ناض الكل للمائدة الاكل كل واحد شد بلاصتو لي ولا مرتبين و معروفين..حطو لهدامات لعشا و موراهم نادية هازة بلاطة كبير فيه جبانيات دلحريرة
الحاج:هههههه خير مدرتي ابنتي توحشناها
نادية:(حطات قدامو جبانيتو)بصحتك الحاج
بدات تفرق على كل واحد تاوصلات لياسين حطات ليه تاهوا و ضارت عند سمية و ضحكو كملات حطات لميار عاد دازت عند لعشق لممنوع لي بقاو ديال امين و نهى
ياسين:مم بنينة...الله يعطيك الصحة الواليدة نادية:ههههه بصحة
بقاو جالسين كملو عشاهم ناضو لكبار للصالون و امين خرج يسهر على برا و ياسين كلع لبيتو و ميار خرجات هي و نهى للجردة و gلسو فوق الزعلولة جامعبن رجلبهم عندهم
ميار:نعى مالكي
نهى:انا مقلتش ليك واحد لحاجة
ميار:شنو ياك لاباس
نهى:(تنهدات)انا كنبغي امين
ميار:(وسعاااات عينيها)اشنوووو
نهى:😕اه
ميار:ههه من امتى...صراحة لي شافك و نتي تعابزي مغاه ميقولش راكي مزعوطة فيه
نهى:هه غير باش منبينش كنبقا مسايراه حيت عارفاه كيعتابرني بحال ختو الصغيرة
ميار:(بقات كتشوف فيها)وباش عرفتيها
نهى:ههه راحنا تربينا مع بعضياتنا اكيد ايكون كيحس هاكاك زيادة على هادشي هو داير علاقة مع واحد لمغربية عايشة هنا
ميار:(سكتااات)مولفا كتعطيني النصائح و نتي ماعارفاش شنو ديري لراسك ...فينهما نصائح لي كتعطيني طبقيهم
نهى:ههه لهضرة ساهلة بقاات فلفعل انا غير شجعتك حيت نتي عندك غرصة على الاقل ياسين حبيبتو ماتت يعني عندك ساحة خاوية عاد زيدي عليها انا و امين والو تكون شي حاجة بيناتنا متنظنش لعائلة توافق حيت طول عمرهم و هوما كيقولو بعد من ختك و نتي بعدي خوك يعني صعيب يتقبلونا بشكل اخر داكشي علاش هادشي كاتماه فقلبي و ممخليا تاخد يعرفو نتي هي اول وحدة نقول ليها السر
ميار:بلعكس هاداك غير تخوف عندك مكنظنش العائلة يوقفو ضدكم خاصة جدي
نهى:بففف ماعليناش راه هضرت مع داك زا** و قلت ليه يبعد عليك
ميار:مزيااان احسن مدرتي ...مرييض فراسو هاداك
نادية:سليعفانات باقين هنا ...نوضو تنعسو و نتي نوضي عند راجلك ويلي
ميار:ههه واخا ...تصبحو على خير
نادية:ونتي من اهل لهير حبيبة ...و نتي شباقي كتسناي دgي
نهى:امتلكي غير بشوية عليك اطاتي
نادية؛سيري قبل منبربقها ببنتي
نهى:هاهي غادا
طلعو لبنات كل لبيتها ميار دهلات لبيت بان ليا ياسين واقف فلبالكون و البرد كيضرب فيه خلاتو و مشات لبسات بيجامتها و جبدات وراق تصميم و جلسات كترسم غوق الناموسية ياسين دخل و سد باب لبالكون وبقا غادي جاي فلبيت و حالتو غير طبيعية ميار دوخها و هي تحط داكشي لي فيديها و شافت فيه
ميار:ياسين دوختبني مالك غادي جاي
ياسين:بففف معرفتش...الصهد ياك
مياؤ:اشنووو.....لا بلعكس لجو بارد مكاينش حس الصهد
ياسين:(شاف فيها و كيسوط على راسو والعرق نازل ليه مع جبهتو ما حس غير بلمعلم بقا غادي و كيوقف مفهم والو ) افف شهادشي
ميار:(شافت فباستغراب)اوكي لي بان ليك(رجعات لبلاصتها و هي مزال كتشوف فيه)
بينما هو هرج كيجري من لبيت سد موراه لباب ووقف كيشوف فلمعلم و هو مافاهم تاوزة
ياسين:شنوووو واقع ليا انا ليوووم ...لا ماشي تالهاد درجة
سمية و نادية جالسين كيتبردو فجردة و كيضحو
نادية:ليووم يقضيو لغراض
سنية:لبرهوشة نفعاتنا بلفكرة العجيبة ديالها
.....:اشمن فكرة
نادية:(ضارت بزربة)هاء هادي نتي باقا منعستي
سمية:نهى شباقا فايقة كديري
نهى:قولولي شمن فكرة بعدا
نادية:هههه لفكرة ديالك درناها ليوم
نهى:😱😱😱لاااااااا ميمكنش ويلي
سمية:تغيسي فيه ..امالكي ياك نتي لي اقتارحتيها
نهى:غير علموني نتوما ماعارفينش ميار راه فيهاةلي غيgل
نادية و سمية :اشنوووووو
نادية:الله علل ولدي هياااش
سمية:(تفرgعات بالضحك)ههههه صافي يدير مكيديرو gرانو و غيرتاح
نهى:هعهعه ناري ماكا والله مكتحشمي
سمية:بغيتوني نبكي صافي لي عطا الله عطاه شعند الميت ميدير قدام غسالو
نادية:(كتشوف مصدومة)ونتي ياجغلة متعرفيش تعلمي
نهى:ونتي علمتي و كون علموتوني كون قلت ليكم اجلوها...شحال درتي ليه من حبة بعدا
نادية:شحال اندير وحدة بغيتيني نقتل لولد راه مفويات جنسية تاهي عندها سلبيات ديالها
سمية:ودارتها ليه فلحريرة هههههههه
نهى:(ضحكات بلهلا يطريه ليها)ههههه علم الله بحالتو هههه بقا فيا والله
سمية:هخخخخخخ صافي نوضو نمشيو نعسو ناضو لعيالات كلعو لبيوتهم بينما ياسين كان واقف مور باب جردة و مزير على يديه و معصب
ياسين:صافي هادشي لي كان ناقص غير مقويات جنسية الواليدة(شاف فلمعلم)عليها نضتي ضارب السلام
مشا لكوزينة هز قرعة دلما باردة تكا عليها و خرج لجردة بقا غادي جاي و لمعلم باغي يتفرgع بقا هاكا حتى عيا و طلع لبيتو دخل بانت ليه ميار ناعسة منشورة كل رجل وفين لايحاها زاد هاج دخل للحمام بزربة و تخشا تحت الرشاشة و طلق عليه لما بارد عالله يبرد شويا او والو تعصب
ياسين:اففف لاااا ....ميمكنش نديرها اففففف (شد يدو حطها على المعلم و بدا 😂😂حتى ولاع يدة عامرة صابون عاد رتاح و حس براسو برد شويا) تشلل و لوا عليه فوطة و خرج مشا نيشان للبلاكار جبد بوكسور و شورط و مشا لفوطوي و تكا
🌄🌄طلعات شميسة و دخلات لغرفة ابطالنا ياسين معنكش فوق لفوطوي منعسش بكري و ميار شادة ناموسية على لعرض ياسين جا يتقلب حس براسو معنكش حل عينو بزز و ساخط على الوضع ضار لجهة ميار لقاها ناعسة مرتاحة
ياسين:نعسي الالة نتي لي جات معاك
ناض دخل للحمام غسل وجهو و مشا هز كابيتشو كحل و سبرديلة و خرج كيجري شي ساعة و نص عاد رجع لقا كولشي فايق من غير لبرهوشات
ياسين:صباح لخير
الكل:صباح النور
سمية نغزات نادية :كيصبحتي اولدي
ياسين:(تنهد حيت فهمها)بيخير اعمتي بيخير
نادية:(حانية راسها )جلس تفطر احبيبي
ياسين:غير بصحة نطلع ندوش باش نمشي للشركة
نادية:الله يعاونك اولدي
ياسين:امين ...بصحة فطةركم (وتم طالع )
دخل لبيت لقا نيار مزال ناعسة عرف ان لي غيgل كدير ليها نعاس بزااف خلاها و دهل للحمام دوش و خرج لبس حوايجو (كومبلي اسود مع شوميز gري مفتوحة من جيهت لعنق و صباط كلاس طلع شعرو لفوق و دار بارفانو و ساعتو )من بعد مشا جلس حدا راسها و بقا كيشوف فيها و حدر راسو باسها فشافيفها بوسة طويلة عاد هز راسو و بدا يلعب ليها فشعرها
ياسين:ميااار
ميار:😴😴😴
ياسين:فيقي النعاسة براكة من النعاس
ميار:😴😴انن غير شويا
ياسين:لا فيقي براكة عليك نعستي بزاااف
ميار:غير شويا عافاك
ياسين:(بقا كيشوف فيها)اوك لي بغبتي مهم انا مشيت تالشوية و نعيط ليك وعالله نلقاك مزال ناعسة(باسها فحنكها و ناض)
تسريع الاحداث ...مرت 8 ايام على حية ابطالنا لي موقع فيها حتى شي تغير من غير ان ليوم هو بداية ميار فمشوارها الدراسي ...لجو صابح مفيم و لجو بارد ميار ناعسة و مخشية فياسين كيلمشيشة و هو محاوطها ليدو و ناعس على كرشو هاكدا كيفيقو يوميا واها كينعسو بعاد على بعضياتهم لكن طالما كيفيقو كيلقاو راسهم مخشيين فبعضهم كيدارو ليها الله وعلم ...بدا صوت المنبه كيصوني ياسين ماطا يدو و طفاه حك على عينو و شاف فميار لي ناعسة و مهياس فهاد لعالام
ياسين:مياااااار
ميار:😴😴😴
ياسين:بفففف نوووضي راك قاريا ليوم
ميار:انن غير شويا
ياسين معازدش معاها لهضرة ناض و هزها معاه دخلها لحمام وقغها قدام لافابو و عمر بدو بلما و عطاها نيشان للكمارة حتى حلات عينيها مخلوعة
ميار:(مغبنة)والله تاحشومة عليك
ياسين:حبت درت فبك خير اما نخليك ناعسة نهار لول تمشي معطلة
ميار'(خرجان عينيها)انا قاريا(دفعاتو) خرج هرج خليني ندوش
ياسين:متعطلييش
ميار:(سدات لباب)واخاااا
ميار نصلات حوايجها و تخشات تحت الرشاشة دوشات بالخف لوات عليها بينوار تالركبة ووقفات قدام لمراية نشفات شعرها بسيشوار و خرجات
ياسين:على سلامتنا
ميار:متعطلتش
ياسين:لا متعطلتيش غير سكنتي (ودخل تاهوا)
مشات ميار لبلاكار جبدات حوايجها ووقفات قدام لمراية قادات وجها داكشي خفيف ظريف و رشات ريحاها اما ياسين فدوش تاهوا و خرج لاوي على نصو فوطة
ياسين:لا ساليتي نزلي فطري انا نلبس و نزل باش نوصلك معايا
ميار:واخا(هزات صاكها و خرجات) صبااح لخير
نادية:هههه افرحي اسعدي فقتي بكري ها
ميار:واخالتي غير مع دار ولفت لعgز و صافي
الحاج:الله يوفقك احبيبة
ميار:امين اجدي
نهى:صباح لخييير
احمد:ههه لقرايا دارت فيكم خير كبير
امين:ههههه شجاك تافقتي بكري لعجب
نهى:(كتفطر )ماما ..خالتي فين لموطور لي واعدتوني بيه
نادية:اشنووو
سمية:طااار مم بالي
مراد:شمن موطور هادا
نهى:تيماكس ابابا
سمية:صافي صافي
الحاج:مصافيش تشريوه ليها نتفةهم معاكم طوموبيل و عندك لموطور معندك مديري ييه و اصلا غير ديال دراري ملايقش لبنات
نهى:(مغبنة)جدييييي
الحاج:كلمة وحدة وقلناها
نعى شلفا فلعيالات مغبنة
نادية:لاوامر تعطات منقدرو نديرو ليك ولو
ياسين:(نزل لابس مفركس و مريح)صباح لخييير...ميار فطرتي
ميار:اه ..جلس نتا
ياسين: لا غير زيدي دابا (جرها من يديها)الله يعاون
الكل:بسلامة
ميار:ياسين مفطرتيش
ياسين:مافيااش (وصلو لاوطو حل ليها لباب و ركبات)ديري سمطتك
مشا ركب حداها و ديمارا
ياسين:منين تخرجي متحركيش من حدا لباب حتى نجي ليك ولا يجي شيفور
نهى:كنت عارفا ...جاب الله جيت باش نديرها ليك فبالك
امين:قولي شنو كاين غدا و بلت تفلسيف
نهى:غدا 15 شتنبر عيد ميلاد ميااار
امين:(وسع عينيه)وايلي
نهى: ايييه
ياسين:(حك على علحيتو) مكانتش فراسي
نهى:كنت عارفة حيت تاحد مرد ليه لبال حتى فدار نساوه
امين:اونتي منين عرفتيه الفاهمة ديالنا
نهى:كنا كنهضرو انا وياها و جبدناه ...معليناش انا علمتك باش توجد ليها شي كادو و حاجة اخرى انا بغيت نتكلف بالحفلة بليييييز (كتعبر )نجيب شي ديدجي و موسيقى دجاز وااااو اتكون واعرة ياااي متحمسة
ياسين:(وقف و هز لافيسط ديالو من مور لكورسي و كيلبسها)بقاي تحلمي يا ديري حفلة مقادا و لا حيدي من طريييق....انا مشيت
تم خارج ياسين من لبيرو وخلا واحد جوج حلاقم كيشوفو فبعضياتهم سد لباب لقا ماريا كتهضر فتيلي وقف عليها و هي تقطع
ياسين:مشينا
ماريا:احم موسيو ...الاجتماع تأجل عاد جاني اتصال
ياسين:كيفاش تأجل ...شنو هادشي
مريا:اتصلات سيكرتيرة مستر سنغاليا و قالت بلي السيد اضطر انو يأجل لاجتماع
ياسين:(حك على لحيتو) عاودي اتصالي و قولي بلي الاجتماع تلغى ماشي غير تأجل ...لعب دراري صغار هادا (وزاد خلفة)
بينما فهاد الاثناء ميار خارجة من الحصة ناشطة جبدات تيلي ديالها لقات ميساج ياسين عوجات فمها و تمات خارجة لقات الشيفور واقف حدا لباب شافها و حل ليها لباب اللوراني
ميار:(ابتاسمات)شكرا
ركبات و ركب شيفور تاهوا ديمارا ...شوية بدا يصوني تيلي دميار شافت الرقم ابتاسمات
من بعد ماسمع ياسين صووووت قوي لي خلا قلبو يتهز من بلاصتو بلع ريقو وقال
ياسين:مياار ...مياار كتسمعيني ...(بلغوات)مياااااار هضرييييي (قطع و يديه كيرجفووو دوز نمرة الحراس ...مسح على وجهو بنفاذ صبر)شواقع........ش ش ش (طاح تيلي من يدو و هو فحالة صدمة جمد بلاصتو مافيقاتو غير يد امين لي كتحركو)
امبن:هبهو ياسييين اسبحان الله
ياسين:(رجع لوعيو و عينيه حمرييين شاف فخوه )لا ميمكنش مياااااااااااار (دفع خوه و تم غادي كيجري بحر جهدو )
امين و نهى نفهمو والو فقط تاهوما عطاو رجليهم لريح و تبعوه ...ياسين ركب طوموبيلاتو و عقلو مبلوكي ديمارا خلا غير لعجاج موراه و صورة ميار كدوز قدام عينيه محس براسو تاكان فوسط شارع كبييير لي مطوقينو لبوليس و سيارات الاسعاف حل لباب و نزل كيجري و كيغوت بحال شي حمق و كلمة وحدة كتردد على فمو و هي مياااار ..وصل لبلاصة الحادث ووقفوه لبوليس لي كانو ضايرين على المكان و مضورين سينتة ديالهم لي كتمنع شي حد يدخل
ياسين:(كيتنتر و عينيه حمرين)مياااار طلقوووني طلقوووني راه مرتي طلقققق
لبوليسي:تهدن خلي ااسلطات تقون بالواجب ديالها ممنوع دخل
فهاد الاثناء امين و نهى تاهوما وصلو بان ليهم ياسين ميغوت ربي لي خلقو و كيتعافر مع لبوليس لي كانو محاوطينو و ممخلينوش يدخل مشاو كيجريو
نهى:ميااااار لا مياااار هادي طوموبيلت الشيفور اهئ اهئ ميااااار
امين:(تصدم) ش ش واقع
ياسين:وااطلق (ضار جمع يدو تاجمعها و عاطاها نيشان لداك لبوليسي تادوخو شاف تاني و دفعو بجهد نقز سينتة و تم غادي كيجري بانو ليه رجال الاسعاف جبدو شي حد و هازينو فوق لباياس مشا كيجري عندهم و تما كانت صدمتووووو القوية هازين ميار لي كولها دمايات ) م م ميار (دموعو نزلو بدون سابق انذار و حاس بروحو غاديا و كتزهق من بلاصتها و رجليه لي هازينو فشلو عليه ) لا ميار لا ميمكنش تخليني لا منسمحش ليك (مشا كيجري بلا عقل تبع رجال الاسعاف لي داوها و ركبوها فسيارتهم ) مياااار متخلينيش
....:حبس فين غادي
ياسين: حيد عليا راه مرتي
تنتر منو و طلع ركب حداها كيشوف فيها ممدة فوق الباياس و هي غارقة فدماياتها حتى من شعرها الذهبي ولا احمر مقدرش يستوعب الحالة ديالها و الممرضة كتاحول توقف ليها النزيف باي شكل كان و كاقيس فنبظات لقلب ديالها لي بداو كينخافظو هزات ميكروفون و بدات كتهضر
ياسين دموعو نازلين قرب شويا لميار و هز يديها لي كانت مسرحة على لبياص و عامرة بدم هزها و حطها بين يديه
ياسين:(كيبكي)مياار حبيبتي متمشيش كنترجاك(باس يديها و دوز يدو على شعرها) فيقي متخلينيش من بعد مخديتي قلبي فيقي باش نكملو حياتنا
لممرضة:بعد شويا باش نزلو لمريضة راه وصلنا
نزلو ميار من سيارة الاسعاف و تمو داهلين بيها للوبيطال و ياسين شاد فيديها مطلقهاش حتى وصلو لبلوك
ممرضة:(حبساتو)متقدرش دخل لغرفة العمليات تسنى هنا
سدو باب لبلوك و ياسين بقا واقف على اعصابو مسح دموع لي نزلو من عينيه و شد فراسو حتى بانو ليه الاطباء جايين كيجريو دخلو للبلوك من بعدها جاو نهى و امين لي تاهوما حالتهم حالة
نهى:اهئ اهئ كيدايرة حالتها شنووو واقع ...اهئ ياسين هضر
ياسين:(شاد فراسو و غادي جاي فداكلكولوار) غندمووو على هادشي غندمووو
امين:(شدو )تهدن اصاحبي...شوف خالتك غتكون مزيان انشاء الله
ياسين:(جلس للارض و شاد فشعرو) نمووت الى وقعات ليها شي حاجة
بقا جالس على نار و عقلو و تفكيرو كل مع ميار لي فغرفة العمليات حتى تمو داخلين العائلة كاملين
الحاج: (جاي كيجرس و معكز على عكازو)بنتي اهئ بنتي شطاري لبنتي
سمية:(كتبكي)غتكزن لاباس ابنتي خليو امانكم فالله قوي
نادية:(مشات عند ياسين لي حاني راسو )ولدي (شاف فيها و ترما فحضنها)اهئ اهئ متخافش غتكون بيخير انشاء الله
احمد:شحال و هي لداخل
امين:لواليد راه منين جينا و مزال تاحد مخرج يقولينا شطاري
مراد:يكوون خير ...غترجع لينا بأذن الله
بقا كل واح واقف فبلاصتو و كيتسناو حتى طابو و الصبر تقادا دازت ساعتين و معندهم حتى خبار على ميار و ياسين غادي جاي فلكولوار و راسو ايطرطق و كيحاول ينفض اي فكرة سلبية من دماغو حتى تحل باب لبلوك و خرجو جزج اطبة كبار فالسن ياسين غير شافهم و مشا كيجري
ياسين: شواقع لمرتي
طبيب معندي منخبي عليكم
الكل:شنوووو
ياسين:(شنق عليه)هضضضر خلاص
طبيب: كان عندها نزيف داخلي حاد على مستوى الصدر و بصعوبة باش قدرنا نحبسوه عاد اصابات على مستوى العظام يعني عندها كسووور متعددة فالجسم ديالها واصلة تالرقبة ...حنا درنا لي فجهدنا مابقا لينا غير نتسناوها تفيق باش نزيدو نشخصو حالتها
ياسين:(كيحس بدنيا كدور عليه)بغيت نشوفها
طبيب:حاليا غير مسموح غادي ينقلوها للعناية المركزة و تقدرو تشوفوها غير من الزاج ...بالشفاء العاجل (و مشا)
نادية:اهئ اهئ الله الله شهادشي تسلط علينا و فين كان هادشي مخبي اسيدي ربي
احمد:(جر نادية عندو)تهدني انادية ماشي وقت المنذبة ديالك شوفي كولشي حالتو حالة تهدني الله يرضي عليك
ياسين مسح على وجهو هز لافيسط ديالو لي كان حيدها و مشا ع امين
ياسين:سير سول على حالة الشيفور تاهو و خبر عائيلتو
امين:واخا
ياسين لا ح لافيسط على كتفو و تم غادي ..خرج من لوبيطال و بفا واقف شحال كيستوعب هادشي لي وقع قوى راسو و دور وجهو يمين و شمال حتى لمق سيارة الحراس واقفة بعيد على لوبيطال و تم غادي فاتجاههم غير وقف و هوما بنزلو تصافو قدامو كانو 4 درجال ذوي الاجسام الضخمة
ياسين:شنو وقع بالضبك
....:(حاني راسو) كونا تابعين لمدتم كيف امرتينا اسيدي حتى بانت لينا سيارة خرجات من طريق المعاكس و ضربات فسيارة لي كانت راكبة فيها لمدام
ياسين:(تنهد)امنويل انستوون قلبو ليا لبلاد عليه فينما كان يحضر قدامي
....:امرك سيدي
ياسين:شوفو شغلكم
ياسين زاد خلفة نع طريق رجع للوبيطال بانت ليه العائلة كل و فين مليوح و كيبكيو فصمت اما هو حالت معالم بيها غير لي خلقو شد واحد لكوان و جلس فيه حتى تحل لبلوك و خرجو ممرضات
ممرضة:تقدرو تشوفو لمريضة من جهة لاخرى
مراد:واخا شكرا
كولشي ناض لجعة لي قالت ليهم الممرضة كانت غرفة كبيرة بيضة و فيها سرجم كبييير دزااج بانت ليهم ميار ناعسة فوق لبياص و لخيوط دايرين بيها من كل جيه و رجل هازينها ليها و دايرين ليها لجبس على يديها و عاد داك جهاز الرقبة تاهوا ياسين شاف حالتها زير على يديه و ضرب لحيط بجهد بقوة العصاب
سمية:تهدن عفا ولدي اتكون بيخير انشاء الله
ياسين:(تنهد)انشاء الله
امين جاي و ملاميحو ممحيين :شيفوور مات
الرجال:الله و اكبر
سمية:مسكيين الله يرحمو ...ان لله و ان اليه راجعون
ياسين:خبرتي عائيلتو
امين:اه راه جاو عندو
الحاج:تكلف بعائلتو متخليهم مخصوصين نن تاحة
امين:عارف اجدي غير رتاح نتا
ياسين:(بانت ليه ممرضة خارجة من عند ميار و مشا كيجري عندها)امتى اتفيق
ممرضة:متفيق حتدوز 24 ساعة على الاقل
ياسين:(حرك راسو)شكرا
ممرضة:العفو
رجع ياسين عند الهائلة لي مجموعين على زاج كيطلو على ميار و كيتحسرو على حالتها بينما ياسين قلبو كيتقطع و هي فديك الحالة
احمد:لواليد معيتيش راه خاصك ترتاح
الحاج:لا غير خليوني كيفاش انرتاح و حفيدتي فهاد الحالة
ياسين:(شاف فبهم)لواليد غير ديهم لدار معندهم مايبقاو يديرو هنا تالغدا و رجعو
الحاج:لا انا انبقى هنا تاتفيق بنتي
مراد:الحاج الله يهديك مغتستافد والو ونتا هنا سير رتاح و غدا رجع اتكون انشاء الله فاقت و نقدرو نشوفوها
ياسين:جدي انا هنا و الى كانت شي حاجة انعلمكم غير سيرو
نادية:حبيبي تا نتا خاصك ترتاح شوف حالتك ياسين:انا بيخير الواليدة ..منرتاح حتى ترجع ليا بيخير و على خير(وكيشوف فميار)
احمد:يالاه نمشيو...ياسين علمنا باش ما كان
ياسين:(حرك راسو بالايجاب)واخا
رجعو لعائلة للفيلا و حالتهم حالة بينما ياسين بقا واقف شحال قدام زاج و كيشوف فميار لي ناعسة كيلجماد بانت ليه ممرضة داخلة باش طمن عليها ووقفها
ياسين:بغبت ندخل عندها
ممرضة:لا اسيدي ممنوع ..لمريضة خاصاها الراحة
ياسين:غير 5 دقايق منفوتهاش
ممرضة:سيدي هادشي ضد قوانين للمستشفى
ياسين:كنترجاك غير نطمن عليها و نخرج
ممرضة:(بقات كتشوف فيه)واخا 5دقايق لا اكثر
ياسين:ااه ااه اكيد
ممرضة:اجي معايا
تبع للمرضة حتى دخلو من لباب لواخد لغرفة وعطاتو ملابس طبية و كمامة ديال االوجه عاد دخلاتو للغرفة عندها
ممرضة:(شافت فيه )5 دقايق متفوتهاش انا نخليك معاها
ياسين:شكرا
خرجات للمرضة و ياسين تقدم عند ميار بخطوات ثابتة وقف على راسها و قلبو كيزدح شاف فيها من ساسها لراسها جر كورسي و جلس فيه شد فيديها حيد لكمامة من نيفو و هزها باسها
ياسين:سمحيليا مياار سمحيليا احبيبة كولشي وقع بسبابي (دوز يدو على وجها)كنواعدك اندمرو حيث حاول يأذيك ...نتي غير فيقي و رجعي ليا باش نعيشو حياتنا عمري نسمح فيك ولا نخليك نتي وليتي لهوا لي كنتنفسو ..انا ..انا كنبغيييك بزااف اميااار انا عارفك تانتي كتبغيني و تسنيتيني بزاااف ياك ...ولكن صافي دابا مغنخليكش تسناي كثر صافي انا معاك و كنبغيك و منقدرش نعيش بلابيك ..كتسمعي منقدرش داكشي باش متحاوليش تمشي و تخليني ...ايخصك تفيقي و...(قاطعاتو لممرضة)
ممرضة:عافاك خاصك تخرج
ياسين:(وقف و تحنى باس راس ميار)كنبغيييك
و تم غادي خارج وصل حدا لممرضة ابتاسم و شكرها و خرج بقا واقف حدا الزاج حتى عيا و مشا جلس فوق لكورسي لي فلكولوار بقا جابس شحال حتى غفاا
🌄🌄صباح جديد فاق ياسين على صوت العائلة لي غير طلعات الشمس و جاو كيتجاراو ناض شاف فيهم تفكر ميار و ناض كيجري كءل من زاج لقاها على كيف خلاها
نادية:كيبقات
ياسين:كيف خليتوها مزال مافاقت
امين:عادي راه مزال مكملات 24 ساعة
سمية: ياسين كتبان عيان ...نزل اولدي فطر و رجع بعدا هاحنا دابا كاينين هنا
احمد:عمتك عندها الصح (ضرب على كتفو)نزل شرب ليك واخا غير قهوة ترد بيها لمزاج
ياسين:(مسج على وجهو بيديه)واخا
ياسين هز لافيسط ديالو و هبط لكافيتريا لي فلمستشفى خدا قهوة كحلة و جلس شربها و عاود طلع بقاو فلكولوار شحال و هوما كيتسناو حتى تمات خارجة الممرضة كتجري كلشي ناض مفهمو والو ياسين مشا كيجري شنق عليها
ياسين:شواقع
ممرضة:لمريضة فاقت خاصني نعيط للطبيب يشوفها
ياسين:(طلق منها و تنهد و مسح على وجهو ) حمد الله
نادية:(فرحات )الله على بنتي مسكينة حمدناك ياربي و شكرناك
الكل:الحمد الله
جا طبيب عو والممرضة دخلو عندها ..طبيب بدا كيفحص فميار لي مقادة لا تحرك لا تملل فقط حالة غير عينيها و حتى وجها ماقادراش تحركو
طبيب:بنتي راك عملتي حادث و تعرضتي للكسور كثيرة ...مهم هالممرضة اتعطيك مسكن لالم باش متبقايش تحسي بلحريق اوك
ميار:واخا
لممرضة:(بابتسامة)على سلامتك عائلتك كانو مخلوعين عليك بزااف هاصة واحد الشاب يمكن راجلك
ميار:(تفكرات ياسين) واش كاينين
لممرضة:اه كلهم برا ..شوية نحولوك لغرفة ديلك و ديك ساعة يقدرو يشوفوك ...(دكات ليها مسكن فسيروم ) على سلامتك مرا اخرى
ميار:شكرا
عند العايلة فاش خرج طبيب وقف عليهم
طبيب:حالة لمريضة استقرلت ولكن ايبقى هاصها تبقى هنا فترة باش نعاينو حالتها ...كونا متخوفيين لاتكون ااحادقة اثرات لبها على الجهاز العصبي و لكن حمد الله خرجات بمعجزة منين جاتها الاصابة غير فكسوور ...مع لوقت ايتشفاو و غيكوون هاصها تروييض لمدة باش تقدر ترجع اللياقة ديالها
ياسين:اوك شكرا دكتور ...دابا نقدرو نشوفوها
طبيب:باقي شويا ايخولوها للغرفة ظيالها و ديك ساعة تقدرو تشوفوها ...بالشفاء العاجل
الكل:شكرا دكتور
طبيب:هادا واجب
مشا الطبيب و بقا العائلة جالسين على نار باقين غير امتا يشوفوها اما ياسين فبقا غادي جاي (حماات فيه البيضة😂😂) حتى تمو خارجين الممرضات و مهرجين معاهم ميار فبياص متنقل
نهى: مياااااار
مشاو كيجريو عندها ضارو بيها كل من جيه دخلوها لممرضاا لغرفة ديالها علقو ليها السيروم و علقو ليعا رجليها لي مهرسة تاهي باش متحركهاش
نادية:(كدوز على شعرها ) حبيبة لاباس ابنتي
ميار: ااه اخالتي لاباس
الحاج: حمد الله على سلامتك احبيبة طيرتيها مننا
احمد: على سلامتك
سمية:(باستها فراسها)حبيبة عمتها
ميار:(تبسمات)
نهى:(قربات ليها و هضرات بشوية) الحمارة خلعتيني عليك
ميار: (عوجات فمها و هي كتشوف غير قدامها ) تخلعتي اه و حمارة لاش
نهى:هاكدا كنعبر على لي سونتيمون ديالي هههه مهم على سلامتك ...ااه راه شي ناس عقلهم كان غيطير عليك
ميار:(فهماتها و تبسمات)
نادية ضارت كتقلب على ياسين بان ليها واقف بعيد شافت فلكل و صارت غمزات سمية عليه
نادية: دابا طمنا على ميار خاصنا نخليوها ترتاح شويا
سمية: احم اه تا انا هادشي لي بان ليا
الحاج:اييه تاهادا نظر ...رتاحي احبيبة
ميار: واخا اجدي تانتا سير ترتاح
خرج الكل من بعد مغمزاتهم نادية و بقاو غير الحبان ديالنا
تقدم ياسين لعندها جلس حداها فوق السرير و تحنى باسها فراسها بوسة طويييييييلة بعد راسو شويا بانو ليه دموعها نازلين مسحهوم ليها بصباعو و قال بصوت حنين :ششش ...علاش كتبكي
ميار:و والو😢
ياسين: شش متبكييش منبغيش نشوف دموعك (دوز يدو على شعرها ) باش كتحسي
ميار: انبقا ناعسة هاكا ؟ 😌
ياسين:(ابتاسم) لا غير مؤقتا ...حتى تبراي و تنوضي
ميار: (لا رد)
بقا ياسين كيشوف فيها و كيبتاسم و يحك على لحيتو
ميار: مالك كتشوف فيا هاكا
ياسين: صراحة (شاف فرجليها لي مهزوزة و يد تاهيا رابطينها ليها) متقلقيييش ولكن راه فغيمون لمنظر ديالك كيضحك(و بدا كيضحك)
ميار:(شافت فيه و غوبشات) ياااك
ياسين:هههههه لي شافك يقول غير مومياء و محنطينها ههههههه
ميار:(شداتها الضحكة و تعgرات) اي صافي سكت راه مقادراش نضحك
ياسين: (شاف فيها و سكت)حبيبة ديالي واش كتقسحي نعيط للطبيب ها
ميار(الصدمة كانت قوية تريري كانت قوية 😂😂)بقات كتشوف فيه و ترمش عويناتها بزربة بينما هو عرفها تصدمات و تحنى على وجها و نفسو كضرب فيها سخونة
ياسين:مال حبيبتي سكتات
ميار: امم!! و و والو
ياسين:(ابتاسم) طلبي شنو تمنيتي
ميار: امم ...مفهمتش
ياسين: نسيتي شنو ليوم
ميار:(باستغراب) شنو ليوم؟؟
ياسين:(قرب لودنيها)عييد ميلاد سعيد (شاف فعينيها) عقبة ل100 عام انشاء الله و تكوني غيها معايا و فجنبي
ميار خنزراع فيه و غمضات عينيها ..بينما هو ضحك عليها و تحنى قرب لوجها...
ياسين:(بصوت خافث)هييه ميااار(حلات عينيها و شافت فيه) كنبغييك
وسعاع عينيها كتحاول تستوعب واش داكشي لي سمعات حقيقي ولا غير كتحلم بقات كتشوف فيه و ترمش بزربة بينما هو ابتاسم و قال:و كنموت عليك ...ملكتي القلب لي كان مات مع شخص اخر نتي رديتيه للحياة و ملكتيه (تنهد) قلبي خداتو بنت و مرات لبارودي
ميار:(نزاو دموعها و هي مقاداش تيق انه بصح كيقول ليها هاد لكلام )
طبيب:تقدري ولكن مغتستافدي والو انا نعكيها شي مهدئات كيديرو نعاس (بدا كيقلب فسيروم واش كيقطر و كيخربق فشي الات)
ميار:شحال انبقا هنا
طبيب:(شاف فيها مبتاسم)دغيا سخيتي بينا ...اوا راه مزال لبك شحاال غادي تحازلي تصبري باش تصحي و تقدري تنوضي على رجليك
احمد:مافيها باس لمهم هو تصح و ترجع لينا كيف كانت
طبيب:انا مرة مرة انبقا نجي نشوف واش كاين شس تحسن والى بريتي دغيا اتخرجي ...ولكن دابا الى سمحتو متبقاوش كلكم هنا هادشي كيأثر على المريض و على حتر لمرضى لي كاينين هنا
الحاج:(حرك راسو)..عندو لحق ...بنتي جنا انمشيو ها امين و نهر يبقاو معاك حتى يرجع راجلك
ميار:واخا اجدي غير سيرو ارتاحو
سمية:بسلامة حبيبة ونتوما تهلاو فيها جلسو تناgرو ونساوها
امين:كون جيتو عليا كون غير ديتوها عليا من هنا انا نبقى مع ميار
مشا جلس حدا ميار طل عليها ابتاسم و جبد من جيبو بواطة طويلة كحلة حلها و جبد منها كورمييط الماس رائعة حيدها من لبواطى و هز يديها لي ممهرساش و لبسها ليها باس يديها ز قال:حلي عينيك البرهوشة راه باينة فايقة
ياسين:(باس يديها) بصحتك حبيبة..او راه مزال كادو اخر مي حتى تخرجي من هنا
ميار:(تغبنات) غادي نبقى هنا بزااف...مكيعجبنيش السبيطار
ياسين:(ساهي فحركات فمها ) معندنا منديرو انصبرو حتى تبراي
ميار:(عوجات فمها) افففففف
ياسين:ههههههه كتقطعي فلقلب الصراحة
ميار: (سكتات شحال) ياسييين
ياسين:(قرب ليها)رووح ياسين..شبغات حبيبتي
ميار:(تنهدات) باقا عندك؟
ياسين:(باستغراب)شناهيا
ميار:(بقات كتشوف فيها شحاااال قالت بتردد) تصوييرة
ياسين:(هز يديها باسها نع ابتسامة) نتي لي عندي هاد ساعة و خوي راسك من داكشي حيت مابقا منو والو مفاهميين
ميار:امم (مع ابتسامة )
ياسين:يالاه رجعي نعسي باش
ميار:او نتا ...اترجع لفيلا
ياسين: مالي تسطييت ..انا انبقى هنا حداك
ميار شدات يديه جراتها عندها و غمضات عينيه بينما هو بتاسم و حط راسو على لبياص و بقا كيشوف فيها حتى داتو عينو
وهاكا داوت 15 ليوم على عائلة لبارودي ياسين ديما مع ميار فلوبيطال مافرقهاش حتى من خدمتو نابقاش كيمشي ليها العائلة كل مرة كيجيو يطلو عليها و يطمنو على صحتها و يرجعو ..ميار الكسر لي فيديها و رقبتها تجبر و حيدو ليها لgبص واخا مكتقدرش تحركهم بزااف مي على الاقل مابقاتش غير مسطحة فوق لبياص اما رجليها فمزال مابرات و مزال متقدر تزيد عليها
🌄🌄صباح جديد فلوبيطال ياسين ناعس فوق لبياص حدا ميار و معنقها بيديه و هي فايقة و خدامة تهر فيه
ياسين:واصافي مكتعاود غير الصلاة عالنبي ...هانتي اتخرجي
ميار:متبقاش تغوت عليا
ياسين:مكنغوتش كنهضر عادي
ميار:ل(مجات فين تخرج لكلمة حتى تمات داخلة نهى مدرمة وكتفرنس) اووه واهيرا شرفتي على السلامة
نهى:(شافت فياسين )هادي مالها شاعلة غير بوحدها
ياسين:عاونيها تلبس خلاص راه دارت ليا طيارة هاد الصباح
نهى:ههه واخا ....(شافت فميار)مال الزين مكشر
ميار:قنطت وبغيت غير امتى نخرج
ياسين:انا برا (وخرج)
نهى:(جبدات حوايج ميار و بدات تلبسها جابت ليها كسيوة طويلة مع جاكيط كوير فلكرونة) هانتي الالة (شدات ليها شعرها و مشطاتو ليها و جمعاتو كعكة لفوق)انا نعيط لياسين
خرجات نهى لباب و عيطات لياسين دخل غير شافتو ميار و ماطات ليها يديها زعما هزني هو شافها حرك راسو بلاحول و مشا هزها بين يديه و تم خارج و نهى تابعاهم كضحك
ميار:(فرحانة) كاين لبرد ياااي 😍😍
ياسين:الله يستر
حلات ليه نهى باب اللوطو و ركبها حداه دفع ليها لكورسي لور باش تقدر تسرح رجليها و مشا ركب حداها اما نهى فمشات لطوموبيلتها
ميار:حل ليا الزاج
ياسين:(غادي سايق )لا غادي يضربك لبرد و نتي كنتي سخونة
ميار:وغير حل عفاك
ياسين:وميكونش راسك قاسح
ميار: افففف
ياسين:(شاف فيها )كون مكنتي مريضة كنت نوريك ااف شنو كدير ...فلتي منها دابا مرا اخر نتفاهمو
ميار:(ضربات الطم بقات غير كدور عويناتها)
وصلو لفيلا لقات كولشي واقف فلباب كيتسناو فيها نزل ياسين ضار هزها و تم داخل
نادية: حبيبة ديالي على سلامتك
ميار:الله يسلمك اخالتي
الحاج:بنتي مزال مابريتي كون غير بقيتي شويا فلوبيطال
ياسين:متعذبش راسك اجدي راسهت قسح من تيمومة
سمية:بو من لبنت تلقا لحبيبة ديالي قنطاات و عيات بالنعاس
ميار:(هزات حجبانها)بزااف اعمتي والله
ياسين داها لصالون و تبعو كولشي نادية قادات ليها بلاصة بلمخاذ فوق لفوطوي و جلسوها
سمية:مرتاحة احبيبة
ميار: صافي اعمتي مزياان
ياسين:(تحنى عندها) متحركيش بزااف انا غنمشي لشركة نكل على الخدمة و نجي صافي
ميار:امم واخا
باسها غحنكها و ناض بان ليه كولشي حاضيهم و كيبتاسمو
ميار:والله لقسام مزيان دابا....هههههههه مشاكييل ناس مزعوطين و كل يلغي بلغاه...نوض اولدي دير حل لراسك
امين:(بقوة الفرحة ناض و باس بيها راسها)والله نتي تا فنة واعرة
ميار:ههههه وهزني دخلني لصالون جاني لبرد
امين:هههه اجي
هزها ة تم داخل كيجري بيها و هي كتخرى بالضحك حتى وقف عليهم ملك المووت
ياسين:لا لا برافوووو زعما والله معندي منتسالكووم
الكل شافهم حناو ريسهم و بداو يضحكو
نادية:اداك الحلوف باغي تزييد تكمل عليها
امين:ههههه هي لي قالت ليا هزني (مدها لياسين)شد امانتك ....اححح ناري نتي والله تاواعرة
ميار:عههههه عارفة
ياسين:احم احم
ميار:(شاغت غياسين و حاوطات يديها على عنقو)طلعني لبيتي نتا
ياسين:(غوبش فيها)ضسرتي و بلا قياس(خنزر فخوه لي كيفرنس و تم طالع بيها)
ميار:هييه طلق ديك لغوباشة شويا
ياسين:على تخلي لواحد يطلقها
ميار:شنووو درت عوتاني
ياسين:شنوو ديك الحالة لي درتو لتحت
ميار:ههههههههههه ناري خووك علام والله
ياسين:(حل لباب دلبيت) اهاااا
ميار: هههههههههه قتلني بالضحك
ياسين خنزر فيها و حطها فوق الناموسية ووقف قدام لبلاكار حيد لافيسط و بدا يحل فصدايف القامجة
ياسين:هاد طيرة نقسي منها شويا مغنبقاش غير ندوز ليك فزبايلك
ميار:شمن زبلة لهلا يطيح علينا شي بطل
ياسين مجاوبهاش و بدا يحل فسمطة
ميار:هييه شكادييير(نصل سروالو حتى شهقات و قلبات وجها)اويلي دخل للحمام و بدل مكتعرفش
جبد سروال كيطمة لبسو و صار عندها لقاها قالبة وجها تقدم لجيهتها و تجبد فوق الناموسية و جرها عندو
ياسين:لمرة جايا متخليهش يهزك كتسمعي
ميار:انا لي قلتها ليه
ياسبن:كتقولي فيها بوجهك حمر ...ياك قلت ليك بقاي فبلاصتك متحركيش
ميار:بغيت نخرج لجردة ياااه
ياسين:اففف منك اميار راسك قاسح والله
ميار:ههههههههه ولكن فوجت
ياسين:راشقة ليك ها...هاد كنتي صباااح كاعية وباغا غير تبكي
ميار:(جمعات الضحة و شافت فيه) ماباغينيش نضحك ولا شنو
ياسين:(ضار بزربة و جا من فوقها )تووء بغيتي ضحكي ..ضحكي ليا غير انا و نتي عندك كولشي بلعكس
ميار: شكون نتا بالسلامة
ياسين:(شاف فيها مطولا)عندك لحق شكون انا ...تاحد ضحكي و تعابزي و تباوسي نتي gاع معندك لي يحكمك
ضار رجع بلاصتو و عطاها بالظهر بينكا هي بقات كضور فعويناتها شافت فيه و بدات تكحز عو حتى لصقات فيه
ميار: سسس ياسين ....شش وهضر معايا
ياسين:الصمت
ميار:(حطات يديها على ظهرو وباستو)غير كنت كنضحك معاك سمحليا
ياسين:سيري فحالك ياك انا تاحد و بعدي مني
ميار: واغير كنضحك والله ....تقلقتي دابا
ياسين:(حابس الضحكة) حيدي يديك وكحزي لبلاصتك
كيار: لا ممحيداهاش يالاه
ياسين: باشمن حق ها
ميار: ياك راجلي حبيبي و ندير لي بغيت
ياسين:(ضار عندها )حبيبك؟؟
ميار: (باستو ففمو و طلعات لوذنو)حبيبي و حياتي و روحي و كولشي بالنسبة ليا
ياسين:(ابتاسم و زيرها معاه)غين كنتي مخبية هادشي
ميار: هنا(وشيرات لقلبها)
ياسين ابتاسم و قلبها بشوية جا من فوقها تحنى باس لبلاصة لي شيرات ليها و طلع انقض على شفايفها كيمصهم و يتلذذهم و هي محاوطة يديها على عنقو و منساجمة معاه بقا يجر و يخشي لسانو يلعب بلسانها و حتى كيتخالط لعابهم هز راسو شاف فيها وعاود باسها بوسة خفيفة و تنهد
ياسبن:امتى اتبراي خلاص
ميار: (حشمات )نوض نوض
ياسين:ماسخيتش (تقلب على ظهرو وجرها حط راسها على سدرو) انبقا صابر حتى نتفرgع
ميار: ههههه مالك قنبولة
ياسين:شي حاجة كثر
ميار:ههههه
ياسين:(باسها فراسها و غمض عينو) كجاكش لبيت مبدل
ميار:(بقات كدور عينيها)لا باقي هوا هوا
ياسبن:زايدة شي حاجة شوفي مزيان
ميار:شنووو زايد
ياسين:(حل عينو و شير لمرااية)شوغي لهييييه
ميار:(شافت فين شير ليها و هي توسع عينيها )وااااااو زويينة
ياسين:حنى انا عجباتني داكشي باش قررت نكبرها و نعلقها(كانت صورة كبيرة ليهم نهار لعرس حاطها على انعكاس مع لمراية يعني تشوف فلمرتية تبان ليك)
ميار:(غرغرو عينيها)زوييينة
ياسين:و بلا بكا ههههه عندي مرة بكاية
ميار:بزااف عليك....اه حقااا عرفتي علاش كنت كنضحك لتحت
ياسين:علاش
ميار:هههه نقول بيك ولا بلاش
ياسين:غير قولي نشوووف شنو هادشي لي خلاك ضحكي هاكاك
ميار: لا بلاش بغيت غير يضرك راسك😂😂
ياسين:(خنزر فيها) من نيتك امدام
ميار:مالك عقدتيهم راه غير ضاحكين اصاحبي اه اه
ياسين:(شداتو الضحكة) يالاه دوي خلاص
ميار:(كتعبر بيديها) دابا نهى كتبغي امين و عند بالها هو مكيبغيهاش و كيعتابرها ختوو...و امين كيبغي نهى و عند بالو ماكتبغيهش و كتعتابرو خوها وااا شتتييييي بروبلييم
ياسين:(ببرود)اييه او من بعد
ميار:(هزات راسها فيه ) جاتك عادية
ياسين:هادشي لي قلتي كنت شاك فيه يعني متوقعها
ميار: وباش عرفتيها واهيا ناري
ياسين: لاحظتها وصافي حست ظيما علاقتهم كانت كتبان ليا غريبة ...واها كيبغيو يخبيوها بالتعابيز ديالهم لكن مفروشين ميار: لا نتا بزااااف والله
ياسين:ههههه صافي هادشي لي من صباح و نتي ضحكي عليه
ميار:(تكات على صدرو و بدات تخمم) دابا فنظرك العائلة شنو غتكون ردة فعلها فهادشي
ياسين: ايجابية100% جدي هادشي لي باغي اصلا
ميار:و شنو لي هلاك متأكد
ياسين: دابا تشووفي
ميار: واش نتا كتعلم بالغيب ولا شنوو
ياسين:لا ولكن شحال من حاجة عندي علم بيها و ديك عليها
ميار:امم نتا واعر
##عند امين
بقا كيقلب بعينيه على نهى مابانتش ليه ناض من وسط الجناعة و تم طالع لبيتها وصل سمع لموسيقى مجهدة كانت اغنية (Me enamore shakira) حل لباب بلا ميدق ودخل بانت ليه نهى متكية فوق الناموسية و مغمضة عينيها و يديها مور راسها و مع لموسيقى مجهدة مسمعاتوش فاش دهل بينما هو شافها و دار ضحكة شريرة و تم غادي لجيهتها وصل تالحدا وجها و تحنى ابتاسم و باسها ففمها بلخف و ناض اما نهى فحلات عينيها بزربة مصدومة و فاش شاغتو زادت تصدمات و عينيها تحلووو تالجهد
نعى: ا اش اشدرتي نتا
امين: هههه (تلاح حداها غوق الناموسية) نعاودها
نهى:(بدات كضرب فيه) واش الحمار جهلتي نووض خرج من بيتي نوووض
امين:(شدها و جرها عندو) ترصااي ...براكة من هاد النفخة لحاوية زعما مفرحتييش حيت بستك
نهى: (كتنتر) ب بعد مني اقليل الادب ولا نشوهك
امين:نتشوهو احبيبة بزووج باش يزوجونا و يريوحوني من العذاب لي كنت عايش فيه
نهى: ش شكاتقول شكتخور نتا
امين:وطلقي ليا احبيبة دووك لودينات ...نهى انا كنبغيك و من شحال هادي
نهى:(اكلت الفارة لسانها )
امين:انا عمري معتبرتك ختي واخا تربينا بجووج حيت من ديما و انا كنبغييك و كنت كنخبي لمشاعر ديالي حيت كنت خايفك تكوني معتابراني بحل خوك لكن ليوووم تأكدت بلي حتى نتي كتبادليني نفس الشعور
من بعد لهضرة لي قال امين نهى كتحس براسها طايرة فالسما لكن حلفات لا بينات ليه ضارت شافت فيه و هي مخنزرة
و هرجات كتجري كيلحمقة ولبانطوفة كتزلقها وصلاا لبيت ميار و حلاتو بجهالة بحيث ياسين و ميار كانو ناعسين فاقو قافزيين ..نهى مداتها gاع فياسين و مشات كتجري نقزااات على ميار جلسات ليها على كرشها و شداتها من شعرها كتنتف فيها
نهى:لممممك شوهتيني الكلبة الحمارة
ياسين:(ماعرف راسو باش تبلا جر نهى بعدها)اللله يحرق اصل مك البغلة مالنا على هاد الدخلة
ميار:(شة فصدرها كتنفس بزز )كح كح كح جهلتي الحمارة
نهى:علاش قلتيها ليك الموووصيبة شوهتيني
ياسين: الزمر هضري بغمك راه مزال مريضة (كشا ع ميار نوضها شوية و كيقيس فوجها) خرجي تقودي برااا...(بلغوات)براااا
نهى: لا مخارجاش ....ونتي شنوو قلتي ليه ميار:بشوية عليك احبي (عاودات ليها شقالت لامين)هادا مكان
نهى:(بقات كضور عينيها)هو لي قالها ليك لول ياك
ميار: واييييه
ياسين:يالاه تحركي من قدامي
نهى:ههه مزيااان ...كملو نعاسكم باي باي
ميار:(حطات يديها على صدرها)احح كانت اتقتلني جغلة
ياسين: شنووو واش كضرك شي حاجة
ميار: (حاولات تكتم الالم)والو ...فيا جوع
ياسين:(كيشوف فيها بتشكيك)متخبييش قولي فين كيضرك ولا نرد مك ليوم لصبيطار
امين:والله الواليدة الى من نيتي (وشاف فنهى) لبنت اتعجبكم انا متيقن
الحاج:وشكون هادي اسي امين
امين: كتعرفها مزيان اجدي و عزيزة علليك
الحاج:(باستغراب)اشكووون
امين شاف فنهى و ظار ضحكة شريرة و هي خايفاه لايقول ليهم هاهي ساعا تصدمات من هضر
امين:جدي بنت صاحبك ليعقوبي عقلتي على رنا
نهى:😲😲😲😲
الحاج:وااايلي هههه هي صراحة زوينة و تليق بينا
امين:هه عرفتها اتعجبك اجدي
احمد:ويي ضريفة و زوينة
امين شاف فيهم و بدا يضحك ضار عند نهى و غمزها و هي شاربة لفقصة ماحاملاش راسها ولبلان لي دار ليها
اما ياسين فمنبن خرج ركب طوموبيلتو و ديمارا نيشان لواحد المنطقة ختلية وقف باللوكو ديالو شحال حتى بانت ليه لوطو جابا فاتجاه حل لباب و نزل وقف مربع يديه وقفات ديك رانج لي كانت عامرة بليكارد ديتلو و معاهم ضيييف اهر جايبينو وسطهم و لاحوه حدا رجل باسين
ياسين:اوووه امانويل انستوون مرحبا
امانويل:(شاف فيه وضحك) سمعت مرتك مزاال عايشة وعمرها طوييل ها
ياسين:(هزو من لكول تريكو) من ديما و انا محتارمك حيت نتا اب لبنت لي كنت كنبغي لكن دابا نتا تجاوزتي الخطوط لحمرا معايا بنتك و ماتت و انا نسيتها و دابا مرتي هي كلشي عندي بااش تجي نتا تبغي تصفيها ليها منقبلهاش واخا تكووون باااا كتفهم
امانويل:ههه بانت صباغتك ههههه هادي هي مغانساش ماندلين و غنبقى ديما نبغيها
ياسين:هضؤة وتقالت و دابا انا فعلا نسيتها حيت جات بلاصتها وحدا اهرا لي وليت كنعشقها ....لكن نتا جنبتي على راسك فاش بغيتي تأذيها
امانويل:ومحدني مزال موصلت لداكشي لي بغييت مزاال انحاول و انحاول
ياسين:(قجووو من عنقوو) الى كنت مزال محطيت فيك يدي فهادشي غير احتراما لبنت لي كنت نبغيها ....لذالك كتختابرش صبري كثثثر كتفهم ....بربي و توقع شي حاجة لمرتي جتى نريب على راسك الحبس و مافيه ...و مدام درتي لونكيط ديالك الا وراك عارفني شكنسوااا (شاف فالحرااس) ديييوه من قدامي و نكلفو باش عمرو يخرج من الحبس
امانويل: هههههه كاين لي غينتاقم اسي لبارودي كنواااعدك
ياسين ركب طوموبيلتو و رجع للفيلا دهل بانو ليه ضواو طافيين عرف كولشي ايكون نعس طلع لبيتو حل لباب بشوية شعل ضو خافث وقف قدام لبلاكار بدل عليه و لبس سروال كيطمة و مشا تخشا حدا ميار لي كانت لابسة بيجامة قصيرة فلبيض باسها فراسها طفا الضو و تخشا فيها و محاوكها بيديه هي حسات بيه و شدات يديه قبطات فيها و حكاتها على صدرها و كملات نعاسها
🌄🌄اصباح الصباح غاقت ميار هي لولة و حاسة براسها مزيرة غطرطق
ميار:ياسييين (بلغوات)ياااسين
ياسين:مالكي
ميار:فيق بغيت نمشي طواليط
ياسين: بلاتي شوية الله يحفظك
ميار:وعاغاك 😤😤 انديرها فحوايجي
ياسبن:(حل عينيه شاف فيها) بففف
ميار: و سربي عاغاك بلبييز
نلض جمع لوقفة و هزها و دخلها للحمام حطها ز بقا واقف مغمض عينيه
ياسين:يالاه طلقينا
ميار: سير خرج بحتلك انرجع بوحدي
ياسين: واخا
خرج ياسين رجع لبلاصتو و تكا فوق الناموسية بينما ميار قدات حاجتها و تمات خارجة سافها و ناض هزها حطها فوق الناموسية
ميار: معاش جيتي لبارح
ياسين: معقلتش انا ندخل ندوش
ميار: واخا
دحل ياسين للحمام دوش بالخف و خرج لاوي على نصو فوطة شاف فيها لقاها مزال فبلاصتها متحركاتش
ياسين:(شاف فيها باستغراب) مالكي
ميار: والو ...عنداك بقوليك راسك تبدل قدامي
ياسين:هههههه وعلى شنو
ميار: اويلي كوون تحشم سير بدل فلحمام
ياسين:على اخر ايامي نحشم من مراتي ...نوو حبيبة غير ولفي (نصل لفوطة ميار شهقات و غمضات عينيها قبل ماشوف شي حاجة لي تصدمها اما ياسين هرى عليها بالضحك)ههههههههه ناري
بدا يلبس حوايجو بشوية باش يعصبها
ميار: وطلقنا
ياسين:صافي حلي راه لبست الاساس هههه
ميار: قليل لحيااا
ياسين : دابا نوري لمك قليل لحيا شكايدير ...ابلاتي مابقا قد مافات
كمل لبس داز لجيه ليفيها حوايجها و بدا يقلب
ياسين:هاد لبلاكار عندك خاص مووو يتخرق
ميار: وافرقوو عليك ...اشدا ليك
ياسين:عامر غير بشروااط يالمقطع يالنقزب يالمزير شي حاجة اخرى والو
نزلو خرجو نيشان بلا ميقولوها لعائلة ركبها حداه فاللوطو و ديمارا نيشان للوبيطال دخلو نيشان عند طبيب ديالها لي فحصها دار ليها كونترول
طبيب:امم كتشافاي بسرعة ..ايبقى عندك غير مشكل رجلك واحد 10 ديال ترويض و تولي تحركيها كيف لول
ميار:مكرهتس عييت بلجلاس
ياسين:قولي توحشتي طيران
ميار مجاوباتوش داها طبيب لغرفة مختصة و حيد ليها لاباراي لي فرجليها و بدا يحركها ليها بشوية
كبيب:كتقدري تحركي صباعك
ميار: لا ..كنحس برجلي باردة
طبيب:عادي حيت دم مزاال نتسرح فيها مزياان ...مهم من غدا ايخصك تبداي تروييض و تبقاي تحاولي تمشاي شوية بشوية و متفورصيش عليها
ميار: اووك شكرا
بعد مرور 10 ايام كيار ولات تقدر تحرك رجليها بطلاقة من بعد حصص التروييض ياسين رجع لخدمتو و امانويل تشد فالحبس بتهمة محاولة القتل العمد من بعد مغرق ليه ياسين مزيان لانو ياسين كان عقيد فالشرطة نظرا ان هاد المجال كان عشقو الاول لكن من بعد ما ماتت مادلين همل خدمتوو و مبقات عندو نفس لتا شي خاجة داكشي باش استقل من الشرطة لكن بقاو المعارف ديالو كثاار فبسهولة قدر يغرق امانويل و يعمر ليه دوسي مزيان زيادة على تهديدو لي كان تسجل فكمرات المراقبة فالشركة ...اما طووم و جيري ديالنا اميين مزال شاد الجكارة مع نهى و باغي غير امتى يهبط كواريها للارض و تجي تعتارف ليه بلي تاتبغييه و مزال مطول فتمثيلية الخطبة لي ماليها حتى محل من الصحة حيث بدورو كان اعتارف لجدو انو كيبغي نهى و ان هاد الاخيرة كتلغيه فداكشي باش وافق يشارك معاه فهاد التمثيلية
صبااح جديد لجو بارد لانهم دابا فاواخر فصل الخريف ميار و ياسين ناعسين مخشيين فبعضياتهم حتى بدا يصوني المنبه فاق ياسين كيشوف منين جاي الصوت مطا يدو جيهة ميار و طفا تيلي ديالها شاف فالساعة و ناض كيحك فوجهو
ياسين:هادي مالها محققة تيلي على نبوري...ميار (كيدوز يدو على وجها)حبيبة
ميار:😴😴😴 انن
ياسين: علاش محققة تيلي واش باغا تمشي لشي بلاصة
ميار:(حلات عينيها بزربة ) شحال ساعة
ياسين:بسم الله عليك يالاه 7
ميار:(تنهدات و ناضت لبسات بانطوفتها) بغييت نمشي للمدرسة شحال مامشيت
ياسين: امم اوك
دخلات ميار للحمام دوشات بالخف و خرجات كتنشف شعرها بلفوطة ناض ياسين باسها ففمها و دخل تاهوا للحمام مهم لبسات ميار
و نشفات شعرها و ريحتها و شويا دلميك اب جمعات ساكها و مشات دقات على ياسين
ميار:انا نزلت متعطلش
نزلات صبحات على الكل و جلسات
نادية: ههه شتك صابحة منبرة
ميار:بغيت نمشي لايكول
نعى:ااه...سيري سولي حيت يقدرو يكونو طردووك
ميار: اويلي متقوليهاش
نهى:وي حيت مدفعتيش شهادة طبية
ميار: تا دابا ندفعها
نهى:نوو دابا سي طروطار ...مهم ماتعرفي سيري و تأكدي حيت فليكول ديالنا هاظا هو نظام نتونا معرفتش
ميار:بفففف الله يحفظ
امين:صباح لخير
المل:صباح نور
جلس حدى نهى و دوا بشوية
امين:ليوم مع لغذا تسنايني باغي ندوي معاك
نهى:احم واخا
ياسين:صباح لخيير...ميار نوضي
ميار:جلس تفطر مزال لحال
ياسين:اوك
جلس فطر تاهوا كملو و ناضو ركبو فاللوطو نيشان للايكول دخلو عند المديرة هضرو معاها و كيف كان متوقع ميار كانت اتعرض للطرد لكن مع موهبة ياسين فالاقناع قدر يخلي المديرة تقبل بالشهادة و سمحات لميار تكمل قرايتها خرجو من المكتب و عي غطير بالفرحة تعلقات فياسين و باستوو فحنكو بغجااتو
ميار:والله الى نتا غزااال ههههه
ياسين: (شدها من خصرها و دورها عندو ) دخلي تقراي منين اتخرجي اتلقايني حدا لباب اوك
ميار:(بفرحة) اوكي
ياسين شد وجها و باسها من فمها غمزها و مشا بينما هي دخلات لكلاس دوزات الحصص ديالها مزيان واخا فاتوها بزااف لكن تأقلمات مع الوضع دعبا بحيث راسها خفيف وقدرات تغهم شويا سالات و تمات خارجة حتى تحطاا عليها شي يد
عشق دائم الجزء الثالث
محتوى القصة
التنقل بين الأجزاء