صورة مصغرة لـقصة جنة عدن

قصة جنة عدن

qisat 9isat jannat 3adn
رواية جنة عدن بقلم هناء

هابطة ﻛﺎﺗﺠﺮﻱ ﻣﻊ ﺍﻟﺪﺭﻭﺝ .. ﺷﻌﺮﻫﺎ لونو لون البندق قهوي ﺩﺍﻳﺮﺍﻟﻮ ﺿﻔﻴﺮﺓ ﻓﺎﻟﺠﻨﺐ .. ﻻﺑﺴﺔ جوب قصيرة دالجينز و طوب قصير حمر ﺩﺍﻳﺮﺓ موتشيلا ﻋﻠﻰ ضهرها كحلة .. ﻋﻴﻨﻴﻬﺎ ﺍﻟﺰﻭﺭﻕ لونهم غاامق ووعميييق بزااف .. فحاال عمق المحييط ﻛﺎﻳﺮﻣﺸﻮ ﺭﻣﻮﺷﻬﺎ الطواال بالزرربة ﺑﺎﻟﺠﺮﺍ .. ﻓﻤﻬﺎ ﻓﺎﻟﺤﻤﺮ ﻭ ﻣﻨﻔﻮﺥ ﻋﺎﺿﺔ ﻋﻠﻰ ﺣﻨﺎﻛﻬﺎ ﺍﻟﻤﻨﻔﻮﺧﻴﻦ ﻣﻦ ﺩﺍﺧﻞ .. ﺃﺧﻴﺮﺍ ﻭﺻﻼﺕ ﻟﻠﺠﺮﺩﺓ ﺩﻓﻴﻠﺘﻬﻢ ﻓﻴﻦ ﺟﺎﻟﺴﻴﻦ ﺑﺎﻫﺎ ﻭ ﻣﻬﺎ ﺑﺎﺳﺘﻬﻢ ﻭ ﺟﻠﺴﺎﺕ ﻛﺎﺗﻔﻄﺮ

ﺍﻷﺏ:ﺟﻨﺔ ﺍﻟﻴﻮﻡ ﺃﻭﻝ ﻧﻬﺎﺭ ﻓﺎﻟﻤﺪﺭﺳﺔ ﻣﺘﺤﻤﺴﺔ
ﺟﻨﺔ ﻫﺒﻄﺎﺕ ﺭﺍﺳﻬﺎ ﻭ ﻃﻠﻌﺎﺗﻮ ﺑﺤﻤﺎﺱ:ﺍﻫﻪ ﻣﺘﺤﻤﺴﺔ ﺑﺰﺍﺍﺍﻑ توحشت القرايا و جاني الملل بكثرة الجلاس فالدار
ﺍﻷﻡ:ﺍﻩ ﺍﺑﻨﺘﻲ سمحيلنا مسافرناش بزاف عاد العام راك عارفة باباك خرجاتلو خدمة كثيرة
ﺍﻷﺏ:ﺍﻩ ابنتي سمحيلي
جنة شربات من كاس د كولاكاو اللي حداها:اه عارفة الضروف ابابا وراني كبرت ماشي صغيرة راني متفهمة الوضع
الأب ضحك و شاف فجنة كايحك فلحيتو الخفيفة:هههههه ييه كبرتي يلاه باقي 16 عام ابنيتي باقاا صغييورة
جنة:الكبر ماشي فالسن راه فالعقل
الاب وقف و شاف فساعتو:ييه فالعقل ﻭﺍﺳﺮﺑﻲ ﺑﺎﺵ ﻣﺎﺗﻌﻄﻠﻴﺶ ﻋﻠﻰ ﺃﻭﻝ ﻧﻬﺎﺭ

ﺟﻨﺔ بلعات ﺩﻏﻴﺔ ﻭ ﻧﺎﺿﺖ ﺟﻤﻌﺎﺕ ﺍﻟﻮﻗﻔﺔ:ﺳﺎﻟﻴﺖ ﻳﻼﻩ ﺍﺑﺎﺑﺎ ﺍﻷﺏ ﺑﺎﺱ ﺍﻷﻡ ﻓﺤﻨﻜﻬﺎ ﻭ ﻫﻤﺴﻠﻬﺎ ﺑﻜلمة "كاﻧﺒﻐﻴﻚ" ﻭ ﺧﺮﺝ ﻫﻮ ﻭ ﺑﻨﺘﻮ ﺭﻛﺒﻮ ﻓﺎﻟﻄﻤﻮﺑﻴﻞ كاط كاط أخر مودييل ﻓﺎﻟﺒﻴﺾ ﻋﻠﻰ ﻣﺎﻳﻜﻤﻠﻮ ﺍﻟﻄﺮﻳﻖ ﻧﻌﺮﻓﻜﻢ ﺑﺎﻟﺒﻄﻠﺔ ﻭ ﻋﺎﺋﻠﺘﻬﺎ

جنة المتوكل .. 16 سنة .. عندها ﺍﻟسيزيام ﻫﺎﺩ ﺍﻟﻌﺎﻡ .. ﺑﻨﺖ ﻧﺸﻴﻄﺔ ﻭ ﺣﻴﻮﻳﺔ ﻣﺤﺒﻮﺑﺔ ﺑﺰﺍﺍﺍﻑ ﻓﻴﻬﺎ ﺍﻟﺘﺸﻴﻄﻴﻦ ﻭ ﻛﺎﺗﺒﻐﻲ ﺍﻟﻘﺮﺍﻳﺔ ﺑﺰﺍﺍﺍﻑ ﻋﻴﻨﻴﻬﺎ ﺯﻭﺭﻕ ﻛﺒﺎﺭ ﻣﺸﻔﺮﻳﻴﻦ ﻭ ﻭﺟﻬﻬﺎ ﻣﺪﻭﺭ ﻭ ﺣﻨﻮﻛﻬﺎ ﺩﻏﻴﺎ ﻛﺎﻳﺤﻤﺎﺭﻭ واخا ﺑﺸﺮﺗﻬﺎ حنطية إلا انها كاتبان فيها الحشومية .. ﺷﻌﺮﻫﺎ قهيوي ﻭ ﻃﻮﻳﻴﻞ فايت الكتاف بشوية ﺩﻳﻤﺎ ﻛﺎﺩﻳﺮﻟﻮ ﺿﻔﺎﺭﺓ ﻋﻨﺪﻫﺎ ﺑﺎﻫﺎ ﻭ ﻣﻬﺎ

ﺍﻷﺏ:ﺑﺪﺭ ﺍﻟﺪﻳﻦ ﺍﻟﻤﺘﻮﻛﻞ ﺍﻟﺴﻦ 39 ﺳﻨﺔ ﻋﻨﺪﻭ ﺷﺮﻛﺔ ﺍﺳﺘﻴﺮﺍﺩ ﻭ ﺗﺼﺪﻳﺮ ﺗﻌﺘﺒﺮ ﻓﺎﻟﻤﺮﺗﺒﺔ ﺍﻟﺘﺎﻟﺘﺔ ﻫﻮ ﺑﺎﻗﻲ ﺻﻐﻴﺮ ﻭ ﻣﺰﻭﺝ ﺑﺤﺐ ﺣﻴﺎﺗﻮ 

ﺑﺸﺮﻯ ﺍﻟﻠﻲ ﺗﺰﻭﺟﻬﺎ ﻓﺴﻦ صغيير ﻭواخا دوزو مع بعضهم شحاال من عاام إلا أن ﺑﺎﻗﻲ ﺣﺒﻬﻢ ﻣﺎﻗﻼﻟﺶ ﺃﺑﺪﺍ

الأم واللي هي ﺑﺸﺮﻯ الطاهيري:ﻫﻲ ﺃﻡ ﺟﻨﺔ 32 ﺳﻨﺔ ﺭﺑﺔ ﺑﻴﺖ ﺣﺎﻟﻴﺎ ﻭ ﻣﺼﻤﻤﺔ ازياء ﺳﺎﺑﻘﺎ ﻓﺎﺵ ﻭﻟﺪﺍﺕ ﺟﻨﺔ ﻗﺮﺭﺍﺕ ﺗﺒﻘﻰ ﻓﺎﻟﺪﺍﺭ ﺗﻌﺘﺎﻧﻲ ﺑﻴﻬﺎ ﻭﻟﻜﻦ ﺩﺍﺑﺎ ﻛﺎﺗﻔﻜﺮ ﺗﺮﺟﻊ ﺗﺨﺪﻡ ﺣﻴﺖ ﺟﻨﺔ ﻛﺒﺮﺍﺕ

ﺍﻟﻤﻮﻫﻴﻢ ﻭﺻﻞ ﺑﺪﺭ ﺍﻟﺪﻳﻦ ﺟﻨﺔ ﻟﻠﻤﺪﺭﺳﺔ ﻣﺪﺭﺳﺔ ﻛﺒﻴﻴﺮﺓ (بريفي) ﺟﻨﺔ ﺑﺎﺳﺖ ﺑﺎﺑﺎﻫﺎ ﻭ ﻫﻮ ﻋﻄﺎﻫﺎ ﻣﺼﺮﻭﻓﻬﺎ ﻭ ﺗﻤﻨﺎﻟﻬﺎ ﻳﻮﻡ ﺯﻭﻳﻦ ﻭ ﺩﺧﻼﺕ ﻟﻠﻤﺪﺭﺳﺔ ﻛﺎﺗﺠﺮﻱ كييف عاادتها

ﺩﺧﻠﺖ ﻛﺎﻧﺠﺮﻱ ﻟﻠﻤﺪﺭﺳﺔ ﻃﺒﻌﺎ ﻋﺎﺭﻓﺎﻫﺎ ﺷﺒﺮ ﺷﺒﺮ ﺣﻴﺖ ﻗﺮﻳﺖ فيها 5 ﺳﻨﻴﻦ .. ﺩﺧﻠﺖ ﻣﺘﺤﻤﺴﺔ ﻟﻘﻴﺖ ﺻﺤﺎﺑﺎﺗﻲ ﻭ ﻣﺸﻴﺖ ﺗﺴﺎﻟﻤﺖ ﻣﻌﺎﻫﻮﻡ ﺩﻕ ﺍﻟﺠﺮﺱ ﻭ ﺩﺧﻠﻨﺎ ﻷﻗﺴﺎﻣﻨﺎ استعمال الزمان سبقلي شفتو ﻋﻨﺪﻱ ﺻﺎﺣﺒﺘﻲ ﻣﺮﻳﻢ .. ﻫﻲ ﺍﻟﻤﻘﺮﺑﺔ ﺣﻴﺖ ﻃﻮﻝ ﺗﻠﺖ ﺳﻨﻴﻦ ﻭ ﺣﻨﺎ ﻛﺎﻧﻘﺮﺍﻭ ﻣﻊ ﺑﻌﻀﻨﺎ ﻓﻨﻔﺲ ﺍﻟﻘﺴﻢ ﻭ ﺩﺍﺑﺎ ﺟﺎﻟﺴﻴﻦ ﻣﻊ ﺑﻌﻀﻨﺎ .. ﻛﺎﻧﺘﻌﺎﺩﻭ ﻋﻠﻰ ﺷﻨﻮ ﻭﻗﻊ ﻓﺎﻟﻌﻄﻠﺔ ﺍﻟﺼﻴﻔﻴﺔ ﻋﺎﻭﺩﺗﻠﻬﺎ ﻋﻠﻰ ﺍﻟﺮﺣﻠﺔ ﺍﻟﻠﻲ ﻣﺸﻴﻨﺎ للشمال فديك 15 يوم دالعطلة الصيفية ﻭ ﻫﻲ ﻋﺎﻭﺩﺍﺗﻠﻲ ﻓﺎﺵ ﻣﺸﺎﻭ لفرنسا .. عندها عمتها فباريس جلسات معاها تم طول العطلة ﺩﺧﻞ ﺍﻷﺳﺘﺎﺫ ﻭ ﺑﻘﺎ ﻛﺎﻳﺘﺴﻤﻊ ﻏﻴﺮ ﺍﻟﺴﻜﺎﺍﺍﺕ ﻭ ﺑﻘﺎ ﻛﺎﻳﻬﻀﺮ ﺩﻳﻚ ﺍﻟﻬﻀﺮﺓ ﺩﻳﺎﻝ ﺃﻭﻝ ﺣﺼﺔ ﻭ ﺩﺍﻛﺸﻲ ﻋﻄﺎﻧﺎ ﺍﻟﻠﻮﺍﺯﻡ ﺍﻟﻤﺪﺭﺳﻴﺔ ﺷﻨﻮ ﺧﺎﺻﻨﺎ ﻧﺠﻴﺒﻮ ﺳﺠﻠﻨﺎ ﺩﺍﻛﺸﻲ ﻭ ﺧﺮﺟﻨﺎ ﻟﺒﺮﺍ ﺑﻘﻴﻨﺎ ﻛﺎﻧﺪﻭﺭﻭ ﻓﺎﻹﺳﺘﺮﺍﺣﺔ ﻟﻠﺼﺮﺍﺣﺔ ﺍﻧﺎ ﻛﺎﺗﻌﺠﺒﻨﻲ ﺍﻟﻤﺪﺭﺳﺔ ﻟﺴﺒﺒﻴﻦ .. ﺍﻷﻭﻝ ﻛﺎﻧﺘﻼﻗﺎ ﺑﺼﺤﺎﺑﺎﺗﻲ ﻭ ﺻﺤﺎﺑﻲ ﻭ ﺍﻟﺘﺎﻧﻲ ﻛﺎﻧﻘﺮﺍ ﻭ ﺍﻟﻘﺮﺍﻳﺔ ﻋﻨﺪﻱ ﻋﺰﻳﺰﺓ ﺑﺰﺍﺍﺍﻑ ﺑﻘﻴﻨﺎ ﺟﺎﻟﺴﻴﻦ ﺍﻧﺎ ﻭ ﻣﺮﻳﻢ ﻛﺎﻧﻠﻌﺒﻮ ﺣﺠﺮﺓ ﻭﺭﻗﺔ مقص ﻮ ﺍﻟﻠﻲ ﺭﺑﺢ ﻛﺎﻳﺤﻜﻢ ﻋﻠﻰ ﺍﻟﻠﻲ ﻳﺨﺴﺮ .. ﺣﻨﺎ ﺑﺎﻗﻲ ﻛﺎﻧﻠﻌﺒﻮ ﺣﺘﻰ ﺣﺴﻴﺖ ﺑﺸﻲ ﺣﺪ هرنيي ﻓﺠﻨﺎﺑﻲ ﻧﻀﺖ ﻃﺎﻳﺮﺓ خاايفة ﺑﺰﺍﺍﺍﻑ ﻏﻴﺮ ﺩﺭﺕ ﻟﻘﻴﺘﻮ ﻣﻌﺎﺫ ﻭﻟﺪ ﻛﺎﻳﻘﺮﺍ ﻣﻌﺎﻧﺎ ﻣﻌﺎﻭﺩ ﻋﺎﻣﻴﻦ ﻭ ﺍﺻﻼ ﻛﺎﻥ ﺩﺧﻞ للمدرسة على 7 ﺳﻨﻴﻦ ﻋﻠﻴﻬﺎ ﺭﺍﻩ ﻛﺒﻴﺮ ﻋﻠﻴﻨﺎ ﺑﺘﻠﺖ ﺳﻨﻴﻦ ﻭ ﻧﻌﺎﻭﺩﻟﻜﻢ ﺭﺍﻩ ﺍﻟﺒﻨﺎﺕ ﻛﻮﻟﻬﻮﻡ ﻛﺎﻳﺤﻤﺎﻗﻮ ﻋﻠﻴﻪ ﻭﺍﻧﺎ ﻣﻨﻬﻢ للصرااحةة حيت هو التيتييز هنااا ﻧﻀﺖ ﻛﺎﻧﺠﺮﻱ ﺑﻘﻴﺖ ﻛﺎﻧﻀﺮﺑﻮ ﻭ ﻫﻮ ﻫﺮﺑﺎﻥ ﻭﺍﻧﺎ ﻛﺎﻧﻌﻄﻴﻪ ﻏﻴﺮ ﻟﻠﺮﺍﺱ ﺣﺘﻰ ﻋﻴﻴﺖ ﻭ ﻫﻮ ﻳﻌﺎﻭﺩ ﻳﻬﺮﻧﻲ ﻭﺍﻧﺎ ﻓﺎﺵ ﻛﺎﻳﻬﺮﻧﻲ ﺷﻲ ﺣﺪ ﻛﺎﻧﻘﺰ خصووصا جناابي ﺣﻴﺖ هووما ﻧﻘﻄﺔ ﺿﻌﻔﻲ ﻋﺎﻭﺩﺕ ﻃﺤﺖ ﻋﻠﻴﻪ ﺑﺎﻟﺪﻕ ﺣﺘﻰ ﺳﻤﻌﻨﺎ ﺍﻟﺠﺮﺱ ﻭ ﺟﺎﺕ ﻣﺮﻳﻢ ﺿﺮﺑﺎﺕ ﻣﻌﺎﺫ ﻟﺮﺍﺳﻮ
ﻣﺮﻳﻢ:ﻣﺎﺗﻌﺎﻭﺩﺵ ﺗﻬﺮﻫﺎ ﺭﺍﻩ ﺷﻲ ﻧﻬﺎﺭ ﺗﻘﺘﻠﻚ
ﻣﻌﺎﺫ:ﺧﺨﺨﺨﺨﺦ ﻭﺍﻧﺎ ﻛﺎﻳﻌﺠﺒﻨﻲ ﻧﺸﻮﻑ ﺩﺍﻙ ﺍﻟﺘﻌﺒﻴﺮ ﻋﻠﻰ ﻭﺟﻬﻬﺎ ﻣﻠﻠﻲ ﻛﺎﺗﺘﻬﺮ ﻓﺤﺎﻟﻬﺎﻛﺎ *ﻋﺎﻭﺩ ﻫﺮﻧﻲ ﻭﺍﻧﺎ ﻋﻄﻴﺘﻮ ﺑﻮﺍﺣﺪ ﺍﻟﺮﻛﻠﺔ ﻟﺤﺠﺮﻭ ﻭ ﻫﻮ يتكواانسااا .. ﻭ ﻃﺎﺡ ﺍﻟﻠﺮﺽ ﺷﺎﺩ ﺗﺤﺘﻮ ﺍﻧﺎ ﺷﻔﺖ ﻓﻴﻪ ﻛﺎﻧﻘﻠﻴﻠﻮ ﺍﻟﺴﻢ*

ﺟﻨﺔ:ﺣﻮﻭﻭﻭﻭﻓﻴﻴﻴﻴﻴﻚ ﺗﺴﺘﺎﻫﻞ
بااﺵ ﺗﻌﺎﻭﺩ ﺗﻘﻴﻴﺼﻨﻲ ﻭا ﻳﻼﺍﺍﻩ😝😝

ﺩﺧﻠﻨﺎ ﻟﻘﺴﻤﻨﺎ ﻭ ﺧﻠﻴﻨﺎﻩ ﻛﺎﻳﺘﻮﺟﻊ ﺩﺧﻞ ﺍﻻﺳﺘﺎﺫ ﻭ ﻛﻤﻠﻨﺎ ﺍﻟﺤﺼﺺ ﺩ ﻫﺎﺩ النهااﺭ ﺧﺮﺟﻨﺎ ﻭ ﻟﻘﻴﻨﺎ ﺑﺎﺑﺎ ﻓﺎﻟﺒﺎﺏ ﺑﺴﺘﻮ ﻭ ﺭﻛﺒﻨﺎ ﻓﺎﻟﻄﻤﻮﺑﻴﻞ ﻭ ﺷﻔﺖ ﻣﻌﺎﺫ ﺧﺎﺭﺝ ﻛﺎﻳﻌﺮﺝ ﻣﺮﻳﻢ ﺷﺎﺩﺍﻩ ﺣﻮﻓﻴﻴﻪ ﺑﺎﺵ ﻳﻌﺎﻭﺩ ﻳﻬﺮﻧﻲ يستااهل .. اللعب مع جنة هاالفيين كايصفييي

ﻣﺸﻴﻨﺎ ﺍﻟﻄﺮﻳﻖ ﻛﺎﻣﻠﺔ ﻭﺍﻧﺎ ﻛﺎﻧﻌﺎﻭﺩ ﻟﺒﺎﺑﺎ ﻋﻠﻰ ﻫﺎﺩ ﺍﻟﻨﻬﺎﺭ ﻛﻲ ﺩﺍﺯ هادي طبيعتي من دييما طبعا ﺣﺬﻓﺖ ﻣﺸﻬﺪ ﺿﺮﺑﻲ ﻟﻤﻌﺎﺫ ... ﻭﺻﻠﻨﺎ ﻟﻠﺪﺍﺭ ﻭ ﺩﺧﻠﻨﺎ ﻛﺎﻧﺴﻤﻌﻮ ﺍﻟﻬﻀﺮﺓ ﺑﺰﺍﻑ ﻏﻴﺮ ﻭﺻﻠﻨﺎ ﻟﻠﺼﺎﻟﻮﻥ ﺷﻔﺖ طاتي ﻣﻨﺎﺭ ﻣﺸﻴﺖ ﻋﻨﺪﻫﺎ ﻛﺎﻧﺠﺮﻱ ﻭ ﺗﺸﻌﺒﻘﺖ ﻓﻴﻬﺎ ﻋﻨﻘﺘﻬﺎ ﺗﻮﺣﺸﺘﻬﺎ ﺑﺰﺍﺍﻑ هي صاحبة ماما فحال ختها بالضببط مللي كنت صغيورة وانا كانعرفها ﻃﻠﻘﺖ ﻣﻨﻬﺎ ﻭ ﺑﺴﺖ ﻣﺎﻣﺎ ﻭ ﻃﻠﻌﺖ ﻟﺒﻴﺘﻲ ﻋﻨﺪﻱ ﺑﻴﺖ ﻣﺼﺒﻮﻍ ﻛﺎﻣﻞ ﺑﺎﻟﻤﻮﻑ ﻟﻮﻧﻲ ﺍﻟﻤﻔﻀﻞ ﻭ ﺍﻟﺨﺪﺍﺩﻱ ﻭ ﺍﻟﻜﻮﻓﺮﻟﻲ ﻓﺎﻟﺒﻴﺾ ﺣﻴﺪﺕ حويجاتي ﻭ ﻟﺒﺴﺖ ﺍﻟﺤﻮﺍﻳﺞ ﺩ ﺍﻟﺪﺍﺭ ﺷﻮﺭﻁ ﻓﻮﻕ ﺍﻟﺮﻛﺒﺔ ﻭ ﺑﻮﺩﻱ ﺑﻼ ﻛﻤﺎﻡ ﺷﻌﺮﻱ ﺣﻴﺪﺗﻠﻮ ﺍﻟﻀﻔﻴﺮﺓ ﻭ ﺧﻠﻴﺘﻮ ﻋﻠﻰ ﺭﺍﺣﺘﻮ بقا مبوكلي ﻫﺒﻄﺖ ﻟﺘﺤﺖ ﺟﻠﺴﺖ ﻣﻊ طاتي ﻭ ﻣﺎﻣﺎ ﺍﻟﻠﻲ ﻛﺎﻧﻮ ﻛﺎﻳﺘﻌﺎﻭﺩﻭ ﻋﻠﻰ ﻫﺎﺩ ﺍﻟﻤﺪﺓ ﻫﺎﺩﻱ ﺷﻨﻮ ﺩﺍﺭﻭ ﺣﻴﺖ طاتي ﻛﺎﻧﺖ ﻋﻠﻰ ﺑﺮﺍ ﻋﺎﺩ ﺟﺎﺕ

ﻣﻨﺎﺭ:ﺍﻩ ﻭ ﺭﺍﻧﻲ ﻛﺎﻧﺒﻐﻴﻪ ﻋﻠﻴﻬﺎ ﻗﺮﺭﻧﺎ ﻫﺎﺩ ﺍﻟﻘﺮﺍﺭ ﻭ ﺟﺎ ﻛﻮﻟﺸﻲ ﺑﺎﻟﺰﺭﺑﺔ
ﺑﺸﺮﻯ:ﻭﻟﻜﻦ ﺍمنار ﺭﺍﻩ نتي ﺍﻟﻠﻲ ﻋﻨﺪﻱ عارفاني كانحسبك ختي و ﺣﻠﻢ ﺣﻴﺎﺗﻲ ﻧﺸﻮﻓﻚ ﻋﺮﻭﺳﺔ
ﻣﻨﺎﺭ:ﺍﺃﻭﻭﻭﻑ ﺍﺑﺸﺮﻯ ﺭﺍﻧﻲ ﻣﺎﺩﺭﺗﺶ العرس ﻏﻴﺮ ﺗﻜﺎﺗﺒﻨﻨﺎ ﻭ ﺻﺎﻓﻲ ﻧﺘﻲ ﻋﺎﺭﻓﺔ ﺍﻧﺎ ﻋﻘﻠﻴﺘﻲ ﻏﺮﺑﻴﺔ ﻭ ﺍﻟﻌﺮﺱ ﻭ ﺍﻟﻬﻴﻼﻟﺔ ﻣﺎﻋﺰﻳﺰﺵ ﻋﻠﻴﺎ ﺩﺍﻛﺸﻲ
ﺑﺸﺮﻯ:ﺍﻭﻭﻭﻑ ﻭﺍﺧﺎ ﻭﻟﻜﻦ ﺧﺎﺻﻨﺎ ﻧﺘﻌﺎﺭﻓﻮ نتي مشيتي خشيتي راسك فداك العسكر كاتداوي المكبوتين بصح كيفاش تلاقيتو..
منار:احم هو راه الكلونيل و هو لاباااس عللييه عرفتيي على كارييزماا عندو ياختي من اول مرة شفتو تزعطت فييه و نزييدك عندوو شركاات وااارثهممم كايصدرو الأسلحة و شركات لصناعة السيارات مطررطق فلوووس
بشرى:اييوى مبروك مادمتي كاتبغيه هادشي اللي باغيا انا الموهيم ﻗﻮﻟﻴﻠﻮ ﻳﺠﻲ ﻳﺘﻌﺸﻰ ﻣﻌﺎﻧﺎ ﺷﻲ ﻧﻬﺎﺭ
ﻣﻨﺎﺭ:ﻭﺍﺧﺎ ﻫﻮ ﺍﻟﺴﻴﻤﺎﻧﺔ ﺍﻟﺠﺎﻳﺔ ﺍﻳﺠﻲ ﻟﻠﻤﻐﺮﻳﺐ مشا عندو شي خدمة فروسيا
بشرى:اوكي انا نوض نشوفهم فين وصلو فالعشا *ناضت ماما وخالتي ﺷﺎﻓﺖ ﻓﻴﺎ ﺍﻧﺎ ﺍﻟﻠﻲ ﻣﻦ ﺍﻟﺼﺒﺎﺡ ﻭﺍﻧﺎ ﻛﺎﻧﺸﻮﻑ ﻓﻴﻬﻮﻡ ﻣﻔﺎﻫﻤﺔ ﺣﺘﻰ ﺯﻓﺘﺔ* ﺟﻨﺔ ﻛﺒﻴﺪﺓ ﺍﺟﻲ ﻋﻨﺪي ﺗﻮﺣﺸﺘﻚ ﺍﺷﻮﻳﻄﻴﻨﺔ ﺍﻧﺎ ﻭﻗﻔﺖ ﻭ ﻣﺸﻴﺖ ﻗﺒﺎﻟﺘﻬﺎ ﻭ ﻣﺪﻳﺖ ﻳﺪﻱ:ﻋﻄﻴﻨﻲ ﺷﻜﻼﻃﻲ
ﻣﻨﺎﺭ:ﻳﺎﻛﻲ ﺃﻟعﻔﺮﻳﺘﺔ ﻣﻜﺎﻳﻨﺶ منورتي ﺗﻮﺣﺸﺘﻚ ﻛﺎﻳﻦ ﻏﻴﺮ ﺷﻜﻼﻃﻲ
ﺟﻨﺔ:ﺍﻟﺸﻜﻼﻁ ﻭ ﻣﻦ ﺑﻌﺪ ﻧﺘﻌﺎﻧﻘﻮ ﺭﺍﻧﻲ ﻋﻨﻘﺘﻚ ﻓﺎﺵ ﺟﻴﺖ 
ﻣﻨﺎﺭ ﺑﺪﺍﺕ ﻛﺎﺿﺤﻚ ﻭ خشات ﻳﺪﻳﻬﺎ ﻓﺼﺎﻛﻬﺎ ﻭ ﺟﺒﺪﺍﺕ ﺗﻼﺗﺔ ﺩ
ﺍﻟﺒﺎﻛﻴﺎﺕ ﺩﺍﻟﺸﻜﻼﻁ ﺍﻟﺒﻴﺾ ﻭ ﺍﻟﻜﺤﻞ جنة غوتات بحمااس ﻭ مشات ﻋﻨﺪﻫﺎ ﻛﺎتﺠﺮﻱ مناار ﺧﺒﺎﺗﻬﻢ موراها ﻭهي تجمع فمها على شكل بوسة 
ﻣﻨﺎﺭ:ﺑﻮﺳﺘﻲ ﻭ ﺗﻌﻨﻴﻘﺘﻲ عااد نعطيك الشكلاااط

جنة طاارت ﻋﻠﻴﻴﻬﺎ ﺑﺘﻌﻨﻴﻘﺔ ﻭ ﺑﻮﺳﺔ ﻭ ﻋﻄﺎتها منار الشكلاط ﺧﺮجات ﻟﺒﺮﺍ ﻟﻠﺠﺮﺩﺓ ﻭ بقات كتاكل .. سالات جووج باكياات و دخلات فالثاالثة ﺣﺘﻰ تكهماات تكات ﻋﻠﻰ ﺍﻟﻌﺸﺐ ﻭ غمضات عويناتها كاتشم الهوى و النسييم الخفييف مع ريحت الوريدات اللي فالجردة ريحتهم كاتنعش و كاتررد الرووح .. كع صووت العصاافيير .. هي ترخاااات ﺣﺘﻰ سمعات ﻣﺎﻣﺎها ﻛﺎتعيطلها ﻛﺎﻥ ﺍﻟﻌﺸﻰ ﻭاجد ناضت شادة كرشها و مخسرة سيفتها بسباب التكهيمة اللي مكهومة

جنة:ﻣﺎﻣﺎ ﺍﻧﺎ ﻣﺎﻓﻴﺎﺵ ﺍﻟﺠﻮﻉ
ﺑﺸﺮﻯ:ﻭﻳﻠﻲ ﺍﺵ ﻛﻠﻴﺘﻲ ﺟﻴﺘﻲ ﻣﻦ ﺍﻟﻤﺪﺭﺳﺔ ﻣﺎﻛﻠﻴﺘﻲ ﻭﺍﻟﻮ
جنة:ﻭﺭﺍﻧﻲ ﻛﻠﻴﺖ ﺍﻟﺸﻜﻼﻁ 
بشرى ﻃﻠﻌﺎﺕ ﻣﻌﺎها ﻭﺍﺣﺪ ﺍﻟﻘﺮﺻﺔ حتى بقاات كاتﺸﻄﺢ ﻓﺒﻼصتها: ﺷﺤﺎﺍﺍﻝ ﻣﻦ ﻣﺮﺓ ﻛﺎﻧﻜﻮﻟﻚ ﻣﺘﺎﻛﻠﻴﺶ ﺍﻟﺸﻜﻼﻁ ﻗﺒﻞ ﺍﻟﻤﺎﻛﻠﺔ ﺍﺭﻱ ﺍﻟﺸﻜﻼﻁ ﺍﻟﻠﻲ ﺑﻘﺎﺍ ﺭﺍﻩ ﻣﻤﻨﻮﻉ ﻋﻠﻴﻚ ﻧﺘﻲ ﻣﺮﻳﻀﺔ
ﺑﺎﻟﺴﻜﺭ ﺩﺍﺑﺎ ﺗﻤﺮﺿﻴﻠﻲ ﻣﻨﺎﺭ ﺯﻋﻤﺎ ﻧﺘﻲ ﻣﻌﺎﺭﻓﺎﺵ
ﻣﻨﺎﺭ:ﻧﺎﺭﻱ ﻓﻮﻗﺎﺵ ﻣﺮﺿﺎﺕ ﺑﺎلسكر
ﻣﺎﻣﺎ:ﺍﻟﻌﺎﻡ ﺍﻟﻠﻲ ﻓﺎﺕ ﺑﻘﻮﺓ ﺍﻟﺴﻜﺮﻳﺎﺕ والسقايط ﺍﻟﻠﻲ كاضل تعلف فييهم عطينيي ﺍﻟﺸﻜﻼﻁ ﺍﻟﻠﻲ ﺑﻘﺎلك
جنة ﻣﺪاتلها ﻧﺺ ﺑﺎﻛﻴﺔ ﺩﺍﻟﺸﻜﻼﻁ ﺍﻟﻠﻲ ﺑﻘﺎﺕ ﻭهي ﻛﺎترجع ﺎﻟﻠﻮﺭ: ﺭﺍﻧﻲ ﻛﻨﺖ ﻣﺸﻬﻴﺎﻩ ﻭﺍﻟﻠﻪ
بشرى تابعاها:ﻫﺎﻭﻳﻠﻲ ﻋﻠﻰ ﺑﻨﺖ ﺍﻟﺤﺮﺍﺍﻡ 
جنة بقات ﻛﺎتجري ﻭ ﻣﺎﻣﺎها ﺗﺎﺑﻌﺎها ﺣﺘﻰ ﺩخلات ﻟﻠﻄﻮﺍﻟﻴﻂ ﻭ ﺳﺪات ﻋﻠﻴها
بشرى:ﺷﺤﺎﺍﺍﻝ ﻗﺪﻙ ﺗﺒﻘﺎﻱ ﻓﺎﻟﻄﻮﺍﻟﻴﻄﺎﺕ ﻏﺎﺧﺮﺟﻲ ﻭ ﻧﺘﻔﺎﻫﻤﻮ
ﺟﻨﺔ ﻣﻌﻮﺟﺔ ﻓﻤﻬﺎ ﻭ ﻛﺎدور ﻓﻌﻴﻨﻴﻬﺎ:ﻭﺍﻟﻠﻪ ﻣﺎﻧﺨﺮﺝ ﺣﺘﻰ ﻳﺠﻲ ﺑﺎﺑﺎ
بشرى:ﺯﻋﻤﺎ ﺍﺗﺤﺎﻣﺎﻱ ﺑﻴﻪ
جنة:ﺍﻩ ﺍﻧﺘﺤﺎﻣﺎ ﺑﻴﻪ ﻭ ﻋﻔﺎﺍﻙ ﺻﺎﻓﻲ ﺃﺧﺮ ﻣﺮﺓ ﻣﺎﻧﻌﺎﻭﺩﺵ ﻧﺎﻛﻠﻮ
بشرى:ﺻﺎﻓﻲ ﺧﺮﺟﻲ ﺭﺍﻧﻲ ﺧﺎﻳﻔﺔ ﻋﻠﻴﻚ ﺭﺍﻙ ﻧﺘﻲ ﺍﻟﻠﻲ ﻋﻨﺪﻱ راك عارفة كوولشي و عارفاني نمووت لاوقعااتلك شي حااجة
جنة غي سمعات جملتها اللخرة ﺧﺮجات ﺣﺎﻧﻴﺔ ﺭﺍسها علات ﻓﻴﻬﺎ ﻋﻴﻨﻲها ﻭ ﻋﻨﻘﺘﻬﺎ ﺣﻴﺖ ﻋﺎﺭﻓﺔ ﺍﻧﻬﺎ ﻣﺎﻛﺮﻫﺎﺗﺶ ﺗﺰﻳﺪ ﺗﻮﻟﺪ ﻭ ﺣﺘﻰ هي ﻣﺎﻛﺮهاتش ﺷﻲ ختها حتى هي و تتناتف معاها يتبادلو حوايجهم و يلعبو مع بعضهم ولا خوها اللي يحكم فيها و يفششها حتى هي فحال صحاباتها ﻭﻟﻜﻦ ﻫﻲ بشرى فاش كانت كاتولدها من بعد محاولات كثييرة باش تحمل حيت كانو عندها مشاكيل فالولادة .. وقع ﺧﻄﺮ عليهم بجووج ﻛﺎﻧﻮ ﺍﻳﻨﻘﺬﻭ وحدة يا بشرى وبفضل عدة محاولات و بدر الدين اللي كان صعر علييهم قدرو ينقذوهم بجووج ولكن بسباب ديك الولدة وقعولها مشاكل فالرحم ووتضرر بزااف ﻛﺎﻧﺖ بشرى غاﺗﻤﻮﺕ ﻣﺴﻜﻴﻨﺔ .. ﻣﻦ ﺩﻳﻚ ﺍﻟﺴﺎﻋﺔ ﻣﻌﺎﻭﺩﺍﺕ ﺣﻤﻼﺕ ﻭ بدر حتى هو مبغاش يخاطر بحياة مرتو ﻗﺎﻟﻬﺎ ﺑﺮﺍﻛﺔ ﻏﻴﺮ ﺑﻨﻴﺘﺔ ﻭﺣﺪﺓ
بشرى ﺑﺎست جنة:ﻳﻼﻫﻲ ﺯﻳﺪﻱ ﺗﻌﺸﺎﻱ
جنة قاصت ﻛﺮشها:ﺭﺍﻩ ﻛﺮﺷﻲ
ﺍﺗﻔﺮﻛﻊ ﻭﺍﻟﻠﻪ ﺷﺒﻌﺎﻧﺔ
بشرى:ﻭﺍﺧﺎ ﻭﺍﺳﻴﺮﻱ ﺗﻨﻌﺴﻲ ﻳﻼﻫﻲ
جنة:ﻣﺎﻣﺎ ﻓﻮﻗﺎﺵ ﺍﺗﺠﻴﺒﻮﻟﻲ ﺍﻟﺘﻠﻴﻔﻮﻥ ﺍﻟﻠﻲ ﻭﺍﻋﺪﺗﻮﻧﻲ ﺑﻴﻪ
ﻣﺎﻣﺎ:ﻓﺎﺵ ﺗﻨﺠﺤﻲ
ﺍﻧﺎ:ﺍﻭﻭﻭﻑ ﺩﻳﻤﺎ ﻛﺎﺗﻘﻮﻟﻴﻠﻲ ﻓﺎﺵ ﺗﻨﺠﺤﻲ ﺣﺮﺍﺍﻡ ﻫﺎﺩﺷﻲ ﻭﺍﻟﻠه كاتشريهلي فالعطلة و غير كاتجي القراية كاطيروهلي حتى كانولفو
بشرى:ﺳﻴﺮﻱ ﺳﻴﺮﻱ ﺗﻨﻌﺴﻲ ﺳﻴﺮﻱ اصلا راه كايلهي على القراية و نتي مجتهدة براكة عليك غير فالعطلة
جنة مشات ﻛﺎﻧﺘﻨﻄﺮ لبيتهت كاااعية .. حتى هي بغات تليفون فحال صحاباتها .. تأفأفات .. وقادات الساعة تصونيلها للمدرسةغسلات سنانها وتلاحت فوق فراشها كاترمش بتثاقل حتى غفااات

ﺟﺎ ﺍﻟﺼﺒﺎﺡ .. صباح جديد .. شمسو مشرقة .. طلات على وجه جنة اللي ﻧﺎﺿﺖ كاتحك فشعرها و طرمتها الصغيرة .. هي فورمتها معتدلة .. وملامحها كايبينوها كبر من سنها فحال لا عندها شي 19 عام .. ﻣﺸﺎﺕ ﻟﻠﻄﻮﺍﻟﻴﻂ ﺍﻟﻠﻲ ﻋﻨﺪﻫﺎ ﻓﺒﻴﺘﻬﺎ ﺩﻭﺷﺎﺕ ﻭ ﺧﺮﺟﺎﺕ ﻣﻦ الدوش كاتنشف ﺷﻌﺮﻫﺎ .. خلاتو على راحتو مطلوق ﻭ ﻟﺒﺴﺎﺕ حويجاتها ﺧﺮﺟﺎﺕ ﻣﻦ ﺑﻴﺘﻬﺎ ﻭ ﻫﺒﻄﺎﺕ ﻛﺎﺗﺠﺮﻱ ﻓﺎﻟﺪﺭﻭﺝ ﻓﺤﺎﻝ ﻋﺎﺩﺗﻬﺎ ﻭﺻﻼﺕ ﻋﻨﺪ ﻣﺎﻣﺎﻫﺎ ﻭ ﺑاباﻫﺎ ﻛﻠﺴﺎﺕ ﻣﻌﺎﻫﻮﻡ ﺗﻔﻄﺮ
ﺑﺪﺭ الدين: ﺟﻨﺔ ﺷﺤﺎﻝ ﻣﻦ ﻣﺮﺓ ﻛﺎﻧﻘﻮﻟﻚ ﻣﺎﺗﺒﻘﺎﻳﺶ ﺗﺠﺮﻱ ﺭﺍﻩ ﺷﻲ ﻧﻬﺎﺭ ﻃﻴﺤﻲ ﻓﺎﻟﺪﺭﻭﺝ
ﺟﻨﺔ ﻋﻮﺟﺎﺕ ﻓﻤﻬﺎ:ﻭ ﻣﺎﻟﻲ ﻋﻮﺭﺓ ﺑﻌﻴﻨﻲ ﺗﺒﺎﺭﻛﺎﻟﻠﻪ ﻭ ﺯﺍﻳﺪﻭﻥ ﺭﺍﻧﻲ ﺣﺎﺍﻓﻀﺔ ﺩﺭﻭﺟﻨﺎ
ﺑﺸﺮﻯ:ﺻﺎﻓﻲ ﺧﻠﻴﻠﻲ ﺑﻨﺘﻲ ﻛﻮﻟﻲ ﺍﻛﺒﻴﺪﺓ ﺑﺎﺵ ﺗﻤﺸﻲ ﻟﻠﻤﺪﺭﺳﺔ ﻗﻮﻟﻴﻠﻲ ﺣﺘﻰ ﻫﺎﺩ ﺍﻟﻌﺎﻡ ﺟﻴﺘﻲ ﻣﻊ ﻣﺮﻳﻢ
جنة ﻫﺒﻄات رﺍسها ﻭ علاتو كاتمضغ:ﺍﻣﻤﻢ ﻫﻲ ﻭ ﻣﻌﺎﺫ ﺣﺘﻰ ﻫﻮ
ﺑﺸﺮﻯ:ﻧﺎﺍﺭﻱ ﺣﺘﻰ ﺩﺍﻙ ﺍﻟﺒﺎﺳﻞ ﻻ ﺩﺍﺭﻟﻚ ﺷﻲ ﺣﺎﺟﺔ ﻗﻮﻟﻴﻬﺎ ﻟﺒﺎﺑﺎﻙ
جنة:ﻻﺍ ﻣﺎﺗﺨﺎﻓﻴﺶ ﺍﻣﺎﻣﺎ ﺭﺍﻧﻲ ﻋﺎﺭﻓﺔ ﺷﻜﺎﻧﺪﻳﺮ
ﺑﺎﺑﺎ:ﻳﻼﻫﻲ ﺩﻏﻴﺎ باﺵ ﻧﻮﺻﻠﻚ ﻭ ﻧﻤﺸﻲ ﺣﺘﻰ ﺍﻧﺎ
جنة ناضت ﻭ شدات ﻟﺒﺎﺑﺎها ﻓﻴﺪﻭ ﺧﺮجو ﻭ ﺭكبو ﻓﻄﻤﻮﺑﻴﻠﺘﻮ فتحات جنة ﺍﻟﺸﺮﺟﻢ ﻭ طلات لبرا .. ﺷﻌﺎﻉ ﺍﻟﺸﻤﺲ ﺿﺎﺭﺏ ﻓﻮجهها غمضات عينيها ﺑﺴﺒﺎﺏ ﺍﻟﻀﻮ و بقات ﻫﻜﺎﻙ ﺣﺘﻰ حسات ﺑﺎﻟﻄﻤﻮﺑﻴﻞ ﻭﻗﻔﺎﺕ ﺩاﺭﺕ ﻋﻨﺪ ﺑﺎﺑﺎها .. باﺴﺘﻮ ﻓﺤﻨﻜﻮ ﻭ ﻋﻄﺎها ﻣﺼﺮﻭفها ﺑﺎﺵ تشري ﺷﻲ ﺣﺎﺟﺔ ﺩﺧﻠﺖ ﻭ ﻣﺎﻟﻴﻄﺘها ﻓﻀﻬﺮها ﻃﻼقات ﺑﻤﺮﻳﻢ ﻭ عنقاتها دخلو ﻟﻠﻘسم ﺩﺍﺯﻭ ﺍﻟﺤﺼﺺ ﻋﺎﺩﻳﻴﻦ ﻭ ﻛﺎﻟﻌﺎﺩﺓ ﺩﻳﻤﺎ ﻣﻌﺎﺫ ﻛﺎﻳﺠﻲ ﺣﺘﻰ ﻝ 10 مولف ﺍﻟﻨﻌﺎﺱ ﺧﺨﺨﺨﺦ ﺟﺎﺕ ﺍﻟﻌﺸﺮﺓ ... ﺧﺮجو ﻟﻼﺳﺘﺮﺍﺣﺔ ﺣﻴﺖ ﻛﺎﻧﻮ ﻋﻨﺪهم ﺟﻮﺝ ﺣﺼﺺ ﻣﺸﺮﻭﻛﻴﻦ مشاو شراو ﻛﺮﻭﺍﺻﺎﺕ ﻣﻦ ﺍﻟﻜﺎﻓﻲ ﺩ ﺍﻟﻤﺪﺭﺳﺔ ﻭ جلسو ﻓﻮﻕ ﺍﻟﻜﺎﺯﻭﻥ ﻓﺎﻟﺮﺑﻴﻊ

ﻣﺮﻳﻢ:ﺧﺨﺨﺨﺦ ﻭﺍﻟﺴﺎﻃﺔ ﻭﺍﻟﻠﻪ ﺣﺸﻮﻣﺔ ﻋﻠﻴﻚ ﺑﻐﻴﺘﻴﻪ ﻳﺒﻘﻰ ﺑﻼ ﻭﻻﺩ
جنة كتاﻛﻞ ﻣﻦ ﺍﻟﻜﺮﻭﺍﺻﺔ ﻭ كاتهضر:حوووفييه يستاااهل علاش يقييسني
ﻣﺮﻳﻢ:راااه محللف علييك اصاحبتيي نااري و يشدك
جنة قلبات عينيها :يتجرأ و يقييصني و يشوف شغاندييرلووو
ﻣﺮﻳﻢ:ههههه شغاديريلو نتي غي كايوقف حداك كاذووبي كري كري كايعجبك
ﺍﻧﺎ:هه زعما نتي مكايعجبكش راه التيتييز دالمدرسة
ﻣﺮﻳﻢ:للصراحة كايحمقني😍
ﺍﻧﺎ:ولكن واخا هكاك راه ماشي ستايلي انا باغا راجل يكون كبير عليا و شارب عقلو و يكوونو عندو عضلااات و اللحية ملاامحووو كحللةةةة ماشي زععرر و احححح داكشي يكوون مطرطق ووو يغيير علياااا ويفرشخنيي .. اححح التفرشيييخ هانااريي عرفتي بحال الأبطال دالقصص وااااع توحشت تليفوني و قصصييي😭
ﻣﺮﻳﻢ:صبريي و صاافي راه حتانا باغا شي تووتووز فحاال هكااك هاااح و يشبع ديلميي تفرشيييخ
ﺍﻧﺎ:نحماااق على التفرشيييخ انا (غا صبري احنيينتيي ها هو جاايلك😝)
ﻣﺮﻳﻢ:هااااح😍😍

ﻓﺠﺄﺓ قفزات جنة بسبااب هرة فجنابها ناضت ﻗﺎاااﻓﺰﺓ شافت شكوون ﻛﺎﻥ ﻣﻌﺎﺫ ﻓﺤﺎﻝ ﺩﻳﻤﺎ نااضت ﻛﺎتجري ﻣﻮﺭﺍﻩ هبطات كاتلقط الحجر من الارض و بدات ﻛﺎتلووح ﻋﻠﻴﻪ
جنة:ﻭﺍﺍﺍﺍﺍﻉ ﻭﻗﻒ ﻭﻗﻒ ﻭﻗﻒ ﺭﺍﻩ ﻭﺍﻟﻠﻪ ﻭ ﺷﺪﻳﺘﻚ ﻭﺍﻟﻠﻪ ﺣﺘﻰ ﻧﻀﺮﺑﻚ ﻓﺤﺎﻝ ﺍﻟﺒﺎﺭﺡ نفقسلك بيضااتك أثاامل🙊
ﻣﻌﺎﺫ ﻛﺎﻥ ﻛﺎﻳﺠﺮﻱ غا سمعها اش قالت وقف وقفة وحدة و دار مخنزر ﻋﻨﺪها هي جات تضربو ﻭ ﻫﻮ ﻳﺸﺪلها ﻳﺪها:اش قلتييي😑
جنة ببلاهة:ﺷﻨﻮ😅
ﻣﻌﺎﺫ مطلع حاجب و مهبط لاخر:انا زااملل؟
جنة عضات لساانها:اوبسسس ههههه غيير فلتاتلي 
معاذ: يعنيي ديما كاتقوليها؟
جنة:ل لاا ويلي ماشي هكاا..
جات مريم من موراها قاطعاتها
ﻣﺮﻳﻢ:ﺣﺸﻮﻣﺔ ﺗﻘﻮﻟﻴﻠﻮ ﻫﻜﺎﻙ😇
ﺟﻨﺔ قلبات عينها:سيري تخرااي نتييي😒
ﻣﺮﻳﻢ:مكااتحشمييش شفتي امعااذ فمها خاسرر
معاذ:هادشي اللي كانشووف😏
جنة جرات مريم:ﺯﻳﺪﻱ ﻧﺪﺧﻠﻮ ﻋﻨﺪﻧﺎ الاجتمايات ﺩﺍﺑﺎ .. معاذ بسلامة
معاذ خلاتو غي كايشووف هي بقات جارة مريم حتى دخلو لقسمهم غي جلسودخل معاذ و جلس موراهم ﺍﻟﺤﺼﺔ ﻛﻮﻟﻬﺎ ﻛﺎﻳﻬﺮها ﻭهي كاتحلف ﻋﻠﻴﻪ ﻓﺎﺵ ﺧﺮجو ﺑﺪاو تاني ﺳﻠﺴﻠﺔ ﺍﻟﻘﻂ ﻭ ﺍﻟﻔﺄﺭ ﺣﺘﻰ ﺧﺮجو ﻟﺒﺮﺍ لقات ﺑدر واقف كايتسناها توادعات مع صحابها و ﻃﻠﻌﺖ
ﻟﻠﻄﻤﻮﺑﻴﻞ سلمات على باها وديمارا ﻟﻠﺪﺍﺭ دخلات نيشان عند ماماها عنقااتها .. عاوداتلهم على نهارها حتى تسهتات .. كان الغدا واجد .. تغداو و طلعات بدلات عليها و جلسات ماتخدم شي تمارين سلاتهم و تكات ففراشها ترتاح شوية .. حتى غفات محاساش براسها

ﺩﺍﺯﺕ ﺳﻴﻤﺎﻧﺔ ﺭﻭﺗﻴﻨﻴﺔ ﻓﺤﻴﺎﺓ ﺑﻄﻠﺘﻨﺎ ﺍﻟﻤﺪﺭﺳﺔ ﺍﻟﺪﺍﺭ ﻭ ﺍﻟﻤﻨﺎﻗﺮﺓ ﻣﻊ ﻣﻌﺎﺫ ﻭ ﻣﺮﻳﻢ ﻧﺎﺿﺖ ﻋﻠﻰ ﺧﺎﺍﺍﻃﺮﻫﺎ ﻓﺎﻟﺼﺒﺎﺡ ﻭ ﻣﺸﺎﺕ ﻟﻠﺤﻤﺎﻡ ﺩﻭﺷﺎﺕ ﻭ ﻟﺒﺴﺎﺕ ﺣﻮﺍﻳﺞ ﺍﻟﺪﺍﺭ ﻭ ﻫﺒﻄﺎﺕ ﻟﺘﺤﺖ ﺣﻴﺖ ﻟﻴﻮﻡ ﺍﻟﺤﺪ ﻣﻜﺎﻳﻨﺔ ﻣﺪﺭﺳﺔ ﻟﻘﺎﺕ ﻣﺎﻣﺎﻫﺎ ﻛﺎﺗﻘﺮﺍ ﺷﻲ ﻣﺠﻠﺔ ﺩﻳﺎﻝ ﺍﻟﻤﻮﺿﺔ ﻭ ﺑﺎﺑﺎﻫﺎ ﻛﺎﻳﺨﺮﺑﻖ ﻓﺘﻠﻴﻔﻮﻧﻮ و ملهي مع شي وراق حتى هوما

ﺟﻨﺔ ﻛﺎﺗﺤﻚ ﻓﻌﻴﻨﻴﻬﺎ:ﺻﺒﺎﺡ ﺍﻟﺨﻴﻴﻴﺮ
ﺑﺪﺭ ﻭ ﺑﺸﺮﻯ:ﺻﺒﺎﺡ ﺍﻟﻨﻮﺭ ﺍﻣﻴﺮﺗﻲ

ﺷﺎﻓﻮ ﻓﺒﻌﻀﻬﻢ ﻭ ﺑﺘﺎﺳﻤﻮ ﺣﻴﺖ ﺑﺼﺢ ﻫﻲ ﺍﻟﻠﻲ ﻋﻨﺪﻫﻢ ﻣﻌﺘﺎﺑﺮﻳﻨﻬﺎ ﺃﻣﻴﺮﺗﻬﻢ ﻧﺎﺿﺖ ﻣﺎﻣﺎﻫﺎ ﻭﺟﺪﺍﺗﻠﻬﺎ ﺍﻟﻔﻄﻮﺭ ﺗﺎﻛﻞ ﻭ ﺭﺟﻌﺎﺕ ﺟﻠﺴﺎﺕ ﻓﺒﻼﺻﺘﻬﺎ ﻛﻼﺕ ﺟﻨﺔ ﻭ ﻣﺸﺎﺕ ﺷﻌﻼﺕ ﺍﻟﺘﻠﻔﺎﺯﺓ ﻟﻘﺎﺕ ﻭﺍﺣﺪ ﺍﻟﻤﺴﻠﺴﻞ ﻛﻮﺭﻱ ﻓﻮﺍﺣﺪ ﺍﻹﺫﺍﻋﺔ ﻛﻮﺭﻳﺔ ﺟﻠﺴﺎﺕ ﻛﺎﺗﻔﺮﺟﻠﻮ ﺣﻴﺖ ﻛﺎﺗﺤﻤﺎﻕ ﻋﻠﻰ ﺍﻟﻜﻮﺭﻳﻴﻦ ﺷﻮﻳﺔ ﺳﻤﻌﻮ ﺍﻟﺼﻮﻧﻲ ﻓﺎﻟﺒﺎﺏ ﻣﺸﺎﺕ ﺍﻟﺨﺪﺍﻣﺔ ﻓﺘﺤﺎﺕ ﻛﺎنت ﻣﻨﺎﺭ ﺩﺧﻼﺕ ﻭ ﺳﻠﻤﺎﺕ ﻋﻠﻴﻬﻢ ﻭ ﺟﻠﺴﺎﺕ ﻗﺪﺍﻡ ﺟﻨﺔ ﻛﺎﺗﻬﺮﻫﺎ
ﻣﻨﺎﺭ:ﺑﺎﻗﻲ ﻛﺎﻳﻌﺠﺒﻮﻙ ﻫﺎﺩ ﻣﺠﺒﺪﻳﻦ ﺍﻟﻌﻴﻨﻴﻦ
ﺟﻨﺔ ﺗﻌﺼﺒﺎﺕ ﺗﺴﺒﻬﺎ ﻫﻲ ﻭ ﻣﺎﺗﺴﺒﻠﻬﺎﺵ ﺍﻟﺸﻴﻨﻮﺍ ﺩﻳﺎﻟﻬﺎ ﻫﺎء ﻋﻨﺪﺍﻙ ﺗﺴﻤﻌﻨﻲ ﺑﻐﻴﺖ ﻧﻘﻮﻝ ﺍﻟﻜﻮﺭﻳﻴﻦ ﺩﻳﺎﻟﻬﺎ:ﺇﻳﻴﻴﻮﺍ ﻗﺎﻻﻙ ﻣﺠﺒﺪﻳﻦ ﺍﻟﻌﻴﻨﻴﻦ ﻋﻴﻨﻴﻬﻢ ﺣﺴﻦ ﻣﻦ ﻋﻴﻨﻴﻚ ﺗﻤﻌﻨﻲ ﻓﻴﻬﻢ ﺭﺍﻫﻢ ﺯﻭﻳﻨﻴﻦ ﺷﻮﻓﻲ ﻟﻲ ﻣﻴﻦ ﻫﻮ ﻭ ﺑﺎﺭﻙ ﺷﻴﻦ ﻫﻲ ﻛﺎﻳﺤﻤﻘﻮ ﻓﻬﺎﺩ ﺍﻟﻤﺴﻠﺴﻞ (ﻣﻤﺜﻠﻴﻦ ﻛﻮﺭﻳﻴﻦ)
ﻣﻨﺎﺭ:ﻫﻪ ﻭ ﻫﻮﻣﺎ ﺍﺳﻤﺎﺋﻬﻢ ﻳﺠﻴﺒﻮﻟﻚ ﺍﻟﺠﻠﻄﺔ ﻋﺎﺍﺍﺩ ﻫﻮﻣﺎ ﻭ ﺩﺧﻠﻨﺎ ﻋﻠﻴﻚ ﺑﺎﻟﻠﻪ ﻣﺎﺷﻲ ﺣﺘﻰ ﻣﺬﺑﻠﺠﻴﻦ ﻣﺘﺮﺟﻤﻴﻦ ﻟﻮﻏﺘﻬﻢ ﻛﻲ ﺩﺍﻳﺮﺓ
ﺟﻨﺔ ﻋﻮﺟﺎﺕ ﻓﻤﻬﺎ:ﺍﻧﺎ ﺑﻌﺪﺓ ﻛﺎﺗﻌﺠﺒﻨﻲ
ﻣﻨﺎﺭ:ﺃﻭﻭﻑ ﺍﻟﻘﻨﻄﺔ *ﺷﺎﻓﺖ ﻓﺒﺸﺮﻯ ﻭ ﺑﺪﺭ* ﺯﻳﺪﻭ ﻧﺨﺮﺟﻮ ﺍﻟﻴﻮﻡ
ﺑﺪﺭ:ﻏﻴﻴﺮ ﻋﻔﻴﻮﻧﻲ ﺍﻧﺎ ﻋﻨﺪﻱ ﺧﺪﻣﺔ
ﺑﺸﺮﻯ:ﺷﻤﻦ ﺧﺪﻣﺔ
ﺑﺪﺭ:ﺧﺪﻣﺔ ﺧﺪﻣﺔ
ﻣﻨﺎﺭ:ﺧﻠﻴﻴﻪ ﻳﻬﺮﺏ ﺧﺨﺨﺨﺨﺦ ﻣﻘﺎﺩﺭﺵ ﻳﺨﺮﺝ ﻣﻌﻨﺎ
ﺑﺪﺭ:ﺣﻴﺖ ﻋﺎﺭﻑ ﺧﺮﺟﺘﻜﻢ ﺳﻴﺮﻭ ﻏﻴﺮ ﻧﺘﻮﻣﺎ
ﻣﻨﺎﺭ ﻟﺠﻨﺔ:ﺯﻳﺪﻱ ﻣﻌﺎﻧﺎ
ﺟﻨﺔ ﻧﺎﺿﺖ ﻃﺎﻳﺮﺓ ﺑﻼ ﻛﻠﻤﺔ ﺑﻼ ﺟﻮﺝ ﻣﺸﺎﺕ ﻟﺒﻴﺘﻬﺎ ﻃﺒﻌﺎ ﺣﻴﺖ ﺣﺘﻰ ﻫﻲ ﻗﻨﻄﺎﺕ ﻟﺒﺴﺎﺕ ﻋﻠﻴﻬﺎ ﻭ ﻣﺸﺎﺕ ﻗﺒﺎﻟﺖ ﺍﻟﻤﺮﺍﻳﺔ ﺑﻐﺎﺕ ﺗﻀﻔﺮ ﺷﻌﺮﻫﺎ ﻭ ﺑﺪﻻﺕ ﺭﺃﻳﻬﺎ ﺧﻼﺗﻮ ﻣﻄﻠﻮﻕ ﺧﺮﺟﺎﺕ ﻣﻦ ﺑﻴﺘﻬﺎ ﻟﻘﺎﺕ ﻣﺎﻣﺎﻫﺎ ﻭﺍﺟﺪﺓ ﻭ منار ﺧﻼﺍﺍﺹ ﺣﺘﻰ ﻫﻲ ﻛﺎﻧﺖ ﻭﺍﺟﺪﺓ ﺧﺮﺟﻮ ﻭ ﺭﻛﺒﺎﺕ ﻓﻄﻤﻮﺑﻴﻠﺖ منار ﺍﻟﻠﻮﺭ و ﻣﺎﻣﺎﻫﺎ القدام ﻣﺸﺎﻭ ﺑﺎﻟﻄﻤﻮﺑﻴﻞ ﻛﺎﻳﺪﻭﺭﻭ ﻣﻌﺎﺭﻓﻴﻦ ﻓﻴﻦ ﻳﻤﺸﻴﻮ ﺣﺘﻰ ﻗﺘﺎﺭﺣﺎﺕ ﺑﺸﺮﻯ ﻋﻠﻰ ﻣﻨﺎﺭ ﺑﻴﻤﺎ ﺍﻧﻬﺎ ﺗﺰﻭﺟﺎﺕ جديدة ﺗﺸﺮﻱ ﺷﻲ ﺣﻮﻳجﺎﺕ ﺟﺪﺍﺩ ﻣﻨﺎﺭ ﻋﺠﺒﻬﺎ ﺍﻹﻗﺘﺮﺍﺡ ﻭ ﻣﺸﺎﻭ ﻟﻮﺍﺣﺪ ﺍﻟﻤﻮﻝ ﺑﻘﺎﻭ ﺳﺎﻋﺘﺎﻳﻦ ﻏﻴﺮ ﻓﻮﺍﺣﺪ ﺍﻟﻤﺤﻞ ﻭ ﺟﻨﺔ ﻧﺪﻣﺎﺕ ﻋﻠﻰ ﺍﻟﻨﻬﺎﺭ ﺍﻟﻠﻲ ﺑﻐﺎﺕ ﺗﺨﺮﺝ ﻣﻌﺎﻫﻮﻡ ﺳﻼﻭ ﻭ ﺧﺮﺟﻮ ﻣﻦ ﺍﻟﻤﻮﻝ ﻋﺎﻭﺩﻭ ﺭﻛﺒﻮ ﻓﺎﻟﻄﻤﻮﺑﻴﻞ ﺟﻨﺔ ﺣﺎﻃﺎ ﻳﺪﻳﻬﺎ ﻋﻠﻰ ﻛﺮﺷﻬﺎ ﺍﻟﻠﻲﻛﺎﺗﻐﺮﻏﺮ:ﻓﻴﺎ ﺍﻟﺠﻮﻭﻭﻉ
ﺑﺸﺮﻯ:ﻭﺍﺧﺎ ﻫﺎ ﺣﻨﺎ ﻧﻤﺸﻴﻮ ﻟﺸﻲﺭﻳﺴﻄﻮ ﻣﻨﺎﺭ ﺧﻮﺫﻳﻨﺎ ﻟﻠﻤﺮﺳﻰ ﺗﺸﻬﻴﺖ ﺍﻟﺤﻮﺕ
ﻣﻨﺎﺭ:ﺍﻭﻙ ﺍﻟﻨﻴﺖ ﺣﺘﻰ ﺍﻧﺎ ﻣﺸﻬﻴﺎﻩ
ﻣﺸﺎﻭ ﻟﻠﻤﺮﺳﻰ ﻭ ﻛﻼﺍﺍﻭ ﺣﺘﻰ ﺷﺒﻌﻮ ﻭ ﺭﺟﻌﻮ ﻟﻠﺪﺍﺭ ﻏﻴﺮ ﻭﺻﻼﺕ ﻣﻨﺎﺭ ﺍﻟﻄﻤﻮﺑﻴﻞ ﺻﻮﻧﺎﻟﻬﺎ ﺗﻠﻴﻔﻮﻧﻬﺎ
ﻣﻨﺎﺭ:ﺃﻟﻮ ﺑﺐ .. ﻭﻱ ﺍﻧﺎ ﺟﺎﻳﺎ ﺭﺍﻧﻲ ﻣﻊ صاحبتي .. ﺍﻭﻙ ﺑﺎﻱ ﺑﻴﺰﻭ ﻟﻮﻑ ﻳﻮ
ﻗﻄﻌﺎﺕ ﻣﻨﺎﺭ ﻭ ﺷﺎﻓﺖ ﻓﺒﺸﺮﻯ: ﺭﺍﻩ ﺭﺍﺟﻠﻲ ﺟﺎ ﺍﻟﻴﻮﻡ ﻣﻦ ﺍﻟﺴﻔﺮ ﺍﻧﺎ ﺍﻧمﺸﻲ ﻟﻠﺪﺍﺭ ﺩﺍﺑﺎ
ﺑﺸﺮﻯ ﻛﺎﺗﺴﻠﻢ ﻋﻠﻴﻬﺎ ﺑﻼﺑﻴﺰ: ﺍﻭﻛﻲ ﻭﺍﻏﺪﺍ ﺍﺟﻴﻮ ﻋﻨﺪﻧﺎ
ﻣﻨﺎﺭ:ﺷﻨﻮ ﺭﺍﻳﻚ ﻧﺘﻮﻣﺎ ﺗﺠﻴﻮ ﻣﻨﻬﺎ ﺗﺸﻮﻓﻲ ﺩﺍﺭﻱ ﺍﻟﺠﺪﻳﺪﺓ
ﺑﺸﺮﻯ:ﺍﻩ ﻭﺍﺧﺎ ﺻﺎﻓﻲ ﻧﺠﻴﻮ ﻏﺪﺍ ﺍﻥ ﺷﺎء ﺍﻟﻠﻪ ﻓﺎﻟﻌﺸﺎ ﻭ ﺍﻟﺪﺍﺭ ﻋﺎﺭﻓﺔ ﻓﻴﻦ ﺟﺎﺕ ﻓﺎﺵ ﻛﻨﺘﻲ ﺷﺮﻳﺘﻴﻬﺎ ﻣﺸﻴﺖ ﻣﻌﺎﻙ ﻭﻟﻜﻦ ﻣﺎﺷﻔﺘﻬﺎﺵ ﻣﻔﺮﺷﺔ
ﻣﻨﺎﺭ:ﺍﻩ ﺭﺟﻌﺎﺕ ﺯﻭﻳﻨﺔ متأكدة غاتعجبك حيت أذواقنا كاتشابه .. ﺟﻨﺔ ﺑﺴﻼﻣﺔ ﺍﺣﺒﻴﺒﺔ
ﺟﻨﺔ ﺑﺎﺳﺘﻬﺎ ﻓﺤﻨﻜﻬﺎ ﻭ ﺗﻮﺍﺩﻋﻮ ﺩﺧﻼﺕ ﺟﻨﺔ ﺭﺟﻠﻴﻬﺎ ﻛﺎﻳﺰﺩﺣﻮ ﺑﺎﻟﺤﺮﻳﻖ ﻧﻴﺸﺎﻥ ﻣﺸﺎﺕ ﺗﻐﺴﻠﻬﻢ كمداتهم فالملحة شوية عاد دازت ﻏﺴﻼﺕ ﻭﺟﻬﻬﺎ ﻭ ﺳﻨﺎﻧﻬﺎ ﻭ ﺟﻠﺴﺎﺕ ﻛﺎﺗﻔﺮﺝ ﻓﻮﺍﺣﺪ ﺍﻟﻔﻴﻠﻢ ﺣﺘﻰ ﻋﻴﺎﺕ ﻭ ﻣﺸﺎﺕ ﺗﻨﻌﺲ

ﺃﺻﺒﺢ ﺻﺒﺎﺡ يوم جدييد ﺑﺄﺣﺪﺍﺙ ﺟﺪﻳﺪ ﻓﺎﻗﺖ ﺟﻨﺔ ﺍﻟﻴﻮﻡ ﺭﺍﺳﻬﺎ ضاﺭﻫﺎ ﻣﺸﺎﺕ ﺩﺍﺭﺕ ﺭﻭﺗﻴﻨﻬﺎ ﺍﻟﺼﺒﺎﺣﻲ ﻭ ﻟﺒﺴﺎﺕ حويجات للمدرسة ﺟﻤﻌﺎﺕ ﻛﺘﻮﺑﺘﻬﺎ ﻭ ﻣﺸﺎﺕ ﻟﻠﺼﺎﻻ ﻣﻮﻧﺠﻲ ﻓﻄﺮﺍﺕ ﻣﻊ ﻋﺎﺋﻠﺘﻬﺎ ﻭ هوﻣﺎ ﻛﺎﻳﺘﻨﺎﻗﺸﻮ ﻋﻠﻰ ﺍﻟﻌﺸﺎ ﺩ ﺍﻟﻴﻮﻡ
ﺑﺸﺮﻯ:ﺍﻟﻤﻮﻫﻴﻢ ﻑ7 خاص ﻧﻜﻮﻧﻮ ﺗﻤﺎ
بدر:7 ﻋﻨﺪﻱ ﺷﻲ ﺧﺪﻣﺔ ﺍﻟﻤﻮﻫﻴﻢ ﻓﺎﺵ ﺍﻧﺴﺎﻟﻲ ﺍﻧﻜﻮﻥ ﻣﻌﺎﻛﻢ
ﺑﺸﺮﻯ:ﺍﻭﻛﻲ غي ماتعطلش اعمري
بدر باس يديها:غانتوحشك أقلبي
ﻧﺎﺿﺖ ﺟﻨﺔ ﻣﻦ ﺑﻌﺪ ﻣﺴﺎﻻﺕ ﻣﺎﻛﻠﺘﻬﺎ كاتشوف فيهم مبتاسمة:ﻳﻼﻩ ﺍﺑﺎﺑﺎ
ﻧﺎﺽ ﺑﺪﺭ ﻭ ﺑﺎﺱ ﺑﺸﺮﻯ ﺧﺮﺟﻮ ﻭ ﺭﻛﺒﺎﺕ ﻓﺎﻟﻄﻤﻮﺑﻴﻞ
ﺟﻨﺔ:ﺑﺎﺑﺎ نتا عارفني كانبغيك بزاااف نتا و ماما
ﺑﺪﺭ ﺷﺎﻑ ﻓﻴﻬﺎ و بتاسم:حتانا كانحماق على جنتي
ﺟﻨﺔ:ياك عمركم تخليوني ديما اتبقاو معايا
بدر جرها عندو و عنقها:طبعاا علاش انا شحال عندي من اميرة غيير وحييدة
ﺟﻨﺔ :اوووف معارفاش مالي حاسة واحد الإحسااس خايب بزاااف
ﺑﺪﺭ:مكاين والو احبيبة واقيلا غير حيت مانعستيش مزيان
ﺟﻨﺔ:اممممم وااقييلا إيوى فكرتي فموضوعنا
ﺑﺪﺭ شاف فيها:امممم كانواعدك فاش اتنجحي فالدورة اللولة نجيبلك ايفوون غير نتي ماتتهاونييش فقرايتك ثافي
ﺟﻨﺔ:ماتخافش أبابي عمري نتهاون نتا عارفني كانحماق على القراية
ﺑﺪﺭ: ﻫﺎ ﺣﻨﺎ ﻭﺻﻠﻨﺎ ﻳﻼﻩ عطيني بوستي و ﺳﻴﺮﻱ ﻗﺮﺍﻱ ﻣﺰﻳﺎﻥ ﺟﻨﺔ باستووو فحنكو:ﻭﺍﺧﺎ بابي كانبغيييك💞
ﺧﺮﺟﺎﺕ ﺟﻨﺔ ﻣﻦ ﺍﻟﻠﻮﻃﻮ ﻭ ﺑﺎﺑﺎﻫﺎ حاضيها حتى ﺩﺧﻼﺕ ﻟﻘﺴﻤﻬﺎ ﻭدوزات ﺍﻟﺤﺼﺺ ﻣﺎﺑﻴﻦ ﺍﻟﻘﺮﺍﻳﺔ ﻭ ﺍﻟﻬﻀﺮﺓ ﻣﻊ ﻣﺮﻳﻢ ﻭ ﺍﻟﻬﺮﺍﻥ ﺍﻟﻠﻲ ﻛﺎﻳﺪﻳﺮﻟﻬﺎ ﻣﻌﺎﺫ ﺿﺮﺏ ﺍﻟﺠﺮﺱ ﺑﺎﺵ ﻳﺨﺮﺟﻮ ﻣﻦ ﺍﻟﻤﺪﺭﺳﺔ ﺑﻘﺎﻭ ﻏﺎﺩﻳﻴﻦ ﺑﺘﻼﺗﺔ ﺑﻴﻬﻢ ﻭﺷﻲ ﺑﻨﺎﺕ ﻣﺤﺎﻣﻠﻴﻨﺶ ﺟﻨﺔ ﺣﻴﺖ ﻫﻲ ﺃﻗﺮﺏ ﻭﺣﺪﺓ ﻟﻤﻌﺎﺫ ﺭﺍﻫﺎ ﻗﺎﻟﺘﻠﻜﻢ ﻫﻮ ﺍﻟﺘﻮﺗﻮﺯ ﺩ ﺍﻟﻤﺪﺭﺳﺔ ﻫﻮ ﺟﺎ ﻃﻮﻳﻞ ﻭ ﺍﻟﻌﻀﻼﺕ ﻋﺎﺩ ﻛﺎﻳﺨﺪﻡ ﻋﻠﻴﻬﻮﻡ ﻭ ﻟﻜﻦ ﺑﺎﻳﻨﻴﻦ ﺷﻮﻳﺔ ﺷﻌﺮﻭ ﺭﻃﻴﻄﺐ ﻭ شهيب ﻭ ﻋﻴﻨﻴﻪ زرييرقيين ﻋﻨﺪﻭ ﺧﺎﻟﺔ ﺗﺤﺖ ﻋﻴﻨﻮ ﻭ ﻓﺎﺵ ﻛﺎﻳﻀﺤﻚ ﻛﺎﺗﻀﻬﺮﻟﻮ ﺍﻟﻐﻄﻴﺴﺔ ﺩ ﺍﻟﺰﻳﻦ وصلو للباب ﻭ ﺗﺴﺎﻟﻤﻮ ﻟﻘﺎﺕ ﺍﻟﺸﻴﻔﻮﺭ ﺍﻟﻠﻲ ﺟﺎ ﺣﻴﺖ ﺑﺎﻫﺎ ﻋﻨﺪﻭ ﺍﻟﺨﺪﻣﺔ ﺑﺰﺍﻑ ﻭﺻﻠﻬﺎ ﻟﻠﺪﺍﺭ ﺩﺧﻼﺕ ﺳﻠﻤﺎﺕ ﻋﻠﻰ ﻣﺎﻣﺎﻫﺎ ﻭ ﻋﻨﻘﺎﺗﻬﺎ ﺑﺰﺍﺍﺍﺍﻑ مسااخيااش بييهااا ﻓﺤﺎﻝ ﻻ ﻣﻐﺎﺩﺍﺵ تعاود ﺗﺸﻮﻓﻬﺎ ﻣﺰﺍﻝ ﻃﻠﻌﺎﺕ ﻟﺒﻴﺘﻬﺎ ﺗﺒﺪﻝ ﻋﻠﻴﻬﺎ ﻭ ﺩﻳﺮ ﺭﻭﺗﻴﻨﻬﺎ

_________________ﺟﺎﺕ ﺍﻟﻌﺸﻴﺔ ﻭ ﺟﻨﺔ ﻫﺒﻄﺎﺕ ﻟﺘﺤﺖ ﻻﺑﺴﺔ ﺷﻮﺭﻁ ﻗﺼﻴﺮ ﻓﺎﻟﻜﺮﻱ ﻭ ﺑﻮﺩﻱ ﻧﺺ ﻛﻢ ﻓﺎﻟﻜﺮﻱ ﺣﺘﻰ ﻫﻮ ﺷﻌﺮﻫﺎ ﻃﺎﻟﻘﺎﻩ ﻭ ﺳﺒﺮﺩﻳﻠﺔ ﻓﺎﻟﺒﻴﺾ ﻭﺻﻼﺕ ﻟﺘﺤﺖ ﻟﻘﺎﺕ ﻣﺎﻣﺎﻫﺎ ﻭﺍﺟﺪﺓ ﻻﺑﺴﺔ ﻛﺴﻴﻮﺓ ﺗﺤﺖ ﺍﻟﺮﻛﺒﺔ ﻣﻮﺩﻳﺮﻥ ﻓﺎﻟﻜﺤﻞ ﻭ ﺩﺍﻳﺮﺓ ﻛﻮﺕ ﺷﻮﻓﺎﻝ ﻟﺸﻌﺮﻫﺎ ﻭ ﻣﻜﻴﺎﺝ ﻫﺎﺍﺩﺉ
ﺟﻨﺔ ﻣﻌﻮﺟﺔ ﻓﻤﻬﺎ:ﺑﺎﻗﻲ ﻣﺎﺟﺎ ﺑﺸﺮﻯ ﺷﺎﻓﺖ ﻓﻴﺪﻳﻬﺎ:ﺗﺆ ﺑﺎﻗﻲ ﺍﻭﻭﻭﻑ ﺩﺍﺑﺎ 9 تعطلنا
^ﻃﻴﻴﻂ ﻃﻴﻴﻂ^ ﺳﻤﻌﻮ ﺍﻟﻜﻼﻛﺴﻮﻥ ﻭ ﺧﺮﺟﻮ ﻟﺒﺮﺍ ﻟﻘﺎﻭ ﺑﺪﺭ ﺟﺎ ﺭﻛﺒﻮ ﺟﻨﺔ ﺍﻟﻠﻮﺭ ﻭ ﺑﺸﺮﻯ ﺍﻟﻘﺪﺍﻡ

🌸جنة🌸

ﺟﺎ ﺑﺎﺑﺎ ﺭﻛﺒﻨﺎ ﻓﺎﻟﻄﻤﻮﺑﻴﻞ ﺩﺭﺕ ﺍﻟﻜﻴﺖ ﻓﻮﺫﻧﻲ ﻛﺎﻧﺘﺴﻤﻊ ﻟﺸﻲ
ﺃﻏﺎﻧﻲ فواحد الكاسك عندي دالأغاني ﻭ ﻣﻐﻤﻀﺔ ﻋﻴﻨﻲ ﺣﻠﻴﺘﻬﻢ ﺍﻟﻤﺮﺓ ﺍﻟﻠﻮﻟﺔ ﺷﻔﺖ ﺑﺎﺑﺎ ﻛﺎﻳﺸﻮﻑ فماما ﺑﻜﻞ ﺣﺐ ﻭ ﺷﺎﺩﻟﻬﺎ ﻓﻴﺪﻳﻬﺎ ﻭ ﺣﺘﻰ ﻫﻲ ﻛﺎﺗﺒﺎﺩﻟﻮ نفس ﺍﻟﻨﻀﺮﺓ ﻋﺎﻭﺩﺕ ﻏﻤﻀﺖ ﻋﻴﻨﻲ ﻭ ﺣﻠﻴﺘﻬﻢ ﻋﺎﻭﺩ ﻣﺎﻋﺮﻓﺘﺶ ﺷﻨﻮ ﻭﻗﻊ ﻛﺎﻧﺤﺲ ﺑﺎﻟﻄﻤﻮﺑﻴﻞ تزدحاات بشيي حااجة بقوةة كبيييرة وﻛﺎﺩﻭﻭﺭ ﺑﻴﻨﺎ حلييت عييني كانشوف اش واقع و مخلووعة حتى كانحس بالطمووبيل كاتخبط بينا مع الارضضض و فحاال لا تقلباات عيني دخلااتلي فيها شيي حااجة كانضن الزاااج ماقدييتش مزاال نحلههم ضرووني بزاااف كانسمع غير الغوات دمااما بسمييتيي حسييت برااسي تجرييت من الطمووبيللل و كانسمع الصوت دبابا كايهضرلي فوذني غي كانسمع حيت عيني حاسة فحال لا مغرووس فييهم الشووك مقادااش نحلهممم...

"بدر كايلهث كامل جرووح ولكن مستحمل على قبل بنتو باغي ينقذهااا:بنتيي غانحطك هناا .. غانرجع مور ماماك و غانجييو صافيي . تهدني موااقع والو ماتخلعييش .. جنتيي بنتتي أمييرتييي كانبغييييك" (حسيت ببوسة على جبيني و مشاا بابا مابقيتش كانسمع صوتووو قلبيي كايضرب بالزرربة من خوووفي عليييهم كانتسنا نسمع شي صوت بغيت نوض ولكن فشلت .. عيني عييت نحاول نحلهم نشوف شنو وااقع ولكنن واااالوووو ماقدييتش كااع .. جوج دقايق بالحسااب دالانتضااار .. داازو ثقااال فحال عماااين حتى سمعت بووووووم صووت انفجاار لدرجة رجعت اللور حتى تضربت فشي حااجةة بفعل قوة الانفجاار بقيت كانغووت باسم مااما و باابا حتى مابقيت حاسة بواالو من غير الكحولة و تلااشى الصوت من وذني

ﻋﻨﺪ ﻣﻨﺎﺭ ﺍﻟﻠﻲ ﻛﺎﺗﺴﻨﺎ فصاحبتها ﻭ ﺭﺍﺟﻠﻬﺎ ﻭ ﺑﻨﺘﻬﻢ ﻏﺎﺩﺍ ﺟﺎﻳﺎ ﻛﺎﺗﺸﻮﻑ ﻓﺎﻟﺴﺎﻋﺔ ﻓﻴﺪﻳﻬﺎ ﻭ ﻛﺎﺗﺼﻮﻁ ﻛﺎﻃﻞ ﻣﻦ ﺍﻟﺸﺮﺟﻢ ﻓﻮﻗﻤﺎ ﺳﻤﻌﺎﺕ ﺣﺲ ﺩﺷﻲ ﻃﻤﻮﺑﻴﻞ ﺣﺘﻰ ﺳﻤﻌﺎﺕ ﺻﻮﺕ ﺭﺟﻮﻟﻲ ﺣﺮﺵ
الصوت بنبرة جدية و برﻭﺩ:ﺑﺮﺍﻛﺔ ﻣﻦ ﺍﻟﺪﻭﺭﺍﻥ ﺭﺍﺳﻲ ﺭﺟﻊ ﻛﺎﻳﺪﻭﺭ معااك
ﺩﺍﺭﺕ ﻣﻨﺎﺭ ﺷﺎﻓﺖ ﻓﻴﻪ ﺟﺎﻟﺲ ﺑﺒﺮﻭدو المعتااد .. ﻭﺍﺣﺪ ﺍﻟﺮﺟﻞ ﺣﺎﻃﻬﺎ ﻓﻮﻕ ﺭﻛﺒﺔ ﺍﻟﺮﺟﻞ ﺍﻟﺘﺎﻧﻴﺔ ﻭ ﻫﺎﺯ ﺳﻴﻜﺎﺭ ﻓﻴﺪﻭ و كاس ويسكية فاليد لوخرى ﺷﻌﺮﻭ ﻛﺤﻞ فحميي ﻭ ﻋﻴﻨﻮ ﻛﻮﺣﻞ الشوفة فيهم تخلعك عندو هيبة و كاريزما تخليك مقادرش تنطق بحتى حرف بحضورو هو عندو ﻟﺤﻴﺔ ﺧﻔﻴﻔﺔ مزينالو وجهو الوسيم ﻭ ﻻﺑﺲ ﻟﺒﺎﺱ ﺭﺳﻤﻲ

ﻣﻨﺎﺭ:ﺃﻭﻭﻑ ﺭﺍﻫﻢ ﺗﻌﻄﻠﻮ ﺑﺰﺍﺍﺍﻑ ﻋﻨﺪﺍﻙ ﺗﻜﻮﻥ ﻭﻗﻌﺎﺗﻠﻬﻮﻡ ﺷﻲ ﺣﺎﺟﺔ
ﻫﻮ ﺑﺴﺨﺮﻳﺔ:ﻭﺍﻗﻴﻼ ﻛﺎﻧﻀﻦ ﻛﺎﻳﻦ ﺷﻲ ﺍﺧﺘﺮﺍﻉ ﺳﻤﻴﺘﻮ ﺗﻠﻴﻔﻮﻥ ﺻﻮﻧﻲ ﻭ ﺗﻌﺮﻓﻲ
ﻣﻨﺎﺭ ﺑﻘﺎﺕ ﻛﺎﺗﺄﻓﺄﻑ ﻭ ﺷﺪﺍﺕ ﺗﻠﻴﻔﻮﻧﻬﺎ ﺻﻮﻧﺎﺕ ﺍﻟﻤﺮﺓ ﺍﻟﻠﻮﻟﺔ ﺣﺘﻰ ﻗﻄﻊ ﺍﻟﻤﺮﺓ ﺍﻟﺘﺎﻧﻴﺔ ﻭ ﺍﻟﻤﺮﺓ ﺍﻟﺘﺎﻟﺘﺔ حتى حد مارد و قلبها زااد تقبض عليها خايفة عليهم بزااف .. بقات كادور حوالين نفسها و كاتشوف فالساعة مشات للسرجم كاطل أما هو شاف فيها بعصبية بسباب المشي و المجي ديالها شعل التلفازة لقا الأخبار خدامين منار كاتسنا و باقي كاتحاول تصوني عليهم حتى دارت مقابلة مع التلفازة شافت الخبار سمعات الاسم من المقدم دالنشرة .. الاسم اللي خلاااهااا تصدم و طيح التليفون من يديها حتى غوتااات:ب ب بشرىىىىى ل ل لاااااا لاااا لاااااااااااا

💥جنة💥
ﻧﻀﺖ ﻓﺒﻼﺻﺔ ﻛﻮﻟﻬﺎ ﺑﻴﻀﺔ ﺍﻟﺒﻴﻮﺿﺔ ﻃﺎﺍﻏﻴﺔ ﻋﻠﻰ ﺍﻟﻤﻜﺎﻥ ﺷﻔﺖ فالجوﺍﻳﻪ ﻓﻴﻦ ﺍﻧﺎ ﻛﺎﻧﻮ ﻣﺎﻣﺎ ﻭ ﺑﺎﺑﺎ ﻻﺑﺴﻴﻦ ﻛﻮﻟﺸﻲ ﺑﻴﺾ ﻭ ﻏﺎﺩﻳﻴﻦ فواحد الطريق زويينة كلها أنهار و شجر و ورد عيطتلهم بالجهد
ﺟﻨﺔ:ﻣﺎﺍﻣﺎﺍﺍ ﺑﺎﺍﺑﺎﺍﺍ ﻓﻴﻦ ﻏﺎﺩﻳﻴﻦ ﺗﺴﻨﺎﻧﻮﻧﻲ
ﺩﺍﺭﺕ ﻣﺎﻣﺎ ﻭﻭﺟﻬﻬﺎ ﻣﺒﺸﻮﻭﺭ ﻛﺎﺗﺸﻮﻑ ﻓﻴﺎ ﺑﺎﺑﺘﺴﺎﻣﺔ ﻫﻲ ﻭ ﺑﺎﺑﺎ:ﺳﻴﺮﻱ ﺍﺑﻨﺘﻲ ﻧﺘﻲ ﺑﺎﺍﻗﻲ ﻣﺎﺟﺎ ﻭﻗﺘﻚ ﺗﺒﻌﻴﻨﺎ ﻋﻴﻴﺸﻲ ﺣﻴﺎﺗﻚ ﺃﺑﻨﺘﻲ باقي اتعيشي واتعاني ولكن بعد العسر كايجي اليسر كانصحك بالصبر انا و ماماك عيشي ابنتي و حنا ديما انبقاو معاك 
ﺑﻘﺎﻭ ﻏﺎﺩﻳﻴﻦ ﻛﺎﻳﺒﻌﺪﻭ ﻭﺍﻧﺎ ﺑﺎﻏﺎ ﻧﺘﺒﻌﻬﻢ ﺣﺎﺳﺔ ﺑﺤﺎﻝ ﻻ ﺷﻲ ﺣﺪ ﻗﺎﺑﻄﻨﻲ من يديي بقوةةةة ﺳﻤﻌﺖ ﻓﺤﺎﻝ ﺻﻮﺕ ﺷﻲ ﺭﺍﺟﻞ ﻃﺎﻏﻲ ﻋﻠﻴﻪ ﺍﻟﺒﺮﻭﺩ درت بغيت نشوفو مابقا بانلي والو من غير السوااد عييت نحل فعييني ووالو الضو طفاا من عييينيي .. كاندور راسي يميين و شماال بهستييرية ولكن حتى نقطة ضوو مكاينةةة

نضت مخلوعة ﻭﺍﻧﺎ ﻛﺎﻧﺘﻨﻔﺲ ﺑﺎﻟﺰﺭﺑﺔ حاسة بنفسي كاتخنق عليت رااسي لفوق وﻟﻜﻦ ﺷﻨﻮ ﻫﺎﺩ ﺍﻟﺸﻲ

نضت مخلوعة ﻭﺍﻧﺎ ﻛﺎﻧﺘﻨﻔﺲ ﺑﺎﻟﺰﺭﺑﺔ حاسة بنفسي كاتخنق عليت رااسي لفوق وﻟﻜﻦ ﺷﻨﻮ ﻫﺎﺩ الشي ﻭﺍﻗﻴﻼ ﺣﻨﺎ ﻓﺎﻟﻠﻴﻞ ﻣﻜﺎﻳﺒﺎﻧﻠﻲ ﻭﺍﻟﻮ ﻻ ﻻ ﻫﺎﺩﻱ ﺷﻲ ﺣﺎﺟﺔ ﻣﻐﻄﻴﺎﻟﻲ ﻋﻴﻨﻲ ﺩﺭﺕ ﻳﺪﻱ ﻋﻠﻰ ﻭﺟﻬﻲ كانتحسس شهادشي ﺣﺴﻴﺖ ﺑﺸﻲ ﺣﺪ ﺷﺪﻟﻲ ﻳﺪﻱ
ﺍﻟﺸﺨﺺ:ﻻ ﻣﺎﺗﺤﻴﺪﻳﻬﺎﺵ ﺩﺍﺑﺎ ﺍﺑﻨﺘﻲ ﺑﺎﻗﺎ ﻣﺎﺑﺮﻳﺘﻲ
ﺟﻨﺔ:ﺷﻜﻮﻥ ﻧﺘﺎ ﻓﻴﻦ ﺍﻧﺎ ﻓﻴﻦ ﺑﺎﺑﺎ ﻭ ﻣﺎﻣﺎ ﻋﻼﺵ ﻫﺎﺩﺷﻲ ﻋﻠﻰ ﻋﻴﻨﻲ ﻋﻔﺎﻙ ﺣﻴﺪﻫﺎ
ﺍﻟﺸﺨﺺ:ﺍﻭﻻ ﺍﻧﺎ ﺍلدكتور المسؤول عليك دابا ﺗﺎﻧﻴﺎ ﻧﺘﻲ فالكلينيك ﻭ ﺑﺎﺑﺎﻙ ﻭ ﻣﺎﻣﺎﻙ *ﺳﻤﻌﺖ ﻧﺒﺮﺗﻮ ﺗﺒﺪﻻﺕ ﻟﻠﺤﺰﻥ* ﻋﺎﺭﻓﻚ ﺑﺎﻗﺎ ﺻﻐﻴﺮﺓ ﻭ ﻫﺎﺩ ﺍﻟﺨﺒﺮ ﻗﺎﺻﺢ ﻋﻠﻴﻚ ﻭﻟﻜﻦ ﺍﻟﻠﻪ ﻳﺮﺣﻤﻬﻢ ماعليك غير بالصبر ابنتي ﺇنا ﻟﻠﻪ ﻭ ﺇنا ﺇﻟﻴﻪ ﺭﺍﺟﻌﻮﻥ ﻭ ﺑﺎﻟﻨﺴﺒﺔ ﻟﻌﻴﻨﻚ ﻓﺮﺍﻩ ﺩﺧﻠﻚ ﺍﻟﺰﺍﺝ ﻓﻌﻴﻨﻚ ﺃﺛﻨﺎء ﺍﻟﺤﺎﺩﺛﺔ ﻋﻠﻴﻬﺎ ﺩﺭﻧﺎﻟﻚ ﻋﻤﻠﻴﺔ ﻭ ﻛﺎﻧﺘﺴﻨﺎﻭ ﻓﺎﻟﻨﺘﻴﺠﺔ
ﺟﻨﺔ:ﺷﻨﻮ ﻣﺎﻓﻬﻤﺘﻜﺶ ﻑ ﻑ ﻓﻴﻦ ﻣﺎﻣﺎ ﻭ ﺑﺎﺑﺎ ﻋﻔﺎﻙ ﺑﻐﻴﺘﻬﻢ ﻗﻮﻟﻬﻮﻡ ﻳﺠﻴﻮ ﻋﻔﺎﺍﺍﻙ ﻋﻔﺎﺍﻙ ﺑﻐﻴﺘﻬﻢ براكة من الضحك الباسل عاد فالصباح بابا واعدني أنه عمرو يمشي و يخليني لا هو ولا ماما ﺣﻴﺪﻟﻲ ﻫﺎﺩﺷﻲ ﻣﻦ ﻋﻴﻨﻲ ﻋﻔﺎﺍﺍﻙ ﺍﻫﺊ ﻋﻔﺎﺍﺍﺍﻙ مااااامااااا باااباااا (بالغوااات صووتهااا بداا كاايبببح) فيينكم اهئ اهئ وااااع بغييبت ماااماااا عفاااك حيدلي هادشي من عييني ماااااااامااااااا *درت يدي باغا نحيد هادشي و شي حد شدهوملي*
ﺻﻮﺕ:ﺟﻨﺔ *ﺳﻤﻌﺖ ﻫﺎﺩ ﺍﻟﺼﻮﺕ ﻭ ﺑﻘﻴﺖ ﻛﺎﻧﺪﻭﺭ ﻓﺮﺍﺳﻲ ﻛﺎﻧﻔﺮﺯﻭ ﻫﺬﺍ ﺻﻮﺕ طاتي ﻣﻨﺎﺭ ﺣﺴﻴﺖ ﺑﺸﻲ ﺣﺪ ﻣﻌﻨﻘﻨﻲ ﻭ ﻛﺎﻳﺒﻮﺳﻠﻲ ﻋﻠﻰ ﺭﺍﺳﻲ ﺟﻴﺖ ﻧﺪﻓﻌﻬﺎ ﻭ ﻫﻲ ﺯﺍﺩﺕ ﻗﺮﺑﺎﺗﻨﻲ ﻋﻨﺪﻫﺎ ﻛﺎﺗﺒﻜﻲ ﺣﺘﻰ ﺍﻧﺎ ﺑﻘﻴﺖ ﻛﺎﻧﺒﻜﻲ*
ﺟﻨﺔ:ﺍﻫﺊ ﻋﻔﺎﺍﻙ ﺟﻴﺒﻴﻠﻲ ﻣﺎﻣﺎ ﻋﻔﺎﺍﺍﺍﺍﺍﻙ ﺍﻫﺊ ﻋﻔﺎﺍﺍﻙ ﺑﻐﻴﺖ ﻣﺎﻣﺎ وباااباااا
ﺣﺴﻴﺖ ﺑﻴﻬﺎ ﺷﺪﺍﺗﻠﻲ ﻭﺟﻬﻲ ﺑﻴﻦ ﻳﺪﻳﻬﺎ ﻭ ﻣﻘﺎﺑﻠﺔ ﻣﻌﺎﻳﺎ:ﻛﺒﻴﺪﺓ ﺣﺒﻴﺒﺔ ﺟﻨﺔ ﺗﻬﺪﻧﻲ ﺻﺎﻓﻲ ﻫﺸﺸﺶ ﻣﺎﻣﺎﻙ ﻭ ﺑﺎﺑﺎﻙ ﺭﺍﻫﻮﻡ ﺩابا راهم فبلاصة زويينة حسن من هادي تهدنييي احبيبة عفااك
ﺟﻨﺔ ﻛﺎﺗﻨﺨﺼﺺ:ﻻﺍ ﺑﻐﻴﻴﺖ ﻧﻌﻨﻘﻬﻮﻡ ﻓﻴﻦ ﻫﻮﻣﺎ ﺍﻫﻰ ﻋﻼﺵ ﻣﺸﺎﻭ ﻭ ﺧﻼﻭﻧﻲ ﻗﻮﻟﻴﻠﻴﻬﻢ ﻳﺠﻴﻮ ﻋﻴﻄﻴﻠﻬﻮﻡ ﻳﺎﻙ ﻧﺘﻲ ﻋﻨﺪﻙ ﺗﻠﻴﻔﻮﻥ عيطيييلهوووم مكانحملووش هاد الضحككك واااااع اهئ اهئ ماااااااامااااااااا اجييي عندييييي
ﻣﻨﺎﺭ:ﻫﺸﺸﺶ ﻛﺒﻴﺪﺓ ﺭﺍﻫﻮﻡ ﺩﺍﺑﺎ ﻣﺸﺎﻭ ﻣﺎﻧﻘﺪﺭﻭﺵ ﻧﺮﺟﻌﻮﻫﻢ ﻭﻟﻜﻦ ﻫﻮﻣﺎ ﺣﺎﺿﻴﻴﻨﺎ ﺍﻧﺎ ﻭﻳﺎﻙ
*ﺑﺪﺍﺕ ﻛﺎﺗﻤﺴﺤﻠﻲ ﻭﺟﻬﻲ* ﻣﺎﺗﺒﻜﻴﺶ ﺣﻴﺖ ﺍﻳﺘﻌﺼﺒﻮ ﻋﻠﻴﻚ ﻭ ﺣﺘﻰ ﻫﻮﻣﺎ ﺍﻳﺒﻜﻴﻮ ﺍﻧﺎ ﻫﺒﻄﺖ ﺭﺍﺳﻲ ﻟﺘﺤﺖ ﻭ ﻛﺎﻧﻤﺴﺢ ﻓﻌﻴﻨﻲ ﻣﻦ ﻓﻮﻕ ﻫﺎﺩ ﺍﻟﺰﻳﻒ ﺍﻟﻠﻲ ﻣﺪﻭﺭ ﺑﻴﻬﻢ ﺍﻫﻰ ﺭﺍﺳﻲ ﻛﺎﻳﻀﺮﻧﻲ ﻭ ﺣﺘﻰ ﺭﺟﻠﻲ ﻣﻠﻠﻲ ﺗﻘﻠﺒﺎﺕ ﺑﻴﻨﺎ ﺍﻟﻄﻤﻮﺑﻴﻞ و بسباب الانفجار اللي سمعتو تضربت فشي حاجة و عيني اهئ واش واش ﺻﺎﻓﻲ ﻣﺎﻧﺒﻘﺎ ﻧﺸﻮﻑ ﺣﺘﻰ ﻭﺍﺣﺪ ﻓﻴﻬﻢ ﺳﻤﻌﺖ طاتي ﻛﺎﺗﻬﻀﺮ ﻣﻊ ﺷﻲ ﺣﺪ حتى ﻣﺎﺑﻘﻴﺖ ﺳﻤﻌﺖ ﺣﺘﻰ ﺻﻮﺕ ﺃﺧﺮ خرجو من الغرفة بقيت بووحدي .. ﺣﺎﺳﺔ ﺑﺮﺍﺳﻲ ﻛﺎﻧﺘﺨﻨﻖ ﻫﺎﻛﺎ ﻣﺎﻛﺮﻫﺘﺶ ﻧﺤﻴﺪ ﻫﺎﺩﺷﻲ ﻣﻦ ﻋﻴﻨﻲ ﺗﻜﻴﺖ ﻭﺍﻧﺎ ﻛﺎﻧﺸﻮﻑ ﻗﺒﺎﻟﺘﻲ ﺻﻮﺭﺕ ﻣﺎﻣﺎ ﻭ ﺑﺎﺑﺎ ﻛﺎﻳﺒﺘﺎﺳﻤﻮﻟﻲ ﻓﺪﺍﻙ ﺍﻟﺤﻠﻢ ﻃﺎﺣﺘﻠﻲ ﺩﻣﻌﺔ اخرى من عيينيي كانشهق وونبببكي واش عكرنيي نعاود نشووفهم عمرني نعنقهم .. نسمع صووتهم ضحكتهم .. حبهم لبعضهممم .. هى هى بقات فكرة كاديني و فكرة كاتجيبني .. قلبي حسيتو مغمووم كايضرني ماحسييت برااسي غيي كانغووت بكللل جهديي بااغا ماما .. حتى دخل شي حد مرة ثانية و شي حاجة تغرسااتلي فذراعي حتى عيني ثقاالو علياااا .. ماحسيت براسي حتى ﻏﻔﻴﻴﺖ

ﻣﻨﺎﺭ ﻭﺍﻗﻔﺔ ﻣﻊ ﺍﻟﻄﺒﻴﺐ ﺑﺮﺍ ﻛﺎﻳﺸﺮﺣﻠﻬﺎ ﺍﻟﺤﺎﻟﺔ ﺩﻳﺎﻝ ﺟﻨﺔ
ﺍﻟﻄﺒﻴﺐ:ﺩﺧﻠﻬﺎ ﺍﻟﺰﺍﺝ ﻓﻌﻴﻨﻴﻬﺎ ﺃﺛﻨﺎء ﺍﻟﺤﺎﺩﺛﺔ ﻭ ﻫﺎﺩﺷﻲ ﺳﺒﺒﻠﻬﺎ ﺍﻟﻀﺮﺭ ﺑﺰﺍﻑ ﻋﻠﻰ ﻣﺴﺘﻮﻯ ﺑﺆﺑﺆ ﺍﻟﻌﻴﻨﻴﻦ ﻭ ﺩﺭﻧﺎﻟﻬﺎ ﻋﻤﻠﻴﺔ ﺑﺎﺵ ﻧﻌﺘﻘﻮ ﺍﻟﻮﺿﻊ ﺣﻴﺖ ﻛﺎﻧﺖ ﻓﻮﺿع ﺧﻄﻴﻴﺮ ﺑﺰﺍاااف من بعد الحادثة أسبوع و هي كومة كيفما شفتي حتى لليوم عاد فاقت و زيدي عليها الصدمة د موت عائلتها كانضمنلك ان حالتها النفسية اسوء منها مكاينش و بالنسبة لعينيها انتسناو 24 ﺳﺎﻋﺔ ﻭ ﻧﺤﻴﺪﻭﻟﻬﺎ ﺍﻟﻀﻤﺎﺩﺓ ﻋﻠﻰ ﻋﻴﻨﻴﻬﺎ ﻭ ﻧﺸﻮﻓﻮ ﺍﻟﻨﺘﻴﺠﺔ
ﻣﻨﺎﺭ:ﺍﻩ ﻭﻻ ﻣﻜﺎﻧﺘﺶ ﻧﺠﺤﺎﺕ ﺍﻟﻌﻤﻠﻴﺔ
ﺍﻟﻄﺒﻴﺐ:ﺧﺎﺻﻜﻢ ﺗﺴﻨﺎﻭ ﻓﺘﺮﺓ ﻭ ﺗﻌﺎﻭﺩ ﻋمﻠﻴﺔ ﺃﺧﺮﻯ ﻭ ﺍن ﺸﺎء ﺍﻟﻠﻪ ﻳﻜﻮﻥ ﺧﻴﺮ *ﺷﺎﻑ ﻓﻴﻬﺎ ﻭ ﻓﺎﻟﺸﺨﺺ ﺍﻟﻠﻲ ﻣﻌﺎﻫﺎ* ﺍﺳﺘﺴﻤﺢ ﺩﺍﺑﺎ ﺍﻧﻤﺸﻲ

ﻣﺸﺎ ﺍﻟﻄﺒﻴﺐ ﻭ ﺩﺍﺭﺕ ﻣﻨﺎﺭ ﻋﻨﺪ ﻫﺪﺍﻙ اللي معاها ﻋﻨﻘﺎﺗﻮ ﻛﺎﺗﺒﻜﻲ ﻭ ﻫﻮ ﻛﺎﻳﻄﺒﻄﺐ ﻋﻠﻴﻬﺎ ﻭﻛﺎﻳﻮﺍﺳﻴﻬﺎ
ﻫﻮ:ﺩﺍﺑﺎ صاحبتك و راجلها ماﺗﻮ ﻭ ﺑﻘﺎﺕ ﺑﻨﺘﻬﻢ
ﻣﻨﺎﺭ:ﺍﻩ ﻭﺣﻨﺎ ﺍﺗﺒﻘﻰ ﻣﻌﺎﻧﺎ ﺍﺻﻼ ﻫﻲ ﻛﺒﻴﺮﺓ ﻭ ﻛﺎﺗﻔﻬﻢ ﻣﺎﺩﻳﺮﻟﻜﺶ ﻣﺸﺎﻛﻴﻞ، خاصنا نقاد وراق الوصية .. بشرى وصاتني فحال لا كانت حاسة .. قاتلي لا وقعاتلها شي حاجة ندير جنة تحت وصايتي علاما تكمل السن القانوني .. راك عارف .. ماعندكش موشكيل فهادشي ياك؟
ﻫﻮ:ﺑﺒﺮﻭﺩ ﺍﻣﻤﻢ ﻣﺎﺷﻲ ﻣﻮﺷﻜﻴﻞ
ﻣﻨﺎﺭ: مسكينة جنة فقدات واليديها فنهار واحد زائد عينيها مصااب تنجحلها العملية ماقدراتش حتى تشوفهم لأخر مرة دازت الجنازة وهي كانت كومة
ﻫﻮ ﺑﻌﺪﻡ ﻣﺒﺎﻻﺓ:ﺍﻧﺎ ﺍﻧﻤﺸﻲ ﺩﺍﺑﺎ
ﻣﻨﺎﺭ تنرفزات من برودو:ﻋﺪﻥ ﻭﺍﺵ ﻣﻦ ﻧﻴﺘﻚ ﺧﺎﺻﻚ ﺗﻮﻗﻒ ﻣﻌﺎﻳﺎ ﺭﺍﻧﻲ ﻣﺮﺗﻚ ﺯﻋﻤﺎ ﻭ ﺣﻨﺎ ﻓﻤﺤﻨﺔ
ﻋﺪﻥ شاف فيها ببرود ﺑﺒﺮﻭﺩ:ﻭﺍﻧﺎ ﺷﻨﻮ ﺍﻧﺪﻳﺮ ﺭﺍﻩ ﺟﻴﺖ ﻟﻬﻨﺎ ﻭ ﺷﻔﺖ ﺍﻷﻭﺿﺎﻉ اﺻﻼ ﻧﺘﻲ ﺧﺎﺻﻚ ﺗﺰﻳﺪﻱ ﻟﻠﺪﺍﺭ ﻣﻜﺎﻳﻦ ﻻﺵ ﺗﺒﻘﺎﻱ ﺩﺍﺑﺎ
ﻣﻨﺎﺭ:ﻻ ﺍﻧﺒﻘﺎ ﻣﻊ ﺟﻨﺔ
ﻋﺪﻥ:ﺷﻐﻠﻚ ﻫﺪﺍﻙ ﺍﻟﻤﻮﻫﻴﻢ ﺍﻧﺎ ﻏﺎﺩﻱ *ﺑﻌﺪ ﻣﻨﻬﺎ ﻭ ﻣﺸﺎ ﻏﺎﺩﻱ ﻫﺎﺯ ﺭﺍﺳﻮ ﻟﻔﻮﻕ ﻣﻜﺎﻳﺸﻮﻑ ﺣﺘﻰ ﺟﻴﻪ ﻭﺻﻞ ﻟﻄﻤﻮﺑﻴﻠﺘﻮ ﻓﻴﺮﺍﺭﻱ ﻛﺤﻠﺔ ﻣﺎﻁ ﺭﻛﺐ ﻭ ﺻﺎﻙ ﻣﻨﻴﺮ ﻟﻠﻔﻴﻼ ﺩﻳﺎﻟﻮ دخل نييشان للدووﻭﺵ ﻭ ﺧﺮﺝ ﺑﻘﺎ ﻛﺎﻳﺪﻭﺭ ﺑﺎﻟﻔﻮﻃﺔ مغطيالو نصو .. عضلاتو المبرونزية بأشعة الشمس باارزة و ساردة بالما .. عاطية شكل مثيير لصدرو . مع زغيبات خفااف مبعثرين على صدرو و كرشو و ذرعانو المعرقيين .. ﻫﺰ ﻛﺎﺭﻭ ﻛﺎﻳﻜﻤﻴﻪ ﻭ ﺷﺪ ﺍﻟﺒﻴﺴﻲ ﺩﻳﺎﻟﻮ ﺧﺪﺍﻡ ﻓﻴﻪ ﻧﻌﺮﻓﻜﻢ ﻋﻠﻴﻪ ﺑﻌﺪﺓ ﻋﺪﻥ (العين بالفتحة الدال بالفتحة و النون بالسكون .. للي بغاو شكل الاسم) ﺍﻟﻌﻮﻣﺎﺭﻱ كولونيل (عقيد) فالعسكر المغربي و عندو شركات لصناعة الأسلحة و شركات لصناعة السيارات

شركات لصناعة السيارات عندو 30 ﻋﺎﻡ ﻛﺎﻳﺘﺴﻢ ﺑﺎﻟﺒﺮﻭﺩ عصبييي لأقصى درجة مﺘﻤﻠﻚ ﺣﺎﺟﺘﻮ ﻛﺎﻳﺒﻐﻴﻬﺎ ﺗﺒﻘﻰ ﻟيييه بوووحدو ﻛﺴﺐ ﺛﺮﻭﺗﻮ ﺑﺨﺪﻣﺘﻮ ﻭ ﻋﺮﻕ ﻛﺘﺎﻓﻮ ﻣﻜﺎﻳﺨﺪﻣﺶ ﻓﺎﻟﻤﻤﻨﻮﻋﺎﺕ ﺃﺑﺪﺍ ﺍﻣﺎ ﻣﻦ ﻧﺎﺣﻴﺔ ﺍﻟﺸﻜﻞ ﻭﺻﻔﺘﻮ ﻗﺒﻴﻠﺔ ﻭ ﻫﻮ ﺯﻭﺝ ﻣﻨﺎﺭ ﺗﻌﺎﺭﻓﻮ فالعسكر حيت هي كاتخدم ممرضة تما ﻋﺠﺒﺎﺗﻮ و تزوجها ﺑﻼ ﻋﺮﺱ ﺑﻼ ﻭﺍﻟﻮ ﻫﺬﺍ ﻫﻮ ﻋﺪﻥ ﺑﻄﻠﻨﺎ

_______________ﺃﺻﺒﺤﻨﺎ ﻭ ﺃﺻﺒﺢ ﺍﻟﻤﻠﻚ لله_________

ﺟﺎ ﺻﺒﺎﺡ ﺟﺪﻳﺪ ﻓﻮﺍﺣﺪ ﺍﻟﻐﺮﻓﺔ ﻓﺎﻟﻤﺸﻔﻰ ﻛﺎﻳﻨﺔ ﺑﻨﺖ ﺻﻐﻴﺮﺓ ﻓﻌﻤﺮ ﺍﻟﺰﻫﻮﺭ ﻓﻘﺪﺍﺕ ﺃﺑﻮﻳﻬﺎ الباﺮﺡ ﻭ ﺍﺣﺘﻤﺎﻝ ﻣﺎﺗﺒﻘﺎﺵ ﺗﻌﺎﻭﺩ ﺗﺸﻮﻑ ﻣﺰﺍﻝ ﺑﺪﺍﺕ ﻛﺎﺗﻜﻤﺶ ﻓﻮﺟﻬﻬﺎ ﻭ ﺗﻌﺎﺑﻴﺮﻫﺎ ﻛﻴﺘﻘﻠﺼﻮ ﻛﻠﺸﻮﻳﺔ ﺑﺴﺒﺎﺏ ﺷﻲ ﻛﻮﺍﺑﻴﺲ ﻛﺎﻳﻄﺎﺭﺩﻭﻫﺎ ﺣﺘﻰ ﺣﺴﺎﺕ ﺑﻴﻬﺎ ﻣﻨﺎﺭ ﺍﻟﻠﻲ ﻛﺎﻧﺖ ﻧﺎﻋﺴﺔ ﻓﻜﻮﺭﺳﻲ ﻗﺪﺍﻣﻬﺎ ﻭ ﻧﺎﺿﺖ ﻛﺎﺗﺠﺮﻱ ﻋﻨﺪﻫﺎ ﻋﻨﻘﺎﺗﻬﺎ ﻭ ﻋﻄﺎﺗﻬﺎ ﺗﺸﺮﺏ ﺃﻣﺎ ﺟﻨﺔ ﻓﻐﻴﺮ ﻛﺎﺗﻨﺨﺼﺺ
ﻣﻨﺎﺭ ﻛﺎﺗﺒﻜﻲ ﺣﺘﻰ ﻫﻲ ﺣﻴﺖ
ﺑﻴﺪﻫﺎ ﻣﺎﺗﺘﻠﻬﺎ صاحبتها كانت دايراها بمثابة ختها:ﻫﺸﺸﺶ ﺻﺎﻓﻲ ﺟﻨﺔ ﺍﻫﺊ ﻣﺎﺗﺒﻜﻴﺶ ﺃﺣﺒﻴﺒﺔ ﺍﻫﺊ ﻫﻮﻣﺎ ﻓﺒﻼﺻﺔ ﺯﻭﻳﻨﺔ دابا غايكونو مشاو للجنة
ﺟﻨﺔ ﻛﺎﺗﻨﺨﺼﺺ:ﺍﻫﻰ ﺗﻮﺣﺸﺘﻬﻢ😭😭😭😭😭😭😭😭بغييت مااماا نعنققها و ننعس حداااهااا

ﻣﻨﺎﺭ:ﺣﺘﻰ ﺍﻧﺎ ﻭﺍﻟﻠﻪ ﺍﻫﻰ ﻭﻟﻜﻦ ﻫﺬﺍ ﻣﻜﺘﺎﺑﻬﻢ ﻋﻔﺎﻙ ﺑﺮﺍﻛﺔ ﻣﺎﺗﺒﻜﻲ ﺭﺍﻛﻲ ﻛﺎﺗﺰﻳﺪﻱ ﺍﻟﻀﺮﺭ ﻟﻌﻴﻨﻴﻚ
ﺟﻨﺔ ﺑﻘﺎﺕ ﻛﺎﺗﺸﻬﻖ قلبات وجهها و تسلات من منار اللي فضلات تخليها على راحتها . ﻣﺸﺎﺕ ﻟﻠﻄﻮﺍﻟﻴﻂ ﺑﻘﺎﺕ جنة ﻣﺘﻜﻴﺔ ﻭ ﺩﻣﻮﻋﻬﺎ ﻫﺎﺑﻄﻴﻦ ﺑﺼﻤﺖ ﺣﺘﻰ ﻋﺎﻭﺩﺍﺕ ﺩﺧﻼﺕ ﻣﻨﺎﺭ:ﺗﺒﻐﻲ ﺗﻤﺸﻲ ﻟﻠﻄﻮﺍﻟﻴﻂ
ﻫﺰﺍﺕ ﺭﺍﺳﻬﺎ ﻭ ﻫﺒﻄﺎﺗﻮ ﺑﺎﻩ ﺧﺪﺍﺗﻬﺎ ﻟﻠﻄﻮﺍﻟﻴﻂ ﻭ ﺩﺧﻼﺗﻬﺎ ﺣﺘﻰ ﻗﻀﺎﺕ ﺣﺎﺟﺘﻬﺎ ﻭ ﺧﺮﺟﺎﺗﻬﺎ ﺟﻨﺔ ﻏﺎﺩﺍ ﻭ ﻛﺎﺗﻌﺮﺝ ﺣﻴﺖ ﺗﻮﻋﺘﺎﺕ
ﻓﺮﺟﻠﻬﺎ ﺷﻮﻳﺔ ﻓﺎﻟﺤﺎﺩﺛﺔ ﺩﺧﻼﺗﻬﺎ ﻟﺒﻴﺘﻬﺎ ﻣﺸﺎﺕ ﺟﺎﺑﺘﻠﻬﺎ ﺍﻟﻤﺎﻛﻠﺔ ﻛﻼﺗﻬﺎ ﻭ ﺧﺮﺟﺎﺕ ﻣﻨﺎﺭ ﻣﻦ ﺑﻴﺘﻬﺎ ﺻﻮﻧﺎﺕ ﻟﻌﺪﻥ

_________ﺟﺎﺕ ﺍﻟﻌﺸﻴﺔ ﻭ ﻣﻨﺎﺭ ﻋﻴﻨﻴﻬﺎ ﻣﻨﻔﺨﻴﻦ ﺑﻘﻮﺓ ﺍﻟﺒﻜﺎ دخلات من الجردة دالكلينيك بعدما صونالها عدن .. حيت فضلات تخلي جنة بوحدها ماتضغطش عليها .. تلاقاتو فالباب تسالمو بلابيز و دخلو لداخل .. ﺣﻴﺖ اليوم ﺍﻳﺤﻴﺪﻭ لجنة ﺍﻟﻀﻤﺎﺩﺓ ﻣﻦ ﻋﻴﻨﻴﻬﺎ ﺩﺧﻠﻮ ﻭ ﻋﺪﻥ ﺷﺎﻑ ﻓﺠﻨﺔ جالسة الضمادة على عينها .. ﻭ ﺍﻟﻄﺒﻴﺐ ﻗﺪﺍﻣﻬﺎ ﻛﺎﻳﺤﻴﺪﻟﻬﺎ ﺍﻟﻀﻤﺎﺩﺓ ﻋﻠﻰ ﻋﻴﻨﻴﻬﺎ .. ﻋﺪﻥ بقا ﻭﺍﻗﻒ ﻗﺒﺎﻟﺘﻬﺎ ﻛﺎﻳﺘﻤﻌﻦ ﻓﻴﻬﺎ ﻭ ﻛﺎﻳﻄﻠﻌﻬﺎ ﻣﻦ ﺭﺍﺳﻬﺎ ﻟﺮﺟﻠﻴﻬﺎ ﻣﺎﺭﻣﺸﺶ ﻛﺎﻉ
ﺍﻟﻄﺒﻴﺐ ﺣﻴﺪ ﺍﻟﻀﻤﺎﺩﺓ ﻛﺎﻉ:ﺟﻨﺔ ﻣﺎﺗﻔﺘﺤﻴﺶ ﻋﻴﻨﻴﻚ ﺩﺍﺑﺎ ﺣﺘﻰ ﻧﺤﺴﺐ ﻟﺘﻼﺗﺔ ﻭ فتحيهم ﺑﺸﻮﻳﻴﻴﺔ ﻋﻠﻴﻚ
ﻫﻲ ﻭﻣﺄﺕ ﺑﺮﺍﺳﻬﺎ ﺑﺎﻹﻳﺠﺎﺏ ﺣﺴﺒﻠﻬﺎ ﻟﺘﻼﺗﺔ ﻭ ﺣﻼﺕ ﻋﻴﻨﻴﻬﺎ ﺍﻟﺰﻭﺭﻕ ﺟﺎﺕ ﻋﻴﻨﻬﺎ ﻓﻌﻴﻦ ﻋﺪﻥ نيييشااان هو بقاا غي كايشووف فجماال عينيها الزورق مقادرش يهبط عينيه ولا يرمشهم

ﺣﻼﺕ ﺟﻨﺔ ﻋﻴﻨﻴﻬﺎ ﺍﻟﺰﻭﺭﻕ ﺯﺭﻗﺔ المحيييط .. لونهم غاامق .. فحال لا كايحكيو ألف حكااية و حكااية .. رموشها فازكين شوية و حمورية محيطة بعينيها اللي ﺟﺎﻭ ﻓﻌﻴﻨﻴﻦ ﻋﺪﻥ ﺍﻟﻠﻲ ﺑﻘﻰ ﻏﻴﺮ ﻛﺎﻳﺸﻮﻑ ﻓﻴﻬﺎ ﺑﺎﻧﺒﻬﺎﺭ ﻓﺤﺎﻝ ﻻ ﻋﻤﺮﻭ ﺷﺎﻑ ﺑﻨﺖ ﺑﻤﻮﺍﺻﻔﺎﺗﻬﺎ ﻓﺤﻴﺎﺗﻮ ﻛﺎﻣﻠﺔ ﺩﻭﺯ ﻋﻴﻨﻮ ﻋﻠﻰ ﻃﻮﻭﻝ ﻭﺟﻬﻬﺎ ﻋﻴﻨﻬﺎ ﺍﻟﻠﻲ ﺳﺤﺮﻭﻩ ﺣﻨﻮﻛﻬﺎ ﻓﻤﻬﺎ عنقها ﻛﻮﻭﻟﻬﺎ ﺳﻜﺎﻧﺎﻫﺎ ﺑﻌﻴﻨﻴﻪ ﺣﺘﻰ ﺷﺎﻓﻬﺎ ﻛﺎﺗﻨﺨﺼﺺ
ﺟﻨﺔ ﻛﺎﺗﻨﺨﺼﺺ:ﺍﻫﺊ ﻓﻴﻦ ﺍﻟﻀﻮ ﻋﻼﺵ ﻃﺎﻓﻴﻴﻦ ﺍﻟﻀﻮﻭ ﻋﻔﺎﻙ ﺍﻋﻤﻮ ﺍﻟﻄﺒﻴﺐ ﻋﻔﺎﺍﺍﺍﻙ ﺧﺎﻟﺘﻲ ﺷﻌﻠﻲ ﺍﻟﻀﻮ ﺍﻫﺊ ﻣﻜﺎﻧﺸﻮﻑ ﻭﺍﻟﻮ ﻋﻔﺎﺍﺍﻙ ﺍﻫﺊ ﻋﻔﺎﺍﺍﻙ
ﻋﺪﻥ ﺣﺲ بإحساس فشكل مااعرفش ماالو حس براسو باغي ﻳﻤﺸﻲ ﻋﻨﺪﻫﺎ ﻭ ﻳﻌﻨﻘﻬﺎ .. ﻫﺎﺩ ﺍﻟﺸﻌﻮﺭ ﺍﻟﻠﻲ ﺣﺲ ﺟﻴﻬﺘﻬﺎ ﻫﻮ ﺑﺮﺍﺳﻮ ﻣﻌﺎﺭﻓﻮﺵ علااش حاسو .. ﺷﺎﻑ ﻓﺎﻟﻄﺒﻴﺐ ﻛﺎﻳﺪﻭﺯ ﻳﺪﻳﻪ ﻋﻠﻰ ﻃﻮﻝ ﺷﻌﺮﻫﺎ ﻛﺎﻳﻮﺍﺳﻴﻬﺎ ﻭ ﻋﻼﻣﺎﺕ ﺍﻟﺤﺰﻥ ﻓﻌﻴﻨﻴﻪ ﻣﺎﻛﺮﻫﺶ ﻳﻘﻄﻌﻠﻮ ﻳﺪﻭ ﻣﻦ ﺍﻟﺠﺬﺭ زيير على قبضة يدو حااضي يد الطبيب نازلة مع شعرها وزير على فكوو بسناانو دور وجهو للحيط ﺣﺎﻭﻝ ﻣﺎﻳﺸﻮﻓﺶ ﻓﻴﻬﺎ ﻭﻟﻜﻦ ﺑﺪﻭﻥ ﻭﻋﻲ ﻣﻨﻮ ﻋﻴﻨﻴﻪ ﻛﺎﻳﻤﺸﻴﻮ ﺟﻴﻬﺘﻬﺎ ﻋﻴﻨﻴﻬﺎ ﺍﻟﺰﻭﺭﻕ ﺃﺳﺮﻭﻭﻩ
ﻣﻨﺎﺭ ﻣﺸﺎﺕ ﻋﻨﺪﻫﺎ ﻭ ﻋﻨﻘﺎﺗﻬﺎ ﻛﺎﻃﺒﻄﺐ ﻋﻠﻴﻬﺎ ﺗﻮﺍﺳﻴﻬﺎ:ﻫﺸﺸﺶ ﺟﻨﺔ ﻋﻔﺎﻙ ﻣﺎﺗﺨﺎﻓﻴﺶ ﻋﻔﺎﺍﻙ ﺍﻧﻌﺎﻭﺩﻭ ﺍﻟﻌﻤﻠﻴﺔ ﻭﺍﺗﺮﺟﻌﻲ ﺗﺸﻮﻓﻲ ﻋﻔﺎﺍﻙ
ﺟﻨﺔ ﻛﺎﺩﻓﻌﻬﺎ ﻋﻠﻴﻬﺎ ﻭ ﻫﻲ ﻛﺎﺗﺒﻜﻲ:ﺑﻌﺪﻳﻲ ﻣﻨﻴﻴﻴﻲ ﺍﻧﺎ ﻋﻮﺍﺍﺭﻳﺖ ﺻﺎﻓﻲ ﺍﻫﺊ ﻣﺎﻧﺒﻘﺎﺵ ﻧﺸﻮﻭﻭﻑ ﻣﺎﻣﺎ ﻭ ﺑﺎﺑﺎ ﻣﺸﺎﺍﺍﻭ ﺑﻐﻴﻴﺖ ﻧﻤﻮﻭﻭﻭﺕ ﻋﻔﺎﺍﺍﻙ ﺑﻐﻴﻴﻴﺖ ﻧﻤﻮﻭﻭﺕ ﺍﻫﺊ ﻣﺎﺑﻘﻴﺘﺶ ﺑﺎﻏﺎ ﻧﺒﻘﻰ ﻫﻨﺎ ﻓﻬﺎﺩ ﺍﻟﺤﻴﺎﺍﺍﺓ ﺍﻫﺊ قتليينيي بغييت نمشييي عندهممم هى هئ بغيييت نمشييييي
ﻣﻨﺎﺭ ﻛﻞ ﻣﺎ ﻛﺎﺗﺪﻓﻌﻬﺎ ﻋﻠﻴﻬﺎ ﻛﺎﺗﺰﻳﻴﻴﺪ ﺗﺰﻳﺮﻫﺎ ﻋﻨﺪﻫﺎ ﻭ ﻫﻲ ﻛﺎﺩﻓﻌﻬﺎ ﻭ ﺗﺒﻜﻲ ﻭ ﻛﺎﺗﻨﺘﻒ ﻓﺮﺍﺳﻬﺎ ﺣﺘﻰ ﺩﺍﺭﻭﻟﻬﺎ ﻣﻬﺪﺉ ﺣﻘﻨﻮﻫﺎ ﺑﻴﻪ ﻭ ﺑﺪﺍﺍﺕ ﻛﺎﺗﺮﺧﻰ ﺣﺘﻰ ﻧﻌﺴﺎﺍﺍﺕ ﻫﻲ نعسات كﺎﺗﻨﺨﺼﺺ ﺷﻮﻳﺔ ﻭ ﻣﻨﺎﺭ ﺑﻐﺎﺕ ﺗﻬﻀﺮ ﻣﻊ ﺍﻟﻄﺒﻴﺐ ﻋﻠﻰ ﺣﺎﻟﺔ ﺟﻨﺔ ﻗﺎﻟﻬﺎ ﺗﺘﺒﻌﻮ ﻟﻠﻤﻜﺘﺐ ﺩﻳﺎﻟﻮ ﻭ ﺧﺮﺝ ﻫﻲ ﺷﺎﻓﺖ ﻓﻌﺪﻥ
ﻣﻨﺎﺭ:ﺗﻘﺪﺭ ﺗﺒﻘﻰ ﻣﻌﺎﻫﺎ ﻋﻠﻰ ﻣﺎﻧﺠﻲ
ﻋﺪﻥ ﺃﺷﺎﺭﻟﻬﺎ ﺑﻴﺪﻭ ﻏﻴﺮ ﺗﻤﺸﻲ ﻭ ﻫﻮ ﻣﺸﺎ ﺟﻠﺲ ﻓﻜﻮﺭﺳﻲ ﻗﺪﺍﻡ ﺟﻨﺔ ﺍﻟﻠﻲ ﻛﺎﺗﻨﺨﺼﺺ ﻓﻨﻌﺎﺳﻬﺎ ﺣﻂ ﻳﺪﻭ ﻋﻠﻰ ﻭﺟﻬﻬﺎ ﺍﻟﻠﻲ ﻓﺎﺯﻙ ﺑﺎﻟﺪﻣﻮﻉ ﻭ ﻃﻠﻌها ﻟﺸﻌﺮﻫﺎ الحريري ﻛﺎﻳﺪﻭﺯ ﻋﻠﻴﻪ ﻋﻴﻨﻴﻪ ﻛﺎﻳﺪﻭﺯﻭ ﻋﻠﻰ ﻭﺟﻬﻬﺎ ﻛﺎﺍﻣﻞ ﻓﺤﺎﻝ ﻻ ﺑﺎﻏﻲ ﻳﺤﻔﻆ ﻣﻼﻣﺤﻬﺎ ﻭ ﻫﻮ ﺑﺼﺢ ﺣﻔﻀﻬﻮﻡ ﻏﻴﺮ ﻣﻦ ﺍﻟﺸﻮﻓﺔ ﺍﻟﻠﻮﻟﺔ ﻫﻲ ﺣﺴﺎﺕ ﺑﻴﺪﻭ ﻛﺎﺩﻭﺯ ﻋﻠﻴﻬﺎ ﻫﺪﺍﺍﺕ ﻓﺠﺄﺓ ﻭ ﻣﺎﺑﻘﺎﺗﺶ ﻛﺎﺗﻨﺨﺼﺺ ﻫﻮ ﻫﺒﻂ ﻟﺤﻨﻜﻬﺎ ﻃﺒﻊ ﻗﺒﻠﺔ ﺧﺎﻃﻔﺔ ﻭ ﺑﻌﺪ ﺷﻮﻳﺔ ﻋﺎﻭﺩ ﻫﺒﻂ ﻭ ﻋﺎﻭﺩ ﺑﺎﺳﻠﻬﺎ ﺍﻟﺠﻬﺔ ﺍﻟﺘﺎﻧﻴﺔ ﻟﺤﻨﻜﻬﺎ ﻭ ﺑﻌﺪ ﺑﻘﺎﺕ ﻣﺴﺎﻓﺔ ﺣﺒﺔ ﺭﻣﻞ ﻓﺎﺻﻠﺔ ﺑﻴﻨﻮ ﻭ ﺑﻴﻦ ﻭﺟﻬﻬﺎ
ﻋﺪﻥ ﻛﺎﻳﻬﻤﺲ:ﺟﻨﺔ ﺷﻨﻮ ﺩﺭﺗﻲ ﻓﻴﺎ ﻳﺎ ﻫﺎﺩ ﺍﻟﺒﻨﺖ ﻋﻤﺮ ﺑﻨﺖ ﺍﻟﻤﺮﻯ ﺣﺮﻛﺎﺕ ﻓﻴﺎ ﻭ ﻟﻮ ﻏﻴﺮ ﺷﻮﻳﺔ ﻭ ﻧﺘﻲ يالبرهووشة ﻻ ﻛﻨﺖ ﻣﺰﻭﺝ ﻣﻦ ﺷﺤﺎﻝ ﻫﺬﺍ ﻛﻨﺖ ﻭﻟﺪﺕ ﻭﺣﺪﺓ ﻓﻌﻤﺮﻙ ﺧﻠﻴﺘﻴﻨﻲ ﻣﺴﺤﻮﻭﺭ ﻓﻴﻴﻚ ﻣﻦ ﻫﺎﺩ ﺍﻟﻨﻬﺎﺭ ﻫﺬﺍ ﺭﺟﻌﺘﻲ ﺩﻳﺎﻟﻲ ﺟﻨﺘﻲ #ﺟﻨﺔ_ﻋﺪﻥ *ﻫﺒﻂ ﺑﺎﺳﻬﺎ ﻓﺮﺍﺳﻬﺎ ﻭ ﺑﻌﺪ ﻛﺎﻳﻜﻤﻞ ﺗﺄﻣﻼﺗﻮ ﻟﻴﻬﺎ*

ﺑﻘﺎ ﻋﺪﻥ ﻛﺎﻳﺘﺄﻣﻞ ﻓﺠﻨﺔ ﺣﺘﻰ ﺩﺧﻼﺕ ﻣﻨﺎﺭ ﻛﺎﺗﻤﺴﺢ ﻓﺪﻣﻮﻋﻬﺎ ﺟﻠﺴﺎﺕ ﻓﻮﺍﺣﺪ ﺍﻟﻔﻮﻃﻮﻱ ﻓﺎﻟﺒﻴﺖ ﺗﻤﺎ ﻛﺎﺗﻨﻔﺲ ﺑﺎﻟﺰﺯ
ﻣﻨﺎﺭ ﺑﺘﻌﺐ:ﺃﻭﻭﻭﻭﻑ ﻋﻴﻴﺖ ﻫﺎﺩ ﺍﻟﻨﻬﺎﺭ *ﺷﺎﻓﺖ ﻓﻌﺪﻥ* ﻋﺪﻥ ﺗﻘﺪﺭ ﺗﻤﺸﻲ ﻻ ﺑﻐﻴﺘﻲ ﻫﺎﻧﺎ ﻣﻌﺎﻫﺎ ﺩﺍﺑﺎ
ﻋﺪﻥ ﻣﺎﺣﻴﺪﺵ ﻋﻴﻨﻴﻪ ﻋﻠﻰ ﺟﻨﺔ:ﻻ ﺃﻧﺎ ﻣﺮﺗﺎﺡ ﻫﺎﻛﺎ *ﺩﺍﺭ ﺷﺎﻑ ﻓﻴﻬﺎ ﺑﺎﻫﺘﻤﺎﻡ* ﺷﻨﻮ ﻗﻠﻠﻚ ﺍﻟﻄﺒﻴب؟
ﻣﻨﺎﺭ:ﻗﺎﻟﻲ ﺩﺍﺑﺎ ﻫﻲ ﻋﻴﺎﺕ ﻋﻴﻨﻴﻬﺎ ﺑﺎﻟﺒﻜﻰ ﻣﻊ ﺍﻟﺨﺒﺮ ﺍﻟﻠﻲ ﺳﻤﻌﺎﺗﻮ ﻭ ﻋﻴﻨﻴﻬﺎ ﺗﻀﺮﺭﻭ ﺑﺰﺍﺍﻑ زيادة على نفسيتها ﻋﻠﻰ ﻫﺎﺩﺷﻲ ﻭﺍﻟﻮ ﻣﺎﺳﺘﺎﺟﺒﺎﺗﺶ ﻣﻊ ﺍﻟﻌﻤﻠﻴﺔ ﻭﻟﻜﻦ ﻓﺎﺵ ﺩﻭﺯ ﻓﺘﺮﺓ ﺗﻘﺪﺭ ﺗﻌﺎﻭﺩﻫﺎ ﻭ ﺗﻘﺪﺭ ﺗﻌﺎﻭﺩ ﺗﺸﻮﻑ ﻻ ﻛﺎﻧﺖ ﻧﻔﺴﻴﺘﻬﺎ ﻣﺘﺤﺴﻨﺔ
ﻋﺪﻥ ﻗﻠﺐ ﻭﺟﻬﻮ ﺟﻴﻬﺖ ﺟﻨﺔ ﻭﺗﻜﺎ ﻋﻠﻰ ﺍﻟﻜﻮﺭﺳﻲ ﻛﺎﻳﺸﻮﻑ ﻓﻴﻬﺎ:ﺍﻧﺸﺎء ﺍﻟﻠﻪ
ﻣﻨﺎﺭ ﺗﻜﺎﺕ ﻋﻠﻰ ﺍﻟﻔﻮﻃﻮﻱ ﺣﻴﺪﺍﺕ ﺻﺒﺎﻃﻬﺎ ﺍﻟﻠﻲ ﺯﻳﺮﻟﻬا ﻋﻠﻰ ﺭﺟﻠﻬﺎ ﻭ ﻏﺮﻗﺎﺕ ﻓﺎﻟﻨﻌﺎﺱ ﺍﻣﺎ ﻋﺪﻥ ﻓﺪﻭﺯ ﺍﻟﻠﻴﻞ ﻛﻮﻟﻮ ﻛﺎﻳﺸﻮﻑ ﻓﻴﻬﺎ ﻭ ﻣﺮﺓ ﻣﺮﺓ ﻛﺎﻳﻬﺰﻟﻬﺎ ﻳﺪﻳﻬﺎ بدون وعي منو كايديها لفمو ﻛﺎﻳﺒﻮﺳﻬﺎ ﻭ ﻛﺎﻳﺪﻭﺯ ﻳﺪﻭ ﻋﻠﻰ ﻭﺟﻬﻬﺎ

_________ﺃﺻﺒﺤﻨﺎ ﻭ ﺃﺻﺒﺢ ﺍﻟﻤﻠﻚ لله__________

ﺟﺎ ﺻﺒﺎﺡ ﺟﺪﻳﺪ ﻭ ﺟﻨﺔ ﺿﺮﺑﺎﺗﻬﺎ ﺍﻟﻔﻴﻘﺔ ﺣﻼﺕ ﻋﻴﻨﻴﻬﺎ ﻭ ﺿﺮﺑﺎﺕ ﻓﻴﻬﻢ ﺃﺷﻌﺔ ﺍﻟﺸﻤﺲ ﺑﻘﺎﺕ ﻛﺎﺩﻭ ﻓﻌﻴﻨﻴﻬﺎ ﻭ ﻛﺎﺗﺸﻮﻑ ﻏﻴﺮ ﺍﻟﻜﺤﻮﻟﺔ ﺟﺎﺗﻬﺎ ﺍﻟﺒﻜﻴﺔ ﺣﺴﺎﺕ ﺑﻴﺪﻳﻦ ﻛﺒﺎﺭ وباردييين ﻛﺎﻳﺪﻭﺯو ﻋﻠﻰ ﺷﻌﺮﻫﺎ ﻛﺎﻥ ﻋﺪﻥ ﺍﻟﻠﻲ ﺍﻟﻠﻴﻞ ﻛﻮﻟﻮ ﻣﺎﻧﻌﺲ ﻭﻻ ﻏﻤﺾ ﻋﻴﻨﻮ ﺣﺎﺿﻴﻬﺎ ﺳﻤﻌﺎﺕ ﺻﻮﺕ ﺭﺟﻮﻟﻲ ﻃﺎﻏﻴﺔ ﻋﻠﻴﻬﺎ ﺍﻟﺤﻨﻴﺔ

ﻋﺪﻥ ﺑﺤﻨﺎﻥ:جنة ﻫﺸﺸﺶ ﺑﺮﺍﻛﺔ ﻣﻦ ﺍﻟﺒﻜﺎ ﻣﺎﺗﺨﺎﻓﻴﺶ ﺍﺗﺮﺟﻌﻲ ﺗﺸﻮﻓﻲ ﻛﺎﻧﻮﺍﻋﺪﻙ
ﺟﻨﺔ ﺑﺘﻮﺗﺮ ﺣﻴﺖ ﻫﺎﺩ ﺍﻟﺼﻮﺕ ﻏﺮﻳﺐ ﻋﻠﻴﻬﺎ:ﺵ ﺵ ﺷﻜﻮﻥ ﻧﺘﺎ ﻋﺪﻥ ﺑﻬﻴﺎﻡ ﺑﺼﻮﺗﻬﺎ ﺍﻟﻄﻔﻮﻟﻲ:ﺃﻧﺎ ﻋﺪﻥ ﺭﺍﺟﻞ ﻣﻨﺎﺭ ﻣﺎﺗﺒﻜﻴﺶ ﺃﺣﺒﻴﺒﺔ ﺭﺍﻙ ﻃﻴﺒﺘﻲ ﺩﻭﻙ ﺍﻟﻌﻮﻳﻨﺎﺕ *ﻧﻄﻖ ﻋﺎﺩ ﻧﺘﺎﺑﻪ ﻟﺮﺍﺳﻮ ﻗﺎﻟﻬﺎ ﺣﺒﻴﺒﺔ ﺣﻨﺤﻦ ﺷﻮﻳﺔ ﻭ ﺩﻭﺯ ﻳﺪﻭ ﻋﻠﻰ ﺣﻨﻮﻛﻬﺎ ﻭ ﺍﺑﺘﺴﺎﻣﺔ ﻋﻠﻰ فمو*
ﺟﻨﺔ ﺑﺼﻮﺕ ﻃﻔﻮﻟﻲ:ﺍﻧﺮﺟﻊ ﻧﺸﻮﻑ ﻳﺎﻙ
ﻋﺪﻥ:ﺍﻣﻤﻢ ﻭﻟﻜﻦ ﻣﺨﺎﺻﻜﺶ ﺗﺒﻘﺎﻱ ﺗﺒﻜﻲ ﻫﺎﻛﺎ ﺑﺎﺵ ﻋﻴﻨﻴﻚ ﻳﺮﺗﺎﺣﻮ
ﺟﻨﺔ:ﻭﻟﻜﻦ ﻛﺎﻧﺘﻔﻜﺮ ﻣﺎﻣﺎ ﻭ ﺑﺎﺑﺎ ﻛﺎﻧﺤﺲ ﺑﺮﺍﺳﻲ ﺑﺎﻏﺎ ﻧﺒﻜﻲ
ﻋﺪﻥ:ﺗﻔﻜﺮﻱ ﺃﻧﻬﻢ ﺭﺍﻫﻮﻡ ﻣﻌﺎﻙ ﻓﻴﻨﻤﺎ ﻛﻨﺘﻲ ﺩﻳﻤﺎ ﻋﺘﺎﺑﺮﻳﻬﻢ ﻣﻌﺎﻙ ﻓﻴﻨﻤﺎ ﻣﺸﻴﺘﻲ ﻭ ﻫﻮﻣﺎ ﺭﺍﻫﻮﻡ ﺣﺎﺿﻴﻴﻨﻚ ﻭﻻ ﺷﺎﻓﻮﻙ ﻛﺎﺗﺒﻜﻲ ﺍﻳﺘﻌﺼﺒﻮ ﻋﻠﻴﻚ ﻭ ﺃﺻﻼ ﺇﻟﻰ ﺑﻜﻴﺘﻲ ﻋﻠﻴﻬﻢ ﺭﺍﻫﻮﻡ ﺍﻳﺒﻘﺎﻭ ﻳﺘﻌﺬﺑﻮ ﻓﻘﺒﺮﻫﻮﻡ ﻧﺘﻲ ﺗﺒﻐﻲ ﺑﺎﺑﺎﻙ ﻭ ﻣﺎﻣﺎﻙ ﻳﺘﻌﺬﺑﻮ؟
ﺟﻨﺔ ﺍﺷﺎﺭﺕ ﺑﺮﺍﺳﻬﺎ ﺑﻼ ﻭ ﺑﺪﺍﺕ ﻛﺎﺗﻤﺴﺢ ﻓﻮﺟﻬﻬﺎ ﻭ ﺑﺘﺎﺳﻤﺎﺕ ﺍﺑﺘﺴﺎﻣﺔ ﺑﺎﺍﻫﺘﺔ:ﻻ ﻣﺎﺑﻐﻴﺘﻬﻤﺶ ﻳﺘﻌﺬﺑﻮ ﺻﺎﻓﻲ ﻣﺎﻧﺒﻘﺎﺵ ﻧﺒﻜﻲ
ﻋﺪﻥ ﺣﺲ ﺑﻘﻠﺒﻮ ﻛﺎﻳﻀﺮﺏ ﺑﺎﻟﺠﻬﺪ ﻣﻠﻠﻲ ﺷﺎﻑ ﺍﺑﺘﺴﺎﻣﺘﻬﺎ ﻭ ﻗﺮﺏ ﺑﺼﻢ ﻗﺒﻠﺔ ﺣﻨﻴﻴﻨﺔ ﻋﻠﻰ جبهتها ﺑﻌﺪ كايتأمل فعينيها و انفاسو كاضرب فوجهها .. حتى ﺳﻤﻊ ﺻﻮﺕ ﻣﻨﺎﺭ ﺍﻟﻠﻲ ﻓﺎﻗﺖ
منار:عدن؟

ﻣﻨﺎﺭ ﻭ ﻫﻲ ﻛﺎﺗﻜﺴﻞ:ﺍﻋﻌﻌﻌﻊ ﺍﺣﺤﺤﺤﺤﺢ عدن نتا باقي هناا؟ (شافت فجنة) ﺟﻨﺔ ﺣﺒﻴﺒﺔ ﻓﻘﺘﻲ *ﻧﺎﺿﺖ ﻋﻨﺪﻫﺎ ﻭ ﺑﺎﺳﺘﻬﺎ ﻓﺤﻨﻮﻛﻬﺎ* ﺻﺒﺎﺡ ﺍﻟﺨﻴﻴﻴﺮ
ﺟﻨﺔ ﺑﺤﺰﻥ:ﺻﺒﺎﺡ ﺍﻟﺨﻴﺮ
ﻣﻨﺎﺭ ﺩﺍﺭﺕ ﻋﻨﺪ ﻋﺪﻥ:ﻣﺎﻣﺸﻴﺘﻴﺶ ﻟﻠﺨﺪﻣﺔ ﺍﻟﻴﻮﻡ
ﻋﺪﻥ ﺃﺷﺎﺭﻟﻬﺎ ﺑﻼ ﺑﺒﺮﻭﻭﻭﺩﺓ ﻭ ﻫﻲ ﺷﺎﻓﺖ ﻓﺠﻨﺔ:ﻳﻼﻩ ﻧﻤﺸﻴﻮ ﻧﻐﺴﻠﻮ ﻭﺟﻬﻨﺎ
ﺟﻨﺔ ﺍﺷﺎﺭﺕ ﺑﺮﺍﺳﻬﺎ ﺑﻮﺍﺧﺎ ﻭ ﻋﺎﻭﻧﺎﺗﻬﺎ ﻣﻨﺎﺭ ﻭﻗﻔﺎﺕ ﻭ ﺧﺪﺍﺗﻬﺎ
ﻟﻠﺤﻤﺎﻡ ﻭ ﻋﺪﻥ ﻣﺘﺒﻌﻬﺎ ﺑﻌﻴﻨﻴﻪ ﺻﻮﻧﺎﻟﻮ ﺍﻟﺘﻠﻴﻔﻮﻥ ﻭ ﺧﺮﺝ ﻳﺠﺎﻭﺏ ﻋﻠﻰ ﺑﺮﺍ ﺃﻣﺎ ﻣﻨﺎﺭ ﻓﻐﺴﻼﺕ ﻟﺠﻨﺔ ﻭﺟﻬﻬﺎ ﻭ ﻋﺎﻭﻧﺎﺗﻬﺎ ﻓﺎﻟﻄﻮﺍﻟﻴﻂ ﻭ ﺧﺮﺟﺎﺗﻬﺎ ﺟﻠﺴﺎﺗﻬﺎ ﻭ ﻫﻲ ﻋﺎﻭﺩﺍﺕ ﺩﺧﻼﺕ ﺣﺘﻰ ﻫﻲ ﻟﻠﻄﻮﺍﻟﻴﻂ ﺷﻮﻳﺔ ﺧﺮﺟﺎﺕ ﻭ ﺟﻠﺴﺎﺕ ﻗﺪﺍﻣﻬﺎ ﺣﺘﻰ ﺩﺧﻞ ﻋﺪﻥ ﻓﻴﺪﻭ ﺍﻟﻔﻄﻮﺭ ﻋﻄﺎ ﻟﻤﻨﺎﺭ ﻣﺎﻛﻠﺘﻬﺎ ﻭ ﺩﺍﺯ ﻋﻨﺪ ﺟﻨﺔ
ﻋﺪﻥ:ﺟﻨﺔ ﺷﻨﻮ ﺑﻐﻴﺘﻲ ﺗﺎﻛﻠﻲ ﻫﺎﻧﺎ ﺟﺒﺖ ﻛﺮﻭﺍﺻﺎﺕ ﻭ ﺩﺍﻧﻮﻧﺎﺕ ﻭ ﻋﺎﺻﻴﺮ
ﺟﻨﺔ:ﻻ ﻣﺎﺑﻐﻴﺖ ﻭﺍﻟﻮ
ﻋﺪﻥ ﻋﺒﺲ ﺑﻮﺟﻬﻮ:ﻻﺍ ﺧﺎﺻﻚ ﺗﺎﻛﻠﻲ باش تصحي دغيا
جنة غي عابسة بوجهها:مافيااااش
عدن جلس قدامها:على قبل واليديك هممم يلاه باش مايتعصبوش منك
ﺟﻨﺔ:ﺍﻣﻢ ﻭﺍﺧﺎ ﺻﺎﻓﻲ
ﻣﻨﺎﺭ:ﻏﻴﺮ ﻋﻄﻴﻨﻲ ﺍﻧﺎ ﻧﻮﻛﻠﻬﺎ
ﻋﺪﻥ ﺷﺎﻑ ﻓﻴﻬﺎ ﺑﺒﺮﻭﺩ:ﻻ ﺃﻧﺎ ﻧﻮﻛﻠﻬﺎ
ﻣﻨﺎﺭ ﺑﺎﺑﺘﺴﺎﻣﺔ:ﻓﻮﻗﺎﺵ ﺗﻌﺎﺭﻓﺘﻮ
ﻋﺪﻥ:ﻓﺎﻟﺼﺒﺎﺡ
ﺩﺍﺭ ﻋﻨﺪ ﺟﻨﺔ ﻛﺎﻳﻮﻛﻠﻬﺎ ﺩﺍﻧﻮﻥ ﻭ ﻛﺎﻳﺒﺘﺎﺳﻢ ﻓﺎﺵ ﻛﺎﺗﻔﺘﺢ ﻓﻤﻬﺎ ﺑﺎﺵ ﻳﻮﻛﻠﻬﺎ ﻓﺤﺎﻝ ﺑﻨﻴﻮﺗﺔ ﺻﻐﻴﺮﺓ ﺟﻤﻴﻊ ﺗﻔﺎﺻﻴﻠﻬﺎ ﺳﺤﺮﻭﻩ
ﻋﺪﻥ ﺑﺎﺑﺘﺴﺎﻣﺔ:ﻗﻮﻟﻴﻠﻲ ﺍﺟﻨﺔ ﺷﻨﻮ ﻛﺎﻳﻌﺠﺒﻚ ﺗﺎﻛﻠﻲ ﻓﺎﻟﻔﻄﻮﺭ ﺑﺎﺵ ﻧﺒﻘﻰ ﻧﺠﻴﺒﻠﻚ ﺍﻟﻠﻲ ﺑﻐﻴﺘﻲ
ﺟﻨﺔ:ﺍﻟﻠﻲ ﻛﺎﻥ ﻛﻮﻟﺸﻲ ﻛﺎﻳﻌﺠﺒﻨﻲ ﻭ ﻟﻜﻦ ﻛﻮﻻﻛﺎﻭ ﻛﺎﻳﻌﺠﺒﻨﻲ ﻧﺸﺮﺑﻮ ﻓﺎﻟﻔﻄﻮﺭ
ﻋﺪﻥ:ﺻﺎﻓﻲ ﺩﻳﻤﺎ ﻧﺒﻘﻰ ﻧﺠﻴﺒﻮﻟﻚ *ﺩﺍﺭ ﻋﻨﺪ ﻣﻨﺎﺭ ﺍﻟﻠﻲ ﻛﺎﺗﺸﻮﻑ ﻓﻴﻪ ﻣﺘﻌﺠﺒﺔ ﻣﻦ ﻫﺎﺩ ﺍﻟﻤﻌﺎﻣﻠﺔ ﺍﻟﺨﺎﺻﺔﺍﻟﻠﻲ ﻛﺎﻳﻌﺎﻣﻠﻬﺎ ﻟﺠﻨﺔ مامتيقاش ان هذا هو عدن* ﻭﺟﺪﻱ ﺭﺍﺳﻚ قريب ﺍﻧﻤﺸﻴﻮ ﻋﻨﺪ ﺍﻟﻌﺎﺋﻠﺔ ﻓﺎﻟﻔﻴﺮﻣﺔ ﺍﻟﻌﺰﻳﺰﺓ ﺑﻐﺎﺕ ﺗﻌﺮﻑ ﻋﻠﻴﻚ
ﻣﻨﺎﺭ:ﻭﺍﺧﺎ ﻧﻴﺖ ﺣﺘﻰ ﺍﻧﺎ ﺑﻐﻴﺖ ﻧﺸﻮﻓﻬﻢ
ﻋﺪﻥ:ﻣﺰﻳﺎﻥ *ﺩﺍﺭ ﻋﻨﺪ ﺟﻨﺔ* ﻳﻼﻫﻲ ﺯﻳﺪﻱ ﻫﺎﺩ ﺍﻟﻤﻐﺮﻓﺔ
ﺟﻨﺔ ﺣﺮﻛﺎﺕ ﺭﺍﺳﻬﺎ ﺑﻼ:ﻻﺍ ﺻﺎﻓﻲ ﺷﺒﻌﺖ
ﻋﺪﻥ:ﻫﺎء ﺩﻏﻴﺎ ﺷﺒﻌﺘﻲ ﻭﺍﺵ ﻫﺎﺩﻱ ﻣﻌﺪﺓ ﻋﻨﺪﻙ *ﻃﻮﻝ ﻳﺪﻭ ﻫﺮﻫﺎ ﻓﺠﻨﺎﺑﻬﺎ ﻭ ﻫﻲ ﻧﻘﺰﺍﺕ ﻭ ﻃﻠﻘﺎﺕ ﺿﺤﻜﺔ* ﺃﻭﻭﻭﻭ ﻛﺎﺗﻬﺮﻱ ﺻﺎﻓﻲ ﻓﻮﻗﻤﺎ ﻧﺸﻮﻓﻚ ﻛﺎﺗﺒﻜﻲ ﻧﻬﺮﻙ ﻫﻨﺎ ﻳﺎﻙ *ﻋﺎﻭﺩ ﻫﺮﻫﺎ ﻭ ﻫﻲ ﻛﺎﺗﺒﻌﺪ ﻛﺎﺗﻀﺤﻚ*
ﻣﻨﺎﺭ ﺑﻘﺎﺕ ﻛﺎﺗﺸﻮﻓﻴﻬﻢ ﻭ ﻛﺎﺗﺒﺘﺎﺳﻢ ﻣﻦ ﺍﻟﻤﻌﺎﻣﻠﺔ ﺍﻟﻠﻲ ﻛﺎﻳﻌﺎﻣﻠﻬﺎ ﺣﻴﺖ ﻛﺎﻧﺖ ﺧﺎﻳﻔﺔ ﻻ ﻣﺎﻳﺘﻘﺒﻠﻬﺎﺵ:ﻣﻤﻤﻢ ﻋﺪﻥ ﺍﻟﺒﺎﺭﺡ ﻗﺎﻟﻲ ﺍﻟﻄﺒﻴﺐ ﺗﻘﺪﺭ ﺟﻨﺔ ﺗﺨﺮﺝ ﺍﻟﻴﻮﻡ
ﻋﺪﻥ ﺷﺎﻑ ﻓﻴﻬﺎ:ﺑﺼﺢ ﻭﺍﺧﺎ ﺍﻧﺎ ﻧﻤﺸﻲ ﻧﺨﻠﺺ ﻭ ﻧﺠﻲ ﻧﺘﻲ ﻟﺒﺴﻴﻠﻬﺎ ﺣﻮﻳﺠﺎﺗﻬﺎ
ﻣﻨﺎﺭ:ﻭﺍﺧﺎ
ﺧﺮﺝ ﻋﺪﻥ ﻭ ﻣﻨﺎﺭ ﺟﺒﺪﺍﺕ ﻭﺍﺣﺪ الصاية قصيرة ﻭ ﺩﻳﺒﺎﺭﺩﻭﺭ ﻟﺒﺴﺎﺗﻬﻮﻣﻠﻬﺎ ﻭ ﺟﻤﻌﺎﺗﻠﻬﺎ ﺷﻌﺮﻫﺎ ﻋﻠﻰ ﺷﻜﻞ ﺿﻔﺎﺭﺓ ﻛﻴﻤﺎ ﺑﻐﺎﺕ ﻭﻟﺒﺴﺎﺗﻠﻬﺎ ﺳﺒﺮﺩﻳﻠﺔ ﻏﻴﺮ ﺳﻼﺗﻠﻬﺎ ﺩﺧﻞ ﻋﺪﻥ ﺑﺎﺑﺘﺴﺎﻣﺔ ﻏﻴﺮ ﺷﺎﻑ ﺟﻨﺔ ﺧﻨﺰﺭ ﻓﻤﻨﺎﺭ
ﻋﺪﻥ:ﺷﻬﺎﺩﺷﻲ ﻻﺑﺴﺎﻟﻬﺎ🤨
ﻣﻨﺎﺭ ﺷﺎﻓﺖ ﻓﻴﻪ ﺑﺎﺳﺘﻐﺮﺍﺏ:ﺷﻨﻮ؟؟
ﻋﺪﻥ:ﺷﻮﻓﻲ ﺭﺟﻠيها وذرعانها ﻛﻮﻟﻬﻮﻡ ﻣﻌﺮﻳﻴﻦ ﻭﺍﺵ ﻣﻦ ﻧﻴﺘﻚ؟
ﻣﻨﺎﺭ:ﻋﻼﻩ ﺷﻨﻮ ﻓﻴﻬﺎ ﺍﺻﻼ ﻫﺎﺩﺷﻲ ﺍﻟﻠﻲ ﺟﺒﺘﻠﻬﺎ ﺍﻟﺒﺎﺭح
ﻋﺪﻥ ﻛﺮﺯ ﻋﻠﻰ ﻳﺪﻭ ﻣﻌﺼﺐ مابغاش يزيد يدوي معاها لايصدق مغوت وخالع جنة .. ﻣﺸﺎ ﺟﻴﻬﺘﻬﺎ:ﺗﻘﺪﺭﻱ ﺗﻤﺸﺎﻱ ﻭﻻ ﻧﻬﺰﻙ
ﺟﻨﺔ ﺑﺎﺑﺘﺴﺎﻣﺔ:ﻻ ﻧﻘﺪﺭ ﻧﺘﻤﺸﻰ ﺷﺪﻟﻬﺎ ﻋﺪﻥ ﻳﺪﻳﻬﺎ الصغار بين يدو الكباار ﻭ ﺑﻘﺎ ﻏﺎﺩﻱ ﺑﻴﻬﺎ ﻭ ﻣﻨﺎﺭ ﺗﺒﻌﺎﺗﻬﻢ ﻣﺸﺎﺕ ﻣﻦ ﺍﻟﺠﻬﺔ ﻟﻮﺧﺮﻯ ﻭ ﺷﺪﺍﺕ ﻓﻴﺪ ﺟﻨﺔ ﻭ ﻫﻲ ﻏﺎﺩﺍ ﺑﻬﺪﻭﻭء ﺃﻣﺎ ﻋﺪﻥ ﻓﻐﺎﺩﻱ ﻭ ﺣﺎﺿﻲ ﻋﻨﺪﺍﻙ ﻳﻜﻮﻥ ﺷﻲ ﺣﺪ ﻛﺎﻳﺸﻮﻑ ﻓﺠﻨﺔ ﻭ ﻫﻮ ﻣﺨﻨﺰﺭ ﻣﺎﻋﺠﺒﺎﺗﻮﺵ ﺩﺍﻛﺸﻲ ﺍﻟﻠﻲ ﻻﺑﺴﺔ ﻭﺻﻠﻮ ﻟﻠﻄﻤﻮﺑﻴﻞ ﻭ ﺩﺧﻠﻬﺎ ﺍﻟﻠﻮﺭ ﻭ ﻣﻨﺎﺭ ﺍﻟﻘﺪﺍﻡ ﻫﻮ طلع ديمارا .. شوية قاد المراية القدامية ﻛﺎﻳﺼﻮﻙ ﻭ ﻛﺎﻳﺸﻮﻑ ﻓﻴﻬﺎ منها ﻋﻴﻦ ﻓﻴﻬﺎ ﻭ ﻋﻴﻦ ﻓﺎﻟﻄﺮﻳﻖ ﺣﺘﻰ ﻭﺻﻠﻮ ﻟﻠﺪﺍﺭ ﺩﺧﻠﻮ ﺑﻨﻔﺲ ﺍﻟﻄﺮﻳﻘﺔ اللولة ﻋﺪﻥ ﺷﺎﺩﻫﺎ ﻣﻦ ﺟﻴﻪ ﻭ ﻣﻨﺎﺭ ﻣﻦ ﺟﻴﻪ ﺣﺘﻰ ﺩﺧﻠﻮ ﻟﻠﻔﻴﻼ ﻭ ﻃﻠﻌﻮﻫﺎ ﻟﻮﺍﺣﺪ ﺍﻟﺒﻴﺖ ﺍﻟﻠﻲ ﺍﻳﻮﻟﻲ ﺑﻴﺖ ﺟﻨﺔ
ﻋﺪﻥ ﺧﺮﺝ ﺑﺎﺵ ﻳﺨﻠﻲ ﻣﻨﺎﺭ ﺗﺒﺪﻟﻬﺎ ﻭ ﺩﺧﻞ ﻟﺒﻴﺘﻮ ﻳﺒﺪﻝ ﻋﻠﻴﻪ ﻭ ﻳﻨﻌﺲ ﺣﻴﺖ ﺍﻟﻠﻴﻞ ﻛﻮﻟﻮ ﻣﺎﻧﻌﺴﺶ

ﺟﺎﺕ ﺍﻟﻌﺸﻴﺔ ﻋﺎﺩ ﻓﺎﻕ ﻋﺪﻥ ﻣﻦ ﻧﻌﺎﺳﻮ ﻧﺎﺽ ﻭﻟﻜﻦ ﻣﺒﺎﻏﻴﺶ ﻳﺤﻞ ﻋﻴﻨﻮ ﺣﻴﺖ ﻛﺎﻳﺸﻮﻑ ﻓﺠﻨﺔ ﻭ ﺗﻌﺎﺑﻴﺮﻫﺎ ﻗﺒﺎﻟﺖ ﻋﻴﻨﻮ ﻧﺎﺽ ﻟﻠﺪﻭﺵ ﻏﺴﻞ ﻭجﻬﻮ ﻳﺤﻴﺪ ﺍﻟﻨﻌﺎﺱ ﻭ ﺩﺍﺯ ﻟﻠﺒﻴﺖ ﺩ ﺟﻨﺔ ﻟﻘﺎﻫﺎ ﺑﺎﻏﺎ ﺗﻨﻮﺽ ﻭ ﻟﻜﻦ ﻣﻌﺎﺭﻓﺔ ﻓﻴﻦ ﺗﻤﺸﻲ ﻣﺸﺎ ﻋﻨﺪﻫﺎ ﺑﺎﻟﺰﺭﺑﺔ
ﻋﺪﻥ ﺑﺎﻫﺘﻤﺎﻡ:ﻻ ﻛﻨﺖ ﺑﺎﻏﺎ ﺷﻲ ﺣﺎﺟﺔ ﺑﻘﺎﻱ ﺗﻌﻄﻴﻠﻲ
ﺟﻨﺔ ﺑﺤﺮﺝ:ﻫﻪ ﺍﺣﻢ ﻏﻴﺮ ﺑﻐﻴﺖ ﻧﺪﺧﻞ ﻟﻠﻄﻮﺍﻟﻴﻂ ﻭ ﻣﺎﻋﺮﻓﺖ ﺷﻤﻦ ﻃﺮﻳﻖ😊
ﻋﺪﻥ:ﻭﺍﺧﺎ ﺍﻧﺎ ﻧﺎﺧﺬﻙ ﻭ ﻣﻨﻬﺎ ﻧﺤﺴﺒﻮ ﺧﻠﻔﺎﺗﻨﺎ ﻭ ﻧﻮﺭﻳﻚ ﺍﻹﺗﺠﺎﻩ ﺑﺎﺵ ﺗﺒﻘﺎﻱ ﻋﺎﻗﻠﺔ ﺭﺍﻩ ﻋﻨﺪﻙ ﺣﻤﺎﻡ ﻫﻨﺎ ﻓﺒﻴﺘﻚ ﻭﻗﻔﻲ *ﻭﻗﻔﻬﺎ* ﺃﺗﻤﺸﻲ ﺩﻳﻴﻴﺮﻳﻜﺖ ﻫﺎﻧﺘﻲ ﺣﺴﺒﻲ هاخلفة جوووج تلااتة.... ﻫﺎ ﻫﻮ ﺍﻟﺒﺎﺏ ﺍﻟﺪﻭﺵ فكريني شحال من خلفة درنا؟
ﺟﻨﺔ ﺑﺼﻮﺕ ﺧﻔﻴﻴﻒ:13خلفة
ﻋﺪﻥ:برااافو ﻭﺍبقاي عاقلة ﻋﻠيها *ﺷﺪﻟﻬﺎ ﻳﺪﻳﻬﺎ ﺍﻟﺼﻐﺎﺭ ﺑﻴﻦ ﻳﺪﻭ ﺍﻟﻜﺒﺎﺭ ﻛﺎﻳﺘﺤﺴﺲ ﻣﻠﻤﺴﻬﻢ ﻭ ﺍﺑﺘﺴﺎﻣﺔ ﻋﻠﻰ ﻓﻤﻮ ﻭ ﺣﻂ ﻳﺪﻳﻬﺎ ﻋﻠﻰ ﺍﻟﺒﻮﺍﻧﻲ ﺩ ﺍﻟﺒﺎﺏ* ﻫﺎ ﻫﻨﺎ ﺍﻟﻠﻮﺑﺔ *ﺩﺧﻠﻮ ﻟﻠﺤﻤﺎﻡ* ﺍﻧﺤﺴﺒﻮ ﻣﻦ ﻫﻨﺎ ﻟﻠﻄﻮﺍﻟﻴﻂ 5د ﺍﻟﺨﻠﻔﺎﺕ ﻭ ﻣﻦ ﺍﻟﻄﻮﺍﻟﻴﻂ ﻟﻼﻓﺎﺑﻮ 7 ﺩ ﺍﻟﺨﻠﻔﺎﺕ ﻭ ﻻﻓﺎﺑﻮ ﺟﺎ ﻗﺪﺍﻡ ﺍﻟﺒﺎﺏ ﻧﻴﺸﺎﻥ ﻧﺘﻲ ﺣﺎﻭﻟﻲ ﺗﺮﺳﻤﻲ ﺍﻟﺪﻭﺵ ﻓﺨﻴﺎﻟﻚ

ﺟﻨﺔ ﺍﺷﺎﺭﺕ ﺑﺎﻻﻳﻤﺎء ﺑﺮﺍﺳﻬﺎ
ﻋﺪﻥ:ﺍﻧﺎ ﺍﻧﺨﺮﺝ ﺩﺍﺑﺎ ﻭ ﻧﺘﻲ ﺩﻳﺮﻱ ﺍﻟﻠﻲ ﺑﻐﻴﺘﻲ ﻫﺎ ﺍﻟﺒﺎﻧﻴﻮ 
*ﺧﺮﺝ ﻋﺪﻥ ﻣﻦ ﺍﻟﻄﻮﺍﻟﻴﻂ ﻛﺎﻳﺘﺴﻨﺎ ﻓﺠﻨﺔ ﺗﺴﺎﻟﻲ ﻫﻲ ﻗﻀﺎﺕ ﺣﺎﺟﺘﻬﺎ ﻭ ﺳﺎﻻﺕ ﻭ ﺣﺴﺒﺎﺕ 5 د ﺍﻟﺨﻠﻔﺎﺕ ﻭ ﺣﺮﻛﺎﺕ ﻳﺪﻳﻬﺎ ﺣﻄﺎﺗﻬﻢ ﻋﻠﻰ ﺍﻟﻠﻮﺑﺔ ﺩﺍﻟﺒﺎﺏ ﻭ ﺧﺮﺟﺎﺕ ﻟﺒﺮﺍ ﻋﺪﻥ ﺷﺎﻑ ﻓﻴﻬﺎ ﺑﺎﺑﺘﺴﺎﻣﺔ ﻭ ﺻﻔﻘﻠﻬﺎ:ﺑﺮﺍﺍﺍﺍﻓﻮ ﻧﺘﻲ ﺫﻛﻴﺔ ﺑﺰﺍﺍﻑ ﻭ ﻛﺎﺗﺤﻔﻀﻲ ﺍلحاﺟﺔ ﺑﺮﺍﻓﻮ ﻋﻠﻴﻴﻚ
ﺟﻨﺔ ﺑﺎﺑﺘﺴﺎﻣﺔ:ﺍﻩ ﻛﻨﺖ ﺩﻳﻤﺎ ﻛﺎﻧﺠﻲ ﻓﺎﻟﻤﺮﺗﺒﺔ ﺍﻟﻠﻮﻟﺔ ﻓﺎﻟﻤﺪﺭﺳﺔ
*ﻋﺪﻥ ﺑﺘﺎﺳﻢ ﻻﺑﺘﺴﺎﻣﺘﻬﺎ ﺷﻮﻳﺔ ﻋﺒﺴﺎﺕ*
ﻋﺪﻥ ﺑﺎﺳﺘﻔﺴﺎﺭ:ﻣﺎﻟﻚ
ﺟﻨﺔ ﺑﺤﺰﻥ:ﻣﺎﻧﻌﺎﻭﺩﺵ ﻧﻤﺸﻲ ﻟﻠﻤﺪﺭﺳﺔ ﻭ ﻧﺘﻼﻗﺎ ﺑﺼﺤﺎﺑﻲ
ﻋﺪﻥ ﻫﺰﻟﻬﺎ ﺭﺍﺳﻬﺎ ﺑﻴﻦ ﻳﺪﻭ:ﻻﺍ ﺍﺗﻌﺎﺍﻭﺩﻱ ﺗﻤﺸﻲ ﻟﻠﻤﺪﺭﺳﺔ ﻧﺘﻲ ﻏﻴﺮ ﺻﺒﺮﻱ ﻧﻌﺎﻭﺩﻭ ﻧﺪﻳﺮﻭ ﻋﻤﻠﻴﺔ ﻭﺍﺗﺮﺟﻌﻲ ﺗﺸﻮﻓﻲ ﺣﺴﻦ ﻣﻦ ﺍﻟﻠﻮﻝ
ﺟﻨﺔ:ﺑﺼﺢ
ﻋﺪﻥ:ﺍﻩ ﺑﺼﺢ
ﺟﻨﺔ:ﻛﺎﺗﻮﺍﻋﺪﻧﻲ
ﻋﺪﻥ:ﺍﻩ ﻛﺎﻧﻮﺍﻋﺪﻙ *ﻛﺎﻳﺪﻭﻱ ﻭ ﻋﻴﻨﻲ ﻛﺎﻳﻨﺘﺎﻗﻠﻮ ﺑﻴﻦ ﻋﻴﻨﻴﻬﺎ ﻭ ﻓﻤﻬﺎ ﻛﺎﻳﻘﺎﻭﻡ ﺑﻘﻮﺗﻮ ﻛﻮﻟﻬﺎ ﺑﺎﺵ ﻣﺎﻳﻐﺰﺯﻟﻬﺎﺵ ﺷﻨﻴﻔﺎﺗﻬﺎ ﺑﻴﻦ ﺷﻨﺎﻳﻔﻮ ﻓﻼﺧﺮ ﻗﺮﺏ ﻭ ﻃﺒﻊ ﺑﻮﺳﺔ ﺟﻨﺐ ﺷﻨﺎﻳﻔﻬﺎ ﻭ ﻫﻮ ﻗﻠﺒﻮ ﻛﺎﻳﻀﺮﺏ بسرعة كبييرة .. اول مرة يجرب هاد الاحساس ماعرفش هاد البرهوشة كاتجرو ليها بلا مايوعى لراسو شكايدير* ﺍﺣﻢ ﺍﻧﺎ ﻧﻘﻮﻝ ﻟﻤﻨﺎﺭ ﺗﺠﻴﺒﻠﻚ ﺷﻲ ﺣﺎﺟﺔ ﺗﺎﻛﻠﻴﻬﺎ
ﺟﻨﺔ ﺣﺮﻛﺎﺕ ﺭﺍﺳﻬﺎ ﺑﺎﻹﻳﺠﺎﺏ حشمانة ﻭ ﻫﻮ جلسها ﻓﻔﺮﺍﺷﻬﺎ ﻭ ﻣﺸﺎ ﻗﺎﻝ ﻟﻤﻨﺎﺭ ﻃﻠﻌﻠﻬﺎ ﺗﺎﻛﻞ ﻭ ﺣﺘﻰ ﻫﻮ ﻛﻼ ﻭ ﺩﺧﻞ ﻟﻠﻤﻜﺘﺐ ﺩﻳﺎﻟﻮ ﻛﺎﻳﺨﺪﻡ 12 ﺩﺍﻟﻠﻴﻞ ﻋﺎﺩ ﺳﺎﻻ ﺧﺪﻣﺘﻮ ﻧﺎﺽ ﻛﺎﻳﻄﺮﻃﻖ ﻓﻌﻀﻼﺗﻮ ﻭ ﻓﻌﻨﻘﻮ ﻃﻠﻊ ﻛﺎﻥ ﺩﺍﺧﻞ ﻟﺒﻴﺘﻮ ﻭ ﺗﻔﻜﺮ ﺟﻨﺔ ﺩﺍﺯ ﻟﺒﻴﺘﻬﺎ ﻟﻘﺎﻫﺎ ﻧﺎﺍﻋﺴﺔ ﺑﺘﺎﺳﻢ ﻭ ﻏﻄﺎﻫﺎ ﻭ ﺑﺎﺳﻠﻬﺎ ﻋﻠﻰ ﺭﺍﺳﻬﺎ ﻭ ﺧﺮﺝ ﻛﺎﻳﺒﺘﺎﺳﻢ ﻫﻮ ﺑﻴﺪﻭ ﻣﺴﺘﻐﺮﺏ ﻣﻦ ﺭﺍﺳﻮ ﻭ ﻣﻦ ﻫﺎﺩ ﺍﻹﺑﺘﺴﺎﻣﺔ ﺍﻟﻠﻲ ﻏﻴﺮ ﻛﺎﻳﺸﻮﻑ ﺟﻨﺔ ﻛﺎﺿﻬﺮ ﻋﻠﻰ ﻣﻼﻣﺤﻮ ﻫﻮ ﺑﺎﻟﻌﺎﺩﺓ ﻣﺎﻋﻨﺪﻭﺵ ﻣﻊ ﺍﻹﺑﺘﺴﺎﻣﺔ ﺑﺰﺍﻑ خصوصا مع خدمتو و الضروف اللي داز فيها فالماضي خلات ابتسامتو لا بانت راه فحال لا شي معجزة وقعات ﺟﺎ ﻳﺪﺧﻞ ﻟﺒﻴﺘﻮ ﻭ ﻫﻲ ﺗﺮﺳﻤﻠﻮ ﺗﻐﻮﺑﻴﺸﺔ ﻻ ﺇﺭﺍﺩﻳﺔ ﻋﻠﻰ ﻭﺟﻬﻮ ﺩﺧﻞ ﻟﻘﺎ ﻣﻨﺎﺭ ﻧﺎﺍﻋﺴﺔ ﻓﻮﻕ ﺍﻟﻔﺮﺍﺵ ﻫﻮ ﺣﻴﺪ ﺍﻟﺼﻮﻓﻴﻄﻤﺔ ﺍﻟﻠﻲ ﻻﺑﺲ ﻭ ﺑﻘﺎ ﻏﻴﺮ ﺑﺎﻟﺸﻮﺭﻁ ﻭ ﺗﻜﺎ ﺣﺪﺍﻫﺎ ﻓﺎﻟﻔﺮﺍﺵ ﺷﻮﻳﺔ ﺩﺍﺭﺕ ﻋﻨﺪﻭ ﺣﻴﺖ ﻛﺎﻧﺖ ﻋﺎﻃﻴﺎﻩ ﺑﺎﻟﻀﻬﺮ ﻭ ﻗﺮﺑﺎﺕ ﻋﻨﺪﻭ ﺑﺎﺳﺘﻮ ﻓﻔﻤﻮ
ﻣﻨﺎﺭ:ﺗﻮﺣﺸﺘﻚ *ﺑﺎﺳﺘﻮ ﻓﻌﻨﻘﻮ* (ﺷﺪﺍﺗﻬﺎ ﺍﻟﺰﻣﻠﺔ😂)
ﻋﺪﻥ ﻣﻐﻤﺾ ﻋﻴﻨﻮ:ﻋﻴﺎﺍﺍﺍﻥ
ﻣﻨﺎﺭ:ﻭﺍﻧﺎ ﺗﻮﺣﺸﺘﻚ ﺑﺰﺍﺍﻑ *ﻣﺸﺎﺕ ﻟﻮﺫﻧﻮ ﻛﺎﺗﺠﺮﻫﺎ ﺑﺴﻨﺎﻧﻬﺎ ﻭ ﻫﻮ ﺗﻤﺎ ﻧﻘﻄﺔ ﺿﻌﻔﻮ ﺩﻏﻴﺎ ﻗﻠﺒﻬﺎ ﻭ ﻃﻠﻊ ﻓﻮﻗﻬﺎ ﻛﺎﻳﺒﻮﺱ ﻓﻴﻬﺎ ﻓﻜﻞ ﺑﻼﺻﺔ بكللل عننف و قوة وو ﻭ ﻫﻲ ﻛﺎﺗﺎﻭﻩ ﻭ ﺗﺒﻮﺳﻮ ﺣﺘﻰ ﻫﻲ ﺷﻮﻳﺔ ﺧﺸﺎﻩ ﻓﻴﻬﺎ ﻭ ﺑﻘﺎو ﺧﺪﺍﻣﻴﻦ ﺩﺍﻛﺸﻲ ﺩ ﺍﻟﻤﺴﺦ ﻧﺘﻮﻣﺎ ﻋﺎﺭﻓﻴﻨﻮ هو كايمارس معاها بكلل عنف هادي طريقتو فالنعاس ﺣﺘﻰ جاب 4 و هو يتكا على ضهرو كايشوف فالسقوف منار قرباتلو لصدرو و باستو تما هو بقا شوية متكي و مغمض عينو كايتفكر فجنة شوية حل عينو و ﻧﺎﺽ ﻣﺸﺎ ﻟﻠﺪﻭﺵ ﺩﻭﺵ ﻭ ﺟﺎ ﻧﻌﺲ ﻗﺪﺍﻡ ﻣﻨﺎﺭ ﺍﻟﻠﻲ ﺗﺴﺎﻻﺕ ﻣﺎﺑﻘﺎﺗﺶ ﻗﺎﺩﺭﺓ ﺗﺤﺮﻙ كاع تقلبات معنقااه و ﻧﻌﺴﺎﺕ*

ﻓﺼﺒﺎﺡ ﻳﻮﻡ ﺟﺪﻳﺪ ﻭ ﺑﺎﻟﻀﺒﻂ ﻣﻦ ﺑﻌﺪ ﻣﺎ ﻣﺮو عدةة أساابيييع ﺩﺧﻼﺕ ﻣﻨﺎﺭ ﻓﻴﺪﻳﻬﺎ ﻛﺎﺱ ﺩﺍﻟﺤﻠﻴﺐ ﺳﺨﻮﻥ ﻟﺠﻨﺔ ﺍﻟﻠﻲ ﻓﺴﺎﺑﻊ ﻧﻮﻣﺔ

ﻣﻨﺎﺭ ﻛﺎﺗﺤﺮﻛﻬﺎ ﺑﺸﻮﻳﺔ:ﺟﻨﺔ ﺣﺒﻴﺒﺔ ﻓﻴﻘﻲ ﺑﺮﺍﻛﺔ ﻣﻦ ﺍﻟﻨﻌﺎﺱ ﻣﺎﻟﻚ ﻭﻟﻴﺘﻲ ﻧﻌﺎﺳﺔ ﺑﺰﺍﺍﺍﻑ

ﺟﻨﺔ ﺩﺍﺭﺕ ﻟﻠﺠﻬﺔ ﻟﻮﺧﺮﻯ ﻭ ﺩﺍﺭﺕ ﻣﺨﺪﺓ ﻋﻠﻰ ﻭﺫﻧﻴﻬﺎ
ﻣﻨﺎﺭ:ﻭﺍﺟﻨﺔﺓ ﻭﺍﻓﻴﻘﻲ ﺯﺩﺗﻲ ﻓﻴﻪ ﻭﺍﺵ ﻛﻮﻝ ﻧﻬﺎﺭ ﻧﻔﺲ ﺍﻷﺳﻄﻮﺍﻧﺔ

ﺩﺧﻞ ﻋﺪﻥ ﺍﻟﻠﻲ ﻫﺎﺯ ﺑﻼﻃﻮ ﺩﻳﺎﻝ ﺍﻟﻔﻄﻮﺭ ﻛﺎﺱ ﻓﻴﻪ ﻛﻮﻻﻛﺎﻭ ﺑﻼ ﺳﻜﺎﺭ ﺣﻴﺖ ﻋﺮﻑ ﺍﻧﻬﺎ ﻣﺮﻳﻀﺔ ﺑﺎﻟﺴﻜﺮ ﻭ ﻣﻠﻮﻳﺔ ﻣﺪﻫﻮﻧﺔ ﺑﺎﻟﻔﺮﻣﺎﺝ

ﻋﺪﻥ:ﻣﺎﻟﻚ ﻛﺎﺗﻐﻮﺗﻲ ﻓﻴﻘﻴﻬﺎ ﺑﺎﻟﺴﻴﺎﺳﺔ ﺍﺗﻔﻴﻘﻠﻚ

ﻣﻨﺎﺭ:ﺍﻭﻭﻑ ﺍﺧﻴﺮﺍ ﺟﻴﺘﻲ ﻓﻴﻘﻬﺎ ﻧﺘﺎ ﺍﻟﻠﻲ ﻛﺎﺗﻌﺮﻓﻠﻬﺎ ﺍﻧﺎ ﻧﻤﺸﻲ ﻧﻮﺟﺪ ﺭﺍﺳﻲ ﺑﺎﺵ ﻧﻤﺸﻴﻮ
ﻋﺪﻥ:ﻭﺍﺧﺎ ﺳﻴﺮﻱ

ﻣﺸﺎﺕ ﻣﻨﺎﺭ ﻣﻦ ﺍﻟﺒﻴﺖ ﻭ ﺣﻂ ﻋﺪﻥ ﺍﻟﺒﻼﻃﻮ ﻓﻮﻕ ﻭﺍﺣﺪ ﺍﻟﻜﻮﺍﻓﻮﺯ جلس ﻓﻮﻕ ﺍﻟﻔﺮﺍﺵ و ﻗﺮﺏ ﺟﻴﻬﺖ ﺟﻨﺔ ﺍﻟﻠﻲ ﻧﺎﺍﻋﺴﺔ ﻫﺎد الأيامات ﻭﻟﻔﺎﺕ ﺍﻟﻨﻌﺎﺱ ﺑﺰﺍﻑ ﻛﺎﺩﻭﺯ ﺃﻏﻠﺐ ﺃﻭﻗﺎﺗﻬﺎ ﺑﺎﻟﻨﻌﺎﺱ ﺩﻭﺭﻫﺎ ﻋﻨﺪﻭ ﻭ هي مغمضة ﻋﻴﻨﻴﻬﺎ ﻗﺮﺏ ﻟﻌﻨﻘﻬﺎ ﻛﺎﻳﺪﻭﺯ ﻧﻴﻔﻮ ﻋﻠﻰ ﻃﻮﻭﻝ ﻋﻨﻘﻬﺎ ﻭ ﻭﺟﻬﻬﺎ ﻭ ﻫﻮ ﻛﺎﻳﺘﻨﻔﺲ ﺭﻳﺤﺘﻬﺎ ﺍﻟﻠﻲ ﻛﺎﺗﺼﻄﻴﻴﻴﻪ
ﻋﺪﻥ ﺑﻬﻤﺲ:ﺟﻨﺘﻲ ﻓﻴﻘﻲ ﺑﺮﺍﻛﺔ ﻣﻦ ﺍﻟﻨﻌﺎﺱ ﺍﻟﺒﺎﺭﺡ ﺍﺗﺎﻓﻘﻨﺎ ﺑﺎﺵ ﻧﻤﺸﻴﻮ ﺍﻟﻴﻮﻡ ﺑﻜﺮﻳﻲ ﻳﻼﻩ ﻓﻴﻘﻲ ﺟﻨﺔ ﺑﻘﺎﺕ ﻛﺎﺗﻤﺮﻏﺪ ﻭ ﻛﺎﺗﻤﺨﺸﺶ ﻭ ﺗﻜﺴﻞ ﻓﺤﺎﻝ ﺷﻲ ﻗﻄﻴﻄﺔ ﻭ ﻫﻲ ﻛﺎﺗﻤﻴﻞ ﻭﺟﻬﻬﺎ ﻟﻠﺠﻨﺐ ﺣﻴﺖ ﻛﺎﻳﻬﺮﻫﺎ
ﺟﻨﺔ:ﺍﻣﻤﻢ ﺧﻨﻴﻨﻲ ﻧﻌﻌﻌﺲ
ﻋﺪﻥ ﺑﺸﺮ:ﺍﺗﻔﻴﻘﻲ ﻭﻻ ﻧﺴﺘﺨﺪﻡ ﺍﻟﻌﻨﻒ (الهران)
ﺟﻨﺔ ﺩﻏﻴﺎ ﻓﺘﺤﺎﺕ ﻋﻴﻨﻴﻬﺎ ﻭ ﻧﺎﺿﺖ ﺟﺎﻟﺴﺔ ﺍﻣﺎ ﻋﺪﻥ ﻗﺮﺏ ﻭ ﺑﺎﺳﻬﺎ ﻣﻦ ﻋﻨﻘﻬﺎ ﺑﻌﺪ ﻭ ﺷﺎﻑ ﻓﻴﻬﺎ ﻛﺎﻳﺒﺘﺎﺳﻢ
ﻋﺪﻥ:ﻳﻼﻫﻲ ﻫﺎﻧﺎ ﺟﺒﺘﻠﻚ ﻛﺎﺱ ﺩ ﻛﻮﻻﻛﺎﻭ ﺍﻟﻠﻲ ﻛﺎﺗﺤﻤﺎﻗﻲ ﻋﻠﻴﻪ ﻫﺎﻛﻲ "ﻣﺪﻭﻟﻬﺎ ﻭ ﻫﻲ ﻫﺒﻄﺎﺕ ﻋﻠﻴﻪ ﺩﻗﺔ ﻭﺣﺪﺓ ﺣﻴﺖ ﺑﺒﺴﺎﻃﺔ ﻛﺎﺗﺤﻤﺎﻕ ﻋﻠﻴﻪ ﻣﺎﻧﺒﻘﺎﻭﺵ ﻧﻌﺎﻭﺩﻭﻫﺎ ﻣﺪﻟﻬﺎ ﻋﺎﻭﺩ ﺍﻟﻤﻠﻮﻳﺔ ﻭ ﻛﻼﺗﻬﺎ ﺑﺸﻮﻳﺔ ﻋﻠﻴﻬﺎ ﺳﻼﺕ ﻭ ﻫﻮ ﻳﻘﺮﺏ ﺑﺎﺳﻬﺎ ﻣﻦ ﺣﻨﻮﻛﻬﺎ ﻭ ﺟﻨﺐ ﻓﻤﻬﺎ ﻣﻜﺎﻳﻘﺪﺭﺵ ﻳﻘﺎﻭﻡ ﺭﻏﺒﺘﻮ ﻓﻲ ﺃﻧﻪ ﻳﺒﻮﺳﻬﺎ ﺍﻣﺎ ﻫﻲ ﻓﺤﺸﻤﺎﻧﺔ ﺣﻴﺖ ﻣﺎﻣﻮﻟﻔﺎﺵ ﺑﻬﺎﺩ ﺍﻟﻤﻌﺎﻣﻠﺔ ﻫﺎﺩﻱ ﺧﺼﻮﺻﺎ ﺑﻮﺍﺣﺪ ﻋﻤﺮﻫﺎ ﺷﺎﻓﺘﻮ"
ﻋﺪﻥ:ﻳﻼﻫﻲ ﺩﺧﻠﻲ ﻏﺴﻠﻲ ﻭﺟﻬﻚ ﻭﺍﻧﺎ ﻧﻮﺟﺪﻟﻚ ﺷﻨﻮ ﺗﻠﺒﺴﻲ ﺣﻴﺖ ﻋﺎﺭﻑ ﻻ ﻗﻠﺘﻬﺎ ﻟﻤﻨﺎﺭ ﺍﺗﺨﺘﺎﺭﻟﻚ ﻏﻴﺮ ﺍﻟﻤﻘﺰﺏ

ﺟﻨﺔ ﻧﺎﺿﺖ ﻭ ﻣﺸﺎﺕ ﻟﻠﺪﻭﺵ بلا ماتنطق معاه بكلمة .. ديما راسمة بيناتهم حواجز .. مشات ﻛﺎﺗﺤﺴﺐ ﺧﻄﻮﺍﺗﻬﺎ ﻭ ﺭﺍﺩﺓ ﺍﻟﺒﺎﻝ ﺩﺧﻼﺕ ﻏﺴﻼﺕ ﻭﺟﻬﻬﺎ ﻭ ﺳﻨﻴﻨﺎﺗﻬﺎ ﻭ ﺧﺮﺟﺎﺕ ﻣﻦ ﺍﻟﺪﻭﺵ ﻭﺻﻼﺕ ﻟﻠﻔﺮﺍﺵ ﻭ ﺩﻭﺯﺍﺕ ﻳﺪﻳﻬﺎ ﻋﻠﻴﻪ ﻟﻘﺎﺕ ﺣﻮﺍﻳﺠﻬﺎ ﻓﻮﻕ ﺍﻟﻔﺮﺍﺵ ﺟﺎﺕ ﺗﻠﺒﺴﻬﻮﻡ ﻭ ﻫﻲ ﺗﺴﻤﻊ ﺻﻮﺕ ﻣﻨﺎﺭ

ﻣﻨﺎﺭ:ﺟﻨﺔ ﺣﺒﻴﺒﺔ ﻧﻌﺎﻭﻧﻚ
ﺟﻨﺔ:ﻻ ﻧﻘﺪﺭ ﻧﻌﺘﺎﻣﺪ ﻋﻠﻰ ﺭﺍﺳﻲ ﺑﻼﺵ
ﻣﻨﺎﺭ:ﻣﺎﻗﺼﺪﺗﺶ ﻫﻜﺎﻙ ﻏﻴﺮ ﺑﻐﻴﺖ ﻧﻌﺎﻭﻧﻚ ﻭ ﺻﺎﻓﻲ ﺍﻟﻤﻮﻫﻴﻢ
ﻟﺒﺴﻲ ﻋﻠﻰ ﺧﺎﻃﺮﻙ *ﺳﻼﺕ ﻫﻀﺮﺗﻬﺎ ﻭ ﺧﺮﺟﺎﺕ ﺧﻼﺕ ﺟﻨﺔ ﺗﻠﺒﺲ ﻋﻠﻴﻬﺎ ﺳﻼﺕ ﻟﺒﺎﺳﻬﺎ

(ﺧﺮﺟﺎﺕ ﻛﺎﺗﺤﺴﺐ ﺧﻠﻔﺎﺗﻬﺎ ﻭﺻﻼﺕ ﻟﻠﺪﺭﻭﺝ ﻭ ﻫﺒﻄﺎﺕ ﺧﻠﻔﺔ ﺧﻠﻔﺔ ﻭﺻﻼﺕ ﻟﻠﺨﻠﻔﺔ ﺍﻻﺧﻴﺮﺓ ﻭ ﺳﻤﻌﺎﺕ ﺻﻮﺕ ﻋﺪﻥ)

ﻋﺪﻥ:ﺑﺮﺍﺍﻓﻮ ﺭﺟﻌﺘﻲ ﺣﺎﻓﻀﺔ ﺍﻟﺪﺍﺍﺭ ﺣﺴﻦ ﻣﻨﻲ

ﺟﻨﺔ ﺑﺎﺑﺘﺴﺎﻣﺔ:ﺿﺮﻭﺭﻱ ﻧﺤﻔﻀﻬﺎ ﺭﺍﻧﻲ ﻓﺪﺍﺭﻧﻲ ﺍﻟﻠﻮﻟﻴﺔ ﻛﻨﺖ ﻛﺎﻧﻬﺒﻂ ﻛﺎﻧﺠﺮﻱ ﺩﻳﻤﺎ
ﻋﺪﻥ: حتى هادي ترجعي تهبطي فيها كاطيري نتي كاع .. غي صبري نعاودو العملية .. دابا ﻳﻼﻫﻲ ﺯﻳﺪﻱ ﻟﻠﻄﻤﻮﺑﻴﻞ ﻫﺎ ﻫﻲ ﻣﻨﺎﺭ ﺳﺒﻘﺎﺗﻨﺎ

ﺟﻨﺔ ﻣﻜﻼﺗﻠﻮ ﻳﺪﻳﻬﺎ ﻭ ﻫﻮ ﺷﺪ ﻓﻴﻬﺎ ﻭ ﺑﻘﺎﻭ ﻏﺎﺩﻳﻴﻦ

ﺟﻨﺔ ﺑﺘﺴﺎﺅﻝ:ﺯﻋﻤﺎ ﻋﺎﺋﻠﺘﻚ ﺍﻳﺒﻐﻴﻮﻧﻲ
ﻋﺪﻥ ﺣﺮﻙ ﺭﺍﺳﻮ ﺑﺎﻩ:ﻃﺒﻌﺎ ﺍﻳﺒﻐﻴﻮﻙ ﻋﻼﺵ ﻛﺎﻳﻦ ﺷﻲ ﺣﺪ ﻳﺸﻮﻓﻚ ﻭ ﻣﺎﻳﺘﻐﺮﻣﺶ ﺑﻴﻚ .. (ﺳﻮﻟﻴﻨﻲ ﻏﻴﺮ ﺃﻧﺎ)
ﺟﻨﺔ ﻣﺎﺳﻤﻌﺎﺗﺶ ﻛﻠﻤﺎﺗﻮ ﺍﻷﺧﻴﺮﺓ حيت قالهم فنفسو ﻭﺻﻠﻮ ﻟﻠﻄﻤﻮﺑﻴﻞ ﻭ ﺭﻛﺒﻬﺎ ﺍﻟﻠﻮﺭ ﻭ ﻫﻮ ﻟﻘﺪﺍﻡ
ﻣﻨﺎﺭ:ﺃﺧﻴﺮﺍ ﺟﻴﺘﻮ ﺍﻟﺼﻬﺪ ﻫﻨﺎ ﺧﺪﻡ ﺍﻟﻜﻠﻴﻤﺎ *ﺟﺎﺕ ﺗﺨﺪﻣﻬﺎ ﻭ ﻫﻮ ﻳﺸﺪﻟﻬﺎ ﻳﺪﻳﻬﺎ*
ﻋﺪﻥ ﺑﺒﺮﻭﺩ:ﻻ ﺭﺍﻩ ﺟﻨﺔ ﻣﺮﺿﺎﺕ ﺑﻴﻬﺎ ديك المرة
ﻣﻨﺎﺭ ﺩﻭﺭﺍﺕ ﻭﺟﻬﻬﺎ ﺟﻴﻬﺖ
ﺍﻟﺸﺮﺟﻢ ﻣﻌﺼﺒﺔ ﻣﻦ ﺑﺮﻭﺩﻭ ﻣﻌﺎﻫﺎ ﺣﺘﻰ ﺩﻭﺍﺕ ﺟﻨﺔ
ﺟﻨﺔ:ﻋﻤﻲ ﻋﺪﻥ ﻋﻔﺎﻙ ﺧﺪﻣﻬﺎ ﺭﺍﻩ ﺍﻟﺼﻬﺪ ﺑﺰﺍﺍﻑ
ﻋﺪﻥ:ﺭﺍﻧﻲ ﺧﻔﺖ ﻏﻴﺮ ﻋﻨﺪﺍﻙ ﺗﻤﺮﺿﻲ ﻭ ﺻﺎﻓﻲ ﻫﺎﻧﺎ ﻧﺨﺪﻣﻬﺎ *ﺧﺪﻡ ﺍﻟﻜﻠﻴﻤﺎ ﻭ ﻣﻨﺎﺭ ﻏﻴﺮ ﻛﺎﺗﺸﻮﻑ ﻓﺎﻟﻤﻌﺎﻣﻠﺔ ﺍﻟﺨﺎﺻﺔ ﺍﻟﻠﻲ ﻛﺎﻳﻌﺎﻣﻠﻬﺎ ﻟﻴﻬﺎ ﺍﻣﺎ ﻋﺪﻥ ﻓﻐﻴﺮ ﺣﺎﺿﻲ ﺟﻨﺔ ﺍﻟﻠﻲ مغمضة ﻋﻴﻨﻴﻬﺎ ﻭ ﻧﺎﻋﺴﺔ ﻛﺎﻳﺸﻮﻑ ﻓﻴﻬﺎ ﻣﻦ ﺍﻟﻤﺮﺍﻳﺔ ﺩ ﺍﻟﻄﻤﻮﺑﻴﻞ ﺑﺎﺑﺘﺴﺎﻣﺔ ﺩﺍﺯﺕ ﺳﺎﻋﺔ ﺩ ﺍﻟﻄﺮﻳﻖ ﻣﻨﺎﺭ ﺟﺎﺗﻬﺎ ﺍﻟﻘﻨﻄﺔ ﻭ ﺟﺎﺕ دير ﺷﻲ ﺍﻏﻨﻴﺔ ﻣﺪﺍﺕ ﻳﺪﻳﻬﺎ ﻟﻠﺮﺍﺩﻳﻮ ﻭ ﻫﻮ ﻳﺸﺪﻟﻬﺎ ﻋﺪﻥ ﻳﺪﻫﺎ ﻭ ﻋﻴﻨﻮ ﻓﺎﻟﻄﺮﻳﻖ*

ﻋﺪﻥ:ﺟﻨﺔ ﻧﺎﻋﺴﺔ
ﻣﻨﺎﺭ ﺑﺎﻟﻐﻮﺍﺕ:ﻣﺎﻟﻚ ﺭﺟﻌﺘﻲ ﻫﺎﻛﺎ

ﻋﺪﻥ ﻭﻗﻒ ﺍﻟﻄﻤﻮﺑﻴﻞ ﻭ ﺩﺍﺭ ﺷﺎﻑ ﻓﻴﻬﺎ ﻣﻐﻮﺑﺶ:ﺷﻔﺘﻚ
ﻛﺎﺗﻐﻮﺗﻲ😡😡
ﺟﻨﺔ ﺿﺮﺑﺎﺗﻬﺎ ﺍﻟﻔﻴﻘﺔ:ﺍﻣﻤﻢ ﻭﺻﻠﻨﺎ
ﻋﺪﻥ ﺩﺍﺭ ﺷﺎﻑ ﻓﻴﻬﺎ ﻭ ﺑﺘﺎﺳﻢ فحال لا كاتشوفو:ﻻ ﺑﺎﻗﻲ ﻏﻴﺮ ﺭﺟﻌﻲ ﻧﻌﺴﻲ
ﻋﺎﻭﺩ ﺩﻳﻤﺎﺭﺍ ﻭ ﻣﺪﺍﺭﺵ ﺷﺎﻑ ﻓﻤﻨﺎﺭ ﺍﻟﻠﻲ ﻛﺎﺗﺤﺎﻭﻝ ﻃﻤﻦ ﺭﺍﺳﻬﺎ ﺍﻥ ﻫﺎﺩ ﺍﻟﻤﻌﺎﻣﻠﺔ ﻋﺎﺩﻳﺔ ﻛﺎﺗﻘﻮﻝ ﻓﻨﻔﺴﻬﺎ ﻭﺍﻗﻴﻼ ﺷﻔﻘﺔ ﻟﻴﻬﺎ ﺍﻣﺎ ﻫﻮ ﻓهاايم ﻓﺠﻨﺔ ﺍﻟﻠﻲ ﻓﺘﺤﺎﺕ ﺍﻟﺸﺮﺟﻢ ﺍﻟﻠﻲ ﻗﺪﺍﻣﻬﺎ ﻭ ﺧﺮﺟﺎﺕ ﺭﺍﺳﻬﺎ ﺣﺎﻟﺔ ﻋﻴﻨﻬﺎ ﺿﺎﺭﺏ ﻓﻴﻬﻢ ﺷﻌﺎﻉ ﺍﻟﺸﻤﺲ ﻭ ﻛﺎﺗﺒﺘﺎﺳﻢ ﻫﻮ ﻏﻴﺮ ﻛﺎﻳﺸﻮﻑ ﻓﻴﻬﺎ ﻭ ﺣﺘﻰ ﻫﻮ ﺑﺘﺴﺎﻣﺘﻮ ﺑﺎﻳﻨﺔ ﻋﻠﻰ ﻭﺟﻬﻮ ﻭﺻﻠﻮ ﺑﻌﺪ ﻧﺺ ﺳﺎﻋﺔ ﻭ ﺧﺮﺟﻮ ﻣﻦ ﺍﻟﻄﻤﻮﺑﻴﻞ
ﻣﻨﺎﺭ:ﺍﺣﺢ ﺧﺎﺻﻨﻲ ﻧﻤﺸﻲ ﻟﻠﻄﻮﺍﻟﻴﻂ ﺩغيا
ﻋﺪﻥ:ﻭﻱ ﺳﻴﺮﻱ
ﻣﺸﺎﺕ ﻣﻨﺎﺭ ﻛﺎﺗﺠﺮﻱ ﻭ ﻫﻮ ﺷﺪ ﻓﻴﺪ ﺟﻨﺔ ﺩﺍﺧﻠﻴﻦ ﺑﺸﻮﻳﺔ
ﺟﻨﺔ:ﻛﺎﻧﺴﻤﻊ ﺻﻮﺕ ﺍﻟﻌﺼﺎﻓﻴﺮ ﻭ ﺍﻟﻬﻮﻯ ﻫﻨﺎ ﻧﻘﻴﻲ ﺯﻭﻳﻴﻦ ﺍﻟﺠﻮ
ﻋﺪﻥ:ﺍﻩ ﻫﺎﺩﻱ ﻫﻲ المزرعة
ﺟﻨﺔ بصوت خافت:ﻣﻤﻢ ﻣﺎﻛﺮﻫﺘﺶ ﻧﺒﻘﺎ ﻫﻨﺎ ﺷﻮﻳﺔ
ﻋﺪﻥ ﻭﺍخا ﺩﻭﺍﺕ ﺑﺸﻮﻳﺔ ﺇﻻ ﺃﻧﻪ
ﺳﻤﻌﻬﺎ ﺑﺘﺎﺳﻢ:ﻣﻤﻢ ﺷﻨﻮ ﺭﺃﻳﻚ ﻧﺒﻘﺎﻭ ﻫﻨﺎ ﺷﻮﻳﺔ ﻭ ﻧﻤﺸﻴﻮ ﻟﻠﺤﺪﻳﻘﺔ ﺍﻟﺨﻠﻔﻴﺔ ﺗﻤﺎ ﺍﻟﺸﺠﺮ ﻭ ﺍﻟﻮﺭﺩ ﻭ ﺍﻟﺠﻮ ﺯﻭﻳﻴﻦ
ﺟﻨﺔ ﺑﺤﻤﺎﺱ:ﺑﺼﺼﺢ ﻧﻘﺪﺭﻭ ﻣﻤﻢ ﻻ ﻻ ﺣﺸﻮﻣﺔ ﺃﻭﻝ ﻣﺮﺓ ﺟﻴﺖ ﻭ ﻣﺎﻧﺪﺧﻠﺶ ﺣﺘﻰ ﻧﺴﻠﻢ ﻋﻠﻴﻬﻢ
ﻋﺪﻥ ﺑﺄﻣﺮ:ﺍﻧﺎ ﻣﺎﺷﻲ ﺧﺪﻳﺖ ﺭﺃﻳﻚ ﺃﻧﺎ ﺃﻣﺮﺗﻚ ﻳﻼﻩ ﺍﻧﺎ ﻧﺪﺧﻞ ﻫﺎﺩ ﺍﻟﺸﺎﻧﻄﺎﺕ ﻭ ﻧﺠﻲ ﺑﻘﺎﻱ ﻫﻨﺎ
ﺟﻨﺔ:ﻭ ﻭﻟﻜﻦ..
ﻋﺪﻥ:ﻣﻜﺎﻳﻨﺶ ﻟﻜﻦ ﺑﻘﺎﻱ ﻫﻨﺎ ﻣﺸﺎ ﻛﺎﻳﺠﺮﻱ ﻟﺪﺍﺧﻞ ﺩﺧﻞ ﺩﻭﻙ ﺍﻟﺸﺎﻧﻄﺎﺕ ﺩﻏﻴﺎ ﻭ ﺧﺮﺝ ﻛﺎﻳﺒﺘﺎﺳﻢ ﺃﻣﺎ ﻫﻲ ﻓﺒﻘﺎﺕ ﻭﺍﻗﻔﺔ .. ﺷﻮﻳﺔ ﺳﻤﻌﺎﺕ ﺻﻮﺕ ﻛﻠﺐ ﻛﺎﻳﻨﺒﺢ ﻭ ﻫﻲ ﺗﻤﺸﻲ ﻛﺎﺗﺠﺮﻱ ﺧﺎﻳﻔﺔ ﺣﻴﺖ ﺳﻤﻌﺎﺗﻮ ﻗﺮﻳﺐ ﻟﻴﻬﺎ ﺑﻘﺎﺕ ﻛﺎﺗﺠﺮﻱ ﻣﻌﺎﺭﻓﺎﺵ ﻓﻴﻦ ﻏﺎﺩﺍ ﺣﺘﻰ ﺩﺧﻼﺕ ﻓﺸﻲ شجرة واقيلا ﻻ ﻻ ﻫﺬﺍ التوووت و اللوووز و الكركااع هاااح😍 ﺳﻤﻌﺎﺕ ﺻﻮﺕ ﻫﺬﺍ ﺍﻟﻠﻲ ﺩﺧﻼﺕ ﻓﻴﻪ:ﺍﻟﺨﺮﺍ ﻣﺎﻟﻚ ﻣﻜﺎﺗﺸﻮﻓﻴﺶ ﻗﺪﺍﻣﻚ ﻭﻻ ﻋﻮﺭﺓ ﻭﺳﺨﺘﻴﻨﻲ ﻛﻮﻭﻟﻲ تفووو (دفعهااا بالجهههد حتى تزدحاات فوااحد الشجرة موراها)

ﺟﻨﺔ دموعها غرغرو عينها و بداو كايسيلو وحظة بوحدة:ﺳﻤﺤﻠﻲ ﻋﻔﺎﻙ ﺍ ﺍﻧﺎ ﺭﺍﻧﻲ ﺑﺼﺢ ﻋﻮﺭﺓ هئ هئ

ﺟﻨﺔ كاتبكي:ﺳﻤﺤﻠﻲ ﻋﻔﺎﻙ ﺭﺍﻧﻲ ﺑﺼﺢ ﻋﻮﺭﺓ 

ﻫﺪﺍﻙ ﻋﻼ ﻓﻴﻬﺎ ﻋﻴﻨﻮ ﺑﺼﺪﻣﺔ ﺷﺎﻑ ﻓﻌﻴﻨﻴﻬﺎ ﺍﻟﺰﻭﺭﻕ ﺑﻘﺎ حال فمو ﻓﻴﻬﻢ ﻭ ﻓﺰﺭﻗﺘﻬﻢ ﺷﺎﻑ ﻋﻴﻨﻴﻬﺎ ﻛﺎﻳﺪﻣﻌﻮ و هي كاتنخصص ﺟﺎ ﻳﺪﻭﻱ مع حل فمو مع ﺣﺲ بحنكو ﻋﻮﺍﺝ ﻭ ﻃﺎﺡ ﺍﻟﻠﺮﺽ ﺷﻲ ﺣﺪ ﺿﺮﺑﻮ

ﻋﺪﻥ بالغواات ﻭ ﻋﺮﻭق يدو برزو: ﺷﻨﻮ ﺩﺭﺗﻴﻠﻬﺎ ﺍﺯﺍﻣﻞ ﺷﻨﻮﻭ ﻫﺎﺍﺍ ﻋﻼﺵ ﻛﺎﺗﺒﻜﻲ *ﺯﺍﺩﻭ ﻛﺮﻭﺷﻲ ﺃﺧﺮ ﻭ ﻫﺪﺍﻙ ﺑﺎﻗﻲ ﻣﺎﻣﺴﺘﺎﻭﻋﺒﺶ ﺷﻨﻮ ﻛﺎﻳﻮﻗﻊ ﻭ ﻫﻮ ﻛﺎﻳﻌﻄﻴﻪ ﻟﻮﺟﻬﻮ*

ﺟﻨﺔ ﻣﺎﻋﺮﻓﺎﺗﺶ ﺷﻨﻮ ﻭﺍﻗﻊ ﻛﺎﺗﺴﻤﻊ ﻏﻴﺮ ﺍﻟﺼﺪﺍﻉ:ﻉ ﻋﻤﻮ عدن

ﻋﺪﻥ ﺳﻤﻊ ﺻﻮﺗﻬﺎ ﻭ ﻫﻮ يدور شاف فيها كاينهج معصب و لكن كايحاول يكالمي راسو عينيه ﺣﻤﺮﻳﻦ ﺑﺎﻷﻋﺼﺎﺏ ﻧﺎﺽ ﻋﻨﺪﻫﺎ ﻣﻦ ﺑﻌﺪ ﻣﺎﺧﻼ ﺍﻟﻤﻼﻣﺢ ﺩﻫﺪﺍﻙ ﻣﺒﺎﻳﻨﻴﻨﺶ ﺑﻘﻮﺓ ﺍﻟﺪﻕ ﻭ ﻧﺎﺽ ﻋﻨﺪﻫﺎ ﺩﻏﻴﺎ ﻋﻨﻘﻬﺎ ﻭ ﺯﻳﻴﺮ ﻋﻠﻴﻬﺎ ﺧﺎﺷﻴﻬﺎ فصدرووو ﻛﺎﻳﺨﺒﻴﻬﺎ ﻣﻦ ﺍﻟﻌﺎﻟﻢ ﻛﺎﻣﻞ ﺑﺒﻦ ﻳﺪﻭ .. ﻫﻲ ﻣﺎﺑﻘﺎﺗﺶ ﻛﺎﺗﺒﺎﻥ مقارنة بحجمها مع حجموو هو .. دموعها فزكولو التيشرت اللي كان لابس .. سمعو ﺻﻮﺕ ﻣﻨﺎﺭ ﺍﻟﻠﻲ ﺟﺎﺕ ﺗﻘﻠﺐ ﻋﻠﻴﻬﻢ

ﻣﻨﺎﺭ:ﺟﻨﺔ ﺣﺒﻴﺒﺘﻲ ﺷﻨﻮ ﻭﻗﻌﻠﻚ ﺷﻨﻮ ﻭﻗﻊ ﻫﻨﺎ *ﻗﺮﺑﺎﺕ ﺟﺎﺕ ﺗﺸﺪ ﻓﻴﻬﺎ ﻭ ﻫﻮ ﻳﺤﺒﺴﻬﺎ ﻋﺪﻥ*
ﻋﺪﻥ:ﺣﺘﻰ ﺣﺪ ﻣﺎﻳﻘﺮﺏ ﺻﺎﻓﻲ
*ﻫﺰﻫﺎ ﺑﻴﻦ ﻳﺪﻭ ﻭ ﻣﺸﺎ ﻏﺎﺩﻱ ﺑﻴﻬﺎ ﻭ ﻫﻲ ﺧﺸﺎﺕ ﻭﺟﻬﻬﺎ ﻓﻌﻨﻘﻮ ﻛﺎﺗﻨﺨﺼﺺ ﺩﺧﻞ ﻟﻠﻔﻴﻼ ﻟﺪﺍﺧﻞ ﻛﺎﻧﺖ عائلتو ﻣﺠﻤﻮﻋﺔ تما ﺷﺎﻓﻮ ﻓﻴﻬﻢ ﺑﺎﺳﺘﻐﺮﺍﺏ ﻭ ﻫﻮ ﺗﺨﻄﺎﻫﻢ ﺑﺒﺮﻭﺩ ﻭ ﻣﺸﺎ ﺟﻴﻬﺖ ﺍﻟﺪﺭﻭﺝ ﻃﺎﻟﻊ ﻟﻔﻮﻕ*
ﻋﺪﻥ ﺑﻬﻤﺲ:ﺟﻨﺘﻲ ﺑﺮﺍﻛﺔ ﻣﻦ
ﺍﻟﺒﻜﺎ ﺭﺍﻙ ﻃﻴﺒﺘﻲ ﺩﻭﻙ ﺍﻟﻌﻮﻳﻨﺎﺕ ﻋﺎﺭﻓﺎﻧﻲ ﻣﻜﺎﻳﻌﺠﺒﻨﻴﺶ ﻧﺸﻮﻓﻚ
ﻛﺎﺗﺒﻜﻲ
ﺟﻨﺔ:ﺍﻫﻰ ﻋﻤﻮ ﻋﺪﻥ ﺍﻧﺎ ﺍﻧﺎ ﻋﺎﺋﻖ ﻋﻠﻴﻜﻢ ﻳﺎﻙ ﺑﺴﺒﺎﺑﻲ ﻛﺎﺗﻌﺮﺿﻮ ﻟﻠﻤﺸﺎﻛﻴﻞ ﻋﻔﺎﻙ ﺳﻤﺤﻠﻲ ﺣﻴﺖ
ﺍﻧﺎ ﺍﺍﻟﻲ ﺩﺧﻠﺖ ﻓﻴﻪ ﺍﻧﺎ ﺍﻟﻐﻠﻄﺎﻧﺔ
ﻋﺪﻥ ﻣﻐﻮﺑﺶ:ﻻ ﻧﺘﻲ ﻣﺎﻏﻠﻄﺎﻧﺎﺵ ﻫﻮ ﺍﻟﻠﻲ ﺧﺎﺻﻮ ﻳﺸﻮﻑ ﻓﻴﻦ ﻛﺎﻳﺤﻂ ﺭﺟﻠﻮ ﻭ ﻣﺎﺗﻌﺎﻭﺩﻳﺶ ﺗﻘﻮﻟﻲ ﻧﺘﻲ ﺳﺒﺎﺏ ﺍﻟﻤﺸﺎﻛﻴﻞ ﺍﻧﻜﻌﺎ ﻋﻠﻴﻚ ﺗﺒﻐﻴﻨﻲ ﻧﺘﺨﺎﺻﻢ ﻣﻌﺎﻙ

ﺟﻨﺔ ﺣﺮﻛﺎﺕ ﺭﺍﺳﻬﺎ ﺑﻼ ﻭ ﻫﻮ ﺣﻞ ﺍﻟﺒﺎﺏ ﺩ ﺍﻟﺒﻴﺖ ﺣﻴﺖ ﻭﺻﻠﻮ
ﺩﺧﻠﻬﺎ ﻭ ﺟﻠﺲ ﻓﻮﻕ ﺍﻟﻔﺮﺍﺵ ﻭ ﻫﻲ ﺟﻠﺴﻬﺎ ﻓﻮﻕ ﺭﺟﻠﻴﻪ
ﻋﺪﻥ:ﻳﻼﻩ ﺭﺍﻩ ﺩﻭﻳﻨﺎ ﺑﺮﺍﻛﺔ ﻣﻦ ﺍﻟﺒﻜﺎ ﺍﻧﺎ ﻣﻜﺎﻳﻌﺠﺒﻨﻴﺶ ﻧﺸﻮﻑ ﺟﻨﺘﻲ ﻛﺎﺗﺒﻜﻲ ﻭ ﺭﺍﻧﻲ قلتلك ﻫﻮ ﺍﻟﻐﻠﻄﺎﻥ *ﻧﻘﺮﻟﻬﺎ ﻧﻴﻔﻬﺎ ﺍﻟﻠﻲ ﺣﻤﺎﺭ ﺑﺎﻟﺒﻜﺎ ﺑﺒﻮﺳﺔ ﺧﻔﻴﻔﺔ ﻭ ﺑﻌﺪ ﻭﻟﻜﻦ ﻗﺮﻳﺐ ﻟﺸﻨﻴﻔﺎﺗﻬﺎ ﺍﻟﺼﻐﻴﻮﺭﻳﻦ ﺍﻟﺤﻤﻴﻤﺮﻳﻦ*
ﻋﺪﻥ منييم عيينو ففمها و ﻣﺨﺪﺭ ﺑﺴﺒﺎﺏ ﻗﺮﺑﻮ ﻣﻨﻬﺎ:ﺣﻠﻲ ﻋﻴﻨﻴﻚ ﺍﻛﺒﻴﺪﺗﻲ 
ﻫﻲ ﺣﻼﺕ ﻋﻴﻨﻴﻬﺎ ﺍﻟﺰﺭﻳﺮﻗﻴﻦ ﻫﻮ ﺗﻤﻌﻦ ﻓﻴﻬﻢ ﻭ ﻓﺪﺍﻙ ﺍﻟﻠﻤﻌﺎﻥ ﺍﻟﻠﻲ ﻛﺘﺎﺳﺒﻮﻩ ﻣﻊ ﺩﻭﻙ ﺍﻟﺪﻣﻴﻌﺎﺕ ﻗﺮﺏ ﻭ ﺑﺎﺳﻬﻢ ﻭ ﻫﻮ ﻛﺎﻳﺘﻨﻔﺲ ﺑﻌﻤﻖ ﻭ ﻛﺎﻳﺸﻢ ﺭﻳﺤﺘﻬﺎ
ﻋﺪﻥ ﺑﻬﻤﺲ:ﻣﺎﺑﻘﻴﺘﺶ ﺑﺎﻏﻲ ﻧﺸﻮﻑ ﺩﻣﻮﻋﻚ ﻣﺰﺍﻝ ﺗﺎﻓﻘﻨﺎ؟ ﻫﻲ ﻫﺒﻄﺎﺕ ﺭﺍﺳﻬﺎ ﻭ ﻃﻠﻌﺎﺕ ﺑﻮﺍﺧﺎ

ﻋﺪﻥ:ﺷﻨﻮ ﺭﺍﻳﻚ ﺑﺎﻗﺎ ﺑﺎﻏﺎ ﻧﻤﺸﻴﻮ
ﻟﻠﺤﺪﻳﻘﺔ ﺍﻟﺨﻠﻔﻴﺔ؟

ﺟﻨﺔ ﺑﻨﻔﻲ:ﻻ ﺑﻼﺵ ﻣﺎﺑﻐﻴﺘﺶ☹
ﻋﺪﻥ:ﺍﻣﻤﻢ ﺑﻐﻴﺘﻴﻨﺎ ﻧﻬﺒﻄﻮ ﻟﺘﺤﺖ ﺗﻌﺮﻓﻲ ﻋﻠﻰ ﺍﻟﻌﺎﺋﻠﺔ
ﺟﻨﺔ ﺑﺤﻤﺎﺱ ﻭ ﺍﺑﺘﺴﺎﻣﺔ:ﺍﻩ ﻭﺍﺧﺎ ﻫﻮ ﺑﺘﺎﺳﻢ ﺑﻌﻤﻖ ﻣﻦ ﺍﺑﺘﺴﺎﻣﺘﻬﺎ ﻏﻴﺮ ﺣﺮﻛﺔ ﺑﺴﻴﻴﻄﺔ ﻣﻨﻮ ﻛﺎﺗﺨﻠﻴﻪ ﻳﺒﺘﺎﺳﻢ ﻭ ﻛﺎﺗﺨﻠﻲ ﻗﻠﺒﻮ ﻳﻀﺮﺏ
بسرعة .. ﺷﺪﻟﻬﺎ ﻳﺪﻳﻬﺎ ﻭ ﺧﺮﺟﻮ ﻣﻦ ﺍﻟﺒﻴﺖ ﻭﺻﻠﻮ ﻟﻠﺪﺭﻭﺝ
ﻋﺪﻥ:ﺷﻨﻮ ﻧﺤﺴﺒﻮ ﺣﺘﻰ ﻫﺎﺩ
ﺍﻟﺪﺭﻭﺝ
ﺟﻨﺔ:ﺍﻩ ﻭﺍﺧﺎ
ﺑﻘﺎﻭ ﻫﺎﺑﻄﻴﻦ ﻣﻦ ﺍﻟﺪﺭﻭﺝ ﻭ ﻫﻮﻣﺎ ﻛﺎﻳﺤﺴﺒﻮﻫﻢ ﺑﺎﻟﺠﻬﺪ مرة مرة كايهرها فجنبها حتى كاتنقز و تطلق قهقهة خفييفة .. كاتخلي ابتسامتو حتى هو تضهر .. ﺍﻟﺼﻮﺕ ﺩ ﺿﺤﻜﻬﻢ ﻣﺴﻤﻮﻉ ﻓﺠﻤﻴﻊ ﺃﻧﺤﺎء ﺍﻟﻔﻴﻼ ﻭﺻﻠﻮ ﻟﺘﺤﺖ ﻭ ﺗﺎﺟﻬﻮ ﺟﻴﻬﺖ ﺍﻟﺼﺎﻟﻮﻥ ﻓﻴﻦ ﻛﺎﻧﻮ ﺟﺎﻟﺴﻴﻦ ﺍﻟﻌﺎﺋﻠﺔ ﻫﻮﻣﺎ ﻏﻴﺮ ﺩﺧﻠﻮ ﺗﻮﺟﻬﻮﻟﻬﻮﻡ ﺍﻻﻧﻀﺎﺭ ﻭ ﺳﺎﺩ ﺍﻟﺼﻤﺖ

ﺟﻨﺔ ﺑﺎﺳﺘﻔﺴﺎﺭ:ﻋﻤﻲ ﻋﺪﻥ ﺷﻨﻮ
ﻭﺍﻗﻊ
ﻋﺪﻥ:ﻻ ﻭﺍﻟﻮ ﺍﺟﻨﺘﻲ ﺍﺟﻲ ﻧﺠﻠﺴﻮ *ﺟﺮﻫﺎ ﻭ ﺟﻠﺲ ﻭ ﺟﻠﺴﻬﺎ ﻗﺪﺍﻣﻮ ﻭ ﺍﻟﻌﺎﺋﻠﺔ ﻛﺎﻳﺸﻮﻓﻮ ﻓﻴﻬﻢ ﻣﺴﺘﻐﺮﺑﻴﻦ ﺷﻮﻳﺔ ﺩﻭﺍﺕ ﻣﺮﻯ ﻛﺒﻴﺮﺓ ﻓﺎﻟﻌﻤﺮ ﺷﻌﺮﻫﺎ ﻋﺎﻣﺮ ﺑﺎﻟﺸﻴﺐ ﻭ ﻻﺑﺴﺔ ﻗﻔﻄﺎﻥ ﻓﺎﻟﺨﻀﺮ ﻣﻠﻜﻲ*

..:ﻣﺮﺣﺒﺎ ﺑﻮﻟﺪﻱ ﻛﻲ ﺩﺍﻳﺮ ﻣﺎﻋﺮﻓﺘﻴﻨﺎﺵ ﺷﻜﻮﻥ ﻫﺎﺩ ﺍﻟﺰﻭﻳﻨﺔ
ﺟﻨﺔ ﺑﺘﻮﺗﺮ:ﺍﻣﻢ ﺳﻤﺤﻮﻟﻲ
ﻣﺎﻋﺮﻓﺘﻜﻤﺶ ﺑﺮﺍﺳﻲ ﺍﻧﺎ ﺟﻨﺔ ﺑﻨﺖ صاحبة طاتي ﻣﻨﺎﺭ
ﺍﻟﺠﺪﺓ:ﺍﻩ ﻭﺷﺤﺎﻝ ﻓﻌﻤﺮﻙ ﺍﺑﻨﺘﻲ
ﻋﺪﻥ:ﺍﻟﻌﺰﻳﺰﺓ ﺻﺎﻓﻲ ﺑﺮﺍﻛﺔﺓ ﺭﺍﻫﺎ ﻋﻴﺎﻧﺔ ﺷﻮﻳﺔ

ﺟﺎﺕ ﻣﻨﺎﺭ ﺍﻟﻠﻲ ﻛﺎﻧﺖ ﻋﻠﻰ ﺑﺮﺍ ﻭ ﻗﺮﺑﺎﺕ ﺟﻠﺴﺎﺕ ﻗﺪﺍﻣﻬﺎ ﺷﺪﺍﺗﻠﻬﺎ ﻳﺪﻳﻬﺎ:ﺟﻨﺔ ﺣﺒﻴﺒﺔ ﻣﺰﻳﺎﻧﺔ ﺩﺍﺑﺎ
ﺟﻨﺔ:ﻣﻤﻢ اه مزيانة، ﺷﻜﺮﺍ 

(ﺳﺎﺩ ﺍﻟﺼﻤﺖ ﻭ ﺟﻨﺔ ﺣﺴﺎﺕ ﺑﺎﻟﺘﻮﺗﺮ ﺣﻴﺖ ﻣﻌﺎﺭﻓﺎﺵ ﺷﻜﻮﻥ ﻣﻌﻬﻮﻡ ﻓﺎﻟﻘﺎﻋﺔ)

ﻋﺪﻥ ﻗﺮﺏ ﻫﻤﺴﻠﻬﺎ:ﻻ ﺑﻐﻴﺘﻲ ﺍﻟﻌﺮﺽ ﺩ ﺍﻟﺤﺪﻳﻘﺔ ﺍلخلفية ﺑﺎﻗﻲ ﻛﺎﻳﻦ
ﺟﻨﺔ ﺑﺘﺎﺳﻤﺎﺗﻠﻮ:ﻭﺍﺧﺎ ﻣﺎﻛﺮﻫﺘﺶ
ﻫﻮ ﺑﺘﺎﺳﻢ ﻭ ﺷﺪﻟﻬﺎ ﻳﺪﻳﻬﺎ ﻭﻗﻔﻮ
ﻋﺪﻥ:ﺍﻧﻤﺸﻲ ﻧﻮﺭﻱ ﺟﻨﺔ ﺍﻟﺤﺪﻳﻘﺔ ﺩﺍﻟﻔﻴﻼ
ﺧﺮﺟﻮ ﺗﺤﺖ ﺍﻧﻀﺎﺭ ﺍﻟﻌﺎﺋﻠﺔ ﻭ ﻣﻨﺎر ﻃﻠﻌﺎﺕ ﻟﺒﻴﺘﻬﺎ ﺣﺎﺳﺔ ﺑﺸﻌﻮﺭ مفشكل ﻣﻦ ﺗﺼﺮﻓﺎﺕ ﻋﺪﻥ

وصلو للحديقة الخلفية و جلسو تحت واحد الشجرة هي تكات على الربيع كاتحس بالنسيم و الهوى هو جلس كايشوووف فيها و كايتأمل ملامحها اللي بكل بساطة رجع #مدمن عليهم
جنة:اممم عمو عدن هوما عارفيني مكانشوفش
عدن:لا معارفينش احبيبة باقي ماقلتهالهمش
جنة لوات شنايفها و عدن بغا يمووت من ديك الحركة عض على شفتو التحتية بإثارة .. بينما هي قالت:دابا ايبقاو يشفقو عليا ياك
عدن جاوبها دغيا:لا ابدا
جنة بابتسامة: مزيان هادشي اللي بغيت حتى انا .. اممم عمو عدن واخا تخليني بوحدي شوية

هبط عينو لأرض بخيبة امل حيت كولما كايبغي يزيد يقربلها هي كاتبعدو عليها ناض بلا مايزيد حتى كلمة و مشا أما هي فبقات متكية و دموعها نازلين بالترتيب من عينيها شوية سمعات شي حد كايقرب جيهتها و كايدندن بشي أغنية
جنة:شكون هنا
الشخص:انااااا
جنة:شكون نتا
الشخص بصوت مرح:انا عدنان متشرفين و نتي
جنة بابتسامة:انا جنة
ساد الصمت شوية و عدنان كايشوف فجنة و فعينيها شوية نطق
عدنان:واش نتي بصح مكاتشوفيش
جنة بحزن:اممم اه بصح
عدنان:عينيك زوينيين بزااف
جنة بابتسامة:شكراا .. احم عفاك بغيت نسولك .. قبايلة دخلت فشي حد ماعرفتوش ولكن سمعت فحال لا عمو عدن ضربو .. نتا عارف شكوناهو
عدنان حط يدو على فكو كايتحسس واحد الجرح: هه هو أنا (جنة بلعات ريقها جات تدوي و هو يقاطعها) فخبارك شنو عندي شريت لاكلاص و جيت لهنا باش ناكلو حيت لاشافوني لداخل ايلصقولي فيه خخخخخ بغيتي نذوقك؟
جنة بابتسامة:بصح اه اه بغييت عفااك
عدنان عطاها واحد الطاس د لاكلاس حيت كانو عندو تلاتة و جنة خداتو كتاكل و كاتبتاسم و هو غير حاضيها

____________________جالس فبيتو و عينو حمرييين شاد كارو فيدو و كايفكر فجنتو معصب حيت بعداتو عليها بغا يبقى معاها و هي اللي طلبها منو .. نتر من الكارو ساااهي حتى حس بشي بيدين تحطو على كتافو وبداو كايديرولو المساج
منار بهمس:حبيبي مالك
عدن ببرود:منار خليني بوحدي هاد الساعة مابغيت نشوف حتى شي قمقوم

منار بعدات عليه و الدموع مجمعينلها فعينيها هي ببساطة كاتحماق عليه و كولما كاتقرب منو هو كايصدها .. عارفاه مكايبغيهاش و مزوج بيها غي باش يدوز الوقت كيفما كان قالها ولكن برودو رجع كايقتلها:علااش كاديرلي هكا ديما كاتعاملني ببرود و برودك تززاااد مؤخرا لماكنتيش كاتبغيني لااش مزوج بيا علاش مخليني نتعذب هكاا

هو ناض ببرووود كالعادة شاف فيها طفا كاروه و خرج من البيت هي طاحت على ركابيها و كاتزيد فوتيرة البكا ديالها .. كاضرب الارض و تعصصصر فيديييها حاسة براسعا مخنووقة

مشا متاجه للحديقة الخلفية باغي يشوف جنتو الللي خلاها غير نص ساعة و توحشها بزااف غير وصل وعينيه ضلامو و كرز على يدو حتى رجع كف يدو بيض
جنة كاضحك و تغوت:براكة عفاك هههههههه براكة نااري علاش كولكوم كاتهروني تما اعععع كانتهر عفاك 😂😂😂😂😂
عدنان كايهر فيها و كايضحك حتى هو:مانبعدش حتى تقوليلي سمحلي حيت وسختيني بالكلااص و قولي معاها أنا كانحمااق على عدنان البوكوص
جنة كاضحك حتى كايوقفلها النفس و تعاود تضحك عاود:ص صافي س سمحلي وانا كانحماق على عدنان البوكووص ههههه عفاك برااكة

كان مقرب جيهتهوم كايغلي بنار #الغييرة ناار واااشمن ناااار .. عمرو جرربها ولا يعااود يجربها بعدها هييي .. شوية وقف و طللع زفييير من أعمااااقو دغيا قلب طريقو عينيييه حمريييين كايغزز فسنااانو مابغاش يمشي عندهم .. حيت عارف لا مشا .. العاقبة ماتكونش بخير لا بالنسبة لعدنان ولا بالنسبة لجنتو

يتبع