فريسة في أرض الشهوة الجزء الثالث

من تأليف Ikram Pancholi
2018

محتوى القصة

رواية فريسة في أرض الشهوة

كان حادر راسو على شي وراق مهمين بخصوص اجتماع عندو من هنا لساعة. .حتى سمع دقان نطق وهو كيجغم من كاس القهوة قاصحة بالمعقول: ددخلل
عزيز دخل وسد موراه : صافا ولدي. .سبقتينا لشركة 
عمار هز عينو فيه ومزال كيجغم من قهوتو : عندي جتماع دابا. .داكشي علاش جيت نقاد شي مساءيل 
عزيز جلس و حط رجل على رجل ..شابك ايديه يله بغا انطق حتى قاطعو صوت موراه
خالد : ولدي نتا هناا
عمار : عمي لباس عليك هه...اش جاكم طليتو عليا على الصباح فالمكتب ...موجدين شي بلان هه 
خالد جلس حتى هو بعدما حل صدايف لفيست : ههه حافضنا 
عمار وقف كيجمع الوراق على قبل الاجتماع : عرفتو اش غديرو ..خلو بلاناتكم بعد الاجتماع. ..مسيو جعفر غادي اكون وصل 
خالد : هادشي فاش بغينا نهدرو معاك 
عمار : علا مال مسيو جعفر ..اش دخلو فالموضوع 
عزيز تقاد الجلسة : احم بعدا جلس اولدي باش نعرفو نهدرو ونوصلو لشي حل 
عمار جلس وعلامات الاستغراب مالية ملاميحو : تفضل. .كنسمعك 
عزيز وجه كلامو لخالد : هدر معاه نتا. .بعدا كيسمع منك عليا. .كتبقى عمو الكبير والوحيد
عمار هاز حاجبو و كيوزع نضراتو بينهم بجوج : وااش مغاديش تهدرو..هاكة غادي نتعطل على الاجتماع
خالد : احم ولدي عمار. ..كيف كتعرف حنا عندنا شراكة وطيضة معا شركة مسيو جعفر ..احم وحنا فكرنا. .زعما باش نزيدو نفودنا و نوضعو قبضتنا على التحكم فتسيير الشركات الاخرى ...زعما 
عمار : عمي الجملة الاخيرة الله اخليك عندي ميدار 
عزيز : خخ برد يله ناويين نخبروك زعما 
عمار : هاهو مبرد غي نطقو خلاص
خالد : ولدي نجيك من لخر. .مكرهناش نتناسبو معا مسيو جعفر...
قاطعو عمار : كفااش وااش انا لعبة..ولا رديتوني بحال ازار خاطب وحدة مكيشوفش فوجها ...واااش عندكم العلاقات حتى هيا كتمشي بالفلوس...زيد عليها انا عمري ندخل شي مرة على بنتي بعد موت مرتي ماجدولين
خالد : كاالم حنا هادشي كامل عارفينو ...خصك تعرف بيلا عائلتك ديما غادي تبغي ليك الخير. ..وحنى هاد الفكرة طاحت فبالنا بعدما تفكرنا وعدك لمرحوم اولا 
عمار مسح على راسو بعصبية ..هز الملفات وخرج ساخط قبل اشد البواني تلافت عندهم : ديرو لبغيتو ...لكنعرف انا هادي لغادي تلبقو ليا مستحيل تاخد بلاصت مرتي ...
خالد :هيا وافقتي
عزيز :فرحتينا اولدي
رمقهم بنضرات حادة خرج وسد الباب موراه مغودد ...ونفس الوقت كيتفكر الوعد لعطى لجدو خصو اوفي بيه ...جات عندو سكرتيرة علاماتو على وصول مسيو جعفر والاجتماع على وشك انو يبدا. ..مسح على راسو. مشا نيشان لقاعة الاجتماعات ..اتلاقى هاد مسيو جعفر لباغين اتناسبو معاه ...

وصلات قدام باب دالمكتبة. .حيدات الكاسك ونزلات. .مشات نيشان للمكتب لمكلفة بيه. ..جلسات ..عاد حطات قدامها السكادو جبدات كتوبتها لباغا تراجع فيهم. .قداتهم قدامها. .تنهدات مطولا معارفة منين تبدا ..ستغفرات الله و شدات ستيلو كتراجع. .ولا جااا شي زبون كتعطيه طلب ديالو. ..كتراجع ومرة مرة كتشوف جيهت الباب ليقدر اجي. ..حطات تيلي قدامها دوزات طراف صباعها على شاشة ديالو كتلامس المساج و كتبتاسم حتى كتحس بصوتو فوق راسها
.....:هادي نتي ...مزال مجراو علييك
سنايا هزات عينيها فيه موسعاهم متوقعاتوش اجي : هاا 
ازار كان بنفس ستيل دلبارح باش ميعرفو حتى واحد : عطيني الكتاب دالبارح بلا كترة الهدرة لصدعتيني بيها 
سنايا مزال ساهية فيه :هاا
رمقها بنضرات حادة مرفقها بتخنزيرة : وااش محسوش بدنب حيت مجلسينك هناا 
سنايا وعات على راسها. ..عاد سرات معاها كيتنفخ عليها. .بدلاتو التخنزيرة : مسيو فيك الهدرة بزاف. .حتى واحد مقالها ليك
خشا ايدو فجيابو معا ابتسامة استهزاء : لي قالها نبلع ليه لسانو ..نقطعو ونعطيه الكلاب انهشوه 
سنايا : فخبارك انا معصبة..تقدر تسولني علاش باش نفكر واش نجوبك
نطق معا ابتسامة خفيفة : متأكدة معصبة هه. .مبيناش علييك
سنايا عوجات فمها : بما انك طلبتيني باش نقولك علاش معصبة مغاديش نحشمك...
قلبات ملامحها الجدية وقفات وخبطات المكتب بايديها الصغورين : اسيي انا كنت كنحفض ونتا مصدعني. ..باغي الكتاب راا بلاصتو ..طالعة ليا القردة تقدر تمشي ...اصلا عندك الزهر عطيتك من وقتي بلا موعد 
ازار بقا مصدوم من هاد الكائن الفضائي لعندو جوج شخصيات خخ : شوية لبااس 
سنايا رجعات جلسات وحلات الكتاب كتراجع نطقات وهيا خاشيا راسها فيه : لبااس..هانا جوبتك تقدر تمشي 
مزادش معاها الهدرة حيت كتستفزو وباغيش امد ايدو على برهوشة كيف سماها ...خدا الكتاب ديالو ومشا جلس فالمكان المخصص للمطالعة ..سترخا وبدا كيقرا بتركيز هاد الحركات كانو تحت عينيها لكتبتاسم بشر نطقات وهيا كترجع شعرها ورى ودنيها : ههه هادي بااش تعلم امسيو ازار تقمعني وتسيفط ليا "؟؟؟" هههه نسا راسو معامن 
رجعات كتحفض و تنتف فراسها كلما وحلت فشي حاجة. .داز الوقت وهيا مزال غارقة وسط الكتوبة. .شخصيتها نوعا ما زوينة حيت كتفرز بين الضحك والقراية يعني كل حاجة كتعطيها حقها خخ. ..ملات بغات تستراح هزات عينيها فيه مزال على نفس وضعيتو رجل على رجل و كيقرا. ..جاها الملال الشديد كتشوف مكين ميدار خدات تيلي ديالها. .جبدات نمرتو وبدات كتكتب ليه ...

"⭐انت جزء من الزمن و وجودك ابدي فشرايني
..كل ذكرياتك تسرق أنفاسي باستمرار. ..لا يهمني أين تذهب....فالاخير قلبي هو مسكنك الذي لا تعلم عنه شيئا⭐ Queen "

بقات شاردة فالمساج كتفكر واش تسيفطو بعدما كتباتو. .غمضات عينيها و بركات على إرسال ..بتاسمات وخبات تيلي فجيبها ..هبطات عينيها لكتوبة مقداتش تشوف ردت فعلو. .داز الوقت مسمعات حتى حركة من غير الصمت لكيعم على المكتبة تعجبات حيت مجرد انو اوقف اولا اسد الكتاب ..احلو غادي تحس بخطواتو لي كيقودهاا ريح للاذن ديالها بلاما تهز عينيها فيه..عوجات فمها بستغراب. .طلعات عينها لجيهتو حتى وسعاتهم من شدة الصدمة. .لكن سرعان متبدلو ملامح وجها من صدمة إلا تخنزيرة حارة ناضت طيرة لجيهتو شنقت عليها. .
سنايا جنون راكبنها خسرت ليها البلان كامل : باااركة اش هاد الفعايل ديال واالو
ازار خرج فيها عينيه و تشوكة من منضرها بقات فيه باااركة مسكينة كانت كتشرح ليه قانون دالمكتبة حتى جات هاد صرصورة شنقات عليها. .صحا على راسو وبعد سنايا لكتفركل ليه على باركة لوجها صفار وحمار نقدرو نقولو العطرية كاملة دازت على وجها خخ...
ازار نطق وهو عاض على سنانو : اش هاد تبرهيش. .اشنو دارت ليك 
سنايا تنترات منو نطقات وهيا موجهة صبعها ليه : علاش هدرات معااك
وجهات كلامها لباركة لدخلت فحالة الموت خخ:باااركة ياك قتليك ملي اكون شي شارف تكلفي بيه..وتيتيز خليه ليا انا نتكلف بيه 
باركة ضربات الطم حتى كسر الصمت بصوتو الرجولي
وجه كلامو لسنايا : ونتي مالك.. تهدر معامن بغات. ..اجي هاني خليت ليكم هاد المكتبة 
سنايا نطقات وهيا كتلوح بايديها : الباب عرض من كتافك. ..اصلاا غادي نفرح حيت مغاديش تبقى هنا 
ازار جمع ايدو على شكل لكمة لدرجة عروقو بانو يله بغا اصفيها ليها. ..لكن تحكم فأعصابو مكيعجبوش امد ايدو على البنات. .نطق وهو كيحمر فعينيها : عندك الزهر راشقة لياا 
قال هاد الكلمات وخرج صاعر. .لدرجة مبغاش اشوف حتى تيلي وخا سمع صوت شي مساج قبيلة مي مجبدوش باش ميحرجش باركة حيت كانت كتشرح ليه قانون دالمكتبة. .
ركب السكوتر وكسيرا لوجهة ديالو 
اما فالمكتبة الحرب العالمية الثالثة.. كانت شانقة على باركة حيت بسبابها مقراش المساج عاد غارت ملي شافتو كيهدر معاها بلطافة
سنايا نطقات وهيا مزال شانقة عليها :كلشي بسبابك الموصيبة ..اعععع ليوم نقتلك
باركة تنترات منها بعدما شدت توازنها حيت غليضة : هييه هاديك شنيولة هادشي كلو غادي نقولو ليارا. ..واصلا هاداك التيتيز كان باغي اطلب مني الزواج ونتي لخسرتي كلشي ماشي انا 
سنايا ربعات ايدها وبدات كتطلعها من الفوق حتى لتحت: هاي هاي نطقتي..طوال ليك اللسان 
بااركة بدات كتعوج و شادا ضفيرتها ليمدوراها على جنب : انا كتير حلوي ونعوومي ..مو متلك😆
يله سنايا غادي تفرسها هربت بجرية وغا مضاربا غي هيا والوزن ديالها...خلاتها صاعرة خصوصا فاش تفكراتو ملي دافع عليه صافي كيكمل ليها الطبق خخ..

كان يله خرج من الاجتماع. .تصادف معا مسيو جعفر فالباب بتاسم ليه : انشالله هاد الصفقة غادي تكون مربحة 
قاطعهم صوت موراهم : مسيو جعفر نورتينا ...شحال مشفناك 
جعفر تلافت ليه وصافحو بلباقة : مسيو خالد نتا لطولتي الغيبة علينا 
خالد بتاسم : غي الخدمة وصافي. .راك عارف 
عمار :احم نخليكم تهدرو على راحتكم عندي شي شغال نقديهم 
جعفر : تفضل اولدي. ..ومبروك علينا صفقة مرة خرى 
عمار كتافا بابتسامة و زاد خلاهم كيهدرو على أمور الشركة والصفقة الجديدة لعقدوها 
خالد :اجي ندخلو المكتب بغيت ندوي معاك فواحد الموضوع 
جعفر : اه مرحبا. .خبار الخير 
خالد :كلها خير انشالله 
جعفر :على بركاتي الله 
دخلو المكتب كيتبادلو اطراف الحديث بلباقة ...كدل على مستواهم الاجتماعي ..حتى دخل عزيز هاز فايدو شي ملفات بغا اناقشهم معا خالد. .صافح مسيو جعفر بابتسامة. .وجلس عوالن اجبدو معاه موضوع الزواج. .

كانت فالوشة كترسم كيف عادتها فرحات بعدا هاد الايام حيت مشافتش وجهو ..كتفكر كيفاش قبلها بشراسة ديك المرة كتشمأز من راسها. .نفضات هاد الأفكار من راسها و كملات رسمها فهدوء كتحاول تفادا دكرياتها القليلة معاه باش متعكرش مورالها ..شافت العشية غربات بغات تمشي الدار حيت عيات من صباح وهيا فالوشة. .جمعات الوقفة خشات عدات الرسم فالكغطابل ديالها. .خرجات من الباب الرئيسي بعدما ودعات البنات لمعاها. ..وقفات قدام الباب كتسنى طاكسي صغير باش تمشي دغيا حيت شتا بدات كتنقط حتى تزادت الوتيرة وبدات كتصب بجهد. .حطات ايدها على وجها كتكالي بيها قطرات المطر. .بتاسمات ملي شمات ريحت التراب عاطيا. ..تنهدات طريق خاوية كتصفر مكين حتى طاكسي. .زادت تمشات على رجليها على الله تصادف شي واحد فالطريق...ولكن والو دنيا مقطوعة حتى كتحس بلوطو حبسات الفران حدا رجليها. .شهقاات خافتها ضربها بالسرعة لكانت جاية بيها. .كانت لوطو فالكحل مكيبانش شكون راكب عليها. .عاد الحال كيزيد اضلم معا الشتا القوية ...خسرات ملامح وجها ملي شافتو هبط جاج دلوطو ..خنزرات فيه وزادت كملات طريقها حتى كتحس بيه وقف قدامها و عينيه ماليهم المكر نطق وهو كيطلع ويهبط فيها : البرد عليك. .خارجة من داركم بهاد الكسيوة من نيتك
يارا : نلبس حتا دوبياس ونتا مالك 
أمير :هممم شوقتيني نشوفك بدوبياس 
زادت وخلاتو نطقات وهيا ماشيا :الحقير
بقا حاضيها من لوور وكيحك لحيتو باهتمام ..حتى لمح لوطو وقفات ليها بانت ليه بتاسمت لمولاها وركبات 
نطق وهو مغوضض: ديرا ليا فيها شريفة ونتي لجا اسوقك...هم غادي نشوفو الالة واش مغاديش ندوق الحلوة حتى انا...

حلات باب دلوطو كتستاعد تهبط بعدما بتاسمات ليه وشكراتو يله غادي تنزل وقفها بصوتو: شكون هداك لكان واقف ليك 
يارا : كان تالف سولني على واحد المحل ودليتو. .هادا مكان 
سفيان : ردي البال لراسك. .وهاد المرة لتقطعات بيك الطريق. .عيطيلي نوصلك مكين حتى مشكيل 
يارا بتاسمات : لهلا يخطيك ..شكرا مرة خرى 
سفيان :سنايا مزال مجات 
يارا :معرفتش حيت معيطتش ليها ...كوراها فبيتها
سفيان :اه دابا نعيط ليها تصدعني شوية هه 
يارا كتفات بابتسامة وهبطات سدات موراها باب دلوطو. .حلات باب دالحديقة عاد وقفات قدام الدار تلافتت عندو شيرات ليها بإيدها مع ابتسامة خفيفة 
بادلها الابتسامة. .تنهد عاد ديمارا لدارو معارفش اشنو كيعني هاد الاحساس وهيا قريبة منو. .كيحس بقلبو كيتسارعو دقاتو و مكيقدرش ابقا كيشوف فعينيها بزااف لمجرد نضرة منهم كتسلبو لعالم اخر. .
اما يارا دقات الباب حتى حلات عليها حورية باستها على خدها بدات كتنسل الصبيبيط ديالها 
يارا :ماما سنايا مزال مجات
حورية :مزال ابنتي معرفتش مالها تعطلات
يارا :دابا تجي متخافيش 
حورية : طلعي بدلي بينما وجدت ليك شي خفيفة علاما طاب العشا 
يارا :واخة فيا مووت دالجوع هه. ..اجي بابا فين شادها
حورية تنهدات : هاد الايام غادي ارجع لخدمة العسكرية. .طلبوه على شي وراق ديال تقاعد 
يارا : انشالله دابا ادوز كلشي مزيان
حورية :امين
طلعا يارا تبدل عليها عاد هبطات كلات حتى شبعات. .صونات لسنايا لكن بدون جدوى. .مكتجوبش تشوشات عليها. .داز الوقت وتجمعو على الطابلة دالعشا علي سول عليها معرفو ميجوبوه حيت معرفنش فين هيا...

فالجيهة لخرى

كانو جالسين كياكلو فصمت كيف ديما كيتسمع غي صوت الفورشيط و الموس خخ...حتى كسر الصمت 
عزيز : ولدي هدرنا معا مسيو جعفر فالموضوع. .وهو رحب بالفكرة
عمار مهزش عينو بحاليلا مسمع والو. .بقا شحال عااد شاف فيه : كون اكيد هاد الزواج غادي اكمل غي على قبل الوعد ديال جدي..اما انا مستحيل نقبل بهاد المهزلة
فخرية الابتسامة العريضة معمرا وجها كدليل على فرحتها :الله اولدي من شحال وانا كنفكر فهاد الموضوع. .انشالله هاد الزواج اكون فال خير عليك 
عمار كتافا بصمت
ازار نطق وهو كيشوف فعمار : العشير مبرك
عمار بتاسم : هه من نيتك 
نقزات كاميليا : حبيبي امتى غادي نديرو العرس ..مكرهتش نديروه فدقة معا عرس عمار 
ازار رمقها بنضرات ديال تطلقها فسروالك بالخلعة خخ: ماشي وقت هاد الموضوع دابا 
كاميليا : اوكي حبيبي لبغيتي انا معاك
عايدة شافت الجو مكهرب نطقات بعدما حطت ايدها على كاميليا: قريب عرسكم انشالله. ..كنتسناو شي وقيت مناسب 
كاميليا بتاسمات : غادي نتسنا هاد الوقت بفارغ الصبر
ازار متحملش الفيلم لقدامو جمع الوقفة وطلع لبيتو بعدما طلب من عمار ملي اسالي اجي لعندو..

كانت جالسة فالحافة ديال واحد الجسر كيقطع نهر كبير. ..مهتماتش لشتا لكتصب عليها بغزارة معا العلم ملبساش مزيان ..شادا تيلي بايديها لكيرجفو بالبرد شاردة لبعيد ومرة مرة كتشوف واش جاوبها على المساج ..تنهدات الحال ضلم و داز الوقت ماجوبت على حتى تيصال جاها ..لكيهمها دابا هو تشوف الجواب ديالو حسات بالشتا كتدخل مع عضامها بداو عينيها كيدمعو مقدرتش تحبسهم ..لطالما كانت هاد البلاصة ملجأها ملي كتحس براسها خصها تبقى بوحدها هاد المكان معارفو حتى واحد من غيرها حتى سفيان لكتعود ليه كلشي مقيلاش ليه على هاد الجسر...

كان فبيتو كيف العادة متكي وحاط البيسي قدامو. .سمع الدقان ..شوية وهو اتحل الباب بان ليه عمار. .رجع كمل خدمتو على البيسي حتى حس بيه جلس مقابل معاه طلع عينو فيه لقاه مرجع راسو لور 
ازار سد البيسي وتقاد فالجلسة : ماالك
عمار شاف فيه وتنهد : محاملش هاد المخططات ديالهم. ..قسما بالله هادي لغادي ازوجوها ليا غادي نقتلها إلا حاولت تاخد بلاصت مرتي ولا قربت لبنتي
ازار : برد اصحبي متحكمش عليها امكن متقبلش بهاد الزواج
عمار :الا دارت هاكة عمري نسا خيرها
ازار :هه راك مكرفس
عمار كتافا بتخنزيرة وخدا ليه كاس دالويسكي جغم منو وهو كيشوف لبعيد. .اما ازار ناض لشرفة كيهدر معا المدرب ديالو على المقابلة الجاية لعرف مكانها وكيف العادة ماشي فالمغرب حيت كيلعب على المستوى الدولي. ..نها المكالمة ورجع لبلاصتو شاد تيلي كيشوفو عامر مساجات..لفت نتباهو نمرت دالبارح. .دخل ليها بهتمام ..بدا كيقرا ومع كل حرف كيتغيرو ملامح وجهو. .حتى وصل للاسم لمكتوب فالاخير"Queen" هز حاجبو بالصدمة والاستغراب..شافو عمار فهاد الوضع فيقو من سهوتو : مالك شفتي شي جن ههه
ازار هز راسو فيه ..كتافا بصمت من غير انو دور ليه شاشة دتيلي لخلات عمار حتى هو اوسع فمو من الصدمة لكن دغيا قلبها لضحكة
عمار باغي اهدر وغلباه الضحكة : هههههههه نااري اش هادشي اصحبي ههههههههه مفهمت والو عندكم 
ازار مزال شارد فالمساج 
عمار :ههههه بينا شي واحد كيضحك عليك ههههه 
ازار هز عينو فيه نطق ببرودة : هيا لسيفطت المساج انا متأكد. .ولكن كفاش لقات نمرتي 
عمار : مبقيت فاهم حتى وزة خخ
ازار :عرفتي اش غدير سير تنعس صدعتيني
عمار كمل كاس دالويسكي و وقف كيضحك نطق وهو ماشي : ههه مديرش فبالك ..مهم تصبح على خير
ازار :ههه سير فك حريرتك بعدا
عمار سد الباب بعدما سمعو ضحكو باش اعصبو..

كانت مزال جالسة كتبكي معرفاش سبب مهم هو تحس براحة. ..كتقفقف من شدة البرد والشتا لعاد مكتزاد فالوثيرة..عوجات فمها بطريقة طفولية مكرهتش تمشي تقوليه اشنو كيحساب ليك راسك حتى مجوبتيش ...شافت الوقت نص دالليل هادا كحلتها من عند دارهم خصوصا مكتجوبش على تصالاتهم زيد عليهم سفيان. ..مسحات على شعرها و علات راسها لفوق كتحاول تحس بكل قطرة كتغلغل ليها وكتلامس بشرتها الناعمة. .تنهدات مطولة بغات تمشي يله تفك حريرتها معا باها ومها..جمعات الوقفة وخدات تيلي لمفارقش ايدها طول الوقت ..حتى سمعات صوت ميساج دخلات نيشان قراتو بلهفة كانت كتقرا كل حرف وكأنه مكتبوب بحبر من ذهب..

" واتقة من راسك لدرجة خديتي نمرتي ...غادي نلقاك الالة كويين فالقريب العاجل تسنايني"

بتاسمات وبدات كتنقز من الفرحة بحال الحمقة قاطعها صوت خنشن و تقيل فنفس الوقت 
.......خاطب صحبابو: واااع شوفو هاد تيتيزة. ..مابيهاش نديبانيو بيها هاد الليلة خخ
نقز واحد منهم: وتاا شوف اصحبي الفريز جا حتى لبين ايدينا خخ..اجي نبوسك متخافيش
كانت واقفة كتوزع نضراتها عليهم و مربعة إيديها وهازا حاجب فيهم جاوها بحال شي فيلم كوميدي حامض 
سنايا قربات ليهم موجهة صبعها ليهم : اممم دابا نتوما باغين تعشاو بيا..سير نتا راسك كي طبسيل وكرشك كي الطارو ديال الدقيق 😡
الشمكار كيهدر بصوت تقيل : يعععع على متكبرة ...اصلا انا كنت باغي نبوسك ساعا بلاش منهبطش مستوايا ليك 
قرفدو صاحبو لكفاه :تا شفتك كتفلعص عليها 
وجه كلامو لسنايا : شوفي عطينا غي الحلوة وحنا مسامحينك سيري الله معاك
سنايا :ههههه سير دابا نرضحك ..البغل لاخر قاليك الحلوة. .هادي الشارف مخلياها لماليها حتى نتزوج بديفل عاد نعطيها ليه..فهمتي شي وزة اراس طارو 
الشمكار : وعلاش كديري الفرزيات حنا مأدبين عطينا الحلوة 
صاحبو: شووف غادي نديرو تيفاق نتا شوية وانا شوية. .اصلا معندها لصدر لا مؤخرة بحال العود مسلوتة يخخ 
الشمكار :تا شفتك كتقول مؤخرة وعاريتي عليا هاا. ..قوليها قزيبة العشير بحال هاكة ناس المتقفين كيقولوها
صاحبو: اممم حولهم كيبانو فالتلفازة خخخ
سنايا تنهدات من المسلسل لقدامها هزات شلخة خبطاتها على راسهم وزادت خلاتهم ناعسين حيت اصلا كانو كيشخرو وهوما واقفين خخ. .ركبات السكوتر بعدما دارت الكاسك بتاسمات ملي تفكرات المساج تنهدات وكسيرات طول الطريق وهيا كتفكر فشي كدبة تقولها ليهم ...علات راسها تستمتع بشتا بعدما فرحت ..خلات السكوتر كيسوق راسو براسو. .ماشي بزااف دالوقت وقفت قدام الدار وهيا كتشطح بالخلعة معارفة منين تبدا ليهم الفيلم لي ألفت خخ...

دقات بشوية كترعد بالبرد كيت حويجها فازكين ليها. .حتى كتحل عليها مخنزرة
سنايا دخلات لداخل كتقفقف : هادي نتي مزيان كنت خيفا لتحل عليا ماما أولا بابا خلاص
يارا مربعة إيديها كتسنى منها شي تفسير نطقات وهيا مخنزرة :فيين كنتي حتا لهاد الوقت فخبارك شحال تشوشنا عليك..شوفي تيلي امكن تفرقع بالابيلات
سنايا :هانا بخير خاصي غي نبدل حيت فيا موت دالبرد
يارا :سنايا متقلبيش الموضوع 
سنايا : وناااري غادي ديريلي مفتش كونان ..راه كنت غي فالمكتبة كنراجع
يارا :وااش نتي حمقة كيحسابليك غادي دوزيها علياا 
سنايا تنهدات ومشات عنقتها مطولا عاد طلعات فالدروج تفاديا للأسئلة أخرى لمعندها حتى جواب ليهم. .اما يارا تنهدات بتحصر على حالتها عرفاتها كتكدب زيد عليها مكتنعسش بالليل حالتها ولات خلعاها حيت لا فرق بينها وبين شي حمقة فشي مصحة دالمجانين..مشات طفات ضوء وطلعات تنعس ترتاح عليها حيت بعد غدا عندها معرض الرسم. ..

كانت كتجبد ليها متلبس بعدما دوشات بالما دافي عاد حسات بيلا رجعت فيها روح ..خدات ليها سروال سخون بالفوقاني ديالو حتى هو نفس الشيء. .لبساتهم وتخشات فبلاصتها شاردة فالمساج وكتبسم بحال شي حمقة. .سمعات مصارنها كيغوتو بالجوع تنهدات هبطات على الناموسية هزات فايدها البانطوفة ..ومشات كتسلت حلات باب دالبيت كتشوف واش كين شي واحد. .بدات كتحبو وتختل من قنت لقنت حتى وصلت لدروج هبطات بلا حس حتى الكوزينة. .قصدات نيشان التلاجة وسعات عينيها فاش بان ليها كين ميتكال هزات داكشي فسلة وخصوصا شيبس لكتحمقها تلافتت لبوطاجي بأن ليها طاجين دالماكلة سخناتو عاد جلسات على طابلة كتاكل وتبنن وكتبسم وسط مديغها ملي كتفكر المساج. ..كلات حتى شبعات عاد رجعت داكشي لبلاصتو. .هزات السلة لغادي دوز ليها الليل خخ. .خرجات كتسلت بعدما طفات الضو ..طلعات بالخف على الدروج حتى وصلات لبيتها عاد تنهدات ..بتاسمات بعدما ربعت رجليها وسط الناموسية وحطات السلة خدات منها الشيبس كتاكل فيها وكتخدم لمتحان لعندها فالصباح ..حيت اصلا مكتنعسش لاهوما دير شي حاجة مزيانة. ..

صبح الصباح بنهار جديد كيحمل بين طياتو احدات مختالفة. ..
كان واقف قدام المرايا كيقاد الكرفاط كيف عادتو باش امشي لشركة حتى كيسمع الباب تحل بتاسم ليه :الوالد صافا 
عزيز :حمدالله اولدي. .عندي ليك شي خبار 
عمار :داكشي لقلت حت انا. .ميمكنش طل عليا بلا شي حاجة 
عزيز : هه مهم جيت نقوليك اليوم فالعشية غادي نمشو للقصر ديال مسيو جعفر..منها نيت نحدو موعد الخطوبة بعدما تعرف على بنتو 
عمار تنهد : صافي لبغيتو ..

قبل اهبط لتحت داز عند بنتو. .بتاسم ملي بانت ليه كتقاتل فالمشية و كطيح مكملها بالحبو ..شافتو ضحكات فوجهو. .كانت المربية كتبتاسم ليهم و وقفا على جنب جمعا ايديها من طريقة تصرفاتها واضح عليها أنها عندها خبرة وخداما عند بزاف دالناس لراقية. .عمار مشا عند بنتو هزها كتعلق فيه و كتعنقو حاطة راسها على عنقو. .باقي مكتنطقش مزيان من غير كلمات بساط بحال "ميمي دادة. .بابا..." باسها على خدها وستنشق ريحتها لكترجع فيه الحياة حيت بنتو هيا الأمل لوحيد لتمسك بيه وبغا اكمل فهاد الحياة بعد موت مرتو ...حطها فبلاصتها كتلعب بألعابها لمحاوطينها ..وصا المربية ترد ليها البال وخرج كيسد صدفت دلافيست وهو هواد على الدروج حتى تلاقا ازار طالع مقابل معاه شعرو مشعكك و كيقطر عاد الكيطمة لي لابس بين عليه كان كيدير رياضتو الصباحية 
عمار : كنت باغي نفيق ندير سبور ...ساعا.. راك عارف خوك معكاز معا صباح بكري..
ازار كينهج بشوية : ههه دابا تولي عندك المرا دير سبور بزز عليك هه 
عمار خنزر فيه : بقا تقلب عليا توحشتي الماتش دالباسكيط والفوت لكنديرو ليك 
ازار : راه كبرت وو ليت كنلعب مزيان. ..دور دابا 
عمار كمل طريقو كيضحك و حتى ازار نفس الشيء. .

كانت راكبة على سكوترها ماشية لمعهد. .تفكرات كفااش لبسات عليها وخرجات من الدار بلاما تلاقا عينيها مع واليديها حيت مغاديش اهداو من الأسئلة. ..
ماشي بزااف دالوقت وقفت بالسكوتر و نسلات الكاسك تلاحو معاه خصلات شعرها الناعمين ..بتاسمات ملي بانو ليها البنات كيلوحو ليها. .نزلات من على السكوتر وتوجهات عندهم...
البنت 1 : كويين. .صافا غبرتي علينا
سنايا صافحتها بهدوء : غي معا الوقت
البنت 2 : مبروك عليك هيا العام الجاي غادي تقلعي من هنا لفغانس ...فرحت ليك
سنايا : متخافوش غادي نبقى نجي نصدعكم شوية ههه 
البنت 1: يخخخ المعهد بلا بيك واالو شكون لغادي نبقاو نعيطو ليها "كويين" من غيرك 
سنايا : نااري سكتو درتو ليا فيها مسلسل تراجيدي ...يله نمشو ندوزو لكزام حدما عاقلة على هادشي لحافضة
البنت2: يختيشي مفهمش كفااش كطيري فتحرميات والقراية كتفركعيها
سنايا تلافتت عندها : ماشي أي وحدة "كويين" صعيب تسماي هاد الاسم ههه
البنت 1: ههه صافي هنونا هادا هو وقت لكزام. .
تماو داخلين البنات المعهد. .سنايا كلا شوية كتبغي تفكر شي علاقة كتخرج ليها صورتو قدام عينيها. .كتعوج فمها وتبدا تفكر الكووغ بااش تفاليدي افك مونسيو ..

وصل لشركة دخل لمكتب ديالو كيراجع وراق المناقصة لداخلين فيها. .وكلا شوية كيشوف الوقت مكرهش متوصلش العشية بااش ميشوفش هاد بنت جعفر. .لمحملهاش بمجرد تفكير فالموضوع ..

وصلات العشية كانت خارجة من المعهد كتناقش معا بنات ودراري حيت عندها صمعة زوينة وجتماعية كلشي كيبغيها وكدخل لخاطرو ...ودعاتهم معا قبلات فالهوى..تمات غادة جيهت السكوتر دارت الكاسك و كسيرات بسرعة ..بقات غادة بنفس السرعة على الطريق الرئيسي. ..جات عينيها على ملعب دالباسكيط دايرين بيه بزااف الوريدات واشكال الاشجار زيد عليها كراسا كبار لجلوس كانت البلاصة على شكل شي حديقة كبيرة كيتوسطها هاد الملعب...
بتاسمات وبلاصات السكوتر على جنب طغوتوااغ ..حيدات الكاسك ومشات عندهم كانو دراري باقين صغار كيلعبو معا بعضهم جلسات بعيد عليهم كتراقبهم ..توحشات طفولتها لتقريبا كوارت العالم كاملين جربتهم هيا ويارا. ..
حيضات السكادو ومشات عندهم طلباتهم تلعب معاهم وهوما اكيد رحبو بالفكرة لدرجة كلا فرقة بغاتها تكون معاهم ولاو كيتخاصمو عليها. ..صدعوها بغواتهم. .تنهدات مطولا بزز باش سكتاتهم بالقرعة. .عاد صقلو ..داز الوقت حيدات الجاكيط بقات بتيشورط لطايح على كتافها لدرجة كيبانو السوتيان و سروال فالحكل تصميمو مستيلي...بقات هدف مور هدف والداري كيلعبو من نيتهم حسات براسها فرغت اعصابها فهاد الرياضة لكتحماق عليها. ..مشات سجلات هدف آخر بدات كتنقزز ودراري كيبكو بالفقصة حيت خسرو جات ملافتة حتى تلاقات عينيهم ...نفس ستيل ديما غي هاد المرة محيض النضارات بقا غي الطاكية و تيشورط فالاسود متوسطاه جمجمة كتخلع وجينز عاد برووتكان فالموطاغد...
سنايا بتلعتم : اوووه جبتو شكون احامي عليكم
ازار قرب ليها كيحقق فتوترها لواضج على ملامحها : ههه خفتي لتخسري..تقدري تراجعي معنديش مشكيل. .
سنايا خبطات ليه الكورة حتى شدها فايدو وجات ماشية لدرجة شعرها ترما على وجهو وضربات فيه هاد الريحة المؤلوفة بالنسبة ليه. .تلافت عندها لقاها هازا حاجب ومهبطة لاخر. ..حركات ايدها بمعنى بدا لعب وداكشي لكان. .كتحاول تخطفلو الكورة ووالو مكتقدرش ..حيت بينا عليه كيتقنها ...بقات مضاربا معاه حتى خطفاتها ليه جات تسجل كتحس بصدرو ملاصق معا ضهرها و انفاسو الحارة كضرب على عنقها. .تبنجات خصوصا فاش كتحس بيه كيدور ايدو على خصرها باش اياخدها هادي كتجيب ليها تمام ...ضبطات راسها وحولات تبان طبيعية. .بقات حتى سجلات بزز كتفادا قربو منها حيت تقدر تسخف بين ايديه ...
حسات براسها متقدرش تحمل كتر من هاكة مشات نيشان هزات الجاكيط والسكادو لبساتهم و ركبات سكوتر وكسيرات بعدما دارت الكاسك. .
تعجب من ردت فعلها. .نفض هاد الأفكار من راسو و كمل لعبو مع الداري لكينقزو حيت شي وحدين عرفوه "ديفل" بزز باش سكتهم ميقولو هاد الهدرة لحتى وااحد. ..كلا واحد وقع لييه فايدو عاد هداو من تنقاز اما السلفيات ندموه حتى لعب معاهم...

كانو شادين طريق دالقصر. .عزيز عطا العنوان لشيفور اوصلهم هو وخالد. .اما عمار مبغاش امشي معاهم ركب لوطو ديالو و تابعهم من لور باش اعرف العنوان. ..غادي طريق كاملة وهو مخنزر ...حتى بانو ليه وقفو قدام قصر كبير ..دخلو بعدما حلو ليهم الحراس الباب ..تبعهم بلهلا اطريه ليه. ..بلاصة لوطو ونزل كيقاد لفيست مشا عندهم كانو يله نزلو ...بتاسم ليهم ابتسامة صفرا..وتوجهو لباب دقو الجرس حتى فتحات ليهم خدامة خبراتهم بيلا مسيو جعفر كيتسناهم ..دلاتهم إنا صالون جالس. .تبعوها وعمار وراهم كيطيحو فبالو أفكار بااش اهرب خخ. .
كان قصر فمنتهى الروعة الطابق السفلي خاص غي بالصالونات العصري والبلدي وبطريقة احترافية غي تصميم الدروج اخليك تحل فمك بلاما تشعر. ..خرج عندهم مسيو جعفر مع ابتسامة رحب بيهم بعدما طلب منهم اتفضلو اجلسو ...طلب من طاقم الخدم اوجدو الضيافة لائقة بيهم ...بقاو دايرين الصف كيحطو المملحات والمقبلات ..وزيد عليها بزاف تاع بزاف ديال أشكال الحلويات. .عمار هاز حاجبو فهاد الحالة وهو اصلا محاملش بنتو..
جعفر : اكييد كتقولو مال هادشي كامل. ..غادي نجاوبكم بجواب بسيط كيف كتعرفو مرتي توفات وخلات ليا بنتي الحبيبة لكتعني ليا بزااف. .انا متأكد كون كانت المرحومة كانت غادي دير جهدها باش توجد وتحضر على قبل حضوركم معانا ..هادشي علاش باش بغيت نقوم بنفس الواجب
خالد : متفهمين موقفك امسيو جعفر..وحتى بنتك راه غادي تولي بنتنا و طلباتها كتعنينا كيف كااع ولادنا 
جعفر :هادشي علاش مترددش باش نقبل هاد الزاوج ...انشالله مبروك علينا
عمار غي كيدور عينيه ومرة مرة كيبقشش فالتيلي انسي بيه 
حتا كسر صمت صوت الخدامة :مسيو جعفر. ..الآنسة خلود يله وصلها الشيفور 
جعفر وقف مبتاسم : قوليها تجي لعندي
الخدامة :واخة مسيو 
رجع جلس بعدما مشات الخدامة حتى كيحس بخطواتها البطيئة كتقرب لصالون..
كانت بنت شابة اية فالجمال بشرتها مائلة لسمراء مما كتضفي عليها جمال مميز. .عويناتها كبار ومشفرين حجبانها مقادين وفمها مقاد وحتى فورمتها جدابة واضعة نضارات دالشوف من كسوتها السابل فالاسود و شعرها لمجموع على شكل كعكة مهمة كتبان بسيطة وحدودية...سلمات على الأب ديالها بهدوء نطقات وهيا ماشيا بلاما تشوف جيهتهم : هاني طالعة لبيتي
...جعفر حس براسو تحرج ولكن عكسها بابتسامة مصطنعة ..حيت عارف بنتو طبعها صعيب 
عزيز : البنت تبركالله. .جمالها خارق الله اخليها ليك 
جعفر : كلو من دوقك...مدوش عليها عاد راجعة من لفاك 
عمار بفضول : احم. .اشنو متبعا
جعفر : لفاك دالمدسين ...طب القلب 
عمار بتعجب : مزيان
جعفر :احم ولدي عمار مكرهناش تجلسو بجوج تعرفو على بعضياتكم
عمار مسح على راسو و صطانع ابتسامة صفرا: داكشي لكنت كنفكر فيه 
جعفر عيط لوحدا من الخدم وصاها توري بيت خلود لعمار. .وجلس كمل حديتو معا خالد و عزيز على أمور دالخدمة...

تمات موجهاه الخدامة وهو تابعها كيوزع نضراتو على تصميم الجناح حتى وقفات بيه قدام واحد البيت. .بتاسمات ليه ومشات خلاتو واقف قدام الباب وكيحك لحيتو باهتمام. ..كيقوليه واحد الراس. .خرج من هنا ورمي وراك هاد المهزلة ..لكن بمجرد مكيتفكر وعد لعطا لجدو كيغمض عينيه باسى... تنهد دق فالباب حتى سمع صوتها الناعم والهادء ..
حلو بشوية جات عينيه عليها عواال اوقفها عند حدها واوضع نقط على الحروف و اشرح ليها هاد الزواج الملفق باش متحطش عليه امال و تحاول تاخد بلاصت مرتو. ..
شافها مهتماتش لوجودو ...كتبان مركزا معا الوراق لقدامها. .كانت لابصة تشورط فالابيض مرخي على كتافها وجامعا شعرها على شكل ضفيرة خفيفة على جنب تقريبا لباسها محصور ألوانو بين الأسود الكري والابيض. ..حسات بيه واقف و صوت تنهادو كيسمع حتى لودنيها ..حطات ستيلو وجرات الكرسي...وقفات مقابلة معاه و مربعة ايديها 
خلود بنبرة جدية :مسيو عمار مشرفين
عمار نطق مع ابتسامة استهزاء : شرف ليا ا انسة خلود... نتمنى نكون عقلت على سمية ومغلطش 
خلود ابتسامة جانبية : متخافش هيا هاديك. ...مهم بغيت نوضع شي نقط مهمة فمكانها
عمار خشا ايدو فجيابو : حتا أنا كنت باغي نجبد هاد الموضوع
خلود بنضرات واتقة نطقات بجدية زايدة : احم مسيو عمار. ..بجوجنا عارفين هاد الزواج معندو حتى معنى و اكيد نتا متافق معايا فهاد النقطة
عمار هز راسو باه 
خلود: انا غادي نقبل هاد الزواج حيت مبغيتش نخسر لبابا خاطرو...حيت فكرت هاد الموضوع مكدورش فبالي ابدا. .لكيهمني دابا نكمل قرايتي ونوصل للمستوى لكنحلم بيه 
عمار علامات الاستغراب على ملامحو كتافا بصمت 
خلود : زواجنا اكيد غادي اكون على الوراق. .حنا قدام العائلة زوجين سعداء و بيناتنا مكتربطنا حتى علاقة. .معنديش مشكيل تقدر طلقني فشهر إلا بغيتي حيت انا ممعترفاش بهاد الزواج. ..اه نسيت عرفت بيلا مرتك ميتة كنتمنى ليها الرحمة...كون اكيد
عمري غادي نحاول أولا نفكر ناخد بلاصتها حيت هادي أمور تافهة بالنسبة ليا. .وكلمت الحب مكنعرفهاش وحتى هاد الكلمة كتخاف مني حيت خلود قلبها حجر 
رجعات جلسات على كرسيها كتراجع الوراق لقدامها خلاتو مصدوم قلبات ليه كااع توقعاتو عليها 
تلافتت عندو نطقات وهيا كتشوف فعينيه: من الاحسن تصبر على هاد التمتيلية بينما كملت العام..حيت العام الجاي غادي نكمل قرايتي فلفغانس باش نتخصص فطب القلب. ..حنا عارفين هاد الزواج مبني على صفقة عمل. .وبصراحة مكيهمنيش هادشي اصلا. .كندن سالينا هدرتنا تقدر تخرج وتسد موراك
عمار هاز حاجبو فيها ...وكيرمقها بنضرات باردة عكس النار لحركتها فيه بحاليلا مرداش 
خرج صاعر قبل اسدو وقفو صوتها من جديد كانت حادرة راسها كتكتب وكتهدر : مسيو عمار. .سمعت عندك بنت من الاحسن منشوفهاش حيت كنكره دراري الصغار...

خرج من البيت صااعر بالبيان وجملة وحدة كتردد بين أفكارو..
"مسيو عمار. .سمعت عندك بنت من الاحسن منشوفهاش حيت كنكره دراري الصغار..."
هبط فالمصعد مبغاش الدروج. ..كان معصب لدرجة عروقو بارزين وكارز على ايدو على شكل قبضة ..فتح المصعد خرج طير كيتخبط فرجليه وكيتحلف عليها. .ركب لوطو وكسيرا لوجهة ديالو. ..غادي وكيدرب فالديركسون وكينطق وهو كارز على سنانو : هاا حنا غاادي نشوفو الالة خلود ولا زعتر ...قاتلك كنكره الدراري الصغار على أساس غادي نخليك تقيسي ليا بنتي. ..هازا زنافرك ...الحساب ماشي دبا حتا نتزوجو بااش نتهلا فييك 
كمل طريقو فالسبان على الله تبرد فيه العافية لشعلت فيه.. عكست ليه كااع افكارو ..فرانة بالوطو قدام واحد الكاافي راقي كيطل على البحر. ..جلس وطلب ليه قهوتو القاصحة كيف العادة متقدرش تسرط تحرقك فقراجطك ..

فالقصر عند مسيو جعفر 

كانو مزال جالسين منغامسين فالحديت واكيد فأمور البيزنس والمشاريع لناويين ادخلو فيها زيد عليها المناقصة لباغين اربحوها بأي ثمن ..
عزيز وجه كلامو لخالد : واقيلة عمار تعطل. ..امكن نساو راسهم ههه
جعفر :ههه مزيان هادشي لباغين حنا 
خالد : اوا عيطلو نمشو ..ولا بغا ابقا نسبقوه حتى اتبعنا 
عزيز : اه داكشي نيت 
جعفر وصا واحدة من الخدم تكلمو ليهم لكن تفاجؤو بخروجو من القصر زيد عليها الخدامة حرقت الضواسها ملي قاتليهم خرج من منضرو بين عليه معصب ..ستغربو وخا هاكاك غطاو على الموضوع ودعو جعفر وخرجو على برى وصلهم الشيفور حتى القصر ديالهم. ..

فالجيهة لخرى 

كانت فرانات قدام باب الدار حيضات الكاسك من فوق راسها. .هبطات مشات نيشان دقات فالباب حتى فتحات ليها حورية. ..
سنايا تلاحت عليها بتعنيقة تغطي على فعلتها : ماما توحشتك 
حورية طلعتها معاها بقرصة : اممم احياني عليك منعرف امتى ديري عقلك و تبتي بحال البنات 
سنايا طلعات فالدروج وبعتات ليها بيزو فالهوى خلاتها داوية بحدها خخ. ..قبل تمشي لبيتها طلات على يارا كانت مرونة البيت بالرسومات وكلها عامرة صباغة على وجها خلات سنايا تمرغ بالضحك ...اما يارا جنون راكبينها حيت غدا المعرض وخصها تقدم مزيان وخا قلبها ممهنيهاش حيت غادي تشوف داك رأس طارو تااع أمير 😂. .

غربات الشميسة وعم الضلام ..

كانت جالسة فبيتها مركبة كاسك دالموسيقى فوق راسها كتنقز فوق الناموسية وكتحاول ترقص بحال ميكل جاكسن خخ. .حتى لمحات يارا لمن صباح وهيا كتشير ليها بإيدها و من منضرها بين عليها ناوية على خزيت ..سنايا نسلات الكاسك من فوق ودنيها كتسناها تهدر. .
يارا خبطاتها بمخدة نطقات بالغوات : ويلي بشييت فييها 
سنايا نزلات من فوق الناموسية وقفات مقابلة معاها وحاطة ايدها على جنبها : ماالك اش وااقع ...شكون ماات 
يارا نتفاتها من شعرها : ويلي اشنو غادي نلبس فالمعرض ...الشوهة الصمعة ديالي غادي تخرب
سنايا كتمشي وتجي كتفكر بهتمام حيت البنات فهاد المواقف كيتحدو ليهم : ودابا عااد فكرتي فالصمعة. ..والمشكيلة مشا الحال باش نمشو لشي بوتيك. .عرفتي انا باغا نعس سيري ديباني بشي شريطة من عندك
يارا موسعة عينيها فيها :يااك نتي مكتنعسيش ولا حيت بغيتك غادي تنعسي وتخليني 
سنايا :فخبارك لعبت الباسكيط انا وحبيبي😍
يارا تلاحت عليها تشتف وتنتف : واااش انا فداك الجتة. .كنهدر على اشنو غادي نلبس غدا. .واااع تشوهت قدام داك المغرور يخخخ
سنايا ناضت من تحتها بالكشايف نطقات بالغواات : صاافي سكتي الله اعطيك بوتفتاف ...عرفتي اش غنديرو. ..أول حاجة ماما شوية وتقولينا هبطو تعشاو ياك. .ملي نسالو و ادوز الوقت ..نحصو بيهم نعسو ديك الساعة نخرجو على السكوتر احح توحشت المغامرة لولا خخ 
يارا كتصنت ليها باهتمام : اه مزيان ابرهوشتي ...يله هاني غادي نمشي نعاون ماما نتعشاو ونخرجو 
سنايا متسوقاتش ليها رجعات دارت الكاسك كترقص بحال الدجاجة التالفة هه. ..

كاان فالامبغطمو ديالو كيوجد ليه مياكل ...عندو انجداب لطبخ كيعجبو اوجد حاجتو براسو ..هاد الصفة معاكسة لشخصيتو الغامضة وغرورو القاتل...كان كيقاد لصوص دليباط ..قادها فالطبسيل هزها حطها فوق الطابلة. .هز الفورشيط كياكل وعينيه على البيسي وخصوصا شي ملفات كيتعلقو بالمناقصة لسمع بيلا عائلة المرابطي حتى هوما داخلين فيها...دوز وقتو هاكة كيكره اديع الوقت. .عندو هاد الامبغطمو غي ملي كيحس براسو باغي انفارد اما هو فعايش معا الأم ديالو نضرا لكبر سنها ففيلة خارجة المدينة قريبة لبحر على قبل صحتها نضرا للجو النقي والهادء ...تاصل بالخدامة لمرافقاها دائما سول على صحتها عاد كمل خدمتو ..لمكيفرقهاش نهار كامل. .تنهد مطول ملي تفكر تمتيلية لخاصو اصبر عليها غدا فالمعرض ..بزز منو غادي امشي ..ولكن ملي كيتفكر صاحبة العيون الزرقاء والشعر الاشقر. .كيبتاسم وهو كيلعب بالستيلو فايدو ...معرفش باغي اكتاشف فيها شي حاجة جاتو مختالفة على البنات لدوز فحياتو ورماهم ملي خدا غراضو خخ. .

كان فالشرفة كيكمي وكيشوف لبعيد سارح بافكارو ..وكلا شوية كيحاول اتفكر ريحة شعرها ملي لعبت معاه الباسكيط حس بيها مألوفة بالنسبة ليه. ..شاف فالتيلي بتاسم بلاما احس ملي شاف مساجها لحفر جدور راسخة فموخيلتو ..كيبتاسم وهو كينتر من الكارو حتى طفاه عاد دخل لداخل ..جلس على الفوطاي قبل اتخشا ففراشو حيت ناوي غدا اسافر على قبل اخطط للمقابلة الجاية. ..وعلى أمل تحضر فيها هاد كويين لشغلات ليه تفكيرو...ولات عندو فكرة إلا دعات الضرورة اقدر اخسر المقابلة باش تعاود تبان بحال الفراشة وتعنقو ..اكيد مغاديش اخليها تمشي ...تفكر جملة جدو بيلا غادي اجي واحد النهار اقدر تجي شي فراشة تنور ليك حياتك ولكن جات ومشات من بين ايديه بلاما اعرفها. ..هادو هوما الافكار لكانو كيراودوه وهو مرجع راسو لور ...تنهد مطول جبد نمرتها ...بتاسم بشر حيت قريب اعرفها هو من النوع لكيوصل لهدف ديالو واكيد غادي اوصل ليها. ..فكر فالمدرب غادي اسولو على شكلها واشوف كمرات المراقبة واش شادين شي حاجة. ..لعب بتيلي فايدو كيحقق فالمساج ..حتى تنزال و كتبلها 
"⭐لا تهم المسافات الفاصلة بين قلبين لأن الأقوى يصل لاخر ببساطة ..انتضريني يا ملكة العرش ⭐"
بقا كيشوف اش كتب شحال وهو كيحك لحيتو بهتمام. .بتاسم باستهزاء على الوضع لولا فيه مسح المساج بالخف ومشا تخشا ففراشو حيت بالنسبة ليه غرورو اهم من هاد التفاهات..كيتعجب من راسو من امتى معجبة خفية دارت بلاصتها فعقلو وشغلات تفكيرو. .امكن كتاشف فيها شي حاجة عمرو صادفها فشي وحدة أخرى ومنهم كاميليا لحاس براسو غادي اضلمها لتزوج بيها. .تنهد مطول مكيهموش هادشي كامل. ..بعد تفكير طويل ستسلم لنعاس...

بينما كويين ديالنا كانت هازا صباطها فايديها وهابطا فالدروج هيا ويارا كيتختلو فالمشية و اتلافتو وراهم. ..وصلو لباب فتحوه ..خرجو نيشان تعاقرو معا السكوتر خرجوه وهوما مخلوعين ليحصلو بقاو ماشيين بيه على رجليهم حتى وصلو لطريق رئيسي. .عاد ركبو عليه سنايا لساقت منوضا فيلم الخليع والبيض معا الكتشوب 😕. ..فيارا ..بقات سيقا بالجهد كيف ديما. ..وصلو قدام واحد البوتيك كلاس بينا عليه ديال الناس لبوكو لعاقة. .هزو كتافهم متسوقوش لفلوس وخا مزلوطين دافعين السنطيحة. ..دخلو وهوما حالين فمهم. ..سنايا جرات يارا لجيهة خاصة بالكسيوات الراقية والبسيطة دات بعد تقافي خخ..
سنايا هزات عرارم دالكساوي مداتهم ليارا : هاكي قيصي نشوف لجات معاك احسن
يارا خداتهم من عندها مشات ورجعات ليها ضربتها ليها بتعنيقة حارة حتى خنقتها ..عاد مشات حيت فوقت الشدة كتلقاها حاضرة معاها بخططها الجهنمية خخ..

كانت كتقيص فالكساوي وتوريها اما لالة سنايا باركا عليها بتعواج داك الفم حتى حاجة معجبتها حتى يارا تهدات وستسلمات ..قيصات آخر كسوة خرجات عندها عواالة متعجبهاش..
سنايا القلوبة خارجين من عينيها: جيتي بوقوصة العفريتة 
يارا تنهدات براحة : على سلامتنا ملي عجباتك 
كانت كسيوة فزرق ..مقبوطة من جيهت الصدر على شكل صميطات و مطلوقة من التحت ..فيها فتحة فالجنب طالعة حتى لفخد ..ومعا هيا بيضة وشهبة جات مواتيا معاها ...خاص غي الميكاب و مشيطة دشعرها وعاد صبيبيط طلع بحال شي اميرة ...
طلبو منهم اجمعو ليهم الكسوة ومشاو ختارو صباط طالون عالي تصميمو راقي جاي معا الكسيوة ...خداوه حتى هو جمعوهم ليهم دفعو تكاليف حيت يارا كانت جامعة الفلوس من خدمت المكتبة على قبل بحال هاد المواقف اما الامور الاخرى واليديهم ممخلينهم محتاجين والو..خرجو من المحل بعد سلفيات عديدة من عند سنايا كتفكر تبغطاجيهم فالانستغرام تفقص بيهم البنات لمعاها فالمعهد حيت ماشي أي واحد اقدر اشري منو. .معا تبركالله كيضربوك حتى تلصق اتمنة طالعة بزااف بنسبة للأغنياء بحال خلاص الكافي ديالهم..
ركبو على السكوتر عاد كسيرات سنايا. .دازو فطريقهم على محل الزريعة والشبس وقفات بجهد خلات يارا بحاليلا صاصت سنانها قدامها خخ. ..ماشي بزااف دالوقت حتى رجعات بالشيبسيات والزريعة بحاليلا مكيلا عبرة هه. ..قدات داكشي قدامها باش ادوز ليها الليل. .كسيرات نيشان لدار وقفو بعيد بالسكوتر. ..على قبل الصوت تمشاو على رجليهم حتى وصلو قدام الدار. .دخلو بعدما حلو باب دالحديقة. .بلاصاو السكوتر وغطاوه عاد دخلو لدار بشوية بلاما ايديرو الحس. .طلعو نيشان كلا مشات لبيتها ...يارا بمجرد مدخلات حطات الكسوة والصباط على جنب وتخشات ففراشها حيت كانت عيانة ...
اما سنايا مشات نيشان لحمام غسلات وجها ..وخرجات كيف ديما تغطات بالمانطة مربعة وسط الناموسية. .وشبس ديرا بيها كانت مركزا معا الفيلم لكتفرج فييه فالبيسي...

في الصباح 

فاقت بكري شاداها غصة فقلبها حاسة بيلا هاد النهار غادي تغير فيه حياتها...حولات متشوش افكارها دخلات دوشات عليها حيت عارفة سنايا مقرياش اليوم بغاتها تصاوب ليها شعرها والميكاب معا عندها معا هاد التخربيق...

كانت كتمشا بحوايج سبوغ هازا فإيدها قرعة دالما. ..وليزيات فودنها بقات على نفس الحال ساعات حتى تهدات عاد قلبات الدورة لدار. ..درباتها على رجليها منها سبوغ ومنها معندهاش فلوس الطاكسي خخ...
وصلات لدار كتنهج ..فتحات لباب كان عندها السوارت. ..جات عينيها على باباها هاز الفاليز ديالو. .حبسات دموعها وعنقاتو بحرارة
سنايا : متعطلش علينا
علي بابتسامة : نقضي شي شغال وهانا معاكم
حوية جايا من الكوزينة هازا فايديها سوبيرة دالماكلة خشاتهم ليه فالفاليز : هادو باش دوز بيهم التران 
علي :لاش معدبا راسك
حورية بابتسامة :مكين لا عداب لا والو. .تهلا فراسك. .قضي شغالك ورجع
علي :انشالله. .اصلا كنت دافع طلب مغاديش اتعطلو الوراق باش اخرجو
سنايا رجعات عنقاتو : غادي نتوحشك
علي بادلها العناق : حتا انا ابنتي
سمعو خطوات سراع هابطين فالدروج ..كانت يارا زدحات سنايا جات طايحة على ضهرها 
يارا معنقاه بقوة حتى تخنق عاد رخفات منو : بابا تمنيتك تحضر معايا فالمعرض ....ولكن كنتسالك سكوتر بحال هاد البعلوكة
علي :هههه اييه ميكون غي خاطرك...متأكد غادي تاخدي جائزة أحسن رسامة 
رايا تنهدات بقلق :امين
سنايا ضربتها ليها بنتفة :هاديك العمية رااك طيحتيني وااقيلة
يارا تملكات اعصابها حيت محتاجاها تصاوب ليها شعرها والميكاب خخ :ممم... سوري
سنايا هازا حاجب فيها. ..حيت حفضاها : قاتلك سوري. ..لاوا
قاطعتها يارا بقرصة خافتها تزلق بشي كلمة قدام باهم حيت بانت ليها نسات راسها ...نطقات تحت سنانها :هه سنايا هنينا..
سنايا ستوعبات وجود باها : بابا الا بغيتيني.. نوصلك بسكوتر لمحطة هه 
يارا :ههه عنداك ابابا. ..مكتعرفش تسوك غادي امشي عليك التران
حوية وعلي كيوزعو نضراتهم على هاد الجوج لمكيسالوش ...هز الفاليز خرج من الدار ودعهم وحدة بوحدة. ..ركب لوطو ديالو وكسيرا لمحطة بعدما لوح بايديه ليهم مع ابتسامة. ..حيت كيبغي عائلتو بزااف. .وكل فرد عندو بلاصتو.. سنايا البنت المفشة و الحمقة بتصرفاتها. ..يارا المرزنة و كتدرس خطواتها. .اما حورية فكتبقى الانسانة لصبرات معاه فالحلوة والمرة و سهرت بااش تكبر بنياتهم...

بعدما ودعوه بالدموع طلعات يارا بجرى كتكمل شغالها وخلات سنايا جالسة مع حورية فوق طابلة دالفطور. .حاطة البسي قدامها ..كتهز طرائف لكاشير وعينيها على البيسي حتى فيقتها حورية من سهوتها 
حورية :كولي ابنتي ...ونتي نهار ومطال مقابلا ليا هاد المشقوف
سنايا الفرحة خارجة من عينها نطقات وهيا مركزة مع البيسي :ماما لقيت خدمة وااعرة
حورية كتجغم من اتاي حطات الكاس ونطقات بجدية :هاد الفكرة دالخدمة حيضيها من بالك. .كملي قرايتك وخدمي ديك الساعة
سنايا :بالعكس جاتني مزيانة...منها نقرا ونجمع لعام جاي راك عارفة غادي نكمل ففرانسا
حورية تنهدات مطولا حبسات دموعها باش متأترش فسنايا :اوا اش هاد الخدمة لعجباتك
سنايا منزلاتش عينيها على شاشة دالبيسي :اممم قالك طالبين أخصائية تغدية...اوا معرفتش العائلة شكون. .ولكن كاتبين المنضمة ديال المسؤولين...عجباتني انا اصلا كنفهم فالاغدية سيغتو دومين دالقراية بيولوجي ...صافا
حورية : مقالوش شكون العائلة 
سنايا :دابا نتاصل بيهم ناخد العنوان...حيت اصلا المكتبة غادي ترجع ليها يارا بعدما تسالي المعرض
حورية :نتي تعرفي

كان جالس فالمكتب سارح بتفكيرو لبعيد. .هدرتها مزال كتعاود فودنيه ..سمع صوت شي واحد جالس حداه تلافت عندو مستغرب 
ازار حيد الكاسكيط من فوق راسو وضربها بتكسيلة :نااري اصحبي ...فيا الجوع مفاطرش
عمار : خودليك شي حاجة. ..حبستك
ازار تلافت عندو بعدما حيض الجاكيط :وااع اصحبي مخنزر على صباح..معاودتيش ليا على اللقاء دالبارح هه 
عمار خنزر فيه و جبد شي وراق شاغل راسو بيهم : غادي نوريها عمار اش كيسوا ابلاتي كلشي مع الوقت 
ازار حابس الضحكة : ههه هيا عطاتك العصير مفيهاش
عمار شاف فيه بنص عين ورجع كيشقلب فالوراق : عفاك طالع ليا لخرا. ..سير شوف ديك كاميليا ديالك ولا كويين عندك جوج 
ازار :حامض
قاطعو صوت الباب جايا بعجاجتها ...جالسات مقابلة معاه كتنهج بعدما زولات الشاسيات دالحوايج من ايديها :اووف هاد المحلات هنايا مملين..ملقيتش الستايلات لبغيت اووه 
ازار وعمار كيشوفو فبعضياتهم. ..عمار حابس الضحكة كيتشفا فيه على قبيلة ملي شد فيه. .اما ازار قلب الكاسكيطة لور وهو مغوضض
عمار :كاميليا. ..صافا 
كاميليا بابتسامة :حمدالله. ..كنت ناوية نزوركم فالشركة ولكن ازار مبغاش اجيبني معاه 
ازار :وهانتي جيتي 
كاميليا :هاا...اه بصح جيت هه 
عمار بغا الطف الجو :تشربي شي حاجة 
كاميليا :اه عصير بارد
عمار هز الفيكس طلب ليها لبغات سرعان مجابوه ليها..
ازار موجه كلامو لكاميليا : انا غادي. ..إلا كنتي باغا تمشي يله 
كامليا جمعات الوقفة بعدما رشفات من العصير :اه انا واجدة. ..ولكن كين مشكيل بسيط
ازار تنهد وخنزر فعمار لحابس الضحكة بزز : كنسمع نوكاتك. ..هدري خلاص
كاميليا قربات شداتو فايدو :بغيت نمشي لمول كيقولو فيه ستايلات زوينين ديال الاحدية
ازار خشا ايديه فجيابو :وانا مالي
كاميليا :بغيتك تمشي معايا بعدها نتغداو بجوج. .شحال مجلسنا مع بعضياتنا 
ازار تنهد :ممساليش ...رحلتي ليوم لفيينا ...نرجع ونخرجو كيف بغيتي
كاميليا عنقاتو :اه ماشي مشكيل. ..طريق السلامة
بتاسم ليها عنقها عاد خرج ..حيت كتبقى عزيزة عليه بعفويتها ..خلاها حتى كملات العصير وطبعا فرعات لعمار راسو بالهدرة مكتساليش ..عاد خرجات. .خلات عمار كيتحصر على ازار حيت قريب عرسو هه. .
هبطات فالمصعد خرجات بالشاسيات دالحوايج. .هيا من عشاق الشوبينغ وصلها شيفور دالشركة كان وصاه عمار اوصلها لمحل. ..نزلات بعدما قالت لشيفور غي يمشي ممحتجاهش...دوزات الوقت فالمحل ..كتشوف الجديد. .جات عينيها على حداء واحد لي لفت نتباها خداتو دفعات تكاليفو وخرجات كانت العشية محساتش بالوقت...دورات عينيها مكينش طاكسي وعاد رسلات الشيفور ..بدات كتبكي بحال البنيتة صغيرة هادا هو حالها على سبة ...تنهدات ديرا فيها مسؤولة تمشات بالكعب العالي بزز غادا وكتمايل فالطريق خصوصا مع متقلا بليشاسي ..المحل كلو خداتو ...عيات جلسات فالأرض كتبكي. ..جات عينيها على لوطو وقفات بالخف فنص الطريق كتشير بايديها بجوج...

جات عينيها على لوطو وقفات بالخف فنص الطريق كتشير بايديها بجوج...
كاميليا :وااقف ..بليييز بلييز😢
حبس الفران حدا رجليها مستغرب ..هبط الزاج وحيض النضاضر كيشوفيها 
كاميليا: ممكن توصلني ...مجبتش لوطو ديالي 
بتاسم ليها :وي ماشي مشكيل 
كاميليا تنهدات براحة : اووه طغي جونتي ..مغسي 
مشات بجرية هزات الشاسيات فايدها حلات باب لوراني حطاتهم فييه ..عاد دارت ركبات حداه 
كاميليا :اووه شكرا بزااف..معرفتش كون مجيتيش اش كان غادي اوقع ليا. ..كلشي من دااك الشيفور قتليه رجع. .رجع طير كان طالب السبة ياربي السلامة. ..ناري فيا الجوع ومشكيل ازار مسافر اليوم 
حابس الضحكة فرعات ليه راسو : عمر شي واحد قاليك فيك الهدرة بزااف ..وكتعاودي بلا تسوال 
كاميليا :ههه اه كلهم كيقولوها معرفتش علاش 
كتفا بابتسامة خفيفة وهو مركز مع السوكان
كاميليا :احم انا كاميليا. .وكيقولولي كامي هه. ..ونتا 
تلافت عندها مع ابتسامة : موا سفيان وكيقولولي سفيان 
كاميليا جابلها الضحكة :هههه سبحان الله عندك نفس السمية ههه 
سفيان عينو على طريق :كفااش
كاميليا :ههه واالو 
سفيان كتافا بالصمت ...سكت شحال عاد نطق :عطيني العنوان 
كاميليا :ويلي نسيت ..كنت معرفاهش فاللول عاد خديتو من عند خالتو عايدة فاش وصلت لمغرب ..وملي جيت لقيت ازار كيلعب سبور فالنادي
سفيان بنفاد صبر :وااا نااري العنوان ماشي قصة حياتك 
كاميليا بغباء :اه. .بغيتي العنواان
سفيان تحت من سنانو :تماماا
كاميليا :مبقيتش عاقلة علييه هيء هيء 
سفيان مسح على راسو :عفااك غي سكتي متبكيش مانقصنيش 
كاميليا كتنخصص:و دابا اشنو غادي نديرو
سفيان:غادي نلوحك لكلاب اتعشاو وخا فيك غي العضومة 
كاميليا زادت فوتيرة لبكا :واااع عتقوني باغي اقتلني. ..واااع هيء هيء هيء
سفيان ضرب ديريكسون بجهد حتى قفزها عاد سكتات: وسكتي متزيدي حتى حرف قبل لنديرها بصح. ..ناري موصيبة هادي مكتعرفش الضحك وااه 
كاميليا كتنخصص فصمت احسابليها ايديرها بصح خخ: مغاديش ديرها
هز راسو بلا وهو كيتنهد بالاعصاب :اشنو غنديرو فالعنوان 
كاميليا :اطط نعيط لخالتو عايدة ناخد العنوان
سفيان :بففف معرفاش العنوان...منعرف انا كوكب جايا منو 
كاميليا بغباء :من كوكب الأرض. ..علاش نتا انا كوكب جاي منو 
سقيا ضرب الطم عرف راسو مع خطيا ...داز الوقت وهو كيدور بالطوطو من بلاصة لبلاصة حتى عطاتو العنوان عاد وصلها ...مسكين ودنيه سماكو بالهدرة 
سفيان : هاحنا وصلنا لمرة جاية جيبي معاك لوطو. ..حيت لكان شي واحد فبلاصتي هو لوصلك كوراه مات فالطريق 
كاميليا بغباء من جديد : علاش مالو مريض...اجي اشنو كيضرو نقدر نساعدو 
سفيان موسع عينيه فيها جابت ليه البكية بالفقيص :هبطيي دغيا قبل نرتاكب شي جريمة 
كاميليا خلعوها شوفاتو هبطات. .خدات فايديها لشاسي ودعاتو بايديها ..مشات و رجعات عندو : اجي كفاش غادي ترتاكب جريمة...زعما وااش غادي تستعمل السلاح. ..والمشكل اقدر اشدوك البوليس والمأبد من الفوق 
سفيان مسح على راسو بعصبية. .كسيرا مخلي العجاجة موراه ...ركبت ليه السكر واتاي خخ 

دازو ساعات وجات العشية 
كانت فبيتها جالسة على الكرسي مقابلة مع المريا وسنايا موراها كتسرح ليها شعرها ...بعدما قدات ليها ميكاب انيق بارز فيه عينيها الزورق ..وشفايفها الحمر من عند الله. .كانت لابسة الكسيوة مع الصبيبيط ...خاص تقاد ليها غي شعرها وتوجد..

قدات ليها تصريحة شعر مناسبة لكسيوة جات كيف شي اميرة.. خلات ليها شعرها على راحتو ..معا خصلات فجناب قبطاهم ..سنايا جابت ليها البوشيط خداتو من عندها..
يارا متوترة : نااري قلبي ممهنينيش
سنايا عنقتها :معندك مناش تخافي. ..مشا عليك الحال الطاكسي كيتسنا لتحت من قبيلة
يارا : يله معايا. ..غادي تونسيني
سنايا :منقدرش غدا قارية وعاد باغا نشوف عنوان لخدمة الجديدة 
يارا بابتسامة :اوكي. ..رتاحي ليك 
خرجات من لبيت تبعاها سنايا حتا وصلاتها لباب طمأناتها بيلا كولشي هو هداك عاد طلعات لبيتها. ..اما يارا تنهدات مكرهاتش تحيض كتلة القلق لمسيطرة على قلبها ..ضبطات راسها ..ركبات الطاكسي بعدما عطاتو العنوان ...داز الوقت حتا وقف بيها قدام المكان لمخصص للمعريض ...خلصاتو ونزلات حطات رجليها فالأرض نتابها شعور غريب ..ضربات فيها نسمات الريح الباردة عاد رجعات فيها الروح ..خطات خطوات تقال تجاه الباب الرئيسي. .كانو لكارد قدامو عطاتهم الكارط ديالها بتاسمو ليها و خواو ليها طريق الدوز...دخلات مبهورة بالتزين وطريقة تصميم الطويبلات العاليين كانو سيرفورات غادين جايين كيوزعو المشروبات على الحضور. ..حيت كينيين فنانة كبار فهاد المجال ستدعاهم مدير الورشة وعاد لجنة لغادي تحسم بجائزة افضل رسامة لهاد العام...كانو طبلواات لمشاركين معلقيين فالحيط ..والفنانة كيوزعو نضراتهم عليهم. ..تنهدات حسات براسها ممرتاحاش خصوصا كتحس بالانضار عليها. ..رتاحت فاش شافت شي بنات كتعرفهم مشات عندهم ..سلمات عليهم بعدا لقات معامن توقف تمنات تكون معاها سنايا كانو غادي ارجعو لمعرض مسرحية هه. ..خدات عصير من عند سيرفور. .لبقا حال فمو فيها. ..هاد المنضر كامل كان تحت عينو وهو كيجغم من الكاس دالويسكية ...كيطلعها واهبطها اش لابسة وكيلاحض نضرات الحضور ليها خصوصا رجال. .غي واقف كيخنزر ..سيفط واحد من رجالو اكلموها لييه بعدما مشا لغرفة خاصة بيه مع هو الراعي الرسمي دالمعريض ..حل صدايف دالقاميجة بعصبية كيتسناها تدخل...سمع صوتها كيقرب 
رايا :شكون بغاني
أمير :انا معجبتكش
يارا تلافتت بالعرض البطيء حتى جات عينيها عليه. .شافتو كيف رابط غوباشتو : علاش سيفطتي لياا 
أمير جلس على طرف دالمكتب حاط رجليه على الكرسي :اممم فكرت فتفاق مزيان ليك 
يارا مستغربة : وانا ماالي ...مكين حتى تفاق غادي اجمع بيناتنا 
أمير قرب ليها مقابل وجهو مع وجها. ..مركز مع شفايفها كيف كيترعدو : همم فيك الهدرة بزااف 
طلعها وهبطها : الزرق مواتيك..والفتحة طالعة حتى الفخد. ..عجباتك نضراتهم ليك يااك ..بينا غادي تعجبك ونتي نص صدرك بين 
رايا دموع محجرين فعينيها. ..حبساتهم قبل اطيحو شافت فيه. .نطقات بحدة : ونتا ماالك اشنو دخلك فهادشي 
قبطها من دراعها و دور ايدو على خصرها حاكمها.. .قرب لجنب فمها نطق بهمس: بغيت شي ليلا حمرة تجمعنا بجوج. ..بيما انك كتعراي باش توري لرجال جسمك الفاتن. ..بارك عليك غي انا ...اش قلتي ونزيدك غادي نسمح ليهم اعطوك لقب احسن رسامة
طلع عينو فيها مع غمزة:اش باان لييك. .درت معاك المزيان
يارا هدرتها خلاتها ترجف ...حسات براسها رخيصة جمعات طاقتها وصفعاتو بقوة ..كتخرج من عيونها الزورق شرارة البنت القوية ...نطقات موجهة صبعو ليها: منحتاجش نديع وقتي مع حقير بحالك...عقل متخلف ومسخ ..احسابليك هدرتك غادي تاتر فيا. .رااك غاالط نتا مكتسوى والو باش نتسوق لهدرتك...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.