صورة مصغرة لـقصة حبيبي أنت

قصة حبيبي أنت

qisat 9isat habibi 7abibi hob
رواية حبيبي أنت

"الحياة مغامرة او هي لاشيء على الاطلاق" قولة ديال هلين كلير ،وفعلا الحياة الى مغمرناش فيها بحال الى معشناهاش..المغامرة داخلا في الشروط ديال الحياة السعيدة
شحال من واحد منا كيعيش حياتو عادي يفيق يقرا يدوز نهار عادي مفيه حتا شي حاجة مميزة وبعد مسار دراسي طويل كيخدم ويعيش رتابة فحياتو حتا يموت وهكا كدوز الحياة
كاين فينا لي عاشها هاني ..وفينا لي قاسا وعانى بزاااف..المهم هو انه عاشها.

بعدما فقدت وفاء واليدها في حريق شعل فدارهم داتها عمتها باش تربيها وهي باقا مكملاتش حتا ثلاث سنين..ماكانت عارفا والو ،شافت الناس كيدخلو ويخرجو من عندهم ويعنقوها ويواسيوها ..معرفات داك النهار حتا حد من غير عمتها وراجلها،وكانت كتقلب على ماماها بعينها فوسط الناس ولكن ملقاتهاش ..كانت صغيرة بزاف باش تقبل فكرة الموت.
بعد مرور 40 يوم على الدفن داتها عمتها "خديجة"معاها لدارها فمدينة الرباط باش تعيش معاها هي وراجلها،ربتها بحال بنتها واكثر وتربات فجو عائلي حميمي عمرها حسات بالنقص العاطفي،ديما عمتها وراجلها غادقين عليها بالحب ديالهم..العربي راجل لالة خديجة كان مكيولدش ومع ذلك بقات معاه خديجة حتا حن عليهم الله وصيفت ليهم وفاء..رباها بحال بنتو بغاها كبرها قراها وتهلا فيها ..عمرو بخل عليها بشي حاجة.
كانت حقيقة الحريق سمعاتها من عمتها بحكم انها مكنتش فالدار فالوقت لي شعلات العافية كانت عند جارتهم..
وفاء كانت واحد البنت مشاغبة بزاااف وضحوكية ولكن طيبة ونية ...كيعجبها دير الخير كتفرح ملي كتشفوا شي شخص ضحك بسبابها ..بمعنى الكلمة كانت ملاك
نوصفها ليكم حيت عارفاكم فضوليين ههههه كانت بنت عندها حقها فالزين..عينيها متوسطين الحجم وقهويين ولكن الى دارت ليهم الحكل كيوليو عسليين..فمها عادي وبجنبو ثقبة الزين كتبان بزاف الى كانت كتهضر..عندها حنيكات مطبزين كتضحك وكيتهزو لفوق..الحاجة الزوينة فيها اكثر ولي كتخليها انثى اكثر هي لطاي ...اووو دوخا هههه جايا رقيقة حتى وصلات لالة مسعودة وخرجو ليهونش والاخت مدفوعة للور وصدرها صغير مي واقف ..المهم زينها عادي وبرئ واخا كان كيجبد ليها المشاكل حيت كيتبسلوا عليها دراري بزاف على قبل عينيها حتا ولات كتهملهم عن قصد باش ميبانوش زوينين هههه...وفاء بنت قرايا ههه انشطاين صافي حلمها هو تولي سيدة اعمال لحال دوك لي كتشوف فالافلام هههه وداكشي باش قرات وشدات الباك ودابا راها كتفرا فالمعهد ديال تسيير الاعمال فالرباط .
ملي وصلت 18 سنة ومها همها الشاغل هو تزوجها ههه😁😁😁 حالفا متموت حتا تزوجها وتشوف ولادها ولكن وفاء كان عقلها فقنت اخر لي هو لقرايا..عمرها عجبها شي حد ولا حبات ولا حتا تصاحبات كانت خاويا راسها داك التخربيق(الله يهديك واش كاينا شي شجرة مكيحركهاش البردههه)
دازت ايام وجات ايام وعمة وفاء بدات كتعيا ومرضات مرضا خايبة جاها الكونصير فالدماغ..تصدمات وفاء مرا خرا ودخلت فداومة ديال الحسرة والحزن وتأزمت نفسيتها خاصة من ورا الموت ديال عمتها..
وفاء دخلت فأزمة ومتقبلاتش انها تيتم للمرة ثانية ولات مكتهضر مكتخرج مبقاتش كتضحك وهي ساهية وعينيها مكيحبسوش من الدموع...باها العربي تحسر على حالة بنتو الوحيدة وقرر انه خصو يتحدى الالم والحزن لي فقلبو على مراتو ويحاول يخرج بنتو لي بقات ليه من هاد الازمة...وفعلا بعد عدة محاولات استاطع العربي انه يرد ليها الضحكة والبسمة ورجعات نوارات الدار كتضوي دارهم بضحكها وحماقها هههه ودابا راها عندها 21 سنة
واحد نهار كأي نهار فاقت وفاء مبتسمة وناضت لبسات حوايجها ..لبسات سروال كخل لاصق وتوني فالابيض مكتوب فيه بالبوردو فيه i love life ولبسات صندالة فالابيض وضفيرات مصبوغين بالاسود دارت خواتمها فصباعها، ودارت ايكرون وشوية تلكلوز فقط ..معندهاش مع المايكاب ..كملات وخرجات من بيتها لقات باباها موجد ليها الفطور كيف العادة ..باستو من حكنكو ثم باست يديه وقالت مبتسمة:صباح الخير حبي ههه (غتقولو قليلة الادب هه ولكن هي وباباها مولفين هاد المزاح) 😍😍😍 ضحك باها وجاوبها :صباح النور الغزالة ترباط
وفاء(بدلال)😊😊😊 
الاب (العربي):كيصبحتي ابنتي ؟؟؟
وفاء :☺☺☺ مزيان ونتا؟؟؟
الاب:ملي شفت ضحكتك راني مزيان..يالاه فطري دغيا راه غيمشي عليك الحال..
وفاء:واخا احبيبي 😊😊
فطرات وفاء هي وباباها فجو ملئ بالحب والحنان العائلي والضحك كيعجبها تشد فيه هههه وباستو وخرجات في اتجاه بلاكة تالطوبيس ههه واخا الزواق وديك تبوكيصة ديال الصباح راه الفقر والشجاعة ههه😂😂😂..تسنات شوي جا الطوبيس ركبات ودازت شي نص ساعة وصلات للمعهد ديالها وتلاقات على الدخلة صاحبتها جهان سلمات عليها وقالت:صباح الخير الحب ههه
جهان:ايهاي مالكي علا هاد النشاط على الصباح ههه
وفاء:هي مع دخل الصيف ههههه 
جهان:😊😊😊تيقتك ..زيدي زيدي ندخلو عند ديك الممرضة تقرينا لكونطا 
وفاء:ههههههههخههه واااع وامي كرشي كتقتليني بديك لممرضة هههه عطي بتيساع لسيدة راه كدير هي خدمتها
جهان: هههه بنت الحرام حاكرا عليا هي انا ههههه
وفاء :مسكينة زعما نت ساهلا...زيدي زيدي راه غتجري علينا
دخلو البنات كيضحكو ويتعاودو ختا وصلو للقاعة ودخلات الممرضة ههه بغيت نقول الاستاذة وبدات كتشرح والاغلبية ممسوقش حيت اليوم لثنين ولي قبل منو الاحد والسبت سامدي سواغ هههه ..شي كيخربق فالاوراق شي كيشوف الحيط شي كيتصور ههه المهم الناس حال وعقل وشي كاع محضر هههه من غير وفاء هي لي متبعا هي ودوك الناس البسطاء بحالها لي عارفين الى مقراو والله لعتقهوم شي حد...
سالات الحصة واخيرا هههه وكلشي كان كيتفوه ههه والاستاذة كتجمع اغراضها غتخرج وهي تلحقها وفاء عيطات ليها:مدام واحد دقيقة عفاك..
دارت الاستاذة وابتسمت وقالت :نعم اوفاء اش حب الخاطر ؟؟ ياكما مفهمتي شي حاجة
وفاء مبتسمة:لا بالعكس كلشي مفهوم غير بغيت نطلب منك واحد الطلب الى جات على خاطرك
الاستاذة:تفضلي ابنتي
وفاء:في الحقيقة موضوع البحث قرب وخصني نوجد داكشي باش بغيت رأيك فالمواضيع والملاحظات ديالك 😊😊😊
الاستاذة مبتاسمة:اهاه بكل فرح ههه كن هي كانو كاع ناس بخالك مجدين وهاماهم القرايا
وفاء حانيا راسها حشمانة:😊😊😊 شكرا استاة لهلا يخطيك
الاستاذة:وقتما بغيتي علميني وانا نشوف معاك ...(سلمات عليها وتمات غادية) بالتوفيق ابنتي
وفاء :شكرا استاذة😀😀😀 نهارك مبروك
الاستاذة :bonne journée
هي سالات هي وهي تم جايا عندها جهان كتفرنس هازا حاجب وحاطاه وقفات عليها وقالت:اشاوا وليتي صاحبة الممرضة صاحبة النظارات هههه ناري خسارة عينينك زوينين غتعاديك وتولي ديري نضاضر وتقولي(وهي كتقلدها فوقفتها) سيلونص هههه
وفاء تفرشخات بالضحك وجرات صاحبتها من القب ديال الكابيتشو وكتهضر معاها:والله حتا نت عالم كون هي كنت ختي كون راني مت بالضحك شحال هاذي ههههههه
جهان:خهههه وفاء الممرضة يالاه نتقهواو
وفاء :😂😂 ...لا وقت فطور الثاني هادا
جهان:(مخسرا سيفتها )ناري ياختي كتضربي من الوجبة جوج ومكيتزاد فيك حتا غرام كون كنت انا بلاصتك كون راني وليت كنبان فداك البرنامج الامريكي ديال المحارب الحقيقي ههه
وفاء:خمسا وخميس انا فعار الله هههه زيدي زيدي
مشاو البنات لكافي ديال المعهد اوووف والعياقة تاني بنادم بيعواج بوحدو بكثرة الشيكي هههه المهم مشاو وطلبو اش بغاو وكلسو كياكلو ويتحدثو حتا وصل وقت الحصة الاخرى ودوزوها كيف اللولى وسلاو سوايع لي عندهم تمو خارجين وهي تقول وفاء لجيهان:يالاه الكارثة بسلاما نشوفك غدا
جيهان :بسلامة القحبة
وفاء :(هازا حاجب ومهبطا لاخر) منك تعلمنا تقحبين اكبيرتهوم يالاه تقاودي عليا 
جيهان :هادي هي وفاء لي كنعرف ههههه لسانها سليط
وفاء (كتضحك):وانا قلت نعاملك كي ناس ساعا نت والو عزيز عليك تصوفيج هههه
جيهان (وهي كتبعد على وفاء وكتشير بيديها):دانا متعاودا هههه سلمي ليا على حبي 
وفاء:😂😂😂 حمقا
مشاو البنات كل وحدا فحالها ...دابا ملي ساليت نوصف ليكم جيهان حيت اكيد ضاركم راسكم هههه قارئات وحافظاكم..لمهم جيهان صغر من وفاء بعام لان وفاء عاودات العام الثاني فالمعهد (من بعد ونشرح علاش) هي زوينة بيضة وعينيها كحلين وغليضة على وفاء ولكن حتا هي الفصالة مقادا...تعرفات على وفاء عام هادا ولاو اعز اصحاب حيت بجوجهم حمقات هههه ،جيهان دارهم ميسورين وبزاف ممحتاجا لوالو ..وعارفا قرات ولا لا غتخدم غتخدم ،هي متواضعة بزاففف وضحوكية وفمها خاسر كي شتو 😂😂😂وتلاقات بوفاء قالت ليها انا صاحبة بيت الدعارة ههههه

ضربات شميسة ديال مارس فدنيا وفبيت لالة وفاء ناضت كتعكز وكتلوح يديها على الطبلة لي حداها تطفي التلفون..ناضت دخلات الحمام قضات حاجتها وغسلات حالتها وخرجات لبسات حوايجها..لبست كسوا كحلة طويلة صميطات ومهويا ودرعان معريين وصدر شوي باين هههه لمهم سيدة قوقة 😉😉 دارت ايكرون وكلوس وهزات تلفون وصاك فيه كتوبها خرجات لقات الفطور موجد وباها مخلي ليها ورقا فيها بلي هو لي غيحل القهوة حيت المتعلم ديالو مريض..فطرات وخرجات للمعهد وتلاقات بجهان دوزو نهار ديالهم هي فالحصص والضحك ديالهم حتا سالاو الحصص وكل وحدا مشات لدارهم
هاد المرا وفاء بغات تمشي عند باباها لقهوة شحال هادي ممشات تزورو ...هبطات فبلاصة قبل من ديك لحدا دارهم وتمشات شوي وهي توصل لقهوة وحيت هي فيها هي الرجال هي دخلات وكلشي تلفت لجيهتها كلشي كيقول :شكون هادي؟؟؟ جايا لقهوة درجال؟؟ شو على لباس لابسة؟؟..المهم كلا كيلغي بلغاه دخلاو ديريكت عند باباها فالمكتب لفوق يالاه قربت حدا المكتب وهي تسمع باها كيهضر مع صاحبو سي علي..
سي العربي كيتنهد:اوووه اعلي راني مشطون من جيهة وفاء
سي علي:مالها؟؟يكما رجعات تأزمات؟؟
سي العربي:😯😯 لا لا ماشي هكاك مقلق عليخا من جيها خرا
سي علي:ياك لاباس؟؟
تنهد واحد تنهيدة حارة كتعبر على التعب ديالو والهم لي هاز وقال: راك عارف بلي وفاء هي نور تعيني وكنبغيها بحالا راها طرف مني ومكيناش شي حاجة اهم عندي منها ومن فرحتها ..من ورا ممات غمتها بديت كنخمم بزاااف ..كنخمم الى حتا انا مشيت لعند الله شكون غيعتني بيها😯😯😯
وفاء غي سمعات هاد "الى مشيت عند الله" وهي تطلق العنان لدموعها في صمت كتسمع للراجل لي غمرو خدلها..رباها كبرها وقراها وعمرو حسسها باليتم ..كتحسر حيت شي نهار يقدر حتا هو يمشي بحال الاخرين..
سي علي:ايوا زوجها وتنها عليها 
سي العربي: هلدشي لي قلت حتا انا ولكن انا مبغيتش نبزز عليها شي حد..اي واحد جا بغاها كتجري عليه جريا ديال الغدايد ...هاد الايام جاها واحد السيد ميسور مثقف وكنعرف باه ومعجب بيها..
سي علي:ايوا ماعليك هي الصبر اخويا دابا يحن الله
وفاء دموعها وصلو لعنقها وحسات بالذنب تجاه باباها لي همو الوحيد هو يفرح بيها وخرجت مبقتش حتا شافت باها ..خرجات والدموع فعينيها دارت نضارات شمسية ومشات الدار دخلات وزادت فوتيرة تلبكا 😭😭😭😭 حيت تخيلات ان حتا باها يقدر يموت ويخليها..حسات انه غتبقا بوحدها وهي اعدى حاجة عندها هي الوحدة
كانت عايشا حياتها مع عمتها وراجلها فرحانة ضاربة دنيا بركلة ولكن كلشي تبدل داكشي باش خدات قرار انه كيما هاد السيد كيفرحها ديما خصها تفرحو وتحقق ليه رغبتو وتخفف عليه همو.
جا باها في الليل وهضرو شوي عادي وهي باقا مخنوقا من البكا وقالت ليه بلي راها موافقا تشوف العريس..غي قالتها ليه بتاسم بتسامة عريضة وباس ليها راسها وقال ليها الله يرضي عليك..تعشاو ومشات هي دخلات لبيتها دفنات وجهها فالمخدة وكتبكي فصمت حتا مقداتش تسكت وناضت فنص الليل كدق فباب بيت باها ..حل عليها وهو مخلوع هي شافتو وهي تطير على حضنو كتبكي وتعاود وهو كيطبطب عليها ودخلها لبيت حطها فالسرير وتكا حداها وهي تخشات فحضنو بخال كي كانت كتدير ملي كانت صغيرة .كتبكي وتعاود وتنخصص وهي بكاها كيتنهن كتبقا تدير هن هنهمهننهن😢😢😢😢😧😢😢 وباها كيطبطب عليها وقلبو كيتحرق عليها حتا تهدنات ونعسات فحضنو بخال شي بنت ست سنين..
فاقت هي فصباح ولقات راسها ناعسة وشادا فالكول ديال قاميجة باها وهو كيشوف فيها ..شافت فيه وبتاسم ليها وباس ليها راسها وقال صباح الخير الاميرة ديالي
تعمد سي العربي يتصرف عادي باش ميحرجهاش وهي تبادلو الابتسامة: صباح الخير باباتي😊😊😊
الاب: حبيبة باها تعطلات فالنعاس اليوم
وفاء مخلوعة:😱😱😱 ويلي ويلي مشيت فيها ...تعطلت على المعهد
ضحك الاب على طريقة باش تقلبات ههن وقال:ههه هي كوني هانيا انا نوصل بنتي ليوم 
وفاء:😁😁😁😁
الاب:هاكا بغيتك تبقاي☺
باستو وناضت توجد راسها ..طرفات حالتها واخا لقات عينها منفوخين بالبكا ولكن على الاقل رتاحت ملي فشات قلبها لبسات سروال بيض سليم وديباردو فالبوردو ومن فوقو دارت كاب خفيف وشوية تلاكرون باش تحيد صفورية وعكر ماط خفيف فالبوردو وخرجات فطرات و صلها باها لمعهد وتلاقلت بصاحبتها الهبيلة لي هي شافتها شهقات:واعععع مال عينيك😱😱(وفاء حدرات راسها وجيهان فهماتها ) كنتي كتبكي يالك😯😯😢
هزات وفاء راسها وعنقاتها ومهبطوش ليها الدموع يمكن حيت شبعاتهم لبارح ههه وقال مبتسمة:هي تعصبت صافي
مبغاتش تحكر عليها جيهان وسكتات خلاتها براحتها ودخلو بجوج للحصة وكيتصرفو عادي ضحك وتقشاب والنميمة وطبعا السبان ههههه
وفاء:اديك الكروفيطة امتا غتجي عندي راه قربو لمتحانات
جيهان:واعععع انا كروفيطة شوفي طروف تلحم (كتهضر وتهز ليها رجليها تشوف هههه) واهععععع😭😭😭 قربو لامتحانات وخصنا نحفظو تفوووو
وفاء:ههههههه بديتي تاني هه بيت هي نعرف اش عندك فداك العقل الخميرة
جيهان:هيهي بايخة ..

وفاء:هههه واييه وحتا البحث قرب اش غنديرووو
جيهان:مممم معرفتش مازال كاع مفكرت
وفاء:خلي حتا لتما ويحن الله..ولكن ضروري تجي عندي باش نحفضو اوكي
جيهان:😕😕 واخا صافي
وفاء:ههههه عارفاك معجازة
ناضو البنات كملو الغدا ورجعو القسم يكملو الحصص لي عندهم..وفاء تناسات شوي موضوع زواجها وباباها
عمرها تخيلت انها ممكن تكون مع شي حد اخر من غير لي كتبغي ...ممتخيلاش حياتها مع شي حد اخر محباتوش معرفاتوش وزيد وزيد
ملي خرجات وتمات غاديا لدار وكتفكر وكتقول:
دابا انا غنتزوج بواحد عمري شتو ولا عرفتو ومكنبغيهش ومعرفتش واش غيعجبني ولا حتا نبغيه ..لا لا منقدر ش انا ماشي هكا...😦😦😦ولكن بابا مسكين بغا يتهنا عليا ويفرح بيا من حقو يفرح والفرحة ديالو بيدي ...ياربي راك نتا لي عالم بيا دير لي شي تاويل ديال الخير😯😯😯
على لسان وفاء
وصلت لدار مدكدكة اول حاجا كتبان ليا هي نموسيتي بغيت خي نعسي..دخلت لدار ولقيت بابا وتعجبت ممولفاش ليه اجي بكري ..دخلت وقلت لو:بابا حبيبي نتا هنا
دار شاف فيا وبتاسم بتسامة عريضى كتدل على الرضا ديالو وقال:☺☺☺ اهلا الزوينة ديال باباها..جيتي سيري بدلي خوايجك واجي تاكلي
بستو فحنكو وبتسمت وقلت:سي العربي راني عارفاك مالك مبكر اليوم هههه؟؟
شاف فيا وقال وهو فرحان:هههه عارفاني 😊😊جيت ليوم باش نزف ليك خبر زوين بحالك ..غدا غيجي الحاج محمد ومرتو وولدو باش اخطبوك
انا غير سمعت الخطبة وانا نجمع الضحكة وعبست شويا وانا نتفكر بابا وانا نبتاسم وقلت:مرحبا بيهم ☺☺معاياش غيجيو ؟؟؟
بابا باس ليا راسي والفرحا باينا فعينيه وهو يقول :غيجيو فالليل 
انا:مزيان دابا نحاول نرجع بكري باش نوجد كلشي
بابا:☺☺☺لا متكلفيش راسك هي سيري لقرايتك انا نتكلف
انا:لا احبيبي غي تهنا هادي خطبتي وانا نتكلف
بابا:لي بغيتي😊
مشيت لبيتي وتلاحت ديريكت فوق الناموسية على ظهري وهزيت راسي السما بحالا كنحاول نحيد لعيا عليا فكرت مع راسي مزيان وقلت :الخير فيما ختاره الله ااوفاء متعرفي هاد السيد يطلع خسن من داك الحيوان
نضت من بلاصتي ودخلت للدوش دوشت دوش خفيف يحيد عليا العيا ديال النهار ...خرجت لبست بيجامة خفيفة وتوني ديالها على شكل مايو وخليت شعري متلوق وفازك ..خرجت نتعشا مع الحب ههه لقيتو كالس والابتسامة مكتفارقش وجهو ..فرحت بزاف ملي شتو فىحان ياه كون عرفتك ابابا غتفرح هاكا كون راني درتها شحال هادي..مشيت عندو زقلت ليه وانا كنضحك:مال الحب ناشط اليوم ولا حيت قربت تهنا مني خهههه؟؟؟
ضحك وقال :ههه شكون قال لك غنتهنا منك نتي غتبقاي ديما تحت عيني😂😂
ضحكت وقلت:مممم دابا نشوف
تعشيت معاه وانا فرحانة ليه حيت فرحان ومقلقا على قلبي لي تنغز عليا وتحرق ..كنضحك ليه فوجهو وانا فالداخل ديااي ربي لي عالم بيا😯😯😯😯 كليت وجمعت لماعن ومشيت بست بابا ودخلت طحت دودة مفقت حتال الصباح على صوت للاغم ...سكتها ونضت لحمامي نبدل و نطرف حالتي وخرجت ديركت لصالة نفطر ونخرج للمعهد
بست بابا وجلست نفطر ...كملت وخرجت خديت طوبيس ومشيت لمعهد وصلت وتلاقيت بجيهان 
انا :صباخ الخير الحب😊😊
جيهان :صباح النور كيصبحتي مزيان؟؟
انا:الحمد لله ونتي؟
جيهان :بخير..اه راه غنجي عندك ليوم باش نحفضوا
انا:(حدرت راسي)ليوم غتجي عندي ..ولكن ماشي باش نحفضو باش.ت..باش تحضرب للخطبة ديالي
جيهان حلاو فمها على جهد وقالت:😱😱😱😱 اش كتقولي ؟؟
انا ملقيت باش نجاوب حدي ترميت عليها كنبكي ونعاود وهي تسكت فيا حتا تهدنت وبعداتني عليها وقالت:صافي باراكا من البكا ..طيبت عينيك ..اجي معايا لشي بلاصة نجلسو فيها وعاودي ليا
انا:كنمسح في دموعي لا ميمكنش خصنا ندخلو راه...(قاطعاتني)😠😠😠 باراكا عليا القرايا مغتهربش زيدي قدامي
مشيت قدامها وخرجنا شدينا طاكسي في اتجاه واحد القهوة مولفا نجي ليها معاها..دخلنا جلسنا وخدينا شنو بغينا وبديت نعاود ليها كلشي من نهار سمعتو قال ديك لهضرا حتا البارح..كنعاود ونحاول نحبس دموعي حيت عارفا راسي دموعي خايبين كنبقى نهرنن واجا ميسكتني ..
جيهان:😰😰😰الله على حبيبتي الله هادشي كامل واقع وانا مفراسي والو..الله يكون فعوانك..واشنو دابا غتوافقي ولا شنو،؟؟؟
جاوبتها وانا كنمسح دموعي:أكيد غنوافق..كون تشوفي فرحة بابا البارح فاش عرف..عمري شفتو فرحان هكاك
جيهان:ايوا ونت واش فرحانة؟؟
انا:ماشي مهم ..غنولف على داك سيد وصافي 
جيهان:😟😟😟واش هبلتي؟؟ راه صعيبا عليك
انا:انا وكلت راسي لله وربي غيدير تاويل ديال الخير
سكتات جيهان من بعدها حتى نطقات وهي شادا ليا فيدي:وفاء ..واش كتبكي حيت غتكوني لشي واحد من غيرو.؟؟
هنا هزيت عيني فيها وهوما محجرين بدموع والحقد والغضب وقلت:انا نسيتو وخلاص هو ميستاهلش نتفكرو😠😠😠😠
جيهان:صافي صافي بردي مقلت والو..انا غنمشي معاك من دايا لدار نعاونك مغتقدريش على كلشي بوخدك
انا:من دابا؟؟لا يالاه لمعهد حتا يكملو لحصص ونوجدو
جيهان:😕😕😕باز ليك لقرايا حتا فنهارك ايخ ...والله ليوم لدخلتيها ولا دخلتيها

انا:هههه ضحكتني يالقحبا واخا مافيا لي يضحك هههه واخا اليوم منمشيوش
جيهان:(فرحانة)😀😀😀واو اليوم عيد وفاء مغتدخلش تقرا ههه
انا:ههه باز لوجهك ههه تكعدي قدامي لدار
داكشي لي درنا ..مشينا خلصنا وخرجنا وركبنا فاللوطو ديال جيهان(حيت خي من ناس لميسورين عندها اوطو حمرا ميني كوبر)..تحركنا وصلنا للدار وديريكت لبيتي بدلت حوايجي ولبست بيجامة كحلة طويلة كانت ديال ماما لله يرحمها كانت كتشقا بيها..عزات عليها نصدقها وخليتها..جمعت شعري كعكة وعطيت لديك المصيبة حتا هي بيجامة ..ودخلنا لكوزينة كنوجدو او بالاحرى كنخربقو ههه لالة جيهان لي قالت ليك غتعاوني شدات تيلي كتكونيكطا وانا خدامة كنقاظ فالحلاوي ..صايبت ربعة تشكال وخرجت معاها للسوق لي حدانا نتقدا الفواكه لي غندير بيهم العصير وقلت مع راسي حتال العشية ونقادهم ..عاد مشيت جبت اللحم والدجاج من الثلاجة ومع حنا كنتقداو للسيمانة لقيت عندي كلشي درت اللحم بالبرقوق على الطريقة العصرية ماما لي علماتو لي ...ودرت دجاج محمر فالفران ..المهم كبشي واجد...تغدينا بالضحك والتقشاب ونسيت اني اليوم خطبتي على شخص كنعرف غي سميتو فقط..وصلات العشية حا بابا سلم على جيهان وتناكؤ هو وياها عزيزة عليه بزاااف حيت هبيلة ومشا يتساراح وحنا كنشربو قهوة فالكوزينة حتا نطقات جيهان:اش غتلبسي؟؟
انا:اش غنلبس فنظرك؟؟حوايجي عاديين
جيهان:(وهي كتندب)😬😬اويلي على غذايدي نت بنت نتي ...الله يمسخك اليوم خطبتك وغاتلواي فداك سروال دجين ...حتا منكونش انا
انا:هبلتي واقيلة اش غنلبس مثلا؟؟سوتيامات وسليب وندير عرض الازياء(كنهضر ونحرك ليها صدري بحال الراقصات ههه)
جيهان:لا خرجي صولو(كطنز)...بصوت خافض باش ميسمعهاش بابا نوضي تكعدي تقاودي من الطنز لبسي شي قفطان كالاك
انا:ههه نكتة زةينة ههه منين غيجيوني القفاطن وانا غي كنكري فالعراسات
جيهان:اوووف ياربي ..طلاني الله هاد العام هي بالقحبات 
انا:اديك الزاملا قادي فمك راه بابا كاين...اش بيتيني ندير مثلا؟؟
جيهان:😫😫😫دارت ليا معاك اووف...بلاتي بلاتي 
وجبدات التيلي ديالها وركبات نمرة وجلسات تهضر وتقول:شوفي بلا سلام منقصنيش..هانتي دروك تكوني غندي عند وفاء وجيبي معاك قفطاني الغوز البارد ....ماشي شغلك متعطليش(هاد جيهان مافيها صواب)
انا:معامن هضرتي؟؟
جيهان :مع ختي ..تجيب ليا قفطاني الغوز نلبسيه
انا:😕😕😕زتي فيه راه غير خطبة ...جايين هي هضرو
جيهان:تحبسي نت وتفكيرك...وراه خصك تكوني متولة وزينا
انا:(منفخة)ومالي زينة بلا والو
جيهان:بخخخ شكون قالها ليك ههه
انا:راسي ...مش محتجاك ههه
جيهان نوضي طفي على طنجرتك واجي نقادك شوي
انا:امري لله بلحق والله متكبسي ليا وجهي
جيهان:حنشوف هههه
نضت طفيت على الطنجرات وقاديت العواصر حيت المغرب قرب ...نضت دخلت خديت دوش ملي خرجت لقيت جيهان مع ختها امل فبيتي كيتناكرو سلمت على امل وجلست نشف شعري ولالة جيهان كتقلب فواحد الشانطى وانا نقول ليها :اش داكشي
شافت فيا شوفا شريرة وقالت:هادشي هو لي غيسيفك هههه
انا:راه هضرت الماكياج لا 😕😕
جيهان:ها حنا نشوفو
لبست وقادات ليا شعري سامبل وبدات كتصبغ ليا ضفاري بالاحمر ومع بيضا كيبانو يدي زوينين ...وشويا بدات تقاد ليا وجهي وانا نقولها:متقسيش ليا عيني
جيهان:😠😠😠براكا من البهلان راه هو...
انا:جيهان عافاك راه منقدرش😦😦
افأفات جيهان وقالت واخا
كملات ليا ودخل عليا بابا وكيشوف فيا وكيضحك وفرحان وقال:هايهاي على الزين...والله كون كنت كنعرف نزغرت حتا نديرها ههه
انا وجيهان:😂😂😂
انا:لهاد الدرجة؟؟
جا عندي وباس ليا راسي وقال :لي خلف ماماتش زوينة تبارك الله😊😊😊
انا دمعو عيني وهي تدخل جيهان كي الرعد:ياك اسي العربي انا واقفا هنا خايبا ياك؟؟😕😕
بابا: لا حاشا راه نت هي الكل هنايا هههه يالاه وجدو راسكم راه الناس جاو
قالها وخرج وانا بديت كنعرق وجيهان كتلبسني ..لبست وتقاديت وانا نمشي جيهة المرايا وانا نشوف راسي وتصدمت:😱😱😱انا هادي
جيهان:وي يا زين ...كون هي خليتيني نكحل ليك..عويناتك واعرين بالحكل
انا:عافاك مبغيتش ...سيري شوفي العصير واش برد وخرجيه اوكي
جيهان:☺☺اوكي 
خرجات جيهان وبقيت انا فالبيت كنشوف فراسي فالمرايا وكنتحسر على راسي..غنتزف لراجل مكنعرفوش ومحال واش نبغيه ..اووف صافي بردي اوفاء بردي
دخلت جيهان وقالت:☺☺الناس جاو وبغاو يشوفوك يالاه
انا درت وابتسمت ابتسامة حزينة وقلت :واخا هانا جايا
خرجت من بيتي مع جيهان وانا كنفكر فعادشي لي غندير...معرفتش علاش متوترش كيف طيوقع لبنات..متلفتش..والو فقط مخلوعة من المستقبل ..مستقبلي
وصلنا لصالة وانا هازا راسي..ماشي بحال الا كنت غنتخطب للي كنبغي كنت غنكون حشمانةوحانيا راسي..دخلت وشت بابا كالس وقدامو صينية تأتاي والحلوة ومعاه واحد الراجل كبير فالسن غيكون قدو وشيباني..وواحد المرا كبيرة باينا غتكون مت العريس..كانت مرا زوينة ولبسة جلابا فالزرق مغلوق وزيف فالزرق..وحداها بنت تكون كبر مني بشوي لابسة جليلبة فالصومو وتالقا شعرها

وغي مغوبشا بحالا جايبينها بزز..واخيرا واحد الشاب وسيم..حروفو عسليين شعرو عسلي قول صابغو هه وعينيه بني ولابس سروال دجين وتريكو كحل ومزير عليه...سلمت غليهم كاملين باليد ورجعت جلست حدا بابا وحدايا جيهان وهو ينطق صاحب بابا:تبارك الله على وفاء كبرات وزيانت ولات عروسة☺☺☺
جاوبتو وانا اصطنع الحياء ههه:😊😊😊لهلا يخطيك اعمي
المرأة:☺☺مكدبتش ملي ختاريتك ...زين تبارك الله
بابا:ربي يخليكم ☺☺
جواب بابا صافي نفا الاحتمال باش نجاوب واقلا حس بيا مصطنعة الخجل...شويا نطق العريس:الحاج يالاه دوي
الجاج:هههه مالك زربان خهه..(موجه الكلام لبابا)سي العربي غرضنا باين وحنا جينا قاصدينك بغينا لالة الغزالة وفاء لسيدي كريم ولدي..راه مغيخصها معانا حتا خير.لحاجة وانا نديروها فعينينا ...وحتا سلوى غتكون بحال ختها..
بابا:☺☺☺انا نشوف بنتي الا وافقات منزيدكم هي الله يكمل بالخير..اش قلتي ابنتي ؟؟؟
انا هزيت راسي وشفت فبابا وقلت:ممكن نهضرو انا وياه بوحدنا شوي
كلشي تصدم من كلامي..مكانوش كيتسناو انني نقول هكا..بعدا واحد مو بحالا بربقتيها تلقاها كتقول عليها سليطة اللسان اما واحد لالة مولاتي ختو ابتسمت بتسامة استهزاء ويالاه غتنطق مو وهو يقول هو:😊😊اهاه مرحبا
انا:بابا نقدرو نخرجو لصالة لخرا؟؟؟
بابا:☺☺بطبيعة الحال ابنتي
نضت خرجت وتصرفت عادي وتبعني هو دخلت لصالة لي حدا بيتي وتبعني كلس قدامي كيشوف فيا وانا نقول:وانا متوترة باش نكونو واضحيين وتكون علاقتنا مبنية على التفاهم والاحترام خصنا نتعرفو على بعضنا مزيان باش تسهال العلاقة بيناتنا
كريم:وهو كيشوف ليا فعيني اهاه عندك الحق
انا:(تتلقت ملي هضر بداك الهدوء)☺اكيد كل واحد فينا عندو شروط..وانا عندي شروط
ضحك ضحيكة جانبية وقال:هادشي فيه الشروط..
انا:هه اولا انا...قاطعني وهو يقول مبتسم:اذن المسألة فيها أولا زثانيا..باينا طويلة هههه
اناضحكت بخفة وقلت:☺☺انا بغيت نكمل قرايتي عاد نتزوجو ومنها نيت نتعرفو على بعضنا..وحتا الخدمة انا بغيت نخدم مورا منكمل قرايتي
كريم:صافي غي هادشي ههه من جهتي انا معنديش اشكال ..انا بالعكس غنشجعك ونقدر ماع نعاونك بمعارفي..ومغنتدخلش فيك ابدا
فرحت حيت حيدت عليا واحد الهم كبير وقلت وانا مبتاسمة باتسامة رضا:شكرا بزاف على تفهم ديالك...هادشي لي عندي☺☺☺
كريم:واش صافي غي هادشي ؟؟
انا:اه ثافي...علاش خاص تكون شي حاجة خرا؟؟
كريم ضحك وهو يقول:زعما تعتارفي ليا بشي حاجة ههه
انا:ههه بخالاش؟؟
كريم:علاقاتك السابقة مثلا
انا جمعت الضحكة وقلت:انا عمرني درت شي علاقة فحياتي...واش باغينا نهضرو فهادشي هنا؟؟
كريم:خهههه عندك الحق ..اش بان ليك نخرجو غدا؟؟
انا :واخا صافي غدا مع الربعة
كريم:اوكي..ايوا يالاه نعلموهم بقرارنا راه الواليدة تلقايها ككاعدا على العافية ههه
انا:هههع واخا
خرجنا ورجعنا عندهم هي شافونا وهو ينطق بابا :امدرا ؟؟
كريم:صافي تافقنا...العرس حتا تكمل وفاء قرايتها والخطبة من هنا جوج سيمانات
انا واخا تصدمت من قرارو ولكن محكرتش وهو ينطق بابا:😀😀😀😀 الله يكمل بخير اوليداتي
زغرتات فليفلة ديال جيهان وحتا مت كريم وناضو كيباركو لينا وفرحانيني..كلشي فرحان الا انا..واخا كريم متفتح وملقيتش معاه مشكل ولكن قلبي مفرحانش😢😢 نضت جبت العشا تعشينا فجو عائلي وانا مرفوعة جلسو من بعد العشا شوي وناضو مشاو ..خدا كريم نمرتي وخرجو ..ونضت كنجمع الروينا انا وجيهان وبابا فرحان..سالينا وطحنا دودة مهضرناش على الخطبة حيت هي عارفاني غنتقج ونزيد نبكي...

فقت فضباح وانا نغز ديك الحلوفة لي حدايا ..ناضت كتنكر دخلات سبقاتني للدوش وانا خرجت نوجد الفطور...خرجات مقادا صبحات عليا وكلسات تفطر انا دخلت نلبس ونوجد نمشي المعهد..لبست سروال في البوردو وقميجة فالبيض وخليت شعري مطلوق ودرت بونضو بيض كنبان بخالا غاديا نقرا فالباك هههه درت ايكرون وكلوس صافي...خرجت وجلست مفطر مع بابا وجيهان وكنضحكو وبابا مسكين مكبر بيا هههن كملنا مشيت للمعهد مع ديك البقرة ههه قرينا داز النهار عادي حتا وصلت الربعة وكنتسنا فكريم ادوز عليا..شويا تم جاي سلم علينا ومشيت معاه بعدما ودعت جيهان..مشينا لكافي وطريق كاملا وحنا ساكتين .مهضرتش معاه حيت كعندي منقول..وصلنا خدينا شنو بغينا وجلسنا كنتعارفو عادي..القرايا والخدمة والهوايات وداك تخربيق صافي...كريم رجل منفتح عندو 30سنة ..مهندس وميسور..عاطيني حريتي فالكلام وحتا انا تطلقت معاه هو ضحوكي ولكن انا باقي محرك والو فيا..
وصلتي للدار وتافقنا نعودو نتلقاو مرا مرا باش نتعارفو..دخلت للدار بست بابا ومشيت نوجد العشا..تعشينا وجمعت الماعن ونعست
#####
توالات الايام وتبعوها الاسابيع ..انا مرا مرا كنتلقا مع كريم..عمري صادفت معاه شي مشكل ولا دخل فيا ..واحد النهار كنت فالمعهد مع جيهان كنضحكو كيف العادة حتا صونا تليفوني هزيت ولقيتو كريم قلت:اهلا كريم سافا؟؟
كريم:لغزالة وفاء لباس عليك؟؟
انا:ههه الحمد لله ونتا؟؟
كريم:الخمد لله..اش كديري؟؟
انا:والو راني فالمعهد مع جيهان
كريم:بغيت نطلبك طليبة؟؟
انا:مرحبا
كريم:غدا عرس واحد سيد صاحبي والوالدة قالت ليا والو وفاء تمشي معاك ههه راك عارفا العيالات
انا:هههه عالام والله..واخا اسيدي نمشي معاك
كريم:(فرحان)😀😀 واش بصح؟؟.. شكرا بزااف غدا ندوز عليك مع الثمنية اوكي
انا:اوكي ان شاءالله
كريم:يالاه بسلامة ...تهلاي فراسك😊😊
انا:شكرا حتا نتا
قطعت معاه وهي تقول ليا جيهان:اش بغا هداك؟؟
انا:جيهان راه عندو سميا سميتو كريم
جيهان:(منفخة)اوك اش بغا كرييم
انا:ههه كضحكيني فاش كتقلقي ههه ...بغاني نمشي معاه لعرس شي صاحبة
جيهان:😍😍😍واو اول مرا كيدير شي حاجة زوينا واووو...ايوا اش غتلبسي؟؟
انا:(كنفكر) مممم والله معرفت ..خصني نكري شي طكشيطة ضروري..كريم ديما مكبر بيا خصني نكبر بيه
جيهان:(كطنز) كيكبرر بك ممم الله يستر
انا:مالكي كتمصي عليا فالحامض؟؟😏😏
جيهان:ممم والو والو...لمهم الا بيتي انا نديك عند واحد سيدة مولفا نمشي عندها كتكري هي الهاي كلاص☺☺
انا:لا لا ختي غتديني عند شي وخدا كتسنطح فالثمن ..عارفاني
جيهان:لا لاوالله هادي رخيص عندها داكشي وهاي والله
انا:واخا دابا نشوفو
نضنا نكملو الحصص ديالنا ...وهي سالينا خرجنا نتقداو تكاشط..غيطت لبابا علمتو لقيت كريم ديجا مدور ليه وعلمو..خرجنا تغدينا وطبعا انا لي كليت جوج دنوبات ههههن لمهم مشينا عند مولات تكاشط ..واو😍😍😍 عندها تكاشط واعرين بقيت نشزف حتا حواليت هههه 
جيهان:ايوا كي جاتك؟؟
انا:😍😍😍😍واو هادشي غزالل تلفت ههه
جات المساعدة رحبات بينا وسلمات علينا وداتنا نشوفو التكاشط ...وبعد عدة مشاورات خديت اخيرا وحدا فالكحل كلها وفيها شوي تدهبي كتبان معريا من لداخل وفقها شفاف الصدر كلو باين ..
خؤجنا ووصلاتني لهبيلة للدار ومشات..دخلت بدلت حوايجي وجلست حدا بابا كناكل الزريعة ههه وكنتفرج فالاعادة ديال الحبيبة مي...الحلقة كاملا وانا نبكي ونتنخصص ومع انا بكايا كيهرنن بابا ناض كيطبطب عليا ..عارفني توحشت ماما ..شويا سكتت ونقصت من البكا وهوما يطلقوو اغنية با الحنين ديال العروسي..هي هيا تسمعات وانا نحهد لبكا حتا ناض بابا طفا التلفازة زعفان وجا كيحزر فيا وانا كنبكي ليه فحضنو حتا بردت وسكتت وهو يقول بابا:نوضي ابنيتي نوضي نتعشاو
مسحت دموعي وانا نقول:انا نوجدو ابابا
بابا:لا احبيبتي انا اليوم عارض عليك ناكلو الصوصيص عند سي حمد
انا دغيا ضحكت وقلت:😀😀😀حلف
بابا:هههه والله يالاه نوضي لوحي عليك شي حاجة نخرجو
داكشي لي درت..نضت لحت عليا كاب خفيف وخرجت شادا لبابا فدراعو ..بحالا كنتحما بيه..بابا ديما كان هو المساند ديالي ..ديما كيفرحني وكيحضني ...كنبغيه بزاف وممنتخيلش حياتي بلا بيه😢😢
وصلنا لعند با حمد كان فراس تاع درب جلسنا فالكراسا..وختكم الوحيدة لي بنت هههه عارفينا الرجال تما بلي بابا كيجيبني معاه ملي كنت صغيرة وديما محتارمني ...كليت جوج خبزات ونص ههه وبابا كيقول لي نزيدك ومول الصوصيص كيقول زيلي البنت قربات تاكلني هههه نشطت مع الرجال الكبار..الجلسة معاهم نزاهة فوجو عليا وكملوها لينا بواحد القرعة تلموناضا شربتها وانا نتكرع هههه ونضت فحالي مع بابا كنضحكو لي شافني ميقولش هادي هي لي كانت كتنخصص قبيلة...صراحة الدنيا الغاز ..كل مرا واشنز دايرا معاك مرا مبكياك مرا مضحكاك..مرا تعطيك مرا تزويك
دخلنا لدار انا وبابا كي سكرايرية هههه كل واحد مشا لبيتو ونعس..انا دخلت حيدت الكاب عليا وانا نتسرح كنتسنا النعاس وكنفكر حتا طاح ليا هو فبالي ..بكل تفاصيل وجهو..بلحيتو

بلحيتو لي كتدكني في وحهي ملي سلم عليا..بابتسامتو لي مرا مرا كتشوفها..وبعينيه لي كانو كيشوفوني اميرة..شويا وانا نتوكد ملي تفكرت اش دار فيا وقلت مع راسي مالي محنا مخي تلقاه نساني ودار وحدة خرا ...الله ياخد فيه الحق😢😢😢 نفضت افكاري الناقصة وبقيت كنلعب فشعري حتا ترخيت وداني النعاس..
اصبح الصبح لله وحده
فقت خاطري مقجوج واقلة هي كن البكا تلبارح ...نضت خديت دوش خفيف ولبست صالوبيط كحل من تحتو تريكو نص كم بيض وكونفيرص فالبيض ودرت ايكرون وكلوس غوز خفيف وشعري جمعتو من لقدام بنضاضر .جيت كيوت هههه ...خرجت نفطر مع حبي واخا خاطري ممهنينيش..كملت وبابا هو لي وصلني لمعهد ..موالف ال كنت مقلقة كيوصلني..بستو ونزلت تلاقيت مع ديك الحزاقة تصاحبتي خهنهه تسالمنا ودخلنا للحصة وهي تقول:اهياتا شكون غيقاد ليك وجهك؟؟
انا:(بصوت خافض) غنقاد فالدار داكشي خفيف 
جيهان:نت قحبة من دوريجين 😠😠
انا:😂😂😂😂😂وا ناري هههه
جيهان:تهجريه يالكلبة...والله ليوم لفلتي غنقاد ليك انا 
انا:هههه واخا بلحق عيني لا
جيهان:(بضحكة شريرة)هههه we will see
كملنا الحصص وخرجنا لدارنا ..تعاوني جيهان ..خديت دوش دغيا مع دخلنا لدار مع الستة ونص وجات جيهان كتخلط فشي حاحة فايديها وسولتها:اش داك العجب؟؟
ومع هي مصوابى ههه جاوباتني بالتاويل:الخرا هادا...غيزيدك الزين ههه
انا:امنيتي تقادي فمك ههه واش شي ماسك؟؟
جيهان:وي زوين غيفيدك
انا:غنلحق؟؟
جيهان:(بالتمياق) خايفا تعطلي عليه ...متخافيش غتوجدي
انا:باغا غي نعرف مالكي محملاهش؟؟
جيهان:حيت مافيه ميتحمل ثقيل وباسلا هضرتو ..معرت كي كديري تستخمليه
انا:باز لوجهك
بدات كدير ليا الماسك وانا خازا راسي عندها مع جالسا وهي تنطق:اليوم غتقادي عينيك بالكحل الحر
انا سمعتها وهبطت عينيا لنحت وراسي بقا معلق وهي تعاود تقول بنضرة حزن:واش حياتك كاملا غتبقاي هكا..حرام عليك..دوري براسك ونسايه تلقايه هو نساك وممفكركش كاع ونت كتحيدي اخسن حاجة كتخليك فاتنة على قبلو
انا:(تحجرو عينيا بالدموع)😢😢😢 منقدرش اجيهان
هزات ليا راسي وقالت:شوفي فيا .
نت حيدتيه خيت هو كان كيمنعك منو واخا كيعجبك ودابا هو خرح من حياتك نسايه صافي
هضرتها حركات فياشي حاجة..ماشي حنين ولكن وكضاتني..انا عام هادا وانا كنتحسر وندب عليه تلقايع كاع ممسوق ليا ...شفت فيها بعدما مسحت طرف تعيني بصبعي وقلت:عندك الصح انا خصني نسا ..الحياة كتستمر..ليوما غنبدا من لول ...كريم ميساهلش هادشي
جيهان كانت متبعة معايا هي سمعات سميتو وهي تميق وكملات ليا الطليان وقالت:كنت غادا مزيان حتا ذكرتيه ايخ 
انا:هههههه ناري عليك..كملي دغيا
معرفتش مال جيهان مع كريم مكتحملوش ...ديما كنسولها كتقول لي من عند الله
كملات لي الماسك وخلاتو ينشف وبدات تقاد ليا ضفاري هاد المرا دارت الاسود الغامق ههه وخلاتو حتا ينشف ونوضاتني نغسل وجهي ..وهي تبدا ليا فالشعر كتنتف وتقاد حتا قادات ليا مشيطة خفيفة كلاس وبسيطة ..وهي دوز للوجه مخلاتش شي حاجة مدارتهاش ليا وصلات حتا لهيني وهي تقول عندك شي كحل حر؟؟
انا:قلبي داك المجر راه فيه واحد ديال ماما الله يرحمها
مشات قلباتو وجبداتو عطاتو ليا وعطاتنب معاه المرايا..توترت وشديت داك العود ودرت فيه الكحل الحر دوزتو من عيني وعاودت حتا بدات كتوزوز وبديت نولول سادا عين وحالا الاخرا:احححح احححح ناري حار اححح😢😢
جيهان:واتبتي راه شحال هادي مدرتيه داكشي علاش
انا باقي كنترطا ههه وكابرت وهزيت العود تاني ودوزت على الاخرة زنفس البلان الطيران والتوزويز هههه مغمضة عيني وكنقز حتا بردات ومسحت لراسي داكشي لي خارج درت عند جيهان نسولها واش صافي مقاد لقيتها حالا فمها فيا وانا كنسول فيها وهي ماشي فهاد العالم حتى قرصتها عاد توكضات وقالت:😍😍😍😍واوا واو واو يعطيك مصيبا على عنين عندك واو ....صراحة انا شتهوم هي فالتصاور مكحلين وعجبوني ولكن دابا بشااااخ مشاو فيها ناس لي فالعرس
ضحكاتني بنت الهم ههههه وانا نقول:ههههههه لهاد الدرجة
جيهان :والقوقة المقودة تي راك فوق زوينة...صراحة عينيك واعريين بزاف
انا:شكرا😊😊😊
كملات ليا كلشي ولبساتي حيت قربات الثمنية وهي حالا عينيها فعيني حتا شككاتني فراسي..دخل بابا ولقاني كنلبس خواتمي ..دخل حل فمو وبدا يقول فاعجاب:😍😍😍 تبارك الله تبارك الله والد الزين انا هه
جيهان:واناري اعمي على عينين عندها..هادو هوما حروف العرب السود ههه
انا:زدتو فيه ههن
بابا:بشاخ على كحل كيجاك الله يحجبك هه يالاه راه كريم كيتسناك التحت
تفقدت راسي فالمرايا وخرجت بالطالون طاق طاق وهو يدور كريم وبقا حال فمو شخال عاد قال:جيتي غزاااللة بزاف 😍😍😍
ابتسمت في خجل وجاوبت:شكرا😊
شديت ليه ذراعو وودعت بابا وجيهان وخرجنا لدرب حتى لطونوبيل ومع هو حاطها فراس الدرب كلشي شافني ههه وهو يقول واحد ولد جيرانا موالفا معاه المزاح:واكواك على التيتيز معانا فالدرب ومفراسيش
انا:هههههه شتي بعدا كنت حاكرني
هو:نجي نخطب ههه
انا:فات الحال بلحق فالاخرا ناخدك ههه

هو:ههههه ان شاء الله
كريم كيشوف فيا ويضحك بإعجاب حل ليا الباب وركبت دار هو وركب وهو يقول :انا لي واخد الزين ههه تاواحد مابحالي😍😍😍
انا :(حشمني الزغبي)هههه 
كريم :اقلبي وكي ندير نصوك هه
انا:ههههه
صراحة اول مرا نسمع منو شي كلمة غزل ..كانت علاقتنا محدودة ومحتارمة ...كان كيسوق ويشوف فيا ويضحك الكريق كاملا هو يتغزل وانا نضحك مكنجاوبش ههه
وصلنا لحدا واحظ الاوتيل اش غنقولكم فالكبر الله اربي فخم بزاف..حط الطونوبيل ولاح السوارت لسيكيريتي ومد لي ذراعو تشبت بيها وعينيا كديورو فالارجاء،كان اوتيل فخم بمعنى الكلمة كبير وديكورو متقون كيجمع بين العصري والتقليدي تاجهنا لقاعة الاحتفالات عاد بديت كنسمع الزدحة ديال الديدجي الاغاني ديال الدخلة معروفين الطرب الاندلوسي..دخلنا ولقينا واحد البنت لابسا قفطان ومعاها ولد لابس جبادور رحبو بينا بالتمر والحليب والابتسامة بعدها دخلنا لداخل اش غمقول ليكم لي مدارتش عرسها فهاد الاوتيل باقي معرسات ما ولو ههه كانت قاعة دارنا ×20 كبيرة ومزينا بالضواو فالابيض..الطبالي كاينين كثار والناس هي الهاي الكلاس والشياكو والاناقة واكيد لعياقة لخاويا هههه توجهنا ديريكت لواحد الطبلة فيها ثلاثة الشبان وجوج بنات كلهم محلقين على الحالة ههههه جلسنا وهوما يرحبو بينا على حساب مهرفت صحاب كريم الانتيم عرفهوم عليا وابتلسمت ليهم..الرجال حالين فمهوم فعينيا والبنات كيتغامزو حتا نطق كريم بداك الصوت ديالو تلمزاح:وعارفهت زوينة وعينيها غزالين هههه جمعو عيينيكم ههه
ضحكو كاملين وحتا انا حشمني ..لمهم حدرو عينيهم ولكن مرا مرا كنلقا شي واحد فيهم كيبلق فيا عينيه حتا وليت شاكا فراسي...
شويا بدات القاعة تعمر ..انا كنت كنهضر مع البنات الاصدقاء ديال كريم ..صراحة مفروحات ودخلو لي الخاطري ههه بقينا مجمعين حتا جا واحد الدري نوض الداري باش امشيو يشوفو العريس فبيت تبدال ههه وبقينا حنا البنات نطقات الاولا سميتها هناء:يا ختي على هاد العرس عامر تيتيز
البنت2:ههه وايبه كلشي زين الا خو العريس ...هادلك جمع زين كامل تدنيا ودين😍😍😍انا:هههههه وايلي شي تركي
البنت 1:واتي نوضي واتواركا معندهومش هاد الزين..الله يمسخ لي قال معندناش المنتوج المحلي
انا:::هههن😂😉وايلي دابا نشوفو
البنت 2:اش عندك متشوفي ههه نت صافي خطبك كريم..
انة:ههه ولكن واخا هكاك خصني نخضر عويناتي ههه
البنت 1: والله ميقول شي حاجة ههه ماشي من نوع المغيار 
####نمشيو نشوفو الشباب ديالنا لي مشاو عند العريس لبيت فين كيبدل..دخلو عليه كي العجاج قال كريم:افين اطبيغة ههه
العريس وسميتو سفيان:جيتو البغال ههه حتال دايا
جاوبو امين(واحد من صحاب كريم):بشاخ على مولاي السلطان ...لهضرة عندو سانك سانك ههه
سليم:(صاحبو الثاني)هو راه تسفل خلاص..راه لليوم غيفرع الرمانو لمنال ههه
تلاح عليه سفيان لعنقو وشدو منو وكيضحك:ههه والله ومتعود تقول لالة منال حتا نصيفط ليك لي يفرعك هه
كريم :😂😂😂ايهاي علىسيد كيغير...منال كنا كنشبعو فيها عصا فايامات الليسي نقولو لها لالة بشاخ ههههه
امين:هانتا كتشوف ههن
سفيان:دابا ولات حبيبتي ومراتي 
كريم :😂😂صاحا عنيبة
تشتتو كلهم ضحك حتا قال سليم:كاع ميقولها كريم لي جايب معاه تيتيز اصاحبي
....:شكون جايب معاه تيتيز
دارو كاملين جيهت الباب ولقاو واحد الشاب سميمر وحروفو كحلين ولحية مطراسية وطويلل وعريض شي عضلات دوخا ياربي ههه لابس كوستيم حكل وقميجة بيضة بلا كرافات خال الصدافي الاولين والشعير شوي كيبان هههو..وخوما يقولو:افين اشاشي..على سلامتك..
دخل سلم عليهم كاملين بالوجه وقال:الله يسلمكم المروض ههخ
كريم:فمك خاسر اعشيري كثر منا ههه
سليم :اش كتعرف على زلالا ههه
سفبان:كان زلال دابا عفا الله ههه
كريم :زالله منتيق هههه
ضحك عليهم الشخص لي سميتو فؤاد وقال:تجمعتو تاني القجاب عليا هههه
سليم:شوف اخويا واخا حتا يعفي عليك الله الا شتي هاد الزين ولا حتا تقيم بلاماتحس خخههه
فؤاد:(كيقاد كول ديال القاميجة فالمرايا وممسوقش)شكون هادي تاني ههه؟؟؟
امين:اش غنقول ليك...واحظ التوتا ياخويا ...سكر ..الشكلاط عندها شي عنين واناري دوخا ههه
كريم:كتمعني على خطيبتي ياك؟؟
فؤاد:😲😲 اشاوا الزلال ديالنا خطب؟؟
ترشخو بالضحك عليه وحتا هو حتا نطق:ايه اخويا ..الوالدة كتفاتني ههه
امين:😂😂الله يعطيني بحال ديك التكتيفة ههه
فؤاد:(كيسلم عليه بالوجه بطريقة رجولية)مبرووك اصاحبي الله يكمل بالخير☺☺☺
كرين:الله يحفظك اخويا فؤاد..تعلمو الكلاب الصواب
الكل:ههههههه
دقات واحد المرا لي هيا نكافة وهي تقول:مولاي السلطان يالاه لالة العروسة غتخرج كتسناك
سفيان:واخا هانا جاي..(موجه لكلام لدراري) بسلامة عليكم نمشي نشوف زماني هه
خرج سفيان وتبعوه دراري مشا معاهم حتا فؤاد لنفس الطبلة لي فيها البنات ...
####عند البنات
هناء هي شافت فؤاد جاي كيتعنكر بديك المشية ديالو والموستيم وهي تشهق حتا خلعات البنات وهي تقول:😱😱😱ناري هاهو جاي ...ياربي ...فؤاد جاي
يالاه غدور وفاء

وهي تشدها هناء وفالت وهي كتصطنع الضحكة حيت كيشوفو فيهم:☺☺☺ طمري راه جايين
ضحكت وفاء وجلست كتسنا هاد الزين صافي ايجي...شوية سمعات في اذنيها صوت رجولي مألوف مغريبش عليها..
غند وفاء
كنت جالسة مجمعا مع البنات حتا شهقات هناء بحالا شافت الجنون وانا نسولها مالكي قالت ليك البوكوص لي هو خو العريس جاي هههه صراحة ضحكاتني وبزاف هههه اواخ يالاه غندور وهي تبتني وقالت ليه ببتسامة مصطنعة:طمري راه جايين هه
انا سكت وجلست نتسنا هاد الزين شويا سمعت واحد صوت غليط ؤجولي بزافف قال سلام...الصوت ممغريبش مألوف هو اه هو مجيت فين ندور عيني ليه حتا تحلو عينيا والخلهة ركباتني هو غي شافني وهو يجمد بلاصتو ..بقا واقف كيشوف فيا وكنشوف فيه ..هو مراقبني بنضرات دهشة واشتياق وعتاب وحب كأنو كيقول توحشتك ..وانا تحجرو عيني بالدموع ووجهي صفار..وليت كنقول مع راسي لا لا ميكمنش لا لا ياربي لا بحرا مبديت نولف بلا بيه لا لا اسيدي ربي لا😭😭😭قلبي تحرك من بلاصتو كيضرب بجهد وكنترعد وكنغزل وهو مراقبني في صمت وباقي واقف حتا قال ليه كريم اجلس ..جلس اونفاص معايا وعينيه باقي عليا ونفس النضرة نضرة ندم وحنيني وانا كنبرق فيه عويناتي كنحقق فيه مزيات متبدلش بزافف فقط تفورما بزااف..بقينا هكاك شوف فيا نشوف فيك ختا نطق كريم:فؤاد هادي لالة وفاء خطيبتي
انا هي قالها هزيت عنيي بثقل جيهتو هو ولقيتو حمررر وعروقو خرجو ويديه تعصبو..كنعرفو مزيان فاش كيتعصب ..مكرهش يقلب الطبلة وهو يغمض عينيه ووقف ومد يديه وقال:متشرفين وفاء☺...انا بقيت شوي عاد مديت يدي وكنترعد وعيني فالارض مقديتش نشوف قيه..خايفا لنعاود نرجع لنفس الحالة..هي قست يديه لقيتهوم سخونين نفس الدفء الي كان فيهم عام هادا حس بيا متوترة ضغط على يدي وانا نهز راسي لقيتو مطلع حاجب وهاز لاخر ..جريب يدي بسرعة تفاديا لاي احراج..مخرجنا من سهوتنا هي صوت البنت الاخرى لي معانا لي سميتها سمية قالت:ايهاي على سي كريم ولا يقول لالة ههه
ضحكز كاملين الا انا وياه فقط بتاسمنا بتسلمة باينا بزز وقال كريم:😂😂😂لا راه هي تستاهل بلحق راه سميتها هاكا لالة وفاء العلوي
امين:سمعني على السميا زينا بحال مولاتها ههه
شفت فيه وبتسمت ليه وكريم حتا هو ولكن داك بوعو خنزر فيه واحد تخنزيرة انا وخلعاتني ..نضت من حداهم بحجة الحمام وناضت معايا هناء ..دخلنا لتواليط انا مشيت دخلت لوحدة وسديت الباب ولاول مرا تلقت العنان لدموعي بلا منهرنن 😢😢😢كنبكي فالسكات صافي وصلات فيا العظم..علاش اربي علاش..علاش القدر عاود لقاني بيه ...دمر ليا حياتي قهرني فصحتي وعاود مزال شتو 😢😢😢اربي هنهنهنهنه😢😢😢 جلست شوي حتا سمعت هناء كدق عليا قلت ليها باقا معطلة تمشي تسبقني..فعلا مشات وانا بقيت نبكي في صمت حتا عييت نضت مسحت دموعي وبديت نقاد فالماكياج وفعيني قدام المرايا واخا راهم حمرين وباينين..من بعدها خرجت ومشيت لحداهم في الطبلة وحلست زحتا واحد مرض ليا البال من غيرو هو شاف فيا مخنزر ودار ليا بعينيه مالكي؟؟ خنزرت فيه ودورت وجهي لجيهة العروسة لي دخلات والانظار عليها...كانت زوينا ولباس واتاها ..والموسيقى خدامة ديال حنيو الالة حنا وحناني لالة العروسة بجاه العالي (تخية لي قراها باللحن)..جات هي والعريس كوبل رائع..العريس هي شتو عرفتو خوه حيت كاين الشبه ،دخلو كلسو فبلاصتهوم والانظار كاملا عليهم الا هو كان حاضيني غي انا ومخنزر ..لي شافو يقول انا لي سباب حتا نفارقنا..كنكرهو من قلبي..عذبني بزااف عمري نسمح ليه😢😢😢
واحظ الشوي بدا الشعبي واراك للحيحة البنات ناضو والدراري وشي بنات كيجيو بلعاني حتا لحدانا ويلوزوو زعما شوفونا يخخخ ..والبنات بغاوني نشطح معاهم ولكن انا تحججت بكريم زعما راه ميبفيش وهو راه كاع ممسوق ليا ..
الناس كيشطحو وفرحانين ..الماكلا والشراب وكلشي موجود والدراري صحاب كريم ناضو يشطحو وحتا كريم ههه رونوها بقيت هي انا وسمية وفرؤاد في الطبلة حيت سمية عيات وقالت تتساراح ..شويا جا داك المغني لي جايبني مع الديدجي حدانا وكيغني زعما باش نغرمو عليه هههه انا غي شتو عرفتو هو كيغمزني نوض نشطح ههه هو كان قرا معايا وكلس يغني وانا نضرب بيدي حتا وصل لديك لعبا لي كتعجب المغاربا (اتوب اتوب..اتوب علينا كاملين) وبدا (اتوب توب) ودير لميكرو جيهت الناس ويجاوبوه ههه وهو يقول بعينيه لدوك لي معاه ينقصو الموسيقة وقال وهو يشوف فيا:يتوب علينا كاملين ..والاخرين كيعاودو من وراه يتوب علينا كاملين ويقول:وفيق دوك نايمين ههه
ضحك وهو يشوف فيا وقال فالميكىو :حنا هي لالة وفاء خي لي بيناها تفيق ههه ..الناس كيضحكو وهو كيعاود يقول اتوب اتوب ونوضني بيديه وجرني لبلاصة الشطيح وعطاني موزون وشاف فيا فتحدي زغمزني وانا نضور لعند كريم لقيتو كيشطح وعاجبو الحال وشفت داك بوعو كيخنزر ...خنزرت فيه وحزمت ودخلت حدا هناء وسمية ومع حزمت على مسعودة ههه زلات كتبان وبدا الديدجي:خادي فخاطر لالة وفاء ههه اتوب علينا ....وبدا هو يحيح وانا نشطح ونلوز ونعوج

ونعوج مسعودة ونركز حتا كلشي كيشوف فيا ومبهورين حيت شطيحي متقون قول عليا شيخا هههه وانا داك الشطيح كنبرد فيه سمي تغدايدو حيت تفقصت وتنغصت ومنو...بديت هاك بالاك ..اغنية مورا الاخرى حتا بردت ززقتما درت نشطح مع كريم مع سليم ومع امين ومع لي كاع مكتعرفو لمهم نشطت مزيان هههه حتا بردت هوايشي وانا نلقا فؤاد كيخنزر كون كانو عينيه فردي كون قتلني..نضراتو قرطاس بلحق متسوقتش لبه حيت عام وهو كيكذب عليا وانا عام وانا كنبكي عليه...
كملات واحد الاغنية بالله ينصر سيدنا سيدي محمد هههه وبركزتي ومشبت نتساراح فبلاصتي ومشفنش فيه حتا جاو دراري وقال امين:ناري عليك وكتشطحي من نيتك انا بعدا بردت ليا الغدايد
انا:😂😂😂😂😂😂
سمية:ربي قولي ما السر؟؟لي شافك يقول شيخت هههه
انا:ههههه لواه بزاف كريم واش بصح؟؟
كريم :بربي تا واحد ممزوح انا لي واخد الزين
انا:(بابتسامة صفرا)😬😬 ياك
كلامو كان كافي باش يردني للواقع زيفكرني اني معاه وان هاد بنادم لي قدامي هو الماضي ديالي هو قلبي قبل سنتين..😢😢😢 نطق فؤاد:(بنبرة استفزازية)تبارك الله على لالة وفاء ...شطيح عندك مقاد
انا هي هضر معايا ضربني ضو خاصة بديك النضرة لي انا بوجدي لي فهمتها وجاوبتو بلا منشوف فيه:الله يبارك فيك
بعدها هو ناض بحجة انه غيشوف الوالدة ديالو هي مشا وهو يبدا موزون اخر وناض كلشي كيشطح وانا مامن العاجزين نضت ..معرفتش علاش واش حيت بيت نفقصو ولا بيت نحاسبو على الكذوب ديالو لمهم نضت وشطحت تاني وحيحت بلمزيان حتا سالات ورجعنا تاني لبلاصتنا والبنات دارو السبة بالماكياج لحمام وانا رافقتهم...هي دخلنا وهي تقول هناء:😍😍😍اربي ماهذا انا ساليت
ضحكات سمية وقالت:ربي الى ما سكتي شتي على تباثة 😍
انا اكتفيت اني نقاد عكري في المرايا ونشوف قيهم زهي تنقز هناء:وفاءالزين ههه عفاك علميني نشطح بحالك
انا ابتسمت وقلت:☺☺ره حتا نت كتعرفي تشطحي
هناء:لا ماشي بحالك نت متقون عندك الشعبي والتلواز هههه
انا:ولاشباغا تعلمي؟؟
هناء:على قبل فؤاد
هنا وفاء تقرصات وباش متبينش دارت للمرايا كتقاد فشعرها وهي تعاود تقول هناء:كان ميشوف فيك قبيل واقلا عجبو شطيحك😍😍😍
انا:(في خاكري)عحبو ههه قول بغا ينوض يدبحني تفوو
انا:هه هبيلة
كملنا الماكياج وخرجنا وتلاقينا مع واحد البنت زوينة بزاف وبريئة ضحكات لينا ورحبات بينا وقالت:وينو جيتو غزالات😍😍😍
جاوبناها كاملين مع ابتسامة:ربي يخليك حبيبة
هناء:وفاء هاذي لبنى خت العريس
انا تلغات بتسامتي ورديتها وقلت مصطانعاها:متشرفين احبيبة
لبتى:مرحبا بيك وتبارك الله عليك راك كنت غزالة فالشطيح انا وحمقتني وعساك خويا
انا خرجو عينيا حتا بغاو يطيرو وهي تقول بحلا فهمانتي:كريم احبيبة ..راه بحال خويا ☺☺
انا:اه😬😬
هناء:حبيبا فين البلاصة فين كتبدل العروسى؟
لبنى:راها لهيه لخر على يديك ليمن
سمية:اوكي غنمشيو نشوفوها ههه نوتروها شويهههه
انا:هههه واخا انا غنسبقكم لطبلة
مشاو البنات وهي تقول لبنى:حبيبا تسنايني نمشي نقاد مكياجي ونمشو بجوج اوكي؟؟
انا واخا جاني طلب غريب ولكن قبلت مع ابتسامة:اوكي☺
بقيت قدام لتواليت كنقلب فالتلفون وكنتسناها حتا حسيت بيد كتجرني من واحد الكولواار وغاديا بيا ملي حققت مزيان لقيتو هو جارني من يدي وغادي زربات ومعا الكولوار خاوي ملقيت لي يفكني وبديت :اييه تلق مني...البشار بعد مني...وطلق
والو كنهضر مع الحيط وصل لواحد البيت وحلو ورماني من يدي حتى تعكلت وطحت بالطالون ورجليا ضراتني وانا نهز فيه عينيا بغضب وقلت:😠😠😠😠 حيوان اش باغي عندي؟؟
هو كتفى يطلع تنهيدة سخونة بحالا كيبرد بيها غضبو ..كون مخفت نكدب كون قلت وصل صهدها لعندي هه شاف فيا بدوك العينين لي زلاو عامرين غضب ولا كي البركان خصو هي فين ينفاجر وجا قرب لعندي وهزني من درعاني حتال لعندو وانا رجلي كتحرق وقال في غضب والعروق خرجو ليه :😠😠😠اش كيقول ليك داك الراس عندك حتا نايضا كتشطحي؟؟؟
انا:(كنحاول نفلت دراعاني منو والو كارز عليهم)ونتا مالك؟؟شكون نتا باش تحاسبني؟؟😠😠😠ديها فراسك...
جمعها معايا بواحد التصرفيقا حتا خسيت براسي كندور على الكرة الارضية وكنسمع لهضرة لي قال لي بابا فعيد ميلاد 9 هههه وهضر وهو كارز على يدي:غادي نضرب دين مك الا باقي قلت هكا سمعتي ..اش كيتسحابك راسك ..نضت كتشطحي وتعوجي فكرك قدام لي يسوا ولي ميسواش ..وعباد الله منضرين فيك ..دوي(كينخضني ويهدر وانا باقي كاع مفقت من حر التسرفيقة)عاجباك تعقدي عليها دوي..مفرحاك..تقحبنتي مع راسك اه
هي سمعتو قال هتديك الكلمة وانا نتوكض ليه وقلت وانا كنغزل بالعصب والغضب:حدك تما الحيوان..اش كتسحاب راسك شكون نتا..بابل..راجلي خطيبي..والو لاش كدخل فيا..
وحاولت نفلت منو ولكن هو كارز حتا حسيت بدراعي تفلعصو وبديت ندمع ونشوف فيدي ونهضر:اش باغي عمدي...ديها فراسك ..خطيبي ومقال هاكا تجي نت وتقولها ..باشمن حق..طلق مني الحيوان..شكون نتا حتا تحاسبني؟؟
فؤاد:(معصب)انا لي غنفرع ديلمك هنا وميسيق ليك خد خبار..باغا تحمقي مي كثر مانا حمق بيك..دوي

كثر ما أنا حمق بيك ...دوي
انا اكتفيت فقط بالبكا حيت يديا ضروني بزاف ورك ليا عليهم حتا تفلعصو ...وبلا منقول ليكم بكايا افيك تهنهين بقيت عليه بالبكا هو كيزيز وانا نزيد فالوثيرة تلبكا ....
فؤاد:دوي دابا فين داك الحلوق لي كان كيجاوب الديدجي😠😠😠😠
انا:هنهنهن😢😢😢ههنهنهنه 😢😢😢 ط..طط..طلق مني عفااااا...ااك ضريتيني 😭😭😭😭
طلق مني وانا طحت الارض رجلي ضراتني ويدي كيوعتوني وجلست كنبكي ونتنخصص مع التهرنينة لي كتقطع في القلب دار عندي معصب كثر كن لول وهبط الارض وطلع ليا فكي عندو بيديه مزير ...انا قلت هادا كيفلعص كل جهة بوحدها
فؤاد:ومعكرة زالشعر والعينين ...راجل هداك لي جايبا معاك..دوي بربي وتعاودي تنوضي من بلاصتك حتا نقطح ليك رجليك الكلبة😠😠😠
انا وصلات فيا العظم وقلت ليه:ط...لق...طلق مني...كن...كن..كنكرهك كنكرهك(كنقولعا بالغةات وهو عاد مزاد تعصب وزير على فكي زانا كنتنخصص والمكياج كلو تجلخ وليت حالتي...حتا دخلات لبنى باينا سمعات الصداع وهوما يخرجو عينيها ...جات دفعاتو عليا وحطاتني فحضنها وشافت فيه مخنزرة وقالت:😠😠😠😠هادي غنهضر هي معاها دوب...اش هادشي درتي فالبنت حرام عليك...دارت عندي كتسكت فيا وانا كنبكي ونتنخصص وهو كنشوف فيه ولا حمر وعينيه باقي خارجين وكيمسح على شعرو بيديه بعصبية ويشوف فيا مخنزر
لبنى:😠😠😠بلحق انا لي حمارة جبتها حتال عندك...عام ونت كتقلب عليها كي الحمق تجي دابا وتعصيها هاكا ...
فؤاد:(بالغوات)مشتيش دين مها كي كتدير ...نايضا كتشطح وتلوز وفين ماكان شي زامل تشهاها😠😠😠
لبنى:هضر بالاداب ابناظم ...وزايدون المناقشةماشي بالعصا...ندمتني(ضارت عندي ولقاتني باقا كنبكي هنهنه ونشهق )صافب احبيبتي صافي بردي ....
انا شفت فيها بالترجي وبعينين دامعين:ديني فحالي عفاك خرجيني من هنا😢😢😢😢 وزدت فالبكا😭😭😭😭
لبنى :واخا احبيبة نوضي معايا
يالاه وقفاتني وانا نقول بألم اه وبكيت هنهنه شافت فيا قالت لي:واش قادرا تمشاي😯😯😯؟؟
شفت فيها وقلت بعيني لا وهو شافني وتم جاي لعندس وانا نتخبا منوراها واستحميت بيها زعما متقيسنيش ...وبقا واقف فبلاصتو وهي تقول ليه هي ودايراني منوراها:خرج فحالك براا.اش هاد الحالة ؟؟لاش ضاربها فلعصت البنت😠😠
خنزر وقال:دايراها قد راسها تستاهل...(تعصب) جايا كي شيخات ونايضا كتلوز..(ودار ايديه بغا يجرني عندو وانا نغوت وتخبيت فختو)اجي تقاودي مقايسكش😠😠😠
انا:الله ياخد فيك الحق..قهرتني مكفاكش هادشي لي درت عام هادا جاي دابا تقتلني وتهنا ياك ...بعد مني وخليني عليك الحيوان😭😭😭
هو هي سمع حيوان وحا صاعر بغا يجرني من يدي وانا نهرب من حدا ختو ودفعاتها عليه ويالاه غنهرب من للباب وهو يشدني من شعري رضني فين كنت وبغا يهز يديه اضربني شداتها ليه ختو وغمضت عيني كنتسنا الدقا تحيني ساعا الحمد لله عتقاتني لبنى وهو غمض عينيه كيبرد على راسو وقال للبنى:ديها من هنا لدارهم😤😤😤
انا:لا...غن...غنمشي مع كريم😢😢😢
فؤاد:(صاعر)غنضرب مك لهداك الفك
رجعت تخشيت فلبنى وشداتي خرجاتني بطكشيتي من واحد الباب اللور وانا باقي كنبكي وترعد ممتيقاش ان هذا هو فؤاد لي حبيت..تبدل بزاااف..ولا عصبي وفمو خاسر ..تصدمت فيه..مظنيتش ايكون هاكا..كنت راسما ليه صورة زوينة عندي الاداب والاحترام..ولكن هذا لي شفت دابا والو من فؤاد القديم..عصبي وقليل الاداب وحمار حيت ضاربني..عمر شي حد حط عليا يديه حتال ليه وزايدها بالسبان..معرفتش واش هادا خو وجهو الحقيقي ولا شنو..اكيد هو وجهو ..حتا وجهو كذب فيه ايخخ كنكرهك افؤاد الله ياخد فيك الحق😰😰
ركبت فالطونوبيل حدا ختو وانا مدكدكة..عضامي ثقال عليا وكيضروني قول تغتاصبت..عيني حرقونب بالدموع وقلبي ضارني بغيت هي امتا نوصل لدار باش نبكي فوق ناموسيتي 😭😭 لبنى مسكينة كتسوق وتشوف فيا بحسرة بقيت فيها بزاااف وانا هي كنبكي ومكمشة فحوايجي ...خايفا..بغيت هي نمشي عند ماما لفوق ونرتاح على الاقل مغنعيش هادشي
عمري تخيلت فؤاد هاكا ...الضرب والغضب والسبان ..دغيا دمر الصورة لي كنت راسما ليه..
طول الطريق وانا ساكتا وكنبكي وكنعت ليها الدار هي بيدي حتا وصلاتني وجيت نهبط وهي تقول:وفاء سمحلي ليا
انا:تصبحي على خير😭😭
دخلت لدارنا بشزي ومشيت ديريكت لبيتي ودخلت وجهي فالمخدة وبديت فالبكا واتنخصيص فصمت ..عرفتي شحال صغيب تبغي تغوت وتبكي ومتقدرش تخاف الناس اسمعوك..انا هاكا حسيت كنت غنتفركع نبكي ونعاود ونضرب فراسي باش نبرد الفقصة...دخلت للدوش حيدت ديك التكشيطة ودخلت تحت الرشاشا عريانا طالقا الما وزاكيا كنبكي فصمت..بقا فيا الحال من بعد عام تلفراق مسولنيش كيدايرة..كيدرت بلا بيه ..جا كيضربني انانيتو سبقات حبو ليا..كنكرهو وعمرني نسمح ليه..كنبكي ونضرب في الحيط حتا تهديت خرجت لويت عليا البينوار وتسرحت فوق الناموسية كنبكي في صمت ...نضت نبدل حوايجي وانا مهلوكة وشفت يدي زرقين ..دغيا تصورو صباعوو وباينين وعاطييني صداع😢😢😢 دورت وجهي على المرايا ومسحت دموعي وبدلت حوايجي

بدلت حوايجي بزز حيت فعلا ايدي ضروني ورجلي كتحرقني..تلاحت على الناموسية كنبكي حتا سمعت التلفون كيصوني هزيت صاك وجبدتو ولقيت كريم ...اكيد غيكون كيقلب عليا جاوبت بصوت عيان:الو
كريم:وفاء واش بصح مشيتي ؟؟
انا:اه
كريم:سمحي لي مديتكش...كون ما فؤاد لي قال ليا راه طحتي بطالون وتقصحت وداتك لبنى منعرف
انا:(في خاطري)الله يعطيه مصيبة تصيبوو...معصيني وزايدها بالكدوب
انا:لا ماشي مشكل..عادي
كريم:يالاه تصبحي على خير ...غذا ندوز نشوفك اوكي بب
انا:تصبح على خير
قطعت معاه وعاودت كملت بكايا على الجهد حتا سخفت وغيبت وشوي عاد وكدت وانا كنشهق فصمت باش بابا ميسمعش..عذبني بزاااف هاد السيد عمري نسمح ليه..نعست وانا مكمشة فراسي باقي غيا الخوف وعظامي ظروني بزاااف والدموع على خدي..مفقت حتال الغد ليه ومع كان الاحد مقريتش..
ضربات شمس في بيتي وحليت عيني واول حاجة تفكرتها هي هو...ونضت مخلوعة ...دخلت للحمام وانا مدكدكة..اكيد من العصا تلبارح..هي وصلت حدا المرايا وانا نتخلع ..تحت فمي مجروح وعيني منفوخين بالبكا😢😢 بقا فيا راسي..جاب ليا الله بحالا راني يتيمة ومكينش لي يدافع عليا..طخت الارض كنبكي ونتنخصص حتا بردت شوي ونضت كنعرج برجلي غسلت وجهي وخرجت كنغرج من البيت..هي حليت الباب وانا نلقا بابا كيحط اتاي على الطبلة دار لعندي وقال وهو مخلوع:😱😱😱بنتي مالك؟اشهادشي فوجهك مالكي؟؟
انا:متقلقش احبيبي راه هي البارح زلقت بالطالون فالدروج ديال القاعة وطحت على وجهي
كنهضر وعيني محجرين بالدموع وهو يقول:😦😦😦الله على بنتي الله...وكيبقبتي دابا شوي
انا:اه ابابا راني دابا مزيان والله
شد ليا فيدي وبالظبط فالبلاصة لي شدني منها داك الحيوان واخا ضراتني ولكن صبرت باش ميعيقش بابا..اربي حتال امتا غنعيش حياتي هاكا بالكدوب
جلسني بابا وعينينه باين فيهم انه متيقش هضرتي ولكن استسلم لحججي..فطرت معاه وانا مدكدكة كناكل بزز حتا صونا تيليفوني دخلت لبيتي وهزيت لقيت جيهان وجاوبت بصوت عيان ومخنوق:الو
جيهان:افين الحب؟؟كيداز العرس؟؟
انا:جيهان تقدري تجي عندي لدار ليوم(عيني عمرو بالدموع)
جيهان:(مخلوعة)اويلي مالكي؟؟
انا:عفاك جي عندي انا فالدار الله يخليك محتاجة ليك😢😢😢😢
جيهان:واخا واخا هاني جايا
قطعت معاها وانا نمسح دمعتي وخرجت مبتاسمة عند بابا..وليت كنمثل عليه هي باش منشطنوش معايا وحتا الى بغيت نقول ليه اش غنعاود ليه..نقولو راه لي كنت كنبغي شحال هادا رجع وضربني 😢😢😢..لي كنت كنتوفا عليه بغيتو من قلبي وكذب عليا جا وبلاصة ميعتذر مني ضربني..كرهتو كاع داك الحب لي كنت كنكن ليه مشا..
سمعت الدقان في الباب ونضت بغيت نحل ولكن سبقتي بابا ..ودخلات جيهان كي العجاج انا باش منعيقش قدام بابا غمزتها وهي طمرات حتا خرج بابا وانا ندخلها لبيتي وجلست فوق الناموسية مسرحا رجلي..هي جات عندي وسولاتني مالك وانا نتلاح عليها كنعاود ليه ونتنخصص ...بقا فيا الحال حيت مغوتش البارح ومبكيتش براحتي...خرجت كلشي بكيت قدامها وكنشهق
انا:مسو..مسولنييش كيدايرا😭😭😭 خدو ضربني اجيهان هنهنه😢😢 ضربني الحيوان😢😢😢
جيهان(معصبة):حمار حيوان ونت لاش سكتي ليه؟؟😠😠
انا:مقديتش عليه..كان كي الغول😭😭 عييت اجيهان بغيت نرتاح بغيت مرتاح منو😢😢
هي كتافات انها تعنقني وتطبطب عليا ودمغات معايا بقيت فيها بزاااف..وملي سكت قاست ليا ذراعي وانا نقول بألم:😢😢اه
جيهان:مالكي؟؟
انا :يدي شدني منهم ضروني😭
حيدات ليا الكاب وهي تشهق وخرجات عينيها لقات صباعو مطراسيين وزرقا ليا البلاصة..وهي تقول معصية:حيوان😠😠
انا:مشتيش رجلي 😢😢😢
جيهان قربات لرجلي ولقاتها منفوخة هي قاستني فيها وانا نتنغص..بقيت فيها وعنقاتني حتا بردت وقررت تديني لسبيطار ولكن انا رفضت وطلبت منها تقلب على الفارماسي لي فيه الحراسة وتجيب ليا شي بوماض ندهن بيها رجلي حيت ضراتني..فالاول عارضات ولكن قنعتها بحجة اني عيانة..وفعلا جابتها ليا وخلاتني نتساراح وخرجات شوي ورجعات تودعني حيت بابا جا وهي خصها تمشي:حبيبتي عمي راه جا ..انا خصني نمشي..غذا ندوز عندك فصباح باش نوصلك معايا للمعهد اوكي😊😊
انا:اوكي بب شكرا بزاف
جيهان:مبسناتناش حبي☺☺
هي خرجات وانا جلست كنفكر فحريرتي ....وتفكرت كريم وبلي فؤاد صاحبو...اربي كون معايا بقيت فكرة تديني وفكرة تجيبني حتا ترخيت ونعست مفقت هي على صوت الاذان تالظهر نضت بزز كنعرج وغسلت وجهي والحزن باين على وجهي..
خرجت وانا نلقا بابا فالصالة مع كريم ..شافوني وبتاسمو وناض عندي كريم مد يديه سلم عليا وعاوني نجلس وهو يقول:وليتي شوي؟؟؟
انا:الحمد لله متشطنش راسك
كريم:علاه الى متشطنتش عليك عليك على من غنتشطن☺
انا:😊😊ربي يخليك
بابا:كريم ابنتي جا باش اخرجك شوي ...ليوم الاحد مخصكيش تبقاي فالدار
انا:هي عذرني منقدرش..رجلي كتحرقني بزاف
كريم:متشغليش بالك..راه غنمشو فالكونوبيل وعندي ليك مفاجأة ...مغتعيايش بزاف
بابا:سيري ابنتي ...فوجي شوي
حشمت نرفض مزال ..وانا نقول واخا نوجد راسي..ومشيت كنعرج لييتي

نضت كنعرج لبيتي وحليت الماريو وانا نهز سروال دجين كحل قصير وتوني نص كوم بيض وزدت كاب خفيف باش ادركو ليا ذرعاني لي زرقهوم لي داك الحيوان...درت ايكرون ومع عيني كان باقي فيهم الكحل مزدت والو من غير كلوس..ولبست صبيبط بيض على قبل البانضة لي دايرا لرجلي وهزيت صاكي وخرجت انا وكريم..حل ليا الباب تطونوبيل ومشينا...
####فلاش باك
كريم ناعس حيت عيا من العرس تلبارح حتا فيقو تلفونو كيصوني جاوب بصوت ناعس :الو
فؤاد:باقي ناعس اصاحبي؟؟
كريم:هادا نتا الحزاق...اش باغي ههن؟؟
فؤاد:وكد بعدا وسمعني..عارضك اليوم 
كريم تحلو ليه عينيه دغيا ملي سمع عراضة وقال:شي ليلة تاني هادي😀😀
فؤاد:العن بوك وبو تفكيرك المقود هههه...لا ماشي ليلة خي بغاو الدراري اودعو سفيان حيت غيسافر لشهر العسل اليوم فاليل ومن تما لفرنسا وغيتجمعو اودعوه..
كريم:اه..وغيكونو البنات😁😁
فؤاد:تمشي تقود لا...نوض تكعد جيب خطيبتك وخلط علينا لمزرعة
كريم:ضروري وفاء ههه نحاف نلقا شي توتا تما هه ونصدق ضايع😂😂
فؤاد:ربي نتا عندك داك توت كلو وتشوف فغيرو☺☺
كريم:نسلفها ليك ههه
فؤاد(معصب مي مخبي عصبوا):وزعما متردهاش فوجهي
كريم :😊😊كلشي على قبل الصحاب
فؤاد في خاطرو:ينعل بو تفكيرك..جالس تتراهن معايا على حبيبتي بلحق الى خليتها ليك خرا عليل
فؤاد:هههه عارفك سخي لمهم من هنا ساعتين نتلقاو فالمزرعة
كريم:ههه يالاه تلاح
فؤاد:بسلامة
قطع معاه كريم وناض دوش وفطر وليس حوايجو وتوجه عند وفاء..والباقي راه عرفتوه
###نرجعو عند وفاء
الطريق كلها وانا ساكتا حتا كيسولني كريم ولا يهضر معابا عاد كنجاوب..مكان عندي خاطر لوالو..يكفي لي انا فيه😢😢 وحتا المفاجأة مسولتوش عليها..بقا سايق شحال وهو خارج على المدينة وداخل جيهت لفريمات لي فالخرحة تلمدينة وانا نقل:واش بافي موصلنا؟؟
كريم :هاحنا قربنا ازين هههه
وصل لقدام وحدا من دوك الفيلات هي الباب كان راقي عساك لداخل...كلاكصونا وتحل الباب اوتوماتيك..ودخل بينا وانا نسولو:كريم فين هنا؟؟
كريم:(كيسكت الطونوبيل وكيحيد الصمطة)نزلي ههه هادي هي المفاجأة
انا شحال من فكرة ضربات فىاسي منها انه غيتعدا عليا ههه وكلت امري لله وحيدت الصمطة وحل ليا هو الباب وشد لي فيدي وانا نزل والحريق فرجلي ..هي هبطت بان ليا لباب تلفيرمة كبير ومصبوغ بالقوي ومنقوش بطريقة تقليدية..مي مدخلناش منو ..درنا من جيهة الجردا..انا هي غاديا ونعرج حتا قشعت من بعيد فؤاد زشهقت ومغاديش نبالغ الى قلت تخلعت حتا حسيت بالبولة غتهبط..محدنا كنقربو وانا كنعراق..كنشوفو هو جالس فوق الوتوي وحداه ختو ودراري والبنات تلبارح وواحظ البنت خرا مشتهاش البارح..درت عند كريم والقفقافة شاداني:علاش مقلتيش ليا بلي جايين عند صاحبك؟؟
كريم:(مبتسم) مغتبقاش مفاجاة احياتي☺☺☺
انا في خاطري: صافي اليوم يكمل داكشي لي خلا البارح..اليوم اكيد غيقتلني😢😢😢
وانا كنضارب مع تفكيري وصلنا حداهم ..كلهم بتسمو وهزو راسهم فينا وسلمو علينا..انا بديت كنغزل وانا واقفا ختا قال لي كريم:جلسي احبيبة باش متعيايش☺☺
انا جلست حدا لبنى وعارفا هينين فؤاد مختارقيني ومتفادياهم قالت ليا لبنى فودني :حبيبة كيبقيتي مزيان؟؟
شفت فيها فحزن وجاوبت وانا حادرة راسي:اه مزيان شكرا
هي فهمتني دغيا وسكتات حتا نطقات سمية:وفاء كيبقات رجليك؟
انا:شوية الحمد لله😊😊
كنهضر وانا مرعدا حتا هزيت راسي ففؤاد لقيتو كيخنزر فيا باقي ..صراحة خلعني شوفاتو كترعبني..عمرو كان هكا
بقاو هوما مجموعين وانا هي ساكتا حتا عيات ليا رجلي وهي مجموعة وانا نسرحها وبانت زرقة شافتها لبنى وخرجات عينيها وقالت لي فودني:واش من الدقا تلبارح؟؟😱😱
انا:براسي زعما اه😢😢😢
حسيت براسي بقيت فيها وحطات يديها على كتفي بحالا كتواسيني والحيوان مجمع بحالا مدار والو..ييخخ على رجل كيداير..صدق اناني ومتوحش..وانا كنهضر مع راسي لفيت هاديك البنت لي زايدا عليهم كتشوف فيا بنضرات فشكل مفهمتهومش..حتا انا شفت فيها واخا الشمس قهراتني فعينب ومجايباش نضاضري.. شوية وهي تنطق:واو واو واو ناري على عينين خطيرين بالشمس😍😍😍
هيا هضرات وكلشي دار عندي كيشوفو ليا فعيني وانا توترت وهبطهم حيت تفكرن بلي عيني فالشمش بالكحل كيفتنو..وهو ينطق سليم:😍😍😍واختي على عنين..والله كون مكنت خطيبة كريم حتا نتزوج بيك ههه
ملشي ضحك حتا انا ضحكني..كيعجبني لي يشكر عيني ههه وانا نقول:ههههه زعما انا نقبل بيك هه
الكل:ههههه
امين:ههههه غطاتك العصير اخويا ...نوض تلاح فالابسين تبرد هاد الحركة ههههه
كريم:بشاخ على قمعة ههه😂😂😂
انا:لا مقمعتوش ههههه هي ضحكت
سليم :انا راه من لبارح وانا عارف بلي راه كتحبيني انا ماشي كريم هههههه
الكل :هههههههه
الا فؤاد عاقد سبعة فعشرة..معجبو حال حتا وليت كنقول اش داني نهضر اكيد غناكل العصا بحال البارح😢😢😢
جا العريس وهو يقول:تجمعتو تاني يالق..
يالله غيكملها وهو يشوفني وسكت وقال سموحات ههههه
هوما واقلا مولفين بيناتهم ديك لهضرا ..قال فؤاد:فمك لاحسو كلب

كريم:حشاك الي تزوج بشاخ ههههه
امين:عاد متسفه هههه😂😂
هناء:ديرو عقلكم البراهش
سفيان:شوف لي لمسرفقا حتا هي كتهضر هههه
هناء:هيهي كنت ازين
الكل:ههخ😂😂
صراحة فهاد الجلسة خاصاهوم هي جيهان حتا هي فمها خاسر كثر مني ومنهم هههههه بقاو مجمعين وانا خي ساكتا قليل فاش كندخل حتا جات واحد السيدة باينا من الخدم وقالت:الغدا واجد افؤاد
فؤاد:واخا ادادا هاحنا جايين
مشات السيدة ونضنا تابعينها وانا لخرا كنعرج حتا شدات فيا لبنى عاوناتني وقالت ليا بشوية:سمحي ليا اختي بزااف
انا شت فيها وقلت:ماشي مشكل ...كلشي من داك الحيوان😠😠😠
دخلنا وعاوناتني باش نجلس ..ومن سوء حظي جلس دام الحيوان مقابل معايا ...تغدينا فجو ضحك ومرح..ومرا مرا كنشوف فداك الحيوان كيشوف فيا وكيخنزر..حتا جيت بغيت نهز كاس تلعصير وحركاتني لبنى بزربو حتا تكب عليا وعمر ليا حوايجي..
لبنى وهي كتمسح ليا:سمحي ليا احبيبة مشتكش
انا :موقع والو عادي..مديريش فبالك..غي وريني لحمام نغسلو
لبنى:لا لا اجي معايا نعطيك متلبسي ..اووف سمحي ليا
كانت مسكينة متوترة ضحكاتني بلا خاطر حتا قلت وانا كنضحك:ههههه واراه موقع والو مالك ههه
كريم :نوضي احبيية معاها تعطيك متلبسي
انا يالاه نضت وهو يبان ليا صدري كلو خارج والفرقة كتبان ..ديريكت هزيت راسي ولقيت داك الحيوان كيخنزر ..نفس التخنزيرة تلبارحح.كيتحلف...داكشي باش لبنى تلفات وتوترات..نطق هو :لبنى دي وفاء تبدل
ورك على ديك تبدل وناضت شدات فيدي وداتني لصانصور وانا نقول لها:الا كان شي حمام هي هنا بلا منطلعو
لبنى:حسن طلعي لبيتي باش نعطيك نيت متلبسي
انا:(شديت فذراعها)عنداك ديري ليا بحال البارح وتخليني بوحدي😱😱
لبنى:لا حبيبتي متخافيش...مغديش نخليه يقيسك باقي كوني هانيا
ابتاسمت ليها وطلعت معاها..صراحة هاد ختو ضريفة بزااف وحنينية كتحس بيها كتعطف عليك واخا متكونش كتعرفك..وصلنا لحدا واحد البيت دخلاتني وحلات واحد الباب اخر واقلا بلاصت الدريسينغ ..عيطات لي ونضت تبعتها ودخلت وانا نحل فمي:😱😱😱
هاد البلاصة قد بيتي...شحال تلحوايج وصبابط والعطور والامسسوارات هي لي مارك انا تصدمت..مدات ليا واحد تيشورت نص كم نلبسو يالاه حيدت الكاب وهي تبان ليا زروقيا فدرعاني حلات عينيها وشهقات:😱😱😱😱 اناري مالكي فيديك،؟؟
انا:داك الحيوان هو لي دار هكا😢😢😢
لبنى:ناري على الحيوان...سمحي ليا كلشي بسبابي 😢😢
لبنى:لا نت معليك والو...كلشي منو هو و..
يالاه غنكمل وهو يتحل باب الدريسينغ هي شتو وانا نتخلع وتتخبيت ورا ختو لي نطقات:اش جاي دير هنا افؤاد؟؟؟
فؤاد:لبنى خرجي ...باغي نهضر كعاها
ان هي سمعت هاكا بديت كنترعد وكنغزل بالخلعة وبداو عيني كيدمعو وقلت ليها:متخلينيش معاه عفاك😢😢😢
فؤاد:(معصب)لبنى خرجي😠😠😠
لبنى:مخارجاش..فؤاد عطي البنت بتساع ....متخلينيش نخرج فيك ونخسرو تاني
فؤاد(صاعر):خرجي...مغنقيسهاش بغيت هي نهضر معاها...خرجي بالصواب ولا نخرجك
لبنى؛فواد راه...
قاطعها بالغوات:خرجيييي
انا زعزعني فمرة..حتا بداو دموع يهبطو وهي دارت عندي وقالت لي:انا هي فالغرفة ...متخافيش😯😯
انا:لا لا😢😢😢 عفاكك...خليوني نمشي😢😢
زجيت كنعرج بغيت نخرج حتا ردني بيديه وجرني لحداه وخنزر فختو باش تخرج..
هي خرجات وانا قربت نحط البولة ...طلقت يدي منو وقلت وانا معصبة :شباغي عندي الحيوان..عطيني بتيقار😠😠😠😠
فؤاد(عاقد الحجبان ومخنزر وكيطلع ويهبط):كتزمي فمك وتسمعيني بلا صداع😠😠😤😤😤
انا:اش باغيني نسمع؟؟...نسمع بلي معصيني البارح على زالو...نسمع بلي كذبت عليا وضحكت عليا...عام ونتا كتشوف فعيني وكتكذب عليا بخصوص خدمتك..😢😢😢محرامش عليك..هادي هي كنبغيك افؤاد..(كنشهق بالبكا) هادي هي عمرتي نأديك..فاول فرصة قتلتيني..
فؤاد:(تنهد وقال) متحكميش عليا قبل متسمعيني ..(قاطعتو)..اش باغيني نسمع ..بلاتي نقول ليك اش غنقول حبيبة وفاء سمحي ليا حيت كذبت عليك حيت تصحابني نت طماعة ومقلتش لي بلي انا من اغنياء العالم😭😭😭
فؤاد:(تيقرب مني) شوفي عارفاك مقلقة مني و...
انا:بغضب..انا ممقلقاش منك ...انا كنكرهك. كنكرهك
فؤاد:(صاعر) نت عمرك مكرهتني نت كتبغيني ومنسيتينيش بحال كيفما انا منسيتكش..انا كنبغيك ..وخصك تسمعيني..راه..
انا:(سادة ودنيا بيدي)سكت الحيوان متقولش هاد الكلمة على فمك...بحالك مكيعرفوش الحب ..انت كتعرف هي الكذوب والخداع نت وحش وحش😠😠
هو عاد نتابه لزروقبا لي فيدي قرب ليا حتا تلاصق معايا ومغوبش هبط ليا يدي ..وشاف فيهم وقال:مالكي فيديك؟؟
انا:(بضحكة استهزاء)هه هي واحد خينا البارح جارحني وكاذب عليا وعطاني سلخا ديال العصا 
فؤاد :(كيقيس فيهم)اوووو سمحي ليا
نترت منو يدي واخا ضروني ورجلي كتحرقني وانا نقول بغضب:عمري كرهت شي حد بحالك..كنكرهك😠😠
هو طلع نفس وهبطو كأنو كيحاول ايبرد وقربني ليه حتا وليت ملاصقة معاه وبديت نتوتر وقال مدور وجهو جيهة الباب:لبنى ...لبنى
دخلات وهو ينطق:جيبي ليا علبة الاسعافات من بيتي...مشات وانا بغيت نطر منو زير عليا وحمر فيا عينيه

حمر فيا عينيه حتى تخلعت وسكت وقال:ترصاي ولا نزوقك كثر من هاكا...(صعر) تستاهلي جايا البارح مزوقا كي طعريجا ومزيرا على ديك ترمة عاجباك ها..(انا ياله عنهضر وهو يقاطعني بصبعو كيهدد قدام عينؤ)حمدي لله مقتلتش مك تما..وليتي ديري لي بفيتي دوي..
انا:كنحاول نطر منو وكنبكي بعد مني..الله ياخد فيك الحق ..اش باغي عندي مزال..تفو عليك وعلى النهار لي عرفتك فيه..يخخ
فؤاد:(بالغوات)متختابريش صبري معاك ...راه عيقتي ..ملقيتي لي يحكمك ..مال مك وليتي هاكا😤😤
انا:(كنغوت)معجبتكش هاكا...باغيني بنت نية كيما كنت باش تعاود تكذب عليا ياك
فؤاد:كتسدي دام للفم ولا والله حتا نهرس مك هنا..راه حابس راسي عليك بزز اما نتي ديال العصا..جايا تاني بهاد التريكو نص فصدرك كيبان ..كاع دوك زوامل لي برا كيشوفو فيه
اتا:واديها فراسك ندير لي بغيت ..مالكك.داكشي لي كان بيني وبينك مشا صافي سالينا عام هذا...خليني نبني حياتي
فؤاد:الا بغيني نت نساي لكن انا لا...كنبغيك وغنبقا كنبغيك وغنموت غنبغيك
انا:نت حر ..نسا ولا لا ..حياتك هاديك ولكن حياتي انا بعد منها ومتحاولش تخسر داكشي لي كنحاول نبني😤😤
فؤاد:بغبتي ولا كرهتي غتسمعبني..وليا غتكوني بزز ولا بالخاطر 😠😠😠
انا:حلم مع راسك...ساعتك ساللت اسي فؤاد..انا دابا مخطوبة وقريب غنتزوج ونتا برا حياتي
ضحك في استهزاء وقال:زاخا دابا نشوفو
ديك ساعا دخلات لينى هازا فيديها واحد العلبة ومداتها ليه وقالت:هي سير انا نداوي ليها
خنزر فيها وهي تخرج ..بقا لاصقني معاه وجبد البوماض وهز دراعي وكيماصيها ليا وانا ضراتني حتا بديت نتنخصص ليه حدا ودنيه وتعصب وهز راسو فيا وقال:سكتينا..
انا تخلعت..تفو على اسلوب زلا عندو مكيرحمش...نترت منو وعاود جرني ليه بزربا حتا ضراتني رجلي حتا هي ..وزدت فوثيرة البكا وتنهرنن وهو عارفاه واصلا فيه العظم وقال وهو معصب:مال حسك ..كتبكي صبري راه هي ضربة ضغيرة
انا:طلق مني الحيوان هنهمهن😭😭😭 راك قصحتني..مداويش ليا بعد غي مني هنهننهنهن😢😢😢
قربني ليه تاني ولكن هاد المرا حط راسي على كتفو ويد شادني بها من راسي ويد كتماصي ليا..خسيت بيه قريب ليا بزافف.شميت فيه ريحة فؤاد لي حبيت اول مرا..بنفس الاحساس نفس الرقة..للحظة بتسمت وسكت هي كنشهق..حتا كمل وقال لي مغوبش:جلسي نداوي ليك رجليك ...بقيت شخال كنشوف فيه وهو يقفزني وقال:جلسي خلاص
عاودو عيني تحجرو بالدموع وبكيت من معاملتو ..دغيا تسيف زرجع فؤاد الجديد وقلت:مبغبت والو خليني هي نمشي فحالي ...والله لباقي شفتي وجهي بالله😢😢😢
فؤاد:(بضحة استهزاء) هه ياكما تصحابك كنت مودرا ليا...راه كنت تحت عيني لمدة عام...كنت عارفك فين كاينا ولكن مقدرتش ندوي معاك..كون خليتيني نشرح ليك كون فهمتي ولكن نت كطيري😠😠😤😤
انا(بصدمة):كي..كيفاش؟؟
فؤاد:هادشي باغا تعرفيه وهضرتي لا؟؟؟...جلسي قبل منديرها بيدي 
انا جلست على واحد الكرسي وفيدي التيشزت ديال لبنى ...وهو حيد لي الصباط من رجلي وطلع شوي السروال وبانت ليه رجلي منفوخة وقال:اوووو...لاش خارجا ملي ضراتك رجليك؟؟
انا:(مخنزرة)ديها فراسك
فؤاد:كلمة وحدا خرا خايبا...نخلي دار عشتك هنا😠
انا:عمرني نسمح ليك😢😢😢
فؤاد:(كيماصي)هه غتسمحي وغتعاوظي تقولي كنبغيك وعتزوجي بيا كاه
انا:حلم حلم

فؤاد خنزر فيا وانا نسكت..كمل ودار ليها واحد البانضة خرا..ووقفت وبغيت نخرج وهو يحبسني بكتفو هزيت راسي فيه وانا نقول:اش كاين؟؟
فؤاد:باقي مكملتش هضرتي..😤😤
انا:مبغبتش نسمعك..خطيبي برا كيتسنا..ضرب يديه مع الحيط بغضب حتا قفزت وهو يعيط بالغوات للبنى..دخلات وقال بلا ميشوف فيا:ديها من هناااااا...
داكشي لي درت ..دزت فيه ومشفتش فيه..معذبني عام ونزيد نسمع ليه..كون يعرف شحال كنت كنبغيه كنت كنتسطا غليه مظنيتش لكذب عليا ويتسحابو غنطمع فيه..انا حبيتو من قلبي ..ولكن حبي ليه مكافيش باش نسامحو..ابدا
خرجت مع ختو بلا منهضرو مع بعضنا داتني غسلت وجهي وبدلت داك تشورت بواحد اخر كم ومغطيني كاملا...ومشينا عند الشباب ولقيت داك الحيوان جالس وعاقد حجبانو..جلست حدا كريم وقال لي:مزيان دابا؟؟اوميت ليه براسي زعما اه ..ولقيت معاهم حتا لعروسة ابتسمات وقالت لي :نت هي خطيبة كريم يالك؟؟
انا:اه ☺☺
هي:متشرفين
انا:شرف ليا احبيبة😊😊الله يكمل بالخير
هي:امين..لعقبا ليك
انا :امين☺☺
هي:بغبت هي نعرف منين تعلمت داك الشطيح هههه
انا كنت كنشرب الما هي سمعتها وانا نحكب ...
انا:كح.كح..اه هبهي هي ....
توترت حيت كلشي كيشوف فيا وداك الزمر كيخنزر..وانا نعاود قلت:صراحة ماما كانت منظمة اعراس الله يرحمها وانا كنت كنجلس مع الشيخات لي خدامين معاها ههه
حدي قلتها كلشي تفرش بالضحك ههه حتا من داك الويل ضحك شوي ...ومعا قلتها ببراءة كملات خهه
امين:😂😂😉😂😂وامي وامي كرشي اووف نت خطار والله
كريم:هههههههه
سليم:الله على شيخات ههههه
لبنى :😂😂😂😂😂 اربي قتلتني هههه
سمية وهناء:اوف ههههه هههه😂😂😂😂
سفيان ومراتو:الله ياربي هههههه
اما سيهم الحيوان تفرشخ عليا بالضحك..صوت ضحكتو الرجولية كتهز الفيرما كاملة ..بقيت للحظة ساهيا فيه كأني شفت فؤاد القديم..صراحة توحشتو بزاففف كنت كنصبر راسي كل ليلة عليه ...كل مكنتفكر انه كذب عليا كنبغي نتسطا..وعيت على راسي وكملت معاهم الضحك عادي نسيت واش كليت العصا ولا بخرا تناقشت معاه ...حتا وصلات العشية وودعنا لعرسان حيت غيركبو من الدار البيضاء..
مشاو وقلت لكريم نمشيو حتا حنا حيت عندي ميدار..واخا حسيتو مبغاش وكان باغي ابقا بلحق دار لي خاطري..وصلني للدار ودخلت لقيت الزين ديالي كيشرب فاتاي ومدوز بالحلوة ..طرت عليه بستو واخا عرجا..عرجني الله يخليه..وقلت:باباتي زوين صافا؟؟
بابا:زين ترباط ههه.جيتي؟؟
جلست وقلت:جيت الحب
بابا :كيبقات رجليك مزيان؟؟
انا:لا بخير ..انا غندخل نبدل ونخرج نوجد العشا اوكي 
بابا:لا غي سيري رتاحي راه رضيت واحد الطاجين قبيل😊😊 على قبل بنتي
انا فرحت وقلت وانا ضاحكة:😀😀😀يوبي هههه لهلا يخطيك توحشت طواجنك هه
بابا:ههه يالاه سيري بدلي حوايجك واحي تاكلي☺☺
مشيت دخلت دوشت واخا يدي ضارني ورجلي كتحرقني وخرجت لبست عليا كسوا حمرا خفيفة مقزبا..بابا راخي ليا اللعب كندير لي بغيت هههه خرجت لقيت الطاجين طاب وريحتو عاطيا..جلست كنتبنن بحال شي موحما وبابا كيضحك عليا ...ساليت وانا نجمع لماعن ودخلت لفراشي نعس..ومن كثرة العيا نعست بلا تفكير فحتا حاجة..

فقت فصباح على صوت العجاجة تجيهان كتفيق فيا..اواه هادي امتا جات هههه..
جيهان:نوضي تكعدي الا بيتي تقراي
انا:(كنتعجز)بايتا حالما بيا...قولي هي صباح الخير
جيهان:عارفاني ممصواباس ههه يالاه نوضي انا نعاون عمي فالفطور😊😊
انا:هه واخا
نضت يالاه غندخل لحمام وخي تقول:وفاء واش لباس دبا؟؟
انا:(بابتسامة)☺☺دابا حسن مواح😘😘
دخلت الحمام طرفت حالتي وخرجت لبست كسوا فالبيض قصيرة فايتا الركبة بشوي ودرت من فوقها كاب ديالها باش ندرك الز وقيا وحطيت جلوس وواقي شمس وشعري درت لو ضقيرة بجنب بحال شي بنت صغيرة وصباط بلا بيض.المهم بحال شي ملاك ههه.. خرجت لقيت سي العربي ووفاء عاطينها لضحك على الصباح..جلست وقلت وانا مبتاسمة:ضحكونا معاكم ههه
جيهان:😂😂😂هاد باباك عالم والله
بابا:هههه باغا تحرقي لمايا سكر هه بهاد الضحك
انا:هههه حماق.
فطرنا وخرجت انا وديك العجاجة ...ركبت معاها وعاودت ليها على شنو زقع البارح وهي تقول لي:وفاء واش باقا كتبغبه؟؟
انا:معصبة😠😠 لا لا لا ...انا كنكرهو 
جيهان:دي كالم بب...صافي سدي الموضوع..اجي ياكما ضربك البارح؟؟؟
انا:لا ..
صافي وصلنا حطينا الاوطو ودخلنا للقسم كنتسناو الاستاذة الممرضة تدخل ههه وشوي دخلات ودخلات معاها اخر شخص نتصور اجي لتما..كان هو بشحمو ولحمو.. لابس قميجة بيضة وسروال بيج...كان كيبان مرتاح بزاااف...هي دخل البنات تنهدو ديك تنهيدة المقحبنا..واحد لالة جيهان صرطات الريق ورداتوههه...انا ركباتني اللخلعة حيت جالسا فالصف القدام مقابلا معاه..اول مرا كنتمنى كون درت بعضرة جيهان وجلسنا اللور..نغزت جيهان تجمع حيت هي معرفاش بلي فؤاد لي كنبغي هو فؤاد الكلاوي(g)..لبنات حدانا سمعتهوم كيقولو:ويلي هادشي كلو عندنا هنا...اح اقلبي اش هاد زين...
انا تقرصت ومعرفتش علاش حيت خصني نكرهو كثر..سمعنا الاستاذة كتهضر فالميكرو وكتقول: bonjour a tout le monde
بلا شك كتساءلو علاش انا جبت معايا سي فؤاد لهنا..نخليه هو يجاوبكم ..
فؤاد(بنبرة جدية وصوت رجولي):اغلبية ديالكم كيعرفني..فؤاد الكلاوي رجل اعمال عالمي مغربي الاصل..المعهد ديالكم قتارح عليا انه يتم اجراء امتحان والعشرا الاوئل فيه غيخدمو على مشروع التخرج عندي وعلى شركتي
الكل:واوا ميمكنش
جيهان:ناري لا واوا ...ناري على فرصة الخدما مع هاد بنادم 😍😍😍😍
انا :اش اكون كاع😠😠
كنهضر والخلعة فيا...مقديتش حتا نهز فيه عينيا ملي كان كيهضر..تبدل على البارح ولا جدي وقاسح بحال نهار خلا عشتي..اودي كثرة الهم كضحكهههه
كمل كلامو وقال:الامتحان غيدار فكاع المواد لي كتقراو ..يعني خصكوم توجدو مزيان ..(بتاسم بابتسامة شريرة )نتمناو التوفيق للجميع
سلم على الاستاذة وخرج كيتعنكر نص تبنات القسم طاحو من وراه ههه وهي تقول جيهام:اربي على تينيز...شوفي غتراجعي معايا باش نتهز معاك ونكونو عندو فالشركة😍😍
انا:وشكون قالك انا غنتهز😑😑
جيهان:هههه مضمونة احبيبتي...شتيه شحال غزال اح اربي على عضلات سداسيين والفيم واللحية انا حبيت..ودوك ليدين الرطيطبين 😘😘😘
انا:انوضي جمعي كرك قالاك رطيطبين ..هادوك ليدين هوما لي خلاو دار عشتي نهار العرس😠😠
جيهان:(بالغوات) هاويلي لاتقوليها😱😱😱😱
دار القسم كلو كيشوف فينا ...والاستاذة خنزرات عتادرت ليها وسكت هاديك لي حدايا....والحصة طولات على جيهان ركبها الفضول هههه ضحكتني كل شويا تكتب ليا فورقة باش نعاود ليها هههه
هي كملات الحصة وخي تشنق عليا من يدي وقالت:بربي متسولي حد اليوم...تنوضي تعاودي ليا ولا نقودها انا وياك هنا 😠😠
انا:هههههههههه واخا
خرجنا لبرا وجلست وانا نقول ليها في حزن:اه فؤاد هو فؤاد الكلاوي😢😢
جيهان:😨😨😨 اربي اوووو
انا:مالكي؟؟
جيهان:غي تصدمت وصافي...دابا هاداك توت تقبيلا هو لي ضربك؟؟
حدرت راسي وقلت:اه😟
جيهان:محااال...سيد باينا فيه قاسح بلحق ماشي ديال هكاك
انا تغرغرو عيني بدموع وقلت:اييه ماشتيه كي ضربني داك النهار...وغواتو عليا مشا يسكت ليا القلب...ماشي هذا هو فؤاد لي بغيت.😟😟
جيهان:صافي صافي ...قطعتي ليا فقلبي والله ..ودابا اش غديري؟؟؟
انا:(هزيت راسي)دارت ليا معاه. الحيوان الاخر...خرج لي فعودي..بلحق والله داك الامنحان لدوزتو😤😤
جيهان:وفاء كوني منطقية شوي..الا مدوزتيش الامتحان ..غيخصك تقلبي على شي شركة لي تخدمي عليها البحث ديالك...وفبلادنا كاين هي باك صاحبي...نساي بلي كتعرفيه وتصرفي عادي نت حياتك غتبدايها مع كريم وفؤاد غتنسايه
انا:(حدرت راسي وغيني مغرغرين بالدموع)ولكن راه الى نجحت في الامتحان غنظطر نشوفو فالسطاج اوووف
جيهان:اولا هو راه مترأس شركتو الاصلية فطنجة ..ثانيا الفرع لي عندو هنا ولي غنسطاجيو فيه حنا للبحث ماشي هو لي مسيرو..يعني نت عمرك غتشوفيه ولا تصادفي معاه..حيت هو كاين فطنجة وعلى مسمعت راه مكيبقاش فالمغرب بزاف كيمشي لامريكا بزاااف وهو مستقر تما..
انا:واش بصح؟؟؟😦😦
جيهان :حتا نخرجو ونقلبو فالانترنيت باش تأكدي...انا راه فايت لي قريت عليه فالمجلات 
انا:(تنهدت)واخا صافي...يالاه ندخلو

دخلو البنات وهاد المرا وفاء لي جاها الملل...عقلها ممعاهاش..كتفكر فحياتها لي ترونات بسبابو بين ليلة وضحاها..
اه من حب كتمته في قلبي وفضحتني عيوني..احببتك حد الجنون او كما قالت الكاتبة اثير احببتك اكثر مما ينبغي واحببتني اقل مما استحق..عذبتني..عذبت قلبا اقترف ذنبا بحبك وها انا ذا ادفع ثمن ما عشناه لوحدي..
انك يا سيدي تفقدني صوابي،تزيد من حدة توتري..تعرقل حركاتي..وتتشنج عضلاتي ان انا رأيتك
###
سالات الحصة وناضت وفاء كتعرج بغات هي تخرج تشم شوي تلهوا...تخنقات من الجو ..خرجو بجوج وجلسو فواحد القهوة حدا المعهد وكيقلبوا فالنت عليه...كاع زبايلو طالعين ههههه فؤاد الكلاوي على علاقة مع عارضة الزياء العالمية....من تكون الفتاة التي رافقت الكلاوي في حفلته..الى اخره..
وفاء شدوها الجنون ملي قرات داكشي..ولاحت التلفون على طبلة وهي تقول لجيهان:حنا بغينا حياتو العملية ماشي الشخصية😠😠
جيهان:دابا مالك معصبة ...راه كاع رجال الاعمال هاكا دايرا حياتهم..شراب وبنات واكيد فؤاد زير نساء..راجل بوسامتو ويبقا بلاش..كلشي فيه..الزين الفورمة ...واهم حاجة الفلوس
وفاء:يعطيه مصيبة هو وفلوسو..(عينيها تغرغرو)انا جالسة عام وانا نبكي عليه وهو عايش ليا الحياة مع القحبات ...تفو😢😢😢
جيهان حطات يديها على شعرها وقالت:متبقايش تفكري هاما...نت بغيتيه من نيتك هو لي حمار ...وكدب عليك
وفاء:بغيت ليه الافلاس ان شاء الله
جيهان:واخا تدعيها بالدموع..راه خانز فلوس ولخد الان عمر اعمالو مطاحت...راه اذكى مسير في العالم ...كيجبها فالسما..داكشي باش خصنا نجحو وندخلو عندو للشركة
وفاء؛ولكن راه...
جيهان:ماكاين موالكن...مغتشوفيهش...راه كيبقا فطنجة بزااف واغلب حياتو في امريكا
وفاء:اكون خير😢😢
جيهان:غتجي عندي نحفضو ياك(بترجي)
وفاء :واخا..مغنجيش المعهد هاد الايام حتا نكملو حريرة هاد الامتحان..
جيهان:والدروس؟؟
وفاء :مكينينش...حتا الى دارو شي حاجة غنتداركو 
جيهان :اوكي

دوزت هاد اليوماين كاملا هي فالدار عندي ولا عند جيهان كنحفظو..كريم كنهضر معاه هي فالتيلي...وعارفني مبرزطة مع القرايا مكيحكرش عليا...اليوم الامتحان حيت من بعد عرفنا بلي عندنا يوماين فقط نوجو...صراحة جيهان رتاعبات ولكن انا كنت كنراجع داكشي باش ملقيتش مشكل..راجعنا كلشي وخدمنا بزاف تتمارين..حتا وجدنا...فؤاد من داك نهار مشتوش ومسمعتش حسو..رجلي ولات شوي ويدي بداو كيخفافو فيهم الزروقيا
نضت هاد الصباح ناشطة ...دوشت دوش خفيف ولبست سروال دجين وتيشورت فالاسود..لوني المفضل ...جمعت شعري ذيل حصان ودرت ايكرون وصافي..عارفا راسي غنتنرفا مع اللمتحان هههه..خرجت لقيت حبي كيفطر وانا نفطر معاه فرحانة واخا الامتحان ديال فؤاد ولكن كنحس اني قربت نحقق ولو جزء من احلامي...شركة فؤاد معروفة عالميا..معرفتش علاش عمرني تصادفت بسميتها ولا حتا عرفت واش كاينا...خرجت من الدار وانا فرحانة ومبتسمة..ركبت فالبيس ووصلت قبل الوقت بعشرة دقايق صونيت لجيهان وقالت لي كتبلاصي الطوموبيل تسنيتها شوي وتمات جايا...دخلنا ندوزو الامتحان وانا لخلعة شاداني خايفة يكون وقت الامتحان..لا لا واش هو مسالي لبحال هادشي...نفضت الافكار السيئة وجلست كندوز الامتحان..ممسوقاش لشي حد...خدامة عليه حتا تهديت وضرب الجرس ونضت مديت الورقة وخرجت مهلوكة وكنشرب فالما وتبعاتني جيهان قالت:اوووف مساليت حتا غفر ليا الله الذنوب...ناري على شركة عطاو ودخلو كلشي فيها المحاسبة التسيير اوووف
انا:ههه بصح انا تهديت وشحفت
جيهان :يالاه نشربو شي عصير
انا:😀😀😀 اح وناخد معاه شي حليوا
جيهان:هههه حمقا والله
يالاه خارجين وحنا نتلقاو مع واحد البنت كتقرا معانا وفيها العياقة شافت فينا وطلعات وهبطات وهي تقول:وفاء حبيبة كي دوزتي؟؟
انا:(بتمياق) بخير ونت؟
هي:هههه(دارت ضحكة ديال العاهرات)انا ندوز عهه مستحيل...بابا راه كيعرف موسيو فؤاد وغندخل عندهم لشركة بلا والو
انا:😏😏😏 وايلي ...ايوا لاش كتعاوديها ليا
جيهان:😠😠 ملقات لمن تقول بلي راه كتعرف فؤاد...بزعطا
هي:اش هاد الاسلوب😆😆😆 بلحق نتوما هكا دايرين ...وفاء نتلاقاو فالسطاج..اما نت اجيهان محال تقبلي هههه
قالتها ومشات وجيهان بغات تتبعها تنتفها وانا نشدها كنبرد فيها وقلت:بردي اصاحبيتي غتديها فهادي راه هي حمقا
جيهان:الى هي حمقا راه انا بوراقيا😠😠😠 لقخبا الاخرا
انا:صافي بردي..خلي حتا نشوفو نتائج وصدميها
حيهان:بلحق والله ودوت حتا نتفها
انا؛خخخخ واخا...وانا نعاونك كاع😂😂
خرجو البنات من المعهد ومشاو لكافي وطلبو شنو بغاو شوي جيهان كتقلب فالتيلي وهي تشهق حتا خلعت وفاء وقالت:امالكي؟؟؟
جيهان:😱😱😱 وفاااء....عت ...عن..عتقيني
وفاء:مخلوعة مالكي دوي خلاص
شافت فيها جيهان وهي تقول ليها :شوفي بردي راه ماوقع والو
وفاء تعصبات وقالت:نطقي خلاص😡😡
جيهان غطاتها التيلي هي شافتو خرجو عينيها ...وولات كاملا كترعد...كتحس بالروح خارجة ليها من رجليها وكتمشي بعيدد...عينيها تجمعو فيهم الدموع ..والقفقافة شاداها..شوي وهي طلق الدموع مع واحد الغوتة الكافي كلو دار لجيتها...لاحت التلفون وجلسات كتبكي وتعاود وتضرب فراسها وتحرك من بلاصة لبلاصة وكتقول :اهئ اهئ اهئ😭😭😭 واش مات ؟؟لا لااا..صافي...مات..لا ميمكنش اهئ اهئ جيهان مينكنش يخليني راه غنموت من وراه..وهي كتغوت وتبكي وتتنخصص والكافي كلو مفرج فيها جات جيهان حلات ليها صاكها وهزات ليها دواها وعطاتو ليها بزز وهي كنقول:لا ماماتش..هي تضرب فيدو...شربي باش نمشيو عندو...😢😢😢شربي
خداتها من عندها وهي كترعد وكتشهق بالبكا وشدات فيديها وخرجاتها من المطعم ولي داز كيشوف فيها حيت كتبكي بجهد وكتنخصص...
وفاء:اهئ اهئ لا غنموت معاه...خصني نشوفو ...ميمكنش ...كريم ..كريم غيكون عارف فين هو..كريم..جيهان عيطي لكريم ...فين تلفزن(كتهضر وكتقلب على تلفون كي شي حمقا مع البكا والشهقة) فين التلفون(معصبة) تلقيني ..
جيهان هي كتشوف فيها مشات بيها حدا الاوطو وعطاتها التيلي:شوفي تهدني متبينيش ليه
وفاء:اهئ اهئ 😢😢😢واخا واخا 
عطاتها التيلي وبغات تقلب على نمرة كريم ولكن كتغلط بسباب التوتر وكتبكي وكتعصب وتغوت بوحدها ولي داز كيشوف فيها
وفاء(معصبة):😠😠 مال هاذ الزمر مبغا يخدم 😢😢😢
شدات من عندها التيلي وركبات نمرت كريم وعطاتو ليها ...كيصوني وكل رنة كتبغي روح وفاء تخرج...كتبكي وتتنخصص..حتا جاوب وقال:الو وفاء لباس عليك
وفاء :الحمد لله ...شوف واش بصح هادشي لي وقع لفؤاد😢😢😢😢
كريم:اه لاسف تضرب بالرصاص هادي يوماين(وفاء كتنخصص في صمت باش متعيقش ) ولكن لحمد لله جاتو هي فيديه..فين سمعتيها؟؟؟
وفاء:(كتسد فمها باش تحبس الشهقة وجاوبات من بعدما سمعت كريم كيقول الو الو) اه معاك😢😢اشمن مستشفى كاين؟؟
كريم:*****
وفاء:صافي شكرا
كريم:واش غتمشي تشوفيه..راه ميخليوكش دخلي...
قطعات بلامتجاوب وطاحت الارض كتبكي وترعد وجيهان كتهدن فيهاحتا شهقات وقالت:عطيني سوارت تطوموبيل اهئ اهئ غنمشي نشوفو...

جيهان:لا طلعي انا نمشي معاك
طلعات وفاء بلاما تجاوب والطريق كاملا وهي تبكي فصمت وتشهق...حسات بروحها غتخرج...صحيح انه كذب عليها وجرحها وعذبها وزاد كمل عليها ملي رجع ضربها ولكن القلب لي بغاه...فؤاد كيبغي وقاء كثر متصور...فاش تفرقات عليه وغبرات فمرا كان غيحماق..لكثر شيء انها مريضا
#عند وفاء
طريق كانت طويلة عليا...حسيت بديك ربع ساعة دازت قرن...تخنقت بالبكا والشعيق وفكرة انه يموت كتقتلني ...منقدرش بلا بيه...خصو هي ينوض صحيح والله حتا نسمح ليه(سكينة:باز لقلبك...لحمك محال واش منك ...عاطيك قتلة وزايداها كتفكري فيه هههه)خصو غي يكون بخير...الرعدة شاداني من راسي حتال رجليا ..كون ما جيهان لعطات ليا دوايا كون راني طايحة بكريز الاعصاب..جيهان كتسوق وانا كنغوت عليها ونبكي باش تزرب...واخيرا وصلنا ولكن قدام الكلينيك كانت الجوقة بزاااف الصحافيين كثار من جميع انحاء العالم ...معرفتش ايمتا جاو..عرفتهوم حيت باينين ماشي مغاربة...ومخلاوش الطنوبيل تدخل وحتا سكيريتي رفضو ندخلو الطنوبيل...نزلت منها بزربا ولحت ليك لكارط ناسيونال زعما راني ماشي صحافية ولكن قال لي :اش غديري فالكلبنيك
انا كلي كنترعد ونغزل:خليني ندخل عفاك😢😢😢
جيهان جات وبعداتني على الصحافة ومتقول باش تهدني:وفاء...وفاء تهدني غنلقاو طريقة باش دخلي ...غديري راسك مريضة وغندخلو
انا:(كنهضر كي شي حمقا) وا...وا..واخا😭😭 ندخلو...ندير راسي مريضة
جيهان:وفاء...كالم...تنفسي مزيان راه غتعاودي تمرضي....يالاه زيدي...
مشينا من باب اخر ودرت راسي عيانة وبغيت ندخل نضرب شوكة ديال اللوجع ...هي فتنا الباب وانا نجري عند ديك لي فالاستقبال سولتها وانا كنهج:عفااااك...عفاك...غرفة ديال فؤاد الكلاوي ...رجل الاعمال
هي:(كتشوف فالوراق ومداتهاش فيا):منقدرش...ممنوع هليه الزيارة ...بلاتي ياكما من الصحافة...سيكيرتي
انا:ماااشي من الصحافة...انا بغيت نزورو
متسوقاتش لهضرتي وعيطات للامن وتمو جايين شدوني من يدي وانا كنفركل ونغوت وجيهان كتغوت عليه:طلق منها ....طلق...راه ماشي صحافة...طلق الحيوان
انا كنتفركل ونبكي ونحاول نتنترمنو شوي وانا نغفلو وعطيتو بكروشية لوجهو وطاح الارض بدم فنيفو وانا نهرب للسانسور طلعت متسنيتش جيهان...حدها شافتني وهي تشنق على ديك لي فالاستقبال من شعرها:رقم الغرفة شحال؟؟؟ دوي ولا والله حتا نتف مك هنا😠😠😠😤
الموضفة:(كترعد ههه) غرفة 10 طابق 2
انا كنت يالاه غيتسد بيا الباب ديال السنسور وسمعتها طلعت ديريكت للطاج التاني وسيكيرتي تابعيني فسانسور لاخر ...انا متسوقتش لا ليهم ولا لرجلي لي زلات عاطياني الحريق ولكن مديتهاش فيها...الم انه غيموت كثر من الم الضربة لي فرجلي😢😢😢....يالاه تحل السانسور وخرجت كنجري كنقلب على بيتو حتا قشعت ختو من بعيد واقفا فالكولوار. يالاه غنجري عندها خرجو سيكيرتي من السانسور لاخر وهوما يشدوني وانا كنغوت ونتفركل ومع انا قليولة هازني من يدي...وكنغوت:طلق مني طلق الحيوان...راه ماشي صحافة
حتا شافتنا لبنى تصدمات ملي شافتني وجات كتجري خنزرات فهاداك وقالت:اش هاد التعامل طلق البنت😠😠
هو:(باقي شاد فيا)لالة راها من صحافة وسي فؤاد مانع علينا الصحافة تذخل
لبنى:ماشي من صحافة ....راها من العائلة
طلق مني ومشا وانا باقي كنهج وكنغزل بالبكا طرت عليها وانا نقول:فين هو...فين فؤاد😭😭😭 (كنغوت) ماطرا ليه والو ياك ..هضري..
لبنى :(شدات ليا فيدي وكتهدني) تهدني احبيبة راع بخير موقع ليه والو
انا:تلاحت عليها عنتقتها وكنبكي :بغيت نشوفو اهئ اهئ اهئ😭😫 خصني نشوفو 😢😢 اهئ اهئ
لبنى:(بحسرة)واخا اجي معايا
داتني معاها لحدا واحد البيت وقالت:راه كاين هنا ...عفاك قنعيه يدير واحد العملية ليديه بغا يأجلها
انا: واخا😢😢😢
هي مشات جلسات فالكراسا ديال الانتظار وانا حطيت يدي على البواني...كاع ديك السرعة لي كانت فيا باش نشوفو تهدات...وليت كنترعد وقلبي كيضرب بجهد ...غمضت عيني وحليت الباب وبان ليا عاطيني بالضهر مالابس والو من الفوق...زاد تفورما كثر ولا ضخم ولابس سروال ديال الكيطما كحل ...كيقاد فشي حاجة فصاك 
دخلت ووجهي كيتقطر بالدموع وخنايني مخلطين بالدموع...يالاه خطيت خطوة واحدة وهو يدور..بنفس الغضب ونفس التخنزيرة...مكنش هاكا فاش عرفتو كان ديما ضاحك...شاف فيا وطلق ديك العقدة تحجبانو وملامحو ممفهوميش وانا محدي كنقرب وقلبي كيضرب كثر من اللول..للحظة حسيت الزمن وقف وهي انا وياه لي كاينين فهاد الدنيا..كنت كنشوف فيه وفضربة لي عندو فكتفو لاوي عليها فاصمة كبيرة ..خرجني من سهوتي فيه هي صوتو بواحد الحزن:علاش جيتي؟؟
انا قربت حتا لحداه وانا نقول ودموع نازلين على خدي:جيت نشوف.. ك😭😭باقي مكملتش هضرتي وطرت عنقتو ...تعلقت فعنقو وعنقتو بحال الى كنبرد حر ديك الضربة لي عندو..كنت موحشا حضنو بزاااف....الرجل الوحيد لي كيحسسني بالأمان من بعد بابا هو فؤاد...متعطلش بزاف باش يحاوطني بيديه من خصري ودفن وجهو فعنقي كيشم في شعري...كنت محساش باش كندير فقط

فقط كنت باغا نشبع منو...نحيد منو وحشتي...نشم ريحتو الرجولية لي كانت كفيلة تبعث فيا احساس الامان والحب ...بقيت معنقاه وكنبكي ومعا بكايا بلا منقول لكم تهرنين ..كنبكي وكنقول:اهئ اهئ اهئ 😭😭😭 كنت غن...غموت...اهئ اهئ هنهنه😢😢😢😭😭😭 ...هو كتفى فقط انه يعنقني ليه ...لاصقني معاه وكيشم فعنقي....فؤاد وكنعرفو كانت باينا عليه مشتاق ليا...حيت كان كيتنهد تنهيدات حارين كيحرقو لي عنقي..
بكيت فحضنو حتا تهديت بالبكا ولا هي تنخصيصي لي كيتسمع...بعدني عليه وانا حادرا راسي ...هزو ليا وشاف فيا شوفة ديال فؤاد لي حبيت اول مرا...نفس النضرة باقا عاقلا عليها...نهار قالي كنبغيك اول مرة ...مسح ليا دموعي بلور ديال يدو ...وباس راسي بوسة طويلة ...كأنو كيفرغ كاع داك الشوق لي حابسو فقلبو...بقا شحال حتا هز راسو وقال لي فودني :توحشتك ا حبيبتي
انا هي قالها..حسيت بالدنيا كدور بيا..زدت فالبكا وهو خشاني فحضنو بحال شي درية صغيرة ..غمضت عين وستسلمت لاحاسيسي ..نسيت كلشي..كدوبو وكريم والعصا لي كليت...كلشي يهون على قبل هاد اللحظة...
نطقت وانا كنبعد راسي على صدرو:شكون دار فيك هادشي ؟؟؟..شاف ليا فعيني بنضرة حنونة وقال:ماشي مهم دابا ...
بعدت عليه وقلت وانا معصبة:ماشي مهم ياك..حاولو يقتلوك وماشي مهم ...واش كتسطا علبا...اليوم حاولو وغدا يقتلوك وقول ماشي مهم😡😡😡
فؤاد:(شد في يدي وباسها وقال في ثقة وبدم بارد)مغيقدروش...
انا:ولكنهم تجرؤوا وحاولو(هبطو لي الدموع) و ...اهئ اهئ اخئ😭😭(غلبوني الدموع ومكملتش هضرتي)
فؤاد قربني منو بيديه لي مكضروش وخشاني فيه ونفسو كنسمعها كتخرج وندخل ...وقال:حبيبتي انا رجل اعمال معرووف وأكيد عندي أعداء...انا متعود على بحال هاد الحويج
انا:(صاعرة) متعود ياك؟؟ ولكن لي دايرين بيك ممتعودينش....واش فكرت شي نهار الى وقعات ليك شي حاجة اش غتكون ردة فعلنا...ماماك وختك وأنا.و...(قاطعني مخلانش نكمل جلس على السرير وجرني لعندو حتا لصقت فيه بزاااف وقال وهو كيبتسم ابنسامة ذكاء:اش غديري الى مت..هاا😉😉
انا سديت ليه فمو بيديه(كنت كظنو بلي غنقول بقبلة ههههه تفكيركم عوج ههه) وقلت:ديك ساعا وصي لبنى تدير لينا جوج ديال الكفن..
قلت هادشي زحاولت نفلت منو حيو بان ليا سيد قرب ليا بزاف وعينيه حاضيين شفايفي وخفتو يبوسني حيت عمرو دارها..عام وانا معاه عمرو قرب ليا حتى بقبلة...شدني وحكمني مزيان بيد وحدا وكيقرب لشفايفي:اليوم معندك فين تمشي ...
بعدت راسي شوي وهو فهم بلي مبغيتش...وبقيت شادا فيديه وقلت وانا حاطة يد على وجهو كندوزها على لحيتو وخو عينيه صافي تخدرو ولا كيبان ليا تبنج هههه:اذن غدير العملية ياك؟؟؟
شد يدي لي كندوز على وجهو وباسها من دون ميبعد عينيه عليا وقال:بشرط...الى واعدتني بلي غنلقاك هنا مورا منفيق....!!
انا حركت راسي بالايجاب وبقيت كنشوف فيه شحال حتا دقات ختو مع جيهان لي نسيتها وقالت: فؤاد الطبيب بغا قرارك
فؤاد :(بقا شادني عندو وزاد زيرني ملي ذخلت ختو)غنديرها دايا نيت☺☺☺
جيهان:وفاء ...حبيبتي واش راك مزيان ..؟؟؟ ياله نمشيو راه غيكون باباك تشغل عليك...
انا:لا غنبقا هنا حتا تسالي العملية و...
قاطعني التلفون كيصوني ...جبدتو من جيببي ولقيت بابا لي كيعيط ومع كاتبا عليه حبيبي صافي كملات حسيت بيدي تزيرات ...وشكون من غيرو هو زير على يدي حيت شاف السميا ودرت عندو وانا نلقا وجهو تزير وولا حمر حتا جاوبت وقلت :الو بابا
بابا:حبيبتي مالك تعطلت؟؟؟
انا:بابا راه صاحبتي فالصبيطار ...وخصني نبقا معاها حتا تولي شوي
فؤاد معجبوش الحال فاش كذبت ولكن راه معندي مندير 
بابا:واش محتاجاني نجي عندك ...؟؟؟
انا:لا حبيبي هي خليك ...انا نطمن عليها ونجي
بابا:يالاه بسلامة
انا :بسلامة
خشيت التيلي فجيبي وديك ساعا دخل الطبيب طلب منا نخرجو باش اجهزوه للعملية...شفت ففؤاد وبتاسمت ليه وقلت:غنتسناك اوكي
باس يدي وقال:كنبغيك
ابتسمت ليه وخرجت مع جيهان ولبنى لبرا...
عاد رديت البال لراسي كي وليت..صراحة تخلعت وجهي فازك وحوايجي مرونين لي شافني يقول راه كنا كنديرو شي حاجة ههه...

خرجنا من عندو وانا كلي أمل انه يبرا...دوز عليا العذاب ولكن كنبغيه وعمر شي راجل ينسيني فيه...تلفت جيهة ختو وبتاسمات ليا وقربت عندها وعنقتها وقلت:غيولي مزيان ياك؟؟؟
لبنى:اكيد حبيية
طلقت منها ومشيت عند جيهان عنقتها حتا هي ....وبقيت نبكي ونشهق حتا بدا التهرنين...مكنحسش على راسي فاش كنكون كنبكي..بكايا خايب...وانا كنبكي فحضن جيهان حيت خرجات مني..ظنيت عمري نعاود نشوفو..جات لبنى كتهدن فيا وتطبطب على كتفي..وانا فكرة أنه عمري نشوفو او لا نعنقو كتقتلني كنتفكرها كبغي نحماق..
بقيت على تهرنيني حتا حسيت بيد كتجرني من خصري وخشاتني فشي حيط..عرفتو هو..حيت مكان لابس والو..تخشيت فيه كنبكي كثر وهو حاضني وكيبوس فراسي حتا تهدنت ودخلني معاه لبيت وانا باقي كنبكي....قال لي وهو مخنزر:صافي حبسي..باراكا من البكا
صراحة خلعني بزاااف..رجع تاني كيف كان بديت كنسكت شوي بشوي والدموع كيهبطو في صمت حتا مسحهوم بيدو وردني لحضنو وجا راسي فعنقو..وشفايفي كيتحركو ليه فعنقو..وهو عافاه صابر ههه حتا بعدني عليه وهو حمر وقال:ايوا صافي احبيبتي ...راه عملية باسلة..دغيا غدوز😉😉😉
انا:(شفت فيه بنضرة بريئة)ساهلا..مممم راه غيخرج ليك دم
هو ضحك عليا وقال:😂😂 من نيتك هههه
انا:(ضربتو لصدرو)باراكا من الطنز
فؤاد:حبيبتي سيري وقفي برا..وجمعي هاد الدموع حيت الى بقيتي هاكا غندير فيك شي حاجة ماشي ديال الله😉😉
انا بقيت كنشوف فيه شحال وعاد سرات معايا وفهمت اش قصد وانا نتر منو وخرجت بلا منشوف ليه حيت وليت حمراااا..وسمعتو كيضحك منورايا..وضحكت حتا انا 
خرجت برا ولقيتهم كيتعجبو فيا حيت دخلت باكيا وخرجت ضاحكة..ههههه
دخل عندو الطبيب وشوي خرجوه فوق الباياص متكي وشقت فيه وبتاسمت ليه وردها ليا ومشا..بقيت متبعاه حتا غبر وجلسنا نتسناو...

دازت ساعة وباقي مخرجوش...ساعتين ووالو وانا بديت كنتوتر حتا شوي تمات جايا واحد المرا من راس تالكولوار كتزرب وباينا عليها خايفا ودموعها على خذها...وصلات وهي تمشي عند لبنى ديريكت كتبكي وتولول وتقول:ولدي اهئ اهئ 😭😭 فين ولدي؟؟؟ فين ولدي؟؟؟
لبنى:(شاداها وجلساتها)ماما راه بخير ...غي مضروب فيديه ودابا كيدير لعملية😢😢
انا عرفتها واش مو من ديك ولدي لي قالت..كانت مرا كبيرة تكون عندها شي 56 سنة هكاك كتبان باقي صغيرة...لابسة جلابة فالخضر وشال فالاخضر وهازا ساك..كتجيب من فؤاد شوي ...بقيت شحال كنشوف فيها وهي كتنهج وتبكي..ومرا مغربية دارت تما مندبة حتا تدخلت وعطيتها قرعة تلما..خداتها وشكرتاني وانا نهبط لعندها وقلت:خالتي ...(شديت فيديها) راه ماوقع ليه والو ...هي ضربة صغيرة فيديه
هزات فيا راسها وقالت:اح ابنتي وتعرفي قلبي كي مشوي عليه...ديما هاكا داير ليا اهئ اهئ اهئ😢😢😢 
انا:(حابسا الدموع) غيبرا والله 😢😢
بعدها ساد صمت عميق ...مكسرو هي خروح الطبيب وطرنا كاملين لعندو...انا نسيت رجلي مبقا هامني والو...
الحاجة:ولدي ولدي ادكتور كيبقا؟؟؟
انا:نجحات العملية...كيبقا؟؟؟
لبنى :هضر خلاص...😠😠
الطبيب:هي تهدنو...العملية دازت بخير وعلى خير ...راه شي ساعتين ويفيق😊😊😊
بالفرحة ديال الخبر ...شي كيعنق شي...انا عنقت جيهان ولبنى وحتا خالتي وبكيت بالفرحة حتا شبعت..وتمو مخرجينو قدامنا فوق الباياص وهو مغيب ودايرين ليه الاكسجين وفاصمة فوق صدرو ..اح اربي كي كايبان غزال حتا فنعاسو...
داز من حدانا دخلوه للغرفة ديالو ودخلات مو تشوفو...وبقينا برا..وانا بديت كنرجع للواقع ديالي تفكرت كريم وحقيقة اني مخطوبة ليه..وفؤاد وحبو وكدوبو وانا نتوكض بغيت نمشي ولكن واعدتو يلقاني ملي يفيق بلحق منقدرش نبقا...نضت لقيت صاكي هزيت منو ورقة كتبت ليه رسالة فيها ...ومشيت عند لبنى وقلت ليها؛لبنى ممكن نهضروا؟؟؟
لبنى:اه احبيبة ياك لباس؟؟؟
انا:(دموع تحجرو فعيني ومبغيتش نضعاف قدامها)خصني نمشي..اهئ
لبنى:😵😵😵اشنو...؟؟؟ ولكن راه..(قاطعتها)
انا:عارفا..وراه صعيب غليا هادشي حتا انا..ولكن راه حنا سالينا بجوج ...هو دمرني بكدوبو وانا واخا كاع داك الحب لي كنكنو ليه مقدرتش نسامحواا اهئ اهئ سمحلي ليا😭😭😭
لبنى:(كتبكي) والى فاق وملقاكش؟؟؟
انا:(كنمسح فدموعي ومديت ليها الورقة)عطيه هادي...منقدرش نشوف ليه فعينيه وانا باقي ممسامحاش ليه...اذاني بزاااف وحيت كنبغيه جيت نشوفو...عطيها ليه
مديتها ليها والدموع هوادين مع خدي ...درت عند جيهان لقيتها تأثرات وهي كتبكي قلت ليها يالاه وسبقتها ومشيت وانا فقلبي حرقة ميعلم بيها هي الله...تشويت فقلبي عليه..دمرت من الذاخل وباقا كنبغيه واخا كاع داكشي لي دار فيا

خرجت من السبيطار وانا مخنوقة..بغيت نبعد بغيت شي بلاصة ميكون فيها حد هي أنا بوحدي..عييت ..
دموعي ملي رجع محبسوش ولا في حياتي هم من بعد مكان احلى حاجة..اييه افؤاد شوف فين وصلتينا بكذوبك...
بقيت كنتمشا حتا وصلت لحدا طنوبيل ديال جيهان..دخلات وقبل مديماري قالت؛مكانش عليك ديري هاكا...راه كيبغيك..
انا:(كنبكي فصمت)حتا انا كنبغيه ولكن مقدرتش نسامحو..اهئ اهئ مقدرتش
جيهان:حبك ليه غيكون كافي باش تسامحيه...عمرني شفت شي حد كيبغي هكا...كون تشوفيه كي كان كيشوف فيك.و...(قاطعتها)
انا:ديني للدار عفاك
جيهان:(بتنهد)واااخااا
وصلاتني للدار ودخلت بلا منقول والو لقيت بابا فالصالة شافني وجا عندي كيجري وقال:ابنتي..يالاباس كيبقات صاحبتك؟؟
انا:(بصوت مبحوح) بخير بخير...بغيت هي نرتاح
بابا :واخا ابنتي ...سيري ترتاحي
دخلت لبيتي وديريكت لدوش..طلقت عليا الما بحوايجي وبقيت كنبرد على راسي او بالأحرى كنوكد راسي...
##### في الكلينيك
بعدما مشات وفاء ...لبنى بقات في حيرة معرفاتش اش غتقول لفؤاد الى فاق وسول عليها...خرجات مو من عندو ودخلات لبنى تشوفو...ودازت ساعتين وقالت ليهم الفرملية بلي بدا يفيق..دخلو عندو بجوج وقعلا كان حل عينيه باست ليه مو راسو وقالت :الحمد لله على سلامتك اولدي..
فؤاد:الله يسلمك الحاجة...
لبنى:على سلامتك اضبع ههه
فؤاد:حتا نوض وعاودي قوليها هههه
الحاجة:هههه هي نوض اوليدي وانا نشدها ليك حتا تعصيها هه
لبنى:ياك اماما..باغاه يعصيني😏😏
الحاجة:ههههه اييه
لبنى :واخا ههه
فؤاد:لبنى فين وفاء؟؟؟
لبنى تبدلو فيها الالوان وتوترات معرفات متقول وعراقت حتا نطق مخنزر:فين وفاء؟؟؟؟😤😤😤
لبنى كتافات تعطيه الورقة لي خلات ليه وفاء وجرات مها يخرجو..خافت من ردة فعلو...
خرجو وخلاوه مفاهم والو..ناض شوية وتألم بلحق متسوقش حل الورقة وبدا يقرا..وكل كلمة كيقراها كيزيد يحمار ويعراق ويتعصب حتا ضرب سيروم لي حداه وتنتر ليه من يديه وخرج دم من يديه...دخلو عندو مفاهمين والو ..من غير لبنى لي فهمات اش كاين بقات بعيدة عارفا عصبو خايب ويقدر ادوز فيها...قربات ليه مو مخلوعة وقالت:مالك اولدي اش بيك؟؟؟
متسوقش ليها وكيلبس حوايجو بغا يخرج ومو كتحبس فيه ...ويديه سالت بالدم حتا قرب يخرج وقالت ليه :ها السخط ها الرضى الى خرجتي بهاد الحالة..
وقف فبلاصتو حيت عرف بلي كتفاتو...وهو يرجع معصب جلس والنار كتخرج من ودنيه...جاو الاطباء وعالجو ليه يديه مرا خرا وعطاوه مهدئ وخلاوه يرتاح...وهو نار شاعلا فيه..
الحاجة:لبنى مال خوك؟؟؟
لبنى؛وانا باش غنعرف؟؟
الحاجة:وشكون غيعرف ؟؟؟جنون.نطقي خلاص..نت مديتي ليه ديك الورقة اش فيها؟؟؟
)اودي الحاجة راه حتا القارئات بغاو يعرفو اش فيها ههه)
لبنى:تنهدات هاديك لي شتي قبيل معانا هي وفاء...
الحاجة:اويلس....وعلاش خليتيها تمشي؟؟؟خوك عام وهو يقلب عليها...
لينى:عام وهو يقلب عليها وملي لقاها عطاها سلخة تلعصا ...ومع ذلك البنت جات وشافتو كون تشوفي حالتها كانت عتسطى.. ولكن هي راه مخطوبة وقريب تتزوج
الحاجة(مصدومة):ضربها كاع😱😱...وغتزوج الله ياربي
لبنى:دابا هادشي معندو باش ينفعك....خليو غليكم البنت..
الحاجة :سكتي حسن ليك...😤😤😤
لبنى سكتات والحاجة كتخمم وساكتة ...وللداخل كاين واحد البركان كيصوت بالغضب..متقبلش فكرة انها خلاتو...وعداتو تبقى حتا يفيق وخلفات بوعدها...تعصب عليه كون ما مو كون راه دابا كيحاسب فيها...
بقا عاقد غوباشتو شحال حتا دخلات مو ولبنى ومعاهم كريم وهو كيضخك:انوض تكعد باراكا من التبوحيط هههه
فؤاد:(بابتسامة متصعنة)خلينا نتبوحطو محدنا لقينا على من ههه
كريم:نوض قالاك...راه خطبتي اجلتها على قبلك..😁😁😁
فؤاد تزير وزير على يديه وقال:لا متأجل والو انا غدا غنخرج...ونحضر
كريم:لا اصاحبي ...ماشي مشكل نأجلها على قبلك حتا تصح
فؤاد:لا لا مكاين لاش...غنحضر..خلي كلشي فبلاصتو
كريم:على راحتك ...نتساوكم نهار السبت مع السبعة هههه
الحاجة :تبارك الله على ولدي غتزوج...الله يكمل بالخير
كريم:امين الحاجة...حتا نت ضروري تحضري
الحاجة:.الله اودي☺☺☺
فؤاد دور وجهو لجهة الاخرى وعقلو كيبلاني لشي حاجة يندمها...ولبنى بوحدها لي قاشعة اش واقع...من جهة العافية شاعلا فقلب خوها وعارفاه مغيسكتش...ومن جهة وفاء لي عزات عليه وبقات فيها بزااف..منطقات بوالو هي ساكتا وكتشوف البرود لي فخوها ولي أكيد مكبشرش بالخير..
خرج كريم وبقاو هوما معاه...مهضروش معاه حيت عارفينو معصب وهي ساكت ....

عند وفاء
ملي دخلت للدار وانا هي كنخمم...اش هادشي وصلت ليه...انا راه كنخون ثقة كريم فيا ...هو عطاني حريتي وانا فاول فرصة مشيت عند الاخر لي دمرني..بكاني وعذبني..وحيت قلبي ميت..كنبغيه...
دوشت وخرجت لبست تريكو فالاسود هي بكتف واحد وشعري خليتو فازك..وتكيت نتساراح...نهار واحد داز فيه بزاااف تالاحداث...كانت ديك الساعة الربعة تلعشية..نعست مفقت حتال الليل تعشيت وعاودت نعست..مبغاش اديني نعاس وانا نشرب منوم ...ومبقيتش عقلت حتا الصباح..
نضت وانا نتفكر بلي خطبتي مبقا ليها والو ..فقط اربعة ايام وخصني نوجد..
#### تسريع الحداث
فؤاد خرج من المشفى حيت حالتو مكتطلبش ابقا ناعس تما...وفاءلهات راسها هلى تفكير ففؤاد بتوجاد للخطبة..تناسات شوي بين المعهد
والتوجاد..واخا راه بالها باقي مع فؤاد
وصل نهار الخطبة..ووفاء غارقة فالتوجاد ومعها جيهان كتعاونها..لبساتها قفطان فالاحمر وشعرها خلاتو ليها سامبل ودارت ليها مكياج خفيف وأكيد كحلات ليا عينيها ولي جاوها واعرين...كلشي هادشي ووفاء مفرحاناش حيت هي كانت بغات اكون فؤاد بلاصة كريم...لولا القدر الى لعب بيها...
جيهان لبسات قفطان فالازرق وقادات الحالة جات زازز ههههه...هي لي تكلفات حيت وفاء معندهاش شي حد لي يجي يوقف معاها فنهارها...بقا فيها الحال وأول مرة كتحس انها فعلا يتيمة واخا المجهود لي دارو باباها باش متحسش ولكن راه باينا
اي وحدا فينا كتبغي عائلتها وحبابها يوقفو معاها..ويفرحو معاها هي كاع بنات عمها جاو فقط باش يشطحو وياكلو وينممو..من ديما معندهومش معاها...حيت عارفينها كاشي بنتو البيولوجية..
وصلات العشية ووفاء واجدة وطايح عليها السر واخا الحزن واضح فعينيها...بداو كيدخلو عندها البنات اباركو ليها وهي مرفوعة...حتا جا باها قال ليا تخرج...خرجات حادرا راسها ومغطية وجهها بواحد الشبكة من العادات ديالهم اديروها...مشافت حتا واحد ..كانت بغا غي هادشي يسالي دغيا
****
خرجت عندهم زانا حادرا راسي ماشي حشمانة ولكن حيت عيني مغرغرين بالدموع...متصورتش يكون احساس صعيب بحال هذا..كنشوف غي حياتي روتينية وقلبي شاعلا فيه العافية...
كاع اسرة كريم حاضرا ...مو وباه وديك العوجة تختو مزوقا كي شي طعريجا ...انا لي عروسا مدرتش هاكاك...الشعبي خدام والناس كيشطحو ومع الصالة كبيرة بزااف قداتهم...شوية جات حدايا واحد البنت مشفتش فيها حتا هضرات فودني وقالت:تبارك الله جيتي زوينة
من صوتها عرفتها لبنى...ضربنيى الضو من راسي لرجلي عرفتو غيكون حتا هو جا..ترعدت ووليت كنعراق هزيت راسي فيها وقلت بخوف الله يبارك فيك..
حتا جا كريم جلس حدايا كيهضر معايا وانا مرفوعة...مكنسمعوشش...كنتسنا هي الاعصار يدخل..شوي سمعت شهقات البنات وهزيت راسي من تخت الشبكة وانا نشوفو داخل لابس كوستيم كحل وقاميجا كحلة...ومخنزر وريحتو عاطيا على بعد امتار..حسيت براسي تزعطت فيه للمرة الثانية..ترفعت ولا كيبان ليا هي هو ....بدا كيقرب وفكل خطوة كيضرب قلبي يضرب كثر..وصل لعندنا وعنق كريم وقال وهو مبتسم بحالا موقع والو:مبروووك اصاحبي😍😍😍 الله يكمل بخير
كريم:الله يبارك فيك ...العقبا ليك
فؤاد:(كيشوف فيا)امين امين.
كريم:فين خالتي؟؟؟
فؤاد:عيانة مجاتش ...حتال العرس وغتجي..
فؤاد مد ليا يديه يسلم عليا وانا بديت كنترعد حتا حطات لبنى يدها على كتفي..زعما سلمي...مديت ليه يدي وشدها وحسيت بيه ورك عليها وهو يقول:مبروووك الالة وفاء😊😊😊
انا:(بالخلعة قربت نبول خايفاه يدير شي حاجة)الله يبارك فيك
مشا من حدانا وجلس حدا كريم وانا منقدرش ندور وجهي عندو ...كنشوف هي دوك رباعة البايرات ديال بنات عمي كيشوفو فيه وكيتنهدو...اكيد غيكون عجبهم..انا وتزعطت فيه..وهو ممسوقش هي مخنزر..
جات جيهان فيدها صينية ديال الخواتم..وبداو الناس كيزغرتو..وبابا مسكين فرحان مقداتو فرحة...طلبو من كريم يهز عليا الشبكو وهي هزها وانا نرفع عيني لفؤاد ...بان ليا داك العصب مشا ملي شافني..بقينا شوف فيا نشوف فيك حتا مدو ليا يدي عاد توكدت وركب ليا الخاتم وركبتو ليه حتا انا...وعيني عمرو بالدموع..باس ليا راسي والناس كيزغرتو ويصليو على النبي وانا كنموت من الداخل

دنيا بدالا ....فنهار بحال هذا الناس كاملين كيكونو فرحانين وحتا العروس...الا انا...كنشوف فراجل لي بغيت قدامي وصبعي فيه خاتم لرجل اخر...
دازت الحفلة عادي...من ورا ملبسنا الخواتم لبنى وفؤاد مشاو ...مبقاوش بانو ليا ..حتا انا جلست شوي ونضت بحجة عييت...
سالات الحفلة وانا باقا بحوايجي فبيتي،دخلات عليا جيهان وباين عليها العيا وقالت:واخيرا كلشي مشا ...اووف😧😧
أنا:سمحي ليا برزطك معايا😟😟
جيهان:نوضي قاودي هههه مبروك
انا:(بحسرة) الله يبارك فيك
جيهان (سكتات وعاودات قالت)مفرحاناش،؟؟؟
انا:لا فرحانة....هادشي لي خصو يوقع😊
انا كنبتاسم والداخل ديالي عامر ...بلحق اش غينفع الى هضرت..قدري باين..
بقينا مجمعين حتا دخل بابا فرحان...وناشط وقال:الغزلات ترباط ...باقي بحوايجكم
انا بتاسمت وقلت:دروك نبدل حوايجي ونخرج نجمع ديك الروينة😊😊
بابا:لا هي خليها حتال الغدا
جيهان:غدا اعمي غيتعلقو نتائج الامتحان خصنا نمشيو المعهد..
انا:نسيتو كاع...(تميت نايضة للدوش) غندوش ونجمع الروينة
جيهان :غنعاونك احبيبة
بابا :انا غنمشي نرتاح..تصبحو على خير
دخلت دوشت مقصتش شعري ولبست تريكو كسوة طويلة كحلة عريانو من الكتاف...وسبقت جيهان لديك الروينا حتا تبعاتني وجمعناها ونعسنا طحنا دودة...

عند فؤاد
لي هي دخل الدار طلع نيشان البيتو وحيد القاميجا وبقا كيصوط ويضرب...هرس البيت كلو شخشخو...والغضب كيخرج من ودنيه وفمو لي كيغض فيه زيبرد على راسو ...كيهرس وعلى فمو كلمة واحدة"حبيبتي انا تكون لواحد اخر لا لا لااااا"
حيت عايش بوحدو...لقا راحتو البيت هرسو وخرج ليه شو تدم من الجرحا لي فيديه...وبقا كيسوط وهز كارو شعلو ..كياخد منو نفس كبير ويخرجو بحالا الى كيخرج غضبو وصورة واحدا لي فبالو..صورة وفاء وهي بداك الزين كلو قدام راجل اخر غيرو...تعصب ووصلات فيه العظم..جبد قرعة ديال الشراب..وجلس كاس مورا لاخر حتا برد شوي...ودخل الحمام بحوايجو ...وطلق الما عليه وبقا زاكي وصورتها فعينيخ...توحشها بواااف جاتو صعيبة ملي يلقاها تزف لواحد اخر...
خرج من الحمام لبس حوايجو ونزل خرج....
#### عند وفاء 
صبح الصباح وانا باقي مشبعت نعاس فيقت ديك الاخت لي تنشرات حظايا...وناضت كتنكر...خرجت وجدت الفطور ولبسنا ومشينا ديريكت لفاك بعدما فطرنا...هي وصلنا وبنادم جاي لعندنا وكيبارك ليا سولت جيهان:اويلي...واش خطبتي نشروها فالجرائد؟؟؟
جيهان:كطنزي علىالوقت لا...ملقاو نيكتبو هي عليك 😏😏
انا:ايوا زيدي ندخلو نشوفو اش كاين
دخلنا ولقينا النتائج معلقة وانا كيف العادة انا اللولة..فرحت بزااف...وجيهان جات هي رقم سبعة..لمهم هو انها نجحات معايا...كلشي كيبارك لينا وفرحان وحتا أنا فرحت من قلبي..حيت قربت نحقق احلامي..بقينا هكاك مجمعين حتا وقفات ديك المبعككة ديال داك النهار وقالت بتمياق: وفاء مبرووك كنت متوقعة تجي نت لولة بلحق مظنيتش شي ناس يدوزو حتا هوما(كتمعني على جيهان)
انا:(كنمص عليها فالحامض ههه)الله يبارك فيك...لواحد هو لي يجيبها بدراعو اولا اجيهان😁😁
جيهان لقيتها كتبتاسم فشر وهي تنطق:اه عندك الحق ..واش فىاسك اش قلت داك نهار فاش مشيتي(كتهضر مع ديك البعكاكة) قلت لوفاء الى دزت غنشتف على شي ناس ههه
البنت صفارت وخضارت وفهمات بلي غتاكل العصا وهيتحاول تهرب وقالت:يالاه نخليكم..نتلقاو فالشركة.😊😊😊
جيهان:(كتضحك وكتجمع كمامها )اجي ازين نقاد ليك عظامك شوي.هههه
لبنت بغات تهرب وهي تقول جيهان؛صبحية مباركا يا عروسة زغرتي يا وفاء هههه
انا مكنت من العاكزين وانا نزعرت وخليتها كتنتف فيها وتريش...والبنت تريشات بزااف هههه وانا وكلشي كنتفرجو مقدرنا نديرو والو حتا عتقونا الامن تلمعهد وانا مفرشا عليها بالضحك...كنت محتاجا نضحك ...حتا سالاو وانا نبدا نصفق على جيهان بحالا دارت شي انجاز عظيم...صراحة فوجات عليا هههه
كملنا الكومبا ودخلنا للقسم باش نسمعو الاعلان ديال النتائج شدينا بلايصنا..وجلسنا كنتسناو فواحد بوبو عجينة يهضر...حتا دخل فؤاد كيتعنكر بديك المشية المقودة ديالو لي كتخليك تزعط فيه...انا بديت كنترعد تاني حيت شفتو ...ومعجبنيش هاد الهدوء ديالو ...مشا ديريكت لميكرو وقال وهو مخنزر وملامح الجدية باينا عليه وواحد الرباعة ديال الزلالات عمرهم دخلو حتال نهار جا هو ولاو بغاو يقراو ههه لمهم التقحبين محطوط...زعزعني صوتو من الميكرو وهو كيقول بالفرنسية:مبروووك على العشرة الاوائل...وعلى رأسهم وفاء العلوي..ومرحبا بيكم معايا فشركتي..التسعة الاخرين غيكونو تحت يد خبراء عندي غيعاونوهوم حتا يقفو على البحث ديالهم..والاولى ولي هيا وفاء العلوي غتخدم على مشروع ديالها معايا فالفرع لي هنا ولكن معايا...
انا تشللت فاش سمعت هضرتو..مشيت نحماق وليت نصفار ونخضار..خبر مثل الصاعقة..بحابا تكب عليا سطل ماء بارد...اربي اش هاد المصيبة حتا قلت غنتهنا منو صدق غنشوفو ربع شهور ...اربي اش هادشي...
جيهان حلات فمها وتصدمات حيت متوقعاتش هادشي...والبنات لي حدانا كل واحدة وشنو تقول...كاينا لي قالت سعداتها وشي وحدين قالو ايخ معرت علاش جاتها وانا كنقول "يلعن بوه زهر عندي" ...صافي عرفت بلي كاع محاولاتي فأني نبني حياة بعيدة عليه فشلات...سمعت الاستاذة قالت:نطلبو من العشرة الاوائل ينوضو لهنا حيت غتعطاهم منح لدعم البحث..
انا نضت وكنغزل...بحال والوا يجمعها معايا فوق المنصة...طلعت على وعدي وهنأتني الاستاذة ووصلت حظاه هو وهو يسلم عليا ببرود وقال:مبرووك وفاء
انا برودو عصبني وتصرف بحال الى مكيعرفنيش وانا نجاوبو من تحت سناني:لالة وفاء العلوي
هو تصرف بحالا مسمع والو ...وكمل هضرتو للطلبة الخرين وانا بيت نطرطق وجيهان هي كدور فعينيها...سلمنا المنح ونزلنا وسخانا طلعات ليا بالصدمة وقلت لجيهان:ترحمي عليا

هي نزلت خرجت من القاعة انا وجيهان ويدي كيترعدو..كنتمشا وعيني لقدام مكيبان ليا والو..فقط اربع شهور وانا معاه..قربت نتسطا هي كنتفك من مشكل كيجي اخر كبر منو..وهادا خو الكبير..غنشوفو ربع شهور..بداو الافكار كيديوني ويجيبوني..حتا نطقت:جيهان..خاصني نهضر معاه ضروري...منقدرش نمشي لطنجة ونخلي بابا...خصني نهدر معاه يخليني هي فالفرع الثانوي..
جيهان:وفنظرك غيقبل؟؟؟
انا:هذا قراري انا...البحث مشكلتي انا ماشي هو..
مشيت جيهت الادارة وسولت عليه وقالو ليا راه مع المديرة فالمكتب ديالها...مشات معايا جيهان حتا وصلنا حدا باب المدير وانا ندور عند جيهان وقلت:ياربي السلامة
ضحكتها..وهي تقول :بحالا غتحرري فلسطين😂😂😂 تشجعي وخضري معاه
انا :اوكي
دقيت الباب وسمعت دخل وانا نحل الباب وبان ليا هو جالس فكرسي المدير..صدمني صراحة وقال:مدموزيل محتاجة شي حاجة؟؟؟
انا لقيت مستغربة من ديك مدموزيل وبقيت ساكتة شحال حتا قال المدير:لالة وفاء اش حب الخاطر؟؟
انا:(كنتفتف) فصراحة...بغيت...بغيت نهضر مع موسيو فؤاد 
فؤاد:(بصوت غليض)اش كاين؟؟
انا:(في خاطري )هذا مالو هضر هكا معابا...خدامة عندو
انا:على انفراد الله يخليك
فؤاد شاف فيا مخنزر وهو يقول للمدير يخلينا بوحدنا...هي خرج المدير وهي تشدني رعدة والبولة ملقات ايمتا تجيني..اوووف..نقزني صوتو :ياله هضري خلاص
انا:فصراحة منقدرش ندير موضوع البحث فشركتكم...
فؤاد:(ببرود)وعلاش؟؟؟
انا:(حادرة راسي) حيت الفرع الرئيسي كاين فطنجة وانا منقدرش نمشي لتما وحتا حيت...
سكتت وهو يقول هو:حيت اش؟؟(بابتسامة استهزاء) حيت كنا مع بعضا..(هزيت راسي فيه بصدمة حيت قالها ببرود) مدموزيل وفاء كوني منطقية ..متضيعيش فرصة عمرك بسباب شيء تافه وعلاقة عابرة اوكي؟؟
انا هي قال علاقة عابرة قلبي بغا يسكت...قال على حبي ليه عابر..وكلشي لي دوزنا عابر..خسر عليا جوج كلمات باش يوصف علاقتي بيه..ياه افؤاد عمرني ضنيتك هكا..دغيا نسيتي كلشي وليت عابرة..عيني عمرو بالدنوع وانا نتشجع وقلت :سمح لي مغنقدرش نمشي لطنجة(ونضت خارجة فحالي والدموع قربو يهبطو..ووقفني بصوتو)
فؤاد:مغتمشيش لطنجة...اصلا غنخدم معاكم هنا..حيت طنجة تسد الفرع ديالها...الفرق لي كاين هو انك نت غتخدمي معايا فنفس الطابق والباقي خيخدمو فالطوابق الاخرى مع المسؤولين..
انا درت عندو وحادرة راسي وقلت:العنوان عفاك؟؟؟
مزادش معايا الهضرة كتبو ليا ومشافش فيا وخرجت وانا قربت نطيح ...رجلي مهازيتيش...فؤاد لي حبيت يقول عليا عابرة..يعني انا نزوة فحياتو بحال دوك المسخات معامن كيمشي..اهئ اهئ اهئ اهئ😭😭
خرجت عند جيهان ودرت نضاصري تشمس حين دموعي هبطو...وهي تبعاتني كتهضر معايا وانا مرفوعة كتقول:مالكي...اش قال ليك؟؟ هضري جاوبيني
انا:(غاديا ولا رد)
خرجت من المعهد وتاجهت للطونوبيل ديالها..حلات ليا الباب وحيدت النضاضر وبان داك الشلال لي فعيني هي تصدمات بحرا كنت ضاحكة حتا رجعت كنبكي...حدها سولاتني مالكي وانا نقول بصوت منخفض ومبحوح:قال لي عابر...داكشي لي كان بينا بالنسبة ليه عابر..(بالغوات)عابر عابر...😭😭😭 عااابر...انا كنت نزوة فحياتو اخئ اهئ اهئ اخئ...عابر عابر (وبقيت كنضرب فراسب وندب وجيهان كتشد لي فيدي وتهدني وانا والو عاد مزدت فيه حتا مدات يدؤها لصاكي جبدات الشوكة ديالي لي قليل فاش كنستعملها...وضربتها ليا وبديت كنتكالما)
وليت بحال شي حمقة...من نهار رجع وانا كل نهار كنبكي بسبابو ...مكينش النهار لي كيدوز عادي...دورت وجهي لجهة الشرجم وانا باقي كنشهق ..وترخيت وغمضت عيني والدموع نازلين وقلبي كيتحرق من الداخل...صافي تهديت..هاد الخب مرضني فصحتي وقضا عليا...نصبر لكلشي ..العصا التجاهل ولكن يوصف لي بيناتنا بالعابر...لا لا منقدرش...نتقبل هادشي...حرام عليه اش درت حتا يجازيني هكا...قلبي صافي تقهر وتحرق..بلحق كيفما حرقني بالتجاهل ديالو غنحرقو وانا فيد راجل اخر رجل منو
داتني جيهان لدارنا في حسرة ...والحمد لله ملقيتش بابا ..دخلت ديريكت لبيتي وتبعاتني جيهان وقلت ليها:مكنحسش براسي مزيان...سيري ةداك المجر وجبدي مهدئات ديالي وضربي ليها وحدا
جيهان:ولكن..راه خطر شوي
انا:جيهان عفااااك😢😢😢
مشات وجبدات ليا الشوكة ضربتها ليا ونعست محسيتش على راسي حتا غيبت والدموع هابطين...

عند جيهان
ضربات لوفاء الابرة وخرجات معصبة من دارها حيت عارفا وفاء مغتفيقش دابا..خرجات وديريكت لعند فؤاد فشركتو..دخلات وقالت بلي بغات تشوفو ومخلاوهاش واصرات على سكريتيرة وقالت ليها بلي وحدا من الطالبات لي جاو من العشرة الاوائل..وتسنات شوي وهوما يسمحو ليا تذخل...
دخلات عندو لقاتو جالس بكل هيبتو ...محيد الفيست ديال الكوستيم ..وطاوي الكمام تلقاميجة ومعنكر على داك الكرسي الكبير...شاف فيها وقال:اش حب الخاطر امادموزيل؟؟؟
جيهان:واش وجهك هاداك ولا شنو...باشمن حق كتقول للبنت هكاك..
فؤاد:على من كتهضر؟؟؟
جيهان:بلا متبقا تدخل وتخرج فالهضرة...محرامش عليك تدير في البنت لي بغاتك هكا...واخا كلشي لي درت معاها...كذبتي عليها عام وهي كتبكي عليك...مرضات فصحتها وفراسها وفلخر تقول بلي لي بينكم عابر....ها...جاي من ورا بزاااف ديال الوقت ضربتيها وسكتات..مسولتيهاش كيدوزات هاد عام...انا نقول ليك..دوزاتو كتداوا من سبيطار لسبيطار..مشات تحماق...وانت ولا على بالك..يخ منك ومن الحب لي كتكنو ليك
ناض من بلاصتو وتاجه لجيتها وقال ببرود:حتا تعرف اشنو وقع عاد تحكم...
جيهان:(معصبة)خسارة حبها فيك...بغاتك كي الحمقة...(جات خارجة) خسارة😠😠😠
خرجات جيهان وخلات فؤاد كيهضر مع راسو وكيقول:وفاء دياالي وعمر شي حد ميفرح بيها....هههه
#عند وفاء
حليت عيني والدنيا ضباب...عارفا بلي هي الشوكة لي دارت ليا هكذا....توضحات الصورة وبان ليا بابا واقف عند راسي وملامحو عليهم علامة القلق...تقديت فالفراش وعطاني كاس تلما نشرب...واقلة عارف بلي تعصبت وضطريت نستعمل الشوكة...خذا من عندي الكاس وباس ليا راسي وتكاني على صدرو شحال وهو كيتنهد..حاسا بيع..نفس التصرف فاش كنت مرضت اخر مرة...بقينا شحال هكاك..حتا نعست تاني ووصيتو يفيقني حيت غدا عندي سطاج...جيهان مبقيش شتها...

عند فؤاد
تعصبت ملي جات عندي جيهان صاحبة وفاء للشركة...هضراتها حسساتني اني اناني..حيت مرضتها...اديتها بزاااف..ولكن ماشي لخاطري..خصني نوهمها اني مكنهتمش بيها باش نرجعها ليا...
خرجت ديريكت للميناء فين عندي اليخت ديالي...بدلت حوايجي تما وجبدت كاس وقرعة وبديت كنشرب وكنتفكر اول مرا شتها...مكانش فيها شي جمال خارق ولكن بريئة وأهم حاجة هبيلة هههه عفوية...اول شفتها كان فعرس...كانت حاضر لعرس واحد من دوك لي كنتعامل معاهم...حاضر غي بزز...حتى كنت غادي..والعرس تقلب من عرس مغربي لعرس هندي..ههه..تلقات موسيقى هندية زوينة وبداو البنات كيصفرو..ظنيتها صاحبة العروس...تلفت لجيهة تلبنات وشفتهم كيشوفو فالدخلة..درت نشوف فين كيشوفو وبانت ليا واحد الصغيورة تما...كانت غير كلشي زوينة زين على قدها ولكن عينيها اية فالجمال...كانت لابسة ساري هندي احمر جاها غزااال...عمر شي وحدة لبسات التقليدي عجباتني من غير الولدة...كنت ناوي نمشي ولكن بقيت على قبلها..دخلات بحال شي فراشة...كانت باينة صغيرة..غتكون عندها ديك 18 او 19 سنة....متسوقات لحد .عينيها على العروس فقط..صيفتات ليها بوسة فالهواء وطلعات جيهت الديدجي مع ربعة تلبنات وطفا الضوء فقط ضو لي كيبينها هي وفرقتها...بدات كتحرك وتشطح والبسمة مفارقاتش وجهها...كتحرك بعفوية بحال الى مولفا تشطح الهندي...نتحدى اكبر الراقصات فالهنود ميكونوش بحالها...غزااالة بمعنى الكلمة...اقدر نقولو حب من اول نضرة...
وانا في أوج تفكيري..كانت عيني متبعاها بحالها بحال كاع عيون الناس...كتدور وتدور وشعرها كيتهز...هبطات لجيهة الناس وبقات تتحرك وممسوقاش لشي حد فقط باغا تشطح..والعروسة فرحانة...سولت خو العريس عليها...قال ليا صاحبت العروسة بغات تدير ليها مفاجئة...تقنات شطيح nagda dhool انثى بمعنى الكلمة...واها مفيهاش تعاليم انثوية مثيرة ولكن عندها شي حاحة تخلي عينيك ميفوتوهاش...محسيتش براسي حتا كملات وانا نصفق عليها انا الاول والناس تبعوني فرحات وجرات عند صاحبتها باستها والاخرى شكراتها ...وبداو الناس كيقولو "أعد أعد أعد" وهي كي شي درية صغيرة كتدلل وفرحانة ومشات عند الديدجي وعطاتو أغنية اخرى وبدات تاني الشطيح...ختا عيات وهي تهز الميكرو وقالت بواحد صوت رقيق والانوثة كتقطر منو:شكراااا بزاااف...سناء حبيبة مبرووووك عليك
ومشات خرجات...مبقاتش رجعات وانا خرجت فحالي والابتسامة مفارقاتش وجهي...كانت عندي 28 سنة وعجباتني هي لي كتبان صغيرة عليا...
دخلت الاوتيل وهي فبالي هي حطيت راسي وانا نعس ومبقيتش عاقل عليها ههههه....
فقت فالصباح وانا ناوي نرجع فحالي لامريكا...حيت جيت على قبل صفقة عقدتها وحضرت للعرسس...جمعت حوايجي وهبطوهوم ليا الطنوبيل وبغيت نمشي نفطر فواحد القهوة زوينة حدا البحر...دخلت وجلست وهي توقف عليا السرباية مهزيتش فيها راسي وقلت ليها :عفاك جيبي ليا الفطور الرئيسي ديالكم
جاوبات بصوت رقيق:واخا اسيدي هي اللولة😊😊
انا سمعت الصوت وتفكرتو ...صوتها هي...رقيق وانثوي وحنين مجيت فين نهز راسي حتا كانت مشات وبقيت كنتسناها تعاود ترجع...بعد لحطات بانت ليا جايا وفيدها بلاطو ومبتسمة بوحدها...صغيورة ورطيطبة فحركاتها...عمري مرديت البال لتفاصيل شي بنت بحال هكا...كتبان نقية ...لابسة سروال كحل وقميجة كحلة ودايرا طبليا وشعرها هازاه بقلم...اوووو انا الى محبيتش عاد البنت شكون غنحب...
حطات الفطور بابتسامة عريضة ماشي مصطنعة وانا مراقبها حتا نطقات وقالت:بالصحة والراحة ا سيدي😊😊
انا:شكرا...لهلا يخطيك
انا فؤاد لي مكنجاوبش والى جاوبت كنقول شكرا صافي...جات هاد المشيشة وخلاتني نبتاسم ونجازب...ومشات تاني ...بديت كنفطر وكنضحك هي بوحدي...ومراقبها كتخدم وفرحانة واخا عيات...حسيت بيها ولكن مكملا خدمتها
ساليت الفطور وزدت طلبت قهوة باش هي نبقا نتفرج فيها...جابتعا لي بنفس الابتسامة...متسوقاتش ليا واش كنشوف فيها ولا شي حاجة خرا...كتضحك مع الزبناء وكتمازح مع لي خدامين معاها...شربت قهوة وزدت الحرا وكنخبع راسي ورا الطابليت باش نبان بلي راه كندير شي حاجة ....اول بنت مشفتش فيها شوفة عوجة...نقية وطيبة...

خلاتني نحس اني إنسان اولا ثم رجل..امرأة عكست كل النساء...همها هو تضحك وانشط
بقيت قهوة مورا الاخرى حتا شفت فالساعة ولقيت بلي مبقاش الوقت باش تقلع طيارتي...نضت بزربة طلبت الحساب وجابتو ليا وعطيها كارت كيشي باش تخلص وحطيت ليها 200 درهم كتعبير عن حسن خدمتها...انا عارف هاد الدومين مزيان ...شكراتني بواحد صوت هائل..يمكن راجل اخر اجيه عادي ولكن انا اخترق حواسي...حسيت بيها كتهضر من قلبها...بنت بحالها ولات نادرة...خرجت وانا كلي امال اني نشوفها...معرفتش اش بيا من جيهتها...مكرهتش نحط كرسي ونبقا مقابلها اش كدير ...فتاة كلها حيوية وحبوبة ..مشيشة صافي هنن
مشيت ديريكت المطار...وركبت الطيارة خاصة ديالي وانا كنبتسم هي بوحدي..كنشوف فالمضيفات لي فطيارة كيضحكو فوجهي ولكن ماشي بحال ضحكتها...مصطنعة هي لا ..من قلبها...امرأة اختزلت كل النساء
باقي عاقل دازو شهرين وانا فامريكا وانا باقي كنفكر فيها...ماشي بزاااف ولكن زقتما مشيت لشي مطعم او حفل كنتفكرها...رجعت للمغرب وبالظبط طنجة ...هي نزلت من الطيارة وهي طيح فبالي...فين غتكون ديك لعصفورة لي شغلات بالي...مدايرا ماكياج وملابساش لباس مثير وكتبان لالة النسا
جيت على قبل شي خدمة ...وكملتها ودازت 20 يوم وانا هنا...وباش تعرف أنك الى بغا الله ليك شي حاجة كتجيك كتجيك...كنت غادي لواحد الاجتماع وفي طريق وقف بيا الشيفور فالسطوب...وانا داير نضاضر سود ومطلع جاج..ومخنزر كالعادة...ههه بانت ليا التوتة ديالي كتقطع الشانطي بواحد الخفة ديال دوك البنات لي كيبينو فطيور بيبي ههه بقيت متبعها حتا قطعات الشانطي ودخلات لواحد المعهد..وبتاسمت تلقائيا حيت حسيت براسي نتصرت ملي عرفتها فين كتقرا....
كملت طريقي وانا كنفكر فيها حضرت الاجتماع وانا مرفوع معاها...سالا وقررت نمشي نسول عليها فالمعهد...دخلت للدار لي خديت تما وبدلت حوايجس وخرجت بلا شيفور في اتجاه المعهد...
حسيت براسي مراهق ولكن والله حتا شوفا فيها تردك ولد 3سنين...دخلت ديريكت الادارة ولقيت المدير كيتسناني حيت عيطت ليه ...سلمت عليه وديريكت دخلت معاه فالموضوع
انا:بغيت نسولك على واحد الطالبة هنا فالمعهد ديالكم؟؟
المدير:شنو تشرب سيادتكم هو الاول؟؟؟
انا:مبغيت والو ...بغيتك تجاوبني على سؤالي...
المدير:واخا اسيدي...اشنو سميت هاد الطالبة ؟؟؟
هنا حسيت براسي مكلخ ...جاي نسول عليها بلا منعرف اسمها...رتابكت ولكن مبينتش...كلشي فعالم الاعمال كيعرفني قاسح وجبل ميهزو ريح...جاوبت وانا مخنزر:معرفنش...ولكن نقدر نوصفها ليك..
المدير:ولكن اموسيو فؤاد عرفتي شحال من طالبة هنا...راه بلا عدد
انا:مكيهمنيش...ةاخا تعرف تقلب ملف بملف..المهم تلقاها..جيب ليا ملفات الطالبات كاملين من غير ديال السنة الثالثة
المدير:واخا...انا نجبدهوم ليك هنا عندي فالحاسوب
بقيت كتنسنا معاه...كيقلب حتا جبدهوم..نضت حداه وبقيت ملف مورا ملف ووالو ...باقي ملقيتش حتا طحت عليها...صورة شمسية بريئة وعرفت سميتها...وفاء..وفاء ايت الحاج...بتاسمت حيت لقيتها وعرفت انها ماشي من هنا فقط كتقرا...نسخت الملف ديالها فواحظ الكلي يوزبي طلبتها من المدير وخرجت كيف العادة بلا منشكر المدير...غتقولو حاس براسو ولكن انا هكا...تربيت فضروف قاسية خلاتني نولي انسان قاسح بزاااف..
خرجت فرحان بزاااف ومعرفتش للش...وقررت نمشي نشرب قهوة فنفس المطعم لي لقيتها فيه...مشيت دخلت وعيني كتقلب عليها ولكن مكيناش..جا عندي السرباي وخدا طلبي ومشا وبقيت كنتسنا ونشرب فالقهاوي حتا عييت منتسنا وانا نمشي فحالي طالع ليا الدم خصني هي معامن...حيت ملقيتهاش...
مشيت للدار دوشت وقررت منرجع حتا نلقاها ونتعرف عليها...طاحت علي فكرة انني نقلب على الفايس ولكن والو ملقيتش...نضت نتريني شوي ونخرج نشوف شي صحابي...هههه سليم وامين ..تلاقيتهم فواحد الكافي فالخرجة ديال المدينة ...زوين وكالم...بقينا كنهضرو وصراحة فوجو عليا حيت كنت معصب حيت ملقيتهاش...
جلسنا ساعتين تما مجمعين وكنضحكو حتا بغيت نخرج وانا نلقا واحد البنت كتكتب فوق الطنوبيل ديالي بحال الى ديالها وقفت حداها وانا نقول معصب:اش كديري ؟؟؟
هي هزات راسها ودارت وانا قلبي تهز من بلاصتو حيت كانت هي...هازا قلم وكتكتب وباين عليها العيا..وقالت بصوت رقيق:سمح لي سمح لي بزااف مقصدتش كنت كنقاد واحد التمرين وملقيت فين نكتب...كنعتذر
انا ترفعت بقيت هي متبعها كتهضر بواحد البراءة بحالا دايرا شي ذنب هه حتا الاعتذار كان من قلبها جاوبتها وانا باقي كنشوف فيها كتجمع كتوبها:لا مكاين حتا مشكل...
هي:شكرا...(وتمات غاديا) وسمح ليا مرا خرا..😊😊😊
انا عاد سرات معايا بلي راها غاديا وقلت ليها:راه نسيتي قلمك...
هو راه مكان لا قلم لا والو هي بغيتها مزال تبقا..دارت وقالت:قديمة اخويا
صراحة ضحكاتني ملي فهمات بلي راه كنتحرش بسها ههه وحتا فاش قالت كنقاد تمرين ههن.هداك الزين كامل كان كيقرا التسيير ...الله يعطيني مسيرة بحالها ههن
مشات وتبعتها بعيني حتا تلاقات بواحد البنت

ومشاو وانا تبعتهم بطنوبيل بلا ميعيقو...ركبو فالطوبيس ومشاو للمعهد...هبطات وبقيت متبعها ومن نيتي تسنيت ساعتين حتا خرجات مع الستة ومشات على رجليها لواحد الدار حدا المعهد...كانت كتمشا بواحد البراءة لي شافها يقول كتقرى فالسيزيام هههه...حركاتني كلي..بغبت نعرفها كثر...متشوق نتعرف على الداخل ديالها..
مشيت منوراها للدار...وبقيت كنفكر فيها وكنقلب على طريقة باش نتعرف عليها...مبغبتهاش تعرفني بلي رجل أعمال معرووف حتا نكتاشفها مزيان
دازو أيام وانا مراقبها..من المعهد للدار من الدار للمعهد حتا الخدمة محال واش بقات فيها..اسراتني ...سالات معايا واحد النهار كانت جالسة فواحد الجردة كتحفض ...سالات معايا ...حتا بانت ليا كتعصب هي بوحدها...تزلت وقربت ليها وسمعتها كتقول :تفو ...مبغاش يخرج...يخخ
ضحكاتني بزااف حتا سمعاتني ودارت مخنزرة وقالت:اش كاين؟؟ كنشطح القرود؟؟؟
جاوبتها وانا ساهي فيها:واش فينما نمشي نلقاك كتحفضي ههه
هي:(بقات كتفكر وهي تنطق)عقلت عليك...نتا هو مول ديك الحديدة لواعرة...هههه
انا:هههه اييه...مالكي؟؟؟
هي:(هزات حاجب وحطات لاخر) ماماليش...سير جمع فقنت اخر..
انا:وراني باغي غي نعاونك...كنت كنتمشى حتا بنت ليا...
خي:مممم تعاوني....الله يجعلني نتيق...😂😂😂
انا:جربيني هههه
هي:واش حتا داك القرد ديال الاستاذ معرف ليه ونتا تعرف ليه
انا:جربيني ههه
هي:واخا ...يالاه هاك
جلست حداها وانا كنشوف فعفويتها...مخافتش مني ....شديت تمرين وبديت نشرح ليها بلي الطريقة باش بدات غلط...وشرحت ليها مزيان وهي متبعا مزيان...حتا كملت وهي توقف وبدات كتصفق عليا بحال شي هبيلة وقالت:وهيا ناري...ليوم داك خينا يتفركع...هههه حليتيها ليا شكرااااا بزاف
جمعات حوايجها ومشات وانا كنقول:على واحب
رداتني باقي صغير بزاااف ههه فعمرها 19 سنة وباقا صغيرة فتصرفاتها هههه
من داك النهار وهي تدخل لقلبي بمرا...وسدات الباب من وراها.. عتابرتها ملكي وصافي سالينا
مبقيش شفتها حتا مشيت لديك جردة طبعا مخطط ليها ولقيتها جالسة وساهيا ...جلست حداعا وهي تقول:الذكي ديالنا هههه
انا:اش كديري هنا؟؟؟
وفاء:جيت نقش رجلي ههه
انا:كطنزي هههه ايوا نقشي ليا معاك ههه😂😂😂
وفاء:😂😂😂😂من نيتك....اه بعدا شكرا على داك النهار عتقتيني والله
انا:ياك بعدا تمرين صحيح
وفاء:مشا يخرج ليه العقل ههههه قال ليا هاد التمرين ميحلوع هي المسيرين تبصح...معرفتش كيفاش نشكرك والله
انا:تقبلي عراضتي لشي قهيوة
وفاء:(خنزرات)بنت ليك حالا ركن تعارف هنا....عاونتني الله يرحم ليك الوالدين والعراضة لاش؟؟؟😠
ضحكاتني فهضرتها ههه وانا نقول ليها :ههههه فهمتي غلط ...هي انا جديد هنا وبغيت صحاب وصافي
وفاء:مممممم واش لي غيخليني نتيق؟؟؟
انا:هههه مغنطمعش فبنيتة صغيرة بحالك هههه
وفاء:😏😏😏 ايه راه فعمري 19 سنة..
انا:هههه واخا هكاك صغيرة..اشنو دابا وافقتي؟؟؟
وفاء:ممممم(كتفكر) واخا...بلحق كل واحد يخلص على راسو...
انا:وعلاش؟؟؟
وفاء:هكاك....
انا منقشتهاش بالفرحة ديال انها وافقات ...مشيت انا وياها لواحد القهوة تما...خدات حليب بشكلاط وكتشربو بحال شي بنية صغيرة...وكيلصق ليها ففوق فمها وكتلحسو بلشانها...لاول مرا شفت فشفايفها...وتشهيتهم بلحق هضرتها كتلهيني على هاد الحوايج...بقينا كنهضرو على كلشي ...عرفاتني على راسها وانا طالبة وبغات تولي سيدة أعمال...وانا عرفتها على راسي ولكن ماشي على اساس فؤاد الكلاوي رجل الاعمال فقط موضف تحول لهنا حيت خدمتو هنا...خديت نمرتها ...ووصلتها لجيهة المعهد وقالت ليا بلي متقدرش تكمل معايا حيت الناس غيهضرو....حبيتها كثر...مرا بعقل طفلة وبتفكير شي وحدا شارفة هههه
بقينا على تواصل شحال مدة اربع شهور وانا وياها مرا مرا نتلاقاو وولينا كنهضرو يوميا...ولات حاجة ضرورية انها تدوي معايا...حسيت بيها ولفاتني وبزااف...كنت كنعاونها فتمارينها وكنستمتع بالهضرة معاها...هادشي كلو ومفراسهاش بلي راني رجل اعمال...حتا تقال عليا الحمل وبغيت نصارحها بحبي ليها....وجاتني مع سفرة لمدة شهرين لفرنسا طلقت مشروع تما وخصني نقابلو...ةهي قلت ليها بلي تحولت لمدينة خرا...درت معاها فنفس البلاصة لي كنلقاها فيها ديما...وانا على استعداد اني نصارحها بحبي...فؤاد الكلاوي لي العارضة المخيرا كتكون معايا ...دوزت شلا بنات جات بنت بلادي وسلباتني...
تمات جايا كتبتاسم كيف العادة وانا نسلم عليها وجلست وانا مقلق وقلت:وفاء...خصني نقول ليك شي حاجة...😯😯
وفاء:اشناهيا؟؟؟
انا:جاني انتقال لمدينة خرا
حسيتها تصدمات ومعجبهاش الحال...حيت مشافتش فيا وبقات ساكتة وحابسة الدموع فعينيها...حتا دوراها عندي وشديت يديها وقلت:كنبغيك اوفاء
حلات عينيها بالصدمة وبقات ساكتة حتا شكيت واش كتبادلني نفس الشعور ...وقفت وقلت:مكتبغينيش يالك؟؟؟
هي كتافات انها توقف وقالت :معاياش مسافر؟؟؟
جاوبتها وانا شاعلا فيا العافبة؛اليوم فالليل...😤😤😤
دوراتني لعندها وبتاسمات وقالت:سير ...غنتسناك☺☺☺
معمري فرحت حتا فرحت لهادشيي...

ضحكت من نيتي ومشيت عنقتها ههه قولو كاع خنقتها حتا بدات تكحب...بست ليها راسها وقلت :مغنخيبش ظنك ....كنبغيك😍😍
وفاء(بخجل):عارفاك...سافر وانا غنتسناك...
فؤاد:نت عمري...نت حياتي...كنموت فيك
هي ولات كتقطر بالحشومية هههه ضحكاتني بلحق محكرتش عليها بزاااف...مشت سافرت وشفت الوالدة كانت عند ختي وواعدتها اني نجيب ليها عروسة وبنت بلادي....بعد شهرين دوزتو كلو هضرة معاها24/24 كتعاود لي كلشي على نهارها وانا كذلك...الا خدمتي وبقا ضميري كيأنبني...حبيتها بزاااف ومكنتش كنغير عليها حيت مكتخلي ليا فين...مكدير مكياج مكتلبس العرا...وكانت عاجباني حيت نهار شفتها بالحكل ..طحت على زنافري كنعتر هههه
دازو الشهرين ورجعت للمغرب فرحان مقلتهاش ليها...وصلت حدا المعهد وبانت ليا خارجة مع البنات كتضحك هي شافتني قدام الباب جات كتجري وخلات كلشي كيشوف فيها وتلاحت عليا عنقاتني بقوة...اخسن تعنيقة فحياتي ..حنينة ورطيطبة..دغيا حاوطتها بديا وعنقتها كنحيد وحشها...كلشي كيشوف حتا تفكرات وهي طلق مني بالحشمة بست ليها راسها وقلت:توحشتك احبيبيتي
صراحة هي حساسة بزااف هي قلتها وهي تدمع عنقتها ودخلتها لطوموبيل وانا فرحان حيت باقا هي هي حلوة وميقنعش منها الانسان...بقينا كنهضرو على اش دوزنا ومرا مرا نبوس ليها يديها وهي فرحانة...كنت كنبقا نسها فيها شحال....كانت هائلة وصعيب علي نخسرها...دوزنا النهار بجوج...كلو ضحك ونشاط وحب...وليت كنعرف نترومانسا حيت بداك الزين خلاتني نقول الكلام زوين بلهلا يطريه ليا...وعندها واخد الضحكة كتسمع على بعد اميال...كتقلقني حيت كلشي كينتابه ليها وانا موريتهاش وجهي الاخر لمغيار...الى انا ورديت ليها البال اكيد أي واحد غيشوفها....الحاجة الوحيدة لي نقدر نزيد نعتارف بيها هي كنبغيك اوفاء وغنبقا كنبغيك
دوزنا نهار بجوج ووصلتها وقالت بلي راه غدا غتحضر لشي مؤتمر مصيفطينهم من المعهد كدورة تكوينية ...يالاه باتنزل وهي ترجع حتا باستني فحنكي ويد خرا شادا بيها حنكي لاخر...بوسة حنينة من امرأة تبعد كل النساء بحضورها...ترفعت صافي وليت واحد اخر..عمري حسيت برجولتي حتال ليها هي..كلامي كدير بيه ومعمري تعصبت عليها ديما ضاحكين..نزلات ودات معاها كلشي...تفكيري عقلي وقلبي...

فقت لغد ليه...واول حاجة درتها وهي نصبح على داك الصوت الغزااال...اتصلت بيها وجاوبات بصوت ناعس:الو
انا:حبيبتي باقي ناعسا☺😍😍
وفاء:هههه وي...راع اليوم مقارياش عندي هي لفورماسيون..
انا:بصحتك النعيسة ازين...فيقي يالاه
وفاء:مفيهاش زعما نرجع نعس😏😏
انا:ههههع والو...ترجعي تنعسي نجي نتهجج عليك تما
وفاء:هههه واخا....فؤاد
انا:ممم(عارفها غتقول كنبغبك حيت ولفتها تدير هكا ونقولها ليها انا)
وفاء:(بصوت حنين) فؤاااد
انا:ههههه حتا أنا كنموت فيك اوفاء
وفاء:هععههه bonne journée😘😘😘
انا:toi aussi...
قطعت معاها ونضت ندوش حيت عندي مؤتمر ...خصني نحضر ليه ومن الكلخ نسيت واش حتا هي غاديا المؤتمر...لبست وخرجت ديريكت لتما ....لبست كوستيم اسود كيف العادة...وصلت والصحافة معمرا القنت...عاونوني الكارد حتادخلت..وبديت كيف العادة كتتلاقا مع رجال اعمال وكنتناقشو على الخدمة...حتا وصل وقت المؤتمر...كان حول رجال الاعمال المغاربة في العالم وانا كنت اولهم...نبهت على الصحافة المغربية متكونش...خفت تشوفها زفاء وانا باقي مقلتش ليها الحقيقة...فصراحة معرفتش علاش كذبت عليها يمكن حيت عاشرت بنات كثار كلهم كانت هماهم مكانتي وفلوسي وحبيت نحربها ومكنتش كنضن بلي هاد التجربة لي درت ليها غتدمر هاد الحب فمرا...وتخليها تكرهني
عيطو لي نعطي كلمتي...وطلعت بنفس الشكل...الشكل لي موريتوش لوافاء المخنزر...بديت كنهضر وكنشرح على تجربتي كرجل أعمال مغربي في الدول الاروبية حتا كنلمح العيني لي حبيتهوم كيبكيو...كانت هي وفاء واقفا قدامي ..ولكن ماشي ضاحكة كيف العادة...كانت كتبكي والدموع كيهبطو سخان على وجهها...هي شفتها وانا نسكت....بقات كتشوف فيا وكتبكي فصمت...القاعة كلها ساكتة وانا حشمت منها حيت كذبت عليها....خرجات من القاعة والبكا ديالها كيتسمع حتال عندي...نزلت تابعها كي الحمق وهي كتجري حتا خرجات من المؤتمر...مهمنيش كلام الناس ولا الصحافة لي كتصور على المباشر عالميا ...هامني فقط نشرح ليها
كتجري وتبكي وتتنخصص حتا دخلات لطواليط وبكاها كيتسمع حتال عندي...كنطلبهاتحل ووالة...حتى دخلت عليها لحمام النسا...كلشي النسا لي تما خرجو وستغربو وانا مشيت لفيسي لي هي فيه وبقيت كندق عليها تحل ووالو وهي كتبكي وتغوت بوحدها وتتنخصص...حتا عييت وانا نفرع الباب...حليت الباب وكون غير محليتو...عمري شفتها هكاك ولا تخيلت نشوفها....الدموع هابطين ونيفها ولا حمر وشعرها تشعكك وكتبكي بكية ديال الدراري الصغار كتنخصص وكل دمعة متبغي روحي تخرج معاها...كنت أناني بزاااف حتا كذبت عليها ...قربت ليها وانا كنقزل:حبيبتي خليني نشرح ليك...راه هي (باقي مكملتش جمعاتها معايا ) وعاودات الاخرى وصوتها مسمعتوش وزادت الاخرى وانا باقي مدرت حتا ردة فعل حيت عارف راسي نستاهل...ياله غتزيد الرابعة وانا نشد ليها يديها وهي زيرات على يدي وعينيها خارجين...والدموع متحبسوش حتا طاحت الارض مغيبة
روحي بغات تخرج من بلاصتها طاحت على وقفتها ....زربت هزينها وانا الدمعة قربات تهبط خرجتها بزربة من الباب اللوراني وحطيتها فسيارتي ومشيت بلا شيفور....عمري سقت بديك السرعة حتال لمعاها...وصلت لصبيطار وهزيتها كي شي حمق كنغوت ايجي طبيب....وداوها من يدي وهي جسد فيه روح ولكن متدمر...بقات فيا وكرهت راسي...حسيت براسي مكنسواش...عطاتني كلشي حب حنان ووفاءفالمقابل عطيتها الكذوب...دخلوها للفحص ومخرجوش حتا دازت ساعتين...ساعتين وانا كنتسنا بحال الميت...ترفعت وليت كنلوم راسي خرج الطبيب وشنقت عليه:كيف راها؟؟؟ واش حية😠😠😠
الطبيب:اش وقع لها مسكينة....واش مراتك؟؟؟؟
انا:(بلغوات صاعر)جاوبني الحبس😠😠😠
الطبيب:تهدن...راه عتقناها فاخر لحظة جاها انهيار عصبي حاد مشات تضيع و....
بقا فبالي كلمة مشات تموت الباقي مسمعتوش...لهاد الدرجة انا حمااار خليت حبيبتي تقرب من الموت...قلت لطبيب:بغيت نشوفها😤😤😤
الطبيب:لا حتى تدوز 72 ساعة عاد تفيق...من مصلاحتها ترتاح
خرجت زعفان ومشت ديريكت للبار ....شربت حتا عييت ونزلت دمعة حارة ومسحتها دغيا ملي تفكرتها فاش قالت الرجال مكيبكيوش...معنديش عليها دكرى خايبا...كلشي زوين وانا جازيتها بالخايب...حسيت براسي كلب ونستاحق الموت....
خرجت من البار للظار ...دوشت بالما السخون باش نزيد نشعل العافيا فراسي كثر مضميري شاعلها فبا.....دمرتها ..قضيت عليها...صورتها مبغاتش تحيد من بالي وهي طايحا....
دوزت دوك ثلاثة ايام كي الويل...النعمة مدايقهاش...الما والكارو...بقيت تما فالسبيطار معاها...واخا مكنشوفهاش زلكن كنشوفها من الزاج ...الاجهزة دايرين بيها ووجها صفر...وهي ناعسة كي الجثة...احتاقرت راسي...نهار الرابع تسميتها تفيق وفاقت ودخل الطبيب لعندها وخرح سولتو وقال:راها فاقت بلحق باقا مريضة...خصها تفادا الصداع والمشاكل...النبض ديالها ممقادش...واعصابها عيانة..
انا:بغيت مشوفها...
الطبيب:زوج دقايق
انا دخلت بلامنحاوب بانت ليا كتشوف فالسقف ومصدومة والدموع فعينيها وهبطو عل خدها

تحسرت على حالتها بزاااف....وزدت احتاقرت راسي كثر...قربت ليها وجيت نشد يديها وهي تترها ودارت عندي وقالت والدموع هواظين:كيفما ضحكت عليا غيجيب الله لي يضحك على ختك وبنتك 😭😭
انا:وفاء حبيا سمعيني....
هي غوتات واحد الغوتة تسمعات فالسبيطار كلوو وبدات كتبكي فهستيريا وكتغوت وتقول:خرج ....خرررررج....كتكرهك...كنهكرهههك...الله ياخد فيك الحق الحيوان...😭😫😭😭
دخلو الاطباء وعطاوها مهدئ وبقات كتسكت شوي بشوي وفمها الله ياخد فيك الحق...
عذبتها بزاااف ...وتعدبت معاها...كانت وردة وانا قضيت عليها...خرجت من عندها زعفان من راسي ومشيت تاني كنشرب ونعاود حتا سكرت ورجعت لداري بت فيها مواعيش...حتا صبح الحال ومشيت السبيطار...دخلت لبيتها ملقيتهاش...خرجو عيني بالخوف عليها وحا الطبيب وشنقت عليه بغضب:فينها...فينهت؟؟؟
الطبيب:تهدن اسيدي.
انا:(صاعر) فينها...فين مراتي...بربي وتوقع ليها شي حاجة حتا نحييك نتا وهاد السبيطار😠😠😠😠
الطبيب:راها حية ولكن راه هربات
انا سمعت هربات تشللت مبقيتش عارف اش ندير...خرجات وهي مريضة غتوقع ليها شي حاحة...داك الطبيب شتفت عليه حملتو مسؤولية هروبها...وتاصلت برجالي يتفرقو فالمدينة يقلبو عليها....تسطيت وحماقت مبقيتش عارف اش كندير...طنجة كلها قلبتها عليها....مخليت مطارات ولا محطات ووالو ...سبيطارات كوميساريات ووالو..البنت غبرات ...شقات الارض وبلعاتها وانا حالتي حالة ....ترونت ووليت عصبي كثر من لول...لي جا قدامي كندوز فيه...وليت هي القصاير فالليل والنهار كنقلب عليها...حتا سميتها مخليت فين قلبت ولي ثارتي انه كيقولو مكينش هاد الاسم....صافي حناقيت...رونت عليها طنجة وملي فقدت الامل وليت هي شراب والكارو وديما حابس راسي....ثلاثة شهور وانا علىديك الحالة...كنلوم راسي عليها...ضيعتها معايا...عياو خوتي والزالدة معايا حتا وليت شوي كنمشي للخدمة...حتا قررت نخوي المغرب فمرة ومشيت لامريكا...وليت فؤاد الكلاوي اخر...عصبي قاسح ومكنرحمش وجنس حواء معنديش معاه...من بعد وفاء مكايناش بنت لمرا لي تجي بلاصتها....تأزمت ملي كلقيتهاش وبغيت نهبل ...فكرة انها خرجات من حياتي دمراتني...وخلاتني نكون واحد اخر...
قرب عرس خويا سفيان والوالدة بززات عليه يتدار فالمغرب وهبطنا كاملين...وفالعرس تلاقيت بكريم صاحب خويا وقالي بلي خطبت...ملي مشيت نشوف خطيبتو لقيتها هي...حبيبتي ...كانت كبرات...معلوم عام وخمس شهور مشتهاش...زيانت كثر وغلاضت والفورمة تقادات وولات كدير الماكياج تصدمت منها بزاااف وهي حسيتها بغات تطيح...سلمت عليها ووركت على يديها وهي تحيدها...كنت عارفها متوترة وسمعت كريم قال بلي سميتها لالة وفاء العلوي...ستغربت حيت كنيتها ايت الحاج...بقيت حاضيها وفرحان حيت لقيتها وفنفس الوقت صاعر حيت هي خطيبة كريم...زيانت وجا معاها لغلط...ههه ودوك العوينات ماشاء الله...سحراتني تاني ولكن دوك الزوامل لي معانا كيشكرو فيها وهي عاجبها الحال...ناضت للحمام ورجعات عينيها حومر...عرفتعا كانت كتبكي وسولتها بعيني مالكي وخنزرات فيا...واحظ الشوي بدا الشعبي وناس كتشطح وهي تنوض حتا هي حزمات على ترمتها وجلسات كتشطح...وبنت الهم كتشطح كي الشيخات ومع غلاطت خي حزمات وهي تبان ترمتها لاصقا ودوك ليهونش...كفراتني شعلات فيا العافيا...وهي ولا على بالها...كتلوز وعاحبها الحال وانا النار شاعلا فيا حيت كلشي حاضيها....بانت ليا مشات الحمام ...وصيت ختي لبنى تحيبها لعندي...خوات ليا الطريق ولقيتها حدا الحمام كتقلب فالتيلي...جريتها وديتها للبيت وهي هضرات ضربتها لوجهها ...وبديت عليها فااسبان ولكن تعدرني كاع الزوامل تشهاوها...وداك ميكي ماوس ديال كريم متحرك فيه والو ....سبيتها وضربتها من غيرتي عليها حتا فكاتها لبنى وداتها...وكملت العرس بزز حيت وصلان فيا العظم...
لغد ليه قلت لكريم اجي اودع سفيان ويجيب معاه وفاء...وفعلا جابها...وجايا برجليها كتعرج ...شافتني وشداتها القفقافة حسيت بيعا وانا كملت عليها مخنزر فيها....تاحت ليا الفرصة نهضر معاها ولكن مسمعاتش لبا ...عصباتني وتعاملت معاها خايب...مأني كنبرد شوقي ليها...ولا كنحاسبها على هروبها....كانت كتبمي بحال شي بنت صغيرة...نفس وفاء متبدل فيها والو من غير الانوثة لي تزادت فيها...مبغاتش تسمع ليا ...ووهمتها انني كنت مراقبها عام كامل وخرجات بعدما داويت ليها رجليها ويديها...بلاصت منكحلها عميتها...زرقت ليها يديها...وحسيت بالذنب...دازت ظيك العشية على خير حتا صدمتها الغد ليه فالمعهد ديالها وبلعاني درت ليهم مسابقة باش لي يربح يكون عندي فالشركة ...كنت متأكد غتربح وتجي خي اللولة ونحاول نكسبها تاني الى قربتها ليا...ولكن تجري الرياح بما لا تشتهي السفن...نهار علنت على المسابقة تعرضت لمحاولة قتل...كانو كيهددوني شخال هادي...والمغرب ماشي امن بالنسيبة ليا....انا جاتني عادي حيت ماشي اول مرا...وتفاجأت بعد يوماين وانا فالسبيطار بيها هي ...دخلات عندي كتبكي بحال كيما عرفتها...بريئة والبكا من قلبها

سولتها لاش جات وهي تقول لي جات تشوفني ...وانا باقي محافظ على تخنزيرة وهي محافطا على البكا...تلاحت عليا عنقاتني...وانا حاوطتها بيدي ليا كثر وعنقتها...كنحيد وحشها...توحشتها بزااف ...كتبكي وصوت بكاها كيتردد فودني...وبكاها كيقطع فيا...حتا تهدنات وبعدتها عليا وبست ليها راسها بوسة طويلة وقلت ليها توحشتك احبيبتي...وزادت فوثيرة البكا حيت عرفتها تفكرات فاش كنت كنفولها ليها...خشيتها فيا وجا فمها فوق عنقي كتبكي وكيتحركو شفايفها وانا كنتهر حتى هييت وانا نبعدها عليا تفاديا لاي مشكل ههه...حطات يدها على وجهي كيف موالفة تدير وسولاتني على شكون دار هادشب...مبغيتش نشغلها زلكن صعرت وزادت كتغوت وبدات كتزيان انا خي حاضيها....وفاء الصغيورة ديالي كبرات وولات انثى وكتعصب...حتا قالت جملة خلاتني نقربها مني كثر...كنت بغيت نبوسها...واخا عمرني تجرأت ولكن هاد للمرة كانت مثيرة بزاااف...دائما مثيرة زلكن هاد المرا مقدرتش نصبر كنت باغي نبوسها ولكن بعدات راسها وفهمتهت...طلباتني ندير للعملية وانا راني مرفوع معاها ووافقت بشرط انني نلقاها ملي نفيق. .... فرحت بزاف وظنيت ان كلشي تحل ولكن لا...ملي فقت لقيت حدايا الوالدة ولبنى سولت عليها حطات ليا لبنى ورقة فيدي وخرجات....حليت الورقة بيد وحدا وبديت كنقرا:فؤاد.غتعصب وغتقلق ولكن هادا هو الحل...نت دمرتني وانا واخا حبي ليك الكبير مقدرتش نسامحك...اديتيني بزاااف...وجيت نشوفك حيت كنت غنحماق ....نتمنى تنساني وخليني نبني حياتي لي دمرت ليا...
سديت الورقة والاعصاب كتلعب بيا...طلع لي الدم بجهد وبغيت نخرج ولكن الوالدة منعاتني...وبقيت تما كنفكر مغدظ باغي نلقاها نقتلها عصا...هي غتبقا معايا...حتا دخل كريم وعلمني بلي خطبتو نهار الاحد...تصدمت ووليت كنهضر ببرود ...صتفي قصتي معاها سالات وبدوك الغدايد لي فيا قررت نمشي لخطبتها وياريتني ممشيت ....تخرقت فقلبي...كانت امرأة بمعنى الكلمة...انثى صارخة...جات بالتقليدي هائلة...حبيبتي انا تزف لواحد اخر...بقيت مكالمي حيت كتشوف فيها الجمال العالمي...هادئة وخجولة ...مشيت نبارك ليها وجيت بيت نسلم عليها وانا نشوف يديها فيها واحد البراصلي كنت هديتو ليها...فيه سميتها...هذا براصلي دسال العائلة كل فرد من عائلة الكلاوي لابسو...هديتو ليها حيت من نهار لول عتابرتها مرتي...بتاسمت وعرفت بلي راها منساتنيش..ةغندير المستحيل باش نرجعها وتسمح لي...ولكن دغيا طلع لي دم ملي كريم هز عليها الشبكة واوا...ملاك صافي...بقات كتشوف فيا وانا كنصبر راسي...لبسو الخواتم وخرجت ديك الساعة للداري هرستها بديك الفقصة ديالها ووالله لكانت لغيري...حبيتي هي...

نضت فالصباح وعضامي كيدروني يمكن من الشوكة تلبارح...مرضاتني...فقت بالعكز حيت اليوم غنبدا السطاج...يالاه بغيت نوض وهي تدخل جيهان مبتسمة ...بتاسمت ليها وقلت:بايتا تحلمي بيا ههه
جيهان:مفيك صواب...وزيدون مجيتش عندك...جيت عند سي العربي نفطر معاه😏😏
انا:هههههه واخا...غنمشيو بجوج للسطاج ياك؟؟
جيهان:اه..بجوج...يالاه هاني سبقتك نوجد الفطور مع حبي..ههه
انا:هههه واخا...
نضت خديت دوش سخون يكمد لي عضامي وخرجت نشفت شعري ودرتو سامبل...شفت فالمرايا وانا نقول:كيفما نت نسيتيني انا غنمحيك...بعتني بالرخيص ...انا نعطيك فابور
بتاسمت وخرجت لبست سروال فالبيج وديباردو فالبيض وكاب حفيف ابيض...وسدري باين ههه...وجهي درت ايكرون وريسيل وعكر خفيف وخرجت عندهم ...جيهان حلات فمها حتا سدستو ليها بيدي وانا نقول:هههه اسبحان الله الموت كدور ههه
جيهان:هااا....اه...نفطرو ونمشيو
دارت عند بابا وقالت:سي العربي بوحدك لي والد الزين احنيني خههه
بابا:هههههه ايوا شنو...واش عرفتي انا شحال دوزت فالشباب هههه خليني ساكت ههه
انا:هههه عارفينك ههه
كملنا فجو ضحك ونشاط...كنحس براسي وليت مزيان...ظنيت اني غنتألم ونتأزم ولكن لا...هاد المرا لا...يكفي بسبابو ضيعت عام مقريتوش ودابا نضيع حتا مستقبلي ...الحياة تجارب وانا تجربتي معاه كانت فاشلة وعابرة كيفما قال هو...خرجت انا وجيهان ضاحكين ومجممعين..مهضرناش على البارح...جيهان مكتبيش تحكر عليا...وحنا غاديين وقفنا فالسطوب وقفات حدانا واحد الطنوبيل كحلة سايقها واحد التيتيز ههههه بقا كيشوف فينا حتا خنزرات فيه جيهان ولكن بقا كيشوف فبها..وهي مامن العاكزين بقات كتشوف فيه وخرجت يدها من السرجم وبقات كتقرب حتا جرحات ليه الطنوبيل هههه ضحكاتني تسحابني غتنجاذب ليه هههه وتطلق سطوب وكسيرات بجهد وهي كتقول بالغوات:تعيش وتاخد غيرها هههه
انا:ههههه اه اربي😂😂😂😂 كلاشيتيه مسكين هههه
جيهان:حال فيا فمو كي البهل ههههه عبرت عليه...
نزلنا وحنا ضاحكين وتلاقينا فالباب مع الثمانية الاخرين وداتنا واحد المسؤولة تما كتعوج هي بوحدها هههه كتقول:المهم نتوما راه محظوظين بزاااف...ماشي كلشي عندو هاد الفرصة...التسعة منكم غيسطاجيو على يد خبراء ومسؤوولين عندنا ....والاول فيكم غيكون تحت يد موسيو فؤاد...
بقينا تابعيهنا حتا السانسور طلعنا كلنا كي السردين ههه وانا وجيهان كنتوشوشة عليها هههه.واحد المعضمة لابسة صايا قصيرة فخادها كلهم كيبانو بغيت نقول قصيباتها هههه وواحد الشوميز خفيفة مبيناها كاملة وتالقة شعرها والماكياج دايرها ماشي العكس هههه...وصلنا لواحد الطابق وبقات كتعيك بالاسماء...حتا كلشي عيطات ليه الا انا...تلاقات بمسؤول تما...وداهم وبقيت انا معاها شافت فيا وقالت:مالكي ممشيتيش؟؟
انا:معيطيش ليا...
هي:اسميتك؟؟؟
انا:لالة وفاء العلوي
هي:ههههه وايلي....لالة كاع
انا:(باستهزاء) اه ازوينة....شريفة الله ينفعنا ببركتي
هضرت معاها قاسح وهي تقول واخا تبعيني للطابق ديال موسيو فؤاد هو لي غيتكلف بيك ...تبعتها بلا منجاوب...وطلعنا للطابق الاخير...كلاص بزااف ...كلشي خدام والسكات وناس كتصرف بلباقة بقيت هي كنشوف...حتا وصلنا عند واحد ستيلو زرق بحال هادي لي معايا...وجلسو كيدويو وانا لست هنا..حتا حمحمت وقالت مسيميمة لي معايا:منال شوفي هادي (باستهزاء)لالة وفاء العلوي...السطاجير من المعهد...لي جات هي اللولة 
انا خنزرت فيها وبتاسمات ليا السكريتيرة وقالت:مرحبا بيك امادموزيل...موسيو فؤاد كيتسناك...تفضلي ندخلك لعندو..
بادلتها الابتسامة ويالاه بغات تدخلني وهي تنطق الجحمومة لي حدايا :هي خليك انا ندخلها...اصلا عندي شي وراق خص موسيو فؤاد يوقعهم...
مشات وتبعتها ودقات الباب وانا بدا قلبي يضرب...ممستاعداش نشوفو...توترت تاني...حلات الباب ودخلات وتبعتها وبان ليا هو جالس فواحظ البيرو كلو راق..كبير وديال الزاح وهو جاس على الكرسي وخدام على شي وراق ومحيد الفيست ديال الكوستيم وحال القميجة شوي وطاوي الكمام..راجل كتقطر منو الرجولة...بقيت ساهيا فيه حتا هز راسو وشافني وبقا كيطلع ويهبط وهو ينطق:مدموزيل وفاء تفضلي..
عصبني برودو بلحق انا لك بالمرصاد...مشيت جلست وجلسات اونفاص معايا ديك المسمومة وبقات كتهضر معاه على شي وراق وهو كيسني وممسوقش...وهو كيسني هز كارو شعلو وعيني خرجوو...معمري ظنيتو كيكمي وكمل التوقيع وطلب من الاخت العوجة تخرج ...وبقيت انا وياه طيط اطيط...جمع شي وراق وهو يشوف فيا وقال:مدموزيل وفاء مرحبا بيك معانا
انا:(بابتسامة مصطنعة)شكرا😀😀
فؤاد:اليوم غتبداي بالفورماسيون مع موسيو عماد ..مسؤول المبيعات حيت نت تخصصك التسويق...غيعاونك بزااق...غتكوني معاه ...حدا المكتب ديالو ...فالمكتب ديالك..
انا:(بدهشة)المكتب ديالي😰
فؤاد:اه..عندك شي مشكل
انا:لا لا ابدا
معضرش باقي ...هز التيلي وعيط للسكريتيرة وجات وقال:دي لالة وفاء العلوي لعند عماد ..
هي:واخا موسيو
ونضت خارجة وهي تدخل ديك البنت لي كنت شفت عندهم وقالت لي عينيك زوينين

شافت فيا وبتاسمات ورديتها ليها وخرجت تبعت السكريتيرة وداتتي عند واحد السيد كبير شوي فالعمر ...رحب بيا وبقا كيعطيني معلومات على التسيير وعلى التسويق وطريقتو واحدث التقنيات...وجبد ليا الارشيف ديال الشركة فالبيسي وبدا كيوريني كلشي ...فرحت حيت كلقيتش مشكل هنا بحال السطاجات الاخرين...كانو شركات ماشي بحال القيمة ديال الكلاوي ولكن النفخة على والو...سي عماد راجل مزيان مبخلش عليا بشي معلومة ...داتني لواحد المكتب صغير ...فيه بيرو كيوت ومنظم وقالي هنا فين غتبقاي تخدمي على البحث ديالك وجاب لي كلي يوزبي فيها الارشيفات وشي حاجة تقدر تعاوني باش نبني معارفي...بقيت خدامة كنشوف فدوك الدواسا والبيسي حتا عييت طليت وانا نلقا الواحدة ونص تنهار...اوااااه ناري داخلة مع جوج لمعهد..اوووف...هزيت ساكي وخرجت بزربة وبتلفة نسيت الكاب ومشيت بالديباردور ....خرجت مزروبة تاصلت بجيهان مكتجاوبش...كنجري فالدروج...حتا وصلت لسانسور وطلعت وانا كنهج وتلاقيت بداك الزمر تما هو وديك المسيميمةشافني وهو يخنزر فيا واحد التخنزيرة ديال نشدك نفرع مك...انا متسوقتش ليه حيت مزروبة كنهج وصدري كيطلع ويهبط بالجرا....نطقات ديك العوجة بتمياق:واش مفراسكش بلي هاد المصعد ديال موسيو فؤاد فقط..
انا:(كنعيبها) لا مفراسيش....المرا حايا نرد البال ازوينة😏😏😏
فؤاد بقا هي كيشوف فيا وكيطلع ويهبط...وصل الاسانسور للطابق الثاني وهو يقول لديك خبتي:نزلي نت هنااا
والسيدة ترفعات وتشللات وانا كنتسناها تنزل خلاص حيت مشا عليا الحال...هي بقات حالا فمها فيه كتستوعب وانا طلع ليا الدم وخرجت من حداهم وبقيت هابكة فالدروح كي الهيشة....وعندي qsm خصني نحضر ضروري..متسوثتش حتا خرجت من باب الشركة ويالاه خنخرج وهي نشدني شي يد درت نشوف وانا نلقاها جيهان...قلت ليها وانا معصبة :فين كنت الحزاااق راه مشا الحااال على qsm
جيهان:برظي اصاحبتي ...راه تأجل عاد عيطات لي منيا😂😂😂
قربت حتال عندها وقلت:يا بنت القحبة راه مشيت نتسطا وشوفيني كي خارجة😠😠
جيهان:مالكي...غزالة (كطنز) صدر مبندر وواقف هههه.(سكتات وهي تعاود تقول) والله يرحمك😢😢😢
انا:امالكي؟؟؟
جيهان:شوفي بلا متدوري راه داك الزمر مورانا كيطلع فيك ويهبط فيك...باينا قفرتيها تاني...
خنزرت فيها وقلت:انا وياه سالينا....يالاه معايا نجيب كابي ونخرجو راه سالينا..
جيهان:واخا يالاه
طلعنا بجوج وهزيت لكاب وهرجنا ومبقيش شفت داك الزمر....
دازو اسبوع عادي...وفؤاد مشفتوش من داك النهار .. وكريم كنهضر معاه فالتيلي وكنتلاقاو مرا مرا...ودابا راه سافر مع صحابو حيت شد عطلة...سي عماد معاوني حتا بنيت فكرة على موضوع التخرج وعرضتها على سي عماد...وقال لي خصني ناخد رأي فؤاد...توترت وبديت نعراق بحال الى غنشوف هتلر...هزيت الملف ومشيت عندو...لقيت السكريتبرة وقلت ليها بلي بغيت نشوفو...تسنيت واحد العشرة دقايق وقالت ليا دخلي...
دقيت وانا مرعدة...وقالي دخل..دخلت ولقيتو خاشي راسو فالاوراق وخدام...كيبان غزااااال..اعوذ بالله...قالي جلسي بلا ميشوف فيا وجلست وهو يهضر مهزش عينيه فيا:مدموزيل وفاء..كاين منقضيو؟؟؟
معجبنيش برودو وبقا فيا الحال ونطقت:صراحة بغيت نقتارح عليك فكرة ديال البحث ديالي وبغيت رأيك...(شفتو كمش عينيه فتساءل وكملت) من بعد مقريت ارشيفات التسويق ديال شركتكم لقيت بلي عام 2015 هو افضل سنة مناسبة ليا..و...
قاطعني وقال وهو كيحط الاوراق من يديه:2015 مممم واشنو الفكرة لي عندك؟؟
كان كيهضر فحزم وجدية وجاوبتو وانا كنلعب بصباعي:التجديد لي وقع فالتسويق ديال الكلاوي للتصدير..
فؤاد:فكرة هائلة ...بلاتي واحد الدقيقة...
انا:واخا
هز التليفون ودوا مع السكريتيرة ولغا جميع مواعيدو ...صراحة ستغربت...وعكاني اشارة باش نكمل...وكملت وانا كنشرح ليه وهو متبع معايا ....وكيعطيني اراءو وكيستعمل الستيلو والورقة باش يشرح ليا....مغنكدبش الى قلت اني بديت كنتغرم بيه مرا خرااا....كانو حركاتو رجولية...للحظة بقيت ساهية فيه حتا وكضني وقال:هكا مزيان...بقاي على هاد الريتم وغيكون بحث مزيان اوكي...
انا:اه واخا..شكرا...سمح ليا😊😊😊 
هزيت الملف وتميت خارجة من عندو...بلا ميقول والو...برودو ضرني فخاطري بزاااف...خرجت وفطريقي تلاقيت بديك البنت تداك النهار..شفتها كانت بابنة مقلقة مشيت عندها وسولتها:حبيبة مالكي؟؟؟
هزات فبا راسها وعينيها عامرين بالدموع:والو...اهئ😢😢
انا:اجي معايا

باينا فيها مسكينة مقلقة بزاااف....وعزات عليا ديتها معايا البيرو ديالي...وعطيتها كأس تلما شربات وحطاتو وبقات ساكتة حتا نطقت وقلت:مغاتعاوديش ليا مالكي؟؟.
هي:ممالي والو...😢😢
انا:كتبكي هي هكاك ملقيتي مديري ونت تقولي ارا نبكي شوي...ياك
بتاسمات في حزن وقالت:غضحكي عليا...😢
انا:لا كنواعدك منضحكش ...هي قولي..
هي:ضاقت بيا الدنيا ...وكنحس براسي بوحدي...وجيت عند خويا نشوفو...
انا(باستغراب) شكون خوك؟؟؟ وعلاش مقلقة؟؟؟
هي انفاجرات بالبكا...وبقات كتبكي وتتنخصص في صمت...قطعات لي قلبي...ونضت كنطبطب تليها ونسكت فيها حتا سكتات شوي وبقيت كنواسيها وهي تقول:خصني نشوفو،،،،اهئ اهئ
انا:حبيبة ...شكون..؟؟؟
هي:فؤاااد...فؤاد...اهئ اهئ
انا تصدمت مظنيتهاش تكون ختو..عنقتها وقلت ليها :واخا...بقاي هنا انا نمشي نعيط ليك عليه...مجاتش تمشي فوسط الشركة ونت هكا
عنقاتني وقالت:اهى اهئ اهئ😭😭😭
انا:حبيبا قولي لي مالك باش نقدر نعاونك...راك قطعتي ليا فقلبي😢😢
هي:اهئ اهئ ماما ماما....في السبيطار هادي شهر اهئ هنهن و مقلتهاش ليه...قلت مع راسي غنتكلف بلا ميسيق الحبار 😭😭😭
تصدمت من هضرتها وانا داك نهار شفت ماماه صحيحة مابيها والو وقلت ليها:واخا تسناي هنا...انا نمشي نعيط ليه..(شدات فيدي وقالت):عفااااك غيتعصب عليا....اهئ اهئ
انا:لا متخافيش...ميوقع والو
خليتها ومشيت جيهة البيرو ديالو ودخلت عندو بلا مندق وقلت:فؤاد...اجي معايا عفاااك
فؤاد:(مستغرب من طريبة باش هضرت وباش دخلت)اش كاين؟؟؟
انا:نوض معايا وانا نشرح ليك...
هو تبعني ومزادش كلمة حتا لبيرو ديالي دخل وهو يخرجو عينيه من المنظر لي شاف ....ختو كتبكي وتشهق...خنزر وهضر معاها:سلمى مالكي؟؟😠😠
البنت هي كتبكي...وانا نقول لو:انا نشرح ليك(دار عندي مخنزر وخلعني) راه قالت ليا بلي ماماها فالسبيطار و...(قاطعني صاعر بالغوات) اشنو"😠😠
انا تخلعت وختو كثر مني وقلت وانا كنترعد:تهدن راه موقع والو...هي بغات تقولها ليك و راه...
قاطعني تاني ومشا ديريكت لعندها جاهل:اش واقع؟؟؟ مال الحاجة،؟؟؟؟
سلمى :كتبكي اهئ اهئ هنهم😭😭😭
مشيت حيدتو من حداها وقلت ليه:راه البنت مخلوعة ....وزدتي خلعتيها...خليها تشرح ليك
فؤاد:(بالغوات) نت مدخليش...بيني زبينها...ونت(كيهضر مع ختو) مال خالتي؟؟؟
انا زدت ستغربت علاش قال هكا...ونطقات سلمى:بصوت مبحوح راه جاتها كريز..وراه كاينا فالسبيطار...
فؤاد:(معصب)اشمن صبيطار؟؟؟
سلمى:*****
فؤاد:حسابي معاك هو اللخر...حتا نفك هاد الحبس لي مرونين مورا ضهري...وخرج معصب من الشركة ...وبقيت انا مع البنت كنسكت فيها وقالت:بغبت نتبعو....غيدير شي موصيبة...خليني
انا:واخا نوضي نديك....مغتقدريش تمشي بوحدك...
ناضت وهزيت صاكي وخرجتها والشركة كاملة كتفرج فيها...ديتها لبرا الشركة وشديت طاكسي وديتها ومسكتاتش من البكا...حتا زصلنا وطلعنا اطاج فاش كاينا ماماها وبان ليا الغول ماشي فؤاد كيهضر مع الطبيب ...ومعصب وشنق على اىطبيب حتا جريت لعندهم وفكيتو منو ...بقا مخنزر شحال وهو ينطق:اش جايا ديري هنا؟؟؟😠😤😠
انا:واش مكتعرفش تهضر بشوي....ختك مقدراتش تحي بوحدها...
فؤاد:فين هي بعدا؟؟؟.(تلفت كيقلب عليها) ها....اجي نت لهنا
تمات جايا والخلعة طالعاها وقال وهو شاد فيها معصب:دابا غتعاودي لي مالها...ةلا بربي حتا ندفن مك هنا وننسا واش بيناتنا الدم😠😠😠😠 
هاد البنادم بان ليا مكيتفاهمش بلا الغوات...حيدتها من يديه ودرتها ورايا وقلت:فؤاد...سير حتا تبرد واحي هضر معاها مكتشوفش حالتها كيدايرة...
فؤاد:(صاعر) حيدي ولا نجمع مك معاها....هضري نت 
سلمى:(كترعد) هادي شهر سعيد ضاارب...مع واحد الاستاذ ديالو فالمدرسة وملي سبو ناض هو ضربو بستيلو لعينيه...وماما ملي سمعان الخبار جاتهاا كريز...اهى اهئ اهئ 😭😭 مبغيتش نعلمك حيت ماما طلباتني منعلمكش خافتك تضربو اهئ اهئ
فؤاد:بالغوات..اشنو....وتال دايا عاد كتقوليها...تسناو حتا يقتل شي واحد وعلموني😠😠😤 فين هو داك البرهوش(غادي جاي)
انا بصراحة خلعني حيت صعر بالمعقول وهي تنطق سلمى:راه كاين فالدااار
فؤاد:واخا من بعد ونتحاسب معاك نت...اما هو شغلي معاه بوحدو....
جا ديك الساعة الطبيب وقال:المريضة فاقت....الله يخليكم راه صبيطار هدا
جاوبوفؤاد معصب:تقود من قدااامي
ناري على قليل الادب مكيحشمش يقول بحال هتد الهضور...ودخل عندها وتبعاتو هي ودخلت حتا انا...باس ليها راسها وبتاسمات باتسامة متعبة هي زقالت :الله يرضي عليك اوليدي...😊😊
دغيا تبدل ....ولا واحد ضريف...خرج من عندها وتبعنان وقال مخنزر:فين داك الحيوان؟؟؟😤😤😤
سلمى:راه بحرا...كان..ف(شافتو جاي وهي تقول)ها هو جاي...ضبر معاه انا عياني...
دار وهو يلقاه جاي...كان واحد الدري تكون عندو ديك 16 سنة...لابس مزيان وجاي كينمختر...شاف فؤاد وهو يثقل فالمشية.وجاي وكيصرك الريق...فؤاد دار يدو فجنبو وتسناه حتا وصل وقال ببرود:تبارك لله على مولاي السلطان..عاد دابا جاي...واخا تبعني...الدري صفار وبدا كيترعد بالخوف

خرج فؤاد فهدوء وباينا هي مطمر وتبعو داك الولد ... وتبعاتهم سلمى وانا نتبعهم...وصلو لبرا وهو يشنق عليه فؤاد من القب وجرو حتا الباركينغ وخنزر فيه وعطاه بواحد التصرفيقة سال دمو فالبلاصة انا شهقت والدري مطلعش الهضرة ...ناض بغا يهرب هو يردو فؤاد وجلس كيضرب فيه ويعاود حتا سخفو ...كيضرب ويغوت ويقول:يلعن بوك الحمار...كلشي موفر ليك...اللبلس ةموالطنوبيل اخر موديل(هزو من عنقو)ونتا كتفرعن على الاساتذ...دوي الزامل...كتفقص مك لي بقات ليك بلحق انا نربي مك....الحمار
وبقا عليه بالكروشيات ودري مسكين تهد...وسلمى كتنخصس وتبكي...صراحة بقا فيا ومشيت بغيت نفكو واخا احتمالية يخلطني معاه بلحق حشومة بقا فيا...مشيت شديت ليه يديه وهو غيتفركع بالغضب وقلت:فؤاد...فؤاد...شوف فيا(شديت وجهو ودورتو لعندي) راه ماشي هكا كيتحلو المشاكل...طلق منو غتقتلو...
دفعني حتا طحت الارض وتجردات ليا يدي مع الارض...ورجع كيسلخ فيه وانا نعاوظ نوض شديتو وحيدتو ليه من يدو بزز وكنقول:عفاااااك طلق منو راه غتقتلو(بالغوات) بلا حبس طلق من الولد غتقتلو..
خنزر فيا وعروقو خارجين: حيدي من حدايا ولا نضرب مك معاه...الزمل بغا يصيفطها قبل الوقت....
ورجع كيضرب فيه وانا كنفك ويدي غاديا بالدم وكنقول راه غتقتلو طلق منو....نتابه ليدي وطلق منو ودار لعندي:مال حسك كتدخلي(بالغوات)ديها فراسك ...راه غنجمعك معاه..
انا:(دايرا خوه من ورايا)باراكا من البهلان وطلق من دري....المشاكل ماشي هكا كيتحلو😠😠😠
فؤاد:(صاعر وكشاكشو خارجين) وكي كيتحلو فنضرك😠😠😠 والحيوان كيتفرعن...مشاكلو مغرقاني...
انا:دفعت خوه عند ختو وداتو وهو غادي جاي قدامي....صاعر وعراق ولا كيف الثور يديه حمرين وكيسوط بالجهد...خلعني بزاااف تفكرت نهار ضربني كان بحال هكا...بديت كنترعد حيت بقيت بوحدي معاه...جا قدامي وهو يقول بالغوات:اش دخلك نت؟؟؟ كتقلبي على خلا عشتك😠😠😠
انا:شوق راه كنت غتقتلو...كيبقا خوك ومراهق...صبر عليه حتا يدير عقلوو....كاينين ناس خصنا نصبرو معاهم حتا يتهداو والعصا ماشي الحل المناسب...
فؤاد(بغضب):اش باغاني ندير...نسكت ليه حتا يقتل مو...هااا....😠😠😠😠
انا:راع مراهق....راعي ليه....سامحو حتا يدير عقلو
فؤاد:اهاه باغني نسامحو ياك...وملي كتأمني بمبدأ التسامح...سامحيني حتا أنا ...ملكي معدبة ديلمي وفاقصاني
انا:(كنغزل)هاداك موضوع وهذا موضوع...متخلطش....خوك باقي صغير ونتا لي خصك تصبر عليه حيت هي نتا لي عندو...
فؤاد:(كيمسح على راسو)يلعن بوها حياة معاكم....حمقتو دين مي ايخ...
شاف يدي وهو يقول:هادشي لي باغا😤😤😤 فينما مشيتي كتاكلي خلاك...
انا:(عصبني) وبسبابك😠😠😠
فؤاد(مخنزر):تبعيني تداوي يدك...يالاه تحركي...
بقيت واقفا كنشوف فيه وهو يغوت وقال:تحركي خلاص
وجرني من يدي وتبعتو حتى دخلنا السبيطار...وهو يقول لفرملي:داوي ليها يديها
الفرملي:بلاتي نكمل واحد السوان
فؤاد:غنريب على قبيلتك هاد الصبيطار وديك ساعة سواني😠😠😠
انا جريتو من يدو وقلت:واش هبلتي فينما مشيتي كتغوت...اسيدي مباقيش بيت نداوي...
فؤاد:اش بان ليك تداوي عضامك منورا منهرسهوم ليك
انا:ايخ منك😠😠😠
جرني من يدي وهو كيسوط وعارفاه معصب وباغي معامن...داني لواحد البيت وخرج رجع مع الفرملي ...وهو يقول:ها هو غيداويك...
وبدا هداك خينا كيداوي وانا حادرة راسي حتا كمل وجيت نخرج وقلت:برد على راسك...العصب معندو فاش يفيدك...
فؤاد:خرجي نوصلك للدار...
انا خنزرت فيه حيت تجاهل هضرتي وخرجت وطلعنا لفوق لقينا ديك المرا فاقت ...وحداها سلمى وخوه صغير مداوي وجهو دخل ومشا ديريكت عند ديك المرا وباس ليها راسها وقال ليها:خالتي كلشي تقاد😊😊
هي:الله اولدي اش هادشي درت فخوك؟؟؟
فؤاد:(خنزر فخوه)هادشي هي فكوه ....المرا جايا نتفاهمو...
حدر الولد راسو ....وقالت سلمى:ملي باقي محطوش حداك فالبيت راه باقي مدار والو
خنزر فيها وهي تسمت وقال:نت حسابك بوحدو
تدخلت انا وقلت لديك المرا:خالتي الحمد لله على سلامتك اخالتي
بتاسمات ليا وجاوبات:ربي يخليك ابنتي😊😊😊
انا:نخليك اخالتي ميكون باس...غنمشي..
هي:ايجيك الخير ابنتي
بتاسمت وهزيت صاكي وبغيت نمشي وهو يوقفني صوت فؤاد:تسناي غنوصلك
انا:لا بلاش...غنمشي بوحدي...خليك مع ماماك
جيت خارجة وهو يدخل الطبيب..وكنت كنعرفو سلمت عليه نحت انظارهم وقال لي:اهلا لالة وفاء لباس عليك؟؟؟
انا:الحمد لله ونتا؟؟؟
الطبيب :بخير...فين غبرتي؟؟؟ راه باقي مدرتيش التحاليل ديالك..
انا:ان شاء الله نديرهوم....
وخرجت وهو يتبعني فؤاد وعيطت ليا درت عندو منفخة:نعاااام
فؤاد:تحركي نوصلك...ونت باقي كاع مخرجت بديتي تجمعي ليا مع الناس
صراحة حسيت بيه غار عليا وفرحت ومعرفتش علاش...واقلة حيت هاد الايام وقرني هليه ههه
مزدتش معاه الهضرة...وخرجنا من المستشفى وركبت حداه وبقا سايك ومهضرتش معاخ...واخا كان كيبان ليا معصب وانا فقلبي فرحانة حيت غار عليا....فاش تعرفت عليه مكنش كيغير عليا...دابا ولا عصبي وقلبل فاش كيضحك..وصلني

وصلني وبغيت نهبط وهو يقول:بالسلامة 
انا:شكرااا
صراحة بتاسمت ليه حيت معرفتش ههههه كيت خصني نبتاسم...قولو الله يستر....
دخلت للدار ومبتاسمة هي بوحدي هههه وهو مشا هو مكسيري...استغربت من راسي لي فلحظة بتاسمت ليه...رجعت حسيت من تصرفو انه فؤاد القديم لي حبيت اول مرة...
دخلت لبيتي بدلت عليا وخرجت نوجد منكول...وانا كنغني أغنيتي المفضلة "multu sunzuz" وفرحانة...حتا دخل بابا وقال:الله يدومها فرحة😍😍😍
انا:(مبتاسمة) امين....رجعتي بكري...
بابا:جيت نهز وراق ديال الضو تلقهوا...
انا:اه...ورجعت كنغني بصوت عال كي الحمقة...( Uyu aşkım koynumda 
Kaygısız mışıl mışıl 
Bana emanet gül yüzünde Gülümseyen huzur 
Hani gitmiştik ya ikimiz birden Ama bitmiştik harbiden 
Yine bastırırsa kapkara Bulutlar aniden
Ne olur bu evden kimse gitmesin 
Bu hikayede hiç kimse kimseyi terketmesin Mutlu son olmasın
mutlu sonsuz olsun
Dualarım örtsün bizi hasret üşütmesin
Ah ölüm yalan Ayrılık aman)
وكملتها بالتصفيرة.هههه...شحال هادي مفرحت هاكا...غريب حالنا حنا البشر ...مرة ضاحكين ومرا كعبسين هههه ...انا واقلة هي فرحة الغيرة واخا باغا نساه ولكن كنبقا في الاخير مرا وكنبغي لي يحسسني بأنوثثي وفؤاد اليوم نساني فمعاملتو الخايبة كاملة بتصرف واحد....
حطيت ماكلتي وبابا خرج كيضحك عليا ههه ساليت وجمعت الماعن ومشيت نحفض شوي ....درت الكيت وخدمت الاغنية المعتادة (multu sunsuz ديال catagay ...تسنطو ليها راها واعرا) وبقيت كنحفض وكنراجع الدروس لي فاتوني حتا عييت وانا نحط الكتوب ونضت عيطت لجيهان باش نخرجو...
انا:الكلبة فينك؟؟؟
جيهان:فدار با 😏😏😏
انا:نوضي نخرجو....نحماقو شوي هههه
جيهان:(بفرحة) 😍😍😍😍😍 حلفي ههه
انا :والله😂😂
جيهان:ومغنديروش عقلنا ياك هههه
انا:اكيد....من هنا نص ساعا نتلقاو حدا القهوة المعلومة...اوكي
جيهان:نحبك انا😍😍😍
انا:تلاحي زنت جمعتي ههه
قطعت عليها...ومشيت لبست حوايجي ...سالوبيط فالاسود وكونفيرص فالاسود وشعري درت ليه سبولة ومع كانت ديك الخمسة تلعشيا ....مدرتش والو لوجهي...حسيت براااسي رجعت كيف كنت...مبرهشة...هههه وطفولية بزااف حتا فلباسي...هزيت سوارت والفلوس والتلفون وخرجت...دزت عند بابا قلتها ليه ومشيت للقهوة فين دايرا مع جيهان....بقيت كنتسناها شحال...عاد ست الحسن شرفت...خنزرت فيها وقرصتها وقلت:خدامة عند مك انا😤😤 فين كنت من قبيل وانا كنتسناك ...
جيهان:(كتحك بلاصة القرصة) اححح يديك مسمومين...مالكي راه الطريق عامرا(انتبهات لاش لابسة وهي طلع حاجب وهبطان حاجب )ايهايه هيا ناويا نرونوها هههه
شفت فيها شوفة شريرة وقلت:ههههه اكيد يا عمري يالاه
جيهان:😍😍😍😍
خرجنا من تما وركبنا فالاوطو ديال جيهان وانا ناشطة وعلينا الموسيقى وكنغوتو معاها بجهد....مشينا لواحد مدينة الملاهي ....وركبنا فكاع الالعاب ....زاحمنا البراهش على الالعاب هههه وشرينا غزل البنات...وبقينا نممو فالناس ولي داز نشدو فيه...هههه صراحة جيهان كتفوج عليا...عرفتها عام وقدرات تولي ختي لي مولداتهاش ليا مي ....درنا وضحكنا وكلينا ومهمناش العالم...كل همي انني ننشط....دزنا من واحد البلاصة كيوشمو فيها الناس وانا نشوف فيها شوفة تحدي...ضحكات وقالت:هههه لا لا نت اليوم معجبانيش ...ههههه راه حرام
انا:😂😂😂 راه ديال العام محرامش....واخا نديرو هي الحنا الكحلة...
جيهان: فين غديريها؟؟؟ راه كنسطاجيو حشومة نتمو غاديين بالحنا بحال الشيخات هههه
انا:ونزيدك نمضغ المسكة ونبقا كنفقص ليك فؤاد هههه
جيهان:اييه فؤاد😉😉😉
انا:هههههه ماشي شي حاجة
جيهان:الله يجعلني نتيق...هههه زيدي زيدي....
مشينا ولقينا واحد السيد كيدير الحنا الكحلة ....درتها فرجلي...وجيهان فذراعها...وبقيت غاديا فالزنقة حفيانة ولي داز كيشوف فيا وانا ولا على بالي مولفا بالشوها هههه...داز واخد الشاب وهو يقول:الله يستر
درت عندو وقلت:يخركك سطل...
سكت متلاش هضر هههه وجيهان طلقات ديك الضحكة ديالها وكملت عليها انا هههه.كنبانو كي الشمكارات ...صراحة نشطت وفوجت وحسيت براسي درية صغيرة...حتا سولاتني جيهان: وفاء(كتلحنها)
انا:اش بغيتي؟؟؟ههه
جيهان:نسولك ومتقلقيش؟؟؟
انا:(هزيت حاجب وحطيت حاجب) سولي نشوف ههه
جيهان:شو سر ها الابتسامة الحلوة هههه
كتضحكني ملي كتهضر بالسورية وانا نجاوبها:والو ...هي ناشطة...
بقات كتشوف فيا وكتبتاسم....وشفت فيها وشافت فيا حتا ضحكت هههه قشعاتني وقالت :غا كري كري...راه هي جيهان هادي
انا:ههههه صراحة احساس غريب ...
جيهان:فؤاد ياك؟؟؟؟
انا:😳 باش عرفتبها؟؟؟؟
جيهان:باينا 😏😏 اش دار ليك؟؟؟
عاودت ليها كلشي لي طرا اليوم وملي وصلت للحظة فاش غار بتاسمت بتسامة فرح...وهي بقات كتشوف فيا وقالت:شوفي مزيان تكوني فرحانة بلحق ردي البال اوك😊😊
انا:ههه اوكي....يالاه باقي مساليناش الخرجة هههه 
حيهان:لنفس البلاصة ياك ههههه
انا:وي...توحشت تما بزااف ياله...ومشينا كنجريو

عند فؤاد
وصلت وفاء لدارهم وانا ناشط حيت بتاسمات ليا....حسيتها حبيبتي ديال شحال هذا ومشيت ناشط للدار واخا النهار داز مزفت... حتا تصل بيا صاحبي امين ...وقالي نتلاقاو وقلت لو دوز عندي للدار...
مشيت للدار ...دوشت ولبست وجبدت مشروب وجلست نتسنا فامين حيت قالي الموضوع مهم...كنت كنقلب فللتيلي حتا صونا الباب ...خليت ولقيتو امين وقلت وانا كنسلم عليه:افين اصاحبي؟؟؟ هي مشا سفيان وغبرتي عهه
امين:لا لا هي الوقت راك عارف الخدمة
انا:الخدمة ولا البنات ههخهخخ 
امين:شوي لربي وشوي لعبدو هنهه😂😂😂
انا:هههه ياك بعدا
امين :وايبع...كيبقات ليك يديك؟؟؟
أنا:مزيان الحمد لله😏😏😏
امين:ومالك كتقولها مكشر؟؟؟
انا:حيت يدي مكتهمنيش...وصافي
امين:ننا هماك غا وفاء ههههه 
انا:(بضحكة استهزاء) وفاء باغا تحمق ديلمي ....كنحلها من جهة كتعقد من جهة....اليوم داك الزامل تسعيد معصب مو ومصيفتها كريز شهر لسبيطار....😠😠😠
امين:اواااه😳😳😳 اش دار عاوتاني؟؟؟
انا:الحمار لاخر ضرب استاذو...بغا يتفرعن...
امين:الله يهديه باقي صغير....
انا:حتا نتا كتقول بحال وفاء...باقي صغيى
امين:(بضحكة عالية) وفاااااء...وفين شتيها هههه؟؟؟
انا:نوض تقاود براكا من البهلان...راه كتسطاحي عندي واقلة....اجي داك خونا فالله ديال كريم فين زاد؟؟؟
امين:عندو كونجي...
انا:اهاه....كونجي ولا مشا ي....
امين:هههه هاديك اخويا هاديك 😂😂😂
انا:باراكا من الطنز صافي....اصلا مرضني انها معاه...
امين:ايول هذا هو الواقع...صراحة مولات العوينات انا لي نستاهلها دريويش ههه
انا:(خنزرت فيه)😠😠😠 اجمع كرك باراكا من الحبس....راه قلت ليك مكيعجبنيش نتمازح فأمر وفاء....
امين:سعداتخا بيك ههههه لمهم سمعني علاش جيت...شوف اخر محاولة قتل ليك خرجات خفيفة...ولكن مكنتبشرش بالخير....شدينا لي ضربوك ولكن راس الحربا لا...
انا:هادشي عارفو...(كنشعل كارو)
امين:خصك تخوي اخويا المغرب حتا يتهدن الوضع...هادا هو الحل...
انا:اشناهو...هه هبيل لا...نخويه من بعد ملقيتها هههن
امين:(بجدية) فؤاد مكنضحكوش...القضية فيها حياتك....راه هذا التهديد الخامس لي كيجيك....
انا:(كنكمي) مكنخافش منهم😏😏😏
امين:المسألة ماشي مسألة خوف...حياتك فخطر فالمغرب...ونتا خصك تخوي....هنا لي نقدر نفيدك بيه هو الحراسة وهي مؤقتا....واخا نت مسلح ولكن مظمنينش ..
انا:واش باغيني نمشي من بعد ملقيت روحي....عام وانا نقلب عليها كي الحمق ونجي دابا ونمشي....لا ميمكنش 😠😠😠
امين:(تنهد) راسك قاصح....لي نقدر نأمن ليك هو الحراسة ومغتناقشنيش فيها....عتخلي معاك الكارد وصافي
انا:(كنطفي الكارو) واخا صافي...
امين:يالاه بسلامة...باقي تابعاني الخدمة فالمركز...غنصيفط ليك الكارد غدا فالصباح اوك
انا :اوكي خويا...الله يحفظك
امين:نشوفوك😉😉....اه وسلم ليا على لالة وفاء العلوي 😂😂
اما:قود قبل منخلي دار بوك ههه
امين:مالها سايبا تضرب البوليس هنهه
انا:بوك وبو البوليس هههههه
مشا امين وبقيت بوحدي كنفكر فيها وفالمشكل ديال خالتي ....هزيت التيلي وتاصلت بسلمى طمأناتني على خالتي وتكيت حتا داني النعاس فبلاصتي....
عند امين
هي خرج من عند فؤاد عيط العميد وقال ليه يوفر 5 الحراس يكونو مجهزين مزياااان وغذا فالصباح يكونو على باب الفيلا تفؤاد....
عند كريم
عايش الحياة فصويرة مع البنات وولا على بالو....بلحق خليه يغبر نما حتا نلقا فين نجليه ههههه

ضربات الشميشة فبيتي وانا كتعكز ففراشي بعد ليلة رائعة....متفهموش غلط هههخ....دوزت وقت زوين مع جيهان....حسيت براسي رجعت وفاء الحيوية....نضت دوشت ولبست حوايجي وخرجت فطرت مع بابا ومشيت شديت طاكسي الشركة باش منتعطلش...دخلت ديريكت للبيرو...وبقيت خدامة هلى شي وراق حتا دخلات عندي سلمى مبتسمى...بتاسمت ليها وقلت:اهلا مرحبا....
سلمى:صافا حبيبة؟؟؟
انا:الحمد لله ونت؟؟؟ كيبقات ماماك؟؟؟
سلمى:الحمد لله احبيبة...راها دابا مزيان😊😊😊
انا:الحمد لله...الله يشافيها☺😅
سلمى:امين....جيت عندك باش نشكرك على البارح....وقفت معايا...
انا:لا متقوليش هاكا....المهم هو الموضوع تحل...وماماك ولات لباس...
سلمى:اه ههه بفضلك....نتمنى تقبلي اعتذاري ...وعراضتي الغدا ليوم😊😊😊
انا:هههه صافي غي هادي....جاتك الالة😂😂
سلمى:صافي نتسناك مع جوج قدام باب تشركة اوكي
انا:صافي اوكي...واش ممكن نجيب معايا صاحبتي حتا هي...حيت مولفة نتغدا معاها😊😊
سلمى:اكيد...عرضي على من بغيتي...يالاه نخليك دابا...
انا:بسلامة 😀😀
خرجات وانا بقيت كنفكر فيها...سبحان الله لا علاقة بينها وبين فؤاد...كتشبه لبنى ...حنينة وضريفة...داك خوهوم قاصخ حسن عوانهم معاه...
تحدرت كملت خدمتي ...وبغيت نمشي عند سي عماد نسولو على شي حاجة...يالاه خرجت من البيكو حتا كيبان ليا فؤاد...خارج هو وواحد ختنا فالله ....كتعوج وشادا ليه فدراعو...وكتبتاسم بوحظها...تقرصت وبقيت مخنزرة فيهم حتا بتاسم ليا فؤاد وانا نردها ليه مصطنعة...تغددت بوحدي...شادا فيه قول ملكها...اووف..نمشي حسن...سولت سي عماد وخرجت رجعت للبيرو حتا وصلات جوج...عيطت لجيهان وعلمتها بلي غنتغداو مع خت فؤاد...استغربات مي جات معايا...
خرجت من الشركة وبانت ليا سلمى واقفة تما بطنوبيلتها لي اقل مايقال عليها واعرة...طلعنا معاهت وعرفتهم على بعضهم....وبقينا كنهضرو ونضحكو حتا وصلنا لواحد المطعم راقي بزاااف دخلنا وخدينا طبلة...كان هادئ وحنا فينا الضجيج....سلمى:ههههه نتوما خطر والله 😂😂😉😉
انا:ماشفتي والو هههه
جيهان:لحماق والله
جاب لينا السرباي اش بغينا وبقينا مجمعين حتا نطقات جيهان:فؤاد خوك من باك؟؟؟ ياك
انا تقجيت وبديت نكحب وعطاوني الما وجاوبت:اه اجييهان راه باينة هه😆
سلمى:اه هههه...خويا من بابا هو ولبنى😊😊
انا:وسفبان؟؟؟
سلمى:خويا من بابا حتا هو ولكن ماشي شقيق فؤاد....الواليد الله يسمح ليه مزوج ثلاثة المرات...مامات فؤاد وولد معاها فؤاد ...وتزوج خالتي مامات سفيان وماتت وهي كتولدو ورباتو خالتي الحاجة...ومنو راها تزوج بماما وولدني انا وفنفس الوقت تزادت لبنى...انا وياها قد قد....وعاد تزاد سعيد ...ومات بابا من وراها بربع سنين ننه
انا:عائلة محترمة جدا جدا ههههه 
جيهان:زوج وعاود وزيد وزيد هههه
سلمى:وي هههه
جيهاز:كون تشوفي سي العربي بابات وفاء من نهار ماتت مرتو حلف لنزوج ههههن
انا وسلمى :ههههخخخ
انا:حيت كيبغيها هههخ
جيهان:باينا هننن
كملنا الغدا فجو الضحك ...ومشينا من تما ...كل وحدا لشغلها...وانا رجعت للمعهد قريت وبغيت نخرج فحالي لقيت كريم كيتسانني...مشيت سلمت عليه وقلت:كريم...جيتي؟؟؟
كريم:اه...وقلت نديرها ليك مفاجئة ...معجباتكش؟؟؟
انا:😆😆لا اكيد زوينة 
كريم:يالاه انا عرض عليك لواحد البلاصة زوينة حدا البحر😊😊😆
انا:اه واخا
صراحة زاخا مافيا لي يخرج معاه درت ليه خاطرو....وبدبت تاني كنرجع لواقع ديالي ولمستقبلي لي هو كريم....مشينا وانا مدويتش حتا كيسولني هو...ووصلنا لواحد البلاصة خاوية حدا البحر كيتمشاو فيها لكوبل...شد ليا فيدي وبقينا كنتمشاو وحنا ساكتين...ويديه فيديا واخا تضايقت ولكن حاولت منبينش...شوي وهو يقول :وفاء....بغيت نديرو لاكط...
انا بحالا كبيتي عليا سطل ديال الما...وتصدمت من طلبو وجاوبت وانا متوترة:كيفاااش...زعما علاش...بغيت نقول ....
كريم:(قاطعني) بغيت نكونو بحوج فاقرب وقت 😍😍
انا:اه ولكن راه تافقنا ....بلي مغنديروه حتا نكمل قرايتي
كريم:ولكن مباقيش قادر نصبر احبيبة
ودار يديه على وجهي وبقا كيقررب مني وانا عرفتو اش بغا يدير وانا ندور وجهي زعما مبغيتش وعاود دورو وبدا يقرب مني وانا نحيد ليه يديه وقلت:كريم عفاااك
هو متسوقش وعاود رد يديه...نترتها ليه...ونضت وانا نقول:هادشي لاش بغيتينا نديرو لاكط😠😠😠
كريم:(ناض وقرب ليا)باش نحس بيك احبيبتي
انا:وصلني عفاااك ....بغيت نمشي فحااالي
ودورت وجهي لجيهة لخرا والكناوية لاعبا ليا فراسي...وجرني ليه بزز بعا يبوسني وانا كنطر ليه ولكن حاكمني وتما كان خاوي صافي جمعت قوتي وضربتو لمعلم برجلي ومشيت كنجري ....وكنلهت والخلعة شاداني...بانت لي طاكسي شديتو ومشيت ديريكت للدار وانا كنستوعب اش هادشي....حيوااان لاخر ميسواش...باغي يقضي حاجتو...تفو...
دخلت للدار كنترعد لقيت بابا جالس كيشرب اتاي وشافني وقال على سلامة زين ترباط ههه
انا مبغيتش نبين ليه بلي مخلوعة جاوبت مبتسمة بزز:حبيبي راك هنا؟؟؟(بستو فحنكو ويديه)
بابا:يرضي عليك ابنتي... كيداز نهارك؟؟؟
انا :مزيان ونتا؟؟؟
بابا:الحمد لله😊😊

نضت من حداه ومشيت للدوش...سديت عليا وبقيت ندب ومبكي...بقا فيا الحال بزاااف...جاني تصرف حقير منو عمرني ظنيتو هكا ...تفو...دخلت تحت الما كنغسل فلحمي بحالا كنتنقا منو...لي شافني يقول بلي تعدا عليا...بلحق انا هكاك مكنحملش لي يقيسني ....خرجت منو وانا معصبة ...بدلت حوايجي وخرجت نتعشا مع بابا وكنهضر مع جيهان فالواتساب وعاودت ليها كلشي وتعصبات بزاااف وقال ليى:كنقولها ليك من لول بلي ميسواش ونت متيقاه كي ضبعة
💬 انا:صدق حمااااار تفو😠😠
💬وبزاااف ايخ
💬الله ياخد فيه الحق....يالاه نخليك غنعس...بون نوي..نتلاقاو غدا فالسطاج غدا
💬بوننوي زين 😘😘
كملت معاها الهضرة وجمعت الماعن ومشت ننعس ..
صبح الحال وصبحات معاه احداث جديدة فحياة فؤاد ولالة وفاء....
فاقت خي لبسات حوايجها وفطرات وخرجات فاتجاه الشركة...وموقف البارح كيدوز قدامها...بقات كتفكر فبه وفعلاقتهابيه..واش تفسخ هاد الخطوبة وتتهنا ولا تصبر وتكمل على ود باباها....
حاولات تتناسا اش وقع ودخلت ....وشرعات فخدمتها كيف العادة ....حتا جا عندها واحد من دوك السكيريتي وجاب ليها بوكي تلورد فالاحمر...ستغربات وسولاتو:لمن هاد الورد؟؟
السكريتي:ههه لمن بغا يكون ....راك نت لي سميتك لالة وفاء هنا اولا ههه
وفاء:(شداتو من عندو) اه شكرا ....لهلا يخطيك...
شداتو وشماتو...الورد الجوري هو المفضل عندها...لقات فيها ورقة حلات ومكتوب فيها:لامرأة عيناها ورد...انحنت كل الحدائق...
ستغربات واول ةاحد طاح فبالها هو كريم...ظنات انه يمكن بغا يصالحها بهاد الطريقة...حطاتو وكملات خدمتها حتا دخل عليها فؤاد:مدموزيل وفاء فين وصلتي؟؟
هي شافتو وتلفات وقالت:غادا مزيان...
شاف البوكي وخنزر...هز منو وردة وهو يقول بصوت حنين:لامرأة عيناها ورد...انحنت كل الحدائق...وحدها سيدتي تستحق ابتسامة الجوري"
تحلو عينيها بالدهشة وقالت :😳😳😳واش نت لي مصيفتو؟؟؟
فؤاد:لا ....(ببرود) خطيبك😏😏
وفاء:باش عرفتها؟؟؟
فؤاد:قدرت....المهم جيت عندك بغبت نشوف فين وصلتي...ونعطيك هادي(جبد كلي يوزبي)
شداتها وقالت:اش فيها؟؟؟
فؤاد:افكار يقدرو ينفعوك فالبحث....راه دياولي...
وفاء:(مبتاسمة) شكراااا بزاااف 😊😊
فؤاد:(نعطي عمري باش نشوف هاد الابتسامة) على واجب...بسلامة😊😊
خرج وخلاها كتبتاسم بوحدها كي البهلة هههه 
كملات خدمتها وخرجات من الشركة مع جيهان وهي تشوف كريم وبدلات وجهها ...خزرات فيه وتمات غاديا جيهت طنوبيل جيهان وتبعها وشدها من يدها ودارت عندو معصبة....

وقالت:نعااام😤😤
كريم:واش ممكن نهضروو؟؟؟ خصك تسمعيني...انا كنعتاذر على التصرف لي درت البارح...مكنتش عارف اش كندير سمحي ليا😦😦😦
وفاء:هاد الاعتذار معندو باش افيدك...نت هنتني وتعاملت معايا بحال شي بنت زنقة😠😠
كريم:لا متقوليش هكاااا....حشا نت بنت الناس وانا غلطت...
وفاء: كريم الله يخليك...راني معصبة دابا نبرد ونهضروو😤😤
كريم:واخاااا على خاطرك 😯😯😯
مجاوباتوش وركبات فالاطو ومشات مع جيهان عاقدا غوباشتها وسولاتها جيهان:واش غتميكي ليه على هاد التصرف؟؟؟
وفاء:(تنهدات )معرفتش...حرت والله...من جيهة كرامتي ومن جيهة بابا اوووف
جيهان:خليك حتا تبردي وفكري...اوكي
مجاوبتهاش وزصلاتها ومشات...
### عند كريم
مشا من حدا الشركة لعند امين....دار معاه فقهوة وتلاقاو..
امين:افين اسي كريم ؟؟؟؟
كريم:هانيا اعشيري..هي الوقت...نتا لباس؟؟؟
امين :بخير....على سلامتك...قالو ليك كونجي😂😂
كريم:عاد البارح جيت....جيت وكحلتها هه
امين:اش درتي تاني؟؟؟
كريم:عارفني خفيف ههههه حاولت نتقرب من وفاء...
امين جمع الضحكة وقال:كيفاش هاد التقرب؟؟؟؟
كريم:هههههه حاولت نبوسها😂😂
امين:(ناري قفرتيها)اواااه....ومالك على هاد الستونات هكااا...
كريم:مالك مغوبش...هههه..راه حبساتني مخلاتنيش....عطاتني واحد الدقة باقي كضرني لحد الان ههه
امين تكرشخ عليه بالضحك...وقال😂😂😂😂😂😂😂 وامي كرشي هههههه زمتاتك ....عطاتك العصير ههههه تديرها الشريفة تديرها هههه
كريم:ههههه واييه....وبغيتها هي تسمح ليا ورفضات....
امين:يعطيها الستر....باغي نشكرها على هاد الانجاز😂😉😉😉
كريم:وابيه....ومعرفتش اش ندير ...حيت ولات كتهمني بزااف
امين:(جمع الضحكة ) وليتي كتبغيها😳😳؟؟؟؟
كريم: معرفتس....كنفكرفيها بزاااف...
امين:اودي....عالم نتا والله هههه
بقاو مجمعين شحال حتا تفارقو وناض امين...مشا ديريكت لعند فؤاد للشركة بغا يوصل ليه الخبار سخونة....دخل عليه وقال:افين اشاشي؟؟؟
ضحك ليه فؤاد وقال:اهلا اهلا....دخل دخل...جيتي تجيب ليا الكارد برجليك هههه
امين:(كيسلم عليه من الوجه) جيت نصبنك هههه....امالك جريتي على الكارد؟؟؟
فؤاد:مجريتش هههه عي قلت يبقاو بعيد باش منديروش ااشبهات 
امين:بلانك خاوي....خرج تقاود من المغرب حتا تهدن القضية 😕😕😕
فؤاد: ههههه المغرب ديال باك ....والله منخرج منو بلا وفاء....
امين:برب وبقيتي مهدن هكا حتا يطيرو ليك بيها هههه
فؤاد:وايلي كيفاااش؟؟؟
امين:وقع واحد البلان فشكل....وخصك تبرد وتفهمو ...
فؤاد:(عقد غزباشتو) اش كاين؟؟؟😠😠
امين:كريم...حاول يبوس وفاء...
فؤاد ضرب بيديه فالطبلة وخرح عينيه صاعر وقال بالغوات:الزامل لاخر....عرفتو غيدير شي حاجة ...باسها الحيوان😠😠😠😠 بربي حتا نفرع دين مو ....الزامل يبوس فيها ....يلعن بوه وبو قلاويه😠😠😠😠
وناض كيريب فالبيرو وكيغوت وامين كيهدن فيه....
امين:ابرد اصاحبي...راه مقاسهاش هي حاول يديرها...
فؤاد:(معصب) ويلعن بوه لاش احاول...هاديك ديااااالي....معند حد الحق فيها من غيري ...(كيتحلف) بلحق رخيت ليهم بزاااف غنحيه من قدامي....وهي غنتفاهم معاها....مخلياه يقيسها😠😠😠
امين:اصاحبي راه البنت ضرباتو وبعداتو وعليها وقلبات عليه....مدير ليها والو..
فؤاد:مزيان ملي دارتها....😠😠😠 الى بقات فيه راه مولد فيا الكلاوي هي الخلا😠😤
امين:صافي تهدن....يالاه معيا تبدل الجو...ونسا عليك هادشي...هاد وفاء غتخرج ليك عقلك اصاحبي
فؤاد:(كيلبس جاكيطو) كنبغيها دةكشي باش ساكت ليها😤
امين:زيد زيد ونتا حاكر عليها....
خرجو بجوج وفؤاد باقي صاعر وكيسوط هي بوحدو....

عند وفاء...
فقت فالصباح مرونة فعقلي ومغوبشا هي بوحدي ....لقيت خالتي جاتني ...كتعصبني وكنبقا مغددة هي بوحدي...طرفت حالتي ولبست كسوة طويلة فالبوردو بسميطات رقاق...ودرت ايكؤون ولبست صندالة كحلة وهزيت صاكي وخرجت....فطرت مع بابا ووصلني هو للشركة...بستو ونزلت وانا مخربقة فعقلي...العادة الشهرية كتخليني على سبة...كنتعصب بوحدي وكنبكي دغيا....
دخلت للشركة محاملا نهضر مع حد...حتا جيهان مكيناش عندها السطاج فالعشية...وصلت للبيرو وجلست نرتب افكاري ونحاول نكمل موضوع البحث ...كنهز من هنا ومن لهيه...الافكار لي عطاني فؤاد جاو مع داكشي لي بغيت...بقيت خدامة حتا العشرة وجات عندي السكريتيرة كتعوج وقالت:وفاء...موسيو فؤاد بغاك دابا
انا:ومعرفتش لاش بغاني؟؟؟
هي:حتا تمشي وتعرفي😏😏😏
انا:(في خاكري)مال هاد الخرية كتعوج علي وتهز...مناقصا فريع يخخخ)
انا:واخا هاني جايا😆😆
مشات وتبعتها وهي كتعوج بداك الطالون ههه مشات تجي على وجهها.....دقيت الباب وسمعت دخل....دخلت ولقيتو كالس عاقد غوباشتو...وكيخنزر فيا...صرطت ريقي ودخلت والرعدة شادا فيا وملقا الوجع ديال الوداد ايمتا بدا حتا دخلت لعندو ...قلت بصوت منخفض:طلبتني اموسيو فؤاد؛؟؟؟
فؤاد:(باقي محافظ على تخنزيرتو فيا وزادها مطلعني ومهبطني)زيدي😠😠
انا صافي قربت نبول فسروالي ...ملي قال هكاك...قربت لحدا بيروه وهو ينوض...وانا نبدا كنعراق وكنلعب فصباعي ...جا قدامي وتكا على البيرو وربع يديه وبقا كيشوف فيا بواخد الطريقة خلاتني بغيت نهرب...نطق وقال في برود:تهضري نت ولا نفكرك انا؟؟؟
انا:اش اش....غن..غنقول؟؟؟
فؤاد:مبغا تعاودي ليا والو ....😠 
انا:اش غنعاود؟؟؟هبلتي لا؟ راه نتا لي معيط ليا
معرفتش منين جبت ديك الجرأة باش نهضر....جرني لعندو بجهد حتا تلاحيت عليه...وجيت قريبة منو ووجهي فوجهز وصدري فوق صدروو....كنسمع النفس ديالو كيضرب فوجهي...كيتنهد بجهد وانا كنشوف فيه حشمانة منو...حيت قريب ليا بزاااف...خلينا نضراتنا تهضر....وحسيت بيديه محاوطاني من خصري وقال فودني:باغا تهبليني...هاااا...باغا تصفيها ليا..
حسيت بصوتو تهدن ولا كيرجف عرفتو تهدن شاف فيا شحال وانا عيني فالارض...بقا كيقرب ليا شوي بشوي حتا حط نيفو على نيفي...وقلبي كيضرب بجهد...زير على خصري وزاد خشاني فيه...حتا تعصرت وبقا كيشوف فشفايفي وكيقرب وانا كندور فعيني زعما مبغيتش...تبنجت من قربو ليا...والطريقة باش شادني رجولية بزاااف....استسلمت وغمضت عيني كنتسنا البوسة تحط على شفايفي...حتا حسيت بشي حاجة سخونة فوق نيفي....كانو شفايفو ..سخانين..باسني فنيفي وقال بصوت حنين:هاد المرا دازت.. المرا جايا منعقلش عليك...
وطلق مني بشوية وانا تزنكت وليت حمرااااا بزاااف وحادرة راسي ويدي مدوراها على عنقي كنحك فيه بالحشمة وقال:سيري لخدمتك☺☺
انا مشيت بلا منجاوبو...مبقاش عندي فين نشوف فيه....وهو ولا على بالو...خرجت مزنكة وحادرا راسي ....جاب ليا الله بلي راه الناس كاملين عارفيني لش دايرة...دخلت للبيرو ديالي وانا كنقطر بالحشمة شربت كاس ديال الما...وبقيت شحال ساكتة وانا نبتاسم....عجبني الحال بزااااف ملي قربت ليه...

حسيت بفؤاد القديم رجع...داك لي ديما مبتاسم ليا فوحهي وداير ليا الخاطر وعمرو حتا مغوط عليا....بقيت كنبتسم هي شي حمقة ونقيس فنيفي وجاب ليا الله بحالا نيفي باقي فيه ديك السخونية ديالو...شميت ريحتو فيدي وبقيت كنبتسم هي بوحدي...كنتفكر هضرتو وكنزيد نعراق ومحشم...مفهمتش اش بغا يقصد من هضرتو...كملت خدمتي وانا ناشطة واخا الوجع فيا ولكن صبرت حتا جات جيهان ولقاتني كنبتاسم بوحدي وشادا فنيفي هههه وهي تقول:اسبحان الله ....مالكي كضحكي بوحدك؟؟؟هههه
انا عاد رديت ليها البال وجمعت الابتسامة وقلت:هاااا....وا..والو
جيهان:(جلسات) مالكي كتفتفي بوحدك هههه؟؟
انا:هههه والو...عاد جيتي؟؟؟
جيهان:اه...واوووف على داك المسؤول لي عندنا ...مرضني بكثرة النصائح الخاويي هههع
انا:(كنطنز)اوا دربي مو حتا يأذن هههه
جيهان:هيهي نت لي جات معاك....عندك سي عماد ضريف وحتا فؤاد...
انا هي سمعت فؤاد وانا نتزنك وهي تقول جيهان بابتسامة شريرة:امالكي تزنكت ههننه ياكما القليب رجع اضرب عاوتاني هههه
انا:(بلا شعور)اح على غي رجع وسكتي ...(وعيت على راسي اش كنقول)اه ...الا اش كتقولي...راك عارفاني ممسامحاهش وزايدون انا مخطوبة
جيهان:تر على مخطوبة حتا هداك نسميه راجل....يعطيه دقا....ليناتنا فؤاد زوين ومرجل عليه....القاسح احبيبتي حين....اما خذاك راه واحد عنيبة من داكشي هههه
انا طلقت واحد الضحكة الى مخفت نكذب سمعاتني الشركة كاملة وقلت :هههههه😂😂😂😂😂😂😂 وا...واناري كرشي ههههه باش عرفتيه عنيبة؟؟؟
جيهان:ههنهن باينا ههههه...
انا:ناري ضحكتني واخا مافيا لي يضحك ههههه
جيهام:هههه وانوضي امرات عنيبة تغداي ههه
انا:هههه لا هي سيري مقادراس والله....خاطري مروعة عليا
جيهان:😱😱😱😱 ياك القحبة ممشيتي حتا درتيها ...ياك هادي هي ثقة سي العربي فيك....اويلي
انا:سكتي الله يلعن بوك القحبة شوهتني ههههه....راه هي الوداد لاعبا اليوم...
جيهان:ممظم داكشي باش صفرا هههه
انا:ونت درتني حاملة هههه
جيهان:واخا ....انا نمشي....نجيب ليك معايا شي حاجة؟؟؟
انا:لا معندي كانو لوالو ....
مشات هي وبقيت انا كنخدم على شي وراق حتا عود جات السكريتيرة وقالت:وفاء ...من هنا ربع ساعة كاين اجتماع مع ناس ديال الاعلانات...وموسيو فؤاد بغاك تحضري حيت هادشي غيساعدك فالبحث..😏😏😏
خنزرت فيها وقلت:واخا....
مشات وبقيت ختا دازت ربع ساعة ومشيت دخلت لقاعة الاجتماعات وكانو تما الناس كثار ولكن فؤاد باقي مجاش...جلست وانا متوترة واخا كانو موضفين معانا من الشركة ولكن توترت...يمكن حيت اول مرة كنحضر لشي اجتماع وفشركة كبيرة بحال هادي...تسنينا شوي ودخل فؤاد عاقد غوباشتو كيف العادة والحدية باينا عليه...تحلف عليه ماشي هو لي باسني قبيل....جلس وهو يقول :alors on commence??
نطقات وحدة من شركة الاعلان: موسيو فؤاد...بعدما توصلنا بنوعية المنتوج جديد ...قررنا نفكرو ونعطيو لسيادتكم احسن الافكار...وشكرا على الثقة لي عطيطينا...
فؤاد:(ببرود) دوزي الاهم
ناري على قمعة ثلاثية الابعاد...حبست الضحكة بزز..حتا خنزر فيا فؤاد...نطقات ديك الموضفة كتشرح الفكرة لي غتتبع باش تشهر المنتوج وتسوقو وكلشي متبع معاها...حتا كملات وهي تقول:وهادشي غيخلينا نكتسحو السوق العربي ....
فؤاد:فكرة مابيهاش...
الموضفة:😑😑😑
فؤاد:وفشحال ديال الوقت هادشي غيوقع؟؟؟
الموضفة:فظرف اربع شهور
انا:(نطقت بلا منحس) كثيرة بزاااف
كلشي دار عندي وانا توترت وحدرت راسي وهو ينطق فؤاد:عندك شي اقتراح الالة وفاء؟؟؟
قالها وهو مخنزر وانا عاد مزدت توترت وانا نقول :ااا....وي...كاين رأي ماشي اقتراح...
فؤاد:(ببرود) كنسمعك
انا بقيت كنشوف فيه وانا نقول موجهة كلامي للموضفة:مع كامل احترامي لرأيك وافكارك ولكن هادشي روتيني....كاين عند كلشي..اقدر اي منافس ديالنا يفكر فيه...شيء لي غيخلي احتمال المنافسة قوي كثر من هاكا....
الموضفة:(معجبهاش الحال) وفنضرك كاين شي اقتراح حسن من هذا...
انا شفت فؤاد زعما يعطيني الاذن ...حرك راسو زعما نوضي....نضت كلي كنترعد وانا نشد من عندها الماركور باش كتكتب فواخد الصبورة وكتشرح....وبديت كنشرح ليهم اش قصدت وبلي الشركة محتاجة لافكار جداد يزيدو بيها القدام ماشي يخليوها فنفس البلاصة...فؤاد بقا كيسمع ليها حتا ساليت وعطيت فكرة للاعلان حسن....ساليت وبقا كلشي ساكت وهو ينطق فؤاد مبتاسم:bonne idée...هادشي علاش كنقلب
بتاسم وفرحت حيت عجباتو الفكرة وعاود قال:هاد الفكرة هي لي بغيت فإعلان المنتوج....
ديك الموضفة شبعاتني تخنزير وانا مشبت جلست فبلاصتي ونظرات الكل عليا...واخا توترت ولكن حاولت نبين الثقة في النفس هههه
فؤاد:بغيت نشوف اول نمودج من هنا 10 ايام اوكي
الموضفة:اوك موسيو
وناض خرج وخلا الموضفين كيهنئو فيا وانا فرحانة...حتا جا عندي واحد من شركة الاعلان مبتاسم وقال:مدموزيل....عجباتني فكرتك بزاااف
مد يديه وسلمت عليه مبناسمة:شكرا بزاااف☺☺
هو:شنو سميتك؟؟؟
انا:لالة وفاء العلوي
هو:ممم شريفة هههن من العلويين

انا:ههه اه
ضحكت ليه فخفة وجهو ...وكيبان ليا سي فؤاد واقف مع واحد خيتي وقريب ليها...كيهضر معاها وممسوقش...بقا لو شوي ويبوسها...حتا تلفت ليا ولقاني واخدا راحتي وهويخنزر...وجا جيهتنا...انا خرجو عينيا...خفت يدير شي مصيبة وتخلعت وهو يوقف عليا كي شمهروش...سلم على داك لي واقف معايا...وقال:موسيو عماد شي حاجة ؟؟؟
عماد:لا...غير بغيت نسلم على الغزاالة ديالنا...ونهنأها😍😍
انا:هيهي شكرا😑
انا ترحمت على راسي وقال فؤاد:غزالة ياك خهه...عرفت نختار 😊😊
انا خرجو عيني ففؤاد...اويلي اش قال...اهيا ناري واس هبيل...والسيد تصدم من هضرتو وقاال:موسيو فؤاد ...وااش خطبتب؟؟؟
فؤاد جاوبو بحالا نيت بصح وفال:وي....(جرني لعندو من خصري) حبيبتي هادي ومراتي مستقبلية☺☺
اويلي اش كيقول...وانا لساني تسرط قول كلاه ليا القط...يخخ على راجل عاطيها الكذوب قتلا...
عماد:مبرووك عليكم...😍😍
ومشا انا خنزرت فيه وقلت؛واش تسطيتي ؟؟؟اش هادشي درت؟؟؟
فؤاد:(زير على خصري حتا ضرني)غتسكتي ولا نخلي الشركة كاملة تفرج فيك....😠😠😠
انا تنترت منو وقلت:حيوااان😠😠😠
حمر فيا عينيه وانا نخنزر فيه وجيت غاديا وهو يقبطني من دراعي وقال الموضفين يخرجو...فعلا خرجو ودار عندي مخنزر وهضر بواحد الكالم عرفتو كيخبي الغضب ديالو..وقال:شوفي ميكت عليك بزااااف ...ورخيت ليك كنتسناك تديري عقلك ولكن نت مبيتيش(بالغوات) مااال مك وليتي هاكا...فينما ما كان شي زامل مجمعة معاه ...😠😠😠
انا عقدت حجباني وهزيت صبعي كنهدد فيه:ماشي شغللك....نت اخر واحد احاسبني ...😠😠😠 ياك انا كنعني ليك هي نزوة...بحالي بحال لي قبل مني...مشغلكش فيا...نعس معاهم كااع
مجيت فين نكملها حتا نزل عليا بتصرفيقة وعاودني الاخرى وسدني من شعري وقال معصب وصاعر ومن تحت ليانو:نقتل ديلمك الا باقي عاودتيها....نت دياااالي وحتا حد مغيقيسك من غيري..😠😠 صبرت لحسك بزااف وعطيتك وقت ونت عاد مزايدا فيه ...مخليا دام الحمار يقيسك...هادي هي العفيفة....😠😠😠
انا دموعي على سبا ونزلو دغيا ووليت كلي معصبة وكنبكي:اعئ اهئ اهئ😭😭😭😭😭😭😭😭 طلق مني الحكار هئ هئ كنكرهك هئهئ😭😭😭
فؤاد:(صاعر)قطعي حسك الحمارة....خليتك عام وليتي ديري لي بغيتي ....دوي...😠😠😠 وليتي تلبسي العرا وتزوقي لزوامل...هااا.هضري
وعاود جمعها معايا حتا طحت الارض والدم سايل من نيفي ومن فمي....يديه كي البالا ...ونضت بغيت نهرب وهو يشدني من شعري وبدا عليا بالسبان والتسرفيق:باغا تهربي ياك....دوزت ليك ديال البارح ملي داكا الزامل بغا يبوسك ونت ساكتا....واليوم كتهضري مع داك الحمار وقدام عيني انا مونيكة انا....بربي حتا نقتلك ومنخلي حد يقيسك...😠😠
انا كنحس بعضامي دروني وهو كيغوت وانا مرفوعة...كنتفكر كي كان الصباح وكي ولا ...ثور هايج...مغنكدبش الى قلت اني حسيت براسي رخصة عندو...وقتما داز يضربني وانا ساكتة...يخ من الحب لي كنحسو من جيهتك افؤاد...فيقني من سهوتي غواتو لي تزااااد..وانا كرزت على يديه حتا ولا غي كيشوف وقلت:عتقني....عتق...ني...غنموت..
وغيبت مبقيت عاقلة على والو...سديت عيني وكنحس بمخي غايخرج من بلاصتو...
#### 
وفاء سخفات لفؤاد فيديه...تخلع ملي شافها هكاك...كيفيق فيها ووالو...وزادو دم لي خارج من بين رجليها...هزها هكاك وخرجها من الشركة وكلشي كيشوف فيه...هو متسوقش...خرحها وركبها فالاوطو وطار بيها لاقرب كلييك...وعقلو بغا يخرج...قلبو تحرق عليها...كيشوفها هكاك كتموت قدام عينيه..وهو السبب...وصل الكلينيك ووخرج هازها ودخلها وكيغوت حتا جاو الطبا وداوها من عندو وسولو واحظ الطبيب:اش طرا ليها؟؟؟؟
فؤاد:سخفات والدم بين رجليها
دخل الطبيب وخلا فؤاد برا....نفس السيناريو كيتعاود قدامو...من عامين ...نفس الشكل هي سخفات ليه وكارزا ليه على يديه...وجها صفر بحال الموتة...كال راسو بالندم والحسرة وتعصب بزااااف ومخنزر وصدرو طالع هابط..خرج واحد الطبيب ومشا كيجري عندو سولو:كيف بقات؟؟😠😠
الطبيب بغا يدير فيها فاهم راكم عارفين الطبا ديالنا كيدايرين..:اسيدي هاد السيدة طاحت بكريز😕😕
طار عليه فؤاد ولصقو مع الحيط وهو كيفور:غتقاد هضرتك وتقول لي اش كاين بلا دوك الفهامات ديالك الخاوية😠😠😠 ولا والله حتا نمحي ديلمك نت وهاد الصبيطار
الطبيب كينفر ويبغي يتفك وكيغوت وفؤاد عاد مكيزير وكيغوت حتا الصبيطار كولو تجمع عليه والناس كيفكوه....وهز كيغوت على الطبيب:بربي وتوقع ليها شي حاجة حتا نفرع مك نت ومول الصبيطار😠😠
طلق منو والطبيب دخل كيجري وميدير جهدو باش يعتقها وفؤاد برا على اعصابو...دازت ساعة عاد خرج الطبيب طار عندو فؤاد وهو ينطق الطبيب بخوف:راها مزيانة دابا خاصها الراخة ومتعصبش
فؤاد:علاش سخفات والدم لي كان فيها ديالاش؟؟؟😠😠
الطبيب:البنت كانت فيها لغيكل..وحيت تعصبات هبطات ليها بجهد..
فؤاد:واش فاقت؟؟؟
الطبيب:لا...عطيتها مهدئ
دخل عندها فؤاد ...بلا مياخد الاذن...لقاها ناعسة ودايرين بيها الاجهزة وهي كتنفس صدرها كيطلع ويهبط وتحت فمها مجروح....
بقات فيه بزاااف وكره راسو حيت ضرها....قرب منها وشد يديها وباس راسها وطاحت دمعتو عليها وقال:سمحي ليا احبيبتي....تعديت عليك...
ومسحها وخرج ندمان....

خرج من عندها وعينيه حمرين...بقات فيه بزاااف خرج عليها مرضها...وغيرتو عليها فاتت القياس ولكن اش غيدير...هو عارفالرجال اش كيسواو...بقا جالس فواحد الكرسي كيمسح على راسو معصب وكيخمم هي بوحدو شي نص ساعة...وهو يعيط للبنى تجي...مقالش ليها اش كاين....جات كتجري تسحابها واش بغاو يقتلوه تاني ..شافتو وهي تقول كتنهج:فؤاااد خويا ....مالك؟؟؟
حدر راسو وقال:دمرتها اختي...دمرتها...😦😦😦
لبنى:اش كاين؟؟؟هلى من كتهضر؟؟؟
فؤاد:بقاي معاها هنا....انا غنعيط لصاحبتها وتجيب باها...
لبنى كفهمات والو...طلات من الزاج على لي ناعس ولقاتها وفاء...شهقات وعرفاتو ضربها...يالاه بغات تخاصم عليه لقاتو مشا....
بقات تما كتمشي وتجي وتشوف فيها....بقات فيها بزاااف ...وجها صفر ودابل وفيه اطراس ديال الايدين...
دخل بات وفاء للمستشفى كيزرب...هو وجيهان ....كيقلبو على بيتها حتا لقاوه...باباها بغا يتسطا فاش عرف الخبار...جيهان خنزرات فلبنى وبقا باها كيشوف فيها بحسرة...حتا جا طبيب وسولوع كي بقات
سي العربي؛كيبقات بنتي؟؟؟
الطبيب:ننا باها...البنت جاتها كريز كانت غتموت لينا كون ماراجلها لي جابها فالوقت المناسب كونا غنفقدوها
سي العربي طاح على ركابيه...وشدوه كاملين وقفوه وهو متحسر:الله ابنتي فين كان مخبي هادشي ليك...اش درت حتا تلقاي العذاب 😢😢
لبنى بقا فيها وزادت كتدمع معاهم....بقاو هكاك حتا دخل فؤاد وجا عندهم وقال:كيبقات؟؟؟
جيهان خنزرات فيه وجات بغات تهضر وهي تحبسها لبنى بعينيها زعما راه كاين باباها...جاوباتو من تحت سنانها:مزيان😠😠😠
سي العربي:شكرا اولدي حيت جبتها فالوقت المناسب...لعلم الله اش عصبها...البنت مريضة..
فؤاد:الصمت وحادر راسو ومغوبش....بقا كيشوف فيها من الزاح حتا بانت ليه حلات عينيها...مشا كيجري عيط اللطبيب ...دخل عندها وفحصها وهي مصدومة غي الدموع هابطين ليها فصمت وكتنخصص...حتا ولا داك التنخصيص غوات...كيدات السيروم وبقات كتضرب فراسها وفالسرير وتغوت وتريب البيت...والفرمليات خافو منها حيت ولات كي شي حمقة..سمعوها من الخارج ودخلو عندها لقاوها كتنتف فراسها وتتجنن وتبكي والدم دايز من يدها حيت تجرحات بشوكة ديال السيروووم...فؤاد تصدم هو لبنى اما العربي وجيهان مولفين....جرا عندها فؤاد بغا يقبطها وهي كتفركل ليه وتغوت:اهئ اهئ😭😭 طلق منيي...اهاه طلق مني كنكرهك ....بعدو مني اهئ😢😢 بغيت ماما...ماماااا(بالغوات)بغيت نمشي هند ماما....
هو كيشدها وهي كتنتر ليه وتبمي....شدها من اللور من خصرها و غواتها طاالع للسما وقال فودنها:شوووو صافي احبيبتي
هي دغيا وقفات وشدات فيديه وبقات كتضرب فيها باش اتلق منها...وباها كيعاونو فيها...ووالو البنت تسطات...جيهان تصدمات كتبكي وتشوف فحالة صاحبتها....اما لبنى كتنخصس....دخل الطبيب بزربة حكموها بحال شي حمقة ودقو ليها البرة...حتا تهدنات وترخات فيدين فؤاد...هزها وحطها فالسرير وخلا باها معاها....وهو يدور للطبيب جرو من كول القميجة وخرجو من البيت وبقا عليه فالعصا حتا جاو الناس افكو وهو كيقول:حمقة هي حتا تدير ليها هكاك....تصخاب مك جالس فبويا عمر الله ينعل الزامل بوك...تفووو
خرجات لبنى كتجري عندو ...بعداتو عليه وهدناتو واخا صدروووو كيطلع ويهبط بالغضب...خرجات جيهان ومشات ليه:جوج كلمات نقولهوم ليك بعد على صاحبتي....😠😠
مجاوبهاش وخرج ...مشا صايق معصب وكيفكر فمنظرها كيبغي يحماق في الاخير خدا قرار ورحع السبيطار باش ينفدو...

على لسان فؤاد...
خرجت من عندها حيواان.فعلا مكدباتش فاش قالت حيوااان....ضربتها بلا رحمة...غيرتي وغريزتي الرجولية غلباتني...فكرة انها تكون لغيري كتجهلني...خليتها قريبة مني باش نصلح الامور وزدت عقدتها....جرحتها بواااف واليوم نصلح كلشي....
مشيت مكسيري مكيبان ليا والو غير وجهها وهي كتسخف...وبعد متكالميت رجعت للصبيطار بغيت نشوفها....نشبع منها ....
دخلت وبان لبا غي باباها جالس وشاد راسووو ....تلفات ليه الدنيا...مشيت عندو وسولتو عليها وقال لي بلي باقا مفاقتش...طلبت منو الاذن ندخل نشوفها...اومأ ليا براسو بأه ...دخلت وكيف لقيتها قبيل وكيف كانت هادي عامين...وجه شاحب وفم بيض بحال الجثة...قربت ليها كانت ناعسة بست راسها وجلست حداها شاد ايديها ...درت جيهة الزاج نشوف واش كيطل باباها وانا نرجع لعندها بستها ففمها...كان بارد واخا محساتش بيا ولكن على الاقل راني بستها...طولت فيها لاني عارف اخر مرا غنقيسها....هزيت عيني ولقيتها بدات كتحل عينيها وانا نخرج دغيا...سلمت على باباها ومشيت وعارف وجهتي هي امريكا وحالف منرجع بمرة للمغرب
جرحتها بزاااف وخاصها ترتاح...يكفي انها تكون فرحانة واخا بعيدة عليا...
####
بعد اربع اشهر
اليوم عندي حفل التخرج انا وحيهان...بعد اربع اشهر ديال البحث والحفاضة قدرنا ناخدو الديبلوم ديالنا وبنقطة عالية..
ملي فقت فالسبيطار داك النهار مكنت عاقلة على والو ...كتا بديت كنسترجع اش وقع وانا نبقا نبكي ونتنخصص ونغوت وانا فيا العصب مكنتحملش....ضربت راسي وعرست البيت حتا دخل فؤاد وبابا وجيهان ولبنى...جا بغا يشظتي ولكن مبغيتش كنتفركل ليه ونتنتر حتا قال فودني صافي اخبيبتي...تهدنت ولكن ملي تفكرت بلي هو لي وصلني لهنا صعرت تاني...مكنتش عارفة اش كندير فقط كنت كنتمنا الموت...بعدما عيشني احساس زوين داك النهار خسر ليا فرحتي...ماشي هو هذا فؤاد لي كنبغي...هاذا وحش...حسيت براسي ترخيت وكنغيب حتا مبقيتش عقلت....مفقت هي على شي حاجة سخونة ففمي...مقدرتش نحل عيني حيت الدوا مدوخني ولكن شميت ريحتو...وعرفتو هو ولكن مقدرتش نتحرك...اول قبلة ليا من عند الراجل لي كنبغي كانت فالسبيطار وفظروف خايبا...وعرفت في الاخير انها اخر قبلة...حيت ملي وليت نضت وكيجي عندي بابا وجيهان جات حتا لبنى وقالت كلام طيح ليا الما فالركابي:وفااء...عيشي حياتك ونساي هادشي...فؤاد مغديش اعاود ابرزطك راه مشا بمرا من المغرب
انا تهديت واخر نفس ليا كنحسو فكل نفس كنخرجو مورا هضرتها...كان خسني نكرهو ونلومو ولكن نزلت عليه دموع حارين وسخان...على ايامي معاه...على كلشي...وعليه هو...
خرجت من السبيطار بقلب مكسور وجسد مرهق من كلشي....بابا وجيهان ديما عندي...مفارقونيش ...عطاوني الحنان والحب حتا وقفت على رجلي ورجعت للشركة لبلاصة لي شفتو فيها اخر مرة...كنت مجبورة نرجع حيت البحث وخياتي العملية على المحك...تبدلت بزاالف وليت هي مغبنة وكنبكي...خاصة فاش كندخل لبيروه لي ولات فيه لبنى ...من يعد خوها ولات هي المسيرة...مبخلاتش عليا بوالو عاوناتني بمعلومات كثار....حتا هي كانت بحالو...ذكية وكل مرى كتعطيني معلومة كنتفكروو...ممشاش من بالي نهائيا...وكريم من نهار مرضت مشتوش ...مكلف راسو حتا يجي عندي...صيفت ليه خاتمو مع بابا ...مقدرتش باقي نكمل فهاد المهزلة...سديت قلبي وحياتي حتا هي...قليل فاش كنضحك...هي الدار والشركة والمعهد...كنغرق راسي فالحفاضة باش منفكرش فيه....جات ماماه واحد النهار زارتني فاش يالاه خرجت من السبيطار مكنتش كنهضر ...دخلات شافتني وباست ليا راسي ومشات...مقدرتش نوقفها ونقول ليها بغيت ولدك يرجع ولكن الجهد مشا حتا الرغبة مبقاتش....
حياتي ولان وحدا اخرى...مبقاش هامني نخرج ولا تضحك كنت فقط باغا معيش...واخا محاولات بابا كاملين باش يردني كيف كنت ولكن هاد المرة صعيب الجرح كان عميق وقاسح عليا...
ساليت البحث وقدمنان ونجحت خديت نقطة مزيانة وحيت انا اللولة دايرين حفلة فالمعهد لتوزيع الشهادات...مكنش فيا لي يمشي ولكن جيهان اصرات عليا...وحشمت نرفض ليها طلب وهي من نهار مرضت وهي معايا...لبساتني هي واحد الكسوة كحلة مشبكة فوق الركبةوسباط كحل وليبا موس...وشعري درت ليه مشيطا خفيفة ودرت مزين على شعري وجهي مكترتش...فوندوتان وفغاجو وعكر حمر ومسكارا فقط...
واقفة فواحد الطبلة انا وجيهان مع شي بنات هوما مجمعين وانا مرفوعة...كيف ديما حتا نغزاتني جيهان بلي غيبداو...سمعت المدير كيهضر وكيهنأ الطلبة وبدا كيوزع فالحوائز والشهادات والمنح عيط عليا انا اللولة وقال:الطالبة الاولى على مستوى المعهد هي لالة وفاء العلوي...مشيت بخطى بطيئة مختارعة بتسامة حزينة كنحاول نبين راسي فرحانة قدااام بابا باش افرح...طلعت وتسلمت الشهادة من عند المدير تحت تصفيقات الناس والمنحة لبنى لي جات عطاتها ليا بحيث انها هي المسؤولة هلى سطاج ديالنا...سلمت عليها وشفت فبابا عينيه كيبريو بالفرحة بتاسمت ليه وجيهان كتصفر خههه حمقة...هبطت

كنتلقى التهانئ ومشيت عنقت بابا وبستو فراسو وحنكو...هو ليه الفضل الكبير حتا وصلت...كون كان بابا الحقيقي ميديرش هادشي...عنقت جيهان وفرحت ليها حيت حتا هي خدات الديبلوم ديالها...بقاو كيفرقو فالشهادات والحوائز وانا متبعة معاهم بالعين فقط...والعقل مرفوع...كلشي هنا فرحان بنجاحو...الناس جايبين اهلهم وصحابهم وكلشي ناشط...وانا فقط كنتفرج بعيني مكندير والو مبتسمة للبرد...كلشي هنئني ولكن لي بغيت انا باقي ملقيتوش...كنت ساهيا حتا سمعت مبروووك الالة وفاء...درت نشوف لقيتو كريم...استغربت اني شفتو من ورا هاد المدة كاملة ...حاوبتو ببرود:شكرا
ودورت وجهي...مبقيتش حابا نشوفو...لوقت لي بغيتو وحتاجتو مسولش فيا كاع ومبغيتش نعرف كاع...لي بغاني بغاني فكاع اوقاتي ماشي هي فالفرح...بقا كيدوي معايا وانا منجاوب هي براسي...حتا شافتني جيهان وعيطات ليا وستأذنت منو ومشيت...الحمد لله فكاتني...مشيت عندها وقالت لي:مال داك خينا اش جابو؟؟؟
انا:وباش غنعرف؟؟؟ يدبر راسو
بقات هي والبنات مجمعين وانا هي ساكتة...وكنفكر ففؤاد كيف العادة ...حتا فيقني صوت الموسيقى...الزدحة على حر الجهد والطلبة كيشطحو...كاين لي مدخل حتا والديه...والهبيلة تجيهان دخلات بابا كتشطح معاه وهو مسايرها فالهبال...الطلبة كاملين فرحانين ووالديهم كثر...تفكرت ماما ودمعو عيني...كون بقات عايشة هي وماما خديجة كون راهم فرحو كثر من بابا....طاحت ليا فبالي وقست السنسلة لي خلات ليا ماما فعنقي ملي كنت صغيرة...شحال من واحد توحشت هاد للنهار ومكايتش ...كاين لي داتو الموت وكاين لي مشا بسبب القدر...بقيت فافكاري حتا جات لبنى وجابت معاها سلمى...عنقتها حيت شحال هادي مشفتها وحتا هي بادلاتني العناق ...وقالت:مبروووك احبيبة فرحت ليك بزاااف
انا:لهلا يخطيك احبيبة....نت اش خبارك😊😊؟؟؟
سلمى:الحمد لله بخير ونت؟؟؟
انا:الحمد لله
كانت هادي هي الكلمة لي كنردد الحمد لله...والناس كيتصحابهم بلي راني بخير...نساو بلي حنا كنحمدو الله فالسراء والضراء...بقينا مجمعين او بالاحرى هوما لي مجمعين وانا كنشاركهم مرا مرا....لبنى كانت كتهضر بواحد الرزانة بحال فؤاد الى كان جدي....وسلمى بخالو الى كان كيضحك...عندها حتا خيا حفرة وحدة تزين فالجنب اليسر تفمها...بقيت كنتأملهم وكنبتاسم بوحدي حتا قالت لي لبنى:لالة وفاء اش ناويا ديري مورا متاخدي الديبلوم؟؟؟☺☺☺
انا:كنفكر نتسراح شوي وندفع للشركات
لبنى:مزيان...راك عارفا شركتنا مفتوحة ليك...بوسطك موجود احبيبة
انا:لهلا يخطيك احبيبة😘😘
سلمى:انا بغيت غي نعرف علاش كلشي كيعيط ليك لالة وفاء هههه؟؟؟
انا:هههه حيت سميتي هكاك ....فالاوراق عندي لالة وفاء العلوي...😂😂😂
سلمى:واااه...سعدانك هههه هي راك من العلويين ههه؟؟؟
انا::هههه تقريبا...اصلي من فاس
لبنى:واه تصحابني شلحة؟؟؟
انا:اه شلحة من عند بابا ولكن ماما فاسية وعلوية
سلمى:ممممم وعلاه نت تابعة اصل ماماك ولا باباك
ارتابكت ومعرفت باش نجاوب وانا نقول:هههه بجوج
واقلة فهمات بلي معنديش جواب...متلاتش سولاتني ...بقينا مجمعين وهي تقول سلمى:وفاء ...غتحضري لهرسي ياك؟؟؟
انا:ههههه هكاك على البرهوشة غتزوح ههه
لبنى:هههههه غيديها واحد الهبيل منو مكاين 😂😂
انا صراحة ضحكوني وفوجو عليا ...وقلت ليها :ههههه مفراسيش بلي غتزوجي ولا حتا مخطوبة ههه
سلمى:متيقيهاش راه راجلي غزااال ....وبوكوص وراجل وسيد الرجال ماشي بحال راجلها ههه
لبنى:مالو كيجاك؟؟؟ غزاااال 😍😍
انا:علاه نت مزوجة البنى😳😳؟؟
لبنى:هههه متقوليش ليا مفراسكش...عادراك عمرنا جبدنا الموضوع ....مزوجة وعندي بنية فعمرها عامين
انا:ههههه حلفي عمرها فراسي هههه تبارك الله ...الله يخليها ليك احبيبة
لبنى:امين هههه
سلمى:بعدا بنتك حسن منك...طلعات ليا ه8ههه
لبنى:حيت داسرة بحالك هههه
انا:هههههه علام والله نتوما بجوج ههه
لبنى:مشتي والو....
سلمى:ظابا قولي لي واش غتجي لعرسي؟؟؟؟
ولا لا؟؟؟
انا::هههه علاه انا نقدر ههه
سلمى:نت غتعاونني فالتوجاد ياك هههه
انا:على الراس والعين...نختار معاك حوايح احم احم 😂😂😂
لبنى تكرشخات بالضحك وانا كثر وسلمى تزنكات...صراحة فوجو عليا ووليت كنضحك حتا جات جيهان وعاودنا ليها اش طرا ...طلقات ديك الضحكة العجيبة ديالها وزادت كملات وقالت:ههههه ونعاونوك توجدي راسك لليلة حمرا ههه😂😂😂😂
سلمى مسكينة قربات تبول فحوايجها وحنا ميتين بالضحك عليها...انا ضحكت من نيتي حتا الدموع سالو بوحدهم من كثرة الضحك...جا بابا وقال:لالة البنات غنمشي انا...حتا تجي مع جيهان😊😊 بقاي نشطي مع راسك..
انا:لا غنمشي معاك
بابا :لا لا جلسي كملي الحفلة ونشطي
بستو فحنكو وعاود قالي مبروووك وكان غادي وهو يقول لجيهان:بسلامة احبي هههن
البنات طاحو بالضحك وجبهان صيفتات ليه بوسة على الهواء هننن
سلمى:ههههه😂😂😂😂 ناري طيرتوني بجوج ههههه واش باباك متهضر معاه هادي هاكا ههههه
جيهان:ههههه سي العربي اوبن مايندد هههه(open minded)
لبنى:هههههه😂😂😂😂
انا:والله حتا ضحكتوني هههه
جيهان:بصحتك احبيبية ضحكي ههه
لبنى:نتوما عالام هههه
سلمى:كون تشوفي الخرجة معاهم هبيلة هههه
لبنى:هههه خصنا نخرجو شي نهار
جيهان :في الويكاند
انا:ممم مزيان
سلمى ولبنى :مشات هههه

دازت الحفلة عادية....ضحكت فيها مزيان...ووصلاتني جيهان...دخلت بدلت حوايجي وحطيت راسي على المخدة وبديت تاني كنفكر ففؤاد...حتا طاحت دمعة من عيني ...وتبعوها دموع خرين مقدرتش نحبسهوم...خشيت يدي تحت المخدة وجبت تصويرتو حطيتها على صدري وكملت بكايا فصمت...اه فصمت...مبقيتش كنبحي بالتنخصيص...وليت صامتة حتا فبكايا...حتا داتني عيني ونعست...
صبح الصباح وضربات شميسة ديال يونيو فبيت وفاء...ناضت كتعكز وكتجر في رجليها دخلات للحمام طرفات وخرجات فطرات وجمعات مع باباها شوي...هو خرج وهي بقات كتجمع الدااار ...وهاكا كيدوزو يامهت...كتفيق وكتفطر تجمع الدار وتطيب الغدا ..يجي باباها يتغدا معاها وهي تحمع الماعن وتبقا جالسة فصمت ...مكتفكر فوالو غي جالسة...جاتها صعيبة ...فالاول كانت صعيبة تفارق معاه ولكن ماشي بحال دابا..دابا هو لي ختار الفراق وحكم عليهم بالبعد وما أدراك ماالبعد...نار تحرق كل من يدخل الى سياجها...
واحد النهار كيف كاع يام وفاء الى ولاو روتينية وتشابهة ...جالسة مع باباها وهو ينطق:وفاااء مغنسافروش هاد العام؟؟؟
وفاء:اه ابابا نسافرو ولكن فين؟؟؟
السي العربي:نمشيو نصيفو في شي بلاصة....ختاىي شي مدينة؟؟؟
وفاء:حتا نفكر ونرد عليه😊😊
السي العربي بعد صمت:بنتي راني مشوش عليك بزاااق...علاش وليتي هاكا ساكتا ...وساهيا فين هي بنتي لي ديما ضاحكة ومنشطاني؟؟؟
وفاء دمعو عينيها ولكن خفات دموعها وفالت بابتسامة حزينة:نوض نشطح ليك مثلا هههه؟؟؟
سي العربي:هههههه مثلا...علاش مترجعيش الرقص ديالك؟؟؟
وفاء:هههه راه غاديا لعامين مشكحتش...محال واش باقي عاقلة
سي العربي:باز لوجهك...كتشطحي من ونت عند ست سنين وغتنساي ههه
وفاء:ههههه واخا...غنشوف شي معهد ندخل ليه ندوز فيه الوقت...☺☺
سي العربي:وعلاش نت لمتخدمي فيه...راه عندك شواهد استحقاقية ...غير بيدما تلقاي خدمة فالدومين لي بغبتي
وفاء:(كتفكر) ننمممم فكرة زوينة هادي...ههههه لقيتها
سي العربي:اش ناهيا؟؟؟
وفاء:المعهد لي كنت فيه انا كان المدير عرض علي اني نكون مدربة للهيب هوب ونشوف الى باقي العرض كاين 😁😁
سي العربي:فكرة مزياااانة والله...غدا سيري
وفاء:لا غنتواصل معاه هي فالفيس بوك...راه ديما كندويو...
سي العربي:واخا بنتي لي بغيتي....الله يرضي عليم..
وفاء:امين
كملو غداهم زكل واحد مشا لشغلو ووفاء بقات كتفكر ففكرة باباها وعلى حبها للرقص
وفاء من صغرها كتدير الرقص الغربي وبعد المرات الهندي....ولي مفراسش تاحد من غير جيهان انها كترقص رقص الشوارع قبل كاع متعرف فؤاد وحتا فاش عرفاتو ولكن عمرها قالتها ليه خافتو ميتقبلش الامر وحتا باباها مفراسةش ...فراسو فقط انها كتشطح فالمعاهد ومرا مرا كدير عروووض...ولكن توقفات تدريجيا...
هزات التيليفون وصيفتات للمدير ديال المعهد وخبراتو على رغبتها ووافق بلحق اسبوعين سطاج وتجريب...قبلات فرحانة وقال ليها بلي غدا غتبدا ...فرحات بزاااف عل الاقل غتبدا تشغل راسها فشي حاجة...وهي فغمار تفكيرها صونا تليفونها لقات جيهان وقالت:الحب لباس؟؟؟
جيهان:ايهاي على الناس ناشطة هههه مالسبب ههه؟؟؟
وفاء:غنرجع للرقص😍😍
جيهان:علاه فين عمرك خليتيه هههه؟؟؟
وفاء:هههه الا ماشي ديال الشوارع...غنخدم فواحد المعهد كمدربة رقص
جيهان:😍😍😍 اي هههه فرحت ليك...ايمتا غتبداي؟؟؟
وفاؤ:غدا ان شاء الله😀
جيهان:ايوا هي نجي نتعلم عندك...ههه
وفاء:ههههه كلشي ديالك الحب ههه
قطعو الاتصال ووفاء الفرحة مسيعاهاش...وناضت بالفرحة جبدات سروالها كري ديال السوفيكمة واسع ومعاه تريكو عريض وخفيف وبدات كتشطخ وتدرب لمدة ساعتين وترجع لايام زمان حتا عيات....تعشات ونعسات بكثرة العيا

فقت فصباح ناشطة هي بوحدي على غير العادة...لبست حوايجي وطرفت حالتي وخرجت فطرت مع بابا وخرجت للمعهد تحت دعوات بابا...شديت طاكسي ههه عفا الله من الطوبيس...وصلت وبتاسم...فلحظة رجعت ذاكرتي لسنوات دوزتها هنا ...شطحت فيه حتا عييت ونضمت عرووض...وكنت مع فرقة كلها دراري انا بوحدي لي بنت كنت ملكة الهيب هوب...مكنسوقش...كندير حركات خطيرة ولكن كنت كنرتاح...بتاسمت ودخلت ديريكت للمحكتب ديال سعد وهو المدير...شافني ضحك ورحب بيا ومشت عنقتو حيت كان بحال خويا...داني لواحد القاعة كبيرة وفيها المرايات ...نفس القاعة لي كنت كندرب فيها...والاروع نفس الاشخاص ...فرقتي القديمة كانلة وفيها شي دراري خرين معرفتهومش...شافوني وبداو كيصفرو ويغوتو...جريت عندهم وعنقتهم وفرحت بزاااف حيت شفتهم...سعد خرج وانا بقيت معاهم وعرفوني على الدراري الاخرين....نطق واحد منهم:وفاء باقي عاقلة على اخر رقصة معايا؟؟؟
انا:اكيد☺☺ اجمل رقصاتي كانت هي هاديك...على اغنية hamari adhuri kahani
هو:عرفنو ادراري كانت رقصة حزينة ولكن تقناتها ههه
انا:هههه واخا راه خرجتيها مني فالتداريب هههه كنقول لك مولفا الهيب هوب و الرقص الحر مكنعرفوش وهو والو دخلني ليه صحا ههنه
الشباب:بغينا نشوفوكم بجوج كتشطحو يالاه يالاه هههه
كلشي كيقول:الى بغيناكم تشطحو...
شفت فيه ونضت حيدت التجاكيط وبقيت بتريكو بكتف واحد فالبيض وسروال فالكري وهو يمد لي يديه وقال:with my first lady
ضحكت ليه وشديت فيه وكلشي جلس وبقينا حنا والفرقة القديمة مرايا انا وياه...طلقو الموسيقى ....نفس الموسيقى (hamari adhuri kahani اغنية هندية هائلة) وبديت انا اللولة...وتبعني هو...كنتحرك وكنلقاه حدايا...درنا رفعات ودورات هائلة..والفرقة مورانا باقي مسايرانا...كتوصل لحظة كترتافع الموسيقى ومنبدا ندور وهو يشدني من خصري ويدور بيا...والخرين كيصفقو...حتا زكاو الفرقة زبقيت غي انا وياه كنشطحو وفرحانين...انا حسيت براسي طايرا...وكملت حتا درنا 19 دقيقة بلا توقف وعيينا وحنا نجلسو وسمعنا التصفيق من برا...درت نشوف وانا نتصدم شكون... كانت سلمى ...خت فؤاد...مبتاسمة وجان جيهتي وقالت:براااافو برااافو كنت هائلة
انا:(بصدمة)😳😳 اش كديري هنا؟؟؟
سلمى:انا هي المدربة ديالهم هههه وبلا شك نت المساعدة ديالي هههه
انا:اه اه اكيد
سلمى:عمري عرفت بلي كتشطحي...كنت هائلة ...
انا:😍😍😍😍 شكرا احبيبة لهلا يخطيك
تصافو الراقصين وكانت سلمى كدرب بيهم وانا كنساعدها ملي شي واحد كيوحل فشي حركة وهي فرحانة وكتشوف فيا وتبتاسم....كملنا ساعتين وحنا عرقانين...وسلمى قالت ليا :وفاااء خودي ليك ربع ساعة راحة احبيبة
انا:لا مكاين لاش....غنكمل
نطق واحد من الشباب وقال:كوتش...راه وفاء كانت كتضرب كثر من ثلاثة سوايع بدون توقف هننن
سلمى:داكشي باش شطيحك متقون ههه
دملنا التداريب...كملناهم...وفالخير تدكدكنا وخدينا ساعة تراحة...خرجت انا وسلمى كنهضرو ومشينا نتغداو وانا وياها عرقانين...خدينا عصير باش نبردو وبقينا مجمعين حتا جا سعد باس سلمى من حنكها وبتاسمات ليه...ستغربت وجلس حدانا وقال:الكارثة ياكما سخفتي ليا حبيبتي...هههه راه عارفك
انا:ههههه وايلي...من نيتك...شكون حبيبتك،؟؟؟
سلمى:اه وفاء...نعرفك...سعد خطيبي ☺☺
انا:هاااا😳😳😳 كتنزي لا...شكون غتدي هدا هههه
سعد:مال مك كي جيتك هههه؟؟؟
سلمى:ههههه مالو حبيبي زوين ههه
انا:مشيتي خلا هههه راه هبيل
سعد:ههههه عارفاني وقابلة عليا 😂😂😂
سلمى:كنبغيه كيفما هو ههه
انا:وبراكا عليا من التعناب راني سليباكير
سلمى وسعد:عهههههه
كملنا غدانا فجو من المرح والضحك فوجو عليا ....حتا رجعنا للتداريب وسالا النهار وخرحت للدار عيانة
فنظركم شنو مورا هاد اللقاء؟؟؟

رجعت لدار مدكدمة...سلمت على بابا وسولني كيداز النهار...تعشينا فجو ديال الضحك والفرحة..معرفتش علاش..يمكن حيت بديت نتجاوب مع التغيير....واخا سلمى اخت فؤاد وغيبقا شوي تالماضي ولكن هي معرفاش بلي انا وخوها كنا مع بعضنا...نعست ومفكرت فوااالو...الحمد لله غدا السبت وغنخرج ندور مع البنات...
فقت على اشغة الشمس كضرب فوجهي...نضت غسلت وجهي وخرجت نوجد الفطور...وجدتو وفيقت بابا وجلسنا نفطرو وقلت ليه بلي خارجة مع البنات وفرح ليا حيت بديت نرجع لحياتي الطبيعية...كملت وجمعت الدار حتا للظهر عيطات ليا جيهان وقالت بلي غدوز عندي باش نمشيو نخرجو مع للبنات...نضت لبست عليا سروال قصير و كونفيرس فالبيض..وتيشرط نص كوم فالبيض...كنبان بحال الا شادا حق الله ههنن...جات جيهان ومشينا محيحين فالطريق...كاع الاغاني طلقناهم ونشطنا عليهم...وصلنا للكافي لي درنا نتلقاو فيها...دخلنا ولقيناهم جالسين مشينا سلمنا عليهم وبقينا مجمعين..
انا:لبنى عندك الحق فاش قلتي على خطيبها هبيل هههه صدقت كنعرفو 😂😂😂
جيهان:ههههه وايلي
لبنى:ههههه شتي بعدا
سلمى دارت راسها تقلقات وقالت:بااااز لوجهكم هههه هبيل وكنموت عليع 
انا:😂😂😂😂 نصيحة لوجه الله...ديه زوريه ....راه انا كنت هبيلة وهو كثر مني هههه
سلمى:هههههه عارفاه....اودي واخا هكاك راه كنموت فيه
انا:والله راه ولد الناس وضريف واخا هبيل ههه
البنات:ههه😂😂😂😂
لبنى:هاد كنبغيه مقلتيهاش نهار اللول هههه
سلمى:حيت مكنتش باغاه...هو لي لاصقني ههه
جيهان: ناري ضربو ليا على التتيز داخل للكافب 😍😍😍 اح اقلبي...درنا كلنا ضورة الطوبيس هههه حتا قشعونا كنشوفو فيهم هههه وجيهان حشمات حيت عيقنا بيها ههه وهي تقول من تحت سنانها:واخا اتريكة القاف شوهتوني 
سلمى:انا سمحو ليا منقدرش نشوف ههههه عندي محسن 
لبنى:ههههه دوماج جاوني معطلين...مزوجة😂😂😂
جيهان:حسن خويتو عليا الطريق....هههههه
سلمى:ههههه ووفاء؟؟
جيهان:(وهي حاضيا التيتيز)ههههه هاد المعقدة مكيعجبهت حد هههه
انا:ههههه ياك اختي هههه هي بصحة مكيعجبونيش لحال هادو 😂😂😂
جيهان:دابا مزيان..نتوما هوما صحابات هههه
لبنى:بصحتك اختي..هههه
بقينا مجمعين وضاحكين وانا نقول:تبغيو تحماقو شوي ههه ها
جيهان:😍😍😍
سلمى:بغيت نودع العزوبة هههه
لبنى:حتا انا باغا نرتاح من الخدمة ههه
انا:ممممم تبعوني
نضت وتبعوني وانا معولة على خزيت هههه خرجنا ومشينا لواحد الشارع ديال الناس الواعرين ههههه وكلشي كيتمشى بالنخوا والعياقة والطالون والصواب وانا نقول ليهم هي نتحدر حتا نتوما تبعونب اوكي
الكل:اوك
بقيت ساكتة شحال وانا نقول:واكواك وعباد الله قنبلة قنبلة😱😱😱
مجيت فين نكملها حتا كلشي هبط الارض وانا مرشخة بالضحك...والبنات تنشرو فالارض بالضحك...لان الاغلبية كانو عيالات طاحو بالطالون زطاح ليهم البريستيج ديالهم والعياقة الخاوية هههه ضحكني منظرهم وانا نوض وقفت وقلت للبنات جريو هربو...ناضو تابعيتي موقفنا حتا بعدنا على الناس وطحنا بالضحك 
لبنى:ههههه😂😂😂😂 امي كرشي ههه
سلمى:هههه واناري
انا وجيهان تفرشنا بالضحك...حتا وقفو علينا البوليس وحنا نخرجو عينينا...
البوليسي:ظي عليا هادو من هنا
انا:ولكن اش درنا ؟؟؟😨😨😨
البوليسي :(كيقرب ليا)معرفتيش اش درتو...حتال تما وتعرفو ...ديهم
جاو وشدونا دخلونا للصطافيط والبنات كلا ليهم القط لسانهم...وانا مبقيت فاهمة والو...طلعنا وبقاو غاديين بينا حتال واحد الشوي وانا نهز عيني فجيهان وسلمى لقيتهوم حابسين الضحكة وانا نضحك واخد الضحكة ديال الشيخات وتبعوني هوما تفرشو بالضحك ...اما واحد سلمى كبقاتش بتسكت من الضحك مع الدموع ...حتا نطق زاحد من المرود:اسكتونا ادوك الشيخات
صقلنا فبلايصنا وسكتنا كنضحكو فصمت حتا نطقات سلمى: 😱😱😱ناري ناري غيسيق فؤاد الاخبار غيدبحني 😢😢😢
انا هي سمعت اسمو وانا نجمع الضحكة وحدرت راسي ...
لبنى:شكون غيوصلها ليه...متخافيش...غنتصل بالمحامي يتكلف دغيا بلا حس ولا خبر
جيهان:هههه تحيا التسلكيط ههههه
انا ضحكت عليها وحتا لبنى اما سلمى كتضحك فخوف....حتا وصلنا ومنزلينل وكلنا رافعين راسنا بخال الى دايريين شي انجاز ...دخلنا وانا باقي كنضحكو فخاطرنا...لعند واحد البوليسي...شافنا وحنا نتصدمو...كان امين صاحب فؤاد...
سلمى:😢😢😢 ناري مشنا فيها
ناض لعندنا مصدوم وكلنا مخلوعات تقادات الزعامة هههه وقال:لبنى اش كديرو هنا؟؟؟؟
لبنى:هانتا شوف احمباك انا نشرح ليك....حنا مدرنا زالو
سلمى:بدات كدمع 
جيهان:جينا نقشو هنا اشاف😏😏
سمعها وهو يدور عندها وقال:عندك الزهر امادموزيل جيتي معاهم اما كون دفنتك هنا على التنقاز فالهضرة😠😠😠
انا:(كنجر فجيهان)خويا امين..متديش عليها...انا نشرح ليك اشوقع...😕
امين:تبارك الله على لالة وفاء مولات العقل...نت معاهم هااا
سلمى كتنخصص وجيهان مخنزرة فيه وانا ولبنى شرحنا ليه اش درنا...حتا زاد كيضحك وقال:هههههههه ناري نتوما مساخيط ههههه وشكون مولات الفكرة...بلاتي بلاتي باينة هاد شاطا ماطا(وكيشيىر بصبعو لجيهان)😠
جيهان:اولا سميتي جيهان السلاوي ماشي شاطا ماطا

...ثانيا ماشي شغلك مول الفكرة😡😡😡😡
خنزر فيها حنا هو وانا تدخلت :امين صافي موقع والو متديش عليها راه...(قاطعاتني)كيفاش ميديش عليا مالي هبيلو😠😠
انا قرصتها ففخظها حتا نقزات وقلت من تحت سناني:والله ومتسكتي...حتا تهبطي تبردي عظامك فالحبس..
امين:صافي براكة...غنسد الموضوع بحال الى موقع والو....ولكن فؤاد خصو يعرف..
سلمة :لا لا عفاااك لا...ناري ويعرف غيقتلنا😭😭😭😭
لبنى:واش ضروري؟؟؟
انا هي سمعت سميتو وتلفت وليت كنترعدظ...توحشتوو بزااااف
امين:انا مغمقول ليه والو....ولكن غتوصلو الخبار بطريقتو
لبنى:كيغاتوصلو الخبار الى انت مقلتيهاش ليه؟؟؟مالو مراقبنا؟؟؟😠😠
امين:نت لا ولكن شي ناس خرين اه(وشاف فيا)
انا تصدمت من هضرتو ومن كلامو ...دابا قؤاد مراقبتي هاد المدة كاملة...ياربي
انا:😨😨😨😨😨
لبنى شافت فيا وقالت:فهمتك صافي...انا غنعاود ليه قبل ميعرف
سلمة باقا كتبكي وجيهان كتسكت فيها وكتخنزر فأمين لي حتا هو بغا يطيرها بعينيه هههه
وقعنا على المحضر وخرجنا حانيات الراس...هي خرجنا وحنا نطلقو الضحك تاني وانا نسيت هضرت امين او بالاحرى بفرحتها باش كنضحك....يعني هو منسانيش وباقي متبعنس.
سلمى:😢😢😢 والقحبات واش هادا وقت الضحك؟؟؟
لبنى:ههههههه طيرتوني هاد النهار 😂😂😂
جيها:هههههههه 
انا:😂😂😉😉😉😂هنهنهن(كنعيب فسلمى حتا ضحكات معانا)
بقينا غاديين وكنضحكو حتا قالت جيهان لسلمى:اودا المرا تزمان....خالعك هي خوك عساك راجل ههههه
انا ولبنى :ههههه عولنا بكري
سلمى:كون تشوفيه معصب كون بلت فسروالك 😢😢
انا:(بلا شعور)اما زاحد الخباطات عندو...كي البالا تلبناي الى ضربك كترجع بيك الذاكرة لفترة الحمل ديال ماماك بيك هههه
كلشي دار عندي مصدوم....لبنى عرفات علاش كنهضر هي وجيهان بلحق سلمى لا..وقالت:ونت فايت ليك مجربا عصاه؟؟؟
انا حدرت راسي وقلت:لا لا هي شفتوفاش كيضرب سعيد...😨😨😨
لبنى:اه ا داكشي لي كاين
حدرت راسي وبقينا غاديين وانا كنتفكرو فاش كيضربني وخاطري كضيق عليا...حتا شدينا طاكسي وهوما مجمعين وانا مرفوعة كنفكر فيه....

تفارقنا وكل وحدا مشات لدارهم ناشطة...واولهم انا...غتقولو هبيلة ولكن راه فرحت حيت هو منسانيش ومراقبني بقيت كنبتاسم فالطريق بوحدي...حتا دخلت للدار وانا نتفكر بلي غتكون فراسو بلي دخلنا الكوميساريا...ناري😨😨😨 غيخلي عشتي تاني اربي اش غندير...بقيت كنخمم وكنبدل حوايجي ومرا نبتاسم ومرا نتحسر ...من جهة خايفا منو ومن جهة توحشتو....بدلت عليا وخرجت نوجد العشا وهو يقول لي بابا:الزين ترباط ...يالاه ناكلو الصوصيط فالزنقة😊😊
انا نقزت عليه بالفرحة وعنقتو كنضحك وهو كيضحك وفىحان بيا...شديت ليه فدراعو وخرجنا ولي دزنا من حداه كيسلم علينا...بابا سمعتو زوينة فالحي وكلشي كيحتارمو وحيت عارفيني بنتو الوحيدة بزز منهم خصهوم يحتارموني هههه...
وصلنا عند مول الصوصيص وكليناه فجو ديال الضحك والنشاط مع الرجال الكبار...وهاد المرا ختمناها بواحد خمسة الدراهم تزريعة هههه....حياتنا فداك الحي بسيطة جدا...صحيح اني تربيت فعائلة فقيرة...يعني معندناش ومخصناش..ولكن كنت لي حليت عليها فمي كتحضر...بابا وماما مكيخسرو ليا والو...والخياة البسيطة كانت عجباني عمري كانت عندي متطلبات كثيرة...بابا عندو قهوة واخا الدخل ديالها يالله كيقدنا وكنكملو الشهر...عاد المصاريف ديال المعهد ديااالي...داكشي باش حصني نخدم باش نريحو...
رجعنا للدار كنضحكو ومقشبين انا وياه كي السكايرية ههههه....دخلت بست بابا ونعست ديريكت....بالفرحة ديال اني باقا كنهمو نعست...واخا ضربني وكرهتو ولكن اخر جملة قالها قبل ميمشي بقات لاصقا فعقلي حيت حسيت بيه تحرق فاش قالها...
دازو الايام طيارة بين المعهد الرقص والدار والخروج مع البنات...رحعت شوي كيفما كنت...كنبغي نسول خواتاتو عليه وكنحشم ومنقدرش....كنا مشغولين باش نوجدو العرض لي عند الفرقة ..كان عرض مهم...مسابقة وطنية وفيها فرق من جميع انحاء المغرب...ديجا لقيتهم باديين التداريب انا هي تدخلت ببعض التعديلات وسلمى دايرا جهدها كثر مني ...كانت كتشطح حتا هي بحالي...ضحكنا وتعرفنا على بعضنا بزاااف ففترة التدريبات...
اليوم هو يوم العرض...سلمى فضلات هاد النهار يرتاح كلشي تفادي لوقوع اي اجهاد لي يضر شي واحد....النهار كامل وحنا فالمعهد ....سلمى كتعطيهوم فالنصائح باش ابقاو مهدنين فالخشبة...غيواجهو خمسة تلفرق فدقة وحدة كل وحدة وستيلها..يعني تقريبا بحال رقص الشوارع ولكن كيبداو جوج فرق كيتباراو لمدة خمسة الدقايق حتا يشوفو شكون لي رقص مزيان..ولي غلب الاولى كيكمل...مع الاخرين ..الى خسر راه الفرقة لي كمل معاها هي لي غتكمل المسابقة...
مشينا كاملين البلاصة لي غيكون فيها العرض...لقينا تما عامر بالمتسابقين وكلشي كيلبس وكيقاد فحوايجو...وحتا لبنى وماماها وممات سلمى حاضرين واكيد حتا سعد وجيهان حاضرين الا بابا...كان عندو مبقضي...
دخلو هوما لابسين حوايجهم ديال الميكانيم...انا صاحبة الفكرة حيت فايت لي شفتها فواحد الفيلم وسلمى معارضاتش...كنت مشغولة بزاااف ومتوترة كثر من النتسابقين....ووحدة من البنات لي فالعرض ديالنا ناقصة...وهي بطلة العرض...كنعيط ليها مكتجاوبش...والمسابقة قربات تبدا...سلمى توترات وتعصبات حيت عولات عليها حتا جا سعد وقال لينا بلي دارت كسيدة...تصدمنا بقات فينا وفنفس الوقت وقعنا فمشكل مكاينش مخرج منو...بقينا كنفكرو حتا نطق دري لي كنت انا وياه فنفس الفرقة:وفاااء نت هي الحل...الوحيدة لي عاقلا على الرقصة وكانت فتدريبها هي نت...
انا:😳😳😳 لا لا....ميمكنش...انا منقدرش...
سلمى:وفاء نت الحل الوحيد لي عندنا...سي نو غيخصنا نساحبو من المسابقة 😯😯😯
انا:(بحزن)ولكن...راه....واخا صافي
سلمى نقزات عليا بفرحة وحتا الفرحة....ومشيت نبدل عليا والخلعة شاداني بحال الا اول مرة نطلع نشطح قدام الناس....خاطري مقجوح عليا ومقبوض....توكلت على الله ومشيت بدلت وشعري دارو ليا ليه سبولة باش ميبرزطنيش...خرجت عندهم وهو يقول سليم الولد لي كان كيشطح معايا:دابا عاد غنتسماو غنشطحو هههه
انا:ههههه متزيدش فيه
سلمى:راكم واجديين
انا:اه كلنا واجدين....غنمشي نشوف جيهان ونجي
سلمى:اوك
خرجت من الكواليس ومشبت عند جيهان لقيتها مع عائلة سلمى مجمعا....سلمت عليهم واخا فاش شفت مامات فؤاد حدرت راسي بحسرة...مسكينة عنقاتني بحال الى بنتها...حتا انا بادلتها للعناق وعلمتهوم بلي انا لي غنبلاصي بنت ماجاتش...جيهان فرحات وكلشي عجبو الحال الا لبنى شفتها بحال الا تصدمات...ولكن حاولات متبنش....
رجعت للكواليس وسمعنا المذيع كيعيط الفرق....شداتني الرعدة والقفقافة...انا من الاولين داخلا وشفت فالجمهور واو كبير بزااااف تصدمت والخوف فيا....كنا خمسة تلفرق...فيهم لي كنت عارفاهم وفايت ليا لعبت ضدهم...لدرجة واحد من واحد فيهم وجا سلم عليا وكيضحك قال:ناري اليوم والله لربحنا ههههه كاينا وفاء
انا:هههههه واهي دير جهدك
هو:حنا تقدري تدوزينا ولكن ديك الفرقة(كيشير بصبعو) محال..الراقصة الرئيسية زواق بحالك ههه
انا شفت فين كيشير وانا نتصدم ...

يتبع

أحدث القصص
قصة اللؤلؤة السوداء من تأليف شرقاوي حسناء
قصة اللؤلؤة السوداء شرقاوي حسناء
قصة تيريزا من تأليف سكينة سليماني
قصة تيريزا سكينة سليماني
قصة ضحية ذئاب من تأليف Sanae El Marzouki
قصة ضحية ذئاب Sanae El Marzouki