دورات وجهها حالة فمها وحنكها حمر من الجهة اللي كانت ناعسة عليها . دوز يدو على خدها وبدا يفيق فيها بشوية حتى حلات عينيها وتلفتات جيهتو مخرجة عينيها كتشووووف فيه شحال مخلوعة .. استغرب وقال
دخل لبيت كيلبس ساخط وجاب ليها جلابتها عطاها ليها وقال
- يالاه لبسي نديك ... بلا ماتبقاي تبكي ... كنقسم ليك ... الى ماندمتو على هادشي بزقي ليا على وجهي . نوضي يالاه
خرجات هي وياه .. هي كتبكي وهوا كامل كيغلي .. كفاش كيتخيل الصورة فدماغو الله واعلم .. كسيرا بيها وفالطريق تعكس مع واحد ونزل ليه تشاد هوا وياه فكوهم غير الناس .. كمل طريقو لسلا بلا عقل وقف حدا طوطال وقال ليها
قطعات وسكتات حانية راسها وياسين حداها كيكمي واحد مور واحد .. بان ليه جاي وهوا ينزل ليه ونزلات حتى هبة كترعد خايفة ... طار عليه ياسين لسقو مع الشجرة وقال
- عقلتي عليا ... عاقل على وجهي ... انا هوا صاحب مرتك اللي شروطك المرة اللي فاتت ... هاهيا رجعات ... وحط عليها يديك ندخل على جدك نفصلك فقلب دارك سمعتي .
جواد لسق لسقة وحدة مابقاش كيبان قدام ياسين ... وعقل عليه مزيااااان نييييت حيت هوا اللي سلخو حتى مابقاش عاقل على سميتو .. سكت بقا غير كيشوف فيه ويشوف فهبة
ياسين : وجد راسك مزيااان على دوك التصاور اللي صورتي ... عند بالك وااعر .. مزال معارف راسك معامن طحتي ... والى كنتي رااااجل ... نشر شي وحدة فيهم ... الى ما ح***** ليك مك راني ولد لق*****
ردخو مع الشجرة ورجع اللور كيخزر فيه وينهج
ياسين : حط عليها دابا يديك .
شدات فيه هبة جراتو وقالت كترغب مرعودة
هبة : عفاااك اياسين صافي سييير ...عفاااك
جواد : وا مراااتي هادي اصاحبي مراااتي انا حر فيها
تكاه ياسين غيزز فسنانو وقال : وانا صاحبتي .... طلعها مع كرك هادي مزياااااان تا توصل لدمااااغك باش تفهمها حيت ودنين مسدودين .... وتحط عليها يديك نح**** ليك مك يالاه جرب .
ايييه يا ليام ... رجعات المرى مزوجة مصاحبة ... وبخبار راجلها وبخبار الجيران وبخبار مها حتى هي ... شكون قال هادشي غيوقع شي نهار وتقلب حياتها سفاها على علاها .. وتخرج عند ياسين للزنقة بالعلالي وراجلها مقادرش يهضر .. حتى كيسكر عاد كينوض يغوت ويحيح ... رجع كيدير عين ميكة واخا كيعرفها كتهضر مع ياسين .. وكيعرفها كتلاقا بيه ... تنازلات على الدعوة ديال الطلاق مقابل مايفضحش تصاورها ، ولاكن مزال كيهز عليها يديه ويضربها وفكل مرة ضربها كيجي ليه ياسين يخلي عشتو ويمشي .. ورجع كيديها معاه يغبرها بيوماين 3 ايام حتى كيرجع جواد كيهدد من جديد . بحال اليوم .. ناض قلب الدار وهز عليها جنوية .. دخلات للكوزينة سدات عليها كتنهج .. ولاكن مخايفة مكتبكي .. متكية بديها على الباب وكتنهج وتسب وتحلف عليه من لداخل
هبة : عقااااال .. عقاااال على هاد التسرفيقة اللي عطيتيني ... غا بلاتي حتى تسحا .
هبة : برهوووووشة ... واسير سير يا الشمكاار مسح تر**** من لخ**** عاد اجي تهضر ... ريحت لخنز كتعطعط منك الله يغبر ليك الشقف . تفو على كنس .. تخاف ما تحشم
جواد : ضرب الباب) حلي يا بنت ل**** حللي ولا نفرعو على ديلمك
هوا كيدفع وهي كضربو من لداخل .. بالركلة .. مع طويلة وعامرة فيها جهد وبالحر دلغدايد كدفع تاهيا باش ميتحلش لباب واخا يتفرع ... لاكن زدحو بالجهد تانقزات مع غوتة وخوات ليه جا طايح قدامها ومع سكران مقاد يهز تا راسو ..خرجات هي وفتيحة بالزربة وزدحات عليه لباب سدات عليه فلكوزينة وقالت عاضة شنايفها كضحك
- بقينا بلا عشا ههههخخخ
فتيحة : بزييييز وباااااز ليك ليك ... تسلييييم يابنتي والله
قطعات وقالت لفتيحة : ناااري يختي رجع عصبي ... كاع مكان هاكا ..رجع على والو كيبدا يغوت
فتيحة : بسيييف اختي ميتعصب انا وشدني لقلب غير بلخلعة ... شتي لي مزال صابر لهادشي وغادي جاي من كازا لسلا كل نهار وكيقلب كفاش يخرجك من هادشي راه خاصك ديري فوق راسك
هبة : انا دايراه فعينيا ... مابقيتش هازة لهم بحال اللول معولة عليه دابا غير هوا .. عاد رتاحيت شوية.. بقاو غير دوك التصاور هما اللي مرضونا
طلعات للدار عند مها ودخلات هي وفتيحة ... لقاتها باها فالصلاة كيصلي .. لاح سلام ومشا بلا ميسول ولا يدخل راسو وسط لعيالات . جلسات هبة وفتيحة ومها فالصالون كيتجمعو ..ربعات معا يديها وقالت
- باك دار الدار فلبيع
هبة : وفين غتمشيو؟
الام : غيشري فسلا لجديدة ... هاد سلا ماجا من وراها غير المشاكيل والصدع وختك رجعات كتخاف هنا
هبة : كن درتوها شحال هادي .. حسن ليكم
الام : ايوا راه كيقلب فسلا لجديدة .. كل نهار طالع لتما
هبة : سلا جديدة نقية مافيهاش الاجرام اللي هنايا واصلا خدامين فيها غير الموضفين . هنا كتخرجي مرعودة
الام : ايوا داكشي علاش يغينا نرحلو ... مزال ماقلناها لحتى واحد لا خوالك لا عمومك
هبة : هييييه!! حسن ماتقوليها لحتى واحد ... باش ميعرفش جواد فين مشيتو ... لاقلتوها لشي واحد غادي يقلب ويقلاكم ... انا بغيت غير فوقاش نتفك منو وكيخلعني بيكم
الام : واش الدار متخبا!!! واش مفنقولوش للعاءلة رحلنا ! والى بغا شي واحد يجي نقولو ليه لا ماتجيش اش كتخربيق!
هبة :وا ضبري راسك
صونا ليها تيلي وهي تنفض يديها قالت
- ياسين كيصوني
ناضنت دخلات لواحد لبيت سدات عليها وجلسات كتجمع هيا وياها شي ساعتاين ... تكات على ضهرها وقالت ليه
هبة : ياسييييين.. ديما كنبغي نسولك وكنخاف تقمعني
ياسين: سولي
هبة : كفاش عرفتي انا مزوجة
ياسين : عقلتي فاش كنا فلابسين شحاااال هادي... كانت معانا وحدة زعرة .
هبة : واش سلوى؟
ياسين : سلوااااااا ايييه.... كنت طايح معاها شي يامات من بعد تفارقنا ... مهم فاش شافتك معايا بقات كتسول من بعد وقالو ليها عرفتك فعرس هشام .. راجل صاحبتك اللي تزوجات ... وهي ديجا كتعرف صاحبتك حيت كانت كتخرج معانا ... سولاتها عليك وسيفطات ليها التصويرة وهي قالت ليه ها اللي كاين ها اللي كاين ... وجات عندي قالتها ليا
هبة : وعلاش حتى لدابا عاد كنقول ليا هادشي!! وديك لمرى تلاقيتها فالدروج فعمارت ماما ومشيت كنفرنس سلمت عليها وفرحانة ! ... كن حساب ليا هاكا والله مانسلم عليها وهي جالسة كدير ليا الضحكة الصفراء وماتكون غير هي اللي قالت للناس راه كتخون راجلها حتى رجعو لعيالات كيحشيو لماما لهضرة
ياسين : نتوما لبنات مراااض والله ... فيكم السم والحسد غير بيناتكم لعفو
هبة : اييييوا ماتجمعش ماشي كلشي
ياسين : مكنجمعش
هبة : هي حتى انا بحالهم على هاد لحساب !
ياسين : نتي غتسكتي .. عمرني تشروطت فشي وحدة حتى ليك نتي
بدلت ضحك وقالت : ههه مالي انا جريتك بزز!
ياسين : وراااسي منجرني تا واحد .
هبة : اممم .. ايوا وكفاش
ياسين : نهار اللول عجبتيني ... عجبتيني بزاااف مهم من الاعجاب للتشرويط ههه
قطعات عليه ماحملاتش تسمع هضرتو ... بقا قلبها معلق مع ياسين .. كل شوية تصوني .. مرة توقف فراس الدرب .. مرة طلع جيهت لبومبة
. مرا تمشي للدار مرة ترجع لحومتها .. بغات تحماق .. النهار كامل وهي غادا جايا تيليبوتيك تصوني عليه وترجع تصوني من نمرتها ساعة وااالو . ضربات 9 دلليل وهي جالسة فدارها كتصوني وتعاود .. عاودات صونات على جواد تشوف ياكما راه معاه ولا تلاقا بيه ولاشنو واقع ساعة والو .. رجعات خرجات لبرا جيهت الطاكسيات كتق
ودور ، بانو ليها صحابو مقردين حدا واحد مول الديتاي .. مشا حشمانة بزز باش وقفات سولات عليه وقالت بالادب
هبة : ماشفتيش جواد ؟
- يكون غا فلبرتوش بحال ديما
هبة : واخا شكرا
حنات راسها ومشات جيهت الطاكسيات . ركبات وزادت
نيشان للقرية .. نزلات ومشات كطير .. قلبها كيزدح وحاسة بشي حاجة واقعة .. مخلوعة وماعارفاش علاش ، ماحدها كتقرب وقلبها كيضرب فتسعين ، وصلات لديك الدار ديال لكرايا .. مع الدخلة كاين باب عل ليمن صغير واكل لعصا .. دفعاتو بالجهد وكضرب وتعيط بلا ماتشعر
هبة : جوااااد ... يااااسين ...يااااسين حل ... جوااااد ...
كانت حاسة ... كانت حاااسة وعلمها خاطرها بللي ياسين تما وشي حاجة واقعة ... وداكشي نيت اللي كان .. فتح ليها ياسين لباب .. مع طويل ولباب قصير هبط راسو خرج عندها وقال
- يالاه فحالك
حلات فيه عينيها و وجهها صفر وقالت باغا طل
- شنو واقع ؟ شنو كاين ؟
بغا يجرها وهي دفعو مشات بغات طل .. جرها لاكن شافت جواد لداخل بلا سروال عاطيها بالضهر وبنت مقنتة مع الحيط مغطية نصها كترعد ومخبية وجهها بيديها .. طاح منها النص وقالت
هبة : شنو درتي اياسين؟ شنو اللي درتي؟
جرها بالجهد بعدها .. وموراه خرجو 3 كبار كيخلعو كل واحد فيه جوج .. خلعوها تا كانت غاطيح فبلاصتها .. جرها من يديها داها وهي كتشوف موراها . لاحضة تفكرات شنو وقع ليها فداك لبرتوش .. نهار دخلات ليه وتكرفص عليها بلا رحمة بلا شفقة . فكرها الصدع اللي ناض فيه فداكشي اللي سبق وقع ليها تما .. فوق داك الفراش . خواو بيها رجليها مقداتش تزيد وطاحت على ركابيها .. تقال لسانها وهي كتحس غير بياسين كيجرها .. تحنا هزهها داها وهي مرفوعة مابقات عارفة راسها فين .. ولا معامن .. توقف الوقت .. تصمكو ودنيها وتبلوكات كلها . طلعها للطموبيل حطها ونزل مشا هضر مع هادوك اللي كانو معاه ورجع طلع بلا ميهضر ولايتكلم ... حتى هي طفات بقاو فيها غير لعينين محلولين خارجين فبلاصة وحدة ، ديمارا طموبيل ومشا شد طريق كازت وهي حداه بلا حتى ميهضر ولا ينطق
وصل لباب ديال العمارة ا 11 دلليل .. الشارع عامر شا غادي شي جاي والضواو مضوية .. سكت الطموبيل وقال
- مغتنزليش؟
هبة : لا رد
نزل من الطموبيل عاقد وعلى ملامح وجهه الانزعاج والعصبية مكمة ليه حروفو .. حل عليها لباب ووقف داير يدو على جنبو وقال
الضحكة المهجورة الجزء الخامس
محتوى القصة
التنقل بين الأجزاء