ازار : الله أكمل بالخير ...فرحت حيت حضرت لهاد المناسبة العائلية
علي بابتسامة: حتا حنا فرحنا بوجودك معانا
ازار كتافا بابتسامة
أمير قرب ليارا: اشنو كيدير هادا هنااا
يارا : صديق ختي
أمير تبت نضراتو على ازار : هممم
حورية وجهات كلامها لامير : معندكش ختك ولا خوك اولدي
أمير : كين خويا كبر مني ..مشغول داكشي علاش مجاش ..والواليد الله ارحمو
علي : الله اجدد عليه الرحمات واجعلو من أهل الجنة
كنزة بابتسامة : اميين
حورية وقفات : يله العشا وااجد
علي : غي قاديه هاحنا جايين
حورية تلافتت عند سنايا فهمات راسها وناضت تابعاها توجد معاها الطابلة..
داز الوقت ناضو على الطابلة دالعشا كانت كاملة عامرة. .مبغاوش ابانو مقصرين من جيهتهم ..جلسو كياكلو فصمت مرة مرة كينطق علي باش إكسرو. .كملو ماكلتهم فجو زويين. .ازار عجباتو الماكلة حس براسو كال موالف مكيكملش طبسيلو..أمير مكلاش بزااف كانت عينو على يارا لاحض انها عيفا العشا غي مبغاتش تبين ...
جمعو الوقفة أمير ودعهم هو وكنزة ..لمح يارا قرب حداها شد فايديها.. شاف فيهم ونطق : غدا غادي ندوز عليكم ناخد يارا باش تقيس كسوة العرس
حورية : اكيد معندنا حتى مانع
يارا بقات ساكتة. .باسها قدامهم محشمش 😂..خلاها غارقة وسط حشمتها عاد خرج بعدما بتاسم ليهم. .ركب هو كنزة. .ديمارا بسرعة وخا مكرهش اديها معاه ولكن صابر حتى تكون بين ايديه. .
سنايا رعدة شداها خصوصا كتشوف وجهو قريب ليها. .وعينيه على عينيها : هااا ...اشنو غادي نخبي
ازار معلي حاجبو مع ابتسامة ماكرة : شوفي نتي
سنايا بعدات عليه بسرعة قبل تفضح. .تلفات نضراتو وهيا كتقاد الملاية على الناموسية. .حسات بانفاس حارة قريبة ليها. .يله غادي تلافت تصطحات مع صدرو العريض لكان سبب باش طاحت فوق الناموسية على ضهرها. .بتاسم وهو كيقرب ليها كتر حتى ولا فوقها كيشوف فعينيها. .مركز مع شعرها كيحاول اوصل لشي نتيجة من تفكيرو. .
سنايا كتمتم : مم....ممم..مممكنن تبعد علياا 😳
ازار منطق بواالو بقى متبع ملامحها ..كيحاول اتفكر هدرت المدرب عليها فاش سافر وسولو . .هز حاجبو كيتساءل اشنو كيوقع ليه نطق مورك على كلامو وهو كيدوز بطراف صباعو على دراعها لعاري : دعي ميكونش داكشي لفباالي بصحح حيت غادي تكوني تحت تراب. .وهادا لقدامك ديفل ماشي ازار. .حيت ازار كيسامح وديفل كيقتل متحاوليش تلعبي بيهم
سنايا مفهمت واالو : كك..ك..كفاااش
ازار ناض فوق منها : خرجي علياا
معودتهاش معاه خرجات بسرعة قلبها كيضرب فالمية دقاتو كيتسمعو من بعيد. .دخلات نيشان لبيتها وبضبط الحمام بدات كتنهج وهيا كتفكر كل حرف من كلامو. .اشنو كيعني بيهم ..اشنو الهدف من ديك الهدرة هادشي كامل سبب ليها الحريق فراسها. .غسلات وجها بالما بارد بااش تطفا العافية لشاعلة فيها. .هزات عينيها فالمرايا ..عرفات راسها كتلعب مع الشخص الغلط. .كتشفات وراء ديك الشخصية الهادئة نوعا ماا كين ديفل اه هادا اسم مناسب لشخصيتو ..خرجات قاصدة الناموسية. .لمحات رقمو رجعات ليها الرعدة من جديد. .ضبطات راسها وجلسات حداه كتشوف تصالاتو مهداش ..حتى لاخر لحظة هزات تيلي كتقفقف ..بركات على مغير الصوت عاد حطاتو على ودنها. .بقات ساكتة مغمضة عينيها كتسمع نفسو المنتضم
ازار : كويين
سنايا سكتات شحال عاد نطقات : عاد تفكرتيني
ازار بابتسامة : هه لصقتي فبالي مستحيل نسااك
سنايا خدات نفس عميق : متبقاش تعيط لياا ونساا كويين
ازار : نو نو اللعب ماشي بحال هاكة حنا عاد بدينا. .
سنايا دموع على طرف شفارها : انا كنعني هدرتي
ازار : وحتا انا بحالك ..بنت ليك كنتفلا
سنايا شدات فمها باش ميتسمعش صوت شهقاتها
ازار : باقا فيقاا
سنايا : انا اصلا مكنعسش
ازار مسح على راسو كيرتب افكارو جات فبالو اللقطة لكانت سنايا فبيتو وناعسة على فراشو ..تفكر جملتها " فخبارك عمري نعست" هز حاجبو ..سكت شحال عاد نطق : فيينك دابا
سنايا بالتلفة قطعات بزربة مبعدة تيلي منها. .جلسات وسط مربعة رجليها فوق الناموسية...بقات موسعة عينيها كتردد فمسمع ديالها "اعشقك"
زول تيلي من على ودنو راسم ابتسامة ممفهوماش. ..قبل اتكا فبلاصتو لمح تصويرتها هيا ويارا. .كانت ضاحكة طول الشوفة فيها كيجمع شي دليل اقدر افيدو باش ارتب افكارو ..تخشا فالفراش ..قبل انعس بدل النمرة و دوز تصال مهم ..
بقا شحال عاد جاوب : الو شااف
ازار : كنتي ميت
هو : مكانش حدايا تيلي
ازار كيحك فلحيتو : همم فين وصلتو
هو: وصلنا لشي حاجة مهمة تقدر تفيدنا
ازار : مزياان
هو : شااف ممكن نسولك
ازار : اش كيين
هو: كفااش درتي حتى ختارقتي حسباتهم. .ياك هوما وااعرين ومكيخلو حتى دليل
هبطات فالدروج كتردد فالمسمع ديالها " ممم...مااما" عينيها دمعو فكراتها فاغلى شخص كان راسم الابتسامة على وجها..
كانت كتجري بدون توقف. .صدرها كيتهز مع كل حركة من رجليها. .لابسة كولون سبورتيف مع تشورط وسباردين .جامعة شعرها كوتشوفال باش ميعنكشهاش. .وقفات كتنفس شربات من قرعة الما لهازا. .كتمسح العرق من على وجها. .رجعات كتجري بجهد كلما تفكرت هدرتو البارح. .خصوصا "اعشقك" كتحس بالسخفة متملكاها ...قربات لدار دخلات مع باب دالحديقة. .لمحاتهم جالسين مجمعين. .كان ازار وعلي منغامسين فالحديت وهوما كيجغمو من كأس اتاي مشحر قداتو حورية. .كيحس راسو بحال شي سائح من هاد البلاد ومعارفش تقاليدها ولي على رأسهم عمرو دااق اتاي مغربي أصيل. .
الدراري كلهم نقزو عليه الضحكة مرسومة على ملامحهم. .عجبو الحال شاف الفرحة فعينيهم
سنايا بقات واقفة كتشوف فيهم عجبها تصرفو ..مكتفهموش مرة طيب ومرة متعجرف ..مراات ضحوكي ومراات عصبي شخصيتو متقلبة ..متقدرش تحكم عليه بصفة وحدة..مشاو الدراري تلافت عندها مع تخنزيرة. ركبات فيساع كتفادا نضراتو. ركب حتا هو مكسيري للمعهد عاد امشي لشغالو ..
وقفو قدام الكافي. .نزلو من لوطو دخلو جات عينيهم على المصمم..قربات حداه ريماس جلسات رجل على رجل. .اما كاميليا بقات كتقلب فواحد الأسماك دايرينهم ديكور حتى جا عندها سيرفور هدر معاها بطريقة لبقة باش تبعد عليهم غي حيت عرفوها خطيبة ديفل اما كون لاحوها برى😂..جلسات حداهم
أمير مخرج عينيه : وصلني العشير غي لشركة وديك ساعة سير فين بغيتي... مجبتش لوطو
فاروق ببرودة :نزل قبل نقلب هادي فوق راسك. .نسيتي بيلا انا خوك الكبير
أمير كيحاول اكون هادئ باش انفد داكشي لطلبو منو :هاهو هاابط ...قيد عندك
مجرد منزل ديمارا للوجهة لكيرتاح فيها..كيتفكر راسو شحال مشاف عالم برى ديما كان غي الكوخ الجبال. .الغابة هادا هو عالمو لعوضو على ماضيه المؤلم
أمير كيمسح على راسو ..خدا تيلي دوز لابيل..شي ربع ساعة هاكاك جابولو لوطو. .
دازو ساعات. ..
وقف قدام الدار تسناها تخرج عندو مع سونا ليها قبل باش توجد راسها...كان متبت نضراتو على الباب كيتسنا اشوفها .لمحها جاية بتاسم..قربات عندو فتح ليها الباب ركبات حداه. .
يارا كتهدر فوق خاطرها : يله نمشو
أمير دورها عندو جامع فمها على شكل بيزو طبق قبلة دافية على شفايفها ..بعد عليها مبتاسم
أمير :توحشتك ..وتوحشت ولدي
يارا :لسمعك اقول عام باش مشفتينا
أمير متسوقش ليها. .حط ايدو على كرشها نطق بصوت حنين مع بحة رجولية :يكما كيعدبك
يارا هزات راسها بلا : اللول لصعيب ..هادشي كلو فايت
أمير هز ايدها باسها من لداخل. .عاد ديمارا مشبك ايدو مع ايديها..
وصلو لمول. .نزل ودار حليها الباب. .هبطها بشوية خيف عليها من نسمة الهوا. .شبك ايدو مع ايديها عاود...كمل طريقو عاقد غباشتو تفاديا لشي واحد احط عينو عليها ولو بالغلط غادي اقتلو ميترددتش. ..وصلو لمحلات الخاصة بليغوب دالعروسة ..شاف فيها مبتاسم عاد دخلو. .يارا بقات كتدور فعينيها كتكتاشف الموضيلات. .حمقوها كلا وحدة تنسيك فالاخرى قاطعهم بنت طويلة كتبان كريزما غي من طريقة لباسها ..بين عليها هيا المسؤولة
قطع وشاف فكاميليا : تشوربي سم...كنقصد عصير ديال الليمون
كاميليا على نيتها : مكرهتش بناشي😊
سفيان باغي ابكي هاد النهار سطاتو ..دوز لابيل جابو ليها عاصير على الأقل الاهيها باش متسدعوش بالأسئلة الباسلة
داز الوقت سمع الدقان فالباب
سفيان :دخل
سنايا حلاتو موسعة عينيها : كك..كاميليا
كاميليا شافت فيها كتجغم من العاصير : اووه سنايا. .اشنو جابك هناا
سلمات عليها : انا وسفيان أصدقاء
كاميليا بابتسامة : متشرفين
سنايا وجهات كلامها لسفيان : صافا.. كلشي مزيان
سفيان هاز حاجبو نطق مورك على كلامو : مزيان الحمدالله
سنايا حابسة الضحكة : كامي يله نمشو منها نيت نركبك على سكوتر
كاميليا وقفات : وااو مزياان يله نمشو تعطلنا😍
سفيان :عاد بان ليها تعطلات
كاميليا تلافتت عندو : قلتي شي حاجة
سفيان ببرودة :مقلت واالو غي شتا كتسب برى
كاميليا : دونك بلاتي حتى تسحا
سفيان مخرج عينيه : غي ضحكت معاك مكتسبش😒
كاميليا : هههه اوكي. ..بااي
سنايا مشات عنقاتو بعدما وقف : خاصنا شي نهار نديرو شي خريجة
سفيان: علاش لا
بتاسمات ليه وشدات فكاميليا تماو خارجين حتى كتوقف كامي بحاليلا نسات شي حاجة. .سنايا شافت فيها بمعنى مالك وقفتي...مجوبتهاش مشات نيشان عند سفيان لواضح عليه الاستغراب. .تعلات على طراف صباعها باستو على خدو
كاميليا مدات ايدهاا : فرااندس
سفيان مخرج عينيه تحت تاتير الصدمة. .هز راسو مغيب معقلش امتى هز ايدو وصافحها...بانت ماشي غبية بالعكس قالتها بكل تقة فالنفس. .قبل تمشي غمزاتو مع ابتسامة ممفهوماش. .سنايا مصعوقة من تاتير المشهد
كان فالحمام. .خرج كيمسح شعرو بالفوطة مع يله دوش. .شافها متكية على جنب الناموسية غامة راسها فالملاية. .كيتسمع صوت شهقاتها وتنخصيصها..مسح على شعرو بعجرفة عرف راسو زاد فيه ..عاد عاق على راسو الشوهة لدار ليها فالكافي فاش قالو ليه جات ليها ..مشا طير دار ليها فراجة تماك متسوق لحتى واحد. .قرب جيهتها
عمار قرب ليها كتر. .حيد الغطا بقوة مع كانت مزيرة عليه. .مشافش وجها كان كااع مغطي بشعرها لمرمي على الوسادة..بعد خصلات منو بالشوية حتى بعدهم كاملين
نطق وهو كيدوز بطراف صباعو على عويناتها المدمعين: نوضي تاكلي. ..مفيكش الجوع
هزات راسها بلا وتلافتت لجيهة لخرا عطياه بالضهر
تنهد حابس الضحكة عرفها مقلقة منو. .حتى هو مكانش من عاكزين. .جلس على طرف دالناموسية. .دورها عندو. .حاكم دريعاتها العريانين باش متنترش ليه. .كان وجهو مقابل مع وجها ..شعرو كيقطر بالما فوق وجها وبضبط شفايفها لكيرجفو وكملو عليهم هاد القطرات بانو اكتر اتارة مع اصلا كااع حمارو بالعضان فاش كانت كتبكي
عمار نطق بصوت مايل للهمس وهو دايب فعويناتها : مالك على هاد البكا كامل
خلود تفركعات بالبكا كان خاصو غي اجبدها ..دورات وجها للجيهة لخرا وخا باقي حاكمها من دريعاتها. .بتاسم وهبط للمستواها كتر. .دفن راسو فعنقها. .كيستنشق ريحتها بلا هواه..محسش على راسو حتى بدا كيطبع عليه قبلات متفرقين ومع كل حركة منو كتهز من بلاصتها. .حس بيها ..شيء لخلاه ازيد فالوثيرة بدا كيعض عضيضات خفاف كيتفنن فيهم. .مطلقو حتى ولا زرق هز عينو فيها قرب للعينيها حط شيفايفو الباردين على كل عين باسها بحنان ..داز لنيفها لحومر بالبكا باسو حتى هو. .بقات مصمرة فبلاصتها مكترمش مصدومة من تصروفاتو ..رجع شاف فيها بتاسم ضحكااتو من طريقة لكتشوف فيه بمعنى اشنو كدير. .مهتمش هبط لشفايفها حط شيفايفو الباردين على ديالها. .حس بيها كتدفعو زير على معصمها باش تهدى حتى ترخات عاد بدا كيحرك شفايفو بالشوية ..طلق من معصمها حاط ايدو ورى ضهرها العاري كيحركها بشكل دائري حتى كيحس برجفتها بين ايديه. .جات ايدو على سوتيان بغا احيدهم فحين شفايفو باقين على شفايفها. .حساتو اشنو كيدير ..دفعاتو بالجهد جمعات رجليها عندها كتنهج بحاليلا كانت فصراع. .شاف فيها عاقد غباشتو حيت قطعاتو. .جات توقف وهيا تحس بزدحة قسمات ضهرها على الناموسية. .حط تقلو عليها كيخنزر. .
خلود : احم زواجنا من هنا ل 3 شهور غادي اسالي. .حيت العام جاي كيف كنت قلت ليك غادي نكمل قرايتي ففرانسا على قبل تخصص طب القلب. .دونك من هنا ل 3 شهور غادي نكونو درنا الخاطر لعائيلاتنا ...وكيف كتشوف الشراكة توطدات بين بابا وعائلتك يعني زواجنا مبقا عندو حتى معنى
عمار مربع ايديه كيرمقها بنضرات باردة. .عكس الكهرباء لي فالداخل ديالو ...
نطق ببرودة : ساليتي
خلود موسعة عينيها : كنهدر. .سيريوسلي
عمار : شبعتي ..ياك تهزي غسلي وتخشاي فبلاصتك
جات تهدر قاطعها. .خبط على الطابلة نطق مورك على كلامو : هاد الزواج نهار لترشق لياا غادي ننهييه ..يعني نتي غي تكمشي ممحتاجش رأيك
زربات فخطواتها للحمام. .عرفت راسها كحلتها ..نضراتو مكانتش كتبشر بالخير. .حتى حسات بالصقيل عاد خرجات على برى. .ملقاتوش فالبيت تنهدات براحة. .مشات كتختل لبلاصتها على طراف صباعها
عمار قفزها : مالك خيفا على البيض اتهرس
تلافتت عندو مخرجة عينيها كان فالشرفة كيكمي ..كحلات بالعمى مشات طيرة تخشات فالفراش ..كتطلب دوز هاد الليلة على خير. .محملاش راسها بعدما مكانت كتخاف من حتى واحد بالعكس مكانوش كيقدرو اكسرو شخصيتها الصلبة...جا هاد المتعجرف هبط كرامتها حتى الأرض. .ولات كتخاف منو ..فاقت من تفكيرها على شي واحد معنقها من خصرها مزير عليها. .عرفاتو غي من ريحتو لسبقاه بامتار. .حساتو دافن راسو فعنقها. .تنهدات بعد تفكير طويل ستسلمات لنعاس خلاتو كيخربق فشعرها حتى هدا على خاطرو عاد نعس وهو مزال كارز عليها بحاليلا خيفها تهرب ...
وقفات قدام الباب هازا كتوبتها فايديها. .تنهدات عاد دقات. .فتحاتو بالشوية..دورات عينيها مكانش عوجات فمها. .زادت بخطواتها لقدام كتكتاشف فالبيت. .شوية حسات بالصقيل كيتسمع فقط صوت خطواتو. .تلافتت لجيهتو موسعة عينيها : اعععع مكتحشمش
تلافتت عطياه بالضهر خلاتو كيضحك. .مع كان ملوي على نصو تحتاني فوطة و وحدة خرا كيمسح بيها راسو. .مشا قدام المرايا كيمسح بالشوية
داز الوقت. .رجعات هازا فايديها كااع الماكلة لي لقات فالتلاجة ..تسونامي ضرب ديك الكوزينة خخ. .فرحانة بالشيبس شحال مكلاتها دازت على واحد البيت كان بابو مردود. .قادها فضولها..بغات تعرف ديالمن فتحاتو بالشوية. .جات عينيها عليها كيف جالسة فوق الفوتاي وقراعي دالويسكي دايرين بيها. .عاد الكارو لكتنتر منو مرة مرة. .رجعات سدات الباب موسعة عينيها. .مصدومة ريماس كتكمي ..هزات حاجبها بقات فيها بحال الوردة غادي تخرج على راسها بهاد العادات السيئة. .تنهدات بقلق حتى لمن بعد وتفكر فهاد الموضوع. .كملات طريقها فين كانت غادة..وصلات حلات الباب. .دخلات هزا فايدها خيفا على شيبس ليطيح ليها..هز عينو فيها مصدوم
ازار : ماالك موكلاش سيمانة
سنايا كتبتاسم ابتسامة صفرا : ههه ايكزكت .. 😂
مشات جلسات فوق الناموسية مربعة رجليها. .والماكلة محوطاها عاد الكتوبة قدامها ..كان متكي على جنب موسد دراعو كيتفرج فيها حتى سلات عاد جلس باش اراجع معاها
نطق ببرودة :شدي لرض قبل نخلطك..ستغلي الفرصة اني مكالمي دابا
سنايا كتدور فعينيها سكتات..بدا كيشرح ليها بالشوية وكيعطيها متال ساهل باش تفهم العلاقة عاد كينتاقل للسؤال لمفهماتوش باش تعرف ليه. .مشا معاها على قد عقلها. .داز الوقت وهوما على نفس الوضعية مرة مرة كينتفها من شعرها ملي كتسمقل ..مخلا ليها حتا زغبة خخ...تناص الليل وهوما مزال خدامين. .ماملش بقا معاها حتى فهمات. .كيهز عينو فيها كيلقاها ساهية فيه. .كيخبطها بالدفتار عاد كتفيق. .نفس الشيء فاش كتكون كتخرج كتهز عينيها فيه باش اشوف واش صحيحة كتلقاه مفيكسي عينيه على جسمها الفاتن. .حتى كتخنزر عاد كيسحا على راسو. .عوجات فمها بطريقة طفولية حسات بالنعاس ..خلاتو كيشرح للحيوط ونعسات ليحى رجليها ..بتاسم فاش لقاها موسدة ايديها ونفسها كيطلع وانزل بانتظام. .قرب ليها قادها على المخدة. .ونعس حتى هو مشبح على كرشو الكتوبة دايرين بيهم. .كيحس برجلين مليوحين عليه تنهد شوية حس بايدين معنقين ضهرو ..جابت ليه الضحكة. .بتاسم بعد تفكير طويل نعس حتى هو. .وهادي كتكون تاني ليلا كتنعس فيها كويين على فراش ديفل. .لحضة كتعني بزااف لكل واحد فيهم ولكن معارفينش بقيمتها حيت مزال داك الحاجز المجهول لمخليهم بعاد على بعضياتهم وكأنهم أشخاص غرااب..
جا الصباح. .
بدات كتكسل حاطة ايدها على عينيها كتحبس اشعة الشمس لشارقة على الصباح..بين انو الجو اليوم زويين. .حسات بتقل جثة عليها. .حلات عويناتها كترمش بالشوية. .وسعاتهم فاش لقاتو متكي عليها. .معنق خصرها ..شعرها واقف ومشعكك بعداتو من على وجها..تبتات نضراتها على ملامح وجهو كان قريب ليها بزااف حتى فالنعسة كيبان مخنزر. .عوجات فمها. .عضات على شفتها التحتانية كتفكر تقيس وجهو. .هزات ايديها ببطء بدات كتدوز بطراف صباعها خيفاه افيق. .بتاسمات ممتيقاش ناعسة فحضن إمبراطور قلبها. .قربات للوجهو كتر طبعات قبلة صباحية على خدو..تسلات من تحتو..جمعات الوقفة هازا فايديها كتوبتها ..تلافتت عندو مع ابتسامة خفيفة. .كملات طريقها فتحات الباب خرجات سادة موراها. ..فتح عينو كيشوف بطريقة ممفهوماش. .كيتفكر قبلتها حيت كان فيق ديك اللحضة. .خدمتو كتفرض عليه اكون صاحي حتى فنعاسو..
كانت جالسة فالركينة لجنب البيسين. .يله قطعات الخط مع مصمم عرض الازياء تناقشو فأمور روتينية..شافتها جالسة حطات الكاسك على السكوتر. .ومشات عندها
بتاسمات ليها ..عاد كملات طريقها تجاه السكوتر. .تفكرات عرس ختها اليوم. .زبلاتها مع حورية. .معيطاتش ليهم لبارح. .قررات تسالي الامتحان وتمشي لعندهم. .
فالجيهة لخرى. .
حورية : سربي كولي عندنا شلا ميدار..
علي كيشرب من كأس اتاي : بشوية على البنت. .عنداك ابنتي كولي على خاطرك
يارا مخبية حزنها ورى الماكلة كتبرد فيها غديدها..كتفكر اليوم غادي تحمل اسمو على أساس زوجتو الشرعية. .كتكره راسها. .لمحات تيلي شعل من صباح وهو كيصوني. .مجوبات على حتى اتصال. .كتحس حتى صوتو كيهرها بالاعصاب. .باقا ممستوعباش أنها غادي تعيش هيا وياه تحت سقف وااحد. .لحد الآن مزال معارفة كفااش خصها تعايش معاه
فاقت من سهوتها على صوت حورية : اويلي. .فين سهيتي باغا تضحكي فينا الناس. .كولي دغيا خاصنا نتلقاو مع كنزة نيت نعرفو داركم الجديدة فين جات
يارا معوجة فمها نطقات بزز : و..وااخا
حورية وقفات : اوا هيا لندتي دابا
علي : تي خلي البنت جالسة على خاطرها مالك
حورية : انا لعارفة مصلاحتها ..هادشي شغل العيالات
علي : هاهو ساكت...
يارا وقفات عنقات علي : بابي متقلقش ...متديش على مامي
أمير رمقها بنضرات كون كانو قرطاس كون ماتت شحال هادا
يارا : ق..قق قصصدت ..زعما تعطلنا
سنايا سبقاتهم ضحكوها..عرفات أمير كيبغيها حسات بالاطمأنانية من جيهتها
أمير : كتقلبي على خلا دار عشك
يارا : مدرت واالو 😳
جرها محاوط خصرها. .كملو بابتسامتهم لمزيفة وهوما كيتبادلو اطراف الحديث بلباقة مع المدعويين...يارا لمحات سفيان بتاسمات ليه وحتى هو بادلها الابتسامة. .تفكرات فاش قاليها كنبغيك. .تنهدات امكن كون تلقاو فظروف حسن من هادشي كانت تقدر تكون علاقة حب بيناتهم علاش لا...
بعد عليها مع غمزة. .عاد تفكر راسو طيحها وهيا حاملة. .نطق مورك على كلامو كيعير فراسو : اشنو كدير. .ا امير اشنوو
هزها حطها فوق الناموسية. .بدا كيعاونها تحيد الكسوة وخا مبغاتش. .خلاها بدوبياس نعس ونعسها على صدرو العريض. ..
فالقصر. ..
كان واقف فالشرفة كيكمي. .ومرة مرة كينتر منو. .مركز مع الباب. .كان سول عليها قالو ليه مكيناش. .مسح على راسو نهار كامل مشافش وجها من غير قبلة الصباح لحس بيها كان باغي تفسير منها على تصرفها . .سرا معاه هادشي لكيعيشو ..حس بشخصيتو تبدلات من نهار بانت هاد الملكة المجهولة فحياتو ..بزااف دالحوايج تبدلو. .هز حاجبو فاش شافها هابطة من لوطو و مقادا حالتها كتبان كييوت. .بتاسمات لمولاها مكانش بين وجهو ..شافها باستو على خدو عاد تمات جاية كتلوح ليه بايديها. .بقا حاضيها بملامح باردة كيحقق بنضراتو فالمشهد ..طفا الكارو ..مشا لبس عليه جاكيط وخرج صاعر ..معارفش حتى السبب علاش حاس هاكة. .هبط فالدروج بانت ليه كتسد فالباب. .تلافتت موسعة عينيها فاش لقاتو وراها كيف ملك الموت. .نضراتو حادة
نطق مورك على كلامو وهو خاشي ايديه في جيابو : اش هاد الوقت
سنايا يله جات تهدر. .نزل عليها بصفعة عوجات حنكها هزات عينيها فيه دموعها على طرف شفارها. .يله جات تنطق من جديد. .قاطعها بزدحة على الحيط لدرجة حساتو تزعزع : هادي على داك التصرف الحقير لدرتي. .صبااح وااش كيحساب لييك عاطيك وقت ..رااه مهتم بيك ..نونو رااك غالطة
سنايا نزلات عليها هدرتو بحال السم ..دموعها محبسوش مقدراتش تصطانع القوة ..دفعاتو على حر جهدها ..مشات كتجري وهيا كتنخصص. .مقدراتش تحمل هدرتو خلاتو جاعر هو الآخر معارفش السبب
نطق عاد على سنانو : كلكم بحال بحال. .ديرا لياا فيها عفتي بففف
مسح على راسو ومشى لكوزينة خدا ليه كاس دالما ابرد بيه عاد طلع تخشا ففراشو. بعد تفكير طويل ستسلم لنعاس. .
دازت الليلة وجا نهار جديد
كانو مجموعين على طابلة دالفطور .. حتى نطقات عايدة: ريماس. .اليوم عرض الازياء ديالك. .يااك
ريماس بابتسامة هزات راسها باه
عزيز معاجبوش الحال غي كيخبي مبغاش اخسر ليها : الله اوفقك ابنتي
فخرية كترطب الجو : سمعت غادي احضرو أشخاص مهمين
ريماس : وي. ..مكرهتكمش تمشو
خالد : اليوم ابنتي عندنا عشاء عمل. .اما كون حضرنا
قاطعهم عمار كان يله جلس هو وخلود : نقدر نمشي إلا لقيت الوقت
خلود وجهات كلامها لريماس : عندك عرض ازياك ...بوون كوغااج
خالد : فخور حيت أخصائية تغدية دالحاجة بحالك وعارفة قرايتها
سنايا : هه شكراا
ازار هز حاجبو فيها. .قشع صباعو لمصورين على خدها. .لمح دموعها لمخبيين وراء قوتها الزائفة. ..تنهد وهو كيحك فلحيتو. .كيفكر انو اعتادر وفنفس الوقت مباغيش اهزم كبريااءو
ريماس قاطعتها قبل تمشي : غادي تحضري يااك
سنايا بابتسامة : اه....ضروري
كاميليا كترشف من القهوة حطات الكاس من ايديها : غادي نكون هنا قبل نمشي العرض. .حتى نوصلك معايا 😊
سنايا : دااكووغ حبيبتي
ازار هاز حاجبو. .جابو ليه الملال بنفس الموضوع..مشات سنايا خلاتو متبع حركاتها حتى خرجات من الباب. .تلافت للكاس يله جا اوقف قطعاتو ريماس : بلا نيقااش غادي. .تحضر العرض مسوقيش
ازار : هههه صحة المشية
ريماس : بحال داكشي
كاميليا القلوبة خارجين من عينيها : اه اه جي عفااك
ازار مسح على راسو : دابا نشوف إلا ساليت
وجه كلامو لعمار لبان ليه ساهي فخلود : العشير. .عندي معاك وحد البلان حتى الليل. .ونتناقشو
عمار :هههه انا انسحب
ازار نطق وهو ماشي: هه متقدرش
عمار جمع الوقفة. .جار معاه خلود. .خرجو على برى. .حل الباب ركبها ودار الجيهة لخرى ركب حتا هو تلافت عندها : معاش خارجة ليوم
قطعات عليها. .جاها مساج فيه العنوان بتاسمات على الأقل تغير الجو شوية. .يله جات تدخل مع الباب خرجات فشي حاجة هزات عينيها. . جا انطق حدرات راسها وزادت خلاتو مصمر فبلاصتو
ازار : هادي علاش ديرا فيها فيلم درامي 😒
داز الوقت. .وقفات بالسكوتر عند العنوان لكانت قاتليها كامي حلات فمها فالصالون ..دخلات مبهورة فالديكورات .باانو ليها بزااف دالبنات كيقادو ليهم بين عليهم هوما عارضات الازياء لمشاركين فالكولكشن ..قشعات ريماس كيقادو ليها وجها بالمسكات باقي ملبسات..دورات وجها بانت ليها كامي مشات عندها
سنايا : اووه اش هادشي. .زويين
كامي سادة عينيها مع كيقادو ليها فوق عينيها. .كانت بوحدها للابسة وجهات كلامها لكوافوغ: حتا لمن بعد ورجع..بغيت نوريها اللبسة
وجه كلامو لشيفور : وصلني خلاص لديك الخربة قبل اشكو بشي حاجة
الشيفور حدر راسو كيقفقف زاد بسرعة قبل تخرج روحو على ايديه..خلا السيارة لخرى مشات حتى هيا للوجهة ديالها..
نرجعو لمكان العرض ..
وقف بالسكوتر قدام الباب ..حيد الكاسك قادو فوق السكوتر ونزل كيمسح على راسو. .كان لابس كويرة على البرد مع سروال فالاسود وكات فالخزي جا وسيم وضخامة فورمتو زادتو جمال على جمال. .تقدم بخطوات ثابتة تجاه الباب.. لكارد حدرو راسهم احتراما له عرفوه هو ديفل ..دخل لداخل الاضواء مخلطة فكل مكان. .كيبانو ليه كيجريو من هنا لهنا. .دور عينيه على الله تبان ليه باغي اعتادر منها حيت حس راسو قصى عليها بلا سبب..تنهد ومشا وقف فواحد الركينة خدا كاس دالويسكي من عند السيرفور ..بدا كيجغم وادور بعينيه عليها تلافت للمنصة فاش قالو العرض غادي ابدى. .كلا خدا بلاصتو كيتسناو باللهفة نجمة العرض حيت عارفين ريماس المرابطي هيا العارضة الرئيسية متشوقين اشوفوها فالمغرب مع اغلب اعمالها فالامريكا..
ازار هاز حاجبو مبانتش ليه..مسح على راسو عاد خشا ايدو فجيبو ولاخرة شاد بيها الكاس كيرشف منو مرة مرة. .بدات موسيقى صاخبة خاصة بعروض الازياء. .ضراتو فراسو ممولفش على هاد التخربيق اصلا معارفش علاش قادوه خطواتو لهنا..افتاتح العرض مع أول عارضة كلشي كيصفق حيت مبهورين بكولكشن هاد المصمم العالمي.. ليهم الشرف انو اقدم التصاميم ديالو فالمغرب..كملو على العرض كلا وحدة كتمختر برزانة واتقة ...داز الوقت وهوما كيتسرسبو وحدة مور لاخرة. .ازار مبانتش ليه ريماس. .حتى لمحها عاد بتاسم على جرءة بنت عمو كون شافها عمار كون دبحها على لبسة لي حاشة تسما لبيسة خخ..غمزها مع ابتسامة حيت شافت جيهتو رجعات ليه الابتسامة حيت جا لهنا. .تمات راجعة تحت تصفيق حار من عند الحضور .دخلات عاد هداو كيدورو فعينيهم حيت ضهر ضوء خافت على بقعة واضحة ..بدا كيزيد فالصطوع ديالو بالشوية بالشوية. .كانت واقفة حاطة ايديها على جنب خصرها.. الضوء كيبين غي رجليها وفخاضها لعريانين وجها مواضحش..حتى بدات كتقدم بخطوات ثابتة لامام هازا وجها بتقة ...عاد شعل فارجاء المنصة ..خلات كلشي حال فمو من جاديبيتها ..كانت لابسة كسيوة فالاسود حد الفخاض مقبوطة من لفوق غي من جيهة وحدة ..كلها محجرة كتلمع..مع كعب عالي بزااف ..مهتماتش للحضور كملات خطواتها بتقة زايدة ونضرات ساحرة ..كتحاول تخبي حشمتها حيت هاد الميدان كيبغيك تكون مصندل خخ..مع الدورة لغادي تلافت حسات بالقرطاس كيختارقها ..شهقات مخرجة عينيها حسات بالبولة هابطة معاها من شدة الرعب لركبوه فيها هاد الشوفات ..تبتات نضراتها على الكاس لكيغزو وسط ايديه لدرجة تهرس وجرحو ..دم هواد فالأرض بلاما احس بيه..عينيها دمعو خلعها بالمعقول. .تحكمات فراسها بزز وكملت على رزانتها فالمشية مبغاتش تجي حتى لخر وتخرب كلشي. .رجعات تحت تصفيقهم الحار لدال على اعجابهم بيها. .قلبها كيضرب فالمية خيفاه ليقصدها فاي لحضة اهرس عضامها مع العلم مكتقربو بوالو...
فريسة في أرض الشهوة الجزء السابع
محتوى القصة
التنقل بين الأجزاء