الطباخة الجميلة والعصبي الجزء الرابع

من تأليف هبة امجان
2018

محتوى القصة

رواية الطباخة الجميلة والعصبي

ناصر تي ستنشق فلهوا و على فمو ابتسامة ساحرة يا عيني 
بقا شحال عاد هبط راسو 
ناصر بصوت رجولي حاد : شحال بقا لينا ديال الوقت باش نكونو فلوطيل ؟؟
بوديكار : بقات لينا تقريبا شي 15 دقيقة اسيدي 
ناصر : اممم اوكي يا الله 
تحرك باتجاه كيرسيديس كحلة مات تا تبري حل ليه البوديكار و طلع 
و تبعوه جوج طوموبيلات عامرين بلي بوديكار الوقت و الزمان هادا 😂😂😂😂
ما حد سي ناصر فطريقو نعرفكم بيه ناصر العموري رجل اعمال كبير وزيادة على دالك ما فيوزي معروف في الديار الروسية تزاد و ترعرع فلمغرب يتيم الواليدين لا اخت لا اخ بمعنى احسن مقطوع من شجرة عندو غير راسو واخا كاين عايش مع عمو مني ماتو واليديه و هو فسن تلت سنين عاود ليه عمو على سبب موت واليديه ملي كانت عندو 15 سنة و هو انهم حصلو علة حتتهم مقتوليم فدار عمو ما فكر فوالو لا هاد دري فسن المراهقة ما عرفو يتزرع فيه حب الانتقام ؟؟ولا يدخل فاكتءاب ؟؟ ما فكر فوالو ناصر تصدم من هدرة عمو قرر يبعد من تما و طلب من عمو يصيفطو لخارج المغرب داكشي لي كان وصل روسيا و هو معارف والو من غير المدرسة لي غا يقرا فيها و يعيش فيها دوز شهرين بلخساب او مبقاش قادر يبقى تما هرب فواحد ليلة ايه تمرمد و عاش فجوه و بات فزنقى تا نهار تلاقى بجوكير لي هو من المافيا القدام فروسيا روسي الاصل كبرو و تهلا فيه و علمو حرفت لقتيلة تا جا الوقت لي مات فيه و وهبو جميع املاكو لي كان مغطي بيها علة حرفتو الاصل و لي هي القتل 
حزن ناصر على و فاة جوكير و لكنه توالف مع الامر بعد مدة كبار و زيان العضلات السداسية حروفو كحلين و لكنه زين البنات شعر داكشي ناشط مع راسو و مهامو حد و ليوم هو نهار لي غا يجي فيه المغرب من بعد 17 عام و هو عمرو دبا 32 عام جا باش ايدير شراكة مع راءف برادة لي عرفو عن طريق اعمالو لي تشهرات

وصل ناصر الاوطيل و نزل و نزلو البوديكار تا بعينو تم غادي و تي شوف فلاوطيل و على فمو ابتسامة خفيفة دوا واحد من لي بوديكار على قاعة الاجتماعات لي غا يتم فيها عقد شراكة داتهم ليها بنفسها تحت توصيات راءف وصل ناصر دخل و لقا راءف تي تسناه ناضو تسالمو سلام رجولي و كلا بلاصتو 
راءف : مرحبا بيك اناصر فلمغرب 
ناصر : لهلا يخطيك اراءف كا نشكرك و انا سعيد حيت غا نتشارك معاك هدا فخر ليا 
راءف : كدلك و متل بالنسبة ليا كون اكيد انني حتا انا سعيد حيت غا نتشاركو 
ناصر : ايوا هي ندخلو فلمعقول ههههه 
راءف : ايه ما قلتي عيب هعههه 
كلا خدا شروط العقد و تي قراو فيهم 
من بعد مدة ليدامت 10 دقايق ناصر و راءق قراو شروط العقد مزيان 
ناصر و ابتسامة على فمو : من عندي انا موافق من دبا نبدا معاك 😀😀
راءف تا هو داير ابتسامة خفيفة على فمو : و حتا انا موافق ايوا ما بقا غير نسنيو هههه 
ناصر : ايه نعام اسي بسم الله 
راءف وقع و كدلك ناصر و ها هما ناصر العموري وراءف برادة و الله شركا قانونيا 
راءف : ايوا دبا يا الله اسيدي معايا لداري باشش نتعشاو و منها نحتافلو بشراكة 
ناصر : نتعشاو ايه و لكن الاحتفال انا لي غا نقوم بيه 😊😆
راءف ضحك : واخا اسيدي مشينا هههه 
ناصر : مشينا هههه
خرجو ناصر و راءف من لوطيل و جاميع الاعين عليهم كلا ركب فلوطو تاعو و البوديكار تا بعينهم راءف غادي لقدام و هما تابعينهم باش ايعرفو طريق
غزلان لي نقدرو نقولو سالاو غزلان خاصها تلبس رسمي حيت جاي ضيف مهم مجاتش تلبس بيجامة و لا كيطمة لبست جيب كحلة مزيرة و قميجة بيضة ما بغاتش تسد ليها مع داك سدر خلات صدفة لولا محلولة و ششقت سدرخا تا دير عيو عيو الحال صبح 😂😂
لبست دومي طالون كحل و جمعت شعرها كوتشوفال و دارت غير كلوز فلون شفايف 
كدلك البنات لبسو نفس اللبسة موحدة راءف وصل و هبط و تا ناصر هبط و البوديكار هبطو غزلان سمعت صوت لوطو ني فرانيو عرفتهم هوما طلات من للكوزينة بانو ليها دوك البوديكار سيدة تخلعت دايرين بخال شي نافيا جايا تهاجم صفارت ما تهنات تا شافت راءف تا هو ضحك بلا هواها وخرجت باش تستقبلهم 
رلءف مع طلع راسو مع تكوانسا ملي شافها جايا و خير مولانا تي تبونبا نعام اسي اما ناصر كان مدور وجهو لاتجاه المعاكس 
غزلان وصلت حدا راءف 
غزلان بصوت حنين : موسيو راءف على سلامتكم 😊
راءف تي بلع فريقو مقادش يدوي اما ناصر مع غا يدور وجهو معا غا يتكوانسا و غا يحل فمو 😂😂😂

ناصر كي طلع فغزلان من راسها تا رجليها و كون صاب ياكلها بعينيه بقا تي شوف فيها مطولا 
اما راءف هاداك لا وحدو يابرني 😍😍
تي شوف فيها و تي حس بالفقسة و الغدايد و كون صاب يشدها و يبقى يعطيها يعطيها علا هاد لبس و لكن ما بيدو ما يدير جا يدور عند ناصر لقا سيد فين هو و نااااصر وااا ناصرر و تا جمع عينيك 😂😂😂😂
ناصر ساهي و تي حنزز نسا تا علاش جا 
راءف بصوت رجولي مدعدع يا حليلي 😍😍:ناصر و قيلا بقينا بزاااف حدا الباب و لا ؟؟
ناصر عاد جمع راسو و سد فمو 😂😂😂
ودار عند راءف و هو مبتاسم : اييه ندخلو حسن 😊😊
فزلان زادت و هما وراها و راءف تي حاول يتجنب نظراتو ليها اما ناصر غا متبعها و هي غادا و مجايبا لدنيا خبار و داكشي تي تهز هز البوطة حط البوطة 😂😂😂😂
مشات باتجاه الكوزينة باش توجد هي و البنات طابلة اما راءق و ناصر بركو فصالة بينما وجد داكشي 
راءف دار عند ناصر : ايوا اناصر ناوي تبقى فلمغرب و لا غا ترجع لروسيا ؟؟
ناصر : لا نشاء الله غا نبقى فلمغرب 😀

راءف : اييه ايوا مزيان مكاين ما حسن من المغرب واخا هكاك 
ناصر : عندك الصح المغرب بلاصتو بوحدو ما يجي تا شي بلد فبلاصتو 😀😀
راءف : عندك الصح 😃😃
ناصر : راءف واخا نسولك ؟؟
راءف : اييه مرحيا خدود راحتك 
ناصر : هاد البنت هادي لي ستقبلتنا و دخلتنا واش خدامة عندك ؟؟
راءف فحال لا كبيتي عليه سطل تاع الما مكلاصي متوقعوش يسول عليها و لا يبغي ايعرف عليها شي حاجة حمار سيد و عروقاتو بانو غير بوحدو معرفش علاش ولكن تعصب لاقسى درجة ملي جبدها ليه : و علاش باغي تعرف ؟؟😠😠
ناصر شاف سيد ولا فديك الحالة مفهم والو : عادي مجرد سؤال لا شيء ديك البنت واش خدامة عندك سي تو 
راءف حاول يكالمي راسو و جاوبو : هاديك هاديك غزلان طباخة عندي هنايا هادي شهرين و شي حاجة و مها هي لي كانت مربياني ملي كنت صغير 
ناصر : اييه ادا نتوما فحال لخوت (لا واه نبق غالاك خوت 😒😒)
راءف معرف ما يقول اش غا يقول؟؟لا ماشي فحال لخوت ؟؟مجاتش ما لقا ما يدير الا انه يقول :اييه فحال داكشي 😔😔
غزلان سمعت كلشي بصدغة حيت كانت باغة غير تعلمهم باش ايجيو يتعشاو دموع تحجرو فعينيها لسبب مجهول ايمكن حيت معجبتهاش ديك كلمة فحال لخوت؟؟ بعدة شوية باس ما يعيقوش بلي سمعت مشات بجرا لدوش بردت عنقها و غمضت عينيها كانها تا تحاول تكالمي راسها و خرجات و ابتسامة على فمها كان شيء لم يكن واخا القلب ما عالم بيه غير الله 😢😢

غزلان مبتاسمة : ممكن تفضلو طابلة موجودة 😊
راءف مجاوبهاش ما عدا ناصر 
ناصر بابتسامة : اييه كون تشوفي شحال مشوق اغزلان لهاد العشا  😍😍
غزلان : نتمنى يكون كيف ما بغيتيه 😊
ناصر : متاكد غا يكون واعر و طوب 😀
غزلان كتافات بابتسامة اما راءف غير تي شوف فيهم و ساكت 
ناض كل من راءف و ناصر باتحاه طبلة و بركو البنات جاو و بداو تي حطو ليهم و هما تياكلو ناصر تياكل و يتبنن عجبو داكشي اما راءف كيسرط فدغامي غير بزز باغي ينفاجر سالاو الاطباق الرءيسة و قدمو لهم تخلية كلاو و سالاو و خرجو لبرا كانت كلسة بلي فوطوي و طبالي و ضواو بين البيسين و جردة داكشي زوين بركو تما 
و غزلان دخلت دير ليهم القهوة و تقاد ليهم الحلاوي فطيبسلات

راءف و ناصر كل حاديتهم داير غير على الخدمة و المشاريع راءف همو هو يحاول ينسا اش وقع باش ما يطرطقش و يصدق خارج العيب مع السيد 
تقدمو غزلان و البنات باتجاههم حطو داكشي و نساحبو 
ناصر هز حلوة وداقها : فغيمو هاد غزلان طوب فكلشي فطيابها و فهدرتها و حتى شكلها مشاء الله سبحان من خلقها  😍😍
راءف مدواش و مخلي سيد يعبر باعجابو بغزلان حيت خاف لا يدوي و يصدق مزبلها و لسان ما فيه عظم 
سكات حسن ليه شربو لقهوة و سلاو و ساد الصمت بيناتهم المدة حتا جاو البنات كيجمعو و هو يوقف ناصر غزلان 
ناصر : تسناي اغزلان 😆
غزلان دارت عندو متعجبة : نعام اسي ناصر يا كما معجباتكش القهوة و لا الحلوة 
ناصر : ههه لالة كلشي معتبر الله يعطيك الصحة غير هو انا غدا غادي نقيم حفلة بمناسبة شراكتي مع راءف و مكرهتكش تكوني فيها ولكن ماشي كطباخة انما كواحدة من المعروضين

راءف خرج عينيه تا با يطيحهم و دوا : لا ما يمكنش 😠😠
ناصر باستفهام : علاش ما يمكنش ؟؟ياك غدا الحد و جبونس انه محسوب لها عطلة 
راءف عرف راسو اش قال : احم شوف غزلان لا بغات حيت هي عمرها ما مشات لبحال هادشي اولا ؟؟
غزلان حساتو ستافزها كلمة و حشية و هي دوي : لا اسي ناصر انا غا نجي على راسي و عيني واخا كيف قال سي راءف عمري ما مشيت لبحال هاد البلايص او بالاحرى عمري فت دارنا و لكن الحمد لله الانسان تي تعلم 😊
راءف ستفزها بلعاني باش زعما يبقى فيها الحال و تبرك و لكن و قع العكس 
ناصر معرفش علاش راءف قال ديك الهدرة بقا فيه الحال حيت حسبيها تحرجت : لمهم اغزلان انا كنتسناك نتمنى تجي 
غزلان بابتسامة كتخفي حزنها العميق لي تا تحس بيه : كون هاني اسي ناصر عتابرو و عد 😀

ناصر بتاسم ليها و فرح فخاطروا اما غزلان نساحبات من حداهم مشات باتجاه بيتها دخلت و سدت عليها لباب ضربت وحد قرعت ريحة تا طوعت 
غزلان بعصبية : اعععععع علاششش تي دير معايا هاكا علااااش يا ربييي كيستافزنييي اششش درت ليه ؟؟ اش بيني و بينو ؟؟ ينعل بوها خدمة و زبل كلا حر فراسو ....
ناضت قدام المرايا و تا تشوف فراسها : هانا غا نوريك اسي راءف غزلان علاش قادة الا مندمتكش و خليتك تا تجري ورايا راني منتسماش بنت حادة نعلم تستفزني 😠😠
خرجت و خبطت الباب و نشات الكوزينة عونت البنات فشغل تا جمعو دنيا و رجعوها كيف كانت 
اما ناصر بارك مع راءف تي دوي معاه بامور الخدمة 
راءف هاد المرة حادر غير الجسد اما العقل داتو غزلان معرفش ديك المعاملة كيفاش كا تخرج ؟؟واش غير تلقاءيا ؟؟ولا كيصنعها بنفسو ؟؟ حار معرف اش يدير 
ناصر ناض حس بيه راءف و طلع فيه عينيو : مالك يا لاباس ؟؟
ناصر : الله يجعل البراكة هادا وقتي فين نمشي نرتاح شوية و غدا الحفل خاص نكونو مرتاحين و زيد عليها الخدنة لي غا تبدا تنين يا الله بنادم يوجد راسو 😊
راءف ناض و تسالمو سلام رجولي اكيد مالهم باو يتعانقو 😂😂😂😂: لمهم تصبح على خير و نتلاقاو غدا 
ناصر : حقا فكرتيني ما تنساش تجيب معاك غزلان 😀
راءف مجاوبوش كتافة يطلع راسو و يهبطو بمعنا اوكي 
نساحي ناصر و ركب فلوطو تاعو و لي كاردكور تا بعينو 
اما راءف دخل لدار عطا خلاص لبنات و شاف فغزلان شوفة ناقسة
راءف : ايوا الالة غزلان تا نتي و ليتي باغا تمشي الحفلات 😒😒
غزلان شافت فيه تا هي بنفس شوفة : علاش اموسيو راءف جاتك عجب !!
راءف فقساتو كي تغدد : اسمعي هاد الحفالي راك معارفاهمش كيفاش تيدوزو راه خيبين عليك الالة 😡😡

غزلان قربت منو و شافت فيه بتحدي و عينيها فعينيه : خيبين عليا و لا مخيبينش عليا نتا مالك اسيدي ؟؟كلا حر فراسو تا تفهم انا هنا مجرد طباخة عندك لمدة 5 شهور و يتفرتك هاد زبل كامل تا تفهم او زيدون يوم لحد ديالي نتا عارف و انا عارفة هاد شي نخرج ندير لي بغيت الله يعمرني نمشي البيران و ندور فينما بغيت نتا معندكش الحق تحاسبني و لو قد هاكة (تا تمتليه بصبعها)او زيدون عارفة راسي اش تا ندير ما بناش ليك هازا رجلي فزنقا و دايرة ريكلام اسي راءف 😡😡
بعدت منو و زادت لبيتها و خلاتو كعرفتش منين جاتها ديك القوة تا خرجت فيه داك العصاب لي ركبو فيها اما راءف وقف مسمر من هدرتها و كفاش تجرات تقولها ليه ضرب كاس تلما لي كان محدود بجنبو بايديه 
راءف : ااااااااه كفااااش كفااااش تجرات تقولي ليا ديييك الهدرةةةة الا مندمتكككك اغزلان راننننييي ما سميتييييش راااءف 😡😡😡😡
زفر بعصبية و طلع البيتو

دخل و خبط الباب حيد القميجة لي كان لابس و سدروا تي طلع و يهبط بالعصبية و لا حمر كي عادتو حدر راسو و هو معارفش لاش تيدير هكا و معدب راسو مالو على هاد الحالة كاععع 
عند عاءلة كامي باركة مها و باها و خوها تي تعشاو و صمت يسود بيناتهم كلا حادر راسو و تياكل تي تسمع غير صوت لفراشط و الماس طق طق طربق طق 
ما كاينش داك الجو الاسري ضحك و نشاط جمع و الحتيت نو عمرو مكان و باش يكون من شبه المستحلات شناهو السبب يا ترا ؟؟ السبب واضح و بين هو داك الانطواء على بعضهم كلا فجيه كلا شاغل راسو بحاجة ما كاين لا جمع لا سيدي سكري من الخدما لدار و مل دار الخدمة تي جمعهم غير الفطور و لعشا اما الغدا كلا مغدي فشغلو من غير عتيقة ويلي ويلي على مولات دار زعمة لي خاصها دير لمستحيل باش تكون جو اسري سعيد مقابلة غير راسها و الفعايل الشيطانية لا هي لا بنتها 
كيمتلو جو الاسرة السعيدة امام الصحافة فقط من غير مصعب لي نهار تيعرفعم جايين تي خوي حيت بالاحري ما باغي لا يكدب لا ينافق 
كانو حادرين ريوسهم تياكلو تا شافو لعجاجة جايا و موراها جوج كاردكور جارين بالز و شكون من غيرهااا كاميليا او كي خلاها مولاها كامي !!
دخلت رمات بوسة فلهوا : بونجوغ ما فامي ايسكو صافا ؟؟
يا الله بغات تجاوبها مها و هو ينقز مصعب : ايسكوو صافا فمهرجان حنا ؟؟راه هادي دار الالة غندها حرمتها و قوانانينها دخلي كيف ناس و سلمي و هدري باداب الالة الفاهمة 😠😠
كامي مجاوباتوش عوجت فمها كي العادة هدرتهم تا دخل من ودن و تخرج من لخرا 
ناضت مها تنقد الموقف كي العادة

عتيقة ناضت باتجاه بنتها تا تغمز فيها و تعض فقنانفها : لاواه لاواه امصعب ختك غير بات ضحك معانا واش نتا معرفهاش 😅😅😅😅
كامي : لا بزاف اماما هادشي اووو ندمت كاع و جيت لهنا كون طلعت لبيتي ديركيت 😠😠
او تمت غادة طالهة تخبط فرجليها مها غير تبقلل على هي تقد دوي علاش ؟؟ حيت هاد زمان عشنا و شفنا تا ولات لم تخاف من بناها و ماقاداش دوي معاها 
مصعب بعصبية : هادشي لي خرج على هاد المصخة و ليت منرداش تا نقول لشي حد راها ختي لا اخلاق اا تربية غير تسلقيط ودوران تصحبي مكتجينيش خبارها و لكن كانقسم ليك (او هاز صبعو ) او ما بغات تحشم تا نعاود مها فتربية و مغا نتسوق لتا شي حد واخا كيف ما بغا يكون 😡😡
و خرج تي سوط اما احمد غا تيشوف مقادش يدوي خايف من صداع من جيهة ولدو لي عارفو عصبي بزااف و لا مشا تا شدها يدقدقها و من جيهة بنتو لي عارفها سلكوطة و غل تجاوب معاه وديك ساعا فكها يا من وحلتيها 😔😔
عند راءف لي بعد مدوش تكا بقا بفوطتو ما قدش يبدل باقي معصب و لكن برد على كيكان سمع تيليفونو هزو بانت ليه نمرة ناصر او هو يغمض عينيه و حلهم كانه هدن نفسو باش ايستاعد و يجاوب 
راءف : الووو 
ماصر لي كان تاهو لابس بيجامة ديال نعاس و متكي فوسط غرفتو لي مساحتو كبيرة و كلو طابلوات مصبغو بلون البني نوعا ما تيجيب الاكتءاب وديقة لنفس و لكن كيبقا كلا و ذوقو !!
ناصر : الو راءف شوف بغيت نقوليك بلي ممكن غدا فلحفل تقول لدار عمك باش يجيو 😀
راءف : امم واخا دبا نقولها لهوم و نتا بعدا كيوصلتي ؟؟
ناصر : لاباس لاباس يسول فيك الخير يا الله بونوي و سلم على غزلان 😊
راءف مجاوبوش قطع و طوع تيليفون : غا نسلم على القلاوي ماشي غزلان 😠😠

مسح على راسو عاد تفكر بلي خاصو يعيط على دار عمو ناض باتجاه واحد البلاكار صغير جبد منو j9 و مشا لتيلي لي كان طايح هزو و جبد منو لكارط ركبو فلاخر و خدا نوامر و طوعو مهاموش (اييه على ناس 😐😐)
دوز نمرة مرهف 
مرهف لي كان كالس اي تكونيكطا و مطلعها على البنات او هما كي الهبيلات غا داوين بلا فران 
تا شاف لابيل بنيم تاع راءف 
مرهف : اهليين عاش من سمع صوتك 😂😂
راءف : ما مساليش ليك ازبل سمع غدا كاينة حفلة دايرها شريكي جديد و قالي قول لدار عمك يجيو قولها ليهم و جي تا نتا تهلا 
مرهف : ءءءءواا....تسمعت طيطيطيط قطع ليه ناض على وعدو و سعدو هبط عند باه عزيز و مو زهرة لي كانو تي تفرجو 
مرهف : راه قالي راءف بلي غدا شريكو لي دار معاه شراكة داير حفلة و عزمنا تا حنا 
عزيز ؛ واخا اولدي مشاء الله 
نساحب مرهف و زهرة هزت تيلي تاعها و دوزت لابيل لكامي 
كامي كانت تا تشوف فلحوايج لي جابت من فرانسا تا سمعت صوت تيليفونها هزاتو بانت ليها نيم تاع زهرة و جاوبت


كامي كطنز : زهرة توحشتيني كنت عارفاها 😂😂😂
زهرة : اسمعي معنديش ليك الوقت غدا بغيتك توجدي راسك غا تمشي معانا لحفلة منظمها شريك لب تشارك مع راءف لمهم تا راءف غا يكون تبتي شوية و حصني بلا خفة و لا طيران 😒😒
كامي : هاححح عليك ازهيرو واخا هكاك تا تجيبي خبارات مكودين يا الله تهلتي فراسك تا لغدا 
قطعت معاها و ناضت تا تقلب و تعاود فحال لمجنونة علااش غا تلبس غدا باش زعما زعما تعجب راءف 😂😂 ا
اصبحنا و اصبح الملك لله 😍
صبحت غزلان ناعسة ليومة تا راءف صبح ناعس و لاول مرة حيت فغيمو عيا البارح 
و حتا غزلان الفقسة و العيا تخلطو عليها و صبحت راكدة ضربت 12 عاد فاقت تا تكسل تمت غادة تا تجر فرجليها لطواليط غسلت وجهها و تا تحس براسها دارها شربت واحد دةليبغان عاد ناضت صيبت لها قهوة شربتها و مشات تكت ليها تا سمعت صونيط ناضت بتقالة حلت باننت ليها بواطة كبيرة بيضة و محداها حد تعجبت و نزلت هزتها و دخلتها لبيت حلتها و كانت غول صواغي اكتر من راءعة فلباج و فيها حجيرات خفاف سوداء على شكل حوتة تا تجي مقبوطة و عريانة من ظهر و طالون عالي فلاسود و ورقة مكتوبة عليها 
نتمنى تلبسيهم و مترديهاش فوجهي ناصر 
غزلان واخا هكاك معجبهاش هاد تصرف زعما اش تيحساب لو راسو ؟؟ اووو 
مشات تكات ترتاخ راسها با ينفاجر مع نعاس و العيا و الفقسة 
اما راءف يا الله تا هو كيستاعد ايفيق ناض لدوش دوش و دوز لابيل لاحد المراكز تيجارية 
راءف : بغيت كوستيم كري يكون عندي دبا 
المكلف : واخا اسيدي مرحبا 

قطع راءف مع سيد و هبط لتحت شاف حسها مقطوع ضربت ليه فمخو طن ليوم الحد مكاين حد 😂😂
مشا باتجاه المطبخ صايب ليه قهوتو و هزها طلعها معاه البيتو 
فجردة تاع قصر سي ناصر العمال قايمين بواجبهم و كي ديكوريو و يكادة و يصيبو بمكالمة وحدة كلشي تصيب ماشي فحالنا حنا خاصك تخكي لماكلة و الحلاوي و وقتهم ايوا هادا شبه صغير من الفرق لي بين الطبقة البورجوازية و طبقة المتوسطة و حتا الطبقة الفقيرة 
ناصر كان بارك فبيروه و شاد تسبيه فيدو تي دور فيه بين صبعانو نقدرو نقولو هادي من اطباعو لي و لفها !!
حتا طاحت فبالو غزلان بتاسم لا اراديا ما عرفش مالو ؟؟هاد سيدة شافها غير البارح كسبت عقلو و حتا قلبو نفس الشيء رغما انه باقي حاير واش معجب بيها فقط لا غير ؟؟اولا هاداك لي تي قولو لو الحب من اول نظرة ؟؟ ما فهم تا وزة رجع راسو بلور و حطها على الكرسي و غمض عينيه كي تخايلها سيد و لا موسوس 
كامي يا كامي راها فسونطر تا تقاد تقول غير عروسة و ليلة فرحها مخلات ماسكات ما خلات زيوت و دبا تي قادو لها فظفرانها بعد ما غسلو لها شعرها و خلاوه ينشف و يستريح شوية 😒😒
داخل كوميسارية من الكوميساريات لي كاينين فمراكشي و ما اكترهما 
بارك مصعب في بيروه تي خدم على شي ملفات كا تخص شي مهمات كانو قامو بيهم تي درسهم تا دخل عليه سعيظ ظابط 
سعيد (الظابط ): شاف 
طلع فيه مصعب راسوو دارليه بعينيه اش كاين 
سعيد: شاف راه كاينة شي مظاربة خايبة فمراكش بين جوج عيالات ما بغاوش بتفاكو خاصك ضروري تمشي 
مصعب رما سيلو من ايدو بعصبية و تي تافاف: بففف هادشي لي ناقصني غا نمشي نفك جوج عيالات معندهم ما يدار 😠😠

ظابط سعيد حدر راسو مصعب ناض لبس لا فيست ديالو و تم خارج مخنزر و لي شافو تي لقي ليه التحية 
اجيو تشوفو لحيحية لي منوظاها لالة نعيمة ايه اسيادي نعيمة مع هجار (عقلتو عليها المسمومة لي كانت تسخرت غزلان عند مها 😂😂)
نعيمة وصاتها حادة باش تجيب البابوش حيت توحشوه و بان طيبو حادة ملي نجي من الخدمة ايوا نعيمة لبست جلابتها ة خرجت تا تلاقات مع هجار و بدات لالة هجار تفيكتي فلهدرة و تحشي ليها : عشنا و شفنا تا و لات بنت حادة يجيبوها بطوموبيلات ما عرفناها غادا تخدم و لا غادة تهز رجلين بلحق راه كلشي و لا يتعاطى لهاد الحرافي الله يسترنا و زيد وزيد الهدرة كتيرة و سكات حسن 
نعيمة ضرافت تا عيات و سرطتها بزبلها كيف تا نكولو و لكن ملي و صلنا لهزان رجلين و كدا ما بقا كلام نعيمة حطات البابوش و تلاحت على شعر غزلان جر يا ما تجر و نتف يا ما تنتف

و هجار ما مخلياش من حقها تا هي تا تجر و لكن نعيمة حاكماها تحتها و سايرة خدامة تا دير لهجار شينيو 😂😂
هجار : وعووووك عووووك اعباد الله شهدوووو راها بات تقتلنننييي هاد جنيةةةةةة 
نعيمة تا تلهت و تنتف : ااااا جنية بغيتها توقف عليييك يا المصخة تجبدي ليا اختي و نتي متوصليها تا فصبعها صغير بزاااف عليك تصاحبيهااا فحالك يا قحبت سواعدةةة ريحتك عطات و عمرنيي جبدت لا انا لا خواتاتي سيرتك و لكن اليومة لخر ليك يا بنت خدوج 
و تشادو تاني و ناس تا طل و جوقة بلا فايدة و علا والو غير صداع تا حد ما قادر يدخل يفك بلحق راهم دارو المراطون تما 
مصعب تم جاي و هو طالعة ليه نقشة محاملش هاد الموقف يدخل بين عيالات و يبدا يفك ما رداش و لكن هادي يا خدمتوا خاصوا يتقبلها كيف مكانت يا خيبة !!يا زينة !!
دخل و سط داك زحام تي دفع فبنادم تا شاف داك المنظر تعصب و مشا جر نعيمة جرا وحدة من ايديها تا سيدة معرفت باش تبلات حدها طلقت و دارت باش تغوت عند بالها جاي شي حد باغي يفك 
نعيمة تا تشالي بايد وحدة لي مشادهاش منها : ايواااا يوا يوااا اش هادااا مالككك سخن عليك راسك ولا و لا يكماااا بغيتي نضربها لخوية بشي نتفةةةةة لدوككك زغيباتتت سير اواا قدي حاجة راسك 
😠😠
اما هجار فينها هجار راها طارت حيت قشعت سطافيط ضربتها بدرديكة تشوف فين تخبا و خلات لالة نعيمة واحلة فيها 😂😂

مصعب بقا شحال كيشوف فيها و هو يدوي معصب : شوفيييي نتييي يا غا تسدييي عليااا فمك او لا بربي تا ندمككك زيدي طلعييي 😡😡
جرها و هي تغوت نعيييمةىة : واااا تسنااااا با بوشيييييي 
مصعب مع ظابط : جيب لهاد خيتي زبلها 😠😠
طلعوها و هي غادة و تويل لا عرفة حادة و هجار لي حافاها فيها حيت هربت
مصعب مفقوس غادي و خاصو غا معامن وصلو لكوميسارية و هبطو دخل هو لول عاد جابوها ليه حادرة راسها و هازة بابوشها فايديها حيت عرفاتو عاميد 
مصعب : يا الله الالة شرحي ليا اش داكشي درتي 😡😡
نعيمة كا دوي و حادرة راسها و الخلعة قاتلاها : ااانا اسيدييي و الله مدرت حاجةةة رااه هي لي جبدتني بختي و تا تعايرها بلكلام ناقس 
مصعب درب فلبيرو تا قفزت : تا تقوليها بوجهك حمر غير قاتلك كلمة جوج و نتي تلاحي عليها ودرتو شوهة و فين هي ديك الخرا طارت هربات ينعل مها ساعة لي لاقاتني بيكم 😡😡
نعيمة بدات تبكي و تنخصص و هي خايفة 
مصعب شافها كا تبكي : ختي يرحم باك لا مغا خرجي عليا 
نعيمة فرحات و ناضت بغات تهز بابوشها و هي تشوف المنظر لي صدمها هزت جلابيتها و دردكت لا يقول لها بركي 
اييه يا البنات البابوش سرح فلبيرو ايوا فكها يا سي مصعب 
مصعب شافها خرجت بديك جريا تعجب ناض يشوف و هو يغوت و خرج كاره راسو و تي تحلف عليها 
7:30 العشية غزلان ناضت باش توجد راسها حيت الحفلة مع 9

قررت تبدا بوجهها دهناتو بكريم مرطب لبشرة خلاتو تا نشف عاد بدات قادات حجبانها شوية و طراساتهم بماغو جبدت تيليفونها و درات كيفية رسم الالاينير جبدت فيديو و بقات متبعاه تا قاداتو غليض شوية و دارت باج فوق عينيها و شوية الاسود دارت ما سكارا صرعت عينيها جاوها واعرين دارت فراجو حمر و خلات العكر هو لخر 
شعرها سرحاتو بسيشوار مزيان عاد بوكلات من لتحت و جبدت صباغة بوردو دارتها فدفرانها و بقات تسنا تا نشفات عاد ناضت لبسات كسوتها و طالونها و ردت شعرها جنب جبدت عكر بوردو مات و دارتو ناضت شافت راسها يا وايلي و يا ناري قنبلة موقوتة غا دخل لحفلة بتاسمة لراسها حيت فغيمو عجبها حالها طلعة فنة شافت ساعة لقاتها 8:45 
هادا هو و قتهم او راه تعطلو 
راءف يا راءف من بعد ما لبس كوستيم كري نعام اسي و صباط نواغ كلاس تي بري و ساعة فايديه و قاد شعرو طلعو لفوق و نقص من لحيتو مطراسيا يا حليلي 😍😍
رش من باغفانو المعتاد و هبط كانت هي ديك ساعة مشغلة سيشوار و هبط بتاسم بخبت و مشا ركب فسيارة و زاد 

غزلان بركت شوية فبيتها لا علا و عاسة يهديه الله و يهبط 
غزلان تا تافاف : افففف واخا يكون تي ولد ما يديرش هاد الحال او ووو انا و ساليت قبل منوو بفف
شافت ساعة لقاتها 8:50 ويلي بقات 10 دقايق نمشي نشوفو فين و صل و لي ليها ليها 
تمت غادة بشوية طالعة فدروج حيت الكسوة قابطة عليها بزااف طلعة و دقات فبيتو سمعت حسو مقطوع عاود دقة و دقة و والو وهي تحل لقات غا يديها و رحمة مشات باتجاه دوش لا يكون فيه دقات و حطت ودنيها زعمة تسمع او والو بدات تا تعصب هبطت لتحت تا دور و تقلب والو !! 
خرجت لقات طموبيل مكيناش عرفاتو مشا 
غزلان : اعععع ولد الكلبة مشا ينعل حسووووو دارها بلعاني زعمااا شاد معااايااا ضدد 😡😡
مشات بركت و هي تا تخبط فرجليها بالفقسة و تا تفكر فشي حل حالفة تا تمشي 
اما راءف غادي ناشط فطوموبيلتو باتجاه دار دار ناصر لي نعتها ليه فرحاننن 
كاميليا لي لبست كسيوة زرقا تا لركبة و مفتوحة من صدر و من ظهر شعرها طلقاتو و لبست طالون ذهبي ديجا شعرها ووجها صيبوه ليها فصالون

ركبت فطوموبيلتها و زادت باتجاه الحفل وصلات لقات دنيا عامرة برجال و نساء الطبقات البورجوازية كلا كيتبوزق على لاخر و تي فوح بحوايجو انا سيبت هاد الكسوة عند مصممة ازياء معروفة و لا خرا تا هي تقوليها لحجر لي فكسوتي من ذهب الحقيقي و بقات غادة هكاك 
و كاين لي تي شري شراكة مع شي واحد غير في فحال هاد الحفلات دخلت و هازة خنافرها لسما صحافة اكيد حاضرين تي صوروا لي داخل و لي خارج 
بان ليها مرهف لابس كونبلي فلماغو و حداه زهرة تا هي لابسة كسوة طويلة فسومو و جامعة شعرها على شكل مشطة تا تلاءم سنهاو شادة فدراع عزيز لي لابس قميجة فشيبس و سروال زرق مع فيست زرقا 
مشات باتجاههم مرهف قلب وجهو و مشا تي دور يضبر على راسو بشي وحدة يشد معاها ستون اصلا معندوش معاها من ديبار تا تجيه تقيلا على القلب 
وصلات كامي دارت ديك ضحكة صفرا و دوات بلحس فوذن زهرة 
كامي :شت راءف باقي مجاش و مزال معطل ؟؟
زهرة : تبتي مالك زربانة صبري على خبزتك تا طيب دبا يجي 😒😒
كامي صقلت و تا تشوف فدخلة لا يبان ليها جاي 
و قف راءف بطوموبيلتونزل و تم داخل بهيبتو داير ايد فجيبو صحافة شافوه ناضو يتناقزو تي صورو باغين يسولوه 
صحافي 1 : سلام اسي راءف اش خبارك ...
صحافي 2 : كيجاك سي ناصر و شناهما لمميزات لي فيه باش خلاك تقبل شراكة معاه ...
صحافي 3 : سي راءففف...
ناصر شاف لوضع و تم جاي باتجاههم جر راءف و دخل 
ناصر :مالكم درتو طيارة لسيد حديو شغلكم (ورتهم حادينو 😂😂)
دخلو و تسالمو و ناصر تي قلب على غزلان بعينيه 
ناصر : فين هي غزلان ؟؟
راءف تلف ما عرف ما يقول : ءءء معرفتش احم شتها منزلتش واقيلا مبغاتش تجي 
ناصر بشك : ما يمكنش هي واعدتني غا تجي 
راءف : كا نعرف ليها ما عرت مالها لمهم نخليك دبا نشوف عمي 
مشا راءف باتجاه عزيز و زهرة كامي شافتو ضحكة و صلة تا لودنيها خصوصا ملي شافتو جاي باتجاههم 
وصل راءف سلم على عمو و زهرة كامي متسوقش ليها بغات تفرقع و لكن تا تفكر كلام زهرة : تبتي و صبري على خبزتك تا طيب

صبرت راسها بزز و سكتت 
ناصر لي خرج بلخف و ركب فطوموبيلتو و غادي بسرعة خيالية منتابه ليه تا شي واحد حيت خرج من الباب الخلفي مبغاتش دخل ليه ديك لهدرة ديال ان غزلان ما بغاتش حلف تا يجيبها و خا يكون تمن غالي 
دازت 15 دقيقة غزلان باقا على وضعيتها باركة و تا تخمم فشي حل ما بان ليها تا شي حل باش تمشي لا طاكسي لا والو غير الخلا 
بان ليها ضوء ديال شي لوطو تي سيني نا ضت قفزت و خرجت تشوف اش كاين كان ناصر دار ليها باديه اجي منتابهاتش شكون فيها كيصحاب ليها شي راجل من رجال راءف هزت صاك صغير على شكل بزطام دارت فيه تيلي و خرجت ناصر خرج من لوطو و هو تي شوف فيها كانها اميرة خارجة من القصر دوخاتو و لكن ما بغاش ايبين 
غزلان تفاجات بناصر مطاحش ليها على البال 
ناصر بابتسامة : جيتي زوينة بزافف اغزلان 😍
غزلان تا هي ردت ليه الابتسامة : شكرا ليك بزاف اسي ناصر 
ناصر : بلا سي ناصر بوحدها 
غزلان : ولكن ..
ناصر : مكاين بو و لكن تا انا تا نعيط عليك غزلان يعني صافي 
غزلان : واخا علاش جيتي نتا زعما محنتي راسك 
ناصر : انا لي تفاجات بيك واجدة يعني كنتي ناوية تجي حيت راءف قالي واقيلة مبغاتش داكشي علاش جيت عندك باش نجيبك اولا ؟؟
غزلان عاد فهمت لبلان و هي تا تحلف و تا توعد ليه بالعداب 😂😂😂😂: لا غا يكون غير وقع شي سوء تفاهم حيت تعطلت شوية واقيلا تي سحاب لسي راءف انني مغانجيش ولكن اكيد غا نجي حيت واعدتك 😀
ناصر:ههه يا الله نمشيو 
ركبو غزلان و ناصر باتجاه الحفل 
اما نعيمة جات لدارهم و عودت لختها على لي وقع سوسن تعصبت و حلفاتها فهجار لا بقات فيها اما حادة جات و سولت نعيمة على البابوش نعيمة ختالقت ليها عدر باش ما تشكش و قالت ليها بلي مالقاتش سيد لي تياخدو معندو و رجعت حادة جاها شك حيت موالف ديما تيكون و لكن عاوتاني يقدر ما يجيش

قرب ناصر و غزلان ايوصلو و هي دوي غزلان و هي حشمانة : سي ناصر و خا تحطني بعيدة شوية ما يمكنش ندخل معاك راك عارف ناس غا يبداو يختالقو شي فرضيات لي فلااصل مكاينينش 😊
ناصر زادت كبرت فعينيه : اه واخا هانا نحطك شوية مبعدة و انا نمشي من لور 
قربو و حطها و هو زاد باتجاه الباب الخلفي نزل و دخل عند ناس كان شيء لم يكن غزلان مشات بخطى بطيءة و هي تا تشوف ديك زنقة عامرة بطوموبيلات غير لفريع وحدة تنسيك فلخرا طاحت عينيها على لوطو ديال راءف و هي تبتاسم بشر بدات تا تقلب على شي برى و االا فنيتة بانت لها واحد زاجة مشات هزتها و تمت غادة لطوموبيل هبطت شوية و بركت تا تخشيها فروايض باش تفشهم تا تخشيها بكل جهدها 
غزلان : هااااك يا الله شدددد معامننن طحتي تا تسمع فشش فشش صوت روايض تي تفشو فشاتهم بربعة و لاحت زاجة ساست ايديها و تمت داخلة صحافة ناضو تي صوروا فيها هي تصدمت ملي شافتهم تي صوروا بغات غا درك معرفت كيدير لي عطا الله عطاه تمت داخلة قرب قرب بداك طالون مرهف قشعها و هو يبتاسم راءف دورة الي غا يدور وجهو بانت ليه غزلان بديك صدمة طيح كاس تلويسكس من ايدو من جيهة تصدم معرفها كي دارت تا جات و من جيهة تصدم حيت جات واعرة 
اما غزلان تا تشوف فيه بواحد شوفات كانها تا تقول ليه هانا جيت و يديك فيه 😂😂😂😂
كامي حاديا البلان و تا تشوف فشوفات لي تي دير راءف فغزلان تنغزت و مشات معصبة حدا زهرة 
كامي : شكون هاد خيتي ؟؟
تا زهرة و عزيز تي شوفو حيت نظرات لي تيدير فيها مفروشين 
زهرة : فحالي فحالك صبري ها حنا غا نفهمو اش واقع 
كامي : هي دبااا  😒😒

دخلت غزلان و مشات باتجاه مرهف جا سلم عليها بليد اكيد 
مرهف : هاي هاي على توت البري فلحفلة 😍😍
غزلان : هههه شكرا ليك 
مرهف : لا شكرا على واجب 😀
راءف تقدم باتجاهها و دوا و هو كلو تساؤلات فمخو و اهم سؤال هو كفاش تا جات لهنا ؟؟
وقف حداها هي دارت و شافت فيه متعجبة 
غزلان : نعام اسيدي كاين ما نقديو ؟؟
راءف تي ضحك بلفقسة و منها ما يبينش قدام ناس لي حادينهم : هههه نكرتيني نتي كاع كفاش تا و صلتي لهنا دوي نطقي 
غزلان بسخرية : ههه بصح اسيدي على انا فين تا نعرفك كاع واقيلة لا جاك فقدان داكرة و بنت ليك فلبلاان وزايدون نتا مالك فاش جيت غمضت عيني و خليتها لقيت راسي هنا جاتك عجب و لا واقيلا تي سحاب ليك راسك راك نجحتي و تفكيتي مني ايوا راك غالط اسيهم راءف 😠😠
راءف : سمعي دبا انا مكالمي حيت كاينين ناس و فدار سيد و لكن غير بلاتي حسابك من بعد ضرب فيها و زاد متسوقتش ليه او بقات وقفة جاها الملال ما عرفت ما دير مطلوقة موسيقى كلاسيكية باسلة كاين لي تي رقص و كاين لي بارك يتحتت و كاين لي تيشرب 
جا ناصر وقف حداها و برك تي دوي و هي غير تا تبتاسم كاين لي سمعاتو و كاين لي ما سمعاتوش غير تا تشوف بعينيها صاقلة راءف مشا وقف فبلاصتو تي خنزر وقفت حداه زهرة 
زهرة باستفهام : شكون هادي اراءف ؟؟

راءف شافيها و دوا : هاديك غزلان طباخة عندي مها هي حادة 
زهرة : اممم حادة لي كانت رباتك يعني هي تقريبا فحال اختك 
راءف : شتكم غير لي نوض يقول ليا بحال ختك بحال ختك مالنا اش كاين ؟؟اختي يا كما تزادينا من نفس لكرش ؟؟لااا يعني ماشي ختي 😠😠
زاد و خلاها تعصب من كلامها تنيرفا راسو 
زهرة صدمها بكلامو معرفة باش تبلات جاها هادشي فشي شكل 
وقف عليها عزيز و دوا: مالك ازهرة اش قاليك ؟؟
زهرة شافت فيه : عزيز هادشي ما بقاش عاجبني خاصنا نديرو شي حاجة ضروري باش تخطب كاميليا لراءف فاقرب و قت حيت هاد الحال مكيعجبش 
عزيز : زهرة دوي بعدا و قولي اش كاين باش نفهم 
زهرة : بلا ما تعيق و شوف ديك البنت لي لابسة كسوة بلباج و نواغ 
عزيز تي قلب بعينيه تا بانت ليه : اه شتها مالها ؟؟
زهرة : هاديك سولت راءف عليها قالي بلي طباخة عندو و مها هي حادة لي رباتو قتليه زعما راها فحال ختك سيد جعر و قالي لا ماشي بحال ختي متزاديناش من نفس الكرش ضرب فيا و زاد
عزيز : زعما يكون كيبغيها ؟؟
زهرة : يكون و لالالا ماشي و قتو دبا دبا لي خاصو يكون هو خطوبة راءف بكامي باش تسد فمها و هاد ليلة فاتحو الموضوع وزادت مخلاتش ليه المجال فين يدوي 
تا وقفتها كامليا : شكون هاديك اش قاليك راءف عليها ؟؟
زهرة : هاديك غير طباخة عندو لا غير 
كاميليا : كفاش طباخة عندو لا غير ؟؟يعني راها معاه فنفس دار اولا من حقي نشك 
زهرة غمضت عينيها بنفاد صبر : شوفي لله يرحم ليك الواليدين اشمن تشكي و لا زبل اش بينك او بينو دبا ؟؟والو يعني ديها شوية فراسك تا يزيد و نسميوه سعيد

كامي خنزرت فيها : الا باقي مازاد نزيدوه الالة و لا راك عارفة بلا ما نبقى ندكرك كلا مرة 😠😠
زهرة : صافي اكاميليا دويت مع عزيز و غا يفاتح الموضوع هاد ليلة مع راءف 
كامي بسمات : ايوا مزيان هاكا نبغيك 😀😀
مشا ناصر يستقبل شي ضيوف غزلان مالقات ما يدار مشات تشوف اش تشرب 
بقات غادة و تا تقلب و جميع الاعين عليها هالي تا يشوف فيها بحسد هالي عاجباه ها لي باغيها ليه كلا و تفكيرو العقول تا تختالف 
باليها واحد البوفي كبير فيه المشروبات و الحلويات بشكولا و لوز كاع لي حبت خاطرك 
وقفات تا تشوف ما عرفت اش تاخد هزت واحد المشروب و داقتو عجبها مداقو 
غزلان : اممم بتوت هاد العصير زوين بزاف خاصني نسول لي صايبو اش دار فيه باش نعود نديرو 
بركت تا تشرب فيه و عاجبها الحال سالات كاسها و هزت واحد اخر ما سخاتش سيدة ضربت جوج كيسان و ختمتها بتالت و حلوة لوز 
و و قفت تا تشوف فناس تا بدات تا ضحك غير بوحدها ما طاحت عينها غير على راءف شاد تيليفونو و مهبط راسو مشات بشوية باتجاهو و ففمها ضحكة و قفت عليه و طيرت ليه تيليفون 
و بركت تشوف و ضحك : هههههههه واو عندك تيليفون ههههه زوين زوين عطييه ليا 😢😢 
راءف ما عرف باش تبلا غا كيشوف قوس حجبانو فيها و جبد منها تيليفون : مالنا اش كاين جايا مطيرا ليا تيليفون منخافوش 😠😠
غزلان عوجت تعابير وجهها فحالا بغات تبكي : وا هانتا تا تغوت غير بوحدك مالي اش درت ليه 
راءف قربها ليه و قال لها : حلي فمك 
غزلان باستفهام : هاااا  😨😨
حليها فمها و شم ريحت شراب غمض عينيه بعصبية و دوا : راك شربتي الحمقة و انا تا نقول مالها دايرة حالة ةةةة 😡😡
غزلان بعدت منو و تمت غادة و تا تغوت بضحك : ههههه انانيك هههه انانيك راءف يا الله شدني ههههخ انانيك انينك لالة لالة لالة لالا و تا تغني لي تما غير تي شوفو و يوشوشو مشا راءف شدها من ايديها و مشا بيها لبرا 
راءف : يا الله زيدي ركبي خلينا نمشيو من هنااا 😡😡
ناصر شاف داكشي و خرج تي جري عندهم 
ناصر : راءف ما يمكنش تمشي اراءف راك عارف ليوم الاعلان ديال شراكة و خاصك تحضر غزلان غا ندخلها لداخل ترتاح 
راءف ؛ كيفاش ترتاح؟؟
ناصر : مقلت تا شي حاجة تحتاح لشرح اراءف الا بغيتس ممكن نبركوها برا باش تشوفها الا ما تقتيش 
غزلان دخلت : صافي ههه صافي غير خليوني راني بعقلي 
راءف خنزر فيها و جرها و تي دوي : غا تزيدي و تبركي و شوفي و صقلي يا ويلك نسمع صوتك

غزلان صاقلة و تا تحنزز فبنادم و كاتمة ضحكتها 
بركها فواحد الكرسي و مشا هو و ناصر باش يعلنو لناس على شراكتهم 
ناصر : احم احم دقيقة من و قتكم كلشي يشوف هنا 
الناس كاملين ضارو و تي تسناوه يدوي 
ناصر : اليوم اعزاءي الكرام جمعناكم على سبب كاين لي عارفو و كاين لي لا هاد سبب هو سراكتي مع راءف برادة نتمنى انها تكون شراكة داءمة و ما يوقعو تا مشاكل 
ناضت غزلان تا تسفق : برافووووو هههه برافةووووو
ههههه سيررررر ههههه 
جا مرهف حداها حمر بضحك و تي سكت فيها : هههه سكتي المسخوطة 😂😂😂😂
غزلان بلحس : واخا 😂😂 
راءف تي تغدد كون صاب يتلاح عليها كامي غير تا تشوف و تخطط 
ناصر : لمهم كيف قتلكم انا جد سعيد انني درت هاد شراكة و نتمنى من ربي يكمل لنا فيها 
نعطي لكلمة لسي راءف 
راءف ما عزيزش عليه فحال هاد المواقف و لكن ما بيديه ما يدير خصوصا ان هنا صحافة و شي

تقدم راءف في اتجاه ناصر و قدم كلمتو ؛ كيف مقال ليكم ناصر حنا عقدنا شراكة و لي تا نتمنى من الله يسر لينا فيها و تستامر 
كلشي صفق هبط راءف بغا يمشي لعند غزلان و هو يشدو عمو 
عزيز : ولدي راءف بغيت ندوي معاك ضروري و دبا 
راءف دار شاف فغزلان لقاها تا تحتت مع مرهف دار عند عمو و غمض ليه عينيه بمعنى واخا 
زادو خرجو برا باش يبعدو و لو غير شوية على ناس 
عزيز : راءف ولدي انا بغيت ندوي معاك فامور بعيدة على الخدمة يعني امور شخصية 
راءف باستفهام : امور شخصية ؟؟تا نسمعك 
عزيز : سمعني اولدي عمرك غادي و تي تقدم و نتا معظم و قتك ملهي غير بلخدمة و ناسي كاع حياتك حتا حنا بغينا نشوفو و لادك او مكرهناش ليك شي بنت تا نعرفوها او اهم حاجة تا نعرفوا اهلها 
هاد البنت هي كامليا اولدي 
راءف : هااا اشنو ههه كضحك معايا ياك لالا اكيد تا ضحك معايا واش منيتك غادي نتزوج هاديك 
عزيز : علا مالها هاديك بنت فحال كاع البنات عاءلتها الله يعمرها دار 
راءف : لااا اسيدي عاءلتها لي مزيانين اما لا هي لا مها ما تا نحملهم مستحيل نتزوج بيهااا 😠😠
عزيز تي غوت : لا اسيديي غا دي تزوج بيهااا هي غا دي تزوج بيهاا 
راءف تا هو كيغوت : و انا قلت ليك لاا هي لااا عمي و تا نحتارمك و لكن هاد الامور و خصوصا هاد الموضوعععع لاااا لااا لاااا  😡😡

تعالات اصواتهم تا لي فلحفل بدا يسمع صداع و تي وشوشو بيناتهم على سبب هاد صداع كلا واش تيكول هادي هي عادات المغاربة بصفة عامة و خا يكون لاباس عليه و لا فقير كيكون عندنا واحد الجانب تاع الفضول 
زهرة سمعت صداع ضربت ليها طن فراسها راه عزيز و راءف هما لي غا يكونو تي تغاوتو ناضت تمت خارجة و هي صفرة مخلوعة تبعتها كاميليا مرهف شاف مو بديك الحال غادة خارجة تبعها و غزلان لسقت فيه 
عزيز : و الله تا غا تزوجهاااا 😠😠
راءف تعصب ؛ بلحلوف راه بربي لا تووجتهااااا تا تسمععع ما مزوجهااااش اسيدي 😡😡
عزيز شد فقلبو ؛ ءءءءءءء قتتتليك غا تزوجهااا 
راءف : ابراكة من تمتيل راني مزوجهاش اسيدي 😡😡
زهرة شافت راجلها شاد فقلبو مشات تا تجري و تغوت : عزيزززز ها ويلييي اهى اهى عزيز 
عزيز طاح على و قفتو راءف شافو بديك الحالة عرف سيد راه بصح غيب 
مرهف شاف باه طاح مشا تي جري : الواليد اش واقع هنا شي حد يفهمني 
كامي غير واقفة و ساكتة تا تفرج 
غزلان تا ضحك : ههههههه جيبو ويويو و توما جيبو ويويو 😂😂😂😂 

خنزر فيها راءف و هي شافتو هكاك قمت و فيها ضحكة 
راءف هزو و مشا باتجاه طوموبيل حلت ليه زهرة و حطو و ركب و ركبت هي حدا عزيز و دموع هابطين كيف شلال 
مرهف ركب فسيارتو و رطبت حداه هبة سيدة لاسقة فيه ما بغاتش تزحزح 
اما كامي بتاسمات بسخرية و تمت داخلة ما تشوقتش ليه كاع يموت ما يموت ما شغلهاش كل همها هو انه يقدر يقنع راءف باش يخطبها واخا يكون ثمن حياتو لا يهم 
ناصر دور عينو هاك هاك ما باليه حد تعجب و بقا غادي و يقلب لا على و عسا يشوف شي واحد منهم بانت ليه كامي مكيعرفهاش و لكن قبيلة شافها واقفة حدا مرت عم راءف مشا ناصر باتجاهها باش ايسولها 
كامي كانت شادة كاس و تا تجغم منو تا وقف عليها ناصر 
ناصر : احم سلام على ما اضن تا تجي لراءف شي حاجة 
كامي دورت راسها و شافت فيه : تقريبا علاش ؟؟
راءف : نو غير بغيت نسولك عليه ما بانش ليا لا هو لا غزلان لا تا شي حد 
كامي عوجت فمها فيه : دبا شد غير حاجة وحدة يا راءف يا هاد غزلان 😒😒
ناصر ؛ و فيك قوة الفهامات مع راسك الالة قولي لينا غير اراءف فينو ؟؟
كامي بسمت جنب : راه دا عمو العزيز لسبيطار حيت مسكين درو قلبو و كملت شرابها 
ناصر تصدم : كككفاش فينو دبا 
كامي : باش عرفني غا يكون مشا لاقرب سبيطار هنا 
ناصر مشا تي جري و كاميليا تا ضحك : جري هههه جري جري لحق عليهم لا تعواج 😂😂😂😂

خرج ناصر برا و ركب فطوموبيلتو ما تسوقش لضياف بتاتا مشا سايق بسرعة كبيرة على اساس انه يلحق ببيهم تاجه نحو اقرب مستشفى قريب منو 
عند راءف لي و قف طوموبيلتو امام باب المستشفى و هبط حل الباب لور هز عزيز و تبعاتو زهرة تا تبكي و تغوت باسم غزيز عزيز 
كدلك مرهف هبط و هبطت موراه هبة تا تجر فجلايلها و دوي : و تا تسنى بغيت لك دق هههههه ياه جابوني لا كورنيش ناكل لا كلاص 😍😍😍😍
تمت غادة و تفرنس دخلت المستشفى و كاع لي فيها تي شوف فيها 
بقات غادة و دور طلعت فدروج و تا دور غا راسها 
اما راءف شافوه الممرضين و جابو لبياص حط عزيز فيه و الخرين قامو بالواجب و دخلوه زهرة بغات دخل معاه مخلاوهاش بركت تبكي و تندب و خايفة لا تخسرو راءف دور عينيه هاك هاك مقشعش غزلان 
و هو يسول مرهف : فين غزلان ؟؟
مرهف تا هو دور راسو تي قلب عليها ما بانتش ليه عند بالو تبعاتو و نسا بلي راها سكرانة

راءف عرفوا من خلال شوفاتو هو براسو معارفش ضرب على راسو بعصبية و ناض كيقلب عليها 
ناصر و صل المستشفى لي قريب ليه نزل سول البنت لي فلاستقبال عليهم 
ناصر : شوفي اختي الله يخليك واش جابو دبا واحد سيد جاه كريز جوبونس فقلبو ؟؟
البنت : اه وي جابو دبا واحد سيد راك غا تلقاهم فطاج التاني الغرفة 118
ناصر طلع يشوف فينهم تا بان ليه مرهف و مشا برك حداهم تي تسناو طبيب تي قلب بعينيه على غزلان ما بانتش ليه و هو يهبط عينيه لا يتفرش 
اما غزلان فينها غزلان 😂😂😂😂
بقات تا دور رجليها لي غادين بيها بانليها
واحد الباب فلكحل و كبير و هي تمشي باتجاهو و تاضحك حلاتو و هو يبان ليها فيه بزاف ديال رجال ها لي تي شوف فلمراية و يضحك و ها لي تي نقز فلحبل و كاين لي تيلعب غميضة سيدة عجبها الحال و عند بالها راها فلحديقة 
غزلان ؛ ههههه هانا زيتتتت لعبووووو ههههه لعبووو ههههه هيييي يوبييييي 
شافها واحد راجل قسيور و كرشو خارجة و ملس شعرو ضحك ليها تا بانت سنتو لي كحلة 
راجل ؛ لقيتك ههههه لقيتتتك امرتييي هههههه 
برك تي تعلق فيها و باغي يشدها و معاهيا طويلة موصلش 
هي شافتو كيتعلى عند بالها تي لعب معاها و بركت تا هي تنقز و تا هو كي نقز 
راجل كينقز و يتعلى معاها و هي تنقز و ضحك 
غزلان : هههه هييي اناااا اطيررر لسماءءء طيارة طارت طارت شوفو شوفو يا سلام فوق الغيمة قد صارت انشاء الله تنزل بسلام 
😂😂😂😂
تا سخفت و بركت و لسق فيها راجل شد فيها شدت العما فضلمة 
راجل تي ضحك و يشوف فيها : الله هههه مراتي زوينة جيتييي  😁😁
غزلان شافت فيه و ضحكت : ههههه يا حليل انا مزوجة ههههه وينو على راجلي شحال بوكوص 😍😍😍😍

(للتدكير فقط راءف راه ركب عزيز فطومبيلت عزيز ماشي طموبيلتو هو راه باقي كا عما شافها )
راجل تي فرنس ليها و ناض برك يمشط ليها و يبوس ليها خدها و ففمو كلمة وحدة : مراتي مراتي 
راءف تي قلب عليها معارفها فين زادت كي رمي عينو هاك و هاك ما بان ليها اتار 
تعصب و غادي مكمل في تقلابو 
غزلان دارت عند راجل و بسمات : راجلي لعزيز اش بانليك لعبو برا 😀😀
راجل ناض و نوضها : اييه هههه يا الله 
غزلان : هههه صافي خاصك تشدني انا غا نهرب صافي 
الراجل اوم ليها راسو باه 
غزلان : 1111 2222 3333 هيييي 
مشات تا تجري و شادة طالون فايديها و راجل تابعها و هي تاضحاك و راجل تي ضحك تا هو و صكع ما قاد تا يجري 😂😂😂😂
راءف تي سمع الغوات جاه بحال صوتها دورة لي دار بانت ليه تا تجري و سيد تا بعها 
راءف خرج عينيه فيها :هادي اش تا دير 😠😠
تا هو جرا باش ايشدها شافوه سيكيرتي و شي ممرضين ملي شافو الراجل لي معاها عرفوه مريض عقليا حيت كيكونو ديرين ليهم الباتش طي بان ليك كلشي تي جري غزلان تا بعها راجل تا بعينو الممريضين و سي كيريتي و راءف تا بعها و تيغوت بسميتها و هي فين عند بالها طايرة سيدة 🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣

الممريضين تحماو على الراجل تا شدوه و هو تيتركل و يقولهم خليوني لعب مع مراتي 
اما راءف شقم غزلان من دراعها تا تخبط مع سدروا غزلان شافت فيه و خنزرت : طلقني اويلي خليني لعب مع زماني اهى اهى (بدات تبكي )و اااا طلقنييي 😭😭
راءف ساكت و كيحاول يمتاللك اعصابو حيت كيقوليه واحد راس سد عليها فشي بيت و بقا تعطيها تا جلدة طير 
راجل تي تركل ليهم : وااا طلقووو اعباد الله بغاو ياخدو مرتي 
و تا غزلان تا تبكي و تنحط و تركل لراءف : اهى اهى اهى راااجلييي 😭😭😭😭
دارو فيلم هندي تما تا كلشي ولا يتفرج لي جا عند شي واحد و لا لي بيه شي حاجة نسا علاش جا و باركين يتفرجو 
راءف غوت حيت دروه فراسو : اععععع سكتي سكتي ضريتي ديل مي فراسيي 😡😡
غزلان قمت حيت خلعها كيتسمع غير شهقاتها و تنخصيصها اما راجل تحماو عليه و جروه لبلاصتو لي كان فيها

راءف شدها من دراعها كرز عليها و داها بركها حداهم زهرة شافت فيهم بنص عين و قلبت عينيها مرهف شافها ناض و تا ناصر نفس الشيء
راءف بركها فلكرسي و مشا باتجاه زهرة تا و قفو مرهف : فين لقيتيها ؟؟
راءف : لقيتها تا تلعب مع واحد الحمق هاد سيدة شي نهار غا تخرج ليا عقلي 😠😠
مرهف طبطب عليه على ذراعو بمعنى تهدن اما ناصر مشر حدا غزلان و برك فلكرسي لي حداها 
غزلان شافت فيه بنص عين : شكون نتا ؟؟
ناصر ضحك حيت عارفها سكرانة : انا عمي الغول 😡😡
غزلان : نتا عمي بعلول ؟؟
ناصر كي ضحك : هههه اش ناهو هاد البعلول تاني 😂😂
غزلان مرداتش عليه و حطت راسها على الحيط تا تشوف فيهم 
راءف برك حدا زهرة و كي هدن فيها 
شوية تم خارج طبيب كي حيد الكمامة على فمو ناضت زهرة بجرة و تبعها راءف و حتا مرهف 
راءف : اش واقع ليه ؟؟
الطبيب : احم من الواضخ ان سي عزيز تعرض لشي ضغط متحملوش القلب ديالو اولا غوت بجهد و قلبو متحملش هادشي نتج عليه سكتة قلبية مزيان لي زربتو و قدرنا نعتقوه هو اول مرة تعرض ليها و لكن خاصكم تردو لو البال او من الاحسن تشدو بخاطروا شوية عن الاقل تا يتحسن فهاد الفترة 😊
زهرة : نقدروا نشوفوه 😢
الطبيب : ما شي دبا خليو عن الاقل تا لعشية 
مرهف : الحمد الله غير لي خرجت على خير 
ناصر : ايوا الحمد لله 
الطبيب : لمهم انا غادي نكتب ليه شي ادوية يدوز شي واحد فيكم المكتب نعطيهم ليه

راءف ؛ واخا هانا غا نجي عندك المكتب 
طبيب غمض ليه عينيه بمعنى واخا : بشفاء نشاء الله 
الكل ؛ امين يا ربي 
مرهف سول راءف : راءف طومو بيلتك بقات حدا دار ناصر نسيتيها و لا ؟؟
راءف ضرب على راسو و تافاف ؛ بففف نسيتها تلفنا كاع على كاين لي كي خلي ليك كرام تلعقل هو لخر 😠😠(و تي شوف فغزلان بمعنى الهدرة عليك )
شكون تسوق ليك سيدة و دنيها تي صفروا ما بقات كا تسمع تا شي حاجة غا كا تشوف 
ناصر ؛ صافي ملي غير حدايا ماشي مشكيل وقت لي مشيتي لها 
راءف : واخا صافي تا لمن بعد و نمشي لها انا دبا غا نشوف طبيب اش بغا 
مشا راءف باتجاه لمكتب تاع الطبيب 
غزلان بقات بقات تا عينيها بداو يتسدو و هي طيح على كتف ناصر مشات عند الله
ناصر دار شاف فيها لقاها بداك شكل شعرها هبط على وجهها تا ما بقاش كي بان 
مرهف شاف المنظر و هو يدوي : بفف نعست هاد صكعة غا تعدب هاكا 
ناصر : اه عندك الصح كيبان لي نديها عندي لدار ترتاح 
مرهف ؛ كفاش دار اناصر واش من نيتك 😠😠
ناصر ؛ لا ما يمشيش بالك بعيد راه غادي نديها غير ترتاح و زايدون هي فقنت و انا فقنت غدة غا تفيق و غا نجيبها 
مرهف ما لقا ما يكول : صافي لي بان ليك 
)وا فينكك اراااءف 😂😂😂)

ناصر بتاسم ليه و هزها مهبطها اما غزلان ناعسة مجايبة لدنيا اخبار ركبها فلوطو لور باش نتعنزش فنعاسها و رجع هو لقدام ديمارا و زاد
راءف دخل لمكتب عند طبيب عطاه ورقة دوا لي خاصو و خرج شاف فكرسي غزلان باليه كي صفر مكاين حد شاف تا فبلاصة ناصر ما لقا حد سيد معرف باش تبلا تعصب 
دار عند مرهف تي في بري و سولوا : فين هي غزلان ؟؟ و فينو ناصر ؟؟
مرهف شافو فديك الحالة معرف راسو بسبق و لا يوخر : احم غزلان نعست و نا بغيناهاش تعدب او ناصر غا يديها لدارو ترتاح 
راءف ضرب يدو مع الحيط تا تزعزع ؛ كتمرضو على مي نتوما و لا كفاش ؟؟هااا .... سيد يا الله عرفناه خليتيه يدي درية امانة عندي واش بعقلككك 😡😡😡
مرهف سكت حس بتانيب الضمير ملي قاليه هاد الهدرة 
ناضت زهرة باتجاهو عينيها مدمعين 
زهرة : ولدي راءف ممكن ندويو عافاك بلا ما ترفض 
دار عندها راءف شافها بديك الحال معطاتوش خاطرو يقول ليها لا 
راءف : واخا يا الله نهبطو لتحت هاوا هرعف يبقا هنايا 
زهرة اومات لو راسو بواخا و زادت قدامو

ناصر لي وصل لدارو فتحو ليه لي كا ردكور لباب لقا الحفلة خوات غادي هازها و تي دوي مع الخدامة لي تابعاه 
ناصر : وجدي ليها شي غرفة تكون زوينة ها هي فبيتي بيما وجدتيها ليا علميني 
الخدامة : امرك اسيدي 
ناصر طلعها و حل باب بيتو دخلها و حطها فوق ناموسية 
جر كرسي و برك حداها 
ناصر بعد شعر من على وجهها و تي شوف فيها : اححح عليك واش درتي فيا من لي شتك عمرني شت شي انسانة بحالك 😍😍
بقا شي خمسة دقايق على داك الحال تي شوف فيها كانه كي قرا ملاميحها و تفاصيل وجهها 
ما فيقو من سهوتوا غير صوت الباب 
ناصر ناض من الكرسي باتجاه الباب حل لقا الخدامة 
الخدامة : سيدي البيت راه واجد ممكن تديها 
ناصر دخل وهزها و داها باتجاه البيت حلاتو ليه و حطها فوق ناموسية كان بيت مصبوغ بلموف بارد و تا توسطو ناموسية دايرة مغلفة بكوفرلي موف كبير و تي طل على جردة 
شاف ناصر فلخدامة و دوا معاها : شوفي بدلي ليها و لبسيها من الحوايج لي كينين هنا (سيد مولف بلبنات تا نقول ليكم المظاهر خداعة 😒😒)
و لا وقعت اي حاجة علميني اوكي 
الخدامة : واخا اسيدي اي حاجة كانت غا نقولها ليك 
ناصر شاف فيها و خرج لبيتو بدل حوايجو و دخل دوش و تلاح فوق الناموسية تي خمم

اما الخدامة فبدلت لغزلان كسوتها و لبساتها بيجامة خفيفة فلغوز بارد 
غطاتها و خرجت اما عند راءف و زهرة خرجو برا لجريدة و بركو فلكريسات لي تي جلسو تما 
زهرة : راءف ولدي ها نتا شتي حال عمك ملي تزايدتو فلهدرة راني خايفة لا نخسروا عافاك اولدي لا ما دير بلي قاليك  😢😢
راءف ساهي تي شوف مباغيهاش مكيحملهاش ما يمكنش ليه ياخد شي وحدة عارفها سلكوطة و قحبة و تا طير : ما يمكنش ليا ما يمكنش ليا 😔😔
زهرة : خطوبة شهرين و فرقها 
راءف مهبط راسو محبط ما عارف ما يدير معرفش علاش فديك اللحظة بدات طاحت فبالو غزلان تي خمم و تي فكر فهدرة زهرة خطوبة شهرين و فرقها 
زهرة شافتو بديك الحال بقا فيها و لكن ما بيديها ما دير هادشي لي خاصو يكون : عافاك اولدي لاما فكر فينا شوية راك سمعتي كلام طبيب و زايدون صبر غير شهرين بينما تحسنت اوضاعو 😢😢
راءف تنهد و قال : صافي واخا 
قال هاد جوج كلمات و ناض فحالاتو مهموم

زهرة شافت فيه كفاش ناض و حاني راسو هبطت دمعة من عينيها واخا هكاك حسات بيه حيت فغيمو احساس صعيب انك دير شي حوايج على قبل شي انسان خصوصا لا كانت امور فحال هادي 
راءف وصل لبرا بانت ليه طوموبيلت عمو لقا الكونط باقي فجيبو حل طوموبيل و طلع ضمارة و زاد في اتجاه مجهول معارف فين يمشي شعل سيكار و تي بوخو و غادي ما وقف غير قدام واحد تل عالي وقف و بقا تي شوف و ساهي هاديك شوفة كانت كا توضح احساسو كامل همو و غمو و قهرتوا بهاد الوضع لي وصل ليه 
زهرة هزت تيلي فونها و دوزت نيم تاع كامي 
كاميليا لي وصلت لدارهم لقات كلشي ناعس دخلت لبيتها بدلت حوايجها و مسحت ميكياجها دارت كريم ليلي و تكات ترتاح 
بدات تا ديها الغمضة تا سمعت تيلي فونها مدت ايديها بتقالة هزاتو شافت نمرة ولات حافظاها بكترت ما ولات تا تعيط ليها 
كاميليا بصوت نعسان : الو زهرة اش درتي فموضوعنا امدرة ؟؟
زهرة ؛ صافي راه وافق وافرحي دبا 😒😒 و قطعت عليها 
كامي رمات تيليفونها متسوقاتش لقطعة لي قطعاتها فوجهها و نسات نعاس و ناضت تا تنقز قلبها غا يخرج بلفرحة و ضحكة الانتصار على فمها

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.