أنا و الشقيقان الجزء الثامن

من تأليف Chaimae de Fes
2018

محتوى القصة

رواية أنا و الشقيقان

رجع حسام عند آدم وجمعو حوايجهم باش يسافرو..
مشيت لعرض تدربنا ولبسنا وتقادينا عطاوني قفطان ماعجبنيش بزااف فالمارو..لبستو بزز..
عرضتو وانا كارهاه ههه وفاش سالينا سمعت انتقادات عليه وان الزوين فيه اني انا لبستو ههه..ضحكت وعجبني لحال من هاد الهضرة..بدلت ورجعت لدار انا ومنصف درنا لكوطي وخليناه مع خطيبتو يتهاودو..
منصف:كيغادية مع لقراية؟؟
يسرا:حمدلله دبا مزيان..
منصف:واسربينا بغينا يدوز هاد لعاماين دغيا باش نتزوجو راه ماقادرش نصبر ههه..
يسرا بحشمة:بلاتي علينا زايدون غتخليني نكمل هضرتي بعد لباك؟؟
منصف:اكيد..غندخلك معهد تقراي فيه الاقتصاد ونديرو انا وياك شي مشروع..بحرا نجمع راسمالو هههه..
يسرا:ههه اوك احسن حل..عرفتي شنو نديرو؟؟
منصف:امم شنو؟؟
يسرا:نديرو وكالة عارضات هههه..
منصف بقى يفكر وضحك:والله حتى جبتيها وتا انا بديت نفهم فهاد الدومين والله هههه..
يسرا:اوا شتي.ههه..
منصف:هههه امم تباركلله عليك ونشوفو تا السيدة شيماء داك الساع تقدر تفيدنا..
يسرا:ههه وي..
ضربو يديهم بجوج وتغامزو وبقاو يتخيلو هاد الوكالة كفاش غتكون..
وصل حسام وآدم لدار طلعو رتاحو شوية من الطريق..
جلست مع منصف وختي وقالولي افكارهم عجباتني لفكرة تا صونا تيلي د منصف شاف لقاه آدم..
منصف:ألو وصلتي؟؟
آدم:آه..
منصف:علا سلامتك نجي؟؟
آدم:ها انا كنساينك..
منصف:اوك(شاف فينا بعدما قطع)انا غنمشي..آدم جا من السفر وخصني نمشي نشوفو..
يسرا:اوك..
ناض سلمنا عليه وبقيت نتخيل كون كان مسافر وكنا مازالين بجوج كون راني مشيت درتلو احسن استقبال مي دووومااااج...
هبط آدم لصالون يساين منصف تا دخل..
تسالمو وجلسو شوية هبط عندهم حسام..
حسام بعدما جلس وتسالم مع منصف:منصف.بارك ليا!!.
منصف:مبروك شي صفقة جديدة هادي؟؟
حسام:هههن صفقة العمر ههه..انا تزاد ليل ولد..
منصف بصدمة:كفاش؟؟
حسام ضحك وعاود ليه كلشي..منصف كيتصنت ويشوف فآدم حداه..
منصف:هههه اوا مبروك ماتزاد ليك(عنقو)..
حسام:الله يبارك فيك عقبالك..انا عاودت ليك حيت كنحسبك من العائلة وغتمشي نشاءلله معانا للعقد..اوك..
منصف:آه نتشرف..
ناض حسام يخلي الصحاب مع بعضياتهم ومنصف كيدورها فدماغو..
آدم:ههييي فين مشيتي هههه
منصف ببسمة:هههه تحلات..
آدم:شنو هي؟؟
منصف بسم:تحلات مشكلتك مع شيماء ههههه .
آدم رجع لور براسو..
منصف:مالك؟خوك غيتزوج دبا وعندو ولد ونتا غتبقى مضيع حياتك ولا كفاش؟صافي رجع حبيبتك لعندك اما حسام راه فرحان بشنو فيه ههه..
آدم:خايف يكون مازال كيبغيها!!.
منصف:مووووحااال..من ضحكتو باين عليه مرتاح..مي مايمنعش نسولوه..
آدم:شكون غيسولو؟؟
منصف:نتا ههه..
آدم:لا اصلا خلينا بعدا نساليو حريرت زواجو ونشوفو شنو كاين..

رحاب بدات تحس بالامومة بزااف وعاجبها لحال لي ولدها بين يديها ونشاءلله غتعيش مع حسام فدار وحدة وتزوج بيه مي عارفة بلي صعيب تخليه يبغيها كيفما هي كتبغيه..
دازت داك 3ايام وكل واحد شنو دار فيها..شيماء من لخدمة لدا لسونطر لغات..وآدم غي لخدمة دافن راسو فيها باش يحاول ينسى اشتياقو لحبيبتو لي تقريبا كثر من شهر ماشافها..اما حسام كل نهار يهضر مع رحاب فيديو حيت ولف يشوف ولدو وفهاد اللحظة فرحتو بيه منسياه لعالم..ماكانش يسحابلو هكا الابوة وفاش جربها صافي فرح لاقصى درجة..
منصف علم يسرا بلي غيسافر يحظر زواج حسام وهي جابت لخبار سخونة وقالتها لختها..
يسرا:ختي..عرفتي منصف غيسافر..
شيماء:بصاح؟؟ماقالهاليش مع هاد ليوماين ماعندناش خدمة..
يسرا:ماغيتعطلش..غيسافر يحظر زواج حسام..
شيماء باستغراب:حسام؟؟فوقاش نوى وفوقاش خطب هدا؟؟
يسرا:جلسي نقولك..(جلسو بجوج)قالي منصف بلي حسام لقى بلي عندو ولد..(شيماء تصدمات)ودبا قرر يتزوج داك لبنت باش ولدو يتربى حداه..
شيماء:اووو هادشي كلو ومافخباري والو..
يسرا:اوا تا منصف وآدم وتا حسام ياله ساقو لخبار..حقى وقالي هاد لبنت كانت سكرتيرة عندو..
شيماء:اممم اوا الله يكمل عليهم بالخير..مي ماعندي مايتسالو دار لي عليه وماخلاهاش..
يسرا:اممم تا انا عجبني مين دار هكا..كون كان اي واحد يغلط مع وحدة يتزوجها كون دنيا مازالة بيخير..
شيماء هزات راسها وسكتات..
سافرو الدراري فطيارة حسام..ولقاو كلشي واجد..دارو لاكط ورحاب وجدات راسها تسافر مع راجلها الصبح..
دنيا جاتها قاصحة تاولفات ختها وولد ختها وهي تسافر..عيات فيها رحاب تبيع دارها وتجي تسكن حداهم مي هي مابغاتش حيت صعيب علا ولادها وتقدر تفكر تالصيف الجاي يكونو سالاو قرايتهم..
هزات رحاب ولدها وودعات ختها وولادها بالبكاوات ومشات..ركبو كاملين فالطيارة وهي كتفكر سفرها لول مع حسام..
آدم ومنصف جلسو بعادين عليهم وحسام جالس قبالتها وحداهم محمد حسام لي ناعس كيف شي ملاك..
حسام:مرتاحة ياك مادختيش؟؟
رحاب:لا حمدلله صافا..
حسام:اوك..شو كيداير وهو ناعس هههه كنحس بلي باغي ناكلو ههه..
رحاب:الله يخليه لينا وصافي..
حسام من قلبو:آميييين..
سالات الرحلة ومشاو لدار كاملين..اما منصف داز لدارو يرتاح..
حسام كان موصيهم يوجدو جناحو علا اكمل وجه حيت هو ماعندوش غي بيت عندو جناح كبير لفوق فيه صالون وجوج بيوت نعاس..وتا آدم نفس الشي..
طلعو حوايج رحاب بعدما استقبلوهم بالزغارت والفرح..
دادة لعاليا كان فرحانة حيت بيبي جديد دخل لدار..سلمات عليها مزيان حيت عرفاتها هي رحاب لي هضر عليها من قبل وتأكدات بلي ماشي طماعة حيت اصلا تلاقاها غي صدفة..

طلع حسام ولدو فيديه وكلشي شايف لفرحة فعينيه وتعاملو الحنين معاه..رحاب تبعاتو فرحانة بشنو واقع حيت ماكانتش كتخيل ولادتها غتبدل حياتها هكا..
دخلو لجناح وحسام مشى لليت دخلات موراه لقاتو مقاد واعر بديكور الاطفال فالشيبي والبيض..
حسام:كيف جاك لبيت؟؟
رحاب كدور عينيها:كيحمق..زوين بزااف..
حسام:ولدي يستاهل كثر ههه.
رحاب:مي خصو يبقى قريب ليا باش نسمعو الا بكى ونرضعو..
حسام:امم عارف ولكن للاغلبية غيبات هنا تا يكمل ربعين وها هي السماعة غتكون حدانا فاش يبكي تسمعيه..
رحاب:اوك..
حسام:ماتخافيش راه كاين فراش صغير فلبيت لاخور غينعس فيه مي كيبقى هدا بيتو ههه..
رحاب عاد ضحكات:اوك مزيان..
مشاو لبيت لاخور دخلو ورحاب تفاجئ بجمال لبيت لي كان واعر فوق لقياس..وحدا الناموسية فراش صغير كيدحرج باش لبيبي ينعس مرتاح..
حسام:ياله بدلي عليك وخودي راحتك اوك..
رحاب:واخة شكرا ا سي..
قاطعها:هههه انا سي ههه انا دبا حسام بابات ولدك وراجلك..
رحاب بسمات وهو خرج..حسات براسها مرتاحة معاه وكيعاملها مزيان وهادشي دبا هو لمهم..
آدم طلع لبيتو مرتاح وعاجبو لحال وتمنى تا هو يكون عندو بيبي ويحس بهادشي لي كيحسو خوه..والاكثرية كون يكون ولدو من شيماء لي كيتمناها من كل قلبو...
رحاب بدلات وتكات تا لقات دادة كدق عليها..
رحاب:دخل..
لعاليا:جبتلك ماتاكلي حيت نتي كترضعي وخصك تهلاي فراسك..هادي مرق دجاج بلدي مع لبيض غيخليك تولي قادة ترضعي بزااف..ياك عندك شوية لحليب؟؟
رحاب:امم حمدلله..
لعاليا:تباركلله عليك..مهم تفضلي..
رحاب:شكررراا عذبتك معايا..
لعاليا:بصحتك عذابك راحة ابنتي..نتي و ولي العهد ديالنا ههه..

تعطل لحال وبقيت كنشوف فالسما..ليوم لجو مبدل بحالا شتا غطيح..دخلت وشديت لبالكون من لبرد..شعلت تيفي تا جات عندي يسرا..
يسرا:رجعو من السفر..سحابلي غيباتو..
بقيت كنتفرج وماباغياش نهضر..
يسرا:شيمااء هووهووهو فين مشيتي ؟؟
جاوبتها:شنو؟؟
يسرا:راه كنت كنهضر معاك علا..
قاطعتها:وانا مالي..صافي ا يسرا الله يخليك..الا بغيتي تهضري علا منصف اوك..اما باش تبقاي ديما تجبديلي هادوك واخبارهم..صافي!!
يسرا هزات راسها ب آه وشيماء دخلات لبيتها تكي..
حسام طلع لبيتو لقى رحاب لابسة بيجامة بالصدايف من الصدر وسروال..كانت كتنعس محمد فبلاصتو..
مشى حداهم كيطلل عليه:بونوي ولدي ههه..
بسمات ليه ومشات لبلاصتها..
حسام دخل دوش ولبس عليه وخرج تخشى حداها..
رحاب ماعارفة والو واش غيعاملها بحال مراتو بصاح ولا لا..بقات متكية علا ظهرها واصلا عارفة بلي مايمكنلها دير والو تا دوز 40 مي غي تشوفو واش غيتقرب منها بعدا..
حسام حط راسو:ياله تصبحي علا خير..
رحاب:تصبح علا خير..
غمض عينيه ودار لهيه وهي دارت لجيهة لخرا ماكرهاتش يعنقها وتحس بيه فري راجلها وتوسدو مي دبا ياله البداية مازااال مازاال هههه..تقبلات الوضع وغمضات تا هي عينيها نعسات..
آدم طلع لبيتو وجبد لبيسي قلب علا العدد ديال مجلة حياتي لي كانت شيماء عارضة قفاطن فيها وبقى يدوز تصاورها حيت توحشها بزااف..
محمد حسام فاق كيبكي ناضت رحاب بزربة هزاتو وبدات ترضعو..حسام حل عينيه بزز شافها كترضعو ورجع كمل نعاسو حيت تابعاه خدمة الصبح..
فالصبح فاق بالشوية صبح علا ولدو ببوسة صغيرة وهو ناعس..هز حوايجو ولبس فلبيت لاخور باش تا رحاب تبقى مرتاحة..هبط فطر هو وآدم لي عرفهم ناعسين بقى يضحك حيت مازال ماولف بيهم معاه فالدار..
وحسام جمع كلشي قدام الطبلة:حنا اكيد غنديرو سبوع ل سي محمد-حسام..وغنصافط ليوم شركة تنسيق الحفلات باش ديرنا سبوع وعرس مي هادشي خليوه بيناتنا..رحاب ماعارفاش غنديرو تا عرس اوك..
كلشي:آه الله يكمل عليكم بالخير..
حسام:نبغي كلشي مقاد واي حاجة سولوكم عليها قولوهالهم باش يكون كلشي مزيان..
لعاليا:كون هاني كلشي غيكون بيخير..
مشى حسام وآدم لخدمة حيت الشركة بقات بوحدها ف3ايام ولا كثر..

بدا توجاد لسبوع وكلشي تالف..
حسام مشى عند آدم لمكتبو:علامن غتعرض؟؟
آدم:تا حد..اصلا صحابي راك عرضتي عليهم..صافي..
حسام:وخطيبت منصف؟؟
آدم:نتا قولهالو تجي معاه..
حسام:وختها؟؟
آدم:لحفلة حفلتك عرض علا شكون بغيتي..
حسام:اوك صافي.(ناض يمشي)
آدم:علاش باغي تعرض علا شيماء؟؟
حسام:ماتفهمنيش غلط..انا تزوجت وعندي ولد عمرلي تفكيري..والصراحة بغيت نسرحلك الطريق وتولي مع لبنت لي كتبغي..
آدم:علاش نتا نسيتيها؟؟
حسام:مانقدرش نأكد مي مابقاش عندي مشكل الا كنتو بجوج وصافي هانتا كتشوف طريقي وحياتي راه ختاريتهم..
آدم حنى راسو وسكت..
خرج حسام من عندو وبدا يصافط لي انفيتاسيو لحفلتو لي بعد يوماين..ومانساش شيماء لي صافطلها هي وعائلتها يجيو يحظرو..
لعشية كنا كنديرو لكوطي تا طلع عندنا عساس لعمارة وجايب فيديه ظرف..فتحتو لقيتها انفيتاسيو..حطيتها وكملت ماكلتي..
يسرا:اووو انفيتاسيو لحفلة حسام..صافي نوجدو راسنا اكيد ههه..
ثورية:ب اينا مناسبة نحظرو؟؟
يسرا:وعلاش لا شيماء خدمات معاهم بزااف وكتعرفهم مزيان..
شيماء:انا ماغادياش..
ثورية:تا انا..
يسرا:ومنصف الا قالي نمشيو..
شيماء:عادي اصلا هادوك صحاب خطيبك دونك سيري..
ثورية:صافي سيري الا قالهالك..
يسرا:اوك..
جمعنا داكشي وجلست نتفرج معاهم مي عقلي مع داكشي حسيت براسي مزيرة بزااف..ماكرهاش كون راني تا انا حظرت ووقفت بجنبو ساعا هو لي ماصدقش وبناقص منو كاع..هو مابغانيش وتا انا خصني مانبقاش نبغيه...
جا نهار لحفلة وفري يسرا غتمشي كرات لبسة فلغوزانديان مع صباط عالي باج مع صاكو وشعرها طلقاتو مكريبي ملتحت وميك اب غامق لعينيها باش تبان كبرت شوية ههه مي فري جات فنة وعطات مظهر جديد..
جا منصف موراها لي غي شافها داخ ماكرهش يكون عرسهم..وصيناه عليها ومشاو..
آدم وجد راسو لبس كوستيم كحل بالجيلي وقاد شعرو ولحيتو وتعطر.هبط وهو كلو امل تجي شيماء يشوفها..
حسام لبس كوستيم كحل مع كرافاط بلوغوا..ورحاب لبسات لبسة سابلي فيها ليزيزطخاص..ومشطة خفيفة وزوينة مع ميك اب غامق شوية..هزات ولدها وهبطو يستقبلو الناس وتبدا لحفلة..

حسام و رحاب هبطو علا تصفيقات ناس وبداو يسلمو ويرحبو اما آدم كان غي كيقلب بعينيه ويساين كماعالله تجي..
شوية وهو يشوف منصف جا مشى عندو بزربة سلم علا يسرا..ورحب بيهم..
منصف بين ليه بلي غي هما لي غيجيو..آدم حنى راسو وسكت..
بدا الاحتفال كلشي ناشط وفرحان الا آدم حاس بحالا راه بوحدو..ضروري حيت الاغلبية مع لي كوبل ديالهم وهو بوحدو..
خرج علا برا يتنفس هوا نقي ويحاول يبرد قلبو..
دخلات ماما تنعس وانا حسيت براسي تخنقت خرجت لبالكون وفلحظة غمضت عيني وقلت"يا ربي تبرد عليا يا ربي"
رجعت دخلت لبيتي تكيت وبديت نقرا القرآن تا حسيت بالراحة..
آدم تنهد ورجع لحفلة..
دنيا تجمعات مع ختها ووليداتهم ضحكو فرحانين بشنو واقع..حيت دنيا ماكانتش كتوقع هاكدا حياتهم ولاباس عليهم تالهاد الدرجة..
سالات لحفلة ومنصف وصل يسرا لباب لعمارة:ها حنا وصلنا وماكرهتش كون كان عرسنا ليوم ههه..
يسرا:هههه مابقى قدما فات..
منصف:اوا عطيني شي بوسة باش طلعي خخخخ..
يسرا:هههه حشم..
منصف:لا والله ماطلعي تا تبوسيني ياله..مالي نموت انا؟؟
يسرا:بففف..هادي هي وصاية ماما؟؟
منصف:بوسيني ونتفاهمو..
زاد عندها وشدها من عنقها فرحان وباسها بالشوية وهي مغمضة عينيها وهادئة..
منصف حيد وعنقها:اممم كنبغيك بزااف..
يسرا حشمانة:تا انا..
خرجات بلا ماطلع راسها فيه..وهو كيضحك عليها فرحان بشنو وقع..
طلعات يسرا غطير بالفرحة واحساس داك البوسة مازال فيها..بدلات عليها ونعسات بعدما طمنات ماماها بلي جات..لقات شيماء ناعسة مادارتش لحس باش ماتفيقش..
مشاو الناس آدم طلع لبيتو كيفك لكرافاط ديالو معصب حيت ماشافش شيماء..اما حسام بدل ونعس هو ورحاب وولدهم حداهم..

فقت الصبح بكري مي مافقتش لخاطري..جنبي كان ضارني وحسست براسي ماشي نورمال..نضت لطواليط حاولت نشرب دوا مسكن ووالو..لحريق شادني بزاااف رجعت تكيت قلبي غيسكت وصابرة بزز..شوية ماحسيت تا بديت نتنهد واهاتي بداو يتسمعو..
شيماء:اهه اههه..
يسرا فاقت كتشوف ختها كتأوه وتعصر..
ناضت عندها مدوخة بالنعاس وكتجري:شيماء ختي مالك؟؟
شيماء:اهئ اهئ كنتقطع اختي...
يسرا مشات كتجري فيقات ماماها جات خايفة..
ثورية:بنتي مالك ياك لاباس..
شيماء:ماعرفتش عندي لحريق بزااف بجنبي اهئ اهئ..
يسرا:شوتت تهدني انا غنعيط لمنصف يجي يدينا لطبيب..
شيماء:بلاش مازال لحال اهههه عاونوني نوض ونمشيو..
ثورية:عندها لحق اجي لبسوها ونمشيو بلا مانساينو كثر..
ييرا جرات بزربة لبسات ختها جلابة ولبسو تا هما لي لقاو حداهم وخلاو عماد ناعس حيت لويكاند ومشاو لوبيطال.فطاكسي..
الطريق كلها وشيماء كتوجع حداهم غتموت بالحريق..وهما كيهدنوها..
وصلو اخيرا لوبيطال ودخلوها بزربة لمستعجلات..
ثورية خافت بزااف وبدات تبكي:الله يابنتي الله..اهئ اهئ..
يسرا:تهدني اماما مايكون غي لخير نشاءلله..
ثورية:ياربي تحفضها لينا..
شوية خرج طبيب مزروب..
يسرا:دكتور امدرا؟؟
طبيب:بتتكم عندها لمرارة غطرطق وخصها تحيدها..
ثورية تصدمات:لمرارة؟؟وماشي مازالة صغيرة علا هادشي؟؟
طبيب:هادشي نورمالمو مي دبا اي حاجة ولات تجي الصغير والكبير..دبا خصنا نزربو وشي حد يجي يسني هلا العملية..
ثورية:انا نسني اولدي لمهم تولي بيخير..
طبيب:اوك ياله بزربة علاما يوجدوها لعملية..
مشات ثورية سنات ودارو كاع الاجراءات ويسرا هزات تيلي وصونات لمنصف لي كان ناعس..غي عرف فاق مخلوع ومشى نيشان عندهم..
وصل لقاهم مخرجين شيماء بلباس العملية وغيديوها لبلوك نيشان..
منصف شافهم كيبكيو هدنهم وبقى يشجع شيماء لي باين عليها التعب والخوف..
منصف:شوتت ماتبكيوش غتولي لاباس نشاءلله..
يسرا:اهئ اهئ مسكينة صغيرة علا عملية بحال هكا..غي لفقايص ولمحاين لي دوزات هما لي داروها ليها اهئ اهئ..عانات من صغرها وهزات لحمل بوحدها..الله يكون ليها فالعوان..تا الزهر ماعندهاش كفاش ماتجيهاش لمرارة بففف..
منصف:شوتت خصك تكوني قوية علا الاقل حدا ماماك لي حالتها بالويل..اجي نطمنوها راه لمرارة غتحيد وغتولي لاباس..
يسرا هزات راسها ومشاو كيكالميو ثورية لي خايفة علا بنتها بزااف..
دخلت لبالوك غي دارو ابرة فسيروم غيبت ماعقلت تا فين انا..
منصف مشى مع جنب وتفكر آدم وبلي الا ماعلموش غيتقلق..
ترن ترن..
آدم سمع تيلي فاق:ألو..
منصف:آدم..
آدم:منصف..مالك واش كاين شي حاجة معيطلي دبا؟؟
منصف:آه فالصراحة..
آدم:هضر شنو؟؟
منصف:شيماء..
آدم ناض جالس:ش شيماء مالها هضر؟؟
منصف:دخلوها لاستأصال مرارتها..
آدم حل عينيه بالجهد:م مرارة دبا؟؟
منصف:امم.
آدم ناض ولاح لفراش:ف فين راكم دبا اينا اوبيطال؟؟
منصف وصف ليه لوبيطال وهو يقطع بزربة غسل وجهو ولبس شوميز مع سروال لي لقاه ودا فيست وخرج كيجري..الطريق كلها وهو متوتر وخايف عليها بزااف..ماوصل مع الصطوبات تا غفرلو الله..
طلع نيشان بعدما عرف بيتها..ونسى لمشكل ديالو مع عائلتها اي دبا اكيد غيكونو كارهينو.وتفكر غي حبو ل شيماء وخوفو عليها مهما وقع عمرو يقدر يخليها وهي محتاجة لوجودو معاها...

دخل آدم لكولوار وشافهم وهما كيساينو..
وقف حداهم:سلام..
ثورية شافتو وماقالت والو من غير:سلام ولدي..
يسرا:علاش جيتي؟؟
آدم:جيت نشوف شيماء..
يسرا:تالدبا؟؟زايدون شكون اصلا سبابها فهادشي؟
منصف شد ف يسرا وسكتها:شووت ماشي وقت هاد لهضرة دبا..
يسرا جلسات ودارت اعتبار لخطيبها..
منصف بعد هو و آدم:آدم ماتديش عليها راها خايفة علا ختها و...
آدم:بلا ماتحتاج تشرح ليا..عرف بلي مقلقة وعندها لحق..انا لغلط لي درتو كبير بزااف وصعيب كلهم يسمحوليا..
منصف حط يديه علا كتف آدم وتنهد..
بقاو يساينو تقريبا كثر من ساعة تا شافوها خارجة من الاسونسور حسو بقلبهم تخطف..ماماها ويسرا تابعينها وهي مبنجة وناعسة ماحاسة بوالو..وآدم اكتفى يشوفها وهي دايزة بلا مايزاحمهم..جاه احساس خايب بزااف وحبيبتو واصلة لهاد الدرجة..آه كيبغيها بزااف وللحظة ماكرهش يكون فبلاصتها وهي تكون بيخير..
دخلوها لبيتها وواخة ماقاطعينش الزيارة مي وصاهم يخليوها ناعسة..حيت اكيد غتقصح شوية فالفتحات لي فتحو ليها..سيغطو فالفتحة لي فالصرة حيت هي لي طويلة شوية.
آدم بقى علا برا من لباب كيطلل عليها ويتمنى كون كان عندو شي صفة باش يبقى معاها اطول وقت ومايفارقاش فبحال هاد المواقف..
منصف حس بيه وخرج عندو:صافي نشاءلله غتولي لاباس..
آدم:أنا السبب ا منصف..انا لي خليتها توصل لهنا..وصلتها لمرض والدمار فبلاصة ما نتهلا فيها ونعوضها علا شنو عانات..انا كنت سبب فانهيار قوتها لي جذباتني اول مرة..وخليتها تحس بلي غلطات اول مابغاتني..كرهتها فيا وانا كنبغيها كثر من اي واحد..
منصف:صافي نشاءلله كلشي يتبدل..حيت بجوج بيكم عانيتو وانا لي حضرت عليكم وعارف..كلشي يقدر يتبدل مع لوقت نشاءلله وتقدر تسمحلك كاع..ماعرفتي فاش تفهم ظروفك ومعاناتك تا نتا شنو دير..ودبا خوي دماغك هادشي مقدر ومكتوب ونصحك تقرب منها وتحاول تخليها تنسى وبداو من جديد اي كوبل كيواجه هادشي دونك عادي..
آدم حنى راسو وهو مألم وناوي لخير و واخة دير فيه لي دارت دبا قرر عمرو يخليها واخة يضطر يهاجر هو وياها لمهم يبقاو بجوج..هادب لحظة خس باهميتها عندو وبلي حياتو بلا بيها والووو...

يسرا عيطات لخوها تعلمو بشنو وقع..تقلق حيت مافيقوهش وجا عندهم بزربة..غي جا شاف آدم تماك تقلق وعقد حجبانو ودخل يشوف ختو..
آدم حس براسو غير مرحب بيه..مي ماقدرش يخليها تماك..وزطم علا كرامتو وبقى..
فاقت رحاب ولقات راسها ناعسة متقابلة مع حسام وهو مازال مغمض عينيه بقات تشوف فيه دايخة تا بغات تحط يديها علا وجهو وحساتو غيفيق بلا ماتفكر غمضات عينيها وقلبها كيضرب..حل حسام عينيه شافها هكاك حداه ناعسة هز راسو بان ليه ولدو كيتزعزع ناض كيضحك طل عليه وبقى يضحك معاه..
حسام:صباح نور لبطل ديالي..واجاوبني فوقاش تكبر وتبقى تقولي صباح نور بابا آ؟؟ههه..
رحاب سمعاتو ضحكات ودارت:هههه صباح نور..
حسام:سمحيلي فيقتك..صباح لخير..
رحاب:لا عادي..
ناضت كطلل علا لولد شاف فيها وخوا من لبلاصة:انا ندخل ندوش..
رحاب ماعجبهاش لحال ومابيناتش:اوك بالصحة..
بسم ودخل وهي حسات بلي صعيب يبغيها كيف كتبغيه وكماداتها فقلبها وسكتات..
رحاب:ولدي الزوين..حبيب ماماه..كنبغيك بزااف الله يخليك ليا ونتا كنظن لي غتكون كتبغيني هنا..
حسام كان مازال ماشد لباب وسمع هضرتها.تنهد وشدها باش يدوش..بدا يفكر زعما واش يقدر يعطيها فرصة دخل لحياتو من جديد مي هو بحالا فحالة نقاهة ماباغي تا حد يدخل قلبو ولا يهتم حيت مل من داكشي وولدو كافيه ماعندو مايدير بالحب من جديد..
ثورية بقات جالسة حدا بنتها وشادلها غيديها كماعالله يطمن قلبها شوية..تا بدات تشوفها كتحل عينيها..
شيماء كتحل عينيها بتقالة:م ماما..
ثورية:بنتي احبيبة..علا سلامتك..
شيماء كدور عينيها فلبيت:شنو وقع؟؟
ثورية:غي درتي عملية وحيدتي لمرارة..
شيماء سكتات وقالت:حمدلله.
دخلات يسرا لي كانت علا برا وهي تشوفها حالة عينيها..بالفرحة نسات لباب محلولة:ختي ههه فقتي علا سلامتك..
شيماء بابتسامة:الله يسلمك مالك كتغوتي ههه اييي..
ثورية:بالشوية عليك ابنتي جروح جدادين..
الدراري غي سمعو فاقت قربو من لباب وتا آدم ماقدرش يحبس راسو..
شيماء هزات راسها وفداك اللحظة شافت خوها داخل عندها وموراه منصف..وكلهم كيتمناو ليها الشفاء تا بان ليها شخص ماتوقعاتوش يكون تما..تصدمات وبقات تشوف فلباب..
ثورية:دخل اولدي تا نتا من قبايلا ونتا معانا..
شيماء شافت فماماها وهو دخل احتراما لكلشي..
منصف هضر بالحس مع يسرا:اجي معايا شوية..
يسرا عرفاتو باغي يصدرها ومشات معاه..
وثورية حسات بيه مشوق يهضر معاها جرات ولدها:بنتي ها حنا علا برا واخة..
شيماء شافت لمجمع تفرتك فدقيقة وآدم لي بقى معاها..
آدم:كي بقيتي؟؟
شيماء بقات كتشوف فيه بعينين كلهم أسى ودورات وجهها..
آدم قرب حداها وعينيه حومر..حنى علا ركابيه حداها:والله ماقصدت ندير فيك هادشي..الظروف لي خلاتنا نوصلو لهنا و..
قاطعاتو:صافي الله يخليك..مابغيتش نرجع لماضي سيغطو دبا..شكرا علا زيارة..
آدم علا عينيه مقصح فقلبو بزااف:اوك انا غنمشي مي ماعمرني غنخليك مرة خرا..والثقة لي فقدتيها فيا انا غنحاول نرجعها..بغيتي ولا مابغيتيش ماغاديش نتخلا عليك مادمت عايش..
شيماء مدورة وجهها منو وعينيها مدمعين من هاد الموقف..صابرة بزز حيت لوكان تلقى دور عندو تصرفقو وتعنقو وتسامحو حيت فوجودو معاها فأصعب اللحظات كتحس باهتمامو وكيشفع ليه مهما دار..
ناض آدم وخرج ماشاف فتاواحد بقوة لي علا سبة..منصف تبعو حاول يلحق عليه مي هو دارلو اشارة بيديه بلا مايشوف فيه..خلات منصف يحبس ويخليك طرونكيل هاد اللحظة..
عماد:مافهمتش علاش مخليينو معاها وعاطيينو فرصة..علا قليل شنو دوز عليها؟؟
ثورية:انا عارفة هادا هو الراجل لي يستاهل ختك..وكيبغيها بزاااف مي الظروف لي وقفات ضدهم..كاع لي دارو معانا كيخليني نشوف فيه هادشي...
يسرا:ياله ندخلو عندها دبا..

دخلو عند شيماء لقاوها كتمسح عينيها..قرب عماد عندها..
عماد:ختي..شفتك مين جيتي لوبيطال ماجاو لا صحافة لا والو..وايلي زعما ماساقوش لخبار؟.
شيماء ضحكات علا هضرتو:ايي ضحكيتي هههه..
يسرا:اه عندو لحق..دالزمر بغينا نتشهرو تا حنا شوية..ونبانو فدوزيم ههه..
ثورية عرفاتهم كيحاولو ينسيوها..فرحات بترابط وليداتها..
عماد جبد تيلي وغيصور..
شيماء:ش شنو كدير ههه..
عماد حنا نحطوها فلباج باش لي ماعرف يعرف ونتشهرو..
ثورية:هههه اويلي..واش كاين شي حد كيشهر مرضو..
عماد:علاش؟كاينة غي شيماء لمشهورة..راه غنحطها فلباج ديالي..راه معاكم سي عماد لاعب مرة قدم هجوم..شوية تبداو تقلبو عليا نسيني ليكم هههه..
كلشي:ههههه..
دخل منصف لقاهم كيضحكو فرح:ههه شنو مالكم..ناشطين بلا بيا؟؟
يسرا:اوا زهقلك سيلفي ديال سي عماد المشهور خخخخخ..
بقاو فجو من الدعابة..وشيماء ملداخل باغية تنسى لهم وتضحك مع عائلتهت لي كيديرو لمستحيل باش تولي بيخير..
آدم رجع لدار زدح لباب وطلع لبيتو..شد عليه وتلاح علا فراشو كينهج..
حسام شافو طالع كي الرعد استغرب..شافت فيه رحاب..
حسام:انا نطلع نشوفو..
رحاب:اوك..
طلع حسام وحل لباب لقاه مكرشخ علا لفراش وداير يديه علا راسو.
حسام:آدم ياك لاباس؟؟
آدم:حسام من بعد ونهضرو دبا مافياش .
حسام جلس حداه:لا مايمكنش..نتا خويا والا شفتك مقلق ماغاديش نخليك..ولا نسيتي راسك شنو كدير مين كتلقاني هكا..
آدم تنهد:اووووف..
حسام:؟؟
آدم ناض جلس:شيماء حيدات لمرارة هاد الصبح..
حسام:أ؟؟بصااح..كيبقات شوية؟؟
آدم:شوية دبا تا فاقت عاد جيت..
حسام:اممم اوا حمدلله..تهدن اصاحبي..نشاءلله غتولي لاباس..
آدم:انا السبب..كون غي خليتها طرونكيل ماتوصلش لهادشي..مسكينة عمرها قربات مني ولا عطاتني اشارة انا لي كنت ديما كنتقرب منها وشوف دبا فين وصلتها..
حسام:لا ماشي نتا السبب..انا..لي وقفت فطريقكم وخليتكم تعانيو بجوج..
آدم حنى راسو:صافي دبا بلا مانعاودو نفس لهضرة لي وقع وقع..
حسام:اوك ياله نوض دوش وصحصح واجي راه ولد خوك كيساينك تلعب معاه ههه..
آدم بسم:اوك هههه..
داكشي لي دار آدم وهبط لعب مع محمد حسام وضحك معاه من قلبو..اصلا الاطفال ملائكة وشكون مايفرحوهش...

داز داك النهار بزز علا آدم لي ماكرهش يبات تما..
صباح جديد فقت لقيت ماما متكية قبالتي بقى فيا لحال عذبتها وهي ماعندها صحة..بففف عييت فيها تمشي ترتاح علا الاقل فبيت آخور مابغاتش..
بقيت كنشوف فيها ناعسة تا دخلات لفرملية وهي تفيق..
ثورية:بنتي فقتي؟؟
شيماء:اممم سمحيلي معذباك معايا..
ثورية:شوووت ماتقوليش هكا..
لفرملية:امم كيصبحتي احبيبة؟؟
شيماء:حمدلله..
سجلات كلشي وخرجات..داز شوية دالوقت تا جا بوكي دلورد..دخلاتو لفرملية..
شيماء:شكون صافطو؟؟
لفرملية:امم هاكي لكارط..
ثورية بقات كتشوف وشيماء قرات لكارط"نتمنى تكوني بيخير..نهارك مبروك...آدم"
تزيرت فاش قريت هادشي وحطيت لكارط علا طبلة..
ثورية فهمات شكون ومابغاتش تحكر..
حسام مشى لخدمة هو وآدم وفوقت لغدا هز راسو ومشى لوبيطال..
دق دق..
ثورية:دخل..
حسام:سلام عليكم..
شيماء تفاجئات:سلام..
حسام:سلام خالتي..
ثورية:سلام ولدي..
حسام جلس:علا سلامتك ا شيماء..
شيماء:الله يسلمك..تا نتا مبروك ماتزاد ليك..
حسام:الله يبارك فيك..واخة راني مقلق عليك ماجيتيش تفرحي معانا..مي تا تبراي ونتفاهمو دبا شفتك ماقاداش هههه..
شيماء:ههه نشاءلله..
حسام:كيكتحسي براسك..
شيماء:حمدلله شوية..
ثورية:نخليكم انا خودو راحتكم..
حسام:لا غي خليك معانا نيت عندي شي هضرة بغيتك تسمعيها..
ثورية:الله يسمعنا خبار لخير..
حسام:فصراحة انا كنت شاهد علا كلشي لي وقع..زعما بين شيماء وآدم..
شيماء:سي حسام الله يخليك.بلا مانهضرو فشي حاجة قديمة..
حسام:لا ماتقاطعينيش..انا بغيت نبرأ دمتي..آدم كيبغيك بزااف والله..مي(كيحك يديه)انا السبب.(شيماء وثورية شافو فيه)آدم غي شافني كنت مازال ماتقبلت فكرة انك تزوجي بآدم..وهو يصرف نظر حيت راك عارفة حنا تواعدنا حياتنا كلها نكونو بجوج..وهو رفض يبني سعادتو علا تعاستي..فضل انه يبعد عليك باش مايشوفنيش فداك الحالة..(شيماء كتصنت بتركيز وعينيها دمعو..اما ثورية بسمات حيت ظنها فآدم كان فمحلو)ونتي كيفما غتكوني تعذبتي تا انا شفت خويا كيتعذب..عمر حياتو بالسفريات والخدمة..باش مايبقالوش وقت يفكر حيت الا فكر غيحماق..تعذب ا شيماء والله وعانى بزااف ودبا حاس بذنب كبير لولا اني بززت عليه يهضر ماكانش غيقول..مي انا ختاريت طريقي وتزوجت وعندي وليظ عقبالكم..دونك نتمنى نشوفكم بجوج وعلا خير حيت لحب لي بيناتكم يستاهل فرصة..اولا اخالتي؟؟
ثورية:امم لي بغاو اولدي انا الا تفاهمو بجوج ماعندي تا حاجة ضدهم..
شيماء ساكتة حداهم كتخمم وترجع سينطا لور حيت فري لي شافتو ماشي قليل..و واخة هاد السبب ماكانش خصو يجرحعا ويفرط فيها بسهولة..علا الاقل يصارحها بلي كاين ومايجرحهاش بداك الطريقة...

حسام شافها ساكتة:اوك فكري علا خاطرك انا نتمنى نشوفكم بجوج مي مانقدر نفرض عليك والو(وقف)ياله نخليكم دبا..الله يزيد فراحتك..
ثورية:شكرا اولدي الله يسهل عليك ويخليلك ولدك..
حسام:آمييين..بسلامة..
خرج حسام وثورية جلسات مقابلة مع بنتها..
ثورية:شتي ابنتي احساسي كان فمحلو علا آدم..مايمكنش داك الانسان لي وقف معاك ف كاع المواقف لي حتاجيتي شي حد يكون بهاد السوء..
شيماء:مي واخة هكاك ماخصوش يعاملني هكاك(بدات تبكي)اهئ اهئ علاش صدمني وعايرني حدا داك لبنت..واخة شنو ماكان مانقدرش نسمحلو..دارلي اكبر صدمة فحياتي وماغاديش نساها..
ثورية:شووتت ابنتي ماتبكيش دبا..راك ياله فاتحة..خلي هاد لموضوع علينا..مسحي دموعك ورتاحي مايكون غي لخير نشاءلله..
تكات شيماء وماماها حايرة معاها باش تهدن وماتبقاش مقلقة..
حسام رجع لمكتب ديالو تا دخل عندو آدم:فين كنتي؟قلبت عليك فالغدا مالقيتكش!
حسام:جلس بعدا..
آدم:هاهو غيجلس..
حسام:اممم الصراحة مشيت شفت شيماء..
آدم حل عينيه:ك كفاش؟
حسام:آه قلت نسول فيها ونشوف كيولات مي ماتفهمنيش غلط والله حتى دبا كنشوفها بحال ختي وكلشي مشى من بالي كون هاني..
آدم:خلينا من داكشي قولي شنو وقع..
حسام:عادي سولت فيها ومن بعد...
آدم:شنو هضر!!
حسام:قلتلها بلي انا السبب فكلشي..وشرحتلها علاش درتي نتا هكاك..
آدم تعصب:علاش قولتيلها دبا..لبنت مريضة ونتا كتجبد عليها هادشي..زايدون ماشي وقتو..
حسام:هادشي لي وقع دبا..مهم خليتها تفكر فالموضوع ونتمنى نحلو كيفما كنت سبب فيه..
آدم تنهد وناض:ها انا فالمكتب ديالي..
حسام:اوك خويا..
آدم مشى دفن راسو فالخدمة باش يتهدن حيت ديما الدراري كيتصرفو بلا خبارو وكيبان حدا شيماء كيصافط ليها الناس وهو عارف بلي قاد يحل مشاكيلو بلا بيهم..
رجع لدار وخرج يتلاقا منصف عاوتاني يشكي عليه همو..
منصف:اوا مافيها باس نتمناو هادشي يتحل..
آدم:شنو يتحل شنو..لقضية غادية وكترون..انا مابغيتش هادشي كامل..بغيت غي يبقى لينا متسع نهضرو غي بجوج ونتفاهمو..حيت هادشي مين كيدخل فيه بزااف كيشبك كثر...

منصف حاول يهون علا آدم مي لي فراسو فراسو..
دازت ليلة صعيبة خصوصا علا آدم لي مابقاش قادر يتعايش مع حياتو بعيد علا شيماء..آه هاد الاحساس لي كان كيهرب من هنا بسبابو..كان كيهاجر ويدفن راسو فالخدمة باش مايحسش بهاد الشوق لي كيقتلو عرق بعرق..
ماقدرش ينعس..ناض لبس كيطمة ديالو وخرج كيجري مع 6دالصبح..كان كلو عرقان وعروقو باينين باغي يخرج شنو لداخل ويرتاح..
بقى ماشي تا لقى رجليه داوه لوبيطال..طلع نيشان لبيت شيماء..فتح لباب بانت ليه ناعسة وماماها علا فوطوي قبالتها..
دخل بلا صوت هز يديها وباسها وعاود هبط لراسها وقال بصوت خافت:والله حتى كنبغيك..
تنهد وخرج بخطوات تابتة تا سمع شي حد نادى عليه:آدم..
دور وجهو لقاها ماماها تزير وعرفها شافتو..
آدم:سلام خالتي..
ثورية:سلام ولدي..شنو كدير هنا فهاد لوقت؟.
آدم بقى ساكت كيشوف فالارض..وهي تقرب عندو..
ثورية:اجي نجلسو ونهضرو..
آدم هز راسو وجلس معاها فواحد لبلاصة فيها لكراسا..
ثورية:كنسمعك..
آدم:كنت محتاج نشوفها وصافي..
ثورية:علاش خليتيها ملول اولدي؟وبداك الطريقة!!عرفتي كون كانت شي مرا خرا من غيري ماتحملش تشوفك كتحوم ببنتها..ولكن انا لا عرفتي علاش؟؟
آدم مستغرب وكيسمع؟؟
ثورية:حيت مانسيتش شنو درتي معاها..وعمرني نسى الشوفات ديالك فبنتي لي خلاوني نفهم احساسك بلا ماتهضر..عرفتك غتصونها وتبغيها كثر من نفسك وتعطيها لحب لي تستاهلو..ولكن صدمتينا كاملين فاش درتي لعكس..خليتها مدمرة لاكبر درجة..شدات علا راسها بيبان بزااف ولات ديما ساهية وساكتة ومصدومة خصوصا فاش كتفكرك..انا ماعاودات ليا والو من شنو وقع فباريس مي انا حسيت بلي تماك خليتيها اسعد وحدة وعطيتيها آمال بزااف ولكن فاش رجعات يوم..غي يوم تبدل كلشي وحالتها فالويل..علاش اولدي علاش؟.
آدم بصوت مبحوح:كنبغيها ا خالتي والله العظيم حتى كنبغيها وكثر من راسي..لدرجة فقدت معنى لحياتي باش تكون هي بيخير..ولكن ماقدرتش نكمل..خويا جا فطريقي..خالتي حنا الاخوة ديالنا فشكل..ندابزو ونتصالحو مي ديما بجوج اما باش نتزوج وحدة هو عينيه فيها وكيبغيها اكيد صعيب..نبني سعادتي علل حساب تعاستو نقهرو ونقهر راسي فينما نشوف ولانحس باهتمامو بيها..نبقى ندير 1000حساب لتصرفاتي حداه ومعاها..اكيد هكاك صعيب نكملو..انا بعدت علا شيماء باش تكون مرتاحة..وتعيش بيخير..باش مايجيش يوم لي تحس بحياتها دمرات بسباب غيرتي وشكي..وباش مانفطرش فخويا الوحيد لي عندي ولي واليدنا وصاونا عمرنا نتقارقو..خالتي الا كان هما بجوج عاشو نار وحدة..انا عشت نيران..كنت كلما نشوفها مع شي حد وبعيدة عليا كنموت 100موتة وكاراكطيري تبدل 180درجة..مابغيتهاش تعذب مي يمكن كان مقدر علينا العذاب..
ثورية تأثرات بهضرتو وشافت فيه:و ولكن علاش نهار واجهاتك جات كتسطى وكتبكي كيف لحمقة.. شنو درتي ليها..لدرجة طلعات عليها السخانة وكانت غتموت ومدة وحنا نحاولو معاها غي باش ترجع كيف لول!!
آدم تصدم:هادشي كلو وقع بسبابي؟؟
ثورية:ههه وكثر راه لخصت ليك فجوج كلمات اما هادوك ايام عانات فيهم وعمركم ماغتقدر تخيل قداش!!
آدم بحزن:كان بزز مني والله..كنت باغي نكرهها فيا باش تنساني بزربة..قلت اكيد غتبعد وتنسى حيت غتجرح بزااف..مايسحابليش غتعاني تالهاد الدرجة..انا اكبر اناني وعارف مانستاهلهاش اوووففف..
شيماء فاقت باغية تشرب قلبات بعينيها علا ماماها مالقاتهاش..بقات تساين تبان...
ثورية:شوووت دبا تهدن لي وقع وقع..والا كنتي مازال ناوي تعذبها..نصحك تبعد عليها..علا الاقل فهاد لفترة اولدي..تا ترد صحتها وتفاهمو دبا خليها عليك واخة..
آدم حنى راسو وجاوب بزز منو:واخة..
شيماء تخلعات خافت يكون وقع شي حاجة لماماها ناضت كتعافر مع سيروم والفراش وبقات غادية شادة فكرشها وكتمشى بالشوية..

ثورية:انا نرجع حداها تقدر تحتاج شي حاجة..
آدم:اوك..والا حتاجيتو شي حاجة علموني انا فالخدمة..
ثورية:ربي يخليك اولدي..
آدم باسلها يديها وناض وهي توقف ثورية مبتسمة ليه تا تصدمات وهي كتشوف قبالتها:ب بنتي؟؟
ثورية مشات كتجري عند شيماء لي غي خرجات شافت ماماها مع آدم كيهضرو وفهاد لوقت..
آدم دار:شاف فيها بعينين كلهم خوف علا خروجها من بيتها...
ثورية:بنتي آش خرجك لهنا دبا؟؟
شيماء كتشوف ف آدم وساكتة..
آدم قرب حداهم وهي تسولو:علاش جيتي؟.
آدم:جيت نشوفك..
شيماء:وانا مابغيتش نشوفك..صافي سير وخليني عليك(تعصبات)ماتبقاش تلعب معايا هكا..
آدم تزنك وهي كتغوت عليه..
ثورية:بنتي صافي بلا ماتعصبي ياله ندخلو لبيت..
شيماء كتهضر معصبة:واش مابغاش يفهم بلي صافي حيدتو من بالي علاش مازال تابعني باش يدمرني كثر ملول..صافي سير عند صحابك لي من مقامك ولي مازال ماتسالا وقتهم..انا ديجا تسالا ولا نسيتي؟.
آدم عينيه حمارو مي مخليها تسبو وتخرج شنو فقلبها باش ترتاح حيت عمرها قالتلو كلمة العيب ويمكن هاد العتاب يجي موراه خير..
شيماء عينيها مدمعين:مابقيتش باغية نشوفك مازال..خرج من حياتي فهمتي(هزات يديها وكدفعو)خرج من حياتي..ندمت علا الساعة لي بدلت رأيي فيك وعطيتك فرصة..ندمت حيت ثقت فيك وسحابلي تبدلتي..اوفف اوفف صافي سير(مارضاتش تبكي ولكن دموعها بداو هابطين)صافي واش ماكتسمعش..
ثورية كتشدها وهو واخة كدفعو ساكت وكيساينها تا تبرد شوية..
ثورية:سير اولدي الله يخليك..
شيماء حسات بالسخفة وبلي ماشي نورمال وواخة هكاك بدات تكابر وتخرج القوة من الضعف باش تواجهو:هادا ماشي ولدك اماما..هادا ولد ناس فشكل اماما خنا عمرنا نتقادو معاهم..كيشوفةنا قل منهم كيحاولو يستعبدونا..كيحشو بينا تبدلنا شوية ولا بدينا نطلعو كيحلفو تا يهبطونا..
آدم تصدم من هضرتها لي كتقولها وهي كلها غضب ودموع..
ثورية:صافي بنتي اجي ندخلو باراكة ماتعصبي..
آدم هضر بلش يمشي بحالو:شيماء انا عمرني بغيت شي وحدة من غيرك ولا تعمرلي عيني شي بنت كيفما كانت..نتي لي تمنيت نكونو بجوج ونبدا معاك حياة جديدة والله.وو...
شيماء هزات يديها تصرفقو ولكن للحظة فقدات السيطرة وطاحت وهي صفرا فوجهها وماقادة دير تا حركة..
آدم جرها وهزها كيغوت بصوتو الرجولي:شيمااااء..
ثورية:اهئ اهئ الله الله ابنتي..عتقونا بنتي غتموت ليا اهئ اهئ..
جاو ممرضات كيجريو وطلبو من آدم يحطها فبلاصتها..وعيطو لطبيب غي جا خرجوهم وبقاو يفحصوها..
آدم غادي جاي فالكولوار وكيمسح علا وجهو بيديه ماعارف مايدير..اما ثورية واقفة حدا لباب كتساين شي خبر.ودموعها هابطين:هادشي لي كنت خايفة منو..مابغيتكمش تواجهو دبا..شو شنو وقع فيها أهئ اهئ..
آدم تعصب وزير علا راسو:كنواعدك نخليها علا خاطرها ومانبقاش نقرب ليها الا هي مابغاتش..لمهم تولي بيخير..
ثورية:ياربي تحميها ياربي اهئ اهئ..
آدم زاد باسلها راسها وعنقها..
تا خرجات لفرملية آدم وقفلها فالطريق:ختي امدرا شنو واش ولات لاباس؟؟

لفرملية:آه دبا حمدلله..غي نخافض ليها السكر فالدم بسباب وقوفها وهي كانت ناعسة بزااف..دبا عطيناها ابرة تريحها شوية..
آدم تنفس بالجهد:اووف شكرا اختي الله يجازيك بالخير.
مشات لفرملية وهو دار عند ثورية:انا غنمشي..تهلاو فراسكم وسمحولي علا كلشي..
ثورية بقى فيها حسات بيه مقصح من صميم قلبو..هزات راسها وهو مشى..
غي خرج الدكتور رجعات جلسات حدا بنتها لي ناعسة وباين عليها التعب النفسي والجسدي..
دازت يوماين..آدم فيها بحال الجثة ماكيهضر مع تا واحد..كيكتفي بمنصف لي كيسولو علا احوال شيماء..ومن بعد كيرجع لقوقعة ديالو ولخدمتو..
حسام ورحاب حاسينو مبدل مي ماضغطوش عليه ومشغولين غي بولدهم وحياتهم الروتينية..
شيماء فلوبيطال حسات براسها بدات تصح ورتاحت نفسيا فاش غوتات وخرجات ضعوطات بغواتها علا آدم.وبجنبها ديما عائلتها لي ماكتخلاش عليها مهما جرا..
ليوم خرجات من لوبيطال..منصف وصلهم ومشى بحالو..ومن بعد علم آدم...
شيماء خدات فترة نقاهة تقريبا اسبوعين باش تبرا من جوج جوايه وتحاول تبدا من جديد..
اصبحنا واصبح الملك لله..
فاقت شيماء توضات وصلات كدعي الله يعاونها علا حياتها وخدمتها..وخرجات لقات ماماها وجدات لفطور جلسات تاكل معاها فجو هادئ حيت خوتها مشاو لمدرسة..
آدم فاق علا تخربيش فوجهو بقى يحيدو و والو تا حل عينيه لقى حسام مقرب ليه ولدو وكان كيهرو بيديه صغيورين..ضحك وخداه..
آدم:ههه عمو جيتي تفيقني..صباح لخير..
حسام كيقلد صوت الاطفال:صباح نور عمو نوض بالاكة من نعاس واجي نفطلو هههه..
آدم:هههن بالك غي مع كرشك..
حسام:وشنو اهم من لكرش ههه..نوض نوض غيمشي علينا لحال..
آدم:اوم سبقني ها انا ندوش ولبس ولحق عليك نفطرو مجموعين..
حسام:اوك..
خدا ولدو وخرج..مشى لبيت يعطي ولدو لرحاب لقاها ياله خرجات من دوش تزير..وهي واقفة ملوية عليها فوطة وشعرها كتمسحو فازك..بقى يطلعها ملفوق لتحت..وهي بدورها تحشمات مي شوفاتو فيها عجبوها واخة هكاك..
حسام بدا يحني راسو ويطلعو ماعرف مايدير:ا ج جبت ل ليك محمد حسام تبدليلو و وانا غنم زعما غنهبط لتحت باش نفطر ونمشي لخدمة..
رحاب بابتسامة خطيرة كتحاول تسحرو بيها:امم واخة..مي صبر معايا شوية لبس حوايجي حيت ماعنديش كيندير لبسهم الا هزيتو..
حسام علا حاجبو:ا اممم واخة..
رحاب قربات كدير راسها كتشم ليكوش وعلات عينيها فحسام لقاتو كيبلع ريقو:امم بان ليا مافيه والو..
حسام:ل لا فيه..
رحاب عرفاتو داخ:شنو فيه؟؟ههه..
حسام:ا لا والو..
رحاب:اوك..
مشات بالشوية جبدات حوايجها حاجة بحاجة حداه..دوبياس كوحل وليباموص وكسيوة سخيخنة فالغري حد الركبة مع سوفيطما كحلا..ودخلات لحمام تلبس وهي خاسة بانتصار وكتمنى يدخل عليها فداك اللحظة واخة مازال ماكملات 40يوم دالنفاس ههه..
حسام جلس كيدور داكشي فدماغو حس براسو تلف بزااف وتوتر فوجودها حداه بداك الحالة..
شاف لولدو وبسم وهضر بالحس:ماماك خطيرة ياك؟؟ههه..بففف شنو كنقول لولد باغي نزرع فيه هادشي من دبا هههه..

لبسات رحاب حوايجها وخرجات لقات حسام كيشم ولدو..
رحاب:ههه دارها؟؟
حسام دار طلعها وهبطها:اممم..
رحاب:نجي نبدلو دبا؟؟ولا تحاول نتا هههه
حسام:نبدلو زعما؟؟
رحاب:اممم شنو فيها؟؟ولا ماتعرفش يمكن..اطو نجمع شعري ونجي..
حسام:كفاش مانعرفش..انا تا حاجة ماكتصعاب عليا..
رحاب:موحااال تقدر ههه..
حسام:هانتي غتشوفي..
هز حوايج تبديل وليكوش وحط ولدو قدامو كيحلو حوايجو وفاش وصل ليكوش داخ بالريحة...
حسام:ايييخخخخ شهادا..
رحاب:هههه شتس قلتلم ماغتقدرش!!(كتحاول تستفزو)
حسام:امم دبا نشوفو..
حيد حسام ليكوش وهو مدوخ بالريحة وبدا يمسحلو ويجخمطو مهم تلف مع داكشي ورحاب كتشوفو كفاش كيدير وضحك..مشا بالشوية موراه وهو جبد بابيي يمسح شداتلو يديه وهو حس بيها وشاف فيها وهي تجر يديه وبدات حاطة عليها يديها وكدوزها علا ولدها وتمسح..حسام بقى كيشوف كفاش مسحلو بزربة بمساعدة رحاب بسم وشاف جيهتها ضحكاتلو..
رحاب:ياله دبا بقى ليكوش..
حسام شم ريحتها:اا امم..
هز ليكوش وكيحاول يقادو مع تعليماتها تا شدو..عجبو لحال حس براسو دار انجاز..وهي حطات يديها علا كتفو مبتسمة ليه:برافو..
حسام شاف غيها قريبة ليه:انا غندخل نغسل يدي..
رحاب حسات بيه كيتهرب بعدات وحنات راسها عند ولدها..
دخل حسام وكره راسو حيت دارلها هكاك..اما رحاب هزات ولدها وكماداتها فقلبها وهبطات لتحت..عطاتو لدادة لعاليا وغسلات يديها..
حسام خرج قلب عليهم عرفهم هبطو تأفف وهبط..جلس علا الطبلة مستغرب مالقاهاش جالسة تا جات هازة ولدها وجلسات بعدما حطاتو فمهد ديالو صغير..
حسام شاف فيها لقاها حانية راسها..تا هبط آدم لابس حوايجو..
آدم:بونجوغ..
رحاب:بونجوغ..
آدم حنى باس محمد حسام لي كيلعب بيديداتو وجلس فطر هو وحسام ومشاو لخدمة حيت عندهم ليوم اجتماع مهم مع شركة عالمية من ايطاليا..
دخل آدم لمكتب ديالو وبدا يقلب فواحد الدرج علا ملفات مهمة تا لقى سنسلة ديال شيماء لي كانت طاحت ليها فمكتبو هزها وبقى يشوف فيها علا امل يعلقهالها فعنقها شي نهار..رجع خبعها وخدا لملفات باش يوجد راسو لاجتماع..
كريمة دخلات:سي آدم..الضيوف وصلو ودخلتهم لغرفة الاجتماعات..
آدم:اوك..حسام معاهم؟؟
كريمة:آه استقبلهم ودخل معاهم..
آدم هز لفيست ديالو لبسها ومشى كيقاد كمامو ولملفات فيديه..
دخل لقاعة الاجتماعات..
(الحوار بالانجليزية)
آدم:سلام..
كلشي:سلام..
سلم عليهم وجلس..
واحد فيهم:كيفما كتعرفو حنا عندنا ماركة مشهورة عالميا..وشي لي مخليها كتزيد فالمبيعات سنة علا سنة هو الاختلاف..كل مرة كنحاولو نقدمو لجديد..داكشي علاش قررنا هاد المرة ناخدو الالهام من المغرب..الدولة لي عندها ثقافات بزااف ومتعددة الموديلات وحياكة اللبس من منطقة لخرا..ومن هاد المنطلق قررنا نتعاونو مع شركة مغربية لي عندنا قدرة تحقق لينا هادشي..ومالقيناش حسن منكم بصراحة وزدنا تأكدنا من لخدمة الزوينة لي درتوها من قبل مع الشركة العالمية الالمانية..شي لي شجعنا نديرو تعاون ونحاولو نبرزو جمالية اثواب وثقافة المغرب مي بطريقة عصرية تخلينا نعطيوها بووز وتعرف عند كل الشعوب لي كتجهلها..
حسام عجبو لحال:ههه كنشكرك اكيد علا هاد الاطراء وعلا ثقتكم فينا..وتا حنا يشرفنا استضافتكم عندنا..
جاوبو:امم تا حنا لينا الشرف نزيدو تحسينات علا الثوب المغربي..
آدم جاوب مخنزر:الثوب المغربي مامحتاج تحسينات..ولا نبدلو فيه..الثوب لمغربي يكفيه يتلقب بالمغربي باش تكون غندو شعبية..جميع الدول العربية وتا الاجنبية لس جاو عندها وتعرفو عليه عن قرب وقررو يلبسوه..دونك مامحتاجش فيزا باش يعرف بنفسو..
حسام تصدم مت هضرتو لقاصحة مي بالمقارنة هاداك لي هضر هكاك بسم:آه اكيد عندك لحق..تقدر تكون فهمتيني غلط مي حنا ماغاديش نبدلو بقدر ماغنعطيو لبصمة ديالنا مع الثوب ديالكم..

آدم:ماغنبدلو والو فيه زعما؟ الشخص:لا اكيد حنا ماجيناش نبدلو..حيت جماليتو فحظورو وشكلو المعروف.. حسام:اوك ماغاديش نختالفو نشاءلله فاش نعرفو متطلباتكم وآراءكم وبالمقابل نشوفو واش الشركة تقبلها ولا لا.. الشخص:اكيد..متافقين.. حسام:حنا وجدنا ليكم عرض وثائقي كيحمل جميع انواع الاثواب لي خدمنا بيهم ومنهم تا آخر عرض ديالنا مع الشركة الالمانية.. الشخص:اهاه نشوفوه دبا الا كان ممكن.. بداو يتفرجو عاجبهم لحال ومستمتعين خصوصا فاش شافو لعرض ديال الاثواب من طرف شيماء.. حسام:شنو رأيكم؟؟ جاوبو:هادشي زوين بزااف..خصوصا ألوان الاثواب.. حسام عجبو لحال.. الشخص التاني:انا معجب تا باختياركم للعارضات.. آدم خنزر وزير علا يديه..وحسام شاف لجيهتو خاف يدير شي حاجة مي تبت راسو.. حسام:اوك دبا بقالنا ندرسو الشروط ونتفاهمو.. الشخص:اوك مزيان.. بقاو يتافقو وآدم كلما كيشوف شي حاجة ماكتعجبوش كيحاول يبدلها عاد كيرتاح.. رجعو خوتي لدار جلست معاهم كنتهاودو وناكلو ونتفرجو..تباركلله قرايتهم غادية مزيان وعماد لعبو زوين والمدرب ديالو فالنادي ديما كيشكرو..وماما حمدلله صحتها مزيانة دونك صافي...الله يخليهم ليا.. رجع حسام لقى رحاب واقفة حدا لباب هي وولدها حيت سمعات طوموبيل ديالو جات.. رحاب بابتسامة:علا سلامتك..شوف شكون جا يستقبلك.. حسام حل عينيه وعجبو لحال:الله يسلمكم.. حنى باس ولدو وطلع راسو وباسها بالشوية فخدها وبسم ودخل.. رحاب تزنكات وحسات بيه بدا يلين وحكات بيديها بلاصة لبوسة ودخلات.. رحاب:كيف كان يومك؟؟ حسام:زوين بزااف..درنا صفقة مع شركة ايطالية وغتشهر اثوابنا وثقافة القفطان عالميا ههه.. رحاب:هههه مبروووك.. حسام:الله يبارك فيك..عطيني محمد حسام شوية توحشتو.. رحاب:اوك(زادت عندو وهضرات بحنية)تا هو توحشك بزاااف.. حسام ركز علا عينيها وبسم:اممم(رحاب حشمات وهو يزرب عليها..خدا لبيبي)خليه معايا وقلهم يحطو لينا لماكلة.. رحاب بحشمة:اوك مي آدم مازال ماجا.. حسام:شوية ويجي غي قلهم يوجدو.. مشات رحاب توصي لخدم وحسام بقى يلعب مع ولدو..

فقت الصبح فطرت مع ماما وكنت عوالة نخرج نتقدا حوايج منها نخرج من الدار ومنها نبدل لوك..
منصف فاق ناشط لقى مساج من يسرا"صباح نور بيبي"..جاوبها وهو فرحان"احسن صباح علا حبي"..خبع تيلي حيت عارفها قارية..وخرج حيت داير مع آدم يفطر معاه..
فاق حسام لقى رحاب ناعسة حداه وصدايف صدرها محلولين حيت فليل كترضع ولدها مرة مرة..حس فشكل وهي حداه هكاك..بغى يقرب منها وتراجع وغطاها وناض كيتحرك بالشوية حيت عارفها مابقاتش تنعس مزيان ولا ترتاح..
دخل دوش وخرج لقاها مكمسة ولقى ولدو فايق كيلعب بيديه وساكت..عجبو لمنظر وبقى يتهاود معاه:ههه ولدي الزوين البطل دماماه وباباه ياك ههه..
رحاب حسات بالحركة قدامها فاقت وبقات تشوفيه وضحك..
رحاب:لبس عليك ا حسام باش مايضربك لبرد..
حسام:ههه نسيت راسي كاع مين شفتو ناشط ..
رحاب ناضت من بلاصتها كتشد صدايف وزادت حدا حسام وباستو فحنكو..حسام شاف فيها وهي حنات راسها ودخلات تغسل وجهها وخرجات..
حسام تزعزع ملداخل مع من شحال هادي ماقاص شي وحدة..
رحاب هزات ولدها كتبدل ليه وحسام حداها كيلبس..هبط وهي خدات وقت باش تلبس وتبدل لولدها..فاش هبطات لقاتو كيفطر بوحدو..
رحاب:فين آدم؟؟
حسام:خرج يفطر مع منصف..
رحاب:اوك..مزيان..
ناض حيت سالا:هانا مشيت..
رحاب:بون جوغني..
حسام بسم ومشى..بدا يحس بلي كاينة حلاوة لحياتو دبا خصوصا فوجود ولدو..
آدم جلس فكافي مع منصف كيشرب قهوتو ويعاود ليه علا لوفود لي جاو من ايطاليا..
منصف:امم مزيان فرحتلكم..
آدم:شكرا..هي صفقة زوينة مي عصبوني فلول..قالك باغيين يبدلو الزي المغربي وبحالا يديرولو اعادة تصنيع وينسبوه ليهم..هادشي لي عمرهم يحلمو بيه..اني نعطيهم فرصة يسرقو ثقافتنا ويبدلو فيها كيف بغاو..
منصف:لا عندك لحق ثراتنا وحضارتنا ماشي لبيع..نقدرو ندخلو عليها تحسينات وتعديلات تواكب لموضة مي ماشي نحرفوها..
بقاو الدراري يهضرو وآدم متجنب يسول علا شيماء وتا منصف ماجبدهاش ليه..
ناضو الدراري وكل واحد فين شد طريقو..
آدم كان غادي بطوموبيلتو تا شاف شيماء وماماها كيتمشاو تلف ماعرف مايدير..كسيرا وحط طوموبيلتو فبارك قريبة وحاول يتلاقا معاهم..بقى غادي كيقلب بعينيه تا طاح فيهم جايين..
ثورية شافتو ماعرفات مادير بقات مكملة طريقها..
ولكن غي قرب شافتو شيماء وحنات راسها لأرض..
آدم وقف احتراما لثورية:سلام خالتي..
ثورية:سلام ولدي..
شيماء ساكتة وكتشوف بعيد..
آدم:كيبقيتي ا شيماء؟؟
ثورية جاوبات فاش شافت بنتها ساكتة:حمدلله اولدي..
آدم:اوك نخليكم دبا..
شيماء حسات براسها تزيرات وهو غيمشي مقلق وماداتهاش فيه مي ماعندها ماديرلو..

آدم ضرب دورة من درب ورجع لطوموبيلتو مكره..عمرو ماتعامل بهاد الطريقة تا عاملاتو شيماء..مي واخة هكاك عزيزة وكيبغيها فوق اي قياس..
شيماء بقات حاسة بالذنب خصوصا فاش ماماها عاتباتها وبينات ليها بلي حشومة ماتجاوبوش..
جات لعشية كلشي رجع لدارو ولنفس الروتين الا حسام وآدم كان عندهم عشاء عمل مع داك الوفود..تأنقو وخرجو..تلاقاو فمطعم واعر..جلسو كيتعشاو تا تجبدات سيرة لعرض..
واحد فيهم:الصراحة انا معجب باختياراتكم لعارضات..المغربيات ولا عندهم صدى كبير فالعالم..حيت عندهم جاذبية خاصة وجمال طبيعي..وهادشي تأكدت منو خصوصا من العارضة الاخيرة لي خدمات مع الالمانيين(آدم تزنك عرف لهضرة علا شيماء)زوينة بزااف وفيها سحر كيجدب كل واحد ليها..
حسام عرف هادشي الا طول الطبلة غتقلب:الصراحة شيماء من اكفأ العارضات وعلا مستوى عالي وكلشي كيشكر خدمتها وطلتها..
جاوبو:وتا حنا بغيناها تكون مشاركة فالعرض لخاص لي غيكون بيناتنا ممكن؟؟
حسام:اكيد..نسولو مدير اعمالها باش نعرفو مشاريعها هنا..
الشخص:ماكنهضرش علا العرش لي غيكون هنا..تا هو غتشارك فيه اكيد مي لمهم فايطاليا..
حسام:ا واخة نشاءلله..
آدم بسخرية:شفتك مركز بالضبط علا هاد العارضة..علاش زعما؟؟
حسام كيتمنى لقضية تبرد حيت عارف خوه الا تعصب ماكيعجن بخميرة..
جاوبو:امم حيت مناسبة للعرض ديالنا(ابتسامة مخبعة هضرة خرا).
آدم خنزر وسكت حيت الا هضر غيتسمى مامزيانش..
رجعو لدار وهمة كيتناقشو..
حسام:صافي اصاحبي تا حنا راه بجنبها واخة يبغي يدير شي حاجة غنوقفو ضدهم لمهم دبا لمشروع يكمل وكلشي مقدور عليه..
آدم:شوف انا راه راجل وفاهم شنو ناوي مي بيميني ويحاول يقرب ليها تا نقلب 6 9 معاهم وبيا ولا بيهم داك الساع..
طلع آدم لبيتو منيرفي..كون تزوجها كون راهم هانيين من هاد الصداع والغيرة لي كتحرقو ملداخل..
دخل حسام لبيتو كيتأفف تا كيلقى رحاب جاسة علا ناموسية بشوميز دونوي حمرا وطالقة رجيلاتها عريانين..
غي شافتو بسمات وهضرات بصوت حنين:علا سلامتك..
حسام حل عينيه مزيان:الله يسلمك..
رحاب كملات 40 صافي داقت بيها توحشاتو وبغات دوز معاه ليلة حمرا تطفي نار الشوق..
ناضت بالحفا ومع طالقة لكليما ماكاين برد..مشات تعاونو يحيد لفيست..
رحاب:تعطلتي بزااف..كيف كان الاجتماع..
حسام:ا اممم مزيان..نع نعس محمد حسام..
رحاب شافت فيه بعينين كلهم اغراء:امم نعستو..
حسام خدا لفيست من عندها:انا ندخل نبدل ونعلق هادشي..
رحاب ماكرهاتش عي تحيدلو حوايجو غي يعطيها اشارة..هزات راسها ومشات جلسات كتساينو يخرج..بقات طرطق صبعانها بالتوتر خيت هاد الليلة ملشي بحال اي ليلة دازت..
حسام بدل عليه ولبس سروال وفوقاني فالغري وخرج..بدا يعلق داكشي وهو معلي حاحبو ماعارف مايدير..واخة هادشي كامل هو حاس براسو مازال مامستاعدش يبدا من جديد..مشى جيهةبلاصتو وهي متبعاه بعينيها..تخشى ودلر لجيهة لخرا:تصبحي علا خير..
رحاب تصدمات احسن صدمة وقفولها الدموع فعينيها ناضت معصبة جبدات بيجامة سخونة سروال وفوقاني بالسنسلة وحيدات داكشي ورماتو فلابوبيل دالحمام..مسحات عينيها من الدموع وخرجات حطات راسها..
حسام حس بيها مي ماعندوش كانا يهضر ولا يشرح..خلا الامور علا حالها وهي لراسها غتفهم..
رحاب بقات تفكر فوصايا ختها دنيا لي شجعاتها دير هادشي..وندمات حيت طيحات براسها بزااف مي من دبا لفوق عولات تلزم حدودها وتعيش عادي بحال اول نهار جات..

الشركة الايطالية كانو مزروبين ومستعدين تقريبا يبداو الخدمة شي لي كان موقفهم هو لموافقة ومين خداوها قررو فهاد الاسبوع يبداو التجهيزات..خصوصا انهم مقادين من قبل تصاميم تماشى مع الطابع المغربي والاثواب ديال العمراني..
فاق حسام الصبح لقى رحاب جابت بيبغو ترضع ولدها..
حسام كيحاول يتعامل عادي:صباح لخير..
رحاب بابتسامة:صباح نور..
حسام طلل علا ولدو وباسو:باغي تاكل ا بابا..ههه بصحتك..
رحاب بسمات وهزاتو فيديها كتوكلو..
دخل دوش ولبس وهبط...
آدم مشى لخدمة بكري حيت جاه ايميل فليل من داك الشركة بلي غيصافطولو شي حد يتفاهمو علا لخدمة وتطبيقها..
آدم استقبلو وهضرو مزيان وتافقو علا كلشي..وغي وصل حسام تفاجئ بأن كلشي تقاد..فرح بزااف وبقالهم غي يعلمو شيماء باش تستعد لخدمة..
منصف عرف وعجبو لحال بزااف خصوصا انهم هاد المرة غيتخلصو بالاورو هههه..
كنت فالدار تا دق علينا منصف وجلسنا مجموعين..
منصف:جاك عرض جديد مضوبل ههه..
شيماء:كفاش مضوبل؟؟
منصف:غتخدمي هنا فالمغرب وتعاودي تخدمي فايطاليا..
كلشي فرح..
شيماء بصدمة:و وصلت لعالمية هههه..
منصف:مبروك تستاهلي هههه..
كلشي عجبو لحال واحتافلنا بهادشي..اكيد ماشي ساهل تختارك شركة عالمية تقدم ليها عرض مي حمدلله هادشي كيبين بلي مابعد الضيق الا الفرج..
#تسريع_الاحداث..
بدات دوز فترة علا نفس لحال..
حسام ورحاب كيتعاملو عادي خصوصا انه مشغول مع لخدمة وانتاج الاثواب المطلوبة.دونك ماكيبقالهمش وقت بزااف يتشاوفو..آدم غي لخدمة وحاضي مزيان مع الايطاليين وكيتدخل فالصغيرة والكبيرة.خصوصا التصاميم لي ماحرفت والو من الزي المغربي بالعكس خداو الالهام منو واستوحاو أثواب جديدة رائعة..
اما شيماء كانت كتمشي مرة مرة ياخدو قياساتها فانتظار انها تلاقا بالاطر ديال الشركة فالعرض..
ليوم لعرض..الصراحة فقت فرحانة ومستعدة مزيان..جا مورايا منصف وكنت فقمة سعادتي بعد الدعوات لي خديتهم من ماما..وصلت للموقع..ومشيت نستعد..
وصل آدم وحسام كيشرفو علا العرض لي غيضم اهم الشركات..ولكن كيبقى العرض الايطالي غيكون علا اعلى مستوى مع تصاميم خرى..
لبست غوب طويلة عندها ضمطة فالوسط بحال شكل المضمة وهابطة مجموعة شوية علا الذات فالاحمر وعندها كتف كلو بالخيوط ولكتف لاخور بالثوب عادي مع طرز فالاحمر فونصي..لبست معاها صباط عالي كحل وشعري مجموع لفوق وشي زغيبات هابطين جا ناعم وانثوي..وميك اب فاتح فالشنايف وشرطة عريضة فوق عيني..حسيت براسي اميرة ندور ونشوف فراسي ونضحك..اكيد لماكيير عالمي والمصمم عندو خبرة فهادشي..هنا شوية كتحس بالفرق..بقيت نساين يبدا العرض..
اما آدم وحسام كيستقبلو الضيوف والمتعاقدين معاهم كيساينو النتيجة ديال هاد التحالف..
كلشي شد بلاصتو وبدات موسيقة العرض..
بداو لبنات وحدة مور لخرا واغلبيتهم من اشهر عارضات العالم ومنهم مغربيات معروفين فالوسط..حيت اكيد محتاجين ليهم باش يبرزو الجمال العربي مع الثوب..
جات نوبتي وقفت وتنفست الصعداء ودخلت..حاولت نسى كاع الناس ونتمشى لاخر البوديوم كلي ثقة وتفاؤل بشنو انا فيه..
آدم شوفاتو كانت مختالفة علا كاع الرجال..كان خايف عليها ومتمني ليها الافضل اكيد واخة غيرتو عليها كتصور ليه بلي خصو يخطفها من كاع العيون لي عليها..ويهرب لبلاصة بعيدة يكون غي هو وهي وقادر يحميها ويهتم بيها كثر من اي شخص..
الايطاليين كانو فرحانين بزااف وواحد فيهم عينو عليها بطريقة مامريحاش..
سالات نوبتي دخلت لداخل فرحانة بلي ماوقع والو حمدلله..
آدم تنهد فاش دخلات وحسام شاف فيه وبسم ودارو كملو لعرض..غي سالاو لبنات رجعو دخلو كلهم..ومعاهم المصمم مبتسم ودخلو..
تسالمت مع كاع لبنات وبدلنا علينا..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.