راءف ضربت فيه شمس مراكش سخونة تعنكش و خل عينيه مع لهزة لي غا يهز راسو حس بعنقو تي تلوا بقوة تعناز مسكين بقوة تعب و الهم لي نزل عليه داه نعاس فلوطو غمض عينيه و عود حلهم شاف تيليفونو لقاها ل 10 صباح تعطل ديمارا و زاد باتجاه المستشفى يطل على عمو هو لول
اما ناصر ناض فايق ناشط حيت غزلان عندو فدار بدل عليه لبس تريكو بيض نص كوم و سروال دجين مع صبادري بيضة قاد شعرو و تريح و خرج يطل على غزلان
هاد الاخيرة كانت مزال غا غارقة فنعاسها بتاسم لا اراديا ملي شافها بديك الحال كلا رجل فقنت و البيجامة طالعة على كرشها تا بان لحمها لي بيض كي لحليب
قرب منها و تي مرر يدييه على وجهها
ناصر : يا الله فيقي الكسولة فيقي
غزلان حست بشي يدين تي دوزو على وجهها معجبهاش الحال و هي تبدا تحل فعينيها و تا تحس براسها كي البيضة المحرحرة شدات فراسها بدياتها و حلت عينيها فسقف تا تشوف و كدكر شكون هي و فين هي حيت جاها البيت ماشي هو ديالها دورة راسها بان ليها ناصر بقات كا تشوف فيه و تا تعجب سيدة شحال عاد سرات معاها بلي هي ماشي عند راءف هبطت راسها شافت راسها مبدلة غوتت غا غوتة تا نا صر شد فودنيه
مشاات هزات طالونها باليها محطوط و شيرت عليه جاه فوسط راسو او مع طويل و قاسح السيد داخ برك و شد فراسو 😂😂😂😂
غزلان شادة طالون تاني فاديها ليسرية و ايديها ليمنى شادة بيها ليزار لي مغطيها و كتهددو بطالون 🤣🤣🤣🤣: ااااشوفففف ااااه راه مغا ديرهاش بيااااا
دويييي اششش درتي ليااا و لا و الله تا نزيدك بطالون لاخر 😡😡
ناصر داخ قصحاتو لعفريتة ناض و باقي شاد فراسو : شوفي كنننقسم ليك مقربتش ليك و لا اديتك نتي فبيت و انا فاخر
غزلان : اهااااا ياك اسيدييي و علاش ملي فقت لقيت ايديك فوق وجهييي 😠😠
ناصر هنا تلف ما عرف ما يقول سكت و بقا شاد فراسو
غزلان شافتو سكت و هي تشير عليه بلاخور جاه فكرشو ناصر : اااه
غزلان رمات ليزار بزربة بانت ليها بانطوفة لبستها و خرجت تا تجري بغا تهرب عند بالها حابسها 😂😂
شافتها الخدامة كانت باغة طلع ليها لفطور بغات تغوت عليهاو هو يبان ليها ناصر شاد فكرشو و تابعها و هي تسكت
لي كاردكور شافو ناصر هابط تي جري و هي تا تجري و هما يشقموها
غزلان تا تركل ؛ واللعععع طلقووونييي اتريكت الخطااافة و اللله تا نقووولهاااا لراءففففف 😭😭
(هاي هاي على راءف زعمتي اشعيبية 😂😂)
ناصر دار ليه بعينيه طلقها لاخر طلقها هي بركت تا تشهق بلبكة تخلعة بزاااف
ناصر شافها كا تبكي ما حملش راسو قرب منها و دوا : شوفي البارح فلحفلة معرفتش كيفاش تا شربتي واش تغالط ليك مع شي عاصير و لا معرت ما فهمتش نتي و ليتي تا تغوتي و ضحكي بركتي شوية فلحفلة و من بعد راءف و عمو تناقشو و سي عزيز جاتو ازمة قلبية و داه لاكلينيك و تا نتي مشيتي معاهم و انا لحقت عليكم نتي تلفتي تما و دخلتي عند شي واحد حمق و بقيتو تا تلعبو من بعد جابك راءف و بركك نتي داك نعاس و قررت نجيبك هنايا باش ترتاحي هادا مكان
غزلان غير تا تسمع و مصدومة من هادشي لي قال لها اخر حاجة عقلت عليها هي هي انها شربت شي عصير هادشي لي تفكرت و فنفس الوقت تصدمت من قرار راءف يعني خلاه يجيبها بلا ما يخاف عليها و لاو غير شوية (هي عند بالها تا راءف كان فاش قرر ناصر يجيبها عندو لدار )
غزلان حدرت راسها : سسسمح ليا نعتادر 😔😔
ناصر طلع ليها راسها بايديه : مكاين لاش تعتادري صافي موقع والو يا الله دبا تفطري و يكون خير
غزلان ناضت قدامو و هو و راها خرجو لبرا
حدا لبيسين كانت الخادمة و لي معاها تي سربيو فلفطور غزلان غادة و مرفوعة تا تحاول تفكر شي حاجة وولاو عقلها فحالا دار سطوب
ناصر برك و بركت تا غزلان
ناصر : شوفي بلا ما نحتاج نعرض عليك حسبيها فحالا داركم اوكي
غزلان ابتاسمت ليه : واخا شكرا 😊
هزت كاست العصير تا تشرب منو و خدات غير حليوة صغيرة ديال شكولا
اما ناصر تي شرب فقهوتو و حاضيها عينيه ما تزحزحاتش عليها
غزلان سالات و بركت تا تشوف فلببسين ساهية
ناصر : زيديك شي حاجة راك كاتباني ليا ما كليتي والو
غزلان : لالا لحمد الله شعبت و زايدون هاوا قدامي
ناصر : على خاطرك 😁
سمعو صوت شي واحد داخل ناصر دور وجهو و غزلان هزت راسها كان راءف داخل بعدما طرق المستشفى طمان على عمو و مشا لدارو دوش جا باش يدي غزلان و تا لوطوتاعو
ناصر و قف و سلم عليه و تا راءف نفس الشيء
غزلان غير تا تشوف راءف شافيها كفاش سيدة مبدلا و باركة تا تفطر عقد براطمو
راءف : احم الانسة غزلان تا تباني ليا مرتاحة مع راساتك 😠😠
غزلان عرفاتو تي حشي ليها فلهضرة ناضت و جاوباتو ببرودة : اييه و الله مكدبتي رتاحيت و حاد راحة ربي لي عالم بيها
راءف مجاوبهاش و ناصر ما فاهم والو بين هاد زوج
راءف تكلم مع ناصر : احم جيت نشوف لوطو و ندي الانسة غزلان الا كانت مسالية
غزلان عوجت فمها فيه و دوات : اممم هانا واجدة 😒😒
راءف طلع و هبط فيها : غا تمشي ببجامة
غزلان ما شعراتش : على حضرتك بنت ليك جايبة شي حاجة معايا و انا ما فخباريش و لا يا كما بغيتيني نمشي بكسوة 😠😠
ناصر شاف سيدة كفاش بات طير على راءف و هو يبرد الجو : احم مكاين باس هانا غا نشوف اش دارو للوطو و نجي و نساحب
راءف شافو مشا و هو يزير الغزلان على ذراعها : تحلك الفم هاااا شتك واخدة راحتك مبدلة و باركة تفطري فحالا ما درتي وااالو يسحاب ليك نسيت ليك شوهة لي درتيييي البارح لا فلحفلة لا فسبيطار و مخلياني تا بعك فحالا نا قسنييي شغل 😡😡
غزلان ضرها فدراعها و لكن ملي تا تفكر تا هو اش دار واخا هو فلاصل ما دار والو تا تعصب : ياك اسيدي و نتا لي خليتي سيد يجيبني لدارو واخا يا الله عرفتيه ما قلتي هادي امانة ما قلتي والووو ؟؟ 😠😠😠😠
راءف ما فهمش : كفاش اش تا تخربقي عليا تما 😡😡
غزلان عينيها تغرغرو : كا نخربق ياك وليت تا نخربق دبا قدامك هزني و جايبني لدارو هااا و نتا بقيتي تا تفرج ما حشوماش و لكن خسارة اسي راءف خسارة 😢😢
راءف عاد فهم لبلان : سمعيني اغزلان انا ملي هزك كنت فلمكتب عند طبيب تا ندوي معاه بخصوص حالت عمي مشتوش ملي داك
غزلان : و نديرو مشتينيش ملي خرجتي من المكتب او مالقيتينيش مقديتيش تجيني و لكن مكاين باس 😠😠
راءف حس بذنب حيت كلامها صحيح ديك ساعة ملي كمل كلامو مع زهرة كان عليه يجي جيبها تعصب جبد سيكار و بعد عليها شعلو و برك تي تكيف
غزلان شافت فيه بنص عين اش تيدير قلبت عينيها
ناصر تم جاي باتجاههم و قف حدا راءف : راءف طونوبيلتك راه صلحوها هاوا غا يديها الكاردكور تال دارك
راءف بصدمة : ككفاش مفشوشين و انا جيت بها صحة سلام 😨😨
غزلان و لات كادور فعينيها و تويل لا تمشي تفضح
ناصر : لمهم رجالي ملي بغاو يدخلوها لقاو رويض بربهة مفشوشين وراه تكلفو بيها و صلحوها
راءف جبد لفلوس من جيبو بغا يمدهم ليه : هاك ها هما فلوس الاصلاحات
ناصر : مديرش هادشي راءف حنا ما بيناتناش واش بغيتيني نتقلق منك
راءف باصرار : لا غادي تا خدهم حنا شركة مكيعنيش هادشي انك مظطر دير عليا شي حاجة
ناصر بحزم : اقسم بالله مغاناخدهم صافي اراءف دوينا
راءف بقا تي شوف فيه تا عيا و رجعهم و هو مستغرب من الامر دار عند غزلان باش يقول ليها يا الله لقا سيدة تا دور فعينيها وتحك ايديها بتوتر
راءف ضربت ليه طن فمخو ملي شافها هاكاك
راءف عرفها هي مولاتها و لا حافظها ملي كيشوفها كدير هاد شوفات تي عرفها دايرة شي زبلة و لكن ما بغاش يبين قدام ناصر
راءف : المهم تا نشكرك على لي درتي نخليوك دبا
ناصر : مكاين لاش تشكرني
بسلامة اغزلان نتمنى تزورينا مرة مرة
غزلان ؛ احم نشاء الله بسلامة
زادت غزلان و تبعها راءف من لور
ناصر تي شوف فيها مسخاش مسح على راسو و دخل لدارو الكاردكور لي سيفطو ناصر ركب فلوطو تاع راءف و داها نحو دارو اما راءف حل باب لوطو لغزلان ركبت منفخة و ركب تا هو و زاد
حادة لي مسايقا خبار لاش واقع لعم راءف ما تنكرش انها توحشت بنتها ولكن ما بيديها ما دير تا تمشي لخدمتها و تا تجي و لبنات كدلك سوسن هي و ختها غير تلفازة و شقا مكيخرجوش تا هما توحشو ختهم و باغين غير ايمتا تكمل هاد 5 شهور
نعيمة مها مساقتش لخبار لاش واقع تا هجار ما بقاتش تا تخرج من دارهم و حبست ختها سوسن باش ما ينوضش صداع
عند مرهف لي كان تي شرب القهوة فلكافيتيريا لي فلاكلينيك تا طاحت فبالو سوسن بتاسم و هو تي تمنى تجي شي صدفة تلاقيهم تاني
اما مصعب مقابل شغلو هاداك من خدمتو لدار و من دار لخدمة
كاميليا خبرت مها بالموضوع ديال لخطبة مها فرحت بزاااف و قرروا يمشيو يشوفو عزيز كصواب زعما و منها يزسدو يكبروا فعين راءف
راءف غادي باتجاه مجهول غزلان جاها مغاديش فاتجاه دار دارت عندو
غزلان : اشريف حطني الله يرحم الواليدين اويلي مريض و لا ؟؟
راءف غير ساكت غزلان طمت خافت لا يمشي يقتها فشي خلا و هي الافكار تي تخابطو فمخها عقل تي قول ليها (اصكعة ديري شي حاجة السيد راه ناوي يدبحك) و عقل تي قول لها (اويلي تبتي و نتي غا متشامة راه ما يكون غير الخير ما يقدرش ياديك )
السيدة تالفة غا راسها قررت تسكت تا تشوف فين غا يديها
راءف ما و قف غير فتل لي كان فيه البارح غزلان شافت فين جابها خرجت عينيها البولة تا تحس بيها غا تزهق بقوة الرعب لي شدها
راءف نزل و دار تي تسناها تنزل شافها ما نزلاتش مشا ليها
راءف حل لباب : الالة ناوية نعرض عليك و لا نحليك الباب نزليي 😠😠
غزلااان : يا واللله لااانزلتتت تا تكول ليااااعللششش جايبنيي لهناااا باااش تقتلنيي ياكك (بدات تبكي )اهى اهى اااه انا لي تقبت ليك روايض اهى اهئ حيت مشيتي ضد فيا اهى اهئ و دبا لا قتلتيني اش غا تستافد اهى اهى فكر فكر اهئ اهى اش غا تقول لحادة اهئ اهئ واخا تشوفها قبيحة اهى اهى و لااكن اهى اهى راحنا اهى عزازين عليها اهئ اهئ 😭😭😭😭
راءف مربع ايديه و تش شوف فيها كيفاش عتارفت غا راسها بلا ما يغوت عليها بلا والو جاتو ضحكة من تصرفها و كفاش تا تعاود و تبكي
جرها من ايديها و عنقها هي تصدمت و تا تبكي غا بوحدها بقات على داك الحال شحال عاد بعدت راسها و مسحت دميعاتها غزلان شافت فيه بعويناتها مدمعين : ددددبا اشش غا ديير 😢😢
راءف ضحك : ههههه مغاندير والو غا تهناي 😀
غزلان بقات ساهية فضحكتو
راءف كيدوز ايديه على عينيها : : هههه فين مشيتي
غزلان : هااا والو والو
راءف : مشينا 😄
غزلان : احم واخا نطلبك ديني نشوف عمك ☺
راءف : واخا الالة يا الله نديك بعدا لدار بدلي عليك و ديك ساعة نجيبك
غزلان بتاسمت : واخا شكرا 😀
مشات طلعات فلوطو راءف تنهد و طلع تا هو زاد
اما فسبيطار كانت زهرة باركة فكرسي بجنب عزيز لي مستلقي على سرير و تي دويو
زهرة : هاهوا راءف قبل باش يتخطب بديك جنية شهرين و يتفارقو و نتهناو
عزيز : اااه ازهرة اااه ممطمنش واخا هكاك كاميليا مستحيل تفرق عليه نتي عارفة و انا عارف راها مساهلاش
زهرة تنهدت : اااف مكدبتيش و لكن عل الاقل هاد شهرين غاتسكت بيما لقينا حل و ربي مكيسد باب تا كيفتح بيبان 😢
عزيز : عندك الحق عندك الحق
بقاو تي دويو اما راءف وصل هو و غزلان لدار لقاو الكاردكور وصل لوطو دخلو لداخل
راءف : هانا غا نتسناك حدا جردة بينما لبستي
غزلان : واخا هانا غادي نلبس دغيا
مشات غزلان بزربة لبيتها بدلت عليها ديك البيجامة بردت وجهها بلخف لبست عليها سروال غوز و طريكو نص كو فلبيض و فيه كتبة بلغوز و سبرديلة بيضة جمعت شعرها كوت شوفال مع باقي مصيب جاها خطير بانت سو كيوت
هزت صويك طويل جنب فلبيض و خرجت عند راءف
غزلان : هانا وجدت يا الله نمشيو 😀
راءف دار بقا تي شوف فيها و مركز فعينيها تا حشمت و حذرت عينيها
راءف شافها حشمت بتاسم : يا الله نمشيو 😁
زادت غزلان هي وياه ركبو و مشاو لمستشفى غا دين فطريق و صمت كي عم المكان تا كسر راءف هاد الصمت
راءف : ايوا اغزلان متوحشتيش داركم زعما ؟؟
غزلان : اش غا نكوليك كلمة توحشتهم راها قليلة عمرني ما بعدت عليهم كاع هاد المدة
راءف : امم عندك جوج خواتات ياك ؟؟
غزلان : ااه ختي نعيمة هاديك كبر مني و ختي سوسن هي صغيرة فينا مي ماشي ختي من با و مي و لكن علاقتنا زوينة بتلاتة واخا سوسن شوية عويفية مي قلبها بيض و عزيز عليها لخير و حتا نعيمة ضريفة بزاف و عمر كلمة العيب ما خرجت من فمها الا الا تعصبات تا هي هههه
راءف : اييه و نتي
غزلان : كككفاش انا 😨😨
راءف : هههه زعما نتي كيفاش دايرة
غزلان حشمت و حدرت راسها بتاسمت : 😊☺☺😅😅
راءف : انا غا نكول ليك نتي واحد الانسانة لي واخا تا دير زبايل ولكن ملي تا تبغي دير عقلها تا ديرة عزيز عليك الخير و قلبك بيض و صعيب لواحد يديرها بيك
غزلان دارت و بقات تا تشوف فيه ما تنكرش عجبها الحال ملي بدا تي وصف فيها و لكن حشمات
فنفس الوقت كانت كاميليا و مها لفوف دخلو شافو عزيز عطاهم صوابهم واخا محاملهمش و خرجو بركو برا عتيقة و زهرة تي دويو و كاميليا عينيها على لباب تا تسنى راءف
راءف و غزلان وصلو طرقو الكافيتريا هي لولا خداو قهوة لزهرة طلاقاو تا بمرهف كان فلقهوة و تمو طالعين و غزلان هازة لقهوة
راءف دفع كاميليا و كيشوف فغزلان لي طيحت القهوة و مصدومة و ودنيها تي صفروا تا تردد غير ديك خطيبي فودنيها
كاميليا ما عجبهاش الحال ملي دفعها و تا تشوف فغزلان مصدومة
اما راءف قيس غزلان و تي حرك فيها : غزلان مالك غزلان شوفي فيا
غزلان تا تحس غير بشي واحد تي حركها صماكت ما كتسمع والو
مرهف تخلع تا هو ملي شافها و لات صفرة جرها بركها و راءف شاد بايديها و تا هو مخلوع
غزلان تا تحاول تكالمي نفسها و تخرج من صدمتها حيت ماشي سوقها و لكن ملي شافتو كفاش عنقها و حضنها و كفاش كانو تيتحتوا و كي وصف فيها فحالا كان معاشرها سنين سيدة مشات بعيد و جات على رجليها
غزلان ؛:عععطيونيي لمااا
راءف مشا بجرا خدا ليها قرعة الما و جابها ليها
راءف : هاكي هاكي شربي
غزلان شدتها ضربت نصها حطت راسها على الحيط تا ترجع نفس
تنهدت و ناضت
كاميليا تا تشوف فيها بنص عين : مالكي شتك تصدمتي
غزلان فديك لحظة مكرهتش طير عليها و لكن كيخلاها مولاها باشمن صيفة
غزلان : غا يكون غير طاح ليا طونسيو حيت مكليتش مزيان 😠😠
راءف باطمءنان : دبا مزيان ؟؟
غزلان ما بغاتش تبين : مزيان الحمد لله
ممكن ندخل نشوف سي عزيز حيت هو الشيء الرءيسي لي جينا على قبلو اولا
راءف : اه واخا يا الله ندخلو
كاميليا شدت ليه فايديه : تا انا بغيت ندخل
نقزت زهرة : ياك يا الله دخلتي عندو و زايدون مخاسش يدخل عندو كلشي دقة وحدة
عتيقة ناضت دايرة ديك ضحكة صفرا و جرت بنتها : هييهيهي عندها الصح ابنتي
كاميليا خنزرت فمها ما عجبها حال اما غزلان مدورة وجهها متتشوفش فيهم تقدمت هي لولا و تبعها راءف
غزلان حلت لبواني ديال لغرفة و دخلت و تبعها راءف و سد عليهم لباب
كاميليا باركة على نار مكرهتش دير لكولة و تلسق لحمها بلحم راءف الله يستر طيحت دل على راسها
اما فداخل الغرفة شافهم دخلو ابتاسم لراءف و بتاسم حتا فوجه غزلان واخا معندوش معاها شي علاقة
راءف : كيبقيتي شوية اعمي ؟؟
عزيز ابتاسم : شوية اولدي ها حنا تا نعديو مع صحة
غزلان ببتسامة : الله يشافيك اعمي ما تبقاش تجهد على راسك صحتك هي لولا 😊
عزيز : امين يا ربي هادا هو حالي ملي تا نتعصب كنت فلول غير تي درني راسي اما ملي لينا نتعرضو لازمات القلبية ما بقا ما يعجب 😔😔
غزلان كطمءن فيه : ما تشامش اعمي ربي ما كيسد باب تا كيفتح بيبان غير قوي ايمانك بالله و ما يكون غير لخير نشاء الله
عزيز اي بسم ليها عجباتو هضرتها و رتاح ليها : امين الغزالة ايوا قال راءف لزهرة بلي نتي هي بنت حادة و تا زهرة شكرات طيابك لا هي لا راءف 😀
غزلان حشمت : ربي يخليك اعمي نشاء الله غير تشافا و نصيب ليك لي بغتي ☺
غزلان ردت ليها تعنيقة كاميليا تا نشوف فغزلان بحقد و الشرارة نايضة فقلبها محملتهاش
غزلان تسالمت هي و زهرة و سلمت على مرهف ضربت فكاميليا و مها محاشاتها ليهم و خرجت هي و راءف
ركب راءف و غزلان طرريق كاملة و غزلان حاطة راسها على سرجم متقوليش هي ديك غزلان لي كانت جايا فلول تا راءف بغا يدوي معاها و لسانو معقود مقادر يقول والو وصلو بدار هبطو غزلان دخلت لبيتها بدلت عليها و غسلات و جهها معرفت دموع مالهم تا بداو يهبطو بوحدهم بركت تنخصص و تبكي و تشهق تا بردت قلبها عاد ناضت عاودت غسلت وجهها و عينيها حمرين باينة فيها باكية خرجت لكوزينة توجد ليه ما ياكل
اما راءف دخل لبيتو معصب من الحال و الوضع لي وصل ليه كاره حياتو بدل حوايجو مكان فيه لي دوش و هبط لتحت سمع تقرقيب فلكوزينة عرفها غا تكون هي دخل داير سبة بكاست لما
راءف : ممكن كاست لما
غزلان بلا ما تشوف فيه : واخا اسي راءف
مشات لتلاجة جبدت قرعت لما و كبت ليه كاس و رجعتها مدات ليه لكاس
شدو شربو وحطو بزعاف
غزلان : بغيتو يبرك فركابي قول امين
كملت شغلها و حطات فطابلة جا راءف كال و ناض طلع لبيتو غزلان ما قدات على والو مقهومة واخا ما فكرشها نعكة من غير داك كاست العصير و الحليوة لي كالتها صباح
هكا داز اسبوع اسبوع لي خرج فيه عزيز من المستشفى و داوه لدارو زهرة مقابلاه و رادة معاه البال
اما مرهف تكلف فشي لاخر ديال باه كترة عليه الخدمة
كاميليا شعلت فيها العافية ما بقاتش قادرة تسنا مزال و قررت انهم يتناقشو فموضوع الخطوبة
غزلان هضرتها مع راءف تقطعت بمرا كدير شغلها و تسد عليها لبيت مرة تبكي مرة تنعس و هي معارفاش علاش تا دير هاكة او بالاحرى هي لي ما باغاش تعرف
راءف كيمشي لخدمتو لي حاليا غادة مزيان مع ناصر و تا ناصر مقاهم معاه واخا باغي يطلاقا مع غزلان و ملاقي سبة
صباح جديد ناوين فيه عاءلة كاميليا يجبدو موضوع الخطوبة لراءف و ناوين يتلاقاو فدار زهرة
كاميليا علمت زهرة باش يتجمعو عندها و انها ما تعلمش راءف بلموضوع و دير سبة بانها باغا غير تعرض عليه و صافي خافتو لا ما يجيش و تصدق مخورة
زهرة تا صلات براءف باش تعلمو راءف كان بارك فشركة تي خدم على راسو و حداه ناصر تا هو تي خدم معاه على شي بروجي
زهرة ؛ صافي واخا هانتا قولو يجي معاك و تا غزلان قوليها بغيتها ضروري
راءف : بضرورة تا غزلان
زهرة :'راني دويت معاك كون تسمع
راءف تنهد : اوووف صافي صافي واخا
قطع راءف مع زهرة و قال لناصر : احم ليلة معيطين ليا دار عمي و بغاوك تا نتا تجي معايا
ناصر فرح : اييه واخا تا غزلان غا تكون ؟؟
راءف تعصب : علاش تكون غزلان و لا متكونش مالها غادي تورينا طريق لمهم الا وجدتي راسك نتلاقاو تما جوبونس كا تعرف دار
ناصر معجبوش لحال ملي قاليه ديك الهدرة و لكن ما بغاش يبين حيت الاهم عندو هو يشوفها :اه على شكون لي ما يعرفش دار سي عزيز برادة
راءف : ايوا مزيان نخليك.دبا يا الله نمشي تا لغدا و نكملوا
اوم ليه ناصر راسو بمعنى واخا
راءف كان هابط تلاقى مع حادة و هو يمشي سلم عليها
حادة : ولدي راءف كا بقيتيش تا تبان ليا
راءف : غير مع شغال و صافي كيف دايرة و نتي و كي ديرين لبنات ؟؟
حادة : الحمد لله كلشي بخير و كيدايرة غزلان مع شغل غادة مزيان ؟؟
راءف : راها بخير لمهم نخليك.دبا راني تعطلت
حادة : مع السلامة اولدي
حادة دارة تا تكمل فشغلها وراءف هبط لتحت ديمارة لوطو تاعو و زاد باتجاه دارو هي لولا
اما غزلان كانت متكية بعد ما كلات شي تخيربيقات تا سمعت تيليفونها لقاتهم البنات جاوبت بزربة و فرحتها ما عالم بيها غير الله
غزلان بفرحة و من صوتها باين شوقها لخواتاتها : الو الو حبيباتي لاباس عليكم توحشتكم بزاااف 😀😀
سوسن كانت باركة هي و نعيمة مربعين رجليهم فوق الناموسية وو حاطين تليفون بين و دنيهم بجوجات باش يسمعو بجوج و يدويو بجوج
سوسن : حبيبتي كيف دايرة نتي توحشناك
نعيمة : اه اختي الكبيدة ربي لي عالم ببلاصتك شحال بقات كبيرة
غزلان : ما بقا والو و نجي و بمرة كاع
سوسن : كا نتسنى داك نهار بفارغ الصبر الحبيبة
غزلان : ايوا نتوما كيديرين مع شغل
نعيمة: هاحنا غادين معاه و لا تي جري لينا فدم بكترة ما تعودنا عليه
سوسن : واييه يا ختي ديما شقا و زايدون راك عارفة بلا ما نقول ليك
غزلان : ربي عوينكم البنات (غزلان سمعت لوطو )
يا الله البنات مول دار جا
نعيمة و سوسن : بسلامة و تهلاي فراسك
غزلان : بسلامة و تا نتونا تهلاو فراسكم 😢😢
قطعت غزلان مع خواتاتها و طفات تيلي مشات بصباع رجليها طلت عليه باليها غادي طالع لبيتو ما موالفاش ليه موالف كي مشي لكوزينة هي لولى فاغلب الاحيان ما عدا الا كان غا يخرج تا ني ضرها راسها بغات تعرف اش كاين
غزلان بتفكير : بفففف خاصني نعرف و لا كان غادي عند ديك صفريطة عويدت الخرقوم بغيت ليها دقة با العربي يا ربي
زعما زعما نطلع لبيتو نسولوا واش بغا ياكل شي حاجة
بفففف و لا عاق و انا مالي ياك خدمتي هادي ما عندو ما يقول نمشي نطلع
غزلان قررات طلع تشوف اش تيدير فهاد الحين كان سي راءف بدل حوايجو (خفا زربا 😂😂😂😂)
و كي تريح غزلان دقة و هي تسمعو قال : دخليي
غزلان كطل غير براسها و كطلع فيه من راسو تا رجليه سيد كان ضارب ليك سروال دجين نواغ مع طريكو نص كوم باج و كويرة قهوية مع كاط باج و شعرو مطلعو و ساعة فليد سواتش نواغ و العوينات زورق و اللحية مطراسية بشاااخ
غزلان عرفاتو خارج ؛ احم سي راءف اش غا تاكل واخا كا تبان ليا زربان غادي تلاقى مع حبيبة القلب 😒😒
راءف دار عندها بالعرض اابطي و دار ابتسامة جنب و كي طنز : نمشي عند حبيبة القلب و نتي الالة مالك ؟؟
راءف تم جاي باتجاهها قشعاتو و هي دير فيوووو طارت بدرديكة جابتلو ضحكة من تصرفها
تم هابط و هي تا دردك مشات لكوزينة و هزت مدلك هو لي بان ليها و دايرة وضعية الهجوم بالمدلك 🤣🤣🤣🤣
راءف شافها دايرة ديك الوضعية ما بقاش قادر يحبس ضحكة
برك تي كركر : هههههههه 😂😂😂😂😂 حطي داكشي من يديك الهبيلة 😂😂😂😂😂😂😂😂😂😂😂😂
غزلان مزال شاداه و تا تخنزر : لي بغا يدافع على راسو هبيل و لا 😠😠
راءف : صافي الالة هههه غير حطي و سيري وجدي راسك راه غا نتعطلوا
غزلان بتعجب ؛ نتا غادي عندها و انا مالي بغيتيني نشد لك العكة ولا !!
راءف بتعجب : اش ناهي العكة !!
غزلان : نسا نسا اش ناهي مغا نعرفش نشرحها ليك 😒😒
راءف بجدية : سمعي سيري لبسي راه غل نمشيو عند دار عمي
غزلان فرحات ما عرفتش علاش مي فرحات :'هههههه واخا واخا
تمت غادة و هي دور عند راءف
غزلان بتوسل : واخا نطلبك تسنا واحد ساعة نوجد سي حاجة لعمي عزيز
راءف : لي بغيناها غا نشريوها غير يا الله
غزلان: و لااا راه هادشي بغاه من يدي عفاك
راءف : شوفي متعطليش ساعة بلحساب
غزلان ببتسامة : واخا واخا 😀😀
راءف خرج و غزلان كفدت على يديها بزربة جبدت دجاج وو العدس و البصلة و ليقامة و مجاورها و رداتهم فلكوكوط
و مشات بزربة بدات توجد فلمسمن تورق و تحط تورق و تحط تا كملاتو و مشات بدات تطيب فيه
ريحت دجاج عطات و بدا يطيب دارت جوج بيضات يتسلقو و بدات تفتت فلمسمن تا سالاتو و دارتو فحال طاوة صغيرة
شافت ساعة لقات دازت ساعة لاروب مشات بجرا لبيت دخلت لدوش جمعت شعرها بزريف و دارت باندوش نشلت و خرجت نشفت حالتها و لبست ملابسها داخلية و جلابة فلموف بارد خفيفة و صنيديلة بيضة طلقت شعرها و دارت غلوز و مسكارة و صاك بيض صغير دارت فيه تيلي و مشانت اكوزينة طفات على داكشي و سقاتو و غطاتو مزيان نفست سراجم و هزات داكشي دارت فصاك توب و خرجت
راءف كان غا يدخل ليها تا بانت بجلابة ضحك و دارليها بايديه زربي
خفات مشيتها و طلعت و حطت داكشي لور
راءف : ايوا الالة الحادكة ساعة اش وجدتي ؟؟
غزلان ::هااا والو 😅😅
راءف باستفهام : كفاش والو ؟؟
غزلان : غير كراطات طبيعي و صافي ديال غيجيم 😨😨
راءف بشك : اممم مزيان مزيان
غزلان : حل سراجم 😆
راءف ::ضروري
غزلان ؛:ايه ايه (خافتو لا بشم ريحة رفيسة 😂😂)
راءف ورك على واحد البوطون تحلو سراجم ديال لوطو كاملين و شدو طريقهم
فهاد لحظة كان ناصر وصل لعند عزيز رحبو بيه و قدمو لو لقهوة و بركو جابدين مواضيع الخدمة و كيف غاد ما هي الا شي خمس دقاءق تا دخلت كاميليا و مها جايا كيف العادة المقزب و الميكياج فلوجه و مها لابسة كسوة مفضفضة شوية فزيتي و دومي طالون مواغ و طالقة شعرها لي كاغي و داخلين يتعوجو ناصر شافهم ضحك بسخرية و زهرة ناضت بسيف عليها ستقبلاتهم عزيز غير بارك مناضش اما مرهف بقوة العيا مسكين ناعس
بروكو تا همارجل فوق رجل و تي جغمو فلقهوة غير ساكتين كيف لفعات و كي العادة كاميليا حاديا راءف وقتاش يدخل
شوية و صلو راءف و غزلان هبطو غزلان هزت ساك و هبطاتو حلو ليهم و دخلو
كاميليا شافتو بغات تنوض شدتها مها من ايديها و خرجت فيها عينيها بمعنى بركي
زهرة شافتهم بتاسمات ناضت سلمت على راءف و غزلان
زهرة ببتسامة : مرحبا بيكم نهار كبير هادة لي جات غزلان لعندنا 😀😀
غزلان تا هي ردت ليها الابتسامة : حتا انا اخالتي فرحانة حيت جيت عندكم (ضربت بنص عن على كاميليا و كملت حديتها مع زهرة )و نشاء الله غا نبقى نجي عندكم 😊
كاميليا تا تشوا و تكلا غا بوحدها قربت حدا مها مزيان ودوات بلحس : هاد المكلخة شتها غير لاصقة فيه يا كما بينها و بينو شي حاجة ؟؟
عتيقة ؛ سكتي و تبتي لرض و نتي كا طيري شوفيها كي كا تهدر و كي متبتة و نتي تا تقلاي خلي هو لي يتبعك شويا 😠😠
كاميليا مجاوبتهاش و مركزة مه غزلان كفاش تا ضحك مع زهرة و تا راءف كي ضحك
مصبراتش و ناضت باتجاههم
عتيقة بغات غا تشدها ساعة فاتتها
كاميليا و قفت عليهم و باست راءف فخدو : حبيبي توحشتك 😍😍
غزلان فنفسها : توحشك لفعة يا لفعة قولي امين 😠😒😒
راءف : مزيان
كاميليا ما عجبهاش الحال سيدة بغاتو تا هو يقولها توحشتك
اما غزلان كتمت ضحكة و تا زهرة
ناصر كان فطواليط عاد تم جاي 😂😂😂 شاف غزلان مشا باتجاههم مبتاسم سلم على راءف بغا يسلم على غزلان بلابيز مدات ليه يديها و خلاتو ماد حنكو قمعاتو مرضاش
غزلان تا هي تا ضحك قربت منو و باست ليه على راسو : كيبقيتي اعمي شوية 😊😊
عزيز ؛ رضا ابنتي ها حنا شوية و صافي ايوا و نتي ؟؟
غزلان : ها حنا تا نعديو مع شغل (جبدت طاوة من الصاك و هزتها فايديها و تا توري لعزيز )طارانطاطا ها هي لي تشهيتي هههههه
عزيز خرج عينيه و تي فرنس : هههههههه يعطيك الصحة شي نتي كون طلاقيتك ملي كنت صغير و الله لا ضيعتك بلحق لاقاني الله بزهرة واخا ضريفة و القلب الكبير و لكن دايرة ليا ريجيم 😒😒
غزلان : 😂😂😂😂 ما تخممش اعمي انا نبرعك لي تشهيت قولو ليا مصيبو ليك 😀😀
عزيز : اييه يعطيك الرضا اري اري ندوق
غزلان جابت واحد طويبلة و حيدات لغلاف علا طاوا و حطاتها ليه دايرة فيها معلقة من دار باقا سخونة حيت مغلفاها مزيان مداتها ليه و تا هي قفدت على يديها و بركت تا كل اما عزيز سيد ضرب المعلقة لولا تا نية تحل و بقا يدخل هاك بلاك هاك بلا ضرب نصها عاد ناض غسل و ناضت تاهي و غسلتهم فدوش و رجعتهوم فساك نفسات سراجم باش تخرج الريحة كان شيءا لم يكن
عزيز ؛ يا الله نهبطو ابنتي
غزلان : اييه واخا يا الله
هبط عزيز و غزلان تي ضحكو و كي شكر فطيابها
بركو معاهم و هي تهضر عتيقة : ايوا اولدي راءف ايمتا ناوي تعلن خطوبتكم ؟؟
راءف شافيها ووجهو خالي من اي تعبير ؛ علاش مالها زربانة
كاميليا بتحلوين : لا ولكن راك عارف ناس و بابا خاصني نقولها لو هو و خويا و انا مكرهتش من غدا نتخطبوا
زهرة دخلت بزز منها : اييه اولدي خاصكم تزربيو و العرس باقيي عليه الحال
اما عزيز غير ساكت و غزلان كل كلمة كيقولوها تا تحس بيها فحال الحجرة تحطات على قلبها و الدموع محجرين فعينيها
ناصر ؛؛اييه بغينا نفرحو براءف 😊(نتا غا تسكت و لا نخلط خويا تفو على بنادم كيف داير يخخخ )
راءف مهبط راسو مقادر تا يشوف غزلان خايف غير راسو
عتيقة : دبا اش قلتي اولدي
راءف : صافي لي درتوه
كاميليا : سبت جاي لخطبة 😀😀
راءف : اوكي مع ديك اوكي مع غزلان ابتاسمة بحزن و هبطت دمعة سخونة على خدها
مسحتها بزربة قبل لا يشوفها شي حد
ولكن ناصر شافها مفهمش علاش دارت ديك ضحكة مع دمعة حس بقلبو تزير عليه و خاف لا يكون داكشي لي فبالو اما راءف دار عند غزلان لقاها مهبطة راسها
تنهد و ناض و تبعاتو كاميليا هو ما شافهاش حيت ناض مرفوع وصل لحدا البيسين ووقف شعل كارو و دار ايد فجيبو و ايد تي كمي بيها و ساهي تي شوف بعيد 😔😔
كاميليا و قفت حداه و قلبها نايضة فيه زدحة بالفرحة : اوووه ما شيغي انا فرحانو بزااف حيت اخيرا غا نتخطبو و العرس من بعد ديك ساعة 😀😀
راءف سمع صوتها قرن حجبانو و دار عندها تي غلي بالعصب : واش لديل موك ما باغاش تفرقيني شوية اوووو خنقتيني خنقتيني كاع ديري نفس و بعدي مني 😠😠
فحالا تي دوي مع الحيط مداتهاش فيه و حطت ايديها على كتفو و تا تمررها على ذراعو
كاميليا بتحلوين : قول لي عجبك دفعني قتلني دير فيا لي بغيتي عتابرني كلبة عندك لمهم هو نبقا حداك 😍
اما غزلان شافت لكبار تي هدرو سلتات و خرجت لبرا تا تحس براسها غا تفرقع صهدة طلعت معاها ناصر شافها نايضة ناض تا هو
راءف حيد ايد كاميليا بزعاف و قرب ليها : سمعيني مزيان اكاميليا و حلر معايا و دنيك انا مكنبغيكش وو...قبل ما يكمل هدرتوا تلاحت كاميليا على فمو تا تبوس و كارزة بيديها على قاميجتو مع ديك اللحظة مع شافت غزلان كلشي دموعها تي هبطو شلال شدت على فمها باش ما يتسمعوش شهقاتها و تمت غادة تا تجري معارفاش فين المهم هو انها غير غادة و صافي تجري و تقول ما جريت ناصر شافها اش شافت و كفاش تا تبكي ما حس براسو تا لقا نفسو تا بعهاو كيغوت باسمها باش توقف
وصل عليها و شدها من دراعها دورة وجهها فيه المسكارا هبطات مع الدموع تا تنخصص
ناصر تي شوف فدموعها قلبو ضرو : علاش تا تبكي دبا اغزلان قوليا مالكي ؟؟
غزلان تا تنخصص : اهى اهئ مبقيتش قادرة اسي ناصر اهى اهى تا نحس بقلبي تي ضرني اهى اهى انا تا نبغييه اهى اهى كا نموت اهى اهى 😭😭😭😭😭
بركت فجردة تا تبكي و تنحط على زهرها و قلبها لي دارها ليها كيخلاها مولاها الحب ما يشاور
ناصر تصدم من كلامها حس بالخنقة تعصب و تفقس و تغدد بقا غير لبكا لي مبكاش دار شافيها لقاها شادة و وجهها بين ايديها و تا تبكي
تنهد و تحنى عندها ؛ دبا علاش تا تبكي صافي ما و قع والو مسحي دموعك
غزلان طلعت فيه راسها : كفاش ما وقع والو كا نقولك راجل لي بغيتو اول حب فحياتي تشوفو مع وحدة خرا راك مغا تخسش بيا تا تجرب نار الحب
ناصر بتاسم بسخرية و هو مكارهش يقول ليها راني تا نتعدب و نتي سبابي : دموعك فاش غا ينفعو نوضي غسلي وجهك ما تبيينيش دبا لتا شي حد شي حاجة و ليام جايا هي لي غا تقرر ما تسبقيش الاحدات
غزلان كلامو دار فدماغها و لاقاتو على حق ناضت و هزت ساكها : خاصني نغسل وجههي لا يشوفني شي حد
ناصر ::اجي راه باليا شي روبيني تما فجردة
اومات لو غزلان راسها و مشاو
اما راءف دفع كاميليا و سرفقها تا دارت شدها من فكها و تي زير عليها : يا القحبة شكون عطاك الحق ديري هادشي دوي الكلبة دويي هاااا 😡😡😡 شد الكارو لي في ايديه و خطو ليها على فمها
هادا هو الفم لي باسني الكلبة 😡😡😡
كاميليا تا توجع و تا تغوت من حر الحريق : ااااه صافي اراءف عافاك اهى اهى صافي صافي منبقاش نعاود اهى اهى سسسمح ليا اهى 😢😢😢😢😢😢
راءف دفعها و دفل عليها و تم غادي داخل بزعاف كاره راسو دخل بانت ليه غير مها و زهرة و عزيز مقنت و غير تي دور فعينيه مبانت ليه لا غزلان لا ناصر قرن حجبانو و مكتوبة ليه فجبهتو الله يقربلها
راءف ::فين هي غزلان ؟؟خرجنا دقيقة جينا ملقيناهاش ؟؟ 😠😠
زهرة دورت راسها مبانتش ليها تعجبت و تا عزيز تي قلب
عزيز ؛ دبا تكون خرجت غير بارة تشم الهوا
راءف يا الله غا يدوي بانت ليه داخلة كانت غا سلة وجهها و ناصر تا هو جاي موراها
عزيز ؛ ما و قع والو اولدي مالك درتي حالة صافي عادي درية تخنقت بغات تخرج ما فيها باس
راءف خنزر فيها ::زيدي يا الله نمشيو
غزلان مجاوباتوش مشات سلمات عليهم
جات راجعة عندو و هما يسمعو صوت سي عزيز تي غوت
عزيز تي تعصر ؛ اااااه كرشي مسارني تي تقطعووو 😭😭😭😭😭
راءف مشا تي جري و زهرة تا تبكي
و عتيقة واقفة تا تشوف فيهم معجبة سيد يا الله كان صحة سلام
راءف ::ماالك اعمي اش واقع ليككك ؟؟
عزيز تي تقطع : عععنقوني راني غا نموووت 😭😭😭
هزو راءف مخرجو و تا بعينو قوم ربي العالمين زهرة و كتميليا و عتيقة و غزلان و ناصرتقولي غادين بدفوع اما مرهف باقي جابد عليها 🤣🤣
ركبو راءف لور و رجع هو لقدام جات تمشي غزلان مع ناصر جرها بجهالة دفها وركبت لقدام حداه و هي غا تا تبقلل و خايفة على عزيز
زاد راءف و تبعوه ناصر و طموبيلا فيها عتيقة و كاميليا و زهرة و لور
بقاو غادين و عزيز تي توجع فطريق و تي حس فحالا شي حجرة غا تخرج من كرشو وصلو لمستشف بعد بضع دقاءق نزلوه هازينو و بلاصاو تا لخرين خارجين و كاميليا فمها تي حرقها و نبل ليها بلحق شكون تسوق ليها من غير مها لي سولتها و هي مجاوبتهاش
دخلوه لمستعجلات و لخرين بقاو برا يتسناو زهرة بركت فوق ااكرسي تا تبكي و خايفة عليه الاقصى الدرجات غزلان بركت حداها تا تمرر يديها على ظهرها و تا تسكت فيها
كاميليا شدت كرسي و بركت حداها مها تي شوفو فيهم راءف غادي جاي مخنزر و تي شوف هاد العشية كي دازت عليه كحلة زحلة
بقاو على داك الحال كلا واش تيدير و كلا واش حاضي تاخرج دكتور
راءف مشا باتجاهو و تبعوه لخرين
راءف باستفهام : اش واقع ليه كان صحة سلام ؟؟
الدكتور : السيد متبع الريجيم و نتوما عاطينو الرفيسة السيد بحر الالام و لا يعتارف ما تبقاوش تعطيوه فهادشي راه مضر بصحتو خصوصا هو فهاد سن 😑😑
زهرة تا تعجب و مصدومة غزلان تا دور فعينيها و تبقلل و تا تويل فنفسها و تندم فراسها
زهرة : انا مفهمتش كيفاش وقع ليه هادشي و هو متبع حمية غداءية عمر هاد العجب لا طاح فكرشو 😨😨!!
راءف تي سوط ما عا جبو حال عرفها هي دار عندها مخرج فيها عينيه : نتييي مولاتهاااا اغزلااان 😠😠
غزلان تصدمت و معرفة ما دير ياك قاليها واخا توقع ليا شي حاجة منقولها لحد دقعت سنطيحتها و بدات فموالها : كفاش نتي مولاتها اغزلان؟؟واش تا بعقلك و لا تتحماق عليا ؟؟ سيد الا كان واكلها برا اش غا ندير ليه انا ؟؟و زايدون انا صيبت ليه طاغطان ريجيم و الا متيقتيش سولوا 😡😡
ناصر غير تي شوف لا هو لا كاميليا و مها
زهرة تا تهدن الوضع : راءف ما ضلمش دريا و زايدون ها هوا دبا يخرج و يقول لينا فين كالها
راءف زير على قبطة يدو و كي نعل فساعة لي فكر يجي لعندهم كاع المصاءب تخلطو محيلتو لهاد كاميليا لي لاسقة بجنابو و لا لهم عمو لي زاد فهبالو غمض عينيه كانه تي كالمي فراسو و عود حلهم وتم غادي لبرا يشم لهوا
زهرة بركت حاطة ايد على حنكها و ايد تانياها و تا تخمم و تفكر فين ممكن ياكلها
اما غزلان بركت فواحد الكرسي تا تخمم خايفاه لا يفرشها و تصدق فشد ليا نقطع ليك تاني
بقات فكرة تديها و فكرة ترجعها و هي حايرة و مخلوعة راءف خرج برا تي كمي و هو معصب تي برد غدايدو فدوك جوانات تا عيا و طلع يشوف اش دارو
ضرب عليهم كلا فين شاد قنتو و تي خمم زطم فيهم و زاد المكتب الدكتور يسول على عمو
وصل المكتب دق جوج.دقات و ورك على البواني دخل لقا دكتور حاني راسو على شي وراق سمع الباب تحل هز راسو بان ليه راءف داخل ابتاسم ليه
الدكتور مبسم : مرحبا بسي راءف زارتنا البراكة تفضل 😀😀
راءف جر الكرسي و برك و حاط ايديه على فخاضو : احم دكتور كيف داير و ضع عمي ؟؟
الدكتور : ليوم فوتنها حيت جتوه دغيا و دبا راه بخير غير ناعس بفعل تاتير المخدر غدا فصباح يخرج ميحتاج يشرب والو غير يبعد على هاد شي ديال لمعجنات و رفيسة و كسكسو و هادشي حيت غا يدرو فصحتو
راءف مركز معاه فكل حرف كالو : اممم مزيان مقالش ليك شكون عطاه داكشي ؟؟
الدكتور ؛ نو مقال والو بخصوص هاد سيجي من غير اش كلا صافي
راءف ناض و قاليه : شكرا ليك الدكتور ؛هادي خدمتنا اسي راءف مكاين لاش تشكرني 😊
خرج راؤف من عندو شافتو زهرة خارج من البيرو ناضت عندو : اش قاليك اولدي امدرا واش ممكن نخرجوه ؟؟
راءف : تا لغدا فصباح يكون موجود سولتو واش زعما ممكن يكون قاليه شكون عطاك داك العجب فحال ملي عتارف و قاليه اش كلا و لكن للاسف مقال ليه والو
غزلان كانت طالقة وذنيها معاهم و سمعت حديثهم كامل تنفست صعداء مرتاحة من الكلام لي سمعات فرحت فخاطرها و طمنت من واحد ناحية خاصها غير تشوف كيفاش تعاود تاكد على سي عزيز باش ما يقوليه والو و لا غا تكون هادي هي الخرة ليها معاه
راءف كمل حديتو مع زهرة و دار شاف فغزلان : نوضي يا الله نديك راه ليل هادا
غزلان شافت فيه قفزت : لالا غير خليني (مشات تخشات فزهرة )حشومة نخلي خالتي زهرة بوحدها
كاميليا دربت فيها شي تخنزيرات قشعتها غزلان و هي طلع حاجب و هبطاتو اصلا سنانها لوبيا عليها وباغا غير منين دوز ليها : مالك الاخت تا ديري فيا دوك شوفات قاتلة ليك طاسيلتك متلا 🤨🤨
كاميليا بغات تجاوبها شافت راءف تيخنزر و مطلع شوكتو قمت و تكمشت فبلاصتها و حالفاها فغزلان
غزلان مكرهتش ضربها ليه بقجا تافافت و هي حايرة و معارفة كي دير تا تشوف سي عزيز الامل لي كان عندها ضاع
سلمت على زهرة و دازت لناصر لي كان تا هو نايض
غزلان ضربت ليها طن فراسها و ضارت عند ناصر تا تبسم
غزلان تا تشوف فناصر و تبسم : احم ناصر الله يحفظك واخا نطلبك 😀😀
ناصر شافيها باستفهام و ساهي فضحكتها : اييه مرحبا اش خاصك ؟؟
غزلان تا تميل براسها و تشرح باديها : دبا انا ببغيت ندوي مع عمي عزيز بخصوص واحد الحاجة ضروري و معنديش كفاش هانتا الا جات على خاطرك ممكن غدا تجي عندو دير متلا راسك باغي تشوفو و عطيه تيليفون يدوي معايا عفااك 😢😢
ناصر فين هو ناصر ساهي فيها كفاش تا تعبر
غزلان تا دوز ايديها على عينيه : ايهووو ناصر افين مشيتي ؟؟
ناصر فهم راسو و توكد : اااا ععطيني نمرو تاعك
غزلان بتاسمت بفرحة و بدات تملي عليه : 0689564326(سيرو عيطو على غيزو 😂😂)
ناصر قيدها عندو و شاف فيها : صافي كوني هانيا بيناتنا تيليفون ههه
راءف خبط على الفلون معصب : واش تا تمرضي على مي شيفور خدام عندك هنا ؟؟شدي لرض و تكمشي و نتي خف من رزقك 😡😡
غزلان قمت و تكمشت مدورة وجهها جيهت زاجة ساهية محساتش بطريق نيهاءيا تا وصلو بلاصة و هبطو كلا تفرق و دخل لبيتو
غزلان حست براسها مدكدكة حيدت جلابتها و لاحت صندالتها و بقات بسليب و تي شورط و تلاحت فوق ناموسية مدكدكة و مطحطحة
اما راءف طلع لبيتو لاح لكونط.ديال لوطو و تيلي فوق ناموسية و حيد كويرتو علقها تقدم باتجاه البالكو حلو و طلع راسو فسما تنهد و هو تي شوف فنجوم فحالا تي شكي ليها همو و تي ستنجد منها تعاونو
بقا شحال على داك الحال تا ضرو عنقو و خرج سد البالكو و مشا لدريسينك بدل عليه و لبس بيجامة تاع نعاس و تلاح فوق ناموسية مغمض عينيه على امل ان يكون غدا حسن من اليوم
هاكدا الوضع مستامر فلاكلينيك زهرة شدت غرفة فلكلينيك باش ترتاح و منها تبقى قريبة من عزيز
اما كاميليا شافت راءف لي كانت خاضية خرج و خرجت هي و مها زاد لدارهم لقاو باها جا من الخدمة و طالع البيتو اما مصعب كي جي كي نعس حيت خدمتو صعيبة شوية و ضغط عليه بلا قياس
مرهف فاق ما لقا حد تعجب و هز تيليفونو دوز نمرة مو زهرة كانت متكية كاعما ناعسة و منين غا يجيها نعاس و هي مهمومة و مشطونة من جيهت راجلها سمعت تيليفونها تي صوني هزاتو بانت ليها نمرة مرهف جاوبت
زهرة : الو ولدي يا الله فقتي ؟؟
مرهف : ااه فقت ما لقيت حد فينكم ؟؟
زهرة ؛ غير باباك جناه لا كلينيك ضراتو كرشو و صافي مكايناش شي حاجة كبيرة
مرهف مسح على وجهو و هو مستغرب فين كان ملي كان واقع هادشي ؛ اييه كفاش تا وصلتو لمستشفى شكون جابك انا مجايب خبار و هادشي كاملو واقع
زهرة ؛ كان راءف و غزلان و ناصر و تا كاميليا و مها عاونا راءف و جناه راه غدا فصباح غا نخرجو غير تهنا و رتاح بلا متصدع راسك
زهرة ؛ ااه اولدي انا شديت واحد شومبغ هنا رتاح فيها و منها نبقى قريبة من باباك ما تعرف اش يوقع
مرهف ؛ اوكي اوكي انا دبا شوية نكون عندك نتي غير فلاكلينيك لي حدانا ؟؟
زهرة : ااه اولدي غير هو
قطعت زهرة مه ولدها مرهف و رجعت تكات اما مرهف هز الكونط ديالو و خرج باتجاه المستشفى
عند ناصر لي وصل لدارو و تاجه ديريكت لبار صغير لي عندو تما مقهور و مهموم كشا برك و جبدت شبانيا تي شرب و على فمو ابتسامة حزينة : ااااه على هاد القلب لي تعلق بوحدة ما تا تبغيهش علاااش بضبط هي علاااش
بقا تي شرب و ساهي ضرب القرعة لولا و زاد الفودكا و جوج جواناتو
تا شد فيه مزيان و ناض تي تخلخل لبيتو مشادش توازونو حل بيتو و دخل تلاح بحوايجو هكاك فوق الناموسية ناعس
اصبحما و اصبح الملك لله 🍎🍓🍒
طرن طرن طرن ضربت ساعة فبيت غزلان 6 صباح هادي تقلبت على جيهة لخرا و هي مساخياش بنعسة
خاصها لا بدا تنوض لا بغات دوي مع عزيز و تاكد عليه باش ينفي كلامو
ناضت غسلت وجهها و لبست كسيوة طويلة فزرق بسمطة بيضة و كلاكيطة بيضة فرجليها صهودات لوات شعرها لفوق و قادت بيتها كانو لبنات لي تي خملو يا الله جاو تي طرفوا و يقادو خرجت ضربت عليهم طليلة و مشات لكوزينة كي العادة تا توجد فلفطور و لاكن ماشي كي ليام العادية الجسم حاضر و العقل فبلاصة خرا
قادات داكشي فوق الطابلة ليه و بركت فوق واحد الفطوي حاطة يديها على حنكها و ليد الخرا شادة بيها تيلي تا تسنا مكالمة من ناصر باش يدوز ايها عزيز
عند ناصر لي ضربت فيه شمس ناض شاد فراسو غا يطرطق بقوة ما شرب البارح حل عينيه و شاف فحالاتو تافاف تفكر غزلان لي و صاتو باش يمشي يشوف عزيز و يدوزو ليها ناض بزربة و شاد فراسو دخل لدوش خل الماء بارد و خلاه يتطلق عليه باش يصحصح شوية سالا و لبس بينوار و خرج نشف راسو بلخف لبس حوايج خفاف قاد شعروا دغيا و هبط مفطرش حيت تعطل خرج لقا سيارة رونج موجودة ركب و زاد باتجاه المستشفى
اما فلمستشفى زهرة ناضت بكري طمنت على خال عزيز عن طريق الممرضة لي دورت معاها ووصاتها باش تا هي ترد معاه البال هبطت هي و مرهف لي جا عندها البارح بليل بات معاها لكافيتيريا فطروا ليهم باش ايقدوا يوفقوا و طلعو بركو تي تسناو دكتور يجي باش يعطيهم لموافقة يخرجوه
ناصر بعد مدة من الوقت لقا راسو فلمستشفى هبط و تم طالع باتجاه غرفة عزيز بانت ليه زهرة خاطة راسها على كتف مرهف و ساهية تا و قف عليهم
ناصر ؛ صباح االخير عليكم كي صبحتو ؟؟
زهرة طلعت فيه راسها و بتاسمت ليه : حمد الله اولدي ها حنا تا نتسناو فدكتور يجي باش نخرجوه
مرهف ناض سلم عليه و ضرب على كتفو ؛ مكانش عليك تمحن راسك قاتلي الواليدة بلي كنتي تا نتا لبارح يكفي لي درتي
ناصر ؛ متقولش هاكا اصاحبي راه سي عزيز فمقام الواليد الله يرحموا امدرا كلشي مزيان بعدا ؟؟
مرهف : الحمد لله هادشي لي قالت لينا الممرضة
ناصر ؛ امم ممكن نشوفوا ؟؟
زهرة ؛ معرفتش اولدي سول الممرضة
ناصر : فين كاينة هاد الممرضة ؟؟
مرهف نعت ليه بصبعو : هااا هاهي جايا ههه
عيطو ليها ووقفت كانت مرا شوية كبيرة فسن مي باينة فيها باقا قافزة و مجبدة
الممرضة ؛ نعام اولدي ياك مكاين باس ؟؟
مرهف: راه بغا يشوف الواليد ياك مكاين تا شي مشكيل ؟؟
بدات تا دور فعينيها و تهدر : ايييوا اش غا نقول ليك فصراحة لي كاين هو ..
ناصر فهمها و جبد 400 درهم على وعدوا و سعدور و مدها ليها فايديها شدتها بدون اي تردد و بتاسمات
الممرضة مبسمة : اييه ممكن غير لي كاين هو امه متعطلش بزاف و صافي 😀
ناصر ؛ لا غير كوني هانيا مغنتعطلش بزاف
مرهف مخنزر فيها على ستون لي دارت اما زهرة مكانتش حاضياهم
ناصر تم داخل لغرفة لقاه متكي و مدور و جهو جيهت زاجة تي شوف
ناصر سد الباب وراه و دخل لعندو جر الكرسي و برك تي حنحن باش يتلفت ليه
ناصر ؛ احم احم سي عزيز صباح الخير 😊
عزيز سمع تحنحين دور و جهو بتقالة شافيه و بتاسم : صباح الخير اولدي مالك محنتي راسك ☺☺
ناصر ؛ الله يا ودي مكاين عداب كي بقيتي و كان شوية همد عليك الحريق ؟؟
عزيز : الحمد الله الحمد الله قدر الله و صافي
ناصر ؛:تا نتا اسي عزيز اش داك تقرب لشي حاجة غا درك بصحتك
عزيز حل فيه عينيه مصدوم : ؤءءءء علاه علاه توما عرفتوا اش كليت 😨😨
ناصر ؛ اه حيت ملي كنتي تا توجع بحر الوجع قلتي لطبيب بلي كليتي رفيسة و لكن ما قلتيش ليه شكون عطاها ليك
عزيز تصدم من راسو هو فين بقا عاقل اش تي خرج من فمو ديك ساعة ؛ بففف كورا زهرة تعصبت 😔😔
ناصر ؛ وراه كلشي تصدم و غزلان راها خايفة لا تفرشها 😂😂
عزيز ؛لالا مالي تسطيت من فرشهاش و هي مسكينة تهلات فيا و صيبتها شهوة منها واخا كان عندها تاتيرات على صحتي لمهم هو بردت فيها هوايشي
ناصر ضحك و جبد تيليفونو ؛ ههه و هاك اسيدي دوي معاها و قولها ليها بفمك باش تيق
عزيز اوم ليه راسو بواخا و ناصر جبد تيلي و دوز نمرة غزلان و مدو لعزيز
عزيز شد تيلي بيدو و حطو على ودنوا تي تسناها تجاوب
فهاد اللحظة كانت غزلان باقا على نفس الوضعية تا تسنا على احر من جمر اما راءف باقي ناعس بقوة العيا و تخمام غزلان سمعت تيليفونها تي فيبري فايديها حلت فيه عينيها بزربة و جاوب
غزلان بلهفة : الو الو غمي عزيز هادا نتا
عزيز ؛ اه ابنتي انا انا كي.دايرة بعدا نتي ؟؟
غزلان ::لاباس لاباس و نتا كيصبحتي هاد صباح بخير ؟؟
عزيز ؛ حمد الله ابنتي قالي ناصر بلي راك مخلوعة لا نقول شي حاجة على خصوص رفيسة على مالي هبلت و لا باقي برهوش
غزلان حشمت : لا اعمي غير و كان ما تعرف اش ممكن يوقع كيما عتارفتي لطبيب بخر الوجع تقدر تعتارف ليهم الا ضغطو عليك و غير قلت و كان نوصيك و صافي 😊😊
عزيز ضحك : ههه لالا ابنتي ما تخافيش وعد الحر دين عليه انا لي طلبتها منك و نتي حدرتني و انا قتلك بلي لا و قعات شي حاجة عمرك تتدكري غير كوني هانية و نعسي على جنب راحة
عزيز : انشاء الله ابنتي انشاء الله يا الله نخليك دبا
عزيز مد تيليفون لناصر
ناصر مبسم : امدرا اغزلان صافي رتاحيتي دبا 😀😀
غزلان تا ضحك : هههه اه اه الحمد الله غير لي خرجت طريفة و صافي
ناصر ؛ داكشي لي كاين
غزلان ::لمهم تا نشكرك على لي درتي و سمح ليا لا صدعتك
ناصر بحدة ؛ اش تا تخربقي اغزلان ما تبقايش تقولي هاد الهدرة وقت لي بغيتي شي حاجة غير قوليها لي
غزلان: شكرا ربي خليك يا الله نخليك.دبا تهلا فراسك
ناصر ؛ بسلامة و حتا نتي تهلاي فراسك
قطع ناصر مع غزلان ودار تيليفونو فجيبو سلم على عزيز و خرج ودع زهرة و مرهف و خرج بحالاتو ركب فسيارتو و تاجه لشركة يلاهي فيها و قتو
عند غزلان بعد ما قطعت مع ناصر تنهدت و هي مرتاحة و مهدنة سمعت الحس دارت جيهت دروج باليها راءف هابط مانتك على الحالة كي عادتو
دارب ليك قاميجة فكغي بارد فاتح جوج صدافي لولين و تي بانو زغيبات خفاف تاع سدرو و تاني الكمام على جوج و لابس سروال كحل مع صباط كلاص كحل و شعروا مرجعوا لور مقادو و معطر ليه مع راسو تي هبل 😍😍
تم نازل شاف جيهتها لقاها تا تبقلل فيه بعويناتها مدواش معاها و مشافش تا جيهت طابلة خرج ديريك ركب فلوطو تاعو و زاد تي تسابق مع رياح باتجاه المستشفى باش يكون معاهم فاش يخرجو سي عزيز (تقول عروسة غادا لدار راجلها 😂😂)
اما غزلان بقات مصدومة فيه سيد هبط و زاد ركب و تم غادي ما فطر ما قال صباح الخير قرنت حجبانها و ناضت من بلاصتها معصبة تا تمتم و تبركم ::يخخخ على بشار علامن صبحنا اااتفووو العيشة كحلة مع هاد خينة 😠😠(مشات باتجاه طابلة الفطور مخنزرة و تا تشوف فيها )دبا شكون غا ياكل هادشي حمو ولد فطومة متلا ؟؟ولا نديرو تبيخة فوق راسي يانا واقيلة نيت راه هادشي لي بقااا 😠😠😠
طلعت راسها بانو ليها لبنات لي تي خملو سالاو و تي شوفو فيها تي صحاب ليهم حماقت
غزلان بقات تا تخنزر فيهم : شوفو فيا بيت ليكم العمة خمسة فعينيكم حاديني بيت ليكم الواكلة سيرو خرجو خراو عليا من هنا 😠😠
حدروا ريوسهم و تمو غادين خارجين و هي تعيط ليهم : صبروا صبروا نديو معاكم اجر زيدو فطرو و شبعو كروشكم 😒😒
البنات شافو فبعضياتهم معجبين من حالها يا الله كانت تا تعاير فيهم و تسمعهم الهدرة و دبا تا تعرض عليهم يفرطوا شافوا تا عياو و مشاو باتجاه المايدة بركوا و بداو ياكلو هادي ضر و هادي تنفع
غزلان حاطة على جنابها و تا تشوف فيهم معوجة فمها عصبها و شاهية لي بدات تا تفتح ليها ملي طمنت من جيهت عزيز قفلها ليها بهاد شي لي دار
البنات كملوا الفطور بعد ما صفاوها لكلشي لي كان جاهم بنين ناضو بلا تا كلما حادرين راسهم حلو و خرجو
غزلان بصوت عالي : ايوا الله ينعل لي ما يحشم هادي هي الله يخلف بغيتو يبرك ليكم فركابي نشاء الله و متلقاو لا تالي لا والي لي يهزكم 😡😡
جنونها تا تبردهم فلي جا قدامها و مطاحو فايديها غا هاد البنات بلحق هاما ساباو و مشاو ايوا تغاوتي مع الحيوطة دبا الالة غزلان 😂😂
غزلان هزت داكشي داتو لكوزية و بركت تغسل فيهم و تا تسوط مغززة سالات و شلت ايديها مشات البيتها وقفت حدا سرجم تا تمنظر بقات شحال واقفة تما تا دروها رجليها و مشات بركت تا ني شدت تيليفون بقات طالعة هابطة فلفايس الملل قتلها كلا مرا تمشي لقنت
اما راءف و صل لمستشفى طلع سلم عليهم و لقا دكتور يا الله و صل دواو معاه و سينا ليهم على الموافقة ديال خروج عزيز
دخل مرهف هو و راءف نوضوه و تمو مهبطينو و تا بعاهم زهرة من لور راءف ركبو لور و ركبت حداه زهرة و ركب هو لقدام و زاد باتجاه لقصر اما مرهف ركب فسيارتو و تبعهم
اما كاميليا يا كاميليا بدات هي و مها فتوجاد من دبا بعد ما علمو محمد و مصعب بلامر محمد وافق حيت ما بيدو ما يدير و عارف بنتو يعني كلمتو زايدة ناقصة كي وافق كي موافقش عارفها غاير لي قاليها دماغها زيد عليها مها لي واقفة فصفها
اما مصعب ما تسوقش ليهم و كتافة بقول جملة وحدة : لي عجبكم ديروه اما خارج هاد سوق و هاد المشاكيل 😌😌
كاميليا تاصلات بلبنات لي تا تعرف و علمتهم تا تفقص فيهم زعما شوفوني هانا غا نتخطب لسي راءف برادة لي لبنات نظرة منو ما صابوها و كدلك مها لي تا تاصل بدور الازياء و اكبر المصممين تا طلب منهم باش يجيبو ليها لي كاطالوك ديال لي غوب تا لدار و تشوفهم و تعزل و تختار فيهم لالة كاميليا كي بغات
اما عند حادة هاد صباح ما مشاتش لخدمة ناضت فصباح فيقت بناتها وجدة لفطور و فطرو و جمعو و سيقو دار هو لول هاد خرجتهم تشري ليهم شي حاجة حيت هادا شحال ما عتبو باب الرياض لبنات ما قدتهم فرحة خرجوا معاها تي ساريو عينيهم فلبازارت و تي تمنظروا شرات ليهم عاصير تليمون قرقروه دقة وحدة بقوة الحال لي سخون و داتهم شرات ليهم جوج تواب دفعوهم لخياطة باش يخيطو جلالب بلحق غير خفاف و خدات تا توب اخر زابد لغزلان واخا مكيناش معاهم بلحق قررات تاخدو ليها و تخيطو و تخليها ليها تا تجي و تلبسها قلب الام و خا يقسا تا يقسا عليك و بكن ما يفوتكش
دازو عند الخياطة خدات ليهم لعبارات و جلابت غزلان خدات لعبار تاع نعيمة حيت تقريبا فحالها سالاو شغلهم و رجعوا لرياض دخلو حيدو لي كانو لابسين و رجعو بيجاماتهم ديال الدار دارو لكا يسخن و غسلوا لحادة رجليها و خلاوها فبيتها تا ترتاح و تا هما مشاو يرتاحو شوية
راءف وصل لقصر و كدلك مرهف هبط حل لباب لور هبطت زهرة و تسوخرات خلات راءف تقدم و جر عزيز نزلوا حيت باقي عيان شوية جا تا مرهف عاونوا عليه دخلو و طلعوه لفوق لقاو لخدامة موجدة ليه بيتو تكاوه طمنو عليه و خرجو خلاو معاه غير زهرة لي باغا تسل ليه لسانو و تعرف فين كال رفيسة اما راءف توادع معاها حيت خاصو يمشي لشركة باش يعاون ناصر فلخدمة
راءف خرج هو و مرهف كلا ركب فطوموبيلتو و غادي لخدمتو
عند زهرة و عزيز لفوق 🤣🤣
زهرة تا تشوف فيه مطلعة حاجب و منزلا لاخر ؛ بغيت غير نعرف يا خويا واش ما تا تحشمش فين كلتي داك لعجب ادوي نطق و نتا عارف راسك فهاد سن مخاصكش دور بساحة داك شي ؟؟😠😠
عزيز تا هو مخنزر : كفاش فين كلتوا ؟؟و اينا عجب تي تا دوي عليه اصلا ؟؟😡😡
زهرة جبدت فيه عينيها : ايييه دبا و لا اينا عجب فقدتي داكرة و لا جا زهيمر و ليتي تا تخرف اشوف هاداك اه دوي نطق بلا تبهليل فين كلتي رفيسة ؟؟
عزيز مدور وجهو لجهة لخرا معاجبو حال ؛ ايوا قولي من صباح رفيسة قالاك عجب راه غير واحد سيد تا نعرفو ولدت بنتو و عرض عليا دار رفيسة و زايدون هاداك غير قداء الله و قدره و جات سبة على رفيسة 😒😒
زهرة كن صابت تندب حناكها من برودة هدرتوا و هي لي كانت غا تخرج منها فاش شافتو فديك الحالة
زهرة بشك : صاااحبك قلتي ياككك؟؟ على نتا بسلامة اخويا من ايمتا و لاو عندك صحاب ؟؟اينا عام و انا مفخباريش ؟؟
عزيز دور وجهوا جيهتها مخنزر فيها : العام لي معند بوه سمية الالة مالك اختي درتي ليا هنا بحت فحالا فلكوميسارية ما شي فداري الالة كليناها و سدينا صافي لاش هاد قوة الهدرة دبا بلا نفع ؟؟ 😠😠
زهرة مجاوباتوش دورت كمارتها تا تسوط عارفة مكاينش معامن و عارفاه والله لا قال الحقيقة حيت هاد الهدرة ديال صاحبي ولدات بنتو و عرض عليا و كدا مدخلتش ليها راسها و خصوصا عارفاه هو قليل جمع و قليل لهدرة شافت تا عيات و تنهدت مربعة ايديها و ساهية و هو مدور وجهو لجة الخرا ما مسوق كاع 😂😂
راءف وصل لوطيل و نزل تم طالع لبيروه دخل و جبد ميلفاتو تي خدم عليهم و مركز فشغلو مبانش ليه ناصر عرفوا غا يكون تا هو خدام
كدلك ناصر مهبط راسو تي خدم و يراقب امور لوطيل بقاو على داك الحال تا تعاشات العشية
البنات سمحو ليا البارح كانو شي حوايج مداربينش ليهم حساب و شكرا لكاع البنات لي دعاو معايا و سولو فيا و لي عيطو ليا الله يعزكم ميغسي
الطباخة الجميلة والعصبي الجزء الخامس
محتوى القصة
التنقل بين الأجزاء