صورة مصغرة لـضحية شرف الجزء الثاني

ضحية شرف الجزء الثاني

tani da7iat charaf 
رواية ضحية شرف

دخلو مجموعين للصالون و اسامة غير كيشوف فمروى و يتحلف عليها و على فعايلها....و نوصفو ليكم اسامة شاب فعمرة 25 سنة شعرو بيض و حروفو كحلين طويل و مكدر و مع خدمتو و التدريب عضلاتو مطراسينن ... دخلو باه لسلك الشرطة من لعد ماشد لباك و داه لاكاديمة تكوبن الضباط الممتازين ...و حاليا هو معروف بابن العقيد العزوزي ...و بخدمتو المجدة كولشي كيشكرو و يمدحو 
مروى:بصوت خافث....لعما انشاء الله 
اسامة:سمعها.....يجيك انشاء الله البرهوشة...هابلاتي دابا نشوفو هاد تزنديق لي كان فيك واش غيبقا و لا لا 
مروى:بخبث....غنشوفو (فخاطرها)هابلاتي يا بيا يبيكم ...انا نوريكم واش نخرج و لا منخرجش
كملو نهارهم عادي من غير بعض المشاحنات لي بين مروى و خوها

كريم:هبط من الاوطو ديالو و توجه لشركة دخل بكل ثقة في نفس و لي داز من.حداه كيعطيه تحية دليلا على احترامهم ليه و حتا هو كيبادلهم بابتسامة خفيفة ،مشا عند سكرتيرا ،كريم:سيفطيلي دبا سمير للبرو !!
سكرتيرا:اوك مسيو كريم!
مشا للمكتب ديال لمرحوم باه حل لباب وهو يتفكر جلسة ديال باباه مسح على وجهو و مشا جلس بكل لباقة
وكيفكر كيف غادي يتول شركة و لحمل لي ثقال عليه 
تحل لباب و دخل سمير شاب وسيم قد كريم في لعمر كان صاحبو من صغرو وكيعتابرو خوه في حين ان خوتو كاينين ولكن غير بإسم !
سمير:وافين اعشيري غبرتي علينا و نسيتينا؟؟
كريم:سمير هنينا ! خاصنا ندويو في خدمة !
سمير:واتبي شوف نسا خدمة دبا انا فرحان غادي نتلاقا بواجد شوكلاطة ليوم في لبواط لمعلوم و غادي تمشي معايا..، كريم:لا ما غادي نمشي معاك عندي خدمة دبا و خاصني نهتم بها غير هي..، سمير: ولا ا صاحبي ضروري تجي معايا و إلا حتا انا مغاديش ....
عند مروى لي قتلها لملل و جلاس في دار وحالفة حتا تخرج وصلات 20h وهي تنوض للماريو جبدات كسوة طويلة حد ركبة لبساتها و معاها صباط كعب عالي قدات كوب شعرها بلبلاك و ميكاب وهي تهز صاكها وخرجات بسلتة غادا وشادة صباط في يديها وكتمشا على صبيعاتها
طلات عليهم لقاتهم باركين في صالون كيثحدثو مشات للكوزينة حلات لباب ديالها وهي تعلق و عطاتها للجرا خرجات من فيلا وهي تنهد و دارت ضحكة شيريرة وخدات تيلي ديالها وتاصلات بنهيلة،،.. نهيلة:وي طحبة شنو؟؟؟..،، مروى:نتلاقاو في بواط هاهاهاها
نهيلة:من نيتك كتهدري ،واااااو مح عليك 
مروى:جمعي قلاويك عليا ،يلاه ديريلي بلاصة انا جاية(قطعات) ،شدات طاكسي في إتجاه لبواط
اما كريم فقنعو سمير باش يمشي معاه وجد راسو لبس كومبلي في اسود لامع دار ساعتو و رش ريحتو رجولية بامتياز و هز لكلي د الاوطو وخرج من سويت ديالو ديمارا الاوطو ومشا لحق على صاحبو سمير،،،

وصل كريم لبواط دخل كيقلب على صاحبو سمير لقاه جالس ومعاه واحد لبنت مشا حداهم وقال:سلام
سمير:مزيان ملي جيتي جلس،نعرفك هادي نهيلة ،نهيلة هدا صاحبي كريم
نهيلة:متشرفين اخويا،.. كريم:شكرااا!!! 
بقاو مكملين سهرتهم و كريم غير ساكت و كيفكر اما سمير و نهيلة فاكيهدرو و يضحكو حتى ناض كريم
سمير:آفين اصاحبي غادي؟؟..، كريم:هانا جاي،خلاهم ومشا للمرحاض
عند "مروى" لي وقفات طاكسي قدام لبواط خلصاتو و تمت داخلة ليه عطاوها فيدورات الاشارة باش دخل حيث
ولاو كيعرفوها تمت داخلة كتجري بحال لحمقة و زحام كاين حتى كتصاطح مع الحوت الازرق هاهاها ،جسم عريض وقوي دو بنية عضلية الروجولية ،هزات عينيها فيه
وهي تسحر بعينيه و وسامتو تبلوكات لدرجة معرفت متقول ،، ..:سمحيلي مشفتكش نتي بخير
مروى:(اححح شوكولا نيوتيلا ) ب ب بخير!
خلاها واقفة و مشا و هي بقات متبعة ليه لعين حتى غاب عاد فاقت من سهوتها و تفكرات نوها و مشات كتقلب عليها وهي تلقاها جالسة مع واحد الشاب وهي تغوت على حر جهدها..، مروى:نووووهايلاااااااا!!!
دار كلشي كيتلفت ليها ههه ناضت نهيلة مخلوعة عندها هي و سمير ..،نهيلة:مروي ،مالك اشنو وقع؟؟؟؟
مروى:(وعات على راسها) بخير علاش مالي؟؟
نهيلة:واش تسطيتي علاش غوتي راك خلعتيني(حطات يديها على قلبها) بففففف!..، سمير:نهيلة بخير؟؟
نهيلة:قفزاتني، هاد لحمقة سميتها مروي ،مروى (غمزتها) هدا سمير
سمير:هههه متشرفين!! .. ، مروى:طانكس
مشاو جلسو بثلاثة بهم كيهدرو و يضحكو غير مروى لي باقي بين عينيها عينيه و وسامتو معرفاتش شنو طرا ليها اول مرة ينتابها هاد شعور...

..: سمحولي تعطلت عليكم!!
هزات مروى عينيها تشوف شكون وهي تبلوكا في بلاصتها كان هو نفس شخص لي تصلطحت معاع تفاجآت و بدا قلبها كيفرفر 
سمير: كريم جلس اصاحبي!، .. نهيلة: مروى هدا كريم صاحب سمير و كريم هادي مروى صاحبتي 
كريم(بابتسامة) متشرفين(: !!..، مروى:(غير حالة فمها) : لارد .. بقات ساكتة و غير كتشوف بعينيها و نهيلة شافت صاحبتها غير ساكتة و سكوت من غير عادتها أولا نوصفوه بالصمت قبل فاجعة فحين هو لمقها بنظرة غريبة و ابتسامة خفيفة على شفايفو طلعها و نزلها و دار عند صاحبوو لي هضر 
سمير:اوا مروى و تتي شكديري فحياتك 
مروى:ههههه كنشطح 
سمير:وايلي ههه
نهيلة:ههه متديوش عليها غير كضحك....هروى كتقرى معايا بجوجنا كنقراو فكلية التجارة 
سمير:اوا هاكاك ...مزيان الله يوفقكم ...شدو ديبلومات و اجيو عند كريم يخدمكم ...اولا اساط 
نهيلة:هههه هو رئيس المغرب 
مروى:على المغرب عندو رئيس 😂😂 
سمير:هههه لا هو رئيس شركات الزياني 
مروى:هزات حاحب....مبيناش فيك صراحة 
كملوو حديثهم على هاد المنوال كيتعارفوو على بعضهم بشكل دقيق مروى انساحبات من الكلام و خلات غير سمير و نهيلة لؤ قايمين بالواجب اما كريم فكان المظة كاملة و هو غير كيشوف فيها او بالاحرى ساهي فيها
نهيلة حسات بالكالم و هزات راسها فمروى كضحك و قربات منها هضرات بشوية 
نهيلة: مروى مالكي ساكتة ؟؟؟
مروى:والو راك عارفا غير سالتا كنفكر فاش انرجع اتنوض الحرب ....بفففف داك خويا غادي يسيطيني هو و بابا منخرج و مندرح او بزااااااف!!
نهيلة:و راهم كيخافو عليك وهادشي عادي حتا انا مكيخليونيش بعد لمرات!
مروى: وابزااااااف على لخوف انا راني كبرت و مبقيتش صغيرة دونك مخاصهمش يبقاو كيتعاملو معايا هكدا!!!. ،..كريم: (سمع حديثهم و هضر موجه ليها الكلام)هما عائلتك وبالسيف ميخافو عليك ونتي كتلبسي هاد لبس و كتخرجي به 
مروى(معجبتهاش طريقة كيف هدر معاه و هي تميق فيه) أولا انا حرة و حتا واحد ما عندو لحق يحكم على طريقة لبس ديالي سواءا عجباتو أو لالا و يكفيني عاجباني انا و مرتاحة فيها!!!!
نهيلة شافت لجو مكهرب وحاولات تهدن للموقف
نهيلة:أحم مروى يلاه نمشيو كنضت تعطلنا!!؟ ..،مروى)ناضت( وي حسن اصلا كون غير مجيتش )خنزرات في كريم) ..، سمير: ء نهيلة نتلقاو مرة أخرى؟!! ..، نهيلة:(بابتسامة) اكيد يلاه باي 
كريم(كيشوف في مروى) بسلامة !!
مروى سابقات نوها للبرا ووقفات وهي كتغدد حتا لحقات عليها لقاتها كتغدد في ضفارها
نهيلة: أمالك دائما كتكحليها عاد كتهناي،،. مروى: وهو لي حاس براسو بفففف عصبني
نهيلة: يلاه نمشيو يلاه !!
شدو طاكسي و وصلو للفيلا ومروى اصرات على نوها تبات معاها دخلو لقاو صقيل كلشي ناعس طلعو كيتسلتو وهما يدخلو للبيت مروى و هاد اخيرة شعلات ضوء وهي طلقها نوها بواحد ضحكة لقات فوق ناموسية 
لمخاد مغطيين على شكل شي حد ناعس 
نهيلة: هههههه هههههههههههه ضربتيها بسلتة و دايرا للمخاد باش ميعيقوش هههههههه
مروى:هههههههه ويه مي صدقاااالت هههههه
بدلو حوايجهم و طفاو ضوء ونعسو

اما بطل ديالنا فا من بعد ما مشاو لبنات ناض ودع سمير
وخرج ركب في الاوطو ديالو رجع للاوطيل دخل لسويت ديالو جلس وهو تفكيرو كامل في مروى منكروش انها عجباتو ولكن طريقة لبسها و تفكيرها بأساسو خلاه يتعصب و ما سبب هاد لعصاب؟ تكا على لمخدة و داتو عينيه للعالم احلام 
~~صبح صبح ياعمي حگ~~~
فاقو لبنات من نعاس ناضت مروى دخلات للدوش دوشات وخرجات للديرسينغ جبدات شوميز بيربيري و معاها جينز اسود و كونفيرصا لبساتهم ونشفات شعرها
و دارت كاسكيط فوق راسها و جلسات كتستى نهى لي فالحمام خرجات حتا هي مشات للديرسينغ جبدات كسوة لبساتها
مروى:دابا حان الوقت باش تري عليا و ميشوفك حد؟؟!! ،.. نوها:هاناري مالنا كنشفرو 
مروى:بغيتيهم يدبحوني ...ناري يعرفوني خرجت نقودها معاهم
نهيلة: ففف كيغاندير نخرج دابا 
مروى:ااطط تبعيني و سكتي 
حلات لباب دبيتها بشوية و خرجات غير نص فراسها بان ليها صقيل فلكولوار يالاه بات تخرج و هي تبان ليها مها طالعة عندهة بسرعة رجعات سدات لبيت و بقات واقفة كتعض ظفراها
مروى:قودناها مرات العقيد جايا 
نهيلة:هههههه واع ...و شنو 
مروى:ها...قبل متكملها تحل لباب و دخلات نادية 
نادية:مروى....نهيلة شكاديري هنا 
نهيلة:بضحكة صفرة سلمات عليها...خالتي لاباس
نادية:بيخير احبيبة مشفنلكش فاش جيتي 
مرزى:احم راه جااات قبيلة زعما فصباح 
نادية:على اساس حنا فليل (شافت فيهم بعينين مضيقين)شي ان تنا غرو غرو
مروى:راه جات عنظي لبارح فليل و باتت معايا صافي 
نادية:خرجتي اللفعة الكرطيطة ياك
مرور:و دابا سوفي لينا شي حل نخرجوها قبل ميشوفوها دوك جنون عندك يعلقوني و تبقاي بلا بنت 
نادية:عوجات فمها....ديريها قد راسك و جي عندي نفكها ليك 
نهيلة:حماليديك اخالتي 
نادية:زيدو قدامي 
نزلو كولهم لاصلا مونجي لي كانو مجموعين فيها العائلة و جلسو و نادية كضحك بلعاني 
نادية:اوا كيدايرة ماماك انهيلة ...غبرتي شحال مجيتي 
نهيلة:بلعات ريقها و بادلاتها الابتسامة المويفة...لاباس اخالتي كتسلم عليك 
نادية:اوا جلسي فطري معانا مويان نتين جبتي هاد صباح ..بحرى تونسي مروى بحيث مابقاتش كتخرج مسيكينة 
نهيلة حبسات ضحكة و تبسمات و مروى نفس الشيئ جلسووو مع العائلة سي مصكفى غيركيشوف و ياكل بشوية فحين اسامة بقا جالس مخنزر و كيشوف فيهم بتشكيك اما الخاحة نعيمة شافت فلبنات و ظارت ليهم احياني عليكم غير براسها 
مروى:هازا فورشيطة...مالك متخنزر 
اسامة:اوا الله يعميها ليك 
نهيلة:شافت فيه و ضحكات 
مروى:كتبركم ...لعما يصيبك انشاء الله
نهيلة:ناري ياختشي خوك شحال تبوكص 
مروى:منين اودي ....(عاودات شافت فيها بزرلة)يالكلبة كتلوطي على خويا و نتي لبارح سهرانة مع وحدا اخر 
نهيلة:هههه ياهتشي وراكي عافراني عشاقة ملالة 
مروى:الله يعميها ليك الكلبة 
نهيلة:مديريش معايا مويان و تزوجيني ليها ...و لا عطيه ليا كادو (مع فالتها بقات كدور فعويناتها)اجي بعدا شنو ليوم 
مروى:شكون عرف 
نهيلة:من نيتك 
مرزى:(حابسة الضخكة)ههههه متخافيش مناسياش ...هابي بيرزداي ...ماما جدة لؤوم عيد ميلاد نونو 
نعيمة و نادية:عيد ميلاد سعيد بنتي ...لعقببة لميات عام انشاء الله 
نهيلة:شكرا خالتي 😆😆😍😍
اسامة:عيد ميلاد سعيد
نهيلة:بخجل...شكرا 
مصطفى:عيدي ميلاد سعيد بنتي 
نهيلة:شكرا عمو....و بهاد المناسبة...اتهلي مروى تحضر لحفلة ديالي 
اسامة:ههه قول لبلان هاكا 
نهيلة:شنو 
مصطفى:وقف ....مروى سيري ولاكن خوك يديك و يجيبك 
مروى:هاااا؟؟؛!!!!! مالهم غيطيرو عليا
اسامة:زعما انا ممعروضش 
نهيلة:مرحبا بيك تانتا 
اسامة:شاف فختو...اذن نمشيو بجوح 😉😉😉

اما لبطل ديالنا فاق من نعاس دخل للحمام دوش بلخف وخرج لبس حوايجو و خرج في إتجاه شركة دخل لبرو ديالو وبقا خدام على للملفااااات حتا دخل عندو سمير 
سمير:وافين السبع؟!!..،،كريم:صفقة لي خدم مرحوم مع شركة الطاهري بغيتك تكلف بها و في اقرب وقت نديرو معاهم إجتماع ..
سمير:واخا...شنو درتي مع خوتك 
كريم:والو ..شعندي ندير معاهم
سمير:اه ولاكي(ترن ترن) اوه هادي نهيلة....الو 
نهيلة :سمير سافا 
سمير:هههه على هاد صويت وليت شي حاحة كثر من سافا 
نهيلة:هههههه ياكما صدعتك....بغيت نقوليك 
سمير:وي 
نهيلة:ليوم لانيف ديالي ...و بغبت نعرض عليك و قولها لصاحبك مرحبا بيكم 
سمير:وااايلي....ايه علاش لا و جوايوزانيفيرسير 
نهيلة:هه ميرسي ..انسيفط ليك العنوان فميساج 
سمير:ااوك
نهيلة:باي (وقطعات)
سمير: ليوم كاين لأنيفيرسير د نهيلة و غادي تمشي معايا بدون 
اي نقاش عرصاتك تانتا ..، كريم(جات على بالو مروى) ام اوكي دبا خرج خليني نخدم!! .،،سمير:ههههه وخا ها هو غادي 
خرج سمير وبقا كريم كيخدم على ملفاااااات

خرجو لبنات كيتسناو في أسامة و مروى معاجبها حال و كتغزف على اسامة خرج و ديمارا الاوطو وطلعو ووصلهم للدار د نوها غير وصلو وهبطات مروى بلخف باش تلحق لتوجاد للحفلة دارت الاتصال للمنوم لحفلات يسيفطو ليها دوموند و نوادل باش يعاونوها مكاملاش ساعة وهما يوصلو دخلاتهم وبدات كتعاونهم في توجاد قادو طوابل و زينة ولافتة كبيرة مكتوبة عليها"عيد ميلاد سعيد نوهايلة" مسالاو حتا غربات شمس شعلو اضواء و بداو أصدقائهم كيجيو طلعات مروى لبيت ختارت سوارية في أزرق ملكي لبساتها جاتها مزيرة ولكن مهامهاش عملات مايكاب صارخ لبسات صباك كعب عالي 
و اخر لمسة هي ريحتها لمفضلة (COCO CHANEL( شافت في مرايا عجبها راسها و هبطات كتعوج بكل ثقة ولباقة كتهدر و تضحك مع اصدقائها في لكلية على انغام موسيقى هادئة ...و فغرفة اخرى نهيلة كانت كتجهز لحفلتها و لبسات احلى معندها ماهي صاحبة الخفل ...اختارت غوب طويلة فلمووف بحال دارت شعرها جنب مع مكياج مثير برز عويناتها العسليين مع طالون نفس لون لغروب شافت فلمراية جات بحال شي برانسيس رشات ريحتها الفرنسية quelque notes d'amour و تمات نازلة تصادفات مع مروى فتلدروج و هاد الاهيرة ضرباتها بتصفيرة سايكونت سانك
مروى:هاي هاي عل تيتيز 
نهيلة:هههه جا كولشي 
مروى:وي لي زامي ديالنا جاو ..و ماماك و صحاباتها راهم شادين واخد الركنة عاطيينها لشياخة و للضحك ....و لكن الكارثة عي داك خوبا لي غيطي خاصنا نلقاو ليه بلانو 
نهيلة:ههههه بعدي من دري هالعار 
مروى:بفف ...مضبريش ليا على شي قرعة نن دياول باااك نسحتوو باباه بيها
نهيلة:باش يبت بونا كنتغلاصاو فلكوميساريا 
مروى:لا متخافيش ههه 
نهيلة:وازيدي بعدا تنشوفو دعوة كيدايرة ...متعرفي يشوف شي قوقة و ينساك 
مروى:ضحكات بشر......ههههه صافي لقيتها. ...مغتفكتي غير زرمومية ديال لولا 
نهيلة:هاحاي 😂😂😂 علاه جات 
مروى:ااه ..نلصقها فيه تحمقو و تسطيه هههههه زيدي 

مشاو كيقلبو على لولا هي بنت زوينة وحمقة وهي منقد ديالهم من اسامة مروى: شويرفة ديالي توحشتك.،، لولة:ياك أبنت لمجراب لاخر انا شارفة ههههه ..، مروى:حاشا نتي توت ديالي بغيتك تنقدي ختك من.داك لقواد ديال خويا لولة:نيهاهاهاها فين هو هاد خوك ..، نوها(شيرات بيديها جيتة اسامة) را هو عفاااااك فكينا منو لولة:احح على توتوز...كوني هانية انا نفكك منو تمات غاديا بخطوات بطيئة جيهت اسامة لي كان شاد واحد القنت متكي على طبلة مكروازي رجليه و كيدور عينيه ارجاء المكان حتى كتبان ليه واحد لبنت زوينة جليا قاصداه بقا مابع ليها العيز حتى وقفات عليه و فهاد الاثناء مروى رتاحت نسبيا ولما لا وهي غادي تفك.من خوها ..:ها حنا جينا هههههههه!!! نوهايلة:مرحباااااا مرحبااااااا سمير كريم !!! سمير:(بابتسامة) اهلا نوهايلة جيتي فنة كتحمقي (: !!! نوهايلة(بخجل) ههه شكراااااا سمير مروى صافا مروى:بيخير و نتا سمير:مزيان نوها:مرحبا بيكم ...كريم مرحبا كريم: ترحب بيك جنة(مد ليها هدية صغيرة)هابي بير زداي نوها:اووه شكرا بزاف سمير:تاهوا مد ليها لكادو ديالو....بطولة العمر انشاء اللله نوها:هه شكرا بزااف ...سمخولي نحط لي كادو و نرجع ليكم كريم سمير:خوذي راحتك مشات نوها تحط لهداية ديالعا و بقات مروى واقفة مع دراري و فتفس لوقت ممسوقاش ليهم كتفرج فصاحبها و صحاباتها كي منوضينها فالحفلة و مرة مرة تلوح عينيها جيت خوها تلقاه ساد الشياخة مع لولا و كيضحك معاها مروى:ضحكات بخخفة...شوف ليك ولد الحرام ههه صدقتي خطار الولا ههه سمير:هيهوو مروى مروى:وي وي سمير:كضحكي بوحدك مروى:ههههه لا ماشي شي حاجة سمير:فين نلقى الحمام مروى:اه دخل لداخل تلقة نوها تنعتو ليك سمير:اوك مشا سمير كيقلب على نوها توريه الحمام و بقات مروى هي و كريم راس فراس دارت عطات. بجنبها و كتشوف فيه غير بنص عينكيفاش واقف و حاط مرفقو فوق الطبلة ضارب حطة خطيرة و ريحتوو هممم فايحة كيلمسك...و هو بدورو حاط كان حاط عينو عليها و كيشوف فوجها عاقد حجبانو و مرة مرة يطلعها و ينزلها و كيشوف فلبااسها لي جاه جريئ اكثر من اللوزوم كريم:و هو كيشوف قدامو.....مكتحسيش براسك كثرتي بزاف داكشي فوجهك و نتي مزال صغيرة مروى:ضارت شافت فيه هازا حاجب...نعام كربم:زعما وخدة فسنك تلبس شي حاجة تناسبها اكثر ...هاد اللوك مجاش معاك 😉 مروى:ونتا شكون خدا برأيك من الاساس كريم:مكنبغيش نشوف شي حاجة و نبقى ساكت عليها مروى:انا حرة فلبسي اوكي...بنادم كيداير هزات روحا و تمشات قدامو كتعفط بطالونها مغزفة فحين هو بقا متبعها بعينيه عاقد حجبانو حتى بانت لو وقفات عند واحد لكليكة مخلطة بنات و دراري سلمات عليهم كاملين كضحك حتى شدها واحد منهم من خصرها و هي كضحك معاه هضر فودنيها و ضحكات و طارت خدمات اغنية "لويس فونسي" جديدة و رجعات عند نفس الدري لي هو صديقها مهدي تشادات هي وياه و بداو كيشطحو و غير شافهوم صحابهم كولشي ناض كيشطح و هادشي كامل داز تحت نظرات كريم لي معحبوش نهائيا هاد الجو و و حتى هاد الميووعة و الضسارة لي بين الصحاب اما البطلة ديالنا كترقص و كتلوز على انغام الموسيقى مع صديقها لي منوضينها زدحة حتى كتحس بشي يد اخرى على خصرها

دارت بزربة لقاتو واحد الولد كيقرى معاهم فلكلية و كيبان عينيه حمرين بحال واكل القرقوبي شدها من خصرها زيرها عندو و جرها كيشطح معاها و يتلمس فيها و هي كتحاول تبعدو عليها دارت عند مهدي تقولها لوو لقاتو شد فصاحبتهم و منوضينها زدحة بقاات كتجابد مع داك دري وكتغوت لكن تاحد مكيسمعها لانووو صوت الموسيقى كان عالي شافت فلولد لي قربها ليه كثر. كيبتاسم و كيشوف نيشان ففمها يالاه بغاا يبووويها فاقل من دقيقة كان طريح على الارض هههه نعم يا سادة ..كريم من فوقو كيعطييه غير فلبونياات كيخلط ليها نيف مع العين مع الفم بقاو ليه لودنين موصلهمش 😂😂 استسمح بقات مروى واقفة مصدومة وهي كتشوف في لولد كلو دمايات و كريم لي جا سمير فكو و ناض دار تخنزيرات كي لقرطاس في مروى شدها من يديها مزير عليها وهي كتنتر .. مروى:هييييه طلقنييي طلللللللللللق راك ضريتيني !! ..،كريم:(غوت) سكتي منسمعش حسك سكتييييييي! ..،مروى:طللللللللقني شكون نتا بعدااااا أطلللللللللق ..،خرجها للبرا ووقفها على الاوطو ورخا يديه عليها وهي هزات يديها للسماء وعطاتو بطالوشة حاااااااااارة ،كريم زادو اعصابو و صدرو غادي ينفاجر لأن معمر بنت لمرا تجرئات تهز عليه يديها حتا هو هز يديه و عطاها ب 2 تصرفيقات ياسلاااااام لدرجة صباعو تصورو فيها حطات يديها على حنكها و خنزرات فيه مروى: نتا راك معارفش راسك معامن ،انا غادي ندمك فهمتي ..، كريم:(ضحك بااستهزاء):خلعتيني ههههه واشكون و معامن انا؟؟؟ ..،مروى:راك معارفش بنت العقيد علاش قادا غدي ندمك على فعلتك . كريم:راه انا لي غادي ندمك إلا مسكتيش و نوريك انا شكنسوا شد من يديها و طلعها للاوطو وهو كتنتر سد لباب و طلع حداها ديمارا الاوطو و هي كتحاول تحل لباب كريم:غير بلاما تعدبي مغاديش يتحل ليك شافت فيه وعيتي مدمعين و كترجاه ملقات كيدير زكلام جداها لي تفكراتو خافت بزاااااف لا يوقع ليها بحال عمتها بدات كتبكي و صوت شهيقها كيتسمع وهنا كريم دار عندها و شافها كتبكي وقف الاوطو وهبط مشا حل ليها لباب و جرها وهي غير كتبكي و كتنخصص مروى:عفاااااك خليني نمشي اهئهئهئ بحاااالي عفاااااك ...شنو باغي مني شباغي دير ليا اهئ اهئ كريم(تأثر واكن بقا محافض على وضعيتو) عارفة هاد الضسارة لي فيك شي نهار دخلك فشي موصيبة جاما فكك منها هااا ؟؟ مروى:هئهئ س سمحلي عفاااااك خليني نمشي بحااالي عائلتي غادي يتخلعو عليا كريم بقا كيشوف فيها و دموع لي جلخوو ليها المكياج و الكحل دايع ليها على عينيها ...دور وجهو لور مسخ على احيت. و رجع شاف فيها بقات فيه هز يديه كيمسح فدموعها بشوية و بدون شعور نزل عينيه لشفايفها لي كانو مثيرين باحمر الشفاه زيادة على شي دميعات دايزين عليهم نزل صبعو الابهم دوزو عليهم هزات عينيها شافت فيه و تلاقاو الانظار محس بىاسو حتى هبط على شفايفها كيقبلهم بشوية و بطريقة زوينة خرجات عينيها معرفات باش تبلات ستمتعات و في اخير غمضات عينيها تجوبات معاه بقاو هكاك لفترة طويلة عاد بعد عليها وهي حلات عينيها و شافت فيه بابراءة

اما فالحفلة سمير مفهم والو فصاحبووو لي طول عمرو خاطينو المدابزات و قليل فاش كيدابز 
نوها رجعات عاودو ليها صحابها لبلان تخلعات و تفكرات اسامة بدات تقلب عليه حتى كيبان ىيها خيالو بعيد على الحفلة جالس هو و لولا و كيضحكوووو ..تنهدات باريحية و قالت:سمير عيط ليه يرضها الى عاق خوها يرب الحفلة على راسنا 
سمير:واخا زاخا غير تهدني 
هز تيلي ديالو و دا يصوني على كريم ل يهاد الاخير كان لايح تيلي فلوطو لداخل و هو كيشوف فعينين مروى لي تلبكات و صنطحيتها دخلات مابقات عارفة متقول كتحس بحنيكاتها ولا فريزات بقوة الحشمة و الخجل لي سيطر عليها نزلات راسها للارض بزربة و هي متوترة و دمعة واحلة ليها بين عينيها....محسات غير بصبعو السبابة كيهز ليها فوجها باش تشوف فيه و قال بصوت حنين:سمحيليا 
مروى:عافاك رجعني بحالي 
كريم:واخا طلعي
طلعات مروى للوطو بلا كلمة بلا جوج فحين هو تنهد حس براسو ندم حيت مد بدو عليها و هو لي عمرو مد يديه على شي بنت 
ركب حداها مقال حتى كلمة ديمارا ضرب دوميتور و تم راجع للحفلة ....ن بعد ما وصل نزلات مروى كتجري خلاتو واقف كيشوف فيها 
كريم:مسح على وجهو....بففف شنو وقع ليا انا 
ديمارا اللوطو وتم غادي بحالو ...اما مروى دخلات كتجري خايفة لايكون عاق بيها خوها تلاقات بنوها 
نوها:مروى صافا
مروى:و واش اسامة عاق 
نوها:لا لا متشغليش راه مشغول بلولا 
سمير:فين بقا كريم 
مروى:سمعات سميتو و تزنكات....منعرف ليه....مغانساش لبه هاد الشوهة لي دار ليا 
نوها...ضافي صافي تهدني ....خلينا نكملو هاد الحفلة بعدا عافاك 
كملات الحفلة بعدما تقطع الكاطوو تفرتكات الدنيا كل مشا لدااارو ...جر اسامة ختوو من بعد مخدا رقم لولا لي هاد الاخيرة عطاتها لو بابتسامة عريضة على شفايفها كذليل انها بغاتو و عجبها ...اما البطلة ديالنا فالوقت كامل و هي مرفوووعة و كتفكر فاول قبلة ليها حسات بشي حاجة تغيرات فيها و هراتها من لداخل و فينما تفكر الموقف كيحمارو حنيكاتها ...طلعات لبيتها و تلاحت بدلات ملابسها و تلاحت فوق سريرها بتعب 
#اصبحنا و اصبح الملك لله 
يوم الاثنين فاقت مروى كيف عادتها بكري لانها عندها محاظرات فالكلية ديالها قدات روتينها اليومي ولبسات حوايجها هزات ساكها و تمات نازلة لقات الكبار جالسين فصالا مونجي كيفطرو باست يد باها و جلسات معاهم فطرات بشوية عليها 
اسامة:نوصضي نوصلك معايا 
مروى:بابا ...واش هاد العقوبة مزال مابغات تسالي 
مصطفى:بشرط ظيري عقلك ..مندوزهاش ليك لمرا جايا 
مروى:لا والله مانبقا نعاود 
مصكفى:بالاه سيري ...ايوصلك هوك معاه فطريقو 
مروى:واخا ... ماما لميمة باي باي 
نعيمة:بسلامة حبيبة 
خرجات معا خوها لي كان مزيز على الحالة تاهوا ركبات حداه و انطالقو فاتجاه الكلية ....نزلات مروى بلا متقول حتى كلمة غحبن هو بقا واقف تضي لباب حتى كتبان ليه لولا مع صحاباتها كلاكسوونة عليها و خرج يديه شير ليها و تمات جايا عندو كتجري
لولا:اهلا صافا 
اسامة:لمياء بيخير 
لولا:بيخير ...جبتي مروى 
اسامة:وي ..شبان ليك نتغذا انا وياك 
لولا:ههه واخا 
اسامة:اوك ..منين نكون جاي نصوني ليك 
لولا:اوك ..باي خاصني ندخل
اسامة:ديري عقلك بون كوغاج
لاولا:ههههه اوا تلاح
مشات كتجري رجعات عند صحابتها و هوديمارا و مشا بحالو لخدمتووو 
مروى:باست نوها...لحب 
نوها:ههه فليفلة جيتي 
مروى:لا باقي كنسيري سبابط فباب لخميس 😂😂😂
نوها:اوا الله يعفووو 
مروى:على لي خلفو...الخبتر المقودة لواليد طلق سراحي 
نوها:هي نشبكوها 
مروى:هه نخريوها نتي باغا تسيفطني ب شي 20 عام دالحبس ...خلي غالقضية تهمد شوية 
نوها:واخا ..اجي ندخلو نشدو باصتنا باش تعاودي ليا شوقع لبارح بالتفصيل 
مرزى:اودي...يالاه زيدي

عند البطل ديالنا جالس فلبيرو ديالو و كيلغب بستيلة فيديه صورتها مابغاتش تمحى من بالو ترسخات فدمافو مابقاتش باغا تحيد...ليل كامل و هو يفكر فيها سكناتو كيشي جن ...معرف هادشي من تسلط عليه لكن معرفش بلي القلب منين كيدق مكينساش و الحب فاش كيجي مكيعلمش من قبل ...و هادشي لي وقع ليه دخل عليه سمير لقاه ساهي ماهواش فعاد العلام جلس فوق الكورسي و حنحن 
سمير:افين سارح 
كريم:احم...اشكاين 
سمير:فين كنتي سارح 
كربم:والو ...غير تفكرت الواليدة خاصني نمشي عندها 
سمير:ااه ...كيبقات بعدا 
كريم:لاباس عليها 
سمير:اوا ....شنو وقع ليك لبارح مغتشرحش لخوك 
كريم:بفف (حك على لحيتو)معرفتش شنو وقع ليا والله 
سمير:عجباتك 
كريم:شي حاجة فيها جذباتني 
سمير:اوا شوف معاها 
كريم:ضاسرة و حركية رزاف و راك عارفني انا
سمير:هههه اودي
كريم:تنهد....عندنا اجتماع...واجد 
سمير:معلوم يالاه 

يتبع