أنا و الشقيقان الجزء العاشر والأخير

من تأليف Chaimae de Fes
2018

محتوى القصة

رواية أنا و الشقيقان

حسام ورحاب ولاو ينعسو معانقين بقوة الشوق لي فيهم ههه..
منصف كان علا تواصل بخطيبتو طول لفترة..مرة تمشي هي وماماها عندو ومرة هو يخرج بالركيلات عندهم..عيط ل يسرا وعلمها بلي فالعشية غتوصل شيماء وفرحات بزااف حيت توحشوها وماكانوش عارفين لوقت بالضبط..
جا الصبح فقت علا يديدات رطبين كيفيقوني حليت عيني..
آدم:نوضي ا حبيبة..خصك تفيقي باش نوجدو راسنا ونمشيو..
شيماء كتكسل:غي شوية نزيد..
آدم:نوضي ههه ا نعاسة هادي 8:30..بحرا لحقو راه خصنا ف10:30 نكونو تما..
شيماء:اوووفف .
آدم:هههه نوضي دبا وكملي نعاسك فالطيارة ههه..
شيماء:ههه اوك..
نضت دوشت صليت كيف لعادة ولبست عليا حوايج سخان حيت غيكون لبرد فالمغرب..
خرجت عند آدم عطيتو لفاليز عطاها لهاداك لي مقابل وهبطنا..درنا تشيك اب وخرجنا..لبارح كنت خديت من الخدمة تقريبا 20مليون وبيخير هههه..مشينا لمطار تكيت علا كتفو وشادة فيديه وفري ماسخيتش بهاد لجو لي هنا..دوزت احلا ايامي معاه لي كنتمنى تكون بداية حياتنا ماشي نهايتها..
طلعنا لطيارة بقينا نتصنتو ونتهاودو ونضحكو انا وياه تا نعسنا بجوج بقوة التعب..
وصلنا الحمدلله علا خير وحسام صافط لينا الشيفور رجعنا معاه لدار..دخلت دغيا لدارنا بعدما ودعتو بزربة..
دق دق..
ماما حلات لباب:ههه بنتي علا سلامتك..
شيماء:علا سلامتك ا ماما توحشتكوووم..
يسرا جات كتجري:توحشناك ختي بزااف..
سلمت عليهم ودخلنا فرحانين ببعضياتنا..عطيتهم كادوياتهم وبقيت نعاود ليهم علا العرض والمدينة كفاش كانت..اما سيرة آدم ماهضرتش عليها خفت يوقع شي حاجة فشكل ونبان مغفلة.قلت اللهم نسكت تا نشوف شنو يوقع..
آدم دخل لدار شاف رحاب ومحمد حسام سلم عليهم وفرح بالولد وعطاهم كادوياتهم تا جا حسام وسلم عليه بالحر خيت اشتاق لخوه..
طلع يرتاح ويهبط تالعشا عندهم...
منصف مشى يتعشى مع دار خطيبتو بطلب منهم ومنها يجلس مع شيماء ويسولها علا شنو وقع فالرحلة والخدمة..
منصف عيى يستفسر علا آدم..شيماء كتحاول تهرب حس بيها ماباغياش تقول..
منصف بينو وبينها:واش وقع شي حاجة؟
شيماء:لا..غي..
منصف:خايفة!!
شيماء:اممم.
منصف:ماتخافيش آدم كيبغيك وماغاديش يفرط فيك هاد لمرة..
شيماء:نتمنى..خلي هادشي بيناتنا..
منصف:كوني هانية..
آدم هبط يتعشى مع خوه ومراتو تا جبد سيجي..
آدم:انا غادي نخطب شيماء..
حسام بسم:مبروك علا سلامتكم لي تصالحتوو..
رحاب غي كتشوف ماعرفاتش شكون..
آدم:مهم انا علمتكم بعد غدا نمشيو..
حسام:اوك..
رحاب:ههه مبروك مقدما..

طلع آدم ينعس فرحان..كيفما اخيرا شيماء حطات راسها مرتاحة تا صونا عليها..
آدم:ألو حبيبة..
شيماء:هه ألو..
آدم:كيبقيتي دبا؟رتاحيتي شوية؟
شيماء:حمدلله وكيبقاو عائلتك؟
آدم:حمدلله ههه خصك تشوفي محمد حسام..زويون اكيد غيبغيك ههه..
شيماء:ههه تا انا غنبغيه اكيد..
آدم:كيفما كتبغيني؟؟خخخ
شيماء:شكون قالك كنبغيك اصلا؟؟
آدم:ههه اوا لي بغيتي الالة..لمهم انا كنبغيك وبزاااف..
شيماء:ههه تا انا..
آدم:الله يخليك ليا..
شيماء:ياله نخليك دبا شوية وختي تجي..
آدم:اوك بيبي بونوي..نهضرو غدا..
شيماء:اوك(كانت كتساينو يطلب منها يشوفها)بونوي..
قطعو وحطات تيلي تنعس..
اصبحنا واصبح الملك لله..
آدم فاق مشى لخدمتو وصبح علا حبيبتو..شوية وهز تيلي عيط لمامات شيماء..
آدم:ألو خالتي..
ثورية:آدم؟؟!
آدم:آه اخالتي كيبقيتي؟؟
ثورية:حمدلله اولدي..
آدم:مزيان..خالتي كنت بغيت نجي نطلب منك شيماء لزواج.الا قبلتي عليا؟
ثورية فرحات:ولكن اولدي انا ماعندي دخل..كيبقى قرار بنتي هو لول..
آدم:نشاءلله غتوافق..غي دبا بغيت نديرها ليها مفاجئة..قولولها اي حاجة وماتقولوش جاي انا وعائلتي نخطبو..
ثورية:ههه بصاح!!اوا غنقولها اذن عائلة منصف جايين..منها توجد راسها وماتكونش عارفة ههه..
آدم ضحك من قلبو:تباركلله عليك ا خالتي ههه..ياله غدا نشاءلله نكونو عندكم فداك 6:00 واخة..
ثورية:وحنا فالانتظار..مرحبا بيكم فأي وقت..بسلامة اولدي..
آدم:الله يبارك فيك..
دوزت نهاري وانا حاسة بالقنط حيت ماشفتش آدم وتا هو كان مشغول بزااف بالخدمة..ههه ولفتو حدايا ومعايا بففف...
جلسنا نديرو لكوطي..
ثورية:غدا غيجيو عائلة منصف..
شيماء:بصاح..اوا مرحبت بيهم.
يسرا:دونك نمشيو نوجدو راسنا(يسرا فخبارها)خصنا شي قفيطنات خفاف ولا كاع عبايات ونقادو سوالفنا..
شيماء باستهزاء:ياكما غيعاودو فيك لخطابة هههه..
يسرا:لا يمكن مامات منصف تجيب ختها معاها دونك مانبانوش قلال حداهم..
شيماء:هضري علا راسك..
ثورية:لا ابنتي خصكم تقادو راسكم مزيان..حشومة حيت يقدر يجي معاهم لبراني..
شيماء:اوا الا مشينا حنا خصنا نجيبو لي يعاونك..
ثورية:مانقولش لا..غي لمهم تعاوني فلكوزينة اما لماكلة وداكشي انا غنقد بيه..غيجيو ف 6:00 نشدوهم يتعشاو ههه..
شيماء:اوك كتبيلي الطلبات..الصبح نخرج نجيبلك كلشي واخة..
ثورية:واخة بنتي..
حسام كان فبيتو كيبدل
رحاب:ادا واش نديو معانا محمد حسام لخطابة ولا بلاش؟؟
حسام:لا غنديوه..حيت تا دادة لعاليا غادية معانا..
رحاب:كنخاف يحمقنا..
حسام:خصو يتعرف علا العائلة وهادشي من اختيار لعريس ههه..
رحاب:ههه مين هكا اوك(عنقاتو)توحشتك..
حسام حاوطها بيديه:تا انا هههه..
جرها لفراش ولاح عليهم لغطى ونقص من الضو وقضاو الغرض خخخخ..

اصبحنا واصبح الملك لله..
اول ماحليت عيني حسيت بشي حاجة زوينة ماقديتش نفسرها..
فطرنا كيف لعادة ومشيت انا ويسرا تقضينا ورجعنا لدار..ابخي تغدينا بزربة ومشينا لصالون..يسرا ختارت ليا عباية غرونا كتحمق..جاتني اوفر مي هي وماما بغاوها دونك صافي..شكيت فيهم غيجيو هاد الناس معاهم شي خطيب..اويلي عانداك يكونو باغيين يسوكروني ههه..لا مايمكنش اكيد ماغنقبلش ههه..
مشينا صوبت شعري بالبابيليز ملتحت وهز مسرح جا زوين مع طواال شعري ولا انثوي بزااف..وميك اب خفيف انا ويسرا لي سرحات شعرها وعولات تلبس عباية فالبوردو..
رجعنا لدار لبسنا وماما وداك لمرا لي كتعاونها وجدو كلشي مزيان..
بقينا نساينو الناس يجيو وغي سمعنا الدقان ماما عيطات لينا وقفنا حداها..
غي تحلات لباب كنت مبتسمة لاستقبال مي غي شفت شكون قدامي دخت وتبدلو ملامحي ناري شكون آدم وحسام لا كنحلم اكيد..
حسام:سلام خالتي..
ثورية:سلام ولدي مرحبا تفضلو..
آدم هاز الشوكولا وبوكي دالورد:سلام..
كلشي الا انا:سلام..
انا مازالة مصدومة من شنو كنشوف..
رحاب تفاجئات فاش لقات بلي لبنت لي غادي يخطبها آدم هي شيماء لي كانت خدامة فالشركة..
رحاب سلمات علا كلشي وهي تالفة..تفكرات شوفات حسام فشيماء فاول عرض ليها..خافت وجاتها فشكل..
دخل آدم عطى لماما الشوكولا وعطاني لبوكي مع غمزة..
جاوبتو بزز:شكرا..
دخلنا لصالون ويسرا كضحك قرصتها ودخلت..
جلسنا مجموعين كيهضرو وانا دايخة ماعرفت راسي من رجلي..
شفت ف آدم ضحك عرفت هادشي تخطيطو..غمزاتني ماما نجيبلهم لعصير والحلوى..
دخلت جبت داكشي وهما كيهضرو..
لقيت يسرا خدات محمد حسام كتلعب معاه..وتا انا خديتو الصراحة فنيون..
بداو يشربو تا هضر اخيرا حسام..
حسام:الصراحة حنا جينا طالبين راغبين فبنتك شيماء علا سنة الله ورسوله لآدم..
ثورية:انا الا كانو متفاهمين بيناتهم مانزيدهم غي الصلاة علا النبي..
أنا كنشوف فآدم فرحان وحشمان ومتبت ههه..
شافت ماما فيا حنيت راسي:شنو رأيك ابنتي؟؟
بسمت ونضت لكوزينة..
ثورية:ههه الله يجعل كلشي مبارك ومسعود هههه..
حسام:ههه آميين..ياله نقراو لفاتحة..
دخلت لكوزينة تالفة وفرحانة وقلبي كيضرب وكلشي فيا مخربق..في سمعت لفاتحة قريتها معاهم..
آدم ناشط كيساين فوقاش تخرج حداهم..ويسرا ناضت عيطات ليها..اما رحاب عاد رتاحت وحسات بلي راجلها عندو عادي..
رجعت جلست حداه عيني فالارض..تا شوية وبدينا نطلقو كاملين وكنهضرو عادي..
آدم:جيتي كتحمقي اخطيبتي ههه..
حشمت وتزنكت حاسة بلي كلشي كيسمع وحاضينة ههه..
آدم:خالتي نشاءلله لعرس بعد شهر واخة؟
انا صدمني شفت فيه..
ثورية:واخة اولدي لي بغيتوه مرحبا..
آدم:الله يبارك فيك..بحرا توجدو راسكم وتعولو..
كان كلشي عاجبو لحال ومرتاح..شوية نضنا تعشينا بزز باش بغاو يبقاو ولبيبي داير حقو بالنشاط ههه..
سالات لخطابة مشاو وعجباتني لمفاجئة دماما وختي هههه..
آدم اخيرا لحق شنو كان كيتمنى وكيطلب الله يكمل عليهم بالخير..اما حسام ورحاب عايشين الرومانسية ديالهم والحياه حلوة خخخخ

دازت الايام ومن اجمل ايام حياتي..غي التوجاد للعرس مع حبيبي وكنساينو فوقاش تجمعنا دار وحدة..مي واخة هكاك جاياني قاصحة نخلي ماما بوحدها وهي صحتها علا قد لحال..مي آدم كيصبرني وكيبين ليا بلي غنولف مع لوقت وتا ماما الا حتاجت اي حاجة هو غيكون ديما فجنبها هي وخوتي...الشي لي كيخليني نحمد الله ونشكرو علا وجودو فحياتي..يمكن لقاءنا لول ماكانش متوفق مي اكيد من بعد عرفت بلي هاديك حكمة من عند الله باش يبغينس ونبغيه وتكون قصتنا مختلفة علا كاع الناس لي بداوها باعجاب وداكشي...
آدم مقابل غي لخدمة وتوجاد لعرس والدار..بعد كاع علا حياة القصارا والسكر وولا مرتاح نفسيا لدرجة فاش كيشوف شيماء شادة بالله وهو هكاك كيتكره وبدا كيصلي ويحمد الله لي لاقاه ببنت صلحات حياتو وعطاتو دافع زوين باش يرجع لطريق الله..
حسام بدا يحس بميل كبير تجاه مراتو..ولا يرجع لدار بكري ماشي باش يشوف غي ولدو مي تا عليها هي..كيحس معاها بالراحة من جميع النواحي وكيبقى فيه لحال فاش كتعاود ليه شنو قاصات فغيابو وشحال تعذبات بسبابو..وكيتمنى يقدر يعوضها ويصلح كلما داز..حيت هي كتهمو بزااف ومابقاش باغيها دوق العذاب..
منصف ويسرا ولاو يخرجو بجوج ويتساراو واخة جاياه صعيبة يساين تا تكمل لباك مي بزز منو..عاد عندها لجهوي هاد لعام دونك باقيلو عام آخور يصبر هادشي الا قدر.
#الليلة_المنتظرة...عرس شيماء وآدم...
كنت خايفة بزااف وفرحانة فنفس لوقت..ماما كتعاونهم ياخدو حوايحي ودموعها هابطين..بقات فيا بزااف ومن دبا حاسة بغصة فقلبي واني غنتوحشهم ونتوحش بيتي وحريتي الخاصة..ياربي تيسر لينا ويكون مكتوب عليها الهنا والسعادة..
دخلت لبست جلابة جوهرة وشعري غطيتو بفولار بلونكاسي حيت ياله دوشت وخرجت انا وختي لصالون ومعانا شي بنات حومتي قدام ومشينا فطوموبيل د منصف لي وصلنا فرحان مسكين..فري راجل ونعم كسبناه بسبب آدم نيت لي لولاه عمر ختي ماتلقى بحالو يكون راجلها وسندها فالحياة..
دخلنا لصالون.تهلاو فيا بكلشي..قادوني من ساسي لراسي..كريمات وزيوت طبيعية ومستحضرات وااو..شعري علاتو ليا مع مشطة خفيفة وزينة..وميك اب بارد ونقي..بيني اميرة..فاش شفت راسي فالمرايا عجبني..ختي ولبنات قادوهم تا هما..ورجعنا لدار عاوتاني..
لقيت ماما واجدة كتساين مشينا لقاعة الحفلة..دخلنا من لباب لورانية..ولبساتني نكافة لبسة بلونكاسي زوينة كنساين يعيطولي ندير لاكط..
آدم نهار كامل وهو تالف مع راسو وصل لقاعة بكري لبس وفاش وصلو خبر بلي جات لعروسة توتر كثر وبقى يساين امتا يوصل لعدول..
واخيرا وصل حمدلله عيطو علينا دخلنا..
آدم غي شاف شيماء حمقاتو..طلعات عروسة كتحمق..بقى دايخ معاها وتا هي عجبها بالجبادور والجلابة دالخيط لي فوق منها ههه التقليدي واتاه مع عندو فورمة واعرة..
جلسنا متقابلين بجوج تا كتبو العقد ديالنا وسنينا..ناض باسلي راسي وسلم علا ماما وواعدها يحطني فعينيه..خرجنا من لبيت مزوجين وطلعوني فالعمارية خرجت حدا الناس لي كانو وصلوو...

درت تا شبعت فالعمارية وسي آدم كيشوف ويضحك فرحان ومفتخر حدا كلشي بلي هادي هي مراتو لي غيكمل معاها حياتو..
هبطوني وجلست فالبرزة..وكل مرة آدم كيغازل ويقولي هضرة زوينة فرحت بيها..وانا كنحشم واخة هكاك..
لحفلة كانت واو كلشي مقاد وعلا اعلى مستوى..بقيت نبدل ونعاود فلباسي..شطحنا علا الشعبي ودوزنا وقت واعر..ومن بعد جا وقت لاغوب لبيضة..تزيرت وخرجت انا وياه متشادين..فهاد اللحظة ماكرهتش كون كان بابا معانا مي الله يرحمو ويوسع عليه..
شوية طلقو لينا موسيقى كالم قطعنا فيها لا طارط ورجعنا شطحنا عليها معانقين وعينينا فبعضياتنا..حنيت راسي حسيتو باغي يقرب وانا حشمت حدا الناس..وهو باسني من جبهتي..
سالات الحفلة..سلمنا علا الجميع وبكيت مع مالين دارنا لي صبروني ومشينا لاوطيل..
اول مادخلنا لقيت لجناح مزين بالورد والشمع..بسمت وهو هزني دخلني لبيت النعاس..حطني علا لفراش ودخل يدوش..
بقيت متوترة ماعارفة شنو ندير..نضت جبدت شوميز دونوي ديالي وساينتو يخرج باش ندخل موراه..
آدم خرج لابس عليه قميص:ياله دخلي وتوضاي..بغينا نصليو شي جوج ركعات بجوج..
بسمت ودخلت نيشان..مسحت وجهي ودوشت وخرجت لبست عليا قميص وصلينا..كان احساس ولا اروع .نسانا كاع الغرائز اهم حاجة هي رضى الله..
سالينا باسلي راسي وانا دخلت بدلت ولبست عليا شوميز ونشفت شعري سرحتو شوية ووجهي قاديتو خفيف..
خرجت لقيتو ببيجامة بالسروال والفوقاني بالصدايف فلبلوماغين..
بسم ليا جا شدني من يدي وجلسني حداه علا لفراش
آدم:حبيبة..انا فرحان بزااف..ياربي يقدرني ونسعدك..
شيماء:تا انا احبيبي..
بسم وقرب عندي باسني بالشوية دخت وهو بدا كيقرب كثر تا لقيت راسي فوق لفراش معانقين..حيد ليا لبينوار وهو حيد بيجامتو وبقى معايا بالمداعبات تا تحلو سوينطات الشوميز وتعريت ملفوق..هبط كيبوس ويمص فصدري ويتنهد وانا بحالو دايخة باغياه غي يزيد يكمل..بقى هابط مع صدري وكرشي تا وصل لسترينغ..ناري تما خفت انا..
شيماء:ا آدم..عانداك..
آدم:ماتخافيش احبيبة..غي ترخاي وكلشي غيدوز بيخير..
سمعت هضرتو وحاولت نترخى وهو حيدو ليا ودخل راسو بين رجلي وهو حاكمني من فخاضي كيبوس بوسات خفاف تبورشت فيهم وستمتعت لابعد حدود..حسيت بداتي سخنات وتوتو نارررر صافي غنموت بشهوتي فيه..ولسانو كيداعب داك لمنطقة كلها منلفوق لتحت وانا كنزير عليه بفخاضي وكنغوت شي مرات بقوة اللذة بي عيشني فيها..طلع عندي بدينا نتباوسو بشهوة وشوق وهو كيحيد لبوكسر ديالو تا حسيت بلي شي حاجة طلعات معايا غوت غوتة وحدة:آهههههه..
آدم خرجو معاه قطرات دم..ناض خدا زيف بيض مسح بيه ليه وليها..وتكى حداها..
تقصحت بزااف مي غي جا عنقني وباركلي وباسني رتاحيت وعرفت بلي لخطوة صعيبة شوية دازت..تعانقنا فرحانين ونعست فحضنو تالصبح...

اصبحنا واصبح الملك لله..
فاق آدم وهو كيشوف فمراتو لي اخيرا ربي جمعهم فالحلال..حس بقلبو رتاح اخيرا..هادشي لي كان كيتمنى..وباغيه من نهار تلاقاها..بقى كيدوز يديه علا شعرها ومخليها مرتاحة تا تفيق علا خاطرها..
ثورية فاقت مشات مقصدة لبيت..جاوها الدموع حسات بالدار خاوية بلا بنتها..رجعات مسحات عينيها ودعات ليها بالتوفيق والحياة السعيدة..
يسرا كانت مازالة ناعسة ماحاسة بوالو وعماد فبيتو تاهو..
منصف ناض بحريق الراس وخرج يشم لهوا ويفطر برا حيت متعود ينوض بكري..
حسام ورحاب كانو معانقين تا سمعو صوت محمد حسام فاق وكيبكي..حسام كيحل عينيه بزز ورحاب ناضت هزاتو ونعساتو وسطهم كترضعو وهي دايخة..حسام حل عين وحدة وهو كيشوفهم بجوج جاتو الضحكة..تا سمعاتو رحاب وضحكات تا هي..
حسام باس يد ولدو وبقى كيلعب برجيلاتو عاجبو لحال وسطهم..
حليت عيني لقيت آدم قبالتي كيشوف فيا ومعنقني..
آدم:صباح نووور حبيية!
شيماء بحشمة:صباح نوور..
آدم:علا سلامتك فقتي انعاسة ههه..
شيماء:من ايمتا ونتا فايق؟؟
آدم:من قبايلا.
شيماء:بصااح..
آدم:اه خليتك تا تفيقي علا خاطرك..رتاحي شوية..
شيماء بابتسامة:يخليك ليلي بيبي ههه..
آدم(باسها):ههه وليا احبيبة..
فقنا ودخلنا لدوش بجوج غسلنا واخة حشمت مي داكشي زوين..هو ماقربش مني مي درنا لي بيتيز شوية خخخ...
خرجنا رتاحينا وجابولينا لفطور..صباح كلو وحنا مريحين وكنتهاودو..
حسام ناض فطر هو ورحاب وولدهم كيلعب ففراش صغير...
يسرا فاقت معطلة صونات علا خطيبها..
منصف:ههه صباح نوور عاد فقتي..
يسرا:ههه اه عاد فقت..
منصف:علا سلامتك..لا نتي ماصالحاش لزواج ههه..
يسرا:ههه علاش نتا معاياش فقتي؟؟
منصف:مع 9:30 وراسي ضرني ههه..
يسرا:ههه خلاص ..اذن فينما يكون عندنا شي عرس ولا مناسبة تبقى توجدلي لفطور ههه.
منصف:لا داك الساع النعاس يحلا هههه..
يسرا:هههن وباززز..
داز نهار تقريبا..جا ليل والعرسان مرتاحين مع بعضياتهم..
نضت لبست بعد لعشا شوميز دونوي حمراء وقاديت حالتي مزيان..
آدم تكى فبلاصتو كيساينها تخرج عندو..
خرجت شفت فيه حشمانة مع مالبستش بينوار..
آدم علا عينيه وهو يتشوكا عض شنايفو وهي قربات منو.شدلها يديها وجلسها حداه..
آدم:حبيبة جيتي كتحمقي ..
شيماء:ههه هادوك عويناتك احبيبي..
آدم:مواااح..يخليك ليا..
جرني لعندو وطلعني فوق منو مع كان عريان ملفوق ولابس ياله سروال كحل بقى كيدوز يديه علا ذاتي كلها وهو كيبوس ويعنق ويمص تا سمعت صوت شوميز تقطع..الله ياربي بقى فيا كان زوين هههه..
صافي تخشينا فالفراش وبقينا خدامين شغالنا مع الاهات والتوحويح تا هبط لتحت لعب بلسانو وشنايفو تا شبع وعاد جريتو من شعرو طلعتو عندي بقيت نعضو بقوة الشهوة لي فيا وتا هو هكاك تا حسيت بيه دخلو غوت حيت هاد لمرة دخل كامل وبقى فعملية لمد والجزر..قلبتها رغيب..
شيماء:آ آدم الله يخليك باراكة ...اي اي كنتقصح اييي بالشوية..
آدم:حبيبة خصك باش تولفي..
شيماء:اههه..
ماحسيت تا تحول لحريق والالم لمداعبة واستحليت تا صوتي تبدل...
شيماء:اممم اححح...امممم بيبي..
آدم زاد سخن وبقى يضرب بالجهد:اح اح حبيبة..
بقى خدام تا جابو ورتاح وخرجو وترخى عرقان كيلهث وشيماء حداه مرفقة رجليها وسخفانة..
آدم:كنبغيك..
شيماء بابتسامة:تا انا احبيبي .
جرها عندو ونعسو حيت الا بقى فايق كيزيد مرة خرا خخخخ...

صباح جديد..فقنا دوشنا ولبسنا حوايجنا ومشينا لدار..
آدم كان عارض علا عائلتي يجيو يتغداو معانا..
ركبنا الطوموبيل ومشينا لدار..اول ماوصلنا لفيلا استقبلونا الخدامين وحسام ورحاب.ودادة لعاليا..
رحاب:مرحبا بيكم..
حسام:اهلا بالعرسان ههه.
آدم وشيماء:الله يبارك فيكم..
لعاليا:تفضلو يويوووو..
ضحكنا بجوج ودخلنا لصالون..
جلسنا انا وآدم حاط يدو علل كتفي..بقينا نتهاودو كاملين وفرحانين بينا تا دخلو عائلتي كنت توحشتهم بزااف بحالا سنين ماشفتهم..سلمت عليهم وعيني تعمرو بالدموع خصوصا فاش عنقت ماما..
تجمعنا كاملين كنهضرو مجموعين وتا منصف جا..جلسنا فوق الطبلة مجموعين فجو زوين ..
رحاب:شنو غاديرو شهر عسل؟؟
شيماء:لا الصراحة مابغيناش حيت دبا آدم عندو خدمة بزااف نخليو من بعد نشاءلله..
رحاب:ههه بحالنا تا حنا..(غمزات حسام)مازال كتسالك شي مساريا ياك ههه..
حسام ضحك:واخة ا لالة مرحبا ههه..
سالا لغدا جلست علا جنب مع ماما بقينا نهضرو..
ثورية:بنتي امدرا كيداير معاك؟.
شيماء بابتسامة:كوني هانية من جيهتنا..آدم ضريف بزااف وكيعاملني مزيان حمدلله..
ثورية:اوا مزيان هادشي لي بغينا ههه..
ناضت ماما بغات تمشي عيينا فيها والو..سلمنا عليهم كاملين وطلعنا نرتاحو فبيتنا لي جهزناه علا ذوقنا..
بدلت عليا ولبست بيجامة خفيفة انا وآدم وتكينا نرتاحو شوية..وليت مانقدرش نعس الا ماكانش قدامي ومخشية فيه..الله يخليه ليا..
حسام ورحاب خرجو لجردة تهاودو شوية تا فاق محمد حسام وبقاو يلعبو معاه..
فقت فالعشية لقيت آدم ناعس بقيت نهرو فنيفو ونضحك كلما يضرب بيديه.تا فهم وجرني كلالي عنقي وانا كنموت بالضحك ههه..
نضنة لبسنل وهبطنا درنا لكوطي ولعبنا مع محمد حسام ..وهاكدا بدات ايامنا دوز غي ضحك وفرح ونشاط..آدم كيمشي لخدمتو وانا لي كانت عندي خدمة كنخرج والا ماكانتش ندوز عند ماما لدار مرة نبقى مع رحاب..
يسرا ديما كتسولني علا لولاد وكنقولها"لا بلاتي علينا..زايدون راحنا كنحاولو نحضيو طرافنا مازال لحال عليهم"
وفري كنت مقتنعة بهاد لفكرة..فليل كيجي عندي آدم:حبيبة توحشتك..
شيماء:شوف احبيبي ماشي كل يوم خصنا نبقاو نحسبو ولا نديرو فانيد لولدى بلاتي علينا..
آدم كيقرب:تزوجت مك باش نخلعك ههه..
وفالتالي كنطيحو بجوج وتا انا كنكون فالحاجة في كنكابر هههه...

دازت مدة بداو يكثرو عليا العروض مع الربيع قرب وضروري غيكونو المصممين كيوجدو الكوليكشن الجديدة..وليت نحس بلي كنغيب علا الدار وتا انا كيبقى فيا لحال..واحد ليلة تكيت حدا آدم معنقاه وهو يقولي..
آدم:حبيبة بغيت نهضر معاك فشي حاجة..
شيماء:وي بيبي قول..
آدم:الصراحة وليت نشوفك ماكتساليش وزيدي عليها هاد العروض كيلاقيوك بمن والا..حبيبة ممكن تحبسي لخدمة؟!
الصراحة ما استغربت من هضرتو وتا انا شي مرات كنتلاقا بشي ناس ماصالحينش حيت بحال هاد لخدمات كيلاقيو..
شيماء:عرفت بلي بديت نغيب وبلي خدمتي ماغتبقاش تعجبك..ولكن مانقدرش نحبس لخدمة..
آدم قابلني:علاش؟؟
شيماء:اممم راك عارفة انا لي هازة الدار وكنقري خوتي وكنعاونهم فالدار..صعيب نسمح فيهم انا ماشي انانية..
آدم:واش نتي حمقة!!عائلتك راها عائلتي..اكيد الا حتاجو شي حاجة غنديرها ليهم وخوتك خوتي وقرايتهم علا حسابي..
شيماء:عارفة ا حبيبي والله مي مانقدرش..نتا ماشي مضطر وانا مانقبلش..
آدم تعصب:دبا نتي كتفرقي بيناتنا ياك؟؟صافي مابقيناش واحد بففف..
شيماء:ا حبيبي والله ماكنفرق..دير بلاصتك فبلاصتي..
آدم دار:صافي صافي مين ولينا ف نتا ونتي تصبحي علا خير حسن..
تكرهت حيت عصبتو واول مرة ندير شي حاجة عارفاها غلط مي بزز مني..عائلتي مسؤولة مني ومانرضاش يبقى يعاني بسبابي..
آدم نعس معصب مابغاش يزيد يهضر حيت يقدر يقول شي حاجة يندم عليها..
الصبح فاق بكري مشى لخدمة بلا فطور..حسيت بيه مقلق بزااف اول مرة يديرها..
جلست مع رحاب وقلتها وطلبت منها تعاوني..ماقدرتش نسول ماما حيت غتقولي حبسي كلشي وغادي تفكر تخدم حيت ماكترضاش..
رحاب:الصراحة نتي وهو عندكم لحق..
شيماء:اوا شنو غندير؟؟
آدم:اجي نقولك..علاش ماتخدميش خدمة خرا..
شيماء:بحالاش..
رحاب:ديري مشروع مشروك نتي وآدم..نتي خودي الادارة وهو الراسمال..
عيني لمعو:اوووو فكرة واعرة هههه..ربي يخليك ليلي ا حبيبة..جبتيها..
رحاب:الا حتاجيتو مساعدة انا معاكم هههه..
شيماء:اكيد مالقاش حسن منك ههه..
رحاب:ربي يخليك احبيبة..
اكشي لي درت فليل وجدت راسي ولبست شوميز دونوي كحل وميك اب صارخ..وساينتو تا جا عنقتو فلباب ودخلنا وهو منفخ زعما..جلستو علا لفراش وجلست فحجرو معنقاه..
شيماء:واش من نيتك..انا نخليك مقلق مني..
آدم كيشوف فالسما باش مايذوبش هههه..
شيماء:شوف انا ورحاب فكرنا فحل زوين..نديرو انا وياك مشروع ونعطيك جزء من فلوسي ونتا كثر ونشد انا الادارة ونتا الراسمال الصحيح هههه..(آدم عاد بدا يشوف فيها)مهم نخدمو فشي حاجة جديدة..منها نعاون عائلتي ومنها مانتشغلش عليك بزااف ومانديرش تا خدمة نتا ماباغيهاش اوك بيبي؟؟
آدم بسم:مين هكا اوك هههه انا موافق ا حبي..شوفي فاش باغية تخدمي والمشروع يدار من دبا..
ضحكت:ههه يخليك ليلي..انا كنبغيك بزااف ومانقدرش نقلقك فهمتي(شادة وجهي بيدي بجوج)
آدم:وانا كنموت علا التراب لي كتمشي عليه..ازين ديالي..جاك الكحل كيحمق.. 
جاوبتو باستهزاء:انا يا حبيبي كلشي كيواتيني خخخخخ..
آدم قلبني علا لفراش:هههه عارف ا بيبي..هههه
قضينا لغرض وطفينا السخونية هههه ومين شفتو مرتاح وعاجبو لحال عاد رتاحيت والفضل ل رحاب لي طيحات عليا ها. الفكرة..الله يخلي ليا نوطتي هههه

فكرت انا ورحاب ف دار ازياء نديرو فيها جوج طوابق..
واحد للتقليدي منتكلف بيه انا والتاني للعصري تكلف بيه رحاب..كنا غنطيرو بالفرحة الصراحة بهاد المشروع وتا ماما عجبها لحال..عطيتها واحد البركة كانت عندي تمشي بيها امورها و
علاما ندير مشروعي ونخصص ليهم حصة..
بدينا التجهيزات..والوقت كيدوز بزربة وتا حسام دخل حصة دالفلوس باش تشاركنا مراتو..
تافقت مع كاع المصممين لي كنعرف يديرو بحسابي فاللباسي باش نعرضهم عندي..والموقع لي ختار حبيبي كان كيحمق..
يسرا قربو امتحاناتها وكتبقى تحفظ ومنصف ديما فجنبها كيعاونها ويشجعها..
هاد الايام حالتي ماشي صافا..واخة كنقادو لمحل ماكنقدرش نبقى واقفة بزااف..كتجيني الدوخة والسخفة..
الصباح فقت عيانة ماقديتش نوض وآدم دار بناقص من لخدمة كلشي الصراحة خافو عليا لدرجة داني لوبيطال..غي بدا يفحصني الطبيب ابتاسم وآدم شادلي يدي..
آدم:امدرا دكتور..
دكتور:هادشي طبيعي حمدلله..
آدم:مالها كفاش طبيعي؟.
دكتور:المدام حاملة مبروك..
انا تصدمت وواخة ماشي وقتو مي فرحت..آدم عينيه دمعو وبدا يبوسلي يدي:ح حاملة هههه نتي حاملة..مبروك علينا..شكرا دكتور..
دكتور:مرحبا اولدي..ياله انا نكتب ليكم فيتامينات يعاونوها ونوصيها بالراحة هاد الايام من الافضل..
آدم:كون هاني ههه انا غنخليها مرتاحة...
خرجنا من لوبيطال وآدم ناشط وانا مخنزرة فيه:تهنيتي دبل عجبك لحال..ياك قلتلك ماشي كل يوم..صافي رتاحيتي دبا؟؟
آدم كيضحك:هههه ومالنا غنبقاو حاضيين ديما..صافي خليه يجينا شي بييي يحمقنا ويونس محمد حسام هههه..
بقيت مخنزرة فيه واخة فرحانة ملداخل غي باغية نتفشش..
مشينا لدار وآدم بالفرحة قالها لكلشي حشمني هههه..
جات ماما هي وختي عندي..فرحولي وهنؤوني..شوية خرجات ماما وبقات معايا يسرا..
يسرا:مابقاشاي غتحظي راسك ههههه..كيجاك لحساب خخخخ..
شيماء:سكتي ولا نوض ليك راه مازال فيا لفقصة هههه..ناري ياصاحبتي لمشروع ياله بدينا فيه وها انا حاملة..مي حمدلله والله يخليه ليا..فرحانة بيه والله يجعلو من وليدات الدنيا..
يسرا:وا قوليها لراسك..الله يجيبو علا خير..ويخليكم ليه اختي..
شيماء:اميين احبيبة..
مشاو عائلتي وبقيت متكية فبيتي مع مازال كتجيني الدوخة وهو آدم يجي عندي..اول مادخل هزيت خدية وشيرت عليه..
آدم جاتو الضحكة:امالك ياكما جاتك عليا فهاد لوحم..
شيماء:نتا سبابي..
آدم:كفاش انا سبابك..ياكما كنت كنغتاصبك لمك ههه..راك مراتي وحلالي وضروري نديرو وليدات هههه..
شيماء:وكتزيدها بالضحك..والله لا بقات فيك..
آدم بدا يدورها فدماغو وكيفكر لاتكون كرهاتو فهاد الوحم..ناري شنو غيدوز عليه..اما انا كنت مطلعاها عليه..بالعكس انا كنموت عليه كيندير نكرهو هههه..
جا تكى حدايا فيه لخوف وانا نطير عليه ببوسة..
آدم:هاء شدي طريق وحدة..
شيماء:ماشي سوقك..راجلي وانا حرة فيه خخخخ..
آدم ضحك وعاد فهم:لمك كنتي مطلعاها عليا هههه..
شيماء:بحال داكشي هههه..
شدني كيهر فيا وانا كنغوت بالضحك..وفالتالي عنقني وتسرح حدايا..
آدم حاط يدو علا كرشي:الله يخليكم ليا بجوج..
شيماء:آمييين ويخليك لينا..
قررت هاد الفترة نرتاح فالدار ولدي سبق من كلشي..وتا راجلي نعطيه وقتو..الخدمة خليتها كتوجد وكنتافق مع الناس لي يعطيوني القفاطن باش غي يدوز هاد الشهر الصعيب نبدا عادي وندير الدعاية لدار الازياء..
رحاب كتخدم فكلشي وتقاد وتعاون فرحانة انها غدير مشروع تخدم فيه مع تاهي ماشي من الناس لي موالفين لجلاس..
دازت فترة الوحم مزيانة واخة حمقتو مزيان وديما نطلب فيه يجيبلي لي تشهيت وهو ماكيبخلش وخاصة كانت شهوتي فيه..كنت كنحس بلي باغية ناكلو وديما لاصقاه..لخدمة زليت نحرمها عليه كنبغيه ديما قدامي وهو دايرلي خاطري وتا حسام فاهم وعارف لي كاين...
بديت خدمتي اخيرا وكان كلشي كيسايني وتقريبا الطلبيات واجدين..والحمدلله غي درت دعاية بداو الناس يجيو ويشريو ولا يكريو..داكشي غادي مزيان وتا رحاب عندها زبائن بزااف وفاش كيبغيو القفاطن كيجيو عندي وانا بالمثل كنصافط ليها لي باغيين لعصري..بديت نوسع خدمتي وخديت صبابط وصيكان واكسيسوارات باش كيتمشاو مع لباسي ولي كيجي كياخد كلشي.وتا رحاب جابت فساتين حفلات واعراس والقضية ماشية..حمدلله غاديين مزيان الله يكمل علينا..
يسرا بدات دوز امتحانات ومنصف كيحلف فيها غي تسالي يتزوجو حيت مابقاش قادر يصبر وتا حنا مامانعناش..خويا تباركلله غادي فقرايتو مزيان وتا فالنادي ولا معروف وبداو يفكرو غي يكبر شوية يمشي يحتارف علا برا...

كرشي بدات تكبر وبديت نمشي قليل فكل يوم مي كنحاول ندير رياضات تعاوني فالحبالة..
آدم غادي فخدمتو مزيان هو وحسام وديما فاش كيبغيو يرتاحو كيدخلو لبيتهم عند زوجاتهم لي كيهونو عليهم كاع التعب..
حسام مابقاش يقدر يتخلا علا رحاب وحبو ليها نساه اي حاجة حيت معاها الحياة كتحلا..وبدا يفكر يزيدو وليدات اما هي كتساين تكبر محمد حسام شوية وتخاويه..
منصف ويسرا قررو يعرسو فرحنا ليهم ودرنا عرس من داكشي..شطحت وغنيت وفرحت من قلبي..الصراحة عزيز عليا وهو لي يستاهل ختي..وفاش خليتو فالخدمة ماتقلقش مني وبدا فمشروعو لي عبارة عن وكالة وبدا يحاول يكبرها وغي يسرا تسالي قرايتها تعاونو فيها..
مشاو اسبوعين لتركيا وودعناهم..
جا الصيف لي كيهلكني وليت ديما سخفانة مع شهري قرب..وآدم غي حاضيني هو ماما..لي اصر آدم تجي تعيش معانا باش ماتبقاش بوحدها..حيت عماد فالعطلة كيمشي لبزااف دالمدن كيلعبو فيها..وهي مايمكنش نخليوها بوحدها..تافقات هي ودادة لعاليا وديما مقابليني مساكن..اما لخدمة خليتها لفاتي بنت ضريفة خدامة معايا ورحاب مامقصراش من جهدها وديما كتكونطرولي..
جات وقت ولادتي..تعذبت بزااف وتقصحت وآدم تالف معايا..وصلني لوبيطال ودخلت نولد..دازت صعيبة بزااف وآدم دخل عندي كيشدلي يدي ويشجعني هو والطبيبة لي كنت متبعة معاها..تا ولدت..بنيتة كتحمق غي هزيتها فيدي هبطو دموعي ودموعو..فرح بيها بزااف حسيت بلي هاد لبنت هي ثمرة دحب عمرو يموت انشاءلله..بسمل فودنيها..وخرجوني من تماك ومشاو يقادو لبنتي..
آدم بعينين مدمعين مع عائلتي:جاتنا بنت هههه..
ثورية كتبكي وتحمدلله لي شافت هاد اليوم..وحسام ورحاب ومنصف ويسرا وعماد ولعاليا طارو بالفرحة وبداو من دبا يفكرو يزوجوها لمحمد حسام هههه..
دخلت لبيتي جاو عندي فرحو ليا وتا انا كنت فرحانة خصوصا فاش شديتها بيظي ورضعتها من صدري..الصراحة احساس ولا اروع والله يسمح لينا من الواليدين..
رجعت لداري وتا آدم صدق بحال خوه يدور يدور ويهزها يفرح بيها..سبعنا ليها وسميناها سيليا.واول كادو خدات هو السنسلة ديالي لي كان مخبيها آدم فالمكتب ديالو..فاش طاحتلي اول مانضفت مكتبو..ضحكت وتفكرت داك الايام وهو كان مخبيها لبحال هاد اليوم باش يفكرني بحبنا لي تحدى كاع الصعوبات والمشاكيل...بنتي كتشبه لباباها بزااف مي هادشي خليوه بيناتنا...الحمدلله وياربي يخلي ليا عائلتي لي بلا بيهم نقدر نموت..
بعد 4 سنوات..
يسرا ومنصف جاتهم بنت زوينة سماوها مراء..ورحاب وحسام تا هما بنت سميتها فاتن..وانا وآدم جانا ولد سميناه ليث...كل مرة كنتجمعو مع بعضياتنا ونحاولو نساو ضغوطات لخدمة ونستمتعو بالحياة..
المغزى من حكايتي هي ان الصبر مفتاح الفرج..ماشي الا دازت علينا ايام كحلة كتعني بلي ماكاينش يوم زوين من بعد..الله كيختابرنا وكيخلينا نحاولو نختارو بين لمزيان والقبيح..داكشي علاش نستنجدو بيه ونطلبوه ونرضاو بقدرو واكيد غيعوضنا فالتالي...الله يسهل علا الجميع ويحقق لكل واحد ماتمنى فحياتو...

النهاية..

ها هي النهاية..نتمنى لقصة تكون نالت اعجابكم...سمحولي الا شي مرات تعطلت عليكم...كنشكركم علا المتابعة مي ماتبخلوش عليا بالتعاليق سواءا ايجابية او سلبية..كنبغيكم بزااف وموعدنا فقصة اخرى

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.