افتقدك مريامة العروصي
قصة الحب الصامت من تأليف سلوى شتيوي
قصة الحب الصامت سلوى شتيوي