صورة مصغرة لـقصة دهاء امرأة

قصة دهاء امرأة

qisat 9isat daha2 mra2a
رواية دهاء امرأة

القصة كتحمل الطابع البوليسي 🔫🔫 دراميا مئة بالمئة  💯 مع قليل من السفالة لي كتعجبكم 🔞 ومنساوش شوية ديال الكوميديا كدالك  , هاد لقصة مختالفة لانها كتبين دكاااء المرأة وغتكون هي المهيمنة في القصة  😉 منطولش عليكم غتكتاشفو بنفسكم احداتها المشوقة 

⭐⭐⭐

فواحد الدار عادية فحي شعبي بالضبط فغرفة صغيرة بنت كالسة فالسرجم لابسة بيجامة قصيرة وسروالها فالبلو مارين .شعرها الاسود الحالك أكثر من سواد الليل قصير كانت طالقاه وكايضربو الريح . نوصفهالكم هي بنت ف 20 من عمرها متوسطة الجمال عندها عوينات واسعين كبار وكووحل كتر من لون دشعرها الاسود شفارها كبار كايبرزو الجمال دعينيها أنف طويل ورقيق فييم صغيير وغوز. بيضة وملاميحها امازيغيين فورمتها على قد الحال مي طويلة . نخليكم معاها .
السلام البنات انا سميتي سارة 20 عام كنقرا فلافاك دايرة ماط انفوغماتيك كنت قرااية جبت فالباك ديالي 17.56 مي دفعت لا فاك دمكناس بحكم حنا ساكنين فخنيفرة كنمووت على شي حاجة سميتها لانفوغماتيك وخاصة الديزاين انا انسانة عندها طموحات واحلااام كبيرة باغة نوصل و نهز عائلتي لي مساكن عايشين على قد الحال .ماعندناش وقانعين الحمد لله. اصلي امازيغي 100% عندي عائلة متكونة من جوج خواتات بجوجهم صغر مني اب و ام . الأب ديالي صااارم بزاااف معانا مي لمصلحتنا بطبيعة الحال . والأم ديالي مثال للام المغربية الحنوونة. وفاش كنقول المغربية يعني فيها المواصفات ديال العيالات المغربيات. نزيد نعرف كم على راسي انا بنت طويلة فورمتي سبورتييف من صغري وانا داخلة لاصال لي هضر يطييح كنحملش جنس الدكوووور كاااع عاطياهم شبر دالتيساع مكنزعمهومش عليا لا من الجيران والا العائلة كيقولو عليا معقدة وي معقدة حيتاش مكنعطيش فرصة للعنابة يتعنبو عليا لي هضر كنطرطق فيه عيني . انا دابا كالسة فالسرجم كيما موالفة ديما لي بغاني كايلقاني مقردة فالسرجم فدارنا😂😂 من بعد ماجمعت قلوعي حيتاش غدا غانمشي لمكناس باش نبدااو القراية . مهم كالسة كنستنشق فالهواء دمدينتي البسيطة لي واخا ما فيها واالو مي الولف صعيييييب وكنتمزك للمغني المفضل عندي ايمينيم وبالضبط لأغنية نوت افرايد. وكنفكر كيغايدووز هاد العام انا كارية مع 3 دصحاباتي خولة او حولة كيما كنقولها 😂😂😂 نهاد نونو وليلى لولو من بعد وغاتعرفو على شخصياتهم مزيااااان .. شوية قاسني الملل نضت غسلت وجهي و سناني ونعست. بطبيعة الحال مايمكنش نتكا ونعس ضروري كنفكر ونخمم فحياتي و فين غادة وكيغانعيش مستقبلااا (ماعارفاااش اشكايتسنااك ابنييتيي)
صبح الصباح 
الام: سااارة سااااارة كر ايلي يدا غيفم الحال (نوضي ابنتي مشى عليك الحال)
سارةوعينيها باقيين مسدودين :اممممم غي شوية اماما عافاك 
الام جات جرات عليها الغطا:كر يالاه اتسوجيدت ايخفنم اتدود غر مكناس(نوضي يالاااه توجدي راسك تمشي لمكناس)
سارة غي سمعات مكناس وهي تنقز من بلاصتها دغيا : صافي هاني نضت . 
ناضت باست مها ومشات للطواليط طرف راسها ...
نمشيو للبطل ديالنا

فبلاصة اخرى فكندا بالضبط فمدينة مونتريال فقصر كبير جالس فوق الفوتوي بلباس العمل ديالو لي عبارة على كوستيم اسود و شوميز بيضة وكغافاط فالكرونة صبااط اسود كايلمع. شاد جورنال فيد و كارو فاليد لأخرى كالس كايتصفح فالجريدة كايشوف الأخبار الأخيرة لي كتهضر على زعييم اكبر عصابة اجرامية فكندا والمفيوزي لي لحد الآن الشرطة مازال ماعرفووو عليه واالو من غير حدة الدكاء ديالو والطريقة البشعة باش كيتهنى من الأعداء ديالو. شخص مافيهش ولو درة من الرحمة هاد الشخص هو بالضبط ياسين العلمي وي فالنهار ياسين رجل أعمال صارم عندو نيشان نيشان كايقطعها فالناس لي دايرين بيه عندو واحد الهيبة كتخلي لي حدااه كترعد فبلاصتووو وحابس الخرية لاطيحلو بقوة الخلعة وبالليل مافيوزي مجرم وقتال خطير كاع المجرمين كايحترموه او بالأحرى كايخافو منو حيتاش دكي بزاااف . ياسين من اب وام مغربين تزوجو عن حب و كان هو ثمرة حبهم هما ناس من طبقة متوسطة ماتو فأكسيدوون وخلاوه وهو فعمروو 9 سنين .جا عمو لي فكندا بعد الممات دواليديه وتكلف بيه . ياسين تربى بدون والديه الشيء لي خلاه ماعندو فقلبو لا رحمة والا شفقة مامربييش الكبدة على تاشي واحد شخص مكيهمو تاواحد عايش لراسو . دابا فعمرو 29 سنة و وصل لواحد النيفو ودرجة الثراء لي عمر شي واحد ماوصلو فهاد لاج ديالو. طوييل ومفورمي هو من النوع لي كايتريني ومهلي فصحتو عينيه كوحل بحال الفحم ونظرتو حادة كتبين مدى الدكاء والفطنة و القساوة ديالو حجبانو ديما مكشرين .نيفو كبير شوية و فمو متوسط وحمر ولحيتو مستفة اكتر من حياتي. 
نرجعو للبطلة ديالنا. جمعت حوايجي وشديت الكار لمكناس داز الكار على مدينة صغيرة فالطريق سميتها مريرت وطلعو جوج بنات كايتعابزو بيناتهم وكيدافعو وجاو نيشان قاصديني وكايتناكرو
البنت1 : تفووو مالمك لاصقاني فين مابغيت نمشي كنلقاك سابقاني 
البنت2: هه ماعرفت شكون لي لاصق لآخر وتابعو 
وي هادو هادو هما صحاباتي نهاد و خولة 
هما ساكنين فمريرت مدينة صغيرة قرب خنيفرة نهاد قدي عندها 20 سنة قصيورة وبييوضة حروفها زوعر و معالم الانوثة طاغية ف فورمتها هي كادير الحجاب دايرة لونغلي فلافاك انسانة راسمة اهدافها قدام عينيها وكتقاتل باش توصل ليهم
نمشيو دابا لحولة 21 سنة برومو سابقاني متوسطة الطول وغليوضة عينيها كباار وفواحد اللون فشكل مابين الزيتي والبني مفتوح فمها كبير ومثير هي دايرة بيولوجي فلافاك من بعد وتعرفو على شخصياتهم المرحةجاو سلمو عليا وكلسو فالبلايص الخاويين حيتاش الكار كان عامر مهم تكيت فبلاصتي وانا دايرة الكيت كنتمزك للشلحة واحد الديسك ديال مغني محمد 
اواينحوبان اواكيكان كيج اونوال ايشعلاش العافيث 
ياسيد احريش اكيقلب اديعرو ايسيغوسد ماد تسولد
(ياحبيبي اتمنى لو اضعك في كوخ من القش لاوقد فيه النار 
واحمل عصاا اتفحصك هل احترقت عظامك كلها ام لا) غفيت شوية
حتى وصلنا لمكناس حطنا الكار وهزينا الباكاج ديالنا 

حتى وصلنا لمكناس حطنا الكار وهزينا الباكاج ديالنا فاتجاه برطمة المتواضعة ديالنا
نهاد: اووف هادشي تقيل وانا ماعندي صحة😥😥
انا: ربي ماغاكوليلي شنو هازة فداك الصاك 😒😒
نهاد: والو غا شي تقضية باش ندوزو هاد السيمانة
حولة: اححححح عليييك الحوبتش ديالييي 😍😍
انا:واييه حبيتك فهاد اللقطة الزيين😍😍
نهاد : خلااص نتوما لي ضاربكم ضاربكم على كرشكم غانبداو عاوتاني فالحرب والتجوعيف فوق الطبلة بحالا عمركم شتو الماكلة 
انا وخولة: هههههه😂😂😂😂
لمهم وصلنا للبرطمة ودقينا على صاحبتنا ليلى نعرفكم عليها تاهي . ليلى بنت متوسطة فالطول مارقيقة ماغليضة حروفها كوحل ملامحها كيدلو على أنها أمازيغية الاصل هي من اداروش مي قرات فمريرت . عينيها كباار وكوحل ولباسها عادي كاددير الفولار. هي انسانة بسيطة فكولشي حتى فاللباس سكوتية مكتهضرش على راسها بزاف وفضولية بزاااف مي راقية فعقلها كتقرا الروايات وكايعجبها تكتب الشعر 
ليلى: على سلامتكم ايلي (ابنتي)
انا سلمت عليها :الله يسلمك الايلانو لابااس عليك
نهاد : فيين الولو توحشناك 
خولة عنقاتها : توحشتك 😙
دخلنا لقيناها موجدالنا الغدا كلسنا نرتاحوو وحطاتلينا الغدا البرطمة عبارة على جوج بيوتة كبار وكوزينة وطواليط ودوش كل بيت فيه جوج بنات انا ونهاد فبيت و خولة وليلى فبيت.
مهم تغدينا بالطاجين وشلاضة وموناضة كوكا لي كتعجبنا كاملين فجو لايخلو من الضحك والتقشار
انا:خاصنا نجيبو طلة عند الحاج وليد(الحاج وليد هو واحد الرجل متسلط وكيكري للبنات باش يتسلط عليهوم كنا كاريين عندو فدارو كل وحدة فينا شادة بيت عندو تما فين تعارفنا شيبنا داك السيد وشيبنااه) باش نفقصوه ونبينوليه بلي راحنا عايشين بيخير 😂😂
نهاد: ويلي ونمشيو عندو غايكول للبنات جينا نحزروه باش يردنا
ليلى: اه وغايكولهم باسولي يديي ورجلي باش نردهم 
خولة: ومالقاوش شي دار بحال داري 😂😂😂 وحنا كنموتوووو بالضحك😂😂😂
مهم نضنا كل وحدة قادات حوايجها فبلاصتهم وتكينا نرتاحو 
فقت جوايه الثمنية نضت طرفت وجهي و درت ألما يطيب باش نعمر اتاي خرجت تسخرت رجعت لقيت البنات فاقو و ليلى عمرات اتاي كلينا وكلسنا مجمعين 
نمشيو للبطل ديالنا

فبلاصة اخرى فكندا وبالضبط فشركة ديال ياسين العلمي داخل بقامتو وهيبتو كولشي كايحييه مشى البيرو ديالو وعيط على السكريتيرة ماكملاش 10 د الثواني دخلات كترجف لعندو 
ياسين بنبرة حادة: شنو البرنامج ديال هاد النهار
السكريتيرة:هاد النهار عندك اجتماع مع10 و من بعد لقاء صحفي مع 11.30 والعشية غايجي عندك سي احمد(عمو لي رباه) على حساب تناقشو الصفقة مع 16 وبالليل كاين حفل عند الانسة اشراق (بنت سي احمد)
ياسين وهو مخنزر: داكوغ وجديلي الملفات على حساب الاجتماع وجيبيهم لي دابا وصوني لاشراق قولها مامساليش لداك التخربيق.
السكريتيرة:واخا اسيدي
خرجات كتجري جابت الملفات عطاتهم ليه وخرجات كلس كايراجعهم تاوصل وقت الاجتماع مشى سالا شغالو مشى للقاء الصحفي تكبو عليه الصحافة بالاسئلة كايسولوه على الأعمال ديالو والنجاح لي وصل و واش مزال مالقى شي بنت لي يبغيها وتبغيه وهو كايجاوب أجوبة ديبلوماسية بمعنى كايجليهم
رجع للقصر ديالو يتغدا. هو مكيحملش ماكلة الزنقة عندو نظام خاص بيه فالاكل دخل لقى دادا حليمة (هي المربية ديالو) : ولدي جيتي دوز راه وجدتليك الغدا
ياسين: واخا صافي هاني جاي
مشا دوش دغيا (تدواش ديال2 دقائق ماشي بحالنا حنا كتمشي الحمام مع الفجر مكتخرجي تاكايبغيو يسدوه بحالا كتخرجي منهم ديك 10 دراهم😂) ونزل لقى الماكلة واجدة الخضرة مسلوقة و شلايض من جميع الانواع وعصائر هادا هو الغداء ديالو الصحي ناض تكا شوية فاق لبس حوايج الخدمة كوستيم فالبلومارين ساعة روليكس فري فالاسود صباط بني رش البارفان ديالو الخاص بيه وخرج للشركة مشى لقى سي احمد كايتسناه فالمكتب ديالو هاز السيكار وداير رجل على رجل هو شخص فالخمسينيات من عمرو مي باقي محافض على صحتو سد ياسين الباب وكلس. 
سي احمد:شنو درتي فالعملية البارح
ياسين:تخممش دازت مزيان 
سي احمد: عارف ولدي عمرو خسر شي عملية لحد الآن
ياسين بكل ثقة فالنفس:وماعمري غانخسرها مازال ماتولد هادا لي غايقولبني(أودي غا سكت راه تولد وراه كايقرا على ولادو فلافاك) كولي داك يونس باقي تابعك (يونس هو واحد العميد 20 سنة وهو تابع احمد باش يشدو حيت عارفو مشبوه فيه بعمليات اختطاف الاطفال والبنات و نقل الأعضاء البشرية وترويج المخدرات..تاهو مغربي)
سي احمد:وي باقي تابعني مي ماحدك معايا عمرو غايلقى شي حاجة عليا.
ياسين:ماف همتش داك السيد 20 سنة وهو تابعك ماكيملش. ضروري مايكون عندو شي دافع واش بيناتكم شي حاجة
سي أحمد تزنك :ااا لاا احم والو مهم هادا ماشي موضوعنا 

صبح الصباح فقت درت روتيني الصباحي صاوبت الفطور خرجات نهاد تسخر جابت الخبز والفرماج وكلسنا فطرنا دغيا وكل وحدة مشات تلبس .انا جمعت كتوبي فساكادو ديالي مشطت شعري لي هو بوكلي فالاصل وقصير حد الكتاف خليتو مطلوق و لبست شوميز فالبيض والزرق وسروال دجين و صبادريل بيضة. درت ريسيل لشفاري وكلوز خفيف خرجت لقيت البنات واجدات نهاد لابسة سالوبيط دالدجين تحتو تيشورط بيض والفوق كاب طويل شوية وشال بيض فيه وريدات زورق وسبرديلة بيضة.خولة لبسات شوميز فالغوز بارد قصيرة شوية سروال بيض وكونفيرس وشال فالغوز والبيض. و ليلى لبسات شوميز طويلة كحلة وسروال مفضفض فالكحل وصباط باج وشال كحل (كايعجبوها الالوان المغلوقة بزاف)
مشينا لافاك فجو لا يخلو من الضحك ولي شفناه كنقشرو فيه المهم عندنا هو نضحكو. كل وحدة مشات تقرا دخلت لومفي وبدأ الدرس. انا شخص صارم فالكور مانحملش لي يصدعني ولا ..عزيز عليا الانضباط ومامداخلا مع تاواحد كولشي عارفني كنتمشى بوحدي وماكاينش لي كيزعم يهضر معايا.هادا العام الثالت ديالي هنا داكشي باش عارفيني كيدايرة . خرجت مع 12 مشيت تغديت فالبيفيت وخديت قهوة وطلعت للصال ديتيد نقرا شوية الكور لآخر تال 4. طلعت للصال دالكالم درت الكيت ديالي وبديت كنراجع داكشي لي قريت فالصباح تاوصلات 3ونص وخرجت شديت بلاصة القدام وكلست كنتسنا البروف ضرت نشوف شكون دخل شكون بقى كان واحد الشخص لي كنعرفو مزيان من العام اللول مي هو ماكايعرفنيش هه كان كالس القدام هو ماطويل ماقصير ضعيف شعرو مشعكك مامهليش فلباسو عزيز عليا مي عمري قديت نهضر معاه هو شخص انطوائي ماكيهضرش بزااف قرااااي دمااغ نيت عبقري هو المنافس ديالي فالكروب ديالنا سايكوباط كايتفتف فالهضرة كنت مسمية عليه سايكوكو حيت ماعارفاش سميتو وكانو ضايرين بيه البنات راكم عارفين الاستغلال وهو حشومي مسكين كايعاونهم.
كانو جوج قردات فجنبي حاضيين غا التبركيك والتكركير مي تاهما كايقراو واخا مسمومات وقصيورات دايرين كي شي الحليقمات😂 ديما ملاصقين ومجمعين غا على السم والحسد
الدراري اللور شي ناعس شي مكونيكطي شي كايهضر مع صاحبو لي فالجهة لاخرة تكول لومفي دباهم منوضين الصداع غا بوحدهم مهم كوري وصافي 😂 وكاينين دوك البنات المرفحات العايقات لي كايلبسو اخير ماخرج فلي مارك و بطوموبيلاتهم داكشي دالبريستيج والعياقة ودايرين بيهم دراري تاهما اللبس وكدا مهليين فراسهم وحاسين بعضامهم مي بيان سيغ مكنشوفش فيهم باش منحلهالهمش نيهاهاها كايكولو عليهم التيتيز مي مابانلي بوتيتيز تماك غا الفلوس ومهليين فراسهم وصاف دخل البروف وانا نجمع راسي وبدأ الكور
.شدنا البروف ولد الحرام تال السبعة عاد خرجنا كان ضلام الحال جاية بوحدي مشيت للبرطمة دخلت مدكدكة وتكيت بلاصتي البنات مازال ماجاو داني النعاس تافقت على صداع البنات كايضحكو على خولة
انا:مالكم كاضحكو شنو وقع ؟
نهاد : هههههه عرفتييي شنو وقع لخولة قاليك كانت خارجة من لافاك و قرصها واحد الدري ف فخضها😂😂😂( بحكم غليوضة عندها واحد الطرف غا ديال القريص) ايوى ودارت عندو ماخلاتليهش
خولة: ولد الطحبة ياختي صدمني مي ماخليتليهش بالقميش والعضان والتصرفيق تافكونا الطلبة
ليلى: ومامشيتيش للرفاق تشكي ليهم ياكما يديروليه شي محاكمة جماهيرية😂😂
خولة:اويلي واش تسطيتي واش بغيتي كل مرة بغاو يديرو شي مسيرة يجروني معاهم ومايمكنش نرفض حيتاش عاونوني. اصلا ماخاصنيش بشي صداع يمشيو يطيروليه الصبع ولا اليد نصدق فالمحاكم ولا فشوف تيفي 
انا:😂😂😂😂 كوليلي باش حسيتي فاش قرصك ماقيمتيش😂😂
خولة: اويلي نعلديلمك المكبووتة لخرا تفو كون كان شي زين واخا هو تماك طويل ورقيق كيسفود العواشر
نهاد: اولالا شو شكون كايهضر الزين ولاطاي. تي جمعي راسك نتي تماك دايرة كي شي هيضورة
خولة : بزاف عليك انا عارفاك غا حاسداني المسمومة
انا: بجوجكم خريات غا سدو علينا قوادسكم
نهاد وخولة: يا زعما نتي طفرتيه دايرة كي شي طوبة دالقوادس هاهاهاها
ليلى: صافي كولكم زوينات غا هنينونا 😒😒😒
مهم بقينا على الضحك والتقشاب شوية نضت للكوزينة نطيب العشا كنت كنوجد الروز بالخضرة ودايرة الكيت كايعجبني نغسل الماعن ونطيب بالموسيقى طالقة الشلحة كيديما الوترة والبندير ديما البنات كايكولولي دوقك احمق كايعجبوني الدياسك دالسكرة ههه
شوية دق شي واحد حلات خولة الباب تاكانسمعها غوتات

كانو جوج دراري شماكرية هازين جناوة 
دفعو خولة للداخل دخلو علينا وسدو الباب البنات خرجو مالبيت ضربو فيهم تصدمو . انا كنت فالكوزينة موراهم ماشافونيش 
الشمكار1: عرفتو وتغوت شي وحدة فيكم ن*وي مهااا
الشمكار2: سكتو وشدو الأرض ولانن ماكملش هضرتو تانزلت عليه ببوطة صغيرة للراس طاح طيحة وحدة دار لآخر شافني وجاي لعندي هاز الجنوي ناوي على خزيت انا هربت للكوزينة وهزيت مقلة هي لي بانتلي وكنترعد بالخلعة . بقى جاي
الشمكار: اليوما ن*وي مك ابنت ال*حبة اليوووما. 
انا صافي شداتني الدوخة بالخلعة مي يابيا يا بيه جات نهاد ضرباتو بالكراط ماللور دار عندها وانا نعطيك بالمقلة للراس داخ مي باقي واقف جمعت معاه بركلة لكرشو زويتو تاتحنا وضربتو بركبتي للراس تاخرجليه الدم من نيفو و فمو وناض عندي معصب يالاه شدلي يدي وهي ضربليه نهاد اليد لاخرة يالعصا دالكراط تاطاحليه الجنوي من يديه وانا غفلتو لويتليه اليد وبقيت عليه بالركل والبونية تاسخفتو طاح الارض وبقيت كنركلو بكترة الخلعة ماحبست حتى شفت الدماياات كايشرشرو وشداتني نهااد.
أما ليلى وخولة كلسو كايرفسو فلاخر حيتاش حسو بيه حال عينوو تاسخفوه و خرجو يعيطو على شي واحد من برة جابو واحد مول الحانوت حدانا صدق كايعرف دوك الشماكرية انا بغيت نعيط للبوليس وحبسني حيتاش كايعرف مالين دارهم مهم مشى عيط ليهم وعيط على لومبيلونص لي ماجات تافاقو بجوج وقربو يبراو كاع😂😂 جات هزوهم داوهم للسبيطار جات عندنا ماين واحد فيهم بقات كتحزرنا باش مانشكيوش بيهم شفتها مافحالتهاش بقات فينا وتراجعنا على لفكرة بشرط ماعمرهم يقربو لينا. كلسنا كنهضرو على هادشي لي وقع كولنا كنا مخلوعات
خولة وهي كترعد: شوفو صحتي كيتشوكات اووف يا ختي عييينا مانغوتو وتقول واش شي واحد فالجيران تسوق
نهاد: تي شكووون داها فيك راه كل واحد محشي فدارو مامسوقينش موتي نتي كاع
ليلى: مابقاوش الرجال والله كون فبلادنا كون رجموهم بالحجر هنا تاواحد مامسوق
انا: حمير. كون كنا دابا حنا لي دخلنا الدراري نقصرو معاهم ولا.. كون تلقايهم مجمعين لينا على الباب وكل واحد اش هاز يبغيو يرجمونا ويقتلونا حيتاش مدخلين الرجال
نهاد: كون ماكناش كولنا معقدات من الرجال ودخلنا شي واحد تجي شي وحدة تهضر نكوليها فين كنتو نهار دخلو علينا الشفارة تفووو على شعب😬😬
ليلى: مي دوماج كلنا معقدات 
بقينا هاكاك تاجانا النعاس نضنا سدينا علينا الباب وهزينا حنا عصا دالكراط فالبيت والبنات العصا الشطابة فبيتهم تحسبا لشي هجوم ونعسنا.
شوية سمعت الغوات ديال خولة فبيتهم نضنا انا و نهاد كنجريو هزات نهاد العصا دالكراط ومشينا

ومشينا لقيناها طالعة فوق نموسيتها هي وليلى وكايغوتو وكايشيرو للحيط درنا نشوفو لقينا سراق الزيت قداااش غوتنا كاملين وطلعنا فوق الناموسية هههه لي شافنا خايفات مايقولش هادو لي قتلو الشماكرية بالعصا . حيدت مشايتي نيشت عليه هو يطير. مايصحابليش الأخ من درجة بيلوط نقزنا للناموسية لاخرى وبقينا معانقات . مشات ليلى كتجري جيهة الباب جابت بايكو وانا هزيت مشاية دالميكة قاسحة و نهاد الكراط. نيشت عليه هاد المرة مازكلتوش جا طايح حصراتو نهاد بالكراط ورشات عليه ليلى بايكو أما واحد خولة غا كتغوت حامية السوق غا بوحدها. مهم قتلناه وخليناه فبلاصتو وجاو البنات يباتو معانا فالبيت ههههه سراق الزيت خرج منا داكشي لي خلاو فينا الشماكرية. تكينا ونعسنااا
بعد 8 اشهر
وصلات البيريود دليزيكزام لبست جلابة فالكحل بالراندة و كلاكيطة وخرجت نمشي ندوز (فيامات ليزيكزام كنتكشطرو تامن الموسطاج مكنحيدوهش كنوليو عبقادرات 😂😂) مشيت دوزت مزيان حمد لله من هنا لتلت يام غايعلقولنا نتمنى نفاليدي كولشي باش نشد الليسونص هاد العام انشاء الله .
مشيت عند البنات سولوني كيدوزت جاوبتهم مزيان هما كانو سالاو وكايتسناو الريزولطا
تكيت فبلاصتي وشديت البيسي ديالي فينماكان شي كونكور شي ماسطر شي ايكول دفعت ليهم تأمن ليزيكول دبرا دفعت ليهم شفت واحد الكونكور دالبوليس دفعت ليه تاهو وعطيت لخولة دفعليه بحكم كايعجبها تاهي هاد الضومين 
دازت تلت يام دغيا لبست جلابتي مشيت انا وخولة لا فاك وانا مخلووعة مشينا للحيط فين كايعلقو الريزيلطا كايسميوه حائط المبكى حيت كولشي كايبكي كان عااامر قلت لخولة تشوفلي طلات كتقلب على سميتي شوية نقزات كتغوت 

خولة: وااااعععععع اصاحبتي واللاهيلا فرحتيينييي وااااوووو 
انا: مالمك كتغوتي شوهتينا هضري الخرا كوليلي شنو درت
خولة: وووااااووووو شدييييدة دخلتي كولشي شديت الليسونص ديالك ب 15 😂😂 
انا كنقز تالسما ونزل: يااااااااس . لا ميمكنش. واش متاكدة. ويييعععع . لااا عاودي شوفي مايمكنش اوووف تاكدي ياكما غلطتي وااااععع
خولة: متأكدة الزمرررر صوني لمالين دار كوليهالهم
انا: حيدي من قدامي نتأكد لانصدق مقولبة. طليت على لاليسط شفت سميتي و ونضت كنغوت وكنعنق ف خولة واااااععععع😂😂😂😂😂 
خولة: طلقي خنقتيني. اوييليي نسيت انا راسي يخليك بالخلا حيدي نشوف شنو درت . مشات لي ليسط ديالهم
شوية كنشوفها جاية طالعلها الدم تخلعت طاحتلي الكبدة فالسليب وجاتني البكية طاحتلي دمعة بلامانحس
انا: لا متكوليهااش😢😢
شوية وبدات كاضحك صدماتني بنت الحرام
خولة: دخلت كووولشي ب 14 وااااللعززز
كلسنا كنقزو تماك صونيت لمالين الدار علمتهم فرحولي مساكن ومشينا عند البنات للبرطمة
ليلى:شنو درتو الموصيبة
انا كنعنق فيها:دخلنا واخييرا شدينا الليسونص
جات نهاد كتجري وكتغوت وعنقات خولة:حلفييي واااععع شداادات واخييراا
مهم داز النهار زوين بزااف ليلى مازال ماعلقوليهم بحكم هي يالاه غاتشد الدوغ مي ضامنة غاتشدو حيتاش تاهي دايرة بيولوجي بحال خولة لي عطاتها كاع القوالب ديال داكشي. بالنسبة لنهاد فهي تبارك الله ديما الأولى فلافاك جابت الليسونص فالانجليزية ب 16.

نمشيو عند البطل ديالنا كان جالس فالديبو كايكمي شوية تادخلو 3 دالرجال مجرجرين واحد دايرينلو الميكة فراسو وكولو عامر دمايات 
ياسين:علقوه.
الحراس:واخا اسيدي
هزوه علقوه من رجليه وحيدوليه الميكة من راسو كان مقلوب. ووجهو عامر دمايات . ناض عندو ياسين كايكمي وطفا الكارو فجبهتو والرجل كايغوت ليخلقو
ياسين:هه سحابلك حنا مكلخين مازالين كنرضعو. النهار اللول لي دخلتي فيه للعصابة عرفتك غا جاسوس الحيوان .
الرجل ماقادش يهضر
ضربو ياسين لكرشو: العميد يونس لي سافطك تجسس علينا ياك
الرجل كيهضر بالزز: س سم سمحلي 😢
ياسين غمز الحراس زعما قتلوه خرج من الديبو وسمع صوت الرصاص. هو ماكيرحمش البوليس يلا طاحليه شي جاسوس من بين يديه كايفنيه بدم بارد....

مشى نيشان ركب طوموبيلتو من نوع رونجر كحلة بزاج فيمي مكيبينش وعازلة للرصاص مصنوعة خصيصا ليه حيتاش هو عندو شركة دالسيارات بيان سيغ ديك الشركة غي للتمويه مهم السيارة ديالو بالشيفور ديالها فاتجاه للقصر. وصلو دخل وكايتفاجأ بإشراق كانت لابسة كسوة قصيرة فوق الركبة مزيرة مالفوق و واسعة مالخصر للتحت. صدرها كايبان نصو.هي بنت تكون عندها ديك 22 سنة شعرها ماغون وعينيها فالقهوي مفتووح ملامحها بريئة .جات عندو كاتجري عنقاتو وتاهو بادلها العناق. هي عزيزة عليه بزاف بحال ختو حيتاش ترباو بجوج مي قاسح معاها ماكايبغيش يتعلق بيها باش يبقى ديما لارحمة لاشفقة.
اشراق: على سلامتك فاش جيتي من الصباح كنتسناك لامسولتش ماتسولش ياك هادي هي الأخوة 😒
ياسين كايشوف فيها وفالبراءة ديالها: مكنكونش مسالي راكي عارفاني
اشراق: اوو نكولو فالصباح الخدمة وبالليل شكاتصنع اسيدي(هي كاع ماعارفة بلي هو وباها راه من أخطر المجرمين فالبلاد)
ياسين قلب عينو لجهة لاخرة: كنكون عيان كنجي نيشان الفراش.اجي دوزي نكلسو
اشراق وهي غادة للصالة : ممم عيان انا عارفاك معندكش مع الحفلات. مي اليوم ضروري تجي حيتاش عندنا حفلة دعيد الميلاد دصاحبتي لوسي (كندية) راه حزراتني نجيبك عافاااك أخويا
ياسين: مكنضنش عندي شي شغل نديرو
اشراق: واعافااك بليز بليز بليز بليز بليييي...ييييي(مابغاتش تسكت بقات مجبداها)
ياسين ساد ودنيه: لا واالو كلتليك مامساليش
اشراق:لييي....ييييي.....
ياسين: بف صااافي سكتيننا غانشوف كيندير
اشراق: ليييز . حلفففف لا ضروري تجي صافي واعدني
ياسين:صافي كلتليك غا نشوف
اشراق باستو من حنكو:يالا نخليك انمشي نوجد عندي بزاف ما يدار. الحفل غايدار فالريسطو ديالنا بااي
ياسين: بالسلامة
ناض ياسين مشى بدل عليه لبس تيشورط كري وسروال دالكيطمة كحل وهز كتاب ديال ماريو بيزو(pizu ماشي bizou عارفاكم خاسرات) العنوان ديالو العراب God father كايقراه وكيكمي انغمس فقراءة الكتاب تاشاف فالساعة لقاها 8ونص ناض دوش ولبس كوستيم فالكري جاه واعر برز العضلات ديالو والقلدة ديالو حيتاش اللون مفتوح . شوميز فالابيض و كرافاط فالكري مغلوق وصباط اسود ورش البارفان ديالو لي كايزيد من الرجولة ديالو
خرج ركب فسيارتو اللور مشى للديبو تما فين كايدير الاجتماعات الخاصين بالمافيا.كانت عندو واحد الصفقة مع واحد من الرؤساء دالمافيا فالمكسيك خطيير سميتو جون معروف عليه دكي بزاف كان كايتعامل معاه من شحاال هادي كانو كايخططو يدوزو كمية كبيرة من لمخدرات من المكسيك عبر الولايات لكندا. تافقو على الخطة و الوقت وناضو تسالمو. مشى نيشان للريسطو فين كاينة الحفلة 

مشى نيشان للريسطو فين كاينة الحفلة واخا ماعندوش مع دوك الاجواء مي مابغاش يخسر الخاطر لبنت عمو .دخل نيشان للبار طلب كاس دالشامبنيا وكلس كايشرب تاسلا الكاس عاد كمل لعندهم للجهة فين دايرين عيد الميلاد غا شافتو اشراق جات سلمات عليه كانت لابسة كسوة فالأصفر مايل للذهبي كتبري قصيرة فوق الفخاض و صباط ماغون وهازة بوشيط ماغون ودايرة ماكياج سموكي مهم جات انيقة بمعنى الكلمة وجراتو عند صاحبتها لوسي لوسي فرحات فاش شافتو جات عندو كتعوج كانت لابسة كسوة قصيرة فالباج بحال اللون دلحمها لاصقة عليها بحالا مالابسة والو وماكياج صارخ وطالون فالباج تاهو شعرها زعر وقصير بزاف وحروفها زعرين .سلمات عليه لوسي:ميغسي بزاف حيتاش جيتي(الحوار بالفرونسي) ياسين(ماشافش فيها وماجاوبهاش).هي بقات كتعوج عليه مشات اشراق تسلم على شي امي وبقاو بجوج لوسي(بميوعة):ماعجباتكش الحفلة ياسين:نن مزيانة لوسي:مازال ماهداك الله ياسين:نتي عندي مجرد برهوشة قلبي عليا احسن ليك. بحالك مكيقنعونيش لوسي:غاجربني وغاتشوف ياسين شاف فيها باشمئزاز ماحملهاش من شحال هادي وهي كتستغل فبنت عمو إشراق باش تتقرب منو ياسين:جرها من يديها لجهة الطواليط وهي تابعاه فرحانا. دخلها وسد الباب : بغيتي غي ال*وا هي حركات راسها باه وكضحك حيد سروالو . جرها ودورها تاعطاتو بالظهر طلعليها الكسوة للفوق وحيد ليها السليبب وحشاه فترمتها بالجهد تاغوتات بقى كايدخلو ويخرجو بالزربة ومرة مرة كايضربهاااا بالجججهد لفخاضها تاجابولها تماك وخرجو. لاحليها الفلوس وكاليها :تعاوديش ضوري بساحتي وقلبي على اشراق نشوفك معاها مرة اخرى نقتلك. وليك الشرف اني نقيس وحدة بحالك.يالاه تقاودي من قدامي القحبة. ومشى خرج... خلاها مصدومة مي فرحات حيتاش قاسها واخا ماشي كيكانت باغة. مي بعدا قاسها. وهو معروووف عليييه ايلا ماكنتيش تيتيزة دالتيتيزات اللوز دكاوكاو مايشوفش فيك ارااك يقيسك. رجعات للحفلة فرحانة . نمشيو عند البنات دوزو سيمانة ديال الحماق مور ماشافو ليغيزيلطا خاصة فاش عرفو بلي حتى ليلى شدات الدوغ ماخلاو مادارو.وصل رمضان كل وحدة رجعات لدارها تدوز رمضان مع واليديها وتافقو مور العيد يمشيو يخيمو فشي بلاصة. داز رمضان وتلاقاو البنات.ختارو يخيمو فاكلمام.شراو طونط وحدة ديال 4 دالناس دوزو 2 سيمانات فالطبيعة واعرين فالصباح كايفيقو بكري كايديرو السبور كايجريو فالغابة وكايديرو حركات وتعلمو لشحال من حاجة فالقتال ولاو قاسحات . كايفطرو ويمشيو يعومو فالبحيرة داكلمام تاكايشبعو كايقطعوها بالعرض كايتغداو ويرجعو يعومو تاني شوية وينوضو كل وحدة كتهز كتاب تقراه تاكايضلام الحال كنتعشاو بكري وكنسهرو بيناتنا كتهز نهاد الكمان وانا الوتار (كايحمقني) وكنبقاو نعزفو بحكم كنا دايرين المعهد دالموسيقى فمكناس عام كامل. كندوزو الليلة كلها تقصار وغنا وكنعسو وهي غادة دازت 15 ليوم دالهبال وقعو فيها شحال من بلانات بحال واحد المرة وجدنا الغدا وحطيناه نضنا نغسلو يدينا فالبحيرة رجعنا لقينا الغدا طار سرقولينا قرد😂😂 تفقصنا خاصة انا وخولة كان فينا الجووع بوهيوف😂مهم رجعنا كل وحدة لدارها. كنت فبيتي متكية وممزكة تاصونالي تيلي كنقلب لقيتها خولة جاوبتها انا:شنو الحولة شفكرك فيا توحشتيني خولة: اييه ما لقيت مانتوحش صونيت نقولك قلبي الجمايل ديالك راه لقيت راسي تقبلت فالبوليس الكونكور من هنا لسيمانة انا: بالصح؟؟ سايني نشوف خولة:اوكي هانا انتسناك دغيا هزيت بي سي حليت الجمايل مالقيت تاميساج انا: بفف ماتقبلتش مالقيتش الميساج خولة: مايمكنش واخا ماتقبليش كايسيفطولك ميساج كايقولوك ماقبلناكش انا:ااه سايني نقلب فspam

انا:اححححححح صافي لقيت الميساج عيطولي تاناااا😉😉
خولة:اوووف الحمد لله كون ماقبلوكش مانمشيش ندوز
انا: هاي هاي زعما الوفاء😒😒 ترر تيقتك هههه
خولة : نعلديلمي انا لي دايرة فيك راسي ها هي غادة بأي
انا: تهلااي الزين
نزلت للتحت لقيت الوليد كايتفرج 
انا: بابا تهزيت فالبوليس والسيمانة الجاية الكونكور
الواليد: ايوى الحمد لله ابنتي يكون خير نشاءالله
انا:إنشاء الله
الواليدة بالججهد:لولولللولووولي
الواليد: أهاد المراة خلعتينا البنت يالاه تقبلات دوز الكونكور ماشي خدمات
انا😂😂😂😂
الواليدة: انشاءالله غادي تخدم ييلي (بنتي) وتهزلي راسي فالسما
انا: نتمناو يالاه هانا غانطلع 
طلعت لبيتي وهزيت كنراجع شوية واخا انا وخولة تافقنا تجي عندي نوجدوليه بجوج .
دازت يوماين جات عندي خولة دوزنا سيمانة كاملة غافتوجاد بريبارينا مزيان وغدا مدوزين
نعسنا بجوج معانقين ومشينا فعالام الأحلام
صبح الصباح ضربات فيا أشعة الشمس وفقت مدوخة لقيت الخمسة نضت دوشت دغيا ولبست حوايجي فيقت ديك القردة دخولة توجد راسها حيت مازال تابعنا نسافرو للرباط فين غاندوزو فطرنا ومشينا ركبنا فالكار د 6. وصلنا للرباط مع 9 . الجو زويين تمااا الرطوبة شميسة خفيفة مع الصبااح و واحد النسيم كايضرب فوجهنا بارد شدينا طاكسي عطيناه العنوان وصلنا كانت البلاصة عبارة على عمارة طلعنا فيها كنقلبو على البلاصة فين مدوزين تاعيينا بانلينا واحد الرجل سولناه 
انا:عافاك اسيدي نسولك فين مدوزين لكونكور دالبوليس هنا؟
الرجل:ااه نتوما خولة التجاني و سارة الكوفي
انا بصدمة: اييه هما حنا

الرجل:تبعوني. 
مشى وبقينا تابعينو حل واحد لابارطومون وخفنا كانت كتنغزني خولة باش ماندخلش وجريتها ودخلنا لي ليها ليها. غي دخلنا لقينا بزااااف دالناس كل واحد فين غادي ماكانتش ابارطومون كانت دايرة مالداخل بحال شي شركة وشي غادي شي جاي. بقينا حالين فامنا وتابعين الرجل داكشي كبييير كتبان من برة شقة صغيرة وهي كبيرة بزااف طلعنا لاسونسور و دخلنا لواحد البيرو واسع كانو 2 رجال تماك دخلنا وكالولنا كلسو ومشى الرجل لي كنا تابعين كلس حداهم. مهم عطاونا الضوسي ديالنا فيه كاع المعلومات ديالنا من نهار خلاقينا وعرفونا على ريوسهم
الرجل1: بلا شك غاتكونو مصدومين. بلا ماتصدمو نتوما غاتخدمو معانا مي ماشي فالبوليس فالمخابرات 
انا وخولة شهقنا فخطرة وتزنكنا صراحة حسيت بالخوف والخلعة والفرحة
الرجل2: غاتكونو سمعتو على DST بطبيعة الحال والطريقة باش كاينتاقيو العملاء ديالهم نتوما تختاريتو من بين بزااف دالناس وغاتخدمو معانا فسرية تامة واش قابلين
انا صراحة تسرعت هضرت بلامانفكر: اه قابلة
خولة مصدومة مني : احم اا اوكي تا انا قابلة
الرجل1 مزيان دابا نتوما غاتكملو حياتكم عادي وحتى قرايتكم مي التدريب ديالكم غايكون على يدينا غايدربكم العقيد كمال و العقيد ياسر لي غاتعرفو عليهم من بعد دابا اترجعو لديوركم غاتعلموهم بلي عندكم سطاج فشي حاجة مهم الخدمة ديالكم غاتبقى سرية تاواحد ماغايعرف وغاترجعو نهار الأحد للعنوان لي غايوصلكم فتيليفوناتكم الجداد (مد لينا تيليفونات نوكيا دالبيل احسن منهم😂😂) 
الرجل2 : وماتنساوش ممنوع السر يخرج والا...... هضرة أخرى متفقين
انا كنبلع ريقي: واخا اسيدي 
خولة: متفقين اسيدي
عطاونا الادن بالخروج تبعنا نفس الرجل تال برا 
انا:اووووووف ويلييي على خلعة اصااحبتي
خولة: لاجواب
انا: ممم مالك دايرة فيها زعما مامخلوعاش
خولة:لاجواب
انا كنحركها: خولة ؟ خولة؟ خاولاااااا؟ صرفقتها عاد نقزاات
خولة: ويييلييي ويليييي شنو درنا. كتبكي: قودناهااااا ناااريي انا كنت باغة غا البوليس صدقنا ف . 
انا نقزت سديت ليها فمها : سكتي الموصيبة لايسمعك شي واحد يالاه يالاه نمشيو نفطرو فشي بلاصة ونهضرو. شدينا طاكسي ومشينا وصلنا لواحد الكافي حدا البحر ودخلنا ليها طلبنا فطور كلاسيك 
خولة: ويلي اصاحبتي وانا كنشوف غاسراق الزيت كنتخلع
انا: ماتخافيش راه غايدربونا مزيان 
خولة :الله يدير لي فيها الخير
فطرنا دغيا وخرجنا جبنا دورة فالبحر ورجعنا شدينا الكار لديورنا.
الواليدة: اشنو درتي ايلي.
انا كنبكي:والو اماما مادوزتش مزيان قسحو معانا😢😢 
الواليد مصدوم : صافي ماتبكيش ماشي نهاية العالم هاديك. اصلا داكشي كايدخلو الفلوس. وفيه الخواض
انا: اه ابابأ كاينين شي وحدين ضامنين روسهم داخلين 😢(الله يسمحليا)
الواليد: صافي طلعي ابنتي ارتاحي ونساي عليك داكشي
انا: اه مور مادوزنا دفعنا سطاج لواحد الشركة وتقبلنا غانبداو نهار الإثنين خاصنا نمشيو بالاحد
الواليد:إنشاء الله ابنتي يكون خير
طلعت الفوق وتكيت شوية.
دازو اليام نهار الأحد جمعت حوايجي وركبت فالكار وصلنا لمريرت طلعات خولة كلسات حدايا وقلع بينا الكار للرباط . وصلنا جوايه 13 مشينا تغدينا فواحد السناك وبقينا مقلزين فيه كنتسناو هاد الميساج شدينا الناب كانشجعو بعضياتنا شوية وصلنا ميساج فخطرة قريناه كالوليا نمشيو لواحد البلاصة قريبة لينا انلقاو واحد المراة

انلقاو واحد المراة كتبيع الورد ونطلبوليها 2 وردات داكشي لي درنا مشينا عندها عطاتنا جوج وردات وزدنا 
قلبت وردة لقيت فيها ورقة وتا خولة نفس الشيء مكتوب فيها نفس العنوان شدينا طاكسي وعطيناه العنوان دانا تال تماك جا تحطينا وقف علينا واحد الرونو كحل زاج فيمي طيرونا ماعرت كيدارو هزونا سدولينا عينينا ورشو علينا شي حاجة دوخاتنا ماسخفناش مي تبنجنا. 
كنحس بالرونو كان غادي فطريق عادي شوية ولات الطريق فيها حفاري والحجر شوية عاودت سمعت الصداع بحالا كايمشي فوق الكياس بقينا شحال واحد 3 دالسوايع وحسيت بيه حبس .
نزلونا وحيدولنا البانضات وحنا باقيين مدوخات. كانت البلاصة عبارة على فيلا متوسطة فوسط الغابة وكنسمع صوت الما يمكن حداها شي واد. دخلونا وعطاونا شربنا الما وكلسنا شوية التاحقو بينا 3 آخرين دراري تاهما نفس الشيء دايخين.بقينا هاكاك نص ساعة تافاتنا ديك الدوخة شوية تحل الباب دخلو جوج ملائكة اححح بغيت نكول رجال تيتيز😍😍 مشات الدوخة ديال داك الغاز وجاتني الدوخة دهاد الزين لي داخل. بقينا انا وخولة حالين فامنا. تاقربولنا وجمعنا الوقفة. كانو بجوج طوال نفس القد تقريبا وصحاح لابسين نفس اللباس تيشورط كحل وسروال كحل واسع خاشيينو فكاط كحل وكاسكيطة كحلة
الرجل1: معاكم العقيد ياسر مدرب الحركات القتالية والدفاع عن النفس
الرجل2:وانا العقيد كمال غاندرسكم جميع أنواع الاسلحة والقنابل وكيفاش تعاملو معاهم . 
ياسر: تبعونا نوريوكم بيوتكم باش ترتاحو تال غدا عاد غاتبداو التدريبات
حنا وقفنا تابعينهم دخلو الدراري فواحد الشومبر كبيرة و انا وخولة فالشومبر لي مقابلة معاهم 
ياسر:غدا غاتفيقو مع الخمسة دالصباح غتلقاو الفطور واجد الخمسة وربع نلقاكم فالساحة مور الفيلة من الأحسن ليكم تنعسو بكري. خرج
خولة:اااححححح على بوكوص قاليك نعسو بكري تا كيغاندير من مور ماشفت هاد الزين كولو
انا:اويلي سكتي لايكونو كايسمعونا بشي عجب را المخابرات هادو جمعي راسك
خولة:هههههه خرجو عليك الهنود ابنتي . يالاه ندوشو يالاه

دخلنا دوشنا بجوج وتكينا نعسنا معانقين كان فينا الجوع مي النعاس غلب علينا عمرنا الساعة مع 4.30 دالصباح باش يالاه نوجدو ههه النهار اللول حادكين فيه
نضنا لبسنا حوايج لقيناهم تماك بحال لي كانو لابسين البارح ونزلنا مع 5 فطرنا ومشينا جبناها لاصقة ولقينا ياسر تماك واقف كايتسنا
ياسر: وقفو هنا 
انا وخولة: واخا اسيدي
ياسر:نتوما هنا ماشي خدامات نتوما عميلات متدربات غاتكولولي شاف ماشي اسيدي
انا وخولة:وي شاف
جاو الدراري لحقو علينا باينة فيهم دايخين بالنعاس
ياسر: قبل مانبداو غانعرفكم على بعضياتكم خالد منعم . محمد شرقي. وليد ضيهر. سارة الكوفي. خولة التجاني . واااجدين
كلنا:وي شاف
ياسر: تبعوني. ومشى كايجري. ماشي كايجري راه علق
انا وخولة وخالد تبعناه دغيا وبقاو محمد و وليد مورانا كايتقاتلو.
انا بالشوية :نفعنا داك الجرا لي كنا كنجريو فاكلمام كل صباح
خولة: اووف عندنا الزهر واخا هادا كايسكرطح مي غانتبعوه
خالد:انا كنت كنشارك فلي كورس داكشي لاش عندي السوفل
انا:ششش سكتو سكتو لايتسيف .
3دالسوايع وحنا كنجريو تاسخفنا بالمزيان من بعد دخلنا لواحد لاصال بدينا كنترينيو وقفنا كالينا الشاف غانضاربو جوج جوج مشات خولة مع خالد (دغيا تفاهمو ولاد الحرام) محمد و وليد وبقيت انا. ويلي الشاف حيد التيشورط وجا وقف قدامي. حسب تال 3 وبدينا كالي نبقى نخوي ليه وهو يتكى عليا بالعصا. بقيت كنحاول نخويليه والو وحدة مكاتقيسنيش و10 فيا. تعصبت واحد اللحضة ضربني لجنبي زواني وغفلتو جمعت معاه بنص تاطاح الارض. مارضاش ناض عندي ناوي على خزيت وقفو لآخرين بالصدمة كايتفرجو فيا شدني من كتفي وجمع معايا بنص وضربني بركلة لكرشي تاشفت النجوم مع ماكليت والو من الفطور زواني ولد العبد وقفت كايشطحولي القرودة فوق راسي وجمعت معاه بركلة للجنب دغيا شدلي الرجل وقلبني طيحني وكالينا سالة التدريب وقت الغدا. عصبني مي غادي نوريه شكانسوا. عمر شي ولد المرا ماحط عليا يديه مي دابا نردهاليه. مشينا دوشنا وحنا مدكدكين
خولة كاضحك عليا فاش شدلي رجلي: اح كليتيها ابنتي صلااك نيت
انا: سكتي ماتزيديليش تانتي ولد الكلبة راك عارفة اعدى حاجة عندي هي رجل يستقوى على امرأة مي غانوريه علاش قادة ماشي انا لي تبقى فيا
خولة: نوضي اجيتلي نتغداو لانبقاو بالجوع
نزلنا لقينا الدراري سبقونا للطبلة حطولنا الماكلة ييعععع الخضرة مسلوقة ماكاين لا لحم لاوالو وانا كايعجبني التغماس كليت داكشي بالزز وكلسنا كنضحكو الدراري ضريفين
وليد كان تاهو داير انفورماتيك تفاهمت انا وياه كلسنا كنهضرو كالي بغا يشد بيرو انا صراحة ماكرهتش الميدان نخرج نتقاتل بالفرادا وداكشي😂😂😂
دخل عندنا كمال
كمال:يلا كملتو تاجماعت ديالكم تفضلو معايا
نضنا طايرين تبعناه دخلنا لواحد الصال عامرة بالاسلحة معلقين ف فيترينات ديال الزاج كل سلاح عطانا سميتو وفوقاش تخترع وفين وكيفاش كايخدم وكاع المعلومات عليه خاصنا نعقلو على داكشي

خاصنا نعقلو على داكشي القضية صعيبة شوية حيتاش ماكنكتبوش فشي حاجة.لا المعلومة نيشان كدخل للعقل.الحل فهاد الحالات هو تشبه سمية شي سلاح بشي حاجة اخرى بحال متلا المسدس beretta 9000 S شبهتو للبرويطة😂😂 باش نعقل عليه وهي غادة هاد المسدس من صنع بريطاني عيار19×9 مم.. مهم دازت الحصة مزيانة العقيد كمال ضريف على ياسر كيتعامل معانا مزيان خاصة مع خولة خخ سالينا التدريبات لهاد النهار عيينا بزااف طلعنا نتكاو انا وخولة شوية عيطوالنا للعشا.نزلنا تعشينا وطلعنا طحنا طيحة وحدة. 
فقنا الصباح كيما العادة فطرنا جرينا ومشينااا نترينيو . هاد المرة انا وقفت حدا الشاف ياسر حيد التيشورت ديالو اااحححح على العضلات وسيكس باكس (ليزابدو هه) غفلتو جمعت معاه بركلة للجنب زويييتو. ناض معصب بدا غا يضرب بالكروشيات وانا كنطاكي بيدي شوية جابلي بونية فوجهي تارعفت. 
انا:حمااااااااار 
ياسر صرفقني 
انا رديتهاليه وجمعت معاه بنص تااطاح طحت عليه كنضرب باش ماعطاني ربي بونيات تصرفييق قميش صافي جهلت عليه ماحبستش 
شوية شدني من شعري وقلبني جا متكي عليا شدلي يدي بديه وحاصرني بقيت كنتنفس بصعوبة وكنخزر فيه تابردت مي مازال مابردات النار لي شاعلة فيا حلفت حتى نردليه هادشي عممر شي حمار تجرأ يصرفقني
هو شافني بردت وطلقني 
ياسر:خاصك تعلمي تحكمي فراسك هاد الأعصاب ماغاينفعوك بوالو وغاتجيبيها غا فعضامك. مشى وخلاني كنغلي والدراري غا كايشوفو فهاد الوحشة لي قدامهم .... كملنا النهار عادي 
دازت شهرين دازو كاع الأيام بحال النهار اللول تدريبات وقراية ... 
كمال رديت ليه البال كتعجبو خولة ديما كايحضيها وكايحضي تصرفاتها العفوية مي هي كيما العادة مامسوقاش تلقى محال واش راداليه البال. 
أما ياسر فرديتليه الصرف ديال العصا لي عطاني حمقتو كنضربو ونخويليه مابقيتش كنتعصب وليت كنتحكم فراسي وفحركاتي تعلمت شحال من حاجة دربنا ياسر مزيان لدرجة ولينا بحال بحال فالنيفو احم غا تواضعت صراحة راني وليت كنغلبو هههه هنا ماكاينش هادا ولد هادي بنت كولشي بحال بحال داكشي باش عجبني الحال.
صبح الصباح كيما العادة فقت مع الخمسة ولقيت خولة فاقت قبل مني نزلنا دغيا فطرنا وخرجنا 
ياسر: اليوم ماغانديرو والو سالاو التدريبات 
كمال:غادي نعطيو تقييم دكل واحد فيكم للمركز باش يعرفو فين يحطوكم. الافضل لي هو الاول والثاني ديما كايمشيو للفرقة الأولى دالمخابرات المغربية على مستوى العالم لي حنا داخلين فيها والثالت كايبقا تحت الاختبار وكايمشي للفرقة دالمخابرات لي فالمغرب والرابع والخامس غانعطيوهم بوسط ماغايخرجوش للميدان. 
ياسر:تقدرو تنساحبو
رجعت لشومبر دخلت للطواليط خرجت مالقيتش خولة يمكن مشات للكوزينة ودخلت ندوش

بصوت خولة
كنت فبيتي تاعيطلي خالد خرجت عندو كالي نتكلم للشاف كمال فالبيرو ديالو.
مشيت لعندو لقيتو واقف وعاطيني بالظهر كايشوف من الزاج دالبالكون شوية هو يدور
كمال(شاف فيها واحد الشوفة كتدوب):تفضلي آنسة خولة
خولة(قلبي كيزدح دار فيا واحد الشوفة فشكل مافهمتهاش):وي شاف
كمال(وعلامات الحزن على وجهو):غدا صافي غادي تمشيو بحالكم كل واحد فين غادي يلتحق..
وبدا كايقرب ليا بالشوية 
كمال(قرب لودنها وهضر بهمس):غادي نتوحشك بزاف
خولة (وقلبها قرب يخرج من بلاصتو):ك ك كيفاااش؟
كمال(وهو دايب فصوتها الحنين لي اصلا محلون من عند الله)كيهضر بالشوية بهمس:غانتووححششك ونزل عليها بشنايفو ببوسة فشفايفها الباردين كانت بوسة حنينة شوية تحولات لبوسة عنيفة كان كايمص ويجر ويعض كل شنافة بوحدها وهي بالزز منها ترخات وتجاوبات معاه بلاماتحس . بقاو على داك الحال شوية نزلها للعنق عاد فاقت السيدة من الغيبوبة. دفعاااتو وصرفثاتو
خولة(مصدومة) : من نيتك مايسحابليش راك باسل بحال هاكة كنت كنحترمك حيتاش كتبان بعقلك مي صدقتي غا زلاال تفو ومشااات
كمال (مصدوم من ردة فعلها وفري حس براسو مبرهش)
خرجت وكنفكر فداكشي لي دار ماكنتش متوقعة منو هاكا دخلت لقيت سارة يالاه خرجات من الدوش 
خولة:سارة عرفتي شنو وقعلي
انا :شنوو ابب
خولة:داك كمال خرج منو العجب
انا:علاش شنو وقع
خولة:سيفطلي خالد باش نمشي عندو البيرو وقرب تالودني وكالي غاتوحشك.ووو. ..
انا:وشنوووو ماتكوليليش باسك هه
خولة:اه باش عرفتيها
انا ههه فمك حمر وفيه شوية د دم باينة غا شوية اما يسرطهم ليك
خولة:تفووو عصبني صدق غا زلال
انا:لاحظت انه كايراقبك بزااف ديما كايسهى فيك. باينة فيه معقول واخا دافع كبير ..صراحة انا حبيتو😍😍
خولة(ضرباتني):شو بنت العبد انا كنكولها راه تزللعليا وباسني وهي كتقولي حبيتو
انا (كنحك بلاصة الدقة):نعل ديلمك واش نكدبو انا كنكول داكشي لي كايشوفو عيني السيد راه بعقلو ماشي برهوش
خولة :كون كنتي نتي لمن دارها كون دفنتيه حي
انا: ههههه والصراحة ماكدبتيش الرجال فالتالي كايبقاو حمير
خولة: وادابا شنو ندير ؟
انا: ماديري والو خليه هو يدير
عند كمال(ضرب بيديه فالبيرو ديالو بالججهد تاقرب يهرسو أما يديه محال واش توقع ليهم شي حاجة البالات لي عندو):تفووو فخر يامي وليت زلااال اشداني نكولها شي توحشتك ولا تبي.مي تاهي شنو زعما كنتي كاتسنى منها تعنقك متلا. باينة فيها ماشي من داك النوع دالبنات لي مولف بيهم كايطيحو عليا غانبانلها دابا برهوش تفووو
نرجعو عند البنات لي نعسو وصبح الصباح عندهم فاقت سارة تال8 بحكم اليوم أخير نهار عندهم
فقت وغسلت وجهي وسناني لبست حوايج دالتدريب ونزلت للتحت نفطر لقيت غا ياسر وكمال
انا: صباح الخير
هما:صباح الخير
كمال كايضحك:شتك لابسة حوايج التدريب ماسخيتيش
انا:لا غا لقيتهم قدامي ولبستهم هه
ياسر كيخنزر فيا:جمعو حوايجكم اليوم غاتمشيو لديوركم.وناض من الطبلة بقيت غا انا وكمال شادين الناب وكنضحكو تاخلطو علينا الدراري و خولة جاية مدوخة بالنعاس وتكات على الكرسي د كمال ماللور حيتاش مامولفاهش كايفطر معانا
خولة: صباح النور الوحوش
انا والدراري:صباح النور 
خالد:غا بالشوية جاية بعجاجتك عاوتاني
وليد:داخلة علينا كي الزلزال 
كمال ساكت ومصدوم من قربها ليه حاطة يديها على كتافو ماللور بحالة متكية عليه
خولة: نعلديلمكم صباحاتو لله عاوتان كاين شي مايتكال ولا حنجرتو كولشي
انا:كاين كاين غا شدي لارض ونوضي من على السيد قتلتيه 
خولة: خليني نشوف واش باه صحيح . ونقزات.اممم صحاحيتي امحمد باك ماشي غا صحيح فاش خدام ؟
جاوبها محمد لي كان فالجنب :بناي 
ضارت خولة شافت فيه : معدرو صحيح . شوية وطلعات معاها ايلا كان خالد و وليد مقابلين معاها و محمد فالجنب شكون هادا

شكون هادا لي متكية عليه؟
شافت فيا لقاتني حانية راسي وكنخرا بالضحك 
وهزات يديها بالشوية سرطات ريقها ودارت تكلس حدايا . هزات راسها تشوف علامن كانت متكية وكتقول ياربي يكون ياسر. ضربات فوجهو وخاصة فعينيه لي كانو حاضيينها وتصدمات بحالا ضربها الضو. وضرباتلي واحد القرصة ففخضي تحت الدف بردات فيها فقصتها و سمها. انا نقزت من بلاصتي. ورجعت كلست وكمدتهاااا مابغيتش نعيق 
خولة كلسات كتفطر وهي حانية راسها ومزنكة وكمال عاق براسو حاضيها وجمع عينيه
خالد:خولة لعجب كيفاش هاد النهار كتكلي غا بالشوية . موالفة كتاكلي حقك وحقنا 
خولة تزنكات وحلاتليها الماكلة:كح كح كح
كمال مدليها كاس دالما. شداتو وهي كترعد :شكرا
وليد:واييه شحال هادي ديما كاسي دالحليب كاضرب فيه النص 
انا :كون شفتو انا شكانت كادير معايا. الحرب على الطبلة ايلا ماحاربتهاش تاكلني انا بحوايجي ماشي غا حقي.
خولة كتقرص فيا وانا نغوت :ااي 
خولة:احم مالك ياك لاباس (وكتخنزر فيا)
انا:والو غا قرصاتني شي حاجة هنا وصافي.
كمال كمل فطورو استادن وناض 
خولة طارت عليا خنقاتني: ياك لديلمك شوهتيني ابنت الحراام.
انا:طلقي مني الموصيبة خنقتيني غي كنضحك معاك
الدراري كايضحكوا عليها
انا:طلقي اصاحبتي شوهتي راسك قدام الدراري
طلقاتني وطلعات لبيتها معصبة شوية دخلات فشي حيط ماشي بنادم هزات راسها لقاتو هو 
كمال وهي فخطرة : سمحيليا . سمحليا
كمال شاف فعينيهاا وهضر: انسة خولة سمحيلي على البارح يلا كان ممكن
خولة حنات راسها حشمات حيتاش تفكرات شنو وقع ابتاسماات ليه ديك الابتسامة الصفرا😊
هو بقى كايشوف فيها شوية تنهد وداز وخلاها
انا ساليت فطوري وخرجت للجردة بانلي داك القرد دياسر كايهضر فالتيل شوية سالا وجا دايز من حدايا
ياسر وقف ورجع لعندي: مازاال غانتلاقاو الآنسة سارة وغنتواجهو ونشوفو شكون غايغلب لاخر 
انا: ههه ماكايهمنيش المهم انا فديتليك داكشي لي درتيلي و خديتلك الرتبة الاولى كاحسن مقاتلة وهادشي كامل وغا متدربة فاش غانولي بروفيسيونيل داك الساعة ونشوفو 
ياسر: ماتحلميش بزااف تقدري ماطلعيش كااع نتي
انا:ممكن كولشي ممكن
ياسر مشى وعاود دار إتصال تبعتو وسمعتو كايهضر
ياسر: هاد المتدربة الجديدة قاسحة بزااف ودكية جات هي اللولة فالقتال وحتى فالرماية ماكتزكلش الهدف بالسلاح وزيد عليها دكية وعندها مع لانفورماتيك 
الشخص:........
ياسر: مهم انا غانحااول نقنعهااا
الشخص ......
ياسر:اوكييي بااي

انا مشيت دغيا قبل مايشوفني صراحة فرحت بزاااااف حيتاش اعتارف بالقدرات ديالي هو قاسح بزاااف. باينة انا لي غاناخد المركز اللول يسسسسس . 
مهم داز هاد النهار جمعنا حوايجنا ومشينا لديورنا تايعيطولينا. عطاونا جوج سيمانات راحة وصلت للدار سلمت على مالين الدار توحشتهم دخلات ختي الصغيرة من المدرسة وشافتي جات عندي عنقاتني 
انا: الغزالة ديالي توحشتك 
ندى:تا انا أختي توحشتك . 
انا كنبوس فيها: مواح الكبيدة ديالي
ندى: سارة! عرفتي جبت 10 فالرياضيات والمعلمة عطاتني الشكلاط كادو 
ندى: وينو تبارك الله على البخوشة ديالي غاطلع بحال ختها
شوية دخلات ختي لأخرى من الليسي جات سلمات عليا باليد غا قدام ماما. هاد السيدة عمر حنكي تحط على حنكها من غير فالاعياد وغا بالزز😂😂😂.
ودازت حيدات صباطها لي هو صباطي فالأصل
انا:هاي هاي غبرت غا شهرين وحطيتي يديك على حوايجي
حسناء: مابقاوش حوايجك دابا ولاو حوايجي حيتاش خليتيهم
انا كنتفقص:خليتهم فالبلاكار ديالي ماشي كتبتهم فسميتك 😠
حسناء:مهم خليتيهم ودابا ولاو دياولي
انا: بربي وماتحطيهم تانقلبوها كرت هنا
ماما:صافي بديتو تاني يالاه جيتي أ سارة كلسي ترتاحي بعدا ونتي طلعي حيدي حوايجك .
انا:تفو على بنادم 
حسناء طالعة فالدروج لبيتنا:تفو على مك القردة
ماما :شناهو. تفو على مك؟ هادشي لي نستاهل ياك ربييي و وكلي وشربي وكبريي وفالتااالي يربيو الفخاض و يتنخموو عليك. والله وماطلعي تانجي نوريك الكلبة شقادااا دير
انا:صافي اماما خلي ديك البرهوشة😒
حطات لينا ماما الغدا تغدينا وطلعت لبيت. تكيت غمضت عيني وغفيت.

تاكانفيق على الصونيت دالتيليفون نمرة ماعرفتهاش
انا :الو شكون معايا؟ (يالاه وجدت باش نسب)وهو يجاوب
الشخص: معاك المركز . العميلة سارة عندك يوماين خاصك تجي لعندنا للرباط 
انا:ياك عطيتونا 2 سيمانات راحة
الشخص:تبدل البروغرام ماكايناش الراحة . وقطع
انا:اوووف شغانكول لمالين الدار دابا شيت
هزيت صونيت على نهاد توحشتها 
نهاد:على سلامتك أختي منين سولتي
انا:نيدوش توحشتك
نهاد :صراحة انا لا😒
انا : عارفة لديلمك تفو. كوليلي شنو درتي فقرايتك
نهاد: مازال ماقررت مهم غاندوز الماستر نشوف دفعت للمدرسة دالترجمة وكنتسناهم يجاوبوني ودفعت للماستر فكندا و أمريكا. يكون خير
انا: حلفي إنشاء الله تقبلي . نيدوش واخا تقطعي تيلي كايصوني 
نهاد :أمين اوكي بأي
انا جوابت: الو الحوبتش 
ليلى:الزمر ماشي الحوبتش داكشي باش كتسولي. 
انا:واللهيلا يالاه قطعت على نهاد وبغيت نصونيليك
ليلى:اممم ايوى شي جديد
انا:والو اختي من عندك
ليلى:اممم زعما ماكايناش شي حاجة مخبياها عليا.(كتخلعني هاد البنت كتكون عارفة شي حوايج بلا منكولوهم ليها كيكادير مانعرف.)
انا:اا لا والو غانمشي بعد غدا للرباط
ليلى:أمم وعلاش ؟
انا:كاتعيطلي الواليدة تهلاي. وقطعت.اوووف هاد السيدة كتخلعني ديما كتصدمني كتكولي شي حوايج عليا كنكون عارفاهم غا انا. خفت لاتعيق بالبلان د المخابرات.
دازت يوماين دغيا وجدت راسي كلت لمالين الدار غانمشي للرباط على حساب واحد ليكول وتيقوني مكنحملش نكدب عليهم مي هاد الخدمة هاكة دايرة
شديت الكار للرباااط ماهي إلا ساعتان حتى.وصلت غير تحطيت تمال جاني ميساج فالبلاصة فالنوكيا دالبيل😂فيه واحد العنوان. باسم الله الرحمان الرحيم هاد الناس مخدمين معاهم الجنون واقيلة.
خديت طاكسي ووصلني للعنوان . كان عبارة على بتيت فيلا فواحد البلاصة خارج الرباااط حططيييت فيها الفلووس فالطاكسي قربت للباب وهو يتحل اوطوماتيك الفيلاااا كانت خاااوية بزااااف بحلالييلا مهجووورة من شحاااال هادي
دخلت نيشان للداخل بقيت كندور عيني تمااك وبانلي واحد الرجل كالس فالصالون كاان لابس كوستييم فالكري مغلوووق شوميز زرقاء و صباط اسود كان شخص في الخمسيان من عمرو راسو شاايب عينيه كوحل و صغاار وشوفاتو حاديين . مشيت لجيهتو بالشوية خفت شوية ولكن ضبطت راسي يلا دار شي حركة نفرعوو هههه سلم عليا
الرجل:السلام آنسة سارة تفضلي
انا كلست:ميغسي
الرجل:مهم نعرفك على راسي. معاك العميد يونس (تفكرتوه ولالا؟)

رجل:معاك العميد يونس. رئيس أول فرقة دالمخابرات على المستوى العالمي. نتي تدربتي على يد احسن عملاء ف فرقتي العقيدين ياسر و كمال انا كنت مراقب كاع التحركات ديالكم. 
انا:اه اسيدي ممكن تقولي الترتيب عافاك
ع يونس:الترتيب العميلين خالد وخولة هما اللوالة غاينضامو للفرقة ديالي وغايخرجو للميدان. موراهم وليد رجل الاعلاميات غانخليوه فالبيرو غاينفعنا و أحمد غايبقى فالفرقة دالمغرب.
انا مصدومة حيتاش ماجيتش اللولة عمري خسرت فشي حاجة ديما انا لي كنكون اللولة جاتني البكية مي حبستها مكنحملش نبكي : مايمكنش😵انا بذلت مجهود كبير وغاتجريو عليا؟ شنو الخطأ لي درت؟؟
ع يونس: مادرتي تاشي خطأ.نتي فعلا كنتي الافضل فالكروب .مي انا محتاجك فحاجة أخرى.غانبدا نعاودلك وماتقاطعينيش الله يخليك
كاينة واحد المافيا خطيييرة هادي اكتر من 20 عام وانا تابعهم حياتي ضيعتها غا فالبحث على الرؤساء ديالها شاك فبزاف دالناس مي ماعنديش دلائل عليهم هما ادكياء بزااف. العام لي فات استطعنا نقبضو على اليد ليمن ديال واحد من هاد الرؤساء مي الشخص مابغاش يعتارف لينا بالأسماء ولسوء الحظ هي امرأة عنيييدة وحمقة فتصرفاتهاا ماقدروش الرجال يتحكمو فيها. من بعد ديك المراة سيفطناها لواحد السجن سري تاواحد ماكايعرفو فين جا وحنا خاصنا امرأة نسيفطوها للحبس تجبدلينا منها الهضرة وجميع المعلومات على المافيااا هادشي ماساهلش بطبيعة الحال لأن ديك السيدة من أدكى ماشفت. انا اختاريتك نتي حيت بنتيلي المناسبة لهاد المهمة واخا عاد تخرجتي مي كايبانلي فيك مدربة مزيان خاصة فاش شفتك غلبتي احسن مقاتل عندنا العقيد ياسر. زيدي عليها نتي مامعروفاش فالقسم عندنا . تاواحد ماعارفك فالمخابرات يعني تالعصابة مغيتعرفوش عليك. انا استطعت نقنع ياسر و كمال بلي نتي ماتصلاحيش للمخابرات وبلي غانجريو عليك باش تبقى المهمة فسرية تامة. ياسر وافقني حتى هو فالرأي . انا كانطلبك كشخص فنى حياتو كاملة وهو كايقلب على رأس الخيط لي يوصلو للمسيرين دالمافيا ماشي كرئيس فرقة ولا عميد. نتي الوحيدة لي تقدري تعاونيني. 
انا:دابا نتا كطلب مني ندخل للحبس مع المجرمات ولا أخطر المجرمات باش نحاول نقنع واحد السيدة لي هي اليد ليمن ديال زعيم مافيا خطير تقولي الهوية ديالو هههه هادشي مستحيل مكايدخلش للعقل نن سمحلي مانقدرش غا عطيني مهمة أخرى. انا عاد بديت عطيني ماسهل
ع يونس:بنتي كنطلبك الله يخليك دوك الناس خطيرين بزاف كايختاطفو الدراري الصغار والبنات وكايبيعوهم كيتاجرو بالمخدرات و بالأعضاء البشرية كايقتلو الناس ومنهم الشرطة شحال من عميل سري سيفطتو وقتلووه حيتاش عاقو بيه ونتي الوحيدة لي تقدري تعاونيني نشدهم ماغايعيقوش بامرأة نتي دكية بزااف عمر غاطيحليهم فالبال بلي راك جاسوسة..

انا غادة خارجة:سمحلي عندي عائلتي ماساخياش بيهم وانا باقة صغيرة منقدرش نتعامل مع عصابة خطيرة بحال هادي يلا قتلوني. كما قلتي قتلو كاع العملاء لي سيفطتي . نن سمحلي بالسلامة
ع يونس كيبكي: هما قتلولي عائلتي كاملة 
وقفت ودرت عندو لقيتو كايبكي وكلس 
ع يونس كايبكي:اغتصابولي مرتي وختي قدام عيني اغتاصبوهم حتى ماتو فيديهم وماقديت ندير والو اختاطفولي ولدي عندو عاماين وبنتي يالاه تولدات عندها شهرين يعلم الله فين راهما دابا واش حييين ولا ميتين عدبوني نفسيا وجسديا. و (حبس شوية وهو كمل وهو حادر راسو): وجابولي واحد مثلي تعدى عليا وانا فعمري 29 مرمدو الرجولة ديالي فالارض تعرضت لجميع انواع التعديب داكشي لاش باغي نتاقم . ابنتي هادشي عمر عاودتو لشي واحد كنطلبك كنترجاك تخيلي الاب ديالك تحط فنفس الموقف ولا الأخ ديالك تخيلي العدد دالناس لي ماتو ولا تعدبو بحالي ولا اكتر مني (وطاااح كيبكي)
انا صراحة بقى فيا بزااف بكيت معاه تخايلت وقع لبابا هادشي شداتني التبوريشة كلست كنشوف فهاد الرجل لي شافو من برا يكول هادا قوي بزاف مي هو مالداخل ضعيف عانا لواحد الدرجة كبيرة. سارة نتي ماشي من النوع الخواف علاش خفتي هاد المرة خاصني نكون قوية ونغامر ولي ليها ليها ماشي انا لي نخاف هضرت بالجهد:قابلة بالمهمة الشااف.
ع يونس شاف فيا بصدمة وناض كايعنقني : كنت متاكد غاتقبلي. من أول مرة شفتك عرفتك نتي المطلوبة لهاد المهمة عينيك فيهم واحد المزيج من الدكاء والقوة.انا ماختاريتك تاعرفتك كابابل(ههه تفكرت الإشهار د أولوايز😂) ومكتخافيش وزيدي عليها غادي نوفر ليك الحماية ولعائلتك.
انا قاطعتو: عائلتي ماخاصهمش يعرفو.
ع يونس:ماتخافيش انا وجدت ليك واحد الهوية مزورة ديال واحد البنت نفس لاج ديالك كنا حابسينها فالسجن عندنا قتلات 10 دالشخصيات مرموقة فالبلاد هي يتيمة كبرات غا فالزناقي و ولات pute من بعد كانت كتمشي للدار عند شخصيات عندهم ثقل فالبلاد بصفة pute وكتقتلهم من بعد شديناها وماتت لينا بالحبس هي معروفة بين العصابات مي تاواحد ماعارفها فوجهها كانت كتبدل اللوك ديالها كل مرة سميتها سيلينا . غادي نسيفطوك لداك السجن السري بصفتها . مي للأسف من بعد غادي ينقطع التواصل بيناتنا باش تاواحد مايعيق حيتاش العصابة متجدرة كاينين أفرادها من البوليس من الحباسة من الحراس ممكن حتى المدير دالحبس يكون منهم . نتي من بعد غاتصرفي بوحدك الهدف ديالك هو تدخلي لديك العصابة وتعرفي على الرؤساء ديالها أسماءهم باش من بعد نراقبوهم ونحاولو نلقاو شي دليل عليهم ولا نشدوهم متلبسين .
انا مخلوعة من هادشي لي تابعني : فهمتك فين جا هاد الحبس؟؟
ع يونس:ماعرفتش.هاد السجن سري تاواحد ماعارفو فين جا تدار خصيصا لاخطر المجرمين باش مايهربوش حتى من المخابرات ماعارفينوش هادي مهمة أخرى غاديريها تاهي داك السجن لي مشى ليه مكايخرجش كنضن بلي غير قانوني خاصنا نلقاوه تاهو 
انا تخلعت بلعت ريقي وحاولت مانبينش:وانااا كيغاندير نخرج منو. لاتحبست تماك حياتي كاملة
ع يونس:غادي نديرولك جهااز تتبع ماتخاافيش
انا تنهدت : مزياان. فوقاش غانبدى
ع يونس:من دابا لابغيتي.مالين دارك انا انتكلف بيهم .

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki